Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 23/2011 - 17 de jugn 2011 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Cultura

10

Pedifesta Canche ert ie zeche che ne n’ie nia da stufé: n sada dan otodì iel stat sa Pilat la cuarta manifestazion dla Pedifesta dal titul „arts more“.

Sëlva

L Tirol ti à daurì si usc a la Ladinia Inaugureda a Dìspruch na bela esposizion che ti ciala al mond ladin a na moda globala, anter deplù sun les plates 3, 4 y 5 storia y modernité

12

Tunel dal’ega N sada dan otodì iel stat l di dla porta davierta dl mplant per mëter a sut l raion Daunëi. L se trata de n tunel, da chël che l va ite roles tl grunt, per ti tò l’ega che fej sbriscé l raion.

Copa dl Mond

14

Generela Tla pitla sala dla Cësa de Cultura de Sëlva à l Cumité de Copa dl Mond Gherdëina ai 7 de juni tenì si reunion generela. Cumëmbri nueves. La cuestion de chiche à la rejon de mëter a jì la garejedes.

La Val

15

Sön les pedies dl’ert Tla scora elementara da La Val él gnü metü da jì dui proieć artistics.

La Ila

19

Mèdefüch tla desćiaria I stödafüch y les assoziaziuns de socurs dl’alta Val Badia à simulè n mèdefüch tla desćiaria de Col Maldët.

Al Plan

20

Travert “Valorisaziun” En domënia ai 19 de jügn pëia ia le regolamënt nü por la strada Al Plan - Pederü: trafich limité dales 11 ales 16 y n sorvisc shuttle cotan miorè.

Ert

21

Aunejia: ILUMInazions Ala “Biennale Arte 2011 Venezia” él inće da odëi les trëi figöres “Ecce homo” de Lois Anvidalfarei.

Fascia

L'entreda dla mostra “Ladinia" tl Volkskunstmuseum con la lingia di cognoms ladins tl liber dl telefon de Dispruch.

24

LXX de IsA Na gran festa per recordèr i 70 egn de la scola d’èrt de Poza che vegnarà dessatèda per ge lascèr lèrga a n frabicat nef e modern.

Capitala europeica dla cultura? L raion dl nord-ost dla Talia con les provinzies de Trent y Bulsan, la Region dl Venet, la Provinzia de Aunejia, la Zité de Aunejia y la Region Friûl-Unejia-Giulia se candideia deberieda per deventé una dles “capitales europeiches dla cultura” 2019 Atualité - La pruma enchin a Triest, con manifestazion da pert laprò i ladins deberieda, de Südtirol, Ressort dl i furlans y ence les referent Christian mendranzes de lingaz Tommasini, é gnuda todesces y la slovena. metuda de jì tl Museion a Bulsan per informé i Per la fin dl 2014 mezenac dl’economia privata y la stampa de Empormò per la fin Südtirol sun la dl 2014 cernarà la giuria convinzion culturalnazionala, metuda politica y l iter dla adum da 13 membri - 7 canidatura di sies enc nominés da l’Union dl nord-ost dla Talia. Europeica y 6 cris fora “Kulturnetz - Kultur dal Govern, la zité o l verbindet / La rete raion che sarà per la della cultura - la Talia la “capitala dla cultura unisce / La rëi Tré i fis da n parei al auter, da n pe al auter - performance cultura europeica dl dla cultura - la cultura “cuecena y blancia” che simboliseia l’intenzion de na 2019”. I enc che vuel se unësc” é un di motos candidatura de Südtirol. candidé possa mete dant dla comiscion che la sie dossier do che l Provinzia de Südtirol à metù su sosten a dut l grup de laour che Govern arà publiché la bandida per enjigné ca la candidatura n tol ite n raion geografich gran de per crì adum va inant a plata 2 iade a livel local spo ence per dé l trei regions da Bulsan y Trent

Comentar de Pruma de Iaco Rigo

La ousc di zitadins I cater referendums da en domenia à arjont l quorum de cotant y l sci à venciù. I zitadins à podù dì la sia te cater cuestions che i toca di per di, tla sanité y tla giustizia, y ai ne s’à nia lascé sciampé chesta ocajion. Trueps politics n’à nia cherdù che al gnissa arjont l quorum, chest ne gniva da 16 agn encà nia arjont. I motifs che i zitadins é jus ai referendums possa ester: - l’ega é n tema sentì da vignun, - l’energia y la sanité ence, - les leges dess valei per duc, ence per l premier y si ministri. Chesta ousc dl popul é n amoniment a la politca dla prepotenza y aroganza, a la politica “fai da te”, a na politica che se muev sovenz aldefora dla democrazia parlamentara per schivé la discuscion “in aula”, a na politica che fej bela paruda y s’la ri ti massmedia bagatelisan enscì i gragn problems sciche la dejocupazion, l’emigrazion dla inteligenza y di inteletuai, y l’economia y produtivité che n’é nia bona de se remete da na crisa. Dantaldut un n dat da chest referendum fej speré bon per l dagnì: trueps joegn é jus a lité pro i referendums, senza che ai foss militanc de movimenc politics, al é i joegn che ne soporta nia falimenc politics, unfat sce chi de man dreta o chi de man cencia i combina.

L’importanza Fora dl intervent dla referenta dl Land Tirol Beate Palfrader en gaujion dla vernissaja dla mostra “L ad i ni a” tl Ti r o l e r Volkskunstmuseum ai 9 de jugn 2011 “Da canche na schira de auces tl ann 387 dan Crist à con si batulament palé la cité de Roma de gnì desdruta dai Celc, é l confin anter nord y süd malsegur. Giut arjunjova Roma, donca la Talia, de gran longia contra nord, soura les Alpes fora. Spo endò se tirova i Germans truep contra la Talia dl Süd, regnova n imparadour Staufen enchinamai da la Sizilia enfora sie “Römisches Reich deutscher Nation”. Empormò tl’Eté Mesana s’à la “Grafschaft Tirol” sburlé sciche n plumac anter les does realtés culturales ite, s’à per secui alalongia intres indò inventé instessa y posizioné sciche na nazion autonoma tiroleisa, manaciova anter les gran forzes intres indò de gnì sfregoleda va inant a plata 2


Letres y Atualité

nr. 23 / 17 de jugn 2011

N bancomat che tëgnes cunt dles porsones cun handicap precara por tó fora scioldi o ćiarié le telefonn pro la portina bancomat tl ospedal da Bornech. I arati che inće d’atres porsones ais les medemes dificoltês. Al ne vëgn menè inant nia, mo deache i sun la surastanta dl’assoziaziun de Sclerosa Multipla de Puster y Val Badia, pënsi inće a d’atres porsones atocades, deache i architëć y chi che planifichëia Edith Nagler pro la portina bancomat dl strotöres publiches ne ospedal da Bornech. Les dificoltês é da pënsa nia a chësc fat, àn odëi. pö insciö bele da sćiampì. Bele plü gonot ài baié Sciöche porsona invalida al cun le diretur sanitar dl ospedal 100%, tacada al scagn da rodes, da Bornech dr. Willeit y le diretur me pormëti da ti dè espresciun a dla Banca Popolara sig. Huber. mi desplajëi por la situaziun Scemia che al m’ê gnü assigurè che

anter le 31 de mà fóssel gnü invié ia i prozedimënć por arjigné tl ospedal na portina bancomat che tëgnes cunt di andicapà, n’él baldi ćina ćiamò sozedü nia. I recordi ćiamò n iade che por anuzè chësta portina bancomat, é les porsones sön scagn da rodes dependëntes da n acompagnadù. Sce l’acompagnadù n’é nia, éson sforzà da damanè na porsona foresta do aiüt, a chëra che an mëss sambëgn inće ti dì le codesc socrët. Al é da incrësce che les strotöres publiches y les portines de sorvisc ne vëgnes dötaorela nia ćiamò realisades zënza barieres architetoniches. Edith Nagler, surastanta dl’assoziaziun de Sclerosa Multipla de Puster/Val Badia

Da les zentrales di partis politics

Referendum dl 12 y 13 de jügn La gran partezipaziun dla popolaziun ai referendums di 12 y 13 de jügn desmostra le gran interes y la partezipaziun ala vita politica. Por ći che reverda i resultać vëigon sciöche che chi che

goerna é gonot dalunc dala popolaziun. Le goern de man dërta à portè inant provedimënć legislatifs che la gran maioranza a sciurè zoruch (i sce é stà sura le 90%). Chësc dess fà ponsè sura inće sön ći che

sozed chilò da nos, olache la popolaziun é tres plü dalunc da chi che comana. Ejëmpli nen unse assà te Südtirol y tles valades ladines. Ladins Dolomites

Capitala europeica dla cultura? L raion dl nord-ost dla Talia con les provinzies de Trent y Bulsan, la Region dl Venet, la Provinzia de Aunejia, la Zité de Aunejia y la Region Friûl-Unejia-Giulia se candideia deberieda per deventé una dles “capitales europeiches dla cultura” 2019

Resposta ala cherta de Giuvani Mischì publicada t’La Usc nr. 20 di 27 de mà 2011 Stimé Giuvani Mischi, i sun deplëgn a öna che na porsona competënta tòles tles mans le laûr sura la proveniënza di toponims y mëtes a löm les origines linguistiches. La verjiun sura l’inom Picedac - sciöche dötes les atres stories ch’i à portè pro mia pert tratan la pre s ent a z iun dla cher t a top og raf ic a/or tofoto - ê estlusivamënter informaziuns de pröma man dales porsones che

m’à dit i toponims y che m’à cuntè de vigni sort de curiositês laprò. Ares dess gnì tutes sciöche notizies da verifiché por so contignü y n’à degüna pretenziun de ester dërtes, mo contëgn datrai elemënć che à da nen fà cun ći ch’é stè vëi. I m’aodi dassënn che le stüde di toponims ciafes la porsona cun les dërtes conoscënzes y mëtes tosc man seriosamënter. Milio Terza, La Val

L’importanza va inant da la pruma plata

su, gniva intres indò spartida su anter i governanc y i statesc a nord y a süd dles Alpes - y é spartida enchin al didancuei. La definizion ostineda dla unité y dla concordia soura duc i confins y les spartizions se tira sciche n fil cuecen tres la storia de Tirol. La Ladinia y i ladins, enscì imparonse te chesta mostra, podessa ester per duc i tiroleisc chilò n ejempl, ajache avisa la realté de sia spartizion politica y aministrativa, à intres indò y danuef raforzé si convinzion y sia volonté. Chest vel forsc ence per n auter aspet dles carateristiches tiroleises, per sia paruda foradecà. Forsc é de chest vers avisa i zipladours y i crameri ambulanc de Gherdeina (y si descendenc sciche jobleri, musicanc, ez.) stés i tiroleisc plu tipics: sciche artisć y crameri conescius te dut’Europa ài modelé

l cheder di tiroleisc, fovi agenc de n juech de muda anter autoraprejentazion y perzezion dl forest, te chel che la Ladinia y i ladins, Tirol y i tiroleisc s’à intres indò inventé danuef. Cie foss pa donca Tirol senza si ladins? Tirol senza ladins foss bonamenter sté tosc tles grifes ti nazionalisć. Ma i ladins, con si lingaz y sies tradizions fova y é l’antitesa storica de duc i nazionalisms. L’esistenza de museums ladins, foliec, trasmiscions te radio y televijion, libri y istituc culturai - y la poscibelté de chesta mostra chilò - desmostra che an ne possa nia spartì enscì bel l mond do nazions y lingac, che raisc culturales é a la fin plu stersces che confins nazionai. De chest vers onse nos nia-ladins, i tiroleisc todesc y talians, de rengrazié i ladins: per che ai à dagnora sentì de fe pert dl Tirol storich ài daidé pro de nes stravardé da de sclec svilups.”

colaborazion de chisc doi rams, savan che ben trei cherc di mesi finanziars che vuel ester per curì les speises de proje c y manifestazions culturales dla “capitala europeica dla cultura” mess gnì da mezenac (firmes y imprejes privates). Entratant à Südtirol bele prevedù na soma de n milion de euro per la promozion dla partezipazion de Südtirol a chest gran projet souraregional.

Gran rivalité

La Jonta comunala dla zité de Aunejia ova bele fat fora dl 2008 de se candidé per l 2019 sciche “capitala europeica dla cultura”. Dedò s’à slarié fora la candidatura a plu enc. va inant da la pruma plata

les propostes dles Zités talianes y di raions a fin dl 2012. Nosc enc à donca passa doi agn de temp per enjigné ca sia candidatura, nuzan l temp de informé y dantaldut sensibilisé jent y investitours privac.

Atrativité y efet “Capitala Europeica” A la enconteda a Bulsan, encornijeda da na ceina ofrida da l’organisazion Slow-Food con i coghi Jörg Trafojer (Südtirol) y Leandro Luppi (Verona), à i doi assessours provinziai Christian Tommasini y Sabina KasslatterMur metù sun meisa les rejons

2

www.lauscdiladins.com

per na candidatura de Südtirol deberieda a d’autri enc a süd. Nia duc te Südtirol ne veid de bon uedl la colaborazion y l liam de Südtirol - adum al Trentin - con regions sciche l Venet y Unejia, ma avisa chest contest atipich y particolar, y conglomerat de plu cultures y plu lingac podessa a la fin ester l motor ciarié de energies y l merit de arjonje la classificazion y l’assegnazion dl titul. Zités sciche Graz (Austria - steda “capitala dla cultura euroepeica dl 2003”) à desmostré che ester steda “zité capitala europeica dla cultura” auza per l dagnì l prestisc soziocultural y l’atrativité turistica. Dantaldut fej bon l confront cultura-economia ence a livel local - y de conseguenza na mioura

Nosc sies enc che se canideida per l 2019 à na gran concorenza. Nunzié sia canidatura à bele ence Torin y Provinzia, la zité de Siena, Ravenna, L’Aquila y d’autres. Al sarà na garejeda che arà a la fin me n candidat soul che podarà deventé “zenter cultural europeich 2019” tla Talia, samben dijarà tla cerna ence les lobbies y la politica la sia. Avei donca l sosten moral da pert dla jent y la desponibelté de finanziadours privac auza l livel de competitivité. Y n iade declarés “capitala culturala europeica” pòssen ence pié do i finanziamenc da pert dla cassa dl’Union Europeica che n’é nia puech generousa. (ir) Priesc d’abonament anual: per la Talia: 58,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 23 / 17 de jugn 2011

Anpezo y Col senza quorum

L’ejit del referendum te Fascia

Te Anpezo à lité me puech plu che l 41%, a Col presciapuech l 43,5%. Souramont: me tl comun de Fodom él gnu arjont l quorum dl 50% plu 1 n litadour

Se fossa stat per Fascia l quorum no se l’aessa arjont

Referendum - Analison i resultac di cater referendums tles cinch valedes ladines. Marevueia fej che la Ladinia n’à nia lité te una na tendenza, y che sce ala jiss aldò di litadours de Fascia, Col y Cortina d’Anpezo spo ne foss degun di cater referendums passés, nience chel dl “empediment per dert” che trata l’anulament dla lege che i permet a premier y ministri de ne messei nia plu se prejenté ai prozesc, ajache ai é de “dert” giustifichés. Te Südtirol, y dl vers valif tles vals ladines de Gherdeina y dla Val Badia, él gnu arjont n quorum dl 66,7%, n quorum dret aut, plu aut co tla mesaria nazionala (che se roda tles cater consultazions anter l 54,78% y l 54,82%). Tla Talia él gnu arjont l quorum

do 16 agn endò. Ai 11 de jugn dl 1995 fòvel gnu tegnì begn 12 referendums y duc ova arjint l quorum, ciamò plu aut a livel nazional che chest iade (begn anter l 57,2% y l 58,1%). Enlò jìvela de abrogazions de leges per les conzescions televisives nazionales, per raprejentanzes sindacales, per la nia-privatisazion dla RAI, ez. Na curiosité ajuntiva, ajache al vegn tant bravé chisc dis dl quorum tant aut arjont en domenia y lunesc: dl 1993 fòvel sté ot referendums y al fova gnu arjont n quorum de passa l 76% per duc i cuesic.

Y sen pa? Cie sozedaral pa sen do i referendums? La coalizion sot l

Badia

La Val

S. Martin de Tor

Total

Moena

Soraga

Vich

Poza

Mazin

Ciampedel

Cianacei

Total

Fodom

Col S. Lizia

Total

3423

841

7658

1075

2519

986

1326

2165

8071

2134

517

839

1561

372

577

1459

7459

1137

320

1457

4853

che à lité

1269

960

2396

543

5168

608

1513

616

833

1488

5058

1009

295

460

733

187

320

711

3715

587

139

726

2015

sci

1218

928

2315

522

4983

587

1457

578

792

1437

4851

938

271

420

696

177

310

658

3470

560

129

689

1828

no

33

18

50

10

111

14

44

15

25

29

127

51

15

32

21

6

6

43

174

18

7

25

146

blances

17

11

29

10

67

7

10

19

16

19

71

17

8

6

13

4

4

9

61

8

1

9

31

nules

Cortina d’Anpezo

Corvara

1405

Mareo

Total

Anpezo

Ciastel

Fodom y Col

Urtijëi

Fascia

S. Cristina

Servisc publics locai Tarifa servisc idrich Energia eletrica nucleara Empediment per dert

Ref. 1 Ref. 2 Ref. 3

Val Badia

L numer mender de litadores é stat registrà, te duta la region, ti paìjes che à na economìa duta pojèda sul turism, e chest pel esser segur leà a cernudes politiches, ma fazile en pèrt la rejon é da chierir ence te la data di referendum, endrezà apontin ti dis che veit n muie de hotelieres e operatores del turism se tor vèlch dì con sia familia per se n jir al mèr dant che pee via l lurier de la sajon da d’istà.

1989

Cherdés a lité

Ref. 4

Per cie che reverda diretamenter Berlusconi é sen la streda daverta per l giudiché y ence l condané. Chisc dis él tomé ti massmedia l confront de Berlusconi con Bettino Craxi. Chel fova mucé tla Tunesia dal arest l ann 1994, enlò àl passé sia vita en esil enchin sia mort dl 2000. (ir)

respetivamenter 98,10%, 97,81% e 96,52% de “sì”. Enveze te la zedola numer 4, chela sul “legittimo impedimento” la maor perzentuèla de “sì” la é stata a Mazin col 96,15%. Chi che à lità “no”, no é mai rué al 9% te nesciun comun de Fascia: l dat più aut l troon a Soraga olache l’8,71% di sentadins à segnà “no” tel Referendum 4.

Sëlva

Gherdëina

premier Silvio Berlusconi per scasseda y duc speta sen cie che la Lega Nord fajarà fora a Pontida chesta domenia. Valch é segur: i fedei de Bossi y Berlusconi per n pue stufs con si doi leaders, tl’aria él da sentì n vent joen che tira sterch y se damana na politica manco ad personam, manco da paruda y da leader, y plu efizienta per afronté i problems generai dla sozieté y dla economia.

Ei, la é apontin coscita: se fossa stat per i sentadins de Fascia l quorum no fossa stat arjont. Defat, da l’analisa di dac, se veit che demò l 49,80% di fascegn é jic a votèr. Ampò daìte di paìjes la perzentuèles é desferentes: l quorum é stat arjont te cater paìjes sun set, ma ti paìjes più pìcoi: Ciampedel (55.36%), Mazin (50,26%), Vich (54,82%) e Soraga (57,05%). Enveze ti etres trei, che l’é i paìjes maores de la Val, no se é rué al prescrit 50% più 1: Cianacei (48,69%), Poza (46,86%) e Moena (47,31%). L paìsc de Fascia olache più jent é jita a votèr l’é stat Soraga, enveze Poza l’à l record negatif, no demò de la val ma ence de dut l Trentin. Anter i votanc la perzentuèla più auta de “sì” la é stata a Ciampedel per chel che vèrda i prumes 3 referendum sun èga e nu c l e è r c h e i à v e d ù

1

3

2

1

7

/

2

4

/

3

9

3

1

2

3

/

/

1

10

1

2

3

10

che à lité

1269

960

2396

543

5168

608

1513

616

833

1488

5058

1011

295

461

734

187

320

711

3719

588

138

726

2014

sci

1223

929

2332

528

5012

587

1456

582

796

1442

4863

955

276

426

697

181

312

657

3504

564

128

692

1853

no

29

18

42

9

98

14

50

12

22

24

122

43

14

25

24

5

7

46

164

18

6

24

126

blances

14

11

19

4

48

6

5

18

14

17

60

12

4

8

11

1

1

5

42

5

2

7

21

nules

3

2

3

2

10

1

2

4

1

5

13

1

1

2

2

/

/

3

9

1

2

3

14

che à lité

1269

960

2397

543

5169

607

1514

615

833

1488

5057

1014

295

460

734

187

319

710

3719

585

141

726

2019

sci

1206

919

2316

528

4969

588

1448

583

791

1440

4850

931

267

424

670

171

305

646

3414

537

132

669

1827

no

46

30

62

8

146

10

54

12

28

28

132

66

23

30

49

13

11

56

248

40

7

47

173

blances

12

9

17

7

45

8

11

16

12

14

61

15

5

3

12

3

2

7

47

6

/

6

13

nules

5

2

2

/

9

1

1

4

2

6

14

2

/

3

3

/

1

1

10

2

2

4

6

che à lité

1268

960

2396

543

5167

607

1513

615

832

1488

5055

1005

295

459

733

187

319

710

3708

579

141

720

2012

sci

1212

924

2317

524

4977

585

1464

575

783

1441

4848

924

262

421

675

175

298

640

3395

537

130

667

1792

no

34

21

55

11

121

15

36

15

32

27

125

57

25

29

44

7

18

56

236

30

8

38

184

blances

21

13

23

7

64

6

10

22

13

16

67

22

6

7

13

5

2

9

64

11

1

12

27

nules

1

2

1

1

5

1

3

3

4

4

15

2

2

2

1

/

1

5

13

1

2

3

9

La Ladinia dal daìte e dal defòra Giourida la mostra al Tiroler Museum de Innsbruck “Ladinia” l é l scemple ma bon titol de la mostra che l’é stada inaugurada juoba 9 de mèi ntei sèlf del Tiroler Volkskunst Museum de Innsruck. La scomenciadiva l’é stada voluda dal ent museal del capoluoch del Tirol e n particolar da sua coordinatrize Herlinde Menardi (l cognom l conta de reisc ampezane) per fè cugnësce lengaz, tradizion, storia, chël che se nsomeia e le diferenze ntra le popolazion de le val ladine, a confront co le Region damprò e nte na vijion plu lèrgia de l’Europa unida. Al alestiment de la mostra à daidé prò ncin dute le istituzion ladine, dai istituc culturai ladins, ai mujei e sesaben studiousc e stòrizi. Per l’ocajion ntel davòmesdì

de la giourida l é rué a Innsbruck delegazion da duta Ladinia. Da Fodom finamèi na picola coriera e ence da Anpëz n gran numer, ntra chisc la prescidenta de l’Ulda e de la Generela Elsa Zardini, col guánt da zacan. Assent l assessor ladin de la Provinzia de Bolsán Florian Mussner, che l à mané sue scuse perciéche l eva mpegné autrò. Prejent nveze suo colega da l’autra pèrt del Prenner Beate Palfrader. La zerimonia de giourida l’é stada fata nte la bela cornisc del vegle closter, davánt a la Hofkirche, ulàche l é sepolì l imperadou Maximilian I d’Ausburg, davánt a tropa jent, ence del luoch. A giourì i intervenc Herlinde Menardi, che la s’à ngrinté a lieje ju n salut per

ladin (dolomitan). “Tirol l é chilò” à dit Wolfgang Meighörnen, diretor del mujeo, nte sue parole de introduzion. “Ci elopa la Ladinia” l s’à damané. Da defòra, ferie, lejende, lengaz socrët. Dal daìte l è plu difizile la definì. Sotmiscion, destruzion, emigrazion. E po l gran suzes (turistich n.d.r.) dei ultimi agn. Con chësta espojizion” l à fenì via, “volon ve fè capì, col mostré su la Ladinia, che l é la Ladinia”. Curt ma ciaro ence l entervent de la Prescidenta de la Generela Elsa Zardini. “Son onorèi de ester chilò” l à dit, “per fè vedei che nòste val i é ncora liade al Tirol.” Parole de aprezament per la mostra e l catalog che l é ste fat laprò i é vignus ence dal diretor del Istitut Cultural Ladin

Micurà de Rü Leander Moroder. A tout spò ndavò la parola Herlinde Menardi per spieghé ncin l significat e la struturazion de la mostra. “Per mi” l’à dit,”l é n vèlch che va a al cuor. La contrada (ladina n.d.r.) ades l’é l davignì per la jent. Davántvia la mpermetëva apëna de souravive.” L document plu vegle metù fòra nte l’espojizion l é n vegle statut del 1464 de le Regole del Ciadoure (nlouta Anpëz l eva col Ciadoure) e che po’ l é ste tignù ence co l é passé sto a l’Austria. Per ogni valada l é ste ciernù fòra vèlch de rapresentatif: Le Regole per Anpëz, la Pruma Gran Vièra per Fodom e Còl, l pelegrinagio n Jeunn per la Val Badia, la chiena e l ziplé per Gherdëna, l carlescé con suoi

Marascogn e Bufons per Fascia. Ogni oget che ven da la Ladinia l é ste marscé co nen logo de na mán dalvièrta: cinch deic per cinch valade. Trop nteresciánta ence la gran tabela, tacada su defòra da l’entrada, ulàche l é ste reporté i cognoms ladins che ncora ncuoi se po’ ciapé ntel liber del telefono de Innsbruck. La mostra l’é stada nfin arichida ence da l’espojizion de nvalgugn laour de artisć ladins, un per valada: Andrea Alberti (Anpëz), Lois Anvidalfarei (Badia), Gabriele grones (Fodom), Claus Soraperra (Fascia) e Aron Demetz (Gherdëna). La cornisc mujical de la giourida de la mostra l’é sta curada da Jean Ruaz compagné da Carmelo Leotta al contrabas. (ls) www.lauscdiladins.com

3


Atualité

nr. 23 / 17 de jugn 2011

Trepa jent é vegnuda adalerch danter l’auter ence Autoriteies dla Ladinia e dl Tirol.

La diretora e organisadora dla mostra Herlinde Menardi.

Marco Pizzinini y Elsa Zardini dl’Union Generela di Ladins con Beate Palfrader, referenta de la cultura dl Land Tirol.

La “man” de la Ladinia tel Volkskunstmuseum tel Tirol La mostra a Dìspruch chier de fèr cognoscer i lesc e la storia che à formà l’identità del popol ladin, moscian chel che desferenzia e chel che lea la valèdes, te la tradizion e te la modernità

La delegazion fodoma ruèda a Dispruch per l'inaudazion de la mostra.

Somea na gran man, la mostra “Ladinia” metuda fora tel Tiroler Volkskunstmuseum a Dìspruch. La pianta de la esposizion se dejouc desche sun 5 deic, aldò de n conzet originèl e trefà che permet de uzèr fora la spezifizità de vigni valèda, ma ence de ge dèr luster a chi elemenc che, dal daìte e dal de fora, à abù na pèrt te la costituzion de l’identità ladina, metan en rei i condizionamenc storics e la situazions de anchecondì, che vegn sumèda a

“Le fi pordù” de Lois Anvidalfarei con la man che segna i ogec ladins.

4

www.lauscdiladins.com

La strutura de l’esposizion a forma de man, olache ti 5 deic troa lèrga elemenc spezifics de la desvaliva valèdes.

la fin te n regoi de ogec-simbol che somea metui un apede l’auter béleche adinfal: prodoc moderns desvalives che à, a na vida desferenta, na sort de “marchie” ladin e che envìa, a na vida lijiera, a pissèr al davegnir de la Ladinia e de sia jent. La esposizion, tel Tiroler Volkskunstmuseum vel ge fèr cognoscer noscia realtà a la jent del Tirol, ma la é de ùtol ence per i ladins, che chiò i à l met de aer na vijion globala e dal de fora. La

“La familia” de Andrea Alberti te la sala dedichèda a la vita.

mostra “Ladinia” resta averta enscin ai 6 de november, duc i dis da les 9 da doman enscin les 5 domesdì.

L contribut di artisć ladins La mostra “Ladinia” no l’é ampò na pèrt a sé, isolèda dal rest del museo. Te duta la esposizion permanenta l’é stat uzà fora duc i tòc, guanc e ogec, che rua dal raion ladin, e che vegn segnalé ai

La soracuerta del catalogh de la mostra sui Ladins.

La pèrt resservèda ai elemenc de la modernità: n envit “lijier” a fèr vèlch reflescion sul davegnir.

vijitadores travers chesta “man” cernuda apontin desche sìmbol de la Ladinia. L’intervent più inovatif l’é chel de 5 artisć ladins, un per valèda, che é stac envié a fèr “interagir” sia èrt con l’esposizion tradizionèla del Volkskunstmuseum: didé apontin da la “man”, se pel jir a troèr sia operes fora per la sales. Apede ai manichins coi guanc tradizionèi da la Ladinia e da dut l Tirol, se troa coscita la fegura nabia de “Le fi pordü” del badiot Lois Anvidalfarei. Te la sezion che tol ite vita, mort e religiosità, i pìcoi retrac iperrealistics del fodom Gabriele Grones ciuta fora anter chèdres e ex-voto religiousc: na ela, n el e n piciol, coi trac perfec de jent che zachei cognosc fora sorì, dialoghea coi sènc metui fora tel museo. “Chësta nòsta storia - disc Grones - la ne nsegna a respeté e ester lièi a nòste reisc, ma ntel medemo temp la ne spenc a ester curiousc e dalvierc ale diversité e ale nuove oportunité”. Te la sala de la vita se lea ite avisa “La Familia” de l’ampezan Andrea Alberti, n el che strenc te n braciacol na ela autramenter, zipié tel legn da chest artist n muie leà a sia tera. Te la pèrt de la mort fèsc bela parbuda ence l bust de “Lën da

mëiles brujà” de Aron Demetz de Gherdëina, l’artist che identifichea la Ladinia con “na cania sëura na cresta de crëp via y n belüdei da marueia, sun l fil dl rasoi danter vester y miné de vester; su y ju, ite y ora a marciadé cunfins.” E amò, te la vedrina de schelec, Demetz à logà n’autra opera, che somea l’ossam de n brac, che fenesc a foja de lama taenta. De gran efet la eles da color depentes dal fascian Claus Soraperra: eles modernes che crea contrast anter i simboi de la tradizion, e soraldut l “Tritich dla mort”, che passenea patoch con la fegura te la vedrina del museo che raprejenta la precarietà de la vita e de la beleza che sfioresc. La prejenza de la operes de chisc artisć ladins de anchecondì tel Volkskunstmuseum crea segur n efet de gran parbuda e valuta, che ge dèsc luster ai ladins e l valorisea l’esposizion de Dìspruch.

N bel catalogh te trei lengac La mostra é compagnèda da n bel catalogh de passa 350 piates, dut scrit ti trei lengac ladin, todesch e talian. Per l ladin l’é stat cernù l dolomitan ajache descheche scrif te l’introduzion Herlinde Menardi e Karl C. Berger:


Atualité

nr. 23 / 17 de jugn 2011

Dancà y da na pert Uedli y oredles daverc sun la sozieté ladina d’aldidancuei Giulio Vian da Vich, “giaf polin”

I retrac fodomes de Gabriele Grones ciuta fora apede ai sènc te museo.

“l’adoranza dl ladin dolomitan à sibe na rejon pragmatica che una de contegnù: da una na pert ne dessova deguna varieté de val tiré dant, da l’autra volovanse auzé fora cie che met adum plutost che cie che despartesc. Tres na certa destanza someia cie che lieia plu cler, depierpul che na vejinanza pò provoché na focalisazion massa stercia entournvia si ambient: chest pò ence scone l pericul de

marché les desferenzies y les desvalivanzes y de se mostré, da chel en via, de veduda curta.” L catalogh tol ite contribuc de desvalives studié e esperc da dut l raion ladin e ence da foravìa che met al luster duc i desvalives aspec de la realtà ladina. Mostra e catalogh i dèsc n chèder dassen enteressant de la realtà ladina, vardèda a na vida fona e ascorta, ma ampò da dalonc, col cucaloch

L’ossam de Aron Demetz te la vedrina di ogec leé a la mort.

che de spes permet na vijion più globala e ogetiva. L’é segur bel per i ladins se veder protagonisć de chest event, e per chi rué a Dìspruch a l’inaudazion l’é stat bel sentir paroles che palesa la gran conscidrazion che l’é per l popol ladin tel Tirol e te sia aministrazion e istituzions. Lucia Gross

L “Tritich” de Claus Soraperra passenea patoch te la sala de la mort.

Da cotenc de egn faste l giaf polin? Da trei egn.

enveze autres i é piutost spavesc, no i me varda nience. Gio ge domane ogne tant coche la é jita a scola.

L faste per volontariat o él n servije paà dal comun? L’é n servije paà dal comun. L’é stat l polin de comun che me à domanà se volee far, po scì scì, ge é dit, é fat la domana e i me à tout. Ma son pa stat l soul che se à prejentà.

Chisc bec te cognosc duc donca oramai... Ei, ence gio i cognosce duc, valgugn i me chiama per inom e i me saluda da dalonc. L’é bel, me vegn tel ciaf canche eraane noi che jiane a scola.

Che cogneste far? Me mete aló da la boteiga de Camerano, olache l’é le strisce sun stradon, e fae passar i bec da l’autra man de strada.

Ma no l’era valgugn che ve didaa a passar stradon... Na, ma no l’era nience duc chisc auti, fosc n 20% de chi che l’é ades.

Can cogneste esser aló? Duc i dis che l’é scola, da entorn n cart a le ot fin le ot e dapò da 20 a la una fin la una. De martesc ence domesdì.

Él emportant chest servije? L’é n muie ùtol percheche n muie de bec i cor, no i varda. Doi dis dant Nadal l’é sozedù che n bez l’é ruà sun n cufer de n auto, per grazia che no l’é sozedù nia, l’é stat na roba de pech valor. Ge die pa semper de star ascorc, e i capesc ben per chel. Chi che vegn da Val cà, per ejempie, i vegn cà a cencia per se n jir vin scola e ence aló l’é n post pericolous. Fosc ge volessa che i se li compagne chi dotrei che i va a scola a pe o co la roda.

Cogneste jir con ogne temp? Ei, te chisc trei egn son semper jit, no son mai mencià, giusta canche l’é mort mie pare. Son jit ence co la fiora e dò me n jie endò te let. I auti se fermei? Ei, ei, i obedesc. Che te dijei i bec, te saludei, te rengraziei? Valgugn ben, n’é n muie de sorii, i me disc bon dì e detelpai. Dotrei i é proprio gustégoi

Te piajel far l giaf polin? Me piasc, me dasc ence sodesfazion. Son vejin a ciasa e per chel l’é ence sorì, ma nef meisc i é piutost lonc. (mci)

www.lauscdiladins.com

5


Atualité

nr. 23 / 17 de jugn 2011

“Fac de Fascia” Bon suzess per l nef “talk show” endrezà da Ercamedia e manà fora su TML che met a luster argomenc de relief de la vita de noscia val

Pìcola rubrica de informazion culturèla

Amò cianties e contìes ladines Noemi Iori cianta “El mal d’amor”

L giornalist Silvano Ploner con i ghesć de una de la ùltima registrazions de “Fac de Fascia”.

