Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 18/2011 - 13 de mei 2011 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Sëlva

14

Perdù na milion Aldò de na expertisa dl tecnich agrar Heinrich von Lutterotti cun la streda de zircumvalazion à l luech dal Ampezan te Sëlva perdù dassënn de valor, avisa 928.714,11 euro. Otto Senoner auza ora si gran delujion.

Raiffeisen

Usc ladines tl Dom

Comentar de Pruma

Ala Festa di patronns dla diozeja San Ćiascian y San Vigile a Porsenù à le cor ladin metü adöm da ćiantarins da Lungiarü, La Val, San Martin de Tor y La Pli ćiantè la mëssa menada dal Vësco deplù a plata 5 da Desproch Manfred Scheuer

Bin Laden y Al Qaeda

de Iaco Rigo

18

Generela “Avëi te Gherdëina na pitla banca locala, che cunësc la jënt y lëura per chëi da tlo ie na fertuna. “ Chësc ie l pensier plu mpurtant che ie unì auzà ora da pert di cumëmbri ntan la senteda generela dla Cassa Raiffeisen de Sëlva.

Mostra

19

Pestaria ie ert Trash-Art: n’ert drët particulera, de marueia cie che se lascia dut fé cun l refudam. Mostra dla Scola Mesana de Sëlva tl Tublà da Nives.

Tratan la santa mëssa tl Dom da Porsenù, ćiantada dal cor moscedè dla Val Badia sot la direziun de Elio Clara.

La Ila

La terza edizion de la setemèna del lengaz à slarià fora l pensier de viver l ladin te la vita de duc i dis ma ence te l’ambit del lurier

21

Generala dla Cassa La Cassa Raiffeisen Val Badia à tignì la sentada generala. Intervista cun le diretur Hubert Obwegs.

San Martin

23

Pröms diesc agn Dan 10 agn nasciôl la cooperativa SEA - Sorvisc Energia Ambiënt. “Na iniziativa che s’à paié sot vigni aspet”, dij Martin Clara, a će dl diretif.

Ert

25

Adalbert Tolpeit Le “feur da Pidrô” à metü fora a Pidrô sües creaziuns d’ert y design cun le lëgn.

Fascia

26

L Giro rua te Gardecia Dò 35 egn l Giro de la Tèlia fèsc endò tapa tel cher de la Dolomites. Intervista al president del Comitat Fausto Lorenz.

L’Aisciuda ladina di comerzianc e di artejegn Fascia - Dai 3 ai 7 de mé i protagonisć de la terza edizion de l’Aisciuda Ladina 2011 l’é stat artejegn e comerzianc. “Bertol”, la mascotte de la manifestazion, l se à trat fora l gramièl e l se à trat ite la cracs con su la chiena e i zeberchies. Defat, dò la scola e i joegn hotelieres te la setemèna del lengaz enstouta l’é stat rejonà del ladin ti mestieres e ti prodoc. L’obietif ogne an l’é chel de slarièr fora l lengaz de noscia mendranza te duc i ambic de la sozietà, chi che revèrda la vita de ogne dì e apontin chest an se é jic più a fon sul lurier

che fajon. Per chest defat per 4 dis l’é stat rejonà de slarièr fora l ladin ence canche se va a comprèr o da l’autra man canche se ven zeche che sie magnadiva, guant o ence mobilia o cosses de la cèsa e che tol ite i mestieres de l’artejanat. Se à proà a troèr na vida per jir sora fora l scempie comerz e de l leèr ence a noscia identità de mendranza. L Comun general, la Scola ladina, l’Istitut Cultural e l’Union di Ladins de Fascia col didament de la sociazion di joegn Hotelieres e la Coprativa de Fascia, i se à endò metù ensema per portèr dant desvalives

momenc de aprofondiment, de debatit e ence culturèi, che i à dat l met de jir mìngol più a fon te chest vers, proèr a n saer mìngol de più, e veder coche se podessa se mever per slarièr fora l lengaz te l’ambit del lurier, proan a se domanèr, per ejempie, percheche no scrivon fora Becarìa enveze che “Macelleria”. Na setemèna de reflescion l’é pech, ma l’aer metù fora te vedrina i simboi de noscia identità e l tachèr sù na scrita per fascian sul furgon, fosc l’é ja n segn positif. Depiù a la piates 12 e 13

Nasser al Wahishi, le numer un de al-Qaeda söla penijola arabica, sprigorëia i Statesc Unis d’America cun n comunicat stampa che dij che le “piec” gnarà impormò, do che forzes speziales americanes à copè Osama Bin Laden tl Pachistan. L’ozidënt à ultimamënter alzé le livel de verda. Viunse tl prigo? Te nüsc pici posć de munt y piceres citês dles Alpes ne messarunse avisa śëgn se temëi da de gran ataches teroristiches di estremisć de Al Qaeda, nos sarun bëgn n travert de massa püćia importanza por alQaeda, i n’ùn degönes tors dl comerz mondial, aeroporć internazionai o n Pentagon y Tor Eiffel. Impò viunse inće nos sön spines, deache i rodun inće nos fora por döt le monn y degügn ne pò savëi olache le prigo coa. Le terorism de al-Qaeda é da condanè sciöche terur, y al n’à degun confin, ne se tëm da nia. Por tröc americagn é al-Qaeda la usc dl mal, por val’ musulmanns réstel n canal iustifiché de na vera cuntra n ozidënt che à ti secui passà sotmetü y anuzé la cultura araba y sü teritori. Inće sce al-Qaeda é na reaziun al imperialism economich y cultural dl Ozidënt, ne pòn nia i dè rajun. Rajun à ma le dialogh y la pêsc. Da dötes les perts. Chisc é prinzips, y n prinzip dess inće deventè che la comunité internazionala cun l’ONU danfora investësces döta la diplomazia y deplü ressorses por i Statesc y i Raiuns che vir la meseria, materiala y chëra culturala y zivila.

Antersasc Tl’ultima ediziun de La Usc di Ladins unse publiché sön la pröma y terza plata l’articul “Antersasc: sasc enmestrù”, cun laite n passus che ne corespopgn nia ala lerité zitan Michil Costa che ess scrit te n comunicat sön internet che “al romagn n paront, i ùn speré ćina ala fin che la signoria detlarass döta la strada fora lege, deache gnanca le pröm toch de strada n’à importanza por laurè le bosch y por fà lëgna; i ponsarun do da jì cuntra le punt dla sentënza che lascia en pêsc le pröm toch de strada...” I retificun dan a nüsc leturs che chëstes n’é nia les parores de Michil Costa, mo dla “Organisaziun tët por la sconanza dla natöra y contrada - CIPRA Südtirol” cun sënta a Balsan söla Kornplatz 10. I nes scusun pro Michil Costa y pro i leturs! (Redaziun La Usc di Ladins)


Letres y Atualité

nr. 18 / 13 de mei 2011

Da les zentrales di partis politics

Hotel Sochers

Modifiches dl Statut de Autonomia La SVP anunziëia de portè dant na proposta de lege costituzionala por mudè le Statut de Autonomia. Chësc vare vëgn odü de bun edl da Ladins Dolomites, sciöche resposta ales gran presciuns de chësc vers, fates propi da Ladins Dolomites. Ladins Dolomites à inće laurè

fora na proposta de modifica dl Statut, che dess gnì confrontada cun chëra dla SVP, por odëi ciüna che vëiga danfora i maius dërć por i ladins. La SVP indere ô tó n’atra strada y jì dassora. Canche la SVP fej insciö, sàn bele danfora che al é val’ da ascogne. Porchël inviëia Ladins Dolomites la SVP da se sentè

Hotel da 7 stëiles y l vënder ora de nosc ncësa jö pro na mësa y odëi deboriada ciüna che é la miù strada. Le medemo jüch al rebas fat dala SVP ne gnarà nia plü tolerè da Ladins Dolomites. Sce an fej val’, mësson le fà indertöra, no ma tan por podëi dì de avëi fat valch. Ladins Dolomites

Antersasc Cie valor à pa la cumiscion per la defendura dla cuntreda? Cun gran plajëi ons audì che l TAR ti à dat rejon a chëi che se à batù contra la streda de Antersasc; l tòch tl Parch Naturel Puez Odles ne puderà nsci nia unì fat. Drët bën vëniel spigà te n video sun www.antersasc.it. L nes sà da muië a messëi audì che l patron dla ciajea dij de avëi

dat ora 30.000 euro per velch che ne unirà nia plu fat. La dumanda ie: ciuldì vëniel pa dat na cunzescion dala Jonta provinziela per fé na streda te n Parch Naturel, do che la Cumiscion per la defendura dla cuntreda à dit de no? Ciuldì pa fé na streda mé per derturé su na utia da mont? Se rendons’a cont che sce

duc ëssa scutà, fossa n beliscimo luech da mont unì revinà? Ciuldì muessel pa suzeder de tel cosses? Lista Urtijëi, Raimond Irsara, Alberto Costanzi, Claudia Urthaler, Gerlinde Goller, Claudia Schrott, Martina Goller, Claudia Insam

Tunel Pana a Urtijëi Prim var per na sala de manifestazions tl tunel de Pana Tla senteda de Cunsёi de Chemun de Urtijëi di 6 de mei fòvel danter l auter nce na variazion de bilanz che udova dant 140.000 euro per l ressanamёnt dl tòch de streda danter la plaza Stetteneck y l rundel Purger. La Lista Urtijëi à detlarà de vester a una cun l proiet, ma se à pertendù che i lёures vёnie fai permò do che l ressanamёnt dla vedla scola

elementera sarà stlut ju (plu o manco te n ann y mez), per ne reviné nia la streda nueva cun l fabriché. Cun n test scrit ons damandà de ti dé la priurità a njeniё ca l tunel de Pana per manifestazions d’uni sort. Ora dla descuscion iel pona unì azetà la pruposta de udёi dant 5.000 euro per n stude de fatibiltà per na sala de manifestazions tl tunel de

Pana. Udon chёsc n prim var per la realisazion de n luech de ancunteda soziela scialdi damandà da jёuni, lies y zitadins dl luech. Lista Urtijёi Raimond Irsara, Alberto Costanzi, Claudia Urthaler, Gerlinde Goller, Claudia Schrott, Martina Goller, Claudia Insam

Ambolt cumprà? Resposta al comunicat stampa Tla ultima USC scrij la frazion Ladins de Sëlva - te na comunicazion stampa - bëndebò a puntin n con’ dla cuestion hotel da 7 stëiles. Ne valuteie nia duc i ponc, ma ue tò posizion per chël che reverda mi persona. L ie unì scrit: “L ambolt da dant - al mumënt cunselier dl’oposizion - ti ova dat la despunibltà ala sozietà dla Saslonch de purté ite n proiet.” L me vën trat dant che ie cun mi firma privata ësse vendù per plu milions de euro l mplant da fé nëif sun la Saslonch, fajan ntënder che perchël ëssi ie dat pro chësc y ësse fat n marciadoz

dainora. Praticamënter fossi unì cumprà o curot. Ai 26 de auril, canche l ie stat l’ancunteda dl patron dla Saslonch cun l cunsëi, iel nce unì criticà che i lëures per l hotel unissa dac su a firmes da oradecà. Per prim me damandi, cun ce fundamënta y fac possa pa zachei dì che ie ësse mpermetù velch o ësse fat fé n proiet? Per segondo: … tl cajo di canons, ëssel pa pona messù unì na firma da oradecà a fé chësc lëur? O ne n’iel pa nia miec che l fej chëi da tlo cun dut lauranc da tlo, paian monce la chëutes tlo.

O magari, ëssi pa messù vënder la firma per pudëi fé l ambolt o lascé de fé l ambolt per pudëi fé mi lëur? Nia da capì ne n’iel cie che a da n fé la ncëria per i purtoies dl vizeambolt che à abù la ncëria dal 2000 incà. Ma sambën, ntlëuta tl 2000-02 canche l ie unì fat i lëures fovi l sëul ambolt de na lista Ladins, pona jiva dut bën. Dal 2005 incà al incontra, do che fove te na lista zivica, ëi fat semea dut fauz, …dij for la lista Ladins. Roland Demetz, ex ambolt, Sëlva

Resposta comunicat stampa Cun gran marueia muessi liejer tl comunicat dla lista Ladins che ie y l ambolt Roland Demetz assan fat vel’ marciadoz cun la Saslonch. L semea, aldò dla lista Ladins, che ie ne ësse nia pudù vester nciarià per i purtoies, a vester che ne fove pu nia l prim iede, l é pu bele fat per l Chemun tla legislatures dant; oradechël rati bën che de purtoies me ntëndi velch, a vester che son na vita sun i purtoies dai schi. Dut va mé ntëur a chësc hotel da set stëiles, ulache n ne n’ie nia boni de tò na dezijion, trajan ora d’uni sort de cuestions y critiches nce persuneles y pesoces a duc chëi che a abù y a da n fé cun la Saslonch. Ie rate y spere che ti ultimi ani sonse stai boni de fé truep de biei lëures per l

2

www.lauscdiladins.com

chemun y per la jënt de Sëlva; lëures che se lascia udëi y che ie de utl per l luech, sibe per i zitadins che nce per duc chëi che lëura per l turism (plaza da Nives, streda da Nives sun dlieja sciaudeda, la plaza de dlieja, la palesta da arpizé, sot- y sëurapassajes di purtoies dai schi dantaldut per la segurëza, garaje Col da Mulin, l local per i Destudafuech y d’autri). I lëures che ie é sotscrit da vizeambolt ie da pudëi jì a cialé do, davia che l ie lëures che ie unic apurvei da duta la cumiscions sibe da Bulsan che dala cumiscion dl frabiché dl Chemun de Sëlva. La lista Ladins dassëssa cialé plutosc al daunì che no al passà, coche i à mpermetù, y sce la ne n’ie nia bona de manejé o aministré chësta

cuestion pona dëssi ti lascé la lerch a zachei d’autri. Ie spere che i ne sibe nia coche i ie stai tla ultima legislatures, ulache i fova suvënz de contra o astenii. L me sà na granda che l vën ora de tel polemiches n con’ dla persona dl ex ambolt Roland Demetz, che à for cialà de judé y de ti jì ancontra a duc i problems che ie te n Chemun sciche chël de Sëlva. Heini Senoner da Frëina, Sëlva Priesc d’abonament anual: per la Talia: 58,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Nchin śën ne éi mo abinà degun pont che rejona per n tel megaproiet y nce sce gran pert di ponc negatifs ie bele unii purtei dant tl comunicat dla Lia da Mont y dla Lia per Natura y Usanzes y tl articul de Lukas Pitscheider tl Puhin ulëssi mpo mo fé n doi cunscidrazions. Sce te tëmps de crisa mundiela àuden for mo de recorc nueves n cont de prejënzes de turisć te nosta valeda, pona ciuldì uelen pa mudé strategia y ulëi jì inant cun l turism de lusso? N ie stai boni de tré su n turism che vën tlo pervia de nosta bela montes y crëps. Tl daunì chirerà la jënt, pervia dla urbanisazion y dl stress te chëla che la jënt viv, for plu y plu l chiet y l cuntat cun la natura! Chësc ie n turism ecocumpatibl y dantaldut n turism che l sarà mo for te cënt y te mile ani. Son segur che chisc turisć ne unirà nia plu, sce n uel jì inant cun n turism de lusso! Sce n ti dajerà pëis al turism de lusso sarà i fitamajons y i pitli hotiei menei perauter da jënt da tlo y te chëi ulache chëi de familia y jënt de Gherdëina lëura nce - i prims a s’la paië y sfurzei a dé su si atività. Nce i majeri hotiei che laurova nchin śën scialdi bën giaperà cuncurënza da de tel gran ciadëines de hotiei. Chësta jënt tuferà l gran afar tlo te Gherdëina y ulerà ënghe fé su hotiei da set stëiles y aldò dla Jonta provinziela possi monce l fé. Nscila n uniràl for plu y plu de chisc arcimilioneres te nosta valeda, y chisc ulerà se cumpré imubilies y magari nce mo giaurì bars, restauranc, butëighes... Te curt tëmp nes jiràla sciche a Cortina y a San Murezzan/S. Moritz, y ne saron nia plu patrons te nosc ncësa. Sce l ie bele śën jëuni che muessa se n jì ora de Gherdëina (per ej. a Laion) a sté, sce l ie bele śën families che se stënta pona sce chisc arcimilioneres ëssa da unì adalerch, messerà la majera pert se n jì da Gherdëina. Chëi che

miena mo śën de se fé n afar lascian pro n turism de lusso unirà pa tosc sëura che cun l auzé dl custimënt de vita y cun l stlefé su ora dla set mesures di priejes dla imubilies, che se à fat fauz i conc. Ma cieche ie l plu de mpurtanza, cie se n dijerà pa nosc mutons y la generazions che vën do, sce lascion pro n tel svilup? Ne n’iel pa nia miec jì inant cun i turisć che vën da nëus pervia de nosta richëza naturalistica y culturela? Ne n’ie pa chësc nia n turism che arà n majer daunì? Ne n’ie pa chësc nia n turism plu ecocumpatibl? Ne n’ie pa chësc nia n turism che ti porta l bënsté a duta la populazion da tlo y nia mé a un? Ie prëie dassënn bel duc chëi che à la cumpetënza che dan tò na tel dezijion dëssi pensé do bën n con’ de duc i aspec negatifs (positifs ne n iel pu deguni) y tò na dezijion liedia, zënza se lascé mëter sot a prescion da chëi che uel realisé chësc proiet, ajache chël ie zeche da no azeté. Me damande dai ambolc, assessëures y cunselieres de Chemun de fé druch a Bulsan che l vënie a se l dé na lege che pruibësc de fé hotiei de lusso te nosta valeda; chisc hotiei ne toca nia tlo ca! La lege dl ngrandì cualitatif y cuantitatif ne dëssa nia valëi sun la montes! Turisć che va a durmì sa na mont chier l cuntat cun la natura, chëi ne adrova nia majons tan grandes sciche n ciamp dal palé. Mudazions o renuvazions dëssa unì fates respetan l ambient y ne lascian nia plu pro na tel desdruzion sciche sun la Mont de Sëuc. La natura ie nosta majera richëza y la cassa de sparani de nosc mutons y nëus on l duvier de la defënder. Spere che n tole la drëta dezijions, de gra Philipp Kostner, Urtijëi

