Page 1

portadoura dla onoranza claus gatterer 2012

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,80 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 21/2013 - 31 de mei 2013

IP online sun

Musiga

16

Flus d’aisciöda

Comentar de pruma

N tunel a vest de Ćiastelbadia taiarà ia San Laurënz y Flaurënz. Cosć por i laûrs sciazà: 41,5 miliuns de euro

Mà é le mëis di conzerć d’aisciöda. Inće les musighes da Rina y La Val s’à lascè aldì.

Porsones

Boćia nöia por la Val Badia

18

Sessanta maratones Pepi Rastner d’Al Plan de 65 agn à da püch saltè süa 60ejima maratona. Al à rodè jö 10 naziuns

Sozial

22

Dui iubileums Al é 25 agn ca che al é gnü metü sö tla Val Badia le sorvisc infermieristich, y da 10 agn incà él a Piculin la sënta dl raiun sozio-sanitar.

La Val

23

Cultus Pro la Dlijia Vedla a La Val él gnü daurì na mostra interessanta sön les crusc de fossa da dandaìa.

Fascia

25

Nef Ispetor Rinaldo Debertol, dò 22 egn a cef di Studafech de Fascia, ge à passà l testamonech a Giancarlo Pederiva da Poza.

Urtijëi

30

Cunsëi Pluania L Papa Benedët XVI ova bele l ann passà de utober detlarà l ann dla fede 2012-2013. A Urtijëi iel sun chëla unì metù a jì na lingia de manifestazions particuleres, “cun l fin de sensiblisé dantaldut la generazions jëunes de viers dla fede”.

Sport

33

Uneranzes N vënderdi dan otodì iel stat a Urtijëi la gran Festa dl Sport de duta Gherdëina, ulache l ie unì unerà na lingia de atlec y atletes che se à fat unëur a livel naziunel y nternaziunel.

Meteo

2

Previjions di proscimi dis.

Insciö ćiararà fora la burcia a döes altëzes (“burćia a trumbëta”) por la Val Badia y l’entrada tl tunel. (fotomontaja dla Provinzia de Balsan)

Laûrs - “A na moda che al pois gnì fat l’entrada nöia por la Val Badia a S. Laurënz mëssel gnì spostè i rôs dal gas metann. Por che al pois gnì fat chisc laûrs à la Junta provinziala aprovè n’acordanza danter la Provinzia y la SNAM che gestësc la rëi di rôs dal gas. I rôs dal gas s’incrujëia cun la strada y le punt nü, porchël mëssi gnì spostà. I laûrs gnarà fać dala SNAM y la Provinzia de Balsan surantol la spëisa de 2.843.500 euro”, chësc le comunicat ofizial che la Provinzia de Balsan à dè fora chisc dis. Sciöche an po odëi s’arjìgnon plan plan ai gragn laûrs por la costruziun dla burćia nöia

y le tunel nü che delojarà gnon da Porsenù püch dan Ćiastelbadia a man dërta le trafich por la Val Badia, taian ia les localitês de San Laurënz y Flaurënz. La trassa nöia dl’azès ala Val Badia passarà tres n punt sura le rü dla Rienz y sura les scines dla ferata - sciöche le responsabl dl proiet, l’injenier Gustav Mischi, nes à dit; cun ël s’l’unse cuntada söl proiet y söla tempistica di laûrs La Usc: Él pa preodü döt un n tunel ćina tla localité Runch, olache la strada röia te chëra atuala dla Val Badia? Gustav Mischi: “Zirca 300 metri

dan Ćiastel Badia (da gnì da Porsenù) él preodü na burćia a döes altëzes, ’burćia a trumbëta’ - sciöche an dij, danter la strada de Puster y chëra dla Val Badia. La strada de Puster restarà plö o manco al’altëza da śëgn y chëra dla Val Badia passarà sotfora. N punt de 140 metri porta do la burćia sura la Rienz y la ferata y cun n tunel de za. 1000 metri ruvaran spo ćina Runch do Flaurënz, plö avisa püch dan la burćia dla strada atuala che condüj ala sarenara.” Arà pa la strada deplü azesc o va inant a plata 3

Jëuf de Frea de David Lardschneider

Ne son pa nia duc a una, niancano te redazion dla USC. Iaco Rigo: „La va de fé finalmenter i laours per giaurì d’invern l Jouf de Frera. La SVP dla Val Badia, i hoteliers dla Val Badia y la jent se damana chesta giaurida, cie dificoltés à pa perdret i gherdenes de chest vers? Ne messessel nia gnì garantì l lian anter la Val Badia y Gherdëina, ence dal pont de veduda sozial y cultural? La jent dla Val Badia se damana tresfora cie problems che Gherdëina à cun chesta giaurida dla streda dut l ann. Te Gherdëina él pu gnu fat bele de plu tuniei per mané l trafich dlongia i paisc via y sciche an veid sen - ne juda chisc nia per tignì l jouf davert dut l ann. Per i ladins foss la giaurida de chest jouf dut l ann de gran importanza soziala y ence zivila, no pa?“ Ie da mi pert é n’autra minonga, ajache ne son nia a una per plu mubltà - scencajo per manco. L daunì sarà la roda, chël uel dì che l ie monce drët dsaré nce d’instà, almanco n doi dis al’ena per n cin’-sies ëura. L liam danter ladins resta mpo, l ambient davania, y nce l turism de cualità. La Val Badia à na beliscima streda, y śën tosc monce na bela ntreda a San Laurënz, perchël ie la mubltà garantida, da Puster ite. Sun Frea dëssa do mi ntënder la natura nce tl daunì tò la dezijions salomoni-ches, de dsaré canche l ie massa nëif y de giaurì sce l n ie demanco.

La Val Badia zënza candidata SVP Ćiamò dan otedé gnôl baié de na candidata dla Val Badia por la lista SVP da d’altonn y la SVP Val Badia instëssa fajô presciun sön les pizes dl partì da ciafè conzedüda chësta poscibilité che foss stada na chance por merit dla “cuota rosa”. Da chësta ultima domënia incà él indere sigü che la SVP Val Badia ne damanarà degun post sön lista, le Comitê SVP Val Badia à fat fora chësc: “Deache les prelites dl partì é śëgn stlütes jö y la situaziun gnüda fora da chëstes ne conzed nia plü de fat n secundo ladin sön lista, tirunse indô nosta domanda.” Deplü é stà i inoms de candidates papables tomà ultimamënter ofiziosamënter por chësta candidatöra, danter chisc chël de Cecilia Miribung, Barbara Pizzinini (Bornech) y Edith Ploner. (ir)


Letres

nr. 21 / 31 de mei 2013

Dales zentrales di partis politics

Grafia en banun? Dan cotan d’agn êl gnü cun nia de pices fadies laurè fora na grafia che jê bun por döta la valada. Agn alalungia ésera gnüda respetada dai scrivans y dales istituziuns. Chësc àn fat por unifiché la grafia por döta la valada. Les regoles de grafia dij che al dess gnì scrit le fonem ’ë’ che é conesciü tla Val Badia mesana, inće tl badiot dla alta valada y te Mareo cun le medemo grafem. Dan e, i, ë vëgnel scrit - ć. Tan che i sun informè à na pert tla bassa metü man da ignorè de chëstes regoles y da scri te sü folieć: cena impede cëna, sera impede sëra, fen impede fën, al

ven impede al vën; la ciöra impede la ćiöra, stanc impede stanć ez. I crëii che i ne podunse nia jì indô ai agn 60, canche vigni paîsc scriô a süa moda. Le fin é pö stè da lié adöm i ladins tres deplü cun la medema grafi a tla medema valada cun sü idioms desvalis, por crësce plü adöm desche al toca pro na popolaziun dales medemes raîsc, dal medemo lingaz. Insciö sozédel canche an i lascia massa fle y ne se crüzia nia, sce les regoles vëgn respetades o no. I ùn pö istituziuns metüdes sö aposta por vardè le lingaz, le miorè, le svilupé, le regolè che al

ne vais nia a bist y ot sciöche al öga y é le plü comot. Bele da agn vëgnel cramplè y menè do pro istituziuns che ares se möies y chërdes ite i responsabli de lies culturales por comedè la grafia olache ara ess debojëgn da gnì plü unificada. Chësc ne vel nia ma por na valada sora, mo les cin’ valades ess gran bojëgn da unifiché deplü la grafia che jënt se fajess plü saurì da lì tres deplü inće articui dles valades vijines. I speri che al vëgnes fat valch por arferè la maladoranza, le desprisc dles regoles de grafia che vel dötaurela. Lois Trebo, Badia

Ladin a Roma La farce dla SVP „ladina“ a Roma de „baié ladin cun le Presidënt Napolitano“: meton tlo ju per ladin n articul che ie ultimamënter nce unì publicà per tudësch dala Tageszeitung de Bulsan, per na bona nfurmazion te dut l Lond, ntëur al cumpurtamënt dla SVP y dl Guviern dl Lond scialdi feter, cun nosta rujeneda, la rujeneda cun si jënt che fej ënghe pert dl’autonomia y dla democrazia de nosc Lond fertunà dl Südtirol y dla Ladinia! „Cun gran mueia y marueia éi messù udëi te mi doi lëtres, che ti trajova dant te na maniera bela tlera ala Jonta provinziela, persunalmënter al sëurastant Durnwalder y pona ai assessëures Widmann y al assessëur ladin Flori Mussner da Costa, che n cont dl’autonomia de chësc nosc Lond per la trëi grupes de rujeneda, ne univa nosta grupa ladina nia respeteda, y che l nes vën tlo, a nëus ladins, scrit mé per tudësch y talian, dal Guviern y da si repartizions, che na tel prutesta

scrita y publicheda doi iedesc, ne n’ie la Jonta o si assessëures cun ufizies aldò (plëns de jënt y de personal, dut nce nia tan mel paià!), nia bona de tò posizion y de lascé audì vel’ stlarimënt al’opinion publica, che ëssa nce na rejon! Ne n’ie pa chësc defin nia drët? Ne mosta pa vel’ da de tel nia inò dl „sistem Südtirol“, dl’aruganza y dla preputënza, na sort de autoritarism, de ne ulëi nia dé stlarimënt y resposta, de chël che na tel aministrazion politica provinziela fossa „sambën“ nce ublieda, aldò dla democrazia y dl respet per nëus ladins!? Te chësc cuntest dla rejons y dla valuta dla trëi rujenedes te chësc nosc Lond, che à pona, dal’autra pert, daniëura nce for sun si bocia chëla retorica y chël „lamento“ permez y de viers de Roma y nsci inant - per la „robes“ tudësces - iel pona stat da udëi, ai 4 de auril, te „dala Ladinia“, cun na bela gran fotografia dl „nuef “ Daniel Alfreider SVP tl Parlamënt, y n articul ulache l ti vën dat bona lum y forza a na si afermazion,

che ie „de-facto“ na bela ipocrisia,y che mostra su coche Südtirol y si Jonta dla SVP fej y se astiela cun nosta rujeneda ladina! Berba Daniel Alfreider dij: „... dan l Presidënt dla Republica Napolitano éi rujenà per ladin.“ „Nët nia mel“, dijëssen tl ladin dl terzo milené. L nes sarà bën cunzedù la dumanda, sce „le berba Daniel Alfreider“, deberieda cun duc ch’i persunajes SVP alauta tl Guviern, ne miena pa nia de messëi tò ca y mëter a lujer nosta rujeneda milenera dla Dolomites te duta la mëndra robes, te si ufizies y te si repartizions a Bulsan, canche l ie da scrì y avëi cuntac cun la Ladinia y nosta valedes!?...y nia de messëi permò a Roma, cun l Presidënt Napolitano, vester a vel’ maniera ncompri y feter zënza fundamënt, metan a valëi y a lujer nosc „ladin“ te na luegia y na ucajion defin y da mat fauza!! No pa? Tla leteratura mundiela ti dijëssen a de tel cosses che les ne n’ie nia unestes.

Sabeda 01 de juni

Domenia 02 de juni

Lunesc 03 de juni

Les temperatures plu basses y plu autes 14°/24° 5°/10°

13°/24° 6°/11°

13°/25° 7°/12°

Segureza dles previjions 70%

70%

60%

www.provinzia.bz.it/meteo-ladin

2

studënć röia bele de mà düć stanć morć. Arlungian le tëmp de scora vàn ma tla direziun de na scora de cuantité, canche la scora mëss ester por söa natöra de cualité. Ladins Dolomites

Lauda al ambolt de Sëlva Ai 20 de mei éi udù la trasmiscion Trail y chël che l ambolt de Sëlva, bera Peter Mussner, à dit te chëla ucajion, me à plajù dassënn. La streda sot a Murfrëit dëssa resté coche la ie śën, zënza fé nfrastrutures. Dantaldut vàla de stravardé l’ega da bever dl Chemun de Sëlva y nce per ne strabacé nia dut ntëur chël raion, dëssa dut resté coche l ie sën. Son dla minonga che l va for mo massa auti, motores, y n.i. su y ju per i jëufs. Do passa vint ani che n rejona, fóssel gran ëura de regulamenté l muvimënt. N apel ti va for inò al Lond che ne à nia l ardimënt y deguna scumenciadiva de fé velch de chësc viers. Tlo ne vàla nia de vester contra i badioc o fascians, ma nëus de Gherdëina ne udon nia de bon uedl dut l trafich che passa tres nosta valeda lascian fuera y na

stleta aria belau dut l ann. L me sà na granda che l ambolt de Curvea se lamënta tant. La Val Badia à giapà dan n valgun ani na beliscima streda cun plu tuniei. Na streda lergia, segura y che ne à custà nia puec milions de euro. Śën, sce vel’ inviern, coche chëst ann, ulache l fova truepa nëif, resta la streda de Frea dsareda plu giut, pona iel da dì che per truep ani ie la streda unida dsareda puec iedesc, ajache l ne fova puecia o belau deguna nëif. N pensier al titul „Unesco arpejon dl’umanità“: sce ulon se merité chësta uneranza, pona messons nce se cumpurté aldò. Stravardon nosta Dolomites, che ie de mpurtanza per la generazions che vën do y na garanzia per l turism dl daunì. Cun de biei saluc G. Christian Stuflesser, Urtijëi

Registreda - LA USC DI LADINS - Plata dla Union Generela di Ladins dla Dolomites

Previjions di proscimi dis

11°/19° 4°/9°

La mosöra anunziada de arlungiamënt dles edemes de scora da pert de Durwalder y de so suzessur poscibil Kompatscher mostra na gran ignoranza tla materia. Les 35 edemes da śëgn é bele n limo che an ne po nia superè, i

Oscar Prinoth de Josef da Brida, Urtijëi

L temp Vendres 31 de mei

Arlungiamënt dles edemes de scora

www.lauscdiladins.com

60%

Ence encuei vendres saral scialdi asniblé y al possa pluei. Endoman sabeda ne sarà la situazion nia scialdi autramenter. L temp sarà caraterisé da nibles y soredl che se muda ju y da valch juteda che se portarà pro domesdi y dantaldut tl nord dla provinzia. Per en domenia véiden danfora temp plu stabil con temperatures en moment plu autes. En lunesc saral plutosc da soredl.

Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it

Priesc d’abonament anual: per la Talia: 64,00 euro. Foradecá: Raion 1 - Austria, Paejes Tudësc y Svizra: 64 euro per la zaita plu 86 euro per la posta, de ndut 150 euro. Raion 2 - Rest dl’Europa: 64 euro per la zaita plu 136 euro per la posta. De ndut 200 euro. Raion 3 Dedora dl’Europa: 64 euro per la zaita plu 236 euro per la posta, de ndut 300 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Raiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294


nr. 21 / 31 de mei 2013

Atualité

Boćia nöia por la Val Badia N tunel a vest de Ćiastelbadia taiarà ia San Laurënz y Flaurënz. Cosć por i laûrs sciazà: 41,5 miliuns de euro va inant da la pruma plata

sortides te chësc tòch nü, o saral pa ma la poscibilité da ruvé ite o tla burćia de Ćiastelbadia o tla burćia tla localité Runch? “La strada nöia ne arà nia azesc amesa ite, al sarà ma na burćia dan Ćiastelbadia y öna do Flaurënz püch dan la fossenara (gnon da lafora ite).” Ći iter aministratif à pa fat le proiet ćina śëgn? “Dötes les comisciuns competëntes (dla contrada, dl ambiënt, dla urbanistica, di rüsc, di bëgns arche olgics/ architetonics, yii.) à bele dè jö n arat positif. La Topografia dl raiun interessè dai intervënć. Junta provinziala à aprovè “Da ciavè le tunel él preodü en le proiet preliminar y chël definitif, a chël esecutif i tocarara chësc isté pert lastun (crëp) y en pert material do che l’ofize strades arà fat düć i löcher. Avëi dui func de terac pro le tunel complichëia n pü’ i laûrs, ejams.” mo cun la tecnica d’al dédaincö va À pa la Provinzia de Balsan döt plö saurì.” bele preodü i finanziamënć di laurs? Olà gnaral pa condüt le “Tl program atual di laûrs material che gnarà spostè? publics él preudü por i agn “Pert dl material gnarà tut da fà 2013/2014 le finanziamënt por petun por punt y tunel, n’atra pert spostè la condüta dal gas (SNAM) por implì ite y ma na picia pert dal Kniepass ćina San Laurënz. I gnarà portè te desćiaria”. scioldi por i laûrs de costruziun dl’entrada é preudüs dala fin dl Tan important saral pa da 2014 inant.” coordiné chisc laûrs deboriada cun la jënt de San Laurënz, Śëgn gnaral naôta spostè la Flaurënz y Mantëna? condüta dal gas, ći infrastrotöres “Al é bele gnü fat tröpes messaral pa ćiamò gnì spostè o incuntades cun le Comun, i proieć tut demez por lascè lerch ala preliminar y definitif i é bele gnüs mostrà ala populaziun. Chësc istè strada nöia? “Le maiú laûr che mëss gnì fat prejentarunse inće plö iadi le proiet danfora é dessigü chël da spostè la esecutif.” condüta dal gas por lascè lerch ala strada, por ći che reverda les atres Tan gran sarà pa l’impat de infrastrotöres (telefonn, fires chisc laûrs söla mobilité por/da otiches y strom) gnaral ponsè tratan la Val Badia, dantadöt ti tëmps de sajun alta? i laûrs dla entrada.” “I s’aspetun dër püch impat sön Sàn pa bele a ći somes totales la viabilité atuala, deache al se trata che i laûrs amuntarà? de na trassa nöia che vtinterferësc “Indöt unse cosć aprovà de 41,5 cun chëra da śëgn ma pro les burćes, olache al é preodü miliuns de euro.” deviaziuns a döes striâres.” (ir) Can gnarai pa scrić fora? “Tl program atual di laûrs publics él preudü da scrì fora i laûrs ala fin dl 2014.” Can él pa preodü da mëter man cun i laûrs? “Sce l’apalt di laûrs che gnarà damanè ala fin dl 2014 ne arà nia complicaziuns, podran mëte man da laurè d’aisciöda dl 2015.” Tan dî döri pa? “Al é preudü da laurè por 3 agn.” Sëise bele ći material che al é tl terac, olache al L'injenier Gustav Mischi, responsabl dl messarà gnì ćiavè? proiet de chisc laûrs. www.lauscdiladins.com

3


Zoom

nr. 21 / 31 de mei 2013

Hero edizion 2013: l ann dl poker L mancia manco de n mëns ala cuarta edizion dla garejeda da roda da mont Südtirol Sellaronda Hero. Truepa nuviteies ie unides prejentedes n mierculdi a Bulsan, sun la Haselburg Roda - Nasciuda dan trëi ani cun n format inuvatif, possa la Südtirol Sellaronda Hero unì cunscidreda de facto coche na garejeda tlassica dla distanzes longes cun la mountain bike. Per pudëi fé pea vàla per i atlec y la atletes de avëi fat l alenamënt aldò, per vester boni de finé l percurs, passan l travert da eroes. Ma la Hero ne n’ie ia mé na garejeda, l ie truep deplù, coche l ie unì dit pra la cunferënza stampa n mierculdi sun la Haselburg, ulache l ie unì prejentà la garejeda che ie ai 22 de juni: pià via y ruvà tl travert vëniel te Sëlva.

UCI World Series La Südtirol Sellaronda HERO sarà l’ultima proa dan i Campiunac Mundiei Marathon 2013 a Kirchberg tl Nordtirol. L fajerà pea atlec de livel mundiel, coche Elias Periklis, campion dl mond marathon, titul che l ova venciù l ann passà a Ornans. Y pona Steffen Thum y Sally Bigham, che ova venciù la UCI World Series 2012, che cialerà de bater i trëi atlec che à venciù la prima trëi edizions dla Hero: Klaus Fontana (2010), Mirko Celestino (2011) y Leonardo Paez (2012). Ma dlongia chisc inuemes

“da pëis” iel mo na gran grupa de chëi dala roda che ti la vega: 3.013 partezipanc da 30 nazions.

Variantes nueves dla raides Coche bele cunedì tla USC meterà la Hero nce a jì tl 2015 i Campiunac Mundiei Marathon UCI, y per respeté la regules dla federeazion nternaziunela n con’ dla lunghëzes dla garejeda, à i urganisadëures tëut su la dumandes UCI per la marathon World Series. Nscila sarà l percurs de 84 chilometri (cun 4.300 metri de deslivel) la raida per la categuria elite di ëi y de duc chëi che à la tessera de federazion che se taca ite pra la UCI, ntan che per l’ëiles saràl na raida “nueva” de 62 chilometri y 3.300 metri de deslivel. Propi tlo iel unì fat vel’ mudamënt: tla pert dla raida tla Val Badia iel unì metù ite na varianta per slungë l percurs, coche nce a Reba, ulache l ie unì njuntà doi chilometri de percurs y tëut ora la raida dal zënter dl paesc, che ie na sauridanza y nce na segurëza per i atlec. L ie da dì che i doi percursc de 84 y 62 chilometri ie davierc nce ai partezipanc “Hobby” che ne à nia

la tessera de federazion che se taca ite pra la UCI.

Montdepesć de cincantamile euro Garejé garejéien per la gloria, ma l ie nce drët che chiche vënc vënie premià aldò dl valor dla garejeda nstëssa. La montdepesć dla Südtirol Sellaronda Hero 2013 ie dut adum de 50.000 euro. Chiche vënc pra la garejedes UCI marathon 84 km y 62 km giaperà n scech da 3.000 euro prun. Chiche vënc pra i Hobby sun 84 km, sibe ëi che ëiles, giapa na mountain bike Bianchi Methanol y mo d’autri pesć.

L program La garejeda Hero nstëssa ie n sada ai 22 de juni, ma bele n juebia ai 20 y n vënderdi ai 21 de juni saràl la proa di percursc de garejeda. L ie pona nce la giaurida dla Hero Bike y Tech Expo te Sëlva, ulache n possa jì a se tò l pachetl de garejeda, n juebia dala 14.00 ala 20.00 y de vënderdi dala 10.00 ala 20.00. Pià via per la Südtirol Sellaronda Hero vëniel n sada dala 7.20 ala 08.45, cun sies grilies aldò dl numer da pië via. N fej cont che la prima partezipanta ëila dla maratona da 62 km ruve te travert ntëur la 11.20, l prim ël che fej la longia ntëur la 12.20.

Garejeda Hero, grupa Westbound y Hero Charity: sport, cultura y solidarietà

Urganisadëures y atlec n ucajion dla prejentazion dla Südtirol Sellaronda Hero n mierculdi tla Haselburg.

Do l’esperienza straurdinera dal ann passà saràl dan la zeremonia de premiazion dala 21.00 l cunzert dla grupa Westbound: na manifestazion a fin de bën per tré ite scioldi per sustenì proiec umaniteres tl’Africa. Te Cësa de Cultura iel n vënderdi dala 18.00 l mesun de ti

cialé al film documenter HEROes, per jì ite tl tlima da garejeda. N sada iel pona 300 mutons y mutans dala roda che garejea tl luech de Sëlva. Cënt numeri ie unic vendui duc deberieda; chël che ie unì trat ite ti va ala lia provinziela Assisport, che ti juda a talënc jëuni a jì inant tl ciamp dl sport.

La Hero te televijion Nce chëst ann unirà la garejeda data tres sun live streaming dala 11.00 ala 12.30 sun la plata internet sellarondahero.com. Oradechël saràl na direta sun RAI Sport dala 18.00 ala 19.00, per analisé la garejeda. Ma nce sun Sky y Eurosport saràl da udëi zeche dla Hero.

Ulenteres De ndut jùdel pea bën 400 ulenteres, saurii da udëi, ajache i arà sëura l guant fat aposta cun la scrita “feel the heartbeat of the hero”.

Sellaronda Bike Day N dumënia ai 23 de juni ie la stredes ntëur l Sela dsaredes per i auti, ma daviertes per chëi dala roda, per l Sellaronda Bike Day, na manifestazion penseda per duc i pasciunei, ma sambën nce per duta la familia, che possa fé duta la raida, n tòch o nce mé n valguna

raides suvier y juvier. N se aspieta inò ntëur a 20.000 che fej pea. N chël di giaurirà nce la Sellaronda MTB TOUR, che ie l mesun de fé la raida ntëur al Sela nce cun mplanc portamont. La nuvità da chëst ann ie che l sarà nce a desposizion e-bikes.

Gerhard Vanzi: “N gra a duc! Na gran lauda y n gran rengraziamënt ti va da pert dl presidënt dla Hero Gerhard Vanzi a duc chëi che lëura pea, ala man publica, ai privac, ala lies y ai ulenteres. “Zënza ëi ne fossa la garejeda nia deventeda chël che la ie śën!” dij Vanzi, che tol l’ucajion per rengrazië nce tres la USC la UCI y la Federazion Taliana dla Roda, la Provinzia Autonoma de Bulsan, duc i Chemuns y duta la Lies dl Turism de Gherdëina, Badia, Fedom, Fascia y Mont de Sëuc, cun n gra particuler ala Lia dl Turism de Sëlva y a duc i sponsores privac. “Ala fin ulëssi rengrazië mo n iede duc i ulenteres che dà ca si tëmp y si cualiteies acioche la Hero posse garaté, na garejeda de eroes nia mé per chiche fej la garejeda,” à auzà ora Gerhard Vanzi n ucajion dla prejentazion sun la Haselburg. Nsciuma, dut ie njenià: che la Hero posse scumencé! David Lardschneider

„For plu y plu de bon atlec“ La Südtirol Sellaronda HERO sarà l’ultima proa dan i Campiunac Mundiei Marathon 2013 a Kirchberg tl Nordtirol y tl 2015 saràl pona tlo da nëus i Campiunac Mundiei Marathon UCI 2015. La USC à rujena cun Peter Runggaldier y Alfred Runggaldier Hero - L diretëur de garejeda Peter Runggaldier auza ora che la pruspetiva dla gran manifestazions, dantaprima i Mundiei dl 2015, à la fazion che bele chëst ann iel plu atlec de livel mundiel che fej pea la Hero.

Peter Runggaldier, diretëur de garejeda Runggaldier: „Aron de juni mo n tan de bon atlec che fej pea che no l ann passà, l sarà na bela cumpëida de teams cunesciui!“ L diretëur de garejeda stlarësc che la situazion ie śën, trëi enes dan la garejeda, mo mpue’ critica, cun la truepa nëif che ie mo alauta. „L ie a luesc mo metri de nëif, ma son mpo otimisć che coche l ann

4

www.lauscdiladins.com

passà, nce sce l fova iló manco vëniel rubà dassënn, pra la rodes nëif, vëniel mo bel tëmp y che la che à pu si valor. Ma son segures nëif dlëighe pona aslune,“ dij che i hotelieres y fitamajons cialerà Runggaldier: „Segur iel che danter de garantì plu segurëza y Chel Vesco de viers de Pordoi rengrazion mo n iede nce tres la messeràn palé via n troi tla nëif.“ Peter Runggaldier conta nce de na bela scumenciadiva di urganisadëures, che ti à judà a chëi che l ann passà ti fòvel unì rubà la roda. Runggaldier: „Chisc ne paia chëst ann nia la iscrizion, cossa che duc à prijà dassënn. Ti on scrit y tenì i cuntac cun i osć, per i sensiblisé de Alfred Runggaldier, respunsabl dl percurs te Gherdëina y Peter Runggaldier, diretëur de viers dla segurëza. Vëira iel che al mumënt garejeda.

USC per si cunlaurazion.“

Alfred Runggaldier, respunsabl dl percurs Alfred Runggaldier conta dla ncëria de respunsabl dl percurs, „che ie n lëur de dut l ann, cun sentedes de ajurnamënt, de evaluazion de cie che va bën y de ciuni che ie i pitli gran problems. Ie son oradechël nce respunsabl per i stonc de resturazion de duta la raida. Tlo vëniel dat ora, danter l auter, ntegratëures, panins, bananes, sultanines y cuces, y da bever sambën.“ L lëur de respunsabl ie nce de urganisé, pra i ponc strategics, i ulenteres che ti dij ai atlec ulache la streda va. L percurs da Dantercëpies su ne sarà chëst ann nia mesun fé, per gauja dla

smueia unida ju da puech. Perchël jiràn su per streda dl Jëuf de Frea, la lunghëza ie feter chëla de Dantercëpies. I ulenteres sarà te Plan, sun Plan de Gralba, sal Miramonti, da Gehard y sun Jëuf de Frea. Da iló vàn via y su de viers dl Hotel Cir y via y dojù sot al tunel ora. Pra l Hotel Cir iel nce l Gran Pest da Mont.“ Runngaldier stlarësc pona l percurs da Fascia ca, che vën da Ciampedel su tres la Val Duron nchin sal Dialer y pona via y ju de viers dl Zallinger y ite de viers de Cunfin, dai Strënc ite ta La Sëlva y ite te Sëlva pra l travert jal Nives. La curta vën dal Lupo Bianco su sun Jëuf de Sela, de viers dla utia Comici y dai Strënc ju ite tla raida longia, l ultimo tòch ie l medemo. (David Lardschneider)


Zoom

nr. 21 / 31 de mei 2013

Na vedrina per l marcé dla roda da mont

Speron che se n vae la neif!

Intervista a Michela Lezuo, responsabla per Fodom dla Sellaronda Hero y presidenta dla AFT

L responsabol per Fascia de la Sellaronda Hero, Sabino Savaris ne conta del lurier di volontadives fascegn

La Usc: Te manco de n meis peia via la Sellaronda Hero. Co se stàla pa con la preparazion? Michela Lezuo: L percurs é bele fat fora, ma en chest ann ne n’à l temp nia massa daidé empera. Da merz encà ne s’à la neif nia deleghé, al nen n’é ciamò vegnù laprò. En juebia (enier, ndr) vegniràl fat na senteda per valuté sce ala va de bujegn de arbassé la cuota dl percurs, ma al n’é ciamò nia de segur. L start dla Hero é te Gherdëina, ma la gara de rodes da mont passa ence per Rèba. Cie

Michela Lezuo é la responsabla per Fodom, deberieda con Diego De Battista, dla Sellaronda Hero.

importanza à pa l passaje de chesta manifesazion per l turism te Fodom? Te Fodom se desfira l toch plu ert dla gara, n toch che ti resta dessegur tl cef ai partezipanc y chest é positif. Per l rest pense che per dutes trei les valedes tres cheles che la Sellaronda Hero passa, Badia, Fascia y Fodom, à la gara la medema emportanza. Al ne vegn nia emplenì hotiei tratant chela fin dl’edema, da nos ne rùvel nia adalerch sciori per chesta manifestazion. La forza dla Hero é, do mia minonga, chela de fé conesce al marcé dla roda da mont nost raion, les Dolomites. Àn bele vedù che la manifestazion à porté val’ resultat per l turism dla roda da mont? An à podù se intene che l turism dla roda da mont é jù su. Chel dla roda, nia mé de chela da mont, ma ence de chela da streda, é n marcé scialdi emportant per la sajon da d’isté y ala va de bujegn de investì truep de chest vers. Manifestazions sciche la Sellaronda Hero, la Maratona dles Dolomites, ma ence l Giro d’Italia, can che al passa chilò encerch, é ressourses fondamentales

Le tòch cört plü lunch Por ausé gara y partezipanć ales condiziuns de Copa dl Monn Val Badia - La gara “Sellaronda Hero” di 22 de jügn 2013 arà en chësc ann na bela novité: le tòch cört gnarà arlungé, y chësc tl raiun dl’Alta Badia. I ùn baié cun Andrè Mersa, diretur de gara por le raiun Alta Badia de chësta gara che scrî da ester la “maratona de roda da munt plü sfadiosa d’Europa”, che “se desfira fora por öna dles contrades plü beles dl monn, les Dolomites”. Le percurs curs, stè tles prömes trëi ediziuns lunch 50 km, gnarà

arlungé a indöt 62 km, “chësc, por adatè le percurs ales normatives de Copa dl Monn, en ater ann él preodü na gara de Copa dl Monn”, dij Mersa. Le percurs cört se portarà a chësta moda da Corvara en direziun de Ćialunch sö a man ciampa dl vers dla Ütia Ćiablun, spo ian La Frëina y ćina ian Piz Surega, por oje de revers can Bioch y tres Pralongià indô ite tl percurs tlassich che porta al Ćiaulunch.

per reclamisé nost teritore. É p a donc a che ste s manifestazions na forma de marketing sun chela che an dessa investì? Sci, manifestazions sportives desche chestes é na forma de marketing de gran valuta, dantaldut ajache ales reverda dutes les valedes entourn al Sela. Samben fòssel da miec per Fodom sce l scior vegnissa a sté chilò, ma chela n’é nia la cossa plu emportanta. Na manifestazion che passa tres Rèba é vitala per nosta val. Al didancuei ne pòn nia plu se limité a reclamisé na valeda, an mess jì dantfora con l marcl Dolomites. An veid pu l gran suzes che la Sellaronda à d’invern. Enscì é chest conzet da slarié fora ence per la sajon da d’isté. Perchel él nasciù projec sciche l Supersummer y l Sellaronda Mountain Bike Tour; projec apeina nascius, sun chi che al vegnirà ciamò investì truep, che vegnirà svilupés y miorés. Tegnì daverc semper deplù lifc ence d’isté, ti dàn la poscibelté ai sciori de se mueve da na valeda a l’autra, a pé o con la roda, fej nost teritore plu atratif y tira adalerch na clientela intres plu ampla. (Intervista de Katia Pizzinini)

Co siede endrezé chiò te Fascia per la Sellaronda Hero? Sabino Savaris: “Sion duc volontadives per sie cont o leé a la sociazions sportives. A ne dèr na man l’é Fascia Rodes, sion nos de Fascia Bike e Fascia MTB, i Studafech de Cianacei e Ciampedel, i omegn del Socors da Mont, i Carabinieres e i Polins de Comun e la Crousc Biencia che la met a la leta doi ambulanzes: una sun Pian de Schiavaneis con l dotor per la rianimazion e una te paìsc vertia a entervegnir. Dapò desche te dut l percors l’é posć per se refizièr olache a ne dèr na man l’é l grop di Alpins. Un sun Pordoi, un sun Pian de Schiavaneis e un a Cianacei béleche segur ló dal ciamp da balon. En dut sarà presciapech 60 volontadives en chela dì e me sente ence de rengrazièr l’autoritèdes del post che ne à semper dat sie sostegn.” Siede dò che endrezède l percors? “Sion jic a veder anché, (en lunesc ai 27) se scomenza a veder zeche. Chest an la é dassen da poura. Te Duron, dò l Micheluzzi la strèda la é bon mola, dò Lino Brach taca a esser mìngol de neif te strèda e più te ves en ite e più n’é. Junfon dapò, te l’ùltima erta, se veit vèlch toch, ma l rest l’é dut corì da neif. Ence sul portoi 7, dal Pordoi al Gonzaga, l’é amò neif. Dapò a ge vardèr a eie somea ben che no n sie n muie, ma la é. Se l temp dajessa na man... ma da la previjions no somea coscita. Fossa ora che zachei da l’aut vèrde jù e ne dae mìngol de bon temp... no demò per la garejèda, ence per dut l’auter.” Olà passei chiò te Fascia? “L’é doi percorsc: chel curt de 62 km con 3300 metres de dislivel e chel lonch de 84 con 4300 metres de dislivel. I rua duc doi ensema

fin sun Pordoi e ju fin al Lupo Bianco olache i se spartesc. Te chel curt i va en su, i passa enlongia l Restorant Crepes de Sela, l Refuge Valentini, e ite per la zità di sasc e ju fin vin Gherdena. Tel lonch enveze i coridores dal Lupo Bianco i va en ju envers Cianacei, i passa enlongia l ruf de Antermont fin a la gejia de Sèn Florian, la biblioteca, i passa via l pènt (che l vegnarà serà deldut) e amò ju per l pìcol parch tedant a Comun, fin da Pippotto. Aló vegnarà fat na pìcola strenta per ferèr i atlec che cogn passèr via strèda e dapò jù enlongia l ruf per la scèla che vegnarà corida con brees de legn. Da aló fora per l parch, l ciamp da balon e l vièl dant del pènt de Cercenà, fin dò l “Parco dei laghetti”. Al Ciuch i outa e i va su fin a l’Hotel Irma, su per chel pìcol vièl e dapò da l’autra pèrt de strèda tedò l Caminetto fin a la strèda per jir sun Pian e dapò sun Duron e su e su fin a la fin. Speron che vae dut ben. L’é na garejèda n muie grana, che tol ite n gran teritorie e l’é debesegn de n muie de jent e del gran empegn de chi che endreza e de duc chi che dèsc na man. Se no fossa coscita, no sé se fossa possibol la fèr”. (vr)

Sabino Savaris ge stèsc dò a l’endrez de la Sellaronda Hero per la pèrt de Fascia.

www.lauscdiladins.com

5


Atualité

nr. 21 / 31 de mei 2013

Cumiscion ladina per opres d’ert L’atività artistica fej pert dla cultura y ie tla valedes ladines drët sentida. Per sustenì chësta atività dla mendranza ladina compra la Provinzia de Bulsan uni tant vel opra d’ert

Adoziun nazionala di mituns I mituns che é gnüs arbandonà o maltratà cotan te familia à te vigni cajo le dërt da vire cun serenité inće te n’atra familia de Manuela Obojes

geniturs o parënć, spo él le tribunal che ti dà dant regoles por garantì che ara i vais bun al möt. La familia vëgn insciö regolarmënter controlada dal tribunal o dai sorvisc soziai. Por döt le prozedimënt mëss i geniturs o i parënć, mo inće le möt, gnì assistis da n legal. Le möt che à 12 agn vëgn inće ascutè sö dal magistrat. Sce le magistrat arata che al sides le cajo, spo pòl inće comanè che le möt i vëgnes afidé a n’atra familia o a na comunité de na “natöra familiara”. Al po inće gnì sospenü la potesté genitoriala.

Provedimënć contlusifs Por chisc caji édl l’istitut iuridich dl’adoziun che dà la poscibilité da taié i raporć danter chisc mituns y la familia biologica. L’adoziun é indere l’ultima soluziun canche i mituns n’à degöna assistënza morala y materiala di geniturs o di parënć plü strënć y podess porchël subì conseguënzes negatives de sanité fisica o psichica.

Les precondiziuns por l’adoziun Por l’adoziun vàl debujëgn che le möt sides te na situaziun definitiva de arbandonn detlarada dal Tribunal, do na valutaziun dla situaziun concreta dl möt. Le möt vëgn araté trascurè p.ej. canche al n’à plü degügn geniturs o familiars ćina al cuarto gre (por tal. “grado”), che à la poscibilité da ćiarè de ël y le mantignì. N möt vëgn aratè inće arbandonè c anche i geniturs n’é assolutamënter nia bugn da i dè le sostëgn material y moral, l’educaziun y l’assistënza che ël adora. Ti caji plü pesoć vëgn le möt detlarè tl stat de arbandonn y vëgn spo dè en adoziun.

Prozedimënt por la detlaraziun de adotabilité Le procuradù dla Republica dl Tribunal di jogn damana cun recurs al magistrat che al vëgnes detlarè le stat d’arbandonn di mituns che é zënza familia o zënza vigni sostëgn material o moral di familiars. Le Tribunal di jogn fej insciö pié ia le prozedimënt y i dà l’inćiaria ai sorvisc soziai y ai ofizi de competënza che al vëgnes azerté la situaziun concreta dl möt. I geniturs o i familiars ćina al cuarto gre, che à n raport cun le möt, vëgn avertis de chësc prozedimënt y vëgn invià a na incuntada. Sce le möt à ćiamò

6

www.lauscdiladins.com

Le Tribunal por i jogn stlüj jö le prozedimënt cun na sentënza negativa, canche le magistrat arata che le möt n’é nia te n stat de arbandonn. Al vëgn indere detlarè l’adotabilité dl möt, canche al n’é plü degügn geniturs en vita o parënć ćina al cuarto gre che po fistidié dl möt o canche i geniturs n’é nia bugn da mantignì y ćiarè dl möt. Al vëgn inće detlarè l’adotabilitè dl möt, canche les prescriziuns dl tribunal dades a geniturs o parënć n’é nia gnüs respetades. La sentënza dl magistrat po inće gnì impugnada dan la Curt d’Apel de competënza.

Idoneité di geniturs L’art. 6 dla lege 184/1983, mudada dala lege 149/2001, dà dant che l’adoziun é consintida ai pers maridà da almanco trëi agn o inće demanco, sce le per à vit adöm bele dan le matrimone por trëi agn. Le per maridé po damanè l’adoziun sce ai ne s’à ti ultims trëi agn mai despartì. Les porsones sores ne po nia damanè l’adoziun ordinara. I adotanć mëss avëi almanco 18 agn plü co le möt che vëgn adotè y almanco un di dui adotanć ne po nia avëi plü co 45 agn. La lege dà dant che chisc limić ne mëss nia gnì respetà, canche le möt ess zënza n dann pesoch y inće canche le per à bele adotè n fre o na só dl möt o à instësc ćiamò de pici mituns.

Domanda de adoziun I maridà che oress tó en adoziun n möt mëss presentè la domanda al Tribunal di jogn plü daimprò y mëss dè dant sce ai ô tó inće plü co ma un n möt o inće mituns cun problems de sanité. Le Tribunal valutëia la domanda y fej pié ia na ejaminaziun dla situaziun personala, economica, familiara y sanitara dl per. Implü vëgnel valuté les capazitês di maridà da

eduché y fistidié dl möt. Chësta prozedöra po duré ćina 120 dis.

Afidamënt preadotif Canche n möt vëgn detlarè te na situaziun de adotabilité, él le Tribunal che chir fora le per plü adatè y ti surandà le möt en afidamënt. Te chësc tëmp é la familia sot osservaziun dl sorvisc sozial, mo ara ciafa da chisc inće le sostëgn che düć adora. En cajo de gran dificoltês po l’afidamënt inće gnì revochè. Chësta sort de afidamënt döra de regola n ann, mo po inće gnì arlungé. Sce al é dötes les condiziuns por la garatada, él le magistrat dl Tribunal che fej fora che l’adoziun é definitiva.

L’adoziun Cun l’adoziun vëgnel taié düć i raporć de parentela dl möt cun la familia biologica. L’adotè devënta insciö le möt di maridà che â damanè l’adoziun y ciafa inće so cognom. Le möt à le dërt da gnì al savëi de söa condiziun y al sarà i geniturs nüs che ti darà chësta informaziun ti modi che ai arata dërć. L’ofizial de stat zivil mëss refodè vigni informaziun söl’adoziun, ater co ti caji de autorisaziun de n magistrat o por controlé impedimënć por n matrimone. Les informaziuns söla familia biologica dl möt adotè i po gnì dades ai geniturs adotanć ma te caji pesoć, cun autorisaziun dl tribunal, p.ej. tl cajo de danns ala sanité. Le möt adotè po damanè do söa familia originara canche al à complì 25 agn o inće canche al à arjunt la majera eté y sü geniturs adotifs é morć o nia plü da ciafè. Te chisc caji ne mëss le möt nia dè dant na motivaziun por söa domanda.

Ert - La cumiscion cherdeda ite dal assessorat ladin che dëssa fé prupostes y dé na valutazion sun i priejes, se à ai 08 de mei ancuntà l prim iede. Tla cumiscion provinziela ladina per l’opres d’ert à Lois Ellecosta giapà la ncëria da presidënt da pert dl assessëur ladin Florian Mussner. L duvier de purté prupostes n cont de opres d’ert da cumpré y de dé na valutazion di priejes, unirà fat deberieda cun l artista Albert Mellauner y l’architeta Christa Kasslatter.

Tla prima senteda, tenida tl Ufize provinziel per la Cultura Ladina a Bulsan, se àla n iede tratà de mëter sun mëisa criteres per cumpré opres di artisć ladins y de valuté prima prupostes y ideies. La cumiscion à na funzion cunsultiva per la Jonta provinziela che tol pona la dezijions n cont de cumpré l’opres d’ert. Per chëst ann iel udù dant n capitul de feter 26.000 euro per sustenì l’atività artistica ti luesc ladins. (ufize stampa provinziel de Südtirol)

Christa Kasslatter, Albert Mellauner, Lois Ellecosta y l scrivan Alex Piccolruaz à tenì la prima senteda dla cumiscion provinziela ladina per l’opres d’ert. (foto usp/Stuffer)

La istalaziun Dolasila a Milan Dolasila – La figöra feminila tles liëndes ladines dles Dolomites Ert - En jöbia ai 23 de mà dales 18:30 é gnüda alestida tl Museum Fondaziun Matalon tl zënter de Milan cun le Patrozine dla Provinzia de Milan, dla Provinzia de Balsan y en colaboraziun cun la Lia Culturala Fanes l’ istalaziun multimediala Dolasila, che à albü süa premiera ai 15 de forà tl MART a Rorëi. Le Museum Matalon, che é gnü realisé tl 2000, se presentëia sciöche n zënter de ert, cultura y inrescida a livel internazional, finalisé ala promoziun de ativitês culturales tres la valorisaziun dl’ert contemporana, olache al vëgn organisé mostres , evënć, conferënzes y presentaziuns de libri da pert de personaji conesciüs te ćiamps desvalis dla cultura y dl spetacul - ultimamënter Vittorio Sgarbi, Katia Ricciarelli, Umberto Veronesi y tröc d’atri. La musiga y la usc dl soprann Susy Rottonara, i tesć de Roland

Verra y les operes d’ert (pitöres y scoltöres) de Rott (Lois Rottonara) à condüt le publich tresfora por l’atmosfera afascinanta dles liëndes ladines, cun n focus particolar sön la zentralité dles figöres feminiles tla tradiziun dles liëndes ladines inće aladô de epoches matriarcales, dl ”tëmp d’or” cotan denant dales testemonianzes scrites sura la jënt ladina. Injuntada ala proieziun video de chedri scenics, de pertes dl Poem Musical Fanes y dl film Le Rëgn de Fanes é gnüda alestida na esposiziun de operes de Rott ti ambiënć dl Museum, cun na statua de lëgn che rapresënta Dolasila y pitöres de ćiavai. L’ evënt ê finalisé a fà conësce n aspet fondamental dla cultura ladina, chël dla tradiziun dles liëndes a n publich plü ampl de na gran cité, tres na forma inovativa y multimediala. Informaziuns ciafon inće sön la plata web dla Fondaziun: www.fondazionematalon.org

Sorvisc chilò da nos Te nosta provinzia da Balsan él atif dal jügn dl 2010 incà le Sorvisc Adoziuns Südtirol, che i dà aiüt y assistënza ai interessà. Al é inće ćiamò d’atres formes de adoziun che gnarà tratades tles proscimes ediziuns de chësta rubrica. av. dra. Manuela Obojes, Stüde Wörndle & Partner (Balsan - Tlüses - La Ila)

I auturs dl’Istalaziun cun le diretur dl Museum Fondaziun Matalon Dr. Nello Taietti.