Televijion - Na neva trasmiscion é nasciuda da pech per portèr maor atualità e varietà te la programazion de la televijion de la mendranzes linguistiches. Da vèlch setemèna l giornalist Silvano Ploner à portà i “Fac de Fascia” su la televijion a la leta de dut l publich. Con argomenc de emportanza atuèla la trasmiscion ogne setemèna bina entornvìa na meisa virtuèla desvalives “protagonisć” di argomenc traté outa per outa. L’é n aprofondiment per portèr dant opinions desferentes raprejentatives de setores spezifics e dèr n chèder de chel che peissa la

jent de Fascia. Enscin ades l’é stat portà dant 5 trasmiscions che à tratà: la energìes renovaboles; l’azess al credit; la mobilità; i joegn e sie pont de veduda de la politica e amò la costions di jouves, del turism e de la tassa destinèda. I protagonisć de “Fac de Fascia” vegn chiamé ite de solit aló da la Sorastanza de la Scola de Fascia, fornida con na coreografìa fata dai studenc de l’IsA vidé da la prof.a Maria Pia Desilvestro. Tedant a trei videocameres e la regìa tedò la coltrines, i ghesć vegn domané fora e “pizoché” dal

L “talk show” de noscia val, endrezà da Ercamedia, domana n gran empegn tecnich.

moderador Silvano Ploner. “Fac de Fascia” l’é fat per i fascegn e dai fascegn l vegn ence finanzià, dalajà che l program vegn portà dant de gra al didament economich de firmes dal post. Chesta pruma pèrt la jirà inant enscin a la metà de messèl e dapò via per l’uton che vegn, da otober a november, vegnarà manà fora n’autra serie da 10 puntates. Ogne vender e dapò per duta la setemèna se podarà veder la neva puntata de la trasmiscion e dal vender dò jirà inant l’autra. Te la neva trasmiscion che va fora con insnet Paolo Brunel, Fabio Chiocchetti, Filippo Rasom e Ferruccio Chenetti rejonarà di bachegn e de la neva mèlga de Fascia. (vr) Chisc i oraries orientatives che pel mudèr de n chèrt de ora: de vender: da les 21.00 e da les 23.45 de sabeda: da les 11.00, da les 15.00 e da les 22.30 de domenia: da les 14.30, da les 22.00 e da les 00.30 de lunesc: da les 11.00, da les 16.30 e da les 21.30 de mèrtesc: da les 15.45 de mercol: da les 08.30 e da les 20.15.

6

www.lauscdiladins.com

Oraries (orientatives) de “L cianton de l’Istitut” su TML: de lunesc da les 15.45 de mèrtesc da les 18.15 de mércol da les 22.15 de jebia da les 20.15 de vender da les 11.30 de sàbeda da les 18.15 de domenia da les 21.00

Tegn a ment ai 2 de messel

Tel viac en program chest uton vegnarà recordà i sudé fascegn morc te la Gran Vera e sepolii te la cortina de Hijcze col pullman dò un di più bie itineraries turistics de la region de Leopoli, con la vijita ai ciastìe de Olesko, Zolochiv e Pidhirtsi. L cost del viac l’é de € 930,00 per persona e duc i enteressé é envié a tor pèrt. Chi che vel tor pèrt pel domanèr informazions e se enscinuèr ite aló da l’Agenzia Doltour de Ciampedel 0462.750555 (Raffaela) o chiamèr Nadia Valeruz al numer 0461.201084 dant che sie fora i 12 de messèl 2011.

che noscia ciantarina Noemi Iori sarà da scutèr via per st’istà ence ta la Mont de Poza, tel contest de la “Festa ta Mont”, olache apede a la replica de “L segret del Lech de l’ercabuan”, con museghes de Gianfranco Grisi (domenia ai 7 de aost), se podarà veder ence n nef spetacol de ciantastories, semper endrezà da l’Istitut, che à per titol “Stories de Aloch e de Contrin”, con Giacomo Anderle a la recitazion e l’Ensemble “La Zag” per la viesta musicala, con si strumenc e guanc medievai.

Ence chest istà la ciantarina Noemi Iori sarà protagonista di spetàcoi de contìes endrezé da l’Istitut Ladin te Gardecia e a la “Festa ta Mont”.

Te l’Ucraina con la Region e l Decanat de Fascia

L conseier ladin Luigi Chiocchetti, en colaborazion col Decanat de Fascia, endreza dai 19 ai 23 de setember 2011 n viac a Leopoli te l’Ucraina. L viac perveit ence na zerimonia te la cortina de vera de Hijcze, olache l’é sepolì ence sudé fascegn morc sul front orientèl endèna la Gran Vera, e olache del 2007, raprejentanc de la Comunanza de Fascia, à metù jù na làpida percheche i no vegne desmentié. Tel program se perveit ence l tour “Fer de Ciaval de òr” de la region de Leopoli, che fossa n tour

Ence per chesta setemèna che vegn, su “Tele Minoranze Linguistiche” podaron veder e scutèr la jona ciantarina da Dèlba Noemi Iori che enterpretea cianties toutes fora dal nef spetacol, endrezà da l’Istitut per la manifestazions da d’istà, che à per titol “La lejenda de Antermoa”, o ence “El mal d’amor”. Se trata de cianties che vegn ca da la produzion del Canori e di Marascogn, portèdes dant te na viesta neva da l’Ensemble “Neuma” sot la direzion del maester Gianfranco Grisi. L spetacol, te sia forma entrìa, con Paolo Vicentini te la pèrt de Pierùcol, l pèster contastories jà aprijià te “L segret del lech de l’ercabuan”, vegnarà portà dant tel scenar maraveous de Gardecia ai 21 de messèl e ai 18 de aost, col sostegn de l’APT de Fascia. Te chesta ocajion fajon a saer

Tl cheder di 150 agn dl’Unité dla Talia l omaje a les mendranzes storiches che vif sun teritorie talian Mendranzes - I 12 lingac de mendranza, albaneis, catalan, germanich, grech, sloven, croat, franzeis, franch-provenzal, furlan, ladin, ozitan y sard, reconescius ofizialmenter da la lege 482/99, vegnirài onorés con na scomenciadiva dassen de valuta tl cheder dl 150° dl’Unité dla Talia: ai 2 de messel dl 2011, tl cuer dl Parch dl Gran Paradis a Ceresole Reale, La cortina de Hijcze, olache l’é sepolì i sudé morc en vera de la Galizia, anter chisc ence tropes fascegn, con la plota portèda via del 2007.

na picera zité de cultura franchprovenzala rica de referimenc storics y de belezes naturales, da les 10 enchin a les 24 végnel metù a jì, per endrez dla Union dles Provinzies dla Talia y dla Provinzia de Torin, n event cultural de reflescion y confront anter les 34 provinzies y les 14 Regions talianes caraterisedes da la prejenza dles mendranzes linguistiches storiches.


Atualité

nr. 23 / 17 de jugn 2011

N cunvit per mutans La Costa Family Foundation uel ti dé vita a si proiet numer set: la costruzion de na cësa per mutans tibetanes tl esil a Dharamsala tl’India. Nce i letëures dla USC vën periei bel de judé, mandan n sms da doi euro danter i 20 ai 26 de juni

Tlo vëniel a s’l dé la pert nueva dl cunvit per mutans tibetanes tl esil a Dharamsala tl’India.

Soziel - La Costa Family Foundation ie tl lëur de nvië vi la costruzion de na cësa per mutans tibetanes tl esil a Dharamsala. Plu avisa se tràtel na n ngrandimënt dl cunvit che ie bele, per ti dé lerch

ala mutans che ie bele majeres. Tl’India iel unit a s’l dé doi liviei de scola deplù, doi tlasses, la XI y la XII, per sculeies de 16 y 17 ani, y nscila saràl nce plu sculeies tla scoles. Danz che l cunvit che

ie sën a Dharamsala ie massa pitl, y perchël vàl debujën de l ngrandì. L proiet ie de tré ju la cësa che va a sëida dl cunvit, ulache l stajova laite trënta mutons y mutans danter i 6 y i 14 ani, che ie sën unii metui ju te cëses dl luech de Dharamsala, y fé su n frabicat de trëi partimënc, cunlian la strutura nueva cun l cunvit bele danman. Per fé su l cunvit nuef vàl debujën de 125.130 euro. Michil Costa: „Te puec dis scumëncia nosta azion sms solidar, che unirà prejenteda ai 20 de juni tla sënta dla RAI a Bulsan. On giapà l numer 45506. Dai 20 ai 26 de juni 2011 sarà chësc numer atif per la racoiüda dla dunfiertes per la Costa Family Foundation. Uni sms mandà vel doi euro per l proiet. Ti dajeron vita al proiet numer 7, la costruzion de na cësa per mutans tibetanes tl esil a Dharamsala tl’India. L’atività dla fundazion ie trasparënta, i scioldi ne va nia perdui, nëus nstësc ti stajon do ai proieć“. L nvit ie a duc i letëures dla USC de judé pea, mandan n sms

La planta dl fabricat nuef.

danter i 20 ai 26 de juni. „De gra de cuer,“ dij la mutans tibetanes

tl esil a Dharamsala tl’India. (David Lardschneider)

La boteighes de Fascia à metù fora i segnes de l'identità ladina Ve prejenton ogne setemèna vèlch una de la boteighes che en ocajion de l'Aisciuda Ladina à fornì sù sia vedrina metan fora la bandiera, l “Bertol" e etres sìmboi de noscia identità. A chesta boteighes l'Union di Ladins de Fascia, con l Comun General e duta la istituzions che à tout pèrt a l'endrez de l'Aisciuda Ladina, ge sporc l devepai de vif cher

Saores da n’outa te vedrina de la boteiga de ciuzé “Dolomiti Sport” de Cincelli (Fola) da Poza. E semper a Poza “L Pek” ge à dedicà enveze la vedrina ai 2 sènc ladins Sènt’Ugèna e Sèn Florian. “Electro Pollam” a Vich à chierì fora CD e vetes de musega ladina e radio e televijion da n’outa, da meter dedant a n bel cher e noscia bandiera.

Prodoc de nosc raion apede a bandiera e Bertol à troà lèrga tel supermarcià su la dreta te Coprativa de Moena, e semper a Moena l “Gide Sport” à metù fora, apede a la massarìa sportiva, libres ladins e lurieres zipié tel legn da Giovanni Defrancesco enstes. Per fenir te la boteiga de fiores de Roberta Verra a Poza l’é stat enjignà n bel cianton con èrc, fiores e colores ladins.

www.lauscdiladins.com

7


Gherdëina

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

nr. 23 / 17 de jugn 2011

Nce l’ultima piza ie fata

Inò dsarà l cantier

La set pizes plu autes de set cuntinënc ”7 summits”. Do undesc ani l’ài fata ca i trëi alpinisć Helmut Kritzinger, Stefan Rier y Stefan Mahlknecht, che à arjont nce mo l’ultima piza, la plu auta de dutes

A Urtijëi àn l’ena passeda dsarà n cantier, per l segondo iede: “L ne n’ie mo mei suzedù che n cantier à messù unì dsarà doi iedesc te tëmp de doi enes per gaujes de segurëza,” dij l diretëur dla repartizion per l lëur Helmuth Sinn, dessenà y cun festide

Jì a crëp - N sada ai 21 de mei fòvela tan inant, i trëi alpinisć Helmut Kritzinger, Stefan Rier y Stefan Mahlknecht à arjont la piza plu auta dl mond, l Mount Everest a 8.848 metri. Chësc fova la fin de n proiet nasciù dan 11 ani, ulache i trëi se ova tëut dant de se arpizé sun la set pizes plu autes di set cuntinënc. Per cuntinënc vëniel ratà te chësc cajo l’America dl Nord cun la piza plu auta che ie l Mount McKinley 6.195 metri, l’America dl Sud cun l Aconcagua 6.962 metri, la Ozeania cun la Carstensz Pyramid 4.884 metri, l’Africa cun l Kilimangiaro 5.895 metri, l’Europa cun l Elbrus 5.642 metri, l Antartida cun l Mount Vinson 4.892 metri y l’Asia cun la piza plu auta dl mond che ie l Everest 8.848 metri. Dla urganisazion te duc chisc ani se à daniëura tëut sëura l mëinacrëp Helmut Kritzinger, che ova metù ju n program de plu ani scumencian cun la pizes plu saurides, sibe n cont dl’arpizeda ma nce per la pert burocratica. L suzes arjont ie dessegur nce stat pervia che n ne se ova metù degun limit de tëmp per arjonjer la set pizes y nsci se àn lascià scialdi dl’aurela, jan segures y aspitan suvënz nce enes alalongia tl ciamp de basa, nchin che la cundizions dl tëmp o dl crëp fova adatedes. Nscila iesen stac boni de arjonjer uni piza tla prima spedizion, zënza messëi mei la dé su per pona muever inò n auter iede cun duta la urganisazion da nuef. L ntujiasm y la preparazion scialdi bona de Helmut, Stefan y Stefan a pona purtà l rest. Scumencià ova dut cun l Kilimangiaro, na spedizion che ova dut ntëur scialdi butà y tlo òven nce mparà a se cunëscer mo miec n cont dl jì a crëp. Sciche segonda piza òven pona cris ora l Aconcagua, ulache n ova nce giapà ite na gran ueia de udëi mo d’autri luesc, d’autri paejes y d’autra cultures. Duc ie restei faszinei dal’Antartida, ulache n udova mé blanch y scenó nët nia. Na esperienza che resterà sot ti lecorc. Ma l crëp plu rie da arpizé, no mé pervia dla deficultà tecnica ma per duta la psiche dla persona, fova dessegur l’ultimo y plu avisa l Mount Everest. N à abù feter doi mënsc per ruvé sun piza. For inò muòven da na pustazion ulache n ova passà la nuet y n sperova de ruvé inant, ma ntan la arpizeda mudova inò l tëmp y nscila messòven inò dé ëuta, jan de reviers tl ciamp ulache n fova bele stac dis alalongia y inò n iede fòvel da aspité plu dis zënza pudëi se muever, restan te na pitla tenda cun mpue de té y vel’ piculëza da maië. De mpurtanza ie te chësc cajo la pazienza y nia pensé de messëi se spazé. Sté per doi mënsc for deberieda, nce sce n se cunesciova dessegur bën, ne fova ënghe nia for saurì. N di pona fòvela propi tan inant. L tëmp fova bel y n ie muec de scur per arjonjer finalmënter la piza. Bën 21 ëura

8

www.lauscdiladins.com

I alpinisć sun la piza dl Everest. Sun l Everest iel jit pea cun Stefan Mahlkecht, Stefan Rier y l mëinacrëp Helmut Kritzinger nce Karl Pardatscha.

iesen stac tl crëp, ma pona la gran legrëza ... n fova sun piza y l gran aspité, la gran struscies di dis y dl’enes passedes fova desmincëdes. Sambën che a chësta autëza se ài nuzà dla bombules d’aria pervia che a chëla autëza ie l’aria scialdi sutila. Riesc ie jit l pensier a chëi che ie boni de arpizé de tel pizes zënza chësc aiut, na cossa che ëi ne se ëssa mei resià. La massaria che n à adurvà per l’arpizedes se àn tëut pea da cësa y chësc fova ënghe velch che à butà, ajache n cunesciova avisa uni pez che n ova bele pudù purvé ora danora. Te vel’ ucajion se àn lascià per la pert logistica nce sun touroperator, dantaldut per l Everest ulache l fova da fé truep papieresc. Coche l mëinacrëp Kritzinger dij, fova dut adum bën n grandiscimo lëur, mé de material per i ”7 summits” n àn adurvà belau 10.000 kg, che va dala tendes ai sac da durmì nchin ala cordes y i carabineri. De mpurtanza iel nce de avëi sun l post persones che juda a purté, ajache da sëui ne fóssen mei boni de se trapiné do dut. Nteressant fòvel a Papua-Nueva Guinea, ulache la jënt ie mo scialdi puera y se arpiza sun i crëps cun puech y nia. Sambën che canche l ruvova na spedizion dal’Europa fova chësc n avenimënt y suvënz ti unìvel lascià vel’ da material iló,

cun chël che i ova scialdi legëza. Zënzauter iel mo da dì che de tel spedizions pòssen mé mëter a jì sce n à na segurëza finanziela y chësc va dessegur nce sot tl tacuin. Nia manco de mpurtanza ie na bona preparazion fisica, che zënza ne se la cavëssa deguni, sciche per ejëmpl a se arpizé sun la Carstensz Pyramid, ulache n va su per parëies de 5. grado de deficultà. Ntant ie la legrëza granda per avëi arjont chël che n se à tëut dant y finà chësc proiet. Per chësta ucajion ti à i Destudafuech de Runcadic metù a jì na pitla festa ai trëi alpinisć – Stefan Mahlknecht da Visot dl hotel sun Pas Pinëi, Stefan Rier dl hotel Albions y Helmut Kritzinger mëinacrëp de Fie – tla cësa dla lies a Runcadic, ulache i ie unic menei adalerch cun la cales y saludei da truepa autoriteies. Unëur ti à nce fat la grupa de mujiga di ”Ladiner”, che à tëut ca chitara y armonica y ti n à sunà su n valgunes, y i destudafuech se à mo cruzià de purté su velch per la fam, njenian ca na bela grilieda. Bravi Stefan,Stefan y Helmut! A udëi cie che l ti tumerà ite tl tëmp che à da unì ajache la pascion per l jì a crëp ie granda y dessegur audiràn tl daunì mo velch de ëi. Armin Moroder

Per jì su sun l Mount Everest ài cris ora la via sun la pert a nord, l Nord Col, ajache su per chëla vëniel jit de manco pervia dl vënt.

Lëur - L prim iede ova i ispetëures dla repartizion provinziela per l lëur dsarà l cantier ai 24 de mei. N’ena do àn inò pudù tò demez l secuestramënt ajache l fova ntant unì fat i ntervënc aldò per la segurëza di lauranc. Fajan cuntroi, à i ispetëures dl Ufize provinziel per la scunanza tecnica dl lëur ai 8 de juni messù cunstaté che la firmes ne ova nia cunscidrà la regules de segurëza y che i lauranc fajova si lëur te situazions de pericul. “Nce chëst iede ne fòvel nia unì tenì ite i pruvedimënc de segurëza, lauran inant zënza tenì cont di pruvedimënc udui dant per lege,” dij l diretëur de repartizion Sinn. De plu lauranc laurova a na

autëza de feter set metri, tl pericul de tumé ju dedite pert. Nce l assessëur per l lëur, Roberto Bizzo, à festide, ajache la scunanza di lauranc ne vën mo for nia tëuta su cun scerietà. “La cunseguënzes dramatiches canche l mancia pruvedimënc de segurëza ons chisc dis messù udëi tl cajo de doi morc,” dij l assessëur Bizzo. “For inò vëniel tëut ala lesiera che de tel situazions de pericul possa tosc deventé pericul de mort,” lecorda Sinn. L ie si duvier de ntervenì per defënder la sanità di lauranc. L cantier a Urtijëi ie unì dsarà mo n iede y plu firmes ie unides dates sëura pra la Procura dla Republica. (ufize stampa provinziel de Südtirol)

Inviern sun Plan de Gralba Bera Adolf Demetz de Lina, che sta cun si familia sun Plan de Gralba, à via per l inviern scrit su tan de nëif che l à fat ju sun Plan de Gralba Tëmp - Danter utober dl 2010 y mei dl 2011 àl sun Plan de Gralba fat ju de ndut 328 cm de nëif. Ma cialonsi plu avisa, mëns per mëns:

Nëif sun Plan da Gralba Utober 2010: Nuvëmber 2010: Dezëmber 2010: Jené 2011: Fauré 2011: Merz 2011: Auril 2011: DE NDUT:

58 cm 89 cm 112 cm 13 cm 32 cm 16 cm 8 cm 328 cm

Adolf Demetz auza nce ora n valguna curiusiteies. Nscila àl nevët nce mo de mei, ai 14, canche l à fat ju bën 16 cm de nëif. N’autra curiusità ie che de dezëmber iel stat na gran plueia, ai 5 y ai 6 de dezëmber dl 2010, cun na temperatura ntan chisc doi dis de 5 degré sëura nul. Dal gran ciaut pona al gran frëit: dai 10 ai 14 de dezëmber iel stat n gran ferdon, cun 19 degré sot a nul. Y Pona inò dis de ciaut: ai 22 y ai 23 de dezëmber àl inò pluet, y nia puech: bën 23 ëura alalongia, monce sun Plan de Gralba. (dl)

Chiche liej vënc Chësc ie l motto dl’azion de liejer per i sculeies dla scola mesana de Sëlva y S. Cristina Liejer - Bel mpont iela nscì. Chëi de utober de chëst ann, di dedicà che liej “vënc” savëi, se devertësc, ala biblioteches. cunësc realteies nueves, possa N gra de cuer ti va al sponsor y passé de biei mumënc … Tla ala biblioteches publiches «Oswald biblioteches publiches de S. von Wolkenstein» y «Tresl Gruber» Cristina y Sëlva puderà i sculeies che sustën chësta azion. dla prima, segonda y terza tlasses Per la scola mesana, dla scola mesana se mpresté ora i nsenianc de rujeneda de biei libri per l’instà. Chisc libri à i nsenianc cris ora, cun-scidran cër’ criteres, sciche na rujeneda rica y tlera, ma pensan n ce a i l i v e i desferënc tl svilup linguistich ti trëi ani. I sculeies che lijerà almanco doi libri per tudësch, doi per talian y doi per nglëisc puderà fé pea pra l’estrazion de pesć tla scola mesana ai 22 Azion de liejer per i sculeies dla mesana.


Gherdëina

nr. 23 / 17 de jugn 2011

Dolomites Unesco: mo plu beles! Nscila scrij Markus Senoner de Sëlva, fajan n valguna prupostes cuncretes n con’ dl abelimënt de nosta cuntreda, cun referimënt al patrimone naturel mundiel Unesco

L peton se lascëssa zënzauter curì su.

Sëlva - Son mo for n gran fan de Markus, un di majeri sce nia l majer talënt de jì cun i schi che ie unit ora da Gherdëina. Nce sce l ne à pona nia fat inant, lascian che l fova mo n tel mut, ma chël ie si robes, nce sce l me mueia mo for. Dal’autra pert se à pa ël bën fat si pensieres. Y propi tlo à Markus nce si forza, tl pensé, cun si cë, y for cun n cër’ fundamënt. Coche pra chësc articul, ulache l fej n valguna prupostes cuncretes, ma mo danora n valguna cunscidrazions sies: „La urità ie, da mé ora, che duc sfruta l’Unesco per fé marketing, y chësc ie bën nce drët, sce n cëla deplù dla natura, acioche duta l’economia ebe n prufit, bënunì! Ajache cialé dla natura ëssen pa bën mpo pudù, nce sce la Dolomites ne fossa nia unides metudes ite tl’Unesco. Ma nscila àn śën, sciche suvënz, la sburdla di scioldi, de n nteres economich per l fé, mpurtant ie che l vënie fat. Nce sce i lifc y la furnadoies ie chëles che ruva per solit l plu permez ai crëps, fej do mi ntënder dut pert dla parola Dolomites, l ie n cheder che toca adum, nce nosc luesc tla valeda fej pert dla Dolomites, nia mé i crëps,“ nscila Senoner, che se damanda „cie pudons’a fé per stravardé deplù i crëps y si ntëurvia? La majera pert di ponc tlo dessot judëssa a n miëur cialé

ora dla natura zënza de gran custimënc.“

Pitli ntervënc cun gran fazion Markus Senoner cumpëida su n valgun de chisc pitli ntervënc che costa puech ma che à na fazion: „Datrai bastëssel n valgun vajons deplù, o trëi sasc deplù per curì su “pozzetti“ per i canons da fé nëif o roles de peton ulache l passa l’ega sot a stredes o troies ora. Pona pudëssen curì su i mures de peton, che ie alauta pra i lifc ma nce ala bassa, cun sasc, breies de leresc o vel’ siena. Suënz vàla nce a i curì su deplù cun tiera o a senté dlongia vel’ lën. Tlo ulëssi ti fé n cumplimënt a Franz Perathoner de Sëlva che à fat pra si lift la stazion suinsom de lën y la stazion lajù curida ite cie che la va cun tiera, curian su la stazion dala pumpes per l mplant da fé nëif cun breies de lën!“ Nscila Senoner che dij inant che „i canons se lascëssa tan bel curì ju cun plohes vërdes scures, vërt ulif dl culëur di zirmes y di pëces, chëles che costa ntëur n 15 euro l’una, chëles che per ejëmpl la familia Cappadozzi à tëut pra si sentadoia sun jëuf de Sela.“

N cialé ora naturel „Coche n vëija dala foto, ne

stajëssa pa ntëur ai tanks da sferdé l’ega da fé nëif, nia miec na sief de breies bela natureles, nia scadredes ju? Ntëurvia doi de gran sasc y mo n doi lëns? Ma nia duc unfat dalonc, n messëssa i mëter via o i senté a na maniera che l cële ora naturel, sciche sce i fossa for stai iló; sce n sentëssa via na lingia de lëns bel ndrë’ via, pona cialëssel inò ora artifiziel. Pitli ntervënc che custëssa puech, ma che ti fajëssa legrëza a ch’l bel Saslonch dossù, y a chëi che ti cëla“, dij Senoner, fajan mo n valguna cunscidrazions per la stazions: „La stazions dai lifc alauta stajëssa ite miec tla cuntreda sce les fossa vërdes o grijes, l depënd sce les ie te n pra, pra n bosch o sun l crëp, sciche per ejëmpl sun Col Rodela o sun l Belvedere. Pra la stazions dai lifc nueves iel do mi ntënder da cialé de les senté ite l plu che la va sciche i à fat sun Bulacia. Ma iló vëijen nce la sensibltà di lauranc a udëi coche uni sas ie unì cuncià su, a na maniera da scuender defin l peton di mures che fova mo ora de tiera.

ulache l ie i vedli luesc da Plazola y da Larciunëi derturei su; iló iel tresora jënt che fej fotos. La jënt sà “ora dl vënter”, ntuitivamënter, cie che passenea y cie che ne passenea nia ite tla cuntreda. Nce chësc fej pert dl “cheder” Dolomites, dossù iel nfati Stevia, Val y l Parch Naturel Puez Odles. L uedl ne sà nia ulache l passa l cunfin dl Parch Naturel o dl’Unesco, l uedl vëija l cheder ntier.

Hotel da set stëiles „Me mbince nce che l Chemun de Sëlva sibe bon de tò la drëta dezijion n cont dl hotel da set stëiles sun Sochers. Son dla minonga che ne messon nia avëi

n tel hotel per fé unì jënt. Nosta richëza ie nosc crëps y nosta bela cuntreda. Sce n va a pe su per Juac o Col Raiser y cëla via n Sochers pensan che iló, bel sot al Saslonch, unìssel frabicà ne sé tan de milesc cubich, coche dal proiet prejentá: l fossa sciche n puni te n uedl! Sce la natura pudëssa rujené, ratëssi che la dijëssa – no, ne ue nia!“ Nscila rata Markus Senoner de Sëlva, che fina via sci cunscidrazions cun n ultimo pensier y na dumanda: „N cër’ bënsté economich arjont te nosta valedes ie dessegur n gran pert merit de chisc biei crëps. La natura nes à dat y nes dà truep, cie ti dajons’a nëus?“ David Lardschneider

Scioldi Unesco per l abelimënt Senoner: „L me savëssa bel sce na pert di scioldi che n giapa dal Stat talian per scumenciadives tachedes al’Unesco unissa tëui ca per finanzië lëures de abelimënt da mont su (ne son nia cuntrer a fé zeche, ma l vën for a dì coche l vën fat), che l sibe zachei che se cruzia dla estetica de n proiet y che l vënie inò metù al ordn y curì su sciche l toca ulache l vën laurà, n armunia cun la cuntreda ntëurvia. Sun la ijules Eolie sëura la Sizilia, un di puec patrimonies NATUREI Unesco tla Talia deberieda cun la Dolomites, ne daussi per ejëmpl nia mëter sun i tëc dla cëses panei per sciaudé l’ega o per fé lectrisc, scebën che i ëssa surëdl assé. Chësc per l bur’ cialé ora di tëc, almanco nscila me à dit n architet de chëla ijules. De tel limitazions me savëssa inò ora de luegia. Te nosc raions sons dla minonga che l se lascëssa mo fé vel’ miuramënt per l’estetica dla cuntreda, y chësc veramënter zënza de gran custimënc. Nce i architec dassëssa unì sensiblisei inant y for plu y plu a tenì cont de chësc te si dessënies. Na tel cuntreda n iel mé una sun nosc mond, cialon lessú!“, nvieia Senoner.

Markus Senoner: „Ne stajëssa pa ntëur ai tanks da sferdé l’ega da fé nëif, nia miec na sief de breies bela natureles, nia scadredes ju? Ntëurvia doi de gran sasc y mo n doi lëns?“

L miëur retlam

Markus Senoner: „Datrai bastëssel n valgun vajons deplù, o trëi sasc deplù per curì su roles de peton.“

Senoner scrij inant che: „cialé dla cuntreda ie do mi minonga pona nce l miëur retlam. Chëstes ie cosses che la persones ne liej nia te na zaita, ma les vëija, les viv y les sënt. For plu y plu mët la jënt a verda a chisc aspec de ecosustenibltà, te uni ciamp, nce tl’architetura, sibe alauta che ala bassa. Ie ne é per ejëmpl mo mei udù deguni che ti fej fotos ala caserma di Carabinieri te Plan, mpede al cipl de cëses via l Tina,

Plohes vërdes per curì i canons da fé nëif. www.lauscdiladins.com

9


Gherdëina

nr. 23 / 17 de jugn 2011

A pe sa la Pedifesta sa Pilat Canche ert ie zeche che ne n’ie nia da stufé: n sada dan otodì iel stat la cuarta manifestazion dla Pedifesta dal titul „arts more“

Pedifesta sa Pilat: Gregor Prugger saluda la jënt unida adalerch.

I placac dla Pedifesta. Chëst ann fòvel la cuarta edizion.

The Pëufla à sunà.

y sentimënt.

Te tublà cun leteratura y fotografies Do na udleda a cësa y tublà y a cuntreda y do i saluc a ël y a ëila y a ëi, va duc ite te tublà. Ulache l ie njenià ca de biei stuei, chëi che Gregor à fat nstës cun rames y ciuc, y ulache l ie metù via balons de stram da se senté ju. Gregor Prugger saludova duc, ti dajan inant la parola a Rut Bernardi che prejentova si liber nuef. Per jì pona inant cun Alissa Thaler, jëuna de 21 ani, poeta de poetry-slam y song-writerin “Spoken words“. Ala fin dla pert artistich-letereraculturela mustrova Leander Piazza n grumon de fotografies, na retrospetiva dl’azions artistiches, dla performances, dl’azions de prutesta y d’uni sort de mprescions fermedes da Leander tla fotos fates ti ani 70/80/90 da artisć de chëi tëmps de Gherdëina y oradecà, cun trueps che ie sambën mo danter nëus, ma cun n valguni che nes à bele lascià.

Leonora y Petra.

The Pëufla Mprescions dla Pedifesta.

Ert - Chi à pa dit che ert y cultura muessa vester da stufé? Bonamënter deguni. Ma mo demanco l dijerà zachei do la bela manifestazion sa Pilat n sada ai 11 de juni. L’autra dumanda amletica ie: chi à pa dit che la pert ufiziela ie plu da stufé che la pert da dedò, cun buffet y bever y mujiga? Ma sambën deguni, mo demanco n ucajion dla Pedifesta sa Pilat, scebën che i Pëufla à inò fat n figuron.

L luech da Pilat Pedifesta, n inuem che ie bele n program. Tlo ne pòssen nia mé nsci saurì furné permez (nce sce n valguni l à mpo fat...), tlo vàla de se

tré sëura i drë’ ciauzei, de pië su a pe, nchin sa Pilat, ajache ert ie zeche che vën do l ërt dla streda da Pilat. Y pona ie dut nce plu bel, ajache n se „merita“ la manifestazion, che n sciazea dut ntëur mo deplù, bele ajache n à fat zeche, n trëi var, per s’la davanië. Pona iel l prim aha: la bela udera da Pilat ju y via y ite, biei sëui cassù, tla plu bela gheneda, dlongia l bosch y amesa ch’i biei prei. Y la familia Prugger, Lidia y Gregor y Iacun y Giuana y „Lele“ Leonora y Janpiere, patrons de cësa y ideadëures dla festa, che te fej sté saurì, che te lascia ite per n struf te si luegia idiliaca, per mescedé tëmp liede y cumpania, ert y cultura, aurela curta y devertimënt, tradizion

Duc à giapà na bona jopa da fersëiles.

10

www.lauscdiladins.com

Ntant fova l buffet dla familia Prugger bele giaurì, trueps, o miec truepa ëiles unides adalerch ova nce da si pert njenià ca vel’ gulusaria, tëurtes o d’autri bon bucons. Dedora pona la gran ola cun na bona jopa de fersëiles. Ntan che dedite te cësa da Pilat acurdova i Pëufla - grupa for plu y plu mitica dl panorama mujighel de Gherdëina - mo i strumënc, per tizé da dedò ite cun pec siei, ma nce cun i evergreens pop-rock de canche nëus che fan lassù, tan che duc 40+, fan jëuni. A nëus nes àl sapù bel, ma nce a ch’i puec jëuni 20+ y 20-, ajache la Pedifesta sa Pilat ne à deguna età. Y la Pedifesta sa Pilat muessa sambën avëi la cuinta edizion, n auter ann! (David Lardschneider)

Nce musciac sa Pilat.

L Nene.

Doi jëunes nteressedes.

La patrona de cësa Lidia, a m.d., cun n valguna cumpanies.

Da dlonch caprò iel unit jënt, monce dal Iapan.


Gherdëina

nr. 23 / 17 de jugn 2011

Liber nuef de Rut Bernardi Leteratura ladina che va ora tl mond: poejies y prosa per gherdëina, ciancedes tl tudësch. N liber nuef de Rut Bernardi, dat ora deberieda cun l professëur universiter Hans-Georg Grüning

Rut Bernardi à liet ora de si liber nuef.

Leteratura - „Lirica y prosa da piz a cianton - Lyrik und Prosa kreuz und quer“. Nscila l titul dl liber nuef de Rut Bernardi. L se trata de n liber dat ora tl cheder dl proiet europeich Mosaich „Pitla leteratura d’Europa“, coche à spiegà sa Pilat l professëur universiter Hans-Georg Grüning, ratan che l ie n liber garatà, „che l ie nasciù n blòt pop.“ Grüning à prejentà Rut Bernardi coche autora de prosa y lirica ladina, ma nce coche persona che se dà ju scientificamënter cun la filologia y leteratura ladina, se muan te si pert criativa sibe tl ladin, ma nce te d’autra rujenedes. „La

faszinazion dl ladin y dl plurilinguism,“ coche à auzà ora Grüning. Do la prejentazion à Rut Bernardi purtà dant n valgun pec ora dl liber. Juesc de y cun la parola gherdëina. „L me à mpresciunà la maniera de purté dant de Rut, che à mustrà su la particulariteies dl gherdëina, duta si pusciblteies, te na maniera tan criativa,“ à dit Aron Demetz, un di truep artisć cunesciui che ie unic adalerch per la Pedifesta, tucà positivamënter nce dala pert reflesciva, coche per ejëmpl dal pez liet dant da Rut, dal titul: „L ladin duman“, cun l pez che finova via cun l titul... (dl)

L professëur universiter HansGeorg Grüning.

Leteratura ie jëuna Avëi 21 ani y vester bona de „tré“ cun si paroles n tublà plën de jënt: Alissa Thaler, poeta de poetry-slam y song-writerin “Spoken words“

La poeta Alissa Thaler ntan che la liej te tublà sa Pilat.

Poetry slam - „Poetry cie?“ se damandova sambën la majera pert dla jënt unida adalerch sa Pilat. La resposta univa data da Alissa Thaler. Paroles, pensieres, juesc de paroles, rimes, ritmica. Dut che jiva via coche na sort de rap, zënza meludia, ma cun gran mujigalità, cun la meludia che univa inò ora dala paroles, ma nce dala maniera de purté dant de Thaler. Na forma nueva, frëscia, viva, dinamica. Y scialdi sota, cun i pensieres n pert assoziei che tucova cervel y cuer y punza de

chiche scutova su. N pachetl belau massa bel y massa bon: cuntenut, maniera de purté dant y oradechël mo na blotiscima muta, da talënt y da humor, ulache l’estetica dla Thaler ne curiva nia si ert, ajache l’ert da sëula fova bele ora dla set mesuers bona. Cie ues’a deplù? N valgun pensieres? „Ie ue stredes cun identità,“ dijòvela, o: „I have a dream: na nazion ulache la jënt ne vën nia valuteda aldò dl culëur de si pel, ma aldò dl culëur de si I-pod.“ (dl)

Alissa Thaler.

Documentary-Show de Leander Fotografies di ani setanta, otanta y nuvanta mustredes te prejentazion powerpoint da Leander Piazza te tublà da Pilat

Leander Piazza.

Manfred Mureda sun na foto de Leander Piazza.