Hotel Sochers Stimà assessëur Mussner, Ve scrije a Vo coche reprejentant per la cultura ladina y, dantaldut, ajache sëis de Gherdëina. Nce ie me sënte, per adozion y pascion, un de Gherdëina, y sce aré l’ucajion de Ve ancunté y sce ulerëis me l lascé fé, pona Ve cunteréi ciuldì che ne me sënte nia puech un de Gherdëina. Y propi perchël - ajache é mparà a cunëscer y a avëi gën Gherdëina y si jënt bele da pitl insù - toli su cuntat cun Vo, coche é bele fat cun l presidënt Durnwalder, per Ve

damandé de ne vester nia a una, o miec per jì contra la ulentà de fé su n hotel da set stëiles, de chël che é liet tla zaites raioneles y naziuneles. Ie rate che sun chësc planët for mënder y mënder ie un n Dubai plu che assé: Gherdëina ne se merita nia de deventé n auter „Luna Park“ per n capriz dl Mond! Cun stima, crëta y recunescënza y rengrazian bele danora sce ulëis me scuté su, Ve saludi de cuer. Assudëi Giovanni Bosi, Gherdëina

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Letres y Atualité

nr. 18 / 13 de mei 2011

Canche i scizeri se lascia audì Ultimamënter àn audì y liet truep ti media n con’ dl hotel da 7 stëiles. Da una na pert iel i truep argumënc cuncrec che rejona di desvantajes de chësta gran strutura, dal’autra pert i argumënc dl marketing y dl bon retlam che rejona per n tel hotel (ons’a nëus veramënter mo debujën de chësc?). Scialdi nteressantes ie la tëutes de posizion tla ultima edizion dla USC di 6 de mei. N sëni tler de minonghes y festidesc de gran pert dla jënt, de chëi che respunsabli messëssa tenì cont y se tò a cuer. For tla medema edizion dla USC pòssen liejer na lëtra dl cumandant dla cumpania di scizeri de Urtijëi che critighea na tabela dl Chemun de Urtijëi scrita te n stlet ladin, che l redadëur dla USC ne à nia cumedà (ënghe drët). Da desplajëi iel che

ël y si cumpania ne se à mo nia denià de tò na posizion n con’ dl hotel da 7 stëiles, che tuchëssa pu da vester danter i prim fins dla lia che perdica pu for mé de cialé dla “Heimat”. Tlo ne se lasci nia audì! Fuera feji mé cun i colps de stlop, che gran pert dla jënt ne uel nia y che l cunsëi de pluania ne à ultimamënter nia azetà sun si dumanda de pudëi stlupeté pra la pruzescion de Juebia dai Andli. Te si castl dla lia sun parëi de cësa de cultura de Urtijëi iel ënghe mé da liejer n test retorich n con’ dl ciapel de si troht che simbulisea identità, cultura, crëidum…, canche tl castl dlongia dla Lia per Natura y Usanzes pòssen liejer la fazions negatives che l turism d’elite à purtà a San Murezzan/St. Moritz. Chisc festidesc fossa argumënc che nce

Antersasc y „Pro y Contra“ na cumpania de scizeri tuchëssa da tò ca y se lascé audì. Nia mé udëi i problems te dut cieche ie ladin o talian y ti bradlé do al passà. Dantaldut avëi vijions n con’ di periculi che ie dan porta, che ie d’autri che no dan 60 ani, y fé zeche de cuncret per se stravardé da periculi nueves. Chësta ie stata la gauja ciuldì che dan n valgun ani sons zapà ora dla lia, ajache i fins ne curespundova nia plu a chëi che i toca da vester. Co jiràla pa mei a finé cun la bela mpermetudes al Sacro Cuer de Gejù y cun la tiera de Andreas Hofer che à veramënter cumbatù contra i periculi de si ncësa? Werner Pitscheider, ex cumëmber dla cumpania di scizeri de Urtijëi

Da les zentrales di partis politics

Mé manies de grandëza Do l comunicat stampa de Ladins Dolomites (dla frazion de Sëlva) publicà tla Usc di Ladins de chëst’ena passeda, te chël che on cialà de splighé nosc spirt n con’ dla problematiches raioneles, ulessans ti fé i cumplimënc ala bela ntervista de Daniela Villotti a Sn. Raimund, che auza ora la desvalivanza soziopolitica, che ie unida a s’l dé te chisc ultims ani nce tlo da nëus. Messon cialé de fermé chësc fenomenn, ulache n udova coche regules che vën mudedes

da deroghes - y che devënta a chësta moda ad personam - va a vantaje de vel’ singul zitadin che ne fej nia dinrer pert dla lobbies plu stersces. Chësc sistem de uni singul zitadin te si pitl, de cialé de ne lascé nia pro y chël propi per fermé la desvalivanzes danter zitadins, ajache chësc porta, coche n possa udëi, nce te nosta valedes ladines a avëi zitadins de “seria A” y de “seria B”, almanco per chël che à da n fé cun i cuntribuc, la lizënzes, la cunzescions y “dërc“ de de plu

sortes. Ve fajon i cumplimënc per l articul “Mé manies de grandëza” y nvion i zitadins a avëi l snait y l curaje zevil de dì publicamënter si minonga. N auter articul de chëst’ena passeda sun la USC fova: “Mosca, truepa jënt y puec che cumanda” .. !?” A de teles pòssen pa belau dì che n ne muessa pa nia jì tan dalonc per usservé chësc fenomenn. Ladins Dolomites

A bera Reinhold Messner „alpinista y naturalista“ mëssessen bën nce mo ti fé n majer aeroport a Bulsan per jì sun si montes! Tla trasmiscion de n merdi ai 3 de mei jìvela de nosc Antersasc tla Dolomites, y dl mantenimënt de chësc nosc giuel y perla dolomitica o dl’adurvanza dl viers de „business first“ y cumerzialisazion totala. Nosc Reinhold Messner à cun „si“ Himalaia y cun duc ch’i crëps y valedes alpines alauta pudù viver y se goder l’ana te chël chiet y te chëla trieva spirituela y te chëla ntensità de vita! Nsci se fajons nëus da mat marueia che per Antersasc, ulache chëla atmosfera ie mo unica y uriginela, ie Reinhold Messner, che vëija de bon uedl y debujën che iló unìssela desdruda, cun streda y motorisazion: bravo R.M. per chësta si cuerënza y sensibltà unica. Si agrescività y si aruganza n merdi ai 3 de mei pra „Pro y Contra“ ie stata defin ora de luegia y possa mé unì ntenduda y nterpreteda cun si raport strënt de viers dl sëurastant dla Provinzia Luis Durnwalder. Ulëssa pa chësc alpinista y naturalista che duc ch’i troies chiec y chëla trasses de gheneda y lueges divines di crëps dl Himalaia y dl Caucasus, mé per dì, unissa giaurides y frabrichedes cun pacheres, coche ël ulëssa vel’ da de tel per l pitl paravis de Antersasc che l ie mo? L cumpurtamënt y la rujeneda de chësc patron cumerziel dai ciastiei y gran museums ie propi stata na „blamaja“ - per ne tò nia ca terminns mo plu stersc - ajache chëla cassù, nsci alauta danter parëies dolomitics y crëps, ne n’ie „per excellance“ deguna mont o spersa per na pauraria! Nosc uedl de usservazion ne n’ie per tlo nia plu stlet che chël de truep paures da na cuscienza da defet y cun la

grandiscima pert, che ne n’ie mei stac cassù! Chëla ie na drët pitla mont per chëla biesces valëntes, che ne uel ënghenó gën l stress y nce chël paster bon y valënt, che ie iló da bele chindesc ani, ulëssa che l ti unissa sparanià uni sort de desturb, coche l ie unit ora, „expressis verbis“, da na bela ciaculeda de ntervista cun n bon jurnalista dla Tageszeitung d’instà dl 2010! Reinold Messner adurvëssa bën, coche savon, nce mo n aeroport ala ngranda, per si escurscions cumerzieles ora per l mond, ajache cun Dispruch y Verona iel true’ massa de zes y chël fossa scialdi puech saurì. Duc te nosc Lond dassëssa se fé n pensier nce de viers de nosta religion y crëidum „cristian“ y nia dala ududa suvënz da mat curta de nosc Guviern provinziel; y pona jìssel nce debujën de mpue’ n majer respet dl’Unesco y da chëla scincunda che nes ie unida fata. Y la piecia cossa de duta la „storia“ sarà bën, che śën che la Magistratura à rujenà na parola definitiva a Pro de Antersasc, che à da unì cunserveda, y à respet dl’Unesco, iel radio y jurnalisć y Reinhold Messner, alias bon secudient de bera Luis, che rejona y che fej bel sciche sce l ne fossa stat deguna sentënza: scialdi ejempler per l „sistem Südtirol“ de nosc rë bera Luis de Falzes secudì da nosc Florian Mussner da Costa, assessëur „dolomitich ladin“ : laudamus la SVP y l Cuer de Gejù y i viages a Roma dal Papa! Oscar Prinoth de Josef da Brida, Urtijëi tla Dolomites tl’Unesco

Da les zentrales di partis politics

L se à mpaià a se bater per Antersasc L ann passà, n ucajion dla festa dla SVP sun Jëuf de Börz. se òven abinà a prutesté contra la streda sun la mont de Antersasc. Fan danz mé trëi giac, permez ala massa de jënt che la SVP ova cherdà adalerch. A chëla maniera se ova Durnwalder fat dassënn saurì a nes desgorjer. A nëus ne nes fòvel restà nia auter che se n pië a cësa, ma for cun la cunvinzion de vester da pert dla rejon y de ne la dé nia su. Te chësc ann de batalia sun i media iel unì trat ca mpue’ duta la mutivazions, n à monce purvà a fé crëier che i ambientalisć sibe contra i paures, che ie n nonsens, pervia che duc sà che i paures ie i prim ambientalisć. Nce per i paures vel cërta regules. Purtruep à chësc paur si utia te n parch naturel y aldò dla lege, che la politica à ulù, ne pòssen iló nia fé na streda. L semea che nosc politicri ne ulëssa niancanó respeté cie che ëi nstësc à fat ora. A dì la urità fova almanco l assessëur per l ambient Michl Laimer contra la streda. Y ne tuchëssel pa nia ël da avëi l’ultima parola, canche l guviern provinziel trata na tel

cuestion? Do avëi audì la sentënza dl TAR, se làscel audì bravan che chëla ie for stata si minonga, ma perdrët ie chësta na cunfërma che ël ne à nia da n dì. Che ël, coche assessëur per l ambient, che ie contra la streda sun Antersasc, ne n’ie nia stat bon de fé respeté la lege y à messù se lascé sun l’oposizion acioche la mont vënie stravardeda, desmostra da ce sort de politicri che son reprejentei a Bulsan. Nce l assessëur ladin à, dajan pro la streda, sustenì cër’ nteresc, desmustran de avëi puecia sensibltà y respet per nosta tiera. Purtruep sons reprejentei da zachei che muessa dantaldut tenì pra l partit. L tleca lecurdé che ël à dat pro n hotel da set stëiles, ne tenian nia n cunscidrazion che l Chemun de Sëlva ne ova mo nia dat ju si minonga y dantaldut che la gran pert dla jënt de Sëlva y de Gherdëina ie de contra. Inò n iede ie Bulsan a ulëi cumandé de cie che l dëssa suzeder tlo da nëus! Walther Kasslatter, Ladins Dolomites

www.lauscdiladins.com

3


Atualité

nr. 18 / 13 de mei 2011

Suzes y si cunseguënzes? Tla ultima edizion dla revista Aules vëniel analisà i plu ponc de ududa dl cunzet de suzes Aules - Suzes ie for na bela parola, plëina de speranza, de sëmies scundui, realisazion de vita che ie pu al didancuei tan mpurtanta, zeche che mefun duc ulëssa arjonjer, ma che mé puec ie boni de fé. De chësc viers àn nce ulù lauré ora la tematica dla revista Aules dl mëns de merz. Chësta revista vën publicheda plu iedesc al ann, daniëura cun na tematica spezifica, lieda al mond dla scola. La vën arichida cun articuli scric da pert de plu persones liedes, ma nce nia, ala scoles y a si mond ntëurvia. Data ora vëniela dala Ntendënza dla scoles ladines y dal Istitut Pedagogich Ladin. L respunsabl de redazion ie l ntendënt ladin scolastich Roland Verra. L cumité de redazion ie metù adum da: Carla Comploj, Silke Grossrubatscher, Lois Kastlunger, Felix Ploner, Susy Rottonara, Guido Senoner y Roland Verra. La revista vën partida ora tla scoles y tla istituzions. L gran pëis ti ie jit chëst iede al suzes scolastich, na tematica drët atuela. Coche l assessëur provinziel ladin Florian Mussner scrij tla paroles danora dla revista, ie duta la sozietà deventeda scialdi cumpetitiva cun l fin de arjonjer for de miëur resultac, dantaldut nce da pert di sculeies. Muessa pu la scola seguré danter l auter nce la fundamëntes per la vita y tlo vala propi de mëter mpe crëps mpede ciastiei de sablon.

tradiziunela, scrij inant l assessëur. Oradechël ti dàl nce pëis ai bon resultac dla scola ladina, tl ciamp plurilinguistich, coche l vën desmustrà dala nrescides iusta publiche de s dal s er v is c d’evaluazion. L medemo vel per la cumpetënzes ntercultureles. Plu rujenedes gëura la vijion di sculeies a plu cultures y nscila al mond. A chësta maniera saràl mesun arjonjer la majera cumpëida de sculeies per i sustenì y per ti judé a arjonjer l suzes furmatif: nia mé chëi che se stënta l plu y che dëssa nscila unì judei, ma nce i miëures te uni ciamp che n muessa auzé ora y sopië, scrij inant Mussner.

