Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 20/2012 - 25 de mei 2012

Gherdëina

24

Gherdëina o ladin standard?

L teremot dl nord

Comentar de pruma

Emilia Romagna: da en sabeda encà ne lascia la tera nia de scassé, ence tles vals ladines à trueps sentù de plu scassaroc

de Iaco Rigo

La SVP de Urtijëi ova nvià chëst’ena passeda a na sëira de descuscion sun chësc argumënt.

Nduneda

26

I Alpini ladins Na festa de marueia! Na reportaje de Igor Demetz dla grupa di Alpini de Gherdëina che à fat pea la nduneda y defileda deberieda cun i Alpini dla Val Badia.

Fascia

29

Radunanza CEP I sozi del Consorzie Eletrich de Poza à aproà n bilanz positif, aprijià l servije ezelent e confermà la stima a si aministradores

Badia

35

Degüna dezijiun Le consëi de comun de Badia ne s’é indô nia gnü sön le post por la sënta dla scora de musiga tl’alta Val Badia.

Val Badia

36

Concurs de dessëgn A La Ila él gnü premié i davagnadus dl concurs internazional de dessëgn Raiffeisen.

La Val

39

Compliagn dla musiga La Musiga da La Val à festejé sü 85 agn, cun le conzert d’aisciöda y na festa acompagnada dai amisc da Wengen tl Allgäu.

“La Usc” di letours

40

Letres I ciafeis ence te chesta edizion minunghes, osservazions, toutes de posizion y critiches.

Balon Fascia

La venta La venta de Copa Provinzia al Briamasco à soscedà n grum de reazions de legreza e emozion.

44

L gran sisma dla domenia puech do les cater da doman à fat de gragn danns a fabricac dantaldut storics. Enfin sen él gnu conté set persones che à perdù la vita per ferides y ence sperdudes a gauja de chest sisma dla magnitudo 6.0. (reporters.blogosfere.it)

Atualité - I comuns tochés da la gran scasseda dles cater da doman dla domenia é comuns de de pitles dimenjions, anter les provinzies de Ferrara, Rovigo, Modena y Bologna: Finale Emilia, Bondeno, Castelmassa, Gandola San Felice sul Panaro, Sant’ Alberto di Casale, Sant’ Agostino di Ferrara y Reggiolo. Sce an conscidra che la forza de chest teremot é gnuda mesureda te si epizenter con la magnitudo 6.0, spo n’ésen nia plu dalonc dal gran scas sté a l’Aquila dant trei agn (magnitudo: 6.2). L gran teremot dla Emilia Romagna é gnu sentù a n rai ampl, nia mé tles regions vejines Lombardia, Liguria, Venet y Toscana, ma ence enfin te nostes vals ladines; n grum de persones é gnudes descededes y sprigoledes, tla zentrala de cherdeda 118 a Bulsan él ruvé adalerch do l gran scassarot

entourn a 200 telefonedes, dantaldut per ciafé informazions y val’ conseis per les scassedes che ess podù se tré do. L sisma é gnu a s’l di avisa cater minuc do les cater da doman, con epizenter anter Modena y Ferrara, a 36 chilometri a nord de Bologna. Ence jent te nostes valedes ladines conta che la ciasa à tremolé per zirca 20 seconc, ma danns a cosses y ferimenc de tiers y persones n’él gnu nunzié degugn. La maioura desgrazia dla gran scasseda é suzeduda a Sant’ Agostino di Ferrara, olà che al é tomé adum na fabrich de ceramica y doi laoranc dl turnus dla nuet é gnus copés. N magazin de na fabrich à dé do tl ferareis a Bondeno, na persona é gnuda sepelida y à perdù la vita. De plu jent é gnuda tocheda dal bot per l gran spavent. Almanco sessanta é stedes do

chesta nuet les scassedes de assestament. La tera à tremolé enfin chisc dis, almanco doi é stés i sisma susseghenc registrés con la magnitudo de passa 4.0. Enfin dant doi dis, mercui, fova i zenzatet per gauja dl gran teremot padan entourn a 4.000. Ence l premier Monti é ruvé ti posć per vedei i danns y ence per trasmete solidarieté a la jent. L govern talian messarà judé la jent, sceben che al é sauté su danuef la discuscion che l’Aquila é con sie zenter storich danejé trei agn do l gran teremot for ciamò zenza de gran speranzes reales. Per la jent ence mé sul iade ti raions tochés da chisc teremoc, con auti y ence con la ferata, féjel dagnora gran imprescion de vedei sciche fabricac entiers y ciases à podù gnì ruvinés. La forza dl teremot ne perdona nia y ne i ciala ti uedli a degugn. (ir)

La mafia Al é passè chi vint agn dai atentać dla mafia ai magistrać Falcone y Borsellino. Danter i mafiusc tles porjuns él incö inće le boss Salvatore “Totò” Riina, condanè por avëi comanè dlungia a d’atri inće i omizids a Falcone y Bosellino. Milesc de jënt tles plazes de Palermo â damanè finalmënter iustizia y che le Stat Talian se destanziass dla colaboraziun cun les mafies! Cuntra l’anarchism jovâ ma l’orenté y l’onestè dla jënt, le Stat ê stè ćina ilò falimentar tl combatimënt cuntra la mafia a Palermo. Da chi mëisc de mà (Capaci) y messè (Via d’Amelio) dl 1992 passâl 12 agn (dl 2004), che les strades de Palermo gnô placatades de nöt cun scrites “N popul intier che paia le pizzo é n popul zënza dignité” (le “pizzo” é n tot de scioldi che la mafia damana por sconè familia y impreja). I dis dedô â n grup de porsones rot l’anonimat y formè le pröm comitê antiracket. A Palermo, olache 8 impresars sön 10 paia le “pizzo” cöi chësc grup adöm, dl 2005, na lista de 100 boteghiers che é a öna da detlarè publicamënter, cun inom y cognom, che ai ne paiarà plü nia ala mafia. Al dedaincö é i impresars indöt 711. Al é na desmostraziun che la jënt surantol söes responsabilitês, chësta jënt ne les damana nia plü da d’atri (ilegai y ufiziai) y da n Stat che é inće ma fat de porsones che po avëi düć i interesc ćinamai da lascè vire les mafies, anfat spo sce chëstes copa ćinamai i ufiziai de Stat (laprò i magistrać) y inozënć.

Jì inant ćiaran derevers Le pest “C. Gatterer”, na reconoscënza che fej bun

Te nüsc tëmps, olache les critiches alda pro la vita feter sciöche le pan da vignidé, ciafa na reconoscënza importanta ala “Usc di Ladins” n valur döt particolar, suradöt ćiodîche ara vëgn da na fondaziun da foradecà che valutëia le laûr jornalistich independënt. Iö conësci valgamia bun la storia dl foliet “La Usc di Ladins” y tröpes dificoltês incuntades fora por i agn: por fortüna à le spirit dla fondaziun dl foliet, va inant a plata 3


Zoom

nr. 20 / 25 de mei 2012

Chëi de Gherdëina y l tremot La Grupa de Teater de S. Cristina fova n sada iusta a Ferrara, per si jita che la fej uni doi ani, canche duc univa zarei ora dl suenn dal tremot

Fotografies dal tremot a Ferrara y periferia. (fotos: rudybandiera.com)

Tremot - “Vel’ da de tel ne éi mei fat pea y ne ue nianca no mei ulëi l fé pea mo n iede”, dij Annemarie Rungger, la presidënta dla Grupa dl Teater de S. Cristina, che à fat si jita tradiziunela ntan la fin dl’ena passeda, chëst ann a a Ferrara. Rungger: “Coche da

tradizion fajons uni doi ani nosta jita. Chëst ann a Comacchio y Ferrara. A Ferrara ons apustà l hotel per doi nuetes, da vënderdi a dumënia, per nosta grupa de caranta, danter cumëmbri dla grupa y uemes y fenans. Son piei ju n vënderdi daduman. La prima nuet sons stai Ferrara; l fova dut a post, duc a durmì bon saurì. La sada sons jic a Comacchio, per unì de reviers da sëira inò te hotel. Do na bona cëina te na bela cumpania ie ngali via duc jic a durmì.”

L tremot dala cater Annemarie Rungger conta inant che dala

cater daduman se à duc descedà, che l fova dut n sotsëura. Rungger: “Ie y mi uem Alfred fan te na majon tl cuinto partimënt, ora te cianton dl partimënt. Ora de nia me éi descedà dala fuera, l semiova sciche na ferata che passëssa iló dlongia via, o n julier che julova sëura hotel via. Ne ntendove te n prim mumënt nia de cie che l se tratëssa. Udove l liet che sbingova. Mi uem Alfred ne fova nia bon de levé su dal liet, dal gran scassamënt. Dut cant à durà mé vint secunc, ma vint secunc che dura tan giut ne éi mo mei fat pea. On pona cialà da majon ju. N audiva sirenes de alarm di auti che fova piedes via dala scasseda. Ie fove dut spriguleda. Se on trat sëura iusta na brea y n sbeter y tëut pea l tacuin, lascian scenó dut te majon, y son piei ju,

ora de hotel, marë ora!”

Na gran sperduda Annemarie Rungger conta un al iede dla Grupa de Teater univa adalerch, sprigulei fova duc, chi deplù, chi demanco o che ne dajova nia tan da ntënder de vester sprigulei. La grupa ie stata iló dan hotel, sun plaza. Rungger: “Chëi dl hotel ie stai scialdi dalaibon. I nes à dat chëutres. Do y do se rendans mo deplù cont de cie che l fova stat; l fova belau da unì stlec, plu de un de nëus che zitrova dala sperduda. Da n cher’ passà la sies nes ài fat da gusté te hotel. Un al iede jiva nce ite, ma monce te sala ju bas ans duc na drëta tëma.” N dumënia ëssa la grupa ulù vijité la zità de Ferrara, vijita che la à sambën desdit, sibe ajache deguni ne ova nia plu gran ueia do na tel

ntraunida, ma nce ajache l fova truepa stredes dsaredes, dliejes y palac fova unii stluc per na segura. N tòch dl ciampanil de Cësa de Chemun fova tumà ju. Na situazion ncherscëula, cëses rotes, tof da gas, destudafuech y forzes dl ordn che univa adalerch. Rungger: “La sëula fova de puchené adum dut cant y de se n pië bel riesc su de viers de cësa. Son passei tres i Colli Euganei, ma deguni ne ova plu gran ueia de se goder la bela cuntreda, duc fova scialdi chiec.” Nscila conta Annemarie Rungger, presidënta dla Grupa de Teater de S. Cristina, che à fat si jita a Ferrara, zità tucheda dal tremot. Na gran sperduda iel stat, na jita particulera, de cër’ velch ncherscëula. Ma l ie bel che l ne ti ie suzedù nia, che i ie duc sani y nton inò a cësa. David Lardschneider

“Bon che l’é stat demò na gran sperduda” Frida Soraruf da Poza la é maridada a Modena. Ge aon domanà de ne contar coche a ciasa i à vivù chel moment dramatich, e chest l’é chel che la ne à scrit, tras e-mail. “Son contenta che aede pissà a noi. Jà de autres de la Val de Fascia i à telefonà o manà n messaje per saer coche stajaane. L’é bel esser recordé, ence se no se volessa mai che fosse per cheste robe. L teremot l’aon sentù belebon fort, ajache stajon al 6° piano de n gran condominie, e da le 4 da doman sion suté duc cater fora de let (Lorenzo l’é stat l prum che l’é coret fora, sprigolà, e l’à empeà la lum). Se aon metù duc cater sot n architraf, se aon strent e aon spetà che la sgorlada la fenisse. La é stata belebon longia, e la sensazion più burta l’é stat chela de jir via e ca, desché canche se é te na barca. Per grazia te ciasa no aon abù

dans e l’é demò sutà jù na bocia de plastica. Sé che Modena la é sora n teren con aghe e sabion, e donca no l’é n teren che porta n muie de dans. No ere cruziada che sutasse jù la ciasa, ma te chi pec secondi se vif te la paura. Passada la sgorlada, aon cerì de capir che far, jent n’era ence te strada, ma no coscì tanta; n muie, desche nos, i é resté te ciasa. Aon avert internet e empeà la televijion per aer valch neva, ma l’é passà amàncol 10 menuc dant che i dijesse zeche, e aon capì de esser vejins, ma no tel zenter del teremot. Sion endò jic te let, ma no l’é passà via trop, che da le 5 se n’à

sentù n’autra belebon forta, no sche la pruma, ma endò dut che sgorlaa via e ca. N auter moment de tema, ma che l’é passà en prescia. Domenia domesdì dò le 3 n’autra sgorlada, manco forta e più curta, endana che eraane senté sun canapè. Da enlauta sention amò valch picola remenada (chele che vegn chiamà “scosse de assestament”) e la sensazion l’é semper la medema: somea de perder per mìngol l’equilibrie. I à dit che cognaron se spetar cheste picole scosse amò per tenc de dis. Da canche stae a Modena, oramai da 14 egn, sgorlade de teremot n’é amò stat e n’é sentù amàncol 4 o 5 (l’ùltima de jené), ma nia de coscita fort sche chesta outa. Te chisc momenc se peissa soraldut a chi che à perdù zachei, a chi che no pel jir te ciasa. Ence l temp con freit e pievia no deida de segur. Ades l ciel l’é dò che l se verc, e l soreie l cer de vegnir fora: speron che sie n segn che l piec l’é passà... Priesc d’abonament anual: per la Talia: 59,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Frida Soraruf con so om Alessandro e i fies Lorenzo e Valerio.

2

www.lauscdiladins.com

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi, Katia Pizzinini. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Per i inserc speziai, i jolantins y les ajontes, menés fora con l foliet La Usc di Ladins, respon per la forma, l contegnù y i lingac adorés, mé l comitent instes de chisc, y nia la redazion de La Usc di Ladins, l diretour de La Usc di Ladins y l editour de La Usc di Ladins. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Zoom

nr. 20 / 25 de mei 2012

Jì inant ćiaran derevers

Brac de fier Bulsan–Roma

Le pest “C. Gatterer”, na reconoscënza che fej bun va inant da la pruma plata

“Nos Ladins”, mantignì la suravënta sön les dificoltês! Na mendranza sciöche chëra ladina, spidiciada politcamënter y cun püćes garanzies messâ ciafè n meso por comuniché ala jënt süa storia, la valüta de so lingaz, de süa cultura, dles tradiziuns y suradöt dl’unité di ladins tl raiun dolomitich. N foliet scrit daldöt tl lingaz dla uma, le ladin, fajô crësce la cosciënza da ester na popolaziun che n’â nia bria da s’ascogne do les gran popolaziuns incërìa, mo che podô varantè la conservaziun de n lingaz vedl. N foliet independënt mëss inće informè y man man che al chersciô le svilup economich te na valada fajô chësta da ejëmpl por les atres che porvâ da se trà do. Te chësc contest s’ascognô inće n pice prigo che i leturs s’ess conzentrè ma sön süa valada, refodan les informaziuns dles atres valades y cun chësc le

prinzip dl’unité ladina. Chësc fenomenn n’é pa gnanca desfantè daldöt al dedaincö! La Ladinia à incö n numer de uniuns, assoziaziuns, clubs, sides culturai, sportifs y tröc d’atri, che ciafa süa publicaziun tla Usc, te so foliet, y dessigü nia te chi provinziai, regionai o nazionai. Vigni categoria ciafa süa lerch y po se fà conësce tles atres valades por se confrontè y mëte na basa de discusciun söi problems che reverda le teritore dolomitich. Nia da sotvaluté n’é l’aiüt che lì le foliet ti dà ala conoscënza dl lingaz. L’Union Generela di Ladins dla Dolomites à, sciöche edituria de “La Usc di Ladins”, le dovëi da respetè le status che dij che ara é apartitica, mo nia apolitica. Cun chësc mëssera i dè lerch a dötes les minunghes che vëgn da istituziuns, partis o privać. Les discusciuns, tan inant che ares é raidles, fej ponsè sura y dà vita ala realté ladina.

Bele l’inom “La Usc di Ladins” messass invié tröpes porsones a comuniché sües propostes, sües valutaziuns y sües impresciuns, ćiodîche le foliet é de düć y no de püć redadus che ne pordüj nia da ruvé dlunch. An alda gonot dijon che n valgügn scriess dër ion, mo ai ne s’infida nia: iö inviëii düć chi che à interes che La Usc respidlëies tres deplö la popolaziun ladina da cominiché so contribut al foliet. A düć i colaboradus de “La Usc di Ladins” i sporji n gran dilan por le gran impëgn te so laûr, ći che à portè pro a mirité la gran onoranza “Claus Gatterer”. Dilan inće a düć chi che scrî y a chi che sostëgn finanziariamënter “La Usc”. Al é dessigü na gran fadia da laurè cun plö redaziuns despartides inće aministrativamënter te realês desfarëntes. Complimënć de cör y bun laûr inant cun ligrëza! Hilda Pizzinini, La Ila

La Jonta provinziela s’á dé ju chisc dis cun chisc argumënć: tremot, recurs a Roma, jëuni zënza lëur y nsenianc Politica - Te si senteda ai 21 de juni à la Jonta provinziela dat pro na lingia de delibres. Tla cunferënza stampa do la senteda, à l presidënt cunedì de plu argumënc de majer nteres, danter chisc nce la pruposta de aiut per i tuchei dal tremot, l recurs al Guviern per la spartizion dla chëutes nueves, l servisc de ulentariat per jëuni, nsenianc de rujeneda y personal dla scolines.

Tremot tl’Emilia Da pert dla Provinzia de Bulsan iel unì tëut su cuntat cun l comitato operativo de Bologna per pité aiut ala persones tuchedes dal tremot, de n dumënia. De ndut iel unì cumpedà 163 iedesc che la tiera à zitrà tla region Emilia. L scassé ie unì sentì nce tlo da nëus y nchin tl’Austria. Aldò dla nfurmazions dl mumënt iel tla provinzia de Ferrara 900 persones che à debujën de assistënza, tla provinzia de Modena nen iel nchinamei 2.500. Destudafuech prufesciunei de Bulsan y ulenteres cun la grupes de prutezion zevila ie bele anjeniedes a muever. “Danmesdì on giapà resposta dal’Emilia rengrazian de nosta dumanda y che i nes cherderà sce l sarà debujën” à dit Durnwalder.

Recurs al Guviern per la spartizion dla chëutes

Rapresentanć dla Union Generela di Ladins cun gran pert di redadus y colaboradus de La Usc di Ladins, en gaujiun dla Festa di 60 agn de La Usc di Ladins tla redaziun a San Martin de Tor.

N cumité publich per relazions bancaries Durnwalder: “I n’adoron nia plu tan de firmes te Südtirol!” Politicia - Per cialé deberieda cie che la Provinzia y la banches da tlo possa fé tla situazion economica dl mumënt, iel ntan la senteda dla Jonta provinziela de n lunesc unì tenì n’ancunteda cun reprejentanc dla banches da tlo. Al é unì fat ora che n cumité di trëi assessëures provinziei Mussner, Widmann y Bizzo dëssa deberieda cun i diretëures generei dla banches lauré ora modiei per l daunì. Tl’ancunteda se àla dantaprima tratà de udëi ora formes de culaburazion per ti vester ala situazion. “Chësc ie debujën ajache la crisa economica ne ie mo nia passeda y povester ne ons mo nianca arjont l pont plu bas”, à dit l presidënt Luis Durnwalder do la senteda dla Jonta. L cumité de assessëures provinziei y diretëures de banches dëssa nchin te n mëns lauré ora modiei per ti dé na sburdla al’economia da tlo. La

Cun l pachetl de ressanamënt dla finanzes stateles tlamà “Monti 1” fej l Guviern talian cont de tré ite me tl Südtirol 235 milion de euro al ann. Aldò dl’Acurdanza de Milan à la Provinzia de Bulsan l dërt sun 90% dla chëutes che vën trates ite tl Südtirol, a ezezion de chëutes che vën tëutes ite per n bujën spezifich (p. ejëmpl n tremot). La “riserva all’erario” ne à nia na destinazion spezifica, perchël fej la Jonta provinziela recurs dan la Chëurt costituzionela se damandan si pert de dla chëutes nueves. L presidënt Durnwalder à detlarà che n ie a una a lascé do na pert, ma me cun tramedoi pertes a una.

Servisc de ulentariat zevil y soziel I assessëures provinziei à dat pro de nuzé 300.000 euro dl fond de resserva per mëter a jì da 200 a 300 stieres de ulentariat tl ciamp zevil y soziel. Cun chësc

pruvedimënt uelen ti jì permez al problem di jëuni zënza lëur che cumpëida bele danter 600 y 700 persones tl Südtirol. Per chësc servisc zevil de ulentariat, per jëuni danter 18 y 28 ani, giaten feter 430,00 euro al mëns y la segurazion. Per jëuni sëura 28 ani ova la Provinzia nvià via l servisc soziel. Chësc possa duré da 8 a 16 mënsc y l paiamënt ie aldò dl’ëures danter 360,00 y 450,00 euro al mëns. Per i jëuni, iel aldò de Durnwalder dantaprima na puscibltà de se ambienté tl mond dl lëur.

Nsenianc dla segonda rujeneda La Jonta provinziela ova bele dat pro che sce scoles autes ne abina nia nsenianc cun na furmazion spezifica per nsenië la segonda rujeneda, posseles tò su nce d’autri nsenianc per chësc nseniamënt. Śën ie chësta regulamentazion unida slargëda ora ala scoles elementeres. N pratica possa nsenianc che fej pert de na graduatoria nce sce lascé scrì ite tla graduatoria de n’autra ntendënza per nsenië la segonda rujeneda.

Personal dla scolina La Jonta provinziela à dat pro la cumpëida de stieres tla scolines tudësces y talianes per l proscimo ann de scola. La cumpëides ie restedes unfat sciche chëst ann. Per la scolines tudëscia cun 11.918 iscrizions (144 de plu) iel uni dat pro 1.305 stieres. Per la scolines talianes cun 3.671 scric ite cun 1.081 che stà plu giut domesdì iel unì dat pro 498,5 stieres. Aldò dl presidënt dëssel tla scolines a Bulsan, Maran y tl Unterland unì tëut su nsenianc per l’alfabetisazion.

Vedl fier Tl Südtirol iel do la rata truep marcadënc de vedl fier. La Jonta provinziela à udù l bujën de regulamenté chësta ativiteies y de les tò ora dal regulamënt drët sciorf dl refudam speziel n cont dl crì adum, trasport y l nuzé. Perchël iel unì dat pro che n marcadënt possa lauré cun nchin al plu 1.000 tones de fier al ann. L trasport possa unì fat cun camions che cëria nchin al plu 3,5 tones. (ufize stampa provinziel/as)

Respunsabli dla banches locales de Südtirol stai nviei tla senteda dla Jonta provinziela.

situazion economica dl mumënt à purtà dificulteies, ajache la cundizions se à drët mudà permez a canche fova unì fat cuntrac. La cunseguënzes se lascià sentì sun la rates di credic, i fic de credic, la licuidità o garanzies curides cun puscions che à perdù valor. Dificulteies cumporta nce sce la banches se sënt sfurzedes a tò de reviers i mprësć o sce privac ne ie nia plu boni de paië ju credic per

si cuatier. Tl ciamp dl frabiché iel na situazion particulera. “Ti ani passei à la Provinzia frabicà truepa strutures, ntant ne iel nia plu tan debujën y a chësta a maniera iel de plu firmes che ne adurvessan tl Südtirol” à spiegà l presidënt dla Provinzia rujenan de export sciche na soluzion per chësc ciamp economich. (ufize stampa pruvinziel)

La Jonta provinziela. www.lauscdiladins.com

3


Atualité

nr. 20 / 25 de mei 2012

Ampez inant ladin Sciche an à podù lieje tl foliet ladin, à davagné les lites de comun a Ampez endò Andrea Franceschi. Na garanzia per l ladin Ampez - L ombolt Andrea Franceschi nes garantesc che Ampez tegne inant sun l ladin, che al vegne ensegné tles scoles, che l Istitut Cesa de Jan giate l sostegn finanziar y ence n sie scagn via en Ampez sciche la Union di Ladins d’Ampez, che l referendum per ruvé pro Bulsan vegne respeté y porté inant con dutes les dificoltés che é sen da Roma ju y, en general, ti partic politics che é mec frec per coruzion y afars personai. Chesta outa ti la à ciamò fata l candidat di ampezans che é per l ladin, n auter iade él pericul che n cortineis (nia ladin) ae la souraventa; perchel é duc cherdés a daidé i ladins ampezans, la Provinzia da Bulsan, cis la Lia di Comuns Ladins, la Union Generela con sies sezions, i trei Istituc Culturai Ladins y vignun che à a cuer la salveza de duc i ladins dles Dolomites.

N bon ejempl ampezan Vigni consei é envié a smendré l numer di membri per sparagné scioldi y personal. Ampez à fat n gran vare de chest vers: al à demé plu 11 oms de comun empede 16 y ciamò denant 20; la jonta é metuda adum da cinch persones empede set. Encuei che i comuns fej duc pude che al i mancia broji, podessera jì da sparagné nia tan ert. A cie moda che Badia à volù n consei de 20 persones y set te jonta ne à la gran pert dla jent nia capì. Enscì él mefum ciamò deplù consiadours che ne à nia da fé. 12 oms de comun y cinch persones tla jonta messessa ben saurì se governé n tel pice comun da 3.000 abitanc. An spera che al vegne smendré de cotant duc i conseis y no demé chi de comun. La Svizera à en dut set ministri y laora empò ben.

Speculazion arfereda L comun d’Ampez à ence deliberé mesures contra la gran

L ombolt Andrea Franceschi.

speculazion che à porté a priesc sourafora de terac y alberc per de nosta jent. La speculazion edilizia é steda a Ampez dret grana y danousa a la popolazion. I savon tant de ciases y apartamenc che al é via en Ampez te mans forestes. Chest svilup ti é sté de gran dann al paisc, a la jent ampezana che ne à nia plu l muet de frabiché; trueps joegn se en é jus ju per Ciadoura a mete su familia y enscì vegn i ladins ampezans tres demanco. Sce Ampez pò se paré contra la speculazion pò dessegur ence i comuns da chesta pert di confins fé valch per daidé salvé tera ladina te mans ladines.

Speculazion engorda Chilò da nos, te Südtirol, él vegnù fat puech y nia contra la gran speculazion, ćinamai zerti ombolć à daidé y deida tré adalerch i speculanć a compré si cuatiers; l foliet “ff ” à da puech mostré su cler te n articul plen de informazions sun i comuns sciche ara se sta chilò da nos te Südtirol. Les zones da frabiché fova vegnudes mesuredes fora cotant massa granes y perchel à la speculazion abù na gran florida. Tant che i sé ne à degun de nosc comuns dit cler che la speculazion é de dann y che la jent ne dess nia

La speculazion edilizia é steda a Ampez dret grana y danousa a la popolazion.

4

www.lauscdiladins.com

vene a jent foresta. An ti à massa cialé ai scioldi y chi adorba truepes persones; per trueps conta demé chi, dut l auter vegn ignoré, unfat tant de mel che la svenuda de nosc patrimone ti é a la popolazion dl post. Sciche la ”ff ” à listé su él te nosc comuns te mans forestes chisc apartamenc o frabicac: Corvara 487 (l 52%), Badia 549 (37%), Selva 315 (27%), Santa Cristina 188 (23%), San Martin 116 (19%), Mareo (scialdi dut a Al Plan) 183 alberc (18%) – Urtijei 292 (15%). La Val é de chest vers l comun plu sann y original con dret puec foresć patrons de valch alberch, ence deache i ombolc à salpù da se parè. A Corvara ti la stica demé Welschnofen con 929 alberc (58%). Chisc é numeri da sprigolé per chi che tegn sun sie daciasa - tant de alberc é te mans forestes. An seghita a damané da Roma competenzes nueves per na majera autonomia y entant ven jent da chilò, zenza coscienza y cialan demé ai scioldi, terac, ciases, majons, hotiei, apartamenc a jent che n´à nia da fé con nosta cultura y nost lingaz. Peso él ciamò che firmes da chilò fej i gran speculanc compran majons y ciases vedles, cubatures de valch bercia tomeda adum y fej su ciasons da vene ai foresć. Puech y degugn de nosta jent ne pò compré n apartament che costa plu de 600.000,00€; y da fé su de planta ne còstel nia truep demanco. Nia de marevueia che joegn dla auta valeda se lasce tres de plu ju tla bassa y va tla auta a laoré. Demé enscì pòi ruvé pro n cuartier per la familia.An spera che i comuns fejes paié a chisc foresć na bela gran culta. Al é da speré che nostes aministrazions feje dles dutes per tegnì dalonc la speculazion. Fora te Tirol pòl demé vegnì venù l 8% di apartamenc a foresć. A cie moda ne dess pa chest nia ence podei valei tla provinzia da Bulsan? Da puech à la Svizera te n referendum dit che la speculazion, la svenuda de cuartiers a foresć é da eliminé, ai nen à bele demassa. La descededa vegn gonot n puech tert, ma miec tert che mai! (Lois Trebo/ev)


Atualité

nr. 20 / 25 de mei 2012

Interpretè le corp dla porsona Inće Giovanni Rindler tla mostra itineranta “Nacktheit dein Name sei Akt - Unschuld-Schönheit”

Scultöra de Giovanni Rindler, iadô: dui stüdi sön papier. (Foto Franz Pfluegl/A)

Ert/1 - La curadëssa dla mostra, Dagmar Chobot, scrî dla mostra: “L’ambiziun che i à albü pro chësta mostra, é stada chëra da stlü’ fora l’aspet sessual por podëi me conzentrè deplü sön la belëza dl corp desnü”. Por la mostra él gnü chirì fora artisć che à sciöche tematica de so laûr le corp dla porsona. I artisć che mët fora é: Wander Bertoni (1925), Oskar Bottoli (1921-1995), Alfred Czerny (1934), Otto Eder (1924-1982), Gerda Fassel (1941), Oskar Höfinger (1935), Alfred Hrdlicka (1928-2009), Heinz Leinfellner (1911-1974), Josef Pillhofer (19212010), Rudolf Schwaiger (1924-

1979), Giovanni Rindler (1958) y Ben Siegel (1966). Ara se trata pro düć de scolars de Fritz Wotruba, aldefora de Gerda Fassel, Ben Siegel y Giovanni Rindler che à studié pro Avramidis, Pillhofer y Hrdlicka (inće chisc gragn artisć y maestri é stà scolars de Wotruba). Fritz Wotruba é stè por tröc agn maester ala “Akademie der Bildenden Künste” de Vìena y süa scora é conesciüda cun l’inom “Wotruba Schule”. La carateristica de Wotruba y de sü scolars é le gran valur che ai i dà ala porsona y al corp dla porsona, che é le zënter de süa ert. Giovanni Rindler y Ben Siegel é i artsć plü jogn.

Chisc dess nes mostrè sciöche la tradiziun dla scora de Wotruba y de sü scolars va inant cun le passè di agn y che la tematica dla porsona tl’ert é tres ćiamò atuala. La mostra nes presënta scultöres, che nes fej odëi les interpretaziuns desfarëntes che i artisć à dl corp dla porsona y dantadöt dla ëra. Dit te na manira scemplificada podesson dì che al vëgn presentè la belëza dla porsona te so ester-desnüda. An se damana spo: ći é pa la belëza? La mostra proa da nes portè dant che al n’é nia ma öna na definiziun de belëza y che vignun de nos à n’atra vijiun de ći che é bel, mo inće che an baia de n conzet che é relatif. Te nosta sozieté éson ausà da incadré les porsones aladô dl guant y dl vistì; porchël sozedel che, sce an vëiga na porsona zënza guant, àn ma plü dant le corp y söa individualité. An realsëia spo la belëza dl corp dla porsona che nes fej odëi süa particolarité y süa singolarité zënza distraziuns. L’artist po spo tó la dezijiun sön ći che al ô valorisé dla porsona o ći che al ô mantignì astrat de ëra, sciöche al ô nes portè dant süa vijiun, o ći che é por ël important. Tla mostra dl “desnü” pòn odëi sciöche la tematica tratada porta a soluziuns desvalies: val’ artisć se mostra n corp megher, sensual o n corp da muscui, tóch o compat, cun formes astrates, naturalistiches o figuratives. Tl cajo de Giovanni Rindler odunse n corp dl’ëra dër compat y cun formes abondantes. Heimo Kuchling, storich dl’ert de

Vìena, scrî söl laûr dl artist: “La forma dla cogora se destënn y mostra torogns y ôć cun formaziuns de profonditês. Chësc jüch ritmich dl’alternanza dl toronn y dl sot, regolëia la strutöra plastica coiüda tla natöra”. L’obietif dla mostra é da portè fora por i pici paîsc de Niederösterreich chisc laûrs che fej odëi tendënzes desvalies dl’ert

y dantadöt le corp dla porsona te deplü interpretaziuns. La mostra podaran odëi chisc mëisc te chisc paîsc: 19.05 – 27.05: Allensteig, 1.06 – 10.06: Purgstall an der Erlauf, 16.06 – 15.07 Ybbsitz, 28.07 – 05.08 Yspertal, 17.08 – 02.09 Laa an der Thaya, 14.09 – 30.09 Kirchberg am Wagram, 06.10 – 14.10 Böheimkirchen y 10.11 – 25.11 Neulengbach.

Odüdes fora, odüdes ite Les döes artistes Barbara Tavella y Renate Egger à daurì süa mostra dal tema “Innen/Außen/sichten” tles vedles porjuns da Kaltern Ert/2 - La mostra d’ert “Innen/ Außen/sichten” de Barbara Tavella y Renate Egger é metüda fora ti locai dla pretura da Kaltern che à jovè n tëmp inće da porjuns. Les porjuns é gnüdes stlütes tl mëterman di agn dl 1970. La strutöra i é spo gnüda surandada, da pert dl Stat, ala Provinzia, y tla finada al Comun da Kaltern. Le fabricat é gnü restaurè sot la direziun dl architët Dr. Günther Plaickner: i locai é gnüs lascià sciöche ai ê, dër pici y basc, ćiamò cun les feriades defora dles finestres. Te chësc ambiënt dër particolar pòn odëi al dedaincö mostres d’ert contemporana. Ara se trata de mostres olache n/na artist/a de Südtirol mët fora sü laûrs. L’artist/a po spo instës/ssa se chirì n artist/a da foradecà che fej para la mostra. Barbara Tavella (1972), che vir y laôra a La Val, à damanè Renate Egger (1975), che vir y laôra a Vìena y a Linz, da tó pert a chësta

esposiziun. Trames les artistes à sciöche tema de so laûr la porsona. Sciöche an po capì dal titul vëgnel presentè na inrescida interiura y esteriura sön la porsona y sön le contest te chël che ara vir. “Innen/ Außen/sichten” fej inće referimënt ala porjun; sarà daite ćiàron fora y somia de liberté. Te n secundo momënt él spo le defora (le alaeria) che devënta la porjun, da olache tö ćiares ite te tè. An mëss gonot se odëi da defora, da spetadù obietif de süa vita, por podëi odëi ite ći che an é veramëter. “Innensicht” é inće l’archirida de n ”daćiasa”, n sentimënt conesciü y ćialt. De Barbara Tavella odunse tla mostra chedri fać cun tecniches moscedades. L’artista depënj cun corusc a öre sön tëra y moscëda laprò sües collages. Ara taca o cuj sö toć che nes mostra la vijiun che l’artista à dl monn incër ëra ia. Les figöres che nes presënta chësc, é ëres. Les ëres cun sü pinsiers, sües

Barbara Tavella, “Zënza Titul”, öre sön tëra, colaja, 2012.

ambiziuns, mo inće cun sü problems y presciuns; al é figöres che chir so “ester sè instësses”. Cun l’aiüt dla tecnica dla colaja trasmët Tavella

Renate Egger, “armour 2”, 2008/09.

na atmosfera de dejordinn y de agitaziun; les figöres pê popes metüdes adöm da deplü toć, intortes e intravaiades te süa vita

che n’é nia saurida da destorcorè. Al é n lingaz fantastich, che porta l’osservadù te na dimenjiun onirica y suranaturala. De Renate Egger vëigon la seria de dessëgns dal titul “Things I Have Learned” y dui videos: “A shut mouth catches no flies” y “REM”. L’artista tol ispiraziun dales esperiënzes y aventöres de süa vita da vigni dé. Te sü laûrs dàra forma ai pinsiers, al humor y ales assoziaziuns che passa fora por so će. Inće pro Egger vëgn le spetadù metü a confrunt cun la ëra y le “ester ëra”, cun sües ambries, sües tëmes y süa vëia de cambiamënt. Al é n monn di soms y n monn sureal che nes mostra le dejidêr y le debojëgn dl’artista da se cherié tres l’ert n post che é ma sò. La mostra “Innen/Außen/ sichten” de Barbara Tavella y Renate Egger é da odëi ćina ai 23 de jügn, tla galaria d’ert “Gefängnis LeCarceri”. www.lauscdiladins.com

5


Atualité

nr. 20 / 25 de mei 2012

De ći vers junse pa cun la scolina ladina? La direziun dles scolines Ladinia à presentè a La Ila n plann de orientamënt por tles scolines, che tëgn cunt de cin’ prinzips de laûr. Öna dles contlujiuns: tl dagnì jaràra ma sce an laora deboriada les scolines ladines. L’identité ladina nasc y se svilupëia bele ti pröms agn de vita. Da chësc nasc n impëgn y dovëi tler por les scolines de chësc raiun. Vigni möt, vigni möta y vigni porsona cun responsabilité por la formaziun é unich o unica te süa sort. Chësc dess gnì reconesciü, valorisé y renforzè. Tl 4. y 5. pinsier vëgn fora ćiamò plü tlera la inćiaria dla scolina: vire, imparè da conësce, fà esperiënzes y podëi fà para é la condiziun de basa dl imparè te chësta eté.” Tl articul dlungia pòn ciafè na spligaziun plü menüda. Te vigni scolina él gnü realisé n das, simbol de colaboraziun y de ”movimënt”. Les surastantes de vigni scolina à portè i dasc sön paladina.

Scolina - Le laûr d’educaziun y de formaziun se svilupëia tresfora, i tëmps se müda debota y insciö vàl debojëgn de adatamënć, ajornamënć, orientamënć. La Direziun dles scolines ladines de Südtirol à bele tl ann 2005/06 invié ia n prozes de svilup por les

scolines, y à laurè fora n manual dl’organisaziun che vëgn atualisé vigni ann. Chësc rapresentëia na bona fondamënta por svilupé inant le laûr da vignidé. Le travert che an s’â metü dant por l’ann 2011/12 ê chël da laurè fora n valgügn pinsiers d’orientamënt, che é da intëne ”sciöche fondamënt por i valurs y i prinzips plü importanć de orientamënt por le personal pedagogich, les porsones che porta re sp onsabilité o colaborëia cun la scolina”. Deboriada cun i esperć Siegrid Jamnig y Erst Windischgraetz àn La vizedireturia dles scolines Frida Comploj, la laurè fora n ”plann de direturia Hannelore Insam, l’ispeturia Edith svilup”, che é gnü Ploner. (Foto: USP/Stuffer) presentè en vëndres

dan otedé te Ćiasa de Cultura a La Ila.

Cin’ prinzips Te chësc ann s’àn dè jö cun ći che é important y ći che dess gnì svilupè tl laûr cun i mituns dla scolina, te na fasa importanta y tl medemo tëmp zitia por so svilup. Le früt de incuntades, discusciuns y colaboraziuns, é cin’ prinzips de orientamënt: 1) Ara va ma deboriada; 2) Vire chilò - jì ala scolina chilò; 3) Vignöna y vignun de nos: n monn tl monn; 4) Lerch y tëmp por esperimentè, imparè da conësce y fà para; 5) Porsones competëntes y autonomes tla vita. La Direziun dles scolines fej chësc ressümé: ”Al vëgn alzè fora dassënn le valur dl laurè adöm danter dötes les porsones responsables tles scolines y por

”I orun realisé le proiet y le partì cun les porsones ch’i laurun”, à dit la ispeturia Edith Ploner, ”colaborè cun döta la bona orentè por trasferì le conzet tla pratica.” La direturia dles scolines Hannelore Insam à alzè fora che le conzet dess gnì tematisé vigni ann danü, te scolina, cun i comuns, i geniturs, i mituns. Ploner à injuntè che cis le pröm pinsier - ma deboriada vara - mëss vigni dé gnì realtè.

Tres en movimënt Tl spirit dl laurè adöm él gnü realisé tratan i ultims mëisc te vigni scolina n das, Les perts dl cadrel é gnüdes abelides cun creativité da maestres, geniturs, comun y simbolisëia chësta colaboraziun y inće la varieté y la creativité. I dasc à fat da cornisc tratan döta la manifestaziun y le ”scenar” gnô tres fora mudè, por alzè fora l’ester en movimënt. Chësc é inće stè un di azënć dl domisdé. N plann de svilup ne po nia romagne te na cassëta, mo dess gnì tut ca, apliché, adatè, svilupé - ester en movimënt. Inće la Direziun dles Scolines y l’ofize dla cultura à realisé n das. Le movimënt é inće stè al zënter dles rapresentaziuns dl JET Junges Eisacktaler Theater, che à pité tratan la presentaziun deplü intermezzi teatrai. La presentaziun à odü na gran partezipaziun. Lois Kastlunger à fistidié da mené tres le domisdé, che é jü a piz cun n renfrësch te foyer dl salf. (pablo)

I jogn dl JET tratan öna dles rapresentaziuns teatrales.

Da plü punć d’odüda Ghesć d’onur à portè na süa interpretaziun di cin’ punć d’orientamënt La colaboraziun é n valur Le diretur dla repartiziun cultura ladina Alexander Prinoth à alzè fora che na organisaziun se lascia svilupé ma sce an laora deboriada ćiaran ales capazitês che vignun à. ”Vignun à sües vijiuns, y sce an les mët adöm, röion a na situaziun de maiù partezipaziun; al vëgn inće renforzè le spirit democratich y le respet dla minunga de vignun.” I mituns se svilupëia dé por dé y pënsa intres deplü cun so će. N valur che la scolina dess - aladô de Prinoth renforzè, lauran dlvers che i mëndri crësces sö cun n pinsier autonom y suradöt lëde.

L’alfabetisaziun te trëi lingac à Mussner definì la dërta strada dlvers dl’Europa.

Microcosmos tl macrocosmos Vigöna y vignun de nos é n monn tl monn: L’Intendënt Roland Verra à dit che vigni porsona é n pice cosmos, mo che chësc ne vëgn - te na sozieté portada a na massificaziun - sovënz nia valuté. Verra à injuntè che tl laûr educatif messun se tó dant l’idea che vigni pice à n valur sciöche cosmos por se instës. ”Cossa

saurida da dì, mo scialdi ria da vire. Laurè de chësc vers se damana na preparaziun pedagogica particolara, che an arjunj ma n püch al iade, fajon bonamënter inće fai, che dëida madorì.” De gran importanza é por Verra n laûr fat cun umilté y respet: ”Sc’i orun che la sozieté se svilupëies tl re conoscimënt de chisc microcosmos de vigni porsona, messunse se tó dant le prinzip dl respet. Ma insciö sarunse bogn da ester n fanal tl dagnì, olache le microcosmos individual é bun da se realisé tl macrocosmos sozial”.

Educaziun söl post Jì a scolina chilò. Le podëi jì a scolina y scora söl post à l’assessur Florian Mussner definì n gran valur, sotrissan che la Provinzia fej tres le poscibil por podëi mantignì ti paîsc scores y scolines, inće cun de mëndri numeri. Mussner à laldè l’impëgn cun chël che al vëgn laurè tles scolines, olache al vëgn dè inant suradöt inće le respet. ”La colaboraziun é maestra de vita por nosc dagnì”, à dit l’assessur.

6

www.lauscdiladins.com

Dancà i ghesć d’onur: l’assessur Florian Mussner, l’intendënt Roland Verra, le degan dla Val Badia siur Iaco Willeit, le degan dla Facolté de Sciënzes dla Formaziun dla ULB Franz Comploi y le diretur dla repartiziun Cultura Ladina Alexander Prinoth. (Foto: USP/Stuffer)

Vignun adora süa lerch y à so ritm Lerch y tëmp: le degan dla Facolté de Sciënzes dla Formaziun Franz Comploi à baié de döes regoles fondamentales che cunta por l’imparè. Öna é l’avëi lerch y tëmp por l’imparè, la secunda é lié adöm ći che an à imparè. ”Vigni porsona à na lerch daìte, che an stënta da odëi y valuté. L’atra é la lerch deforaìa.” Comploi à confrontè la lerch cun la melodia y invié da ti lascè lerch ai mituns da svilupè süa melodia dla vita, ti don a vignun la poscibilité da imparè do so ritm. Le compit dl’educaziun é chël de dè na strotöra tl imparè. Comploi à injuntè che cis da pici romagnel püch de ći che an impara esplicitamënter, mo dër tröp de ći che an impara implicitamënter - daite, y al s’à aodè che mituns y mitans ais lerch y tëmp por imparè ”daìte”, olache i educadus n’à gonot nia le control.

Autonomia y competënzes: tröc vari De porsones competëntes y autonomes por la vita à baié

l’ispeturia Edith Ploner. Ara à paragonè l’arjunjimënt dles competënzes cun l’ejëmpl dl imparè da jì, competënza arjunta cun tröc sforc y tröc tentatifs, ćina al gran momënt che an é bogn da stè en pé. Ploner à dit che düć ô ester autonoms, vire les capazitês, se stè bëgn tla vita, cun se instësc y cun i atri. ”Al é bel sce an po imparè chësc da pici insö, te vigni eté a süa manira. L’autonomia é fata de tröc vari, impröma cun aiüt y sostëgn, don la man, spo ma plü n dëit, ćina che an po lascè ia y i pici pëia ia susc. I adorun n’autonomia che vëgn svilupada de gre en gre. Tl’autonomia messunse podëi crësce.” Ploner à inće alzè fora, zitan la convenziun ONU sön i dërć di mituns, dla importanza de proteziun, promoziun y partezipaziun, che mëss gnì arjunć dales istituziuns de competënza por la formaziun y educaziun, dlungia la familia, che é ”la cöna fondamentala, olache al vëgn dè la pröma impostaziun.” Porchël é la colaboraziun cun les families tan importanta, à dit Ploner, na colaboraziun ch’i messun chirì ativamënter”. (pablo)


Atualité

nr. 20 / 25 de mei 2012

I cin’ prinzips de laûr I reportun les idees de basa dl laûr tles scolines, ilustrades te n codejel

Le cuertl dl codejel cun i 5 prinzips d’orientamënt.

Ara va ma deboriada Dötes les colaboradësses y düć i colaboradus dla direziun dles scolines ladines laora cun partezipaziun, reflesciun y trasparënza. I ti dauriun le tru a na bona colaboraziun. Inće les families y les porsones che laora ti sorvisc spezialisà, ti istituć y tles organisaziuns che cooperëia, dà n contribut essenzial. I chiriun formes de colaboraziun adatades ai debojëgns y ales situaziuns. I se cruziun ativamënter da arjunje na comunicaziun

daverta al dialogh. La stima y la coleghialité nes dà forza, ajache i ti dun importanza al bun raport danter nos. Döt chësc sënton ti raporć de partezipaziun cun les mitans y i mituns, te nostes sentades de team regolares, ti colocuiums cun les colaboradësses y i colab oradus , ti colocuiums y tl laûr cun i geniturs y tl a colaboraziun cun i sorvisc spezialisà.

Vire chilò - jì ala scolina chilò Nosta ativité é n sorvisc dla Provinzia de Balsan tl Departimënt educaziun y cultura ladina por i zitadins che vir tles valades ladines de Südtirol. Les valades ladines é influenzades dal carater rural de sü paîsc da munt, sciöche inće da sü seturs economics zentrai: turism y artejanat. Nüsc comuns fistidiëia dla gestiun dles scolines. Na carateristica de nosta ativité pedagogica é chëra de mantignì, renforzè y sostegnì le lingaz y la cultura ladina y de dè inant le plurilinguism sciöche valur.

Vignöna y vignun sa ćiüna che é süa responsabilité y chësta cosciënza vëgn respidlada tl’aziun pedagogica.

y nüsc limić. Chisc prinzips adatà ai gragn vêl inće por le personal dla Direziun dles scolines.

Vignöna y vignun de nos: n monn tl monn

Lerch y tëmp por esperimentè, imparè da conësce y fà para

Le laûr pedagogich ô dì por nos s’orientè ai bojëgns individuai dla möta o dl möt. Les mitans y i mituns y le podëi ester tai é - aladô dla convenziun di dërć di mituns dl ONU - tl uzënter y la partezipaziun che chësc comporta é la pratica a chëra che i mirun y che i viun vigni dé. I s’orientun al vëgn dles mitans y di mituns. Chël ô dì: - stè deboriada cun respet, amur y tlerëza; - ti dè valur ala personalité y ala proveniënza di vigni möta y möt, ajache ai é unics; - acompagné, lascè fà para y sostignì le svilup individual; - pité poscibilitês de partezipaziun, insegnamënt y esperiënza desvalis tl cheder de na relaziun soziala daverta; - rapresentè na pedagogia che respetëia la sensibilité de jëne aladô dl prinzip dla valianza dles oportunitês; - renforzè les capazitês y les abilitês aladô de nostes poscibilitês

La scolina é por les mitans y i mituns y por le personal pedagogich n post olache an vir y an impara. Le jüch é bonamënter l’ativité plü importanta tl’infanzia. Al ti dà a vigni möta y möt la poscibilité da ti ester ativamënter ai vari dl svilulp y ala realté dla vita. I respetun les fases y i tëmps de svilup individuai de mitans y mituns y i nen tignun cunt. I ti dun importanza ala partezipaziun y ala capazité de mitans y mituns de fà instësc aladô de süa eté. I arjignun ca deboriada l’ambiënt de scolina daìte y defora. I laurun ćiaran da sostignì vigni forma de aprendimënt de mitans y mituns y i se lasciun ite te tröpes esperiënzes y relaziuns desvalies.

Porsones competëntes y autonomes tla vita Nosc laûr pedagogich s’orientëia

ales conescënes scientifiches nöies tl ćiamp dla pedagogia dl’infanzia y dles atres sciënzes dl’educaziun. I orun acompagné mitans y mituns n tòch sön so tru cun döt nosc amur, nosta atenziun, nosc savëi y competënza. Chël ô dì: - amplié y ajorné tresfora nosc rai de savëi y aziun; - garantì che al vëgnes tignì ite les desposiziuns de lege y ademplì la funziun pedagogica - chël ô dì na reflesciun y n svilup dla cualité tresfora; - laurè profescionalmënter tl cheder dles poscibilitês odüdes dant dala lege; - ester coleghiai tl laurè deboriada por realisé l’ativité pedagogica; - laurè cun competënza y sostignì le svilup desvalì y la resiliënza. Le team dla Direziun adöm al ispetorat acompagnëia te na manira profescionala ampla (a livel de organisaziun y contignü) le personal pedagogich te so laûr didatich cun mitans y mituns. Ai dëida i teams tles scolines da mëte en pratica les indicaziuns provinziales y i pinsiers d’orientamënt.

De plu iscrizions tla scoles autes ladines Südtirol: per l ann de scola che vën se à danter scoles autes y prufesciuneles ladines scrit ite 6% de plu sculeies permez al ann passà Scola - L majer aumënt ie stat tla Scola prufesciunela y Lizeum d’ert a Urtijëi. Aldò dl svilup demografich iel tla scoles de ublianza stat manco iscrizions y nscì se la cumpëida generela de sculeies mantenì feter valiva. Per l ann de scola 2012/13 iel tla valedes ladines de ndut 3.267 scric ite.

Mussner. Per la prima tlasses se à de ndut scrit ite 95 sculeies. Permez al ann passà saral te duta la scoles autes y purufesciuneles 7% de manco sculeies che scumëncia l prim ann de scola.

Scoles autes y prufesciuneles

Tla scoles de ublianza y tla scolines iel de ndut stat 2.784 iscrizions. Permez al ann passà ie chësc 84 iscrizions de manco che fej ora na reduzion de 3%. Tl cajo dla scoles de ublianza depënd la iscrizions dal svilup demografich tla valedes. Tla scoles elementeres (1.284 scric ite) se à mantenì la cumpëida generela, tla scolines (682 scric ite) y tla scoles mesanes (818 scric ite) iel stat na reduzion de 8 y 3%.

483 sculeies se à segurà na luegia te una dla scoles autes y prufesciuneles ladines per l proscimo ann de scola. Permez ala iscrizions dal ann passà iel stat n aumënt de 27 sculeies che fej ora l 6%. L mez de chësc aumënt ie unì a se l dé te na sëula scola, la scola prufesciunela per l artejanat artistich a Urtijëi che ie d’autonn passeda tla cumpetënza dla Ntendënza Ladina. Tlo se à scrit ite 14 sculeies de plu. De plu iscrizions iel nce stat tl Lizeum d’ert (+16) y tl istitut tecnich (+9) a Urtijëi. L Lizeum linguistich y istitut tecnich a La Ila à de ndut abù 12 iscrizions de manco. “Sce de plu jëuni uel inò se de ju tl ciamp dl’artejanat artistich ie chësc n signal dassënn positif per la scola y per duta la valeda. Rengrazië la grupa de lëur ntëur ala diretëura Elisabeth Baur per si mpëni” dij l assessëur Florian

Scoles de duvëi y scolines

l ciamp plu problematich. Sce iust chësc ciamp crësc n cont de iscrizions iel sëni che l ie unì metù a jì na ufierta che nteressea la families.” Ti ultimi 10 ani ie uni an cresciuda la cumpëida generela di sculeies scric ite a scoles autes ladines. Nce sce l mancia mo plu mënsc al proscimo ann de scola, vëniel tla direzions bele laurà per mëter a jì l’ena curta a 5 dis. “Chësc ne n gran mpëni urganisatif per la

scoles ladins, n lëur che ie pià via cuncretamënter te chëla che i cunsëies de scola à azetà chësta

nuvità” dij l assessëur provinziel ladin. (dal ufize stampa pruvinziel/ as)

Summa summarum Sce n cumpëida adum duc i livei dla scoles tla valedes ladines ruven a na cumpëida de 3.267 iscrizions per l ann de scola che vën. Chësta soma generela se à cun 57 sculeies de manco, me mudà dl 1,7%. Che tla scoles ladines iel propi la scoles autes n a avëi n aumënt de iscrizions vën valutà sciche singnal drët positif dal ntendënt Roland Verra: “Davia che te nosta valedes ne pudons nia pitè duta la spezialisazions, ie la scoles autes

Tla scoles autes ladines iel stat n aumënt de 6% di sculeies: me tla prufesciunela y Lizeum d’ert nen iel per n auter ann 30 de plu. foto: USP/Stuffer www.lauscdiladins.com

7


Atualité

nr. 20 / 25 de mei 2012

Mez secul de vita Dötes y düć chi che cumplësc i 50 agn ruvarà adöm a Porsenù ala mëssa cun so coetann Vësco Ivo Muser abelida cun cors y musiga, dedô ruvaran adöm ala pert profana cun aperitif y aurela cörta tla Cusanus-Akademie.

