Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,50 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83,

Nr. 24/2009 - 27 de jugn 2009 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

aaaaa Mujiga

8

La ciantarina Prisca Malsiner

Labirint Tirol

Comentar de pruma de Iaco Rigo

Imprescions da la mostra per l iubileum di 200 agn Tirol da les veres al Bergisel, sot l moto: “Labirint: ledeza”

Bele da 29 ani incà ti vëniel sëurandat da pert dl “Rotary Club” de Persenon na uneranza a jëuni musicisć che se à fat merit te chësc ciamp.

9

S. Cristian

Zircumvalazion L ”count down” per la giaurida dla streda de zircumvalazion à bele scumencià. Te n chindesc di, ai 16 de lugio, uniràl giaurì ufizialmënter la streda de zircumvalazion y per la jënt de S. Cristina scumenceràl na era nueva. La fin dl’ena do iel Segra dl luech y la lies njenierà da fé festa sun la vedla streda delibreda dal muvimënt pesoch.

Plata soziosanitara

11

Chê me dëida pa? Raiun Sozial, Sorvisc ai Jogn y Grup Volontariat à indô dè fora le pice codejel cun numeri de telefonn y contać d’öga.

Rina

13

Speranza Bottacin Chi de Souramont met dutes sies speranzes per passé sot a Bulsan dai autri ladins de Tirol tles mans dl president dla Provinzia nuef Gianpaolo Bottacin. Nasciù a Feltre abiteia l 39en a Puos d’Alpago y é de mestier diretour tecnich d’azienda tl setour di odleis. Bottacin à venciù dant otedì l duel contra l president vedl Sergio Reolon. Bottacin é gnu sostegnù da la Liga Veneta - Lega Nord, dal PdL, da sia lista “Federalismo Dolomiti - LDP Bottacin” y da la lista PNE (Belun Provinzia Autonoma, “Intesa Veneta” y “Progetto Nord-Est”. Bottacin à pié do I 51% dles oujes tl duel (nience l 50% di zitadins a livel provinzial n’é jus a lité). Ence la - sen - consiliera provinziala Daniela Templari de Fodom à sostegnù l candidat a president Bottacin. Sen vedaran tant che Bottacin y la Lega Nord darà si aiut empormetù y concret tla “questio ladina”. Te ciasa, dalonc da les aries rodouses che sofla da Unejia (Venezia) su.

Mostra de ciapiei de corps militars al intern dla mostra tla Franzenfeste.

Ćian prigorus N ćian lëde ti salta ados a na mëda. Le fat ess podü deventè desgrazia.

Publicaziun

15

Kehrer y Nones I alpinisć Simon Kehrer y Walter Nones à scrit n liber sön süa esperiënza söl Nanga Parbat, olache Karl Unterkircher à pordü la vita. Presentaziun inće a Al Plan.

Börz

16

Cultura da Munt Cun le cërtl de manifestaziuns culturales sot al moto “Cultura da Munt” deventarà Börz por chinescdé zënter de atraziun.

Trafich

19

Moena zenza auti La neva regolamentazion de la viabilità de Moena per serèr fora al trafich l zenter e no aer più coudes e embociament.

Atualité - Iubileum de 200 agn. L ann 1809 se palova l Tirol dai Bavareisc y Franzeisc, entratant él passé truepa ega y te na mostra a Franzensfest proa i trei governs dl Tirol Storich de mostré tres tiescius desferenc l’evoluzion storica y dut cie che é capité de inzisif per la jent di pic de chest Tirol dl didancuei. La mostra é gnuda metuda sot a “labirint” y “ledeza” (liberté), does paroles da parados te na sort de significat, ma che po ence s’ajonté y cherié confronc nuefs y na discuscion da impulsc per l davegnì

de chest nost “Tirol”. Tout dantfora: i 200 agn tiroleisc dl temp dal 1809 encà vegn metus fora a Franzensfest senza l contribut de Souramont, una dles perts plu importantes per la storia dl Tirol (y si confins) enchin a la tripartizion ladin-dolomitica. La mostra ne vuel nia prejenté placativamenter i paisc dl Tirol y cie che é suzedù te chisc paisc te 200 agn enchin al dìdancuei, al é na esposizion che vuel cialé ite ti argomenc plu prinzipai che à marscé la jent dl Tirol ti ultims cenc de agn. Traté végnel les tematiches

dl plurilinguism, dla scola tl Tirol dandavia, dla religion, dl militar, dla mobilité, dla sozieté y dl’economia y dl turism, spo dles usanzes y ence dl progres dl vers dl’industria schiistica. Al i vegn ence dé n mus y na ousc a situazions y avenimenc, l comité responsabl dl conzet à volù lascé rejoné testemonianzes reales y les persones. Garaté é p.e. l capitul “de finibus” che conta sun i confins dl Tirol, chi politich-aministratifs va inant a plata 3

La lerité S ü d t i r o l d ö t at e r co plurilinguistich! Durnwalder à en lönesc ai 22 de jügn tut posiziun sön la cuestiun “secundo y terzo lingaz te Südtirol”, dijan: “tla pratica ne funzionëiera nia!” Al é gran ora che Durnwalder le dijes sciöche ara se sta realmënter, impede dì dagnora dan ai massmedia nia südtiroleji y les delegaziuns de politics da foradecà che “Südtirol é n model por la convivënza y l’autonomia regionala”. Durnwalder à ajuntè en lönesc che le govern provinzial tolarà provedimënć, por che “i südtiroleji se capësces tl dagnì ‘damî’, deache “scebëgn che Südtirol à dötes les strutöres n’é tröc südtiroleji nia bugn da adoré le secundo lingaz”. Di ladins ne dij Durnwalder nia. I ladins é l’ejëmpl por la pratica dl sistem politich de convivënza te Südtirol. Chësc messass gnì dit inće n iade publicamënter. Y: en chësc ann che al vëgn recordé i 200 agn dales batalies al Bergisel messass vigni südtiroleje odëi te Andreas Hofer va inant a plata 2


Letres y Atualité

nr. 24 / 27 de jugn 2009

Lëtra davierta al Chemun

La lerité va inant da la pruma plata

chël pan-tiroleje che é stè plü iadi (inće por plü agn) tl Trentin, por imparè mestiers y por conësce damî la realté trentina. Inće le lingaz talian alda storicamënter, sciöche le ladin, pro Tirol. La gauja che la pratica de Südtirol en cunt dl secundo y terzo lingaz

ćiara fora döt ater co bun vëiga Durnwalder tl depënt antipatich (“Feindbild”) a dann di atri lingac che n’é nia le sò. Mo inće la ćiarestia dles forzes de insegnamënt y la formaziun che i adulć ne anüza nia é gaujes por la stleta conoscënza dl “ater”. Inće l’ingleje sàn massa püch te Südtirol - dij Durnwalder.

Vigni jonn messass ruvé a livel europeich tla conoscënza dl ingleje. Durnwalder à ma dit la lerité. Chi che vëiga döt plü da corusc de ći che al n’é tla realté, falsifichëia i fać, y chësc po ester prigorus por le dagnì. Sce döt é bele bun, spo ne mësson nia fà val’ miù... (iaco rigo)

na parola che ven dal talian al post de una che ie stata mpresteda ora dal tudesch. Tlo me toma ite p.e. che propi Leander dan valgun ani ova scrit che l modo de dí “chesc ne da’l nia” ie fauz - n mussessa di “ches ne iel nia”. Ma chesc ie pu nia l medemo. Chesc modo de di se a nravisà ite y sce la jent azeta na parola o n modo de di pona mussessun mo vester cuntenc. N auter ejempio fossa l nuef "l ie preudù" mpé dl vedl "l ie udù dant". Chel che me mancia sibe tla doi letres de Leander y de Herbert y enghe tla resposta dl “ufize linguistich” dla Generela ie che deguni ne va ite sul tema de Othmar. Ie ne son giunt nia a una sun dut chel che Othmar scrij ma

rate mpò che l a rejon canche l dij che l Ladin Standard ie n pericul per l Gherdeina. Al di dancuei se a ben la maiuranza dla jent de Gherdeina fat na minonga sun chesc y ie ne capesci nia ciuldi che da pert de chela persones che se dà ju majramenter cun la cultura y la rujneda ladina ne se fida nia a di la sia y a respuender a Othmar. L ven lascià respuender da zachei che ne capesc nia l Gherdeina y che perchel ne pò nia cunescer la finezes dl Gherdeina. Jide t’Anpez y pruede de rujné Gherdeina. Saveis pu. Iló po vester assé che l Standard pudessa vester de utl ma ala fin ne fajessl auter che ruiné enghe mo l bel anpezan. Saluc, Edmund Dellago, Urtijëi

Ladin, Quo Vadis Ulesse mpò mo respuender n curt sun la doi letres de Leander Moroder y Herbert Prinoth, doi pesones da me stimedes. Ma samben, deguna rujneda ne se po permeter de resté su formes arcaiches y se muessa jvilupé me che chesc va de regula te parametri de temp de diesc a diesc ani y tlo pra neus mussessla bonamenter ji da di a di. Samben mienun che l temp a disposizion ie massa curt y nscila ven nventedes la majra strambaries. Tulon me ca doi paroles che ei liet ultimamenter sun la Usc. Una fova “Pesc Cian” per “Haifisch” y l’autra “purcel de mer” per “Meerschweinchen”. No comment. Pona me sa’l che paroles nueves ie ilo debujen ula che les mancia, ma no ula che n uel meter

Dan plu enes àn pudù liejer tla Usc n articul dla Pro Mont de S ë u c c h e p u r to v a d a nt nfurmazions sun na mudazion dl plann reguladëur y de n tunel nuef de passa 100 metri sun Mont de Sëuc. Savan che i trëi Chemuns de Gherdëina lëura ora deberieda cun l Chemun de Ciastel n ”Masterplan” per l daunì, se ova la Pro Mont de Sëuc damandà na resposta dal Chemun de Urtijëi n cont de chël che l vën frabicà for plu y plu sun Mont de Sëuc. Tl spirt dl Masterplan (y dl lauré deberieda sëura la sëides ora) se damandòven de ne tò nia inò ca la viertla che “ ... chësc ne vën nia frabicà te nosc chemun” y n se aspitova na resposta drët tlera. Śën iel da dì che resposta ne n iel ruvà deguna, nia na ufiziela da pert dla aministrazion de chemun y nianca no da pert de

vel’un o vel’auter partit o uem de chemun. Ti ie pa chël che suzed sun Mont de Sëuc a duc propi tan unfat o ne àn pa nia l snait de dì si minonga? Uelen pa povester scuté via dut? Savan che n auter ann iel bele inò la veles de chemun pudëssen bën miné che vel’un o vel’auter messëssa tré ca chësc argumënt y dì la sia. La Pro Mont de Sëuc y duc chëi che la sustën (passa mile sotscrizions iel ruvà ite nchin śën) se aspieta tlo vel’ var de viers de stravardé la mont, mpurtanta per nëus duc, sibe per l turism che nce per nëus y nosc mutons. Plu nfurmazions nueves śën inò sun www.proseiseralm.info. L cunsëi dla Pro Mont de Sëuc

La cualità dla stredes La sajon da d’instà scumëncia nce te nosta valeda, ma a cialé ala cundizions dla stredes tl luech de Urtijëi iel bën da se frì ti ciavëi. Te truep posć vëniel mo giavà y runcià. La streda Sacun semea na mëisa da Schach melgarateda, la streda Stufan cëla ora sciche na streda tla periferia de na gran zità, ulache l chemun se à desmincià de chësc raion, per no rujené dl raion de plaza de dlieja ulache l ie n caos total. A passé a pe sun puent de Pana se stënten dassënn, sun la streda che va sa Sacun se àuzel n drë stuep uni iede che l passa n auto o mo piec n camion y pona vëniel inò giavà su tla streda Sneton y Roma. Dantaldut te chësc cajo se damànden bën ce fin che à fat la bela paroles dl assessëur per la nfrastrutures primeres y vizeambolt, canche l dijova: ”Nëus lauron plan studian avisa coche n dëssa fé i lëures acioche n ne muessa nia for inò giavé su!” Tla streda Roma vëniel mefun bele giavà per l terzo iede y co che l vën lascià sté i lëures per plu dis pòssen bën udëi dala fotografia. L ne n’ie nia mé burt y la plata de

Fotografia de vel’ frabica nueva sun Mont de Sëuc: l vën for frabicà majer y majer.

N lëur mez fat vën lascià sté nsci.

fier fej na fuera sciche n tëune uni iede che l passa n auto sëuravia, ma l ie nce scialdi periculëus. Sce n auto fir ite te n tel busc cun na roda pona pòssel l lascé iló. Y cie suzédel pa sce n motor o un dala roda fir laite? L ie miec nia pensé ala cunseguënzes! Da sëira iel scur

zënza na lum y l ie mé na pitla tofla da udëi mé da una na pert. Chësta ne possa pu no jì bën. Tlo muessa ntervenì l assessëur. Ma ulà iel pa? Te n tel mumënt de sotsëura sun la stredes ne se làscel nia udëi ... aaaa l ie al mer. Armin Moroder, Urtijëi

Speculaziun Resposta al comunicat dl ombolt de Mareo publiché te La Usc y tl Saltà di 20.06.2009 Por stlü jö le tema “speculaziun” y döt ći che é gnü scrit sura y incër chësc argomënt - y no ma da nosta pert - ésson inće azetè le pinsier dl sig. Christian Ferdigg reportè te La Usc di 13.06.09, sciöche “parentesa” stlüta, mo deache l’ombolt à forè danü tl ospà, ne podunse y n’orunse nia scutè ma bel insciö. Cun l’invié i zitadins da jì te Comun a s’informè co che i fać é veramënter stà, ôn i fà crëie ala jënt che nos sun tl tort, y che döt é tan apost. Mo ara n’é nia insciö,

2

www.lauscdiladins.com

stimês conzitadins, en chësc iade é la verité da nosta pert y nos confermun deplëgn ći che i ùn scrit te nostes chertes publicades te chësc foliet. Stachio Erlacher y Richard Clara, Al Plan de Mareo Cun chësta cherta ô inće la redaziun de La Usc stlü jö definitivamënter chësc argomënt. Vigni porsona à podü dì la süa, se defëne y cuntradefëne. Porchël i

lasciunse alsavëi a nüsc leturs che al ne gnarà nia plü publiché chertes che reverda la chestiun "dl spostamënt de cubatöra", trata ca tan gonot ultimamënter tla Usc. La Redaziun Priesc d’abonament anual:

per la Talia: 54,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, David Lardschneider, Pablo Palfrader, Marco Dibona Moro, Lorenzo Soratroi. Stamparia: Longo AG, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 24 / 27 de jugn 2009

Labirint Tirol Imprescions da la mostra per l iubileum di 200 agn Tirol da les veres al Bergisel, sot l moto: “Labirint: ledeza” va inant da la pruma plata

a perde, ester ledi - chest dessa podei ence chi culturai, con l influs i vijitadours, pici y ence dles modes europeiches y al gragn; la mostra pita dìdancuei globales. lercs per picknick y ence poscibeltés de Bele la “Franzensfeste” é jüch, invieia a vagabondé y storia slonderné - al foss L’ann passé é la “Franzensfeste” n cuntrasens sce an steda un di scenars dla Manifesta, messessa vedei l esposizion internazionala de ert tema ‘labirint contemporana. La forteza é plu jona ledeza’ te n percors co les veres dl 1809: ala é gnuda strent; dut é davert, realiseda sun comane (dl 1832) dl y nia ne ‘messa’, ma imparadour dl’Austria Francesch I dut ‘po’ gnì vedù”. L conzet y plann per vardé l’assa dla streda prinzipala anter i paisc mediterans y l zenter- strutural dl percors nord d’Europa. La forteza fova tol ite ot temesc: gnuda fata su te cinch agn de laour ledeza lingaz, - La tofla sun i avenimenc religiousc importanc: al da 4.500 laoranc y podova i dé lerch ledeza sozieté, - mancia la canonisazion de Pater Ujöp a 1.200 soldas en caje de vera. Te ledeza mobi-lité, Freinademetz, n event che tochessa de ester tla chisc murs mòstron sen sciche Tirol - ledeza perjoneria, storia de Tirol! y sia jent s’à svilupé ti ultims 200 - ledeza confins, agn. La forteza é costruida per la ledeza formazion / savei, - ledeza da vigni dì. Dlongia ai temesc tratés maioura pert con murs podours y fede, - ledeza ert. L team responsabl al intern dla mostra él ence da vedei ala tol fora chel chilometer cuadrat dl conzet dij ence: “la mostra dl alaleria y ti reparc plu auc istalazions de lerch sun n col de laston. Al Tirol 2009 ne vuel nia conté o y laours de artisć figuratifs. Da laudé é l mode de co che al intern anter les perts (basses y autes) documenté, ma ben inzité a pensé dl fort él deplù lercs verdes. Deplù do, olà che ledeza met man, olà che vegn mostré i argomenc: con audios, é ence les galaries per passé da na ala fina, olà che des-ledeza po videos (ence films), retrac (ence da pert a l’autra. Te una de chestes él enchinamai ester ledeza - na mostra dandavia) y con toc reai (p.e. guant, ence da vedei n clander indoré che te chela che an po se perde o olà calesc, ez.) sciche ence tres laours sta per les conties de marevueia che che an po se ciafé. artistics (istalazions, scultures, ez.). se roda entourn l or dla Franzensfeste Pro la sezion “lingac” él gnu Dret garatedes é les inserzions te via. La mostra “Labirint” à podù damané fora dodesc persones con singoi argomenc y details storics y ciafé alberch te na strutura grana y habitat tl Tirol Storich, cie che l culturai de persones y evenc de rica de de reparc y ence de de pici lingaz é per eles, sie lingaz y ence interes internazional, sciche toć de locai, per traté i trueps temesc y duc i autri lingac da vigni dì y nia films comics de Totò y Benigni. De ence la varieté di temesc. conescius. Laprò él ence does ejempl é ence la mostra di problems persones, una dla Val Badia y una soziai che auda pro la persona, da Imprescions de Gherdeina. Le repart di lingac é les maraties a l’emarginazion dles na dreta “Babel”, an auda l moscedoz persones che é autramenter y de L team de laour per la mostra é dles oujes di intervistés, an auda i dut l problem. sté metu adum da Alex Susanna lingac desferenc dl “Tirol Storich” (organisadour de mostres - d’aldidancuei: ladin marou, ladin Na mostra per duc chi Naturns), Christian Schwienbacher gherdeina, deplù dialec todesc, l che nuza la parola “Tirol” (architet - Persenon), Paul Thuile talian, l arab... Na intervista a al dìdancuei (artist - Gargazon) y Richard Veneri Reinhold Messner é spo al zenter (architet - Bulsan). I curatours é dl repart “confins”, Messner rejona Canche an lascia la Franzensfeste stés Bernhard Kathan (artist, dl Tirol y dl’autonomia de Südtirol do deplù ores de conzentrazion y scritour y storich d’ert - Disproch), atuala sciche ence dla cuestion repensament arjont dai trueps Hans Karl Peterlini (autor, consulent “referendum” per avei n auter impulsc, àn l’imprescion che vigni dla comunicazion y coach - Bulsan) Südtirol, sot a l’Austria o sciche stat persona de nost Tirol Storich y Marion Piffer Damiani (publizista indipendent. Messner dij che duc messessa jì a i cialé y che al foss de d’ert y curatoura per l’ert messessa gnì damanés sun la questio utl de fé su deplù ponc esponus na contemporana - Neustift). Les Südtirol politich, ence i ladins sciche discuscion, anter dutes les persones paroles che i realisadours dla mostra grup de lingaz plu vedl y a pert di che vif te chestes teres tiroleises dà pera: “labirint - ledeza: se lascé autri. Te chest contest dla “labirint ajache la mostra trata i temesc plu mené lediamenter, podei se lascé jì - ledeza” él ence taché su sun na ciauc di ultims 200 de Südtirol te gran tofla tesć y pensiers na distanza che ne sciafia ben nia curc de scritours y de compromete y é ledia de d’autres personalités de strumentalisazion. duc trei i lingac ofiziai D’autri temesc - sciche p.e. la sun l tema “Stim- storia dla ela, di mutons, l’emigrazion mungsbilder - Umori”. di südtiroleisc y l comples dla Ence deplù zitac ladins politica te chestes teres - tira dassen é laprò. la curta. Ma cie che foss te chest Imprescion fej spo tl contest dldut fauz é: vedei cie che repart “perjonia” ti locai n’é nia tla mostra, impede tò su cie soterans les chertes che che é. scolés de Südtirol de Tirol y sies teres y si lingac ne lingaz todesch i scri ai podessa te sia complessité mai avei perjoniers di atentac di lerch te na mostra de n km2. Pensé agn sessanta contra soura sun Tirol y les ledezes y I locai di lingac. Te vigni nicio n lingaz, te dut l l’invajion taliana (tlamés poscibeltés che chestes teres nes dà repart: oujes de lingac, na Babel. Siegfried da da trueps todesc te al dìdancuei i giaurissa l orizont a Prettau conta: “Con 18 agn ruvovonse por l Südtirol “Freiheits- chi che é gnus scluc ite da “murs grup sportif dla Polizia. Ilò encontovi ei da la kämpfer”.) Ence la ideologics” y ence chestes persones Venustra. Ma nos fovon sciche foresć, ne se religion à sia lerch tla podessa spo gnì fora de si “labirint”. capivon nia. Ala à duré feter n ann, enchin che mostra, religion sciche Aldò dl dit: sciche tu veides l mond i savovon, cie che l auter volova. Sce an va fede y ence spo sciche te to daite, enscì él ence per te tradizion y usus de vita defora! (iaco rigo) fora, pona messon s’apassené.”

Dancà y da na pert Uedli y oredles daverc sun la sozieté ladina d’aldidancuei Na ciacolada con Ivan Petri, titolar de n’impreja de costruzions

Ivan, co cialela fòra nte sto moment co l setor de l fabriché nta Fodom? A di la verité no l é trop da fé. I laour i é puoc e scialdi pichi, nia de gran. Nveze dal Agordin ulàche laore ence, l é rué trope dománde, souradut ntra mèi e jugn e crei che la stagion la pòbe jì fòra polito. L’é piada plu pián de i autri agn, forsci ence per via de la tropa nei de st’inviérn. Po’ la s’à descedé fòra nten colp, souradut n Alie, Ròcia e ju per Ègort. Mosse di che a la fin son content. Se pòlo di spò che s’à sentù o s’è ncora drio a sentì i efec de la criji? L é difizile da dì. Zèrto l é vera che i agn passèi se sarëva troc contrac bele i prum meisc de l ann. Nveze, coche bele dit, sto ann l’é stada chieta fin de mèi. Son na ditta ence scialdi grana e mosse di che a la fin l laour l no máncia. L setor del fabriché l é trop ntel ogle del ciclon per via dei troc inzidenc sul laour. Chëst ci dificoltè ve portelo a operé? Sul vièrs de la segurëzza ogni ann l é peso, l’é très plu dura. I media i no descor auter che de ste mòrt blánce sul cantier, su laour. Ntel setor del fabriché zèrto n’é trope perciéche a la fin l è na mucia de mpièghèi. E po’ toca ben di che l é n laour pericolous de suo. A la fin, per cotánt che de aplicheie le norme de segurëzza, n cantier resta très n cantier. Toca fè na mucia de corsi, de chèrte. Da de lugio l Spisal, l ent che ciala soura a la segurëzza sul laour, l avarà cinamèi na scuadra che jiarà fòra per i cantieri col etilometro e fajarà soflé ite ai laoránc. Bel coche suzede su la strada. La lege defati la stabilìsc che no te pòs beibe sul laour. Se un l

é fòra dal lime de 0,5 grami per litro de alcol ntel sánch, l paiarà multe salade. Nost de sto vièrs on bele fat nformazion ntra nuos laoránc. Da marëna l é bele da nen tòch che no metón plu vin sun taula. Mi sona una con chëste dispojizion de lege, ence se pense che no siebe segurnò l gòt de vin prò marëna che po’ fè la diferenza. E chëst se rebaltarà ence sui cosć per le ditte. De segur i cosć i é troc. Mi reste trop mèl da zèrte decijion politiche che ven tout ntel fè le legi. Per ejemple chëla che se a fè i corsi l é n laoránt extracomunitario i é deban, paia l Stato, se nveze l é n talián mossa i paié la ditta. No voi vignì fòra razist nte chëst, ma no me pèrt giust. Zerto, à da laoré l extracomunitario come l talián, ma l’assa da ester per duc compagn. I corsi per nos i é scialdi descòmedi, perciéche da cassù mosson rué fin a Belum o a Ponte nelle Alpi. Ma coscita va l sistema. Toca ence di che nos son na ditta jovena, che à assimilé dute chëste normative e spën trop per fè nformazion. Ence perciéche ntel nòst pico on bu n burt inzident e no volon plu che n suzede de autri. Da ulà eli tuoi laoránc? Mi è la fortuna de avei jent del luoch, de fodomi, a pèrt n pèr da Col e Ròcia. Jent brava che fèsc polito suo mestier e che à voia de laoré. L laour da muradou spò l “tira” ncora. Mosse di che troc, ence foresti, s’à fat de marevoia de vedei su nen cantier jent coscita jovena e del luoch. Nta Fodom toca di che i jovegn i à bona voia de laoré e chëst no l é da puoch.

www.lauscdiladins.com

3


Atualité

nr. 24 / 27 de jugn 2009

Scenar - ert y cultura tla Ladinia Tla trasmisciun di 2 de messè gnaràl baié de Egon Senoner, Florian Mussner, Elena Pescollderungg y Stefanie Rottonara Televijiun - En domënia ai 2 de messè dales 20.30, jaràl en ona sön la Rai TV Ladina la ediziun nöia de Scenar - ert y cultura tla Ladinia, metüda adöm da Karin Pizzinini, sot la produziun de Hans Peter Karbon. La trasmisciun é sostignida dala Rai Ladina en colaboraziun cun l’Assessorat ala Cultura Ladina dla Provinzia de Balsan. Te chësta ediziun gnaràl baié de cater porsones dla Ladinia. Egon Senoner - artist dal corù: N artist por vocaziun, che é stè bun da ciafè süa strada y da capì ći che süa anima ti damana, da se lascè portè te so sot plü sot y pormëte che al se moscëdes cun döt ći che al à incëria, por le rapresentè cun i corusc te na manira armonica, mo inće scialdi sterscia. Florian Mussner - assessur provinzial: Al ô ester idees scialdi tleres por armöie i fis che ti dà sostëgn a ert y cultura ladina. Florian Mussner s’à tut sö chësta gran responsabilité. I orun aldì ći che ël nen pënsa . Elena Pescollderungg y Stefanie Rottonara - artistes di ćiavëis: Inće laurè cun i ćiavëis po ester ert. I sun jüs a ciafè n valgönes mitans che à desmostrè de avëi propi na buna man, da fà sö scultures de na sort daldöt particolara: por fà sües composiziuns cun i ćiavëis adôreres tröpa creativité y inće na dërta porziun de paziënza.

Egon Senoner: canche le corù devënta ert.

Elena Pescollderungg y Stefanie Rottonara é döes artistes di ćiavëis.

Miuré la cunlaurazion danter la valedes ladines tl ciamp dla scola: chësc ie stat l argumënt prinzipel dl’ancunteda stata da permò danter reprejentanc dl mond dla cultura y scola ladina da Fedom, Ampëz y la direzion dl Istitut Pedagogich Ladin a Bulsan

Culaburazion cuncreta tl ciamp scolastich danter valedes ladines: l diretëur dl IPL Theodor Rifesser, l diretëur de scola a Urtijëi Helmut Senoner, la presidënta dla Union di Ladins de Fedom y cunseliera provinziela a Belun Daniela Templari, l presidënt dl IPL y Ntendënt Roland Verra, la presidënta dla Union Generela di Ladins Elsa Zardini, Paul Videsott, la diretëura dla scolines Edith Ploner y l presidënt dl Istitut Culturel Cësa de Jan Nani Pellegrini.

4

www.lauscdiladins.com

Informaziuns plü menüdes sön i dërć di consumadus pro la prenotaziun y la desdita de iadi, y ći che an dess savëi canche an cumpra te internet Dërć di passajiers

Cunlaurazion de scola danter valedes ladines

Scola/Cultura - Na cunlaurazion danter la istituzions de scola de Fedom y l Istitut Pedagogich a Bulsan ie bele unida cureda ntan i ultimi ani. “Śën vàla de svilupé inant chësta cunlaurazion” à sorissà Roland Verra presidënt dl IPL. L assessëur ladin Florian Mussner ova for inò mutivà a na cunlaurazion plu strënta tl ciamp dla scola danter la valedes ladines. Tl’ancunteda àn de chësc viers tratà proiec cuncrec

Dala zentrala di consumadus

che n uel realisé proscimamënter. Da śën inant dëssa nsenianc de Fedom, Col y Ampëz pudëi fé pea duta la vela de cursc y furmazion dl IPL. L material didatich sciche libri y materiai per l nseniamënt laurei ora a Bulsan vën metui a desposizion debant per pudëi i adaté linguisticamënter. Sculeies dl’elementera y dla mesana dëssa mparé a cunëscer miec la valedes ladines fajan jites o barac scolastics.

L sentimënt de tuché adum dëssa unì renfurzà cun cuncorsc tl ciamp dla rujeneda ladina. Nsci iel nce unì pensà a na jita culturela de duta la direzions de Gherdëina y Badia per mparé a cunëscer miec la realtà dla scola te Fedom, Col y Ampëz. N cont dla furmazion de maestri iel nce unì fat la pruposta de nvië educadësses dla scolines y nsenianc dla scoles elementeres a fé la facultà de educazion tl’Università a Persenon. A chësta maniera unìssel arjont na bona furmazion per nsenië l ladin y na furmazion te de plu rujenedes. Paul Videsott à fat la pruposta de scemplifiché l’ortografia dl idiom fedom a na maniera da mutivé la jënt a scrì nce per fedom. I reprejentanc de Fedom y Ampëz a prejentà la situazion dl dut nia scëmpla n cont dl nseniamënt ladin te si scoles. Drët ert se féjen a Cortina, ajache la direzion dla scola ne mostra nia gran nteres. L finanziamënt de proiec ladins da pert dla Provinzia de Belun ie plutosc dëibli. Per chësta rejons se à i reprejentanc dla valedes ladines tla provinzia de Belun mustrà scialdi recunescënc per uni aiut a livel de mutivazion y de finanziamënt. (usp)

I tickets de jore po dagnora, almanco en pert, gnì retüs Le regolamënt CE n. 261/2004 vëiga danfora che sce n passajier ne sciafia nia da pié ia ajache la compagnia à desdit le jore, o che le fligher é plü co 5 ores tardì, o che an ne l’à nia lascè sentè ite te fligher (nia por süa gauja), mëss la compagnia de jore ti rete le ticket ch’al ne n’à nia adorè, anter otedé. Mo ći che tröc consumadus ne sa nia, é che inće sce le passajier instës tol la dezijiun de nia jorè, mëss so ticket de jore gnì retü, almanco en pert. Le prisc intier dl ticket tol ite tasses desfarëntes. Le consumadù à le dërt de ciafè derevers chës somes che ne cür nia diretamënter les spëises dles compagnies de jore (sciöche p.ej. la tarifa ministeriala por i controi de segurëza di cufri dà jö y la tassa sön i trasporć, y i.i.). La lista menüda de chëstes usc ciàfon sön la plata internet dl Ënt Nazional por l’Aviaziun Zivila (ENAC) (http://www.enac-italia. it/Home) sot a “Carta dei Servizi del Passeggero”. I consumadus ne dess porchël nia se desmentié da ghiré derevers chëstes somes, o diretamënter dala compagnia de jore o dal’ajentöra de iadi olache ai à cumprè le ticket.

Coies di porcì - i consumadus é tres ćiamò malsigüsc Pro la Zentrala Consumadus Europeica (ZCE) de Balsan röiel tres ćiamò telefonades da pert de consumadus malsigüsc, che à prenotè n iade pauscial tl Messich, mo che oress śëgn jì te n’ater post o ćinamai stè a ćiasa. Chi che à prenotè n iade pauscial pro n organisadù de iadi talian dess naôta controlè sön la plata internet www.viaggiaresicuri.mae.aci.it sce le Ministêr di afars cun l’Èster dejaconsiëia tres ćiamò le iade. Te chësc caje po le consumadù: - sburlè la data dl iade o azetè de jì te n ater post; - se damanè la retüda de döta la soma che al à bele paié ite, chësc ô dì desdì le iade zënza paié les tasses de desdita. Sce le consumadù à cumprè n iade pauscial da n organisadù de iadi da foradecà mësson fà

referimënt a ći che al vëgn odü danfora tl paîsc olache l’organisadù de iadi à süa sënta (p.ej por i operadus di Paîsc Todësc cunta i avertimënć dl Ministêr di afars cun l’Èster di Paîsc Todësc). Te vigni caje mësson tignì cunt dl fatur de tëmp: sce an ne mëss nia pié ia atira, mo impormò te n valgönes edemes o n valgügn mëisc, ne podess la domanda de desdita dl iade debann nia ester iustificada y porchël ganca gnì gnì azetada. Sce l’avertimënt dl Ministêr di afars cun l’Èster ne n’é nia plü atual y varënt, ne vel nia les alternatives dades dant dessura. Te chësc caje messarà le consumadù, sce al tol la dezijiun de se trà zeruch, paié les tasses de desdita odüdes danfora dal contrat, che podarà ester, püch denant co pié ia, ćina al 100% dl prisc dl iade pauscial. Informaziuns plü menüdes ciàfon sön nosta plata internet: http://www.euroconsumatori. org/16849v16937d48197.html .

E-Commerce: eYouGuide - le portal europeich nü por cumprè te internet cun sigurtè La Comisciun Europeica à presentè le portal internet “eYouGuide” (http://ec.europa.eu/ information_society/eyouguide/ index_en.htm). Chësc manual on-line nü spliga danter l’ater ćiügn che é concretamënter i dërć di consumadus europeics che cumpra te internet, chël ô dì le dërt de ciafè - denant co cumprè valch informaziuns tleres y menüdes sön i prisc y sön les condiziuns de cumpra, le dërt de dì sce o coche i dać personai dess gnì tratà, le dërt de ghiré che la marćianzia comanada vëgnes ortiada tl tëmp de 30 dis dala cumpra, le dërt da avëi n tëmp de reflesciun de almanco 7 dis de laûr do la cumpra, le dërt de garanzia de almanco 2 agn por i produć cumprà, sciöche inće le dërt da gnì defenüs da comerzianć dejonesć, da tlausoles de contrat maladorades y da pratiches comerziales iniüstes. Inće la Zentrala Consumadus Europeica (ZCE) de Balsan à dè fora na brosciüra sön le tema E-Commerce, che Ves gnarà menada a ćiasa sce i ti menëis n martl da 1,40 euro.

La coia di porcì descëda malsigurtè danter consumadus.


Atualité

nr. 24 / 27 de jugn 2009

Ladinism

Le referendum é tomè

Identità, cultura e tradizion, doentèdes incomai imagìna de sé instesses, les podarà soraviver duran la medema èrmes de destruzion de pensier global

Ma le 23% a livel nazional é jü a lité, les trëi domandes por mudé la lege litala dles lites politiches (parlamentares) é nules

Ilustrazion de Manuel Riz.

