Issuu on Google+

portadoura dla onoranza claus gatterer 2012

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,80 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 19/2013 - 17 de mei 2013 online sun

Lungiarü

18

Ert ti ćiavëis

A La Ila él gnü presentè “storiesapp”, na aplicaziun interativa de set stories te cater lingac (döes verjiuns ladines, talian, todësch, ingleje) por i iPhone, iPad y iPod Touch. Vigni scolina dla Val Badia y de Gherdëna à podü pié do n iPad por ausé i mituns a chësta teconologia nöia

La jona Stefanie Pezzei à arjunt de bi resultać ai campionać taliagn di frisers.

Val Badia

Acompagnun la tecnologisaziun!

19

Deplü a plata 4

Laûr y crisa Intres plü jënt che chir laûr: al momënt 160 te döta la valada. Intervista cun le consulënt dl laûr Giorgio Costabiei.

Natöra

20

Sapè t’urt Mà é le mëis por i laûrs t’urt. Da vedlamënter incà ćiara jënt ala löna por avëi de bugn früć.

San Martin

22

Tecnologia Te n referat él gnü ilustrè i maius prighi lià ai media nüs.

Fascia

24 - 26

Comentar de pruma

Publich y privat de Iaco Rigo

La democrazia ne po nia funzioné iustamënter, sce chi che comana le fej dantadöt por sü interesc. I n’ùn nia bria da anunzié tlo “ma” Berlusconi, che é dötaurela al tomun tla Talia (śëgn deboriada cun d’atri tla gran coaliziun). Canche na porsona mëss ćiarè de sü interesc y i garantì, spo déssera pordërt stè dalunc dales istituziuns che fej les leges. Ara ne dess nia jì da garantì cun le stromënt “democrazia” i interesc privać, chësta é maladoranza de Stat y sü zitadins. Porsones privatamënter massa potëntes messass stè dainciarà dal tomun. Śëgn pêl che l’IMU sön la pröma ćiasa vëgnes sferiada jö y por avalié fora chësc büsc fóssel democraticamënter iüst che al gniss metü sö la “cuta patrimoniala” por i gragn avëis. Odarun che cun Berlusconi al podëi ne suzedaral nia - massa interesc al prigo.

Aisciuda Ladina Pröm contat vi de pici mituns cun l’iPad.

Desvalives momenc de cultura e istituzionèi à caraterisà la 5^ edizion de l’Aisciuda Ladina co l’inaudazion de la neva Mèlga de Fascia.

Dantercëpies

Con Bertol i pìcoi fascegn rejona ladin

32

Trassa nueva N lunesc iel stat sun Dantercëpies n gran sëuraluech cun duc i ufizies dla Provinzia, la sozietà dal lift de Dantercëpies, l Chemun de Sëlva y l patron dl grunt ulache l dëssa unì fat na stazion amez ite. L dëssa unì fat na Trassa nueva dla furnadoia.

Codla

36

FC Gherdëina a Milan Can à pa na scuadra de Gherdëina, te duta si storia de dejeneies y dejeneies de ani, pudù jì a Milan te stadio a fé na partida? Bonamënter mo mei. Nchin al ann 2013: de juni fajerà na furmazion dl FC Gherdëina pea pra la fineles naziuneles dl Gazzetta Cup a Milan.

Meteo

Prelites digitales

2

Previjions di proscimi dis.

En ocajion de l’Aisciuda Ladina a duc i bec de la scolines de Fascia ge é stat sport l pontapiet “Rejone ladin”: l’é chest l messaje che Bertol, l feruscol protagonist de l’Aisciuda Ladina dessegnà da Manuel Riz, à volù ge dèr chest an ai pìcioi de la scolines de Fascia. I raprejentanc del Comun general, de la Scola e de l’aministrazions de val i é jic fora per chesta setemèna del lengaz a

troèr i bec te scolina e a duc i ge à sport l pontapiet da se tachèr sul gramièl. Apede chest per duta la setemèna l’é stat endrezà n grum de scomenzadives: magnadiva spezièla, cianties, bai e contìes per fascian, e zachei ge à enjignà a Bertol ence na bela torta per si 5° cedean! Deplù a plata 26

Ence i Verc dl Südtirol s’enjigna a les lites provinziales y regionales dl auton 2013. La cerna di candidac é en gran pert de n gre plu tecnologica che chela dla SVP steda dant da n meis zirca: duc i zitadins de Südtirol che sotescresc sun la plata internet di Verc la declarazion “Per n davegnì giust” po dé ju sia preferenza per un di 23 candidac dles primares. A la declarazion ti végnel dé gran importanza, sceben che ala rejona plu de prinzips y nia tant de ponc concrec da realisé: la convivenza, n davegnì sann, giustizia soziala, sconanza dla natura, svilup dl’autonomia y apliché plu democrazia direta. Chestes prelites vegn ratedes “davertes” y chi che litarà chiriarà fora con plu oujes (anter 2 y 4, meses per l auter ses) les prumes sies posizions sun la lista di Verc. Les prelites online gnirà tegnudes anter l lunesc ai 3 de jugn y la domenia ai 9 de jugn. Chi che vuel dé ju sia preferenza sun l papier podarà ence l fé: sabeda y domenia ai 8 y 9 de jugn te plu posć de Südtirol che gnirà ciamò lascés al savei plu avisa dai Verc. (ir)


Letres y Atualité

nr. 19 / 17 de mei 2013

Un de nëus

N suzess la Traviata a Moena

„Un de nëus - One of us – einer von uns – uno di noi“: sotscrijon nce nëus per dì che l ie „un de nëus“. Na scumenciadiva di zitadins de duta l’Europa per defënder la vita y la denità dla persona. La beata Oma Teresa de Calcutta dij: „La criatures tl grëm dl’oma che manacia de unì aburtides, ie da raté pra i plu pueresc di pueresc, ajache i ne possa nia se paré. Perchël ài debujën de nosc aiut.“ L ie bon lecurdé che l embrio uman ne n’ie nia mé n grum de zelules, ma na drëta vita, na persona. L ie propi „un de nëus“. Chësta ie la scumenciadiva ulache uniun de nëus possa judé pea dajan ju si sotscrizion. La finalità de chësta scumenciadiva ie de abiné adum na milion de

sotscrizions te almanco set Stac dl’Union Europea. N uel nsci arjonjer che chësta tematica vënie trateda tl Parlamënt y tla Cumiscion Europea. N se damanda: 1. Che l vënie respetà la denità y l dërt de viver de uni persona dal cunzepimënt inant. 2. Che l ti vënie pruibì a duta la istituzions dl’Union Europea de finanzië ativiteies che cumporta la desdruzion di embrio (tl ciamp dla tueda, nfrusceda y nrescida y dla sanità publica). Chësta scumanciadiva vën metuda a jì da duc i „muvimënc per la vita“ di Stac d’Europa. Nosc vëscul Ivo Muser nvieia: „Ie spere che puscibilmënter trueps feje pea, dajan nsci n sëni tler per la denità dla persona dal cunzepimënt inant.“ Nce l cunsëi de pluania de

Urtijëi sustën l’azion de abiné adum sotscrizions. L possa sotscrì duc chëi che à cumplì i 18 ani: a Urtijëi n sada sëira ai 25 de mei y n dumënia ai 26 de mei sun Plaza de Dlieja do la S. Mësses (l vën nce damandà l numer dla cherta d’identità o dl pas). Te dlieja de Urtijëi pòssen se tò pea n formular per sotscrì a cësa y magari lascé firmé nce parënc y cumpanies. Sotscrì online sot a: www.oneofus.eu/ite Defënder la vita dla persona uel dì azeté l nvit de Gejù che à dit: „Dut chël che ëis fat al mënder de mi fredesc, chël me ëis fat a mi.“ Peter y Margherita Kostner, Andreas y Helma Walpoth, Urtijëi

Na cunscidrazion n con'dla rujeneda ladina Al didancuei pòssen dì che l ie unì fat truep per miuré nosta rujeneda dl’oma, penson menadrë ala scola, a duc i livei dla scola. Dan 50 ani ne fòvel nia na ntendënza ladina, degun assessëur mé per la cultura y scola ladina. Libri y publicazions do la rata pueces, nia curricula per l nseniamënt dl ladin. Śën ons dizioneres, vocabuleres, libri, na sezion ladina tl’università, nosta scola possa se lascé udëi y chësc propi per l plurilinguism. L vën nsenià trëi-cater rujenedes y per truepa scoles sons de ejëmpl. Chëi che ie a cë dla istituzions se prova drët dassënn per dé inant nosta cultura, nosta rujeneda dl’oma. I maestri giapa la ndenità de trilinguism (che ne fej ora nia puech), on per ejëmpl n liber de religion tla trëi rujenedes per cuntenuc desferënc, uni argumënt te n’autra rujeneda che messëssa jì bën per sculeies y maestri. N liber sëul te nosta provinzia. Drët

adatà y drët bel y tlo iel da ti fé na gran lauda a duc chëi che se à cruzià y se cruzia inant per miuré la trëi rujenedes, per renfurzé dantaldut la rujeneda dl’oma. Na lauda iel nce da fé a tan de prevesc de nosta pluanies che cëla ënghe de rujené tla drëta mesura ladin, via tla Val Badia iel belau for duta la funzions per ladin. Al didancuei iel tla pluanies nce placac tla trëi rujenedes y chël ie drët, ma l ie nce vel’placat mé te una na rujeneda che ne n’ie nia l gherdëina. L ie sambën for da dì che chëla umans, chëi maestri che njënia ca la funzions o la s. mësses o vel’ placat à for n gran lëur y perchël iesi da laudé. Te vel’ pluania se stënten mo mpue’ deplù a scrì vel’ cosses per gherdëina, n dëssa dì che i jëuni ntënd pu duc la trëi rujenedes, son i miëures canche jon a fé l ejam de trilinguism y perchël udëssi ite che sce l vën tëut mé una na rujeneda, pona pudëssen nce ti la vaghé a scrì mé per

gherdëina. „Bona Pasca“ per ejëmpl ntënd duc y da nëus passenéiel deplù che „Frohe Ostern“. La trëi rujenedes dëssen tò ca tl respet de uniun, de uni familia, dla rujeneda dl’oma de coche uniun rejona. Tla scoles iel pu nce śën udù danora la alfabetisazion te duta trëi la rujenedes, perchël me savëssel drët che pra na s. mëssa di sculeies unìssel nce rujenà gherdëina. L ie da dì che datrai cëlen de fé chësc. Ie rate che uniun à l dërt de se fé ntënder nce canche l ie pitl tla rujeneda dl’oma y l dëssa vester na lerch no mé per la doi gran rujenedes ma nce per l gherdëina. Ala fin speri che son stat bon de mutivé chëi che lëura y se cruzia for cun gran lezitënza, a se nuzé dla trëi rujenedes. Scencajo me metëssi nce a desposizion a ciancé zeche da n’autra rujeneda tl gherdëina. Cun stima

Me sente en dover de responer al scrit dal segnor Chiocchetti Mauro “Maza”, publicà su La Usc nr 18, ajache me sente chiamada en causa per aer volù, ensema al Comun General e a la Sociazion Aurona, ge sporjer a la jent de noscia val n spetacol nöf e de calità te n post, l teater Navalge, che ades l’à dute le carte en regola per rescatar so ruol, en barba a le critiche e polemiche che i ge à tirà dò te chisc egn. Chel che é let me à ofenù, no demò per la part che è abù te l’endrez, ma ence a inom de dut l publich che l’era te sala e che à godù e aprijià l spetacol, e che te chel scrit l’é stat conscidrà praticamenter incompetent, ignorant e de bas livel cultural. No é la presunzion de me retegnir na melomane esperta, ma chel de domenia passada, a mio parer, l’é stat n spetacol de bona calità te dute sove sfumadure; è aprijià la braùra di orchestrai, l trasport emotif trasmetù da so diretor maester Claudio Vadagnini, l’intensità de le osc di solisć e sova interpretazion, l’empegn di corisć e no per ultim le scelte scenografiche e coreografiche del regist che se à “fidà” enjignar la scena con elemenc fora de anter e del dut minimalisć, didà da jösc de lum piajegoi e da le fegure che con siöi movimenc ge à dat amò maor spessor al dejoujer de la trama, crean na atmosfera de cornisc de gran efet. Far confronc con opere portade

en scena tel secol passà da inomes desché Toscanini, Kleiber e Muti, con solisć del livel de Callas, Tebaldi, Raimondi e Domingo, me à parù dalbon paradossal! Se l segnor Chiocchetti volea dar desmostrazion de sove conoscenze operistiche e culturale, l podea l far con maor eleganza. Sion stufes de jent che vel mosciar sapienza e competenza spudan sentenze a dreta e a cencia zenza se dar jù personalmenter percheche chest so gran saer posse vegnir slargià fora a chi che no à abù l möt o l temp de coltivar sova cultura. Aboncont, aldelà de le “solite” osc fora dal coro, la resposta engaissada del publich e dut l’aprijiament che ne é stat palesà ne fasc capir che chesta l’é la strada da ge jir dò per slariar fora la cultura musicala te nosce val, roba che la Sociazion Aurona porta inavant dal 2008, e de chest ge völ ge dar merit. En cont de chest ge tegne a ge dir ai pascioné che via per l’istà, tel Teater Navalge, vegnarà portà amò trei opere de Verdi, tel cader del cedean del musizist, e autre manifestazion de musega o no, per viventar na stagion culturala che se anunzia dalbon enteressanta. Finisce fora rengrazian duc chi che à didà perché “La Traviata” del maester Vadagnini pode ruar a Moena a endeletar chi che à podù vegnir a la veder! Ilaria Chiocchetti, Assessora a la Cultura del Comun de Moena

Helmut Senoner, Sëlva

Da partis politics

Les intervistes nia trasmetüdes TML - telejornai dles mendranzes linguistiches dl grup TCA à le bur’ viz da se chirì fora n pü’ demassa ći che vëgn trasmetü!Che na televijiun privata pois se chirì fora i programs y cis

te na spana de tëmp nia de campagna litala ći che vëgn trasmetü sunse düć a öna. Mo canche an ciafa contribuć publics por la realisaziun de de te’ trasmisciuns vàl debujëgn da adoré na maiù ecuité y lascè da

pert conflić personai de livel bas. Le jornalist ne mëss nia ester massa sensibl por vigni piciolëza. Albert Pizzinini, Ladins Dolomites

L temp

Registreda - LA USC DI LADINS - Plata dla Union Generela di Ladins dla Dolomites

Previjions di proscimi dis Vendres 17 de mei

Sabeda 18 de mei

Domenia 19 de mei

Lunesc 20 de mei

Les temperatures plu basses y plu autes 12°/19° 7°/12°

12°/21° 7°/12°

12°/20° 6°/11°

14°/22° 6°/11°

Segureza dles previjions 80%

70%

70%

www.provinzia.bz.it/meteo-ladin

2

www.lauscdiladins.com

70%

Da encuei vendres a en domenia, Pasca de Mei, é l temp variabl: al dà n pue soredl y al po intres endò plovei o ence ester val’ temporal.

Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it

Priesc d’abonament anual: per la Talia: 64,00 euro. Foradecá: Raion 1 - Austria, Paejes Tudësc y Svizra: 64 euro per la zaita plu 86 euro per la posta, de ndut 150 euro. Raion 2 - Rest dl’Europa: 64 euro per la zaita plu 136 euro per la posta. De ndut 200 euro. Raion 3 Dedora dl’Europa: 64 euro per la zaita plu 236 euro per la posta, de ndut 300 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Raiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294


Atualité

nr. 19 / 17 de mei 2013

Cristianejim „dandò“: No dla SVP a stravardé nosta Mont de Sëuc Mo n iede Frataces sun Ciandepinëi: zënza vel’ tëmes o vel’ sort de respet fauz reverenziel, ma cun duta unestà, sons tl lëur de scrì defin dl medemo viers, y feter sciche fotocopia de chël che àn metù sun mëisa dan n valguna enes, y che ova da n fé cun la realtà dl „cristianejim“puech y fauz, che l ie da pert de Cunsëies de Chemun, a ulëi monce jì su te n bel bosch, a tichené y viulenté iló, per frabiché ite iló n „beliscimo“ gran lech artifiziel, ta Frataces, ajache tl cajo cuntrer, pudëssel vester pericul per nosc sport dai schi, y nosta sajons da d’inviern pudëssa vester manacedes, y nëus mo ruvé tla miseria!? La „man publica“ dl Chemun de Urtijëi: ma ncuei iel l cajo de messëi fé „avisa“ la medema cunscidrazions, de vester bën scialdi de stlet cristians, plëns de contradizion y de ipocrisia, nce da pert dla „man publica“ dl Chemun y majer luech dla val, che ie avisa tla medema sort de stleta moralità, n con’ de nosta richëzes natureles, scinchedes dal „ciel, dala sacro-santa Criazion!" La bona mozion n cont dla Mont de Sëuc: mbën, n cont de na mozion-scumenciadiva scialdi bona, a pro dla Mont de Sëuc, purteda te Cunsëi de Chemun dai cunselieres dl’oposizion defin sensibli dla Lista Urtijëi, ie chisc

uemes y ëiles da laudé che se batova per auzé l respet de chësta nosta Mont „mundiela“ unii platei ju dai dodesc dla maiuranza „preputënta“ SVP! Contra uni prinzip de na scunanza sceria, uluda y cunedida nce dala dutrina „cristiana“, y perchël nce contra l „Cuer de Gejù“ tan ulù y for retlamisà, y nce contra Andreas Hofer, che ne fova nia jit a crì utl y davani y cunveniënzes materieles, y pona sambën nce contra l prinzip y l critere dl’UNESCO! Nosta raprejentanza de uemes y de assessëures dla SVP ie debota stac duc a una de ne lascé nia valëi chëla mozion dl’oposizion scialdi „etica“, y dut cun na gran retorica de de bela paroles a dì che la scunanza ie bele otimela y bele defin respeteda! Y pona sambën la argumentazion nsci comota y dala man, p er „ se lavé oportunisticamënter la mans“: for inò da nuef „nëus ne on pa nia la cumpetënza“ y nosc prim zitadin, „ie ne n’é pa deguna parola per cassù,“ y nsci inant cun d’uni sort de sfumatures y scuses, n funzion de na essënza cristiana bën scialdi poreta y che ne fej nia unëur! A pa jënt y la „man publica“ mo la rejon y l duvier de cumbater per cosses dl’umanità y n relazion a nosc Crià!? Ons’a nëus mo la rejon y l duvier de n tlupé su y ti judé a un o una, che ie scialdi stlet,

manacian de murì, ma che ie delà dal cunfin aministratif!? (chësc ie sën dit cun na „metafora“!). Bel cumpurtamënt chël de dì che l ie cosses dl auter Chemun, se lavan la mans. Y „l ne pudëssa mei al mond dut Südtirol unì a l savëi che l Chemun de Urtijëi se à ficià tla natura dla Mont de Sëuc“! No pa seniëur ambolt y prim zitadin y uemes y assessëures SVP?! A nosta assessëura per la cultura: defin marueia se àn bën fat, belau nia da crëier y da nia plu capì l mond, che na assessëura per la „cultura“, che ie da udëi pra ntraunides y giaurides, cun de bela paroles dl cajo, se à ënghe udù de bela y cun retorica „a-una“, de vester contra la mozion a-pro dla natura. Mozion studieda cun cuer dala „trëi Claudies“ lezitëntes, cun nce pea y scialdi solideresc i autri cater. Co possa pa vel'da detel mé vester, sce tenion cont che nosta Mont de Sëuc ie nosc primiscimo cumandamënt „de cultura“, ora de nosta storia y de nosta tradizions de familia, y cun nosta sensibltà spirituela y „metafisica“?! N pont y na ucajion de cultura a 360 degré, ma nosta „assessëura per la cultura“ ie stata de contra. Scialdi puecia coerënzia y bën scialdi da muië. Oscar Prinoth de J. Da Brida, Urtijëi

Cuntroi di cuatieres cunvenziunei La Jonta provinziela de Bulsan à ai 13 de mei dat pro l regulamënt de ejecuzion dl’agenzia nueva che cialerà do i cuatieres cunvenzionei. Pernan che l unirà metù a jì l’urganisazion dl’agenzia puderàn scumencé cun l’atività de cuntrol Cuatieres - Passa n chert di cuatieres fai te raions de espanscion nueves muessa unì cunvenzionei: chël uel dì che i ie resservei a jënt cun residënza o stiera tl Südtirol. Dantaldut te raions turistics ne vën chësta cunvenzion suvënz nia tenida ite y cuatieres vën fitei a turisć. Sun dumanda di Chemuns à la Jonta provinziela nvià via la istituzion de n’agenzia de cuntrol. “Śën ons dat pro l statut y pernanche n arà cuordinà la pert uperativa, pòssen scumencé cu l’atività de cuntrol di cuatieres,” à dit l presidënt dla Provinzia Durnwalder do la senteda dla Jonta. L problem di cuntroi de cuatieres cunvenzionei ie drët sentì te Gherdëina y tla Val Badia. “Aldò dla statistiches ie luesc coche Corvara manacei dal pericul che la jënt vede a viver te n auter luech. La rejon prinzipela ie i priejes di cuatieres, perchël iel de mpurtanza che i cuatieres cunvenzionei posse nce unì nuzei dala jënt da tlo,” à dit Durnwalder. Aldò dl presidënt

L’agenzia de cuntrol per i cuatieres cunvenzionei puderà prësc scumencé si atività. (foto USP)

dla Provinzia se à i Chemuns stentà a cuntrolé i cuatieres cunvenzionei y perchël à l’Assoziazion di Chemuns damandà che la Provinzia metësse su n’agenzia de cuntrol. La ncëria da diretëur de chësta agenzia ti ie unida data a Albert Plitzner che ie a cë dla sënta de valutazion dla Provinzia. L cumité de cuordinazion unirà metù adum dai assessëures provinziei per l’urbanistica y per l frabiché alesirà

deberieda cun l presidënt dl’Assoziazion di Chemuns. Canche i Chemuns porta ite tl plann urbanistich raions de espanscion nueves, muessa l 55 percënt unì resservà per l frabiché alesirà (la Provinzia sëurantol mez l custimënt dl grunt y dla nfrastrutures primeres). Dl’autra pert (i 45 percënt) muessa l 60 percënt unì cunvenzionà. (ufize stampa provinziel de Südtirol)

info@lauscdiladins.com Stravardar l’ospedal de Ciavaleis En vender passà é abù l piajer e la fortuna de to part a na scontrada endrezada da la sociazion Rencureme te comun de Poza, olache l’era trei primaries de l’ospedal de Ciavaleis. I trei medizi, te si intervenc n muie enteressanc, i à portà dant bel dalvers i ponc de forza e le dificoltà di reparc che l’é sot sia vida e de n ospedal periferich desche chel de Ciavaleis. L’é recognosciù da duc che l livel de ziviltà e progress de n teritorie se mesura ence da la calità de assistenza sozio sanitara che vegn portà inant sun chel medemo teritorie e da l’enteress desmostrà dai aministradores per chisc problemes, che i é de emportanza vitala per la popolazion. La gran prejenza de publich, n muie enteressà a le problematiche sanitare uzade fora dai trei primaries e ai avenimenc de l’ospedal de Ciavaleis en general, l’à purampò metù al luster la mencianza totala di aministradores del Comun general e di 7 comuns de Fascia. Su passa 120 aministradores publics, la soula prejenza l’é stat chela de l’assessora a le atività culturale del comun de Poza e l

recor de no poder esser de la Procuradora del Comun general e del conseier ladin. E chest enceben che più oute i relatores aessa sotrissà l besegn assolut che i ospedai de periferìa vegne sostegnui con forza da part di aministradores publics locai ti confronc de l’assessorat a la sanità, se no se vel che en periferìa la medema vae a man a man dò brea jù. De chest l’é jà ejempies te autre zone del Trentin, che podessa se verificar ence da noi te valch setor. De l’ospedal de Ciavaleis no podon pertener che se cruzie demò la val de Fiem, cusa che ne vegn outa de spes. Ciavaleis l’é l’ospedal de zona de le val de la Veisc e coscita l va vedù e defenù, per aer na calità de l’assistenza sanitara valiva che chela de l’ospedal de Trent o Rorei. I problemes sozio sanitares no cogn esser a l’ùltim post te l’ajenda di empegnes de nesc aministradores. I cogn aer na atenzion amàncol valiva, se no maora, a chela de na varianta o de n impiant portamont. Ence te chesta ocajion ampò se à cognù constatar l contrar. Floriano Bernard de Cechinol, Pera

Matura y patricularità de Südtirol Maturanc che à passa 80 ponc pra la matura dëssa bele chëst ann giapé n bonus de ponc tl ejam de amiscion al’università. Chësc vëija dant n decret dl minister da dant Francesco Profumo. La Jonta provinziela à nstadì abù da pesimé sun chësc bonus y uel arjonjer che l vënie tenì cont dla particularità dla matura tl Südtirol Università - Chiche fej la matura desferënc, nsci iel tla scoles cun passa 80 ponc giaperà pra l tecniches plu rie a giapé truep ponc ejam de amiscion a na università permez a d’autra scoles. I taliana n bonus de diesc ponc. I assessëures provinziei uel sën p a r t i c u l e r e s d e c h ë s t a aspité la norma d’atuazion y pona regulamentazion ne n’ie mo nia cialé che l vënie tenì cont dla tleres ajache l mancia mo la norma particulariteies dl Südtirol. (Ufize de atuazion. Aldò dl presidënt dla stampa provinziel de Südtirol) Provinzia à la Jonta provinziela doi rejons per ne vester nia a una cun la regulamentazion nueva: “La desferënzia danter i resultac de matura tl nord y sud dla Talia ie drët granda. I sculeies al sud fina via la scola auta cun na mesaria scialdi plu auta permez a chëi dl nord. Chësc vën desmustrà te n studi fat sun ncëria dla ministra Gelmini. L segondo pont ie che tla scoles desferëntes vëniel Aldò di ponc de matura dessel unì dat n nce damandà cuntenuc bonus pra l’amisicon al’università. (foto USP)

www.lauscdiladins.com

3


Zoom

nr. 19 / 17 de mei 2013

Na induneda interessanta y plajoula Ferenc Kalmar y Elodie Fischer dl Consei d’Europa à volù s’informé sun la situazion dles mendranzes te nosc raions. Intervista al dotur Marco Pizzinini, vizepresident dla Union Generela di Ladins dla Dolomites, che à tout pert a chesta encunteda sciche ladin Mendranzes - L invit per chesta encunteda daldut nia formala fova vegnù dal professour Christoph Pan, dirigent dl Istitut de Südtirol per i grups etnics. Enconté se àven en vendres ai 10 de mei te Ciastel Prösels. Ferenc Kalmar, ungereis dla Romania, é portavousc dl Consei Europeich per la situazion dles mendranzes tl’Europa, y Elodie Fischer é vizesecreteria dla Comiscion per la valivanza y niadiscriminazion tla Conferenza parlamentara dl Consei d’Europa. I doi ghesć da l’Europa fova gnus te Südtirol per vedei söl post la particolarité dles mendranzes y dla convivenza. Dlongia ai doi ghesć importanc da l’Europa fòvel l professour Christoph Pan, l jornalist dla RAI regionala taliana Lucio Giudiceandrea, l ombolt y candidat a president dla jonta provinziala per les lites de otober 2013 Arno Kompatscher y Marco Pizzinini, raprejentant dla Union Generela di Ladins. Marco Pizzinini nes cunta che “i doi raprejentanc europeics s’à mostré der interessés y informés sun nosta mendranza, ie ti à fat na picia relazion y ti à ence splighé les problematiches che n’é samben nia da confronté per ejempl con cheles dla mendranza unghereisa tla Romania.” Al dotur Marco Pizzinini onse volù ti fé n valgunes domandes. La Usc: Te chesta enconteda

mendranzes ’da foradecà’ tlo da nos. Chesta problematica n’é de segur nia da sotvaluté.”

Retrat da la enconteda plajoula sun Schloss Prösels.

él ence gnu fora che mendranza n’é nia dagnora l medem che “mendranza”, ajache vigni mendranza à na sia storia y n si svilup? Marco Pizzinini: “Rodunt chesta cossa é gnuda fora. Na gran importanza per na mendranza é sia storia, sies tradizions y cultura. Te na mendranza méssel ence ester la volonté y la poscibelté de en svilup. Tl’Europa él ciamò y stac nazionai che i dà puecia importanza a sies mendranzes. Trueps stac nazionai veid te sies mendranzes n pericul y nia n arichiment. Chilò él i stac che é tl’Union Europeica che à ciamò trep da fé. Mé l’Europa po fé

prescion per invié i guerns nazionai a tò provedimenc de sconanza per sies mendranzes. Truepes mendranzes tla Europa se somieia ciamò i derc che nos on te nosta region y veid chesta nosta autonomia , che à segurmenter ciamò debujen de mioramenc, sciche travert da arjonje. I trei grups linguistics à ciafé, do trueps agn de conflic, n ’modus vivendi’ che ti garantesc l souravive a duc, ence sce la mendranza ladina à ciamò debujen de provedimenc de sconanza plu particolars. Emplù él ciamò da dì che ti ultims agn él rové adalerch te nosta provinzia trueps foresć, perchel onse sen truepes

Cales é pa stedes les domandes plu spezifiches che la delegazion da l’Europa à volù ves fé a vos sciche raprejentant di ladins? “La delegazion fova valgamia informeda sun la situazion etnica de nosta region y sun chela de nosta mendranza. Mo empò à volù avei i doi rapre j ent anc informazions plu spezifiches sun nost raion ladin, sun les carateristiches dl lingaz ladin sciche lingaz neolatin, sun i idioms de valeda, sun la scola paritetica y sun nostes ativités culturales y economiches y sun nostes tradizions. Elodie Fischer, de nazionalité franzeisa, à constaté con plajei che nost lingaz y chel de si paisc à truepes paroles che se someia o é ence val’ iade les medemes. Ela à mostré gran sensibelté y interes per l ladin y à ence atira capì che na pitla mendranza sciche la nosta adora na sconanza particolara. Ai doi raprejentanc ti ài ence dé pera truep material informatif, che ei à atria azeté con gran plajei.” I ladins essa debujegn da pert dla Talia y dl’Europa de na atenzion particolara, ajache ai é spartis sun trei provinzies y does regions. Tant él pa gnu rejoné de chest?

“I à informé la delegazion sun la situazion di ladins, despartis sun does regions y trei provinzies do che ai fova stés adum per trueps secui, sun l fat che i ladins de Fodom y Ampez n’à praticamenter degugn derc da adoré publicamenter si lingaz dla oma. A Ferenc Kalmar y Elodie Fischer ti sàl der de marevueia, che cinch agn do l referendum dl 2007 é la cuestion praticamenter intres ciamò chieta a Roma y che n stat sciche la Talia ne mena nia inant la cossa.” Prejent fova ence l capolista dla SVP in spe per les lites provinziales d’auton 2013 Arno Kompatscher. Cie imprescion eise pa abù de chest vers? “Arno Kompatscher é na persona joena con vijions modernes, daverta, der informeda, ence per cie che reverda les cuestions de nosta mendranza. El ti à fat a duc i prejenc, y ence a me samben, der na bona imprescion. Al à na gran competenza y à de segur les mioures cualités per sourantó na inciaria de na gran responsabelté sciche chela de president dla provinzia. Al é da speré che el sie bon de ti tegnì bot al dagnì che ti speta, romagnan el instes, cossa che é de segur dut auter che saurida sce an conscidra la burta aria che tira al moment tla politica locala y nazionala.” (intervista: iaco rigo)

Tecnologisaziun de planta A La Ila él gnü presentè “storiesapp”, na aplicaziun interativa de set stories te cater lingac (döes verjiuns ladines, talian, todësch, ingleje) por i iPhone, iPad y iPod Touch. Vigni scolina dla Val Badia y de Gherdëna à podü pié do n iPad por ausé i mituns a chësta teconologia nöia Scolina/Scora - Por “i pësc fora d’ega” danfora na informaziun d’öga: al post de n liber podunse al dedaincö avëi computers, fonins de gofa y d’atri mesi tecnologics, sön chi che an po odëi desco te na picera televijiun le scrit, les ilustraziuns y inće animaziun (films, ez.). La tecnologia nöia tol ite la funziun primitiva dla porsona da lì jö y odëi val’ che é gnü scrit sö y depënt. Ći che la tecnologia nöia impormët śëgn é che libri y films intiers à lerch te na picera scatora y po gnì cherdà adalerch canche an ô zënza che an adores libri y d’atres stampes, y che chisc iPhones y iPads à inće la picera finestra (display, screen, monitor...) che reconësc y tol sö i impulsc che jënt lascia lassura: insciö comanon al test, ales ilustraziuns y ai films (o

videos) da rogore inant, da s’archité, da se möie cô che an ô y ćinamai da “baié” y “ćiantè”.

Storiesapp “Storiesapp” n’é nia d’ater co na aplicaziun por lì, ćiarè y ascutè set stories te plü lingac - y chësc a na moda interativa (an po la comané inant y zoruch) y inće integrada (an po saltè te vigni momënt da n lingaz al ater). L’aplicaziun che funzionëia ćina śëgn ma cun mascinns Macintosh (iPhone, iPad, ez.) se basëia sön le liber de stories gnü dè fora cun cdrom dan püć agn dal medemo comitënt, l’ofize Inovaziun y Consulënza dla Intendënza Ladina a Balsan (ex IPL).

Imparè sura döt le monn Desco proiet didatich, tecnologich y inće cultural él inovatif de plü versc: “storiesapp” po gnì desćiariada y conscidrada sura döt le monn, cun le lingaz ladin laprò, al é na desmostraziun che ara va da comuniché te plü lingac zënza loćes, inće tolon en conscideraziun n pice y n maiù lingaz. Sambëgn él da alzé fora le fin primar che chësc proiet à: chël da insigné cun ilustraziun y jüch i lingac.

Debann “storiesapp” po gnì desćiariada debann dal internet, deplü informaziuns pôn pié do sön le sit www.pedagogich.it

A La Ila en gaujiun dla presentaziun de “storiesapp” à saludé danter l’ater l’Intendënt Ladin dl Südtirol Roland Verra alzan fora che la tecnologia é impormò n problem por i mituns, y inće i gragn, canche an é stlâfs de chësta, y de sigü nia canche an po se sorvì de ëra. Tres la moderaziun dla colaboradëssa dl ofize Inovaziun y Consulënza Claudia Rubatscher à spo baié inće l’Ispeturia dles scolines de Gherdëna y Badia Edith Ploner, la Direturia dles scolines de Gherdëna y Badia Hannelore Insam. Söl proiet en monü à instradè le tecnich y coordinadù dl proiet Felix Ploner, do che Gretl Senoner (colaboradëssa dl IPL) à splighé plü avisa la didatica di lingac integrà: “l’insegnamënt de plü lingac tl

medemo tëmp vëgn tut sö dai mituns sciöche n jüch, y al arjigna inće ca i mituns al’adoranza y conescënza de plü lingac.” I ladins é de chësc vers plü inant co i taliagn y i todësc dla Scora dl Südtirol y po zënz’ater insigné val’ a d’atri. Ala presentaziun a La Ila à tut pert cotan de insegnantes dla scolina y dla scora de Gherdëna y Badia, val’ genitur de mituns y inće n bel grup de mituns che à portè dant na ćerćia ćiantada dl imparè lingac. Les etês d’interès söl invit ê dades dant dai 0 ai 14 agn. Ala fin él ćiamò stè Heinrich Huber en rapresentanza dla Fondaziun Cassa dl Sparagn che ti à surandè a vigni scolina n iPad, por dè n sëgn de sostëgn y promoziun a chësta inovaziun tecnologica te scora y scolina. (ir)

Tratan la presentaziun de “storiesapp”: cotan de insegnantes é gnüdes; Gretl Senoner spliga l’ütl de n insegnamënt integré de plü lingac; i mituns ćianta; la scincunda di iPads por les scolines da pert dla Fondaziun Cassa dl Sparagn.

4

www.lauscdiladins.com


Atualité

nr. 19 / 17 de mei 2013

Euregio y Festival dla Junanza Nce chëst ann iel inò unì metù a jì l Festival dla Junanza dla Euregio. Chësc ie l segondo iede che otanta studënc dl’Euregio Tirol, Südtirol y Trentin se anconta tla ziteies de Rurëi, Persenon y Dala (Hall in Tirol) per se cunfrunté cun truepa dumandes. 9 fova i studënc ladins che à pudù fé pea Euregio y scola - I sculeies ladins fova dl ITE de Urtijëi, dl Lizeum d’Ert de Urtijëi y dl ITE de La Ila. La majera pert de chisc studënc ie tla consulta provinziela di studënc. I fova cumpaniei dal professëur Lois Kastlunger, per la manifestazion che ie stata de merz. N pont che n à ulù auzé ora chëst ann fova la tematica dl lëur di jëuni. L prim di se àn ancuntà tla Villa Bortolozzi a Aquaviva nia dalonc da Trënt, per na zeremonia de inaugurazion duc deberieda.

Andreotti a Maran

A Rurëi L di do se àn ancuntà a RurëiRovereto-Rofeit, ulache n à scumencià cun i prim lëures de descuscion. Chëst iede de “coche l ambient possa nfluenzé la furmazion di jëuni d’al didancuei”. Nce plu esperc à fat pea, coche Carlo Borzaga y Antonietta Tomasulo. Ala fin dl di, do l lëur fat te de pitla grupes de ntëur n diesc persones, à i muderadëures prejentà i resultac dla descuscions. L domesdì fova liede, y nscila à i studënc pudù vijité l museum d’ert Mart y da dedò la pitla zità de Rurëi.

A Persenon

I muderadëures.

Dlongia: Romina Bernardi, Jessica Pitschieler, Esmeralda Dedej, Elena Frenademetz, Kevin Senoner, Romeo Costa, Elvis Burchia y Kevin Granruaz.

L fova su per i ani 1981/82 a Maran. Da man ciancia: Hubert Dalponte de Corvara, Georg Moroder che ti sëurandà na pitla scultura de bront a Giulio Andreotti, Remo Ferretti, Giulio Andreotti da na pert ite, Giancarlo Bolognini dovia mpue’ ascundù, Fabio Nardin y Luciano Nervo. La delegazion dla valedes ladines se ova ancuntà cun Andreotti per rujené dla cuestions ladines che univa tratedes te chëi ani dal guviern talian.

Da sëira iesen pona piei su de viers de Persenon, ulache n à maià duc deberieda te hotel. L di do iela jita inant tl Forum de Persenon, ulache l presidënt dla Provinzia Luis Durnwalder nes à dat l bënunì. La tematica fova chëla di “Green Jobs”, lëures te na simbiosa cun la natura cun doi reprejentantes dl Istitut ecologich dl Südtirol. Coche l di dant à i jëuni nce tlo pudù lauré ora la tematiches tla medema grupes y da dedò ài inò prejentà i resultac.

A Dispruch y Dala Do na pitla vijita ala zità de Persenon iesen pona piei ora a Dispruch ulache n ie jic tl albierch per i jëuni. Riesc do iesen jic a Dala ulache n à vijità l zënter ulache zacan unìvel fat la munëides per dut l Mper Austro-Ungarich. Te chësta ucajion àn nce fat la prima munëida dl’Euregio; duc i studënc à pudù n fé una y se fé na idea de coche la va a fé vel’ da de tel. L di do se ons ancuntà per fé n pitl ressumé de duc y lëures di doi dis. Te chësta ucajion ie nce unida l’assessëura dla Region TrentinSüdtirol Marta Stocker y l muderadëur Dietmar Rosanelli per fé pea pra na pitla descuscion cun duc i jëuni te sala. Do marënda ie duc piei de reviers a cësa. Coche l ann passà ie nce chësta edizion dl Festival dla Junanza stata na bona ucajion per i jëuni de se cunëscer y se giamië esperienzes y minonghes d’uni sort. I à pudù se cunfrunté, ma dantaldut à i jëuni dl’Euregio Tirol pudù mparé a cunëscer la cultura,

Foto de grupa dl Festival dla Junanza.

la tradizion y l mond dla scola de si ujins, se tulan pea truepa ideies per miuré l sistem de si zità o scola. I ladins se à fat valëi per si

trilinguism y ie for i bënunii al festival, y nëus se ncunferton bele al proscimo ann. (Jessica Pitschieler y Esmeralda Dedej)

Romeo Costa ntan che l lëura per fé la prima muneida dl’Euregio. www.lauscdiladins.com

5


Atualité Concors metù da jì da La Usc di Ladins. Manéde vostes fotografies a la miscion e-mail katia.usc@rolmail.net o per posta a la misciun: Redazion “La Usc di Ladins”, Self dei Ladins c/o ex Hotel Dolomiti, 32020 Fodom/Livinallongo (BL). Les fotos vegnirà ence publichedes sun la plata de Facebook “L sonn fodom tla Usc” olà che duc podarà dé ju si aprijament. Chisc vegnirà touc en consciderazion da la giuria per la valutazion finala.

nr. 19 / 17 de mei 2013

Dancà y da na pert Uedli y oredles daverc sun la sozieté ladina d’aldidancuei Does ciacoles con Anna y Francesca Comarella, does sorans ampezanes de 16 y 18 agn, che partesc la pascion per l paslonch

“Ognun l é sol sul cuor de la tiera”, foto de Gianluca Soratroi da Fodom.

6

www.lauscdiladins.com

La Usc: Can é pa nasciuda la pascion per l paslonch? Anna: I on metù man de jì con i schi da piceres. Al é sté nosta mama, che à ence dagnora pratiché l paslonch che nes à trasmetù chesta pascion. Les prumes gares onse fat con l Sestiere de Alverà. I on metù man de se alené con Elio Valleferro, maester de paslonch y spo sonse judes tl Schi Club Cortinay i on metù man de fé gares a livel regional y nazional. Tant emportant él pa sté avei vosta mama sciche alenadoura? Francesca: Avei la mama alenadoura é bel, ala nes à ensigné truep, ala nes à trasmetù chesta pascion, ma al é ence sté difizile. Ala fova dagnora plu dura con nos. Sen me stàla ciamò truep do, dantaldut da can che i son passeda te n Schi Club dl Friul. Ala vegn dagnora con mi a les gares y ai alenamenc. Cie reprejenteia pa per vos l paslonch, y plu en general pratiché n sport a livel agonistich, cossa che se damana de spes de gragn sacrifizi? Anna: L sport é emportant, al fej bon a la sanité, al é plu bel che stè na sabeda seira entourn a beive. I l feje da tan’ d’agn che al fej oramai pert de mi. I é pa ben ence temp da sté con les amiches, ma a me alené ne podesse nia renunzié, ence ajache al vuel ester sce i vue arjonje de bogn resultac. Francesca: Samben él ence momenc de crisa, ma can che al te vegn en ment duc i sacrifizi che t’as fat te rendeste cont che al n’é nia l caje de sciuré demez dut per na seira de devertiment. Al n’é nia n peis, l paslonch é mia vita y al vegn dant dut l rest. Al n’é nia mé l devertiment, al é ence la scola. Él pa difizile da conzilié sport y stude? Anna: I fejon tramesdoes l Istitut Tecnich per rajoniers a Cortina. Ie son te seconda, Francesca é te cuarta. Al n’é nia semper saurì, i é ence giaté 4 na outa, ajache i ne savove nia che al fova na interogazion en chel di, ma i m’é pa ben trat su. Al é scialdi trueps che fej sport a Cortina, perchel à la scola metù da jì l projet “Scola y sport”, per nes daidé. I professours sà can che i on gares y nes interogheia nia can che i ne sciafion nia da studié. Francesca: Per mi n’él nia mé la scola, ma ence la scola de musiga. Al é n gran impegn,

dantaldut d’invern, ma spo él l fora de sajon per recuperé. Vedeise pa na cariera sportiva te vost davegnì? Anna: Eh, al me savessa bel. I vue me impegné per arjonje chest travert, i spere de ruvé te n corp y i me augure, n bel di, de ne fé nia demé plu gares a livel nazional, ma ence de Copa dl Mond. Francesca: Al didancuei n’él nia tant saurì, ence per via dla crisa él plu difizile da vegnì touc su da n corp. I vedon sciche ala va n auter ann, can che i passe tla categoria Juniores. Fé na cariera sportiva fossa mi some, al se ghira impegn, i spere de l realisé. Él pa na persona a chela che i se ispireis? Anna :Mi idol é Magda Genuin, na atleta de paslonch che à sen lascé de garejé. Ala é ence na compagna de familia, ie l’é dagnora stimeda dassen. Francesca: Ie me ispireie a mia sor Anna. Ala é na persona che n’é mai brauia can che ala davagna na gara, ala me consoleia y me sostegn can che i ne feje nia de bones prestazions, i son truep liedes. Co ves sàl pa da partì la medema pascion? Francesca: Al n’é nia semper saurì, ence sce al é bel partì tues esperienzes con valgugn. Ie son sen tl Friuli, i feje pert de n’autra categoria, perchel ne fajonse nia de spes les medemes gares. Pro l’ultima gara onse garejé deberieda… Y, co éla pa juda? Anna: I fove stancia, al fova la ultima gara dla sajon. I é fat de bogn plazamenc tles gares nazionales de mia categoria (Allievi, ndr) y perchel ae podù tò pert a la gara a Piemont, con i plu gragn, con la categoria “Aspiranti”. Al fova na esperienza nueva per me, na destanza plu longia de cheles che i son auseda a fé. Can che i me é entenù che i fove dant ne cherdove nia, i ne me esse mai aspeté de davagné! Al fova na gara en “alternato”, magari sce al fossa sté n “pattinato” fossa steda mia sor plu bona. Chela é steda la ultima gara dla sajon, cie fajeise pa sen che la nei é delegheda? Francesca: Sen fajonse n meis de paussa y spo metonse man de se de jì a sauté, con i “skiroll”, con la roda per alené bel plan i muscui per l’invern che vegn. (kp)


Atualité

nr. 19 / 17 de mei 2013

Liber de storia deberieda La trëi grupes de rujeneda dl Südtirol valutea la storia da si pont de ududa. L liber de storia che ie unì prejentà ai 9 de mei a Bulsan ie unì fat da esperc de duta trëi la grupes de rujeneda y ie per duta trëi la grupes de rujeneda Publicazions - L liber dëssa judé pea a unì plu cuscienc dla storia deberieda y a chësta maniera a na miëura cunvivënza dla grupes de rujeneda. L liber dla storia dl Südtirol dal 1919 a ncuei ie l terzo y ultimo liber de na lingia njenieda sun ncëria dla Jonta provinziela. Cun chisc trëi libri ie uniun nvià a se dediché ala storia che la trëi grupes de rujeneda à vivù deberieda. Cun chësc proiet iel unì laurà su la storia y njenià n mesun per la dé inant a na maniera saurida da ntënder. La grupes de rujeneda valutea la storia a na maniera desferënta: “Emoziunalmënter sënt un de avëi venciù y l auter de avëi perdù. L tleca pensé al monumënt dla vitoria a Bulsan,” à dit l’assessëura Kasslatter Mur pra la prejentazion dl liber. Per chësta rejon se tràtela che la jënt vënie plu cuscienta dla storia deberieda. L liber laurà ora sun basa scientifica pieta na fundamënta deberieda per arjonjer chësc y per madurì plu cumprenscion per l’autra grupa de rujeneda. “Sce cunescion la storia se fajons plu saurì a ntënder la situazion y la tëmes dl auter,” à dit l assessëur ladin Mussner. La mira dla lingia de trëi libri de storia deberieda per duta trëi la grupes de rujeneda ie de sustenì la cunvivënza dla trëi grupes y de vester n pont de referimënt tl mpëni per la pesc. Aldò dl assessëur Tommasini ie l liber debujën per na cunvivënza plu madura: “Pudon lauré per l daunì sce ti jon permez ai grops che ie restei dai tëmps passei”. L terzo liber dla storia de Südtirol trata dl tëmp canche l ie ruvà pra la Talia, i ani dl fascism y dl

naziunelsozialism, i atentac di ani sessanta y la furmazion dl’Autonomia nchin al didancuei. De ndut iel 268 plates spartides su te cater majera pertes. Undesc capituli ie dedichei ala grupa de rujeneda ladina. “Tla publicazion de chësc liber de storia ie i ladins unic trai ite dassënn y l vën nce dat respostes cuncretes,” à sotrissà l assessëur Florian Mussner. Tla pert che à da n fé cun l tëmp danter la doi gran vieres vëniel spiegà la situazion di ladins do la prima viera, la spartizion politica di ladins, la politica fascista tla valedes ladines y l’economia ti luesc ladins. Tla pert che trata l tëmp dla segonda gran viera vëniel prejentà l’opzion tla valedes ladines, l trasferimënt di ladins tl rëni tudësch y la viera tla valedes ladines. La terza majera pert dl liber, chëla che trata l tëmp do la viera nchin al Pachet, prejënta la cuestion di

ladins te chësc tëmp y l sistem scolastich paritetich. Ala tlausules de defendura per i ladins y l mond ladin al didancuei ie dedichei doi capituli tla cuarta pert dl liber de storia. L liber tla verscion tudëscia y taliana ie unì scrit dai cin’ autores Giorgio Mezzalira, Luciana Palla y Martha Verdorfer deberieda cun i co-autores Stefan Lechner y Alessandra Spada. La pert che reverda la grupa de rujeneda ladina ie dantaprima unida laureda ora dala storica Luciana Palla de Fedom. Tla grupa de cunsulënza scientifica à nce laurà pea l ntendënt Roland Verra. L liber de storia pensà per i zitadins dl Südtirol de uni età ie unì stampà 7.000 iedesc y unirà adurvà tla scoles autes. N l giapa da cumpré tla butëighes dai libri al priesc politich de 19,90 euro. (ufize stampa provinziel de Südtirol)

N à prejentà l liber de storia per duta trëi la grupes de rujeneda deberieda: i assessëures Christian Tommasini, Sabina Kasslatter Mur y Florian Mussner. (foto USP/Pertl)

Südtirol presidënza Fundazion Unesco Ai 13 de mei à la Provinzia de Bulsan sëurantëut la presidënza dla Fundazion Dolomites-Unesco per i proscimi trëi ani. La Jonta provinziela à dat pro de spënder chëst ann 285.000 euro per l’arpejon mundiela. Sun l program de lëur iel i obietifs de tò ite Saslonch y Mëisules tl raion recunesciù dal Unesco Unesco - Te chëla che la Provinzia de Bulsan à sëurantëut la presidënza dla fundazion Dolomites-Unesco ie la ncëria da presidënt jita al assessëur per natura y cuntreda Elmar Pichler Rolle. La presidënza vën data inant uni trëi ani danter la cin’ Provinzies che fej pert dla Fundazion: Bulsan, Belun, Pordenon, Trënt y Udin. La Fundazion fova unida metuda su tl 2010. Bulsan sëurantol la presidënza per l segondo tëmp de trëi ani. Chësta sëurandata unirà festejeda ufizialmënter ai 8 de juni a Toblach. Dla 285.000 euro che la Provinzia de Bulsan à chëst ann udù dant per l’arpejon mundiela Unesco ie 100.000 euro la cuota anuela per la Fundazion. L’autra pert vën tëuta ca per pruvedimënc y ativiteies tl Südtirol. Sun l program de lëur iel de purté inant la pratiches acioche la grupa de Saslonch y Mëisules posse deventé pert dl raion recunesciù dal’Unesco. Acioche la ruve tan inant muessa i raions n cuestion n iede deventé parch naturel. I Chemuns de S. Cristina y Urtijëi à bele delibrà de vester a una. N cont de Mëisules/Grupa dl Sela ne à i Chemuns mo nia fat dumanda ufiziela. “Te chësc mumënt vëniel purtà inant la preparazion tecnica che Saslonch

y l Sela devënte pert dl raion Dolomites-Unesco, ma chësc ne n’ie te chësc mumënt mo nia dat pro,” à sotrissà l presidënt dla Provinzia Luis Durnwalder. Per chëst ann iel da pert dla Provinzia de Bulsan udù dant na nrescida danter chëi che lëura tl turism y i vijitadëures cuordineda dal’Academia europeica Eurac. L fin de chësta nrescida ie de capì tant che la jënt ie nfurmeda dl’arpejon mundiela y sce l ti vën nce pità tant che i se aspieta. N auter pruvedimënt sarà l mantenimënt di troies da mont y dla tofles ti raions dl’arpejon mundiela. D’autonn uniràl fat pea l cunvëni nternaziunel IMS a Persenon se prejentan cun na sezion Dolomites-Unesco. Dlongia proiec sciche chël de fé na terassa panoramica y material didatich per la scoles mesanes, uniràl nce cris la cunlaurazion cun l’autra Provinzies. Tl ciamp dla mubltà ulëssen mëter a jì deberieda na plataforma digitela per l trasport publich. L zënter vijitadëures tla cësa dl parch naturel a Toblach (Grand Hotel) dëssa unì ngrandì. Ti locai nueves uniral njenià na mostra n con’ dla Dolomites-Unesco. Velch da de tel ulëssen nce fé tl’autra cëses dl parch naturel. (ufize stampa provinziel de Südtirol)

Uneranzes a atlec da d’inviern Ntan l ultimo inviern à 32 atlec dl Südtirol venciù na bedaia mundiela o arjont n podest de Copa dl Mond. Danter chisc atlec che ie ai 8 de mei unic unerei dal presidënt dla Provinzia y assessëur per l sport Durnwalder, iel nce ot atlec dai luesc ladins. Sport - I atlec dl Südtirol à ntan l ultimo inviern abù suzes te ot disciplines sportives: schi alpin, pudejé, luesa sun purtoi naturel y artifiziel, biathlon, snowboard, saut y schi da peves. Per uneré la prestazions sportives y per valorisé la mpurtanza che chisc suzesc nternaziunei à per l image dl Südtirol, ova l presidënt dla Provinzia nvià tl Felsenkeller dla Laimburg. “I atle c de su zes ie ambasciadëures de nosta provinzia y testemonesc de na cumenanza sportiva che funziunea,” à dit Durnwalder sotrissan che i bon resultac ne vën segurdenó da sëui, ma che i vën da truepa disciplina, mpëni y n se dé da fé. I 32 atlec che fej pert dla FISI ie nce unic unerei per trueps d’autri che à ënghe arjont de bon resultac danter i plu jëuni. Deberieda cun i miëur atlec, danter chisc Manfred Mölgg, Michela Ponza y David Hofer, fòvel nce unì nvià l presidënt dl CONI-

Südtirol Heinz Gutweniger, l presidënt dla FISI Südtirol Hermann Ambach, i cunselieres dla FISI naziunela y reprejentanc dla grupes sportives.