Inće le Vësco Ivo Muser é dl 1962. Ël à cumplì i 50 agn de forà.

I organisadus periass bele śëgn danfora che la jënt dl 1962 che à interes ala mëssa y ala festa s’anunziëies, por che al pois gnì arjigné ca döt sciöche al toca. Inće chëres y chi che à interes por daidé pro al abelimënt dla mëssa y dl aperitif é perià da tó sö contat con l’organisaziun. Da s’aodè él che i interessà se stlüjes adöm a grups a livel de comuns y che al vëgnes lascè al savëi dan i 15 d’agost 2012 le numer de partezipanć.

Iubileum - Por les nasciüdes y i nasciüs tratan l’ann 1962 él iniann da recordè mez secul de vita; chësc avenimënt ne dess nia passè ia zënza importanza. Inće le Vësco dla Diozeja de Balsan/Porsenù,

Chisc i contać: info@ garniurban.it, Tel. 349 6151949 (Urban), Tel. 0471 844129 (Ćiasa Urban), Tel. 349 0629634 (Christine), info@laciasota.it, Tel. 0471 843310 (La Ćiasota)

mons. Ivo Muser, é dl ann 1962. Cun so sostëgn s’à metü adöm n grup de “coetanns” por organisé la sabeda ai 20 d’otober 2012 na santa mëssa de rengraziamënt tl Dom da Porsenù. La mëssa gnarà

Onoranza de Oberösterreich Le presidënt dl Land Oberösterreich Josef Pühringer i à surandè a Durnwalder la “gran onoranza” Politica - La festa de surandada dla onoranza é gnüda tignida tl Steinernen Saal dl palaz provinzial a Linz ai 22 de mà 2012, dlungia a Durnwalder él gnü premié cun le medemo titul l’ombolt da Vìena y Landeshauptmann Michael Häuptl, le L andeshauptmann de Niederösterreich Erwin Pröll y le Landeshauptmann da laôta de Vorarlberg Herbert Sausgruber. Tla motivaziun dl gran pert a Durnwalder stàl: tignì sö i raporć danter Südtirol y Oberösterreich, dlungia a chi politics inće chi economics tl ćiamp dl aredamënt de lëgn, dla sanité, dl barat cultural y inće di jogn. (ir)

8

www.lauscdiladins.com

Pühringer à premié Durnwalder.

Dancà y da na pert Uedli y oredles daverc sun la sozieté ladina d’aldidancuei Ester Gross da Vich

Aste semper abù l’ort? “Ei, da beza en su é semper abù l’ort, me piasc n muie, l dasc sodesfazion. Canche tu es usada tu fas fadìa a star zenza ort.” Aste jà metù jù valch? “Ades é jà semenà duta la salata, i ravanìe e l crescion. La rucola amò no, percheche la fasc tant en prescia a vegnir su. Però ge é metù sora la peza percheche con chest temp chiò no se é mai segures. Dapò la setemana passada é metù jù i cousoi e doi buje de zuchini, ma semper scuert. É metù jù le cigole e i pori che no i é delicac. Dapò canche veide che vegn mìngol ciaut descuerje percheche le piantine le cogn ciapar aria senó le se sofoa.” Dapò che meteste jù amò? “Ai prumes de jugn mete jù le teghe e le ravasale. E dapò i patac, i é semper metui jù a la fin de mé percheche i disc che basta che i reste te tera trei meisc.” Osserveste la luna? “Mìngol scì, ma più che dut varde de far de vender percheche la giava Giuliana la me à semper dit che de vender no porta luna, semene de vender e cere de strapiantar col cal de luna coscita la salata la vegn sù più a ciof senó la tende e spiar.” Tante de ore al dì staste te ort? “Doi o trei ore al dì, da doman prest o su la sera. Via per l dì vae demò a tor sù.” Aste ence ciampes? “Canche ere joena aane ciampes de biava e me recorde che mie aves aea ence ciampes de forment. En chel an che me é maridà é amò seslà la biava e dapò me é fat ence café. Me la batee fora e aee n majenin aposta per la biava, desche a majenar café, l’era na fana enveze che l majenin. Ence chel an che me é maridà, del ’65, l nosc e chel de Carlota Berghena l’era amò i doi soi ciampes de biava. Timpruma aee cater orc, chest sot ciasa, dapò chel de chi de Cloch, un de Carmela de Fauret e un de Celestin. I rencurae duc cater.” Co faste a te parar da le formìe o dai bautoi? “Per le formìe i me à ensegnà a meter jù limogn marces percheche coscita le se n va

canche le sent chel agher e per i bautoi l’é l velen aposta.” Che él che sceca proprio te ort? “L’é le tampine che sceca, percheche se le rua te ort le te para su dut chel che tu as semenà. Aon proà a meter jù toc de boce de vierech percheche le se beca a parar sù. Ma no joa tant. Aon proà ence co le tenete, ma l’é la tera massa tendra. Se cogn bele star a paissar da sera col sarchie.” Aste ence pomodori? “Na, no é mai proà, ge volessa la “serra”, ma gio no la mete. Entorn ort enveze mete jù fiores percheche la giava Giuliana dijea semper che ge vel zeche per i eies e zeche per la bocia.” No te peisel jir te ort? “Na, na, fin che son bona de jir vae te ort ence percheche se sparagna ve! Se sparagna cinch meisc segures de verdura. Per ejempie le ravasale l’an passà le é metude paze te n sachet de nailon e n’é abù fin de firé. E pan di zucchero n’é amò abù fin de jené. Metee le piantine co la reisc da tera te na brentela e n’é abù al lonch. L radicio, i capusc, le cigole e i pores ence i se tegn al lonch d’uton e d’invern.” Aste jà tacà a magnar verdura de ort? “Na, l’é amò prest. De jugn posse ben jà tacar a schiarir fora che che é semenà, la pruma che vegn sù l’é la salata, dapò i ravanìe, l crescion e la rucola. Ma coi orc dut stasc al temp.” Che sort de patac meteste jù? “N mete jù de rosc e de bienc ma me n’é ascort che chiò da noi rata de più chi rosc, i vegn ence più bie segn, se veit che i é più forc per nosce tere. Él vera che no se cognessa meter jù ogne an la valiva roba tel valif post? “Ei i disc che se cognessa ge mudar post e scambiar i patac e la verdura, i rata de più. Ma per aer n bel ort ge vel braicar d’uton e dapò d’aisciuda endò sbadilar.” Te deidei o faste dut da soula? “A sbalidar l’é ben chi omegn, l’é fadìa. Canche aane le vace engrasciae ogne an, ades n an scì e un no. La tera la doventa miora e se l’é ite chi biscei bie grosc i tegn ence la tera più solvia.” (mci)


Atualité

nr. 20 / 25 de mei 2012

Ponta via la neva Scola d’Èrt Dò diesc egn de lurier l’é stat zacan aproà l projet esecutif. La gara de apalt é perveduda per l’uton che vegn. Endèna l’IsA prejenta n liber sun si 70 egn de vita

L rendering de coche vardarà fora la neva Scola d’Èrt de Fascia vardan da Sèn Jan.

Poza - L’é stat aproà chisc dis passé da man de l’Apop, l’Agenzìa provinzièla de la òperes publiches, l projet esecutif per la neva scola d’èrt Bepin Soraperra de Poza. L vèrech che vegn sarà la gara d’apalt, dant che vae fora l meis de otober, per i lurieres de realisazion de l’òpera che i perveit de bater jù deldut l veie frabicat e de fèr sù na strutura neva e moderna, che respetarà se sà ben duta la normatives e che ge sporjarà ai studenc n ambient de studie sorì e rich de stìmoi.

Diesc egn de empegn L’é oramai diesc egn che se ge laora dò al projet de na scola neva - disc l professor Claudio Valentini, vicarie de la Scola de Fascia ajache l frabicat l’é stat fat sù acà 70 egn e l’é stat renovà ti egn ’70,

ma dò no l’é più stat fat nesciun lurier de adatament, ne per chel che vèrda l’acolienza, ajache l’é stat na crescimonia esponenzièla de studenc, ne a livel struturèl. Dò desvaliva proponetes projetuèles e la segnalazion de n grop de architec del post che à palesà l’intenzion e l dejiderie de poder se cruzièr ic enstesc del projet de la scola, che l’à reisc fones tel teritorie fascian, la Provinzia à metù da nef a jir la machina projetuèla e l’architet Pietro Zulian à tout sù l’encèria de lurèr fora l projet che ades vegnarà realisà.

La zertificazion Leed arsegura criteries de gran valuta La neva scola arà carateristiches particolères, “a l’avanguardia” dal

pont de veduda del confort e de l’ecocompatibilità. L’é na scola che à ciapà la pre-zertificazion americhèna Leed Gold, che l’é jà n bon livel - l deschiaresc l prof. Valentini - ajache sora la Gold l’é demò la Platinum e la ge vegn data a strutures che à na produzion autonoma de energìa totala. Ampò la noscia cognessa esser a cost zero dal pont de veduda energetich, n muie vejina a l’autosufizienza, ence se no deldut, vedù l contest particolèr. La vegnarà fata sù aldò di criteries de Casaclima, con sistemes de recuperazion energetica, la doura de lum naturèla, tulins dal soreie e fotovoltaics integré te la strutura architetonica. Apede chest la scola arà carateristiches de acolienza de gran valuta, per ejempie l’é stat pervedù n post per loghèr en segureza la rodes, con ence deregoladoi e bagnes, aldò de n conzet vedù te la Germania, olache l’é na mobilità desvaliva da la noscia. Te chela che mudassa vèlch tel davegnir ence chiò da nos, la scola sarà jà adatèda a chesta neva concezions. L’ent american de la zertificazion Leed l’à jà nominà n ispetor, n enjegner da Bergamo che, te l’an dò la realisazion, l’arà l’encèria de verifichèr che duc i criteries domané da la zertificazion i vegne dalbon metui en esser. Te chest trat de temp la scola arà ence l’obligh de ge fèr cognoscer ai studenc coche vegn realisà la strutures con vijites periodiches

La strutura projetèda da l’architet Pietro Zulian, veduda en sezion.

te cantier.

Na scola moderna e integrèda col teritorie Da la man che vèrda la gejia de Sèn Jan vegnarà ciavà sot tera e se jirà ju de doi pians, olache vegnarà realisà na palestra con entrèda indipendenta, a na vida che la posse vegnir durèda da duta la popolazion, ajache sarà la più grana e miec atrezèda de duta la val. La podarà ence ge dèr alberch a vèlch event de sport, donca na ocajion en più per la val ence dal pont de veduda turistich. Soravìa troarà post n pìcol piaz pissà per fèr atività de scultura a l’averta, na sort de atelier artistich. Da l’autra man sarà i garajes sot tera, n archif gran, adatà a cataloghèr e stravardèr veies documenc che ades é amò spartii fora per la veia sentes. Olache ades l’é la mensa troarà post duc i laboratories, tislerai, scultura, decorazion. Sora chest livel vegnarà l’entrèda de la scola, che pel doventèr ence n spazie espositif, con de gran vieresc a na vida che, con n pìcol troi che passa su da na man e ence travers l’atelier a l’averta, se podarà veder chel che vegn fat a scola zenza nience jir ite. Chiò sarà toc col vierech ence ti fons, da olache se podarà veder la jent che laora ti laboratories, na sort de mostra de chel che vegn fat ence endèna che se l fèsc, zenza ampò n contat dret. Ajache l’é dut de vierech fossa bel realisèr n troi de l’èrt e de la cultura de Fascia che ponta via dal molin de Pezol - disc l professor Valentini - che l vegn ca enlongia Veisc, l passa per la Scola, che la podessa aer n impiant de iluminazion automatich de l’entrèda per da sera, l passa amò per l pìcol piaz de l’èrt, l vegn sù per Strada Sorapera e l rua a la Pieif e al Museo ladin. N percors artistich cultural donca sul tegnir de Poza, anter l Museo e l Molin de Pezol, con te mez la Scola d’èrt e vèlch cèsa veia de Poza, con chela de smaorèr amò de più l’integrazion de la scola col teritorie e ence l’oferta turistica che se pel ge sporjer a la jent.

Jan inant con la descrizion del projet, sun chest pian troarà post ence na gran biblioteca con entrèda esterna, a la leta donca ence de la jent, amò apede la mensa, n muie grana e con entrèda autonoma, la senta de l’Olfed e la direzion. Soravìa doi pians de aules, dedant aules scientifiches e tecniches e vindedò laboratories e amò n auter pian sun sotcuert con de gran aules per la plastica o l’educazion visiva. L frabicat arà ence doi aules spezièles, a mont e da la man de S. Jan, dutes de vierech, una che se svilupea sun doi pians e una sun trei, per fèr alestimenc, instalazions, fotograf ìes particolères e c.i. Ence l cuert sarà fora dal solit, l’arà doi lames de lum, na sort de fenestres a duta longheza, da olache vegnarà ite la lum del soreie e la ruarà fin jubas travers la sacotanta strutures de vierech fora per i pians. Dut l projet palesa gran atenzion per l’integrazion del frabicat col teritorie, de gra a la doura de materièi naturèi desche legn de lèrsc, vierech e dolomia e ai aspec de sparagn energetich e de respet per l’ambient. Per chel che vèrda l’apalt, ajache se rejona de n cost che tocia béleche i 14.000 euro, che se tolarà sù la Provinzia, l’é l’obligh de fèr n apalt european, ma ence la firmes che tolarà pèrt cognarà aer na pre-zertificazion Leed, ajache la condizion de benstèr domanèda la vèl ence per la fasa costrutiva e per l cantier. L’é stat fat donca n gran vèrech inant per la strutura che l mond de la scola e duta Fascia speta da pez, no resta che spetèr i vèresc che vegnarà dò per ruèr al travert finèl. Endèna duc é envié a tor pèrt a la prejentazion del liber realisà per i 70 egn de l’Istitut d’èrt, che testimoniea la storia e l svilup de l a i s t i tu z i o n s co l a s t i c a . L’apuntament l’é per en jebia ai 31 de mé da les 6 da sera te sala grana de la Sorastanza a Poza. Cristina Marchetti

Transdolomites, l’informazion su la ferata rua per posta Te la families de Fascia, Fiem e Cembra ruarà prest la neva publicazion de la sociazion dedichèda a la ferata de la Veisc Mobilità sostenìbola - Dò se aer vadagnà per l secondo an de séghit l Pest Festival Città Impresa, che chest an à premià 1.000 anter impreses, enc, sociazions e persones sìngoles che vigni dì se dèsc jù con sie lurier, idees e pascion per fèr crescer l teritorie del Nord Est e donca dut l paìsc, la sociazion Transdolomites, vidèda da Massimo Girardi, va inant con sia atività de informazion e sensibilisazion e la fèsc a saer che l’é enjignà e donca prest vegnarà publicà l libret informatif dedicà a la ferata de la Veisc, la pr uma de na ling ia de

scomenzadives emportantes che la sociazion enten portèr inant te curt temp. La publicazion vegnarà stampèda te 16.000 copies e la ruarà per posta debant te ogne familia de la valèdes de Fascia, Fiem e Cembra. Chesta publicazion l’é n auter contribut per slarièr fora la cognoscenza de la proponeta per na ferata de la valèdes de la Veisc, ma no demò. Vèlch piata defat é stata dedichèda a la enrescida storica entorn al debàtit su la mobilità de la ferata che à revardà noscia valèdes. Dapodò se rua tel

pont zentrèl de la proponeta atuèla, dedican na atenzion particolèra a la oportunitèdes che podarà se verifichèr per i teritories. Travers l libret la regoeta de firmes ruarà te vigni familia. L libret l’à ite defat na piata dedichèda a la petizion per la ferata. Duc chi che no i l’à amò sotscrita, i podarà meter sia firma te la scheda enjontèda che, dò la compilazion, la podarà vegnir e nv i è d a a l a s o c i a z i o n Transdolomites, c/o Camping Vidor, Str. de Ruf de Ruacia 15, 38036 Poza. Tel libret vegn proponù ence n

ejercizie de contabilità per la families: tant spenel na familia per se spostèr per lurier, studie, temp ledech? La scheda che l’é ite te libret la ge dèsc l met a duc de contabilisèr chesta ousc de speisa che peisa semper de più su la spales de la families. L’idea del libret te sia empostazion la se à palesà sobito n suzess: se era ponté demez con l’idea de fèr n libret de 10 piates ma a la fin l’é stat realisà na publicazion de 26 piates, de gra al gran numer de sponsor che la sociazion é stata bona de binèr.

L setor de atività de Transdolomites fèsc referiment ence a la Convenzion de la Elpes e sie protocoi. Anter chisc l’é chel de la biodiversità. Per svilupèr n ragionament sun coche l’om pel pesèr sun chest pìcol gran mond, la sociazion à out sia atenzion ence al mond di insec de la valèdes de la Veisc, tras n convegn dal tìtol “Biodiversità entomologica, n’idea projetuèla per stravardèr nesc Teritories”, sostegnù dal comun de Pardac e dal Consorzie Eletrich de Poza, metù a jir a Pardac tel Museo Geologich de la Dolomites ai 24 de mé. (cri.m) www.lauscdiladins.com

9


nr. 20 / 25 de mei 2012

La traplantaziun de organns I traplanć é na terapia eroica che vëgn adorada tles situaziuns de malester de n organn che ne se lascia nia plü varì. N traplant po ti arlungé la vita a tröpes porsones atocades da maraties che condujess zënza ala mort La pröma traplantaziun de n organn de chël che al vëgn ćiafè na merscia va zoruch al 1953: la traplantaziun dl rignun ti Stać Unis. Mo l’argomënt é gnü portè al publich cotan de tëmp dedô da pert di mass media. Al é oramai passè feter 45 agn dai 3 de dezëmber dl 1967, canche le chirurg Christian Bernard â fat le pröm traplant dl cör. Al parô tl pröm n suzes, mo le paziënt à suravit le traplant ma 18 dis, por les complicaziuns liades ala refodanza dl organn.

La tecnica chirurgica L’organn che vëgn traplantè vëgn inserì tl medemo post olache al ê l’organn da defet; i chirurg tol demez l’organn amarè y mët ite la traplantaziun cherian indô les conesciuns vascolares (arteries, avënes) y condütes eventuales, sciöche la viscia tl caje dl traplant di rognuns. Dër compliché é por chësta gauja le traplant dl cör y dla corn. Sce al gniss tut fora dl piet ma le cör amarè, gniss la zircolaziun dl sanch sospenüda ćina che l’organn nü ne gniss nia indô colié ales avënes; chësc comportass danns ireversibli ala maiù pert di organns, dantadöt al ciorvel. Por evité chësc gran svantaje, él gnü inventè la mascinn ”cör-fià”, che mantëgn insciö la zircolaziun y l’ossigenaziun dl sanch ćina che le cör nü ne funzionëia indertöra.

La funziun dl sistem imunitar L’intervënt chirurgich é ma le pröm vare - inće sce le plü important - tla sostituziun de n organn. Nosc organism à n sistem imunitar da na gran efiziënza, che é tla condiziun da descurì la presënza de mersces minimes de sostanzes forestes por le corp. Vigni organism à sües particolaritês uniches, che vëgn bele determinades danfora dai cromosoms; chisc é desvalis da porsona a porsona, ma pro jomelins

Doturs tratan na operaziun de traplant.

uniovulars ési medemi. Chësta é la rajun che l’inserimënt de n tesciü o n organn daldöt forest por le corp, provochëia na resposta imunitara che à la tendënza de desdrüje o refodè la traplantaziun. Chësta resposta é cotan plü intensiva, plü che les carateristiches genetiches se desfarenziëia dal donadù al destinatar. Por smendrì le problem dla refodanza vàl porchël debojëgn da chirì te vigni candidat le donadù plü adatè.

Chirì le dër donadù Sce an conscidra che le donadù é de regola na porsona tlinicamënter morta, che vëgn ma mantignida te n stat vegetatif tres les tecniches de reanimaziun, à l’acopiamënt danter le donadù y le candidat por le traplant debojëgn de na prozedöra che comporta na coordinaziun sön n livel plü ampl. Les carateristiches genetiches dla porsona che à debojëgn de n organn vëgn portades ite te n

Numeri de raiun Le Raiun Sozio-Sanitar Val Badia recorda ćiamò n iade i numeri nüs di sorvisc sanitars tl raiun a Picolin

register, olache i doturs autorisà à l’azes. Canche na repartiziun de reanimaziun à n paziënt adatè al’esportaziun di organns, y sce le candidat instës y sü familiars é a öna o n’à de degüna desponibilité che l’impedësc, vëgn les carateristiches genetiches dl paziënt menades al zënter di traplanć, olache ares vëgn confrontades cun le register di paziënć che aspeta, y al vëgn insciö valutè sce y por ći porsona che i organns a desposiziun é adatá.

I criters de seleziun Ciafè i donadus vëgn dër rî por gauja di criters de seleziun rigorusc. I candidać ne po nia ester porsones dër vedles y mëss ester te bunes condiziuns de sanité. Tla maiù pert di caji vìri n evënt traumatich, vëgn condütes te ospedal y reanimades, y chësc baldi zënza suzes. Na comisciun metüda adöm da trëi doturs spezialisć, n espert de neurofisiologia, n dotur de reanimaziun y n dotur legal, ćiara sura les condiziuns tliniches por na perioda de almanco 6 ores y stabilësc les condiziuns de mort ma sce dötes chëstes condiziuns é dades: 1) situaziun de incosciënza; 2) manćianza di reflesc dla raîsc dl ciorvel (strotöra che à la funziun da mantignì en vita les funziuns fondamentales); 3) l’assënza dla

Le dotur Aldo Marcocci. www.lauscdiladins.com

Les carateristiches dl organn scinché I organns mëss gnì esplantà da n organism che é te na situaziun de mort vegetativa, deache ai se rovina atira. Defat é la suraviënza di organns liada al renfornimënt de ossigenn y de sostanzes nodritives, che é ma poscibles tres la zircolaziun dl sanch. I organns che à da gnì traplantà, mëss gnì metüs al frëit y trasportà cun gran prescia tl post olache al vëgn fat l’implantaziun, deache scenò n’ési nia plü al’altëza da funzionè indertöra. Praticamënter po ma gnì tute fora les corns di edli da na porsona che à albü na mort naturala, deache ares tëgn plü dî. La corn à inće n’atra particolarité, chëra che al ne vëgn nia damanè na terapia imunosopressiva do la traplantaziun.

Les sorts desvalies di traplanć

Sorvisc aministratif 0474/586120 Ambulatore infermieres 0474/586128 Sorvisc doturi di dënz 0474/586130 Logopedia 0474/586131 Fisioterapia 0474/586135 Ginecologia 0474/586140 Mëde di tiers ofizial 0474/586143 Sorvisc por dieta y nodrimënt 0474/586144 Zënter a Pedraces nr. 58 0474/586155

10

respiraziun spontana; 4) la manćianza de vigni ativité eletrica zelebrala, che vëgn a s’l dè tres l’ejam dl eletroenzefalogram. Sciöche i ùn bele descrit dessura, mëss le donadù ester compatibl cun un di paziënć che aspeta la traplantaziun de n organn. Sovënz vëgnel esplantè da un n donadù organns desvalis, che va a bëgn de deplü paziënć che aspeta do n organn. Por rajuns tecniches, etiches y legales, ne vàra nia da esplantè le ćiorvel y les gonades (i parëdli y les ovaies).

Al po gnì traplantè i organns desvalis (i rognuns, le pancreas, le cör, i fià), tesciüs (tessuti) (corns di edli, la miola di osc, osc, le tendröm (cartillagini), valvoles cardiaches, les avënes, la pel, o deplü organns compleć, sciöche les mans. Tla maiù pert di caji vëgn i

organns tuć da na porsona che é bele morta, deache le donadù ne podess nia suravire zënza l’organn ofrì. Mo al vëgn fat n pêr de ezeziuns. Da na porsona che é ćiamò en vita pòl gnì tut n rognun, deache nosc organism n’à dui, y inće un su basta por garantì le vire; sovënz sozédel che le parentè plü strënt - geniturs, fredesc - renunzia a chësc organn por ti l’ofrì a n componënt dla medema familia; al é indere dassënn proibì da dè inant o ofrì organns a jënt foresta, deache al étuta fora da na porsona che é ćiamò en vita, deache n tesciü à na reproduziun snela y crësc porchël do atira tl organism dl donadù; al esist n’assoziaziun (ADMO - Assoziaziun de donadus de miola) che se crüzia da ciafè donadus tla popolaziun; la miola é n tesciü che po ti salvè la vita a porsones che patësc de maraties gravëntes dl sanch, sciöche la leucemia. Sciöche la miola, é inće le tesciü epatich bun da se regenerè dassù y po porchël gnì tut fora na pert dl fié da n donadù ćiamò en vita y gnì metü ite tl organn amarè. Sot a n cer’ aspet po inće la donaziun de sanch gnì odüda sciöche n traplant, sce al vëgn tut fora süa temporaneité; i globui cöci presënć tl sanch se refej tl tëmp de cater mëisc.

La frecuënza di traplanć Ara ne se trata nia de intervënć che vëgn fać gonot, sides por les complicaziuns che vëgn a s’l dè tratan l’intervënt, sides deache le numer di paziënć che ciafa n traplant n’é nia alt; ara mëss se tratè de jënt atocada da na lejiun gravënta de un o inće de deplü organns, che manacia la funziun dl organn, mo tl medemo tëmp mëssi ester stersc assà da superè l’intervënt, che é gonot compliché y comporta na fasa de varijun lungia. Tl 2011 él stè tla Talia 2.940 paziënć che s’à sotmetü a n traplant, 64 porsones deplü co l’ann denant. Tl 2011 é inće jü sö le numer de organns traplantà: 3.135 respet ai 3.068 dl ann denant; al é gnü registré 7.246 donaziuns de corns di edli (+ 8% respet al 2010), 9.032 é les porsones che é sön la lista de speta.

Les prospetives L’archirida scientifica di scienzià va inant y proa da perfezioné les tecniches chirurgiches y stüdia protocoi de medejines por evité la refodanza dl organn traplantè; ara ćiara da smendrì i prighi y i efeć colaterai y da miorè la perzentuala de suravivënza dl organn. La dërta revoluziun di traplanć gnarà a s’l dè canche an sarà bogn, cun les zelules staminales o d’atres tecniches, da dorterè i tesciüs danejà o de reprodüje organns intiers cun les medemes carateristiches genetiches dl paziënt, a na maniera de eliminé completamënter le fenomênn de refodanza. (Dotur Aldo Marcocci)


nr. 20 / 25 de mei 2012

N vare che à mudè döes vites L’esperiënza de Maria Tasser de Badia, che à fat le gran vare y ti à dè n rignun a so fre Tone. Öna dles dezijiuns plü ries de süa vita, che ti à implì de significat y reconescënza la vita de intrami Maria Tasser de Sotgherdëna de Badia é la cuinta de 7 mituns. Ara é nasciüda sön n lüch da paur y ara é dagnora stada na porsona dër scëmpla. Ara é jüda a scora a Badia y a La Ila, y dedô àra fat la fancela y möta da mituns te so paîsc. Tröp àra laurè y daidé fora inće a ćiasa. Maria se descrî instëssa sciöche na porsona dër scëmpla, che n’à nia fat de gran cosses te süa vita. Ara dij de n’avëi mai albü tröp coraje, de ester na porsona da tëmes y de ester na ”pëgna”. Dl 1993 àra azetè da surantó le laûr da cöga de calonia a Badia. Dailò àra metü man da rové en contat cun tröpa jënt, y ara odô inće tanć che à debojëgn da gnì daidà tl corp y tl’anima. So fre Tone s’â intratan amarè, y sce an crëi al destin, s’àra portè pro che ël se confidâ y periâ do tröc consëis y aiüt a Maria. Tone â i rignuns che ne laurâ nia indertöra y por n ann y mez àl messü se lascè lavè le sanch - fà la dialisa. Ara ti jê intres plü mal y i doturs odô cun gran preocupaziun la situaziun de süa sanité; ai ti metô gran prescia por fà na transplantaziun dl rignun. Mo sciöche ara é tan gonot, ê la lista por ciafè n rignun bindebò lungia. Tone ess messü aspetè apresciapüch 3 agn, mo döt chësc tëmp n’âl nia. Süa vita ê al prigo. Cun deplü doturs s’àl metü en contat danter Bornech y Porsenù, y chisc ti â inće fat la proposta da ponsè a n ”donadù che viô ćiamò” (donatore vivente). Chësc orô dì ciafè valgügn che ti ess dè n rignun. Tone â baié

de chësc cun sü familiars.

foss stades adates por ti dè le rignun a Tone. Mo deache Cristina â familia y i sü de familia n’ê nia dër a öna cun la donaziun, êl restè Maria sciöche porsona de löm te na situaziun dër scöra.

Na dezijiun nia saurida Por chisc êl stè tl pröm momënt na gran spordüda y Tone i capî y n’orô sforzè degügn da fà chësc vare. Vignun de familia â süa liberté de tó la dezijiun che al aratâ plü dërta. I doturs ti â aconisé a düć i familiars da fà les proes che orô ester, por odëi sce valgügn de familia ess albü la poscibilité da dè n rignun, y sce al foss stè compatibl por Tone. Por la familia de Tone é chisc stà dër de rî momënć, segnà da tëmes, sëntimënć de colpa, da consintì le bëgnstè a valgügn d’atri, te chësc cajo Tone.

Les sorus Maria y Cristina ess podü ”scinché” Maria y süa só Cristina n’â nia ponsè do dui iadi. Intrames ê jüdes a fà dötes les proes por odëi sce ares ess podü daidé so fre, ti don n rignun. Maria s’â confidé cun le dotur de comun, cun siur Franz y d’atres porsones, y dötes ti â dè dër tröp coraje da fà chësc vare. Chësc é stè por ëra na sbürla implü. Te n iade n’âra plü degüna tëma y ara sintî na gran forza. Ara â intres chësc pinsier: ”Ći che iö à ion che me vëgnes fat a me, fejele ai atri”. Sides Maria co süa só Cristina

La forza tl Bun Gejù

al dij da avëi ciafè na secunda vita. Al ti sa dër bel da vire y al vir la vita cun plü intensité, döt atramënter co denant. Al se sint en debit ti confrunć de Maria. Inće la vita de Maria é cambiada y ara la vëiga cun döt d’atri edli. Tröpes porsones doturs, personal dl ospedal, proi, impiegać, amisc y compagns,

porsones che à perié - oress Maria y Tone rengrazié de cör. Cun so aiüt, so savëi, sües parores, sües oraziuns y so impëgn, ài tan daidé y contribuì che Maria à ciafè la forza y le coraje da fà chësc bel vare, y a Tone da ti dè na secunda miù vita. Al sides rengrazié ”Chël Bun Gejù”. (margot pizzinini)

Tröpa jënt se fajô dër demorvëia dla dezijiun de Maria y ti dijô sce ara se rendô cunt de avëi ma plü un n rignun, y che sce chësc foss stè amarè, dla gravité dla situaziun. Mo Maria â ciafè da ”Chël Bun Gejù”, sciöche ara dij, tan na gran forza y ligrëza da daidé. Ara n’ê nia bona da ćiarè pro tan mal che so fre se stê. Por ëra, che â na bona sanité, êl n dovëi da daidé. La gran positivité che döt foss jü bun tignî en pé Maria y so fre. Ara à messü se sotmëte a n gröm de ejams de vigni sort, a Bornech, Porsenù, Balsan y Desproch. Y la gran forza l’à intres acompagnada. Tres danü sozedôl impreodüdes, da zetli a firmes, a ejams o zertificać che manćiâ. Mo intres danü êl porsones che daidâ. Por fortüna, deache a Tone ti jôra intres plü mal y al ê prescia da fà chësta trasnplantaziun. Ai 30 d’aurì 1998 êl stè spo le gran dé.

Ciafè na secunda vita Maria ti à scinché n so rignun a so fre y ti à insciö salvè la vita. Tone ti é dër reconescënt y se sint dër lié a Maria. Süa vita é dër cambiada y

Liam ćiamò plü sterch do la donaziun: Maria y Tone Tasser de Sotgherdëna.

N at de amur Ćiarè o fistidié de porsones atempades o amarades se damana tëmp, paziënza, n cer’ savëi; inće le savëi da ćiarè de se instësc. Te n curs él gnü ilustrè la tematica da plü punć d’odüda, sides tla teoria co inće tla pratica de porsones amarades y atempades. La terza y cuarta sëra é stades döes seres de pratica, olache l’espert de chinestetica Walter Bortolo y dui assistënć dl sorvisc dl’assistënza a ćiasa, Brigitte Terrabona y Matthias Elzenbaumer, à mostrè sö plü poscibilitês y manires por curè y pié ite porsones che n’é nia bunes da fà da sores, mo à debojëgn de n aiüt.

La cura se damana tëmp y n cer’ savëi

La pratica n’à nia manćé.

Le raiun sozial dla Val Badia à organisé n curs por porsones che ćiara y fistidiëia de porsones de tëmp a ćiasa. Le curs è pié ia le mercui sëra ai 11 de aurì y s’à stlüt jo ai 3 de mà. Indöt él gnü fat 5 sëres cun argomënć y tematiches desvalis, sides tla teoria, mo inće

tla pratica. La proma sëra à le dotur Marcocci portè dant n referat sön les maraties dla jënt de tëmp. La secunda sëra él l’assistënta por la dieta y nodrimënt Silvia Pitscheider che à portè dant informaziuns sön l’alimentaziun

Curé porsones ô gonot dì inće messëi les tó fora de let, les alzè sö, les menè, döt cosses che an mëss savëi da fà, sce an ô se sconè le spiné. Cun valgügnes branćes, fates bun, pòn se fà plü saurì y se sconè. Te chësta ocajiun él inće gnü portè dant informaziuns sön le contribut de cura (Pflegesicherung): ći che al é, olache an po fà la domanda y che che po damanè do chësc contribut. L’ultima sëra edl spo stè la sëra dles infermieres che laora te raiun

Les partezipantes al curs cun les infermieres dl raiun sozial.

sozial, Monica Trebo y Sofia Irsara, che à baié dl’importanza da ćiarè de se instësc. Che che curëia d’atri, le fej dantadöt por amur, mo al é inće gonot n laûr dër sfadius. Al se damana dër trëp tëmp, dër tröpa paziënza y gonot à les ëres co fistidiëia inće n laûr y na familia da socodì. Por chësta gauja él important che an se tòles dlaorela por se instësc, che an chìres posć o cosses che fej ligrëza y olache an po ćiarié indô les forzes y l’energia. Por podëi ti stè dlungia a amarà o jënt atempada, mësson

denant se stè saurì cun se instësc.

Trëdesc partezipantes Al curs à tut pert 13 ëres, che à tut sö cun gran interes dötes les informaziuns y inće i consëis pratics. Chësc curs gnarà indô pité l’ater ann, cun tematiches desvalies. Por de vigni sort de informaziuns, pòn telefonè al sorvisc de assistënza dl raiun sozial, al numer 0474/524513. www.lauscdiladins.com

11


nr. 20 / 25 de mei 2012

Na ciasa per paussé, ma ence per vive Intevista a la diretoura dla ciasa de paussa de La Plie de Fodom, Mara Case: i garantì na vita serena a berbesc y amedes é sia miscion Sozial - Ciasa de paussa, post da la ria, post olà che persones atempedes va a passé si ultims agn de vita, va a morì. Ma é pa chest fosc n pue’ n prejudize? Sci, aldò dla minonga dla diretoura dla ciasa de paussa Mara Case y dla educadoura Gloria Micheluzzi. I garantì n servisc de cualité, biei dis y serenité ai berbesc y a les amedes é i obietifs prinzipai dl personal ciasa de paussa “Vila San Ijep” de La Plie de Fodom. Te na intervista nes conta la diretoura de sia miscion: garantì l benester de si clienc. La Usc: Can eise pa metù man de laoré sciche diretoura tla ciasa de paussa “Vila San Ijep”? Mara Case: Ie son ruveda tla ciasa de paussa de La Plie de Fodom l 3 de setember dl 1993. Ai fova restés zenza n diretour, tla strutura fòvel oramai ence persones nia autonomes y l personal metova man de ne avei nia plu les competenzes adatedes per se dé ju con chesta jent. I me recorde che i prums agn fove la soula infermiera, i metove man da les 6 da doman y jive a fé la roda di lec con l personal, ajache i messove ti splighé la tecnica per medié n pazient te let, per evité dantaldut che al i vegnes les plaies. Cie sort de studi eise pa fat? Ie son na infermiera. I à arjont dampruma l diplom profescional, spo ae sclut ju la laurea de trei agny spo ae ence ciamò fat la laurea magistrala te “Infermieristica”. Chesta ne ne me fova nia damaneda per laoré chilò, ma i ove l dejidere da la fé, ajache i à capì che la formazion porta a n moirament dla cualité dla assistenza a la jent atempeda. Mi dejidere é chel de i dé cualité ai ultims agn de vita de chestes persones. Eise pa ence n pue’ messù ti fé

mudé la mentalité al personal che laorva dant te chesta strutura? Ma n pue’sci. Y sen sonse ruvés al pont che ai berbesc y ales amedes ne i dijonse nia plu ghesć, i ti dijon clienc. I ghesć sonse nos, che ruvon da doman y sen jon a ciasa da seira. Chesta é sia ciasa, ai é i clienc y nos son chilò per i servì. Inier fòvel na ameda ne ova nia vueia da levé da les 7.00, ala é steda te let fina mesdì, nos ne la on nia sforzeda y can che ala à volù éla vegnuda fora de ciamena da soula. Sce an sforza na tel persona restaràla dut l di da la ria y agressiva. Cie vuel pa dì per vos i garantì cualité a la vita de chestes persones? Da me enfora ne mess na ciasa de paussa nia vegnì veduda sciche l post olà che na persona atempeda va a passé si ultims agn, va a morì, ma na ciasa olà che les persones va y viv! Mia idea é chela de fé deventé la ciasa de paussa, la ciasa nueva per i berbesc y les amedes che per rejons desvalives ne n’à nia plu la poscibelté de vive a ciasa. Ie vue ti dé dejiders y speranzes a chesta jent y ti garantì agn sarens. I sà ben che al ne n’é nia tant saurì da vedei n client te na persona che patesc de na malatia mentala, ma i pretende che l personal i trates avisa sciche clienc. La assistenza mess ester ledia da contegniment. Nostes paghes é paiedes con i scioldi di berbesc, perchel vue per ai cualité y respet. Les operatoures sozio-sanitares che laora sen te ciasa de paussa à fat n curs y à svilupé na preparazion y n lingaz de n livel dret aut. Cie se nascond pa via do chest vost dejidere de i pité ai ghesć dla ciasa de paussa na assistenza ledia da contegniment? “Gentle Care”, model de assistenza per persones maledes de

Alzheimer, svilupé da la terapeuta canadeisa Moyra Jones. Can che i à audì la prejentazion de chest model ae miné: chesta la pensa sciche ie. La persona atempeda, maleda de Alzheimer, ma ence de n’autra malatia mentala, ne i va nia plu do ai ritms dla vita normala, sia ora s’à rot. Chestes é persones che vegn te d’autres strutures liedes al let, ma nia chilò da nos. Nience sce ai vuel levé su de nuet ne i oblionse da resté te let, ai pò sté te stua sce ai à plu gen. I ne sforzon degugn, i ti lascion na gran liberté. Ne n’él pa nia ert da garantì n tel servisc? Vosta responsabilté é scialdi grana... Sci, ala é grana, ma ie vuel la tò su per l benester de chesta jent. Nos ne lion plu degugn. I messon mefun se organisé con l personal y ence con strutures, sciche per ejempl lec con sensors che nes lascia alsavei can che n pazient leva su, y lec con stanges per che ai ne tomes nia fora, ma con na locia per che ai posse levé su can che ai vuel. Finalmenter dl 2010 sonse ence stés bogn de tò demez l contegniment da medejines, da gotes dedes ite per calmé y nia per medié. Samben adòren plu personal, ma nos s’on organisé. Ne n’él mai sté caji de persones che i eis messù lié? Les persones atempedes toma, al é normal, al sozed ence sce ai é a ciasa, ma perchel ne n’él nia dert da i lié. I on abù n caje de na ameda che i on messù lié, ala ess adoré na persona demé per ala, sen fòssal n zenter a Belun aposta. I on trat ite i familiars, ma i on vedù sciche chesta meda lieda se é desfanteda sot a nosc uedli. I à dit: mai plu. Co se stàla pa con l personal? Eise persones assé per garantì n tel servisc y é pa duc auna con

Mara Case, diretoura dla ciasa de paussa “Vila San Ijep” de La Plie de Fodom.

vosta maniera tant respetousa de laoré? Sci,i son dret na bela scuadra. Al é na fisioterapista che vegn adalerch does outes al’edema y na educadoura che sta con i berbesc da les 8.30 a les 17.30. Te let ne resta scialdi degugn. Ence l laour de chestes does figures profescionales é davignora orienté al benester di clienc. Sce an ruva te ciasa de paussa, veidon berbesc y amedes davignora duc deberieda te stua. Él pa emportant che ai stae deberieda? Al é ben emportant che ai stae deberieda, ajache chel pazient che à capazitès inteletives plu svilupedes pò ester de aiut per chel che nen n ‘à de manco, ence sce na persona con na malatia mentala pò datrai n pue’ desturbé. Al se svilupeia n sistem de aiut spontan, y ence a chesta maniera pòn evité de lié les

persones a n let. Co é pa perdret, aldò de vosta esperienza de laour, la vita de na persona atempeda te na ciasa de paussa? Ruvé te na ciasa de paussa pò ester n trauma, perchel i dijonse davignora de se tò para zeche che i recordes sia ciasa. La cossa emportanta é mefun che i berbesc y les amedes végnes tratés sciche persones, che ai végnes trac ite tles ativités che vegn metudes da jì. I on ence metù man da tré ite i familiars, ence chesta é steda na esperienza dret positiva. Ie son segura che i son steda bona da fé tant, ajache i ne son nia demé na diretoura, ma encena infermiera, i me à davignora enformé, studié y emparé per n miorament costant dla cualité de vita de nosc berbesc y de nostes amedes. (Intervista de katia pizzinini)

“I fé rie, ti dé serenité, la sodesfazion plu grana” Intervista a la educadoura dla ciasa de paussa, Gloria Micheluzzi La Usc: Can aste pa tout la dezijion de deventé educadoura per persones atempedes? Gloria Micheluzzi: I volove deventé educadoura per tosac, ma scluta ju la université me él vegnù fat la proposta de vegnì a laoré chilò, al fova n laour a temp indeterminé, da val’ pert mésson mete man y i à azeté. Laoran é salteda fora la pascion per chest mestier, i à capì che chesta fova mia streda, ajache i me à entenù che i ne perdove mai la pazienza con chisc berbesc. L’idea de laoré te n post da la ria luna se é desfanteda via y i à vedù che ala va ence da se devertì con les persones atempedes, la cossa emportanta é i traté sciche persones, no sciche pazienc. Al é n pue’ n nost pregiudize chel de pensé che duc i berbesc aes la ria: sce tu t’es da la bona luna con ai, spo esi contenc.

12

www.lauscdiladins.com

Ai mess vive chilò, chesta é sia vita. Nost compit é chel da ti la fé plu bela che ala va. Te dà pa chest laour de gran’ sodesfazions? Al é cler che an ne pò nia se aspeté de massa da persones atempedes, ma i fé rie, ti fé vive n bel di é davignora na gran sodesfazion per me. Ai me à mancia can che i va en vacanza, ai me à gen, chel vuel di che i à fat vari inant te mia profescion y chest me fej dret contenta. Cie fejeste pa concretamenter te ti laour? Ie ciale de laoré dantaldut sun l passé di berbesc y dles amedes, de tré fora cheles che fova sies capazités, i laours che ai fajova vigni di, chel che ai conesc y che ti é familiar. La

lerch chilò é puecia, perchel stonse scialdi duc deberieda te stua. Vignun giata zeche da fé, per ejempl desfà sbetri, fè su l lomescel y i corduns, al é n laour de grup. Chi che ne à nia vueia de fé chisc laours pò scuté su “audiolibri”. Duc deberieda fajonse ence dattrai n quiz con domandes soura la religion, che ai conesc dret bon. Dut chest fajonse per mantegnì vives les facoltès fisiches y mentales de chestes persones. Da Nadel onse per ejempl fat duc deberieda biscoti, n valgugn fajova para, d’autri cialova pro, ma al ti à salpù dret, ajache al ti recordova can che ai l fajova a ciasa. Emplù végnel ence organisé gites, i on fat per ejempl n pic nic sun la Malga Chierz y vigni ann végnel organisé na enconteda con l grup de “La spona” da Pidro. (Intervista de katia pizzinini)

La educadoura Gloria Micheluzzi con does amedes che fej su n lomescel


nr. 20 / 25 de mei 2012

Ancunteda dla cultures

Dis de furmazion politica

Dan doi ani ova la Butëiga dl Mond Gherdëina metù a jì a Urtijëi la festa dla cultures che à drët plajù y ulache l à fat pea truepa jënt de naziunaliteies desferëntes

N ucajion di Dis de furmazion politica 2012 à la lia di genitores de mutans y mutons autramënter abli prejentà si proiet „Nosta storia – nosta stories“ tl local di jëuni Saut a Urtijëi

La finalità fova chëla de fé ruvé adum per mparé a les cunëscer y a fé cunëscer si cultures, tradizions, cëives y mujiga cun bai. N possa bën dì che dut chësc à purtà si fruc, l ie unì tenì inant i cuntac. Prësc do à na grupa de peruvians che viv y lëura te Gherdëina nvià a na ancunteda, ulache l ie unì mustrà de biei chedri a culëures y l ie unì cuntà de si ncësa. Leprò àn fat ciarcë cëives tipics. L medemo à nce fat na grupa de persones dl Brasil. Y nstadì à n valguna ëiles dla Moldavia che viv y lëura a Urtijëi, nvià tl local di jëuni te Calonia a na ancunteda per s’la ciaculé y sté mpue’ deberieda. Ëiles à purtà dant a puntin, mustran de biei chedri a culëures, la situazion economica, politica y storica. Chësc pitl Stat danter la Romania y l’Ucraina ie al mumënt danter i Stac plu pueresc d’Europa. Per chësta gauja ie truepa jënt sfurzeda a se n jì, ajache i ne à deguna pruspetives per l daunì. La ulentà de chëla persones che uel se fé inant a mëter su na atività, vën riesc safuieda dala mafia. Dal agost dl 1991 incà ie la Moldavia n Stat

Francesca Trentin Wanker à rujenà dl autism. N valguna ëiles dla Moldavia, che lëura dantaldut tl soziel te Gherdëina, n ucajion dla sëira culturela.

ndependënt y te chësc curt tëmp ie i scioldi jic ala nia 3-4 iedesc. Si religion ufiziela ie la ortodossa, d’autres ie la ebraica o catolica. L viv nce d’autra pitla etnies dla Ucraina, Ruscia y dla Bulgaria. Si rujeneda ie moldava (neo-latina) y sciche segonda rujeneda ài chëla russa. La Moldavia purteniva mo pra la Union Sovietica dan mpue

passa vint ani. La ndustria ti dà da lëur a ntëur vint percënt dla populazion. I autri lëura scialdi tla cultivazion de verdura y versura che crësc scialdi bën, pervia che la Moldavia ie mé a n’autëza de 400 metri dal mer. La temperatures possa arjonjer d’instà i 40 degré de ciaut, ulache la plantajons la paia pona, cun la cunseguënzes che la racoltes toma ora scialdi mëndres. La temperatures da d’inviern possa jì ju a 30° sot a nul. La cuntreda ie scialdi bela y l bon tlima porta pro a fé crëscer drë’ dldut. Scialdi cunesciui ie i bon vins dla Moldavia y i biei monasteres. La ancunteda ie fineda via cun de bona spëisa tipica che l’ëiles moldaves à cujinà scialdi bën y che ti à sapù scialdi bona a duc i nviei. Cun chësc ulons rengrazië de cuer l’ëiles dla Moldavia y duta chëla persones che se dà ca per chisc biei fins de mparé a se cunëscer, per n bon cunviver y per na ntegrazion plu saurida per ëi ma nce per nëus.

Carateristiches dl “autism”

Grupa Butëiga dl Mond

N bon cëif dla Moldavia.

Ictus y trauma al cë L’ena passeda iel stat tla sala Gisella Moroder dla Cësa de Paussa a Urtijëi na ancunteda drët nteressanta cun l dutor Simon Kostner de Urtijëi y l neuropsicologh Roland Keim Ictus - L dutor Keim ie a cë dl Servisc psicologich dl spedel de Persenon. La sëira ie unida metuda a jì, deberieda cun l Servisc soziosaniter, da anda Gertrud Calenzani, che se cruzia dla grupes de autoaiut te chësta tematica. L dutor Simon Kostner à rujenà dla prevenzion dl ictus, sotrissan la gran mpurtanza de museré unitant l zucher tl sanch, l colesterin y la prescion dl sanch. De utl iel sambën fé na vita sana, cialan dl maië, fajan muvimënt y cialan de ne abiné nia adum massa stress. L bòt al cë vën canche na vëina dl cë se stropa; una dla formes de

Dut ntëur nteressanta ie stata la manifestazion metuda a jì dala Lia di genitores de mutans y mutons autramënter abli (per tudësch “AEB - Arbeitskreis Eltern Behinderter”). Per persones cun handicap ne n’ie la vita soziela nia for saurida. La ntegrazion vën sustenida a scola ma tl tëmp liede vën la persones cun handicap mé dinrer trates pea dala persones “normales”. L fossa de gran mpurtanza a sensiblisé i jëuni n con’ de chësta tematica davia che chisc jëuni sarà n di o l auter granc. N ucajion de chësc proiet ie la familia Wanker de Urtijëi unida tl local di jëuni Saut a nes cunté zeche sun si storia. Ëi à doi mutons “autisć’” y à purtà dant chësc handicap ai jëuni prejënc ala manifestazion. I à cuntà tan gën che si mutons stajëssa deberieda cun d’autri jëuni che ne à degun handicap y ëi à ënghe desmustrà l valor che la persones “particuleres” possa avëi per la sozietà.

bòt ie nce na sangheda tl cë. L ie scialdi mpurtant che la persona tucheda vënie cureda l plu aslune che la va y che la vënie aviseda cun prëscia tla drëta strutura. Roland Keim à pona rujenà dla cunseguënzes psicologiches dl bòt al cë, dijan che la reazion de uni persona ie autramënter y che l vën te chësc cajo a dì al carater dl pazient o dla pazienta, sce l ie na persona positiva o che tënd al pessimism. Ti caji plu grieves possa l pazient mudé persunalità, unì apatich o agressif, ne ulëi nia udëi ite la realtà y refudé l aiut di autri.

La grupes de autoaiut ti juda ai pazienc a se paredlé cun d’autri; tlo possi rujené de si esperienzes o nce mé scuté su d’autra problematiches. Nce chëi de familia, che muessa secudì i pazienc, ie suvënz sëuraciariei y ëssa debujën de n aiut o de vel’ cunsëi.

1. Deficulteies ti raporc soziei cun d’autra persones. “Autisć” ie suvënz da sëui y stluc ora. 2. “Autisć” se fej ert a capì i sentimënc y i pensieres de d’autra persones, ëi ne n’ie nia boni de fé do zeche y ne mpera ënghe no fajan do. 3. La comunicazion ne n’ie nia saurida y datrai nianca no puscibla. Suvënz ne n’ie “autisć” nia boni de capì cie che l ti vën dit y ëi se stënta a nes fé capì cie che ëi pënsa, sënt y ulëssa. Suvënz ne sons nianca no

boni de capì che ëi ulëssa velch y nsci vën ëi iniurei y se sënt arbandunei, ma nce ëi à dejideresc, sentimënc y bujëns. Nsci iel rie per ëi a mantenì n cuntat o na relazion cun d’autri y chësc devënta n pëis per chëi che à da n fé cun ëi (familia, scola,…). La cunseguënza ie che i mutons “autisć” se stluj ite, scumëncia a svaië y vën agressifs. Si cumpurtamënt toma tl uedl ma l ne n’ie nia saurì da capì. Suvënz ne ti vëniel nia rujenà te na maniera adateda. 4. “Autisć” ne n’ie nia boni de se tripé sciche mutons nton, la roba da se tripé vën mé adurveda tres muvimënc sfurzei (“stereotips”). Cër’ muvimënc fej ëi mo n iede y mo n iede (mpië y destudé la lum,…). Nsci proa ëi a se dé ju cun chël che ie ntëur a d'ëi. Dla lum y dla fuera à ëi na perzezion scialdi majera che d’autri y perchël se stropi suvënz la urëdles y se tira zeruch. 5. Uni cumpurtamënt ie comunicazion per n “autista” y uni cumpurtamënt uel dì velch. Cër’ muvimënc di autisć uel suvënz dì zeche, per ejëmpl sce ëi fluternea cun la mans, uelel dì che ëi stà bën. N messëssa cialé de capì cie che ëi uel nes dì tres si cumpurtamënt. 6. L ne n’ie deguna cura y deguna medejina, mé l amor, simpatia, ti ulëi bon y n cumpurtamënt daviert de viers de d’ëi possa ti judé a d’ëi y a si families. De gra per vosc aiut! Sce ancuntëis Luca y l saludëis y ti dajëis arta, ve rengrazieràl rijan! Ëis l mesun de unì a crì Luca a cësa. Coche rengraziamënt giaperëis n pont Jawa che pudëis giamië tl ufize dla Nëus Jëuni Gherdëina. Luca se ncunfertëssa a ve udëi. (NJG)

Anda Gertrud Calenzani à rengrazià de cuer i doi dutores, che à rujenà te na maniera scëmpla y saurida da capì y che à purtà pro a stlarì truep aspec de chësta malatia. Erica Senoner

Ntan la cunferënza dl local di jëuni Saut a Urtijëi. www.lauscdiladins.com

13


nr. 20 / 25 de mei 2012

L’atività dl ann passà dl Servisc Soziel de Gherdëina La finaliteies dl Servisc Soziel de Gherdëina ie chëles de ti pité ala families y ala persones singules la drëta cunsulënza y l drë’ aiut per i sustenì te n mumënt de crisa sibe persunela che finanziela Servisc Soziel - L ann 2011 ie stat inò n ann drët ntensif per i cunlauradëures dl Servisc Soziel: 545 persones ie unides tl Servisc Soziel per d’uni sort de problems, chël ie l 5% de duta la populazion de Gherdëina y dla frazions ladines. La cumpëida dla jënt plu avisa aldò di servijes ie: per l’assistënza finanziela 106, per l’assistënza a cësa 297, per l’assistënza soziopedagogica de basa 196 y per l servisc de nfurmazion sozio-saniter 51

Assistënza finanziela Tl ann passà fova la cumpëida dla dumandes per prestazions de mëndra assistënza finanziela che ti ani passei, ma la spëises se à auzà dl 16% ajache i cuntribuc lascei pro fova plu auc. De ndut iel unì paià ora 109.739,88 euro, y plu avisa 46.122,24 euro per ruvé al minimum soziel che n adrova per viver, 28.180,09 euro de cuntribuc per judé a paië l fit y 22.132,80 euro de antizipazion al mantenimënt di mutons ulache i genitores ie despartii ma che ne giapa nia l mantenimënt udù dant dal giudesc de sunieria da pert de un o l auter genitor. Per 38 persones iel unì calculà la tarifa, aldò de si situazion finanziela, per pudëi paië la sujurnanza tla cësa de paussa o per l servisc ai pitli mutons per la „Cësa di pitli“. Per pudëi fé na dumanda de na prestazion dl’assistënza finanziela iel unit sëuraprò n sistem nuef per dé ju duta la documentazion che n adrova. Cun chësc sistem àn

scumencià ai 1. de setëmber dl 2011 y à inuem detlarazion sëula dl davani y dl avëi (per tudësch „EEVE Einheitliche Einkommens-und Vermögenserklärung“). Ntan i ultimi cater mënsc dl ann à i cunlauradëures dl’assistënza finanziela tëut su 77 de tel detlarazions.