Noscia ladinité é do a se tramudèr te n moviment sozio-culturel contemporan che se podessa chiamèr Ladinism, belimpont, mudan sun mesura i valores e la richeza culturèla de na mendranza etnica, i contegni che zacan moea la usanzes e la tradizions les é doentèdes biota estetica duran la forma desche soul segnificat del fer, se enarloan dò a la azions tipiches de la globalisazion, olache a l’oget se sostituesc l’imagìna de el instes. Aldidanché la tradizions e la usanzes vegn proponetes a na vida estetica olache les doventa spetacol, performance, happening, jech, prodot destinà a se instes, che cogn esser spilenà sajonalmenter, se mesuran co la mort de la tradizion instessa. Belimpont più che trasformazion culturèla dut somea esser na fujion anter cultura e spas, doentan deviazion de la cultura e banalisazion del jech. Dut chest somea esser na mascherèda de inchecondì che recorda i mecanismes de la reclam, olache no l’é più l’oget ma demò sia imagìna, ge fajan creer ai teleosservadores che ejist demò chel che ic veit e nia più realtà ogetiva. Chesta vida de comunicazion la é fia de l’argagn mediatich-publizitèr che con si sistems adorbanc e indormienc sostituesc, ence te la ladina Fascia (…ge menciassa auter!) la teorìa de l’estetica a chela sozièla. Coscita te la sozietà la persona doenta soget e l soget doventa oget,

perdan l contat co la realtà ogetiva, metan in crija i valores fondamentèi de na comunanza. I resultac trasversei se i pel lejer te la deboleza del leam sozièl e familièr, te la gordeona perduda de identità e solidarietà, te la tebia partezipazion zivila e culturèla, ma soraldut te la desfanta e ingoernàbola perduda del lengaz ladin. Miora alincontra la coejion anter la desvaliva sociazions, belebon leèdes al teritorie, ma che de spes e bolintiera doenta ence eles argagn per meter a jir l spetàcol ladinist. I medemes organs de promozion turistica, che laora aldò de la pianificazion e programazion economica semenan la segureza del benster di sentadins e del melaur liberist, i no pert ocajion de durèr (…giustamenter!!) l’imagìna freida, da color, fascianèda e televisiva desche strument publizitèr, duran l dut desche roba da baratèr e prodot culturèl, fetic de n consumism che prest e bolintiera é destina a jir in èschies o doentèr fin de el instes. L gran spetacol del Ladinism e de sia tradizion “ladinica” culturalmenter doc, se troa dedant doi sorts de spetatores, chi foresć, che chier tradizionalismes incontaminé a bon marcià, e i medemes ladins. Lascian da na pert l’analisa di messajes mediatics e la percezion del Ladinism, da pert di foresć, la sensazions di medemi ladins les ciapa forma te na sort de molinel olache ic doenta atores de

ic instesc, garaté e contenc più che de ic medemi de la imagìna virtuèla, consumistica e da color che ic i é bogn de dèr. Tras la neva identità, chest’outa no ladina, ma de icona mediatiches, i atores del spetacol ladinist, consumistich, sostegnù da n consens populèr oramai gran e maoritarie moet da n sens de partegnuda a zeche de desvalif, anter l’om dal bosch, l salvan, l’om tirolensis mìngol baiuvarie, mìngol similaun ma soraldut vardian de na sort de pureza encontaminèda, primitivista da mont, i ladins vif malamenter e stranten l sens de identità vera de partegnuda a na mendranza etnica, vivan dut desche n nef “style of life” che fèsc pèrt de sia storia, zenza se n ascorjer inversamenter che ic medemi a la finfin fèsc pèrt di sistems planificators che la globalisazion met a jir e che l publich chier. Incomai svetèda di contegnui e doentèda lijiera e piena de color, la tradizion ladina la doenta sorida da esportèr in DVD, I-pod, CD rom, sorida desche n palmar, serèda sù te pec gigas de memoria virtuèla, ma vertia e pronta per esser salvèda da sia mort, senoauter desche imagìna (sessaben in JPG!!), per esser lascèda in arpejon a chi che vegnarà dò, magari ence no più ladins. Somea esser n’azion da supereroes, n teorem lurà fora e planificà in fin, per fermèr la erojions de la globalisazion, coscita la tradizion doentèda incomai imagìna de sé instessa, e la podarà soraviver duran la medema èrmes de destruzion de pensier globales. Duran chisc struments mediaticsconsumistics, oramai a la leta de duc, noscia tradizions troarà lèrga te l’archivie virtuèl de la re, ge arseguran ai ladins medemi de restèr in ebicait imagìna di ladins. Dedovìa resta i atores del ladinism, interprec onesć, moec da sentimene seguramenter positives, che se mef te la selva de la planificazion globala Verejan anter na endesfida aricegola, e na piajegola partezipazion che i li fesc doentèr portadores segn de na nobola tradizion che se rechiama a auc valores sozio-culturèi, de chi che alincontra chesta sozietà da inchecondì no à più de besegn. Che fèr de chest patrimonie coscita originèl e rich che se desmostra incompatibol col sistem operatif d’aldidanché? Genièla la resposta, duran la forma, incomai lijiera dalajà che no l’à più contegnui ogetives co la realtà, metan a jir in scena la tradizion desche “prodotto d’asporto”, la lean al mond de l’imagìnes. Fosc chesta l’é la soula strèda ti labirintics motores de inrescida de la sozietà da inchecondì, per fèr scì che la tradizions e la usanzes, te sia parbuda miora, les posse esser re-durèdes desche soul segn virtuèl de na antica partegnuda al pòpul ladin. Aboncont se risia de dezider jà inché de esser imagìna de se instesc, risian de passèr a la Storia co la mondures de nesc veies e no, amàncol con chela neves de inchecondì.

Politica - Dlungia ales lites aministratives por valgönes provinzies (danter chëstes Belun y Aunejia) y val’ comuns tla Talia (laprò Milan, Firenze, Bologna) él stè en domënia y en lönesc ai 21 y 22 de jügn por düć i zitadins dis de referendum, cun trëi cuesić sön mësa: - aboliziun dl pest de maioranza ala coaliziun plü litada ala Ćiamena, - aboliziun dl pest de maioranza ala coaliziun plü litada al Senat y - aboliziun dla poscibilité

Umberto Bossi, le leader dla Lega Nord, â apelé da nia jì a chësc ultim referendum.

por n candidat da se presentè te plü de un n cërtl lital. Por degügn di trëi cuesić él gnü arjunt le quorum dl mez + 1 di “aventi diritto al voto”, chël ô dì che le referendum ne vel nia. Ma le 23,4% à lité por les döes domandes 1 y 2, n pü’ deplü - le 24,08% à orü pié do la zetola por le cuesit numer trëi. Dal Viminal (Minister ai Interns) infora él gnü dit che ara se trata dl plü stlet resultat tla storia di referendums. Te Südtirol él dldöt ma jü a lité le 12,2%, te Mareo le 9,5% resp. 9,6%, a Santa Crestina le 8,1% por düć trëi i cuesić. Tla Provinzia de Belun é jü le 35-36% a lité le referendum, scebëgn che i zitadins ê cherdà al duel lital danter i dui candidać a presidënt dla Provinzia Reolon y Bottacin. Te val’ cité taliana à les lites aministratives trat para inće la partezipaziun al referendum, chësc é ruvé insciö te val’ posć sura le 50%+1 n litadù, y le “SI” à davagné, chël ô dì che l’argomënt damanè foss chësc resultat gnü arjunt a livel nazional - ess mudé la lege litala por les eleziuns politiches. (iaco rigo)

Les cargares Cis śëgn d’isté capitëiel adalerch de vigni sort de ormanara o inseć malodüs, deache ai fej dann. Chilò da nos vìrel cargares fosces o d’urt y teciores cöcenes o de bosch Natöra - Ares é da 3-5 mm granes, le će é fosch y la pert dessot, dancà tìreres a ros. Ares fej sües coes sot peres, plates, tla cortesc, te fozöres de parëis, te três o sot i func ite. Tres finestres o üsc che va malprò pòres rovè te ćiasa. Les laurantes é zënza ares, mo dëida tröp da chirì le mangé y fà coes. Alaleria é les cargares de gran ütl deache ares eliminëia tröp ciomënt y fej da jandarmi dla sanité. Zënza teciores fóssel de gragn problems da combate i parassić. T’urt é les teciores manco da orëi bun, deache ares ne mangia nia i pöresc dles fëies. Te ćiasa rovina les cargares mangiaries, cis patüc duc y da ćern, mo ares ne trasporta degönes maraties.

Co se stravardè Por se stravardè dales cargares o teciores él deplü consëis che po

N formià de cargares de bosch.

ester d’öga: - stopè pro posć scardai te finestres, üsc y sfësses de mür che va malprò; - tignì sö patüc duc bun stlüt pro; - jutè dala sajun ćialda les lavadöres vigni dé, lavè jö atira les massaries de ćiasadafüch, assuié sö atira mangiaries stravades; - stopè pro cun papier da cola, gume da ćiaugné o chit i büsc dles cargares; - somenè sön le tru dles cargares plantes che tofa dër o spezies (lavendel, tim, fëies de junier, mënta…); - ciucé sö teciores cun le ciüciastöp y atira jutè le carnì; - springé zacotan de gotes de öre de lavendel sön le tru dles cargares; - somenè sé, polber da fà torta sön la strada dles cargares; - mëte n cartun da mil dlungia la strada dles cargares; ares va lassora y n’é nia plü bones da s’un jì; - alaleria aconsiëion da mëte sö massaries d’arjila plënes de lana de lëgn (Holzwolle). Les cargares fej laite süa coa y dô da n valgönes edemes pòres gnì eliminades adöm cun la massaria. Chisc zacotan de consëis po daidé da gnì lëdi da chësc pice tier, olache al fej plütosc dann.

Claus Soraperra www.lauscdiladins.com

5


Atualité

nr. 24 / 27 de jugn 2009

La cumpetënza di sculeies tla rujenedes

Ressanamënc dl’energia

Sibe te Gherdëina che tla Val Badia iel unì prejentà mo dan la fin dl ann de scola i prim resultac dla nrescida n cont dla cumpetënza linguistica di sculeies dla cuinta tlas elementera dla scoles de Gherdëina y dla Val Badia

Fajan ressanamënc tlima dla cëses pòssen les auzé de un n meter

Tl’aula magna dla scola elementera de Urtijëi ntan la prejentazion di prim resultac dl’evaluazion.

Scola - Chësc proiet ie unì metù a jì dal Cumité cun si Servisc de evaluazion dla Scoles Ladines deberieda cun l Zënter linguistich de Bulsan che ie lià ala Università de Bulsan/Persenon cun la prufessëures Rita Franceschini, Gessica De Angelis y Gerda Videsott.

Cunfront cun i sculeies de rujeneda dl’oma L fin fova chël de udëi tant che i sculeies sà tla trëi rujenedes che i mpera te scola, i cunfruntan cun scric de sculeies de rujeneda dl’oma dla medema età de scoles talianes y tudësces. Per avëi na fundamënta valiva sun chëla che n pudova lauré ti iel unì metù dant ai mutons na storia ilustreda da descrì. Per uni rujeneda, ladin, tudësch y talian, fòvel da descrì n’autra storia. Per scrì na storia ova i sculeies 30 menuc de tëmp y i ne pudova nia se nuzé de vel’ aiut, no dla maestra y nce no dl vocabuler. Chësc ie unì fat coche dit te duta la cuinta tlasses dla scoles elementeres de Gherdëina y dla Val Badia. Per avëi pona la puscibltà de cunfrunté àn fat l medemo, ma mé per talian, te doi cuinta tlasses dla scoles Dante Alighieri y Don Milani de Bulsan y mé per tudësch tla cuintes de Perbian, Feldthurns y Villanders. N à nsci pudù fé n cunfront

danter i scric de za. 264 sculeies dla scoles ladines - 157 de Gherdëina y 107 dla Val Badia (la cumpëida ne fova nia for valiva, ajache un o l auter di manciova vel’ sculé) cun 54 sculeies dla scoles talianes y 59 dla scoles tudësces. De ndut àn pona analisà 897 scric (ladin badiot, ladin gherdëina, tudësch y talian).

Cunescënza aldò dla frases, dla variazion tl lessich y di verbs Mbën, n mierculdi ai 10 de juni iel unì prejentà a Urtijëi, tl’aula magna dla scola elementera, i prim resultac de chësta evaluazion, che se à tëut dant de mustré su śën te n prim mumënt n cheder plu generel dla cumpetënzes. Per fé chësc iesen jic do chisc criteres: tan de paroles per frasa y tan de paroles che l ie unì tëut ca per duta la storia, tan de frases secunderes, tëmps y maniera de adurvé i verbs, verbs scëmpli y verbs cumposć, la variazion di verbs. A Urtijëi à la doi prufessëures Franceschini y De Angleis prejentà dantaldut i resultac che à da n fé cun i sculeies de Gherdëina.

Te Gherdëina n bon tudësch, manco bon l talian Tl tudësch ne n’iel tan che deguna defrënza danter i sculeies

La prufessëures Gessica De Angelis y Rita Franceschini y l presidënt dl Cumité de evaluazion Lois Ellecosta.

6

www.lauscdiladins.com

de Gherdëina y i sculeies de rujeneda dl’oma tudëscia cun chëi che i ie unic cunfruntei, mé n cont di verbs y dla variazion di verbs ne arjonji nia si livel. Tl cunfront cun i scric per talian iel ntant sce na majera defrënza, nia grandiscima ma mpo senificanta. Nteressant iel che tla Val Badia iel belau l cuntrer. Iló ie la padrunanza dl talian scialdi miëura che te Gherdëina, tan che valiva ai sculeies de Bulsan, ntan che la defrënza tl tudësch ie majera. Pervia dl ladin ne n’iel nia stat mesun fé n cunfront, ajache per pudëi paredlé ëssen messù se mëter n cuntat cun scoles rumances o dl Friul. Chël fajeràn povester te n daunì. Tla statistica ulache l ie unì paredlà duc i scric ladins adum, iel unit ora che la rujeneda ladina sài l miec y fajan mo n cunfront danter i sculeies de Gherdëina y dla Val Badia iel unit ora che i scric per badiot à plu paroles y na majera variazion de verbs.

Na bona cunescënza dla rujenedes. L ie unì cunsià de lauré sun i medemi argumënc te duta trëi rujenedes

Aministrazion - Oradechël iel unì rujenà dl recurs dl Guviern naziunel per l bilanz provinziel, dla pruposta de na reforma scolastica, di scioldi nueves tl fond de rotazion y dla smendrida de direzions dla scoles de mujiga.

rujeneda. Da pert dla Provinzia de Bulsan uniràl śën cialà plu avisa a cin’ ponc che toca nce nosta realtà y te ce caji che l puderà unì fat adatamënc.

N meter per la cëses tlima

La Jonta provinziela à juntà pro 55 milions de euro tl fond de rotazion. La majera pert vën data ora al turism, che giapa 37 milions. Per ndustria, artejanat y cumerz vëniel dat ora 14 milions y al’agricoltura vëniel dat 4 milions de euro.

Cëses cun cuatieres che ie unides frabichedes dan l 2005 y che vën ressanedes per sparanië energia, possa unì auzedes de un n meter. La Jonta provinziela de Bulsan à nsci delibrà la diretives de atuazion dla lege nueva per ressané cëses. Per pudëi auzé la cësa de un n meter frabican nchin a 200 metri cubich deplù, muessel unì arjont l standard de Cësa tlima “C”. La cësa da cumedé muessa almanco avëi 300 metri cubich y avëi cuatieres te almanco mesa la cubatura. Tl cajo de n condominium iel plu rie a auzé l tët y perchël vëniel dat la puscibltà de stlù pro piguei o verandes. Pra cëses a lingia (“Reihenhaus”) vëniel tëut n cunscidrazion uni cësa per sé. Sce l vën zarà ju y fat su da nuef na cësa, ne vëniel nia dat chësta sort de aiuc. “Cun chësta normativa che ie da śën inant n droa, uelen premië chëi che juda a sparanië energia,” à dit l presidënt Durnwalder. Recurs da Roma

L a referëntes dr. Rita Franceschini y dr. Gessica De Angelis ie ruvedes ala contlujion che te Gherdëina sàn l tudësch belau sciche sce l fossa rujeneda dl’oma ntan che per l talian ie l livel drët bon tla Val Badia. N generel àn pudù se udëi ora che l ie na gran defrënza tl lessich, tla variazion di verbs, perchël iel n chësc cont nce unì dat n valgun cunsëies didatics al mumënt, che unirà plu inant mo laurei ora plu ala menuda. L ie nce unì cunsià de lauré a pèr te duta trëi la rujenedes y de ne schivé nia l cunfront danter la rujenedes. Purempò, nsci à a ss e g urà la pr ufe ss ë ura Franceschini, pòssen dì che l ie na bona cumpetënza linguistica tla doi valedes ladines.

N jirà inant cun la nrescides Per ntant àn tëut n cunscidrazion l lessich, ma la ortografia y sintassa toca sambën ënghe pra la cunescënza dla rujenedes. Coche dit fova chësta n iede na prima evaluazion che unirà mo laureda ora nce te truep d’autri aspec. N jirà nce inant sun chësta streda ti ani che vën analisan scric de sculeies dla scoles mesanes y autes, per udëi coche la cumpetënza tla rujenedes se svilupea inant. N se à tëut dant de dé ora na pitla publicazion cun i resultac de chësta nrescida. Cun chësc proiet à i nteressei dl Servisc de Evaluazion, la Ntendënza, l IPL y la scoles na bona fundamënta sun chëla che n puderà lauré per miuré for plu y plu y ti mëter dant ai sculeies i miëur mesuns per arjonjer te si vita na bona capazità de comunicazion. (uk)

L recurs da pert de Roma contra la lege finanziela dla Provinzia de Bulsan à da n fé dantaprima cun trëi ponc. Per de mëndri lëures àn a Bulsan udù dant de scemplifiché la pruzedures a sëurandé lëures. Da pert dl Stat iel unì dit che chësc va contra la desposizions europées. Nia a una ne iesen a Roma che uniun possa mené refudam tl zënter de recycling zënza tò na firma spezialiseda. Da pert dl Stat se damànden nce che l vënie limità la ncëries esternes y che i ladins ne muessa nia dé ju doi detlarazions: una dla grupa de rujeneda y mo una n cont dla rujeneda dl’oma. Durnwalder à detlarà de ulëi rujené cun la persones de referimënt dl Guviern a Roma dan ti jì permez o no ai recursc. Manco direzions dla scoles de Mujiga Nchin te doi ani unirà la cumpëida dla direzions dla scoles de mujiga smendrida da 21 a 15. Tl ann de scola che vën uniràl metù adum la direzion de Überetsch y Terlan. Tl ann de scola 2010/11 uniràl pona metù adum l’autra direzions. Permò cun l ann de scola 2011/12 uniràl nce fat na regulamentazion nueva per la direzions dla scoles de mujiga te Gherdëina y tla Val Badia. Reforma dla scola A Roma iel unì prejentà l dessëni de lege per na reforma dla scola. Chësta uel smendrì i lizeums a sies modiei. Aldò dl dessëni dëssel nce unì smendrì la cumpëida de ëures de nseniamënt y de cunseguënza nce i nsenianc. Per i ultimi doi ani dla scola auta iel pona udù danora che l possa unì nsenià te n’autra

55 milions tl fond de rotazion

Cuotes dl lat I paures puderà da moinla dé ju plu lat. La cuotes ie unides auzedes de feter mo n tant, da 16.000 kg a 30.000 kg per hectar. Nce la normativa de se nuzé de almanco 70% de chësta cuantiteies ie unida auzeda a 85%. Per i pitli paures vëniel fat ezezions. Program dla frabiches L program dla frabiches provinzieles per l ann 2009 ie unì dat pro cun n custimënt de 96 milions de euro. Cun 52 milions vën passa mesa la soma adurveda per lëures che n à bele scumencià y nsci réstel mo 43 milions per proiec nueves. “Uni ann sons mé boni de fé n tan de lëures,” à spiegà l presidënt Durnwalder, “ajache aldò di programs provinziei adurvëssen 650 milions”. Chëuta sun la nfrastrutures primeres Ti raions ora de zità dëssel unì adatà la chëuta sun la nfrastrutures primeres. “L dëssa unì paià cie che vën nce adurvà, perchël muessen tenì cont sce vel’paur se mantën nstës la streda o la funtana dal’ega,” à dit Durnwalder. Chëuta sun la nfrastrutures secunderes Nce per nfrastrutures publiches dëssel unì tenì cont di servijes che vën nce adurvei. Nsci ne dëssel aldò dla Jonta provinziela nia unì paià chësta chëuta per frabiches da paur, frabiches de produzion y per locai de strutures turistiches che ne vën nia adurvei dai turisć (p.e. magasins). Personal juda l Abruzzo A una cun i sindacac à la Jonta provinziela dat pro che i dependënc provinziei possa lauré vel’ ëura per judé la jënt tucheda dal tremot tl Abruzzo. I dependënc possa damandé che l paiamënt per na cërta cumpëida de ëures ne vënie nia paià ora ma che l vënie tëut ca per judé a fé su da nuef cëses ti raions de L’Aquila. 150.000 euro per Ötzi Tl stritoz cun la familia Simon che ova tl ann 1991 abinà la mumia de Ötzi iesen do truep ani unic a una. La pruposta dla Provinzia de paië ora 150.000 euro ie unida azeteda y uniun paia si spëises de aucac. (as)


Atualité

nr. 24 / 27 de jugn 2009

Radunanza de la Lia ladines da mont Arpejon desmentièda N centené de sozi de la lies CAI SAT de duta la valèda ladines, da Ampez, Fodom, Fascia, Gherdena e Badia, é rué sun Rodela per la 17^ scontrèda

I sozi de la Lies da Mont de la Ladinia à tout pèrt a la messa ofizièda da Don Pietro Rossi aló da la cèsa da mont Des Alpes te la 17^ scontrèda de la Lia da mont ladines.

En domenia passèda sun Rodela, per endrez de la Lia da mont fascèna de la Val de Sora, vidèda dal president Evaristo Soraruf da Ciampedel, l’é stat endrezà aló da la cèsa da mont Des Alpes la radunanza de la Lia ladines da mont. La lies da mont l’é sociazions de volontadives che se cruzia de tegnir sù e slarièr fora l’amor per la mont, ensema co la aministrazions les met vèrda e les laora per comedèr ite i vièi e i troes da mont, e podon recordèr che la lies fascènes de la val de sora, de la val de sot e de Moena les à dat na gran man per meter ju la mapes endrezèdes dal Comprenjorie Ladin de Fascia. Sun Rodela donca l’é ruà n centené de sozi de la lies CAI SAT de duta la valèda ladines, da Ampez, Fodom, Fascia, Gherdena e Badia, zachei é rué su co la forenadoa, che la é stata metuda a la leta per nia da man de la SITC de Cianacei, etres enveze i é rué su a pé, vegnan ca da Sela, duc sessaben moec via da l’amor che i à per la mont, la voa de stèr ensema e se passèr na bela giornèda en bona compagnìa e con legreza. Da les 11 defora da la cèsa da mont Don Pietro Rossi l’à ofizià la Senta Messa e sessaben che colassù, te anter la più bela crepes, Saslonch, Rodela, Sela, Pordoi, Marmolèda, aló l cher l’era amò più vejin al Ciel e la lauda al Signoredie la se à uzà per ladin e per talian, l’é stat sport n fort develpai al Creator per l maraveous raion da mont che l ne à donà e metù te man, e l’é stat domanà la grazia de stèr ascorc a no l roinèr e soraldut de esser bogn del vardèr via. Dò la Senta Messa l’é stat portà dant n salut da man de l’autoritèdes de comun de vèlch paìsc e dapò di presidenc de la Lia ladines che les à palesà aprijiament per l’endrez de chesta giornèda, che recordon la vegn fata duc i egn te n auter post de la Ladinia. A duc i presidenc ge stat dat n bel chèder del grignolent pop “Scedola” fat da l’artist fascian Manuel Riz da Cianacei. Dò duc chenc se à tramudà daìte,

contenc de poder se n jir al ciaut e ence famé donca duc verties per se goder la bona marena, endrezèda dal patron de la cèsa da mont Des Alpes, Ezio Croce e l’é da dir che l’é stat slapà sù dut cant. Domesdì l’era pervedù che vegne fat n convegn en cont al fat che la Lies da mont à sozi semper più de età, e veder per coluna rejon che i joegn no se scrif più ite.

L’é na costion chela di joegn che la tocia en maniera desvaliva la lies da mont, vèlch una padesc de più, autres à amò vèlch joen che se scrif ite e ge volessa portèr inant scomenzadives che engaisse la joentù a se fèr sozio. En cont de chest te Fascia l’é Paolo Lastei da Poza che se dèsc ju per slarièr fora anter la joentù l’amor per la mont e l’envìa a se scriver ite a la lies da mont. Fosc la giornèda, l post e l moment no i era giusć per chesta costion, donca no l’é stat l met de fèr l convegn, se confrontèr e se rejonèr fora, aboncont chesta costion la vegnarà rejonèda fora te n auter moment con desvaliva lies. Per l rest la giornèda la é stata bela e domesdì mìngol a l’outa, dò se aer saludà, i sozi de la Lia ladines da mont i se n’à arloà dò sie vièl per se n jir a cèsa, co l’emprometuda sessaben de se troèr endò l’an che vegn, per n autra scontrèda amò più bela, che n auter an la sarà a Rèba. Annelise Vian (Radio Studio Record)

Ai raprejentanc de duta la Lies ladines ge é stat sport n chèder con sù l “pop da mont” dessegnà da Manuel Riz per chesta ocajion.

Dai 6 de messèl tel Museo Ladin na selezions di lurieres de Damiano Magugliani L Museo Ladin de Fascia à l piajer de poder meter fora chest istà na selezion de lurieres de Damiano Magugliani doné da l’artist a l’Istitut Cultural Ladin e biné ensema te la Mostra “Arpejon desmentièda”. I dessegnes, realisé soraldut anter la fin di egn Setanta e i egn Otanta, tol ite duta la val de Fascia e i moscia i detaes architetonics particolères conservé te la costruzions tradizionèles: tobié, majons, ciantons pech cognosciui di paìjes e momenc de la vita di bachegn e di artejegn leèda al passà. Segnes e testimonianzes, apontin, de n’arpejon comuna che jà te chi egn era dò a esser desmentièda, destrabonida te l’inom del progress e de la gaissa de frabichèr, ma fermèda da l’artist ti chèdres a penarel che à conservà enscin aldidanché na viveza e na frescura che se tol fora de anter. Damiano Magugliani, architet nasciù a Corbetta del 1929, l’à passà da spes sia feries d’istà te Fascia e Fiem, lascian chiò sie cher per semper e chierian de coer chi valores creé e mantegnui da la vita sćiantiva e sèvia de la jent da mont. Tel recordèr, con mìngol de ironìa, de esser doventà bianch dant dal temp per la ira che l’à padì tel veder destrabonir an per an si monts, te la prejentazion del liber “Fassa. Montagna che scompare” (1982, restampa ICL 2005), che tolea ite béleche duta sia operes metudes fora, l porta dant coscita la rejons de chest lurier: “... percheche l frut de chesta enrescida

posse fèr nascer te chi che vèrda via chest patrimonie l’amor per sie passà, l respet envers chi che l’é vegnù dant e l leam con chi valores de sia tera che se i fossa descancelé i portassa al suizidie de la comunità de Val”. La mostra, metuda fora te Sala “Heilmann” del Museo Ladin, la vegnirà orida en lunesc ai 6 de messèl 2009 da les 5 domesdì e la restarà averta duc i dis enscin ai 10 de setember, da doman da les 10 a les 12.30 e domesdì da les 3 a les 7. En ocajion de l’inaudazion vegnarà ence prejentà l calandèr de la ativitèdes de l’istà metudes a jir dai Servijes Educatives del Museo.

Damiano Magugliani dedant a si chèdres.

Comunichèr l’identità L 5° volum de la lingia “Conoscere le minoranze linguistiche”, dat fora dal Servije Mendranzes de la PAT, rejona de la doura di mesi de comunicazion Publicazions - L Servije per la promozion de la mendranzes linguistiches de la Provinzia de Trent à publicà e dat fora chisc dis passé la revista “Comunicare l’identità. L’uso dei media nelle minoranze linguistiche”. Na edizion originèla che porta dant i intervenc de la seconda giornèda del Forum dedicà al confront de la esperienzes taliènes e europeènes sul tem de la comunicazion culturèla de la comunanzes linguistiches de mendranza travers sfoes, radio, televijion, chino, festival e c.i. Chest forum era stat tegnù de otober del 2006 e l’aea abù desche tem prinzipal la comunicazion del patrimonie de cultura, de lengaz e de identità de la mendranzes travers i mass media, che i à na emportanza fondamentala de chest vers. Te chesta publicazion, la numer cinch de la regoeta “Conoscere le minoranze linguistiche”, vegn prejentà la esperienzes envièdes via te l’Europa e tel Trentin-Sudtirol, metan al luster la funzion emportanta di media per l svilup de la relazions anter comunanzes

desvalives, l’emportanza de la esperienzes di notiziaries locai tel lengaz de mendranza. La comunicazion vegn elaborèda e troa sie svilup sun doi troes, “per se enstessa” e “per l’auter” e la proa a balanzèr l raport anter la comunanzes, sia cultures, tradizions e l contest storich sozièl olache les vif. No se pel dir se sie miora l’una o l’autra strèda. Chel che l’é chièr l’é che no se pel renunzièr a jièr la chèrta de la comunicazion, tant delaìte che delafora, saan che l’é de besegn de troèr n equilibrie delicat anter mantegnir viva l’ènema de la mendranza che vèrda a se enstessa e l recognosciment che la pel dèr e aer foravìa. Te chest liber se pel troèr i intervenc de Eleonora Lampis, Silvia Negrotti, Marcella Schmidt de Friedberg, Glyn William e Domenico Morelli. Amò apede vegn publicà la esperienzes de la desvaliva realtèdes de mendranza te l’Europa (Asturie, Paìjes Basches, Galles, Frisia, Slovenia) e la esperienzes te la valèdes del TrentinSudtirol de la mendranza ladina, mochena e cimbra. www.lauscdiladins.com

7


Gherdëina

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

nr. 24 / 27 de jugn 2009

La ciantarina Prisca Malsiner vën unereda dal Rotary Club

N ann do l cunfermé

Bele da 29 ani incà ti vëniel sëurandat da pert dl “Rotary Club” de Persenon na recunescënza a jëuni musicisć che se à fat merit te chësc ciamp

Religion - N vënderdi ai 5 de juni fova duc i jëuni y la jëunes, che ie unic cunfermei tl ann 2008 de duta Gherdëina, nviei a jì te Val per na ancunteda. Deberieda cun Pater Antony Kibiri y n valguna umans iesi duc piei via da dlieja de Sëlva demez per jì te Val. Do l salut dl’assistënta pastorela Irmgard Untersulzner y de Pater Antony, iesi ruvei pra la prima stazion, ulache n valguna umans ova njenià ca n bel cheder cun materiai naturei. Do che i jëuni de S. Cristina ova purtà dant tesć da pensé do sun l tema ”l troi a mez ala natura, l troi che nëus assan gën (Wunschweg)”, scrijova uniun n si dejidere sun na pitla bandiera che univa ficeda ite dlongia l troi. Pra la segonda stazion pudova i jëuni per n pitl struf se lascé ora,

Mujiga - N merdi ai 9 de juni 2009 fòvela tan inant. Te chësta ucajion àn pudù audì tla sala Augustiner a Neustift, trëi jëuni de mujiga, de chisc una de rujeneda

ladina, un de rujeneda taliana y una de rujeneda tudëscia. Danter chisc fòvel nce la jëuna ciantarina de Urtijëi Prisca Malsiner, fia de Otto de Pra. Prisca

à bele da pitla insù na gran pascion per la mujiga, dantaldut per l cianté. Ntan i ultimi ani a ëila studià tl “Mozarteum” a Salzburg, arjunjan n boniscimo livel. N ucajion dl cunzert per l Rotary Club a Neustift àla ciantà na aria de Giacomo Puccini y n pitl tòch ora dl’opereta de Johann Strauß. Ëila à purtà dant chisc doi pec cun gran savëi: na bona tecnica, acurdeda perfetamënter, na bela prejënza y na beliscima usc! Al tlavier iela unida acumpanieda scialdi bën da Judith Piccolruaz de Urtijëi. I autri doi musicisć fova Anna Passler de 15 ani de Toblach, cun l flaut traviers y Mattia Cubich de 18 ani de Persenon, che a sunà l tlavier. Ti mbincion inant a chisc jëuni musicisć, ma dantaldut a Prisca dut l bon per si streda da ciantarina! Dessegur audirons mo plu suvënz rujenan de ëila.

Da man ciancia: l presidënt dl Rotary Club Persenon, Prisca Malsiner, Anna Passler y Mattia Cubich.

Ancunteda di jëuni cunfermei tl ann 2008 de dut l decanat de Gherdëina te Val fé fuera y svaië adaut, per capì da dedò cie che l uel dì chiet y gheneda te nosta vita. Ruvei pra la capela de San Silvester, à Pater Antony tenì na pitla urazion. Te si perdica ti àl dit ai jëuni che ëi ie unic sun chësc mond y che da cunfermei ài śën nce na respunsabltà per si vita cristiana. Per finé la urazion à Pater Antony nstës tëut ca la chitara y à acumpanià la ciantia dedicheda a duc i cunfermei dal titul: In deinem Namen wollen wir, den Weg gemeinsam gehen mit dir.... Do la funzion àn mo fat juesc d’uni sort y nsci finova via l blòt domesdì per i jëuni y a duc ti àl sapù drët bel. La assistënta pastorela, Irmgard Untersulzner

Vinzenz Senoner

Prima Cumenion te Sëlva N gran di de festa y renuvamënt de fede per duta la cumenanza Festes - Bele d’autonn ora à la maestra de religion Mirka Mussner cun n valguna umans scumencià a njenië ca i mutons y la mutans dla segonda tlas per l sacramënt dla Prima Cumenion. Deberieda ài fat catechesa n pert te scola y n pert nce te de pitla grupes a cësa. L ie stat n bel troi deberieda ulache mutons, genitores y maestri à pudù viver mumënc drët sentii de fede. N la dumënia dla festa dla

Prima Cumenion ie i sculeies unic acumpaniei te dlieja dala mujiga de Sëlva, ulache seniëur pluan Pire Clara à saludà i mutons y la mutans che pudova n chësc di per l prim iede pië do l sacramënt dla cumenion. L à abù de bela paroles de viers di pitli, auzan ora la mpurtanza dla ntegrazion di mutons tla cumenza religëusa y soziela. Purtà pro a fé la mëssa mo plu solena à nce l maester Pauli Senoner cun l Cor di mutons y si fëna Carmen, che à sunà tan

bel l’erpa ntan che i mutons y la mutans jiva sun autere a pië do la cumenion. Da auzé ora ie zënzauter mo l gran mpëni di sculeies nstësc ntan dut l ann de scola y dantaldut dla maestra Mirka per la urganisazion dla mëssa, per la pitla urazions y letures njeniedes ca da purté dant dai pitla dla prima cumenion. Do la fotografia de lecort a chësc gran di, che ie publicheda tlo leprò, ie la festa per uniun y uniuna mo jita inant te si familia.

I mutons y la mutans de Sëlva che ie jic chëst ann ala Prima Santa Cumenion, cun si maestri.

8

www.lauscdiladins.com

Pra la ancunteda te Val di cunfermei tl ann 2008.

