Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 19/2011 - 20 de mei 2011 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Lies

16

Senteda Schiclub Reunion generela dl Schiclub Gherdëina cun uneranzes per i miëur atlec.

Gherdëina

18

Scassarot a Milan

Comentar de Pruma

L candidat a ombolt dl zenter-man ciancia Giuliano Pisapia bat a la pruma roda l’ambolta di ultims agn dl zenter-man dreta Letizia Moratti, 48,04% dles ousc contra l 41,58%. Te otedì i balotaji. A Torino venc a la pruma roda Fassino (zenter-man ciancia), a Bologna Merola (zenter-man ciancia)

Strauss-Kahn, personalité y persona

de Iaco Rigo

La cherta di mejes Mile frabighes danter cëses y tublei di luesc da paur de Gherdëina iel unì purtà ite sun chësta cherta.

Jëuni

21

Proiet Jawa Ies’a na muta o n mut dai 13 ai 19 ani y ne ses’a nia cie’ fé vel’ëura? Pona vië y fé pea pra l proiet JAWA.

Badia

28

I leć laprò Le consëi de comun de Badia à definì i criters por podëi damanè leć nüs por na strotöra d’alberch.

Al Plan

29

N marketing por döt Puster Al é tla discusciun da cherié na sora zentrala de marketing por döt Puster. Edl critich da pert dl’AT d’Al Plan, mo al n’é tanco degönes alternatives.

Concursc

30

WIN San Martin Na juria à cernü les plü beles fotografies tla cornisc dl concurs invié ia dal’AT da San Martin.

Spezial

31

L’ann dl bosch Le 2011 é gnü protlamè ann internazional dl bosch. A S. Martin él gnü tignì deplü referać che alza fora la richëza y la biodiversité di bosc de nosta valada.

Fascia

33

A gejia a Baissiston I fascegn é jic en pelegrinaje col Decanat forin Baissiston. La Via Crucis é ruèda a compiment co la ùltima cater formeles fates da la Scola d’èrt.

I doi candidac dl balotaje a Milan: Pisapia y Moratti. Foto dla Moratti: www.messaggero.it

Nazional - L ultim balotaje tl comun de Milan con anter i protagonisć les forzes de zenterman ciancia va derevers al ann 1993; bel perchel cianta l PD “victoria” bele do la pruma fasa, sceben che l ombolt gnirà empormó lité definitivamenter da la jent te otedì. Desplajei él samben tles schires de zenter-man dreta, ova pu Berlusconi (premier dla Talia) y ence la medema Moratti (bele ombolta) afermé dantfora che l resultat sarà na gran reconferma dl bon laour fat da la politica de man dreta sie a Milan che a livel nazional a Roma. Pisapia ne ti l’à nia me fata de arjonje l balotaje, ma al à enchinamai batù la Moratti, y chest ben de 6 ponc. Vedaron sen da cie pert che i partis dl “terz pol” y si apiei se oujarà. Tla Talia vàn al balotaje ti comuns soura i 50.000 abitanc sce degun di candidac a ombolt n’à arjont l 50% dles oujes che vel (donca zenza cumpedé les blances y les nules y l numer di cherdés a la lita).

- modalités de sourandeda y gestion di servisc publics locai de importanza economica: voleise che al vegne sferié ju l art. 23-bis (Servisc publics locai de importanza economica) dl decret-lege 25 jugn 2008, nr. 112 “Desposizions de prescia per l svilup economich, la scemplificazion, la competivité, la stabilisazion dla finanza publica y finanza la perecuazion tributara”, convertì, con mudazions, te lege 6 agost 2008, nr. 133, sciche mudé dal art. 30, coma 26, dla lege 23 messel 2009, nr. 99, che trata “Desposizions per l svilup y l’internazionalisazion dles firmes, y ince tla materia de energia”, y dl art. 15 dl decret-lege 25 setember 2009, nr. 135, che trata “Desposizions de prescia per l’atuazion de oblianzes comunitares y per l’esecuzion de sentenzes dla

Tosc i referendums tla Talia Do i balotaji te plu comuns tla Talia per l ombolt, che sarà te otedì, s’enjignarà ca i ofizes litai de duc i comuns a cater referendums, che sarà ai 12 y 13 de jugn 2011. I cater argomenc che gnirà metùs a la lita per tò ju “leges” y articui de “leges” é chisc:

L’ega da bere dess resté n ben publich y nia gnì privatiseda. Doi di referendums di 12 y 13 de jugn tratarà chest argoment. foto: quiquotidiano

curt de giustizia dla Comunité europeica”, convertì, con mudazions, te lege 20 november 2009, nr. 166, tl test gnu do a la sentenza nr. 325 dl 2010 dla Curt Costituzionala? - determinazion dla tarifa dl servisc dl’ega da bere integré sun la basa dla remunerazion adegueda dl capital investì. Abrogazion en pert de norma: voleise che al sie sferié ju l coma 1 dl art. 154 (Tarifa dl servisc idrich integré) dl Decret Legislatif nr. 152 dl 3 auril 2006 “Normes tla materia ambientala”, limitatamenter a chesta pert: “dl’adeguateza dla remunerazion dl capital investì”? - zentrales nueves per la produzion de energia nucleara, abrogazion en pert de normes: la normativa sun tó su danuef l program nuclear tla Talia é tla lege nr. 99/2009 y tl decret legislatif nr. 31/2010. - abrogazion dla lege 7 auril 2010, nr. 51, tla materia de “legittimo impedimento” (impediment legal) dl President dl Consei di Ministri y di Ministri de messei se prejenté te aula tles udienzes de prozesc penai: al se trata de tó ju deplù perts dla lege dl 7 auril 2010 che trata “Desposizions tla materia de impediment de messei gnì a les udienzes”. (ir)

L chef dl Fonds Internazional Monetar Dominique Strauss-Kahn é gnu tocé te perjon a New York con l’acusa de avei volù violenté na colaboradoura de hotel. Teremot tl IMF (sciche al vegn clamé l fonds monetar), bon ne i fej na tel notizia nia. Deplù jent - amisc y colaboradours - che conesc StraussKahn assé à dit che ai savova che si chef à na “debleza” per l charme y corp feminil. Giustificonse a cerc liviei la violenza con debleza? Endò n iade onse dant nos na gran “personalité” potenta y gaierda per si posizion y sia competenza, y dlongia a chesta na “personalité” umana fata da viz, desliament, comportament arogant y violent. Chest dut pér tant saurì de splighé, con les medemes paroles y la medema maniera che l sistem potent y arogant nes à metù dant i ultims agn. Canche na persona potenta nen combina na grossa, spo stàl do ela via na personalité tant debla, y al suzed massa sovenz che canche na persona nia potenta nen combina una, spo se scogn te ela n “istint crimanal”. Cie dess pa l mond y dantaldut i joegn pensé de chest sistem tant ipocrit! Simpatia y colaborazion ne cuei chest sistem nia tant atira, de segur deslériel l valon anter l popul y si “comando”.

I joegn ne vuel nia laoré! I dac vegn dal Censis y desceida festide. Tla Talia fej fora i joegn Neet (not in education, employment or training) - dit en cört: che ne studia, ne s’enjigna nia al laour o ne laora nia - enchin al 17,7% (al Sud). La dejocupazion generala di joegn tla Talia é dl 27,8%. Nia i dac de chi che volessa y ne giapa nia na ocupazion é alarmanc, ma ben i numeri de chi joegn che “ti ciala a l’inativité sciche a na alternativa poscibla de vita”, scri l Censis. Chest dat talian é plu che trei iadesc plu aut dla mesaria europeica (3,4%) y chel dla Germania (3,6%). “La Talia à perdù i joegn per streda” - scri l Corriere della Sera, “ai é intres demanco - calés tla mesura dl 12,7% ti ultims 10 agn y demesés ti ultims 20 agn”. Chilò rajononse pa de 2 milions de joegn te 10 agn. I joegn dla Talia é prums t’Europa per “inativité volontara”, dit en cört: che ne vuel nia laoré. (ir)


Letres y Atualité

nr. 19 / 20 de mei 2011

Cumplimënt a Sn. pluan

L hotel da set stëiles Coche on audì y liet ora dla zaites, iel te Sëlva njenià n dessëni de n gran proiet da fé su n hotel l plu nëubl che l ie mesun, da set stëiles, sot al Saslonch. L ie da pensé do dassënn cie che vel’ da de tel mudëssa te nosc raion y dantaldut te Gherdëina, te nosta valeda. Chisc seniëures o patins che ruvëssa adalerch unissa dessegur mé cun joleri pitli o

granc, degun ne furnerà da Pruca ite, fajan lingia cun l auto o la curiera. Pudon se nmaginé ce julamënt che l dajerà ca ite per la valeda de Gherdëina! Penson ma do a duc i autri che fita via ntan la sajons, ce julamënt che l dajerà ca ite y ora. Da mé ora toca de tei hotelons te zità, no te na valeda ulache i seniëures vën a paussé! Y da tenì cont iel pa bën

nce de nëus, che stajon tlo. Sce pënse do coche seniëures tudësc y taliani me à dit bele dan n ann, ntan che unian da mont ju: “Sce fajëis inant nscila, ne unions’a danz no plu!” Speron che l Chemun de Sëlva pënse do dassënn, dan dé pro na tel lizënza. Edith M. Prugger, Urtijëi

Mëssa de San ćiascian a Porsenù ai 8 de mà Sciöche bele publiché tla ultima Usc di Ladins, à za. 80 ćiantarins di cors de dlijia da La Val, San Martin de Tor, Lungiarü y La Pli adöm a 5 instrumentalisć da La Val y Al Plan podü abelì la Santa Mëssa en ocajiun dla festa de San Ćiascian y San Vigile ia tl dom da

Porsenù. N gran giulan ti va a dötes les ćiantarines y ai ćiantadus (dantadöt a chi che à dormì püćes ores por le conzert dla sëra da denant a Kremsmünster), ai dirighënć di cors che à daidé insigné ite la mëssa, al grup de stromënć a fle,

ai orghelisć, al cantor Iarone Chizzali y dantadöt a Elio Clara por l’iniziativa y le gran impëgn da insigné ite la bela mëssa latina de G. Viabile. N dilan inće al EPL por nes avëi paié la marëna. Gottlieb Moling, La Val

Le cor dla Val Badia à ćiantè a Porsenù.

Liber nuef de Rut Bernardi

Stimà Sn. pluan de S. Cristina, muesse Ve fé n gran cumplimënt n con’ dla tëuta de posizion per chël che à da n fé cun l hotel da set stëiles sun Sochers, tl articul unit ora sun La Usc di Ladins di 6 de mei. Vëije de bon uedl che l vën rujenà, la jënt dëssa ënghe pudëi dì la sia, scenó l’adròven pu mé canche l ie da paië y canche l ie da ti dé na usc pra na vela. Sn. pluan à descrì dassënn bën la situazion, che curespuend ala realtà. L ie mo da dì che Sn. pluan se ntënd de turism deplù che trueps che lëura

te chësc ciamp. Bele dan diesc ani ti ovi dit al sëurastant dla Provinzia Luis Durnwalder che cun chësta lege urbanistica revìnel pu Südtirol. Ulësse dì che ne son mei stat de contra che zachei posse nce ngrandì, ma nia te de tel mesures, l vën fat deplù per chëi che à bele assé. Nosc putenzial ie pu nosta bela natura, nosta cultura, nosta bela tradizions y nosc biei crëps, che i seniëures sà tan da prijé. Otto Runggaldier, Sëlva

Anvidalfarei ala “Biennale” Le scultur da Ćiaminades metarà fora tl pavillon dla Talia deboriada cun 200 d’atri artisć da düć i ćiantuns dla Talia Ert - Le curadù dl Padiglione Italia, Vittorio Sgarbi, inćiarié dal Ministêr por i bëgns y les Ativitês Culturales, à orü damanè por chësta 54ejima esposiziun internazionala d’ert a Aunejia/Venezia, scriturs, poeć, regisć, Lois Anvidalfarei dan a so grup de trëi scultöres porsones de pinsier intitolades “Ecce Homo”, che sarà a Aunijia. (Foto: da tó pert al Comité da youtube/franzmagazine) tecnich scientifich por ćerne spo la palëta di artisć dla Biennale di Venezia n ater artist che pò mëte fora. ladin, Aaron Demetz, de Gherdëna. Laprò él Lois Anvidalfarei, le La Biennale 2011 dauriarà les pröm artist dla Val Badia, che à portes la pröma findlédema de chësta onù. Dl 2009 ê stè ala pert jügn. (ir)

“Lyrik und Prosa kreuz und quer - Lirica y prosa da piz a cianton” l titul. Prejentazion ence te Südtirol y te Gherdeina

Rut Bernardi.

Leteratura - La ciasa editoura “Verlag Hermagoras/Mohorjeva” con senta a Klagenfurt à dé fora n liber nuef, dl’autoura gherdeina che vif a Cluses Rut Bernardi. Al tol ite toc de prosa, lirica, pec dramatics, juesc linguistics - tles does rujenedes todesch y gherdeina. La ciasa editoura Hermagoras/ Mohorjeva é spezieliseda sun la publicazion de leteratura de pitles mendranzes europeiches. Per Rut Bernardi n’é chesta publicazion nia la pruma scrita per ladin y

2

www.lauscdiladins.com

L cuertl dl liber nuef.

ence metuda tl lingaz todesch, bele tl ann 2003 à la ciasa editoura “Eye” con senta a Landeck dé fora l roman de Rut Bernardi “Letres te n fol” tla verjion ladin-todescia “Letres te n fol - Briefe ins Nichts”. Per l’autoura nasciuda dl 1962 y chersciuda su a Urtijei déura la publicazion nueva dantaldut ence poscibeltés de se prejenté fora dles valedes ladines y al gran publich che li todesch. Les traduzions dal ladin tl todesch é gnudes fates da l’autoura Rut Bernardi instessa, con l aiut y la lima dl professour

Hans-Georg Grüning. N valgunes dates de prejentazion dl liber nuef é bele conesciudes, enscì chela dl lunesc 6 de jugn a Bulsan tla Eurac, da les 18.00, y la festa dla sabeda 11 de jugn sun l mesc de Pilat, da les 18.00 inant. (ir) Priesc d’abonament anual: per la Talia: 58,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 19 / 20 de mei 2011

L ciel soura nos y l ciel te nos Mostra di studenc dla Scola d’Ert de Urtijei a San Martin de Tor sot l tema “Ciel Himmel Cielo”. Giaurida plajoula con saluc dles autorités dla scola y mujiga da pert de studentes

I studenc y l publich instes deida realisé l “ciel” con pensiers.

Annamaria à sapù de soné doi de biei toc.

Gran interes y curiosité per la gabia senza ucel metuda fora, da chela che al é me da audì fora l ciantament de n ucel.

Ert - L “Ciel” sciche tema, dal plu natural y ilustratif - al plu sot y mistich, tol ite l Gran salf dl Istitut Ladin a San Martin de Tor con na gran richeza y varieté de laours. Studentes y studenc da la seconda classa dla Scola d’Ert de Urtijei à enjingé ca si laours tratant les lezions dles materies artistiches, acompagnés da si professours de scola. La mostra de San Martin de Tor é nasciuda da na proposta dla professoura Margareth Forer. Al é la pruma mostra de chesta sort tl Istitut Ladin a San Martin de Tor, y per la Scola d’Ert da Urtijei l resultat de n ann de laour y insegnament desferent tles lezions artistiches de “dessegn dal vif ”, “projetazion”, “grafica”, “pitura” o “scultura” y “plastica”.

mesana de San Martin de Tor. Na bela cornisc a les paroles de salut y introduziun a la mostra à cherié la studenta dla Scola d’Ert Annamaria Matusewicz sun l clavier y Mirjam Falkensteiner con l flaut traversal. Sun l tema dla mostra él sté l Intendent Verra che à sapù de conté deplù: l “ciel” é sté per nosta zivilté dantvia na definizion dl “ester alaut y sant” soura l uman via, y l’aria, la luna y l univers fova n mond te na

dimenjion, nia de arjonje y de spieghé, enchin che la scienza é ruveda a analisé y spieghé chimicamenter l’atmosfera, les regoles de rotazion dla luna y dles steles, y à rot n pue l sens romantich dl “ciel”. L’umanité é spo ence ruveda sun la luna, ti tolan a chest satelich natural sia gran carateristica de vardiana dl ciel y dl destin uman, y rompan misters y socrec, tiran spo la luna con dut l ciel y i planec ite tl contest teren y comprensif

La festa de daurida é gnuda tegnuda te n pitl cercl con i studenc instesc, deplù de si insegnanc, l diretour Karlheinz Mureda, l Intendent dles scoles ladines de Südtirol Roland Verra, l diretour y president dl Istitut Ladin “Micurà de Rü” Leander Moroder resp. Albert Videsott, y deplù insegnanc de materies tecniches y artistiches y artisć dla Val Badia, y la diretoura dles scoles de oblianza dl’alta Val Badia Claudia Canins Egger. Gnu adalerch él ence does terzes classes y na seconda classa dla Scola

Les joenes y i joegn à podù vedei sciche si laours passeneia te chest mosaich.

Les autorités tratant la daurida dla mostra, steda dant otedì en juebia ai 12 de ma dantmesdì.

4

www.lauscdiladins.com

dla persona. L “ciel” sciche atmosfera é donca samben gnu studié y smitisé, y l’autra definizion “ciel” é resté na dimenjion me plu spirituala. L “ciel” sciche fonz trasparent y ampl (senza i confins geografich-culturai y les monts) soura la tera via à aldidancuei indò arjont importanza con la scienceficton, enscì àl indò - sciche Verra à dit - giapé na gran importanza, ence fantastica y mitica. La mostra dla Scola d’Ert de

Ence laours plu “conzetuai” él da vedei.

Gherdeina tla Val Badia à dlongia a la “causa prima” (mostré al publich laours d’ert) ence la funzion de tré l’atenzion sun l’oferta y l contegnù de formazion dla Scola d’Ert de Urtijei, y de sensibilisé anter i scolés dla scola mesana de jì a fé la scola d’ert te Gherdeina. La mostra tl Gran salf dl Istitut Ladin po gnì veduda y amireda enchin ai 27 de mà 2011 dal lunesc al vendres, da les 10.00 a les 12.00 y da les 15.00 a les 17.00. (ir)


Atualité

nr. 19 / 20 de mei 2011

Nek a Bulsan N cunzert rock da stramp bon, cun drët na bela prejënza „interetnica“, y na partezipazion scialdi sentida Cunzerc - Na gran „Laura non c’è!“, na gran ciantia, n gran cunzert rock sambën, n gran Nek, chësc l inuem d’ert dl mujizista-ciantarin rock de Sassuolo tl’Emilia-Romagna, che à perdët inuem Filippo Nevianti. Chësc dut tl Palaz dl sport a Bulsan ai 20 de auril, tl cheder de si „quartett european tour“ tres duta l’Europa.

massa suvënz scialdi massa n contraposizion y averscion „storica“! No pa? Dantaldut „feminil“ fova l publich, y chësc à dessegur da n fé cun l fat nia no-senificatif che l „leader“-sëurastant dla grupa da cater sunadëures ie nce scialdi „n bel“, „n figo“ coche l vën dit.

„Laura non c’è“

La „filosofia“ tla mujiga de Nek

Cun chësta si beliscima ciantia de „Laura che ne n’ie nia iló“, urmei n si gran suzes da bele n 20 ani incà, ju per dut l stivel italich, na ciantia che va a urëdla, cun na tel cërta meludia bizara saurida da audì ora y da cianté pea, cun paroles senificatives y d’al didancuei che ti plej dassënn ala generazions nueves! Cun chësta si ciantia de merca, cun chëla che chësc persunaje rock se identifichea, y ntëur a chësta ciantia, ulache dut l publich sauta su sun si giames y cianta dassënn pea, te na sort de biadum y de fanatism deliam, se svilupea dut l cunzert rock de Nek - che ie un danter la gran stëiles lucëntes tla szenografia italica dla mujiga pesocia y suvënz y tendenzialmënter svaieda, che vën nternaziunalmënter tlameda „rock“,

Nek.

per ladin “crëp“.

N publich speziel y nce scialdi “interetnich“ A uedl pudòven udëi che la jënt y l publich unit adalerch da duta la provinzia fova scialdi jëunn, ma nce „interetnich“, y dessegur nce plurilinguistich, danter talians, tudësc sudtirolejes y nce ladins. Tan de „südtiroleri“ che ie nce jic a se

lascé ntujiasmé da chësc autorsunadëur emilian, iel stat mesun se rënder cont canche Nek à nce abù la sensibltà culturela de dì ju ala jënt n valguna paroles per tudësch, dijan che l ti savova „scialdi bel a vester tla zità de Bulsan“; tlo iel aslune sautà ora nia n pitl aplaus da na grandiscima cumpëida de chisc jëuni, plu dessegur da tramedoves dla pertes „etniches“, che i „granc dla politica“ tol mpue’

„Laura non c’è“ tla primiscima luegia dl gran repertoire de Nek, pona mo truep d’autri tituli mpurtanc y senificatifs, y un de si messajes de mpurtanza y plu soc, da messëi nes mëter tl cë - te nosc tëmps dl terzo milené dut sëuramenà y sfauzà - fossa „....che l ne jova nët nia duta la richëzes materieles y la lucentëzes dl mond, capitai y montes de munëida da stierder, sce n ne n’ie nia boni de avëi zeche deplù dedite, tl’ana y ti sentimënc plu naturei y umans, y relazions senzieres de viers dla persones, richëza y senziertà interpersunela, na penetrazion scëmpla y umana cun la jënt, cun l proscimo che ie suvënz mé pitl, y che vën lascià da na pert! ...oh ce puera miseria chëla

gran richëza y chël splendëur superfiziel!!“ „Bravo“ Nek, tu es giapà n gran aplaus tresora, ti dajan a duc ti fans - che vën dal nglëisc „fanatic“ – doi de bona ëures de spëisa de vita y de devertimënt!

For de bela mujiga a Bulsan La proscima ucajion de mujiga rock, y chëst iede da na vëta agresciva dut particulera y tipica y saurida da cunëscer, ie ai 25 de mei cun Gianna Nannini, chëst iede tl Palaonda. Chësta „gran svaiona“ dl rock talian - dit dl bon viers - che ie de Siena, ie nce na sor dl ex-pilota de fomula 1 dla Ferrari y vën dala omonima familia de Siena, che ie patrona, te chëla zità de ert y de grandëza renascimentela, de una dla miëura pasticeries-deuciaries dla Talia dal bon maië! ...mé per la cumpletëza dla nfurmazion, ciuldì pa no!? La va, povester, de no se lascé mucé chësc cunzert, de na „diva dl rock“ talian, che ie nce da permò, cun si passa 50 ani, deventeda oma! Cumplimënc! Oscar Prinoth

La boteighes de Fascia à metù fora i segnes de l'identità ladina Con chest numer ve prejenton ogne setemèna vèlch una de la boteighes che en ocajion de l'Aisciuda Ladina à fornì sù sia vedrina metan fora la bandiera, l “Bertol" e etres sìmboi de noscia identità. A chesta boteighes l'Union di Ladins de Fascia, con l Comun General e duta la istituzions che à tout pèrt a l'endrez de l'Aisciuda Ladina, ge sporc l devepai de vif cher

Da man cencia i zeberchies fac da Bruno Fanton te sia boteiga “Mizacole e antichità" a Poza; la vedrina de “Computer & System" semper a Poza; prodoc del post apede a segnes de noscia cultura te la boteiga de magnadiva “Alimentari Debertol" a Cianacei.

Fruc e verdures con si inomes ladins te la boteiga “L'ort de Chica e Mice" a Poza; sfoes e ogec ladins da n'outa metui al luster da la lumes te vedrina de “Linealuce" de Roberto Bertacco a Pera; n belot cianton de aisciuda ladina a l'entrèda de la boteiga de guant “Mode Sport" a Moena.

www.lauscdiladins.com

5


Atualité

nr. 19 / 20 de mei 2011

Sustëni ala families La Jonta provinziela de Bulsan uel sustenì de plu la families. L aiuc che ie bele dëssa unì miurei, leprò dëssel unì pruvedimënc nueves y i aiuc muessa pudëi unì damandei te na maniera plu scëmpla y plu aslune Families - Chësc à i assessëures provinziei fat ora ai 16 de mei n cont dla strategia per na miëur politica dla familia. La pruposta dl assessëur Richard Theiner per la politica dla familia tën cont de doi prinzips. La situazion dla familia y di mëndri ne depënd nia mé dala Provinzia, ma nce dai Chemuns, dal’economia, dala lies y dala Istituzions de furmazion. La politica dla familia à da n fé cun duc i ciamps dla politica, dala sanità y soziel ala furmazion, cultura, politica di cuatieres, dla stieres, dl’urbanistica y dla finanzes. Cun la mpustazion nueva dla politica dla families se àn dantaprima tëut dant miuramënc. “Fé deplù per la families, miuré cie che fajon bele y cialé che i aiuc ruve a destinazion plu saurì y plu debota,” à spiegà l presidënt Luis Durnwalder prejentan trëi pertes: la familia plu sterscia, familia y mestier, aiuc per la familia.

N con’ dla familia plu sterscia uel la Jonta provinziela sustenì deplù la prupostes de furmazion y cumpaniamënt, y i zëntri genitoresmëndri. N cont de familia y mestier vàla de na miëura cuordinazion per la families ulache tramedoi genitores lëura. Aldò dl assessëur Theiner dëssel unì miurà la pusciblteies per lascé cialé di mëndri. “N se à tëut dant de pité lueges per 15% di mëndri nchin a trëi ani, chësc arjunjons bonamënter plu abenëura che ne an fat cont, ajache son ruvei a n bon pont tla tratadives cun i Chemuns,” dij Theiner. Cun i Chemuns vàla nce de ruvé a una per plu plusciblteies de cialé di mëndri, dai servijes per i mëndri, al’umans dl di o la scolines per i mëndri. “Mo nchin ala fin dl ann uelen mëter su n fond per i servijes che cëla di mëndri, che vën finanzià dai Chemuns y dala Provinzia,” dij Theiner. I aiuc finanziei per la families

dëssa unì cuordinei mo miec. “Ulon cialé do sce i cuntribuc dala Provinzia y dala Region ne possa nia unì metui te un poz,” à dit l presidënt dla Provinzia. Da pert dla Provinzia vëniel dat 16 milions de euro y dala Region mo n iede 21 milions. La Jonta provinziela studieia do mesuns per ti unì ancontra ala families cun la chëutes. Families dëssa nce pudëi prufité de na cherta per strutures y mplanc. “Chësta cherta pudëssa unì ntegreda tla cherta di servijes che ie bele unida data ora,” à dit Durnwalder. La Jonta provinziela à dat pro na pruposta de lege che tol ite duc i pruvedimënc, l sustëni y la normes a bën dla families. “L unirà pità scemplificazions pra la dumandes y d’autri vares burocratics,” dij Theiner. La lege dëssa mo unì data pro ntan l 2011 a na maniera che la posse jì n droa tl 2012. (ufize stampa provinziel de Südtirol)

La Jonta provinziela de Bulsan ntan si senteda.

Stieres tla scoles profesciuneles y de mujiga Nsenianc dla scoles de mujiga de rujeneda tudëscia y ladina possa ai 4 y 5 de agost, aldò dla graduatories, crì ora la scola de nseniamënt Scola - Per nsenianc dla scoles profesciuneles possa la stieres per l proscimo ann de scola unì crisses ora dai 9 ai 12 de agost tla sënta dl Ufize provinziel per personal de scola.

Doi dis, ai 4 y 5 de agost, iel unì prugramà per la sëurandata dla stieres tla scoles de mujiga de rujeneda tudëscia y ladina. Per la scoles de mujiga talianes saràl mé l 5 de agost a desposizion. Per

sëurandé la stieres tla scoles profesciuneles à la Repartizion provinziela per l personal udù dant trëi dis. Chisc sarà dai 9 nchin ai 12 de agost. (ufize stampa provinziel de Südtirol)

Cuatieres per chëi che se à despartì Sce n pèr se despartësc, resta un di doi zënza cuatier. Canche l ie mutons, ti vën chisc per la majera pert lascei ala fëna y nsci ie suvënz l ël zënza cuatier, sun streda Cuatieres - La Jonta provinziela de Bulsan à ai 16 de mei scumencià a traté chësta problematica. La Provinzia à bele udù dant na cësa ulache chëi che se à despartì giapa na lerch. Davia che tlo iel deficulteies canche i mutons vën n vijita, àn nce

6

www.lauscdiladins.com

metù a desposizion cater de pitli cuatieres. “Chësc ie mé n pruvedimënt singul, ma l problem reverda truep zitadins,” à dit l presidënt Durnwalder. Tla proscima sentedes dla Jonta uniràl mo jit plu sot te chësc argumënt, cunscidran

la pusciblteies n con’ dl fit per cuatieres IPES. “Chiche se despartësc y ne à nia n cuatier da viver à debujën de aiut, ma ne pudon nia i traté sciche na categuria defenduda,” à dit l presidënt dla Provinzia. (u.s. prov. de Südtirol)

Dancà y da na pert Uedli y oredles daverc sun la sozieté ladina d’aldidancuei Biju Vadagnini - responsabol del zenter joegn de Moena

Te passes n muie de temp coi joegn, me conteste mìngol de tia esperienza al zenter joegn? “De firé del 2009 me é proponet al comun per gestir n spazie per joegn. Aon proà e al prum enconter l’é ruà 35 tosac de le mesane... ere proprio content desche scomenz. É pissà de n’aer semper de più, é chiamà a me aidar autre doi tose, Giulia Compagnoni de Moena e Susanna Gandini da Vich, e aon tacà. Na dì n tosat de le scole aute me à domanà de far valch ence per lori, al prum enconter i era de 25 e la é jita ben ence con chi mìngol più gregn. Aon fat atività, feste, slitade e dò aon pensà che fosse stat bel far zeche per far veder che a Moena l’era n zenter joegn, coscita l’é nasciù l “Talent Show”. L prim an i era de 40, l secondo de 80 e chest an sion de 130. Dapò aon tacà a aidar i tosac a far compiti, aon fat projec de musega con la Grenz e la Risola che chest an i rua a la 3^ edizion e dapò aon tacà a far atività ence coi ghesć.” Che raport èste coi joegn? “Gé studie scienze de la formazion a Verona, te pech me lauree e dovente educator; con chisc tosac fae atività che à n fin educatif, ma lori i me vesc desché n fradel maor, i sente n muie vejign.” Che se cognel fèr per aer n bon raport coi joegn? “No ge völ star a vietar massa e far i carabinieres, ma se devertir ensema a lori. L limit i sà colun che l’é, i sà che tu t’es l responsabol e no l compagn de jeghes, ma se tu te mete al medemo livel i te vesc desche un da poder se fidar, e i se fida. Gé veje che chisc tosac anter scola e familia i à massa regole. Chest chigiò l’é n spazio per lori, l’é demò 5 regole, ma se no i le respeta i é fora.” Colunes él chesta regoles? “No se fuma, no se sta te bagn con la morosa, no se bef, no se bestemia e se se respeta un co

l’auter. L rest se pel far dut. L’é amò sozedù che é manà a ciasa tosac, che però dapò i se à prejentà e i à domanà scusa. Chigiò i se sent liberi, i vegn per star ensema, i pol parlar ence con noi animatores e se sfogar, i à n lech de per se troar. L’é tosac che vegn ogne outa.” E chi che no vegn al zenter che fèjei? “Canche gé aeve 15 o 16 egn no é mai frequentà n zenter joegn. N muie de lori no i vegn perché i à ja la compagnìa...” Ma no l’é che no i vegn percheche chiò no se pel beiver? “De sabeda sera no l’é mai avert e chigiò alcol no n’é mai stat, i lo sà. Per i oraries che fajon no pense che sie chel l problem, aboncont l problem de l’alcol l’é n problem piutost gran te nosce val.” Che ruol èl l’alcol tel devertiment per i joegn? “Somea che l’alcol sie l strument de “sballo” mior, la roba più bela de la sabeda sera, te n bar olache no i ge dà da bever no i va. Ge n’é de chi che no i cognosc l limit e i risćia ence coma etilich, ma gé son contra a la lege che no permet de ge dar da bever a chi che no à amò 18 egn, perché i é amò più controlé e osservé e i proa a jir fora ancora de più. Ge l vietar no serf a nia, se cogn vardar de ge far capir che se pol se devertir ence con autre atività. Noi col zenter jovegn sion jic a patinar, col stroset e no ge vegnìa nience tel ciau l’alcol.” Te noscia val él assà propostes per i joegn per se devertir zenza beiver? “Scì, a Moena e stroz per la Val ge n’é struture, ma pense che ge mencia la capazità de se endrezar e de esser responsaboi. L’é n muie de istituzion che proa a laorar coi jovegn, ma l’é senester... fosc i à massa respet a noi... dapò i cresc e i cambia.”


Atualité

nr. 19 / 20 de mei 2011

Vadagns fora de mesura Sciche duc canc, mess ence les persones politiches declaré vigni ann si vadagn. Chesta declarazion vegn publicheda te boletins publics a na moda che la popolazion sae cie che i mandatars che é vegnus lités da la jent vadagna per l puech o truep laour che ai fej tres plu die, les istituzions publiches giata dal stat y da la provinzia tres manco contribuc y l medem les lies culturales. Dl auter vers veid duc che al é scioldi assé da fé stredes y stradons, de gragn tunei, frabicac publics stragragn per mostré tant l muet che an à, emplù desfigureia na pert nia puech nosc paisc. Pro chisc laours jìssela da sparagné cotant sce al fossa la volonté y n majer control. Sce nos ti don na odleda al vadagn che i conseiers y assessours provinziai a Bulsan à dé dant per l 2010 nes entenonse che i nosc a Bulsan vadagna deplù che chi da Roma o nia demanco, na cossa nia saurida da capì. L. Durnwalder 343.000,00 € Ch. Tomasini 263.000,00 € F. Mussner 245.000,00 € M. Laimer 241.000,00 € R. Thaler 164.000,00 €

Luis Durnwalder vadagna l plu de duc i politics con cariera a Bulsan.

Politica - Nos savon che i vadagns de nosc mandatars politics a livel provinzial, regional, na z ional y e urop eich é souramesura gragn, ma al é saurì de capì percie: chi dla politica s’à pu ei enstesc fat la lege tant che ai dess vadagné. De sparagné nience la ombria, ma feter vigni ann deplù te tacuin!

Paiamenc di parlamentars A na pert dla popolazion ti sa i paiamenc cotant massa auc, ma cialede mo a les somes che ruva al ann te gaiofa di polticons. Aldion mo tant che nosc parlamentars a Roma à vadagné dl 2010: M. Biancofiore 130.000,00 € S. Brugger 265.000,00 € L. Gnecchi 121.000,00 € K. Zeller 443.000,00 € M. Pinzger 138.000,00 € G. Bressa 167.000,00 € F. Frattini 237.000,00 € G. Holzmann 125.000,00 € O. Peterlini 114.000,00 € H. Thaler 463.000,00 € Chi che vadagna su per 120.000,00 € à demé l vadagn da parlamentar; n minister sciche Frattini vadagna zirca l dopl. Helga Thaler vadagna l plu ciuldì che ala é a la pert con l 40% a la Holzbau GmbH; sie om sciacareia de imobilies. Karl Zeller y Siegfried Brugger mantegn ence sie stude da avocat. Karl Zeller ova l ann

passé dé dant 535.000,00 €uro. Duc i autri ne é nience da mené pice. A vedei chestes somes él ben da capì che tant trueps vuel jì tla politica. Al desplej che la gran pert va ite per l bel paiament y nia per idealism. Politica vuel dì fé dl begn a la comunité, podei laoré, fé valch de bon per sia jent, ma al é minonga generala che la gran pert zidla l clientelism, tegn alaut la coruzion y l afarism tira dant. La Lega Nord à scraié agn alalongia: Roma ladrona! Sen che i siei é tla medema cialdiera al govern pérel che ala bute assé. (gran pert dles informazions sun i paiamenc é toutes da la FF nr. 13/2011).

Chi da Bulsan feter majeri Scemia che al vegn perdiché che duc dess sparagné vadagna chi dla politica da Bulsan l cinch percent deplù che dant doi agn. Nos savon duc che chi da Bulsan ne é nia plu da la “meseria“ che chi da Roma. Al fova vegnù scrit chi agn che Durnwalder vadagnova plu che Putin, la Merkel y Bush, na cossa nia da creie sce an pensa cie responsabelté che chi capi de stat ova y à en confront a n president de na picera provinzia. Ma chest é poscibel sce chi dla politica pò enstesc se fé la lege per sie paiament. Da una na pert perdica la politica che al mess vegnì sparagné: tó su manco personal publich, fé laoré la jent

H. Berger 341.000,00 € Th. Widmann 242.000,00 € R. Theiner 240.000,00 € S. Kasslater 238.000,00 € G. Pardeller 180.000,00 € E. Pichler-Rolle 167.000,00 € M. Stocker 170.000,00 € M. Hochgruber 162.000,00 € P. Leitner 135.000,00 € V. Stirner 134.000,00 € A. Schuler 133.000,00 € R. Dello Sbarba 130.000,00 € E. Klotz 127.000,00 € A. Pöder 127.000,00 € R. Tinkhauser 123.000,00 € A. Urzì 122.000,00 € S. Knoll 120.000,00 € U. Mair 120.000,00 € H. Heiss 117.000,00 € Th. Egger 119.000,00 € A conscidré chisc paiamenc se damànen ben: cie gragn scienziés o capazités mess pa ester chesta jent a vadagné de tel scioldons al ann. Al fej de marevueia che al ti é dert a chi che dess ester de ejempl a la popolazion - ester a una da vadagné tant truep. Ai sa pu che la gran pert dla popolazion ne sorpassa nia i 30.000,00 € al ann y che trueps giata na pension sot 1.000,00 € al meis y che i on te Südtirol 70.000 persones che viv tla meseria! Cie se pensarà pa chisc a lieje chestes somes? An dubiteia ben cotant che duc se merite chisc paiamenc tant auc. Da me enfora podessa chi dla politica vadagné l 40 percent demanco che ala butassa empò. Ai vegn pu ciamò paiés laprò per vigni senteda che ai à te consei, tles comiscions, ai à la autostreda debant, n tant de joledes, sce ai fej n viade foradecà ti végnel paié dut y spo ti spétel na pension da cuch. De marevueia él ma che la popolazion ne se lascia nia su de plu. Chisc dla politica à pa la pel tant grossa che les critiches ne ti fej plu nia, ma empò vàles debujegn per ti recordé a la jent coche ala

se sta con la situazion politica. Mel ti fajéssel demé ai raprejentanc politics sce ai se giatassa da les lites na dreta rusceda; zenza mìnei de podei fé inant enscì. Al fova na outa vegnù fat la proposta che chi che va tla politica dess lascé si auter laour sun na pert y demé fé politica chi agn che ai é laite. Ideal fòssel pu, ajache spo se déssei ju endertura con la politica y no demé enscì adameses sciche trueps fej. (pert dles informazions toutes da la FF nr.11/2011)

Do 15 agn lascé la politica! A vedei i paiamenc tant auc él saurì da capì che trueps ne é nia plu bogn de lascé la politica, scemia che al fajessa bon vigni cinch agn na renfrescheda con cefs y idees nuefs. Dant n valugn agn àn mudé la lege litala di comuns: ombolc y assessours che fova dl 2010 bele 15 agn endolauter o de plu sun chest scagn ne podova nia plu candidé. A chesta fosa à plu de 40 ombolc messù lascé. Chest é sté dert ajache an dess ti fé lerch ai joegn. Do n tant d´agn é un stricolé, ence sce al rata de ester tres l miour; chisc vedli dla politica ne ti fej plu degunes catigoles al mond ma ti sera l troi ai joegn che mostrassa pa ben cie che ai sà da fé y che ti la sticassa dessegur ai vedli. Chi dla provinzia à fat la medema lege ence per ei, ma per ei végnel cumpedé i 15 agn dal 2008 inant y nia derevers sciche pro i ombolc. Permó dl 2023 mess un dla provinzia lascé do 15 agn de mandat politich. Sce an essa fat l medem per chi da Bulsan

sciche per i ombolc spo essa na pert messù dl 2008 jì en pension: Durnwalder, Laimer, Klotz, Leitner, Stocker, Berger, Pöder, etc. No me dijede che chisc é ben ciamò tant bogn, da rejoné pòl ester, ma idees politiches inovatives ti màncel dassen. Ai ne desconciassa nia sce ai jissa en pension; con l temp stufa la plu bela ciantia. Al vegnissa pa ben docá de bones forzes politiches joenes, cotant de steiles fresches che ti la sticassa nia a puec di vedli. Al é da speré che al ti vegne fat lerch ai joegn, a idees nueves. Chesc messessa ince valei per i funzionars de aut livel, deretours de Istituc y Musei, direturs de repartizion, diretorus de scola ez. Unfat tant bogn che chisc funziunars è, sia nominazion a vita blocheia alternatives, idees, metodes, energies nueves y la cariera a persones nueves competentes. I sé ben che mete en chestion l “scagn a vita“ per funzionars ti deura ence la porta a malcomportamenc dla politica che po’ paré demez chi che ne ti scusa nia per rejons de partit, ma d´autra pert él ence da conscidré l dann che n tel imobilismo po fè. Tla Ladinia onse ejempli. La mobilité è n prinzip che vegn tres d e p l ù ap l i c h é , e n ce te aministrazions. Tla Comiscon EU vel l prinzip che degugn ne dess resté sun l medem scagn plu che ot agn. La normativa provinziala permet de baraté fora do n cert temp i funzionars dirigenc, ma ciodi ne végnela pa nia aplicheda? Aràten che duc sie tan bogn y che d’autri ne i la stichessa nia? Lois Trebo/ev

Helga Thaler Ausserhofer vadagna anter politica y impejes privates ciamò deplù che l president dla Jonta provinziala Luis Durnwalder. www.lauscdiladins.com

7


Atualité

nr. 19 / 20 de mei 2011

Cunlaurazion Eurac y Università

Info-TV turistica

Per arjonjer na majera cunlaurazion danter l’Academia europeica Eurac y l’Università de Bulsan à la Jonta provinziela numinà vel’reprejentant che per tramedoi cunsëies de aministrazion. Werner Stuflesser de Urtijëi dëssa resté presidënt dl’Eurac

Cun n canal de televijion uelen te na maniera moderna ti dé nfurmazion turistica ala jënt che vën te Südtirol. La Jonta provinziela à ai prims de mei tratà la prupostes y à fat ora de lascé adaté l proiet y l custimënt

Istruzion y tueda - L’Academia europeica EURAC fova unida metuda su cun l fin de njenië la streda per mëter su na università a Bulsan. “Śën che on na università iel debujën de plu cunlaurazion danter la doi istituzions y n pert nce de schivé lëures dopli,” à dit Luis Durnwalder ai 16 de mei do la senteda dla Jonta provinziela. Per arjonjer n pensé da partner à la Jonta provinziela nuzà la nomina dl cunsëi de aministrazion nuef per se lascé n pert reprejenté dala medema persones sciche tl cunsëi

dl’Università. La ncëria da presidënt dëssa resté a Werner Stuflesser de Urtijëi. Da pert dla Provinzia iel mplu unì numinà Manuela Nocker de Urtijëi cunseliera de Università, Karin Dalla Torre diretëura dla Repartizion per cultura tudëscia y Andrea Zeppa diretëur dla Repartizion per inuvazion. Trëi d’autri cunselieres unirà litei pra la reunion generela. La Jonta provinziela à fat la pruposta de Konrad Bergmeister presidënt dl’Università, Pietro Borgo vizepresidënt dl’Università y

Siegfried Rinner reprejentant dl’economia. La Jonta provinziela se damanda mudamënc al statut dl’Eurac n cont dla spartizion dla ujes. “La Provinzia paia ite 750.000 euro de cuntribuc, perchël fóssel nce drët adaté la relazions dla ujes,” à dit l presidënt dla Provinzia, se damandan feter mesa la ujes. I assessëures provinziei se damanda nce che Eurac y Università mëte adum vel’ ciamps de aministrazion sciche per ejëmpl l ufize de aucatura y l ufize per l personal. (ufize stampa provinziel de Südtirol)

TV - Canche l turista ruva te si majon, dëssel giapé prejentà l raion dl Südtirol cun si vela de ativiteies, servijes y lueges da jì a cialé ntan la feries tres l canal de televijion. “Son dla minonga che l dëssa unì mustrà films drët curc y pità nfurmazion tres n sistem teletext,” à dit l presidënt Durnwalder do la senteda dla Jonta. Cun l mudé sun l sistem de trasmiscion televijiva digitela iel

unì udù dant n canal per na televijion turistica. “La trëi prupostes sun mëisa ne à nia arjont la cunvinzion di assessëures y nce l custimënt ie massa aut,” à dit l presidënt dla Provinzia. Nsci iel unì fat ora che l program y l custimënt dëssa unì adatà te na maniera che la Jonta provinziela posse tò na dezijion sun l “info TV” per l Südtirol. (ufize stampa provinziel de Südtirol)

Lege per l’Euregio

Nuet di fuesc

Pruposta de lege dla Jonta provinziela per l’Euregio

Cunvëni n con’ dla nuet di fuesc: la Jonta provinziela de Bulsan azetea l program

Politica - Acioche la Grupa europea de cunlaurazion raionela GECT/EVTZ danter la Provinzies de Trënt, Bulsan y Tirol, da permò dates pro a Roma, posse efetivamënter lauré, iel debujën de n regulamënt a livel provinziel. L articul dla pruposta de lege aldò ie ai 16 de mei unì dat pro dala Jonta provinziela y unirà proscimamënter tratà te Cunsëi provinziel. N var al iede vëniel metù a post duc i vares iuridics acioche l’Euregio posse deventé na istituzion de cunlaurazion danter

la trëi provinzies. La Jonta provinziela à juntà tl dessëni de lege dla purtina unica per ativiteies de produzion, nce n articul acioche la Provinzia posse numiné si reprejentanc ti urganics dla Grupa europea de cunlaurazion raionela. “Dajon inant chësc dessëni de lege al Cunsëi provinziel, speran che l vënie tosc dat pro,” à dit l presidënt Durnwalder do la senteda dla Jonta. Ai 14 de juni iel a Trënt udù dant na senteda dla trëi Jontes provinzieles, de Trënt, Bulsan y Tirol. Nce sce nchin a ntlëuta ne saràl nia mesun dé pro la lege

provinziela, uniràl te chësta senteda udù dant l’atività de cunlaurazion cun i prim proiec. Dl cunsëi dla grupa GECT/EVTZ fajerà pert l presidënt dla Provinzia y dl Cunsëi provinziel deberieda cun n segondo reprejentant per uni istituzion. “Dan numiné chësc segondo reprejentant per Jonta y Cunsëi, ulons aspité chiche unirà lità presidënt dl Cunsëi provinziel, ajache tl cunsëi nuef adurvons n balanz danter ëi y ëiles y nce danter la grupes de rujeneda,” à dit Durnwalder. (ufize stampa provinziel de Südtirol)

Nasrin Siege te Gherdëina Bele dan plu de n ann ons nrescì che Nasrin Siege fej n viac de letura te Südtirol; son pona stac boni de la fé unì adalerch nce te Gherdëina, te biblioteca Tresl Gruber, y chël nes à fat scialdi plajëi Madagaskar y tl’Etiopia. Ruveda tl’Africa se àla tl prim tëut dant de nriescer y de scrì su la lijëndes y la stories che univa tramandedes a usc da una na generazion al’autra. Ntant àla mparà a cunëscer la vita dla jënt plu puera de chisc paejes, di mutons che crësc su sun streda bele da pitli insù, zënza deguni che ne se cruzia de ëi. Propi a chisc mutons ulova ëila ti cunté vel’ storia, ma bën tosc se àla ntendù che i mutons ova debujën de zachei che ti scutëssa su. Ti libri che Nasrin Siege à prejentà, scrij ëila propi dla stories

de vita de chisc mutons, a ce maniera che i ie boni de sëuraviver y coche la lia “Hilfe für Afrika”, che ëila a judà a mëter su, proa a ti judé ai pitli, ti pitan na spëisa ciauda al di y a vel’ un nce na luegia ulache l possa durmì al segur. I sculeies dla Scola Mesana de Sëlva a scutà su cun gran nteres ti fajan dumandes per se fé mo miec n cheder n con’ dla vita di mutons y dessegur se ài rendù cont tan fertunei che ëi ie. Per la biblioteca Tresl Gruber, Thea Demetz

Scola - I storics Rolf Steininger, Leopold Steurer y Carlo Romeo prejenterà ai 9 de juni i ponc de ududa n con’ dla nuet di fuesc. La sëira cureda dal Archif provinziel, sun scumenciadiva dla Jonta provinziela, unirà tenida tla cësa Kolping a Bulsan. Dan 50 ani, tla nuet dal 11 al 12 de juni dl 1961, òven te dut Südtirol fat sauté per aier 37 stendri dala lectrisc. Chësta nuet, numineda plu tert la nuet di fuesc, ie stata l mumënt plu pesoch y n mumënt de mudazion dla crisa n cont dl Südtirol. Zitadins de cultura tudëscia, taliana y ladina vëija la nuet di fuesc da ponc de ududa drët desferënc. Per chësta rejon uel la Jonta provinziela lascé

audì chisc ponc de ududa te na sëira de descuscion. Lepold Steurer prejenterà la nuet di fuesc dal pont de ududa dla grupa tudëscia, Carlo Romeo dal pont de ududa talian y Rolf Steininger prejënta coche n à udù chësta situazion a livel nternaziunel. “La se trata de reprejentazions ogetives de chël che ie suzedù dan 50 ani tres esperc de storia. Duc i nteressei dëssa pudëi scuté su cie che l fova suzedù ntlëuta y i dëssa giapé ucajion de fé na descuscion cun esperc,” à dit l presidënt Durnwalder. La sëira ai 9 de juni n con’ dla nuet di fuesc scumëncia dala 6 domesdì tla Cësa Kolping a Bulsan. (ufize stampa provinziel de Südtirol)

Mulins dal vënt Cundizions dla Jonta provinziela per mulins dal vënt Ambient - La forza dl vënt possa te Südtirol unì nuzeda per la produzion de strom sce l vën tenì ite la cundizions aldò. Chësc à la Jonta provinziela dat pro ai 16 de mei, fajan nsci n var inant tl cunzet dl program tlima, dat pro l’ena passeda. Davia che i mplanc per se nuzé dla forza dl vënt ie da udëi tla cuntreda, ie i assessëures provinziei stai a una per na lingia de cundizions per lascé fé su de tei mplanc. Dantaldut muessel vester assé da vënt, cun n valor mesan de 5 metri

al secunt, muserà a 30 metri de autëza. “Chisc valores ie da abiné te cin’ lueges te Südtirol: tl raion de Mals, sun l Prëner, a Vals y te doi lueges orainsom de Puster,” à dit l presidënt Durnwalder. Sëuraprò a tan de vënt che l tira, ne lascia la Jonta provinziela nia fé te dei mplanc ti parcs naturei, ti raions Natura-2000, ti raions recunesciui dal’Unesco, sëura 2500 metri de autëza y nia te raions abitei y japé dla valedes. (ufize stampa provinziel de Südtirol)

Strutures per muciadives Nasrin Siege.