Fotografia - N mer de mprescions da ntlëuta, sun la fotografies prejentedes da Leander Piazza, ël che fova ntlëuta, canche nia duc ne ova mo n aparat te fuia, l fotograf de chëurt dl movimënt artistich y de prutesta, che jiva contra la chëurt dla realtà istituzionela reaziunera da ntlëuta. Egon Rusina, Manfred Mureda, Lel y Mec, Franz Schrott, Leander Piazza y y y, performances da ntlëuta, body painting, azions de prutesta, mostres d’uni sort. N revival de na realtà che univa ora

dai pensieres dl ’68. „Belau obsolet, al didancuei,“ dijova n vijitadëur. Sambën che al didancuei ne fajëssa chëla performances y chëla scumenciadives no ciaut y no frëit plu che n tant, y les unissa povester monce suvenziunedes dal Chemun o dala Provinzia. Ma chël ne ti tol nët nia ala mpurtanza di piunieres da ntlëuta, che à dat ite pensieres nueves nce tla valeda de Gherdëina y ti raions ntëurvia, cun la gran criatività, cun l gran spirt de grupa che i ova, cun l gran idealism de

viers de ulëi mudé l mond. Te duta la fotografies mustredes da Leander Piazza unìvel ora n cheder dla ntelighentia ascunduda da ntlëuta, di pensieres che fova dovia y dla fazions che l muvimënt possa avëi pudù avëi, ma nce l aspet plu „uman“, de nchersciadum y de lecort dla persones y dla situazions ti ani dai setanta ai novanta, n revival nsciuma, de tan bel che l fova y de tan biei che fan, ma cun pensieres, chëi bën, che vel mo al didancuei! (dl)

Mprescions dla Pedifesta. www.lauscdiladins.com

11


Gherdëina

nr. 23 / 17 de jugn 2011

L tunel dal’ega sun Daunëi N sada dan otodì iel stat l di dla porta davierta dl mplant per mëter a sut l raion Daunëi. L se trata de n tunel, da chël che l va ite roles tl grunt, per ti tò l’ega che fej sbriscé l raion

L’ega che vën ora per tunel.

Sëlva - L assessëur Adrian Senoner à pudù saludé na bela cumpëida de jënt n ucajion dl di dla porta davierta n sada ai 11 de juni, te tunel per l’ega sun Daunëi. Unit adalerch fòvel sambën duc chëi dla cëses ntëurite, ma nce truep d’autri nteressei de dut l luech, autoriteies, tecnics y ala fin nce n valguna tlasses de sculeies dla Scola Mesana de Sëlva.

Roland Demetz: ”Na strutura de gran utl” L vizeambolt Adrian Senoner ti à dat la parola al ambolt da dant Roland Demetz, che à purtà inant i lëures ti ultimi ani. Demetz à cuntà de coche l raion fova unì purtà ite dala Provinzia coche raion che sbriscia, cun la fazion che chësc ova n con’ dl mesun de pudëi frabiché. Sun na tela se ova l’aministrazion de Chemun muet

N ucajion dl di dla porta davierta tl tunel per pië su l’ega de sofonz sun Daunëi.

per cialé de purté a bon fin la cuestion, a na maniera che chiche sta te chësc raion ma nce families nueves pudëssa giapé l mesun de frabiché iló, ma mo dant sambën nce per n pensier de segurëza dla cëses su per Daunëi. N à ratà che la miëura soluzion fossa chëla de tò ora l’ega, cun n mplant de drenaja, n tunel che va ite nchin tl crëp, a na maniera che la strutura nstëssa ne fossa nia de pericul, y cun roles che pëia su y avisa ora l’ega te plu lueges. Per Demetz iel “dessegur l miëur lëur che n pudova fé, la fazion avisa uderàn permò te n valgun ani, y ntlëuta puderàn sce n cajo mo cialé de fé vel’ ntervënt sëuraprò sce l va debujën.” Demetz à spiegà che l grunt su per Daunëi ie a ondes, y tla “pert bassa” de uniuna se làscel for ju ega, ega che muev da suinsom nchin japé aldò che l vën do d’autra ega, nce tres la plueies.

Nsciuma, cun chëst’ega ie o fova l grunt mol, y grunt mol, chël va. L ex-ambolt à finà via si ntervënt rengrazian i cunlauradëures de Chemun y dla dites, ma dantaldut la jënt dl raion tucà per la pazienza che la à abù ntan chisc ani canche l ie unì fat la strutura, “che ie dessegur de gran utl y che fajerà l fat y sie.”

L tunel ie segurà cun peton N ucajion dl di dla porta davierta à duc i prejënc, coche dit nce i sculeies, pudù ti dé na udleda plu avisa al tunel, de 4-5 metri aut y de 3-4 metri lerch, coche conta l geometer Roland Runggaldier dl Ufize Tecnich dl Chemun de Sëlva, cuordinadëur y responsabl dl proiet, cun chël che é pudù m’la ciaculé. “I prim ntervënc fova de stlupeté ora l crëp, de regula cun dinamit, tòc de al plu trëi metri. Riesc do avëi tëut ora l material unìvel fugà su ciodi y smautà su cun peton, per stabilisé dut cant,” nscila Runggaldier. De mesaria vëniel ora cater litri d’ega al secunt, datrai demanco, ma datrai nce deplù, nchin a sies litri al secunt. Nce Runggaldier stlarësc che la fazion y i resultac plu avisa uderàn permò te n doi-trëi ani, che ntant fajeràn inant mesurazions avisa. I lëures ie unii fai dal geologh Hermann Nicolussi y dal Studio Plattner. L tunel prinzipel ie 275 metri lonch. Ntan i lëures iel nce stat de mëndri problems geotecnics per desturbs tetonics, ma nia auter. L lëur ie śën finà, y da coche l semea, per la cuntentëza de duc. David Lardschneider

Da tlo pëia ite l tunel.

L tòch lajù.

12

www.lauscdiladins.com

L toch lassù.

La lënga violeta dl raion che sbriscia, o miec, che sbrisciova, su per l Daunëi te Sëlva.

Tan de ega vëniel pa ora? Sun la rissa su y ju iel i litri de ega al secunt, sun chëla via y ca iel la data.

Ntan i lëures.


Gherdëina

nr. 23 / 17 de jugn 2011

I paiazi che porta mpue de liegria ai amalei Kneipp te Val d’Anna Medicus Comicus rengrazia l Cor Sasslong per l cunzert metù a jì a fin de bën y la Grupa di Jëuni de Sëlva per la dunfiertes abinedes adum cun la azion de San Miculau che ie jit ora per la cëses

I Jëuni de Sëlva ti sëurandà l scech ai paiazi de Medicus Comicus.

Lies - N sada ai 28 de mei da sëira iel stat te sala de chemun a S. Cristina n cunzert metù a jì dal

Cor Sasslong. Tres la sëira àl menà doi paiazi dl Medicus Comicus, fajan vel’ pitla matada danterite.

L ie stata, do la minonga de chëi che ie stai a cunzert, na blòta sëira. Te chësta ucajion se àl lascià audì nce l jëunn Matteo Kasslatter che à sunà n valgun pec sun si “Steirische”. Pra la “bis” se àl prejentà sun palch Fabian Kasslatter, de 10 ani, che a ciantà deberieda cun l Cor. La grupa di Jëuni de Sëlva à tëut l cunzert coche ucajion per ti sëurandé a Medicus Comicus n scech de 600,00 euro, scioldi che i à abinà adum a jì ora per la cëses a fé San Miculau. Nce la dunfierta data da chëi che ie stai a scuté su, ie unida data inant per sustenì l’atività de Medicus Comicus. Perchël ulëssa Medicus Comicus rengrazië duc chëi che ie stai a scuté su, ma dantaldut la grupa di Jëuni de Sëlva y l Cor Sasslong per si gran mpëni. Die Ve l paie!! (mm)

„Tlo n doi fotos, ulache n possa udëi che ove rejon, canche ove scrit che do uni pitl temporal saràl da jì ite cun badil y graton a rumé ora dut l paltan,“ scrij Georg Moroder n con’ dl percurs Kneipp te Val d’Anna a Urtijëi.

Trasmiscion de ert y cultura sun TCA Ncuei vënerdi, duman sada y n dumënia saràl da udëi sun TCA la prima pert dl Cunvëni Ladin che ie unì metù a jì dala Union Generela di Ladins dla Dolomites deberieda cun la Union di Ladins de Gherdëina, ala fin de mei te Sëlva L unirà mustrà la doi prima mëises turondes che ova coche argumënt la Union Generela y la Unions de valeda coche model mo atuel per la scunanza y prumozion dla cultura ladina y la leteratura ladina danter si criazion y si trasmiscion. Ncuei vënerdi ai 17 de juni sarà la trasmiscion da udëi dala 12.00 nchin la 15.45, duman sada ai 18 de juni dala 8.00 daduman nchin la 10.30 y n dumënia ai 19 de juni dala 8.45

L Cor Sasslong à devertì y se a devertì n chësta sëira.

nchin la 11.15. N lunesc, merdi, mierculdi y juebia saràl da udëi la segonda pert dl cunvëni cun la doi mëises turondes che ova coche argumënt l svilup dl ladin y la politica culturela ladina. N lunesc ai 20 de juni sarà la trasmiscion dala 7.30 nchin la 10.00, n merdi ai 21 de juni dala 20.15 nchin la 22.45, n mierculdi ai 22 de juni dala 11.00 nchin la 13.30 y n juebia ai 23 de juni dala 14.30 nchin la 17.00.

N viac per festejé i 30 ani dl cor N anuel chël di 30 dl Cor de dlieja de Runcadic che ie da festejé sciche l toca. De viers de Sorrento y Capri à menà l viac che chësta lia se à tëut dant de fé per jì a cialé al bel paesaje naturel, ma nce per cianté te vel’ dlieja sciche rengraziamënt per chësta atività longia y che la posse mo jì inant giut nsci cun l cor Cor - Per festejé l 30ejim aniverser dl Cor de dlieja de Runcadic se à l cunsëi lascià tumé ite velch scialdi de bel: n viac a Capri dai 1. ai 5 de juni 2011. Dala 10.00 da sëira iesen piei via cun la curiera per furné duta nuet de viers dla penijula de Sorrento dlongia l golf de Napoli. Sorrento y la Costa Amalfitana ie cunesciui per la belëza de si costa da cherzuei dulei de crëp vulcanich nchin ju sun l mer y nce per si limons y l bon limoncello. Do avëi lascià ju i cufri te hotel che fova te na beliscima posizion dlongia l mer, fòvel sun l program n danmesdì de spiagia y relax per se paussé ora dala fadies dl viac. L program jiva inant cun la vijita ala zità de Sorrento y na bona cëina de pësc tl port. L di do fòvel da levé abenëura per furné cun l bastimënt a Capri. Capri ie na ijula che mesura 10,4 km². Tlo possa mé i residënc dl post furné ncantëur cun l auto. Tl port fova bele njenieda la berca che nes menova a fé la raida dl’ijula. De gran marueia fova stata la vijita dedite tla ”Grotta Azzurra” cunesciuda

per si ega dal culëur brum che vën spidlà dal surëdl dedora. L simbul che caraterisea Capri ie zënzauter i ”Faraglioni”, dënz de crëp che se ërj ora dl mer coche monumënc mposanc. Uni tant unìvel fermà la berca per pudëi sauté ite y nudé tl’ega bruma y sarëina. Ruvei inò de reviers al port jìvela inant a Anacapri, che ie l luech sëura Capri che cumpëida 6.554 abitanc y ie da arjonjer cun la furnadoia sun scines o la curiera de linia. Da iló sons sentei su sun l lift dai stuei che nes menova sun l Monte Solaro a 589 metri de autëza, da ulache n ova n udëi ora de marueia. A pe son jic inant per ruvé al santuer ”Eremo di S. Maria Cetrella“, n luech religëus mistich ulache l vivova plu da giut eremic. Normalmënter ie chësc post stlut al publich, al didancuei vëniel menà dai patri y dai ulenteres dla pluania de Capri. Tlo ons pudù se lascé savëi bona na drëta pizza napoletana cueta tl furnel a lënia. La ududa che fova da amiré da chësc luech fova propi da fé sté ora l fla. Do avëi cartà batadù, ciaculà y ciantà deberieda ons saludà chësc post sugestif ciantan te dlieja dl

santuer l bel Ave Verum de Mozart, rengrazian nsci i patri per l’uspitalità y l pluan de Capri, che nes à menà ncantëur dut l di, nes mustran duta la belëzes dla cuntreda. La sada pudova duc fé mpue coche i ulova. Na grupa se ova metù adum per furné tres la Costa Amalfitana cun i motorins per ruvé nchin a Positano y Amalfi, vel’ auter se ova nuzà dl’ucajion per vijité la zità de Napoli. L rest dla grupa fova jita ala scuvierta dla campania de

Sorrento y ova ciarcià la spezialiteies gastronomiches te n agriturism. Da sëira se ova duc i 24 ciantarins cun i cumpunënc dl’orchestra abinà tla catedrela de Sorrento per abelì la santa mëssa ciantan l ”Orgelsolo KV 259” de Mozart. Do mëssa fans duc nviei tl verzon dla pluania, ulache l fova unì njenià su n bel buffet, y ulache n ova balà y ciantà nchin tert de nuet. L bel tëmp che nes à acumpanià uni di, la simpatia y l’uspitalità dla

jënt dl post, la cultura dl luech, l’armunia y la bona ueia dla grupa à lascià de beliscima mprescions te nosc cuer, n bel lecort per duc. Na gran lauda ti va zënzauter a nosc sëurastant Hansi Bernardi d’Alësc che se à cruzià de mëter a jì dut cant, sibe danora che nce sun l post. De gra nce a nosc dirighënt Friedemann Ploner y a dut l cunsëi dl cor. Per l Cor de Runcadic, Karin Irsara

www.lauscdiladins.com

13


Gherdëina

nr. 23 / 17 de jugn 2011

Copa dl Mond: analisa y ndesfidedes per l daunì Tla pitla sala dla Cësa de Cultura de Sëlva à l Cumité de Copa dl Mond Gherdëina ai 7 de juni tenì si reunion generela. Cumëmbri nueves. La cuestion de chiche à la rejon de mëter a jì la garejedes

N ucajion dla senteda generela dl Cumité de Copa dl Mond Gherdëina.

Copa dl Mond - L’ena passeda, n merdi ai 7 de juni, à l Cumité de Copa dl Mond de Gherdëina tenì tla pitla sala dla Cësa de Cultura de Sëlva si senteda generela. Tla senteda iel unì analisà la doi garejedes de dezëmber y cialà ala ndesfidedes dl daunì. Ala fin iel unì tëut su ot cumëmbri nueves.

Autoriteies prejëntes Danter i nviei fòvel i ambolc de Sëlva y Urtijëi, Peter Mussner y Ewald Moroder, l assessëur dl Chemun de Sëlva Andrea Mussner, i ex ambolc Roland Demetz y Bruno Senoner, l presidënt de unëur dl ”Saslong Classic Club“ y presidënt dla Copa dl Mond Erich Demetz, la presidënta dl Cunsorz turistich Christina Demetz, l presidënt dla Lia per l Turism de Urtijëi Ambros Hofer, l general di Carabinieri Baron Georg Di Pauli, l capitan dla stazion di Carabinieri de Urtijëi Mariano Bastanza y truep cumëmbri dl cumité de urganisazion.

Stefania Demetz: „La miëura edizion“ L’aministradëura dla Copa dl Mond, Stefania Demetz, à cialà de

Peter Mussner.

14

www.lauscdiladins.com

reviers ala 43ejima edizion dla ”Saslong Classic”, rengrazian duc per l gran mpëni desmustrà: „L ie dessegur stat la miëura edizion de for. Śën messons cialé al daunì.” La majera ndesfideda à da n fé cun la mudazions a livel nternaziunel. “La FIS se damanda n standard for plu y plu aut y na majera profesciunalità. No che ne fussan nia njeniei, ma la se trata de vester atifs per ne se arjumé nia via i svilups nternaziunei,” dij Stefania Demetz. “L ie cumiteies jëuni che vën do, sciche Courchevel, che muessa sambën mo mparé, ma che a n gran ntujiasm y porta inuvazions. La forza de nosc cumité ie chëla che l ie reprejentà duta la generazions.” Ala fin de si relazion à la Demetz mustrà na prejentazion powerpoint plajëula che à mustrà su l mpëni de duc chëi che lëura pea.

Edmund Dellago: „Bon retlam“ Te si relazion à l presidënt dl ”Saslong Classic Club”, Edmund Dellago, rujenà dla televijion y dla bona zifres che vën ora per Gherdëina y Südtirol a livel de retlam. ”Sambën che l bon resultat de chëst ann ne possa nia unì

Erich Demetz.

garantì uni ann,” à dit Dellago. “Tramedoi cuntrac - chël de sponsorisazion y chël dla televijion - ne n’ie mo nia unii sotscric.” Dellago spera che l sibe mesun finé via mo dan la garejedes. ”Spere che te 50 ani che son tl cumité ne sìbel nia l prim iede che reston zënza cuntrac,” nscila l presidënt.

Rainer Senoner: „Na lauda al mpëni di cumëmbri“ L diretëur de garejeda, Rainer Senoner, à te si relazion cuntà su duc i lëures che ie unii fac, laudan l mpëni di cumëmbri. “On cialà de sparanië ulache la jiva,” à dit Senoner, “dajan for la garanzia de chël che messova vester, sciche la segurëza.” Per ti unì ancontra ai jëuni dla disciplines per jì debota uniràl te Gherdëina al scumenciamënt de dezëmber fat doi garejedes FIS. Senoner à depona rengrazià la sozieteies di mplanc per l aiut dat al cumité de urganisazion.

Gernot Mussner: „La ndesfideda di media nueves“ L respunsabl dla comunicazion,

Nce l’autoriteies ie unides adalerch.

Gernot Mussner, à spligà i bujëns di media, cuntan che l fova, ntan l’ultima garejedes, passa 250 jurnalisć de 130 media y 17 paejes. Cun n uedl autà de viers dl daunì à Mussner dit che l sarà for plu y plu mpurtant se cruzië y se dé ju cun i reprejentac di media, nosc ghesć che porta l inuem de nosta valeda ora per l mond. N cont dl daunì minova Mussner che i media nueves sarà la gran ndesfideda. “N messerà ti sté permez al svilup, ma l adurvé cun cë.”

Erich Demetz: „Sciche na familia“ Erich Demetz, presidënt de unëur dl ”Saslong Classic Club” y da 50 ani tl cumité, à rujenà dla situazion FIS, dajan da ntënder che l ne sarà nia mesun mëter a jì garejedes de Copa dl Mond te Gherdëina sce n ne n’à nia bele urganisà ani alalongia garejedes de livel nternaziunel. “La Copa dl Mond de Gherdëina ie per mé sciche na familia,” à l piunier dla garejedes de schi te Gherdëina spligà.

L sustëni di Chemuns Peter Mussner, l ambolt de

Sëlva, à purtà i saluc di Chemuns dla valeda, sotrissan che la cumenanza de Gherdëina sustën la garejedes, ma che n se mbincëssa che la Corporate Identity dla Copa dl Mond fossa mpue’ plu a livel cun chëla dl turism. “N à audì che d’autra sozieteies ulëssa mëter a jì la garejedes de Copa dl Mond”, à dit l ambolt. “Nëus ve sustenion y nce l Schi Club dëssa sustenì la garejedes.”

Uneranzes y cumëmbri nueves Per si atività ntan diesc ani tl cumité ti uniràl dat na recunescënza a Norbert Perathoner, che va cun l giat dala nëif, y a Francesco “Checco” Miorandi, che se cruzia dl maië tla sala stampa y tl ufize garejeda. Sciche cumëmbri nueves àn tëut su Toni Mussner, Damiano Dell’Osbel, David Demetz, Igor Demetz, Oskar Lambacher, Maurizio Cobelli, Christine Verginer y Barbara Gräber. La garejedes de Copa dl Mond te Gherdëina sarà chëst ann ai 16 y 17 de dezëmber. (max)


nr. 23 / 17 de jugn 2011

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Sön les pedies dl’ert cun Alfred Tavella Tratan l’ann de scora 2010/11 à i scolars de 2,^ 3 ^y 4 ^dla Scora elementara da La Val podü tó pert a dui proieć cun l’artist Alfred Tavella. Ai s’à dè jö cun le monn dl’ert y à podü sperimentè cun tecniches desfarëntes. I scolars de secunda à ilustré n liber y i mituns de 3^ y 4^ à depënt chedri por l’ambulatore

Tratan le curs cun l’artist Alfred Tavella.

La Val - Sce an va chisc dis dal dotur a La Val él naota tl ambulatore i chedri cun corusc stersc che tira l’atenziun dles porsones. Dessigü é chësc stè orü dal artist Alfred Tavella che à chirì cun le corù sterch na soluziun por podëi alisiré l’architetöra che se pita tla ćiasa de Comun. Por realisé chësc proiet àl chirì la colaboraziun dla Scora elementara da La Val. Cun le proiet “ti dè corù al ambulatore a La Val” à i mituns dla 3^ y 4^ tlassa podü desmostrè süa creativité tl moscedè i corusc y tla composiziun. Coordiné é gnü le proiet dal artist Afred Tavella, la tematica ê da tratè la vita dl paîsc, les uniuns y la comunité. Ispiraziun dê ciafè i mituns da ti ćiarè ai simboi che caraterisëia les uniuns desvalies de n paisc. Insciö êl naota da jì a chirì sëgns che an ciafa te nosc comun. Do che i laurs ê gnüs arjignà ca, ési gnüs depënć sön i chedri 40 cm por 40 cm. Ala fin dêi gnì metüs adöm düć canć por formè insciö n toch su. Sciöche an vëiga, él stè naota vigni scolar che à messü se fà n profil de se instës: chê sunsi pa iö y ći simbol é pa por me important? Chël che ti ćiara ai chedri dess capì ći uniuns che al é

te paisc. Interessant te chësc proiet é stè dessigü che an à lascè chirì fora i mituns sü simboi, y chësc pòn odëi, deache al é mituns che va adincuntra al proiet cun n gran humor tla composiziun, y chësc fej i laurs plü interessanć. Sambëgn él bele chi che à orü la vaghè da ti ćiarè al monn dl design, cun chirì n minimalism y d’atri che à orü cun n simbol porvè da cuntè na storia. Les emoziuns fej pert dl monn di mituns y chël vëigon inće ti laurs. Ći che é ćiamò interessant da odëi é che an vëiga che ai laora dassënn cun le penel y che al i plej i corusc te sües variaziuns. La figöra tl cheder é intres da odëi y insciö depënel da nos ći che i sun bugn da odëi.

De pici ilustraturs laora cun de gran idees Tl pice monn dla scora di mituns, che po ester tl medemo tëmp n gran univers dla creativité, nàscel stories interessantes. Insciö é spo chëstes gnüdes ilustrades adöm al artist Alfred Tavella te n proiet. Combiné le scrì cun le dessëgn afascinëia i mituns y i motivëia da laurè; i resultać po se

lascè odëi. Fà n liber instësc y scrì na storia olache al sozed n gröm de aventöres descëda ligrëza, ći bel! I mituns à porvè da adorè i corusc aladô dla situaziun dla storia, corusc ćialć por desmostrè che śëgn vëgnel descrit na situaziun de ligrëza. Tles stories él da ciafè tiers, y chësc desmostra che chësc monn i afascinëia dassënn. I laurs finai recorda le monn di corusc de Henri Matisse: la composiziun é dër scëmpla, mo al ti vëgn dè na gran importanza ala combinaziun di corusc. I mituns ne conësc bunamënter nia la löm dl süd dla Francia, impò ôi laurè cun corusc dër stersc, insciö él chisc laurs che tira l’atenziun de nos gragn. Na cossa che liëia i mituns al monn de Matisse é che ëi n’ô nia ma copié ći che ai vëiga, mo mëte ite sües sensaziuns ti laurs. Tla scemplëza di laurs stàl la grandëza di dessëgns che i mituns à fat. Ti ćiaran ai libri vëigon na gran varieté y vigni storia é atramënter. Inće sce vigni möt à laurè individualmënter, ài impò imparè da laurè deboriada y da se baratè fora le material che vignun adorâ. N te’ proiet vëgn inće fat por descedè ti mituns la ligrëza dl lì, cis tla secunda tlassa ti speta al lì na gran importanza. 

I mituns mostra i bi libri ilustrà.

I libri y chedri se presënta ales umes y ai scolars dles atres tlasses I savun che i libri se porta tl monn dla fantasia y te rëgns che nos ne conesciun nia. Porchël él gnü tut te scora la dezijiun da presentè i libri te n ambiënt olache al ne i vëgn pordërt nia lit dant stories ai mituns. Naota él gnü presentè i libri ai geniturs de secunda, che é gnüs invià te scora ales ascutè. Dedô él stè döta la scora che é jüda te ambulatore, olache al é gnü presentè i libri. Deache l’ambulatore é te ćiasa de Comun, él gnü invié l’ombolt a saludè i scolars. Pro chësta picia festa él inće gnü presentè le laur di mituns

Ligrëza por i mituns!

de 3^ y 4^ che â abelì cun sü laurs l’ambulatore. L’ambulatore cun söa architetöra scëmpla y zënter dles porsones che aspeta da jì dal dotur, dess ciafè plü vita cun i corusc di mituns. Sambëgn che an ne po cun chësc laur nia mudé la funzionalité dl ambiënt, mo an po porvè da fà stè plü saurì les porsones. L’artist à porvè da ćiarè che les proporziuns, chilò baiunse dl gran cheder, se liëies adöm cun l’ambiënt incëria y fejes che i ciafunse ala fin öna na unité. Te chësta ocajiun dêl gnì lit dant les stories, olache i mituns de 2^ tlassa ê i auturs. La presentaziun

dê stlüje jö i dui proieć fać tratan l’ann de scora cun l’artist Alfred Tavella. I libri dëida svilupé le lingaz y le ponsè di mituns, y i savun ći che chël ô dì te na scora paritetica. I libri mëss descedè la coriosité di mituns, spo ti sàl bel da les ascutè. Al é stories cörtes y le lingaz é saurì da capì, porchël éres inće saurides da portè dant. An po bëgn dì, n liber fat dai mituns por mituns. Por i mituns él stè na bela ocajiun da podëi laurè cun Alfred Tavella y al liber final podésson ti mëte inom “Al é stè bel!”. Rudi Moling

Inće l’Ombolt à podü odëi i früć dl laur creatif. www.lauscdiladins.com

15


Val Badia

nr. 23 / 17 de jugn 2011

De bogn resultać por le SC Ladinia Le Schiclub Ladinia à cherdè ite por en mercui ai 8 de jügn la sentada generala, olache an à tut l’ocajiun da ćiarè ai resultać che i atleć jogn à arjunt tratan la sajun da d’invern passada, danter chisc inće dui titui provinziai tl Finstral Cup La Ila - Tratan l’invern 2010/11 à apresciapüch 70 atleć dl SC Ladinia tut pert ales gares de schi tles categories y ti rodi desvalis: VSS, Raiffeisen Grand Prix y FinstralCup, sciöche inće ai campionać regionai y taliagn. L’impëgn de atletes y atleć, che röia adöm edema por edema por alenamënć y gares, é inće gnü premié cun de bi resultać. Sce an ćiara ai mëndri, él sigü da alzè fora Emmi Frenademez y Manuel Ploner (categories cuccioli), che à arjunt podiums ti campionać de raiun. Inće pro i campionać provinziai dl "Gran Premio Giovanissimi" à Emmi arjunt le pröm post y Manuel Ploner le cuarto, respetivamënter te sües categories. Le jonn Andrea Pedevilla (categoria ragazzi) é rovè 2. tla Supercombinada di campionać taliagn di mituns (1998/99). Resultać nazionai de relevanza é spo gnüs arjunć da Hannes Zingerle (categoria di aspiranć), che à arjunt n 4. post tl slalom y n 5. tl gigant pro i campionać taliagn di aspiranć.

Dui campiuns tl Finstal Cup 2011 Dui pröms posć por le SC Ladinia él garatè pro le Finstralcup 2011. Sides Elisa Crazzolara co

Via ferata prigorosa Co se stàra pa cun la via ferata da jì sön Pütia? Nia cis bun, pêl. La via ferata é ademal, la corda é rovinada y rota, ara é deventada n prigo

Elisa Crazzolara y Flórin Sorarù é gnüs campiuns de Südtirol tl Finstral Cup 2011.

Flórin Sorarù - intrami categoria jogn - é rovà pröms pro le campionat de Südtirol. Elisa Crazzolara é laprò gnüda campionëssa regionala de discesa y gigant, y vizecampionëssa regionala de SuperG. Flórin Sorarù é indere gnü campiun regional de Super G y é rovè 3. sides tl slalom lerch co tl slalom strënt. Elisa y Flórin à stlüt jö chësc ann süa cariera lungia pro le Schi Club Ladinia, pro chël che ai é stà da 7

ćina a 20 agn. Le SC Ladinia à orü i rengrazié por avëi contribuì da tignì alalt l’inom dl schi club y ti aoda döt le bun por le dagnì, che ai pois inant avëi suzes tla vita. Le fin dl Schiclub é y sarà tres chël de sostignì i jogn che à da pici insö la ligrëza da pratiché le sport dl jì cui schi, che comporta gonot inće sacrifizi, sides por i atleć che inće por sü geniturs. Sacrifizi che portarà inće sü früć plü inant tla vita. (pablo)

L’onestè é n gran valur A La Ila él sozedü de mà n fat da aprijé Curiosité - Al ê n dé de mà. Giuseppe Nagler, fëur da La Ila, passâ dan le frabicat dla Cassa Raiffeisen dl paîsc, canche al odô na busta ia por tera. Sigü é la morvëia stada grana, canche al à ćiarè laìte y à ciafè na bela soma de scioldi: bëgn 10.000,00€. Te chësc momënt éssel albü deplü poscibilitês.

L’orcena dal’edema

Al ess podü s’ascogne ia la busta, la condü a ćiasa y se ralegrè por chësta bela spënora. L’atra poscibilité ê chëra da dè jö la busta, por fà a na moda che ara rovass indô tles mans de so proprietar. Y propi chësc à Nagler inće fat. Al é jü cun la busta tla Cassa Raiffeisen, olache ara é garatada cun l’aiüt dl diretur de filiala da ciafè fora la porsona, che à spo

tosc indô podü pié do sü scioldi. Sambëgn che n bel sach de scioldi foss cotan d’öga, cis sce ai “toma jö dal cil” - podésson dì. Mo n majer valur co le contignü dla busta à la onestè de na porsona. Porchël é le comportamënt de Giuseppe Nagler ma da laldè y al é da se dejidré che düć s’astilass insciö. (pablo)

La corda löcra y intorcherada: “plü prigorosa co sce al ne nen foss degüna”.

Cënć de porsones fej ann por ann la via ferata che condüj sön Pütia. Dan da püch l’à fata inće Gerhard Rubatscher, che s’à ciafè dant na corda te dër de stletes condiziuns, ći che podess inće ester na fontana de prigo por les porsones che va a crëp. Rubatscher nes cunta che la corda é bindebò ademal. Ara é alüsc intorcherada sö, alüsc él de pici fis roć ia che pica fora, y é inće scialdi taiënć canche an i branćia ite. Nia ma chësc: la corda é te deplü posć inće löcra y dan un di tòć plü burć éra rota ia. An l’à intorcherada sö y por jì sö inant nen n’él plü degüna. “Alüsc é la corda plü prigorosa co sce al ne ne foss d e g ü n a”, d i j G e r h a r d Rubatscher. Les uniuns o istituziuns de competënza vëgn inviades da comedè la situaziun, por che la jënt che va da Pütia sö pois fà la via ferata almanco de chël vers en plëna sigurtè. (pablo)

La corda dan un di posć plü rî dla via ferata. Ara é rota ia y an l’à scemplamënter intorcherada sö.

Alüsc é la corda en pert scarzada y al pica fora de pici fis de fer, che devënta de te’ pici cortì sce an branćia laìte.

16

www.lauscdiladins.com


Val Badia

nr. 23 / 17 de jugn 2011

La Müjiga da La Ila en jita tla Slovenia La vijita ti Andri de Postumia y le conzert di Oberkrainer é stà i “highlights” di trëi dis de jita

La Ila - Le 2010 é stè por la Müjiga da La Ila n ann cun tröpes fadies y sodesfaziuns, cun la registraziun de na CD, la realisaziun dla cronica y suradöt i festejamënć por i pröms 25 agn dla musiga dl paîsc. Insciö él gnü metü da jì na

jita de trëi dis tla Slovenia. Pro na uniun sciöche la musiga, é le bun tlima danter i musicontri y düć i mëmbri dër important. Tratan döt l’ann sónon adöm, al vëgn tignì tröpes proes y conzerć. N apuntamënt dër aspetè é Retrat de grup tratan la jita dla Müjiga da La Ila tla slovenia.

Pro na jita pòn stè en compagnia y se conësce damì. Le liam danter i mëmbri dla uniun é dër important.

sambëgn la jita. Chësc ann s’à la Müjiga da La Ila conzedü n valgügn dis de mà tla Slovenia. Pià ia éson cun le bus da La Ila demez, por jì le pröm dé a ciarè i Andri de Postumia , cun na vijita acompagnada tla picia ferata. Le medemo dé éson spo jüs inant ćina a Ljubiana, la capitala dla Slovenia, olache an é stà suranöt. Cun na guida dl post é la cité gnüda vijitada le dé do, denant co pié ia por rovè a Bled, olache la Müjiga da La Ila é jüda a ti ćiarè al conzert di Oberkrainer, che à dër plajü. Do na jita dër garatada, che à contribuì da imparè da se conësce damì y à renforzè le spirit de grup,

é i mëmbri dla musiga rovà a ćiasa cun na vëia ćiamò majera da sonè adöm.

Prömes proes bele de merz La Müjiga da La Ila à bele metü man de merz l’ativité dl ann 2011 cun les prömes proes da sonè y da marcè, olache al vëgn imparè ite i tòć por i conzerć che vëgn portà dant fora por l‘isté. La musiga sona pro les festes de dlijia sciöche San Florian, la Pröma Santa Comuniun o inće pro la festa d’Les Antles y dl Cör de Gejù. Tröc sarà inće i atri apuntamënć dla Müjiga da La Ila

tratan i mëisc da d’isté, te paîsc y foradecà. P.ej. tignarà la musiga indô i conzerć sön paiun dlungia dlijia de paîsc, vigni jöbia sëra. Le pröm podaràn ascutè sö la jöbia ai 7 de messè dales 21.15. Laprò vëgnel indô metü da jì, sciöche vigni ann, les festes de Santa Maria dal Ciüf (Feragost) y dla Segra da La Ila tl mëis d’agost. Chëstes vëgn da tradiziun organisades adöm ai stödafüch dl paîsc. L’ativité dla Müjiga da La Ila gnarà stlüta jö ofizialmënter cun le conzert de Santa Zezilia, la sabeda ai 22 de novëmber. Nicole Dorigo por la Müjiga da La Ila

Le carlascè di tiers Ala fin de mà à la scora mesana d’Al Plan de Mareo portè dant le Musical “Karneval der Tiere” Scora - L’opera “Karneval der Tiere” é gnüda scrita dl 1886 dal componist franzeje Camille SaintSaens (1835-1921) por na orchestra y dui tlaviers, mo ara é gnüda portada dant pormò dl 1922, do süa mort. Ala scora mesana d’Al Plan ti éra garatada, cun l’aiüt dl cuintët “Brassexperience”, da mudè le toch por n’orchestra te n teater. Le toch cunta de n gröm de tiers che s’incunta te bosch. Ai vëgn düć adalerch por na festa mai ćiamò stada tla storia di tiers: le “Karneval der Tiere!” - carlascè di tiers. N pêr de chisc tiers é sentà sön paiun, d’atri bala pro la musiga sonada dal “Brassexperience”. Le cuintët é gnü sön invit dl professur Markus Erlacher. Al é metü adöm da mëmbri da plü perts dl monn: Australia, London, Minca y dui de Südtirol. Les proes por le teater é stades dër interessantes, mo val’ iade bëgn inće da stanćé, deache an mëssâ imparè ite le test, la

Inće al publich ti à le musical dër plajü, desche an à podü constatè ples spënores de bona man che gnô trates ite a bëgn dl “Südtiroler Kinderdorf ”.