Savëi la rujenedes, nce l ladin L ntendënd scolastich ladin Roland Verra mët l azënt dl suzes tla scoles dla valedes ladines tl arjonjer cumpetënzes linguistiches paritetiches de talian, tudësch, ladin y nglëisc, dates dantaldut dal sistem paritetich. Fat che ne dëssa nia fé marueia, davia che nce dal stude PISA 2009 vëniel ora che n à arjont na miëura performance tl setor dla matematica, nce repurteda ai

Cumpetënzes ie mpurtantes La lingia de cumpetënzes che fossa bon avëi al didancuei ie tla rujenedes, tl vester boni de purté a bon fin problems, tl ciamp dla nfurmatica, tla relazions sozieles y nsci inant. Sce n ie boni de arjonjer plu cumpetënzes aràn arjont deplù che no mé suzes scolastich aldò de na vijion

La prima plata dla revista Aules.

resultac dl’autra scoles dla provinzia de Bulsan. Suvënz ne n’ie l suzes te scola nia lià diretamënter al suzes dla vita. Coche n possa liejer tla ntervistes ai persunajes de suzes tl mond dl turism y dl sport y chësc dut spartì te na maniera bëndebò tlera. Purempò ie l suzes scolastich n travert mpurtant per la gran pert di sculeies che va a scola y uel se realisé cun na bona fundamënta scolastica. Tlo va la minonghes suvënz adalerch, danter sculeies y genitores, nsenianc, diretëures y istituzions, ma duc ie a una che na bona fundamënta sterscia de suzes nce scolastich ie debujën per nvië via bën l daunì. Verra sotrissea danter l auter che la scoles plurilinguales dla valedes ladines à debujën de mesuns de valutazion sun mesura de si spezifità. Na scola paritetica y plurilinguala ne possa nia unì musereda cun i parametri y i livei de cumpetënza dl OECD o dl cheder europeich n referimënt ala rujenedes, ma muessa les adaté per museré, zënza destorjer velch, si cumpetënzes a na realtà particulera. L ie mo da liejer rezenscions y d’autri articuli che tol ite la tematica dl suzes y chël che toca leprò, ala fin mo la rubrica: “Abstracts” ora dla dissertazions dla studëntes ladines dla Facultà de Scienzes dla Furmazion a Persenon. L ie nce na sezion nueva de Aules dedicheda ala leteratura, tla edizion de merz pòssen liejer poejies de Christian Ferdigg de Al Plan de Mareo. La tematica dl’Aules de setëmber ie “Valores-Werte-Valori”, tlo vàla de traté i valores che la scola y l’educazion n generel dëssa dé inant, cieche ie tl zënter dl lëur educatif y ciun d’autri valores che vel al incontra tla sozietà de al didancuei. L terminn per dé ju i articuli per la proscima Aules ie ai 15 de juni, l vën prià bel de l tenì ite y de se tò dl’aurela de scrì. (dv)

Cunvëni ladin te Sëlva metù a jì dala Union Generela di Ladins dla Dolomites, n cunlaurazion cun la Union di Ladins de Gherdëina ie ai 27 y 28 de mei tla Cësa de Cultura „Oswald von Wolkenstein“

La presidënta dla Union Generela di Ladins dla Dolomites Elsa Zardini.

4

www.lauscdiladins.com

Uedli y oredles daverc sun la sozieté ladina d’aldidancuei Ivan Hitthaler, eletricher de Sëlva

Bele giapà la prima scasseda ncuei? Sambën, ma dal dutor dai dënz, ajache son iusta stat iló. Jiva pa i aparac bën, o fòvel pa vel’ defet tla lectrisc? Dut a post! L ie śën ora de sajon per l turism, ma sajon auta per Vo. Tant iel pa da lëur? L ie de regula for d’ansciuda y d’autonn truep da fé, canche i hotiei y la pensions ie dsaredes. Ie pa la jënt ncompra? N valguni bën, n valguni no. Se àl pa mudà zeche ti ultimi vint ani n con’ dl lëur da eletricher? Al didancuei iel truepa nuviteies. Coche per ejëmpl l sistem BUS, chël uel dì n sistem che ie da prugramé cun l computer, che ie n sistem che lascia udëi sun monitor dut l mplant dala lectrisc, sce l ie dut a puntin te cësa, ma nce l mplant de sciaudamënt y de duta la mascins. Vàl pa tlo debujën de furmazion for do y do, o mpèren pa duta la nuviteies ntan l lëur? La furmazion ie de gran mpurtanza, zënza furmazion tresora ne vàla nia.

“Ladinia – n daunì deberieda” Cultura - L cunvëni dal titul “Ladinia – n daunì deberieda”

Dancà y da na pert

de Sëlva. Pra l cunvëni vëniel metù a jì cater mëises turondes cun argumënc spezifics coche: - Funzion y urientamënt dla Union Generela di Ladins deberieda cun la Unions de valeda. - Leteratura ladina. - Svilup dl lingaz ladin. - Politica (culturela) ladina. Uni mëisa turonda, pra chëla che l fajerà pea persones che se dà ju te chël ciamp spezifich, unirà giaurida da n referat mpuls tenì da reladëures esperc. L publich puderà n ultima fé pea pra la descuscion y dì la sia. Duc ie nviei de cuer a unì al cunvëni. L program avisa unirà mo fat a l savëi tla proscima edizions dla USC.

Do che ëis fat n lëur, ti jëis’a Vo nce for do, canche l ie nce mé na piculëza che mancia, o

fajëis’a Vo coche n valgun artejans che do che i à fat lëur ne se lasci plu spië? No, ie vede for do. Dantaprima cëli sambën de fé l lëur sciche l toca, a puntin y a norma. Ma pona cëli de vester for a desposizion. La tlientela ie mpurtanta, y l ie drët tenì cont di bujëns de uniun. Laurëis’a da sëul o cun d’autri lauranc? De regula da sëul, ma aldò dl lëur che ie da fé, toli su lauranc o nia. Ciunes ie pa la deficulteies de avëi na dita ndividuela, ciuni i vantajes? I vantajes de na dita ndividuela ie che te ies plu flescibl che no na gran dita, per ejëmpl pra l lëur, che posse fé chël che ie iusta, y de regula n iel assé per una na persona, ntan che sce n à cin’ o diesc lauranc, mé per fé n ejëmpl, pona vàla nce for de cialé de giapé da lëur, da ti sté do ai lauranc y cialé che sibe ëi che l tlient sibe cuntënc. La deficulteies ie che muesse sambën me cruzië de dut, dai preventifs da fé ala cuntabltà. Ciunes ie pa la majera legrëzes pra Vosc lëur, sce la lum verd? Chël ënghe. Ma n generel canche la tlientela ie cuntënta y te cunsieia inant pra d’autri. Ntervista de David Lardschneider


Atualité

nr. 18 / 13 de mei 2011

Usc ladines tl Dom

Diretëures vijitea l’Engiadina

Ala Festa di patronns dla diozeja San Ćiascian y San Vigile a Porsenù à le cor ladin metü adöm da ćiantarins da Lungiarü, La Val, San Martin de Tor y La Pli ćiantè la mëssa menada dal Vësco da Desproch Manfred Scheuer

Da n valgun ani incà iel na scola paritetica ti luesc plu alauta dl’Engiadina. Da permò ie i diretëures dla scoles ladines jic a vijité chësta scola per ancunté i respunsabli

Religiun - La Diozeja da BalsanPorsenù à por chësc so gran dé iubilar messü s’imprestè fora dala diozeja vijina da Desproch le pröm zelebrant, le Vësco da Desproch Manfred Scheuer, ajache le Vësco Karl Golser tolô pert al pelegrinaje dla Diozeja de Balsan-Porsenù a Mestre por incuntè le Papa. Le Vësco Scheuer à zelebré la mëssa ti trëi lingac ofiziai dla Diozeja todësch, talian y ladin. En chësc ann i àra tochè a n cor dla Val Badia da abelì la mëssa, n cor metü adöm da ćiantarins da Lungiarü, La Val, San Martin de Tor y La Pli de Mareo, sot la direziun de Elio Clara. Le cor é stè metü sö tl presbitere y à ćiantè la Missa in translatione Almae Domus (latina) de Giuliano Viabile y deplü ćianties de dlijia. Söl gran orghe à sonè le dirighënt dl dom Heinrich Walder,

söl orghe dl cor - posizionè en ur’ dl presbitere - l’orghelist dl dom Franz Comploi. Le cor é gnü acompagné te plü perts inće da n grup de stromënć a fle dla Val Badia. La mëssa de Viabile toca deplëgn la novité fata fora dal Conzil Vaticann II di agn 60 por ći che reverda la compartezipaziun ativa dl popul di fedei dla liturgia. Insciö à a Porsenù podü le popul ćiantè deplü perts deboriada cun le cor, le maester Iarone Chizzali da San Martin de Tor condujô les usc dla jënt. Por chësc fin â i fedei podü pié do tles proches n sfëi dal titul “In veneratione SS. Cassiani et Vigilii”, cun lëite les oraziuns da dì sö y les perts y ćianties da ćiantè. Deplü é inće stades les ćianties ladines che an à podü aldì chësc danmisdé tl Dom y danter les gasses dla cité fora pro la prozesciun: laprò la ćiantia

Tratan la prozesciun de San Ćiascian dl’ultima domënia.

de Sant Ujöp da Oies intonada solenamënter tl Dom. Do la funziun tl Dom é piada ia la prozesciun de San Ćiascian fora por la cité de Porsenù cun les relicuies santes, acompagnada dales Musighes di paisc vijins, la Bürgerkapelle da Porsenù, i Scizeri, les uniuns y les organisaziuns de dlijia y dl sozial. Danfora ala prozesciun vàl dagnora le confarun y la comunité da Vahrn. Chësta tradiziun é romagnüda en pé dai tëmps dl’invajiun franzeja, canche Vahrn à metü a saul y à salvè les relicuies di sanć patronns diozejan dala devastaziun. I fedei di paisc desferënć se mët sö do so crist, ala medema manira les Musighes. Les ploanies desvalies y i grups, les uniuns y organisaziuns gnarà invià da pié dal’encünda desche al é tradiziun. La prozesciun de San Ćiascian s’à spo inće en chësc ann stlüt jö te plaza dl Dom cun la ćiantia te düć trëi i lingac en onur di Patronns dla Diozeja San Ćiascian y San Vigile, y la benedisciun dl Vësco Scheuer. La prozesciun de San Ćiascian va de revers ai 13 d’agost 1703, canche ara ê gnüda metüda da jì le pröm iade desco rengraziamënt por la sconanza tl tëmp de vera. Dl 1734 ê la prozesciun gnüda sburlada ala terza domënia do Pasca, y da ilò incà vëgnera zelebrada vigni ann danü. Tla prozesciun vëgnel inće portè para n büst de San Vigile, vësco da Trent, che conservëia na relicuia dl Sant; le büst é gnü fat dal artist marou Franz Kehrer, dl 1991. (ir)

Scola - Tl cheder di cuntac de cunlaurazion danter la scoles dla Val Badia y de Gherdëina cun chëles di Grijons, ie na delegazion de diretëures cun l ntendënt Roland Verra stata ai 5 y ai 6 de mei a Maloja tla Engiadina. Te chësc pitl luech suinsom dla valeda sun sëida cun la Val Bregaglia de rujeneda taliana, à l’aministrazion locala metù su na scola paritetica tudësch-taliana, propi tenian cont dla situazion tan particulera de chël luech danter i raions linguistics dl Grijon. Tl’ancunteda cun i respunsabli dl cunsëi scolastich, dl chemun y dla scola cun i diretëures dla valedes ladines iel unì fat l cunfront danter i doi sistems scolastics tan medemi y mpo tan autramënter. L model de Maloja funziunea do l sistem „una na rujeneda, una na persona“, ntan’ che tla valedes ladines vën duta trëi la rujenedes

nseniedes tla scoles elementeres dal medemo nseniant. De gran desferënzies iel nce per chël che à da n fé cun l urdenamënt scolastich y cun l tò su personal nseniant, che ie ti Grijons defin tla mans dl chemun y dl cunsëi scolastich y che da nëus ie regulamentedes da despusizions legislatives y aministratives dla Provinzia. Per studië plu avisa la cuestions pedagogiches y educatives di doi sistems, àn fat ora de fé na ancunteda d’autonn tla scoles di luesc ladins dla provinzia de Bulsan. L a delegaz ion ladina , acumpanieda dal diretëur di servijes de inuvazion y cunsulënza Theodor Rifesser y dala Ispetëura dla scoles Rosmarie Crazzolara, à nce tëut l’ucajion per se fé n cheder dla situazion culturela y dla mendranza rumancia ti Grijons. (ufize stampa provinziel de Südtirol)

Diretëures ladins dan la cësa de Friedrich Nietzsche a Sils-Maria tla Engiadina. Dancà da man ciancia Bruno Senoner, Roland Verra, Claudia Canins, Otto Moling, Helmuth Senoner. Dovia da man ciancia Theodor Rifesser, Karlheinz Mureda, Anton Senoner y Albert Videsott.

Dala Zentrela di Cunsumadëures Cuntrac cun agenzies matrimonieles ne tën nia ite chël che les mpermët, i dërc dl cunsumadëur y l cajo dl mëns Tla ZCE de Bulsan iel ultimamënter unì damandà plu suvënz da pert de cunsumadëures sce l ie puscibl se tré zeruch dai cuntrac cun n’agenzia matrimuniela che n à permò sotscrit.

Agenzies matrimunieles: vënt d’ansciuda – se namuré per cuntrat? Ti ani passei univa la majera pert di cuntrac fac te n bar, sun na plaza dai auti o a uni moda nia te n local cumerziel. Al didancuei vën i cuntrac for plu y plu suvënz sotscric tla sënta dl’agenzia. Per l prim cajo vëija la lege danora n dërt de rezes debant ti prim diesc dis de lëur dala data dla sotscrizion dl cuntrat. Trueps ie dla minonga che chesc dërt de rezes vele nce per chëi che à sotscrit l cuntrat ti locai dl’agenzia. Te chësc segondo cajo iel bën la puscibltà de zapé ora dal cuntrat te uni mumënt, ma nia debant: se retré dal cuntrat cumporta peneles de rezes bëndebò saledes, aldò dl lëur che ie bele unì fat dal’agenzia. Scebën che la majera pert dla lamentanzes che ie unides ite tla ZCE reverda propi la mancianza de mpëni da pert dl’agenzia: l fova

defati de plu cunsumadëures che à dit de ne avëi giapà deguna pruposta tl tëmp fat ora o nce de tei che à giapà prupostes defin desferëntes da chël che l fova unì fat ora tl cuntrat. L ie perchël de gran mpurtanza se lascé dé, ora che na copia dl cuntrat, na copia dla ndicazions dates al’agenzia sun la sort de partner che n chier: mé a chësta maniera iel defati puscibl verifiché y desmustré sce la prupostes fates curespuend o no al profil dat sëura. Cunsion de fé na retlamazion scrita pernanche n giapa na pruposta che ne curespuend nia a chël che n ova fat ora. Nfurmazions plu avisa per i cuntrac cun la agenzies matrimunieles ie da giapé sun la plata internet dla ZCE de Bulsan (http://www.euroconsumatori. org/16849v16940d29895.html).

La nrescida Eurobarometer: i cunsumadëures ne cunësc nia si dërc Aldò de na nrescida Eurobarometer publicheda n ucajion dl’ancunteda dla Zentreles Cunsumadëures europeiches dl

2011 ie l livel dla cunescënzes y dla cumpetënzes di/dla cunsumadëures n cont de si dërc scialdi basses. La majera pert di/dla cunsumadëures che à fat pea pra la nrescida ne se rendova nia cont ciuni che fova si dërc fundamentei, sciche p.ej. l dërt de garanzia legala y l dërt de se retré da n cuntrat stipulà porta a porta. Mé l 45% de duta la persones ntervistedes ie states bones de respueder sciche l toca a trëi dumandes n con’ dl cunsum. N cont dla capaziteies finanzieres ne n’ie doi persones sun diesc nia states bones de crì ora la ufierta a miëur

Nia duc ne sà che chësc logo ne uel nia dì “made in Europe”, ma che l prudot nsci senialà ie aldò dla normes dla UE.

marcià pra la compra de na televijion a scherm plat. Oradechël ie mé l 58% dla persones ntervistedes states bones de liejer i ngredienc scric sun l’eticheta de n prudot alimenter y l 18% ne n’ie nia states bones de abiné la data de destumanza. Mé l 2% di/

dla cunsumadëures à recunesciù 5 logos d’adurvanza generela per la nfurmazion dl publich. L 33% di/ dla cunsumadëures minova che la merca CE ulëssa dì “made in Europe” y mé l 25% savova che l prudot nsci senialà ie aldò dla normes dla UE. Trueps ne cunesciova deguna urganisazion de defendura di/dla cunsumadëures de si paesc. Per de plu nfurmazions n con’ dla nrescida cialëde sun la plata: http://europa .eu/rapid/ pressReleasesAction.do?reference =MEMO/11/229&format=HTML &aged=0&language=EN. La Zentrela Cunsumadëures ie la luegia de referimënt per cuestions che reverda l cunsum che va sëura i cunfins ora. Chiche ëssa vel’ melsegurëza o dumanda possa se nfurmé n chësc cont pra nëus cherdan su l numer 0471 980939 o nes cuntaté tres e-mail sot a info@ euroconsumatori.org.