Atualité

nr. 21 / 31 de mei 2013

Deboriada sön tru por na Dlijia plü nosta Dancà y da na pert La Diozeja de Balsan - Porsenù s’arjigna ala Sinoda Diozejana. Ćina ai 29 de jügn por dötes les porsones, uniuns, grups, cöres, portè dant sües propostes por tematiches che dess gnì tratades

La comisciun de preparaziun dla Sinoda Diozejana: dmc Michael Mitterhofer, Rudi Gamper, siur Pierluigi Tosi (ofize pastoral talian), Karin Bianchini, le vicar general dla pert taliana Michele Tomasi, le surastant Vësco Ivo Muser, le vicar general dla pert todëscia y ladina Josef Matzneller, le coordinadù siur Eugen Runggaldier (ofize pastoral todësch y ladin) y le teologh dla pastorala Alexander Nothdurfter. Al manćia Reinhard Demetz (secretêr). (Foto: www.bz-bx.net/diozesansynode)

Dlijia - Le Vësco Ivo Muser â cernü avisa la pordica de San Salvester 2012 por incundè ofizialmënter che al foss gnü tignì te nosta diozeja na Sinoda. Y bele le dé dô gnôl metü sö le comitê de preparaziun, che dê arjigné ca le gran evënt. Śëgn sàn inće canche ara metarà man: ai 30 de novëmber de chësc ann, por se stlü ia de dezëmber dl 2015. Na Sinoda sarà n vare important por döta la diozeja, che arà le fin da mëte dant i punć zentrai sön chi che la pastorala te nosta diozeja y nia ma se basarà tl dagnì. La parora descür bele so significat. Ara é metüda adöm da ”Syn” y ”odos”, che significhëia ”n tru deboriada”. Y chësc dess la Sinoda inće ester: an se mët sön tru deboriada por ciafè respostes ales domandes y ai problems dla dlijia da incö. L’ultimo iade che al é gnü tignì na Sinoda te nosta diozeja é stè i agn dal 1970 al 1973. Ilò nen jôra da mëte en pratica ći che le Conzil Vatican II dê dant. Al nasciô danter i provedimënć inće i consëis de cöra, che é incö de gran valüta por la vita pastorala tles cöres.

Afrontè i problems I problems che la Dlijia à aldédaincö conëscion: les dlijies é tres plü ötes, tres plü porsones ti ôj le spiné y inće la fede perd plü y plü so post tla vita da vignidé dla jënt.

Ara nen jarà de cuestiuns dla pastorala, mo inće de cuestiuns struturales de nosta diozeja: inće chilò él de gran punć da afrontè: i proi é intres plü vedli y vëgn intres demanco. Tl dagnì saràl tres manco cöres che po avëi n prou te paîsc/ cité - y i proi arà intres plü cöres da manajé sön sües sciables. Chëstes é cuestiuns che se damana aziun. Porchël vëgnel a s’l dè la Sinoda, che é - spligada te na manira scëmpla - na gran indunada danter laics y porsones dl clerus, che se sënta adöm por tratè les tematiches desvalies. A će dla Sinoda stà le Vësco.

Inće töa minunga cunta Sambëgn ne dess i provedimënć nia gnì tuć da püćes porsones te na ćiamena stlüta, porchël inviëia la Diozeja düć canć da se portè ite y da fà para. Ćina ai 29 de jügn à düć la poscibilité da menè ite sües osservaziuns y propostes: al é miné chilò porsones singoles, uniuns, grups, cöres - inće porsones che ne nen dà nia tröp dla dlijia. Vigni usc é bëgngnüda. Les propostes po gnì menades ite por scrit al secretariat dla Sinoda Diozejana (Bischöfliches Ordinariat - Domplatz 2, 39100 Bozen), o zënza tres le formual aposta che é da ciafè sön le sît dla sinoda w w w. b z - b x . n e t / diozesansynode.

La Sinoda Diozejana metarà man ofizialmënter ai 30 de novëmber 2013, cun la pröma sessiun tla Academia Cusanus a Porsenù - tanco la indunada generala di sinodai, i mëmbri dla Sinoda. De dezëmber él spo preodü tla Ladinia y tla Val de Puster iniziatives davertes a düć, por jì inant de forà y merz ti atri raiuns de Südtirol. Ai 4 y 5 d’aurì 2014 gnaràl tignì la secunda sessiun dla Sinoda, y ia por l’ann, de setëmber y otober indô de majeres manifestaziuns sön temesc desvalis. Ai 13 de setëmber fajarà i sinodai inće n pelegrinaje a Oies. La terza sessiun sarà spo ai 30 y 31 de jenà 2015, la cuarta ai 6 y 7 de forà, la cuinta ai 23 y 24 d’otober y l’ultima ai 5 de dezëmber. La contlujiun dla Sinoda Diozejana é fissada por Santa Maria Imacolada ai 8 de dezëmber 2015, tl dom da Porsenù.

Odëi, valutè, fà Le laûr é partì sö te trëi fases prinzipales. La pröma sarà sot al sëgn dl ”Odëi”, y dorarà da novëmber 2013 fina aurì 2014. Chilò gnaràl coiü adöm les propostes por les tematiches desvalies che dess gnì tratades; al gnarà inće analisé la situaziun atuala y les desfides por i agn che à da gnì. La secunda fasa, chëra dla ”Valutaziun”, dorarà da mà 2014 fina a merz 2015: al gnarà tratè les idees, utopies y situaziuns ideales. Al gnarà formulè deboriada cun esperć y interessà les vijiuns y i traverć che an se mët dant por le dagnì. Tla terza fasa, chëra dl ”Operè”, gnaràl chirì i trus por ti rové plü daimprò ales vijiuns y ai traverć che an s’à metü dant. Anter otober 2015 dess les cöres y i fedei avëi dan man diretives y planns por mëte en pratica ći che é gnü laurè fora i mëisc y agn denant.

Uedli y oredles daverc sun la sozieté ladina d’aldidancuei

Simon Piccolruaz da Ulëta de S. Cristina, studënt dl Lizeum d’Ert de Urtijëi

Cuntënt che l fina tosc la scola? Bëndebot cuntënt, nce ajache posse tosc jì al mer cun n valgun cumpanies y n valguna cumpanies tla Sardegna. Iel pa stat n ann sfadiëus te scola? Ah chël bën! On truepa ëures, belau massa ëures de scola, bën 41 al’ena, chël uel dì danmesdì y nce for domesdì, ora che l mierculdi domesdì. Iel pa n problem a avëi tan puech tëmp liede? Sci, ajache n ne possa nia a fé d’autra ativiteies; cun l sport leprò réstel propi mé puech tëmp liede. Ma l ie pu la sada y la dumënia, per l tëmp liede. Datrai muessen bën nce paussé mpue’! Y pona iel mo truep da mparé.

Ma zeche saràl bën nce de bon, a jì tl Lizeum d’Ert? Sci, l ie de blòta mutans y che n valgun maestri ie nce da rì … (s’la rij). Positif iel che l vën pità, dlongia la teoria, nce truepa pratica, de depëjer, dessenië y grafica. Pona iel na sauridanza che la scola ie tlo te Gherdëina. Co àla pa butà a hockey? Nia massa, chëst ann! Ma a Riga ve àl sapù bel, a fé l turnoi nternaziunel? Da stramp bel, ajache l fova jugadëures da dlonch caprò y l niveau fova scialdi aut. Y pona éi mo perdù doi dis de scola... Ies’a dlonch positif, śën ala fin dl ann de scola? Spere bën, la messëssa bën jì fata. Ntervista de David Lardschneider

Mantignì la fede La Dlijia laora tres deplü por deventè na Dlijia dla jënt y che va le tru cun la jënt. La Sinoda é na ocajiun por düć da se portè ite, da lascè aldì süa usc y sües idees, por che ara devëntes davëi n tru che an fej deboriada, por tignì en pé y garantì inant le mantignimënt dl gran patrimone dla fede. (pablo)

www.lauscdiladins.com

7


Atualité

nr. 21 / 31 de mei 2013

“SunS” à empeà i motores te Fascia... coi “Bastard”! Istituzions e sociazions adum per meter a jir l gran festival de musega de la mendranzes. E a “Grenz Factor”, canal de selezion ladina de l’event, i Barstard Sons of Dioniso ciantarà per ladin Musega - La musega l’é n strument fondamental per la difujion e l prestije di lengac de mendranza. A l confermèr l’é ruà enstadì a Moena doi testamonesc furlegn de ecezion: l musizist e ciantautor Lino Straulino, che del 2009 l’à vent “SunS” e l se à vadagnà l terzo post al Festival european de la cianties de mendranza Liet International, e Marco Stolfo, espert de musega e de mendranzes e autor del liber “La mê lenghe e sune il rock”. L’ocajion per la prejenza di doi ghesć furlegn é vegnuda da la prejentazion ofiziala de SunS 2013, stata enstadì a La Grenz a Moena, olache Stolfo à rejonà apontin del panoram e de l’evoluzion musicala ti lengac de mendranza tel Friul e te etres raions de la Tèlia, e dapò, dò na pìcola cena golousa enjignèda dai chef Sergio e Martino Rossi del Refuge Fuciade, Lino Straulino à fat desmostrazion pràtega con sia lezion-conzert de coche ence la tradizion pel crescer e mudèr, doventan produzion de autor moderna e adatèda ai tempes, ma zenza perder chi carateres sćiantives che amò anchecondì desferenzia e permet de recognoscer “l’ènema del teritorie” te desvaliva sorts de musega.

SunS: na gran ocajion per nosc raion La gran neva l’é la conferma che SunS, l gran conzert che cern fora la mior cianties ti lengac de mendranza de duta la Tèlia e la Èlpes, chest an l rejonarà ladin, e l vegnarà endrezà apontin a Moena, tel teater de Navalge, ai 9 de november. A se tor sù la gran endesfida, en pruma linia l’é l Servije Mendranzes de la Provinzia de Trent, con l didament de la sociazion La Grenz per l’aspet tecnich-artistich, de la Region Friul e de Radio Onde Furlane che met a la leta l’esperienza concostèda ti ùltimes 5 egn, canche SunS é stat endrezà apontin tel Friul, e amò apede con l’APT de Fascia e l Comun de Moena per la logistica e con la Usc di Ladins, l’Istitut Cultural e l Comun General de Fascia e l’Uniun Ciantauturs Ladins che deida a tor ite duta la valèdes ladines. A prejentèr l’event e l bando, apede a Stolfo e Straulino, enstadì a La Grenz l’era la dirigenta del Servije mendranzes Marilena Defrancesco, l president de La Grenz Enrico Tommasini e l diretor de l’Istitut ladin e component de La Grenz Fabio Chiocchetti che i à portà dant i detaes de la neva. Gropes e musizisć da la Tèlia, la Svizera, l’Austria, la Slovenia e la Franzia pel tor pèrt prejentan na ciantia ti lengac de mendranza (sardo, furlan, todesch, albaneis, franco-provenzèl, ozitan, sloven, ladin, catalan, romanc, croat, romanì, grico). Sarà da 6 a 8 i toc che podarà vegnir porté dant al conzert de SunS a Moena, e i vegnarà selezioné anter duc chi che manarà ite l’adejion e la registrazion

8

www.lauscdiladins.com

Sostegnon l Stadie de la giacia! Se trata de na strutura sozièla emportanta per nesc joegn e per duta la comunanza, e la cognessa vegnir valorisèda de più e miec dai aministradores de Fascia e de la Provinzia

La dirigenta del Servije mendranzes de la PAT Marilena Defrancesco, à prejentà SunS a La Grenz, ensema con Enrico Tommasini, Marco Stolfo, Fabio Chiocchetti e Lino Straulino.

de sia ciantia (che cogn esser n toch original) sun CD o MP3 dant dal prum de setember 2013 (l bando vegnarà publicà te curt temp sun www.sunscontest.com). Anter chisc te la serèda de SunS vegnarà fora doi venjidores, un cernù da la jurìa tecnica e un dal publich, che i se vadagnarà n pest de 1000 euro e l derit a tor pèrt a la finèla del Liet International, l festival de maor emportanza per la cianties de mendranza a livel internazionèl.

Na selezion spezifica per i ladins: Grenz Factor Apede a la selezion generèla averta a duta la mendranzes, per i ladins l’é na oportunità de più de se vadagnèr l’azess a SunS. Defat la sociazion La Grenz à endrezà l concors “Grenz Factor 2013” avert a gropes e musizisć de nosc raion, en colaborazion con l Zenter joegn de Moena. Apede a la partezipazion e a la premiazions pervedudes dal concors (regolament sun www.lagrenz.org), de gra al didament de La Usc di Ladins, l’Istitut Cultural de Fascia e l’Uniun Ciantauturs Ladins, na

premiazion spezièla de chest concors é resservèda a la mior ciantia per ladin, che se vadagnarà apontin l derit a tor pèrt diretamenter al gran conzert de SunS ai 9 de november. Per tor pèrt a “Grenz Factor, ge vel se scriver ite dant dai 31 de messèl. Per 4 sabedes, ai 7, ai 14, ai 21 e ai 28 de setember a La Grenz vegnarà endrezà i conzerc de selezion e en sabeda ai 12 de otober tel teater Navalge a Moena sarà l conzert final. I “Bastard Sons of Dioniso” ciantarà per ladin! E apontin leèda al concors de La Grenz l’é la gran neva! Defat l conzert finèl de Grenz Factor arà desche ghesć de ecezion adertura i joegn musizisć che se à vadagnà nonzech nazionèl con la partezipazion al Song Contest televisif “X Factor”. I Bastard Sons of Dioniso se prejentarà su la paladina del teater Navalge de Moena ai 12 de otober con na ciantia per ladin, desmostran ai joegn de noscia valèdes cotant che ence n lengaz de mendranza pel esser scì adatà che l’ingleis ence per musega joena, pop o rock.

Lino Straulino à portà dant a La Grenz ejempies de l’evoluzion de la musega tradizionèla.

I Bastard Sons of Dioniso ciantarà per ladin a Moena al conzert finèl de Grenz Factor, olache i gropes ladins pel se vadagnèr n post per SunS.

I pìcoi jiadores fascegn che chest an à vent l tornoi de hockey de la valèdes ladines.

Sozietà - Volesse troèr lèrga ence su la piates de “La Usc di Ladins” per portèr dant duta l’emportanza e l valor sozièl che raprejenta l Stadie da la giacia de Cianacei per la Val de Fascia. Volesse dantdaldut meter al luster che chesta strutura la veit sche ogne dì na otantina de bec e bezes che va aló a se alenèr, e chest per amàncol 10 meisc a l’an. No saesse nience da dir n’autra strutura publica che vegn tant durèda fora per dut l’an. Chest tant l die acioche se sapie che no se trata bele demò de n fabricat gran e cèr, volù per costion de aspirazions personèles de zachei: l se trata piutost de na strutura de valuta dantdaldut sozièla che raprejenta n pont de referiment per Cianacei e per duta la comunanza de Fascia. Chiò nesc bec i pel se troèr, jièr, crescer, svilupèr sia capazitèdes e sozialisèr. Amò apede peisse ence a coche chest stadie l podessa vegnir potenzià e tenc autres bec podessa ruèr amò aló se demò che apede ai sport da la giacia vegnissa enjignà ence autra possibilitèdes, desche na palestra publica, n ciamp al cuert per poder jièr a “calcetto”, a volley o a tennis. Volesse ence palesèr l fat che la Val de Fascia no l’é demò chela che se veit su la brossures, en piena sajon, olache somea che fossa dut bel, n muie de robes da fèr e da se divertir; en verità enfati, Fascia l’é na valèda periferica che tinùltima no la sporc chi sà che possibilitèdes a nesc joegn, alincontra per n muie de robes chiò

sion penalisé respet a duta la possibilitèdes che vegn portà inant te zità o ti zentres più gregn de la provinzia. Donca chel che l’é l cogn vegnir valorisà, l cogn vegnir didà e se l’é possibol ence smaorà e slarià fora. Per chel che vèrda l stadie da la giacia l cogn vegnir defenù e salvà a duc i cosć. Tel medemo temp cree ence che fossa l temp per se fèr n pensier nef e per portèr dant a na maniera neva chest impiant, desche n frabicat al servije de la comunanza, ence con neves projec e col ge meter apede autra possibilitèdes desche jà dit. Fae n apel donca a duta la aministrazions de la Val e ence a la Provinzia de Trent, acioche les tole sù la valuta dantdaldut sozièla del stadie da la giacia de Cianacei, na strutura al servije del sport olache i bec i é empegné, olache i pel stèr dessema, i pel emparèr la regoles e l respet, i prinzipies e i valores sportives, e se schivèr coscita certa esperienzes negatives leèdes ence magari al fenomen de la devianzes, desche l fum, l’alcol o chela machinetes che ge vegn dit “slot”. Volesse fèr amò n slogan a duc i sportives e soraldut ai joegn: “Chi che fèsc sport, no i desvìa!!” Riccardo Zanoner


Atualité

nr. 21 / 31 de mei 2013

Vijita dl assessëur Florian Mussner te Istitut Culturel L assessëur Florian Mussner ti à fat vijita al Istitut Ladin per udëi l lëur de svilup linguistich

La Rezeta

Crema de zuchines y ingver De Katia Pizzinini

L assessëur ladin tla sënta dl Istitut Ladin te Sëlva cun i cunlauradëures de Gherdëina.

Istitut Culturel - Acioche la rujeneda ladina posse se mantenì tl cuntest plurilinguistich y tenì l var cun i tëmps muessela unì svilupeda inant. Sun ncëria dla Provinzia de Bulsan lëura l Istitut culturel Ladin Micurà de Rü te chësc ciamp tan mpurtant per la rujeneda de mendranza. Cun na vijita tla sënta de Sëlva se à l assessëur ladin Florian Mussner fat n cheder de coche va inant i lëures. Tl ciamp spezifich dla rujeneda vëniel tl Istitut Ladin te chësc mumënt laurà cun gran dedizion pra doi proiec: l dizioner talian-gherdëina y l svilup dla rujeneda cun paroles nueves. L dizioner che fajerà da cunliamënt danter l talian y l gherdëina ie de gran utl a fé plu saurì tl scrit. “Tl cuntest plurilinguistich di luesc

ladins ie la jënt plu useda a rujené ladin y manco a scrì. L dizioner che unirà ora mo chëst ann sarà n mesun de gran utl per se fé plu saurì a scrì ladin,” à dit l assessëur ladin Mussner do la vijita te Sëlva. Te na grupa de lëur vëniel deberieda cun espertes dl Ufize provinziel per cuestions linguistiches laurà ora prupostes per l svilup dla rujeneda ladina. Tò su paroles nueves ie na cuestion zitia che se damanda dl’aurela. La grupa de lëur porta ite prupostes per esprescions nueves y manieres de dì, che possa do n tëmp de sperimentazion pona unì tëutes su ufizialmënter ti vocabuleres. “Acioche la rujeneda ladina ne reste nia fërma ie l lëur per i neologisms de mpurtanza vitela,” spiega Marco

Forni, espert linguistich dl Istitut. L lëur de svilupé prupostes de paroles nueves vën fat per l gherdëina y l badiot deberieda. “L me fej scialdi plajëi che l vën cris soluzions che vede bën per tramedoi valedes ladines dla provinzia de Bulsan,” dij l assessëur Florian Mussner, che se mbincia che chësc lëur vënie prësc nce slargià ora al’autra valedes ladines dla Dolomites. “Te chëla che l unirà svilupà esprescions nueves che vede bën per plu valedes ladines, puderà la rujeneda ladina n puech al iede nce crëscer y tenì l var cun i tëmps,” sotrissea Mussner. La streda de chësc vieres ie mo longia, perchël ti dà la Jonta provinziela gran mpurtanza al lëur linguistich che vën fat tla istituzions ladines. (ufize stampa provinziel de Südtirol)

La raîsc de ingver, adorada tla gastronomia por söa saù aromatica, vëgn coltivada inće sciöche planta da medejina, bele da vedlamënter insö. L’ingver é na saù che po gnì anuzada por aromatisé rezetes dûces, sciöche biscoti y turtes, boandes, mo ara se adatëia inće dër bun a derzades de cern, de pësc, a cremes y jopes. Ingrediënć por 4 porsones 4 zuchines ½ ciola 1 sone 1 bosora d’ai 5-6 fëies de basile 3 cm za. de raîsc de ingver 1 liter de broda vegetala o de galüć 2 de gran cazüsc de brama Öre de orì Sè y porvada

les zuchines taiades sö a cadrì y la broda vegetala (o de galüć), scialdada sö danfora. Curì jö la fana cun n cuertl y lascè cöje, a flama bassa, por za. 20 menüć. Canche döt é cöt, destodè y ajuntè la raîsc de ingver gratada, les fëies de basile, la bosora d’ai, sè y porvada. Majenè döt cant cun le mixer ćina che la crema vëgn bela omogena. Ajuntè la brama, juté fora la jopa te cater copes y tenë sön mësa. La crema po gnì mangiada da sora o adöm cun crostins de pan o grissins.

Scialdè sö te na fana l’öre de orì y arestì jö la ciola taiada sö bela fina. Monè y taié sö le sone a cadrì y le ajuntè ala ciola, canche ara à arjunt n bel corù. Do n valgügn menüć mëte laprò

Cunsëies y sensiblisazion per la segurëza ti tuniei Te caji de desgrazies, meldefuech o problems al auto te n tunel possa l drë’ cumpurtamënt salvé truep. L Assessorat provinziel per i lëures publics à njenià n julantin, te trëi rujenedes, cun cunsëies de segurëza ti tuniei Tuniei - Regules de streda for plu y plu sciorfes, l mpëni dla forzes dl ordn, pruvedimënc de frabiché y dantaprima la nfurmazion, ie aldò dl assessëur Florian Mussner la rejon che à fat arbassé la cumpëida de desgrazies ti tuniei. Dal 2002 al 2012 iel ti tuniei mé plu suzedù mez tan de desgrazies. “Uniun che avisa n mesun possa cun l drë’ cumpurtamënt judé pea

dassënn per plu segurëza per sé nstës y per i autri ti tuniei,” mët a cuer l assessëur Florian Mussner. “L drë’ cumpurtamënt ie la fundamënta per pudëi mucé segures ora dl tunel n cajo de desgrazia,” sotrissea Christoph Oberhollenzer diretëur dla scola di destudafuech de Vilpian che à laurà pea pra l proiet de nfurmazion. Tl tunel se tràtela te n cajo de

N cajo de desgrazia te tunel dëssa la cherdeda d’emergënza unì fata pra la stazion d’emergënza, cherdé su tres telefonn ne porta nia.

meldefuech de lascé jì l alarm dl tunel, cherdé su per telefonn ne porta nia. Deberieda cun la scola di destudafuech y i destudafuech de Maran à l Assessorat per i lëures publics laurà ora na campania de nfurmazion per la segurëza te tunel. Te n julantin dal moto “Metëde a verda te tunel” vëniel dat inant nfurmazion per l drë’ cumpurtamënt. Tl Südtirol iel al mumënt 55 chilometri de streda che passa tres tuniei. “L tunel plu lonch ie chël de Leifers cun 2,6 chilometri, deberieda cun chël a Auer y chël che unirà mo giaurì a Maran,” spiega l assessëur. Per la segurëza di 199 tuniei dla Provinzia de Bulsan iel bele unì tenì cont tla proietazion y pona sambën tl mantenimënt che ie de gran valor. “Pra la proietazion, l mantenimënt y tl cajo de desgrazies laurons scialdi deberieda cun i destudafuech y nce chësc ie de gran valor,” sotrissea Mussner. L julantin tla rujeneda tudëscia, taliana y ladina ie da giapé tl assessorat per i lëures publics (telefonn 0471 412337/38), ulache n possa nce se damandé la verscion digitela per publicazions locales. L julantin tl format pdf pòssen nce se tò ju dala plata web www. provinzia.bz.it/mussner. (usp) www.lauscdiladins.com

9


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

nr. 21 / 31 de mei 2013

Auguri per i 100 agn mëda Paolina “Zisona” De corsa per 1000 metri fin su L’é la mere de la storica fodoma Luciana Palla. Sua pascion: tre a le cherte la ponta de Col de Lana Vila S.Ijep - Festa grana nchëstadì a Vila S.Ijep per i 100 agn de Crepaz Maria Paolina “Zisona”. L’é la seconda de sto ann che rua al scecol de vita. Davánt de dëla, ai 3 de fauré, l’à destudé le 100 ciandële Angelina Foppa. E l’é damprò ence Maria Pia masarei “Pia Sciata” che la i complirà ai 4 de otobre. A festegé la neo centenera l é rué adalerch fioi e neodi e l’aministrazion de comun co l Capocomun Ugo Ruaz e l assessor Claudio Sorarui per ie scinché n bel maz de ciof e ie fe tánc de auguri. Paolina l’é nasciuda ai 24 de mèi del 1913 sun Chierz nte la fameia dei “Zisons” da Giovanni Crepaz e Genoveffa Colli. Paolina l’é setima de diesc fradiei, de chisc demè trei masći. De le doi sorele plu picole una, la Ángela l’eva morta picola tost davò la viera, chël’autra, la Berta, l’eva juda muniga ma l’é morta ncora jovena. Co l’é sclopada la viera l’ava giust giust doi agn e co la fameia l’é ruada profuga n Boemia. I “Zison” i é tournei a cèsa del 1919 e come dute le fameie fodome che a bu la cesa brujada, ntei prums meisc i a mossù vive nte na baraca ntánt che i se refajëva su na cesa nuova. De 12 agn, coche se usáva nlouta, l’é stada manada a S. Laorenz, fòran puster a “mparè todësch” coche i dijëva. De auril del 1938, de 24 agn, la s’a maridé con Giuseppe Palla “de l’Angelina”e da dël l a bu 6 fioi, ntra chisc 2 morc da pichi. La s’a arlevé la fameia sa Daghé, ulache l’é tres stada davò e ulache l a fat tres la vita

La gara la vignarà metuda a jì l 28 de lugio a La Plié

Paolina “Zisona” auna a nvalgugn parenc e l’aministrazion de comun l di che l’a complì 100 agn.

da bacán, coche l eva nlouta, ntra le fadie e le struscie. “La s’a tres adaté a dut - conta la Luciana. “L’apa ben bu na vita dura.” Ntel 1997 con suo om i se n’é jus a ste a Vila S. Ijep, ulache tost davò, de agost, l Bepo l se n fossa ence mort. Per troc agn, d’isté via, la se n tournáva nte sua cesa sa Daghè, ulache la se n steva bela da sola via per la setemana. Ntei ultimi agn nveze la va su co i fioi demè na giornada o l’autra e da sëra i la condusc ndavò a Vila S. Ijep. Sarà proprio per l’aria da Daghé che la Paolina l a ncora na salute de fiern. La se lamenta ncin che la stenta a sentì, ma per l rest, un che va a la ciaté, l no po no resté de marevoia a vedei ci giama che l a ncora. Zerto, con dute le pedie che la s’a fat nte

sua vita a ji su e ju a pe da La Plié. “E ci memoria che l’a ncora - conta la Luciana. Fin davánt chelche ann la fajëva ncora bec.” Ma chël che fesc restè de stuch l é la vedei a trè a le cherte: al doi e a foia. La śoga per ore e ore a la longia e chi che s’a ngrinté a la sfidé i disc che l e proprio difizile vadagné con dëla. “La se recorda dute le cherte e la se ndentën delongo se valgugn se fala a śoghé. E po ogni sëra la disc su l rosare per duc - ne conta ncora Luciana.” Sabeda la festa l’è scomenciada co la S. Mëssa a Vila S. Ijep. Davò la spetáva na bela tourta. Ma forsci l regalo plu bel, auna a vedei dintourn la fameia, per dëla l é ste podei tourné ndavò na giornada sa Daghé. (ls)

La se clamarà “Vertical – Km la Svizera, da Urban Zemmer. I Còl de Lana” la pruma gara de nterescei i po ji a vedei su www.vchilometro vertical che vignarà km.it. metù a jì domënia 28 de lugio a La Per chësta manifestazion l Plié. Se trata de na gara de corsa comitat organizadou l damanarà sa mont, ulache i concorenc i a da n contribut a le ativité turistiche core su nen percors su dërt per n de la val per stampé 5000 depliant: dislivel de 1000 metri. La corsa 30 euro a ristoránc, bar, pizerie, vertical l’é na specialité de sport garnì e fitapartamenc, 50 euro ai ncora scugnisciuda chilò d’intourn, hotiei. Se podarà ence mëte ite ma trop praticada foravia. I inserzion de reclame. L contribut concorenc i piarà via jun Vara del l podarà ester paié ite fin al 5 de Pleván, i passarà per Plaza da La jugn sul cont de la Lia da Mont Plié, Souraparei, su per bosch nfin Fodom/CAI Livinallongo, Cassa sa Prade. Ilò i tirarà l flé per se Raiffeisen Val Badia, Str. Mesdì 17, paricé al toch plu stentous: l Busc ARABBA, IBAN IT 86 A 08010 del Bruo. Chilò vignarà metù na 61170 000306001882 causal: sciala per i daidé al passé plu saurì. V-KM. (ls) Passé chël i ruar su la ponta de Col de Lana. “Fosa sté bel a partì nte paisc disc l comitat organizadou ma la no jiva nia percieche da La Plié a Còl de Lana l é mánco de 1000 m de declive. L record mondial de chësta sort de gara l é de 30’26’’e l é ste fat a Fully, nte L logo de la manifestazion.

La “tiera ciántarà” co l Coro Fodom L nuof cd dediché a Remo Grones

L prescident del Coro Fodom Lorenzo Pellegrini l consegna na copia del cd a Paolo e Alberta Grones.

I corisć del Coro Fodom e del Valsassina mpruma de se saludé. I ospiti i é stei dassën contenc de avei podù vignì e cugnësce la val da Fodom.

Cultura - L Coro Fodom e l Coro Valsassina de Cremeno ( Lc ) i a proponù na bela sëra de ciántie sabeda da sëra n ocajion de la prejentazion del nuof cd del Coro Fodom ntitolé “Co la tiera ciántarà.” Ntel mëte mán la manifestazion l grop nsigné via dal maestro Lorenzo Vallazza l a saludé dut l publico e l coro ospite con una de le nuove ciántie apëna metude ntel repertorio, dal titol “Le Dolomiti”. L é ste la outa spo dei corisć vignus da la val soura l liech de Como fe sentì nvalgugn

dedichei al repertorio de gliejia co na nuova mëssa. Se trata de la “Missa in onorem Sancitssimi Cordis Jesus” de Ludwig Ebner. Le note de la Mëssa, che l a vigniva ciantada nviade dal coro de gliejia, i é stade ciapade ca a scartabele ntel archif sun coro de la gliejia da La Plié e l é ste volù spò la registré per recordé l liam de Fodom co la tradizion de le ciancion da Mëssa de la Dioceji de Persenon. Al publico l é ste fat scouté l “Gloria” ntánt che vigniva proietade nvalgune foto che

10

www.lauscdiladins.com

de suoi toc, n gran pert touc da da chi dei alpini. Ntel nuof cd l Coro Fodom l a volù mëte auna le ciántie per tematiche: la viera, le tradizion, le ciántie popolari e n sabeda da sëra l n’a prejenté nvalgune de chële che meio lascia ntëne l argoment: “Waltzing Matilda ( ciántia australiana ), “Io resto qui. Addio”, sul tema de la viera, “Me compare Giacometo”, la ciacion popolar, “Cánche tournarà l’aisciuda” per chële fodome e “Imagine” de John Lennon. Na pert dei 20 toc i é stei

mostráva dute le gliejie e capele da Fodom. Per l’ocajion l coro l a volù se recugnësce co nen valgune persone che l a daidé fora a fe l cd: la Newport Studios de S. Laorenz, marco Renon per l acompagnament mujical, Lucia Del Zenero per la grafica de la cuartela. Auna, ben da capì, ai sponsor: la Raiffeisen de la Val Badia, l Bim Piave e l Comun da Fodom. Moment de comozion cánche l é ste clamé sun palco per n consigné na copia a Paolo e Alessia Grones, fi oi de Remo

Grones, un dei fondadous del coro, vignù a mancé de jené via davò na burta malora. A dël l é ste dediché ufizialmente l nuof cd. La sëra l’é juda nnavánt co nen valgune autre ciántie dei ospiti e “La Montanara” ciantada ala fin da duc doi i cori auna. Domënia l Coro Fodom l a mené i corisć del Valsassina a vedei l ciastel d’Andrac, mpruma de marené duc auna e se saludé. L cd se po l damané ai corisć e prëst l sarà da podei compré ence nte le boteighe al priesc de 15 euro. (ls)


Fodom

nr. 21 / 31 de mei 2013

Concors “Andreas Crepaz – 2013”: le premiazion Organizadous ndesplajus per la bassa la partecipazion dei tosac Andreas l a fat nvalgugn laour nte na gliejia. Del gran debujen de fe dedut per tignì su la cultura ladina e la fe cugnësce nte n’Europa tres deplù senza confins a descorëst nveze l profescior Strobel.

I premiei

I tosac de le scole elementari e mesane che a vadagné i prums trei premi del concors una a Dorotea Crepaz e Viktor Strobel ( davovia ) l capocomun Ugor Ruaz, e la prescidenta de l’Ulf Manuela Ladurner (da na pert).

Cultura - Domënia davántmesdì, ntel self de la calonia a La Plié, l é ste fat le premiazion del concors “Andreas Crepaz – 2013”, metù a ji dal Mujeo Ladin da Fodom n colaborazion co l Comun e l’Union dei Ladins da Fodom per recordé i 50 agn da la mort del gran scultor de reisc fodome Andreas Crepaz “Polonát”. L’idea de mëte a ji n concors per recordé chëst artist de fama internazional ma fin davánt chelche ann coscita puoch cugnisciù nta Fodom, l’é piada via da la neoda Dorotea Crepaz che al mujeo l’a scinché ence nvalgugn laour fac da suo berba. L concors l eva dediché ai tosac de le scole elementari e mesane da Fodom che i podëva per chëst prejenté n scrit n proja o na poejia per talián o per fodom ( s’ava plu gënn per fodom ) co nen deśen che audëva laprò o co nen laour fat a mán con materiai e tecniche desvalive. N dut i e stei demè 18 i tosac, 11 de le elementari e 7 de le mesane che a tout pert. N fat chëst che l é ste sotlineé co nen cin de desplajei dai organizadous, che i mpò dit de volei porté nnavánt la scomenciadiva. Forsci per avei plu

suzess se podëssa pensé a nen “format” plu moderno, plu damprò a chël che plèsc e sa da fè i tosac d’aldidancuoi. Per ejemple velch ulache i abe da douré l computer, fe n video, strumenc chisc che i sa da douré con gran fazilité. A la zerimonia a tout pert l coordinadou del mujeo e del concors Franco Deltedesco, la neoda de Andras Crepaz, Dorotea, l profescior Viktor Strobel, storich gran espert de la vita e i laour del artist, l Capocomun ugo Ruaz e la prescidenta de l’Union dei Ladins da Fodom Manuela Ladurner. Davántfora l é ste fat na proiezion de foto su la storia de Andreas Crepaz e de suoi laour che i é ruei n dut l mondo, dal est Europa al Sudamerica. Nte sue parole de salut l Capocomun l a sotlineé l’emportánza per nosta cultura, de avei podù cugnësce, grazie a la neoda Dorotea, ci che a fat chëst fiol de Fodom. “L’aministrazion – l a fenì via – la se mpegnarà perciéche n auter viade siebe na maiou partecipazion.” La prescidenta de l’Ulf Manuela Ladurner l a auzé fora la disponibilité de l’Union de organizé, d’auton via, na coriera per

ji a vedei fora per l’Austria, chelcheuna de le opere plu cugnisciude del artist. Idea tost touta su da Deltedesco che l a proponù de jì a Felden, ulache

I tosac i a prejenté n gran pert scric, che i é stei valutei da na giuria formada da Franco Deltedesco, Florina Detomaso e Raffaele Irsara. Per le scole elementari l prum premio de 300 euro l é ju a Lara Foppa de la clasce 4° con chësta motivazion: “La mostra de cugnësce polito l teritorio ulache la vif. Chëst se l veiga dal descore saurì ma precijo. Valido l colegament ntra scrit e deśen. L secondo premio de 200 euro l a vadagné Elena Demattia, de la clasce 5° elementare, con chësta motivazion: “Compojizion ben curada, che mostra n precijo amour per la natura e cona capazité de osservé i particolari.” L terzo premio de 100 euro l é ste vadagné da Stefanie Crepaz. Chësta la motivazion: “La prejenta na bela imagine de n moment de vita da bontemp passé sui prei da mont dinongia tablé.” Medemo valour ence per i trei premi, duc sponsorizei

da la sciora Dorotea, per la scola mesana. Prum premio a Claudia Denicolò, clasce seconda mesana, con chësta motivazion: “I ricordi del temp passé i rivif con vivazité ntel test metù ju con richëza de particolari. L dut l ven prejenté con bona proprieté de lengaz per ladin – fodom. Secondo premio a Milly Crepaz, seconda mesana,” La poejia la mostra l dejiderio de se n jì dal paisc ualche l’é nasciuda per podei slargé suoi orizonc ma ntel medemo temp, ven fora dassën l liam co le sue reisc.” Terzo premio a Dennis Foppa, seconda mesana, per “na raprejentazion original de n ambient da mont, otignuda co l mescedé deplù materiai. Chisc i inom dei autri tosac che a tout pert al concors. Per le scole elementari: Giorgia Manzato, Martina Vallazza, Pallua Cristina, Alessandro Crepaz, Benedetta Faber, Gioia Sorarui, Omar Crepaz, Lucrezia Crepaz. Per le scole mesane: Fabiana Crepaz, Elisa Lorenzini, Martina Palla e Simone Crepaz. Per lori come ricordo i a podù se cierne fora n liber o n cd dei fora dal Mujeo. Per duc i partecipánc nveze n portaclé fat aposta per l’ocajion con su la foto de Andreas Crepaz. (ls)

I autri partezipánc.

La reliquia de la S. Crousc nte la gliejia d’Andrac l’é vera Ciapé fora l document original del 1726 che l certificheia. La notizia l’é stada dada nchëstadì ntánt la S. Mëssa per la siegra de La Tarnité Andrac - Auna al auté del ciastel d’Andrac e le statue de Domëne Moling, ades la gliejia d’Andrac la po vanté de avei ntra i suoi mur n auter prezious senn de religiosité: nia de mánco che doi ariscle de la S.Crousc del Signour. La reliquia l’eva tres stada conservada nte la gliejia dedicada a La Tarnité, ma mancëva na prova, n document che certificheie che chi doi pichi toc de len i siebe del bon chi dela crousc che a vedù la crocifiscion e la mort de Nost Signour. Ades chëst document l é sauté fora e la notizia ufizial l’é stada dada a duta la popolazion ndomënia passada n ocajion de la siegra del paisc. L

document l eva sté perdù a tramudé l archif e auter material da la calonia d Andrac e chëla da la Plié e l eva ste ndavò ciapé fora nánter autri documenc dal Gianni Baiol. Chëst ultimo l a dit che l volëva che l document l tourne ai archifs parochiai e che dël l se ncontenta de na copia. L document autentich la ciala fora come n modul prestampé d’aldidancuoi, che l vigniva douré da autentiché chèla che l’eva reliquia. Vigniva mefo scrit ite a mán de ci che l’eva la reliquia e come che la ciala fora. L document, daté 2 de setembre del 1726, l é firmé dal cardinal Franciscus Fridericus Bajulius e

timbré co la ceralaca. La descrizion la spiega e la certificheia che la reliquia l’é fata de doi ariscle de la Crousc del Signour tignude a forma de crousc co nen fil de sëda. L dut l é saré nte na teca de auricalco sarada sul dedavánt co nen viere. Su la fazada davò l’é tacada na butla ulàche i ava saré ite chësta cherta. La miscion la disc: “Autentica particulae s. Crucis Ss. Redemptoris in tabernaculo altaris majoris in ecclesia ad Ss. Trinitatis in Andrazi”, che vol dì: “Autentica dei tòc de la Sánta Crousc del Santiscimo Redentor ntel tabernacol del auté maiou nte la gliejia de la Santiscima Tarnité

nt’Andrac.” Na bela notizia che scior pleván don Dario Fontana l à conté ntánt la Mëssa n ocajion de la siegra ndomënia passada. Nte la perdìca l a dit che l eva n legam nánter la Tarnité e la Crousc, perciéche co se scomencia la mëssa ntel inom de Pere e del Fiol e del Spirto Sánt, se se feèsc l senn de la Crousc sul corp, che l deventa come na mbraciada del Signour. Na mbraciada de suo amour senza fin che l sta nte l mister de la Tarnité. Tropa ence st’ann la jent che a volù ji a mëssa nt’Andrac n ocajion de la siegra che da nvalgugn agn l’é tournada a ester na bela festa de paisc grazie al laour e a la

pascion de nvalgugn jovegn volontari. A la fe plu bela e solene ence sto viade l’é stada la partecipazion del Pico Coro Col di Lana, nsigné via da Luigina Dorigo e da sour Martina, che per l’ocajion la s’a vestì l guánt da fodoma, coscita come nvalgune tosate del coro. A la fin don Dario l a benedì duta l’ascemblea co la reliquia, che ades duc sa ester n vero senn de devozion. Defòra la festa l’é juda nnavánt co la pesca tradizional per tre su scioldi per i laour a la gliejia e n fro de marendel per duc sun plaza, ndeletè dai orghegn da mántesc de Mario e Max. (ls) www.lauscdiladins.com

11


Fodom

nr. 21 / 31 de mei 2013

Sfrutament de le ieghe: Fodom se mobiliteia Self del Taulac plen per l’encontada co l Comitat Acqua Bene Comune de Belum Ambient - Ence nta Fodom velch scomencia a se muove contra l sfrutament de rus e ruiei co le zentrai da la corente. Se l a vedù la setemana passa al Taulac a La Plié, a la sëra de informazion co l Comitat Acqua Bene Comune de Belum, ulache a tout pert na cincuántina de persone. A nvié via la scomenciadiva Alessandro Lezuo “Jepol” da La Court che l disc:”Ades vedaron se l é l cajo de mëte su ence chilò n comitat.” Cinch progec de zentrai che e drio a vignì nnavánt, autretánte fate nte sti ultimi agn, de chëst una, sul Ru da Ciastel, l’assa prëst da ji n funzion. Ence Fodom da nen toch l é deventé tiera de concuista da pert de sozieté che a fat suo businness del sfrutament de le ieghe per produje corente eletrica. La jent la se lamenta che l Comun l conzede i tarens de le frazion, de uso zivico, per lascé passé i tubi che porta la iega. Da la Cèsa de Comun i respon che l ent no l a competenze nte sto ciámp. La cuestion la fesc descore e la sciauda su. Autrò la jent la s’a paré. N Val del Mis n comitat de zitadins de Gosaldo i a vadagné n ricors n Cassazion e i a fermé i laour de na zentral che i eva bele scomencei. A Taibon la jent la s’à biné auna e l’é juda al souraluoch pervedù per lege ulache na sozieté da Pavia volëssa fe na zentral n Val de S. Lugán. Chilò fin ades duc a demé brontolé, magari come al

sciolito demè al bar, ulache duc i se sent avocac. Ma apëna fora da porta de ostaria i no se fida plu a di nia. L a prové a muove le ieghe, l é proprio l cajo del di, Alessandro Lezuo “Jepol”, simpatizánt del Comitat Acqua Bene Comune de Belum che da nvalgugn agn l se bat contra l sfrutament dei rus da pert de privac ma ence de l’Enel. A descore l é rué su una de le ativiste plu mpegnade, Lucia Ruffato. La bataliera zoldana l’a scomencé suo ntervent co l lieje ju nvalgugn dac sul sfrutament de le zentrai n Provinzia de Belum.

Doicënt zentrai speta de avei i permesci Fèsc imprescion i dac portei da la Ruffato sul sfrutament idroeletrico n Provinzia de Belum. Ades come ades i é ben 200 le dománde per nuove concescion. De chëste, 30 i è n Agordin e i a bele l iter nvié via. Vòt i é stade autorizade da puoch. Che le jiarà a se njonté dute le zentrai bele n funzion. Demè sul Piave l’Enel l’a 76 prese e 12 dighe, con 200 chilometri de galerie ulache passa i tubi da la iega. Ndut le zentrai i a na potenza de 550 megawatt per la produzion al ann de 2239 Gigawatt. Le nuove zentrai le perveiga che vegne metù ju 200 chilometri de tubi, per na potenza nstalada de 35 megawatt e na

produzion de 245 gigawatt. Le zentrai sot 1 megawatt le produsc demé l 5% de la corente che doura l’Italia. L rest l ven da zentrai soura i 10 megawatt. Chëst – l’a dit – ne mostra che no l é proprio sto gran debujen de dute ste picole zentrai.” Ma percié spo elo duta sta corsa a le fé ? “Perciéche l é i inzentivi – l’a spieghé – le famoje Cherte Vërde. Senza de chi le no se paiëssa ju. Chisc contribuc i paion duc nos nte la boleta de la corente. “L é ste calcolé che chisc inzentivi a la fin ci costarà 230 euro a fameia, che però le doura demè l 22% de la corente. L rest, l 78%, l ven douré da la fabriche.

La Region Veneto no n a fat nia La Ruffato l’à ponté l deit per sta situazion contra la Region Veneto, cusada de no avei fat chël che l eva de sua competenza per lege e avei coscita lascé mán libera a la speculazion su le ieghe dei rus. “Davò l’aprovazion de la Diretiva 60 del 2001 de la Comunité Europea, fata davò l acordo de Kyoto per la riduzion del incuinament de l’aria – l’a dit – Venezia l’assa mossù fe n zensiment de dute le zentrai bele n funzion e mëte ju n regolament ula e co che se po n fe de autre. Nveze no l’a fat nia. Se l é na tel gran dománda de fe ste zentrai, l é perciéche le ven

Alessandro Lezuo, a mán ciámpa, promodou de l’encontada e Lucia Ruffato, a mán dërta, del Comitat Acqua Bene Comune de Belum.

sovezionade co na mascia de contribuc ( le famoje “Cherte Vërde ), che nos duc paion nte la boleta de la corente. Se no fossa chisc le no se paiëssa ju. Ma l é de auter. Nvalgune zentrai, ntra chëste ence nvalgune de chële pervedude nta Fodom, le no respetëssa la lege, perciéche le prese da la iega i é fate nte le śone Sic e Zps, ulache la lege no mpermët de le fe. Epura i a bu mpò l’aprovazion de le autorité che, mper de capì, i a saré no un ma duc doi i ogli. Ma se un da chilò, ntel medemo luoch, l a da se refè su n tablé, ie ven metù bachëc nte le rode de ogni viers. L’a ence denuncé che máncia deldut l controlo che le zentrai lascé core nte ru l minimo vital de iega pervedù per lege. Coscita, n temp de sëcia, troc rus i resta a sut perciéche le zentrai le “se ciucia” dut. La natura la muor ntánt che l tacuin de puoc deventa tres plu grosc.