Atlec unerei di luesc ladins Luesa sun purtoi naturel: Florian Clara (cin’ vëntes, 9 iedesc podest y na bedaia mundiela). Hannes Clara (doi vëntes y 9 iedesc podest). Schi alpin: Manfred Moelgg (doi iedesc podest y na bedaia mundiela). Pudejé: David Hofer (un n podest de Copa dl Mond). Saut cun i schi: Evelyn Insam (doi podesć de Copa dl Mond) y Elena Runggaldier (un n podest de Copa dl Mond). Biathlon: Michela Ponza (un n podest de Copa dl Mond y na bedaia mundiela). Snowboard: Emanuel Perathoner (un n podest de Copa dl Mond). (ufize stampa provinziel de Südtirol)

I atlec unerei cun l’autoriteies. www.lauscdiladins.com

7


Atualité

nr. 19 / 17 de mei 2013

Cumpededa jënt: populazion plu y plu vedla For plu fulestieres, na populazion che vën for plu y plu vedla y la families for mëndres y mëndres: chisc ie trend prinzipiei che n possa liejer ora dai truep resultac dla cumpededa dla jënt che ie unic prejentei ai 15 de mei a Bulsan Cumpededa jënt - “Aldò di resultac statistics muessa la politica tò i pruvedimënc per seguré l daunì,” à dit l presidënt dla Provinzia Durnwalder. Dala cumpededa dla jënt dl 2001 a chëla dl 2011 ie la populazion dla provinzia de Bulsan cresciuda de 42.000 persones y ala fin dl 2011 iel unì cumpedà 511.750 zitadins. La cumpëida dla jënt crësc, ma la cumpëida dla nascites va juvier. “Doi terzi dla jënt che on ti ultimi diesc ani deplù tl Südtirol ie imigrei,” à dit l presidënt Durnwalder, sotrissan che la politica muessa tenì cont de chësc.

Fulestieres La perzentuela di fulestieres (nce dala Union Europea) ie ntan l ultimo dejené jita su da 3,1 a 7,8 percënt. La cumpëida di fulestieres cun residënza ie aumenteda plu che mo n tant, jan da 14.336 a 39.396 persones. I fulestieres che viv tl Südtirol vën da 134 nazions, passa doi terzi da nazions europées. La majera cumpëides vën dal’Albania (12,5%), dai Paejes Tudësc (10,5%) y dal Maroco (8,0%). L presidënt dla Provinzia à sotrissà che i imigrei à nce na gran fazion pra la statistica dla nascites: “Sun diesc nascites ie feter doi de

umans fulestieres y chësc fej ora belau l vint percënt”. Majera pert dl’ëiles dl Südtirol cun zitadinanza taliana giapa i popesc danter 30 y 34 ani. L’ëiles fulestieres i giapa plu da jëunes, per la majera pert dan i 29 ani. Permez ai ani 1960 iel set iedesc mo n tan de popesc de pèr nia maridei: da na perzentuela de 6,1 iesen ruvei a 44,7 percënt.

Plu vedli La populazion dl Südtirol vën for plu y plu vedla. La cumpëida di zitadins sëura 80 ani ie danter l’ultima doi cumpededes dla jënt jita su de 55,0 percënt (da 16.881 a 26.159 persones). La sëula categuria de età ulache l ie manco zitadins ie chëla dai 15 ai 39 ani, ulache tl 2011 iel unì cumpedà 8,3 percënt manco zitadins (da 169.342 da dant a 155.208 persones tl ann 2011). N fenomenn che ie lià a chësta mudazions ie la speranza de vita che da cumpededa a cumpededa crësc de feter trëi ani. Mutans nasciudes dl 2009 possa fé cont cun 85,1 ani de vita, mutons cun 79,9 ani. La speranza de vita ne n’ie aldò dl Istitut de statistica ASTAT mo mei stata ta auta sciche śën. La provinzia de Bulsan ie de n fregul danora permez ala mesaria

Prejentà i resultac dla cumpededa dla jënt: Johanna Plasinger dl ASTAT y l presidënt dla Provinzia Durnwalder. (foto DiKom/ohn).

naziunela (82,5 ani) y la mesaria europea (80,0 ani). “La politica muessa tò n cunscidrazion che la populazion vën for plu y plu vedla y mëter a jì strutures y servijes aldò,” à dit Luis Durnwalder.

La families La families vën for mëndres y mëndres y la gran families sfanta. Dan 30 ani ova la families na mesaria de 3,2 cumpunënc, tl 2011

mé plu 2,4. Passa mesa la families fova pèr cun mutons. Chësc valor ie tl 2011 jit sot al 30% dla families. De cunseguënza iel for plu y plu genitores singuli che viv cun i mutons: 11,2 percënt umans (23.564) y 4,6 percënt peresc (9.592). La families dl Südtirol à na mesaria de 1,7 mutons. Paredlan l’edizions passedes dla cumpededes dla jënt iel for plu y plu persones che viv da sëules. Dl 2011 iel unì cumpedà 73.236

persones che viv da sëules y chësc fej ora belau 35% de duta la families. L Istitut de statistica ASTAT à nce dat ora l manual demografich per l ann 2012. Te chësta publicazion y nce sun la plata web www.provinzia.bz.it/astat pòssen liejer do duta la statistiches y la valutazions di resultac che reverda la situazion demografica tla provinzia de Bulsan. (ufize stampa provinziel de Südtirol)

La Rezeta

Tagliatelle cun spergules Na rezeta per 3 persones - De Anna Kasslatter, Runcadic Cun 17 kcal per 100 g, truep potassie, truepa vitamina B1 y B2, eje folich, vitamins C y E , ie la spergules dessegur na verdura che fej bon. Spergules tën pasciù y si fibres ti fej bon ai stentins. N tol: 300 g de tagliatelle o pezi; 500 g de spergules vërdes o blances; 250 ml de brama; ega dla spergules o ega dla pasta; uele d’ulif; 50 g de jambon cruf o ciociul; vin blanch per sfersé; sel, pever. Co cujiné: Stlufé la spergules y taië ju sibe la pert da lën che la pizes. Davia che la pizes ie plu tëndres y slacarieia saurì, iel miec les junté permò ala fin. Mëter sëura ega per cuejer la spergules. N possa les cuejer diesc menuc tl’ega, o mo miec, sëura l tanf dl’ega. Mëter sëura l’ega per cuejer la pasta. Te na gran fana jéten ite mpue’ de uele d’ulif y taia

8

www.lauscdiladins.com

ite jambon cruf o ciociul. Sfersé cun vin blanch y junté la brama. Junté mpue’ de ega de spergules o mpue’ de ega dla pasta. Salé y dé sëur cun pever. Pisé ite la crema y cialé che la ne sibe nia massa da ega. Taië su la spergules y les junté ala crema cun la pizes dla spergules che n à dant metù da na pert. Mescedé ite la tagliatelle che n à cuet "al dente". Stierder parmesan crazà sëuravia … y bon pro!


Atualité

nr. 19 / 17 de mei 2013

L’edizion 2013 de SunS rejonarà ladin La selezion de la Tèlia e de la Èlpes del LIET International, Festival european de la ciantia ti lengac de mendranza, sarà te Fascia ai 9 de november. En jebia ai 23 de mé a Moena la prejentazion con conzert SunS 2013, l Festival de la ciantia ti lengac de mendranza per dut l raion de la Èlpes e de la Tèlia, rua te Fascia! Chest event, nasciù tel Friul de grazia a l’empegn de Radio Onde Furlane e al sostegn de l’Arlef, l’Agenzìa Regionèl per la Lenga Furlèna, dò trei edizions endrezèdes a Udin e una dai romances ti Grijons, chest an l rejonarà ladin. Gropes de musega pop-rock o ciantautores che fèsc pèrt de la mendranzes linguistiches de la Tèlia Svizera, Austria, Slovenia e Franzia tolarà pèrt, se sà ben con tòc te si lengaz de la mère, a n gran conzert che se tegnarà tel Teater Navalge de Moena en sabeda ai 9 de november che vegn. I doi concorenc che se vadagnarà respetivamenter l pest de la jurìa e chel del publich i podarà jir al LIET International Song Contest, la finèla del Festival, che chest an la sarà a Bastia, te la Corsica, ai 8 de

dezember, con la partezipazion de artisć da duta l’Europa. L’event, endrezà dal Servije mendranzes linguistiches de la Provinzia Autonoma de Trent col suport tecnich-artistich de la sociazion “La Grenz” e la colaborazion del Comun de Moena, l’APT de Fascia e La Usc di Ladins, vegn prejentà en jebia ai 23 de mé a Moena, te la senta de “La Grenz” (strada Saslonch 58) con la partezipazion di raprejentanc de la Region Friul, che per chesta edizion ge passa l testamonech a la comunanza ladina. La sera, che arà desche protagonisć la musega e la mendranzes, pearà via da les 6 da sera con la conferenza stampa, olache i organisadores locai e furlegn prejentarà l Festival SunS. Vegnarà prejentà l liber “La mê lenghe e sune il rock” de Marco

Stolfo, furlan espert de musega e de mendranzes e dapò se podarà magnèr n bocon endèna che vegn moscià l filmant “Lingue in musica” de Marco D’Agostini, tout jù a Udin al LIET International 2011. Da les 9 da sera tacarà la “lezionconzert” de Lino Straulino, ciantautor furlan che à vent l’edizion 2009 de SunS, ruan dapò al terzo post al LIET International. Duc é envié de cher a tor pèrt.

Lino Straulino, venjidor de SunS 2009, sarà te Fascia ai 23 de mé.

“Sovranità en conflit” al Festival de l’Economìa Anter economisć, politics e premies Nobel, dai 30 de mé ai 2 de jugn, a Trent sarà l’otava edizion del Festival de l’Economìa Economìa - Ence chest an a Trent l’é ora de Festival de l’Economìa. Per la otava edizion, che sarà dai 30 de mé ai 2 de jugn, l tem cernù l’é stat “Sovranità en conflit”. N tem de gran atualità e che ne portarà a rejonèr e pissèr soraldut a l’Europa en relazion ai chèdres nazionèi e internazionèi. “La crisa - scrif Tito Boeri responsabol scientifich del Festival - à fat smendrèr tropa sovranitèdes nazionèles. Tropes re i é doventé pìcoi e i goergn nazionèi i à cognù entervegnir per salvèr la istituzions e i à entenù che la soula maniera per ge fèr front al problem l’era chel de gestir la crisa e i aiuc ensema a etres paìjes, renunzian a n tòch de la sovranità”. Chest an i personajes de nonzech internazionèl, i professores e i dotores de desvalives ciampes che se binarà a Trent i ne farà entener miec coche l conzet de sovranità monetaria, politica e fiscala sie dò a passèr via na trasformazion forta. Anter chisc de gran enteress sarà la testimonianza del politich grech George Papakonstantinou; chela del secretèr generèl de l’OCSE Angel Gurria che ilustrarà la strategìes per scombater e redujer la “desvalivanza” e del raprejentant

del Fondo monetarie Internazionèl, Nemat Shafik, che portarà sie pont de veduda su la endesfides de l’economìa mondièla. Te dut chest no menciarà na atenzion particolèra al grop european e la reflescions su na integrazion politica e fiscala più strenta o su una possibola disintegrazion enscin a la possibola fin de l’Euro. Anter duc vegn ence segnalà l’enconter dal tìtol “Co sarèla l’Europa te vint egn?” con Giuliano Amato, n testamonech del temp anter i gregn protagonisć del prozess de integrazion continentèla. A orir e a serèr sarà l Festival de chest an sarà i apuntamenc coi premies Nobel de l’Economìa. L dì de l’inaudazion, ai 30 de mé,

l professor Michael Spence (premie Nobel del 2001) rejonarà de “L goern de la cedena de produzion globèla” e l’ùltim dì, ai 2 de jugn, James Mirrlees (premie Nobel del 1996) rejonarà de la “Perseguibilità de l’abbandono dell’Euro”. L’ùltima neva en cont del Festival la é ruèda chisc dis passé canche l’é stat ofizialisà la partezipazion al Festival de la terza encèria più emportanta de la Tèlia, la presidenta de la Cambra Laura Boldrini che sarà te Sala Depero ai 31 de mé da les ot da sera. Sul sit internet http://2013. festivaleconomia.eu/ se troa jà dut l program e duta la informazions, ajornèdes su l’edizion de chest an. (vr)

I responsaboi tecnics e politics del Festival de l’Economìa endèna la prejentazion.

Defenon la solidarietà internazionèla! Te Consei Provinzièl se rejonarà de smendrèr l finanziament a la solidarietà internazionèla. Lifeline Dolomites defen l valor de n empegn che pea via semper dal teritorie

Lifeline Dolomites se à semper dat jù per sostegnir i projec de solidarietà internazionèla.

Solidarietà - N’aria de cruzie roda entorn la sociazions de volontariat del Trentin e de Fascia. Te chisc dis che vegn te Consei provinzièl se rejonarà de solidarietà internazionèla, più avisa vegnarà tout dant e lità n emendament a la lege provinzièla per la solidarietà internazionèla. Chest emendament volessa mudèr la quota stabola de finanziament che l Trentin destinea a la solidarietà internazionèla, che enscin ades era fissà te amàncol l 0,25% (descheche l’é indicà da l’Union Europeèna), per la portèr a n limit no più aut del 0,2%, che podessa ence voler dir nia del dut. Chest l’é ruà ence te Fascia a la ureies de chi che se cruzia de solidarietà, gropes miscionères e de volontariat, e l’à soscedà alarm. En particolèr Claudio Merighi, president de Lifeline Dolomites, una de la maor sociazions che te noscia val e tel Trentin che laora proprio tel ciamp de la solidarietà internazionèla, ne à palesà so cruzie per chest emendament e la speranza che no l passe. “Per me – à dit Claudio Merighi - chi che fèsc solidarietà internazionèla l’é ence chi che fèsc la solidarietà a livel local. La solidarietà no la é outa demò fora de ca. I valores del volontariat i pèrt dal pìcol, i se smaora e i rua ence utró. Noi aon desvalives miscionères, tant religiousc che laiches, stroz per l mond e se cer de i didar te si projec e se varda ence de didar la jent a na vida che

la reste aló. Per te dir, Carlo Spagnolli tel Zimbabwe l fasc formazion per i dotores acioche i posse emparar e jir inant ic enstesc da soi. Dapò nos chiò no cognon desmentiar noscia storia. Ence nesc giaves i jìa al lont a se l vadagnar. Siane ence noi purec. Crese che canche un vif te la meseria l cer de jir zaolà olache l’é mìngol de speranza de vita. L’é amò teis jent che mer te chele navi te mez al mar. N muie de viajes che fajon, i fajon no demò per didar jent foradecà, ma ence per n muie de jent dal post, te noscia provinzia l’é desvalives posć e jent che vegn didada fora. Noi desche sociazion aon desche prum obietif la solidarietà internazionala, ma didon ence jent da chiò. Ge vel donca sostegnir chesta atività, la solidarietà la é fondamentala per se cordar. Se mencia la solidarietà te nosc mond sion perdui. Ben segur che sarà problemes ence percheche rua jent desperada, ma “pomes marces” descheche se disc, n’é daperdut. No l’é demò chi che vegn da fora”. Chisc l’é conzec e pensieres che vegn fac da temp, chel che ampò vel sotrissèr Merighi l’é ence che la Provinzia de Trent l’é dassen n ejempie e n model te duta la Tèlia e te l’Europa, ajache l’é una de la soula istituzions che spieia i parametres pervedui da l’Union Europeèna en cont de solidarietà internazionèla.

Doi proponetes entornvìa la contìes N projet del Servije Istruzion de la Provinzia de Trent proponet da la Scola de Fascia per bec e genitores Scola - Coluns él i messajes de la contìes? Che proel n bez canche l les scouta? “2 proponetes entornvìa la contìes” l’é l tìtol de n projet de l’Ofize Infanzia del Servije Istruzion de la Provinzia de Trent che é stat tout sù da la Scola Ladina de Fascia

e che vegnarà portà dant ai 24 e 25 de mé. Chest projet se spartesc te doi momenc, un out ai genitores e un pissà per i bec dai 3 ai 7 egn. Da anorum i mic e la contìes rejona de pascions, de temes, didamenc e amicizies... L moment “Stories per crescer”

che perveit na serèda con Anna Tava del Servije Istruzion, l’é stat pissà per i genitores e i educatores per soscedèr na reflescion su la narazion con referiment al liber “Stories per crescer” e ai personajes raprejenté te la contìes. Chesta serèda sarà en vender ai 24 de mé

da les 20.30 a les 22.30 te la sala grana de la Scola de Fascia. L’auter apuntament dal tìtol “N post encantà” l’é n laboratorie per i bec che podarà fèr na curta raida anter i personajes de la contìes. Jir a pe te n teater a l’averta raprejenta na vida per i bec per “se perder” te

n bosch, simbolich lech per crescer, olache i encontres pel envièr via reazions de curiosità, dialogh, confidenza. En sàbeda ai 25 de mé da les 14.00 a les 18.00 i bec vegnarà compagné tel parch di jeghes de Piciocaa te Fraìne e si genitores li spetarà a la fin del percors. www.lauscdiladins.com

9


En colaboraziun cun le

Grup Decanal nr. 19 / 17 de mei 2013

Storia dl mëis La jopa da pera

Al ê n iade n pelegrin che â dër fan. Do trëi dis che al ne mangiâ nia plü, röiel te n pice paîsc, mo al viô dailò jënt n pü’ demorvëia. I abitanć â les ćianoes plënes de alimënć, i taîs tres öć y ai ne inviâ mai degügn. ”An mëss sparagné”, dijôi, ”an ne sa mai, al po capité n amich te n iade”. Mo da dì ma bel, dala varizia sciöche ai ê, ne n’âi degügn amisc. Toc, toc, toc, le pelegrin tlócora pro la porta dla pröma ćiasa. ”Chê este pa? Ći oste pa?”, damana na usc groia, ”t’os dessigü val’ debann, no? Vatun demez, i n’à nia da te dè! I n’à nia da te ofrì iö!” Le pelegrin prô pro la proscima ćiasa y al se ciafa la medema resposta. Insciö féjel da ćiasa a ćiasa, ćina che al ne röia nia pro chëra dl ombolt. ”I orô Ves damanè n pü’ de ega”, dìjel, ”i sun tl laûr da cujiné na jopa da pera”. La porta se deura sö: ”Aste dit jopa da pera?” ”Scê”, respogn le pelegrin, ”i à na pera strinada, i adori ma n pü’ d’ega”. L’ombolt brontora n püch, mo al i dà na condla d’ega. ”Tan da orëi bun che Os sëis”, dij le pelegrin, ”ne orëise nia me tignì compagnia? Nia por bravè, mo ai

dij che mia jopa da pera é la miù dl monn. N’ésses nia na maiù fana?” ”Iö n’à mai aldì nia de tüa jopa da pera”, dij l’ombolt, mo al va a tó la maiù fana che al à. Le pelegrin fej n füch amesa la plaza de paîsc, tira fora de rucsoch na gran pera, la puzenëia bun y la mët te fana. La noela dla pera strinada che cojô te fana â te n iade fat la roda dl paîsc. Düć i abitanć ê defata stà incër le pelegrin y la fana ia. ”Y tö manges chësta roba?”, damana na möta fajon na burta müsa. ”T’as rajun”, respogn le pelegrin, ”la jopa da pera é miù cun na ciola laìte, mo i me acontentarà”. Do püć menüć él na man che i sporj al pelegrin na ciola. ”Bel dilan”, dìjel. Al mët ite la ciola y ćercia la jopa. ”Mmmmh, bona”. La jënt i ćiara tres deplü cun de gran edli. ”I capësci ći che i ponsëis: la jopa da pera é bona cun na ciola, y ćiamò deplü cun n per de fajöis, mo iö me acontentëii…”. N jonn i porta n cëst plëgn de fajöis. ”Bel dilan”, rengrazia le pelegrin. Les ëres i ćiara tres deplü ala fana y ala jopa. ”I sa ći che i ponsëis, i sëis dötes anfat… La jopa ne ves plej nia sce al n’é nia inće n per de fonguns…”. Atira va na ëra a ćiasa a tó fonguns. ”Al me desplej che ara é n pü’ megra, la ćern i dess n bel corù”, y atira él le bocà dl paîsc che va a tó ćern y cater metri de liagnes. Le pelegrin ćercia la jopa y dij: ”N sone y dui res ghei i dess na miù saù”, y

Scrì tla plata di jogn cater ëres va atira a ćiavè fora d’urt res ghei y soni. Canche la jopa é cuaji cöta dij le pelegrin: “Sce i orëis mangé cun me, spo portéde taîs y cazüs, y forsc inće na tovaia”. ”N’ôl nia inće ester n pü’de sè?”, damana na ëra, y do püć secunć él inće le sè dailò. La jopa cöj tla gran fana: ciola, fajöis, fonguns, soni, res ghei, ćern y sambëgn la pera. Le bun tof fej gola. Le pech va spo a tó na desëna de crafuns, d’atri va a tó ćiajó y l’ostì röia adalerch cun na gran bot de vin nü. Valgünes ëres â fat na turta da pom y la condüj adalerch. Amesa la plaza de paîsc êl gnü tenü sö na gran tovaia, düć s’â sentè jö y le pelegrin â ciarié fora i taîs cun la jopa che fomâ y tofâ bun. Düć â mangé en compagnia y giulan al vin êi düć dala bona löna y ćiantâ. ”Chësta é la miù cëna che i à fat te mia vita” dij l’ombolt. ”Chë pera é propi strinada”. ”Al é ma osc mirit” respogn le pelegrin, ”i s’la scinchi”. ”Davëi? La pera nes scincheste?”, damani düć, ”i podésson indô s’incuntè d’atri iadi a mangé y fà festa deboriada, cun la jopa da pera. Ara ne se costarà nia.” ”Chël é vëi”, dij le pelegrin, “mo recordésse da mëte laprò n pü’ de sè, ciola, fajöis, fonguns, n pü’de ćern…” ”I ne se desmentiarun nia...” “Da dì la verité ai capì che al é ći che an mët laprò che i dà saù ala jopa”, respogn le pelegrin y va inant sön so iade. Gonot vëgn les peres odüdes sciöche n ostacul. Datrai bàstel mudé punt de odüda. Storia de Bruno Ferrero adataziun tl Ladin de Iris Agreiter

Usc dal Alt

de Lois Kastlunger L’evangelist San Jan mët Pasca y Pasca de Mà tóch adöm. La sëra dl pröm dé dl’edema s’â i discepui stlüt daìte dala tëma dan dai iüdes: ai â pordü so maester, ai â odü sciöch’al ê gnü mazé söla crusc y sciöch’al ê mort. Al ê deventè öt incër ëi ia, ai ne savô nia ći fà, ai ê sprigorà, malsigüsc, plëgns de delujiun y sënn. Che ess pa implì fora la locia lasciada da Gejù? Che pa? Inće te nosta vita sozedel cosses y él situaziuns, olach’i se saràsson plü ion daite y al nes

10

www.lauscdiladins.com

vëgn sö la medema domanda: y śëgn pa? Che me dëida pa fora? Datrai ciafunse na resposta y datrai no. L’öt esperimenté dai discepui é le medemo öt che nos sintiun do avëi pordü la porsona o la côssa plü preziosa tla vita. L’öt che i discepui à sintì por la manćianza de Gejù ne po gnì implì fora da nia y da degügn, ater che da Gejù instës! Y bel chësc é sozedü: al à tut ite le post ch’al à lascè. Da ressorì, trasformè te na esistënza nöia - che passa portes stlütes - s’àl presentè ai discepui, cun les plaies da odëi, che desmostra ch’al é propi ël, chël che à patì y é mort söla crusc! ”Pêsc a os!”, ti dìjel dui iadi por sotligné che zënza pêsc incër nos ia y te nos ne vara nia da se ralegré de süa presënza danter nos. Do che i discepui l’à reconesciü ti é vigni tëma passada, ai à sintì na gran ligrëza y ai s’à indô fat coraje. Te chësta atmosfera sarëna y plëna de entusiasm à Gejù podü i inćiarié cun la medema misciun sciöche ël à ciafè dal Pere: jì a incundé la Buna Noela dl rëgn de Dî - a vigni cost, indlunch y por dagnora. Mo por fà chësc ne bàstel

Avisc

nia coraje, al ô ester le Spirit, chël Spirit che Gejù ti sofla ite ai discepui, chël che nos ùn ciafè tl sacramënt dl Bato y renovè tla Crejima. Le Spirit de Pasca y chël de Pasca de Mà é le medemo: al é chël Spirit che se fej ressorì, che se fej dè testimonianza de fede, che se lascia dô i picià, che se dëida superé les delujiuns y les crusc dla vita. Chësc é le Spirit, che se dà crëta, vëia de vire, azetaziun dla vita, forza tl dolur, superamënt dla mort, sigurté y fede te Gejù Crist nosc Salvatur y Redentur. Chësc vagnele nes inviëia da ti lascè lerch al amur de Gejù te nosc öt esistenzial, da ti ćiarè a sües plaies te nostes crusc, da invoché le Spirit Sant te nostes tëmes, da perié pordenanza de nüsc fai. La cherdada de Gejù ”sciöche le Pere m’à menè mè, insciö ves mëni iö os” vel inće al dedaincö, por che la Buna Noela de Pasca y de Pasca de Mà ne möres mai fora te nostes ćiases, te nüsc paîsc, te nostes valades, te nosta vita.

Stimà jogn, stimades jones, sce i ëis propostes, informaziuns, dessëgns o d’ater che i orésses publiché sön la plata di jogn, lascésse adintëne pro info@jogn.org.

Rubrica nöia: Foto dl mëis

Sëise apascionà de fotografia? Menéde ite osc retrat por la rubrica ”Foto dl mëis”!

Al é gnü ponsè da mëte da jì na rubrica nöia tla plata di jogn, porchël vëgnel chirì jogn o jones apascionà de fotografia, por la rubrica: La Foto dl mëis. Interessà po scrì al SaJ (info@jogn. org) y menè ite sües imajes. I aspetun ostes fotografies! Al vëgn lascè alsavëi che le sorvisc ne gnarà nia paié.

Liber dl mëis ”Zoë” de Clay Carmichael La möta de dodesc agn Zoë é salvaria, zënza tëma, dal će dür y na gran fantasia. Ara ne ti à degöna crëta ales porsones adultes, deache ara sa sciöche al é da gnì arbandonà. Bele so pere se l’à scufinada adora y l’à lasciada zoruch pro süa uma mata. Chësta mëss saltè da na tlinica al’atra y prësc vigni edema condüjera a ćiasa n compagn nü. Massa gonot é Zoë gnüda desplajüda, porchël se làscera le plü ion sön sè instëssa. Do la mort de süa uma röia Zoë pro so berba Henry, n artist da talënt che vir fora insom al bosch. Saràl mo indô na delujiun? Zoë va do sü trus y ciafa fora deplü sura so pere, che é bele mort da plü tëmp. Mia minunga: Al é dër n bel liber. Al é aventurus y dala ria tl medemo momënt. Iö ves l’aconsiass inant canchessî. N toch fora dl liber dij: ”Da mi berba, che é n chirurgh dl cör, me aspetâi pordërt deplü. Pro n te’ laûr orésson bëgn dì che al ess instës val’ de te’ sciöche n cör. Mo sciöche zënza me sburlâi dassora le gratun de botëga fora por i pôrti y tolô jö dles scafes ći che i adorâ. Chësc

Le cuertl dl liber de Clay Carmichael.

adult nü te mia vita ê avisa tan por nia co düć i atri dan da d’ël. Aiüt negatif, sciöche Manny, le compagn dla mama, ti dijô. Negatif ô dì manco co nul. Degun problem. Le cumprè ite y iö sun de vedli compagns, avisa sciöche puzenè tloseć, ciucé le stöp, lavè.” Sofia Gruber

Manifestaziuns tl dagnì Oraziun de Taizé Le grup ”Taizé Val Badia” inviëia düć da tó pert vigni terzo vëndres dl mëis ala ora de Taizé, dales 20.00 te capela a Oies. La proscima incuntada sarà incö vëndres ai 17 de mà 2013. Gnide tröc!

Festival dla jonëza dles valades ladines Ai 15 y 16 de jügn gnaràl organisé a Corvara le Festival dla jonëza dles valades ladines. Ara se tratarà de na fin dl’edema n pü’ particolara, olache an podarà incuntè jones y jogn de dötes les valades ladines. Döt metarà man la sabeda domisdé cun conzerć, stonć por workshops y cursc. Al sarà la poscibilité da stè suranöt te tënda. La domënia saràl la mëssa cun le vësco, indô cursc y workshop, conzerć y n turnier de calceto danter les valades.

Lové dl sorëdl Ai 28 de messè sön Sassongher o Ćiampac.

Edema di Jogn Dal lönesc ai 26 d’agost ćina ala sabeda al 31 d’agost, stlujon jö l’Edema di Jogn cun la prozesciun a Porsenù.


En colaboraziun cun le

Grup Decanal nr. 19 / 17 de mei 2013

Les novitês dal Sorvisc ai Jogn

Cool summer for teenies

Dessëgn dl mëis

Foto dl mëis

L’aisciöda é chilò

N proiet por dötes les mitans y düć i mituns dla scora mesana Le Sorvisc ai Jogn Val Badia adöm al Raiun Sozial mët da jì n proiet por dötes les mitans y düć i mituns dla scora mesana. Le proiet döra cin’ edemes, olache al vëgn pité de vigni sort de cursc y de ativitês creatives. I jogn y les jones po se scrì ite a un o deplü cursc. Important: I orars di cursc é gnüs adatà ai orars dles corieres!! Poscibilitês de iscriziuns él ćiamò te chëstes edemes: 1. edema: dai 8 ai 12 de messè Breakdance cun René Comploi, tla palestra da Calfosch. Dal lönesc al vëndres dales 15:30 ales 17:30; cost: 25,00€ por döta l’edema. 2. edema: dai 15 ai 19 de messè Curs da nodè tla nodadoia ”Cron4” a Raiscia. Dal lönesc al

vëndres dales 14:30 ales 5. edema: dai 5 ai 15:30; cost: 35,00€ por döta 8 d’agost l’edema. Wo rk s h o p d e Important: Por chësc musiga/DJ y n curs da curs vëgnel metü a fà cocktails sënza desposiziun n/na alcohol tl local di jogn acompagnadù/dëssa che a Badia. Dal lönesc al acompagnarà i mituns cun mercui: curs de la coriera cina a Raiscia y musiga/DJ dales 14:30 derevers. ales 16:00; la jöbia curs 3. edema: dai 22 ai 26 da fà cocktails zënza de messè alcohol dales 14:30 ales Curs da cujiné a San 16:30; cost: 20,00€ por Martin de Tor/Piculin cun La pröma plata döta l’edema. Festa de contlujiun Rosmarie Verginer. Döta dl flyer dl proiet. l’edema é bele dada ia! por düć i grups de dötes les cin’ 4. edema: dai 29 de messè ai 2 edemes: en vëndres ai 9. d’agost d’agost a San Martin de Tor! Curs da balè/Musicaldance tla Iscriziuns y informaziuns: palestra da San Martin de Tor, cun te Sorvisc ai Jogn a Piculin tratan Magdalena Schötzer. Dal lönesc al i orars d’ofize, al numer vëndres dales 15:00 ales 17:00; cost: 0474/523070 o sön la plata 25,00€ por döta l’edema. internet www.jogn.org/proieć.

I mëmbri dl SaJ se presentëia I ves presentun incö le grup di jogn (SKJ) da San Martin de Tor, grup mëmber dl Sorvisc ai Jogn Val Badia metë da jì val’ ativité por i jogn dl paîsc y nia ma. Adöm al’Uniun dl Sport da San Martin metunse vigni ann da jì le Bal da Carnescè, a chël che al é dagnora tröc jogn da döta la valada che tol pert. Ara toca spo inće bele da n per d’agn incà Na bela foto dl consëi dl grup di jogn da San da jì adöm ai Jogn Martin de Tor. da Lungiarü y Le grup di Jogn da San Martin Antermëia cun la liösa a tëmp de é metü adöm da düć i jogn dl löna; na buna ocajiun por se incuntè paîsc danter i 15 y i 30 agn. A će inće n iade cun i jogn di atri paîsc. de nosta uniun unse n consëi de D’isté fora fajunse spo vigni ann na cin’ jogn y cin’ jones: Alan Trebo buna griliada y i daidun impara pro (presidënt), Valentina Barbolini la manifestaziun ”Tru Vistles” (vizepresidënta), Florian metüda da jì dal’Assoziaziun Barbolini, Priska Conrater, Alex Turistica. N valgügn jogn é en chësc Dejaco, Andrè Ploner, Karin ann inće stà a daidé romenè sö le Ploner, Manuela Ploner, Michaela paîsc denant che la sajun metess Ploner y Dennis Schanung. man. Da d’altonn unse spo daidé Ia por l’ann se dunse da fà por organisé le füch da ćiamp por

Contać y orars L’ofize dl SaJ é da ciafè a Picolin, tla str. Piculin nr. 22, tla ex ćiasa de palsa. Tel. 0474/523070, fax 0474/524312, e-mail: info@jogn.org, www. jogn.org. Orars d’ofize dl SaJ: Dal lönesc ala jöbia dales 8.00 ales 12.00 y dales 13.00 ales 17.00. Le vëndres unse stlüt.

Manifestaziuns y terminns - da aurì a setëmber:

”Laûr davert por la jonëza” inće ti paîsc da Corvara, Calfosch y La Val; - 28 de mà dales 19.00 te SAJ: sentada i griliada di consëis di grups di jogn (SKJ); - 29 de mà dales 19.30 te Istitut ladin Micurà de Rü: incuntada a livel dl decanat di rapresentanć dla schira jonila y di grups di jogn SKJ adöm ai rapresentanć dla zentrala da Balsan; - 15-16 de jügn: Festival Jonëza Valades Ladines - Corvara 2013; Plü informaziuns sot a www. festivaladesladines.com;

l’Edema di Jogn, i ùn venü orchidees por l’UNICEF y i ùn fat na ćiastagnada a Neustift, olache i ên dessigü püć mo bugn. D’Advënt unse metü da jì l’aziun de San Micurà y nosc rorate adöm ai Jogn da Antermëia y Lungiarü. Nosc grup se dà inće da fà incër dlijia ia. Da deplü prozesciuns ia pro l’ann él da jì a portè val’statua y vigni tant organisunse inće na funziun, en chësc ann por ejëmpl na pert dla novena a Sant Ojöp cun prozesciun dles ćiandëres. Inće dala benedisciun dl presbitêre nü unse daidé impara olache al ê debojëgn. Por stlü jö n ann rich de ativitês, se incunta spo dagnora ćiamò n iade döt le consëi incër n bun fondü ia, por ćiarié sö les patrîs y pié ia sciöche al toca tl ann che vëgn. Contat: An po nes ciafè sön facebook sot al grup ”Jogn San Martin” o scenò diretamënter pro Alan (alantrebo@hotmail.it). - 18-25 de jügn: Iade d’aventöra tla Croazia; - 16 de messè: Festa di mituns ti Pinîs da San Martin de Tor - mez jügn ćina mez setëmber: Proiet JABA (Jogn Atifs Badioć Agësc) por i jogn y les jones dai 13 ai 19 agn; - dai 8 de messè ai 8 d’agost: proiet ”Cool summer for teenies” por mituns y mitans dla scora mesana; - dai 15 de messè ai 23 d’agost : proiet “N isté deboriada” por i mituns y les mitans dla scora elementara.

Por le mëis de mà nes à Samuel Debon depënt chësc pael sön ciüf.

Sugestiun menada ite da Silvia Costabiei.

Manifestaziuns passades Gran cufada te local di jogn En domënia de Pasca s’unse nos jogn da La Ila incuntè do mëssa grana te local, por passè n bel danmisdé en compagnia. Por le pröm iade unse organisé na cufada, che à albü n gran suzes. I rengraziun i tröc jogn che à tut pert cun ligrëza a nostes manifestaziuns, speran da ves odëi indô tröc en domënia ai 26 de mà, por le muto di jogn te local a La Ila.

I jogn da La Ila te Gherdëna cui schi L’aisciöda à metü man bun inće por nos jogn da La Ila. En domënia ai 23 de merz s’unse abiné por passè n bel dé sön i schi. Cun na buna löna sunse pià ia bele adora da doman cuntra la valada vijina. Do n bun aperitif ala ütia Piz Setëur de Gherdëna, sunse jüs devers le Secëda, olache i ùn ciafè na buna marëna tla ”Daniel’s Hütte”. Adöm a val’ matada y na bela compagnia sunse pià zoruch cuntra ćiasa. Le dé s’à stlüt jö al miù tl Aprés Ski Murin, olache al s’ aspetâ de bela musiga y tröp devertimënt. Compagnia pro le Skiday.

Ert sön mür Tl cheder dl Laûr davert por la jonëza, él gnü metü da jì tl local di jogn da Badia n workshop de graffiti Ai 27 d’aurì êra finalmënter tan inant. Le local di Jogn da Badia ciafâ na pitöra artistica nöia y insciö n müs nü. La sabeda danmisdé adora s’à i jogn abiné dan le local di jogn por le workshop de graffitti. Dailò ti aspetâ bele i dui artisć de graffitti Pipo y Tobe da Balsan. Danmisdé unse chirì fora düć adöm le motif, y dedô él gnü fat da pert di jogn schizes de chësc motif. Pro chësc proiet él gnü fora l’edl da artist de vignun. Do marëna deboriada te local

di jogn, éson jüs inant cun forza al laûr. Śëgn àn sprinzé sö i motifs sön le mür. Düć canć i jogn é stà cun pasciun laprò y insciö po le resultat ala fin se lascè odëi. Le local à cun i graffiti ciafè n gröm de corù y i jogn se stà tröp plü saurì laìte, te so punt d’incuntada nü. Ala fin s’à vigni artist imortalisé sot a süa pitöra. Tobe nes à ala fin splighé che le sprinzé Graffiti é ilegal. Ma chi che ciafa na autorisaziun, po te chësta mainira abelì i mürs.

Jones y jogn à sprinzé sö graffiti tl local di jogn da Badia. www.lauscdiladins.com

11


nr. 19 / 17 de mei 2013

L’enes di jëuni va inant

Na scincunda a mami L local di jëuni Saut à scumencià de dezëmber cun n proiet defin nuef, l se trata dl „Saut in Action“. N ucajion dl di dl’oma se à Astrid, che mëina l Saut, lascià tumé ite zeche de blòt: mudelé zeche cun la mauta - na scincunda per l di dl’oma

Fé nstësc zeche per l di dl’oma: la jëunes y i jëuni ie stai drët criatifs.

Proeic - Pra l proiet „Saut in Action“ vëniel pità uni sada, ntan l ann de scola, n’atività o na manifestazion ulache duc possa se lascé scrì ite danora. La scumenciadiva ie drët prijeda, y nscila nce la manifestazion che Astrid à metù a jì, de mudelé zeche cun la mauta per na scincunda per l di dl’oma. Nscila iel unì laurà cun la mauta che vën da dedò brujeda doi iedesc, un n iede do che n à fat la formes y l segondo iede do che n à metù su la dlasures. N à bele scumencià de auril, la

lista dla iscrizions fova riesc plëina, mutans y mutons danter i 12 y 18 ani à mustrà gran nteres. Astrid y Karin se à dat ju, ti mustran cie che y coche n pudëssa fé. Cueres, taieresc, scudeles y prislec, mpue’ dldut àn fat. Sce n pënsa che la majera pert à fat chësc per l prim iede, pona muessen dì che i à desmustrà de avëi na vëta drët criativa. Crië zeche nstësc cun si mans, cosses che n ne giapa nia da cumpré nzaul, ie dessegur zeche che à n cër’ valor y fej legrëza, dantaldut

n ucajion dl di dl’oma. Plu nfurmazions n con’ dl proiet “Saut in Action” che jirà inant mo nchin ala fin de juni, giapëis te nosta plates internet www.njg.it o www. saut.it. Rengrazion l Chemun de S. Cristina per nes avëi dat na luegia da mëter l furnel da brujé cun n pitl self da pudëi nce lauré. Sëuraprò rengrazions nce i Chemuns y l Ufize dla junanza de Bulsan che nes sustën finanzialmënter te chësc bel proiet. Karin Rabanser

“Ie é sëuravivù” Nstadì iel unì prejentà tl Saut a Urtijëi, n liber per tudësch dal titul „Ie é sëuravivù“, metù a jì dala Nëus Jëuni Gherdëina n cunlaurazion cun la Biblioteca S. Durich. L autëur Aaron Rabansteiner de Villanders à repurtà si storia

Aaron Rabansteiner de Villanders à liet dant ora de si liber. Dlongia: Ujep Runggaldier de Urtijëi à sunà danterite de biei pec sun l tlavier.