Senteda de Chemun te Sëlva Bilanz di destudafuech, proiet per schivé smueies tl raion Daunëi y mudazion dl program di lëures publics, chisc n valgun ponc sun chëi che i uemes de chemun de Sëlva arà da deliberé Sëlva/Chemun - Per n vënderdi 3 de lugio, dala 5 domesdì iel unì cherdà ite na senteda dl Cunsëi de Chemun de Sëlva. Repurton tlo i ponc metui al ordn dl di, che unirà tratei ntan la senteda. 1. Comunicazions dl ambolt. 2. Dé pro l decont finanziel dl 2008 di Destudafuech ulenteres de Sëlva. 3. Scanceleda di resc’ atifs y passifs dl cont finel 2008. 4. Cuntrol y dé pro dl cont finel per l ann finanzier 2008. 5. Cuarta mudazion dl bilanz 2009. 6. Segonda mudazion dl program generel di lëures publics per l ann

L Chemun de Sëlva.

2009 y di planns finanziei n chësc cont. 7. Nrescida sun la partezipazions ala sozieteies aldò dl art. 1, coma 5, dla L.P. 16.11.2007, nr. 12; 8. Ressanamënt dl raion che smueia Daunëi - prima pert - calon per avisé demez l’ega: dé pro l prim proiet de varianta y de njonta. 9. Pranives srl – sëurandata dla gestion dl parëi artifiziel de arpizeda. 10. Cuestions d'uni sort. L ambolt, Roland Demetz


Gherdëina

nr. 24 / 27 de jugn 2009

La segonda edizion de Puhin ie tlo Coche udù danora iesen unic ora a puntin per l scumenciamënt dl instà cun la segonda edizion dla zaita nueva dla Lia Mostra d’Ert Publicazions - Do che la prima edizion ie stata n gran suzes, àn propi aspità ert sun la segonda, che ie unida ora iusta chisc dis puntualmënter cun l’ëuta dl surëdl da d’instà, ai 21 de juni cun l di plu lonch y la nuet plu curta dl ann. Coche prugramà danora da pert dl cumité dl Puhin, vën la zaita data ora al scumen-ciamënt de uni sajon y cun la bela sajon da d’instà àn inò purtà ite argumënc nteressanc che passenea per chësc tëmp. L cumité de redazion de Puhin ie metù adum da sies cumëmbri: Diego Perathoner, Lukas Pitscheider, Simon Perathoner, Tobia Moroder, Ivan Senoner y Fabio Perathoner, dut jëuni de Urtijëi plëns de criatività y pascion y dantaldut cun ideies nueves che se spidlea cuncretamënter te Puhin. “L prim uef dl Puhin ie unì cuà ora la sëira dl 25 de auril danter patimënc y cuntentëza” ... nsci pòssen liejer tla ntroduzion drët uriginela. La idea de mëter su na zaita de atualità, ert y cultura te Gherdëina fova propi tucheda. Nce la jënt à dal scumenciamënt inant dat si sustëni d’uni viers, che à sambën dat na sburdla mplu per lauré inant de chësc viers. Cun la prima diesc zaites vendudes al lincant ntan la sëira de prejentazion ai 25 de auril iesen stac boni de paië ju i custimënc per la stampa y chël che fova mo fé via. N fat de gran mpurtanza che ti à dat crëta y mutivazion per jì inant sun chësta streda. Sudesfazion à nce dat coche l Puhin ie unì tëut su tla valeda. Laudes n àn giapà truepes, critiches pueces, cumentares à metù a jì reflescions sun coche n pudëssa miuré la revista. N sëni che la jënt ie ativa y à zeche da dì y chël ie for n bon sëni. Dedite tla zaita pòssen avëi na sëuravijion sun plu argumënc atuei de gran nteres sciche pulitca, ambient, ert, cultura, leteratura y satira, viages

Uni ann, n la festa dl Cuer de Gejù, vëniel mpià su sun pizes y montes mpue sëura dut l Tirol de gran fuesc che n possa udëi bele da dalonc

L cumité de redazion.

auternatives, manifestazions y prugram dla Lia Mostra d’Ert/Circolo y sambën la ntervista a pèr, che à tla prima edizion drët plajù. Duc ie sambën nviei a ti dé na udleda al Puhin, edizion da d’instà. L Puhin ie da giapé tla sënta dla Lia Mostra d’Ert a Urtijëi o scenó iel nce mesun ti cialé tla ustaries dla val, ulache la revista ie unida partida ora acioche la posse ruvé danter duta la jënt. Chëi che ulëssa mandé ite n si cuntribut a Puhin possa l fé avëi ala redazion nchin ai 20 de agost 2009. Puhin III unirà dat ora ai 23 de setëmber 2009, prim di d’autonn. (dv)

L mancia mé plu puec dis L ”count down” per la giaurida dla streda de zircumvalazion de S. Cristina à bele scumencià Frabiché - Te n chindesc di, canche l unirà giaurì ufizialmënter la streda de zircumvalazion de S. Cristina, ududa danora per i 16 de lugio, scumenceràl per si populazion na era nueva. L muvimënt di auti unirà avisà ora sun 1.660 metri de streda nueva, n pert sot a tiera, y tl zënter de S. Cristina se miurerà de n zaron la cualità de vita. Iust a drët per l mëter man dla sajon turistica ciauda, ulache l vën gën stat alalergia y jit a spaz tres l luech nchin tert da sëira. Tl raion da Dorives, ulache l ie unì fat adatamënc per arjonjer l puent che mëina tl tunel Saslonch, ie l stradon inò daviert. Ti tuniei iesen tl lëur de fé l mplant eletrich. Tl tunel plu lonch, chël de 434 metri, iesen plu inant, tlo vëniel fat l tretuar. Cun l mëter ju asfalt scumëncia un di ultimi lëures per chësc gran proiet storich per Gherdëina.

La tradizion di fuesc per la festa dl Sacro Cuer de Gejù

L gran fuech che vën mpià su uni ann dala grupa di Jëuni de Sëlva sun Risacia.

Usanzes - La usanza di fuesc va ndëur ai tëmps da Napulion, canche l fova da cumbater contra la trupes franzëuses che ulova tò ite nosc lont. La jënt dl Tirol se ova mpermetù al Sacro Cuer de Gejù, acioche l i straverde dala putënza fulestiera y se ova tëut dant de lecurdé uni ann inò chësta mpermetuda. I fuesc nstësc mpiei su sun la montes univa plu da giut tëmp de viera nce adurvei per dé sëni canche n dassova scumencé cun n cumbatimënt y iust a chësta maniera fòven nce stai boni de sprigulé ju la trupes franzëuses. Da ntlëuta incà iel for inò unì tenì su chësta usanza, sëni de union de duta la jënt dl Tirol. N la festa dl Cuer de Gejù, che

La bandiera dl Tirol metuda su sun Pic.

ie for la dumënia do Juebia dai Andli, śën Dumënia dai Andli, vëniel nsci tacà ora mpue dlonch ora ti luesc la bandiera cuecena y blancia, fat la pruzescion solena cun valons y sanc prutetëures y da sëira mpià su i fuesc. Nce te Gherdëina iela stata chëst ann inò nsci cun i fucatons o la luminaries che lunova dai ëures dla montes ntëurvia. N cont dla bandieres iel chëst ann unì auzà su na bandiera te na luegia drët ora dl solit. Nchin sun Pic se ài scintinà su per ërjer su l pel, ulache la bandiera se sbingherà mo giut tl vënt.

L tunel Saslonch.

Coche dit, la giaurida ufiziela dl stradon de zircumvalazion sarà la juebia ai 16 de lugio domesdì (dala 17.00) tla raida dl Greva. Ntan la

fin dl’ena uniràl jit inant cun la Segra dl luech y la lies njenierà da fé festa sun la vedla streda delibreda dal muvimënt pesoch. (usp) www.lauscdiladins.com

9


Gherdëina

nr. 24 / 27 de jugn 2009

Enes di jëuni 2009 - N gran suzes per la lies di jëuni Bele dal ann 1985 incà vëniel metù a jì te Gherdëina ntan l mëns de mei, l’enes di jëuni. Te chësta ucajion mët la lies, che fej pert dla lia tët Nëus Jëuni Gherdëina, a jì truepa manifestazions d’uni sort che à da n fé cun l ciamp culturel, soziel, de furmazion, de devertimënt y sambën ne màncel nce no manifestazions sportives

La mëssa di jëuni dan la dlieja da Sacun cianteda dala grupa Hosianna. La grupa di jëuni che à fat la jita al Königssee cun i Jëuni dla Lia da Mont.

Manifestazions/Jëuni - Chëst ann à l’enes di jëuni scumencià bele ala fin d’auril y à durà nchin ai 6 de juni, canche l ie unì fat la festa per la fin de chësta enes.

Jites, cursc, viages N sada, ai 25 de auril iel stat tla sales dla sentedes dla Nëus Jëuni Gherdëina l “Trix”, la manifestazion che vën metuda a jì uni ultima sada dl mëns (ntan dut l ann), ulache duc i jëuni, mutons y families possa fé juesc da mëisa de uni sort ntan dut l di. N l medemo di fòvel mo la prejentazion dla zaita “L Puhin” tl self dla Lia Mostra d’Ert y per chësta ucajion iel nce unì metù a jì la “Betonfete” cun la grupa Mad Mecanics. L’ena do, plu avisa dai 1. Ai 3 de mei, à la grupa di jëuni de Sëlva metù a jì si viac tradiziunel da d’ansciuda. Chëst ann iesen jic a Zürich/Turic tla Svizra. Nce chësta manifestazion vën bele metuda a jì da n grumon de ani incà y l ie for n blòt viac, ulache l vën jit a vijité de bela ziteies y mo truep de nteressant ti luesc ntëurvia. For n l medemo fin dl’ena ie la Grupa Alpinisć Gherdëina - GAG jita a Finale Ligure per jì a crëp. L lunesc do, ai 4 de mei, fòvel n curs de fé pizza cun n pizzaiolo. Tlo fòvel ënghe tosc dut plën y i urganisadëures dl Parapendioclub Gherdëina fova scialdi cuntënc. Tla sala di jëuni Saut àn metù a jì n curs de pastelné per duc i sculeies dla scola elementera. L’enes di jëuni ie pona jites inant

inò cun na manifestazion che va inant per dut l ann, y plu avisa l Filmclub. Tlo vëniel mustrà uni ultima juebia dl mëns n film drët nteressant sun tëila tla sala di jëuni Saut a Urtijëi. Ce films che l unirà mustrà proscimamënter pòssen cialé do te internet sun la plata dla Nëus Jëuni Gherdëina, www.njg.it. L filmclub ie sambën debant per duc y duc à nce la ucajiun de s’la ciaculé mo n puech, se buan o maian mo na piculëza do l film. N vënderdi ai 8 de mei iel stat la giaurida dla mostra cun referat “Ich weiss nichts” de Egon Rusina. Chësta mostra ie reseda davierta nchin ai 17 de mei.

Mëssa per sportives, urazion de mei, pelegrinasc

Nce manifestazions religëuses àn pità ntan l’enes di jëuni, coche la urazion de mei ”Maiandacht” cianteda dal cor di jëuni de Urtijëi n vënderdi ai 8 de mei, la santa mëssa per i sportivi cianteda dala grupa Helios, che ie stata ai 16 de mei te dlieja de S. Cristina y la mëssa tla dlieja da Sacun, cianteda dala grupa Hosianna n sada ai 23 de mei. L pelegrinasc a Oies, de chël che se cruziova i jëuni dla pluanies de Gherdëina, àn purtruep messù desdì ajache l fova n chël di mo massa da nëif sun Jëuf de Frea. Chësc ëssa tucà da vester n dumëina ai 24 de mei. Ai 9 de mei iel stat na garejeda de “boulder” tla palestra tl Tennis a Runcadic, na garejeda ulache duc pudova fé pea y ulache l fova nce da vëncer de blòt pesć. Coche uni ann à nce la Jungschar de Urtijëi inò metù a jì la sëira tradiziunela de bona ueia per l di dl’oma cun i mutons y la mutans dla Jungschar, n sada ai 9 de mei tla cësa de cultura a Urtijëi. L di do fòvel sun l program na jita al Garda cun arpizeda sportiva, metuda a jì dala Grupa Alpinisć N pez ntan la sëira de bona ueia dla Jungschar Gherdëina deberieda de Urtijëi. cun i jëuni dla Lia da

10

www.lauscdiladins.com

Mont. “Trendybar - Cocktailworkshop” ie ënghe stata na manifestazion che à abù n gran suzes, ulache duc pudova purvé a fé ju cocktails d’uni sort zënza alcol y da dedò sambën nce i ciarcë! Pra chësta manifestazion iel nce unì mistrà na dias-show dl Fotoclub Gherdëina.

Pesć da tré ora ala busca per duc chëi che à fat pea Nia da desmincë ne n’iel che ntan duta la manifestazions per l’enes di jëuni, univel dat ora zedules per la ola dla fertuna. Uniun che fajova pea pra la manifestazions giapova na tel zedula debant y pra la festa per stlù ju l’enes di jëuni, canche l ie unì trat ora ala busca i pesć dla ola dla fertuna, ova duc la puscibltà de vëncer un di truep blòt pesć dac ca dala lies che fej pert ala Nëus Jëuni Gherdëina.

Cun i go-kart tl Safety Park L’enes di jëuni 2009 ie jites inant cun na sëira de bal cun mujiga dal vif dla grupa “Carreras” te sala de chemun a S. Cristina, metuda a jì dala grupa de bal populer de Sëlva y S. Cristina. Tlo ie propi scialdi n grum de jëuni jic a balé y a se lascé nsenië n mumënt coche n fej…! La grupa di Jëuni de Sëlva ie unic chëst ann cun na manifestazion nueva, n ie jic tl Safety Park a Pfatten a furné cun i “go-karts”. N grumon de jëuni se à lascià nuté su per unì pea y l ie stat na bela esperienza. La grupa di Jëuni de Urtijëi a metù a jì ai 17 de mei n turnoi de volley te Val d’Ana. L tëmp à bëndebò judà pea y l ie ruvà adalerch truep jëuni a fé pea chësc turnoi. Mplu àn mo fat na bona grilieda per duc nsci che l ie garatà drët n blòt di. Tla sala di jëuni Saut iel chëst ann unì metù a jì na ancunteda per la mutans “Mädchentreff ”, resserveda sambën mé ala mutans ulache les à fat, deberieda cun Karin dla Nëus Jëuni y Priska Prinoth, de blòt prislec de mauta, che ie pona unii brujei tl furnel dla Scola d’Ert de Urtijëi. De gra ala Scola d’Ert. Chësta manifestazion ti à sapù drët bela ala

mutans che à fat pea, nsci che n se à mpensà de fé inant chësta ancuntedes mo n valgun iedesc d’autonn, ulache la mutans puderà se fé ora danter ëiles cie che les ëssa ueia de fé. Per ideies y prupostes sons for a desposizion…! La Lia mostra d’ert à inaugurà ai 20 de mei tl self dla mostres l pruiet “No te ncucé – l maië y si ntraunides”. Ntan chësc pruiet iel unì metù a jì plu manifestazions, danter l auter nce na cërcia de pier cun Tobia Moroder y Marco degli Esposti, y n curs de cujiné.

Referac sun l’arpejon y per avëi plu crëta te sé nstësc Nce n “DJ-workshop” cun DJ Simon tl Saut y n domesdì cun la grupa modelisć Gherdëina Curnacins a Albions iel unì metù a jì ntan l’enes di jëuni. Ai 28 de mei iel unì tenì n referat per jëuni, granc y maridei dal titul “Selbstwert – Stärkung, meinen Stärken auf der Spur” tla sala di jëuni de Sëlva Fun and more. La grupa balarins de Urtijëi à metù a jì na sëira de Karaoke. Duc i jëuni pudova tlo unì a cianté pea o nce mé a scuté su y a se bever zeche, tla sala di jëuni Saut a Urtijëi. N à pudù udëi che i balarins de Urtijëi ne n’ie nia mé boni de balé, ma monce bëndebò boni de cianté…! For n la medema sëira pudòven nrescì velch deplù n cont dl arpé tl referat “Testament und Erbfolge, Grundkenntnisse im Erbrecht” tenì dala dr.a Alessandra Demetz. N referat metù a jì dala grupa balarins jëuni de Gherdëina. Per finé via chësta enes di jëuni à i paures jëuni de Urtijëi mo metù a

jì n curs de prim aiut, ulache l univa spiegà y mustrà dai uemes dla Crëusc Blancia de Gherdëina co se cumpurté te n cajo de desgrazia. I jëuni dla Lia da Mont de Gherdëina à mo fat na jita de trëi dis ntëur al Königsee. Tlo ie jic pea truep jëuni, y la iscrizions fova bele plëines do puec dis. L ie stat na blòta jita, ulache n à durmì na sëira te na utia da mont y l di do tla tendes. Nscila ie pona finedes via l’enes di jëuni da chëst ann cun na pitla festa tla sala di jëuni Saut a Urtijëi, n sada ai 6 de juni. Ntan chësta sëira àl sunà n valguna grupes y plu avisa la grupa RockAir y la grupa Bluesbraker, tramedoves de Gherdëina y da dedò mo la grupa Take Off de Südtirol. Coche bele scrit tlo dessëura, iel ntan chësta sëira nce unì trat ora i pesć dla lotaria dl’enes di jëuni. Ulessan te chësta ucajion mo rengrazië duta la lies dla Nëus Jëuni Gherdëina per avëi judà pea a fé garaté inò tan bën chësta enes y sambën nce duc i jëuni che à fat pea pra la manifestazions, ajache zënza chëi ne fóssel nia mesun mëter a jì chësc pruiet. De gra nce mo a dut l cunsëi dla Nëus Jëuni Gherdëina, che à judà pea cun gran ntujiasm y se ncunferton inò sun l ann che vën. Per duc i nteressei iel da udëi n valguna de blòta fotografies de una o l’autra manifestazion sun www. njg.it y sce zachei ëssa mo fat fotografies de d’autra manifestazions che ne n’ie mo nia laite te nosc sit, pona pòssel sambën les mandé per e-mail a info@njg.it, y les junteron pro gën. Per la Nëus Jëuni Gherdëina, Fabian Rabanser

La festa per la fin dl’enes di jëuni cun la grupa “Take off ” tla sala di jëuni Saut.


nr. 24 / 27 de jugn 2009

Le proiet “Hoppla” é jü a bun fin

Chê me dëida pa?

Ala fin de mà él gnü stlüt jö i domisdà de assistënza pedagogica, organisà dal Raiun Sozial en colaboraziun cun le Sorvisc ai Jogn. Mituns y mitans à podü fà esperiënzes plajores

Al é gnü fora la cuarta ediziun dl codejel “Chê me dëida pa?”, olache an ciafa de vigni sort de informaziuns d’öga y numeri de telefonn de istituziuns desvalies, olache an po s’adressè por problems o domandes desfarënć

Le Raiun Sozial à indô metü da jì, adöm al Sorvisc ai Jogn, les ativitês de assistënza pedagogica domisdé a La Val y a San Martin de Tor. Le proiet porta l’inom “Hoppla” y à metü man d’otober dl 2008; le proiet é spo jü inant döt l’ann de scora, ćina ala fin de mà. I mituns s’à incuntè dui iadi al’edema domisdé, olache ai tolô pert a ativitês desvalies dl tëmp lëde y n valgügn gnô daidà da fà i compić. L’obietif primar da pert dles educadësses Annelies, Sara, Maria y Lara, é da ti dè ai mituns n ambiënt da stè saurì y da i daidé promöie le tëmp lëde te na forma creativa. Tl grup â i mituns inće la poscibilitè da imparè da conësce formes soziales nöies y da ti jì pormez a conflić te na manira costrutiva. Indöt à tut pert al proiet 17 mituns da deplü paîsc. Por ći che reverda les aitivitês dl grup, él gnü ćiarè da sensibilisé i mituns por tematiches desvalies. Na ativité a chëra che ai ti à dediché tröp tëmp é stè le marćé, che é gnü metü da jì dan Nadè. Döt ći che é gnü trat ite, é jü a bun fin: al é gnü sostignì n proiet tl’Africa. I mituns à mostrè dër na gran motivaziun, deache ai savô che ai podô daidé d’atri mituns. Inće la vijita tla strotöra “La Spona” a Pidrô é stada por i mituns dër na bela esperiënza. Se confrontè cun porsones che é “atramënter

Mituns dl proiet Hoppla cun n valgügn assistis dla strotöra "La Spona" a Pidrô.

normales”, dëida crësce y azetè plü saurì chëstes porsones. Danter chëstes ativitês à i mituns inće fat jüć, jites y pastlenè. I ti ùn dè importanza inće al ćiamp dl laûr. Implü ti él gnü dè l’ocajiun de jì a ćiarè la redaziun de “La Usc di Ladins” a San Martin. Por arjunje svilups positifs y por valutè miù la situaziun s’unse inće incuntè - sce al jô debojëgn - cun i geniturs y te val’ cajo inće cun la scora. Chëstes incuntandes de rëi é stades por nos de gran aiüt, por capì y daidé costrutivamënter le

möt. An mëss dì che inće chësc ann unse podü stlü jö les ativitês postivamënter, inće sce por les educadësses n’él nia dagnora stè saurì. N dilan particolar ti va al Sorvisc ai Jogn, al Comun da La Val, ales educadësses y a düć chi che à portè pro ala realisaziun de chëstes ativitês. Por le Raiun Sozial Val Badia la pedagoga Esther Rungger

N zënter de aiüt Bad Bachgart, n zënter de terapia por le tratamënt dles dependënzes dl alcohol Por le tratamënt dles dependënzes dl alcohol ciafunse te Südtirol, plü avisa a Redant, n zënter arjigné y spezialisé te chësc ćiamp, le zënter de Bad Bachgart. Tla gran strotöra ciafunse 30 leć, de gran salamënć por grups, salfs por terapia o referać, n bar, n ćiamp dal sport y na palestra. Pro l’atrezadöra alda inće locai olache an po depënje y cujì peza y laurè cun la ceramica o da tistler. Insciö à vigni porsona che vëgn curada te chësta ćiasa la poscibilité o le pice compit da se dè jö cun val’ de creatif, inće por destachè n püch da na realtè cun chëra che ai vëgn confrontà vigni dé y por capì che vigni picia cossa dà ligrëza tla vita.

Le zënter “Bad Bachgart”.

Te chësta ćiasa de cura röia inće n iade al mëis na porsona a tignì presënć “I Clubs” dl APCAT, l’Assoziaziun Provinziala di Clubs di Alcolisć en Tratamënt. Do les 6 o 8 edemes che na porsona stà a Redant a se lascè curè, él dër important che ar ne röies nia a ćiasa y mësses jì inant dassora por n tru zënza alcohol. Al n’é dër dessigü nia saurì da se confrontè dé por dé cun la sostanza che à portè ala dependënza. Les incuntades di clubs vëgn tignides n iade al’edema por apresciapüch

n’ora y mesa. Te na te’ sëra cunta vignun de sü problems, de sües ligrëzes y de ći che al à passè ia por l’edema. La vita de n club se basëia sön le baié, l’ascutè sö, le barat de minunghes y esperiënzes. An impara da avëi crëta l’un tl ater, da se mëte te na dërta y bela atmosfera, da cherié amizizies nöies; insciö él tres plü saurì da se daurì y baié, deache an vëgn ascutà y mai criticà. Te nüsc pici paîsc dla valada laora i clubs le mercui a La Ila y le mertesc a San Martin, tres dales 20.00. An po sambëgn inće ciafè n

consëi tl ofize a Picolin, sot al nr. de telefonn 0474/524518, pro Roland al nr. 349/7397376 Roland, Matilde al nr. 366/4011041 o Veronica al 333/1248320. Dötes les families cun val’ problem lié al alcohol é bëgnodüdes y inće sce al n’é nia tres saurì da ti jì pormez a un de chisc grups, féjel tres n gran plajëi da avëi n valgügn de nüs laprò. Susc él rî da jì inant, mo sce an à le sostëgn de porsones che à i medemi problems, vara plü sauri. “No ji inant dassu, lascete dè na man”. (Veronica Pedevilla)

Tan gonot sozédel pa che an chir n numer de telefonn o n orar de n ofize o ambulatore y an ne le ciafa nia? D’atri iadi àn n problem o na domanda y ne sa nia che damanè. Por dè n aiüt te chisc caji él gnü metü adöm le codejel “Chê me dëida pa?” De mà él gnü fora la cuarta ediziun dl pice foliet. An ciafa lëite informaziuns sön istituziuns, assoziaziuns y sorvisc de nosta valada y dl raiun de Puster. Le foliet pîta n aiüt por la popolaziun tl momënt te chël che an adora informaziuns desvalies sön na istituziun. Le grup de laûr, che é metü adöm da porsones dl Raiun Sozial, dl Sorvisc ai Jogn y dl Grup Volontariat Val Badia, à contatè dötes les istituziuns por ajornè les informaziuns dl foliet. Tan inant che ara é jüda unse ćiarè da atualisé döt, mo chësc n’é nia dagnora stè saurì, deache le tëmp por la realisaziun é stè lunch y te tröpes uniuns él stè mudaziuns. Te chësta ediziun él rovè laprò de vigni sort de sorvisc, chësc inće deache la situaziun de vita dles porsones se ghira tres plü gonot l’aiüt da pert de tröc.

Cun sodesfaziun podunse dì che le codejel é garatè y i sperun che al pois ester d’öga. I rengraziun düć chi che s’à dè da fà por la realisaziun y dantadöt i comuns dla valada y les porsones privates che à portè le foliet te vigni familia. Por le grup de proietaziun Michaela Taibon

Le cuertl dl codejel “Chê me dëida pa?”.

La fede sciöche aiüt por daidé Tl grup de autoaiüt por porsones che cura porsones püres y/o vedles a ćiasa él gnü invié siur Heinrich Perathoner, che à baié dl acompagnamënt de chëstes porsones y dla fede sciöche fontana de forza Vigni mëis s’incunta porsones che ćiara de zacai de püri o vedli a ćiasa, tla sënta dl raiun soziosanitar a Picolin. Al grup po gnì dötes les porsones che se fistidiëia de na porsona püra y/o vedla. Tratan les incuntades vëgnel baié dantadöt dles porsones che fej le goern, nia tan di amarà che é a ćiasa. Le grup pîta la poscibilité da se lascè fora, da partì esperiënzes y da se sostignì l’un cun l’ater. En mertesc ai 9 de jügn à siur Heinrich Perathoner acompagnè le grup tratan l’incuntada. Al à portè dant ejëmpli de süa esperiënza sciöche ploan, olache al à gonot incuntè porsones püres y vedles. Dantadöt àl spo baié dl gran sorvisc che les porsones che curëia fej. Ares dà ca tröp tëmp por i atri y vir gonot te situaziuns nia saurides. La fede dëida sides chi che curëia, sides les porsones amarades; ara dà confort y forza. Porsones che curëia zacai se fej gonot ert da capì ćiodì che la porsona püra à la ria o é zebidra, mo chësc fej pert dl gnì vedli y dl ester püri. Ćiarè zeruch a na vita de laûr y odëi che an ne sciafia nia plü da fà cis tröp, n’é nia saurì, an se sint jogn tl će, mo le corp ne dëida nia plü. Ći che an ne dess

mai desmentié é che an ne sa mai sce al vëgn le dé che an é instësc vedli y adora aiüt y sostëgn. Por porsones che é tla ultima fasa dla vita él important da ciafè l’öre sant y da savëi che döt ći che reverda so testamënt é a post. Sce an vëiga che zacai ne se sta nia bun, pon s’infidé da cherdè le ploan te vigni momënt. Da ćiarè zeruch él düc che dij che ti stè dlungia a zacai y i curè ti à dè dër tröp y che al é stè na bela esperiënza: al é na grazia. Podëi ponsè zeruch y odëi che an à dè val’ de se instësc por i atri é na bela sensaziun. Do n pü’ de tê y biscoti y la benedisciun da pert de siur Heinrich unse stlüt jö le domisdé. I sperun da podëi s’incuntè cun siur Heinrich indô da d’altonn. Dilan che al s’à acompagnè tres le domisdé. Le grup instës s’incunta le proscim iade en mertesc ai 7 de messè dales 15.00 a Picolin, tla sënta dl raiun soziosanitar. Informaziuns plü menüdes sön le grup ciafon al numer 0474/524507 dan y domisdé. Por le grup de auto aiüt Michaela Taibon y Helga Trebo www.lauscdiladins.com

11


Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

nr. 24 / 27 de jugn 2009

Le plü pice liber dl monn Te biblioteca d’Istitut podaràn jì a ti ćiarè i proscims dis al “plü pice liber dl monn”. La publicaziun é rovada dl 1965 da Desproch tla Val Badia

Danter pom y pëna pon odëi ći pices dimenjiuns che le liber à.

Curiositês - 5x5x2mm. Nou, chëstes n’é nia les mosöres de n pöresc - o magari inće - mo bëgn les mosöres de en liber. “Po co pa?” se ponsarà śëgn n valgönes porsones. Al n’é nia n fal de batüda, mo chëstes é les mosöres de n liber, che é tles mans de Irma Prada da

Antermëia. Curiosan te internet ciafon fora che al dess ester le plü pice liber dl monn. Mo inće sce al n’ess nia da ester le mënder, él impò demorvëia da tignì tles mans chësta “publicaziun” che à lerch inće sön n’aundla de na porsona chersciüda y contëgn lëite la oraziun dl Pere

Nost te set lingac. Da lì ôl sambëgn ester na linsa d’ingrandimënt. Co é pa rové chësc pice liber tla Val Badia? Irma nes cunta che ara l’à ciafè scinche dan da püć mëisc da Giuliana Sottrovisch. Chësta ultima ê rovada laprò dl ann 1965, canche ara ê stada a Desproch a daidé na certa Angelika Maurer da desfratè l’apartamënt. Tratan le trasferimënt êl saltè fora de vigni sort de vedli scrić, libri y documënć, y danter chisc inće chësc pice liber, che Maurer à orü ti scinché a Giuliana. Do passa 40 agn àra tut la dezijiiun da le dè inant, a na porsona che ess albü ligrëza impara. Chësta porsona àra spo ciafè te Irma Prada, che nes à contatè por nes mostrè chësta picia morvëia, y inće por la partì cun d’atri. Chi che foss coriusc da l’odëi n iade davijin, à la poscibilité da le fà i proscims dis. Le “plü pice liber dl monn” gnarà metü fora te biblioteca de Istitut Ladin, olache la jënt arà la poscibilité da jì a ti ćiarè. (pablo)

I portaconfaruns se vist da zacan

I jogn dl paîsc adöm a fà füch A La Val s’à Jogn y Jonëza da Paur metü adöm por impié n gran cör cun la crusc, en gaujiun dla festa dl Sacher Cör de Gejù La Val - En domënia, ai 21 de jügn s’à i Jogn y la Jonëza da Paur da La Val incuntè por festejé deboriada la Festa dl Sacher Cör de Gejù. Do na incuntada cun le comitê di Jogn y dla Jonëza da Paur à n valgügn jogn fat la proposta da fà na mostranza sön les pares da Coz. Sciöche motif él gnü chirì fora n cör cun la crusc. La domënia s’à i pröms jogn incuntè defata do marëna, por ti dè la dërta forma al cör fat cun bossi, olache al ê laìte paia da impié por canche al gnô scür. Dlungia él gnü arjigné ca n füch y la grilia. Canche le sorëdl é jü dojö, rovâ plan plan adalerch i jogn dl paîsc por passè adöm na bela sëra en

compagnia. I coghi s’à dè dër da fà por nes apratè de bones liagnes y verdöra. Tratan à n valgügn jogn impié le füch, che fa mënâ bun ćialt, en chësta sëra frëida y da vënt. Cun gran curiosité à spo düć ćiarè pro canche al è gnü impiè la mostranza. A vigni bosse ti él gnü tachè füch y insciö à les pices flames formè le cör cun la crusc. Tratan che le füch vardô à Sepl spo intonè val ćiantia cun i orghi da man, che à portè buna löna danter le grup. Insciö à i jogn dl paîsc passè adöm na bela sëra en alegria. Dilan a düć chi che é gnüs ite a Coz a fà füch y ala familia Rubatscher por la desponibilité.

Pro les prozesciuns dles Antlês y dla Festa dl Cör de Gejù àn podü odëi a San Ćiascian i portaconfaruns cun n vistimënt nü San Ćiascian - Nostes prozesciuns à raîsc tl monn di pagans; chisc venerâ sües divinitês y ti ofrî de vigni sort de patüc da mangè, tiers y ćinamai jënt por s’la fà bona, che ai ne i menass nia castighi no desgrazies. I pagans tignî da zertes sajuns prozesciuns fora por les contrades deache ai venerâ dër la natöra, aratâi pö che al foss dailò de sües divinitês daćiasa. Le cristianejim à dedô surantut de chëstes prozesciuns y ti à dè n significat plü cristian. Les prozesciuns de dlijia s’à mantignì ćina incö, de cörtes te paîsc o incër la taela da na cüra al’atra o inće de plü dis (Jeunn). Cotan de jënt tol pert cun devoziun y dëida fà les prozesciuns plü beles cun tó la plü bela iesta, le guant da paur, da zacan; scizeri, musiga, stödafüch, confaruns y statues abelësc la festa. Ai foresć i sa nostes prozesciuns dër

interessantes y porchël les féji tan jö; te sües citês éseres mortes fora.

“I Jobleri” à dè l’idea dl guant Dan püć agn à metü man val’ cüra dla valada da arjigné n guant aposta por chi che porta i confaruns dales gran festes de dlijia. Inće l’Uniun di Omi da San Ćiascian à ponsè sura ći sort de guant che foss adatè; al dess avëi da fà cun nosta tradiziun vedla. Dales manifestaziuns por i turisć ta San Ćiascian à nia tan dadî sonè le grup musical “I Jobleri” da La Pli che portâ n guant vedl mai odü denant. An â ciafè a La Pli n retrat che mostra le paur da Sach cun guant da zacan. An l’â lascè fà do sön iniziativa de Hermann Trebo. Ai ëi da San Ćiascian i plajô chësc guant di Jobleri. Ai l’à lascè fà do por sü portaconfaruns püch

I portaconfaruns da San Ćiascian s’à en Les Antlês y en la Festa dal Cör de Gejù mostrè le pröm iade cun so bel guant da zacan nü. Giuvani da Glira (en zivil) à por tröc agn daidé portè i confaruns y é stè codî capofraziun.

12

www.lauscdiladins.com

atramënter co l’original, do avëi tut consëi pro la “Arbeitsgemeinschaft für die lebendige Tracht” a Balsan, dala esperta Agnes Andergassen. Insciö pon daidé mantignì y salvè n guant da zacan che parô mort fora. Chisc artejagn l´ á fat: N guant da zacan da ël à normal 14 tòć sce al ô ester complet. Por i portacunfaruns s’àn acontentè cun les perts che mëss ester. La ćiamëja de mez lin y mez bambesc, les ćialzes y le corpet de lüch da flus à fat la sartorëssa Elisabeth Colz da Tintal; da Georg Patzleiner de Braies àn tut i centurins cujis fora; le ćiapel model “marô” é gnü fat dal ćiapolere “Hutter” da Bornech; i ćialzà basc o zochi é gnüs fać y cujis fora dala firma da carigà Pedisan da San Laurënz; le sartù Gebhard Lederhosen da Porsenù à fat la braia de coran; i crabatli é de sëda. Che n te’ guant costa cotan sa düć, mo al tëgn pa inće na vita, sce an ne le strabacia nia. Sce an indüna de bogn toć/totes vara da le paié jö nia ert: chisc toć/totes é stà le Comun de Badia, la Cassa Raiffeisen Val Badia, la Banca Popolara, la Fondaziun Cassa dl Sparagn, la Provinzia de Balsan y la Fraziun da San Ćiascian. A düć i vàl n bel gran dilan! Iniziatives por salvè le vedl de valüta é da laldè, dëideres pö tignì sö tradiziuns che ê da nüsc antenać dër respetades y valutades. Porchël che al vëgn tut tres deplü le guant da zacan (na pert s’al à ćinamai fat instësses) ne dess chël da paur nia gnì lascè te stangode, él pö le guant tradizional da santus che nostes ëres tolô vigni domënia y festa. Mostrè nosta identité cun adorè nosc lingaz y valorisé les tradiziuns nes porta plü respet. (Lois Trebo)

Le gran cör cun crusc, impié sö a Coz/La Val.