I protagonisć

Cun gran savëi à scolares y scolars dla mesana portè dant le musical “Karneval der Tiere”.

coreografia y an messâ inće se fà les mascheres. Chëres él stè i

scolars che à fat, cun l’aiüt di professurs. Mo al à bëgn paié la

mëia da fà para, deache na te’ ocajiun ne ciàfon nia vigni dé.

I professurs che à daidé pro le teater é stà Manuela Ciuca, Mirella Dapunt, Irina Tavella, Markus Erlacher y Alfred Tavella. I scolars che à fat para ê Lukas Palfrader, Maria Palfrader, Gabriel Daverda, Yannik Winkler, Davide Fontanella, Elena Pescoll, Dennis Palfrader, Valentina Huber, Max Erlacher, Marta Cristofolini, Ylenia Leggio, Luca Daverda, Robert Ellecosta, Jan Obwegs, Moritz Palfrader, Cindy Call, Elena Pedevilla, Jolanda Dhama, Sandra Brandlechner, Noemi Call, Alexa Rabensteiner, Dominik Castlunger, Silvia Castlunger, Natalie Ties, Philipp Pedevilla y Jan Daverda. Elena Pescoll www.lauscdiladins.com

17


Val Badia

nr. 23 / 17 de jugn 2011

Platleri badioć fora por le monn La Uniun Bal Popular à complì l’ann passè sü pröms 25 agn. Dla uniun fej pert inće n grup de platleri, che à fat na bela jita a Sinsheim, tla Germania

Area movimënt: bëgnester por corp y anima La palestra alaleria a 2000m gnarà metüda en funziun dai 18 de jügn inant sön Piz Sorega y Piz La Ila. Na poscibilité por la jënt de fà sport alaleria amesa la natöra

I platleri dla Val Badia tl museum de Sinsheim, cun la familia Layher.

Lies - L’ann passè à la Uniun Bal Popular Val Badia complì i 25 agn. Trëi é les porsones che fej pert dla uniun dal mëteman incà y chëstes â podü en gaujiun dla sentada generala de dezëmber pié do na onoranza y n prosc por i 25 agn de ativité: ara se trata de Lois Kastlunger, Richard Pitscheider y Bruno Pizzinini.

Vintecin’ agn é n tëmp dër lunch; n gran travert mo inće na gran motivaziun por jì inant tl grup che s’à mudè tröp cun le passè di agn. N complimënt, n rengraziamënt y döt le bun ales trëi porsones onorades. L’ativité dl’Uniun Bal Popular Val Badia, che cumpëda al momënt 37 balarins y balarines, é ia por l’ann scialdi valia. Da d’aisciöda vëgnel fat les proes, d’isté vëgnel fat les rapresentaziuns sön paladina, por sciori y jënt dl post, pro festes y serades folcloristiches. Da d’altonn s’incùnton indô por les proes y por imparè ite bai nüs, mo sambëgn inće por stè adöm y fà val’ jita. Tratan l’invern él n valgügn mëisc de palsa cun danterìte val’ presentaziuns sön paladina!

I platleri y na jita

Lois Kastlunger y Richard Pitscheider é dui di trëi mëmbri che é da impröma incà pro la Uniun Bal Popular Val Badia. Söl retrat mànćel Bruno Pizzinini.

Tl’Uniun Bal Popular él inće le grup di platleri, che cumpëda al momënt 10 mëmbri dl grup da bal. Vigni tant tol nüsc platleri l’ocajiun da jì en jita. Mo zënza troht y orghi ne pëion gnanca ia. Chësc ann ai 6 de mà sunse jüs a Sinsheim a vijité le museum di auti y dla tecnica! Bele da doman

adora sunse pià fora por rovè do 7 ores de iade tl museum! A Sinsheim nes aspetâ Michi da Corvara cun so om y diretur di museums Hermann Layher. Dailò unse spo tut ite na picia marëna y spo sunse jüs a vijité le museum. Cenè unse tl hotel, olache i ùn plü tert inće portè dant val’ platler.

Palestra alaleria, a duimile metri d’altöra.

La sabeda unse tut pert al rally di auti da zacan; metü man àra cun 4 platleri, val’ parores da pert dl organisadù dl “Prazltag” (de da fà burè i auti y fà crabal) y spo unse podü sentè te val’ auto, che nes à condüt dal museum de Sinsheim al museum de Speyer, olache i ùn passè döt le dé a ćiarè fligri, ferates, auti, barches… Sön la plaza dai fligri dailò dlungia él inće gnü fat spetacul cun fligri, joliers y auti, y cun döt ći che n platler po avëi ligrëza! La serada unse passè tl museum de Speyer pro n buffet y aorela cörta cun düć nüsc fans nüs . Intratenimënt unse nos pité, chi dai auti y dai motors da zacan, che savô da fà de vigni sort de morvëies. La domënia incër les 11 sunse spo pià zoruch cuntra ćiasa. Sön tru sunse ćiamò storć pro por na bona marëna. (mc)

Alta Badia - Do la daurida dl implant portamunt “La Crusc” ai pröms de jügn, vëgnel cun i 18 de jügn metü en funziun inće düć i atri implanć portamunt dl’Alta Badia, daverć tartan la sajun da d’isté ćina ai 18 de setëmber. Ara se trata di implanć Boé, Vallon, Plans-Frara, Col Pradat, Col Alt, Pralongiá, Braia Fraida, Piz La Ila, Gardenaccia, Piz Sorega, Sponata, La Crusc y Santa Croce, che an pò tó cun le Mountain Pass Alta Badia. Ai 18 de jügn gnaràl inće metü da jì la strotöra tlamada “Area Movimënt”, na palestra alaleria a 2000m, n paraîsc por i amanć dl sport alaleria y dla natöra. Sön Piz La Ila y sön Piz Sorega pòn ciafè deplü sorts de injins por fà fitness, dui percursc kneipp y percursc naturai por la reflessologia plantara.

Implü ciafon a 2000m, danter Corvara, La Ila y San Ćiascian, n valgönes poscibilitês por fà skywalking y plü co 100 km de trus por nordic walking. Fà ativitês fisiches alaleria, cun les Dolomites a 360 grà, é dessigü plü stimolant y plajor. I benefizi dl’ativité fisica é desvalis: al vëgn arbassè le risch de maraties cardiovascolares, al vëgn smendrì le colesterol y an po evité le problem dl surapëis. Implü fejel bun inće cuntra le stress da vigni dé. Düć i apascionà dl eserzize fisich y dla munt po arjunje l’ “Area Movimënt” zënza fadia, cun le lift o inće a pè. L’entrada al “Area Movimënt” é debann por düć. Chi che oress cumprè le Mountain Pass, po le ciafè ti ofizi turistics dl’Alta Badia. Por deplü informaziuns: www. altabadia.org o www.mountainpass. it. (ofize stampa alta badia)

I percursc naturai sö alalt é na emoziun.

18

www.lauscdiladins.com


Val Badia

nr. 23 / 17 de jugn 2011

Mèdefüch tla desćiaria de “Col Maladët” Gran proa generala por i stödafüch dl raiun Alta Val Badia adöm ala Crusc Blanćia y ai Carabiniers La Ila - En sabeda ai 4 de jügn à i Stüdafüch da La Ila organisé la proa de pröm aiüt adöm ai stödafüch di paîsc dl raiun Alta Val Badia. Al é gnü simulè n mèdefüch cun deplü porsones ferides, tla desćiaria dal ciomënt de “Col Maladët”, danter La Ila y Corvara. Dales döes domisdé él gnü dè l’alarm dala zentrala di Stüdafüch da La Ila, olache i stödafüch vijins é gnüs informà dl intervënt. Por jì incuntra al prigo dl füch simulè, él gnü damanè do tres funch ai atri paîsc plü grups cun les mascheres antigas, sciöche inće grups por arjigné condütes dal’ega. Düć i cin’ paîsc dl raiun Alta Val Badia (Calfosch, Corvara, La Ila, San Ćiascian y Badia) é rovà sön le post bele do püć menüć che ai

ê gnüs cherdà. La desciaria dal ciomënt “Col Maladët” é n gran prigo por gauja dles tröpes sorts de ciomënt che vëgn lasciades jö, insciö n’é l’ega nia dagnora la dërta soluziun por destodè. Impröma él porchël stè da conscidré olache le füch ê pié ia y ći materiai che vardô; chësc denant co arjigné la condüta dal’ega dala Gran Ega ćina sön le pröm col dla desćiaria. Grups desvalis da deplü paîsc à laurè bun adöm por menè l’ega te püch tëmp cina pro le füch. Tl medemo tëmp à i grups cun les mascheres antigas chirì i cin’ feris tla ćiasa de gestiun dla desćiaria. I feris é gnüs ciafà plütosc snel, conscidran inće la püćia visibilité por gauja dl gran föm. I feris ti é gnüs surandà ai

Stödafüch pro la pumpa dlungia la Gran Ega.

grups dla Crusc Blanćia, che à fistidié dles condiziuns, por n valgügn inće plütosc stletes. An à insciö orü rapresentè na situaziun de prigo tla manira plü reala che ara jô. La proa é gnüda coordinada dal comandant di Stüdafüch da La Ila Willy Fistill adöm a dirigënć de intervënt y deplü capigrup. Le vizepresidënt di stödafüch dl raiun Bassa Val de Puster Hubert Costner y l’ispetur di stödafüch dl raiun Alta Badia Renato Pizzinini à tut pert ala proa y à ćiarè sciöche les ativitês de socurs é gnüdes fates dai grups de pröm aiüt. L’eserzitaziun é gnüda organisada por imparè da coordiné deplü grups de pröm aiüt da deplü paîsc, sciöche inće la colaboraziun cun la Crusc Blanćia – seziun Alta

I Jogn da Calfosch/Corvara à metü da jì n curs de defenüda personala por les ëres dl’Academia Taliana Yoseikan Budo - Movimënt Sportif Nazional reconesciü dal CONI. Tl curs él gnü mostrè sö les tecniches scëmples che dëida da se delibré da branćes desvalies y da sorts particolares de blocades. La leziun à atochè deplü aspeć: da chël porì teorich a chël tecnich; an à fat proes y eserzizi pratics, tignin cunt inće dl aspet psicologich y caraterial, por rovè al aspet iuridich.

Badia y i Carabiniers. La proa à mostrè sö che le gran numer de porsones y auti de pröm aiüt se damana bindebò de coordinaziun.

Sce chësta vëgn porvada danfora, pòra ester ćiamò plü efiziënta tl caje de intervënć. (Stüdafüch La Ila)

Stödafüch y Crusc Blanćia: pröm aiüt ô inće dì laurè adöm.

Les ëres impara da se defëne Corvara - En sabeda ai 28 de mà 2011 él gnü metü da jì tla palestra dla scora elementara da Corvara n curs de defenüda personala. Le curs ê debann y é gnü organisé dai Jogn da Calfosch/ Corvara. La leziun é gnüda tignida da Massimo Romano, Tecnich Responsabl dl’Assoziaziun Sportiva Amatoriala Bushido Badia Yoseikan Budo, sciöche inće istrutur federal

N grup cun mascheres antigas tratan le socurs di feris.

I eserzizi che an à fat tl curs à descedè n gran interes pro les partezipantes, che à albü la poscibilité da sperimentè n valgügn limić, y sambëgn i potenziai de sües capazitês fisiches y carateriales. Na leziun che à odü tröp interes, impëgn y devertimënt, cun la speranza che ara pois gnì metüda da jì inće tl dagnì, tl cheder de chësta sort de iniziatives. (massimo romano/kp)

Le grup che à tut pert al curs organisé a Corvara, cun l’istrutur Massimo Romano.

I controi à portè “früć” Desco te d’atres localitês de turism, sìnton inće a Al Plan le problem dles secundes ćiases che vëgn afitades ia. I controi à descurì val’ iregolaritês Al Plan - Cun la lege provinziala nr. 121 di 11 de mà 1995, vëgn la materia regolada avisa, mo impò él val’ proprietars de secundes ćiases che ne se tëgn nia ales regoles. Aladô dla lege suradita, po les secundes ćiases gnì afitades ia a terzi tres contrat de afit por nia plü co cater iadi al ann, laprò ne pòn nia fà retlam dl frabicat en afit tres n’ativité de promoziun comerziala. Impò vëgnel fora dai controi val’ “bisces fosces”. Sön iniziativa dl’Assoziaziun Turistica d’Al Plan y dl Comun de Mareo, él gnü tut provedimënć por ti mëte na fin a chëstes ativitês cuntra lege. Ai pröms de novëmber dl ann passè é düć i proprietars de secundes ćiases gnüs informà tres na cherta che les forzes dl ordinn ess fat controi tl dagnì. I controi é

gnüs fać cun dui sistems paralei. Da öna na pert s’àn anuzè dl internet sciöche fontana d’informaziun; l’Assoziaziun Turistica à tut ca les 190 misciuns de secundes ćiases y à verifiché sce al gnô fat t’internet a val’ moda promoziun o retlam di cuatiers. Laprò él gnü menè fora a campiun domandes d’afit ai proprietars. I resultać de chëstes inrescides ti é gnüs menà inant ai carabiniers, che à spo podü verifiché plü por menü. Laprò, tratan l’ultima sajun da d’invern, à i carabiniers fat controi söl post. Intrami i sistems à confermè le sospet y al é gnü ciafè fora n valgügn caji olache la lege n’é nia gnüda tignida ite. I responsabli à lascè alsavëi che al gnarà fat d’atri controi inće tratan chësta sajun da d’isté. (Assoziaziun Turistica d’Al Plan)

I carabiniers à fat controi tles secundes ćiases. www.lauscdiladins.com

19


Val Badia

nr. 23 / 17 de jugn 2011

Pedalada ta Türesc

Travert “Valorisaziun” Danter Al Plan y Pederü gnaràl dai 27 de jügn ai 12 de setëmber indô trat ite le daz, bele dan le ćiamp dl sport. Laprò sarà la strada stlüta danter les 11.00 y les 16.00, cun le fin da valorisé la val de Mareo y le parch natural. Le regolamënt menü

La plaza ta Pederü é gnüda sistemada danü. Öna dles novitês: daìte dla ütia ne pòn nia plü parchè.

Al Plan - Cun en lönesc ai 27 de jügn jarà en forza le regolamënt nü por la strada danter Al Plan y Pederü. Da chësc dé inant, ćina ai 12 de setëmber, gnaràl indô trat ite le daz, plü avisa dales 7.30 ćina ales 16.00. La novité é che le daz gnarà bele trat ite atira daìte d’Al Plan, dlungia le ćiamp dal sport (Sportcenter Ciamaor), y nia plü diretamënter dan la plaza da Pederü. Atra novité, forsc la majera de chësc isté, é che la strada gnarà stlüta al trafich dales 11.00 ales 16.00. Chësc ô dì che an ne podarà nia ite cun l’auto, mo ma cun le shuttlebus che é gnü miorè respet al ann passè. Les tarifes dl daz é gnüdes aumentades, por motivé da s’anuzè dl sorvisc publich. I auti paiarà 7,00€, i autocaravan 20,00€, i motors 4,00€ y les corieres 15,00€.

Ezeziuns Stlüć fora dal daz (mo nia dala limitaziun dl trafich) é düć i aćiasà de Mareo. Por daz y limitaziun dl trafich él inće cotan de ezeziuns. Zënza limitaziuns podarà ite i auti

dles forzes dl ordinn, di stödafüs, dla forestala, dl Aiüt Alpin, dla Crusc Blanćia y dles porsones inćiariades cun la manutenziun y verda dl Parch Natural Fanes Senes Braies. Laprò é lëdi da daz y limitaziun inće i mënacrëp, i fornidus, porsones aćiasades o che laora tl parch natural, paurs cun permès aposta, proprietars de terac dl Parch Natural, tassisć, ghesć dles strotöres d’alberch tl Parch Natural (do presentaziun dla conferma de prenotaziun).

Sc’i va a me bëre valch, pòi ite... inće tratan la limitaziun Autorisaziuns particolares él inće por l’alberch “Lé dla Crëda” y “Pederü”. I ghesć che jarà te chëstes strotöres y tolarà na consumaziun po passè ta Ćiamaor inće danter les 11.00 y les 16.00. Chisc messarà danfora paié le daz y na cauziun de 10,00€. Sön presentaziun dl documënt stemplè dal restorant (Lunch Pass), o dles recioiüdes de consumaziun (scontrins) y dles

recioüdes de paiamënt dl daz, ciafarà zoruch la cauziun de 10,00€. Por les döes strotöres nominades dessura y por dötes les üties tl parch natural vêlel le medemo sce i ghesć fej fora al ultim momënt da stè suranöt laìte (Night pass). Inće chisc podarà passè tratan l’orar de limitaziun, paian le daz y na cauziun de 10,00€, che gnarà intrami retüs sön presentaziun dla recioiüda o confermaziun de sojornanza. Les retüdes vëgn fates ćina ales 16.00 pro la cassa dl daz y ćina ales 18.30 pro l’ofize dl’Assoziaziun Turistica (chilò nia la domënia).

Sciöche dit, él gnü miorè cotan le sorvisc shuttle danter Longega, Al Plan y Pederü. Indöt jarà le bus 10 iadi al dé, itepert y forapert. Le pröm iade da doman pëiel da Longega ite ales 8.33 y va spo ite vigni ora ćina ales 17.33. Forapert vëgn le bus le pröm iade dales 9.00 y spo vigni ora ćina ales 18.00. Sambëgn saràl deplü fermades ćina ta Pederü (ej. Ciamaor, Lé dla Crëda, Tamersc). I ghesć che à la cherta da d’isté (Summercard), podarà s’anuzè dl sorvisc por döes edemes alalungia debann.

La plaza ta Pederü Le fin dla limitaziun dl trafich é chël da valorisé la val de Mareo y le parch natural, smendrin le trafich. Tl medemo tëmp àn inće fat laûrs de sistemaziun y abelimënt dla plaza da Pederü, che pîta lerch por chi 280 mesi. Ara é gnüda slungiada forapert, mo porchël é l’areal do la ütia da Pederü gnü delibré dai auti. (pablo)

Ai 24 de jügn él 10 agn ca che al é gnü daurì le Museum Ladin. La sënta destacada nöia a San Ćiascian y le depot che gnarà fat a San Martin vëgn sostignis dal Assessorat por i laûrs publics y vëgn odüs sciöche scincunda ala jënt ladina por chësta ocajiun

20

www.lauscdiladins.com

An podarà inće odëi n film sön la descurida y les carateristiches dles laûrs. Aladô dles recostruziuns di paleontologs él inće odü danfora de mostrè sciöche les laûrs ess podü ćiarè fora.

Plü lerch a San Martin Por podëi laurè ćiamò damì tla sënta prinzipala dl Museum Ladin a San Martin de Tor vàl debojëgn de plü lerch. Porchël él gnü proietè n depot sot tera ite, al medemo livel dl’alzada olache al vëgn fat les mostres. “N depot é le cör de n museum, ajache le pröm fin de vigni museum é naôta la conservaziun de testemonianzes storiches” dij Stefan Planker, diretur dl Museum Ladin. Diesc agn alalungia unse sciafié feter zënza degöna lerch da mëte ia esponać y massaries. I aratun de podëi mëte man de ćiavè da

Lies - En domënia ai 5 de jügn unse fat nosta pröma escursciun, olache i ùn tut ca la roda, pian ia da Gais te Puster, por pedalè ćina ite a Türesc y ćiamò inant ćina a Luttach. Pordërt êl preodü da pié da Toblach demez por rovè a Cortina, mo chësta n’é nia garatada, a gauja dla maratona che gnô propi fata en chël dé. Le tëmp s’à daidé dër tröp, al n’ê nia le cil sarëgn y i nes ùn inće ciafè n pü’ de plöia, mo chësc ma por n momënt cört; le

sorëdl é tosc gnü fora a nes scialdè ite. Da gnì zoruch sunse stà chić pro i saltadus (cascates) de Türesc, olache i ùn palsè y mangé val’, por abiné indô dötes les forzes da pedalè derevers ćina a Gais, olache Freddy nes à paié n bun dlacin... dilan! La proscima escursciun ch’i fajarun sarà ai 25 de jügn, olache i jarun sön Pares a La Val. Düć i mituns y les mitans scrić ite ales lies da munt dla Val Badia, é dër bel invià da tó pert. (vd)

Can va pa ite le bus?

“Scincundes” por i 10 agn

Cultura - A San Ćiascian éson bele a n bun punt cun le fà fora la ćiasa olache al gnarà la sënta destacada dl Museum Ladin “Ursus Ladinicus”. Les laûrs de Conturines y so ambiënt gnarà mostrà sön trëi alzades da indöt 400 metri cuadrać. Le frabicat, olache al gnarà inće l’ofize turistich, vëgn fat sö dala Fraziun de San Ćiascian. La lerch por le Museum Ladin vëgn metüda a desposiziun debann. L’Assessorat provinzial por i laûrs publics se crüzia dl alestimënt y di contignüs de chësta sënta destacada cun n investimënt de 750.000,00€. “L’alestimënt gnarà fat aladô dla sënta prinzipala a San Martin cun laprò inće audioguides te cater lingac: ladin, todësch, talian y inglesc”, spliga le diretur dl Museum Stefan Planker. Le conzet dla sënta “Ursus Ladinicus” vëiga danfora inće de fà do l’ander de Conturines olache an à ciafè i osc dles laûrs.

Le grup di jogn dles Lies da munt Val Badia à metü man cun les escursciuns da d’isté

d’altonn y de podëi spo curì pro ćiamò dan l’invern. L’Assessorat provinzial por i laûrs publics à odü danfora n investimënt de 873.323,00€ por la proietaziun, le frabiché y l’aredamënt. “L’idea dl depot foss inće de podëi mëte ia i esponać a na manira da podëi lascè ite inće esperć o grups spezifics”, dij Heinrich Huber, presidënt dl comitê scientifich dl Museum Ladin. Por n depot de museum é dantadöt la temperatöra y le töme importanć. “Na temperatöra costanta de 18 grà y feter 55% de töme garantësc na bona conservaziun di toć y dles racoiüdes. I toć plü ziti che i ùn tl Museum Ladin é i vedli documënć y les pitöres a acuarel”, spliga Planker. Por podëi laurè plü saurì gnaràl inće fat n lift por portè i esponać plü pesoć tl depot sot tera ite y da dailò inće tl salf dles mostres. (osp)

N retrat de recordanza.

Mo ći ćialt y ći assöt N valgönes curiositês di pröms mëisc dl 2011, n mëteman dl ann scialdi ćialdin, cun püćes prezipitaziuns Tëmp - Che l’ann 2011 é ćina śëgn stè cotan plü ćialt co i ultims agn, chël s’un à düć intenü. Le maester en ponsiun Albert Daverda à fat ći che al fej cotan ion: osservè, scrì sö, cumpedè adöm, fà statistiches. Y na statistica reverda les temperatöres da jenà ćina aurì de chësc ann, confrontades cun la mesana di medemi mëisc dal 1991 ćina al 2010. Ći che dà atira al edl: i pröms cater mëisc dl 2011 é stà cotan plü ćialć co zënza. Dal 1991 al 2010 à i mëisc de jenà albü na temperatöra mesana de -4,5°C, de jenà 2011 ê la mesana “ma” de -3,4°C. Gran desfarënzies él de forà. Ti 20 agn denant à forà albü na temperatöra mesana de -2,8°C, chësc ann éra indere stada de +0,1°C. Merz â albü dal ‘91 al 2010 na temperatöra mesana de +1,4 grà de ćialt. Chësc ann éra stada de bëgn +2,7°C, feter le dopl. Mo le maiù salt é stè d’aurì. Sce la mesana ê ti 20 agn denant de +5,2°C, éra stada chësc ann de bëgn +8,1 grà de ćialt, n salt de feter trëi grà. Sce an cumpeda adöm i cater mëisc, spo ài albü ti ultims 20 agn na temperatöra mesana de -0,2°C. Chësc ann é la mesana jüda sö de 2 grà, rovan a +1,9°C.

Curiositês söla nëi Ales sajuns da d’invern ti unse bele ćiarè plü avisa tla ediziun di 22 d’aurì. Le dat plü interessant ê bëgn chël che ti pröms trëi mëisc de chësc ann él tomè ma 31 cm de nëi: 7 de

jenà, 17 de forà, 7 de merz. Śëgn àn inće dan man inće i dać d’aurì. Megra, megra: ma 2 cm de nëi él tomè a Lungiarü tratan le mëis olache le tëmp fej por tradiziun corëtes. Val’ dat interessant à le maester Daverda inće metü adöm en cunt di inverns, tolon en conscidraziun i mëisc da setëmber ćina a mà. Dal 1978 al 1990 él tomè na mesana de 295 cm de nëi a sajun, dal 1990 al 2000 n’él tomè en media 226 cm, dal 2000 al 2010 na media de 248 cm al ann. Da setëmber 2010 a mà 2011 n’él tomè 226 cm.

L’ega tomada dal cil Ala fin na vidlada ales prezipitaziuns (ega), olache le maester Daverda à i dać dal 1971 incà. Inće chilò tolunse i pröms cater mëisc dl ann. Dal 1971 al 2010 él de jenà tomè na mesana de 39,9 mm d’ega (litri/m2), de jenà de chësc ann n’él tomè 11,8 mm (le 70,4% demanco). De forà di ultims 40 agn él tomè na mesana de 31,5 mm, chësc ann ma 10,5 (-66,7%). De merz él stè dal ‘71 al 2010 na mesana de 50,1 mm d’ega, chësc ann ma 24,3, tanco le 51,5% demanco. Aurì é pordërt dagnora n mëis plü mol: ti ultims 40 agn êl tomè en media 62,7 mm d’ega; chësc ann n’él indere ma tomè 15,4, tanco 75,4% demanco. Sce an tol i cater mëisc adöm, él tomè dal 1971 al 2010 en media 46 mm d’ega. Ti pröms cater mëisc de chësc ann ma na media de 15,5 mm, che corespogn a n 66,3% demanco. (pablo)


Val Badia

nr. 23 / 17 de jugn 2011

ILUMInaziuns a Aunejia Le titul dla “Biennale Arte 2011 Venezia” tol ite la parora “löm” y “naziuns”. Al é ći che la direturia de chësta ediziun, Bice Curiger, pënsa te chël che ara alda l’inom Aunejia. Tl padiliun talian, orü chësc ann por recordé i 150 agn dla Talia, él inće da odëi les trëi figöres “Ecce homo” de Lois Anvidalfarei fora, che chir massa gonot ma val’ de nü (ći che ne foss ćiamò mai gnü fat), n flash por le momënt y massa esposiziun y istalaziun provocativa. Por chësc ann olache almanco les istituziuns dla Talia recorda i 150 agn dla naziun taliana, po ester Tintoretto n punt comun desco capitul tla storia dl’ert dla penijola taliana, mo al é tambëgn inće n mit por esaltè le localism aunejian y venet.

Le “Padiglione Italia”

Le “liun d’or” dla Cité d’Aunejia i é jü en chësc ann al artist austriach Franz West. Nasciü dl 1947 a Vìena é West un di artisć contemporanns plü importanć dl’Austria. Sü laurs é da odëi te coleziuns conesciüdes sciöche le Museum of Modern Art de New York, le Tate Modern a London. (Foto: Markus Rössle)

Ert - Aunejia s’à indô trasformé te na galaria d’ert. Por le 54ejim iade vëgnel metü da jì la “esposiziun internazionala d’ert” conesciüda sciöche “Biennale”. Nia ma ti “Giardini” y tl cuartier “Arsenale” él mostres, indlunch olache an variëia pòn odëi azesc a mostres, le program ofizial dl percurs dla Biennale mët fora laurs de 82 artisć da döt le monn, 89 partezipaziuns nazionales y 37 evënć de liam. La Biennale n’é mai stada tan rica de naziuns che mët fora, por le pröm iade laprò é: Andora, l’Arabia Saudita, le Bangladesh, Haiti, d’atri paisc tol pert do na assënza lungia: l’India (1982), le Congo (1968), l’Irak (1990), le Zimbabwe (1990), l’Africa dl Süd (1995), Costa Rica (1993, spo cun l’IILA), Cuba (1995,

spo cun l’IILA). Da alzé fora inće la partezipaziun de jogn y dl’anima feminila: di 82 artisć é 32 nasciüs do le 1975 y 32 é les artistes. Bice Curiger da Turić/Zürich à ciafè ispiraziun por mëte adöm chësc mosaich de “iluminaziun” nia ma tla cité di canai soredlada y plëna de vita, mo inće tla storia dl’ert che toca la Talia chësc ann ćiamò deplü por le iubileum di 150 agn, porchël àra proponü da mëte fora tl padiliun zentral dla Biennale deplü chedri dl artist aunejian de prestisc “dla löm”, Tintoretto (nasciü a Aunejia dl 1518, mort a Aunejia dl 1594). Al sarà stè na dezijiun tuta fora de n sarënch por la maiù esposiziun d’ert contemporana, mo orüda por trà n liam bëgn sura l’ert d’al dedaincö

L’artist da Ćiaminades Lois Anvidalfarei dlungia so laur al Arsenale.

Al Arsenale él metü fora le padiliun dla Talia por le iubileum di 150 agn dla naziun taliana. Chësta mostra é gnüda organisada dal Ministêr por i Bëgns y les Ativitês Culturales cun le repart PaBAAC (direziun generala por la contrada, les beles erts, l’architetöra y l’ert contemporana) y vëgn menè dal critich d’ert y politich Vittorio Sgarbi. Sgarbi à orü mëte chësc mosaich de laurs de zirca 200 artisć da n pü’ düć i raiuns dla Talia sot al moto provocatif “L’arte non è cosa nostra”, daman danfora passa 100 inteletuai do propostes. Le scritur südtiroleje Joseph Zoderer é inće gnü invié, ël à fat la proposta de Lois Anvidalfarei, ći che i fej gran onù a döt Südtirol y ala jënt y cultura ladina. L’inom dl/a inteletual/a che à proponü l’artist/ ta por chësc proiet de Sgarbi é da ciafè söla placheta dan o sot le laur dl\a artist/a. Lois Anvidalfarei à orü ester ala pert de söa pröma “Biennale” cun le “tritich” de figöres dla grandëza umana sot le titul “Ecce homo”. Le vijitadù po n pü’ se sperde canche al ciapa ite tl padiliun de Sgarbi, deache al röia te na lerch tan toćia y plëna de laurs. Te na “Biennale” che à sura döta la cité na bela gran lerch y pò cun sü laurs trà le fle y ciafè n so milieu espositif, ston a n pü’ chësta mostra de 200 artisć/tes dla Talia.

Bice Curiger, la direturia dla 54ejima Esposiziun Internazionala d’Ert la Bienala de Aunejia. (Foto: Francesco Galli)

La Lisson Gallery é ala Biennale cun chësc laur interatif “track and field” (che sta por “atletica lesiera”). L’atlet söl panzer rosedé salta sön n tapet y mëna insciö les rodes dal ćiar de vera.

Ert y cultura é ambasciadus

Ala vernissaja dla Biennale le vëndres ai 3 de jügn: gran tam-tam por le curadù dl padiliun talian Vittorio Sgarbi.

L’ert, desche ara é da odëi a Aunejia, n’é por gran pert nia plü ma fin por se instëssa, ara ô se mostrè por cuntè val’, chirì liam y dialogh cun les porsones y i mesi de comunicaziun. Dlungia ala documentaziun storica, culturala y soziala, che comunichëia cun fotografies, manufać y videos, él inće istalaziuns che fej parüda y descëda interes, provocaziun y inće na interpretaziun soziologica y politica. L’impresciun de chësta Biennale romagn inće chëra che l’ert à te so contest de esposiziun de grup na gran funziun de confrunt y dialogh interpersonal y suralocal por n svilup global zivil plü sterch y plü iüst. Sce les religiuns y confesciuns se para bele da s’aziché deplü por n maiù dagnì intercultural y costrutif, spo devënta l’ert te söa esposiziun te ambiënć internazionai (p.ej. la Biennale) - a chi che miliuns de porsones da n pü’ döt le monn va - nia ma na speranza y ocajiun, mo dantadöt na “iluminaziun”. (ir)

L’istalaziun a tëmp cört tl material cëra dl artist svizer Urs Fischer. N om ti ćiara al gran comples dles “Sabines” (tl original n laur de Giambologna, bëgn 4,10 metri alt). Sides les “Sabines” co l’om che ti ćiara à n paì che delega jö la cëra plan plan. Por la fin dla Biennale, ai 27 de novëmber 2011, restaral ma plü dui cogoi de cëra ia por funz. www.lauscdiladins.com

21


Fascia

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

nr. 23 / 17 de jugn 2011

La conseguenzes de na net fenida coche no se volea L fech à brujà la strutura de rampinèda sportiva de Ischia. L Comun de Ciampedel e la sociazion Val de Fascia Climbing i é jà dò che i laora per no petèr demez na sajon entrìa de corsc e garejèdes

La strutura de rampinèda sportiva de Ischia a Ciampedel dant e dò l’azident.

Ciampedel - L’é ruà sui maores sfoes e sui notizières de noscia provinzia, l’azident che en domenia ai 12 de jugn entorn les 5 da doman l’à portà a la destruzion de la strutura de rampinèda sportiva de Ciampedel, roinan coscita la sajon de la sociazion sportiva Val de Fascia Climbing, gestora de la palestra de proprietà del Comun de Ciampedel.

Ai diesc bec dai 15 ai 18 egn da Fiem e da Fascia che se aea fermà aló soranet la situazion ge é jita fora de man, e chel che cognea esser n pìcol fech empeà per se sciudèr l’é doventà n gran fech che te n senteamen l’à ciapà ite duc i parei de la strutura de rampinèda. Segur chisc bec no à fat aposta, e guai se fossa stat coscita, ma segur chel che i à fat no l pel esser sconet e de la responsabilitèdes e di dans da paèr se cruziarà l giudize o chi de doer. Nos sion jic a domanèr colun che sarà ades l davegnir de la strutura del zenter de Ischia.

denunzia zevila, l soralech de l’arsegurazion e ence la desgorta di refudames spezièi, che comportarà segur temp e cosć. L’ombolt Valentini, dò aer vedù l gran despiajer ti visc di joegn de la sociazion Val de Fascia Climbing e de duc i pascioné de rampinèda, che en domenia i é resté zenza paroles tedant a la ossadures

L’ombolt Renzo Valentini: “la strutura cognarà vegnir petèda jù”

Renzo Valentini, ombolt de Ciampedel.

Aon rejonà con l’ombolt de Ciampedel Renzo Valentini che l ne à dit che l’é empossibol recuperèr la strutura e donca no resta auter che la petèr jù. Fèr chest no sarà ampò sorì, ajache ge volarà ge jir dò a l’iter burocratich con la

Mauro Dorigatti del Fascia Climbing, l lurèa te la strutura portan inant con etres amisc i corsc per i bec e segnan i percorsc de la garejèdes.

brujèdes de la palestra, l se disc enirà e despiajù per chesta “gran madalenza”, segn del dejèje di joegn. Ampò, l’à dit Valentini, no se cogn se lascèr petèr jù e l Comun con la sociazion Fascia Climbing l tacarà sobito a chierir i finanziamenc e se mever per fèr sù na strutura del dut neva e serèda, adatèda coscita ence per l’invern, descheche da egn domanèa ence la medema sociazion. “L’alpinism l’é n simbol per Ciampedel e se demò l’é meso, che no costa massa, se pel ence pissèr de tor a fit na strutura”.