Di per di vëniel for do mo d’autri muciadives dal Nordarfica

Biblioteca - Nasciuda a Teheran, iela tl’età de nuef ani trapineda cun si familia ti Paejes Tudësc. L fova i ani 60, ntlëuta fòvel la prima families de jënt da oradecà che univa a sté tl’Europa. Bele da pitla àla mparà che l ne n’ie nia for saurì a viver tl fulestier. Ëila à pona cunesciù n cunlauradëur umaniter ti paejes de svilup y deberieda iesi jic a sté tla Tansania, pona tl Sambia, tl

Muciadives - L’acurdanza cun l Stat vëija dant che la Provinzia de Bulsan debe d’albierch a 0,9% di muciadives dal Nordafrica. Nchinamò n iel ruvà te Südtirol 45 che à giapà lerch tla caserma Gorio a Bulsan y tla pension Arnika a Maran. Te chësta doi strutures iel mo 25 lueges a desposizion. La Jonta provinziela fej cont che l n unirà mo do d’autri y nsci àn bele udù

8

www.lauscdiladins.com

Sculeies te biblioteca Tresl Gruber.

dant 15 lueges tla “Casa del giovane lavoratore” a Bulsan. “Sce l sarà debujën fajons cont de njenië la lerch tla casermes de Schlanders, Natz-Schabs y Gossensaß. Perchël lascions cialé do ce lëures che l fossa debujën y tant che chisc unissa a custé,” à dit l presidënt dla Provinzia do la senteda dla Jonta. (ufize stampa provinziel de Südtirol)


Atualité

nr. 19 / 20 de mei 2011

Reforma agricula La politica europea per l’agricultura dëssa tenì cont deplù di raions da mont, valivé ora desvantajes naturei y tò pruvedimënc per alimenteres. Chësc se à Luis Durnwalder sciche portausc dl cumité dla regions damandà nstadì a Bruxelles Paures - La pruposta prejenteda tl Parlamënt Europeich ie unida azeteda y unirà data inant ala Cumiscion Europea. L Cunsëi dla Regions ova nciarià l presidënt dla Provinzia de Bulsan de lauré ora na tëuta de posizion n con’ dla prupostes dla cumiscion per la reforma dla politica dl lëur da paur. Ai 11 de mei à Durnwalder prejentà si pruposta tl plenum dl Cunsëi dla Regions che l’à azeteda y mandeda inant ala Cumiscion Europea sciche posizion ufiziela. “Bele danora ons cris l cuntat cun la Cumiscion Europea, perchël ie truepa de nosta dumandes bele tla pruposta dla Cumiscion,” dij l presidënt dla Provinzia. I argumënc zentrei iel l paiamënt

ai paures per seguré si davani. “Chisc paiamënc ne n’ie nia na scincunda, ma i dëssa unì dai ajache i fej nce truep per la cumenanza,” dij Durnwalder. Per raions cun deficulteies spezifiches sciche i raions da mont vëniel damandà de majeri cuntribuc per i luesc da paur. “Damandon pruvedimënc per mantenì la produzion dl lat te chisc raions nce canche la regulamentazion dla cuotes fina. Chësc ie debujën sce ulon mantenì prei y montes,” nsci Durnwalder. Tl pachetl de pruvedimënc per i raions da mont iel nce aiuc per la montes, i programs de biodiversità y la recunescënza de prudoc de cualità che vën fai tla montes. La regions europées se damanda

nce n majer sustëni per la prestazions per l ambient che i paures fej. L lëur da paur biologich y ntegrà dëssa giapé de majeri aiuc. De chësc viers dëssa nce paures jëuni, la furmazion y cunsulënza giapé plu sustëni. Durnwalder se à nce tëut a cuer l smendré dla burocrazia per la pitla firmes, se damandan regulamentazions adatedes. Acioche i produzënc giape plu pëis tl marcià di alimenteres se damanda l Cunsëi dla Regions de sustenì canche produzënc uel se mëter adum. Chësc, nsci Durnwalder, reverda dantaprima la produzion dl lat ti raions desvantajei. “Se mëter adum y l marketing deberieda dëssa curì l

busc che resta canche l toma demez la cuotes,” nsci Durnwalder, che prejenterà a Bruxelles si posizion

purteda dant al Cunsëi dla Regions, nce ai media nternaziunei. (ufize stampa provinziel de Südtirol)

Durnwalder à laurà ora na tëuta de posizion n con’ dla reforma dla politica dl lëur da paur.

Tlima: pruvedimënc y sustëni Cun na strategia per n tëmp plu lonch uel la Jonta provinziela fé devënte l Südtirol na provinzia-tlima. Nchin tl 2050 uelen arbassé l’emiscion de CO2 da 5 a 1,5 tones per persona al ann y curì nstësc l bujën de energia Tlima - Te na senteda nstadì se à la Jonta provinziela dat ju plu giut cun la strategia prejenteda dal assessëur Michl Laimer. La mira ie che l Südtirol devënte nchin tl 2050 na provinzia-tlima, sustenian la produzion de energia auternativa y arjunjan plu efizienza. “L prim pont ie sparanië energia, che ulon sustenì cun pruvedimënc y sustënies

dedichei,” à dit l presidënt Durnwalder. N majer pëis ti dà la Jonta provinziela ala sensiblisazion dla populazion de judé pea a sparanië energia y se nuzé de formes auternatives. Cun la fundazion de na agenzia dl’energia uel la Provinzia ti dé cunselënza ai Chemuns y ai zitadins pra cuestions che reverda l sparanië energia. Un di gran

obietifs ie nce la reduzion de emiscion de anidrida de carbonium. Tl Südtirol vëniel lascià ora 5 tones de CO2 per persona al ann. „Permez al raion europeich cun 9 tones y i USA cun feter 20 tones, sons tl Südtirol bele danora. Ma nchin tl 2050 ulons ruvé ju a 1,5 tones de CO2 y curì passa 90% dl bujën de energia cun funtanes da adurvé plu

suvënz,” à dit Durnwalder.

Lianza per l tlima Sëuraprò ala strategia per l tlima à la Jonta provinziela nce tratà si posizion n cont dla Lianza per l tlima. Dan puec ani fova 95 de 116 Chemuns cumëmbri dla Lianza per l tlima, śën n iel me plu restà 35.

“La Provinzia sustën la Lianza per l tlima, ma la ne sëurantulerà nia l’ublianzes di Chemuns,” à l presidënt Durnwalder dit cun paroles tleres. Sce i Chemuns ie dla minonga che chësta Lianza ne n’ie nia plu de atualità, pona ne se meterà la Provinzia nia de contra - à spiegà l presidënt dla Provinzia. (ufize stampa provinziel de Südtirol)

Finanziamënt di Chemuns

Nvit ala Generela

La maniera de finanzië i Chemuns dëssa unì laureda ora da nuef. De chësc ie nstadì stai a una la Jonta provinziela y l Cunsëi di Chemuns

L cunsëi dla Union di Ladins de Gherdëina nvieia duc i cumëmbri, sustenidëures y nteressei ala reunion generela tla biblioteca dla Cësa di Ladins a Urtijëi

Aministrazions - Da nuef dëssa nce unì metù a jì la spartizion di scioldi danter i Chemuns per arjonjer na spartizion plu iusta. Ti ultimi ani ie la pert dl bilanz provinziel che reverda i Chemuns unì marciadeda ora ann per ann danter la Jonta provinziela y i Chemuns. Da chësc model ne à i Chemuns nia trat prufit, perchël dëssa l model śën unì laurà ora da nuef. “On rujenà de plu modiei, ma ne son mo nia ruvei a una, ajache duc i modiei à pertes positives y negatives,” à dit l presidënt Luis Durnwalder do l’ancunteda dla Jonta provinziela cun l cunsëi di Chemuns. L model nuef pudëssa nce vester l vedl, chël che fova unì adurvà nchin dan n valgun ani. Chësc vëija dant che i chemuns giapa na pert segura – n rejona de 13,5% - dla ntredes provinzieles. Assessëures provinziei y ambolc à nce rujenà de formes de finanziamënt di Chemuns tres leges spezifiches sëuraprò al finanziamënt tlassich. “A chësta maniera se sparaniessen truepa burocrazia,” à dit Arno Kompatscher, presidënt dl Cunsëi di Chemuns. Da nuef dëssel nce unì metù a jì la regulamentazion per spartì i mesuns danter i Chemuns singuli. “Nchinamò ie gran pert di scioldi

Lies - La senteda ie ncuei vënderdi ai 20 de mei 2011 dala 20.00 te prima cunvocazion y dala 20.30 te segonda cunvocazion.

Tratà truep argumënc: i assessëures provinziei cun I reprejentanc di chemuns tl Palaz Widmann a Bulsan.

unì spartii su aldò dla cuota per persona, n pratica aldò dla cumpëida dla populazion,” à dit Kompatscher. Chësc model dëssa unì baratà cun n model che se stiza sun i custimënc che toma veramënter sun i Chemuns, che sibe nsci nce plu iust. Chësta pruposta vëija dant sies ponc de referimënt: la cumpëida de sculeies tla scoles de ublianza, jënt de d’autri luesc che vën a lauré, la strutures publiches, la nuetes afitedes y la cëses. Sëuraprò dëssel nce unì n finanziamënt segur unfat per duc i chemuns. “Tenian cont de chisc sies ponc, ie i Chemuns boni de curì feter 90% de si custimënc,” à dit l presidënt di Chemuns. Pra la spartizion dl finanziamënt dëssel nce unì tenì cont dla ntredes de uni

Chemun, che possa vester la partezipazion a na zentrela dal strom y la chëuta sun la puscions ICI. “La prupostes ie unides analisedes da tramedoi pertes y n generel iesen a una,” à dit l presidënt dla Provinzia. Plu flescibltà uel i Chemuns nce arjonjer pra i custimënc. Nchinamò ie n valgun cuntribuc provinziei liei ala cundizion che i possa mé unì tëui ca per curì spëises curëntes. Tl daunì dëssel nce vester mesun finanzië nvestizions cun chisc scioldi. N majer sustëni per finanzië nvestizions dëssa nce unì arjont te chëla che l vën ngrandì l fond de rotazion. Tres chësc fond dëssel unì finanzià duc i nvestimënc de n Chemun sëura 100.000 euro. (ufize stampa provinziel de Südtirol)

Do l’apruazion dl rëndicont de cassa 2010 y la relazion finanziela dl presidënt dla Union di Ladins, uelen ti dé lerch ala minonghes di nviei n cont dl daunì dla Union y dl frabicat dla Cësa di Ladins. Duc ie nviei de cuer.

Tla Cësa di Ladins a Urtijëi iel ncuei la senteda generela dla Union di Ladins de Gherdëina.

Azeté i vedli inuemes “Vedli inuemes, che ie da generazions unic adurvei per ladin, dëssa nce unì azetei tla rujeneda ladina zënza traduzions.” Cun chësc pensier tol l assessëur provinziel Florian Mussner posizion a lëtres te zaites n cont dla numinazion tudëscia dl Troi Paian To p o n o m a s t i c a - L a toponomastica ti raion ladins à per i majeri luesc trëi verscions: la verscion ladina, la tudëscia y la taliana. “Canche la se trata de mëndri ridli, raions o troies - tla microtoponomastica - ne dëssel nia unì adurvà na traduzion artifiziela, ma la verscion uriginela tla rujeneda ladina,” nsci Florian Mussner.

L Troi Paian, che passa da feter 8.000 ani tres Gherdëina, ie daniëura unì denuminà tla rujeneda ladina. L ie n ejëmpl tlassich per na numinazion de n pitl troi de gran tradizion. “Chësc inuem ladin dëssa unì azetà nce dal’autra grupes de rujeneda y ne possa nia unì ciancià aldò de n pensier tolomeich,” sotrissea l assessëur Mussner. (usp) www.lauscdiladins.com

9


Atualité

nr. 19 / 20 de mei 2011

I ladins adum te n gran liber La neva publicazion “Storia dei Ladini delle Dolomiti” de Werner Pescosta é stata prejentèda te Museo Ladin en ocajion de l’Aisciuda Ladina

La prejentazion del liber “Storia del ladini delle Dolomiti” é stata portèda dant te Fascia a na vida enteressanta e gustégola da l’autor Werner Pescosta e da sia colega Silvia Liotto.

Publicazions - Na prejentazion lijiera e gustegola per n liber gran e pesoch, de 750 piates, che regoi e ne met dant, ence travers n gran numer de bie retrac, duta la storia di ladins de la Dolomites. L nef liber “Storia dei Ladini delle Dolomiti” de Werner Pescosta dat fora da pech da l’Istitut Ladin Micurà de Rü é stat prejentà enstadì ence te Fascia, en ocajion de l’Aisciuda Ladina te la sala Heilmann del Museo Ladin a Sèn Jan. L’é bel poder se binèr chiò ensema coi ladins de autra valèdes, à dit dantfora l president de l’Istitut Ladin de Fascia Antone Polam, e ence l president de l’Union di Ladins de Fascia Silvano Ploner à rebadì che te chisc tempes, canche de spes l’é senester tegnir ensema e fèr robes adum anter ladins de la desvaliva valèdes, l lurier fat da Werner Pescosta metan ensema la storia de duc i ladins é dassen gran e emportant, e so liber merita de vegnir cognosciù e let da duc i ladins. La ousc del Comun General de Fascia - con n salut particolèr da

man de la Procuradora Cristina Donei, amò ferèda da problemes de sanità – é stata portèda dal president del Consei general Cesare Bernard, che à rejonà de l’emportanza de cognoscer noscia storia, ajache la storia l’é l fondament de l’identità de ogne popol, e duta la vita de noscia comunanza ladina se poja sun chest fondament. N rechiam a l’emportanza de noscia storia é ruà ence da man de l’ombolt de Vich Franco Lorenz, e dapò l’é stat l diretor de l’Istitut Ladin Micurà de Rü, Leander Moroder, a portèr ite più avisa l descors tel liber. Un de chi libres – l’à dit – che no vegn dat fora duc i egn, ma che ades l’era besegn de fèr, e per binèr ensema a na vida atuèla duta la documentazion sui ladins che Werner Pescosta à binà sù e regoet te egn de lurier, ge volea n liber scì gran. Leander Moroder à sotlineà l’emportanza del lurier fat da l’autor, e l ge à sport na lauda per aer abù l coraje de jir ite ence ti momenc e la costions più delicates e senestres, desche per ejempie chela de la opzions. Tel contegnù del liber é jit ite

dapò l’autor Werner Pescosta. Con na prejentazion enteressanta e lijiera, col didament de la domanes de la colega Silvia Liotto e con n beliscim e aprijià compagnament e enterzament musical di badioc Max Castlunger e Emanuel Valentin, Pescosta à portà la jent te sala a cognoscer en curt vèlch fondament e vèlch curiosità su la storia di ladins. Da la preistoria a la migrazion di popoi e la ipoteses de colonisazion de noscia valèdes, e dapò i tempes de meseria, l’influs de la religion, la scolarisazion per duc con Maria Teresa d’Austria, enscin a la pruma atestazions che te chest raion vegnìa rejonà n lengaz desferent dai etres e al nascer de l’autocoscienza de esser ladins. Na gran lèrga ge vegn lascià ai tempes neves, con l svilup de l’alpinism, l sport, l turism e i mudamenc economiches e sozièi, la scola e l’ambient, per ruèr al recognosciment de la Dolomites desche patrimonie mondièl da man de l’Unesco e a l’esperienza del Superski Dolomites, la realtà che sot l’impuls economich la é stata bona de fèr garatèr l’unità anter ladins più che chel che é states bones de fèr la istituzions aministratives e culturèles. La “Storia del ladini delle Dolomiti” de Werner Pescosta l’é de segur un de chi libres che cognessa esser te ogne cèsa, magari no da se tegnir apede let per l lejer da sera dant de dormir, ma da poder tor cà e vardèr fora ogne outa che se vel aer informazions segures su la storia e la realtà de noscia val. Per didèr la consultazion junsom al liber l’é ence duc i aparac: notes, bibliograf ìa, dizionarie storich e l’indesc di inomes di argomenc, di lesc e de la persones che se troa tel liber. L liber é da poder troèr ence te Fascia, aló dal Museo Ladin a Sèn Jan.

Pìcola rubrica de informazion culturèla

“Carletto Weiss e la gejia de Sènt’Uiana”

Carletto Weiss da passa 25 egn l se cruzia de tegnir averta e rencurèda la gejia de Sènt’Uiana.

La gejia de Sènt’Uiana l’é una de la testimonianzes più emportantes de la storia religiousa de noscia comunanza, fin dai prumes tempes en cà. Sun chest monument storich e religious père Frumenzio Ghetta à scrit l bel liber “La lejia de Sent’Uliana” dat fora da l’Istitut jà del 1994. Tel video che vegnarà moscià la setemèna che vegn su Tele Minoranze Linguistiche, podaron veder e cognoscer miec chest patrimonie de èrt e de memories tel cher de duc i fascegn de gra a na persona che à abù na pèrt emportanta te la storia del restaure e de la conservazion de chesta picola gejia, Carletto Weiss da Vich, che per passa 25 egn se à cruzià

de rencurèr chest bel santuarie e de ge moscèr a chi che ruèa sù l tesor de storia, fe e èrt conservà laìte. Con sia paroles Carletto met al luster detaes che se pel descorir anter i depenc e la fegures zipièdes e ne conta con sia ousc amò gaerta de canche l’é stat fat i lurieres de restaure, che ge à dat l met a chesta bela e veia gejia de poder esser endodanef aprijièda te sia beleza originèla, dò esser stata per egn alalongia desmentièda e arjumèda, descheche se podarà veder te la fotos storiches che testimoniea la condizions zompes de la gejia dant de vegnir restaurèda. Tel program se podarà viver endodanef, te la paroles emozionèdes de Carletto, l moment de la descorida de la bergamina de consacrazion de la gejia o canche l’é stat troà i resć de n ciaslir retich de l’età de Fer, testamonesc de l’emportanza de chest lech fin dai tempes veiores. N gran develpai volon ge l sporjer a Carletto Weiss e a la jent da Vich, che se à dat jù per rencurèr chest scrign prezious, memoria de la storia e de la fe de duc i fascegn. Oraries (orientatives) de “L cianton de l’Istitut” su TML de lunesc da les 15.45 de mèrtesc da les 18.15 de mércol da les 22.15 de jebia da les 20.15 de vender da les 11.30 de sàbeda da les 18.15 de domenia da les 21.00

Lucia Gross

Didèr per se didèr Na serèda te Comun de Poza per fèr cognoscer ence te Fascia l sistem de l’Auto mutuo aiut Sozièl - “Didèr per se didèr”, l’é chesta la rezeta, scempia ma percacenta, che ge à jà permetù a n muie de jent che à n problem o n dejèje de troèr n aiut, n sostegn o amàncol mìngol de serenità. Chest sistem é cognosciù desche “Auto mutuo aiut”, e l se poja su l’idea de ge dèr l met a jent che padesc, che à n problem, o che aboncont i é dò a viver n moment senester, de se binèr ensema con de autra persones che é te la medema situazion, per poder rejonèr e condivider problemes che va da la dependenzes de desvaliva sort (dal jech, da sostanzes, da persones) a l’ansia o la deprescion, al sostegn a chi che à familières pedimenté o con malatìes senestres, fin ai problemes de autostima, de alimentazion, de manconia o de solentum, e etres

10

www.lauscdiladins.com

amò. Nasciù dal sistem de Hudolin e di club alcologiches, jà prejenc da egn ence te Fascia, l’Auto mutuo aiut l’é re cog nosciù da l’Organisazion Mondièla de la Sanità desche un di strumenc de maor enteress per ge dèr ai sentadins responsabilità e protagonism. A Trent e fora per l Trentin la sociazion “A.M.A.” é jà ativa con bon ejit con n muie de gropes sun temes desvalives, e enstadì la é stata prejentèda ence te Fascia sun proponeta de Nadia Cadrobbi, joena da Poza che te chesta sociazion fèsc sie stage de università. L’assessora a la politiches sozièles del Comun de Poza, Renata Mattevi, à tout sù con gran gaissa la proponeta de sostegnir e de fèr cognoscer ence te noscia val chest

sistem che poja sia reijes apontin sul “didèr per se didèr”, n fondament de solidarietà che à semper caraterisà noscia comunanza. L’enconter per ge prejentèr e fèr cognoscer chesta oportunità ence a la jent de Fascia e veder se fossa de ùtol ativèr ence te val vèlch un de chisc gropes é stat endrezà enstadì te sala del Consei de Comun de Poza e l’à abù na gran bela partezipazion e n bon aprijiament. A rejonèr de l’Auto Mutuo Aiut e de sia metodologìa l’é ruà l fondator de la Sociazion “AMA” de Trent, Stefano Bertoldi, ensema con l facilitator del grop su l’ansia de Trent Tommaso Clemente e desvalives componenc del Grop AMA su la manconia de Ciavaleis, che i à portà sia testimonianzes. Se troèr te anter jent che te scoute zenza giudichèr, per spartir

coi etres l peis de n problem e se miorèr de l’esperienza de chi che à jà troà fora vèlch soluzion o vèlch resposta ùtola: chest l fondament de chisc gropes, olache la persones no vegn conscidrèdes problemes ma ressorses. Chiò chi che tol pèrt pel aer dassen n gran joament, ge vegn domanà demò de aer envers i etres componenc del grop l respet più gran, vardan de no dèr mai giudizies e de se tegnir semper per sé chel che vegn dit te la scontrèdes. Chi che aessa enteress a n saer de più o i volessa tor pèrt a n grop de auto mutuo aiut i pel tor contat con la sociazion A.M.A. vardan sul sit www. automutuoaiuto.it (lg)

Stefano Bertoldi, fondator de la sociazion A.M.A. de Trent, à spiegà a Poza l’organisazion e la metodologìes de l’Auto Mutuo Aiut.


nr. 19 / 20 de mei 2011

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

Unesco arpejon mundiela: mé marketing? Chësc ie l titul de na descuscion che ie stata dan n valguna enes a Urtijëi. Danter chël che n se à damandà iel che l Saslonch y l Sasplat ruve ite tl raion sot a scunanza y de cialé dla mubltà, dantaldut de na ferata tres Gherdëina ne n iel deguna, trëi tla Svizra y cater ti Paejes Tudësc. “L se trata perchël de zeche de speziel, a pudëi tumé ite te na medema categuria coche l Gran Canyon o la Galapagos. La gran pert dl raion Unesco ie tla provinzia de Belun, ma i plu biei crëps ie tlo da nëus,” à dit Laimer. Vester arpejon Unesco uel dantaldut dì cialé dl raion, nia mé di crëps ma de dut l raion ntëurvia, y de si jënt. Gran pëis iel da ti dé a na mubltà sun mesura, che muessa ite te n cunzet tler, te Gherdëina.

La parola ai trëi ambolc

I reladëures dla sëira.

Cuntreda - “Vijions!” Chësta ie la parola auzeda ora da Helmuth Moroder te si statement de ntroduzion per la sëira de descuscion te ex Cësa di Cungresc de Urtijëi. “La politica, i politicri muessa avëi vijions, na posizion tlera, acioche l se mueve zeche. Nscila dëssa nce l Saslonch, l Sasplat y i Plans de Cunfin ruvé ite tl raion sot a scunanza dla Dolomites patrimone Unesco. La stredes de zircumvalazion dëssa vester sot a tiera ite, sce n cajo. Ma calculan che la doi stredes de zircumvalazion che unissa a s’l dé, chëles de Urtijëi y de Sëlva, custëssa ntëur a cënt milions de euro, y ëssa la fazion de tré adalerch mo plu trafich, pona vàla de fé l saut cualitatif de na ferata tres Gherdëina,” nscila Moroder.

Cunliamënt cun la ferata N cunliamënt tres ferata danter Puntives y Plan custëssa ades cënt milions de euro, jissa a mudé la maniera de mubltà, plu sun mesura dla cuntreda, dl’aria y dla fuera ma perchël nia plu stleta. Dlongia chësc ntervënt tecnich iel l mesun de dsaré i jëufs a strufs. Nscila Moroder, che à pona rujenà dla emiscions de CO2, che ie la gauja prinzipela dl mudamënt dl tlima tl mond. La jënt de Gherdëina rata suvënz che tlo da nëus ne sìbel nia elemënc negatifs

de chësc viers, ntantsce, dij Moroder, se adrova nosc raion propi per l turism da d’inviern truepa energia, cun i auti che furnea ite y ora, la furnadoies, i giac y i canons dala nëif, la nudadoies y saunes y nsci inant. Per vester respunsabli iel drët se dé ju nce cun chësta cuestion: “Tl Masterplan de Gherdëina, che ne n’ie ufi zialmënter mo nia sun mëisa, iel drët che l sibe laite nce chësta cuestions,” à dit Helmuth Moroder dla Lia Natura y Usanzes te si paroles de ntroduzion, te chëles che l a purvà a jì demez da na scunanza “mé” di crëps, ite de viers de na scunanza de duta la cuntreda ntëur ai crëps via, cun la montes, la valedes y i luesc lajù.

Sëira metuda a jì dala Lia Natura y Usanzes Ala sëira de descuscion n juebia sëira ai 28 de auril ova nvià la Lia Natura y Usanzes. Dancà sun palch iel unit adalerch coche reladëures l assessëur provinziel Michl Laimer, i ambolc de Urtijëi, S. Cristina y Sëlva Ewald Moroder, Eugen Hofer y Peter Mussner, y Karl Vinatzer per la Lia per Natura y Usanzes. Tres la sëira à menà Simon Peter Moroder. Te si nvit scrijova la Lia Natura y Usanzes: “Nëus on dal scumenciamënt incà abù na gran legrëza che la Dolomites à pudù

avëi l gran unëur de ruvé pra l patrimone mundiel dl’Unesco. Ala gran pert dla jënt de Gherdëina ti àl dal prim mumënt inant desplajù dassënn che l Saslonch ne toca nia leprò. L Saslonch ie pu per nëus de Gherdëina l plu bel crëp dl mond, a chël che on la fertuna de pudëi ti cialé uni di, y perchël messons a uni maniera cialé che l ruve ite sot a scunanza dl’Unesco. Dassënn plajëi nes àl fat che ultimamënter se à duc i Chemuns de Gherdëina damandà che l Saslonch y monce l massif dl Sela ruve pra l’Unesco. Ma ne dausson nia ulëi chësc mé per fé n gran marcià dainora, ma se mpenië a scuné sciche l toca chisc raions y schivé de fé ntervënc pesoc per l ambient.” Nscila la Lia Natura y Usanzes te si nvit a duc i zitadins de Gherdëina a unì a scuté su la descuscion y nce a dì si minonga n chësc cont.

Truepa arpejons cultureles, mé puecia arpejon natureles Unesco L assessëur Michl Laimer à dat da lecurdé che l ie do la rata na gran cumpëida de arpejons mundieles cultureles Unesco, ma do la rata puecia arpejons mundieles natureles. Mé per dì n iel mé doves tla Talia: la Ijules Eoliches y la Dolomites; tl’Austria

Per l ambolt de Sëlva Peter Mussner se tràtel de na cossa “de credibiltà”, che ie al numer 1: mé sce l prim travert da arjonjer ie la scunanza dla natura y sce n se muev nce de chësc viers, pona saràl credibiltà, ajache la jënt che vën adalerch se ntënd riesc sce la ie o sce la ne n’ie nia. “L ie da muië che chësc var de arpejon mundiela ne n’ie nia bele unì fat ti ani setanta.” L ambolt de S. Cristina Eugen Hofer à dit che l’idea dla ferata ne n’ie nia nueva, che tecnicamënter se lascia dut fé, nce sce n ne daussa nia tralascé la deficulteies per la valeda strënta de Gherdëina, ulache l ie bele truep frabicà pro. Eventualmënter messëssen jì sot a tiera o do ruf ite. Hofer à auzà ora l mpëni dl Chemun de S. Cristina de udëi l patrimone Unesco coche ncëria de viers dla scunanza dla cuntreda. Per l cunliamënt sun Mont de Sëuc se àl damandà na descuscion che tënie cont de plu soluzions, ajache resté per curieres euro 0 che va ite y ora ne possa nia vester l daunì. L ambolt de Urtijëi Ewald Moroder à auzà ora l mpëni “storich” dl Chemun de Urtijëi de viers dla scunanza de Resciesa y pona acioche l vënie a se l dé n raion de arpejon naturela Unesco. Nce Moroder se à dit a una cun la ferata, tulan mo n iede l’ucajion de nvië che l vënie jit inant cun l cunzet de dsaré i jëufs per i auti, almanco te na cërta mesura.

“Na idea nasciuda via n Flëm” Karl Vinatzer dla Lia Natura y Usanzes à lecurdà che l’idea dl’arpejon Unesco fova unida ora tla Val de Flëm, bele dan chindesc ani. Vinatzer y duta la Lia se damanda che l Saslonch y l Sasplat vënie tëui ite tl raion Unesco, ma nce che l ne vënie nia jit inant cun l putenziamënt di mplanc

portamont y de pudëi auzé la capaziteies de liec turistics. Da cialé iel de smendré l’emiscion de CO2, scumencian pra l ressanamënt termich pra fabricac. Da cialé iel nce che pra i mplanc portamont y pra i canons dala nëif vëniel smendrà l livel de energia che n tol ca per fé jì i njins.

Plans de Cunfin y streda sot a Murfrëit Tla descuscion ala fin iel danter l auter unì auzà ora l bujën de tré ite nce i Plans de Cunfin tl raion da mëter sot a scunanza, de cialé che l ne vënie nia fat tuniei contra la levines da Murfrëit ite, che l vënie al incontra dsarà ite l trafich, dantaldut di motores cun si gran fuera, y che l vënie dsarà i jëufs, almanco a strufs. Na minonga fova nce chëla de cialé de ne fé nia n gran mplant su per la furcela de Saslonch, de cialé dla sarenera te Sautaria che ne va nia. A una na dumanda, chëla sce n uel nce ti dé pëis ala cultura particulera dla jënt dl raion, ne n’à deguni respundù. Oradechël ie la sëira inò stata na ucajion per auzé ora che l hotel da set stëiles sun Sochers ne dëssa nia unì lascià pro y n generel de cialé che l vënie a s’l dé regules plu restritives n con’ dl ngrandimënt cualitatif y cuantitatif sa mont. Otto Runggaldier, ambolt de Plan: “Nchin che ie saron te Sëlva, ne uniràl fat degun hotel da set stëiles!” Y pona Duli Duli che leva su y se n va, svaian: “Daudëve, ne ëis duc capì nia! Duman ve dijeréi ciuldì!” - L di do l éi ancuntà, y l me à dit che “mpede fé hotiei da set stëiles sun Sochers iel da mëter ju de biei cubeti sun Plaza de Sant Antone y de fé na garasc sot a plaza ite per tò y tres i auti sëuravia y acioche l sibe lerch assé per i auti!” Coche dì, n iede iel da fé zeche de utl per duc, che va debujën, dan se dé ju cun d’autra roba. Y l ne à pa nianca no dut l tort. Summa summarum, nce pra chësta sëira: la descuscion ie stata n mesun de traté na tematica dlicata, de la tematisé, ajache la majera pert de nëus ne se rënd mo nia cont de cie che uel dì ch’sta Unesco benedëta per nëus. Truepa de bona minonghes, truepa prupostes iel sautà ora. Da speré iel che la truepa bela paroles ebe pona nce na fazion per la scunanza de nosc raion, per valorisé y per ne vënder nia mé nosta cuntreda, arpejon mundiela naturela Unesco. David Lardschneider

La jënt à nce dit la sia. www.lauscdiladins.com

11


Gherdëina

nr. 19 / 20 de mei 2011

Ancunteda di Alpini a Torino

La valuta di cunsëies

Coche bele da 40 ani y passa incà, à la Grupa Alpini de Gherdëina inò fat pea pra la nduneda naziunela di Alpini, che ie chëst ann unida urganiseda dal Chemun y dala Sezion Alpini de Torino

I cunsëies de furmazion de Gherdëina lëura cun mpëni y cualità; i recunescimënc de chësc viers vën nce dala Provinzia che nvieia de jì inant de chësc var

I Alpini de Gherdëina a Torino.

Alpini - Torino ie na zità drët bela, cun na gran cultura, scialdi monumënc y museums, ma nce na zità cun truep vërt, nia tan caotica, dessegur manco de chël che n pudëssa se aspité. Una dla robes plu beles dl’nduneda di Alpini ie l fat che n à l mesun de jì a ti cialé a ziteies che scenó ne jìssen povester nia a vijité. La “Mole antoneliana”, l museum egizian, l museum di auti da n iede y pona l fat che Torino fova la prima capitela dla Talia, fej de chësta zità n luech culturalmënter nteressant y cun na gran storia. Nosta grupa fova chëst ann reprejenteda da catordesc cumëmbri. Scebën che ti ultims ani sons for demanco a furné pea, ne màncel bën mei la bela armunia

12

www.lauscdiladins.com

danter nëus. La dumënia, canche marcian per trëi chilometri danter doi linges de fola, cun nosta scrita “Val Gardena” danora y la jënt nes batova la mans y svaiova “viva la Val Gardena!”, se mpleniva nosc cueres de sentimënt, an na drëta superbia y fan cuntënc che l inuem de nosta valeda ie tan cunesciù y aprijà ora per la Talia. Se rendon cont che ti fajon n bel retlam a nosta val, nce sce chësc ne n’ie nia l fin prinzipel de nosta partezipazion al’ancunteda. Nia da desmincë ne ie la bela gran festa che l nasc uni iede che n fej pea a na tel’ nduneda: sté adum, s’la cianté, se bever n bon got y l lecort o vel’ ntraunida da rì che n se tol pea uni ann che n va al’nduneda, fej ora de chësta manifestazion velch de unich. N

mpera a cunëscer truepa jënt nueva y l nasc amezizies che dura tl tëmp. L ann che vën unirà l’Ancunteda di Alpini urganiseda dala sezion y Chemun de Bulsan. L sarà chësta na ucajion per duc - Alpini y nia - de jì a se nmaruië ce atmosfera che l ie pra na tel’ sort de manifestazion y ce meja de jënt che la chërda adalerch. L fin de chësta manifestazion ne n’ie segurdenó chël de mëter l azënt sun cuestions politiches y desferenziazions cultureles, ma bën chël de sté deberieda, urté inò cumpanies, festejé deberieda, se rendan cont che mé a tenì adum pòssen speré de sté saurì nce tl daunì. Grupa Alpini Gherdëina

Istituzions - Di stroc te cësa dìjen pu: tanc che l n ie se ntënden permò canche deguni ne i fej. Cun i cunsëies de furmazion iel l medemo. Suvënz feji ti luesc de Südtirol truep lëur, a chël che l ne vën belau nia abadà o ne vën nia recunesciù o prijà. Y mpo iesi per l luech de gran mpurtanza. L lëur de ulentariat de n cunsëi de furmazion ie de cuordiné la ativiteies de furmazion dla seves defrëntes che fej cultura tl luech, de crì ora i tëmps y cie che l fossa bon pité y suvënz de mëter a jì te na maniera autonoma scumenciadives faszinëntes cun referimënt al luech. Dlongia al truep lëur de ulentariat iel nce de bujën de n finanziamënt segur per chësta atività de valor. Perchël dà l Chemun na cërta soma, al mumënt 1,5 euro per abitant al ann. L Lond Südtirol dà tres l Ufize Furmazion de Bulsan a uni cunsëi de furmazion mo n iede la medema soma. Sce l cunsëi de furmazion se tol dant de mustré su n program per dut l ann cun fins y cuntenuc avisa y sce chësc tën ite i criteres damandei, vën la cuota auzeda da 1,5 euro a 3 euro per abitant y al ann. L pensier dovia de chëst aiut mplu ie chël che i scioldi per l lëur de furmazion tl luech ne dëssa nia unì dac aldò dl prinzip dla spriza coche n dij, ma che l lëur de cualità dëssa unì premià sëuraprò. Chëst ann à 56 di de ndut 135 cunsëies de furmazion fat dumanda sëuraprò per n aiut de cualità, 51 de chisc l à ala fin nce giapà. Nscila dëssel unì segurà, che nce ntan chësc ann pòssel crëscer la furmazion culturela ti luesc de Südtirol. L ie da auzé ora che nce i cunsëies de furmazion dla valeda à giapà l aiut de cualità per si lëur fat ntan l ann 2010. Al Cunsëi Furmazion de

Sëlva ti iel unì recunesciù 85 ponc, al Cunsëi Furmazion de S. Cristina 72 ponc y a chël de Urtijëi 75 ponc. Cossa chësta che dà ueia y sbunf per jì inant de chësc viers nce tl daunì. Per d’autonn uniràl inò a s’l dé proiec defrënc: chëst ann ie l argumënt metù dant drët sot, ”sëurantò respunsabltà” ie l moto. L vën lascià lerch a truepa ideies y prupostes per ntegré plu aspec defrënc. Sambën ie duta la lies nviedes a fé pea, a se fé bele śën vel’ pensier y ti l fé a l savëi ai presidënc dla lies. Nfurmazions plu avisa iel nce da giapé pra l Servisc Furmazion te Sëlva. Chi ie pa l Cunsëi Furmazion? L cunsëi de furmazion ie na grupa de lëur metuda adum da reprejentanc de plu lies, che sustën y pieta scumenciadives cultureles y de furmazion tl luech. L fin dl cunsëi ie nce chël de cuordiné miec che la va la manifestazions, per schivé che l vënie a s’l dé dublëtes y l ne vënie nia metudes a jì dut nsëuralauter. N servisc mpurtant dl cunsëi ie nce chël de dé ora la plata dla manifestazions tla plata de nfurmazion dl chemun y dla pluania. Pité ideies nueves o nrescì i bujëns de n luech, fé proiec y tré ite duta la lies a fé pea ie velch che i cunsëies se tol dant. Dla urganisazion dla manifestazions se sëurantol la lies nteressedes, ma sce vel’ argumënt ne giapa deguna ressunanza pra la lies, vën la scumenciadiva metuda a jì dal cunsëi de furmazion nstës. L cunsëi furmazion ie la lia-tët che mantën l cuntat cun la lies, les sustën y se prova de cuordiné l’atività. Ntant possa i cunsëies furmazion mustré su bëndebò de atività y nce la pruspetives per l daunì ie bones. (Daniela Villotti)


Gherdëina

nr. 19 / 20 de mei 2011

Sajon da d’inviern positiva de Lueses Gherdëina Dan n valgun ani fòvela nsci che l ne univa nia drë’ do jëuni che ulova jì cun la tizi, ntant che i atlec madures sciche Renate Kasslatter o Daniel Quitta fova tl lëur de finé via si cariera te dut Südtirol, y nce pra vel’ garejeda a livel naziunel. De dezëmber iel unì metù a jì na garejeda de NQ (cualificazion naziunela), pra chëla che l à fat pea i miëur atlec y la miëura atletes talianes, che ie pu bele dai ani i miëures dl mond. Nosc jëuni ova nscila la ucajion de udëi garejé l Pigneter, la Gietl & Co. sun “si” purtoi sun Gralba, na legrëza per duc. Plu tert fòvel pona mo unì metù a jì la garejeda soziela de Lueses Gherdëina. Davia che ntant iel unì a se l dé na bona cunlaurazion cun l Club da Fie, à nce chëi de Fië fat si garejeda soziela l medem di. Nscila fans propi de trueps sun Gralba y nce la marënda y la premiazion ie garatedes dassënn.

Mplant nuef dal’ega L ie da dì che chësc inviern à l mplant nuef dal’ega slesirà l lëur Pra la cësa de travert dl purtoi dala lueses sun Plan de Gralba. Da man ciancia, Tonin Perathoner, Igor Marzola, Gerhard Brandstätter, Alessandro Podini, Andrea Zeppa y Leander Moroder.

Lies - Nscila òven messù scumencé de velch da nuef, a na moda che gran pert di atlec dl Club Lueses Gherdëina pratichea permò da puec ani incà chësc sport. Ma n vëija che i resultac vën da sajon a sajon miëures, che la desferënzia danter i tëmps de chëi de

Gherdëina y di autri atlec plu esperc vën for mëndra, avisa sciche i plazamënc. L ann passà òven scumencià cun n alenamënt te palestra cun l maester Andreas Prinoth, che à dat si fruc. Tosc do, ai prims de dezëmber, iel unì scumencià cun i alenamënc sun l

purtoi Profanter sun Plan de Gralba. Chësc purtoi ie ntant njenià ite sciche l toca, cun n mplant per l’ega da sprizé da suinsom nchin japé, che l Chemun de Sëlva à fat chisc ani. Nosc atlec à pona fat pea pra la lingia de garejedes de tizi per jëuni

per fé la dlacia. Avisa sciche l fova na gran sauridanza che l ie unì cumprà n tractor de segonda man cun na bela gran fresa dala nëif. Tan de fadia che se on sparanià, sà mé chëi che à for judà chisc ani a palé ora l purtoi. Y mo velch ie stat de gran aiut, la cësa nueva pra travert, na sort de medel che on metù su japé dl purtoi. Cun chësta strutura ie la nfrastrutures pra l purtoi scialdi njeniedes. L mancia mo n mplant per tò ju i tëmps, ma pona ie l purtoi finà. Do che l purtoi fova bele unì colaudà per garejedes naziuneles, uniràl chëst ann mo colaudà per garejedes nternaziuneles, nscila che n ie njeniei a mëter a jì garejedes de uni livel, sun chëles che se ncunferton dassënn. Leander Moroder, presidënt Lueses Gherdëina a paiamënt

Rengraziamënt ala Fundazion Cassa dl Sparani L Club Lueses Gherdëina rengrazia la Fundazion dla Cassa dl Sparani de Südtirol, cun si presidënt Gerhard Brandstätter

y l cunselier Igor Marzola, per avëi judà cun n bel cuntribut a paië la cësa de travert dl purtoi dala lueses sun Plan de Gralba.

Rodaval, l proiet va inant Dant o do saràla tan inant: l culegamënt danter Sëlva y Urtijëi tres n troi dala rodes devënta bel plan velch de cuncret Rodes - Do ani che n aud rujenan de chësc proiet, perdrët nce aspità dala jënt da tlo, ma nce dai turisć sambën, àn śën fat n var inant. “Rodaval” ie n proiet de valeda y l ie bele plu giut che n lëura n chësc cont. Ti ultimi ani ie chësc bujën for plu sentì, l sport dala rodes vën scialdi praticà y n se damanda nce tla valeda troies dala rodes aldò, ajache a furné sun i stradons iel massa periculëus. N cont dl proiet “Rodaval”, seméiel che la vede inant dl drë viers. Bele de auril àn scumencià cun i lëures per l prim lot, da Runcadic nchin a Urtijëi. Te Sëlva iel dan n valgun ani bele unì finà n bel tòch de troi per la rodes, plu avisa dal stadio dala dlacia nchin ora La Poza. Śën réstel mo da fé l tòch nchin te Plan. Frabicà vëniel da pert dla Cumenanza raionela Salten Scilier, cun l finanziamënt dla Provinzia. A Runcadic iesen tl lëur de fé n sotpassaje sot a stradon ora, propi vis-a-vis dla sënta di destudafuech, per ruvé via pra l zënter dal tennis, da iló demez uniràl fat n puent sëura ruf via. L troi passerà ite per l raion artejanel nchin tal Scioler y inant sun l troi dla ferata, che unirà asfaltà, nchin ta la Gran Cësa. La firma à 100 dis de tëmp per finé chisc lëures. Sambën spéren de ruvé tosc a piz cun l prim tòch dla “Rodaval”. N à scumencià sun

grunt dl chemun de Ciastel, ajache de viers de S. Piere/Laion iel tosc l cunfin y iló iel pona bele n’autra Cumenanza de raion. N fej ntant chësc tòch, ma l nteres da pert dl Chemun de Laion ie tlo de jì inant pona nce oravier nchin ora a Puntives. L segondo lot vëija dant l culegamënt danter Urtijëi y S. Cristina, danter la doi plazes dal palé, che ie na luegia adateda y de gran mpurtanza, propi iló vëijen truep jëuni y pitli che va cun la roda o a pe, dessegur ënghe de gran utl. Sëlva al incontra ie a n bon pont, l proiet ie passà y chël sarà pona l terzo lot. Pudon perchël se ncunferté a pudëi furné tosc da Sëlva nchin a Urtijëi y de reviers sun l bel troi dala rodes, nscila cëlela almanco ora. (dv)

Ce bel a jì cun la roda! www.lauscdiladins.com

13


Gherdëina

nr. 19 / 20 de mei 2011

I sculeies de Sëlva ti à fat do ai artisć dl zircus

Cunzert de percuscions rezitledes

Mparà ài propi truep, i sculeies dla cuarta tlasses dla Scola elementera de Sëlva. N sada dan otodì iel stat na festa te palestra Pranives. Unic adalerch ie duc i sculeies dla Scola elementera y chëi de familia

Nia mé ert de cualità fòvel da udëi per doi enes alalongia tl Tublà da Nives te Sëlva, fata dai sculeies dla Scola mesana de Sëlva cun refudam rezitlà. N à nce pudù scuté su n bel cunzert de percuscions cun i jëuni dla Scola de Mujiga Gherdëina deberieda cun si maester Georg Malfertheiner

I percuscionisć à sunà sun strumënc fac cun roba che vën trata demez. I sculeies dla cuarta tlasses dla Scola elementera de Sëlva à ciantà de bela cianties.