Assistënza a cësa L servisc de assistënza a cësa pieta si prestazions jan n cësa da chëi che n à debujën y n valgunes nce ti zëntri a Urtijëi (bani y cura di piesc), S. Cristina (cura di piesc) y Sëlva (cura di piesc). Tl ann 2011 à l servisc de assistënza a cësa secudì 297 persones, de chëstes fova 278 sëura i 65 ani y 19 sot ai 65 ani. 105 persones ie unides secudides a cësa, ti pitan n gran pert l servisc de cura dl corp, l servisc de trasport y l servisc de ativazion/animazion. 208 persones se à nuzà di servijes de fé bani y la cura ai piesc ti zëntri. Oradechël pieta l servisc de assistënza a cësa l servisc de purté la marëndes n cësa a chëla persones che ne n’ie nia plu bones de cujiné nstësses o che viv da sëules. 6.051 marëndes ie unides purtedes ora n gran pert da 18 ulenteres te 1.588 ëura. 11 cunlauradëures lëura pra l servisc de assistënza a cësa, n pert a tëmp plën y n pert a mez temp.

Assistënza soziopedagogica de basa Tl ann 2011 à l servisc de assistënza sozio-pedagogica de basa acumpanià 196 persones che fova te na situazion problematica. 131

fova la persones de majera età y 65 mutons de mëndra età y si families. Ti ultimi ani se à for plu y plu granc prejentà tl Servisc Soziel per damandé aiut. N valgunes dla majera problematiches fova: problems finanziei (11 persones), degun lëur o perdù l lëur (17 persones), problems psichics (32 persones), problems de dependënza (20 persones), problems te familia o de raport danter uem y fëna (43 persones). Coche bele nunzià dant, à l servisc de assistënza soziopedagogica de basa acumpanià 65 mutons de mëndra età y si families. Te ot caji iel unì fat na relazion dla situazion familiera sun dumanda dl Procuradëur y chindesc families ie unides acumpaniedes tres n decret dl Tribunal. Cater families cun de ndut diesc mutons ie unides acumpaniedes tres l servisc de assistënza diretamënter a cësa dla families, ti pitan ai genitores sustëni tla educazion di mutons. Cin’ mutons ie unii metui pra families che secudësc chisc mutons di y nuet. A chësta families ti iel unit paià ora n sustëni finanziel de de ndut 33.700,80 euro. Trëi mutons ie unic metui te na strutura soziopedagogica dedora da Gherdëina, cun na spëisa de 23.719,20 euro de ndut. L servisc de assistënza soziopedagogica de basa à na bona cunlaurazion nce cun l servisc per i jëuni „Nëus Jëuni“. Deberieda cun chësc servisc iel unì laurà ora n proiet „Unì granc“, ulache l ti vën pità sibe ai jëuni che ai genitores na lingia de referac sun d’uni sort de tematiches. La grupa de tëmp liede per

Ntan la senteda de tlausura.

persones cun problems psichics „Deberieda“ se à ancuntà 25 iedesc ntan l ann passà. La grupa ie unida acumpanieda da undesc ulenteres che à dat ca si tëmp liede per de ndut 658 ëura. L servisc de assistënza sozio-pedagogica de basa ie metù adum da cater cunlauradëures.

Servisc de nfurmazion soziosaniter L servisc de nfurmazion soziosaniter ie na purtina de nfurmazion y cunsulënza per i zitadins y la zitadines de Gherdëina che à dumandes y bujëns tl ciamp soziosaniter. Ntan l ann 2011 se à bën 2.746 persones nuzà de chësc servisc; 84% se à nfurmà de

cuestions sozieles y 6% de cuestions saniteres. La gauja de chësta desferënzia ie che i doi servijes ne à nia la sënta tla medema cësa. Pra l servisc de nfurmazion soziosaniter iel l mesun de dé ju la dumandes per giapé n cuntribut de cura. Tl ann 2011 iel unì dat ju 83 dumandes. L servisc se cruzia nce che duta la nfurmazions de mpurtanza ruve tla cëses di zitadins de Gherdëina, scrijan articuli y dajan la nfurmazions tres la zaita „La Usc di Ladins“, tres la plates de pluania y tres la plates de Chemun. Tl servisc de nfurmazion soziosaniter lëurel una na persona al 50%. Per l Servisc Soziel, la respunsabla dl Servisc Erna Mussner

Generela dla Crëusc Blancia Nstadì à la Crëusc Blancia de Gherdëina abù si reunion generela te cësa de Chemun a S. Cristina. L ie stat drët na blòta ancunteda, ulache l caposezion Oliver Kostner à pudù saludé na bela cumpëida de ulenteres dla sezion Crëusc Blancia - L caposervisc Plattner Kilian à n ucajion dla generela ai 3 de mei purtà dant cieche l fova suzedù ntan l ann 2011. La Crëusc Blancia à fat ntan l ann passà 729 ntervënc per cont dl 118 y a menà de ndut 2.499 persones dla valeda a vijites y terapies. De ndut 3.228 ntervënc iel pona stat per la jënt de Gherdëina y sambën nce per i patins, menan dut adum 3.669 persones, che fossa belau 9 al di, fajan cun i cin’ auti de ndut 345.000 km, che fossa bën 945 km al di. Per curì l servisc de prim aiut iel pra la sënta de S. Cristina ot dependënc a tëmp plën, 74 ulenteres che fej servisc dantaldut de nuet, ntan la festes y uni sada y dumënia, y un che fej l servisc zevil.

Nocker cun bën 900 ëura, Georg Troi cun 728 y Pius Nocker cun 652 ëura. Chisc trëi a nce pudù pië do na pitla recunescënza da pert dla sezion. Dut adum à duc i ulenteres dla Crëusc Blancia de Gherdëina tl ann 2011 fat 18.119 ëura.

La grupa di jëuni Nia da desmincë ne n’ie la grupa

di jëuni dla Crëusc Blancia, cun a cë Hermann Delucca, cun 9 respunsabli di jëuni y bën 50 jëuni che fej pert dla grupa. L’atività dla grupa scumëncia for de setëmber y va nchin de juni. N se urta uni trëi enes, for de sada per doi ëura, mparan i prim vares dl prim aiut y naturalmënter ne desmincian nia la hez. Dal ann 2005 incà, da canche la grupa di jëuni ie unida metuda

su, ie bën 23 de chisc jëuni deventei ulenteres che, do avëi fat cursc che dura ntëur a 500 ëura, fej sën regularmënter si servisc purtan aiut n cajo de emergënza o desgrazia. Purmpò chier la Crëusc Blancia for inò da nuef ulenteres che ulëssa fé pert de chësta lia, mparan nscila zeche che ie de utl per duta la vita. Fé pert de na tel lia ie de gran utl y gran mpurtanza per duta nosta

populazion. Chiche ulëssa fé pea pra la Crëusc Blancia possa cherdé su l numer vërt 800110911, ulache n giaperà nce duta la nfurmazions. Ala fin dla reunion generela iel mo stat paroles de lauda da pert dl’autoriteies. Da dedò ons duc giapà na bona pitla marënda. N gran dejidere de duc canc ie che i lëures per la sënta nueva a Soplajes vënie tosc scumencei. (hd)

Lauda a trëi cumëmbri Trëi cumëmbri ie unii laudei per avëi fat l plu ëures sciche ulenteres tl ann 2011. Tlo se tràtel de Alex

14

www.lauscdiladins.com

La grupa di jëuni 2011-2012 dla Crëusc Blancia.

La ambulanzes dla Crëusc Blancia de Gherdëina.


nr. 20 / 25 de mei 2012

La alergìes de sajon Na veièda su alergìes e intoleranzes, pean via da l’emportanza che pel aer noscia alimentazion per miorèr o ressolver vèlch problem

Chi che é alergich a la graminacees pel mudèr la pasta con ris, mei o patac.

No duc sà che la broa da fegn e la congiuntivite alergica, carateristiches de chesta sajon, les pel depener ence da chel che magnon. Ma chest l’é ence n fat positif, vel dir che l’é possìbol controlèr miec i sintomes de la alergìes con na alimentazion adatèda. Te la relazion che l’é anter magnèr e sanità, la intoleranzes alimentères les à la pèrt più emportanta, conscidran duta la conseguenzes coleèdes a chest fenomen. Ampò amò anché l problem de la intoleranzes e alergìes alimentères l’é sotvalutà e no recognosciù da tropa jent. La alergologìa moderna à coscì metù al luster che n fenomen alergich l’é demò la ponta de l’iceberg del problem. La cauja pruma de l’alergìa l’é na componenta generèla che produsc e auza l livel de enfiamazion, smendran la capazità de adatament de ogne persona. Ma apede a la vera e propria alergìes, che se palesa con

na reazion che vegn fora sobito dò che se à magnà o abù contat con la sostanza che dèsc l problem (con eruzions de la pel, orticaria, enfiadujum de la lenga e de la mucoses e c.i.) se se troa a cogner fèr i conc ence con la intoleranzes, chi caji olache l sintom o la malatìa sparesc tolan demez deldut na sort de magnèr da la alimentazion. Estra che chesta does categorìes de manifestazions alergiches, l’é duta na lingia de reazions no deldut identifichèdes ma che dèsc trop d’empaz: la pseudo alergìes, che fossa i deficit enzimatics desche per ejempie la mencianza de l’enzim per la digestion di zucheres del lat (lattosio), che se troa te n muie de bec; opura la ipersensibilità a sostanzes che l’é te vèlch magnèr (conservanc, aditives e c.i.) che les pel soscedèr mèl al cef, piza e c.i., opura la reazions da tessech che vegn ca da entesseament alimentèr (fonghes, botulin, magnadiva jita a de mèl e c.i.). L’alimentazion te duc chisc caji

l’é l prum vèrech per n miorament di sintomes. Vardon donca de entener coche duta chesta cognoscenzes pel se mudèr te consees pratics.

Él possìbol esser alergiches ence a la graminacees che magnon? L’é n problem n muie slarià fora ma pech cognosciù ajache la maor pèrt de la jent d’aisciuda padesc de alergìa a la graminacees (che te chela sajon se troa trop te l’aria), che tol ite ence forment e turcheis, sostanzes donca che nos mudon te magnadiva e che doventa pèrt integranta de nosc magnèr. Coscì sozet che la medema sostanza che ge dèsc d’empaz ai eies la pel ge dèr d’empaz ence a la budeles e smaorèr l livel de enfiamazion de dut l’organism. Ma per ressolver l

problem, o l smendrèr, no l’é debesegn de mudèr deldut chel che magnon, piutost fossa miec smendrèr o evitèr per n trat de temp chi magnères conscidré da tessech per nosc sistem imunitèr. Chi che é alergich a la graminacees, per ejempie, e l’é usà a magnèr soraldut pasta, pan e pizza, l cognessa varièr sia fontèna solita de carboidrac se emprevalan de sostituc adaté desche la vena, l ris, l mei (miglio) e i patac. Per solit chest scempie mudament miora i sintomes e n smendra la violenza. Per la intoleranzes enveze la costion la é più complichèda. No l’é semper sorì aer na diagnosi prezisa de la intoleranzes, ma na dieta de reintroduzion, dò desvalives meisc de astenjion dal magnèr incriminà, la mena a recuperèr na bona toleranza, smendran l’enfiamazion generèla de la mucoses (per solit nès, eies, fià bianch e budeles). L’é l cajo de la descorida acà n an de na entità patologica neva, chiamèda “Gluten Sensivity” na reazion al glutin che no l’é la celiachìa. I prumes dac ence tel Trentin rejona de na perzentuèla anter la persones sènes del 10%. Ence te chest cajo na alimentazion falèda pel determinèr n smaorament de l’enfiamazion de la budeles, con manifestazion de coliches. Na cernuda più equilibrèda e ascorta del magnèr pel, ence te chest cajo, doventèr n didament per varir da chesta alergìa.

Anchecondì un di test più fidàboi per na diagnosi segura l’é chel fat sul sanch, più fidàbol di “pacht test” classics e di “prick test” su la schena e sui brac. Per la terapìes, estra la dieta, l’é da preferir antistaminics naturèi piutost che chi artifizièi, desche l’elech de perilla, un di pec elesc riches de omega3 vegetèi che permet de redujer i sintomes alergics. La gemmoterapìa, che desfruta soraldut la proprietà de sostanzes vegetèles che les é dò e crescer, desche gemes, buc, reisc joenes e c.i., la é de aiut per ejempie tel tratèr la fasa acuta de la manifestazion alergica, olache l’é n muie percacent l Ribes Nigrum, ùtol per tor demez l’enfiamazion de la pruma vies aerees, o la Fagus Sylvatica, con na potenta azion antistaminica. Pel esser de ùtol ence la cures de haloterapìa, n tratament terapeutich metù a jir col salgemma (zenza iodie) desche aleà naturèl e prezious contra la alergìes, ence cheles soscedèdes dai pollini. A chest propòjit n gran numer de studies clinics à metù al luster che i mecanismes de azion del salgemma i é tropes: mucolitich, antibateriologich, antienfiamatorie, imunomodulator e iposensibilisant. Remedies donca n’é n muie, ma ge vel semper se recordèr che noscia sanità depen dant da dut da nos, e da cotant che la rencuron. Federica Giobbe

Strumenc de control

Travers l’alimentazion se pel controlèr la intoleranzes alimentères.

Se pel aer n mior control de la intoleranzes alimentères con desvalives sistemes: travers na dieta de rieducazion, che posse recuperèr la toleranza del magnèr; na dieta a rotazion, olache l magnèr vegn varià con la dreta cantità de carboidrac, proteines, minerèi, fruc e ortames, evitan de magnèr doi dis la medema roba; e travers test diagnostics segures. www.lauscdiladins.com

15


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

nr. 20 / 25 de mei 2012

Ra scora alberghiera

R’aga de i śoen

El laoro co i nostre śoen, par i insegnà un laoro. Che i sepe depì de ‘l alcol. Aduna co i jenitore, par i fei vede ce varentes che i é deentade

El capocomun de i studentes a Latina, par se ciatà con chi outre, da duta Italia. E par portà un projeto noo

I studentes che i à fato el corso par el bar, de ‘l dapò disnà, inze ra scora alberghiera de Anpezo.

Anche chesto an de scora ‘l é drio a fenì, ma vanza tenpo, par i insegnà algo de outro, a i nostre śoen. Inze ra scora alberghiera de Anpezo, una de ra zinche scora outes de el Polo Valboite, i é drio a fei ra ultima lezios. Intrà duto el resto, i à vorù fei un corso de bar, che ‘l é beleche scomenzà ‘l an pasà. Se vó fei conosce polito ‘l alcol a i studentes, parcé che i sepe cemodo el dorà, ma pi che see cemodo che ‘l é da i stà indalonśe. I s’à ciatà par zinche otes, de ‘l dapò disnà. Ignante de duto i à inparà cemodo parecià i cocktail e i aperitive pi conosciude, da i dà fora a i clientes, se un di i arà da fei chesto laoro, e cemodo che ‘l é da conpaniśà el bee co ‘l magnà. Ma duto chesto ‘l é tomà inze el projeto pi gran, che el Polo Valboite el porta inaante da anes, de educazion a ra salute. Par chesto, ra scora alberghiera ra insegna, pi che see, ce e cemodo che ‘l é da magnà, in ciaśa e fora de ciaśa, e cemodo che ‘l é da dorà ‘l alcol.

Dapò ce s’ai pensà? De i fei vede a i jenitore, a scora, chel che i à inparà, chiste śoen. Coscita i à azetade a scora, scentade co i pes sote ra toura, par el disnà, par vede i so fioi a ‘l laoro, a parecià el da magnà, inze cujina, e a ‘l servì sun toura. I à vorù spetà ra fin de ‘l an, canche i ea segure de ese pi varentes. “Nośoutre ón acaro de vede i nostre fioi co ra mondura, co i sarvije da dorà inze cujina, o in sala – r’à dito una mare – e pensà che chesto podarae ese el so laoro, un doman”. “E son parsuaśe – ra śonta un’outra – che see polito, chel che suzede inze chesta scora, agnó che i à da abedì, da stà sojete, par se parecià polito a ‘l mondo de ‘l laoro, ormai da canche i é a scora”. I studentes de ra scora alberghiera i é uśade, da ‘l prin an, a aé ra parsones da servì, sun toura, alcuanta otes a ‘l an. De spes ‘l é i profesore de ches’outra materies, che i se ferma a disnà, e coscita i

Ra Madona Un gran bel libro, par ‘na gran bela devozion Ca de ‘na setemana, vendres 1 de śugno ‘l é algo da no podé perde: da dasera, dares 20.30, ra Union de i Ladis de Anpezo, aduna co ra Parochia e i frates Franzescane, i me speta inze ra jeja de ra Madona de ra Difesa, agnó che i me mostrarà el libro noo, fato par el 2012. Chesto an, se sà, se recorda i siezento ane de ra devozion a ra Madona, de ra nostra śente. El libro ‘l é stà scrito da Paolo Giacomel, co ra fotografies de Stefano Zardini Foloin. Inze ra pajines daante, ‘l é alcuanta paroles de Elsa Zardini Soriza, presidente de ra Ulda. Intrà el resto, ra scrie: “Ci che và inze jeja sente un nosicé de gran, che te tocia el cuore, che te fesc pensà sora e te fesc capì cuanto granda che r’ea ra deozion

16

www.lauscdiladins.com

dei nostre vece, e ra me fesc sentì pi grei anche nos. Aldidancuoi, dapò siezento ane, preon inaante ra Madona, propio era, che no mancia mai, inze ra nostra ciaśes, che ra me die ancora na ota a se defende da outre nemighe, che i é drio sofeà ra nostra tèra ladina, par podé precurà inaante ra nostra tèra, el saé de i vece e ra nostra uśanzes”. Se parlarà de spes, de chesto laoro, inze ‘ste mesc. Nafré par chesta presentazion; nafré par ra Casa rurale de Anpezo e de ra Dolomites, che ra vó dià a in dà fora pi che se pó, a bon prezio; nafré parcé che se ciataron danoo, sabeda ai 21 de luio, dares 21, inze ra manifestazion “Una montagna di libri” de Francesco Chiamulera.

pó vede i so studentes outramente da cemodo che i é uśade a vede, in clase, su i libre. Calche ota ‘l é outro parsonal de ra scora, calche ota ra families, i jenitore. “A scora se vien par inparà, ma pi che see par cresce – i me disc i profesore – e coscita par nośoutre ‘l à un gran valor, se conosce co ra families de i nostre studentes, parcé che i jenitore i pode vegnì a vede i so fioi. El laoro che se fesc, inze cujina e in sala, el śoa anche par leà i śoen, e ra so families, co ‘na scora che, i ultime anes, r’é cresciuda, r’é senpre pi granda. A scotà chel che i me disc, o che i me domanda, i jenitore, calche ota i studentes medeme, s’à podù meorà senpre depì. Par in dì una: ón scomenzà a toi śo ra lezios, co ra telecameres, e dapò ‘s ón betudes fora, su el sito de ra scora. E in clase, par ra lezios, no se dora pi ra vecia lavagna, co ‘l śes bianco da scrie, ma ra noa lavagnes multimediales, che s’à podù cronpà, parcé che i m’à dià, de alcuante”.

R’aga r’à un gran valor e beśen ra dorà polito. Chesto ‘l é scrito, inze ‘l projeto che Alberto Zisa, capocomun de i śoen, de ra scores de Anpezo, ‘l à portà a Latina, agnó che i s’à ciatà de cuatrozento, da duta Italia. Con el, ‘l aea portà el presidente in pizo de el Parco de ra Dolomites de Anpezo, che ‘l é Nicolo Zandomenego, e outra doa tośateles, che ‘l à par loudaduó, inze ‘l so comun: Lara Lacedelli e Alberta Piccin. Con chiste tośate ‘l ea ra profesoresa Valentina Piccolo, che ra i stà drio, a ‘l comun de i śoen, da alcuante ane. E no n’é da se desmenteà de el comun de i grei, che ‘l é pede a chesto laoro, da canche ‘l é scomenzà, con Giovanna Martinolli. Coscita, propio a ra fin de ‘l an de scora, s’à pensà de śì a Latina: “Coscita i fajon cresce, a stà pede a i grei, a inparà da ra istituzios; i nostre śoen i capisce che i po parlà, fei saé chel che i pensa, ra so idees e i so insogne. Calche ota vien fora, propio da lore, algo de noo, par

meorà el vive de dute, inze ra scora e de fora”. Inze chesto convegno nazional de Latina se parlaa pi che see de anbiente, de cemodo che ‘l é da fei par precurà ra natura. I nostre śoen de Anpezo i à portà chesto so projeto, par dorà meo r’aga, da no ra strazà, con chel che ra val. Chera bela aga, che ra nostra crodes es me dona, d’ousciuda, canche el delega. El projeto i à sapù tanto bel, a dute, i à abù acaro de ‘l sentì e ‘l é stà menzonà, intrà i meo. Ma, coscita śoen, no n’é solo da lourà, beśen anche se ra gode, coscita i cuatro tośate i é stade a fei alcuanta vijites culturales e naturalistiches a Ostia e a Roma, agnó che i é stade azetade in udienza da ‘l Santo padre Benedetto XVI. Dinultima i s’in é tornade a ciaśa pi sciore, pi grei, con outre amighe, in śiro par r’Italia, beate de chel che i à fato e vedù. E beleche pronte a moe danoo, ‘l an che vien, canche i capecomun de i śoen i se ciatarà, par el 2013, in Campania.

El Comun de i śoen de Anpezo, inze piaza San Piero, a Roma, daante ra basilica de el Vaticano, co ‘l capocomun Alberto Zisa e i doi loudaduos Alberta Piccin e Lara Lacedelli. Con lore ‘l ea Nicolo Zandomenego, el presidente in pizo de el Parco de Anpezo.

Ce un bel altà, par San Candel Inze ra jejeta de Cianpo, algo de bel, che s’à podù vede par ra sagra de el vilajo S’à podù vede ‘l altà de len comedà fora polito, inze ra jeja de San Candel, a Cianpo, par ra sagra de ‘l vilajo, śoiba ai 24 de maśo. Chel laoro ‘l è stà un don, fato da ra femenes de el Soroptimist club de Anpezo, ‘sto an, aduna co ra casa Rurale de Anpezo e de ra Dolomites, co ra sozietà Cooperatia e el Comun de Anpezo. A voré chesto laoro, de comedà fora el vecio altà de len, de el fei deentà noo lujente, cemodo che ‘l ea ‘na ota, ‘l é stà pi che see ra presidente de el Soroptimist club de Anpezo, che ‘l é Lilia Giacconi Constantini. Senpre era, i anes pasade, r’aea vorù fei comedà fora, senpre inze ra jejeta de San Candel, a Cianpo, el depento de ra scora de el Vecellio, che ‘l à su San Giovanni Batista. Coscita, un toco a ra ota, se po fei vede ra bela śoies che ón,

Inze ra jeja de Cianpo, ‘l altà de len, noo lujente, dapò che i ‘l à comedà fora.

inze ‘l nosc paes, segn de ra devozion de i nostre vece.


Anpezo

nr. 20 / 25 de mei 2012

Ra Fisi par Cortina 2017

El turismo, una roda che śira

Da Anpezo ves el Cadore, in śo, cemodo che fesc r’aga de ra Boite, da senpre. Algo de noo, ca da Par i Mondiali de schie, ra Federazion taliana de i sport nośoutre, algo de bel, che se pensa de fei ogni an. Un bel esenpio de chel che se pó darśonśe, a d’inverno ra crede a ‘l gnon de ‘l nosc paes, anche se fose da vardà pi inaante, co ra candidatura lourà aduna

Beśen lourà aduna, par vegnì in algo.

Ra rodes ‘s à coresc, in śo, par ra val de ra Boite, da Anpezo fin a Calalzo, par trentazinche chilometre. S’à vedù pi de zinchezento parsones, pi che see families, calche pare, tropa mares, un rodol de famea, e ‘l é stà algo de bel. Da el piazal de ra stazion ‘l é moesc, a fracà su i pedai, anche el capocomun Andrea Franceschi de Matia, con un caretel, tacà drio, agnó che ‘l ea inze el so pizo Stefano; śo par pede, co ‘na vecia e bela bicicleta da corsa, so femena Martina. El se r’à goduda, el capocomun, par duto el viaśo, fin in Cadore; ‘l à ciatà chi outre capecomun, a scomenzà da chel da San Vido Andrea Fiori Monego, scentà su un risciò, de chi da cuatro poste, che se vede a ‘l mar, con daante un’otra roda, co ra lumes e ra sirena, de i ponpiere, a i segnà ra strada. Duto chesto ‘l é stà fato par fei conosce, senpre depì, ra pista ciclabile, fata fora su ra vecia farata de ra Dolomites, e s’à curà fora i dis ignante el Giro d’Italia, cemodo che el me recorda Franceschi:. “El Giro d’Italia el me dia, a fei vede e conosce el gnon de Cortina daparduto, in Italia e par el mondo. El me diarà anche a fei saé che ca se pó fei turismo co ra bicicleta, co ra bike. No pensae che el Giro el podese śì adora a ciapà inze tanta śente, tanta parsones. Ra gara ra rua deboto dapò, de duto chesto, che śira d’intorno”. Inveze el conosce polito chesta machina Renzo Minella, che da anes

el laora in provinzia de Belun, par chi de Rcs, che i parecia el Giro. Par tre ane ‘l é stà ‘l Agordin, con Zoldo e Fodom, a aé ra tapes de el Giro, ‘l an pasà i s’à fermà a Belun e da ‘l indoman i é śude su ‘l Nevegal. “Chel che conta depì, inze ra tapa de Cortina, de i 23 de maśo, ‘l é che i pasa par ra Dolomites e se podarà vede cuanto beles che ‘s é ra nostra crodes. Par chesta pedalada, vestide de rosa, che ón fato alcuante dis ignante, r’ón fata parcé che son parsuaśe che no see nuia de meo, par se fei conosce a chi che à amor par ra bicicleta, de dorà el Giro d’Italia. Che i rue a Cortina, e da ‘l indoman i moe da San Vido, ‘l é algo che me diarà a fei conosce daparduto chesta bela pista, un gran valor, par el turismo in Anpezo e inze ra Val de ra Boite”. Un de i pi gasade, intrà dute, ‘l é stà Andrea Fiori Monego, el capocomun da San Vido, scentà su el so risciò da cuatro rodes. “L é masa bel, chesto rù de parsones, śo par ra val. On da fei algo, beśen se ciatà dute aduna, par el fei danoo, i anes che vien, ogni an, de ousciuda, de calche ver”. Ra śente ra pedala, ra sfiadazea, ra ride. Dute i s’à betù chera maieta rośa, śo par pede ra pista ‘l é un grun de parsones, che peta ra mas, che saluda. Se rua a San Vido, in poco, ‘pò a Borcia, a Vodo se se ferma, par papuzà algo, che i à parecià, chi de ra aziendes de ‘l paes, che i arlea besties. A Venas ‘l é chi de ‘l jelato, usade fora par ra

Su ra pista, co ra roda, da Anpezo in fora. A sarà ra val, ‘l é ra Tofana.

Jermania; a Val ‘l é chi de i vece laore, de ‘na ota. I bete i doi capocomun, de Anpezo e de San Vido, a tirà el sion a doa manties, par sià un taion de laresc, par jestarlà. A Piee i te depenśe el vis de rośa, el color de el Giro, e de ros, el color de Tiziano, finche ra famea ra śuia, su ra gincana. Se rua a Calalzo, par ra festa, par ra musica, par el disnà. “Duto chesto me fesc vede ce che se pó fei, a lourà dute aduna – el me disc Luca De Carlo, el capocomun da Calalzo – e ades, se no son nośoutre coscita stanpioi da perde duto chesto, da ‘l bicià via, podon prozede su chesta strada. Son parsuaśo che ra promozion de el turismo r’é su ra scina iusta. E digo de chesto turismo, fato par fei conosce ra nostra tèra”. Par ra pista “La lunga via delle Dolomiti” se pasa par Anpezo, San Vido, Borcia, Vodo, Val, Piee e Calalzo de Cadore, ma a se montà ‘l ea anche Lino Paolo Fedon, capocomun de Domege, che el varda con piazer, a chesta noa. E se se domanda agnó che ra pó ruà, una manifestazion coscita, par fei conosce chiste poste. “Una pista ciclabile coscita, inze meśo ra nostra Dolomites, r’é un fior da mostrà a dute, par se fei conosce – el śonta Renzo Bortolot, presidente de ra Magnifica comunità de Cadore, pede che capocomun de Zopè – e ci che pasarà da chesta, ci che ra vedarà, el tornarà de seguro. Coscita r’é ‘na ocajion de oro, par se fei conosce daparduto”. A Vodo, chel di, i à daerto un local, inze ‘l vecio caśel de ra farata: se pó se fermà, se pó bee e magnà, pi che see algo fato su ‘l posto, da ra aziendes de el paes. Intanto i é drio a pensà de daerśe algo de outro, inze outre paesc de ra val, anche in Anpezo, pede a chi che laora da anes, a vardà in inze, ves Toblach. Basta se pensà a chel che se ciata a Sorabances, a Carbonin, a Landro, śo par pede el lago de Toblach. Parcé che el turismo ‘l é fato coscita: ‘l é ‘na roda, che śira, par ruà indalonśe.

Sarà da spetà ancora alcuante dis, par saé cemodo che ra śirà, in Corea, par ra candidatura Cortina 2017, che ra vó portà inze ‘l nosc paes i Mondiali de schie. Ma, che ra vade polito o malamente, śoiba ai 31 de maśo, algo de bon par el Flavio Roda, el presidente de ra Fisi taliana, aduna nosc paes sarà con martin Schnitzer, diretor de ra candidatura isteso, dapò de doi Cortina 2017, e el presidente Andrea Franceschi, capocomun de Anpezo. ane de laoro. “Algo de bon ‘l é che ón fato cresce i nostre śoen, aduna. Se r’aese da śì malamente, chi che à lourà, par parecià chesta anche sta ota, nośoutre restaron candidatura – el me disc Andrea pede a Cortina, a ‘l so gnon, e no Franceschi de Matia, da capocomun śiron a vede de outra strades”. Beśen però se recordà de ra Val e da presidente de el comitato – e s’ón incorto de cemodo che i é śude de Fieme, agnó che i Mondiali i inaante, de chel che i à inparà. torna ca de alcuante mesc, de ‘l Chesto ‘l é algo che restarà, par el 2013, e ‘l é par ra terza ota, in poco paes”. pi de vinte ane, da i prime, de ‘l 1991. El ‘l à dito in ciaśa de comun, Su ra Federazion taliana de i sport canche i à saludà el paes, ignante d’inverno, Roda ‘l à sontà: de moe par Kangwonland, inze ra “L é un pecà che ra Fisi r’é Corea de el Sud. Con lore ‘l ea Flavio manciada, par dute ‘ste mesc, Roda, da poco deentà presidente canche sarae stà da dià ra de ra Federazion taliana de i sport candidatura de Cortina, parcé che d’inverno, che el restarà pede a manciaa el presidente. E ‘l é un pecà Cortina, anche un doman, se fose mortal che in Corea manciarà da proà danoo, par el 2019. calchedun, de talian, che pode i dà “Son parsuaśe de śì inaante, fin el so voto, a Cortina, parcé che non che ocore, senpre co ‘l gnon de n’é negun, inze ‘l consilio de ra Fis Cortina daante – ‘l à dito Roda – mondiale”. Chel di, ai 31 de maśo, no sarà parcè che pó ese algo de bon par duta r’Italia. I ultime anes, de Gianni Morzenti, che ‘l ea presidente Mondiali, in é poche, inze ‘l nosc de ra Fisi taliana, fin a ‘l an pasà, e Paes, e chesto ‘l é un mal, par el ‘pò ‘l à abù da i lascià el posto a ‘l sport, che el me dia a leà, a tegnì comisario Franco Carraro, betù da aduna ra nostra nazion. Senza el Comitato olinpico talian, e ades chesta gares, coscita grandes, vien ‘l é ruà el presidente noo Flavio propio a mancià algo che me tien Roda.

Marco Dibona Moro www.lauscdiladins.com

17


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

nr. 20 / 25 de mei 2012

Cèsa de Jan: programada l’ativité per l 2012. I scizeri ntra i bánc de scola Gran atenzion ai progec che mira a tignì su l lengaz ladin ntra i jovegn Còl - L Istitut cultural ladin Cesa de Jan, ntei prums meisc de chëst ann, l à fat fora chële ativité che l volëssa mëte a jì e chei che i é i suoi fins per l ann 2012. I obietif fac fora i é de segur ambiziousc percieche l Istitut l é na sociazion picola e chël che sierf per l debujen l é chël che l é, ma ence per chëst ann l à proé de programé de le ativité che tegne su e se mëte prò al laur fat nte i agn davántvia. L Istitut Cultural Ladin l é nasciu ntel 2004, l’é na sociazion jovena ma co na gran voia de fè bon cont dei meśi che l à a disposizion per valorisé l lengaz e la cultura ladina dei comuns da Col, Ampëz e Fodom, trei sozi fondadous del Istitut. Chisc de sceguito i é i argomenc per chël che auda i progec e i fins che s’à pervedù de mëta a jì per l ann 2012:

Lengaz e cultura Valgune scomenciadive i à l fin de tegnì su, valorisé e fè douré l ladin a la jent, mascima chël scrit. Nte chëst contest se loga la VII edizion del concors “Mendránze n poejia”; l bando del concors l é bele sté publiché e se po’ l vedei e l tò ju dal scito HYPERLINK “http://www. istitutoladino.org ” w w w. istitutoladino.org; le poejie/proje che partezipa i à da rué ite no plu tert dei 15 de jugn del 2012, i scric premiei e chi plu biei i vegnarà publichei nten liber/racolta che se podarà compré ju nte Isititut. Vegnarà ence publiché l cuarto cuaderno del Istitut che sto viade l reverda la descrizion dei guánc de le tradizion de Col, Ampëz e Fodom.

Nrescida del lengaz Na gran pert del laour del Istitut la reverda la nrescida del lengaz, per chëst ann la minonga l’é chëla de njonté pro a la bánca dei dac informatisada autri tesć e nuove parole. La bánca dei dac nformatisada l’é stada njignada ca bele i prums agn de vita del Istitut, da nlouta l é sté trat su troc scric n ladin, metus ju e archiviei via, coscita che s’è ruei a avei n bon numer de dac e nformazion. Per le ativité de nrescida l Istitut l colabora coi Istituc Ladins de la provinzia de Trënt e de Bolśán. Va spò nnavánt ence l laour de cierne fora le parole per da Col dal dizionar de Vito Pallabazzer

e chël de tò su i inom de la toponomastica dei luosc ntei comuns de Col e Fodom. Chësta ativité l’é tost fenida ajache s’é ruei a na revijion final de dut l laour fat nfin ades.

Cultura e turism Per fè cugnësce l lengaz, la storia e la cultura ladina ence a duc chi che ven a vedei e che i é nterescei a nsavei velch de plu del nost teritor, ven organisé de le vijite e de le caminade su terioi storico/culturai ai sciti de valuta. Un de chisc luosc l é chël de le miniere del Fursil a Col, ulache per ades se po’ se ncaminé per n teriol per vedei e cugnësce le vegle miniere ma che per l davegnì, grazie a n proget de valorisazion metù a jì dal comun, l deventarà n scito col suo mujeo e ulache se podarà scouté su la vita, la storia e l’ativité dei minadous ntratánt che se vegnarà portei da n trenin eletrico nte le miniere stësse. Per l prum viade chëst ann l comun da Fodom, auna al Istitut, l giourirà l ciastel d’Andrac a la jent; na persona la vegnarà touta su e njignada via per organisé le vijite al ciastel via per l isté.L Istitut l se darà ju ence per dute le scolaresche e per i clap de jent che da spës i damana de organisé vijite ai mujei e caminade sul nost teritor auna a prateghi del luoch.

Jovegn e lengaz N nuof e ambizious obietif, volù zispa dal neo Prescident Dr. Luca Agostini, l é chël de arvejene i jovegn a la cultura e al lengaz ladin. L prum proget col medemo fin, l é sté bele metù a jì l ann passé e, vedù che l é sté aperjié da la comunité, s’à dezedù del fè ji n’avánt ence per l isté che ven. L proget clamé “Isté Ladin” l ven organisé per i tosac de la scola elementera e de le medie de Fodom e de Col; l é na ativité che perveiga de valorisé l lengaz e la cultura ladina ntra i jovegn, autertánt l vol jì a daidé le fameie che à debujen den aiut coi tosac ntánt l isté via. Per Ampëz l é sté dé l’autorisazion da pert de la parochia de podei mëte a jì de le ativité n ladin organisade dal Istitut ntratánt la scola estiva bele nviada via da valgugn agn. Chëst ann, n via sperimental e n colaborazion con ativité bele piade

via da chelche ann sul teritor, se vol mëte a ji scomenciadive ence per i tosac de la scolina. Vegnarà tout su na persona che via per l isté la se tole su la enciaria de mëte a jì n proget de comunicazion telematico, da na moda che giré plu mprescia e saurì le nformazion tra i jovegn ladins. La minonga fossa chëla de realisé dei video che reverda la jent e le tradizion ladine n general, i mëte su internet per avei n zircol virtual che tole ite e l rue ai jovegn. Per i agn che ven l é pervedù de realisé na ajenda per la scola scrita n ladin da dé fora ai tosac de le scole.

Colaboradoure e colaboradous L Istitut l à assè scioldi a disposizion per tegnì mefo n dipendent col contrat a temp indeterminé, chëst contrat l auda la enciaria de Diretor dada su a Moreno Kerer. Per dute le autre ativité de gestion e de progetazion l Diretor l ven daidé prò da colaboradoure clamade ite a proget. Alessia Pollazzon, Mara Irsara e Elena Salvagni le laora per i progec de enrescida del lengaz e per le publicazion; autri colaboraduos/ doure le vegnarà toute su per laoré per l proget “Isté Ladin” e per daidé prò al proget per la valorisazion dei sciti de nteresc storico/cultural coche l é le Miniere del Fursil e l Ciastel d’Andrac. N gran ringraziament l và ai colaboradous e a le colaboradoure, ence chi che se jontarà laprò senza se descmentié che auna a inom scric ju l é ence autre persone che dáida prò, per volontariat e auna al consei cultural, per fè jì n avánt e che garate polito i progec del Istitut. L program de le ativité del Istitut Cultural Ladin per l ann 2012 l é assè ciarié, mascima se l ven metù a confront coi puoc meśi che s’à a disposizion. L gran laour fat da pert de duc chi che vol ben al nost lengaz, a la nosta storia e a nosta tiera, fesc sci che se pobe rué a realisé i obietif che s’à metù su davántfora ence se le poscibilité no tres l enconsent. Speron tánt che con chëst gaist l Istitut l pobe jì n avánt e crësce tres de plu per i agn davegnì, ma souradut che l siebe bon de tegnì su l ester de la jent ladina, coscita che la nosta cultura la no vade a se pierde nte la globalizazion del di da ncuoi.

Scinché a duc i tosac de la scola mesana l liber “Fodom e Còl Tièra de confin”

I scizeri da Fodom auna a nvalgugn insegnánc e tosac de la scola mesana”.

Brenta - I scizeri da Fodom i à nconté i tosac de le mesane de Brenta per i é prejenté l liber “Fodom e Còl - Tiera de confin”, druché fora n l ann passé n ocajion de la festa de rifondazion de la compagnia. La scomenciadiva l’é stada azetada con plajei da pert del prescide del istitut Comprensif de Alie Andrea Serafini e dei nsegnánc. Coscita nchëstadì, trei scizeri n mondura, i é jus ntra i bánc da scola per porté n toch de storia da Fodom che da spëss i programs e le lezion le desmentia Davánt ai tosac de le trei clasci binèi auna e a anvalgugn nsegnánc, i à spieghé l percié e l fin de chësta ncontada. La relazion storica l’é stada tignuda dal scizer Ivan Lezuo, che l é ence l autor del liber. Con semplizité e coinvolgiment che à trat l’atenzion dei tosac per na bona ora, Ivan, che l é professor a le mesane de Bolśán, l à fat n excursus de la storia da Fodom dal 1200 al 1900. A scomencé dal Ciastel d’Andrac passan per l ann de la fam e fin a la Prum Viera. Trope le curiosité e i avenimenc che à caraterizé nosta storia che i tosac no cugniscëva. Na pert de la relazion l’é stada dedicada a la storia dei scizer, che

nta Fodom l’à na tradizion de ben 600 agn. L referat l’é sté documenté con foto e documenc, mostrei al computer, che à dassën nterescé i scolari. Come cánche i é ste mostré la pruma lista de scizeri cugnisciuda, ulache i à podù nrescì fora cognoms de chi che podëssa ester stei de suoi antenac. De gran significat l’ultima foto, fata n l ann passé sun Col de Lana a la comemorazionde morc de la Prum Viera la pruma domënia de agost, che mostra auna scizeri, alpini e kaiserjäger. “Chi che nviade i se combatëva” à saré ite Ivan, “ncuoi i po’ se nconté nten mondo de pèsc.” Per fenì i é ste spieghé l’ativité e le tradizion che porta nnavánt i scizeri. A duc i tosac e ai profesciori i é sté scinché na copia del liber e n pontapeto fat n ocajion de la festa de rifondazion. La compagnia dei scizeri da Fodom la disc l suo bel gran Diovelapaie a l prescide Andrea Serafini, a la fiduziaria per la mesana da Fodom Claudia Gandolfi e a duc i profesciori per la disponibilité a mëte a jì chësta scomenciadiva, co l’augurio che se pòbe ncora fè vèlch da de tèl per porté nte scola tòc de nosta storia da Fodom che riscia de ester desmentiei. (ls)

Errata corrige Per n eror ntel articol “La rimpatriada de le Le Zapole” a pagina 9 de la Usc del 11 de mèi, l é ste lascé fora l inom de Marinella Crepaz, ence ëla

component del grop mujical. Se scuson coi nterescei e con chi che ne liec. La redazion da Fodom

Come se scrivelo per fodom? Consciderazion davò l cors de ladin metù a jì da l’Union dei Ladins Cultura - Cánche ne toca scrive vélch se disc dagnára “ mi no son bon …..no me ven…no n’é temp”, ogni viertola l’é bona. L é vera che temp se n’á puoch e mi no n è debòta mei fat i compiti che la Nadia ne deva a césa perciéche ève auter da fè. Coscita me prove ades a mëte ju doi righe. St’aisciuda s’on ciapé de na dejina co la Nadia Chiocchetti da Moena che la n’à de segur fat capì che l é diferente co che se scrif da

18

www.lauscdiladins.com

co che se descor. Zerto che aldidancuoi l é dagnára plu stentous descore polito per fodom. L talián, per via de la radio, i giornai, la televijion e l jì fòra a studié l à ciapè la souramëssa. Da come che se sent i tosac a descore, datrac ven proprio i sgric:”me son desmentié”, ”me son pensè”,”me son ciauriè”, ”voi scende”, ”ciolé le scarpe”. Ci volelo dì? Forsci vol dì che no n é demè i mass media la colpa, ma ince i gragn che no ie descor

plu polito. Ence nos mossonve jì a se cherì sul dizionar chèlche parola che no n onve mei sentù a dì. Mparé a scrive e a lieje fodom de segur dáida a no pierde nost lingaz e l é sciode che nte le scòle no vegne fat debòta nia. N’à sapù bel, ma no n on de segur emparé assè, percié che per scrive ste diesc righe on metù scialdi trop. Speron de podei mparé ncora velch el proscimo viade e che siebe ncora valgugn de autri con nos. (Luigina e Emanuela)

Nvalgugn de chi che à tout pèrt al cors de ladin metù a jì da L’Union dei Ladins da Fodom co la Nadia Chiocchetti. Máncia: Cristian Azzolini, Tiziana Bozzolla, Lisa Soratroi, Manuela Ladurner.


Fodom

nr. 20 / 25 de mei 2012

Inaugurada la mostra dedicada a Andreas Crepaz À tout pert ence la neoda del scultor, nvalgugn parenc e l dot. Viktor Strobel

Imprescions da la festa.

La Plié - “N fiol umol de Fodom che s’à fat cugnësce nte dut l mondo.” Con chëste parole l assessor a la cultura Daniela Templari l’à sintetizé la vita de Andreas Crepaz “Polonát”, l scultor

de reisc fodome nasciù nta Carpac ma vivëst n Austria, a la prejentazion de la mostra permanenta a dël dedicada ntel Mujeo Fodom, che l’é stada ndomënia passada. La

scomenciadiva, nviada via dal Muejo e dal Comun da Fodom, l’à fat se biné ntel Sèlf de la Gliejia a La Plié n bel clap de jent, curiosa de nsavei velch deplù sun sto artist scugnisciù nta Fodom fin a davánt

puoc agn. A testimonié l gran valour de sto scultor e l enteresc per l liam che s’à ndavò strent co la val ulache l eva nasciù ntel 1877 e da ulache l eva pié via per se nciasé a Hall in Tirol (dinongia Innsbruck), l é ruè adalerch nvalgugn suoi parenc. N particolar la neoda Dorothea Crepaz, che à nvié via e tignù duc i contac col mujeo e col comun. Sot la coordinazion del gestor del Mujeo Ladin da Fodom, Franco Deltedesco, l davántmesdì cultural l é ste giourì da na curta relazion su la particolarité de sua èrt da pert del dot. Victor Storbel. “Andreas” l à spieghé, “l eva cugnisciù e aprezé souradut per sua braura ntel riproduje l’anatomia de le figure. Basta i é cialé al crist che l é a Budapest. Dute le figure del Signour su la crousc i à l mus che ciala mju. I suoi nveze i ciala duc nsu, senn del influs de la filososfia dei Domenicagn. Andreas”, l à saré ite,”l eva trop cugnisciù. Ades l fèsc pert ence de vost patrimonio cultural e me augure che i jovegn i se nteresce del cugnësce”. De sceguito l é ste conté su de la storia de la vita e de le opere de Andreas Crepaz, l dut acompagné da la proiezion de nvalgune bele foto de dël, sua fameia e chelche sua scultura plu cugnisciuda. De la faméia dei Polonác, l eva nasciù a Fodom l 10 de lugio del 1877 da Giuseppe e da Maddalena Palla. Dato che suo père l fajëva l carpentier, Andreas l à bu l podei de manejé l len fin da tosat. Chësta pascion la l a porté per ben 5 agn a Ortijei ulache l a bu modo de mparé a laoré sto material. Per se perfezioné l é po’ rué en

Germania, a Stoccarda e a Berlingen e n Austria a Linz. Sua ativité de scultor l l a scomenciada a Solbad Hall (ncuoi Hall in Tirol). Ilò l à zuplé fora Madòne e crisć, ruei nte dut l mondo, da Budapest a l’America. Nel 2000, un dei 7 fioi, Anton, malé, l ava sentù l debujen de lié ndavò chelche contat co le reisc fodome sue e de suo pere. “Coscita i parenc” l’à conté Franco, “i à volù che vegne regalé al mujeo da Fodom n laour de Andreas, na ciauna da let, letieria e cassapánch, duta bela zuplada fora.” Spontaneo l batimán a Dotothea e a suoi parenc da pèrt del publico. Ence l Capocomun Ugo Ruaz, l à volù sotlineé l’emportánza de avei chilò chësta testimoniánza den artist de reisc fodome. L ‘assessor Daniela Templari l à fat noté nveze che “le Madone zuplade fora da Andreas, i é caraterizade da nen trat de gran modernité, tánt che se podëssa pensé che i é stade fate da nen scultor d’aldidancuoi. “Co l’umilté tipica dei fodomi” l’à dit,” l s’à fat cugnësce n dut l mondo. Da spëss nos son massa umoi e no fajon cugnësce chël che on de bon.” Per stigmatizé l aveniment, l Capocomun l à consigné na targa del Comun a Dorothea che a sua outa l’à rengrazié Franco e l Comun, “deventei nuosc amici, auna a duc i fodomi.” À fat da soeja mujical a la manifestazion l Coro de Gliejia S.Iaco, che l à cianté doi ciántie. L publico l s’à sposté po ntel seèlf bas ite de la “Cèsa de la cultura fodoma”, ulache l’é esponuda la ciauna da let zuplada da Andreas Crepaz auna a foto e notizie de sua vita.” (ls)

www.lauscdiladins.com

19


Gherdëina

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

nr. 20 / 25 de mei 2012

Autere de Gherdëina tl’Argentina “Sensazion!“ L gran autere de Peppi de Petlin tl’Argentina dl 1920, amirà da si pro-nepota Daiana tl 2011! Ma ce marueia, ce criatività y ce druch de lëur te Gherdëina, tla berstotes de nosc artejans y di gran ferlëigri, bele prësc ti ani ’50 y ’60 do la Segonda Gran Viera, cun duc che se dajova da fé l plu che la jiva per ruvé inant jita inant tl tëmp avan giapà dal prim Gottfried l inuem particuler y la dizion de “chëi de Go“. Y te chësta berstot cunesciuda, ulache l jëunn da Lip fova unì tëut su sciche lerner ulentif, ne se ons nia fat puech marueia a audì che l fova iló na cumpëida de passa vint lauranc y zipladëures y lerneri. A audì vel’ da de tel ncueicundì, seméiel na cossa belau puech realistica y feter sciche na costruzion de fantajia. Bel iel stat a scuté su chëla cosses dl tëmp de nosc ziplé y dl artejanat ntan chëi ani y de gra, Josef, per ti blòta cunteda, che nes à lascià ntënder ce druch che l fova ntlëuta te duta la berstotes.

N cër gran “boom“ de produzion nce do la Prima Gran Viera

La familia de bera Pepi de Petlin cun si fëna anda Maria Mussner de Cëdepuent de Sëlva, y damprovia Mariele, Pubi, Hetty, Frieda, Max y Dora, tl ann 1930.

Ert - Bera Josef Perathoner da Lip tla berstot “de Go“: n chësc cont àn ultimamënter nce pudù scuté su na blòta ciaculeda de bera Josef da Lip sun Radio Gherdëina, ntan la trasmiscion scialdi senificativa de Georg Dellago da Rumanon - Columbia y de Oswald Rifesser da Pertan, che ie bele da

truep ani scialdi prijeda n cont de nosta storia y dl tëmp passà, y tlo iel minà la trasmiscion “Jënt conta dla vita da zacan“. Tlo à dan n valguna enes l artejan Josef da Lip cuntà cun realism y culëur dla berstot de bera Gottfried Moroder, pere de na gran familia de mutons y de artejans, familia che ie pona

N tëmp unfat bon y da n livel da stramp nventif y aut, for n cont de chësta pitla ndustria dl ziplé y de fé nce de majeri aredamënc per d’uni sort de dliejes, fòvel nce bele stat riesc do la Prima Gran Viera, chëla dl 1915 - 1918, ulache bele ntlëuta se ova de tei majeri ferlëigri de Urtijëi lascià tumé ite nia de pitla cosses nce tla produzion de scultures de scialdi de gran dimenscions per dliejes coche nce la realisazion de de mëndri y de majeri auteresc. La produzion ova metù man cun n gran sgors y nia dinrer fova chisc auteresc de Gherdëina ruvei nce scialdi dalonc te Europa.

I fredesc Giuani y Peppi Stuflesser de Petlin N chësc cont dantaldut de auteresc y strutures per dliejes, iel dessegur y tla prima luegia da pudëi fé i inuemes dla firmes persuneles de Giuani, l plu vedl, y de bera Pepi, l segondo, de de ndut cater fredesc. I autri fova Ferdinand y bera Luis, dla familia Stuflesser de Urtijëi y Bula, ulache l pere Ferdinand fova ënghe bel stat n “ferlëigher“. Mbën, i doi mutons Giuani y Pepi ie depona jic inant sun chësta streda de produzion de lëur apustà da dliejes lonc y lerch, mpeniei a var plën y te dimenscions nce scialdi ala ngranda, y suvënz nce da messëi traspurté feter dalonc.

Dan la statua dl Redentor: bera Pepi y anda Maria cun cater de si mutons, Mariele, Pubi, Frieda y Hetty.

defin jëunn. L fova sautà ora da scialdi na gran dlieja, cun leprò scoles y cunvënc, dl’America Latina, delà dal “Gran Ozean dl Atlantich”, la apusteda de n autere de bën 23 metri de autëza y de diesc metri de larghëza y cun na richëza de figures, i dodesc apostuli, na cumpëida de angiuli de gran dimenscions, na figura de n gran redentëur, dut adum na cossa che ne semiova nia mesun de fé, de ncassé, de traspurté y de fé ruvé te n cuntinënt tan dalonc y per nosc luech feter ora dl mond. Fé dut chësc da nosta pitla val de Gherdëina tla montes dla

Dolomites, nce cun n livel sozioculturel che ne n’ova mo giut de no fat chëla evoluzion y arjont chël progres che l fova ora per l mond, nsci scialdi de zes y dalonc dal nost. Fossa pa chëla jita? Ma bera Pepi de Petlin, nasciù tl ann 1887 y mort tl ann 1949, lezitënt y mbusià, ova ntlëuta abù la vijion y l ardimënt de fé n tel lëur “enorm y stramp“, y do n doi ani plu o manco de lëur dl mascimo livel y druch, cun sentimënt estetich y criatif, y dantaldut nce cun la virtù de na bona cuordinazion y urganisazion, fòvel stat tl ann 1920 tan inant da ciarië passa cënt casses

L “maxi-autere“ per Cordoba tl’ Argentina

Daiana y si cumpani de viac dan l autere maestëus che mplenësc duta la naveda zentrela.