Mauro Dorigatti palesa l gran despiajer del Val de Fascia Climbing Dal 1998, an de sia naa, la sociazion Val de Fascia Climbing, vidèda da Stefano Bonello la se cruzia de endrezèr corsc e garejèdes de rampinèda sportiva per jent dal post e ghesć via per l’istà. Chesta sociazion adertura l’é la soula de duta la Tèlia che, da canche l’à scomenzà, l’à semper endrezà ogne an n bon numer de garejèdes de nonzech. L program per chest an pervedea adertura 5 garejèdes. De chestes l campionat di menacrepes a la fin de chest meis de jugn, la 2^ proa assoluta de la Copa de la Tèlia, l Master de la Dolomites, e ence na garejèda per l’under 14. L gestor de la strutura de Ischia l’é Massimiliano Rossi, Mario Pronoth e Mauro Dorigatti per solit se cruzia de segnèr i percorsc e amò apede Mauro, con sie fra Andrea e Alessandro Cagnasso i endreza ence i corsc. Ge aon domanà a Mauro Dorigatti coche la sociazion se

peissa de fèr front a la sajon che é dò che taca. “La sociazion Fassa Climbing à fat la denunzia e ence gé e Max la faron percheche tedò chesta strutura aane n pìcol magasin olache tegnane ite ence noscia roba personèla. L’era jà doi setemènes che jie jù a segnèr e a meter a post percheche jebia (angern ndr) fossa tacà i corsc con la colonies e con i bec de la Scola da d’istà. Chisc corsc chiò ades i faron aló da la scola mesènes de Ciampedel e chest donca l se sèlva. Ence l cors col Val de Fascia Climbing, che se fèsc ensema a la guides, l vegnarà fat se l’é bel temp de fora su la crepa e se l’é burt te la strutures vin Gherdena. Enveze l setor del turism, che de solit fajea Max, e duta la garejèdes che aane endrezà, cheles les sauta”. Te duta Fascia de strutures l’era demò chela de Ciampedel, ajache chela de Poza la é veia e no i la doura più nesciugn e a Moena no la é adatèda. Tel Sudtirol l’é na strutura de rampinèda sportiva te ogne paìsc e n muie les é serèdes ite. Donca la sajon no la é segur tachèda ben, semper Mauro ne conta che “Max e gé aon perdù l lurier e speton che che disc l’avocat. No sé nience se gé e Max ciaparon zeche, percheche vadagnaane sui corsc che endrezaane, no siane dependenc.” La strutura de Ciampedel l’era na atrazion, n pont de referiment per la rampinèda no demò per Fascia ma a livel nazionèl e sion segures che sarà amò coscita. L Comun de Ciampedel l’à duta la intenzions per didèr la sociazion e l davegnir de chest sport tant aprijià. Valentina Redolfi

******* L cianton de l'Union******* L’empegn de l’Union per la Ciasa de la Moniarìa La sociazion di Ladins de Fascia à enjignà na proponeta per la restruturazion del frabicat storich a Sèn Jan Te chest ùltim temp i componenc del Consei de l’Union di Ladins de Fascia se à binà per portèr inant desvaliva idees e projec. Un di empegn maores che i se à metù dant revèrda l destin de la veia Ciasa de la Moniarìa, frabicat che ge é semper stat a cher a la sociazion, che à abù laìte sia senta per passa 10 egn. Tel chèder del projet de intervent global de razionalisazion e valorisazion de duta l’area de Sèn Jan, cher de la comunanza ladina de Fascia, l Consei de l’Union se à pissà de dèr n contribut concret acioche l storich frabicat de la Comunità de Fascia (anché del Comun General) logà apede a la calonia de Sèn Jan, che tel passà ge vegnìa conzedù en usufrut al monech per so servije, l posse vegnir metù a post e durà endò da nef per la comunanza. Per chest la sociazion ladina

22

www.lauscdiladins.com

de Fascia à lurà fora, de gra a la colaborazion di architec Ghetta e Tamion da Vich, n prum sboz de projet per la restruturazion e la destinazion de la Ciasa de la Moniarìa, che ge é stat manà proprio chisc dis al Comun General de Fascia. L’Union propon per chesta cèsa del 1600, che moscia amò su la facèda l veie forn del pan, ma che pian pian la va en roìna, n intervent rencurà e ascort che posse conservèr sia formes originèles e, zenza straoujer sia strutura, l permete de desfrutèr al miec la pèrts oramai crodèdes desche l tobià vindedò e duc trei i livìe del frabicat. Laìte podessa vegnir logà endodanef la senta de l’Union di Ladins de Fascia con la redazion de La Usc, che era jà aló ti veies tempes e che ades é te locai touc a fit da privac (e l cost peisa sul bilanz per la promozion de la mendranza ladina), ma podessa troèr lèrga - te na colaborazion e

sinergìa costrutiva con l’autra istituzions che se dèsc jù per la promozion de nosc lengaz e cultura – ence ofizies, studies, laboratories e servijes linguistics destiné al svilup del lengaz e di mass media ladins, setores strategics per na politica linguistica percacenta. Chesta proponeta se met ite te l’idea de “dessegnèr da nef” l’area de Sèn Jan te na vijion globala, per fèr de la Moniarìa na “Cèsa Ladina” viva, che ge lasce lèrga a la testimonianzes e a la documentazion del passà, ma tel medemo temp la ge aure i ujes a duta la comunanza per slarièr fora la doura del lengaz ladin te la comunicazion moderna e te la neva tecnologìes. Apede a chest obietif, l’Union di Ladins de Fascia à tout su ence l’envit sport dai organisadores de la festes “Te anter i tobié” de Cianacei e “Festa ta mont” a Poza”, e chest istà i volontadives sarà aló a chierir de portèr na cercia de noscia cultura e tradizion ladina a

na vida lijiera e gustegola. Endèna l’Union di Ladins de Fascia vèrda ence sorafora i jouves, e dò aer tout pèrt al convegn endrezà a Selva da l’Union Generela e da l’Union de Gherdena, i conseieres

La Ciasa de la Moniarìa a Sèn Jan.

fascegn à proponet na scontrèda coi comembres de l’autra Unions de valèda ai 14 de messèl, dì de l’Unità Ladina en recordanza de la storica binèda di ladins sul Sela del 1946.


Fascia

nr. 23 / 17 de jugn 2011

Ence a Paris l’é “Ciasa Mia” Tel cher de la capitala europeèna l’é n restorant gestì da doi joegn che à volù palesèr sie leam con Fascia, a tachèr via da l’inom la cognosciuda cojina franzousa, coscì sion ponté demez, zenza saer che Paris la ne aessa robà l cher.... Co éla che aede dezidù de ve fermèr? Te chela zità se aon troà proprio ben, coscì aon sperlongià la sojornanza e a la fin aon dezidù de se fermèr e proèr a averjer zeche de nosc. L setor de la restorazion ne saea bel a duc doi, per chel che revèrda Samuel se trata dassen de na vocazion, te mie cajo l’é stat l destin che ne à fat scontrèr e l me à fat arvejinèr a la cèses da fech, n lurier che anchecondì no mudasse mai, vedù la gran sodesfazions che l dèsc! Colunes él stat pa la conscidrazions che aede fat per dezider de restèr aló a viver? Paris l’é na zità rica de storia ma dinamica, l’economìa la va amò ben e, ence se la é ciaredousa, duc à l met de viver ben. Ampò, a pèrt dut chest, a la dir duta nos no aon fat nia auter che ge jir dò a chel che ne dijea l cher, che l ne spenjea a se sproèr...

Samuel e Francesca dedant l restorant “Ciasa Mia”.

Francesca Bortolotti e Samuel Mocci, doi joegn con reijes fascènes, à avert n restorant a Paris, te un di più veies e bie ciantons de Paris, apede l Pantheon, a chel che i à volù ge dèr n inom per ladin. Ge aon domanà a Francesca de ne contèr coche i à arjont chest resultat. Francesca, co aste cognosciù Samuel? Samuel e gé se aon cognosciù te Fascia endèna l’istà del 2003, enceben che te chel moment l lurèa a Roma, travers amisc en comun e se aon piajù sobito, anter de nos l’é stat proprio n “coup de foudre”.

Dut, douc e salà, vegn fat te cèsa.

Duc doi aede leames con Fascia. Ne diste te che maniera? Ei, gé son nasciuda a Moena e cresciuda anter Moena e Vich, enceben che da genitores no fascegn e Samuel l’é fascian da man de mère, sie père defat à maridà una de la fies de la familia di Pives da Dèlba, dapodò per lurier l’à cognù se n jir dal Trentin e ades i vif a Latina tel Lazio. Co siede rué te la Franzia? Sion rué te la Franzia del 2006 per fèr na esperienza, desche tenc joegn. A mi me à semper sapù bel i lengac, e l franzous a na vida particolèra, enveze Samuel, che l’é chech, l’aea na gran voa de emparèr

Co aede fat a troèr l post giust per vosc restorant? Te nosc cef aane ben chièr coche l’aessa cognù esser nosc restorant, n ambient scempie ma bel rencurà, calorous, con n pìcol ciamin empeà da d’invern e con n bon odor de supa te l’aria, bona magnadiva e bon vin. Ampò jir a veder i prumes locai ne à fat ruèr de colp coi piesc jabas: defat i era duc piutost pac, con pecia lum e ence belebon cères. Ma na dì per biot cajo, no sé co, ne é ruà na mail da man de na agenzìa imobilièra che venea locai per l comerz. Se sà ben, chesta informazion l’à tirà noscia atenzion e enceben che piens de dubies aon tout apuntament con i titolères. Embendapò, te chela dì l’é mudà duta noscia vita! L restorant no l’era segur descheche l’é ades ma l’aea dut chel che volaane, enscinamai l pìcol ciamin! Fossa stat assà l neteèr mìngol e l fèr più piajégol, amò apede l’era te zenter. Co éla che aede cernù n inom ladin per vosc restorant? Vedù coche la era jita l’inom no l’aessa podù esser che Casa Mia, ma dapò se aon rejonà e se aon dit che de taliegn stroz per l mond n’é

Sul menù desche logo l’é stat cernù la tieja de Rinaldo Cigolla sot l Sela.

teis e de n muie i doura n inom coscita per si local, ma nos sion ladins e donca l’inom l’é doventà “Ciasa Mia”. Desche logo del biliet da vìjita e del menù l’é stat cernù la tieja de Rinaldo Cigolla (l père de legn de la sor de Francesca, n.d.r.) sot l Sela.

piac no pel mencèr n bon bicer de vin selezionà da nos, se trata soraldut de vins del Nord de la Tèlia, dal Piemont al Friul, se sà ben aon ence nesc vins del Trentin Sudtirol, anter chisc na bona cernuda de vins biologics e biodinamics.

Él stat zachei che ve à domanà spiegazions en cont de chest inom? Duc i dis i ne domana che che vel dir e gé con gran piajer mete al luster che che l’é l ladin, olache l vegn rejonà, la particolaritèdes de nosc raion, l’é dassen na gran sodesfazion poder n rejonèr! I clienc é n muie enteressé e ge sà n muie bel scutèr de nosc teritorie.

Dò n an de atività colun bilanz podede fèr? L’é dassen empegnatif gestir n restorant, ma duc i sforc che fajon segur i ne vegn paé fora! Aon jà ciapà desvalives recognoscimenc publics: entorn a la metà de setember l critich gastronomich Francois Simon à scrit de nos su “Le Figaro”, te n fascìcol dedicà a la restorazion. Dò l’é stat manà fora n video tel program “Le dessous des tables”, che l’é amò da poder veder su youtube. Sul sfoi Télérama, n muie cognosciù a Paris, l’é vegnù fora n auter fascìcol che rejonèa de nos; sion prejenc sun desvaliva guides con de bona stimes: Fooding, Gault Millau e La Fourchette, amò apede Samuel l’é stat contatà dal “Cucchiaio d’argento” per fèr pèrt de la edizion che vegn desche chech che l’é dò a se fèr n inom. Sion dassen stolc de chisc resultac e volon seghitèr con determinazion e gaissa dò chesta strèda!

Che sort de speisa sporjede? La cojina de Samuel é belebon desferenta da la cojina talièna classica che se pel troèr stroz per Paris: a el ge sà bel enrescir rezetes da portèr dant en chief moderna e con vèlch inovazion. Dut vegn fat te cèsa, a scomenzèr dal pan per ruèr ai douces e ai giacins che li compagna. Se sà ben, ence duta la proponeta salèda é de la cèsa. Endèna l’invern meton a la leta ence piac regionèi trentins, che chiò no i é nia cognosciui, ma semper luré fora da nef a noscia maniera e vedon che i é belebon aprijié. Per chejer cèrn e pesc a na vida originèla duron fegn da mont e zirm, con chela de portèr tel piat del ghest la natura di paesajes te chi che sion cresciui. Apede chisc

Embendapò ge fajon dassen de bie augures a chisc doi joegn, che i posse regoer amò n grum de suzesc! Intervista de Cristina Marchetti

Te sala l pìcol ciamin fèsc l’ambient ciaut e acolient. www.lauscdiladins.com

23


Fascia

nr. 23 / 17 de jugn 2011

Na gran festa per recordèr 70 egn de scola, de èrt, de vita e joentù N muion de veies studenc, ensegnanc e amisc se à binà tel veie fabricat che dal 1941 en cà l’à vedù crescer e madurèr “te boteiga” joegn da Fascia e da fora de cà. N patrimonie de valores, èrt e cultura

N muie de veies studenc é rué a Poza per l’ocajion; anter chisc ence l’artist Egidio Petri.

L fabricat senta storica de l’Istitut d’Èrt a Poza.

Scola - En sabeda ai 11 de jugn, l’é stat l’ùltim dì de scola e l’ùltim dì de lezion a la Scola d’èrt. Na lezion segur desferenta che più de dut l’é stat na bela e emportanta lezion de vita. Per dir amò n’outa che chel che conta l’é i raporc anter la persones e demò chisc i fèsc grana la robes, descheche l’é sozedù a la scola d’èrt. Per n dì la scola d’èrt l’à avert i ujes de duta la aules del fabricat storich e l’à metù fora na rica selezion de la operes lascèdes dai studenc dal 1941 enscin al 2011. No più dintornvìa n desch, ma stroz per i portesc e fora per la classes e i laboratories, professores e studenc i se à troà amò n’outa duc ensema, per se ciacolèr da amisc desche se no fossa passà che pech, pech temp. Dant te scola e dò te tendon l’é stat desche veder na gran cena de clas de duta la scola d’èrt, con jent de ogne età che à passà i più bie egn de sia vita te anter l’èrt e che

se à vedù danef tedant a chel medemo depent a fresch che i aea vedù fèr su o che i à semper troà tedant a usc. Te la Pieif a Sèn Jan l’é stat dit messa e dò duc ensema se é jic te tendon a Poza, olache la festa é stata averta coi descorsc ofiziai, prejenté con gaissa da professores e studenc ensema. Paroles de salut é states portèdes da l’assessora a la cultura del Comun de Poza Renata Mattevi, dò l’é stat l’intervent de la Sorastanta Mirella Florian e ence la Procuradora Donei sun paladina à volù saludèr e rengrazièr. L responsabol de la Scola d’Èrt, Claus Sorapera ge à dapò consegnà la cartolina de prejentazion de l’atività de chisc setant’egn de scola d’èrt ai ombolc de Fascia e al veie preside de l’ISA Felice Totti, ruà su da Roma aposta per chesta festa. A recort del fondador de l’Istitut d’èrt Giuseppe Soraperra, la medema cartolina ge é stata consegnèda

ence a sia fies Licia e Paola e a sie nez che à inom ence el Giuseppe Soraperra. L’é stat sport na bona cena per duc i “studenc” che se à prejentà e dapò per duc mùsega e devertiment à dat lèrga a la premiazion del concors de fin de an sul “mattone”, a la defilèda e l’encant de la tasces fates dai studenc per l concors de la revista interladina “Gana” e amò al dessegn ledech. La Sorastanta à volù recordèr duc chi che fin dal prum dì se à dat jù per la scola, chi che no i é più e chi che enveze ogne dì amò laora con empegn e gaissa: “Son stolza de ve raprejentèr, siede na squadra meraveousa”. Nos no podon che se leèr a la paroles de la Sorastanta e esser stolc nos medemi de aer te noscia pìcola val n patrimonie de èrt, educazion e formazion tant emportant e che, enceben che te n’autra strutura, se auguron l vae inant per semper. (vr)

Te portech giusta ite da usc de la Scola d’Èrt a duc i veies studenc ge vegnìa dat n sciatul de legn e n adesif con l logo di 70 egn.

Renato Soraruf sentà jù su n banch da n’outa tedant a sia veia pagela. L medemo Renato l’é ence sul retrat en bianch e neigher tacà su tedò da el.

Fora da la scola l’é stat metù n gran retrat del ’63 con i ensegnanc de enlouta: Genio Ghetta, Tony Gross, Giuseppe Soraperra, Lino Pederiva e Gino Lorenz.

24

www.lauscdiladins.com

Veies studenc i à abù l met de se veder dò che i se aea lascià l’ùltim dì de scola te la medema aules de n’outa.


Fascia

nr. 23 / 17 de jugn 2011

Per l’ocajion te n’aula i studenc à podù scriver ogne sie pensier…

Fora da usc vèlch bez à podù desmostrèr la tecniches emparèdes via per l’an.

La Sorastanta Mirella Florian endèna l descors ofizial. Apede Claus Soraperra e i doi prejentadores.

La Procuradora de Fascia Cristina Donei.

Ence l nez omonim de Giuseppe Soraperra à ciapà la cartolina de prejentazion de la Scola d’Èrt.

IsA for Ecuador La festa te tendon l’é stat ence la ocajion per portèr inant l projet “Da la Dolomites a le Ande”

N’outa l’era “USA for Africa”, ades l’é “IsA for Ecuador”. Doi tabelons fajea bela parbuda daìte dal tendon per ge recordèr a duc, te chela che i ruèa ite, che anter la desvaliva scomenzadives che la Scola d’èrt

de Fascia à envià via per se orir al mond l’é ence chela de solidarietà con le Ande, e più avisa con l’Ecuador, olache l grop de studenc e ensegnanc é jà stac del 2009 per portèr competenzes artistiches ai bec ti “taller” de l’Operazione

Mato Grosso, e n auter grop à en program de jir via chest uton che vegn. Per didèr a finanzièr chest projet la festa de la Scola d’èrt l’é stat l’ocajion per meter fora e vener la tasces che i studenc aea realisà per

l concors de noscia revista “Gana”. Per fèr dut amò più bel e gustégol l’é stat endrezà na bela defilèda olache, con la prejentazion ironica de Carla Vargiu, studentes, studenc, ex studenc e ensegnanc (anterite se à “infiltrà” adertura

ence doi frati) é jic su la passadoa con viadech spedient a moscèr la tasces, che dapò é states metudes a l’encant publich e dates a chi che paèa l priesc più aut, destinà se sà ben ai bec de l’Ecuador.

Te tendon l’é stat metù fora la tasces del concors de Gana, che dò na gustégola defilèda les é states venudes a l’encant per finanzièr l projet te l’Ecuador.

www.lauscdiladins.com

25


Fascia

nr. 23 / 17 de jugn 2011

Emparèr la solidarietà a scola Fin de an de festa per la mesènes de Moena che con l’ocajion à festejà ence la seconda classes venjidores del concors “Descorir la cooperazion”

I scolees de la classes 2A e 2B de Moena che à vent l pest per la Cooperazion, con i ensegnanc, la Sorastanta Florian, don Elio Sommavilla e l’ombolt Franceschetti.

Scola - La mesènes de Moena à festejà enstadì la fin de l’an de scola con n moment de legreza e condivijion te sala grana de la scoles. L’é stat portà dant na “fotostory” con i momenc più bie e de segnificat vivui dai scolees via per l’an, raides, traverc arjonc, pesć venc, momenc che à da esser stac de segur n muie aprijié a giudichèr da la gaissa e la legreza palesèdes dai bec, che se à fat sentir con batimans e cighes. La Sorastanta Mirella Florian à aprijià l’idea de la fotostory: “No semper se é bogn de documentèr

dut chel che vegn fat a scola, ma fossa dassen bel e ùtol poder l fèr.” Dò la fotografìes l’é stat fat scutèr n tòch de musega che à scrit n scolé de la pruma B, Kostantin Weber, dal tìtol “L’amicizia dura a lungo”, con l’arangiament del professor Massimiliano Monaco, che à sotrissà che Kostantin à dassen fat dut da soul. La festa l’é ence stat l’ocajion de uzèr fora l pest vent da la classes 2^ A e 2^ B, didé da la professores Adriana Belloni (semper a la leta enceben che oramai en penscion),

Giovanni Casadoro, Antonietta Soccio, Silvia Vinante, Francesca Zulian e amò de etres, tel chèder del projet “Descorir la cooperazion” metù a jir da la Federazion Trentina de la Cooperazion su encèria de la Provinzia autonoma de Trent e ruà a la XVI edizion. Chest concors à vedù tor pèrt 97 classes anter scola populèra e mesèna e passa n centené de ensegnanc. Per poder aer azess al concors l’era debesegn de se empegnèr te la costituzion de na sociazion coprativa scolastica: per Moena l’é stat la sociazion

“Cooperative Unite”, metuda sù jà l’an passà, a se vadagnèr l prum pest te la sezion spezièla sui valores copratives per aer endrezà pìcoi marcé e la véndita de merendines endèna la ricreazion con chela de regoer fondi per didèr l’atività te la Somalia de don Elio Sommavilla, che l’à dassen aprijià la scomenzadiva e i valores uzé fora: “Proe n sentiment de comozion e recognoscenza e ge die n gran diovelpaie a chisc tosac da part di tosac somali e fae ence n pìcol pecià proan n sentiment de orgolie per esser nasciù chigiò.” “L’é n muie senester educhèr anché – l’à dit amò la Sorastanta

– te chest temp vegn portà dant modìe falé che fèsc creer che i scioldi sie l ben più prezious e fondamentèl al post de la solidarietà e de l’altruism.” Per chest i valores copratives entenui desche strumenc de educazion per i sentadins é de gran valuta, n conzet sotrissà ence da l’ombolt de Moena Riccardo Franceschetti: “Aede tante calità e energìe da dorar te la direzion giusta e noscia sozietà la n’à proprio besogn.” Dò i descorsc ofiziai l’é stat enjignà n bon marendel a chel che duc, pìcoi e gregn, ge à fat dassen onor, seran sù coscì en legreza n auter an de scola. (cri.m)

Don Elio Sommavilla à tout pèrt ensema con n muie de jent a la festa de premiazion te sala grana de la scola de Moena.

Duc ensema al mèr N bel grop de jent de età é stac a Milano Marittima Sozièl - Che bel al mèr! Ence chest an, de gra ai Servijes sozioassistenzièi del Comun general de Fascia, n bel grop de persones da duta la val, da Moena fin a Cianacei, jent de età o che à besegn de assistenza, à abù l met de se passèr vèlch dì de ciaut e bon stèr te l’aria rica de iodio a Milano Marittima. Dai 27 de mé ai 10 de jugn 31 persones, compagnèdes da 3 assistentes dassen n muie valentes, descheche à dit i partezipanc, se à

svampolà, sciudà ite la losures, pussà, godù e les se à fat gran compagnìa. Na vacanza che l Servije sozio-assistenzièl del Comun general de Fascia sporc da passa 10 egn a chela persones che no à l met de jir per sie cont e che dachelanvìa les pel se n emprevaler zenza gregn cosć. Per chest i partezipanc vel ge sporjer n fort develpai a chi che à endrezà e a chi che li à compagné, co la speranza de poder se troèr duc ensema ence n auter an.

L grop de jent de età a Milano Marittima.

Chi él pa? Soluzion del retrat su La Usc nr 22 L bel retrat che aon publicà la setemèna passèda l’é stat fat sun Fedaa vejin al “Rifugio Fedaia”, olache dapò l’é stat fat sù la diga e l’èga à corì dut. Sul retrat, fat del 1937, l’é sù la familia de

1

Lodovico Dantone Brach, che aea chest refuge sun Fedaa, e l ne era stat portà da la fia de Lodovico, Frida. A ne dèr la soluzion l’é stat la medema Frida, e dapò à telefonà ence nosc fideil Lino Medico.

2

4 3

5

6

26

www.lauscdiladins.com

7

8

Sul retrat l’é: 1. Roberto Dantone, om de Bepina del Farinol; 2. Lodovico Dantone; 3. Diomira, “Mira” Dantone; 4. Rosina Dantone; 5. Giulia Dantone maridèda Vaia; 6. Frida Dantone; 7. Lino Dantone; 8. Renzo Dantone. Ge sporjon n bel develpai a duc chi che tol pèrt ogne setemèna a noscia rubrica. Chest meis l’é temp de festes religiouses e sègres, soraldut a Vich, olache ai 15 de jugn l’é stat festejà Sèn Vit, ai 19, festa de la SS. Trinità, l’é sègra sun Tamion e dapò ai 24 sarà Sèn Jan e ai 26 Corp de Crist. Ve meton dant donca n retrat de touses da Vich col guant en ocajion de na festa religiousa che ne é stat portà da Mariella Lorenz e ve envion duc a ne dèr sia resposta per telefon o fax al 0462.764545, o per mail a la direzion lausc@ladinsdefascia.

it. Ve envion ence desche semper a ne portèr te redazion i retrac veies che aede te vèlch crigna: i retrac vegn touc sù col scanner diretamenter te redazion e podede

i ciapèr de retorn sobito. A chesta vida ne didède a viventèr chesta rubrica e a meter ensema vèlch mizacola de storia de noscia jent e podede ence ciapèr en don na publicazion de l’Union di Ladins.

1 2

3

4

5

6


nr. 23 / 17 de jugn 2011

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Na colaborazion de gran valuta Le doi struture ladine “Vila S.Ijep” e “La Spona”, da Fodom e Val Badia, per vegli de temp i à nvié via da temp deplù ocajion de integrazion e socializazion passé ndavò la bela esperienza fata n l ann passé. Chësta scomenciadiva l’à vedù la partecipazion ence de doi tirocinánc O.s.s.( operadous sozio sanitari ) e se auuron che chësta esperienza siebe stada per lori n tejoro prezious da tignì su ntei agn, come ejemple de assistenza a la persona de temp, atenta e mirada al miliorament de la cualité de la vita e no demè a la sodisfazion de debujens primari. Chëst per duc nos operadous de Vila S.Ijep l é de segur motivazion de orgolio e gran sodisfazion.

Rua l Coro Fodom Duc auna defòra da “La Spona”.

Vila S.Ijep - L’é ruada l’aisciuda co l sorogle bon ciaut, dërt per mpermëte a nuosc vegli de Vila

S.Ijep de ji defòra e che mèrtesc ai 31 de mèi, i à passé sua pruma giornada “fòra de cèsa” a Pederoa,

Se bala…

ntel laborator “La Spona” che fèsc pèrt de la Comunité Comprensorial de Puster. L’acolienza de dut l personal de la strutura, sot la direzion de Konrad Comploj, l’é stada dassën bona, jentila e de gran profesconalité. Ilò i nuosc vegli, auna ai tosac del “Centro Diurno” i à animé na grigliada alalèrgia, con ciántie, bai e na bona marëna con speisa che nos cugniscion polito: polenta e pastin. Sto njemelinament ntra la nòsta strutura e “La Spona” l é per duc ocajion de integrazion e socializazion e l é deventé n apuntament trop speté. Per chëst fin da ades renovon a lori l invit per n auter ann nta la Malga da Chièrz, ulàche speron de podei

A ralegré l’aisciuda l é rué ence l Coro Fodom, nsigné via da Lorenzo Vallazza che elegánt, cortejëol e superlatif nte sua ejibizion, auna a nen moment plajëol e de cultura, l n’à scinché

n moment de gran riflescion su argomenc de atualitè e de nteresc general. Grazie Lorenzo Soratroi per tue parole puntuai e rizercade e a duc i corisć.

Apuntamenc per l’isté Via per l’isté no mánciarà gnánca st’ann le gite deventade oramèi n apuntament fiśo per Vila S.Ijep; , l conzèrt de òrghen nt’Andrac de lugio, la giornada nta la Malga da Chièrz de agost via e le vijité davòmesdì via fòra per le frazion da Fodom. Come très tolon l’ocajion de ringrazié duc chi che, a na moda o l’autra, i colaboreia col volontariat per la nòsta strutura. A la diretrize Mara Case, che con gran competenza e perofescionalité l’à porté Vila S.Ijep a liviei auc de competitivité. (Gloria Micheluzzi)

…e se sona.

Placac per fodom: “I agordins i no i capisc” Polemica, òrba e da nia, sul Gazetin, del giornalist e ousc de Radio Più Mirco Mezzacasa, sul placat de la giornada ecologica “Remonon su nuosc luosc”. Ntánt l Gazetin l taia la respòsta del referent per la cultura de l’aministrazion de comun Daniela Templari che l ava dit:”Chëst desmostra che no descoron l medemo lengaz.” N’autra conferma de coche son tratèi da na pèrt de l’informazion del Agordin e de la Provinzia de Belum Ladinité - “I Agordins i no capisc i placac scric per Fodom.” Chëst l rampin ulàche s’à taché l giornalist del Gazetin de Belum e ousc de Radio Più Mirco Mezzacasa per mpié na polemica òrba e da nia contra l’aministrazion del comun da Fodom e spò contra la cultura e la dignité de duta la popolazion fodoma. L Comun, coche ven fat oramèi da agn e agn ( Mezzacasa se n’alo ndentenù demè ades ? ), l à publiché sun suo scito l placat de la giornada ecologica “Remonon su nuosc luosc”, metuda a jì auna ai comuns de le val ladine del Sela. N placat blot per fodom, coche i autri fèsc per badiot, fascián e gherdenèr. Forsci davánt a na pagina de giornal da mossei mplenì, nte la disperazion de ciapé vèlch da scrive su per Fodom, l giornalist l à vedù l scito e, ciapé da chèlche convulsion anti - ladina, l à pensé ben de scrive l articol che publicon, n original, chilò de sceguito: “In molti nell’Agordino, non solo nel resto del Paese, si stanno chiedendo che cosa voglia dire. Non tutti, infatti, nel corso dei propri anni di studio, hanno potuto imparare il ladino, visto che di lingua ladina si tratta. Sarebbe opportuno, nelle prossime occasioni, che anche il Comune di Livinallongo, oltre

all’amata lingua ladina, si degni di scrivere anche la traduzione in italiano se non altro per rispetto di un sito internet molto visitato e non solo dalla popolazione ladina. Oppure, in caso contrario, che l’annuncio di alcune manifestazioni prettamente locali trovi collocazione su siti ladini e quindi per esperti.” N articol dai toni che se comenteia da soi e che sona come n’ofenduda bela e grana per la cultura, la storia, la dignité e le tradizion dei fodomi. D’autra pèrt l giornalist de Radio Più no l é nuof a “exploit” de tèl sòrt e ategiamenc contra nosta cultura e descore fodom. N ocajion de la sentada del consei de comun che ava da nvié via l referendum, l eva sauté su al nlouta assessor Teresa Pezzei che l ava fat suo ntervent per fodom. L’esagitazion de Mezzacasa l eva stada chietada ju dal Capocomun Gianni Pezzei, che l i ava recordé che la lege su le mendránze la ne mpermët de descore per fodom nte consei de comun e che se l no capiva, no l ava da fè auter che damané la traduzion. Forsci l giornalist l no sa ncora, davò plu de diesc agn da sua aprovazion, che ejiste na lege n Italia, la 482/99, che mpermët ai enc locai, de douré l lengaz de mendránza ntei

documenc ufiziai de l’aministrazion. N’oportunité che cafòra, n Provinzia de Bolsán, la ciapa aplicazion concreta nte dut chël che ven fòra da le aministrazion. E chilò toma dute le consciderazion scrite ntel articol. L ladin, nte sto cajo l fodom, l à dut l dërt, per lege, de ester douré con medema dignité del talián, senza l emarginé nte “siti ladini per esperti”. No salo l giornalist che co la medema lege, la Provinzia de Belum l’à declaré ence l suo comun, chël de Taibon, come ladin ? E spò dël nstëss, ence se o l no vòl o l no se sent, ladin? S’alo mèi damané l giornalist ( chëst l assa da scrive, senza jì a critiché chël che fèsc i autri ) ci che fèsc suo comun per auzé fòra chësta particolarité ? La resposta l’é saurida. I neo ladins i se disc ladins demè cánche l é dintourn l tof de mpuò de sciòldi. Sedenò chësta identité i la scon ben polito drio chëla taliana per no se compromëte massa. Mezzacasa l descor de “amata” lingua ladina ? Zerto. E nos no n podon zerto nia se lori, chilò ju, i no i é vòl autertánt ben a suo descore da no i é de la dignité che se damana l status de mendránza. Chi elo chëst giornalist, per se mpermëte de scrive de tèl consciderazion su ci che fèsc n

Comun, che no n é gnánca l suo, n cont de sua cultura ? Con ci autorité scrivelo a inom de la jent del Agordin, ulàche n’é tropa, l é dërt l di, che capisc polito l fodom e vòl ben a Fodom e i fodomi?

La resposta, zensurada, de l’aministrazion

a duc.” Fin chilò chël che à publiché l Gazetin. Ma le consciderazion de la Daniela le jiva ben aldelà. “Per nos mané fòra aviji per ladin l é deldut normal, dato che son de mère lenga ladina e ne pèr polito cialé de sfruté dute le ocajion che ne mpermëte la lege 482/99. I placac i é ruèi nte duc i comuns de le val ladine del Sela che metëva a ji auna a chël da Fodom, la scomenciadiva. Daperdut i à capì ci che l eva scrit. Chëst fèsc ntëne che descoron l medemo lengaz. Ence chi che no capisc ladin i podëva ntëne che se trata de na giornada ecologica, e no den event cultural, e son stolc che percuré su nòste teritòrio fèje pèrt de la nosta cultura e peculiarité che duc ne recugnësc”. (ls)

L’aministrazion, contatada dal giornal, l’à sesaben responù per bocia del referent per la cultura Daniela Templari. Ma la resposta l’é stada zensurada dal Gazetin e l é ste publiché demé chëla pèrt ritignuda “political correctly”. “L placat” à dit la Templari, “ no l é ste metù ntel scito de la Comunité Montana ma nte chël del Comun (pruma gafa del giornalist n.d.r.). “Spo per podei l lieje se mossa cliché sul link del Comun da Fodom. L placat, conscideré che l eva na comunicaziion de nteresc local, l eva per n’utenza del luoch, de Fodom, che la capisc polito l fodom. E per chi che vòl mparé l fodom L placat per fodom che i agordins ( neo – ladins ), fajon dei corsi dalvièrc per l Gazetin, i no capisc. www.lauscdiladins.com

27


Fodom

nr. 23 / 17 de jugn 2011

Comun: n pico capital de 89 mile euro da podei nvestì L é chël che resta dal avánz de aministrazion. Mánco contribuc de chi pervedus da la Region Comun - L é de cuaji 154 mile euro l avánz de aministrazion del 2010 che l é ste metù ntel bilánz de previjion per sto ann. Chëst l dato plu significatif del rendicont de la gestion 2010, che l é ste aprovè nchëstadì ( astignuda l’opojizion ) dal consei comunal. De chisc zirca 67 mile i é vincolèi: 20 mile come acont de fòra da la Provinzia per dagn da l’aluvion del auton passé su la strada Chièrz – Malga da Chièrz, 32 mile per fondo de amortament per Vila S.Ijep e 14 mile da tarens venus. Na pèrt, zirca 29 mile euro, i é bele

stèi aplichèi al bilánz de previjion 2011: 20 mile per ntervenc su la strada Chièra – Malga da Chièrz e 9 mile per l proget de sistemazion idraulico – forestal “Busc del Bruo”. A disposizion de l’aministrazion resta spò zirca 87 mile euro da dezide ulà e come mpegné. “No n on ncora dezedù come i douré” disc l assessor al bilánz Claudio Sorarui, ma se binaron i dis che ven per mëte sun taula le proposte.” Le speise de investiment i é stade metude per: Zenter Servisc Vila S. Ijep 2 milioni 225 mile euro, nuof tët de le scòle elementari da

La Plié 233 mile euro, strada silvo – pastoral Aghé – Fráncia – Cernadou240 mile euro e Andrac -Larcionei 20 mile euro, comedure de mur su la strada La Court – Federa 99 mile euro, manutenzion scarpade strada Chièrz _ Malga da Chièrz 4 mile euro, manutenzion strada “Fondovalle” 4 mile euro, manutenzion de deplù tòc de strade comunai 64 mile euro. I prinzipai servisc a paiament i à bu chësta andament de bilánz: gestion Vila S. Ijep, cost 1 milion 264 mile euro, entrade 1 milion 264 mile euro, mense de le scòle, cost 36

mile 728 euro, entrade 24 mile 210 euro, servisc del refudam, cost 331 mile euro, entrade 297 mile euro. Via per l ann l Comun l é rué a nen acordo che una de le cater sozieté dei lifc, la Sofma, per la concescion dei terens comunai a scomencé dal 2010. L’aministrazion l’é ntenzionada a recuperé ence i sciòldi dei agn passèi. Resta da sarè via l acordo per le concescion co le autre sozieté. I 131 mile euro ncassèi i é stei coscita mpieghèi via: ntervenc ntel Zenter Servisc de Rèba 14 mile euro, ntervenc a le scòle elementari da La Plié 42

mile euro, ntervenc a la scòla mesana de Brenta 7 mile euro, sistemazion de strade comunai 24 mile euro, nuova fresa da nei 16 mile euro, sistemazion strada – silvo pastoral Andrac – Larcionei 20 mile euro, manutezion fabricac comunai 5 mile euro, per laour de ristruturazion de la Cèsa de Comun mile 400 euro. Resta na “nota dolens” sui contribuc regionai. “No l é rué dut chël che onve damané, spo sto ann avaron chèlche dificolté mplù a finanzié i progec. Ma chëst suzede ncin nte duc i comuns”. (ls)

Duc i socrëc de crafons, tircle, foie e canifli Gran suzess per l cors de speisa da zacan, nvié via da l’Union dei Ladins da Fodom l’eva la speisa da vignidì e che ades l é resté demè l savei de puoc, ma che toca de segur trè ndavò ca e porté nnavánt coi jovegn se se vòl che chi che ven davò i no pièrde dut. Per cuestion de lèrch l’iscrizion l’eva stada limitada a

Se fèsc fòra i canifli.