La ousc dei peiapësc La ousc dei peiapësc l’é ruada dal prescident del Bacino de Pesac n.5 del Agordin Enrico D’Isep, che l a anunzié la costituzione de na federazion ntra i bacini de pesca de la Provincia per ji a Venezia e avei plu ousc perciéche cámbie le legi.

“Metonse auna”

Nte la discuscion l é ste ence l’oportunité de sentì la ousc de “l’autra ciampana”, de chi che produsc corente co le zentrai. Come Fabio Dellavedova “de Icio Puster”, che l a bele na picola zentral nt’Andrac e ades l é drio porté nnavánt l iter per n fe n’autra sul Ru da Ciastel. Fabio l a dit

Ma per l Comitat Acqua Bene Comune velch se po’ fe. “Toca to pert ai souraluoc pervedus per lege – a saré via la Ruffato. “Coche i a fat a Taibon. Cánche i a vedù duta chëla jent contaria i s’a sprigolé. Per mi i no la fesc. E pò toca segnalé se l é velch fora lege. Fè foto. A forza de bate e mané denunzie a le autorité velch se muofpa ben. Ma toca se mëte auna. Se fè vedei. Ence i capicomuns i assa da ester auna de chëst viers. Demè coscita se po’ fermé l sfrutament de le ieghe.” Content de coche l’é juda. (ls)

Frazion, che la giaut, per lege, del uso civico, l é e l resta decontra. Il Comun mpruma e la Region davò i assa mossù damané a la Frazion de motivé chël parer decontra e l mëte ju n auter viade. Nveze nia: conzedus i tarens, zapé

soura i dërc e chël che se speta i fodomi e la zentral l’é ilò n bela, se fesc per di, mostra. Per ie mpermëte de la fe i a finamei cambiè l Plán Regoladou che davánt mpermetëva de podei le fe demè a chi del luoch.” (ls)

La ousc de “l’autra pert”

Tropa jent nteresciada al problema del sfrutament de le ieghe co le znetrai.

davántfora che “ste zentrai le conven perciéche se ciapa contribuc. Ma – l a spieghé – chi per le zentrai a iega l é i contribuc mendri ntra chi per le energie nëte, come l fotovoltaich. E plu picola che l’é, mánco contribut che te ciape. No capisce – l a dit ncora – perciéche la jent la disc che se la fesc l Comun va ben, se l é n privat no. Ma la iega la ven mpò touta fora dal ru. E no l é zerto le zentrai che fesc calé la cualité de la iega ntei rus. Ma tochëssa smazé ite mánco paciuch e velens.” E nfin sul contribut ambiental che ven paié ai Comuns:”Con chël che ven damané l é come se l fossa socio al 30%. Nte chisc agn, ulache l Stato l taia tres deplù, chisc scioldi i po daidé i Comuns a paié ju e mantignì i servisc a la popolazion.” L la veiga neigra nveze l assessor al ambient Lorenzo Pellegrini. “L Comun l no po di nia sun sto ciámp. L é la politica che a da mudé. Se te vade decontra a chisc de le zentrai, te risće ence, se i vadagna, de mossei ie paié i dagn, coche l é suzedù ju per l vicentin.”

“No l é ste respeté uso civico” Leandro Grones ( Fodom Domán ):”La zentral sul Ru d’Andrac se podëva la fermé” Zentrai - L referat su le zentrai l’a descedé ndavò la polemica ntra minoránza e magioránza sul argoment. “Fossa plu dërt di che i comuns i a puocia competenza per via de le derivazion de iega per fe zentrai – disc Leandro

12

www.lauscdiladins.com

Grones, capogrop del grop de mendránza “Fodom Domán” ntel respone al assessor Pellegrini. “Ma l n’a ence massa, vedus i resultac, per via de conzede o no tarens de uso civico. Se l Comun l assa respetè e defendù la volonté dei

frazionisć d’Andrac, la K – Energia no l’assa mplanté gnánca n pèl sul taren de uso civico. Nvze i a dit che l parer decontra dei frazionisć l no soleváva deguna obiezion sui aspec dei usi civici, ma demè sui aspec ambientai. L parer de la


nr. 21 / 31 de mei 2013

Redadoura: Katia Pizzinini lunesc y mertesc a Badia, tel. 0471 839800, mercui a Cortina d’Anpezo, tel. 0436 868615 juebia a Col de Santa Lùzia, tel. 0437 720609 - katia.usc@rolmail.net

Souramont

Roja de Dorich nes conta sia storia Con la bela eté de 94 agn à Roja de Dorich publiché si prum liber, “Davò l niol torna l saren”, la storia de sia vita, ma ence la storia de n popul, la storia de Fodom fova si sconfort: “I é pa tant braglé, ma spo me éi fat n pensier: a braglé ne conclude pa nia, meio sce i vade a cianté en onour dl Signour”. Enscì à Roja metù man de cianté con l cor de gliejia da La Plie. Spo ence i burtiscimi agn de vera à abù na fin. N bel di de mei dl 1945 é ruvé adalerch l fré plu vedl de Roja, l Pino y n valgugn meisc dapò ence l Nani, che fova sté a combate tla Croazia.

Ciantè en onour dl Signour, con l cor de San Jan

Ameda Roja à metù man de scrive si prum liber a l’eté de 90 agn.

Persones - Al fova l 1915 can che trueps fodoms sen piova via, profugs de na vera crudia y violenta. Ai sen jiva se tolon empera mé l nezesciar y n cuer plen de speranza de podei tourné prest endò a ciasa. Chest fova ence sté l destin de Berba Dorich de sia fomena Zia Roilo, dla picera Maria y de Roja, nasciuda a Onies, soura San Laurenz, olà che la familia fova juda a sté. An dijova che la vera essa pa tost abù na fin, ma empermò trei agn dapò, à chela puera jent endò podù vegnì derevers te Fodom, te na val desdruta da bombes y combatimenc. A Carpac, olà che la familia de Dorich stova da ciasa, fova les baraches de legn per fortuna restedes en pé. Temps de stenta, de ciarestia y de fan i aspetova y spo tost les Opzions y la Seconda Vera dl Mond.

N liber per recordé “Davò l niol tourna l saren” é l titul dl liber de Roja de Dorich, n liber te chel che ala conta sia storia, ma ence la storia de n popul, la storia de Fodom. Al é passé cin’ agn da can che la Union di Ladins da Fodom à publiché l diare de Roja, che ala à metù man da scrive can che ala à complì 90 agn; n diare volù da sia fia Stela, che la à daideda da l mete adum, deberieda con Sergio Masarei, Bruna Grones, Nadia Chiocchetti y Luciana Palla. En chest ann podarà ameda Roja festejé la bela eté de 98 agn. Ala se tegn strenc i recorc, te si cef y te si cuer, recorc de na vita crudia y

L cuertl dl liber de Roja de Dorich.

erta, ma ence de speranza y de findenza te n davegnì plu bel, n davegnì saren, dapò i agn scuers y da niol.

“Temps che an ne volessa nience plu tré ca” Rosa Pellegrini, conesciuda ence desche Roja de Dorich, é nasciuda tratant la Pruma Vera, a Onies, te Südtirol, da na familia de profugs fodoms. Si pere y sia oma ova messù sen pié via, sciche trueps d’autri fodoms, se tolon empera demé n ciar trat da does vaces. Do la vera, de jugn dl 1918 ései ruvés endò te Fodom, a Carpac, olà che ai stova da ciasa. Ai, sciche truepes families fodomes, à messù se tré ite les manies y tourné a la vita da vigni di. I ciamps, oramai impradés, àn metù man de zapé su da nuef, de mete n pue’ de orde, de faves y de soni. Per l forment fòvel bele massa tert. La fan fova grana.

“I ove empermetù al Signour che sce mi fredesc fossa vegnus zeruch da la vera ne n’esse nia zedù enfin che ai ne fossa nia vegnus a cianté tl cor.” Al fova passé l invern, ma Roja ne fova nia ciamò steda bona de mantegnì sia empermetuda. “N bel di ruva te stua Scior Piere Deiaco che me dij che l cantor da San Jan, mi berba Tone Chech, ova la grauta y n’essa nia podù cianté la santa messa de Pasca de Mei. I esse messù abiné adum chele tosate che jiva a cianté i prums vender, ti insigné ite la Messa di Angeli y

Berba Dorich con si fis (dmc) Pino, Roja, Maria y Nani. (Fotos vedles toutes dal liber "Davò l niol torna l saren")

tosac: Edoardo, Letizia, Stela, Stefano y Lola.

Recorc, ma ence poejies L liber de Roja de Dorich à na gran valuta storica y conta, dut per fodom, la storia da n viade. Dlongia sia storia à la scritoura ence volù recordé sciche al fova zacan, sciche la vita se desfirova tl pice paisc de La Plie da Fodom, co che al vegniva fat dai batejimi, da les nozes, da sepoltures, festes da Pasca y da Nadel y ence co che al vegniva fat

l pan. Laprò à ameda Roja ence enjonté poejies, rimes che ala à metù adum plu da die, che recorda la vita a Carpac, dant l matrimone, ma ence scrites can che i tosac é vegnus gragn, can che ala é resteda soula y à porté inant sia pascion per la scritura. A ameda Roja, che con chest liber nes lascia na arpejon tant emportanta y de valuta, che nes fej descorì y conesce la vita da zacan, volonse ti di n gran diotelpaie y ti auguré dut l bon. (kp)

Concors metù da jì da La Usc di Ladins

Manéde vostes fotografies a la miscion e-mail katia.usc@rolmail.net o per posta a la misciun: Redazion “La Usc di Ladins”, Self dei Ladins c/o ex Hotel Dolomiti, 32020 Fodom/Livinallongo (BL). Les fotos vegnirà ence publichedes sun la plata de Facebook “L sonn fodom tla Usc” olà che duc podarà dé ju si aprijament. Chisc vegnirà touc en consciderazion da la giuria per la valutazion finala.

Les Opzions y n’autra vera é dant porta Roja y Maria de Dorich con sia oma, Zia I dis passova. La familia Roilo dl 1916-17. de Dorich se slariova. Al nasciova la picera Mariana, morta damané a un de mi fredesc de soné dapò trei meisc de “ferdis” y spo i l orghe.” L Nani é sté atira auna y doi fredesc Pino y Nani. Bel plan enscì é nasciù l cor da San Jan, de la jent tournova a la vita da vigni chel che ence l fré plu vedl Pino é di. I tosac jiva a scola, i joegn spo jù a fé pert. passova l temp en compagnia y se devertiva. Ma ben prest l niol se Al é ora de se maridé lasciova endò adintene: les Opzions y n’autra vera fova dant porta. Al fova temps ligri per Roja: an Trups é stés i fodoms che à opté ciantava, an stova en compagnia per jì fora pert, manacés de gnì y an se devertiva: “I pensove che menés jù per les campagnes dl Sud ala fossa tres juda inant enscì, spo dla Talia. La gran confujion di fedei can che mi fré, l Pino, me à dit che à doré enfin a la perdica dl scior al se maridova, me él vegnù n slai!” plevan Pescollderungg, che ti à Con si cherstian ova Roja beghé, metù l cuer en pesc. Ma l piec ova ala essa messù jì fora de ciasa y ciamò da vegnì: “N burt di, el 10 chest fova per ala n gran cruze. Ma de jugn del 1940, le ciampane i ava n valgugn dis dedò ti él ruvé soné, n sonn fosch de mèlaugurio: adalerch na letera da Bruno Cherlo m’eva vegnù n slai!” La Seconda da Pala, l Postin. Per Roja fòvel sen Vera ova scomencé. Tramidoi i ora de se maridé, de lascé Carpac fredesc de Roja fova vegnus clamés y de jì a vive a Salejei olà che l Bruno a combate, sia oma fova morta, sia ova fat su na picera ciasa y olà che sor fova marideda y ela fova resteda ala vif ciamò al didancuei. Dal da soula a ciasa con si pere. Gran matrimone él nasciù cinch de biei

“Elo n’ogle che ciala n’ta mez al paesagio invernal o elo na costante universal?”, Foto fata a Saviné soura Rèba ai 27 de merz da Helga Soraperra.

www.lauscdiladins.com

13


Anpezo

nr. 21 / 31 de mei 2013

Ra foula granda de r’Ulda El laoro fato ‘l an pasà e chel de ‘sto an. I conte de el 2012. I consiliere noe. Algo su ‘l referendum de ‘l 2007. I libre, i viaśe, ra mostres, ‘l amor par el nosc paes

Ra foula de ra Union de i Ladis de Anpezo, a contà el laoro fato e chel che ‘l é da fei.

“Ra nostra ra no n’é noma na asociazion culturale, r’é algo depì. Nośoutre son el nosc paes, ra usanzes, ra parlada, algo che ‘l é inze ‘l nosc Dna” – r’à dito Elsa Zardini Soriza, presidente de ra Union de i Ladis de Anpezo, a ra foula granda, śoiba ai 23 de maśo. Dinprin r’à dito gramarzé a i loudaduós ladis de comun, che i à lourà, da ‘l 2002 inaante: Bruno Dimai Fileno, Paola Valle de Morìs, Adriano Verocai Daloio, che i ea dute e tre inze ra sala Don Pietro Alverà. “Ra Ulda r’é un valor par el paes – r’à śontà Elsa Soriza – e trope i vien a vede de nośoutre, canche ‘l é biśoin de fei algo. Par fortuna, ón tropa śente che me dia ‘na man, ma sarae ben che in fose de outre”. Dapò r’à lieto śo duto chel che ‘l é stà fato de ‘l 2012, e ‘l é un grun

de bela robes, intrà libre, mostres, viaśe e outre laore. Algo che se fesc in ciou de tanto, algo che inveze ‘l é da i tende là, dute i dis, duta ra setemanes. Intrà duto el resto, r’à menzonà La Usc di Ladins, co ra so pajines par anpezan, co i scrite par ladin dolomitan, a fei conosce depì, e meo, el nosc paes, inze ches’outra vales. E ‘pò ‘l é chera cuatro ciacoles che se fesc de ‘l sabeda, par radio: “Arae acaro che śise anche calchedun de outro, a parlà: chel no n’é el posto de Elsa Soriza, ma de dute i Ladis de Anpezo. Sarae bon che anche outra parsones śise a contà algo, de chel che fajon” – r’à dito ra presidente. Dapò r’à contà algo de el laoro fato, ‘ste prime mesc de el 2013, che ‘l é senpre algo da fei, da i tende drio. Una de ra noes de ‘sto an, ‘l é chera poca righes, par ladin anpezan, su

‘l sfoi “Wake up”, fato da el consorzio Cortina Turismo, par i foreste: ‘l é algo de bon, che ‘na ota no s’arae mai pensà de podé el fei, par aé coscienza de el nosc ese Ladis. Dapò Ruggero Gaspari Mul ‘l à dito de i conte, de ‘l an pasà, che i s’à sarà con speśes par 64.406 euro, pi che see par stanpà libre e publicazios, par 27.911 euro; outre 18.052 s’i à spendude par manifestazios, 9.316 par el parsonal e par fei śì inaante ‘l ufizio, dinultima 1.409 de tases. Inze ra casa de r’Ulda ‘l é ruà 53.106 euro; de chiste, 37.516 de contribute, 1.655 da ra teseres, 13.669 a vende libre. Coscita a sarà i conte, mancia 11.300 euro. Par i contribute, beśen i dì gramarzé a ‘l Comun de Anpezo, che ‘l à dà 3.300 euro de ordinarie, 18.500 de straordinarie, inveze outre 13.768 i rua da parsones, da private. Mancia ra Rejon Veneto, che r’à dà poco o nuia, ‘na miseria de 827 euro, vanzade da ‘l an ignante. “Se no fose el Comun de Anpezo – r’à dito Elsa Soriza – podason sarà duto, parcé che ra Rejon ra no me dà pi nuia: el 2012 ‘l é stà ‘l an peśo de dute, da canche ‘l é nasciù r’Ulda, de ‘l 1975”. Par ra votazios, ‘l é stà da toi inze outra parsones, a ‘l posto de ci che à lascià el so posto. I à fenì Roni de Bigontina e Simonetta Zangiacomi Iacarede: a lore ra Ulda i à sporto una targa de bronśo, da i dì gramarzé de chel che i à fato. Inze ‘l consilio, agnó che resta Elsa Soriza, ‘l é stà tolesc inze Luigi Apollonio, che dute se conosce, par el laoro che ‘l à fato, par anes, par ra Dobbiaco – Cortina,

Ra presidente Elsa Zardini Soriza ra i disc gramarzé, a chi che à lourà par anes, par r’Ulda, e ades i lascia el posto a de outre. Ma i é senpre pronte a dià ‘na man isteso.

co i schie da fondo, e Rosa Lorenzi Chenopo. Par i revisore de i conte, r’à lascià Roberta Majoni Coleto e ‘l é ruà Claudio de Zanna, a i dià ‘na man a Ruggero Gaspari e Annelie Krall. Simonetta Iacarede ra và inaante co ‘l so laoro, che ra fesc da trope ane, de lieśe La Usc di Ladins par radio, ‘na ota a ra setemana, co ra so bela osc. “Me auguro che se pode fei un presidente noo, par ra Ulda – r’à dito Elsa Soriza – no parcé che io no vore pi el fei, ma parcé che me sà de iusto che, dapò de sete ane, see calchedun de outro a toi su el braghier. Gramarzé a dute chi che laora con nośoutre, inze ‘l consilio e da vorentie”. Par el Comun de Anpezo, el loudaduó Adriano Verocai Daloio

‘l à dito alcuanta paroles, par el referendum de ‘l 2007; se prozede, se và inaante, dapò che el vecio comitato ‘l à lascià duto a i tre comune de Anpezo, Col e Fodom, ogniun con tre consiliere o loudaduós. Ra Rejon Veneto r’à votà una carta, che però ra śoa poco. Ades se speta che ra rue anche da ra Provinzia de Bolzan: Luis Durnwalder, canche i s’à ciatà, ‘l à dito che ignante de ‘l outon che vien, canche sarà ra votazios, el ra vó parecià e fei votà. Sarà anche da stà a vede ce che i podarà fei, chi ladis da Bolzan e da Trento, ruade a Roma, in Parlamento, che i é de un grun, finamai de dodesc. Par sarà ra foula, nuia de meo che se ciatà intor ra toura, par ‘na beerela e cuatro ciacoles, in bona armonia.

Projetà ra Oktoberfest

Arcobevando de pasc

Ra Banda e i Ladis de Anpezo, co i sarvije da canpanoto, a Monaco, par chera gran festa de outon. Trope mesc par se parecià polito, par portà in mostron i nostre vece sarvije, ra nostra storia, ra nostra tradizios

Un segnal de chera bona armonia, che dute vorason

No n’é pi na noa del paes: ades dute i sà che sto an de setenbre ra Banda de Anpezo ra podarà śì ara Oktoberfest a Monaco, a fei un bel mostron, el di che vien daerto ra manifestazion, canche na gran portiscion de bandes, sarvije e scizar i caminarà par ra zità, intrà na masa de śente che (se auguron) ra petarà ra mas! Via par dezenbre, de ‘l an pasà, ra presidenza ra s’à pensà de i scrie a chi che organisea ra festa par domandà cemodo che se fesc a se notà inze, à bastà na letra con na fré de ra nostra storia, doa bela

fotografies, el libro e i cd de musica, e… de marzo ‘l é ruà na letra par invidà i nostre musicantes a cordà pas inze ra zità de ra bira. Aduna con ra letra che invida ra Banda a Monaco, ’l é ruà tanto de pefel con scrito ben polito cemodo che ‘l é da ese, sedenò i manda dute danoo a ciasa soa. Prin de duto vien scrito che se trata de na sfilada de sarvije de na ota e de mondures da scizar, e che no se crede de se bete intorno un dindl ara meo e pensà de aé derito de ese là. I vó solo vestis conpain de na ota, chi sarvije che se betea da festes e da dagnadì inze

Se podarà vede i biei sarvije de ra nostra Banda e de ra Union de i Ladis de Anpezo anche a Monaco, in sfilada, par daerśe ra Oktoberfest.

14

www.lauscdiladins.com

un o ‘l outro paes, i no vó vede arloie moderne, na fila de recìs sun na rea, pluses e ciameses col colarin daerto, ciaei molade śo come tanta Madones de ra strajegnes. No se pó se bete i ociai da soroio, nuia faneles contra ra pioa o onbreles da color; solo roba che doraa i nostre vece. Ra bandes à da cordà pas: 104 pasc ogni menuto, ‘l é da stà biei in fila inze meśo stradon e no se ficià mai par fei na sonada o na paiazada da ferme. Sarà un che ciacolea par i microfone de ra television de ra Baviera e el i contarà a dute ra usanzes de ogni paes; 170 suposò sarà i ciape che se tolarà su el braghier de caminà par sete chilometre. Aduna con ra nostra banda, sarà anche alcuanta parsones che, conpain de ra nostra Festa de ra Bandes, se betarà i sarvije a r’anpezana: ra Union de i Ladis pensarà a chesto. E se sente par el paes che sarà anche tropa śente che siarà fora par ra Baviera a vede e i petà ra mas ai nostre. Se auguron che duto el parecio el vade inaante polito e sun sto sfoi de ra Usc contaron man man se ‘l é calche noa. Ah, deboto me desmenteae: ra gran festa ra sarà ai 22 de setenbre. (Fmd)

Un arco de lun, de colore, de pasc, via par sora el nosc paes.

Cisà se ‘l é vero, chel che dijea i vece, che ‘l arcobevando el và a bee inze ‘l lago de Costalaresc e ‘pò el và fora a bee inze chel de Noulù. Chel gnon, che se ciata su ‘l vocabolario de ra Regoles, el nasciarae propio da ca, da chesto śì a bee. Fato stà che a vede chiste colore ‘l é senpre algo de bel. Duta ra ziviltàs, de dute i tenpe, ‘s à senpre abù ‘na storia, ‘na lejenda, algo da contà, par chesta lun, che ra se inpiza de colore, canche ‘l é ra pioa e el soroio. Inze ra vales pede a ra nostra, el gnon ‘l é de spes “arco de San Marco”. Par dute ‘l é un segn de pasc. Par ra Bibia, ‘l é el segnal de ra noa armonia, che ra nasce intrà el Signor e i

ome, dapò de el diluvio, con Noé e i so fioi, a popolà danoo ra Tera. Chel arco de lun e de colore el s’inpiza dapò de un sguazo, dapò ‘na brentana, dapò ra pioa pi granda, e ‘l é el segnal che duto se studa śo. Fajea pensà a duto chesto, chi biei arche, che s’à vedù i dis pasade, de ‘l dapò disnà, da Azon in śo, su ra nostra val. Via par sora ‘l ea un ziel scuro, de pionbo, ciarià de pioa, de guergno, ma sote ‘l ea ‘na bela lun, ciouda. S’à vedù pi otes un arco intiero, via par sora ra ciaśes, el nosc cianpanin, ra piaza, i palaze, a ciapà inze duto el paes. Un paes che, de ‘ste tenpe, ‘l à tropo biśoin de pasc.


Anpezo

nr. 21 / 31 de mei 2013

Un doman seren par San Candel

Ra Fregores

Ra provinzia de Bolzan r’à ciatà ra strada iusta, par precurà i ospedai pi pize; anche chel de San Candel, agnó che rua tropa parsones de Anpezo

Alcuanta noes in curto, da ‘l paes e da fora

Bona noes, cheres che rua da ‘l ospedal de San Candel, in Pusteria. Da chel che ‘l é stà dito, ‘l arae da perde solo tre poste, tre liete, par i marade che stà peśo, ma i no vó sarà gnanche un reparto. Pi che see, ‘l arae da restà el reparto de ostetricia e jinecologia, agnó che nasce i pize: un reparto agnó che rua tropa femenes da Anpezo, da Auronzo e el Cadore, da el Comelego. A ‘l dì ‘l é stà Richard Theiner, loudaduó de ra Provinzia de Bolzan, canche el s’à ciatà co ra śente de ra Pusteria, par parlà de ‘l ospedal. I mesc pasade, chera comunità r’aea domandà de in saé depì, de el doman de chel ospedal, parcé che śiraa burta vojes, che es dijea el fose drio par sarà. Inveze somea che reste duto e ‘l arae finamai da ruà algo de noo. “Co ra spending review, par sparagnà, anche par ra sanità, el Stato el vorarae sarà i ospedai pi pize – ‘l à abù dito Theiner – ma nośoutre, inze el Sudtirol, no son par nuia parsuaśe e coscita ón pensà sora polito, de ce podé fei. Co ‘l é dinultima, ón fato un projeto, parcé che voron che gnanche un, de i nostre ospedai, ‘l ebe da sarà”. A me dì de ‘l interese che ‘l é, da ra Provinzia de Bolzan, par ‘l ospedal de San Candel, ‘l é anche i sode, che i à betù par el comedà, par el fei fora noo, par outra sales da operà:

i spendarà oto milioi de euro. “A San Candel son segure de fei da zinchezento a siezento intervente depì, a ‘l – el disc el diretor sanitario Oswald Mayr. Ra strada r’é chera de partì fora, par i sete ospedai de ra provinzia, chel che ‘l é da taià śò, i liete che ‘l é da toi via de sote, cemodo che domanda el Stato: “Son parsuaśe che chesta see ra strad iusta – el śonta el loudaduó Theiner – anche parcé che ades dute i marade i pó curà fora, i pó zerne el posto agnó śì, par vegnì de meo, cemodo che ra disc ra Union Europea, e ‘pò i sara outre ospedai, inze ra provinzies pede de ra nostra, coscita ruarà pi śente a San Candel, da ‘l Osttirol, da ra provinzia de Belun”. A i responde ‘l é Maria Antonia Ciotti, capocomun de Piee de Cadore: “Par salvà i ospedai, de ra nostra provinzia, no n’à da ese solo

i capecomun a se ciarià el braghier, ma ‘l à da ese duta ra śente, dute i nostre zitadis a fei algo. Io de seguro e zerto no pos i dì a ra nostra femenes de no śì de là, in Pusteria, parcé che ei rispeto de ra libertà de dute, de fei chel che i vó. Perà pos i dì a ra femenes che vive in Anpezo, in Auronzo, Cadore, Comelego, de aé fiduzia, che ‘l ospedal de Piee ‘l é un bon ospedal, i laora polito. Ca ‘l é nasciù trope pizete, senpre depì. Se fidà de i nostre ospedai, vó dì fei algo par i salvà. E ‘pò ‘l é da śontà che nośoutre, a Piee, ón anche ra pediatria, pede a r’ostetricia, par podé dià i nesc, se i à biśoin; inveze a San Candel i no r’à, e beśen tramudà i pizete fin a Bruneck. Ma, par fortuna, a fei nasce i pize pensa ra natura; par el 90%, và duto cemodo che era ra disc, senza zavarie”. Marco Dibona Moro

A ra caza senza copà I fotografe naturalistes de Anpezo, intrà besties e fiore. Ra mostra ra resta daerta fin ai 2 de śugno Ancuoi dute fesc fotografies, co ra machina dijitale, che ‘l é pi fazile e costa de manco. Dapò se pó res vede alolo, su ‘l conputer, res bete fora su Internet, finamai stanpà, su ra carta, se s’à chera de se tegnì un bel recordo, de algo che s’à vedù, de algo che s’à vito, de ‘na parsona che s’i vó ben, da ra vardà canche ra mancia. Anche de un fior, de un selvatego, de una bestia de i nostre bosche, o de una croda. Algo de bel se pó el vede inze ra mostra “Ra natura de ra nostra vales”, daerta dute i dis, dares 17 a res 20, inze ra galeria Ikonos, che Stefano Zardini Foloin, un de i pi conosciude, intrà i fotografe storiche de el nosc paes, ‘l à dà, par deban, a chiste fotografe che scomenza. Ra mostra r’é daerta fin a i 2 de śugno. Su par chera parés se ciata ra fotografies de Gianni Acciaio, Paolo Constanini, Sisto Manaigo, Marco Migliardi e Fabio Pianezze. A i bete aduna, a lourà par parecià ra mostra, ‘l é stà Mario Barito, ben conosciù, da almanco 25 ane, par chesta so pascion de ra caza fotografica: “Son drio a i insegnà el mestier a chi outre – el me conta Barito – e duto chel che ocore, par śì adora a fei chesta bela fotografies, agnó che ‘l é da se bete, ben scondude, e cete, agnó che se ciata ra coes de i uziei pi biei, cemodo che ‘l é da dorà ra machines e i obietive”. I à fato outra doa mostres, i mesc pasade, una a Pocol, a ‘l hotel

Argentina, un’outra a Vodo, in Cadore: “I é de trope a me domandà de bete fora chesta fotografies – el śonta Barito – inze i locai, inze i hotiei. Ades, d’istade, in fajaron de outres. E nośoutre ón acaro, parcé che coscita s’i dà ‘na sodisfazion, a chesta parsones, dapò duto chel che ’s à fadià, par toi śo un fior o un selvatego. No n’é da dute. Son drio a zerne fora i fotografe naturalistes, par fortuna ‘l é alcuante śoen, che à chesta pascion: ‘l é pi che see da aé pazienza, da saé spetà. E da taje, da stà cete”. Mario Barito, chesta ota, el no n’à betù fora fotografies de ra soes; el ‘l é de ‘l mestier, oramai, dapò dute ‘ste anes, e ades ‘l à acaro

de fei scomenzà de outre. Ra so fotografies se res vede inze outre luoghe, in Internet, su Facebook, inze alcuante libre, su tropa gaśetes. Una pi bela de cher’outra. Ma ades in rua de outres, da chi outre fotografe. “Ancuoi, co ‘l digitale, ra fotografia r’à ciapà inze danoo, depì de ‘na ota – el me conta Marco Migliardi – parcé che no ocore pi lourà drio, co i azide, inze ra camera oscura, su i negative, mangare par vede in bianco e negro. Ancoi ‘l é pi fazile, a fotografà. Ma fei bela fotografies resta difizile. Canche śon adora, e me suzede, in ciou de tanto, ‘l é bela sodisfazios”.

I fotografe naturalistes de Anpezo che i me mostra, fin a i 2 de śugno, i so laore: ‘l é Paolo Constantini, Fabio Pianezze, Sisto Manaigo, Marco Migliardi, Mario Barito e Gianni Acciaio.

Ra pistes par Cortina 2019 Dute podarà dì ra soa, su i projete par ra pistes da schie, da fei fora noes, par i Mondiali 2019, se s’i ciapa, ca de un an, a Barcelona. Da i 18 de maśo, chiste projete i é inze ‘l ufizio de i laore de comun, su in son de ra ciaśa de ra Postes. Algo ‘l é stà dito, ‘l é stà mostrà, martes ai 28 de maśo, da el vize capocomun Enrico Pompanin Marco, gouja che el capocomun Andrea Franceschi de Matia ed no podea, che ‘l à da stà fora da ‘l paes, par ordin de el tribunal. Con Pompanin ‘l ea ‘l insegner Graziano Martello e el dotor forestal Ivano Caviola. Su par Tofana, da Pomedes fin śo a Rumerlo, se pensa de comedà ra pistes che ‘l é, de res slongà e res slargà fora, de res leà una con cher’outra. Pi che see, ‘l é da lourà par ra doa pistes par ra discesa, de i ome e de ra femenes: ra prima ra moe su sote ra Punta Anna, par ruà a Rumerlo, longa 2.720 metre, con 825 metre de souto, intrà el Valon de Pomedes, el Canalon, Festis. Par ra femenes, supośò se và drio ra Olinpia de ra Tofana, che ‘l é ades, par 2.620 metre, con 750 de souto. Duta noa, inveze, sarae ra pista Anton Sailer, par el slalom, da fei su ‘l Col Druscié. De chesta pista i é dute poco parsuaśe, anche chi che i arae da ra fei. Par zincuanta dis, fin a i 8 de luio, dute pó dì algo, scrie śo ce che i pensa, de chi laore, par el fei saé a ra Rejon, che dapò ra dijarà, se chi projete i và ben, o se ‘l é algo da mudà.

Un’outra ciaśa par i nostre vece de Anpezo Par inglese i disc senior city: ‘l é una ciaśa, agnó podé stà, da vece, da sole o de doi, se no s’à pi chera de stà in ciaśa soa, mangare parcé che s’à nafré biśoin, de calchedun che me tende. Da anes se sente dì de in fei su una, anche in Anpezo, cemodo che in é nafré daparduto. De ‘l 1972 i à betù aduna ‘na fondazione, par chesto, che r’à ciapà sode de tropa śente, de parsones da fora e de ‘l paes. Ma i no n’é mai śude adora a darśonśe chel che i vorea. Ades se fesc un outro pas inaante: a i 14 de maśo i à daerto un concorso, par architete de duta Europa, par projetà chesta ciaśa. Se vó ra fei su chel fondo, betù da ‘l Comun de Anpezo, pede a ‘l Cademai. Una ota fenida, r‘arae da aé supośò trenta alośe, cuartiere pize, da 45 a 50 metre cuadre cadaun. A parlà de chesto laoro ‘l é stà Stefano Zardini Foloin, el presidente de chesta Fondazion, e Francesca Bogo, presidente de ra Fondazione architetti Belluno Dolomiti. Dute chi che vorarà, i podarà mandà i so projete ignante de i 19 de luio che vien. Dapò, via par el mes de agosto, i arà da zerne i diesc pi biei. Da chiste, ignante de noenbre, soutarà fora chel che ciaparà el laoro: i me ‘l mostrarà ai 7 de dezenbre. Coscita no se parla pi de chel projeto, che i m’aea mostrà śa tre ane, che el costaa noe milioi de euro. Par ades, ra Fondazion r’à supośò 800 mile euro,

ma se spera de śì adora a i bete pede de outre, ‘na ota che se podarà mostrà a dute che el projeto ‘l é drio a moe, a deentà algo dasen.

Ra portiscion a ‘l Ospedà Co ra portiscion, ra mesa, ra benedizion, a ra jeja de Ospedà, ‘l é scomenzà anche chesto an de i laore in canpagna e su ra monte. Ra comunità de Anpezo ra s’à ciatà, cemodo che se sore, in Castel, par ruà in portiscion fin inze a Ospedà, agnó che ‘l é ra jeja pi vecia de el nosc paes, consacrada ai 30 de otobre de ‘l 1226, par i sante Nicolò, Biajo e Antone abate. Là s’i à domandà a ‘l Signor de dià ci che laora, de i precurà, lore e ra besties. Canche sarà d’outon, s’i dijarà gramarzé, par cemodo che r’é śuda, anche chesta stajon. Che r’é drio a fadià, par scomenzà, par via de el fiedo, de el gnee, de chesta ousciuda che ra no vó in saé de se invià, e son deboto d’istade. Coscita se stenta a monteà, a portà su da i brites i ciape de besteame, el rodol de ra fedes.

El Codivilla par i so studentes Ra sozietà de el Codivilla Putti r’à vorù i sporśe, anche par ‘sto an, i premie a i studentes pi varentes, fioi de ci che laora inze el nosc ospedal. Par ra scora meśanes, el premio ‘l é śù a Valentina Da Rin De Lorenzo e Francesca Trevisiol; par ci che à fenì ra scora meśana, a Davide Ghedina e Lorenzo Colli; par ra scora outes, a Giuseppe Jonathan Maria Mazzocchi, Rossella De Florian, Cristina Marcantoni, Anais Madeleyne Flores Condori e Martina Trevisiol. I à à sporto anche algo, par un gramarzé ben, a ci che à lourà par almanco vintezinche ane: Luciana Soppelsa, Cristina Sinner e Denis Toffoli. Un premio par ci che ‘l é śù in pension, de ‘l 2012, a Morena Franceschi.

El Giro in Anpezo Ce un buiroto, ce un jonfedo, che ‘l ea sabeda ai 25 de maśo, canche el Giro d’Italia ‘l é pasà par ra nostra val. Fin a ‘l dì ignante someaa che i no śise adora a ‘l fei. De ‘l vendres i é stade ferme, senza pasà su i śuoghe Gavia e Stelvio, par via de ‘l gnee, coscita someaa che i no podese gnanche ruà su da ‘l rifujo Auronzo, da ra Tre Zimes. E inveze i é sade varantes, chi de Auronzo, i à tanto gran lourà, par parecià duto. Coscita i é ruade in Anpezo, anche se da Sorabances, inveze che da Jou in śo, cemodo che ‘l ea dinprin, senza pasà par i śuoghe de ra Val de Fascia, el Costalunga e el San Pelegrin. Ca da nośoutre ‘l é stà bel i vede, su par ra ertes sora Alverà, dapò che i é pasade par piaza, con duto chel susuro de ra carovana. E ‘l é tornà coscita in Anpezo una storia vecia, che r’à vedù tropa otes el Giro, inze ra nostra val. R’ultima ota ‘l an ignante, ai 23 de maśo de ‘l 2012, canche i s’à fermà inze ‘l piazal de ra stazion. www.lauscdiladins.com

15


Val Badia

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

nr. 21 / 31 de mei 2013

Flus sonades por l’aisciöda

Coltivé l’amizizia cun i tiers

Tl tëmp olache la natöra se descëda fora do n invern lunch, él inće les musighes che porta dant so program musical nü y ti fej insciö sintì a düć chi che vëgn a ascutè sö n’atmosfera d’aisciöda plëna de vita

Tla elementara da La Ila él gnü invié ia deplü iniziatives por sensibilisé i scolars al amur por i tiers. Danter chëstes inće na vijita ala ćiasa di tiers a Vintl y l’informaziuns sön n proiet por sostegnì tiers

La Musiga da Rina incö.

Rina - La musiga dl pice paîsc da Rina tëgn inće da plü agn tradizionalmënter so conzert d’aisciöda. Do che i organisadus s’à dè da fà por arjigné ca y menè fora invić lunc y lerch, él rové adalerch ai 4 de mà na gran cumpëda de jënt, por ascutè sö le program musical imparè ite cun tröpes proes. Ai dirighënć Reinhard y Denis ti vàl n gran lalt por süa sensibilité bele da chirì fora i tòć y por sües capazitês da condüje les proes a na

N smaz de ciüfs por reconescënza.

moda che an po dì de podëi se presentè sön paiun cun na buna preparaziun. Cun le ”Mars der Medici” à la Musiga da Rina portè le salüt, por jì inant spo cun les melodies de Giuseppe Verdi por onorè chësc gran componist, y la polca ”Wir Musikanten”. Chisc trëi tòć é gnüs portà dant tla pröma pert; tla secunda àn aldì ”Music”, ”PacificDreams”, ”The Lord of the Rings” y ”Mussinan Marsch”, y sambëgn inće val’ tòch implü por le bel publich. Cun chësc program

unse fat fora de nosc conzert na serada de musiga plajora por düć. Cun indöt 58 musicontri, 4 margatënteres y 2 portabandira po nosta musiga cumpedè n gran grup de porsones che se dà jö por chësta uniun, tröc de jogn y sambëgn inće vign’ann un o l’ater che röia pormez al grup - do valgügn agn de scora de musiga. Elias Gasser, Stefan Rungger y Matthias Plazza é i musicontri nüs, y Sonya Gasser la magatëntera nöia por chësc ann. N gran pilaster por nos é sambëgn chës porsones che tëgn pormez da plü agn - te val’ cajo mësson dì da tröc agn - y porta inant la musiga cun gran ligrëza. Tröc à ti ultims agn podü pié do onoranzes da pert dla Lia dles Musighes de Südtirol por sü agn de ativité. En chësc ann àn albü le plajei da podëi onorè dui de nüsc musicontri: Willi Rungger por 25 agn y Albert Sottrovisch por 15 agn. Cun n bel smaz de ciüfs surandè ai dui dirighënć, ales totes Ingrid y Verena, a Judith che à fat la presentaziun y al presidënt Florian, él gnü stlüt jö la pert sön paiun, mo la serada é jüda inant cun aorela cörta y compagnia danter jënt de nosc paîsc y da foradecà. A düć n bel dilan. (La musiga da Rina)

Le presidënt dla Musiga da Rina Florian Rungger, le surastant dla Uniun Musighes Val Badia Heinz Canins, i onorà Albert Sottrovisch y Willi Rungger, le surastant dla Lia dles Musighes de Südtirol - raiun da Bornech Johann Hilber y l’ombolt de Mareo Albert Palfrader.

16

www.lauscdiladins.com

Scolars de cuinta elementara é jüs a ti ćiarè ala ćiasa di tiers a Obervintl.

Scora - Da tëmps eterns vir i tiers de ćiasa adöm ala porsona. I mituns se sint atrać y lià te na moda emotiva ai tiers. Tiers vëgn dant te massmedia, te films y stories, mo gonot vëgni inće presentà te na manira fantastica, dalunc dala realté. Chësc cheriëia gonot problematiches tla convivënza danter porsones y tiers, y avisa por chësta rajun à la porsona adulta le compit da ti insigné ai mituns le dër comportamënt cun i tiers y da ti splighé sü debojëgns, sü dërć y nüsc dovëis te sü confrunć. A chësta moda él important che al ti vëgnes pité bele tla infanzia la poscibilité da imparè y da realisé n raport realistich, pazifich y ecuilibré cun i tiers.

A vijité la ćiasa di tiers Porchël unse tut l’ocajiun da dediché val’ tëmp inće tla scora elementara da La Ila, por sensibilisé i scolars a chësta tematica y da realisé le proiet ”Tiers che vir cun nos”. Te 4. tlassa à la insegnanta Sabine Pezzei invié la etologa dr. Giulia Morosetti da Balsan por ti splighé ai mituns le dër comportamënt tl confrunt de tiers, y ai 15 de mà à fat la 5. tlassa dla scora elementara da La Ila adöm ales insegnantes Kerstin Ties y Irene Canins na vijita ala ćiasa dai tiers a Obervintl. Insciö, do la teoria, unse podü inće tó sö contat dal vì cun valgügn tiers. Le patrun Sepp Kuen nes à mostrè les beles abitaziuns nëtes di iać y di ćians, y nes à splighé ćiodì che i tiers é rovà jö da d’ël y che ai aspeta śëgn n patrun nü che ti ois inće bun. I

Alüsc vëgnel fat burt cun tiers.

mituns à podü se cocolè valgügn iać y odëi de pici mins pormò nasciüs. Implü podôi inće se fà na picia spazierada cun dui ćians, Amigo y Bobby. La patrona Antonia nes à mostrè val’ acrobazies che ara ti à insigné ai ćians. I scolars ascutâ sö cun interes ći che Sepp Kuen ti cuntâ, ai ti à fat tröpes domandes y se desmostrâ dër responsabli tl raport cun i tiers.

Tó sö tiers a destanza L’edema denant êl inće gnü a nes ciafè te scora le dotur di tiers dr. Armando Mulciri, por nes cuntè dl proiet ”Pengo Life”. L’obietif de chësc proiet é da stravardé l’elefant y le rinozeront dal morì fora. Implü se dedichëia chësc proiet ala sconanza y al’adoziun de elefanć y rinozeronć orfanns tl Kenya, olache cënć de tiers vëgn desmazà y martorjà cun gran crudelté da ćiaciadus ilegai. Chisc tiers vëgn maladorà, sfrutà y maltratà por chestiuns de scioldi: al ti vëgn taié demez sot a de gragn dolurs les zanes, cun chëres che al vëgn spo fat ogeć nia importanć (cosses da mëte sura i möbli, morones, …). A na te’ moda n’é i tiers nia plü bugn da se defëne y vëgn na preda saurida por d’atri tiers salvari, sangonëia fora o mör por infeziuns. Elefanć y rinozeronć jogn perd insciö süa mama y ne s’la cava nia da susc tla vita. Cun n’adoziun da nosta pert podésson ti salvè la vita a val’ pice elefant o rinozeront, deache salvè vita é plü da onorè co tó vita. Por informaziuns plü menüdes: www.pengolifeproject. it (Kerstin Ties)


Val Badia

nr. 21 / 31 de mei 2013

Cun la musiga fora por le monn En sabeda ai 11 de mà, dan da n salf plëgn de jënt, à i musiconć dla Musiga da La Val sot ala direziun de Stephan Ploner dè so miù por portè dant les beles melodies che ai à imparè ite ti mëisc passà cun gran ligrëza y lezitënza

La Musiga da La Val tratan le conzert.

La Val - Tröc à tut sö l’invit dla Musiga da La Val y é rovà adalerch por ascutè sö ći che i musiconć à arjunt ti ultims mëisc de proa, sot ala direziun de Stephan Ploner. Le conzert d’aisciöda é gnü metü sot al tema ”N iade musical fora por le monn”. Le pröm travert de chësc iade musical é stada la cité de Viena. Cun la ”Festmusik der Stadt Wien” de Richard Strauß à la Musiga da La Val invié i spetadus da fà le cufer, zënza tan de pinsiers, y jì para fora por le monn. Da Viena unse spo tut le fligher y sun jorà sura l’Atlantich ia por arjunje i posć olache al viô plüdadî i indians Sioux, tles gran planöres dl Dakota dl nord y dl süd. Chësta popolaziun, süa cultura y süa storia dër crödia segnada da veres y martorjades, é stè le tema zentral dl tòch ”Dakota”, che Jacob de Haan à scrit te 5 perts. Nia dalunc da nos, sön le confin cun la Lombardia, olache le Lago Maggiore arjunj fina sö tla Svizera, ciafunse le ćiantun Tessin, destenü ite te na natöra imposanta de crëps. Le marsc ”Terra Ticinese“ de Franco Cesarini cunta dla poesia dl paesaje, dl’armonia dles ćianties dla regiun che é tan daimprò ai dlacias, a Chëlbeldî. Le componist nes à motivé da pié ia, chirì orizonć nüs y vire cun corp y anima le momënt presënt. L’Irlanda é stada nosc proscim travert, na tera plëna de fassëtes, che à svilupé na cultura musicala popolara dër carateristica. La pröma

pert dl tòch ”Dublin Pictures” nes à condüt a un di festivals irlandesc, olache al vëgn balè dassënn y la bira rogor a piuns. Tla secunda pert plü calma sun jüs a vijité le punt ”Ha’penny” sura le rü y ùn ascutè les usc di musizisć che se liëia ai stromënć a fle y percusciun, por acompagnè i solisć. Tla terza pert dl tòch sunse jüs a ”Temple Bar”, tl cuartier di turisć conesciü por süa vita de nöt. Cun ritms ligherzins y plëgns de vita à la Musiga da La Val fat sintì al publich la belëza de chësta cité irlandeja.

N dilan a Albert Do la pröma pert él gnü tut la ocajiun da onorè Albert Pescollderungg por sü 40 agn de ativité. Te süa laudatio à le presidënt Markus Complojer laldè i impëgns y les bries dl onorè a bëgn dla uniun y ti à spôrt n gran dilan por döt le laûr fat. Musicontri che é por tan d’agn mëmbri dla uniun dess ester por düć n ejëmpl de pasciun, ligrëza y motivaziun. A Albert ti fajunse n gran complimënt y ti dijun n gran dilan por döt le tëmp ofrì sö por le bëgn dla Musiga da La Val. Cun la polca ”Euch zum Dank” dedicada a Albert Pescollderungg él gnü sotrissé chësc dilan.