Publicazions - La prejentazion dl liber tla rujeneda tudëscia “Ich habe überlebt, eine Busreise ohne Wi e d e r k e h r “ d e A a r o n Rabensteiner ie stata n juebia passeda ai 9 de mei. Rabensteiner spiega dantaldut che l ne à nia scrit chësc liber per bravé de zeche, ma per ti judé a chisc pitli mutons. Oradechël dìjel che l à nce scrit per i jurnalisć, a chëi che l ti dà na descrizion tlera dla ntraunida. Aaron fova n studënt de geografia. Ma ngali àl giapà ueia de pië via per jì a udëi nce zeche d’auter. Si cumpania ulova fé zeche tl ciamp soziel y nsci iesi piei via

12

www.lauscdiladins.com

de nuvëmber 2008 de viers dl Perù a Chito per ti judé y dé n cuntribut te na luegia cun pitli mutons, per n proiet soziel. De fauré 2009 iel pona jit via a i crì la sor de si nevicia y si cumpani, i ie stai deberieda n’ena alalongia, passan de biei mumënc, coche conta Aaron. Ntan che i fova de viac sun na streda scialdi burta, fir la curiera ora de streda, si cumpania, la sor y n cumpani pierd la vita te chësta burta desgrazia. Mé ël ie sëuravivù. Danterite y danterora ntan la prejentazion à Ujep Runggaldier de Urtijëi sunà de biei pec cun l tlavier. Aaron à mustrà fotos y liet

trëi tòc ora de si liber, ël conta de coche l vëija śën la vita, cieche ti à judà a sëuraviver y de tan puech valor che à i bëns materiei. N gran pëis à nce abù n pater, che ti à judà a abiné inò l mesun de jì de reviers te si vita. Ala fin dla sëira pudòven cumpré l liber, y vel’un s’l’à mo ciaculeda n pez cun l autëur. L liber pòssen cumpré nce te butëiga, y chël che unirà trat ite, purterà Aaron persunalmënter via tl Perù te chësta luegia cun i pitli mutons. De gra bele danora per vosc pitl cuntribut, che ie per d’autri scialdi grant. Karin Rabanser

Coche trueps à bele udù, iel tl mëns de mei sun l program d’uni sort de manifestazions y ativiteies te Gherdëina, metudes a jì da truepa lies per i jëuni n cunlaurazion cun la Nëus Jëuni Gherdëina.

Mëssa sa Sacun Ncuei vënderdi ai 17 de mei iel inò la mëssa tradiziunela sa Sacun dala set da sëira cun Sn. Vijo y l Cor di Jëuni de Urtijëi. Tlo njuntà udëis l program da śën inant. Lecurdon che ai 8 de juni saràl la festa che stlujerà ju l’enes. Chësta unirà fata alalergia, sce l tëmp lascerà fé, sun la pitla Plaza de S. Antone, scenó tla sala dla mostres dla Lia Mostra d’Ert. L sunerà na band scialdi cunesciuda y de livel aut y mo vel’ autra grupa. Ntan la manifestazions vëniel partì ora debant zedules per l’ola dla fertuna. Ai 8 de juni uniràl trat ora la zedules y chëi che sarà prejënc arà l mesun de vëncer de biei pesc’. Rengrazion mo n iede duc chëi che à purtà pro che l’enes garate y sambën nce i Chemuns y l Ufize dla junanza de Bulsan che nes sustën sibe finanzialmënter, che nce sce l ie debujën tl’urganisazion y cunsultazion ntan l ann de atività. Nvion duc a fé pea vel’ una o l’autra manifestazion y speron che l sibe zeche per uniuna y uniun. Se ncunferton sun vo che unieis a fé pea! Y sambën bona fertuna pra l’ola dla fertuna!

L program dl’enes di jëuni Manifestazions de mei Vënderdi, 17.05.2013 - Mëssa sa Sacun cun l Cor di Jëuni de Urtijëi dala 19.00 te dlieja da Sacun. Vënderdi, 17.05.2013 - Sëira de bal dala 20.30 te sala de chemun de S. Cristina cun la Grupa Bal Populer Sëlva y S. Cristina. Sada, 18.05.2013 - Viac cun i Jëuni de Sëlva a “Salzburg” dai 18 nchin ai 20 de mei. Iscrizions y nfurmazions dala Nëus Jëuni Gherdëina 0471 799006. Sada, 18.05.2013 - Arpizeda sportiva al Garda cun l GAG y i Jëuni dla Lia da Mont dai 18 nchin ai 20 de mei cun la tenda. Iscrizions y nfurmazions dala Nëus Jëuni Gherdëina 0471 799006. Sada, 18.05.2013 - Mëssa di jëuni dala 18.30 te dlieja de Urtijëi cun l Cor di Jëuni de Urtijëi. Sada, 18.05.2013 - Proiet “Saut in Action” turnoi de playstation dala 15.00 tl local di jëuni Saut. Nfurmazions y iscrizions pra la Nëus Jëuni Gherdëina 0471 799006. Mierculdi, 22.05.2013 - Curona de mei cun i Helios y la Jungschar de Urtijëi dala 20.00 te dlieja de Urtijëi. Vënderdi, 24.05.2013 - Giaurida dla mostra d’ert de Francesca Demetz dala 16.00 tla sala dla

Avisc

mostres dla Lia Mostra d’Ert. Vënderdi, 24.05.2013 - Curona de mei cun l Cor di Jëuni de Urtijëi dala 20.00 te dlieja de Urtijëi. Vënderdi, 24.05.2013 - Mëssa di jëuni dala 20.00 te dlieja de S. Cristina cun la Orchestra di Jëuni de S. Cristina. Sada, 25.05.2013 - Curs de sië cun la fauc cun i Paures Jëuni de Urtijëi dala 14.00 – 17.00 sun l luech da Resciesa. Iscrizions pra la Nëus Jëuni Gherdëina 0471 799006 (l curs ie debant). Sada 25.05.2013 - Turnoi de juech al palé cun grilieda dala 15.00 a Runcadic cun la Grupa di Jëuni y la Jungschar. Iscrizions y nfurmazions Nëus Jëuni Gherdëina 0471 799006. Sada, 25.05.2013 - Mëssa di jëuni a Runcadic dala 20.00 te dlieja de Runcadic cun l Cor di Jëuni. Sada, 25.05.2013 - Proiezion dla finela dla Championsleague tl local di jëuni Fun&more te Sëlva. Merdi, 28.05.2013 - Curs de cujiné spëisa da zacan sa Śanon cun Maddalena dala 19.00 sa Śanon. Iscrizions y nfurmazions pra la Nëus Jëuni Gherdëina 0471 799006. Vënderdi 31.05.2013 - Ciarcëda de vins cun la Lia Mostra d’Ert dala 20.00 tl Saut. Iscrizions y nfurmazions pra la Nëus Jëuni Gherdëina 0471 799006. Vënderdi, 31.05.2013 - Sëira de Fox dala 20.00 tla sala dla proes dla Grupa Balarins Urtijëi, zënza iscrizions. Manifestazions de juni Sada, 01.06.2013 - Trix, di mundiel di juesc dala 14.00 – 18.00 sun la pitla plaza S. Antone y dala 20.30 inant tl Saut. Sada, 01.06.2013 - “Saut in Action“ Cocktails zënza alcol dala 14.00- 18.00 tl Saut. Iscrizions pra la Nëus Jëuni Gherdëina 0471 799006. Sada, 01.06.2013 - Mëssa di jëuni a Urtijëi dala 18.30 te dlieja de Urtijëi cun la Orchestra di Jëuni de S. Cristina. Vënderdi, 07.06.2013 - Fotoshooting y styling cun Marc Nogler y Giacomo Costanzi dala 19.00 tl local di jëuni Saut. Iscrizions pra la Nëus Jëuni Gherdëina 0471 799006. cun l Fotoclub Gherdëina. Sada, 08.06.2013 - Party per la fin dl’enes di jëuni cun estrazion finela. L sarà de biei pesc’ da garat. Dala 20.30 tla sala dla mostres dl Circolo.

Instà atif, criatif, live

La Nëus Jëuni Gherdëina fej a l savëi che la iscrizions per l proiet da d'instà SAKL va mo inant nchin vënderdi ai 24 de mei.


nr. 19 / 17 de mei 2013

La sëira de bona ueia per l di dl oma à for n gran suzes Pitli teatri d’uni sort, matades, cianties y na gran sala plëina de jënt che s’la rij ti cialan pro ai atëures jëuni

L teater stome dla mariunëtes che bala.

Trëi ëi se n va da cësa... ma ala fin vëiji ite che a cësa iel mpo plu bel!

Armani ie restà zënza si guant.

L ie bele da truep ani incà che la grupa dla Jungschar de Urtijëi mët a jì per l di dl’oma na sëira cun pitli teatri purtei dant dai mutons y dala mutans dla scola mesana y dla cuinta elementera, che se abina te chësta grupes. La manifestazion plej tan che la vën ultimamënter metuda a jì ntan doi sëires nsci che duc ebe la puscibltà de jì a ti cialé.

da rì, furnii su da iagri che la sà pa for drët longia y la ngrascia suvënz nia ngërt, y che à menà tres la sëira te na maniera drët da plajëi y cun savëi. Per stlù ju ne pudòvel nia vester n pez plu adatà per chësta ucajion che chël di mutons y dla mutans de Runcadic, ulache la se tratova de prejenté si esperienza de lëur per na stiera. Y chi sarà pa mei stata chëla che à fat la cuega, la nfermiera, psicologa, secretera, maestra, che sà da fé cun ciofs y verzon, da tenì nët y paidelné ... pu bën na mami! L cor di mutons dla Jungschar à mo ciantà na ultima ciantia dedicheda a duta la umans do chëla che n à pona cherdà su sun palch duc i mëinagrupa dla Jungschar de Urtijëi, che se à merità n gran aplaus per si mpëni y lëur fat ntan dut l ann y che ne n’ie pa mo nia finà.

Alma Runggaldier y Alessandra Insam (per la mutans dla 1. mesana) Gabriel Stuffer y Jakob Lardschneider (per i mutons dla 1. mesana) Milena Kostner y Lena Mulser (per la mutans dla 2. mesana) Isaak Kostner y Marco Moroder (per i mutons dla 2. mesana) Simona Kostner y Anna Piccolruaz (per la mutans dla 3. mesana) Mateo Senoner y Alexander Demetz (per i mutons dla 3. mesana) Sofia Stuflesser y Deborah Senoner per la grupa de Runcadic y Anna Kostner y Vera Moroder per l cor di mutons. Gabriel Senoner y Flavio Demetz, che à menà tres la sëira, à fat da mëinagrupa nchin al ann passà.

Cun la ciantia ”Viva la mamma” à l cor di mutons dla Jungschar giaurì la sëira de bona ueia per l di dl’oma. N grum de umans y laves fova unides adalerch, sambën dantaldut chëles di mutons y dla mutans che va a Urtijëi ala Jungschar y che à mparà ite de blòt teatri per chësta sëira. Ma l fova nce peresc, fredesc y surans y nce jënt di autri luech dla valeda, che cunescian urmei chësta blòta manifestazion, à ulù unì a ti cialé a chësc pitl spetacul mparà ite cun gran lezitënza. Prejëntes fova nce vel’ da autoriteies, cun l ambolt de Urtijëi Ewald Moroder y Sn. Digan Vijo Pitscheider. Scumencià à la plu jëunes dla Jungschar, la mutans de cuinta che jiva dal dutor Saninton cun drë d’uni sort de mei y maganies strambes nianca da dì no. Inant jìvela pona cun i majeri dla mesana che fajova i cians cun si patrons bele mpue de tëmp y mpue desmincënc che se ova urtà y cuntova ju d’uni sort de strambaries. D’autri marciadova

de bestiam y ulova de vera forza ti pancé su al paur na tel vacia scaneda. N valgun cumpanies che ova da ciampì cun si fenans se n ie piei via deberieda cun l auto, ma l ti n capitova tan dla dutes che ala fin ài mpo mo udù ite che ”a cësa iel for mo l plu bel”. Tan rie che l ie a s’la fé ora per zeche àn udù pra la ”senteda de chemun” y dessegur se à trueps recunesciù tla scenes dl pez ”sada sëira dan televijion”. Scialdi blòt fova nce l pitl teater, nia rujenà, cun de tel mariunëtes fates da n valgun cëves y n grum de braces de mutons che balova sun mujiga moderna y nia manco da ulëi bon ne fova ulache i mutons bravova cun si guant de Armani y ... ch’l puere Armani fova po’ restà zënza guant. Danter n pez y l auter univa sun palch Flavio Demetz y Gabriel Senoner – doi mëinagrupa dla Jungschar – a n cunté n valgunes

Gabriel y Flavio, doi batules che s'la conta.

Davia che n festeja chëst ann i 60 ani da canche l ie unì metù su la ”Katholische Jungschar de Südtirol”, àn mo cherdà su sun palch duc chëi che à fat da mëinagrupa dla Jungschar ntan duc chisc ani y che fova n chëla sëira iló te sala. Na gran lauda per si lëur y mpëni ti vàl a duc chëi che à fat da ”Jungscharführer” nce ti ani passei y davia che l ne n’ie nia mesun numiné duc reputons tlo almanco i inuemes di mëinagrupa da chëst ann, che avisa sciche chëi y chëles dan ëi, ti à dat y ti dà la puscibltà de passé de biei mumënc ai mutons y ala mutans de Urtijëi: Lisa Mahlknecht, Deborah Moroder y Silke Senoner (per la mutans dla 5. elementera) Julian Santifaller y Maximilian Oberhollenzer (per i mutons dla 5. elementera)

L cor di mutons dla Jungschar.

L gran tlap che à fat pea pra la sëira de bona uëia dl di dl'oma. www.lauscdiladins.com

13


nr. 19 / 17 de mei 2013

Caorle 2013: a l’enrescida del coraje I joegn del Decanat de Fascia i à fat ence chest an la bela esperienza del “campeggio” con si animatores

I retrac de noscia aventura en campeggio a Caorle con n moment de orazion enlongia l mar.

La scrita sul saolon e n moment da reflescion tel scur de la sera.

I joegn de la Val de Fascia i é partii sabeda ai 27 de oril per jir a l’enrescida del coraje, e i é rué enscin a Caorle per troar na resposta a sie domane. Te cater dis i à abù l gran met de far esperienze desvalive de coraje: vedon mìngol chel che l’é sozedù te chisc dis. Tant che rué i à cognosciù sie compagnes de aventure, e ensema i à passa na bela serada de legreza. Someaa dut chiet, candenó, endana not, l’é sonà l’alarm: na fuga de gas. Nesc bec, zenza cutia e zenza aer poura de nia, i é corec te piazal per far chel che ge à dit i animatores. De grazia, pech dò,

14

www.lauscdiladins.com

na telefonada ne à avisà che l’era n faus alarm, e duc à podù jir endò al ciaut sot le cuerte. Da doman bonora, amò mìngol sotessora per chel che l’era sozedù de not, ma zenza poura, i à seghità sie viac de enrescida. Endana la domenia i bec à rejonà aboncont del tem de la “poura”, e dò aer troà fora chele de vigniun, i à troa co poder le venjer. Jà se tacaa a sentir rejonar de coraje: l troi l’era chel giust. Dò dute cheste emozion se sentìa l besegn de ciarear endò le baterìe. E no l’era nia de miec che na bela messa dita da Don Giuseppe, vegnù ju da Fascia

giusta apontin per noi, per star e rejonar mìngol con nesc joegn e dò per arsegurar a la jent de la val l “pericolo scampato”. Da sera, dapò, duc i bec se à sfidà te na serie de garejade per veder cal grop l’era l più fort. Ruon coscì al lunesc, e dò n moment de orazion enlongia l mar e n rich disnar, vigni grop à rejonà del coraje che ge vel aer te familia e coi amisc. Ajache l’era n argoment n muie sentù dai bec, l’é vegnù fora da la bela ciacolada che ti leames con i genitores e con i amisc ge vel n muie de coraje: tel domanar scusa, tel recognoscer

de aer tort e tel se tor sù nosce responsabilità. Via per l domesdì l’é vegnù a ne rejonar Daniela, la fondadora de la sociazion Bambi, che degrà a sia fona testimonianza la ne à tocià l cher. Da sera, endò spartii fora te gropes, i tousc se à endesfidà te jeghes desvalives, per recuperar le art de cojina che ge aessa servì la sera dò per l’ùltim jech. La not la é passada en prescia, soraldut per chi che é levé prest a veder crepar soreie. Via per l dì se à endò lurà ti gropes, e se à rejonà del coraje de esser se enstesc zenza se far condizionar dai autres. E a la fin sion rué a la fontana del coraje: la fe. Aon descorì che l’é giusta la fe la fontana de coraje che no fenesc mai, che no ne lascia mai soi e che la é semper a la leta. Da sera l’é ruà l moment de mosciar dalbon l coraje. L vidor entorn ciasa se à tramudà te n acropark, olache vigni bez à cognù venjer sie poure e passar fora per l “percors de vera”: jir sù la slakline, passar sot l “fil da l’eletrich”, zenza se desmentiar la ciarela e tinùltima se trar jù da cuert per ruar sù n madroz.

Per finir la sera al miec aon dit sù na orazion e aon ciantà dintorn l fech. No podon desmentiar l coraje de le beze, che le à tacà via la vera coi piumaces contra i bec. Sion rué a l’ùltim dì, olache i bec à fat la proa de coraje più senestra: l desert. N percors de riflescion da far da soi e acort, per se meter a confront con se enstesc e viver endò da nef dut chel che l’é stat dit endana l campeggio. E coscì eraane endò verties per partir, per ruar endò a la vita de duc i dis, ma de segur tant i bec che noi animatores sion mudé: nesc cheres i é cambié e duc aon emparà valch da nef. A la fin de chest campeggio cognon ge dir n gran develpai ai bec che i ne à dat emozion n muie grane e fone, develpai ai animatores che à dat dut ajache l campeggio vegne delvers, e develpai centimile oute ai cheghes che ence chest an ne à petolà dalvers. N develpai ence a la Cassa Rurala che ne à didà a la realisazion del campeggio. Se vedon l’an che vegn! I animatores di joegn del Decanat de Fascia


nr. 19 / 17 de mei 2013

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Lege su le mendránze: presentei i progec per l 2013 L Coro Fodom presenta l cd N preventif de 51 mile euro per sportel linguistich, formazion linguistica e “Isté Ladina” Fascia e la Provinzia de Trënt.

Gnánca 100 mile euro per mendránza

Dal Stato gnánca 100 mile euro al ann per ogni mendránza d’Italia.

Istitut - Nte chisc dis i Comuns de Fodom Col e Ampëz i aprovarà le delibere che da l via libera ai progec da finanzié co la lege 482/99. Come ogni ann, i progec i ven metus ju dal Istitut Cultural Ladin Cèsa de Jan, che fesc da ent de coordinament ntra i trei comuns per otignì i contribuc da la lege nazional su le mendránze. La presentazion al Ministero la ven fata per méz de la Lia di Comuns Ladins e del Comun General de Fascia. Na strada che podëssa nsomié plu complicada, ma coscita no n é. Davò nvalgugn agn davò l’aprovazion de la lege 482/99, s’ava vedù che i finanziamenc, che a da passé per le Region, ntel Veneto i metëva n toch a rué da Venezia. Colpa de la burocrazia de la Region, che stenta a fé e mené nnavánt le cherte per scioldi che, tra l auter, no n é gnánca suoi. Coscita suzedëva che i progec bele fac, i podëva ester paiei ence davò chelche ann. Na situazion chësta che metëva n dificolté i enc che a da gestì i progec, come i comuns e l Istitut Cèsa de Jan. Coscita l eva ste cherì n autra strada, che la passa per la Lia di Comuns, organism souraprovinzial e regional, l Comun General de

Dal 1999 aldidancuoi i scioldi a dispojizion de la lege i é deventei tres demánco. E souradut i é stade dassën limitade le ativité ametude a finanziament. N tai fat senza capì ci che sierf del bon a na mendránza, souradut chële plu n dificolté, per se mantignì e se svilupé. I é ben 1028 n duta Italia i comuns ulache l’é recugnisciù che siebe una de le 12 mendránze tutelade da la lege 482. Zerto che se ence autrò l recugnisciment da pert de le Provinzie l é vignù fat come n Provinzia de Belum, ven ben da se damané cotánc de chi 1028 i pobe ben se conscideré de mendránza. Per chëst 12 mendránze l Stato l mët a dispojizion per l 2013 1 milion e 610 mile euro, che vol di mánco de 100 mile euro per ogniuna. Na miseria se se pensa a ci che se dourëssa nveze, come minimo, per fè jì nnavánt istituc culturai, che cafora a Trënt e Bolsán ven finanziei ogniun con chël che l Stato mët per dute le mendránze, personal de lengaz de mendránza ntei ufizi publici, ativité per le scole, televijion, radion e trop trop auter. La spartizion de chisc scioldi la ven fata co nen sistema dut particolar. L 5% l ven spartì su ntra le 12 mendránze ( a ogniuna va l 0,417% ). L rest l ven calcolé n modo proporzional a la reisc cuadrata del numer dei comuns. Chëst per fe a na moda che la distribuzion la vade a avantagé chële mendránze plu grane. Ma l é ence n auter aspet che merita de ester segnalé. L Ministero l disc che na spartizion plu dërta la podëssa ester fata se se savëssa la percentual de la jent che descor l lengaz de mendránza nte ogni comun. Con sto dato n mán ( bastëssa la declarazion ntel zensiment coche ven fat cafora ) provon a pensé ci che suzedëssa ntel Agordin o ntel Ciadoure. De

segur a chi 36 comun “neo ladins” restëssa ben puoc finanziamenc. A fe i conc l finanziament l ven coscita spartì fora: ai albanesi va 212 mile euro, ai catalagn 22 mile, ai croati 34 mile, ai francesi 94 mile, ai fráncoprovenzai 186 mile, ai furlagn 226 mile, ai germanofogn 124 mile, ai greci 87 mile, ai ladins 116 mile, ai sardi 318 mile, ai slovens 98 mile.

L minimo vital per l Istitut Sui 116 mile euro per i Ladins, l Istitut Cesa de Jan l a presenté progec per 51 mile euro. A chisc va a se njonté la pert de cofinanziament de ogniun dei trei comuns. Ben 47 mile i é per l sportel linguistich, spò per l personal del Istitut. L minimo vital per mené nnavánt l ent. L proget l perveiga de paié n dipendent a temp plenn ( 36 ore a la setemana ) e un a mez temp ( 18 ore a la setemana ). Personal che a da sporje deplù servisc: promozion del ladin scrit de descorëst, informazion per jent del luoch e sciori ntel descore de luoch per la valorizazion de la storia e de la cultura, daidé pro a studi e rizerche su la cultura, formazion del personal dei trei Comuns a na moda da avei almánco na persona per ogniun che descor ladin co l publico, coordinament de le scomenciadive per la promozion del lengaz ntei trei comuns.

“Co la tiera ciántarà” A la sëra sarà ospite d’onour l Coro Valsassina Associazions - L se clama “Co la tiera ciántarà” l ultimo cd del Coro Fodom che l vignarà presenté sabeda 25 de mei, da le 9 da sëra ntel Self dei Congresc de Rèba. Davò diesc agn da l’ultima incijion, “Ousc de na val”, l Coro Fodom l a volù ndavò lascé n senn nte sua storia longia oramei plu de 40 agn che testimonieie l livel de cualité ntel cianté arjont da suoi corisć. La pruma outa che l coro l eva ju n sala de registrazion l eva l 1979, cánche l eva stada touta su la vëta “Edelweiss e Ciof de Sita”. Cinch agn davò, ntel 1984, ruáva la seconda. “Tra Ciuita e Boè.” La tecnologia la va nnavánt, ma ncuoi come nlouta, ence to su n cd l é n cost. Per chëst l grop nsigné via da Lorenzo Vallazza l a volù speté n’ocajion duta particolar, come l 40 de fondazion, per biné auna le ciancion plu rapresentative e plu bele metude ntel repertorio nte sti ultimi agn. Come al sciolito no máncia na bona pert de chële fodome. Ntra chëste chelche una mei registrada davántvia. Autre presentade nte n’armonizazion nuova. E po nvalgune de chële plu cugnisciude del repertorio dei cori da mont, autre mánco ma che

merita de ester valorizade. Le ciántie ie stade metude ju ndriomán per temi, nten fil che ciala de to ite nvalgugn aspec plu rilevánc de la cultura de noste val da mont. Per chëst l é ste lascé lerch ence a na pert dedicada al sacro, che l coro a tres bu nte suo repertorio. Dejenuof ciántie, registrade da la Newport Sudios de S. Laorenz d’auton via nte la gliejia da La Plié. L titol, “Co la tiera ciántarà”, l é ste trat fora da una de le ciántie fodome. L é n invit a la speránza, a la fiducia e al respet de la tiera. La tiera la ciánta d’aisciuda, cánche dut tourna a florì a nasce n auter viade. L é l senn che la vita la va nnavánt, che ence davò l freit den inviern, n pico garnel l é bon ndavò de deventé na bela plánta. Al conzert de presentazion tolarà pert come ospite d’onour l Coro Valsassina de Cremeno ( LC ) nsigné via dal maestro Alessio Benedetti, che l contracámbiarà coscita la vijita fata n l ann passé dal Coro Fodom, nvié a to pert a la rassegna “La montagna canta” a Cremeno. L cd l é metù auna ence grazie al contribut de la cassa Raiffeisen de la Val Badia e del Consorzio Bim Piave. (ls)

Formazion linguistica e “Isté ladin” Mile euro i é stei metus per nvié via corsi de ladin per l personal de la publica aministrazion. L corso l durarà 21 ore: trei per l ejam final. Autri 8 mile euro zirca nveze i vignarà metus per “L’Isté Ladina”, ruada oramei al terzo ann. La scomenciadiva dedicada ai tosac, l a bu n gran suzess, tánt che l é ste proprio i medemi genitori a damané de la porté nnavánt per l aut valour cultural e perciéche, co l juoch, i tosac i rua a fe crësce sue competenze linguistiche. (ls)

L Grop da Bal chier balerins Te salo bel balè o te plajëselo mparè? L Grop da Bal da Fodom l chier nuos balerins per se giaude sta pascion, per se gode e ste duc auna n compagnia.” Con chëst avijo l Grop da Bal da Fodom l a nvié via n’azion per trè su de nuos componenc, jovegn che sa bele o che volëssa mparé a balé per po’ porté nnnavánt la tradizion dei bai da Fodom. L Grop da Bal da Fodom l é nasciù ntel 1982 su la sburla de Benigno Gòbo. Nel prum l eva ste mparé trei bai: l Moleta, la Paierisc l Bal de Plumac. Po’ mán mán che chersciáva la pascion se njontëva tres deplù jovegn, autri bai, nvalgugn de chisc nventei proprio dai balerins, i se njontëva al repertorio. Storiche le trasferte a Zernez, n Svizera, ntel Canton dei Grijons, a Marsico Nuovo in Basilicata, a Bernkastel Kues n Germania, a Vicarello n Toscana tánt per n recordé nvalgune. N ocajion dei 25 de fondazion l é ste

metù auna ence n dvd con duc i bai del repertorio, a na moda che i no vade perdus. Ntei ultimi agn, per deplù gauje, troc componenc, souradut ëi, i a lascé l’ativité che coscita l’é deventada mendra per dut l grop. Ma la voia de jì nnavánt

per no lascé morì la tradizion dei bai e del guánt da Fodom no l’é zerto morentada ju. Nlouta duc chi nterescei i po clamé l numer 3383341868. No ste a pierde temp. L Grop da Bal da Fodom l speta duc. (ls)

La cuartela del nuof cd del Coro Fodom.

Concors Andres Crepaz: le premiazion Domënia 26 de mei la zerimonia co i tosac da scola

L Grop da Bal da Fodom chier de nuos balerins.

Cultura - Rua prëst a piz ence l concors metù a ji dal Mujeo Ladin da Fodom n colaborazion co l Comun e l’Union dei Ladins da Fodom per recordé i 50 agn da l mort del scultor fodom Andres Crepaz “Polonát”. L concors l eva dediché ai scolari de le scòle elementari e mesane da Fodom. I partecipánc i podëva prejenté siebelo n’opera scrita n proja o poejia, per talián o per fodom ( ma s’ava plu gënn per fodom ) auna a nen laour, a pèrt, che la ilustreie de

le mesure minime de 35x25cm., o sedenò n laour a mán, co le tecniche che ogniun à plu gënn: len, fiern, stofa, gesso, polistirolo o auter. Le premiazion le vignarà fate domënia 26 de mei con chëst program: da le 9:30 S.Mëssa a la Plié per recordé l scultor. Da le 10:30, ntel self de la calonia, presentazion de la vita e opere de Andreas Crepaz con videoproiezion, intervenc de le autorité e premiazion dei tosac che a toru pert. Duta la popolazion l’é nviada a to pert. (ls) www.lauscdiladins.com

15


Anpezo

nr. 19 / 17 de mei 2013

Conte a posto, par ra Casa rurale 

Da maśo fin de otobre

Una storia de deboto zento e vinte ane, da chera coperatia, nasciuda par se dià un co ‘l outro. Ancuoi ‘l é un patrimonio de 56 milioi de euro, oto ufizie, par duta ra provinzia, pi de 2.500 sozie. Se varda inaante, par cresce ancora, su chera bona radijes. Un pensier par i sozie, chi vece e chi noe

El golf el mantien chel che ‘l inpromete: algo depì, par el turismo in Anpezo, fora stajon. E ‘l é anche un local, da fei śì inaante, par ci che à voia de lourà

Ra Casa rurale de Anpezo e de ra Dolomites, ancuoi, ra varda ra piaza, agnó che r’à daerto de ‘l 1986.

Duto ‘l é scomenzà de ‘l 1894, canche don Alfonso Videsott, un pree badioto, che el louraa par ra parochia de Anpezo, ‘l é śù drio chel che dijea ra enciclica “Rerum novarum”, de el papa Leone XIII, e el s’à pensà de se bete aduna, par se dià. Ancuoi ra Casa rurale e artejana de Anpezo e de ra Dolomites r’à 2.516 sozie, oto ufizie, par duta ra provinzia de Belun, e r’à sarà i conte de el 2012 con doi milioi 602.310 euro vanzade. Se pó dì che r’é una banca pizora, ma r’à un patrimonio de 56 milioi de euro. E ra varda inaante, ves el doman, con chera de deentà nafré pi granda, de lourà inze outre paes. “Inze ‘l nosc piano stratejico, son drio a studià de daerśe in Alpago e vardon ves ra zità de Belun. Par intanto, però, no s’à deziso ancora nuia. Dute i nostre ufizie i và polito, anche el pi pizo. Chel de Ponte nelle Alpi, ‘l ultimo ruà, ‘l é chel che cresce depì e ‘l é drio a deentà un de i pi grei, de ra nostra banca” – ‘l à dito Alberto Lancedelli Ieza, el presidente de ra Casa, a ra foula de i sozie, ai 10 de maśo, canche i à portà i conte de el 2012. “A sarà un an difizile, coscita polito, con pi de doi milioi e meśo de euro vanzade, ‘l é algo de bon dasen – ‘l à dito Maurizio Bragato,

diretor de ra Federazion veneta de ra banches de credito cooperativo – tanto pi se chi sode i và a fei pi gran el patrimonio de ra vostra Casa. I conte i é a posto, a vardà drio chel che ciaà, ra peśaries, chel che i no và adora a ve rende. Se vede che i tendé drio, che portà inaante polito ra banca. Un outro conto, da fei, ‘l é el vantaśo, a ra fin de ‘l an, a paragon de i lourantes de ra banca. E dinultima ‘l é da dì algo, de bon, su ‘l patrimonio che aé betù via: con chi 56 milioi, se una de ra banches che stà meo, inze ra nostra rejon”. Duto chesto s’à podù el fei isteso, anche se el 2012 ‘l é stà un burto an, par ra economia de ra nostra tèra, de i nostre paes, inze ra provinzia de Belun, agnó che r’é śuda finamai peśo de el resto de el Veneto, o de r’Italia, par calche conto. Se sà che, con chesta crisi, se laora poco, śira poche sode, par dute. Cura r’industria, pi che see cura el turismo, ra pi granda, de ra nostra industries, ma ra no và polito gnanche par i artejane, o par outra categories. De i 2.516 sozie de ra Casa, in é stà tolesc inze 58 de noe, de ‘l 2012, e s’in é śù de 46, coscita s’in conta 12 depì. A vardà drio da agnó che i rua, chi de Anpezo i é el 57%, poco pi de meśe; el 7% rua da San Vido,

Ai 25 de setenbre de ‘l 2004 i daerśe ‘l ufizio de Tai, a Piee de Cadore, dapò de San Vido, Roca, Aleghe e Zoldo. Dinultima ‘l é vegnù Ponte nelle Alpi. E ades se varda inaante.

16

www.lauscdiladins.com

9% da Rocca Pietore, 4% da Alleghe, 2% par Zoldo, 9% da Piee e da ‘l Cadore de meśo, 11% da Ponte nelle Alpi. Pi che see ‘l sozie inaante co i anes: el 26% ‘l à pi de 70 ane, inveze i śoen, con manco de 30 ane, i é poche, manco de el 2%. Coscita se pensa de fei algo, par daerśe depì a i śoen, da i tuoi inze. A vardà i mestiere de i sozie, el 17% ‘l é de artejane, chi da ra boteghes, da vende, i é poco manco de el 10%, i hotiei el 2.6%; pi che see ‘l é families, par el 34%, e i pensionade i rua a 22%, cemodo che se dijea ignante, par i sozie inaante co i anes. Ra foula de maśo r’à anche dito de sci a un laudo noo, agnó che se tien conto de chel che ‘l é mudà, inze ra storia de ra Casa de i ultime ane: de ‘l 1982 s’à daerto el prin ufizio fora da ‘l paes, a San Vido, e ‘l an pasà i à fato festa, par i trenta ane. De ‘l 1996, ai 21 de aprile, s’à betù aduna ra Casa de Anpezo e chera de ra Dolomites, da Roca Pietore; ‘l an dapò, de ‘l 1997, i à daerto a Aleghe. Intanto, in Anpezo, s’à pensà a Pian da Lago, agnó che ‘l é un grun de boteghes de artejane, de aziendes de duta ra sortes. De ‘l 2000 un outro ufizio fora da ‘l paes, in Zoldo, e de ‘l 2004 chel de Tai, a Piee de Cadore, propio su ‘l crojà. Co ‘l 2007 rua ‘l ultimo ufizio destacà, chel de Ponte, che ‘l é moesc pian pian, ma che ades ‘l é drio a core, con senpre pi sozie. Coscita anche inze ‘l laudo ‘l é da se pensà de i sozie che vien da fora, senpre depì, e s’à pensà de partì ra rovinzia in cuatro. De un ver ‘l é Anpezo e San Vido, doi paesc coscita pede, coscita leade, intrà de lore, da ese deboto un, par ra śente che vive, laora, se marida, drome, fesc sport, dute aduna; dapò ‘l Roca, con ‘l Agordin e Zoldo; el Cadore el fesc un outro cianton; dinultima, par ancuoi, ma a vardà el doman, ‘l é ra Valbeluna, da Ponte a ‘l Alpago, a ra zità de Belun. Intrà duto chel che ra fesc, ra nostra Casa, par el nosc paes e par chi pi pede, ‘l é da se pensà de el sozial e de ra cultura, de i sode che ra sporśe par dià ra asociazios de cultura, sport, turismo, sozial, a i premie par i studentes pi varentes, o a i nostre none, inze ra ciaśa par i vece. Anche ra Regoles e i Ladis de Anpezo i ciata senpre ra Casa, pronta a sporśe algo, a dià ‘na man, canche ‘l é da fei algo par el paes. A ra fin de ra foula i s’à pensà de i sozie che ‘l é inze da pi anes, da almanco zincuanta: i à sporto un premio a 28 parsones, che ‘s é inze ra Casa da ‘l 1963. Alcuante de lore i à lourà, par ra banca. Dapò i se ciatarà, domegna ai 19 de maśo, par un bon disnà, dute aduna. E dinultima i à tirà a sorte zento zedoles, da 300 euro cadauna, da podé spende inze ra coperaties, che ‘l é in śiro par ra nostra vales. Parcé che anche ra Casa r’é nasciuda, de ‘l 1894, come ‘na coperatia, agnó che dute se diaa, un co ‘l outro. (Mdm)

Ra stajon d’istade ra scomenza ignante, par chi che śuia a golf: a Fraina se pó tacà a śuià da sabeda 18 de maśo. Se śirà inaante par pi de zinche mesc a ra longa, fin a ra fin de el mes de otobre, d’outon che vien. Coscita ‘l é propio chel che s’i domandaa, a chesta śente: de dià a slongà ra stajon de el turismo in Anpezo, che trope i intende par poca setemanes, intor luio, pi che see de agosto. Se pó śuià su ra noe bujes, che i à daerto da cuatro ane, intanto che i speta de ruà a in fei disdoto, ma anche su chera spona, che varda su ves Fraina, agnó che se proa, agnó che i inpara. Pó śì a śuià dute: i sozie de el Golf Corina, ma anche cichemai. Co ra pioa, de chesta ousciuda, r’erba r’é cresciuda polito; ‘sto an se scomenza calche di dapò, de ‘l an pasà, de el 2012, ma ‘l é da pensà che ‘l é stà gnee fin de aprile, de chel inverno che no vorea in saé de s’in śì. Chesto golf, daerto ai 20 de agosto de ‘l 2010, ‘l é stà fato anche

par chesto: par slongà ra stajon de el turismo, e tropa parsones de el paes, pi che see de i hotiei e de ra boteghes, i à betù sode, par el fei nasce, par vede algo se moe d’ousciuda, canche tropa aziendes de Anpezo ‘s é ancora sarades, e par ruà fin d’outon, de setenbre, de otobre, canche ‘l é i dis pi biei, pies de colore. El Comun de Anpezo el r’à pensada conpagna, canche dute i consiliere aduna, ai 17 de agosto de ‘l 2011, i à dito de i dià ‘na man, con 80 mile euro a ‘l an. Par chesto, par chiste sode, s’à domandà a chi de el golf de fei algo, par el paes, par el sport, par el turismo, par i śoen, par ra śente de Anpezo. Duto polito par ci che śuia, donca, par ci che à acaro de i core drio a ra balotes, su chera erba coscita verde, inze ‘l ceto de Fraina e Noulù. Mancia, inveze, ra club house: i é drio a śì a vede de calchedun, che à chera de fei śì chel local. Par ra śente de ‘l paes, che à voia de lourà, ‘l é algo de valor.

Se śuia a golf, su i prade de Fraina, intrà i brascioi de Noulù, da maśo fin de otobre.

Coni Veneto par el sport de Anpezo Ra festa de el Coni Veneto, par i atletes pi varentes. Da Anpezo, ra storia de el bob e i schie da fondo, de ancuoi e de doman Atletes da duta ra rejoni s’à ciatà, a Villa Curti de Sovizzo, pede Vicenza, par ra festa de el 2013 de el Coni Veneto. Intrà dute chi outre, su ‘l palco, segnalade da el Comitato olinpico talian, anche doi gnomes da Anpezo. Un ‘l é chel de Gianfranco Rezzadore, presidente de el Bob club Cortina, dapò de ese stà par anes pilota de ra Nazionale; chel outro ‘l é el gnon de ‘na tośata, de ra fondista Anna Comarella, che ‘sto inverno r’é stada propio ‘na varente, su i schie, e r’à portà el gnon de el nosc paes par duta Italia, bona de venze titole taliane de ra so categoria e anche contra atletes pi grandes de era. Ades Anna ra varda inaante, a i anes che vien, con chera de se fei ancora onor. Intrà dute chi outre atletes de ra nostra rejon, che ‘l ea a chesta festa, beśen menzonà un

gnon: chel de Oscar De Pellegrin, canpion de tiro co ‘l arco, ara Paraolinpiades, un òn che ‘l é senpre bel ciatà e i parlà insieme, par chel che el disc, par cemodo che el vive el sport.

Anna Comarella e Gianfranco Rezaadore, a ra festa de el sport, de el Coni Veneto.


Anpezo

nr. 19 / 17 de mei 2013

El comun e el capocomun

Ra Fregores

Outre cridore, in consilio: ci che domanda de sarà su duto, ci che vó śì inaante, co i laore scomenzade

Alcuanta noes in curto, da ‘l paes e da fora

I doi loudaduós Enrico Pompanin Marco, che ‘l é el vize capocomun, drio a tegnì ra redenes de el paes, da tre setemanes, e Adriano Verocai Daloio.

El cap o comun Andrea Franceschi de Matia ‘l à da lascià el so posto, da se dimete, coscita ruarà un comisario da ra prefetura e ra śente de Anpezo ra tornarà a votà, par bete un outro capocomun e un consilio noo. Chesto ‘l é chel che à domandà ra lista da banda pizora “Per la nostra Cortina”, tre setemanes dapò de chel di, ai 24 de aprile, che i à sarà via Franceschi. I tre consiliere Stefano Ghezze Ghezo, Gianpietro Ghedina Crepo e Rocco Dal Pont i à scrito: “Son inze un pantan, beśen in vegnì fora. I à da fei algo, el capocomun e el so vize, che ‘l é drio a tegnì in pes el comun, da tre setemanes, ma ‘l é anche el, inze chera inchiesta de ra magistratura. Chesto no n’é algo de bel, par el nosc paes, da mostrà in śiro”. Par tre setemanes i à spetà de vede ce che suzedea, chiste tre consiliere, dapò i à scrito chesta letra, a ‘l comun: “Par dute ‘ste dis, no s’à bicià ra crosc sora a negun, no s’à fato cridore e bateboi, nośoutre s’ón moesc senza susuro, s’ón ciatà co ra sacretaria de comun Luisa Musso e co ‘l prefeto de

Sun toura, i loudaduós de Anpezo, co ‘l posto voito, de el capocomun Andrea Franceschi de Matia, par el consilio de i 30 de aprile.

Belun Maria Laura Simonetti. A eres i ón dito de ‘l nosc festide e de chel che el no me fesc par nuia parsuaśe. El laoro ‘l é fermo, in comun, no se prozede; inze e fora da chi ufizie se respira ‘na reòura, coscita no se dia el paes a fei pasc inaante. E inveze ‘l é un gran biśoin de se moe: ‘l é ra candidatura Cortina 2019 par i Mondiali de schie, ‘l é el Pat da fenì, ‘l é da sarà ra Gis e da bete a posto ra Seam, ra doa sozietàs de el comun. Beśen portà inaante el laoro da dagnadì, senza radeghe”. A duto chesto, i à respondù i doi loudaduós Enrico Pompanin Marco e Adriano Verocai Daloio, con parola dures: “A domandà ades che Andrea Franceschi el lasce el so posto, drio chel che i lo acusa alcuante lourantes de comun, stizade, che i ‘l à fato sarà via, da vinte dis, gnanche se el fose el peśo de i laśaroi, ‘l é poco manco de “sciacallaggio politico” – ‘l à scrito Verocai. A i responde, su ‘l laoro fato, ‘l é Enrico Pompanin, vize capocomun, che el tien ra redenes da i 24 de aprile: “Chi de ra minoranza i me disc che son ferme,

ma a ese ferme ‘l é solo che lore. Ades i se desceda, i se sbasa a domandà de s’in śì, a un capocomun vorù da ra śente, che lore i no n’é stade boi de venze, canche el podea parlà e se defende, da so posta. Ma no se rebalta su duto, chel che à vorù ra śente, co ‘l se aprofità de el bateboi de chiste dis. Nośoutre ón lourà duto chesto tenpo, senza se fermà, par nuia, da canche i à sarà via el capocomun. Son śude a vede, su ‘l posto, par i Mondiali; ra candidatura ra prozede polito, son stade a Roma, da ‘l Coni, co ra Fisi, e ades Luca Cordero di Montezemolo ‘l é presidente de el comitato de onor; s’ón ciatà co i lourantes de ra Gis; el consilio ‘l à votà i conte de el 2012 e una carta par dià el nosc ospedal Codivilla Putti. Ce diji che son ferme, ce saraelo fermo, inze ‘l comun de Anpezo? No śoa che ra inoranza ra parle de el ben de el paes; ‘l unico ben che i interesa ‘l é el so, e i se aprofita de un prozeso che el no n’é gnanche scomenzà, par proà de parà via ‘na aministrazion che lore i no n’é stade boi de venze, co ra elezios”. (Mdm)

Chi spose de ‘l 1968 Maridade da 45 ane, in festa dute aduna Ce ‘na bela festa che ‘l é stà, in Anpezo, par dute chi spose, che i s’à ciatà aduna, inze ra basilica de i sante Felipo e Iaco; fora de jeja, cemodo che se sore, una beerela e ‘pò dute a zena. In duto ‘l ea trentaoto parsones, de disnoe families, ome e femenes che i é

ancora pede, i stà ancora aduna, dapò dute ‘ste ane che ‘l é pasà, da canche i s’à maridà, de ‘l 1968. A bete dute aduna, par chesta bela festa, ‘l é stà pi che see de alcuante de lore: Paride e Malvina, Giovanangelo e Katia, Giovanni e Lisetta, Renzo e Ada, ma dinultima

i ea dute pi che parsuaśe, ben contente de s’aé ciatà. E con chera de vardà a ‘l doman, che ‘l é pi pede de chel che se pensa, co ra festa par i zincuanta ane, par ra nozes de oro; ‘l augurio ‘l é che i pode ruà dute, de ‘l 2018, co ra medema voia de stà aduna, de fei festa.

Codivilla: muda duto, no muda nuia Duto un bateboi, de marzo, par ‘l ospedal Codivilla Putti, in Anpezo, che ‘l aea da mudà duto, in poche dis, drio chel che aea dito el consilio de ra Rejon Veneto: someaa che, dapò de deboto diesc ane, che louraa aduna ra Ulss 1 da Belun e ra sozietà Giomi, da Roma, aese da tornà duto inze man de ra Ulss, e in Anpezo ‘l ea el festide che chesto portase a sarà ‘l ospedal, o almanco a ‘l reduje, a i toi via alcuante servizie. S’in parla da doi mesc, ma par ades no n’é suzedù nuia. Dinultima somea che i se corde, par śì inaante cemodo

Sandra Scarpa Ghedina e Luca Coletto.

che ‘l é stà fin ancuoi, da el 1 de luio de ‘l 2003. Chesto tanto ‘l é chel che à dito Luca Coletto, loudaduó a ra sanità de ra Rejon Veneto, a Sandra Scarpa Ghedina, che r’é śuda a Venezia, a parlà con el. A ra śente d’Anpezo, e de chi outre paes śo par pede, a i foreste che vien ca in stajon, chel che inporta ‘l é de ciatà algo, un ospedal, un servizio, dotore e infermiere, a me dià, canche ón pi biśoin, canche stajon mal.

Cortina 2019 Luca Cordero di Montezemolo ‘l é el noo presidente de onor de el comitato par portà in Anpezo i Mondiali 2019 de schie. I s’à ciatà a Roma, da ‘l Coni, cemodo che ‘l à domandà el presidente Giovanni Malagò, de el Comitato olinpico talian. Da Anpezo ‘l é śù śo Enrico Valle de Morìs, che ‘l é el noo presidente de el comitato, dapò che i à sarà via el capocomun Andrea Franceschi de Matia; con el ‘l ea Enrico Pompanin Marco, el vize capocomun. El Coni ‘l à mostrà de i tegnì, a chesta candidatura, e ‘l à ciamà cuatro so consiliere, che i é inze el Comitato olinpico internazionale: Franco Carraro, Ottavio Cinquanta, Manuela Di Centa e Mario Pescante, con Sergio Anesi, che el laora par el Coni, par i sport d’inverno. Ra Federazion taliana de i sport d’inverno ra se moe co ‘l so presidente Flavio Roda, un de i cuatro de el comitato, aduna con Valle, con Igor Ghedina Tadeo, de el Sci club Cortina, e con Marco Ghedina Tomasc, loudaduó a ‘l sport e a ‘l turismo de el Comun de Anpezo, che ‘l é stà betù da doa setemanes, a ‘l posto de el capocomun Franceschi.

Ra Regoles par un inpianto noo

I spośe de ‘l 1968, che i à fato 45 ane de nozes, dute insieme.

Anche ra doa Regola bases de Pocol e de Rumerlo ‘s à dito de sci, a chel inpianto noo, che se vó fei

su, intrà Som dei Prade e Bain de Dones, da tacà pede i inpiante e ra pistes de Pocol, Socrepes e Tofana, con chi de Fouzargo. Ignante ‘l ea stà ra comunanza de ra undesc Regoles d’Anpezo, co ra so foula granda de ousciuda; a contà i vote, ‘l ea stà 631 a dì de sci, 68 i no. Dapò ‘l è ruà chesta doa Regola bases, a di de sci, par i laore, da fei su ‘l so. A pagà chesto inpianto noo ‘l arae da ese, pi che see, i Fondi Brancher, chi sode de ra provinzia autonomes de Bolzan e de Trento, par i comune a confin, con 14 milioi e 766 mila euro; el resto ‘l arae da ‘l bete ra sozietà Ista. Chesto inpianto ‘l arae da aé cabines a oto poste, ra primes, par Anpezo, agnó che ‘l é solo scentes, pede a alcuanta teleferiches; ‘l arae da ese longo 4 chilometre e 600 metre, con 95 metre da śì su, deboto a liel. Con chesto, se podarà se taca inze, se tramudà co i schie, da Pocol fin in Fouzargo, senza dorà ra machines, con manco susuro e fun, par stradon.