L cajo dl mëns Na jëuna ova prugramà n stage d’instà tla Scozia y perchël òvela cris n cuatier sun na plata internet dla Gran Bretania. Tres chësta plata

àla tëut su cuntat cun na landa che ti pitova n cuatier a fit. Chësta “patrona” ti à mandà n cuntrat scialdi lonch ala semea scrit da n aucat cun sënta a Londra. Canche la patrona se à damandà na cauzion de bën 450 sterlines da paië tres Western Union à la cunsumadëura scumencià à suspeté che zeche ne fova nia a post. La ti à damandà i dac dla banca ala patrona che ne à nia ulù ti i dé dijan che la jëuna ëssa mé dassù paië tres Western Union. Per na segura à la cunsumadëura cuntatà la ZCE. Nosc cunsëi te de tei caji: sce cumprëis zeche per internet o sce stlujëis ju vel’ cuntrat y n ve damanda de mandé scioldi tres Western Union o Money Gram dassessais debota mëter su la antënes y mëter a verda. Chësta sort de trasferimënt de scioldi ne n’ie nia adateda tl cajo de persones che n ne cunësc nia, ajache la vën suvënz adurveda da trapulons. La jëuna à metù a verda ad’ëura assé y nsci àla salvà si scioldi. Ala fin àla monce abinà ora che pra l’adres data sëura ne fòvel degun cuatier da fité ma n hotel. Test ladin de Ingrid Runggaldier www.lauscdiladins.com

5


Atualité

nr. 18 / 13 de mei 2011

Di nternaziunel di museums Bën 45 museums y abinedes tën n dumënia che vën ai 15 de mei l di nternaziunel di museums. Gran pert pieta la ntreda debant y na vela de ativiteies. Danter i truep museums che tën pea iel nce l Museum Ladin y l Museum de Gherdëina Museum - L cunsëi nternaziunel di museums ICOM numinea l di nternaziunel di museums for de mei. Tl Südtirol uniràl chëst ann tenì ai 15 de mei canche l ie nce l di dla families. “Cun la vela de museums che pieta la portes daviertes ulons nvië la jënt da tlo y la families a ti cialé ala gran varietà de museums,” dij l’assessëura Kasslatter Mur.

Al museum sciche nosta lecurdanza ie dedicà l di nternaziunel da chëst ann. Ti museums pòssen mparé a cunëscer coche nosc nëinesc vivova y nce la generazions che vën do possa se rënder cont coche la cundizions de vita te nosc raion fova da vedlamënter. Tl Museum Ladin Ciastel de Tor vëniel n dumënia pità n program

speziel cun juesc y aurela curta per mëndri, metù a jì deberieda cun la lia Arteviva. Chësta ativiteies vën pitedes dala 10.30 nchin la 17.30. Dala doi domesdì puderà i vijitadëures dl Museum Ladin fé pea n quiz metù a jì dai paures jëuni da S.Martin. L Museum de Gherdëina dedichea l di nternaziunel dl museum ai vedli luesc da paur. N

ucajion dla publicazion dla cherta di mejes puderàn jì a ti cialé a vedli mejes cumpaniei da esperc. Dala 10.00 danmesdì uniràl muet dan l Museum de Gherdëina per jì a ti cialé ai luesc da Frëina, Stlejuc, Milan y Martin a Urtijëi. Dala 14.00 vëniel muet a S.Cristina, da Aldoss sun Plesdinaz, per vijité i luesc Crëpa, Paratoni y Insom. Dala 14.00 ala 18.00 uniràl tl museum

nce pità juesc per families cun n quiz. La bibliotech ladina pieta libri sun l’architetura da paur tla valedes ladines. Duta la nfurmazions sun i 45 museum che fej pea l di nternaziunel di museums cun i programs dl di ie da pudëi cialé do sun la plata web www.museumstag.info y tl cudejel dat ora per chësta ucajion.

Seminar OSCE a Bulsan

Sculeies te uni tlas

Reprejentanc de 56 nazions che fej pert dl’urganisazion per segurëza y cunlaurazion tl’Europa (OSZE/OSCE) vën ai 20 de mei aspitei a Bulsan per n seminar n con’ dla posizion dla mendranzes n relazion ala pesc y segurëza

La Jonta provinziela de Bulsan à dat pro la furmazion dla tlasses y la cumpëida de nsenianc tla scoles dla trëi grupes de rujeneda. Tla valedes ladines, cun si pitli luesc, uniràl fat tlasses cun manco sculeies permez ala scoles ti majeri luesc y tla ziteies  

OSCE - L seminar ai 9 de mei ie unì prejentà dal presidënt dla delegazion taliana tl’OSCE Riccardo Migliori y dal presidënt dla Provinzia Durnwalder. Tl 2008 fòvel a Bulsan unì dat ora 19 ndicazions dl OSCE per la defendura dla mendranzes. “La Provinzia de Bulsan vën a livel nternaziunel for inò trata ca sciche ejëmpl de cunvivënza dla grupes de rujeneda, perchël i à Bulsan nce adatà sciche luegia ulache esperc prejenterà la situazion atuela sce la nazions ie bones te tenì ite la ndicazions de Bulsan,” à dit l parlamenter Migliori. Bën 320 parlamenteres da 56 paejes fej pert dl’Organisazion per segurëza y cunlaurazion tl’Europa. Leprò iel nazions dl cuntinënt american y europeich sun na linia danter Vancouver y Vladivostok. “L mancia nazions sciche l’Armenia o l Kirghizistan, raions ulache l ne fossa nia tenscions de viera sce i ëssa n sistem sciche tla Provinzia de Bulsan,” à dit Migliori. “L’autonomia dl Südtirol ne n’ie

nia n model che n possa tò ca te uni situazion, la possa mé jì bën sce n tën cont dla particulariteies dl raion,“ à dit Durnwalder. “N Stat vën valutà aldò de co che l trata i plu dëibli, y propi la mendranzes ie la pert plu dëibla te n Stat”. Pra l seminar ai 20 de mei tl

zënter Sheraton a Bulsan se à bele nunzià reprejentanc da 20 nazions. Danter chisc saràl truep parlamenteres taliani y danter l auter nce cumëmbri di guvierns dla Romania, Slovenia y Ungaria. (ufize stampa provinziel de Südtirol)

Luis Durnwalder y l presidënt dla delegazion taliana OSCE Riccardo Migliori.

Scola - Tla scoles elementeres dla provinzia de Bulsan pòssel unì mpartì ite nchin a 25 sculeies per tlas y tla scoles autes nchin a 27 sculeies. “Sce l ie plu sculeies muessel unì fat doi tlasses,” nsci l presidënt dla Provinzia ai 9 de mei do la senteda dla Jonta. Cun l mpartì ite di sculeies per tlas sàn coche ie la mesaria de sculeies per tlas. Te duc i livei de scola iel tla valedes ladines la mëndra cumpëida de sculeies per tlas. Tl’elementeres tudësces iel na mesaria de 14,5 per tlas, 17 tla scoles talianes y 13 tla scoles ladines. Tla mesanes tudësces iel 18,75 sculeies per tlas, 18,8 tla mesanes talianes y 17,5 tla mesanes ladines. La mëndra tlasses ie nce tla scoles autes ladines cun 15 sculeies permez ala scoles autes tudësces cun 19 sculeies per tlas y la scoles autes talianes cun 18 sculeies per tlas. La Jonta provinziela à nce dat

pro la cumpëida de nsenianc cun 5.830 tla scoles tudësces, 1.840 tla scoles talianes y 326 tla scoles ladines. “L ne n’ie nia stat debujën de smendré scialdi la stieres, ajache cun la urganisazion nueva di departimënc per l’educazion ie nsenianc che fova dant ntegrei ti Istituc pedagogics inò ruvei de reviers te scola,” à dit Luis Durnwalder.

Sculeies per tlas Da liejer damprovia: te scola elementera, te scola mesana y te scola auta: Scoles tudësces: 14,5; 18,75; 19 Scoles talianes: 17; 18,8; 18 Scoles ladines: 13; 17,5; 15.

La Provinzia vënd puscions Per avëi plu mesuns a desposizion da frabiché stredes, strutures y cuatieres à la Jonta provinziela de Bulsan tratà l mesun de vënder puscions che ne vën nia adurvedes Aministrazion - L presidënt dla Provinzia fej cont te tré ite a chësta maniera passa 100 milions de euro da pudëi tò ca per strutures mpurtantes che n ne uel nia lascé aspité. I assessëures muessa ti proscimi ani fé cont che l bilanz provinziel ne unirà nia majer y dal’autra pert che l sarà debujën de plu scioldi per finanzië strutures sciche stredes de zircumvalazion, scoles y zëntri saniteres. “Mé tla stredes dajons ora feter 300 milions de euro al ann - nsci Durnwalder - ma cun chisc scioldi sons mé boni de purté inant proiec bele scumencei sciche la stredes de zircumvalazion dla ziteies o la ntreda tla Val Badia.” Na soluzion a chësta deficultà dëssa unì abineda te chëla che l avëi provinziel vën cialà do avisa y vendù o baratà puscions che n ne adrova nia plu, sciche per ejëmpl

6

www.lauscdiladins.com

vedla puscions de casermes. Dajan ca de tel puscions iel per la Provinzia mesun cumpré strutures che ie debujën, sciche per ejëmpl cëses per sculeies. I scioldi che vën ite a vënder dëssa unì metui te n fond cun chël che n possa pona finanzië strutures mpurtantes. “La ntredes fossa a chësta maniera tachedes,” à spiegà Durnwalder. Te Jonta provinziela iel nce unì rujenà dla puscibltà de vënder cuatieres dl Istitut per cuatieres soziei. “Dant aspitons mo sun na relazion dl assessëur Tommasini, per pudëi pona tò na dezijion,” à dit l presidënt dla Provinzia. La Jonta provinziela ie stata a una de mpresté su 50 milions de euro per pudëi purté inant plu debota l barat de casermes sun cuatieres, danter Stat y Provinzia. “Te chësc mumënt sons mé boni

de mëter sun na pert 30 milions de euro al ann per frabiché cuatieres da pudëi baraté cun puscions de casermes. Nchin che ne on nia finà i cuatieres, ne pudons ënghenó sëurantò la casermes che adurvon

La Jonta provinziela ntan la senteda.

y sun chëles che i chemuns aspieta bele ert,” à dit l presidënt dla Provinzia. L mprëst dëssa ti dé na sburdla al frabiché, la puscions che n giapa sun i cuatieres dëssa pona inò unì vendudes y cun i scioldi

trai ite uniràl paià i debic. “A chësta maniera ruvons inant cun l frabiché ma zënza vester de pëis al bilanz provinziel,” à spiegà Durnwalder. (ufize stampa provinziel de Südtirol)


Atualité

nr. 18 / 13 de mei 2011

Mejes y luesc da paur storics te Gherdëina I biei vedli mejes y tublei à per nëus ncueicundì n gran valor coche arpejon architetonica che ti dà na identità particulera al paesaje culturel ladin de Gherdëina y sëuraprò coche testemunianza dla storia dla vedla jënt de Gherdëina

L luech de Paratoni. (fotos dl Museum de Gherdëina)

Mejes - „Cun l svilup dl turism se à mudà la funzion y adurvanza dla vedla architetura da paur. Ti ultimi ani à Gherdëina perdù truep de si patrimone de architetura storica,“ nscila i respunsabli dl Museum de Gherdëina, che tol l’ucajion de rengrazië i patrons di fabricac vedli: „N gra senzier a duc i patrons dla strutures storiches per si mpëni y cura per les mantenì per la generazions che vën do. N gra ti va nce da nosta pert per si despunibltà per i studies che vën fac dal Museum de Gherdëina da doi ani incà.“ Inant vëniel dit che „tres l pruiet de documentazion y stude n con’ di „mejes de Gherdëina“ che l Museum de Gherdëina à metù a jì per plu ani, ulons dé n cuntribut per fé cunëscer miec y valorisé nosta arpejon architetonica. L proiet vën realisà n cunlaurazion cun esperc dla architetura, Bëns culturei y cun la Università de Dispruch y vën sustenì dal assessëur regiunel Florian Mussner y dai ambolc di Chemuns dla valeda.“ La prejentazion di resultac dla nrescides dendrocronologiches y dla storia di mejes ie ncuei vënerdi ai 13 de mei dala 17.00 tl Istitut Tecnich per l Cumerz Raetia a Urtijëi. La vianvieda ie de Leo Andergassen, diretëur dla repartizion Bëns culturei. Referënc ie Sonja Mitterer, architeta y tuadëura dl frabiché storich, y Klaus Pfeifer, dendrocronologh.

Egg tl Vorarlberg) àn scumencià pra 23 frabicac ora de 15 luesc da paur storicamënter reprejentatifs, pra chëi che n pudova jaghé che i ëssa mo abù n nujel de costruzion dl tëmp romanich tardif o dl prim gotich. La datazion cronologica dla seves y di trams de lën baseda sun l cunfront di aniei di ani cun modiei de cumparazion cunesciui pieta ponc de referimënt segures per la ativiteies singules de costruzion, che n pudëssa zënza mé dinrer tlarì tres documënc scric. I prim resultac desmostra che la fundazion di mejes de "Nevaves" (1290d) y "Biei" (1249d) via n Sureghes, de "Milan" (1262d) y "Peza" (1249d) a Urtijëi sciche nce "Paratoni" (1245d) a Santa Cristina ie danter i obiec plu antics dl

l dendrocronologh Klaus Pfeifer ntan si lëur tl ciulé dl Mëune sa Sacun.

patrimone architetonich medievel danter la Svizra urientela y l Vorarlberg, l Tirol, Sudtirol y l Kärnten dl sud. L elemënt lient ie te chësc cajo la tipologia dla cësa da paur cun local sëul, cun n azes al ciulé destacà y nluegià dala pert longia o curta dla cësa. Tl tëmp dan l 1300 avanea a chësta maniera la lista dla frabiches zeviles anonimes cunesciudes tl Südtirol. Les ie testemunianzes reres che cumpletea sciche i pec de n mosaich l cheder dla costruzions dl medieve te nosta Provinzia.

I relevamënc dl 2010 Cherta di mejes de Gherdëina L fin dl proiet di mejes de

Gherdëina - scumencià tl 2008 dal Museum Gherdëina cun „Bauforschung Tirol“ y purtà inant cun l sustëni dla Region Autonoma Trentin-Südtirol y di Chemuns de Gherdëina -, fova dantaldut chël de n relevamënt dl’architetura da paur te dut l raion de Gherdëina, ma nce chël de localisé avisa i mejes y de valuté si età y si cundizions de mantenimënt. Do l relevamënt sun l post iel stat mesun, ti ultimi doi ani, tres vedli documënc y vedla chertes de cataster y cun la cunlaurazion da pert de persones cumpetëntes dl post, de cuntrulé y arichì la cunescënzes n con’ di mejes. De ndut iel nsci unì repurtà sun la „cherta di mejes“ 539 mejes y 461 tublei. Duc i dac abinei adum n cont di mejes y la documentazion

A pèr cun la documentazion dl patrimone di mejes iel dal 2008 inant sëuraprò bele unì relevà 18 luesc da paur da pert de studënc dla facultà de Storia dl frabiché y Bëns culturei dla Università de Dispruch tl cheder de eserzizies de mesurazion. La frabiches ie documentedes te si plantes, ududes, sezions y relevamënc detaliei sciche nce tres fotografies y descrizions dla costruzion.