Danter i pirać y ia tla Ruscia Le proscim travert söl program de chësc iade musical é stada na ligna de ijoles cun saurun blanch

fin sciöche farina y n mer bröm türchis: i Caraibs. Cun le tòch ”Pirates oft he Carribean“ s’unse lascè trasciné dal spetacul di regisć de Hollywood, che à cherié la seria conesciüda de films cun Jonny Depp sciöche protagonist, che fej cun gran maestria la pert dl pirat Captain Jack Sparrow. Al ê spo ora da cambié direziun. I sun jüs cuntra oriënt fora por les contrades destenüdes fora tla Ruscia. Cun le tòch ”Three Russian Folksongs” unse aldì ćianties popolares conesciüdes che à fat la roda dl monn, sciöche ”Kalinka” che ê n toch de n teater, na ćiantia lisiera te n tempo asvelt, scrita da Iwan Larionow. Spo ”Krasny Sarafan” - le guant da noza o le guant cöce da d’isté, y ala fin ”My Little Gypsies”, mi pici zingaindri, che à stlüt stlüj jö cun energia y vitalité nosc iade fora por la Ruscia. Da Viena al’America, dala Svizera al’Irlanda, dai Caraibs ala Ruscia. Al ê indô ora da gnì cuntra ćiasa, contënć por i bi posć odüs y cun tan de cosses da cuntè a compagns y a chi de familia. Te nosc bel Südtirol. Athesis é l’Adesc, le rü plü gran che pëia ia sönsom Vinschgau y passa fora por nosta provinzia, inant por le Trentin y le Venet fina che al se sciüra tl’Adriatich. Süa forza desliada à formè ti milesc de agn les beliscimes valades y contrades olache i podun vire. I crëps dër alć fej da contrast, che à ispiré Hans Finatzer, le dirighënt da St. Pauls, da scrì tl ann 2010 le marsc da conzert ”Vivat Athesis”, na omaja a St. Pauls y al bel Südtirol. Cun i bis ”Meraner Herbstzauber” y la polca ”Sorgenbrecher” à la Musiga da La Val saludé le publich, che à podü passè na bela serada cun les melodies de chi da La Val.

Rengraziamënć

Musicontri che sona le pröm iade pro la Musiga da La Val: dmc: Le presidënt Markus Complojer, Andrè Ploner, Rudi Tolpeit, Ilenia Miribung, Aaron Nagler, le dirighënt Stephan Ploner.

N dilan sintì i speta a nosc presidënt Markus Complojer y a düć i mëmbri dl comitê che manajëia cun savëi y lezitënza nosta uniun, don ca tröp de so tëmp lëde. N dilan particolar a nosc dirighënt Stephan Ploner por döt so impëgn, so savëi y süa paziënza te so laûr. La Musiga da La Val oress inće to la ocajiun da rengrazié dötes chës porsones che sostëgn nosta ativité

Pro la onoranza. Dmc l’ombolt Franz Complojer, le vizepresidënt dla Lia dles Musighes de Südtirol - raiun da Bornech, le vizepresidënt dla Uniun Musighes Val Badia Helmut Deiaco, Albert Pescollderungg, le presidënt dla Musiga da La Val Markus Complojer.

ia por l’ann, sides cun aiüt finanziar co inće moral. N dilan inće al’aministraziun de comun che sostëgn ann por ann sostëgn nosta

ativité, y al sponsor privat dl contribut por la stampa di invić. N dilan de cör a düć da pert de döta la Musiga! (Musiga La Val)

Sce le tëmp depënj a blanch La pröma artista dl proiet “smach” é naôta arsida tla nëi de Pütia Curiosité - L’ospitalité che San Martin de Tor ess podü ti dè al’artista jona Patricija Gilyte, protagonista de n laûr premié da “smach”, foss stada dessigü plü plajora y manco frëida, mo le tëmp ne pôn nia comanè. Insciö é l’artista lituana che vir y laora al dedaincö a Minca (Germania) romagnadüa cun i edli daverć odon che te chël post, olache ara ess messü realisé so intervënt artistich (Prà de Pütia) ê curis

cun 20 cm de nëi frësca - y chësc ala fin de mà. L’artista, nasciüda dl 1972, l’à tuta ala lesiera y à söa ligrëza cun la nëi. Ëra fej pert de chë desëna de artisć che realisarà chisc dis ćina ai 10 de jügn te plü posć da San Martin de Tor n laûr y n intervënt artistich sön n tema. Le laûr de Patricija Gilyte gnarà n “panorama da scritöra Braille” (por tod.: “Blindenschriftpanorama”) cun odüda adincuntra al massif de Pütia. (ir)

Patricija Gilyte sön Börz.

www.lauscdiladins.com

17


Val Badia

nr. 21 / 31 de mei 2013

Sessanta maratones y nët nia stanch Pepi Rastner d’Al Plan de Mareo à saltè süa pröma maratona dl 1994. Incö pòl nen cumpedè sessanta, te indöt 10 naziuns, y canche al é pié ia, él dagnora inće rové al travert. Al nes cunta de chësta süa pasciun, dles esperiënzes plü particolares y de döes medaies injomades personalisada. Cun la partezipaziun ales maratones à Pepi imparè da conësce inće d’atri maratoneć, y la ligrëza da saltè i àl plan plan tachè inće a sü familiars, desche Pepi cunta: ”Inće mies fies, mi frè y süa familia y d’atri parënć y amisc à metü man da saltè y à ciafè ligrëza da fà chëstes gares.”

Dala Talia ćina Cuba

Pepi cun süa familia dan le Capitolio de Havanna, do la maratona plü demorvëia che al à fat. Dmc él la möta Anna, la fomena Renata, Pepi y la möta Verena.

Porsones - Pepi Rastner à da püch complì sü 65 agn. Da fà sport àl dagnora albü gran ligrëza, bele da jonn insö, mo dailò ne n’ê les poscibilitês nia ćiamò tan tröpes. Cun le passè di agn éres gnüdes deplü, y süa pasciun por le movimënt y le sport chersciô. Dai agn 80 insö àl metü man da fà gares desvalies, suradöt chëres de paslunch: gonot él stè al start pro la Toblach - Cortina, o inće pro la Engadin Skimarathon tla Svizra. Sön tru êl scialdi cun de sü compagns d’Al Plan. Insciö ti él gnü tres plü y plü la idea da

porvè da saltè na maratona.

La pröma cun 46 agn La dërta ocajiun se pitâ dl 1994, desche Pepi cunta: ”Mia pröma maratona ài fat cun 46 agn. Dl 1994 gnôl tignì la pröma ediziun dl Südtirol Marathon, y atira ài capì che chësta ê por me la buna ocajiun da porvè. Da dailò inant sunsi stè le su de döt Südtirol che à tut pert a dötes les ediziuns, ćina al’ultima, stada dl 2011.” Na fedelté che l’organisaziun à orü premié plü iadi cun scincundes desvalies, danter l’ater inće na malieta

Pepi Rastner pro la Maratona de Roma dl 2010.

18

www.lauscdiladins.com

Ći che motivëia Pepi da saltè maratones cöiel adöm te n proverb: ”Mens sana in corpore sano” - na mënt sana te n corp sann. Al vëiga te ći che al fej val’ de ütl por se instës y por süa sanité, y al zitëia Thomas Wessinghage - ex campiun atletich todësch - che à da püch tignì n congres a Bornech: ”Le saltè arfera le gnì vedl; inće sce al ne mët nia laprò agn ala vita, mo al ti mët pormez vita ai agn”. Le bilanz che Pepi po mostrè sö incö é de döt respet: sön so cunt àl 60 maratones te indöt 10 naziuns: Talia, Austria, Germania, Svizra, Luxemburg, Spagna, Svezia, Grecia, Slovenia y Cuba. Oramai é les maratones deventades n pü’ na tradiziun danter i familiars. Al s’à formè n bel grup de jogn y manco jogn che va deboriada, y insciö pòi programè plü saurì olache ai va a saltè. Le schem é por Pepi dagnora le medemo: maratones féjel da d’aisciöda y da d’altonn. Invern y isté é sajuns da fà d’atri sporć, o inće da se palsè fora. Al dij: ”Al é important da ne fà nia tres le medemo, da baratè jö n pü’ sport. D’invern feji paslunch, d’isté vai cun la roda o sö por munt. Sc’i messass tres ma saltè, spo gnìssera magari da stufé, y i pordess la ligrëza.”

Vire l’atmosfera Inće sce les maratones é tröpes, ne n’é le saltè nia l’aspet prinzipal, sciöche al cunta: ”I ne sun nia le fanatich dles maratones. Por me é d’atri aspeć inće dër importanć:

fà n bel iade, jì te na cité che i n’à mai odü, vijité val’ museum o monumënć. Chësc é por döt le grup n bel avenimënt.” Na maratona é por na cité n gran evënt, dij Pepi: ”Al é na festa cun de vigni sort de manifestaziuns incëria. Al é döta la cité che fej n pü’ impara. Al n’é nia ma le jì a fà la gara, mo propi vire para döta la manifestaziun, sintì l’atmosfera.” Ći che ti plej a Pepi dles maratones instësses, é rové adöm cun sportifs de mez le monn: ”Pa vigni maratona él incër 80 o plü naziuns rapresentades. T’aldes n gröm de lingac, n gröm de cultures che se moscëda, y chësc é n pü’ mi ambiënt. Laprò àn l’ocajiun da saltè cun i mius atleć a livel mondial. Chësc é por me na bela sensaziun. Y spo döta la jënt che stà sön strada a sostegnì, bate les mans. Val’ dër de particolar.”

ô dì che la secunda roda este oramai dassù sön tru. Al roda bele le trafich, che vëgn tignì sö dala polizia canche i maratoneć passa.” La maiù esperiënza é spo al travert. Pepi cunta: ”Nia da crëie canche i sun rové al travert. Ilò êl plëgn de cubans che dijô ’Por favor, zapatos’ (prëibel, ćialzà). Al ê veramënter n gröm de jënt che petlâ jö i ćialzà. Ćinamai la ciüria m’ài petlè jö.”

Medaies injomades Iniann é Pepi rové le pröm iade tla categoria danter i 65-70 agn. Süa ligrëza é rové al travert: ”Por me él important sce i röii al travert y po dì che ara é garatada. Che i sun stanch, mo i sun apost y ne me stà nia mal. Sce te te stas mal, n’aste nia ligrëza.”

Despassè chi 42 km Sambëgn dà na maratona la sodesfaziun sce an po inće despassè le travert, taié chi famoji 42,195 chilometri. Y Pepi dij instës: ”Passè le travert do na saltada de 42 km é dagnora n gran momënt. Dertan la maratona fejte na gran fadia, mo canche t’es al travert desmëntieste döt. Ilò este tan ligher che t’as rové y al é ma plü na emoziun, suradöt sce le travert é te n post Le sms che confermâ le terzo plazamënt, mo dër conesciü o storich”. canche al l’à odü, ê döt bele passè ia. Pepi nominëia chilò dal ”Heldenplatz” a Viena ćina al Le resultat instës é por Pepi ma ”Parco del Retiro” a Madrid o le marginal. Chësc vëigon da dui caji vedl stadium de Stockholm, spo en particolar. Chësta aisciöda él jü le famojo ”Panathinaikos” a Atene, a fà la maratona de Zürich, tla le ”Colosseo” de Roma o ćiamò le Svizra. Stlüt jö âl cun n bun resultat: ”Capitolio” a Havanna. 3 ores y 29 menüć. Do la gara él jü cun so fre y i atri a se mangé valch. L’esperiënza ”Cuba” Tla finada tòlel ca le fonin, l’impëia y vëiga n sms dla organisaziun, cun I 60 iadi che Pepi é pié ia pro i complimënć che al ê rové terzo na maratona, él inće rovè al travert: y che al dê se presentè ala dagnora cun n tëmp danter les 3 premiaziun. Mo oramai ê l’ora bele ores y 20 y les 3 ores y 50. Na passada ia. Pepi dij: ”I n’ess mai ezeziun fej la maratona de ponsè da rové sön podest”. Havanna, olache al à albü 4 ores Döes edemes dedô medema y 7 menüć, mo al dij instës: ”Chëra scena. Pepi é jü ala maratona de ne n’ê nia na gara, chëra ê na Hamburg. Rové àl cun 3 ores y 31. aventöra.” Dlungia la maratona àl tachè Chëra de Cuba é por Pepi pormez val’ dis de vacanza: vijité Rastner stada öna dles maratones la cité, jì al musical de Tarzan y tan plü demorvëia che al à odü: d‘ater. Canche al é rové zoruch a ”Impröma ài imparè da conësce Al Plan orôl bëgn ćiarè so resultat: le sozialism te süa realté. La gara ”I à ćiarè te mia categoria, spo êi instëssa é stada spo val’ dër de indô rové terzo, y n’ê indô nia stè particolar. Bele denant m’êl gnü pro la premiaziun.” dit che al ê na gran aventöra, y Śëgn s’arjigna Pepi indô ala sajun inće che sce i foss jü, éssi messü de palsa dal saltè. Olache al jarà me tó para ćialzà por la jënt laìa, da d’altonn ne n’àl nia ćiamò fat che n’à dër de püri.” Insciö éra inće fora. Ples maratones che al oress stada. Pepi cunta che an fej dui ćiamò jì, ciafon chëra de Roma, iadi le medemo percurs de 21 km. Firenze, Vìena. New York ne n’é Pié ia pëion da doman adora, y la nia laprò: ”Ilò él n pü’ düć che va”, maiù pert lascia do la pröma roda, dìjel. Sigü él che al se presentarà deache le ćialt vëgn pesòch. Pepi indô al start de val’ evënt à orü la fà döta: ”Iö sun jü l’ann internazional, ”Sce la sanité le passè a la fà y al travert di 42 km pormët”. Y chësc ti aodunse él rové ma 111 ëi y 17 ëres. Chël sambëgn inant! (pablo)


Val Badia

nr. 21 / 31 de mei 2013

Scolars salta por daidé i mituns dl Kenya ”Laufwunder” se tlama n proiet portè inant dala youngCaritas de nosta diozeja. Inće i scolars, geniturs y compagns de Badia é saltà por na buna gauja, arjunjon bëgn 877 km de destanza y na spënora de 1.766,00€. Ghest d’onur ê la campionëssa de paslunch Debora Agreiter

Ligrëza por le scech sostanzius che i scolars à podü ti surandè ala Caritas. N bel grup s’arjigna da saltè.

Sozial - Al é veramënter stè na bela manifestaziun. San Pire nes à menè n beliscimo tëmp cun tröp sorëdl. ”I ùn podü fà val’ de bun y de bel por mituns che ne se stà nia tan bëgn che nos.” Chëstes é stades les parores che i partezipanć à pronunzié do la manifestaziun ”Laufwunder” - le miracul dl saltè - tignida le vëndres ai 3 de mà adöm ai scolars dla scora elementara de Badia. Al n’é nia ma stè i 80 scolars che é saltà tröc iadi tres le percurs dè dant de za. 600 metri, por ester bogn da dè n sostëgn finanziar ai tröc mituns che mëss vire te de burtes condiziuns a Nairobi tl Kenja. Inće tröpes umes y tröc peri à fat para, sciöche inće la campionëssa

de paslunch Debora Agreiter. Insciö n’él nia da se fà morvëia che al é gnü trat ite la bela soma de 1.766,00€ da i surandè ala Caritas. La iniziativa é dassënn garatada. N gran giulan i va a dötes les maestres dla elementara, che à arjigné ca tan bun le percurs, sciöche inće a düć chi che é saltà para.

I scolars cunta ”Chësc ann él gnü organisé le ”Laufwunder” chilò a Badia, adöm a Carlo Pizzinini che laora por daidé la Caritas. Al à podü tó pert düć i scolars dla scora de Badia adöm a sü ’sponsors’. Vigni scolar â le compit da se chirì n valgügn

sponsors danter geniturs, tòć y compagns che i daidâ saltè. I sun pià ia dal paiun dla musiga y sun saltà tres n percurs de za. 600 metri fora por la pastöra da San Linert. Vigni sponsor podô dè na spënora de buna man. Al é gnü trat ite na bela soma che i ùn podü ti surandè a Carlo por i püri mituns dl Kenya. Al é propi stè n bel dé.” (Annika, Nadine, Celine, Teresa y Johanna) ”Da d’altonn él gnü te scora Carlo Pizzinini a nes mostrè retrać di püri mituns dl Kenya y a nes cuntè te ći condiziuns che ai mëss vire. I mituns mëss se chirì da mangé amesa munts de refodam ite, y mëss bëre l’ega che resta ia por tera do la plöia. Ai nes savô dër da menè pićé. Chi

Debora Agreiter é saltada para.

mituns ne po nia jì a scora y ai n’à degügn jüć. Nos sun bëgn dër fortunà cun döt ći ch’i ùn. Al s’à salpü dër bel da podëi daidé chisc mituns.” (Giacomo, Joshua, Maxi, Daniel) ”Le percurs dl ”Laufwunder” é gnü metü adöm dai scolars de cuinta, che à metü jö de piceres bandires por che an savess olàche an messâ saltè. Le ”Laufwunder” à metü man dales 10.00 y la pröma roda sunse saltà düć nos scolars, cun a će dl gran grup la campionëssa de paslunch Debora Agreiter, che é stada pro nos. I ùn inće ciafè poms y valch da bëre. Le percurs ê de za. 600 metri y por vigni roda saltada ciafân n stempl sön la cherta da

saltè. Tröc de nos â ala fin la cherta plëna, chël ô dì cun 20 stempli. I sun saltà indöt 1.462 rodes, chël ô dì 877,200 km.” (Hanna, Miriam, Sara, Karin) ”Ai 3 de mà unse fat a Badia le ”Laufwunder”. Les maestres nes â bele dit da d’altonn che al foss stè da d’aisciöda chësta manifestaziun. I n’ân pa nia capì atira de ći che ara se tratâ. Valgügn de nos minâ che al foss stè na stufaria. Mo en chël dé nes àl salpü a düć dër bel y i sun stà dër braui che i sun stà bogn da trà ite na gran soma da ti menè ai mituns tl Kenya. I ùn albü inće na gran fortüna che al ê bel tëmp.” (Martin, Gabriel, Andrè Matthias, Ivan)

www.lauscdiladins.com

19


Val Badia

nr. 21 / 31 de mei 2013

Spaziré da Piz Sorega cuntra San Ćiascian ”Cun les dites dl post ne Sce an tol incö le lift de Piz Sorega y ô se la spaziré iaijö cuntra le paîsc da San Ciascian, mësson se möie sön na strada plütosc traficada, inće sce ara se trata pordërt de n tru da munt. Gotti Pizzinini s’à fat pinsiers de sciöche an podess se gode ciamò deplü chësta bela pert de L’aconsiadù dl Comun da San Martin Gottfried Trebo se lascia sö contrada ladina. I sun jüs a le ciafè y i se l’ùn cuntada impara che an dorterëia por le terzo iade i marciapîsc da San Martin, y pé da Piz Sorega jö Les rames di lëgns che vëgn taiades mostra le dëit sön laûrs fać mal y degünes conseguënzes

strîton nia!”

cuntra San Ćiascian. N’él al momënt degun tru che vëgn jö? Scê, al é bëgn na strada ingiarada, mo chëra vëgn adorada dai camionns che passa da San Ćiascian ćina Pralongià, dales jeeps di privać y da d’atri auti che à l’autorisaziun da jì ilò sö. Chi che vëgn jö a pé mëss se mangé chili y chili de stöp. Ći proposta fajésses pa Os? An podess realisé n bel tru che vëgn dlungia la strada jö y che passa fora por bosch.

Gotti Pizzinini da San Ćiascian.

La Usc: I sciori che vëgn d’isté a San Ćiascian vëgn por le plü por se gode la bela natöra y por se la spaziré da n col al ater. Co éra pa a San Ciascian de chësc vers? Gotti Pizzinini: Sce la sajun da d’invern é assigurada dales tröpes pistes da jì cun i schi, vara por la sajun da d’isté ćiamò da fà n gröm de cosses. Insciö por ejëmpl podésson realisé n bel tru da jì a

Che podess pa realisé na te’ sort de tru? Les families da San Ćiascian. I arati che al foss na bona ocajiun da ti mostrè ai mituns sciöche an fej da fà n tru. Sce i aspetun che valgügn le fejes spo ne rovunse ignó. Mo sce nosta comunité de paîsc se mët adöm, s’oj ite les manies y fej vignun ći che al po, spo sunse tosc bogn de le fà, insciö che al sides arjigné por l’isté. Ći ôl pa ester da le realisé? Al foss da fà jö n tru cun n pice ćiavadù y da romenè sö le bosch. Al ne foss nia da d’adorè giara o petun mo ma ći che é bele te bosch.

jö podess gnì majenades sö y metüdes te tru. Le rest gniss somenè ite. Y ći podess pa chilò daidé fà i mituns? I mituns podess daidé fà i pici scüfs che va debojëgn. Ai podess cöie sö les coches o daidé sentè ite pieries o mënta sön les rampes. Chësta podess ester na bona ocajiun da ti insigné ci valüta che vigni planta à por le bosch y ci che crësc tan chilò da nos. Por che foss pa ponsè n te’ tru? Por les families. An dess ma podëi passè a pé, cun le baghele o cun le ćian, insciö che an po s’un gnì saurì foraijö San Ćiascian. N problem podess ester chël di cosc y dles lizënzes... Por i cosć fajessi la proposta che chi che ne po nia daidé para ativamënter tla realisaziun dess ca na picia spënora. Y por la chestiun dles lizënzes fóssel sambëgn da damanè i patruns dl bosch. An podess indô descedè la Uniun San Ćiascian che ê ativa dan da vint agn. Chësta podess se cruzié dla organisaziun y dla realisaziun efetiva. Aratëise che al podess ester n davagn por San Ćiascian? I arati de scê. Cun chësta spazirada ess nosc paîsc valch deplü da ti pité sides ala jënt dl post che va ion a spazier co ince ai tröc sciori che röia adalerch tratan la sajun da d’isté. (Daria Valentin)

Atleć da Lungiarü vëgn premià Sentada Generala dla US Lungiarü, do na sajun cun de bugn resultać Lungiarü - En sabeda ai 25 de mà à la Uniun dl Sport da Lungiarü tignì süa sentada generala. Do l’aproaziun dl bilanz el gnü presentè l’ativité dl ultim ann. Por la seziun dla liösa él n gröm de bugn resultać da pert di atleć Hannes Clara y Florian Clara, che

fej pert dla scuadra nazionala de liösa bassa. Hannes à arjunt le secundo post tla copa dl monn de singul, Florian la 5. devënta dla copa dl monn tl dopl, cun le compagn Patrick Pigneter. Implü à Florian le titul de campiun dl monn tl dopl y tla gara di teams,

I atleć Florian Clara, Hannes Clara, Matteo Clara y Elena Nagler, cun le presidënt dla US Lungiarü Richard Nagler.

20

www.lauscdiladins.com

y Hannes le 3. post tla gara di teams y le 4. post pro i campionać mondiai a Nöia Todëscia. Inće i atleć dla liösa alta à condüt a ćiasa de bugn resultać: Matteo Clara le 3. post te Südtirolcup, l’otavo post assolut pro i pröms campionać europeics de liösa alta a Latfons, sciöche inće le 6. post assolut pro i campionać provinziai a Lijun. Elena Nagler à inće arjunt de buniscimi resultać: le terzo post assolut pro i campionać taliagn, le 4. post assolut pro i campionać europeics, y implü la devënta dl Südtirolcup y i campionać taliagn, sciöche inće n secundo post pro i campionać provinziai te süa categoria. I cater atleć che à arjunt de bugn resultać nazionai y internazionai à podü pié do n bel pest: na findledema de wellnes tl Hotel Fanes a San Ćiascian. Do la premiaziun él ćiamò gnü tenü sö n pice buffet, cun aorela cörta por düć. (mc)

Laûrs de dortoraziun di marciapîsc a San Martin.

San Martin - A San Martin àn dan da püch laurè por comedè marciapîsc y plazes. Chësc messass pordërt ralegrè, mo nia insciö ne la vëiga l’aconsiadù de comun Gottfried Trebo, che ciügna ma le će: ”Por le terzo iade mësson odëi che les plazes dl zënter da San Martin vëgn cunciades fora. Plazes che à costè n slafun de scioldi dan za. 10 agn - é so comentar - Iö me damani ćiodì che degügn n’à tut posiziun en cunt dles plazes che é gnüdes inlaôta bele fates mal, ći che düć à podü odëi te chisc ultims agn.” A Gottfried Trebo i parëntera nia püch che al vëgnes tut ca scioldi publics a chësta manîra: ”Cun scioldi de düć cuncion fora chisc büsc: le pröm iade àl costè za. 30 miliuns de lires, le secundo iade incër 15.000,00€ y le terzo ne savunse nia ćiamò, mo al sarà indô incër 20.000,00€. A ći moda vëgnel pa indô tut la medema dita da fà d’atri laûrs publics, cun chëra che an à bele albü chisc problems?”, se damanel, y injunta n secundo fat: ”Sot les plazes da San Martin él inće gnü metü les condütes da scialdè l’Istitut Ladin, condütes che n’é spo nia plü gnüdes adorades, o che an adora ma en pert por scialdè i locai dl’Assoziaziun Turistica y dla Lia di Paurs. Iö me damani ćiodiche la dita che à fat i laûrs n’à mai albü bria da refà i danns che le Comun

à albü da chëstes plazes.” Trebo pënsa inće da savëi le ćiodì: n assessur de comun dess i avëi dit che te Junta àn fat fora da ne strité nia cun les dites dl post. ”L’ex ombolt da San Martin à dit n iade te na intervista a La Usc (ed. 23.01.2010) che le Comun é posizionè bun - dij inant Trebo - cun chësc sunsi bëgn a öna, mo ma por na pert vara dër bun. I aministradus é metüs dala jënt por fà le dërt y le iüst, nia por fà ma i interesc de valgügn.” Chilò ne n’ô Trebo nia plü stè a ćiarè pro: ”Sciöche aconsiadù pòi ma dì che insciö ne pora nia plü jì inant. A certa jënt ti aconsiëii che ai vais sö Ju a fà a öna, spo n’ài da fà plü co assà. Al me sa demorvëia che certes porsones s’infida ćiamò danter jënt.” San Martin é por Trebo n paîsc ’interessant’, canche al dij: ”Al vëgn dagnora condanè chi che fej gnì sö les cosses. Da chilò é döt pordenè, porchël él anfat sce an mënt, sbordona o copa - vëgnel val’ iade pordiché. Al ne vëgn castié degügn.” Gottfried Trebo arata che por fà stè en pé chësc sistem mëssel ester i furbi: chisc po indere ma laurè insciö, olache al é inće i capüc che le lascia pro. ”Pro i capüc ne n’ôi iö nia ester”. Y al stlüj jö cun chëstes parores: ”Jënt da San Martin che iö aprijëii y che é inće dër devota, prëibel periede che ara se cambies bel plan, por le bëgn de nosc paîsc.” (pablo)


Val Badia

nr. 21 / 31 de mei 2013

Gran ligrëza cun l’orghe nü! La minunga de plü porsones che à da fà cun la musiga de dlijia, y inće na resposta sön i cosć Badia - Tl foliet ladin di 17 de mà 2013 unse aldi da Hendrik Ahrend, dal costrutur di orghi nüs, che süa firma ne fej mai dui orghi medemi, mo vigni orghe é val’ de particolar, mai na copia de n ater. A chësta fosa é l’orghe de Badia n stromënt original unich al monn y à süa gran valüta artistica. I orghi é bele metüs sö te dlijia y le patrun dla firma Ahrend é da edemes tl laûr da i dè le dër sonn a vigni sciurot, n laûr delicat y zite che se damana na orëdla dër fina y che é inće stancius da le fà ores alalungia. Badia é n paîsc cun tröc ćiantarins y musicontri. Ćiantarins y violinisć â Badia bele dl 1737 y la musiga é documentada dl 1835. A chisc dui avenimënć i àn dediché de beles festes iubilares dl 2010 y dl 2012, acompagnades da na publicaziun sön süa storia, abelida y arichida da tröc retrać che documentëia la gran ativité culturala. Dlungia la musiga metüda adöm da passa 60 musicontri/es à Badia incö chisc cors: le Cor de dlijia (dir. Cristina Pitscheider), le cor Kerygma (dir. Agnes Irsara), le cor di ëi (dir. Raimund Pitscheider), le cor Philia (dir. Ester Moling) y le cor Kyrios (dir. Andrea Tasser). I ùn urü savëi, ći che chës porsones che à tröp da fà cun la musiga de dlijia, pënsa dl orghe nü?

stà le ćiantè y le perié dla jënt, la ”partecipatio ativa” dl popul de Dî sciöche le Conzil Vatican II dij. I orghi va adöm cun le cor de dlijia, l’orghelist é mëmber dl cor de dlijia. I orghi sorvësc impröma la comunité cristiana tla liturgia, spo sambëgn inće dër tröp le cor de dlijia (y nia inzescü). Mia/nosta preocupaziun é chëra ch’al sides bëgn dagnora zacai che i sona, inće tl dagnì. Paul Dapunt da Ćianacëi é stè n pilaster. Al à sonè śëgn por plü de 50 agn cun gran savëi y lezitënza. Sperun y ćiarun che al sides inće tl dagnì porsones desponüdes y preparades por chësc gran y bel sorvisc por la jënt de dlijia y le cor de dlijia.”

L’orghelist Paul Dapunt

Iaco Willeit.

L’orghe stromënt preferì por la Liturgia dess ti dè n tonn solënn ales zelebraziuns y festes de dlijia. So gran y pröm compit é spo da acompagné le ćiantè dla comunité cristiana tratan les funziuns. Al é inće deventè le stromënt dër aprijé por acompagné les mësses ćiantades dal cor de dlijia, cis les mësses di gragn componisć. Tl dagnì ciafarà l’orghe inće plü importanza da acompagné les funziuns de dlijia zënza prou, sciöche i öspi, les laudes y les liturgies dla parora. Al pröm post

L’orghe nü de Badia. (Foto: Ulrike Ploner)

”L’orghe à scialdi le compit da acompagné les ćianties, mo al é inće dër important por tignì n

Cristina Pitscheider.

Siur degan Iaco Willeit ”I orghi de dlijia vëgn inće nominà regina dla musiga. Insciö é i orghi deventà le stromënt preferì, chël veramënter dëgn dla ”Musica Sacra” te dlijia (i savun che diversci atri stromënć é stà por tröp tëmp proibis tla Liturgia).

da i sonè. Chël mëssi dì che nosc Cor de dlijia de Badia à un di mius organisć dla valada y chësc aprijunse bëgn dër dassënn. Mo i sa che le paîsc de Badia à inće d’atri de bogn organisć che vëgn docà; i speri che ai se mëtes inće a desposiziun por le Cor de dlijia canche al jarà debojëgn. Sce l’orghe é plü important o le cor? Ćiantè pòn inće zënza orghe a ”capella”. Mo canche an alda le sonn maiestus dl ”re di stromënć”, dailò él mefo döt plü da festa. Cun l’acompagnamënt di oghi pòn fà vigni festa plü bela

Paul Dapunt.

conzert di orghi por aldì la bela musiga che de gragn componisć à scrit. Orghe de dlijia y cor de dlijia alda adöm; ai fej la festa plü grana sce l’orghe acompagnëia le ćiantè dl cor de dlijia. Deperpo che le cor ćianta incö scialdi ma plü dales gran festes y dainré na domënia scëmpla, é l’orghelist vigni domënia sön dessura sön so scagn che al acompagnëia cun l’orghe les ćianties che le popul de Dî lascia aldì. L’orghelist é lié ala gran pert dles funziuns y nia ma canche le cor ćianta! Al fej n sorvisc de gran importanza che se damana na presënza y continuité; al mëss ester da tó ca vigni domënia por acompagné le ćiantè dl popul de Dî nia ma da mëssagrana, mo al foss bun da acompagné les ćianties inće dala mëssa la sabeda sëra y la domënia sëra.”

y sintida. Basta ponsè al scomenciamënt y ala fin de vigni mëssa, canche an alda ma plü le sonn dl orghe che se salüda. O co sonass pa le ”Gloria” dla Sabeda Santa zënza le sonn di orghi? Madër ponsè al ”Halleluja” da Pasca! Ćiantè y sonè ti dà a düć la sensaziun de ressorì para cun nosc Signur.”

Susi Pitscheider presidënta dl cor de dlijia ”Cun gran entusiasm aspetunse l’orghe nü. Chësta iniziativa é piada ia sön na proposta de Raimund Pitscheider cun le sostëgn dl Consëi de cöra de Badia da denant, cun a će siur degan Franz Sottara y por l’interessamënt

Cristina Pitscheider dirighënta dl cor de dlijia ”De bogn orghi à na grandiscima importanza nia ma por n dirighënt y le cor, mo por düć chi che à da fà val’ cun la musiga de dlijia, dala popolaziun ai cantores y inće al prou. I orghi cun so bel sonn nes dà sostëgn a düć nos, i messun ma i ascutè sö y porvè da ćiantè impara. Mo da susc ne soni pa gnanca ëi, porchël ôl ester dantadöt n bun orghelist che sa

la valada n gran onur ciafè n te’ stromënt de prestisc y valur. Canche vigni privat vëiga che al va debojëgn da dortoré o modernisé süa ćiasa o so alberch, féjel de gragn sacrifizi y investimënć por se stè plü saurì y arjunje o pité na miù cualité de vita te süa costruziun; insciö vëighi ma dërt che chësc prinzip vëgnes inće tut ca por cumprè n orghe nü a sorvisc dla dlijia. Chësc po inće ester de ütl, cis al dédaincö che al é na gran crisa spirituala; al é dessigü important se renovè y fà döt le poscibil por ti dè n tonn de vita, n rai de lominus implü, por podëi fà crësce la fede dles porsones sides cun la pastorala che inće cun la tröpa y bela liturgia musicala, acompagnada dal sonn di orghi. Tert o adora gnunse nos düć pro a storje pro te dlijia, canche i sun sön le tru de nosta vita. Al po ester de beles ocajiuns o magari te momënć manco plajors; dailò arati che al fejes plajëi podëi aldì de bunes parores dal curat, sciöche inće na bela mëssa ćiantada acompagnada dal sonn di orghi. I oress sotrissé che l’orghe dess ester le meso a desposiziun de ćiantarins y dl organist por arjunje le fin prinzipal de nosc sorvisc y plü avisa ćiantè y sonè en onur de Dî y por fà plü solënes les gran y piceres festes de dlijia. I oress inće me auguré che al foss te chësta ocajiun val’ porsona de Badia, che à ligrëza da ćiantè, che gniss a fà pert dl Cor de dlijia por daidé fà vire inant nosta uniun por podëi insciö tigni inant alalalt nostes beles festes de dlijia, deache l’orghe da su, zënza che ”la porsona” o le Cor l’anüzes, ne sona pa nia tan bun. Nos, Cor de dlijia, nes confortun dassënn al orghe nü y tl medemo tëmp sunse inće reconoscënć a düć chi che à dè so

contribut por le bun garatè dla strotöra. Bele da śëgn n gran dilan y Dî s’al pàies.”

Critiches por i cosć Al é da capì che le gran orghe à inće animé critiches, cis por les gran spëises. Al vëgn dit che al costarà tan che döes ćiases, che le prisc röia daimprò a n miliun, che al tëmp de crisa ne fóssel nia le cajo da dè fora n te’ scioldun por n orghe canche n mënder fajess inće so bun laûr. Le interesc por chësc bel y bun orghe ê gnü indesprè sö bele dan da set agn, canche degügn ne baiâ ćiamò de crisa no de meseria de scioldi. L’orghelist dl dom da Porsenù Franz Comploi ti respogn insciö a chi che arata che l’orghe sides massa ćer: ”Badia se mirita n orghe de pröma cualité. Orghi che costass demanco y vêl püch, foss bele inće massa ćers!” L’orghe é de döta la comunité de Badia y porchël dess düć avëi ligrëza impara y se confortè da l’aldì. Sce Badia s’â inlaôta dl 1776 vaghè y paié la bela gran dlijia, se pochenëia nosc paîsc inće incö chësc orghe. Chi de Badia à orü n bun orghe y al gnarà inće paié cun la bona orentè de döta la comunité y cun l’aiüt de istituziuns cherdades a daidé inće la cultura religiosa che é de gran importanza por la vita spirituala y morala de nosta jënt. Le sonn dl orghe nü portes amur, serenité, pêsc y ralegrëies nösc cörs dales festes de dlijia che ares vëgni tres plü frecuentades, sintides y aprijades dal popul de Dî. Cor de dlijia y orghe dëss formè na unité cun la popolaziun liada ala liturgia taiada pro ales festes de sajun, sciöche al é usanza y tradiziun religiosa tles ploanies chilò da nos. (Lois Trebo)

Susi Pitscheider.

de plü porsones dl Cor de dlijia de Badia; śëgn ésera finalmënter gnüda na realtè. Tröp él gnü baié dl orghe nü. Ara se trata de na gran opera che à inće so bel costimënt. I arati che al sides por le paîsc de Badia, mo inće por döta www.lauscdiladins.com

21


Val Badia

nr. 21 / 31 de mei 2013

N gröm de sorvisc sot un n tët Le Raiun Sozio-Sanitar Val Badia festejëia iniann i 10 agn dla sënta a Picolin y i 25 agn dl sorvisc de assistënza infermieristica. Por chësta ocajiun vëgnel invié ia ai 8 de jügn n dé dla porta daverta, cun ćiantun di jüć, iniziatives y buffet

Colaboradësses dl sorvisc infermieristich di comuns de Badia y Corvara.

Sozial - La sënta dl Raiun SozioSanitar Val Badia é gnüda inaugurada ai 7 de jügn 2003 do che i sorvisc ê stà por tröc agn te deplü posć o finamai ma a Bornech. Te döt chësc tëmp é la strotöra chersciüda y te 40 ofizi él za. 46 dependënć che se crüzia di bojëgns dla popolaziun di cin’ comuns dla valada, che cumpëda al dédaincö daimprò da 10.800 abitanć. I sorvisc pità é gnüs amplià sides dal punt de odüda sanitar, olach’al é gnü laprò la ergoterapia, le sorvisc por la medejina di dënz, le sorvisc de medejina söl laûr y inće le sorvisc de igiena y sanité publica por les variores. Tl ćiamp sozial é restè le numer di sorvisc anfat, chël ô dì le sorvisc de assistënza finanziara, le sorvisc de assistënza a ćiasa y l’assistënza sozio-pedagogica. N sorvisc implü che é gnü a s’l dè é chël dl grup de valutaziun por dè le contribut de cura (Pflegegeld) che é formè da na dependënta dl’aziënda sanitara y da öna dla comunité comprensoriala. Sëgn él porchël za. düć i sorvisc che la jënt adora sot a un n tët, ponsan che inće le KWV, la Zentrala di consumadus y la Assoziaziun di clubs di alcolisć é inće aćiasà chilò. A chësta manira

à i sorvisc la poscibilité da se integrè damì y miorè danter ëi sües prestaziuns, chësc sambëgn a bëgn dla popolaziun. I bojëgns dles porsones é te chisc 10 agn zënz’ater cambià. Cun l’aumënt dl’eté mesana à l’assistënza te ćiasa ciafè dër na gran importanza y al ne basta nia plü ma le laûr che po gnì fat tres la comunité comprensoriala. Al vëgn trat ite cooperatives privates y volontars, sënza de chisc ne jìssera nia plü. Pro l’assistënza soziopedagogica mësson inće dì che al é tres deplü jogn, mituns, adulć y families che adora na man, n aiüt profescional tl’educaziun, tla gestiun dl tëmp lëde, mo inće por le laûr, la ćiasa yii. Porchël é chësc sorvisc gnü aumentè inće sciöche personal. Le laûr de rëi, de colaboraziun cun d’atres infrastrotöres y d’atri sorvisc sides sanitars co soziai é deventè de importanza vitala.

Sorvisc crësc Deache la burocrazia ne sta nia chîta gnanca a Picolin, él inće chilò chersciü le pëis y la cuantité de zetoles por de vigni sort de domandes sides tl ćiamp sozial

sciöch te chël sanitar. Tl ćiamp sanitar él da dì che la gravité y complessité dles maraties che atoca les porsones é dër aumentada y les infermieres é al dédaincö tres deplü confrontades cun situaziuns plü pesoćes sciöche les cures paliatives. Le trend da ćiarè da tignì i familiars a ćiasa le plü dî che ara va, comporta che p. ej. tl 2012 él gnü fat bëgn 9.104 assistënzes a ćiasa. Chësc ti tol sambëgn jö laûr y cosć ai spitoi. Sce an pënsa che tl 1988 êl stè la infermiera Edith Dapoz che â metü man so laûr feter te na maniera pionieristica, spo él śëgn indöt nü infermieres che laora. Tl ultim ann él gnü 2.306 iadi tut jö sanch, dè ite o arjigné medejines 4.640 iadi y 2.730 iadi lié sö y fat medicaziuns. Chëstes zifres dij dër tröp y baia da sores.

Colaboradësses dl’assistënza infermieristica dl comuns da La Val, San Martin y Mareo.

Portes davertes por le iubileum

deache chëstes strotöres vëgn gonot metüdes alaleria.

Döt chësc ne dess nia jì sot y porchël orunse ai 8 de jügn 2013 inće festejé sciöche al toca l’aniversar di 25 agn dl sorvisc infermieristich. Por sensibilisé la jënt gnaràl metü da jì n quiz sura la prevenziun ala sanité, che gnarà premié en chël dé. Sciöche an à magari bele odü tla injunta a La Usc dl’edema passada, vëgn chësc dé organisé sot forma de dé dla porta daverta, cun feter düć i sorvisc sides sanitars co soziai a desposiziun dla popolaziun. Implü saràl n cor di dependënć da śëgn y di ultims 25 agn cun la dirighënta Rosamunde Irsara che abelirà la festa. Por i mituns vëgnel fat n ćiantun di jüć y düć podarà se gode n bun buffet fat dala Uniun dles Patrones dl Comun da San Martin. La Crusc Blancia metarà sö n gazebo por dè informaziuns sura la cherta di mëmbri, sura le telesocurs y sura dötes les prestaziuns che ëi dà. Na dita da Türesc metarà fora na strotöra/ injins de fitness por seniors, por daidé mantignì le bëgnester fisich o por daidé tla reabilitaziun, y chësc po inće gnì n post de contać soziai,

Tonn solidal Deache nia a düć ne ti vara tan bun co a nos, él gnü ponsé de pité n buffet de duciaries fates dai dependënć, olache an damanarà na spënora de buna man. Adöm cun Pia Pedevilla él gnü pastlenè y le patüc gnarà venü te chësta ocajiun. I scioldi trać ite, sciöche inće chi dles duciaries, ti vëgn dà ai mituns dl Burma por le proiet de Benno Röggla „N past sann“ olach n past sann por mituns costa

30 Cent. Y por stlü jö saràl le degan siur Iaco Willeit che darà sciöche bele dan da 10 agn la benedisciun ala ćiasa, a chi che laora laìte y va ite y fora. I 8 de jügn dess porchël ester n dé de festa adöm a düć, che é sambëgn invià de cör da tó pert. Sce al é porsones che à laurè tla o por la strotöra y ne n’à por caje nia ciafè l’invit a ćiasa, dess chësc valëi sciöche invit da rové adalerch por chësta bela ocajiun. Deache les plazes da parchè é limitades, vëgn la jënt inviada da s’anuzè dl trasport publich por rové adalerch. N bus passa feter da vigni ora y la fermada é bel dan la strotöra. (ac)

La sënta dl Raiun Sozio-Sanitar a Picolin.

MMM, lifć y implant idroeletrich Le govern provinzial à dè löm vërda por deplü proieć Urbanistica - Bele tla sentada di 14 de dezëmber 2012 â le consëi de comun de Mareo aproè da portè ite sön Plan de Corones n ”raiun por atrezatöres coletives aministraziun y sorvisc publics”, en previjiun dla realisaziun dl museum de Messner che gnarà batié cun l’inom MMM Corones. Śëgn à inće le govern provinzial dè arat positif ala deliberaziun de comun, porchël él dan man dötes les condiziuns urbanistiches por la realisaziun dl proiet. Bele la comisciun urbanistica â aproè la delibera de Mareo zënza na usc decuntra. I ecologs dla contrada à indere osservè che le museum gareta n pü’ dalunc dales strotöres bele esistëntes.

22

www.lauscdiladins.com

Lifć a Corvara Le govern provinzial à inće dè löm vërda ala deliberaziun tuta dal consëi de comun da Corvara, olache al é gnü aproè na trassa nöia di implanć portamunt ”Borest“ y ”Colfosco”, sciöche inće adatamënć ala pista ”Abrusè”. I laûrs podarà porchël mëte man tles proscimes edemes, por che i implanć pois jì en funziun puntuai por la sajun da d’invern.

Implant idroeletrich a San Martin Ala fin à le govern provinzial inće azetè les osservaziuns dl Comun da San Martin, en cunt de na dezijiun

dla pröma comisciun por la sconanza ambientala. Chësta s’â pronunzié cuntra la domanda dla ”Idroeletrich Preroman Spa” da smendrì le lêch biotop Vistles, por podëi realisé na captaziun dl’ega por n implant de produziun eletrica sön la Gadera. Le Comun da San Martin, che tëgn le 49% dla Idroeletrich Preroman Spa, â argomentè che le biotop de za. 10 hectars foss gnü smendrì ma de 0,7 hectars, y che al ne foss nia gnü aziché i banć de saurun y giara, o i lëgns che gnô aratà de gran valüta. Le govern provinzial i à dè rajun al Comun y à motivé la dezijiun inće cun le fat che l’implant da pié sö l’ega vëgn realisé sön ur dl biotop, deperpo che impröma êl preodü avisa t’amez. (pablo)

Sön Col dai Corf. Püch dessura garataràl le MMM Corones.


Val Badia

nr. 21 / 31 de mei 2013

La revalutaziun de crusc desmentiades Al é gnü daurì na mostra interessanta pro la Dlijia Vedla a La Val. Y l’espert dl patrimone artistich dl Tirol Storich Helmut Stampfer à cuntè söla Dlijia Vedla y la Dlijia de Santa Berbura

La daurida de “Cultus”. Da man ciampa: Ombolt Franz Complojer, Katy Moling, Helmut Stampfer y Robert Tavella.

L'espert de nosc patrimone storich-cultural Helmut Stampfer à invié inće te Dlijia de Santa Berbura.