Sëlva - Coche uni ann iela zeche de bel, la manifestazion te palestra per finé via l’ena dl zircus. D’uni sort de acrubazies, d’uni sort de culëures, y nce de bela cianties purtedes dant dai sculeies, che à nce saludà te d’uni sort de rujenedes, gherdëina, talian, tudësch, nglëisc, spanuel, olandesc, franzëus, rus y mo d’autres. Rujenan cun n sculé che à ënghe fat pea iel stat mesun nrescì che l ie na sort de tradizion, che uni ann à i sculeies dla cuarta tlasses dla Scola elementera de Sëlva l mesun de fé pea pra chësta ena de zircus, fajan d’uni sort de ejibizions y se derejan cun d’uni sort de massaria, njins y roba da fé damat. Ntan chëst’ena à i sculeies mparà truepa cosses y l ti sà bel che l diretëur y i nsenianc dla scola elementera à lascià pro na tel bela ena. A duc ti àl propi sapù da rì, l ie stat n gran devertimënt per duc canc. Sepp Marmsoler ie stat n bon maester,

for valënt cun duc y for de bona ueia. N sada dan la reprejentazion fova duc n mumënt grams, ma pona ie dut jit bën. I sculeies se ova furnì su per l’ucajion, n pert nce depenjan su l mus y se lascian fé

Fantajia de culëures sun l mus.

na frisur mpue’ trendy. Cun l aplaus ntan la manifestazion y l gran aplaus ala fin à duc i spetadëures ulù dì: „Sëis propi stai boni!“ David Lardschneider

Mujiga y ert - L cunzert à metù man da mesa la nuef da sëira, dedora dan l tublà. L tëmp à n chël di nce judà pea, l fova na bela sëira ciaudina da d’ansciuda, che ova cherdà adalerch na bela cumpëida de jënt, nia mé sculeies, jëuni, genitores, ma nce apasciunei de mujiga. Da canche l vën fat mujiga iela for zeche che lieia, che tira pea y plej a jënt de uni età. Dan l mëterman dl cunzert à l diretëur dla Scola mesana de Sëlva Anton Senoner saludà duc canc, mbincian n bon scuté su, rengrazian mo n iede duc chëi che à judà pea per l bon garaté dla mostra y dl cunzert. Mujiga y ert se lieia daniëura drët bën danter ëiles, cun resultac aldò. N rengraziamënt ie jit nce al diretëur dla Scola de Mujiga de Gherdëina Vinzenz Senoner, che lëura bele dai ani pea cun la scola mesana y cëla de judé ulache l ie de bujën.

N cunzert adatà ala mostra Perdrët fòvel n cunzert ambulant tres la mostra sce n possa ti dì nscila, cun meludies y strumënc adatei per uni pert dla mostra, ulache i sculeies ova metù ora si opres d’ert fates cun material y roba da tré demez.

Sculeies sun la croces ntan la manifestazion te palestra.

14

www.lauscdiladins.com

Nce i percuscionisć se ova adatà ala mostra. N à pensà de fé n cunzert dut cun strumënc fac de refudam rezitlà, chël uel dì che n ie jic a crì adum bidons uec da 200 litri, bossli dal café, bozes de scipa uetes, scatules, condles y zënza d’uni sort de cuntenidëures y à fat i strumënc per l cunzert dainora. L cunzert à metù man dedora fajan mujiga cun de gran cuntenidëures uec drusei y batan lessù cun n fust. Canche l ie unit scur iesen jic inant dedite te tublà for sunan, fajan mujiga, tlo nce cun de drë strumënc de percuscion, chëi tlassics per se ntënder, ma pona nce inò cun scatules y auter, for lià al refudam rezitlà. L cunzert, drët garatà, fova ënghe de ejëmpl coche n possa adurvé mo n iede roba bele adurveda: la fantajia te chisc caji ne n’à nia cunfins y ti lascia nsci lerch a na criatività cuncreta. Tert da sëira ie finà via chësc cunzert particuler, che à plajù da stramp. Mo n iede se desmóstrel che l Tubà da Nives ne ie nia mé n zënter de cultura y ert, ma dantaldut nce de ancunteda, de jëuni y manco jëuni, ulache l se lascia mëter a jì manifestazions drët plajëules. Daniela Villotti

I sculeies jëuni cun l maester Georg Malfertheiner, che à sunà pea pra l cunzert, tlo dan la ntreda dl Tublà da Nives. (Fotografies de Claudio Cainelli)


Gherdëina

nr. 19 / 20 de mei 2011

N unëur de San Flurian I Destudafuech de Sëlva à coche da tradizion festejà la festa de S. Flurian, si sant prutetëur. Danter la atività de aiut ala cumenanza fej i uemes di destudafuech nce datrai velch per l devertimënt

Na uneranza per vester bele 25 ani pra i destudafuech ti ie unida sëurandata a Andreas Perathoner, Toni Mussner, Urban Mussner y Peter Mussner.

Destudafuech - N dumënia ai 1. de mei à la cumpania di

Destudafuech de Sëlva festejà la festa de San Flurian cun la gran

mëssa solena acumpanieda dala Mujiga de Sëlva. Dopro, sun plaza de Chemun, à Seniëur pluan Pire Clara benedì i auti, per jì pona duc deberieda jal Des Alpes a marënda. Pea ie unida sambën nce la Mujiga, Sn. pluan y l vizeambolt de Sëlva y cumëmber di destudafuech Adrian Senoner. Te chësta ucajion àn pona nce ulù uneré i uemes che ie bele truep ani leprò. Na uneranza per vester bele 25 ani pra i destudafuech à pudù pië do Andreas Perathoner vize cumandant de grupa, Toni Mussner vize cumandant di destudafuech, Urban Mussner cumandant de grupa y Peter Mussner. N merdi ai 10 de mei àn fat na proa tla scolina de Sëlva, per tò y ora duc i mutons y la mutans plu prësc che la va. Te chësta ucajion à i pitli dla scolina nce pudù ti cialé plu avisa ai gran auti di destudafuech cun si njins y funzions (cëla articul a pert).

I Destudafuech de Sëlva ie sambën for njeniei per purté aiut te uni situazion, ma danter na proa y l’autra, cursc de ajurnamënt y zënza d’uni sort de mpënies, mëti datrai nce a jì velch per l devertimënt.

Partida de hockey Nsci ài metù a jì ai 14 de auril,

iust mo dan che i stlujëssa l stadio dala dlacia Pranives de Sëlva, na partida de hockey contra i destudafuech de Urtijëi. Do trëi tëmps drët cumbatui y na partida scialdi valiva, ie i patrons de cësa stac boni de s’la tré decà da si pert vencian per 2 a 1. Do la partida àn mo fat na bona spaghettata cun premiazion tl magasin di destudafuech de Sëlva.

I destudafuech y jugadëures de hockey de Sëlva y Urtijëi.

Proa di destudafuech tla scolina “Surëdl” de Sëlva Uni valgun ani muessa i destudafuech fé na proa te scolina, chësc ie scrit dant dala lege y i mëndri à daniëura legrëza a pudëi fé pea Destudafuech/scolina - Na proa per la segurëza di mutons, dl’assistëntes y maestres de scolina. N muessa vester njeniei per uni ntraunida, nce la plu burta. Y propi te chisc caji muessen savëi co fé, per ne lascé nia al cajo. Dala undesc danmesdì ie jit l alarm te duta la cësa dla scolina, per avertì duc che l ie rot ora n meldefuech, sambën nia per da vëira. Riesc iel unit adalerch l auto di destudafuech cun la gran scela che se à fermà bel sun plaza dan scolina.

La scolina "vardova" I uemes di destudafuech à tëut

ora damprovia la massaria che va de bujën te de tei caji, à tacà ite l slauh y sprizova sun la scolina che vardova, ma sambën nia per da vëira. Chësta proes ie de utl per canche l ëssa da unì su, n spera bën mei, n meldefuech o vel’ d’auter. Cun mutons iel sambën plu zite, perchël vëniel fat proes per vester njiniei ca per uni ntraunida. Do mes’ëura fova dut finà, i destudafuech à tëut ju la scela, destacà l slauh y rumà via duta la massaria. Ingrid Mussner, cuordinadëura dla scolina Surëdl de Sëlva, spiega che una na proa al ann ie de ublianza y ududa dant dala lege.

Chësta muessen fé uni ann de nuvëmber. La vën fata n di a cajo, zënza ne ti dì nia ai mutons, propi per cialé coche i se astiela te na tel situazion. Pra chësta proes mpera i mutons a se cumpurté tla drëta maniera te n cajo de meldefuech o te d’autra desgrazies, dantaldut i prim vares: co cherdé aiut, ne se lascé nia tò dal spavënt, co jì ora dal frabicat y nsci inant.

njenië ca cun gheneda y zënza stres. „La à daniëura drët butà pra chësta proes cun i destudafuech y chël possi dì nce chëst iede. Te 3 menuc fova duc i mutons, 80 de ndut, ora de scolina; bel do la lingia iesi jic ora damprovia, acumpaniei dala assistëntes y maestres zënza sauté ncantëur o se fermé nzaul a cialé. Miec ne pudòvela nia buté, chël muessi bën sotrissé“, à dit Ingrid Mussner.

Mplu vëniel uni cin ani fat na prova d’ansciuda, chësta al incontra a una cun i destudafuech dl luech y de chësta ti vëniel dit ai mutons, nscila che i possa se

Mpue’ de action Ala fin dla prova, do che dut à butà, àn nce ulù fé mpue de ”action”. I destudafuech ie jic ite

te scolina cun la mascra contra l fum, de gran udleies y d’uni sort de massaria. Pona ài ciarià la cuordinadëura Ingrid Mussner sun la barela y l’à purteda ora dedora, sambën ne ti manciòvel nia, nce sce povester vel’ mut pudëssa avëi minà che la se ebe fat mel o che la stajëssa mel, ma nia de dut chësc... Nce i destudafuech fova cuntënc de coche la proa ie jita y à laudà i mutons per si mpëni, ordn y bona ulentà acioche dut jisse a bon fin. Daniela Villotti

I destudafuech de Sëlva cun i mutons dla scolina sun plaza de chemun do la proa. www.lauscdiladins.com

15


Gherdëina

nr. 19 / 20 de mei 2011

Schiclub, na realtà mpurtanta te Gherdëina Reunion generela dl Schiclub Gherdëina cun uneranzes per i miëur atlec Lies - L Schiclub Gherdëina à metù a jì n sada ai 14 de mei tla cësa de Cultura de Sëlva si reunion generela. Do i saluc y la paroles danora dla presidënta Lidia Bernardi à i assessëures per l sport de Sëlva y S. Cristina tëut la parola. Milva Mussner à rengrazià l Schiclub per l bon lëur che l fej per i jëuni; Robert Ploner à dantaldut laudà l mpëni dl cunsëi y rengrazià per la bona cunlaurazion n cont dl zënter de pudejé sun Ciandevaves. Lidia Bernardi à pona purtà dant si relazion: l Schiclub à al mumënt 1.364 scric ite sciche sustenidëures y 159 atlec che fej pea duta l’atività, de chisc 98 che fej schi alpin, 61 n iel tl nordich: 23 de chisc fej la cumbinazion nordica, 20 pudejé y 18 biathlon y pona uniràl mo cialà de mëter su na pitla grupa de skicross/freeride. De ndut iel 21 grupes de alenamënt.

pusciblteies che nes dà l’autonomia scolastica.

La garejedes metudes a jì dal Schiclub

Skicross e freestyle/ slopestyle

La majera atività y la plu mpurtanta per l Schiclub ie l’urganisazion di alenamënc per i atlec y i njenië ca ala cumpetizions, ma ora de chësc gran lëur ons mo metù a jì plu garejedes. L ann passà d’instà, ai 6 de juni, à la sajon agonistica scumencià cun la garejeda nternaziunela de cumbinazion nordica sun Ciandevaves per la categuries nchin su ai aliefs. Ai 26 de setëmber ons metù a jì la garejeda provinziela de biathlon a aria sot a prescion te Val. Ai 10 de utober à l Schiclub metù a jì i campiunac taliani assoluc de saut y i campiunac taliani junior de cumbinazion nordica tl stadio Dal Bën a Pardac/Predazzo, ai 5 de dezëmber l slalom strënt Grand Prix te Val, ai 6 de jené n auter slalom strënt Finstral Cup per la categuries aspiranc y junior for te Val, ai 18 de fauré i campiunac provinziei de pudejé per sculeies y studënc sun Ciandevaves, ai 13 de merz i campiunac taliani dla categuria children, ladies, mutons y aliefs de saut y cumbinazion nordica sai Sauc sun Ciandevaves. Ai 20 de fauré iel unì urganisà na garejeda Banca Populera de pudejé a livel de Südtirol y na garejeda de Coppa Italia n cunlaurazion cun l zënter di Carabinieri de Val, ai 2 de auril la garejeda soziela de pudejé sun Ciandevaves y ai 10 de auril la garejeda soziela de schi alpin te Val.

Matteo Murer à cuntà dl skicross y freestyle/slopestyle. Tl skicross n iel set de scric ite, y de chisc n fòvel doi tla scuadra naziunela fajan pea la garejedes de Copa Europa y Copa dl Mond. Tl freestyle iel 3 atlec che à fat pea dut l program dla Sezion Sport dla scola y garejà te plu cuntesć naziunei y nternaziunei cun I trainadëur Didi Insam y Silvia Bertagna.

Bal dl sport Pona ons mo metù a jì ai 22 de nuvëmber l Bal dl Sport, cun la veles dl sportif jëunn dl ann, veles venciudes da Elena Runggaldier, nce segonda tla veles dla sportiva de dut Südtirol. La veles ie unides njeniedes ca n cunlaurazion cun la Usc di Ladins che ulësse rengrazië. Da numiné y rengrazië per l bon garaté dl bal ie sambën nce i hotelieres Christoph, Bibiana y Anita che nes à judà dassënn y Markus Demetz che à metù a jì

16

www.lauscdiladins.com

Schi alpin Do la relazion dla presidënta à i sëurastanc dla sezions tëut la parola. Peter Runggaldier à dit che per l schi alpin fòvel undesc grupes de alenamënt che se à ancuntà danter la preparazion a sut y chëla sun i schi feter uni di. Dantaldut chëi che fej la Sezion Sport, che ie duc i atlec sëura i 14 ani (ora de trëi che va a scola a Bulsan). I trainadëures fova: categuria aspiranc y junior: Karl Mussner, Roman Niederkofler, Florian Runggaldier, Miki Messner; aliefs y mutons: Karl Heinz Goller, Uli Perathoner, Rafael Senoner, Manuel Insam y Mark Vinatzer. Cuccioli: Wielfried Nogler Kostner, Andreas Prinoth y per l alenamënt a sut nce Mike Vinatzer.

Pudejé Elena Runggaldier y Klaus Insam.

cun si cunlauradëures la defileda de moda drët garateda cun i atlec y l’atletes dl Schiclub che à fat da modiei y modeles.

Ativiteies d’uni sort D’autra ativiteies tl ann passà ie states danter l auter la doi sëires de nfurmazion per genitores, atlec y a l e n a d ë u r e s n c o n’ dl’alimentazion y i ntegratëures alimenteres. Per la preparazion atletica de duc i atlec, sons furnei cun chëi dl schi alpin trëi iedesc cun plu grupes a Grado. Pona iel stat la vijita cun l cunsëi y alenadëures ala tlinica sportiva tl zënter 181 a Urtijëi, l ajurnamënt n mierculdi ai 11 de mei de dut l di sun la tecnica y l svilup tl schi alpin cun l espert, alenadëur dla naziunela y cumëmber dla cumiscion tecnica dla FISI Claudia Ravetto per duc i trainadëures dl Schiclub y chëi che fej i cursc per i pitli tla scoles de schi. Inant iel stat la partezipazion cun atlec pra plu defiledes y manifestazions metudes a jì dala Lies dl Turism dla valeda. On for mantenì i cuntac cun i badioc, fajan nce na vijita via i badioc per se nfurmé n con’ dla Copa Europa prugrameda per dezëmber 2011. On judà pea pra la Sela Ronda Hero, pra la garejeda de Copa dl Mond, la Gardenissima y pra la garejedes dl Gran Premio Giovanissimi. Pra plu trasmiscions tl radio y tla televijion ons prejentà

y cumentà nosta ativiteies. Per Sky iel unì fat na beliscima trasmiscion sun l zënter de pudejé sun Ciandevaves. Sambën iel pona inò unit ora l cudejel cun l’atività y duta la scuadres dl Schiclub. Rengrazion duc i sponsores prinzipei, ma nce duc i autri che nes à judà. Na gran legrëza nes à ënghe fat l pest sëurandat dal VSS per l lëur cun i jëuni.

Cristina Kelder à rujenà dl pudejé: i trainadëures dl pudejé ie per i mëndri Karin Moroder y Armin Kasslatter y Gerald Moroder. La majera categuria fova sot a curatel de Norman Kostner. Da auzé ora ie l bel terzo post dla stafeta duta ladina pra i campiunac taliani cun: Elisa Kasslatter, Eleonora Insam, Nadia Ploner y Debora Agreiter y la boniscima

sajon de David Hofer.

Cumbinazion nordica Klaus Insam à fat l pont dla situazion n con’ de saut y cumbinazion nordica: cun David Hofer fòvel set atlec che vën dal Schiclub Gherdëina pra i Campiunac dl Mond de schi nordich a Oslo. La bedaia d’arjënt de Elena Runggaldier nes à pona purtà la majera legrëza. Cungratulazions ai trainadëures Fabian Ebenhoch, Romed Moroder y Benjamin Runggaldier.

Biathlon Georg Prinoth à auzà ora che l numer di atlec dl biathlon ie jit suvier cun na grupa de mëndri che stluptea mo cun l stlop a aria, che à laurà drët bën. Da auzé ora iel i biei resultac de Irene Lardschneider. Chësta grupa ie unida njenieda ca da Luigi y Yvonne Ponza. I granc cun Teo Senoner ie stac boni de arjonjer doi bedaies d’arjënt cun Maikol Demetz y Alexia Runggaldier pra i Campiunac dl Mond Junior.

Aurela curta ala fin Do la relazions iel sciche pra uni generela mo unì liet dant la situazion dla cassa. Dan jì a fé banchët (metù a desposizion dal Hotel Tirol de Sëlva, ulësse rengrazië Bibiana y si uem) a s’la ciaculé, fé critiches, prupostes y purté dant ideies nueves, iel unì premià, cun gran stima da pert dl cunsëi y truep aplaus dal publich, duc i atlec dl Schiclub che à arjont resultac de livel aut. Per nes sustenì iel nce mesun destiné l 5x1000 dla chëutes al S chiclub co de s c f i s chel 01653110211. De gra a duc dl aiut! Duta l’atività ie da liejer do sun la plata internet www.sciclubgardena. info (lb)

Zënter de pudejé y ITC Nce l zënter de pudejé sun Ciandevaves/Pana ie tla mans dl Schiclub, si respunsabl ie Lucas Moroder. Cun n finanziamënt dl Chemun de S. Cristina, l aiut morel y de fat dl assessëur per l sport Robert Ploner y de Renate Senoner dla Lia dl Turism y de Günther Pitscheider de Val Gardena Marketing sons boni de mené inant chësta strutura cun suzes. N grandiscimo lëur ie l’urganisazion y la cuordinazion dla Sezion Sportiva dl ITC Raetia de Urtijëi. Cun l proscimo ann de scola sons ruvei ala 5. tlas cun passa 80 sculeies scric ite. L ie da bestia da muië che la Sezion Sport ne n’ie nia unida recunesciuda ufizialmënter dala Provinzia. Cun gran mpëni, truepa ëures de lëur y ulentà da pert de duc dl Schiclub y dl diretëur Bruno Senoner jirons inant cun chësc model de scola da n tel gran suzes, cun la

Tl ITC de Urtijëi uniràl jit inant cun la sezion sportiva.


Gherdëina

nr. 19 / 20 de mei 2011

Uneranzes ai atlec dl Schiclub L Schiclub Gherdëina à n ucajion dla reunion generela nce unerà n valgun atlec y n valguna atletes per l merit sportif ntan la sajon 2010/2011

Da m.c. danca: Nicol Dellago, Manuela Malsiner, Verena Stuffer, Lisa Demetz, Giulia Demetz, Alex Insam, Elena Runggaldier, Alexia Runggaldier. Dovia da m.c.: Samuel Mussner, Mattia Runggaldier, Samuel Costa, Maikol Demetz, Evelyn Insam, David Hofer, Armin Bauer, Alexander Prost.

Alexia Runggaldier Biathlon 1. Campiunac Taliani Biathlon junior ndividuel 08.1.2011 Valdidentro 1. Campiunac Taliani Biathlon junior de jì do 09.1.2011 Valdidentro 1. Campiunac Taliani Biathlon stafëta junior ëiles 22.01.2011 Ridnaun 1. Campiunac Taliani Biathlon junior 26.3.2011 Forni Avoltri 2. Campiunac dl Mond Juniores Biathlon stafëta 05.02.2011 Nove Mesto (Cze)

Alex Insam Saut y cumbinazion nordica 1. Campiunac taliani aliefs Saut 13.03.2011 Ciandevaves

Alexander Prast Schi alpin 4. slalom lerch di campiunac raionei 3. Slalom strënt di campiunac raiunei 2. Campiunac taliani tla Supercombi a Bardonecchia3. Slalom dla Trëi Nazions a Toblach

Armin Bauer Saut y cumbinazion nordica Partezipazion Campiunac dl Mondi schi nordich Oslo

David Hofer Pudejé 3. Copa dl Mond tla stafëta Sprint a Düsseldorf Partezipazion Campiunac dl Mond Assoluc a Oslo

Elena Runggaldier Saut 2. Campiunac dl Mond Saut dl’ëiles HS 106 25.02.2011 Oslo 1. Universiade Cup Saut dl’ëiles HS109 28.01.2011 Erzurum 1. Continental Cup Saut dl’ëiles HS100 01.10.2010 Liberec (Cze) 3. Continental Cup Saut dl’ëiles HS98 17.12.2010 Notodden (Nor) 3. Continental Cup Saut dl’ëiles HS94 13.02.2011 Zakopane (Pol) 5. Continental Cup Saut dl’ëiles HS100 07.12.2010 Rovaniemi (Fin)

Evelyn Insam Saut 8. Campiunac dl Mond Saut dl’ëiles HS 106 25.02.2011 Oslo (Nor) 5. Campiunac dl Mond Juniores Saut dl’ëiles HS 100 27.01.2011 Otepää (Est) 7. Continental Cup Saut dl’ëiles HS100 01.10.2010 Liberec (Cze) 7. Continental Cup Saut dl’ëiles HS106 08.01.2011 SchonachSchönwald (Ger) 8. Continental Cup Saut dl’ëiles HS117 06.02.2011 Brotterode (GER) 1. Campiunac Taliani jëuni Saut dl’ëiles HS66 28.08.2010 Gallio (VI)

Giulia Demetz Schi alpin 1. Slalom strënt campiunac raiunei 1. Slalom lerch campiunac raiunei 2. Pest Topolino naziunel y 6. Slalom Topolino nternaziunel - 4. Campiunac Taliani mutans: 4. Slalom lerch y 3. Supercombi y 2. SuperG

Lisa Demetz Saut Partezipazion Campiunac dl Mond schi nordich OSLO (Nor)

3. Continental Cup Saut dl’ëiles HS117 05.02.2011 Brotterode (Ger) 4. Continental Cup Saut dl’ëiles HS100 01.10.2010 Liberec (Cze) 7. Continental Cup Saut dl’ëiles HS100 08.12.2010 Rovaniemi (Fin) 7. Continental Cup Saut dl’ëiles HS117 11.12.2010 Vikersund (Nor) 1. Campiunac Taliani assoluc Saut dl’ëiles HS 106 07.08.2010 Pardac/ Predazzo (TN)

Lukas Runggaldier Saut y cumbinazion nordica 8. Campiunac dl Mond Cumbinazion Nordica Gundersen HS134/10 km 02.03.2011 Oslo (Nor) 10. Campiunac dl Mond Cumbinazion Nordica Gundersen HS106/10 km 26.02.2011 Oslo (Nor) 4. Copa dl Mond Cumbinazion Nordica Gundersen HS109/10 km 16.01.2011 Seefeld (Aut) 6. Copa dl Mond Cumbinazion Nordica Gundersen HS109/10 km 15.01.2011 Seefeld (Aut) 6. Copa dl Mond Cumbinazion Nordica Gundersen HS130/10 km 12.03.2011 Lahti (Fin) 7. Copa dl Mond Cumbinazion Nordica Gundersen HS118/10 km 23.01.2011 Chaux-Neuve (Fra)

Maikol Demetz Biathlon 1. Campiunac Taliani Biathlon jëuni ndividuel 08.01.2011 Valdidentro 1. Campiunac Taliani Biathlon jëuni de jì do 09.01.2011 Valdidentro 1. Campiunac Taliani Biathlon stafëta junior 22.01.2011 Ridnaun 1. Campiunac Taliani Biathlon jëuni Massa 26.3.2011 Forni Avoltri 1. Campiunac Taliani Biathlon jëuni

Sprint 27.3.2011 Forni Avoltri 2. Campiunac dl Mond Junior Biathlon stafëta 04.02.2011 Nove Mesto (Cze)

Manuela Malsiner Saut 1. Campiunac Taliani Children Saut 13.03.2011 Ciandevaves

Mattia Runggaldier Saut y cumbinazion nordica Partezipazion Campiunac dl Mond schi nordich Oslo 1. Alpen Cup Cumbinazion Nordica Gundersen HS102/10 km 15.01.2011 Hinterzarten (Ger)

Michela Ponza Biathlon 1. Campiunac Taliani Biathlon Assoluc Massa 26.3.2011 Forni Avoltri 1. Campiunac Taliani Biathlon Assoluc Sprint 27.3.2011 Forni Avoltri 5. Campiunac dl Mond a Kanthy Mansisk 4. Copa dl Mond a Sprint Presque

Nicol Delago Schi alpin 1. Campiunac Taliani slalom strënt 27.03.2011 a Bardonecchia 4. Campiunac Taliani de slalom lerch a Bardonecchia 2. Slalom strënt Campiunac raiunei 1. Slalom lerch Campiunac raiunei 1. Slalom Trëi Nazions a Toblach 2. Slalom lerch Trëi Nazions a Toblach

Samuel Costa Saut y cumbinazion nordica Partezipazion Campiunac dl Mond

schi nordich Oslo 9. Campiunac dl Mond Juniores Cumbinazion Nordica Gundersen HS100/10km 27.01.2011 Otepää (Est) 9. Campiunac dl Mond Juniores Cumbinazion Nordica Gundersen HS100/5km 29.01.2011 Otepää (Est) 1. Tlassifica Generela Alpen Cup Cumbinazion Nordica sajon 2010/11 1. Alpen Cup Cumbinazion Nordica Gundersen HS90/10km 05.09.2010 Liberec (Cze) 1. Alpen Cup Cumbinazion Nordica Sprint HS100/7,5km 03.10.2010 Oberstdorf (Ger) 1. Alpen Cup Cumbinazion Nordica Gundersen HS102/5km 16.01.2011 Hinterzarten (Ger) 1. Alpen Cup Cumbinazion Nordica Gundersen HS118/10km 12.03.2011 Chaux-Neuve (Fra)

Samuel Mussner Biathlon 1. Campiunac Taliani Biathlon stafëta junior 22.01.2011 Ridnaun 1. Campiunac Taliani Biathlon junior Massa 26.3.2011 Forni Avoltri 1. Campiunac Taliani Biathlon junior Sprint 27.3.2011 Forni Avoltri

Verena Stuffer Schi alpin Partezipazion Campiunac dl Mond schi alpin GarmischPartenkirchen 1. Copa Europa Super-G 24.01.2011 Pila 10. Copa dl Mond Libra 18.12.2010 Val d’Isere www.lauscdiladins.com

17


Gherdëina

nr. 19 / 20 de mei 2011

La cherta di mejes de Gherdëina Mile frabighes danter cëses y tublei di luesc da paur de Gherdëina iel unì purtà ite sun chësta cherta. L se trata de costruzions che fova n iede y ne n’ie nia plu, che ie unides fates su da nuef o restruturedes o nce de teles che se à mo mantenì coche les ie unides frabichedes dan cënc de ani cherta danman, da pudëi mustré ala jënt, da pudëi pona lauré lessù y studië inant. N ie nce stac boni de tré l nteres dl’Università de Dispruch per chësc proiet, che à mandà y manda mo for si studënc sot ala direzion dl prufessëur Hambrusch per museré y documenté la vedla strutures da paur.

Mapes dl cataster de Viena Dan doi ani àn pona laurà inant cun l aiut de chertes storiches l cataster Franziszeich de Viena dl 1858 y de gran aiut ie stata la verscion laureda ora drët ala m e nu d a d a J o s e f Runggaldier da Ianon per Ciulé da Paratoni a S. Cristina, datà 1242/45 duta Gherdëina (1870 tres analisa dendrocronologica. Al mumënt 1885), che reporta avisa la strutura plu vedla de Gherdëina, n valgun cie che l fova sun la puscions de uni luech da ani plu vedla che Peza y Biei. paur: frabicac, ciamps y Museum - N vënderdi domesdì n.i.. Sun vedla fotografies àn ënghe via ai 13 de mei à l Museum de pudù se udëi ora truep, i libri de Gherdëina pudù prejenté do truep Urtijëi, S. Cristina y Sëlva dac ora ani de lëur de nrescida, la cherta ultimamënter, cun si truepa di mejes de Gherdëina. I resultac fotografies storiches ie na gran de chësc proiet ie de gran valuta richëza y ie states de aiut per la y na gran richëza per nosta arpejon decumentazions di mejes. culturela, che à giapà gran Rujenan cun i patrons di mejes recunescimënt nce sëura la sëides àn mo giapà truepa nfurmazions de nosta provinzia ora. nteressantes per la nrescides. N à Ma co òvela pa scumencià pudù lauré ora mo deplù la cherta, perdrët? La prima sburdla fova tulan su mo d’autra strutures che unida da oradecà. I fredesc ne fova dant nia cunesciudes nsci Kirchner, architec che nriesc sun che n ie ruvei ala cumpëida de la storia dl frabiché, fova unic ti 1.000 frabighes localisedes danter ani ’90 te Gherdëina y ova cunstatà vedla cëses y tublei. coche l spariva n vedl luech da paur ndolauter. I ova de si bona La categurisazion di scumencià a se nteressé ala vedla frabicac frabiches y a les studië. Tres i fredesc Kirchner y l Museum de Ntan la prejentazion dla cherta Gherdëina iel unit a s’l dé na grupa à la architeta Mitterer spigà plu de lëur de persones nteressedes, avisa coche n à desferenzià i da tlo y da oradecà, che ova udù frabicac sun la cherta. L ie unì ite che n messova tosc fé zeche desferenzià sce la frabica ne n’ie sce n ulova mo unì a frida a nia plu, sce l ie n mesc o tublà y documenté, sce bele nia mantenì, sce l se à mo mantenì coche l fova chësta architetura storica, chësta dal scumenciamënt incà ma mé arpejon dl paesaje da paur che cun de pitla mudazions. Pona iel fova n iede y che sfantova a uedl chëla sort de frabicac che ie te si strutura fundamentela mo restei udan. unfat. Inò cun n auter culëur iel Na lista di mejes dl 1951 unì senià ite la frabighes che ie unides zaredes ju y fates su plu o Ma chësc fova danz n gran lëur! manco coche dant cun si formes Un di prim vares fova chël de fé tipiches y à mantenì la funzion, y na cherta per localisé i mejes y pona iel mo chëles che ie unides luesc da paur che ie n pert mo, zaredes ju y fates su da nuef cun che ie unic lascei su y frabichei dut n’autra funzion o nce spustedes ntëur y nce chëi che ne n’ie nia te n’autra luegia y l ne n’ie plu da plu. Muec iesen da na lista recunëscer nët nia dl vedl mesc. publicheda tl Calënder de Nce ti ultimi ani iesen jic inant Gherdëina dl 1951 da Sn. Cristl cun la mesurazions de mejes, Moroder y si fra bera Robert dantaldut de chëi che ie plu Moroder de Levigi y n se à nce juà manacei y de tei de nteres storich dla chertes di toponims di trëi p a r t i c u l e r. Ej ë m p l i d l a chemuns de Gherdëina. Chësc documentazion tëutes su iel tl fova tl 2008 y ntan dut l instà ova verzon dla Cësa di Ladins, metudes la doi architetes Barbara Lanz y ora sun seves che resta for iló da Sonja Mitterer fotografà y udëi. Duc i dac vën metui ite te n cataloghisà mejes y tublei, passa archif digitel tl Museum de 850 te duta Gherdëina. Mo n chël Gherdëina, che unirà ajurnà ann d’autonn fòvel bele la prima damprovia cun mesurazions

18

www.lauscdiladins.com

L mesc da Milan sun Chël Piz a Urtijëi. L ciulé ie dl 1263, al mumënt l plu vedl a Urtijëi.

nueves y nfurmazions che n giapà sëuraprò.

I elemënc che lascia recunëscer tan vedla che na frabica ie I reladëures à spigà coche n fej a savëi de ce tëmp che na frabica ie. Per chësc vëniel tëut n cunscidrazion n iede funtanes storiches sambën, ma nce la forma y strutura de mures, di vieresc, la portes, l ntëurvia dla portes cun trames murei ite o de gran sasc y zënza d’autri particuleres possà dé nfurmazion n cont dl’età dla cësa. Tres la planta di ciuleies se làscel ënghe udëi ora truep. Na vedla forma tipica ie l ciulé retich, che ie da recunëscer mo te truep vedli mejes de Gherdëina y univa dant te dut l raion dla Elpes nchin tl 14ejim secul. I reladëures ie nce jic ite plu avisa ti elemënc defrënc che ie da udëi pra i mejes de

Gherdëina y che ie tipics dl patrimone medievel, romanich, gotich y dl dejedot- y dejenuefcënt.

La datazions tres studies dl lën Cun l aiut dl Ufize Bëns Culturei dla Provinzia àn dal 2010 incà nce pudù fé studies dendrocronologics cun l espert Klaus Pfeiffer dl Vorarlberg. Chisc vën fai paredlan la vëtes dl lën per nriescer tan vedl che l ie. I resultac documentea nsci l’età de fundazion de na frabica. Per avëi la pert plu vedla de na cësa se àn cunzentrà sun i ciuleies y l ie unì tëut proves sun 15 luesc. Na sensazion ie stata la datazion di trames dl ciulé da Iender che ie dl 1193. Chësta ie la plu vedla datazion documenteda tl raion dla Elpes, che desmosta che bele ntlëuta messòvel vester n luech iló, nce sce la strutura cun l piguel sëurassù ie permò dl 1400.

D’autra datazions scialdi vedles àn giatà pra i luesc de Paratoni 1242/45, Biei sun Custacia 1249, ta Insom 1305, te Sëlva sun Daunëi 1356, a Urtijëi Milan 1263, sa Sacun Peza 1249 y via n Sureghes Nevaves 1290. Chësta dates sambën n referimënt ai mejes che n à pudù studië nchin śën, ma bele chisc nes dà testemunianza de tan da giut che l vivova bele jënt te nosta valeda y laurova la puscions.

Na richëza, n valor, ma nce n gran mpëni Truep nteressei y truepa autoriteies iel unit adalerch per la prejentazion dla cherta di mejes. Nsci l assessëur Florian Mussner, i ambolc de Gherdëina y Ciastel, i assessëures per la cultura, reprejentanc dla scola y dla lies cultureles. Paroles drët senificatives à abù danter l auter l diretëur dl Ufize

La patrones da Martin, Paula y Agnes Holzknecht, à do la vijita nvià ite te suta a se sciaudé. Daujin a d’ëiles Marie Theres Thaler, Sonja Mitterer y Klaus Pfeiffer, che à piegà la strutura.


Gherdëina

nr. 19 / 20 de mei 2011

materialità ne n’ie nia la medema. Perchël messons cialé che l vedl ebe lerch daujin al nuef. Laudà chësc proiet à nce l assessëur Mussner che ie de chëla che chësc ie dessegur n lëur che descëida sensibltà tla jënt, l fej pensé do a nosta ravises y da ulache union. L svilup ie bon y drët, dìjel, ma chël che n à audì n chësta sëira dëssa nce vester na sburdla per pensé do per i proscimi ani y che datrai pudëssen ciafië cun de manco. Mussner ti à mo fat na lauda al Museum, dijan che chësc ie l drë cuntribut che i ti dà a nosta cultura. L'autoriteies prejëntes ala prejentazion dla cherta di mejes. Sun streda danter Paratoni per ruvé ta Insom. La nëif n chësc di ne n’à nia sciautrì ju i nteressei ai vedli mejes.

Bëns Culturei Leo Andergassen, che à auzà ora la gran richëza y l gran valor che n à cun chisc frabicac storics, ma che tl medemo tëmp àn nce n mpëni, ajache sce

n tira ju na tel strutura cënc de ani vedla se n iela per for y pea cun ëila duta la storia che ie iló laite. Y l ne joa nia n fé su na medema ajache la autentizità y la

L à laurà pea per la cherta Pra l proiet dla cherta di mejes àl laurà pea la grupa de ulenteres cun Pauli Senoner, Urban Mussner, Vinzenz Senoner, bera Robert Moroder, Dietrich Mussner y

Pra la prejentazion dla cherta di mejes che ie da udëi dovia. Da m.c. Wolfgang Moroder presidënt dl Museum Gherdëina, Leo Andergassen dl Ufize Bëns Culturei, la architeta Sonja Mitterer, Paulina Moroder diretëura dl Museum y Klaus Pfeiffer dendrocronologh.

Edgar Moroder, pona la doi architetes Sonja Mitterer y Barbara Lanz y Paulina Moroder dl Museum che à cuordinà duc i lëures per la cherta y tenì i cuntac cun la istituzions.

Na raida di mejes per l di nternaziunel di museums Davia che n fova bele laite tl argumënt di vedli mejes y luesc da paur storics de Gherdëina, àn per l di nternaziunel di museums metù a jì na raida per jì a ti cialé a n valgun mejes a Urtijëi y a S. Cristina cun l acumpaniamënt de esperc. N dumënia ai 15 de mei danmesdì à la architeta Sonja Mitterer y l dendrocronologh Klaus Pfeiffer acumpanià na bela cumpëida de nteressei per jì a ti cialé a n valguna frabiches storiches a Urtijëi. Per prim iesen jic a ti cialé al tublà da Stlejuc (1594), dopro à i patrons dl luech da Milan lascià ite te si ciulé ulache i esperc à pudù dé spigazions drët avisa. La datazion 1263 desmostra che chësc ie al mumënt l luech

plu vedl a Urtijëi. Sa Martin, che coche n possa udëi da elemënc architetonics fova n mesc mpue plu da seniëur, pervia de si purtenienza al ciastel de Stettenck sciche sënta se sunieria, àn ënghe pudù ite te ciulé, ulache l ie ch’la gran seva. Domesdì àn fat na raida a S. Cristina, ulache Vinzenz Senoner se ova cruzià dla pitla escurscion deberieda cun i esperc. Piei via iesen sal tublà d’Aldoss, n ie passei da Crëpa y ti à pona cialà plu avisa al luech de Paratoni, che ie unì datà 1242/45 y ie al mumënt l plu vedl a S. Cristina, che se à nce mantenì te si forma plu vedla y vën belau nce cunscidrà sciche n monumënt storich. Paratoni fova da vedlamënter cësa y tublà despartii, permò plu inant iel unì frabicà pro la pert danterite. La raida ie pona fineda via cun la vijita dl luech da Insom. Nce sce l pluova y nevova sa Martin y sun Plesdinaz n iel stat trueps che ie jic pea a fé la raida di mejes, y coche zachei à dit propi tucà: ”La cultura vënc sun l tëmp!”. Ulrike Maierhofer

L Museum, nosta memoria Chësc fova l argumënt dl di nternaziunel di museums. L Museum de Gherdëina à n dumënia 15 de mei tenì si di dla porta davierta metan a jì plu scumenciadives

N jiva a crì i simboi tipics rissei ite o desseniei sun la massaria da paur.

Pitli y granc aspieta che l vën trat ala busca i pesć per l quiz.

Museum - Dala 10.00 danmesdì à l Museum de Gherdëina giaurì si portes pitan ntan dut l di azions y scumenciadives d’uni sort. Passa doicënt vijitadëures y dantaldut trueps da tlo se à nuzà dla ucajion per jì a ti cialé al museum cun duta si culezions che conta dla storia de nosc passà y che dà na sburdla a pensé do y se lecurdé dl passà. Chësc àn nce pudù usservé ntan l

ntujiasm pra la azions. Nsci fòvel da jì a crì cun l aiut de chertes cër simboi y urnamënc che univa fai su o rissei ite sun pec y massaria dla cultura da paur. Da dedò à duc pudù se tò na scatula, sciche simbul de n pitl scrin per mëter ite si lecorc, che i pudova decuré se ispiran ai simboi. L quiz fej ënghe duc daniëura pea drët gën, sibe granc che pitli.

di de porta davierta, che la jënt se fermova a s'la ciaculé y se lecurdova de cosses bele giut passedes. L nteressamënt ie stat grant nce per la cherta di mejes metuda ora tla ntreda dla cësa. Y nce truep paures ie unic adalerch, danter l auter propi a se cialé ju chësta cherta. Coche da tradizion vëniel nce metù a jì vel’scumenciadiva per i mutons, che à fat pea cun gran

Tlo fòvel da mëter daujin al pez de massaria l drë’inuem y la drëta funzion. Per se judé pudòven pa bën sce n cajo jì a cialé do tla mostra dl Museum. Dan finé via iel mo unì trat ora ala busca 15 de blòt pesć, l fova prosces cun de tel pitla popes ala gherdëina fates a man y russes cun n rispl sciche piza che dessënia si cërtli ntan che la se raida. L cunzet de duta l’azion ie unì

laurà ora cun la pedagoga per museum Thea Unteregger y la grupa dla didatica dl Museum cun Monika Kelder, Marie Theres Thaler, Milva Mussner, Ivana Moroder y Elisabeth Piccolruaz. Per l’ucajion fova nce la bibliotec ladina davierta. Tlo fòvel metù ora publicazions de l’architetuta da paur, a chëles che trueps à pudù jì a ti cialé. (uk) www.lauscdiladins.com

19


Gherdëina

nr. 19 / 20 de mei 2011

Lecurdan Remo Wolf Cuncors de Xilografia tla Scola d’Ert Cademia dedicà a Remo Wolf (1912-2009). I sculeies à pudù te n cuncors se cunfrunté cun plu tematiches y se dé ju cun na tecnica che va a ondla cun la tradizion dl lën de Gherdëina: la xilografia Cuncorsc - Cun lezitënza y pascion, tulan ejëmpl y ispirazion dal’opra grafica de Remo Wolf - ma dantaldut cun l aiut pratich dla maestra Nadia Daurù - à i sculeies dla prima trëi tlasses nterpretà la tematiches scrites dant dala cumiscion, che fova „Ravises y lëns“, „Ie“ y „Persona y natura“. Ai chindesc d’auril iel unì giaurì tla scola la mostra dla stampes.

Wolf: da Trënt te Gherdëina Remo Wolf nasc a Trënt tl 1912 y devënta maester de grafica y storia dl’ert nsenian danter Trënt, Rurëi/ Rovereto, Maran y Bulsan nchin ala Segonda Viera. Y iusta te chëi ani, tl caranta, se marìdel te Gherdëina cun Cesara Proclemer, la nepota dl dutor de Urtijëi, ntlëuta bën cunesciù. Chësc liam l purterà a tò su te si opra grafica l mond dla cuntredes y lijëndes ladines, y l spenjerà perchël nce for inò a unì tla val a sté. Do la viera ie l Wolf danter i fundadëures dla lia di „Incisori Veneti“ y dl cërtl culturel “F.lli Bronzetti“ de Trënt, ulache l mët a jì truepa mostres naziuneles y nternaziuneles. Ma si majer mpëni

ie sambën stat la nzijion y dantaldut la xilografia, mustreda te truepa espusizions de livel. Te 72 ani de lëur artistich àl fat ntëur a 3.800 stampes danter xilografies y calcografies, leprò mo 870 ex libris y 320 grafiches d’ucajion: na lingia de lëures mo nia defin studieda y publicheda. Y purempò se àl for cunscidrà n artejan y de si ert dijòvel: “Io la chiamo mestiere“

Bela giaurida dla mostra Ntan la giaurida dla mostra, ulache l fova nce leprò la muta dl artista, à pona l diretëur dla scola Karlheinz Mureda, do i saluc de Alexander Prinoth da pert dla Repartizion Cultura Ladina y dla Ntendënza, cuntà coche la fova unida a se l dé. La pruposta dl cuncors ti ova bele Priamo Pedrazzoli dla lia „grafica insieme“ de Milan purtà dant d’autonn dl ann passà. Na scumenciadiva mpurtanta coche à sotrissà Mureda - da tò su cun bënulëi y da rengrazië per la crëta che la ti à dat ala "Cademia" y ai sculeies, che à nfati sapù da uneré cun la cualità di lëures la persona y l’opra de Remo Wolf.

I sculeies che à trat n pest pra l cuncors de xilografia Remo Wolf, deberieda cun l’autoriteies.

Uneranza ai prims trëi La muta dl artista à pona sëurandat na xilografia ai prims trëi de uni tlas fajan na lauda ai jëuni criatifs, y se mbincian che la scumenciadiva posse jì inant tl daunì. I pesć ie jic a Ira Iduna Tarsia, Valentin Alber y Maria Chiara Caterisano per la prima tlas. Tla segonda à venciù Simon Comploi,

Ntan la giaurida dla mostra tla Scola d’Ert Cademia iel nce unì sunà y ciantà. Tlo dessot de plu xilografies.

20

www.lauscdiladins.com

Lucia Crapanzano, Marlies Baumgartner; y tla terza tlas: Dorothea Stampfl, Stefanie Andres y Gabriela Rungger cun Johanna Innerhofer ex-equo. Rengraziamënc à mo abù l diretëur per la maestra de grafica, Nadia Daurù, ëila à sapù da dé inant sambën si savëi ma dantaldut la legrëza de fé, che fova la fundamënta de chësc cuncors tan bën garatà. L

resta la mueia che Remo Wolf ne n’ie nia plu danter nëus, ajache l ëssa dessegur abù na gran legrëza a udëi chisc biei lëures di sculeies che se merita i cumplimënc per si mpëni. Ai lëures pòssen mo jì a ti cialé nchin ala fin dl ann de scola tla "Cademia"; iló iesi metui ora te porte y su per scela. Georg Demetz


nr. 19 / 20 de mei 2011

Proiet Jawa, nuviteies 2011 Ies’a na muta o n mut dai 13 ai 19 ani y te sàl pa datrai da stufé, ne ses’a nia cie fé vel’ëura? Pona vië y fé pea l proiet per i jëuni JAWA Gherdëina dai 13 ani insù, Servisc Furmazion Gherdëina dai 13 ani insù, Istitut Ladin Micurà de Rü dai 13 ani insù, Cësa di pitli dai 13 ani insù, Butëiga dl mond dai 13 ani insù, Union di Ladins de Gherdëina dai 13 ani insù, Lia Mostra d’Ert dai 13 ani insù, Lia de sucors Crëusc Blancia de Gherdëina dai 13 ani insù. Nfurmazions plu avisa giapëis mo tl ufize dla Nëus Jëuni Gherdëina 0471 799006 o sun nosta plata internet www.njg.it sot a pruiec.