20

www.lauscdiladins.com

L se trata tlo de na cossa scialdi granda y feter stramba dl segondo di fredesc Stuflesser de Petlin, bera Pepi. De si vita da ferlëigher y de si familia ons bele n iede cuntà y scrit tl Calënder de Gherdëina dl ann 1995, y on nce bele te chëla ucajion fat a l savëi dl majer lëur y plu mpurtant che fova unit a se l dé te si vita da “chef“ de na berstot y dantaldut da marcadënt. L fova l ann 1918 y bera Pepi, che ova ntlëuta mé 31 ani, fova n possa bën dì n ferlëigher y marcadënt

Daiana Giorgi-Prinoth ti cëla ncanteda al autere de si besavon a Cordoba.


Gherdëina

nr. 20 / 25 de mei 2012

Auril à mo purtà truepa nëif

“da sigat“ tl port de Genova y de ruvé do 21 dis y nuetes longes a dé sëura tl gran port argentin de Buenos Aires, y pona da iló mo inant na distanza nia pitla de passa mile chilometri de viers dla zità de Cordoba.

Tëmp y temperatures ntan l mëns de auril 2012 te Sëlva

A pensé zeruch a chëi tëmps mo scialdi “scëmpli“ y ala bona te nosta val tla Dolomites, iel bën da pudëi dì che chëla gran cossa tla vita de nosc nëine bera Pepi ie stata feter na cossa mpue’ da “fantascienza“, o feter zeche sciche ruvé sun la luna nes vëniel dant; y dut chësc ora dl mond dl artejanat y dl lëur per dliejes ora dla berstotes de Gherdëina.

La cësa Villa Argentina a Urtijëi Chësta recostruzion, nterpretazion sun i “gran mumënc“ storics te nosta val, n cont de nosta pitla o majera “ndustria dl lëur cun l lën“ tl tëmp do la Segonda y do la Prima Gran Viera, y chësc n cont dl gran autere ruvà tla zità de Cordoba tl’Argentina, nes dà nce l’ucajion de lecurdé che l ne n’ie nia al infal che a Urtijëi, tla streda Rezia y daujin al Hotel Dolomiti Madonna, iel da udëi na cësa, a chëla che l ferlëigher Pepi Stuflesser ti ova dat l inuem de Villa Argentina, y chësc inuem àla nce mo al didancuei. Che chësc inuem “latinamerican“ à sun chëla cësa si plëina valënza, senificat y iustificazion, aldò che chël autere “storich“ de Cordoba che ova nce fat sauté ora

La cësa „Villa Argentina“, za. 1920. Da udëi dan antina daujin dal lën ie bera Pepi cun si fëna anda Maria y i doi pitli pra d’ëi, Mariele y Pubi.

nia n pitl davani, ie segur saurì da ntënder.

La pronepota Daiana da udëi dan l autere Per chëla “mega distanza“ che l ie danter nosta Dolomites y l gran Stat dl’Argentina, iel nce da ntënder che l ie passà feter n secul, y che deguni de nosta val, de nosc luech, de nosta jënt o parentela ne n’ie mei ruvà te chëla dlieja grandiëusa cun scoles y cunvënt, dal inuem San Tomé a Cordoba, a pudëi udëi y savëi “pian ite“ chël grandiscimo autere maestëus fat te Gherdëina, y ruvà tla tiera ulache l ie nce i crëps dla Patagonia, y ulache alpinisc’ dla Ladinia ruva datrai. Ma l ann passà d’autonn ie na pronepota dl

ferlëigher de Petlin, Daiana Giorgi Prinoth, muta de Anne Marie Prinoth, muta de Mariele Prinoth - Stuflesser de Petlin che fova la majera, o plu “vedla“ tla familia de bera Pepi, ruveda cun ntenzion y determinazion te chël gran luech, udan dut y ti cialan a dut, y pian ite cun man y restan daniëura ncanteda y emoziuneda da chëla marueia artistich-artejanela che fova ruveda iló dan feter cënt ani. Y che chëla realisazion nsci lucënta y “splendënta“ y arjonta de marcià fova stata defin y duta de si besavon da pert de si mami, tla persona de bera Pepi Stuflesser de Petlin de Urtijë, l cuer de na tel jëuna possa nce datrai “jì persëura.“

Tëmp - L mëns de auril 2012 fova scialdi plu frëit che chël dal ann passà cun 4,29 C° de mesana (7,47 C° tl 2011), bën 3,18 C° sot ala temperatura dl mëns de auril 2011. L di plu frëit éi muserà ai 8 dl mëns cun na mesana de –1,17 C° y na minima ai 9 de auril de –8,5 C°. L di plu ciaut éi muserà ai 28 dl mëns cun 12,17 C° de mesana y na mascima for ai 28 de auril de 20,00 C°. L mëns à scumencià cun bel tëmp, cun vel’ di de mez y mez y pona for burt nchin ai 24 dl mëns. Da dedò àl dat ite bel tëmp nchin ala fin. Ai 25 de auril, di dl pelegrinasc sun Jevun, fòvel a pië via –4 C°, danmesdì fòvel bel tëmp y domesdì mez y mez. Nevët al ot iedesc nchin ju a 1500 metri de autëza, ulache mesure iel tumà 60 cm de nëif (tl 2011 deguna nëif, tl

2008 for de auril fòvel tumà bën 75 cm de nëif). N possa dì che auril ie stat n mëns burt, sarëinn iel mé stat 5 dis, 11 de mez y mez y 14 dis de bur’ tëmp, 12 dis iel stat da vënt, pluët àl do la rata scialdi cun 65 mm de ciadeda te 10 iedesc. Ai 27 de auril ëssen mo pudù fé la Saslonch cun i schi. Ai 30 de auril da sëira ne fòvel deguna nëif a 1600 metri de autëza. Ntëur ai 2200 metri de autëza se n iel, ntan l’ultima ena de auril, jit puecia nëif ajache l tëmp fova burt y la temperatures nia autes (l fova mo ntëur 50 cm de nëif). Auril ie stat un di mënsc cun na mesaria de 1,20 degré sot ala mesana di ultimi 40 ani. Ntan l ultim inviern (2011/2012) iel mpo mo tumà 242 cm de nëif. Tla sajon da d’inviern 2010/2011 òvel fat ju 262 cm de nëif. (jm)

Ivan Lardschneider a Bruxelles La mostra dl scultëur de Sëlva ie unida giaurida nstadì tl Ufize dla Region Europea Tirol- Südtirol-Trentin a Bruxelles

Oscar Prinoth

Giaurì la mostra a Bruxelles: Ivan Lardschneider, Vesna Caminades dl’ufize Euregio, l parlamenter dl’Europa Herbert Dorfmann y l curadëur Fabio Anselmi.

Ert - Dan puec mënsc à Ivan Lardschneider pudù mëter ora si opres pra la 54ejima Biennale de Unieja, deventan do Aron Demetz l segondo artista dl Südtirol a fé pea la Biennale. Na desëina de lëures dl scultëur de Sëlva ie chisc dis da udëi ti ufizies dl’Euregio, tla Rue de Pascale a Bruxelles. Pra la giaurida n merdi ai 15 de mei iel ruvà adalerch de plu persunaliteies sciche l parlamenter

dl’Europa Herbert Dorfmann, l’espert de storia d’ert Fabio Anselmi y Maurizio Dessalvi dl Istitut culturel talian a Bruxelles. L scultëur de 36 ani de Gherdëina à bele plu iedesc prejentà si opres oradecà, danter l auter a Rhode Island (USA), San Gimignano, Roma, Berlin, Paris y SaintPaul de Vence. A Bruxelles ie i lëures de Ivan Lardschneider mo da udëi nchin ai 30 de mei. (as)

www.lauscdiladins.com

21


Gherdëina

nr. 20 / 25 de mei 2012

Cultura de hockey y fastfood! I campions taliani dla Under 14 tl Canada. Na bela sudesfazion iel stat per i mutons dl HC Gherdëina nchin a 14 ani n dumënia ai 1. de auril, canche i à venciù l campiunat talian. Coche pest na jita tl Canada

Foto de grupa.

Lies - Finalmënter ti iela jita fata, de vëncer l campiunat naziunel, do che la scuadra fova doi ani ndolauter ruveda segonda y do che l ie bën 25 ani ca che na scuadra di jëuni dl HC Gherdëina ova venciù n campiunat talian! Y nsci se ncunfertova i mutons danz mo deplù a pië via tl Canada l di do, n viac metù a jì privatamënter, nia coche club, bele de dezëmber a puntin dal trainadëur Vito Delucca y da na agenzia dla Franzia che mët a jì chisc viages uni ann per scuadres de hockey di jëuni de duta l'Europa.

Se museré cun i campions dl Canada Jì tl Canada y se museré cun i jugadëures canadesc, ulache l hockey ie l sport numer un, fova per i mutons sambën na gran aventura. Perchël à duc dassënn cialà ca canche pra l turnoi a Ottawa à i jugadëures dl Gherdëina (vint de ndut, cun doi dl Renon che ie unic pea a judé ora) venciù la prima partida contra la scuadra de Gatineau per 7 a 4. La segonda

partida contra n’autra scuadra dl Canada ài purtruep perdù per 5 a 11. Y contra i finlandesc ne fòvel danz nia da n fé, chëi fova massa boni y l Gherdëina à perdù per 1 a 8. L ie da dì che tl Canada ài tan truep jugadëures, che belau te uni pitl luech ài trëi scuadres cun trëi categuries, na A, na B y na C, mé da pudëi crì ora. A Montreal ie nosc mutons pona stai boni de vëncer doi partides te n di y i canadesc ne se ëssa nia mpensà che l livel talian fossa tan bon. Daduman contra l Regina Assumpta ons venciù per 7 a 3. L medemo di da sëira ons pona venciù contra i Deux-Montagnes per 6 a 3. L di do tla revanche contra i Deux-Montagnes ons pona perdù per 6 a 4. Pra chëst’ultima partida fans iusta cumpedei, che un ne stajova nia drë’ bën, un se à giatà su l tisl y un se à giatà na plateda che l se à rot la cianva dl col.

A ti cialé ala partida dla NHL L “highlight” sportif, nce sce mé coche spetadëures, fova pona

Cun la scuadra canadeja di Regina Assumpta.

22

www.lauscdiladins.com

sambën la partida dl NHL che on udù a Ottawa tl stadio “Scotiabank Place” danter la scuadres di Ottawa Senators y di Boston Bruins. Na cossa mei ududa dant, n stadio bel tóch y plën cun passa 22.000 spetadëures, duc scialdi da crianza che fajova n beliscimo tifo per si scuadra y nia contra l’autra, coche l suzed datrai tlo da nëus tla Talia. L inn, sibe chël dl Canada che nce chël di USA, ie unì ciantà dan la partida da n ciantarin tenor, n ne audiva julan na moscia ntan che l ciantova, beliscimo, l fajova propi unì su la pel de gialina. L fova na beliscima festa per duc!

Vijita al “Hockey Hall of Fame” Sambën ne pudòvel pona sun na tela nia mancë na vijita al “Hockey Hall of Fame”, l museum dl hockey, sibe a Toronto che a Montreal. A Toronto, ulache l ie majer y ulache l ie metù ora la storia no mé dla NHL ma de dut l mond dl hockey, fova l plu faszinënt sambën l autere ulache l ie metù

ora la copa uriginela dl “Stanley Cup”, cun dovia la fotografies de duc i jugadëures che ova venciù n iede chësta copa y che ie l sëmi per uni jugadëur de hockey dl Nord America. Da udëi iel zënza mo de vedla mondures, peles, scipes, vedli caschi da verdiaporta, vedli jadins, vedli "spogliatoi" y n.i. Tl Hockey Hall of Fame Museum a Montreal y tl Bell Center, che ie l stadio dla scuadra di Montreal Canadiens, fòvel da pudëi ti cialé a duta la storia de chësta scuadra de gran tradizion, che à nce venciù plu suvënz l Stanley Cup, l ultimo iede tl 1993, ma do che i à fat l stadio nuef (1994) ne ài mei plu venciù. La vijita dl stadio fova per i mutons inò na gran ntraunida, nce ajache la scuadra di Montreal Canadiens fova bele tumeda ora dl Stanley Cup y nsci ons pudù jì a ti cialé al "spogliatoio" di jugadëures. Dlongia fòvel na gran palestra per fé pëisc y l fova tacà sun i parëies d’uni sort de dic coche per ejëmpl “Some people dream of success while others wake up and work hard!” La miëura

mentalità per n sportif!!!

Ancuntà Claude Lefebvre A Montreal ons ancuntà n vedl cunescënt, Claude Lefebvre, dan 25 ani jugadëur y gran stiza dl HC Gherdëina. Ël à fat 600 km per unì a ti cialé ala partida dl Gherdëina y ancunté dantaldut Vito che l cunësc drët bën, ëi à nce jugà deberieda. La legrëza fova granda nce per truepa umans che l cunesciova mo da ntlëuta, sambën ne se ons nia lascià tò de fé vel’ foto limpea.

Jënt da ulëi bon tl Canada Jënt da ulëi bon, i canadesc, for che s’la rij, njeniei a judé y de bon cuer. Dantaldut i mutons ova da n fé cun la jënt lavia, ëi stajova pu a Ottawa y Montreal pra families a durmì, for doi mutons per familia. Cun l nglëisc se l’ài pa caveda drët bën y à pudù mustré cie che i à mparà a scola. La families se à dutes purvà dassënn a fé sté bën nosc

Jan Moroder y Leo Kostner cun dovia l parlamënt de Ottawa.


Gherdëina

nr. 20 / 25 de mei 2012

I mutons drët devoc dlongia l Stanley Cup tl “Hockey Museum Hall of Fame” a Toronto.

mutons da d’ëi a cësa y à urganisà d’uni sort de ativiteies, danter l auter nce na sëira per duc i mutons y duc i genitores te na grandiscima chidladoia, coche n la vëija datrai ti films americans, cun 25 pistes per pert. La families ova njenià n buffet y fat na bela gran tëurta cun i doi logo dla scuadres, chëla dla scuadra de Gatineau y sambën cun l logo dl HC Gherdëina.

ova n drë’ note a se cialé ju duta la fotos, vedli jadins, ciapiei, peles y auter de chësc gran jugadëur. Duc à sambën apustà l “Great One” Burger, ulache l numer 99 de Wayne Gretzky fova brujà su sun l pan, bonisciiiiiiiiiimmmmmoooooo! Ma la jopa da ciola franzëusa che on maià a Montreal, ntan che i mutons fova pra la families, fova danz mo miëura!

L maië!

La cultura tl Canada

Eh l maië!!!!!!!!!!!!! L ne fova pa nia stlet, ma mefun scialdi hamburger, chicken y french fries, ma cie se aspieten pa auter canche n va cun vint mutons a maië tl Nordamerica?! A Toronto ne pudòvel sambën nia mancë na marënda tl restaurant de Wayne Gretzky, ulache i mutons

Sambën se ons nce fat mpue’ de cultura tl Canada, an for na curiera per nëus, che mudova for, n iede ans monce n tel blòt “schoolbus” ghiel. An nce pea n mëinaturisć, che savova mé nëut a Ottawa, da ulache ël fova, tl’autra ziteies savova Vito plu nëut. Nce i taxisć che tulan a

Ottawa per jì ora da sëira ne cunesciova nia plu la stredes sce les fova dal’autra pert dl ruf Ottawa y zënza GPS fussans povester mo for cavia a jì a crì l hotel. Chësc mé per dì tan de cultura che la majera pert dla jënt à lavia, ma perchël iesi almanco da ulëi bon. A Toronto, ne pudòvel sambën nia mancë na vijita al CN Tower cun si 553 metri de autëza y ulache n possa zapé sun n fonz de scipa y cialé ndrë’ drë’ ju ala zità, bel da unì cëurni. Nia da dì la sperdudes che vel’ mut nes à fat a peté de tei gran sauc sun ch’l fonz de scipa, ma l à tenì! Na bela ududa àn da iló sun la zità de Toronto, i gran crazaciel, l gran lech Ontario y si ijules ulache l dajova nce sëura de tei pitli joleri, la promenades y la pistes dala rodes. Toronto ie propi na beliscima zità.

Niagara Falls Nce i "Niagara Falls" fova sun nosc program, l gran ruf de Niagara che se despartësc pra la ijula de "Goat Island" te doi pisciadoies, un ie dala pert di USA y l auter che ie plu bel y a forma de fier de ciaval ie dala pert dl Canada y toma ju 52 metri. L ie propi na gran marueia dla natura. Dlongia i museums de hockey sons bën nce jic a ti cialé a n museum “normal” a Ottawa, a Gatineau dala pert de Quebec, iló ie l ruf de Ottawa che despartësc la provinzies de Quebec y de Ontario, y iló ons udù l bel “Canadian Museum of Civilization”, ulache l fova da jì do n percurs de coche l Canada ie unì culonisà, l fova nce da udëi de grandiscimi totems cun la vedla cëses tradiziuneles di indians y truep d’auter. Nce l parlamënt de Ottawa y l raion ntëurvia fova drët bel cun truep vërt.

L “Oratoire Saint-Joseph” sot al parch de Mont Royal a Montreal cun tamez Vito Delucca y i acumpaniadëures Christoph Piazza, Ivana Moroder, Barbara Kolhaupt y Daniela Foglietti.

Chësta zità à de blòt raions da jì a pe y dantaldut de bela butëighes da jì a cumpré! N pub ndolauter ulache i pieta pier canadesc (nce sce n valguni de nëus ne savova nia da rujené nglëisc, zeche ons mparà aslune, “A Canadian on the bottle, please”) y danter la cëses modernes ite udòven unitant na vedla dlieja che passenova ite drët bën. Bel iel lajù pra l port ulache n ti dij “Vieux Montreal” (Vedl Montreal), cun si ustaries tipiches, butëighes da souvenir cun giuei fac a man dai indians, de bela dliejes, promenades da jì a pe y ulache d’instà iel plën de artisć. Sun l Mont Royal, che ie la mont per chëi de Montreal, n grandiscimo parch y ulache n à na bela ududa sun la zità, dantaldut de nuet canche dut ie nluminà, sons

mé ruvei su n tòch, che nosc mëinaturisć à inò n iede falà streda! On abù de beliscimi undesc dis y on ciafià drët bën, a pensé che fan na grupa mescededa zënza vester mei stai deberieda dant y cun bën diesc ëiles y mé cater ëi! Son jic te tan de butëighes che d’autra ëiles pudëssa se n giapé la nvidia, ma on udù che i ëi y dantaldut i mutons ne n’ie nia da manco y ova plu artenienza che nëus ëiles a cialé y cumpré, ma n muessa nce dì che l fova scialdi mé butëighes de hockey, y iló ons nëus ëiles tosc udù cie che fova da udëi! De gra mo n iede a Vito che à abù l’idea y à metù a jì dut cant, i mutons se lecurderà chësc bel viac per duta si vita! Ivana Moroder

Vieux Montreal Ala fin mo Montreal, ulache l tëmp ne fova purtruep nia tan bel y plutosc frëit, ma sambën che Montreal ie mefun bele bëndebò su tl nord y d’auril ie dut mo plu zeruch che tlo da nëus. Montreal, la zità cun n “flair franzëus”, passa l 70% dla jënt che sta iló rejona franzëus, ma la majera pert rejona sambën nce nglëisc.

I pisciadoies dl Niagara.

Nëus ëiles pra n monumënt dlongia l parlamënt a Ottawa.

Terapia dl’ert

Festa: di dl’oma

L ie for inò na bela ntraunida: doi ëura de lëur criatif y ndividuel tl verzon da d’inviern dla Cësa de Paussa. Na grupa de 6-7 partezipanc, velch sun stuel da rodes, pazienc cun Parkinson y dantaldut pazienc cun demënza

N juebia ai 10 de mei à i sculeies dla prima tlasses dla Scola elementera de Sëlva fat na pitla blòta festa per l di dl’oma

Cësa de Paussa - L tlima ie sarëinn, deguni ne muessa rënder, uniun possa purvé. Y duc dà l miec de sé. Uniun va d’autra stredes: dal plu sot bloca ora formes de esprescion nia aspitedes, fina o sterscia aldò dl naturel, tematiches che curespuend a preferënzes persuneles: tieres, ciofs, paesajes, lecurdanzes y datrai n test. Tosc mpèren a cunëscer la preferënzes de uniun. Vel’un uel sperimenté zeche de nuef, d’autri se tën plu gën a mëudli cunesciui. Ma for iel l stil persunel da recunëscer. Nteressant iel nce a ti cialé ala mapes di pazienc al scumenciamënt dla ancuntedes. Chël che ie bele

unì fat, garatà o manco, ma for giudicà cun gran nteres. Tl medemo tëmp n liam cun l di de atività. Cun superbia y sudesfazion vëniel nce usservà l parëi cun i chedri tachei su: plëns de culëures y da na gran varietà. Te chisc dessënies iel da udëi l spirt particuler de Gherdëina,la ujinanza y la cunfidënza cun ativiteies artistiches y artejaneles. Nce chëi che ne ova povester nia da n fé cun chësc lëur, desmostra ardimënt y deguna tëma de cuntat te chësc ciamp. Nsci ie chësta ëures n arichimënt per duc, ma dantaldut n renfurzé y n se profilé dla persunalità di partezipanc.

Nce i parënc sustën cun nteres y sudesfazion chësta scumenciadiva y chësc svilup.

Sëlva - Cun poejies, de blòta cianties y n bal ài desmustrà si amor y stima per l’oma y nce per l’ava. I mutons à nce njenià ca nstësc zeche de bon da maië y da

bever per dutes. Ala fin ti à mo uniun sëurandat a si mami na pitla scincunda, n cuer che ëi à fat. Coche n vëija ie la festa drët garateda. (ri)

Elisabeth Perfler (Traduzion de Erica Senoner)

N ucajion dla festa dl di dl’oma te Scola elementera de Sëlva. www.lauscdiladins.com

23


Gherdëina

nr. 20 / 25 de mei 2012

Rujeneda dl’oma ”gherdëina” o ”ladin standard”? La SVP de Urtijëi ova nvià chëst’ena passeda a na sëira de descuscion sun chësc argumënt. La pitla sala dla cësa de cultura de Urtijëi fova tocia y plëina de jënt Rujeneda - La ntenzion fova chëla, da coche l ie unì dit pra la prejentazion, de se rujené, de audì la minonghes dla jënt n chësc cont per savëi coche n à da se deriejer per l daunì. Per l’ucajion àn nce ulù nvië n reprejentant dla Svizra, di Grijons, ulache i à mpue la medema situazion sciche tlo da nëus y ulache i ie stac n cont dla rujeneda tët piunieres svilupan l Rumantsch Grischun, na rujeneda unificheda. L se trata tlo de Martin Candinas, espunënt dl parlamënt svizer y dl cunsëi di Grijons sciche reprejentant dla Sursëlva. I autri referënc nviei fova l assessëur provinziel Florian Mussner, l jurnalista Luis Mahlknecht, Stefan Kasslatter presidënt dla Union di Ladins de Gherdëina y David Lardschneider dla Usc di Ladins. Tres la sëira à menà Simon Moroder de Trinadeianesc.

La esperienza fata ti Grijons N à ulù nvië via la sëira cun la relazion de Martin Candinas, che à cuntà dla esperienza fata ti Grijons cun la rujeneda scrita u n i f i c h e d a (e i n h e i t l i c h e Schriftsprache) dl Rumantsch Grischun. Ël à stlarì n iede la situazion geografica di Grijons cun si cin idioms – sursilvan, rujenà dala majera pert, sutsilvan, surmiran, vallader y puter. Te scola ie l nseniamënt per rumanc. Permò tla 3. tlas rùvel leprò la prima rujeneda fulestiera, che ie l tudësch o l talian, tla 5. tlas pona l nglëisc. Permò do la sesta devënta l tudësch, o talian, rujenda de nseniamënt y l idiom materia. L rumanc ie purtà ite tla costituzion federela y cantonela sciche cuarta rujeneda ufiziela dla Svizra. N ova bele plu da giut purvà a mëter su la rujeneda unificheda, ma la ne n’ie mei unida a s’l dé. Tl 1983 à pona la Lia Rumantscha lascià lauré ora dal romanista de Turic, Heinrich Schmidt, la diretives per na rujeneda unitera scrita. Tl 1993 fova l Rumantsch Grischun dan man. Per comunicazions dal Guviern zentrel y cantonel, per comunicac stampa y scric aministratifs unìvel da moinlà adurvà l Rumantsch Grischun y n pert nce tla televijion y per l retlam. Te chisc ciamps se àl desmustrà de utl. Te ”La Quotidiana”, la zaita per rumanc che vën data ora da n editëur che dà ora nce l’autra zaites ti Grijons, ne n’à la rujeneda unificheda nia giapà gran azetanza. ”La jënt,” nsci Cantinas, ”uel liejer la nutizies che à da n fé cun si raion y che ti nteressea l plu te si idiom, mé vel’ articul che reporta nutizies dal Guviern zentrel o cantonel ie per Rumantsch Grischun.” Tl 2003 ova l Cunsëi cantonel fat ora che l muessa unì sparanià y che l nseniamënt tla scoles dassova vester da śën inant per Rumantsch Grischun, pudan nsci sparanië tl material didadich. Tres suvenzions ài cialà de se tré nteressei che fajova da piunieres. N valgun Chemuns

24

www.lauscdiladins.com

La sala tocia y plëina de jënt n ucajion dla sëira de descuscion.

à azetà y à metù man de mudé dut, nsenian ju i maestri y n.i. (Da dì iel tlo che l ie cumpetënza di Chemuns de tò la dezijion te ce rujeneda che dëssa vester l nseniamënt). N se ova tëut dant che nchin tl 2010 dassova chësta normativa vester n droa sëura dut l canton. Ma nia duc ne fova a una y n à scumencià a se paré dantaldut tla Sursëlva. Te 81 chemuns àn metù a jì n referendum, ulache l ie unit ora che l 75% fova per resté pra l idiom. L ie unit ora n gran sotsëura, pustejamënc, melcuntentëza y frustrazion, luesc che ova bele mudà tl Rumantsch Grischun jiva ndëur al idiom, cun nia puec problems per i sculeies y nsenianc. Mpede sparanië àn ala fin dla finedes mo paià lessù a purté inò dut de reviers a coche l fova. La SVP de Urtijëi à ulù ti lascé audì chësta verscion ala jënt de Urtijëi y de Gherdëina che ie unida ala sëira de descuscion, ajache la à pu bele plu iedesc lascià audì si minonga de vester contra l ladin dolomitan tlo da nëus. Dl auter cont iel dessegur drët cialé coche la ie jita nzaul d’auter per schivé fai che d’autri à fat y mparé dainora. Candinas à dopro mo n iede auzà ora che fauza fova dantaldut la maniera coche n se à astilà, zënza scuté su dant la minonga dla jënt, ma che sciche rujeneda ”placativa”, aministrativa ie l Rumantsch Grischun bën azetà.

Dasson avëi legrëza cun nosc idiom L moderadëur ti à pona dat la parola ai reladëures nvian per prim l assessëur provinziel a dì la sia n cont dl ladin dolomitan y dl gherdëina. Florian Mussner ie stat ti Grijons ulache l à nce rujenà de chësc argumënt cun persones nteressedes y l dij che l ne vëija nia n senificat, na rejon per na rujeneda unificheda. L se trata pra l idiom dla rujeneda dl’oma che n à audì da pitli insù, te chëla che n se sënt plu da cësa y che sce n ne à nia plu la puscibltà de rujené, de nsenië y de cialé de nosta rujeneda pona iela stleta. Scumencé a sparanië ne dassëssen nia pra la cultura, ie Mussner dla minonga, ajache nsci manàcen de pierder velch che resta pona perdù per for. Na rujeneda artifiziela, coche ël ti à dit ala rujeneda auta, ie do si ntënder

zeche che n ne sënt nia y nvieia a tenì su nosc gherdëina, a avëi legrëza limpea a lauré per salvé nosc idiom.

L dolomitan à rejon de vester Inant ie pona jita la parola a Stefan Kasslatter dla Union di Ladins de Gherdëina, che defënd la rejon de vester dl ladin dolomitan, che ne n’ie nia velch de artifiziel ma fat ora de duc i idioms y che ughëssa dantaldut per i scric aministratifs y cosses che reverda duta la valedes ladines. Sambën ne daussëssen perchël nia lascé tumé l idiom de valeda, ma uni forma linguistica à si rejons te si ciamp, stlarëscel inant. La relazion ntiera de Stefan Kasslatter ie da liejer tlo daujin.

L ne porta a nia se dé ju cun zeche che n ne sënt nia Luis Mahlknecht sciche jurnalista dij che la funzion dla rujeneda ie de pudëi comuniché cun d’autra jënt, la ie zeche de vif, la rujeneda dl’oma ie zeche che vën dal cuer y che n dë’ cialé de mantenì. N cont dl standard fejél cunscidrazions drët sciorfes minan che n ti ie mefun zaperlei do a d’autri (Grijons), ma che l ie n pop nasciù mort, na sort de ”Dolomiten Esperanto” y che l ie tëmp trat via a ulëi nsenië velch che n ne sënt nia. L à nce trat ca zitac de de gran leterac coche Luther y Manzoni che dijova ënghe bele che n dëssa rujené la rujeneda dla jënt, nsci nce l gherdëina che à truepa pusciblteies coche n vëija nce dai scric sun d’uni sort de argumënc.

L ladin dolomitan ulù n iede nce dala Provinzia Davia che n ne ova nvià degun espert de rujenedes ala sëira se à David Lardschneider, che à fat studies linguistics, tëut la bria de mëter ju per scrit na analisa de cie che ie na rujeneda da plu ponc de ududa, paredlan l ladin cun l’autra rujenedes dl mond. Per ne ti tò nia l tëmp ala descuscion te sala, àn partì ora chësc sfuei acioche i nteressei posse se l liejer te n segondo mumënt cun gheneda. Na critica sterscia ti fej pona

Martin Candinas, espunënt politich di Grijons y che se à batù per l mantenimënt di idioms te scola.

Lardschneider ala ntenzion dla sëira che uel fé ora stlet l dolomitan y bon l gherdëina, dijan che n ne n’ie mo for nia ruvei demez dala contraposizions stersces dl tëmp dla opzion, cun chëi che ie taliani y chëi che ie tudësc, cun i bon ladins y i stlet ladins. L à nce dat da lecurdé che la dezijion de lascé lauré ora n ladin standard ie unida tëuta nce y dantaldut dala Provinzia de Bulsan tres l Istitut Ladin deberieda cun l Istitut Pedagogich, l Istitut Ladin de Fascia y la Union Generela di Ladins. Tla Usc di Ladins, nce sce la vën data ora dala Union Generela sustenidëura dl proiet per l ladin standard, ti vëniel dant na gran mpurtanza ai idioms y n se proa daniëura nce de purté n bel gherdëina. N cont dla scola prezijéiel che l ie na gran defrënza danter la scola ti Grijons y nosta scola, ulache on tudësch y talian y mé mpue de idiom. Tla descuscion dopro iel belau mpue unit ora che l problem ne n’ie nianca no tan l ladin dolomitan, nce sce l n ie de tei – da coche l moderadëur à dit – che ne rejona nia plu gherdëina cun i mutons ajache i se tëm dal dolomitan. La cuestion ie mpue chëla che l n ie for de manco che rejona gherdëina te familia cun i mutons, a Urtijëi n iel mé plu n trëi o cater per tlas, nce sce l assessëur ladin assegurea che aldò dla statistiches ie la cumpëida jita su ti ultimi ani. L ex diretëur de scola Helmut Senoner auza ora che ultimamënter iesen unic sëura che l ie miec fé l’alfabetisazion te plu rujenedes,

che te chëla età jëuna mpera i mutons su l plu y n ne dëssa perchël nia se temëi de arjumé velch a rujené gherdëina cun i mutons. Per lië plu adum la valedes, che vën scenó for plu despartides, fóssel gran de bujën dla rujeneda unificheda daujin ai idioms de valeda nce per respeté la rejon de pudëi adur vé l ladin tla aministrazion y pra sunieria, auza ora l ex cunselier provinziel Carlo Willeit. L ie pona nce unì dit dla cuestion che cun l ladin rùven mé nchin a Pruca, ma sun chësta iel unì rebatù che sce n cëla mé al utl pona pudëssen lascé vester nce duta l autra rujenedes y nsenië mé plu nglëisc. L’assessëura per la cultura dl Chemun de Urtijëi Lara Moroder, che ie nstëssa maestra, tira su l problem de ce mutivazion che i sculeies ëssa o che n messësssa vester boni de ti dé per mparé sëuraprò mo l dolomitan. Sun chësta iel unì dit che n ne pertendëssa segurdenó de l purté ite bele tl’elementea, ma che tla scola auta pudëssel bën avëi lerch vel’ ëura de nseniamënt de coche n scrij per ladin standard, che ie plu che auter na maniera de scrì, ma che se lascëssa zënzauter liejer aldò dl idiom. Na jëuna che à stlut ju da permò si studies universiteres à scrit si lëur de ejam, che ova da n fé cun la scola ladina per ladin dolomitan acioche duc i ladins posse l liejer y ntënder plu saurì. Ëila nstëssa à dit che la ne se à nia fat ert a l mparé. Ntan la descuscion che fova a strufs nce plutosc mpulsiva y ciauda àn danter l auter abù la mprescion che n ne n’ie nia mé contra l ladin dolomitan, ma n à nce puecia toleranza per i autri idioms ladins. Per stlù ju pòssen dì dut adum che l ie mpo unì mustrà la ulentà de tenì sun l gherdëina, de fé crëscer l sentimënt per nosta rujeneda acioche la vënie rujeneda te familia, tla lies, tl luech. Per la scola y scolina iel unì fat truep ti ultimi ani. Śën sce trajon duc dl medem viers y uniun juda pea ti fajerons n bon servisc al gherdëina, miena finan via l ambolt Ewald Moroder. Y sce se tacon ite al moto di rumanc dla Svizra ”chi che sà rumanc – per nëus ladin/gherdëina – chël sà deplù” se stenterons dessegur nce de manco a ntënder y comuniché cun nosc ujins ladins. Ulrike Maierhofer


Gherdëina

nr. 20 / 25 de mei 2012

La cualità ie l miëur nvestimënt

L à lerch un dlongia l auter Posizion tëuta dal presidënt dla Union di Ladins de Gherdëina, Stefan Kasslatter, n ucajion dla sëira de descuscion: Rujeneda dl’oma ”gherdëina” o ladin standard”

Gran suzes à abù l’ancunteda di maestri dla Scola Mesana de Urtijëi, ai 7 de mei. N chël di iel unit adalerch l espert de scola Josef Watschinger y la esperta dl istitut Elfriede Fritsche, per dé n valgun mpulsc n cont dla scola che unirà renuveda

I reladëures che à rujenà ntan la sëira.

Ulësse dì bele danora che ie ne son degun linguist, ma son na persona scialdi nteresseda ala cossa. Da mé ora ti ëssel fat bon ala descuscion sce n ëssa nce nvià n linguist, magari dl Istitut Ladin ”Micurà de Rü” o nce l prof. Videsott dla repartizion ladina dla Università, bele mé ajache ëi à laurà per plu ani sun l proiet dl ladin standard. Da pert dla Svizra fóssel ënghe stat bel sce n ëssa nvià zachei dla Lia Rumantscha, davia che Martin Candinas ie plutosc un contra l Rumantsch Grischun.

Ciuna ie pa la posizion dla ULG? Dantaldut ne ie l titul dla sëira nia formulà a una cun nosta linia, ajache nëus son per l gherdëina y l ladin standard y nia sciche scrit tl titul ladin gherdëina o ladin standard. A deguni ne ti tumëssel ite de fé na descuscion: dialet tudësch o tudësch standard? – ma for: dialet y standard, ajache uni forma linguistica à si rejon te si ciamps. Da mé ora dëssa i idioms de valeda unì adurvei sciche śën o mo deplù y miec che śën tla vita da uni di y l ladin standard sciche lingaz scrit ufiziel, aministratif, nia mé danter Gherdëina y Badia, ma danter duta la valedes ladines dla Dolomites. Nce dì che l ladin standard ie n lingaz artifiziel, coche l ie scrit tl titul dla sëira ne ie nia drët, ajache l ie n lingaz de cumpromis, che nasc ora de rujenedes che ie bele. Chësc ie p.ej. nce nscila per l rumantsch grischun, l cech, l slovach, l irlandesc o l slovenn. N lingaz artifiziel fossa p.ej. l esperanto. L ie ladins zënza ladin standard, ma ne n’on degun esperantisć zënza esperanto. Ciuldì adurvons’a n lingaz scrit unificà? Sciche duc i lingac à na verscion standard, adrova nce l ladin velch da de tel per de plu rejons. Chël ne uel nia dì che duc muessa scumencé a rujené ”dolomitan”, dut auter, i idioms de valeda dëssa unì mantenii, sciche l suzed nce tla Svizra, ma iust per mantenì i idioms adròven do mi minonga n lingaz standard, dantaldut sciche lingaz scrit aministratif. Zënza lingaz standard ne vàla nia plu al didancuei, ajache n à udù, che mpede l ”ladin dolomitan“ ne vëniel nia tëut i idioms de valeda, ma l tudësch o l talian. Sce son duc a una che i ladins ie n popul che toca da avëi i medemi dërc sciche i tudësc y di talians y

sce son duc a una che l’autonomia che on da Roma ne dëssa nia mé se fermé a Bulsan, pona sons bonamënter nce duc a una che la jënt ladina à l dërt de pudëi adurvé si lingaz y chël nia mé canche n ie te familia o cun cumpanies, ma nce pra i raporc danter aministarzion publica y zitadins. Davia che fé traduzions de tesć te cin idioms costa cin iedesc tant che les fé te una na verscion standard, sons dla minonga che l ie debujën che n vede inant cun l lingaz scrit unificà. Ma no mé perchël, l se à desmustrà, che sce n muessa fé la traduzion de zeche te de plu idioms, pona làscen suvënz vester defin. N bon ejëmpl ie la cumpededa dla jënt, ulache l fova mé mesun de respuender ala dumandes per talian o tudësch. L ne possa nia vester, che perchël che la jënt ladina sà da rujené y scrì sibe per talian che per tudësch, ti vëniel tëut la rejon de adurvé l ladin, nianca no l idiom de valeda. Pensëde ma cie che n tudësch o n talian ëssa dit sce l ne ëssa pra vel’ da de tel nia pudù adurvé si rujeneda. Tlo iel da desplajëi che l assessëur Mussner ne à nia cumbatù per si popul acioche i ebe i medemi dërc dl’autra grupes de rujeneda. N auter ejëmpl ie la cuestion dla cherta d’identità scrita per ladin. Iló fova i fascians a una per la fé per dolomitan, sce nce Gherdëina y Badia ëssa tenì pea, ma davia che nosc assessëur ne fova nia a una de adurvé l dolomitan, àn purvà a fé per Südtirol na verscion mescededa danter badiot y gherdëina. N à praticamënter ulù nventé n dolomitan nuef – sce n pò dì nsci – mé per ne tò nia l dolomitan che fova bele danman. Mé che l drë dolomitan à regules, na gramatica y n dizioner. La varianta mescededa

Stefan Kasslatter.

dla cherta d’identità ie unida fata ”ad hoc” y sarà, sce la vën mo n iede adurveda, bele autramënter. Nia per ultim fóssel n var dl viers de na unificazion dla Ladinia, a chëla che l ti ie unì fat l tort de la spartì su te doi regions y trëi provinzies. Ie rate che la soluzion che n à abinà tla Svizra ie scialdi bela y dit n curt, sce n pudëssa nce tlo da nëus fé vel’ da de tel fossi drët cuntënt.

L Rumantsch Grischun ie lingaz aministratif naziunel L vën adurvà te duc i ciamps aministratifs, ma nia mé, l vën adurvà nce ti media y l ie monce na verscion de Microsoft Office, Google y Wikipedia per Rumantsch Grischun. Velche tan de modern pudons per l mumënt mé se semië tlo da nëus, ajache sun pruposta dl assessëur Mussner iel tl 2003 unì deliberà dal Guviern provinziel che tla provinzia de Südtirol ie i lingac recunesciui ufizialmënter l gherdëina y l badiot (ladin de mesaval), ti tulan nscila al dolomitan la legitimazion dala pert politica y leghela de vester. Chësc desplej dassënn, ajache la provinzia a tres l Istitut Ladin Micurà de Rü spendù n grum de scioldi y energies te n proiet da mé ora bel y drët, che ie pona per rejons politiches unì fermà. L fossa bel sce da pert dla politica jìssen inò sun la streda dla modernisazion y dla unità per mëter n droa n proiet per chël che n à bele fat tant. L ie nce da dì, che tla Svizera ie l Rumantsch Grischun azetà definitivamënter sciche rujeneda dl’aministrazion. Tlo te Südtirol fóssel bele assé sce l dolomitan ne fossa nia pruibì. Ne stajon nia a tré ca i problems dl Rumantsch Grischun te scola, ajache tla Svizera iel dut n auter sistem scolastich: iló ie duta la scolina y la scola nfin al 3. ann mé per rumanc y tlo da nëus se àn giut alalongia batù contra na segonda ëura de ladin te scola auta. Lascionsi a na inuvazion sciche l ladin dolomitan l tëmp y la puscibltà de crëscer, sciche l va de bujën per uni inuvazion. Ie spere y son nce segur che la descuscion da ncuei ie de gran mpurtanza y nes porta dessegur n var inant de vieres dl’azetanza da pert dla jënt de n lingz unificà scrit.

Ancunteda cun Josef Watschinger tla Scola Mesana de Urtijëi.

Mesana Urtijëi - L fin dl domesdì fova chël de lauré ora n cunzet pedagogich che muessa dala maniera de nsenië y de dé inant ai sculeies chëla cumpetënzes che ie ududes dant dala ndicazions provinzieles lauredes ora n ucajion dla reforma scolastica. L’idea scialdi inuvativa sce penson che la ndicazions provinzieles ie unides ora tl 2009 - ie chëla de jì demez da na scola fata sciche na scatula cun laite aules cuncedes ite una daujin al’autra y che lascia puecia lerch ala inuvazion, al dinamism y a na maniera de nsenië che mëte al prim post l svilup dla cumpetënzes. Chësc va sambën debujën per jì de viers de na scola, te chëla che uni sculé possa se svilupé aldò de si capaziteies ndividueles y ulache l ie mesun, per merit de na cërta strutura, ti sté do a cër’ sculeies y tl medem mumënt mutivé d’autri.

Nia “aula magna o palestra” Ntan la ancuntedes danter scola y chemun d’autonn, semiòvel che la derturazion dla Scola Mesana se raidësse mé ntëur a variantes sëces, sciche “aula magna o palestra?” De gra ala urëdla davierta dl Chemun, ie i nsenianc tres n lëur de sensiblisazion stac boni de fé capì che la scola à mo d’autri bujëns. Lauré deberieda ulova dantaldut dì se tò la dl’aurela ma l ulova nce dì se lascé cunsië da jënt esperta te chësc ciamp. Na scola, à ala fin duc capì, ulache puec ani do fóssel inò stat da runcé laite, fossa stat n lëur mez fat. Nsci à la grupa de lëur cuntatà

l espert Josef Watschinger, acioche l laurëssa ora, deberieda cun i nsenianc, na vijion che respuend ala dumandes: ciunes ie pa la priuriteies che sarà debujën tl daunì? Ciuna cumpetënzes ulons’a che nosc sculeies ebe n di o l auter? Sambën fova duc a una che chësc se ëssa damandà tëmp y dantaldut n cunzet tler laurà ora, muvan dal’esperienza de duc i nsenianc dla Scola Mesana. Nscila sé à ai 7 de mei duc i nsenianc ancuntà cun l diretëur Josef Watschinger y à laurà te n tlima sarëinn, pensan coche n pudëssa mëter mpe na scola che ti vede ancontra ai bujëns di sculeies y nsci dla sozietà. Ëures y ëures de lëur ie unides premiedes cun de bon resultac. Ideies inuvatives y tl medemo tëmp efizientes, ie unides a lum tres n workshop che do n prinzip democratich, à dat lerch ala prupostes defrëntes. N cunzet che unirà metù ju fosch sun blanch y che unirà mandà inant al Chemun de Urtijëi, che vëij ite la mpurtanza de na cunlaurazion transparënta. Sambën ie chësc permò l prim de trueps vares. L daunì mp er me terà mo d’autra ndesfidedes. La jirà de pensé inant y de cialé plu tert de purté a bon fin d’autri problems cuncrec. Situazions reéles che unirà adalerch cun l’ena da cin’ dis, sciche per ejëmpl l bujën de na mensa. Ntant lëura la grupa de lëur inant cun gran mpëni y se ncunforta bele sun la prupostes che i architec se studierà ora aldò dl cunzet pedagogich mandà inant. La Grupa de lëur dla Scola Mesana de Urtijëi

Stefan Kasslatter, presidënt dla Union di Ladins de Gherdëina www.lauscdiladins.com

25


Gherdëina

nr. 20 / 25 de mei 2012

Nduneda Alpini de Bulsan: na festa de marueia L ne me toma nia ite d’autra paroles, sce no chëstes repurtedes nce tl titul: “Na festa de marueia!” Na reportaja dl Alpino Igor Demetz dl Alpino de Sëlva la zità à scumencià a se mplenì, la stredes dsaredes ai auti semiova de tei pitli ruves de jënt, ruves che univa for majeri y majeri, n grumon de plumes che se muova d’uni viers, la ustaries plëines dedora y dedite, dlonch giapòven da maië y da bever, la plazes cunesciudes de Bulsan y duc i museums regurova mé de jënt.

Marënda duc deberieda de sada

Alpini - L se à abinà adum tan de ntraunides te puec dis che ne sé belau nianca no ulà scumencé. Vede de reviers de n valgun mënsc, canche l fova nasciù l’idea dla nduneda, almanco da pert dla grupa de Gherdëina.

Na bela luegia per l aciampamënt Dal mumënt che on sapù che chësta manifestazion fossa stata a Bulsan, se ons bel snel dat da fé per abiné na bela luegia ulache a ssan pudù fé su nosc aciampamënt. Son stai bëndebòt fertunei, ajache tres n excumandant di Carabinieri de Val nes iel unì metù a desposizion n bel gran verzon ulache l fova nce doi garajes cun n tloset y monce na docia, de avëi de si familia.

Partì su i lëures Sën che una dla cosses plu mpurtantes fova a post, ons fat n valguna sentedes ulache on partì su i lëures. Chiche ova da se cruzië dl maië, chiche dla buandes, dla tendes, dl gril y de dut chël che ova da n fé cun taieresc y goc y dut l material per la cësadafuech y nce per pudëi lavé ju y puzené dut. De n eletricher ons sambën nce abù debujën. Tlo fòssel sambën da auzé ora n valgun cumëmbri che se à dat da fé da stramp, ma ne ue nia fé inuemes per ne desmincë deguni, y pona muessi bën nce dì che fret ne fova degun,

duc a dat la man che i à pudù dé.

De mierculdi ju a Bulsan L mierculdi daduman sons piei via de viers de Bulsan, cun i auti tan ciariei che semian de tei zigaineri. Ntëur la nuef fans pona iló, y on scumencià a mëter su l aciampamënt. L fova bele na tel aria da festa, nce sce duc fova mpeniei te si lëures. L julova bele la batudes, y l univa laurà te n atmosfera de devertimënt. Ntëur la un ons pona mpià l gril y se on sentà ju pra mëisa per na bona marënda meriteda. N chël di iel pona mé restà lajù puec de nëus a fé i vardians, nce sce do mi ntënder ëssen pudù ti rumé ora dut che i ne se ëssa nia ntendù…

Pësc frësch da Padua N juebia sëira à un de nosc cumëmbri nvià ite n si parënt de Padua, che ie unit adalerch cun pësc frësch y fat na cëina da stramp bona per almanco caranta persones te chësc bel verzon, njenià ca nce per pudëi sté dedora da sëira cun la bela luminaria che an metù a jì. Cun l tlima che l ie a Bulsan, pudëis ve nmaginé ce bela sëira che on abù. Sambën che on bu nce n got o doi de bon vin, y da bon Alpini na curta do cëina, y ora de nia ons’a medrë scumencià a cianté.

Bulsan se mpleniva de jënt La nduneda ie pona jita ite tl vif,

La sada da marënda ons pona cialà de se abiné tl aciampamënt per maië duc deberieda. Ora de chëi che fova bele lajù, iel n sada ruva leprò truepa jënt de Gherdëina. Danter chësta persones che ie unides a nes crì ulëssi auzé ora nosc cumëmber, l assessëur provinziel Florian Mussner, che tole la ucajion de rengrazië nce tres la USC da pert dla grupa, ajache l se à dat da fé per nes fé avëi na sosta per mëter ite la brandes da durmì y sambën ajache l se a tëut dl’aurela de se senté pra nëus cun duc i mpënies che l ova chisc dis. N rengraziamënt ulëssi nce ti fé al jurnalista Egon Vinatzer, che à tëut su y fat ntervistes te nosc aciampamënt, mustran pona dut tl nutizier ladin de TCA. Radio Gherdëina y la Usc di Ladins ne daussons nia desmincë. I doi mesuns de nfurmazion nes à dat la ucajion de pudëi spieghé y dé nfurmazions ala jënt y chësc à purtà pro che trueps ie unic a nes crì.

Na festa da plu ponc de ududa Chiche ie pona stat tl aciampamënt, chiche a ulù jì ncantëur te Bulsan, uniun à pona fat la festa mpue’ coche l à ulù. N se ancuntova, pona se perdòven inò, ma chël ne fova degun problem. Chiche ie bele stat a na nduneda chël sà coche la ie, n cunësc jënt nueva, n se fërma a ciaculé cun chiche mei, n cianta n fej descuscions ma n ne strita nia, n se dà pona l numer dl fonin y n se nconta pona l ann do te n’autra zità.

Na lauda per l’urganisazion L ie n duvier fé na zitazion al’urganisazion de chësta manifestazion. N possa mé laudé

I Alpini de Gherdëina y dla Val Badia pra la defileda.

de coche i l’à metuda a jì, l à veramënter dut stimenà. L ne n’ie nia saurì a lascé ite te na zità 350.000 persones y fé a na maniera che dut vede bën, ma Bulsan a desmustrà che cun mpëni y ueia de fé pòssen urganisé velch tan ala ngranda. Perchël ulëssi a inuem dla grupa de Gherdëina fé de gran cumplimënc al Chemun de Bulsan y al’ANA naziunela.

Finalmënter dumënia Sën unions inò pra nëus: finalmënter fova ruveda la dumënia. Dije finalmënter, ma nia ajache l nes à sapù burt, ma do trëi dis de festa iesen cuntënc de udëi na fin. Inò ons urganisà na bona marënda te nosc bel verzon, ulache l n fova passa caranta a maië n “orzot al pastin y rucola” y da dedò cotletes y lianes sun l gril cun de bona salates, dut blandà cun n bon soft, nce chël de ua. Ntant che nëus maian ova la defileda bele da giut scumencià. Da mesa la nuef daduman iela pieda via cun la sezions da oradecà, per pona jì inant cun la sezions talianes, da chëi che sta plu dalonc, man man a chëi che sta plu daujin. Nëus fan sambën pra i ultimi a defilé. Nscila ons abù dl’aurela do marënda de rumé su l gros dl aciampamënt.

www.lauscdiladins.com

De reviers a cësa

Alpini de Gherdëina y dla Val Badia deberieda

Do duta chësta emuzions se n sons piei de reviers a cësa cuntënc, stanc ma cun na gran legrëza. N lunesc sons pona mo ju n iede a Bulsan a rumé su, ciarië dut y cun mpue’ de nchersciadum a ti cialé mo mpue’ a “nosc verzon”, per l ultimo iede. L proscimo ann sarà la nduneda tla zità de Piacenza. Ie ulësse bele sën nvië ite duc chëi che ulëssa unì pea de se cruzië de paië ite l bolin per fé pert de nosta grupa. Per nfurmazions ëis mé drë’ de cherdé su nosc presidënt Alfredo Murer. Fine mo via cun n “Viva gli Alpini”, ma dantaldut “Viva i Alpini de Gherdëina!”

La defileda nstëssa ie stata zeche

Igor Demetz

Mumënc dla nduneda di Alpini a Bulsan, cun la grupa de Gherdëina, ma nce dla Val Badia. (fotos de Helmuth Schieder)

26

veramënter de grant y bel! Nëus se aspitan puecia jënt dal mumënt che dut l di ova marcià Alpini per i cater chilometri che taiova tres la zità. La ne n’ie nia stata nscila. Da mesa la ot da sëira iel unit nosc mumënt, deberieda cun i Alpini dl’Alta Badia, purtan na peza cun na scrita, te nosta rujeneda, che dijova ”milesc de plumes y mé un n cuer”, sons defilei tres Bulsan danter na fola de jënt che ne se aspitan nia. La jënt nes batova la mans y svaiova “Viva la Val Gardena” y ”Viva la Val Badia”. L fova mumënc de gran emuzion, y la desmustrazion che nëus ladins son stimei y che i nes à gën te duta la Talia.


Gherdëina

nr. 20 / 25 de mei 2012

Purtoi Cier te Sëlva

Nolunta's te scola

La cumiscion provinziela per la scunanza dla cuntreda ne à nia azetà l proiet de slargë l purtoi Cier te Sëlva. Tla senteda dl’ena passeda se à la cumiscion damandà che l proiet vënie laurà ora da nuef

Nolunta’s: criatività y bona ueia tla Scola Mesana de Urtijëi Mujiga - Cun de bela cianties cumpaniedes da plu strumënc nce particuleres y te na maniera scialdi da ulëi bon iel n sada ai 12 de mei unit adalerch tla Scola Mesana de Urtijëi na band frëscia y da druch. I Nolunta’s ie metui adum da sies jëuni de Urtijëi: Stephan Canins, Leo Großrubatscher, Andreas Kondrak, Simon Paur, Luigi Romanelli y Hannes Senoner.