Tradizions - Nvié via da l’Union dei Ladins da Fodom. l cors de cujiné su speisa da zacan l é ju proprio polito. Per doi mèrtesc e doi juobe na bela clapada de jovene e mánco jovene le s’à metù ntourn a nen asc da la pasta nte cèsadafuoch del Ristoro Lezuo sa la Pala per emparé o ence demè a ripasé coche se fèsc a fè da rostì. Sot a la direzion de la Bruna “Ioscia” che l à daidè fora dute cater le oute e che souradut l’à dileté duc con chèlche “chicca “ o anedoti su storie o dic da zacan, l prum dì l é ste scomencé con foie da levé e fortaie. La Milia da Retic

10 partezipánc, ma chi che s’à anunzié i é stèi ben troc deplù. Per chëst l’Union dei Ladins la s’à metù davánt de l fè ndavò via per l auton per mpermëte de tò pèrt ence a chi che è restèi fòra. (Davide T.)

La Milia da Retic la njegna la pasta per le fortaie.

con gran braura, l à sapù fè vedei coche se le fèsc fòra, l dut sot l “ogle” de la telecamera del Celestino “Jepol” che l tolëva jù per Telebelluno. I protagonisć de la seconda lezion i é stei i crafons e i canifli. Chisc ultimi, bagnei ju con de bon brulé, i à fat gran onour a la Ana “Ioscia” che l à fat da maestra. Bel a vedei coche dute ste “scolare” le s’a prové de fè fòra i crafons con chëla picola mëscola che per l’ocajion l’é ste fat fè e che vigniuna s’a porté a cèsa . L terzo dì la Teresa “Biertola”, con de bon spinat e craut de cèsa, l’a fat vedei coche se fèsc de bone tircle. L é

da di che fè cësta speisa l cunst l é trè polito la pasta, ne massa grossa ne massa fina. E se a la fè co la machina da la pasta l é ncin plù saurì, la trè co la mëscola l’e proprio grovia se no sa la mán. S’à fenì via l cuarto dì con crafons mori e foie sëce pariciei su da la Loreta da Valacia. Toca dì che i crafons mori con marmelada de garnëte, che per chësta ocajion l’é stada portada da la Teresa de Ventura, l é na gran golosaria, ence se ai njigné su no l é de segur nia saurì . L cors l à mpermetù de se passé cater biei davòmesdìs en alegria a mparé vèlch che na outa

Nvalgune de chële che à tout pèrt al cors co la “maestra” Loreta da Valacia.

“L teater deventa telegiornal” Proget de solidarieté a la scòla mesana. I scolari spiega a chi mendri l laour del Capocomun Scòla - Da agn l Istitut Comprensif de Alie, che tòl ite ence le scòle de ogni livel da Fodom, l mët a ji n proget de solidarieté per daide associazion che laora per l debujen de persone mánco fortunade. Vigni scòla nventa vèlch per podei trè ite na ofierta da destiné a n’associazion ogni ann desvaliva. Sto ann l Istitut l à pensé de destiné l dut a la Caritas de Belum. La scòla mesana da Fodom per podei de la sua mán l’à nventé n spetacol ntel sèlf dei congresc de Rèba ulàche sa biné na bela clapada de jent a cialé prò. L spetacol l pervedëva na sòrta de telegiornal fat “n direta” ulàche i tosac i se deva da fè come

28

www.lauscdiladins.com

giornalisć. Mpruma l é ste de lèrch a le notizie da dut l mondo con servisc fac ence n ingleje e todësch. Po’ nveze l é stè de lèrch a nen notiziar coordiné dut n fodom con notizie dute da chilò. N bel servisc l é ste chël che pervedëva n’intervista al capocomun da Fodom. I tosac de terza, mpruma i é jus a Rèba nte la scolina e po a le elementari a La Plié per spieghè a chi plù pichi l laour den capocomun e per tò su n cuestionar co nen valgune dománde da fè al capocomun. Toute su dute le zedole, i é jus nte Cèsa de Comun a  le porté diretamente al capocomun. L dut l é ste tout ju co

na telecamera. L spetacol l pervedëva ence nvalgugn servisc fac a na moda de teater co le previjion del temp o l andament demografich de na popolazion. A fè da soèja al dut le mujiche e l sonn dei flauti sot a la direzion de la profescioressa de mujica Laura Argenta. Dute chëste l’é iniziative che valorizeia le nòste scòle e l laour che ven fat. Le de puoc dis, la nuova che doi clasci de le mesane de Ciourì à vadagné l secondo e terzo premio a nen concors metù a ji dai jovegn de Assindustria de Belum. N recugnisciment de valour ence per l’entite del premio; 1500 e 1000 euro. (sgp)

Ntànt le prove del teater de le scole mesane.


nr. 23 / 17 de jugn 2011

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

I Ladis par Innsbruck Da Anpezo a ra capitale de el Tirol, par vede e par fei un grun de bela robes. Par inpizà el fó, no par se perde inze ‘l zendre

Ra noa amighes da Innsbruck, intrà ra femenes de Anpezo, co i sarvije da festa de ra nostra tradizion.

Ancora via par ‘l inverno Frau Doktor Herlinde Menardi (de ra familia anpezana “Taribl” parente de i Malte), che r’é diretora de ‘l Museo de ra arte popolare de Innsbuck, el Volks Kunst Museum, ra s’à fato viva co r’Union de i Ladis de Anpezo par aé a dinpresto sarvije a r’anpezana par una mostra sp e ciale su ra L adinia . Vorentiera i ón mandà fora duto ce che ra doraa e coscì ra m’à invidà par śoiba ai 9 de śugno 2011, par daerśe ra mostra, che ra restarà

daerta fin ai 6 de noembre 2011. Con Elsa Zardini Soriza, presidente de ra Union generela de i Ladis dles Dolomites, AdrianoVerocai Daloio, vize capo comun e loudaduó ladin de Anpezo, con Bruno Dimai Fileno, Siro Bigontina Titolo, el profesor Paolo Giacomel e outra śente de ‘l paés, ón enpì una coriera intiera e da res 9 e meśa da bonora saon ormai al Bergisel, agnó che ón vedù ra Rotonda, chera gran téra de 1000 metre cuadrate, vecia de 120 ane,

con su depenta ra batalia de el popolo tirolese contra i fanzejes, del 1809. La tacà ‘l é anche el museo dei Kaiserjäger e el Tirol Panorama, che mostra el Tirol de ‘na ota, aduna con el Tirol de ancuoi. Pensave che dai 12 de marzo 2011 fin ancuoi pasa 50.000 parsones à sta a vede chesta mereea. A dijnà son śude su in son de el souto olimpico del Bergisel, da agnó che se vede śo duta ra zità e ra val de Innsbruck e dapò s’ón tramudà inze ra zità a vede el Museo. Là inze ón conosciù anche Kaiser Maximilian I, chel che śa zinchezento ane, del 1511, dapò aé bombardà el Castel de Bodestagno, ‘l à tolesc anche Anpezo inze el Tirol. Inze ‘l śiro par ra zità, son śude inze ra Hofkirche, ra jeja de corte de i Asburgo, fata su intrà el 1553 e el 1563, da ‘l inperator Ferdinando I, par recordà so nono Maximilian I. Coscì da res 6 saon ormai là a inaugurà ra mostra “Ladinia” su ra zinche vales. Là da ra mostra, a saludà i anpezane e chi outre Ladis, ‘l ea Beate Palfrader, che r’é loudaduó a ra cultura de el Land Tirol. “Ce saraelo stà el Tirol, senza i Ladis?” – r’à dito, canche r’à saludà

chesta śente, ruada da r’Italia. Là s’à podù vede anche ra Ladinia Map, cemodo che se varda ra nostra tèra, ra nostra Dolomites, da ’l outo. S’in aea beleche parlà, in Anpezo, domegna ai 29 de maśo, canche i à sarà ra mostra Mas de oro, par ra nostra Ousciuda Anpezana. Son śude a Innsbruck con Renato Zangiacomi Iacarede e zinche nostra femenes, viestide a ra anpezana, par mostrà che nośoutre ón sarvije da festes anche

de fora del Museo, e chi da Innsbruck i é restade con tanto de nas. A forza de fotografies e de conplimente, ón podù moe ves ciaśa solo dapò res oto da dasera. M’à fato no sei cé ciatà ra nostra cultura e ra nostra parlada “ormai sarada” inze un museo, ma chesto m’à fato cresce el impegno de fei ce che à scrito Gustav Mahler: “Tradizion vó dì porta inaante fó, no venerà zendre!" Sisto Diornista

I Ladis de Anpezo e de ra Dolomites, a r’inaugurazion de ra mostra su ra nostra tèra, che ‘l é a Innsbruck fin de noenbre.

Vojes senza confis

El curling, intrà storia e sport

Par el noo Cd de el Coro Cortina, ‘l é stà ‘na tośata de Anpezo a ciatà fora el gnon. Un grun de canzos, tropa parlades, par ruà indalonśe

Algo de vecio, algo de noo, par una tradizion che ra se slonga

“Voci senza confini - Vojes senza confis” ‘l é el noo Cd de el Coro Cortina. Da canche ‘l é nasciù, de ‘l 1965, fin ancuoi, ‘l à fato cuatordesc dische. El gnon de chesto laoro ‘l é stà ciatà fora da Alessia Dadié, ‘na tośatela de Anpezo. I é stade de cuaranta, in duto, i śoen che à respondù a ‘l concorso vorù da ra presidenza de el coro, par ciatà el titolo, daerto a i studentes de ra scores de Anpezo e de duta ra provinzia. Se vorea propio che fose i śoen, a i bete el gnon, a chesto laoro noo de el Coro Cortina. Pi che see, se vorea un titolo che el dijese polito, ma in curto, chel che ‘l é inze ‘l disco, con canzos ciantades par oto parlades: talian, inglese, todesco, ebraico, ruso, latin, abruzese e pugliese. Par ciantà polito ra canzos, par res rejistrà, ‘l é stà un laorato e i cantore i à abù da stà là, da ciantà, e ciantà danoo, e comedà via, par dijasete ores, par doi dis, a ra fin de el mes de aprile; i s’à ciatà su da ra mognes Orsolines de el Sacro Cuore. Ai 3 de śugno ra comiscion artistica de el Coro Cortina ra s’à ciatà, par lieśe śo duta ra idees, i gnomes, i titole mandade da i tośate e i à vorù zerne fora “Voci senza confini”, ra vojes senza confis, de Alessia Dadié, da Anpezo, che ra và a scora inze ra clase seconda B de ra scora meśana de ‘l Istituto comprensivo Val Boite. Alessia r’à vorù dì che ra vojes de i cantore

El curling ‘l é un śogo, ‘l é un sport, ‘l é algo che dia el turismo. In Anpezo, el curling ‘l é un toco de ra storia de el paes, gouja che ca se śuia da anes e anorum e el nosc paes ‘l é senpre stà el cuor de chesto sport, par r’Italia. Ades ancora depì, da chel che i me conta chi de ra asociazion curling Cortina, agnó che ‘l é inze dute i club de el nosc paes, che i é de un grun. Chi de chel consilio i à azetà chel che r’à vorù ra International curling events: i à vorù zerne el gnon de Cortina intrà i meo cuatro gnomes. I à beleche dito de sci Kitzbuehel par r’Austria e Chambery, par ra Francia. Ra asociazion de el curling de Anpezo, che r’à par presidente Tone Menardi Milar, ra s’à betù d’acordo co ‘l Comun, par podé fei ruà inze ‘l nosc paes una de ra cuatro gares, che i fajarà in śiro par r’Europa.

Ruarà 48 scuadres, con supośò dojento atletes. Chesto podarà śoà par fei conosce el nosc paes, ra nostra crodes, par duta Europa. Intanto se laora par parecià polito el torneo “Città di Cortina”, da i 23 a i 26 de śugno; ‘l é cuarantasié otes che ‘l istade de Anpezo scomenza con chesta torneo, a ciamà un grun de foreste. Par ‘sto an se pensa de vede, su ra jaza de el stadio Olinpico, almanco dojento e cuaranta atletes, che i rua da duta Europa, e da fora: Svizera, Canada, Gran Bretagna, Irlanda, Republica Ceca, Germania, Rusia, Ungheria, Olanda, Andorra, Danimarca e Polonia. Anche chesta ota ra asociazion curling Cortina r’à vorù lourà polito, par parecià chesta manifestazion polito, par podé fei śuià, se ra gode, su ra jaza, ma anche fei conosce el nosc paes, a ci che rua da indalonśe.

Alessia Dadié r’à ciatà fora ra parola iustes, par el disco noo de el Coro Cortina, co ra vojes de i coristes, che es pasa sora a dute i confis.

‘s é bones de pasà sora a i confis, a dute i confis, chi intrà i state, chi intrà ra parsones, ra parlades, ra idees de ogniun. “A chesta śoena Alessia i dijon gramarzé ben, i dijon che r’é stada ‘na varente, a se insonià chesto titolo” – ra disc ra presidenza de el coro – e ades ra podarà se sentì bula, a vede el so titolo su ‘l disco noo de el Coro Cortina, betù fora

par duta ra boteghes. I donarà ‘na copia de el disco, con un pefel agnó che se disc che r’é stada era, a se ‘l pensà, e ‘pò chi de el Coro Cortina i se ra portarà con lore, ‘sto an, inze un de i viaśe che par solito i fesc, in śiro par r’Italia o par r’Europa, cemodo che i sore fei, da deboto zincuanta ane, a ciantà, a fei sentì ra vojes de el nosc paes. Fora da i confis. (mdm)

Tone Menardi Milar ‘l é el presidente de ra asociazion de el curling de Anpezo, che ra laora par portà inaante una storia longa de sport, de śogo, de turismo. Ca el vedon intrà i fardiei Claudia e Fabio Alverà. www.lauscdiladins.com

29


Anpezo

nr. 23 / 17 de jugn 2011

Ra bela musica de ra Young Band

Un Prosit a un insogno R’ua da vin pi outa de Europa ra no n’é pi un insogno, ma ‘l é algo dasen, che dute pó sì a vede

Francesco Anaclerio, Fabrizio Zardini e Federico Menardi: i tre ome che i à abù chesto insogno, de r’ua e de ‘l vin in Anpezo, con chera de el fei deentà algo dasen.

I prime dis de śugno i à betù śo mile e otozento piantes de ua da vin, su ra vecia caa de Ra Era, alolo de inze de i Brites da Ciae, sote el Pomagagnon. Ignante i à bracà, dapò i à betù ‘na cejura, duto d’intorno, che no vade inze ra besties e i cristiane, i à fato i buje, a man, inze ra tera, un fondo da sasc, par i dà alośo a ra radijes. Dinultima i à bagnà co r’aga, par dià ‘sta piantines a moe polito. “Voron proà a bete śo chesta piantes de ua, par vede ce che suzede – el me conta Francesco Anaclerio – e ón da i dì gramarzé a i Vivaie cooperative de Rauscedo, in Friul, che i m’à sporto ra piantes. Son drio a bete śo cuatro sortes de ua, de chera che deenta madura ignante. Doa sortes ‘s é par el vin bianco: un da ‘l bonador, agnó che ‘l é stà incrojà Mueller Turgau e Traminer, e un Incrocio Manzoni, fato da Pinot bianco e Riesling renan. Par el vin ros, ‘l é un Andre, da ra Republica Ceca, e un Petit rouge, r’ua che ra cresce in Val d’Aosta, agnó che i fesc vin a Morgex, a 1.200 metre; nośoutre

voron proà a ra fei regnà ca, a 1.350 metre: r’ua da vin pi outa d’Europa”. A s’insonià de fei chesta proes ‘l é stà un anpezan, Fabrizio Zardini de ra Scora, che ‘l à studià agraria a r’Università de Padova e el vive e el laora da anes inze chera zità, agnó che el fesc ‘l enologo: “Da ‘na vita fejo vin, in Italia e algo anche fora. Coscita ei vorù proà a portà nafré de duto chel che sei, inze ‘l me paes, su ra me crodes; ‘l é un insonio, che ei da un grun de anes, e che ades son drio a darśonśe. Chesta r’é una sfida, che fajon con chera de ra venze, sedenò no s’arae gnanche scomenzà”. Elo ra prima ota che se proa a fei vin su par ra crodes, coscita in outo, inze ‘l nosc paes? “Se sà che ‘na ota, de ‘l Otozento, fin de i prime anes de ‘l Noezento, ‘l ea calchedun che aea nafré de ua, śo a Cianpo, e i ra doraa par fei chel vin che sà da sfrea, leśier, da i fei pasà ra siede a chi che viaśaa par ra nostra val. Ma no

n’ea el vin, cemodo che s’intende ancuoi”. Aé betù śo r’ua ades, de ousciuda: cuanto saralo da spetà, ignante de ra vede madura, ignante de podé pensà de fei vin? “Io son parsuaśo de podé fei el prin Prosit de ‘l 2013, ma son seguro che ca de un an, a ra fin de ‘l istade de ‘l 2012, podaron saé ce che ón da se spetà da chesta ua, da chesta tèra”. Somea ‘na stranbaria, un matezo, parlà de vin, ca sote el Pomagagnon, a se vardà d’intorno e a vede ra crodes, agnó che ‘l é ancora su el gnee de ‘l inverno. “Parcé no? El vin, conpain de el pan, ‘l é un valor de ra cultura pi vecia de ‘l òn, che se ciata par duto el mondo, inze duta ra ziviltas, cheres pi indalonśe da nośoutre, inze ‘l tenpo e a viaśà, e cheres pi pede. Son stà in Polinesia, śa poco, e ei ciatà el vin. Se sà, da duta ra storia de ‘l òn, che el vin e el pan i é doi sinbole mistiche: ‘l é r’anima e ra ziviltà de ‘l òn. Pó suzede anche par Anpezo”. Par Federico Menardi Comin, che ‘l é stà un de i prime a i dià ‘na man a Fabrizio Zardini, a se dì parsuaśo de podé core drio a chesto insogno, da duto chesto laoro podarà soutà fora algo de bon, par el nosc paes: “I é dute che in parla, de chesta ua da vin a 1.350 metre, su ra Dolomites, pi che see parcé che duto chesto suzede inze un luó che ‘l à el gnon de Cortina. Se un di śiron adora a fei dasen el vin, e se i betaron el gnon Cortina, su ra boza, chel vin ‘l arà un gran valor, par el sito agnó che el nasce, coscita in outo. De duto chesto, beśen i dì gramarzé a ra Regoles d’Anpezo: senza no se podea fei nuia. Ra Regoles ‘s à capì e azetà chel che i dijaon, algo che podea someà un matezo, e es m’à dà el fondo, agnó bete śo ra nostra piantes e res fei cresce. E fei cresce un insogno”. (mdm)

Parcé che i tośate pi śoen i inpare a aé amor par un strumento e par sonà aduna. Un servizio par duto el paes, par ra comunità de Anpezo Ce ‘na bela roba che ‘l é ra Young Band de Anpezo! Par anpezan se podarae ra ciamà “Ra banda de i pize”. Ra Young Band r’é stada betuda a śì da ra scora de musica “La Sorgente” śa cuatro ane, aduna co ra scora popolare e ra scora meśana de Anpezo e con el contributo de ‘l Comun, par paricià śoen che un di i pode sonà inze ra Banda. Da ‘l istade del 2010 ra direzion r’é stada tolesta su da ra Banda e da ‘l maestro Antonio Rossi. Sabeda ai 28 de maśo el maestro Rossi e i maestre che i dia ‘na man i à invidà dute a ‘l conzerto par ra fin de ra scora, inze el Alexander Hall, par fei sentì cuanto che i à inparà chiste pize inze ’l ultimo an. ‘In é supośò sesanta che sona e par vinte de chiste ‘l é solo el prin an. El maestro Rossi ‘l é stà propio un ”maestro”a bete insieme musiches che fejese sentì polito i progrese che i à fato. I à scomenza co i pize de el prin an, che sonaa toche de poca notes a una osc sola, par śì inaante con musiches a doa o tre ojes e fenì co ra famosa “Thriller” de Michael Jackson, dute e sesanta aduna, come ra Banda vera. Chi che i à sentude sonà ‘l an pasà, a ra Festa de ra Bandes, i s’à

fato de mereéa de cuanto che i é śude inaante e cuanto brae che i é. Da no crede! Par chesto de seguro i pize à el gran merito de aé portà inaante chesto inpegno con gran pascion, doa otes a ra setemana, ‘na ota par inparà el strumento e ‘na ota dute aduna par paricià i conzerte, cemodo che à dito el maestro Rossi canche dinultima i à consegnà a dute cuante un diploma de frecuenza. Gran merito à però anche i maestre che i à insegnà a sonà. Da chesto sfoi voron i dì gramarzé bén a Laura Zardini Canon, Giorgia Donazzolo, Francesco Pagnini, Daniela Pompanin Botèr e, se sà ben, a ‘l maestro Antonio Rossi. Via par ‘l an i à ormai scomenzà a fei anche calche pizo servizio par ra comunità: par ejenpio i à sonà canche i à daerto el lunario de ‘l Avento e de aprile par i fei bon azeto a i studentes de r’Australia, che i é stade ca da nos par ‘na setemana. Ades i arà nafré de vacanza, fin a ra metà de luio, e ‘pò i scomenzarà a paricià el conzerto par ra Festa de ra Bandes. Auguron a dute bon laoro e speron de i vede un outro an, dute pi grei e ancora pi brae. (df )

I tośate de ra Young Band de Anpezo, sote el padeon de ra musica, inze piaza, a i dà un bon azeto a i amighe ruade da r’Australia.

Ce un inpegno, drio ra fedes I zavarie de ‘l pastor, e de outra śente, par el rodol. E ‘l é ci che rua da indalonśe, par fei chesto laoro Ve recordao de chel rodol de fedes che de śugno podon vede su i nostre prade, intor ra val, che d’istade s’in stà su par ra monte de Foses e d’outon el torna śo? ‘L é ra fedes de Anpezo Oasi, agnó che ‘l é Sergio pastor che i stà drio duto ‘l an. Senpre par calche monte e mai inze stala. Solo che ‘l é un grun de laoro a i stà drio. ‘L e dai fei i prelieve de ‘l sango, r’es tondì, r’es zerne fora, fenì l’istade, canche se fesc dedui, ‘l é da r’es menà senpre da una monte a r’outra, da dasera r’es incejurà, i stà drio a i agneluche e śo indrio man. Sergio ‘l a tanta bona śente, par deban e no, che và vorentiera ai dià canche ‘l a biśoin de fei laore grei. Un de chiste laore ‘l é stà r’es tondì. Alora, canche ón sapù che ‘l aea biśoin, io e Filippo son śude śo a Longaron, par i dià a res incejurà e res parà sul

30

www.lauscdiladins.com

rimorchio par res tondì. Son śude śo alolo bonora par paricià el laoro e ves meśodì ‘l é ruà ‘ste tre tośate da ra Nuova Zelanda, co ra so jeep e ra so atrezadura par tondi. I s’à paricià e ón scomenzà a parà su inze rimorchio ogni feda, una cadauna, agnoche ‘pò i tośate s’in tolea una a peron, i ra rebaltaa su ra schena e co ra janbes i ra tiegnia ferma. I scomenzaa a tondì e, man man che i prozedea, i se ra voltaa d’intorno finche dapò de un menuto e meśo, cuaji doi, ra feda ra tornaa su ra so zates senza doi chile e algo de lana. I tośate i aea una machineta par tondì inze man e una scarsela piena de lames da taià, da podè canbià ogni diesc o dodesc fedes tondides. Dares 3 dapò dijnà s’ón scentà śo a magnà un bocon, paricià da Nato; ‘l ea pasta con ragù de feda e ón podù se dì doa paroles.

Chiste tośate i e ca in italia par un mes d’istade, ogni di inze un outro luó a tondì, dapò i se śironea meśa r’Europa de ‘l Nord, senpre drio fedes, par dapò s’in tornà a ciaśa, canche là da lore vien istade e ‘l é ora de ra so fedes. Dapò de trenta menute m’à tocià tornà a lourà e dares sete i aea tondì pi de siezento fedes. Nos i ón ingrumà duta ra lana che ra và venduda e infinalmente ón podù zenà con calma e strutà su duto. I tośate i à sarà su duta ra so roba, i é śude inze albergo, parceche el di dapò ‘l ea outra zinchezento fedes, prontes par ese tondides. Io e Filippo ón dito a Sergio a se reede, un mes dapò, par i prelieve su in Anpezo e co ‘l ea res undesc saon a ciaśa. Cesare Menardi Diornista

Tondì ra fedes, par ra so lana; un laoro de ‘na ota, un laoro de ancuoi, se se vó.


Sport

nr. 23 / 17 de jugn 2011

Boscdaplan é campiuns 2011 Terza ediziun dla Copa dl Min a La Ila. Dui agn indôlater à Boscdaplan pordü te finala, mo chësc iade éra garatada da se davagné le trofê sport da La Ila. An à metü man cun les partides de cualificaziun. Do chëstes ê Boscdaplan al pröm post cun 4 punć, La Ila Alta y Ninz cun 3 punć y Funtanacia cun dui punć. Do i rodi de cualificaziun él stè da jì a se mangé na bona polpeta cujinada da Marco dl bar Sport. Do marëna éra jüda inant cun les semifinales. La pröma semifinala é gnüda śogada da Ninz cuntra La Ila Alta, olache le tëmp regolamentar s’à stlüt jö cun n bel 2 a 2. Dai önescmetri ti éra garatada indere damì a chi da Ninz, che à spo inće davagné la partida por 4 a 3. Tla secunda partida de semifinala à Boscdaplan śoghé cuntra Funtanacia; Boscdaplan à portè a ćiasa le resultat davagnan por 2 a 0.

Gran ligrëza por la scuadra da Boscdaplan, che à davagné le trofê.

La Ila - En domënia ai 5 de jügn à la Uniun Sport La Ila organisé la terza ediziun dla Copa dl Min, n turnier de palê danter cater vijinanzes da La Ila (Funtanacia, Boscdaplan, La Ila Alta y Ninz).

Do che Boscdaplan â pordü i ultims agn döes finales indôlater, ti éra garatada chësc ann da davagné le trofê 2011. Le turnier à metü man dales 11.00 danmisdé sön le ćiamp dl

La scuadra da Ninz à messü s’acontentè dl secundo post.

Les finales Incër les trëi domisdé êl ora da śoghé les döes finales. Tla partida por le terzo y cuarto post àn odü

te ćiamp La Ila Alta y Funtanacia. Le resultat final ê de 2 a 1 por La Ila Alta, che s’à assigurè insciö le terzo post. L’ultima partida dl turnier, la gran finala, gnô śogada danter la scuadra sterscia da Boscdaplan cuntra la scuadra da Ninz. Bele i dui agn denant ê Boscdaplan rovà te finala, mo la scuadra n’ê mai stada bona da se davagné le trofê. Le borjù ê alt. La partida à metü man dër valia, mo an odô che chi da Boscdaplan comanâ le jüch. Insciö él sozedü che la scuadra da Boscdaplan é bele stada bona tl pröm tëmp da fà dui goi, un de Luca y n autogol de Sven. Le secundo tëmp é gnü śoghé sot na dërta plöia y al n’é plü sozedü nia che ess mudè le resultat. Boscdaplan é campiuns y se condüj a ćiasa le trofê. La premiaziun é gnüda tignida tl bar Sport. Al é gnü premié inće le miù portier - Philipp (Boscdaplan) cun ma 1 n gol ciafè - y le miù tiragoi - Fris (La Ila Alta) cun 3 goi fać. N

I śogadus dla scuadra da La Ila Alta é gnüs terzi.

dilan ti va a Marco che nes à arjigné la marëna y al sponsor por les copes. (US La Ila) Tlassamënt: 1. Boscdaplan, 2. Ninz, 3. La Ila Alta, 4. Funtanacia

Cualificaziuns Funtanacia - Boscdaplan: 0 - 0 Ninz - La Ila Alta: 1 - 2 La Ila Alta - Funtanacia: 1 - 1 Boscdaplan - Ninz: 1 - 1 Ninz - Funtanacia: 3 - 1 Boscdaplan - La Ila Alta: 1-0

Semifinales Ninz - La Ila Alta: 2 - 2 (4 - 3 önescmetri) Boscdaplan - Funtanacia: 2 - 0

Finales 3. - 4. post: La Ila Alta Funtanacia: 2 - 1 1. - 2. post: Boscdaplan - Ninz: 2-0

Cuarto post por chi da Funtanacia.

Le som n’é nia gnü realtè Do l’euforia por la devënta tla Copa Provinzia, â la scuadra da La Val la poscibilité da fà le salt de categoria, tla partida de dezijiun cuntra le Wiesen. Mo ara n’à nia orü ester. Le Wiesen davagna tler por 3 a 0 Palê La Val - Te chësta partida dezisiva por jì sö te secunda categoria, śogada en mercui sëra dl’edema denant a Vahrn, é la scuadra da La Val gnüda batüda dal Wiesen, scuadra bele incuntada chësc ann te campionat y te copa. La desfarënzia à fat l’atacant dl Wiesen Volgger - che à segné düć i trëi goi - y inće la stanchëza che i śogadus da La Val à sintì, dantadöt tl secundo tëmp, ài pö messü śoghé chësta partida dezisiva ma trëi dis do la finala de copa lungia y döra, deperpo che le Wiesen à albü bëgn diesc dis de palsa. Chilò n’à la federaziun bëgn no ponsè dër tröp canche ai à fissé la data dla partida de dezijiun, penalisan dassënn la scuadra che davagna la copa! Na mesora de bun jüch tl pröm tëmp da pert dla scuadra da La Val

n’à nia bastè cuntra le Wiesen, che à süa maiù forza tl atach cun sü śogadus asvelć, dantadöt le goleadù Volgger, che ne pordona degun fal dla defenjiun. Sciöche dit, tl pröm tëmp vëigon da pert dla scuadra da La Val de beles aziuns de jüch y inće de bunes ocajiuns da gol, cun Daniel y Alex E. Le portier aversar mëss fà n valgönes de gran parades, un n iade mëss n defensur salvè söla ligna de porta. La defenjiun dl Weisen ne pê nia massa sigüda, mo le gol che foss stè mirité n’ô nia ti garatè ala scuadra da La Val. Cun süa pröma ocajiun passa le Wiesen en vantaje: na bela trata diagonala da mezćiamp jö ortiëia l’atacant aversar su cuntra porta y realisëia le gol, Merch n’à podü fà nia te chësta ocajiun. Cun n bel intervënt, é le portier da La

Val ćiamò tl pröm tëmp bun da evité le secundo gol. Tl secundo tëmp, sciöche dit, se féjel sintì la stanchëza tles iames di śogadus da La Val, an ne vëiga nia plü le jüch asvelt dl pröm tëmp, al vëgn pordü tröc contrasć, le Wiesen à na marcia implü. Do na cherdora perd la scuadra da La Val le palê a mezćiamp y le cuntrapè asvelt dl Wiesen porta le medemo atacant su cuntra porta y al sëgna le 2 a 0. Dui menüć plü tert sëgna le Wiesen le gol dl k.o., la defenjiun n’é nia buna da trà demez le palê sciöch’al alda y l’atacant asvelt se porta te area y sëgna. Püch dedô ciafa le Wiesen ćiamò n önescmetri por n ateramënt t’area, mo Merch é bun da parè. La scuadra da La Val prô ćiamò da segnè almanco le gol dla bandira,

mo ara se stënta. Da segnalè ma na bela trata dalunc de Stefan y na contlujiun de Werner P. che röia t’area, mo tira dlungia porta ia. Chësta ocajiun injomada ia por jì sö te secunda é dessigü na delujiun por la scuadra da La Val, mo la ligrëza por la bela devënta dla copa provinzia resta inant (sc). Wiesen - La Val: 3 - 0 Formaziun da La Val: 1. Merch Vallazza, 2. Werner Sottara (dal 41^ Werner Ploner), 3. Alex Alton - capitan, 4. Jordan Tavella, 5. Marco Castlunger, 6. Franzi Verginer (dal 75^ Thomas Tavella), 7. Stefan Sottara, 8. Freddy Sottara, 9. Daniel Frenes, 10. Florian Rubatscher, 11. Alex Elzenbaumer. Alenadù: Marco Scalzini.

Merch n’à podü fà nia söi goi aversars, al à inće parè n penalty. www.lauscdiladins.com

31


Sport

nr. 23 / 17 de jugn 2011

Jì por sanć dlun’ saltan N iade por sanć daldöt particolar à fat Anna Pedevilla y Flurina Comploi, en la domënia passada, tolon pert ala gara regionala de saltè sö por munt, da Leifers a Weissenstein Saltè - Chi che à bele n iade fat chësc tru, olache al é inće les staziuns dla Via Crucis sa, tan ërt y sfadius che al é bele ma da ji sö a pè. Incër 150 atletes y atleć é pià ia danmisdé, por se moserè sö por chi gragn ërć cun n deslivel de 1.200 m por i ëi y incër 800 m por les ëres. Ala pert sambëgn indô düć i mius dla regiun, cun Antonio Molinari, ex campiun dl monn, pai ëi y Edeltraud Thaler ples ëres. Les döes atletes marores ti é atira saltades ite al percurs cun

convinziun, se tignin dër bun ćina do le mez dl tru. Flurina Comploi d’Al Plan é tresfora stada ples prömes y sön le maiù ërt, atira sot Petersberg, àra atachè Renate Fauner y Petra Pircher, ti don n bel destach, che les döes concorëntes stersces ne n’é nia plü stades bones da colmè. Do Edeltraud Thaler che à davagné, Gertraud Höllrigl y la trentina Elektra Bonvecchio che é rovades sön podium, é Flurina Comploi rovada al travert desco cuarta assoluta (terza tla categoria

FSE) cun n tëmp de 50.01 menüć y n destach de trëi menüć dala pröma. Anna Pedevilla d’La Pli s’à ince batü dër bun, stican sön l’ultim chilometer Gertraud Rungger y Cinzia Anselmi, rovan indöt 10a y secunda tla categoria F35, cun n tëmp de 54.30 menüć y n destach dala pröma de incër 7 menüć. Pro i ëi à davagné le trentin Antonio Molinari, che é stè campiun dl monn y d’Europa da saltè sö por munt. (dc)

Anna Pedevilla (mc) y Flurina Comploi (md) dan le santuar da Weissenstein cun Antonio Molinari, ex campiun dl monn y d’Europa da saltè sö por munt.

Uniuns s’la fej fora te ćiamp La seziun palê dl SC Mareo à organisé por le setim iade le turnier dles uniuns de Mareo. Davagné a la scuadra “90 plü o meno”. Rè di setmetri é Willy Hochwieser, Rè di scialami David Mutschlechner

La scuadra “90 plü o meno” à albü la miù pro le 7^ “Torneo dles Uniuns”.

Willy Hochwieser, rè di setmetri.

David Mutschlechner, rè di scialami.