La Val - Le tëmp n’ê nia le plü morjel en domënia ai 26 de mà domisdé, canche jënt s’incuntâ sön Dlijia Vedla a La Val por l’inaudaziun dla mostra de crusc vedles “Cultus” y la presentaziun dla valüta storich-culturala de chësc sit da pert de Helmut Stampfer, che é stè danter l’ater inće conservadù di bëgns artistichculturai de Südtirol. Sce le tëmp n’ê bele nia morjel por la pel, spo êl zënz’ater adatè por l’ocajiun recordan le tëmp da Gnissant, canche les crusc y les fosses de nüsc antenać arjunj na atenziun particolara.

avisa da olà che ares vëgn y gnanca ći feurs che les à fates. Al plü él val’ somianzes che dij che che ares vëgn fora dla medema fujina.” L’apel de Moling é da nia desmentié chësc patrimone artistich, le tignì sö y conservé inant; chësc é inće le fin de “Cultus”, y cun ël la revalutaziun dl sit de Dlijia Vedla y de Santa Berbura a La Val. Katy Moling à inće invié ales döes manifestaziuns de cornisc che sarà ćiamò chisc dis al 1. de jügn y ai 2 de jügn a La Val (ćiara plü avisa al program dles manifestaziuns te chësta ediziun de “La Usc di Ladins”).

Do le salüt da pert dl Ombolt da La Val Franz Complojer y la presentaziun dla mostra “Cultus” y söes manifestaziuns da pert de Katy Moling dla Organisaziun, à Helmut Stampfer ôt le discurs sön la storia dla Dlijia Vedla y dl sit Tolpëi. Desche Stampfer à dit é la dlijia d’La Val vedla gnüda fata sö dan l’ann 1382 - chësc ann che ara gnô nominada por le pröm iade; deache dl 1998, canche al gnô assiguré i mürs restà, àn ciafè sö al intern mürs de na absida romana, porchël pòn ester sigüsc che la

dlijia ê bele gnüda fata sö incër le 1200. Cun i agn é la dlijia gnüda ampliada y na pröma data storica, chëra di 16 de mà 1484, sta por la consacraziun de chësc pröm gran ampliamënt dla dlijia. Laôta n’ê La Val nia ćiamò ploania. Por passa 500 agn é Tolpëi stè le zënter dla vita comunitara y religiosa dl paîsc, ćina al 1874, canche al gnô daurì al publich la dlijia de San Śenese che i ùn nu al dedaincö. Stampfer à inće cuntè söl ćiampanì che é ćiamò da odëi daldöt, söi materiai adorà y söi ultims afresć. Le tëmp ragagna tresfora y i afresć é al prigo por na conservaziun plü lungia tl dagnì.

L’Ombolt: “Iniziatives da sostegnì” L’Ombolt Complojer à dit che na manifestaziun desco “Cultus” se merita le sostëgn, deache al vëgn revaluté la cultura y la storia di agn passà de chësc sit tan vedl che é stè por tröc secui le zënter dl paîsc denanche la Dlijia gniss “spostada” olache ara é śëgn. Cun la mostra dles crusc vedles vëgnel revaluté inće le patrimone artistich y artejanal de nüsc raiuns, y la jënt

vëgn inviada a ćiarè dl patrimone y i dè l’importanza che ara se merita.

Katy Moling: “Cultus” y les crusc Le lian cun Dî y la speranza tla vita eterna y tla ressoreziun é i significać cristiagn fondamentai dla parora latina “cultus”. Te chësta crëta y speranza transzendentala ćiàron da tignì vi le recort ai defunć y an abelësc söes fosses y i atri posć dla memoria - Katy Moling: “te nosta mostra odunse inće n ejëmpl de na gherlanda de ciüfs de cëra por la fossa, arjignada sciöche al ê tradiziun dandaìa.” Moling dij che al é na gran fortüna che jënt à tignì sö crusc de fossa vedles, sciöche Robert Tavella da La Val che à salvè les crusc che é da odëi tla mostra. Chëstes é fates aladô dla tradiziun cun fer batü y va zoruch al 18ejim y 19ejim seco. Dantadöt i raiuns catolics dl Tirol Storich y dla Bavaria à la tradiziun dla crusc de fer batü.. Le fer pòn storje y inće bate dër sitì, insciö n’é les cursc nia pesoćes y ne tol nia fora tröpa lerch. Moling söles crusc dla mostra: “An ne sa nia

Ejëmpli de restaur de de pices crusc y amez la gherlanda de flus de cëra recostruziun de na gherlanda tradizionala.

Les crusc vedles Gran pert dles 30 crusc vedles dl 18ejim y 19ejim seco tignides sö dal restauradù Robert Tavella y metüdes fora tl pre sot Dlijia (cortina da laôta) y la capela dai osc é restaurades y renovades (cunćiades y inće depëntes danü). Danterite él da odëi deplü ejemplars de crusc por fosses de mituns. Desche l’espert dl patrimone storich-artistich de nüsc raiuns Helmut Stampfer à dit, déssel al dedaincö gnì ponsè

sura dui iadi denanco sciuré les crusc vedles, denant désson valuté da les lascè cunćé sö y adatè ala funziun de n recort nü. La parora “reziclaje” dess valëi inće te chësc “ćiamp sant”.

Santa Berbura Helmut Stampfer à inće condüt le grup ia dla Dlijia de Santa Berbura, gonot motif de idila y fotografia por jënt da chilò y sciori. La dlijia i é consacrada a Santa Berbura, San Florian y düć i sanć. Stampfer à splighé i intervënć che é gnüs fać dala pröma dlijia incà, anunziada l’ann 1490. Le carater gotich dla dlijia é ma plü da conësce fora te püć details architetonics - “al é da parentè ći che i artisć restauradus s’à impormetü”, impede conservé ći che ê bele, él gnü laurè y depënt danü por ester plü ala moda di tëmps. Chësc aldî laôta pro la normalité, y ala norma de nüsc tëmps i réstel ma plü chël avanz da la critiché. Dessigü vélel inće te chësc contest ći che al dess valëi por les crusc vedles: conservé impede desfà! Nüsc mituns nes dijarà dilan endoman. (ir)

Döes crusc vedles renovades, cun odüda dl vers dla Dlijia de Santa Berbura. www.lauscdiladins.com

23


Fascia

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

nr. 21 / 31 de mei 2013

La radunanza UAL à tout dant Statut e candidatures Na bona partezipazion al debatit e l’aproazion de neves emportantes à caraterisà l’apuntament chiamà ite dal moviment politich ladin

Floriano Bernard, Luigi Chiocchetti, Michele Anesi, Manuel Farina e Teresa Lorenz de l’Ofize de presidenza UAL.

Politica 1 - No l’era n muion de jent a la radunanza de la UAL endrezèda en sabeda te Comun de Poza, ence per via che l’ofize de presidenza del moviment aea pissà fin a l’ùltim moment de no slarièr fora publicamenter l’informazion e l’envit, ma de i resservèr ai sozi. Ampò la partezipazion ativa l’é stat fosc la maora mai veduda a na scontrèda de chesta sort, con amàncol na ventina de prejenc che à tout la parola, e anter chisc no demò i esponenc più cognosciui, ma ence n muie de sozi “de la basa”. Doi l’era i argomenc sun desch: l’aproazion di mudamenc al Statut e la prozedures per la formazion de la lista UAL per la litazions provinzièles de chest uton, e sun duc doi l’é stat na bona discuscion e a la fin l’aproazion con desvaliva novitèdes de gran peis. “No se trata demò de na formalità, ajache l Statut l’é la chèrta d’identità de n moviment”. Con chesta paroles, dò l salut del president Michele Anesi, l secretèr politich Luigi Chiocchetti à avert l prum pont a l’orden del dì. I mudamenc al Statut, pissé al scomenz dantdaldut per comedèr fora aspec tecnics (p. ej. l

mudament da Comprenjorie a Comun general) à dapò trat cà, tel lurier de la comiscion nominèda daìte dal Diretif del moviment e vidèda da Floriano Bernard, costions de gran emportanza e sostanza. Dò mìngol de discuscion i mudamenc proponec é stac duc aproé da la radunanza.

Renunzia al finanziament publich e trasparenza de bilanz Anter i mudamenc de maor peis aproé, l’é de segur da recordèr chel che perveit desche fontènes de finanziament de la UAL demò cheles de autofinanziament, più avisa la iscrizions di sozi, na perzentuèla del paament data al moviment dai raprejentanc de la UAL lité a encèries istituzionèles (conseier provinzièl o parlamentèr) e contribuc o donazions de enc o privac, renunzian donca a ogne sort de finanziament publich ai partic. Semper en materia economica, te chisc tempes de gran discuscion sui cosć e su la trasparenza de la politica, l nef Statut de la UAL perveit che l rendicont contàbol

vegne prejentà ogne an dal president per l’aproazion al diretif e dapò metù sul sit acioche duc posse l veder. N auter pont emportant l’é l’incompatibilità stabelida anter l’encèria de secretèr politich e president de la UAL e la encèries istituzionèles de mandat politich eletif: donca l conseier provinzièl, l parlamentèr o l procurador lité con la UAL no i podarà tor sù o tegnir chela encèries a cef del moviment. Chest mudament jirà en doura dò la litazions de chest uton. Etres mudamenc porté tel Statut de la UAL revèrda dapò la Radunanza generèla, la composizion del Diretif (che anter l’auter l cogn aer amàncol l 25% de femenes) e de l’Ofize de Presidenza e sia encèries e la Sezion Joegn.

La formazion de la lista resta te man del Diretif La radunanza era chiamèda a se pronunzièr ence en cont di criteries de formazion de la lista di candidac a la litazions. Te chisc tempes che se rejona trop de “primaries”, una de la proponetes metudes sun desch

– de contra al veie sistem de meter 35 candidac en orden alfabetich l’era chela de envièr i candidac “de ponta” a se prejentèr, sostegnui da n bon grop de sotescritores, portan dant sia idees, programes e proponetes te na radunanza avert ai sozi o a duta la jent, lascian che sie apontin i prejenc a litèr per cerner na sort de “orden de lista”. Sun chest la discuscion, n muie averta e partezipèda, à metù dant da na man l’emportanza de ge dèr peis ai sozi de la UAL, e da l’autra i limic de n sistem olache la capazità de “chiamèr ite” la jent podessa aer più fazion che la capazità di candidac. Amò apede l dubie che chest sistem posse creèr crepes te la UAL, enveze che la didèr a tegnir adum, à portà la radunanza a ge dèr sù al Diretif la responsabilità e l’encèria de dezider la strèda miora per fèr la lista per la litazions.

Capazità e peis concret, ma ence idealism No l’é demò na costion de persones, ma ence de programes. Chest l’é stat sotrissà da più man e de chest vers l lurier per meter jù l program é jà scomenzà te la UAL dò aer scutà la sociazions e categorìes de val. Ampò la situazion a livel provinzièl e l’esperienza de chisc egn passé ensegna soraldut che Fascia cogn manèr a Trent na persona con gran capazità, bona de ge dèr peis a n teritorie che de spes vegn lascià endò a Trent, ajache no l raprejenta n resservar de stimes. En cont de chest l’intervent de Remo Florian, che à recordà che podessa esser l moment bon per revendichèr l’assessor. Fin canche l’era la “porta girevole” (che manèa te Consei n secondo candidat de n

partit al post de chel chiamà te Jonta) – l’à dit - i fascegn no se aea nience fidà l domanèr. Ades se podessa, ma ge vel aer na persona con la capazità che serf. L’emportanza de revendichèr l’assessorat e de pertener na maor conscidrazion a Trent, inant che ge arsegurèr l sostegn a na coalizion, é stata palesèda ence da Riccardo Zanoner, endèna che Manuel Farina e Andrea Weiss à metù l’azent su la mencianza de respostes concretes che l turism e l’economìa de Fascia à abù da la politica provinzièla. Ence l prozess de renovament del Statut de Autonomìa – à sotrissà Antone Polam – domana che i ladins porte na ousc de valuta e de competenza te la fasa politica che aon dedant, ma tel medemo temp a fondament de chi che se met a la leta en politica – à dit l president de l’Union e de l’Istitut Ladin - cogn esser semper l spirit de servije, chel che la UAL à rità da jent desche Ezio Anesi e Danilo Dezulian dal Garber. Sui valores e l’idealism desche fondamenc storiches del moviment ladin é jit ence l’intervent de Fabio Chiocchetti, che per prum aea portà dant la costion de la prozedures per la formazion de la lista, acioche dut vegne fat a na vida trasparenta e no ambigua, per convenjer la jent con la forza de la idees e no con “jeghes sot èga via”. Apontin Fabio Chiocchetti, a inom de “Union e Comunanza”, moviment che da n pez porta inant delaìte da la UAL la costion de la trasparenza e de l’idealism, à portà dant ence la proponeta che l candidat conseier, per desmostrèr che l’é spent da spirit de servije e no da oportunism, l se die desponìbol dant fora a ge lascèr al moviment l 40% de chel che l ciapassa desche conseier ladin. (lg)

Na comiscion per meter jù l program Endèna la radunanza anuèla de la Sociazion Fassa l’é stat fat n bilanz de l’ùltim an e dit fora i obietives per l prum davegnir Politica 2 - Te teater de Ciampedel en lunesc ai 27 de mé l’é stat la radunanza anuèla de la Sociazion Fassa che se à binà per tor sù tesseramenc, portèr dant e aproèr la relazion e l bilanz de l’ùltim an e per parlèr ence di programes per l davegnir. Dant de tachèr ite la presidenta de la Sociazion Fassa, Elena Testor, l’à saludà duc i prejenc e l’à envià i ghesć de la serèda a fèr n salut. A tachèr l’é stat l’ombolt de Procura, Roberto Pellegrini raprejentant de la istituzions de val ensema a l’ombolt de Ciampedel Renzo Valentini. Dapò l’é stat l’outa di desvalives politics envié e prejenc te teater de Ciampedel. Sun paladina à rejonà: l secretèr nazionèl de la Lega Nord, Maurizio Fugatti; l vizepresident del Consei provinzièl Claudio Eccher; i conseieres provinzièi de la Lega Nord, Claudio Civettini e Alessandro Savoi; l cocoordenador regionèl del Pdl, Cristiano De Eccher, sentà jù apede al vize coordenador provinzièl del Pdl, Raimondo Frau e tinùltima a rejonèr l’é stat ence l senator de la Lega Nord Sergio Divina che à ence

24

www.lauscdiladins.com

rengrazià i fascegn percheche proprio de gra a la stimes de Fascia te l’ùltima litazions nazionèles, el l’é stat bon de doventèr senator a Roma. Dò i saluc, la presidenta à let jù la relazion de la azions portèdes dant da l’ùltima radunanza, stata ai 21 de mèrz del 2012, canche la Sociazion Fassa aea ofizialisà sie empegn atif de Fascia. Elena Testor à dit che te l’ùltim an la Sociazion Fassa se à dat jù per sostegnir l’edilizia e la pìcola firmes per valorisèr l lurier de la firmes dal post e spenjer acioche chestes les tole sù personal dal post; l’é stat domanà che te la Provinzia de Trent, desche per chela de Busan, i joegn che a scola i studia ladin i posse ciapèr l patentin a la fin del percors scolastich; l’é stat fat azions contra l’IMU e contra la steora dedichèda e sul turism, e fin dal scomenz la Sociazion Fassa se à dit a una col projet de mobilità desvaliva de Transdolomites che l’à defenù ence tedant al no che l Comun general de Fascia aea dat al projet de fatibilità che aea proponet de fèr l BIM per la ferata ence te Fascia.

Semper te l’ùltim an la Sociazion se à batù, con na conferenza stampa, con doi mozions (una te Comun general e una te Consei Provinzièl) e con na regoeta de sotescrizions, per la Marmolèda, l jouf e la strèda de Fedaa e la presidenta à fat saer che la 1200 sotescrizions toutes sù les vegnarà portèdes te Consei provinzièl a Trent la setemèna che vegn. Con Elena Testor la sociazion se aea metù a la leta per la litazions provinzièles con l zenter dreta, e amò te l’ùltim temp l’à sostegnù la proponeta de lege de la Lega Nord per fèr a na vida che la 1500 sotescrizions de la mendranzes che serf per l’iter referendarie les dovente 500. Chesta proponeta no é passèda te la Pruma Comiscion Permanenta, ma te pech temp la vegnarà descoreta tel Consei provinzièl. Dò da la Presidenta, a rejonèr l’é stat l secretèr politich Luca Guglielmi che l’à portà dant che tel davegnir la Sociazion Fassa lurarà per la litazions provinzièles, per i mudamenc al Statut del Comun general de Fascia e per meter en segureza de la strèda de Fedaa e dut

I componenc de la Sociazion Fassa. Da cencia: l secretèr politich Luca Guglielmi, la presidenta Elena Testor e l tesorier Manuel Capovilla.

l jouf. “Per la litazions provinzièles - à dit Guglielmi - nos cherdon che no se cogne pontèr via da la persones, ajache la persones muda, ma la idees resta. Per chest metaron sù na Comiscion daìte del partit per meter jù n program de obietives per la litazion e su la basa de chest vegnarà fat dapò la consultazions per vardèr colun che sarà l candidat”. En cont de aleanzes l’é stat ence sotrissà la

vejinanza de la Sociazion Fassa con la Lega Nord, ma no vegn refudà nesciun dialogh con i etres partic del zenter dreta con chi che se sentarà jù a i scutèr duc chenc. Ben segur sotrissan la posizion ledia e autonoma del partit fascian. Tinùltima l tesorier de la Sociazion Fassa, Manuel Capovilla, à let jù l bilanz (2.120 euro vegnui ite e 3.319 euro jic fora) che l’é stat aproà da duc i sozi te sala. (vr)


Fascia

nr. 21 / 31 de mei 2013

Rinaldo Debertol ge à passà l testamonech a Giancarlo Pederiva I gropes de Studafech se à troà te tendon de la manifestazions per ge sporjer sia recognoscenza Poza - L’é n mudament storich, chel a cef di Studafech de Fascia ofizialisà en domenia ai 26 de mé te tendon de Poza. L’Ispetor Rinaldo Debertol (che l’à giusta compì i 60 egn e per lege no l pel più corir chesta encèria) dò 22 egn a cef del grop de volontadives, ge à passà l testamonech a Giancarlo Pederiva, comandant di Studafech da Poza. I aessa volù ge endrezèr na festa a sorpresa, ma Rinaldo Debertol à abù la “sofièda” e coscì tinùltima i à bele cognù l’avisèr. N bel grop de studafech l’à spetà te tendon e canche l’é ruà ite con sia familia se à levà n fort e sentù batiman e el, ensema a sia femena Eugenia, l’é stat envià a se sentèr jù sun paladina con vindò duc i comandanc e la bandieres di gropes. Chela de Rinaldo Debertol l’é stat na longia cariera: passa 30 egn da Studafech, 22 da Ispetor, 2 e mez da vize president de la Federazion provinzièla, l’à vedù mudèr passa 20 ombolc, sacotenc comandanc, 250 mile chilometres fac tel Trentin per ge stèr dò a si doeres. L sie l’é stat n empegn portà dant con gran pascion e dedizion, paroles che é states uzèdes fora ti descorsc de rengraziament dal dirigent generèl de la Protezion

zivila Roberto Bertoldi, dal president de la Federazion di Studafech Alberto Flaim, da la procuradora de Fascia Cristina Donei, a inom de duc i ombolc, e dal conseier ladin Luigi Chiocchetti. “Tie lurier l’é stat aprijià da duc, te Fascia e ence foravìa, t’es stat bon de fèr regìa, de fèr squadra a duc i livìe” ge à dit Bertoldi e Flaim. “T’es stat bon de rejer con fondament e ferstont i gropes de Studafech, – à sotlineà la Procuradora – jent che, desche tu, se tol fora l temp per didar i autres; tu lasce na bela arpejon de competenze e responsabilità. Te domanon de esser amò vejin a la comunanza e al nef Ispetor Giancarlo Pederiva, che l’à la fortuna de aer la strada segnada, ge auguron n bon lurier.” Desche segn de recognoscenza duc i ombolc à volù ge sporjer a Rinaldo na gran statua de legn de Sèn Florian, protetor di Studafech. L’ombolt e studafech Fausto Castelnuovo ge à palesà a Debertol la gran recognoscenza de duc i studafech de Fascia: “Te ès portà inant tia encèria con serietà, sensibilità e gran umanità – l’à dit – te ès sapù creèr l dialogh e la cooperazion anter i enc e coi ombolc de Fascia, te ès lurà per ge arsegurèr maor efizienza a nosc lurier, te ès abù n ruol fondamentèl

per l spirit de grop e t’es stat n ejempie per i neves studafech. N gran rengraziament va a tia familia, percheche zenza l sostegn de chi cèsa fossa dut più senester.” Dapò, a inom de duc i gropes, l ge à sport n elmet bianch da Studafech co la dedica e la sotescrizion de duc i comandanc e a sia femena Eugenia n maz de fiores. L’Ispetor Debertol inant de tachèr a rejonèr l’à volù aer apede Giancarlo Pederiva e te n moment rich de comozion l ge à mudà i gradi e passà l testamonech. “Bricons – l ge à dit a si Studafech – no me spetèe na festa coscita... Te chisc egn son stat stolz de esser a cef del grop, é colaborà con duta la sociazions de la protezion zivila, é cognosciù n muie de persones, l’é stat momenc de crescimonia e é emparà che l’é più bel dèr che ciapèr. Son doventà più rich, no tel tacuin ma tel cher. Prum de dut voi rengrazièr mia familia che la é semper stata al prum post, la me semper sostegnù e engaissà ti momenc senestres, ence canche aesse volù molèr. N rengraziament ence a mi coleghes de scola che canche aee da jir i é semper stac desponìboi a me sostituir, ai desvalives comandanc, con ic é spartì duta la sceltes, e a duc i ombolc per sie sostegn.

Te chisc egn l’é stat n gran mudament tel grop di Studafech, aon fat fadìa a ge stèr dò al progress, aon mudà fora duta la massarìa e fat corsc de formazion per l personal. La più bela roba che aon fat l’é stat canche del 1996 aon metù sù te ogne grop chel di arlieves, eraane enlouta l soul distret, ere stolz de chest resultat.”. La parola dapò é jita al nef Ispetor Giancarlo Pederiva che l ge à sport sobito n fort detelpai a

Debertol: “Nosc empegn sarà ades lurèr per ge dèr gaissa ai joegn, per ge passèr la pascion de se dèr jù per la defendura del teritorie e de la comunanza.” Inant de serèr sù la festa l’é stat chiamà sun paladina ence Ottorino Riz, per l rengrazièr co na targa per sie lurier de secretèr del grop. Dapò Debertol à ordenà l “rompete le righe” e duc se à strent dintorn a sie Ispetor per ge sporjer sia fona recognoscenza. (mci)

La procuradora Donei ge sporc l recognosciment a l’ispetor Debertol.

Rinaldo Debertol, 22 egn da Ispetor di Studafech Na longia cariera che ge à dat de gran sodesfazions Co éla nasciuda la pascion de fèr l studafech? Rinaldo Debertol: “L’é stat egn, del ’75/’76 che ogne sàbeda d’istà sonèa la sirena percheche l’era jent che dajea fech stroz te paìsc a Cianacei. Gé coree a vardèr e chest corer me é semper restà ite. Canche m’é maridà amò coree e mia femena me à dit: “Ma per corer coscita, che te vès semper a vardèr, metete ti pompieres”, l’é stat ela che mìngol me à spent.” Aede mai abù tema del fech? “Jie a vardèr percheche aee tema. Aré abù 22 o 23 egn canche se à brujà apede me na cèsa de n ex pompier, de Oliva da Penìa, e ge é sentù chiamèr aiut te portech e te mi eies é vedù l checen, l lumenous del fech de fora, l’era d’invern, e chel dalbon me à fat tema. Ti pompieres é emparà che che l’é l fech, da che che l’é fat e coche l se mef, e é emparà a ge jir de contra percheche no l me fae più tema. L fech l’é na roba viva e se te empères a l cognoscer te es ence bon de l comanèr.” 22 egn da Ispetor i é tenc, co i aede vivui? “L lurier de Ispetor l’é chel de coordenament di gropes te la formazion e la gestion de la operazions e di desvalives corpes sui intervenc. Gé chisc egn i é fac con gaissa e pascion, l 99% de la robes les fajesse medemes. É abù gran sodesfazions da duc, dai studafech ma ence da la jent percheche a la fin, n detelpai dit

de cher da la persona che te deides, te paa de duta la fadìa che te fès, te empienesc l cher.” Coluns él stat i intervenc che Ve à dat più sodesfazions? “L’é stat i doi feghes mìngol gregn che l’é vegnù fora un ta Dèlba e un te la cèsa de Simon de Buzzi a Cianacei, olache aon durà tanta pecia èga che se aessa béleche podù jir ite a stèr. Tel partiment de sot e de sora se podea stèr. Chela l’é sodesfazions, percheche aon lurà proprio ben e aon vedù che la tecnica che aon emparà la é jita a bon fin.” Coluns él stat enveze i momenc più senestres e i intervenc più grieves? “Stava l’é stat l prum gran intervent, olache aon vedù n muie de morc da vejin, no ere amò Ispetor. Chel me à tocià n muie. L’auter burt moment l’é stat perder i cater amisc te la Val Lastìes: un l’era pompier, doi l’era stat ence mi scolees. Chel l’é stat dalbon n moment n muie grief.” Che ge vélel per esser n bon studafech? “L gran studafech no l’é, l’é demò l gran fech, percheche un da soul no l’é bon de ge jir contra al fech. Per esser n bon studafech ge vel lurèr ensema ai etres, cognoscer la tecniches, cognoscer l fech e emparèr coche l se comporta per ge dèr de contra. Ma soraldut lurèr ensema, jir d’acort coi etres, esser te na squadra. I bogn pompieres

Debertol ge muda i gradi a Pederiva.

laora ensema.” E per esser n bon Ispetor? “Aer na bona formazion sul fech e esser bon de ge vardèr tel mus a duc, zenza aer tema de dir coche l’é la robes, ma soraldut vardèr de tegnir a una, coordenèr i intervenc percheche vae dut dò sia strèda. Ge vel esser bogn de gestir l grop no con autorità ma con autorevoleza. Ben segur che ite per anter l’é ence discuscions, soraldut al scomenz la é stata più dura percheche no se era usé a se emprestèr la massarìes. Col temp se é stac bogn de jir sorafora i confins de paìsc, enceben mantegnan l’autonomìa de ogne grop.”

Co vedede l davegnir? “L’é de bogn gropes te n bon distret, de bogn comandanc joegn che à na gran voa de se miorèr e de emparèr e l’é n ispetor che peisse, percheche l cognosce ben, che l sie segur bon de tegnir adum. Nos aon la fortuna de stèr n muie dalonc da Trent, donca cognon vardèr de se rangèr e chesta l’é na motivazion en più per esser semper vertesc a jir. Gé peisse che i gropes cogne restèr comunai, te l’autonomìa e la colaborazion de duc. Ogne comun cogn aer sie corp e sia caserma. Podessa jir ben ence na caserma per duta la val, ma enlouta no fossa più possibol aer n servije de volontères, ma a paament. Nos studafech aon numeres desvalives da la Crousc Checena: ic va fora più che auter de doi e i é de turno ogne 15 dis o na outa al meis. I pompieres é de turno da doman fin da sera e i cogn esser semper, tel 90% di intervenc se cogn jir fora con 20 o 30 pompieres. Se chisc volontères é leé al paìsc, é leé ence al teritorie e a la comunanza, i cor e i va. Ma stentasse a creer che un da Cianacei core fin ja Moena per n pìcol intervent se proprio no l cogn. Aboncont l problem maor del davegnir sarà tegnir adum, no l’é più la voa, soraldut ti joegn, de ge dèr na man ai etres.” Volede ge dir vèlch ai arlieves? “Ai joegn ge fae n muie de augures e n muie de complimenc per esser vegnui tel grop; ge die che i vèrde de arjonjer l travert che i se à metù dant, che no i mole, che i

arà n muie de sodesfazion enceben che sie n empegn grief, ma che l te deida a jir inant te la vita.” Che ge augurède al nef Ispetor? “Che l’abie la sodesfazions che é abù gé, de jir inant amò n muie de egn e de vardèr che duc i se corde, che i vae inant descheche aon fat chisc egn.” Volede rengrazièr valgugn en particolèr? “Inant de dut mia familia percheche canche pèrt n pompier n’é n auter a cèsa che lo te sostegn e lo te deida, dapò duc i comandanc, i pompieres, i dirigenc de Trent, duc i ombolc che l’é stat, l president del Comprenjorie e la Procuradora. É abù n bon raport ence coi gropes de studafech dintornvìa l Sela: volesse ge dir n bel detelpai a Josef Perathoner comandant de Selva, a Hubert Kostner comandant de Corvara e a Igor Masaré comandant de Rèba, se aon troà desvaliva outes e aon abù de bie momenc de formazion.” Che farede ades? “Gé fosse fora dal servije atif, reste pompier ma no posse più jir sul fech diret, ma ge daré na man se i me domana, soraldut tel coordenament. I vel che reste tel diretif, ma no voi l fèr ofizialmenter. Fisicamenter stae ben, fosse jit inant percheche l grop l’é bel, ma l’é giust che sie l recambie, che vegne ite jent che à idea neves.” Intervista de Monica Cigolla www.lauscdiladins.com

25




La Usc de la scola _ _ _

nr. 21 / 31 de mei 2013

L’ejempie de Marie Louise e de la eles A conclujion de n projet su la valivanza anter om e femena, ai studenc de la Scola de Fascia ge é stat contà de coche con la volontà se pel mudèr n muie de robes

Marie Louise Niwemukobwa te sala de la Sorastanza de Poza.

Sozièl - “É cernù de esser protagonista, é capì che no podee più lascèr esser e é vedù che se pel miorèr l mond”. No sé a voetres, ma a mi me à sapù che da la testimonianza de Marie Louise Niwemukobwa sie stat n muie da emparèr. Chesta femena à portà dant sia storia de vita enstadì te sala grana de la Sorastanza a Poza, olache i bec de la Scola Ladina de Fascia à serà sù l projet su la valivanza anter eles e ic sun chel che i à lurà da jené en ca. L lurier é stat portà inant travers na colaborazion con la Sociazion Fontana Onlus de Trent e te si obietives l’à chel de lurèr su la “World Social Agenda”, la ajenda

coi obietives de svilup del milené che i é 8: descancelèr la fam e la meseria; arsegurèr l’istruzion ai bec; slarièr fora la valivanza anter ic e eles; smendrèr l numer de bec morc; miorèr la sanità de la eles che speta; scombater l’AIDS; miorèr la calità de l’ambient e lurèr ensema per l svilup uman. Anter duc chisc, i professores de la Scola de Fascia à cernù de fèr lurèr i bec sul 3° obietif, la valivanza anter ic e eles. I bec de la prumes del liceo linguistich i à lurà metan ensema filmac sun chest argoment e i bec de la terzes del liceo artistich enveze i à fat desvalives dessegnes cernui per i segnalibres de la biblioteches de Trent e de Vich. Enstadì, apede che moscèr chisc

lurieres, ai bec ge é stat fat cognoscer Marie Louise e sia storia de vita. Nos chiò sion usé da tropes egn a stèr ben a viver te la pèsc, zenza veres e violenzes. Duc saon che tel mond no l’é daperdut coscita, ma fosc pec sà che del 1994 tel Rwanda l’é stat copà jù, te trei meisc, béleche un milion de persones, soraldut omegn e bec. Te chel an Marie Louise Niwemukobwa l’aea vent n stipendium e la era te la Tèlia a studièr, ma via per de otober l’à volù jir de retorn te l’Africa, e chel che l’à troà l’é stat dassen na gran meseria, jent copèda e destruzion dut entorn. “Chesta desgrazia - ge à dit chesta femena ai studenc - l’à mudà la vita e duc nos, te perdes i ensomesc e tia jent. T’ès demò l vet tedant a te”. Restèda soula con sia mère e con n muie de autra femenes de sie paìsc, Marie Louise l’à dezidù de esser protagonista, de no fèr mena de no esser pèrt de chela comunanza e la é jita en Rwanda per didèr a la recostruzion. Enstadì te Sorastanza l’à contà coche la femenes é states bones de se la fèr cà e tor te man l davegnir del Rwanda. Les à tacà a sonèr l tamburle (che dant l’era na roba demò per i omegn) e con sia musega e si bai, n grop de femenes é jites stroz per l mond, ruan adertura a New York e a Brooklyn. Aló les à emparà a fèr i giacins, e jites de retorn tel Rwanda les à dezidù de orir boteighes per vener giacins. Chisc l’é demò doi ejempies, ajache la eles à troà post ence ai livìe auc de la politica. Tel Parlament en Rwanda l’é l 56% de eles e con chisc numeres chest pìcol stat de l’Africa l’é un di Paìjes con la perzentuèla più auta de eles te la politica, e les é dutes diplomèdes o laureèdes. “Peisse – à dit Marie Louise – che ades l Paìsc l cresce economicamenter

ence de gra al contribut de la eles”. Marie Louise Niwemukobwa (sie cognom vel dir “sono la ragazza”) la vif a Mestre, la é laureèda, maridèda e l’à trei fies e dò egn de esperienza tel ciamp de la eles, a la CGIL e te desvaliva sociazions, la fèsc pèrt de la Comiscion “Pari opportunità” de la Provinzia de Unejia. La testimonianza de chesta femena ne à moscià n muie de robes

e la ne à dat a duc na pìcola spenta per ne fèr entener che ence nos, te noscia realtà, podon se miorèr semper tedant ai momenc senestres e de desvalivanza anter ic e eles. Ela enstessa ne à saludà ne recordan che: “te la vita se pel semper fèr zeche. L’é post per duc. L’é giust che la femenes die la sia, gé no posse fèr acort, te nesciuna ocajion e da nesciuna pèrt tel mond, perché gé é n muie da dèr”. (vr)

I segnalibres realisé dai bec del liceo artistich.

Caterina Ganz à ciapà l stipendium Lions La joena atleta de paslonch de la Scola de Fascia e del Comitat Trentin é stata premièda per si bogn resultac tel sport e a scola Sport e scola - L Lions club de Fiem e Fascia à festejà l’atleta de paslonch Caterina Ganz con la consegna del stipendium “LionsTrentinoNeve 2012”, che era stat vent da la joena atleta fascèna per i resultac arjonc te l’an de scola e la sajon agonistica 2011/2012. Enstadì aló da l’Hotel Foresta a Moena l president del club Marco Felicetti à volù ge prejentèr a si coleghes la forta schiadora sentadina de Moena, che se à vadagnà trei medaes taliènes, desmostran determinazion, sacrifizie e talent. L Pest, pissà da Alessandro Bleggi rechia e dat en colaborazion strenta con l Comitat Trentin de la Fisi, l’é ruà a sia 7^ edizion e ogne an l zil del pest l’é premièr i joegn atlec che te duta la

26

www.lauscdiladins.com

disciplines à arjont i miores resultac endèna l’ùltima sajon sportiva. La cernuda de ge dèr l Pest Lions a Caterina Ganz, scrita ite al Ski College de Poza, più avisa al liceo artistich, era madurèda per si ezelenc resultac sportives e scolastics. Caterina l’à 17 egn, la é tesserèda con la Monti Pallidi e te la sajon agonistica 2011/2012 l’aea ciapà la medaa de bron te la stafeta ai campionac taliegn joegn, la era ruèda setima a la Nazionèla di Joegn de Schilpario, doi outes 8^, n’outa ai campionac taliegn joegn te la 5 km a tecnica classica e n’autra outa endò a la Nazionèla di Joegn de Schilpario e dapò doi outes 11^: ai tricolores de Campo Carlo Magno e te la Ng de la Val Formazza. Apede a dut chest

Caterina Ganz aea concostà resultac positives ence a livel scolastich.

ai campionac taliegn aspiranc: n arjent te na garejèda a tecnica classica a Boscochiesanuova, n

bron te la 7,5 km de skating semper a Boscochiesanuova e n auter bron te la stafeta joegn en Val Formazza.

A la zerimonia, olache Caterina à ciapà 1.500 euro de stipendium dal Lions Trentino Neve, l’era l vizepresident de la Fisi trentina Marco Zoller, l canzelist de la Fisi Edgardo Moncher, la referenta del Ski College de Poza Micaela Valentino e Mario Giacomuzzi del Lions Club de Fiem e Fascia, che à enventà chest pest ensema a Alessandro Bleggi del Lions Club Trento Host e a Diego Zorzi del Lions Club Primier Sèn Martin. Endèna la zerimonia de consegna l’é stat palesà con legreza che Caterina Ganz à confermà de bie resultac ence te l’ùltima sajon agonistica, canche l’atleta da Moena l’à ciapà ben trei medaes

Caterina Ganz ensema con la referenta del Ski College de Fascia Micaela Valentino e i raprejentanc de la FISI Moncher e Zoller e del Lions Club Felicetti e Giacomuzzi.


nr. 21 / 31 de mei 2013

_ _ _ La Usc de la scola

Suzess per l Cor del Liceo vin Primier Studentes e studenc de la neva formazion corala de la Scola Auta de Fascia à tout part a la manifestazion de la Federazion di Cores Trentins sot la vida da le ensegnante Federica Larcher e Rosanna March

I joegn che fèsc pèrt del Cor de la Scola Auta de Fascia te n moment de relax e sotite endèna l conzert.

Musega e scola - En mercol ai 15 de mé tel teater de l’oratorie de Mezzano tel Primier, l Cor de la Scola Auta de Fascia à tout part a la XXVI edizion de la scomenzadiva “Incontri corali nella scuola dell’obbligo” metuda a jir da la Federazion di Cores Trentins. La manifestazion, che chest an à binà ensema 17 formazion con en dut 600 ciantores da dut l Trentin, l’à l zil de enviar bec pìcoi e gregn a la mùsega corala. No se trata de na competizion, ence se i joegn corisć vegn giudiché da na comiscion da Trent che met jù na scheda tecnica con osservazion ùtole per miorar le potenzialità del grop medemo. L’é da dir che l’era 13 egn che no tolea part a la scomenzadiva na formazion corala de na scola auta: chest percheche la mùsega l’é materia de ensegnament demò fin a la terza mesana.

Sun paladina se à enterzà l Cor de la Scola Popolara de Siror vidà dal maester Paolo Scalet, l Cor de la Scola Popolara de Mezzano co la maestra Cristina Alberti e l Cor de la Scola Popolara de Canal San Bovo sot la direzion de la maestra Eva Piovesan. Per ùltim l’à portà dant sie program l Cor de la Scola Auta de Fascia ret da le ensegnante Federica Larcher e Rosanna March. Chesta l’era per l grop sia seconda esibizion, da canche l’é stat metù sù chest uton passà. La joena formazion de più o manco 20 componenc, bec e beze, tol ite studenc di Licei Scientifich, Artistich e di Lengac, da la pruma a la quinta clasc. I corisć, vidé da la pascion per l ciantar, i se troa ogne setemana fora da l’orarie de scola per proar ensema. L cor l’é stat compagnà dai studenc Francesco Riz e Lorenzo Ziller, che i se à enterzà a la tastiera, e dal

student Luigi Riz, fra de Francesco, a la baterìa. L’é stat portà dant 5 tòc a una o più ousc, duc desferenc per stil, carater e vida de ejecuzion. Le Dolomiti scrita dal poet Italo Verner e metuda en mùsega dal componist e musizist trentin Camillo Moser, l’é na ciantia dal dessegn melodich scempie ma fon: la conta del miracol de la natura e de la beleza de nesc monc che maestousc e gaerc i se leva envers l ciel. Si mes yeux na composizion mestia ma n muie doucia de l’autor franzous Etienne Daniel, la é stata portada dant demò da le beze a na vida de n “vocalizzo”. I autres doi tòc del program I will follow him dal film “Sister Act” e Adiemus del componist dal Galles Karl Jenkins i à soscedà gran emozion tel publich che à domanà l bis. Te I will follow him l’à ciantà da solista la professora Federica Larcher palesan capazità tecnica e espressiva. Dassen d’efet

l’é stat l’esecuzion de Adiemus, portà dant a cinch ousc. Se trata de na composizion “New Age” touta cà da l’òpera Songs of Sanctuary: le parole chiò no à segnificat, se trata de silbe e parole enventade da l’autor che sotrissea a chesta vida coche la ousc pel esser durada desche n strument. L tòch, n muie cognosciù perché durà te n muie de reclam e tel program “Ciao Darwin”, l’é na sort de orazion e n in a la natura. Per ùltim l’é stat portà dant l’Ave Maria gregoriana per latin a na ousc demò, zenza l’aiut del compagnament e zenza vida del maester. Enteressanta la vida de esecuzion olache le beze, endana che le ciantaa, le jìa una dò l’autra en cerchie. L cor l’à chiò desmostrà na gran maturità ajache ciantar gregorian no l’é per nia sorì. Chest, de fat, no domana demò capazità tecniche, ma l vareea la mùsega enstessa ajache no l’é demò n’art, l’é na orazion che nasc dal fon de cher e che se leva envers

l’aut, envers l Segnoredie. Tel gregorian no l’é de besegn de fisicità o interpretazion, descheche l’é te la lirica, percheche chiò l ciantar doventa n dialogh intim con l’Autiscim. Chesta l’é stat per i corisć zenz’auter na bela esperienza, n moment rich che à regalà gran emozion ma ence n event de gran valor artistich. La formazion de Fascia à fat bela parbuda e no l’à demò desmostrà de aer fat gregn varesc inant respet sia prum esecuzion, palesan preparazion, dedizion e cher, ma l’à soraldut desmostrà che a ciantar ensema duc é bogn de emozionar, de se emozionar, de se sentir adum, de se identificar. I corisć i é rué deretorn te Fascia stencé ma stolc e contenc, segures de esser stac n ejempie per autres pìcoi corisć che i li à scuté con gran enteress e amirazion. Ades no ne resta che se dar apuntament per l’an che vegn. (rm)

Na bela raida a Roma I scolees de la quintes de Poza e Vich é jic per trei dis a vijitèr la capitala Raides - Ai 22, 23 e 24 de oril nos bec de la quintes de la scola populèra de Poza e Vich sion jic co la scola a Roma. Duc eraane n muie agité: per nos scomenzèa na neva aventura. En lunesc aon cognù se descedèr belebon prest percheche da mesa les sie dadoman aessane cognù tor l pulman per ruèr jun Busan te stazion per tor la ferata de linia “Frecciargento”. Dant de montèr sul treno la maestres ne à dat fora a vigni un n ciapel bianch co la scrita “Val di Fassa”. L’é stat n muie bel esser duc valives e per chest bel don se cogn ge dir n gran develpai a l’Apt. Te ferata se aon dalbon grignà a contèr sù strambarìes de vigni sort e a pissèr a coche podarà esser chest gran e storica zità. Rué a destinazion l’à tacà a piever ma nos, n muie fortuné, aane n pulman che ne spetèa. Aon sobito cognosciù Pietro, la guida, che ne à spiegà n muie de robes enteressantes su Roma e sia storia. Canche sion rué te alberch sion jic ogneun te noscia cambra e dò aon marenà. Canche aon fenì se aon envià via per jir a vijitèr la Zità del Vatican e co la cufies te la ureies

aon vijità ence la Basilica de Sèn Piere. Duc nos se aon fat na gran marevea de scì tanta beleza ti chèdres e te la statues. A la fin de la vijita sion jic de retorn te alberch co la metro. La dì dò sion jic entorn per Roma con “l’open bus”: ne à sapù n muie bel; ence chiò i ne à dat la cufies per scutèr vèlch informazion su la zità, ma nos eraane mìngol massa engaissé per stèr deldut ascorc a chel che vegnìa dit. Famé desche louves sion jic te n fast food a marena. Domesdì sion jic a vijitèr la Roma Baroca e sion resté n muie imprescioné da la Fontèna de Trevi olache aon petà ite ence na moneida. L terzo dì sion jic a veder l Quirinale, Montecitorio, Palazzo Madama, l Campidoglio e tinùltima l Colosseo. Entorn mesdì sion jic a magnèr te n restorant e dò aer saludà la guida sion monté te ferata e sion ponté demez per vegnir de retorn a cèsa. Nos bec volon ge dir n gran develpai a la trei maestres: Annarita, Daniela e Silvia per chesta bela esperienza. I bec de la quintes de Poza e Vich

I bec de la quintes de Poza e Vich dedant al Colosseo. www.lauscdiladins.com

27


Fascia

nr. 21 / 31 de mei 2013

A conzert col guant... “da sera” La Mùsega Auta Fascia l’à dat proa de braùra te sie conzert d’aisciuda, olache la marcaténderes... se n’à pissà n’autra

Conzert d’Aisciuda de la Musega da Vich L musegant Ivan Pederiva de Vigile ne conta coche la é jita con l’event che verc ofizialmenter la sajon di conzerc, un di più sentui percheche tegnù dedant a la jent da Vich

La Mùsega Auta Fascia à tegnù n bel conzert d’Aisciuda sot la direzion del Maester Paolo Rasom.

Folclor - En domenia ai 26 de mé, con n bel program de desvaliva sonèdes, la Mùsega Auta Fascia à deletà la jent te sala neva sora la scola mesènes de Ciampedel. Desche ogne an d’Aisciuda vegn portà dant i neves toch che i museganc à emparà via per dut invern e che enstouta, descheche à ence dit l president Enzo Rovere, i é stac cernui belebon senestres dal maester Paolo Rasom. Maester e President à ence prejentà i neves joegn sonadores che da chest an farà pèrt de l’organich de la Musega Auta Fascia: l’é Alice Deflorian al flaut travers, Serena Bevilacqua e Lisa Rasom al clarinet, Mirko Cavada a la corneta, Andrea Cassan con la possauna e Luigi Riz a la percuscions. Desche ogne an al publich no ge vegn portà dant demò musega, ma ence devertiment, e chest an a mez conzert la Mùsega Auta Fascia à ence compagnà i Schuhplattler de Ciampedel te un de si bai, l Tiroler Holzhackerbuam. N bel moment che, descheche à dit Claudia Conta, à moscià na verscion mìngol “romantica” di Schuhplattler. Sorafora la batudes ampò l’é stat na bela ocajion de fradaa anter i doi gropes. Apede a chest la marcaténderes à envià la jent a tor pèrt regolèda col guant da zacan, che ge à dat color al conzert e fosc ge à fat vegnir gola a zachèi de l tor cà più de spes. La marcaténderes ne conta più avisa de chesta neva idea e de sia motivazions Co éla che ve aede pissà de

envièr i fascegn a se trèr ite l guant? La marcaténderes: “L’é stat na idea de Claudia, ma dapò dutes ge aon metù del nosc acioche la scomenzadiva garate. L’idea l’é de engolardir i fascegn a se trèr ite l guant no demò per i ghesć, ma ence per se enstesc, per l gust de se trèr ite l guant più bel che i à per na ocajion emportanta desche na noza, n cedean, na festa de familia o n conzert.” Co aede fat a envièr la jent? “Per se fèr cognoscer de più aon fat n profil sun facebook e n program de ciàcoles sun usanzes e tradizions sun Radio Studio Record, con l sostegn del Comun General. Dapodò aon dit fora per radio che envion la jent a vegnir col guant a scutèr nosc conzert e tinùltima ge aon ence telefonà a vèlch persona che saon che l’à l guant a la envièr.” Èl garatà dut chest reclam? “A la dir duta no la é fenida chiò, ajache saon che la jent se tegn béleche de mèl a se trèr ite l guant, desche se ge domanassane de jir intorn nuc e nudenc; i à tema de esser soi col guant... percheche la persones aldidanché é mìngol feides. Per chest, apede a nos e dotrei fémenes di Schuhplattler, ogneuna de nos aea l’encèria de se meter d’acort con na fémena e ge fèr la vestizion e vegnir con ela al conzert... coscì siane segures che amàncol na ventina de fémenes fossa states col guant. Sessaben che fèr na vestizion, soraldut chela de la fémenes, l’é semper n bel

moment che resta e no se desmentia tant sorì... nos jon co la speranza che anter cheles entervegnudes al conzert vèlch una ciape gaissa e domane de poder vegnir e se trèr ite l guant amò”. Co éla jita chesta vestizion, aede jà abù vèlch feedback, coche se disc anché? “Claudia l’à dit che siane dutes beles e a post e ne sà che la jent al conzert abie vardà e aprijià e che ence duta la eles col guant se abie godù. No se aon amò troà per fèr l pont de la situazion, ma vedaron se dut cant l’à garatà, se amàncol dotrei de eles vegn amò”. En cont de l’ejit siede contentes? “Na, se assane spetà che più jent se tire ite l guant l’era na zopa de jent te sala che aessa podù jir a se l tor cà, omegn e fémenes che l guant i l’à te cèsa”. No pissède che l’é vèlch che à da madurèr col temp e che chest podessa esser n prum vèrech? “Ei, l’é vera, saon ence che se trèr ite l guant per n conzert, desche se fossa n guant “da sera” no l’é vèlch che zacan se usèa fèr, ma demò percheche no se jia nió da sera. Chesta l’é na idea neva per durèr l guant te n’autra maniera, per l durèr de più. Nos pisson che sibie ence nosc dover chierir ocajions per se l trèr ite. Zacan se jia “a la fascèna” te gejia ogne domenia a messa, percheche l’era cheles la ocajions de festa, ma anchecondì fossa zomp se cognassane pissèr de l durèr demò per jir a messa. Saon duc coche l’é mudà la maniera de entener la religion, la fe e l jir te gejia. Canche l’é da jir co la mùsega a festa religiouses, sessaben che sion ence nos, ma no pel esser l soul moment per se trèr ite l guant, descheche no pel esser l soul moment chel de na festa de folclor desche la Granfesta. Che sozédel se na dì i no la met più a jir? Vèl a fenir ence duta la usanza del guant?”