Raida di mejes n ucajion dl Di nternaziunel di museums

Frabiches dl medieve tardif te Gherdëina La repartizion provinziela Bëns culturei y l Museum Gherdëina à metù a jì tl 2010/2011 - tl cheder dl proiet de relevamënt di mejes de Gherdëina fat dala architetes y tuadëures dla frabiches storiches Barbara Lanz y Sonja Mitterer - na prima lingia de tuedes y analises dendrocronologiches. Per la tueda svilupeda da Klaus Pfeifer (lauratuere de dendrocronologia a

curespundënta ie archiviei te na banca dac aposta. Uni frabica ie unida documenteda cun fotografies, y nce descrita y valuteda aldò de si cunsistënza y età, nluegiamënt, tipologia, destinazion d’adurvanza atuela y cundi z ions de cunservazion. La „cherta di mejes de Gherdëina“ unirà metuda ora per n ultimo iede pra la cunferënza ncuei vënerdi ai 13 de mei te si forma atuela, acioche i patrons dla cëses posse ti cialé, y la unirà pona publicheda deberieda cun na brosciura de njonta.

Sun la foto la grupa che à judà pea a cialé tres la cherta di mejes per la pert de Sëlva, cun la architëta Sonja Mitterer: da man ciancia, Urban Mussner, Paul Senoner y Dietrich Mussner. Per la pert de Santa Cristina à judà pea Vinzenz Senoner; per la pert de Urtijëi Robert Moroder y Edgar Moroder.

L Museum Gherdëina à sëuraprò dedicà l program dl Di di Museums, n dumënia ai 15 de mei, ai mejes de Gherdëina coche testemons prijei dla storia dla jënt. Cun doi escurscions uniràl pità l mesun de se cialé ju cun esperc dla storia dl frabiché n valgunes de chësta frabiches che ie unides studiedes plu avisa a Urtijëi y Santa Cristina. L Museum ie, n ucajion dl Di di Museums, daviert dala 10.00 ala 18.00, cun n program speziel per pitli y granc dedicà ala memoria dl’arpejon culturela. La ntreda ie debant. La „cherta di mejes de Gherdëina“ unirà metuda ora tla ntreda dl Museum te si forma atuela acioche duc i nteressei posse mo ti cialé dan la publicazion. (usc) www.lauscdiladins.com

7


Atualité

nr. 18 / 13 de mei 2011

Ultima doi enes per l cuncors

Gran nteres per i media ladins

Nchin ala fin de mei possa duc i nteressei mandé ite stories adatedes per jëuni y jëunes per l cuncors de leteratura ladina scrit ora dal Ufize provinziel per la Cultura Ladina de Südtirol

Dan doi ani, ai 23 de auril, ova l Ufize stampa dla Provinzia de Bulsan modernisà si plata internet tla rujeneda ladina. Nteres for majer y majer

Cuncors - Cun pesć per na soma de 6.000 euro y la publicazion di scric te n liber sustën la Provinzia de Bulsan de scrì tla rujeneda ladina. Tla terza edizion dl cuncors de leteratura àn ulù ti dé n azënt ala junanza: i pec mandei ite dëssa vester adatei per unì liec da jëuni y jëunes, per chëi che scrij iel nce unì fat na categuria de jëuni dai 16 ai 19 ani. L cuncors ie unì dedicà al mond di jëuni davia che tla rujeneda ladina iel mé puecia leteratura adateda per i jëuni. Per l cuncors vëniel damandà pec che rejona de curaje zevil, dl daunì o de lidëza. Cun chësc cuncors uelen ti dé na sburdla de mutivazion a scrì tla rujeneda ladina. Per la doi categuries (16 - 19 ani y sëura i 20 ani) iel unì njenià pesć per de ndut 6.000 euro. “L fej legrëza y dà sudesfazion a dé ite n lëur che n à scrit nstësc cun si ideies y si persunalità,” spiega Alexander Prinoth, diretëur de repartizion. I scric plu garatei ne unirà nia mé premiei cun scioldi, ma i unirà nce publichei te n liber. Iusta te na mëndra grupa de rujeneda ne n’iel nia saurì a publiché pec de leteratura, ajache l ne n’ie nia na gran cumpëida de jënt che i liej. L assessorat provinziel per la Cultura Ladina se à perchël sëurantëut de dé ora n liber cun i plu biei pec mandei ite per l cuncors. Per l cuiertl de chësc liber uniràl mo fat n cuncors a pert, aldò di pec

de leteratura. Na ucajion particulera ti vëniel aldò de Prinoth nce dat ai jëuni: “Fé n pez per l cuncors cumporta nce de renfurzé la criatività persunela tl scrì y chëla mpèren sce n proa”. La categuries dedicheda ai jëuni urta avisa i sculeies dla scoles autes. I pec de leteratura ladina possa unì mandei ite nchin ai 31 de mei 2011 tl Ufize per la Cultura ladina, streda Bottai 29 a Bulsan. La bandida dl cuncors lascia mé pro un n sëul lëur per persona, de almanco cin’ plates DIN A4 (4.000 paroles). La stories ne possa nia vester na traduzion y ne possa nia

vester bele publichedes. I particuleres dla bandida dl cuncors ie nce da liejer do tl internet sot a www.provinzia.bz.it/leteratura y possa unì damandei do pra Barbara Perathoner dl Ufize provinziel per la Cultura ladina (telefonn 0471 41 70 21). I lëures per l cuncors leterer „Autëures Ladins Scrij 2011” unirà valutei da na cumiscion de sies cumëmbri esperc. Deberieda cun l presidënt Marco Forni iel Roberta Dapunt, Isabella Ties, Claus Vittur y Margherita Senoner. (Ufize stampa provinziel de Südtirol)

I lëures per l cuncors provinziel de leteratura ladina pòssen mandé ite nchin ala fin de mei 2011.

Imigranc tla scoles ladines

Media ladins - La cumpëides de tanc che se à nuzà de chësta plata web dl Ufize stampa dla Provinzia de Bulsan cun i comunicac, fotos, ntervistes audio y video desmostra che l nteres per l servisc de nfurmazion tla rujeneda ladina vën for majer y majer. Ntan l ultimo ann iel unì cumpedà 37.884 vijites. Sot al’adres www.provinzia.bz.it/ uspl iel da udëi la comunicazions da pert dla Jonta provinziela y di servijes dla Provinzia de Bulsan che vën fates per ladin. Dantaldut per i media de rujeneda ladina, ma nce per duc i nteressei, vëniel sun chësta plata web publicà comunicac stampa cun fotos, video y ntervistes a usc. Te chisc prim doi ani, da canche la plata internet dl Ufize stampa fova unida moderniseda nce per ladin, iel unì cumpedà 71.853 vijites. L prim ann òven cumpedà 33.969 vijites, l segondo ann 37.884 vijites. „L aumënt de mo n iede 11,5% di vijitadëures y la soma daujin a 38 mile vijites desmostra che l servisc de nfurmazion tla rujeneda ladina vën prijà dassënn,“ dij l assessëur ladin Florian Mussner, juntan che la zifres muessa sambën unì ududes n relazion ala cumpëida dla populazion ladina. La plata web ladina dl Ufize stampa à ntan l 2010 arjont de mesaria de 3.141 vijites al mëns, che ie 28% deplù permez al ann dant. Ntan i prim trëi mënsc

dl 2011 ie chësta mesaria mo n iede auzeda, arjunjan 3.893 vijites al mëns, n sëni che l nteres vën for majer. La pert zentrela dla plata internet per ladin dl Ufize stampa ie i comunicac cun fotografies. Truep nteres iel nce unì mustrà per i video y la ntervistes a usc per ladin. “Pudëi udëi y audì la nutizies tla rujeneda ladina ie na maniera de comunicazion che tën l var cun i tëmps,” sotrissea l assessëur provinziel ladin. Sun la plata internet possa uniun fé l abunamënt debant ala nutizies tres e-mail y ala zaita provinziela. L servisc dl Ufize stampa tla rujeneda ladina ie trëi iedesc de utl: per la redazions, per duc i nteressei y per la rujeneda. I comunicac vën mandei ora a duc i media de rujeneda ladina y tl medemo tëmp possa duc i nteressei liejer do la nuviteies per ladin tl internet. “Scrì de cuestions aministratives per ladin ne n’ie nia for tan scëmpl y chësc servisc desmostra che n possa se nuzé de nosta rujeneda nce te chisc caji. Per la cura dla rujeneda iel dessegur n cuntribut mpurtant,” spiega l assessëur ladin. La Jonta provinziela y l’aministrazion publica dà inant la nfurmazions de si atività tres l Ufize stampa y si lëur ie a chësta maniera nce trasparënt. La comunicazion ala stampa cuer nsci l duvier de nfurmé y ie tl medemo tëmp nce n servisc per la populazion. (ufize stampa provinziel)

La ntegrazion de sculeies che vën da families imigredes se damanda n gran lëur pedagogich. Tla scoles ladines ie chësta ntegrazion mo plu mpeniativa Ntegrazion - La ntegrazion ie do la rata ria tla scoles dla valedes ladines, ajache la mutans y i mutons de imigranc muessa unì alfabetisei no mé te una, ma te trëi rujenedes. L mpëni per judé inant i sculeies che vën da families imigredes ne n’ie tla scola ladina nia mé majer per i nsenianc, ma nce per la Ntendënza scolastica, che dëssa garantì l sustëni y la cunsulënza. Tla valedes ladines iel feter 2% di sculeies cun tramedoi genitores fulestieres, de chisc ie feter doi terzi te Gherdëina y un terzo tla Val Badia. La majera pert di sculeies imigranc vën dal’Albania, Tunisia, Maroco, Perù y dai Paejes dla exIugoslavia. Davia che gran pert di genitores fulestieres lëura tl turism,

iel de gran mudamënc de prejënza aldò dla sajons. Suvënz vën i sculeies permò ntan l ann de scola te scolina o te scola, y chësc cumporta de gran deficulteies de ntegrazion te tlas. La Ntendënza Ladina, te si funzion sciche zënter linguistich, mët a despusizion na cumpëida de ëures de sustëni per pité cursc de rujeneda a sculeies imigranc. Per arjonjer na miëura ntegrazion vëniel nce laurà cun mediatëures nterculturei. Per njenië la mutans y mutons fulestieres ala scola vëniel da doi ani incà pità cursc da d’instà cun nseniamënt plurilinguistich ntegrà. Chisc ntervënc vën fai cun la mira de na bona ntegrazion dl plurilinguism dla scola ladina,

zënza che i sculeies muessa renunzië a si cultura y identità uriginela. La situazion particulera dla ntegrazion de imigranc tla scoles ladines ie nstadì unì prejenteda tl Cunsëi provinziel de Bulsan ntan l’audizion n con’ dla lege de ntegrazion de zitadines y zitadins fulestieres. Te chësta ucajion à l ntendënt ladin Roland Verra y la respunsabla dla pert soziopedagogica y cunsulënza Carla Comploj purtà dant i bujëns dla scola ladina. L pont zentrel dla situazion dla scoles ladines ie che l muessa unì sustenì l mparé de cumpetënzes linguistich tla trëi rujenedes ladin, tudësch y talian. (ufize stampa provinziel de Südtirol)

Mesurazions sun la streda de Frea Chisc dis àn sun la stredes dl Jëuf de Frea scumencià a museré plu avisa l deslivel. Ntan chisc lëures, che ie udui dant nchin ai 20 de mei iel da fé cont che la streda messerà uni tant unì dsareda defin o che l sarà da aspité pra n semafer Stredes - La mesurazions vën fates sun duta la streda de Gherdëina (SS 242) danter Pruca y l Jëuf de Frea. Da pert dl Ufize provinziel per mesurazions geografiches vëniel laurà deberieda cun l Istitut Georografich Militer de Firenze.

8

www.lauscdiladins.com

Sun uni chilometer iel debujën de registré n pont de livel per pudëi museré l deslivel. La rë de linies d’autëza ie tl Südtirol unida atualiseda l ultimo iede dan 55 ani. Dl 2009 òven scumencià a museré ora da nuef feter 700 chilometri de

linies de autëza. Ntan la mesurazion sun la streda dl Jëuf de Frea puderàn danter la 7.00 y la 12.00, y pona dala 13.00 ala 18.00 mé passé de un n viers al iede. De sada y dumënia ne vëniel nia laurà sun chësta streda. (ufize stampa prov. de Südtirol)

La plata internet ladina dl Ufize stampa dla Provinzia.

Manco stieres publiches Aldò dl Stat cun si pruvedimënt de stabilità, muessa la Provinzia de Bulsan nchin dl 2015 smendré 3% dla stieres. Chësc fej ora 555 stieres Aministrazion publica - Aldò dla situazion prejenteda ai 9 de mei tla Jonta provinziela muessa la 555 stieres permò unì prugramedes demez. Ala fin dl 2010 fòvel unì metù dant ala Provinzia de messëi smendré almanco 3% de dependënc. “La ne se trata nia de lascé jì dependënc, ma de ne tò nia plu su zachei, canche d’autri va n pension,”

stlarësc Durnwalder. La Jonta provinziela ti à cialà ala relazion dl prim mez ann per udëi tan inant che n ie. L ie unì mustrà su che n a scumencià a smendré stieres, ma mo nia cun la drëta determinazion. “Ne pudon nia lascé dut al ultimo di, perchël iel debujën de smendré la stieres cun plu cunvinzion,” à dit Durnwalder. (ufize stampa provinziel de Südtirol)


Atualité

nr. 18 / 13 de mei 2011

I sculeies à scrit per ladin dla Dolomites Patrimone dl’Unesco Cuncors de leteratura scrit ora dala Ntendënza ladina, per i sculeies y studënc de Gherdëina, Val Badia y Fascia: “Dolomites – Patrimone Unesco: l valor culturel de nosc raion” Cuncors Scola - La Dolomites sciche pert de nosc vester, dl ncësa, dla tiera di ladins, ma nce patrimone de duc tl mond. N valor che à caraterisà, caraterisea y carateriserà mo deplù l daunì. De chësc viers àn ulù nvië via l cuncors de leteratura scrit ora dala Ntendënza ladina, per i sculeies y studënc de Gherdëina, Val Badia y Fascia. L ie unì mandà ite cunties, pec de teater, poejies, cianties y nchinamei vel’ video. I criteres de valutazion ie stac la uriginalità di lëures, tenian nce cont dl livel dla rujeneda ladina. Chësc valor mpurtant àn ulù ti purté plu daujin ai sculeies ladins dla provinzia de Bulsan y de Trënt de uni livel de scola. Da si pert iel unì tëut su cun gran ntujiasm y legrëza, arjunjan nce drë’ de bon resultac. I lëures ie unic premiei n vënderdi ai 29 de auril tla sënta dl Istitut Ladin Micurà de Rü te Sëlva.

Truepa sculeies, nteressei y autoriteies L se à abinà na bela cumpëida de jënt, sculeies, nsenianc de ladin, diretëures de scola, la ispetëura dla scoles ladines Rosmarie Crazzolara, l ntendënt scolastich ladin Roland Verra, l diretëur dl Istitut Ladin Micurà de Rü Leander Moroder y l presidënt Albert Videsott, l presidënt dl Istitut Cultural Ladin

Cesa de Jan Nanni Pellegrini, l ambolt de Al Plan de Mareo Albert Palfrader. La presidënta dla Union Generela di Ladins Elsa Zardini ne n’à nia pudù unì, prejënta n si reprejentanza fova l’assessëura dl Chemun de Sëlva y cumëmbra dl Cunsëi dla Union Generela di Ladins dla Dolomites Milva Mussner.

L cuncors ie uni doi ani La bandida dl cuncors ova udù dant de scrì almanco 5 poejies o cianties, na cuntia de almanco 2 plates scrites cun l computer, na szena de teater de almanco 5 menuc (zirca 5 plates). L cuncors fova daviert nce a d’autra formes de esprescion sciche videos, registrazions o auter tres la rujeneda ladina. I sculeies pudova fé pea da sëui o te grupa cun 1 o 3 sculeies. Chësc cuncors vën scrit ora uni doi ani, uni iede cun n auter titul: chëst ann fova la Dolomites Patrimone Unesco la tematica zentrela dl cuncors, che à dat truepa ideies y ponc de referimënt ai mutons y jëuni per lauré ora si pitla opres d’ert.