Par conosce meo el nosc paes Co ra Regoles e el Parco de Anpezo, a caminà par i bosche, ra montes, ra crodes de ra nostra val. Ogni an, d’ousciuda, se moe, aduna con Michele Da Pozzo, diretor de el Parco; par ’sta ota ‘l é stà da spetà alcuanta setemanes, par via de el gnee, che ‘l é ancora, in outo, par chesta ousciuda che ra no vó in saé de me scioudà. S’à scomenzà mercui ai 15 de maśo, su par ra Porta del Cristallo, intrà Son Śuogo e Inpó Pontió. Mercui che vien, ai 22 de maśo, se camina intrà Landrìes, Potor e ra Penes de Naerou, ra Zinche Tores. Mercui ai 29 de maśo se se tramuda nafré fora da ‘l paes, su chel de Auronzo, intrà Maraia e i Ciadis, intor Misurina. Se torna in Anpezo, ai 13 de śugno, par caminà su par Federa, Col Jarinei, Sonforcia, ra Rocheta de ra Ruoibes. Chesta caminades par ra val es me porta fora da ra strada solites, da i troes pi conosciude, agnó che se và pi de spes. Michele Da Pozzo el fesc aposta, par me fei conosce algo depì, de el nosc paes, a conosce meo ra nostra val. Dinultima, a ra fin de śugno, domegna 30, se và in Austria, par ‘na śornada intiera, a vede ra cascates de Umbal, inze ‘l Parco de i Tauri.

Ra pizza de Alessandra Ra nostra Alessandra Degasper Meneguto ra se fesc senpre onor, canche ra śira par r’Italia, o fora, par ra gares de pizza, era che r’é coscita varente a ra parecià, bela e bona, inze ‘l so local, da ‘l Meneguto, a Fraina. R’ultima ota r’é stada a Parma, par r’edizion numero 22 de i Mondiali. I ea de siezento, ruade da cisà agnó. Alessandra r’é stada varente, anche ‘sta ota: 13. par ra gara de “pizza classica”, 11. inze chera de “teglia”; finamai 4. par ra gara de “pizza senza glutine”. Varente anche par ra tre gares de presentazion, de decorazion, agnó che se dora ra pasta par mostrà algo de bel: inze duta e tre ra gares, r’é ruada in finale, intrà i prime diesc. www.lauscdiladins.com

17


Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

nr. 19 / 17 de mei 2013

Ert ti ćiavëis

L’orghe nü de Badia

Stefanie Pezzei da Lungiarü à arjunt de bogn plazamënć pro i campionać taliagn di frisers de chësta aisciöda. Na jona cun ambiziun y tröpa pasciun por le mistier che ara fej

Vigni massaria y vigni injin y aparat é do da intan d´agn consumé, da baratè fora, da rogosè cun val’ de nü che garantësc por intan d´agn n bun funzionamënt. Insciö ésera inće stada cun l´orghe de dlijia de Badia

Porsones - Fà friseria n’é por Stefanie Pezzei da Lungiarü nia ma ligrëza. Al é pasciun por le mistier che ara s’à chirì fora. ”Al me sa beliscimo y i ne foss nia buna da m’imaginé da fà n ater laûr”, dijera. La ligrëza é nasciüda bele da picera - sciöche ara cunta. Inlaôta êl les Barbie che messâ ca por i esperimënć söle će: costedì, taié, fà ite i rüceli y tan d’ater. Incö stüdia Stefanie le 2. ann tla Academia FABAS a Balsan, y laora bele da 6 agn sciöche friseria. Te so tëmp lëde mëtera en mostra cun suzes süa maestria inće sön la paladina nazionala, dan les juries de esperć. Bele l’ann passè d’otober ti êl garatè n bel terzo post ai campionać dl laûr de Südtirol. Y n ater bel resultat é gnü chësta aisciöda pro i campionać taliagn. Dui ê i terminns: d’aurì àra toché da jì a Aversa dlungia Napoli, ai 5 de mà spo tl Venet, a San Donà di Piave. La ligrëza é grana, canche Stefanie cunta di resultać arjunć: ara é gnüda premiada cun le terzo post tla tlassifica generala dla categoria internazionale, la plü tecnica y che se damana le maiù förtl. N plazamënt arjunt cun le 2. post tla sotcategoria (by day - frisur de dé), y le 3. tla sotcategoria ”by night” - da sëra. A chisc resultać s’injunta inće dui terzi posć respetivamënter tles categories ”moda trend” y ”maschile”. N bilanz de döt respet.

”Chësc ôi inće iö fà!” Stefanie laora da oramai 5 agn tl Salon Paola da La Ila. La ligrëza y motivaziun da jì ai campionać àra ciafè da sües döes coleghes Stefanie Rottonara y Elena Pescollderungg, che à intrames inće bele arjunt de bi resultać ai campionać. ”Canche i à odü che ëres s’alenâ por jì a fà i campionać, m’ài ponsè: chësc ôi inće iö fà”, cunta Stefanie, ”Canche i à spo albü l’auto, sunsi jüda fà l’academia, y da dailò éra jüda automaticamënter inće da jì a fà i campionać.” Da süa patrona àra döt le sostëgn te ći che ara fej. ”Sabine amirëia dër che nos jun a fà chisc campionać, y ara nes dà sostëgn. Ara é dër daverta.”

La motivaziun ô ester Por pié ia sön chësc tru ôl ester

”By day”.

18

www.lauscdiladins.com

Badia - Al é bele agn ca che l´orghe vedl dl 1963 ne jê nia plü cis bun; ćindetan êl da lascè cuncè, ći che costâ vigni ota valgügn milesc de euro y al jovâ por püch tëmp.

Al va debojëgn de n oghe nü

Stefanie Pezzei, la insegnanta Margit Gostner, i concorënć Florian Mitterhofer, nadine lanziner, stella falcomatà - presidënta dla scora a Balsan, Katja Ludwig.

Laurè y laprò ofrì sö tröpes ores de tëmp lëde ne n’é nia dagnora saurì, mo la motivaziun doìa dà la dërta sbürla: ”N dé me savéssel bel da jì foradecà a laurè, y dailò fóssel bëgn dërt sce an ess n cer’ titul da mostrè sö, por ciafè spo inće plü

saurì n laûr.” Danterìte él inće stè momënć olache ara ess plü ion lascè ester: ”Ê, chël él bëgn stè datrai - dijera - mo spo m’ai ponsè: nou, i va inant, i ô arjunje chësc resultat. Al é momënć che an oress lascè, canche nia ne gareta, mo tla finada proun indô, spo garêtera y te ciafes indô ligrëza”. Le some de Stefanie foss da deventè na buna friseria, y da podëi n dé laurè demez, tl ćiamp dla moda. Citês che i plajess foss Berlin, plü inant magari London. Cun i bugn resultać ai campionać, taliagn àra fat n vare devers a so travert. Y ara sa inće che al é n gröm de porsones doìa che i à dè sostëgn: ”I rengraziëii dër bel Margit che nes à alenè, le Salon a La Ila por le sostëgn y döta mia familia.” I damanun Stefanie ćiügn che sarà i proscims campionać. ”Margit ess ion che i jiss a fà i campionać europeics o i campionać dl monn. Ara dij che i ess na buna man y che ara podess garatè da jì. Mo al é indere na cossa dër ćera.” Y chilò él le ćialzà che drüca. Finanzié se mëss les friseries döt instësses, sciöche Stefanie cunta: ”Al ne te vëgn finanzié nia, spo ilò spëneste fora dessigü chi 4.000,00€. Al é bëgn n pü’ ćer, porchël mëssi ćiamò valuté sce jì o manco.” Le terminn foss da d’altonn, a Mosca. An odarà. Da nosta pert i aodunse inant döt le bun sön le tru profescional. (pablo)

”By night”.

”Trend”.

na buna porziun de motivaziun y pasciun. Bele ma por fà l’academia va Stefanie da otober a jügn n iade al’edema da sëra a Balsan. ”Sce an va a fà campionać, mësson sambëgn jì plü gonot, inće trëi iadi al’edema”, cunta Stefanie. Chisc iadi implü ô ester por l’alenamënt - sce an po le tlamè insciö. I nes lasciun splighé co che i alenamënć funzionëia. Stefanie: ”Nos ùn i ćês de manichins, y i messun porvè fora lassura”. Por arjunje la dërta cualité y l’atenziun ai details s’à la jona da Lungiarü lascè sön l’esperiënza de süa insegnanta Margit Gostner da Balsan. ”Da arjigné ca n te’ će àn pa bëgn impò codî, deache an mëss impröma ciafè la man aladô. Doìa él n gran impëgn y an mëss feter s’eserzité vigni dé.” Pro le concurs indere mëssera jì snela: mesora de tëmp por la frisur ’by day’, 50 menüć por chëra by night: ”Le će é bele arjigné, tö le bagnes, l’assüies cun le fön, arjignes la frisur, le mëtes en posiziun, ti vistes le guant, spo él la juria che vëgn a ćiarè”, spliga Stefanie dër en cört.

Tröpes ores de tëmp lëde

Sön chësta s’â le consëi de cöra de Badia ponsè da damanè valgügn esperć de musiga sciöche P. Urban Stillhard, le prof. Franz Comploj y le prof. Heinrich Walder ći che al foss da fà, sce al paiass la mëia da le lascè dortoré sö o da nen apostè n nü. Ai ê düć dla medema ancrëna che al foss la miù soluziun da lascè fà n bun orghe nü. Dala sentada dl Consëi de cöra ai 14 de merz dl 2006 ân nominé chësc comitê: siur degan, Paul Dapunt, Erich Pescoller, Franz Nagler, Raimund Pitscheider, Gottfried Nagler, Elmar Irsara, P.Urban Stillhard y le dr. Karl Gruber. So compit ê chirì fora na buna firma da fà orghi de dlijia nüs. An s’ê gnüs sön la proposta de Raimund Pitscheider, diretur dla Scora de Musiga, da apostè orghi nüs dala Firma Ahrend a Leer, che é na cité söinsom i Paîsc Todësc, te Ostfriesland (Niedersachsen). Apëna che an i â albü apostè ê le chef dla firma, Hendrik Ahrend gnü adarlerch a se ćiarè jö la situaziun te dlijia y a mosoré jö avisa la dessura che al cuadrass döt canche an foss gnüs adarlerch cun i tröc tòć di orghi y i ess metü adöm. Badia à rajun da avëi n bel y bun orghe de dlijia por deplü gaujes: Badia é le paisc nadalin dl gran componist de operes de dlijia Jan Batista Runcher (1714 - 1791) - la gran bela dlijia de Badia é öna dles plü beles lunc y lerch; ara é gnüda fata dal maester de costruziun Franz Singer (1714 - 1789) da Götzens sura Desproch; depënta fora l´â l’artist de dlijies Mathäus Günther (1705 - 1788 ); te dlijia de Badia êl gnü batié le viadù Ujöp Freinademetz (1852 - 1908 ) da Oies, gnü n gran miscionar tla Cina, che é dl 2003 gnü detlarè sant.

La minunga de Ahrend Aldiun ći che le patrun dla firma, Hendrik Ahrend à scrit dl orghe nü: ”L’orghe de Badia sarà n orghe de gran cualité lunc y lerch conesciüda, döt deplëgn fat da nosta firma te nosta fujina. Al arjunjarà les mius cualitês sides de sonn che de tecnica; al é gnü tut lignan sajonè tröc agn, lëgn assöt da ro y de pröma cualité; i corans che an adora por isolè vëgn tuć dales mius pels laurades de biscia y ai tëgn porchël plü generaziuns. Düć i tòć i tignarà bòt al gnì vedli, la mecanica se menarà jö püch dldöt y n’adora degüna assistënza. La costruziun cun lignan da ro garantësc la miù cualité de resonn y na bona injunta al armè di scioroć. L’orghe vëgn metü ite tla dessura che é bele y an se sparagna de fà na dessura nöia

Raimund Pitscheider, diretur dla Scora de Musiga Val Badia.

che ess inće desfigurè la bela dlijia. L’orghe de Badia é gnü fat tl stil dl vedl baroch, mo al ne n’é sigü nia na copia de n strömënt che é bele. Le stil rococo fin abelì dala ćiasina dl orghe y le miù sonn passenarà adöm, le stromënt se adatarà ite tl local de dlijia de Badia; chësc garantësc la firma. Nosc orghe arà 28 registri y dui manuai y n pedal. Al sarà n orghe ala Bach - Buxtehude dl 1700, al mëss passenè ite tl stil dla dlijia de Franz Singer y Mathäus Günther. L’orghe é la regina di stromënć, al mëss formè na unité cun le stil dla dlijia, cun l’acustica dl local; la mensuraziun y l’intonaziun di scioroć mëss jì adöm.” L’orghe nü dess formè na unité cun la lerch de dlijia; les formes modernes dess gnì conscidrades cun le tradizional. L’acustica é essenziala y ara depënn tröp dal local. Chësc é por le costrutur dl orghe le maiù problem mensuraziun y intonaziun di scioroć! L’orghe dess gnì mediadù dla bela noela, al mëss jì a öna cun la comunité che ćianta, festejëia. Musiga cunta de destins, dal nasce y dla mort, dl gnì al monn y dl jì iadelà, de ligrëza y de plüra, de speranza y de amur. Te döt ći che é incër nos ia, él na melodia! Döt y vignun porta n sonn particolar. L’orghe acompagnëia tla liturgia les funziuns; dales festes dëidel abelì le ćiantè dl cor de dlijia, al sostëgn i ćiantarins y valutëia süa importanza. Vigni orghe adora n bun orghelist dala orëdla fina y cun gran competënza musicala. Por fortüna che la Val Badia ne se stënta nia da ciafè de bogn orghelisć. (Lois Trebo)

Henrik Ahrend, patrun dla firma che costruësc l’orghe de Badia.


Val Badia

nr. 19 / 17 de mei 2013

Intrês plü jënt che chir laûr: al momënt 160 dla valada Inće la Val Badia vëgn straifenada dala crisa. Al é intrês plü jënt che s’oj al Ofize dl laûr y de consulënza dl laûr, laprò él jogn y jënt cualificada che n’à nia plü n laûr o ô inće ma baratè jö post de laûr. D’invern él gnü cumpedè indöt 5.680 porsones assigurades tla Val Badia, de chëstes 1.437 zitadins nia dla Talia Ocupaziun - Crisa, tëmp de crisa - vigni dé àldon baian che les vaćes grasses é passades y che i messun se acontentè dles vaćes megres. Mo desche an po odëi dal’intervista che i ti ùn fat al consulënt dl laûr Giorgio Costabiei ne podess la Val Badia nia baudié. „Ester plü flessibli“ pê ester la devisa dl momënt. Tla hotelaria y gastronomia dla Val Badia él tröc posć de laûr, dantadöt tratan les sajuns turistiches, basta che nosta jënt ess na cualifica o esperiënza aladô – y te tröc caji inće ma bele la buna orenté. La Usc: Giorgio Costabiei, colaboradù dl Ofize dl laûr y consulënt dl laûr: tan de jënt dla Val Badia te condiziun y eté da laurè é pa śëgn zënza laûr (en dejocupaziun)? Giorgio Costabiei: „Al momënt é zirca 1.300 porsones tla Val Badia scrites ite tles listes dl ofize dl laûr. De chëstes él zirca 160 porsones che chir n laûr y à messü dè söa desponibilité. I atri scrić ite tles listes dl ofize dl laûr é, p.ej. ëres en maternité, porsones che jarà indô chësc isté a laurè tl medemo post che ares à tut ite tla sajun da d’invern.“ Co podëise pa partì ite chi che chir da laûr? Vëgnel dagnora respetè le mistier che ai à imparè o fat? „Tröc de chi che chir laûr n’à nia n laûr por la sajun da d’isté y porchël ési desponibili por laûrs de hotelaria y gastronomia. Mo i ùn inće porsones che n’à degöna cualifica, jogn y manco jogn che chir laûrs te ofize, tl sozial, pro mistiers dl artejanat o tl frabiché. Le plü rî él da ciafè na ocupaziun por porsones a chëres che al ti manćia ma plü püć agn por la pensiun.“ Él pa vëi che dantadöt les jones y jogn dles scores profescionales se stënta da ciafè laûr do sü agn de formaziun? Ći dejocupaziun odëise pa os danter i jogn? „I jogn che impara y stüdia n mistier profescional ciafa scialdi n post de laûr te nosta valada. Mo śëgn mëss en general i jogn tla Val Badia ester plü flessibli y ester desponibili inće por laûrs fora dla Val Badia. Te val’ seturs n’él nia al momënt tröpa poscibilité da ciafè n laûr te nosta valada, y insciö é chisc jogn sforzà da jì almanco ćina Bornech. Al é inće d’öga che i jogn che é zënza laûr chires inće n ater laûr aldefora de chël che ai à studié y/o fat denant. Da vigni laûr impàron val’ y i daturs de laûr desvalis n’à nia cis ion jogn che é stà n pez a ne fà nia.“ Por jones y jogn dla Val Badia n’él indere nia dagnora saurì da se spostè dé por dé a Bornech o inće ma bele avëi n cuatier a Bornech. Ći dificoltês conescëise pa os chilò? „Al é dessigü da mioré le sorvisc publich di autobusc, dantadöt mëte da funzioné tl dagnì na ultima coriera che vais tla Val Badia ćiamò

incër les 21:00 o 22:00, sciöche al é al momënt l’ultima coriera che va ta Türesc-Ahrntal, sön Puster Alt, a Falzes-Terenten. Sce chësc ne suzed nia, unse nos dla Val Badia n gran handicap por nüsc jogn y inće nostes forzes de laûr che laora fora de nosta valada – y nia ma por chi che laora a Bornech.“

„Por chësta aisciöda él stè artejagn tla Val Badia che à chirì personal cualifiché. Dessigü n’à de bun personal cualifiché tl artejanat nia dificolté da ciafè n laûr tla Val Badia. La profescionalité y la cualité de n lerner y laurant é dër chirida y chisc ciafa saurì n laûr. Plü rî à les porsones nia cualificades che à laurè tl edil o tl artjenat.“

Savëise tan de lerneri che al é gnü tut sö tla Val Badia te chësc ann ćina śëgn? „No, chësc ne savunse nia da dì.“ Al vëgn gonot cospetè relativamënter ales forzes de laûr da foradecà (da Statesc nia UE). Tantes de chëstes forzes de laûr é pa al momënt ocupades tla Val Badia? „Tl mëis de aurì êl indöt 2.865 porsones assigurades tla Val Badia, y de chisc 321 zitadins nia taliagn assigurà tla Val Badia. Chësc dat corespogn al 11% de döta la forza de laûr de aurì.“ Tantes de chëstes forzes de laûr é pa stades ocupades tla sajun da d’invern, y tantes sarà pa indô ocupades tla sajun turistica da d’isté? „Sambëgn unse tratan i mëisc de sajun bëgn trö’ deplü forzes de laûr da foradecà. P.ej. êl tl mëis de jenà 2013 indöt 5.680 porsones assigurades tla Val Badia, y de chëstes 1.437 zitadins nia taliagn assigurà tla Val Badia. Chësc dat corespogn al 25% de döta la forza laûr. An po dì che ia por l’ann él zirca n chert porsones da foradecà che laora tla nosta valada.“ Studëntes y studënć chir gonot na ocupaziun por d’isté. Co ćiàrera pa fora śëgn por l’isté che vëgn? „Al é tröc jogn che passa da nos por n post de laûr por la sajun da d’isté. Chi che chir n laûr tl setur de hotelaria y gastronomia se fej plü saurì. I atri jogn à bele plü dificoltês por mistiers dl frabiché o laûrs de ofize. Ći che reverda le practicum da d’isté él stè l’ann passè 155 jogn che é stà assigurà cun n practicum tla Val Badia.“ Jënt nia ajornada se damana ći sorts de indenitês de dejocupaziun che al é pordërt? „Al vëgn desfarenzié danter döes formes: chëra ordinara (ASPI) y chëra mëndra (Mini ASPI). I scioldi de dejocupaziun ordinara ciafa un zënza laûr, sce al é portè ite al zënter de consulënza dl laûr, sce al é stè dui agn assiguré y à laurè i ultimi dui agn efetivamënter almanco 52 edemes. I scioldi dla Mini-ASPI po un pié do sce al é portè ite tl ofize de consulënza dl laûr y sce al à laurè almanco 13 edemes ti ultimi mëisc denanco perde/lascè le laûr.“ Tan de scioldi ciafa pa pordërt chëstes porsones? „Dal paiamënt mensil mesan di ultimi dui agn vëgnel paié fora le 75%. Chisc scioldi vëgn indere arbassà vigni sis mëisc tla mosöra dl 15%. Al momënt é l’indenité de

Le consulënt dl laûr Giorgio Costabiei: „Valgügn seturs y categories de mestiers y lauranć sint deplü la crisa, d’atri manco. Tla Val Badia vàra ćiamò scialdi bun. Te d’atri raiuns de nosta provinzia ćiàrera fora bëgn atramënter. Al vëgn inće intrês plü jënt da d’atres regiuns dla Talia por chirì laûr chilò da nos, deache ai alda che te nosta provinzia vàra damì co te d’atres tla Talia. Al roda bëgn jënt desperada cun de vigni sort de problematiches y dificoltês. Chilò mësson inće ester n pü’ psicologs cun chëstes porsones.“

dejocupaziun plü alta de 1.120,00 euro brutto, zirca 861,00 euro netto.“ Tan dî ciafa pa chëstes p or s one s i s c iold i de dejocupaziun? „La dorada de dejocupaziun vëgn alzada de gre en gre ćina l’ann 2016 y sarà spo por düć ćina al 54ejim ann d’eté. Dai 55 agn inant gnaràra spo conzedüda ćina 18 mëisc. Dal 1. d’aurì 2013 incà po danter l’ater inće i lerneri ciafè na indenité de dejocupaziun (MiniASPI).“ Sce na porsona é scrita ite tles listes di dejocupà y ne tol nia n laûr che foss lëde, ći sozédel pa? „Les porsones scrites ite tles listes dl ofize dl laûr mëss ester desponibles da atira por n post de laûr y inće desponibles por cursc de formaziun. La porsona che n’azeta nia n laûr o nia n curs de formaziun vëgn sferiada fora dales listes de dejocupaziun y ne ciafa nia plü i scioldi dla dejocupaziun. Regolarmënter vëgn chëstes porsones inviades a n coloquium de laûr da nos te ofize. I messun controlè sce i dejocupà se dà da fà tl chirì n laûr o fej ma i furbici por ma ciafè i scioldi dla dejocupaziun.“

cualificades.“ Él laûr assà tl turism por jënt da chilò, odëise os che hotì toless plü ion jënt da chilò impede chi da foradecà? „Al é intrês tröpes ofertes de laûr tl turism, inće por jënt dl post. Dessigü i mànćel a valgügn l’esperiënza y la cualifica, mo sce un ô spo pôl dessigü se integré y imparé le mistier nü. Dantadöt jogn che röia les scores altes y ne ciafa nia atira n laûr adatè va naota a fà les sajuns. I daturs de laûr chir bëgn impò plü ion jënt dl post – chësc unse nu.“ Co se stàra pa cun l’artejanat dla Val Badia? Co é pa chilò l’ocupaziun? Tan cunta pa pordërt por i posć de laûr tl artjenat la profescionalité y la cualité che le lerner y laurant garantësc?

Messarà śëgn nosta jënt cun la crisa mëte man da fà indô i laûrs manco bi, sciöche romenè sö, puzenè, ez.? „Dessigü él porsones dejocupades che mëss mëte man da odëi le monn dl laûr te n’atra manira. Ares mëss ester plü desponibles por düć i laûrs y nia ma orëi fà ći che ai à studié o fat ćina śëgn. Cun la regola nöia dl LH dl 1^ de jenà 2013 mëss düć ester desponibli ćina 40 km da ćiasa y do 3 mëisc che ai é scrić ite tles listes ti ofizi dl laûr mëss i dejocupà ester desponibli por döt Südtirol (sce al vëgn dè alberch) y azetè vigni sort de laûr.“ Co odëise pa os la situaziun precara por le laûr da śëgn y le svilup de chësta? „Valgügn seturs y categories de mistiers y lauranć sint deplü la crisa, d’atri manco. Tla Val Badia vàra ćiamò scialdi bun. Te d’atri raiuns de nosta provinzia ćiàrera fora bëgn atramënter. Al vëgn inće intrês plü jënt da d’atres regiuns dla Talia por chirì laûr chilò da nos, deache ai alda che te nosta provinzia vàra damì co te d’atres tla Talia. Al roda bëgn jënt desperada cun de vigni sort de problematiches y dificoltês. Chilò mësson inće ester n pü’ psicologs cun chëstes porsones.“ Savëise os de caji che jones y jogn dla Val Badia à lascè Südtirol y la Talia por jì por plü dî a chirì fortüna foradecà? „Al é jones y jogn dla Val Badia che é passà da me por chirì n laûr te n ater Stat dla UE. Dessigü por jì a imparè n ater lingaz, mo inće por ciafè plü saurì n laûr che ai à studié, spezialmënter por studënć che à studié al’université.“ (intervista: iaco rigo)

Odëise os n cambiamënt dl vers che intrês plü jënt dla Val Badia podess indô jì a laurè plü co ultimamënter ti hotì y tles ostaries impede söl setur edil? „Dessigü él tl setur dl turism trö’ plü posć lëdi y la jënt dla Val Badia podess jì te chësc setur a laurè. Inće jënt manco cualificada à plü poscibilitês de n laûr te chësc setur co al momënt dl setur edil. Tl setur edil – chësc é inće da dì – vëgnel chirì scialdi ma porsones www.lauscdiladins.com

19


Val Badia

nr. 19 / 17 de mei 2013

Sapè t’urt sot la löna Mà é le mëis di laûrs por l’urt. Da vedlamënter incà ćiara jënt ala löna por avëi de bugn früć

La coltöra él bun sce é vera. Ara vëgn metüda te suc y indô stopada pro.

Curiositês - La fin d’aurì y i pröms de mà él la dërta spana dl ann por romenè sö i avanc dl invern incër ćiasa ia, arjigné l’urt y somenè y sentè l’ortam. Bele denant (de merz y i pröms d’aurì), canche les prömes plantes mëna, désson agaié y taié les trognores y i lëgns por che ai ne saltes nia impuntassö y arjunjes parüdes salvaries. An dij che an dess i orëi bun ai ciüfs y ales plantes, y inće baié cun ëres, spo garêteres y se mostra beles. Chësta cherdënza pê ne ester nia ma na ćiacola, ćinamai stüdi scientifics à desmostrè che la vijinanza y la dediziun umana ala vegetaziun po ester positiva y de ütl - nia ma por la planta, mo inće por la porsona. Lian le liber de Johanna Paungger y Thomas Poppe “Vom richtigen Zeitpunkt” (dl dër momënt) vëgnon lassura che döta la natöra é influenzada dala löna, le su trabant de nosc planët - la tera, y so lian cun la löm de sorëdl. An dij che sorëdl dà y la löna dà, mo ester él na gran desfarënzia: deperpo che sorëdl é na gran stëra da füch y lomina instës, dà ma inant y respidlëia la löna chësta gran löm de sorëdl. Söla tera röia chësta löm menada inant da sorëdl aladô dla posiziun dla löna che mostra ala tera intrês söa medema pert. Insciö se mostra la löna n iade torona (löna colma), n iade cun la forma de sójera ota cuntra man dërta (forma de “c”) canche an dij che ara cara, spo cun la forma de sójera ota cuntra man ciampa (forma de “D”) canche ara crësc y n iade scöra daldöt (löna foscia) canche la löm de sorëdl ne sciafia nia da dè lassura. La Paungger baia de set situaziuns de löna: dlungia ala foscia, crescënta, colma y caranta, la posiziun dla löna te na costelaziun dl zodiach, la löna ascendënta y la löna descendënta. Les espresciuns “löna ascendënta” y “löna descendënta” n’à nia da nen fà cun les fases dla löna (crescënta o caranta), ares indichëia la posiziun dla löna tl zodiach. “Dötes les costelaziuns dl zodiach (scìzer/jomelins) che vëgn atraversades tratan n ann da sorëdl dal solstiz invernal (21 de dezëmber) al solstiz d’isté (21 de

20

www.lauscdiladins.com

jügn) à na forza ascendënta: la forza dl univers y dl’aisciöda che amerscia n aumënt de gre en gre, l’espanjiun, la chersciüda, le florì. Na forza descendënta vëgnel a s’l dé la secunda pert dl ann (jomelins/ scìzer): la forza dl isté y dl altonn, che ô dì maduraziun, racoiüda, scomposiziun y palsa”, scrî la Paungger.

Can pa sapè t’urt? Por sapè t’urt désson se chirì fora dantadöt tëmp nia massa assöt, deache la tera é tan toćia y döra. Lochernè sö la tera öga inće bele dan l’invern o pornanche la nëi s’un é. Plü saurì se fêjon (y miù él por la vegetaziun dedô) sce an mosciöda y agrëia sö la tera n iade cun na furćia por spo plü inant fà les suc por mëte ite la coltöra. Sce an mët averda ala dërta löna da sapè sö y mëte la coltöra, spo pôn schivé che erbes nia bëgnodüdes fejes raîsc y destürbes döt isté la coltivaziun dl ortam. La coltöra fóssel bun da mëte a löna colma o canche la löna cara. Sce an ti ćiara inće al dër planët cuotidian, spo öga i “dis dl früt” (môt y scìzer), canche al é löna che cara y dlungia ala löna colma. Mëte averda: sce i dis cun planët dl liun po ester d’ütl por jì dal frisêr, spo ne va chisc dis daldöt nia bun por mëte coltöra (no t’urt no ti ciüfs), deache la tera y les plantes sëćia dedô.

I comandamënć dles fases de löna Nosc corp uman perd energia canche la löna cara y al tol sö y impira energia canche la löna crësc. Nia insciö ne vàra cun la tera, ara se comporta avisa al inzescü: les sostanzes se tira indô tles raîsc canche la löna cara, la tera é buna da tó sö y trà le fle; canche la löna crësc s’alza i süć y la planta fora de tera crësc y tira le fle. “Chësc ritm é la fondamënta de tröpes regoles tl laûr t’urt y ti ćiamps.

Can pa somenè, sentè fora y traplantè? Canche la löna crësc él i dër dis da sentè les plantes y l’ortam (patüc

d’urt) che crësc sura tera ia. L’ortam che crësc sot tera ite gareta sce al é gnü somenè o plantè canche la löna cara. Dlungia ala löna él da i ćiarè al planët dl dé (da ciafè inće tl “Calënder Ladin” che vëgn fora dal’EPL vigni ann de novëmber y dezëmber por l’ann do). La Paungger dij insciö: - i dis dl früt é chi di planëć môt, liun y scìzer - i dis dla fëia é chi di planëć crêbesc, scarpiun y pësc - i dis dla raîsc é chi di planëć viria, manz y stambëch - i dis dla flu é chi di jomelins, stadîra y acuare. I pomodori, por ejëmpl, é früć, nia flus, raîsc o fëies, y por i sentè fora y somenè öga porchël n dé dl früt. Le spinat y i pori, p.ej., desco inće la salata é “fëia” y dess gnì somenà y sentà fora i dis dla fëia; la salata dess gnì sentada ćiamò laprò sot chisc planëć canche la löna cara. Res ghei y cioles désson somenè y sentè i dis dla raîsc viria, manz o stambëch. I soni pê ester na ezeziun, al öga i sentè canche la löna cara dalunc dala löna foscia a püć dis da löna colma. Por i ciüfs y les saûs öga i dis dla flu jomelins, stadîra y acuare.

Baratè massaria dai ciüfs (vasa dai ciüfs) La regola fondamentala por baratè fora la tera o tó fora na planta da n bochè y la plantè te n ater, é che chësc laûr dess gnì fat canche la löna crësc o zënza (en alternativa) canche al é “löna descendënta” (da jügn a dezëmber).

Ai 18 de jügn él n dé de morvëia N problem t’urt é inće la zizania. Chësta dess gnì trata fora canche la löna cara sot al sëgn dl stambëch (da jenà a messè é le stambëch i dis che la löna cara). Deache la Paungger dij é le dé 18 de jügn n dé de morvëa che dess gnì amarscé sön vigni calënder de chi che laora t’urt y cun ciüfs y plantes. Le danmisdé di 18 de jügn (ćina misdé) à la forza che la zizania sertlada fora y trata fora

Do che an à sapè t’urt sot la löna che cara, désson sentè la pröma salata, i pröms rati cöci y i pori.

avisa te chëstes püćes ores moriarà jö daldöt (les raîsc fraidësc).

Bagné i ciüfs y l’urt Le dër momënt por bagné t’urt é la löna che cara o i mëisc dla löna descendënta (da jügn a dezëmber). Les plantes tol sö l’ega zënza avëi de gragn danns.

N bel urt N bel urt ne dess nia ma ćiarè fora bun por l’edl, al dess inće avëi na gran varieté y richëza de ortam y saûs. Chëstes dess gnì passenades adöm, plantes che sta bun adöm y se soporta é: res ghei y cioles, pomodori y cioles, pomodori y petersil, salata y rati cöci. Daldöt nia ne se soporta les arbëies y les cioles, les arbëies y les faus, i capüc y les cioles, y i soni y les cioles.

Ći gareta pa te nüsc urć de munt? Te vigni urt de munt pôl crësce pîriores, arbëtes (sitì), jalvà, masaronn (maiorann), cioles, de vigni sort de cosi, soni, salates, capüc, ajet, spinat, res ghei, ajies, petersil, rati cöci. Trà sö plantes de pomodori y meluns é bele plü zite. Miù él sce an cumpra les

stinfes de pomodori de mà y les sënt fora te de gran vases da na bona tera. I pomodori mët spo man da madorì amez agost ia, mo ai se damana tröpa dediziun: ai mëss gnì bagnà tröp d’isté, tacà sö a spireć, taià fora dai fiôs ciamps (chi che salta sö tles ramificaziuns) y inće stopà canche les temperatöres é sot i 10 gres de nöt. Ai adora tröp sorëdl y nia tröp vënt. Ći che gareta bun te nüsc urć y n’é nia usual é i pori: chisc po gnì taià ia man man che ai é sö y ai cresciarà do. Cun les saûs t’urt n’él gnanca da sparagné. Chëstes gareta bun da ann a ann y öna y l’atra suravir inće l’invern. La lavanda dîjon che öga inće por tignì dainciarà cargares (teciores) y d’atri ghesć che an ne vëga nia ion t’urt y söla salata. Ala fin po vignun porvè fora instës les coltivaziuns y imparè da ann a ann ći che öga y mancoa. Sambëgn é la fondamënta de n bun urt la tera y ći che an i mët ite: la tera ne dess nia gnì massa döra y dess gnì lochernada sö ann por ann cun coltöra de stala nia massa fôrta, coltöra vera o de buna tera de d’atri posć. Paurs che à zopes incërch da agn sa che chësta é la miù “medejina” por so urt. (ir)


Val Badia

nr. 19 / 17 de mei 2013

Conzerć de prestisc y n foliet

Na segra demorvëia

Inće le 2013 é por la Müjiga de Badia n ann rich de ativitês y novitês. Dlungia le gran conzert d’aisciöda, él söl program inće n conzert tla Hofburg da Desproch, y implü gnaràl dè fora n pice foliet dla uniun

Por le cuinto ann él bele gnü invié ia a Rina la ”Segra da Runch”, en gaujiun dla racoiüda dl refodam grou. Iadedô stàl n fin de solidarieté

Lies - Do n ann rich de ativité y stlüt jö ai 28 de dezëmber cun n conzert da Nadè che à cherdè adalerch n gran publich tla bela dlijia de Badia, n’à la Müjiga de Badia nia albü tröp tëmp da se palsè fora. Al 1. de merz él gnü cherdè ite la sentada generala y l’edema dedô à metü man les proes. Ala sentada generala s’à presentè le consëi nü, lité ai pröms de novëmber. A će dla uniun él gnü confermè cun na gran maioranza Philipp Lerchegger. So sostitut, y che se crüzia inće dla cassa, é Max Trebo. Le gran laûr da scrivan s’à suratut Magdalena Lerchegger y Florian Valentin; di jogn se crüzia Stefanie Burchia y Gustav Mangutsch. Maria Valentin ćiara che düć ais le guant apost, Ulrich Pizzinini pënsa da ćiarè do i stromënć, Werner Valentin al salf y al paiun y Alex Pitscheider mët t’archif dötes les informaziuns y tëgn la cronica dla uniun. En gaujun dla sentada àn podü saludé döes musicontres nöies: Julia Pescoller y Sonja Untersteiner, che sona intrames la oboa. Plü inant él ćiamò gnü pormez Elisa Burchia cun le fabló trasversal y Adalbert Piccolruaz cun la trombëta; Adalbert ê bele stè dan plü agn pro la uniun y al fej tres indô plajëi odëi che val’ un ciafa indô le tru zoruch pro la

musiga. Cun chisc 4 röia insciö la Müjiga de Badia sön 62 musicontres y musicontri, implü 4 portabandira y 5 margatënteres. Te chësta ocajiun él gnü portè dant le program de chësc ann, caraterisé sciöche dagnora da novitês n pü’ de vigni sort. Sciöche tres arà la musiga da se presentè por les festes de dlijia dl paîsc, la Crejima cun le Vësco Muser é bele gnüda tignida le Lönesc de Pasca, y inće la Pröma Santa Comuniun é bele stada ai 21 de aurì.

A sonè inće tla Hofburg L’apuntamënt a chël che nia ma i musicontri aspeta ert, magari inće por podëi spo n pü’ palsè do le gran laûr de proa, é le conzert d’aisciöda, deventè oramai na tradiziun por la uniun y le paîsc. Chësc gnarà tignì la sabeda ai 25 de mà dales 20.30 tl salf dla Ćiasa J. B. Runcher a San Linert de Badia (ćiara sot ales manifestaziuns). A mez jügn tolarà pert la musiga ala festa dl raiun (Bezirksmusikfest) a ”Strassen Bad-Aussee” dlungia Salzburg. N gran onur pur la musiga é chël de podëi tignì n conzert tla Hofburg a Desproch, le lönesc ai 22 de messè. Le conzert fej pert di ”Promenadenkonzerte”

che vëgn tignis vigni ann tl mëis de messè y a chi che al tol pert musighes y grups di Paîsc Todësc, dl’Austria, da Südtirol, dl’Olanda y inće da plü dalunc. Adöm ala musiga tolarà inće pert le Cor Kèrygma y la ćiantarina Cristina Pitscheider.

N foliet dla uniun Mo ćiamò na novité: por le pröm iade vëgnel dè fora n foliet d’informaziun: ”Sonns dla Müjiga de Badia”. Ara se trata de informaziuns sön l’ativité - en chësc iade inće di agn passà - curiositês y tröp d’ater. Sciöche le presidënt Philipp dij te so salüt danfora, dess döta la popolaziun podëi vire para la vita dla uniun, é pö chësta pert dla comunité; tres le foliet po vignun se fà n cheder de ći che la musiga fej döt ia por l’ann. Dessigü val’ de interessant por les families de Badia y nia ma. La Müjiga de Badia s’la conforta a n ann de musiga y ligrëza y aspeta cun plajëi düć a so conzert d’aisciöda y ai conzerć che gnarà tignis ia por l’ann. Cun l’ocajiun oress la musiga inće ti dì n gran giulan de cör a düć chi che ti dà a val’ manira n sostëgn ala uniun, zënza de chël che al ne foss nia saurì da ji inant. (Müjiga de Badia)

La Müjiga de Badia pro le conzert d’aisciöda 2012.

Surastant nü

Al vëgn êrt sö le lëgn dla segra. Iadedô pòn odëi la mostra ”tenüda sö”.

Rina - Vigni ann ala fin d’aurì vëgnel ti trëi paîsc dl comun de Mareo coiü adöm le refodam grou. N gröm de jënt tol l’ocajiun da romenè fora ćianoes y jì cun de vedli tragheć, jüć roć, montli, madroc, schi y rodes vedles y tan d’ater. Al é feter na morvëia da odëi ći munts de patüc che al s’abina sö vigni ann.

tëmp ê valgamia da plöia y plütosc frëit, él rové adöm n gröm de jënt. An podess feter dì che la solidarieté ne conësc nia le bur’ tëmp. La festa é particolara, originala y scëmpla. Al n’é nia zîte co che an röia adalerch, sce le guant é paz o scarzè, o ći mai ćiamò. Düć é bëgngnüs. An po passè n dé de aorela cörta, y tl medemo tëmp fà na aziun de bëgn. Por le cuinto iade éra iniann garatada da daidé na familia tl debojëgn.

A Rina àn albü la buna idea da trasformè la desgorta dl refodam te na sort de ”festa de paîsc”, denominada la ”Segra da Runch”. En gaujiun de chësc pröm Dlungia le refodam grou, che iubileum à i organisadus inće devënta tl medemo tëmp na gran organisé na picia mostra alaleria, plaza dai jüć por i mëndri, vëgnel cun retrać y impresciuns di ultims metü sö banć y mëses, olache la jënt agn. N dilan particolar i va a dötes po s’an stè en compagnia a s’la cuntè. chës porsones che ”sponsorisëia” le Val’ de bun da mangé y da bëre patüc da mangé y da bëre, ales ciafon inće da cumprè, y tres plü patrones che arjigna ca de bun patüc jënt tol l’ocajiun da s’archité a da segra, y a düć chi che fej val’ marëna. sorvisc por che la festa garetes. La Segra da Runch é inće n pü’ (pablo) na segra dla solidarieté. I organisadus dla Vijinanza da Runch s’à bele dal pröm iade incà tut dant da daidé families de nosc raiun, atocades da problems o crusc particolars, y da i dè n pice aiüt finanziar. Chësc gareta cun ći che vëgn trat ite. Iniann ài 27 d’aurì éra indô stada tan inant: la Segra da Runch à podü festejé so pröm pice iubileum N valgügn di organisadus: Sandro Huber, de 5 agn. Inće sce le Andreas Ferdigg y Lois Ferdigg.

Christian Agreiter é śëgn a će dl comitê SVP d’Al Plan. Edith Trebo é vize Politica - A Al Plan de Mareo él gnü renové le comitê SVP de paîsc. Christian Agreiter, inće vizesurastant dla SVP Val Badia, à ciafè la inćiaria da surastant. Vize é gnüda Edith Trebo. Dl comitê fej pert spo Daniel Ellecosta, Klaus Mutschlechner, Klaus Ties, Michael Call, Walter Daverda y Franz Kanetscheider, che é stè por agn alalungia surastant de paîsc. Mëmbri de dërt é la vizepresidënta dles Ëres SVP Ingeborg Dejaco, sciöche inće l’ombolt Albert Palfrader. La manajadëssa dla SVP Alberta Tamers é gnüda cooptada. Le comitê SVP inviëia la popolaziun da se portè ite ativamënter. Le surastant Agreiter é dla convinziun che la SVP sides garant por n dagnì stabil,

alzan fora che al é important da se conzentrè sön l’essenzial y mëte döt l’impëgn por portè inant na buna politica a bëgn dla popolaziun. La

lîta é inće stada ocajiun por rengrazié le surastant da denant Franz Kanetscheider, por l’impëgn che al à metü te süa inćiaria.

Mëmbri dl comitê SVP d’Al Plan: dmc Daniel Ellecosta, Michael Call, Klaus Ties, Klaus Mutschlechner, Edith Trebo, Christian Agreiter y Franz Kanetscheider. www.lauscdiladins.com

21


Val Badia

nr. 19 / 17 de mei 2013

Media nüs, danter öga y prigo

Imparè por superè preiudizi

La Consulta Provinziala di Geniturs dles scores ladines à invié a n referat, olache i geniturs à ciafè informaziuns d’öga sön l’adoranza di media nüs, y consëis por avëi instësc

Adöm ala 4. tlassa dl ITE da Bornech y dl Lizeum tlassich talian da Sterzing à la cuarta tlassa dl Istitut tecnich comerzial (ITC) da La Ila ia por l’ann de scora 2012/2013 tratè deplü argomënc lià ala storia y les finalitês dla Uniun Europea

Formaziun - Smartphone, tablet, jüć interatifs tla comunité online, social network, internet. Döt tol demez confins y déura les portes por n monn che pê tan ampl, y descëda nia ma ti jogn na fascinaziun gnanca da dì. I media nüs à fat ti ultims agn vari da gigant. Le computer alda al ordinn dl dé tles scores, l’ipad dess oramai inće varié daite dai üsc de scolina. Sciöche an sa, vigni medaia à döes perts: cun düć i vantaji che les tecnologies nöies à portè para, él inće gnü pormez problematiches: dependënzes, mudaziuns tla comunicaziun, ćina ala isolaziun danter i cater mürs de ćiamena. La Consulta Provinziala di geniturs por les scores ladines à porchël orü cöie sö chësta tematica, y à invié ia sides te Gherdëna co tla Val Badia a n referat dal titul ”Media nüs: Jüch... dependënza?” Referënta ê la dra. Doris Thaler dl zënter de cura por les dependënzs Bad Bachgart.

nominé i social network, che ti pormët ai anuzadus na gran interativité, y nia ala fin l’adoranza ezessiva de internet, che al sides por jüć co inće por chirì informaziuns.

Can él pa problematich?

La referënta dra. Doris Thaler tratan le referat a San Martin de Tor.

monn asvelt dla tecnologia n tëmp scialdi lunch.

Tres plü presënć

Le problem nasc dal’esageraziun

Che i media nüs condizionëia y é tres deplü pert de nosta vita vëigon bele da n valgönes zifres fora dal stüde di jogn dl ASTAT. Dl 2012 él le 53,9% di jogn da 14 a 19 agn che adora l’internet vigni dé (fora de scora y dl laûr), inće le 14,4% di mituns dai 6 ai 13 agn. N terzo di mituns dla elementara y le 90% di jogn à bele n handy. Ala domanda ”A ći media po pa i jogn (12-25 agn) renunzié le manco?”, respogn le 68,6% cun ”handy”, le 47,9% la televijiun, le 44% internet. Na statistica dl 2009 sön les ativitês di jogn tl tëmp lëde dij che la televijiun é al 2. post danter i passatëmp cun le 39,4%; internet, jüć online, nintendo, playstation, scrì mails y sms ocupëia i posć dal 5. al 8. De consolaziun él che al pröm post ciafon impò ćiamò al pröm post l’incuntè i amisc. La medema statistica dij inće che le 81,1% di jogn à n azes privat al internet. Le 6,5% di jogn da 14 a 16 agn y le 10,8% di jogn dai 17 ai 19 agn stà passa 20 ores al‘edema dan l’internet... tratan le tëmp lëde. Les zifres da incö podess bele ester cotan atramënter. Trëi agn é tl

Ala löm de chëstes zifres à la dra. Thaler metü man so referat alzan fora por pröm che computer y internet é prinzipalmënter na buna cossa. Le problem nasc - sciöche te tan de ćiamps - cun l’esageraziun, o - peso - canche al n’é plü nia d’ater adinfora co le contat cun le monitor o le display, y che jì t’internet o śoghé devënta n ”messëi”, n tru por ti sciampè ai problems da vigni dé. La referënta à ilustrè en cört les fontanes prinzipales che po ester n prigo por na dependënza. Al pröm post nominëiera tler i jüć online: chi jüć che an po śoghé deboriada cun milesc y milesc d’atri śogadus slarià fora por le monn. Al é jüć che pîta intratenimënt por ores y ores, che sënta le jonin te n monn virtual y ti pormët la poscibilité da tó ite personalitês desvalies. ”Chësc comporta la tendënza da romagne plü ion tl monn virtual co te chël real, ajache i jüć compensëia gonot i defizit che an à tla vita reala, y vëgn anuzà sciöche tru por ti sciampé al stress y ai problems da vignidé.” Danter les atres fontanes por prigo da dependënza à la referënta

22

www.lauscdiladins.com

”De n consum problematich”, à dit la referënta, ”bàion canche la porsona se conzentrëia deplü sön le monn virtual co chël real, canche l’adoranza dl PC o internet superëia les 30 ores al’edema.” Criters de n consum patologich vëgn indere canche le möt o jonn sint gran bojëgn da messëi śoghé, à tres le jüch tl će y n’é nia plü bun da se limité, canche al perd düć i atri interesc - inće por sü hobbies - y se tira zoruch a livel sozial, canche al ciafa situaziuns de nervosité o sënn sce al ti vëgn proibì da adorè le computer, o inće canche le śoghé vëgn odü sciöche la sora poscibilité da manajé le stress. Les conseguënzes che chësc po avëi - spliga la referënta - va da problems soziai a diminuziun dles prestaziuns te scora, dificoltês psichiches, tendënzes depressives, dificoltês de conzentraziun (canche al ne śoga nia), sciöche inće problems de sanité desco mé de spiné y de će, dificoltês da dormì, surapëis o sotpëis, manćianza de igiena.