Ivan de Vigile, a man cencia, con i amisc de la Musega da Vich te n moment de legreza a l’Oktoberfest.

Musega - Ohi, ohi! No cardee che fosse coscì senester ciapar endò l lapisc te man e scomenzar a scriver, se sà ben, l’é n pez che no me dae più jù con chest bel passatemp, ma sta outa é bele cognù, perché l’é stat desvalive persone che me à domanà: “Co éla che no se lec più nia de ti articui su La Usc?” E donca, de che rejonone...? Musega da Vich... Conzert d’Aisciuda.... ve dijel valch? Dassen coscita, cari amisc, en sabeda ai 18 aon tegnù n bel conzert sa Vich, l fossa stat endrezà per ge dar l benvegnù a l’Aisciuda, ma colassù, en aut, i mana jù dededut, fora che l soreie, Sèn Piere vel ne tegnir bie fresć! Via pura, te senta de Comun l’era dassen n bel tempram ciaut e con i colores vives di guanc di museganc se podea amàncol respirar aria de bona sajon. Nosc maester Alessandro Ghetta l’à tirà ca n repertorie de sonade dassen rich, algegher e ence senester, ma, con dute le proe che aon fat fora per l’invern (...no sion mia jic proprio a dute...) sion rué belebon enjigné a chest prum conzert che l’é un di più sentui percheche l vegn fat dedant a noscia jent! Per noi museganc l’é, estra che sodesfazion, ence devertiment poder sonar cianzon che, endana l’esecuzion, le te fasc viver daìte n

moment de libertà e magari desmentiar momenc o fac senestres che se troa tel percors de la vita. La musega per noi l’é ence chel, n jech leà tel temp, per se destacar da dut chel che l’é la “vita de corsa” da duc i dis! Conzert d’Aisciuda, apontin, con sonade desche “Adieu Bohème”, “In the winter of 1730”, “Ein halbes Jahrhundert Polka”, “Mars der Medici”, che fasc viajar le note ti cheres de noscia jent e ge trasmet la forza, l’union e la gaissa de nosc grop, coscì san e semper adum! Ah, che bela serada! No se aon sparagnà... se sà ben, de passa 60 museganc... da zeche ora cardee che nosc Fonjo l ge aesse menà tant da aer parà ite la pel del tamburle! Amisc, speron che se ne aede scutà, ve assade ence godù! Scì, l’é vera... zachei me à dit che la senta de Comun la é massa pìcola per far conzert... e i à rejon... speron che chi che cognessa ge peisse dassen dalvers, percheche se no cognon jir a sonar sun Mandra da le Feide sot Vael per aer lèrga n auter an!! Ve salude duc, soraldut noscia flautista Valentina Trottner, che ge aee emprometù de scriver e se sta outa no l fajee... na pìcola cridada me la sentìe de segur... A n’autra più bela! Ivan Pederiva de Pino de Vigìle

Speron, emben, che se aessa da esser, per enlouta voscia scomenzadives aesse ciapà pé anter la jent. Stajé ben. La femenes se à metù l guant da fascèna per tor pèrt al conzert.

28

www.lauscdiladins.com

Na marcaténdera

La jent tol semper part de n muie al Conzert d’Aisciuda de la Musega da Vich.


Fascia

nr. 21 / 31 de mei 2013

Na bela raida al museo di prejepies “Maranatha” I bec del Laboratorie e de l’Anffas, de gra a la Picola Solidarietà, à podù fèr na bela raida a Lutago

I joegn de l’Anffas e del laboratorie sozièl à podù se passèr na bela giornèda con sia families de gra a la desponibilità di volontadives.

Solidarietà - En lunesc ai 20 de mé l’é stat dalbon na bela giornèda: sion jic a Lutago te la Val Aurina

a vijitèr l museo di prejepies “Maranatha”. I ne à dat n bel benvegnù e dapò sion jic a veder

l museo che l’era dalbon enteressant; chiò aon podù veder i prejepies tradizionèi tiroleres, la

veiora natività orientèla e la raprejentazion de l’èrt moderna. Ence l temp l’à tegnù. Dò la vijita

sion jic a veder la faceres de legn zipièdes e dapò a magnèr te na “stube” tradizionèla: l magnèr era n muie bon e soraldut l’era na bela compagnìa, se aon godù e aon balà duc ensema. Via per l domesdì sion jic a Bornech per na raida e n bel giacin! Chesta “raides d’aisciuda” les fajon oramai da vèlch an, l’é doventà n apuntament emportant per nos percheche les ne dèsc l met de veder semper roba neves, ma soraldut l’é na ocajion per stèr ensema a chi de cèsa, a nesc amisc e ai volontères che ne deida via per l’an. Per chest ge tegnon a rengrazièr i amisc de la sociazion “Picola Solidarietà” che ne à sport chesta bela giornèda e per dut chel che i fèsc per nos! N bel develpai ence a duc i amisc e i volontères che ne à compagnà e che ne stèsc semper apede. I bec del Laboratorie e de l’Anffas

Chi él pa? Soluzion del retrat su La Usc nr 20 del 2013 L retrat publicà su l’ùltima Usc di Ladins ne era stat portà da Carla Pederiva de Fronz e, descheche aane scrit, l’era stat fat en ocajion de n pelegrinaje de jent da Soraga forin Baissiston presciapech del ’65. A ne dèr la resposta, apede a Carla, l’é stat Lino Soraperra Medico, Giulia Zulian de Alberto, Antonietta Pederiva in Winterle, Beatrice Rossi del Baila e Rita Brunel de Nando Sul retrat l’é: 1. Enzo Pollam de la Cantoniera; 2. fosc (per Antonietta) Sergio Pederiva de Giacom de Franco; 3. Marco Decrestina de Lucol o (per Beatrice) Fiorenzo Pellegrin; 4. Mauro Decrestina del Bacan; 5. Luigino Braido del Bocia; 6. Elio Pollam de la Cantoniera; 7. Lamberto Brunel de Gnel; 8. Agostino de Tone de Veronica; 9. Tarcisio Decrestina de

43

Giovanni da Palua; 10. Remo Zulian de Tone dal Sester; 11. Giorgio Zulian de Zerilo (postin); 12. Tullio Pederiva de Fronz (per Giulia e Rita) o Andrea Pederiva de Gino de Fronz (per Carla); 13. Teresa Pellegrin de Zepelin; 14. Tullia Rovisi del Peli; 15. Giuliana Pederiva de Tone de Veronica; 16. Giovanna Zulian de Nane; 17. Maria Grazia de Tone de Veronica; 18. Veronica Decrestina de Giovanni da Palua; 19. Mario Zulian de Nando de Much; 20. Mario Pederiva de Fronz; 21. Vigilio Rovisi del Peli; 22. don Alfredo Pederiva de Genio de Fronz o (per Carla) Alberto Pederiva de Gigio de Fronz; 23. Franco Pederiva de Giacom de Franco; 24. Rita Rossi del Baila; 25. Rita Zulian dal Sester de Lino de Śino; 26. Margherita Zulian de Lilo o (per Carla) Silvana del Bonora; 27. Antonia de Narciso Franceschi “de Mongo”; 28. Flora

Decrestina de Mario de Lucol; 29. Lucia Zulian de Tone dal Sester; 30. Alessandro Pederiva de Tone de Veronica; 31. Tone Zulian dal Sester; 32. Tone Pederiva de Veronica; 33. Alma Brunel, femena de Tone de Veronica; 34. Maria Zulian de Lilo; 35. Maria Pederiva de Anselmo in Rovisi; 36: Rita Pederiva de Anselmo; 37. Bepina Brunel de Preja in Pederiva; 38. Carla Pederiva de Micelin de Fronz; 39. Giovanni Pederiva de Pap; 40. don Arnaldo Rizzoli; 41. Rinaldo Depozza de Checo; 42. Veronica Rossi del Baila; 43. Ilario Pederiva de la Romana; 44. Gigio Pederiva de Fronz; 45. don Tarcisio Pederiva de Genio de Fronz; 46. Giuseppe Bepi Giuliani de Carlo Faure; 47. (per Giulia) Giorgio Zulian del Lilo; 48. Bepina Cloca in Brunel de la Riza; 49. Rita Pederiva de Fronz; 50. Rosa Zulian dal Sester; 51. Catina Zulian del Lilo o (per Carla)

69 68 67 73 71 53 54 66 50 51 64 48 46 74 72 61 60 65 63 62 75

76

41

47 39

49

40

36

33

34

35

57

55

52

76

38 37

58

70

45

42

Lilo; 73. Carleto Rossi del Baila; 74. Giulio Decrestina da Palua; 75. Giovanni Zulian da la Cina (per Rita Mario Decrestina de Lucol); 76. (om) Angelo Pellegrin de Luzio; 76. (veia) Paolina Zulian in Rossi del Lote. Ge sporjon n bel develpai a duc chi che ne deida a meter ensema vèlch toch de noscia storia, e chest’outa ve meton dant n retrat de femenes che vegn da Cianacei. Ve preon de ne dèr voscia resposta te redazion, ence per telefon o fax al 0462.764545 o per mail a la direzion: lausc@ ladinsdefascia.it. al più tèrt per en mèrtesc sera. Ve recordon che chi che ne dèsc la resposta giusta o troa fora amàncol la maor pèrt de la jent sul retrat i ciapa en don n liber o n CD de musega, sporc da l’Union di Ladins de Fascia.

59 56

44

Narciso Franceschi, pinaiter; 52. Nicolò Degasper Leto de Śino; 53. Gigia Degasper de Śino; 54. Barbola Pederiva de Veronica; 55. Giulia Zulian de Nane; 56. Marieta de Gotart da Vich femena del 31; 57. Catina Degasper postina; 58. Padre Felize Zulian; 59. Eletta Zulian dal Sester; 60. Dolfina Rizzoli sor de don Arnaldo; 61. Romana Zulian in Pederiva de Batisti; 62. Catinota Degasper de Tousc (per Beatrice Bruno Pellegrin de Zach); 63. Lena Pederiva de Micelin de Fronz; 64. Nenola Decrestina in Zulian; 65. Marcella Gabrielli in Pollam; 66. (per Giulia) Giulio del Bonora o (per Beatrice) Carleto Pollam de Cin; 67. Lena femena de Tita Pederiva de Batistoun; 68. Giulia Pellegrin de Luzio in Bonora; 69. Michele Pederiva de Micelin de Fronz; 70. Francesco Pederiva “l Lin”; 71. (per Beatrice) Giulio Decrestina; 72. Giorgio Zulian del

31

32

3

27

25

4

1

26 29

28

30

2

24

23 10 18

22 20

21

1

17

16

14

19

15

11

13 12

2

3

4

5

6

9

7 8

www.lauscdiladins.com

29


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

nr. 21 / 31 de mei 2013

L Cunsëi de Pluania de Urtijëi y l Ann dla fede L Papa Benedët XVI ova bele l ann passà de utober detlarà l ann dla fede 2012-2013. A Urtijëi iel sun chëla unì metù a jì na lingia de manifestazions particuleres, “cun l fin de sensiblisé dantaldut la generazions jëunes de viers dla fede” Pluania Urtijëi - L Cunsëi de Pluania de Urtijëi à, do la detlarazion dl Papa, fat ora de mëter a jì n valguna manifestazions particuleres per chëst ann dla fede, che va avisa dai 11 de utober dl 2012 nchin ai 24 de nuvëmber dl 2013. Sn. Digan Vijo Pitscheider: “Al Papa ti stàl a cuer la evangelisazion nueva, minà de tré ite for deplù dantaldut la generazions nueves.”

che chësta sinoda descëide tla populazion dla diozeja mpue’ de nteres per la religion, per l crëidum tl terzo milené.” Leo Moroder va ite tla cuestion plu “politica”, sce n possa dì nscila, defendan l Vëscul Muser, ajache “l ie pu propi ël che ne se damanda nia mé che la sinoda vënie a s’l dé, ma nce che duc feje pea, cun si prupostes y ideies y minonghes. L Vëscul scuterà dessegur su duc, tres l lëur di truep organns che se cruzierà ti doi ani de ti cialé ala prupostes unides ite dala basa, les dajan inant, per ruvé pona duc deberieda a dezijions che posse purté zeche de nuef, per purté inant la dlieja.”

Pelegrinasc a Roma y sun Resciesa La prima manifestazion ie stata l pelegrinasc dl Cunsëi de Pluania de Urtijëi ala fin de fauré a Roma, sun la fòsses di apostuli Piere y Paul. Te chëla ucajion à la grupa de Urtijëi nce abù l mesun de saludé l Papa Benedët che se n jiva dal Vatican ora de viers de Castel Gandolfo, n pension. N auter pelegrinasc manco dalonc ma cun na gran partezipazion de duc i cunsëies de pluania dl decanat de Gherdëina, iel stat sa la Capela de Resciesa, cun n domesdì de meditazion y descuscion per duc i cumëmbri di cunsëies, n sada ai 25 de mei. Sn. Vijo stlarësc de cieche l ie unì rujenà: “Coche cristians ons l duvier de recunëscer i sënies dl tëmp, che se muda, de cialé de ntënder coche la va cun l nseniamënt dla parola de Die y pona de mëter su programs de ativiteies de chësc viers.”

Sëires de adurazion per duc Coche auza ora l presidënt dl Cunsëi de Pluania de Urtijëi, Leo Moroder, iel per de juni bele prugramà plu sëires de adurazion, uni vënderdi de juni dala ot ala diesc da sëira, te dlieja de Urtijëi. Moroder: “Chësta adurazions ti dà l mesun a chiche à nteres de se tò dl’aurela per jì per n pitl mumënt te dlieja.” Sn. Vijo: “L mëns de juni ie dedicà al Sacro Cuer de Gejù y al sacramënt dl’eucaristia, che ie

“Cunedì, liturgia y caritas”

Sn. Digan Vijo Pitscheider y l presidënt dl Cunsëi de Pluania Leo Moroder.

l santiscimo sacramënt dl autere.” Coche dì, sambën che dut va ite tla tradizion cristiana, ma l’ëures de adurazion ie nce n mesun, da coche dij Sn. Vijo y Leo Moroder, de jì ite te dlieja, de se nuzé de chësta ucajion per paussé, minà spiritualmëter, de se dé ju cun sé nstësc, cun la dlieja, cun la parola de Die y pona nce cuncretamënter cun la vita de dlieja dla cumenanza de Urtijëi. L ie tlo da dì che la dlieja resta davierta doi ëura, ma che uniun possa jì y sté coche y tan giut che l uel ntan chësta sëires.

Gran festival di jëuni de setëmber D’autonn saràl pona l gran festival di jëuni de duta Gherdëina, cun mujiga purteda dant da cores y grupes de jëuni. Oradechël saràl na lingia de berstotes, uniuna cun n’autra tematica. L pensier plu sot ie de ne resté nia mé tla strutura strënta dla dlieja, sce n possa dì nscila, ma de tré ite duta la realtà dla vita, duta la pertes sozieles, manieres de pensé y de viver, per ti dé, n ucajion dl festival, n mesun de ancunteda y de reflescion ai jëuni, da for incà nteressei y sensibli ala gran dumandes dl mond, nce te si pitl. La

manifestazion sarà ai 27 de setëmber, tla scola elementera de Urtijëi. Duta la manifestazions che unirà metudes a jì unirà sambën mo cunedides plu avisa sun la plata de pluania.

Proiet de ert N bel y gran proiet ie chël dl’ert, metù a jì dal Cunsëi de Pluania de Urtijëi. “Ëi à udù y à cherdù! Coche i uedli dl cuer vëija Gejù de Nazareth.” L unirà metù a jì na mostra da mez nuvëmber inant. L cunsëi de Pluania à nvià i artisć de Gherdëina, la scoles de uni livel de Urtijëi, à fé pea cun na scultura, na pitura, n dessëni o na poejia, da dé ju nchin ai 11 de nuvëmber te Cësa de Cultura Luis Trenker. Chiche ne ëssa mo nia udù l regulamënt dla scumenciadiva possa cialé tla plata internet dla pluania de Urtijëi w w w. pluaniaurtijei.it o cherdé su te C a l o n i a . S n . Vi j o : “ L a manifestazion ie penseda coche nvit a fé na reflescion coche uniun de nëus vëija la persona y la vita de Gejù de Nazareth. Nëus on suvënz la paroles, chësta scumenciadiva ti dá lerch nce ala rafigurazion plastica, al’ert vijiva,

trajan ite la criatività de duta la jënt de nosta valeda!”

La sinoda te Südtirol L Cunsëi de Pluania de Urtijëi se dà bele da n pez incà nce ju cun l nvit dl Vëscul Ivo Muser a purté dant ideies, cuestions y dumandes per la sinoda diozejana che scumëncia ai 30 de nuvëmber de chëst ann, per jì inant nchin ai 8 de dezëmber dl 2015. L’ultima sinoda fova tlo da nëus stata ti ani dal 1970 nchin al 1973. “La sinoda ie n’ucajion ulache duta la pluanies y duta la lies y grupes de pluania y sambën nce la jënt possa purté dant cieche la se mbincia che l unissa tenì cont y sce n cajo mudà tl’urganisazion, tla mpustazion, tla maniera de pensé y de fé, tla pastorela che ie la cura dl’anes y tla strutures dla dlieja. I tëmps muda, la jënt muda, y nscila muessa nce la vita dla dlieja s’adaté ala sensibltà nueva dla jënt,” dij Sn. Vijo, che se aspieta dala sinoda “n vënt frësch, che uel dì tò demez l stuep dla tradizions, lascian sambën la bones ma mudan o tulan y tres chëles che à abù si tëmp, per ti lascé lerch a formes religëuses liturgiches che respuend deplù ala dumanda spirituela dla jënt.”

Sinoda y l Vëscul Ivo Muser Feje na cunscidrazion mpue’ critica, mpue’ provocatoria, che cun l Vëscul Muser iel nce l pricul de na sort de reazion, cun la sinoda che pudëssa unì meneda da sëurajù, per sotrissé mo n iede strutures y pensieres stares dla dlieja, che ne va nia cun i tëmps y che ne n’ie nia aldò de chël che la jënt uel. Sn. Digan: “Ie spere

Pelegrinasc sun Resciesa cun i cunsëies de pluania de Gherdëina.

30

www.lauscdiladins.com

Chisc ie i trëi slogan che Sn. Vijo auza ora, “l ie trëi ciamps che la va de renuvé.” Cun cunedì miena Sn. Digan la maniera y i cuntenuc dla catechesa, dl nseniamënt dla parola de Die y dla religion n generel; liturgia toca dantaldut i sacramënc, te si simbologia y tla paroles; la caritas resta na fundamënta dla dlieja, l ie l savëi da ti jì permez al bujën dla jënt, materiel ma dantaldut spirtuel.

Divorziei ala cumenion? Dumanda: “Saràl pa pona, cun la sinoda, povester mudamënc n con’ dla cumenion y chëi che ie despartii y divorziei, o nce tla pista, o ne possa pa tlo na cumenanza strënta coche chëla de Südtirol ne avëi nia da n dì?” Sn. Vijo rata tlo che “l Vëscul à la forza de pudëi tò dezijions che reverda chisc sacramënc te nosta diozeja. Tla dlieja ne vëniel de regula nia mudà da sëurajù, ma ala basa, cun la furmazion de ideies y de cunvinzions, che va inant coche petizion al Vëscul y pona nce al Papa.” Chël uel dì che l sarà prupostes, nce sce l ne unirà nia dat pro che n posse jì ala cumenion, sce n ie despartì; ma scumencé a jì dl drë’ viers, chël pòssen, rata Sn. Digan: “Uni persona à nce si cuscienza y si cuscienza à la majera autorità, coche bele laite tl Segondo Vaticanum.” Nsciuma, da coche n vëija, l Cunsëi de Pluania mët a jì manifestazions d’uni sort, via per l ann, a Urtijëi y nce de valuta per dut Südtirol, manifestazions che ne dëssa nia mé resté forma, ma che dëssa judé a purté mudamënc. Uderon cieche l sauta ora! David Lardschneider


Gherdëina

nr. 21 / 31 de mei 2013

„L fova ai 13 de mei dl 1963“ Ntlëuta fova l Cor di Ëi “Raetia” de Urtijëi unì metù su. N sada y n dumënia iel stat la festa di cincant’ani, cun l cunzert y la santa mëssa cianteda Lies - Mujiga ie zeche de sot, mujiga ie persunalità, mujiga ie cuer y ana. Mé n doi pensieres che me univa a ti cialé ala bela cumpëida de ëi, berbesc che te ancontes suvënz un tlo y un iló, via per l di. Śën duc sun palch, per ti jì do a si pascion, ala pascion per la mujiga, per l cianté. La persona ie deplù che no si semea; chisc berbesc, duc cun na cërta età, cun lizënza, giata si vester plu sot tla mujiga, esprescion de cultura y de identità de uniun y dla tradizion dla cumenanza. Y tlo toma nce l’età, i berbesc ne n’ie nia „mé“ plu berbesc, ma mutons, jëuni, che se lascia tumé ite tla bela notes. N iede cun l salut dla ciantia per gherdëina, pona cun la doi cianties „Abendfrieden“ de Franz Schubert y „Der Alpensohn“ de Karl Fittig, sot ala bachëta de si dirighënt Claudio Kerschbaumer,

che mët ite truep pathos per tré ora l miec da si ciantarins. L presidënt Wilfried Math saluda la bela cumpëida de jënt che ie unida adalerch, ma nce l’autoriteies, Sn. Digan Vijo Pitscheider, l ambolt Ewald Moroder y l’assessëura per la cultura Lara Moroder, l assessëur provinziel Florian Mussner y espunënc dla istituzions di cores. L cunzert tla Cësa de Cultura de Urtijëi va inant cun na ciantia deberieda cun l Cor di Ëi de Sëuc, l „Psalm 23“ de Franz Schubert, cumpaniei da Astrid Amico cun l tlavier. Meludies che va a urëdla y a cuer, fajan unì su de biei lecorc, ie la cianties dl Cor de Sëuc: „Griechischer Wein“ de Udo Jürgens, i Golden Evergreens „Zauber der Erinnerung“, y „Steppenfeuer“, na ciantia populera russa. L Cor de Sëuc

L Cor di Ëi Raetia y l Cor di Ëi de Sëuc. Tres la sëira à menà cun savëi Sabine Piazza, drët da catif cun si bel diendl.

cianta sot ala bachëta de Toni Schgaguler, l presidënt ie Helmuth Zwerger. Bel iel pona nce a scuté su l Cor di Jëuni de S. Cristina, che cianta „Baba Yetu“ de Christopher Tin, „La Mujiga“ de

Elisabeth Demetz, la ciantia tradiziunela dl Sudafrica „Shozoloza“ y „I will rise“ tl aranjamënt de Craig Countney. Doi fredesc ie i respunsabli dl Cor, l dirighënt Martin Runggaldier y

l presidënt Matthias Runggaldier. l Cor di Ëi Raetia à pona ciantà, ce bel!, la ciantia ladina che ie é l plu gën, „L ie nuet“ de Stefan Demetz y „Chanson d’amour“ de Wayne Shanklin. L cunzert fina via cun l „Radetzky Marsch“ purtà dant deberieda dal Cor di Ëi Raetia y dal Cor di Ëi de Sëuc, cumpaniei da Astrid Amico. N dumënia ai 26 de mei à l Cor di Ëi Raetia ciantà te dlieja de Urtijëi la “Pitla Orgelsolomesse” de Joseph Haydn. Do mëssa ie duc i ciantarins da dant y l’autoriteies unic nviei a n aperitif tla Cësa de Cultura, n mumënt de cumpania y de aurela curta, ma nce na ucajion per se lecurdé di truep biei mumënc passei deberieda, y dantaldut per dì: „Dut l bon per i cincant’ani, Cor di Ëi Raetia. Ad multos annos!“

L Cor di Ëi Raetia n ucajion dl cunzert de iubileum.

David Lardschneider

Autoriteies pra l cunzert.

La storia dl Cor Per l’ucajion dl iubileum di cincant’ani à L Cor di Ëi Raetia de Urtijëi dat ora na bela brosciura. Repurton tla USC mpue’ de storia y n valgun dac y inuemes ora de chësc bel liber Cincant’ani de mujiga y cumpania L Cor di Ëi Raetia de Urtijëi ie unì metù su ai 18 de mei dl ann 1963. Ntlëuta cumpedòvel 32 ciantarins. L Cor nuef ne se ova nia mé tëut dant de cianté te dlieja, ma nce pra festes, y de purté dantaldut l cianté ladin ora dla valeda de Gherdëina. L prim dirighënt ie stat Johann Moroder dl Mëune, che ie stat a cë dl cor nchin al ann 1997, ora che vel’ curta sostituzions danterite, y l à sapù da l mené drët bën.

Cianties de dlieja, tlassiches y populeres L cor cianta pec populeres, de dlieja y dla tlassica tla rujenedes tudëscia, ladina, taliana y nglëija y l se à fat n drë’ bon inuem nce oradecà. Da auzé ora iel cunzerc d’Avënt a Minca, la partezipazion pra cuncorsc a Praga y Barcelona, truep cunzerc ti Paejes Tudësc,

tl’Austria y tla Talia, sciche per ejëmpl tla catedrela de San Piere tl Vatican. L cianté dl cor ie n arichimënt dla vita culturela dl luech y dla valeda. L vën ciantà mësses, mësses da mort, nozes y pra festes tradiziuneles sciche per i destudafuech, i scizeri, Segra Sacun, funzions de mei, mëssa sun Resciesa, sëires de folclor, Unissant, Rorate, n Nadel y n. i. .

Dirighënc dl Cor di Ëi Johann Moroder dirighënt dal 1963 al 1986 y dal 1993 al 1997. Gotthard Malsiner dirighënt dal 1987 al 1988. Bernhard Senoner dirighënt dal 1988 al 1990. Stefan Demetz dirighënt dal 1991 al 1993. Peppi Huber dirighënt dal 1997 al 2011. Claudio Kerschbaumer dirighënt dal 2011 inant.

Presidënc dl Cor di Ëi Walter Purger presidënt dal

1963 al 1966. Guido Moroder Presidënt dal 1967 al 1972. Karl Pescosta presidënt dal 1973 al 1978. Ludwig Prinoth presidënt dal 1979 al 1982 y dal 1987 al 1988. Peter Moroder presidënt dal 1983 al 1986. Leo Kasslatter presidënt dal 1989 al 1999. Thomas Demetz presidënt dal 1999 al 2011. Wilfried Math presidënt dal setëmber 2011 inant.

Ciantarins dl Cor di Ëi „Raetia“ che ie śën leprò Ferdinand Keller (1. bas), Bruno Insam (1. tenor), Silvester Goller (1. tenor), Alberto Costanzi (2. tenor), Peter Moroder (1. tenor), Renato Vettoretti (2. bas), Wilfried Math (1. tenor), David Demez (1. bas), Claudio Kerschbaumer (dirighënt), Leo Kasslatter (2. bas), Walter Runggaldier (1. bas), Florian Schrott (2. bas), Johann Vallazza (1. bas), Florian Goller (2. bas), Bernhard Senoner (2. bas) Lorenz Demetz (2. tenor), Stefan Demetz (2. tenor), Angelo Colcuc (1. tenor), Georg Demetz (2. bas),

Leander Bernardi (1. bas), Hanz Runggaldier (2. bas), Thomas Demetz (1. bas) y Herbert Senoner (2. tenor).

Ciantarins che à ciantà pea dal 1963 ncà I ciantarins ie tlo cumpedei su aldò dl alfabet: Bernardi Ivo d’Alësc, Bernardi Josef d’Alësc, Bernardi Peter d’Alësc, Bernardi Thaddäus d’Alësc, Bernardi Ulrich d’Alësc, Comploi Heinz da Tiscion, Comploi Walter da Tiscion, Demetz Paul de Sulé, Demetz Stefan de Sulé, Dellago Walter dala Sëlva, Dellago Tobias dala Sëlva, Enrich Walter, Goller August, Grüner Walter, Gufler Rinaldo, Huber Peppi, Insam Ludwig de Laurënz, Kostner Edelbert da Stlejuc, Kostner Günther dl Sartëur, Kostner Herbert da Stlejuc, Kostner Hugo da Stlejuc, Kostner Peter da Stlejuc, Kostner Richard da Stlejuc, Kostner Rudi Funtanela, Kostner Siegfried da Pinëi, Kostner Ulrich da Stleju, Losavio Marco, Lucchi

Renato, Moroder Filip de Doss, Moroder Guido dl Tannenheim, Moroder Hans de Resciesa, Moroder Johann dl Mëune, Moroder Richard dl Mëune, Moroder Robert de Levigi, Mussner Erich dl Schneider, Mussner Raimund dl Schneider, Mussner Zeno dl Schneider, Perathoner Adolf d’Ancion, Perathoner Hans dl Mondschein, Perathoner Josef da Lip, Pescosta Karl de Marianna, Piccolruaz Gebhard de Naz, Pitscheider Herbert de Menza, Prinoth Fedi da Brida, Prinoth Ludwig da Brida, Rella Giorgio, Rifesser Arnold da Pertan, Rifesser Friedl da Pertan, Rifesser Viktor da Stufan, Runggaldier Adolf da Janon, Runggaldier Cristl da Janon, Runggaldier Konrad dl Pizer, Runggaldier Otto da Passua, Senoner Alexander, Senoner Peppi da Luca, Senoner Sigi da Puent, Solderer Elias, Solderer Werner, Vettoretti Renato, Vinatzer Luis dl Sartëur, Vinatzer Thomas dl Sartëur.

www.lauscdiladins.com

31


Gherdëina

nr. 21 / 31 de mei 2013

Francesca Demetz crësc tla ert

Na vita duta en rima L liber de poejies scrites da anda Babi da Nudrëi, dat ora dala Union di Ladins de Gherdëina, ie unì prejentà n vënderdi dan otodì tla Cësa di Ladins a Urtijëi y n mierculdi domesdì te Sëlva tla ”stua di seniores”

N vënderdi dan otodì iel stat tla sënta dla Lia Mostra d’Ert a Urtijëi: la giaurida dla mostra “In divenire” dl’artista Francesca Demetz de Sëlva

cun vel’ blòta rima. Babi conta te si poejies de d’uni sort de avenimënc de si vita y chël for n rima, nsci che l titul dla publicazion nueva ”Na vita duta n rima” ie propi tucà. Tla poejies de anda Babi da Nudrëi lùnel tres l amor per la natura y l ncësa, l tacamënt ala familia y la tradizion religëusa de nosta jënt, ma la dà nce da ntënder che tla piculëzes de chësc mond se scuendel de gran legrëzes.

Na poejia per uni ucajion Babi da Nudrëi ti conta ala jënt unida ala prejentazion de si pascion per la poejies.

Publicazions - Bele da pitla insù ova la pitla Babi n gran nteres per la stories y l liejer. Chësta si pascion àla arpà da si lava che ti cuntova suvënz stories y lijova tan gën. Nia ngërt canche l ti capitova n liber danter la mans, s’la scapulòvela per jì a se l liejer a scundon, nce sce po’ se giapòvela la craunies ajache la ne n’ova nia judà a fé i stroc. Te scola, canche la maestra dajova su da scrì velch fova Babi sambën drët lezitënta y mpleniva n valguna plates cun si scric, tant che nchinamei la maestra ti ova dit n iede che la ne dëssa pu no scrì tan truep che l ti tol scenó tan lëur a cialé tres dut cant. Chisc mé n valguni di lecorc y dla ntraunides che anda Babi da Nudëi à auzà ora pra la prejentazion de si liber, canche l ti unì damandà da ulache vën si legrëza per l scrì.

la à oradechël nce bele scrit doi libri n prosa, un dal titul ”Sa Bula Zacan” unit ora tl 1997 y che ne n’ie al didancuei purtruep nia plu da giapé, y l auter ”Mi lecurdanzes” dl 2002, tramedoi dac ora dala Union di Ladins de Gherdëina.

Cun la poejies pòssen se lascé ora A scrì poejies, nsci dijova anda Babi n chëla sëira, àla scumencià perdrët permò do la mort de si uem canche la fova resteda sëula, ajache nce i mutons fova bele granc y jiva do si streda. ”Canche te es zeche che te druca, vel’ mueia o festide, pona iel la miecia se lascé ora a scrì”, nsci anda Babi, ”chël me à judà dassënn à lascé ju n gran pëis y a supurté dut plu saurì”, ma nce la legrëzes ie beles da fermé sun papier

Tl liber de poejies iel unì publicà na cerduda de 103 poejies, spartides su te ot capituli aldò dl argumënt, y acumpaniedes da n valguna fotografies che passenea leprò. Dla cuordinazion dla publicazion, data ora dala Union di Ladins de Gherdëina, se à cruzià Milva Mussner, Stefan Kasslatter à fat la mpaginazion y nce chëi de familia cun la muta Silvia, l mut Herbert y la jëndra Petra à judà pea. La sëira de prejentazion n vënderdi ai 24 de mei tla biblioteca dla Cësa di Ladins a Urtijëi ie stata na pitla festa drët plajëula cun i doi nepoc che à sunà n valgun pec cun l’armonica y l tlarinet y n à abù la ucajion de na pitla cërcia dla poejes, ulache nce anda Babi nstëssa à liet dant una dla poejies che ti stajova l plu a cuer y che à inuem ”L pitl luech da Bula” n lecort a chël luech ulache la ie chersciuda su. L liber ”Na vita duta en rima” giàpen da cumpré tla Cësa di Ladins a Urtijëi al priesc de 10 euro.

Doi publicazions de lecorc da plu da giut Scrit àla for gën y saurì, poejies per festes o zënza vel’ ucajions, stories da plu da giut per l Calënder de Gherdëina, per la Usc di Ladins,

Babi Pitschieler da Nudrëi „Son nasciuda ai 20 de mei dl 1928 sun Rone sa Bula, la segonda de 12 mutons. Bele da pitla me savòvel tan bel a scuté su l’ava cuntan stories da zacan. Canche é abù finà mi ani de scola sons jita a servì: Urtijëi, Bulsan, Novara, Florënza, dlonch éi urtà dessegur de bon patrons, ma mi pensier fova mi ncësa. Y do truep pensé me n sons inò data ëuta te Gherdëina. L fova na gran mudazion te chisc ani. Ove giapà la stiera da cuega tla scolina tla streda Roma; de chëi ani me lecordi gën. L ann 1956 éi maridà Giuani da Nudrëi y son ruveda sun Ch’l Piz a Urtijëi. É na muta nasciuda tl 1957, n mut dl 1959 y l plu jëunn dl 1965. Ntlëuta fòvel mo n vedl nëine pra nëus, ove pa mé da fé. Son da 25 ani incà vëidua y é cin’ nepoc. L tëmp ie passà sciche n usc a l giaurì y a l stlù.“

www.lauscdiladins.com

Ert - Do l salut dl presidënt dla Lia Mostra d’Ert Tobia Moroder à Francesca Demetz tëut la parola: „La tematica de mi pitures ie la fotografies che vën dal plu sot de mi dedite tla situazions plu desferëntes. La persones che ie ntëur mé via y che fej pert dla vita da uni di ie fundamenteles per crì ora i sujets. Ne sé mei danora cieche depenjeré, al cuntrer, mëte sun la tëila l mumënt che ie bele reél, miec dit chël che vëije. L se trata dla cosses da uni di, nce dla mies. La persones reprejentedes à te duta mi pitures cumpurtamënc desferënc y fej nce pert de ambienc d'uni sort coche la spiagia, la scines, n vagon dla ferata, n marcià … Cie les lieia pa pona una al’autra? Nia l medemo muvimënt, ma la medema maniera “de fé”, che depënd dai pitli o gran mumënc dla vita y che porta pro a n cër’ cumpurtamënt.“ La mostra de Demetz ie mo da udëi nchin ai 7 de juni, 10.00 - 12.00 y 16.30 19.00. De lunesc resta la mostra stluta. Francesca Demetz, muta de Arnold de Lina de Sëlva y de Renata Caravaggi, sor de Alain,

Alessandra y David, à fat la scoles de ublianza te Sëlva y pona la Scola d’Ert a Urtijëi. Da dedò iela jita a fé l’“Academia di Belle Arti a Verona“. Ntant se òvela maridà cun Stefano Finadri de Castiglione; i à doi mutons, Leonardo y Nicola. Do i ani a cësa, ulache la ie stata mami a tëmp plën, à Demetz inò tëut su i studies, finei via cun la tesi de laurea, unereda cun 110 y lauda y monce l bos academich. Te si tesi de laurea àla auzà ora che l ne n’ie deguna crisa de cualità, tl ziplé de Gherdëina, fajan i ejëmpli di artisć Aron Demetz, Gehard Demetz, Peter Demetz, Walter Moroder, Gregor Prugger, Willy Veginer y Bruno Walpoth. Trueps de chisc fova nce prejënc pra la giaurida tla Lia Mostra d’Ert n vënderdi dl’ena passeda. Francesca Demetz rejona de na „Scola de Gherdëina“, che à „si fundamënta nce sun na furmazion de scola deberieda tla scoles d’ert dla valeda. Pur cun si ndividualism ie duc i artisć tachei adum da na sensibltà y perzezion deberieda de viers dla cuntemporanità.“

I nepoc de anda Babi, Katia y Elias, à sunà per l’ucajion.

Babi da Nudrëi cun Milva Mussner y Stefan Kasslatter presidënt dla ULG.

32

L presidënt dla Lia Mostra d’Ert Tobia Moroder cun l’artista de Sëlva Francesca Demetz n ucajion dla giaurida dla mostra de Demetz.

N valgun lëures de Francesca Demetz.

David Lardschneider


Gherdëina

nr. 21 / 31 de mei 2013

Gherdëina ie ezelënza mundiela tl sport N vënderdi dan otodì iel stat a Urtijëi la gran Festa dl Sport de duta Gherdëina, ulache l ie unì unerà na lingia de atlec y atletes che se à fat unëur a livel naziunel y nternaziunel

La foto de grupa dl’atletes y di atlec unerei, deberieda cun l’autoriteies.

Sport - L’aministrazions di Chemuns de Gherdëina y dla Frazions ladines de Ciastel à nce chëst ann metù a jì na festa dl sport a livel de valeda per duc i sportifs, tla gran sala dla Cësa de Cultura a Urtijëi. Do la santa mëssa cun Sn. Vijo iel stat na desmustrazion scialdi nteressanta de judo, y pona la festa pra chëla che l ie unì numinà y unerà i sportifs de nosta valeda che se à fat de gran meric y à purtà de bon resultac te si disciplines sportives a livel naziunel y nternaziunel. Duta la lies sportives cun si cumëmbri y cunsëi, duc i sportifs y duta la sportives, i atlec y l’atletes cun si alenadëures y acumpaniadëures y la families di sportifs fova nviedes ala Festa dl Sport. Prejënc sambën y assessëures per l sport Milva Mussner, Robert Ploner y Wolfgang Wanker y Patrick Bergmeister per Ciastel, y

i ambolc Peter Mussner, Eugen Hofer y Ewald Moroder. Danterite à Luca Langgartner ciantà y sunà de biei pec. Pra na tel manifestazion tómel mo deplù tl uedl,

positivamënter, tan de atlec y atletes che on, y de ce livel! Nia mel! David Lardschneider

Sn. Vijo à dit mëssa, Christina Demetz à liet dant, Luca Langgartner à sunà.

N diplom dat ora pra la festa: te chësc cajo a Michela Ponza; la mans ie, per la cronica, de si pere Luigi.

I unerei Schi Club Gherdëina Armin Bauer saut y cumbinazion nordica Sëlva, Evelyn Insam saut Sëlva, Lara Malsiner saut Urtijëi, Elena Runggaldier saut S. Cristina, Manuela Malsiner saut Urtijëi, Alex Insam saut Sëlva, Samuel Costa cumbinazion nordica Sëlva, Nicol Delago schi alpin Sëlva, Verena Stuffer schi alpin S. Cristina, Max Malsiner schi alpin S. Cristina, Fredi Demez schi alpin Urtijëi, Ellis Pellizzari schi alpin Sëlva, David Hofer pudejé S. Cristina, Irene Lardschneider biathlon Sëlva, Nathalie Wiedenhofer biathlon Sëlva, Carmen Runggaldier biathlon S. Cristina, Maikol Demetz biathlon S. Cristina,

Michela Ponza biathlon S. Cristina, Silvia Bertagna freeride Ciastel, Sophia Insam freeride S. Cristina, Andreas Bacher freeride Sëlva, Ralph Welponer freeride Urtijëi.

Motoslita Peter Senoner S. Cristina.

Hockey Club Gherdëina Miran Holzknecht Urtijëi, Martin Rabanser Urtijëi, Simon Pit schieler Cia stel, Alex Lambacher Sëlva, Diego Kostner Ciastel, Lukas Piazza Urtijëi, Daniel Costa Urtijëi, Mark Demetz Sëlva.

ASV Broomball Gherdëina Daniel Barbana Sëlva, Christian Bauer S. Cristina, Hannes Bauer S. Cristina, Jonas Insam S. Cristina, Werner Insam S. Cristina,Othmar Mauroner Urtijëi, Klaus Insam S. Cristina, Werner Kostner S. Cristina, Renzo Perathoner S. Cristina, Reiner Vigl Sëlva, Alexander Comploi Sëlva, Oswald Ploner Sëlva, Elias Höller S. Cristina, Alois Höller S. Cristina, Matteo Kasslatter S. Cristina, Nikolaus Rabanser S. Cristina.

Lia Schach Gherdëina Ruben Bernardi Urtijëi. ASK Gherdëina Michael Piccolruaz S. Cristina, Filip Schenk S. Cristina.

Ntan la festa dl sport iel nce stat na bela ejibizion de judo.

Eis Club Gherdëina Carolina Kostner Urtijëi.

Nce na delegazion dl FC Gherdëina ie unida adalerch. www.lauscdiladins.com

33


Sport

nr. 21 / 31 de mei 2013

Campions... zacan!! L Fascia Balon, co na bela venta contra l Telve, l’à vent l campionat de Pruma Categorìa e l se à vadagnà l’azess a la Promozion segures, conzentré e co la giusta gaissa per portèr a cèsa chel gran resultat che ence l muion de jent che l’era su la tribunes del Cotura se spetèa. A meter l pont de esclamazion a l’aventura de alenadores e jiadores ladins, l’é stat Patrizio “Pat” Cigolla che con n gol per temp à dat l via a la festa.