Al Plan - Bele da n gröm d’agn stlüj jö le Mareo - seziun palê süa sajun cun n gran turnier. Dandaìa gnôl organisé cun gran suzes le “Memorial Richard Pitscheider”, pro chël che vigni paîsc dla Val Badia tolô pert cun na scuadra. Chësc é spo gnü sostituì cun le “Torneo dles Uniuns”, desche al é gnü batié, che é iniann rovè a süa 7^ ediziun. Scrit ite s’à bëgn ot scuadres, che é gnüdes partides sö te dui rodi.

“I Ciabalala” pla medaia de brom. Sce la manifestaziun à albü suzes, mësson inće rengrazié le sponsor por les medaies, y le restorant privat por les pizzes. Sambëgn ti vàl inće n gran dilan a Caio y Christian Ferdigg che à arbitré les partides, ales scuadres scrites ite, al publich y a düć chi che à daidé organisé y laurè te barachin y ćiasadafüch.

laûr che vëgn bele da agn fat tl setur jonil. Plan plan mëton man da odëi inće i früć. Gran ligrëza à fat iniann le fat che bëgn 2 scuadres à podü pié do la medaia d’arjënt, ples premiaziuns di campionać de palê VSS ai 2 de jügn. Sides la U10 alenada da Robert Mutschlechner co la U15 alenada da Marco Mutschlechner é rovades secundes te sü campionać. La U15 à spo ćiamò albü l’onur da podëi tó pert ales finales provinziales a Eppan, olache ai à messü se bate cuntra le FC Tirol. Chilò à i maroi

Ala fin de chisc dui dis, olache

le tëmp n’é nia propi stè n gran amich, mo à impò lascè śoghé regolarmënter les partides (inće sce al à tignì demez le gran publich), àn spo podü premié Willy Hochwieser sciöche “Rè di setmetri”, David Mutschlechner sciöche “Rè di scialami” (le miù danter i 32 che é gnüs eliminà tl pröm confrunt) y la scuadra “90 plü o meno” che s’à assigurè la devënta pro le turnier dles uniuns 2011. Sambëgn é inće la “Scora dai Schi” rovada pla medaia d’arjënt y

La scuadra U10 vëgn premiada cun la medaia d‘arjënt San Laurënz.

32

www.lauscdiladins.com

Suzes tl setur jonil Le ASC Mareo é capazo cun le

Inće la scuadra U15 é rovada secunda te so campionat.

tla ultima cherdora messü ti la zede ai aversars cun le resultat de 4 a 1. Sön chësta ài ćiamò podü jì ai 12 de jügn ćina sö Eyers a śoghé la partida por le 3. y 4. post cuntra le SG Eggental. Chësta partida é gnüda davagnada cun le resultat de 2 a 1, che à spo orü dì le terzo post final y la medaia de brom a livel de Südtirol. N gran complimënt y n dilan sinzier ti va a düć i śogadus, alenadus y acompagnadus che à portè pro a chësc suzes. (cdp)


Sport

nr. 23 / 17 de jugn 2011

Arjont l turnoi de finela Do avëi stlut ju d’autonn la prima pert dl campiunat amatoriel sciche prims, ne n’iela śën d’ansciuda nia jita inant unfat bën. Purempò àn arjont l segondo plazamënt tla finela provinziela

Romy Lambacher vizecampiunëssa regiunela L’Atletica Gherdëina à metù a jì, ai 4 de juni tl ciamp dal sport Mulin da Coi, i Campiunac regiunei assoluc de atletica lesiera y l Grand Prix che valova per la categuria A di mutons y dla mutans cadec

La scuadra dl FC Cuca che à jugà per l campiunat amatoriel provinziel.

Juech al palé/campiunat amatoriel - Son inò ruvei ala fin dla sajon cun truepa partides de campiunat y de copa. L’ansciuda ne n’ie nia stata saurida per la scuadra. Do che an finà via la prima pert de campiunat al prim post, fans dla cunvinzion de pudëi jì inant nce tla sgonda pert de chësc var. La prima doi partides ons bel mpont venciù y povester fans massa segures de pudëi vëncer nce i autri juesc. Ma nscila ne n’iela nia stata. N muessa dì che ne fan duc canc nia plu tan n forma sciche d’autonn y nscila fova uni partida scialdi ria per nëus. Ala fin sons mpo mo stai boni de arjonjer l segondo post cun 31 ponc. Sce n cëla tan de scuadres valives

che l fova te chësc ”girone” pona pòssen mpo vester cuntënc de coche ie jita la sajon. Venciù à cun merit l Vintl, che ie nce stata la scuadra che à giapà l manco goi. N sada ai 4 de mei ons fat pea pra l turnoi de finela dla miëura scuadres amatorieles di campiunac desferënc de nosta provinzia. La doi miëura scuadres di set campiunac de uni raion possa fé pea l turnoi finel per s’la fé ora chiche devënta campion provinziel dla scuadres amatorieles. Catordesc scuadres spartides su te cater grupes, doves da cater y doves de trëi. L Cuca ova da se bater contra l Passeier y l Rasen Antholz. Contra l Passeier àla butà. 1 a 0 do doi tëmps da vint menuc, cun l gol fat

da Matthias Hofer. Tl segondo juech àn messù ti la zeder ala scuadra sterscia de Rasen Antholz, che à te si campiunat dl raion de Puster venciù ala ngranda, ne perdan niancano na partida. Na scuadra scialdi plu jëuna che la nosta, y de chël se n àn ntendù ntan la partida, nce sce la ie mé jita ora un a nia. Nscila ie fineda via la sajon 2010/11. Cun la arjonta dl segondo plazamënt pòn ala fin di conc vester cuntënc. Mpurtant iel a chësc livel dantaldut de vester na bela cumpania, sambën nce de tenì adum. Na gran lauda ti va sambën inò a Bruno y a Christof, che cun gran lezitënza y pascion à menà inant la scuadra nce ntan chësta sajon. (wd)

Peter Perathoner segondo tla maratona L atlet de Sëlva ie te na bona posizion per miré inò a n boniscimo plazamënt de categuria tla cumbinazion dla maratones alpines. Nce Georg Demetz de Urtijëi à pudù zapé sun l segondo scialier plu aut tla garejeda de sauté da Leifers a Weißenstein Runners - La 12ejima edizion dl LGT Alpin Marathon a Liechtenstein ie stata n sada ai 11 de juni. Pià via vëniel a Bendern che ie a zirca a 500 metri de autëza. Tl prim iel da sauté 10 km belau ala ndrëta y ti 10 km do vàla su a Silum a zirca 1600 metri, pona vàla inò juvier per i proscimi 5 km de viers de Steg a 1200 metri, ulache l ie nce l travert dla mesa maratona. Per la maratona ntiera jìvela mo inant: 10 km nchin al km 35 sa l Sassförkle a 1800 metri che ie nce l pont plu aut, i ultimi 7 km iel inò da sauté juvier a zirca 1200 metri, ulache l ie pona l travert. Chëst ann àl fat pea 470 ëi y 108 ëiles pra la maratona ntiera de 42,195 km. Venciù à Patrick Wieser cun n tëmp de 2:56:57, segondo ie ruvà Bruno Heuberger

cun 3:11:03 y al terzo post iel Marco Sturm cun 3:17:31. Peter Perathoner de Sëlva di Gherdëina Runners à finà si garejeda te 4:22:46 se tlassifican nscila al 93. post dla tlassifica generela y al 2. tla categuria M60. Coche bele l ann passà uel Peter inò fé pea pra la cater maratones che fej pert dl Marathon Mountain Cup, ulache l ie nce l Jungfrau Marathon, Zermatt Marathon y l Tour de Tirol, che ie bele stat l ann passà ai prims de utober y ulache Peter se ova plazà al 3. post te si categuria. L Jungfrau Marathon sarà ai 10 de setëmber y l Zermatt Marathon ai 9 de lugio. Cumpeda adum vel pona trëi dla cater maratones ala fin per abiné ora l miëur di atlec. Peter ie stat bon tl ann 2010 de vëncer chësta cumbinazion te si categuria.

N dumënia ai 12 de juni àn metù a jì la 55ejima edizion dla garejeda de sauté da mont su da Leifers a Weißenstein, chësta garejeda valova nce per l Campiunat Provinziel de sauté da mont su. Da sauté fòvel 9,8 km cun n deslivel de 1.232 metri. Al start fòvel belau 200 atlec, l’ëiles ie sautedes na trassa plu curta, ntëur n 7 km. Venciù la edizion dl 2011 à Antonio Molinari che à abù 55 menuc y 34 secunc, segondo se à tlassificà Rudi Brunner cun 57:41 y al terzo post Roland Osele cun 57:50. Georg Demetz di Gherdëina Runners se à tlassificà al 11. post tla tlassifica generela y al 2. tla categuria M40 cun n tëmp de 1:02:48. Congratulazions a Peter y a Georg per si bona prestazions. (mp)

Atlatica lesiera - Unì garejà iel sun l ciamp dal sport Mulin da Coi a Santa Cristina ulache l se à prejentà i miëur atlec dla region, ora che chëi che fej pert dla naziunela. Nce i atlec de Gherdëina à fat pea demustran de tenì pea a n bon livel. Bele plu suvënz à l’Atletica Gherdëina metù a jì garejedes de n bon livel tl ciamp dal sport a S. Cristina. Una dla prima manifestazions fova i campiunac regiunei dla stafetes, ma l majer avenimënt fova dessegur dan n valgun ani i Campiunac talians de proves multiples, ulache l ova nce fat pea na atleta de Gherdëina. Uni ann iel sun l program dl’Atletica Gherdëina la urganisazion de na garejeda de Grand Prix per i mëndri y dal mumënt che la FIDAL ti dumanda uni ann ala lia de Gherdëina che l vënie garejà a Santa Cristina pervia dla bona urganisazion che n ie boni de garantì, àn chëst ann azetà de mëter a jì i campiunac regiunei assoluc. La garejedes che valova per l titul regiunel fova spartides su sun doi dis. Ai 3 de juni iel unì garejà a Cles tla Val di Non y ai 4 de juni a Santa Cristina.

Plu atletes sun l podest Nce chëst ann iel sautà ora de bon resultac cun plu atletes sun l podest. Dal pont de ududa tecnich iel da dì che Romy Lambacher ie stata bona de arjonjer n segondo post, se davanian l titul de vizecampiunëssa regiunela tla categuria assoluta tl smaché l pëis. Te si disciplina, tl smaché l disch, che fossa stata a Cles l di dant, ne n’àla nia fat pea propi ajache la à ulù se cunzentré sun la garejedes de Santa Cristina. D’autri atlec dl’Atletica Gherdëina se à cris ora tecnicamënter nia la disciplines ulache i se sentiva plu segures, ma chëles ulache i pudova spiculé de arjonjer vel’ limit mplu da pudëi fé pea pra i campiunac talians. Vel’ atlet à al incontra cris ora disciplines che ti uega coche alenamënt per la proves multiples, spiculan mpue manco sun n bon resultat regiunel, ma plutosc sun i campiunac talians ulache l limit ie bele unì arjont, ma ulache la va debujën de vel’ miuramënt, y chësc nce ajache i ie de truep ani plu jëuni di miëures assoluc. Drët butà àla dut ntëur cun la urganisazion, ma nce cun l tëmp che à lascià fé nchin ala fin. La cundizions fova donca do la rata drët bones, nia massa ciaut y nia massa da vënt. N gran rengraziamënt ti va al’aministrazion de chemun y dantaldut al assessëur Robert Ploner de Santa Cristina che à daniëura sustenì l’Atletica Gherdëina y nce canche la se trata de mëter a jì chësta garejedes de livel plu aut y ulache duta la cundizions ie plu zities propi

Romy Lambacher.

ajache la se trata tla cumpetizions di tituli regiunei. N Die Ve l paie nce ala presidënta Eveline Vinatzer y a Walter Kostner che deberieda cun dut l cunsëi à laurà cun truep mpëni fajan garaté dut ntëur la manifestazion.

Chisc i resultac: 300 metri cun rëms: 3. Verena Insam; Saut tripl: 2. Verena Insam; 80 metri: 6. Elena Cortoni, 7. Silvia Demetz, 19. Nadia Mahlknecht, 25. Anna Ploner y 27. Valentina Vettorazzi; Saut aut: 8. Elena Cortoni, 6. Nadia Mahlknecht, 7. Silvia Demetz; Smaché l disch: 9. Nadia Mahlknecht, 19. Verena Insam, 24. Silvia Demetz, 25. Anna Ploner, 37. Valentina Vettorazzi Stafeta 4 x 100 m. l’Atletica Gherdëina ie stata la scuadra plu asvelta vencian cun Silvia, Nadia, Elena y Verena. Pra i mutons ie Manuel Messner ruvà 15. ti 80 metri sprint, 10. ti 600 metri y 19. tl saut tripl. Da auzé ora iel nce i doi resultac de Stefanie Messner tla categuria sculées A. Stefanie garejea al didancuei cun l SG Eisacktal. Ëila ie ruveda 3. tl saut aut y 13. ti 80 metri sprint. Tla categuria assoluta, ulache l garejea nce truepa jëunes y jëuni de Gherdëina ie i resultac jic ora nsci: tl smaché l pëis ie Romy Lambacher deventeda vizecampiunëssa regiunela cun na mesura de 9.20 metri. Romy ie nce ruveda 5. tl smaché la lanza (24,87 m). 5. Denise Delladio ti 200 metri sprint cun l tëmp de 28.20, 7. Yvonne Senoner tl saut lonch cun 5,01 metri, 9. Silvia Spisser cun 4,95 metri y 13. Denise Delladio cun 4.40 m. Ti 800 metri ie Martin Runggaldier ruvà 5. cun n boniscimo tëmp de 2.02, 29. Tl saut aut ie Alex Verginer ruvà 9. cun na autëza de 1,60 metri y 8. tl saut lonch cun na mesura de 5,90 metri. Tl smaché la lanza ie Nicola Stringari ruvà 11. Per l’Atletica Gherdëina, Stefan Planker www.lauscdiladins.com

33


Sport

nr. 23 / 17 de jugn 2011

L Fodom l cala l poker co l Frassené Na dopleta de Davide Crepaz, Petri e Soratroi i lascia junsom la clascifica la scuadra de la conca de Ègort

La scuadra da Fodom.

Balon - L Frassené l nen ciapa cater dal Fodom e l resta ncora jaiun junsom la clascifica senza

ponc. La partida la peia via coi paroni de cèsa tòst n pressing sui rosa de De Cassan che ntei prums

vint menuti i no rua a cruzié la porta fodoma. Pruma bona ocajion per i ladins al 16’. Martini l tira n cross bas da la mán ciámpa. Davide Crepaz se buta de testa perl ciapé ma l portier del Frassené l é brao a se paré. Al 29’ l Fodom l muof l resultat con suo capitán Sandro Soratroi. L’azion la peia via da na bona ntenuda con Davide Crepaz ntaméz al ciámp, che l ie sièrf n bon balon. Soratroi l peia via n contropé e l rua senza ester desturdé da aversciari n area, ulàche l lascia pié via n balon che rua nte sach con Bonelli che ven decontra. L Frassené l scomencia l secondo temp co la testa ncora fòra dal ciámp e nte cinch menuti l se ciapa trei smèrle che i é costa la partida. Scomencia la serie ndavò Dabide Crepaz davò apëna 18’’. La ponta fodoma l’é brava a aprofité de na bala che sauta ndrio ntamez al ciámp, l se la porta n profondité fin nte l’area e l lascia pié via na

trata che passa ntra l portier che ven adincontra e l pèl a mán ciámpa. N menuto plu tèrt trëma ncora la porta dei agordins. Sto viade l é Petri che à l’ocajion sul pé con sua specialité, le punizion, ma l balon, batù da la trei chèrc, l rua de puoch sot la travièrsa ulàche Bonelli l rua a mëte defòra co la ponta dei deic. L undesc de De Cassan l é n confujion e no passa ndavò gnánca n menuto che l Fodom l ciapa ndavò la strada del gol. L’azion la peia via ndavò ntamez al ciámp, ulàche n biśègol martini l ciapa libero Petri su la mán dërta. Sua cavalcada la rua fin su la linea junsom del ciámp, ulàche l fèsc pié via n cross che ciapa la testa de Davide Crepaz, brao a sforinglé la difeja. Gnánca l temp de trè l fle che l Fodom l deventa ndavò pericolous con Martini. Ma sua girada n area l’é de puoch fòra. Al 45’ Petri l ròba na bala n area al Frassené, l crossa na bala dal lime

de ciámp che la rua sui piesc den difensor e po’ n rete. (sl) Fodom – Frassene : 4 – 0 Fodom: Amicone, Adami, Troi (Azzolini), G.Soratroi, L. Crepaz (M.Palla), A.Palla, G.Palla (Denicolò), Petri (M.Palla), S. Soratroi, Petri (De Battista), D.Crepaz (Quellacasa). Allenatore, Massimo Crepaz. Frassené: Bonelli, S.Da Ronch, M.Da Ronch (M. Masoch), Da Campo, M.Marcon, Tosato, Tomè (S.Della Lucia), S.Masoch, Bressan (D.De Marco), C.Della Lucia (Pollazzon), P. De Marco (Fontanive). Allenatore, Fabio De Cassan Gol: S. Soratroi (29’), Davide Crepaz (41’ e 43’), Petri (45’) Amonis: Petri, Fontanive.

N’ena de sport per i studënc a Lignano Ena dl sport per i studënc dla prima tlasses dla scoles autes ladines de Urtijëi y La Ila a Lignano Sabbiadoro, ulache i à pudù pratiché d’uni sort de disciplines sportives dantaldut tl’ega

I studënc dla Val Badia y de Gherdëina che à passà deberieda n’ena de sport sun l mer Adriatich.

Scola/Sport - L servisc dl sport scolastich dla Ntendënza ladina de Bulsan n cunlaurazion cun la scoles autes ITC Raetia y ITC–

Ntan l’eura de windsurf.

34

www.lauscdiladins.com

lizeo La Ila à metù a jì l’ena dl sport a Lignano Sabbiadoro. La doi prima tlasses A y B dl ITC Raetia y la primes tlasses dl

ITC y Lizeo de La Ila – de ndut passa 50 sculeies – ie piedes via ai 5 de juni dala 10.00 daduman per furné a Lignano. Sëuranuet

pudans sté tl GE.TUR de Lignano, n raion de cëses, mplanc y vërt per fé sport sun passa 15 ha, che possa mëter ju nchin a 2000 persones sibe per i spesé che per durmì. La tlasses ie unides spartides su te sies grupes. L univa praticà uni di sies ëura de sport tla disciplines d’uni sort, sciche nudé, canoa, windsurf, sub, salvamënt y “beach volley”. N na sëira ons nce fat n turnoi cun la codla danter la scuadres de Gherdëina y Badia. L ie nce stat mesun se giamië ora ideies danter la doi valedes y chësc dantaldut danter i studënc. N mierculdi ai 8 de juni domesdì, nes à n istrutëur spiegà coche funziunea la disciplina sportiva dl “urientamënt”. I studënc à pudù purvé ora chësta disciplina tl zënter dal sport, jan a crì la lintiernes scundudes cun na cherta topografica aposta. L ie nce unì fat na garejeda che ti à a duc sapù drët bela. La cuordinazion de duta l’ena fova tla mans de Brigitte Pedevilla dl servisc dl sport dla Ntendënza

scolastica. Daujin a ti judé fòvel i maestri acumpaniadëures Seppl, Gaby, Josef, Christian y Jutta. Leprò iel mo ruvà istrutëures de sub, canoa y windsurf y per l salvamënt. Ai studënc ti àl sapù drët bel y nteressant à pratiché duta chësta disciplines y duc ie stac drët cuntënc de chësta ena de sport. On udù che i ie nce stac drët lezitënc y ulentifs tl fé pea. Ajache vel’ di fòvel bur’ tëmp, se ons cialà n film sun l windsurf y son stai tla sala dai pëisc. Sambën che vel’ di da sëira sons pona jic a ti cialé al paesc de Lignano cun si raion da jì a pe de passa 4 km. N juebia ai 9 de juni do marënda sons inò muec de viers de cësa ulache son ruvei cun drët de biei lecorc de chësta ena sportiva. A canc ti vàl n gra particuler per avëi metù a jì chësta ena ( u rg a n i s a d ë u r e s , m a e s t i , Ntendënza) y sambën ai studënc che à fat pea chësta manifestazion scolastica mpue autramënter.

L istrutëur spiega la disciplina dl urientamënt.

J. Mussner


Informazions y Manifestazions

nr. 23 / 17 de jugn 2011

♦ Cuinta edizion dl Belsy Festival

Cursc

N sada ai 25 de juni saràl la cuinta edizion dl Belsy Festival sun plaza de chemun de Sëlva. Giaurì la portes vëniel dala 5 domesdì y l cunzert scumencerà dala 18.00 Da audì saràl chëst ann i “Südtiroler Spitzbuam“, “Rudy Giovannini“ y l “Alpentrio Tirol“. Da pert de Belsy y Florian saràl da audì per l prim iede la cianties ora dl cd nuef che unirà prejentà n chëla sëira. Chertes danora iel da giapé da Radio Gherdëina, ti trëi Ufizies per l Turism y sambën nce n la sëira dl cunzert. Da bever y da maië saràl per duc, de chël se cruzierà i Destudafuech de Sëlva. Sëis duc nviei a unì a passé deberieda na bela sëira de bona ueia cun de bela mujiga.

L CD nuef de Belsy y Florian.

Avisc Cunsulënza sun l’energia L chemun de Urtijëi fej a l savëi ai zitadins de Urtijëi che n lunesc, ai 20 de juni saràl te cësa de chemun na cunsulënza sun l’energia. Per nfurmazions plu avisa y per fé ora n terminn possa duc i nteressei cherdé su tl ufize dla chëutes 0471/782060.

Iadi, Jites y Escurscions Escursciun foran Osttirol

En domënia ai 26.06.2011 inviëia les Lies da Munt Val Badia a na escursciun tla val de Defereggen (Osttirol) ala florida di ciüfs dl tonn. I jun cun auti privać, dales 7.45 da Pidrô demez, dales 8.00 a Longega, y i jun por le Stallersattel fina a St. Jakob in Defereggen. Dailò sön la Trojeralm y inant sön la Neue Reichenberger Hütte (2586m). Dedô jö zoruch te paîsc al Alpenrosenfest. Le deslivel dla escursciun é de 770 metri, por n tëmp da jì sö de 2 ores. Por s’anunzié pòn cherdè sö Franz M. al nr. 340/6816332. Pelegrinaje a “Nostra Signora di Lourdes” Le KVW da San Martin inviëia düć al pelegrinaje a “Nostra Signora di Lourdes” (VR), en jöbia ai 23 de jügn. An pëia ia da plaza da San Martin demez dales 7 da doman. Le iade cun marëna (a Peschiera) costa 35,00€ por i scrić ite (37,00€ por i atri). Invià é inće chi di atri paîsc. Da s’anunzié él anter i 20 de jügn pro Hilda Sottara al nr. 0474/523133 o tla botëga dl pech al nr. 0474/523146. Al nes acompagnëia siur Paul Campei. Jita a Dispruch La Mëisa Turonda nvieia ai 28 de lugio a jì a Dispruch a ti cialé al museum nuef pra l Bergisel y al saut, “Das Tirol Panorama, der Berg Isel und das Kaiserjägermuseum”. N peia via te Sëlva, Ciampinëi dala 13.00, a S. Cristina, rundel Iman dala 13.10 y a Urtijëi, Despar dala 13.20. Iscrizions te duta la filieles dla Cassa Raiffeisen de Sëlva nchin ai 30.06.2011.

♦ Mostra Carrara de Bertram Kober La Lia Mostra d’Ert à l plajëi de Ve nvië ala giaurida dla mostra de fotografies “Carrara“ dl artista Bertram Kober, n sada ai 18 de juni dala 20.30 tla sala dla mostres dl Circolo a Urtijëi La mostra resta davierta da n dumënia 19.06. nchin a n dumënia 03.07. uni di dala 10.00 – 12.00 y dala 17.00 – 19.00. Paroles danora de Christine Dorothea Hölzig, storica d’ert de Leipzig. Per l artista de Leipzig, Bertram Kober iel defin carateristich lauré ora nchin tl sot na cërta tematica tres linges de fotografies. Cunesciudes ie danter l auter si fotografies dal titul “Altäre der Privatheit“ che documentea l mudamënt soziel dla Germania dl est ti ani novanta tres pultredes de ufizies arbandunei y frabiches, y na lingia de fotos che se dà ju cun l aspet dla sozietà ndustriela de al didancuei dal titul “Legitime Aspekte des Alltags“. A Kober ti stàl a cuer i liams soziei, politics y culturei cun si raport y comunicazion danter i sogec. N ejëmpl tipich ie la documentazion de fotografies Sacri Monti y Carrara. Tl proiet sun la estrazion de miermul tla Toscana à Kober pultrà ju la belëza, ma nce la desdruzion. La fotografies ie faszinëntes. Ma l artista nes mostra n auter aspet: al post dla natura idealiseda iel da udëi la cuntreda laureda. Te si fotografies iel n messaje scundù dla pertes desferëntes dla persona. Sibe tla decadënza che nce tla belëza de Carrara se à l fotograf udù ora tematiches adatedes y ora dl solit. Per nfurmazions plu avisa: www.bertramkober.de Carrara.

Scola da d’istà Dai 22 de aost ai 2 de setember la Scola ladina de Fascia met a jir la pruma edizion de la Scola da d’istà, n cors out a chi che laora tel ciamp de l’ensegnament di lengac locai out soraldut ai dozenc de la scoles ladines, mochenes e cimbres e chi che i é dò che i se enjigna per ensegnèr te la scoles olache i lengac locai e regionèi l’é disciplines de ensegnament. L cors vegnarà metù a jir tel Liceo Scientifich de Poza. Manèr la enscinuazions a la segreterìa de la Scola ladina de Fascia dant dai 30 de jugn. Telefon 0462.760340 Cursc de rujeneda per sculeies d’instà dai 11 de lugio nchin ai 22 de lugio Curs de tudësch L curs ie per sculeies dla segonda y terza tlas dla scola elementera, te Sëlva tla scola elementera, da lunesc nchin a vënerdi, dala 9.00 -12.00 (10 lezions, 30 ëura). Priesc 90,00 euro. Curs de tudësch L curs ie per sculeies dla cuarta y cuinta tlas dla scola elementera, te Sëlva tla scola elementera, da lunesc nchin a vënerdi, dala 9.00 - 12.00 (10 lezions, 30 ëura). Priesc: 90,00 euro. Curs de talian L curs ie per sculeies dla prima tlas dla scola elementera, a Urtijëi tla scola elementera, da lunesc nchin a vënerdi, dala 9.00 - 12.00 (10 lezions, 30 ëura). Priesc: 90,00 euro. Curs de talian L curs ie per sculeies dla segonda y terza tlas dla scola elementera, a Urtijëi tla scola elementera, da lunesc nchin a vënerdi, dala 9.00 - 12.00 (10 lezions, 30 ëura). Priesc: 90,00 euro. Curs de talian L curs ie per sculeies dla cuarta y cuinta tlas dla scola elementera, a Urtijëi tla scola elementera, da lunesc nchin a vënerdi, dala 9.00 - 12.00 (10 lezions, 30 ëura). Priesc: 90,00 euro. I cursc vën metui a jì cun la scola de rujeneda “Alpha Beta“. La iscrizions vën tëutes su nchin ai 6 de juni, dal Servisc Furmazion Gherdëina, da merdi nchin a vënerdi dala 8.00 - 12.00, tel. 0471/773225 - furmazion.gh@micura.it Curs de fotografia per sculeies dla scola mesana

L curs de fotografia y de lauré ora fotografies cun Gimp y Photoshop ie per duc i sculeies dla scola mesana cun Vito Miribung. N mpera a adurvé l aparat digitel, a lauré ora fotografies cun Gimp y Photoshop, n va tl studio dl Fotoclub Gherdëina a fé fotos. L curs ie dai 1. nchin ai 5 de agost, dala 14.00 - 16.30 tla scola mesana de Urtijëi. L curs costa 70,00 euro. Nfurmazions y iscrizions da merdi nchin a vënerdi, dala 8.00 - 12.00, Servisc Furmazion Gherdëina, tel. 0471/773225. - furmazion.gh@micura.it Balé d’instà Country Line Dance

La maestra de bal Katyuscia Demez mët a jì d’instà doi cursc de balé per sculeies dla scola mesana y per jëuni da 15 ani insù. I cursc ie de lugio y agost a S.Cristina te sala de chemun. L curs per i sculeies dla scoles mesanes scumëncia ai 11 de lugio y va inant nchin ai 22 de agost, for de lunesc dala 19.00 – 20.00 y l curs per i jëuni dai 15 ani insù ie for dai 11 de lugio nchin ai 22 de agost, dala 20.30 – 21.30. Tramedoi cursc ie a S. Cristina te sala de chemun. Per plu nfurmazions y per l’iscrizions pudëis cherdé su Katyuscia, 339/5815220. Iscrizions nchin ai 8 de lugio. Wayna Fanes Tradition: edema tl rëgn de Fanes

Dal 30 de messè al 7 d’agost 2011 gnaral metü da jì na formaziun sciamana te Fanes, cun la curandera y zerimonialista sciamana Waltraud Hönes, che à inće metü sö la “Wayna Fanes Tradition”. Le moto é “Söi fostüs de n gran mît - La pera che slomina sciöche püch d’ater - Pié ia te na esistënza plü leria”. Le grup sarà söl iade a pé te Fanes. Infos: tel. 346 2194164 (Manuela Pedrotti), www.dolomiten-ayllu.it

Cuncorsc Cuncors cun pesć per i libri numinei per l ”Deutscher Jugendliteraturpreis” La biblioteca San Durich y la biblioteca de scola de Urtijëi à cumprà i libri numinei tla categuria “Libri per mutons” y “Libri per jëuni“. I sculeies dla scola mesana y dla scoles autes possa bele śën se mpresté chisc libri per i liejer, dé ju na valutazion y purvé a ndeviné ciun che sarà l liber che la giuria a Frankfurt chirerà ora. L cuncors jirà inant dut l instà nchin ai 8 de utober. Nchin a ntlëuta messerà i sculeies avëi liet almanco cater de chisc sies libri, per pudëi fé pea canche l unirà trat ora i pesć. Danter chëi che à liet duc i sies libri y ndevinà l liber che à venciù l “Deutscher Jugendliteraturpreis“ uniràl mo trat ora n majer pest. L cuncors vel per i sculeies dla scola mesana de Urtijëi y per i jëuni de duta Gherdëina. I libri tla categuria di jëuni giàpen mé tla biblioteca San Durich, y i autri sibe iló che nce te scola. Ai 22 de utober uniràl fat la festa de premiazion tla biblioteca San Durich.

Dotors y Apoteches Dotors

L dutor de servisc dala 8.00 da duman de n sada 18 de juni nchin la 8.00 da duman de n lunesc 20 de juni ie l dutor Simon Kostner de Sëlva, tel. 0471/794002 o l 798626. Le dotur en sorvisc tla findledema di 18 y 19 de jügn, ti cin’ comuns dla Val Badia, é le dotur Ziad Barakat, Al Plan, tel. 334/2484784. Apoteches L’apoteca de servisc che à daviert ora dl orar ordiner da n vënerdi (dala 19.00) ai 17 de juni nchin n vënerdi ai 24 de juni ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc fora dl orar ordinar, dal vëndres ai 17 de jügn al vëndres ai 24 de jügn, é chëra da La Ila, tel. 0471/847152.

www.lauscdiladins.com

35


Informazions y Manifestazions

nr. 23 / 17 de jugn 2011

♦ Gran festa per la sègra de Sèn Vile a Moena Dai 23 ai 26 de jugn musega e legreza per duc. En jebia gran apuntament con “The bastard sons of Dioniso”

Mostres Mostra de dessëgns de Roswitha Asche y massaries da laurè te bosch Tla cornisc dles manifestaziuns por l’ann internazional dl bosch, él da odëi tla Ćiasa dl Parch Natural a Al Plan na mostra de dessëgns dl’artista Roswitha Asche (1938-2006) y ogeć y massaries da laurè tl bosch de n raiun da munt zacan y aldedaincö. La mostra é daverta ćina ala fin de jügn. Mostra de fotografies dl “Giro d’Italia te Gherdëina“

La mostra sarà da udëi dai 19 de juni nchin ai 3 de lugio tl Tublà da Nives te Sëlva. La sarà davierta uni di, dala 18.00 – 22.00. L sarà da udëi plu fotografies y articuli de zaites dla tapes dl giro te Gherdëina. Avisa 7 iedesc iel stat te Gherdëina n travert de tapa dl Giro d’Italia, tl 1983, 1984, 1985, 1991, 1998, 2000 y 2005. N puderà ti cialé ntëur a n 100 fotografies y a plu articuli ora dla zaites y a n video. La giaurida dla mostra sarà n dumënia ai 19 de juni dala 18.00. Mostra de Hugo Vallazza

L Istitut Ladin Micurà de Rü y Kunst Meran ve nvieia ala mostra de Hugo Vallazza “Culëur, forma, natura“ tla cësa dla Cassa dl Sparani, Lauben 163 a Maran. La mostra sarà da udëi nchin ai 25 de setëmber, da merdi nchin a dumënia 10.00 – 18.00. Mostra 50x50x50

La mostra ie a Franzensfeste tla furtëza nchin ai 9 de lugio. 38 artisc’, danter l auter nce truep artisć de Gherdëina, meterà ora si opres de ert fates cun materiai desferënc, coche nce nstalazions video, fotografies y colages. Orar de giaurida da mierculdi nchin a dumënia, 14.00 – 19.00. Mostra de Peter Demetz a Neumarkt

The bastard sons of Dioniso.

Ence chest an la Musega de Moena endreza na bela festa per onorèr l patron Sèn Vile. Dai 23 ai 26 de jugn l paìsc e l tendon jun Navalge se ralgegrarà con musega, guanc, magnères tipics, colores e viveza. Te chesta edizion, apede a la musega folk, sarà ence momenc dediché ai più joegn. En jebia la serèda tacarà ite da les 20.30 col spetàcol col Dj Gianluca Marchesoni e sobito dò sarà l gran event co la band trentina de nonzech “The bastard sons of Dioniso” che portarà dant sia neva cianties. En vender ai 24 enveze sarà l’outa de n grop de cinch joena sonadores, le “Polka Punce” con spetàcol da les 20.30. En sabeda ai 25 de jugn se pel marenèr te tendon compagné da la “Böhmische Judicarien”, da les 15.00 musega con Daniel Girardi e da les 17.30 aperitif con i “Malgòla Quartet”. Da sera da les 20.30 i “Original Südtiroler Spitzbuam” sonarà per duc con gran sbunf e gaissa, l spetàcol l’é arsegurà. En domenia ai 26, dì de sègra, da les 10.00 vegn dit messa grana co la procescion de Corp de Crist e dapò la Musega da Moena se n arloarà fin te tendon jun Navalge olache, entorn mesdì, sarà i descorsc de l’autoritèdes e la premiazion del prum concors musical “Paolo Chiocchetti”. Da les 14.30 defilèda fora per paìsc de la cater museghes de Fascia col grop folk de Soraga e i Schuhplattler da Ciampedel che dapò farà sia esibizions sun paladina. Da les 17.30 aperitif con i “Kromeri”, da les 20.00 conzert de la Musega de Moena e dapò la festa vegn serèda sù col conzert di Alpenboys. Dutes 4 la seres sarà a la leta n servije de bus debant che pearà via da Ciavaleis e da Cianacei ogne ora (8, 9 e 10 da sera) e l jirà de retorn da les 12 e da la 1 de net, ferman te duc i paìjes. Dut l program é sul sit www.bandacomunalemoena.it.

L “Kunstforum Unterland“ mët a jì na mostra persunela de Peter Demetz che ie da udëi a Neumarkt, tla Galaria dla Cumenanza de raion Überetsch-Unterland, Lauben 26. La mostra sarà da udëi nchin ai 18 de juni, 10.00 – 12.00 y 16.30 – 18.30. Ivan Lardschneider pra la 54 ejima Bienela de Unieja L’artista de Sëlva, Ivan Lardschneider mët ora la scultura “Zënza cë“ tl padilione dla Republica Arab- Siriana sun l’ijula di San Servolo. L titul dla mostra ie “EVOLUZIONE“. La Bienela de Unieja ie da udëi nchin ai 27 de nuvëmber, da merdi nchin a dumënia 11.00 – 18.00.