Scora - Le proiet é gnü metü da jì en colaboraziun cun le Departimënt Scora y Cultura ladina y cun l’Ofize dla Regiun Europea dl Tirol - Trentin - Südtirol. Al se tol dant da arjunje deplü obietifs. Un di fins plü importanć é zënzater chël de informè la jënt jona de Südtirol en cunt dles gaujes, dles modalitês y dl’importanza dl’imigraziun de porsones ti statesc dl’Europa, ćiaran de superè malcomprenjuns, cliscês y preiudizi. Bele de novëmber 2012 ti à les tlasses ćiarè a Bornech al fim ”Milk” de Gus Van Sant, n film che se dà jö a funz cun le problem dl preudize te nosta sozieté. Ai pröms de merz s’à la tlassa incuntè cun Giorgio Costabiei, consulënt EURES dl ofize dl laûr da Bornech, y dui zitadins de nazionalité foresta che laora chilò da nos. L’incuntada é gnüda organisada dala scora por ti dè ales studëntes y ai studënć la poscibilité da imparè da conësce damì nia ma les zifres, mo inće les realtês dër desvalies dl’imigraziun te nosc

raiun. Cun l’aiüt de deplü statistiches ti à Costabiei portè dant ales studëntes y ai studënć la situaziun dl’imigraziun tl raiun de Puster y dla Val Badia. Chëstes inrescides nes dij che la perzentuala de zitadins che vëgn da foradecà é plütosc alta y aumentëia tres deplü. Gran pert dles porsones rovades te nosc raiun laora tl setur turistich y à porchël na gran importanza por le svilup dl’economia de nüsc paîsc. La tlassa à podü baié cun i imigrà y ciafè tröpes informaziuns interessantes en cunt de sües motivaziuns da gnì tl’Europa, de sües espreriënzes y aspiraziuns. Les scores altes da La Ila rengraziëia Giorgio Costabiei y sü colaboradus dla bela incuntada che à dessigü portè n arichiment a dötes les studëntes y ai studënć che à tut pert. Le proiet jarà śëgn inant cun n iade dles trëi tlasses a Strassburg y Bruxelles, olache ares impararà da conësce i organns plü importanć dla Uniun Europea. Da d’altonn gnarà le proiet presentè a Balsan. Elvis, Silvia

La dërta balanza Sambëgn à la referënta inće dè n valgügn consëis por i geniturs, spligan che ëi dess instësc jì danfora cun le bun ejëmpl por n consum responsabl, ai dess se interessè de ći che so möt o süa möta fej te internet, i acompagné tl’anuzada di media, definì regoles tleres sön le tëmp che i mituns po stè te internet o śoghé, y les fà tignì ite. Desconsié à la referënta da proibì dldöt da anuzè i media, ći che po avëi n efet cuntraprodutif.

I fonins Ala fin à la referënta aziché en cört la tematica di fonins, spligan che inće chilò dess i geniturs acompagné i mituns a n consum responsabl. An dess definì cun ëi tan dî che ai po anuzè le telefonn, i mituns dess respogne ma a telefonades importantes, y inće controlè i sms ma un o dui iadi al dé, impede co avëi le telefonn tres tla man. De nöt dess le fonin restè destodè. Important é por la referënta che i mituns sais inće ći che telefonè o desćiarié jö contegnüs costa. Thaler à orü trancuilisé i geniturs, spligan che an ne mëss dî nia ester esperć di media por podëi acompagné i mituns te chësc ćiamp. Al basta gonot avëi n interes sann por ći che ai fej. Y sce al é de majeres dificoltês, ne déssi nia bazilé da damanè do aiüt tles strotöres competëntes, che po ester i sorvisc psicologics, i zëntri de sanité psichica, sciöche inće le zënter Bad Bachgart. (pablo)

La tlassa da La Ila cun Giorgio Costabiei dl Ofize dl Laûr a Bornech (bel a man ciampa) y dui zitadins da foradecà che laora chilò da nos.


Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

nr. 19 / 17 de mei 2013

Fascia

Fascia, na val bona da sentir, cercèr e snasèr Nesc museganc cresc La radunanza de l’Apt l’é stat ence l’ocajion per litèr l nef consei de aministrazion e prejentèr l’ativitèdes Turism - Che aria tirel te Val de Fascia? Aria bona che se sent te la neif, te l’erba e te l’èga. La beleza de la Dolomites, l’emozion de la persones, na val bona. L’é chisc i conzec de la neva campagna de comunicazion prejentèda da l’Azienda per l turism de Fascia en ocajion de sia radunanza generèla chiamèda ite en jebia ai 9 de mé tel chino Marmolèda de Cianacei. Dò dai conzec de “Val de Fascia per semper” e “Val de Fascia patrimonie de l’umanità” – à dit l diretor Andrea Weiss – l’é stat pissà a na evoluzion del messaje che rue a tocèr la emozions di turisć. No l’é n bel moment economich per pissèr a la vacanzes e per chest la jent en feries la chier de destachèr la spina, de se destener, la chier n clima bon, aria bona. Per portèr fora chisc conzec l’Apt à enjignà doi video promozionèi, un più lonch de cater menuc e n un più curt de 60 seconc che vegnarà manà fora desche spot publizitèr. Chisc video, enjigné dal regist Paolo Codelupi, jia su la emozions leèdes a l’ospitalità, l schi, l wellness e l food. Vegn moscià la cambra de n hotel, i bie portoes da schi de Fascia cercené da monc maraveousc, l zenter Dolaondes de Cianacei e la bona cojina con protagonisć trei chef fascegn: Martino Rossi, Nicola Vian e Paolo Donei. Video che é stac moscé ai sozi prejenc a la radunanza, en dut 242, e che à soscedà l’aprijiament generèl. Te sie intervent l diretor Andrea Weiss à rejonà ence de la campagna de comunicazion per l’istà endrezèda col fondo Dellai de 1 milion de Euro (enceben che per endèna sie ruà ite demò l 60%) outa al marcià todesch ajache la moscia 5 di più emportanc jiadores de balon del Bayern che va co la roda te nosc raion e che la jirà fora sui miores sfoes todesc. Dai 27 de mé ai 6 de jugn dapò sui trei canai de Mediaset vegnarà passà imagines de Fascia che moscia la belezes de nosc teritorie.

Duc a una sul bilanz e la quotes sozièles La radunanza l’é stat ence l’ocajion per aproèr l bilanz de l’Apt de Fascia che se sera sù a pareje sui 4 milions e 708 mile euro con n ùtol de ejercizie de presciapech 25 mile euro metui a resserva. L bilanz moscia na sozietà con na situazion patrimonièla segura, zenza debites co la banches, ma che spieia aboncont la zompa situazion economica generèla. Defat ence i contribuc che rua da la Provinzia é semper de manco, da 18 milions de euro se é passé chest an a 15 milions. Dò aer aproà duc a una l bilanz l’é stat metù a votazion ence l mudament de la quotes sozièles de duta la categorìes che é states valivèdes a l’indesc Istat. A chest propojit l president Enzo Iori à volù ge sporjer n fort

Tel chino de Cianacei l’é stat endrezà con bon éjit la 7^ rassegna de la Bandes de joegn de Fascia e Fiem

Duc i museganc à serà sù la rassegna sonan ensema doi toc algegres.

L desch di conseieres a la radunanza de l’Apt col diretor Andrea Weiss.

develpai a duc i sozi che à volù ge renovèr sia creta a la sozietà.

Nef consei de aministrazion L Consei de aministrazion che jìa fora à proponet che vegne lità 25 conseieres tel nef orghen aministratif per raprejentèr duta la categorìes e i paìjes de la val. La radunanza à confermà duc 18 i conseieres che aea fenì so mandat, anter chisc ence l president Enzo Iori che dantfora à rengrazià duc i conseieres e i sozi che à spartì con el l lurier di 3 egn passé. L’é stat lità ence i 7 neves conseieres proponec dal CdA: per la sociazions de categorìa Davide Moser, Celestino Lasagna e Fulvio Pitscheider (che con 203 stimes l’é stat l conseier più lità), per i alberghes Patrizio Prandi, per i impianc portamont Paolo Fosco e Giuseppe Zorzi e per la boteighes Stefan Valentini che à tout l post de Roberto Anesi che no se à più metù a la leta. N auter component che no se à più candidà l’é stat l vize president Stefano Weiss, dò 3 mandac, che endèna la radunanza l’à volù rengrazièr dut l consei e i dependenc per l bon

raport e la dedizion che i à per l’azienda. “Te chisc egn sion stac bogn de ge fèr entener a duta la categorìes l’emportanza de la contribuzion. Spere che chi che va inant laore con empegn per l ben de dut l turism e de noscia val.” Chisc dis che vegn l Consei se binarà per nominèr president e vize president. I sozi à lità ence l colege sindacal olache l’é ite Mario De Zordo, Maria Pia Bontempelli, Nicola Zanoner, Nazario Micheluzzi e Quirino Zulian.

Scomenzadives e ativitèdes de gran valuta

Anter la maor scomenzadives de chest istà l’é la manifestazion de nonzech “I Sons de la Dolomites” con 8 evenc te Fascia, che se verjarà sun Salei ai 29 de jugn col conzert de Nina Zilli e se serarà sù te Fuciada ai 30 de aost con n artist de ecezion, la tapa del “70° Tour de Pologne” che ruarà sun Pordoi ai 28 de messèl, che portarà segur n bon schiap de ziclisć e pascioné foresć e l ritiro de la Fiorentina per trei setemènes de messèl a Moena. Per ge dèr alberch a chesta squadra l Comun de Moena spenarà 500 mile Euro de recalificazion del ciamp de balon. Autra proponetes metudes sun desch da l’Apt l’é ence la Val de Fascia Card, l Sport Check Point e la neva che co l’an che vegn l Skibus sarà a paament. Anter i sozi l’é vegnù fora l besegn de maor sostegn a l’Apt, n apel ai hotelieres de maor coordenament per la comunicazion de la desvaliva ativitèdes, la domana de slongèr la sajons con projec adaté e na riflescion su la steora sul turism. La procuradora Cristina Donei, dò aer uzà fora la bona colaborazion anter Comun general e Apt, l’à sotrissà l valor de la rejonèda ladina da durèr ence te chesta ocajion. La campagna promozionèla da d’invern de l’Apt de Fascia. Monica Cigolla

Cianacei - L chino Marmolèda de Cianacei se à empienì de sonadores pìcoi e gregn en sàbeda ai 11 de mé domesdì per la 7^ rassegna de la Bandes di Joegn de Fascia e Fiem. Na rassegna che chest an é stata endrezèda da la scola de musega “Il Pentagramma” en colaborazion co la Musega Auta Fascia e col sostegn de la Cassa Rurala Val de Fascia e Agordin e de la Cassa Rurala de Fiem. N moment resservà ai joegn museganc de la doi valèdes per ge moscèr a genitores e amisc i vèresc fac via per chest an de scola, ma ence e soraldut per ic enstesc, per se troèr con etres joegn che spartesc la pascion de la musega, per se scutèr, se confrontèr e miorèr. “Te noscia families aon talenc musicai che ge vel meter a frut – à dit l president del Pentagramma Stefano Lazzer, che à ence prejentà la rassegna – e per chest, apede a la scola, l’é dassen emportant l ruol di genitores ajache i prumes egn i é n muie senestres e ge vel donca che i ge stae apede ai fies e che no i abie tema de se oujer ai ensegnanc se l’é vèlch che no va.” L salut a inom de duc i ombolc de Fascia é stat portà dal capocomun de Ciampedel Renzo Valentini che à uzà fora l besegn de colab oraz ion anter i aministradores, i genitores e i ensegnanc per fèr crescer chisc joegn musizisć: “Siede proprio l’aisciuda – l’à dit Valentini develpai per la emozions che ne dajede con voscia musega.”

Ence l president de la Musega Auta Fascia Enzo Rovere e l raprejentant de la doi valèdes te la Federazion de la Bandes Donato Calligari à volù uzèr fora la bona colaborazions anter la Bandes e la scola de musega per enjignèr i bandisć del davegnir. I prumes a jir sun paladina l’é stat i pìcoi museganc de Fascia sot la bacheta del maester Paolo Rasom, sobito dò se à podù scutèr l grop di pìcoi museganc de Fiem vidé dal maester Alberto Zeni e dapò se à prejentà i museganc più gregn, chi che fèsc jà pèrt de la Museghes de Tieser, Ciavaleis e Molina sot la reta del maester Fabrizio Zanon e tinùltima i arlieves de la Museghes de Auta Fascia, Poza, Vich e Moena vidé dai maestres Stefano Lazzer e Paolo Rasom. Duc à prejentà desvalives toc, da la marces ai medley e museghes più modernes de gregn compositores, adatèdes se sà ben a bandes de joegn. Inant de serèr sù la rassegna duc i museganc se à strucà amò sun paladina per portèr dant doi toc duc ensema: “Yorktown March” vidé dal maester Fabrizio Zanon e “The Champions” col maester Paolo Rasom. Dapò uzan te l’aria si strumenc i à saludà l publich che à fat de gregn batimans. L’é stat segur na bela rassegna che à metù al luster l fon lurier di maestres e la bona capazità musicala de chisc joegn che con empegn e pascion se dèsc jù a sonèr e fèr perpeèr l gust de la musega. (mci)

I picoi e i joegn museganc de Fascia vidé dai maestres Paolo Rasom e Stefano Lazzer. www.lauscdiladins.com

23


Aisciuda Ladina dina n

nr. 19 / 17 de mei 2013

“Che la partegnuda del spirit ladin sie aisciuda ogne dì”

L’Aisciuda ladina de chest an l’é stat l’ocajion per fèr n bilanz de la manifestazion nasciuda per slarièr fora l ladin te duc i setores de la sozietà Museo Ladin 1 - De fora la pievia l’é stat la protagonista, ma l’Aisciuda ladina l’é na costion de spirit e de cher e chest an, se cogn l dir, l’é stat dassen na gran partezipazion ai apuntamenc. A tachèr via, en vender ai 10, se é jic te Museo ladin de Fascia a Sèn Jan olache a rejonèr e a dèr l benvegnù l’é stat la procuradora Cristina Donei, l president de l’Istitut cultural e Museo e de l’Union di Ladins, Antone Polam, la responsabola de l’ofize linguistich del Comun general Sabrina Rasom, l diretor Fabio Chiocchetti, l responsabol del liceo artistich Claus Soraperra e la sorastanta de la Scola de Fascia Mirella Florian. Da ic l’é stat sotrissà la valuta de l’Aisciuda ladina, na scomenzadiva nasciuda per tegnir vives l’identità e l lengaz ladins te ogne setor de noscia comunanza, vardan ai tempes de anchecondì e no demò

La procuradora Cristina Donei col president Antone Polam.

al passà. N event che chest an à tout cà i prodoc del post, ma che, ruà a sia 5^ edizion, l’à volù ence fèr mìngol de bilanz e tirèr sù valgugn di fruc semené te chisc egn de gra a la colaborazion de desvalives sogec sul teritorie, da la Scola ai hotelieres, dai boteghieres ai artejegn, da la sociazions sportives enscin a ruèr

La responsabola Sabrina Rasom e l diretor Fabio Chiocchetti.

chest an ai produtores locai. A tor pèrt anter i etres l president del Consei general Cesare Bernard, i ombolc Mariano Cloch, Renzo Valentini, Franco Lorenz e Roberto Pellegrini, e l salut é stat portà ence a inom de Tullio Dellagiacoma e del conseier provinzièl Luigi Chiocchetti. Con piajer l president

Antone Polam à sotrissà ence la prejenza del president de l’Istitut ladin “Cèsa de Jan”, Luca Agostini, tel segn de la bona colaborazion anter i doi istituc culturai. Con la Scola l’é stat endrezà desvaliva scomenzadives, chest an en particolèr cheles te la scolines de Fascia (cfr. plata 26) e adum con i

hotelieres de “Ladinhotel” l’é stat enjignà la neva scancìa dai libres ladina. L’Union di Ladins de Fascia à portà inant coi boteghieres e i comerzianc “l’identità te vedrina” e l Comun general e l’Istitut Ladin se à cruzià de doi enrescides linguistiches tel ciamp de la produzions dal lat e da la cèrn. De chisc momenc de l’Aisciuda ladina 2013 dajon testimonianza te chesta piates o sun cheles di numeres che vegn, per fèr a na vida che vegne valorisà l frut de n lurier de colaborazion anter desvaliva istituzions te Fascia che an dò an les semena acioche posse crescer de bogn fruc ladins. La Procuradora del Comun general de Fascia à dit delvers enstadì: “l’esser ladign cogn esser te la part più fona de noi enstesc e de nösc cöres. Fajé a na vida che la partegnuda del spirit ladin sie aisciuda ogne dì”. (vr)

Premié i sostegnidores del Museo de Fascia

Te Museo ladin en vender ai 10 l’é stat premià i più fidei “amisc” del Museo che da semper à sostegnù l’istituzion e la cultura ladina

Museo Ladin 2 - “Veder chesta sala piena de jent me empienesc l cher” à dit l diretor de l’Istitut Cultural Ladin e del Museo de Fascia Fabio Chiocchetti, tedant a na sala Heilmann tant piena che per valgugn no l’é nience stat post da se sentèr jù. Anter duta chela jent che se à binà aló per l’Aisciuda ladina 2013, n muie l’era i “Amisc del Museo”, che l president Antone Polam e l diretor Fabio Chiocchetti à chiamà ite te l’ocajion per ge sporjer n bel recognosciment e recordèr duc chi che tel passà e amò anchecondì à didà a fèr nascer e svilupèr l’Istitut e l Museo ladin. Polam à recordà dant da dut Remo Locatin e Danilo Dezulian, che con l’Union di Ladins de Fascia à portà inant per prumes l’idea de fèr na Cèsa de la cultura ladina. Dapò l’é stat nominà n muie

de persones che te duc chisc egn é stac informatores con preziousc recorc e saeres e donatores de ogec e de documenc. L’é stat nominà chi che no é più, e ai etres enveze, compagné da vèlch parola gustegola e de gregn batimans, ge é stat consegnà la tessera de sostegnidor benemerit, ensema con la neva guida a la sezions del museo sul teritorie “L Molin e la Sia”. N recognosciment spezièl de “conservator onorarie” é jit al professor Cesare Poppi, l’antropologh che ensema col diretor à metù jù i fondamenc del Museo ladin, e la tessera de conseieres de la sezion Gran Vera é jita a Michele Simonetti Federspiel e Mauro Caimi. Chisc pesć é stac consegné aldò del projet “Amisc del Museo”, che l’é nasciù te una de la passèdes

edizions de l’Aisciuda ladina canche i joegn hotelieres de Fascia aea envià via l projet Ladinhotel col zil de slarièr fora na promozion culturèla te l’ambit turistich. Enstadì donca

l’é stat l’ocajion giusta per recognoscer la valuta del contribut de chi che se à dat jù per tegnir sù l ladin e sia cultura e tradizions, didan l’Istitut cultural “Majon di

fascegn” e l Museo a crescer e doventèr n scrign avert de memories, che à dò e dò debesegn del contat, de la spenta e del didament de duta la comunanza. (vr)

I “Amisc del Museo” Chisc i sostegnidores benemeric recordé per prezious contribut de ogec, documenc o informazions sportes al Museo Ladin de Fascia: Recordé “in memoriam”: Damiano Magugliani, Elisabetta Salvador (Lis dal Vera); Ermanno Pescol Badia; Ermanno Zanoner Gabana; Flavio Faganello; Giovanni Bernard de Cechinol; Giuseppe

Longo; Guido Iori; Luigi e Marcella Heilmann; Maria Felicetti Tomajèla; Marino Micheluzzi; Oto Weiss; Raffaele Rasom de Onz; Simone Soraperra; Teresina Micheluzzi; Tita Pederiva; Valentino e Romana Rovisi. Tessera de onor: Bruno Fanton; Carlo Weiss; Claudia Conta Dorigotti; Ermanno Winterle; Ester e Lino Soraperra; Franco Dezulian del Garber; Maria Grazia

Dovolavilla; Italo Ghetta; Mario Dellantonio de la Ninotes; Mario Gretter; Mario Rasom; p. Frumenzio Ghetta; Paul Riz; Paolo Verra Pilon; Rita e Carlo Rossi del Baila; Tullio Bernard e Virgilio Soraperra de la Zoch. Tessera de òr de conservator onorarie: Cesare Poppi. Conseieres de la sezion “Gran Vera”: Michele Simonetti Federspiel e Mauro Caimi.

N muie de “amisc del museo”, de Fascia ma ence da fora, é stac premié per l prezious contribut dat te chisc egn per fèr crescer e mantegnir viva chesta istituzion.

24

www.lauscdiladins.com


Aisciuda Ladina Ais Aisc

nr. 19 / 17 de mei 2013

La pievia de l’Aisciuda à batejà Mèlga e Museo

L moment “clou” de chesta edizion, con l’inaudazion de la neva senta de produzion e comerzialisazion de nesc bachegn, é stat mìngol roinà dal catif temp, ma la partezipazion é stata dut un grana

Col tai de la veta l president di bachegn Paolo Brunel e l president de l’Istitut ladin Antone Polam i à avert i ujes de la Mèlga e de la sezion del Museo via Pera.

Mèlga/1 - L freit e la pievia che en sabeda da doman ispirèa dut auter che aisciuda no à sprigolà la jent, che se à binà en gran numer a Pera per tor pèrt al secondo apuntament de l’Aisciuda Ladina 2013: l’inaudazion de la neva senta de la Mèlga de Fascia e de la sezion “L Malghier” del Museo Ladin, che à troà lèrga apontin te la medema strutura moscian l percors e i mudamenc de la ativitèdes produtives da n’outa a anchecondì, e segnan n leam emportant e percacent anter economìa e cultura. La giornèda é peèda via con la messa ofizièda da Don Giuseppe Da Prà, che l’à benedì la neva strutura. Dò messa l’é stat i intervenc del president Paolo Brunel e de l’autoritèdes, che à palesà soraldut l rengraziament per duc i bachegn che à didà a fèr nascer e crescer ti egn la coprativa, che proprio chest

an l’à arjont 50 egn de vita, e per chi che ades, con l’aiut de la istituzions, à portà a compiment la gran endesfida de la neva senta de la Mèlga. N investiment de presciapech 6 milions de euro, chel tout dant dai 38 sozi per orir chesta strutura, olache vegn lurà 28 mile quintai de lat a l’an per fèr l “Cher de Fascia” e etres formaes, e olache troa lurier 7 dependenc.

L salut e i complimenc per l zil arjont é rué da man de la Procuradora Cristina Donei, del conseier provinzièl Luigi Chiocchetti e de l’assessor provinzièl Mauro Gilmozzi, de Luca Rigotti de la Federazion Trentina de la Cooperazion, de l’assessora del Comun de Poza Renata Mattevi e del president de l’Istitut Ladin Antone Polam, che i à sotlineà la

gran emportanza del lurier di bachegn per l’economìa, l teritorie e l’ambient. L tai de la veta à orì i ujes: tant chi de la Mèlga, olache na gran boteiga fornida sporc no demò prodoc del lat, ma ence n rich assortiment de prodoc locai, che chi de la sezion del Museo, olache se pel veder i èrc da n’outa e meter a confront, travers i filmac, veies e neves sistemes produtives.

Ensema con vèlch bocon golous, e con la marena sot i tendons per chi che à volù se fermèr, na bela viva l’é stat la vida miora per festejèr l “poker” de la giornèda: 50 egn da canche i bachegn de Fascia à metù sù la coprativa, senta neva per la mèlga, sezion neva per l museo e... Aisciuda Ladina 2013, che la se à serà sù domesdì con soreie e ciel brun. (lg)

La bela boteiga neva e l’esposizion de “L Malghier” con i colaboradores che à endrezà e portà inant l lurier.

Valorisèr la calità di prodoc dal post L lengaz local l’é fondamentèl te la valorisazion de n prodot, apede la calità sporta e na bona comerzialisazion. L’é i conzec uzé fora te la meisa torona de l’Aisciuda Ladina Mèlga/2 - En sabeda domesdì te la Mèlga de Fascia desvalives ghesć del post e da foravìa se à enterzà, con la moderazion de Lucia Gross, per rejonèr de “Valor e valorisazion di prodoc dal post. Preferir la calità e stravardèr l’economìa del teritorie”. Te Fascia i prodoc de la tera e l bestiam é stac fin dai tempes veiores l fondament de l’economìa, ma chesta ativitèdes sa mont domana gran fadìa e per chest, canche l’é ruà l turism, l lurier da bacan l’é stat man a man arbandonà. Ampò ades se à tacà a entener che l’é debesegn de jir deretorn e l lurier da bacan à scomenzà endò a crescer ence te anter i joegn. Chesta consaputa à soscedà la gran endesfida che i bachegn de Fascia à dezidù de se tor sù adum realisan la neva Mèlga, en ocajion di 50 egn da canche l’era stat metù sù la coprativa, del 1963. De chest à rejonà l president de la Mèlga Paolo Brunel, che à volù ence ge sporjer n gran detelpai a chi che à didà a portèr a compiment chest projet.

é leada a chel che magna le bestie e chiò le magna roba bona e sana, fegn, erba e pecia farinela; l resultat l’é n prodot sćiantif e san – l’à dit - i prodoc luré te la mèlga é de calità ezelenta e n muie controlé. L’anel débol l’é la comerzialisazion e ge volessa che nesc hotelieres e noscia jent se emprevèle de più de nesc prodoc.” Presciapech 1/3 de la produzion de la Mèlga vegn venù te Fascia, ma i 2/3 cogn troèr marcià foradecà. De chest à rejonà Andrea Merz, del Concast (Consorzie Mèlghes Trentines) che l’à dit che l Consorzie vèrda de valorisèr la pìcola firmes che sporc prodoc de ezelenza, respet a cheles de pianura che de gra ai gregn numeres de sia produzion pel sporjer cosć mendres, e che ge vel stravardèr la bontà del prodot ence aldelà del conzet de km zero. Luca Giongo, diretor de la Coprativa de Fascia, à rejonà enveze de l’atenzion metuda da egn dal Fassa Coop tel proponet prodoc locai, e de coche chisc troe n bon aprijiament da pèrt di clienc.

comerzialisazion di prodoc locai - à dit Giongo - formaes, eves, miel, aane ence n distributor de n lat de na firma dal post, che aon cognù tor demez per via de na burocrazìa massa rigorousa. Duc à uzà fora l’emportanza strategica de leèr l prodot al teritorie, per na bona comerzialisazion, se emprevalan del lengaz e di sìmboi locai, descheche vegn fat per l formai Cher de Fascia. L joen produtor biologich e biodinamich Sebastian Ghetta à contà de sia esperienza de produzion de pìcoi fruc e de sia comerzialisazion soraldut ti pìcoi marcé, ma ence te vèlch restorant e travers i gropes de compra solidala. Ence Ghetta à sotlineà l’emportanza de la calità di prodoc, “la jent se speta che i sie dalbon prodoc chiò e no ge vel gabolar, percheche la se n ascorc. Cognon jir inant semper de più dò chesta strada - l’à dit - e no jir deretorn.”

La calità dant dal dut

L’emportanza del lengaz te la comerzialisazion

Dò calità e comerzialisazion, l’é stat rejonà ence de promozion, con l’esperienza portèda inant da Rosa Carpano de l’Active Hotel Olympic

Ferruccio Chenetti à rejonà de la calità di prodoc: “la calità del lat

Sion da semper sensìboi a la

de Vich. Carpano à contà de n event endrezà a Milan da sie hotel se emprevalan de la neva tecnologìes. Aló, estra che cercèr i prodoc de noscia tera, l’é stat trop aprijià l’atmosfera sćiantiva che i promotores é stac bogn de perferir: peisse che chi che à tout pèrt i arà segur voa de troar da nef chele emozion e i vardarà de vegnir te Fascia - l’à dit. Dora Tavernaro, de la Strèda di Formaes de la Dolomites, l’à abù paroles de aprijiament per chesta scomenzadiva e l’à dit che “l’é fondamentèl meter a jir sinergìes

anter i desvalives atores sul teritorie per arjonjer l resultat mior.” Dapodò l’é stat sport na cercia del formai “Dolomiti”, col compagnament de Giampaolo Gaiarin de la Fondazion Mach de Sèn Micel, che l’à ence metù al luster che te la Mèlga se produsc a lat cruf, mantegnan coscì tel prodot finèl dut l bon de l’atività di bachegn, e che laìte vegn lurà ence i fermenc del lat locai che rua ca da noscia stales, doi carateristiches che deida a stravardèr la biodesvalivanza e che fèsc de la Mèlga de Fascia na firma de gran valuta. (cri.m)

Ence la promozion à sie peis Sebastian Ghetta, Andrea Merz, Ferruccio Chenetti, Lucia Gross, Paolo Brunel, Luca Giongo, Dora Tavernaro e Rosa Carpano à viventà la meisa torona. www.lauscdiladins.com

25


Aisciuda Ladina dina n

nr. 19 / 17 de mei 2013

I bec de la scolines, fiores de l’Aisciuda Ladina

Te duta la scolines l’é stat portà dant ativitèdes en onor de l’identità e del lengaz ladin e i pìcoi à cognosciù Bertol e sie autor

Scolines - La scolines de Fascia ge à orì i ujes a l’aisciuda e i pìcoi é doventé de bie fiores algegres dai colores gaerc del brun, bianch e vert de l’Aisciuda Ladina. Via per duta la setemèna passèda, dai 6 ai 10 de mé, te la scolines de la val l’é stat portà dant ativitèdes en onor de l’identità e del lengaz ladin e la maestres à menà per man i pìcoi a cognoscer Bertol, l simbol feruscol e deletegol de chesta scomenzadiva. Ma no demò: i à magnà magnadiva tradizionèla ladina, desche amelec, ris da lat, zapolà, ciajoncìe da megol o da fighes; l’é stat rejonà ladin e emparà cianties e contìes neves per ladin, che i ge à fat sentir a sia families e ai raprejentanc de la istituzions che é jic a i troèr

chisc dis passé per ge portèr n bel don: n pontapiet con su Bertol e la scrita “rejone ladin”. A Cianacei i bec se à metù en toron e i à portà dant de bie jeghes e cianties ladines e i à balà compagné co l’orghen da mantech da la maestra Alla. Dapò la Sorastanta Mirella Florian, la referenta per la scolines Tatiana Soraperra e l’assessor de Comun Enzo Iori ge à tacà sù a ogneun l pontapiet ladin. I bec de la scolina de Ciampedel enveze à abù l met de emparèr a fèr formai e smauz co l’amich da Penìa Nicola Eccel, che se à ciarià su la schena na bona gran zuma de lat e se à prejentà te scolina a ge moscèr ai pìcoi coche vegn fat chisc prodoc... e che gola che l ge

à fat vegnir, duc aessa volù se n magnèr n tochet! Ence chisc bec à ciapà l pontapiet sport da l’ombolt de procura per la cultura del Comun general Renzo Valentini e dal president de l’Ent gestor de la scolina Flaviano Riz. A Nicola i ge à emprometù che i ge retarà prest la vijita per jir a veder sia vaces! Ai pìcoi de la scolina de Pera enveze la maestres ge à enjignà na bela sorpresa: les ge à spilenà na belota comedia vindò n pìcol teater con protagonist Bertol che vel jir a coer cialveises per se fèr na bona peta da bachec e tel bosch l scontra n muie de besties. Dapò i à ciantà e balà e la Procuradora Cristina Donei ensema a la Sorastanta Mirella Florian e

Tatiana Soraperra ge à dat fora a duc l pontapiet. I bec de la scolines de Sèn Jan, Soraga e Moena à abù la vijita adertura de l’autor de Bertol, Manuel Riz, che da sie lapisc feruscol à fat nascer chest grignolent personaje da la capa spiza, l nès lonch co la gocia checena, i ciuzé lonc e spic, l colarin e sia batudes ladines, che en chela dì l’aea na gran gola de formai che puza... I picoi de la scolina de Sèn Jan à ciapà l pontapiet da Sabrina Rasom del Comun general e dal vize ombolt de Vich Giorgio Mazzel. A Soraga l’é stat fat festa grana, i pìcoi e sia maestres à volù festejèr i 5 egn de Bertol e coscita i ge à enjignà na boniscima torta con su

n rich Bertol de pasta de zucher fat da na mère. I ge à dit sù na gustegola rima e i ge à fat n fort batiman, inant de se fèr meter sù l pontapiet da Sabrina Rasom e Tatiana Soraperra. Ence i bec de la scolina de Moena à cognosciù Bertol e sie autor e duta sia carateristiches ladines. I à sapù inout che i colores brun, bianch e vert l’é chi de la bandiera ladina e i à domanà che n auter an rue Bertol en persona a i troèr. Ence chiò Sabrina, la Procuradora e l president de l’Ent gestor Giacomo Vadagnini li à saludé ge fajan don del pontapiet. Sun chesta piata se pel veder de bie retrac fac te la scolines de Fascia olache l’é cresciù de bie fiores ladins! (mci)

Te duta la scolines de Fascia i bec à podù cognoscer Bertol e se mateèr con ativitèdes desvalives, ciantan, balan, dessegnan; i à rejonà per ladin e magnà magnadiva tradizionèla.

26

www.lauscdiladins.com


Fascia

nr. 19 / 17 de mei 2013

Stefen de Manele ge lascia la presidenza a Ingrid de Berghin Dò 23 egn Stefen Bernard de Manele, per duc “Napoli”, à lascià l’encèria de president del Grop de Folclor de Cianacei. A sie post l’é stat lità Ingrid Iori de Berghin, la pruma femena a cef del Grop, nasciù ofizialmenter del 1950 Encèries e tradizions - L temp l passa e la robes muda. E coscita l’é stat enstadì tel Grop Folk de Cianacei canche l president Stefen Bernard de Manele à dezidù de no se candidèr più. “Dò 23 egn me saea giust lascèr”, à dit Stefen, e a sie post l’é stat lità Ingrid Iori de Berghin, del 1981 e pruma femena a cef del grop. Ensema a ela tel diretif l’é ite Paul Verra de Pilon, vizepresident, Giordano Costa, Fiorella Dalmasso, Tiziano Davarda, Gladia Debertol de Giancarlo e Fiorenzo Iori de Berghin. Dò 23 egn vegn utà na piata del liber de la storia del Grop. L “president Stefen” l’é stat n pont de referiment. Na persona con n gran carisma, de cher datol, che à sapù fèr cordèr desvalives ceves al daìte del Grop. N ladin sćiantif, stolz de se trèr ite l guant e jir a balèr. Per l Folk l’à coret e l se à dat jù de ogne vers e anter n bal e l’auter l’é stat de bela grignèdes e de bie momenc ensema. Stefen con sie Grop l’é stat prejent a ogne festa te val e ence foradecà per slarièr fora noscia cultura. Segur Ingrid à abù e à amò n bon maester. Ge auguron dut l ben a Stefen, a Ingrid e a dut l Grop che i egn che vegn i sie bie tanche chi passé. Co éla Stefen che t’ès dezidù de no te candidèr più a president? Stefen: “Son stat president per 23 egn a la lengia e é vedù che mia idees e mie modo de jir inant col grop no l’era più giust percheche i joegn taca a aer autra vedudes e idees e a ic ge vel ge lascèr l met e l post per poder jir inant. No sion veies, ma i joegn i à vedudes desferentes sun certa robes e l’é giust che sie n mudament, desche enlouta aea fat Guido con me. Me endespièsc, ma l fae ence per l grop, che l posse jir inant con autra vedudes che magari gé, te chest moment, no é più.” Podesseste fèr n bilanz de duc chisc egn? “L bilanz l’é zenz’auter positif da canche aon ciapà l grop dal ’89, canche l’era Guido de Berghin president. L’aon ciapà e l’aon portà inant e ades sion de 40. Aon metù ensema l grop de la Schuhplattlerinnen, sion jic stroz per l mond e te l’Europa, en America, tel Brasil, a Parigi, Praga, Bratislava. Aon fat la festa di 50 egn, di 60 egn e soraldut aon dat na man per fèr crescer la comunanza de Cianacei, con la Festa di tobié e la festes de la jent de età e de la familia. Canche valgugn chiama jon semper bolintiera. L’é n grop vif te la comunità e chel zenz’auter posse dir che l’é stat na bela roba.” Èste mudà tie spirit dai prumes egn? “L spirit l’é semper chel bel spirit gaert, no l’é che se abie n spirit desvalif. Vegn semper ence l’empegn de la familia e del lurier. Canche t’es a cef de n grop te lasces semper da na pèrt la familia, perché

gropes e autra cultures.” Co veideste l davegnir del Grop? “L davegnir del Grop zenz’auter l’é metù ben con Ingrid, che l’é na joena nasciuda col Folclor, percheche se no saede chi che l’é Ingrid, l’é la fia de Gigio e Antonia, che canche i aea temp i ge trajea ite n pìcol camejot e da canche l’aea 5 egn la é semper vegnuda. Peisse che la pascion de Ingrid se no la é tanche la mia, la sie amò maora. Vindedò la spales l’à n bon diretif e se l’à debesegn de zeche bèsta che la vegne. Gé no é serà l’usc. Son amò tel Folk e jiré semper a balèr. La roba più senestra aldidanché l’é demò una: se duc i componenc se tolessa fora mìngol de più temp per l Folclor fossa n muie più sorì tegnir ensema l Grop.” Che n peisseste che sie na presidenta femena? “La femenes comana l mondo, i disc. Donca no peisse che sie n problem. Ingrid la é pa ben bona de fèr. Canche l’é ora de se dèr jù, la fèsc e canche l’é ora de dir zeche, la l disc. Na femena la é ence miec ti ciampes che i omegn no veit.” Stefen Bernard de Manele l’é stat 23 egn president del Grop de Folclor de Cianacei.

ogne domenia l’é da jir col grop e l’é stat da corer, troèr semper neves camaric e camarites, ge ensegnèr i bai, jir a chierir scric, foto e testimonianzes fora per la cèses per endrezèr festes desche chela di 50 egn. Ades fosc l’é ruà l moment de dir ence che vèlch domenia posse stèr con mia fies e mia femena...” Coluns él tie recorc più bie? “Te duc chisc egn che aon fat col Folclor n’aon passà de ogne color e ge volessa no demò una “Usc di Ladins”, ma ge n volessa vint a scriver dut! L cedean di 50 egn l’é stat n bel recort, canche sion jic en America e en Brasil e sion jic a Praga, l’é stat momenc bie, peisse tant per chi che à tout pèrt a chisc viajes, che per l Grop che à portà la cultura ladina te dut l mond e ence per nos veder etres

Che velel dir fèr pèrt del grop per n joen anchecondì? “Fèr pèrt del Folk l’é semper na roba bela per chi che à pascion de balèr, de se tirèr ite l guant e per chi che à pascion per la cultura ladina. Nos sion ta la veia scoles de Penìa ogne mercol. Chi che aessa piajer de vegnir a vardèr o a curiosèr i vegne. Se i sà mìngol balèr l’é miec, ma senó ge ensegnon.” Él zachei che te volesses rengrazièr? “Dant de dut l Comun, la Frazions, la Sitc e la Cassa Rurèla, che ne à dat na man dal pont de veduda finanzièr, e dapò personalmenter volesse rengrazièr duc chi componenc che tel Grop i é stac semper con me e i é semper vegnui a dèr na man, ence se ge é dat vèlch cridèda. Volesse ge dir n gran develpai a Guido de Berghin. Chi egn canche l’era el l’era segur più senester tegnir ensema n grop, ence per i scioldi, e el l’é stat bon

de tegnir ensema e de fèr la fujion di doi gropes “Dèlba e Penìa” e “Grìes e Cianacei” e l’à fat na gran roba. Volesse rengrazièr ence Genio del Pech, Genia de Parèda, Gusto de la Piva, Rosanna e duc chi che é ite da passa 60 egn. Sia bela parbuda col guant i la fèsc semper e l’é bel aer tel grop jent coscita che dèsc semper na man.”

Ingrid Iori Este contenta de chesta encèria? Ingrid: “Ei, ma no me la spetèe. En chela sera ere jita ite per litèr, no per esser litèda. No me aee nience pissà, dapò i me à proponet e i me à ence lità. Però me sente n doer de proèr de portèr inant l grop. Gé ge tegne al Grop. L Folk l’é na pèrt de me. Se jissa perduda chest pèrt de noscia cultura me sentisse responsabola. I me à dat la fiduzia e me sente de proèr e dèr. Aré debesegn del diretif perché laore 7 ores e mesa al dì e é doi fies, ma me empegnaré per raprejentèr l Folk te la mior vida possibola e ge jiré dò a la pedies de Napoli, con gaissa e spirit positif.”   Te sente ste na g ran responsabilità? “Scì, percheche ades son a cef de n grop che à reisc fones e che é portador de noscia identità ladina e de la pascion per noscia tera. Ogne outa che me tire ite l camejot me sente più fascèna e l’é n toch che ne à passà noscia jent. Son nasciuda tel Folk. Mie père e mia mère i se à cognosciù tel Folk, i se à maridà e a mia sor e a mi i ne à semper tout dò. Se aon fat zeche dormides te chela corieres col camejot che no saane co se meter. Jane ogne domenia e ence dò l grop da canche aee 17 egn l me à didà a valorisèr chest mie sentiment e l fèr doventèr semper maor. L’é proprio na roba che sente ite.”   Che obietives te meteste dant? “L’obietif l’é tegnir adum, tirèr ite jent che abie la pascion per l bal e gust de portèr inant noscia tradizion. Che no i abie poura che ence se i à demò voa de vegnir a

Ingrid Iori l’é la neva presidenta.

veder, che i vegne. Dapò chel che me piajessa l’é endrezèr radunanzes internazionèles de gropes de folclor. Chest ne dajessa l met de cognoscer autra cultures e de crescer desche Grop che l ciapassa maor gaissa. Nos sion te nosc pìcol, con noscia museghes, con nesc colores e nesc bai mìngol desche na vedrina de noscia val e con nosc Grop podassane fèr cognoscer noscia val dutintorn. Ades ge vel osservèr de più ence ai conc e al scomenz sarà segur più senester, ma dò, con i leames con i etres gropes podessa ence nascer fradaes. Per fèr chest ge volessa ence mìngol de joegn con gaissa. Ades n muie de joegn i va fora a studièr. N’outa se studièa fin al diplom e se era chiò e l’era l Folk, ades l’é più joegn che fèsc l’università e i à de etres enteresc. Ma speron che i vegne endò e gé segur proaré a i tor ite. L’é debesegn e l’é segur più bel se se é de più.” Valentina Redolfi

I componenc del Folk a la festa del Rengraziament del 2011 e te Piaz de Cianacei endèna n bal. www.lauscdiladins.com

27


Fascia

nr. 19 / 17 de mei 2013

A Ciampedel la sègra di SS. Felip e Giacum Augures don Arnaldo! La comunanzes de Ciampedel, Ciampestrin, Fontanac e Pian se à binà per ge fèr festa grana ai Sènc che vèrda via l paìsc Ciampedel - En domenia ai 5 de mé la comunanzes de Ciampedel, Ciampestrin, Fontanac e Pian, (per no lascèr fora nesciugn) à onorà co na bela sègra i Sènc Felip e Giacum che vèrda via l paìsc. Duta la jent, ensema al cor de gejia, i Schuhplattler, la Musega Auta Fascia, la “Marchetenderes” i studafech coi arleves de Ciampedel e Mazin, l capocomun Renzo Valentini, l vize capocomun de Mazin Vittorio Depaoli e i assessores, i se à binà te piaz a spetèr l preve don Luigi Trottner, che l’é ruà con bel sgol de servidores, i doi confalons, chel gran di doi Sènc e chel picol de la Madona portà da n bel grop de fascènes. Sun piaz l’é stat la benediscion e dapò se à fat na bela procescion benedida ence da n bel soreie e dal son de la ciampènes che à sonà da festa grana. Te la perdicia l curat don Luigi l’à recordà i doi Sènc che é sora Ciampedel, Sen Felip che l’era l’apostol avert al mondo, l rejonèa co la jent de etres popui che amò no cognoscea Gejù, l podessa esser desche nesc jogn students che i se

n va da noscia val a studièr fora per dut l mondo e i é averc a duta la neves. Sèn Giacum “l Mender” l dijea enlouta paroles che somea scrites per nesc tempes, “ciacolà pech ajache cognarede responer dedant al Signoredio de duta la paroles che aede dit de sora più, e dapò ai riches l ge dijea “stajé ascorc che vesc aeres e vesc ores vegnarà magné dal rujum, sarà na proa contra voetres e l fech ve magnarà”. Semper don Luigi l’à recordà la paroles de Papa Francesch, che l’à dit che duc nos cognon aer gran ardiment, no podon più esser cristiegn tebesc, cognon jir dò la pedies di sènc, ge dir a duc che Gejù l’é ressuscità, l’é mort percheche assane l perdon e per ne pazifichèr col Signoredio. Cognon aer l’ardiment de contratèr col Signoredio ajache El à dit che, “chel che vegn domanà te mie inom l vegnarà fat”, donca preèr percheche l Creator ne stae vejin e ensema a Gejù podaron fèr vèlch da gran. Endèna la Messa l’é stat ciantà n muie bel dal cor de gejia e se à preà ence per ladin per duta la

comunanza, per i veies, i malé, l Papa, i preves, i aministradores e soraldut per i jogn, che i posse amò sentir l chiam a doventèr servidores del Signoredio. Sobito dò la comunion l’é stat portà dedant utèr da Francesco Mazzel, ensema col president Enzo Rovere e l maester Paolo Rasom, la seconda bandiera de la Musega de la Val de Sora, na bela bandiera ladina coi colores più bie de noscia tera, brun del ciel, bianch de la neif e vert del bosch, dons maraveousc de nosc Creator. Co na bela orazion Don Luigi l l’à benedida percheche la porte, olache la ruarà, n picol toch de cher de noscia val. Dò Messa l’é stat na bela defilèda compagnèda da la bela sonèdes de la Musega Auta Fascia e duc se à tramudà te Ischia olache dant l’é stat l conzert, dò na zis bona marena aprijièda da n grumon de jent, domesdì gran legreza co la musega di agegres Pazedins, i bai di Schuhplattler e jeghes per picui e gregn. Develpai de cher a duc chi che à lurà per chesta bela sègra, develpai a duc chi che é vegnui a fèr festa e a n’autra più bela. (av)

I Studafech à portà en procescion i Sènc Filip e Giacum. Apede: n bel soreie à benedì la procescion.

N preve che é restà tel cher de la jent de Soraga

Don Tarcisio Pederiva de Fronz, don Giovanni Rossi de Gempele, don Arnaldo Rizzoli e don Giuliano Pellegrin de Luzio.