L’endesfida de Luciano Cigolla

I campions sion nos!! L’entusiasm e la legreza del Fascia Balon per se aer vadagnà l’azess a la Promozion. (fotos de Alice Russolo)

Balon 1^ cat. - “Sion nos sion nos, i campions de la Pruma sion nos! Sion nos sion nos i campions de la Pruma sion noooos!” L’é stat chesta la ciantia più ciantèda e che duc volea ciantèr en domenia passèda, ai 26 de mé, sul ciamp Cotura de Vich e te la strèdes de Poza e Vich. L Fascia Balon à vent l campionat de Pruma Categorìa e l se à coscì vadagnà l met de jièr l’an che vegn tel campionat de Promozion. Soula squadra de la valèdes ladines che jiarà te chesta categorìa. Dal 1978, an de fondazion de la sozietà ladina, n’outa demò l Fascia l’era stat bon de ruèr tant en

su, apontin del 1995, ma enlouta la promozion la era ruèda aldò del secondo post tel campionat. Enstouta, descheche nesciugn aea fat te la istoria del Fascia Balon, la formazion del President Walter Ghetta à vent l campionat. E l l’à vent con merit, aldò de na sajon scombatuda enscin a l’ùltim menut e se lascian tedò squadres de nonzech e aversaries de valor desche Fiem e Piné. Chesta venta l’é l giust premie a n grop che encomai da desvalives egn ruèa regolarmenter ti prumes posć mencian de pech l prum, e che à portà te Fascia doi

Copes de la Provinzia. N recognosciment soraldut a chi che da diesc e passa egn à tirà l caret ence canche no dut jìa per l vers giust e che mai à molà. N paament per l gran lurier de duta la sozietà Fascia Balon, dal prum a l’ùltim. Se à cognù spetèr i ùltimes nonanta menuc per fèr festa e no l’é stat segur na partida sorida. Seence i valsuganoc del Telve no aea più nia da ge domanèr a chesta sajon, giustamenter no i é rué te Fascia demò per na raida e à proà te duc i versc a mudèr l’ensomech di fascegn te n strassomech. Deluca e compagnes se à però desmostrà

Gran legreza, braciacoi e gran emozions per duc, e per tegnir fe a na emprometuda, zachei se à ence cognù bater jù duc i ciavei. Un de chisc l’é stat mister Luciano Cigolla e proprio a el ge aon domanà de ne contèr coche l’à vivù chest an e chest l’é chel che l ne à dit: “Canche de jugn del 2012 i me à domanà de tor sù endò l’encèria de alenador, é cognù dassen ge pissèr n muie, ajache acà 3 egn n’aee jà passà 5 dessema a chest grop e, enceben che sie stat egn riches de sodesfazions tant sportives che umanes, no ere segur che na supa sciudèda aessa portà fruc. Aboncont la endesfida de venjer l campionat l’à abù la soramessa ence sul dubie de poder fèr zeche de più de dut l bon jà portà dant dal mister Lorenzo Giuliani. L scomenz zenza Bonani che aea lascià ló e Punz che l’era scalificà per più che n meis, donca zenza mesa linea de defendura, no

l’é stat sorì, ma aane entenù che chest podea esser n campionat de gran equilibrie enscin a la fin. Ampò dò doi setemènes neigres de otober, co la desfata co l’ùltima en classifica e mie fal di 4 cambies contra l’Aquila, 6 ventes una dò l’autra ne à fat ruèr a serèr sù dant de l’invern a un soul pont da la pruma. L giron de outa sessaben per nos l’é semper senester e chest an l temp no à didà nience mìngol: neif, freit e amò neif. A outes a corer apede i jiadores someèa de veder vèlch pinguin. Purampò no se aon petà jù, la squadra aea n gran potenzial e l’é ruà ence l gran didament di “fies lingera” Luca Trottner e Mauri Bonani. Metan da na man la partida perduda malamenter contra l Povo e chela no meritèda col Piné, l’é stat na longia progrescion envers l zil che duc volaane arjonjer. Voi rengrazièr duc chi che ne é stac apede, soraldut i jiadores, ence chi che à jià de manco ma che à fat grop, la sozietà con a cef l president, mie amich e prezious colaborador Teo, i dirigenc Angelo, Bruno e Roberto barbier, i massajadores Emilio, Matteo e Valentina. Bensegur n gran detelpai ence a noscia families che ne à tegnù sù e spent canche fajaane fadìa. Telpai a duc per aer arjont ensema chest beliscim zil che restarà semper te nesc cheres e te nesc recorc.” Cristoforo Debertol

Desvalives momenc de la partida, co la premiazion, capitan Cristoforo Debertol che auza en aut la Copa, la legreza de Pat Cigolla e la “rasèda” del Mister Luciano Cigolla. (fotos de Alice Russolo)

Cater bedaies ”uphill” per i atlec ladins N dumënia a Naturns se tratòvela de chi che deventova campions provinziei de furné suvier cun la roda da mont Roda da mont - Na bela gran fadia fòvel n dumënia ai 26 de mei per i atlec dla roda, che ova da se museré te na garejeda ”uphill”, praticamënter mé de furné suvier, da Naturns nchin su sun la Zetenalm. I atlec ova da fé 12,7 km cun n deslivel de 1210 metri, la mesaria dla pendënza fova de 9,5% y ulache l fova l plu ërt ruvòven nchinamei a 16% de pendënza. Te chësta garejeda se batova i

34

www.lauscdiladins.com

atlec per l titul da campion provinziel ”uphill” y tl medemo tëmp fòvel la cuarta garejeda dl campiunat provinziel Südtirolcup. L miëur tëmp dl di ie unì fat dal atlet de cësa Oswald Weisenhorn che cun n tëmp de 51.14 ova tres su da se bater contra l jëunn Michael Spögler (52.01), che ie ruvà segondo, ma ie deventà campion provinziel uphill pra i juniores. Daniel Jung (53.21), che ova venciù l ann passà, ova da s’la

fé ora per l terzo post tl sprint finel cun Thomas Piazza de Urtijëi (53.22), che à messù ti zeder la bedaia y l post sun l podest mé per un n secunt. Thomas Piazza ie oradechël deventà vizecampion provinziel uphill tla categuria Master 3 propi do l campion dl di Weisenhorn. Tla categuria Open ie Andrea Borgogno, che sta y lëura te Gherdëina, deventà campion provinziel uphill cun n tëmp de

54.27 y ie 8. tla tlassifica generela. Vizecampion te chësta categuria ie l fascian Dario Steinacher che cun 55.52 ie 9. tla tlassifica generela. Pona udons mo al 26. post Michael Irsara cun 1.01.46 y 5. tla categuria Master 2. Sun l podest di juniores ie ruvà Alex Bauer sciche 3. cun n tëmp de 1.02.27, che ie 25. de duc adum. Ludwig Insam ie cun n tëmp de 1.05.40 ruvà 5. pra i Master 5+ y 41. de duc tla garejeda de Naturns.

Andrea Borgogno.


Sport

nr. 21 / 31 de mei 2013

Tan snela ne vara nia

I trëi punć gareta impò ćiamò

Le Rina ne se lascia nia ciapè sot tan atira y arjunj na devënta de gran valüta cuntra le Falzes

Te chësta aisciöda n’â la scuadra da La Val arjunt ćina ćiamò degüna devënta. Chësc s’à śëgn mudé, cun i trëi punć arjunć te ćiasa cuntra Valdaura

Tlassifica 2a categoria, grup C

Hanspeter Rungger à śoghé i ultims menüć.

Palê Rina/2.cat. - Tla penultima partida dla sajun â le Rina da s’la śoghe cuntra Falzes. Bele damperfora savô i śogadus che ai messâ davagné, zënza foss la scuadra bele stada cun na iama y mesa tla terza categoria. Insciö é i śogadus jüs te ćiamp cun gran motivaziun y crëta te se instësc. Dal mëteman é la partida stada dër valia, cun le Rina che à albü val’ poscibilitês implü. Danter le 20^ y le 30^ menüt à spo intrames les scuadres albü les maius ocajiuns: impröma él Andreas Ferdigg che fala na gran ocajiun, canche al é su a püć metri dal portier, mo le palê röia fora. Spo él Thomas Huber che atoca de će na

1) Albeins, 21 partides, 45 punć 2) Raiscia, 21 partides, 41 p. 3) Tast./Valspe., 21 part., 37 p. 4) Steinhaus, 21 partides, 37 p. 5) Türesc, 21 partides, 32 p. 6) San Laurënz, 21 part., 31 p. 7) Wiesen, 21 partides, 29 p. 8) Falzes, 21 partides, 24 p. 9) Dietenheim, 21 part., 22 p. 10) Val Badia, 21 part., 22 p. 11) Rina, 21 partides, 20 p. 12) Aicha, 21 partides, 3 p. puniziun y la sciüra de n sofl dlungia porta ia. Al 26^ menüt él l’aversar Demetz che ciafa le palê t’area ladina. Süa trata da buna posiziun fala jö le travert. N menüt dedô él Pescollderungg dl Falzes che s’la fej avarëi da na pert jö, mo inće süa trata dër ćiantonala va dlungia porta ia. Do n bun tê tratan la palsa, vëgn les scuadres indô te ćiamp y bele al 48^ él le Rina che se porta en vantaje. Na fascia de Facchini despassa döta l’area y la cogora se ciafa le tru cuntra Andreas Ferdigg, che ne pordona en chësc iade nia y toca sigü por le 1 a 0. Do le gol él intrames les scuadres che desfanta

ia les aziuns di aversars y de gran ocajiuns da gol ne vëigon nia plü. Ma al 57^ ess indô Andreas Ferdigg la ocajiun da segnè le secundo iade, mo la cogora va dlungia porta ia. Insciö se röia la partida cun na devënta miritada y de gran valüta, che lascia sperè inant da se mantignì te secunda categoria. L’ultima partida sarà n jüch por chi dai nerfs stersc. Le travert dl Rina é chël da bate le San Laurënz, deperpo che Val Badia y Dietenheim s’la fej fora te n confrunt diret ai pîsc dl tlassamënt. Por i fans saràl na domënia domisdé rica de emoziuns. (michael rungger/pablo) Rina - Falzes: 1 - 0 Formaziun dl Rina: 1. Simon Winkler, 2. Alfons Facchini, 3. Jordan Tavella, 4. Daniel Ferdigg (dal 54^ Filip Ploner), 5. Thomas Huber, 6. Lorenz Rungger - capitan, 7. Paul Pisching, 8. Georg Craffonara (dal 80^ Hanspeter Rungger), 9. David Huber, 10. Andreas Ferdigg (dal 90^ Mutschlechner, 11. Christian Ferdigg. Alenadù: Wolfgang Crepaz. Gol por le Rina: Andreas Ferdigg (al 48^) Proscima partida: en domënia ai 2 de jügn dales 16.00, te ćiasa cuntra San Laurënz.

Palê La Val/3.cat. - Tl’ultima partida śogada te ćiasa él inće gnü la pröma devënta tl rode da d’aisciöda por la scuadra da La Val. La scuadra modificada por gauja de deplü assënzes à mostrè na buna prestaziun, dantadöt la defenjiun n’à lascè pro degünes ocajiuns da gol por la scuadra pustra. La partida mët man cun la scuadra da La Val che fej druch, mo al ne gareta degünes ocajiuns da gol ater co sön n valgünes trates da dalunc. Dan la mesora garêtel spo le gol: Elmar passa inant a Alexander, che antizipëia i defensurs y fej n bel palonët sura le portier fora. Ćiamò tl pröm tëmp

La Val - Valdaura: 1 - 0 Formaziun da La Val: 1. Merch Vallazza, 2. Elmar Valentin, 3. Alex Alton - capitan, 4. Paolo Vallazza, 5. Marco Castlunger, 6. Franzi Verginer, 7. Stefan Sottara, 8. Egon Frenes, 9. Adrian Miribung (dal 80^ Werner Sottara), 10. Lukas Valentini (dal 30^ David Moling), 11. Alexander Miribung. Alenadù: Elmar Steinhauser. Gol por La Val: Alexander Miribung (al 26^). Proscima partida: en domënia ai 2 de jügn dales 16.00, sön le ćiamp sintetich da Prettau, cuntra Prettau.

Döt é ćiamò poscibil Rodunt n arbiter che le Mareo â refodè por scrit é gnü a sciuré la partida tan importanta cuntra le Gsiesertal. Y bel avisa: n gol anulè ai maroi, y dui goi é garatà plü co fora dl tëmp regolamentar. Mo la speranza é ćiamò via

Daniel Tamers.

Palê Mareo - Inće sce la partida da en domënia é jüda pordüda, é na picia speranza da rové al secundo post ćiamò via. Sambëgn é a chësc punt na devënta dl Mareo cuntra Raas le su resultat poscibil por podëi ćiamò sperè. Impormò sce an davagnarà la partida podaràn damanè do le resultat dl Niederdorf ia en Lijun. Sce le Niederdorf davagnarà, sarài ëi secundi, sce ai parejëia, se śogarà le Mareo na partida de dezijiun cuntra de ëi por se fà fora le secundo post, y sce le Niederdorf ess da perde, spo sarà le Mareo al secundo post. Tan scëmpli é i cunć y tan rî él impò por la scuadra ladina da rové al secundo post, deache desche la

storia insëgna, é les scuadres ladines arbandonades a se instësses, desche vigne derby ladin śoghé ala mort insëgna, deperpo che le Gsiesertal perd stranamënter te ćiasa cuntra le Niederdorf y śoga cuntra le Mareo cun na cativeria y determinaziun fora dl normal, scemia che ai é bele campiuns dl campionat y à na finala de copa ćiamò da śoghé. Por che i cunć vais sambëgn sö inće por chi da Balsan, ti él gnü assegnè a chësta partida dër importanta n arbiter ”nemich” di ladins - Ivan Oberhauser - che le Mareo à da d’altonn ghiré por scrit da ne ciafè nia plü. Ćina en domënia àn albü la pêsc, mo pornanche ara podess indô ester tan inant che na scuadra ladina podess arjunje n bel plazamënt, vëgnel stranamënter Tlassifica 3a categoria, grup C 1) Gsiesertal, 19 partides, 48 p. 2) Niederdorf, 19 part., 40 p. 3) Mareo, 19 partides, 38 p. 4) Lijun, 19 partides, 32 p. 5) Raas, 19 partides, 28 p. 6) Valdaora, 20 partides, 25 p. 7) La Val, 19 partides, 23 p. 8) Mühlwald, 19 partides, 19 p. 9) Gais, 19 partides, 19 p. 10) Percha, 19 partides, 13 p. 11) Prettau, 19 partides, 8 p.

manacel da garatè le secundo gol, cun na bela trata de Adrian, che vëgn deviada cun la piza di dëić dal portier. Tl secundo tëmp prô la scuadra da Valdaura da recuperé le gol de svantaje y i śogadus da La Val prô da se fà prigorusc sön aziuns de cuntrapé, mo ai n’é nia bugn da anuzè indertöra les ocajiuns. La maiù ocajiun à Werner ala fin dla partida: do avëi fat na bela triangolaziun cun Stefan röiel su dan le portier, che é bun da evité le gol cun na gran parada. Le resultat ne se müda nia plü y la scuadra da La Val concuistëia trëi punć mirità. (sc)

indô assegnè Oberhauser a sciuré la partida. Chësc é chël arbiter che ti à n iade dit al Mareo tratan na partida de campionat: ”Cun me ne davagnarëise mai na partida”. Insciö éra inće stada en domënia. Sigü n’él nia ma stè mirit dl arbiter - val’ buna cossa à inće le Gsiesertal fat, y val’ gol s’à inće le Mareo sciuré ia. Da dì la verité, ess Marco inće fat n gol (che é sambëgn gnü anulè) y é inće n iade gnü sciuré jö t’area, mo le sciüre dl 11 metri é sambëgn stè fora. Che le Gsiesertal à spo segnè al 95^ sön önescmetri y spo al 97^ sön na beliscima puniziun dal limit, é ma plü details, por che le dessëgn da Balsan ciafass süa forma. (cdp) Gsiesertal - ASC Mareo/ Raiffeisen 2 - 0 Formaziun dl Mareo: 1. Luca Massa, 2. Andrea Mutschlechner, 3. Werner Pedevilla (dal 63^ David Palfrader), 4. Gabriel Frenner (dal 88^ Thomas Castlunger), 5. Walter Pisching, 6. Daniel Tamers (dal 56^ Wilhelm Hochwieser), 7. Walter Kaneider, 8. Elmar Kosta, 9. Marco Mutschlechner - capitan, 10. Robert Mutschlechner, 11. Elmar Feichter. Alenadù: Karlheinz Pedevilla. Proscima partida: en domënia ai 2 de jügn dales 16.00, te ćiasa cuntra Raas.

Alexander Miribung à segné le gol dla partida.

Tlassifica: ćiara sot Mareo.

Gran festa del sport te Piciocaa La sociazions sportives de val se met adum per arvejinèr al sport duc i fascegn L’é n bel moment per l sport de Fascia, olache duta la sociazions se met adum per ge sporjer a la jent l’ocajion de stèr adum te mez a la natura, veder e proèr sorts ence n muie desferentes de atività sportiva. Dut pea via per endrez del Fan Club Sabo de Stefano Gross, che ensema con la desvaliva sociazions sportives de val endreza en sabeda la Pruma Festa del Sport con jeghes e atività dut l domesdì. La scomenzadiva é stata pissèda a Pera, te Piciocaa, olache l’é l parch di jeghes e l’Acropark. Per endrez del Ski College vegn endrezà le “slack line” e l Fascia Bike se à dat jù per enjignèr doi percorsc per la

rodes; no menciarà n muie de autra proponetes, dai jeghes col balon endrezé dai volontadives de la sozietà de val che se à giusta vadagnà l’azess en Promozion, a la proes de rampinèda sportiva e enscinamai la nodadoes portèdes da la Dolomitica. La festa perveit ence l moment per l marendel, la messa te gejia de Poza con la benediscion a duta la sociazions sportives de val e dapò te tendon la cena, doi ciacoles con i campions Stefano Gross, Cristian Deville e Chiara Costazza, la loterìa e entrategniment con musega folk. De autra informazions te la piates info de chest sfoi.

Resultać scuadres di jogn dl ACD Val Badia Iuniores: Val Badia - Feldthurns: 0 - 3 Aliefs: Val Badia - Bornech: 3 - 3 Jogn 14 agn: Val Badia - San Iöre B: 0 - 8 Esordiënć: Val Badia B - Val Badia A: 0 - 3

www.lauscdiladins.com

35


Sport

nr. 21 / 31 de mei 2013

N juech ulache n à dat dut

La gran batalia da Aicha

N dumënia à l FC Gherdëina jugà contra i prims te tlassifica, l Stella Azzurra de Bulsan, y l fossa stat bon vëncer per avëi mo la puscibltà de fé pea la partides per jì su de categuria. L FC Gherdëina se à arjumà mpue l juech tl prim, ma ie pona stat bon de se fé inant nsci che la se tratova nchin ala fin

La scuadra de ćiasa à dramè döta la partida cun le consëns dl arbiter. La Val Badia à mantignì i nerfs y s’à portè a ćiasa trëi punć d’or, por l’ultima partida che vel la salvëza

Juech al palé/ 3. cat. grupa B - La costanza dla scuadra de Bulsan fajova propi mprescion, nscila fovi do diesc menuc bele de doi goi danora. L prim fova do la rata n bel gol, ma l segondo fova manco bel y l Gherdëina ne se ova for mo nia descedà ora y ne fova mo nia ruvà ite tl ritm dla partida. Do chindesc menuc se à i jugadëures de Gherdëina finalmënter dat na scasseda y scumenciova a fé al palé sciche l toca. Prësc iel nce garatà l gol per l Gherdëina: Seljvir jiva via n dribbling y passova via mesa la defendura aversera ruvan dan cassa a tré, ma nia. La azion semiova belau fineda canche Stefan Vallazza, che ti fova jit do ala azion, ruvova sun la codla y cun l verdiaporta mo sun fonz àl fat l 2:1. Da śën inant fova la partida dl FC Gherdëina. Mark Vinatzer à fat n chësc di si miëura partida di ultimi mënsc, ne falan tan che degun stop o passeda. L medem vel nce per Aron Kostner, nchin a puech dan la fin canche l tribut de fadia à fat si pert. Dan la fin dl prim tëmp fova Marco Senoner n valgun iedesc ruvà inant da na pert su scialdi aslune, nvian via azions che pudova unì scialdi periculëuses, ma l Gherdëina ne n’ie nia for frëit assé canche la se trata de ruvé ala contlujion. Uni tant univa nce i pecs plu inant, ma massa puech per vester boni de stlù ite l Stella Azzurra de si pert. L prim tëmp finova via nsci sun l 2:1 per l Bulsan. Tl scumenciamënt dl segondo tëmp, do na azion mueta da man ciancia su, à Marco Senoner giapà la codla y l’à trata nia sëch ma bel avisa sun l segondo pel fajan l 2:2. L Gherdëina se udova śën de bela

ucajion ma l resultat ne fova nia plu da mudé. Dut adum pòssen vester cuntënc de coche la scuadra de Gherdëina à jugà chësta partida, ulache duc se à purvà dassënn y l ie da speré che chisc 90 menuc ti sibe de ejëmpl per l daunì. N dumënia ai 2 de juni fajerà l FC Gherdëina si ultima partida de chësc campiunat y avisa dala 4 domesdì a Urtijëi contra l Franzensfeste. (gp) Marco Senoner.

de pudëi vëncer, avan nsci mo la puscibltà de jì ai ”spareggi”. Janpiere Prugger ti dajova na man a Aron y Mark a giapé ca codles che univa trates inant aut o bas y do na codla recupereda se àl udù ora l busc ulache l univa docà Marco, che jiva pona sëul sun cassa. Purtruep ne n’iel nia stat bon de tenì la codla bassa la trajan a mesa autëza y belau mé per miracul ne la à l verdiaporta dl Stella Azzurra nia lasceda ite. Mo na ucajion à l FC Gherdëina abù sun na punizion trata tamez, puech dan l’area, dal capitan Peter Mittermair, ma inò ne ulòvela nia jì ite. L Gherdëina ova śën n drë druch, cun duta la scuadra che jiva. L fova na bela partida da cialé pro cun ucajions da tramedoi pertes. L Stella Azzurra ova ënghe si ucajions da gol, ma Guido fova for iló cun si ntervënc tl drë mumënt. Ma l fova da udëi che la partida ne finova nia via nsci y l destin à ulù che l Gherdëina te si mumënt plu sterch à vel’ melsegurëza, fej n fal defensif cun doi tacajuech de Bulsan che drucova y ie pona stac boni de fé l 3:2. L Gherdëina ova mo vel’ pitla

Stella Azzurra Bulsan - FC Gherdëina 3:2 (2:1) Furmazion: Guido Schmalzl, Raffael Senoner, Achim Frontull, Peter Mittermair, Daniel Vallazza, Janpiere Prugger, Marco Senoner, Mark Vinatzer, Aron Kostner, Stefan Vallazza, Seljvir Nemce. Goi per l Gherdëina: 2:1 Stefan Vallazza al 25’ y 2:2 Marco Senoner al 50’.

Resultac dla scuadres di jëuni dl FC Gherdëina Chisc ie i resultac dla partides jughedes n sada ai 25 de mei: Burnech – Juniores 1:1 Gol: Janpiere Prugger Freienfeld – U13 0:2 Goi: Alex Vinatzer U12 (11) – St. Georgen B 3:1 (1:0) (0:0) (2:0) Goi: Samuel Malsiner (2), Daniel Platzgummer U12 (9) – Aicha 2:1 (0:3) (2:0) (3:0) Goi: Marvin Avesani (3), Mattias Rifesser (2), Matthias Runggatscher Vintl – U10 Zebras 1:2 Goi: Rene Bonato, Thomas Kropfitsch Plose – U10 Leopards 10:0

Or de Melanie Ploner Chinesc mitans y mituns de Badiasport à tut pert ala saltada tla cité da Desproch. Melanie Ploner à davagné te süa categoria Saltè - Al 29ejim ”Innsbrucker Stadtlauf ” da en sabeda ai 25 de mà êl inće na gran scuadra de pici atleć badioć che saltâ amesa i 3000 partezipanć da 48 naziuns. Ai s’à porvè dassënn y à arjunt de bugn resultać. I 15 partezipanć à desmostrè de avëi fat mioramënć en confrunt al ann passè y à ćinamai davagné na medaia d’or. Melanie Ploner à stlüt jö la gara sciöche

miù de süa categoria U-16, arjunjon inće n miù tëmp dla plü asvelta dles jones U-18. Nicolas Ploner é rové al 15ejim post dla categoria U-14 y tosc dedô é rovà al travert Luigi Irsara, Janpaul Pescollderung, Ivan Canins, Alessia Pizzinini, Rocco Ganibegovic. Manuel Oberbacher é saltè cun i U-16 y Jakob Oberbacher cun i U-12. Danter i U-10 é Marc Castlunger

I pici atleć en aziun. La nr. 780 é Giorgia Dalle Grave.

36

www.lauscdiladins.com

stè le plü asvelt dl grup di badioć, rovan al 12ejim post ; do da d’ël é spo rovà Sebastian Davare, Luca Pizzinini, Matteo Di Genova, Giorgia Dalle-Grave y Kathrin Feichter. A Melanie y a döta la s c u adra cong ratula z iuns! (badiasport)

Melanie Ploner sön le scalin plü alt de süa categoria.

A Denis Vittur ”Kaka” ti él jü i ćiavëis roduntassö do che l’arbiter ti à sciuré n önescmetri fora de n bel nia. (Foto: Hannes Sorà)

Palê Val Badia/2. cat. - Al n’é nia stè n bel spetacul da ćiarè pro sciöche la formaziun ladina é gnüda dramada dal Aicha, che é bele conesciü por i dër tröc scualificà tresfora por döt le campionat. Chësta é inće la sora ”erma” por tignì sö o porvè da desfà la Val Badia. Mo la desfarënzia te ćiamp é da odëi, y cun le vantaje asvelt, n’à la scuadra de Adami nia albü tëma dal resultat, che ess inće podü ester tröp plü lerch. Mo le pröm atur te ćiamp é stè l’arbiter Ricci, che à lascè pro döta la partida n te’ jüch violënt. Ël é le pröm che mëss ćiarè dla sanité di śogadus, y ne lascè nia pro na te’ situaziun da dodè. N arbiter che à ćiarè da fà dles dötes por daidé l’Aicha, che é bele tomè jö te 3a categoria. Ala fin éra jüda cun ”i pügns te gofa” da tignì fora döt chësc. Complimënć. Al 3^ menüt él A. Stampfer che tira te porta; le un deviëia sön süa man ciampa la trata, che atoca la pert alta dl pé de porta y röia fora. Do da 6 menüć de jüch él n defensur che deviëia derevers de će cuntra porta, mo le portier ne s’an capësc nia fora y le coran röia sura porta öta fora. Al 8^ de jüch él na gran aziun de Thaler dala man ćiampa jö; al somëna aversars y da jödapé mëtel dan porta n gran palê. Sön chësc röia Felder ala deviaziun asvelta; al tira sön la man dërta dl portier ite por le 0 a 1. Al 16^ ess Felder inće le secundo gol sön le pé, mo la trata da daimprò rebat sön le pé de porta. Al 20^ menüt ti capitëiel inće al Aicha na buna ocajiun, sön na puniziun scincada dan area. Le 8 Orru atoca zentralmënter la stangia de porta. Do da 25 menüć de jüch él n bur’ fal sön le portier dla Val Badia da pert dl 2 Winkler, mo l’arbiter n’amonësc nia. Le ”colm” sozed spo al 34^ menüt: sön na remetüda cun les mans él le önesc P. Rienzner che se lascia tomè dan D. Vittur, zënza degun contat. Le diretur i mostra la ghela a ”Kaka” y conzed n önescmetri. La trata dl furbicio n’é nia dles mius y le portier dla Val Badia deviëia cun le pé ciamp fora de porta, paran insciö bele le secundo önescmetri te döes partides: brau! Al 38^ de jüch tira A. Stampfer n ćiantun bel t’area, olache J. Bernardi s’alza de će y bat te rëi por le 0 a 2. Püć menüć dedô él indô n fal d’intenziun sön le verdaporta

ladin, che à bele le palê tles mans. Gnanca en chësc iade n’à l’aziun conseguënzes por l’atacant aversar. Tan che an mëss odëi sce Julian é bun da śoghé inant cun mè de će. Do da 63 menüć tira le trëi D. Pedevilla cuntra porta da bun vintecinch metri; le coran arsësc püch sot l’incrujada ite, por n gran gol fortuné. Ma trëi menüć plü tert toma le 1 a 3. Pallestrong recuperëia n palê jödapé y le mët amesa porta, olache Matti Stampfer röia bel su ala deviaziun saurida te porta öta. Te deplü ocajiuns él le 1 P. Pedevilla che salva le resultat cun de gran parades. ”La gran batalia” stà śëgn por se rové, mo le su che ne pê nia contënt é l’arbiter, che s’an stüdia na grana. Sön na trata dal ćiantun por la VB él le 6 Heidenberger capitan dl Aicha - che toma dan porta. J. Bernardi se ciafa n pügn tla müsa. L’arbiter che n’à bonamënter odü nia ti mostra atira la cöcena al cinch ladin, dijon che al ti à cacè n pügn tla müsa al ater. Na gran baujia, che ne pësa nia püch por la VB, en previjiun dla partida dezisiva cuntra le Dietenheim. Partida che an mëss davagnè por podëi se ”salvè” atira, zënza le tru lunch dles partides de dezijiun. Düć i fans, amisc y apascionà dl ”ACD” dess gnì à sostegnì la scuadra, y se tó para les sćiarpes, por mëte sö na bela cornisc por nüsc śogadus, che nes à dè chësta aiscöda de beles sodesfaziuns. Y ai nes darà inće l’ultima. (rp) Aicha - Val Badia: 1 - 3 Formaziun dla Val Badia: 1. Julian Moling, 2. David Bernardi, 3. Devis Vittur (dal 61^ Florian Barbolini), 4. Alex Stampfer, 5. Julian Bernardi, 6. Samuel Vittur - capitan, 7. MatthiasThaler, 8. Damian Pallestrong (dal 74^ Armin Erlacher), 9. Alex Felder, 10. Matthias Stampfer (dal 77^ Giuvani Trebo), 11. Alex Elzenbaumer. Alenadù: Paolo Adami. Goi por la Val Badia: Alex Felder (al 8^), Julian Bernardi (al 38^), Matthias Stampfer (al 66^). Proscima partida: en domënia ai 2 de jügn dales 16.00 sön la plaza ”Pradel” a San Martin de Tor, cuntra le Dietenhein/Aufhofen. Tlassifica: ćiara sot Rina.


Informazions y Manifestazions

nr. 21 / 31 de mei 2013

For lezitënc a jì a sauté Trëi garejedes per i Gherdëina Runners ntan la fin dl’ena passeda Zanotti cun 1:06:30 ie ruvà 56. tla categuria 1963-72 y Brigitte Runggaldier se à cun 1:10:20 tlassificà al 5. post tla categuria nasciudes dan l 1 9 6 2 . K a rl G u s t av Mahlknecht che sauta per l club de Sarntal ie cun n tëmp de 1.03.22 ruvà 51. tla categuria 1963-72.

I atlec de Gherdëina che à fat pea pra la garejeda te Passeier. Dancà da m.c. cufei: Mario Falchi, Manuela Perathoner, Daniel Ploner; dovia da m.c. Karl Gustav Mahlknecht, Felix Ploner, Elmar Perathoner y Brigitte Runggaldier. L mancia Hugo Senoner y Stefano Zanotti.

Runners - N sada ai 25 de mei iel stat la 5. edizion dl duathlon da Villanders nchin sal Totenkirchl. Per gauja dla nëif y dl frëit à i urganisadëures messù scurté sibe la trassa per la roda da mont che per chëi che sautova. Piei via iesen dala 10 danmesdì da Villanders cun la roda da mont per ruvé su nchin sal Sambergerhof, iló fòvel pona da baraté la roda da mont cun i ciauzei da sauté per i ultimi 4 km per ruvé su nchin sa la utia Mair in Plun. Tla categuria di ëi che à fat dut da sëui àl venciù Philipp Götsch cun n tëmp finel de 47 menuc y 29 secunc y pra l’ëiles Anna Pircher cun 1:03:32. Pona fòvel nce mo la categuria tla stafeta mescededa, chël uel dì n ël y n’ëila, tlo àl venciù Andrea Borgogno cun la roda y Manuela Perathoner di Gherdëina Runners Cassa Raiffeisen de Ciastel a sauté cun n tëmp finel de 57 menuc y 44 secunc. Andrea à abù 29 menuc y 37 secunc y ie ruvà coche cuarto a baraté, y Manuela à abù 28 menuc y 7 secunc per ruvé nchin tl travert. L ”Andreas Hofer Volkslauf” te Passeier fova

l’autra garejeda de n sada 25 de mei. Tlo pudòven se crì ora sce fé la raida curta de 4,3 km o chëla plu longia de 13,1 km cun n deslivel de za. 135 metri. Piei via iesen a St. Martin in Passeier dala 5 domesdì. Sautei sun la raida longia ie 218 atlec y atletes. Rudi Brunner, che ova bele venciù l ann passà ie nce stat bon de vëncer la cuinta edizion cun n tëmp de 44:40 menuc y à nsci nce metù su si record persunel. Pra l’ëiles àl venciù l’atleta de Laas Petra Pircher cun n tëmp de 55:25 menuc. Di atlec di Gherdëina Runners ie Daniel Ploner stat l plu asvelt, cun n tëmp de 52:03 iel ruvà al 11. post tla categuria di nasciui danter l 1963 y 1972. Hugo Senoner ie ruvà 3. tla categuria nasciui dan l 1962 cun n tëmp de 52:05. Mario Falchi se à cun 53:18 tlassificà al 15. post tla categuria 1963-72 y te chësta categuria ie Felix Ploner ruvà 33. cun 57:40. Elmar Perathoner cun 59:06 ie 11. tla categuria di nasciui dan l 1962, Manuela Perathoner se à cun 1:02:30 plazà al 8. post dla categuria nasciudes danter l 1963-72, Stefano

Da sauté da mont su fòvel tl’ultima garejeda de chësc fin dl’ena. N dumënia ai 26 de mei iel unì garejà per la cuarta tapa di ”Südtiroler Bergläufe” da Branzoll nchin a Aldein, cun na lunghëza de 6,5 km y n deslivel de 1000 metri. Nce pra chësta garejeda fova i fredesc Rungger, cun Hannes y Renate Rungger, nia da bater. Hannes à venciù nce chësta garejeda cun n tëmp de 37 menuc y 52 secunc, do che l n ova bele venciù doves de chësta garejedes, la prima a Vellau y la terza sun la Mendula. Segondo ie ruvà Daniele De Colo cun 38:50 y terzo ie Cesare Maestri cun 39:58. Georg Piazza di Gherdëina Runners se à tlassificà al 6. post cun n tëmp de 41 menuc y 25 secunc. Renate Rungger à pra l’ëiles abù 42 menuc y 31 secunc, batan nscila nce l record dla trassa pra l’ëiles. (mp)

Avisc Udiënzes dla Uniun di Ostis La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. Ofize dla Zentrala di Consumadus a Picolin

L’ofize é da ciafè tla sënta dl Raiun Sozial, tla terza alzada, y é davert vigni 2. y 4. jöbia dl mëis. Telefonn: 0474/524517. Incuntada por porsones che socodësc familiars a ćiasa En mertesc ai 4 de jügn dales 15.00 él tla sënta dl Raiun Sozial Val Badia a Picolin la proscima incuntada por porsones che fej le guern a ćiasa a familiars amarà y/o che ćiara de mëdes y berbesc. Informaziuns ciafëise al numer 0474/524513. Düć é dër bëgnodüs y po gnì pormez te vigni momënt. Ćiamena dal guant a Picolin Le Grup de Ćiamena dal guant i recorda ala jënt la poscibilité da dè jö y jì a se chirì fora guant. La ćiamena é daverta vigni jöbia domisdé, dales 14.00 ales 16.00, tla vedla Ćiasa de Palsa a Picolin. Volontars por portè fora les marënes sön rodes

Le Raiun Sozial Val Badia chir volontares o volontars che portes fora les marënes sön rodes por i paîsc da San Martin y Antermëia. Al é plü poscibilitês: o adorè l’auto dl raiun, o cun l’auto privat, che vëgn assigurè. Les spëises di km vëgn inće retüdes. Por informaziuns plü menüdes: 0474/524513. La grupa Helios chier zachei che sona la bateria

Son na grupa de jëuni che cianta y sona dantaldut mësses y nozes te dlieja, ma nce cunzerc y da vel’ festa. Al mumënt sons 9 ciantarines y 4 sunadëures. Sones’a gën y ësses’a ueia de fé pert de nosta grupa? Pona scrìnes na e-mail a Singgruppe.helios@yahoo.it, sun Facebook (Singgruppe Helios) o chèrdënes su, Irene 334/1476121. Se ncunferton bele śën a te cunëscer. Festival dla jonëza a Curvea

Per l “Festival dla Jonëza dla valedes ladines” ai 15 y 16 de juni a Curvea, uniràl metù a jì per la sada na curiera che pierà via da Gherdëina dala 16.00 da Urtijëi demez. La iscrizions vën tëutes su dala Nëus Jëuni Gherdëina, 0471/799006. Indunada dles Lies da Munt Joniles La Lia da Munt Val Badia lascia al savëi che la domënia ai 9 de jügn 2013 vëgnel metü a jì l’indunada regionala de dötes les Lies da Munt Joniles söla Plose. Por informaziuns prëibel cherdè sö Verena al numer de telefonn 338 3399409. Con FassaLux n istà per i joegn

La sociazion FassaLux, en colaborazion coi Comuns de Fascia, endreza per chest istà “Fate lèrga Gust de la lum” na scomenzadiva outa ai bec de II e III de la scola mesèna e de I e II de la scola auta. Iscrizions dant dai 15 de jugn. Per info jir sul sit www. fassalux.it. Neves oraries biblioteca de Vich

La biblioteca de Vich fèsc a saer che la restarà serèda dai 3 ai 17 de jugn, canche la verjarà con orarie 15.00-19.00. Dal 1° de messèl enscin ai 7 de setember enveze vegnarà metù en doura l’orarie da d’istà: dal lunesc al vender 10.30-12.30 e 15.00-19.00, serà de sabeda e la festes.

Sport Turnier de beachvolley por scolars dles scores altes

Georg Piazza. (foto: runningbz.it)

Referac Dejintossié le corp cun erbes

Le KVW da Calfosch mët da jì incö vëndres al 31 de mà dales 16.00 n domisdé cun Gottfried Hochgruber, te Ćiasa dles Uniuns a Calfosch. Le referënt baiarà dla ”importanza da se dejintossié cun erbes che crësc da d’aisciöda dan porta de ćiasa”. Alatamënt y alimentaziun di pici mituns

Le Zënter Families Ergobando lascia alsavëi che pro la incuntada dl mercui ai 5 de jügn dales 10.00, baiarà les consulëntes sön l’argomënt dla alimentaziun tl pröm ann de vita (der Beginn der Beikost). Düć é dër bel invià. Informaziuns pro Fiorella al 339/6950036 o ala e-mail: ergobando@virgilio.it Les ês aldédaincö

Al vëgn metü da jì n referat dal titul ”Die Biene in der Gegenwart” cun le zidlaês Ulrich Mayr, incö vëndres al 31 de mà dales 20.00 a Toblach tl zënter cultural, en doman sabeda al 1. de jügn dales 20.00 tl zëner Trayah a Bornech. Al gnarà baié de sanć sagns, prighi por les ês, dla scomparida de chisc tiers lezitënć y dles perspetives. Entrada: spënora lëdia. Mîć y liëndes dl bosch, dal’ert greca ai moderns

Sot a chësc titul inviëia le Consëi Cultural tl Comun de Badia a n referat cun la dr.a Danila Serafini, en vëndres ai 7 de jügn dales 20.00, te biblioteca a Badia.

Le turnier vëgn organisé dala US La Ila y é por düć i jogn y les jognes dai 14 ai 20 agn. Al vëgn tignì en doman sabeda al 1. de jügn dales 10.00 danmisdé inant, tl ćiamp da beachvolley a San Ćiascian. Iscriziuns anter incö vëndres al 31 de mà dales 17.00, al nr. 347/0842309. Informaziuns inće sot a www.uslaila.it Garejeda dla rodes tres la Dolomites

N dumënia ai 9 de juni saràl la cuarta edizion dla garejeda cun la roda “Granfondo Val Gardena.“ I atlec dala roda pierà via a Urtijëi, pra l Zënter dal Tennis a Runcadic, dala 9.00 nchin la 9.30. L sarà da fé 111,5 chilometri cun n deslivel de 3.318 metri. L ufize per se scrì ite ala garejeda ie a Urtijëi tl Zënter dal Tennis de Runcadic. Plu nfurmazions giapëis sot a www.grodenmarathon.com o www.bikeandmore.it Segondo turnoi nternaziunel de schach

Server 24 Chess Festival – Trofeo “ad Gredine.” Per l segondo ann ndolauter uniràl pità dai 1. nchin ai 9 de juni Schach da livel nternaziunel te Cësa de Cultura a Urtijëi uni di dala 15.00 inant y l’ultimo di bele dala 9.30.. L ie unì nvià 11 Gran Maestri y 9 Maestri Nternaziunei. L ne mancerà nce no vel’ bon jugadëur de nosta provinzia y vel’ un de Gherdëina. www.server24chess.com Festa del sport

L Fan Club Stefano Gross endreza en sabeda 1 de jugn a Pera la Pruma Festa del Sport con la sociazions de Fascia. Da les 13.00 a les 17.30 te Piciocaa sarà jeghes e ativitèdes sportives. Da les 16.00 l “Nutella party”, da les 18.00 te gejia de Poza la messa e dò te tendon la cena, doi ciacoles con Stefano Gross, Cristian Deville e Chiara Costazza, loterìa e musega.

www.lauscdiladins.com

37


Informazions y Manifestazions ♦ Sié y restelè n rogn aldédaincö La Jonëza da Paur de Badia inviëia deboriada cun la ”Bergbauernberatung” a n domisdé olache an podarà odëi dötes les novitês en cunt de mascînns da sié y restelè sön tëmples ërtes. An s’incunta la sabeda ai 8 de jügn dales 13.00 inant, sön i prà dl Ustì a San Linert

nr. 21 / 31 de mei 2013

Iadi, jites y escursions Spazierada tla Valsugana cun l’UML La Uniun Maestri Ladins inviëia en sabeda, ai 8 de jügn, da jì tla Valsugana a fà na spazierada söl tru ”Arte Sella” (le cört). An pëia ia dales 7.00 a Corvara (botëga Kostner), 7.05 La Ila, 7.10 Pedraces, 7.20 Pidrô, 7.25 Picolin, 7.35 Longega, S’anunzié anter i 28 de mà pro Patrizia Dorigo al 339/2871019 o Heidi Flatscher al 335/7875564. Iade cultural tla Svizera cun la Uniun Maestri Ladins

Le laûr da paur ê cis dandaìa cotan sfadius. Sié, restelè, condüt le fëgn tles majuns: döt messâ gnì fat a man, y al orô porchël ester inće la jënt aladô a daidé. La tecnologia à fat cun le passè di tëmps de gragn vari, y à inće daidé alisiré le laûr söl lüch. Al dedaincö à i paurs gonot n secundo laûr, al n’é nia dagnora la jënt söl lüch a daidé, porchël vëgn les mascînns intres plü importantes. Y inće tres plü modernes. La Jonëza da Paur de Badia, en colaboraziun cun la ”Consulënza ai Paurs ala munt” - la Bergbauernberatung, inviëia porchël a n domisdé olache al gnarà portè dant les novitês, en cunt de mascînns da laurè les campagnes, cis sön i rogns plü ërć. La manifestaziun Le domisdé vëgn invié ia en sabeda ai 8 de jügn, sot al motto ”Sié y restelè n rogn aldédaincö”. La manifestaziun mët man dales 13.00 y vëgn tignida ti prà dl Ustì, le prè atira sura la dlijia da San Linert. Al rovarà adalerch deplü dites dl setur, por presentè mascînns da sié, cortì nüs, mascînns da restelè de vigni sort. Al gnarà inće pité desmostraziuns dles novitês diretamënter sön prè. Le program La manifestaziun mët man dales 13.00, cun informaziuns sön les mascînns y i cortì da sié. Dales 14.00 vara inant na desmostraziun da sié cun les mascînns desvalies, por passè spo dales 15.00 ales informaziuns sön mascînns da restelè y d’atres novitês, y rové dales 16.00 cun la desmostraziun de chëstes. Tres le domisdé condüj le consulënt di paurs ala munt inj. Sepp Wachtler. Informaziuns Le domisdé sarà inće caraterisé da aorela cörta. La Jonëza da Paur fistidiëia de spëisa y boanda assà por düć i presënć. Por informaziuns desvalies y plü menüdes sön l’iniziativa, pòn cherdè sö Christian Irsara al nr. 338/6442252 (plü ion da sëra). La Jonëza da Paur de Badia y la Bergbauernberatung se conforta da podëi ves saludé tröc al domisdé a Badia.

L’UML organisëia dai 23 ai 25 de messè da jì cun le Glacier-Express. Prenotaziuns ćina ai 5 de jügn pro Inge Dejaco al 339/1696311, y paian ite 150,00€ (le iade costa 460,00€ te ćiamena dopla + 50,00€ ćiamena sigola) sön le cunt Taferner Hans Peter IT45T 05856 58240 010570007010. Diziun: Glacier Express, inom, cognom, misciun. Le rest sarà da paié plü tert. Jita ntëur l Setsass

La Lia da Mont de Gherdëina mët a jì n sada ai 1. de juni na jita culturela ntëur l Setsass y l Col di Lana. L se trata de na jita saurida cun n deslivel de 300 m y 6 ëura da jì. Per plu nfurmazions pudëis cherdé su Theo, 338/3340111. Vijita geologica

La Lia da Mont de Gherdëina mët a jì n sada ai 8 de juni dala 14.00 na vijita geologica cun l paleontologh Herwig Prinoth tl Museum Ladin Ursus ladinicus. N se anconta sun Pas Pinëi ulache la jita scumëncia cun la spiegazions n con’ dl murì ora y la fin dl periodo Permian. N ne n’à nia drë’ de se nuté su. Plu nfurmazions pra Tullio, 335/6583216.

Dotors y Apoteches Dotor

L dutor de servisc dala 8.00 da duman de n sada 1. de juni nchin la 8.00 da duman de n lunesc 3 de juni ie l dutor Valentin Tröbinger de Sëlva, tel. 0471/773073. Le dotur en sorvisc tla fin dl’edema dl 1. y di 2 de jügn, ti cin’ comuns dla Val Badia, é la doturia Margarete Mahlknecht, La Val, tel. 349/0667034 o 0474/523018. Apoteca

L’apoteca de servisc che à daviert ora dl orar ordiner da n vënderdi (dala 19.00) ai 31 de mei nchin n vënderdi ai 7 de juni ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres al 31 de mà al vëndres ai 7 de jügn, é chëra d’Al Plan, tel. 0474/501240.

Trasmiscions TV y Radio Scenar - Ert y cultura tla Ladinia

Mascînns alisirëia le laûr da paur inće sön les tëmples plü ërtes. A Badia vëgnel presentè les novitês.

♦ Mostra “La Dolomites ududes da alauta“ La lia culturela “Tublà da Nives“ nvieia duc a unì a ti cialé ala mostra de Stefano Maruzzo “Awesome flights over the Dolomites.” La giaurida dla mostra ie ncuei vënderdi, 31 de mei dala 18.00 Do la gran mostra “Cie ëis’a gën” dedicheda al lëur da ciulier y che ie fineda via cun l prim de auril, ie la lia “Tublà da Nives” bele njenieda cun na proscima manifestazion. Dai 31 de mei nchin ala fin de juni puderàn jì a ti cialé a na mostra de fotografies de Stefano Maruzzo. Ël ie n gran pasciunà di crëps y dla fotografia y leprò mo pilota de julon, che se à fat ora de si hobby n lëur, se spezialisan tla fotografies estremes, jan Julan sëura la Dolomites. ite na cunlaurazion nce cun la revistes plu cunesciudes de chësc setor. Tl “Tublà da Nives” puderàn udëi na secuënza de fotografies dal titul “Awesome flights over the Dolomites”, de beliscima fotografies de nosc crëps fates da sëuraju. Duc ie nviei de cuer.