Patrimone Unesco „On ulù dediché l cuncors ala Dolomites, Patrimone Unesco,

ajache l ie drët che chësta tematica ne sibe nia mé lieda ala cuestion dla prumozion turistica de nosc luesc, coche nce ala scunanza dl ambient, ma on ulù crì y udëi chësc cuncors sciche n liam cun nosta cultura y rujeneda ladina. Chësc valor de rujeneda y cultura ie bëndebò sentì da pert di jëuni, coche on udù. N valor dla Dolomites ne n’à nia mé da n fé cun l turism, ma nce cun la cultura. L ie pu nce i ladins che se tlama nstësc „Ladins dla Dolomites“, povester nce n pitl mpuls per i mutons che cunësc la Dolomites nce sot a chësc pont de ududa, n particuler a pert ma mpo de n cër’ pëis. La Dolomites ie propi nce per chësc tan mpurtantes che les va ite nce tl inuem dl popul che viv ntëurvia. N à pudù usservé che i jëuni sënt dut chësc te na maniera sota. L ti sta a cuer l amor per i crëps, l festide per l daunì dla Dolomites, lià nce ala sensibltà per chël che à da n fé cun si rujeneda,“ coche l ntendënt scolastich ladin Roland Verra à sotrissà; ël à ntan l danmesdì premià i sculeies de uni scola, auzan ora si gran criatività y te vel’cajo l bon livel scrit di tesć. „Dal’autra pert ne n’iel nia for na rujeneda rencureda y chësc ie ënghe mpue’ da muië. L vën a dì da ce ambient, da ce paesc che vën i sculeies y l ie nteressant a udëi i resultac desferënc tl scrì y tl rujené,“

nsci Verra.

Bonns ai sculeies I sculeies se à lascià tumé ite d’uni sort de tematiches liedes ala tematica, tenian nce cont dl scrì drët y te na maniera nëta, ma dantaldut de n cuntenut aldò. I pesć per i prim cinch fova bonns da spënder te vel’ butëiga, per cumpré material de scola, libri o d’autri media de carater culturel-artistich. Truep lëures iel unit ite dala scola mesana y elementera, ma nce la scola auta à mandà ite plu lëures drët ntressanc y de bon livel. De blòt videos, cianties che ie pona nce unides sunedes dal vif ntan la premiazion, la poejies y i tesć de prosa ie nce unic liec dant dai autores nstësc, cossa che à plajù da stramp. Per scumencé la premiazion àn mustrà n video, ulache n à pudù udëi la Dolomites te si formes i culëures d’uni sort.

La iuria La iuria dl cuncors che à valutà duc i lëures mandei ite fova metuda adum da Roland Verra, Leander Moroder, Nani Pellegrini, Evelyn Bortolotti y Erna Flöss. La iuria fova duta a una che i lëures ie caraterisei da na gran richëza de formes esprescives, fantajia, te uni

idiom y livel de scola. Tla trëi categuries àl venciù Stefano Rizzi dla Scola auta de Poza, Maximilian Palfrader dla Scola mesana de Al Plan y Emilia Bonata y Tatjana Runggaldier dl’Elementera de Sëlva.

I resultac Scola auta: 1. Stefano Rizzi Scora Alta Poza; 2. Filippo Frontull Lizeo Linguistich La Ila; 3. David Cristelli, Andrea Dell’ Antonio, Vanessa Tomasi Scora Alta Poza; 4. Marco Granruaz, Manuel Valentin Scora Alta La Ila; 5. Jessica Pitschieler ITC Raetia Urtijëi. Scola mesana: 1. Maximilian Palfrader Al Plan; 2. Nadia Mahlknecht, Hanna Da Cudan, Silvia Moroder Urtijëi; 3. Lukas Demetz / Simon Rabanser Urtijëi; 4. Sandra Troi, Sophie Prinoth Urtijëi; 5. Nadine Rubatscher y Melanie Comploi S.Martin; 6. Aaron Moroder / Samuel Walpoth / Janluca Kostner Urtijëi; 7. Arianna Daporta, Lisa Irsara, Cristina Delmonego La Ila; 8. David Pitschieler, Benjamin Kasslatter Urtijëi Scola elementera: 1. Emilia Bonata y Tatjana Runggaldier Sëlva; 2. Jasmin Triggiano, Anna Trebo y Asia Rungger Al Plan. Daniela Villotti

Coche nesc joegn veit la Dolomites e l’Unesco Nesc monc e nosc ambient é stac vardé dai studenc de la scola autes de Fascia con la veièda fona e sensìbola de la poejìa e con chela ferùscola e ironica di comics a la natura. / Coscita doente n toch / de la Dolomites.” De dut autra sort respet a la poejìes de Stefano Rizzi, ma segur no manco da aprijièr, l’é l lurier fat da si trei compagnes de clas, Andrea Dellantonio, Vanessa Tomasi e Davide Cristelli, che se à vadagnà l terzo pest anter i studenc de la scola autes de dut l raion ladin tel medemo concors. Davide, Vanessa e Andrea i à metù ensema n codejel de comics dal titol “Dio e la Dolomites”, dassen gustégol e rich de ironìa, olache l Segnoredio, che aea creà la Dolomites maraveouses, l post più

bel del mond, secoi dò l se troa destrametù a veder chel che l’om à combinà te chisc lesc... ma rua pa bel l’Unesco a meter dut a post! L’é stat segur na bela sodesfazion per chisc studenc che à tout pèrt al concors con gaissa e empegn, ruèr a arjonjer l prum e terzo pest, e la sodesfazion é stata autertant grana ence per sia ensegnanta, la professora de ladin Monica Sommariva, che la é stata bona de tor ite e vidèr con bon ejit si studenc te un di percorsc che chier de orir neves troes e formes de esprescions per engaissèr i bec e i joegn a durèr nosc bel lengaz. (lg)

La professora Monica Sommariva con i studenc de la V^ clas del Liceo de Fascia che à vent prum e terzo pest al concors: (da man cencia) Vanessa, Davide, Stefano e Andrea

Letradura - Enrosadira, Skyrace, Rampeada, Schi estrem e Contenteza de net. L’é chisc i titoi de la 5 poejìes scrites da Stefano Rizzi da Vich, student de la V^ clas del Liceo de Poza, che à vent l concors de letradura scrit fora da l’Intendenza de la Scola Ladina orì ai studenc de duta la valèdes entorn al Sela. I scric de Stefano Rizzi se tol fora de anter ajache l joen fascian

à vardà la Dolomites, patrimonie de l’Unesco, con na veièda che conjobia aspec per solit conscidré dalonc: chel del poet che mira encantà la belezes de la natura, e chel del sportif, che te chela medema natura se “trèsc ite”, magari con spirit de “conquista”. Aspec che enveze ampò no i é scì dalonc. E l veie stereotip del sportif dut muscoi e forza (e magari ence pech cervel...) de contra al

poet, ascetich e de spes magari ence schermolin e padì, vegn dessatà da Stefano no demò travers si scric, ma ence travers sia medema persona: n joen gran e fort, gaert e sportif, ma ampò bon de scriver tòc de gran intensità. Na cercia de sia poejìes ruèdes al concors, che troarà lèrga ence te la revista “Aules”, la tolon fora dal tòch Schi estrem: “Anter la neif e i sasc / mie corp slizia e se met adum / ensema

La pruma piates del comic “Dio e la Dolomites”. www.lauscdiladins.com

9


Université

nr. 18 / 13 de mei 2011

Studié tl Taiwan

Dai 18 ai 19 de mà él stè a London la “Mobile Research Conference 2011”, che le professur d’economia Michael Bosnjak â metü en pè dan trëi agn, por etablè l’analisa di marcià mobila. Le professur Bosnjak y süa colaboraziun cun Google

La Université National Sun Yat-sen tl Taiwan é öna dles 124 universitês partner dla Université Lëdia de Balsan. Julius Friedrich, studënt dl bachelor de economia y sciënzes soziales nes cunta de sües esperiënzes cun le cineje tla vita da vignidé

Podésses pa presentè la Google Cooperation cun Osc proiet de inrescida? Michael Bosnjak: Tl proiet de inrescida nen jôra da analisé l’azetanza y la funzionalité dl reconoscimënt dl lingaz (por todësch Spracherkennung) tla cornisc de inrescides mobiles. Cun chësc mini inrescides de tliënć, tres l’iPhone o aparać dla medema sort. Propi canche al é tröpes informaziuns röion ai confins dles inrescides mobiles. Chi che vëgn damanà ne dà nia ion ite tröp test. Podëi dè ite chëstes informaziuns tres le baié ê l’argomënt dl stüde. Ćiodì vëgn pa n scienzié d’economia tut ite te n proiet cun Google? Google à pa bëgn instës assà informatics d’ezelënza, che fistidiëia dla pert tecnica y che é pröms al monn tl ćiamp dl reconoscimënt dl lingaz. Mo indere ài ma püć metodics d’esperiënza tl’analisa dl marćé, che s’un capësc fora spezialmënter tl ćiamp dla sciënza sön les metodes de inrescida. Avisa chilò ài podü portè ite mi savëi. Dal

1996 incà me dai jö cun la sciënza dles metodes tl ćiamp dles inrescides söl web.

Ći Ves à pa motivé da fà n semester tl Taiwan? Julius Friedrich: Mia dezijiun é tomada söl Taiwan, deache i à dailò la poscibilité da ciafè na vijiun te döt n’atra cultura. Laprò vëgn l’Asia aratada tres deplü n marćé dl dagnì y le Taiwan pîta na combinaziun otimala danter tradiziun asiatica y svilup modern.

I baiëis dl reconoscimënt dl lingaz, na tecnica che é bele dan man. Ći poscibilitês d’aplicaziun ves imaginëise pa? I adorun le reconoscimënt y la registraziun dl lingaz por rajuns de inrescida. Śëgn ch’i savun che ara funzionëia dal punt d’odüda tecnich y dla funzionalité, laurunse a Bornech suradöt sön idees d’aplicaziun tl turism. Tan inant aprofitëia pa studënć dla Université Lëdia de Balsan di resultać de chëstes inrescides? I porti dagnora ite i resultać atuai dles inrescides te mies manifestaziuns de marketing a Balsan y Bornech. Laprò ti pîti ai studënć l’azes a stromënć de relevamënt che n’é nia ćiamò söl marćé o che é resservà por les gran imprejes. Os insegnarëis inće tl Studium Generale? I po bele dì danfora che pro le

Denant che Michael Bosnjak rovass dl 2008 pro la Université Lëdia de Balsan, êl dozënt privat de psicologia dl consum y sistems de inrescida tla Université de Mannheim, tla Germania.

Studium Generale ài preodü tl curs “Savëi online” na unité sön la prozedöra de relevamënt de dać söl web y söl mobil.

Dala Facoltè d’Informatica ala IBM Tla Facoltè d’Informatica vëgnel pité n Bachelor de trëi agn, n Master de dui agn y n stüde da dotorat. Le studënt Bachelor Simon Carraro da Algund fej al momënt n practicum de sis mëisc pro IBM a Böblingen, dlungia Stuttgart

Simon Carraro fej n practicum pro la IBM.

Ći mansciuns Ëise pa pro la IBM Research and Development? Simon Carraro: Al momënt feji n practicum pro la IBM Research and Development, tres chël che i

mantëgni na vijiun globala ti ćiamps de laûr desvalis. Mi contribut plü important é chël te n grup de inrescida, che laora sön le svilup y l’otimisaziun de un di produć plü importanć de IBM: le IBM Content Collector. Chësc produt vëgn svilupè por de gran imprejes, che adora n sistem che cöi adöm, memorisëia y aministrëia documënć y e-mails te na manira sigüda y resservada.

produziun pro IBM.

Co Ves à pa le stüde d’informatica arjigné ca a chësc practicum? Mi stüde chilò tla Université de Balsan à sigü metü la fondamënta por podëi imprömadedöt ciafè chësc practicum: dales conoscënzes di sistems operatifs ćina ales tecnologies tles strotöres de dać. Les competënzes che i à ciafè tres i cursc é stades d’aiüt por podëi dè n bun contribut al svilup dla

Sce i fajëis n confrunt cun d’atri praticanć, aratëise pa che le stüde tla Facoltè de Informatica Ves ais arjigné ca bun? Dër dessigü. I m’à sintì preparè dër bun, por podëi portè a fin te na manira autonoma i compić che mi tutor pro IBM m’à surandè. Deache i sun ausè tl stüde da comuniché por ingleje, ne m’à l’ingleje tl ambiënt de laûr internazional gnanca cherié problems.

Te ći ćiamp orésses pa ves spezialisé do le Bachelor? Tratan mi practicum él gnü a löm tres deplü mi interes por l’injig nar ia (Per for mance Engineering), porchël chiriarài sigü na spezialisaziun tl ćiamp dl Software Engineering, na spezialisaziun tl Master, che vëgn pité inće tla Facoltè a Balsan.

Uni meets school N proiet dla Facoltè de Sciënzes Naturales y Tecnica y dl Istitut Tecnich Industrial “Max Valier” é jü a piz cun la premiaziun ofiziala di studënć: 50 studënć à stlüt jö pro “Uni meets school” na formaziun complementara de scora-université y à podü vire la vita da vignidé tla Université Lëdia de Balsan.

10

www.lauscdiladins.com

“Tres lege nes él gnü pité por le pröm iade la poscibilité da cherié na cooperaziun didatica cun na scora alta, che é jüda a piz cun la surandada de punć de credit universitars”, se ralegrëia le degan dla Facoltè de Sciënzes Naturales y Tecnica prof. Massimo Tagliavini. “Le resulta fej dër plajëi y nes motivëia da jì inant cun chësta

iniziativa inće l’ater ann.” La direturia dl Istitut Tecnich Industrial “Max Valier” Barbara Willimek fej n ressümé: “Chësta é na iniziativa de gran valüta por nüsc scolars, che à podü por le pröm iade sintì l’aria d’université. I nes dejidrun che n valgügn de chisc scolars vais inće a studié inant.”

I studiëis a Kaohsiung. Tan grana é pa la cité y tan saurì él pa por Os da avëi nu y s’intopè dailò? Kaohsiung é na cité de feter 3 miliuns de abitanć y porchël él sambëgn stè bindebò de mudaziun, sce an vëgn da na picia cité sciöche Balsan. Le gran vantaje é che n valgügn studënć internazionai é bele Trëi iadi al’edema danmisdé curs de cineje y val’ stà chilò tl semester iade inće imparè cineje por val’ores sön la spona passè y à insciö dla université: Julius Friedrich tl Taiwan. podü me daidé m’ausè ite. Por mirit de n sistem che i savô da dì por cineje. Por de tutor à vignun de nos studënć mirit dl curs de cineje ài arjunt n n studënt taiwaneje che nes tol sö livel che m’impormët da me dè da canche i rovun alerch y che nes capì te conversaziuns scëmples pîta consëis y sostëgn. Chësc da vigni dé. Düć i cursc che i à sistem foss sigü na poscibilité inće chirì fora é indere por ingleje. Inće por Balsan. la comunicaziun cun l’ofize academich y cun i colaboradus Co pòn pa s’imaginé osc dl’aministraziun gareta zënza problems por ingleje. Mo vignidé da studënt? La vita da vignidé tla Université pornanche an röia defora dal National Sun Yat-sen se campus universitar, ne röion nia desfarenziëia te val’ punć da chëra lunc impara. a Balsan. Al é p.ej. n orar fis, che ne se müda nia vigni edema. Chësc Ći desfarënzies odëise pa tles à le gran vantaje che an po leziuns, sce i confrontëis cun planifiché por n tëmp plü lunch. Balsan? Tlasses dër piceres impormët Da doman ài scialdi leziun. Da misdé ài trëi iadi al’edema n curs n raport intensif danter studënć de cineje y dedô - sc’i n’à nia d’atres y professurs. leziuns - ài la poscibililité da jì a Porchël ti vëgnel dè gran valüta imparè cineje por n valgönes ores ala partezipaziun kontinuierlich sön la spiagia dla université. Da continuativa ales leziuns . sëra unse trëi iadi al’edema L’evaluaziun di studënć vëgn fata alenamënt por na gran gara cun plü costanza: cun tröc de pici tradizionala de lóngzhōu (barches tests, ejams y na valutaziun dla tradizionales che vëgn dala Cina), partezipaziun ales leziuns. Döt che sarà de jügn. atramënter co ći che i ê ausè a Balsan. Baiâse bele bun cineje denant Le livel di cursc se müda cotan; co mëte man le stüde tla suradöt i professurs da foradecà Université National Sun Yat-sen? i dà gran pëis al svilup de n pinsier Canche i sun rovè alerch, ê „Ni autonom y critich, plü co a na hao“ y „xiè xie“ les sores parores reproduziun Wiedergabe dl savëi. La Université Lëdia de Balsan po mostrè sö 124 universitês partner te 37 naziuns. I studënć dles facoltês de Sciënzes dla Formaziun, Design

y Erts, Sciënzes Economiches, Informatica sciöche inće Sciënzes Naturales y Tecnica po porchël branćé do na rëi spëssa de universitês por sües esperiënzes foradecà.