Per la jent mìngol più de età del paìsc de Soraga, n preve che é restà tel cher l’é don Arnaldo Rizzoli da Pardac. El l’é ruà te chesta comunità l dì de la sagra de Sèn Piere, ai 29 de jugn del 1957, e l’é restà enscin ai 29 de jugn del 1969. L se à fat sobit begn voler da duc, velges e joegn, ge saea bel star co la jent. L’endrezaa a jir col stroset o coi schi, co le touse da Sènt’Agnese e coi fenc da Sèn Bastian, l jìa te scola a far catechism e ge piajea jir a la ciacia. Ma se se l recorda ence percheche l’é stat el che se à cruzià de far lurgeres te gejia. Canche l’é ruà l se à ascort che la gejia era picola, l se à fat far i projec e l’é scomenzà i lurgeres. Segur no l’era tempes sorii chi aló, ma valch contribut de la Provinzia, zeche dal Comun de Soraga e soraldut co la bona man de la jent l’é stat bon de far dut. L’à cognù meter a post le malte velge che vegnìa jù, l’à cambià i benc, metù i confescionai neves, i doi utares da le man, l’orghen sun barconada nef, e doi neve ciampane, una regalada da el con scrit su l’or adertura na soa dedica. E amò, inant de lasciar chesta comunanza, co le ùltime 300 mile lire che l’aea l ge à

fat dar jù a la gejia ence de fora. Ma no l’é demò chi da Soraga che se recorda amò de don Arnaldo, ence el, canche se l scontra, l domana semper che che fasc un o l’auter, l se recorda de duc e bolintiera l conta de canche l’era te chest paìsc. Descheche disc el: “n toch de mi cher l’é restà e l resterà per semper a Soraga”. Dalajà che saon che l lec bolintiera le piate de chest giornal, con cheste dotrei righe volon ge sporjer a don Arnaldo i miores augures per so bel cedean, ajache chesta setemana l’à festejà la bela età de 85 egn. Lorenza Rossi del Baila

Don Arnaldo Rizzoli.

Chi él pa? Soluzion del retrat su La Usc nr 18 del 2013 Su l’ùltim numer de La Usc di Ladins aon publicà n retrat che ne é stat portà da Olinda Riz de Federico da Ciampedel, maridèda Bernard a Cianacei (femena de Mario Tabach) e che, descheche aane jà scrit, l’era stat fat presciapech ti prumes egn ’40 a Ciampedel en ocajion de

na Comunion. A responer, apede a Olinda, l’é stat ence Lina Riz vedova de Bepo Pezzei de Mongo da Poza e Eleonora Riz Janoto. Lino Medico enveze l’à uzà bandiera biencia. Sul retrat l’é: 1. Marianna Riz de Federico, jomelina de la 2. Rosina; 3. Anna Riz de Macoch da Pian; 4. Miriam Riz de Federico, vedova de

9

8

10

1

6

4

3

7 5

1

28

www.lauscdiladins.com

2

Lino Dantone Brach; 5. Giovanna Franchetti (fia del musizist); 6. Rosa Riz de Macoch, jomelina de la nr 3; 7. Olinda Riz de Federico; 8. Isidoro Ganz Canalin; 9. Tita Riz Macoch (ma per Eleonora l’é segur Simon) e 10. sie fra Ermanno Riz Macoch del 1929 e duc doi frèdes de la 3 e la 6.

2

3

4

5

6

Ge sporjon n bel develpai a duc chi che ne deida a meter ensema vèlch toch de noscia storia, e chest’outa ve meton dant n retrat fat en ocajion de la scontrèda di Alpins stata del 1974 a Udin. Ve preon de ne dèr voscia resposta te redazion, ence per telefon o fax al 0462.764545 o per

7

8

9

10

11

mail a la direzion: lausc@ ladinsdefascia.it. al più tèrt per en mèrtesc sera. Ve recordon che chi che ne dèsc la resposta giusta o troa fora amàncol la maor pèrt de la jent sul retrat i ciapa en don n liber o n CD de musega, sporc da l’Union di Ladins de Fascia.

12

13

14

15


nr. 19 / 17 de mei 2013

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

Gherdëina olimpica per duc Nstadì iel stat la prejentazion ufiziela dla 13ejima Olimpiada de sport amatoriel per duc te Gherdëina. Na gran festa dl sport per cin' dis alalongia Olimpiada de sport - I respunsabli à dit che l ie dut njenià, per la manifestazion dai 25 ai 29 de juni te Gherdëina. La Federazion nternaziunela de sport populer à cris ora nosta valeda per la Olimpiada de sport per duc (“Volkssportolympiade dl IVV Internationaler Volkssport Verband”), na manifestazion sportiva nia cumpetitiva y davierta a duc i pasciunei. L’urganisazion de chësta Olimpiada de sport per duc ti fova a Gherdëina bele unida data tl 2010, pra l cunvëni nternaziunel anuel dl’assoziazions cumëmbres dl IVV. Ntlëuta ova Gherdëina abù la sëuravënta sun l’autra candidatures per l 2013 de Norvegia, Austria y Cina.

IVV: Ades otmile manifestazions uni ann Atualmënter iel ntëur a 5.500 assoziazions cumëmbres dl IVV, danter chëstes vëniel urganisà uni ann passa 7.500 manifestazions. L mumënt plu mpurtant ie i juesc olimpics che vën a se l dé uni doi ani te n auter paesc. Dai 25 ai 29 de juni saràla pona tan inant y dut se raiderà te Gherdëina ntëur ala ueia de se ancunté y de pratiché

manifestazion iel udù dant te Gherdëina n valgun mile partezipanc da oradecà, sambën ie tlo ënghe la jënt ativa de Gherdëina nvieda a fé pea. Ntan chisc cin’ dis de sport amatoriel uniràl te uni zënter dl luech metù su na gran televijion ulache duc puderà udëi, via per l di y da sëira, la registrazions che unirà fates ntan la manifestazion. Duc ie oradechël nviei a fé pea pra la sëires che vëija dant manifestazions de mujiga, cultura y tradizion ladina.

Nstadì iel stat la prejentazion ufiziela dl’Olimpiada dl sport te Gherdëina.

sport deberieda. Diletanc da dlonch caprò fajerà pea ntan chisc dis pra plu disciplines: jì a pe, sauté, nudé y jì cun la roda. La particularità de chisc juesc olimpics ne n’ie nia la cumpetizion ma l pensier coletif, de ancunteda y de sté deberieda. La Olimpiada de sport populer te Gherdëina sarà na manifestazion de sport per duc. L se trata de jì a pe o cun la roda, sun percursc njeniei ca aposta y che passerà tres duta la valeda. L ie mesun pië via ulache n uel, sibe a pe coche nce

cun la roda, da Sëlva, S. Cristina y Urtijëi demez. La lunghëza dl percurs pòssen se crì ora danter 5, 11, 18 y 25 km per chiche va a pe, y 17 y 24 km per la roda. Oradechël iel nce udù dant na proa de nudé sun la lunghëza de 300 metri tla nudadoia Mardolomit. Duc possa tlo fé pea, l ie mesun se scrì ite per duc i dis o nce mé per un n di sëul. L ne se trata nia de na cumpetizion, l ne unirà ënghe no tëut ju i tëmps, l vën tenì cont mé dla partezipazion ala disciplines desferëntes. Pra la

Val Gardena-Gröden Marathon Running Race: Tl cheder di juesc olimpics de sport per duc te Gherdëina iel udù dant, n juebia ai 27 de juni, na maratona y mesa maratona diletantistiga de sauté sun la destanzes tlassiches de 42,195 y 21,097 km. Chësc fossa l prim iede che l vën a s’l dé te Gherdëina na maratona de sauté, garejeda che unirà metuda a jì n cunlaurazion cun la lia ASV Gherdëina Runners.

“Sensiblisé per la natura” “Pra la manifestazion iel nce udù dant de sensiblisé i partezipanc n

con’ dl stravardé la natura,” dij Günther Pitscheider, diretëur de Val Gardena-Gröden Marketing y a cë dl cumité de urganisazion, “l unirà metù a jì n servisc de trasport publich per i partezipanc dla manifestazion sportiva ntan chisc dis, nsci che i posse se nuzé dla curieres per se spusté te valeda y l ne sarà nia debujën de tò ca i auti privac. Pra la iscrizion giapa uniun danter l auter nce na boza biologica per l’ega y pra i “energy points” sun l percurs saràl da giapé dut l maië nia fat ite, per schivé che l vënie smacà refudam ncantëur”. De plu nfurmazions n con’ dl program, di percursc y dla iscrizions uniràl mo publicà plu inant sun la plates de informazion dla USC. L ie sambën mesun se nfurmé nce tres internet sun la plata www.ivvsuedtirol.info; pra la Lies dl Turism de Gherdëina iel da giapé debant n cudejel cun duta la nfurmazions sun chësta ntraunida de sport y cumpania. Jëuni che fej pea l proiet JAWA dla Nëus Jëuni Gherdëina ie priei de l fé a l savëi cherdan su l numer 0471 777777; la jëunes y i jëuni possa judé pea pra vel’ pitl lëur ntëur al’urganisazion dla manifestazion. Irene Delazzer

Olimpiada dl sport amatoriel uel dì jì a pe, cun la roda y a nudé.

Destudafuech dà gas sun dlacia Do mënsc y mënsc de training se ancuntova i uemes di Destudafuech de Sëlva y Urtijëi per la partida tradiziunela de hockey. Chi fossa pa stat bon de vëncer? Lies - Stadio Pranives de Sëlva, auril 2013: i Destudafuech de Sëlva y i Destudafuech de Urtijëi ie njeniei per jì sun dlacia. Mo n doi flescions, n pitl stretching, mpue’ de training autoghenn. Un a un vài ite, sun dlacia. I jadins permò amulei sciche

rasoies, la peles che bruja tla man che sce l ne fossa nia stat destudafuech ësseles pià fuech! Da una na pert i blanc, dal’autra i cueceni. Sëlva contra Urtijëi, doi grupes de Destudafuech che se anconta per la partida che ie urmei

bele tradizion, ulache la va de se seguré l pest, da se tò pea te local dla lia. Partida cumbatuda, la tecnica ie for mo chëla, l mpëni sambën. Chi sarà pa bon de vëncer? Chi puderà pa dì n ann alalongia, n ann ntier!!, de avëi batù i cumpanies

dl auter luech de Gherdëina? Ala fin ne n’iel nia stat storia, coche dà pro i destudafuech de Sëlva Toni Mussner y Georg Hofer: „La grupa de Urtijëi à venciù la partida plutosc sëch per 14 a 4.“ Unëur a chiche à venciù, unëur nce a chiche à perdù.

La proscima partida vën dessegur! Do la pert sportiva iel mo stat chëla de cumpania, cun na bona spaghettata tla sala di Destudafuech de Sëlva. David Lardschneider

Foto de grupa di Destudafuech de Sëlva y Urtijëi che se à ancuntà per la partida de hockey, la manifestazion che ie ntant bele na tradizion y dantaldut na blòta ucajion per se ancunté danter uemes di destudafuech. www.lauscdiladins.com

29


Gherdëina

nr. 19 / 17 de mei 2013

L vedl troi da Piciuel Canche l amor per la natura devënta na pascion a fé l puscibl per cumedé n vedl troi da zacan, ne schivan no bria no fadia y nes giaurian l’antina de n luech de marueia. L bel lëur de Gottfried Wanker da Piciuel Cuntreda - L ie na fertuna che l ie mo persones a chëles che l ti sta a cuer a mantënì l’arpejon culturela

de nosc antenac. L vedl troi da Piciuel ie unì cumedà ora da Gottfried Wanker tl 2012 da Piciuel

Gottfried Wanker da Piciuel dan la pelda dl troi da Piciuel. Tla fotografia dlongia: l troi da Piciuel.

su nchin sa Bula che fova zacan, dlongia streda su, l troi sun chël che i sculeies jiva su y ju a scola. Gottfried Wanker da Piciuel savova mo avisa ulache l jiva la vedla trassa, y a chëla se àl tenì. L troi ie unì n pert slargià y dut ntëur cumedà, pona ngiarà, l ie unì fat sieves ulache l fova debujën. Per ulëi ti dé nce na nota artistica a chësc troi, à Gottfried Wanker metù su na pelda cun na bela scultura de S. Cristoforo che ël à ziplà tl lën d’aier cun dlongia n blòt banch, sentan dlongia mo n pitl barantl; dut chësc ie unì cuncià ite drët bën ulache l troi scumëncia. L ie śën n drë’ blòt troi per jì sa Bula, de zes dal trafich y amesa na natura pura; a ruvé sa Bula sun chësc troi àn n trëicher’ d’ëura, jan bel cun gheneda.

Sies destudafuech unerei Nstadì iel stat la bela festa de S. Flurian per i Destudafuech de S. Cristina S. Cristina - N dumënia ai 5 de mei à i Destudafuech de S. Cristina festejà S. Flurian. Do la santa mёssa dala 9 fova duta la populazion nvieda a jì sun plaza de chemun. Do la paroles dl ambolt Eugen Hofer y dl cumandant Christoph Senoner à l ispetёur per l raion de Gherdёina Hans-Peter Perathoner pudù

uneré bёn sies uemes dla grupa. Per i 25 ani de atività ie unic unerei Emanuel Nogler y Christoph Senoner. Per i carant’ani de atività ie unic unerei Karl Demetz, Franz Demetz, Georg Insam y Arnold Senoner. Ai unerei ti iel unì sentì gra per l gran mpëni, per truep ani alalongia, per l bën de duta la jënt y dla grupa de S. Cristina. (lg)

Ulrica Perathoner

Simbiosa de mujiga y leteratura Ivan Senoner y la grupa Secco ie stai da audì tla sënta dla Lia Mostra d’Ert a Urtijëi Cultura - “Sëires de leteratura de n cër’ niveau toca bele da for incà pra l program dla Lia Mostra d’Ert,” coche dij l presidënt dla Lia Tobia Moroder. Nstadì iel stat na sëira drët garateda cun Ivan Senoner y la grupa Secco. L scritëur Ivan Senoner Fudlé à liet ora de si liber nuef„L fova n iede te Gherdëina“, la grupa Secco à sunà cianties che passenea cun i caratatères di persunajes che ie tla saga de Senoner. „Per la sëira leterera ie l self dla Lia Mostra d’Ert unì njenià ca cun na sëur noir,“ stlarësc l presidënt dl Circolo Moroder. Te si romann criminel da chël che l à liet dant n lunesc ai 29 de auril, scrij Ivan Senoner de Fudlé na saga de cater families tres trëi generazions. L liber trata de n jëunn che sbriscia ite tla storia de si antenac che ne fova nia cis rëidla. L romann tlopa su la tematica dl’opzion, l boom economich di ani ’70, l bënsté di ani ’90 y la melsegurëza dl milené nuef, y se svilupea pona te na storia criminela plëina de misteres. L ie na storia penseda per jëuni che

Destudafuech de S. Cristina n la festa de San Flurian: i unerei deberieda cun l ambolt Eugen Hofer.

Dut l bon, anda Emilia! Anda Emilia Comploi Rifesser de Urtijëi à nstadì cumplì la bela età de 100 ani. Festa cun Sn. digan y cun l ambolt Ivan Senoner Fudlé ntan che l liej dant ora da si romann „L fova n iede te Gherdëina“.

fej pensé do n con’ de vester na bona persona y na persona rëidla, sun l nflus di antenac y de cie che uniun fej nstës. L romann conta che l curaje zevil ne n’ie nia n merit , ma dantaldut na respunsabltà ruënta che ne n’ie suvënz nia saurida da tò tla mans. L autor dl liber se mbincia che si

Gran aplaus nce per la grupa Secco. (Fotos de Simon Perathoner)

30

www.lauscdiladins.com

publicazion posse nce mustré su la situazion di jëuni te Gherdëina, “che ie datrai nce mpue’ te na gabia d’or.” La cianties purtedes dant dala grupa Secco passenova dut ntëur pra i tòc liec dant. I cater mujizisć Tobias Dellago usc, chitara y armonica da bocia, Georg Mussner tlavier, Peter Demetz chitara bassa y Gerald Moroder bateria percuscion, ie stai boni de cumpanië a puntin sibe cun la mujiga che cun la paroles dla cianties i tòc dl romann che Ivan Fudlé à liet dant, che porta a fé pensé do, nce cun critica soziela. Cun si repertoire che va dal rock al melodich, ie i Secco stai boni de fé unì su na atmosfera scialdi emoziunela. Ala fin dla manifestazion à i otanta vijitadëures, duc tuchei dala performances leterera y mujighela, pudù s’la ciaculé mo pra n bon got. Dut adum na sëira scialdi garateda! David Lardschneider

Urtijëi - Anda Emilia Comploi Rifesser ie nasciuda a Urtijëi ai 10 de mei dl 1913. La ova maridà Rifesser Franz dl 1936, cun chël che la à abù cin’ mutons. Anda Emilia ie resteda

vëidua tl ann 2008. L ambolt de Urtijëi Ewald Moroder y l pluan Sn. Vijo Pitscheider ie jic a ti fé i miëur auguresc y a ti mbincé dut l bon, fertuna y sanità per l daunì. (ma)

Sn. Vijo, anda Emilia y l ambolt Ewald Moroder ntan la festa.

De chi ie pa l crist? Nstadì iel unì lascià n crist dan Cësa di Ladins. L se trata de n crist de za. 35 cm fat a mascin, “grundiert” coche n dij per tudësch, chël uel dì cun na

strutura aldò. L crist ie njenià ca per unì ndurà y depënt. Chiche l ëssa metù via al infal o desmincià possa passé te redazion dla USC a s’l tò.


Gherdëina

nr. 19 / 17 de mei 2013

Na popa a mami y lava

N auril ciaut y burt

N valguna mprescions dl Di nternaziunel di Museums tl Museum Gherdëina

Tëmp y temperatures ntan l mëns de auril de chëst ann te Sëlva a na autëza de 1595 metri

Museum - „Bele dan porta dl Museum pudòven cialé pro coche l univa turnà popes de lën. Chësc ne ti savova nia mé bel ai mëndri ma nce ai granc, se tràtel pu de n ert che ne n’ie nia plu da udëi suvënz al didancuei. Da dedò pudova duc chëi che ulova se tò na popa turneda y jì suaut te Museum a la depënjer. Granda fova la legrëza di mëndri pra la mëises che fova unides njeniedes ca aposta cun de biei culëures y peniei de uni mesura per purvé a depënjer do la popes da zacan. I mëndri se fajova drët saurì y ala fin fòvel na blòta cumpëida de popes d’uni sort che univa suiedes cun l'aria ciaudina dl fonn dala cunlauradëures lezitëntes dl Museum acioche i mëndri ëssa riesc pudù les tò pea. Y la legrëza fova granda a pudëi jì a cësa a ti mustré a mami o a lavi ce zeche de bel che i ova pudù fé te Museum; vel’ un à a chësta maniera mo fat na pitla legrëza a duta la umans y aves che ova n dumënia si festa.“ Nscila conta Michela Perathoner Piazza, che ne se à nia lascià tò de jì tl Museum de Gherdëina n dumënia passeda cun si muta y si oma.

„berstot da moler“ njenieda ite pra la roba da fé damat. I plu pitli se à juà dl aiut profesciunel de Marie Theres Thaler y de Margareth Daurù depenjan cun gran fantajia, conta inant Paulina Moroder.

„Bëns culturei de Südtirol“ No mé i mutons à abù na gran ueia de depënjer cun d’uni sort de culëures, ma l ti à plajù nce a vel' oma. Sëuraprò pudova i pitli cun Isabell Pitscheider se cialé ju i vedli cramaices (o scramaices) tla culezion dl Museum y mëter adum de carton na tel figura particulera cun braces y giames che se muev per fé damat limpea. Paulina Moroder conta inant che „plu vijitadëures à purtà tl Museum cun legrëza n si pez prijà, cuntan dl senificat persunel che l pez à te si uedli. Cun chësta scumenciadiva à l Museum de Gherdëina fat pea,

deberieda cun d’autri diesc museums dla Provinzia, ala scumenciadiva dl „Scrin di lecorc“ sustenida dala Repartizion di Museums per l’ucajion dl „Ann dl pez da museum“. Nsci à i vijitadëures pudù se fé n’idea dl lëur profesciunel dla cataloghisazion museéla. Duc i sëidesc pec che ie unic purtei tl Museum de Gherdëina ie unic tëuc su tl „museum virtuel“ dl catalogh di „Bëns culturei de Südtirol“ y ie sën da pudëi cunsulté te internet sul sit web dla Provinzia per sies mënsc alalongia (http://www. provinz.bz.it/katalog-kulturgueter/ de/default.asp).“ Dla mostra nueva “Clochard & roba da fé damat”, inaugureda ai 10 de mei, ulache l ie da udëi 24 lëures fac dai sculeies dl Lizeum d’Ert Cademia daujin dai pec uriginei dla culezion dl Museum che ie stac de ispirazion, uniràl cuntà plu avisa te na proscima edizion dla Usc. David Lardschneider

Sëlva tëmp - L mëns de auril 2013 ie stat scialdi plu ciaut che chël dl ann passà, cun 6,33 degré de mesana, permez ai 4,29 C° dl 2012. Chël uel dì che l fova de mesaria de 2,04 C° sëura la temperatura dl mëns de auril 2012. L di plu frëit éi mesurà ai 1. dl mëns cun na mesana de -0,67 C° y na minima for ai 1. de auril de -9,0 degré. L di plu ciaut éi muserà ai 25 dl mëns cun 13,00 C° de mesana y na mascima for ai 25 de auril de 19,00 C°. L mëns à scumencià sun l bel, cun vel’ di de mez y mez y pona dopro cun na lingia longia de dis de burt, mé danterite vel' di de bel y mesan. Nevët àl set iedesc nchin ai 1.500 metri de autëza. 9 cm de nëif ie tumeda ulache é muserà; tl 2011 ne fòvel iló deguna nëif, tl 2012, for de auril, fòvel tumà bën 60 cm de nëif. N possa dì che l auril ie stat n mëns burt, sarëinn iel mé stat cin’ dis, trëdesc de mez y mez

y dodesc dis de bur’ tëmp. Dodesc dis iel stat da vënt. Pluët àl puech do la rata, cun 31 mm de ciadeda te diesc iedesc. Ai 30 de auril ëssen mo pudù fé la Saslonch cun i schi. Ai 30 de auril da sëira ne fòvel deguna nëif a 1.600 metri de autëza, a 2.200 metri fòvel mo 90 cm de nëif. Ntëur ai 2.200 metri de autëza se n iel tl’ultima ena dl mëns jit puecia nëif, ajache l tëmp fova burt y la temperatures nia autes. Ti prim dis de mei fòvel mo ntëur a 50 cm de nëif. Auril ie stat un di mënsc cun na mesaria de 1 degré sëura la mesana di ultimi carant’ani. Tl ultimo inviern (2012/2013) iel mpo mo tumà 437 cm de nëif, tla sajon da d´inviern 2011/2012 òvel fat ju 242 cm de nëif. Nteressant iel a dì che l à nevët 45 iedesc ntan l ultimo inviern. Sun Jëuf de Sela àl fat ju passa ot metri de nëif, che fossa doi tublei de nëif. Josef Mussner

„Criatività artistica y furmazion educativa“ Do l’inaugurazion dla mostra „Clochards & roba da fé damat“ che ie stata n venderdi ai 10 de mei, à l Museum Gherdëina fat pea n dumënia ai 12 de mei pra l Di nternaziunel di Museums cun n Di dla Porta davierta. „Per l 9. iede iel unit pità per chësta manifestazion nternaziunela n program rich per pitli y granc, che chëst ann fova dedicà ala criatività artistica y furmazion educativa“, coche stlarësc la diretëura dl Museum Paulina Moroder. Danter i vijitadëures fòvel nce persones nteressedes unides adalerch aposta dala Val Badia, dala valeda de Ulten, da Fie y da Maran. La diretëura Moroder à abù l sustëni de truep cunlauradëures y ulenteres, duc esperc te un o tl auter ciamp: pra la ntreda tl museum à l turnadëur Urban Piazza cun gran esperienza turnà pitla popes nfacedes. Judà pea danora à nce l scultëur Hies Resch. Harald Schmalzl ti mustrova al incontra ai vijitadëures na vedla turnadëcia cun na roda da mené cun l pe. I mëndri à pudù se tò pea la popes turnedes dan si uedli nmaruiei tl Museum per les depënjer iló nstësc tla

L turnadëur Urban Piazza che à na gran esperienza à turnà pitla popes nfacedes, dan porta dl Museum de Gherdëina. A man drëta l presidënt dl Museum Wolfgang Moroder y Harald Schmalzl.

La tleves de paravis, che fluriva bele ntan i prim dis de mei ti prei ntëur ai 1.600 metri.

Inviern sun Plan de Gralba Bera Adolf Demetz de Lina, che sta cun si familia sun Plan de Gralba, à via per l inviern scrit su tan de nëif che l à fat ju sun Plan de Gralba Tëmp - Da utober dl 2012 nchin de auril dl 2013 àl sun Plan de Gralba fat ju de ndut 550 cm de nëif. Ma cialonsi plu avisa, mëns per mëns:

Na foto per l’azion “Scrin di lecorc”: la vijita spontana de trëi jëuni de Sëlva, che jiva a tré zedules, cun si ciapel y “ram” tradiziunel. L ciapel fova 38 ani vedl, à un di jëuni cuntà, perchël iel nce ruvà ite tl “scrin di lecorc”.

Nëif sun Plan da Gralba Utober 2012: 51cm Nuvëmber 2012: 28 cm Dezëmber 2012: 68 cm Jené 2013: 89 cm Fauré 2013: 115 cm Merz 2013: 184 cm Auril 2013: 15 cm DE NDUT: 550 cm Adolf Demetz auza nce ora n valguna curiusiteies. Nscila à sal

I mëndri se à juà dl aiut profesciunel de Marie Theres Thaler (sun la foto) y de Margareth Daurù depenjan cun gran fantajia. Dlongia: ce bel a depënjer!

Comici n laurant dai lifc muserà passa set metri de nëif. Nteressanta ie la desferënzia cun l ann passà, ulache l ova mé fat ju 196 cm de nëif sun Plan de Gralba. Bera Adolf conta che tl 2008-2009 òvel fat ju 586 cm de nëif. Chëst ann àl pluët dassënn dai 6 ai 8 de merz. Adolf Demetz: “L me savova dalaimel a ruvé ju n Sëlva, che duc me damandova sce l nevëssa pa almanco sun Plan de Gralba. Ie respundove che nevëi nëivel danz mé sun Saslonch, che Plan de Gralba ie danz mé tan aut coche sa Tublà.” David Lardschneider

Nëif sun Plan de Gralba. www.lauscdiladins.com

31


Gherdëina

nr. 19 / 17 de mei 2013

Dantercëpies: trassa nueva dla furnadoia N lunesc iel stat sun Dantercëpies n gran sëuraluech cun duc i ufizies dla Provinzia, la sozietà dal lift de Dantercëpies, l Chemun de Sëlva y l patron dl grunt ulache l dëssa unì fat na stazion amez ite. L ambolt Peter Mussner conta dla nuviteies Dantercëpies - Coche n à bela audì y udù ti media ie la soluzion sun Dantercëpies chëla de fé na stazion amez ite, sun na trassa defin nueva. Cialan suvier jissa la trassa dla furnadoia, che pëia via ju n Sëlva tla medema luegia coche dant, mpue’ a man drëta su, su nchin a man drëta dl lift Panorama, iló dal saut, tl scumenciamënt de Bustac. Da coche dij l ambolt Peter Mussner se tratëssel de na stazion amez ite, che jissa pona inant desbiech via, a man ciancia su, sëura l lift Panorama via nchin via y su y ite tla stazion suinsom Dantercëpies. L ambolt rejona cun l coniuntif, ajache segur ne n’ie mo nia.

Mudamënt dl PUC y cunferënza de servisc a Bulsan Coche stlarësc l ambolt iel n iede da mëter a post urbanisticamënter la cuestion. Chël uel dì che te Chemun de Sëlva muessel unì mudà l plann urbanistich de Sëlva per lascé pro la trassa nueva. L mudamënt ie bele unì metù sun l ordn dl di dla senteda bele prugrameda dan n struf di 23 de

Union di Ladins de Gherdëina Cësa di Ladins, str. Rezia 83, Urtijëi - Tel: 0471 796870, e-mail: info@ulg.it

“Na vita duta en rima” de Babi da Nudrëi La Union di Ladins de Gherdëina nvieia duc de cuer n vënderdi ai 24 de mei dala 17.30 tla Biblioteca dla Cësa di Ladins a Urtijëi ala prejentazion dl liber de rimes per ladin “Na vita duta en rima” de Babi da Nudrëi

Trassa nueva y stazion amez ite Segur iel, do l sëuraluech, che duta la pertes nteressedes de Chemun y Provinzia y i privac ie a una che n muessa jì demez dala spersa dla smueia, ajache l ie bele sënies che tl daunì pudëssa chël tòch inò vester melsegur y muever. “L ie perchël unì valutà de jì te na luegia che messëssa vester geologicamënter plu segura,” dij l ambolt. “Messëssa, ajache i sondajes geologics muessa mo unì fai; ma raton bën, o son bëndebot segures, che l messëssa vester crëp da Bustac ora, iló ulache n uel fé la stazion amez ite.” Avisa ne n’iel mo degun dessëni o proiet ufiziel, ma la stazion amez sal Panorama messëssa vester n pert sot a tiera, y l fossa nce l mesun per chiche uel de unì ora y jì ite tla condles.

L cianton dla Union

Doi fotografies dla pert dessëura dla smueia de Dantercëpies, ulache la ie mueta.

mei. Da dedò unirà la delibera data inant a Bulsan. Cieche n ie stai boni de arjonjer ti ultimi dis ie che i papieresc, la delibera dl Chemun de Sëlva n con’ dl mudamënt dl PUC, jirà ite te na cunferënza de servisc a Bulsan, na sort de ancunteda de duc i ufizies y istituzions de cumpetënza, a na maniera che la cuestion posse unì trateda te un n iede y che n ne pierde nia tëmp jan da un n ufize al auter. L ambolt se dij otimista che te Chemun de Sëlva, pra la senteda de Cunsëi di 23 de mei, sibe tan che duc a una cun l mudamënt dl plann urbanistich, nscila nce la lies y istituzions che muessa a de teles unì damandedes. Ntant possa la sozietà Dantercëpies bele jì inant cun i lëures pra la nfrastrutures che ne à nia da n fé cun l mudamënt dl PUC, coche dì pra la stazion lajù y lassù, fajan i magasins, la garages per i giac dala nëif o la cabines de trasfurmazion. Pona ti toma ala sozietà sambën n gran lëur burocratich, l gran lëur de

pruzedimënt aministratif che la sozietà muessa fé n con’ dl PUC, fajan n proiet nuef. Da coche conta Mussner se à la sozietà oradechël nce dit a una de judé pea a mëter a post l raion tucà dala smueia.

“La smueia ie stabila” “La smueia nstëssa ie stabila”, dij l ambolt Mussner. Ntant vën dut cuntrulà, monitorà coche n dij. Uni doi dis va n geologh a cialé l muvimënt che la smueia à fat. Ntant ie dut fërm, iel unì dit, ora che japé, ulache la smueia se muev n zentimenter al di, “ma chël ie fisiologich,” dij l ambolt, “la smueia se à stabilisà. L ie nce unì fat ora de jì su cun n laser-scan, per monitoré n raion plu lerch, nia mé chël dla smueia.” N con’ dla smueia nstëssa dij l ambolt che l Chemun se cruzia de tò y tres i lëns, ma che l material dla smueia possa resté, che l ie mé da fé da majeri ntervënc ulache l passa i purtoies. David Lardschneider

Libri - Te na blòta publicazion, abelida nce da n valguna fotografies, iel unì abinà adum passa cënt poejies mpartides ite te ot capituli. I argumënc tratei dal’autëura ladina Barbara Kostner Costalunga va dala mprescions vivudes di per di ntan si vita longia: tlo iel lerch per rimes sibe n con’ dla flora y fauna, che dla familia, dala valeda de Gherdëina ala sajons y festes, dala lecurdanzes ala religion y n.i. Per l’ucajion saràl da pudëi audì n valgun pec de mujiga purtei dant da doi nepoc dl’autëura nstëssa. N la sëira dla prejentazion iel da giapé l liber a n miëur priesc. Sëis duc nviei de cuer a unì!

ai 29 de mei dala 14.00 tla sala di seniores te Calonia basite de Sëlva.

Babi da Nudrëi te Sëlva L liber “Na vita duta en rima” de anda Babi da Nudrëi unirà prejentà mo n iede n mierculdi

La dublëta dl liber de anda Babi da Nudrëi.

Babi Pitschieler da Nudrëi „Son nasciuda ai 20 de mei É na muta nasciuda tl 1957, n dl 1928 sun Rone sa Bula, la mut dl 1959 y l plu jëunn dl segonda de 12 mutons. Bele 1965. da pitla me savòvel tan bel a Ntlëuta fòvel mo n vedl scuté su l’ava cuntan stories nëine pra nëus, ove pa mé da da zacan. L’ava lijova tan gën fé. Son da 25 ani incà vëidua y chël éi arpà da d’ëila. y é cin’ nepoc. L tëmp ie passà Canche é abù finà mi ani sciche n usc a l giaurì y a l stlù.“ de scola sons jita a servì: Urtijëi, Bulsan, Novara, Firënza, dlonch éi urtà dessegur de bon patrons, ma mi pensier fova mi ncësa. Y do truep pensé me n sons inò data ëuta te Gherdëina. L fova na gran mudazion te chisc ani. Ove giapà la stiera da cuega tla scolina tla streda Roma; de chëi ani me lecordi gën. L ann 1956 éi maridà Giuani da Nudrëi y son ruveda sun Ch’l Piz a Urtijëi. Anda Babi da Nudrëi.

Cinch per mile ala Union Tras sa n ueva

Cun na fotomontaja fata tla USC ons purvà a dessenië ite prësciapuech coche la trassa nueva dla furnadoia pudëssa cialé ora, cun l cërtl che fossa la stazion amez sal Panorama, pra l saut sot a Bustac

32

www.lauscdiladins.com

L ie inò tëmp dla detlarazion dla chëutes y pra chësta ucajion se permetons de Ve lecurdé de nosta lia. L nes fajëssa gran plajëi sce destinessais l 5 per mile dl’Irpef ala Union di Ladins de Gherdëina. Chësc ne cumporta per Vo deguna spëisa sëuraprò. Ëis mé drë’de sotscrì y mëter

nosc codesc fischel japé de Vosta detlarazion dla chëutes, iló ulache l ie scrit: „Sostegno alle associazioni ONLUS.“ Nosc codesc fischel ie: 00415580216. Ve sention gra de cuer La Union di Ladins de Gherdëina


Gherdëina

nr. 19 / 17 de mei 2013

Na ndesfideda nueva per l hockey L campiunat INL ie tan che segur y sarà na bona ucajion per nosc hockey de se lascé udëi a n livel plu nternaziunel. L hockey Club Gherdëina spera inò sun l aiut te truep ulenteres y l sustëni de duc chëi che possa judé pea a na vel’ maniera

Lies - L Hockey Club Gherdëina tenì ai 7 de mei si reunion generela a Urtijëi tla gran sala dla cësa de cultura. Coche de ublianza iel unì fat n pitla retrospetiva dla sajon passeda cun si auc y basc, lecurdan mo n iede i biei mumënc y nce chëi

mpue manco biei, cun la bela sudesfazion de avëi stlut ju scialdi bën l campiunat. L fova dantaldut per la deriejënza na esperienza nueva, de n sajon vivuda dal pont de ududa de chëi che muessa tré i fii dovia y ruvé ite n iede sciche l toca tl mond dl hockey. N à fat coche n ratova che l sibe miec y da coche n à pudù se audì ora dala rujenedes dl presidënt y de si cunselieres ne n’ie l ntujiasm y la legrëza de jì inant cun l hockey te Gherdëina nia unì mancia, dut auter n à propi mustrà na drëta ueia de ti jì permez ala sajon nueva che purterà nuviteies y na ndesfideda nia da puech. Che n pont duiëus di clubs dl hockey ie suvënz la situazion finanziela ne n’ie degun sucrët, tan deplù fòven cuntënc de pudëi prejenté n bilanz che possa se lascé udëi y chël ie na cossa scialdi mpurtanta per pudëi muever te na maniera sarëina tl campiunat nuef.

L presidënt Hugo Perathoner, à te chësta ucajion ulù auzé ora la mpurtanza di truep ulenteres, plu de 60 n àl cumpedà su, che à judà ntëurite a vel’ maniera y chël debant. Pona sambën i sponsores, majeri y mëndri, la istituzions publiches che juda ënghe for dassënn y nce chëi che à dat na bonaman. Nsciuma uni pitl aiut y cuntribut ie for benunì.

Sun chël che l HC Gherdëina ie propi stolz, chël ie si publicum, for prejënt te na bela cumpëida sibe n cësa che ora de cësa y ie nsci na gran sburdla no mé per la scuadra nstëssa ma nce per chëi che mëina l club.

i 21 de mei canche duta la Federazions nteressedes ala INL arà sotscrit y l sarà tumà l terminn per la iscrizions dla scuadres che fajerà pea. Tl prim fòvel n trëi-cater scuadres sibe dl’Austria che dla Slovenia che se ova nteressà per chësc campiunat, ma nce iló ie ntant chersciù l nteres per la INL y l pudëssa mo unì leprò vel’ scuadra. N cont dla scuadres talianes dla A2 ne sàn mo nia avisa tantes che l n sarà. N calculea che l n sarà de ndut zirca 14 tla INL. Ma la Federazion taliana se à a uni moda damandà che daujin vëniel nce fat n campiunat talian, coche chësc sarà ie mo dut da fé ora. Chël vel nce per la partides dla INL y iló sàn ntant che n jugherà i dis dla fin dl’ena.

avëi metù adum la scuadra. N cont dl trainadëur Prior, che ne sarà nia plu cun l Gherdëina chëst ann, iel unì stlarì che ël ie unì damandà de mené na scola de hockey tl’Austria, na ucajion che l ne à nia ulù se lascé mucé sibe per l lëur nstës che nce per la cuntinuità che chësc lëur ti garantësc. Ma n ie bele tl lëur de marciadé cun d’autri trainadëures. Jugadëures fulestieres ne n saràl nia plu che doi, inuemes ne n iel mo unì fat deguni. Coche l ann passà cialeràn nce tla sajon che vën de fé n hockey che se lascia finanzië, de lascé fé plu che la va nosc jëuni y de tré su y fé n bon lëur cun la scudres di jëuni.

INL o campiunat talian

La scuadra

La nutizia segura ne pòssen mo nia dé, n messerà aspité nchin do

Nchin al scumenciamënt de juni uel l Hockey Club Gherdëina bele

De na nuvità iel nce unì repurtà n cont dla scola. Davia che n perdova suvënz jugadëures jëuni che jiva demez a scola, iesen stac boni de arjonjer che tl Istitut Tecnich a Urtijëi vëniel da chëst ann inant pità na cumbinazion danter la sezion IGEA cun n valgun’ëura de alenamënt de hockey. Che chësta idea à trat àn bele pudù udëi dala iscrizions y nce da pert de jëuni de d’autra pertes de Südtirol iel bele unì mustrà nteres per chësta scola.

N bel publicum

ITE y hockey

Zapé ite te cunsëi

Mumënc ntan l campiunat dal ann passà. Fotografies mustredes ntan la reunion generela y fates dai fotografs Matthäus Kostner y Andreas Senoner.

N nvit à l presidënt mo fat a nteressei y tifosi de hockey de se mëter a despusizion per lauré pea te cunsëi. Tres la partezipazion ala INL jiràn dessegur ancontra a n majer lëur y plu cruzi, perchël spéren de n abiné mo n valguni a judé pea. (uk)

Scizeri juda pea a jì a rumé Pestaria smacheda demez mé nscila sun troies y sun i ëures di ruves, dla stredes y di bòsc ie unida rumeda demez. Nce i Scizeri de Urtijëi à fat pea pra la scumenciadiva Urtijëi - Per i 4 de mei ova l assessëur per la cuntreda y l ambient dl Chemun de Urtijëi nvià ite a jì a rumé. La scumenciadiva vën metuda a jì uni ann. L fej for pea truepa lies y truep ulenteres. Nce i Scizeri de Urtijëi à ulù dé si cuntribut. Daduman dala ot à l Chemun partì ora manëces y sac dala pestaria. L ie unì metù adum plu grupes che ie unides mpartides ite per raions dal assessëur Gabriel Moroder. Nce la grupa di Scizeri à nscila scumencià si lëur, se ntendan riesc „tan puecia sensibltà per la

cuntreda che cërta jënt à,“ da coche dij Egon Zemmer. Coche conta i scizeri se ài „fat marueia a udëi che la maroca ne n’ie nia mé unida trata demez da turisć, ma nce da chëi da tlo. Nscila fòvel danter l auter material da fabriché y pestaria de cësa smacheda demez ilegalmënter, ma nce pestaria „normala“ che ne n’ie nia unida smacheda tla condles aposta mé per fraidumënza.“ Do cater ëura fova la scumenciadiva de rumé fineda. Grumons de sac dala maroca plëns ie unic purtei adum tla lueges fates ora, da ulà che i ie pona unic menei

demez. L Chemun de Urtijëi à nvià ite duc chëi che à fat pea a na bona marënda sal Terrazza. Cun truepa legrëza per avëi dat si cuntribut ala natura y cuntreda finova via l danmesdì. I Scizeri de Urtijëi tol l’ucajion de rengrazië nce tres la USC l Chemun de Urtijëi per si sensibltà ambientela y nvieia duta la jënt a avëi nce ëila na majera sensibltà per natura y cuntreda. „Nce tlo vàla de cialé de nosc ncësa,“ dij i Scizeri de Urtijëi. David Lardschneider

Na grupa di Scizeri de Urtijëi. Da man ciancia Sebastian Überbacher, Patrick Kostner, Thomas Piccolruaz, Andreas Kostner y Luis Senoner dal Ciulè. (foto dla Cumpania di Scizeri de Urtijëi) www.lauscdiladins.com

33


Sport

nr. 19 / 17 de mei 2013

“Ence zenza Copa sion i miores!” L Fascia à perdù per 3 a 4 ai suplementères la finèla contra l Pieve di Bono e l’à falà per pech l’obietif de venjer de nef la Copa Provinzia, ma l se à ampò desmostrà na gran squadra Balon 1^ cat. - “L’é la dura lege del gol, te fès n gran bel jech però se no te te defenes i etres segna e dapò i venc. Ic i stèsc seré tedò ma a la pruma possibilità i vegn sù e i ne la peta te usc.” L’é chest l prum ritornel de la veia cianzon di 883 “La dura legge del gol” che ben podessa raprejentèr chel che l’é stat te la finèla de Copa Provinzia perduda dal Fascia per 4 a 3 de contra al Pieve di Bono. Me pièsc però de più tor l’ùltim ritornel de la cianzon, chel che amedit fèsc capir miec amò coche la é jita en jebia ai 9 al Briamasco de Trent, chel che disc coscì: “L’é la dura lege del gol, i etres i segnarà però che spetacol canche jion nos, no molon mai e no conta chi che

venjarà, perché a la fin l grop mior l’é l nosc.” Fossa stat sorì fèr mena de nia e no scriver de chesta desfata, lascèr esser e scriver demò de la partida venta domenia passèda per 2 a 1 contra l’Ortigaralefre. Meter jù l’articol de na partida perduda l’é semper senester, ma enstouta me saea doverous fèr a saer de coche la formazion de balon del Fascia abie raprejentà con orgolie e con valores duta na comunanza. Jà, perché desche te ogne sport, se pel venjer e se pel perder ma l’é maniera e maniera. E enstouta, l Fascia e i fascegn, tant i jiadores che duc chi che é rué a Trent da Fascia ju per sostegnir i bec de Mister Cigolla, i à dat spetacol tel mior

N gran numer de fascegn engaissé à sostegnù sia squadra te la finèla de Copa Provinzia al Briamasco de Trent.

segnificat de la parola. Dò n prum temp senester olache i aversaries à troà sobito l gol del vantac de gra a n stranteniment anter portier e defensores, e a la mesora ence l pont del doi a nia, la partida someèa dassen fenida. Enceben duc i sforc per recuperèr, nia jìa tel vers giust, tant la ocajions sui piesc di atacanc ladins che vèlch dezijion del diretor de jech. Ma desche la fenice vegnuda fora dal cender, coscì ence l Fascia tel secondo temp l’à metù sotessora la partida e col gran didament de la jent che da la tribunes no à mai lascià ló de spenjer i ladins, l’à troà te pec menuc l gol del un a doi de gra a na trata da vejin de Denis Drljie e chel de la parità con Stefano Brigadoi aldò de na bela azion de Patrizio Cigolla su la man dreta. Su la ales de la gaissa l’é ruà a la mesora ence l trei a doi con Daniele Deluca, che dò aer sutà trei aversaries peta te sach co na bela trata de cianch. L jech resta te man del Fascia e dut somea n ensomech, fin a cinch menuc da la fin canche na trata da dalenc del chiesan Bugna, ressutan su na zopa de tera che met fora jech Cincelli, porta l resultat sul trei a trei. I nonanta menuc e n Fascia con gran cher no à bastà a dezider l’ejit de la finèla. A dezider l’é stat na trata de cef de Armani, ruèda a la fin del prum temp suplementèr. Al scigol finèl a fèr festa l’é l Pieve di Bono, ma

nesciun fascian à lascià Trent inirà ajache duc, dal prum te ciamp a l’ùltim su la tribunes, à dat dut e no à mai molà. E descheche à dit dò la partida l mister de l’an passà, Lorenzo Giuliani: “sion stolc de voetres, anché più che semper podede jir col cef su dret.” Sessaben che l’é stat n despiajer per duc no aer vent endò la copa, ma la sajon de balon no la é amò fenida e de grazia l’é amò l met de se jièr la venta del campionat. Dò la partida de domenia passèda nia l’é mudà sunsom la classifica e a doi partides da la fin l Fascia l’é semper prum con n pont de vantac sul Piné e doi sul Fiem. Chesta domenia la formazion del president Ghetta jiarà ja Pardac contra la Dolomitica da mesa les cinch. Siede duc envié a spenjer i jiadores ladins. Cristoforo Debertol

Resultac de la squadra mendres Chisc i resultac del fin de setemèna passà. La Eles à jià contra l Calceranica e les à perdù per 3 a 0; la Juniores à vent contra l Valsugana per 2 a 1 con goi de Daniele Lorenz e Nicola Varesco; i Giovanissimi à perdù per 0 a 4 contra l Besenello, i Arleves à perdù per 0 a 8 contra l Valsugana, i Esordienti B à perdù contra l Piné per 3 a 0.