38

www.lauscdiladins.com

En jöbia ai 6 de jügn dales 20.30 va en ona sön la Rai TV Ladina na ediziun nöia de Scenar, metüda adöm da Karin Pizzinini, cun la produziun de Jan Piere Karbon. I argomënc de Scenar de mà à da fà cun leteratöra y teater: Iaco Rigo: l’artist marô Iaco Rigo n’é nia ma na porsona da tröc interesc tl ćiamp dl’ert, cun na produziun leterara, teatrala y musicala che po zënzater se lascè odëi. Al s’à inće impegné dassënn y cun gran suzes, por portè l’ert, la musiga y la cultura danter la jënt y condüje adöm les porsones. Grup de teater de Sëlva: Fora por les generaziuns à le grup salpü da tignì adöm y à tres albü na ativité scialdi sterscia, cun toć che à salpü da entusiasmè le publich, da le fà rì y da l’emozionè. Marco Forni: Cun la parora podunse cherié monns y ti dè vita a porsones y personajes. Les Iaco Rigo: poêt, parores adorunse vigni dé, y le scritur de Sëlva scritur y jornalist. Le scritur Marco sa da les mëte adöm y les lascè sonè cun gran Forni. maestria y tröpa pasciun. Chësta trasmisciun é sostignida dala Rai Ladina en colaoraziun cun l’assessorat ala Cultura Ladina dla Provinzia de Balsan y dala Regiun Trentin-Südtirol. Informaziuns plü menüdes söi programs radio y TV Ladina pòn ciafè sön www.raibz.rai.it. Sön chësc sît podaràn inće ti ćiarè a chësta ediziun de Scenar, fina ai 13 de jügn. Nosta Scola En jöbia ai 13 de jügn dales 20:30 deura la trasmisciun ”Nosta scola” trëi finestres sura iniziatives interessantes fora dl contest educatif. 1)L’ educaziun devers dl’intercultura é n prozes che é pié ia tla Scolina Saliëta tres n proiet musical. 2) Le Lizeum de design y ert figurativa de Fascia abelësc la capela de Poza cun n’istalaziun pitorica demorvëia. 3) Musiga, lingaz, ert y bal se moscëda te n spetacul creatif sön i tesć de Dante Alighieri; proiet dla Scora mesana da Urtijëi. Tesć y conzet dla trasmisciun é studià da Sara Frenner cun camera y tai de Jan Piere Karbon. “Kairos”: l temp del Spirit sun TML

Sun TML se pel veder la rubrica religiousa “Kairos”, con letura del Vangele de la domenia per fascian e coment de don Celestino Riz. Oraries: sabeda h. 19.45, 21.15 e 22.15; domenia h. 7.15, 10.00, 17.15 e 23.15; lunesc h. 7.15, 11.30, 17.45. La programazion de TML é ence su www.tmltv.it e i programes de Ercamedia su www.tvladina.com. “SunS” tel Cianton de l’ICL Te “L Cianton de l’Istitut” sun TML se pel veder la pruma pèrt de “SunS”, l conzert del Festival de la ciantia ti lengac de mendranza, selezion talièna e alpina del Liet International Song Contest, stat a Udin del 2010. Oraries indicatives: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15, vender h. 11.30.


nr. 21 / 31 de mei 2013

♦ Melodies d’aisciöda a San Martin Le conzert d’aisciöda dla Musiga da San Martin é söl program en domënia ai 2 de jügn dales 20:00 tl gran salf a San Martin de Tor La Musiga da San Martin de Tor presentëia ai 2 de jügn i tòć imparà ite ti ultims mëisc. Sot a la direziun de Sepl Pezzei podaran aldì n conzert te döes perts: la pröma metüda adöm da tòć tradizionai y la secunda sön le stil modern. Chësta serada de melodies metarà man cun “Lob, Ehr und Preis“ de Kurt Gäble, spo saral da aldì “Flott voran“ de Siegfried Rundel, “Wir Musikanten“ de Kurt Gäble, “Der La Musiga da San Martin de Tor inviëia al conzert Waldsänger“ de Josef d’aisciöda. Abwerzger y “Textilaku“ de Kard Pádivý. Sciöche tòć moderns gnaral portè dant “Rock it!“ de Kurt Gäble, “Nessaja“ de Peter Maffay y “Sax Time“ de Harm Evers. Le conzert gnarà stüt jö cun “Bozner Bergsteigermarsch“ de Sepp Tanzer. Danter les döes perts gnaral tut l’ocajiun da surandè n valgönes onoranzes. Cun ligrëza Ves inviëia düć i mëmbri dla Musiga a chësta serada de beles melodies.

♦ Ena dl’ ega de marueia La lia Sanynton mët a jì dai 1. nchin ai 6 de juni na ena dl’ega y nvieia duc a unì a scuté su i referac y seminares che sarà ntan duta l’ena Ai 1. de juni saràl n referat cun Gudrun Dalla Via n con’ de eghes variëntes y eghes da lum te Sëlva te Tublà da Nives, dala 20.00. Ai 2 de juni saràl n referat cun Erich Baumgartner n con’ dla eghes da lum y dla lueges energetiches t'Europa, te Sëlva te Tublà da Nives dala 20.00. Ai 3 de juni saràl n seminar n con’ dla nfluënza dla nraiazions tla radiestesia aplicheda tl uni di cun i referënc Monika y Erich Baumgartner, dala 8.30 nchin la 12.00 tla sënta dla lia, streda La Sëlva 101. Plu nfurmazions giapëis pra l numer 333/1079990. Ai 4 de juni saràl n seminar n con’ dl’eghes da lum tla pratica, cun n referat de Gudrun Dalla Via, info 333/1079990 tla sënta dla lia streda La Sëlva 101, dala 8.30 - 12.00 y dala 16.00 "Lauda al'ega da mont", na ciantia de lauda te Val y Chedul cun l referënt Erich Baumgartner y la grupa amisc dl’ega. Ai 5 de juni referat n con’ dl elemënt ega "Ti jan do ai delfins y ala balenes" te Tublà da Nives dala 20.00 cun la referënta Cäcilia Savier Bacher. Ai 6 de juni Ega sarëina sun Schutz, Juac. uniràl fat na prejentazion di libri “Lichtwässer und ihre Heilkräfte“ cun Gudrun Dalla Via, Lichtwasser - Orte in Mitteleuropa cun M.y E. Baumgartner te biblioteca “Oswald v.Wolkenstein” dala 20.00. L ie ucajions uniches per viver esperienzes nueves cun la marueies dl’ega sarëina. Duc ie nviei de cuer.

♦ Raida de Gherdëina Ëis’a ueia de fé zeche de nuef y de ve devertì te nosta bela montes? Ai 21 de juni jirons zënza durmì te 24 ëura dut ntëur Gherdëina

Informazions y Manifestazions Leteratura Cultus a La Val cun letöres d’autur Tla cornisc dla mostra de crusc vedles pro la Dlijia Vedla a La Val saral chësta sabeda al 1. de jügn dales 18:00 na incuntada leterara tla vila da Runch a La Val cun Roberta Dapunt, Josef Oberhollenzer y Joseph Zoderer. Prejentazion dl liber “Una Parola negli Occhi“

La biblioteca “Oswald von Wolkenstein“ nvieia de cuer ala prejentazion dl liber de Marco Forni “Una parola negli occhi“ ncuei vënderdi, 31 de mei dala 21.00 te biblioteca de Sëlva. L sunerà Viktor Canins cun la Grupa Vidules de Gherdëina.

Mujiga Sonnsdemesaisciüda cun le cor ”cantus iuvenis”

Incö vëndres al 31 de mà dales 20.00 vëgnel tignì a Badia n conzert dl cor da Vìena ”cantus iuvenis”, sot la direziun de André Comploi d’Al Plan. La pröma pert vëgn tignida te dlijia de Badia, la secunda tla Ćiasa J.B. Runcher. Te chësta ocajiun vëgnel inće presenè le CD nü ”Himmel & Erde - Cil & Tera”. Le Cor é da aldì inće en doman sabeda al 1. de jügn dales 20.00, tl Vinzentinum a Porsenù. Conzert dles scores de musiga de Gherdëna y dla Val Badia

Incö vëndres al 31 de mà dales 18.00, gnaràl tignì a Santa Cristina n conzert olache al sarà da aldì scolars dles scores de musiga de Gherdëna y dla Val Badia. Conzert d’aisciöda dla Musiga da San Ćiascian Le conzert vëgn tignì en doman sabeda al 1. de jügn dales 20.30, tla Ćiasa J.B. Rinna a San Ćiascian. Al sarà da aldì tòć tradizionai y tòć moderns. Danterìte gnaràl inće surandè les onoranzes. Do le conzert: pice renfrësch por düć. La Val: conzert d’aisciöda cun cors

En sabeda ai 8 de jügn dales 20.30, vëgnel tignì a La Val, tl salf dles manifestaziuns, le conzert d’aisciöda dl Cor ”Raiëta” adöm al Cor di Ëi da Neustift. Conzert de contlujiun dla Scora de Musiga

La Scora de Musiga inviëia sciöche da tradiziun al gran conzert de contlujiun, che gnarà tignì en lönesc ai 10 de jügn dales 18.00, te salf dles manifestaziuns d’Al Plan. Conzert dla jonëza dla Musiga d’La Pli

En vëndres ai 14.06.2013 dales 19.30 saral te salf dles manifestaziuns a La Pli n conzert a forma de grups olache al é da aldì mituns y mitans che va ćiamò a scora de musiga, grups de musicontri dla musiga y grups metüs adöm da plü strumënć desvalis. Düć é bel invià. Scora de Musiga abelësc na mëssa y tëgn conzert

La Scora de Musiga Val Badia inviëia en mercui ai 5 de jügn dales 18.00 a n conzert de fabló traversal, tl’aula magna dla scora mesana da La Ila. En sabeda ai 8 de jügn saràl i scolars che abelësc la Santa Mëssa a Oies, dales 16.00. Cunzert dl cor Ars Cantandi

N sada ai 8 de juni saràl a Urtijëi te Scola Elementera dala 20.00 n cunzert cun l cor “Ars Cantandi“, la flautista Christina Auer y l precuscionista Philipp Oggiano sot ala direzion de Stefano Chicco.

Teater Fà teater y cherié cun l’ert por se conësce damì - workshop

Le Departimënt educaziun y cultura ladina, ćiamp inovaziun y consulënza organisëia n workshop de teater y ert cun Erika Castlunger y Barbara Tavella, por scolars dla mesana. Le workshop é dai 12 ai 23 d’agost dales lönesc al vëndres, dales 14.00 ales 17.00. Informaziuns pro Eveline Vinatzer al 328/2777545. Termo da se scrì ite é incö, 31 de mà.

Mostres Mostra cun Gerald Moroder

Dala 18.00 pierons via dan la butëiga Activ Sport a S. Cristina. L unirà muet de viers de Pana per jì nchin tal Tirler ulache l nes aspieterà na bona cëina. L unirà pona jit do Saslonch via per ruvé sun Sela y inant nchin sun Frea. Jiron pona sun la piza dla Gran Cir per se goder l levé dl surëdl. Dala utia Jimmy cherderons a se maië n bon gusté per avëi la forzes da jì mo n bel gran tòch. Inant jiràla de viers de Puez, Forces de Sieles nchin sun Secëda dala utia Daniel. Iló uniràl paussà y se guderon na bona marënda. Pieron pona bel plan juvier de viers dla valeda per ruvé dala 18.00 a S. Cristina. Dal Plaza stlujerons ju la 24 ëura cun na grilieda. Per plu nfurmazions y per se scrì ite passëde prëibel da Activ Sport a S. Cristina.

A Dispruch, tla Galerie Bertrand Kass iel da udëi na mostra cun i artisć Renee Rauchalles, Fulvio Ravanetti y Gerald Moroder. La giaurida dla mostra ie ncuei vënderdi 31 de mei dala 20.00. La mostra sarà da udëi nchin ai 12 de juni, lunesc – sada 17.00 – 19.00. X – art Kunstfestival

Dai 6 de juni inant iel a Eisenstadt tl’Austria tla Landesgalerie Burgenland l otavo X – art Kunstfestival. Danter l auter saràl nce da udëi na mostra de Romana Prinoth. Plu nfurmazions tla plata internet www.burgenland.at/x-art Mostra de Theo Stammer Incö vëndres ai 31 de mà dales 20.00 gnaral daurì tla Ostaria Sotrù a La Pli na mostra personala de Theo Stammer. Cornisc musicala: “I 4 corns”. I artisć söl post por Smach

Les prömes artistes y i pröms artisć por le proiet internazional SMACH sön teritore dl comun da San Martin de Tor é ruvà adalerch. Ai metarà sö un por un tles dodesc postaziuns söes istalziuns y söes operes. La jënt é dër bel periada da tó pert ai laûrs y inće a val’ performance interessanta. www.smach.it Aldo Canins al Museum de cité da Bornech

La mostra personala de Aldo Canins é da odëi a Bornech ćina ai 30 de jügn 2013, dal mertesc al vëndres dales 15:00 ales 18:00 y sabeda y domënia dales 10:00 ales 12:00.

www.lauscdiladins.com

39


Informazions y Manifestazions Temp lede Cërcia de vins La Lia Mostra d’Ert y la Nëus Jëuni Gherdëina nvieia duc ala cërcia de vins per jëuni sëura i 18 ani, ncuei vënderdi ai 31 de mei dala 20.00 tl local di jëuni Saut. Iscrizions y plu nfurmazions pra l numer 0471/799006. Balé Fox

Duc ie nviei a unì ncuei vënderdi ai 31 de mei dala 20.00 ala sëira de balé Fox tla sala dla proes dla grupa Balarins de Urtijëi tl sutët dl Palaz di Cungresc a Urtijëi. Cocktails zënza alcol

N sada ai1. de juni uniràl fat tl local di jëuni saut cocktails zënza alcol dala 14.00 nchin la 18.00. Iscrizions pra la Nëus Jëuni Gherdëina 0471 799006. Se furnì su y se fé su

N vënderdi ai 7 de juni mët l local di jëuni saut a jì n fotoshooting y styling cun Marc Nogler y Giacomo Costanzi dala 19.00 inant. Iscrizions pra la Nëus Jëuni Gherdëina 0471 799006 cun l Fotoclub Gherdëina. Di mundiel di juesc

La grupa Trix y la Nëus Jëuni Gherdëina nvieia duc al di mundiel di juesc, n sada 1. de juni sun la pitla plaza S. Antone dala 14.00 nchin la 18.00, ulache l unirà mustrà truep juesc per granc y pitli. Dala 20.30 jirà l devertimënt inant tl local di jëuni Saut. Party per la fin dla Enes di Jëuni La Lia Mostra d’Ert y la Nëus Jëuni Gherdëina nvieia duc ai 8 de juni dala 14.00 ala “Betonparty III” sun la pitla plaza Rezia. Domesdì suneràl i “JAM’SON” y dala 21.00 inant la grupa “The Bastard sons of Dioniso”. Domesdì arà duc la ucajion de suné nstëssa pra la “Jam session”. Da sëira estrazion dla ola dla fertuna. Sce l ie bur’ tëmp uniràl jit tla sala dla mostres dla Lia Mostra d’Ert. Liejer d’instà

La scumenciadiva ie per sculeies dla scola elementera y mesana de Urtijëi, ai 1. de juni dala 9.00 daduman tla biblioteca San Durich. N vënderdi ai 30 de agost dala 15.00 saràl la festa ulache l unirà trat ora i pesć.

Segres y festes Segra da San Ćiascian Le paîsc a San Ćiascian festejëia la segra, en domënia ai 9 de jügn, dales 11 inant. Ala organisaziun contribuësc deplü uniuns dl paîsc. Por spëisa y boanda él sambëgn fistidié.

Cursc Curs de jì a crëp La Lia da Mont de Gherdëina mët a jì n sada y n dumënia, ai 8 y 9 de juni l curs de jì a crëp cun i Mëinacrëp. L ie na bona ucajion per mparé co se muever te nosc raion dla montes y schivé periculi. Pudëis ve scrì ite da lunësc, 27 de mei nchin sada 1. de juni, tla butëiga dai Ciofs Inge, da Aktiv Sport y da Sport Bruno Riffeser. Per plu nfurmazions pudëis cherdé su Valentin, 338/8362004. Sië cun la fauc I Paures Jëuni de Urtijëi nvieia duc i jëuni n sada ai 1. de juni dala 14.00 inant a fé pea pra l curs de sië cun la fauc pra l luech da Resciesa, cun Raffael y David. Iscrizions y plu nfurmazions dala NJG, 0471/799006.

♦ Viola Football Camp a La Val Mitans y mituns dla valada à indô la ocajiun da imparè le jüch dl palê cun alenadus profescionisć, l’ultima edema d’agost a La Val L’Uniun Sport Amatoriala da La Val organisëia por le sesto iade n camp de n’edema por düć i mituns che śoga al palê, tignì dal’assoziaziun ”Viagginsport” da Firenze, spezialisada ti alenamënć di mituns. Le Viola Football Camp gnarà tignì söl ćiamp dl sport a La Val y metarà man le lönesc ai 26 d’agost y dorarà fina ala sabeda al 31 d’agost. Tó pert po les mitans y i mituns nasciüs ti agn 1999 ćina al 2004. Chësta é na gran ocajiun por i mituns da ocëi y imparè diretamënter da alenadus profescionisć che laora estlusivamënter tl setur jonil. No ves lascéde sciampè chësta oportunité da imparè por n’edema alalungia chëstes metodes nöies de alenamënt. Por informaziuns plü menüdes y modul de iscriziun pòn jì sön www. uslaval.it o telefonè a Fabian al 333/4750466, do les 5 da sëra.

N retrat de recordanza do le ”camp” dl ann passè.

40

www.lauscdiladins.com

nr. 21 / 31 de mei 2013

♦ Campania de sensibilisazion contra la

barieres architetoniches L’ert de fé sauté la barieres cun n container de viac ora per Südtirol. L Art-container sarà te Sëlva sun plaza Nives, dai 5 nchin ai 10 de juni 2013 dala 9.00 nchin la 16.00 N mierculdi ai 5 de juni saràl dala 11.00 na pitla festa de giaurida. N container decurà artisticamënter viagia da merz nchin nuvëmber tres duta la provinzia se ferman te 24 chemuns. Sun la plazes prinzipeles de chisc luesc puderà duc i zitadins, la scoles, la lies y l’assoziazions l vijité da iede a iede per plu o manco n’ena alalongia. Dlongia l container uniràl oradechël metù su n percurs de sensibilisazion, per sperimenté de persona la deficulteies che truep zitadins ie sfurzei a se n fé pea uni di te truepa situazions y lueges. I vijitadëures puderà nstësc purvé a se spusté te chësc percurs sun n stuel a rodes o cun d’autri aiuc per jì, sburdlan badli o cufri a rodes, y unì sëura coche datrai pò mé bele vel’ pitl nciamp crië deficulteies a chëles che l ie rie ti vester. Per l percurs de sensibilisazion saràl nce la cuoperativa soziela “Indipendent L.” y l Zënter di viërces St. Rafael a mustré de persona la deficulteies che ëi anconta di per di sun streda y te cësa. N cuncors fotografich sun l tema “zënza barieres”, daviert a duc, dë sustenì y mëter n azënt mplù a duta la scumenciadiva. Ala fin dl viac te Südtirol da d’autonn 2013, chirerà na iuria ora la fotografies plu senificatives che unirà pona premiedes pra na manifestazion ai 29 de nuvëmber tl Museion a Bulsan. (cëla www.stiftungvital. it/Fotowettbewerb.html). Nfurmazions plu ala menuda, descrizion dl proiet, tapes, cuncors de fotografies, fotostory y n.i. giapëis te internet sot a: www.stiftungvital.it/art-container_ barrierefrei.html

♦ 8° Sellaronda Bike Day N dumënia i 23 de juni saràla inò tan inant y la stredes sun i jëufs ntëur al Sela unirà dsaredes dala 8.30 nchin la 15.30 per ti lascé la lerch ai pasciunei dla roda da dlonch caprò I cater Cunsorc de Turism dla valedes ladines ntëur al Sela mët nce chëst ann a jì l di dla rodes ai 23 de juni. Ntan chësc di resta la stredes ntëur al Sela dsaredes per auti, motores y curieres dala 8.30 da duman nchin la 15.30. L unirà pia via te Gherdëina dan la butëiga “Maciaconi” a S. Cristina/Sëlva dala 9.00 daduman. L suzes dl Sellaronda Bike Day à plu rejons. L ne n’ie deguna limitazion de chëi che possa fé pea, duc possa fé pea y se crì ora da ulà che i uel pië via y tan lonc che i uel furné. L ie mesun zapé ite diretamënter tla raida ntëur al Sela te Gherdëina, Badia, Fascia o a Reba. L bel de n tel di dla rodes ie de pudëi se goder la marueies de nosta montes zënza la fuera di motores y zënza messëi se tré ite l gas de descëria di auti. Na bona cundizion fisica messerà avëi chëi che ulerà purvé a fé la raida ntëur al Sela y fé 58 chilometri de streda asfalteda cun 1780 metri de deslivel. Sciche i ani passei iel mesun de se cumpré la malieta ufiziela dl “Sellaronda Bike Day 2013” y per uni malieta venduda ti uniràl chëst ann sëurandat un n euro ala “Compagnia Arcieri del Piave”, na grupa de Belun che sustën jëuni y andicapei te ativiteies sportives desferëntes. L vën cunsià per gaujes de segurëza de furné contra l’ëura, chël fossa da Gherdëina demez de viers dl jëuf de Sela. Duc dëssa avëi l casco y furné sun la man drëta, dantaldut canche l vën furnà juvier. Per duc chëi che ne sarà nia plu boni de ruvé de reviers cun la roda dan la giaurida dla stredes, uniràl nce chëst ann metù a jì na curiera che pierà via da uni valeda demez y fajerà la raida ntëur al Sela. Sëuraprò uniràl metu a jì plu manifestazions. A Reba iel udù dant dai 21 nchin ai 23 de juni jites y sëires dal titul “Discovering Arabba” y ai 28 de juni dala 9 da sëira saràl n referat de Giorgio Murari “Musseu” dal titul “In viaggio per il mondo tra le randonèe e l’ultracycling”. Tla Val Badia saràl n sada ai 23 de juni na sëira n con' dl sport de jì cun la roda “Ciclismo amatoriale, agonistico e non: il benessere fisico e mentale è sempre l’obbiettivo principale?” cun Davide Cassani y Mateo Marzotto. Plu nfurmazions giapëis ti Ufizes dl Turism de uni valeda. Eco-Sellaronda Bike Day Sciche bele da trëi ani incà saràl pona d'autonn l “Eco-Sellaronda Bike Day” che vën nce sustenì dal'Unesco, n dumënia ai 15 de setëmber. L unirà inò dsarà la stredes sun i jëufs. Davia che l fin dl’ ena dai 13 nchin ai 15 de setëmber ti unirà dedicà ala mubltà ecologica tla Dolomites, saràl nce da udëi pra chësc di dla rodes vel’ roda a strom. L cumité che mët a jì la manifestazions ulëssa fé a l savëi che mé tres la bona cunlaurazion danter la valedes, l gran mpëni di truep ulenteres y l sustëni dla aministrazions publiches dl luech y provinzieles iel mesun mëter a jì na manifestazion populera de n livel tan aut. Plu nfurmazions sun la plata internet www.sellarondabikeday.com

Pra l Sellaronda Bike Day dl 2012 àl fat pea passa 20.000 pasciunei.


nr. 21 / 31 de mei 2013

Informazions y Manifestazions

♦ Gran cunzert dla Scola de Mujiga La Scola de Mujiga de Gherdëina deberieda cun nosc ujins dla Scola de Mujiga dla Val Badia mët a jì l ultimo gran cunzert per la fin dl ann de scola ncuei vënderdi ai 31 de mei dala 18.00 te sala de chemun a S. Cristina

Religion Mëssa di jëuni a Urtijëi N sada a 1. de juni saràl dala 18.30 te dlieja de Urtijëi na santa mëssa cun la Urchestra di Jëuni de S. Cristina. Pelegrinaje a Santa Maria delle Grazie/Caprile

Pelegrinaje por les porsones vëdues y sores dla Val Badia, ai 6 de jügn. Orars bus 1: La Pli 8.00, Al Plan 8.10, Longega 8.15, San Martin 8.25, Pidrô 8.30, Pedraces 8.40, La Ila 8.45; Bus 2: Calfosch 8.30, Corvara 8.40, San Ćiascian 9.00. Iade y marëna costa 40,00€. Da s’anunzié él dan i 6 de jügn pro la rapresentanta de paîsc o al nr. 0474/590069. Pelegrinaje ala ”Madonna dei Miracoli”

Le KVW da San Martin organisëia en mertesc ai 18 de jügn 2013 n pelegrinaje al Santuar “Madonna dei Miracoli” (TV), pian ia dala plaza dl paîsc dales 6:30. Al nes acompagnëia Siur Franz Sottara. Informaziuns y prenotaziuns pro Hilda Sottara al 0474/523133, ćina ai 16 de jügn. Cultus a La Val cun referat Tla cornisc dla mostra de crusc vedles pro la Dlijia Vedla a La Val saral chësta domënia ai 2 de jügn dales 16:00 tla Dlijia de Santa Berbura le referat sön “mort y crusc” da pert dl retur universitar P.Ewald Volgger OT.

Chino Al chino de Cianacei L chino de Cianacei restarà serà enscin al meis de jugn.

La Scoles de Mujiga à śën n gran note. Do n ann rich de lëur iesen tl lëur de njenië ca n bel program de mujiga per l ultimo cunzert dl ann de scola. La particularità de chësc cunzert ie che chëst ann se tràtel de na manifestazion metuda a jì debeireda cun la Scola de Mujiga dla Val Badia. Plu grupes cun d'uni sort de strumënc, plu solisć y sambën plu cores cianterà sibe per badiot che nce per gherdëina. L sarà dessegur n bel cunzert, na ucajion per duc i pasciunei de mujiga de unì a scuté su i udëi truep jëuni che à legrëza cun la mujiga. Chël che savon bele śën, ie che tla Val Badia iel de boniscimi cores cun na gran tradizion, ma sambën nce na cualità auta cun duc i autri strumënc. Tla doi valedes ladines iel chëst ann stat plu de 1.100 sculeies che à fat lezions de mujiga. L n fossa mo stat deplu, ma purtruep ne n’à ntëur a n 170 sculeies nia giapà lerch y perchël iesi ruvei sun na lista da aspité. De ndut àl nsenià 36 maestri, la majera pert duc ladins jëuni. N rengraziamënt particuler ti va a duc i maestri che se à purvà dassënn a fé n bon lëur y sambën ala doi secreteres Monica Rives y Maria Christine Verginer, che se cruzia dla pert burocratica y fej n grandiscimo lëur de ufize. Ciuni ie pa i strumënc che plej l plu ai jëuni? Coche feter te duta Europa vëniel nce tla valedes ladines sunà gën l tlavier, la chitara, la percuscions, l flaut a traviers y l'armonica, ma l ie sambën nce n gran nteres per d'autri strumënc, schiche per duta la familia di strumënc de banda, la vidula, l flaut a bech, l tlarinet, l saxofonn, l'oboe, l violoncello, la zitra y d'autri. Sambën tóchel nce leprò l cianté, cun trueps a chëi che l ti sà dassënn bel a cianté, nia mé cianties tradiziuneles, ma nce pop y rock. Nsciuma, la Scoles de Mujiga à n gran suzes y plej dassënn ai jëuni y sambën nce a duc chëi che à legrëza cun la mujiga. Duc ie nviei a unì a scuté su chësc bel cunzert.

Al chino de Tieser

Insnet, vender ai 31 de mé, e en domenia ai 2 de jugn da les 21.15 se pel veder “Il grande Gatsby”. Doman sabeda prum de jugn h. 21.00 l’é l conzert de la Banda de Cavedine e en vender ai 7 e sabeda ai 8 de jugn h. 20.30 sarà i saggi de fin de cors del “Centro Danza Tesero 2000”.

Inserac Chirì da laour N ël chier da lëur a lavé ju te na cësadafuech o a fé de uni sort de lëures. Ël à bele 8 ani de esperienza. Tel. 339/8665047. (19/13) ••• Na jëuna da tlo chier n lëur a mez tëmp dala metà de juni inant. Tel. 333/4827399. (19/13) ••• Na jëuna che sa talian, nglëisc, spanuel y n puech tudësch chier da lëur da massöra/estetista. Tel. 380/6954528. (19/13) ••• Na ëila cun esperienza chier da lëur a cialé de na persona de tëmp o a cialé de pitli mutons per dut l ann o nce per la sajons. Tel. 380/3420369. (19/13) ••• N’ëila de 39 ani di Paejes Tudësc che viv te Gherdëina chier da lëur per la sajon da d’instà o per dut l ann dai prims de lugio inant. Tel. 338/492308 da sëira. (19/13) ••• N pizzaiolo cun 12 ani de esperienza, cun de bona referënzes y che sà tudësch, talian y nglëisc chier da lëur. Tel. 339/2661628. (19/13) ••• N ël chier da lëur coche chelner o a judé te na cësadafuech. Ël sa talian y tudësch. Tel. 348/9196199. (19/13) ••• N ël cun esperienza chier da lëur da pizzaiolo o coche segondo cuech. Tel. 380/3433053. (19/13) ••• N ël cun esperienza y de bona referënzes chier da lëur a lavé ju o a fé de uni sort de lëures. Tel. 388/1475238. (19/13) ••• N jëunn de 26 ani cun esperienza chier da lëur coche segondo cuech o coche chelner. Ël sa tudësch y talian. Tel. 380/9072994. (19/13) ••• N ël chier da lëur coche cuech o segondo cuech. Tel. 327/7121835. (19/13)

••• N ël chier da lëur coche cuech o pra n grill. Tel. 329/0471634. (19/13) ••• N ël cun esperienza chier da lëur a judé te na cësadafuech o scenó nce da chelner. Tel. 320/2145117. (20/13) ••• Na jëuna de 22 ani de Gherdëina chier n lëur per chësta sajon da d’instà o nce per dut l ann coche secretera, nce te n hotel. Tel. 338/8892971. (20/13) ••• N ël dla Talia chier da lëur da muradëur, da eletricher o nce vel’ auter lëur te na cësadafuech de n hotel o a judé ora te vel’ firma. Tel. 388/6093915. (20/13) ••• N jëunn dla Talia cun esperienza chier da lëur da chelner per la sajon da d’instà o nce per dut l ann. Tel. 345/7997418. ••• N ël che sta a Urtijëi chier da lëur dala 18.00/19.00 inant coche chelner, barista o nce vel’ de auter da sën inant. Tel. 347/4806466. (20/13) ••• N ël talian chier da lëur sciche pizzaiolo/ aiut-cuech. L à 15 ani de sperienza, lëura cun uni fëur da pizza y à de bona referënzes. L chier n lëur per dut l ann o per la sajon. Tel. 345/0543473. (20/13) ••• Na ëra dl post chir n laûr tla Val Badia, trëi iadi al’edema, da fà ćiamenes, laûrs te ćiasa, puzenè o ćiarè de de pici mituns. Tel. 333/7832854. (21/13) ••• L vën crì da lëur a rumé su majons. Tel. 339/4587282. (21/13) ••• N jonn residënt a Corvara, che sa inglesc y cun conescënzes tl’informatica chir da laûr por la sajun da d’isté y eventualmënter inće por döt l’ann. Tel. 331/2312439 o e-mail: emilianozeno@yahoo.it (21/13) ••• Na jona residënta a Corvara cun vëia da fà chir da laûr por la sajun da d’isté y

eventualmëter inće por döt l’ann. Tel. 339/8869636 o e-mail laportavaleria@ yahoo.it (21/13) ••• N ël chier da lëur coche segondo cuech, a judé ora a n cuech o pra n gril. Tel. 329/0477634. (21/13) ••• N ël chier da lëur a fé de uni sort d lëures o a lavé ju. Tel. 389/9505152. (21/13) ••• Na jona da La Ila de 17 agn che frecuentëia la terza tlassa tl Istitut Tecnich Economich a La Ila, chir n laûr por la sajun da d’isté. Al é anfat de ċi laûr che al se trata. Tel. 346/6375782 o 0471/847548. (21/13) ••• N ël chier da lëur a lavé ju y a judé te na cësadafuech. Tel. 338/2474652 o 380/7650921. (21/13) ••• Na ëila de Gherdëina chier da lëur per mez n di danmesdi. Ëila à truep ani de esperienza de lëur te ufize y sà la rujenedes tudësch, talian, nglëisc y franzëus. Tel. 320/0727933. (21/13) ••• Na studënta de 20 agn de Badia cun competënzes linguistiches de ladin, talian, todësch y ingleje chir n laûr por la sajun da d’isté. Tel. 345/0353148. (21/13) ••• N jonn de 16 agn chir da laûr por la sajun da d’isté. Tel. 348/8425996. (21/13)

Da chirì L vën crì n cuatier da tò a fit per dut l ann per 4 persones a Urtijëi. Tel. 348/5363158. (19/13) ••• L vën crì n cuatier per 2 – 4 persones a Urtijëi o ntëurora. Tel. 331/9489099. (19/13) ••• Na ëila da tlo chier n pitl cuatier/ monolocal. Tel. 339/4587282. (21/13)

Da vende Ven venù n tiac da la legna ntier, zirca 74 metri cubi, (mesure 4,20 x 4,50 n plánta), da smonté. Lignam vegle da podei douré per aredamenc. Per informazion clamé su l numer 3391732284. (19/13) ••• Da vëne n auto Fiat 500 dl 1973 fat sö a de bones condiziuns. Tel. 335/6935901. ••• L vën vendù n Citroen C1 blanch, dl 2010 cun 18.000 km y montli da d’inviern. L auto va nce bën per jëuni che à permò fat la patent. Tel. 338/7221750. (19/13) ••• Da vëne trizicl Ape Cross Country 50cc, corù cöce, Rollbar, lada foderada de aluminium, revisionè, trëi montli nüs, predisposiziun autoradio, km 4.502, mantignì dër bun. Tel. 335/5474768 da

sëra, dales 19.00 inant. (19/13) ••• Da vëne n motor da strada Ducati Monster, model 696 plus, corù cöce, imatricolé de mà 2008, revijiun ćina al 2014. Tel. 349/6701080. (19/13) ••• Da vëne na cöna y n let por mituns che va bun inćina cater agn, a n bun prisc. Tel. 338/4305053. (20/13) ••• Da vëne “barre portatutto“ origineles Opel, con dui porta rodes por Opel Zafira por 80,00 euro. Tel. 346/5979874. (20/13) ••• L vën vendù na mascin da sotler da fé flucions o ciauzei, 100 ani vedla. Priesc da fé ora. Tel. 333/8671652. (20/13) ••• Al vëgn venü na chitara eletrica. Tel.

333/8671652. (20/13) ••• Al vëgn venü n Mini Minor familiare dl 1967, vërt. Tel. 333/8671652. (20/13) ••• Al vëgn dè ia a bun prisc na cöna “Pendelwiege Alvi Sina“ cun laprò döt ći che alda laprò. Tel. 339/4324616. (21/13) ••• Al vëgn venü na Vespa (nia targada) che jiss da targhè y n motor da trial dla Montesa. Tel. 339/6870823. (21/13)

Da scinché ia Da scinché ia na roda por n pice möt. Tel. 338/4305053. (20/13) ••• L vën dat ca doi de pitli giac. Tel. 339/1470766. (20/13)

www.lauscdiladins.com

41


Congratulazions y Inserac

nr. 21 / 31 de mei 2013

A la “zia Gugu”

A nosc Filippo

che anché fèsc festa e te chest la é maestra...

co complësc encö ai 31 de mà 18 agn, ti aodunse de cör döt le bun, sanité, che al ài trepes sodesfaziuns y che al romagni dagnora dla bona löna.

che te posses amò te goder a jir stroz e vidèr e te ogne piz e cianton del mond ruèr anché duc ensema te auguron de jir inant coscita amò per un muion!

Töa familia

Davide con duc chi de cèsa, da Dèlba e Ciampedel

Congratulazion

A Giorgio e Genia

Cara Rita

da Parèda

che l prum de jugn festejea 50 egn da sposc Siede genitores e noni maraveousc, volon ve rengrazièr per dut chel che fajede per nos Ve volon n muie ben!

ai 28 i 50 aste cumplì ch’é stà pur te nia saurisc. Purchël urunse ćiamò incö düt le bun t’auguré pur pici y gragn ast’dagnëra fistidié y do na buna parora ànse podü te perié. Cun gran coraje y fadia ne l’aste mai dada sö inće sce al ê datrai val’ ambries.

Bruno, Viviana e Flavia, coi nec Giorgia, Gabriel, Francesco, Lorenzo, i jendres Luigi e Ivan e la nora Stefania

Tröp s’aste insigné y purchël oruns’te ringrazié. T’augurun de bi dis y de bi agn n gromun cun sanité y fortüna, nos düć che t’orun tan bun. Auguresc a

Marta Mussner

To om Fonjo, Melanie cun Marcus y Emilie, Devis cun Sonja, Florian cun Cristina, Lukas cun Irmgard, Adrian, Stefanie cun Ivan, Andreas, Philipp y Jonas

Cësa Flëures

che cumplësc 60 ani ai 7 de juni. Ai 29 de mei à

Dut l bon da Helmut

Herbert y Ingrid “dl Tannenheim” festejà la noza d'or. Dut l bon, sanità y cuntentëza per l daunì ti mbincia i mutons cun families.

Karl Heinz, 40 agn é la vedlëza dla jonëza 50 agn é la jonëza dla vedlëza. Por i proscimi 50 te augurunse düt le bun. Loise, Konrad, Inge, Walter, Yvonne y Philipp, Antje, Kevin, Jan Marc y Luise Dut l bon a

Maria y Ewald Ai 31 de ma complësc

Gustl Ties 80 agn

Nos T’aodun döt le bun, fortüna, trepa sanité y Te dijun en gran iolan por döt ći che Tö as fat por nos.

che à metù man si vita deberieda n sada ai 25 de mei. Truepa legrëzes y amor y la benedescion de Die Ve mbincia de cuer. Vosta families.

Töa familia

Inserac

A Evelyn y Andy che mët man süa vita deboriada al 1. de jügn düt l'bun! Les families

42

www.lauscdiladins.com

Hotel Ćiasa Soleil a La Ila chir por la sajun da d’isté na barista/chelnera che sais talian y todësch. Prëibel cherdè sö le 0471/847174 info@ciasasoleil.it

Hotel Italia a Corvara chir por la sajun da d’isté n secundo cogo. Prëibel cherdè sö le 0471/836082 o menè na email a info@hotelitalia.bz.it

Despar Cavallino Sas chir por la botëga a San Ćiascian na porsona a laurè pro le banch cun esperiënza por la sajun da d’isté. Prëibel cherdè sö le 328/4624194.


Inserac, Anunzies y Religion

nr. 21 / 31 de mei 2013

Café Bracun a Corvara chir por d’isté na barista inće ma part time. Por informaziuns prëibel cherdè sö le 0471/836148 info@bracun.com

L vën vendù te na posizion panoramica y da surëdl daujin al zënter de Urtijëi y ai majeri mplanc portamont, te na cësa tlima E1 tl ultimo partimënt suaut, n cuatier de 140 m2 sun doi livei cun na scela de ntreda, na lerch per n mplant da sciaudé, n boiler, na luegia da lascé sëura schi y ciauzei, na cësadafuech, n local per maië, na stua, trëi majons, trëi banies, n local per ufize o auter, trëi piguei cun na bela ududa, garaje, ciulé y luegia per lascé l auto. L cuatier ie mé plu cunvenzionà 9 ani alalongia. N bon nvestimënt. Prëibel cherdé su l 335/499071.

A San Ćiascian vëgnel afité ia n apartamënt de 70 m2 dai pröms de jügn inant a jënt dl post. Prëibel cherdè sö le 339/7004608.

Al vëgn afité ia n gran monolocal tl zënter de La Ila cun urt y post por n auto. Tel. 333/1415006.

A Urtijëi vëniel fità via doi cuatieres, un per doi persones y un per 4 - 6 persones. Tel. 0471/798405. Nëus aspiton tlo tla cësa di tieres sce zachei unissa a nes tò. Prëibel cherdé su la Cësa di Tieres Obervintl 0472/868172. www.tierheimobervintl.it

n/na colaboradù/dëssa tl ćiamp dles assiguraziuns Osc profil: I Ëis stlüt jö na scora alta, Sëis engajé y podëis mostrè sëns de responsabilité, i Ëis de bunes manieres y na presënza sigüda. Osta domanda: Sce i Sëis interessè/ada, menéde Osta domanda cun la documentaziun laprò (curriculum vitae cun cariera profescionala, fotografia, copies dles pageles y data che i podëis mëte man) ala direziun dla Cassa Raiffeisen Val Badia, sënta de Corvara, anter le 31.05.2013 o ala e-mail franco.bertoldi@raiffeisen.it

Hotel Serena a Badia chir 1 secundo cogo cun esperiënza por la sajun da d’isté. Prëibel cherdè sö le 0471/839664.

L vën fità via per la sajon da d’instà o nce per dut l ann n local da restaurant/bar pra l zënter Iman a S. Cristina. Tel. 345/3305932.

Ütia Boconara a Corvara chir por la sajun da d’isté n jonn/a lerner/a a daidé te ćiasadafüch. Prëibel cherdè sö le 338/8725621 o menè na e-mail a life@boconara.com

N dutor dai dënz a Urtijëi chier n’assistënta a tëmp plën nce zënza esperienza. Prëibel cherdé su l 0471/798077.

inserac@lauscdiladins.com

Hotel Villa Eden a Corvara chir por la sajun da d’isté n/na secretêr/ia cun esperiënza y bona conescënza dl talian y todësch. Prëibel cherdè sö le 0471/836041 o menè na email a info@villaeden.com

Vangel dla Domenia Festa d’Les Antlês, ann C, ai 2 de jügn 2013 Dal vagnele do San Lüca, 9, 11b - 17 Te chël tëmp ti cuntâ Gejù al popul dl rëgn de Dî y varî düć chi che â debojëgn de so aiüt. Canche le dé jô a fin, él gnü i dodesc da d’ël y à dit: ”Ürtia demez la jënt, ch’ai vais ti paîsc y ti lüsc incëria, y ciafes dailò alberch y val’ da mangé; deache chilò sunse te n post desman.” Al à respognü: ”Dedi os val’ da mangé!” Ai à dit: ”I n’ùn nia, ater co cin’ pans y dui pësc; i messasson naôta jì nos instësc a ti cumprè da mangé a döta chësta jënt.” Al ê incër cin’ mile ëi. Al ti à respognü a sü discepui: ”Dijedi, ch’ai dess se sentè adöm te gröms da cincanta.” I discepui à fat ći ch’al ti à dit, y à ćiarè che düć se sentass. Gejù deperpo à tut i cin’ pans y i dui pësc, à ćiarè sö a cil, i à benedì y i à rumpì; spo ti ai àl dè ai discepui, ch’ai i partiss fora ala jënt. Y düć à mangé y é gnüs pasciüs. Do ch’an â albü coiü adöm i toć de pan avanzà, n’êl dodesc cësć. Parora dl Signur. - Lalt a té, Gejù Crist!

Ai 5 de juni iel 38 ani ca che nosta oma

Rosa Moroder nasciuda Schmalzl nes à lascià. De gra a duc chëi che uel se lecurdé de nosta oma pra na santa mëssa.

Al vëgn afité ia n apartamënt convenzionè a Badia, inće por döt l’ann. Prëibel cherdè sö le 0471/839720.

Anunziésse La Cassa Raiffeisen Val Badia é na banca cooperativa moderna cun 60 colaboradus. Nüsc tliënć aprijëia l’atmosfera cordiala y amicala, sciöche inće la competënza spezifica. I chiriun le plü tosc che ara va

Lecort

Chëi de familia.

Pasca de mè La é conscidrada dai cristiegn anter le feste più grane Una dò l’autra, dò n sust da la marevea. Pasca via, le feste grane Coscita l Spìrit Sènt dla Crestianità le se cor l vegn te nösc cöres d ò tel c al a n d a r maester spiritual e leturgich. Tel strent l ne ensegna a lengaz de gejia ste feste contemplar chel che le vegn ence chiamade sention e no vedon. Epifanìe, che volesse En auter ejempie sche n dir parizion e l’é l’èga che spriza, manifestazion dla pola che seghita a Devinità. butar, ma che no Ence Pasca Tofènia moscia da olache la la se referisc a la paruda vegn, e chiara e t r a s p a re nt a l a di Magi da l’Orient, la pascenta la Tera parola Tofènia vegn scura che dapò apontin da Epifania, manifestazion de deventa giardin de fegure vere dl Spìrit erba e fiores, solief Sènt o rivelazion de na per chi che la bef, la realtà devina, desché fasc renascer el te la festa de Pentecoste, desert di cöres e la i porta a vita növa. trasportade dal sofie de n gran vent che l Auter simbol dl sofia da dute le man, Spìrit Sènt l’oio messianich che l no se sà da olache l vegn cà, no olache l va, serf per consacrar, ma chest, ne disc n con n segn de crosc salm, l’é per duc chi che La raprejentazion de Pèsca de mè te n sul vis per ge dar a é nasciù dal sofie dl chèder del Moretto. na persona na Spìrit Sènt. L Maester miscion da portar l’à sofià sui descepoi struté Ma per l’om l Spìrit l’é inant a inom dla umanità e tel Cenacol e tel valif temp ence sofie interior, respirada che la vegn dreta dal come de picole lenghe de che porta solief vital a dut Segnoredie. Oio che tegn föch le compariva e le jiva so esser, che l lo met en de seghit empeada la a se pojar ogneuna sul ciau condizion de ge dar corp a lampada, l lumin che fasc de ogneun de ic che i se à duc siöi sentimenc. luster te la not, oio che empienì de Spìrit Sènt Ence l föch l’é simbol sote reversà sul sas l se n bef int, desche n vent gaiert, e da più forme, come chela dla l molejinea de so morbie stremii che i era i à ciapà fiama che fasc luster te la ence l sas più dur. vigor nöf ti cöres e te la not, che sciauda e varda via, Duc simboi chisc dl Spìrit ment. Da chigiò à ciapà pe come l calor te na ciasa Sènt che l partezipa de pien la Gejia crestiana con na sorida da star int. Ence l te la vita dla umanità entrea gaissa e na animazion duta cescon che bruja dasc na e tel più fon dla anema e növa. forma che la purifica zenza fasc perzepir na realtà vitala Pentecoste per i ebrei mai se destudar e la lascia e la prejenza dl Ben tel volesse dir “Cincantejem dì” perzepir la prejenza de valch mondo. e sta festa religiosa la vegnìa da gran; l’é na fiama che zelebrada 50 dì dò Pasca per trasmet parole, osc e valores Duc sti bié e confortevoi rengraziar l Segnoredie de al cör uman. pensieres troon scric te le la bona regoeta tota sù dai Dò l vent e l föch amò na Sacre Scriture, parole bone crestiegn che en chela dì i prejenza che no vedon ma che fasc capir e entener à vivù la vegnuda dl Spìrit che sention: l’aria. L sgol miec l segnificat de le feste Sènt sora de ic, la é maestos de la agola, chel più grane, desché la festa de consciderada anter le feste scempie e chiet dla colomba. Pentecoste dita ence Pasca più grane di cristiegn; per i E coscita l’é scrit che l Spìrit de mè, ajache se trata de na luteregn la vegn adertura tanche ben l sgolava sora festa grana che la resta te la capida desché la maora e via le èghe postdiluviane, ment e ti cöres di fedei tala i la festeja te so religion. lejier come colomba, a endana dut l’an, e pò la Per ne far capir, le Sacre reconjonjer endò danöf la croda scialdi de mè. Scriture le se serf de umanità col ziel e con la Mìngol inant o mìngol ejempies che vegn toc dal tera; e l’é scialdi l valif Spìrit dò la festa, dapò, duc i egn Creà. Tel Creà, spelge de Sènt che l se toala su le eghe te n cianton de ort olache i chel che no se vesc, l Spìrit dl rif Giordan sot forma de la rencura, se averc fora te Sènt a oite l vegn descrit colomba, te chel che Nostro n bel ciof i magogn dla rösa desché l vent, forza che möf Signor l se fasc batejar. La de Pentecoste, Pasca de mè, le nigole e porta stroz le colomba, l’ucel che tramana e pìcoi e gregn i la mira con semenze acioche le pode pasc con so chiet sgolar, mai piajer. jerver e portar frut te la tera de furia; la se poja lejiera Veronica növa. sun fenestra e la ne fasc trar dl Tinoto Gabana www.lauscdiladins.com

43


2113  

edition 2113

Read more
Read more
Similar to
Popular now
Just for you