En colaborazion cun l’Université lëdia de Balsan

Miorè les inrescides mobiles


Atualité

nr. 18 / 13 de mei 2011

L’Aisciuda ladina di comerzianc e di artejegn La terza edizion de la setemèna del lengaz à slarià fora l pensier de viver l ladin te la vita de duc i dis ma ence te l’ambit del lurier

N moment de l’avertura ofiziala de la terza edizion de l’Aisciuda Ladina, con Sabrina Rasom e Antone Polam te anter i reladores Pult e Cisilino.

Fascia - En jebia ai 5 de mé al Gran Tobià Teater de Cianacei Sabrina Rasom, responsabola de l’ofize linguistich del Comun general, l’à avert i lurieres portan dant l salut de la Procuradora Cristina Donei che te sia paroles à uzà fora l’orgolie de esser pèrt de chesta “Heimat” ladina, chest “esser de cèsa” tant spezièl che demò chiò saon che che se enten. Sobito dò sun paladina l’é stat chiamà su la autoritèdes: Mariano Cloch, vize procurador e ombolt de Cianacei, Renzo Valentini assessor a la cultura del Comun general e ombolt de Ciampedel, Antone Polam president de l’Istitut Cultural Ladin, Silvano Ploner president de l’Union di Ladins de Fascia, Mirella Florian sorastanta de la Scola e Luigi Chiocchetti conseier provinzièl. Duc à portà so salut e paroles che à palesà l’emportanza de chesta scomenzadiva, e dapò Sabrina Rasom à moscià n filmat olache l’é stat portà dant la situazion te Fascia e soraldut l’é stat moscià coche se podessa scomenzèr a se mever ence chiò per smaorèr la doura del ladin te la reclam, ti inomes de la firmes e de la boteighes e te si prodoc.

Romances e furlegn, ejempies da vardèr con enteress Sun chest dapò ge é stat lascià la parola a Chasper Pult, jà president de la Lia Rumantscha e a William Cisilino, responsabol per la politica linguistica de la Region Friul. Duc e doi i ghesć à portà dant ejempies de luster de coche l lengaz pel esser slarià fora a na vida sorida daperdut, ence olache no se se spetassa mai de l veder. Chiò te Fascia aon segur da emparèr ma ence tel Friul e fora per la Svizra l percors no l’é stat sorì e curt, ajache l va inant da più che vint egn. L’é firmes dai Grijons che comerzia ence fora de si confins che scrif sun si prodoc te trei lengac: todesch, franzous e ladin. E da n trat de temp en cà l’é ence firmes

12

www.lauscdiladins.com

no locales, desche per ejempie la Coop, che scrif ence per ladin i inomes sui prodoc, e via per l Friul adertura la bira “Sans Souci” l’à manà fora sia reclam ence per furlan. Chisc l’é demò dotrei ejempies de olache se podessa ruèr e coche se podessa fèr ence chiò da nos, acioche l ladin l sie l più possibol prejent te la vita de duc i dis, descheche l’à dit Chasper Pult che sie proprio na “normalità linguistica”. I ejempies porté dant da Pult e da Cisilino i à chela de proèr a fèr entener che durèr l lengaz del post ge dèsc luster e ge fèsc ben a la comunanza, ma soraldut ge fèsc ben a la firmes, che tira l’atenzion de la concorenza da fora e fèsc veder a na vida dreta da olache vegn i prodoc de chela medema firma. Per fèr dut chest aboncont ge vel aer maor coraje e esser più stolc de nos enstesc, contribuir a fèr de nosc lengaz na ressorsa semper più forta semper ampò tel segn de la credibilità e de la sinzierità. (vr)

Teritorie, economìa e identità Lengaz e teritorie no pel vegnir despartii, ma ge vel fèr n vèrech endò per revalutèr l contest sozioeconomich de nosc raion da mont. L’é un di conzec uzé fora tel debatit del vender domesdì tel chèder de l’Aisciuda Ladina, stat te sala

Heilmann del Museo Ladin, avert dal president de l’Istitut ladin “majon di fascegn” Antone Polam e da l’ombolt de procura Riccardo Franceschetti, e out soraldut a la categorìa di comerzianc. I relatores Annibale Salsa, dozent de antropologìa culturèla te l’Università de Genova e ex president del Cai, Giorgio Conti, dozent de scienzes de l’ambient a l’Università de Unejia e Cesare Poppi, dozent de antropologìa a l’Università de Trent, col coordenament del diretor de l’Istitut Ladin Fabio Chiocchetti, i à rejonà del leam che l’é apontin anter l teritorie, l’economìa e l’identità. “N popol zenza reijes storiches no à davegnir – à dit Salsa. Ma aldidanché se troon tedant a na forta globalisazion e mondialisazion che revèrda la pruma l fenomen economich e la seconda chel linguistich. La Èlpes cogn jir deretorn al ruol che les aea n’outa da cerniera anter la popolazions e la istituzions culturèles les cognessa aer la funzion de restituzion de l’identità a sie popui.” Per Giorgio Conti ge vel “tor dal passà per l tegnir bon anchecondì”. “L’é de besegn de entener che i paesajes da mont à na gran valenza culturèla e de baratò anter la desvaliva comunanzes – à dit Conti – percheche l’é paesajes ecoculturèi. Ma colun él donca l davegnir de la Èlpes? Esser paesajes

I professores Conti, Salsa e Poppi a la meisa torona te Museo ladin coordenèda dal diretor de l’ICL Chiocchetti.

eco-culturèi alpins o paesajes globai? Aldò de Conti mencia na politica de la mont, mencia la valorisazion de la ressorses naturèles: “aldidanché no l’é più nia de naturèl, l’é stat straout l teritorie e coluns él i efec de chest mudament? Arjumèda de l’habitat, de la biodiversità, mudamenc climatics, dans de carater economich, spopolament. Se é rué enscinamai a ge dèr n priesc ai monc; ma ge vélel ge dèr n cost a la mont o n valor? Cesare Poppi, antropologh leà da egn a Fascia, l’à uzà fora l’aspet linguistich de nosc raion da mont, olache ti ùltimes egn l’é stat fat de gregn vèresc inant. “Me à tocià l cher veder coche i boteghieres fascegn à metù fora te sia vedrines i sìmboi de l’identità ladina, acà 30 egn no i se aessa mai ensomeà de meter fora nience n restel e son content ence de veder coche l lengaz passa travers la magnadiva. Chisc aspec moscia che te chest trat de temp l’é stat lurà delvers, conjobian polito identità, lengaz e teritorie. Testamonech l’é belapontin la scelta de “creèr” sul teritorie sezions destachèdes del Museo e de chest vers l’é ence la domana de integrèr na sezion espositiva te la neva Mèlga che vegn fat su a Pera.” Ades col Comun general de Fascia i fascegn à te man n strument emportant per poder ge dèr na parbuda coerenta a sie teritorie olache l’eco-cultura no vegne moscèda demò te vedrina.

Artejegn ladins te la Ladinia I protagonisć de la sàbeda domesdì l’é stat i artejegn che se à binà te sala de consei de comun de Soraga, col benvegnù de l’ombolt Roberto Pellegrini. Per didèr a slarièr fora l lengaz ladin ti mestieres de l’artejanat, l Comun general ensema a l’Union Generèla di Ladins dla Dolomites à pissà de meter ensema na sort de pìcol dizionèr ilustrà con laìte la paroles de la massarìes che vegn durà dai artejegn, n lurier che é stat rencurà da Nadia Chiocchetti. “Con chest codejel no volon ge ensegnar nia a nesciugn, percheche alincontra aon noi da emparar, ma speron che l posse esser n don aprijià per duc nesc artejegn – l’à dit Nadia Chiocchetti -. Aldidanché trope art le é dò che le va fora e n muie de parole de mestieres no se le cognosc più. Chest lurier, enceben che no

l’é entriech e che l cogne amò vegnir miorà, pel esser ence de ùtol per la conservazion de la memoria.” Te la meisa torona, coordenèda da Silvano Ploner, i à uzà fora si intervenc Romano Toppan, dozent de psicologìa del lurier te l’Università de Verona, Roberto De Laurentis, president de la Sociazion di artejegn e de la pìcola firmes de la Provinzia de Trent, Massimo Debertol, president de la sociazion di artejegn de Fascia e Eduard Zingerle, responsàbol de l’Ofize artejanat de Pedraces. “Canche se rejona de artejegn se sà pech e nia, a outes ence ic enstesc no se n adèsc de sia valuta e de sia capazitèdes” à dit Romano Toppan, che via per l’inantmesdì l’é stat envià ence te la Scola d’Èrt per ge rejonèr ai scolees. Ma co se pelel leèr artejanat e lengaz ladin? “La paroles l’é la cèsa de l’esser - à spiegà Toppan - se se pert l’identità se pert ence la paroles e la memoria. L lengaz vegn tegnù sù per conservèr l’autostima, no l’é zeche che se pel baratèr, da la paroles se pel entener la emozions, vo siede particolères percheche siede desvalives.” “Gé cree che se cogne renforzèr noscia reijes e nosc lengaz – l’à dit Roberto De Laurentis. L mond de l’artejanat trentin l’é cognosciù daperdut per sia serietà e per sia profescionalità. Gé no é mai venù nia percheche aee zeche de mior che i etres, ma per mia persona, per mi eies, per mie esser.” Vèlch ejempie de co veicolèr l mond de l’artejanat al lengaz ladin l’é vegnù da Eduard Zingerle de la Val Badia: “Nosc ofize dèsc fora la informazions per ladin, scrivon ence la mail per ladin enceben che n muie tempruma ne responea per talian o todesch e jon de spes ence te la scoles per prejentèr i lurieres de l’artejanat”. Sun chest troi se à dit desponibol a lurèr ence Massimo Debertol percheche ence i artejegn fascegn se sente semper più leé a sie teritorie e sia identità. Inant de se tramudèr te Pluriuso, olache co la colaborazion di joegn hotelieres l’é stat endrezà n bon buffet ladin, a duc i artejegn ge é stat sport da man de Debertol e Pellegrini la stemes co la scrita de si mestieres da se tachèr sui mesi. Chi che no l’à amò ciapèda e aessa piajer de l’aer pel se oujer te Comun generèl de Fascia. La serèda se à serà sù dapò col bel conzert de la Blood Rockers Band e la Ciantarines da Soraga. (va inant) „

Ai artejegn prejenc ge é stat sport la stemes con scrit sù per ladin l’inom de so mestier.


Atualité

nr. 18 / 13 de mei 2011

Pìcola rubrica de informazion culturèla

“La gejia de Sèn Jan, Pieif de Fascia” Ti studies de Cesare Bernard e père Frumenzio Ghetta Te la scontrèda dedichèda ai artejegn Nadia Chiocchetti à prejentà l codejel coi inomes ladins de mestieres e èrc. Dapò Silvano Ploner à coordenà i intervenc di reladores (da cencia) Debertol, De Laurentis, Toppan e Zingerle.

L’Aisciuda Ladina 2011 à portà dant desvalives momenc de debatit, esprescion artistica e gastronomica con teater, musega e letradura. Pecia jent à volù se emprevaler de chesta bela oportunità de confront e massa pec boteghieres e artejegn à tout pèrt ai momenc a ic dediché. Se spera de aer amàncol petà la semenza per poder dassen dir che “lurèr per ladin... l’é amò più bel”! (mci)

L’identità te vedrina En ocajion de la setemèna de

l’aisciuda ladina, duc i comerzianc fascegn é stac envié a meter fora l’identità te vedrina. A chest envit à responet na trentina de boteighes e l’é stat fat sù béleche 40 vedrines col sìmbol de l’Aisciuda ladina e la bandiera dai trei colores. La vedrines fates sù é states fotografèdes e prejentèdes una per una da Lucia Gross de l’Union di Ladins en vender domesdì te Museo. Dapò a duc i boteghieres prejenc ge é stat consegnà “la tasces de l’identità”, na belota tascia de papier che l Comun

general à fat fèr de gra a la colaborazion con la Coprativa Val de Fascia, l’Istitut Ladin “Micurà de Rü” e la Coprativa de Cortina, olache se pel lejer 99 paroles fascènes, n segn de identità che la boteighes podarà ge dèr fora a si avantores. La tasces ge vegnarà portèdes a duc i boteghieres che à tout pèrt a la scomenzadiva e la setemèna che vegn su La Usc e ence sun TML ge vegnarà dat lèrga ai retrac de duta la vedrines che à metù fora sia identità.

Ence la setemèna che vegn su Tele Minoranze Linguistiche (TML) te noscia rubrica jirà amò inant la trasmiscion dedichèda a la Pieif de Fascia, metuda al luster tras la spiegazions del professor Cesare Bernard, studious che ge va dò a la pedies de nosc storich de maor nonzech, père Frumenzio Ghetta, a chel che l’é dedicà l video per la zelebrazion de si nonant’egn che compagna la trasmiscion su la gejia de Sèn Jan. Apede desvalives lurieres emportanc su la gejies de Fascia, desche sia tesi del laurea su la curazìa de Ciampedel publichèda ence su “Mondo Ladino” n. 24, la monograf ìa su la gejia de Sèn Lorenz a Pera e la publicazion de la “Bergamines de la gejia de Dèlba” dat fora da l’Istitut Ladin del 2010, Cesare Bernard à scomenzà a lurèr fora apontin la opera maora de père Frumenzio “La Valle di Fassa nelle Dolomiti”, dat fora del 1974 e da pez no più a la leta, publicazion de gran emportanza per entener miec la storia de noscia valèda. Co la riedizion de chest liber, smaorà e ajornà sot l’endrez de l’Autor medemo, Cesare Bernard se enjigna a tor sù te sia mans l’arpejon de père

Frumenzio Ghetta desche storich e a portèr inant l’enrescida su la reijes veiores de nosc popul ladin. Oraries (orientatives) de “L cianton de l’Istitut” su TML de lunesc da les 15.45 de mèrtesc da les 18.15 de mércol da les 22.15 de jebia da les 20.15 de vender da les 11.30 de sàbeda da les 18.15 de domenia da les 21.00

L professor Cesare Bernard à enrescì e studià trop en cont de la gejies de Fascia.

Ai boteghieres ge é stat sport la tasces de l’identità.

L’é dut colpa de La Usc… Dò se aer pissà l personaje de “Scedola”, Manuel Riz à fat crescer sia pascion per i comics, che dapò é jita inant e ades l’à troà lèrga ence te n codejel didatich per la Scola mesènes de Fascia

Manuel Riz te anter n grop de si scolees de la scola mesèna de Ciampedel con la Sorastanta Mirella Florian e Vigilio Iori de l’OLFED.

Didatica - “Scedola e l’èrt di comics” l’é l tìtol del nef liber de Manuel Riz, fat ensema con Vigilio Iori de l’OLFED e con la colaborazion de l’Union Generèla de la Dolomites, che acà diesc egn l’aea manà fora n concors da chel che dapò l’é nasciù apontin l personaje de Scedola. Amò ades chel bricon de Scedola ogne setemèna l fèsc grignèr e pissèr i letores de chest sfoi e da ades l’é doventà ence n pìcol “ensegnant” de comics. Te chest liber defat Scedola l vida i letores a descorir la naa del fumet con Yellow Kids nasciù del 1895 e publicà sul New York World e dapò l va inant a spieghèr canche vegn durà per la pruma outa i “baloon”, la vignetes che tegn ite la paroles di personajes di comics e amò l spiega coche nasc n personaje e la regoles de basa per fèr i comics. Dò chesta pruma pèrt, tel liber se troa i ejercizies e te l’ùltima pèrt l scolé o l letor à l met de cognoscer “Righello Cresta”, “Gimbellino”, “Baskino”, “Lupazio” e n muie de etres che l’é i personajes nasciui dai lapijes di bec de la mesènes de Ciampedel endèna l laboratorie de comics fat via per l’an de scola.