Lara y Maria


Val Badia

nr. 24 / 27 de jugn 2009

Ćian prigorus N ćian lëde ti salta ados a na mëda. Ma na man dal alt evitëia la desgrazia Cronica foscia - En domënia dan otedé, festa dl Sacher Cör de Gejù, él sozedü a Rina n bur’ fat che ess podü deventè desgrazia. Na mëda jô a ćiasa do ester stada a mëssa. A püć vari da süa abitaziun él sozedü che le ćian di vijins - che rodâ lëde y zënza smusè - ti é saltè ados ala mëda y l’à dassënn morta tles iames. Al é ma stè na fortüna che le ćian à spo lascè süa “vitima” y s’un é jü, mo le dann ê fat. Cun fadia é la mëda stada buna da se trà dlungia tru y se lié incër les ferides na cutra, por jì spo inant cuntra ćiasa pro telefonn, olache ara n’é nia plü stada tla condiziun da cherdè aiüt. A ćiasa n’êl degügn, no familiars, no vijins. Por fortüna é un di mituns rovè a ćiasa adora assà y s’à ciafè dant süa uma y cotan de sanch despartì fora por strada, dan ćiasa y te pôrte. Atira él gnü cherdè la Crusc Blanćia y intratan él inće rovè söl post le dotur de ćiasa Edoardo Agreiter à pité le pröm aiüt, spo é la ferida gnüda condüta te ospedal, olache ara é spo gnüda tuta sö por les cures

nezessares. Cherdè él inće gnü i carabiniers, che ti à atira fat na contravenziun al proprietar. Sce le ćian é stè bun da sciampè dal vilin o sce al é gnü lascè fora dal proprietar, n’é nia tler. Al é ma stè na fortüna che le fat n’é nia deventè desgrazia. Zeruch romagnel na gran spordüda y les conseguënzes

psicologiches che na te’ esperiënza po lascè tl tëmp. Y magari - chësc é da s’aodè - romagnel inće zeruch na leziun y n impuls por i proprietars da avëi tl dagnì na majera responsabilité por ći che reverda le tignì n tier, tles condiziuns preodüdes dala lege. (pablo)

N dé me ponsâi Na reflesciun sön la liberté di ćians y le valur de na porsona

Val’ taćes de sanch söl post olache al è sozedü le fat.

Le variöl de Tirol N grup de jogn à impié por la Festa dl Cör de Gejù le simbol storich de Tirol bel sura le zënter de paisc La Pli de Mareo - La Festa dl Cör de Gejù é stada inće chësc ann indô ocajiun por zelebré na gran mëssa solëna ćiantada dal Cor de Dlijia, por mëte da jì les ores de adoraziun zeca por zeca, por ćiantè les döes domisdé spo i Öspi Latins y da mëte da jì spo la prozesciun dl Cör de Gejù fora Brach. Inće sce le vënt soflâ cotan, à i cherli portè i confaruns sön döt le iade cun crusc. Da sëra él gnü ponsè spo, sot a temperatöres basses incër i 7-8 degrà a 1.200 metri (söalalt saral stè n gran frëit y vënt) da impié i füć por la festa.

Le gran füch dl variöl desco simbol de Tirol, realisé a La Pli de Mareo.

La tradiziun da impié sö füć incër le solstiz da d’isté (corëta di dis, dé plü lunch) va derevers cotagn de agn lunc y lerch, conesciüs é inće i füć de San Jan (recordun le “Scioz de San Jenn”). Te Tirol él stè la festa dl Sacher Cör de Gejù che à renfresché chësta

I jogn che à ponsè ala realisaziun de chësc gran füch. Laprò él Simon Ellecosta, Daniel Ellecosta, David Ellecosta, Jonas Ellecosta, Oswald Ellecosta, Filip Ploner y Felix Pedevilla.

tradiziun cun impié sö füć sö por les costes de munt y söles pizes. I füć dess recordé te chësc cajo le segnal che gnô dè ala jënt de Tirol por s’arjigné al’oraziun y ala convocaziun por le combatimënt cuntra le nemich bavareje y franzeje. A Balsan êl gnü fat dl 1796 l’u cun le Cör de Gejù, por ciafè proteziun dal Cil tles aziuns cuntra i invasurs che n’â degun respet da dlijies y usanzes religioses. En chësc ann recordon ti paisc dl Tirol Storich i 200 agn dales veres dl Bergisel y tl iubileum àn orü i dè plü pëis ai füć dl Cör de Gejù. A La Pli de Mareo à n grup de jogn albü l’iniziativa da arjigné ca n variöl de Tirol sö por la tëmpla sura le zënter de paisc. Danfora àl messü gnì moseré fora y trat lignes y proporziuns sciöche pro la realisaziun de n fabricat. En domënia sëra à spo i set jogn podü impié sö le variöl che an odô bun dantadöt da Ćianacëi y Curt ca. Döta la Val de Mareo lominâ en chë sëra de füć, scebëgn che al ê döt ater co ćialt. Danter Piz da Peres y Al Plan lominâ trëi Cörs de Gejù tla nöt. I retrać di füć dl variö a La Pli y dl Cör de Gejù di Scizeri fat sön Piz da Peres é gnüs menà ćiamò en chë sëra a Dölsach te Osttitol dlungia Lienz, olache al gnô mostrè dal vi te paisc sön n gran linzó retrać de füć da döt Tirol. La montaja de düć i füć menà ite gnarà documentà dal ORF y gnarà spo inće publicà tl “sfëi iubilar” ai 20 de forà dl 2010, le dé che an recordarà la mort de Andreas Hofer dan 200 agn a Mantoa. Da odëi é bele śëgn i dui gragn füć d’La Pli de Mareo sön internet, portal: “www.doelsach.at”. (iaco rigo)

Ćians lëdi s’la roda por incërch. Les minunghes se despartësc. N valgügn i oress sarà ia dé y nöt, d’atri oress i odëi che ai roda fora por nostes strades cun liberté zënza termo. Al vëgn dit che an mëss ćiarè da ciafè n compromis. Le fat sozedü a Rina dan otedé (ćiara articul dlungia) desmostra che al va debojëgn de n regolamënt tler por i tiers - te chësc caje spezifich por i ćians - mo inće por i patruns che i tëgn na majera sensibilité y sëns de responsabilité (te tröc caji é chësta dada). Te deplü comuns de nosta valada él bele regolamënć y ordinanzes en cunt dla tematica di ćians. Mareo é un de chisc, olache al sta scrit danter l’ater che i ćians ne po nia rodè lëdi. Impò vëigon sovënz ćians bi susc che s’la roda fora por nostes strades. Baudié vëgnel di escremënć che ai lascia do strada fora, mo inće dles

brüsces rünades y de violaziun de proprieté privata. Mo dal fat sozedü a Rina odunse che ara nen va dantadöt dla sigurtè dles porsones. I ćians é tiers che i va do a n cer’ istint. Sciöche vigni tier, po inće n ćian saltè fora de moto da n momënt al ater, sciöche al é sozedü a Rina, y atachè na porsona che ne nen po nia. Orunse pa veramënter aspetè la tragedia por che an reagësces? Ćians alda tacà o tignis daite da sì (olache ai n’à nia la poscibilité da sciampè fora), mo sambëgn tignis te condiziuns adatades por n tier, deache inće iö sun dla minunga che n tier mirita respet. N regolamënt scrit à püćia valüta sce al manćia controi y sanziuns. Y spo se surantolunse le risch che al dais ca n dé o l’ater - Dî nes straverdes - n fat che i n’oresson mai che foss sozedü. Pablo Palfrader

Le ćian é le miù amich dla porsona, mo al po inće deventè prigorus.

www.lauscdiladins.com

13


Val Badia

nr. 24 / 27 de jugn 2009

Movimënt, coordinaziun y ecuiliber Fà movimënt é important. Chësc àn orü i trasmëte ai scolars dla elementara da La Ila, tres n proiet particolar. Ći che i mituns y les mitans à imparè é gnü portè dant te na festa de contlujiun

Daurida “intorenada” da na bela balada Festa garatada por la daurida de na mostra nia da vigni dé de laurs de lëgn de Pasquale Kastlunger tla Ostaria Sotrù a La Pli de Mareo. Bochês, taîs, goti, copes, caresc, schideles, de pices scultöres...

Gran entusiasm te scora elementara a La Ila por le bel proiet söl movimënt.

La Ila - Por stlü jö l’ann scolastich à i scolars dla scora elementara da La Ila podü en chësc ann passè n’edema n pü’ particolara. I scolars de dötes les cin’ tlasses à fat para pro n bel proiet dal titul “Movimënt, ecuiliber y coordinaziun” cun le referënt da Lana Sepp Marmsoler. Impede stè feter döt le danmisdé sentà pro banch te aula, à i mituns y les mitans, tratan döta l’edema, podü passè tröp tëmp te palestra. Al é gnü fat n gröm de eserzizi por miorè la coordinaziun y l’ecuiliber. Düć i scolars à porvè fora de vigni sort de injins dër particolars, injins

che an vëiga le plü gonot tl zircus. I mituns y les mitans à fat rodè cërtli, cordes y taîs, à imparè da fà morvëies cun fazorì da corù y à albü le coraje da jì fora por três dër strëntes. Do n pü’ de alenamënt é n valgügn scolars inće stà bugn da imparè da jì cun la roda da na roda sora o da jì de cinch sön na roda y da fà tröpes d’atres acrobazies. Le proiet é gnü stlüt jö cun na bela festa, olache al é rovè adalerch n gröm de jënt a ćiarè ći che düć i scolars â imparè da fà tratan l’edema. Le fin de chësc proiet ê chël de

i mëte a cör ai mituns, mo inće ai geniturs, tan important che al é da fà movimënt inće tla sozieté d’aldédaincö, olache tröc mituns stà ion dan la televijiun o dan i videojüć. Tratan döta l’edema n’à la maiù pert di scolars ćiarè degöna televijiun y s’à devertì te na manira plü scëmpla, cun jüć che costa demanco co n jüch eletronich y che fej scialdi miù. I ùn inće damanè n valgügn mituns y n valgönes mitans do na impresciun en cunt dl proiet.

Impresciuns di scolars Melanie: “Chësc proiet m’à salpü dër bel, deache i à imparè da jì cun na roda sora.” Valentina: A mé m’àl plajü le plü da saltè cun la corda y da fà rodè le cërtl.” Nadin: “Iö à ciafè na bela malieta cöcena. I ùn imparè tröpes cosses. Le maester ê dër da rì.” Maria Sofia: Al m’à salpü dër bel ćiodiche i à imparè cosses nöies che fej bun ala sanité, deache fà movimënt é sann.” Vicky: “Iö sun jüda sön la litra.” Sabrina: “A me m’àl salpü bel da jì cun la roda dl zircus. Dal mëteman êl bëgn n pü’ rî, mo spo sunse stada bona.”

Jì sön na roda sora n’é pa nia tan saurì, mo cun buna orenté se làscel imparè döt.

Cun les porsones pon inće cherié formaziuns y “costruziuns” scialdi demorvëia.

14

www.lauscdiladins.com

Daniela Irsara

Ala daurida: Pasquale Kastlunger, Franz Kherer, i dui jobleri Hubert y Lois.

La Pli de Mareo - “Patüc intorenè” é le titul dla mostra che é da odëi sön furn de stüa y ti nići dles finestres dla ostaria. Tratè se tràtera de na manifestaziun particolara, nia artistica tl sëns dl’archirida dl spirit tla scultöra, dessigü creativa y pratica deache ara presënta toć unicać che é por la maiù pert injins de öga: por la mësa, por la ćiasadafüch, por d’atres ocajiuns desco festes, surprejes, yii.. Chirì y presentè le bel alda pro la porsona y süa vita. De chësc vers à baié Franz Kehrer, scultur y maester d’ert, te süa picia relaziun de introduziun ala mostra. “Sce an i pita val’ a n ghest, ćiàron che chësc i plejes, y por alzé le sëns dl plajëi alda laprò le stromënt p.e. le goto por la boanda, la copa por l’ordöra, le boché por i ciüfs... Contegnüs da na forma nia industriala, da unicat, fej dagnora ligrëza”, à dit l’artist da

Costamesana. Pasquale instës à cuntè de süa ligrëza, chëra che al à da intorenè, da ziplé tl lëgn y da chirì inće les dërtes mosöres, dimenjiuns y proporziuns por sü toć. Dit àl inće che datrai pòl gnì fora chësta süa ativité n bel laur da n bur toch de lëgn, y n manco bel laur da n bel toch de lëgn. La daurida é gnüda incornijada dala musiga popolara de Lois y Hubert (orghi da man y chitara) y da n renfrësch arjigné dala familia Kastlunger da Pliscia. Al é spo gnü balè, ćiantè y an s’à inće nainé pro les melodies dla buna löna. Ruvé adalerch él cotan de jënt, deplü co pro val’ mostra de gragn inoms dl’ert, inće bunamënter deache na novité d’esposiziun descëda curiosité, y sce la curiosité é grana, spo se desfanta inće pro n artefix che n’é nia ausé da se mostrè döt le coraje che sta doìa. (iaco rigo)

Le furn de stüa é na buna paladina d’esposiziun. Odüda söi toć ziplà y inoronà de Pasquale dal Mone/Pliscia.


Val Badia

nr. 24 / 27 de jugn 2009

La usc dla munt che chërda Gnü fora dala ćiasa edituria taliana Mondadori le liber de Simon Kehrer y Walter Nones dal titul “È la montagna che chiama”, sottitul: “Luglio 2008. La tragedia del Nanga Parbat nel racconto dei sopravvissuti”. Śëgn dà i dui alpinisć presentaziuns y conferënzes sura döta la Talia y foradecà, inće cun la serada al 1. de messè a Al Plan de Mareo

Simon Kehrer: “Nos cuntun desche nos ùn vit i diesc dis tl gran parëi, atramënter co che jënt é gnüda informada dai media.”

Alpinism - Al é n ater monn cassö tles nëis y tles dlaces dles munts plü altes de chësc planët. Al é n monn che ma püć po conësce, y intënje düć i sënsc y la dimenjiun de umilté umana n iade te chëstes estremitês é “vita”. Chi che ne fej nia pert de chësta “vita cassö” po ma n pü’ la ćiarćé, canche

ai vëgn pro da s’la cuntè cun i alpinisć che ciafa de maius ödli y s’imblagna l’odüda dan al gran interes. Cuntè de sües esperiënzes y emoziuns é por i alpinisć desco messëi rafé te val’ scrin do farina por arjigné n pan: adoré n stromënt (lingaz umann) por comuniché cun i atri n’é nia na süa priorité, savon che parores dij ma püch de ći che an oress dì fora. Insciö se tin la gran munt alta y la jënt che röia sö le mister, chël dl chît y maiestus. Śëgn unse dan nos n liber nü, na publicaziun gnüda fora a livel internazional, olache i dui alpinisć jogn Simon Kehrer d’La Pli de Mareo y Walter Nones dl Trentin cun habitat te Sëlva (zënter di carabiniers) nes cunta te na forma scëmpla y pratica dla spediziun tl raiun dl Nanga Parbat dl mëis de messè dl ann passè che i â costè la vita al arpizadù estrem Karl Unterkircher. I ùn tut sö contat cun l’alpinist Simon Kehrer. Ël abitëia tla vila de Costamesana, Fraziun da Curt, te Mareo, a püć metri dala strada che condüj sön le ju da Furćia. Le jonn che compliarà d’altonn i 30 agn nes à respognü cun desponibilité y ligrëza.

La Usc: Do da n ann dal’esperiënza söl Nanga Parbat él śëgn gnü fora n liber a livel nazional tla Talia. Ći valüta à pa chësc liber por os dui, te y Walter Nones? Simon Kehrer: “Al nes é gnü dè la poscibilité da scrì n liber de nosta spediziun, olache i cuntun nosta esperiënza - a döes usc, la realté.” Ći valüta à pa chësc liber por la jënt che ô ciafè testemonianzes sön chë arpizada dl parëi Rakhiot? “Te chësc liber vëgnel cuntè dé por dé la vita al acampamënt de basa, l’arpizada di dui sismile Chongra Peak South y North, fata da nos cun le fin da nes atlimatisé por le gran parëi Rakhiot. I cuntun sambëgn inće spo de cô che i ùn pordü nosc compagn Karl, al vëgn fora nüsc sentimënć y nostes emoziuns. Nos cuntun desche nos ùn vit i diesc dis tl gran parëi, atramënter co che jënt é gnüda informada dai media.” Ći valüta à pa chësc liber por l’alpinism general y mondial? “Por l’alpinism general édl te chësc liber n arichimënt de döes arpizades nöies, sön le Chongra Peak North - tru nü sö por la costa nord-vest - y le tru nü dediché a nosc compagn Karl Unterkircher sön le gran parëi Rakhiot, un di püć y maius parëis nia ćiamò tocà dala porsona tl Himalaya. Tl liber saral inće les spligaziuns y les fotografies monüdes.” Cô él pa garatè? Ves sàl che os dijëise döt cun chësc liber? “Le liber é garatè, da me infora, dër bun. Al é gnü scrit te n modo dër saurì da lì, inće por chi che n’é nia alpinisć. I sperun da ester bugn da ti trasmëte ala jënt la belëza dla natöra y n pü’ de chësta nosta gran pasciun por la munt. Te chësc liber unse cuntè döta l’esperiënza cun le lingaz de cô che nos odun le monn y i fać.”

Simon Kehrer tratan süa pasciun, l’arpizada.

indô al Nanga Parbat? “I pinsiers al Nanga é ćiamò dër stersc, ajache al nes à tut n gran compagn y n gran alpinist che i aran dër manćia inće tl dagnì.” Śëgn mëtel man n capitul de PR (pubblic relation - relaziun publica) nü por te y os dui cun serades de presentaziun dl liber, proieziun de diapositives, intervistes dal vi, tla Talia y foradecà. Ći t’aspeteste pa? “La presentaziun de nosc liber ne sarà nia saurida, deache an ne n’é nia ausà da baié dan da tröpa jënt. Plü saurì saral da lascè odëi nostes beles fotografies y nüsc

films. I sperun che nostes conferënzes i plejes ala jënt.” Chê à pa chirì fora le titul dl liber “È la montagna che chiama”? “I ùn pensè dî do a n titul y chësc titul é por nos chël che passenëia le plü.” Él pa inće te osta previjiun la traduziun dl liber te d’atri lingac, p.e. tl todësch? “Nosta intenziun foss bëgn chëra da translatè le liber inće tl todësch, mo chësc odarunse spo plü inant. Śëgn n iade sperunse che chësc i plejes a düć!” (iaco rigo)

N liber diare dla belëza y dla mort Desco n fi de tëma y dolur se tira fora por döt chësc liber la fatalité liada al alpinism Le liber é scëmpl y lesier sciöche la vita tla munt. Sön 175 plates publichëia l’editur Mondadori na sort de diare de Simon Kehrer y Walter Nones. Amez le liber - sön döes desënes de plates lizies a corusc, nia numerades - él stampé i retrać y i comënć a chëstes de Simon Kehrer. Le liber i é dediché al compagn de iade y de vita Karl Unterkircher. I dui alpinisć se barata jö cun so diare. Le lingaz che ai adora é scëmpl, datrai infantil y descritif, l’elaboraziun jornalistica di tesć é plü tecnica co sogetiva. Les descriziuns dles emoziuns n’é nia euforiches, al vëgn sparagné cun fle. La sensaziun por le letur é chëra che al vëgn cuntè fać y che la gran filosofia y poesia n’alda nia pro chisc diari. Cuntè dl iade tla munt é sciöche i splighé a jënt che ne va nia tla munt ći che an fej ti acampamënć por trà ia le tëmp, ći che an pënsa denanco s’indormedì y de ći che an se tëm canche la munt s’erj sö maiù dan

Le cuertl dl liber.

ai ödli y tla mënt co ći che an ess ponsè. Chësc liber gnarà lit dër tröp, al é na resposta al gran tamtam mediatich saltè fora do la tragedia di 15 de messè 08 a pé dl gran parëi Rakhiot tl Himalaya.

Tan gonot pònseste pa ćiamò

Ćiasa de palsa: i laûrs po mëte man La ATI Bioc à pordü le recurs cuntra la ATI ZH dan le TAR a Balsan. I laûrs po śëgn mëte man, mo al é ćiamò n recurs pendënt dan le consëi de stat San Martin - I laûrs por la restrotoraziun dla Ćiasa de Palsa a San Martin de Tor po mëte man. Chësc nes confermëia inće so presidënt Hans Pescoller, che à podü lascè jö chisc dis almanco en pert le pëis dl stritoz che s’à cherié danter la ATI ZH (Assoziaziun a tëmp de imprejes dles dites Zimmerhofer, Hobag y Paolin), che â davagné le concurs por i laûrs, y la ATI Bioc (dites Bioc Bau y Bettiol), che ê rovada al secundo post. Chësta ultima â fat dui recursc al TAR - Tribunal aministratif

regional, cuntra la ATI ZH y cuntra l’aministraziun dla Ćiasa de Palsa. La ATI ZH â spo fat n cuntrarecurs. La dezijiun é tomada chisc dis, y le TAR a Balsan à sciurè zeruch i recursc dla ATI Bioc y tut sö le cuntrarecurs dla ATI ZH, motivan che les rajuns portades dant dala ATI Bioc n’ê nia iustificades. En sostanza ô chësc dì che i laûrs por la dortoraziun dla ćiasa de palsa podarà finalmënter mëte man, inće sce cun n intardiamënt de apresciapüch trëi mëisc, Chisc dis gnaràl sotscrit le contrat cun la ATI ZH y dè ia i laûrs

da pert dl diretur di laûrs. Sciöche ara é śëgn, él ćiamò n recurs da pert dla ATI Bioc dan le consëi de stat a Roma, che aspeta ćiamò na dezijiun. Por le presidënt dla Ćiasa de Palsa Hans Pescoller é la sentënza na alisiraziun parziala, deache i cosć é indô chersciüs, de un n vers por les spëises suraprò che gnarà a se cherié por l’afitanza dla sënta provisora, dl ater vers por les spëises d’avocat, che la Ćiasa de Palsa à messü tó por se defëne dai recursc. La sentënza dl TAR dij: vignun se paia le sò. (pablo)

www.lauscdiladins.com

15


Val Badia

nr. 24 / 27 de jugn 2009

La “revelaziun” de nosc isté

N foliet d’informaziun

Cun le cërtl de manifestaziuns culturales sot al moto “Cultura da Munt” deventarà Börz por chinescdé zënter de atraziun por nosta jënt y nüsc sciors

Le consorz turistich Alta Badia menarà fora chësc isté vigni edema n foliet de informaziuns, atualité, cultura y curiositês incër l’Alta Badia. Na oferta implü por i ghesć

Cultura - Chisc dis él prospeć dldöt nüs che fej la roda, ai à na forma retangolara ajuntada dal profil de na stria tl jore söla granara desche i la conesciun dales cunties plü tradizionales y misterioses. Le titul dl prospet é “Cultura da munt” y al descëda por süa amplëza y straordinarieté la curiosité: ći vëgnel pa pité? Les fondamëntes por chësc cërtl de manifestaziuns culturales va derevers al Bal dles Stries, che Antermëia à orü mëte sö dan na desëna de agn y à organisé intres indô ti ultimi diesc agn, dagnora da sëra d’isté ti prà de Börz. Fora de chësc spetacul dantadöt folcloristich àn orü ideé y planifiché ramificaziuns nöies, ajuntan dlungia ala mostra de tradi z iuns dant adöt manifestaziuns de carater plü artistich y creatif. Porchël é gnü le program ampl y spës, y al se tirarà fora por deplü edemes, dal dé 24 de messè al dé 8 d’agost 2009. I punć cardinai de chësta “Cultura da Munt” é la mostra alaleria dl’EPL - Ert por i Ladins cun ot artistes/artisć (ti prà incër le ju de Börz ia), spo le spetacul teatral por talian “La Strega” de Iaco Rigo (cun rezitatifs ritmics ladins), le Bal dles Stries, la mostra de retrać da zacan, spetacui y animaziun por mituns y le “dé söi fostüs dla natöra” (en colaboraziun cun i Parcs Naturai y la Repartiziun natöra y contrada dla Provinzia de Balsan). I ùn orü i damanè ala presidënta dla uniun culturala nöia “Cultura da Munt” Gaby Irsara ći che gnarà pité a jënt da chilò y sciors chësc isté sön Börz, y ći publich y ressonn che l’organisaziun s’aspeta.

La Usc: Antermëia se dà da fà por alzé l’atrativité dla vacanza da d’isté, y aviëia śëgn n proiet dldöt nü. Gaby Irsara: “Tres chësc proiet orunse mëte da jì na lignora de manifestaziuns plajores sides por nosta jënt co por i sciors, por valorisé ćiamò deplü nostes beles munts. Les manifestaziuns ti sporj la poscibilité ala jënt da odëi n intrategnimënt de valur artistich y cultural y da se gode deperpo la bela natöra sön Börz.” Le Bal dles Stries plej, mo al podess inće mudé te süa iesta da iade a iade por che al ne devëntes nia na rutina. Cô ciararà pa fora le Bal de chësc isté? “Chësta ota unse ćiarè da tiesce zacotan de novitês y da firé valch momënć de magia implü.” Le Bal dles Stries n’é nia ma plü n bal... “Le Bal aldiarà laprò, mo al ne sarà nia ma plü n ‘bal’. I sperun che la jënt aprijes chësta nosta oferta da pité deplü co ma n ‘bal’, y che al i fejes ligrëza da passè n valgönes serades sön Börz y sot Pütia cun cultura, teater y musiga.” Tö es la presidënta de na uniun culturala nöia, podess chësta CULTURA DA MUNT organisé vigni isté manifestaziuns dl vers de folclor, usanzes ladines, mo inće de spetacui d’ert, de musiga y de teater? “La Uniun se tol dant da descedè l’interes por l’ert y la cultura a livel local y da promöie manifestaziuns che respidlëia les tradiziuns, la cultura y la storia di ladins tres dötes les espresciuns dl’ert. Sambëgn ćiarunse spo da ti les fà conësce ala

jënt che vëgn da nos a passè sües vacanzes. I nes dun sambëgn dötes les bries da aumentè la cualité y la valüta de chëstes manifestaziuns. Fà teater a 2.000 metri tles Alpes, y chësc da sëra tl scür, é dessigüp na novité. Ći ves aspetëise pa dal teater y inće spo da dötes les atres manifestaziuns sciöche la mostra dl’EPL - Ert por i Ladins alaleria, dla desmostraziun dles usanzes da paur y dla gastronomia ladina? “Le teater alaleria vëgn fat te chësc bel scenar por ti dè na ‘preja de magia’ particolara y na ona de mistich y mît a döt nosc proiet. Le teater sarà val’ dldöt de nü te nüsc raiuns y al podess inće interessé por süa straordinarité i amanć dl teater dles gran citês talianes. I orun ćiarè da laurè cun nüsc artisć, chisc à de bunes idees y po portè val’ de nü tla presentaziun de nosta cultura, de nosta gastronomia ladina y inće de nostes usanzes da paur da plü dadî... fajon odëi nosta bela tera y l’isté de munt.” (iaco rigo)

Turism - Le Consorz Turistich Alta Badia se presentëia cun na novité. Tratan döt l’isté 2009 i gnaràl menè fora n iade al’edema a düć i eserzizi rezetifs dl’Alta Badia na novité: le “Foliet d’informaziuns, atualité, curiositês, cultura, articui dal’Alta Badia”. Ara se trata de tesć informatifs o articui gnüs fora ti folieć, te trëi lingac, che va ite plü sot te tematiches sciöche la cultura, l’atualité, les novitês o curiositês dla localité. Por che le Foliet ais suzes vëgnel damanè la colaboraziun de düć i eserzizi rezetifs. Chisc podarà stampè fora le Foliet y ti le mëte a desposiziun a sü ghesć por la letöra. Ćiamò plü valur ti gnaràl dè ales publicaziuns sce chëstes vëgn man

man coiüdes adöm y metüdes te na mapa a na moda che ares sides plü ordinades. Tla pröma ediziun, chëra di 29 de jügn, podaràn ciafè dui articui. Le pröm é dediché ala tlassifica dl Touring Club Italiano, che à detlarè l’Alta Badia, la localité plü bela dl raiun alpin, danter les 111 destinaziuns analisades. Tl secundo gnaràl tratè la tematica dl monn di ladins cun n pice vocabolar, olache an ciafa n valgönes dles parores plü adorades. I sciori interessà podarà damanè do na copia dl Foliet inće tles Assoziaziuns Turistiches dl’Alta Badia. Ara se trata de na oferta implü che i vëgn pitada al scior che sojornëia te nosc raiun. (ofize stampa alta badia)

Gaby Irsara, la presidënta dla uniun culturala nöia CULTURA DA MUNT.

L’orcena dal’edema

Festa dl refodam A San Ćiascian é la festa dl Cör de Gejù gnüda anuzada por desgorje de vigni sort de ciomëntaria Festa dl Cör de Gejù: Bandires vëgn lasciades dai sorasc jö y se lascia soflè dal vënt. Da sëra - sce le tëmp le lascia pro - él da jì a fà i füć. Por chi dla verda forestala é chësc n dé de laûr, deache vigni ann indô sozédel che i füć ne vëgn nia ma impià cun lignan, mo cun de vigni sort d’atra ciomëntaria. Pro le repertore alda montli, materiai da isolaziun y de vigni sort d’ater rofl, che aldiss pordërt da gnì desgort tles desćiaries autorisades. Chësc ann n’éra nia stada atramënter. Inće la forestala da La Ila é stada en sorvisc por fà controi sön döta la spersa. A San Ćiascian él gnü abiné te un Material - inće proibì da borjé - é impiré sö por n post tröp alimentè le füch. refodam proibì impiré sö y arjigné por le füch. Te n ater post é i auturs gnüs abinà söl fat che ai ti â tachè füch danter l’ater a montli. Te chësc cajo él inće saltè la straufunga. Al desplej che na te’ festa - che à süa tradiziun y so significat - vëgnes maladorada por desgorje ciomënt. Al vëgn recordè che la lege provinziala nr. 4 di 26 de mà 2006 (la lege sön la gestiun dl refodam y la sconanza dl terac), scri dant tlermënter che refodam ne po Abinà söl fat. Al vëgn borjé n montl. nia gnì borjé. (pablo)

16

www.lauscdiladins.com

La pröma plata dl foliet che gnarà fora ai 29 de jügn.

CD “Stè adöm” Dan chinescdé unse presentè te nosc foliet la cd nöia “Stè adöm a ćiantè y sonè”, dada fora dal UML - Uniun Maestri Ladins. La uniun oress rengrazié por le finanziamënt dla cd, che à ciafè sostëgn da pert dl Assessorat ala Cultura Ladina dla Provinzia Autonoma de Balsan, sciöche inće dala Regiun Au t o n o m a Tr e n t i n Südtirol. Le cuertl dla cd.


nr. 24 / 27 de jugn 2009

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Val de Fascia

Moena se sera fora al trafich La neva viabilità é jita en doura chesta setemana. Per i sentadins no muda trop, le limitazion val per la jent di autres paìjes Moena - La é jita en doura chesta setemana la neva regolamentazion de la viabilità de Moena. Na scomenzadiva che per dimenscion e mudazion é deldut neva te le val de Fascia e Fiem e che portarà zenz’auter mioramenc dal pont de veduda de la vivibilità de la Fata de la Dolomites. Le maor novità revarda soraldut chi che da Fascia vel jir a Moena che no i podarà più jir drec su la veia strada ma i cognarà far duta la circonvalazion, ruar ja Le Part e vegnir deretorn opura jir ju da la Campagnola e lasciar l’auto jun Navalge. Per cognoscer miec la neva regolamentazion aon domanà a l’Ispetor di polins del comun de Moena Gianluca Ruggiero. Co éla stata segnalada la neva viabilità de Moena? “I prumes segnai se i troa jà su la rodadoa de Pecé olache l’é stat metù na friza co la scrita “Someda” envers la velgia strada e “Moena zenter” envers la galarìa e amò apede n segnal con la scrita “divieto di transito a 700 metri eccetto autorizzati”. Sul crousdevìa per Someda l’é stat metù n gran panel enlumenà co la scrita “divieto di transito eccetto autorizzati”, da chiò en ju no podarà più nesciugn, fora che i residenc che à ciapà l bolin. Jun Cernadoi l’é stat metù n semafor, tedant a la Volksbank, che serf per regolar per 80 metres n sens unich alternà. Chest semafor é semper vert per chi che va en su e ros per chi che va en ju, con sensores che lo fasc mudar tel vert canche rua n auto da sora, ma chi che passa zenza autorisazion ciaparà la multa perché aló sarà i polins che controla. Chiò l’é stat enjegnà ence n tòch de marciapé te strada per la jent che vegn ju a pe da Someda e Pecé.” Donca no se pel più ruar te Moena da Fascia passan per la veia strada? “Na, se cogn jir fora per la galarìa e canche se rua sa la Campagnola se pol cerner se jir jun Navalge e lasciar aló l’auto o jir fin junsom paes e vegnir en su de retorn. No

limità? “Se inant aveane 8.000 passajes de auti al dì, ades ruaron al mascimo a 3.000. Tiran via i auti che vegn da Soraga ju, tiron demez l “trafich cet”, fajon a na moda che no sie più posć de embociament te paìsc, per ejempie sul crouscdevia per Sèn Pelegrin o tedant a comun. Se l’é na coa ge vel che la sie te na soula direzion, al mascimo en su e no più en ju e chest vel dir limitar le intersezion e donca aer n trafich più asvelto.”

L’ispetor di polins de Moena Gianluca Ruggiero.

sarà toleranza sun chesta sort de infrazion percheche l mudament é segnalà da doi divieti de azess, no se pol no i veder. La segnaletica la é n muie chiara. Ence l gran tabelon sun stradon, sora l lach, inant de la rodadoa, é stat endrezà percheche l fae a saer de chisc mudamenc. L’é miec no far i furbi, la multa la é de 78 Euro.” E col prum de messal jirà en doura ence le limitazion de trafich te paìsc... “La ZTL la é sperimentala e la sarà dal prum de messal ai 31 de aost. La perveit doi fasce orarie, da le 10 a le 12 e da le 16 a le 19. Chi che pol vegnir int te chisc oraries sarà duc i residenc che arà l bolin su l’auto e duc i mesi de patrons de seconde ciase a Moena, ghesć de alberghes, ghesć de cartieres e patrons de atività comerziale de Moena che i arà n pass, desvalif dal bolin di sentadins, che ge permet de jir int te la ZTL. Aboncont l’entrada te paìsc, ence te le ore de ZTL, la vegnarà semper da sot en su mai da Cernadoi ju.” L pass donca ge vegnaràl dat fora a duc i ghesć de Moena? “Scì, noi ge l daron fora ai patrons di cartieres e alberghes e chisc ge l farà aer a si ghesć.” Ma donca sarà semper biteboi! A che servel far na zona a trafich

Co vegnarala segnalada la ZTL? “La viabilità de la neva rodadoa ja Le Part no la é proprio sorida da entener, ajache per solit la prima direzion l’é la neva direzion, la seconda l’é chela che se chier per jir te paes. Aló, per scelte tecniche, i à fat la prima che va a Moena e la seconda chela che va envers Lujia. L resultat l’é che duc ciapa chela per Moena per no falar. Coscita aon fat a na maniera che ence chi che fala l’entrada, canche i rua aló dal café Moena i troa n segnal che ge segna che i rua te na ZTL e donca i cognerà oitar a dreta e se fermar a Navalge se i vel star a Moena, e se no i jirà en su a tor la varianta se i vel jir a Poza. L’é na zona a trafich limità con limitazion n muie lijiere, amàncol per chest prim an.” Cotant él gran l piaz dai auti jun Navalge? “Jun Navalge l’é 360 posć per i auti. Noi se auguron che l sie semper pien percheche vel dir che duc lascia ju l’auto e che jent n’é e no l’é crisi descheche se sent dir.” La ZTL jirà en doura proprio te na dì canche ruarà i ghesć. Co farai a ruar te albergh o te cartier? “No l’é n problem, l’é na situazion che se troa te duc i paesc turistiches. Se gio vae al mar e rue co l’auto te zone serade fora al trafich, posse int istesc fin a l’alberch percheche se i me ferma ge die olache cogne jir e i me lascia passar. Chiò sarà valif percheche basta che l ghest ge die ai polins olache l cogn jir.”