Segres y festes Festa de scomenz istà con la Musega da Vich Per festejèr l scomenz de l’istà i componenc de la Musega da Vich se à pissà de endrezèr na bela festa te tendon chest fin de setemèna, en sabeda ai 18 e en domenia ai 19 de jugn. En sabeda da les 18.30 aur l tendon con musega e da magnèr. Da les 21.00 se podarà balèr con la mùsega di Pazedins. En domenia da les 10.00 da Piaz J.B. Massar pontarà via la defilèda de la museghes de Ragoli, Valboite e da Vich enscin jun gejia de Sèn Jan olache da les 10.30 vegn ofizià la messa. Da les 12.30 sarà la marena te tendon e da les 14.30 conzert de la museghes.

Iniziatives sozieles Deberieda: Jon a tlupé freies

N juebia ai 23 de juni se ancunterons dala 15.00 tla streda Stazion, daujin ala Cësa de Paussa per jì a Natz-Schabs a tlupé freies. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Per nfurmazions plu avisa pudëis cherdé su Ulrike Rabanser, tel. 0471/798015.

Musiga Gran conzert jazz insnet a La Grenz La sociazion La Grenz va inant con so empegn per chierir ge dèr lèrga a la musega dal vif de calità. Insnet, vender ai 17 de jugn, sarà l’outa de na gran proponeta outa ai pascioné del jazz e a chi che vel cognoscer chesta emportanta esprescion musicala. Per l’ocajion rua defat a Moena inomes de nonzech internazionèl e da les 21.30 inant, te la senta de la sociazion aló da La Baita, te strada Saslonch, pearà via l conzert con l bravo chitarist Sandro Gibellini, l cognosciù baterist Eliot Zigmund che rua da New York e l bassist de talent Carmelo Leotta da Catania. Chi che no é sozi pel ite con la sotescrizion ratealisèda. De autra informazions se pel les troèr sul sit: www.lagrenz.org.

♦ Sentì l tof dl vënt L artista de Urtijëi Wilhelm Senoner nvieia duc n sada ai 18 de juni dala 14.30 ala giaurida dla mostra “Sentì l tof dl vënt“, sun Resciesa pra la utia de Resciesa

Gran festa de “Die Ladiner“

La 10. edizion dla gran festa de “Die Ladiner” sarà chëst ann da vënerdi 30 de setëmber nchin a n dumënia 2 de utober. N vënerdi sëira suneràl danter l auter “Die Ladiner” y “Die Grubertaler”, n sada sëira mujiga cun “Die Ladiner”, i “Zillertal Power” y “Monique”. N dumënia ai 2 de utober n ucajion dla 10. edizion dla festa n gran “Frühschoppen“ cun “Luis im Auto”, “Die Ladiner” y i “Alpenbrass Tirol”. La ntreda ie n chël di debant. Chertes danora iel da giapé bele śën te internet sot a www.dieladiner.com o cherdan su l 328/4191433.

Temp lede Jita te Ncisles cun batadù L KVW de Sëlva nvieia duc a unì n sada, ai 18 de juni te Ncisles a s’la carté. N se anconta dala 13.30 pra la stazion japé dla furnadoia Col Raiser o pra la stazion suinsom o nce tla utia Ncisles dala 14.30. La sozietà Col Raiser arà da garat chertes debant per i cumëmbri dl KVW. Per chëi che ne n’ie nia boni de jì a pe nchin pra utia saràl n auto che i menerà pra utia. Nfurmazions y iscrizions pra Walter Demetz, 0471/794008. “Sentì l tof dl vënt.“

36

www.lauscdiladins.com

Wilhelm Senoner mët ora 7 scultures de bront che sarà da udëi sun la mont de Resciesa. La persona vën metuda te na posizion da spetadëur te na lerch che la ne n’à nia crià, te situazions che la porta ai cunfins cun sé nstëssa. I cunfins ie dac dala esperienza dla persona. Tlo tòl la persona la dezijion sce jì inant o de reviers. Tlo iel la curiusità dla persona sce l ie mo zeche do la linia dl cunfin. La persona se à fat sie l crià y perchël àla nce la respunsabltà de chësc. L’ert devënta n pensier naturel. La mostra ie da udëi nchin ai 18 de utober.


Congratulazions

nr. 23 / 17 de jugn 2011

♦ Segra da Bula

Ti di speziel ie śën tlo, dut l bon per l cumplì di 18 ani

a Romina

N dumënia ai 19 de juni iela inò tan inant, l ie segra sa Bula. Dala 9.00 daduman cianterà l Cor de Dlieja la Santa Mëssa sot ala direzion de Elisabeth Delago y daldò uniràl dat ora crafons y zeche da bever sun plaza de dlieja

ti mbincions. “Piccolina“ ne puderons nia plu te dì ajache bela granda ies unida. La patent fajeres’a bën prësc ma nëus l taxi nia plu tan prësc. Te cumpania stes for saurì ajache te ies dalaibon, da druch y da rì. La scola de belëza es tosc finà y vel’lëur da estetista bele purvà. Te mbincion inant bona fertuna y suzes Mami y tati y ti surans Petra y Daniela

Domesdì tenirà la Mujiga si cunzert tradiziunel dla segra. La Mujiga da Bula sona sot ala bachëta de Patrizia Rifesser. L cunzert scumencerà dala 3 domesdì dan l Hotel Platz. Sce l ëssa da vester bur’ tëmp, unirà dut cant spustà tl local dala proes, tla vedla scola elementera bas ite. Se ncunferton sun Vo. La dlieja da Bula.

Iniziatives sportives 4. “Viola Football Camp” a La Val

L’Uniun dl Sport La Val lascia alsavëi che en chësc ann gnaràl indô organisé söla plaza dl sport Plans le “Viola Football Camp” por düć i mituns de nosta valada nasciüs dal 1997 al 2002. Le camp gnarà tignì a La Val dai 22.08 ai 27.08.2011. Informaziuns y iscriziuns pro Fabian Sottara al nr. 333/4750466 (do les 5 da sëra) o söla plata internet www.uslaval. it.

Dan da 28 agn s’ëise incuntè te chël local dër respetè. Ëra n’orô bëgn no nun savëi da conësce en te’ soldà, bëgn en pü’ da temëi. Por fortüna ël n’à bëgn no lascè stè y chësc éle ćiche al à spo portè. Bele 25 agn éle śëgn passè da chël bel dé olache se ëis dit de scê. Crüzi y fadies te osta vita à inće albü lerch mo osc amur é impò stè plü sterch. Ai 7 de jügn éle ćiamò na data da se arcurdè, de chë Irma ne podunse bëgn no se desmentié. 50 + 1 sön calënder êle scrit, y śëgn sön na tara vëgnel ma plü rit. Por döt ći che ëise fat por nos se rengraziunse y tröpa ligrëza y sanité inant se augurunse   Albert, Paola, Luca, Jessica, Hubert y Uma

Ocio Ocio…

VI edizion de Champions Vich

la Sandra

Dò l gran suzess de l’an passà ence chest an, dai 27 de jugn ai 16 de messèl, vegn metù a jir a Vich la VI edizion de “Champions Vich”, feruscol tornoi de balon a 5, che sostegn ence SportABILI, endrezà da Daniele Tonet e Federico Cincelli. La bela novità de chest an l’é che vegn portà dant ence la “Champions Girls”, l super tornoi out a la eles. En mércol ai 22 de jugn al TIM’S Bar aló dal zenter sportif de Cotura da les 20.30 vegn dezidù i desvalives girons de la partides. Per se scriver ite ge vel chiamèr Daniele al 339 4854991 o Federico al 346 2416664.

röia do bel plan, inće tö as śëgn tü 18 agn tla man. Cun chë panda dla mama orunse tosc t’odëi, mo i sperun che i ne messuns’ nia massa se tomëi. A chë scora ti este saurì, no t’la tomëi, al franzeje ti la fajarast’ pa bëgn odëi. A nosta gran artista düt le bun ti augurun, y a n gran festun s’la cunfortun!   Aileen, Alessandro, Aron, Giulia, Greta, Hannes, Jasmin, Jasmine, Luki, Manuel, Marina, Max, Naomi, Nicola, Norman, Sara, Stefan y Vanessa

Chino Al chino de Pardac

Insnet, vender ai 17, sabeda ai 18 e domenia ai 19 de jugn da les 21.15 vegn moscià l film, descomanà a chi che à manco che 14 egn, “Con gli occhi dell’assassino”. L Chino de Cianacei averc endò ai 27 de jugn. L Chino de Tieser averc endò ai 25 de jugn. L Chino de Ciavaleis l resta serà enscin en lunesc ai 20 de jugn.

♦ I 40 agn dla Uniun dl Sport da San Martin En doman sabeda ai 18 de jügn vëgnel festejé a San Martin le iubileum dla uniun sportiva. Domisdé él söl program n triangolar de palê interladin cun ladins de Südtirol, dl Trentin y dl Grijun. Da sëra festa y intratenimënt cun Alexander dal Plan La US San Martin po festejé chësc ann sü 40 agn. Por chësta ocajiun vëgnel fat festa, en sabeda ai 18 de jügn tl raiun dl sport da San Martin. Bele domisdé, dales 16.30, él söl program n turnier triangolar interladin, olache an odarà trëi partides danter ladins de Südtirol, ladins dl Trentin y ladins dl Grijun. Da sëra saràl la pert ofiziala dla festa cun i salüć dles autoritês y dales 20.30 inant vëgnel pité intratenimënt musical tl tendun cun Alexander dal Plan. Por spëisa y boanda vëgnel sambëgn fistidié. Por rovè alerch él inće la poscibilité da Le placat che inviëia ala festa dla US s’anuzè dl nightline (orars sot a www.nightliner. San Martin, cun partides interladines. bz.it). Al vëgn inće recordè che la domënia ai 19 de jügn él inće söl program na partida d’amizizia de livel alt: le MSV Duisburg, che fej sü alenamënć da d’isté a San Martin, śogarà cuntra l’Austria Lustenau. La partida é dales 16.00, söl ćiamp dl sport a San Martin.

I ti fajun les mius aodanzes a

Nadia y Markus che mët man en doman süa vita deboriada. Che ai pois dé por dé crësce inant te so amur. A Nadia ti aodunse inće düt l’bun por i agn che ara cumplësc le medemo dé. Ostes Families

Sabeda ai 18 de jügn 2011 Incö él gnü l’ gran dé, che

Elisabeth y Hannes se dij de scê. Düt l’ bun, furtüna y benedisciun cun gran ligrëza ti augurun! De cör les families

www.lauscdiladins.com

37


Congratulazions y Inserac A Alexandra y Oliver che se marida en sabeda ai 18 de jügn 2011 ti augurunse tröpa ligrëza, fortüna, tröc de bi mumënć sön osc tru deboriada. Ostes families

En lönesc ai 27 de jügn festejëia

nr. 23 / 17 de jugn 2011

SMS por spënores ala “Costa Family Foundation” Dai 20 ai 26 de jügn 2011 arà la jënt la poscibilité da menè tres fonin n SMS al numer 45506 por i dè spënores ala Costa Family Foundation che é tl laur da realisé le proiet numer 7, la costruziun de na ćiasa por mitans tibetanes tl esil a Dharamsala tl’India. La

spënora i va deplëgn ala Costa Family Foundation Onlus, söa ativité é tra sp arënt a y vë g n acompagnada y arvenüda diretamënter dala Familia Costa. Le cost é de 2,00 euro por vigni SMS - al pò gnì invié dales rëis TIM, Vodafone, Wind, 3, Poste

Mobile, Tiscali y Coop Voce, y inće de 2,00 euro por vigni telefonada da rëi frëma TeleTu. La spënora por vigni telefonat fat da rëi frëma Telecom Italia, Infostrada, Tiscali y Fastweb é danter i 2,00 y i 5,00 euro.

Bernardetta y Engelbert da Pinei i 30 agn de matrimone I se aodun de cör döt le bun, trepa sanité, ligrëza y stede ennant bi löcri adöm se aoda üsc mituns Melani, Daniel, Sofia y Cindy y ala mama inće döt le bun por i ...0 agn che ara complësc ai 20 de jügn, che te romagni desche t’es y mantëgn tres töa bona löna!

Hotel Savoy ***S a La Ila chir n/na möt/a (lerner) por daidé te salf. Prëibel telefonè al 0471/847088.

Tl zënter de Urtijëi sun plaza S. Antone vëniel fità via n local per butëiga o ufize de 30 m² + 35 m² de magasin bas ite. Per plu nfurmazions pudëis cherdé su l 335/222531 o scrì a info@bwilli.com

L vën vendù n cuatier de 70 m2 te Sëlva tla streda Col da Lech. Prëibel cherdé su l 348/2340224.

Tl zënter de San Ćiascian vëgnel venü n local de 140 m2 cun terassa a sorëdl por n eserzize publich o comerzial. Por informaziuns plü menüdes telefonè al 0471/847887 o al 335/6193439.

Sport Lagazuoi a San Ćiascian chir por la sajun da d’isté na boteghiera por la botëga dal sport. Prëibel cherdè sö le 0471/849554 o le 335/6810026. Restorant Oies a Badia chir 1 secundo cogo. Info: 0471/839671 o al 335/424203.

38

www.lauscdiladins.com

inserac@lauscdiladins.com Le Museum Ladin Ćiastel de Tor chir 1 cassiera a mez tëmp dales 10.00 ales 14.00 tla sënta nöia tl Museum Ladin Ursus Ladinicus a San Ćiascian y 1 cassiera a mez tëmp dales 14.00 ales 18.00 tla sënta dl Museum Ladin Ćiastel de Tor a San Martin de Tor. Trames les störes é da curì dai 25 de messè, bonamënter fina ai 6 de novëmber 2011. Al vëgn damanè: l’apartenënza al grup linguistich ladin, l’atestat de trilinguism C, le diplom de scora mesana y almanco 2 agn de scora alta (comerziala, de contabilité, aministraziun y secretariat) o patent de computer ECDL. Les domandes cun curriculum é da dè jö fina en mertesc ai 28 de jügn dales 6 da sëra. Por informaziuns prëibel telefonè al 0474/524020 o menè na e-mail a info@museumladin.it.

A San Ćiascian vëgnel chirì n/na jonn/a a daidé fora te na botëga y galaria d’ert. Prëibel scrì a info@ lavitaebella-franz.com o telefonè al 339/4729898.

La botëga de spezialitês Delizius a San Ćiascian chir por la sajun da d’isté na boteghiera. Prëibel cherdè sö le 0471/849328 o le 335/6761788.

La Scola de Schi de Sëlva chier per dut l ann n/na secreter/ia che sebe tudësch, talian y nglëisc y da lauré sun l computer. Prëibel cherdé su l 335/204278.

Tistlaria Perathoner te Sëlva chier n fant cun esperienza. Prëibel cherdé su l 0471/773222 o l 339/4268143. Hotel Ciasa Tamà a La Ila chir por la sajun da d’isté na porsona a daidé te bar y te salf por 3 - 4 ores da sëra inće studënt/a na massöra por 2 – 3 iadi al’edema. Prëibel cherdè sö le 333/9195283 o le 0471/847202.

Le raiun sozial Val Badia chir na assistënta soziala ladina che laora al 50%. Recuisić é le trilinguism y la patent. Prëibel cherdè sö le 0474/524552. (Helga)

Mituns y mitans tibetans. So dagnì pò gnì miù cun l’aiüt che vignun de nos pò dè. La Costa Family Foundation é tl laur da realisé strutöres soziales y educatives a Dharamsala tl’India. Da chirì Na familia de 3 persones chier n cuatier te Gherdëina o ntëurvia per dut l ann. Tel. 349/4964230. (21/11) ••• L vën cris da cumpré n cuatier de 60 m2 plu o manco te Gherdëina, a Ciastel o a Laion. Tel. 340/5298027. (21/11)

���•• N per che lëura bele da 5 ani incà de Gherdëina chier n cautier, sce la va a Urtijëi. Tel. 333/8236811. (21/11) ••• L vën cris n cuatier de 60 m2 plu o manco da tò a fit te Gherdëina per dut l ann.

Tel. 328/7318247. (21/11) ••• L vën crì n flucion per purté n pop “Tragerucksack“ dla marca Babybjörn o nce de n autra marca per de pitli popesc. Tel. 339/8533723. (22/11) •••

Chirì da laour N jëunn dla Talia che rejona nce nglëisc chier da lëur coche barista, a judé te cësadafuech o da vardian te Gherdëina cun puscibltà de albierch. Tel. 340/3745788. (21/11) ••• N ël cun patent chier da lëur coche autista. Tel. 327/3266394. (21/11) ••• N per chier da lëur per judé te cësa, evtl. nce coche badanc. Tel. 327/3266394. ••• N ël de Gherdëina chier n lëur. Chiche ëssa velch da ti pité ie prià bel de cherdé su l 333/6167687. (21/11) ••• N’ëila chier da lëur coche cuega o segonda cuega. Tel. 328/1473891. (21/11) ••• Na ëra dla Val Badia chir por mez n dé, danmisdé, n laur tl’Alta Badia sciöche ćiamenëssa, barista, boteghiera, romenè sö o ćiarè di mituns, fancela de ćiasa. Tel. 393/0324243. (21/11) ••• N ël cun esperienza chier da lëur da pizzaiolo. Tel. 320/2218705. (21/11) ••• Na studënta da tlo chier da lëur te n bar o te n restaurant ulache la pudëssa nce adurvé la rujeneda taliana, cun dumënia liede. Tel. 338/9592128. (21/11) ••• Na studënta de 16 agn dla Val Badia chir laur sciöche möta da mituns, fà i gostà o val’ater laur por la sajun da d’isté. Tel 333/8587715. (21/11) ••• Na jëuna de 23 ani cun esperienza chier

da lëur da barista, chelnera o a rumé su. Tel. 389/9975736. (21/11) ••• N jonn de 17 agn chir n laur por l isté, lugio y agost tl’ auta Val Badia. Tel. 340/4556881. (21/11) ••• N bon cuech cun esperienza chier da lëur per la sajon da d’instà. Preibel cherdé su l 338/3821293. (22/11) *** N ël cun esperienza chir laur a Corvara sciöche aiut cogo cun alberch. Tel. 338/6746660 o 327/0491165. (22/11) ••• Na jëuna da tlo chier da lëur per la sajon da d’instà coche barista o a laur´ te na butëiga. Tel. 338/8892971. (22/11) ••• Na studënta dla Val Badia che sa todësch, ingleje y rus, chir n laur por l’isté sciöche boteghiera, aiüt chelnera por salf, aiüt te ofize o aiüt te ćiasadafüch. Tel. 347/4788551 o svetlana.iourievna@ tiscali.it (22/11) ••• Na jona/studënta da La Ila chir n laur por d’isté. Tel. 346/0919112. (22/11) ••• N ël dl Perù de carant’ani chier da lëur a lavé ju o a fé d’uni sort de lëures, cun leprò spëisa y sté. L ie n bon laurant y à bele laurà plu ani te nosc raion. Tel. 389 7940618. (22/11) ••• N’ëila chier da lëur sciche ciulea, sciche barista o scenó nce a rumé su la majons. La à bele plu ani de esperienza y à nce bele laurà te nosc raion. Tel. 347 4459611

(22/11) ••• N pizzaiolo cun esperienza chier da lëur. Tel. 338/2713726. (23/11) ••• N ël cun esperiënza chir n laur sciche chef de rang o chelner por salf tla Val Badia. Ël sà la rujenedes talian, todesch y ingleje. Tel. 328/7935384. (23/11) ••• N’ëila chier da lëur a rumé su domesdì o da sëira te Gherdëina. Tel. 0471/794222 o 329/1550839. (23/11) ••• N monter cun esperienza de Südtirol chir laur. Tel. 320/6937093. (23/11) ••• N jonn da Corvara de 20 agn chir por la sajun da d’ isté n laur por n per de ores da sëra. Tel: 340/9662908. (23/11) •••• N ël chier da lëur a fé d’uni sort de stroc o scenó nce sciche muradëur, ajache l ie mparà ora te chësc lëur. Tel. 339/6923266. ••• N studënt de 18 agn da La Ila chir laur por i mëisc de messè y agost. Tel. 338/9330393 o 0471/847605 domisdé y da sëra. (23/11) ••• N ël chier da lëur a fé de uni sort de stroc o a cialé de na persona de tëmp. Tel. 345/3375092. (23/11) ••• N’ëila chier da lëur a rumé su o a cialé de na persona de tëmp o de pitli mutons. La rejona mé spaniol y ntënd n puech talian. Tel. 345/3375092. (23/11) •••

Da scinché Al vëgn scinché hamsteri. Tel. 339/8801406. (23/11) ••• Al vëgn dé ca pici iac de 2 mëisc. Tel. 335/7879518. (23/11)

Da vende Da vëne a n bun prisc n fer da superscè (sferié fora) profescional dla marca L’ EL-IT adorè dër püch. Tel. 339/6950036. (21/11)Al vëgn venü na mascin da puzenè a tanf (vaporetto) LUX cun duc i pec che va de bujën por puzenè döta la ciasa, prisc 600,00 euro, n ann i mez vedla. (valor original 2.000,00 euro) Tel. 333/8671652. (22/11) ••• Da vënder per n jëunn che à iust fat la patent n Opel Corsa blanch, 1.400, 45 KW dl 1997 cun 92.000 km. Tel.

335/7045112. (22/11) ••• Da vënder na mascin da sië Rapid cun curtiei dopli y n cran per l fën. Tel. 335/223946. (22/11) ••• Al vëgn venü n motor Jamaha Model R6 corù ble, dl ann 2002 cun 20.000 km te de bones condiziuns a n bun prisc. Tel. 339/6888449. (22/11) ••• L vën dat ca n canapé (couche) de 2 x 1 metri. Tel. 0471/795233. (22/11)

••• Da vëne n Suzuki Swift GLX plus arjënt metalic, ann 2007, 40.000 km. Tel. 333/4410033. (23/11) ••• Da vëne n canape nü corù blanch avorio, de pel cun pedanes relax, mosöres 90 x 195. Tel. 333/8759838. (23/11) ••• Da vëne n Peugeot Expert, 3 posć, corù blanch, mantignì dër bun. Tel. 335/6275263. (23/11)


Religion y Anunzies

nr. 23 / 17 de jugn 2011

Vangel dla Domenia

Recort L ie bele trëi ani ca che nosc tati y uem

Festa dla Santiscima Trinité, ann A, ai 19 de jügn Dal vagnele do San Jan, 3, 16-18

Michael Silbernagl nes à lascià. L à lascià n gran uet. Ulon se lecurdé de ël pra na santa mëssa n sada ai 18 de juni dala 18.30 tla dlieja San Durich de Urtijëi.

Idî ti à orü tan bun al monn, ch’al à dè ca so Fi su, por che vignun che crëi te ël, ne vais nia ademal, mo ais la vita eterna. Deache Idî n’à nia menè so Fi tl monn, por che ël iudichëies le monn, mo che le monn vëgnes salvè tres ël. Chël che crëi te ël, ne vëgn nia iudiché; chël che ne crëi nia é bele iudiché, ćiodich’al n’à nia cherdü tl inom dl Fi su de Dî. Parora dl Signur. – Lalt a té, Gejù Crist!

Lecort

Cunduel Ulon ti fé la cundulianzes plu sentides ala vizepresidënta dla Union di Ladins de Gherdëina, Milva Mussner y a si familia per la mort de si sor

Niva Mussner Union di Ladins de Gherdëina

Cunduel La cundulianzes plu sentides ala cumëmbra dl Cunsëi dla Union Generela di Ladins dla Dolomites, Milva Mussner y a si familia per la mort de si sor

Niva Mussner La presidënta y l cunsëi dla Union Generela di Ladins dla Dolomites

Per la santa mëssa di 18 ani de nosta

Simona che ie stata n sada ai 11 de juni. Nëus rengrazion de cuer Sn. pluan dla bela s. mëssa, Ivan Schenk cun si bela usc y si grupa che à ciantà y sunà tan bel y duc chëi che à cuntribuì a fé la s. mëssa plëina de sentimënt. Rengrazion i truep cumpanies y duc chëi che nes ie stac daujin y ie mo for tan daujin a nëus te chësc rie tëmp de nosta vita. Son cuntënc de pudëi dì che l ie persones cun n gran cuer y na bela "gioventù" davierta. Ulon dediché n pensier nce a mi pere y a chëi che à messù y ulù, zënza se rënder cont, lascé chësc mond massa abenëura, cun la ciantia ”Oltre le rive”, cianteda tan de cuer ntan la S. mëssa y dedicheda a Simona y a nëus da una de ch’la persones tan ”speciali”. N pensier ulons nce dediché al fra dl trainer Fabian Ebenhoch, che à perdù la vita te na desgrazia dan doi enes. Scutan su tl pensier mo n iede chësta ciantia se dajons la man per se sentì plu daujin. Die Ve l paie!

Cunduel

Brigitte y Oswald cun Christian L’ aministrazion dl Chemun de Sëlva tol pert al duel de si assessëura Milva Mussner per la mort de si sor

Niva

Recort

y ti fej la cundulianzes plu senzieres.

Renzo Gross

Sëlva ai 9 de juni 2011

del Zòt 19.06.2006  - 19.06.2011

Recort Cun gran tristëza y duel fajons a l savëi che nosta fëna, oma, lava y sor anda

Annemarie Vallazza

  Ben cinch egn l’é jà passà l’encresciment l’é Semper muie gran to ensegnament, to amor ne deida a jir inant to recort resta SEMPER vif te nosc cher   toa familia

marideda Prugger - 80 ani ie morta a Bulsan ai 2 de juni 2011. Ulon se lecurdé de ëila ntan la santa mëssa te dlieja de Urtijëi n dumënia, ai 19 de juni dala 9.00. Chëi che l’à cunesciuda ie duc nviei. Rengrazion Chël Bel Die de l’avëi abuda danter nëus nchin śën. L uem Prugger Franz (Azi) La fia Prisca L mut Uli cun familia y i parënc. Prion bel de na dunfierta per l’ Assoziazion Assistënza Crëibes “Krebshilfe”.

Rengraziamënt Signur, tol sö te to rëgn de pêsc nosc pere

Paul Vantsch dl Tascia *29.06.1921 +19.05.2011 Nos familiars orun ringrazié düć chi che ti é stà stà dlungia a nosc tata tratan süa vita, ti bi, mo inće ti rî momënć.

Recort

Francesca Piccolruaz nasc. Compostella *06.06.1973 +07.06.2011 Giulan de cör a düć canć y Idî s’l pàies. Erich, Alessia y Anna

Le gran dilan ti va ai stödafüs, al Aiüt Alpin, ala Crusc Blanćia y al dotur d’emergënza, a chi dl’Assistënza Spirituala, ai Carabiniers y a düć chi che à daidé chirì nosc tata y chi che nes é stà dlungia cun so aiüt, cun parores, cun l’oraziun. N gran dilan ti va al Marco che é stè a nosta desposiziun. Dilan ala doturia Mahlknecht che l’à curè canche ara ne ti jô nia massa bun. Dilan a siur Paul y a pater Johann che à zelebrè la santa mëssa, ai ministranć, a chi che à dit dant les corones, al cor de dlijia, ala monia Rita y al Erwin y a chi che s’à recordè y se recorda inant de nosc tata tla oraziun. N gran dilan a düć chi che à tut pert ales corones y ala sopoltöra. Dilan y che Idî s’l pàies.

www.lauscdiladins.com

39


Internazional

nr. 23 / 17 de jugn 2011

Lituania, tera de croujes La Lituania é un di trei pici stac baltics; ala termeneia con la Letonia, la Polonia, la Ruscia, l Mer Baltich, la Bieloruscia y con la enclava ruscia Kaliningrad (todesch Königsberg)

Na veduda sun Vilnius, capitala dla Lituania. (Foto: www.worldisround.com)

La Lituania à na spersa de 65.300 km2 y 3,5 milions de abitanc; l 81 % é lituans, l 8 % rusc, l 7 % polac; ence ucrains y bielorusc viv chilò. Ben 200.000 persones viv foradecà, dantaldut ti paisc tl west, per motifs de laour. La contrada é scialdi da lec y da bosch; l maiour ruf à inom Memel. La zité capitala é Vilnius, d’autres zités à inom Kaunas, Wilna, Memel; l clima é continental y va dai 17 gradi de ciaut ai 5 de freit. L’economia é baseda sun l’agricoltura, sun la blava; al gareta bon l lin; ortam, frutam y soni cresc endertura; l’industria fej mascins, massaries, enjins, aparac eletrotecnics; emportanta é l’industria alimentara, emplanc idroeletrics sfruta l´ega per produje forza eletrica. La Lituania à cotant de torba (Torf) y ambra (Bernstein).

Raijes cristianes - de gran soferenzes La Lituania à na gran toleranza; ala à mantegnì al intern cultures, etnies y mendranzes religiouses. Dl 1387 se ova la Lituania convertì a la religion cristiana. L 80 % dla popolazion é catolica, l 4 % é ortodosc rusc y l 2 percent fej pert dla gliejia luterana evangelica. Al ne mancia nia i comunisć; ai à sies

raijes tl paganeism; duta orela vìvel al intern clubs passifs o scetes de carater neopagan. La Lituania mantegn n valgugn primac o carateristiches particolares: al é sté l ultim paisc dl’Europa a sourantó l cristianeisem dl 1400; da ilò encà s’à chesta religion enraijé a na moda che duta la nazion se rata cristiana. L gran coraje di prevesc y di fedei à dé ca la forza de tegnì fora les proves plu crudeles: empruma la ocupazion longia di zars, spo chela sovietica comunista, dedò chela nazista y spo endò chela sovietica. Tant de sanch de lituans à pa bagné la tera y tant de soferenzes ài pa chisc soporté !

La etnia di Caraimi A Trakai pòn amiré n bel ciastel encertlé ite da eghes y ilò empàren a conesce na picera comunité etnico-religiousa de raijes etniches turches, i Caraimi; ala compeida demé plu valch deseines de families. I caraimi viv n cult monoteistich che va zeruch ai libri dl Vedl Testament; sce i cialon ite te sie salf de cult pòn vedei formes che recorda ben la strutura dles sinagoghes. I caraimi ti à dé vita a Trakai, sun les spones dl lech dal medem inom, a na architetura carateristica y

L col dles croujes. (Foto: www.panoramio.com)

40

www.lauscdiladins.com

originala y plena de colours. Sies ciases de legn da una o does auzedes mostra ciamò encuei sun la fassada trei finestres per respeté l’usanza tradizionala: “ una per Die, una per la familia y una per l granduch Vytautas” ! Chest ova dl 1397 mené i caraimi chilò adalerch da la Crimea.

La colina dles croujes Sun la streda che conduj da Riga a Kaliningrad ùrten n col plen de croujes che é deventé n santuar y post turistich. Dutes cheles croujes te sprigola, te fej vegnì confous. Ales stà fora de nia dant te, sun n pice col aut chi diesc metri che ti someia plutost a n pre ciaoul rich de vert amez l gran bosch che cuer feter dut l raion dla planura lituana. Al per che l col feje fora n gran mudl de croujes, an rejona de 56.000; vigni di en rùvel permez de nueves depierpul che les plu vedles se desfej. Al é croujes desvalives de material: de legn, de pera, de fer y de vigni grandeza y fantasia. Croujes dret scemples y dret bel laoredes, gonot acompagnedes da scrites, inoms y posć che ne abracia nia demé la tera dla Lituania ma dut l mond. Chela colina de croujes resta ilò per desmostré la fede sota di lituans.

La tradizion lituana de senté ite na intelighenzia lituana feter elimineda crousc te chel post é secui vedla; ova la Ruscia abù saurì governé la ma cis tl secul 20 à la pratica fat pe Lituania. Permò con la glasnost de y s’à dassen svilupé. I rejims che s’à Gorbaciov é la Lituania, sciche plu outes baraté ju (da la ditatura prum stat satelit dla Union Sovietica, dl zar a chela sovietica, da la nazista vegnuda indipendenta ai 11 de merz y endò a la sovietica) à splané fora dl 1990; encuei féjela pert dla UNO, chel col ben cater outes a inom dl dla EU y dla NATO. Con chesta ateism militant. Ma per ben cater garanzia te gaiofa ne ti pò Moscau iadesc é l col endò vegnù emplenì plu fé nia a chisc pici stac baltics. su; apena che les croujes fova Ma la religion tant forta ti cuers di vegnudes desdrutes vegnìvel metù lituans, adum al gran amour a sie a si post d’autres croujes a rogosé lingaz (al fova dret meltraté dai cheles desdrutes; enscì chersciòvel ocupanc) è steda la ancora che à su atira n’autra colina. I comunisć ova proibì de mete su croujes nueves; saudés rusc sclopetova sun chi che vegniva a scur con na crousc nueva, ma l col se empleniva tres deplù de croujes nueves. Ai 7 de setember dl 1993 él ence sté ilò l Papa Jan Paul II a mete dlongia na sia crousc. An pò se lascé afasciné dal chiet, da la devozion de chel post. An sent l bosch, an tofa les croujes de legn; al per d’ester trac ite tl temp passé; al ne fajessa nia marevueia a vedei scrician demez n cavalier germanich con la sabla. Spaziran amez cheles milesc croujes descuereste bele avisa che al é do vigni crousc n mus o na storia, na intenzion particolara de orazion y na domanda de grazia. Cheles croujes abina adum la vita y la creta de tant de persones, ales lascia rondenì l passé di L ciastel de Trakai. (Foto: www.lithuaniaavenimenc - na storia che information.info) tira ite families deplen y trueps popui. salvé l’identité de chest pice popul. Chesta tera en à sofrì tantes che ala Na gran vueia d’Europa à fat fora dla crousc l simbol dla identité nazionala. Ala à fat dla fede Dal secul 14 ensù formova la cristiana la susta per mai se dé sot, Lituania n Granducat independent per mete man danuef do vigni che tolova ite n regn dal Mer Baltich disgrazia nazionala. al Mer Fosch. Dal 1569 ensù formova la Lituania na republica Vilnius ressuresc adum con la Polonia; canche chesta La zité capitala é dret viva, dret é vegnuda dl 1795 despartida é la Lituania ruveda pro la Ruscia. Do moderna y slumina con si zenter la pruma vera, dl 1918, é la Lituania storich prezious y monumental. Al steda bona de se destaché da les é l spiedl de na Lituania che à na ciadeines forestes y de arjonje endò vueia mata d’Europa y vuel tré ite l’indipendenza. Dl 1940 à l’Armeda debota y con n gran dinamism l Cuecena tout ite la Litania, dl 1941 truep temp perdù. Truep fora per è la Litania vegnuda ocupeda da les zité é tl laour da vegnì restruturé y trupes todesces, dl 1945 éla endò restauré, engrandì y svilupé. L gran ruveda pro la Union Sovietica. Tl zenter comerzial (al à ence inom temp de puec agn à la Lituania sentì Europa) é valch nia da creie; al sun sia pel la dureza y les crudeltés podessa tant ben ester te na gran di doi gragn sistems ditatoriai dl zité taliana. Ma la streda dla secul passé (dl nazism y dl modernisazion é ciamò longia da comunism). Dal 1940 al 1954 à i varié; al ne mancia nia defora dal comunisć fat sparì 780.000 persones: zenter o te n valgunes zones de ai à copé ju 150.000 persones o les Kaunas (la segonda zité dla Lituania) à trasportedés tla Siberia, 28.000 é scenes de desolazion y de arbandon ilò morc ti logheri, 21.000 é morc tipiches dl ex imper sovietich: de ti combatimenc contra i comunisć, burc frabicac, arees industriales 35.000 é ruvés ti KZ o ti Gulags a desertes, gliejies fates a museums morì. La Shoah o Holocaust à desmostra n passé rie da sferié fora desdrut la gran pert dla comunità te n curt temp. Sciche dlonch adora ebraica dla Lituania; tratant i paisc desdruc da la vera y da les l’ocupazion todescia él vegnù copé ditatures die da se tré su; al vuel zirca 200.000 judiers per volonté di ester pazienza, na bona politica y nazisć y con la colaborazion de siei na economia che funzioneia. (Lois partisans lituans. Con la Trebo/ev)


La Usc di Ladins