Cie giàpen pa cun i ponc?

Sië per la Lia dl Turism de Urtijëi.

Tla biblioteca dla Union di Ladins a Urtijëi.

Jawa - Jëuni juda ora una o plu ëura te istituzions publiches, giapan per uni ëura un n pont. Chësc proiet che ova scumencià tl ann 2007 vën prijà for plu y plu, l pieta pusciblteies nueves tl mond dl lëur, istituzions publiches de Gherdëina lëura dassënn pea, a duc ti vàl n gra de cuer. L proiet Jawa ti pieta ai jëuni de Gherdëina dai 13 nchin ai 19 ani l mesun de judé ora te istituzions publiches y de giapé pona ala fin de si atività ulentera plu ponc aldò dl’ëures fates. Chisc ponc possa unì baratei ite tl ufize dla Nëus Jëuni Gherdëina, giapan nscila bonns d’uni sort da crì ora. Tla brosciura che ie te nosta plata internet www. njg.it pòssen udëi duta la istituzions che fej pea y nce ciun bonns che ie da garat.

Co funziunea pa l proiet? Per pudëi fé pea l proiet muessa i jëuni se lascé fé la “membercard”. Chësta vën fata tl ufize dla Nëus Jëuni Gherdëina cun la sotscrizion de n genitor (l formuler pòssen tò ju da nosta plata internet). Da chësc mumënt inant ie i partezipanc nce assegurei. I jëuni muessa cherdé su nstësc l’istituzion y fé ora n tiermul. Per uni ëura fata giapi n pont.

Nuviteies 2011 Davia che n possa mé jì doi enes ndolauter tla medema istituzion se à la grupa de lëur mpensà ora zeche de nuef: chëst ann uniràl dat ora per uni 6 ponc/ëura fates te

Te biblioteca San Durich a Urtijëi.

istituzions d’uni sort, n bonuspont, praticamënter giàpen un n pont sëuraprò debant canche n barata ite chisc. Chësc ons ulù fé dantaldut per mutivé i partezipanc a jì te plu istituzions per udëi coche l vën laurà.

L logo dl Proiet Jawa.

L ie inò ruvà leprò na istituzion nueva, plu avisa la lia de sucors Crëusc Blancia de Gherdëina, che à si sënta a S. Cristina. Leprò ons mo n bonn nuef da mes’ ëura cun n istrutëur tla palestra d’arpizeda te Sëlva.

La istituzions che fej pea Chemuns de Gherdëina dai 13 ani insù, Biblioteches de Gherdëina dai 13 ani insù, VKE sezion de Gherdëina dai 13 ani insù, Nëus Jëuni Gherdëina dai 13 ani insù, Lies per l Turism de Gherdëina dai 13 ani insù, Cësa de Paussa dai 14 ani insù, Museum de Gherdëina dai 14 ani insù, Val Gardena Marketing dai 13 ani insù, Tennisclub Urtijëi dai 13 ani insù, Pluanies de

1 n pont: n’ëura de internet, o doi buandes o n panin tl local di jëuni Saut. 2 ponc: na cherta de ntreda tla nudadoia de Urtijëi. 3 ponc: na pizza y na buanda tla pizzeria Maurizkeller a Urtijëi, tla pizzeria Tennis a Urtijëi, tla pizzeria La Bula te Sëlva o tla pizzeria L Fudlé te S. Cristina o na cherta de ntreda al chino a Urtijëi. 4 ponc: na recëria da 10 euro per l zeluler, o n bonn da 10 euro tla butëiga dai libri Athesia a Urtijëi, o na ntreda tl Parch Emozion a Urtijëi. 6 ponc: na ntreda per mes’ëura tla palestra de arpizeda te Sëlva (cun n istrutëur). 7 ponc: n bonn per jì dal friser per mutons dal Hairstudio No Limits a Urtijëi. 10 ponc: n bonn per jì dal friser per mutans dal Hairstudio No Limits a Urtijëi. 14 ponc: na ntreda a Gardaland.

Mpurtant! Fajon a l savëi che cun la fin de dezëmber 2010 iel unì anulà duta la iscrizions fates tl ann 2009 y 2010. Perchël iel scialdi mpurtant che chëi che ulëssa chëst ann inò fé pea, passe te ufize dla Nëus Jëuni a se lascé fé la memberard nueva, che sarà chëst ann vërda. Cun chësta ie duc i partezipanc assegurei contra desgrazies o danns. Zënza l’assegurazion fóssel n problem sce l suzedëssa zeche y ne pudessan nia paië ora vel’ dann. Prëibel tulëvel a cuer y passëde te ufize.

Trëi jëunes che à fat pea pra l proiet Jawa.

Nfurmazions y Manifestazions Enes di jëuni manifestazions Vënerdi 20 de mei: Juech di pachetli cun de biei pesc’ dala 20.30 tla sala di jëuni Fun&More te Sëlva. Grupa Jëuni Sëlva Sada 21 de mei: Turnoi de pallavolo per duc tl zënter da pudejé sun Pana, dala 14.00 inant. Grupa Jëuni Urtijëi Sada 21 de mei y dumënia 22 de mei: Viac de doi dis tla Val di Ledro. Iscrizions y nfurmazions pra Claudio, 339/14501746. Fotoclub Gherdëina Sada 21 de mei: Durmì tla sala di jëuni Saut per mutons y mutans dai 14 ani insù. Iscrizions y nfurmazions pra la Nëus Jëuni Gherdëina Dumënia 22 de mei: Jita al Garda cun arpizeda sportiva. Iscrizions y nfurmazions pra la Nëus Jëuni Gherdëina - Grupa Alpinisc’ Gherdëina y Jëuni dla Lia da Mont Gherdëina Juebia 26 de mei: Referat cun chedri a culëures de n viac cun la roda tres l Chile de Ivo Pasolli dala 20.30 tla sala di jëuni Saut Sada 28 de mei: Proiezion dla partida finela dla Championsleague dala 20.30 tla sala di jëuni Saut a Urtijëi Merdi 31 de mei: Referat cun chedri a culëures sun n viac tl Congo de Isabella Mussner y Alex Delucca, dala 20.30 tla sala di jëuni Fun&More de Sëlva - Grupa Jëuni Sëlva

Rengraziamënc

Juebia 2 de juni nchin a n dumënia 5 de juni: Jita da d’ansciuda a Amsterdam. Grupa Jëuni Sëlva

Rengrazion mo n iede de cuer duc chëi che à purtà pro a realisé chësc proiet, la 25 istituzions publiches de Gherdëina, duc chëi che nes vën ancontra cun i bonns che dajon ora, la grupa de lëur metuda adum dai assessëures per i jëuni di Chemuns de Gherdëina, l Servisc soziel, l VKE sezion Gherdëina, la Nëus Jëuni Gherdëina y l Ufize per la junëza de Bulsan per l sustëni finanziel y la bona cunlaurazion. Speron de pudëi lauré inant de chësc var per l bën de nosc jëuni.

Sada 4 de juni: Di mundiel dl juech dala 14.00 nchin la 17.00 sun la pitla Plaza S. Antone y dala 20.30 nchin la 24.00 tla sala di jëuni Saut a Urtijëi. - Grupa Trix

Per la Nëus Jëuni Gherdëina, Karin Rabanser

Sada ai 11 de juni: Festa per la fin dl’enes di jëuni cun mujiga dal vif de 3 bands y estrazion dla ola dala fertuna cun de beliscimi pesc’. Dala 18.00 inant tla sala dla mostres dla Lia Mostra d’Ert a Urtijëi. Nëus Jëuni Gherdëina cun la Lia Mostra d’Ert Ulessan lecurdé a duc che duta l’ena vëniel dat ora la zedules per la ola dala fertuna debant a duc chëi che fej pea pra la manifestazions y ntan la festa per la fin dl’enes di jëuni uniràl trat ora truep de biei pesc’. Per plu nfurmazions sun duta la manifestazions y per la iscrizions pudëis cherdé su tl ufize dla Nëus Jëuni Gherdëina, 0471/799006, cialé ite tla plata internet www.njg.it o sambën nce scrì a info@njg.it Dut l cunsëi dla Nëus Jëuni Gherdëina deberieda cun duta la lies che fej pert ve nvieia de cuer a unì y fé pea pra la manifestazions.

www.lauscdiladins.com

21


nr. 19 / 20 de mei 2011

Iade a Taizé en Pasca 2011 Tòć fora dl diare de na partezipanta me va tres plü sot. I stlüji i edli, mëti mi će söi jenëdli y i me lasci portè dala comunité che ćianta. Te mi plü sot dl’anima se sleriel fora n sentimënt de contentëza y sigurtè...

Taizé é.... imparè da conësce n gröm de jënt nöia.

Mertesc, ai 19 de aurì 2011, 23:00 Śëgn era tan inant! Bele da n valgügn agn cuntâ mi compagns cun entusiasm de Taizé y śëgn sunsi finalmënter sön tru por jì te chësc post spiritual conesciü. Le bus é gnü puntual, dales 20:30 a Balsan, a nes tó nos jogn ćiarià sö de rucsoć, tëndes y tasces. An po diretamënter sintì la ligrëza de düć i 63 partezipanć de Südtirol. Chësta sarà dessigü na edema plëna de esperiënzes; i sun bele coriosa y i ne vëighi nia l’ora da ester a Taizé en doman da doman. Mo denant unse ćiamò n iade te bus bindebò lunch dan da nos… Mercui, ai 20 de aurì 2011, 14:00 Śëgn sunsi chilò a Taizé, sentada dan mia tënda y i conscidrëii les ativitês ligherzines de nosta jënt: tratan che n valgügn śoga a volleyball, él d’atri che s’la tol comota, se lî n liber pazifics o esplorëia le post… Al regnëia na atmosfera veramënter da stè saurì. Do che i sun rovà adalerch incö dales 10:00 danmisdé y i ùn metü en pé nostes tëndes, s’unse atira moscedè danter i feter 6000 jogn, che é gnüs da vigni pert dl monn. Jöbia, ai 21 de aurì, 23:30

Bun, le pröm dé é bele passè. Dales 8 à metü man te dlijia la oraziun dla y atira dedô le gostè (cun dui de bugn ridli de ciuchelada). Dedô él stè la introduziun ala Bibia, la discusciun te de pici grups, la oraziun da misdé y la marëna. Do la palsa da misdé éra jüda inant cun workshops o referać sön i temesc plü desvalis. Da sëra él stè da jì a cëna y a mëssa. Dedô sunsi jüda cun mi compagns jö dal “Oyak” - n post, olache an podô ester n pü’ plü dadalt y festejé. Maria à sonè sü orghi y nos südtirolesc ti ùn insigné val’ bal ai spagnoi. Al é stè dër da ri y i nes ùn düć dër devertì. Śëgn sunsi stanćia y i m’la conforti bele al let.. eh.. al sach da dormì. Sperun che al sides insnöt manco tiers co en sëra che büsia te nosta tënda. =) Vëndres, ai 22 de aurì, 20:00 La dlijia é plëna de jënt jona, sentada ia por tera tóch un dlungia l’ater. Ite amez stà 55 pruedri inslenà te sües joches lunges y blanćes sciöche la nëi. L’altè é infornì sö cun n gröm de ćiandëres che verd, les pezes arances trasformëia döt te na löm ćialdina. “Bonus est confidere in dominum…” Scebëgn ch’i ùn bele ćiantè chësta ćiantia tröc iadi, ne vëgnera nia da stufè. Al contrar: ara

Sabeda, ai 23 de aurì, 9:30 L’adoraziun dla crusc en sëra é stada na esperiënza dër particolara. Amesa la dlijia êl gnü ponü jö na gran crusc, incëria se inslenâ ot jogn y metô la frunt söla crusc. Insciö êsi unis a Gejù. Vignun podô jì dancà, porchël ne se rovâ nia plü la coda de jënt che ćiantâ inslenada y orô rovè pormez ala crusc. I ultimi à aspetè ćina les cater da doman. Imprescionant, ći gran faziun che Chël Bel Dî po avëi söla jënt, sce ara se lascia ite te Ël y se tòl dlaorela por Ël… Domënia, ai 24 de aurì, 14:30 Te chësc momënt sunsi sentada tl prè amesa la magnifica contrada da coi de Taizé, n pü’ isolada dal gröm de jogn. Le vënt rauscia danter les fëies di lëgns, le sorëdl slomina dal cil bel bröm y se spidlëia tl’ega dl lech dan da me. I gröm de ciüfs blanć, ghei y violeć me strina n ri söl müs… Ći ôn pa deplü? La vita é tan bela… L’ambiënt y le chît chilò nes inviëia propi da jì ite te nos, da ponsè do, da lì n bel liber o - sciöche iö feji śëgn - scemplamënter se gode la vita.

Usc dal Alt de Erich Frenademetz Ći tru dessi pa chirì fora por arjunje la contentëza tla vita? N gröm de usc podunse aldì dé por dé, che nes inviëia da les ascutè sö por rovè ala contentëza. Nes pôrteres mo bëgn dötes a ći che nos nes dejidrun tl plü sot de nos instësc? Aldédaincö, cun dötes les poscibilitês che al é, n’él nia saurì da chirì fora le dër tru che portes al travert de na dërta vita. Amesa dötes les usc de chësc monn él inće la usc dl vagnele. En chësc iade él Jan che nes mët dant Gejù che dij de ël instës: “Iö sun le tru, la verité y la vita”. Olà ô pa Gejù nes condüje? L’ultim travert definitif por ël é so Pere te paraîsc, che é la vita. Mo inće sön chësta tera ô Gejù nes daidé ariunje na vita plëna de significat, na vita cun momënć de paraîsc, dessigü nia le paraîsc. Nos gnun

invià, te nosta liberté, da nes lascè sön ël. Sce i pënsi a me instës, spo é Gejù por me le tru tla vita da vignidé, tles dezijiuns da tó, scëmplamënter tl vire. Da mia pert mëssi tres indô ćiarè da ne perde nia le lian cun ël, da coltivé chësta amizizia y chësc na vita intiera. Ćina śëgn él la vita instëssa che me dij che le tru che Gejù me mostra é n tru de verité che costruësc vita. Cun Gejù ài valch implü te mia vita, ël me dà significat y me dij ći che cunta tla vita. Sce al manćiass Gejù, spo foss mia vita dessigü plü “püra”. Sce i ti ćiarun al monn incër nos ia, spo podunse odëi che al va te na direziun tres plü zënza Dî. Le vagnele de chësta domënia inviëia dötes les porsones de bona orentè da ti fà lerch a Gejù te süa vita, por jì adincuntra a n miù dagnì che sta dala pert dla vita. Tignun sön Gejù, ma te ël po nosc cör ciafè la pêsc y la dërta contentëza.

Velia 2011 Inće chësc ann à le Grup Decanal adöm ai jogn dla valada zelebrè la velia di jogn a Oies

Lönesc, ai 25 de aurì, 11:00 Baldi é le iade a Taizé rové a na fin. I sun dër rovada a ćiasa y i ti à cuntè cun entusiasm mies esperiënzes a mia familia. Al é stè na beliscima edema, te chëra che i à imparè da conësce n gröm de jënt nöia y i m’à dër devertì. Mo al é inće stè na edema, te chëra che al é chersciü mi raport cun Chël Bel Dî y te chëra che i à podü sintì fede via y porì comunité. Ma da aconsié! (M.T.P.) Jones che à tut pert ala velia.

... ćiantè y sonè deboriada.

... stè en compagnia.

Al é gnü arjigné ca na mësa cun n taì de pan, na ola de vin, dodesc goti y n bochè de ciüfs; dlungia mësa êl n cop d’ega, n gormel y na peza da mans. Düć ên oć cuntra la mësa ia sciöche sce i fósson riunis pro mësa adöm a Chël Bel Dî. Y avisa chësc sëgn tan scëmpl nes fej sintì ćiamò plü dlungia ala religiun. Les piceres cosses che an fej vigni dé, che se fej sintì la presënza dla cristianité te nosta vita. Gejù ti à dit ai discepui: “Amésse un cun l’ater. Amésse sciöche iö ves à orü bun.

... se gode le momënt.

... palsè.

La mësa cun le pan y le vin. Simbol dl liam cun Gejù pro la velia.

22

www.lauscdiladins.com

Da chësc savarà düć che os sëis mi discepui: sc’i ves orëis bun un cun l’ater”. Al ti à lave i pîsc a su discepui, al é stè un de nos y nes à fat conësce le miracul dla vita, dla devënta sura i picià y la mort: la ressoreziun. La velia é stada dër bela, plëna de pêsc y de buna orentè, y tröc jogn y manco jogn à tut pert inće chësc ann. Le Grup Decanal oress rengrazié siur Pire y düć i jogn che é gnüs a daidé por abelì chësta manifestaziun, y sambëgn a chi che à tut pert ala velia. (Lisa S.)

En colaboraziun cun


nr. 19 / 20 de mei 2011

Storia dl mëis

Avisc Scrì tla Plata di Jogn

La vijita püć menüć plü tert. Al â na ćiamëja da cadrì y jeans scarzà, sciöche düć i jogn de süa eté. Tla man âl n scarnüz de papier cun la marëna laìte. Le curat le damanâ n dé ći che al fajô vigni dé dala medema ora, sön porta de dlijia. Chësc ne capîl nia cis. “I vëgni a perié”, respognô le jonn. “Perié… Co fejeste pa da perié tan snel?” “Poh… vigni dé da misdé ćiari te chësta dlijia y diji: “Gejú, al é Jim”, spo m’un vai. Al é ma na picia oraziun, mo i sun sigü che Ël m’ascuta”. N per de dis plü tert vëgn le jonn menè t’ospedal cun n pêr de burtes fratöres, a gauja Vigni dé da misdé, sön porta de dlijia, a de n inzidënt sön strada. Ai l’â metü te na saludè Gejù. ćiamena cun d’atri püri. Vigni dé da misdé s’architâ n Do che al ê rovè t’ospedal, s’âl jonn sön porta de dlijia y s’un jô mudè val’ te chël repart. Do n pêr

de dis ê süa ćiamena deventada n punt de incuntada por düć i amarà che rodâ te porte. Jogn y manco jogn jô a le ciafè y düć se stô saurì incër so let ia, deache al â na bona parora por vignun. Inće le curat ê jü a le ciafè, y te chël röiel adalerch n’infermiera. “Ai me cunta che t’es n pü’ ademal, mo che t’as impò na bona parora por düć. Co fejeste pa?” “Al é mirit de un che vëgn vigni dé da misdé a me ciafè.” Sön chëra dij l’infermiera: “Al n’é pa degügn che vëgn da misdé”. “Chël scê! Al vëgn vigni dé, stà sön porta de ćiamena y dij: “Jim, al é Gejù” y spo s’un vàl.” Le jonn jô vigni dé sön porta de dlijia a saludè Gejù. Gejù jô vigni dé sön porta de ćiamena a saludè le jonn. Tan gonot saludunse pa nos Gejù? Vigni dé o ma canche ara se va mal y che i ùn debojëgn de ël? Storia de Bruno Ferrero Adataziun tl ladin de Iris Agreiter

Liber dl mëis “Krafttiere begleiten dein Leben”: Tiers da forza acompagnëia tüa vita, de Jeanne Ruland Al é n coliamënt danter le monn di tiers, la realtè y la vita spirituala. I tiers nes porta messaji y nes trasmët signai importanć sura la forza che é ite te nos. Ai nes acompagnëia, nes dà forza, nes dëida y nes varësc, y ai s’armöi cun nos te nosta anima. Tiers po nes acompagnè na vita intiera, nes

Dessëgn dl mëis

incuntè por n tëmp cört o nes comparì ti soms por nes daidé inant. Te chësc liber pòn ciafè la descriziun di tiers y les forzes che ai po nes dè te nosta forza interna söl tru de nosta vita. N liber plajor por chi che à ion i tiers y chi che crëi te sües forzes.

Le cuertl dl liber de Jeanne Ruland.

Verena, bëgngnüda!

Stimà jogn, stimades jones, sce i ëis propostes, informaziuns, dessëgns o d’ater che i orésses publiché sön la Plata di Jogn, lascésse adintëne pro alma79@dnet.it.

Festa di mituns Ai 26 de messè gnaràl indô fat la festa di mituns a San Martin.

Manifestaziuns tl dagnì Oraziun de Taizé a Oies Le grup Taizé Val Badia inviëia düć da tó pert vigni terzo vëndres dl mëis ala ora de Taizé, dales 20.00 te capela a Oies. La proscima incuntada sarà insnöt ai 20 de mà. Gnide tröc!

Curs da cujiné bio Le Sorvisc ai Jogn Val Badia metarà da jì n curs da cujiné cun produć bio. Le curs gnarà tignì le mertesc ai 7 y la jöbia ai 9 de jügn. Les informaziuns plü menüdes gnarà ćiamò comunicades plü inant t’La Usc y sön les plates dla cöra.

Manifestaziuns passades Solidarieté y devertimënt En domënia ai 24 d’aurì, festa de Pasca, él gnü venü sön plaza de dlijia apresciapüch 700 röses por daidé la Südtiroler Krebshilfe, tla cornisc dl’aziun “Na rösa por la vita”. Ares é atira gnüdes venüdes dötes, chësc nes desmostra le bun cör dla jënt de nosc paîsc. I orésson dër bel rengrazié. Jones y jogn che à tut pert ala cufada Por en chël dé à le Comitê di Jogn da San Ćiascian inće te local di jogn. metü da jì na cufada cun üs intënć, sciöche al é bele oramai tradiziun. Bele n valgüngn dis denant s’â le Comitê di Jogn abiné por intënje i üs y organisé la cufada. Do che i ùn venü les röses sunse spo nos jogn jüs te nosc local a mëte man la gran cufada. Sciöche vigni ann, é indô dër tröc jogn gnüs a chësta incuntada, tolon insciö l’ocajiun da stè indô n iade n pü’ adöm a se devertì y a s’la cuntè. I jogn à spo śoghé a calceto y à fat tröpes matades. Al é stè por düć dër da rì y i nes ùn dër devertì. I l’ùn tignida ćina incër misdé y śëgn nes confortunse indô ala proscima incuntada. (Jogn da San Ćiascian)

Batadù di jogn da Lungiarü En domënia al 1. de mà él stè i Jogn da Lungiarü che à organisé n turnier de batadù por i jogn dl comun da San Martin! La pröma cherta é tomada incër les döes, do che al ê gnü trat fora les scuadres che śogâ decuntra! Al n’é nia gnü fat n jüch cun eliminaziun direta, mo la scuadra che davagnâ ciafâ n punt, chëra che pordô ne nen ciafâ degun. Spo gnôl indô trat fora danü. Insciö él spo stè vigni scuadra che à śoghé 5 partides y spo él gnü fat na tlassifica! A despartì les scuadres che à le medemo numer de partides davagnades él stè i punć fać tratan les partides. Cun n renfrësch él gnü fistidié da tignì bel chît le magun tratan döt le domisdé. Incër les 18.00 êl spo tler che che â śoghé miù y podô se portè a ćiasa le pröm pest. Alex y Anita é stà i mius dan Ewald y Barbara y al terzo post Miriam y Marina.

Verena Obojes d’Al Plan laora śëgn tl ofize dl Sorvisc ai Jogn.

Mà é le mëis de Santa Maria, Uma de Dî. Dessëgn de Manuel Crazzolara.

Le consei dl Sorvisc ai Jogn Val Badia oress ti dè le bëgngnü ala dependënta nöia Verena Obojes d’Al Plan, che laora da mez aurì incà tl ofize dl Sorvisc ai Jogn. A ëra ti aodunse döt le bun por

En colaboraziun cun

so laûr, che ara sides bona da condü inant le Sorvisc ai Jogn, cun tröpa motivaziun y dediziun tl laûr por y cun la jonëza. L’ofize dl SAJ sarà tres davert al publich, dal lönesc al vëndres dales 8.00 ales 12.00 y dales 13.00 ales 17.00!

I mius.

www.lauscdiladins.com

23


nr. 19 / 20 de mei 2011

La bela festa de Alcooperiamo Enstadì sot l tendon de la manifestazions de Poza “peer leader”, professores, studenc e genitores se à binà per la fin de l’emportant projet Alcooperiamo per chi che va a rejonèr te la clasc che per chi che scouta se entener. L’é stat n percors lonch e n muie sfadious ma de segur l ne à dat na gran sodesfazion a duc e la ponta é stata de segur la festa de seradura del projet. L’era n muie de jent: duc i peer leaders che é jic te la clasc, duc i bec de terza mesèna e pruma scola auta de Fiem e Fascia, la autoritèdes, i professores che ne à vardà via te chest projet, per Fascia la professora Broz e per Fiem la professores Giacomelli e Piovesan ma soraldut l dotor Zorzi e Donatella Vanzetta che dal scomenz

I joegn a la festa che à serà sù l projet “Acooperiamo” te tendon de Poza.

En sabeda ai 14 de mé aló dal tendon de la manifestazions de Poza se à serà sù l “Projet Alcooperiamo” per l’an de scola 2010/2011. No per chest se cogn d e s m e nt i è r c h e s t a b e l a scomenzadiva ajache la seghita a jir inant e duc se augura che de an en an la persones toutes ite les sie semper de più. Chest projet l’é pontà via te l’an de scola 2006/2007 canche na clas de la Ragioneria de Pardac l’à tacà a tor cà informazions su la costion alcol. L’é tacà ence na colaborazion anter la Scola de Fiem e l’Azienda per i Servijes de la Sanità. I scolees à tout pèrt a na setemèna de formazion ja Pardac

e i à scomenzà a jir ite te la scoles de Fiem a ge rejonèr ai bec de la problematiches che pel portèr l’assunzion de alcol. L projet é cresciù vigni an de più e acà doi egn ence la Scola Ladina de Fascia é stata touta ite. Al scomenz siane sie bezes ma demò de cater aon tout pèrt a la setemèna de formazion a Rovereto; per dut l’an aon fat lezions con n professor ferà en materia ma demò chest an aon pontà via con corsc spezifics e sion states bones de jontèr ite ence etres trei compagnes de scola, duc del Liceo Scientifich de Poza. Chesta aisciuda aon tacà a jir ite te la terza mesènes e la pruma scola auta de

duta Fascia endèna che nesc compagnes da Pardac e da Ciavaleis portèa ite desche nos la idees de chest projet te la clasc de Fiem. Per doi ores aon rejonà coi bec de la problematiches de l’alcol e duc someèa n muie enteressé: i fajea n muie de domanes e de intervenc enteressanc e se aon adat che n muie de spes se l’é joegn che rejona de chisc problemes a etres bec chisc i scouta e i respon con più gaissa e no i à poura de dir cheche i peissa. L’é belapontin a chest che mira la “peer education”, na esprescion che vegn cà da l’ingleis e che vel dir educazion anter jent de la medema età; a chesta vida l’é più sorì tant

i ge é stac dò a duc i joegn che se à dat jù te chest projet. A partir da chest an l’é ence n’autra neva, ajache coche à recordà la Sorastant de la Scola Ladina Mirella Florian, ence i genitores di bec é stac touc ite e i ne à dat n gran didament te la organisazion de la festa. A inom de duc i peer leaders de la Val de Fascia volesse amò n’outa rengrazièr duc chi che ne à didà e no ne resta auter che se augurèr che n auter an chest projet se slèrie amò de più e l seghite a jir inant te la mior vida possìbola. Martina Soracreppa

N grop de “peer leaders” del projet (da m. c.): Alessandra, Camilla, Chiara, Vanessa, Martina e Rebecca.

Imprescions da la Cina Lorenzo Dellantonio da Moena l’é stat da pech temp de la Cina con etres joegn da dut l Trentin e ades l ne conta del segnificat de chesta esperienza

Lorenzo Dellantonio te n restorant cineis.

L grop de joegn che à abù l met de jir doi setemenès te la Cina. L prum dedant a dreta l’é Lorenzo da Moena.

“Giudichèr na persona demò da la parbuda l’é desche voler mesurèr l mèr con n bicer”…Chest l’é n proverbie cineis che m’é permetù de traslatèr a na vida piutost ledia e che, secondo me, te pecia paroles l’à laìte l segnificat del viac a Hangzhou, en Cina, endrezà da la politiches di joegn de la Provinzia de Trent a chel che é tout pèrt desche raprejentant del Pian Joegn de Fascia, La Risola. L’é senester contèr a paroles la

ogne dì me n’é adat de cotant che sie spropojité, strambes e scinamai zenza fondament n muie de preconzec e “luoghi comuni” che se sent sui cineisc. Gé é tocà con man che la desferenza culturèla anter nos e ic, ence per i desferenc sistemes linguistics, la é spropojitèda. A maor rejon peisse che chesta sie stat per me na esperienza de gran ùtol e che la me à enlumenà. Sun n muie de aspec. L’é demò de gra al confront col desvalif che podon

24

www.lauscdiladins.com

emozions che é proà te chesta doi setemènes intensives, olache é abù l met de me confrontèr a na vida neva, misteriousa e donca “tremendamente fascinégola”. Con chela che son stat dò a dò a contat con più o manco chinesc studenc cineisc che ne fajea da tutor, é abù l’ocajion de me relazionèr con na vida de pissèr dassen n muie desferenta da la noscia. Tras descorsc scempies anter amisc e comenc de situazions de

entener miec nos enstesc. La cultura cineisa per nos ozidentèi la é semper veduda desche n mistèr n muie senester da passèr sora fora. Chest viac en Cina no demò no l me à dat segurezes, dut autramenter, l’à soscedà daìte de me domanes amò più granes. Chest per me ampò l’é dassen n muie positif e l me à dat na gran motivazion. Estra apede la paroles di esperc cineisc e taliegn de desvaliva materies (che i era n muie enjigné) che é scutà endèna la

conferenzes endrezèdes demò per nos, no i à fat auter che smaorèr mia curiosità ti confronc del mond cineis. Chest viac l me à didà a entener che la definizion de Cina no se pel la serèr via delaìte de n “stereotip”. La Cina l’é n muie de robes, n muie de tassìe desferenc che fèsc pèrt del medemo mosaich che speta amò de esser componù. Lorenzo Dellantonio


nr. 19 / 20 de mei 2011

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Côte d’Azur, la spona dl mêr blea Inće chësc ann à la Lia da Munt Ladinia - Cai Val Badia organisé la jita de plü dis d’aisciöda, gnüda tradiziun. I sun jüs tla Francia sön la “Côte d’Azur” y tla Provence, tera dai mile corusc, dër aprijada plü dadî da depenjadus conesciüs sciöche Van Gogh

Recort dla jita dal’arena de Arles.

Jita - I sun pià ia le mercui ai 27 d’aurì dales sis da doman cun le bus dala Val Badia demez, i ùn marnè söl iade, y i sun rovà söl tert domisdé a Cannes, olache i s’ùn sistemé te hotel. I n’ên nia ćiamò stanć, y i ùn podü spaziré fora por la cité amiran sü gragn hotì y la bela promenada sön le mêr, la Promenade de la Croisette. Le dé do unse vijité le hinterland dla Côte d’Azur. Impröma sunse jüs a Grasse, olache i ùn podü ti ćiarè al museum di parföms Fragonard. Spo sunse jüs a odëi la Val de Verdon, che é le plü gran canyon dla Francia y le secundo maiù dl monn, cun paraisc de crëps alć ćina 700 metri. La val vëgn atraversada dal rü Verdon, cun n corù vërt smerald (da chësc l’inom

Bela sugestiun tla Val de Verdon.

Verdon). I sun spo jüs inant a Arles te hotel. Le dé do s’unse incuntè cun l’acompagnadù che nes à menè a vijité Arles, picera cité dla Provence cun 50 mile abitanć, conesciüda por sü monumënć storics, sciöche l’anfiteater y l’arena, che se porta zoruch ai tëmps di romans. Chisc monumënć fej pert dl patrimone umanitar dl’UNESCO. L’arena vëgn adorada al dedaincö sciöche “plaza del toro”, olache le manz ne vëgn feter mai copè. Do avëi marnè te n restorant tipich dl post, sunse spo jüs tla Camargue, che é le raiun sön le delta dla Rhône. Chësc toch de tera é sot sconanza dla natöra. Chilò vëgnel coltivé i riji, che vëgn adorà en gran pert sciöche ojoradöra por i tiers. An vëiga inće

tröpes vignes. Les plantes da üa vëgn tignides dër basses por les sconè dal “mistral”, che é n vënt frëit da sarëgn che sofla gonot y che po ti fà de gragn danns al’agricoltöra. La Camargue é un di püć habitats europeics dl flamingo rosa y de na raza particolara de ćiavai blanć y manc fosc, che vir lediamënter sön pastöra. Te chësc raiun crëscel inće la lavanda, planta dal bun tof, che vëgn adorada suradöt tla cosmetica. I ùn spo vijité le paisc storich medioeval de AiguesMortes (l’inom vëgn dales eghes di parüs che é incërìa), che à sis mile abitanć. La cité é stlüta ite da n mür a forma retangolara, costruida ai tëmps de Luigi IX de Francia. I ùn spo inće vijité la

Ći foss pa la Francia zënza i parföms? Vijita al museum dl “bun tof” a Fragonard.

localité söl mêr de Saintes Maries de la Mer. Na liënda dij che na barca cun trëi Maries (M. Madalena, M.Salomé y M.Jacobé) sides rovada chilò dala Palestina, por ti sciampè ales persecuziuns, y che ares ais portè la fede cristiana te chisc raiuns. Le dé do spo sunse jüs a Marseille, cité sön le mêr cun incër 900 mile abitanć. N acompagnadù dl post nes à portè a vijité le port dl mêr y la bela basilica de “Notre Dame de la Garde”, che é sön n côl a 160 m sura la cité, y da chilò àn podü amiré n bel panorama a 360°. I sun spo jüs inant cun le bus sö por la spona ćina San Remo. Sön le iade unse odü les belëzes dla natöra de chisc raiuns, le bröm dl’ega dl mêr, che contrastëia cun

süa scaia blanćia dles ónes le corù ros-cöce di crëps sön les spones y i bi pici paisc sentà ite tla natöra cun na vegetaziun y corusc tipicamënter mediteranns. L’ultim dé sunse spo pià ia abonora y i sun jüs a Genova a vijité l’Euroflora, la fiera di ciüfs che vëgn tignida vigni 5 agn. Domisdé spo sunse pià ia por jì derevers a ćiasa tla Val Badia.Al é stè na jita plajora, i ùn odü dër tröp, i sun rovà te posć olache an ne röia nia dër saurì, i s’ùn devertì y s’l’ùn lasciada jì buna. La jita é jüda bun, no ma por la bona organisaziun, mo impröma de döt por le comportamënt y la bona löna de düć chi che à tut pert. Porchël mëssi ringrazié düć canć y i se confortun indô a n ater ann. (fortunato flatscher)

Gnanca la bona löna n’à manćé! Lois à tignì aurela cörta cun i orghi da man. www.lauscdiladins.com

25


Val Badia

nr. 19 / 20 de mei 2011

La vëta artistica di scolars Sön invit dla Cassa Raiffeisen Val Badia él indô gnü invié ia le concurs internazional de dessëgn Raiffeisen, che é gnü tignì chësc ann tles scors elementares da La Val, San Martin, Antermëia, Lungiarü y tla scora mesana da San Martin

Foto de grup cun direturs, fiduziars, insegnanć, juria, diretur y colaboradus dla Cassa Raiffeisen.

De bi pesć podôn davagné pro le concurs de dessëgn.

Scora - Le concurs internazional vëgn metü da jì da passa 40 agn dales banches cooperatives tla Germania, Finlandia, Francia, Luxemburg, Austria, Svizra y tla Talia/Südtirol. L’ann passè êl gnü chirì fora le tema de sensibilisaziun „Le tlima y l’ambiënt“. Chësc ann él gnü cernü le tema „Entdecke dein Zuhause – gestalte dein Zuhause“ (Descür to daćiasa – abelësc to daćiasa), n tema che ti lascia la libertè ai scolars da se fà pinsiers söl post olache i abitun, ći che é incër nos ia, ći che al sozed sce an lascia la ćiasa y i.i.

ćiamò che che â davagné i bi pesć por i plü bi dessëgns. Cun na bela presentaziun di dessëgns y surandada di pesć ai auturs di dessëgns cernüs dala juria s’à insciö stlüt jö la 41^ ediziun dl concurs internazional de dessëgns. N dilan de cör ti va

Bele da d’altonn â la Cassa Raiffeisen tut sö contat cun les direziuns dles scores y ti â surandè a düć i scolars na bela brosciüra che pitâ informaziuns söl tema y daidâ insciö i scolars svilupè de

bones idees da portè ite te n dessëgn. Implü êl inće la poscibilité de scrì fora n quiz söl tema dl concurs de dessëgn, che dê la poscibilité por l’estraziun de n pest o l’ater a livel provinzial.

Feter 300 scolars à fat para Indöt ê 292 scolars invià da tó pert al concurs. Chisc ê partis sö te trëi grups: un por la 1. y 2. elementara, un por la 3. 4. y 5. elementara, un por i scolars dles trëi tlasses mesanes. Indöt él gnü dè jö 275 dessëgns, che é spo gnüs valutà da na juria metüda adöm da Silvester Promberger, Hubert Prousch, Rosmarie Crazzolara, Martina Maria Gasser, Elisabeth Erlacher, Martina Rubatscher, L e a n d e r M o r o d e r, L o i s Anvidalfarei, Claudia Canins, Otto Moling, Guido Tavella y Rudolf Moling. I dessëgns é inće gnüs metüs fora al publich, tl salf dl Istitut Micurà de Rü (valutaziuns: ćiara cadrel a pert).

I plü bi dessëgns a Balsan

A livel provinzial él stè 10.870 scolars che à tut pert chësc ann al concurs de dessëgn. Por vigni dessëgn paia ite les Casses Raiffeisen de Südtirol 0,50€ a fin de bëgn. Chësc ann él insciö rovè adöm na spënora de 5.435,00€, che ti gnarà surandada a na uniun soziala che se dà jö cun mituns manco fortunà.

Contlujiun cun festa y premiaziun La gran festa de contlujiun y premiaziun dl concurs internazional de dessëgn é gnüda fata en mertesc ai 3 de mà tl salf dla scora mesana a San Martin, olache al é rovè adalerch düć i scolars che à tut pert, insegnanć, mëmbri dla juria y i direturs dla scora. Le diretur dla Cassa Raiffeisen Hubert Obwegs à saludè düć canć, sotrissan che la Cassa Raiffeisen Val Badia à da intres na bona colaboraziun cun la scora ladina, y che inće tl dagnì sostignaràn scomenciadies che porta pro al’integraziun y sostëgn dles ativitês didatiches. I direturs Claudia Canins Egger y Otto Moling à da süa pert portè le salüt a inom dla scora y à rengrazié la Cassa Raiffeisen Val Badia por la bona organisaziun y por i bi proieć invià ia a bëgn dla scora.

Daniela Verginer (3. mesana).

I dessëgns dl 1. post é gnüs menà a Balsan por la partezipaziun al concurs a livel provinzial. I scolars dla Val Badia à da intres mostrè sö da svilupè tröpa creativité tl concurs de dessëgn internazional, arjunjan de bogn plazamënć a livel provinzial y n iade inće a livel internazional.

Elisa Prousch (elementara Antermëia).

Rudi Tolpeit (elementara La Val).

26

www.lauscdiladins.com

Strinëć dal striun Do i discursc ofi ziai à düć i presënć podü ti ćiarè ales morvëies dl striun “Mirò” y de so compagn casperle, che à mostrè sö de vigni sort de strinëć y morvëies. Insciö éson rovà ala premiaziun di dessëgns. La “büsia” di scolars ê scialdi grana – ne savôi pö nia

ales direziuns dla scora, ales fiduziares, ai professurs y maestri/ es, ai mëmbri dla juria y a düć chi che à daidè cun val’ sorvisc por le bun garatè dl concurs internazional de dessëgns Raiffeisen. Thomas Pescollderungg

La juria à cernü Chisc é i scolars premià por sü bi dessëgns SE La Val (1a y 2a): 1. Manuel Miribung, 2. Martin Miribung, 3. Patrizia Vallazza. SE La Val (3a 4a y 5a): 1. Rudi Tolpeit, 2. Thomas Ploner, 3. Matteo Rubatscher. SE San Martin (1a y 2a): 1. Erika Videsott, 2. Petra Unterweger, 3. Maria Planatscher. SE San Martin (3a 4a y 5a): 1. Sara Dejaco, 2. Samuel Zingerle, 3. Tanja Graffonara SE Lungiarü (1a y 2a): 1. Ranya Ouerghi, 2. Marco Dariz, 3. Ivan Moling. SE Lungiarü (3a 4a y 5a): 1. Giordan Nagler, 2. Susan Schanung, 3. Egon Pezzei. SE Antermëia (1a y 2a): 1. Elisa Prousch, 2. Devis Pizzinini, 3. Aron Winkler. SE Antermëia (3a 4a y 5a): 1. Andy Oberpertinger, 2. Letizia Promberger, 3. Filomena Ellecosta. SM San Martin (1a): 1. Jonas Nagler, 2. Vivian Schanung, 3. Lisa Alton. SM San Martin (2a): 1. Stefan Tschaffert, 2. Ilaria Clara, 3. Patrizia Frenes. SM San Martin (3a): 1. Daniela Verginer, 2. Daniel Crepaz, 3. Daniele Pescollderungg.

Erika Videsott (elementara San Martin).

Giordan Nagler (elementara Lungiarü).


Val Badia

nr. 19 / 20 de mei 2011

Festa dla Uma cun la Musiga En domënia ai 8 de mà, en ocajiun dla festa dla uma, à la Musiga da Rina indô tignì so conzert tradizional d’aisciöda. Dui musicontri à inće stlüt jö l’ejam da dirighënt

Onoranza por i 25 agn de ativité: le presidënt dla musiga Florian Rungger, Davide Sottrovisch, Luis Winkler (cassier dl raiun de Puster), l’ombolt de Mareo Albert Palfrader y Egon Pescollderungg en rapresentanza dla Uniun Musighes Val Badia.

La Musiga da Rina tratan le conzert d’aisciöda.

Rina - I tröc amanć dla musiga gnüs adalerch tl salf dles manifestaziun da Rina, à podü ascutè sö n bel conzert cun melodies plü tradizionales di stromënć a fle, sciöche marces y polches, mo al n’à sambëgn gnanca manćé melodies plü modernes sciöche “Il postiglione d’amore”, “Beach Boys” y “Jurassic Park”. Bele dai pröms de forà inant s’à i musicontri y les musicontres incuntè dui iadi al’edema por imparè ite i tòć nüs sot la bachëta

de Reinhard Ferdigg. Dui iadi é nosc dirighënt gnü sostegnì tles proes dal dirighënt provinzial Sigisbert Mutschlechner, che nes à dè n valgügn consëis. Pro le conzert, che é gnü partì sö te döes perts, à le publich inće podü aprijé val’ melodies sonades dai musicontri jogn che va a scora de musiga. Le verdajogn Christian Pallestrong y Christine Ferdigg à insigné ite n valgönes melodies che an à podü amiré danter la pröma y la secunda pert dl conzert. Desche bele ti

ultims agn, é la moderaziun dla serada inće chësc ann stada tles mans de Judith Winkler, che à insciö portè pro, cun les spligaziuns di toć y cun pinsiers, da alisiré le conzert.

Musicontri vëgn docà Sön paladina àn spo inće podü odëi indô val’ musicontri nüs. Do na palsa cörta fej indô pert de nosta musiga Klaus Pallestrong y Jasmin Ferdigg. Le pröm iade pro la uniun

A Alberto Promberger y Reinhard Ferdigg ti vëgnel surandè le diplom da dirighënt.

s’à presentè al publich la margatëntera Sofia Ferdigg. Tratan le conzert ti él spo gnü surandè al musiconter Davide Sottrovisch l’onoranza por i 25 agn d’ativité pro la Musiga da Rina. La Musiga da Rina tol ćiamò l’ocajiun da rengrazié düć chi che à fat val’ sorvisc pro le conzert y sambëgn n gran dilan por les spënores de bona man.

Reinhard Ferdigg y Alberto Promberger stlüj jö i ejams da dirighënt Ai 14 de mà de chësc ann à Reinhard Ferdigg, dirighënt dla Musiga da Rina, stlüt jö, do trëi agn de cursc, i ejams da dirighënt cun de bogn resultać. Do avëi despassè l’ejam de teoria, àl podü passè al ejam de pratica, tignì a St. Pauls (Eppan), olache al é rovè adöm 10 dirighënć de döt Südtirol. Reinhard à messü menè la bachëta sön dui tòć, un bele conesciü dala Musiga de St. Pauls y un n tòch nü. Sot ai edli de esperć de musiga é Reinhard spo gnü valutè.

Incër les 8 da sëra s’à spo indô incuntè düć i dirighënć nüs cun familiars y amisc tl gran salf dles manifestaziuns de St. Michael. Chilò ti él gnü surandè ai dirighënć nüs l’atestat da menè la bachëta. Le medemo ejam à inće stlüt jö n ater mëmber dla Musiga da Rina, Alberto Promberger, che é inće dirighënt dla Musiga da San Laurënz. I ti fajun a intrami i mius complimënć por chësc travert. (Musiga da Rina)

Elena y Simona, döes musicontres jones che sona l’oboa.

La musiga sona intres Do le iubileum di 175 agn festejé l’ann passè, n’à la Müjiga de Badia nia palsè dî. Chësc ann él bele stè val’ apuntamënt y cotanć gnarà ćiamò pormez Badia - Do avëi stlüt jö n ann cun tröpes manifestaziuns y conzerc, dades suradüt dala gran festa por i 175 agn de vita dla uniun, ne s’à la Müjiga de Badia nia conzedü na gran palsa. Bele ai 26 de forà s’à i 73 mëmbri dla uniun incuntè por

la sentada generala, te chëra che al é gnü portè dant le program por le 2011 y inće chësc ann s’à le consëi cun so presidënt Philipp Lerchegger y le dirighënt Fridl Pescoller tut dant dër tröp. La domënia da carlascè s‘à n bel

grup mascherè abiné por pité na cornisc musicala pro la gara dles mascores a S.Linert. Al 1. de mà à la musiga daidé i Stüdafüch fà festa en gaujiun de San Florian y ai 8 de mà àra acompagnè te dlijia i mituns dla Pröma Santa Comuniun, a chi

che ara ti à spo inće sonè n valgügn tòć do mëssa sön paiun. Ai 29 de mà, canche al gnarà tignì a Badia la Crejima, éra spo tan inant: la musiga inviëia a so conzert d’aisciöda, pro chël che le dirighënt, adöm a sü sostituć, à indô chirì fora n program dër desvalì y impegnatif, che i damana jö n gran impëgn y conzentraziun ai musicontri (ćiara sot a manifestaziuns). Tres l’isté tëgn la Müjiga de Badia regolarmënter conzerć sön paiun o te salf, plü avisa ai 23 y al 31 de

messè, ai 7, 14 y 28 d’agost. Dui de chisc conzerć - chi di 23 de messè y di 14 d’agost - gnarà tignis deboriada cun le grup rock “Acoustic Problem”. Implü jarà la Müjiga de Badia a Rattenberg (Austria) y a Sand te Türesc a tignì n conzert, y tolarà sambëgn pert ala Festa dles Musighes dla Val Badia, söl program la domënia ai 25 de setëmber a San Martin. Informaziuns plü menüdes sön la musiga ciafon sön le sît www. mujigabadia.it. (Heinz Canins por la Müjiga de Badia)

La Müjiga de Badia tratan n conzert l’ann passè. www.lauscdiladins.com

27


Val Badia

nr. 19 / 20 de mei 2011

Jüs a ćiarè ales “Frecce”

VSS - Ubi Valentini lascia do 27 agn

N grup dl comun da San Martin de Tor é stè a Rivolto

Chësc ann festejëia la Lia dles Uniuns dl Sport de Südtirol i 40 agn da süa fondaziun. Chësc é inće stè l’ann de renovamënt dl diretif. Ubi Valentini de Badia é stè por 27 agn rapresentant dla Val Badia. Süa inćiaria é śëgn gnüda surantuta da Richard Nagler da Lungiarü

Recort dla vijita ala basa dles “Frecce Tricolori” a Rivolto.