Cotenc polins de comun él chest istà? “En dut sion de ot. Te ogne pont strategich sarà n polin, donca no l’é da pensar de la far franca. L comun l’à tot più polins no per far più multe, e chest ge tegne a l dir, ma per far maor control e informazion su la neva viabilità.” Cotenc bolins él stat dat fora? “Endana per i residenc l’é stat dat fora 1.500 bolins. Chest fasc pensar. Se demò i auti di residenc i é 1.500, i é più che assà te n paes desche Moena e donca vel dir che l’era proprio de besegn de cheste limitazion.” E enveze cotenc pass? “Noi programon che i podesse ruar ence a 3.000. Chest vel dir che, te la piora de le ipotesi, te paes podesse viajar 4.000 auti. Noi aveane ponte de 12.000 passajes de aost a Moena, che vegnìa en ju, passajes calcolé da le telecamere de la Provinzia. Chest problem ades l’aon tirà via. Ence se gé fosse de l’idea de serar per duc perché l davegnir de le zone turistiche l’é le ZTL o zone pedonali. Canche jon en ferie sion contenc de esser stac te posć seré fora al trafich. No volone l far noi donca che vivon te n post beliscim?” Co éla donca che duc vegn a se tor l pass? “Perché aon na cultura falada, la jent no la é usada a jir a pe. Ence

se nosc pian de viabilità l’é stat studià proprio a na vida che i residenc no aesse nesciuna limitazion, per no crear dejaje a chi che vif e laora dut l’an te paes.” Co farale le firme che laora con Moena? “L’é jà n an e mez che dajon fora “permesci free”, che vel dir che con n paament anual i artejegn i pol meter jù l’auto ti posć a disco orarie o a paament zenza limitazion de temp e zenza paar nia. L’aministrazion à dezidù de conjobiar, per le firme da fora paes, chest permescio con chel de la ZTL. Se n artejan da fora cogn jir te paes ti oraries che l vegn serà al trafich, basta che l’aesse chest permescio che ge permet de meter ju l’auto ti parcheges comunai e de poder ite te la ZTL.” Jirede inant co la ZTL ence d’uton? “Co la viabilità mudada segur, la ZTL no pense che la vegne fata te la sajon da d’invern. Se pensava de la far magari da sera, sot Nadal, da le 18 a le 22, crean na zona pedonala. Chest tant l vegnarà fat ence chest istà: de messal e aost ogne jebia vegnarà serà fora l trafich te zenter da le 20.30 a le 23.00 e le boteghe verjarà ence da sera, e dai 6 ai 23 de aost vegnarà serà dute le sere.” Intervista de Monica Cigolla

Sun Cernadoi na part de la strada é stata resservada a chi che va a pe.

Na vita dedicada al Cor de Lejia Carleto Chiocchetti de Roja é jit a se scutar le armonìe del Paradis Vich - Carleto de Roja, “Nèno” per chi de ciasa e che i lo cognoscea mìngol miec, ne à lascià en vender passà, ai 19 de jugn: l’aessa compì 83 egn chest dezember che vegn. L’à spenù na vita entrìa per i autres, per l Signoredio, la Lejia e per soa gran pascion: la musega. Dal 1948 en cà, per più che 50 egn, l’à ret con gran dedizion, capazità e devozion l Cor de Lejia de Sèn Jan, compagnan fora per fora béleche dute le zelebrazion, messe e funzion. L’à dat luster con museghe scempie e soleni a le messe de ogni domenia e a noze e feste grane, l’à dat confort con

museghe più mestie e de sentiment a n muie de manconie. Per n bon pez l’é stat n referiment segur per l compagnament de la liturgìa te Fascia e, con gran gust, l ge à ensegnà a n bon pec de joegn i fondamenc de la musega e le basi per sonar l’orghen. L Cor de Lejia l’é stat, con duc i ciantores e le ciantarine che l’é passà te chisc egn, part grana e emportanta de soa familia: desché n pare l ge a volù ben a si corisć e ic ge a volù ben a el. Con semplizità e far ùmol l’à avert l cher de n muie envers chel mond coscita bel, rich e douc che l’é chel de la musega, del ciantar

e, soraldut, del ciantar ensema. Dant de ensegnar le note de n tòch, l spiegaa semper chel che l volea dir, se cognea entener chel che se ciantaa, per poder dapò l trasmeter a la jent che scutaa. Giò crese che ciantar per l Signoredio sie desché prear doi oute: l’orazion la rua colassù, amò più en su, desché na nigola de incensc che la va semper più en aut e la resta pojada daperdut. Talpai Carleto per chel che tu as fat per nosc Coro, per la pazienza, la dedizion e l temp che bolintiera tu as spenù per duc ti ciantores. Chel che tu ne as dat e ensegnà l resta conservà te nosc

cher e da chiò inant, canche ciantaron le lodi endana messa, pissaron ence a ti e prearon coscita ence per te, che ades tu es sun ciel ensema a chi che te à volù ben. Paussa tel son gaert de l’orghen che tu as sonà con gaissa per passa 60 egn, e tel son lijier e zevil de le ciampane de Sèn Jan, che semper te à compagnà te ti viajes e godete ades la pasc e le armonìe del Paradis. Con n braciacol gran, de recognoscenza, dal Cor de Sèn Jan. Renata Weiss

Carleto Chiocchetti de Roja. www.lauscdiladins.com

17


Val de Fascia

nr. 24 / 27 de jugn 2009

Sa Ciapel da 55 egn

L cianton dal temp

Marta Salvador vèrda con emozion l liber che tol ite i recorc de duta sia vita.

“Dut é nasciù per cajo, per n jech de bec che ciolé te n spech chierìa n ciel e n vièl da mont su...” Coscita conta Marta Salvador, al scomenz del liber “Olache l temp passa sorì”, dedicà ai 55 egn del Refuge Vièl dal pan. “Canche inlouta aon scomenzà, gé e Nato siane doi joegn piens de gaissa e de estro de fèr. Doi borses che volea crescer per poder stèr da soi, con nesc bec e con nesc insomesc. E mìngol a l’outa, portan

una per om na pìcola pèrt del mondo su la schena, sion rué olache l’or de pra se scontrèa co la nìgoles del ciel, e ló se aon pissà de voler stèr e lurèr... fin canche assane podù.” L’era l’an 1954, Marta Salvador aea 18 egn, sie om Fortunato Dantone 4 de più, canche i se à pissà de endrezèr “doi brees e n usc avert” sa Ciapel, “sun chel spigol revers anter ciel e pra... sun chel vièl che va da Soteguda a Cardaun”. Se a chel vièl, che da tempes veiores lea la valèdes ladines, i ge disc Vièl dal pan, descheche i conta, percheche dò chel troi i jìa da na valèda a l’autra per se vadagnèr l pabol, o enveze, descheche disc i studié, percheche te tempes veiores l’era l “trozzo delli pagani” e donca “troi paian”, no l’é te chest contest tant emportant. Chiò chel che conta l’é la storia de chela pìcola utia e de la jent che colassù e colaìte é cresciuda, l’à lurà, fat e dat. Na storia che Renata, Attilio, Andreina e Bepo, i 4 fies de Marta e Nato, à volù meter te n liber “desche segn de amor, recognoscenza e umoltà” per onorèr i 55 egn de Marta sa Ciapel e recordèr Nato, se n jit

massa prest ti prumes egn ’70. N liber n muie bel, olache i recorc de Marta, di fies, di nec, e de chi che te chisc egn sa Ciapel i à lurà o i é passé, vegn fora sćiantives dal cher, e i troa na foja lijiera e poetica de gra a Stefen Dell’Antonio Monech, che à scrit e rencurà la publicazion, con n muie de retrac veies de cèsa e na grafica dassen refinèda. “Olache l temp passa sorì” l’é stat prejentà en domenia passèda sal Refuge Vièl dal pan, olache per recordèr chisc 55 egn l’é stat fat gran festa. Parenc e amisc à empienì la sales del bel refuge, metù a nef del 2004 en ocajion di 50 egn, e aló don Enzo e Padre Mario i à dit na bela messa, na messa “da mont” con la fietes de pan brostolà enveze che la particoles. Dò messa, la prejentazion del liber fata da Stefen Monech à lascià lèrga a la emozions, soraldut de Marta, che con marevea e comozion à podù orir per la pruma outa chest scrign de recorc... ma bele per n moment, ajache dò duc con la gaissa, la desponibilità e la capazità de semper, se à metù al lurier, per ge sporjer a duc i amisc na rica e boniscima marena da sposc! (lg)

“ Na bela serada en compagnìa

En martesc ai 19 de mé, n grop de noi residenc de la A.P.S.P., ensema a infermieres, volontadives, operadores e animadora sion jic a se magnar na ciorda en pizzerìa. L’era n bon trat che aane intenzion de jir, ma chest temp mìngol bricon l ne à fat tribolar fin a la metà de mé. Entorn le cinch eraane jà duc bie vertesc, engaissé e segures de passar na bela serada en legreza; chi coi auti, chi col pulmin, chi ence a pé, da le sie sion rué sa l “Daniel Zen”, a ve la dir duta ence n muie famé! Sun usc l’era Natalina e Tiziano che ne spetaa vertesc a ne servir te dut chel che volaane. I ne a tratà sche de gran sciori, e chi che no podea magnar la ciorda à ciapà na bona supa e n bon

Marta e Nato Dantone coi 4 fies dedant al refuge del 1963. Retrat de grop dedant al refuge.

“Ncontra i monc”: te vedarès che bel!

Fies, nec e amisc à volù recordèr con n bel liber l cedean del Vièl dal pan e rengrazièr Marta Salvador, che dal 1954 l’é la “Regina” del refuge

toch de formai con i patac! Per serar su la cena, i ne à portà n toch de peta coi pomes, che la é fenida te n sent e amen, perché la era proprio bona e a ge pissar ne vegn amò gola! Fenì che aon de magnar se aon metù ensema dintorn a n desch e anter na ciantada e l’autra n’é sciampà ence valch barseleta, a la dir duta ence de chele mìngol paze… Da na certa ora zachei à vardà l’ora… mio Dio l’é jà le nef! Cognon jir a dormir! Ma na dai amò na cianzon… ensoma no volaane più se n jir. A la fin però aon cognù zeder e ciapar le massarìe e se n jir en ju. Rué te noscie cambre, nience l temp de pojar l ciaf sun piumac che jà la ne vegnìa doucia, ma sul vis n’é restà la legreza de na bela serada en compagnìa! Volon rengraziar duc i acompagnadores che se à tout fora na serada per star ensema a noi, rengrazion Franco che l ne à portà col pulmin e soraldut i patrogn del “Daniel Zen” che i é semper n muie desponiboi e pazienc! E a voi che lejede ve dijon: a n’autra più bela! I residenc de la A.P.S.P

N projet per duc i joegn, per jir a la descorida de la maraveousa Natura te Val de Fascia L “Piano-giovani”, prejentà e publizisà te la setemènes passèdes, taca via ades co la pruma scomenzadives concretes. Jà ti dis che vegn (ai 2 de Messèl l’é la pruma scontrèda) pèrt l projet “Ncontra i monc”, che à desche obietif chel de arvejinèr i joegn de Fascia a sie teritorie, ai monc, a la besties e a la natura de la Val, con de bie momenc de formazion e con escurscions stroz per Fascia. L responsabol del projet, Aldo Rasom da Vich, ne à dat vèlch informazion de più sun chel che vegnarà endrezà, ti meisc da d’istà e d’uton, en colaborazion col Socors da mont de Fascia, la aministrazions, colaboradores e volontadives che se à dat jù per meter en esser la scomenzadiva. De messèl l’é pervedù n domesdì col geologh Christian Fontana, per descorir e cognoscer miec sasc e minerèi de nesc monc, tras jeghes, ativitèdes e n “Nutella party” per leèr l grop e ge dèr chel goc de

18

www.lauscdiladins.com

douc, che va semper ben. L spion del bosch e l vèrdaciacia i sarà a la leta, per n moment de dret contat con piantes e besties che vif te nesc bosć; orienteering a quiz e regoeta de materièi specifics che se pel chierir tel bosch anter na dascia e na piotola, l’é demò valguna anter la ativitèdes con cheles che se matearà i bec. Anter aost e setember col Socors da mont, i bec che tolarà pèrt al projet podarà veder e entener miec co se goder en segureza i monc e viver en pruma persona n moment de socors su per n crep de na persona tel besegn. Te anter chest moment de jech e de informazion sarà ence na cena golousa te oratorie de Poza, con polenta e liènies, sessaben, n magnèr da “auta quotes”. La guides menarà dapò i bec a proèr dalbon sa mont chel che i à emparà, con na escurscion sun jouf de la Sèles, aló olache i podarà ence cognoscer vèlch de più su la Gran

Vera e su resć che se à troà ti lesc de batalia. Dò na sera de jeghes e fèr damat te refuge, l’é pervedù la dì dò de jir sù per la ferata “Bepi Zach”, anter moschetons e cordins, en segureza descheche l’é più bel e più giust fèr. Fora per l’uton te Museo Ladin vegnarà endrezà n bel moment con video e fotograf ìes, per entener miec coche l’era la Val enscin acà pec egn e coche l svilup economich i la à mudèda a fon. Co la pruma neif se serarà sù la serie de scontrèdes: na raida co le pel o co la cèspes, n marendel algegher con vèlch informazion sun chel che besegna fèr per jir en segureza anter i monc ence d’invern, sarà l’ocajion per se saludèr e per ge dir detalpai a duc chi che à tout pèrt a la scontrèdes fora per l’an. A duc, bec, volontadives e aministradores, ge vegnarà consegnà n CD con fotograf ìes e video, a recort di bie moments passé ensema.

La iscrizions al projet “Ncontra i monc”, pissà per duc i bec anter i 11 e i 18 egn de Fascia, percheche i abie l met de cognoscer più a fon l rich ambient olache i vif, les é amò avertes enscin a doman, domenia ai 28 de jugn, al pìcol cost de 20 € per ogne partezipant. Chi

che vel se jontèr ite a la ventina de bec che se à jà enscinuà, pel contatèr l responsabol Aldo Rasom sul fonin (348 5254203) o per e-mail: alrasom@alice.it. No perdé chesta ocajion! Thomas Zulian

Ge fèr cognoscer i monc a nesc joegn l’é l’obietif de chest projet.


Val de Fascia

nr. 24 / 27 de jugn 2009

A Barcelona a balèr l “Tibidabo” La raida de chi del ’64... anter cronaca e “gossip”

“I suoni delle Dolomiti” a la XV edizion Sacotenc conzerc ence chest an te Fascia con artisć de nonzech e ruarà ence Fiorella Mannoia

N bel retrat de grop per i conscric del 1964 a Barcelona.

Chi él pa sun chest retrat? Chesta la domana che ve sporc chest’outa da la piates de la Usc chest grop de joegn ferùscoi, che se à racomanà de no scriver pa i inomes de chi che l’é sù: i letores cognarà bele proèr a endoinèr. Nos obedion, e no ve dijon inomes, ampò vèlch “informazion de cronaca”, en cont de chest retrat cognon ben ve la dèr, e apede no pel mencèr mìngol de “gossip”, che ence per chi che no pel stèr sot l’ombrelon, chest l’é l temp giust per vèlch rufianèda. Fosc no duc saea la gran neva, che n grop de 21 conscric del 1964 de duta Fascia, ai 22, 23 e 24 de mé, i é jic a Barcelona per festejèr i 22 egn e mez (per giama). Ampò somea che a zachei de chisc, chesta età ge aesse sapù amò “massa”, e i à volù se enjignèr ence la croces, tant per poder dir de n’aer demò 11 egn e mìngol... spartii sun 4 giames! La vértola l’é stat chela de meter a la proa duc i conscric te na bela ejercitazion de socors: canche tel fèr n pìcol saut chel muscol se à sbregà, duc à dat desmostrazion de desponibilità e capazità, con

massajes e assistenza... auter che n ospedèl! Proa passèda de pien, donca, coi complimenc e i rengraziamenc di infortuné... che perauter i à passà la proa de “stoizism” desmostran spirit fort e gaert tel jir stroz per Barcelona zenza fèr problemes e zenza se lamentèr. L’é stat da chest che l’é nasciù la gran neva de cronaca: “per solidarietà” a Barcelona i fascegn à confermà defat sie nonzech de balarins de valuta... e l’é dassen n pecià che Ercaboan o Trail no sie stac aló a documentèr l’invenzion del nef bal “Tibidabo”. Speton ars che i se endreze a ne dèr na desmostrazion ence te Fascia! Apede al devertiment e a la neves del bal “Tibidabo”, no l’é mencià se sà ben la pèrt culturèla, con la vijita a la Sagrada Familia e a la òperes de Gaudì, e nience la aventures, con la pèrt “poliziesca” per ge corer dò a chela pìcola lèra de tacuins, (esperienza da chel che conta la cronaches de “radio ciuzé” belebon condividuda anter i fascegn che rua te la bela zità catalana), per recuperèr amàncol i documents.

Se sà che su la Rambla dì e net dura semper, e per l gossip, ve dijon bele sot ousc che una de la conscrites, tant per fèr da mat, l’à proà ence a ge fèr i eies douces a chel belot tous (con tant de moroja enlongia), ma l’à pa ben cognù se n vardèr da la “caliente spagnola”, che no la vae a ge sgrafèr fora i eies. Via pura, con mìngol de sangrìa dut é più douc e lijier, e con la bona compagnìa ence chel slaber beù te chela ostarìa anter la rainèdes (dò l terzo sluch) l sà enscinamai de “barrique”! Da chel che ne à contà la “spia” che ge é jita dò al grop, se pel entener che chi che no à podù o volù jir i se à perdù vèlch, ajache la compagnìa era “giusta”, la zità bela e l’organisazion ezelenta. Ma la ocajion, se chi vel se refèr, no menciarà: l’é jà stat definì l program per duc i egn che mencia a ruèr a la zifra torona: Londra, Budapest, Praga e Dubai... zenza se desmentièr Lourdes, per rengrazièr che – se pur zachei en sotebraa e co la giames de fer - duc é rué de retorn da Barcelona entriesc e, soraldut, bie contenc! (lg)

Musega - La é prest vertia la sajon da d’istà con duc si apuntamenc per endeletèr i ghesć e ence chi dal post. Na manifestazion unica te sia sort, l’é de segur “I Suoni delle Dolomiti” ruèda a sia XV edizion. Se trata de n festival de musega sa mont, che met adum museganc da dut l mond e la crepes più beles de la Èlpes, per leèr la gran pascion per la musega e i monc te desvalives conzerc. La manifestazion la é endrezèda da Trentino Spa en colaborazion con l’Azienda per l turism de Fascia. Tenc i artisć de nonzech che tolarà pèrt con desvalives conzerc ence te Fascia olache vegnarà sarà nef apuntamenc, duc chenc da la does domesdì: en domenia ai 5 de messèl sun Malga Boce con Têtes De Bois; en mèrtesc ai 7 de messèl a la Malga Peniola con Márta Sebestyén; en mèrtesc ai 14 de messèl al Refuge Pas de Sen Nicolò con Delta Saxophone Quartet; en jebia ai 23 de messèl al Refuge Boé con Paolo Fresu, I Virtuosi Italiani; en mercol ai 5 de aost al Refuge Contrin con Rhapsodija Trio; en mercol ai 12 de

aost te Val de Dona Camerloi con Quint’etto; en mercol ai 19 de aost al Refuge Monti Pallidi con Quintorigo - Play Mingus e l’ùltim apuntament l sarà en vender ai 29 de aost al Refuge Fuciade co la ciantarina de nonzech internazionèl Fiorella Mannoia. Per chel che vèrda i apuntamenc co l’èlba su la Dolomites en sabeda al prum de aost da les 6 da doman sun pra Martin sun Ciampedìe sarà l’apuntament con Marco Paolini. En ocajion de chisc conzerc l’é l met fèr ence na raida coi menacrepes, se scrivan ite dantfora ai numeres 0462.763309 o 339.6938726.

Roberto Vecchioni te Fuciade con “I Suoni delle Dolomiti”.

Chi él pa? Soluzion del retrat su La Usc nr 23 La setemèna passèda aon publicà n retrat che ne era stat portà da Olga Ghetta da Soraga con su i bec del 1953 a la Pruma Comunion fata ai 9 de oril del 1961 sa Vich.

12

13

A ne dèr la soluzion, apede a la medema Olga Ghetta, l’é stat ence Antonella Pezzei, fia de la maestra Clorinda (che l’aea tegnù sù i retrac de le Prume Comunion de si scolees e scrit i inomes vindò), e se sà ben

10

11

9 8

1 7

2

5

3 4

6

Lino Medico. Sul retrat l’é: 1. la Maestra Clorinda Pollam; 2. Anna Trottner Moca; 3. Beatrice Ghetta; 4. Olga Ghetta; 5. Maria Ghetta jomeline; 6. Ida Barbolini; 7. Gemma Loss da Tamion; 8. la maestra de Gemma che fajea scola sun Tamion; 9. Gualtiero (Walter) Lorenz; 10. Lorenzo Rasom; 11. Fiorenzo Detomas; 12. Edoardo Rizzi; 13. Gianfranco Oberthaler. En cont al retrat publicà su la usc nr 21 con su i conscric del 1900 Fiorenzo Soraruf da Ciampedel ne à dit amò dotrei inomes: l nr.3 l’é Teresa Donei de Soreghina, anter l nr 14 e 15 l’é na persona zenza numer e l’é Benedetto Daprà e l nr.16 l’é Giovanni Soraruf “Merican” père de Fiorenzo. Ge sporjon n bel develpai a duc chi che ne à didà ence chest’outa a meter ensema vèlch mizacola de

noscia storia, e envion desche semper chi che respon a vegnir te redazion a se chierir fora una de la publicazions de l’Union di Ladins o a ne chiamèr per domanèr de ge fèr la spedizion a cèsa. Ve meton apede n nef retrat

portà da Olinda Riz maridèda Bernard da Ciampedel. Podede ne portèr la soluzion te redazion a Sèn Jan, per tel. o per fax al numer 0462.764545 o per mail a la direz ion: lausc@ ladinsdefascia.it 10

8

5 3

9

4

12

14

7

16 15

2 1

13

6 11

www.lauscdiladins.com

19


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Ulà eli i contribuc de la Region?

L ánder del Excelsior N mistero l percié e ncan che l’è stada sgiavada la galeria vignuda a la lum co i laour de rsitruturazione del albergo Curiosité - Co i laur de ristruturazion del albergo “Excelsior” l’è sautada fòra l’entrada de na galeria, bel a mez l parei de crëpa che l é drio la struttura. L ánder l é ste deliberé dai mesi al laour per sgiavé, che i à neté ju la crëpa da le tièra che s’ava ngrumé coi agn. “No savëve che ilò assa podù ester n ánder” conta l titolar del Excelsior, Alessandro Denicolò, “ence m’ève ndentenù da nen tòch che colassù l eva n busc. Nviade ève prové a sforinglé ite con en bachët de trei metri, ma a la fin è lascé pièrde de chrì plu sot.” La galeria l’è longia zirca vint metri e lèrgia trei per doi. Ntansom la se slèrgia nte na ciana de diesc metri lèrgia. N souraluoch l é ste clamé ence Ezio Anzanello, del Cai de Oderzo, che da troc agn l se cruzia de porté nnavánt n studio sun dute le galerie de vièra su per l Còl de Lana. Drio sua opinion chësta galeria la podëssa ester stada sgiavada proprio n temp de vièra e po’ mèi dourada. Forsci perciéche fata puoch davánt da la ritirada. Ju per fonz defati l é resté gran bona pèrt del material sgiavé, sen che la galeria no l’é stada fenida o dourada. Daìte no l é ste ciapé nia. Ma gnánca chi plu vegli del luoch se recòrda de l’avei mèi veduta e chëst podëssa fè pensé che l’é stada fata e po’ restada sepolida ben davánt da la Pruma Vièra. Difizile ence capì perciéche l é ste sgiavé bel amesa la crëpa. N pico mistero, che chier na respòsta. (ls)

Nosta realtà, per fortuna, la veiga jovegn che à ciapé ite polito. E chëst vòl di trop. Na pèrt à coiëst su l savei nte la val, autri fòravia e chëst fesc ben speré ntel davegnì. De segur cánche l é ste dezedù de fè morì via

20

www.lauscdiladins.com

di i se ciapa davánt a mile dificolté, souradut n cajo de evenc da no podei pervedei, che no po’ e no mossa pesé deldut su le casse dei comuns.“ Che i conc s’assa podù i fè demé cánche se n fossa ju la nei, chëst duc i lo dijëva. Ma gran pèrt dei dagn i é ncora ilò da comedé. E a nen remëte podëssa ester ence l setor del turism, che d’isté l fèsc bele fadia de suo a ste mpé. “Prëst se giura la stagion” disc ncora Frena. “Nòst teritòrio l riscia de se prejenté al apuntament coi turisć nten desenour e no a l’autëzza del standard cualitatif che con mile dificolté cialón de garantì. La Region Veneto la mossësa capì che la promozion turistica la passa ence per chëste forme sostentament. Mosson refudé contribuc perciéche no son bogn de garantì ence le plu picole pèrt de cofinanziament. A dut chëst se njonta la situazion de le Comunità Montane, che gestìs gran pèrt dei servisc n forma associada per i Comun, tignude su per n fil, perciéche la Region no vòl le recugnësce. (sl)

L’aministrazion Ruaz prejenta sua scuadra Cater i assessori. Deleghe a doi consiadous su agricoltura e bòsć L ánder soura l albergo Excelsior.

de Alessandro Lezuo

“No demé gramatica”

Paolo Frena, Capocomun da Còl, contesteia Venezia per i sciòldi mpermetùs ( e mèi ruèi ) pe ri dagn de le gran neváste de st’invièrn Còl - Son bele d’isté, ma dei contribuc mpermetus da la Region per i Comuns che à plu dagn da l’emergenza nei de st’invièrn i Capicomuns i nou n’à vedù gnánca l’ombria. L prum zitadin da Còl, Paolo Frena l é nrabié:”L’emergenza l’ava da ester gestida ome tèla e no come n bándo. Mosson fè debìc per paié ju le speise dei dagn.” L é passé prëst trei meisc da cánche l assessor regional Chisso l eva rué ntel Agordin per vedei de persona i dagn de le gran neváste. Nte chëla ocajion l ava ence nconté i sëdesc prums zitadins de la valada e con lori l s’ava mpigné de i é vignì adincontra con aiuc. “Sebénche i Capicomuns, n dificolté a fè ju l bilánz per l 2009, i abe fat plu oute solezitazions de chëst vièrs, nia l é ste ncora dezedù e s’à coscita arbandoné le aministrazion nte gròsse dificolté. Nte valgugn caji i à ence mossù fè debìc per fè front a chësta emergenza. L é umiliánt” l disc ncora” che la Region la no siebe bona de capì i debujens de aministradous che ogni

Cuestion de dignité Se sent spudé vagons de parole su le val da mont. Vigni outa l é da sentì le sciòlite storie,fate de situazion desvalive, de contribuc e de tánte robe mpermetude. Duc se lamenta, coscita a la fin ven darzé fòra vèlch e gnánca per duc. Se sa polito che a vive nte na val da mont no n é nia saurì, ma volëssa ence se domané se l’economia che vivon aldidancuoi, la siebe fata “su mesura” o gnánca deldut per podei ciafié a vive sourì cassù. De chëste cuestion no s’à mèi sentù descore granché. Nsomeia che la direzion che l’é stada ciapada, siebe la sola che pò ne de da vive. Ma no crei che la siebe coscita. Pense che oramèi da passa chindesc agn nca, podombe ester duc d’acordo ntel di che l é ste de gran mudamenc ence ntel mond del laour. No dijon dute le “malefate” che l é ste fat, dijon demè che aldidancuoi, se douron n arteján per chèlche laour nte césa o de auter viers, nia très se ciafieia al ciapé chilò.

nr. 24 / 27 de jugn 2009

i garzons, l é ste fat n eror difizile da darzé fòra. Chëst vòl dì che na bona pèrt del savei de le èrt del laour dei artejagn l no n à podù ester passé con regolarité ai jovegn, che nveze i à bu da ji a scòla a mparé de segur vèlch che sièrf, ma che nia à da spartì con chël che i assa mparé a fé i garzons o i laoránc. Come che suzede, l meio teriòl l é la mesavia. Mparé co i artejagn e ji a scòla. Chësta ava da ester la soluzion per mpermëte a na realté de podei se garantì n bon davegnì. Ma chësta no n é nia la sola gauja de duc i nuosc “dijastri”. Assa da ester che l savei no se pierde per no mossei fé i conc con autre dificolté soura chële che on bele. L davegnì, per chèlche muot mei scrit, l no camina très sul suo teriol co nen ogle a chël che l é ste. L savei l é na condizion viva che à très vèlc da mëte prò e perciéche la devente na richëza, l’ à debujen che chësta pèrt de l’eredité che ven lascé a le nuove generazion, la pòbe de i suoi fruc. Crei che na gran sfida per l’economia de val pòbe ester chëla de mëte a ji n modo de vive che mantegne plù che se pò le richëze vadagnade chilò, per podei meio garantì n marcé ulàche duta la val à garanzie de podei tò pèrt. Podaralo mèi ester dut chëst ? Dute le ativité che produsc à debujen de jent che laora. L é a di puoch vèlch de chèro

che na bona pèrt de chësta la mossa vegnì da fòravia a se vadagné l pán. Ma nta Fodom le nuove generazion, podarale avei n laour chilò e na fameia chilò? Chësta l’é na situazione che tòl sot sua gonela duc chi paisc che à bu a ci fè co l svilup economich. Jent con mánco poscibilité, che chier aiut ulàche i po ie l dè, l’é na regola del marcé. Chël che se stenta a vedei l é che se nte chisc paisc l é jent che no n à n laour, ma ntel medemo temp l laour l é, à per forza da ester chèlche “roda” de la machina da cambié fòra. Saralo demè “miopia”? A la fin l riscio maiou l é che très deplu i mosse ji fòravia. Disgregazion nveze de union.

“La dignité l’é de la persona, no del laour” No saralo che ence i laour che sièrf vignidì i siebe deventéi sclëc da l di a la not perciéche i conta che la dignité no l’é plù pèrt de la persona, ma del laour ? Elo sclët fè i lec ntei hotiei, sturté su l scich dai fonc, soperscé ? Ma nlouta, se chisc laour l é na mère de fameia che i fèsc, cámbielo velch ? Dëla de segur la no fèsc na cuestion de dignità. Elo coscita sclët per n om fe l fachin, o ji a sié ju le scarpate, cánche n père de fameia l fèsc da spës i laour

Comun - Prum consei nsëra, 26 de jugn, per l’aministrazion Ruaz. N consei de formalità, ulàche ven convalidèi i consiadous eleti nte le ultime consultazion e l Capocomun fèsc suo giurament su la Costituzion. L’é chësta ence l’ocajion ulàche la nuova aministrazion presenta i nuos assessori co i desvalìs referac. Coscita sarà formada la nuova jonta: Ugo Ruaz, capocomun con referat su fabriché e afari generai, Claudio Sorarù, vizecapocomun e assessor

al bilánz, istruzion ( ulàche l sarà daidé da la consiadëssa Daniela Templari ) e social ( cèsa da paussé Vila S.Ijep ), Fabio Denicolò, laour publizi, Lorenzo Pellegrini, ambient, sport, rapòrc co le Vijinánze e le associazion e Manuel Roncat, turismo. Al consiadou Paolo Degasper l’é stada dada la delega a l’agricoltura, a Vito Crepaz chëla sui bòsć. Maurizio Denicolò se cruziarà nveze dei rapòrc co la stámpa. (ls)

da fadia e l se ten nët l pre dintourn cèsa? L no fèsc na cuestion de dignité gnánca dël e per jonta duc doi deban. No elo forsci la dignité de le persone a fè crësce le fameie, a mpermëte de no avei vergona de dute chële “diferenze”massa grane che po’ deventé n peis per la vita da vignidì ? Dit chëst crei che na pèrt del desvalif ntra la jent, abe ence en muot che pert da come che ven calcolé l laour che fesc na persona. Chëst no n assa nia da ester. L laour l é n arichiment per la persona. Cánche l deventa n “strument” per produje vèlch de desvalif, crei che siebe da se cruzié almánco ncin. Nsomeia sclët ence ji a laoré su na funivia. Ma nlouta sonso ben segur de podei di a dut l mond che l é polito coscita ? Perciéche se podon se mpermëte de l di, on ence dit che no l é granché mportánt l davegnì de le persone e de nòsta jent. La sostenibilità, nte dut chëst, l’é stada “dourada” da se neté i ciuozèi nveze che come chël bon strument che sierf per dezide polito. Na comunité à nte suo dna l fat de avei deplù ousc, mán, teste e cánche se descor de n

vèlch che porte n mudament, sièrf l contribut de duc. Chësta se clama democrazia. Da dut chëst sauta fòra che le diversité nte comunité i à n muot prezious de ester téle. Vòl di de segur che no n é n defét, ma un dei strumenc maious per avei garantìs chi derìc che a da limé via l desvalif e nò l fè crësce. Come fossela se nten coro se sentissa demè le ousc dei solisć? Demè se sention la ousc de duc i corisć podaron di de avei sentù cianté l coro. Coscita l’é nte la vita da vignidì. Se vignissa damané a la jent ci che la volëssa mudé per vive meio, ma senza degugn condizionamenc de vigni sòrt, vignissa fòra vèlch che fajëssa de segur pensé. Vivon nte na cultura ulàche i mèi i resta co na mascra soura via fin che se ciafieia a i porté su le spale. De chël che sarà davò se se cruzia, crei, scialdi puoch. A la fin demè se chël che fajaron ne consentirà de vedei nasce nuove fameie e nuos tosac, podaron di de avei dé l prum gran contribut per dut chël davegnì che ruarà davoprò, per l ben de nos nstësc e de duta nosta val.


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel: 0436/868615 Fax 0436/876689 - e-mail: ra.ulda@tin.it

nr. 24 / 27 de jugn 2009

Anpezo

Ra Boite fora a Agabona

Fregores

Un gran laoro, par derzà el ru, par se defende da r’aga, par precurà el stradon, che el pasa alolo sora chera sponata

Alcuanta noes in curto, da ‘l paes e da fora

A vardà śo da ‘l stradon, se vede agnó che pasa ra Boite ancuoi e agnó che i vó ra fei tornà, a man dreta.