Noluntas, canche la persona ie cuntënta Per stlarì da ulache vën si inuem à la grupa trat ca la parola filosofia muan dal’idea che la persona, per natura, uel for deplù y va for inò a crì fins nueves da arjonjer. Tl stadium dl “nolunta's” - che ëi arjonj fajan mujiga - ie la persona cuntënta per coche la ie y cun chël che la à. Udëi chësta band te scola nes à a nëus sculeies sapù scialdi bel ajache tan’ che duc scuton su mujiga techno, house y pop. L stil di Nolunta’s ne se lascia nia tan saurì stlù ite te na definizion ma l pudëssa tumé ite tl fosblue. L se trata tlo de na grupa particulera, davia che i sona d’uni sort de strumënc sibe de tei cunesciui sciche l tamburdl, l orgun da bocia o l contrabas sibe tei plu criatifs sciche la mandolina, l ukulele o na

I Nolunta’s.

boza d’ega ueta mplenida cun giara che i se à n iede de prëscia y per n debujën pastelnà. Cunscidré y pudëi purvé ora chisc strumënc, udëi y audì coche la grupa sona y cianta ma nce se rënder cont tan de bona ueia che chisc jëuni ie, nes à plajù dassënn.

Mujiga y devertimënt La band ie nasciuda per se devertì fajan mujiga y chësc ti garata bëndebo bën. N valguni dla

grupa à fat la scola de mujiga, i autri va a urëdla, y ne sà nia da liejer la notes ma i sona cun na gran ueia de sperimenté y nsci garata la medema ciantia for inò m p u e ’ a u t r a m ë n t e r. Tl scumenciamënt se pitovi nstësc per pudëi suné te vel’ local o pra vel’ festa. Ntant se à chësc mudà y i à bele abù ucajion de pudëi se lascé udëi y audì te na zità sciche Viena ulache i ie unic nviei sciche special guest pra n festival do che i ova de fauré venciù a Nals l “Rocknet Live Award 2012”. Dai covers iesi passei a scrì y mëter nstësc adum si cianties y i à nce bele na si CD. Cun nëus iesi propi stac da ulëi bon y nes à desmustrà che sce n uel zeche tla vita pona muessen crëier te chësc y cumbater per l arjonjer zënza mei zeder. Suvënz semea la cosses plu ries de chël che les ne ie. Nëus sculeies son scialdi cuntënc che i Nolunta’s se à tëut dl’aurela per nëus y cun chësc pitl articul ulons ti sentì gra.

I sculeies ntan la vijita dla grupa de Urtijëi.

Elèna Kostner y Magdalena Stuffer cun la III D

Or ie lum, lum ie vita A Tscherms iel stat la giaurida dla mostra persunela de Diego Deiana Ert - Nstadì se àl tratà de na premiere: per l prim iede à Diego Deiana metù ora si opres te na mostra persunela, dal titul “Or ie lum. Lum ie vita.”, tl Kränzelhof tla Miil a Tscherms-Lana. Deiana viv a S. Cristina, de lëur iel moler y nduradëur y da 9 ani incà ani pra l’Unika. N ucajion dla vernissage iel unit adalerch na bela cumpëida ne nteressei, ma nce autoriteies, danter l auter l ambolt de S. Cristina Eugen Hofer, la presidënta dla Lia dl Turism de S. Cristina Renate Senoner, la ex cunseliera provinziela Maria Bertolini, la campiunëssa de schi Isolde Kostner, l vizepresidënt dla Lia di Artejans LVH Ivan Bozzi y l presidënt dl service LVH Herbert Fritz y d’autri espunënc istituzionei. La mostra resta davierta nchin ai 24 de juni, da merdi a sada dala dodesc ala trëi domesdì y da sëira da mesa la set nchin mesanuet. (dl)

Purtoies - L proiet vëija dant de ngrandì y splané l purtoi spustan material ju per l purtoi nstës. Aldò dl presidënt dla cumiscion Adriano Oggiano iel unì calculà de spusté 41.000 metri cubich de tiera. L raion n cuestion mesura 10.600 metri cuadrac. La se trata de ntervënc te doi lueges: tl canalon ulëssa la sozietà dla Dantercëpies fé lëures sun 660 metri de purtoi y tl raion dla „S“ sun 480 metri. Tl canalone iel unì proietà de spusté l purtoi dessëura pert y tl raion dla „S“ de fé l ntervënt dessot pert ulache l ie da crëp. Te vel’ luegia fóssel aldò dl proiet stat debujën de spusté material sun n tòch de 35 metri lerch y diesc metri aut, jan nce a

giavé tl crëp. Te un n pont unissa l purtoi slargià da 35 a 85 metri. L purtoi Cier ie sun sëida dl parch naturel Puez-Odles y dl raion „Natura 2000“ Gherdëina-ValPuez. Aldò dla segonda cumiscion provinziela per la scunanza dla cuntreda ne n’ie chësc proiet nia da azeté per via dla morfologia mujela y per la natura zitia de chësc raion. La cumiscion se à damandà de smendré dassënn l spustamënt de tiera a na maniera che l ne vënie nia a se l dé ronesc ërc dedora dal purtoi. L proiet dëssa unì laurà ora da nuef tenian cont de ntervënc sun ponc spezifics, dla sëides dl crëp y di lims dl plann di purtoies y di mplanc portamont. (as)

Troi per rodes da mont Senteda de Chemun te Sëlva: Mozions y nterugazion di Freiheitlichen. Mudamënt de bilanz y mudamënc urbanistics, aministradëur dla Pranives de Bulsan - Südtirol“. 5. Istitut per l frabiché soziel dla Provinzia Autonoma de Bulsan Numinazion di reprejentanc tla Cumiscion per l’asseniazion de cuatieres (art. 96 L.P. 13/1998): sostituzion de n reprejentant dl Chemun. 6. I. mudazion de bilanz 2012. 7. I. mudazion al program generel dla opres publiches per Te Sëlva iel n merdi na senteda de Chemun. l ann 2012 y ai planns finanziers revardënc. Sëlva Chemun - N merdi ai 29 8. Mudazion al plann urbanistich de mei dala 19.00, per traté chësc cumenel: mudazion dl raion per ordenn dl di: njins publics – mplanc sportifs tl raion “ Val” te raion de 1. Comunicazions dl Ambolt. scumenciadiva privata. 2. Mozion dla grupa de Cunsëi 9. Mudazion al plann urbanistich “Die Freiheitlichen” aldò dl art. 13 cumenel: nserimënt de n raion per dl regulamënt ntern: „mudazion mplanc per l tëmp liede per la dl paragraf 22, dl articul 9 dl Statut realisazion de n troi per cumenel“. mountainbike tl raion Sëurafrëina 3. Mozion dla grupa de Cunsëi danter Ciampinëi y la utia Pra “Die Freiheitlichen” aldò dl art. 13 Valentini. dl regulamënt ntern: „Reduzion dl 10.Mudazion sustanziela dl quorum dl referendum populer“. plann de atuazion dl raion da sté 4. Nterugazion dla grupa de de espanjion C2 “Mezdi” – lot 1. Cunsëi “Die Freiheitlichen” aldò 11. Numinazion dl aministradëur dl art. 12 dl regulamënt ntern: dla „Pranives S.r.l.“. 12. D’uni sort. „Mëter ora la bandiera dla Provinzia

N’opra de Diego Deiana da udëi a Tscherms. www.lauscdiladins.com

27


Gherdëina

nr. 20 / 25 de mei 2012

Gherdëina pra l Filmfestival de Trënt Tone da Cudan, Aron Demetz y Egon Rusina ie stai i prutagunisć de n film pra la 60ejima edizion dl Filmfestival de Trënt. La tematica dl “Lën” Cineforum, nce tlo ne sàn mo nia avisa can. L cuntat da pert dl reghisser ie unit a s’l dé tres Otto Kostner da Stlujuc dla Rodra, che à cunsià i trëi inuemes scialdi cunesciui tl ciamp dl’ert de nosta valeda y sëura la sëides ora.

La tematica dl lën

Egon Rusina.

Aron Demetz.

Film - Granda ie la tradizion dl bel festival dl film a Trënt, che à na valuta nternaziunela, cun films da dut l mond caprò. Chëst ann ie nce trëi de Gherdëina stac prutagunisć dl Festival: Tone da Cudan, Aron Demetz y Egon Rusina. Tulan ca la tematica dl lën à l reghisser Elia Romanelli de

Unieja tëut su realtà, pensieres, filosofies, tecniches y opres di trëi artisć de Gherdëina. L film dura de ndut cincanta menuc. Do la premiere a Trënt unirà l film nce mo mustrà tla televijions, sambën nce tla RAI naziunela. La data ne n’ie mo nia fata ora. Da udëi mo n iede sarà l film nce a Bulsan tl

Lën, nscila l inuem dl film. L ie trëi artisć che lëura tl ambient dl lën. Rusina ne lëura nia plu tl lën, ma l viv tla natura, te n raport strënt y ndrët cun la natura, cun l bosch, cun i lëns. La finalità de Romanelli fova tres si film propi de auzé ora chësc raport di artisć cun l lën coche elemënt naturel de nosta montes. Tone y Aron zipla tl lën, Rusina depënj ma cunviv cun i lëns, coche dit, per fé fuech cun la rames, per sté cun la cëures, per rujené cun i lëns. Ntan che Aron Demetz y Tone da Cudan se noza dl lën per si atività artistica, dij Egon Rusina che l ne adrova nia l lën per si esprescion

artistica, ma mé per viver cun l lën, te na simbiosa, nscila Rusina. Pra l film ne vëniel nia mustrà un n artista ndolauter, ma mescedà ju chedri de dui trëi. Trëi artisć defin autramënter, de carater, nce de età. Ma ala fin dl film vëniel mpo mo ora na cërta unità, zeche che i à deberieda, che ie si vester tachei dassënn ala natura.

Natura y ert Tone da Cudan zipla tl lën, purtan dant la natura coche gran esprescion spirituela y esoterica, te na sort de panteism, ulache la deviniteies ie la natura. Aron Demetz alincontra tol plu ca la natura, tl cajo cuncret l lën, per ti dé esprescion a si svilup artistich. Pra Tone ie la natura plu mpurtanta, pra Aron l svilup artistich. Pra Tone ie la persona pitla permez ala natura, sotmetuda al fenomenn dla natura, pra Aron ie la persona tl zënter. Tla storia dl’ert fossa Aron plu renascimentel, cun la persona tl zënter dl univers,

pra Tone iel plu na manifestazion romantica, ulache la persona vën pitla permez al cosmo. Tramedoi dà da ntënder n cër’ vester destacà dala natura, cun na fujion definitiva danter la doi cumpunëntes che ne vën nia a s’l dé. Tl ambient naturel resta Rusina y Tone da Cudan tla natura, ntan che Aron va nce ite tla realteies dla ziteies, ulache l ie unì a mancë de n cër’ viers l cuntat cun la natura. Aron Demetz ti dà inò n mesun de cunliamënt cun la natura ala jënt dla ziteies. Egor Rusina ne zipla nia plu tl lën y ne depënj nia plu motifs. Stajan y vivan cun la natura, cun l lën y i crëps ne n’ie per ël l’ert nia plu debujën. La persona, nscila Rusina, ie natura, che n ne muessa nia plu reprejenté. La natura ti à dat da ntënder che l’ert ne n’ie nia zeche d’auter che na copia fauza dla natura, jan ite te na reflescion filosofica greca y urientela. David Lardschneider

Nia na raida da uni di Undesc cumpanies de Gherdëina à fat na bela jita cun la roda, da Urtijëi nchin a Jesolo Roda - Tl 2011 ova la grupa che va cun la roda “Ivan & Co“ stlut ju la sajon fajan 14 de gran jites cun la roda cun n deslivel de ndut 37.000 metri. Sambën òven bele pensà al ann 2012 y metù sun l program 2 jites particuleres cun la roda da streda y mo na bela tlapeda de raides cun la roda da mont. Ai 27 de auril iel unì fat la prima jita dl 2012 cun la roda da streda. Claudio Bernardi, Andrea Demetz y Walter Bergmeister ie furnei da Urtijëi nchin a Minca y l di do de reviers nchin a Dispruch, fajan 450 km y 2.750 metri de deslivel.

La fova tan inant Ai 19 de mei aspitova 11 cumpanies dala roda nia l’ëura de pudëi muever per fé la segonda raida particulera cun la roda da streda. L fova unì fat ora de jì da Urtijëi nchin a Jesolo, 242 km y n deslivel de 2.932 metri, passan su per i jëufs de Pinëi, Niger y Karerpass, y i jëufs de San Pellegrino, San Boldo y l Col de Fratta. La sëira

dant se òven acuntà per ciarië la tasces y la roba da bever sun l pulmin. Pona se tratòvel mo de fé fonz per l di do jan a se bever n bon Veneziano y scutan su la idees scialdi nteressantes dl ultimo menut de chisc “mandli” de “Ivan & Co“. N sada ai 19 de mei, muev pona i 11 cumpanies dala 6 da duman cun 4 gradi da Urtijëi demez, passan via l jëuf de Pinei, Ciasctel, Fië, Prösels, Tiers,l Nigerpass y se ferman do 2 ëura y 45 menuc sun l Karerpass per se bever n capucino ciaut, ajache sun l ëur de streda fòvel mo nëif. Mpue dant ova David sbujà, ma cun l aiut de Karl sciche “amiralia“, àn riesc pudù furné inant.

Tres Fascia Sën jivela ju de viers de Vich per ruvé ora a Moena ulache l fova da pië via y su per l jëuf San Pellegrino, “cima Coppi“ de chësta raida a 1.918 metri. Dojù se tratòvel de se mëter te na fila indiana per ti vester al vënt spaventëus y nscila passòven via i luesc Falcade, Cencenighe, Agordo

y Sedico. Ma l fova inò de bujën dl’ “amiralia“, che fova chëst iede Viktor. Walter se ova taià su l montl, ma cun l’esperienza y l savëi de Viktor y Andrea univa dut cuncià a puntin. Inant jivela nia de viers de Ponte Nelle Alpi, sciche vel’ un fajëssa, ma de viers de Trichiana, ulache l scumenciova l jëuf San Boldo. Do 7 ëura sun roda ie duc ruvei sun chësc jëuf, ma Ivan ova ntan furné su sbujà. Sun chësc jëuf fova bele la pasta njenieda, ajache Thomas ova bele apustà dut danora.

Mo 90 chilometri Do n valguna cianties de “viva” fòvel ëura de muever, ajache l fova bele la 4 domesdì y l manciova mo 90 km nchin a Jesolo. Scialdi particuleres fova la serpentines a jì ju de chësc jëuf, ajache l fova n semaforo che mudova uni 10 menuc sun vëert. La streda menova ju tres de pitli tuniei y n crëp scialdi nteressant. Ruvei japé passòven da Tovena y n puech plu inant col dl luech Fratta. Tlo ova Ivan inò sbujà. Ma Thomas ie jit danora y à trat cun drët bën, passan de gran rundiei, ulache duc i auti se fermova ajache i udova bele dalonc che l univa adalerch l “treno Ivan & Co”.

La grupa sun l jëuf San Pellegrino; mpé da man ciancia Andrea Demetz, Hansi Bernardi, Klaus Bernardi, David Demetz, Thomas De Zordo, Walter Bergmeister, Claudio Bernardi, Paolo Ciechi, snudlei dancà Viktor Kostner y Ivan Kostner

pieres de selin y dut chësc cialan duta la partida dla finela de Championsleague “Bayern Chelsea”, y sambën ciantan unitant na viva. L di do daduman sons mo jic a spaz sun la spiaggia. Daldò ie Paolo y Klaus furnei cun la roda da

Jesolo a Mestre per tò la ferata per jì a cësa. I autri 9 ie jic a cësa cun l pulmin. A duc ti àl sapù na beliscima raida, dantaldut per ajache l ie unì tenì adum tan bën danter cumpanies. Canche “Ivan & Co” mët a jì velch, pona vàla mé plu de “dé gas”.

Da sëira a Jesolo

I tuniei de San Boldo - la “strada dei 100 giorni” fata dl 1918 da 7.000 saudeies dla IV. Armata Austro-Ungarica

28

www.lauscdiladins.com

Riesc do iesen ruvei a Conegliano, Oderzo, San Donà di Piave nchin a passé tres l zënter de Jesolo y ruvé a Jesolo Lido “Cá Crema”. Chësc do 8 ëura y 50 menuc de “pedalata effettiva“, 242 km y n dislivel de 2.932 metri. Sën fòvel bele la set da sëira, ma l “tuffo“ tl mer ne pudova danz nia mancë, nce sce l’lega ova mé14 gradi. Tl zënter de Jesolo ons maià na bona cëina cun de bon

Duc deberieda sun la spiaggia de Jesolo; dovia mpé da man ciancia Hansi Bernardi, Andrea Demetz, David Demetz, Karl Runggaldier, Thomas De Zordo, sentei da man ciancia Paolo Ciechi, Klaus Bernardi, Ivan Kostner, Walter Bergmeister, Claudio Bernardi, Viktor Kostner


nr. 20 / 25 de mei 2012

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

Consorzie Eletrich: che se pelel domanèr de più? La radunanza di sozi à aproà con sodesfazion n ùtol de bilanz de 748 mile euro, l’à aprijià l servije ezelent sport a boniscim priesc e l’à confermà la stima a si aministradores

Ence l diretor generèl de la Federazion Trentina de la Copratives Carlo Dellasega à abù paroles de lauda per l CEP.

Sozietà - L nef logo del CEP, l Consorzie Eletrich de Poza, fajea bela parbuda sul scherm tedò i aministradores de la sozietà coprativa che ai 12 de mé l’à tegnù sia radunanza generala tel teater de l’oratorie de Poza. N logo dessegnà da l’architet fascian Markus Daprà, che con lijieres e scempies trac, coi colores brun e vert de l’ambient e de nosc teritorie, simbolisea a na vida chièra l zicle de l’èga e de la produzion de energìa da la natura che stèsc a fondament de na sozietà che prest compirà

100 egn. Te sala, 250 sozi prejenc de persona e etres 211 raprejenté con delega, i à podù scutèr e aproèr con sodesfazion l rendicont de n bilanz sozietarie che te l’an 2011 se à serà sù con n ùtol de 748.058 euro. N ejit che, descheche à sotrissà ence l diretor generèl de la Federazion Trentina de la Copratives Carlo Dellasega, no l’é de segur scontà o sorì da arjonjer, soraldut de chisc tempes. E ampò l’ùtol de bilanz no l’é l soul fior che l Consorzie à podù se meter “su la portela del colet”.

L recognosciment per l lurier ezelent portà inant é stat defat palesà dai sozi no demò per l’aspet economich, ma ence per l servije efizient e asvelt che la sozietà ge arsegura semper a dut i utenc, de gra a la capazità e braùra de so personal tecnich, che se à vadagnà n gran batiman. N auter batiman é jit ai componenc del Consei de aministrazion, che no demò i à desmostrà de portèr inant na gestion ascorta e percacenta, ma i ge dèsc la lum ai sozi a n priesc che l’é manco che mez l cost de marcià, e apede chest i ge dèsc contribuc a n grum de sociazions de duta Fascia. La stima al Consei é ruèda da pèrt di sozi ence te la litazions di 3 componenc che fenìa fora so mandat, e che é stac duc trei confermé, Vittorio Rasom con 253 stimes, Giorgio Locatin con 219 e Flavio Lorenz, president en cèria, con 215. La nomina del president, descheche perveit l Statut, vegnarà fata te la pruma sentèda del CdA. L 2011 l’é stat n an bon dal pont de veduda de la produzion de lum – à dit l diretor Dino Detomas – ajache l’é stat rich de ega, e fazile la ciarestìa de pievia e neif stata da chest uton en cà no permetarà n

ejit autertant bon l’an che vegn. Ma l CEP à sapù vardèr inant, e meter via ti egn bogn chel che ades serf per poder jir inant coi investimenc envié via o pervedui, lurieres per miorèr e otimisèr i impianc acioche te la trasformazion e te la distribuzion vegne perdù l manco possìbol. De chest vers l’é stat tout demez cater veia cabines eletriches da 3 kV sa Vich e n’é stat metù demò 2 de neves da 20 kV, e miorà i coleamenc e la linies de media tenjion portan a compiment i sot anìe de Vich. I é jic inant a meter i contatores eletroniches e endrezèr i mudamenc de tenjion a Poza e Vich e l’é stat mudà l software de gestion e control te la zentralina de Soraga, metan ence de neva schedes per la trasmiscion de dac en rei wireless con Poza. Na nota negativa resta chela de l’iter per poder comprèr la rei de Pera e Soraga: mencia amò – à dit Detomas – l parer del Consei de la Autonomìes e zenza chest la PAT no pel fèr l Pian de distribuzion che ge vel per la cordanza de compra anter Consorzie e Dolomiti Energia. Da pèrt de Pierluigi Tava l’é ruà la critica che l Consorzie de Poza fossa massa pech propositif e avert a neva strèdes desche chela del

fotovoltaich: a chest l’é stat responet che la costion é stata touta dant più che n’outa e che, studian delvers la informazions e la situazion de anchecondì, no la é stata conscidrèda percacenta. Piutost che se lascèr embarlumèr da proponetes che no dèsc garanzìes e che vèlch outa somea meter dant l profit de zachei piutost che chel de duta na comunanza, endèna l’é miec jir inant su la strèda envièda via na nesc giaves, la produzion de lum da l’èga. Chest l Consorzie Eletrich de Poza l’é bon de l fèr delvers, a na vida ascorta, competenta e percacenta. No per nia ence la aministrazions de Vich e de Poza à enciarià l CEP de studièr fora e portèr inant i projec per otimisèr la rei de l’èga publica fajan ence la zentralines per la produzion de lum. La radunanza di sozi à ence aproà de lascèr l compens a si aministradores descheche l’era: n geton de prejenza de 150 euro lordi a sentèda (del 2011 l’é stat 4 sentèdes). Confermé ence l cost per se fèr sozi e i componenc del Colege sindacal: president sarà amò Renato Nazario Micheluzzi, e apede el l’é semper Teresa Rizzi e Quirino Zulian. (lg)

I fascegn forin Baissiston à ciantà con legreza al Segnoredio N muie de jent à tout pèrt al pelegrinaje del Decanat de Fascia al Santuarie, olache l’é stat prejentà l libret de orazions dat fora da l’Union di Ladins ai bec che à fat la pruma Comunion e la Creisema

I preves sun utèr endèna messa e la consegna del liber ai bec da man del decan don Giuseppe Da Prà e l president Silvano Ploner.

Devozion - L temp, che per en domenia passèda era stat anunzià burt, a la fin l’à didà, e n muie de fascegn é jic en pelegrinaje al Santuarie de Baissiston. Na giornèda endrezèda ence chest an dal Decanat de Fascia per meter te la mans de la Madona di Dolores i cruzies, la speranzes e la orazions di fascegn. La messa a l’averta fora dal Santuarie é stata ofizièda dal decan de Fascia don Giuseppe, e ensema ai preves de Fascia don Erminio, don Luigi e l diacon Antonio Ghetta, l’era ence don Jimmy Baldo, decan de Busan, ajache en

domenia forin Baissiston l’é stat festejà ence i 55 egn de l’Azion Catolica de Busan. Na messa ciantèda bel ence per fascian dai ciantores di cores de gejia de duta la val, che apede al ladin à vedù se enterzèr ence orazions per todesch e talian, averta con la paroles de salut de père Giuseppe Zampiva del Convent de Baissiston, e con la perdicia de don Jimmy. Presciapech mile persones à tout pèrt, sot ai tendons o senté jù sui pré che vèrda ju l santuarie, rué soraldut da Fascia, e anter chisc autoritèdes, ciantores, ma

soraldut i bec che à fat la Pruma Comunion o la Creisema, che ence chest an con si catechisć i é stac protagonisć del pelegrinaje, portan l rengraziament a la Madona. I pìcoi de la Pruma Comunion, regolé de bianch, i à portà sun utèr i fiores en segn de rengraziament, e i joegn de la Creisema, con la croata checena segn del Spirit Sènt, i à metù dedant utèr i retrac de 5 sènc e beac che i à tout desche ejempie te so percors: la Madona, Sèn Francesch, papa Jan Paul II, Chiara Luce Badano e Piergiorgio Frassati.

“Te ciante mia legreza” Chisc joegn à animà ence l domesdì, canche duc i fascegn se à binà endodanef sot i tendons per dir sù la corona, onorèr l Santiscim e ciapèr la benediscion solene. Chest moment é stat avert con la prejentazion de na neva publicazion religiousa, l libret “Te ciante mia legreza”, dat fora da l’Union di Ladins de Fascia en colaborazion con la Comiscion cultura del Decanat de Fascia, e amò più prezious ajache dantfora l’é ence la paroles del Piscop de Trent mons. Luigi Bressan .

L president de l’Union di Ladins de Fascia Silvano Ploner e l decan don Giuseppe, ensema con Cesare Bernard de la Comiscion cultura, Monica Cigolla che à rencurà la publicazion e Maria Pezzedi che à fat i bie dessegnes, i à prejentà en curt chest belot libret, che dapò ge é stat sport da l’Union di Ladins ai bec che chet an i à fat la Pruma Comunion e la Creisema. L nef libret, che ge é stat dat ence ai bec de la Pruma Comunion de Moena, che i à fat l rengraziament l medemo dì te la gejia de Sèn Vile, l’é da poder se proveder ite te la senta de la sociazion ladina a Sèn Jan. (lg) www.lauscdiladins.com

29


Fascia

nr. 20 / 25 de mei 2012

L turism padesc, duc cogn fèr sia pèrt per l suzess de l’economìa de la val I operatores turistics domana didament per ge fèr front a chest moment delicat. L’Apt ponta su la families e i schiadores fascegn Turism - Enstadì l’é stat chiamà ite l’assemblea de l’Apt de Fascia e chela di sozi Asat del Zenter Fascia. L’é n moment zis delicat per via de la crisa economica che se fèsc sentir ence te noscia val a vocazion turistica. L president de l’Apt Enzo Iori e chel de l’Asat Celestino Lasagna à metù dant l bilanz de la sajon da d’invern che moscia n smendrament de prejenzes e de jent ruèda a passèr sia vacanzes te Fascia. Chest per via del temp, del smaorament de la steores e de la burocrazìa semper maora. I operatores turistics domana atenzion e didament vedù ence che somea se meter dant na sajon da d’istà autertant zompa. Nos aon volù sentir l diretor de l’Apt de Fascia Andrea Weiss. Co éla jita la sajon da d’invern? Andrea Weiss: “Dai dac che à dat jù i operatores podon veder che chest invern l’é stat -5% de prejenze ma a veder i dac di skipass venui, olache l’é stat registrà n 7% de manco, vegn da dir che a livel economich la condizion la é amò più grieva. L president Asat del zenter Fascia Celestino Lasagna à portà dant dac de -15/30% ma gio crese che l rejone del vadagn, de la desferenza de faturat che l’é da n an a l’auter. Ence chest invern l’é stat operatores che à metù en esser condizion de priesc rebassé, chest à didà l’ocupazion a descapit del vadagn. Ma chest l’é n problem che Fascia se porta dò da egn e la crisa à smaorà amò de più l fenomen del rebas.” Aldò de la statistiches l soul paìsc che à tegnù chest invern l’é stat Moena. Perché pa? “Crese che l dat de Moena cogne esser valutà sul fora de sajon. Moena no l’à la forta vocazion del schi e donca peisse che chest paìsc sie stat bon de se parar da la mencianza de neif. A livel economich me sà che ence Moena la é en dificoltà, l’à abù na situazion manco pesoca ma l’imprescion l’é de na val che stenta per l turism. La jent l’à manco scioldi, la é più cruziada per l davegnir e chest no deida a comprar vacanze. Aboncont é l’imprescion

che soraldut sul marcià nazional sion en crescimonia. Fascia resta na bela destinazion, la proponeta de lech de vacanza la é recognosciuda, ma la é n muie tociada da chest moment de dificoltà economica. Aon vedù che ence i ghesć che pel se far l weekend, che i rua ence trei o cater oute te n invern, i é mencé ajache fosc i cherdea che no sie le condizion di portoes. No sion stac bogn de far passar la reala situazion, che enceben la mencianza de neif i portoes era en bone condizion de neif.” L’Apt o i privac aessei podù far de più per slariar fora le condizion otimale di portoes? “Noi sention la responsabilità de defener l’economìa turistica e chest an aon ence metù a la leta n sforz straordenar de promozion, no demò sui tg, ma ence con na campagna internet i prumes de firé. E Dolomiti Superski à fat na campagna straordenara via per l’invern, ma no aon abù l’ejit sperà. Per i privac portar inant da soi na azion de spervajion no l’é sorì percheche n messaje fat dai protagonisć enstesc l’é manco da creer. Noi pisson che la comunicazion sui sfoes sie la più azetada, ma aon vedù che no l’é stat assà. Fazile chi che era engaissé de jir coi schi i é ben ence vegnui, ma i numeres de Fascia domana duta la sort de jent. Le familie va olache le pel jir a pe su la neif e se goder la neif te paìsc.” Apontin su la families aede pontà la promozion da d’istà... “Le familie l’é l’element zentral per l turism de Fascia e per chest aon spent a meter ensema n club de prodot Fassalandia. Volassane cerir de smaorar la spezialisazion de n teritorie recognosciù per le familie e da man de valch hotel l’é stat investì n muie te servijes e struture. Chest nef club l vegnarà reclamisà travers l portal de l’Apt che l’é struturà aldò de le motivazion de vacanza: familia, sport, trekking e roda.” L’Apt investirèla semper l medemo budget per la

La radunanza de l’APT de Fascia.

scomenzadives da d’istà? “L’é stat mantegnù l medemo budget ma aon tegnù demò doi scomenzadive emportante: la rampinada per i bec e jir a veder le malghe. L’auter mez del budget l’aon durà per meter sù trei neves ofizies outdoor, a Moena, Poza e Cianacei olache se podarà aer azess a dute le autre scomenzadive leade al teritorie, olache se podarà troar persone competente a la leta del ghest, desche i compagnadores del teritorie o i bikers. Volon jir fora da la logica di servijes sporc per nia ajache ge vegn recognosciù pech valor.” Él novitèdes per l skibus? “Per l’invern che vegn l’é pervedù de domanar la partezipazion di ghesć. Col Comun general de Fascia sion dò che luron a n projet che revarda ence Fiem e Sèn Martin che i à i medemi problemes e la medema volontà de se meter ensema. L skibus l’é na gran endesfida ence se saon che no l’é la soluzion per la mobilità de Fascia. Ge vel che Fascia studie soluzion per na mobilità desvaliva e che la se dae na programazion per troar na soluzion per l trasferiment de la jent te la val. Se d’istà l’é assà i pulman, d’invern ge vel n projet dedicà a mever le persone che vegn chiò per jir coi schi. Sun 50.000 persone ades sion bogn de n mever demò 6/7 mile.”

situazion critiche jissa ben i impianc “en linea” de coleament anter i paìjes, che mete ensema per ejempie Col Rodela con Belvedere e Ciampac, ne portassa demez n muie de problemes leé al trasferiment de jent e fossa na soluzion che se podessa endrezar te pech temp. Medemo per Ciampedìe e Bufaure e valch da coscita ence per Soraga e Moena. N paìsc desche Moena che à tout na soluzion politica de se oujer a n turism zenza auti, l fat che per jir coi schi l’é de besegn semper di mesi a motor, l’é zeche che no va. Gio crese che sie giust jir envers n model douc de l’ambient ma ge vel aer ence i strumenc per l far. Fascia cogn doventar laboratorie de modìe neves.”

Coluna soluzions per na mobilità alternativa jissel ben per Fascia? “Gio peisse che olache aon

A l’assemblea aede proponet n smaorament de le quote di sozi e tel Südtirol vegnarà metù sù la tassa sul turism e la steora dedichèda. Él giust seghitèr a ge domanèr scioldi ai privac? “Te la provinzia de Trent l’é amò ressorse emportante per l turism, ma gio son a una tel didament di privac. Meter scioldi te l’azienda vel dir defener l’economìa de la val. Descheche l Südtirol à metù sù n provediment che porta a la defendura de l’economìa con cheste neve steore, ence l Trentin cognessa far l medemo varech. L’Apt ge à domanà n auter sacrifizie ai sozi, ma saon che chest l’é n sistem delicat. Ge volessa che duc dae so didament e no demò per sentiment zivich. Gio peisse che tel Trentin l’é ruà l moment de portar inant la lege su la steora dedicada al turism

conseier del Ski Team Fascia e l fajea pèrt de la Comiscion regionèla de brea. L dì dò ge aer dat l’ùltim encrescegol salut a Fiorenzo, la comunanza fascèna se à strent endò entornvìa na persona cognosciuda e benvoluda. Ence el sportif e maester de schi, Silvio Fosco l’era del 1943. N ladin leà a sia familia e a sia tera, de chela che l’à vedù l svilup, soraldut chel leà al mond del schi. Da la Scola de Schi sun Marmolèda a chela de Cianacei, da n scur a l’auter e dapò te boteiga a fèr schi. Acà pec meisc siane jic proprio da Silvio per l domanèr fora en cont de sia ùltima idea, chela de la stema con la bandiera ladina per i maestres de schi e de brea. (vr)

Fiorenzo Detomas e Silvio Fosco.

L recort de Fiorenzo e Silvio La comunanza de Fascia é stata tocèda da doi burta manconies Sozietà - En domenia na burta neva se à slarià fora te la comunanza de Fascia, la mort de Fiorenzo Detomas, e demò n dì dò la comunanza à sapù de n’autra manconia, chela de Silvio Fosco. Fiorenzo e Silvio, doi fascegn, doi maestres de schi e pascioné de sport, enstadì é se n jic massa prest dò na burta malatìa. Cognosciui e aprijié te duta Fascia, i à lascià n ejempie de vita e amor per sia tera e sia familia. Clas 1953, Fiorenzo Detomas, nasciù a Sèn Jan, l’era maridà a Cianacei olache l stajea con sia femena Emanuela e si fies Elia e Tania. Fin da pìcol l’é semper stat un pascionà de sport, che l prateghèa

30

www.lauscdiladins.com

te desvalives setores, dal paslonch a la roda da mont, dal schi alpin a la brea, disciplines de cheles che l’era maester. Adertura de la brea e de la roda da mont (de chel che l’era na guida) l’é stat un di maores promotores te noscia val, che proprio da sia idees e sia scomenzadives é doventèdes realtà consolidèdes te Fascia, ge dajan l met ai joegn de aer respostes concretes a si besegnes e sia pascions, chela medema pascions che ence Fiorenzo à semper abù e che l’é stat bon de ge passèr ence a si fies, atlec cognosciui te dut l mond tel setor de la brea. N profescionist te so setor giudize e endrezador de garejèdes, Fiorenzo l’era ence

che era jà stata proponeta. Ades se troaron te la situazion olache l Südtirol, nosc diret concorent, met penzin tel motor de la promozion de gra a cheste neve steore, e noi che aon paura de ge domanar ence demò n euro o doi a nesc ghesć per zeche che jissa a so vantac, che servissa a endrezar servijes per ic, che autramenter seghita a pesar demò sui operatores. L skibus per ejempie ades l peisa sui impianc portamont, sozi Apt, Provinzia e Comuns de Fascia. L’é giust che te na val che vif sul turism duc fae soa part. Chest pel vegnir fat demò metan sù la steora.” Che farede per tor sù neva adejions? “L’Apt à fat n video olache doi imprenditores disc che l’é emportant “ge esser” per didar l’azienda e l suzess de Fascia. Te chest video l’é ence nesc trei campions de schi. Chest invern sion stac bogn de i portar su la gran paladina del mond sportif ence coi scioldi de l’azienda. Ades servirà amò più scioldi e se no aon l didament de duc i operatores, faron fadìa.” L president de la provinzia de Trent Dellai l’aea emprometù n milion de euro se Fascia ge aessa portà dant na idea forta. Che aede pissà? “Aon abù più che na idea. Aon endrezà na campagna de vacanza ativa leada a la squadra de balon del Bayern che jirà fora sul marcià todesch, n auter event sarà l ritiro de la Fiorentina e dapò l prum conzert di Suoni delle Dolomiti che sarà te Duron ai 30 de jugn. No aane te gofa n gran projet da prejentar, ge volea temp per l meter ensema e ge volea le struture aldò. Fascia a livel de struture la fasc amò fadìa. Dapò part del sostegn economich jirà a la sponsorisazion di schiadores Deville, Gross e Costazza e jiron coscita a crear n projet aldò per sostegnir no demò le persone ma per soa valorisazion leada a la val. Cognon vardar de desfrutar a na vida giusta chest gran investiment.” Intervista de Monica Cigolla


Fascia

nr. 20 / 25 de mei 2012

Amò n istà col “Gust de la Lum”

A teater coi Paladins

L’é l terzo an che la sociazion FassaLux, col sostegn di Comuns, vida i bec per n istà de scomenzadives de spas e ensegnament

Nicola Merli da Cianacei l’à prejentà enstadì la sociazion culturèla “I Paladins”, nasciuda per ge dèr ai joegn neva prospetives de vita e neves orizonc

Sozietà - Vedù l bon ejit di egn passé, nos joegn de la sociazion FassaLux se aon pissà de jir inant e de fèr a na vida che l “Gust de la Lum” dovente n projet continuatif. Donca ence chest istà, per i joegn anter i 13 e i 16 egn de la Val (da la clas seconda de la scola mesèna fin la seconda de la scola auta), vegnarà endrezà la terza edizion de “DnaGust de la Lum!”, na scomenzadiva sostegnuda da duc i Comuns de noscia val. L program de chest an perveit de scomenzèr ai 23 de messèl e jir inant dapò enscin ai 31 de aost, con desvaliva ativitèdes dal lunesc al vender, da les 8.30 da doman fin les 16.30 domesdì. A duc i bec che tolarà pèrt ge vegnarà

proponet n program amò n’outa originèl, rich e algegher. Aló da l’oratorie de Poza vegnarà endrezà dì per dì momenc de jech, de stèr ensema, de festa; se sà ben, da spes se jirà stroz a pe, sa mont, ti ciantons più carateristics, a descorir i posć più bie e curiousc de noscia valèda. Ogne dì sarà n grop che cojinarà, che netarà sù, che lavarà jù, per emparèr mìngol i mestieres de cèsa e soraldut a se meter a la leta di etres. Chest an a la scomenzadiva ge vegnarà dat n tai “biologich”, su la valorisazion del corp, con setemènes a tema olache ogne bez podarà se vardèr mìngol miec, daìte e de fora. Muscoi, cher, polmons, cervel, eies, mans... Marevees che

besegna cognoscer, percheche se les posse aprijièr e respetèr. Se fossa debesegn endèna l cors vegnarà endrezà ence ores de studie spezifiches per la materies de scola da se recuperèr. Dò l gran e positif ejit di doi egn passé, speton endò n bel numer de enscinué, per ruèr a tastèr endodanef duc ensema l’ensaorì e piajegol “Gust de la Lum”! Se cogn se scriver ite dant dai 31 de mé. Duc i genitores enteressé i pel troèr duta la informazions sul sit internet de FassaLux olache l’é ence i numeres de telefon e ence desvalives retrac. Thomas Zulian

L grop di bec che à tout pèrt al “Gust de la Lum” l’an passà.

Didar... l’esperienza più bela Va inant i contac anter la comunanza de Fascia e si volontadives e la pediatrìa de Kimbondo tel Congo Solidarietà - En domenia ai 22 de oril, n grop de 8 fascegn che tel meis de jené de chest an i era jic doi setemane a Kimbondo a didar, i é partii da Poza per jir a Milan. Vittorio Rasom, Vanessa Tomasi, Leopoldo Rasom, Vincenzo Rasom, Ivano Winterle, Ivano Florian, Andrea Ruzzu,

Giulio Florian, compagné da Franco Desilvestro, president del Grop Miscionarie Freinademetz, i é jic a saludar Padre Hugo, l medico e preve cileno che à fondà l’ospedal e orfanotrofie tel Congo. Vanessa la ne conta che l viac l’é stat n muie bel e pien de

Sociazions - L’é n muie cognosciù chiò te val e l’é dò che l se fèsc cognoscer ence fora de ca. L’é Nicola Merli e tel teater l’à troà sia vita. L’à scomenzà a Bologna con la scola de circo olache l’à abù l met de cognoscer n regist dal Cile che l l’à portà a lurèr te la Franzia, a Parigi. Te chela zità Nicola à abù l met de lurèr e studièr te teatres de nonzech, desche la Scola Internazionèla de Teater “Jacques Lecoq” olache l’à cognosciù Philippe Gaulier (maester ence de Roberto Benigni). Acà 2 egn, l Comprenjorie de Fascia aea finanzià l spetacol “La Conferenza ladin-catalan” e da chela dì, ne conta Nicola, “gé me é sentù ben a cèsa e é dezidù de restèr chiò”. Apede a “Nick l Clown” dalbon cognosciù, da chest an Nicola l’é ruà ence vin Badia, vin Gherdena, vin Rèba e ence fora per Fiem. Aon fat na ciacolèda con Nicola Merli sun la sociazion Paladins, nasciuda ai 15 de dezember del 2011, canche fora Ciavaleis l’é stat depojità la chèrtes del statut. Che él la sociazion Paladins, co éla nasciuda? Nicola Merli: “La pruma outa che me é vegnù l’idea de meter sù na sociazion l’é stat l dì del diplom de la Scola Philippe Gaulier. L’era mia ùltima net a Parigi e é sobito pissà che l lurier gran fossa tacà proprio te chela dì. Gé é abù dassen na gran fortuna, apede che aer na familia che me à dat na man ence a livel emotif, e me é pissà che no l’era giust tegnir duta chesta fortuna per me, ma ge la dèr ence a valgugn de etres. Che me à dat amò la più gran spenta envers la sociazion l’é stat l secondo spetacol per la Festa ta mont, “Memories de Fanes” e i laboratories de teater de La Risola. L’é stat na gran esperienza ence a

livel uman, é vedù n gran potenzièl te Fascia e me é proprio dit “i joegn de Fascia i merita”. No posse dir che l teater sie la responeta per duc, ma l deida. “I Paladins” l’é na sociazion che no se cruzia demò de teater, ma la se cruzia di joegn tras l teater. L’obietif l’é ge dèr l met ai joegn de proèr esperienza desvalives, che ge serf e che pel i didèr ence te la vita. Mie obietif te dotrei egn l’é realisèr na compagnìa de teater e ruèr a parlèr de chel che sozede te Fascia. Te ogne sozietà, e ence te Fascia l’é “virtù e vizi” e de chel me piajessa parlèr, con humor e zenza dèr giudizies.” Da olà vegnel fora l’inom Paladins? “Paladins l’é chi che stèsc sun paladina, chesta l’é l’idea de basa, dapò é rejonà con jent che é più “inant” e i me à dit “Nicola, t’ès creà n neologism!!!”...e coscita la é stata. Me piajea l’idea de aer mìngol de humor.” De tenc siede? “De 31 endèna. Aon abù ence l’onor e l privilege de aer ti sozi la Procuradora de Fascia, Cristina Donei. Pel se scriver duc chi che vel, ogneun aldò de sia desponibilità e de chel che l se sent de fèr. No pertene che la Procuradora vegne a fèr comedia con nos, ma magari che la vegne a ne veder.” Èste jà projec per l prum davegnir? “Chest istà luraron con “Stroz”, l spetacol scrit per la prejentazion de la sociazion, e dapò da setember tacaron endò coi corsc de teater de La Risola. Volesse seghitèr coi projec de teater, ma che no sie demò spetacoi finèi, volesse fèr n percors continuatif con i joegn de duta Fascia. (vr)

grignade. Rué a Milan, l grop l’é jit te ciasa de Laura Ossari che la é presidenta de la sociazion “Hub for Kimbondo” olache i à scontrà Padre Hugo che l ge à contà che i lurieres de la pediatrìa i va benon. L zenter trasfusional l’é prest fenì, la ciasa de Mama Betty la é dò che la va inant coi lurieres e la “machina da l’ossigeno” la é dò a didar n mont de jent e de picioi, da la pediatrìa e dai paìjes vejins. Dapò P. Hugo l ge à contà che l’é n muie de bec neves, e che ades i é presciapech 750. I é jic a marena con n auter grop de volontariat da Modena e i à ence scontrà Bruna Galli, na joena da Milan che i aea cognosciù de jené. Padre Hugo l’é semper de prescia, l’é vegnù te la Talia demò per portar trei bec de la pediatrìa per na operazion a l’ospedal Niguarda de Milan, e l vegnarà endodanef de jugn per se tor chisc bec e fosc enlauta l podarà far n picol viac ence te Fascia.

P. Hugo Rios a Milan coi volontadives fascegn e i raprejentanc de autre sociazion che deida l’ospedal e l’orfanotrofie de Kimbondo tel Congo.

Chiara Rasom

Nicola Merli, te mez a si amisc e prumes sozi de la sociazion “I Paladins”. www.lauscdiladins.com

31


Fascia

nr. 20 / 25 de mei 2012

I fiores più bié del mondo l’é chi dl desert Veronica dl Tinoto ne conta de la marevees dl Desert Vert no l rata daperdut e da chiar se vesc calche bela palma. A oite se bina entorn la palma cescogn più o manco gregn che i se empreval de la ombrìa e de l’umidità dl teren per meter raìsc e calche oita l’é ence calche pola de èga sot tera che passa, enlaoita se forma en belot grop de piante verde. Aidà dò en mingol, perfinamai i é stac bògn de empiantar le pergole de la ua e bele aló olache l’era dut desert se vesc file verde de vigne che le produsc de bon vin. Da chigiò l’é vegnù fora i agriturismes con sove ciasote dò la idea Europea e chigió l’é stat sperimentà per la prima oita i tulins del soreie metui sun cuert. No sè se l’é merit dl coltivator de fiores dl desert, i più bié dl mondo el disc “fosc percheche no l’à vedù nösc prè anter i Dolomic, tel colm de la fiorijon...” El Desert Vert el se troa vejin dal Mar Mort, l fasc part del gran desert Negev e a forza de dai l’é vegnù fora n belot gran vilaje turistich olache, el conta l coltivator de fiores da la gran barba biencia, rua a schiapes i turisć rusci e norvegesc che ge sà bel se n star dafora via da majon e se goder el luminos de le albe e i ciamorces che sauta spevies e contenc anter en desch e l’auter. La carovana di ciclisć la part da chigiò per arjonjer tel desert i paesoc di Beduign e olache i pòl se magnar chel bon pan che fasc

La rösa del desert, per latin Adenum.

“I fiores più bié del mondo l’é chi dl desert”, coscita amàncol el la pensa n coltivator de fiores e de autre piante, che l’à cernù de viver tel desert enlongia al Giordan. En desert che ades i ge disc “el Desert Vert” frut de so lurger. I fiores del desert i é rares e aprijé no demò percheche i é bié, ma l’é na maravea i veder crescer, veder come che ogne pianta la “aida” l’autra a soraviver tel procaciar umidità te l’aria e chel mingol de ombrìa che aida a respirar le föe.

Fosc l’é coscita che nasc le oaji, olache piante e albres i ge rua a meter raìsc te mez a spianade e coi auc de sabion. Endana de un fior saon l’inom, l’é la rösa del desert che l’à ence so bel inom latin: Adenium. L’é na fior forta, la soporta tempes senestres e desvalives e la fiorisc canche manco to tel spete. Le palme l’é l’alber tipich del desert, come da noautres i peces, l’é n alber elegant da no poder el confrontar con autres albres. L’é stat emportà ence te l’Europa, ma

L stambech del desert del Negev.

ic, zircondè da tosac che ge fasc festa e da le ciaure che sauta entorn. El confina con el Mar Mort, l desert Negev, e ence chigiò el giardinier da la barba biencia l à trasformà n cianton de desert en giardin botanich tra i più bié del mondo con piante che vegn da le foreste di tropici e chigiò le soravif seènce che no l piöf mai. Jent da dut el mondo zircolea su la rosta dl Mar Mort, de 416 metres sot l

livel dl mar. Valgugn à “captà” anter i turisć la osc de l’astronaut che el sgòla, un ti tenc oramai, con sò naveta tel Spazie e dut content el fasc al saer che da colassù dal gran Spazie el vesc la Tera belota torona e ènce duta bela verda. Tel 2000 l’é ampò nia de ‘mposcibol. Veronica dl Tinoto Gabana

Chi él pa? Soluzion del retrat su La Usc nr 19 del 2012 L retrat publicà la setemèna passèda ne era stat manà per mail da Claudio Gabrielli de Pavarin che l ge era stat dat da sia jormènes Annamaria e Luciana de Pavarin enciasèdes a Busan. Descheche aon jà scrit l’outa passèda, l retrat tol jù n grop de fascegn en pelegrinaje forin Baissiston te la seconda metà di egn ’30. A ne dèr la resposta, apede a Annamaria e Luciana, l’é stat Maria Luisa Balzan da

Cianacei e Lino Medico da Poza. Da chel che i ne à dit, sul retrat l’é: 1. Santo o Tate Pascalin; 2. Maria de Bepo de Fiama, patrona de l’Hotel Belvedere; 3. Maria da Ciampedel, mère de Rosetta de Vito Pitscheider; 4. Giulia Battel ved. Fosco de l’Albergo Grìes; 6. Giovanni Gudauner de Tin da Cianacei, bèrba de Maria Luisa; 7. sia femena Maria Gudauner; 8. Rita Dassala, serva de don Fortunato Rossi; 9. Olga Piaz de Pavarin, femena del nr 19; 10.

23

24

25

22

21

18

17

16

nr.18 e 25); 21. Tomèsc da Molin; 22. so fra Gigio da Molin (Riz?); 23. Cristoforo Tofi Debertol; 24. Adolfo Iori, Dolfo de Beta mort en vera; 25. Alfonso Favé, Fonjo Zoch. Chest’outa ve meton dant n retrat che vegn da Poza, e endèna no ve dijon de auter. Ve envion a ne dèr voscia resposta dant da mèrtesc sera te redazion, ence per telefon o fax al 0462.764545 o per mail a la direzion lausc@ladinsdefascia.it. Chi che ne dèsc la resposta giusta

ciapa en don n liber o n CD de musega sporc da l’Union di Ladins de Fascia. Desche semper ve envion ence a chierir fora i retrac veies che aede te vèlch crigna e ne i portèr te redazion a Sèn Jan, olache podon i tor sù col scanner e ve i dèr de retorn sobito. A chesta vida ne didède a viventèr chesta rubrica e a meter ensema vèlch mizacola de storia de noscia jent. Develpai!

15 14

20 19

1 2

32

Rosina Pascalina, patrona de l’Albergo Rosa a Ciampedel; 11. Santo (ma per Maria Luisa l’aessa inom Sandro) “orbo” da Dèlba; 12. fosc l fra de Giulia Battel; 13. fosc Luigi de Martel; 14. Flora Inama da Salorn che lurèa te refuge de Tita Piaz; 15. don Fortunato Rossi; 16. Fonjo Dantone del Pic; 18. Angelo Favé da Grìes, fra del numer 25; 19. Tita Bernard de Lenert, om de Olga Piaz; 20. Gigio Dantone del Pop (per Lino fossa Bertol Favé, fra di

5

3

www.lauscdiladins.com

4

6

7

8

9

11

13

10 12

1

2

3

4

5 6

7

8

9


Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

nr. 20 / 25 de mei 2012

Val Badia

Forumteater tla Val Badia Le regist de teater y atur Simon Kostner à portè na forma scialdi nöia y interativa de teater tla Val Badia. Forumteater vëgn originariamënter dal Brasil y à bele fat raîsc inće te Südtirol

Edipo re Val’ conscideraziun söla presentaziun a La Ila

I jobleri cun Simon Kostner (regist y moderadù) y Gabriel Crepaz (assistënt ala regia).

Teater - Tratè él gnü tles cinch rapresentaziuns de chësc pröm Forumteater badiot indöt cater “scenes”, döes por serada. Le grup é stè a Calfosch, Badia, La Val, San Martin de Tor y Al Plan. A La Val - olache i sun stà - él gnü presentè i dui tòć “Surandada” y “Jüch”. Scrit êl tla presentaziun de Formuteater tla Val Badia: “Forumteater é na forma de teater, olache le publich à la poscibilité da dì la söa. Deboriada vàn al’archirida de soluziuns por i pici y i gragn problems che vignun de nos po avëi tla vita da vigni dé, söl laûr, te familia, sön strada... Forumteater pëia ia dal’idea che düć à valch da dì. Vigni ëra, vigni ël y vigni möt po tó posiziun, tó la parora y, te nosc caje, aprofité dla paladina por dì la söa, sciöche al ê bele inlaôta tl ’forum’ dla vedla Grecia.” Impröma él gnü presentè la scena “Surandada”: tratè gnôl le conflit dantadöt danter n pere y so fi por la gestiun dl hotel, le möt y söa chestiana ess orü plan plan tó tles mans le tomun dla gestiun, mo le pere é daldöt decuntra... Le secundo tòch tratâ la problematica

dla dependënza dal jüch y dal śoghè a scioldi: na uma ô oje so möt dependënt dal jüch sön la dërta strada, a bones y inće a ries...

Impresciuns Do che le tòch te teater vëgn portè dant desco scrit y programè, él le moderadù dla sessiun - te nosc cajo le regist y coordinadù Simon Kostner - che fej pié ia le tòch ćiamò n iade, en chësc iade indere davert a stops y mudaziuns: sides le coordinadù co vigni porsona tl publich po archité le jüch y mudé val’: smorjelé sö le tonn dles figöres tl teater, oje sü dialogs dal bun al mal, meton laprò ćinamai jobleri nüs... Forumteater à ma suzes sce l’interativité funzionëia. Le moderadù mëss fistidié che vigni intervënt cun mudaziun garetes, y che le conflit y les confruntaziuns romagnes inant protagonistes. A nia ne portassel, sce la trama prinzipala y le laitmotif y conflit “fi cöce” gniss eliminé. Al é da ciafè strades y poscibilitês de soluziun. Sambëgn mëssel ester conflić dà dant te chisc tòć de teater, zënza conflit degun confrunt y degöna intervenziun da pert dl publich.