Iadi - Vintecinch ëi y jogn s’à abiné adöm ai 29 d’aurì 2011 por jì cun n pice bus n iade cuntra süd, plü avisa tl Friûl a Rivolto, a ti ćiarè daimprò ala basa dles “Frecce Tricolori”, les ’saìtes di trëi corusc’, la patulia acrobatica nazionala

dl’Aeronautica Militara Taliana. Le grup acompagné da Davide y Alfred à podü odëi vint menüć de proes di fliegri y inće spo ći che al é y al vëgn fat ti hanghers y ti magazinns de chësta staziun dl

jore straordinar. Do la vijita da pel de iarina a Rivolto é le grup sentè te bus, mo nia ćiamò por gnì a ćiasa, bëgn por jì ma n toch y storje spo pro a ćiarćé le bun jambun di raiuns de San Denêl (San Daniele). (ir)

Leć nüs: i criters é aproà Tla sentada di 16 de mà s’à le consëi de comun dè jö cun i criters por l’assegnaziun di 400 leć nüs che la junta provinziala à aproè por le comun de Badia Comun Badia - Tres le conzet de svilup turistich s’â le Comun de Badia damanè de podëi realisé indöt 1.000 leć nüs y 30 plazes por camping. Sciöche an sa, à la junta provinziala aproè ma 400 leć, les 30 plazes de camping é romagnüdes. Le consëi de comun â śëgn le compit da laurè fora i criters por l’assegnaziun de chisc leć. Al é porchël gnü aproè n documënt che messarà ćiamò n iade rovè sön mësa a Balsan por l’aproaziun da pert dla junta provinziala. Por i 30 posć de camping é les regoles tosc dites. Al stà scrit che “le camping esistënt” po realisé n mascim de 30 plazes implü. Al momënt él n camping su, chël da San Ćiascian tla localité Sarè. Atramënter éra pro i 400 leć. Le 70% de chisc mëss gnì resservà a eserzizi bele esistënć, le 30% po gnì realisà te zones turistiches nöies, mo vëgn resservà a eserzizi che pîta alberch - nia comerziai. Danfora él gnü dit che le Comun ne ćernarà nia zones turistiches de süa bona, mo ma sön domanda de porsones interessades y vigne domanda gnarà tratada dal consëi de comun. Öna dles premisses é che i grunć nezessars sides de proprieté de chi che damana o che al sides n consëns scrit di proprietars por l’individuaziun de na zona turistica. Na premissa por l’individuaziun de raiuns turistics é inće che l’eserzize sides na pensiun, garni o hotel. Nia poscibil n’é l’ampliamënt de residence o la trasformaziun de eserzizi te residence.

28

www.lauscdiladins.com

Deplü é inće les condiziuns urbanistiches: chëstes dij che i proieć mëss respogne ales desposiziuns dl’aministraziun de comun de Badia, al mëss ester dan man les infrastrotöres (ega, forza eletrica, strades), por che le Comun n’ais nia spëises de chësc vers. Sura i 1.700 metri ne pòl gnì portè ite degüna zona turistica. I damanadus de n raiun turistich messarà presentè pro la domanda inće n proiet de mascima olache al vëgn dant la categoria dl eserzize, la capazité y les strotöres a pert, spo n proiet preliminar tan inant che al vëgn realisé plü co 30 leć. L’aministraziun de comun po inće se damanè n plann de finanziamënt poscibilmënter cun bunarat de na banca. Les domandes por raiuns nüs po gnì dades jö n iade al ann, chësc ann anter i 30 de setëmber, i agn che vëgn anter le 31 de merz. L’aministraziun de comun valutarà les domandes tl tëmp de 60 dis. I laûrs messarà spo mëte man anter 3 agn dala variaziun al plann urbanistich, zënza tomarà la zona zoruch ala destinaziun che ara â denant.

Esperć valutëia Che valutëia pa les domandes? Na comisciun de esperć metüda adöm dal ombolt, dai assessurs al turism, al’agricoltöra y ai laûrs publics, dal presidënt dl’Assoziaziun Turistica Badia, dal presidënt dla Uniun di Ostis y dal tecnich de comun (chësc ultim n’à nia le dërt de lîta). La comisciun laurarà aladô de n sistem de punć.

Insciö gnaràl valutè l’inserimënt urbanistich dla frabica, les conseguënzes söla contrada y l’architetöra (max. 8 punć); l’esistënza dles infrastrotöres primares te na forma adeguada (max. 10 punć), sce l’eserzize nü se spezialisëia, p.ej. sciöche eserzize por mituns, por families, sön la sanité etc. (max. 10 punć), tan de sperses vërdes che al vëgn metü a desposiziun di tliënć. Plü sperses che al é, plü punć che an ciafa (max. 5 punć). Ćiarè vëgnel spo inće sce le proiet à efeć incuinanć, sce al vëgn tut provedimënć por sparagné energia o ega, sce al vëgn anuzè materiai tipics regionai (max. 8 punć), tan dî che l’eserzize à tignì davert i trëi agn denant, (plü dî che al tëgn davert, miù che al é max. 5 punć) y le tëmp de daurida di eserzizi cun restorant ti trëi agn denant (max. 5 punć). Cun chësc ultim critêr ôn favorì i eserzizi cun restorant. La valutaziun dla comisciun arà da gnì aproada dala junta.

Deplü tla proscima ediziun Tratan la sentada dl consëi de Badia él gnü baié inće dl regolamënt por le marćé a San Ćiascian, al é gnü aproè le cunt consuntif y partì sön n avanz d’aministraziun de za. 1,3 miliuns. Laprò à le consëi dit de scê al proiet esecutif por dortorè la Ćiasa de Comun y baié dla cumpra di locai tl museum nü a San Ćiascian. Deplü podarëise lì tla proscima ediziun. (pablo)

Por s one s - U bi Valentini de Badia à dagnora albü pasciun por le sport. Al é süa profesciun, sciöche professur de ginastica, mo inće süa pasciun defora dal laûr, sciöche presidënt dla Uniun Sport Alta Badia, y da 27 agn incà inće sciöche mëmb er dl diretif provinzial dl VSS. La Lia dles Uniuns dl Sport de Südtirol à chësc ann indô albü da renovè le diretif. Surastant é romagnü Günther Andergassen, Inće Oskar Insam de Sëlva Ubi Valentini (t’amez) é gnü onorè dal VSS romagn inant sciöche por sü 27 agn de impëgn tl diretif. A man rapresentant de Gherdëina. ciampa le Landeshauptmann Luis Ubi Valentini, che à Durnwalder, a man dërta Richard Nagler rapresentè por feter trëi da Lungiarü, che rapresentëia śëgn la Val dejenns la Val Badia, à dè Badia tla lia dles uniuns sportives de jö süa inćiaria - che é Südtirol. (Foto: VSS) gnüda surantuta da Richard Nagler da Lungiarü. Le dagnora en acordanza cun i diretif VSS à cun na onoranza orü insegnanć. Śëgn unse laurè fora n ti desmostrè a Ubi so reconoscimënt conzet y chësc ann da d’altonn por chisc tröc agn de impëgn a metaràn man cun proieć piloć sura döta la provinzia. Les uniuns dl bëgn dl sport. sport y les scores é inviades da Na usc por le sport s’interessè.” Chësc proiet à suradöt le fin da pité sostëgn por les scores Le VSS é la lia tët por le sport, elementares, olache al é preodü che rapresentëia i interesc dles na sora ora de ginastica. Ubi dij assoziaziuns sportives desvalies. inant: “Plü important él da avëi plü Danter i compić alda inće chël da ores de ginastica tla elementara co mëte les fondamëntes iuridiches, tla mesana.” Sce Ubi ćiara zoruch organisatives y aministratives, che a süa ativité tl VSS, vëighel cun impormëtes spo da “organisé le plajëi che al é dagnora stè na bona sport” söl post, ći che sozeda tres armonia al intern dl diretif. Ći che les uniuns sportives ti comuns y n’é nia garatè deplëgn, é la orentè paîsc desvalis. Le VSS pîta por les da portè le sport a livel sozial - a assoziaziuns sportives assistënza livel de sport por düć y demanco tecnica y iuridica te n gröm de a livel agonistich. Por Ubi Valentini chestiuns. Ubi Valentini: “An ti stà à l’ativité sportiva na gran inće do a ći che sozeda tla politica importanza por le corp, mo tres y an mët averda che al ne vëgnes deplü inće por la psica, sciöche nia fat leges che vais a dann dl cuntrapëis y balanza defrunt al sport.” Chësc é un n aspet. L’ater gran stress dla vita d’aldedaincö. aspet é chël da organisé le sport a livel de jogn, y ti daurì insciö les Les mius aodanzes a Richard Nagler portes al “sport por düć”.

Le sport te scora Danter i ultimi proieć che Ubi à metü da jì a livel de VSS alda chël dla colaboraziun danter scores y uniuns dl sport (Zusammenarbeit zwischen Schule und Sportvereine). Ubi ê le coordinadù dl grup de laûr. Valentini: “Tles scores olache al n’é nia maestres o maestri profescionisć che insëgna ginastica, metunse man da ćiarè che les uniuns dl sport dais na man, jon a fà proieć y organisé iniziatives,

A Ubi ti unse inće damanè sce al é stè rî o saurì da lascè, do tan d’agn de sorvisc. Al respogn insciö: “Lascè chësta inćiaria ne me sa nia rî. Do 27 agn él bëgn gran ora da passè la funziun a valgügn d’atri. Al é n gran laûr, bele ma da saltè vigni mëis por döt l’ann a Balsan a sentades. I sun contënt che Richard Nagler ais surantut y i ti aodi sambëgn sodesfaziuns y che al sides bun da armöie valch nia ma a livel dla Val Badia, mo a livel de döta la provinzia.” (pablo)


Val Badia

nr. 19 / 20 de mei 2011

Trëi consorc, un n marketing. Y Al Plan pa? Da püch él gnü presentè n stüde svizer-bavaresc che à analisé la poscibilité da cherié na sozieté de marketing por döt Puster. Edl critich da pert dl’Assoziaziun Turistica d’Al Plan, che alda turisticamënter pro Plan de Corones y Puster, mo culturalmënter pro la Val Badia. Les alternatives n’é nia tröpes Turism - Dan da püch à l’assessur provinzial Hans Berger presentè n stüde realisé da döes ajentöres svizres y bavarejes, che à sciöche argomënt la promoziun turistica de Puster. Puster é caraterisé da trëi consorc turistics de gran relevanza: Plan de Corones, Türesc - Ahrntal y Alta Val de Puster, che röia deboriada sön 6,73 miliuns de pernotamënć - insciö i dać dl 2009. La idea - che gnarà laurada fora tl detail da n grup de laûr - prevëiga un n ofize de promoziun di trëi raiuns, y Berger à splighé che an n’ô nia ti druchè sö a düć i raiuns n martl su “Pustertal”, mo an podess le mëte a pêr di atri martli, suradöt por la promoziun de atraziuns, strotöres y sorvisc che reverda döta la valada. Berger baia de n inom y cognom, olache l’inom podess ester p.ej. Plan de Corones, le cognom “Val de Puster”. I nes ùn informè plü avisa pro le diretur dl’AT d’Al Plan Martin Resch. Al nes spliga che al n’é nia la orentè da tó demez i martli conesciüs sciöche chël de Plan de Corones, mo che al é tl’intenziun

da istituì öna na sozieté de marketing, che fej la promoziun a livel plü alt por düć trëi i consorc. Resch: “Te Puster unse trëi consorc turistics, düć trëi va fora tl monn cun les medemes informaziuns por i medemi tliënć." An oress cherié te Puster - al intern di trëi consorc - cin’ cërtli turistics, un cun l’Alta Val de Puster, un cun TürescAhrntal, un cun Valdaora, Rasun y i paîsc incëria, un cun Bornech y les localitês incëria y un cun Al Plan y San Martin. Deperpo che les sozietês di lifć à desmostrè simpatia y interes por la orentè de na sora zentrala de promoziun, él danter i consozc turistics y les assoziaziuns turistiches minunghes desvalies.

Al Plan y San Martin - n cajo particolar Danter les assoziaziuns turistiches che ćiara cun scetizism a chësta proposta alda chëres dl’Alta Val de Puster, y inće l’Assoziaziun Turistica d’Al Plan, sciöche so diretur Martin Resch nes à

confermè al telefonn: “I nes ùn resservè da ponsè do. Al é ćiamò n gröm de domandes davertes. Nos ùn dit che i orésson denant odëi ćiünes che é les alternatives, p.ej. sce an podess formè na plataforma por l’isté, do l’ejëmpl dl Dolomiti Superski d’invern, che foss val’ ćiamò de maiù”, dij Resch, inće sce le diretur d’Al Plan ne vëiga nia de gran poscibilitês por alternatives, inće ciodì che i atri incër Plan de Corones é en gran pert a öna da fà le vare. Al Plan y cun ël inće San Martin, é n cajo particolar. Intrami i paîsc toca söla cherta pro la Val de Puster, mo é tl medemo tëmp suradöt paîsc dla Val Badia, che é paîsc ladins y se desfarenziëia bele ma por le lingaz. Dal ater vers sotrissëia inće le diretur che Al Plan é chersciü cun le Plan de Corones y à dagnora laurè bun impara, porchël ne fóssel gnanca da ponsè da se destachè dal consorz. N grup de laûr, metü adöm da rapresentanć di trëi consorc, dla Uniun di Ostis, dl LTS, dla SMG y dala Provinzia se sentarà adöm por laurè fora - bonamënter anter

otober - propostes plü tl detail, y aladô podaràn spo tó na dezijiun. “Dedô odaràn sce le provedimënt é fatibl o manco. Le trend jarà a vigni moda de chësc vers”, dij le diretur Resch, che injunta: “Le turism é te na fasa de reforma, tröp se mudarà tl dagnì, y chësc é inće n bojëgn. Le turism é n ram trainant dl’economia y cun chësta economia vëgnel inće ite scioldi da d’atri paîsc”. Inće Al Plan arà na porsona te chësc grup de laûr. “Do tratatives cun l’assessur Berger, nes él gnü impormetü chësc”, dij Resch.

Dezijiun detada inće dai scioldi Plü iadi àn aldì la critica che bele le raiun de Plan de Corones ê massa gran y suradöt massa desvalì, sce an pënsa che al é lëite paîsc sciöche Al Plan y Kiens, Bornech y Terenten, che à döt n’atra densité turistica. Laprò vëgnel ćiamò Al Plan y San Martin cun la particolarité “ladina” y la vijinanza ales Dolomites

UNESCO. “Nosc obietif sarà chël che al vëgnes alzè fora nüsc punć de forza - sciöche la cultura y le lingaz ladins, nosta localité ales portes dl parch natural”, dij Resch. Sambëgn, öna na rajun dl provedimënt “Puster” é inće chëra dl sparagnè scioldi, deache te val’ assoziaziuns turistiches vëgn i scioldi tres demanco, porchël vàl debojëgn da unì les forzes. “Les aziëndes arà tl dagnì de gragn problems da miorè i sorvisc, deache al manćia i scioldi. Al vëgn damanè tres deplü y an n’à nia plü i scioldi da aumentè la cualité. Tla Val Badia ne n’unse nia de gragn problems, mo te d’atri posć de Südtirol él aziëndes che mëss valutè sce jì inant o manco. Porchël él incö inće tla discusciun da istituì la cuta de sojornanza”, dij Resch.

Turisticamënter pro Plan de Corones, culturalmënter pro la Val Badia Al Plan alda turisticamënter pro Plan de Corones, culturalmënter pro la Val Badia. Sce an reconësc de un n vers la gran forza turistica y economica dl Plan de Corones, reconëscion inće la particolarité di paîsc ladins. An ćiara porchël cun n edl inće ala colaboraziun cun l’Alta Badia. Inće chilò nes dij Resch deplü: “Nos ùn tut sö contać cun l’Alta Badia, por valutè deboriada sce al se pîta propostes de colaboraziun.” Propostes che podess ester dl vers de trus, de majeres manifesatziuns. Resch injunta che döt é da valutè: “I contać unse tut sö, śëgn aspetunse la resposta.” Intratan n’ôn nia fà massa alarmism, mo an romagn calms: “I aspetun n iade ći che al vëgn fora dal grup de laûr, spo ponsunse inant”, stlüj jö le diretur. (pablo)

Na bela odüda sön Al Plan. (Foto: Paul Erlacher)

Gran batadù di artejagn vedli I “Althandwerker” dla Val Badia y dla bassa Val de Puster é rovà adöm a Pidrô por na bela cartada. Le pröm post röia fora dla valada

Pro le gran batadù a Pidrô.

Lies - De merz é i “artejagn vedli” (Althandwerker) dla Val

Badia y dla bassa Val de Puster rovà adöm tla “Ćiasota” a Pidrô

por passè n domisdé de aorela cörta y se mosorè por odëi chi che é i mius da cartè. Do n salüt cört da pert dl surastant dla Val Badia Federico Ploner, à le secretêr dla lia di “artejagn vedli” y dl patronat INAPA Angelo Angerami portè dant n valgönes novitês sura les ponsiuns. Atira dedô ési spo pià ia cun la gran cartada, olache an à podü ala fin premié deplü scuadres. Le pröm post é gnü arjunt da Anna Brugger Mutschlechner y Josef Schwärzer (surastant di artejagn dla bassa Val de Puster); le secundo post é gnü arjunt da Josef Erardi y süa fomena, le terzo da Albert Moling y Franz Irsara, le cuarto da Franz Nagler y Erich

Pescoller. Sambëgn n’àl danterìte nia manćé na buna picia marëna. La festa é spo gnüda stlüta jö cun na bela premiaziun y rengraziamënt da pert dl surastant dla Lia a livel provinzial, Sebastian Brugger, che à dër rengrazié i sponsors che à dé ca de bi pesć

por i cartadus y sambëgn inće le sponsor che sostëgn tres indô les ativitês de chësta assoziaziun, che cumpëda bele ma a livel de valada passa 100 iscrić. Passa 1.500 n’él a livel provinzial. Chi dla Val Badia porvarà dassënn n ater ann da se davagné zoruch le titul.

www.lauscdiladins.com

29


Val Badia

nr. 19 / 20 de mei 2011

“La faszinaziun blanćia de nosc comun” L’Assoziaziun Turistica da San Martin de Tor à metü da jì fora por l’invern la secunda ediziun dl concurs fotografich a pesć “win san martin”. I pröms dui pesć i é jüs a porsones dla Val Badia

La juria dla fasa finala, do avëi fat ia le rî laur de ćerna dles fotografies plü plajores.

Secundo post por la foto “Recort...” de Ellen Schuster.

Fotografia - Setanta é stades les fotografies ruvades ite a chësta secunda ediziun assoluta y pröma ediziun invernala dl concurs de fotografies “win san martin”. Por la maiù pert é i retrać gnüs fać dalunc dales pistes de schi, liösa y paslunch.

2 porsones (pröm tlassifiché), n schipas de Plan de Corones por la sajun 2011/12 (le secundo post) y n per de ćiaspes cun mazes (le terz tlassifiché). Le concurs vëgn inće metü da jì dagnora paralelamënter sön Facebook, en chësc iade à le

Pütia é saltè fora inće te chësta ediziun n bun y bel motif. Na pröma juria dl’AT (con laprò inće Gerd Irsara) à spo cernü le pröm gröm, y la comisciun metüda adöm da Philipp Tolpeit (pres. AT San Martin de Tor), Barbara Zardini Vanzi

(esperta nominada dal’AT), Iaco Rigo (pres. EPL), Michael Moling y Gustav Willeit (esperć de grafica y de fotografia) à spo ai 16 de mà da sëra chirì fora i trëi plü bi retrać. Chisc gnarà premià cun: na findlédema a San Martin de Tor por

retrat de Martina Verginer dal titul “Ju/Vare tla nöt” podü pié do le per de ćiaspes cun mazes metü a desposiziun dal’organisaziun. Les fotografies dl concurs pò gnì conscidrades inće sön internet al sit www.sanmartin.it (ir)

Pröm pest por Mike Trebo por chësc retrat dal titul “Göma dl vers de Sas dla Crusc”.

Al terzo post él ruvé la foto “Süa maesté le sas de Pütia”, fata da Alessandro Martinelli.

Al cuart post, de püch fora dai pesć, le retrat de Claudia Agostini “Tru de nìures”.

Le pest por le concurs sön Facebook i é jü a Martina Verginer por la foto “Ju/Vare tla nöt”.

30

www.lauscdiladins.com


nr. 19 / 20 de mei 2011

N tesur te nosc daciasa ´ Le bosch, süa richëza, sües funziuns, la vita che al ascogn doìa. De chësc él gnü baié te na serada a San Martin de Tor, organisada por recordè le 2011 - Ann internazional dl bosch i larjëis o les pastöres de lersc, cherià dala porsona por rajuns de pastöra. I pecëis subalpinns, che an ciafa dai 1.500 ai 2.000 metri d’altöra, é formà en gran pert da peciôs, mo inće da lersc. An conësc chilò che la natöra s’adatëia ales condiziuns. I lëgns mostra na corona strënta, por tignì bot ales cuantitês de nëi y al gran vënt. An röia plü alalt y ćina söl confin dl bosch ciafon spo i bosc de lersc y ciers, olache la cualité n’é nia plü cis grana. Sura le confin dl bosch se destënn i barantli, che à laûr saurì da dlotì les pastöres de munt che ne vëgn nia plü curades.

La serada sön le bosch é garatada y à cherdè alerch cotan de jënt. Danter i dui percuscionisć Emanuel Valentin y Max Castlunger (resp. a man ciampa y man dërta), él i verdabosc Tone Rungger y Pire Unterweger, Giovanni Mischì, Günther Asche, Gottfried Nagler, Gottlieb Moling, Renato Sascor y Ernst Detlef Schulze. (Dötes les fotos: Werner Pescosta)

Le 2011 é gnü protlamè dales naziuns unides sciöche Ann Internazional dl Bosch. Cun sü 15.650 hectars cür le bosch inće tla Val Badia na gran spersa y al à por nosta jënt, nosta economia, nosc vire na gran valüta. Por recordè l’ann internazional dl bosch à l’Ispetorat Forestal da Bornech, la Uniun di Ladins Val Badia, l’Ofize Parcs Naturai, i verdabosc y l’Istitut Ladin Micurà de Rü invié ia deplü iniziatives. La pröma é gnüda a s’l dè en vëndres dan otedé tl salf dl Istitut Ladin. Söl program êl trëi referać cun esperć sön aspeć desvalis dl bosch.

Le bosch y sües tröpes funziuns Le pröm di trëi referać é gnü tignì dal vizediretur dl ispetorat forestal da Bornech Gottlieb Moling, che à baié dla tematica “I bosc dla Val Badia - na gran richëza”. Impröma

é Moling jü ite tles funziun dl bosch. Dancà él chëra de produziun de lignan, che é tl medemo tëmp fontana de laûr por cotan de jënt. Le bosch pîta suradöt inće proteziun, ponsun a roes y lovines, ponsun inće al vënt. Le bosch é spo inće habitat por tiers y plantes, n sistem tan comples co perfet. Ala fin, mo nia inultima, ciafa tres plü pëis inće la funziun recreativa dl bosch, olache porsona po fossenè pêsc, buna aria y energia por corp y mënt. N valur che se lascia inće cuantifiché te scioldi. Le Schweizer Bundesamt für Umwelt cuantifichëia le valur recreatif dl bosch te 10 miliarg de francs. Sce an toless ca i medemi criters te Südtirol, rovàsson a 2,2 miliarg de euro, 100 miliuns de euro ma tla Val Badia, à dit Moling.

Na gran varieté te nosta valada Le comissar da Bornech à spo

pité n cheder di bosc desvalis che i ciafun te nosta valada. Söl ur di rüs ciafon i bosc da spona, suradöt de aunic, che à na gran importanza ecologica. Te raiuns sciöche da Pederü ite, Picolin, Antermëia o Armentarola ciafunse i bosc da pinch, lëgns frëms dales raîsc sotes, che po crësce inće sön terac assöt y ćinamai sön crëp. Nia indlunch n’é chisc bosc naturai. Plü alalt ciafon i bosc de peció y aidin, che ne vëgn nia plü dant sovënz: “L’aidin é n lëgn zite suradöt por i danns da salverjins. Al ne se renovëia nia saurì, y por le renovè ôl feter ester na proteziun incëria”, à splighé Moling. I pecëis de munt vëgn dant te na forma otimala danter i 1.000 y i 1.500 metri d’altöra. An ciafa pećios, lersc y val’ pinć. Chisc é i bosc olache an davagna le plü lignan. Tipics de nosta valada, mo nia dagnora tla forma naturala, é

Le bosch te nüsc comuns Tla Val Badia cür le bosch na spersa de 15.650 hectars (spersa neta - Holzbodenfläche). Le comun cun la majera spersa é chël de Mareo cun 5.300 ha. Dedô vëgnel chël da San Martin cun 4.000, spo Badia cun 3.400, La Val cun 1.950 y Corvara cun 1.000. Tignin cunt de lëdi te bosch o sperses nia produtives él na spersa totala de 18.000 ha. Na gran fontana de richëza - nia ma economica - por nosta valada. Na spersa de natöra che n’à nia ma lëgns da mostrè ca, mo che ascogn doìa n monn fantastich, n daćiasa por n gröm de tiers y plantes.

Bosch - ambiënt de vita Te chësc aspet é jü ite Renato Sascor, responsabl dl Parch Natural Fanes-Senes-Braies y öna dles porsones che à portè inant cun forza le proiet de nominaziun dles Dolomites sciöche teritore UNESCO. Sascor à tratè le tema “Bosch - habitat de tiers y plantes”, jon ite impröma sön i faturs che influenzëia la richëza spezifica dl

bosch. “I bosc cun plü sorts de lëgns é inće bosc plü rić”, à dit Sascor. La richëza dl bosch vëgn inće influenzada dala strotöra dl bosch, sce al é danterite lëdi de prè che despartësc le bosch, sce al é plantes madüdes o stramadüdes. Inće lëgns morć, che vëgn odüs gonot sciöche sëgn de n bosch tralascè, pîta le habitat por de pici tiers (micromassa), sorts particolares de chefri, inseć o fonguns che ciafa ilò so daćiasa. Sascor à cuntè di pinëis curis de lisöra, bosc lominusc che ascogn cotan de plantes. Chilò vir inće le pich fosch, che se para la fan cun les larves de chefri dla scorza, y à insciö na funziun de netijia dl bosch y de proteziun cuntra chisc inseć che po fà de gragn danns. I büsc che le pich fej ti lëgns, vëgn anuzà spo i agn do inće da d’atri vicì sciöche daćiasa o por coè fora sü pici. Chësc é gnü desmostrè da n esperimënt tl Trentin. Sascor à daimproìa condüt le publich te chësc monn afascinant, cuntan dles ciuites nanes che vir ti larjëis, di scofuns de Santa Maria che an ciafa ti bosc de munt moscedà. Gran pasciun ciafa la jënt ti bosc subalpinns, canche al é da cöie granëtes y dlasenes. Chësc é inće l’ambiënt dl gran ial, che preferësc bosc manco spësc. I bosc de lersc y cier é spo le daćiasa dl mêder, de loi blanć y de n tier simbol de nüsc raiuns: le variö da sas.

Brosciüres sura le bosch Tla cornisc dla serada à l’Istitut Ladin inće podü presentè döes brosciüres ladines sön le bosch. I reportarun deplü plü inant. Por la cornisc musicala cun "sonns dl bosch" à fistidié Max Castlunger y Emanuel Valentin. (pablo)

Laurè la natöra bëgn, mo nia la sfrutè L’inrescidù Ernst Detlef Schulze dl Max Planck Institut da Jena à baié te so referat de biodiversité, de sconanza dla natöra. Öna de sües contlujiuns: “La gestiun naturala dl bosch da pert dla porsona porta gonot a n aumënt dla biodiversité, la gestiun intensiva a n smendrimënt.” N proverb todësch dij: “Le massa püch y le massa tröp é le jüch dl malan” („Das Zu Wenig und Zu Viel ist des Teufels Spiel”). Cun chëstes parores podésson sintetisé les parores dl prof. Ernst Detlef Schulze. La natöra é le plü sana, deplü ch’ara é metüda adöm da tröpes componëntes desfarëntes dla flora, fauna...y microflora. Plü spëssa che le liam (“Vernetzung”) inanter produzënć, consumënć y destruënć é, plü intat y sann che n ecosistem é. Chësc prinzip é inće gnü adorè por splighé le crash dles banches, olache impede che le sistem foss metü adöm da na rëi ampla y dër spëssa, s’à chësta rëi diminuì a püć fis stersc inanter n valgönes banches potëntes. Te tëmps de cambiamënt dl

tlima, olache les temperatüres mesanes s’alza y le tlima gnarà tres plü estrem, él de gran importanza salvè nosta gran biodiversité en forma de na natöra polivalënta. Pro i prinzips por mantignì la biodiversité alda na gran diversificaziun dles formes ecologisches naturales y formes de gestiun da pert dla porsona. Le prigo por tröpes plantes, tröc tiers y habitać n’é nia dè dala gestiun normala, mo dala gestiun massa intensiva da pert dla porsona. A Thüringen vëgnel fat deplü inrescides y stüdi sura l’influs dla gestiun sön la biodiversité. La gestiun naturala da pert dla porsona porta te tröc caji a n aumënt, la gestiun intensiva o le sfrutamënt dles sperses agricoles

porta a na diminuziun dla biodiversité. Tl’agricoltöra po la diminuziun dles sorts dl mez portè a na mëndra produtivité dl 20-30%. Chësta produtivité vëgn spo indô aumentada cun l’incultè. Insciö mët man n cërtl dër prigorus por la natöra, mo ala fin por la porsona. Pro le bosch po na spersa sconada y porchël nia gestida avëi na biodiversité plü picera co n bosch laurè y curè dala porsona. Impormò la gestiun intensiva p.ej. cun tais fora de mosöra o por la trasformaziun te bosc nia conforms ai faturs dl post, porta a na deminuziun dles sorts y insciö a problems por l’ecosistem bosch. La porsona ne s’anadà gonot nia che ara usufruësc dles funziuns dl bosch: produziun de biomassa, ega

nëta, aria frësca, proteziun....y recreaziun. Insciö vëgnel datrai inće istituì zones de sconanza, nia por sconè la biodiversité, mo por

aumentè le turism. Chësc mostra inće che la porsona fej pert dla natöra, che ara dess laurè la natöra, mo nia la sfrutè. (Gottlieb Moling)

Le presidënt dl Istitut Ladin Albert Videsott à presentè les brosciüres ladines sura le bosch. Dlungia él Ernst Detlef Schulze dl Max Planck Institut da Jena.

www.lauscdiladins.com

31


Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

nr. 19 / 20 de mei 2011

Bilanz positif per l’Apt de Fascia ma ence vèlch critica A la radunanza di sozi l’é stat aproà l bilanz 2010 e l’é stat rejonà ence de la tassa destinèda che cognessa finanzièr l’atività de informazion turistica Moena - Presciapech 200 sozi de l’Apt de Fascia, en ocajion de la radunanza anuèla, à aproà enstadì l bilanz 2010 prejentà dal president Enzo Iori, che se à serà sù con n ùtol de 10.338 euro, béleche valif a chel del 2009, che l’era de 10.960 euro. Na ousc desvaliva sun chela che l’é stat domanà spiegazions l’é chela per la paghes del personal che prejenta n smaorament de béleche 50.000 euro: l diretor Andrea Weiss à fat a saer che l’é stat tout sù na persona de più te ofize stampa e che l’é stat adatà l paament del personal aldò di mudamenc del contrat. L bilanz l’é stat aproà con demò la stima de contra de Alessandro Boschetto,

che à cusà l’azienda de mencianza de dinamism. Ence etres sozi à portà dant vèlch critica de chesta sort, envian l’azienda a aer maor coraje de fèr investimenc. “Respet a la ressorses a la leta i programes metui en ciamp da l’Apt é adaté. Per aer resultac de valuta defat se cognessa poder aer a la leta l 5 o l 6% del faturat turistich, no demò l 0,5%” – l’à responet l diretor, sotrissan che “per aministrèr la aziendes no l’é assà la capazitèdes, serf ence la ressorses”. I dac de la sajon da d’invern 2010 slarié fora moscia valores negatives respet a l’an passà: l’é stat registrà l’1,74% demanco de ghesć rué e l 2,83% demanco de prejenzes per l setor alberghier, l smendrament l’é amò maor tel setor extra alberghier, se rejona del 2,76% per chel che revèrda i ghesć rué e adertura del 5,39% per la prejenzes. N pìcol smaorament de clienc foresć compensa en pèrt l smendrament del marcià talian: sauta a l’eie l’increment del marcià rus che à corì l 15,64% de la prejenzes forestes. Ence ti ùltimes 10 egn se à vedù calèr a na vida costanta i ghesć taliegn a favor de chi foresć. Te sia relazion l diretor Weiss à rejonà de la campagna de comunicazion per l’istà 2011, che doura l’argoment de gran atualità de la Dolomites patrimonie La neva comunicazion promozionèla de Unesco desche valor l’Apt de Fascia per l’istà 2011 ponta su la emportant del marchie Val de Fascia: la locandina defat Dolomites patrimonie mondièl.

L diretif de l’Apt de Fascia col diretor Andrea Weiss e l’assessor provinzièl Tiziano Mellarini a la radunanza.

moscia n braciacol simbolich, sintesa più scempia e fona del conzet de acolienza. L responsàbol de la promozion Livio Gabrielli à metù al luster la novitèdes per la sajon che vegn: “fin ades ge é semper stat dat lèrga a la doi rodes - l’à dit - ma se à semper tratà de scomenzadives mirèdes più ai atlec che ai turisć. Da l’an passà se à investì per lurèr fora proponetes per i ghesć e la families. I projec Dolomiti Lagorai Bike e Fassa Fiemme Cycling Route, che perveit la creazion de club de prodot, i vel portèr dant na vacanza su mesura per l ghest pascionà de roda e sia familia.”

N gran event leà a la doi rodes che l’Apt é stata bona de portèr te Fascia l’é la tapa sun Gardecia del Giro de la Tèlia: l conseier Fausto Lorenz à volù ge dir n gran detelpai a la Provinzia autonoma de Trent per dut chel che l’é stat fat per chest event, che à comportà n gran lurier de recalificazion de dut l raion enteressà. Ence l’assessor provinzièl Tiziano Mellarini à tout pèrt a la radunanza e l’à arsegurà che l didament sport per l Giro de la Tèlia l’é demò l scomenz de na lingia de evenc che vegnarà realisé te Fascia tel davegnir. “Ge vel ge dèr na acelerazion al turism” – l’à

dit l’assessor e l’à rejonà de la tassa destinèda – “la Pat à dit de na a la tassa de sojornanza, ma duc chi che à n vantac dal turism cogn dèr sie contribut. Con la manovra economica del 2012 al Comun General ge vegnarà dat encèria de ativèr la quota che vigni categorìa cognarà paèr. L nef tribut jirà a finanzièr l’atività de informazion, per chel che revèrda la promozion s a r à a m ò d eb e s e g n d e l’autofinanziament.” Bonamenter l’idea de cogner paèr autra tasses no la sarà azetèda tant sorì: ampò Armin Detone l se à augurà che duc i sozi sie a una con la neva tassa. (cri.m)

L dotor Ripamonti à dit de esser otimist per chel che varda i neves scric ite anter i joegn e l’à recordà le atività endrezade de chest vers ence da la Blood Rockers Band. Tel Trentin se dombra 22.000 donazion de sanch e 3.500 de plasma, te le zità de Trent e Rorei le é en dut 9.000 donca dut l rest vegn da le val e per chest – à dit Ripamonti – se cogn esser stolc de chest resultat. Ence l bilanz de l’ADVSP intercomprensioriala se à serà sù con n resultat positif. L’é stat uzà fora che la sezion à proponet de se comprar na senta a Ciavaleis, l grop de Soraga se à palesà d’acort sun chest pont desche béleche duc i autres comuns de le val de Fascia e Fiem. Dapò l’é stat lità per l renovo del diretif che à vedù le conferme del capogrop Mario Pederiva con apede Francesco Dellantonio desche secretar, Felice Canclini, Rodolfo Pederiva, Stefano Fontana e Antonella Pederiva al post de Maria Pia Decrestina che dò n muie de egn l’à lascià ló soa enciaria. Inant de fenir fora l’é stat rejonà

ence di festejamenc di 40 egn del grop de Soraga: chest uton vegnarà fat na gita e Ripamonti l’à fat a saer che l’à en program via per de aost n conzert en onor di donatores de sanch. La radunanza se à serà sù co na viva duc ensema, na bona cena e apede ence n bon tòch de torta per i 40 egn del Grop ADVSP de Soraga. (mci)

L’ADVSP de Soraga compesc 40 egn L’é stat chiamà ite la radunanza anuala per portar dant bilanz e atività Soraga - Enstadì te senta di Alpins a Soraga l’é stat chiamà ite la radunanza anuala del grop de donatores de sanch e plasma che chest an se à ciareà de maor emportanza ajache l grop de Soraga festejea proprio i 40 egn de vita. L capogrop Mario Pederiva à portà

dant soa relazion metan al luster chel del 2010 se é rué a 50 scric ite, de chisc 35 i é donatores che i à fat 71 donazion. Da sotlinear che l raport anter donazion e numer de sentadins per Soraga é de 1 sun 10 contra l’1 sun 20 de la media del Trentin, donca l dopie.

L diretif del grop ADVSP de Soraga con l dotor Massimo Ripamonti.

32

www.lauscdiladins.com

Gran sodesfazion é vegnuda ence dal dotor Massimo Ripamonti che à confermà l bon éjit del zenter de regoeta de sanch metù sù aló dal Zenter de Sanità de Poza, coordenà da l’infermiera Lucia Dellagiacoma. Chiò l’é stat smaorà ence l numer de vijite ai donatores de la val.

L capogrop Mario Pederiva.


Fascia

nr. 19 / 20 de mei 2011

I fascegn forin Baissiston anter freit e neif Da Moena a Baissiston L catif temp no à ferà i tenc fascegn a jir fora; la messa é stata ofizièda te gejia e tropes che no à podù ite i é resté a scutèr la zelebrazion sot i tendons

I preves del Decanat de Fascia à ofizià la sènta messa forin Baissiston ensema con l Prior Père Lino Pacchin.

Devozion - I “trei omegn de giacia” di dis dediché ai sènc Pancrazio, Selvazio e Bonifazio, i à lascià sia couda da biot invern en domenia ai 15 de mé, canche l Decanat à envià duc i fidei de Fascia a jir a gejia forin Baissiston. La tera suta aea besegn de èga, e se veit che la Madona à metù l ben comun de duc al prum post respet a la voa de ogneun, che bolintiera aessa domanà mìngol de soreie te chesta giornèda de pelegrinaje. Forin mont l fiochèa de pien e l tempram l’era dut auter che d’aisciuda, ampò i fascegn no à mencià a l’apuntament per jir a preèr

e onorèr la Madona de Baissiston, e meter te sia mans noscia families. L temp à descorajà sche duc chi che aessa volù jir fora a pe, e no l’à permetù de jir en procescion nience per l’ùltim toch dal piaz al Santuarie. Duc chi che demò à podù ite i se à schicià te gejia, olache ence l’utèr era pien de preves, servidores, confermé, e no mencèa la bandiera de l’Union de Ladins de Fascia a raprejentèr la comunanza ladina de noscia val. Ma no duc à troà post te gejia, e n bon pec é resté de fora sot i tendons, vardan de se parèr dal freit, a scutèr la messa ofizièda dal decan don Giuseppe e dai preves

de Fascia don Stefen, don Luigi, don Pio e don Erminio, apede che da Père Aldo, combonian miscionarie tel Sudafrica che à portà tel santuarie la ousc de duc nesc miscionaries, e dal Prior de Baissiston, Père Lino Pacchin. L’é stat apontin Père Lino a fèr la perdicia, rejonan, te la giornèda dedichèda a la orazions per la vocazions, del gran besegn che aon de aer pèstres valenc, bogn de ne vidèr e de ne stèr apede, a duc nos che falon duc i dis, e a noscia families che vif momenc tant senestres. La bela zelebrazion, viventèda da la cianties ence per ladin di ciantores di cores de gejia del decanat, é jita fora tel Sudtirol ence tras radio, e coscita de n muie i à podù sentir l bel son de nosc lengaz ence te vèlch orazion di fidei. I joegn de la Creisema é stac envié a portèr dant sia profescion de fe, e a la fin i bec de la Pruma Comunion à portà sun utèr si omajes de fiores a la Madona. Domesdì, descheche vegn fat duc i egn tel pelegrinaje del Decanat, ma chest’outa per via del tempram te la sala mostres del Santuarie, l’é stat dit sù la corona e ge é stat dat la benediscion a nesc malé, con n pensier particolèr del decan don Giuseppe a duc chi che no à podù esser aló. (lg)

recordan Jan Paul II I bec de Moena é jic a gejia a la Madona di Dolores per se enjignèr a la Pruma Comunion Moena - Tel percors per se enjignèr a sia pruma scontrèda con Gejù, i bec de la Pruma Comunion de Moena no i podea fèr condemanco de jir a gejia forin Baissiston ensema con sia families. En chela domenia sion levé con n bel soreie, che ge dajea amò più lujor al paesaje che ge fèsc da cornisc al Santuarie. La Zelebrazion Eucaristica, viventèda dai bec che sun utèr i ge fajea da corona al preve, la é stata amò più rica de segnificat per l fat che tel medemo moment a Roma vegnìa beatificà Papa Jan Paul II. Dò Messa sion jic a vijitèr la pìcola gejia de Sèn Linèrt e i lesc olache per desvalives egn l’é stat romit, e veder chisc posć ne à dat l met a duc – usé a la I bec de Moena à vijità la pìcola gejia comoditèdes de duc i dis – de de Sèn Linèrt. refleter su l’essenzialità de la vita. cianties e i jeghes de fora à abelì Via per la domenia l’é stat ence amò de più chesta esperienza e i à de bie momenc de devertiment. La viventà n’atmosfera de comunità e marena, endrezèda de gra a la condivijion, che restarà amò per n colaborazion de duc i genitores, la pez tel cher di bec e de si genitores.

La Via Crucis é ruèda a compiment Enstadì l’é stat tacà su la ùltima cater stazions la formeles fates dai studenc de la Scola d’èrt de Poza Devozion - Ti dis dant dal pelegrinaje forin Baissiston l’é ruà a compiment l’ùltim tòch de n lonch percors scomenzà amò acà 6 egn da man de l’Union di Ladins de Fascia per ge dèr endodanef degnità e parbuda e a la Via Crucis Ladina, che sul troi da Neva Todescia, e più avisa dal Mèsc Kehr, rua enscin forin Baissiston. L’era l’an 2005 canche, col didament atif di Schützen de Fascia e de Neva Todescia e de la Scola d’èrt de Poza, co la colaborazion del Convent di Servidores de Maria e del Comun de Neva, e col sostegn finanzièl de istituzions e de jent de Fascia e de la Ladinia, che à adotà la stazions, vegnìa logà jù la Via Crucis neva: 14 gran croujes fates da la tislerai Tajin olache l’era stat tacà sù – dò esser states neteèdes e restaurèdes da la Scola d’èrt de Fascia - la veia fegures de legn a bas relief che da egn era tachèdes sù per i èlbres e che les era dò a jir a de mèl patoch. Ti egn dò, travers n concors de idees fat semper te l’IsA, vegnìa metù sù autra cater stazions, de foja più moderna, su la varianta de l’ùltima pèrt del percors per ruèr fora al Santuarie, sul troi mìngol più lonch ma manco ert che l Prior ge tegnìa a endrezèr acioche ence la jent de età e i bec posse ruèr fora con manco fadìa. Timpruma sun chesta ùltima cater stazions l’era stat metù sù demò na reproduzion a stampa de chèdres che raprejentèa Gejù metù su la crousc, la mort, la deposizion e la sepoltura. Endèna i studenc

Giancarlo Dallapozza taca sù la formeles fates dai studenc de la Scola d’èrt su la ùltimes cater stazions de la Via Crucis: Gejù metù su la crousc, la mort, la deposizion e la sepoltura.

de la Scola d’èrt à lurà fora la fegures de creida, che l’an passà de setember é states portèdes forin Baissiston tel pelegrinaje ladin e benedides. Ades, dant dal pelegrinaje forin Baissiston del Decanat de Fascia,

chesta fegures é states tachèdes sù a so post. Pecià che l catif temp à spent la jent a ruèr fora co l’auto e coscita chel nef lurier no à podù vegnir aprijià, ma de segur l farà sia bela parbuda da chiò inant. Per chest bel lurier ruà a

compiment l rengraziament de vif cher da pèrt de l’Union di Ladins e di ladins fidei a la Madona de Baissiston va a duc chi che à didà, ma soraldut a la Scola d’èrt e ai studenc e ensegnanc che se à dat jù te chisc egn vèrech dò vèrech,

a l’ensegnant del laboratorie de tislerai Giancarlo Dallapozza che se à metù a la leta per tachèr sù la formeles e al conseier de l’Union Ermanno Winterle, che ge é stat dò en pruma persona, dal scomenz a la fin a dut chest projet. (lg) www.lauscdiladins.com

33


Fascia

nr. 19 / 20 de mei 2011

Scola e teritorie: n leam n muie strent I bec de 4^ e 5^ de la sezion èrt del legn i à prejentà a l’aministrazion de comun de Cianacei i projec per la neva calificazion del zenter storich del paìsc rengraziamenc e i saluc, l’ombolt de Cianacei Mariano Cloch e Alessandro Anesi i à volù ge sporjer en don a la doi clasc doi libres su l’èrt. Donca l’é ruà l moment de tachèr la raida e duc chenc con biro e sfoi, man a man che i studenc i portèa dant sie lurier, i segnèa la valutazions e la stimes. L’obietif no l’é stat segur chel de troèr fora l venjidor, ma chel de dèr na valutazion ai projec per veder colun che aessa podù responer miec a n giudizie reèl, desche se dassen i aessa tout pèrt a n bando publich. L’é stat n lurier segur senester per i studenc, ma ence per i professores che i à cognù i didèr

te ogne vèrech. La sodesfazion de aer fat zeche dassen de ùtol che i li à fac ruèr a dret contat col teritorie e con na esperienza reèla de lurier l’é stat per duc n stìmol emportant. Descheche à dit l professor Claus Sorapera “no cognon se desmentièr che la gran zitèdes les é states bones de aer gran luster de gra a n binomie, chel anter aministradores e artisć”. I complimenc e i rengraziamenc i é rué amò n’outa da l’ombolt Mariano Cloch a la fin del percors de prejentazion di lurieres. No se sà mai che anter duc chisc n festil, n lampion o na banca no i vegne dassen metui fora stroz per Cianacei. (vr)

I raprejentanc de la doi clasc de la Scola d’èrt con i libres doné da l’aministrazion de Cianacei.