Se laora, da alcuante mesc, inze ra Boite, fora de Agabona, ignante de ruà su chel de San Vido. Ra Regoles d’Anpezo, co ‘l so tecnico Diego Ghedina Tomasc, ‘s à fato un projeto par bete a posto chera spona, che r’é drio a zede, gouja che r’aga ra jaa, de sote, da canche ra Boite ra s’à tramudà, pi a man zanca. Coscita se vó fei algo, par ese pi segure, agnó che r’aga r’aea magnà fora ra jera e r’ea ruada deboto fin sote el stradon. I anes pasade, se recordarà, r’inpresa Dal Pont r’aea fato algo, ‘l ea stà portà material, par fei su danoo chera spona, ma no n’ea asei. Ades se pensa pi in gran. Se portarà danoo r’aga de ra Boite a man dreta, agnó che r’ea ignante; śo da ‘l pe de ra spona i betarà un grun de sasc, de coole biei grosc, e ‘pò via par sora

I gran laore inze ra Boite, fora de Agabona, che ‘s é drio a fei ra Regoles de Anpezo.

se podarà bete outres sasc e tèra. A vardà da ‘l stradon, da sora in śo, se vede polito agnó che i à jaà el caneo, gran asei da i fei pasà inze ra Boite, anche d’ousciuda, canche ‘l é ben da aga, co ‘l delega. E se vede ra machines a ‘l laoro, par fei un’arcia, da proteje ra sponsa, de sote, agnó che dapò sarà da desciarià el material. Beśen dì alolo che no n’é ‘na discarica, ‘na chipa, agnó che se pó portà de duto, anche el material inerte, chel che vien fora canche i peta śo ‘na ciaśa, agnó che ‘l é inze taeles, peton, les e cisacé de outro. Chera r’é ‘na riconposizion anbientale, coscita el material che se porta là ‘l à da ese neto. Par esenpio, chel che se jaa, canche se fesc un posto par ra machines, sote tèra, o ra fondamentes par ‘na ciaśa. Dute

podarà portà el so material, da chesto istade. Ra Regoles es betarà fora un pefel, agnó che ‘l é scrito cé e cemodo, e cuanto che costa. I é drio a spensà de fei polito par i anpezane, par i regoliere, che i pode pagà demanco, o mangare portà par deban. El projeto ‘l é gros, se parla de almanco 500 mile metre cube de material, coscita da śì inaante par anes. Pi che see, chel che conta ‘l é che, a fei coscita, deenta pi segure el stradon e ra pista par ra rodes, che i pasa alolo de sora. E ra Regoles d’Anpezo, ‘na ota depì, es mostra cuanto che ‘s à acaro de defende, de precurà, de fei algo par ‘l anbiente de ra Val de Anpezo, con un vantaśo par dute, par ra śente de ‘l paes e par i foreste che rua, no solo par i anpezane.

I laore par comedà fora ra Polveriera El Comun de Anpezo ‘l é drio afenì el laoro su ‘l vecio monumento, par podé lieśe danoo ‘na pajina de ra storia de ‘l nosc paes Ra vecia Polveriera de Anpezo ra podarà vive ‘na vita noa. Dapò de un gran laoro de cartes, che ‘l é śù inaante par ane e anorum, ades i à lourà co ra machines, co i atreze, co i braze. El Comun de Anpezo ‘l à betù 65.958 euro, par fei fora el projeto de ‘l architeto Michele Merlo, che ‘l é el diretor de i laore, e de ‘l inśegner Luiji Menardi Malto, che ‘l é inze co i Scizar de Anpezo, dapò de ese stà presidente de ra Union de i Ladis de Anpezo e de r’Union generela di Ladins dles Dolomites. El prin projeto ‘l é stà fato de ‘l 2004, mostrà a ra giunta de comun ai 23 de dezenbre de chel an. Dapò ‘l é stà ra Sovrintendenza da Venezia a dì ra soa, e ‘l é stà da ra scotà, par mudà algo. Dinprin ‘l ea stà propio i Scizar de ra Conpagnia de Anpezo Hayden a voré fei el laoro, ma dapò s’à vorù che fose el Comun de Anpezo a lourà e, un doman, sarà i Scizar a i tende a chel monumento. Intrà dute chi outre laore, sarà da fei el cuerto noo, co ra sciandora de laresc, cemodo che ‘l ea ‘na ota, betuda duta in tondo. “Chera Polveriera r’é algo de bel – el m’à contà ‘l architeto Michele

Merlo – nafré parcé che r’é tonda, nafré par agnó che i r’à fata, intor el 1860, fora in son de chel sasato, su r’aga de ra Boite”. Ra polveriera r’é stada fata là propio parcé che r’aea da ese indalonśe da ra ciaśes, da ra śente, Ioarde che fose soutà par aria el polar che ‘l ea inze. Par chesto r’ea indalonśe da chel gran ciaśamento, chel che ancuoi ‘l é ra Ciaśa de Comun, agnó che ‘l ea el Capitanato de i Asburgo, par i paesc de Anpezo, Col e Fodom. “Ra Polveriera r ’é ‘na

testimonianza da precurà – el śonta pede ‘l architeto Merlo – e val ra spesa de i lourà drio. Sarae da comedà fora anche duto chel che ‘l é là pede, sote el Parco de Revis. S’aea pensà de fei pasà da chera ra pista ciclabile, par ra bicicletes, dapò inveze s’à vorù ra tramudà, su ra vecia farata. Ma anche i troes, da śì a pe, i é algo de bel, intrà ra piaza e Cianpo, fora par Convento. Ra Sovrintendenza medema, dapò che s’à vardà drio polito chel posto, r’à dito che sarae da ‘l comedà, da ‘l netà, da ‘l fei varé depì”.

I zochete par piaza Chi zochete de porfido i no vó in saé de me lascià in pasc: ‘l é danoo duto un lourà, par ingarià ra piaza, agnó che ‘l é stà tolesc via ‘l asfalto, śa poche anes. I zochete i và ben, ma chel che fesc desperà ‘l é ra scendedures che ‘l é intrà. I à proà a res stopà su con nafré de duto, ma fin ancuoi i no n’é śude adora a ciatà el material iusto. Coscita ades i é danoo drio a lourà, ignante par res svoità, chesta benedeta scendedures, par res netà fora, a sofià co r’aria, e dapò par i bete inze, e via par sora, algo de ‘l ver. Pi che see, a padì ‘l é ra femenes, canche es bete i scarpe co ‘l taron sotil, che el se ficia. Ma a fei fadia ‘l é i vece, o ra parsones che stenta a se moe, e no se ra gode gnanche ra mares, co ra carozetes, o ci che à biśoin de se moe su ra carega co ra rodes. El bel ‘l é bel, ma calche ota el no n’é par nuia comodo.

Ra pista da bob El bob ‘l é morto, e i é beleche drio a ‘l seporì. I dis pasade ‘l é stà nafré de bateboi, par el paes, nafré su Facebook, nafré su par ra gaśetes, canche ‘l é stà scrito che i ea drio a svoità fora ra machines da fei jaza, i ea drio a tirà fora r’amoniaca. Chesto vó dì che i no n’à chera de res inpizà danoo, che par ‘l inverno che vien, e par chi dapò, ‘l é meo se desmenteà de ‘l bob, in Anpezo, e de ‘l cocio, e de ‘l skeleton. Canche i ea stà domandà, in consilio, chi de comun i aea dito che i no n’aea sarà ra pista, ma che “l’attività è sospesa”. Aì, i r’à propio tacada su.

In America par se fei onor Doa righes par contà de chel che ‘l à fato Enrico Gaspari Bechereto. Chesto śoen de Anpezo, nasciù de ‘l 1976, ‘l é śù a studià a ra Columbia University, una de ra pi conosciudes d’America, inze ‘l Stato de New York, e ‘l à ciapà ra laurea de chera che, par talian, sarae economia statistica. Ades Enrico Bechereto el vive e el laora in America, con chera de se fei onor, par se medemo, par ra so familia, che r’é śuda via, a ‘l ciatà, canche el s’à laureà, e par el so paes, agnó che ón dute acaro de aé śoen coscita. Chel che despiaje, però, ‘l é che de spes chiste tośate i no pó tornà a vive e a lourà in Anpezo: coscita el nos paes el perde propio ci che podarae el dià, par cresce e meorà. “Ei acaro canche i nostre śoen i pó śì fora, viaśà, vede el mondo, studià e se parecià polito. Ma ei pi acaro canche i torna inze ‘l nosc paes, a me dià ‘na man, par el fei śì inaante senpre meo” – ‘l à dito, pi otes, el nosc capocomun Andrea Franceschi de Matia. Cemodo se fejelo a no i dà rajon.

Rua ra Sagra I laore par comedà fora ra vecia Polveriera in Revis: un pizo, gran monumento de ra storia de Anpezo.

Vera ca che ra rua, anche ‘sto an, ra Sagra d’Anpezo. Dute i é beleche pronte, par domegna ai 5

de luio, par ra festa de’ l paes. Da bonora inaante sarà i banchete par piaza, da podé se cronpà algo, sarvije o cope, da magnà o fijicaries, o mangare ‘na bestia, un conìo, ‘na pita o cisacé. E de ‘l dapò disnà sarà da core, da tirà, da sià, da fadià, cemodo che se sore fei ogni an, intrà i sié Sestiere de Anpezo. E ‘l é da sperà che i see dute e sié, che ca ‘l è senpre ‘na śuoia, a bete aduna ra scuadres, pi che see par alcuante sestiere, chi pi pize, con manco śente. Scuadres par fei core i pize, ra femenes e i ome, scuadres par fei fadià i mastinaze, a tirà el funazo, o chi che i dajarà inze co ‘l sion, ma sià ra bora. Ma ra fadia pi granda r’é chera de ra tropa śente de i Sestiere de Anpezo, che à da lourà a parecià ra Sagra, a i stà drio a duto cuanto, parcé che see dasen ‘na bela festa.

Cridore su par ra crodes No n’é asei che i se cride inze ‘l paes, par fei su ciaśes, co i foreste che ogni di i s’inventa algo denoo, aduna co i so avocate, a śì par tribunai, e el comun che ‘l à da se defende. Da anes i se crida anche su par ra crodes, agnó che ‘l é i refuje. Sote el Sorapis, agnó che ‘l é chel bel lago zeleste, ‘l é cridore par el refujo Vandelli, intrà ra sezion de Venezia de ‘l Club alpin talian e ra Regoles d’Anpezo. Là de refuje in é stà fato tre: el prin, de ‘l Otozento, el se ‘l à menà via ‘na laina, el secondo el s’à brujà, ades ‘l é chesto. Ma no se sà polito agnó che ‘l é stà fato su, se ‘l é de ‘l Demanio o de ra Regoles, e coscita se và inaante par man de avocate, da anes e anorum. Conpain inze in son de ra val, sote ra Croda de ‘l Beco, el Cu de ra Badesa, agnó che ‘l é el refujo Biella, che ‘l é de ‘l Cai da Treviso. Anche ca cridore, ma co ‘l Comun de Anpezo, par via de alcuante locai fate su senza i parmese, inze un posto agnó che ‘l é el Parco, e no se podarae. Coscita a magnà e a s’ingrasà no n’é ci che rua in refujo, daante a un bon piato de menestron, o ‘na polenta ciouda co ra luganega e ra fonjes, ma i solite avocate.

Ce de musica, d’istade Somea che, canche vien d’istade, see pi voia de musica. R’à da ese propio coscita, a vardà el programa de chel che se podarà scotà ‘sto an, in Anpezo. Se scomenza alolo, ades de luio, da vendres 3 a domegna 5, con un grun de conzerte de core. El nosc Coro Cortina in ciamarà outre tre, par tre dis de ciantades, par piaza, inze jeja, su par i śuoghe. Dapò ruarà outre cantantes, a portà tre operes, de cheres pi conosciudes, da luio a agosto. Musica clasica inaante, co ‘l Festival Dino Ciani, betù aduna par recordà chesto pianista, morto śoen, che ‘l aea tanto amor par el nosc paes. Outra musica, maestro, co ra bandes, a ra fin de agosto, par ‘na setemana intiera. Ma no n’é duto, parcé che de conzerte, de musica, de ciantades, in sarà ancora; basta stà co ra rea daertes. www.lauscdiladins.com

21


Anpezo

nr. 24 / 27 de jugn 2009

I Scizar de Anpezo e ra so bandiera Ades voron el Un vecio drapo de seda, ciarià de zento e sesanta ane de storia de ra nostra śente. Ades ‘l é i Scizar a ra precurà, ma se speta de ra podé bete fora inze ‘l museo de ra Regoles. El laoro par ra comedà, dapò duto chel che r’à pasà, con doa gueres intrameśo

Per Iddio, l’Imperatore, la Patria, cemodo che se lieśe su ra bandieres de duta ra Conpagnies de i Scizar de ‘l Tirol. Ma in Anpezo ‘l é scrito par talian, che no se doraa el todesco.

Ra vecia bandiera di ra Conpagnia de i Scizar d’Anpezo r’é tornada inze ‘l paes. Dapò che i r’aea ciatada, coscita malredota, i r’à comedada, e ades r’é bela deboto conpain de canche r’ea noa. O fosc depì, con duta ra storia che r’à via par sora. Par intanto r’é inze ‘l Hotel Victoria, agnó che es r’à portada ra doa femenes che ‘s à lourà, par ra bete a posto, e agnó che a ra spetà, a i dà un bon azeto, ‘l ea Ugo Constantini Ghea, el capitagno de ra SchuetzenKompanie Anpezo Hayden, aduna con Erik Brizio e Pierluigi Bergami. Dapò i vorarae ra bete fora inze ‘l museo de ra Regoles, ma ‘l é da spetà che el see a posto, inze pede ‘l Alexander Girardi, agnó che ‘l ea ra vecia sia. Ra storia de chesta bandiera r’é bela e longa. Ra scomenza de ‘l 1849, canche ‘l é ‘l Inperator Franz Josef a i ra donà a i Scizar anpezane, par i dì gramarzé de chel che i aea fato ‘l an ignante, canche ‘l ea stà duto un caramus, par duta Europa. Ra śente d’Anpezo, anche in chera ota, r’ea stada fedele a ‘l so Kaiser. Ma, alcuante ane dapò, outra neoles, negres e burtes, es viaśaa inze ‘l ziel de ‘l Vecio Continente: de maśo de ‘l 1915 anche r’Italia r’aea chera de tuoi parte a ra Prima guera, che ra brujaa beleche da ‘l

istade de ‘l 1914. I śoen d’Anpezo i ea drio a morì, su ‘l fronte de ra Rusia, in Galizia, in Polonia, e i Scizar i ea stade ciamade su in Son Pouses, a i sarà ra strada a i Taliane. Ra Conpagnia r’aea par capitagno Bortolo Alverà Dipol, cemodo che ‘l é scrito inze ‘l diario de Luigi Michielli, e cemodo che se pó lieśe inze ‘l libro che i Scizar i à fato de ‘l 2004, proprio par fei festa a ra so bandiera, scrito da Paolo Giacomel, co ra bela fotografies de Diego Gaspari Moroto de ‘l Bandion. Ra note de ‘l 23 de maśo, propio el di ignante che scomenzase ra guera co r’Italia, el capitagno ‘l à mandà alcuante ome in Anpezo, inze ‘l paes, a se tuoi ra bandiera, che r’ea restada inze ‘l cabioto de len de ‘l toulazo, el Bersaglio che, ancora ancuoi, ‘l é inze pede el Ponte de ra Zesa, e che ades i vó comedà fora, dapò de ‘l aé tramudà. Ra bandiera r’é stada par alcuante dis in Son Pouses, fin ai 13 de śugno, dapò i Scizar i é moeste par el Col de Lana, a pasà par Bruneck. Là i à poià śo ra bandiera inze ‘l Hotel Post, agnó che ‘l ea el comando de chesto toco de ‘l fronte. E no s’à pi sapù nuia, par deboto nonanta ane. Ai 5 de dezenbre 2002, in ciaśa de Ugo Ghea ‘l é ruà ‘na telefonada: a Bruneck, a fei laore

par comedà fora el vecio Hotel Post, i aea ciatà ‘na casa de len, agnó che ‘l ea inze ‘sta bandiera, restada sconduda par dute ‘ste ane, con doa gueres de meśo. Ce ‘na festa che ‘l é stà, ai 19 de otobre 2003, par piaza, co ra Banda, co ra cianpanes a festa, su ‘l cianpanin de San iaco, co ra autoritas e tropa bandieres, de duta ra conpagnies che ‘l é ruà, par fei festa, co i anpezane. Ma chesta bandiera r’ea masa malredota, par podé ra dorà, coscita par ra Conpagnia in é stà fato un’outra, noa lujente. E chesta, ciariada de anes e de storia, i r’à mandada a comedà. A bete a posto ra téra, duta fruada, meśa sbreada, ‘l é stà el laboratoriod e Christine Fruehauf, a Mestre. Inveze a Belun ‘l é stà Mariangela Mattia a bete man a ra doa pitures che ‘l é su ra bandiera: de un ver ‘l é el stema de ‘l Comune di Ampezzo, co ra tore de Botestagno e i doi brascioi, leade da ‘na ciadena, de chel outro ver ‘l é el Sacro Cuore de Jesù. Se sà che, par duto el Tirol, ‘l é ‘na gran devozion par el Sacro Cuore, scomenzada de ‘l 1796. Ades ra bandiera r’é sarada via, inpó un viere, aduna co ‘l o bel drapo de seda, agnó che ‘l é scrito su “Per Iddio, l’Imperatore, la Patria”, cemodo che i ù dute i Schuetzen de ‘l Tirol, ma ca ‘l é scrito par talian, che in Anpezo no se doraa el todesco. E ‘pò ‘l é tre Fahnenbanden, de color bianco e verde e bianco e ros, co ra tre medaies, dutes fates intrà ra fin de ‘l Otozento e i prime ane de ‘l Noezento, par recordà Andreas Hofer e Catarina Lanz, doi sinbole de ra storia de ‘l Tirol, de ra so śoente, che r’à vorù se defende da ci che ruaa da fora. Chera doa femenes che ‘s à fato el restauro ‘s à abù, ignante de duto, da comedà ra seda, ra téra, che r’ea duta sbreada e manciaa finamai toche; ‘l é stà da bete inze tacoi e da fei mendes. Dapò es à betù man a i depente, co i peniei e i colore, e ades i somea deboto noe, gnanche da i conosce. Ra bandiera ades r’é a posto, e ra podarà durà par outre zento ane, par śì inaante, co ra storia de un paes e de ra so śoente.

Alcuante ome de ra Conpagnia de i Scizar de Anpezo, aduna co ra doa femenes che ‘s à fato el restauro e con alcuanta parsones che ‘s à dià ‘na man a fei i laore, par bete via polito ra bandiera, inpó un viere, inze ‘l Hotel Victoria.

22

www.lauscdiladins.com

loudaduó ladin I Ladis de Anpezo, Col e Fodom i domanda a ‘l noo presidente de ra provinzia de Belun Gianpaolo Bottacin de mantegnì chel che ‘l à inprometù: se vó Daniela Templari loudaduó a ra minoranzes

Un grun de anpezane a scotà i politiche parlà, par ra canpagna ignante de ra elezios; ades s’i domanda de mantegnì chel che i à inprometù.

El loudaduó ladin de ra provinzia de Belun ‘l à da ese Daniela Templari, da Fodom, che r’à da tuoi el posto che ignante ‘l ea de Daniela Larese Filon, da Auronzo. A ‘l domandà ‘l é Siro Bigontina Titoto, coordinator de ‘l comitato par el referendum de i tre comune de Anpezo, de Col e de Fodom, che ‘l é duto parsuaśo de cemodo che ‘l é śù ra elezios, inze chesto mes de śugno. “Nośoutre s’ón tanto dà da fei par tre robes – el me conta – par ra Svp a ra Europees, par el Comun da Fodom, par ra Provinzia de Belun, e ‘s ón darśontes dutes e tre. Par ra elezios Europees aon domandà a ra nostra śente de votà el candidato Dorfmann, e ra Suedtiroler Volkspartei r’é stada el prin partito a Col e in Fodom e el terzo in Anpezo, coscita s’à podù i portà trope biei vote a Dorfmann. In Fodom ‘l à vento Ugo Ruaz, che ‘l é deentà capocomun; el ‘l é un de i nostre, ‘l é inze ‘l comitato par el referendum, e ón acaro che see stà el a venze. Dinultima, ma no par ultima, Daniela Templari. S’aea domandà a ra nostra śente de votà par ra Lega, a ra elezios par ra Provinzia de Belun, e coscita r’é śuda: Gianpaolo Bottacin ‘l é deentà el noo presidente e ades i domandon a el de bete Daniela Templari loudaduó a ra minoranzes, par i Ladis, propio era che ra vien da ‘l paes de Fodom, era che r’é stada voruda da ‘l colejo de i tre comune ladis de Anpezo, Col e Fodom, e r’é chera che r’à ciapà pi vote, inze ra so lista”. Par ra Svp, el candidato Dorfmann e el deputato Zeller i aea inprometù de dià ‘na man a i Ladis a tornà danoo aduna, sote ra Provinzia de Bolzan, inze ‘l Sudtirol; ades tociarà a lore se moe polito, a Roma e a Brussels.

Par Belun, seo ‘pò segure che no see outre śoghe de ra politica e che Daniela Templari ra pode deentà dasen loudaduó a ra minoranzes? “Cemodo che ra vedon nośoutre, no pó ese outramente – el responde Siro Titoto – dapò chel che ‘l é suzedù, con dute chi vote che r’à ciapà. Son parsuaśe che infinalmente anche ra aministrazion de Palazzo Piloni, a Belun, r’arà da i tende a dute, in śiro par ra provinzia, parcé che no son dute conpagne, cemodo che i vorea me fei crede fin ancuoi, ma un outramente da chel outro. El presidente Gianpaolo Bottacin ‘l à dito ‘sto tanto, duta ra otes che s’ón ciatà con el, canche ‘l é vegnù in Anpezo, par ra canpagna ignante de ra elezios, e anche dapò che ‘l é deentà presidente. Ades speton che i feje dasen, chel che i m’à inprometù ignante”. Ma parcé vośoutre aeo deziśo de i tegnì terzo a ra Lega? “Parcé che, intrà dute i partite, ra Lega r’é stada r’unica che r’à senpre dito de voré respetà chel che ra nostra śente r’à domandà, co ‘l referendum de i 28 e 29 de otobre 2007. Chi outre i no vorea gnanche scotà, chel che ra nostra śente r’à domandà, in Anpezo, a Col, in Fodom, co ‘l strumento pi demo cratico che se e: el referendum”. Ades se varda vesc Belun, con outre oce, anche da r’Union G enerela di L adins dles Dolomites: “Ra generela ra se speta che ades see nafré de rispeto depì, inze i confronte de i nostre tre comune ladis storiche, senpre bartaśade da ra aministrazione de ra Provinzia de Belun, fin ancuoi” – ra me disc ra presidente Elsa Zardini Soriza.


Sport

nr. 24 / 27 de jugn 2009

Le Yoseikan Budo fej festa Festa y desmostraziun de contlujiun da pert di atleć de Yoseikan Budo dla Val Badia

Atleć, istruturs y personalitês pro la festa de contlujiun dla sajun de Yoseikan Budo a San Martin de Tor.

Yoseikan Budo - La festa che la A.S.A. Bushido Badia Yoseikan Budo à organisé por en jöbia, ai 28 de mà 2009, tla palestra dla scora mesana da San Martin, é propi garatada. Bele mëisc denant s’ân arjigné ca y à porvè les desmostraziuns che é spo gnüdes portades dant scialdi bun y cun n bel sbunf da mituns pici y gragn y dai adulć. Ai s’à mirité n gran aplaus dal publich, che à implì vigni post tl salf. I mituns pici à lascè odëi döta na ligna de jüć che ai à inće fat tratan l’ann, y che à düć n fin educatif important, y insëgna danter l’ater le contat fisich cun

d’atri mituns, le respet, le control di colps, le tomè a na manira controlada, y tröp d’ater. I mituns plü gragn é bele jüs sura la fasa dl jüch fora. N valgügn à mostrè de pici combatimënc cun y zënza ermes. Sciöche ermes vëgnel adorè bastuns imbotis de lunghëzes desvalies, che ne fej nia mè, sce le colp é controlè, y che dëida da reagì al “aversar” cun destanzes desvalies. Inće ala coordinaziun de dötes les perts dl corp i vëgnel dè na gran importanza. Insciö à i mituns plü gragn da La Ila portè dant na coreografia de movimënć dles erts marziales cun la musiga.

Le cardio training é n bun cardiovascolar fat cun i movimënć dl Yoseikan Budo zënza contat fisich. Por tröc adulć é chësta na bela manira de se tignì en alenamënt tratan döt l’ann, insciö é le grup de cardio training chersciü tres deplü ti ultims agn. Ala manifestaziun da San Martin à inće i adulć lascè odëi na coreografia de cardio training scialdi dinamica, y dedô na secuënza de movimënć de Tai Ki, che laora - tres cun i movimënć dles erts marziales - cun l’energia (Ki) y é inće n bun relassamënt do l’alenamënt. Por lascè odëi che ći che an impara tratan n alenamënt po

gnì adorè tla vita da vignidé, à l’istrutur nazional Massimo Romano y sües mitans, che pratichëia trames le Yoseikan Budo bele da piceres insö, portè dant na scena scialdi da rì, y à lascè odëi sciöche an po se defëne da n malandrin. Tratan döt l’ann à i mituns do vigni alenamënt ciafè n adesif da tachè sö sön n placat y mëte adöm na scena de n alenamënt te palestra. I plü bi placac dô gnì premià. I placać ê tan bi che an à propi messü i premié düć. I mituns é gnüs premià dal ombolt da San Martin Pepi Dejaco, dala ispeturia dles scores ladines nöia (da

setëmber inant) Rosmarie Crazzolara y dal diretur dla Banca Popolara da La Ila Freddy Ploner. La A.S.A. Bushido Badia Yoseikan Budo tol chilò l’ocajiun por rengrazié la Banca Popolara, che à dè cun les medaies y i diploms n gran contribut, spo düć i sponsors che dà so contribut bele da agn, i istruturs y i colaboradus, i pici y gragn atleć, che i dà vita ales ativitês dl’assoziaziun, y sambëgn inće al publich numerus che à contribuì al garatè dla festa. N dilan i va sambëgn inće ales umes, sorus, atletes che à portè tröp de bun patüc por le refrësch, che é gnü arjigné ca por stlü jö la bela manifestaziun. (kp)

Al via la 11^ Traslaval La garejèda de corsa a tapes fora per duc i paìjes de Fascia met dant n percors maraveous per atlec, pascioné e ghesć Corsa - L’é ora de peèr via: en domenia ai 28 de jugn taca la 11^ edizion de la Traslaval e dut l’é oramai enjignà per la corsa a tapes che per duta la setemèna, enscin ai 3 de messèl, portarà atlec e pascioné fora per duta la Val de Fascia, sui 55 chilometres del percors che jirà a descorir i bie ciantons de noscia val per se serèr sù co la gran tapa finèla sun Ciampedìe. Stefano Benatti, “père” e responsàbol de la garejèda de corsa a tapes, vèrda con sodesfazion a inomes e numeres di scric ite a chesta 11^ edizion, che sarà desche semper rica de emozions e novitèdes. I é passa 400 i atlec che à confermà sia prejenza, e dombran chi che tolarà pèrt demò a una o a vèlch tapa, no sarà senester arjonjer e passèr via l numer di 500. Per chel che vèrda l’aspet più agonistich, à confermà sia partezipazion ence i venjidores de l’an passà: Emanuele Zenucchi

volessa segur fèr l bis, ma l cognarà se la jièr fora con inomes desche Matteo Pigoni (venjidor de la pruma ediziono) e Cristiano di Vico, secondo l’an passà apontin dò da Zenucchi; anter eles enveze Ana Nanu, che aea

dominà l’edizion 2008, arà amò de contra la furlèna Laura Ursella, che era ruèda seconda, e Elena Casaro. La pruma tapa pea via donca doman, domenia ai 28 de jugn, da les 5 domesdì da Ciampestrin.

Emanuele Zenucchi e Cristiano di Vico al travert de l’ùltima Traslaval. (foto Newspower Canon)

N percors nef, con la pruma erta de 2 km con n dislivel de 300 metres envers la Val Udai per dapò se goder n panoram straordenèr jan fora auc en pian, a 1650 metres, vegnir jù envers Moncion e Ronch e ruèr a Mazin. En lunesc ai 29 sarà la corsa a cronometer individuèla de 6,3 km che pea via e rua a Ciampedel, dajan spetacol arsegurà e na bela scassèda a la classifica. En mèrtesc ai 30 sarà l rescat di “stambeches” te la tapa de Soraga: béleche 15 km con 500 metres de dislivel, da Vischia de Sach fin sun Malga Palua, Pociace e ju de retorn. En mercol sarà dì de paussa, e en jebia endò inant co na tapa de 11 km a Cianacei. Dò aer passà fora Dèlba, Penìa, Lorenz e Vera, i atlec jirà su apede l Vernel per se goder la veduda de la Marmolèda. L’ùltima giornèda de la 11^ Traslaval, en vender ai 3 de messèl, sarà con l classich “tapon”

de la pruma edizions, che da Vich rua sun Ciampedìe te 14,5 km e passa 700 metres de dislivel. Apede ai atlec sarà semper duc i pascioné de nordic walking, ghesć, parenc e amisc che podarà se tachèr ite per ruèr en aut dò dai atlec. Anter la manifestazions che fèsc da cornisc a la Traslaval, da recordèr la prejentazion del liber “Correre al femminile” e del roman “12 Ore”, op eres respetivamenter di atlec Julia Jones e Andrea Accorsi. Na neva de chesta edizion sarà l servije de “massoterapìa” sport ai atlec dant e dò ogne tapa. Vegnarà ence fat i test eco-cardiografics sun na ventina de coridores con preparazion desferenta per veder coche respon l cher te na corsa de più giornèdes. Se pel se enscinuèr a la cinch tapes fin en domenia ai 28 de jugn, e per autra informazions se pel vardèr l sit www.traslaval. com. www.lauscdiladins.com

23


Sport

nr. 24 / 27 de jugn 2009

“La maia biencia e bruna resta semper te mie cher” L’Hockey Club Fascia Levoni à “desgort” Sergio Liberatore, team manager de la sozietà e jiador da “na vita” de la squadra fascèna

Sergio Liberatore no sarà più team manager del Fascia Levoni.

Marchetti. I doi jiadores fascegn, 27 egn l prum e 22 l secondo, pel defat se emprevaler del derit de svincol che ge vegn dat da la normatives federèles, e i volessa jir a fèr esperienza utró, oujes disc a Pontebba. Dal Friul, olache restarà amò ence l portier fascian Andrea Carpano, l’é ruà enveze de retorn Stefano Margoni, che era demez da 4 egn e che ades l’à cernù de jièr endò col Fascia per poder ge stèr apede a la familia. Ma la neva maora ruèda enstadì l’é che se à serà sù la longia colaborazion anter la Sportiva Hockey Club Fassa Levoni e Sergio Liberatore, che era da 13 egn team manager de la squadra, do aer jià con la maia biencia e bruna duta sia cariera agonistica.

Hockey - Temp de mudamenc per l’Hockey Club Fascia Levoni. Dò la delujion de l’ùltim campionat per la pruma squadra, la sozietà aea jà fat a saer de aer tout sù l nef coach Steve Stirling. Somea aboncont che l nef alenador te la formazion fascèna no l podarà più se joèr de vèlch jiador emportant: se trata del portier Thomas Tragust, che jirà a jièr en Bundesliga co la maia de l’ESV Kaufbeuren, e di doi joegn Luca Felicetti e Stefano

La neva de la “desgorta” de “Ciccio”, fegura simbol de l’hockey fascian, à soscedà gran marevea te val e la é ruèda desche na sita a ciel seren ence per Liberatore enstes, che pur l’à touta sù con gran serenità. Sergio Liberatore: “Cogne dir che se via per l’invern, te mez a la sajon, aesse ence podù me la spetèr, ades enveze no me la spetèe. Ma i raporc de lurier i pel fenir, chest l sozet daperdut, e tel setor sportif amò de più.”

Te senteste mìngol l “capro espiatorio” de na sajon jita mèl? “Se volon l chiamèr coscì, scì. Perauter se l’era chest che la jent volea, sportivamenter me va ben coscita. L’auter an siane rué a la semifinala e chest an sion rué al spareges per la retrozescion. No la va semper a la medema maniera, e l’é ence mìngol costion de fortuna. Assane podù dezider dant per l’alenador, ence se no l’é da ge dèr duta la colpa a l’alenador. De segur ence l’aspet economich peisa tel cerner i jiadores e l Fascia no à l potenzièl economich per venjer n campionat. Aboncont gé la tole sù positivamenter. Gé é semper cherdù a n spirit de squadra, te chisc egn peisse de aer fat n muie per mia squadra.” Che ne diste, dò chesta dezijion, de la sozietà e de la jent? “Gé peisse che assane fat n bon lurier, soraldut con Roberto Ongari e Dimitri Demarchi, che l’é la 2 persones che ti ùltimes egn se à semper dat jù e les à vardà de fèr per l ben de la squadra. L’investiment maor del Fascia l’é chel fat con duc i bec e i joegn che sion stac bogn de se tirèr dò

ence te na val pìcola desche la noscia. Peisse ence che la squadra à besegn de jent che laora, deida e sostegn; a chi che enveze fèsc demò critiches e ciàcoles te bar, volesse bele ge domanèr tanta de jent che l’era al stadie l’auter an a la semifinala, dò che l Fascia aea fat n campionat ecezionèl.” Peisseste de meter a la leta tia esperienza utró? “Ades endèna vae inant con mie lurier de diretor del stadie, e te chest moment l’é belebon da fèr ajache coi prumes de messèl averjon da nef. Dapò vedaré. I me à chiamà da la Federazion per saer co che la é stata e domanèr mia desponibilità, e gé la é data, ma te chest moment ge tegne ence a stèr a cèsa.” Co veideste l nef campionat per l Fascia, “da esterno”? “De segur duc i egn passé te la squadra, da jiador e da manager, no se i desmentia. Gé son dant da dut n gran sostegnidor del Fascia, e la maia del Fascia é semper te mie cher. É renunzià a me n jir ence canche aesse podù aer n tratament economich mior. Ades ge fae n gran “in bocca al lupo”

Te la squadra fascèna tel campionat che vegn sarà denef Stefano Margoni.

al Fascia e al nef alenador Steve Stirling, che l’é ruà chiò percheche l’é amich de n mie amich, e l’é dalbon n gran alenador. Ma volesse dir che i cogn ge stèr apede, dapò i podarà fèr n bel campionat.” Detelpai a Sergio Liberatore, e “te bocia al louf ” per l davegnir, tant a el che a la squadra del Fascia. Lucia Gross

Tenì pea a livel naziunel

Fineda via la sajon dl nudé

Set atlec dl’Atletica Gherdëina Cassa Raiffeisen de Sëlva cherdei a reprejenté la provinzia de Bulsan te na cumpetizion a livel naziunel

N club mo jëunn, ma cun na bela cumpëida de pasciunei che à ntenzion de se fé streda nce te chësc sport. La sajon agonistica ie per ntant fineda via

Martin Runggaldier.

Adam Demetz.