Le publich mëss gnì scassè dal conflit tratè dai jobleri sön paladina, desche le fat che vëgn cuntè dai jobleri tocass vignun instës tl publich. Ester él n teater che dess ester al sorvisc dla pedagogia y psicologia. Y al é n teater che à inće n fin sozial y ćinamai terapeutich. Püch de fat él sce al vëgn sperimentè chisc conflić ma cun “teater” y “divertimënt”, bel él sce “umes” dal publich aconsiëia y critichëia la “uma” tl teater, o sce na “jona” dal publich se fićia ite tl comportamënt dla jona sön paladina... Interessant él inće da odëi che dan man él dagnora le dialogh (desco tl dërt teater) y che inće l’impuls dal publich o le joblere ocajional dal publich po ma gnì metü en at baian cun i atri “jobleri”, insciö capitëiel adöm forzes y faturs che mëss pa impormò “se baié” por jì o menè n conflit de val’ vers. Metü man àn naôta cun chësc teater, por y dla jënt, tla Val Badia, y dessigü fóssel da portè inant inće n ater ann: i problems à da gnì anunzià y baià fora, degun pedagogh y psicologh ne varësc la jënt zënza baié impara. (iaco rigo)

Le jonn che à anunzié les rapresentaziuns dla tragedia greca “Edipo re” a La Ila à scrit söl evënt “Sëise stüfs dla findlédema sciöche zënza? Gnide a ti ćiarè a nosta tragedia tlassica Edipo Re, che ves fajarà nasce y morì le medemo dé!” Al é n bel pinsier che inviâ dantadöt i atri jogn a La Ila tl Salf dla Ćiasa de Cultura a na manifestaziun n iade nia ćiariada de action, carabal, musiga, boandes... Cun nasce y morì le medemo dé vëgnel tut ca ći che Tiresia ti dij a Edipo tl tòch de Sofocles. Al é la tragedia dla Grecia Antica y Grecia Tlassica plü conesciüda, chësta de Sofocles, y le gran filosof y scienzié Aristoteles à dit che al é la “miù”. Bëgn, la terza tlassa dl Lizeo Linguistich La Ila à orü cun danfora - so professur Carlo Suani y la regista Erika Castlunger, tó sö chësta desfida da presentè sön paiun “Edipo re”. Al vëgn cuntè dla vita y dl destin de Edipo, che à - zënza che al le sais - copè so pere Laio y maridé söa uma Giocasta y inće cherié mituns impara. I dèi jüta sön döta la cité de Tebe la malediziun. I complimënć por les rapresentaziuns de “Edipo Re” a La Ila i va dantadöt ai jogn y ales jones instësc. Impröma à chisc studënć de nüsc paîsc messü se dè jö cun la mitologia greca y cun la leteratöra y le teater dla Grecia Antica. Analisé la figöra de Edipo Re ô dì s’insteressè dantadöt de na personalité complessa y da i jì sot te söa psica. Laprò vëgnel le raport che i grecs da laôta â cun sü dèi, cun la sfinx y l’oracul - raporć che condizionâ le destin nia ma de resc, mo de düć. Scebëgn che les cherdënzes ai dèi grecs (politeism) y les profezies de oracui tomass demez aldedaincö

tla analisa psicologica dles personalitês dla tragedia de Edipo Re, romagnel düć i atri aspeć de natöra antropologica che sta sura dötes les cultures y i tëmps ia. Edipo Re ne “mör” nia. N lalt ai studënć dl Lizeo da La Ila dantadöt por les prestaziuns teatrales (portamënt, rezit, cors de rezit te grup). Nia da crëie rî é le rezité te n grup a plü usc, inće ma bele de dui, spo pa sce an é na desëna. Rî é sigü inće stè le imparè ite i monologs y dialogs tl talian plü teatral y fedel al original grech antich de Sofocles. Les malsigurtês, öna o l’atra, tl savëi adamënz y jì inant cun i dialogs pòn capì saurì te chësc teater a La Ila che s’à damanè da aturs ocajionai y daldöt amaturs cualitês straordinares y particolares. Por chëstes jones y chisc jogn él dantadöt important che ai pois se fà na te’ esperiënza - insciö impari ći che teater a n cer’ livel é, y ći che chësc teater se damana da n atur. Val’ talënt por chëstes paladines fóssel dessigü inće te nüsc paîsc, y chësta sort de teater fajess ma bun a döta nosta usanza y tradiziun teatrala. La strutöra dl teater “Edipo Re” d’La Ila é stada dër buna, la dinamica generala inće. L’atmosfera, inće esoterica de palac y tëmpli da laôta, àn inće podü sintì para. Le “genius loci” (ester a Tebe incër le 430 dan Crist, cun dötes les zircostanzes de chi posć y de chël tëmp) él inće gnü trasmetü assà. Personalmënter sunsi gnü trat ite te nüsc tëmps - y n pü’ fora dl’atmosfera - tres i tòć de musiga che jô jö danterite, massa eletronics y (a chësta moda) foresć. Val’ percusciun dal vi y val’ sonn de stromënt natural linear ess bunamënter oghé deplü. (iaco rigo)

Tratan la rapresentaziun da en sabeda sëra.

Momënt fora dl tòch che trata le problem che le pere n’ô nia i surandè la gestiun dl hotel a so fi. www.lauscdiladins.com

33


Val Badia

nr. 20 / 25 de mei 2012

Otcënt km saltà por n bun fin En sabeda ai 5 de mà 2012 él gnü tignì tla Scora elementara da Corvara n dé particolar dediché ala benefiziënza por mituns de Nairobi tl Kenia

Tl monn dles stories cun i fredesc Grimm La scora elementara y la biblioteca da La Val à invié Margret Bergmann a lì dant stories di fredesc Grimm

Le gröm de mituns al start.

Scora - Cun cil curì, mo sconà dala plöia, s’à abinè i 68 scolars cun geniturs, familiars y amisc dan la plaza de scora. Cun buna vëia y motivaziun êi arjignà da tó pert al proiet dla youngCaritas “Laufwunder”, la saltada di miracui, che tröpes scores de

Südtirol à tut sö sciöche buna iniziativa por recordè la meseria y daidé. Cu n c h ë s t a i n i z i at i v a particolara, piada ia dala organisaziun dla Caritas da Corvara y Calfosch, él gnü invié ia n dé da saltè por daidé mituns,

I mituns y i acompagnadus messâ ćiarè da saltè le plü iadi che ara jô le percurs (ca. 850 m), por vigni roda ofrî sü “sponsors” 1,00 euro por l’Africa.

34

www.lauscdiladins.com

a chi che ara ne ti va nia tan bun co a nos. Bele denant s’à vigni scolar chirì un o deplü sponsors che daidass sostignì finanzialmënter chësta iniziativa. Te chësta ocajiun messâ i mituns y i acompagnadus ćiarè da saltè le plü iadi che ara jô le percurs stabilì (ca. 850 m), y por vigni roda ofrî sü “sponsors” 1,00 euro. Cun la gran partezipaziun y l’aiüt di geniturs y de amisc à i scolars da Corvara arjunt na bela soma por sostignì n proiet tl Kenia. Le proiet tol ite la costruziun de na scora che porta l’inom “New Life” (vita nöia), olache vigni möt à la poscibilité da ciafè nia ma n past ćialt, mo inće na istruziun. A sostignì chësc proiet é inće gnü l’atlet Marco Grigis da Calfosch, campiun dl monn 2011/2012 de snowboard tla disciplina de “Slopstyle”. Pici y gragn à tut pert cun gran motivaziun y ligrëza, zënza sconè fadies, savon che cun so aiüt finanziar podôi daidé i mituns dl Kenia. N gran dilan a düć chi che à tut pert. (Scora Corvara)

Scora - Sce les istituziuns de n paîsc é bunes da colaborè él dagnora val’de positif y i resultać po se lascè odëi. Sides la biblioteca co la scora prô da descedè la ligrëza ti mituns por la letöra y ti presentëia libri cun aziuns nia da vignidé. La concorënza cun le PC y tablet é sigü grana, mo lì n liber é intres ćiamò n’aventöra por i leturs. Cis te chësta eté resta i mituns afascinà dai personaji che an ciafa tles stories. Les ilustraziuns à na gran importanza por ëi, sce le cuertl ne ti plej nia, spo ne vëgnel gnanca imprestè fora. Le dessëgn mëss trà l’atenziun y fà gnì coriusc i scolars.

I 200 agn dales prömes stories Al é gnü invié la conesciüda Margret Bergmann, che s’à bele fat n inom te Südtirol cun lì dant stories por mituns. Al é gnü tut la

dezijiun da lì dant stories di fredesc Grimm, deache chësc ann vëgnel festejé i 200 agn. Tl ann 1812 él gnü de fora por le pröm iade na racoiüda de stories di fredesc Jacob y Wilhelm Grimm. Te chësc liber él da ciafè 86 stories, chëres che nos düć conesciun. Sambëgn che te 2 ores ne podôl nia gnì lit dant dötes les stories, mo ma n valgönes. Bergmann é na porsona positiva, che porta dant cun gran pasciun y é buna da trà l’atenziun di mituns. Les stories é gnüdes portades dant te n lingaz saurì da capì y al ê n gran chît y n’atmosfera dër plajora. Por trà ite i mituns y i lascè tó pert ales stories, ài inće podü fà bai y ćiantè. Ala fin ti é ćiamò jü n dilan ala bibliotecara Margit por avëi organisé chësta incuntada cun le monn di fredesc Grimm, che ti à dër plajü ai mituns dla scora. (Rudi Moling)

Margret Bergmann ti à cuntè stories di fredesc Grimm ai scolars da La Val.


Val Badia

nr. 20 / 25 de mei 2012

Pop-rock te scora Ai 5 de mà él finalmënter gnü le dé a chël che tröc scolars, mo bëgn inće les maestres dla scora elementara da Lungiarü, s’à dadî confortè. Al é gnü te scora le grup musical ”Vintage” a nes ciafè Scora - Dl grup ”Vintage” fej pert Armin, Michael y Peter che sona les chitares, Erich che sona la bateria y les döes ćiantarines Anna y Anita. Tla palestra dla scora à i musizisć arjigné ca sü stromënć y danmisdé, do la pausa, ti ài portè dant a scolars, ales maestres y a n valgügn geniturs n bel pice conzert; danter l’ater ài presentè por le pröm iade döes ćianties de süa produziun, che à dër plajü. Ai à partì sö i mituns te trëi

grups y ai s’à tut dlaorela da ti mostrè i stromënć, da ti splighé la tecnica di aparać, da ćiantè impara y i à lascè inće instësc sonè. I mituns à fat dër impara y à desmostrè n gran interes por la musica pop-rock. Nos maestres ùn odü dër de valüta l’impëgn de chisc jogn, che s’à tan porvè da ti fà na ligrëza a sü pici fans. I ùn aprijé che ai à ciafè le tëmp da gnì te nosta scora y che ai s’à arjigné tan bun a chësc

dé. Ala fin n’à nia manćé inće na picia sorpresa fata da valgügn mituns. Inće ëi à sonè y ćiantè n tòch che podô se lascè aldì. An odarà sce chisc sarà tl dagnì i concorënć di Vintage. Scolars y maestres rengrazia por chësta iniziativa y ti aoda ai Vintage suzes y de beles sodesfaziuns cun la musiga. La scora elementara da Lungiarü

Le corp sciöche percusciun Tla mesana da La Ila él gnü tignì n proiet de ”Body percussion” Scora - En vëndres ai 4 de mà à i scolars dla scora mesana ”Tita Alton” da La Ila podü tó pert al proiet de ”body percussion”, organisé da Badiamusica, adöm ala Direziun raionala de Badia y al Consëi Cultural dl Comun de Badia. ”Body percussion” ô dì adorè le corp sciöche n stromënt a percusciun. I mituns à podü porvè fora instësc les tröpes poscibilitês

che an à da fà musiga cun le corp y ai à inće imparè che no ma le corp, mo inće la usc po gnì adorada sciöche n stromënt a percusciun. Referënć de chësc proiet ê le grup musical ”Contakt” cun a će Christian Miglioranza. Le grup ti à pité ai scolars inće n pice conzert cun stromënć a percusciun, che à albü dër tröp suzes. (Konrad Tavella)

Les percusciuns é stades al zënter de n proiet tla mesana da La Ila.

Scolars da Lungiarü cun i musizisć dl grup "Vintage".

N vare zoruch Secunda discusciun, mo indô nia de fat. Le consëi de comun de Badia n’é nia stè bun da se gnì sön le post por la sënta dla scora de musiga dl’alta valada. Comun Badia/1 - Delujiun por le diretur dla scora de musiga Raimund Pitscheider, delujiun inće por l’ombolt Iaco Frenademetz. Le consëi de comun n’é por le secundo iade nia stè bun da se gnì sön le post por la sënta dla scora de musiga. ”Badia o La Ila?”, ê la domanda. Ot aconsiadus ê por La Ila, set por Badia y dui s’à astegnü, insciö n’él degüna maioranza dl consëi (50%+1) por öna na sënta. Contlujiun: nia de fat.

elementara. A La Ila danter la mesana y l’ITC. L’ombolt à bele damperfora orü mëte na merscia cun les parores: ”Mi cör bat por Badia”. Un de sü argomënć: cun la dortoraziun dla elementara de Badia (che vëgn finanziada al 90% dala Provinzia), fóssera jüda da sburlè ite inće val’ cosć dla sënta dla scora de musiga (che ne vëgn nia finanziada da Balsan), y cun na sënta a La Ila n’éssel nia salpü ola mëte man por pié do finanziamënć. Por Badia - o cuntra La Ila - s’à Tröpes minunghes dla discusciun tlermënter pronunzié l’aconsiadëssa ân bele aldì pro la sentada ala fin y direturia dla direziun de Badia de merz. A Badia fóssel preodü da Claudia Canins, dijon che na sënta fà n frabicat dlungia la scora a La Ila cheriass gran strentöra, y tl dagnì inće dificoltês por n ampliamënt eventual dla mesana y dles scores altes. A Badia vëiga Canins indere la lerch y l’ambiënt adatè por la strotöra y por la scora, sciöche inće les premisses por cherié n zënter nia ma scolastich, mo inće cultural. ”La Ila é le post falè!”, süa minunga categorica. Por l’assessuria Roberta Rinna Mellauner é La Ila le dër post, deache le paîsc é zentral, deperpo che na Le dirighënt dla Müjiga de Badia Fridl sënta a Badia oress dì por Pescoller y le diretur dla Scora de Musiga tröc geniturs de majeri spostamënć da menè i Val Badia Raimund Pitscheider.

mituns ai cursc de musiga, n problem cis de sajun. Minunga partida inće dal assessur Gustav Rudiferia. L’assessuria Edith Dapoz à invié da se conzentrè deplü sön la strotöra y nia söl post, meton sön mësa l’argomënt che a Badia se lasciass la sënta realisé te tëmps plü cörć, deperpo che por La Ila podéssera doré plü dî: ”I ùn bele pordü la ferata. Tla Val Badia sunse i ultims di ultims”. Tla discusciun él inće gnü alzè fora plü iadi che la Scora de Musiga dess ciafè na sënta ma süa, y a Badia n’él de chi - sciöche l’aconsiadù Werner Pescosta - che arata che la spartiziun ne sides nia dada, dal momënt che l’alzada jöbas dla scora de musiga tocass ćiamò pro la elementara. Minunga sostegnida inće dal aconsiadù Günther Fistill.

contlujiun. N pladoyer por Badia à inće fat Pescoller, che à osservè: i argomënć por La Ila é ma le trasport di mituns, deperpo che por Badia baia la lerch, les strotöres, les premisses por podëi desfiré bun l’ativité dl istitut. ”Nos messun ponsè ći che é musicalmënter le miù”.

Dezijiun de ćiampanì y nia de bun sëns Insciö passân ala dezijiun. Mo ćiamò denant à l’aconsiadù Emerich

Pedratscher sburlè ite na saìta, dijon che al foss stè a vigni moda na stleta dezijiun, dal momënt che le consëi ê despartì, y che tröc argomënć portà dant n’ê nia detà dal bun sëns, mo pretesć por ascogne le ćiampanilism: ”Do che dötes les listes à metü te so program l’orentè da jì sura i ćiampanis fora, é chësc n stletiscim ejëmpl”, sües parores. La dezijiun é stada chëra che é stada. Co che ara jarà inant cun la scora de musiga odaràn. Tla sentada n’él nia gnü dit sce y can che l’argomënt gnarà indô tratè. (pablo)

Le diretur: Badia é ideal Ala fin à baié inće le diretur dla scora de musiga Raimund Pitscheider y le dirighënt dla Müjiga de Badia Fridl Pescoller. A desfarënzia dl ultim iade, s’à le diretur pronunzié en chësc iade tlermënter por Badia, argomentan cun la gran ativité culturala y musicala te paîsc, les strotöres bel dlungia por pité conzerć y tignì proes (dlijia, ćiasa dles uniuns, paiun). ”Badia é ideal”, süa www.lauscdiladins.com

35


Val Badia

nr. 20 / 25 de mei 2012

Le liam danter les generaziuns Bëgn 391 scolares y scolars à dè jö n dessëgn por le 42. Concurs internazional de dessëgn Raiffeisen 2012, che â sciöche tema le liam danter jogn y manco jogn. A La Ila él gnü tignì la premiaziun cun de bi pesć. Trëi dessëgns é gnüs menà a Balsan por la valutaziun provinziala

Trëi dessëgns é gnüs menà inant a Balsan. Les davagnadësses cun i surastanć dla Cassa Raiffeisen, dla scora y dl Comun de Badia.

Premiaziun dl concurs de dessëgn a La Ila.

Concursc - Bele da 42 agn incà vëgnel invié ia le concurs internazional de dessëgn Raiffeisen. Vigni ann tòlel pert passa 1,5 miliuns de jogn de 7 naziuns: Germania, Finlandia, Francia, Luxemburg, Austria, Svizra y Südtirol. Por l’unicité y la grandëza dl concurs él ince gnü nominé tl liber Guinnes di rècords.

le concurs. De jenà ti él spo gnü partì fora a düć la brosciüra cun les informaziuns menüdes y le quiz dl concurs. Por mirit dl sostëgn da pert di insegnanć, à śëgn i scolars podü svilupè cun süa gran fantasia i bi dessëgns. Chisc é spo stà da odëi dai 16 ai 27 d’aurì te na mostra a La Ila, tl salf dla Cassa Raiffeisen.

Bele da tradiziun mët da ji la Cassa Raiffeisen Val Badia le concurs a rotaziun, tles scores dla Val Badia y Fodom. Iniann à tut pert por la Val Badia düć i scolars dles elementares de Badia, La Ila y San Ćiascian. Implü i scolars dla mesana da La Ila.

La comisciun de valutaziun di dessëgns ê metüda adöm dal prof. Lois Rottonara dal dr. Karl Miribung, dal prof. Alfred Tavella y da Lucia Drigo, che s’à dè jö cun la valutaziun de düć i dessëgns. La festa de contlujiun y premiaziun dl concurs é gnüda tignida a La Ila, tla Ćiasa de Cultura, y à odü na gran partezipaziun de scolars che s’la confortâ da pié do val’ pest y da savëi sce so dessëgn â davagné le plü bel pest.

Indöt él stè 391 mitans y mituns che à tut pert y à svilupè le dessëgn aladô dles indicaziuns dl concurs. Le tema ê ”Jonn y manco jonn - ći se liëia pa?”. An orô sensibilisé söl’importanza dla familia. I gragn valurs dl raport danter möt, geniturs y suradöt neni y lâs. Ći podunse pa imparè deboriada?

concurs ”Le raport danter mituns y nene”.

Trëi dessëgns a Balsan I davagnadus a livel de valada à podü piè do de bi pesć, surandà da pert di responsabli dla Cassa Raiffeisen Val Badia, dla direziun dles scores y da pert di rapresentanć dl Comun de Badia. I dessëgns de Niki Pertot, Julia Frenademez y Julia Pescoller é gnüs cernüs por la seleziun a livel provinzial. I dessëgns menà demez dala Val Badia ćina a Balsan à scialdi arjunt de bugn posć. Ai 30 de mà saràl a Balsan la premiaziun a livel provinzial y al plü tert dailò savaràn sce i dessëgns menà ite ala seleziun é gnüs chiris fora.

a Balsan y dailò gnaràl ciamò fat na estraziun cun val’ pest. Da alzè fora él che cun la partezipaziun al concurs de dessëgn dëida i mituns alimentè n contribut che les casses Raiffeisen ti dà en chësc ann a sostëgn dl V.K.E. por n proiet da śoghé cun i mituns che é ti spitoi de Südtirol. A livel de Südtirol darà les casses Raiffeisen n contribut de 6.000,00€ a sostëgn de chësc proiet. I dessëgns di davagnadus a livel de valada é da o d ë i s ö l p o r t a l w w w. valbadiaonline.it. I colaboradus dla Cassa Raiffeisen Val Badia tol l’ocajiun por rengrazié düć i scolars che à tut pert. N rengraziamënt sintì ala direziun dles scores, ales fiduziares y a düć i insegnanć. (Thomas Pescollderungg, por la Cassa Raiffeisen Val Badia)

Tavella, 3) Emil Valentin 2. grup elementara Badia: 1) Ivana Irsara, 2) Martha Pitscheider, 3) Silvana Pitscheider 1. grup elementara La Ila: 1) Maria Mischì, 2) Giorgia Dalle Grave, 3) Andi Ploner 2. grup elementara La Ila: 1) Nicholas Crazzolara, 2. Corinne Comploi, 3. Roberto Debon 1. grup elementara San Ćiascian: 1) Niki Pertot, 2. Kian Jakob Crazzolara, 3. Caterina Declara 2. grup elementara San Ćiascian: 1) Julia Frenademez, 2. Manuel Ploner, 3. Elise Alfreider

Te chësta ocajiun à Simon Kostner da Corvara portè dant n pice teater che é jü ite söl tema dl

Les soluziuns pro le quiz: ”avventura-Abenteuer” (aventöra) y ”amicizia-Freundschaft” (amizizia). Les zetoles di quiz dades jö é gnüdes menades inant

1. grup elementara Badia: 1) Matthias Frenademetz, 2) Marc

1. mesana La Ila: 1) Yvonne Rudiferia, 2. Sofia Glira, 3. Linert Pizzinini 2. mesana La Ila: 1) Julia Pescoller, 2) Jacob Pescollderungg, 3) Aaron Planatscher 3. mesana La Ila: 1) Elena Burchia, 2) Samuel Debon, 3) Samuel Moling

Indöt êl trëi categories: öna por la 1a y 2a elementara, öna por 3a, 4a y 5a elementara, y öna por chi dla mesana. La Cassa Raiffeisen à bele da d’altonn 2011 contatè la direziun dles scores por programè

Yvonne Rudiferia.

Elena Burchia.

Julia Pescoller.

Julia Frenademez.

Nicholas Crazzolara.

Maria Mischi.

Matthias Frenademetz.

Ivana Irsara.

Niki Pertot.

Quiz

Tlassamënt

Impröma na mostra, spo la premiaziun

36

www.lauscdiladins.com


Val Badia

nr. 20 / 25 de mei 2012

Cotan de inizatives da pert dl’UML Te chisc pröms mёisc dl ann à l’Uniun Maestri Ladins metü da jì deplü manifestaziuns che é gnüdes tutes sö cun plajёi lёgn dl inventur dla mascînn da scrì Peter Mitterhofer da Partschings, y an röia spo pro les mascînns plü desvalies dl monn ćina al vintejim secul, canche le computer à tut ite so post. Na sort de mascînn che à albü na gran importanza tla secunda vera é la ”Enig ma”, na “Cheffriermaschine” (mascînn da codifiché) adorada dai soldas todёsc por dezifré i messaji, mo i nemisc é sta bogn da decodifiché les notizies che gnô trasmetüdes y che â insciö dè na ota ala vera. N’atra mascînn demorvёia é la mascînn da scrì da gofa, nia cis maiù de na ora da gofa. An podess stè ores a osservè y a cuntè de chёsc museum, da chёl che an ciafa n gröm de informaziuns.

Che ê pa Peter Mitterhofer? A Treviso ala mostra tla ”Casa dei Carraresi”.

Lies - La Uniun Maestri Ladins ti à dè a sü mёmbri l’ocajiun da tó pert a manifestaziuns culturales y d’aorela cörta. Ai 21 de forà él gnü organisé n iade a Treviso a ti ćiarè ala mostra ”Manciù, l’ultimo imparadù”. Manciù é l’ultima dinastia che à regné söl ”Celeste Impero”, sön l’impêr cineje, dal 1644 al 1911. Tla mostra àn podü amiré documёnć preziusc dla dinastia, che vёgn dai museums dla Manciura, sciöche le tronn liendar dl imparadù, les ermes y les mandurs di gragn imparadus Kangxi y Qianlong y dl’armada

asiatica plü potёnta, che à concuisté la Cina tl 1644, adöm ai elms y ai simboi dles 8 bandires, i degrà dles armades tartares. Implü él stè da odёi i injins dl’imparadёssa Cixi, injins d’or y arjёnt, de giada y maiolica, na dёrta richёza. Metü en mostra êl inće i retrać di dodesc imparadûs Qing y de d’atres pitöres che mostra la vita ala curt dl impêr. Por le pröm iade al monn él gnü metü fora i ogeć personai dl ultim imparadù dla Cina, Pu Yi, protagonist dl film de Bernardo Bertolucci ”Le palast de Changchun”, sciöche l’aparat da

fà jö, i injins che al adorâ te porjun, sü diars, so guant scёmpl ala ”Mao”. Döt chёsc, adöm a süa cherta por lité, i tröc retrać dla ”vita nöia” dl ultim imparadù testemoniёia la fin dl impêr y le scomёnciamёnt dla republica. Chёsta manifestaziun é gnüda combinada cun la vijita ala cité de Aunejia, olache an à podü amiré les beles mascheres da carlascè.

Ferata en miniatöra y mascînns da scrì Ai 3 d’aurì él gnü vijité le museum dla ferata a Rabland, le plü gran implant de ferata da modelism dla Talia. Chilò àn odü döt Südtirol en miniatöra, dal Prener ćina a Mals tl Vinschgau, tröpes ferates cun de pici mandli laìte, che passa fora por tonì, al vёgn ćinamai simulé n inzidёnt cun l’intervёnt dles porsones de pröm aiüt. L’istalaziun tol ite tröc ćiastì, mo inće strades y furnadoies. La guida nes à splighé döt cant cun umor y sambegn cun savёi. Domisdé sunse jüs a Partschings a vijité le museum dla mascînn da scrì. Na guida nes à splighé cun competёnza la storia dla mascînn da scrì. Bёgn plü de 400 toć é metüs fora y incёr 1600 é ćiamò da odёi te n ater local. La vijita mёt man cun i pröms modì de

iade cultural cun i scolars, le monn dla ferata a chi dla scora elementara y mesana y le monn dla mascînn da scrì ai studёnć dla scora alta.

Aorela cörta inće pro i chidli Nia manćé n’à l’aorela cörta, importanta por rové adöm y imparè da se conёsce. Ai 9 de merz, a tёmp de löna, à tröc podü fà n bel rait da Börz jö cuntra Antermёia. Ai 3 de mà à l’UML invié ia tles chidlares da Runcac a Al Plan na chidlada por düć i insegnanć. Al é gnü trat series da 10 boć y les trёi mius series gnô cumpedades por la tlassifica finala. Campiuns da chidlé é stà Inge Dejaco (161 chidli) y le maester en ponsiun Giuvani Pescollderungg (202 chidli). Dilan ai patruns dles chidlares por süa ospitalité y desponibilité, al sponsor de copes y medaies y a chi che à organisé. L’ativité culturala y recreativa dl’Uniun dëida renforzè le spirit de solidarieté danter i insegnanć y ara dëida inće mantignì le lian danter insegnanć atifs y en ponsiun. (cristina clara)

Mitterhofer é da Partschings, al à vit dal 1822 al 1893; al à imparè da fà le tistler y le zumpradù. Al ê n bun ćiantarin y ёl instёs s’à fat n valgügn stromёnć da sonè. Spo àl inventè na ciovira che, trasformada, podô ćinamai gnì portada söl spiné sciöche rёfla, y na mascînn da lavè guant. Mitterhofer à fat cin’ modì de Resultać dla chidlada mascînns da scrì, döes, en gran pert de lёgn y trёi de metal (le Ëres I: Irene Crepaz 128 chidli, terzo model é jü a perde); i modì Cristina Clara 97 chidli, Brigitte originai é ti museums da Viena, Pezzei 56 chidli Dresda y Maran. Ëres II: Inge Dejaco 161 chidli, Dui iadi él jü cun sües mascînns Manuela Piccolruaz 144 chidli, a Vìena dal imparadù Franz Joseph Ulrike Pedevilla 140 chidli I. a damanè do n sostёgn finanziar Ëi I: Giuvani Pescollderungg por podёi svilupé süa mascînn, le 202 chidli, Hubert Prousch 178 pröm iade àl ciafè 200 Gulden, mo chidli, Otto Moling 159 chidli le secundo iade n’à i esperć dl Ëi II: Ludwig Rindler 152 chidli, imparadù nia reconesciü le valur Christian Ferdigg 145 chidl dla mascînn y insciö à Mitterhofer pordü l’interes por la svilupé inant. Peter Mitterhofer é mort a Partschings olache al é inće sopolì. Söl monumёnt de süa fossa él da lì: ”I atri, chi che à imparè da ёl, à podü cöie i früć de so talёnt.” Les döes ultimes manifestaziuns podess, do mia minunga, gnì Valgünes mascinns metüdes fora tl museum aconsiades sciöche dles mascînns da scrì.

I mius da chidlé.

Aorela cörta a San Martin En sabeda ai 30 de aurì à la Jonëza da Paur dl Comun da San Martin organisé la festa, che é inće en chësc ann dër garatada Lies - Sciöche bele da tradiziun, unse inće en chësc ann tignì la festa dla jonëza da paur da San Martin de Tor. En la sëra dla festa unse podü saludè n gröm de porsones, scialdi dla valada. Metü man unse dales 20.30 cun l’intratenimënt musical dl grup ”Zillertaler Bergcasanovas”. En chësc ann se n’unse lascè tomè ite indô na nöia. A mesanöt él gnü premié “Miss Diendl”. La premiada é gnöda chirida fora da na juria, do

avëi respognü a n quiz y desmostrè so savëi tla proa da balè. La juria ne l’à nia albüda saurida, insciö é la dezijiun tomada do la secunda proa da balè. I ùn inće fat na ola dla fortüna, olache tröpa jënt à porvè y davagné de bi pesć. Al nes à fat gran plajëi da odëi tan tröc jogn y jones cun la braia de coran y le diendl. I orésson tó l’ocajiun da rengrazié düć chi che s’à daidé a val’ moda por che la festa garatass. N

gran dilan ti va a düć chi che à dè ca val’ pesć y ai sponsors por so contribut. Inće ai stödafüch por avëi ćiarè döta la sëra che döt jiss bun. N dilan ti va ćiamò a dötes chës porsones che é gnüdes a nes daidé arjigné ca, a nes daidé en la sëra dla festa y le dé do a romenè ia. Da tröpes porsones unse aldì che al ti à salpü dër bel a nosta festa, porchël la metunse indô da jì n ater ann, speran da s’odëi tröc.

Jones cun le diendl pro la festa a San Martin. www.lauscdiladins.com

37


Val Badia

nr. 20 / 25 de mei 2012

Dal tradizional al multimedial Le salf dles manifestaziuns s’à implì deplëgn por le conzert d’aisciöda dla Musiga da Rina, pro chël che an à podü tó sö cater mëmbri nüs y surandè na onoranza

Cherdè l’aisciöda cun la musiga La Müjiga Calfosch-Corvara à pité n bel program por chësc pröm gran conzert, olache i musicontri po cöie i pité i früć de tröpes proes

La Musiga da Rina tratan le conzert.

Musiga - Passa 50 sonadus sot ala bachëta de Reinhard Ferdigg, s’à presentè sön paladina por ti pité ai tröc amanć dla musiga de beles m el o d i e s d a nte r c h ë re s tradizionales de marces y polches, y inće modernes sciöche Choreography, la Storia y Rag from Aegri. Na atmosfera particolara él gnü cherié pro le toch de musiga da film ”Pearl Harbor”. Tl scür dl local podôn odëi sön paladina slominan de pices löms y doìa na proieziun de fotografies fora dl film omonim.

indô cun l’atmosfera dles löms. Do le conzert à düć podü stè en compagnia tl foyer dl salf. Tl program dl ann 2012 po la musiga sonè pro la noza de trëi de sü componënć. A Lorenz, Werner y Reinhard les mius aodanzes da pert dla musiga. La Musiga da Rina tol l’ocajiun por

rengrazié düć chi che é gnüs a ascutè sö, chi che la sostëgn finanziariamënter, düć i musicontri por so gran impëgn che ai mët ite por s’arjigné ai conzerć y al’ativité fora por l’isté. Elena Ferdigg por la Musiga da Rina

Musicontri nüs y na onoranza Desche bele ti ultims agn, à la musicontra jona Judith Winkler condüt cun savëi y te na manira plajora fora por le program. Te chësta ocajiun él gnü presentè i musicontri nüs Gabriel Vigg (percusciuns), Elena Gasser y Simona Rungger (oboa). Sciöche margatëntera nöia é gnüda tuta sö Flavia Marzano. Danter la pröma y la secunda pert ésun passà ai salüć da pert dl ombolt Albert Palfrader y dl surastant dles musighes dla Val Badia Carlo Castlunger. Ël à podü ti surandè a Hubert Rungger la onoranza por i 15 agn de ativité pro la Musiga da Rina. N gran lalt ti é jü al dirighënt Reinhard y al presidënt Florian. Ala fin dl conzert s’à le publich damanè cun n gran aplaus, da ti sonè ćiamò val’ melodia. Pro le tòch ”Mein Tirolerland” à le publich inće podü ćiantè impara,

Pro les onoranzes: le presidënt dla Uniun Musighes Val Badia Carlo Castlunger, l’ombolt Albert Palfrader, la margatëntera nöia Flavia Marzano, Hubert Rungger che à ciafè la onoranza de 15 agn y le presidënt dla Musiga Florian Rungger.

Efeć y atmosfera particolars pro le tòch ”Pearl Harbor”.

Onoranzes pro le conzert d’aisciöda. Dmc Egon Pescollderungg dla UMVB - Uniun Musighes Val Badia, les presidënt dla Müjiga CalfoschCorvara Alexander Rottonara, i dui onorà Natalie Alfreider y Daniel Mussner, y Klaus Neuhauser (VSM - Verband Südtiroler Musikkapellen dl raiun da Bornech).

Musiga - En sabeda ai 12 de mà, à la Müjiga Calfosch-Corvara tignì so tradizional conzert d’aisciöda.Tröc musicontri de d’atres musighes y amisc dla musiga é gnüs a ascutè sö.Do n valgügn mëisc de proes intensives, pòn dì che chësc é le conzert prinzipal de chësc ann dla Müjiga Calfosch-Corvara. Le dirighënt Gerhard Mohr ti à insigné ite ai musicontri n program rich de tòć cun melodies desvalies. Le conzert à metü man cun le marsc ”Mercury“ de Jan van der Roost. Dedô à le presidënt dla musiga Alexander Rottonara saludé les autoritês y düć i presënć al conzert y al à inće rengrazié düć chi che à fat y fajarà valch por le bëgn dla uniun. Le program é spo gnü portè dant da Jlenia Costner, che à splighé sö te na manira dër tlera y scëmpla i tòć che gnê man man sonà. Sciöche secundo tòch él gnü sonè l’overtüra conesciüda ”Leichte Kavallerie” de Franz von Suppé. Do chësc à i presënć podü ascutè le tòch ”Clarinettissimo” de John G. Mortimer, che é caraterisé da n solo de tlarinet, che é gnü imparè jö dala jona Johanna Dapoz. Sciöche cuarto tòch à spo la musiga sonè la composiziun ”Zirkus Renz” de Gustav Peter, olache Andrè Ferdigg à sonè le solo dër da sbunf cun le xilofonn.

Döes onoranzes y na musicontra nöia

Badia y Corvara T'la proscima ediziun Tla ultima sentada dl consëi de comun a Badia à le consëi dè pro da stlü jö trëi convenziuns

38

www.lauscdiladins.com

urbanistiches. Deplü podarëise lì tla proscima ediziun d’La Usc. Laprò saràl inće da lì na intervista

al ombolt dl Comun de Corvara sön le fat che le comun é un de chi al prigo d’emigraziun.

Do la pröma pert dl conzert él stè dui musicontri che à ciafè l’onoranza por i tröc agn de sorvisc fać pro la Müjiga CalfoschCorvara: Natalie Alfreider à ciafè la medaia de brom por 15 agn y Daniel Mussner à ciafè la medaia d’arjënt por 25 agn de ativité. A chisc dui musicontri ti vàl n gran dilan por döt le tëmp che ai ti à dediché ala musiga. Te chësta

ocajiun él inće gnü presentè la musicontra nöia Elisa Parisi che sona la bateria. La secunda pert dl conzert à spo metü man cun la polca ”Gablonzer Perlen” de Antonin Borovicka y dedô él gnü sonè la composiziun te 4 perts ”Puszta” de Jan van der Roost, olache an à podü aldì fora de beles melodies carateristiches de popolaziuns de zingaindri. Le conzert é jü inant cun le tòch ”Tarzan Soundtrack Highlights” de Phil Collins, metü adöm dales ćianties che an po aldì tl film ”Tarzan”, sciöche le titul de chësc toch dij bele. Le conzert s’à spo stlüt jö cun na verjiun n pü’ atramënter dl tòch ”Florentiner Marsch” de Julius Fucik y n valgügn tòć damanà sciöche bis. La Müjiga Calfosch-Corvara rengrazia düć chi che à tut pert a so conzert d’aisciöda y n gran dilan ti va inće a chi che à lascè na spënora por la uniun. Fabian Irsara por la Müjiga Calfosch-Corvara


Val Badia

nr. 20 / 25 de mei 2012

Döt le bun por i 85 agn En sabeda, ai 19 de mà, dan da n salf plëgn de jënt à i musicanć dla Musiga da La Val sot la direziun de so dirighënt nü Stephan Ploner dè so miù por portè dant les beles melodies che ai à imparè ite ti mëisc passà cun gran ligrëza y lezitënza. La domënia él spo gnü fat festa por le iubileum de 85 agn, abelì inće dai compagns dla Musiga da Wengen tl Allgäu Le toch ”Mercury” de Jan van der Roost à le tema prinzipal en moll. La pröma pert é plëna de energia y virtuosité, la melodia dl trio é gnüda desfirada ala miù dai tenors. Na passaja dër dinamica nes à lascè aldì les posaunes y les trombëtes te n grandioso che à stlüt jö chësc marsc.

Atmosferes irlandejes

La Musiga da La Val à festejé le iubileum de 85 agn.

La Val/1 - Tröć à tut sö l’invit dla Musiga da La Val y é rovà adalerch por ascutè ći che i musicanć à arjunt ti ultims mëisc de proa sot ala direziun de so dirighënt nü, Stephan Ploner da San Martin. Le conzert d’aisciöda é gnü metü sot al motto ”Musiga te düć sü corusc”, che dess sotrissé la varieté dles melodies portades sön paladina. La pröma penelada de corusc é gnüda sciurada fora dal ”Hymn for a solemn occasion” de Hermann Pallhuber da Desproch che é piada ia cun na fanfara maiestosa don inant le tema dl toch a düć i registri da La Val. Do le salüt da pert dl presidënt Markus Complojer él gnü intonè le toch ”Commitment to Courage“ dl jonn iapanesc Hayato Hirose. Le toch é na detlaraziun al coraje. Al cunta di stödafüch, che mët en prigo süa vita por la sigurté dla popolaziun. La pröma pert ”Oath“ (joramënt) cunta de co che i stödafüch scombat le medefüch por salvè vites. Corusc stersc y ćialć é dominanć. Le füch se destöda y le bordigun lascia ma plü zeruch cënder y desdrüta. Grisc y fosch é i corusc dominanć. ”Grief“ à inom la secunda pert, la plüra, n requiem por les vitimes. Mo i corusc dala ria löna n’à nia la devënta. La terza pert ”Resolutions“, i proponimënć stlarësc sö döt: i savun che i stödafüch se porvarà inant inće tl dagnì cun nes dè sigurté tla vita de

I numeri dla lotaria La Val/2 - I publicun i numeri trać fora pro la ola dla fortüna: 138, 282, 918, 6051, 2354, 904, 9179, 791, 9987, 48, 4615, 6846, 5830, 37, 7659, 3776, 9766, 5395, nüsc paisc. Cun le toch ”Schmelzende Riesen“ de Armin Kofler, à la Musiga da La Val orü condüje le publich te n monn de nëi y de dlacia eterna. Le dlacià, le gigant de dlacia, se lascia odëi te döta süa maiesté tla pröma pert chita y nobla. Tl toch amesaite s’à le publich sentè sön na liösa trata dai ćians fora por les planüdes blanćes y dlaciades dl Arctis. Tla terza pert é le publich gnü confrontè cun les conseguënzes dl cambiamënt dl tlima. An alda le baudiamënt dl dlacià che se delega a va zoruch por gauja dl tlima tres plü ćialt. Ala fin dl tòch él impò ćiamò stè da aldì tonns de otimism y de speranza por le dagnì dles proscimes generaziuns. Cun i corusc ćialć y da stè saurì dl coral ”Largo” de Satoshi Yagisawa, olache le publich à podü se lascè do fora, à la Musiga da La Val stlüt jö la pröma pert dl conzert.

Döes onoranzes da 40 Le conzert d’aisciöda é inće la

6847, 1339, 1953, 6278, 3573, 9920, 3733. Por damanè do i pesć pòn telefonè a Markus Complojer al 339/5010178 ćina ai 20 de jügn. ocajiun ideala por onorè i musicontri che se dà bele jö da tröc agn cun la Musiga. Insciö él gnü onorè Paul Pezzei por i 15 agn de ativité. Bëgn döes onoranzes de 40 agn de ativité ti é gnüdes surandades a Sepl Moling y Giuvani Pezzei. Te süa laudatio à le presidënt Markus Complojer laldè i impëgns y les bries di onorà a bëgn dla uniun y ti à sport n gran dilan por döt le laûr fat. Musicontri che é por tan d’agn mëmbri dla uniun dess ester por düć n ejëmpl de pasciun, ligrëza y motivaziun. A düć i onorà n gran complimënt y n gran dilan por döt le tëmp ofrì sö por le bëgn dla Musiga da La Val. Do les onoranzes ésun jüs inant cun la polca ”Freu dich des Lebens” de Franz Watz, n tòch ezezional cun na ligna melodica de na intensité demorvëia, te n aranjamënt rafiné. Na opera dër impegnativa por musizisć y publich. An po aratè che le toch sides por Franz Watz na detlaraziun ala vita, insciö é inće stada l’interpretaziun da pert di stromënć da La Val.

Pro les onoranzes: dmc Sepl Moling, Paul Pezzei, Giuvani Pezzei y le presidënt Markus Complojer.

Cun ”Lord of the Dance” à la Musiga da La Val portè ite te salf l’atmosfera dl’Irlanda, l’ijola vërda de chëra che an dij che ara slomina te 40 sfomadöres de vërt. Le toch trata de highlights fora dla show de step - dance ”Lord of the Dance”. Al é la rapresentaziun de vëdles liëndes irlandejes che cunta dla batalia danter les potënzes dl bëgn y dl mal. Na musiga che vir dl ritm, le ritm zënza fin di tać di balarins che tlocora sön le funz dl palch. Laprò löms, löms da corusc, jüć pirotecnics y n’aventöra incredibla danter amur, prigo, forzes dl bëgn y dl mal che se scombat. Cun chësc toch à la Musiga da La Val mostrè da ti ester cun bravöra inće a toć dër ritmics che ghira da düć i musiconć de gran talënć tecnics y na gran conzentraziun. Cun le marsc ”Couleurs” à la Musiga da La Val stlüt jö le program ofizial de so conzert d’aisciöda. Cun i bis ”Textilaku” y le marsc ”Te chësc bel monn”, olache an n’à nia ma sonè, mo inće dećiantè la belëza dl paîsc da La Val y de süa Musiga, à la Musiga saludé le publich, che à podü passè na bela serada cun les melodies de chi da La Val.

Festa de paîsc por le iubileum Mo le iubileum de 85 agn ne s’à nia rové cun le conzert d’aisciöda. Jüda inant éra la domënia cun la santa mëssa te dlijia, sonada dai compagns dla musiga da Wengen tl Allgäu, che à tut sö l’invit y é rovà adalerch por l’ocajiun. L’amizizia cun la musiga da Wengen tl Allgäu é bele nasciüda dan da 10 agn, y é gnüda tres tignida en pé da intrames les musighes. La Musiga da La Val se conforta dër da jì n ater ann tl Allgäu a daidé fà festa cun nüsc compagns.

Stephan Ploner é śëgn dirighënt dla Musiga.

Do mëssa él gnü fat na picia defilada y dedô él gnü tignì n bel conzert te palestra da chi da Wengen. Da misdé él spo gnü trat fora i pesć dla lotaria, metüda a jì por l’ocajiun. Pro val’ de bun da mangé y da bëre él stè tröpa jënt che à podü passè de beles ores de aorela cörta cun musiga y bal.

Dilan N dilan sintì ti speta a nosc presidënt Markus Complojer y a düć i mëmbri dl comitê che manajëia cun savëi y lezitënza nosta uniun, don ca tröp de so tëmp lëde. N dilan particolar a nosc dirighënt Stephan Ploner por döt so impëgn, so savëi y süa paziënza te so laûr. Ël é stè bun da portè ite tla Musiga da La Val na gran ligrëza y motivaziun. Cun gran impëgn y savëi àl te püć mëisc insigné ite n program desvalì che ti é jü a cör ai musicontri arjunjon na prestaziun y n resultat che po se lascè odëi. La Musiga da La Val oress inće tó la ocajiun da rengrazié dötes chës porsones y istituziuns che sostëgn nosta ativité ia por l’ann, sides cun aiüt finanziar co inće moral. N dilan inće al’aministraziun de comun che sostëgn ann por ann nosta ativité. N dilan de cör a düć da pert de döta la Musiga! Musiga da La Val

La musiga da Wengen (Allgäu) defilëia a La Val. www.lauscdiladins.com

39


Letres

nr. 20 / 25 de mei 2012

Dales zentrales di partîs politics

Nosc digan nuef

L’IMU y le Comun da Corvara La cuta nöia sön la ćiasa i fej festidi ala popolaziun. Chësc, a gauja dl aumënt de cutes che ara porta. I proprietars dla pröma ćiasa gnarà a paié danü na patrimoniala sön la ćiasa, chi che à n’ativité paiarà cotan deplü. Ma i bacans di comuns da munt s’l’à cavada. Les alicuotes por l’acunt de jügn é dades danfora y fej fora le 4 por mile por la pröma ćiasa y le 7,6 por le rest. Chësta alicuota vëgn aplicada sön n valur catastal revalutè y cotan plü alt respet al valur sön chël che al gnô calcolè l’ICI. Les alicuotes podarà mudé y gnì smendrides o alzades magari bele por le secundo acunt de

setëmber (por i proprietars de pröma ćiasa che anüza chësta poscibilité da paié te trëi iadi) y scenò por le saldo de dezëmber. Al é da se aodè che i comuns smendrscësces l’alicuota, mo dales informaziuns pêl che tröc comuns danter l’ater inće chi ladins ne smendriarà nia les alicuotes, ajache ai é a cört de entrades. Chësc dess fà ponsè sura la gestiun di comuns. Al vëgn minè che i comuns sides bugn da aministrè indertöra les ressorses y ne spaterlëies nia i scioldi, deperpo che le spaterlamënt vëgn fat dales aministraziuns zentrales. Chësc é ma vëi en pert, inće i comuns podess gestì trö’ damì sü scioldi. N ejëmpl é chël dl comun da Corvara olache i zitadins messarà

danter l’ater paié da chësc ann inant inće cotan deplü por l’ega, deperpo che le comun sciüra fora scioldi por la realisaziun de na strutöra por festes da d’isté tl pinëi, laûrs che vëgn a costè passa 400.000,00 euro. Danter l’ater vëgnel metü ite na ćiasadafuch de chëres che tröpes strutöres por sciori po ma somié. Chilò vëigon danü che al n’é degöna relaziun danter le trà ite y le dè fora. “Ladins Dolomites” se damana dales aministraziuns SVP na miù gestiun di scioldi publics. Al é massa saurì dedô da jì a ti brancé te gofa a n zitadin che ne sa prësc plü cô fà! Ladins Dolomites

Nosc legnan ne vel plü nia Dandaìa gnôl dit: "le bosch é la cassa dl sparagn di paurs"

La gran taia de Paul en ur’ de strada do Brach.

N dé vài cun la roda sön na strada te Mareo y i röii te n tòch de bosch pro n paur che laôra de legnan. Paul, chësc so inom, me cunta de sü laûrs y me mostra les taies di lëgns che al à sié jö, scorzé y dramé fora. Dantadöt öna na taia é grossa, al me damana sce i podess la fà jö n dé. Al dij che peciôs tan grosc él lere da odëi da chisc versc do Brach. I damani ći che al fej cun les taies y dantadöt cun chë gran taia, spo me cùntel di tëmps de meseria che bosch y legnan à da vire al dedaincö. Laôta che al gnô adorè legnan de nüsc bosc por fà möbli, massaries, coni y por frabiché, â le paur val’ dainciarà, al dedaincö tol les firmes da tistler y zumpradù feter döt da lafora ite. Paul dij che le

legnan che vëgn tut al dedaincö da frabriché é pordërt de stlet legnan, deache al à la "vëta leria", al vëgn da peciôs che crësc debota te n bun terac, al n’é nia desco nüsc lëgns che à agn da crësce, mo crësc pegher (à porchël na "vëta sotida"). La vëta é ći che le lëgn é chersciü te n ann. Le legnan da vëta leria foradecà vëgn mefo taié a cadrì y incolè adöm a três, rogherënć y zucać lamelars, insciö ési stersc assà por tignì fora le pëis y po gnì adorà da frabriché. "Fora de nüsc lëgns ne vëgnel gnanca plü fat brëies, le miù é mefo da taié sö döt a lëgna, almanco aste ćialt te stöa", dij Paul, "laôta metôn averda a vigni fió y tòch, spo êl anfat sce al ê val’ ran o l’ater, y ma cun i albins fajôn lëgna." Por nüsc

paurs al dedaincö ne pàiel gnanca plü la mëia da jì a laurè te bosch, alplü ćiàrel ćiamò fora val’ pice davagn sce an taia de bi lëgns en ur’ de strada y de trus. O che le paur va ma plü a laurè te bosch por se fà sö söa lëgna por d’invern! Paul dij che "ilò saste mefo ći che t’as". I tëmps é bëgn mudà dassënn, i tolun le legnan dai Stać foradecà, impede da nüsc bosc. Sambëgn é le legnan da foradecà plü bel, mo dantadöt miù marćé, mo chësta importaziun à pa inće arbassè i prisc de nüsc produć di bosc y trat sotissura l’ecuiliber che döta nosta economia â dandaìa. Y spo sce an pënsa cô che al vëgn laurè por taié lëgns y sié brëies, y condü döt por chilometri y chilometri de strada adalerch, spo ne stimenëia i cunć bëgn nia plü. Inće por chisc marćià y chëstes speculaziuns é tröc Stać dl’Europa al dedaincö ti problems. I problems economics che i viun n’é dessigü nia da chirì ma pro les banches, mo pro vigni pice efet de na politica continentala massa lëdia, ingordia y ma orientada al profit. Zacai la paia mefo n bel dé, sce düć raspa ma zënza respet por la "materia pröma" y cer’ valurs che ne foss dessigü nia stà da sciuré ma, deache ai ê "vedli"; de dër valurs ne toma mai jö de corda, o dit miù: n’é mai fora de moda, deache na moda vel ma por le momënt y passa tosc ia.

Cun referimënt a mi lëtra unida ora te na prima pert bele l’ena passeda, mo n cunsëi n con’ dl manejamënt culturel te pluania de Urtijëi y tl decanat de Gherdëina: I inuemes „ladins“ dla families, aldò dla vedla tradizion: n’autra cossa nia puech relevanta „ladinamënter“, fossa chëla de se damandé dala jënt - l plu che l fossa mesun, y che la jënt ebe la bona despunibltà y la sensibltà culturela - che l unissa pra nosc inuemes (che ie te nosta val de Gherdëina tan da mat valives!),...juntà nosc inuemes de familia, cun chëla ntegrazion defin tipica y uriginela, che nëus on la gran pert te nosta val „ladina“ !...a chël che jënt che scota su tl radio, ma nce la jënt te dlieja se fajëssa de n zaron plu saurì a savëi de chi che l se trata, dla familia y dla parentela, n relazion al defont y a si mëssa. Chësc fat dajëssa daniëura nce plu culëur, y plu identificazion y la drëta uriginalità a nëus y a nosta „Etnia ladina“, da na richëza de 2000 ani de storia!! Aldò de chësc nosc pitl cunsëi bën minà y culturalmënter scialdi rilevant (che vën, ncuei, mé tenì ite defin dinrèr !!), pudëssen pona audì, che l ie la mëssa n lecord de Tizio o de Caio da Valternea, o de Rustlea, de Bucinea, o de Sëuranives, de Plandaleghes, de

Sociastel, de Curzelon, de Pedetliva, de Sodlieja o de Cëndevaves, da Plazola y nsci inant!  Da stramp y da mat mpurtant fossa te chësta cossa de „toponomastica ladina“ nce chël de no tralascé la pitla „jontes“: „de“ y „da“ y „dl“ - sciche pra dl Sartëur, dl Beché o dl Fever – o per ejëmpl „de Petlin“ y pona „da Brida“, ajache sce chësta pitla paroles vën lascedes demez, pona iel l pericul che chësc pitl uet y pitla mancianza vënie dant o do mplenida ora cun „zu“, coche l ie plu che desmustrà tla leteratura y tla realtà, storica y atuela! No pa? Nosc „sant“ y beat Ujep Freinademz da Oies: a demustrazion de chël che ie tlo unì dit y cunsià, tla umltà y tla senzierità de nosta ntenzions „ladines“ - y che ie nce defin a pèr cun l’etica y la dutrina dla religion - ie che ala fin dla lista, suvënz longia, dla persones defontes che vën lietes ju y nunziedes pra la „gran mëssa“, ne màncel feter mei che l vën nce mo prià o lecurdà nosc defont „sant“ ladin, cun la dizion bel y bën sunënta de: Sant Ujep Freinademetz da Oies! De gra, giulan y dilan. Oscar Prinoth de Josef da Brida, Urtijëi

Movimënt “5 stelle” davagna a Parma Söi duèi di candidać a ombolt dles lites aministratives 6 y 7 de mà “Al sarà n triunf ”, â dit danfora Beppe Grillo. Dit fat, śëgn é l’ombolt de Parma le grilin Federico Pizzarotti, 39 agn, project manager informatich te na banca. Por tröc n’êl gnanca da s’impensè, inće por la campagna litala “a cost bas”. Al suzed do 14 agn de juntes de zënter-man dërta, l’ultima forada da scandai y inrescides iudiziares. Pizzarotti à davagné cun le 60,23% sön le candidat Pd, Vincenzo Bernazzoli (dant tl pröm turnus cun le 39,2%, el grilin ê al 19,9%), sostegnì dal zënter-man ciampa. Politich da tröc agn y

presidënt atual dla Provinzia, pensân che al ess la strada arjingada cun le comissariat comun por i büsc de bilanz provocà dal zënter-man dërta, mo al jarà indô a laurè te Provinzia. Pizzarotti à 19 aconsiadus comunai sön 32. Pizzarotti ô fà de vigni sort de nü: referendum propositif zënza quor um, bilanz comunal deboriada, consulta de assoziaziuns y comitês, sentades davertes dl consëi comunal y döt söl web, olache i zitadins gnarà invià da dì la süa diretamënter. (ANSA)

Iaco Rigo, La Pli de Mareo

Luis Mahlknecht à saurì rujené! N ucajion dl „Sportkommentar“ à l jurnalista Luis Mahlknecht, do avëi criticà l Giro d’Italia, mo dit che l ne deventerà mei sciche l Tour de France, juntan sëuraprò che chël ie l medemo sciche l ziplé te Gherdëina ne deventerà mei n Michelangelo. Chësc ie dantaldut n cunfront che ne à nia da n fé cun l sport y sce l pudëssa nce vester che l Giro d’Italia fossa gën sciche l Tour de France, ne pòssen segurdenó dì che mei deguni de Gherdëina ne ëssa ulù vester sciche Michelangelo. Chësta afermazion

40

www.lauscdiladins.com

ironica ne n’ie segurdenó aproprieda, tam deplù te chësc mumënt de deficulteies per nosc artejanat. Mpue’ plu de respet per duta la milesc de persones che se à dat ju te cënc de ani y se à davanià l viver cun l ziplé, purtan nce n cër’ bënsté te Gherdëina, fóssel bën da se aspité da n jurnalista che scrij nce nia dinrer per la „Dolomiten“, che se autodetlarea „Tagblatt der Südtiroler“, scebën che duc sà de chiche la ie y che nia duc i südtiroleri ne giapa l mesun de lascé audì si usc tres chëla zaita.