Scola - Enstadì l’aministrazion del comun de Cianacei la se à spostà ja Poza, più avisa te sala grana de la Sorastanza de la Scola de Fascia. L motif l’era scempie e se l’entenea giusta ite da usc, ajache te sala per l’ocajion l’era stat metù na fila de desć che era duc pien de sfoes da dessegn con su desvalives projec. Sun chisc sfoes l’era su i projec per la neva calificazion del Zenter storich de Cianacei. L’idea de meter a jir na colaborazion anter Scola e Comun la era nasciuda da Alessandro

Anesi, conseier comunèl de maoranza e president del comitat de Cianacei. La colaborazion anter Scola e teritorie l’é n segn n muie positif che, descheche à sotrissà ence la Sorastanta Mirella Florian, fèsc a na vida che i doi sogec i sie vives e più riches. I bec e la bezes de la 4^ e de la 5^ de la Scola d’èrt de la sezion èrt del legn i é doventé protagonisć atives e i à lurà per troèr vèlch idea e soluzion per na recalificazion del Zenter storich de Cianacei. Col didament fondamentèl de si

professores Franco Ghetta, Claus Sorapera e Flavio Tessadri, duc i joegn i à emparà a lurèr a dret contat con la realtà. Descheche fèsc i profescionisć, i studenc i é stac ta Cianacei per fèr relieves sul post e dapò n’outa tout jù chel che servìa i é ponté via col lurier a scola. Proprio per portèr dant chest projet i studenc, con la professora Petri de l’Università de Trent, i à emparà a durèr Autocad, n program per dessegnèr al computer. N’outa serà sù la pèrt di

Endèna la prejentazion di projec.

Cianton ensema L grop de teater “Amisc per cajo” à portà dant na bela comedia musicala a favor de la sociazion Bambi Teater - L’é n grop de amisc che se à metù ensema béleche “per cajo” chi che à portà dant enstadì la comedia musicala “Cantiamo Insieme” te teater Oratorie de Moena, co la colaborazion del Comun e de la Cassa Rurala. Na trentina de atores, da la più pìcola de nience 6 egn, al più espert de teater desche Igino Taliani, che se

à dat jù duc ensema per spilenar l’òpera touta dal musical “Tutti insieme appassionatamente” sot la regìa de Valentina Zanoner. N esperiment garatà che à conjobià le part spilenade, coi tòc cianté e chi touc dal film medemo e che à comportà segur n gran e lonch lurier de regìa e de studie de le part, de le scene e de le ciantie. I

L grop de teater se à merità de gregn batimans.

34

www.lauscdiladins.com

atores se à metù a la proa palesan gaissa, snait e coraje ence percheche ciantar da soi tedant a na sala piena de jent no l’é segur sorì. Da aprijiar donca l’empegn, soraldut di atores più pìcoi che à spilenà per passa 2 ore e che te valch moment à tocià ence l cher. Volassane i nominar duc, ma ajache i é dassen n muie, recordon

amàncol i ot pìcoi Von Trapp: Liesl (Gaia Melillo), Friederich (Francesco Gabrielli), Louisa (Irene Defrancesco), Brigitte (Claudia Defrancesco), Susan (Lara Melillo), Kurt (Pietro Poschiavin), Marta (Maria Claudia Chiocchetti) e Gretel (Sofia Ruffinella). La comedia musicala é stata

portada dant a favor de la sociazion Bambi e dut chel che l’é stat tirà sù jirà a didar valch familia con pìcoi en dificoltà. De bie complimenc a duc, ai atores, ai musizisć e a chi che à lurà vindò le coltrine e speron de chisc “amisc per cajo” seghite sun chest troi e i ne endeletee endò prest con zeche da nef. (mci)

I bec von Trapp cianta ensema a Freulein Maria.


Fascia

nr. 19 / 20 de mei 2011

Per recordèr Domenico Mongera

L Gust de la lum 2^ edizion!!!

En mercol ai 25 de mé l vegn recordà a Trent e en domenia ai 29 te Val de Sèn Nicolò

Dò l suzess de la pruma edizion ence chest an i bec dai 13 ai 16 egn i à l met de stèr ensema via per dut istà

Ai 25 de mé l’é diesc egn che Domenico Mongera à lascià chesta tera e duc si amisc - e n muie l’era ence chi fascegn - che no i l’à desmentià. De tropes se troèa te Val de Sèn Nicolò a se goder la pèsc de nesc monc, apede a la gejiola en onor di morc sa mont fata sù da la sociazion “Juventus” del 1964 e rencurèda apontin de grazia a la Fondazion Natalina Mongera, che so fi Domenico aea metù sù per didèr i joegn en dificoltà e ge arsegurèr n alberch e n pont de referiment a Trent. I joegn de la Juventus, che per n muie de egn i à troà te Mongera n pont de referiment segur, n stìmol de discuscion che li à didé crescer, e de spes ence n alberch a Trent per i studenc che aea besegn, no i l’à desmentià. La prejenza e l spirit de “Menego” i era colassù anter chisc joegn, e aló i restarà semper desche ejempie de desponibilità e atenzion per i amisc. En ocajion de chest cedean Domenico Mongera vegn recordà en mercol ai 25 de mé a Trent: da les 16.15 vegnarà vijità sia fossa te

cortina de la zità, e da les 17.30 don Vittorio Cristelli dirà messa en sia memoria te la gejia de Sèn Giosef. En domenia ai 29 de mé Mongera vegnarà recordà te Fascia te “sia” Val de Sèn Nicolò, per endrez de Lino e Betty Detomas, dai amisc fascegn e da la Fondazion pro Juventus Natalina Mongera de Trent, con na messa da les 11 da doman te la gejiola te Mesaselva, vèlch testimonianza de chi che ge

é stac apede e vèlch reflescion per recordèr la sensibilità che à caraterisà sia esistenza. Chi che l’à cognosciù e i l’à tel cher i podarà se troèr amò sot la crepes de Col Ombert per ge dir na orazion e l recordèr ensema. Dò sarà n moment per stèr adum anter amisc te tieja de Lino: per poder endrezèr chest moment se prea chi che vel tor pèrt de ge l fèr saer a Lino al numer 335.8176730.

Domenico Mongera.

I joegn animatores Thomas, Sara, Vanessa e Matteo speta ence chest an duc i bec da la 2^ mesèna a la 2^ scola auta. Vedù l bon ejit de l’istà passà, ence chest an la sociazion Fassa Lux, en colaborazion con la aministrazions di comuns de Cianacei, Ciampedel, Mazin, Poza, Vich, Soraga e Moena, i porta dant la seconda edizion de “L gust de la lum”. Dai 25 de messèl ai 3 setember aló da l’oratorie de Poza dal lunesc al vender da les 8.30 a les 16.00 i bec podarà se fèr ite con neves amisc da duta la val e duc ensema i tolarà pèrt a la desvalives ativitèdes metudes a jir demò per ic. Se arà l temp de jièr e de emparèr zeche te la pratega. Se podarà jir a ciaval, fèr rampinèda sportiva e ogne setemèna se farà raides, vèlch outa ence coi menacrepes. Dapò vegnarà ensegnà ence a durèr miec la tecnologìes desche l computer e l’aparat per fèr fotograf ìes e se l’é debesegn se podarà ence studièr

ensema e recuperèr la “debites” de scola. Da man di genitores di fies che à tout pèrt a la pruma edizion ge é stat fat dassen de bie complimenc a la sociazion Fassa Lux, che l’à endrezà dassen na bela scomenzadiva per i chi bec che no demò se troa te na fasa de la vita del dut particolèra, ma che amò apede via per d’istà no i saessa che fèr. Per dut l’istà la scomenzadiva costa 250 euro. Se dapò se vel jir ence de manco o se se à doi fies vegnarà prategà n rebas del 30%. Donca che spetède, scriveve ite, l’é temp enscin ai 31 de mé. Se pel troèr maora informazions e l sfoi per se scriver ite sul sit www. fassalux.it che dapò l cognarà esser manà ite a la sociazion per fax al 0462.760949 o per mail a la direzion info@fassalux.it. Per duc chi che vel n saer de più se pel ence telefonèr al 331.3704984: no i menciarà de ve didèr fora con dut chel che aede debesegn.

Chi él pa? Soluzion del retrat su La Usc nr 18 L’é sù dalbon n muie de jent tel retrat publicà la setemèna passèda, che ne era stat portà te redazion da Renato Ploner e l’era stat fat ta Grìes tedant a la cèsa de Don Mazzel del 1958 en ocajion de la Messa noela de Père Severino Ploner de la Zoch. No l’é stat possìbol i cognoscer fora duc, e a ne didèr a troèr fora i inomes, apede al medemo Renato Ploner, l’é stat Maria Assunta Merli e Lino Soraperra Medico da Poza, che i ne à dat chisc inomes: 1. Franca Micheluzzi de Toneto; 3. Ivana Planchensteiner del Pop; 4 e 6. Guglielmina e Anita Testor da Pareda (jomelines da Parèda); 8. Ermanna Pitscheider Rocia; 10.

Teresa Ploner de Emma Crusta; 12. Annelise Detone del Gnoch; 13. Flora Debertol, de Crestofol e Marina del Grisc; 14. Giovanna Felicetti de Bepi de Fortunato; 15. Paola Debertol de Tita; 16. Biancarosa Merli de Bepina Caìna; 17. Ermanno Riz de Toneto, o (per A s s u nt a ) fo s c G i o v a n n i Pegoretti de Menudol; 18. fosc na Zoca; 19. Giovanni Planchensteiner del Pech o (per Assunta) Giorgio Soraruf de Megnalipa; 20. Carletto Zulian Sartor; 21. Evaristo Dantone del Pich; 22. Francesco Sottsass, Franzelin; 23. Severino Riz Peta; 24. Gigio Dantone del Pich; 25. Paola Planchensteiner de Luigi Berghin; 26. Tullio Taufer; 27. Don Carlo Locatin da Poza, curat de Cianacei; 28. Piere Ploner o (per

Assunta) Giovanni Debertol (Jan de Bastian); 30. Carlo Ploner père de Padre Severino; 31. Maria Teresa Zeni de Rosina de Bufol; 32. (per Renato) la maestra Zoch, mère del novizie (per Assunta podessa esser una de le “signorine Guerinoni”); 34. (per Assunta) Maria Ploner (la maestra de la Zoch) mère del novizie; 36. P. Giovanni Pezzei del Grisc; 37. Don Massimiliano Mazzel de l’Ors; 39. Clelia Planchensteiner de Gigio del Pech; 40. Don Marino Cavada, enlouta preve de Ciampedel; 42. Pia Ploner da la Zoch; 44. Leopoldo Dantone Puscet; 45. Felize Ploner de Janpiere, père de Renato; 46. Rosina Valeruz Crusta, mère de Renato; 47. l novizie Severino Ploner de la Zoch; 48. Teresa Riz

de Sopent (per Assunta podessa esser una de le “signorine Guerinoni”); 49. Fortunato Ploner o (per Assunta) Piere Ploner da la Zoch; 50. Cipriano Bernard, Ziperlin; 51. (per Assunta) Nena femena de Piere  la Zoch; 53. Giovanni Pezzei Fedom; 54. Emma Valeruz Crusta; 56. Riccardo Ploner con apede Mario Ploner; 57. l’ameda de Giacomo, na Zoch; 58. Giacomo Ploner; con tedò sia femena; 59. Alberto Dantone del Pic; 61. Giustina Ploner; 62. Floridiana Ploner (per Assunta); 63. Rita Ploner de la Zoch; 64. la mère de Bepino Ploner; 65. Bepino Ploner; 66. Giacomo Pezzei Fedom (per Assunta, Tita Dantone del Pich); 67. la femena de Giacomo Pezzei Fedom (per Assunta

Filomena femena  de Tita del Pich). Chesta setemèna ajache l’é i dis che l Giro de la Tèlia rua te Fascia, meton sù n bel retrat de fascegn co la roda che ne é stat portà da Lino Medico. Speton voscia respostes per telefon o fax al 0462.764545, o per mail a la direzion lausc@ ladinsdefascia.it. Ge sporjon n bel develpai a chi che se sproa a troèr fora la jent e a chi che ne porta i retrac, e i ne deida coscita a viventèr chesta rubrica e a meter ensema vèlch mizacola de storia de noscia jent: ve envion a ve fèr inant per ciapèr en don na publicazion de l’Union di Ladins.

66 60

59

51 43 40 41

39

58 55 56

62 2

50 44 45 46 34

36

6 4

32

35 5

3 2

61

3

4

1

49

42

38 37

1

67

63 65

57 52 5354

64

26

48 47 30 29 28

33

31

7

8

27

25 24 23 22

21

10 12 9

11

14 15

19 20

18

17

16

13

www.lauscdiladins.com

35


Fodom

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 19 / 20 de mei 2011

Todësch a le elementari: ruarà n insegnánt da Bolsán Luis Durnwalder à dit de si al proget prejenté dal Comun per prové de fermé l’emoragia de tosac che va nfòra. Tourna l todësch a le elementari. Da doi a cater ore a le mesane L prescident de la Provinzia de Bolsán Luis Durnwalder l à dit “ja” al proget prejenté dal Comun da Fodom per ntroduje plù ore de todësch nte le scòle fodome e prové coscita de fermè l’emoragia de tosac che va nfòra. Da Bolsán, de fat, no ruarà n euro. Ma la Provinzia la paiarà n insegnánt per fè le ore a le elementari, ulàche l todësch l no vigniva plu fat da agn. L “placet” l é rué n via ufizial nchëstadì, cánche l Capocomun Ugo Ruaz, l assessor Claudio Sorarui e la consiadëssa Daniela Templari i à nconté l Landeshauptmann nte la senta de la Region Trentin Südtirol a Trënt. “Son jus fòra per i é prejenté nòst proget” conta Daniela, “ence se Durnwalder l lo cugniscëva bele perciéche l ie l ava antizipé l assessor Florian Mussner, che rengrazion per l avei sostignù. On ence spieghé l problema de nòste scòle, che pièrt tosac perciéche nvalgugn genitori i dezide porté i tosac nfòra. N

todësch. S’on ndentenù che se volón che nuosc tosac i pòbe, n auter di, dezide de jì ence nfòra a fè le scòle aute, o a l’université a Bolsán, che l’é chëla plu damprò, mosson i é spòrje plu poscibilité. Se trata, n fin, de i é de a chisc tosac na formazion autramente, plu lèrgia, che i é gioure plu porte e ie mpermëte de podei dezide ntra plu poscibilité nte la formazion a le scòle aute. L prescident Durnwalder l s’à dit d’acòrdo con chësta valutazion. Ence per dël l é polito che ai tosac vegne de plu poscibilité a na moda che chëla che i mossarà tò per le scòle aute siebe na dezijion libera. La consiadëssa de comun Daniela Templari.

problema che l é da temp, ma che nte sti ultimi agn l é chersciù. Come aministrazion on prové de analizé la situazion per nrescì fòra le motivazion. On capì che una de chëste l é l insegnament del

L proget: ore fin da le elementari Ntel menù l proget prejentè dal Comun l perveiga de tourné a ntroduje l todësch a le elementari, che l manciáva da troc agn, “ a na moda che l vade depièrpoi al

inglesc” spiega ncora la Templari. Se scomenciarà co n’ora n pruma, doi n seconda e 3 per terza, cuarta e cuinta. Chëste ore le jiarà a se njonté a chële pervedude dal Ministèr de l’Istruzion, che ades i é de 27 a la setemana e che con chëst proget le deventarà spò 30. Ma très ntel orar davántmesdì, senza spò tourné a scòla davòmesdì. Opzion che, tra l auter, no podëssa gnánca deventé, perciéche la scòla no l’à la refezion. “Chëst aument de ore” disc ncora la Templari, “ l ne jissa ence ben come Comun, perciéche coscita se jissa a uniformé l orar co le mesane e fossa spò na soluzion a nvalgugn problemi de traspòrt. Sarà po i nsegnánc, n faje de programazion, a dezide co spartì fòra le ore.”

N insegnánt paié da Bolsán Per mëte a jì l proget l Comun no l à damané degugn finanzia-

La scòla va a cugnësce l laour da bacán

Dërt n curt

I tosac de le elementari da La Plié i è jus a vijité na stala e la lateria da Renac

Laour ocajional col Comun

Scòla - “Dal lat al formai” l é n titol den proget didatich porté nnavánt nte sto ann de scòla da le maestre Antonella, Emanuela, Elisa coi tosac de le clasci pruma, seconda e terza co la colaborazion dei prescidenc de la lateria da Renac Cristian Grones, de l’Apa (Associazion Provinzial dei Arlevadous) Christian Roldo e de la Rosanna da La Court. L proget l ava l fin de fè cugnësce e valorizé l laour dei bacagn, mparé l valour de teritòri de produzion e l’individuazion dei luosc de produzion, trasformazion e fruizion de le tipizité dei formai del teritòrio. Dut chëst per fè crësce ntei tosac la coscienza de la gran mportánza dei

Davò l suzess de l ann passé, ence st’ann l Comun da Fodom l à metù fòra n bándo per tò su, via per l’isté, jovegn studenc da mëte a fè laour ocajionai. Po’ fè dománda studenc ntra i 16 e i 25 agn scric ite con regolarité a nen ziclo de studi de chèlchemèi ordine o grado e l vèl ntei meisc de vacánza, dal prum de jugn al 30 de setembre. Per chi che à mánco de 25 agn vòl l’autorizazion dei genitori. I laour che i é podarà vignì assognèi sarà cho de daidé prò n ocajion de manifestazion culturai o de sport, picole manutenzion de strade, cèse, parchi, monumenc, laour de emergenza o solidarieté. L laour l vignarà paié coi “voucher” che mpermët de ester curìs sot l aspet previdenzial co l’Inps e assicuratif co l’Inail. No vignarà fat deguna graduatoria de merìt o preferenza. L personal l vignarà clamé, davò avei descorëst fòra, drio i debujens del ent e n relazion a le ativitè da fè, ence n consciderazion de l’esperienza personal o del titol de studio che l student l è drio a fè. Le dománde, scrite ju sul model che se po’ ciapé a la segreteria del Comun o sul scito del ent, le mossarà ester prejentade no plu tèrt de le 12 del 31 de mèi al ufize del Protocol.

Diomisci!!! L no tomarà miga nte ciaudrin.

contadins, che i laora per defende e svilupé le tradizion del luoch, ntenude ence come ben cultural e i é fè capì che l’ativité de trasformazion del lat la dáida l svilup economich del luoch, perciéche la dáida a tignì i jovegn nte l’agricoltura e a fè nasce nuove impreje e servisc coleghèi. Mprumadedut i tosac i é jus a vijité la stala de Linda e Chiara, doi compagne de scòla che à i genitori titolars de n’azienda agricola. Ntánt la vijita i tosac i à bu l’oportunité de se vijiné al mondo da bacán e n aprezé l valour cultural, economich e ambiental. La stala l’é deventada coscita n luoch pedagogich, ulàche i à podù cugnësce, ntánt che i se la giaudëva, l suo teritòrio, l’economica del luoch e le produzion tipiche, ence perméz de percorsc didatizi, ativitè pratiche e aprofondimenc nte clasce. La studio l é ju ncora plu sot, co la partecipazion a la rassegne del bestiam a Rèba e jun Ègort, co la supervijion e le spiegazion de Cristian Roldo. Troc i argomenc che l’à toché: le vace, l alevament, la produzion del lat e de suoi derivèi che i tosac i à podù vedei e toché, cánche Massimo e Rosanna i é jus nte scòla a fè vedei coche se fèsc l formai. Ntel percors didatich no podëva mancé na vijita a la lateria

Ci marevoia davánt a chi formai ncora biei blánc.

da Renac, ulàche i malghèrs Flavio e Fausto i à mostré nted davántmesdì, dute le faji de laorazion: da cánche l lat l ven mout, la laorazion, la stagionazion e nfin a cánche l ven venù, co nen moment convivial al “Bar Bianco”. De mèi via i tosac i jiarà ncora vijité n’azienda de produzion del lat a livel industrial come Lattebusche e na stala del medemo paisc. Le maestre le disc n Diotelpaie a Rosanna e Siro, ai doi Cristian per la colaborazion e a l’aministrazion de comun per avei très metù a dispojizion l scòlabus per portè ntorun i tosac per chësta bela esperienza de scòla sul teritòrio. (ls)

menc. Ma plutòst che siebe la Provinzia de Bolsán a mané ite n insegnánt de mère lenga todëscia. Per le mesane nveze, ulàche l todësch l ven bele fat, ma demè per doi ore a la setemana, l ensegnánt restarà chël de ades, l Attilio Costa, ma radoplarà l temp dediché al todësch co l’introduzion de le “unité de aprendiment”. De fat na desferenta organizazion del temp de scòla ( ore de 50 menuti ) a na moda che se reste nte le 30 pervedude dal Ministèr. Per chëst l Comun l mossa nocra avei l ok del Proveditorat, “ma pseron de avei la medema atenzion che on bu da Bolsán” l é l coment de la Daniela. Che la sièra ite. “Per Fodom l’é na bela oportunité. L eva da troc agn che no vigniva fat plu l todësch a le elementari e coscita troc tosac s’à buté a jì demé nte le scòle aute da chilò ju. Coscita i avarà na poscibilitè mplù ence per podei dezide de jì nfòra na outa fenide le mesane. (ls)

“Remonon su nuosc luosc” Tourna nsabeda 28 de mèi “Remonon su nuosc luosc” la giornada ecologica dedicada a percuré su prèi e scarpade dinogia le strade. Le Vijinánze che vòl daidé prò i é periade se lascé ntëne nte Comun al n.0436 7193 fin a n vender 27 de mei. Se se nconta da le 8 dadomán davánt gliejia da Rèba per ji a neté su Pordou e Ciaulonch e sun plaza da La Plié per neté su Fauzare o autri sciti ulache l é debujen. Da le 13 per duc la marëna al Furgler. La scomenciadiva l’é dei comuns de Fodom, Fascia, Gherdëna e Badia, col contribut del Consòrz dei Lifc Rèba Marmolada.

Sagio de la Bánda Sabeda 4 de jugn, da le 20:30, ntel sèlf dei congresc de Rèba, se tignarà l oramèi tradizional sagio de fin ann dei scolari de la scòla de mujica de la Bánda da Fodom. Per l’ocajion sonarà ence: la Big Band, l Ics Wind Ensamble la Mini Bánda da Fodom e la Bánda da Fodom. Na sëra ntel senn de la mujica, con grane novité. L divertiment l é seguré.

I Ladins nte na mostra a Innsbruck La vignarà inaugurada juoba ai 9 de jugn. Per chësta ocajion l’Union dei Ladins da Fodom mët a ji na coriera L Tiroler Volkskunstmuseum de Innsbruck l metarà a jì via per l’istè na gran mostra soura i Ladins de le Dolomiti. Se trata de un dei maiou evenc che mët a jì l mujeo presiedù da Herlinde Menardi, che dal cognom la lascia ntëne sue reisc ladine da Ampëz. La mostra la se propon de fè cugnësce

36

www.lauscdiladins.com

lengaz, tradizion, storia, chël che se nsomeia e le diferenze ntra le popolazion e de nòste val, a confront co le Region damprò e nte na vijion plu lèrgia de l’Europa unida. L’espojizion l’é stada metuda auna ence grazie a la colaborazion del Mujeo Ladin da Fodom, che l à conzedù trop

material su la Pruma Vièra e del Istitut Cultural Ladin Cèsa de Jan, contatèi diretamente da la p r e s c i d e nt a d e l Ti r o l e r Volkskunstmuseum Herlinde Menardi. Per i Ladins sarà de segur na gran oportunité de fè cugnësce sua storia strusciada ma ence sua

situazion atual de popol despartì e con desferenc liviei de tutela ntra le trei aministrazion. Per no se pièrde chëst event, l’Union dei Ladins da Fodom la mët a jì per l 9 de jugn, di de l’inaugurazion, na coriera per jì fin a Innsbruck. Se peia via da la una davòmesdì (le 13). La zerimonia de inaugurazion

l’é da le siech da sëra (le 18). Se perveiga de tourné ndrio per le 11 da sëra (le 23). Chi che volëssa tò pèrt i à da clamé su l 0436 750024 (Michela) o l 3288936573 (Daniela). I pòsc i é demè 25. L cost per vigniun l é de 15 euro. N’ocajion da no podei se pièrde. (ls)


nr. 19 / 20 de mei 2011

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

Anpezo

El curadizo de ra monte Un bel laoro, par mantegnì polito el nosc paes, drio ‘na tradizion vecia. Una monte dapò de cher’outra, d’ousciuda, par netà su chel che lascia ‘l inverno, par parecià ‘l istade

A fei curadizo, su ra monte de Pezié de Parù, un grun de ome, con bona voia de lourà, par lore e par chi outre.

I s’à ciatà de un grun, sabeda ai 14 de maśo, su ra monte de Pezié de Parù, par fei curadizo. Ra setemana ignante in Valbona, ra setemana dapò a Larieto, ‘l é senpre un grun de śente, a lourà par fei netija, par strutà su i rame, ra baregoles, par tuoi fora i sasc, par jaà un caneo par r’aga. A Pezié de Parù, ‘sto an, i à petà śo alcuanta piantes, pezuos e laresc, par i dà pi lun e pi aria a ra monte, che r’erba ra pode cresce meo, pi sana, par i besteame. Dapò ‘l é stà da strutà su i rame, ra dascia, i pitoche, ra scorzes e ra stèles. “Chesta r’é ra prima ota che me ciato a fei chesto laoro, da marigo – el me disc Agostino Colli Meśo – e ei acaro de vede tanta parsones,

tante vorentie, i é propio varentes. Inze ‘l paes se vede senpre manco śente, che à interese par chiste laore, i é senpre de manco, chi che i tien besties, che i laora ra canpagna, e ‘l é senpre pi difizile ciatà armentes, coscita es rua da fora. Nośoutre vardon de tegnì duro, ma no sei fin can che se śirà adora, parcé che i nostre contadis i é drio a sparì”. Intrà dute chi outre, co i tratore, co i atreze, a lourà, ‘l ea Giorgio e Francesco Degasper Meneguto, che i à strutà su el len pestuzà, da dorà par brujà e fei cioudo, inze ra so azienda, a Fraina. Un de i pi vece de ‘l mestier ‘l é Claudio Pompanin de Checo, a recordà che su chera monte ‘l é propio da fei

algo par el parù, che el dà el gnon a chel sito: “Ca beśen lourà par tirà fora r’aga da ra monte, fei algo agnó che ‘l é parù, parcé che r’erba ra marzisce śobas e ra armentes es no ra magna. Mantegnì polito el pra, i bosche, śoa anche par el turismo, parcé che i fajon ciatà duto bel neto, a chi che rua. Vardon ce che i fesc chi pede de nośoutre, cemodo che i tien neto: nośoutre on da inparà, da lore. In Anpezo ‘l é da i crede, a ra stales, da in fei de outres. E beśen netà fora el bosco. Se sà, calche ota ‘l é anche biśoin de petà śo calche pianta, no se pó fei de manco”. Intrà i vorentie, calche pizeto, menà da i none, par vede, par inparà a aé amor par el so paes. E calche śoen. “Me sà bel chesto laoro, stà inze ‘l bosco, su ra monte, pede a i regoliere – el disc seguro Cesare Menardi Diornista – e me somea de aé da ‘l fei, de no podé fei de manco. Io ades son masa śoen, ma un di sarei un regolier anche io. Se aese da me ciatà a menà ra me besties, su chesta monte, arae acaro de ra ciatà neta, segura, par el laoro fato da ci che ‘l é stà ignante de me. Arae acaro che chel laoro el fose stà fato polito. Beśen tegnì polito ra monte, par podé lourà polito, co i besteame”.

“Co ra scusa de tegnì neto – el śonta pede Steven Lacedelli de Cobe – śon adora a se ciatà aduna, in bona armonia, e podon anche i fei vede a i pize, a i śoen, cemodo che se fesc, ce che ‘l é tegnì polito i bosche, ra montes. Chesta r’é una nostra tradizion vecia, che ‘l é da precurà, parcé che ancuoi, co ‘l progreso, no s’i stajarae pi drio”. “No se pó lascià duto un rejistro, agnó che inveze ‘l é da tegnì neto – el ciaria sora Aldo Lacedelli de Cobe – e ‘l amor par el nosc paes ‘l à anche da me fei petà śo calche pianta, se ‘l é biśoin, parcé che ra monte ra ciape pi aria, pi lun, e r’erba ra pode cresce su meo, pi sana”.

Co ‘l restel sun man, un ocio a ‘l neodo, un pizeto pien de morbin, ‘l é ra nona Ada Zambelli Papuza, una de ra poca femenes che, in Anpezo, ra tien ancora besteame inze stala, con so òn Renzo Lacedelli Śamar, in Col: “Dapò che s’à fato curadizo, ra monte r’é pi segura e ra besties es no ris-cia de se fei mal. Zerto che ‘l é un laorato e, par chesto, pi parsones ‘l é, meo ‘l é. Chesta r’é una bela tradizione de ra nostra śente: me sovién che śie a ‘l fei co i me jenitore, e lore co i me none, ignante. Se ‘l fesc da zento e zento ane, da canche son inze chesta val. Tegnì neto el pra, el bosco, ‘l é ra nostra vita”. (mdm)

Ra armentes es rumìa r’erba, su ra monte de ra Regola de Pocol, e es speta che i ome i ebe fenì de lourà.

I premie a ‘l Codivilla

El valor de un pensier

Una festa par ci che studia e ci che laora

A ra scora alberghiera de Anpezo ‘l é ruà un don, che no se se spetaa, e beśen i dì gramarzé a ci che ‘l à fato

Dute aduna, co i diretore Brusegan e Cella, i studentes pi varentes e i lourantes da pi anes.

A ‘l ospedal Codivilla de Anpezo ‘l é stà ra festa par i studentes pi varentes, fioi de chi che laora par ra sozietà, e par ci che laora da pi anes.Chesta r’é ‘na festa deentada tradizion, da canche a ‘l Codivilla ‘l é ruà ra sozietà Giomi. I anes pasade i se ciataa in ciaś de comun, chesta ota i à vorù dorà ra sala a ‘l ultimo pian de ‘l ospedal, che ra recorda el profesor Silvio

Colombani. Aduna co ‘l diretor sanitario Carlo Brusegan e co ‘l diretor aministrativo Maria Lucia Cella De Dan, i à ciapà i premie: par el prin e secondo an de ra scora meśna Elisa De Zordo, Davide Ghedina, Alessandro Da Rin De Lorenzo e Giuseppe Jonathan Mazzocchi; par el diploma de scora meśna Martina Trevisiol e Cristina Marcantoni; par ra scora pi outes

Serena Di Pietro, Anais Flores Condori, Davide e Lucia Hirschstein; par ’l esame de maturità Francesca Gnech. A vardà i lourantes da pi tenpo, ‘l é stà dà doi premie par i vintezinche ane a Renato Catturani e a Rosanna Pompanin Dimai de Anjelico: dute e doi i à scomenzà de ‘l 1985. Doi premie par ci che ‘l é ś in pension, a Adriana Soppelsa e Michela Lucia Busin. (mdm)

Inveze de spende i sode par se me dià ‘na man, canche fajon algo, fei done, canche i fesc i ane, ‘l é a me sporśe chel che me ocore, alcuante amighe de Anpezo che i à canche on biśoin – i śonta pede i pi acaro bete via chi sode e i dorà, profesore – e nośoutre podon i dì par fei de ‘l ben, par el so paes. I dis gramarzé a chesta parsones, pasade, canche i à abù ‘na bona fré calchedun ‘l é anche jenitor de i de sode, da ‘na banda, i s’à pensà de nostre studentes, par chel che ‘l é i tośate che studia a ra scora stà donà. Con chesto segn i à sontà alberghiera, par se parecià par un pede algo de valor, a ‘l laoro che son doman, par el so laoro. Coscita drio a fei co i studentes: chiste śoen chesta parsones ‘s à donà a ra scora i pó aé daante un bon esenpio, algo doi atreze da laoro: una bona da inparà, par el doman. Nośoutre machina da taià sones e una machina insegnantes podon śontà pede che par fei ra jaza, da dorà par parecià fajaron duto chel che podon, par cocktail e da magnà. insegnà senpre meo, par fei cresce “Chesta r’é duta roba de gran polito chiste śoen”. valor – i me disc i profesore de ra scora alberghiera, che i à acaro de me contà chesta bela storia – che podaron fei dorà a i nostre tośate, a i nostre studentes, par inparà ancora meo. Ra azienda che ra vende chesta machines r’à fato de duto, par śì adora a me res fei aé in prescia, a res fei ruà in poche dis, coscita podaron res dorà par i esames de i studentes, che i é coscita pede”. Dute à abù acaro de chesto don, tanto pi che negun se ‘l spetaa: “Chesta r’é ‘na bona ocajon par fei saé cuanto ben che me vó el paes, cuanta stima che ‘l é, par ra nostra scora, da duta ra comunità Ra doa machines, donades a ra scora de Anpezo, senpre pronta a alberghiera de Anpezo, con doi profesore. www.lauscdiladins.com

37


Anpezo

nr. 19 / 20 de mei 2011

In Regola e in Casa rurale Un saludo e un gramarzé a ci che à lourà polito: un augurio a ci che rua Cinzia e ra Regoles I dis pasade ‘l é stà ciamà ra foula par ra Regoles d’Anpezo e ra votazion, par bete cuatro deputate, r’à portà in outo ra presidente Cinzia Ghedina de Antonia, che r’à ciapà pi vote de dute, ben 440. R’ea presidente de ra Regoles da cuatro ane; r’à lourà tanto polito,

Luciano Bernardi Agnel.

par el ben de ra Regoles, con onestà e co ‘l saé el fato so. Ma, con tanto despiazer par trope anpezane, canche ra s’à ciatà aduna ra deputazion, co i undesc marighe de ra Regoles, par bete el presidente, Cinzia Ghedina r’à ciapà noe vote e Gianfrancesco Demenego Caiśar tredesc, coscita r’à pardù el so posto. Nośoutre, pi parte, saon pi che parsuaśe che ra restase ancora presidente de ra Regoles, son restade de stuco, ma speron che ades duto vade isteso a menadeo. Anche Demenego ‘l é anpezan e ‘l é una parsona conosciuda, inze ‘l paes: in Comune ‘l é stà consilier, loudaduó e capocomun, inze ra Regoles ‘l é stà marigo, par doa otes, de Regola basa e de Regola outa. El ciatarà senz’outro tropo laoro da fei ma, se ‘l à pede boi consiliere, che i dia una man, duto śirà polito. Un gramarzé tanto gran a Cinzia Ghedina: r’à sapù fei pi che polito, da presidente de ra Regoles, par chiste ane, duta ra comunità ra s’à ciamà contenta e parsuaśa de chel che r’à fato. Ades se auguron che duto vade polito, par chel bel patrimonio de i Anpezane, che ‘l é ra Regoles d’Anpezo, betudes aduna, śa anes e anorum, da i nostre

vece, che i à sapù ce che vorea dì sparagnà e tegnì da conto, de duto ‘sto ben de Dio.

Luciano e ra Casa rurale Ra Casa rurale e artejana de Anpezo e de ra Dolomites r’à un outro presidente. Luciano Bernardi Agnel ‘l à vorù lascià el posto: ‘l ea presidente da vinte ane, da ‘l 1991. Luciano ‘l é una parsona onesta, braa e anche alegro, ‘l à un bon natural, con el se pó parlà e i domandà, se s’à biśoin. In Casa rurale ‘l é stà senpre pronto a responde con tanta creanza e bon animo. A lourà inze ‘ste tenpe, coscita difiziles, ‘l à slargà ra Casa rurale e tirà inze outre comune, ca pede Anpezo, ades ‘l é un numero pi gran de sozie. Ra nostra r’é una banca senpre pronta a dià ‘na man, parcé che ‘l é anche stà nafré de crisi, cemodo che ‘l é par duto el mondo: mancia laoro, mancia sode e tante à biśoin de ese diade, par podé pasà sora ‘ste burte momente. Par presidente de ra Casa rurale ‘l é śù inze Alberto Lancedelli Ieza: i auguron un bon laoro anche a el, che duto vade inaante a menadeo; anche in banca ‘l é el so laoro e

Cinzia Ghedina de Antonia.

tanta responsabilitàs ma, aduna co i so consiliere, anche el el podarà śì inaante polito. Ra Casa r’é un outro ente che s’à fato senpre onor, in Anpezo e fora, par chel che ra se dà da fei par ra comunitàs. Un gramarzé tanto gran a Luciano Bernardi, che ades el se tolarà nafré de tenpo, in pasc, fora da tanta responsabilitàs; ‘l é stà un

bon presidente e el merita de cuor un gramarzé de cuore, da dute cuante i anpezane e da ra śente da fora, che à abù ‘l onor de aé podù conosce ‘sta parsona tanto a ra bona e piena de vita, con bona paroles de seguità a śì inaante, e augure par ra Casa rurale. Teśele Hirschstein

El vin de ‘l Pomagagnon

El mes de maśo

Algo de noo, a lourà ra canpagna in Anpezo, co i studie de i agronome de Rauscedo, in Friul: aduna co ra Regoles, podarae nasce r’ua da vin pi outa d’Europa

Biei dis de festa, de emozios, de boi sentimente, inze ‘l recordo de papa Joani Poulo II

i betarà śo ra piantines, portades da Rauscedo, in Friul, agnó che ‘l é un vivaio, un de i pi grei, che i manda par duto el mondo chesta so barbatelle, ra piantes de r’ua da vin. Cisà ce che i dijarae i nostre vece, uśade a semenà faa, pestorte, seara, mangare formento, paian o sorgo, a se zuzà calche armelìn, calche pomo o peruzo, amui o bronbui, ma no ua. Anche se i me conta che calchedun ‘l é śù adora a ra fei vegnì madura, calche bar, śo par Cianpo.

Federico Menardi Comìn ‘l é drio a portà inaante el projeto de ‘l vin de Anpezo: śa anes, de ‘l 1997, ‘l é stà el a s’insonià de fei VinoVip, ‘na bela manifestazion, che ra và inaante ancora ancuoi.

Ah, ce un bon goto de vin de ‘l Pomagagnon! Cisà se, ca de calche an, podaron sartà fora, da ‘na bona boza de bianco, de chardonnay, de traminer, fato co r’ua cresciuda in Anpezo. Calchedun el disc de sci, ‘l é parsuaśo che se pode śì adora, che anche in Anpezo se pode fei cresce chesta pianta, fei vienì maduro chesto fruto, che ‘l é inze ra storia, ra cultura de ‘l òn, da i tenpe pi indalonśe, inze duta ra ziviltàs de ra Tera. Duto nasce da r’idea de ‘l anpezan Fabrizio Zardini, che el vive e el laora a Padova, enologo conosciù daparduto, par chel che

38

www.lauscdiladins.com

el fesc. El s’à ciatà con alcuante amighe anpezane, con Sergio Manaigo, de mestier sommelier, che el fesc ‘l osto, da diesc ane, inze ra botega “Brio di vino”, in piazeta Pontejel, e ‘pò con Federico Menardi, meo conosciù par Comìn, da ‘l soragnon anpezan de ciaśa. Lore doi in à parlà con Cinzia Ghedina de Antonia, canche r’ea presidente de ra Regoles d’Anpezo, e i à ciatà fora el sito iusto: ra vecia caa sora Ra Era, agnó che ‘l é stà jaà fora jera, par anes e anorum, e dapò i à ingarià duto, co ‘l material, a petà śo alcuante ciaśamente. I à beleche bracà, fato ra sólzes, e ca de nafré

Ades no n’é da se pensà de podé destopà ra bozes ‘st’outon, chesto se sà: vorarà ese de seguro calche an, par śì adora a vede cresce i bàres de ua, su ‘l graon de ‘l Pomagagnon. Ci che sà, me disc che no n’é dito che viene un bon vin, gouja che son in outo, inze un posto fiedo, agnó che no n’é cultura de r’ua e de ‘l vin. Inze outre poste, in Italia e de fora, i fesc vin deboto coscita in outo: in Val d’Aosta i fesc el Blanc de Morgex a 1.150 metre, e ‘l é propio un bon vin, ma là cresce anche ua da vin ros, el Nebbiolo e de outra sortes. In Svizera, pede Zermatt, se ciata ua da vin a 1.200 metre. Coscita, co i so 1.300 metre, el vin de Anpezo el sarae el pi outo de Europa. E se pensa de ‘l vende, de ‘l fei conosce, de in scrie e de ‘l mostrà, par dià a portà el gnon de Cortina par r’Italia e par el mondo. Par intanto, a chi che laora par ‘sto projeto, no resta che i dì: Prosit! (Mdm)

El mes de maśo ‘l é dedicà a ra Madona e s’to an, ca in Anpezo, ‘l é danoo tanta festes e funzios. Ai 15 de maśo ‘l é stà ra prima santa comunion de ra famea, de ra scora popolares, pize e pizores. Pecà che, par chesto bel di de festa, par i pize, par i jenitore, i none e i parentes, ma anche par ra comunità, see stà guergno, burto e Ra bandiera ladina, inze ra val de Anpezo, fiedo, ma ‘l é stà isteso ‘sto an de maśo: el verde de i bosche e de ra ‘na gran funzion, che ra montes, el bianco de ‘l gnee, su ra crodes, el restarà inze ‘l cuore e zeleste de el ziel d’ousciuda. inze r’anima de ogniun che à abù ra grazia de ese là. grazia granda de aé un papa. Canche El 1 de maśo ‘l es stà ra i à sbarà, ra Madona el ‘l à precurà beatificazion de so santità papa e ‘l à podù vive inaante, par outre Joani Poulo II; Karol Woitila ‘l é ane ancora, par me dià a fei conosce, morto śa sié ane e ‘l é stà un gran a tanta śoentù, chel che ‘l é el vive papa, che ‘l à lascià radijes de bontà da bon cristian, pardonà, fei de ‘l e de tanto amor, inze ogni parsona ben e desmenteà chi che te fesc de che ‘l à podù conosce. Un papa ruà ‘l mal. De i so viaśe, che ‘l à fato par da ra Polonia, fiol de laoratore, che el mondo, s’à tropo parlà: el s’à tirà ‘l à fato tanto par el so popolo, ‘l à da ra soa milioi de parsones, pi che lourà inze ra minieres, ‘l à fato ‘l see de tośate. Joani Poulo II ‘l é stà operaio, ‘l é stà sote paron, ‘l à padì un papa che m’à lascià un bon e ‘l à soportà umiliazios, ma dapò recordo e el m’à tanto insegnà, par ‘l à lascià, par duto el mondo, ra so aé un mondo pi bel e che vade bontà, fin a ra so soferenza. Cuanto d’acordo con dute, e basta gueres e che ‘l à padì, par ra so maratia, ma cridore. ‘l é stà premià e i ‘l à fato beato, S’à parlà de el, ai 3 de maśo, consacrà a Roma, da so santità canche i à consacrà ra jeja de San Benedeto XVI, intrà śente de ogni Iaco a basilica, co ‘l cardinal raza e color. A Cracovia i portarà Giovanni Battista Re, el nosc pioan ra lasta de marmo, de agnó che ‘l é don Davide Fiocco e trope outre stà seporì. Da cuanta partes de el prees, inze ‘na śornada bela de mondo che ‘l é ruà ra śente, par ese soroio, a scioudà res animes, ancora là, par ‘sta gran solenità, trope da depì. Teśele Hirschstein ra Polonia, agnó che i à abù ‘na


Sport

nr. 19 / 20 de mei 2011

Bastuns danter les rodes

Mareo tignì sö dal Franzensfest

La scuadra dl’alta Val de Puster se gorna le Rina sön le ćiamp de ćiasa, y ti tol inće le terzo post te tlassamënt

Les scuadres tles perts basses dl tlassamënt n’é nia dagnora les plü saurides da bate. Chësc à odü inće le Mareo, che à albü de bones ocajiuns, mo à messü ti lascè i punć ai aversars da Franzensfest

Thomas Ferdigg, forza frësca metüda te ćiamp amez le secundo tëmp.

Palê Rina/2. cat. - Le ćiamp sö Toblach n’é nia tles mius condiziuns, dantadöt les pices arees di portiers é curides da n gran paltan. Chësc n’à nia sprigorè les döes scuadres y insciö é la partida gnüda śogada regolarmënter. Bele al 3^ menüt se lascia le Rina odëi cun na bela trata de Christian, che vëgn spo deviada dlungia porta ia. Püch dedô sciampa l’atacant Elli cun gran sveltëza jö por la fascia dërta, al ti passa le palê al compagn Manuel, che tira atira sön porta, mo le portier aversar é tl dërt post. La scuadra de Wolfi drüca inant y ti conzed insciö ai pustri püch y nia. Al é le 15^ menüt canche Andreas vëgn metü jö t’area di aversars; düć aspeta le sciüre dl diretur de gara, mo ara ćiara fora desche sce al n’ess odü degun fal. An mëss aspetè ćina al 25^ menüt, canche i aversars se

lascia odëi por le pröm iade cun na gran ocajiun. L’atacant aversar é su dan porta de Ivan, mo cun n tranì cotan dlungia porta ia resta le resultat sön le 0 a 0. Da śëgn inant se lascia i śogadus de Puster odëi tres deplü. Al 40^ menüt mëss le portier jonn Ivan defëne süa porta da na trata bassa dl numer 10 de Puster. Püch denant che le pröm tëmp se röies, à ćiamò le Rina na bela ocajiun cun le defensur Michael. Inće le secundo tëmp mët man cun na ocajiun dl Rina: Georg fej n bel cross y abina Thomas, che deloj le coran cun le će sön porta, mo le portier é tl dër post. Atira dedô, al 5^ menüt, él spo i aversars che va en vantaje cun n gol de će. Ara ne döra nia dî y l’atacant Andreas ti sciampa ai defensurs dl Puster, mo püch dan porta vëgnel spo metü jö por le secundo iade. L’arbiter é dlungia l’aziun y sciüra l’önescmetri. Al é le 12^ menüt dl secundo tëmp canche Georg tira le coran dai 11 metri tl piz ciamp dla porta aversara y le Rina arjunj insciö le pêr dl 1 a 1. I śogadus dl’alta Val de Puster respogn püch dedô cun na puniziun. Le palê passa sot le mür dl Rina fora y röia te rëi. Al é le vantaje dl 2 a 1 por i pustri. L’alenadù Wolfi mët forzes frësches te ćiamp, Daniel por Manuel, Thomas Ferdigg por Elli y Hanspeter por Christian, porvan insciö da cambié le resultat. Le Rina prô cun dötes les forzes da mëte le coran te sach, mo le jüch n’ô nia dër garatè y les condiziuns dl ćiamp ne porta nia pro a de beles aziuns. I pustri sciampa ćiamò n pêr de iadi en cuntrapè, rovan insciö da susc dan porta dl Rina, mo gnanca ëi n’é

Tlassifica 2a categoria, grup C 1. Ridnauntal, 20 part., 48 p. 2. Kiens, 20 partides, 44 p. 3. Hochpustert., 20 part., 40 p. 4. Rina, 20 partides, 38 p. 5. Taisten, 20 partides, 33 p. 6. Schabs, 20 partides, 32 p. 7. Falzes, 20 partides, 29 p. 8. Türesc, 20 partides, 25 p. 9. Dieten. Aufh., 20 part., 17 p. 10. Niederdorf, 20 part., 17 p. 11. Sterzing, 20 partides, 10 p. 12. Gais, 20 partides, 8 p. plü bogn da fà stlinghenè la rëi. Püch dan la fin romagn le Rina de 10, por l’espulsiun de Philipp. Insciö se röia la partida cun la devënta di pustri y le Rina mëss ti conzede por intant le terzo post te tlassifica. (bf) Hochpustertal - Rina: 2 - 1 Formaziun dl Rina: 1. Ivan Craffonara, 2. Christof Irsara, 3. Michael Rungger, 4. Thomas Huber, 5. Philipp Winkler, 6. Lorenz Rungger - capitan, 7. Christian Ferdigg (dal 80^ Hanspeter Rungger), 8. Georg Craffonara, 9. Manuel Mellauner (dal 63^ Daniel Ferdigg), 10. Andreas Ferdigg, 11. Elmar Kosta (dal 70^ Thomas Ferdigg). Alenadù: Wolfgang Crepaz. Gol por le Rina: Georg Craffonara (al 57^ sön önescmetri). Proscima partida: en domënia ai 22 de mà dales 16.00, te ćiasa cuntra Falzes.