Atletica - Drët n bon resultat iel sautà ora pra la garejedes de Fidenza tla provinzia de Parma per nosta provinzia. Bën set atlec de Gherdëina à pudù fé pea y se bater cun feter i miëur atlec dla Talia. La cumpetizion vën fata a livel de regions y dal mumënt che te nosc cajo ie la provinzies de Trënt y Bulsan spartides muessa nosta grupa se bater contra de gran regions, ulache l ie milions de persones. Venciù à la Loambardia dan l Venet y l’Emilia Romagna. Per Südtirol iel sautà ora n bel nono post, mo dan la Liguria y l Trentin. La scuadra de nosta provinzia

vën daniëura metuda adum da Bruno Cappello, l trainadëur dla Fidal de Bulsan, tenian cont di miëur resultac per desciplina. Chël uel dì che pra uni garejeda vëniel tëut l atlet che nchin a chël mumënt à arjont i miëur resultac tla tlassifiches dla garejedes. Per l’Atletica Gherdëina iel stat nsci n record de partezipanc. Bele dan nuef ani fòven stac boni de mandé atlec tla reprejentanza dla categuria B6. Chëst ann n iel stat bën set, cun un che à fat pea te doi garejedes y doi atlec tla medema desciplina. Ntan la garejedes ne fova la cundizions atmosferiches nia iust adatedes dantaldut per l gran ciaut

24

www.lauscdiladins.com

che jiva sëura i 30° ora. Nsci ne n’iel segur de no stat saurì fé garejedes coche i 2000 metri, ulache l ciaut se lascia sentì dassënn. Purempò ne se à Martin Runggaldier nia lascià sciautrì ju, miuran si prestazion persunela de bën 47 secunc, ferman l’ëura a 6,23,50 y ruvan 14 ejm. La miëura prestazion à fat Anna Schenk ti 80 metri sprint cun n tëmp de 10,62 secunc y Romy Lambacher che à smaché la lanza 24,72 metri lonc. Tramedoves ie ruvedes al 9. post. N 10. y 11. post à Alexander Demetz arjont tl saut aut (1,65 metri) y tl saut lonch (4,98 metri). Ti 100 metri cun rëms ie Adam Demetz ruvà 13ejim y Alex Verginer 19ejim. Ti 300 metri sprint ie Denise Delladio stata bona de fermé l’ëura sun 46,34 secunc ruvan 20ejima. La rejon de se bater a livel naziunel ti Campiunac Talians juniores se à nce Ianina Schenk de Santa Cristina davanià. Nfati iela jita ai 20 y 21 de juni a Grosseto, ulache la à pudù se museré cun la miëura atletes de si categuria tla proves multiples. Tan butà sciche dan n valgun ani, canche la ova venciù l titul naziunel te chësta desciplina, ne n’àla chëst iede nia, ma mpo iela stata bona de arjonjer l bel otavo plazamënt, se batan contra na cuncurënza drët sterscia. A duc i atlec n gran cumplimënt per i resultac arjonc. Per l’Atletica Gherdëina, Stefan Planker

Da man ciancia: Irene, Alessia, Sara, la trainadëura Maryam, Leila y Kristin.

Nudé - N sada ai 13 de juni à l club dl nudé de Gherdëina finà via la sajon cun n’ultima garejeda a Persenon. I mutons y la mutans che ie pra l club se à anjinià ca drët bën ntan dut l ann de scola, se urtan doi iedesc al’ena te nudadoia de Urtijëi. N à nce fat pea pra n valguna garejedes sibe a livel provinziel che nce regiunel. Scebën che l sport dl nudé ne n’à nia na gran tradizion te Gherdëina y l club ie permò unì metù su d’autonn dl 2006, móstrel bele su na gran cumpëida de scric ite. I mutons y la mutans desmostra

na gran legrëza y pascion per chësc bel sport, mparan a cunëscer la cater disciplines dl nudé. Nce chëst ann iesi stac boni de arjonjer de bon resultac, dessegur nce per merit di trainadëures Alex, Devid y dantaldut la trainadëura Maryam, che à for anjinià ca la mutans drët bën per la garejedes les acumpanian nce l di dla cumpetizion. Ulessan tò l’ucajion per rengrazië i trainadëures dl bon lëur che ie unì fat. I genitores


Sport

nr. 24 / 27 de jugn 2009

Plü co ma na partida Na scuadra de palê di ladins dla Val Badia y de Gherdëna à śoghé na partida cuntra la Selecziun Sursilvana, jüda fora por 2 a 2, mo la incuntada é stada deplü co ma n avenimënt sportif

La delegaziun ladina che é jüda ia tla Svizra.

Palê - Tla findledema passada, ai 20 y 21 de jügn, é na delegaziun ladina de Südtirol rovada ia tla Svizra a ciafè i vijins dl Grijun, y por tó pert danter l’ater a na partida de palê cuntra la Selecziun Sursilvana, en gaujiun dl iubileum de 75 agn dl’assoziaziun dl palê FC Trun/Rabius. L’iniziativa ê piada ia da Giorgio Costabiei, presidënt dl’US San Martin de Tor, che â albü l’ocajiun da incuntè Andrea Rassel,

vizepresidënt dla FUEN y danter i organisadus dla Europeada, le campionat de palê dles mendranzes d’Europa. Al ê gnü fat la proposta da organisé na incuntada danter i ladins de Südtirol y chi dl Grijun, che dô avëi carater sportif, mo bëgn inće renforzè tres le sport i liams danter les döes realtês ladines. Laprò podess chësta incuntada inće ester stada le pröm vare por mëte en pè na scuadra ladina por la proscima

ediziun dla Europeada. La partida danter i ladins dles Dolomites y i ladins dl Grijun é stada na partida dër sintida, che é jüda fora sön le resultat de 2 a 2. “An à podü odëi la gran motivaziun y colaboraziun di śogadus ladins de nosta provinzia. Ai à da spavënt tignì adöm y desmostrè n carater dër sportif cuntra n aversar che â tut pert al’ultima Europeada”, nes dij Giorgio Costabiei. Por i ladins

La scuadra de śogadus dla Val Badia y de Gherdëna che à parejé cun la Selecziun Sursilvana. Laprò le presidënt dla US San Martin Giorgio Costabiei (iadedô amc) y i alenadus dla scuadra Helmut Gasser y Hanspeter Graffonara (iadedô amd).

dles Dolomites à segné impröma cultura.” I organisadus dl iade oress Andrea Irsara da San Martin y spo rengrazié en particolar l’assessur Simon Keller de Gherdëna. Florian Mussner y l’Assessorat ala Costabiei dij inant: “Al é stè bel che Cultura Ladina, sciöche inće le i goi é gnüs fać da n śogadù dla Val Museum Ladin, che à sostignì chësta Badia y da un de Gherdëna. Chësta iniziativa. (pablo) incuntada é stada l’ocajiun inće por i śogadus de nostes döes valades da se conësce damì y da sozialisé. A Trun unse podü constatè l’importanza che le sport - te chësc caje le jüch dl palê - po avëi por contribuì al bëgn de nostes mendranzes.” Cun le resultat de 2 a 2 à i ladins de Badia y Gherdëna fat na bela figöra, y desmostrè che na scuadra di ladins dles Dolomites, magari inće con śogadus de Fascia y da Suramunt, podess sigü ester competitiva. Do la partida él inće stè l’ocajiun da tó pert a na festa popolara; inće chësta é stada l’ocajiun da s’la ciacolè n pü’ cun i vijins dl Grijun. Costabiei stlüj jö: “Chësta é stada na desmostraziun che le sport é na Giorgio Costabiei cun Andrea Rassel, istituziun soziala dër importanta, vizepresidënt dla FUEN y organisadù che po inće dè so contribut dla Europeada 2008, y Ignaz Schmet, concret ala mendranza y ala presidënt dl FC Trun.

N podest dut ti culëures dl’Atletica Gherdëina Gran suzes pra la garejedes Grand Prix a Santa Cristina y a Sterzing. Bën trëdesc bedaies vënc i atlec de Gherdëina Atletica/Grand Prix - N bel suzes iel inò stat ai 6 y 7 de juni pra i Grand Prix de atletica lesiera. Ai 6 de juni à l’Atletica Gherdëina metù a jì la garejeda che valova per l campiunat dla categuries B y C tl ciamp dal sport Mulin da Coi a Santa Cristina y ai 7 fòvel sun l program la garejedes Grand Prix per la categura A

Categuries B y C

Alessandra Insam ie ruveda terza tl smaché l pëis.

Nce sce ntan la manifestazion che fova unida metuda a jì da nosta lia y ulache n garejova n cësa àl danterite pluët, ie mpo dut ntëur garatà, tant da giapé da pert dla Fidal de Bulsan inò truepa laudes. Pra chësta garejedes iel daniëura truep genitores che juda pea y chël fej sambën drët plajëi, ajache l ie da ntënder coche recunescimënt per l

lëur che vën fat tla lia. Dal pont de ududa di resultac ne n’àla te chësta categuries nia tan butà. Purempò ie Giulia Demetz ruveda doi iedesc segonda, tl saut lonch cun 3,78 metri y tl vortex cun 28,53 metri. Tla medema desciplina ie Jasmine Mussner ruveda terza cun 26,60 metri. N segondo post y nsci la bedaia d’arjënt à nce Stefanie Messner arjont tl saut aut cun 1,34 metri.

Categuria A A Sterzing al incontra à l’Atletica Gherdëina, tla categuria A, rumà ju feter dut. Bën 13 bedaies cun l podest pra i 300 metri dla mutans curì dut cant dai culëures dl’Atletica Gherdëina. Venciù à Anna Schenk cun 44,34 secunc dan Denise Delladio 45,53 y Arianna Bellemo

45,97 secunc. Drët n bel resultat à Alexander Demetz arjont tl saut lonch. Ël à pià do la bedaia d’or do vester sautà 5,51 metri lonc y la bedaia d’arjënt tl smaché la lanza, che l à trat 36,46 metri dalonc. N’autra bedaia d’or ti ie jita a Adam Demetz ti 100 metri cun rëms, ulache l à metù 15,06 secunc. Martin Runggaldier ie ruvà segondo ti 2000 metri cun l tëmp de 7,00,14 menuc y Alessandra Insam terza tl smaché l pëis. Tla categuria plu auta à Ivonne Senoner pià do doi iedesc la bedaia d’arjënt: ti 100 metri cun rëms te 16,35 secunc y ti 100 metri sprint te 13,83 secunc. Tla medema categuria à Ianina Schenk venciù n iede la bedaia d’or tl saut aut, arjunjan l’autëza de 1,45 metri, y doi iedesc la bedaia d’arjënt tl smaché l pëis 8,42 metri lonc y ti 100 metri cun rëms cun l tëmp de 16,70 secunc.

Sun l podest blo’ atletes dl’Atletica Gherdëina: 1. Anna Schenk, 2. Denise Delladio, 3. Arianna Bellemo. www.lauscdiladins.com

25


Informazions y Manifestazions Manifestazions desvalies

nr. 24 / 27 de jugn 2009

Manifestazions desvalies

Festa di Alpins a Soraga

La smueies y varì la natura

L Grop Alpins de Soraga inaugura la neva senta e per chesta ocajion vegn endrezà l tendon ai 4 e 5 de messèl. En sàbeda ai 4 da les 20 sona i Pazedins; en domenia da les 9 se se troa aló da l’Hotel Miravalle, se va en defilèda coi gropes de Alpins, l Grop de Folclor de Soraga e la Mùsega da Poza fin te gejia olache da les 10 vegn dit messa grana. Da les 11 inaugurazion de la neva senta di Alpins, da les 16 te tendon conzert de la Mùsega da Poza e da les 20 conzert di Alpenboys.

La Lia Sanynton nvieia a n domesdì cun Natalino Alfreider de Curvea, ai 10 de lugio dala 14.00 tla sënta dla lia tla streda La Sëlva 101. Son curiëusc y ulon ti jì do ai muvimënc de tiera y ega. Do na ntroduzion curta jirons tla natura.

25 egn di Scizeres de Fascia Tel chèder di festejamenc per Sèn Vile vegn recordà ence i 25 egn de la “Schützenkompanie Ladins de Fasha”. Doman ai 28 de jugn, da les 9 da doman, se se troa jun Navalge, da les 9.30 sarà la gran defilèda de la Compagnìes de Schützen ensema a la Ehrenkompanie Enneberg de Mareo, la Museghes de Reichenau, de Folgaria e de Salorn enscin sun gejia de Sèn Vile olache da les 10 sarà la messa. Dò messa i descorsc, la deposizion de la gherlanda ai sudé e la schiopetèda. Sobito dò en defilèda se se tramudarà duc endò jun Navalge e la festa jirà inant con musega e bai.

Festa dla families sun Pana L KVW de S.Cristina nvieia duc, granc y pitli, jëuni y manco jëuni, blòc y manco blòc, ala festa dla families sun Pana. Se ancunton sal verzon dai lëns n dumënia ai 5 de lugio dala 11.00 per la santa mëssa. Da dedò uniràl nce pratà lianies y cërn y per i pitli saràl juesc d’uni sort. Deberieda - Jita tl “Erdbeerland” a Natz-Schabs La grupa Deberieda nvieia a na jita tl “Erdbeerland” a Natz-Schabs. Se ancunton n juebia ai 9 de lugio dala 16.00 sun Puent de Pana a Urtijëi.

Esposiziun de modelism y marćé dai pöresc

Stlefé cun la scuriedes La Lia dl turism nvieia duc ala reprejentazion di stlefadëures, che stleferà cun si scuriedes ncuei sada ai 27 de juni dala 2.00 domesdì sun Col Raiser.

Le RC Club Ladin lascia alsavëi che al vëgn metü da jì na esposiziun de modei radiocomanà, plü avisa incö sabeda ai 27 de jügn dales 13.30 inant, tl stadium dala dlacia a Corvara. Al sarà da odëi modei de fligri de de vigni sort cun y zënza motor, metüs adöm y fać sö cun paziënza dai apascionà de aeromodelism. Al sarà inće la poscibilité da cumprè y vëne modei de vigni sort y patüc da hobby adorè. La manifestaziun é daverta a düć chi che é interessà. Por informaziuns pon telefonè a Leo Dapunt al 338/6087271 o a Kassian Pezzedi al nr. 333/3393406.

Trix La grupa TRIX nvieia duc ncuei sada ai 27 de juni a na ancunteda de juesc da mëisa tla Cësa di jëuni, ert y cultura a Urtijëi. Ancunteda per mutons: dala 14.00 ala 17.00; ancunteda per jëuni y granc: dala 20.00 ala 24.00 (open end). L sarà d’uni sort de juesc da garat! Unide duc a fé pea uni ultima sada dl mëns! Plu nfurmazions pudëis giaté sot a www.trix.bz - www. gardenagaming.com

Lia dai Crëp Mareo - Iade d’aisciöda cun bus y a pé (Resciesa-Zanseralm)

La Lia dai Crëp Mareo inviëia sü amisc dla munt y dla natöra al iade tradizional d’aisciöda cun escursciun a pé, en doman domënia, ai 28 de jügn 2009. I jun cun le bus ales 7.30 da Plaza dal Cone demez ćina a Urtijëi y cun le lift sön Resciesa, olache al mët man la escursciun a pé (4-5 ores, mo cun püch deslivel): Brogleshütte – Gschnagenhardthütte – Zanseralm. N domisdé te biblioteca amesa i libri y...

La Biblioteca Sas dla Crusc inviëia düć i mituns dla scora elementara a “n domisdé te biblioteca amesa y libri y...”. L’apuntamënt é por en lönesc ai 29 de jügn dales 15.00, te biblioteca a Calfosch. Alzada dl “Kirschtamichl” La Jonëza da Paur da La Val inviëia ala alzada dl “Kirschtamichl”, en sabeda ai 4 de messè dales 20.30 inant, sön plaza a La Val. Al gnarà êrt sö le lëgn infornì da na gherlanda y dal Michl. Dedô jarà inant la festa cun les beles melodies de Alex. Por spëisa y boanda fistidiëia la Jonëza da Paur. Mituns s’incunta te biblioteca En mercui ai 8 de messè dales 15.00 mët da jì la Biblioteca Sas dla Crusc n domisdé cun stories, pastlenè y jüć por mituns y mitans, tla biblioteca da La Ila. I mëndri é bel invià da tó pert. Laboratore musical “fiesta ! - musiga spagnola”

Le Consëi de Formaziun da La Val mët da jì chësc isté, dal mertesc ai 14 ćina la sabeda ai 18 de messé 2009, n laboratore musical cun conzert final ai 18 de messè dales 20.00 tl Salf dles Uniuns “Domëne Monig” a La Val, cun Mara Miribung y Elena Jauregui. Mitans y mituns dai 9 ai 14 agn é bëgnodüs cun o zënza stromënt. Adöm ai musizisć fej i mituns y les mitans musiga, composiziuns, improvisaziuns, ćianties spagnoles y ladines. Da paié él 25,00 euro (2^ möt/a 20,00 euro), söl cunt bancar dl Cunsëi de Formaziun tla Cassa Raiffeisen La Val nr. 000303003086 ćina al 15 de jügn 2009. Dè dant prëibel inom y cognom dl/a möt/a y l’indicaziun “laboratore musical 2009”, l’eté dl/a möt/a, le stromënt che al/ara sona y i agn che al sona. Pröma incuntada: 14.07.2009, dales 14.00, tl Salf dles Uniuns a La Val. I atri dis saràl vigni dé, döt le domisdé. “Belsy Festival” te Sëlva – Terza edizion

Ncuei sada ai 27 de juni dala 18.00 sun plaza de Chemun te Sëlva. La ciantarina de Sëlva Belsy Demetz deberieda cun si genitores, i Destudafuech de Sëlva y la Lies per l Turism de Gherdëina à inò metù adum n bel programm. Belsy prejenterà si CD nueva “Lust auf Sommer”. Ntan la sëira cianteràl nce Graziano, “Die jungen Zillertaler” y “Die Amigos”. Chertes danora giapëis coche for da Tullio Mussner 335 6583216, tla trëi Lies dl Turism de Gherdeina, da Belsy y zënzauter nce n chëla sëira. Giaurida dl mur de arpizeda sportiva nuef

N dumënia ai 5 de lugio dala 20.30 vëniel giaurì l mur de arpizeda sportiva tl fabricat nuef sun Plaza Nives te Sëlva. L sarà l salut da pert dl’autoriteies y da dedò na desmustrazion de arpizeda di mëinacrëp. Da bever, da maië y mujiga dal vif cun y Bluesbrakers. Duc ie nviei. Meditazion meneda: Gabriel

N vënerdi ai 3 de lugio nvieia la Lia Sanynton a na sëira de meditazion cun Anna Maria Künig. N relassamënt sot, spirituel y cuntemplatif. Da dedò puderàn dì si minonga sun chësta esperienza. Dala 20.00 tla sënta dla lia tla streda La Sëlva 101. La forza dl’ega sarëina La Lia Sanynton nvieia a n domesdì cun Stefan Braito, fundadëur dla “Berglöwenschule”. Se ancunton n sada ai 4 de lugio dala 16.00 tla cësa “Val” n. 2 te Sëlva. Deberieda jirons pra na funtana per mparé a respeté y prijé l’ega frëscia, sarëina y bela frëida coche nes à nsenià nosc nëinesc y besavons.

26

www.lauscdiladins.com

Zip Line a Al Plan N sada ai 18 de lugio vëniel jit cun la grupa di Jëuni de Sëlva via a Al Plan tla Val Badia a fé “Zip Line”. Duc i nteressei ie priei bel de se lascé scrì ite al plu prësc, ajache l ie mé puecia lueges per furné pea. N pierà via dala 13.30 da Urtijëi sun Plaza S. Antone y n fermerà pra uni fermeda dla curiera de linia (SAD). Per plu nfurmazions y per la iscrizions pòssen cherdé su tl ufize dla Nëus Jëuni Gherdëina al numer 0471 799006 o scrì a info@njg.it. Messa coi miscionaries fascegn L’autra setemèna dal Brasil, olache tel stat de Cearà l rec la parochia de Alto Santo, l’é ruà a Soraga don Giuliano Pellegrin e chisc dis la comunanza de Poza speta i frèdes Suor Gisella e Pare Alberto Dellagiacoma dal Malghèr, che i é te l’Ecuador. Per ge dèr l benvegnù a chisc miscionaries che rua de retorn per n trat anter sia jent te Fascia, e i rengrazièr per aer dedicà sia vita per didèr e portèr la Parola de Die a pòpui dalonc, vegn endrezà na messa coi gropes miscionaries fascegn en mèrtesc ai 30 de jugn, da les 20.30, te la gejia de Sèn Lorenz a Pera. A Moena sègra de Sèn Vile Va inant la gran festa per l patron de Moena Sèn Vile. Anché da les 11 verc la cojines, da les 12 conzert de la Roncac Band e da les 15.00 musega col grop Metal rock; da les 17.00 musega con Daniele Girardi e so orghen da mantech, da les 20.30 conzert di Oberkrainer Power. Doman, marena col compagnament da la Böhmische de Poza; da les 14.00 conzert de la musega da Reichenau Innsbruck e da les 16.30 conzert de la Musega de Folgarìa; da les 20.30 musega e spetàcol coi Alpenboys. Escursciun sön le Lagorai La Lia da Munt La Val mët da jì en doman domënia ai 28 de jügn na escursciun sön le Lagorai. An pëia ia da Pidrô (La Ćiasota) dales 7 da doman, por jì cun auti privać ćina söl Ju Manghen (Molina di Fiemme). Dal ju Manghen, dlungia le lëgn monumental “L’eterno” y le lêch delle Buse ia, por Pian delle Fave ćina al lech dles Stellune. Inant spo jö la munt Cazzoraga, sön la forcela Montalon y le lêch Montalon, forcela del Becco y zeruch al Ju Manghen. Le tëmp da jì a pé é de 6-7 ores, por n deslivel de 600 m za. La dificoltè é mesana. Da se tó impara él proviant, vistimënt y ćialzà da munt. Por informaziuns pon cherdè sö Roland al nr. 335/6573078.

♦ Prejentazion y mostra sun la ciampanes L Museum Ladin Ćiastel de Tor à l plajëi de Ve invië ala prejentazion dla publicazion “Magister Manfredinus me fecit“, n vënerdi ai 3 de lugio dala 20.30 tla Cësa de Cultura a Urtijëi Te chësta ucajion saràl nce la giaurida, deberieda cun l Chemun y la Pluania de Urtijëi, de na pitla sezion dla mostra dedicheda ala ciampanes de Manfredinus. Duc ie inviei a audì la nuviteies unides a lum tres na nrescida sun l “Cusé“ da Sacun, una dla plu vedla ciampanes de nostra provinzia.


Informazions y Manifestazions

nr. 24 / 27 de jugn 2009

Cursc Mituns impara da jì a ćiaval

Le Club Amisc di ćiavai Val Badia lascia alsavëi che al vëgn organisé inće chësc isté n curs da jì a ćiaval por mituns prinzipianć, dai 7 agn insö, a n prisc alisiré de 35,00€ por cin’ leziuns. Le curs sarà davert a 30 partezipanć, che gnará partis sö danter la raitadoia Teresa a Badia y la raitadoia Col dala Vara a San Ćiascian. I interessà é perià da se scrì ite pro Evelyn (Badia) al nr. 339/3913677 o pro Sara (San Ćiascian) al nr. 347/7231520. Curs de Nordic Walking

L’US Amatoriala San Ćiascian mët da jì en mercui al 1. de messè, dales 19.30, n curs de nordic walking cun Anita Vittur, tla localité Sarè a San Ćiascian. Le curs é por adulć y prevëiga indöt 8 incuntades. Por informaziuns plü menüdes y prenotaziuns pon cherdè sö Anita al nr. de telefonn 348/9794396. Curs da grilié Le Consëi de Formaziun da La Val mët da jì en sabeda ai 4 de messè dales 12.30 n curs da grilié cun Pire Rubatscher, tla localité Les Gnates a La Val. Al gnarà mostrè deplü poscibilitês de ći che an po apratè sön la grilia. Le curs vëgn tignì alaleria y vëgn fat sot forma de na marëna de 8 derzades, che jarà dal antipast al dessert. Les prenotaziuns vëgn tutes sö al nr. 0471/843057. Curs da depënje Le Consëi de Formaziun da La Val mët da jì n curs da depënje cun i artisć Barbara Tavella y Claus Vittur, te scora elementara a La Val. La pröma incuntada é le mercui ai 8 de messè dales 20.00. Le curs döra indöt 8 iadi, dagnora dales 20.00 ales 22.00. Da paié ite saràl 50,00€ a će. Le numer de partezipanć é limité. Por prenotaziuns y informaziuns pon cherdè sö Paula al nr. 338/1807072. Curs da arpizé por gragn y pici

De messè mët da jì la Lia dai Crëp Mareo n curs da arpizé alaleria, ite por la Val dai Tamersc. An impararà danter l’ater i grops, les metodes da assigurè y les tecniches desvalies da arpizé. Dui dis jaràn spo ia dales Cinque Torri a aprofondì i argomënć desvalis. Por chësc curs vëgnel fat dui grups desvalis: - dai 6 ai 14 agn: le curs vëgn tignì ai 11 y 12 de messè dales 8.30 ales 12.00 y les sabedes ai 17 y ai 25 de messè, dales 8.00 ales 17.00. - Dai 14 ai 99 agn: le curs vëgn tignì ai 11 y 12 de messè dales 13.00 ales 17.00 y les domënies ai 19 y 26 de messè, dales 8.00 ales 17.00. Le numer de partezipanć é limité. Por informaziuns y prenotaziuns (anter i 4 de messè), pon contatè le 347/4736300 (Paul, do les 17.00) o le 349/3845283 (Simon). Cursc de tennis, palê y nodè Le Tennis Club Ladinia y la Uniun Sport Alta Badia mët da jì chësc isté cursc desvalis: de tennis, palê y nodè. Tennis: De messè (dates y orars ćiamò da definì) gnaràl metü da jì n curs de tennis por i scolars dla elementara y dla mesana che à frecuentè i cursc dl Tennis Club Ladinia y che é regolarmënter scrić ite al club por la sajun 2009. Le curs à na dorada de 10 leziuns y costa 70,00€ a porsona (ćiamp laprò). Por informaziuns y iscriziuns pon contatè Pepi Profunser al nr. 0471/836474 o Klaus Planinschek al nr. 0471/847028. Laprò vëgnel inće organisé cursc de aviamënt al agonism. Por chisc pon damanè informaziuns pro i ćiamps da tennis a La Ila (0471/847501) y Corvara. Śoghé al palê: Dai 16 de messè ćina ala fin d’agost vëgnel spo metü da jì n curs de aviamënt al jüch dl palê por scolars dles elementares. Le curs gnarà tignì dagnora de lönesc y de jöbia, cun la pröma incuntada ai 16 de messè dales 15.00 sön le ćiamp dl sport da La Ila. Informaziuns plü menüdes pro Ubi Valentini al nr. 0471/839714. Nodè: Ai 13 de messè mët spo man n curs da nodè por prinzipianć y progredis, resservè ai scolars dles elementares, dla scora mesana y mituns y mitans dla scolina. Le curs vëgn tignì tla nodadoia comunala da La Ila y mët man le lönesc ai 13 de messè dales 9.00, por na dorada de 10 leziuns indöt - vigni dé adinfora dla jöbia. Informaziuns plü menüdes ciafon pro le professur Leo Pitscheider, al nr. 0471/847142 o pro Ubi Valentini al nr. 0471/839714. Curs de Photoshop y Gimp

L Servisc Furmazion de Gherdëina mët inò a jì n curs de Photoshop y Gimp cun Vito Miribung per sculeies dla 5. tlas dla scola elementera y dla scola mesana. Mparon a lauré ora fotografies digiteles y a fé dainora fotomontajes d’uni sort. L curs ie dai 3 nchin ai 7 de agost dala 14.00 ala 16.30 tla scola mesana a Urtijëi y costa 85 euro. Iscrizions nchin ai 27 de lugio cherdan su l numer 0471/773225 o mandan na email a furmazion.gh@micura.it. Orar de ufize: da lunesc nchin vënerdi dala 8.00 nchin ala 12.00. Curs de Yoga

L Cunsëi de Furmazion de S.Cristina mët a jì n curs de Yoga cun Judith Demetz per se n sté bën y abiné l chiet te sé. L curs scumëncia n juebia ai 9 de lugio y jirà inant per 10 iedesc, dala 9.00 nchin ala 10.30 y per chiche sà bele mpue dala 20.00 nchin ala 21.30. Nfurmazions pra Judith Demetz tel. 339/7336788. Jì a ciaval

L vën metù a jì cursc de jì a ciaval tl zënter dai ciavei a Runcadic tla streda Passua 6. Per nfurmazions pòssen cherdé su David Bergmeister al numer 338/2430900.

Referac Cie ie pa n ciamp de magnetism? La Lia Sanynton nvieia a na sëira cun Rudolf Braunhofer de Albeins, che rujenerà dl ciamp de magnetism, nfurmazion, terapia y eserzizies. La forza dl magnetism dla tiera fej pulsazions te n ciamp manietich che n possa adurvé per se n sté bën. N merdi ai 7 de lugio dala 17.00 tla sënta dla lia Sanynton tla streda La Sëlva 101.

Festes popolares Segra da Rina La Musiga da Rina à le plajëi da invié düć ala segra dl paîsc, che gnarà tignida en doman domënia ai 28 de jügn. Bele incö sabeda sëra, dales 21.00 inant saràl na party tl salf dles manifestaziuns. La segra mët man spo en doman domënia dales 10.00 cun na matinée, acompagnada musicalmënter dal grup “Maulbürfe”. Ales 13.30 sonarà spo le “Alphorntrio”, por i lascè spo lerch dales 14.00 ala Musiga da Rina y dales 16.00 inant ala Musiga da San Martin. Dales 18.00 inant saràl spo musiga da bal cun i “Ćiastelans”. La domënia fistidiëia le Cor de Dlijia por tutres y cafê y organisëia inće na ola dla fortüna. La festa vëgn tignida te paîsc y da vigni tëmp. Segra da La Val I Stüdafüć da La Val inviëia en domënia ai 5 de messè ala festa tradizionala dla segra dl paîsc. En chësc dé vëgnel inće fat la inaudaziun dl paiun nü dla musiga. La festa mët man cun la santa mëssa alaleria y dedô la inaudaziun y benedisciun dl paiun y spo le conzert dla Musiga da La Val. Dales 16.00 inant saràl spo da aldì la Böhmische da La Val. Da sëra jarà la festa inant cun musiga da bal cun i “Alpenduo”. Dales 22.00 gnaràl spo trat fora i pesć dla lotaria. Tratan döt le dé gnaràl sambëgn inće fistidié por dè fora da mangé y da bëre por düć!

Avisc Puhin II La Lia Mostra d’Ert fej a l savëi che da śën inant iel da giapé la segonda edizion dl Puhin. A chësta zaita pòssen ti cialé y s’la liejer tla bars y tla biblioteches de Gherdëina o passé a s’la tò tl Circolo a Urtijëi per s’la liejer cun gheneda a cësa. Bibliofestival 2009

La bibliotech “Tresl Gruber” fej a l savëi che śën iel inò la azion de liejer per l instà! Duc i sculeies dla scola elementera y mesana ie nviei de cuer a unì a fé pea! Se ncunferton sun Vosc unì. “Hipp, hipp, hurrà... Biblio d’instà!”

La Bibliotech Oswald von Wolkenstein nvieia duc i sculeies dla scola elementera a fé pea pra la azion metuda a jì per l instà. Sce la tlas tën adum y liej n grum, n bel puzzle vëniel a lum! Fajëde duc pea y lijëde nce vo ntan l instà per fé vëncer n bel pest a duta la tlas! La azion de liejer jirà nchin ai 27 de setëmber. Liejer d’instà E...state tra i libri – Bücher und Me(e)hr. La Bibliotech San Durich mët a jì nce chëst ann d’instà na blòta scumenciadiva per sculeies dla scola elementera y mesana. Unide a nes crì te bibliotech nchin ai 31 de lugio. Dai 1. de agost nchin ala fin dl mëns saràl pona la segonda pert de chësta scumenciadiva de liejer. Bibliofestival 2009 tla bibliotech Tresl Gruber

L moto da chëst ann: “N instà misteriëus”. Cun l finé via dla scola à scumencià a S. Cristina l bibliofestival, che à da n fé chëst ann cun stories de fantajia, cun crimis, cun lijëndes, cun stories de marueia, tieres periculëusc, cun rebus y d’autra ntraunides nia drë da crëier, che dëssa fé unì ueia de liejer a duc nce ntan i mënsc da d’instà. Fé pea nce tu! Chiche ëssa mo vel’ dumanda possa sambën cherdé su te bibliotech ”Tresl Gruber“ al 0471 790016. Davierta iela de merdi (15.00 - 17.00), de mierculdi (9.35 11.30 y mé de lugio y agost nce dala 19.30 - 21.30), de vënderdi (15.00 - 17.00), de sada (19.30 - 20.00) y dumënia (9.45 - 11.30).

info@lauscdiladins.com Dotors y Apoteches Dotor L dutor de servisc dala 10.00 da duman de n sada 27 de juni nchin la 8.00 da duman de n lunesc 29 de juni ie l dut. Aba Fallaha de Sëlva, tel. 0471/794111 o l 0471 797540. Le dotur en sorvisc tla Val Badia, tla findledema dai 27 ai 28 de jügn, é le dotur Guido Caretta, Calfosch/Corvara, tel. 0471/836870 o 337/616080. Apoteches L’apoteca de servisc che à daviert ora dl orar ordiner da n vënerdi (dala 19.00) ai 26 de juni nchin n vënerdi ai 3 de lugio ie chëla de Sëlva, telefonn 0471/795142 o 333/1776615 (orar de giaurida 8.30-12.30/15.00-19.00). L’apoteca en sorvisc fora dl orar ordinar, dal vëndres ai 26 de jügn al vëndres ai 3 de messè, é chëra da San Martin/Picolin, tel. 0474/523020, orars 8.00-12.00 y 15.00-19.00.

www.lauscdiladins.com

27


Informazions y Manifestazions

nr. 24 / 27 de jugn 2009

♦ Jazz de livel alt a Al Plan

♦ Mostra de Asami Kato

Le Südtirol Jazz Festival fej chësc ann tapa por le pröm iade inće a Al Plan de Mareo, cun n conzert particolar tla staziun amez dl implant “Pedagà Piz de Plaies” ai 3 de messè dales 21.00. Ai 7 de messè, tla cornisc dla iniziativa Jazz on the Mountain, saràl da aldì dui grups jazz tles üties de Fanes y Lavarella

L’artist iaponeje mët fora chisc dis tl Museum Ladin Ćiastel de Tor a San Martin sü laurs

Luca Enipeo, Nunzio Marbieri, Dino Contenti y Diego Borotti forma le grup “Manomanouche” che sonarà ai 3 de messè te staziun dl implant “Pedagà - Piz de Plaies”.

Dai 26 de jügn ćina ai 5 de messè vëgnel indô metü da jì le Südtirol Jazz Festival, che rovarà chësc ann danter l’ater a Bornech, y por le pröm iade inće a Al Plan de Mareo, cun trëi conzerć pità danter scenars demorvëia. Conzert te staziun Un di punć culminanć por i amanć dl jazz dla Val Badia sarà dessigü le conzert che vëgn pité en vëndres ai 3 de messè dales 21.00 a Al Plan. Le conzert gnarà tignì tla staziun amez dl implant “Pedagà - Piz de Plaies”, y al sarà da aldì le grup Manomanouche Le Tolga Trio é da aldì tla Üćia Lavarella. “Melodie Migranti”. Al inviëia i chitarisć Nunzio Barbieri y Luca Enipeo, cun Diego Borotti al tenor-sax y Dino Contenti al bas. Tres le sostëgn dl’Assoziaziun Turistica d’Al Plan y dla sozieté di lifć d’Al Plan, podaràn rové te staziun tres l’implant. Sides implant co conzert sarà debann. L’implant jarà en funziun dales 20.00; por lascè jö l’auto él lerch assà al’entrada dl paîsc sön la man dërta. L’implant é a püć vari. Lassö gnarà i ghesć saludà cun n pice renfrësch. Jazz fin sön munt

Tla cornisc dl’iniziativa Jazz on the Mountains (jazz sön munt) gnaràl pité te Mareo ćiamò dui de bi conzerć jazz. Chësta iniziativa pîta la poscibilité da se gode la natöra, les escursciuns y na buna porziun de musiga jazz. La domënia ai 7 de messè podaràn ascutè dales 13.00 inant n conzert dl grup Tolga Trio, tla Üćia Lavarella. I trëi musizisć che vëgn dai Paîsc Basc portarà dant tòć tlassics dl Gipsy Jazz y Django Reinhardt, sciöche inće tòć scrić dal surastant dl grup Tolga During. Le medemo dé dala medema ora podaràn ascutè tla Üćia de Fanes le Jazz Musette Trio. Chësc grup pîta da n valgügn agn conzert tl raiun dla Talia dl nord. So repertore va da Django Reinhardt, al’atmosfera dl tango y swing. L’Assoziaziun Turistica d’Al Plan inviëia düć da anuzè chëstes ocajiuns.