Copa Provinzia Fascia – Pieve di Bono 3 a 4 ai suplementares (goi Denis Drljie, Stefano Brigadoi, Daniele Deluca) Fascia – Ortigaralefre 2 – 1 (goi Simone Bolgiani e Stefano Brigadoi) Formazion Fascia: Nicolò Cincelli, Manuel Bernard, Nicola Rizzato, Luca Trottner, Mathias Defrancesco, Stefano Brigadoi (44 s.t. Denis Drljie), Simone Bolgiani, Michael Pezzei (34 s.t. Nicola Depaul), Patrizio Cigolla (43 s.t. Simone Congiu), Cristoforo Debertol, Daniele Deluca. Alenador: Luciano Cigolla Classifica 1. Categorìa jiron C: Fascia 24 partides 53 ponc Piné 24 partides 52 ponc Fiemme 24 partides 51 ponc Aquila Trento 24 part. 49 p. Telve 24 partides 42 ponc Calceranica 24 partides 33 ponc Ortigaralefre 24 part. 33 p. Vattaro 24 partides 30 ponc Povo Scania 24 partides 28 ponc Dolomitica 24 partides 28 ponc Verla 24 partides 24 ponc Cauriol 24 partides 19 ponc Bolghera 24 partides 18 ponc Valsugana 24 partides 11 ponc

Rina scinca ia punć 

Gran batalia

Cin’ goi àn odü tla partida danter Rina y Steinhaus, te ćiasa di ladins. Baldi n’à i aversars fat un deplü, y se condüj a ćiasa i trëi punć. Rina é ma plü a n punt dan la Val Badia, y a pé dla tlassifica vëgnera critica

La scuadres Under 13 dl FC Gherdëina y dl Milland à cumbatù dassënn, ma ala fin ieles mpo mo restedes pra n resultat valif

Paul Pisching à contribuì al'aziun che à portè al 2. gol dl Rina.

döra indere ma püć menüć, deache bele pro la pröma aziun aversara vëgn le resultat indô avalié. Maurer tira na gran puniziun, che le portier Craffonara é bun da splundré zoruch. Weger reagësc indere debota y röia por pröm sön le palê, che al ponn do la ligna de porta ite. Por odëi la proscima ocajiun che al paia la mëia da anunzié, mësson aspetè le 68^ menüt. Thomas Huber é bun da salvè sön la ligna na trata de Weger, y evité le svantaje. La reaziun dl Rina vëgn dui menüć dedô. Pisching ciafa le palê che al ess ma bria da trà tla porta öta, mo la trata é massa debla y al fala le

travert. Al parô che la partida se stlujess ia cun n pêr, che foss inće stè iüst, mo spo él ćiamò Maurer dl Steinhaus che atoca por le 2 a 3. Do na trata dal ćiantun lascel pié ia n palê che Craffonara n’é nia plü bun da tignì sö. Al é oramai le 85^ menüt. Rina ess ćiamò albü l‘ocajiun da avalié al 90^, mo süa trata é jüda de n sofl dlungia la porta öta ia. La contlujiun é chësta: inće cun l’assënza de śogadus importanć, à le Rina mostrè na buna prestaziun. Baldi n’àra nia bastè por n resultat de punć. N pêr foss dessigü stè mirité. (mr/pablo)

Juech al palé/Jëuni - N sada domensdì ai 11 de mei ie la scuadra Under 13 dl FC Gherdëina jita a Persenon a jughé la partida contra l Milland. Dan chësc juech fova tramedoi scuadres al segondo post cun unfat ponc te tlassifica dl campiunat y perchël fova la tenscion bëndebò granda. Do l prim tëmp scialdi cumbatù stajòvela 0:0 y riesc do l scumenciamënt dl segondo tëmp ie l FC Gherdëina jit danora cun n bel gol de Robin Moroder. Da chësc mumënt inant univa chëi dl Milland for plu stersc, ma cun gran ardimënt y cun l verdiaporta Andrea Werdaner che piova belau

dut, fova la scuadra de Gherdëina bona de tenì l resultat sul 1:0. Puech dan la fin ie l Milland stat bon de valivé ora cun n undescmetri. Ntra dut y per dut pòssen dì che l resultat ie drët y chël uel dì che la doi scuadres resta tramedoves al segondo post. Bonamënter jiràn al “spareggio” per s’la fé ora chi che fajerà pea la finela dl campiunat VSS U13. Sun n ciamp dala codla scialdi da mauta à i mutons dla Under 13 inò n iede desmustrà de avëi na gran ulentà y de vester boni de tenì pea cun la miëura scuadres dl Südtirol. (rd)

Rina - Steinhaus: 2 - 3 Palê Rina/2. cat. - La partida danter Rina y Steinhaus à metü man dër valia. La pröma ocajiun é de Alfons Facchini, che atoca le palê de će y azica de püch la stangia de porta. En vantaje va indere i aversars, che é praticamënter cun la pröma trata te porta bugn da superè le portier Ivan y segnè le gol. Al 22ejim menüt él Facchini che avaliëia: do na trata dal ćiantun él bun da superè i defensurs aversars y mëte le palê te sach. Do 10 menüć él ćinamai i ladins che passa en vantaje. Paul Pisching tira sëch sön puniziun, y Daniel Ferdigg é bun da deloje cun suzes te porta por le 2 a 1. La ligrëza

34

www.lauscdiladins.com

Tlassifica 2a categoria, grup C 1) Albeins, 19 partides, 41 p. 2) Raiscia, 19 partides, 35 p. 3) Steinhaus, 19 part., 33 p. 4) Türesc, 19 partides, 31 p. 5) Tast./Valsp., 19 part., 31 p. 6) Wiesen, 19 partides, 29 p. 7) S. Laurënz, 19 part., 28 p. 8) Falzes, 19 partides, 24 p. 9) Dietenheim, 19 part., 21 p. 10) Rina, 19 partides, 17 p. 11) Val Badia, 19 part., 16 p. 12) Aicha, 19 partides, 3 p.

Formaziun dl Rina: 1. Ivan Craffonara, 2. Alfons Facchini, 3. Jordan Tavella, 4. Philipp Winkler (dal 50^ Hanspeter Rungger), 5. Thomas Huber, 6. Filip Ploner (dal 80^ Andreas Chizzali), 7. Christian Ferdigg, 8. Georg Craffonara, 9. Daniel Ferdigg, 10. David Huber, 11. Paul Pisching (dal 82^ Mutschlechner). Alenadù: Wolfgang Crepaz. Goi por le Rina: Alfons Facchini (al 22^), Daniel Ferdigg (al 31^). Proscima partida: en domënia ai 19 de mà dales 16.00, a Tasten cuntra Tasten.

I jugadëures de Gherdëina dla Under 13 cun si trainadëures.


Sport

nr. 19 / 17 de mei 2013

Tremorè y no ma por le frëit Le Mareo fej so dovëi inće a Prettau y condüj a ćiasa i trëi punć. Mo ći emoziuns! Do n tëmp dominé y stlüt jö en vantaje, él ćiamò i avers che se fej prigorusc cun n önescmetri. Luca Massa para le prigo Palê Mareo/3. cat. - Dal bun ćialt ćina ala nëi. Desco le tlima bun ćialt y da sorëdl cun chël che le Mareo é pié ia da Al Plan demez, por rové te na tempesta cun nëi y vënt ite Prettau, insciö é inće stè l’andamënt dla partida, dominé y śoghé alangrana tl pröm tëmp, y da scassarot aboć tl secundo tëmp. Insciö éra stada che le Mareo é rové sön le ćiamp sintetich da Prettau cun le dovëi da fà trëi punć, ći che tröc podess aratè saurì, é pö le Prettau al ultim post te tlassamënt. Te ćiasa é indere le Prettau na formaziun bindebò ria da afrontè, y chël s’an à inće le Mareo anadè, do che inće le Gsiesertal y le Niederdorf s’à bindebò stentè da condü a ćiasa i trëi punć.

Marco y Giggs, ti röia le palê t’area a Walter Kaneider, mo süa contlujiun vëgn deviada fora de porta da n defensur. Tosc dedô röia Marco su dan porta, al é bun da tignì le palê bas, mo süa contlujiun röia de n nia dlungia porta ia. Le gol ê tl’aria y empaca garetel, sön na bela aziun metüda man da Denis, che ti passa le palê a Elli. Chësc le porta inant y le dà al dër momënt en profondité a Marco, che bat en chësc iade cun na bela contlujiun tl piz lunch Obermair, le portier dl Prettau. Le Mareo śoga bun inant, proa a vigni moda da fà inće n secundo gol, mo chësc ne ti gareta nia plü. Insciö po düć jì n pü’ a se scialdè y a palsè sön le resultat strënt de 0 a 1.

Bel avisa porchël n’à le Mareo nia sotvaluté sü aversars y à metü man la partida cun le dër pé. Bele al pröm menut, sön na aziun danter

Tl secundo tëmp spo fej te n iade inće le Prettau n maiù druch, inće sce cun Giggs ess ćiamò n iade le Mareo na gran ocajiun da segnè.

dl Prettau premià dal arbiter Mölgg cun n 11 metri, por n fal de man de Walter Pisching. La bela contlujiun de Reinhard Gartner vëgn por fortüna parada da Luca Massa, che salva insciö n resultat dër important, odü inće che le Niederdorf à lascè dui punć sö La Val. A trëi partides dala fin romagn a chësta moda intres ćiamò via la picia speranza da rové al secundo post. (Cdp)

David Mutschlechner dl Mareo.

Al pëia ia bel su n pü’ da na pert jö, y impede jì ćina sön la ligna y passè a Elli che é jü dër bel impara, proel instës, mo zënza suzes, la contlujiun da posiziun dër angolada. A chësc punt vëgn l’impëgn y la buna orentè

Prettau - Mareo: 0 - 1 Formaziun dl Mareo: 1. Luca Massa, 2. Andrea Mutschlechner, 3. Werner Pedevilla, 4. Gabriel Frenner, 5. Walter Pisching, 6. Denis Kaneider (dal 60^ David Mutschlechner, dal 89^ Radames Dal Molin), 7. Walter Kaneider, 8. Elmar Kosta (dal 85^ Daniel Tamers), 9. Marco Mutschlechner - capitan, 10. Robert Mutschlechner, 11. Elmar Feichter.

Alenadù: Karl Heinz Pedevilla Gol por le Mareo: Marco Mutschlechner (al 22^) Proscima partida: chësta domënia ai 19 de mà dales 16.00, te ćiasa cuntra Gais. Tlassifica 3a categoria, grup C 1) Gsiesertal, 17 partides, 42 p. 2) Niederdorf, 18 part., 39 p. 3) Mareo, 17 partides, 35 p. 4) Lijun, 17 partides, 29 p. 5) Raas, 18 partides, 28 p. 6) Valdaora, 18 partides, 24 p. 7) La Val, 17 partides, 20 p. 8) Gais, 17 partides, 19 p. 9) Mühlwald, 17 partides, 13 p. 10) Percha, 17 partides, 9 p. 11) Prettau, 17 partides, 7 p.

N punt, y la speranza crësc La Val Badia é tres ćiamò penultima te tlassamënt, mo cun le pêr arjunt cuntra Wiesen, vëgn le Rina plü daimprò Palê Val Badia/2.cat. - Do le derby dl’edema denant śogâ la Val Badia sön le rî ćiamp dl Wiesen, por porvè da arjunje trëi punć y podëi insciö sperè inant da se salvè. Ti pröms 45 menüć él dër rî da soghé por gauja dl gran vënt che sofla, desturban dassënn i śogadus, dantadöt sön i palês alć. La scuadra de ćiasa é dër desfortunada y bele do da 15 menüć mëssera baratè fora dui śogadusc che s’à fat mè. La pröma ocajiun dla partida é por le Wiesen, mo le 1 badiot para sigü la trata dl atacant. Al 9^ menüt à le Wiesen na gran ocajiun. L’atacant röia su dan le portier, mo al tira sura porta ia. Al 12^ menüt él inće la Val Badia che se lascia odëi dan la porta dl Wiesen. Damian inviëia Thaler, che se presentëia su dan le portier: al prô da trà te ćiantun, mo le palê é de püch alt.

Al 16^ vëigon la secunda gran ocajiun por le Wiesen. Le 14 aversar tira da defora, mo Julian respogn cun bravöra devian sura porta fora. Al 24^ él ”Matti” che pëia ia söla ciampa, al crossëia por Armin, mo la trata dl nr. 8 é alta. Al 26^ él l’atacant dl Wiesen che tira da dalunc; a gauja dl vënt ciafa la cogora na direziun demorvëia. Cun n gran refles deviëia Julian le palê che röia fora. Al 44^ tira le capitan badiot te porta, le purtier deviëia tl ćiantun. Sön chësc él Thaler che prô la deviaziun, che passa püch dlungia porta ia. Insciö se röia le pröm tëmp. Tl secundo tëmp él le vënt che lascia do, y śoghé vëgn plü saurì. Al 50^ vëgnel la pröma ocajiun dl secundo tëmp por la Val Badia, cun na trata de Armin dal limit, che vuegn deviada da n defensur te ćiantun. Al 52^ toma le gol dl

vantaje por la Val Badia, cun na gran trata da 30 metri de Thaler: la cogora röia sot la traversa ite. Al 55^ gareta bele la secunda ocajiun por la Val Badia. Damian lascia pié ia na trata, che le portier aversar é bun da devié tl ćiantun. La Val Badia fej gran druch por chirì le 2 a 0, mo ara ne gareta nia. Le Wiesen ciafa coraje y röia al 66^ menüt al pêr. La formaziun badiota perd le palê dan l’area aversara, y le Wiesen pëia ia en cuntrapé. Le nr. 12 lascia pié ia n diagonal sön la secunda stangia de porta, y sëgna le gol dl 1 a 1. Śëgn él plü confujiun te ćiamp: le Wiesen prô da fà la partida, mo la Val Badia à impò döes de bones ocajiuns. Al 84^ la prô Felder cun na trata dal limit, mo le palê é zentral y vëgn parè dal 1 dl Wiesen. Al 89^ él ”Gionni che prô da trà n palê alt,

mo al vëgn antizipé da n defensur. La partida se röia insciö sön le 1 a 1. Le punt concuisté lascia avijiné la Val Badia al Rina, mo la batalia por romagne te secunda categoria se fej intres plü döra. Al resta ćiamò trëi partides, che la Val Badia mëss ćiarè da davagné. (kc)

Thaler (al 52^). Proscima partida: en domënia ai 19 de mà dales 16.00, a San Martin cuntra Türesc. Tlassifica: ćiara sot Rina.

Wiesen - Val Badia: 1 - 1 Formaziun Val Badia: 1. Julian Moling 2. Forian Barbolini 3. Devis Vittur 4. Simon Dapoz - capitan (dal 77^ Alex Felder) 5. Julian Bernardi 6. Samuel Vittur 7. Matthias Thaler 8. Armin Erlacher 9. Matthias Stampfer (dal 67^ Giovanni Trebo) 10. Damian Pallestrong 11. Alex Elzenbaumer. Alenadù: Paolo Adami. Gol por la Val Badia: Matthias

Matthias Thaler à fat le gol por la Val Badia.

Inò na bela vënta L Gherdëina ova n sada dl’ena passeda una dla partides plu ries y mpurtantes de chësc campiunat. Contra l Sterzing feji doi goi tl segondo tëmp y vënc nsci la partida Juech al palé/3. cat. grupa B Dan otodì ova la scuadra dl FC Gherdëina da se museré cun l Sterzing, che de autonn ova batù per 1:0 l Gherdeina y ova fat una de si plu burta partides dla sajons. Nce chëst iede àn scumencià che n se fajova plutosc ert tl prim, cun l gran vënt che desturbova ënghe mpue l juech. L Gherdëina piova via cun na drëta sëur nchin dan l’area dl Sterzing, fajan de bela azions, ma daldò manciòvela tl’ultima mosses. L Sterzing univa cun l passé dl tëmp plu sterch, cun mé trëi passajes fovi suvënz dan nosta area cun nosta defendura che fova la majera pert segura, chësc nchin puech dan la fin dl prim tëmp, canche da nosc pecs péiel via la azion y l garata na passeda massa lutra, l tacajuech tamez dl Sterzing

ruva sun la codla y a nosc pech te pusizion zentrela ne ti réstel auter che fermé l averser cun na mossa nia regulera. Da chësc fal rùvel l 1:0 per l Sterzing. Tl segondo tëmp se muda mpue la storia, l vën baratà ora vel’ jugadëur y l va ite Raphael y Jonas Runggaldier. Ëi doi ie stac boni de raidé mpue la partida. La ucajion per l Gherdëina de valivé ora ruva canche Raphael Runggaldier, te area, giapa na codla, ie bon de se dlibré y jì a tré, ma l pech dl Sterzing l fërma te na maniera nia regulera. L undescmetri vën trat da Aron Kostner che fej l 1:1. Nosc juech ne jiva nia via bel lize, ma suvënz fòvel codles che ruvova sun la fascia de man drëta a Jonas Runggaldier, che fova bon de despassé via l perch y jì sun cassa o de fé l cross tamez. Nscila iel nce

garatà l 2:1 per l Gherdëina, canche na codla trata ite suinsom de ciamp da man drëta ite à purtà mpue de confujion te area dl Sterzing, codla che ti ie ruveda pona a Seljvir Nemce che tira y fej l segondo gol per l Gherdëina. Scialdi na bela prestazion, coche per auter bele da n valguna partides incà, à purtà nosc verdiaporta Guido Schmalzl: canche l Sterzing fova mo 1:0 danora y n si jugadëur jiva bel sëul sun cassa, ie Guido jit ora a drët per ti stlù l spiedl dla cassa, ferman la codla. Chisc ntervënc ie suvënz chëi che à da n dì sce la partida vën vënta o perduda. Śën màncel mé plu trëi partides ala fin de chësc campiunat. Doduman dumënia jugherà l FC Gherdëina dala cater domesdì a Urtijëi. L se ancunterà doi scuadres

che ie danora te tlassifica, l Gherdëina y l Laag. Speron de pudëi udëi na bela partida cun nosta scuadra che ie bona de purté si prestazion y fé zeche de mpurtant, y che l sibe nce na bela cumpëida a fé tifo per la scuadra dla valeda. (gp) FC Sterzing - FC Gherdëina 1:2 (1:0) Furmazion: Guido Schmalzl, Achim Frontull (al 46’ Jonas Senoner), Andreas Wieser, Daniel Vallazza, Raffael Senoner (al 60’ Marco Moroder), Peter Mittermair, Aron Kostner, Janpiere Prugger (dal 46’ Jonas Runggaldier), Mark Vinatzer, Stefan Vallazza (dal 46’ Raphael Runggaldier), Seljvir Nemce. Goi: 1:1 undescmetri Aron Kostner al 60’ - 2:1 Seljvir Nemce

al 75’.

Resultac dla scuadres di jëuni dl FC Gherdëina Nsci ie jites ora la partides jughedes n sada ai 11 de mei. Milland - U13 1:1 Gol: Robin Moroder U12 (11) - St. Georgen 2:3 (0:2) (2:2) (0:0) Goi: Daniel Platzgummer, Manuel Senoner U10 Jaguars - Schabs 4:3 Goi: Matthias Comploj (3), Max Malsiner Mühlbach - U10 Grizzly 0:5 Goi: Antonio Volino (3), Jonas Demetz, Gabriel Rabanser Perbian/Funes/Villanders U10 Zebras 0:0 U10 Leopards - Pfitsch 0:2 www.lauscdiladins.com

35


Sport

nr. 19 / 17 de mei 2013

Dai plu jëuni ai plu artenienc

La Val mostra n bel jüch

Sun l program n sada la garejeda ti luesc, chëst iede a Laas tla Venuesta, ulache l fej pea dantaldut i ”Runners” plu jëuni y pona na dopla maratona estrema sun l’ijula de La Palma, ulache Christian Insam de Sëlva à fat pea

La scuadra da La Val é chësta aisciöda dötaorela zënza devënta, mo ti trà fora n punt ai secundi, é na prestaziun de valüta

Sauté - N sada ai 11 de mei àn metù a jì la segonda dla garejedes ”VSS Dorfläufe” a Laas tl Vinschgau. Publicon tlo la tlassifiches dla categuries ulache l fova atlec dl ASV Gherdëina Runners Cassa Raiffeisen de Ciastel che à fat pea: Sculeies ‘D’ dl 2004: mutans: 1 Stratmann Sophia Valeria (Sarntal) 3’29, 2. Moeneder Milla (Algund) 3’33, 3. Santifaller Pia (Gherdëina) 3’36, 6. Kostner Stefanie (Gherdëina) 3’47, 18. Mahlknecht Judith (Gherdëina) 4’10. Sculeies ‘C’ dl 2002/03: 1. Oberrauch Annika (ASC Berg) 3’16, 2. Blaas Sophia (Laatsch/Taufers M.) 3’17, 3. Piazza Elena (Gherdëina) 3’32, 9. Kostner Julia 2002 (Gherdëina) 3’55 Sculeies ‘B’ dl 2001: 1. Hauser Ruth Hannah (ASC Berg) 5’28, 18. Kerschbaumer Sara (Gherdëina) 6’20, 19. Mussner Carmen (Gherdëina) 6’21 Ëiles cat. 3: 1. Egger Barbara 1967 (Südtiroler LV) 10’56, 9. Mussner Mirka 1967 (Gherdëina) 15’12 Ëiles cat. 5: 1. Moser Anna 1957 (Sarntal) 12’57, 4. Mussner Cristine 1958 (Gherdëina) 15’12 Ëi cat. 5: 1. Habicher Othmar

Palê La Val/3. cat. - La scuadra da La Val mëss tres ćiamò aspetè do la pröma devënta tles partides da d’aisciöda. Tla partida śogada te ćiasa cuntra le Niederdorf, che é al secundo post te tlassifica, foss i trëi punć bëgn stà mirità por le bel jüch lascè odëi, mo ara n’à nia orü ester. La partida mët man cun na gran ocajiun por i pustri, mo Sepl é bun da gnì fora sön n atacant che jê su cuntra porta. Ara ne döra indere nia dî che le Niederdorf passa en vantaje sön na trata dai önescmetri, conzedüda dal arbiter por n fal de man de n defensur. La scuadra da La Val prô da refà le gol y à na buna ocajiun cun na deviaziun de će da pert de Alex, che fala ma de püch la porta. Le medemo śogadù y capitan dla scuadra da La Val sëgna spo do la mesora le gol mirité dla parité, devian le palê te porta sön na trata dal ćiantun. Tl secundo tëmp mët indô man le Niderdorf dër sterch y ai se fej inće prigorusc dan porta, mo por fortüna n’ési nia bugn da segnè. La scuadra da La Val röia bel plan indô te partida y śoga bun. Do na cherdora passa la scuadra ladina en vantaje: Ivan ti passa inant le palê lunch a Romeo, che vëgn antizipé de će da n defensur, mo al ne se capësc nia cun so portier y deviëia le palê te süa porta. La Val śoga inant bun y ess na gran ocajiun por mëte al sigü le resultat: Adrian ciafa le palê da Ivan, mo süa trata fala de püch la porta. Mo sciöche al sozed gonot, do na ocajiun falada se ciafon n gol: incër la mesora parejëia le Niederdorf, cun n atacant che vëgn ortié cuntra porta cun la solita passaja lungia; al ti sciampa ai defensurs y é bun da superè inće Sepl. Le medem portier da La Val mëss püch dedô fà na gran parada

1958 (SC Haid) 20’10, 2. Senoner Hugo 1955 (Gherdëina) 21’04

Christian Insam pra l’ultramaratona Ënghe n sada ai 11 de mei àn metù a jì na garejeda de Ultra Trail Running, chël fossa na garejeda de sauté da mont su estrema, bën 83 km longia y cun n deslivel de 8.525 metri. L se trata plu avisa dla Transvulcania Ultramarathon sun la ijula de La Palma, che ie una dla ijules Canaries. Chësta ie na garejeda

ulache i atlec muessa vester te de boniscima cundizions fisiches, ajache l ie da sauté suvier y juvier. Fat pea àl tlo i miëures dl mond, coche Kilian Jornet che ie nce stat bon de vëncer cun n tëmp de 6h 54:09, ël à nce batù l record dla trassa. Chësta garejeda fej pert dla Skyrunner World Series, che ie de ndut 15 garejedes sëura dut l mond. Nce un n atleta di Gherdëina Runners Cassa Raiffeisen de Ciastel à fat pea: Christian Insam de Sëlva ie ruvà 22. y 1. di atlec talians, cun n tëmp de 8h 27:03. (mp)

Christian Insam à fat drët bën pra la garejeda de sauté estrema sun l’ijula de La Palma.

FC Gherdëina de marueia! Can à pa na scuadra de Gherdëina, te duta si storia de dejeneies y dejeneies de ani, pudù jì a Milan te stadio a fé na partida? Bonamënter mo mei. Nchin al ann 2013: de juni fajerà na furmazion dl FC Gherdëina pea pra la fineles naziuneles dl Gazzetta Cup a Milan Gazzetta Cup - N sada ai 11 de mei se à na selezion dl 2002 dl FC Gherdëina cualificà per la fineles dl Gazzetta Cup 2013, l majer turnoi dl juech ala codla de duta la Talia, ruvan prima danter bën 32 scuadres de dut l TrentinSüdtirol. L ie da dì che truepa scuadres ëssa mo ulù fé pea pra la cualificazion, ma mé 32 ie unides tëutes. Nscila nce l FC Gherdëina, a chëla che n ti atestea n bon livel. Coche dì, bele fé pea pra la cualificazions ie n bel resultat, ma se cualifiché per la fineles de Milan ie mefun l top dl top. La selezion dl FC Gherdëina à desmustrà de se merité defin la cualificazion, vencian duta la partides. Y nscila puderàla se museré cun l’autra undesc finalistes de duta la Talia ai 11 de juni tl Stadio San Siro - Giuseppe Meazza de Milan. Na gran lauda ai jugadëures dl FC Gherdëina per coche i ie stai boni de se cualifiché per la fineles de Milan! Coche duc sà ie l livel dl juech dala codla da stramp aut, nce te nosta Region TrentinSüdtirol, y per pudëi dì de vester stai i miëures vàl debujën de na lingia de fatores: se njenië ca a puntin, de bon trainadëures, de bon jugadëures, gran lëur de tecnica, de tatica, de cundizion, de mutivazion, datrai nce mpue’ de fertuna, savëi da ti jì permez a uni partida che ie uniuna per sé

36

www.lauscdiladins.com

for autramënter y ntan partida sàutel inò for ora ucajions d’uni sort che la va de valuté riesc y de se cumpurté aldò. Nsciuma, na lingia longia, ulache i jugadëures dl FC Gherdëina à desmustrà de avëi fat sciche toca. Se cualifiché per la gran fineles dl Gazzetta Cup ie n resultat de marueia. Te duta la Talia iel mé n valguna lueges ulache l vën fat de tel pre-

cualificazions, y mé i miëures di miëures puderà jì ite tl gran stadio de Milan, San Siro o Giuseppe Meazza coche n dij ncueicundì, tl mplant che fova de Mazzola y de Rivera y de de gran campions che à fat la storia dla codla dla Talia. Chi sà che l ne n saute ora nce un de nosta valeda, tl daunì? David Lardschneider

I jugadëures mpe da man ciancia: Alex Unterkircher, Julian Senoner, Daniel Tiozzo y Jakopo Bernardi. Jenudlei da man ciancia: Simon Perathoner, Gregor Obletter, David Wieser y Sebastian Ploner. Trainadëures Yuri Pellegrini a man drëta y Max Tiozzo a man ciancia.

sön na trata de puniziun, che rovâ tl’incrujada dla porta. Ti ultims menüć dla partida à la scuadra de ćiasa ćiamò döes de gran ocajiuns por s’assiguré impò la devënta: na bela trata de puniziun de Ivan röia söla stangia de porta, y Alexander vëgn antizipé al ultim momënt da n defensur te area, denant che trà te porta. (sc) Mühlwald - La Val: 2 - 2 Formaziun La Val: 1. Sepl Kantioler, 2. Elmar Valentin, 3. Alex Alton - capitan, 4. Marco Castlunger, 5. Paolo Vallazza, 6. Stefan Sottara, 7. Ivan Tschaffert, 8. Adrian Miribung (dal 80^ Lukas Valentini), 9. Franzi Verginer, 10. Alexander Miribung, 11. Romeo Rubatscher. Alenadù: Elmar Steinhauser. Goi por La Val: Alex Alton (al 35^), autogol aversar al 60^ Proscima partida: en domënia ai 19 de mà dales 16.00, a Rasun Dessot cuntra Percha. Tlassifica: ćiara sot Mareo.

Marco Castlunger, śogadù dla scuadra da La Val.

Tëmp de palsa La sajun dl Ice Club é jüda a piz Jadiné - L’Ice Club Alta Badia à podü stlü jö süa sajun cun tröpes sodesfaziuns. L’atleta che à stlüt jö la sajun dles gares é stada Lucia Pizzinini da La Ila, che s’à cualifiché por l’ultima gara Coppa Italia tl rode Free, caterogira Esordiënć A, a Piné, te chëra che ara à garejé por le pröm ann. Les atletes y i altec dl Ice Club Alta Badia n’à nia ma ponsè ales gares, mo à orü stlü jö cun na bela rapresentaziun finala intitolada ”Musicals”. Al é gnü portè dant, sön les melodies di musicals plü conesciüs, de beles coreografies, insignades ite dales alenadësses Linda Mariotti y Valentina Lacedelli. Le publich, che ê scialdi tröp, à podü odëi le grup di plü pici, che à tut pert ai cursc, les atletes dl artistich y le bel grup dl sincronisé. De messè metarà indô man i alenamënć, sciöche inće i cursc por prinzipianć y i alenamënć por les atletes plü granes dl singul y dl sincronisé.

L’Ice Club Alta Badia organisarà ala fin de messè inće n stage por i grups de sincronisé; porchël, sce valgügn foss interessà da gnì pormez tl grup dl sincronisé, pòi anuzé l’ocajiun por ćiarè pro y intratan l’isté fà i pröms alenamënć. Chësc invit ne vel nia ma por mitans y mituns pici, mo inće por mitans y mituns bele plü gragn, che à ligrëza cun le jadiné, le stè adöm y fà sport.

Lucia Pizzinini.


Sport

nr. 19 / 17 de mei 2013

Viac y turnoi a Riga La scuadra Under 16 dl Hockey Club Gherdëina, renfurzeda da trëi jugadëures dl Renon, à fat pea pra n turnoi nternaziunel a Riga tla Lettonia, ulache n à pudù se museré cun scuadres de nazions ulache l hockey à na gran tradizion Hockey/Jëuni - N beliscimo viac a Riga tla Lettonia à fat la scuadra dla Under 16 dai 18 ai 22 de auril n ucajion de n turnoi nternaziunel danter de bona scuadres dla Svezia, Finlandia, Norvegia, Ruscia, Lituania, Estonia, Bieloruscia y sambën Lettonia. Per merit de nosc trainadëur Vito Delucca, che à metù a jì dut cant – l se trata tlo de n viac metù a jì privatamënter y nia sciche club – àl per l prim iede nce pudù fé pea na scuadra dla Talia pra chësc turnoi. La scuadra dl HC Gherdëina ie unida renfurzeda dai boniscimi jugadëures dl Renon Markus Spinell, Cristoph Wenter y Kevin Fink. Trainadëures n fòvel trëi sun banch, sambën Vito Delucca cun si assistënc Franz Kasslatter y Ivo Moroder. L ne pudova nce no mancë la doi acumpaniadëures dla U16, Beatrix Perathoner y Annemarie Kasslatter, che juda for ntëurite a chisc mutons. L’autra scuadres à jugà ades cun dut mutons nasciui tl ann 1997, ntant che l Gherdëina n ova mé ot dl ’97, cinch n fòvel dl ’98 y cinch monce dl ann ’99. Perchël se aspitòven partides nët nia saurides. La prima partida fova riesc dala 8 daduman, do che i mutons ova durmì bel puech (i granc sambën mo de manco), davia che n ie ruvei tert a Riga te hotel. Duc à perchël cialà ca coche i mutons ti à dat soto y à jugà da stramp bën. Tlo muessen auzé ora la bona prestazion di mutons dl Renon, che à fat duc i goi y de nosc bon verdiaporta Lukas

Stuffer che à ntan dut l turnoi tenì scialdi bën.

Scumencià àla mé bën! L prim di, n vënderdi ai 19 de auril, à la scuadra dl Gherdëina fat bën cater partides. La prima ài coche bele dit venciù per 4:2 contra l ”Avesta BK” dla Svezia. La segonda partida ài finà via a pèr contra la scuadra sterscia dla Lettonia ”HC Krösus Jurmela” per 3:3. Do marënda àn pona perdù la doi partides contra l ”IF Bjorkloven” dla Svezia per 4:12 y pona per 1:4 nce contra l ”Blues MK Blue” dla Finlandia. Tlo iel da auzé ora che la scuadra dla Svezia fova la miëura dl turnoi che à pona nce venciù la finela. N cont dla partida contra i finlandesc, iló ne jìvela plu de nia davia che per l Gherdëina fova l terzo post te chësta grupa bele segur. La sada ai 20 de auril, scumenciòven cun na partida bëndebò cumbatuda contra la scuadra dl ”Guldmedshytte SK” dla Svezia. I mutons se à purvà dassënn y à jugà bën, ma purtruep àla sciacà iust mo 20 secunc dan la fin canche i se à giapà l gol che ti à custà la partida, perdan nsci per 3:4. Puech do se à i mutons inò riesc refat y ie stac boni de valivé ora contra la scuadra dla Svezia ”Malaro Hockey” per 1:1. Da sëira po la revanche contra i ”Blues MK Blue”. Chëst iede iel stat l Gherdëina a vëncer per 4:1. N dumënia ai 21 de auril òven

La scuadra: dancà da m.c. la acumpaniadëura Beatrix Perathoner, Leo Kostner, Jan Demetz, Kevin Fink, Simon Pitschieler, Diego Glück, Lukas Stuffer, Juri Runggaldier - amez ite: Markus Spinell y Christoph Wenter - dovia da m.c. i trainadëures Vito Delucca y Franz Kasslatter, Damian Bergmeister, Marcel Comploi, Simon Piccolruaz, Hannes Kasslatter, Samuel Moroder, Peter Mulser, Patrick Nocker, Leo Holzknecht, Florian Moroder, la acumpaniadëura Annemarie Kasslatter y Ivo Moroder.

da jughé contra l ”Hedemora SK” dla Svezia. La jiva dl prim post dla grupa de cunsulazion. L Gherdëina à fat na grandiscima partida vencian ala fin per 4:3. L’ultima partida, la finela per l 10. y 11. post de chësc bel turnoi ài fat contra la scuadra de cësa dl ”Pardaugava” dla Lettonia. Mutons y trainadëures fova scialdi cuntënc di biei resultac y sambën nce stanc dala struscies di ultimi dis. La partida ie unida perduda per 1:4.

l 11ejim plazamënt sun 18 scuadres ie n boniscimo resultat. Markus Spinell dl Renon à pudù pië do l pest da topscorer de dut l turnoi. Monce chëi dl’autra scuadres à cialà ca che n ”talian” à giapà chësc pest. Perchël se à chisc mutons daldò nce merità doi sëires liedies – ulache i ne n’ova nia drë de jì a durmì tan abenëura – per jì te de pitla grupes a vijité la zità y a ti cialé ala belëzes de Riga y tlo ne n’iel pa nia mé minà la bela ëiles.

L pest dl ”topscorer”

Riga dedora dal stadio dala dlacia

Dovia l dom de Riga y a man drëta l Schwarzhäupterhaus sun plaza de chemun tla pert vedla dla zità.

N gran cumplimënt dai trainadëures, acumpaniadëures y tifosi che fova pea ala scuadra per si grandiscima prestazion. Bravi a duc! On cialà ca ce cherdli de mutons che l fova cavia, dantaldut pra chëi dla Svezia y Finlandia n fòvel de tei de 1,90 metri, nia da crëier che i ova permò 16 ani. Ma nce sce i jugadëures dl Gherdëina fova fisicamënter mëndri y plu megri ne n’ài nia abù drë de se scuender a fé hockey, i à tenì pea drët bën y

A Riga giapòven for y da uni ëura de biei ciofs da cumpré.

Genitores y acumpaniadëures sun la spiaga mo frëida de Jurmala.

Sambën sons nce nëus granc danter na partida y l’autra (ne se n on nia lascià mucé una, ajache les fova propi scialdi nteressantes) jic a vijité la zità de Riga, fan na bela tlapeda danter trainadëures, acumpaniadëures, genitores y fans. La vedla pert de Riga ie drët blòta cun n raion da jì a pe ulache n vëija truep stonc cun l’ëiles dl post che vënd scialdi roba fata a ciauza, manëces, cazines, scapins y n.i. L ie nce truep stonc cun ciofs che

vën vendui 24 ëura sun 24, à dit zachei ...! Nia da desmincë ne n’ie duta la bela bars y pubs che ie davierc nchin che l vën inò linëus. Na pitla jita sun l mer iló daujin a Jurmala ons ënghe mo fat. N beliscimo post che d’instà ie dessegur plën de turisć, ma che fova śën plutosc mort ora y sun la spiagia fòvel monce nëif y l’ega sambën dlaceda. Per fertuna ans do la rata for bel tëmp, ma n’aria frëida y da vënt. Cavia se muvans for cun l taxi – mé i mutons ova na pitla curiera che i menova ala partides – y chël fova a priesc y drët saurì. Un n ans ngalin extra gën y tulan mé plu chël. Da iede a iede tulòvel pea plu jënt. Cun n taxi da set persones furnans mefun ngalin mpue strënc de undesc, sambën giapòvel pona almanco na bela bonaman. L ie stat n bel viac, n beliscimo turnoi y de bela sëires longes. De gra Vito che te es inò metù a jì dut a puntin y speron che te mëtes inò a jì zeche nce n auter ann. Ivana Moroder

www.lauscdiladins.com

37


Sport

nr. 19 / 17 de mei 2013

Verena Hofer fej n gran saut

Iadi, jites y escursions

La jëuna tennista de Urtijëi Verena Hofer vënc cun merit l turnoi nternaziunel junior dla zità de Prato tla Toscana, na manifestazion scialdi mpurtanta ulache atlec sciche Roger Federer, Tommy Haas o Andy Murray ova tl passà ënghe venciù l titul. L ultim iede che na taliana ova triunfà fova tl 2004, ntlëuta ova Verdiana Verardi batù te finela la sudtiroleja Karin Knapp che ie al mumënt al numer 100 tla tlassifica mundiela Tennis - L turnoi ITF junior de tennis dla zità de Prato ie n turnoi de segondo grado y vën cunscidrà sciche na manifestazion ulache l possa fé pea atlec y atletes sot a 18 ani, ma che ie bele scialdi dancà tla tlassifica mundiela juniores y l cut-off fova ntan chësta ena dai 7 nchin ai 12 de mei l numer 165. Praticamënter fova l’ultima jugadëura che ruvova ite de dërt tl tabelon prinzipel tla 165ejima pusizion tla tlassifica mundiela junior. Verena Hofer, che fova dan l turnoi mo tla 471ejima posizion, ie ruveda tl tabelon prinzipel tres n ”special exempt”, che ti vën cunzedù a na jugadëura che ie mpenieda te n auter turnoi de feter l medem livel o vel’ manifestazion sciche la serie A2 tl mumënt canche l vën purtà ora la partides de cualificazion. Y mé bon che Verena ie ruveda ite tl main draw, te si prim juech àla batù la cunaziunela Francesca Brancato te trëi set per 6 a 4, 1 a 6 y 6 a 2, ti otaves de finela n’autra taliana Silvia Mocciola te doi set per 6 a 3 y 6 a 2, ti cherc àla cumbatù per doi set vencian contra la ucraina Viktoriya Lushkova per 6 a 4 y 7 a 6 – Lushkova ova venciù l’ena dant l turnoi de Salsomaggiore ulache Verena fova tumeda ora tl prim juech tl main draw. Inant iela pona jita cun la vënta te semifinela contra Katarina Jokic dla Bosnia

Herzegowina te doi set per 6 a 1 y 7 a 6 y n dumënia se à Verena segurà l titul batan te na partida scialdi cumbatuda y spetaculera la lituana Akvile Parazinskaite te trëi set per 4 a 6, 6 a 4 y 6 a 2. Cun la vënta de chësc titul se à Verena davanià leprò 100 ponc de gran valor, che, cumpedei adum cun i 105 ponc davaniei ti 10 turnoies ITF junior pra chëi che la à fat pea nchin śën, la porta al mumënt al 193ejim post pra la juniores cun de ndut 205 ponc.

Ma la vita da tennista ie scialdi mpeniativa y Verena à tres la vënta de chësc turnoi nce giapà n ”special exempt” per l turnoi de Santa Croce sun l ruf Arno tla provinzia de Pisa, che ie iust chëst’ena dai 13 nchin ai 18 de mei y nce si partezipazion al turnoi cunesciù Trofeo Bonfiglio ie segureda da na wild card che la à bele te fuia. Dut l bon a Verena y n cumplimënt nce ai trainadëures Stefano Bassetto y Patrick Prader. Alex Runggaldier

Iade a Trautmannsdorf Le KVW d’La Pli organisëia n iade da jì a ti ćiarè ai urć de Trautmannsdorf, ai 25 de mà. Iade y cherta costa 25,00€. Por informaziuns y prenotaziuns telefonè a Jan al nr. 338/4280472. Escursciun sön le Sunnenseitenweg

La Lia da Munt Ladinia Val Badia mët da jì na escursciun sön le Sunnenseitenweg te Ulten, en domënia ai 26 de mà. Al é na escursciun saurida cun n deslivel de 470 metri, por n tëmp da jì de za. 3 ores. Informaziuns pro Bernhard Pitscheider al nr. 339/2278061. Trëi dis tla ütia dl AVS Le grup jonil dla Lia da Munt Val Badia organisëia na jita de trëi dis tla ütia dl AVS a Landro (danter Toblach y Cortina). La jita vëgn tignida dal 31 de mà ćina ai 2 de jügn. Al sarà dis de compagnia, cun jüć, jì a pé, s’arpizé y d’ater. Informaziuns y prenotaziuns pro Verena al nr. 338/3399409 o Paul al 347/4736300. Spazierada tla Valsugana cun l’UML La Uniun Maestri Ladins inviëia en sabeda, ai 8 de jügn, da jì tla Valsugana a fà na spazierada söl tru ”Arte Sella” (le cört). An pëia ia dales 7.00 a Corvara (botëga Kostner), 7.05 La Ila, 7.10 Pedraces, 7.20 Pidrô, 7.25 Picolin, 7.35 Longega, S’anunzié anter i 28 de mà pro Patrizia Dorigo al 339/2871019 o Heidi Flatscher al 335/7875564. Jita dla Lia dla Paures de Gherdëina

Per la jita da d’ansciuda se à la Paures de Gherdëina chëst ann mpensà de jì tla Val de Puster a Niederdorf ulache n fajerà na ”Kneippwanderung”, acumpaniei dala esperta Maria Egarter. Chësc sarà n juebia ai 23 de mei. N pierà via dala 8 daduman te Sëlva y fermerà damprò ora pra la fermeda dla curieres. Da se nuté su iel nchin merdi 21.5. da Anna Perathoner de Curijel, tel. 338 4833904. Jita da d’ansciuda a Stams tl Tirol

Duc i seniores ie nviei a unì per ai 22 de mei a ti cialé ala bela dlieja dl Stift Stams dlongia Dispruch ulache l sarà daldò nce na marënda. Domesdì uniràl jit sun l Bergisel a ti cialé al “Rundgemälde” y al saut. Per nfurmazions y per se lascé nuté su pòssen cherdé su l numer 0471/793223.

Dotors y Apoteches Dotur

L dutor de servisc dala 8.00 da duman de n sada 18 de mei nchin la 8.00 da duman de n lunesc 20 de mei ie l dutor Raphael Insam de Urtijëi, tel. 0471/797369 o l 0471/797076. N lunesc ai 20 de mei iel de servisc l dutor Giuliano Piccoliori de S. Cristina, tel. 0471/792282. Le dotur en sorvisc tla fin dl’edema de Pasca de Mà dai 18 ai 20 de mà, ti cin’ comuns dla Val Badia, é le dotur Guido Caretta, Calfosch/Corvara, tel. 0471/836870 o 337/616080. Apoteca

L’apoteca de servisc che à daviert ora dl orar ordiner da n vënderdi (dala 19.00) ai 17 de mei nchin n vënderdi ai 24 de mei ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres ai 17 de mà al vëndres ai 24 de mà, é chëra da La Ila, tel. 0471/847152.

Prejentazions

Verena Hofer fej n saut de 278 pusizions, ruvan al numer 193 tla tlassifica mundiela dla juniores.

Elena Cortoni, la miëura de smaché la lanza

Prejentazion SunS te Fascia con Lino Straulino SunS, selezion talièna-alpina del Festival International dla ciantia de mendranza LIET, sarà a Moena ai 9 de november. Chest event spezièl vegn prejentà en jebia ai 23 de mé a Moena a La Grenz (strada Saslonch 58). Da les 18.00 conferenza stampa con l’espert de musega e mendranzes Marco Stolfo; pìcola cena e proiezion del film “Liet 2012” e h. 21.00 lezion-conzert de Lino Straulino, ciantautor furlan che à vent SunS e l’é ruà 3° al LIET.

Avisc Assemblea generala dla Union di Ladis de Anpezo

Bele da ani ie Elena Cortoni, atleta de Sëlva, pra la miëures de categuria de atletica lesiera

En juebia ai 23 de mei da les 20:30 végnel convoché la “Foula Granda”, la assemblea generala dla ULd’A. Al gnarà conté chel che é vegnù fat dl 2012 y cie che vegnirà fat dl 2013, aproé l bilanz y voté i aconsiadours y revisours di conc.

Atletica - Elena, nasciuda dl 1997, ie tla categuria alieves y pra la garejeda di campiunac de sozietà a Bulsan àla inò mustrà si gran forma. Tl smaché la lanza, disciplina cun chëla che la ova nce l ann passà fat pea pra i campiunac talians, iela ruveda ai 5 de mei 2013 sun l scialier plu aut, batan la segonda de feter 2,70 metri. Cortoni defati ie stata bona de tré la lanza bën 37, 94 metri lonc, canche la segonda, Martina Gatscher de Lana, à arjont la lunghëza de 35,26 metri. La terza, Stefanie Messner de Urtijëi, che garejea cun l SSV

Udiënzes dla Uniun di Ostis La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen.

38

www.lauscdiladins.com

Persenon ie ruveda terza cun na mesura de 34,37 metri. Cun la mesura de belau 38 metri se à Elena Cortoni davanià la rejon de pudëi fé pea pra l Brixia Meeting 2013, manifestazion sportiva nternaziunela per i alieves ulache l fej pea i Paejes Tudësc, Slovenia, Nord dla Talia y Svizra. A Elena ti augurons dut l bon pra l Meeting, manifestazion che sarà ala fin de chësta ena, avisa ai 18 y 19 de mei a Persenon. Per l’Atletica Gherdëina Cassa Raiffeisen de Gherdëina, Stefan Planker

Ofize dla Zentrala di Consumadus a Picolin

L’ofize é da ciafè tla sënta dl Raiun Sozial, tla terza alzada, y é davert vigni 2. y 4. jöbia dl mëis. Telefonn: 0474/524517. Giornèdes del “riuso” ta Dèlba

L Grop Dolèda de Dèlba en colaborazion con l Comun de Cianacei endreza la “Giornèdes del riuso” ló da la veia scola mesènes de Dèlba anché vender ai 17 e doman sabeda ai 18 de mé te chisc oraries: 9-12 e 14-18. L roba no metuda ben la vegn data de retorn. Info al 329.5891265.

Elena Cortoni se njënia a tré la lanza.

Te Fascia se tol sù fer veie Doman, sabeda ai 18 de mé i volontadives di gropes miscionaries Freinademetz e Operazione Mato Grosso passa a tor sù fèr veie te duc i paìjes da Soraga a Fontanac. Se domana de meter dut sun or de strèda jà da doman bonora. Chi che vel dèr na man per jir h 8.30 al “Tobià de Nola” a Pera.


nr. 19 / 17 de mei 2013

♦ Cunzert per i 50 ani dl Cor di Ëi Raetia N sada ai 25 de mei saràl dala 20.30 tla Cësa de Cultura de Urtijëi l cunzert per i 50 ani dl Cor di Ëi Raetia cun l Cor di Ëi de Sëuc y l Cor di Jëuni de S. Cristina N dumënia 26 de mei cianterà nosc Cor dala 9.00 te dlieja de Urtijëi la “Pitla Orgelsolomesse” de Joseph Haydn. Do mëssa unirà duc i ciantarins da dant y l’autoriteies nviedes a n aperitif tla Cësa de Cultura.