N gran brom por Philipp Pro le campionat talian de Yoseikan Budo à Philipp Pedevilla da La Pli arjunt le terzo plazamënt Yoseikan Budo - Ala fin de na sajun agonistica scialdi lungia y plëna de sodesfaziuns por i resultać arjunć, é Philipp Pedevilla stè bun da concuisté na medaia de brom veramënter miritada, pro i ultimi campionać taliagn assoluć de Yoseikan Budo, metüs da jì l’ultima edema d’aurì a Latina. Baldi n’àl nia arjunt la finala tan dejidrada, por na lisirëza tla gestiun dl match tla pröma dles trëi disciplines preodüdes por vigni incuntada, chëra de tanbo cuntra tanbo (combatimënt cun les ermes). Philipp é stè dancà ćina a dui secunć dan la fin dl tëmp de gara. Al à ćiamò orü porvè na ultima ataca por arjunje n punt che al n’ess nia adorè por la devënta tla disciplina, y ti à insciö dè a so aversar l’ocajiun da parejé. Sciöche tla pröma disciplina à Philipp spo parejé inće tla secunda dl kumiuchi (scombatüda corp a corp). L’atlet jonn dla A.S.A. Bushido Badia n’é insciö te süa categoria (U14 open) nia stè bun da concuisté la finaliscima, pordon la incuntada cuntra l’atlet sterch dla ASD

Le combatimënt cun le tanbo.

Yoseikan Mantova, Diego Pecorari, che é pormò stè bun da superè Philipp tla terza disciplina dla gara, le kata (forma tecnica). Impò mësson i lascè l’onur al mirit dl aversar mantovan sterch, che é sciöche l’ann passè stè bun da ti la stiché a nosc Philipp ma por un n punt su y s’à insciö indô confermè campiun talian, dan

Cristiano Salvati dl Bushido Yoseikan Dojo Roma. Do les buniscimes prestaziuns de cualifica à Philipp spo concuisté la finala por le terzo y cuarto post y à davagné por n bel 3 a 0 cuntra Simon Lechner dla palestra ASV Terenten YB. Al se porta insciö a ćiasa na bela medaia de brom daldöt miritada. Brao, Philipp! (mr)

Palê Mareo - La domënia di 15 de mà s’à presentè desco dé de plöia y cun na temperatöra de tröp plü bassa co ti dis denant. Les munts s’â vistì so mantel blanch y la nëi tomada sö alalt à fat ponsè deplü a na domënia de novëmber co a na bela fin dl’edema de mà. Le Mareo à śoghé te ćiasa cuntra l’aversar da Franzensfest, che é da ciafè scialdi jöinsom la tlassifica de 3a categoria. Le Mareo mët man bun y röia tl pröm chert d’ora dui iadi dan porta di aversars. Intrames les ocajiuns vëgn stlütes jö dal capitan dl Mareo. Sües trates vëgn indere blocades dal nr. 1 dl Franzensfest. La scuadra dl Franzensfest ne fej nia cis tröp jüch y prô scialdi da mazè demez le palê. Mo desche ara ô ester, fej n defensur dl Franzensfest al 18^ menüt na trata bindebò lungia che n gröm de śogadus vëiga bele fora de ćiamp de jüch. N atacant asvelt dla scuadra aversara é indere impò bun da arjunje le palê sön la ligna dl ćiamp de jüch y da le śoghé amez area, olache so compagn de jüch, le nr. 11, apaissa le palê y realisëia le gol dl vantaje por süa scuadra. Le Mareo ne se lascia nia influenzè da chësta duscia frëida y prô inant da fà so jüch. Ara ne döra gnanca 10 menüć che le Mareo é bun da parejé i cunć. Al se svilupëia na aziun sön la man dërta, olache “Burbi” ciafa le palê y cun na bela trata te porta mëtel en dificoltè le portier aversar. Chësc n’é nia bun da s’apié la cogora che röia dan i pîsc de Alfons. Le śogadù dl Mareo mëss ma plü mëte ia le pè por fà brodorè le palê te porta. Insciö s’avaliëia indô fora le resultat sön le 1 a 1. Le pröm tëmp se röia spo cun döes trates dl Franzensfest y na ocajiun por le Mareo. Les trates dla scuadra aversara röia alt sura porta fora, mo inće na ocajiun por le Mareo ne vëgn nia concretisada da so capitan asvelt. Insciö va les döes scuadres a palsè sön le 1 a 1. Le secundo tëmp mët man cun n Mareo determiné da jì a se do i trëi punć importanć cuntra n aversar che ê fina ilò magari gnü sotvalutè. Do gnanca 5 menüć de jüch se fej le Mareo prigorus cun Alfons. Chësc é bun da ti dè de će al palê, ti don la dërta direziun. Le portier aversar n’é indô n iade nia bun da s’apié le palê, che röia bel dan Andrea che fej scassè la rëi dl Franzensfest. L’arbiter anulëia le gol por la posiziun de forajüch dl defensur dl Mareo. Le Franzensfest ne mostra nia tröp jüch y splundra scialdi le palê danfora a sü atacanć. I defensurs dl Mareo se lascia plü iadi abiné nia arjignà sön i palês lunć y Julian à da fà por tignì süa porta nëta tl secundo tëmp. Al 58^ röia le palê indô dai defensurs dl Franzensfest diretamënter a so atacant. Chësc ti sciampa ai defensurs ladins y röia su cuntra Julian. Cun na

Filip Ploner dl Mareo.

slisorada prô ćiamò Thomas da archité l’aversar, mo so intervënt n’abina baldi nia le palê, mo les iames dl atacant. Chësc toma y le mandl fosch sciüra n önescmetri por le Franzensfest, inće sce le fal à metü man fora d’area. Dötes les protestes di śogadus maroi ne jô a nia y la delujiun vëgn ćiamò maiù canche l’arbiter ti mostra la cherta cöcena al defensur espert dl Mareo. La mascima punziun vëgn trasformada dal Franzensfest y sön le 1 a 2 y da śoghé cun n mandl demanco se fej la strada por le Mareo tres plü ërta. Le Mareo prô inant da fà druch por arjunje le pêr, mo le portier dl Franzensfest fej n pêr de bi intervënć che ne lascia nia pro ala scuadra ladina da fà le secundo gol. A 10 menüć dala fin él Robert che fej na bela trata de će. Le portier para cun na gran reaziun le palê fora de ćiamp de jüch. Sön na trata dal ćiantun röia le Mareo ćiamò n iade prigorus de će, mo la cogora röia püch sura porta fora. Tl tëmp suplementar röia ćiamò Samuel dan porta, mo inće süa trata röia püch dlungia pè de porta ia. Canche le mandl fosch sciüra trëi iadi, él ma plü da constatè che l’aversar ê sigü da bate, mo che al ne basta nia śoghé miù te ćiamp por davagné. Ala fin cunta i goi che vëgn fać y chi ti dà tort al Mareo, che mëss jì a ćiasa cun degügn punć. (ddc) Mareo - Franzensfest: 1 - 2 Formaziun dl Mareo: 1. Julian Moling, 2. Thomas Ploner, 3. Andrea Mutschlechner, 4. Filip Ploner (dal 55^ Patrick Complojer), 5. Walter Pisching (dal 82^ Daniel Agreiter), 6. David Mutschlechner, 7. Daniel Tamers, 8. Jakub Rajca, 9. Marco Mutschlechner - capitan, 10. Robert Mutschlechner, 11. Alfons Facchini (dal 60^ Samuel Winkler). Alenadù: Markus Winkler. Gol por le Mareo: Alfons Facchini (al 24^). Proscima partida: en domënia ai 22 de mà dales 16.00, a Raas cuntra le Raas. www.lauscdiladins.com

39


Sport

nr. 19 / 20 de mei 2011

Ći delujiun!

Nia merità de pierder

Na pordüda demorvëia por la scuadra da La Val. I ladins va impröma en vantaje de dui goi, le San Laurënz perd n śogadù te ćiamp mo arjunj le pêr y sëgna ala fin ćiamò le gol dla devënta

L FC Gherdëina ëssa messù vëncer contra l Montan per se seguré l post per l ann che vën te segonda categuria. Śën pòssen mé plu speré tla fertuna

Palê La Val/3. cat. - Do les bunes prestaziuns te Copa Provinzia, olache la scuadra da La Val à arjunt la finala che gnarà śogada ai 5 de jügn a Sterzing, à la formaziun de Marco Scalzini pordü la secunda partida indôlater de campionat. Te chësta partida demorvëia à la scuadra da La Val messü dè fora dles mans la devënta che parô oramai bele concuistada, cun dui goi de vantaje. Na te’ pordüda fej mè inće sce an pënsa che la scuadra da La Val ê cun n śogadù implü por gauja dl’espulsiun de n aversar. Ala scuadra da San Laurënz ti vàl le mirit de avëi Tlassifica 3a categoria, grup C 1. Val Badia, 20 part., 46 p. 2. San Laurënz, 20 partl, 42 p. 3. Wiesen, 20 partides, 40 p. 4. Lijun, 20 partides, 34 p. 5. La Val, 20 partides, 32 p. 6. Raas, 20 partides, 26 p. 7. Mareo, 20 partides, 26 p. 8. Gsiesertal, 20 partides, 25 p. 9. Percha, 20 partides, 22 p. 10. Mühlwald, 20 partl, 22 p. 11. Franzensfest, 20 partl, 19 p. 12. Gossensass, 20 partl, 5 p.

cherdü fina inultima ala devënta, por nia n’éra pa secunda te tlassifica. La partida mët man bun cun la scuadra da La Val che passa bele do da püć menüć en vantaje, cun na bela contlujiun de Daniel da posiziun angolada, do ch’al à ciafè le palê da Florian. La scuadra da La Val ess tl pröm tëmp ćiamò n valgünes ocajiuns da segnè le segundo gol, mo ara ne gareta nia. Tl secundo tëmp sëgna spo defata la formaziun ladina le secundo gol, cun na gran trata de puniziun da 30 metri de Freddy, che röia tl’incrujada dla porta. La scuadra da La Val ess ćiamò ocajiuns da gol sön aziuns de cuntrapè, mo al fala la conviziun. Al vëgn spo, sciöche dit, desgort n śogadù aversar por la secunda cherta ghela, mo da śëgn inant perd la scuadra da La Val la conzentraziun. Cun dui goi apresciapüch anfat, cun la defenjiun che n’é nia buna da trà le palê fora d’area, parejëia le San Laurënz. A püć menüć dala fin, cun la scuadra da La Val ćiamò sot a scioch por i dui goi, ti garêtel ćiamò le terzo gol dla devënta ala scuadra pustra. (sc) La Val - San Laurënz: 2 - 3 Formaziun da La Val: 1. Merch

Freddy à segnè cun na gran trata de puniziun.

Vallazza, 2. Marco Castlunger, 3. Werner Ploner, 4. Werner Sottara, 5. Alex Alton - capitan, 6. Daniel Frenes, 7. Stefan Sottara, 8. Freddy Sottara, 9. Romeo Rubatscher, 10. Michi Frenes (dal 70^ Max Nagler), 11. Florian Rubatscher (dal 75^ Franzi Verginer). Alenadù: Marco Scalzini Goi por La Val: Daniel Frenes (al 8^), Freddy Sottara (al 52^). Proscima partida: en domënia ai 22 de mà dales 16.00 a Pichl Gsies, cuntra le Gsiesertal.

L Fascia venc, ma no bèsta I ladins é semper a doi ponc da la pruma: chest’outa no i se à lascià sciampèr l’ocajion, ma la Ravinense no é stata a vardèr

Davide Bosin, autor del prum gol fascian.

Balon 1^ categorìa - La ferata la era passèda la setemèna dant, ma i jiadores fascegn, perdan co la Cauriol, i l’aea perduda. Emben, col mus lench e co na gran ira, Debertol e compagnes i à scomenzà a ge corer dò speran che dant de ruèr a la stazion de fin, domenia ai 22 de mé, sie amò na fermèda che ge conzet de montèr ite. La pruma possibola stazion sun strèda fossa stata chela de Lavis en domenia passèda, canche l Fascia se à fat troèr vertech venjan per doi a nia de contra a la bona squadra del Paganella. Purampò ai ladins chest’outa no ge à bastà se fèr troèr per temp a la fermèda, ajache la

40

www.lauscdiladins.com

ferata l’à tirà dret. Defat, ence la Ravinense à vent contra a la Dolomitica. Ai bec ladins ades no ge resta auter che venjer l’ùltima partida e sperèr che la pruma no la venje de contra al Gardol. Fosc ades l’é massa tèrt, aboncont, sul ciamp de Lavis se à vedù un di miores Fascia de dut l’an. Gaissa, cher, e soraldut bon jech. Pech à podù i patrons de cèsa che i é stac schicé te sia metà ciamp dal prum a l’ùltim menut. E se tel prum temp i trentins ge dajea la colpa al fort vent che tirèa de contra, tel secondo temp i à bele entenù che no l’era la forza del vent a i tegnir schicé, ma la forza del Fascia. Desvaliva l’é stat la ocajions per Deluca e sozi jà ti prumes carantacinch menuc, ma se à cognù spetèr l menut numer vint del secondo temp per veder l gol che ge à dat l vantac ai ladins, de gra a Bosin, che à petà te sach n bel assist da man dreta de Bernard. Pech dò l’é ruà ence l pont del doi a nia. Detomas sauta un, doi e trei aversaries dant de esser tirà jabas. Scigol del diretor de jech, trata dai unesc metres e gol de Debertol a serèr su la endesfida. Spetan e speran amò na setemèna. Chisc i resultac de l’autra squadres del Fascia Balon: la Eles à perdù 3 a 0 contra l Clarentia; i Amatores à perdù 1 a 0 contra l Bauzanum; la Juniores à parejà 0

a 0 contra l Piné; i Arleves à perdù 1 a 0 contra l Borgo, i Esordienc “A” à vent 6 a 3 contra la Vigolana coi goi de Massimo Zanet (3), Stefano Rasom, Francesco Lorenz e Nicola Barbolini. Cristoforo Debertol Paganella – Fascia 0 a 2 (goi de Davide Bosin, e Cristoforo Debertol)

Juech ala codla/ 2. cat. grupa B - N sada ai 14 de mei domesdì, cun l tëmp che mudova uni menut y la pluëia da mesdì che ova blandà ju dassënn l ciamp dala codla de Mulin da Coi, ova purtà pro a fé unì l juech plu rie. Nosta scuadra piova via cun la drëta dezijion y al terzo menut fans bele 1:0 danora, cun Jonas che muciova da si pert ite a var plën y trajova bel sëch ite te cassa. Nscila se metova la partida dl drë viers cun i nosc agressifs sun la mediana y abinova uni codla sibe auta che bassa. La ne à nia durà giut che Gherdëina fova inò periculëus dan cassa, cun Antonio che perdova l balanz y tumova ju per fonz ulache cun n colp fova mo bon de passé la codla a Mark, che puech dan l’area vën a frida a tré y fej tl 18ejim menut l 2:0. Miec ne pudòvela nia jì se mpensova i sustenidëures dl Gherdëina. Ma dal 30ejim menut perdons l fil y l Montan se descëida. Nëus son nia plu tan tachei ai mandli y nsci ne sons nia boni de tenì la codla tla mesa pert dl ciamp dl Montan. Purtruep messòvela unì: tl 41ejim menut su na trata de punizion fej l Montan l 2:1. Ma l prim tëmp ne fova mo nia finà y l Gherdëina ova inò na gran ucajion cun Antonio sëul dan cassa, mët ora de pusizion l verdiaporta, ma toca l pel. Puech dant ruvova nce Marco che sun si man ciancia sun cassa, ma l verdiaporta dl Montan ova metù a verda y ova desvià la codla. Tl segondo tëmp fova l Gherdëina massa nervëus y ova massa tëma de se giapé l gol y nscila passova

plu de mez I segondo tëmp cun plu ucajions da pert l Montan. Ma do na punizion ruvòvel ite na codla te area cun l jugadëur dl Montan che la tucova de cë y fajova l 2:2. La delujion fova granda y nosc jugadëures criva l “lucky punch” ulache l pericul fova bën tlo cun Mark che lasciova pië via na trata da 30 metri che jiva puech sot ala traviersa, ma la fova massa dëibla y l verdiaporta ruvova sun tla codla. Ucajions n ëssen bën mo abù, ma puech dan la fin ti garatòvel al Montan mo n gol sun contrapé y fajova l 2:3. Per coche la partida fova unida jugheda fova chësta massa na gran straufonga per l Gherdëina! Purtruep ons perdù chësta partida n cësa y śën saràla dura a resté te chësta categuria. Ma cun mpue de fertuna y sce fajon mo doi de bela partides pudëssel mo suzeder dl dut. N dumënia ai 22 de mei jirons a Feldthurns a fé contra i terzi te tlassifica. La partida scumencerà dala 4 domesdì. (gp) FC Gherdëina – SV Montan 2-3 (2-1) Furmazion Gherdëina: Schmalzl Guido, Schenk Luis, Demetz Daniel, Senoner Raffael, Runggaldier Raphael (al 60’ Kostner Aron), Wieser Andreas,Valdemarca Vanni (al 72’Vallazza Stefan), Senoner Marco, Vinatzer Mark, Runggaldier Jonas, Divisi Antonio (Nemce Seljvir al 75’) Goi per l Gherdëina: 1-0 Runggaldier Jonas, 2-0 Vinatzer Mark.

Döes Marores sö por chi renc de Puster Secundo y cuarto post por Flurina Comploi y Anna Pedevilla, pro la gara da saltè sö por munt da Gais ćina sö Tesselberg

Formazion Fascia: Nicolò Cincelli, Matteo Cigolla, Mathias Defrancesco, Maurizio Bonani, Manuel Bernard, Davide Porcu, Davide Bosin, Cristoforo Debertol, Daniele Deluca, Patrizio Cigolla (70’ Tiziano Eccher), Nicolò Crepaz (46’ Mario Detomas). Classifica 1. categorìa jiron C: Ravinense 25 partides 54 ponts Fascia 25 partides 52 ponts Aquila Trento 25 part. 45 p. Alta Anaunia 25 partides 42 p. Dolomitica 25 partides 36 ponts Paganella 25 partides 35 ponts Cauriol 25 partides 30 ponts Verla 25 partides 28 ponts Solandra 25 partides 28 ponts Mattarello 25 partides 27 ponts Valpejo 25 partides 27 ponts Gardolo 25 partides 26 ponts Monte Ozolo 25 partides 26 p. Cembra 82 25 partides 21 ponts

Dmc Flurina Comploi y Anna Pedevilla. (Foto: Franz Hofer)

Saltè sön munt - Chi che é n iade jüs a spazier da Gais ćina sö Tesselberg sa, tan ërt che al é dailò sö. D’atri s’à indere ponsè da fà na gara da saltè, cun na destanza de 6 km y 650 metri de deslivel. En chël vëndres à 62 apascionades y apascionà dla fadia fat impara, danter chisc inće Anna Pedevilla de Soröa d’La Plì y Flurina Comploi d’Al Plan. Les döes atletes à tignì bun impara, se davagnan ala fin le

secundo (Flurina) y le cuarto post (Anna). Davagné cun n vantaje de 30’’ à Andrea Innerhofer da Gais, conesciüda dantadöt por ester öna dles mius atletes de schialpinism de Südtirol. Dui dis dedô à Flurina Comploi arjunt le 8. post assolut pla gara de campionat regional danter Terlan y Mölten, de 9 km y 1.050 m de deslivel, cun n tëmp de 1h 7 men., pa chëra che al ê ala pert döta la elite regionala de saltè sö por munt. (dc)


Sport

nr. 19 / 20 de mei 2011

Na maratona particulera

Cun la roda a New York

N dumënia ai 15 de mei iel unì metù a jì na maratona particulera a Darmstadt ti Paejes Tudësc. Trëi atleć dl’assoziaziun Rodes Val Badia à tut pert ala pröma N à garejà ti verzons de na perjon Granfondo de New York Runners - L se trata dla cuarta edizion dl ”Knastmarathon”. Pra chësta maratona vëniel sautà tla JVA a Darmstadt, chël uel dì te n verzon de na perjon. Tlo pòssel fé pea sambën duc i nteressei ma nce chëi che ie te perjon. L fova da sauté 1,758 km te 24 raides. Nce na grupa de perjunieres se à njenià ca a fé pea chësta maratona. I à scumencià ai 12 de nuvëmber 2010 a se njenië ca per

chësta garejeda, a pensé che chësta ie jënt che dant ne fajova tan che deguna atività fisica. Bën 50 se à lascià nuté su y 34 ie stai boni de ruvé ite tla grupa che à pona pudù se njenië ca per chësta garejeda. Ala fin n iel restà 23 che à pona fat pea pra la maratona de n dumënia. Dut adum iel sautà pea 139 ëi y 24 ëiles. Dessegur na maratona ria sibe psicologicamënter che nce coche trassa, a messei fé 24 iedesc la medema raida. Perchël iel da

laudé duc chëi che fej pea pra na tel garejeda. Tlo udons mo la tlassifica, che vëija al prim y segondo post doi tudësc, sun l scialier plu aut Markus Goebel cun n tëmp de 2:47:43, segondo Thomas Kröll cun 2:49:43 y terzo n atleta dl’Austria, Dietmar Branner che à abù 2:50:27. Nosc atleta Georg Demetz se à tlassificà al boniscimo 8. post tla tlassifica generela y al 5. tla M40 cun n tëmp de 3:04:20. (mp) Jan Paul Adang, Oskar Irsara y Ernst Dapunt à tut pert ala gara a New York.

Impò nia ćiamò festa La Val Badia n’à nia ćiamò podü fà festa por la promoziun. Le Lijun l’à arozada

Rodes - L’ocajiun ê öna de chëres che an ne podô nia se lascè sciampè. A New York, la metropola conesciüda por chi atleć che va a saltè, él gnü organisé por le pröm iade na Granfondo cun la roda sön strada. Sis porsones dla Val Badia é jüdes ia en gaujiun de chësta pröma ediziun. Un di obietifs primars ê chël da fà retlam por la Maratona dles Dolomites. Inće sce le numer di partezipanć é stlüt, ê chësta na bona ocajiun por fà conësce a atleć internazionai la poscibilité da tó pert a nosta gran manifestaziun tles Dolomites, cumpran les ofertes de iade cun hotel y iscriziun, proponüdes dal’ajentöra Holimites, che à inće organisé la trasferta a New York. Deperpo che n valgügn fistidiâ da fà retlam y ti fajô conësce les Dolomites a na gran pert di partezipanć, à trëi atleć de Rodes Val Badia tut pert a chësta pröma ediziun. I atleć à pedalè por 175 km

sön n percurs che piâ ia da Manhattan sura le Washington Bridge ia, y jô cuntra nord do le Hudson River sö. Al start êl incër 2.800 partezipanć. Dala Val Badia à tut pert Oskar Irsara, Ernst Dapunt y Jan Paul Adang, che podarà forsc n bel dé bravè de ester stà ala pert pro la pröma ediziun, canche chësta gara arà n gromun de partezipanć y deventarà n evënt che chërda alerch ziclisć da döt le monn. Sön la cherta parôl n percurs saurì, mo sön strada ciafân pendënzes nia saurides. La lunghëza dl percurs à fat patì nia püch chi atleć che â - sciöche i nüsc - ćiamò püć km tles iames. La fadia é gnüda premiada do la competiziun cun na bona cëna tl restorant “Luna Rossa” de Paul Flöss da San Martin, che vir y laora da agn a New York. Chësta esperiënza é stada tan interessanta che al vëgn bele programè da tó pert inće l’ater ann. Fotos pòn odëi sön le sît http://iadi. holimites.com. (Rodes Val Badia)

Doyle e Sullivan resta col Fascia Al 35^ menüt s’à Manuel Clara mangé le gol che ess podü ester le 1 a 1. (Foto: Hansjörg Felder)

Palê Val Badia/3.cat. - Tla vintejima partida de campionat él rovè la secunda pordüda por la scuadra dla Val Badia. Cun na devënta cuntra le Lijun foss stada la festa por la promoziun programada. Mo ara n’à nia orü ester, la scuadra de ćiasa s’à mirité la devënta y à fat na bela figöra cuntra i pröms dla Val Badia, che ê magari massa sigüsc dl suzes. La plaza tröp mola à n pü’ condizionè le jüch tecnich, la formaziun ladina à fat le jüch ćina dan la gran area. Chilò ê le mür defensif dl Lijun posizionè dër bun y zënza à le portier Kaser fat buna verda dan süa porta. Ara ne jô ne a ries ne a bunes da segnè. Inće l’arbiter Oberhauser à te n pêr de situaziuns fat pesè n pü’ sura, suradöt canche al à al 79^ menüt desgort Trebo por avëi dit “mane” por talian, nia cuntra le diretur. De te’ parores n él gnü dit tantes che al es messü sciurè fora tröc śogadus. Deplü iadi ti àl inće baié al publich en gran pert ladin, cossa che an vëiga da inré da pert de n arbiter. Ai à pö bele tröp da fà te ćiamp, spo pa ascutè sö i fans! La pordüda, adöm cun la devënta dl San Laurënz cuntra La Val fej restè a cater i punć de vantaje sön i pustri,

porchël é la partida cuntra l’aversar sterch dl Wiesen de gran importanza. La formaziun de Massa messarà pité na buna prestaziun cun sü mesi y inće sperè n pü’ tla fortüna. Al 6^ menüt röia le gran önesc Plaseller ala rodada te porta, Massa tëgn sö ia por tera. Do da 9 menüć de jüch sëgna le Lijun. Al vëgn trat n ćiantun cuntra la gran area; dan le piz él le 10 S. Kaser che tira al jore cuntra porta, le palê splundra bas te porta, sön le secundo pè a man dërta de Luca. Al 11^ menüt vëgn Elmar Erlacher tignì y fat tomè ... döt regolar? Do da 35 menüć de jüch él la gran poscibilité por le 1 a 1. Elmar fej ite n bel cross da jödapè dl ćiamp, Pescollderung fej spona por M. Clara che röia su dan le 1 dl Lijun. Süa trata va dlungia porta fora. Trëi menüć dedô él indô Elmar che passa t’area a Clara, che superëia so defensur y tira de pröma te porta. Le palê passa sot les iames dl portier fora, mo chësc abina impò ćiamò le coran dan la ligna de porta. Gol mangé, gol ciafè vëgnel dit. Y bel avisa sëgna le 6 J. Hinteregger al 44^ le gol dl 2 a 0 por le Lijun. Al ciafa na passada püch dan le limit y al jore tìrel te

porta na gran trata che röia sot l’incrujada di lëgns de porta ite, n gran bel gol. Al 64^ menüt lascia l’arbiter jì n contrast dübe sön Armin Erlacher t’area. Do da 68 menüć de jüch crossëia Pescollderung t’area por Thaler feter su - che deviëia al jore sura porta fora. Al 90^ menüt deviëia Thaler da n ćiantun le palê sura porta fora. Le gol n’ô nia gnì. Le Lijun se defënn scialdi, ài pö fat dui de bi goi. Le resultat ne se müda nia plü, tl’aria él n pü’ de delujiun. (rp) Lijun - Val Badia: 2 - 0 Formaziun dla Val Badia: 1. Luca Massa, 2. Davide Moling, 3. Stefan Felder (dal 72^ Florian Barbolini), 4. Simon Dapoz capitan (dal 75^ Giuvani Trebo), 5. Samuel Vittur, 6. Julian Bernardi, 7. Elmar Erlacher (dal 55^ Matthias Thaler), 8. Matthias Stampfer (dal 46^ Oskar Clara), 9. Manuel Clara (dal 58^ Roland Alfreider), 10. Armin Erlacher, 11. Manuel Pescollderung. Alenadù: Luca Massa. Proscima partida: en domënia ai 22 de mà 2011 dales 16.00, sön la plaza da La Ila cuntra le Wiesen.

Rua la pruma confermes per la squadra fascèna

La doi confermes per l Fascia Hockey: l portier Frank Doyle e l defensor Dan Sullivan.

Hockey - Da l’Hockey Club Val de Fascia rua jà la pruma confermes per la sajon 2011-2012. I jiadores che à tanche sotescrit l contrat l’é l goalie canadeis Frank Doyle e l defensor italo-canadeis Dan Sullivan. Pontà demez no proprio tant ben per via de zeche problemes fisiches e na mencianza te familia, l portier de Toronto col passèr del temp e de la giornèdes de campionat l’à sapù se taèr fora n ruol da protagonist tel cher di sostegnidores fascegn. Proprio la bela prestazions del jiador ex Colonia les é ruèdes col miorament di fascegn te la seconda metà del campionat. L goalie ladin à serà sù defat la sajon regolèra con na media de gol ciapé

sot a la 3 rei e na perzentuèla de parèdes sora l 91%. La revelazion del repart più endò l’é stat enveze Dan Sullivan che à moscià via per duta la sajon n aut rendiment tecnich-realisatif (6+10 te 30 partides) ma ence de presidie al slot. Per duc doi se trata de n recognosciment merità per l lurier e la profescionalità desmostrèda per duta la sajon 2010-2011. L’SHC Val de Fascia ensema al coach Frycer la é dò che la monitorea l marcià tant per chel che vèrda i foresć che chel nazionèl per meter ensema n roster aut e competitif che posse responer a la forta ambizions del club e de so alenador. (rs) www.lauscdiladins.com

41


Informazions y Manifestazions Iadi, Jites y Escurscions Jita per la families cun la roda N dumënia ai 22 de mei. N pierà via cun la curiera dala 8.30 te Sëlva dan la Cësa de Cultura “Oswald von Wolkenstein”. La curiera à n carët da tré do, tlo puderàn mëter ite la rodes che n à tëut pea. N furnerà da Burnech a Persenon. L priesc per jì pea ie de 13 € per cumëmbri dl KVW, 20 € per nia cumëmbri, 5 € per chëi de mëndra età. La cumpëida di partezipanc ie limiteda. Per nfurmazions: Albina Perathoner, tel. 334 7920066. Metù a jì dal KVW Sëlva. Troi de San Vili da Ranzo a Stenico tla Val Giudicarie tl Trentin La grupa “Nëus jon pa bel plan” dla Lia da Mont de Gherdëina mët a jì n dumënia 22 de mei na jita sun l troi de San Vili. Muvon a pe a Ranzo, sëura l lech de Toblino, passon pra i luesc Moline, Tavolo, Sclemo y Seo per ruvé a Stenico. Da jì iel ntëur n 5 ëura. L deslivel ie de 300 metri. La iscrizions vën piedes do, a Urtijëi tla butëiga dai ciofs Inge, a S. Cristina tla butëiga Sport Service, te Sëlva da Sport Bruno Riffeser.

Chino Al chino de Cianacei Insnet, vender ai 20 de mé da les 21.00 se pel veder “Pirati dei Caraibi – Oltre i confini del mare”. En sabeda ai 21 e domenia ai 22 da les 21.15 vegn moscià “C’è chi dice no”. Al chino de Pardac

Insnet, vender ai 20 de mé e ence sabeda ai 21 e domenia ai 22, semper da les 21.15, se pel veder “Pirati dei caraibi – Oltre i confini del mare”. Al chino de Ciavaleis

Insnet, vender ai 20 de mé, da les 20.30 la sociazion Bambi endreza na serèda con Supermario. En sabeda ai 21 e en domenia ai 22 da les 16.30 e da les 21.15 se pel veder “Pirati dei Caraibi – Oltre i confini del mare”.

Segres y festes Festa coi Studafech de Soraga

Ai 28 e 29 de mé l grop de Studafech de Soraga fèsc gran festa. En sàbeda da les 20.00 i endreza l “Bal d’Aisciuda” con i Dolomix e la loterìa aló da la palestra Energym. En domenia vegn dit messa grana da les 9.00 co la benediscion de la neva autobot e de la massarìa per i intervenc te l’èga e da les 12.30 l’é la marena averta a duc aló da la palestra. Per se scriver ite ge vel se oujer te Coprativa o da Reinhard inant de en vender ai 27 de mé. Festa di skaters a Poza

L Pian de joegn La Risola endreza en sàbeda ai 28 de mé aló dal tendon de la manifestazions de Poza l “Red Hot Wheels Party”. Da les 11.00 a les 15.00 se pel proèr debant la strutura del skatepark, da les 16.00 taca la esibizions, da les 18.00 l’é l “best trick contest” e da les 19.00 la premiazions. Da sera da les 21.00 inant musega con la Roots Reggae Band e i Rock Village.

Sozial Deberieda: Jon a ti cialé ala Trostburg

N juebia ai 26 de mei se ancunterons dala 14.00 tla streda Stazion, daujin ala Cësa de Paussa per jì a ti cialé al bel ciastel. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Per nfurmazions plu avisa pudëis cherdé su Ulrike Rabanser, tel. 0471/798015.

♦ Festa di Destudafuech de S. Piere La festa ie tla tenda a Puntives da ncuei vënderdi, 20 de mei nchin n dumënia ai 22 de mei. Per chësta festa tradiziunela à i Destudafuech de S. Piere metù ju n program de mujiga y devertimënt N scumencerà ncuei vënderdi dala 20.00 cun na sëira dal diendl y la brea de pel cun i ”Jungen Paldauer”. Duman sada dala 4 domesdì saràl na gran desmustrazion di destudafuech cun joler y d’autra forzes de aiut. Dala 20.00 suneràl i “Grubertaler“. N dumënia dala 10 danmesdì saràl na mëssa alalergia cun benedescion dl auto nuef dal tanch. Da dedò sunerà la mujighes de S. Piere y S. Cristina. Dala 17.00 inant saràl da audì i “Oberkrainer aus Begunje“ y dala 20.00 L tanch nuef. uniràl trat ora i pesc’ dla ola dla fertuna. I Destudafuech de S. Piere se ncunforta sun duc chëi che unirà a si festa tla tenda de Puntives. Per i pitli saràl nce da garat n ciastel da peté sauc.

42

www.lauscdiladins.com

nr. 19 / 20 de mei 2011

♦ Mostra dla ferata de Gherdëina Ai 27 de mei dala 6 da sëira uniràl giaurì tl Museum Ladin Ćiastel de Tor a San Martin na mostra dal titul “Scibla mo n iede - La ferata de Gherdëina danter lecorc y vijions” La mostra dëssa lecurdé la ferata che passova mo dan 50 ani tres Gherdëina y descrì la tapes plu mpurtantes de si storia: dai prim proiec a si realisazion ntan la Gran Viera, dal passé dla gestion sot al stat talian nchin a canche la ie unida tëuta ju, dala particulariteies coche inzidënc y desgrazies ala costruzion di viadoc, puenc o tuniei. L sarà da udëi truep documënc tëuc ora dai archifs, esponac y pec che à da n fé cun la ferata, coche diaresc che lecorda i mumënc dla viera, lëures fac a man che i perjunieres rusc giamiova sun velch da maië …, ma n puderà nce scuté su ntervistes a testemonesc, cialé films che reverda la ferata y nchinamei cialé ora da n viere de n “vagon” y fé n viac virtuel da Tluses nchin te Plan. La mostra sarà da udëi nchin ai 31 de utober tl Museum Ladin Ćiastel de Tor ntan i orares dl museum y dal 11.11.2011 nchin al 05.02.2012 tl zënter manifestazions cultureles Tublà da Nives te Sëlva. Per l’ucajion uniràl metù a jì na curiera debant che pëia via da Urtijëi, Plaza Sant Antone dala 4 domesdì y fërma a S. Cristina y te Sëlva. I posc’ ie limitei perchël iel da se lascé nuté su cherdan su l Museum Ladin, 0474/524020. www.museumladin.it

Referac Aldì, ascutè y sintì la musiga

Chësc é le tema de na serada cun le professur Franz Comploi, che vëgn metüda da jì dal Consëi Cultural tl Comun de Badia. L’apuntamënt é por en lönesc ai 23 de mà dales 20.00, te Ćiasa J.B. Runcher a San Linert. Caravaggio y Rembrandt a confrunt

Le Consëi Cultural tl Comun de Badia inviëia en mertesc ai 24 de mà dales 20.00 a na serada te biblioteca de Badia, cun la dot.a Danila Serafini. An metarà a confrunt n valgönes operes profanes y religioses de dui de gragn maestri: Caravaggio y Rembrandt. I cörs dles ëres bat atramënter

La Uniun dles Ëres da San Martin, adöm ala Consulta Provinziala por la valianza di dërć y la Uniun dles Ëres Catoliches, inviëia al referat dal titul “Frauenherzen schlagen anders” (i cörs dles ëres bat atramënter) cun la referënta dot.a Rosmarie Oberhammer, en mertesc ai 24 de mà dales 20.00, te salf di stodafüch a San Martin. La troht é moderna

“Tracht ist in!” é le titul dl referat por todësch, che gnarà invié ia en mercui ai 25 de mà dales 20.00, tl salf dla Cassa Raiffeisen d’Al Plan. Agnes Andergassen y Johanna Viehweider dla Arbeitsgemeinschaft lebendige Tracht darà informaziuns sön le vistì y la cura dla troht y döt ći che alda laprò. Le referat é ponsè por düć i interessà, suradöt inće por uniuns sciöche musighes, cors de dlijia etc. Organisaziun: Scizeri d’Al Plan en colaboraziun cun le Consëi de Formaziun. Meditazion ”Avëi gën sé nstësc: na nuvela per l’umanità”

La Lia Sanynton mët a jì chësta sëira de meditazion cun Anna Maria Künig ncuei vënerdi ai 20 de mei, dala 20.30, tla sënta dla Lia tla streda La Sëlva 101. La sarà per na pitla grupa y durerà n 60 menuc plu l tëmp de jì plu sot tl argumënt. L ie da paië n pitl cuntribut de 10,00 €. Referat tla natura La Lia Sanynton mët a jì n sada ai 21 de mei n referat tla natura: “Ulons’a mé avëi tëma dla crisa o ulons’a fé velch de contra?” te Sëlva, tla sënta dla lia Sanynton, alalergia, dala 17.00 cun l referënt Stefan Braito. L ie n referat de 90 menuc y per finé via uniràl fat n fuech y n se senterà duc ntëurvia a s’ la ciaculé. Cuntribut 10,00 euro. Referat cun humor La Lia Sanynton mët a jì n referat cun l referënt Stefan Braito n lunesc ai 23 de mei, te Sëlva te cësa de cultura, tla sala sëura la posta dala 20.30. N cuer liede y daviert à ënghe de bujën de se straverdé y se stlù. Nce l cuer adrova tëmps y luesc segures per se tré zeruch. Straverda ti cuer y ebes la respunsabltà de cialé sun te nstës y sun ti limic. Referat sun n viac tl’Etiopia

N viac ala scuvierta dla populazions dl Omo River tl’Etiopia. L referat ie a S. Cristina tla bilioteca Tresl Gruber, ai 27 de mei dala 20.30. Referënta ie Sandra Perathoner. Sandra nes mostra de biei pultrec y nes conta dla populazions che ëila à ancuntà te si ultim viac tl’ Etiopia. Unide duc a ti cialé y a ve fé n cheder de coche jënt viv tla natura dastramp bela dl’Etiopia.

Teater Monologh Novecento de Alessandro Baricco En doman sabeda ai 21 de mà él Josef M. Lanz che porta dant le monologh Novecento de Alessandro Baricco, dales 20.30, tl salf Domëne Moling a La Val. Prenotaziuns al nr. 333/4616848 - bernardetta.nagler@rolmail.net. Cassa dan le teater, dales 19.00 inant.


Informazions y Manifestazions

nr. 19 / 20 de mei 2011

Avisc Te Gardecia rua l Giro de la Tèlia En domenia ai 22 de mé rua te Gardecia la 15^ tapa del 94° Giro de la Tèlia. I ziclisć pontarà demez da Conegliano Veneto e passan travers i jouves Giau e Fedaa l’é pervedù che i rue te Gardecia entorn les 16.30. Da les 12 inant vegn serà la strèda da la rodadoa de Poza en ite. Vegn endrezà l post per lascèr i auti a Vich, a Poza e a Fontanac e arsegurà l coleament con n servije de pulmins da les 8.00 a les 15.00 e dò che l’é ruà la corsa enscin les 21.00. I sostegnidores pel ruèr te Gardecia coi impianc portamont da Pera e da Vich. La strèda per Gardecia resta averta demò per i mesi autorisé. Chi che rua a Pera co la roda pel la lascèr jù te depojic vardé via al priesc de 3 euro. I toponîms tl comun da La Val

L’Istitut Ladin “Micurà de Rü” à arjigné y stampè döes chertes nöies cun i inoms di posć y sić: öna cun i microtoponîms y öna cun i macrotoponîms. La presentaziun dles chertes vëgn tignida incö vëndres ai 20 de mà dales 20.00, tl salf dles uniuns a La Val. La scora ladina te Mareo - presentaziun de n liber En sabeda ai 28 de mà dales 16.00, gnaràl presentè tl salf dla Cassa Raiffeisen d’Al Plan le liber “Streiflichter durch die Geschichte der ladinischen Schule Ennebergs” de Lois Ellecosta. La cornisc musicala gnarà ofrida dal Cuartët Göma cun ćianties ladines sön parores dl medemo autur, mo de componisć desvalis. Düć é bel invià da gnì pormez. Isté deboriada 2011

Al vëgn recordè che les iscriziuns por le proiet de animaziun por mituns dla scora elementara vëgn tutes sö te Sorvisc ai Jogn tl orar de ofize dales 8.00 ales 12.00 y dales 13.00 ales 17.00. Ćiamena dal guant a Picolin

Le Grup de Ćiamena dal guant dëida indô recordè döta la jënt dla Val Badia y d’atri che al é la poscibilité da dè jö guant dessorora, nët y intier, y da se chirì fora guant de vigni sort, vigni jöbia dales 14.00 ales 16.00 a Picolin, tla vedla Ćiasa de Palsa dlungia la capela. Udiënzes dla Uniun di Ostis La Uniun di Ostis HGV tëgn udiënzes inće tla Val Badia, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen a La Ila. Senteda generela dl ”AVS Südtirol” a Urtijëi

N sada ai 21 de mei tenirà la lia da mont de Südtirol – AVS – si 102ejima senteda Generela, chëst iede tlo da nëus y plu avisa a Urtijëi tla gran sala dla Cësa de Cultura. Chësta senteda scumencerà dala 9.00 danmesdì y finerà ntëur mesa la trëi domesdì. L se trata dla majera ancunteda dla lia da mont, te chësc cajo AVS Südtirol, ulache l unirà adalerch nce na reprejentanza dla lies da mont dla Slovenia, dl’Austria, di Paejes Tudësc, dla Svizra y Talia.

♦ Conzert d’aisciöda dla Musiga d’Al Plan Le conzert vëgn tignì en doman sabeda ai 21 de mà dales 20.30 tl salf dles manifestaziuns d’Al Plan. Söl program tòć tradizionai y moderns, sciöche inće la premiaziun dl quiz y di dessëgns dla scora elementara La Musiga “Catarina Lanz” d’Al Plan inviëia en doman sabeda ai 21 de mà dales 20.30, a so conzert d’aisciöda, tl salf dles manifestaziuns d’Al Plan. La musiga, cun so presidënt Roland Daverda y le dirighënt Klaus Kaneider, dauriarà le conzert cun le toch “Musik ist Trumpf” de Heinz Gietz, aranjé da Manfred Schneider. Tl program él preodü tanbëgn tòć tradizionai, sciöche inće melodies plü modernes. Tla secunda pert dl conzert La Musiga d’Al Plan inviëia al conzert d’aisciöda. gnaràl surandè n valgönes onoranzes y inće tignì la premiaziun de n quiz y dl concurs de dessëgns che la musiga à metü da jì. L’entrada al conzert é lëdia, por na spënora de buna man vëgnel bele danfora rengrazié. Düć canć é bel inviá a chësc apuntamënt musical tradizional d’aisciöda.

♦ Prejentazion dla CD nueva L Urtijëi Brass Cuintet à tëut su na CD nueva che unirà prejenteda n vënerdi ai 27 de mei, dala 20.30 tla gran sala dla cësa de cultura Luis Trenker L unirà sunà dant n valgun pec ora dla CD y l unirà mustra vel’ fotografia dla storia dl cuintet. Da dedò puderan cumpré la CD nueva y l sarà nce zeche da pestlé per duc.

Se muever cun l strom

Pra l marcia da La Poza ai 21 de mei puderàn purvé ora d’uni sort de njins che va a lectrisc. L Chemun de Sëlva fej a l savëi che te chësta ucajion uniràl fat na desmustrazion sun plaza de chemun de veiculi che va a strom: rodes, motorins y nce vel’ auto dla marches sciche Segway, Genny Mobility, KTM-E-Bikes y Bikes, Streetstepper, E-Scooter, E-Cars Tazzari Zero y Think. Duc ie nviei a unì a ti cialé a chisc njins y sambën nce a i purvé ora. Libri de jites per families

Na mëisa de libri de jites cun la familia te dut l Südtirol vën metuda ora da n lunesc 16 de mei inant nchin ala fin de juni, tla biblioteca ”Oswald von Wolkenstein” te Sëlva. Instà criatif per mutons dla scola mesana La Nëus Jëuni Gherdëina fej a l savëi che n possa se scrì ite per l proiet per i sculeies dla scoles mesanes de Gherdëina “Sommer aktiv kreativ live”. La iscrizions ie da fé scrijan ora l pitl formuler che ie unì partì ora tla scoles mesanes de Gherdëina y dajan ju dut tl ufize dla Nëus Jëuni Gherdëina, tla cësa per i jëuni, ert y cultura, streda Rezia 102 a Urtijëi. Per plu nfurmazions pudëis gën nes cherdé su, 0471/799006 o nes scrì a info@njg.it A Moena l’assemblea de la Cassa Rurala La Cassa Rurala Val de Fascia e Agordin endreza en vender ai 20 de mé da les 17.00 tel teater de Navalge a Moena l’assemblea generala di sozi per portèr dant l bilanz del 2010. Dantfora sarà n gustégol moment de musega. L Museum de Gherdëina ie daviert

L Museum de Gherdëina a Urtijëi ie daviert per la sajon da d’instà cun chisc orares: da lunesc nchin vënderdi dala 10.00 ala 12.00 y dala 14.00 ala 18.00. Per nfurmazions pòssen cherdé su l 0471 797554 o cialé ite tla plata www.museumgherdeina.it.

Cursc

L Urtijëi Brass Cuintet.

♦ Melodies d’aisciöda a San Martin Le conzert d’aisciöda dla Musiga da San Martin é söl program ai 28 de mà dales 20.00, tl gran salf da San Martin La Musiga da San Martin de Tor à le plajëi da invié a so conzert d’aisciöda, che vëgn tignì en sabeda ai 28 de mà dales 20.00, tl gran salf a San Martin. Musicontres y musicontri à imparè ite n program che vëiga danfora 9 tòć, da tòć plü tradizionai a chi plü moderns. Le conzert é partì sö te döes perts y an tolarà inće l’ocajiun da surandè n valgönes onoranzes. Do le conzert gnaràl pité n pice renfrësch, che gnarà acompagnè dal cuartet “Saksó”. Düć é bel invià da gnì a ascutè sö.