Duc ne possa nia vester al servisc dla familia Ebner, che ie bonamënter l mascimo che n jurnalista possa aspiré a deventé te Südtirol, ma perchël ne n’iel mpo no l cajo de ironisé sun l artejant de Gherdëina, che sarà dalonc dal livel de Michelangelo, ma te si ciamp iel purmpò mo al’avanguardia a livel mundiel. A deventé chël sciche jurnalista ne tléchel nia mé a vester boni de se fé bënudëi dala „Dolomiten“. Walther Kasslatter, Runcadic

Beppe Grillo fej n gran teater incër la politica ia, y tira la jënt. Degügn ne s’ess impensè che so movimënt ruvass söl scagn da pröm zitadin a Parma. So modo da fà politica é n modo nü, dantadöt i zitadins dess gnì tuć ite, cun referendums y cun l’internet.


Sport

nr. 20 / 25 de mei 2012

N pêr che fej mè

Do le burt indô le bel

Gais y Mareo s’la fej ma plü fora por le terzo post te tlassamënt. Intrames les scuadres à combatü y s’à partì i punć. La partida é stada nervusa, inće cun n inzidënt

Cun na bona partida vëgn la burta partida da Raiscia indô desmentiada. Rina merita y davagna cuntra Falzes por 3 a 1

Palê Mareo/3. cat. - San Laurënz y Aicha é oramai sciampà inmalora y la partida danter Gais y Mareo à ma plü valüta por arjunje le terzo post, plazamënt impò de prestisc y sambëgn inće important por le moral y la convinziun bele por le proscim campionat. Insciö se dê les döes formaziuns atira dal mëteman bele batalia y se porvâ dër da avëi rajun sura l’atra scuadra. I pröms da se fà prigorusc é stà i śogadus de ćiasa, che va spo empaca inće en vantaje por 1 a 0. Na remetüda da na pert fata debota mët da jì le 5 dl Gais cuntra porta. Chësc salta Walter da Pederü y bat Eder cun na bela contlujiun tl piz lunch. Le Mareo ne se lascia nia ia y se proa śëgn ćiamò deplü da mëte indô a post le resultat. Atira fóssel inće garatè na bela aziun che fej jì Marco su cuntra porta, mo da posiziun n pü’ dezentrada. Al proa da se portè plü cuntra mez area y chësc ti consint al defensur da rovè ćiamò en tëmp a rebate süa contlujiun. Inće le Gais proa inant da miorè le resultat, mo Eder ti dij de no a na bela contlujun da destanza cörta. Sön n bel pass de Giggs röia Robert dër de na pert jö cuntra la ligna blanćia. Düć pënsa al cross, mo süa contlujiun va deficio te porta. Sce Bobo à veramënter orü fà gol da chë posiziun, spo él stè na gran esecuziun. Le gol dl pêr ti dà forza al Mareo, che drüca inant le jüch y tosc dedô, incër la mesora, vëgn Walter da Pederü rosedè sotissura t’area. L’arbiter sciüra le 11 metri che le capitan mët sigü te sach. Ćina ala fin dl pröm tëmp à le Mareo ćiamò costruì zacotan de bones ocajiuns, mo al ne ti gareta nia plü le gol che ess podü mëte al sigü le resultat. A chësta moda mët man le Gais cun n gran sbunf le

Daniel Tamers dl Mareo.

secundo tëmp y röia belo do trëi menüć al gol dl pêr. Na puniziun trata da bindebò dalunc ne vëgn nia tignida da Eder y röia insciö avisa al atacant bel su dan porta. Chësc n’à a chësc punt plü degüna dificoltè da mëte le palê te sach. Le rest dl secundo tëmp se trasformëia intres deplü te na batalia y inće l’arbiter mët süa pert por fà gnì le jüch intres plü rî y nervus. Por vigni contat se ciafâ i maroi chertes gheles, deperpo che Tlassifica 3a categoria, grup C 1. S. Laurënz, 20 part., 49 p. 2. Aicha, 19 partides, 39 punć 3. Gais, 20 partides, 34 p. 4. Mareo, 20 partides, 33 p. 5. Raas, 20 partides, 30 p. 6. Gsiesertal, 20 part., 26 p. 7. Percha, 19 partides, 25 p. 8. La Val, 19 partides, 24 p. 9. Neustift, 20 partides, 24 p. 10. Mühlwald, 20 part., 20 p. 11. Valdaura, 19 part., 13 p. 12. Prettau, 20 partides, 9 p.

ai pustri ne ti gnôl gonot gnanca sciurè le fal. Bel avisa sön n te’ cajo, cun l’arbiter bel dlungia, él gnü mazè adöm Rada a na moda che al à messü gnì portè t’ospedal cun l’ambulanza, zënza che l’arbiter vêghes da soflè te so sciüre. Ala fin vëgnel ćiamò desgort dal ćiamp de jüch Eder por avëi, do la odüda dl arbiter, pordü massa tëmp. Inće de 10 cuntra 11 proa ćiamò le Mareo da davagné. Sön na bela puniziun de Giggs à ćiamò Walter Kaneider na gran ocajiun, mo süa contlujiun da püć vari n’à nia la fortüna da rovè te porta. Śëgn fàlel ćiamò döes partides te ćiasa, che al foss bun da davagné, y laprò ćiamò sperè te n vare falz dl Gais por rovè impò terzi. Le jüch al palê é propi tan bel, deache ćina ala fin pòl sozede de döt. Odarun les proscimes döes edemes ći che al sozedarà. (Cdp) Gais - Mareo: 2 - 2 Formaziun dl Mareo: 1. Lukas Eder, 2. Werner Pedevilla, 3. Andrea Mutschlechner, 4. Gabriel Frenner, 5. Walter Pisching (dal 64^ Radames Dal Molin, dal 74^ Marco Comploi, dal 89^ Manuel Palfrader), 6. Daniel Tamers (dal 18^ Thomas Castlunger, dal 68^ Samuel Winkler), 7. Wilhelm Hochwieser, 8. Walter Kaneider, 9. Marco Mutschlechner - capitan, 10. Robert Mutschlechner, 11. Elmar Feichter. Alenadù: Karlheinz Pedevilla Goi por le Mareo: Robert Mutschlechner (al 25^), Marco Mutschlechner (al 32^ - sön önescmetri). Proscima partida: en domënia ai 27 de mà dales 16.00, te ćiasa cuntra Mühlwald.

L Fascia se arsegura l secont post Dò la bela venta de la Copa Provinzia la squadra de Mister Giuliani se enjigna a serèr sù l campionat Balon 1^ cat. - Aldò de la venta de la Copa Provinzia, l campionat de balon l’é segur passà en secondo pian. Aboncont l’é amò da contèr che dò la bela festa de en mercol ai 9 de mé l Fascia à jià doi partides de campionat, venjan la pruma de Classifica 1. categorìa jiron C: Lavis 25 partides 63 ponts Fascia 25 partides 47 ponts Aquila Trento 25 part. 41 p. Alta Anaunia 25 partides 37 p. Solandra 25 partides 36 ponts Verla 25 partides 34 ponts Anaune 25 partides 33 ponts Mattarello 25 partides 31 ponts Cauriol 25 partides 30 ponts Tnt Mont. Peller 25 part. 29 p. Paganella 25 partides 29 ponts Dolomitica 25 partides 24 p. Mezzolombardo 25 part. 22 p. Monte Ozolo 25 part. 16 ponts

contra a l’Anaune per doi a un de gra ai goi de Simone Bolgiani e Manuel Bernard, e parejan un a un contra la Cauriol. Con chisc resultac l Fascia à arjont seguramenter l secondo post, seran sù coscì na sajon dassen positiva. En domenia che vegn se serarà sù l campionat sul ciamp de Vich contra la Solandra. Chisc i resultac de l’autra squadres del Fascia Balon:

Cristoforo Debertol à segnà contra la Cauriol.

La Eles à vent 1 a 0 contra l Rifiano (gol de Angelica Mazzel), la Juniores à vent 1 a 0 contra l Besenello (gol de Federico Ganz), i Arleves à parejà 2 a 2 contra la Ravinense (goi de Damiano Crepaz e Nicola Depaul), i Giovanissimi à perdù 3 a 1 contra l Mattarello. Cristoforo Debertol Fascia - Anaune 2 a 1 (goi de Simone Bolgiani e Manuel Bernard) Cauriol - Fascia 1 a 1 (gol de Cristoforo Debertol) Formazion Fascia contra la Cauriol: Nicolò Cincelli, Manuel Bernard, Nicola Rizzato, Daniele Lorenz (21° s.t. Stefano Brigadoi), Maurizio Bonani, Mathias Defrancesco, Simone Congiu (1° s.t. Davide Bosin), Cristoforo Debertol, Patrizio Cigolla, Bruno Amplatz, Simone Bolgiani. Alenador: Lorenzo Giuliani.

Alfons Facchini, da na süa remetüda é piada ia l’aziun che à portè al pröm gol dl Rina.

Palê Rina/2.cat. - Dan la partida ess bëgn püć dit ”incö davagna Rina 3 a 1”. La sabeda ti él gnü fat festa a ”Lollo”, le capitan s’à maridé. Le portier Simon ê püre, le jonn Ivan ê arjigné da daidé fora. Mo Thomas Huber é indô a comanè la defenjiun, do döes partides manćiades. Gonot canche an s’l aspeta le manco, vara bun. Insciö éra inće stada. I śogadus de Wolfi é bele jüs te ćiamp cun plü motivaziun co tles domënies passades. Te döt le pröm tëmp dominëia la scuadra de Col dla Vedla le jüch, davagna düć i contrasć a mez ćiamp y sciampa gonot cuntra la porta pustra. La pröma gran ocajiun é da odëi al 10^ menüt. Sön na bela aziun, ti vëgnel passè zoruch le palê a Ivan Agreiter, che lascia pié ia na gran trata sön porta da 20 metri. Le portier mess fà na gran parada, devié le palê tl piz de ćiamp. Al 28^ menüt sciampa David en cuntrapé, ala fin tira Georg püch dlungia porta ia. Na gran à inćeEllial 35^ menüt.Süa trata vëgn parada dal portier puster Zimmerhofer. I aversars ne röia nia tl jüch, mëss ma se defëne. Impò ti garetel a püć menüć dan la fin dl pröm tëmp (42^ menüt) le gol dl vantaje. Püch sot le mez ćiamp dl Rina, do na rebatüda desfortunada de n defensur dl Rina, röia le palê söl pé de n atacant puster, che pëia ia dassù cuntra porta dl Rina. Ivan vëgn incuntra, ne po fà nia tröp d’ater, co le mëte jö. L’arbiter conzed la puniziun dai 11 metri, Auer fej le 0 a 1. Le pröm tëmp se röia cun chësc resultat bëgn nia mirité. Le secundo tëmp mët man atira bun por la scuadra ladina. Bele al 48^ menüt garêtel le 1 a 1. Le gol dl pêr nasc sön na remetüda de Alfons a mez ćiamp y na trata de n compagn cuntra porta pustra. I defensurs dl Falzes ne se capësc nia, le palê ti röia inant a Elli, che cun na bela trata mët le coran sura le portier ite. Rina ciafa śëgn intres plü coraje y druca inant a chirì deplü. Al 59^ vëgnel le vantaje. Sön bela trata de puniziun, fej David le 2 a 1. Al 61^ menüt mët Andy de će le palê püch dlungia lëgn de porta ia. Püch dedô vëgn inće le portier Ivan cherdè a na bela parada, sön trata de puniziun. Ara n’é pa nia ćiamò fora, al fala ćiamò tröp tëmp,

le Falzes chir le pêr. Al 64^ menüt ciafa i aversars indô la secunda puniziun dai 11 metri. En chësc iade vëgn la porta de Ivan graziada, Auer tira alt surafora. Sön chësta chir śëgn la scuadra ladina le terzo gol, por la stlü jö. Al 68^ menüt, sön trata de puniziun de Georg, fej Alfons na bela trata de će, che le portier deviëia tl ćiantun. Al 75^ se lascia indô odëi le Falzes. Sön gran trata dl atacant Klapfer, finësc le palê cuntra stangia de porta. Al 78^ menüt ti sciampa le coran al portier Zimmerhofer, Andy tira püch dlungia porta ia. Al 79^ minut retlamëia Rina n penalty nia conzedü. Elli vëgn metü jö püch dan porta pustra. Inće le nüc ”Lollo” é tla formaziun, al 80^ menüt vëgnel te ćiamp al post de Georg. Al 85^ menüt stlüj Rina le sach cun le terzo gol, sön n gran cuntrapè. Püch fora d’area ladina recuperëia David le palê. Cun gran sveltëza sciampel jö por la pert ciampa, ti fej n rampin al defensur y röia dassu cuntra porta. La trata vëgn parada da Zimmerhofer, le palê ti röia ćiamò söl pè a so fre Thomas, che fej le 3 a 1. Śëgn éra rovada, Rina à mirité i trëi punć y sta indô miù te tlassifca. (if) Rina - Falzes: 3 - 1 Formaziun dl Rina: 1. Ivan Craffonara, 2. Alfons Facchini, 3. Ivan Agreiter, 4. Thomas Huber, 5. Philipp Winkler, 6. Christian Ferdigg, 7. Manuel Mellanuer, 8. Georg Craffonara - capitan (dal 80^ Lorenz Rungger), 9. David Huber (dal 92^ Thomas Ferdigg), 10. Andreas Ferdigg (dal 88^ Klaus Promberger), 11. Elmar Kosta. Alenadù: Wolfi Crepaz Goi por le Rina: Elmar Kosta (al 48^), Davis Huber (al 59^), Thomas Huber (al 81^) Proscima partida: en domënia ai 27 de mà dales 16.00, fora de ćiasa cuntra Lijun. Tlassifica: ćiara sot Val Badia. Tlassifica 2a categoria, grup C 1. Schabs, 20 partides, 47 punć 2. Kiens, 20 partides, 45 p. 3. Raiscia, 20 partides, 38 p. 4. Wiesen, 20 partides, 28 p. 5. Tasten Valsp., 20 part., 27 p. 6. Rina, 20 partides, 26 p. 7. Val Badia, 20 part., 25 p. 8. Falzes, 20 partides, 25 p. 9. Türesc, 20 partides, 20 p. 10. Dietenheim, 20 part., 20 p. 11. Niederdorf, 20 part., 19 p. 12. Lijun, 20 partides, 16 p.

Chi da La Val La scuadra da La Val n’à nia śoghé l’ultima domënia y à recuperè la partida en mercui, canche La Usc ê bele en stampa. La proscima partida dl calënder sarà por La Val en domënia ai 27 de mà dales 16.00, fora de ćiasa cuntra Percha.

www.lauscdiladins.com

41


Sport

nr. 20 / 25 de mei 2012

Al n’ess nia falè tröp La devënta foss stada dan man por la Val Badia, mo les gran ocajiuns injomades tl mëteman à pesè. BN gol corius y fortuné à portè ala parité Palê Val Badia/2. cat. - Denant co mëte man la partida él gnü tignì n menüt de chît en recort di morć dl tremoroz tl’Emilia Romagna. Jü a edl él inće che l’arbiter Lazzaro à i odlà, cossa nia da vigni domënia. Mo al à albü na buna odöda sön la partida. Cun n gran druch y de beles aziuns mët man la Val Badia la partida, fajon recordè Lijun. Le pröm temp é gnü śoghé trö’ miù co i aversars, tl secundo é la scuadra ladina carada, y an à odü n pü’ plü i ghesć dl Wiesen, che à inće cun fortüna arjunt le pêr. Le pêr é n pü strënt, mo porta n bun punt en direziun dla salvëza matematica, por chëra che al ô ester ćiamò n punt. Pallestrong s’às indô fat na destrata, à messü lascè le ćiamp y s’injunta ai infortunà Massa y Dapunt. La buna é che do le bur’ infortüna à indô podü śoghé le goleadù Matti Stampfer. Tla formaziun dl Wiesen falâ por scualifica le bun atacant V. Hofer. Al 4^ menüt passa

Erlacher amesa dui defensurs ite t’area a Clara, sön n contrast cun n defensur sföma la buna ocajiun. Do da 7 menüć de jüch él dër na bela aziun ladina danter deplü śogadus, cun na passada ezelënta de Pallestrong, t’area por Thaler. Chesc röia su dan le portier dl Wiesen, la trata röia fora de dër püch. Al 11^ menüt vëgn le defensur Benrardi da na pert sö y ciafa le palê da Thaler. Al salta cuntra area, dui defensurs proa da letignì sö, mo ”Julio” tëgn fora i contrasć y röia su dan le verdaporta. Cun n strisciun a mesa altëza sön la man ciampa dl portier, sëgnel le 1 a 0. Do da 20 menüć de jüch tira Erlacher n ćiantun, do na rebatüda de n defensur röia le coran a Pallestrong, che cun na gran bela rodada al jore le tìrel te porta. Ma na gran deviaziun te ćiantun dl un Mollica evitëia le 2 a 0. Le ćiantun - an ne sa nia porćiodì - n’é nia gnü dè dal arbiter. Le Wiesen röia le pröm

rebaton de pè süa trata da daimprò. N’atra gran ocajiun é sön le pè de Alex Stampfer al 28^ menüt. Do na aziun dër bela dla VB, röiel ala trata dan area, che atoca la pert dant dla stangia de porta: desfortunè. Al 55^ de jüch tira le önesc Hochrainer püch dan la bandira dl ćiantun cuntra area ladina. La trata dl döt falada s’alza y müda direziun, arsin püch dan l’incrujada di lëgns te porta: n gol dër corius, magari daidé dal vënt, che porta ala parité.

Vincenzo Amicone, le portier Fodom dla Val Badia n’à nia albü tröp da parè. Desfortuné él stè sön le gol subì; la crossada falada à ciafè na direziun ingiananta sön chëra che al n’à podü fà nia.

iade ala trata al 25^, cun l’ot Schürmann. Amicone respogn

Al 69^ menüt, da na trata dal ćiantun, röia le palê fora d’area a Barbolini, che lascia pié ia na trata sëćia cuntra porta. Chësta rovass te porta. Su dan le portier él Clara che la devieia ćiamò inant te rëi, mo süa posiziun é de forajüch y le gol vëgn anulè, desfortunà. Al 88^ de jüch ciafa Matti le coran t’area, do na trata rebatüda de Clara, mo süa trata n’é nia dles mius y röia de cotan fora dl spidl de porta. Al

ess podü ester le gol dla devënta. Inultima é impò düć contënć. (Rp) Val Badia - Wiesen: 1 - 1 Formaziun Val Badia: 1. Vincenzo Amicone, 2. Julian Bernardi, 3. Devis Vittur, 4. Simon Dapoz - capitan (dal 70^ Matthias Stampfer), 5. Samuel Vittur, 6. Paolo Adami (dal 63^ Florian Barbolini), 7. Matthias Thaler, 8. Alex Stampfer, 9. Manuel Clara, 10. Armin Erlacher, 11. Damian Pallestrong (dal 50^ Manuel Pescollderungg). Alenadù: Luca Massa. Gol por la Val Badia: Julian Bernardi (al 11^) Proscima partida: en domënia ai 27 de mà 2012 dales 16.00, sön la plaza sintetica da Dietenheim, cuntra le Dietenheim/Aufhofen. Tlassfica: ćiara sot Rina.

Na desëina de scuadres à jugà La lia dl tennis S. Cristina/Sëlva à inò abù scialdi not ntan l ultim fin dl’ena, dodesc partides contra d’autra scuadres àn fat y dutes à sciche for abù si storia. Finan via a pèr n cësa à la scuadra de serie D1 desmustrà nce tl ultim di de juech de vester la miëura dl giron, set d’autra scuadres à venciù y te cater partides àn perdù Tennis - Under 14: Per la scuadra A dl TC S. Cristina/Sëlva se tratòvela de n post te finela tla categuria sot a 14 ani ulache Jasmin Senoner y Carolina Riffeser ova da jughé n dumënia ai 20 de mei n cësa contra l ASV Renon. Te doi set da mat valives y cumbatui perdova Jasmin contra Sophia Wenter doi iedesc tl tie-break y sun l auter ciamp fova Carolina sun la bona streda per vëncer si match contra Claudia Ramoser, canche sun l resultat de 4:6, 6:2 y 5:4 se trajova Carolina ora de luegia na sciabla ntan na batuda y messova sambën la dé su y jì dal dutor. Ulon ti fé i miëur auguresc a Carolina che la varësce tosc. Under 12 mutons: N dumënia ai 20 de mei fòvel per nosta doi scuadres l ultim di de juech sun l program y per tramedoves se tratòvela de n post per l giron finel. Alex Kostner y Diego Runggaldier ova da se museré cun i atlec dl USSA de Bulsan ora de cësa y ala fin ài messù jì a cësa zënza ponc. Alex batova Manuel Eccel Trappolin cun n dopl 6:2 y Diego perdova contra Andrea Borsotti per 7:6 y 6:2. Nia da n fé ne fòvel tl dopl ulache i bulsanins fova plu esperc y venciova per 6:4 y 6:2. Butà ti àla al incontra a Maximilian y Hannes Senoner che jugova ntant a Kaltern. Maxi batova Maximilian Hochkofler per 6:0 y 6:2, plu da ciampì ova Hannes che messova jì tla terza contra Tobias Palla. Ala fin à Hannes venciù per 6:4, 4:6 y 6:2 desmustran inò n iede coche na partida possa se mudé y che n muessa for ”sté iló” coche n dij, se cunzentré y se purvé nchin ala fin. Davia che Maxi ne se n stajova nia drë bën do si juech àn lascià vester l dopl, y propi l pont dl dopl pudëssa ti avëi fat arjumé

42

www.lauscdiladins.com

ai doi l giron finel davia che de plu scuadres ova unfat ponc y l univa valutà la cumpëida de partides y set venciui de ndut. Messon aspité la dezijion dla federazion. Under 12 mutans: Do na vënta y na piërsa se tratòvela per Ellen Mair y Clarissa Costa n dumënia ai 20 de mei contra l ASV Lana B de se seguré l segondo post te tlassifica per ruvé tl giron finel che scumëncia ai 3 de juni. Do che Ellen ova batù Anne Garber per 6:0 y 6:0 y Clarissa ova perdù contra Anna Breitenberger fajan un n pont sëul tl segondo set, messòven vëncer l dopl y tlo se desmustrova nosta atletes plu stersces vencian per 6:0 y 6:2. Inant jiràla perchël ai 3 de juni ora de cësa contra la scuadra A de Lana. U16 mutons: Nia prejentà ne se à i atlec de St. Georgen che dassova jughé n sada ai 19 de mei contra Patric Prinoth y Erwin Tröbinger tl tennis curì de Sëlva y nscila àn venciù la partida sun papier. I doi jëuni dl TC S. Cristina/Sëlva ie nscila tl giron finel y arà da jughé ai 2 de juni n cësa contra l Maran. Serie D1 ëi: Cun n resultat a pèr contra la scuadra dl TC Kaltern fina via l TC S. Cristina/Sëlva al prim post tl giron cun de ndut 9 ponc y ie nscila tl giron finel che sarà d’agost, sëuraprò aràn l dërt de fé l prim juech n cësa y chël uel dì truep. La partides de singuler de n dumënia ai 20 de mei contra l Kaltern ie jites ora nscila: Patric Prinoth - Florian Morandell 6:7, 6:0 y 4:6, Erwin Tröbinger - Patrick Andergassen 2:6 y 2:6, Stefano Bassetto - Florian Greif 6:3 y 6:4 y Alex Runggaldier - Roland Zozin 6:4 y 6:2, i ponc per l dopl se àn partì.

La scuadra dla serie D1 cun Patric Prinoth, David Kostner, Erwin Tröbinger y Stefano Bassetto.

Serie D3 ëiles: Te chësta categuria à tramedoi furmazions dla lia dl tennis de S. Cristina/Sëlva abù suzes tl terzo di de juech de n sada ai 19 de mei. Jasmin Senoner y Carolina Riffeser fova bones de bater cun n resultat tler de 6:0 y 6:1 l dopl dl Kaltern A metù adum da Petra Schulz y Anna Battisti, se seguran nscila i doi ponc per la tlassifica che les vëija inant al prim post. Dant ova Jasmin perdù si singuler contra Schulz per 6:4 y 6:2 y Carolina ova batù Battisti te trëi set trac per 4:6, 7:5 y 6:1. L proscim juech sun l program fossa ai 2 de juni contra l Maran. La scuadra B à venciù cun n resultat plën de 3:0 la partida contra l ASV Sarnthein for n sada ai 19 de mei tl tennis curì te Sëlva. Tla partides che fova bele danmesdì ne ti à Petra Callegari lascià fé degun pont a Monika Perkmann y nce Manuela Tröbinger ie do plu de doi ëura de juech jita ora de ciamp cuntënta de avëi batù Tanja Stauder te trëi set per 5:7, 6:2 y 6:4 do che la fova stata dovia per 1 a 4 tl terzo set. Pra l dopl àl fat pea Helga Kerschbamer deberieda cun Manuela vencian contra Messner/ Vasselai te doi set per 6:2 y 6:1. La proscima averseres unirà da Tramin

Carolina Riffeser y Jasmin Senoner fej pea l campiunat U14 y la serie D3. (Fotos: Carolina Riffeser)

per jughé ai 2 de juni te Sëlva. Serie D4 ëiles: La scuadra A ova da fé contra l ASV Nals n sada ai 19 de mei n cësa y la trëi jëunes dl TC S. Cristina/Sëlva à metù te sach duc i ponc per la partides de singuler sciche nce l dopl. Daniela Demetz à batù Tamara Thaler per 6:2 y 6:4, Sophia Senoner à venciù l juech contra Julia Oberberger per 6:3 y 7:5 y Lisa y Sophia à pona mo venciù l dopl per 6:1 y 6:2 contra l pèr Thaler/Broll. L proscimo juech per ëiles sarà ai 2 de juni a Naturns. Te Turesc/Taufers ne ti àla nia massa butà ala segonda furmazion che ie chëst ann pra si prima esperienza agonistica. Fé pea à nce pudù chëst iede la jëuna Ellen Mair che se à batù drët bën fajan 2 ponc tl prim y 3 tl segondo set contra Silvia Saccani, Bruni Putzer à perdù contra Carolin Hilber per 6:0 y 6:2. Tl dopl ie Ellen y si mami Christa states bones de fé 4 ponc tl prim y 3 ponc tl segondo set contra Saccani/Hilber, si proscim apuntamënt sarà ai 2 de juni contra l Niederdorf ora de cësa. Serie D3 ëi: L 6:0 de n dumënia

20 de mei contra l SSV Pfalzen ora de cësa ie bele l segondo capot ndolauter per la serie D3, che mostra mo n iede si ntenzion chëst ann de ulëi jì su de categuria. La partides ie jites ora nscila: Daniel Vinatzer - Karlheinz Bachmann 6:2, 6:1, Werner Kostner - Seeber M. 6:3, 6:2, Holger Bamhackl Christoph Gasser 6:4, 6:4, Peter Stuffer - Robert Zöggeler 6:2, 7:6, Daniel/Werner - Gasser/Gruber 6:0, 6:2, Fenno/Holger - Winding/ Seeber 5:7, 6:1, 6:2. La scuadra che ie bele n team da plu ani possa te si proscimo juech ai 3 de juni sfruté l vantaje de jughé n cësa contra l ASV San Laurënz. Over 45 ëi lim. 4.3: N sada ai 19 de mei fòvel l ultim di de juech dl giron contra l Persenon y iló ie mé Werner Kostner stat bon de bater Paul Munter per 7:5 y 7:6, Fenno à perdù contra Andreas Fellin per 6:1 y 6:4 y nce l dopl à Holger y Peter perdù te doi set per 6:2 y 6:0 finan via l campiunat, canche n se ëssa aspità danora de ruvé plu inant, ntant iel mé stat n bon alenamënt y śën pòssen se cunzentré defin sun la terza liga. Alex Runggaldier


Sport

nr. 20 / 25 de mei 2012

Sauté tres la zità y da mont su

Cumpetizion y cumpania

I atlec di Gherdëina Runners à tla ultima doi garejedes inò desmustrà de pudëi tenì pea cun i plu asvelc, arjunjan dantaldut te si categuria de plu plazamënc sun l podest

Turnoi de Gherdëina, ulache l à fat pea atlec di clubs dal tennis de Gherdëina y nce de Laion, ma nce simpatisanc de chësc sport

Sauté - Bën 3120 atlec dater i plu jëuni y i plu vedli à fat pea n sada ai 12 de mei pra l ”Innsbrucker Stadtlauf”. I plu pitli ova da sauté 1500 metri y i granc 10 km, pian via dala Maria-Theresien-Straße nchin tla Sparkassenstraße. Sul podest di ëi udons trëi atlec dl Kenia, 1. Masai Ben cun n tëmp de 29 menuc y 2 secunc, 2. Kosgei Titus 29:10 y 3. Koitegei Jonathan 30:13. Georg Demetz di Gherdëina Runners se à tlassificà 24ejim tla categuria generela y 6. te chëla di M40 cun n tëmp de 34:06. Pra l’ëiles àl venciù Kimaiyo Ednah, nce ëila dl Kenia, cun n tëmp de 32:32. Al segondo post iel la miëura de Südtirol Renate Rungger cun 33:14 y al 3. post Karin Freitag dl’Austria cun 35:12. Bigit Klammer di Gherdëina Runners se à tlassificà 14ejima tla tlassifica generela y 4. tla W40 cun n tëmp de 39:48. Samuel Demetz di Gherdëina Runners ie sautà pea tla categuria di sculeies sot a 10 ani y se à tlassificà al 16. post cun n tëmp de 7 menuc y 1 secunt. La dumënia do ai 20 de mei fòvel

Georg Demetz à arjont de biei resultac.

la garejeda de sauté da mont su da Terlan a Mölten. L campion provinziel Thomas Niederegger y Renate Rungger à venciù la garejeda y la Rungger à danter l auter batù l record dla trassa y ie ruveda sesta tla tlassifica generela, sibe di ëi che

dl’ëiles. Da temperatures ideéles iel pià via bën 185 atlec per sauté i 9,3 km cun n deslivel de 1050 metri. Tlo udons la tlassifica di prim cin ëi y dla prima cin ëiles: Ëi: 1. Thomas Niederegger (Rennerclub Vinschgau) 48:56; 2. Roland Osele (Telmekom Team Südtirol) 53:24; 3. Daniele Oss (Atl. Trento) 53:26; 4. Enrico Cozzini (Atl. Trento) 53:46; 5. Francesco Trenti (Atl. Clarina) 54:27 Eiles: 1. Renate Rungger (Forestela) 54:52; 2. Edeltraud Thaler (Telmekom Team Südtirol) 1:01:06; 3. Sylke Schmitz 1:04:18; 4. Anna Pircher (Rennerclub Vinschgau) 1:06:55; 5. Petra Theiner (SC Meran) 1:07:18. Pona udons mo la tlassifica di atlec di Gherdëina Runners y l miëur de chisc fova Georg Demetz, che à abù 58:38 se tlassifican nsci al 2. post tla categuria M40. Hugo Senoner ie ruvà 1. tla categuria M55 cun 59:43, Klaus Perkmann à abù 1:14:55 y ie ruvà 13. tla categuria M35 y Christian Peterlunger se à tlassificà al 30. post tla categuria M40 cun 1:18:17. (mp)

Sport, compagnia y aorela cörta La Uniun dl Sport da Corvara y Calfosch à invié pici y gragn al dé dl sport por families Corvara - En domënia ai 20 de mà s’à n pü’ de jënt incuntè söl ćiamp dal palê a Corvara, por fà para le dé dl sport, metü da jì dala Uniun sport Corvara y Calfosch, por mituns y gragn. En chësc ann àn indô metü sö 7 jüć, olache gragn y pici à podü se mosorè por davagné punć. Indöt à tut pert ai jüć 50 porsones, de chëstes bëgn 17 geniturs. Cotanć deplü s’à tut dlaorela da passè y da stè n momënt en compagnia y ćiarè pro sciöche pici y gragn saltâ da n jüch al ater. Les proes da superè é gnüdes partides sö te dui grups: proes da trà cogores te canëster, te porta dl palê o da hockey, y proes da saltè cun ostacui o de agilité. Chësta variaziun danter i jüć plej dër ai partezipanć, insciö é gragn y pici bugn da se mosorè inće cun n pü’ de fortüna. (veronika pedevilla) Achim Vinatzer y Veronika Pedevilla premiëia i pröms trëi dla categoria de 1a y 2a elementara.

Les prömes cater mames.

Tlassamënć - pröms trëi Scolina: Francesco Longhi, Alexia Sigismondi, David Sommadossi 1a y 2a elem.: Mattia Mersa, Jan Sommadossi, Nadine Vinatzer 3a y 4a elem.: Dylan Irsara, Elia Mersa, Steven Zöschg 5a elem - 1a mes.: Giulia Parisi, Ganibegovic Rocco, Valentina Hafner 2a y 3a mes.: Mattia Davare, Samuel Moling, Luca Canins Umes: Rachele Pescosta, Tania Profunser, Wilma Pezzei y Katia Irsara Peri: Ivan Sommadossi, Raimondo Dapunt, Albert Frenademetz Families: fam. Ivan Sommadossi, fam. Albert Frenademetz, fam. Jaco Sigismondi

Tennis - N vënderdi ai 18 de mei iel stat la festa de premiazion dl ”Turnoi de Gherdëina 2012” tla Pizzeria Tennis a Urtijëi. Chësc turnoi ova scumencià ai 14 de auril y l ie unì jugà cin enes alalongia. Duc i atlec y tennisć simpatisanc de dut l raion de Gherdëina y Laion fova nviei a fé pea. L ie unì fat doi tabelons da 32 partezipanc, un per i ëi y un per l’ëiles. L sistem fova struturà che uniun pudova jughé cin partides, uniuna de n’ëura de ndut. Aldò dla vëntes jìven inant sun la pertes dl tabelon che ova ot pitli turnoies interns cun si fineles. L turnoi ti à plajù dassënn a duc chëi che à fat La finalistes dl’ëiles: Alessia Ceppatelli y pea, davia che n ova l mesun Marion Kostner. de se cunfrunté cun averseres de uni livel. De ndut iel unì jugà presidënt dl club dal tennis de bën 160 partides. Stlut ju àn pona Urtijëi, Wolfgang Wanker, à messù chësc turnoi, coche dit, tla Pizzeria se cuntenté cun l terzo post y cuarto Tennis, ulache duc chëi che à fat ie ruvà Andrea Kostner (Putti). pea fova nviei ala blòta festa de Pra l’ëiles ie Alessia Ceppatelli ruveda sun l scialier plu aut, ëila à premiazion cun cëina. L prim post di ëi ie unì arjont da batù te finela Marion Kostner. Al n reprejentant dl Tennis Club de terzo post se àl tlassificà Martina Laion, Iacun Prugger de Urtijëi. Moser dan Paula Thomaseth ruveda Segondo se à tlassificà Alex cuarta. Duta l’ëiles finalistes ie Runggaldier, presidënt dl Tennis scrites ite tl Tennis Club de Urtijëi. Club de S. Cristina/Sëlva. L A duc chisc che on cumpedà su ti iel unì sëurandat bonns da jì a cumpré ite tla butëiga Sport Gardena, ma n à nce ulù premië chëi che ne ie nia ruvei dancà. Do cëina àn metù a jì na tombola per duc chëi che à fat pea l turnoi trajan ora de blòt pesć. Rengrazion i sponsores per si sustëni y per la copes da sëurandé a chëi che à venciù, sention gra a duc chëi che à fat pea y ai cumëmbri dl cunsëi dl TC Urtijëi che à Alex Runggaldier à messù ti la dé vënta a judà ntëur ite. Karin Iacun Prugger, che à venciù l turnoi.

Na ucajion nia nuzeda La speranzes de jì su de categuria se destuda bel plan ju Juech al palé/ 3. cat. - L FC Gherdëina à jugà n sada n cësa contra l Welschnofen che ie ruvà cun puec jugadëures. Ntan l prim tëmp se mpensova l scrivan che l fossa stat plu saurì a vester periculëusc y fé n gol, ma purtruep ne n’iela nia stata nsci. Nosta scuadra fova massa pëigra y se stentova a ruvé dan la cassa aversera y massa dinrer fòvel na ucajion da tré sun cassa, ma nianca no l Welschnofen ne ti garatòvel deplù che a nëus. Ti segondi 45 menuc pëien via cun n auter ritm y n cëla de strënjer ite l Welschnofen te si area y la ucajions ne manciova nia cun Marco, Seljvir Mark y Jonas, ma n cont de goi nia da n fé. L Gherdëina à mo purvà a jughé ti ultimi diesc menuc cun trëi pecs dovia per vester plu stersc dancà, ma manacian nsci de se giapé plu saurì n gol. L Welschnofen ruvova nsci plu saurì

pra ucajions y stata iela nsci che n jugadëur da sëul fërm te area giapa la codla dal campani, ma tira per fertuna dlongiavia. Puech dan la fin tira Mark Vinatzer da 30 metri sëch sun cassa, ma l verdiaporta dl Welschnofen pëia. Si verdiaporta ie bon y à monce urtà n bon di. L Gherdëina ëssa povester pudù prutesté y se damandé n rigore per na fal su Jonas, ma nosta scuadra ne fova nia bona assé per pudëi se lamenté. Pertruep devëntel nscila danz rie a speré de jì su de categuria, che ie mé plu na storia danter l Laion y l Imperial cun nosta scuadra che possa mé speré ti fai dl’autra doves. Sciot, an fat tla prima pert finan via sciche prims a pèr cun l Laion, ma dopro ons lascià massa ponc sun streda. (pg) FC Gherdëina - Welschnofen 0:0 (0:0) www.lauscdiladins.com

43


Sport

nr. 20 / 25 de mei 2012

L Fascia Balon sciauda l cher di fascegn La venta de Copa Provinzia al Briamasco à soscedà n grum de reazions de legreza e emozion Fascia Balon - L campionat de balon de 1^ categorìa l’é dò che l fenesc, e l’é stat dassen na sajon de òr per l Fascia Balon, che de gra a l’empegn del diretif, di alenadores, di atlec e de duc i sostegnidores, l’à arjont de gregn resultac tant a livel agonistich che sozièl, con ben 10 squadres dai più gregn ai più pìcoi che à jià ti desvalives campionac. De dut chest diron de più la setemèna che vegn, ajache n’é stat rejonà trop en lunesc sera a Vich tel cors de sia radunanza. Endèna volon amò se goder mìngol la legreza per la venta che à portà te Fascia chela gran Copa che fajea bela parbuda endèna la radunanza sul desch apede ai dirigenc. Na venta vadagnèda con fadìa, empegn e braùra, che à soscedà gran legreza e emozion.

L president Walter Ghetta: “Devalpai bec!” Per chesta venta l president del Fascia Balon Walter Ghtta à volù ge sporjer a duta la squadra n gran develpai. “Ai 9 de mé del 2012 - l’à dit - te stadie Briamasco de Trent l’é stat na serada da no desmentiar per la sozietà. Passa 200 sostegnidores é rué ju da noscia val per portar gaissa a la squadra ladina a Trent. L’era bandieres dai colores vert, bianch e brun, n muie de joegn de le desvalive categorìe co la mondura, ma ence jent de ogne età, e ben segur no podea menciar noscia super tifosa Pierina. I fascegn à portà viveza, color e sostegn (ence con striscions che engaissaa desvalives jiadores) a duta la squadra endana duta la partida. Son stat dassen stolz de dut chest, veder i fascegn da Moena a Dalba jiar ensema, padir te na partida senestra olache menciaa desvalives jiadores, e l tifo ladin che didaa con parole

de spenta, con gregn batiman e ence con “ovazion”, soraldut a nosc portier che à parà la trata dai undesc metri e a Daniele Deluca, che a pec seconc da la fin, con na punizion “magistrala”, l’é stat bon de passar via l portier aversarie e ne portar a la venta. No podede ve pissar la contenteza de nesc sostegnidores, che dò aer padì ence ic, con lonc batiman i ge à fat veder ai jiadores dut so content. E amò più bel l’é stat veder che i jiadores, dò aer ciapà te man la Copa dal president de la Federazion, Ettore Pellizzari, i é corec su per le tribune a far festa e ciantar per n bon trat. Rengrazie duc nesc jiadores e i tecnics che i ne à portà denef a chesta venta emportanta, jà arjonta del 2010, ge dajan coscita luster e valuta a noscia sozietà fasciana. Devalpai bec!”

I complimenc istituzionèi e la emozions di jiadores I complimenc a la squadra fascèna é rué tras na letra ence da la procuradora Cristina Donei, l Consei di Ombolc e l Consei General del Comun general de Fascia, che dò aer “serà sù con bon éjit la festa de l’aisciuda ladina, dedichèda chest an apontin al sport, ai atlec e a la sozietèdes sportives de Fascia, i palesa la gran sodesfazion per i resultac tel jech dal balon, éjit de capazità, lurier e spirit de union che à tegnù adum na squadra en raprejentanza de duta la val, ben arcedèda e endrezèda da alenadores, staff tecnich e diretif che se merita i complimenc per l lurier che i à portà inant.” N cher autertant gran ge à fat a duc i dirigenc e i jiadores del Fascia Balon la letra ruèda per mail da na fascèna che stèsc a Trent, e che l’à

L portier Nicolò Cincelli e l “goleador” Daniele Deluca: i doi maores protagonisć del gran ejit.

N moment de legreza di jiadores te la semifinèla: ence l penultim vèrech envers la venta era jit!

rengrazià duc de cher per la gran emozion e l’orgolie ladin che la partida al Briamasco à soscedà te so cher. Na venta suèda, padida e meritèda, descheche se pel entener ence dai comenc “a ciaut” de jiadores e sostegnidores, touc sù da Cristoforo Debertol. Per Menu Bernard “Jef” la tenjion era auta jà dal dì inant. “M’é descedà dotrei oute chela not. Endana la partida l’adrenalina à fat da patrona scaran duta la cutia del scomenz, enscin a la fin, canche l’é ruà l triple scigol. No é parole per ve contar la legreza che é proà. E voi ge dir n gran develpai a nesc mitici tifosi. I aon dassen sentui apede noi te ciamp.” Stefano Riz, joen Juniores del Fascia che jian contra l Tione l’à dat ence sul ciamp sie contribut a chesta Copa, l’à dit che: “Tanche ju da la coriera se aon sentù mìngol foresć dedant al “Briamasco”, n stadie mìngol più gran che nosc “Cotura” e canche l’é ruà i tifosi del Baone siane mìngol a dejèje. Chesta sensazions però les aon sobito desmentièdes de gra a duc i fascegn che l’era ju e che ne à fat sentir più taché e coragiousc. Dant de la partida sentiane amò mìngol de tenjion, ma ence chest sentiment se à perdù fora con l’intonazion del prum cor “Forza Fassa”, vidà dal mai strach Titti con sie tamburle. L prum temp l’é se n jit zenza nience che se n capissane fora, ma al moment de la espulscion de Bosin dut ne é crodà ados: l Baone tachèa jà a festejèr ma de gra a l’intervent de nosc portier sion stac bogn de troèr amò la forzes e l fià per ciantèr per nesc jiadores. I é doventé 10 leons che i à combatù fin a la fin; fin a la magica punizion de Paco, che ne à regalà na legreza da no creer. Canche l’é ruà l triple scigol sion suté duc su e aon tacà a

La Copa Provinzia en prum pian à fat bela parbuda a la radunanza del Fascia Balon.

44

www.lauscdiladins.com

cighèr amò più fort. Dapò l moment più bel l’é stat l’uzèda de la copa da man de nosc capitan Cristoforo. Te chel moment é abù ence mìngol de invidia: ence gé tel davegnir volesse scriver piates de la storia del balon fascian col venjer doi copes te trei egn. Sé de esser stat fortunà per aer didà nesc jiadores te mie picol, ti momenc de maor dificoltà e fadìa e de aer podù esser a chesta partida fantastica. Percheche coche i à scrit en domenia sul ciamp Cotura “Ne aede fat viver n beliscim ensomech”. Mister Luciano Cigolla, che la copa l l’aea venta acà doi egn e enstouta l’à fat la pèrt de telecronist apede a Silvano Ploner, l ne à dit de aer proà “dassen na gran legreza per duta la squadra e l pensier che i à dalbon fat zeche de straordenar. L’é n grop maraveous. É vivù n’emozion desvaliva, ma semper de gran contenteza. L’é stat senester far l telecronist ence percheche mìngol cognee me conzentrar sun chel che dijee e cognee me tegnir da parlade massa da tifoso.”

“Ne aede fat viver n beliscim ensomech” Mencia amò la sensazions de chi che à tifà duta sera. Chest l’é chel che à dit doi tifose: “Forza Fassa olé olé... L’é peà via coscita l tifo di ultras e de duta la jent fascèna che à volù ge stèr apede a sia squadra te na

partida coscita emportanta. L’é stat bel veder jent de ogne età, de ogne paìsc, che no ge à pissà doi outes a tor cà l’auto o a montèr su na coriera per jir a sostegnir la pruma squadra del Fascia Balon. Dassen na bela atmosfera, jent algegra e grignolenta che no à mai lascià aló de ciantèr e bater la mans per ge fèr a saer a duc che te chel ciamp no l’era demò 11 jiadores, ma col cher siane duc aló, a ge dèr na man canche i sutèa jabas, a corer con ic canche i se arvejinèa a l’usc aversarie. Na partida dalbon padida. Fin a l’ùltim duc col cher tel col, a spetèr chel gol che demò al 93° ne à fat sutèr en pe con gran gaissa. Dassen na gran emozion! De bie complimenc a duc i jiadores per la fadìa e l’empegn che i à metù per portèr te Fascia, amò n’outa, na bela copa, ma soraldut per ne aer fat passèr na bela sera duc chenc adum! N gran detelpai a duc e a n’autra amò più bela!” “Na gran tenjion te stadie per duc i 90 menuc, fin canche Paco ne à fat scopièr de legreza con sia gran trata da cet. Aon spent e compagnà i jiadores dal prum a l’ùltim menut per dò festejèr chesta venta con ic. L’é stat na gran emozion canche la squadra co la copa la é vegnuda su la tribunes per spartir chesta legreza con duc nos fascegn.” N gran develpai donca a duc chi che à didà pech o tant per poder ruèr a chest resultat! (cd/lg)

“L moment più bel l’é stat l’uzèda de la copa da man de nosc capitan Cristoforo".


Sport

nr. 20 / 25 de mei 2012

Fenida l’aventura de l’hockey mondièl La Selaronda Hero ie eroica La nazionèla talièna é jita de retorn te la Pruma Divijion. Coach Cornacchia aessa podù de dèr più lèrga ai cater ladins te squadra Hockey mondièi - Se à serà su en domenia ai 20 de mé l campionat mondièl de hockey su giacia, olache à tout pèrt ence la nazionèla talièna e che à vedù la Russia venjer l titol de campions de l mond. L mondièl era spartì te doi gropes, l grop Stoccolma olache era empegnèdes Tèlia, Svezia, Germania, Republica Ceca, Danimarca, Norvegia, Lettonia e Russia e l grop Helsinki olache era empegnèdes Canada, Usa, Finlandia, Slovacchia, Franzia, Bielorussia, Kazakistan e Svizera. Descheche se à podù veder, la formazion talièna aea n bon toch de ènema ladina de gra a la prejenzes di fascegn Stefano Marchetti, Diego Iori e Luca Felicetti e de Marco Insam de Gherdena. La Tèlia a desbutà la pruma partida en vender ai 4 de mé contra la Germania perdan per 3 a 0, te la seconda partida fata en domenia ai 6 de mé se à vedù na Tèlia più engaissèda e fortunèda e che é stata bona de venjer per 4 a 3 su la Danimarca col gol de Giulio Scandella a l’overtime. Ge à pissà la Lettonia a dessatèr la bona speranzes taliènes, venjan per 5 a 0 sui “azzurri”. La dezijion

I urganisadëures dl Hero ntan la cunferënza a Bulsan.

L’era ence i ladins Iori, Marchetti, Felicetti e Insam anter i jiadores de la nazionèla talièna de hockey. (Foto da Andre Ringuette/HHOF-IIHF Images)

de coach Rick Cornacchia però no l’é stat chela che duc nos Ladins assane sperà, ajache nesc atlec ladins se i à vedui pech su la giacia. Da chiò inant la strèda se à fat semper più senestra per i taliegn, che i à perdù l’autra partides con Norvegia, Repubblica Ceca, Svezia e Russia, ruan a segnèr bele doi gol te la partida co la Norvegia; la pèrt positiva però l’é che te la ùltimes partides se à podù veder i jiadores ladins jièr de più, e desmostrèr sie

talent e sia capazità. Co la venta de la Danimarca, la Tèlia se troa però a cogner zeruchèr e la va coscì a tor pèrt al campionat mondièl de Pruma Divijion, che vegnarà fat te l’Ungherìa l’an che vegn. Ge auguron a nesc atlec ladins de ruèr a fèr amò pèrt de la nazionèla, per poder coscì ne dèr amò de gran emozions. Mattia “Matt” Desilvestro

L Fodom vadagna i prums trei ponc Peia via polito l Torneo Agordin per la scuadra ladina. L Torneo Agordin l é pié via na setemana davánt dei autri per l Fodom, che ndomënia passada l à soghé e vadagné contra l Gosaldo. L’eva stada proprio la scuadra de la conca agordina, tournada ndavò ntel torneo davò ester manciada per chelche edizion, a damané de podei antizipé la partida. Na partida senza grane emozion, coche da spëss suzede nte le prume edizion de campionat, cánche le scuadre i à da onje ncora ite polito schemi e tatiche. L Fodom, sebénche senza sogadori “de pruma” come davide Crepaz, l à mostré n bon juoch. Polito ence i jovegn. Dalonc dal livel dei agn de òr l Gosaldo. Prums vint menuti de ecuilibrio ntra le scuadre, ence se l é l Fodom a se sburlé per prum nnavánt e a tignì i aversciari nte suo mez del ciámp e a recuperé plu oute e saurì la bala. La pruma ocajion la rua al 6’, cánche Petri l

Bele da n pez incà iel unì arjont l tët de 2011 partezipanc. Na lauda nce ai urganisadëures, propi eroics, per coche i à sapù te puec ani da mëter a jì na manifestazion de dimenscion mundiela

prova a tré davò npuò de bordel n area. Ma Da Zanche l é brao a ciapé l balon ju per jubas. Nmenuto davò, da l’autra pert prova l Gosaldo con Centeleghe che l se gira sul lime de l’area davò na punizion da mezciámp. Sul corner che n ven fora, marcon l máncia de puoch l sepecio de la porta. L prum vantagio dei paroni de cèsa l rua al 18’. Grum de sogadori nte l’area. Azzolini l ciapa l lèrch per passé a Sandro Soratroi da sol da la pèrt ciámpa de l’area, che l à dut l temp per se comedé tiro e mira. Da suo pé ciámp peia via na trata che rua fin sot al “set” a la ciámpa de Da Zanche. L Gosaldo nsomeia che l prove a vignì fora, ma le azion se le ferma dute contra l’a difeja del Fodom. Su contropiesc rua l secondo gol del Fodom. Al 33’ Azzolini, ntra i meio sul ciámp, l sen va ju su la mán ciámpa. L suo cross l ciapa da l’autra pert troi che

l rua n area da ulàche l lascia partì, gnánca tánt dassën, n balon che va ntel canton bas a la ciámpa. L portier del Gosaldo l é ilò, ma l ven ngiané da la deviazion de n suo difensor. L’arbitro l segna moò l gol al numer 7 del Fodom perciéche la trata l’é eva del viers de la porta. L Gosaldo l à doi ocajion davánt che se fenësce l prum temp al 37’ con Cassisi, davò na falada ntaméz l ciámp del Fodom e al 42’ con Ren, che da la linea junsom l ciámp, l lascia partì n balon che passa via duta la porta. Secondo temp fotocopia del prum. Puoce le ocajion da na pert e da chël’autra. Al 76’ Pellegrini, apëna vignù ite, l fèsc spona de testa dai trei cherc a servì Sandro Soratroi, che l prova l replay de l’azion del prum gol. Ma sto viade l portier agordin l à temp de se paricé e se slongé a ciapé l difizile balon. Proscima partida domënia 3 de jugn, nte Freine da le 16. (ls)

Roda - A Bulsan iel unì prejentà la manifestazion dl Selaronda Hero 2011. I urganisadëures ntëur a Gerhard Vanzi y Peter Runggaldier à metù a jì dut cant a puntin, à fat n „figuron“, coche n dij. Na manifestazion metuda a jì ala perfezion, cun partezipanc de passa 25 Stac. L numer 2012 ie unì metù al incant, y duc possa mo jì ite tla plata internet per pité deplù y fé sie chësc numer tan prijà y ti judé cun chisc scioldi tl medemo mumënt a atlec jëuni de nosta Region, tres la Lia de Sustëni al Sport, cun a cë Stefan Leitner. L numer 1 sarà de Mirko Celestino, l ie l numer resservà a chiche à venciù l ann passà.