Informazions y Manifestazions Referac Cöie, mëte ia y adorè nostes erbes de medejina De chësc nen vara te n referat cun Gottfried Hochgruber, che vëgn tignì en jöbia ai 23 de mà dales 20.00, te salf de calonia a San Ćiascian. Al vëgn splighé sciöche an pö cöie y mëte ia erbes, plantes y früć che crësc chilò da nos, y i adorè ia por l’ann. Organisaziun: Uniun dles Ëles. L’importanza da fà movimënt

”Ćiodi vir pa les porsones che fej movimënt plü dî y damì?” A chësta domanda ôn dè na resposta pro le referat cun le dr. Michele Cattani, che vëgn tignì en vëndres ai 24 de mà dales 20.00, te scora mesana a La Ila. Tratan la sëra gnaràl inće fat val’ eserzizi de coordinaziun por vignidé. Organisaziun: Comitê dles ëles dl Comun de Badia. Dejintossié le corp cun erbes

Le KVW da Calfosch mët da jì en vëndres al 31 de mà dales 16.00 n domisdé cun Gottfried Hochgruber, te Ćiasa dles Uniuns a Calfosch. Le referënt baiarà dla ”importanza da se dejintossié cun erbes che crësc da d’aisciöda dan porta de ćiasa”. Ciofs y plantes che fej bon a corp y ana

La biblioteca Oswald von Wolkenstein nvieia a na sëira de nfurmazion ai 22 de mei dala 20.30 cun Karin Planker pedagoga de ierbes y craitles. Scontrèdes del projet VIF de la Scola de Fascia

En mercol ai 22 de mé h 20.30 te sala grana de la Sorastanza de la Scola de Fascia vegn portà dant l’ùltima scontrèda del projet VIF dal tìtol “I joegn encontra la politica”, n debatit anter joegn e aministradores col conseier provinzièl Luigi Chiocchetti e la procuradora Cristina Donei. L Cor di Ëi Raetia nvieia al cunzert.

♦ Rumon su nosc luech L Chemun de S. Cristina cun la Lia per l Turism mët a jì l’azion “Rumon su nosch luech” n sada ai 25 de mei. N se anconta dala 8.00 daduman sun plaza de chemun L unirà pona jit ora per l luech a rumé su. Da dedò ti uniràl pità na bona marënda a duc chëi che à judà pea. Rengrazion bele śën de vosta cunlaurazion y speron che unirëis de trueps a judé a rumé su nosc luech.

Mujiga Conzert d’Aisciuda sa Vich Doman, sabeda ai 18 de mé da 21.00 te sala de Consei del Comun de Vich la Musega da Vich porta dant l Conzert d’Aisciuda. Maor info sul sit www.musegadavich.com Conzert de l’Ensemble Gherdëina a Moena

Doman, sabeda ai 18 de mé h. 20.30 per l 42° Festival de Musega Sacra del Trentin Sudtirol te gejia de Sèn Vile a Moena Ensemble Gherdëina e Marini Consort de Dìsprùch sot la reta de Felicitas Schweizer-Kostner porta dant la Messa n. 2 en mi-minore di Anton Bruckner. Se pel ite debant. Conzerc dla Young Band d’Ampez

Les esibizions di tosac dla scola de musiga sarà en doman sabeda ai 18 de mei da les 17:00 tl salf dla cultura dl Palaz dles Postes. La domenia ai 19 de mei sarà i conzerc tl Alexander Girardi Hall, semper da la medema ora. Conzerć dla Scora de Musiga Val Badia En vëndres ai 17 de mà dales 18.00 saràl n conzert tl salf dl Istitut Ladin a San Martin de Tor; en lönesc ai 27 de mà dales 18.00 gnaràl tignì n conzert te salf dles manifestaziuns d’Al Plan. An podarà aldì scolars dla Scora de Musiga Val Badia. Conzerć cun stromënć

La Scora de Musiga Val Badia inviëia a deplü conzerć de stromënć. En mercui ai 22 de mà gnaràl pité n conzert de bateria, en mercui ai 29 de mà n conzert de fabló traversal. Intrami i conzerć é dales 18.00, tl’aula magna dla scora mesana da La Ila. Ai 29 de mà dales 18.00 saràl inće tl salf dles manifestaziuns da Corvara n conzert de fabló traversal. Conzert dl cor ”Cantus Iuvenis” Plastica, bostli y papier de uni sort de pestaria iel ncantëur.

♦ Presentaziun dla CD “La scogna” En sabeda ai 25 de mà 2013, dales 20:30, al UFO a Bornech La CD nöia dal titul “La scogna”, cun indöt 16 ćianties ladines nöies y dui toć strumentai (Capricci de N.Paganini), é gnüda fora. Les melodies y i tesć dles ćianties é di dui maroi Iaco Rigo y Andrea Federa. La CD é la secunda ediziun dl “ethnical project”, pié ia dl 2007 por ćiantè, trasmëte y portè inće foradecà les impresciuns de vita coiüdes sö danter nosta jënt ladina, nosta contrada, les sajuns y les tradiziuns. Al laûr de registraziun por chësta CD à tut pert passa vint porsones cun sonè y ćiantè; dantadöt de plü usc feminiles é por le pröm iade da aldì sön na CD. La CD gnarà presentada ai 25 de mà 2013, dales 20:30, al UFO a Bornech; l’entrada sarà debann y al La pert rodosa dl sfëi dla CD “La scogna” cun gran pert di gnarà inće venü la CD. protagonisć che à ćiantè y sonè.

Le Cor ”Cantus Iuvenis” da Vìena, sot la direziun de André Comploi d’Al Plan, tignarà n conzert por le iubileum de 10 agn, y la presentaziun de süa CD nöia, en vëndres al 31 de mà dales 20.00, tla Ćiasa J.B. Runcher a Badia. Conzert a La Val Tla cornisc de "Cultus" gnaral metü da jì en sabeda ai 25 de mà dales 18:00 pro la Dlijia Vedla n conzert cun le cor Schola S.Rocco. Da bur’ tëmp saral tla Dlijia da La Val.

Trasmiscions TV y Radio Tribut al “Chum” tel Cianton de l’ICL Te “L Cianton de l’Istitut” sun TML enscin ai 26 de mé se pel veder “Tribut al Chum”, l conzert metù a jir del 2011 per recordèr l ciantautor da Moena. Oraries indicatives: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15, vender h. 11.30. “Kairos”: l temp del Spirit sun TML

Sun TML se pel veder la rubrica religiousa “Kairos” con letura per fascian del Vangele de la domenia e coment de don Celestino Riz. Oraries: sabeda h. 19.45, 21.15 e 22.15; domenia h. 7.15, 10.00, 17.15 e 23.15; lunesc h. 7.15, 11.30, 17.45. La programazion de TML é ence su www.tmltv.it e i programes de Ercamedia su www.tvladina.com.

Sport De corsa su e ju da Fascia L’Atletica Fassa 08 taca la sajon de la corsa con na neva garejèda: “Fascia Up & Down”. En domenia ai 19 de mé h 9.30 se pèrt da Poza e se rua a Cianacei, olache pontarà demez l compagn de squadra che l jirà en ju endò enscin a Poza. Se cogn se scriver amò anché vender 17 de mé al 328.6450706 o a: atleticafassa08@yahoo.it.

www.lauscdiladins.com

39


Informazions y Manifestazions Temp lede Contìes per la scolina de Sen Jan I genitores di bec de la scolina de Sèn Jan, per tor sù scioldi per la speises de gestion, endreza per insnet, vender ai 17 de mé, da les 20.30, te oratorie de Poza, na serèda dal tìtol “Fabulando” olache vegn let jù contìes da n’outa.

nr. 19 / 17 de mei 2013

♦ Marcià da La Poza Duman sada ai 18 de mei dala 8.00 daduman inant sëis duc nviei a unì te Sëlva al Marcià da La Poza. La Grupa Alpini Gherdëina y l Cor de Sëlva dajerà ora velch de bon da maië y da bever sun plaza de chemun

Baratada de ciüfs, pelzes y somënes

En doman sabeda ai 18 de mà dales 13.00 ales 17.00, sön plaza dla ex-scora elementara da San Martin. Tolésse para ciüfs, pelzes o somënzes che i n’adorëis nia plü y gnide a ves do ći che ves manćia. Damanè vëgnel na spënora de buna man, che va ales vitimes dla roa de Badia. Manifestaziun organisada dales Patrones da San Martin, deboriada cun le Sortengarten Südtirol.

Do che ëis cumprà ciofs, scufons i n trëi mandorlati, se ancuntons duc sun platza de chemun a fé festa. Iló saràl la Grupa Alpini Gherdëina y L Cor de Dlieja de Sëlva che ve pieta zeche da maië, śaura, crafuncins fac nstës, lianies blances y zeche da bever. Per la bona ueia suneràl i Malfertheiner. La Grupa Alpini Gherdëina y L Cor de Dlieja de Sëlva se ncunforta sun Vo.

Cortina InCroda

Encuei vender ai 17 de mei da les 21.00 végnel proieté tl chino Eden te Ampez n film da mont prejenté pro l Film Festival da Trent. Jì con la roda “en rosa” En domenia ai 19 de mei vegniràl fat na jita con la roda da Cortina a Calazo, tres la pista dla roda dles Dolomites. Sce al essa da ester burt temp vegniràla sburleda ai 26 de mei. Enconteda dles “Ape”

La domenia ai 19 de mei, da les 14.00, végnel fat te Ampez, tres l Corso Italia, la defilada dles “Ape”, con premiazion y conzert dla Young Band. Ciak Junior

L festival internazional de films curc per tosac da en chest ann ence te Ampez, olà che al sarà dai 20 ai 25 de mei. La manifestazion sarà tl salf dles manifestazions A.G. Hall. Per deplù infos: www.alcuni.it. Grup de apascionades de erbes

Le Consëi de Formaziun da La Val organisëia 4 incuntades dles apascionades dles erbes, ai 28 de mà, 25 de jügn, 23 de messè y 28 de agost, tres dales 20.00, te salf dles uniuns a La Val. Al é na ocajiun por baratè fora esperiënzes, baié dles erbes, cô les adorè y les conservè. Le grup é limité a 16 porsones. Informaziuns pro Michela al 0471/843057 (da sëra). Jita dla families cun la roda

L KVW de Sëlva nvieia duta la families a unì pea ai 20 de mei a na jita cun la roda tla Vinschgau. La curiera pierà via dala 8.00 daduman te Sëlva dan cësa de cultura. N possa se tò pea la roda. Lauré te verzon

La lia Sanynton juda a anjenië ca na cultura nueva o n verzon nuef dlongia cësa y chier perchël nce persones da tlo che ulëssa fé pea pra l proiet “Uni sada te verzon” y d’autonn a lauré la lana de biescia. Plu nfurmazions giapëis pra Brunhilde, 333/1079990. Ëures de stories

La biblioteca “Tresl Gruber “ a S. Cristina nvieia a la ëures de stories per mutons y mutans dla Scola Elementera cun Sofia Stuflesser n cunlaurazion cun la Union di Ladins de Gherdëina, ai 22 de mei dala 15.00 nchin la 16.00 te biblioteca de S. Cristina. Da dedò uniràl mo pastelnà y dessenià. Domesdis de pastlné cun Martina La Nëus Jëuni Gherdëina nvieia duc i sculeies dla scola elementera a unì ai domesdis de pastlné cun Martina. Ai 22 de mei depenjerons cun culëures a acril, dala 14.30 nchin la 16.30 dala Nëus Jëuni Gherdëina. Iscrizions y plu nfurmazions giapëis tl ufize dla Nëus Jëuni Gherdëina, 0471/ 799006. Mëisa de libri n con’ de ciofs da mëter ora te verzon

La mëisa de libri ie da udëi te Sëlva te biblioteca “Oswald von Wolkenstein” nchin ai 15 de juni 2013 ntan l orar de giaurida.

Teater Teater solidal a Poza

Doman, sabeda ai 18 de mé per endrez del Comun de Poza te teater de l’oratorie h 21.00 se pel veder “Dove sono Jim e Rodrigo?”, spetacol de teater de la sociazion culturèla Grenzland, con test de Luisa Pachera, su la storia de doi bec sparii per semper al temp de la ditatura tel Cile. Entrèda: 7€ per gregn, 2€ sot i 14 egn.

Chino Al chino de Cianacei L chino de Cianacei restarà serà enscin al meis de jugn. Al chino de Pardac

Insnet, vender ai 17 de mé da les 21.15 se pel veder “Hitchcock”. En sabeda ai 18 e en domenia ai 19 da les 21.15 vegn moscià “Scary movie 5” e en jebia ai 23 e en vender ai 24 de mé sarà possibol veder, da les 17.00 “Epic” e da les 21.15 “Le streghe di Salem”. Al chino de Tieser Insnet, vender ai 17 de mé e ence sabeda ai 18 e domenia ai 19 se pel veder l film en 3D “Hansel e Gretel. Cacciatori di streghe”. En jebia ai 23 da les 21.15 se podarà veder “Fast & Furious 6”. En vender ai 24 h. 21.00 e en sabeda ai 25 h. 16.30 sarà i “saggi” de la scola “Non solo Danza” de Ciavaleis.

40

www.lauscdiladins.com

Bona ueia pra l Marcià da La Poza.

♦ Teater y sëira de nfurmazion L mond particuler dla persona cun demënza Secudì persones amaledes de demënza se damanda na gran pazienza y n ruva saurì a ne savëi nia plu co se cumpurté limpea y al limit dla forzes. La dumandes plu mpurtantes ie: Cie ie pa la demënza, co se manifestéila pa? Cie muëssi pa savëi n con’ de chësta malatia per capì plu avisa la persona amaleda? Co dëssi pa traté na persona cun demënza? Ciunes ie pa la sauridanzes per secudì chësta persones? L Servisc Soziel, l Servisc Saniter y la Cësa de Paussa de Urtijëi mët a jì doi scumenciadives n con' dla demënza. La doi sëires dëssa ti vester de aiut nia mé ala personers che à da n fé cun chësta malatia ma nce ai servijes y nfurmé la populazion. N mierculdi ai 22 de mei dala 20.30 te sala de I lecorc se n jola demez coche na Chemun de S. Cristina uniràl purtà dant l teater plecia tl vënt. tla rujeneda tudëscia “Das Leben und Punkt“ dala grupa de teater “Bartholomei’s“. L pez mostra te na maniera drët sentida y mpo tlera l mond dla persona cun demënza. N mierculdi ai 29 de mei dala 20.30 for te sala de Chemun de S. Cristina saràl na sëira de nfurmazion cun l dutor Heinz Santifaller, dutor respunsabl tla Cësa de Paussa de Persenon per pazienc de demënza y cun Sabine Kaserer, nfermiera tl raion saniter de Bulsan. La doi sëires uel sensibilisé y fé cunëscer ala jënt la tematica dla demënza, ti pité aiut tla cura, nfurmé sun cie y chiche pieta aiut te chisc caji y fé cunëscer ala jënt i servijes de nosc raion.

♦ L ritm dl vester L artista de Urtijëi Wilhelm Senoner nvieia duc ncuei vënderdi, 17 de mei a unì dala 19.00 ala giaurida dla mostra “Il ritmo dell’essere“ tl “Complesso monumentale di San Silvestro“, Contrà San Silvestro a Vicenza Danora saràl da audì paroles de salut da pert dl dott. urb. Roberto Meneguzzo, presidënt dl UCAI, Unione Cattolica Artisti Italiani. La ntroduzion alla mostra unirà fata dalla prufessëura Marifulvia Matteazzi Alberti. La mostra sarà da udëi nchin ai 16 de juni, de mierculdi, juebia y vënderdi dala 16.00 nchin la 20.00 y de sada y dumënia dala 10.00 nchin la 20.00. “L ritm dl vester.“


Informazions y Manifestazions

nr. 19 / 17 de mei 2013

♦ Partida: Chievo - Val Badia Le Chievo-Verona śoga ai 24 de mà cuntra la scuadra de rapresentanza dla Val Badia, sön le ćiamp da La Val

Cursc Cursc dla roda Le Club Rodes Val Badia lascia alsavëi che le pröm alenamënt cun la roda da munt vëgn tignì en mercui ai 22 de mà dales 17.00, por mituns dai 6 ai 16 agn. An s’incunta sön la plaza dl lift da La Crusc a Badia. Sce al é bur’ tëmp, vëgn döt sburlé al dé do. Por i alenamënć mëss i mituns avëi l’elm y ester apost cun le tesseramënt 2013 (da fà anter i 16 de mà). D’atres informaziuns al 0471/839735 o info@rodesvalbadia.org Curs da fà laûrs de convënt

La Uniun dles Ëles da San Ćiascian mët da jì n curs da fà laûrs de convënt (Klosterarbeit) cun Hilda Tschaffert. Le curs vëgn tignì anter plü iadi y muet man en mertesc ai 21 de mà dales 14.00, te ćiasa dla referënta a San Ćiascian. Infos y prenotaziuns pro Rosa al 0471/849227 (sura misdé) Cujiné pröms te cört tëmp

Le Consëi de Formaziun dl comun da Corvara mët da jì n curs da cujiné pröms dla ćiasadafüch mediterana, por chi che n’à nia tröp tëmp mo ô impò mangé bun. Referënta é Lucia Ciretta y le curs vuegn tignì en mertesc ai 21 de mà dales 18.00, te Ćiasa dles Uniuns a Calfosch. Infos y prenotaziuns pro Lucia al 347/8523536. Cost: 10,00€ a će. Le curs é limité a 10 porsones. Curs da cujiné vegetarian

La Uniun dles Ëres d’Al Plan mët da jì n curs da cujiné vegetarian cun Stefan Kuprian, ai 21 y 22 de mà dales 19.30, tl Hotel Waldruh a Al Plan. Al é da s’anunzié anter incö 17 de mà pro Annamaria Complojer al nr. 0474/501286 o 334/6102551. Le numer de partezipanć é limité.

Por le pröm iade él na scuadra de seria A che śoga sön un di ćiamps dl sport dl’Alta Badia. Le Chievo Verona, metü sö l’ann 1929 da n grup de apascionà dl palê tla localité de Chievo, śogarà en vëndres ai 24 de mà sön le ćiamp dl sport da La Val, cuntra la scuadra de rapresentanza dla Val Badia, metüda adöm da śogadus de döta la valada. La partida d’amizizia metarà man dales 15:00, y düć i apascionà dl palê é invià da gnì a sostignì la scuadra La formaziun dl Chievo - Verona śoga a La Val cuntra na ladina. rapresentanza dla Val Badia. Dl 2003 ê n valgügn śogadus dla US La Val jüs a Veronello por śoghé cuntra la scuadra dl Chievo, y śëgn - 10 agn dedô - vëgnel cuntracambié l’invit. La scuadra alenada da Eugenio Corini rovarà a La Val bele danmisdé ia, y domisdé podaràn odëi te ćiamp dal vì i śogadus sciöche Théreau o Paloschi. Sambëgn ne manciaràl nia le capitan Pellissier, che é al momënt infortuné. Do la partida aràn la poscibilité da fà foto adöm ai śogadus y damanè autograms.

♦ Curs de Zumba L’Uniun Sport La Ila/seziun fitness mët da jì n curs de Zumba te palestra nöia da La Ila, cun l’istruturia Sofia Granruaz Le curs mët man ai 23 de mà y gnarà tignì vigni lönesc y jöbia dales 19.45 ales 21.00, por 8 iadi indöt. Les iscriziuns gnarà tutes sö le pröm iade diretamënter te palestra. Por informaziuns cherdè sö le 339/1433016 o ćiarè sot a www.uslaila.it.

Curs de adestramënt de ćians

Le Consëi de Formaziun da Corvara mët da jì n curs de adestramënt de ćians, en vëndres ai 24 de mà dales 14.30, dlungia le stadium dala dlacia da Corvara. Referënć é istruturs SIUA. Le cost é de 120.00€. Infos y prenotaziuns pro Verena al 347/4654432. Curs de computer cun i studënć dl ITC Le Comitê dl Raiun Sozio-sanitar Val Badia organisëia n curs por porsones che à püćes conescënzes da laurè cun le computer o che à n pü’ de ”tëma” da ti jì pormez. I studënć dl ITC da La Ila se mët a desposiziun por insigné i pröms vari. La pröma incuntada sarà ai 24 de mà dales 16.00, tla scora a La Ila. Le curs döra indöt cater iadi. Prenotaziuns al nr. 0474/524552 ćina ai 21 de mà.

Religion Pelegrinaje dles porsones vëdues y sores

Le KVW da Bornech inviëia vëdui, vëdues y porsones sores al pelegrinaje de döt le raiun a “St. Ulrich am Pillersee – Tirol” ai 20 de mà. Le bus pëia ia da Bornech dales 8:00 y da San Laurënz dales 8:10. Prëibel anunziesse ćina ai 15 de mà pro la rapresentanta dl KVW de osc paîsc o pro le KVW da Bornech al 0474/411149. Pelegrinaje a Santa Maria delle Grazie/Caprile

Pelegrinaje por les porsones vëdues y sores dla Val Badia, ai 6 de jügn. Orars bus 1: La Pli 8.00, Al Plan 8.10, Longega 8.15, San Martin 8.25, Pidrô 8.30, Pedraces 8.40, La Ila 8.45; Bus 2: Calfosch 8.30, Corvara 8.40, San Ćiascian 9.00. Iade y marëna costa 40,00€. Da s’anunzié él dan i 6 de jügn pro la rapresentanta de paîsc o al nr. 0474/590069. Spligaziun dl Benedictus Sön invit dl Consëi de Cöra de Badia, rovaràl adalerch tla Ćiasa J.B. Runcher a Badia siur Sepl Granruaz, che spligarà le Benedictus. Le referat é en mertesc ai 28 de mà dales 20.30. Perié por la Dlijia dla Cina

Le dé 24 de mà é gnü stabilì ćiamò dal papa Benedët XVI sciöche dé de oraziun por la Dlijia dla Cina. Al é bun y dërt che al vëgnes inće tles valades ladines recordè en chësc dé tles oraziuns y SS. Mësses la ria situaziun dla dlijia cineja, te chëra che Sant Ujöp Freinademetz à daidé mëte la fondamënta. Pelegrinaje a Trafoi

Le KVW dl comun de Badia organisëia en mercui ai 12 de jügn 2013 n pelegrinaje al Santuar de Hl. Drei Brunnen (Santuar dles trëi fontanes) a Trafoi tla Venusta cun n bus dala Val Badia demez. Por informaziuns y prenotaziuns telefonede prëibel a Vijo Clement al numer 0471 849353 o 339 4983474. Mostra de vedles crusc a La Val

La domënia ai 26 de mà dales 16:00 gnaral daurì la mostra de crusc “Cultus” pro la dlijia vedla San Śenese a La Val, cun vijita acompagnada incër Dlijia Vedla ia dal dr. Helmut Stampfer. Sce al é bur’ tëmp spo gnarà la manifestaziun tignida tla Dlijia de Santa Berbura.

A La Ila vëgnel pité n curs de zumba, che mët man ai 23 de mà.

♦ Domënia zënza auti Plü cualité de vita sön les strades. Cun chësc spirit vëgnel metü da jì ti comuns de Badia y Corvara la domënia zënza auti Inće en chësc ann vëgnel metü da jì ti comuns de Badia y Corvara la domënia zënza auti, organisada dai Consëis de formaziun adöm ai comuns de Badia y Corvara. La domënia zënza auti, che vëgn tignida ai 19 de mà 2013, é n dé de sensibilisaziun y respet por l’ambiënt y nosta bela natöra, insciö da arjunje deplü Ti comuns de Badia y Corvara é la jënt inviada da lascè l’auto chit, en cualité de vita sön domënia ai 19 de mà. les strades. Na bona ocajiun por düć da lascè l’auto a ćiasa y jì cun la roda o a pé y passè n dé n pü’ atramënter. www.lauscdiladins.com

41


Informazions y Manifestazions

nr. 19 / 17 de mei 2013

♦ Badia: conzert d’aisciöda La Müjiga de Badia inviëia a so conzert d’aisciöda, en sabeda ai 25 de mà dales 20.30, tla Ćiasa J.B. Runcher a San Linert Ara é indô tan inant. Ai 25 de mà tëgn la Müjiga de Badia so conzert d’aisciöda. Y sciöche vigni conzert, sarà inće chësc caraterisé da val’ novité musicala: sciöche bele en ocajiun dl conzert da Nadè, saràl da aldì la solista soprann Cristina Pitscheider da Ruac che ćiantarà, adöm ala musiga, le ”Vilja Lied” de Franz Lehar, ”Mein Herr Marquis” y “Im Feuer Sturm” de Johann Strauss. Da pert dla musiga saràl da aldì la ”Nordic Fanfare and Hymn” La Müjiga de Badia à le plajëi da invié al conzert d’aisciöda. de Jakob de Haan, ”Peter Schmoll Ouverture” de Karl Maria von Weber, ”Geburtstagsmarsch” de Franz Kühne, ”Milano Marsch” de Amilcare Ponchielli, ”Colussus” de Thomas Doss y ”A tribute to George Gershwin” tl aranjamënt de Gert Buitenhuis. Sciöche tres é le conzert d’aisciöda inće ocajiun por ti surandè onoranzes a chi musicontri che fej bele da plü agn pert dla uniun. En chësc ann gnaràl surandè öna na onoranza da 15 agn, döes por 25 agn y döes por 50 agn d’ativité.

♦ Conzert de Pasca de Mà En domënia ai 19 de mà dales 20.30 tëgn la Musiga d’La Pli so vintejim Conzert de Pasca de Mà Pasca de Mà é oramai n apuntamënt fis a La Pli de Mareo. Bele da 20 agn incà tëgn la Musiga d’La Pli en chësc dé so gran conzert, olache ara presentëia i tòć nüs imparà ite tratan l’aisciöda. Iniann ne saràra nia atramënter, porchël é düć canć dër bel invià da gnì en domënia ai 19 de mà dales 20.30 al Conzert d Pasca de Mà, tla Ćiasa dles Uniuns d’La Pli. La Musiga, sot la bachëta de Andrea Daverda, dauriarà so program cun le”Feierlicher Einzug der Ritter des Johanniterordens” de Richard Strauss, aranje da Peter Gartner. Ara jarà spo inant cun ”Reich der Dolomiten” de Gottfried Veit y ”Il La Musiga d’La Pli inviëia al Conzert de Pasca de Mà. Postiglione d’Amore” de Alfred Bösendorfer. Do la palsa podaràn ascutè sö la polca ”Böhmisch soll es klingen” de Alexander Pfluger (ar. Michael Kuhn), la overtüra ”Chicago Festival” de Markus Götz y le tòch modern ”Elton John in Concert” de Elton John (ar. Steve Daniels). Le program ofizial va a piz cun le ”Reitermarsch” de Johann Strauss Sohn (ar. Jaroslav Zeman).

Mostres “Hole’s Lovers” n projet artistich particolèr “Hole’s Lovers” à binà 6 artisć de desvalives lesc d’Europa sun Lujia per viver e produjer te mez a la natura sia formes de èrt. Sia operes se pel les veder al Zenter d’Èrt Contemporanea a Ciavales enscin lunesc ai 20 de mé, h 20.00 - 22.00. Infos: http://treefisting.blogspot.it/ Christine Runggaldier a Moena

Te la “Minicivica”, la sala dedichèda a l’èrt te Piaz de Sotegrava a Moena, enscin ai 24 de mé se pel veder la esposizion de la operes de Christine Runggaldier. Oraries: jebia, vender e sabeda da les 17.00 a les 19.00. Mostra de Helmar Demetz

La mostra de Helmar Demetz ie da udëi dai 27 de mei nchin ai 16 de juni tl Café Surëdl a Urtijëi ntan l orar de giaurida, lunesc nchin sada, 10.00 - 19.00. Mostra de Francesca Demetz

La Lia Mostra d’Ert nvieia duc de cuer ala mostra “In divenire” dl artista Francesca Demetz. La giaurida sarà n vënderdi, 24 de mei dala 20.30 tla sala dla Lia Mostra d’Ert a Urtijëi. Orar de giaurida: dai 25 de mei nchin ai 7 de juni, 10.00 – 12.00 y 16.30 – 19.00. De lunesc resta la mostra stluta. Pest de xilografia

I sculeies y nsenianc di Lizei Artistics “Cademia“ de Urtijëi y “Giuseppe Soraperra“ de Poza de Fascia ve nvieia de cuer ala giaurida dla mostra-cuncors de xilografia per lecurdé l artist de Trënt, Remo Wolf, n juebia ai 23 de mei dala 10.00 tl lizeum artistic Cademia a Urtijëi.

♦ Artistes y artisć vëgn söl post Le proiet d’ert internazional SMACH i darà le bëgnodü ales istalaziuns, ai intervënć y ales operes dai 1. de jügn ai 10 de jügn I pröms dis de jügn ruvaral a San Martin de Tor y ti paîsc d’Antermëia y Lungiarü la desëna de artistes y artisć premià por mëte sö sü laûrs d’ert. Un o l’atra arjignarà so laûr söl post, adoran materiai locai y naturai, ti don vita a na performance, a chëra che düć é invià a tó pert. I artisć y i laûrs söl post gnarà chisc dis inće documentà.

♦ Sir Lady Eisenhover cunta de süa vita N sartù punk y designer de moda tl Museum Ladin Ćiastel de Tor. Sir Lady Eisenhover alias Hubert Pfeifhofer da Sest cunta süa esperiënza de vita Canche Hubert Pfeifhofer, en ert Sir Lady Eisenhover, passa dlungia ia, é düć i edli sön ël. Bele so look punk y estravagant tira l’edl dla jënt. Mo chësc n’é nia dagnora stè insciö. Hubert ê plü dadî slosser, fina canche àl à tl 1984 albü n gran inzidënt cun le motor, olache ”süa memoria é gnüda azerada”, sciöche al dij. La diagnosa ê trauma al će. Do che al ê rové fora dl coma ne se recordâl plü de nia. Fina al dedaincö sàl de süa infanzia ma ći che la jënt ti cunta. Al ne passa nia n dé che al n’ais nia mè de će. Al à indô messü mëte man da imparè da baié, da lì y da scrì, y à messü dè sö so laûr. Mo impò él stè bun da realisé so some. Al à metü man da dessigné modei de guant y da i cujì. Al à süa coleziun personala che se ispirëia dër a Vivienne Westwood, sigü öna dles stilistes plü particolares tl monn dla moda. De döt chësc cuntaràl ël instës, en ocajiun de na serada organisada dal Raiun Sozial Val Badia en colaboraziun cun le „Netzwerk Südtirol für Schädelhirntrauma - Schlaganfall Südtirol”, ai 30 de mà dales 19.30, tl Museum Ladin Ćiastel de Tor a San Martin de Tor. Sir Lady Eisenhover. Designer particolar. Düć é dër bel invià.

42

www.lauscdiladins.com

Öna dles performances gnarà fata da Olga Helena Schäfer dla Catalunia/Spagna: ara arjignarà chësc so laûr dal titul “Fenix” dal vi sön “Corn”.

Ala oma, la y laona,

Nane de Col! Le complì de Üsc 90 agn è garatada na bela festa. Nos s’aodun ennant sanité y serenité y se dijun iolan y Dio s’al pai de döt ći che i Ëis fat, pazionté y perié por nos. Les 6 mitans, i 5 mituns con families, ćina ai mëndri dai tosc 20 pronus


Congratulazions y Inserac

nr. 19 / 17 de mei 2013

Chirì da laour A

Astrid y Erich, che à metù man si vita deberiëda n sada passeda, 11 de mei, ti mbincions dut l bon y truepa legrëzes per l daunì! Vosta families

Bele 80 ani iel passà da canche

Leni “Dl Puter“ ai 14 de mei ie nasciuda te Plan. Per chësta ucajion te mbincia dut l bon

Na jona de 18 agn da Badia chir da laûr por la sajun da d’ istè. Tel. 0471/839861. (17/13) ••• N ël talian chier da lëur sciche pizzaiolo/ aiut-cuech. L à 15 ani de sperienza, lëura cun uni fëur da pizza y à de bona referënzes. L chier n lëur per dut l ann o per la sajon. Tel. 345/0543473 (17/13) ••• N ël cun esperienza chier da lëur a judé te cësadafuech o a fé de uni sort de lëures. Tel. 334/7125770. (17/13) ••• N ël chier da lëur a lavé ju te na cësadafuech o a fé de uni sort de lëures. Tel. 389/9505152. (17/13) ••• N ël cun esperienza chier da lëur a lavé ju te na cësadafuech o a fé de uni sort de lëures. Tel. 380/4747336. (18/13) ••• N ël chier da lëur a lavé ju te na cësadafuech o a fé de uni sort de stroc. Tel. 329/3991287. (18/13) ••• N ël chier da lëur a judé te cësadafuech o a fé de uni sort de lëures. Tel. 333/2070929. (18/13) ••• N ël cun la patent B chier da lëur da vardian, a fé de uni sort de lëures, coche pizzaiolo o a dé ora dlacins. Tel. 392/4012073. (18/13)

••• Na ëra dl post cun esperiënza chir n laûr da ćiamenëssa tla Val Badia. Tel. 338/1747536. (18/13) ••• N jonn cun esperiënza y vëia da fà chir da laûr sciöche dëidacogo por la sajun da d’isté y eventualmënter inće por döt l’ann. Tel. 348/2988647. (18/13) ••• N jonn dla Val Badia de 17 agn chir por la sajun da d'isté da laûr sciöche dëidacogo o chelner. Tel. 333/2364824. (18/13) ••• N ël chier da lëur a lavé ju te na cësadafuech o a fé de uni sort de lëures. Ël à bele 8 ani de esperienza. Tel. 339/8665047. (19/13) ••• Na jëuna da tlo chier n lëur a mez tëmp dala metà de juni inant. Tel. 333/4827399. (19/13) ••• Na jëuna che sa talian, nglëisc, spanuel y n puech tudësch chier da lëur da massöra/estetista. Tel. 380/6954528. (19/13) ••• Na ëila cun esperienza chier da lëur a cialé de na persona de tëmp o a cialé de pitli mutons per dut l ann o nce per la sajons. Tel. 380/3420369. (19/13) •••

L vën cris a Urtijëi n pitl cuatier per n laurant de na butëiga. Tel. 393/6971255 o 0471/798612. (17/13) ••• L vën crì n pitl cuatier per doi studënc dla Scola Profesciunela cun na majon, cësadafuech y bani da setëmber nchin a juni 2014. Tel. 388/0561541. (17/13) •••

Al vëgn chirì na roda por na möta dla pröma elementara y n puky de secunda man. Prëibel telefonè al 339/6211647. (17/13) ••• L vën crì n cuatier nce cunvenzionà da tò a fit per dut l ann te Sëlva o tl raion de Plan da Tieja per 4 persones. Tel. 389/3475322. (17/13)

N’ëila de 39 ani di Paejes Tudësc che viv te Gherdëina chier da lëur per la sajon da d’instà o per dut l ann dai prims de lugio inant. Tel. 338/492308 da sëira. (19/13) ••• N pizzaiolo cun 12 ani de esperienza, cun de bona referënzes y che sà tudësch, talian y nglëisc chier da lëur. Tel. 339/2661628. (19/13) ••• N ël chier da lëur coche chelner o a judé te na cësadafuech. Ël sa talian y tudësch. Tel. 348/9196199. (19/13) ••• N ël cun esperienza chier da lëur da pizzaiolo o coche segondo cuech. Tel. 380/3433053. (19/13) ••• N ël cun esperienza y de bona referënzes chier da lëur a lavé ju o a fé de uni sort de lëures. Tel. 388/1475238. (19/13) ••• N jëunn de 26 ani cun esperienza chier da lëur coche segondo cuech o coche chelner. Ël sa tudësch y talian. Tel. 380/9072994. (19/13) ••• N ël chier da lëur coche cuech o segondo cuech. Tel. 327/7121835. (19/13) ••• N ël chier da lëur coche cuech o pra n grill. Tel. 329/0471634. (19/13) •••

Da chirì

ti uem Benedikt y ti mut Erich cun Karin Andrea y Valentina.

Ai 16 de mei à

Luis y Maria Moroder “De Val“ festejà la noza de or. Ti mbincion dut l bon fertuna y sanità y mo truep de biei ani deberieda. Chësc de cuer da vosc mutons Michael, Waltraud, Stefan y Markus cun families.

Augures a

Carlo Mussner “Dl Scizer“

Da vende Al vëgn dè ia n guant da paur cun ćiapel, mosöra 48. Prisc da contratè. Tel. 338/7868208 da sëra do les 20.00. (17/13) ••• Al vëgn venü lignan de stües vedles. Tel. 338/7868208 da sëra do les 20.00. ••• Da vëne a n bun prisc 4 montli da d’invern cun felghes de fer (ma adorà un n invern), mosöra 175/65/R14 82T, dla marca Firestone, che va bun sön n Peugeot 206. Tel. 334/2786241. (17/13) ••• Da vëne 4 montli da d’isté sciöche nüs, dla mosöra 185/55/R15, al prisc de 120,00 €. Laprò vëgnel scinché felghes d’aluminio stades sön n Polo (4 büsc di torchi). Tel. 333/4762010. (17/13) ••• Da vëne n Audi A4 Avant 2.0 quattro dl

11/2008 cun 91.000 km, corù fosch metaliśé, felghes por d’isté y d’invern, xenon y i.i. Por informaziuns telefonè al 335/7855605. (18/13) ••• Da vëne na roda MTB diesc agn vedla, dla marca Corratec por 100,00 euro. Tel. 338/4305053. (18/13) ••• Al vëgn venü n auto Monstertrack telecomanè a penzinn sciöche nü. Tel. 338/1864435. (18/13) ••• Vegn venù n pe de scarpons da femena per jir co la brea de la firma Salomon, color bianch, model Ivy. N numer l’é l 40 (25,5 american). I scarpons i é metui dassen ben e i é desche neves. Chiamà Carlotta al 333.9323147. •••

Anunziésse La Cassa Raiffeisen Val Badia é na banca cooperativa moderna cun 60 colaboradus. Nüsc tliënć aprijëia l’atmosfera cordiala y amicala, sciöche inće la competënza spezifica. I chiriun le plü tosc che ara va

che cumplësc 75 ani ai 17 de mei. Te mbincion dut l bon y se ncunferton sun na bela festa! Ti mutans Ilona, Tiziana y Claudia cun families.

n/na colaboradù/dëssa tl ćiamp dles assiguraziuns

Pur Anita y Thomas che mët man en sabeda ai 18 de mà süa vita deboriada, urunse audè sön chesc tru nü tröpa fortüna, ligrëza, amur y benedisciun de Dî.

••• L vën crì n cuatier da tò a fit per dut l ann per 4 persones a Urtijëi. Tel. 348/5363158. (19/13) ••• L vën crì n cuatier per 2 – 4 persones a Urtijëi o ntëurora. Tel. 331/9489099. (19/13) •••

Osc profil: I Ëis stlüt jö na scora alta, Sëis engajé y podëis mostrè sëns de responsabilité, i Ëis de bunes manieres y na presënza sigüda. Osta domanda: Sce i Sëis interessè/ada, menéde Osta domanda cun la documentaziun laprò (curriculum vitae cun cariera profescionala, fotografia, copies dles pageles y data che i podëis mëte man) ala direziun dla Cassa Raiffeisen Val Badia, sënta de Corvara, anter le 31.05.2013 o ala e-mail franco.bertoldi@raiffeisen.it

Ven venù n tiac da la legna ntier, zirca 74 metri cubi, (mesure 4,20 x 4,50 n plánta), da smonté. Lignam vegle da podei douré per aredamenc. Per informazion clamé su l numer 3391732284. (19/13) ••• Da vëne n auto Fiat 500 dl 1973 fat sö a des bones condiziuns. Tel. 335/6935901. (19/13) ••• L vën vendù n Citroen C1 blanch, dl 2010 cun 18.000 km y montli da d’inviern. L auto va nce bën per jëuni che à permò fat la patent. Tel. 338/7221750. (19/13) ••• Da vëne trizicl Ape Cross Country 50cc, corù cöce, Rollbar, lada foderada de aluminium, revisionè, trëi montli nüs, predisposiziun autoradio, km 4.502, mantignì dër bun. Tel. 335/5474768 da sëra, dales 19.00 inant. (19/13) ••• Da vëne n motor da strada Ducati Monster, model 696 plus, corù cöce, imatricolé de mà 2008, revijiun ćina al 2014. Tel. 349/6701080. (19/13) •••

Da scinché ia “A La Ila vëgnel scinché ía n pêr de rollerblade (mosöra ca. 37)  cun dütes les proteziuns + casco. Al vëgn ince dé ía 2 poltrones singoles da fa fora n let. Tel. 335/5943250. (19/13)  

Hotel Ćiasa Soleil a La Ila chir por la sajun da d’isté na barista/chelnera che sais talian y todësch. Prëibel cherdè sö le 0471/847174 info@ciasasoleil.it

Ostes families

Düt l’ bun

Marco pur i 18 agn che t’as cumplì ai 15 de mà. Te augurun sanité, furtüna y tröpes sodisfaziuns te to dagnì. Steffy, tati y mama

Tl zënter da San Ćiascian él jü a perde ai 6 de mà la iata sön la foto. Ara é rossa, cun le polan n pü’ lunch y bindebò grana. Chi che l’ess odüda o la vëiga è bel perià da telefonè al numer 393/8054306 o 348/8752429.

L vën vendù te na posizion panoramica y da surëdl daujin al zënter de Urtijëi y ai majeri mplanc portamont, te na cësa tlima E1 tl ultimo partimënt suaut, n cuatier de 140 m2 sun doi livei cun na scela de ntreda, na lerch per n mplant da sciaudé, n boiler, na luegia da lascé sëura schi y ciauzei, na cësadafuech, n local per maië, na stua, trëi majons, trëi banies, n local per ufize o auter, trëi piguei cun na bela ududa, garaje, ciulé y luegia per lascé l auto. L cuatier ie mé plu cunvenzionà 9 ani alalongia. N bon nvestimënt. Prëibel cherdé su l 335/499071.

www.lauscdiladins.com

43


Inserac y Anunzies Le Consorz Turistich Alta Badia à le compit da promöie y svilupé öna dles destinaziuns turistiches plü renomades de döt le raiun dles Alpes. Ajache les tecnologies nöies à ciafè na importanza intres maiù, chiriunse n responsabl por l’Ofize Web Mansciuns prinzipales: - Direziun y coordinaziun dl Ofize Web - Creaziun y implementaziun de na plataforma web nöia por le Consorz Turistich (sît internet y dötes les ativitês liades laprò: social network, newsletter, etc.) - Ativitês de svilup y archirida costanta relativa a vigni ativité liada al setur dl web - Analisa, definiziun y implementaziun dles strategies de web marketing Al vëgn damanè: - na personalité che à vëia da fà, dinamica y flessibla, por laurè te n setur che se müda tresfora - porsones cun laurea tles materies de marketing y comunicaziun tira dant - la buna conescënza dl talian, todësch y inglesc, y poscibilmënter ladin - eté poscibilmënter danter i 25 y 40 agn. La domanda cun la documentaziun che alda generalmënter laprò é da menè a: office@altabadia.org

nr. 19 / 17 de mei 2013

A La Ila vëgnel chirì na ëra a puzenè apartamënć dui iadi al’edema. Prëibel telefonè al 0471/847168. Te Gherdëina/Puntives vëniel vendù n terac de 730 m2 Per nfurmazions 0471 910366 o l 328/7042471. Tl zënter dl paîsc a San Martin de Tor vëgnel afité ia n apartamënt por döes porsones completamënter aredè. Por informaziuns cherdè sö le 333/1743007.

Vangel dla Domenia Gran festa de Pasca de Mà, ann C, ai 19 de mà 2013 Dal vagnele do San Jan 20, 19-23 La sëra dl pröm dé dl’edema, canche i discepui â, dala tëma dan dai iüdes, sarè pro les portes, él gnü Gejù, é jü amesa ëi ite y ti à dit: ”Pêsc a os!” Do chëstes parores ti àl mostrè sües mans y so costà. Dailò se ralegrâ i discepui da odëi le Signur. Gejù ti à ćiamò n iade dit: ”Pêsc a os! Sciöche le Pere m’à menè mè, insciö ves mëni iö os.” Do ch’al à albü dit chësc, ti àl fladè ados y ti à dit: recioiede le Spirit Sant! A chi che os ti lascëis do i pićià, ti ési lascià do; y a chi che os ne ti i lascëis nia do, ne ti ési nia lascià do.” Parora dl Signur. - Lalt a té, Gejù Crist!

Rengraziamënt Ulon rengrazië de cuer duc chëi che à tëut per al duel per la mort de nosta anda

Luisa Vinatzer “De Costa“ vëidua Kostner

A San Ćiascian vëgnel afité ia n apartamënt de 70 m2 dai pröms de jügn inant a jënt dl post. Prëibel cherdè sö le 339/7004608.

N rengraziamënt particuler al personal dla Cësa de Paussa y ala duturëssa Kordula Weber Kostner che à curà nosta anda. I nepoc.

Garni Bel Air a Calfosch chir na ćiamenëssa por 4 ores danmisdé por la sajun da d’isté. Tel. 0471/836233. La lia culturela Tublà da Nives chier per i mënsc de juni, lugio y agost 2013 persones nteressedes a fé la verdia pra la mostres che unirà fates tl Tublà da Nives te Sëlva. L lëur paià ie per n valgun' ëura al di. Per plu nfurmazions prëibel cherdé su l numer 348/3380455.

Le stüde da avocat Wörndle & Partner da La Ila/Badia chir 1 colaboradù/dëssa cun orars flessibli, por val’ ores al’edema. Prëibel cherdè sö le 339/7909589 o 0471/847777.

La dita Auto Vallazza Sas a Pidrô chir da atira n lerner carozier. Prëibel cherdè sö le 0471/843127 tratan i orars de ofize.

La zentrala eletrica d'Al Plan de Mareo chir da atira n eletromonter. Prëibel cherdè sö le 0474/501245 tratan i orars de ofize.

44

www.lauscdiladins.com

Hotel Serena a Badia chir 1 secundo cogo cun esperiënza por la sajun da d’isté. Prëibel cherdè sö le 0471/839664.

Hotel Sassongher a Corvara chir 1 secretêria por la sajun da d’isté, eventualmënter inće por la sajun da d’invern, che ais esperiënza da laurè cun le computer y le program Asa y che sais todësch, talian y inglesc. Prëibel cherdè sö le 0471/836085 o menè na email a info@sassongher.it

Hotel Italia a Corvara chir n/na secretêr/ia n secundo cogo n/na jonn/jona por en valgünes ores da sëra. Prëibel cherdè sö le 0471/836082. info@hotelitalia.bz.it

L vën fità via n cuatier tl zënter de Urtijëi cun 2 majons a jënt da tlo per dut l ann da śën inant. Tel. 335/218075.

A Badia vëgnel afité ia por döt l’ann n apartamënt de 55 m2. Prëibel cherdè sö le 335/8460609. A Urtijëi tla streda Purgher (Villa Montana) vëniel fità via n pitl cuatier per 1-2 persones. Per nfurmazions cherdé su l 338/8184493.

Rengraziamënt I recordun te nostes oraziuns

Franz Miribung ”Franzl da Spëscia” *11.1.1929 +07.05.2013 I familiars oress rengrazié de cör i proi, düć chi che à fat val’ sorvisc o che nes é stà dlungia cun pinsiers y parores de confort. N giulan inće a chi che se recordarà inant de nosc pere te sües oraziuns.

Recordanza

Tullio Florian

inserac@lauscdiladins. com

16.05.2011 – 16.05.2013 Jà enlouta te vardèes dalonc, te volees ne spenjer a jir inant. L’encresciujum che aon de te l’é semper fon enceben che assane la segureza de te aer vejin te ogne moment tant da troèr forza te to pensier e tia recordanza.

A Puntives vëniel vendù magasins da 100 m2 nchin a 950 m2 zirca, autëza 4,50 metri. Tel. 348/6064585.

Maria e Morena L vën fità via na butëiga tl zënter de Urtijëi. Prëibel cherdé su l 335/7536314.

Recordanza 21.05.2012 – 21.05.2013

L vën vendù na cësa nueva, moderna te Gherdëina cun na bela ududa sun Urtijëi. Prëibel cherdé su l 335/1409585. Nëus aspiton tlo tla cësa di tieres sce zachei unissa a nes tò. Prëibel cherdé su la Cësa di Tieres Obervintl 0472/868172. www.tierheimobervintl.it

A Urtijëi vëniel fità via da śën inant n cuatier de 95 m² da pert da surëdl cun mubilia, ciulé y garage. Prëibel cherdé su l 333/7168804.

Silvio Fosco l’é 1 an che t’es te n jit... ...e ne par che dut l’amor dut el ben che se aon volù el ne tegne ciaut d’intorn e che no l ne lasce più tia femena con duta tia familia duc noi volon te recordar con na messa ai 21 de mé da le 7 dadoman e n’autra ai 25 de mé da les 6 da sera te gejia de la Madona de l’Aiut a Poza


1913