Ćina ai 23 d’agost saral da odëi la mostra dal titul “Dal Iapann ala Ladinia” dl artist iaponeje Asami Kato tl Museum Ladin. Te sües operes d’ert à Asami Kato dagnora tut ispiraziun dales contrades de citês storiches desco Auneja o Firenze. Ti ödli dl artist é perchël stades les Dolomites dagnora ma n monn de parëis maiestusc y n post da passè les vacanzes, mo nia n motif da rapresentè te formes artistiches. Impormò da canche al conësc la Ladinia Laur de Asami Kato. plü sot stan tratan l’isté ti Tamersc daite d’Al Plan de Mareo, àl metü man da i ćiarè ales Dolomites cun n ater ödl, porvan da interpreté artisticamënter les contrades y i paesaji de nüsc posć. Cun süa sensibilité él insciö garaté operes artistiches ispirades ales Dolomites, mo al ne manćia nia elemënć iapaneji pro chi che l’artist é indô ruvé do che al s’â dè jö dandaia dantadöt cun l’ert ozidentala. La mostra vëgn metüda da jì sides sot al patrozine dl Istitut iapaneje de Cultura de Roma co dl Consolat Generel dl Iapann de Milan.

♦ Festival musical A Badia, tla Ćiasa Runcher ai 10 y 11 de messé 2009 Le vëndres sonarà i grups Homies 4 Life (Hip-Hop), Anita y Zenzo (Country-Folk), Phantom “a tribute to Nightwish” (Metal), Annika & Friends (Country-Blues), la sabeda spo i Blackout (rock coverband), Acustic Porject (Acoustic Rock), Moscaburro (Acoustic Chill Out), 14 08 (Emerging Rock), Planet Brain (Alternetive Rock), Loud (a tribute to AC/DC” (Hard Rock). Les ofertes y na pert de ći che gnarà tratz ite i jarà a benefiziënza por le proiet “School of life”, realisé en colaboraziun cun l’assoziaziun “Human Rigths Inter-national”. Chësc proiet va a sostegnì n valgügn s t u d ë n ć dl’Université de Dakar - Senegal.

Chino Programazion al chino de Pardac

Al chino de Pardac anché, sabeda ai 27 e domenia ai 28 de jugn da les 21.15 se pel veder l film “Terminator salvation l’inizio della fine” con Christian Bale e Sam Worthington. Programazion al chino de Ciavaleis

Al chino de Ciavaleis en sabeda ai 27 e domenia ai 28 de jugn da les 21.15, se pel veder l film “Un’estate ai Caraibi”. Programazion al chino de Tieser

Al chino de Tieser anché, sabeda 27 e domenia 28 de jugn da les 21.15 vegn metù dant l film fantastich “Transformers”. En mèrtesc ai 30 de jugn e en mercol prum de messèl se pel veder l film dramatich “Il bambino con il pigiama a righe”; en jebia ai 2 de messèl da les 17.00 e da les 21.15 e en vender ai 3 da les 17.00 vegn metù dant “Earth la nostra terra”, film documentèr co la ousc de Paolo Bonolis, en vender ai 3 e en sabeda ai 4 da les 21.15 se pel veder l film “Uomini che odiano le donne”.

Mostres Pultrec y cuntredes de Bernardino Del Bene

Chësc artista, che vën dala provinzia de Chieti tl Abruz, meterà ora si pitures tla galaria dla Lia di Artisć de Südtirol sun la plaza di Domenicans 23 a Bulsan. L artista viv bele da n struf a Urtijëi y te chësc tëmp àl nce fat plu pitures de paesajes da mont y de crëps, che l meterà ora daujin ala pitures de cuntredes tipiches plu meridiuneles. Mplu se dàl nce ju cun la pitura de pultrec. La mostra sarà da udëi dai 29 de juni nchin ai 12 de lugio. Le Jazz Musette Trio sona tla Üćia de Fanes.

28

www.lauscdiladins.com


Manifestazions y Congratulazions

nr. 24 / 27 de jugn 2009

Mostres Giaurida dla mostra de fotografies “Museion”

Coche uni ann d’instà mët l Fotoclub Gherdëina a jì na mostra de fotografies, chëst ann cun la tematica “Museion”. Ot fotografs, duc cumëmbri dl Fotoclub, mët ora si fotografies plu nteressantes tëutes su ntan n workshop tl Museion a Bulsan. La giaurida dla mostra ie n vënerdi ai 3 de lugio dala 20.30 tla sala dla mostres dla Cësa di Jëuni, Ert y Cultura a Urtijëi. La mostra resta davierta uni di nchin ai 12 de lugio dala 20.00 nchin ala 22.00. Mostra de Bruno Walpoth La Lia Mostra d’Ert nvieia duc ala giaurida dla mostra de Bruno Walpoth, n vënerdi ai 17 de lugio dala 20.30 tl self dla mostres dla Lia Mostra d’Ert a Urtijëi. La mostra resterà davierta dai 17 nchin ai 28 de lugio.

Ai 11 de jugn del 2009 da Valsesia l’é ruà la neva che nasciù l’é n fantolin che de inom l fasc

Martin I miores augures de bona fortuna a chest pìcol a soa mare Carmen, a so pare Radames dai giaves e da duc i parenc da Poza e da Modena

Uli Moroder a Lengmoos Congratulazions a

L artista Ulrich Moroder da Scurcià, nasciù y chersciù su te Gherdëina y che viv y lëura a Viena, meterà ora si pitures tl segondo partimënt dla Kommende a Lengmoos sul Renon. La mostra vën giaurida ncuei sada ai 27 de juni, dala 6.00 da sëira y resterà davierta nchin ai 19 de lugio uni di dala 16.00 nchin la 19.00.

Zita da Parèda che ai 28 de jugn la compiesc i egn.

”Schau-Fenster” cialé tres i vieresc tla vedrina

La Lia Mostra d’Ert y l Museion de Bulsan nvieia a jì a ti cialé ala mostra tla vedrina dl Museion de Bulsan, che sarà da udëi nchin ai 9 de lugio. N possa jì a ti cialé da uni ëura. Proiezions y perspetives cun n juech de lums dà mprescions realistiches, ma ie ala fin dla finedes na ngianeda. Pra chësc lëur se tràtel de cër velch de na verscion cuntemporana dl mit dla ciaverna.

Tenc de bie augures con n bos e n fort braciacol “a nosc fior più bel” e n bel detelpai per dut chel che te fès per nos da tie om Walter e i fies Manuela e Peter

Mostra persunela de Flavio Senoner

L scultëur Flavio Senoner mët ora na lingia de si ultima opres zipledes tl lën te na mostra persunela tla zità de Memmingen dlongia Minca (München). La mostra sarà da udëi nchin ai 12 de lugio, uni di ora che de lunesc dala 10.00-12.00 y dala 14.00-17.00 tl Kreuzherrensaal, Hallhof 5 a Memmingen. Wilhelm Senoner tla Hofburg

Tla mostra sot ai revëuc ti ciuleies medievei dla Hofburg a Persenon lascia l artista de Urtijëi udëi si scultures monocromes n pert de lën y n pert jetedes tl bront. Tres l liam strënt danter tradizion y modernità lùnel tres te si lëures na sort de realism magich y tl medemo tëmp de simbolism. La mostra tl Museum Diozejan Hofburg resterà davierta nchin ai 31.10. da merdi nchin dumënia, dala 10.00 ala 17.00.

Iniziatives sportives

Düt le bun pur to complì di agn bel toronn, te aoda tü pici nus Sofia, Elias, David y Lukas che te ô tan bun. “Ćiara mo tan da festa che i fôn”

“Champions Vich”

Va inant a Vich la 4^ edizione de “Champions Vich”, feruscol tornoi de balon a 5. A la manifestazion, che ciapa an dò an più pe, tol pèrt chest an 16 squadres de Fascia e Fiem, en dut 170 jiadores. Ogne sera, fora che de sàbeda e de domenia, da les 20 enscin les 23.30, vegn jià fora 3 o 4 partides aló da la strutura de Cotura che l Fascia Calcio, con a cef l president Walter Ghetta, met a la leta con piajer per chest apuntament n muie aprijià dai joegn, endrezà da Daniele Tonet col didament de Federico Cincelli. L tornoi jirà inant enscin en sàbeda ai 11 de messèl, canche l se serarà sù desche semper en legreza con la gran festa de la premiazions.

Les mius aodanzes a

Berta che complësc ai 2 de lugio i 60 agn.

Drop Down International Cup

Anché, sabeda ai 27 e doman domenia ai 28 de jugn, per l secondo an dò e dò, la Val de Fascia ge dèsc alberch a la Drop Down International Cup, gara internazionèla de bike downhill che à valuta ence desche seconda proa de Copa Tèlia de spezialità. La competizion veit i partezipanc se confrontèr sul percors lonch e spetacolèr de 3.500 metres con 400 metres de dislivel, endrezà da la sociazion Fassa Bike te la pèrt bassa del Bike Park de Cianacei, da Pecol enscin tel zenter de Cianacei. Anché da les 9 da doman inant l’é la proes ledies, domesdì la proes controlèdes e doman da les 10 pea via l prum atlet per la calificazions e da les 14.30 la finèles. Per autra informazions se pel vardèr l sit www.fassabike.com Mini Soraga Ramp

Anché da les 3 domesdì te Pra del Preve, l’é la pruma garejèda co la rodes del zircuit Mini Bike Fiem e Fascia, la Mini Soraga Ramp. Chi che vel tor pèrt pel se prejentèr te Pra del Preve vejin gejia da les 13.30 con n genitor e paèr la quota de enscinuazion che la é de 5 euro. Chesta manifestazion perveit 6 proes te la doi valèdes, avertes ai bec dai 7 ai 16 egn. Per autra informazions se pel chiamèr l numer 339.3397037. Turnier de nöt a La Val

L’U.S. La Val organisëia dal 1. fina ai 2 de agost 2009 (sabeda sëra fina domënia da doman) la 11. ediziun dl turnier de calceto de nöt por scuadres dl tëmp lëde (5 śogadus plü portier), söla plaza dal palê sintetica “Plans” a La Val. Al po tó pert fina a 20 scuadres. Les iscriziuns po gnì fates fina ala jöbia ai 23.07.2009 pro Klaus Rubatscher sot al nr. 335/6905507 o tres fax al 0474/523035 o e-mail a klaus@verginer.bz.it y le paiamënt dl prisc d’iscriziun de 120,00€. Pesć: 1.post 600,00€, 2. post 400,00€, 3. post 200,00€, pozer 200,00€. 4. Sella Ronda Bike Day 2009

N dumënia ai 12 de lugio unirà la stredes di jëufs ntëur l Sela dsaredes dala 9.00 nchin la 15.30. Bele n juebia 9.7. iel sun l prugram na jita cun la roda da mont sun Mont de Sëuc n cumpania de Peter Runggaldier. Per i plu sportives saràl mesun fé pea n vënerdi 10.7. danter la 8.00 y la 11.00 la “cronoscalata” da Al Plan de Mareo nchin sun Plan de Corones. N sada 11.7. iel sun l prugram l “Sella Ronda mountainbike”. N dumënia possa duc i apasciunei dla roda fé la raida di cater jëufs deberieda cun Maurizio Fondriest. N sada 11.7. dala 9.00 da sëira saràl mo na sëira de nfurmazion cun Maurizio Fondriest pra l Bar Nives te Sëlva.

Elisabeth, Sebastian, Michael, Christine y Gilbert

Encö complesc

Caterina i 18 agn. Döt le bun por töa majera eté, trepa fortüna y sanité t’aoda töa familia.

... 38, 39, 40 agn él passè da canche tö as ćiantè pur l’ prüm iade. Da jona saltâste bele sö pur chi coi, ćinamai jö Rimini êl da jì, sënza degügn avertì!!! Bel plan t’aste bëgn calmè, y spo na bela familia él garatè. Tota, śëgn mësseste pa ma t’arjigné da paié, deache la sëi é grana y la bira sana... Düt l’ bun pur tü 40 agn t’aoda tüa fiocia che t’ô tan bun. Jasmin

www.lauscdiladins.com

29


Religion, Vita y Mort Vangel dla Domenia 13ejima domënia ia por l’ann B, ai 28 de jügn 2009 Dal vagnele do San Merch, 5, 21 - 43 Te chël tëmp é Gejù jü cun la barca ia sön l’atra spona dl lêch de Galilea, y na gran meja de jënt s’â abiné incër ël. Ćiamò tratan ch’al ê tl lêch, él gnü n surastant dla sinagoga che â inom Iaìrus. Canch’al â odü Gejù, s’àl inslenè dan da sü pîsc y l’à implorè do aiüt; al à dit: “Mia fia é da morì. Vì y mëti sö les mans ch’ara varësces indô y romagnes en vita.” Dailò é Gejù jü impara. N gröm de jënt ti jô do y se fajô pormez a d’ël. Danter ite êl na ëra, a chëra ch’al ti jô sanch bele da dodesc agn incà. Ara ê gnüda mediada da n gröm de medi y â dër da patì por chësc; döt so avëi âra dè ia, mo al n’â jovè nia, ara ê ćiamò gnüda piec. Pornanch’ara â aldì de Gejù s’àra fat inant tla meja iadô pormez y à aziché so guant. Deach’ara se dijô: “Inće sc’i azichi mâ so guant, gnarài Na rapresentaziun de sciöche Gejù varësc la möta de varida.” Atira àra lascè da sangonè, y ara sintî d’ester Iaìrus. gnüda delibrada da süa soferënza. Tl medemo momënt à Gejù sintì, ch’al ê jü na forza fora de ël, y al s’à ôt cuntra la fola y à damanè: “Chê à pa pié ite mi guant?” Sü discepui ti à dit: “Te vëighes pö sciöche la jënt se sbürla pormez a té, y chilò damàneste ćiamò: chê m’à pa pié ite?” Al ćiarâ incërch por odëi chëra che â fat chësc. Dailò él gnü chë ëra, tremoran dala tëma, deach’ara savô ći ch’al ê sozedü cun ëra; ara s’à petè jö dan da d’ël y ti à dit döta la verité. Mo ël ti à dit: “Mia fia, tüa fede t’à daidé. Va en pêsc! Sìdeste varida da to mè.” Tratan che Gejù baiâ ćiamò, nen n’êl gnü dala ćiasa dl surastant dla sinagoga a ti dì a Iaìrus: “Tüa fia é morta. Ćiodî ti staste pa ćiamò do al maester?” Gejù, che â aldì chëstes parores, ti à dit al surastant dla sinagoga: “No avëi tëma; crëi madër!” Y al n’à lascè gnì degügn cun ël ater co Pire, Iaco y Jan, le fre de Iaco. Ai é jüs dala ćiasa dl surastant dla sinagoga. Canche Gejù â aldì le sciosciüre y sciöche la jënt pitâ dadalt y baudiâ, él jü ite y ti à dit: “Ćiodî scraiëise pa y pitëise? La möta n’é nia morta, ara dorm ma.” Dailò le coienâi. Sön chëra i àl parè fora düć y à tut cun ël le pere y la uma dla picera y sü trëi compagns y é jü ite olache la möta ê ponüda. Al à pié la möta por la man y ti à dit: “Talìta cum!”, che ô dì: “Möta, i te diji, lê sö!” Atira é la möta lovada sö y jô incërch. Ara â dodesc agn. La jënt stô a gnì fora de mote dala morvëia. Mo al ti à racomanè dassënn che degügn ne dess gnì al savëi; spo àl dit de ti dè ala möta val’ da mangé. Parora dl Signur. - Lalt a té, Gejù Crist!

Ester geniturs: n liber Peter Koler, Christa Ladurner y Tone Fiung à dè fora n liber che à al zënter la belëza dl ester geniturs Ester geniturs n’é nia plü tan saurì tla sozieté d’al dedaincö. Al é espertes y esperć che mina da messëi ti dè na majera “competënza” ai geniturs. Laprò vëgnel mituns y mitans, che damana y desfida, y n monn dl laûr che mëss impormò ciafè süa vijinanza cun la familia. Ester geniturs é impò öna dles esperiënzes plü riches che le monn à da nes pité. Ćiodì che al paia la mëia da ester geniturs y da deventè geniturs, é la tematica de n liber dè fora da Peter Koler, Christa Ladurner y Tone Fiung, dal titul “Eltern sein - mit Kindern wachsen und reifen.” Le liber à le fin da dè impulsc yda pité n orientamënt por sintì y vire l’ester pere y uma. Tl liber ne nen vara nia de consëis o rezëtes, mo ara nen va plü co ater che vigni geniturs ciafes sües respostes a sües domandes. N liber dër personal, cun tröp sentimënt y tröp cör. Al é da ciafè tles botëghes de libri. Dè fora él dala ćiasa edituria Athesia. Le cuertl dl liber.

30

www.lauscdiladins.com

nr. 24 / 27 de jugn 2009

Condolianzes Le consëi d’aministraziun, le consёi de control, la direziun y i colaboradus dla Cassa Raiffeisen Val Badia tol pert de cör al dolur che nosta colaboradëssa Rita Costabiei à sintì port la mort de so om

Giovanni Agreiter y ti sporj a ëra y sü familiars les condolianzes plü sotes. Cassa Raiffeisen Val Badia Corvara, 18.06.2009

Rengraziamënt Tla speranza de se udëi inò, ons tëut cumià da nosc bon uem y pere

Insam Vinzenz Cësa Zirmëi mort ai 31.05.2009 tla età de 81 ani. N gra a duc chëi che nes ie stac daujin. La fëna Genoveva cun Lydia y Mirjam.

Rengraziamënt I familiars de

Frieda Crazzolara, nasc. Valentin morta ai 17 de jügn a La Ila ti dij n gran giulan ai parënć - a mëteman da Gusta y Benedetto che à daidè de vigni vers cun gran amur, zënza lascè do, ai vijins y ala tröpa jënt da La Ila, Badia y dai paîsc incëria che à tut pert a nosc dulur, gnon a nes ciafè y dijon les corones a ćiasa y te dlijia. La crusc é bëgn n pü’ plö lisiera sce al é valgügn che vëgn a daidé da la purtè söl tru de nosta vita. Sce inće nos, che sun mec foresti a La Ila, ùn pudü sintì na te’ buntè de cör incër nos ia, ôl dì che la comunité de nösc paîsc é signada dai mirić de vijinanza cristiana de tröpes persones. N bel giulan pudunse nos ma dì. L’ater Ves gnarà dit da Chël Bel Dî.

Rengraziamënt Ai 14 de jügn nes à lascè do lungia maratia soportada cun gran forza y speranza al eté de 36 agn

Brigitte Troi nasc. Alfreider Giulan dl tëmp che ùn podü passè cun te, la speranza da podëi te incuntè n dé tl rëgn de Dî se dà confort. I rengraziun i doturs y l’personal dl spitol da Bornech, Aviano y Agordo; l’dotur Spechtenhauser y sües assistëntes pur la gran disponibilité. Giulan a chi che à dit dant les corones te intrames les cüres, ai vijins da Col S.Lizia por avëi daidé y odlè te ćiasa. Giulan ai proi de intrames les cüres y a siur Pire pur la bela mëssa y funziun de sopultüra, ai cors de dlijia, ai stüdafüch, a düć chi che à fat val’ sorvisc, a chi che à tut pert ales corones y funziuns. Giulan a düć chi che é jüs a la ciafè, a chës porsones che à ponsè a ëla, à perié, ti à scrit, telefonè, menè salüć; chësc ti à dè forza y coraje da jì inant. I bi ciüfs, les ćiandëres che i podun impié, ofertes a fin de bëgn, strëntes de man, parores y scrić de confort se dà gran consolaziun. I rengraziun chi che se sta dlungia te chësc tëmp de dolur y düć chi che s’la recorda tl pinsier y tl’oraziun. I familiars da Col S.Lizia y Calfosch


Inserac

nr. 24 / 27 de jugn 2009

Da vende Da vënder ujes de lën tan che nueves (3-4 ani vedli) y na porta de cësa Rei 60 de fier, a n bon priesc. Tel. 333 9260640. (22/09) ••• Da vënder n motor da trial Beta Alt, 250 cc. Tel. 339 7046947. (22/09) ••• Da vëne n guant de nücia, mosöra 42. Telefonè al 338 7171667. (22/09) ••• Da vënder cërtli de aluminium drët bën tenii per n Opel Vectra, mesures 205/60/ R15. Tel. 0471 796084 ••• Da vëne na mascînn da planè dla marca Sicar Furore 30. Cin’ iadi combinada (380 V). Por informaziuns pon cherdè sö le 338 5239336. Le prisc é da fà fora. (23/09) ••• Da vëne na ćiasota de apresciapüch 2,5 m x 2,5 m. Telefonè prëibel al 340 7618033. (23/09)

••• Al vëgn venü a dër n bun prisc n camper da 6 posć, cun televijiun y deplü opziuns. Telefonè dales 20.00 inant al 0437 581961 o 347 8484689. (23/09) ••• Da vënder n Fiat Panda 4x4 dl ann 2000, km 44.655, priesc 2.500 euro da traté. Tel. 0471/794105 o 331/3667627. (24/09) ••• Da vëne n mogun de stüa de platines, mosöres 72x50x115 cm. Tel. 333/8759838. (24/09) ••• L vën vendù te Fedom na Citroen AX 4x4 cun 80.000 km. Priesc 500 euro da traté. Tel. 340/6209812. (24/09) ••• L vën vendù a n boniscimo priesc n radio per n auto Panasonic cun magasin da 6 CD (CD-Wechsler). Tel. 333/7166471. (24/09) ••• L vën vendù n Audi A3 Sportback, 2.0

TDI, 180 ciavei, dl 2007, 64.000 km, cërtli da 20” (16” per l inviern cun ciadëines), tët panoramich, spoiler, pez singul, mplant audio. Priesc 22.000 euro. Tel. 349/1447414. (24/09) ••• Da vëne n motor Yamaha R6 model 2007, cun 8.000 km, te dër de bunes condiziuns. Prisc da tratè. Tel. 333/4750466. (24/09) ••• Da vëne n Quad cun 164 cc dl 2003, prisc 1.600,00 euro da sciacarè. Tel. 0474/501008. (24/09) ••• Vene n motorin Aprilia Sport City 125 de l’an 2006, mai durà (150 km.) a 2.000 Euro. Chiamèr Fernando ai numeres 0462 768271 opura 347 6291502. ••• L vën vendù n Quad 500 4x4 coche nuef. Tel. 348/7073294. (24/09) •••

Chirì da laour Na jëuna che à esperienza chier da lëur a rumé su la majons o per la sajon o per dut l ann, te Gherdëina y sce l ie mesun a Urtijëi. Scenó fajëssela nce i gusteies te na pension o garnì. Ëila ëssa nce esperienza tl lëur da cassiera. Tel. 331 5635788. (23/09) ••• Na porsona chir laûr sciöche aiüt cogo tla Val Badia. Prëibel telefonè al nr. 333 2368100. (23/09) ••• N ël chir laûr tla Val Badia sciöche lavataîs. Tel. 389 7805541. (23/09) ••• N lavataîs chir laûr tla Val Badia. Telefonè al 331 4143651. (23/09) ••• Na porsona chir laûr sciöche lavataîs tla Val Badia. Telefonè al 388 1404096. (23/09) ••• N pèr jëunn dla Talia chier da lëur da śën inant. Cun esperienza. Tel. 347 2963883.(23/09) ••• N ël chier da lëur a fé d’uni sort de stroc. Tel. 339 8665047. (23/09) ••• N’ëila de 30 ani (zënza mpënies de familia) chier n lëur a tëmp plën, a cumpanië o a cialé sun jënt de tëmp, o nce sciche fancela. Ëila à nce esperienza de lëur. Tel. 329 1380496. (23/09) ••• Na ćiamenëssa cun esperiënza chir laûr. Tel. 347 1902917. (23/09) ••• N ël de 34 agn chir laûr sciöche vardian de ćiasa o fa-döt. Tel. 320 8133851. (23/09) ••• N’ëra dla Polonia de 48 agn chir laûr te hotì o pensiuns tl raiun da Corvara. Ara adora inće spëisa y alberch. Ara baia dër bun talian y à inće esperiënza de laûr tla restoraziun. Tel. 338 8977817. (23/09) ••• Na jona dla Polonia de 28 agn chir laûr te hotì o pensiuns tl raiun da Corvara. Ara adora inće spëisa y alberch. La baia dër bun talian y à inće esperiënza de laur tla restoraziun. Tel. 328 5691432. (23/09) ••• N ël chier da lëur sciche muradëur, zumpradëur, spezialisà a fé salejà o mures de porfir o de sasc. L fajëssa nce vel’auter

lëur sciche vardian o d’uni sort de stroc o zënza vel’ lëur. Nce mé a mez tëmp. Chiche à n lëur da ti pité ie prià bel de cherdé su l numer de telefonn 335 1806415. (23/09) ••• Studënt universitar (fisica) dl post, chir laûr por d’isté (esperiënza te ufize da hotel y aziëndes privates, autocad, informatica). Tel. 333 6769096. (23/09) ••• N ël chier da lëur a fé d’uni sort de stroc. Ël sà la rujenedes spanuel, tudësch, talian y nglëisc. Tel. 328 4873026. (23/09) ••• N ël chir laûr sciöche fant de ćiasa o magazinier y baia todësch, talian y inglesc. Tel. 348 5433574. (23/09) ••• Na jona studënta de Badia chir n laur por d’isté, preferibilmënter tl setur de wellness o cosmetica. Tel. 348 6421403. (23/09) ••• Na jona studënta de Badia chir n laur por d’isté. Tel. 348 6421403. (23/09) ••• N studënt de 17 agn chir n laur por d’isté tl’alta Val Badia. Tel. 347 2535473. (23/09) ••• Na jëuna de 22 ani cun esperienza chier da lëur te Gherdëina a rumé su la majons o a judé sciche barista. Tel. 320 9137004. (23/09) ••• N ël chier da lëur a judé te cësadafuech o a lavé ju, te Gherdëina. Tel. 329 6666297. (23/09) ••• N’ëila chier da lëur a rumé su la majons, te Gherdëina. Tel. 339 1635499. (23/09) ••• N ël chier da lëur a judé te cësadafuech o a lavé ju, te Gherdëina. Tel. 328 3864575. (23/09) ••• N ël chier da lëur a fé d’uni sort de stroc o a lavé ju. Tel. 328 7506003. (23/09) ••• Na jëuna de Gherdëina chier da lëur per l mëns de agost te Sëlva. Tel. 338 2530563. (23/09) ••• Chiere da lëur sciche segondo cuech o sciche pizzaiolo, da śën inant. Tel. 349 5102376. (23/09) •••

Provinzia Autonoma de Bulsan L’aministrazion dla Provinzia à scrit ora n cuncors per chisc profii profesciunei: 1 educadëur/a per mutons per l I.P.A.I. La stiera ie resserveda per la grupa de rujeneda tudëscia. Damandà vëniel l atestat de bilinguism B. La dumandes muessa unì dates ju nchin la 12.00 di 14.07.2009 1 biologh/a per la repartizion 29 – Agenzia provinziela per l ambient La stiera ie resserveda per la grupa de rujeneda tudëscia. Damandà vëniel l atestat de bilinguism A. La dumandes muessa unì dates ju nchin la 12.00 di 21.07.2009 Per nfurmazions plu avisa iel mesun cuntaté la Repartizion dl Personal, Ufize per tò su personal, a Bulsan tla streda Renon 13, telefonn 0471/412192 o 0471/412244 . La bandides de cuncors y i formulares per fé dumanda ie tl internet sot ala plata web dla Repartizion Personal: http://www.provinz.bz.it/personal/0401/ wettbewerbe_d.htm.

N jonn da Corvara de 20 agn chir n laur por i mëisc de messè y agost. Bona conescënza dl talian, todësch y inglesc. Tel. 345 6129138. (23/09) ••• Na ćiamenëssa cun esperiënza chir laur. Tel. 328 3474246. (23/09) ••• N’ ëila chier n lëur a mez tëmp do la 17.00 a S.Cristina per rumé su o a judé ulache l va debujën. Tel. 340/5994704 o 340/3677549. (24/09) ••• N’ëila chier da lëur coche cuega o segonda cuega. Tel. 349/8474988. (24/09) ••• Na jëuna chier da lëur a mez tëmp te Gherdëina a cialé sun pitli mutons, a fé gusteies o a rumé su majons. La à bele esperienza te chisc lëures. Tel. 331/5635788. (24/09) ••• N jëunn chier da lëur a lavé ju, a fé de uni sort de stroc) o a judé te cësadafuech. Tel. 339/7683408. (24/09) ••• N jëunn chier da lëur a lavé ju o a judé ora nzaul. Tel. 334/9666912. (24/09) ••• N’ëila dla Talia chier da lëur a rumé su majons. Tel. 340/9317790. (24/09) ••• N ël chier da lëur coche chef te na cësadafuech per la sajon da d’inviern. Ël à bele esperienza te chësc lëur. Tel. 347/8587611. (24/09) ••• N cuech che à bele esperienza chier da lëur. Ël à nce debujën de albierch. Tel. 348/3528899. (24/09) ••• Na jona studënta chir n laur por l’isté desco möta da mituns, o inće por fà val’ atra ativité, tl’alta Val Badia. Tel. 0471/847319 o 329 4610963. (24/09) ••• Chi che adora valgügn da siè incer ciasa ia, ma tl’Alta Badia. Tel. 333/6770105. (24/09)

Por la ütia Gran Fanes vëgnel chirì por chësc isté 1 studënta a daidé. Por informaziuns cherdè sö le 346/2193374.

La tistlaria M.A.M.P. snc a La Val chir 1 tistler 1 lerner Al vëgn pité n bun post de laûr y n bun tratamënt economich. Por informaziuns telefonè al 0471 843288 o al 335 7858850

a la Val chir 1 lerner. Prëibel cherdè sö le 0471/842375.

Autoservice Kerschbaumer a S. Piere/Laion chier 1 jëunn/a che sà nëut sun l computer per aministré y vënder auti. Prëibel cherdé su l 0471 797082 ••• N’ëila chier da lëur sciche ciamenëssa o a fé zënza vel’ lëur, cun albierch. Tel. 340/5298027. (24/09) ••• N ël chier da lëur per la sajon da d’instà te Gherdëina. Tel. 347/1477192. (24/09) •••

N viac te la Tèlia anter saores e colores Ogne mercol da les 19.05 a les 19.30 a Radio Ladin, su la ones de la IV rei de la RAI de Busan, 98 e 99Mhz Bendeché jon a se chierir de bie lesc da l’autra pèrt de l’ozean per jir a se pussèr e passèr dotrei dis de feries. Ma cognoscione dassen chel che ne stèsc dintorn? Te na lingia de programes radio Anna Mazzel e Claudia Conta ve mena a fèr n viac stroz per la Tèlia, a la cognoscer miec, region per region, a orir vèlch usc sun usanzes e tradizions, a cognoscer la jent che vif te na Tèlia amò trop paejèna duta da descorir e jir a troèr. Fosc podessa te chisc tempes de crisa esser na alternativa, chela de ciapèr l’auto e sin arloèr a la

descorida de n paìsc, cuna de artejegn e artisć, n paìsc che ge vel ben a saores scempies ma de gran bon gust. L program de Anna e Claudia ve dèsc vèlch idea da olà peèr demez per n viac curious, n viac per se embater te jent da la tradizions amò vives, per co g no s cer ar te j e g n percacenc, n paìsc rich de color e voa de viver che pech se spieia co la idea che a la foresta se se fèsc del Stat dal stivèl… Per saer dantfora olache jiron ogne setemèna, vardà ence www. raibz.rai.it programes ladins.

Cavallino Bianco Family Spa Grand Hotel a Urtijëi chier na receptionista per la beauty farm. La stiera ie per dut l ann. Per nfurmazions prëibel cherdé su l 338/9117352 o mandé n e-mail a lisa@cavallino-bianco. com.

Al vëgn chiri a Corvara 1 laurant por de vigni sort de laûrs por döt l’ann. Prëibel telefonè al 0471/836231.

N hotel a La Ila chir da setëmber inant 1 rezezionist/a independënt/a poscibilimënter dl post. Al vëgn damanè: esperiënza de laur, la conescënza dl program Office y di lingac talian, todësch y ingleje. Tel. 335 7878570 o 335 6292933

Conditoria Perathoner chier 1 lodnera per mez n di Prëibel cherdé su l 0471 790535.

Hotel La Perla a Corvara chir por la sajun da d’isté o inće por döt l’ann 1 secreteria por l’ofize dles venüdes, che ais de bunes conoscënzes de talian, todësch y inglesc y sais da laurè cun le computer. Telefonè prëibel al 0471 831000.

Tl zënter da Corvara vëgnel afité ia n frabicat nü cun scialdamënt autonom por ativité comerziala o botëga o ofize cun dui posć auto curis. Por informaziuns prëibel cherdè sö le 0437 573445 o le 368 287100

N privat vënd n pra da mont de 1,5 ha te Sëlva. Nteressei possa mandé n fax al 0471 970076

A Urtijëi vëniel fità via n cuatier per 2 persones a jënt da tlo. Tel. 335 6350234

Da vënder n pra de za. 2.200 m2 a Urtijëi dlongia n raion abitatif. Tel. 328 3275640

A Urtijëi tla str. Cuca vëniel fità via n cuatier a jënt da tlo Tel. 0471 797496 A S. Piere / Laion vëniel fità via n pitl cuatier cun garage y ciulé a jënt da tlo. Tel. 338 8463419 Ailin’s Glamour a Corvara chir por la sajun da d’isté 1 praticanta da friser Tel. 340 5656182

Da scinché ia L vën dat via trëi pitli cians de sies enes vedli. Prëibel cherdé su l numer de telefonn 0471 793595 ntan l’ëures de ufize 8.30-12.00 y 14.30-18.00. (22/09) ••• Da dé ca na porta de cësa turonda suinsom y cun scipa. Tel. 339 7046947. (22/09) ••• Al vëgn scinché ia n banch- dlaciara por le buffet, 2-3 metri lunch y 1,50 m lerch. Tel. 335 6292933. (23/09) ••• A San Martin vëgnel scinché ia 2 de pici iać, un döt fosch y un blanch y fosch. Ai é da orëi bun y ausà da stè sides te ćiasa che inće defora. Tel. 0474/523177. (24/09) •••

Da chirì Na jëuna de Gherdëina chier n cuatier te Gherdëina. Tel. 333/2042195. (24/09)

Hotel Italia a Corvara chir por la sajun da d’isté 1 secundo cogo 1 chelnera/barista Tel. 0471 836082 Fax 0471 836575 info@hotelitalia.bz.it

L’estetista Micky da La Ila chir 1 estetista dal 1.7. inant. Tel. 0471 847640 o le 339 5482931

www.lauscdiladins.com

31



La Usc di Ladins