Mantignì beles les aundles

“Co poi pa curè y mantignì beles les aundles dles mans y di pîsc?” A chësta domanda porvaràn da respogne en sabeda ai 28 de mà dales 17.00, te salf dles uniuns a La Val. Le KVW en colaboraziun cun le Consëi de Formaziun da La Val mët da jì n curs cun Claudia Moling. Infos y prenotaziuns pro Clara Tavella al nr. 0471/843147. Cursc per fé do la matura

La provinzia de Bulsan mët a jì plu cursc per pudëi fé do la matura. Per chësta ucajion vëniel metù a jì plu sëires de nfurmazion sun i cursc che sarà da chësc autonn inant y durerà 3 ani. Chëstes la sëires de nfurmazion: ai 23 de mei a Persenon tla “Handelsoberschule“ Fischzuchtweg, dala 19.00. Ai 26 de mei a Burnech tla “Gewerbeoberschule“ streda Josef Ferrari 22, dala 19.00. Ai 27 de mei a Maran tla “Handelsoberschule Franz Kafka“, Rennweg 3, dala 19.00. Ai 8 de juni a Bulsan tla “Gewerbeoberschule Max Valier“, tla streda Sorrento 20, dala 19.00. Ai 9 de juni a Schlanders tla “Handelsoberschule“, Plawennpark 3, dala 19.00 y ai 10 de juni a Sterzing tla “Handelsoberschule“ St. Margarethenstraße dala 19.30.

www.lauscdiladins.com

43


Informazions y Manifestazions ♦ Di ecologich - Rumon su nosc luech Nce chëst ann ie duc i zitadins de Sëlva nviei a fé pea, n sada ai 28 de mei pra l’azion de rumé su l luech. Duc i zitadins, granc y pitli, possa judé a rumé su L’azion vën metuda a jì deberieda cun i Destudafuech y l Ufize per l Turism de Sëlva. L fin de chësta manifestazion ie chël de prejenté nosc luesc y nosta bela cuntreda ntëurvia plu nëta, ma nce chël de sensiblsé la populazion a n majer respet de viers dl ambient y dla natura. Chëst ann saràl deplù tlasses dla scola mesana y elementera che fej pea pra l’azion y la maestres dla scolina ti spiegherà ai mëndri la mpurtanza de tenì nët. Duta la jënt de Sëlva, sibe privac che categuries cumerzieles, lies de ulentariat y scoles, duc ie nviei a judé pea. N se anconta te Sëlva, dan la Cësa de cultura “Oswald von Wolkenstein”, dala 8.00 daduman. L’aministrazion cumenela de Sëlva ti sënt bele śën gra de cuer a si stradins, ala grupa di Destudafuech de Sëlva, al Ufize per l Turism de Sëlva, ala Direzion raionela dla scoles de Sëlva/S.Cristina, ala Scolina de Sëlva y a duc i chemuns ujins per la cunlaurazion y a duta la jënt de Sëlva.

♦ Servisc zevil, n ann per la cumenanza La Crëusc Blancia scumencerà via chëst ann de dezëmber cun n proiet nuef. Dé y giapé “Geben und Erhalten“, deberieda cun la Fundazion per l Cuer “Südtiroler Herzstiftung“ La Crëusc Blancia tenirà na manifestazion de nfurmazion n chësc cont, n lunesc ai 23 de mei, dala 17.00, a Bulsan tla streda Lorenz Böhler 3. Nteressei possa cialé ite sot a www. wk-cb.bz.it , cherdé su l 0471 444382 o scrì na email a zivildienst@wk-cb.bz.it . L servisc zevil pra la Crëusc Blancia devënta for plu nteressant y tira adalerch for plu jëuni. L ann passà a 44 jëuni purvà ora chësta bela esperienza. Jëuni a chëi che l ti sà bel a judé y ie mutivei tl ciamp soziel ne giaperà nia mé na istruzion tl ciamp dl prim aiut, ma i unirà nseniei ju per deventé “Multiplikator“ tl ciamp dla reanimazion cun la mascin per l cuer y l fuià blanch. Da dedò possa ëi mustré a de autra persones coche n possa salvé na vita de na persona. Chësta pert de nseniamënt jirà inant nchin a mez fauré. Da dedò possa duc mëter n pratica chël che i à mparà judan pea pra l trasport di amalei y ntan l ann ti uniràl nsenià mo truepa cosses plu spezifiches tl ciamp dl prim aiut. Ulenteres che fej l servisc zevil pra la Crëusc Blancia se fej esperienzes nueves, vën nseniei ju per purté aiut tla situazions plu desferëntes, l ti sà che i fej velch da pudëi avëi, i lëura te na grupa jëuna, mutiveda per se dé da fé tl ciamp soziel. Cun ëi saràl inò persones mplu che sà nëut tla reanimazion dl cuer y dl fuià blanch.

nr. 19 / 20 de mei 2011

Iniziatives sportives Di dla porta davierta tla palestra d’arpizeda sportiva Nives Duman sada ai 21 de mei, dala 16.00 nchin la 21.00 resterà la portes dla palestra de arpizeda sportiva de Sëlva daviertes a duc. Duc, nce chëi che ne n’à mo mei purvà, puderà n chësc di purvé a se arpizé su per i parëies de deficulteies defrëntes. I mëinacrëp sarà iló a judé, mustré y dé cunsëis y nfumazions. La massaria vën metuda a despusizion. I Mëinacrëp de Sëlva/S. Cristina nvieia duc a unì! Se scrì ite pra l F.C. Gherdëina

L F.C. Gherdëina fej a l savëi che duc i mutons y la mutans che ëssa nteres al sport dl juech al palé ie nviei a unì a se scrì ite, n vënerdi ai 27.5. danter la 17.00 y la 19.00 pra la plaza dal sport de Urtijëi. L possa se scrì ite duc i mutons y mutans nasciui ti ani 2001 nchin al 2004. Mutons nasciui dan l ann 2001 muessa fé n test per unì tëuc su. Da paië ite iel 260,00 euro (nasciui ‘01+’02), 210,00 euro (nasciui ‘03+’04). L ie nce laite la tuta, l kit da alenamënt y n palé. Per chëi che scumëncia uniràl metù a jì na “scola calcio” per i prim doi ani. Tlo ne uniràl nia fat n campiunat, ma dantaldut na preparazion tecnica. Per nfurmazions pudëis cherdé su a Urtijёi Karl Werdaner 335/6891944, a S. Cristina Erwin Runggaldier 333/7919963 y te Sëlva Kuno Senoner 0471/794645.

Musiga Conzerć dla Scora de Musiga Val Badia La Scora de Musiga inviëia a deplü conzerć. En mercui ai 25 de mà dales 18.00 él tl’aula magna dla scora mesana da La Ila n conzert intern, cun la partezipaziun de deplü grups. En sabeda ai 28 de mà dales 17.00 él tl Istitut Ladin a San Martin de Tor n conzert de vidora. Conzerć de contlujiun L’ann musical va plan plan a piz y la Scora de Musiga Val Badia inviëia sciöche da tradiziun ai conzerć de contlujiun. Le pröm sarà en lönesc ai 30 de mà dales 18.00, tl salf dles manifestaziuns d’Al Plan. En mercui al 1. de jügn dales 18.00 saràl le secundo conzert, tla Ćiasa J.B. Runcher a San Linert, adöm ala Scora de Musiga de Gherdëna. Conzert d’aisciöda dla Müjiga de Badia En domënia ai 29 de mà dales 20.30, tëgn la Müjiga de Badia sö conzert d’aisciöda, te Ćiasa J.B. Runcher. Le conzert vëgn daurì cun le Open Air de Luigi di Ghisallo, por passè spo ala overtüra Pique Dame de Franz von Suppé. Daimproìa vëgnel sonè la la Marche Victorieuse de Blankenburg, Glory of David de Hayato Hirose, Hanna Polka de Keller, Changing Moods de Koos Mark, Innuendo di Queen y pur stlü jö, Riverdane de Bill Whelan. Cunzert dl Cor Saslong L cor “Saslong” de S. Cristina nvieia duc an cunzert n sada ai 28 de mei dala 20.30 tla gran sala de chemun de S. Cristina. L se trata den n cunzert de benefizënza per “Medicus Comicus”. Sot ala bachëta de Willy Runggaldier cialerà l cor de purté dant n bel program cun vel’ ciantia nueva per ladin cun la paroles de Fritz Senoner da Ciablon. La sëira unirà prejenteda dai doi paiazi dl Medicus Comicus “Melona y Fuzzi”. Danterite puderan audì l jëunn Matteo Kasslatter che sona la “Steirische”. La ntreda ie debant ma dut chël che unirà trat ite de bona man ti unirà dat a Medicus Comicus. Cunzerc dla Scola de Mujiga de Gherdëina Coche uni ann vëniel per la fin dl ann de scola metù a jì plu cunzerc, ulache i sculeies dla Scola de Mujiga lascerà audì cie che i à mparà. Ncuei vënerdi ai 20.5. saràl te dlieja de Urtijëi dala 6 da sëira n cunzert. Te chësta ucajion saràl da audì plu ciantarins de Gherdëina. L gran cunzert per stlù ju l ann de scola unirà tenì tla Cësa de Cultura de Sëlva, n sada ai 21.5. dala 17.30. L unirà ciantà y sunà dant mujiga mpue de uni sort. N vangun pec “tlassics”, ma sambën nce mujiga ritmica y moderna che, coche savon, vën suneda y scuteda su scialdi gën da nosc jëuni. Sëuraprò saràl mo n ultimo cunzert, ulache na bela cumpëida de sculeies de Gherdëina sunerà deberieda cun i sculeies dla Scola de Mujiga dla Val Badia. Chësc sarà ai 1. de juni cun scumenciamënt dala 6 da sëira tla “Ćiasa J. B. Runcher” a S. Lenert. A Poza Conzert d’Aisciuda co la Musega e i Cores La Musega de Poza con i Cores de gejia de Poza e Pera endreza en vender ai 20 de mé da les 9 da sera aló dal tendon de la manifestazions l “Conzert d’Aisciuda“. Duc é envié de cher. Conzerc di Cores del “Pentagramma” Insnet, vender ai 20 de mé, tel teater de Tieser da les 21.00 vegn endrezà la 6^ Rassegna Corala a chela che tol pèrt i Cores “Arancio” e “Blu” de la Scola de Musega “Il Pentagramma” de Fiem e Fascia e l Cor de la oujes biences de Juan. En lunesc ai 23 de mé i Cores “Arancio” e “Blu” de la Scola de Musega “Il Pentagramma” de Fiem e Fascia tegnarà dapò so conzert da les 20.30 te la sala grana de la Sorastanza de la Scola de Fascia. Duc é envié de cher a jir a scutèr chisc bravi ciantores vidé dal maester Ilario Defrancesco.

Dotors y Apoteches Dotor L dutor de servisc dala 8.00 da duman de n sada 21 de mei nchin la 8.00 da duman de n lunesc 23 de mei ie l dutor Giuliano Piccoljori de S. Cristina, tel. 0471/792282. Le dotur en sorvisc tla findledema di 21 y 22 de mà, ti cin’ comuns dla Val Badia, é la doturia Margarete Mahlknecht, La Val, tel. 349/0667034 o 0474/523018. Apoteches L’apoteca de servisc che à daviert ora dl orar ordiner da n vënerdi (dala 19.00) ai 20 de mei nchin n vënerdi ai 27 de mei ie chëla de Sëlva, telefonn 0471/795142 o 333/1776615 (orar de giaurida 8.30-12.30/15.00-19.00). L’apoteca en sorvisc fora dl orar ordinar, dal vëndres ai 20 de mà al vëndres ai 27 de mà, é chëra da La Ila, tel. 0471/847152. Jëuni che fej l servisc zevil.

44

www.lauscdiladins.com


nr. 19 / 20 de mei 2011

♦ Bai de grupa

Informazions y Manifestazions Religion

Do l suzes dl Country Line Dance vëniel metù a jì a Urtijëi n curs nuef de bai de grupa A fé chisc bai ne vàl nia de bujën de avëi pea n partner. L bal de grupa possa unì balà da uni persona che à ueia de se muever do l ritm dla mujiga y che uel purvé ora zeche de nuef te na blòta grupa.

Santa mësses cun l’Urchestra di Jëuni L’Urchestra di Jëuni de S.Cristina sunerà n sada ai 21 de mei la mëssa dala 20.00 a S. Cristina y n dumënia ai 22 de mei dala 9.00 la mëssa a Urtijëi. L unirà sunà pec de F. Bühler, A. Demez, A. Corelli, C. Saint-Saëns y autri. Mëssa de chi dl 1981

I nasciüs dl 1981 po chësc ann festejé i 30 agn. Chi dla Val Badia röia adöm en sabeda ai 28 de mà dales 19.00 te dlijia da Oies, por na santa mëssa de rengraziamënt y inće de recordanza por i compagns dl ann che nes à bele lascè. Do mëssa saràl n pice renfrësch. Al vëgn inće bele organisé la jita, che tomarà tla findledema dl 1. y di 2. d’otober. Dé de oraziun a Milland

Uni sëira uniràl balà n auter bal: Discofox, Samba, Country line dance y Billie Jean (M. Jackson) cun de bela mujiga y bona ueia…. Co pudëssen pa nce se njinië ca miec per vester n forma per d’instà, se sentian bën tl corp y de spirt?

En mertesc ai 24 de mà 2011 vëgnel tignì tla Dlijia Sant Ujöp Freinademetz a Milland le Dé de oraziun por la Dlijia dla Cina. Dales 19.00 vëgnel zelebré na santa mëssa cun le ploan Christian Pallhuber, cun l’injunta de oraziuns y supliches por i cristiagn cineji. Düć chi che é stà tla Cina y che à interes por la Dlijia cineja é dër bel invià da tò pert ala zerimonia. Referat: Vire y crëie cun mituns

L curs ie for de merdi: ai 24.05., 31.05., 07.06. y 14.06. dala 20.30 ala 22.00, tl’Aula Magna dl ITC a Urtijëi. Per nfurmazions cherdëde su Giorgia 349 4674583 (Trainer Evolution Time Alto Adige).

Temp lede Incuntada/pedalada cun la roda da munt

Al vëgn invié da tó pert ales incuntades/pedalades cun la roda da munt, deboriada cun Andreas Irsara y Richard Feichter, olache al gnarà dè consëis tecnics y curiositês por se fà plü saurì da manajé la roda y se fà manco êrt da pedalè. Al vëgn fat döes incuntades: por i ëi en jöbia ai 26 de mà, por les ëres en vëndres ai 27 de mà. Intrames les incuntades é dales 18.00, pro le ćiamp dl sport da La Ila. Café leterer per franzëus Parlez-vous francais? A Urtijëi te biblioteca San Durich, ai 26 de mei dala 9.30 cun Ivana Peristi. L unirà mé rujenà franzëus. Crafuncins, saura y lianies blances

N sada ai 21 de mei dajerà l Cor de Sëlva y la grupa Alpini de Gherdëina ora sun plaza de chemun de Sëlva n ucajion dl marcià dala Poza crafuncins, saura, lianies blances y na bona prata cun mujiga y bona ueia, dala 8.00 inant nchin che l marcià fina via. Ëura de stories per mutons tla rujeneda ladina

Per mutons dla scoles elementeres, cun juesc y ndevins, pastelné y dessenië. Uni lunesc dala 15.30 ala 16.30, tla biblioteca „Oswald von Wolkenstein” te Sëlva, nchin ai 6 de juni. Referënta ie Sabine Perathoner. Metù a jì dala Union di Ladins de Gherdëina. Alenamënć d’isté

Rodes Val Badia lascia alsavëi che al vëgn pité alenamënć cun la roda da munt por mituns dai 6 ai 16 agn. Le pröm en mercui ai 25.05 dales 17.00, te plaza dl lift da La Crusc. Al gnarà metü adöm i grups de alenamënt aladô dl livel di mituns,che mëss ester apost cun le tesseramënt 2011 anter i 20 de mà. Infos: info@rodesvalbadia.org, tel. 0471/839735.

♦ L vën cialà do la bombules da destudé l

fuech Duman sada ai 21 de mei tl magasin di Destudafuech de Urtijëi Nëus destudafuech raton che l sibe de gran mpurtanza avëi te cësa na bombula da destudé l fuech, da tò ca riesc te n cajo de bujën y pudëi nsci schivé suvënz n majer dann. Y acioche la bombula sibe bën da pudëi avëi canche l romp ora n meldefuech cunsions de la lascé cialé do regularmënter. I Destudafuech de Urtijëi pieta nce chëst ann l servisc de cialé do la bombules y plu avisa duman sada, ai 21 de mei, dala 8.00 ala 12.00 y dala 13.00 ala 16.00 tl magasin di Destudafuech tla streda Purger a Urtijëi.

Le Consëi de Cöra da Lungiarü inviëia al referat cun siur Tone Fiung, en vëndres ai 26 de mà dales 20.00, te salf dl paîsc a Lungiarü. Le referënt baia dl’importanza da vire la fede deboriada cun i mituns - familia y tla cöra y dl dè inant la fede sciöche tru de vita.

Mostres Mostra de ert d’aredamënt de Adalbert Tolpeit

Le feur artistich Adalbert Tolpeit da Pidrô mostra ćina ai 22 de mà 2011 vigni dé dales 15.00 ales 22.00 sü laurs nüs de aredamënt y abelimënt artistich. Al sarà da odëi y inće da porvè fora i produć sciöche scagns, poltrones, mëses, ez.. Dlungia ales cosses funzionales y i abelimënć él inće laurs d’ert sacrai sciöche crisć y d’atri simboi. I materiai di laurs de Tolpeit é le lëgn, le metal y la ceramica. Mostra de dessëgns de Roswitha Asche y massaries da laurè te bosch

Tla cornisc dles manifestaziuns por l’ann internazional dl bosch, él da odëi tla Ćiasa dl Parch Natural a Al Plan na mostra de dessëgns dl’artista Roswitha Asche (1938-2006) y ogeć y massaries da laurè tl bosch de n raiun da munt zacan y aldedaincö. La ondes dla vita La mostra de Giovanni Demetz – Hansi de Sulé – dal titul ”Wellen des Lebens”, ie da udëi nchin ai 18 de juni tl Café Surëdl a Urtijëi. L Café Surëdl ie daviert da lunesc nchin sada dala 10.00 ala 19.00. Mostra 50x50x50

La mostra ie a Franzensfeste tla furtëza, dai 21 de mei nchin ai 9 de lugio. 38 artisć, danter l auter nce truep artisć de Gherdëina, meterà ora si opres de ert fates cun materiai desferënc, coche nce nstalazions video, fotografies y colages. Orar de giaurida da mierculdi nchin a dumënia, 14.00 – 19.00. Mostra de Flavio Senoner

La mostra ie da udëi tl MAT, via Riviera Secco, Solagna (Vi) nchin ai 31 de mei. Davierta iela de lunesc, juebia y sada dala 9.00 - 12.00 y dala 14.00 - 19.00. ”Ciel”, mostra di sculeies dla Scola de Ert I studënc dla Scola d’Ert Cademia nvieia ala mostra “Ciel“ tl gran self dl Istitut Micurà de Rü a San Martin de Tor, che resta davierta nchin ai 29 de mei, da lunesc nchin vënerdi dala 10.00 - 12.00 y dala 15.00 - 17.00. I studënc à laurà te plu materies per n valgun mënsc sun la tematica dl ciel. Vel’ un à depënt n gran cheder, d’autri n pitl sun tëila o sun na brëia, cun culëures a acril o a uele, d’autri à ziplà tl lën. L ie nce unì fotografà y laurà sun l computer. Cun pezes, fil, plastica y d’autri materiai iel unì fat opres nteressantes dl ciel. Doi mutons autramënter abli ie unic tëuc su ntan l’ëures de depënjer per ti dé forma a “si“ ciel. I sculeies dla Scola d’Ert nvieia duc i nteressei a unì a ti cialé a si criazions. Mostra de Christian Stl Holzknecht

La mostra ie da udëi a Kaltern, tla Goldgasse 33, tl’ustaria di ciuleies dal vin “Peter Sölva“ nchin ai 30 de mei. Christian Stl Holzknecht, mët ora na secuënza de pitures fates ti ultimi 6 ani cun tecniches defrëntes, truepes fates sun lën. La mostra ie davierta uni di dala 10.00 – 18.00 nchin ai 30 de mei. Ai 28 de mei, dala 19.00, saràl na pitla festa per stlù ju la mostra. Mostra cun i artisć dl’UNIKA

La mostra ie a Trënt y vën fata deberieda cun l film festival de Trënt. L titul dla mostra ie “Legno che si fa arte - Unika per TrentoFilmfestival” La mostra ie da udëi nchin ai 22 de mei, tl Palazzo Trentini, Via Manci 27, tla Sala dell’Aurora, dala 10.00 – 19.00, de sada dala 10.00 – 13.00. De dumënia iel stlut. Mostra de Aron Demetz La mostra de Aron Demetz ie da udëi a Bulsan, tla Galaria Goethe nchin ai 31 de mei. Orar de giaurida: lunesc – vënerdi 10.00 – 12.30 y 15.30 – 19.30, sada 10.00 – 12.30. Aron Demetz mët ora i lëures fac ntan i ultimi 5 ani. Mostra de Peter Demetz

La mostra dal titul “Presence“ ie da udëi a Tluses tl “Stadtmuseum“. Peter Demetz mët ora 13 opres de ert che ie liedes danter ëiles tres la prejënza de chël che mancia, la prejënza dl’assënza. Perchël tira la cumposizions y l culëur dl’opres de ert dl’artista suvënz l uedl sun la figures che ie for scialdi realistiches, ma che lascia nce semië na dimenscion de lerch y de tëmp. La mostra sarà da udëi nchin ai 28 de mei, da merdi nchin a sada, 9.30 – 12.00 y 15.30 – 18.00. De dumënia y lunesc iel dsarà.

www.lauscdiladins.com

45


Informazions y Congratulazions

nr. 19 / 20 de mei 2011

♦ Viac tl mond dl pier L Circolo - Lia Mostra d’Ert à l plajëi de Ve nvië n mierculdi, ai 25 de mei dala 20.30 tla biblioteca d’ert dla lia sun plaza Sant’Antone 102 a Urtijëi, a na sëira de nfurmazion y de degustazion dedicheda al pier Cie ie pa perdrët pier? Co vëniel pa fat? Cie sortes de pier iel pa y ciunes ie pa la defrënzes? Cie fej pa ora n bon pier y ulà pòssen pa n giapé? L unirà prejentà na desëina de sortes de pier che unirà nce ciarcëdes. N muessa se lascé nuté su, max. 20 partezipanc. Priesc dla sëira: 20 € a persona. Per se scrì ite y giapé nfurmazions plu av i s a p ò s s e n cherdé su l numer 333/6870283.

Ce bon pier.

35 agn de matrimone che ëis festejé al 1. de mà. I ves aodun döt l’bun.

Che é pa chisc dui che s’la rì fora d’La Usc di Ladins y che à bele cumplì ai 15 y ai 22 de mà i 19 y i 21 agn?

A os, Sandy y Carlo de cör düt l’bun pur l’compliann. Restede inant sagns intun y prosc. Mama y Tati

N mierculdi ai 18 de mei à

a paiamënt

N dilan por le sostëgn La Ila - Ai 11 de mà 2011 ti él gnü surandè ofizialmënter le pulmin y material tecnich al Schi Club Ladinia y al Comitê de Copa dl Monn de Schi. Bele tratan l’ultima sajun da d’invern à podü le Schi Club Ladinia anuzè le pulmin. Implü él gnü finanzié inće les rëis de proteziun, che gnarà adorades por i alenamënć y les gares tla sajun che

Les mius aodanzes por üsc

Hilda y Heini

vëgn. Ala surandada, tignida a La Ila dan la sënta dla Copa dl Monn y dl Schi Club Ladinia, à tut pert Heinrich Huber (rapresentent dla Fondaziun Cassa dl Sparagn de Südtirol), Carlo Huber y Pepi Crepaz (rapresentanć dla Cassa dl Sparagn), Andy Varallo (rapresentant dl Comitê de Copa dl Monn) y Raimund Sorarù (Presidënt dl Schi Club Ladinia).

Le Schi Club Ladinia y le Comitê d’organisaziun Copa dl Monn Alta Badia rengrazia la Fondaziun Cassa dl Sparagn de Südtirol por la desponibilité y por le contribut finanziar conzedü, a na moda che an à podü cumprè le pulmin por le Schi Club y les rëis de proteziun por i alenamënć y les gares.

festejà i 40 ani maridei. De cuer ulons mbincé dut l bon y Ve rengrazië de Vosc aiut y sustëni Vosc mutons Monika cun Markus, Manuela y Lukas Manuel cun Ursula

Cungratulazions a

Simon Perathoner da Linacia

per avëi stlut ju l dutorat de nrescida (PhD) tl ciamp dla nfurmatica pra l’ ETH de Zürich. Per ti daunì te mbincions dut l bon, suzes y truepa legrëza. Ti familia y ti nevicia Kathrin

Oe Silvio, al ne foss pa stè meso da te abiné damì, mo insciö à mefo inće i atri val’ da rì. Savun pö düć che t’as tres les matades tl će, mo sce ara va, este pa inće l’prüm da daidé. Por i 50 t’augurun düt l’bun, resta inant dala buna lüna y sann intun!

Pro la surandada ofiziala dl pulmin a La Ila.

L’ Silvio po fà festa in dumënia! Dan da 50 agn êst bëgn ćiamò n pëgna. A Kaltern a tó tües esperiënzes crüdies est’ruvé, y ćinamai a Burnech a t’incucé. A nos 4 ëles se sàl bel da te cuiné, “malan de chifes” aste spo da brunturé. T’ s’as insigné tröp y t’es sciché mo les tabelines messunse impò nos te insigné.

A nosc “Däddy” ti urun bun y düt l’bun ti augurun, sanité, ligrëza y furtüna urun ti auguré y inće n pü’ de ćiavëis söl će. Tües ëles Pia, Sandra, Simona, Giulia

46

www.lauscdiladins.com

Da nos che t’orun tan bun

A Klaus y Evelyn düt l’bun y buna furtüna pur vosta vita deburiada ves augüra vostes families.


Religion, Anunzies y Inserac

nr. 19 / 20 de mei 2011

Vangel dla Domenia 5. Domënia de Pasca, ann A, ai 22 de mà 2011 dal vagnele do San Jan, 14, 1-12 Te chël tëmp à Gejù dit a sü discepui: “Osc cör ne se lasces nia turbè. Cherdede te Dî y cherdede te mè! Tla ćiasa de mi Pere él tröpes abitaziuns. Sc’ara ne foss nia insciö, ves essi dit dailò: I va a ves arjigné ca n post? Canch’i sarun jü y ves arà arjigné ca n post, vëgni indô, y i ves condüji da mè, por ch’i sëise inće os, olache iö sun. Y olache iö va - chël tru conescëise pö.” Tomesc ti à dit: “Signur, i ne savun nia olache te vas. Cô désson pa spo conësce le tru?” Gejù ti à dit: “Iö sun le tru y la verité y la vita; degügn ne röia dal Pere ater co tres mè. Canch’i m’arëis conesciü, conesciarëise inće mi Pere. Bele śëgn le conescëise y l’ëise odü.” Filìpus ti à dit: “Signur, móstresse le Pere; chësc nes basta.” Gejù ti à respognü: “Bele tan dî sunsi pro os, y te ne m’as nia conesciü, Filìpus? Chël che à odü mè, à odü le Pere. Cô sciàfieste pa da dì: Móstresse le Pere? Ne crëieste nia, che iö sun tl Pere y che le Pere é te mè? Les parores che iö ves diji, ne diji nia da mè infora. Le Pere, che é te mè, ademplësc sües opres. Cherdédeme pö, che iö sun tl Pere y che le Pere é te mè; sce nia, spo cherdede almanco por gauja dles opres! Amen, amen, i ves diji: Chël che crëi te mè, fajarà inće les opres che iö feji, y al nen fajarà ćiamò de maius, deache iö va dal Pere.” Parora dl Signur. - Lalt a té, Gejù Crist!

Recort Segondo anuel

Matilde Stuffer Pezzei Ti nseniamënt, ti bontà y ti amor nes juda a jì inant sun l troi dla vita y ti lecort resta vif te nosc cueres. Ulon se lecurdé de té, n dumënia ai 22 de mei te dlieja de S. Cristina ntan la santa mëssa dala 10.30. N Dievelpaie a duc chëi che unirà ala santa mëssa y che se lecorda de ëila te si urazions. Chëi de familia

Rengraziamënt “I vëgn da te Signur, i ne à nia plö forza!”

Da vende L vën vendù n VW Lupo 16V, 101 ciavei, fosch, ann 2001, cun colaudo fat de jené 2011, 56.000 km, a n bon priesc. Tel. 329/2234450. (17/11) ••• L vën vendù n Ford Focus Station Wagon dl 2002, diesel, l à 97.000 km. Tel. 335/8230782. (17/11) ••• L vën vendù 4 montli da d’inviern cun cërtli de acel dla marca Dunlop adurvei una na sajon, mesures 165 x 14 x 65 y n auto-radio per CD’s y AUX. Priesc da traté. Tel. 347/0507350. (17/11) ••• Al vëgn venü na mascin da puzenè a tanf (vaporetto) LUX cun duc i pec che va de bujën por puzenè döta la ciasa, prisc 600,00 euro, n ann i mez vedla. Tel. 333/8671652. (17/11) ••• Da vëne n motor enduro TTR Yamaha, sö por i 2.000,00 euro. Tel. 335/ 5381505. (17/11) ••• Da vënder n bach a cianton cun mëisa y doi stuei, 170 x 150 cm, de lën da

beca, a n bon priesc. Tel. 339 3395135. (18/11) ••• L vën vendù n bel gran canape, da tré ora y da pudëi durmì lessù per doi persones, lerch 2,20 cm mo tan che nuef. Tel. 339/8076400. (18/11) ••• Da vënder na mascin da lavé ju 3 mënsc vedla dla marca Siemens, mesura normal, larghëza 60 cm. Tel. 335/5257970. (18/11) ••• Da vëne a Corvara n Subaru Legacy model nü dl 04.2010, traziun integrala 150cv turbo diesel cun 16.000 km, corù blanch perlà. Tel. 339/8817965. (19/11) ••• L vën vendù n acuare Askoll ambiente da 58 litri, mesures: 60 x 30 x 41 aut cun 3 plantes a 75,00 euro. Tel. 338/4859194. (19/11) ••• L vën vendù na truga plu o manco 100 ani vedla, mesures 75 auta x 1,65 longia x 67 lergia. Tel. 340/3761269. (19/11) •••

Da chirì L vën cris n cuatier per dut l ann o nce mé per la sajons da d’instà y inviern. Tel. 348/4287159 o 338/6478028 Alessandra. (17/11) ••• L vën cris n pitl cuatier o na mansarda per doi persones da tò a fit dai 15 de mei inant per 2 – 3 mënsc te Gherdëina. Tel. 340/5298027. (17/11) ••• N pèr da tlo chier n cuatier te Gherdëina

per dut l ann. Tel. 347/2535315 o 334/2421086. (18/11) ••• N’ëila de 52 ani che viv a Milano chier n cuatier cun mubilia da tò a fit a Ciastel, Sëuc o Urtijëi. Tel. 338/1795749. (18/11) ••• Te Gherdëina vëniel cris zachëi che ëssa doi pitli cunici (Zwerghasen) da scinché o da de ca a n bon priesc. Prëibel cherdé su l 338/5284911. (18/11)

“Sepl d’Gado” *05.01.1929 +10.05.2011 I familiars oress rengrazié de cör siur Andreas y siur Angel por la bela mëssa de supultüra, giulan ai ministranć, ai ćiantarins, al mone Heinrich, a Richard dl Planisel che à dit dant les corones, ai stüdafüch, al Raimund y al Stefan, al Simon de Helmut, a Erich da Fistì y a chi dal cunfarun. N giulan particolar i va a düt le personal dla ćiasa de palsa, ales infermieres che é gnüdes te ćiasa, ala Crusc Blanćia, ai doturs che à daidé nosc tati te süa lungia y ria maratia. Bel giulan a düć chi che à fat ofertes de ciüfs y a fin de bëgn, a chi che nes é stà dlungia te chësc momënt de dolur y a düć chi che se recorda de nosc tati tles oraziuns. Che Idî s’l pàies.

••• L vën cris n cuatier de 60 m2 da tò a fit per na familia te Gherdëina. Tel. 349/4964230. (19/11) ••• N’ëila de 37 ani chier na majon te Gherdëina ëila se pieta de cialé de na persona de tëmp o de pitli mutons o a rumé su. Tel. 348/2246784. moldovanandreea32@yahoo.it •••

Chirì da laour Na jona de 18 ani de Badia chir n laûr da mez lugio inant. Tel. 335/7879518. (17/11) ••• N cogo dl post chir n post de laûr por fora de sajun, dla Val Badia. Cell. 333/6640912. (17/11) ••• N’ëila chier da lëur a rumé su cuatieres a Urtijëi. Tel. 334/9374939. (17/11) ••• Na jëuna da tlo cun matura y ejam de trilinguism A chier n lëur da śën inant coche secretera o nce zeche d'auter per dut l ann o nce per la sajon da d’instà. Tel. 333/9895924. (17/11) ••• N jëunn chier da lëur a judé te cësadafuech, a lavé ju o scenó nce sciche chelner. L fajëssa nce gën l lëur da sciafèr o de avisé l ”muletto”. Tel. 0471/704257 - 327/8378389 - 345/3858009. (17/11) ••• N jëunn da tlo chier da lëur da śën inant nchin ala fin de juni. Tel. 328/7362109. (18/11) ••• Na studënta de 17 ani chier da lëur a judé te cësadafuech o te ufize o coche chelnera de sala. La sà la rujenedes tudësch, rus y nglëisc. Tel. 347/4788551. (18/11) ••• N ël chier da lëur da massajadëur y scenó nce a fé de uni sort de stroc cun

puscibltà de albierch. Tel. 327/1304706. (18/11) ••• Na ëra de 40 agn dl post chir laur tla Val Badia da jì la sabeda a puzenè apartamënć o d’ater. Tel. 339/5947933. (18/11) ••• Na ëra de Badia chir laur por 3 - 4 ores danmisdé sciöche ćiamenëssa tl’Alta Badia. Tel. 0471/838075. (18/11) ••• Na jona de 18 agn dla Val Badia chir n laur d’isté por ćiarè di mituns. Tel. 347 5860697. (18/11) ••• N ël chier da lëur a judé te cësadafuech o a fé d’uni sort de lëures, te Gherdëina, cun esperienza. Tel. 3387233211. (18/11) ••• Na studënta de 16 agn dla Val Badia chir laur sciöche möta da mituns, fà i gostà o val’ ater laur por la sajun da d’isté. Tel. 333/8587715. (18/11) ••• Na jëuna dla Serbia cun esperienza chier da lëur a rumé su majons o coche chelnera per la sajon da d’instà cun puscibltà de albierch. Tel. 389/9975736. (19/11) ••• Na studënta che à la scora alberghiera chir laur tl auta Val Badia por n praticantat por la sajun da d’isté te

Ütia Boconara a Corvara chir pur la sajun da d’isté 1 chelner/a dl post. Prëibel telefonè al 338/8725621 life@boconara.com

Hotel am Stetteneck a Urtijei chier per la sajon da d’instà 1 chelner/a cun cunescënza dl talian, tudësch y ngleij. Prëibel cherdè su l 0471/796563.

reception. Tel. 334/3458299. (19/11) ••• Na jona chir laur da ćiarè sura de de pici mituns por l’isté. Tel. 349/4086706. (19/11) ••• N cuech cun esperienza chier da lëur. Tel. 392/1513805. (19/11) ••• N’ëila cun esperienza y de bona referënzes chier dla lëur a cialé de na persona de tëmp o nce de pitli mutons, te Gherdëina o nce oradecà. Tel. 340/5298027. (19/11) ••• Na jëuna chir n lëur sciche chelnera o barista a Urtijëi da sën inant. Tel. 329/4123241. (19/11) ••• Na ëra, jona y orentida cun esperiënza, chir laur da barista o chelnera de salf tla Val Badia, por la sajun da d’isté y evtl. inće por döt l’ann. Tel. 340/8917189. (19/11) ••• N muradëur, zumpradëur chier da lëur per dut l ann. Cun esperienza de 10 ani cun na firma da tlo. Tel. 347/2741786 o 345/1337758. (19/11) ••• N ël chier da lëur da pizzaiolo cun esperienza. Tel. 338/2713726. (19/11) ••• N ël chier da lëur a lavé ju o a fé de uni sort de stroc. Tel. 389/6903588. (19/11)

Da dè ia

I recordun te nostes oraziuns

Giuseppe Pescosta

Al vëgn venü 4 felghes de aluminium, 17", por Opel, 5 büsc, ET 41. Tel. 333/9293877. (19/11) ••• Da vëne n Peugeot 207 XS 1.6 16V 3P VTI, corù ble metalisé imatricolè 09/2007, km 52.000, un n proprietar. Tel. 339/7969207 (da sëra) (19/11) ••• L vën vendù n Golf 4 fosch 1.600 penzin, dl 2001 cun 115.000 km. Colaudo fat de merz. Tel. 335/7045112. (19/11) ••• Vënde 4 de bon montli da d’instà per Alfa 147, Ford Focus, Fiat (195-60-15). Tel. 0471/798263. (19/11) ••• L vën vendù n BMW 320d touring dl 2005 cun 102.845 km, sistem de navigazion, xenon, sic de pel da sciaudé, parctronich, asset sportif, radio cun cd, cërtli da 17”, 4 montli da d’inviern cun cërtli, tlima, computer, cambio automatich, pachet de lumes dedora y dedite y sensores per la plueia a n bon priesc. Tel. 335/7075082. (19/11)

La dita Wintersteiger Italia Srl a La Ila chir da atira y por döt l’ann 1 tecnich informatich por l’istalaziun, istruziun y assistënza dl sistem software por la gestiun dl imprëstaschi, depot y botëghes. Al vëgn damanè chëstes competënzes: - istruziun/scores tl ćiamp dl’informatica; - de bones conoscënzes dl istalaziun de rëis, configuraziuns de VPN y firewall; - de bones conoscënzes di sistems operatifs Win 2008 server, Win7 y WinXP; - de bones conoscënzes de talian y todësch scrit y baié. Por informaziuns cherdè sö le 0471/845837, fax 0471/844179, fonin 335/7875460 e-mail: stefan.thaler@wintersteiger.it

L vën dat ca goc da cuejër ite. Tel. 0471/798062. (19/11) ••• Da scinche via 4 cërtli de lega cun cater büsc por n Opel Astra. Tel. 338/4305053. (19/11)

Bella Vista Hotel Emma ****S a Al Plan chir n/na chelner/a por salf dai 15 de jügn ćina ai 15 de otober, cun esperiënza. Prëibel cherdè sö le 335/364306.

Auto Alta Badia a Pedraces/Badia chir n lerner da carozìer por döt l’ann. Prëibel telefonè al 0471/839865. info@autoaltabadia.it

www.lauscdiladins.com

47


Inserac

nr. 19 / 20 de mei 2011

L’Assoziaziun Turistica de Badia (Badia, La Ila, San Ćiascian) tl’Alta Badia chir da atira 1 diretur/ria. Pro les funziuns àldel: - aministraziun, coordinamënt di colaboradus cun organisaziun dles filiales, conduziun dles strutöres turistiches, tignì vis i contać cun i mëmbri y les istituziuns publiches sciöche uniuns locales, organisaziun de manifestaziuns, colaboraziun cun le Consorz Turistich Alta Badia tl marketing, tl coordinamënt di sorvisc turstics desvalis - creaziun y realisaziun di sorvisc I damanadus/Les damanadësses dess avëi chëstes precondiziuns: - stlüj jö n stüde d’economia o iurisprudënza; - esperiënza tl turism resp. formaziun ajuntiva/master tl setur marketing é de ütl; - de bunes conoscënzes dl laur söl PC y esperiënza cun i porgrams MS-Office y inće new media; - dër de bunes conoscënzes di lingac talian, todësch y ingleje; - savëi ladin é de ütl; - desponibilité de n gran impëgn y dediziun desco inće autonomia tl laur; competënza soziala y rotëgn profescional. I nes confortun a osta domanda! Menesse prëibel osc curriculum cun foto a lavilla@altabadia.org ćina al plü tert al 10 de jügn 2011. Assoziaziun Turistica de Badia, tel. 0471 847037.

Le Museum Ladin Ćiastel de Tor chir 1 porsona cun titul academich suradöt por les ativitês didatiches dl museum (stüde de storia, archeologia, lingac, storia dl’ert, geologia y i.i.) da atira fina ala fin dl ann 2011. Al vëgn damanè l’apartenënza al grup linguistich ladin y l’atestat de trilinguism A. La störa gnarà cualificada tl VIII. livel funzional tres n contrat provinzial a termo. Por informaziuns plü menüdes podëise cherdè sö le 0474/524020 o tres e-mail a info@museumladin.it. Les domandes cun curriculum vitae é da dè jö anter i 30 de mà 2011 dales 17.00 tl Museum Ladin Ćiastel de Tor a San Martin de Tor.

Hotel Villa Eden a Corvara chir por la sajun da d’isté n/na barista n/na chelner/a por salf na ćiamenëssa, düć cun esperiënza. Prëibel telefonè al 0471/836041 menè le curriculum a info@villaeden.com

N esecuzion dla deliberazion dla jonta chemunela nr.32 di 08.02.2011 fej l Chemun a l savëi che chësta aministrazion chemunela dà a fit l cuatier tl mplant dal sport “Mulin da Coi” de S.Cristina Gherdëina cun ublianza, da pert de chiche tòl a fit, de fé lëures da vardian dl mplant dal sport per l tëmp de cater ani. Davia che l vën realisà l troi da jì cun la rodes, unirà l zënter dal sport “Mulin da Coi” valorisà dassënn, nscì fóssel nce de gran nteres che l unissa menà l’ustaria. La dumanda muessa unì ite a chësta aministrazion nchin y nia dò la 12.00 de n merdi 31 de mei 2011. Duc i nteressei possa se nfurmé te chemun (lunesc - vënderdi dala 8.00 - 12.30 y juebia dala 14.30 17.00) y dé ju la dumandes. L ambolt Eugen Hofer

48

www.lauscdiladins.com

Imobilies L vën fità via nce per plu giut magazins, locai reprejentatifs, ufizes de uni grandëza cun majons y posć da lascé l auto a Puntives. Per plu nfurmazions prëibel cherdé su l 335/222531. I afitun ia na ćiamena da 1 let cun duscia y WC, a La Ila, inće da atira y inće por döt l’ann. Tel. 0471 847230 (da sëra) Da afité ia por döt l’ann 1 cuatier por 2 porsones tl zënter da Pedraces. Prëibel cherdè sö le 328/7565201. L vën vendù n residence a Ciastel. L fabricat ie mantenì scialdi bën y l à na bona tlientela. Per plu nfurmazions Ve prions bele de mandé vosta dumanda scrita per posta a: La Usc di Ladins streda Rezia 83 39046 Urtijëi Chiffre 05 Te Sëlva vëniel vendù n pra da mont de 1,5 hectar zënza medel. Prëibel cherdé su l numer 340/9675906.

L vën vendù n grunt de n hotel a Kaltern cun ududa sun l lech de plu o manco 2 ha. Tel. 340/9675906.

Tl zënter de Urtijëi vëniel fità via na luegia per n auto. Prëibel cherdé su l 335/436241.

Restorant Sass Dlacia a San Ćiascian chir por la sajun da d’isté 1 chelnera cun conescënza de talian y todësch. Prëibel cherdè sö le 331/6894517.

Market Zingerle a Corvara chir por la sajun da d’isté 2 por stè do banch a taié sö - (1 por atira y 1 da mez messè inant) cun poscibilité de spëisa y alberch. Tel. 335/7863776.

Hotel Villa Eden a Corvara chir n/na secreter/ia cun esperiënza por la sajun da d’isté y scemai inće por la sajun da d’invern. Al vëgn damanè na bona conescënza de talian y todësch y poscibilmënter la conescënza dl program Asaj. Prëibel telefonè al 0471/836041 o menè le curriculum a info@villaeden.com

Hotel Bel Sit *** a Corvara chir por la sajun da d’isté (dai pröms de jügn inant) n secundo cogo cun esperiënza y creativité. Prëibel cherdè sö le 333/5312571 o menè n curriculum a info@belsit.it

I Mëinacrëp de Gherdëina chier per 2 mënsc ntan la sajon da d’instà n/na jëunn/na che laurëssa tla palestra de arpizeda Nives te Sëlva 5 ëura da sëira dala 17.00 – 22.00, sada liede. Per plu nfurmazions pòssen cherdé su David 339/5204215.

L’ Spangler da Pidrô chir n lerner. Prëibel telefonè al 335/6117680 o al 0471/843120.

Hotel La Tambra a Corvara chir por la sajun da d’isté 1 massöra-estetista. Prëibel cherdè sö le 0471/836281 info@latambra.com

L’Assoziaziun Turistica da San Martin de Tor chir por la sajun da d’isté/ por döt l’ann n/na secreter/ia dl post. Al vëgn damanè na buna conescënza de talian, todësch y inglesc y conoscënzes de computer y internet. Al vëgn pité n laûr desvalì, a contat diret cun jënt dl post y sciori. Düć i interessà po s'anunzié ćina ai 23 de mà. Tel. 0474/523175 info@sanmartin.it

Hotel Sassongher ****S a Corvara chir na secreteria dl post dai 20 de jügn inant por plü o manco 10 mëisc. Prëibel telefonè al 0471/836085. info@sassongher.it

Hotel Miramonti a Pedraces/Badia chir por la sajun da d’isté na porsona por reception y ofize, inće ma a mez tëmp. Tel. 0471/839661 info@miramontihotel.it

Pension Christian a Corvara chir por la sajun da d’isté n/na chelner/a por salf cun esperiënza. Prëibel telefonè al 0471/836201 o al 333/4260328.

Na mensa per lauranc te Sëlva chier 1 persona che servësc te sala y juda te cësadafuech da juni nchin ntëur ai 20 de setëmber. Prëibel cherdé su l 0471/794355.

I chiriun n eletrizist cun esperiënza y ligrëza da laurè tl ćiamp dla termoregolaziun y dl’automaziun. La Val - Zona artejanala Tel. 0471/843162.

Sporthotel Panorama a Corvara chir por la sajun da d’isté n/na chelner/a n/na aiüt chelner/a cun esperiënza y conescënza de talian y todësch. Prëibel cherdè sö le 0471/836083. info@sporthotelpanorama.com

Hotel Col Alt a Corvara chir por la sajun da d’isté n/na barist/a. Prëibel telefonè al 0471/836009 fax 0471/836066 info@colalto.it

Hotel Pütia Antermëia chir por la sajun da d’isté, dal lönesc al vëndres na animadëssa por mituns. Prëibel telefonè al 0474/520114.

N stüde dai dënz a Al Plan chir na jona/ëra dl post o tla vijinanza, danter 18 - 35 agn sciöche assistënta ala poltrona. Al vëgn damanè na bona conescënza de ladin, talian y todësch. Prëibel cherdè sö le 0474/501877 o le 331/8019317.

Al vëgn chirì a La Ila 2 ëres a puzenè apartamënć dui iadi al’edema por la sajun da d’isté. Pëibel telefonè al 0471/847168.

Al vëgn chirì na ëra a daidé te ćiasa, le lönesc, mercui y vëndres dales 11.30 ćina les 17.30, döt l’ann a Al Plan. Tel. 349/3559244. La Scola de Schi de Sëlva chier per dut l ann n/na secreter/ia che sebe tudësch, talian y nglëisc y da lauré sun l computer. Prëibel cherdé su l 335/204278.

Dolomiten Sportswear chir na boteghiera cun esperiënza por la boutique de Corvara. Al vëgn pité n paiamënt aladô de contrat y n cuatier a 200 metri dala botëga. Prëibel cherdè sö le 0462/813106. Fax 0462/814422 coge@dolomitensp.191.it

Hotel Arlara a Corvara chir por la sajun da d’isté n aiüt te ćiasadafüch. Prëibel cherdè sö le 339/3913671. hotel@arlara.com

L’Excelsior Resort ****S a Al Plan de Mareo chir 1 chelner/a part time da sëra. Prëibel telefonè al 0474/501036 www.myexcelsior.com

La Usc di Ladins  

edition 1911

Read more
Read more
Similar to
Popular now
Just for you