Garejeda ai 23 de juni Ai 23 de juni saràla tan inant che i passa doimile bikers garejerà te na cuntreda de marueia, sun doi percursc, l lonch de 82 chilometri y n deslivel de 4.200 metri, l curt ma for mo massacrant ie de 52 chilometri. L montdepesc´ ie de bën 45.000 euro, cun na novità: sëuraprò iel mo cater pesc´ particuleres per chiche vënc l Pest Ciaulonch y Sela; chisc ie resservei ala categuries Hobby Men e Women.

Ntraunida de sport, ma nce marketing turistich

Julia Innerhofer cun Stefan Leitner.

pona iel nce n program ntëurvia che scumëncia bele ai 21 de juni. N sada saràl pona nce la Hero Kids, na mini-maratona nia cumpetitiva de trëi chilometri tres l luech de Sëlva. Do la garejeda dl Hero per i granc puderàn se cialé ju na pert dla garejedes pruieteda sun na gran tëila. L manejamënt mediatich ie ënghe grant: bën 60 televijions de 22 Stac ti dajerà lerch ala manifestazion. N generel ie la Selaronda Hero n mesun mpurtant nce de marketing turistich, na manifestazion al top, na urganisazion al top, dut te na cuntreda de marueia, la plu bela dl mond!

Sce la garejeda ie ai 23 de juni,

David Lardschneider

Pra la prejentazion dl Selaronda Hero.

Fodom – Gosaldo

L Fodom.

Fodom: L. Palla, L.Crepaz, G. Soratroi, Murer, Troi, Azzolini, A.Palla (Fersuoch) G.Crepaz (Pellegrini) S. Soratroi, Petri, G.Palla (M.Palla). Al.: M.Crepaz Gosaldo: Da Zanche, Ren (V. Masoch), Marcon (Dal Don), Centeleghe, S.Da Zanche (Paganin), Serafini, T.Marcon (S.Marcon), D.marcon, Rizzi (M.Da Zanche), F.Marcon, Cassisi. Al.: V.Masoch. Gol: S.Soratroi (19’) , Azzolini (33’). Arbitro: Daniele Pollazzon.

Truepa autoriteies, ma nce atlec y atletes y espunënc di media ie unic adalerch per la cunferënza a Bulsan. www.lauscdiladins.com

45


Informazions y Manifestazions Mostres Mostra iubilara de Lois Anvidalfarei Ćina en doman ai 26 de mà saràl da odëi tla Galerie Maier tl Palais Trapp a Desproch na mostra personala de scultöres y dessëgns de Lois Anvidalfarei, por sü 50 agn. Orars: dal mertesc al vëndres dales 10 ales 12 y dales 15 ales 18, la sabeda dales 10 ales 13. Mostra de Wilfried Mussner

La mostra de Wilfried Mussner “Einfach Komplex“ ie da udëi nchin ai 16 de juni tl Café Surëdl a Urtijëi da lunesc nchin a sada, 10.00 - 19.00.

Sport Gara de orienteering a copies a Calfosch

Sabeda ai 2 de jügn, dales 10.30 söl prè di saltadus dl Pisciadù. Categories: mituns y gragn. Cost: 20€ a copia. Dales 13 premiaziun y griliada. Prenotaziuns: Jennifer 346/0122657, Christin 328/0724635, Silvia 333/4394453, Sarah 339/6823025, Freddy 329/4791261. Da bur’tëmp vëgn la gara desdita. Organisaziun: Grup di Jogn. Turnoi nternaziunel de Schach server24chess

Schach a livel aut, per l prim iede a Urtijëi, dai 2 nchin ai 10 de juni te cësa de cultura for dala 3 domesdì inant. L fajerà pea 14 gran maestri dl Schach, 8 maestri nternaziunei da 20 nazions. La montdepesć dl turnoi ie de 13.000,00 euro, cun n trofeo tlamà “Ad Gredine“ ziplà a man da Gregor Prugger.   Garejeda de mountainbike junior L Club Rodes Gherdëina nvieia duc a unì n vënderdi, ai 1. de juni dala 14.30 te Val d’Ana ala garejeda de mountainbike junior. L possa fé pea duc i mutons dla elementeres y dla mesanes. Iscrizions dala 14.00 sun la plaza dai auti dla stazion a val dla Secëda. Senteda Generela dl Hockey Club Gherdëina

Ai 31 de mei dala 8 da sëira saràl tla gran sala dla cësa de cultura Luis Trenker a Urtijëi la senteda generela dl Hockey Club Gherdëina. Festa dl sport

L’aministrazions di Chemuns de Sëlva, S. Cristina, Urtijëi y dla Frazions ladines de Ciastel, à l plajëi de nvië de cuer Vo, Vosta families y Vosc cumpanies ala Festa dl Sport, n sada, ai 2 de juni 2012 sun plaza de chemun de Sëlva dala 17.00 inant.

Cursc A Cianacei se empèra a fèr cremes

L comun de Cianacei endreza n cors per emparèr a fèr cremes e onc per l corp. Vegn spiegà che che l’é n cosmetich, che che l’é ite, e dat nozions sul corp e l’ambient. L cors vegn fat ai 5 de jugn, h 14.00-19.00, l cost l’é de € 35 e pel tor pèrt demò 12 persones. Info al 339.3138779 o per mail a: scoladebora@yahoo.it. Curs de biodanza

Curs cun Angelo Palfrader, en doman sabeda ai 26.05 dales 14 ales 19, tl salf Anamcara a San Laurënz (dlungia Hi-Fi Studio). Cost: 35,00€ döt le domisdé, 19,00€ na sessiun cörta dales 14 ales 16. Infos y prenotaziuns al 0474/506052 o 333/438350 - e-mail angelopalfrader@virgilio.it. Cursc de rujeneda per sculeies dla Scola Elementera Cursc de rujeneda per sculeies dla Scola Elementera dai 9 nchin ai 20 de lugio da lunesc nchin vënderdi, 9.00 - 12.00. Iscrizions nchin ai 6 de juni 2012: Curs de tudësch per sculeies dla 2/3.tlas dla Scola Elementera, ann de scola 2011/2012 te Sëlva, tla Scola Elementera, da lunesc nchin vënderdi, 9.00 – 12.00, 10 lezions, de ndut 30 ëura, priesc 90,00 euro. Curs de tudësch per sculeies dla 4/5. tlas dla Scola Elementera, ann de scola 2011/2012, te Sëlva, tla Scola Elementera, da lunesc nchin vënderdi, 9.00 – 12.00, 10 lezions, de ndut 30 ëura, priesc 90,00 euro. Curs de talian per sculeies dla 1. tlas dla Scola Elementera, ann de scola 2011/2012 a Urtijëi, tla Scola Elementera, da lunesc nchin vënderdi, 9.00 – 12.00, 10 lezions, de ndut 30 ëura, priesc 90,00 euro. Curs de talian per sculeies dla 2/3. tlas dla Scola Elementera, ann de scola 2011/2012, a Urtijëi, tla Scola Elementera, da lunesc nchin vënderdi, 9.00 – 12.00, 10 lezions, de ndut 30 ëura, priesc 90,00 euro. Curs de talian per sculeies dla 4/5. tlas dla Scola Elementera, ann de scola 2011/2012, a Urtijëi, tla Scola Elementera, da lunesc nchin vënderdi, 9.00 – 12.00, 10 lezions, de ndut 30 ëura, priesc 90,00 euro. Curs de nglëisc per sculeies dla 2/3. tlas dla Scola Elementera, ann de scola 2011/2012, te Sëlva, tla Scola Elementera, da lunesc nchin vënderdi, 9.00 – 12.00, 10 lezions, de ndut 30 ëura, priesc 115,00 euro. Curs de nglëisc per sculeies dla 4/5. tlas dla Scola Elementera, ann de scola 2011/2012, te Sëlva, tla Scola Elementera, da lunesc nchin vënderdi, 9.00 – 12.00, 10 lezions, de ndut 30 ëura, priesc 115,00 euro. Plu nfurmazions pra l Servisc Furmazion Gherdëina dl Istitut Ladin Micurà de Rü, str. Nives 16/4, Sëlva, tel. 0471/773225. Curs de jì a crëp

La Lia da Mont de Gherdëina mët a jì deberieda cun i Mëinacrëp n curs de jì a crëp n sada y dumënia ai 2 y 3 de juni. Se ancunton ai 31 de mei tla palestra tl zënter Iman a S. Cristina per na sëira de teoria. La sada y dumënia jirons a fé vel' pitla via. Per plu nfurmazions pudëis cherdé su Arnold, 333/4377171. L fuech te té La lia Sanynton nvieia a n curs ai 1. de juni, 16.00 – 20.00 te Sëlva, tla sënta dla lia, alalergia cun Stefan Braito. L vën crì ora na bela luegia tl bosch, per la ntroduzion de 5 vares per mpië l fuech te uni singula persona. Plu nfurmazions y iscrizions pra Stefan Braito, 348/0451211.

46

www.lauscdiladins.com

nr. 20 / 25 de mei 2012

♦ Anita y Zenzo presentëia ”T’Amez” Presentaziun de na cd nöia di dui musizisć maroi. Döes serades a Al Plan y öna a Bornech Anita y Lorenz Obwegs, alias Anita y Zenzo, é möta y pere. Bele n iade ài dè na ćerćia de süa pasciun por la musiga, tla CD ”Acustica”. Śëgn ài dan man na produziun nöia. La scëiba porta le titul ”T’Amez” y contëgn 13 ćianties scrites en gran pert da ëi instësc, por ladin, inglesc, todësch y talian. Por la presentaziun dla CD inviëia i dui musizisć cun süa band a trëi conzerć. Dui é söl program a Al Plan, en vëndres y en sabeda al 1. y ai 2 de jügn, dales 20.30, te salf dles manifestaziuns. Na terza presentaziun gnarà tignida en domënia ai 3 de jügn, intres dales 20.30, tl’Aula Magna dl lizeum pedagogich da Bornech. Düć i Anita y Zenzo d’Al Plan presentëia süa scëiba nöia, dal amanć dla musiga é bel invià. titul ”T’Amez”.

♦ “Auturs ladins scrî” Premiazion dl cuncors y doi iedesc prejentazion dl liber cun letures: a Urtjëi y a La Val A Urtijëi L Assessorat per la Cultura y Scola ladina nvieia de cuer ala premiazion dl cuncors y ala prejentazion dl liber “Auturs ladins scrî - Leteratöra por jogn y jones” ncuei vënderdi, ai 25 de mei 2012, dala 18.00, tl local di jëuni Saut, I trëi auturs, premià al concurs, che liarà dant a La Val: Ruth plaza de S. Antone, Videsott, Simon Kostner y Elisabeth Kostner. Urtijëi. Salut: dut. Florian Mussner, ntroduzion: dut. Alexander Prinoth; letures - Julia Runggaldier “L pra che ne n’ie nia”, - Tobia Moroder “Testamënt a jënt scunesciuda”, - Ruth Videsott “I confins dla liberté”, mujiga: Florian Großrubatscher.   A La Val  Le liber gnarà inće presentè en jöbia ai 31 de mà 2012 dales 18.00 sön le lüch da paur Ćiablun a La Val. Letöres de Elena Demetz “L tëmp dla vita”, de Elisabeth Kostner “Resté nsci per for”, de Simon Kostner “Al basta daurì i edli” y de Ruth Videsott “I confins dla liberté”. Cornisc musicala: Jean Daniel Granruaz

♦ Gran festa de iubileum Le Cor de Dlijia de Badia inviëia ala festa de 275 agn N te’ iubileum ne po nia passè ia zënza atenziun: le Cor de Dlijia de Badia s’arjigna a söa festa por i 275 agn d’ativité. En vëndres sëra, al 1. de jügn 2012, dales 20.00, tignarà le Cor de Dlijia tla Ćiasa Jan Batista Runcher a Badia so conzert iubilar sot la direziun de Cristina Pitscheider, deboriada cun le Cor Kèrygma sot la bachëta de Agnes Irsara, le Cor di Ëi de Badia sot la direziun de Raimund Pitscheider y le “Kastelruther Männerquartett”; danterite gnaral presentè le liber “Cor de Dlijia de Badia 1737-2012”, metü adöm dal dr. Lois Trebo. La domënia, ai 3 de jügn 2012, saral dales 9.30 l’abinada de düć i ćiantarins dan Calonia, la Le Cor de Dlijia de Badia al dedaincö. defilada acompagnada dala Müjiga de Badia ćina te Dlijia, olache al gnarà zelebré dales 10.00 la santa mëssa solëna, ćiantada dal Cor de Dlijia cun i componënć da n iade, y sonada da stromentalisć. Dedô saral l’indunada sön paiun dla Ćiasa J. Batista Runcher cun conzert dla Müjiga de Badia.


Informazions y Manifestazions

nr. 20 / 25 de mei 2012

Musiga Conzert d’Aisciuda Musega Auta Fascia En domenia ai 27 de mé da les 20.45, te chino Marmolèda de Cianacei, la Musega Auta Fascia ensema col Grop di bec e l grop de la Marchetènderes, porta dant l “Conzert d’Aisciuda”. Duc é envié a tor pèrt. Conzert d’Aisciuda Musega Poza

La Musega da Poza ve envìa duc doman, sabeda ai 26 de mé, da les 21.00, te teater de l’oratorie de Poza, per ve goder l “Conzert d’Aisciuda 2012”. Musiga da La Pli: conzert de Pasca de Mà

En Pasca de Mà ai 27 de mà tëgn la Musiga d’La Pli - sot la direziun de Andrea Daverda, le conzert de Pasca de Mà, dales 20.30 te salf dles manifestaziuns d’La Pli. Le program prevëiga 8 tòć. Al moderëia Franz Rigo. Conzert d’aisciöda dla Musiga da San Martin de Tor

La Musiga da San Martin inviëia düć a so conzert d’aisciöda, che sarà en domënia ai 3 de jügn dales 20.00, te palestra a San Martin. La Müjiga di Jogn dl’Alta Badia s’abina indô

I verdajogn dles musighes dl’Alta fej n proiet por musicontres y musicontri jogn che sona da almanco 2 agn n stromënt a fle o percusciun. Invià é i mituns di comuns da Corvara, Badia y La Val. D’isté vëgnel fat n workshop, proes da sonè y marcè. Le proiet va a piz ala fin dl isté cun plü conzerć. Infos y iscriziuns (ćina ai 27.05) al 346/9435181 (Florian).

Chino Al Chino de Cianacei

La programazions di film tacarà endò da la metà de jugn.

♦ Segra da Bula N dumënia ai 3 de juni iel inò la segra da Bula. Dala 9 daduman cianta l Cor de Dlieja la santa mëssa. Per l prim iede vëniel sa Bula ciantà la “Christus-Messe” de Franz Comploi per cor, orgun, tumbrëtes y posaunes La mëssa ie unida scrita l ann passà n ucajion dla naugurazion dla sënta nueva dla Cassa Raiffeisen a Ciastel. L cor cianta sot ala direzion de Elisabeth Delago. Sciche uni ann vëniel daldò dat ora crafons y zeche da bever sun plaza de dlieja. Domesdì tën pona la Mujiga da Bula si cunzert tradiziunel dla segra sot ala bachëta de Patrizia Rifesser. Chëst ann porta la mujiga dant n valgun pec per solisć sciche “Launische Klarinetten” de František Maňas o “Einsame Hirte” de James Last. Daujin a vel' pez plu modern saràl for inò da audì vel' marcia o polca, dut adum n program per jëuni y manco jëuni. L cunzert scumëncia dala 3 domesdì dan l Hotel Mesavia. Sce l ëssa da vester bur’ tëmp, unirà dut cant spustà tl local dala proes (tla vedla scola elementera basite). Se ncunferton sun Vo. Unide duc a segra sa Bula.

Iadi, jites y escursions

Al Chino de Pardac

Pelegrinaje a Capriana

Insnet, vender ai 25, en sabeda ai 26 e en domenia ai 27 de mé, da les 21.15 se pel veder “Dark Shadow” de Tim Burton e dapò en mercol ai 30 e en jebia ai 31 da les 21.15 vegnarà moscià “Piccole bugie tra amici”.

En jöbia al 31 de mà, pelegrinaje dla Uniun Vëdues y vëdui dla Val Badia al santuar de Maria Lazzari a Capriana tla Val de Flem. Info: Monica 0474/590069 o pro la referënta de paîsc.

Al Chino de Tieser

Insnet, vender ai 25, en sabeda ai 26 e en domenia ai 27 de mé da les 21.15 e demò ensabeda ai 26 ence da les 17.00 vegn moscià “The avengers”. En vender 1° de jugn con scomenza da les 20.30 la sezion de Moena de la Scola de bal portarà dant l spetacol de fin de an. Al Chino de Ciavaleis

En sabeda ai 26 e en domenia ai 27 de mé da les 21.15 se pel veder “Marigold Hotel”. Dò da chest, l chino de Ciavaleis restarà serà per ferie enscin ai 21 de jugn.

Trasmiscions TV y Radio “Aisciuda Ladina” e programazion TML

Sun TML chesta setemènes se pel veder ence la trasmiscions toutes sù te desvalives momenc de la “Aisciuda Ladina 2012”. Anché vender da les 15.00 l’é “Sport e spas”; h. 15.15 e 21.30 “Conferenza su la psicologia del sport”; h. 21.00 “Fascia che cor” e “Sbalonèda ladina”. Da les 23.15 vegn manà fora la finèla de balon de Copa Provinzia: Fascia contra Baone. Duc i oraries de la programazion de TML é da poder veder tel cianton “news” del sit de l’Union di Ladins de Fascia: www.ladinsdefascia.it “Cianta con nos” sun TML

Sun TML vegn manà fora l “Cianta con nos” l Festival di Cores di tosac de la Ladinia stat chest an a Cianacei. Chisc i oraries de chest fin de setemèna: vender h. 7.45 e 17.30; sabeda h. 11.15 e 23.15; domenia h. 15.30. Duc i oraries de la programazion de TML é ades da poder veder tel cianton “news” del sit de l’Union di Ladins de Fascia: www.ladinsdefascia.it “Elges” tel Cianton de l’Istitut

Te “L Cianton de l’Istitut” sun TML se pel veder l spetacol “Elges”, portà dant tel chèder de l’Aisciuda Ladina 2012. N viac daìte de sé e coi etres palesà travers lengac desvalives (l pensier, la parola, l corp, la musega e la fegura), ma semper moec dal cher. L test de Alberta Rossi e la mùseghes de Ilario Defrancesco é interpretèdes sun paladina da Loreta Florian (ousc), Angela Deforian (bal) e Paolo Bernard (piano). Oraries: vender h. 11.30; sabeda h. 17.30; domenia h. 21.00; lunesc h. 15.45; mèrtesc h. 18.15; mercol h. 21.45; jebia h. 20.15. “Ercaboan” e Kairos sun TML e sul web

Sun TML, ogne sabeda va fora na neva butèda del program “Ercaboan” de Silvano Ploner, e del program religious “Kairos”. Chisc i oraries: Ercaboan sabeda h. 18.00 e 20.45 e domenia h. 13.30 e 18.15 e en replica duta la setemèna. Kairos sabeda h. 18.30; 19.45; 21.15; e domenia h. 8.45; 10.00; 12.00; 14.00; 15.15; 18.45. La produzions de Ercamedia é da veder ence sul sit www.tvladina.com.

Religion Curona de mei

Ncuei vënderdi ai 25 de mei saràl la curona de mei cun l Cor di Jëuni de Urtijëi dala 20.00 te dlieja de Urtijëi.

Pelegrinaje a Madonna del Frassino Le KVW da San Martin inviëia düć (inće di atri paîsc) a chësc pelegrinaje, en lönesc ai 18 de jügn. An pëia ia dala plaza da San Martin dales 7.00. Iade y marëna costa 38,00€ por iscrić (i atri 40,00€). S’anunzié ćina ai 15 de jügn pro Hilda Sottara al 0474/523133 o Pasquale Schuen al 0474/523169. Al acompagnëia siur Paul Campei. Jita per la families cun la roda L KVW de Sëlva nvieia duta la families n lunesc ai 28 de mei a na jita cun la roda da Maran nchin te Passeier. Per plu nfurmazions pudëis cherdé su Evi Senoner, 0471/773281. Jita al lech Tegernses La Nëus Jëuni Gherdëina mët a jì deberieda cun i Jëuni dla Lia da Mont na jita de doi dis al lech “Tegernsee”, n sada ai 2 y dumënia ai 3 de juni. Infos: NJG, 0471/799006. Jon a Mirabilandia La grupa di Jëuni de Sëlva mët a jì n viac de doi dis a Mirabilandia dlongia Ravenna, ai 2 y 3 de juni. Jiron cun la tenda. Iscrizions pra la Nëus Jëuni Gherdëina, 0471/799006. Lies da munt Val Badia: le iade d’aisciöda é gnü antizipé Le iade d’aisciöda cun bus y escursciun (Auer – Montan - Pinzon - Neumarkt), metü da jì dala Lia dai Crëp Mareo, ne vëgn nia fat ai 24 de jügn (sciöche da calënder dles manifestaziuns), mo bele la domënia, ai 3 de jügn 2012. Por prenotaziuns y informaziuns cherdè sö Giuvani P. al 328/4624159 o al 0474/501294.

♦ Cunzert de mujiga sacra L Cor y Urchestra de Dlieja de S. Cristina deberieda cun l Ensemble Canticum Novum de Moena, nvieia a n cunzert de mujiga sacra n dumënia, ai 27 de mei dala 20.30 te dlieja de S. Cristina L Ensemble Canticum Novum ie unì metù su dl 1993. L cianta pea ciantarins y ciantarines dla Valedes de Fascia y de Flëm cun l diretëur Ilario Defrancesco. Cun ëi sónel nce pea l Ensemble de stumënc a archët “Unterberger“ che ie metù adum dai majeri sculeies dla scola de mujiga “Il Pentagramma“ y i sculeies dla scola che ie jic a studië inant tl cunservatore de Bulsan y de Trënt. Deberieda cun l Cor y Urchestra de Dlieja de S. Cristina sunerà ëi n bel program de mujiga sacra che vëija dant pec de Monteverdi, Schubert, Mozart, Grieg y de autri. L medemo cunzert vën purtà dant ncuei vënderdi, ai 25 de mei dala 21.00 te dlieja de L Cor y Urchestra de S. Cristina Moena. www.lauscdiladins.com

47


Informazions y Manifestazions Temp lede SABO Fans Club day En domenia ai 27 de mé pruma scomenzadiva ofiziala del nef Stefano Gross Fan Club. Duc é envié te tendon de la manifestazions de Poza per l “Sabo Fans Club Day”. Se pea via da les 11 da doman col “aperispritz party”, da les 12 aur la cojines con la “porchetta de Mario Cruf – Tobià del Giagher”. Dut l dì sarà music & party con “Bela Jent” e se podarà se tesserèr e se proveder i gadgets del Sabo Fan Club. 3^ istà col Gust de la Lum

L’é temp enscin ai 31 de mé per se scriver ite al “DNA-Gust de la Lum” la neva edizion de la scomenzadiva de animazion per l’istà per joegn fascegn dai 13 ai 16 egn, proponeta da la sociazion Fassalux col sostegn di Comuns de Fascia. Info sul sit www.fassalux. it o al telefon 331/3704984. La Striada: spazierada por mituns y geniturs cun la maestra Angela Castlunger

En domënia ai 27 de mà, spazierada söl tru dles stries y dles Ganes, ti plans da Calfosch sot la Val Mezdì. Maestra Angela nes cuntarà dles liëndes y di ciüfs che i incuntarun sön tru. An s’incunta dales 14.00 pro le Lujanta. Dedô picia marëna. S’anunzié pro Karin Pizzinini al 340/1268806. Sëira de bal fox y auter

La Nëus Jëuni Gherdëina deberieda cun la Grupa Balarins Gherdëina nvieia duc ncuei vënderdi, ai 25 de mei dala 20.30 tla sala dla proes te cësa de cultura a Urtijëi a unì a balé. Julé cun modiei de julieres La Nëus Jëuni Gherdëina deberieda cun i Curnacins nvieia duman sada ai 26 de mei a n workshop cun i modelisć de Gherdëina. Dala 14.00 uniràl furnà ora l Hatzis a Cëifs/Laion cun pulmins per lascé julé i modiei. Turnoi de pallavolo

La Nëus Jëuni Gherdëina deberieda cun la Grupa di Jëuni de Runcadic nvieia n dumënia ai 27 de mei a n turnoi de pallavolo cun buffet dala 14.00 tl local di jëuni a Runcadic. Party per mutons y mutans

La Nëus Jëuni Gherdëina nvieia duc i mutons y la mutans dla scoles mesanes n vënderdi ai 1. de juni, 19.00 - 22.00 tl local di jëuni Saut a na party. Trix, di mundiel dl juech N sada ai 2 de juni saràl l di mundiel dl juech. La grupa Trix nvieia duc i mutons y la families dala 14.00 nchin la 17.00 te calonia a Urtijëi y duc i granc dala 20.30 tl local dla Nëus Jëuni “Saut“ a Urtijëi a unì a se devertì cun de biei juesc. Ëura de stories per mutons dla scola elementera

La Union di Ladins de Gherdëina nvieia duc i mutons dla elementera al’ëura de stories n merdi ai 29 de mei dala 16.30 te biblioteca a S.Cristina. I mutons y la mutans po’ do la stories dessenië, pastelné o se devertì a fé pea ndevins. Rumon su nosc luech

Nce chëst ann ie duta la jënt de Sëlva nvieda a fé pea duman sada ai 26 de mei pra l di ecologich. N se anconta te Sëlva, dan la cësa de cultura “Oswald von Wolkenstein”, dala 8.00 daduman. Liejer d’instà La scumenciadiva ie per sculeies dla scola elementera y mesana de Urtijëi, ai 1. de juni dala 9.00 daduman tla biblioteca San Durich. N vënderdi ai 31 de agost dala 15.00 saràl la festa ulache l unirà trat ora i pesć.

Dotors y Apoteches Dotors

L dutor de servisc dala 8.00 da duman de n sada 26 de mei nchin la 8.00 da duman de n lunesc 28 de mei ie l dutor Valentin Tröbinger de Sëlva, tel. 0471/773073. Le dotur en sorvisc tla findledema dai 26 ai 28 de mà, ti cin’ comuns dla Val Badia, é le dotur Guido Caretta, Calfosch/Corvara, tel. 0471/836870 o 337/616080. Apoteches L’apoteca de servisc che à daviert ora dl orar ordiner da n vënderdi (dala 19.00) ai 25 de mei nchin n vënerdi ai 1. de juni ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres ai 25 de mà al vëndres al 1. de jügn, é chëra da San Martin/Picolin, tel. 0474/523020.

48

www.lauscdiladins.com

nr. 20 / 25 de mei 2012

♦ Rumon su nosc luech Duta la jënt de S. Cristina, ie nvieda a fé pea, n sada ai 26 de mei pra l “di ecologich“ y a unì a judé a rumé su l luech. Duc i zitadins, granc y pitli possa judé a rumé su l luech deberieda cun i Destudafuech y l Ufize per l Turism de S. Cristina Duta la jënt de S. Cristina, sibe privac che categuries cumerzieles y turistiches y lies de ulentariat, duc y dutes ie nviei/edes a judé pea pra chësta azion. N se anconta a S. Cristina dan cësa de chemun dala 8.00 daduman. Tlo saràl uemes di destudafuech y i stradins de chemun che ti dajerà a duc n gurmel, che l Chemun à lascià fé aposta per chësta manifestazion, sac y manëces, dan che l unirà pià ora per l luech a tlupé su l refudam lascià ncantëur dala jënt. Do avëi rumà su ie duc nviei a se maië na bona marënda. L’aministrazion cumenela ti sënt bele śën gra de cuer a duta la jënt de S. Cristina y speron che unirëis de trueps a judé a rumé su nosc Plastica, bostli y papier, de uni sort de pestaria iel luech! ncantëur.

♦ FC Gherdëina iscrizions Duc i mutons ma nce mutans che uel fé pea pra la scola dl palé dl FC Gherdëina y che ie nasciui ti ani 2004 - 2005, possa se lascé scrì ite ncuei vënderdi ai 25 de mei dala 17.00 nchin la 19.00 pra la plaza dal sport a Urtijëi Per nfurmazions plu avisa pudëis cherdé su Christof Rifesser, 370/7003788. I mutons mpera a fé damat cun la codla y fej nce i prim vares a livel tecnich y mpera a jughé te na scuadra.

♦ La “coletiva” a Balsan L’EPL-Ert por i Ladins y le SKB (Südtiroler Künstlerbund) inviëia ala mostra de grup de 24 artistes y artisć dla Val Badia tla Galaria Prisma a Balsan La mostra döra ćina ai 2 de jügn 2012, dal mertesc ala sabeda 10.00-12.30 y 16.00-19.00. La galaria d’ert Prisma é da ciafè tla strada Weggenstein a Balsan. Da odëi te chësta mostra “coletiva” dl’EPL-Ert por i Ladins a Balsan él laûrs de chisc artisć: Albert Crazzolara, Albert Mellauner, Alfred Tavella, Brigitte Trieb, Davide Brandlechner, Edmund Nagler, Franz Irsara, Franz Kehrer, Giovanni Rindler, Guido Tavella, Gustav Willeit, Hans Pescoller, Helmut Pizzinini, Hubert Prousch, Josef Irsara, Lois Irsara, Lois Rottonara ROTT, Margareth Forer, Maria Pezzedi, Mariana Acuña, Markus Moling, Pepi Pescollderungg, Odüda söla mostra, dancà na scultöra de lëgn de Silvester Promberger y Ursula Tavella. Pepi Pescollderungg.


Informazions y Manifestazions

nr. 20 / 25 de mei 2012

Avisc Orars de daurida nüs tla Ćiasa dl Parch Natural a Al Plan La Ćiasa dl Parch Natural Fanes-Senes-Braies a Al Plan é śëgn daverta dal mertesc ala sabeda dales 9.30 ales 12.30 y dales 14.30 ales 18.00. De messè y agost é la ćiasa daverta inće la domënia. L’entrada é debann. Por informaziuns pòn cherdè sö le 0474/506120 o scrì a info.fsp@provinz.bz.it. Ester d’ütl a porsones che à debojëgn

Le Raiun Sozial Val Badia oress mëte sö n grup de volontars che mëna fora les marënes a porsones de tëmp o amarades. Sce valgügn ess interes, tëmp dessorora y oress ester d’ütl a porsones che à debojëgn, él dër bel invié da cherdè sö por informaziuns te raiun sozial al 0474/524552 o 524507. Udiënzes dla Uniun di Ostis

La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. Incuntada dles ëres

Le Movimënt dles ëres tla SVP dla Val Badia, l’Uniun dles Patrones dla Val Badia y l’Uniun dles ëres dl Artejanat organisëia ai 30 de mà dales 20.30 tla ostaria Posta a Pedraces na serada (Stammtisch) olache al gnarà baié de de vigni sort de argomënć y bojëgns che ti stà a cör ales ëres tla vita da vignidé. Comun de Mareo: incuntades cun la popolaziun

L’aministraziun comunala de Mareo tëgn les incuntades cun la popolaziun: a Rina incö vëndres ai 25 de mà dales 20.00 te salf dles manifestaziuns, a Al Plan en jöbia al 31 de mà dales 20.00, te salf dla Raiffeisen (nia te salf dles manifestaziuns). Domënia zënza auti

I consëis de formaziun di comuns de Badia y Corvara inviëia da tignì en domënia ai 3 de jügn dales 8 inant la domënia zënza auti, a Badia, La Ila, San Ćiascian, Calfosch y Corvara. Na ocajiun por lascè l’auto a ćiasa y jì cun la roda o a pé. Orar de giaurida dl Museum Gherdëina

L Museum de Gherdëina ie inò daviert per la sajon da d’instà. Orars de giaurida: da lunesc nchin vënderdi,10.00 – 12.00 y 14.00 – 18.00. Ntan i mënsc de lugio y agost iel nce daviert de sada, 10.00 – 12.00 y 14.00 – 18.00 y de dumënia dala 16.00 nchin la 19.00.

Referac L’India dai mile corusc Le Consëi de Formaziun dl comun da Corvara inviëia incö vëndres ai 25 de mà a na sëra cun fotografies, sot al titul ”L’India dai mile corusc - na roda fora por i tëmpli dl Tamil Nadu”. Referënta é Karin Pizzinini, informaziuns plü menüdes al nr. 340/1268806. Jogn y criminalité

La Uniun di Jogn da San Martin organisëia en sabeda ai 2 de jügn dales 20.00 n referat cun la dra. Ruth Sapelza dal titul ”Jogn y criminalité - le prigo d’aldedaincö por i jogn tla sozieté”. Le referat vëgn tignì tl salf di stödafüch da San Martin. Les maraties dles ëres sura i 45 agn

La Uniun dles Ëres da Lungiarü inviëia al referat cun la dra. Silvana Campei, sön les maraties dles ëres sura i 45 agn. Le referat vëgn tignì en mercui ai 6 de jügn dales 20.00, tl salf dla scora a Lungiarü. Prevenzion per l fetus La Union di Ladins de Gherdëina nvieia a na sëira de nfurmazion, ncuei vënderdi ai 25 de mei dala 20.30 te biblioteca dla Cësa di Ladins cun l dutor Wolfgang Moroder n con’ dla prevenzion dl fetus y di cuntroi da fé canche n’ëila aspieta. La cunferënza ie per ladin. Se n sté bën

L Cunsëi de Furmazion chier n sëurastant nuef

L VKE nvieia a n referat dal titul “Herzensbildung, seelische Gesundheit“ cun Christine Leitner ncuei vënderdi ai 25 de mei dala 20.30 a Urtijëi te calonia.

Per l Cunsëi de Furmazion de Urtijëi vëniel crì n sëurastant nuef, che se sëurantulëssa la ncëria da presidënt, (che ie sën mo de Karl Silgoner), dala fin de dezëmber 2012, prims de jené 2013 inant. L lëur ie drët nteressant, a cuntat cun la lies dl luech, cun la cultura, cun proiec defrënc y mo truep d’auter, sambën iel n lëur de ulentariat che dà truepa sudesfazions. Per plu nfurmazions pòssen cherdé su l Servisc Furmazion Gherdëina, 0471/773225 o scrì a furmazion.gh@micura.it

Plantes de medejina tla menopausa L KVW de S.Cristina nvieia ai 31 de mei dala 20 te biblioteca Tresl Gruber a na sëira de nfurmazion cun Hildegard Schweigkofler-Kreiter n con’ de plantes de medejina tla menopausa.

Ejam de ladin te Fascia Enscin a les 12.00 de vender ai 8 de jugn se pel manèr ite te Comun general la domanes de amiscion a la proa d’ejam de ladin, la consegnan a man a Maura Chiocchetti, o per posta racomanèda o per fax al 0462.763046. Info al 0462.762158 o sul sit www. comungeneraldefascia.tn.it. Joegn fascegn chier so talent

En vender 1° de jugn, h. 20.15 aló da la scola mesèna da Moena, prejentazion del projet Pian di joegn La Risola “Joegn talenc – Job trainer”, n percors de formazion de trei meisc con n campus te la Toscana e 5 encontres sul tem de l’autoimprenditorialità. Sarà prejenc autoritèdes e joegn talenc de Fascia. Premiazion di atlec del Ski College

La Scola Ladina de Fascia endreza n moment de festa per dir “Detelpai Ski College!” e premièr i atlec miores de la sajon agonistica 2011/12. L’apuntament é per en sabeda ai 26 de mé da les 9 dadoman te sala grana de la Sorastanza a Poza.

Teater “Costion de ritm” a Poza

Doman, sabeda ai 26 de mé, da les 16.00 te oratorie de Poza se pel veder l spetacol dal tìtol “Questione di ritmo”, portà dant dai joegn che à tout pèrt al projet “teatr-esperienziando” de la Scola de teater de Trent Estroteatro e la Risola. Workshop de teater cun Paco Gonzalez (Familie Flöz - Berlin)

Titul: ”La maschera dl teater”. Workshop por profescionisć y amaturs dl teater, dai 30 de jügn ai 10 de messè, cun n dé de palsa, dales 14.00 ales 22.00 (variaziuns da concordè cun i partezipanć), te salf dles manifestaziuns d’Al Plan. Cost: 300,00€. Infos y prenotaziuns pro info@aterteater.it o Erika Castlunger al 339/6288847. A Poza momenc de paìsc a teater L grop de partezipanc al cors de teater per gregn de la scola Estroteatro de Trent, ensema col Comun de Poza, porta dant l spetàcol “Momenc de… mia jent… mie paìsc”, che ge dèsc vita ai retrac de Giulio e Pio Florian. L’apuntament l’é en domenia ai 27 de mé da les 21.00 tel nef teater de l’oratorie de Poza.

Presentazions 70 egn de Scola d’Èrt te n liber

En jebia ai 31 de mé da les 18.00 te sala grana de la Sorastanza a Poza vegnarà prejentà l liber di 70 egn (1941-2011) de la Scola d’Èrt Bepin Soraperra.

Inserac Da chirì L vën crì n cuatier per 3 persones a Urtijëi da tò a fit per dut l ann. Tel. 334/3938296. (18/12) ••• L vën crì n cuatier per 3 persones a Urtijëi da tò a fit per dut l ann. Tel.

334/3938296. ••• L vën crì n pitl cuatier per doi jëuni te Gherdëina per dut l ann. Tel. 388/1470992. (19/12) •••

L vën crì n cuatier de 70 m2 plu o manco a Urtijëi da tò a fit per 4 persones. Tel. 338/5012339. (20/12) ••• Na familia da tlo chier n cuatier da tò a fit te Gherdëina. Tel. 348/3855010.

Chirì da laour N’ëila chier da lëur te na utia da mont a fé d’uni sort de lëures o te n hotel o pension a rumé su la majons, per la sajon da d’instà, sce l ie mesun tl raion de Gherdëina. Tel. 340/5960850 (18/12) ••• N’ëila chier da lëur a rumé su o a paidelné o a cialé de na persona de tëmp domesdì, te Gherdëina. Tel. 334/1972213. (18/12) ••• N cuech de Südtirol cun esperienza de spëisa ladina y taliana y cunescënza de patisserie chier da lëur te Gherdëina o a Corvara. Tel. 348/8998777. (18/12) ••• N’ëila chier per la sajon da d’instà da lëur a judé te cësadafuech o a rumé su majons. Tel. 328/0626796. (18/12) ••• N studënt dla Val Badia che fej l ultim ann l ITC chir n laûr por döt l’ann. Tel. 345/3584805. (18/12) ••• N’ëila chier da lëur a cialé de pitli mutons, de na persona de tëmp o a fé stroc te Gherdëina. Tel. 333/9684366. (18/12) ••• Na jona da Lungiarü chir laûr da ćiarè do mituns por l’isté. Tel. 347/5860697. (18/12) ••• Na ëra dl post cun esperiënza chir laûr sciöche ćiamenëssa, por la sajun da d’isté. Tel. 348/6518165. (18/12) ••• N chelner cun esperienza chier per la sajon da d’instà n lëur te Gherdëina, L sà da rujené talian y tudësch y mpue’ de nglëisc y de rus. Tel. 345/7145663. (18/12) ••• N jonn dla Val Badia che dà jö l’ejam de madoranza, chir n laur da mez messè inant. Al à de bones conescënzes de computer y di lingac: talian, todësch y inglesc. Tel. 338/5217393. (18/12)

••• Na ëra chir laûr tla Val Badia sciöche secreteria. Tel. 347/9435523 o sghi@ inwind.it (18/12) ••• N jëunn cun 6 ani de esperienza chier da lëur da pizzaiolo o coche segondo cuech. Ël fej nce acrobazies cun la pizzes. L à nce debujën de albierch. Tel. 329/5662262. (18/12) ••• Na jona studënta de 18 agn dl’Alta Val Badia chir da laûr da ćiarè do mituns o te na botëga por i mëisc da d’isté. Tel. 347/2886538. (18/12) ••• N studënt dla Val Badia chir n laûr por l’isté. Al baia bun todësch, talian y inglesc. Tel. 339/2614168. (18/12) ••• N jëunn chier da lëur a lavé ju te na cësadafuech o a fé de uni sort de lëures te Gherdëina. Tel. 329/5470776. (18/12) ••• N jonn de Parma cun na laurea de ert chir n laûr por l’isté a Al Plan. Tel. 320/6409518. (18/12) ••• Na jëuna de 20 ani chier da lëur coche lodnera, barista o secretera te n hotel da lugio nchin setëmber. Ëila sà tudësch, talian, ladin y nglëisc. E-mail carolinelardschneider@hotmail.com (19/12) ••• N’ëila dla Romania cun esperienza chier da lëur a rumé su majons per dut l ann cun albierch te Gherdëina. Tel. 366/7016703. (19/12) ••• N ël tl'alta Val Badia chir n laûr da artejan, da atira. Tel. 0471/847175. (19/12) ••• Na jona dl’alta Val Badia chir n laûr por l’isté sciöche möta da mituns. Tel. 338/6669381. (19/12) •••

Na jona, studënta de 16 agn chir n laûr por l’isté a Corvara o dlungia fora. Tel. 340/7540370. (20/12) N ël chier da lëur a lavé ju o a judé te na cësadafuech. Tel. 338/6010762. (20/12) ••• N’ëila cun esperienza chier da lëur a rumé su majons te Gherdëina danmesdì. Tel. 338/1676129. (20/12) ••• Na muta de Gherdëina chier n lëur per d’instà coche baby-sitter o a judé te n hotel. Tel. 331/3426341. (20/12) ••• Na jëuna da tlo chier da lëur per danmesdì. Tel. 349/6174095. (20/12) ••• Na jëuna chier da lëur te Gherdëina per n valgun’ëura a rumé su o a cialé de pitli mutons nce per dut l ann. Tel. 320/3505866. (20/12) ••• Na familia dla Romania, pere, oma y n möt de 20 agn cun esperiënza de laûr chir n laûr te n hotel o te na ütia. Ëi baia talian y capësc todësch. Tel. 366/2703569. (20/12) ••• N’ëila jëuna chier da sën inant da lëur a cialé de na persona de tëmp y/o fé lëures de cësa. La à eserienza y rejona talian. Tel. 388/1883563. (20/12) ••• N ël chier da lëur a fé de uni sort de lëures sce la va a Urtijëi. Tel. 338/5012339. (20/12) ••• N jëunn chier da lëur te Gherdëina a judé a fé pan o a fé de uni sort de stroc cun albierch. Tel. 389/3481997. (20/12) ••• Na jona dl post chir da atira n laûr sciöche ciarè do mituns, romenè sö ciamenes, süperscè, fà laûrs de ciasa (eventualmënter ince döt l’ ann). Tel. 329/3531622. (20/12)

www.lauscdiladins.com

49


Anunzies y Inserac

nr. 20 / 25 de mei 2012

Vangel dla Domenia Festa de Pasca de Mà, ann B, ai 27 de mà 2012 Dal vagnele do San Jan, 20, 19-23 La sëra dl pröm dé dl’edema, canche i discepui â, dala tëma dan dai iüdes, sarè pro les portes, él gnü Gejù, é jü amesa ëi ite y ti à dit: ”Pêsc a os!” Do chëstes parores ti àl mostrè sües mans y so costà. Dailò se ralegrâ i discepui da odëi le Signur. Gejù ti à ćiamò n iade dit: ”Pêsc a os! Sciöche le Pere m’à menè mè, insciö ves mëni iö os.” Do ch’al à albü dit chësc, ti àl fladè ados y ti à dit: ”Recioiede le Spirit Sant! A chi che os ti lascëis do i pićià, ti ési lascià do; y a chi che os ne ti i lascëis nia do, ne ti ési nia lascià do.” Parora dl Signur. - Lalt a té, Gejù Crist!

Da vende Al vëgn venü corones da sì de lersc scorzades, spizades y borjades. Por informaziuns prëibel cherdè sö le numer 333 3232068. ••• Da vene n scooter Benelli 125 cc model “CaffèNero” de color bianch con n pìcol baul, nef, mai durà, vent a n concors. Valor del scooter 2.400 Euro. L vene a 1.700 Euro. Tel: Manuel, al 335.7432803. ••• L vën vendù bon marcià 4 montli da d’instà cun cërtli de aluminio per n Golf, mesures 205 x 55 x R16. Tel. 335/6350234. (18/12) ••• Al vëgn venü na Suzuki Grand Vitara a 5 portes, dl ann 2007. Tel. 348/7934573.

Restorant Oies a Badia chir n secundo cogo por la sajun da d’isté eventualmënter inće por la sajun da d’invern. Prëibel cherdè sö le 335/424203.

Cunduel Ra Union de i Ladis de Anpezo ra porta despiajé, che ‘l é mancià

Paolo Franceschi de Cuto de Elena

A La Ila vëgnel chirì na ëra a puzenè apartamënć dui iadi al’edema. Prëibel cherdè sö le 0471/847168.

capocomun de Anpezo da ‘l 1993 a ‘l 2002 R’Ulda r’é pede a ra so familia, a so femena Sonia, a i fioi Marco e Roberta.

••• L vën vendù n BMW 320i familiare cun 84.000 km, mantenì drët bën a n bon priesc. tel. 0471/795416 o 335/5627059. (18/12) ••• Da vëne n VW Polo 1.4, grisc, ann 2000, ma 39.000 km, mantignì dër bun. Prëibel cherdè sö le numer 339/7600282. ••• Al vëgn venü 4 montli Z15 x 40 x R17, Pirelli P0 nero. Tel. 333/1856157 do les 19.00. (19/12) ••• Al vëgn venü dui standard-ticket de Gardaland por 50,00 euro (impede 73,00 euro). Tel. 347/1604905. (19/12) ••• L vën vendù n Panda 4 x 4 climbing, blanch dl ann 2005 mantenì bën. Tel. 335/5614460 o 0471/797213. (19/12) ••• Da vëne n Seat Leon FR dl 2005 cun 140.000 km, montli de 18“ y 17“ y d'atri extras. Tel. 388/7435803. (19/12) ••• Da vënder a n bon priesc 80 m² de sasc de peton (per na plaza). Tel: 335/8377744. (19/12)

Üćia de Sennes chir na chelnera por messè – agost che sa da baié talian y todësch. Prëibel telefonede al 328/7945579 o scriede na e-mail a info@sennes.com

Fiorenzo Detomas 15.03.1953 – 20.05.2012 toa jent te recorda con encresciujum, tu restaras semper te nesc cheres la femena Manuela con i fies Elia e Tania, toa mare Emma, i frades Marco, Bianca, Remo e Roberto con duc chi de ciasa

Ciao, Annamaria! Dan trëi mëisc nes à lascè Annamaria Antonini, che à vit por chinesc agn tla Val Badia, daidan uniuns y menan do aziuns de solidarieté Annamaria Antonini Cosulich é morta ai 17 de forà de chësc ann. Annamaria à vit te nüsc paîsc de munt por chinesc agn alalungia, do ch’ara ê gnüda adalerch dan dejesset agn, a Badia, spo a Lungiarü. Ara à imparè da conësce chilò da nos tröpa jënt, lié amizizies y ciafè n gröm de amisc. Ara é stada ativa tl’organisaziun de AI (Amnesty International), fajan inće val’ bela aziun tla Val Badia, mo le plü s’àra apascionè dla Lia da Munt Ladinia CAI, cun chëra che ara à tut pert ales escursciuns da acompagnëssa di mëndri. Ara à inće tignì deplü cursc de computer te nüsc paîsc. Dan da n ann àra messü lascè Lungiarü y les munts por gaujes de sanité, ara é jüda a vire a Triest. Sü amisc plü strënć dla Val Badia, i mituns y i nus oress te chësta ocajiun

50

www.lauscdiladins.com

rengrazié de cör düć chi che ti à portè ligrëza y dè contentëza te düć chisc bi agn passà tla Val Badia. (la

misciun de posta eletronica de so möt Piero é: pierocosulich@googlemail. com)

Annamaria dan da n per d’agn cun so nu Karim.

Na familia a Corvara chir na möta da mituns che fejes inće i laûrs de ćiasa por la sajun da d’isté y eventualmënter inće por l’invern (döt l’ann). Por informaziuns cherdede sö le 329/8632681.

Hotel Italia a Corvara chir personal por la sajun da d’isté. Prëibel cherdè sö le 0471/836082. info@hotelitalia.bz.i

Da dè via L vën crì zachei che fossa nteressei a sië n pra de 1 ha te Sëlva. Tel. 348/6403116. (19/12) ••• Da dè ia cater felghes de alu cun montli da d’isté, te de bunes condiziuns, por n VW Polo. Tel. 340 4689795. •••

Desvalies A Badia vëgnel chirì ëres a puzenè apartamënc la sabeda por 3 - 4 ores. Prëibel cherdè sö le 339/3554636.

Manconia L’onestà l’era so valor, l lurier soa vita, la familia so ben

••• Al vëgn dè ia a bun prisc o scinché plates de tët. Tel. 0471/843177. (20/12) ••• Al vëgn venü na Honda FMX 650 dl 2006, Super Motard, 13.000 km, ro dal föm original + Arrow omologhes, montli nüs, prisc 2.700,00 euro. Tel. 334/9617300 (do les 12.00) (20/12) ••• Al vëgn dè ca n forgorè dla marca Demanicor, desco nü. Ćiamin a man ciampa. 90x60x86 cm. Cost: 150,00 euro. Da gnì a do. Tel. 0474/501698. (20/12) ••• Da vëne na scrivania y n composter ince separat a n bun prisc. Tel. 339/1616695. (20/12)

N studënt de Badia cun de bunes conescënzes dl lingaz dà leziuns de inglesc tratan l'isté. Telefonè al 346/3192483 o al 0471/839758.

L vën fità via n bel cuatier, fat ora da nuef, per 2 persones, te na luegia chieta cun ududa sun l luech de Urtijëi. Prëibel cherdé su l 335/1409585.

Hotel Cendevaves a S. Cristina/Pana chier per lugio y agost na chelnera per sala una a rumé su majons na persona a judé te cësadafuech (nce studënta o praticanta). Prëibel cherdé su l 0471/792062.

Tl zënter de Urtijei tla “Cësa Gardenia” iel da fité via na butëiga da setëmber 2012 inant. Per nfurmazions plu avisa prëibel cherdé su l numer 338/2471756.

L vën crì per n lift dai stuei na cassa che dà ora la chertes per jì cun l lift. Tel. 0473/633091.

Al vëgn afité ia a Calfosch n local de 75 m2 cun n pice magazinn por botëga o ofize. Prëibel cherdè sö le 333/6202884.

L vën vendù te na posizion panoramica y da surëdl daujin al zënter de Urtijëi y ai majeri mplanc portamont, te na cësa tlima E1 l ultimo partimënt suaut de 140 m2 sun doi liviei cun na scela de ntreda, na lerch per n mplant da sciaudé, n boiler, na luegia da lascé sëura schi y ciauzei, na cësadafuech, n local per maië, na stua, trëi majons, trëi banies, n local per ufize o auter, trëi piguei cun na bela ududa, garaje, ciulé y luegia per lascé l auto. L cuatier ie mé plu cunvenzionà 9 ani alalongia. N bon nvestimënt. Prëibel cherdé su l 335/499071.


Congratulazions

nr. 20 / 25 de mei 2012

Elvira y Renato

Giorgia y Elias

pur ösc 35 agn de matrimone se augurunse de cör düt l’ bun, ligrëza y che l’ dagnì se portes ćiamò tröpes sodesfaziuns!

se augurun de cör düt l’bun, pur la vita che ês in sabeda metü man adüm!

Ösc mituns Mirko, Stefanie y Sara, cun Stefano, Anna y Matthias

Les families

Ćiaredemo a chisc 2

Manfred y Luca Döt l’bun al Manfred che cumplësc i 40 agn ai 29 de mà y döt l’bun ćiamó n iad’ al pice Luca che à cumpli ai 16 de mà so 1 ann de vita. De cör les mius audanzes, y ennant tröpa ligrëza, sanité y fortüna se augüra te vosc dagnì la tota y chi da Mirbun.

Al nene y la lâ

Ida y Davide sön osc tru che metëise man deboriada, se aodunse döt le bun, fortüna, amur, contentëza dè por dè. Ostes families

A nosc Manfred

che festejëia incö ai 25 de mà 40 agn de matrimone, urunse i auguré düt l’bun, tröpa sanité y ligrëza. Restede tres tan da urëi bun.

che cumplësc ai 29 de mà i 40 agn ti augurunse düt l’ bun, che te restes tres tan da urëi bun y dala buna löna. N gran giulan por düt ći che t’as fat y te fejes tres pur nos!

Celine, Iris cun Renato y Ivan

Tüa fomena Silvia, Sara y Luca

Hoi Tati!

Chiara y Tito

Döt l’bun, a 60 est’ ruvé bëgn zënza bazilé, śina sëgn t’ast’ dassënn purvé purchël ne sté io nia a mulé! Lüch da ćiasa o prè da munt, la buna löna ast’ indlunch. In dumënia fat’ n pü’ sö y vistet’ na bela iesta che grana sarà la festa! De döt dilan te dijunse y inant te periunse.

Per vosta vita deberieda ve mbincions de cuer truepa legrëzes y de biei mumënc, fertuna y che sëis for cuntënc. Se ncunferton a festejé cun vo! Michela, Margareth, Bruno, Marion y Thomas

Tü 5: Anne, Verena, Manfred, Claudia y Oliva

Ai 27 de mà dan 40 agn s’à maridé

Zilia y Fonjo Pedevilla I se rengraziun de döt ći che ëis fat y fajarëis pur nos. Se augurun döt l’bun, fortüna y sanité. Chi de familia

A i nostre

Sisto e Francesca Menardi Diornista i pi sinziere augure de ra Union de i Ladis de Anpezo, par i 25 ane de nozes. A lore, a i so zinche fioi, a ra so familia, duto el bon e augure de śì inaante tante outre ane aduna.

Daniel

Da canche te foves nasciù ai 21 de mei ie śën bele 30 ani passei. Bele da pitl es mparà a jì cun i schi ma fé matades cun l bob fova belau mo plu da rì. Da mut jëunn uloves bele cun l auto furné ma n iede dl motorino y dl’ape es messù te cuntenté. Cun 18 ani fòvel po’ n spavënt te oves mé plu tl cë la patent. Daldò plu auti es abù y uniun cun mpëni es fat su. Puech do na blòta jëuna es cunesciù y lascià ne ve ëis plu, man tla man ve vëijen suvënz ncantëur jì y nia ne possa ve spartì. Jì cun la peves, cun la roda o da mont su n ne ie nia boni de te fermé su. Pra la Demac lëures śën bele da n pez y cun i cumpanies de lëur es na drëta hez. Monce l giat dala nëif es ulù purvé y de bela pistes es sapù da fé. Cun n grum de auguresc ulons śën finé via dut l bon dai cumpanies y dala nevicia tia. Sonia, Romina y Günther, Monika y Martin cun Klaus

www.lauscdiladins.com

51


La Usc di Ladins  

edition 2012

Advertisement
Read more
Read more
Similar to
Popular now
Just for you