Chisc dessegnes é stac ence metui fora chisc dis passé te la sala più picola del chino de Cianacei, en ocajion de la prejentazion del codejel, per ge dèr l met ai genitores e a la comunanza de i veder. L’é stat na prejentazion dassen gustégola e enteressanta chela fata da Manuel. A na vida duta ironica se à rejonà del liber, di comics, ma ence del mestier de dessegnador de comics. Più senester de dut l’é troèr fora l’idea, saer che che se vel fèr, e a outes l’é senester ence se scontrèr con la critiches de chi che fèsc fadìa a entener l segnificat de la vignetes, che no semper les é fates demò per grignèr, ma vèlch outa ence per fèr pissèr sun vèlch fat che sozet entornvìa nos. La terza edizion de l’Aisciuda Ladina l’é stat l’ocajion giusta per prejentèr chest nef codejel, fat con chela de fèr ruèr l ladin te duc i ambic de la sozietà. Tras l comics l ladin ruarà no demò te anter i benc de scola, ma ence te anter i pascioné de chesta èrt de ogne età. Chi che vel e pel i troa amò de più te internet sun: scolart.blogspot.com e ence sul blog de Manuel: manuelriz. blogspot.com. (vr) www.lauscdiladins.com

13


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

nr. 18 / 13 de mei 2011

Perdù na milion de euro cun la streda de zircumvalazion Aldò de na expertisa dl tecnich agrar Heinrich von Lutterotti à l luech dal Ampezan te Sëlva perdù dassënn de valor, avisa 928.714,11 euro. Otto Senoner, l patron dl luech, auza ora si gran delujion Sëlva - La storia, per la familia Senoner dl luech dal Ampezan, „si via crucis“, va de reviers de truep ani. Bele de jené dl 2005 fòvel unì scrit tla USC che l se trata de “na situazion ncherscëula”.

Santa Cristina manco trafich, che ie danz na bona per l zënter, valorisan nscila dassënn l zënter y dut l luech de Santa Cristina, garantian nscila nce plu cualità de vita, che fova scialdi plu stleta canche dut l trafich passova tres l luech. Al didancuei ti ie dut chësc pëis unì ciarià su al luech dal Ampezan, cun la fuera y l mpestamënt aldò, sibe de di che de nuet, cun na fazion scialdi negativa per fité via majons.”

“Na situazion ncherscëula” Coche scrit tla USC ova Otto Senoner dla Cësa „L’Ampezzan“ bele de jené dl 2005 fat n valguna cunscidrazions n con’ dla streda de zircumvalazion per S. Cristina, che fova nce aldò dla minonga dla familia Senoner “n lëur che jiva debujën!” Bele ntlëuta ova Otto Senoner scrit: “La trassa crissa ora sun l grunt cumenel de S. Cristina ie chëla tecnicamënter plu realistica. N à udù danora de arbassé l prim puent che reprejentova na situazion de desturb estetich. Chësc à nce purtà pro a slungë la galaria de 60 metri che straverda la cëses daujin y i zitadins dal’autra pert dla valeda. Dut l cuntest de chësc proiet straverda te na maniera drët tlera i zitadins de S. Cristina. Chësc nes fej gran plajëi nce a nëus!” Senoner ova pona fat n valguna cunscidrazions y prupostes: “Purtruep ti àn dat te chësc proiet puecia mpurtanza a nosta sanità y esistënza!“, auzan ora che l "luech de L’Ampezzan" ie bele danter trëi ruves ite; un de chisc unissa mo spustà plu daujin ala cësa. Da dedò sons ncertlei ite dal stradon danter na bocia de tunel y l’autra. Sëuraprò mo sot al’auta tenscion dla lectrisc ite. L stradon passëssa a prësciapuech diesc metri da nosta garage, ma messeron furné za. 500 metri per ruvé permez. La streda per ruvé a cësa unissa inant ncrujeleda dal purtoi dai schi - streda per la rodes. Chësc purtëssa pro a n gran dann per nosta sanità (fum di auti y fuera), smendrissa l valor dl luech y descancelëssa l mesun de fité majons (atività de gran mpurtanza nce per nosta esistënza). Che chësta situazion ie per nëus n grandiscimo pëis vëija dessegur ite uniun.“ Nscila Otto Senoner tl 2005, dijan oradechël che „bele tl 2001 ovi abù l’ucajion de rujené cun l stimà presidënt dla provinzia Luis Durnwalder. Ël ova purtà dant l cunsëi de spusté l luech per ti fé lerch ala streda. De chësta minonga ie l presidënt mo for. Sëlva à for desmustrà gran capazità tecnica tla soluzion per la strutures publiches. Chësc Chemun se à detlarà sc’n

Massa fuera

La udera dal luech dal Ampezan, cun sotpassajes, trëbesc y peton.

cajo nce a una de baraté l tòch de grunt. Rengrazion seniëur ambolt y l Chemun! Zënza mudé l prinzip dl proiet, purtëssa chësta situazion nce vantajes per S. Cristina: cunliamënt purtoi Saslonch-Mont de Pana che ruvëssa nchin dlongia l lift Monte Pana (mplant che n ulëssa spusté plu inite). La lerch giapeda spustan l luech pudëssen tl daunì adurvé per fé n cunliamënt danter la Mont de Pana y l raion dal sport Iman (na soluzion de nteres struturel turistich, v. nce foto). Davani de lerch per S. Cristina spustan mo deplù l ruf (l bujën dla streda y puent per „L’Ampezzan“ toma demez). Luegia plu adateda per l scumenciamënt dl segondo tunel (per furmazion geologichnaturela y sparani de mures de sustëni). La vijion sun S. Cristina ne mudëssa nia.“ Nscila Senoner, che ova mo dit che “sce chësta mudazion dl proiet ti custëssa ala Provinzia n pitl percënt deplù, ti purtëssel al Chemun de S. Cristina tl daunì dessegur n davani de dut d’autra dimenscions. I zitadins dla frazion de Ruacia (Sëlva) nes à bele dan ani desmustrà cumprenscion y sustëni; n drë’ Idievelpaië. Prion nce bel la zitadinanza y l’aministrazion publica de S. Cristina de nes sustenì per chësta soluzion!

Sun la fotomontaja l proiet coche l fova tl 2005.

14

www.lauscdiladins.com

Ulon tò l’ucajion per auguré a duc fertuna y sanità per l daunì” Nscila fòvel unì scrit tla USC dan sies ani.

„Diesc ani trai via“ Śën, d’ansciuda dl 2011, dij Otto Senoner: „Ne me ësse mei mpensà che do diesc ani fossi for mo tlo a rujené de chësc. L ie diesc ani trai via, l ie diesc ani de vita da cians!“ Nscila Otto Senoner n con’ dla cësa de si familia y dla streda de zircumvalazion de S. Cristina. Fajon n saut zeruch. Coche bele scrit fova Otto Senoner jit da Luis Durnwalder, plu iedesc, dan ades diesc ani, per rujené de si situazion. Durnwalder ova na si idea: l ti ova damandà sce l „pudëssa simpatisé cun l’idea de spusté l luech,“ damandan sce la familia Senoner „ëssa pa zeche da nvestì“. „Zeche bën, ma mei chël priesc che va debujën!“ ova respundù Senoner. Y Durnwalder: „No, no, mé zeche!“ Senoner ti ova sun chëla scrit ai doi Chemuns y ala Provinzia, ajache l ratova che la soluzion purteda dant dal presidënt dla Provinzia fossa te chësc cuntest chëla plu da fundamënt. Sun chëla ova l Chemun de Sëlva dit che l ie a una de baraté l grunt, ti lascian ala familia Senoner l mesun de spusté l luech. Ma de finanzië l spustamënt dla cubatura ne cunscidrova l Chemun de Sëlva nia de si cumpetënza, coche dij Senoner, che dijova monce de udëi ite chësta argumentazion, ajache l se trata de n proiet provinziel. La Provinzia va da si pert inant cun si pruietazion, zënza tenì cont de chël che la familia Senoner se à damandà. L proiet ie pona nscila, che la trassa dla streda de zircumvalazion ne passa nia sëura la cësa dla familia Senoner via, ma dlongia. „A chësta maniera vëniel danejà la cualità de vita dla familia y smendrà de n zaron

l valor dl luech dal Ampezan che ie te Chemun de Sëlva, dalonc dal zënter fabricà, a 270 metri dala furnadoia de Ruacia Sochers y dal purtoi dla Saslonch. L ie n fabricat cun majons da fité via y cun dlongia n pitl tublà. La cësa ie cunceda ite te n pra de 1.400 metri cuadrac,“ nscila Senoner. Coche scrij l tecnich agrar Heinrich von Lutterotti che à śën fat na expertisa, “fova l luech bel tl vërt, dlongia l bosch. Dant fòvela na cësa idiliaca, cun na bela gheneda y zënza mpaziamënt de deguna sort.“

„Asfalt, roles y stredes“ Śën iela fineda cun la gheneda, dij Senoner. „La streda de zircumvalazion,” scrij da si pert von Lutterotti, “ie unida fata ncertlan ite l luech dal Ampezan. La streda statela nueva passa śën via a 22 metri de zes dal fabricat, l ne n’ie deguna strutures coche mures contra la fuera o d’autri rëms vërc. Sce n cëla dala majons ora, pona vëija la familia y i seniëures n iede asfalt, roles de tuniei, n rondel y la plaza da parché dla furnadoia de Ruacia. Chisc lëures ti à purtà a

Aldò dl’expertisa de von Lutterotti iel na fuera che va sëura la norma ora. N auter aspet negatif per la familia Senoner ie, da coche la dij, che l dëssa unì a se l dé n lift che va sun Ciandevaves/Pana, che dëssa passé, aldò de planns a desposizion, diretamënter dan l fabricat dl Ampezan. “Fazit ie,” scrij von Lutterotti, “che la cualità de vita ie unida scialdi plu stleta cun la streda de zircumvalazion. Bele ntan che l univa fabricà fòvel scialdi manco seniëures che se tulova a fit na majon, y bele śën iel da udëi che la dumanda per la majons ie scialdi mëndra, cun na fazion negativa n con’ dla rentabltà dl garnì. La udera dal luech dal Ampezan ie śën unida plu burta, cun la streda de zircumvalazion che ie dlongia, y la plaza da lascé i auti, che ie unida ngrandida a 7.000 metri cuadrac de ndut. Cieche n possa bele ncuei dì cun segurëza ie che l ne porta nia ngrandì la cësa per fité via, se nuzan sëuraprò dl bonus de cubatura. Trajan adum ie l luech dal Ampezan na imubilia che à perdù truepa atratività sun l marcià imubilier. I valores dut ntëur boni che l ova dant ie jic perdui per for. L valor perdù se lascia cuantifiché te ades na milion de euro, avisa 928.714,11 euro.“ Nscila scrij l tecnich Heinrich von Lutterotti te si expertisa.

„Cun na spana de nes“ La familia Senoner ie nsciuma resteda cun na spana de nes. L ti fova unì mpermetù soluzions per ti unì ancontra. Una na soluzion fova chëla de spusté l luech itevier. Ma nchinamò iel mé zeche de segur: l ie unì fat la streda de zircumvalazion, n rondel, tuniei, plazes dai auti. La cësa dal Ampezan ie mo for iló, l’aministrazions y la politiches ne

Sun chësta fotomontaja la pruposta che la familia Senoner ova fat tl 2005: spustamënt dla cësa itevier, spusté n mumënt la streda y l scumenciamënt dl tunel, purtoi che vën da Pana ju cun streda n pert te tunel daviert tla pert dedò.


Gherdëina

nr. 18 / 13 de mei 2011

vanteje de spiculanc: ie ne é nia pudù me spusté ajache n uel fé ta Ruacia la stazion japé dl lift de Pana.” Senoner dij che chësta sibe stata la gauja, „y oradechël ulòven fé n purtoi che fossa passà avisa iló ulache n minova de spusté l fabricat nuef. “De chësta ntenzion ne nes fòvel mei unì dit nia. Permò canche i lëures per la streda de zircumvalazion fova tant che finei, nes iel unì damandà sce on plu gën la linia dl lift sëura cësa ora o dan cësa via, y che messon vester

cuntënc de unì damandei...!!” Chisc ie danter l auter cumpurtamënc che on messù tenì ora. Da pert dl ex ambolt de Sëlva nes fòvel unì mpermetù a paroles che l fossa unì fat plu ntervënc per nes stravardé tla miëura maniera: scumencé plu inora cun la bocia dl tunel, mplenì su cun material dan cësa y auter. De dut chësc ne n’iel unì fat nia!“, dij Otto Senoner cun gran delujion, aspitan mo for iustizia. David Lardschneider

La streda de zircumvalazion cun tunel y rundel.

ti à nia dat n’auternativa, coche dij Senoner. Da ciacules da ustaria àuden datrai che nce la jënt ne n’ie n pert nia bona de udëi ite che la familia Senoner ne à nia azetà l spustamënt ajache i ëssa pu pudù l fé, coche l vën ratà. Senoner: „Chësc ne n’ie nia vëira. Chësta ie na propaganda metuda ora per nes descredité, da pert de ne sé nia chi. Vëira iel che l assessëur provinziel à dit che la Provinzia ne possa nia finanzië l spustamënt dla cubatura, ajache la zircumvalazion passa mé dlongia via, y nia tres l fabricat. Ntant ie l dann bele unì fat, sibe pra la trassa dla streda da jì permez, che ie śën

n pert sun nosc grunt privat. La streda coche la ie śën ie ora de nia n pert sun l privat, coche dit, y l ie unì a mancë nosta plaza privata da lascé i auti. Te chësc cuntest iel nce unì a mancë nosc verzon, per chël che paion for mo n fit ala Chemun. Oradechël fòvel unì mpermetù, nce aldò de n proiet ufiziel dla Provinzia, che dan cësa unìssel mplenì su de material, fajan nscila n rëm contra la fuera dla streda y dl ruf che ie unì spustà de diesc metri de viers de cësa. Chësta strutura ne ëssa custà nia, ajache l material dl tunel ie uni menà nchinamei a Persenon. Chësc material ëssen pudù tò a mplenì su dan cësa y a fé la streda coche la nes

fova unida mpermetuda. A chësta maniera ëssen nce sparanià scioldi, pudan jeté l material a trëi var de zes,“ dij Senoner.

„Gran delujion“ Otto Senoner ne n’ie nia bon de tenì zeruch si gran delujion. L se fej nce ert a tenì zeruch de vester dessenà, scialdi dessenà. L proa mpo a tenì na cërta mesura, cialan de fé na reflescion che possa nce vester n mumënt de dialetica y de cunsens. „La va de avëi mpue’ de fundamënt.“ Fundamënt che ne n’ie, aldò de Senoner, nia stat nchinamò. „Nchinamò iel unì realisà dut a

L asfalt te de stleta cundizions.

Scola de Mujiga da na gran ueia de fé “Na scola cun gran ardimënt, plëina de energia, cun na gran ueia de fé!” Chësc ie l comentar de n apasciunà de mujiga che vën bele dai ani a scuté su nosc cunzerc! Chësc nes fej zënzauter plajëi! dant belau 50 iedesc! Chësc uel dì che sun 32 enes de scola se à ëi prejentà de mesaria almanco n iede y mez al’ena!

Cunzerc, mësses, funzions, manifestazions y sunedes d’uni sort I sculeies se à lascià udëi y audì ntan l tëmp d Avënt y da Nadel, ntan la prejentazion de vel’ liber nuef, n ucajion de cunzerc per genitores, ntan la sunedes tl zënter de Urtijëi, y per la jënt te cësa de paussa y mo ntan truepa d’autra ucajions. L ie propi stat n ann plën de lëur! N possa dì che la Scola de Mujiga tol ita na gran mpurtanza te nosta sozietà! L lëur de na tel scola ne n’ie nia mé chël de ti nsenië

a suné y cianté, ma chël de dé inant legrëza y eduché i jëuni ala mujiga. Per stlù ju l ann de scola vëniel daniëura metù a jì plu sëires y cunzerc a Urtijëi o tla sënta secundera dla Scola de Mujiga te Sëlva, tl’“Aula magna” dla Scola mesana. Chëst ann àn sëuraprò pensà de se nuzé dla beliscima strutura nueva te Sëlva, plu cunesciuda coche “Zënter culturel Tublà da Nives”. L ultimo lunesc ai 9 de mei iel bele stat mesun audì n beliscimo cunzert tl cuntest dla mostra Trash Art, cun la percuscions dl maester Georg Malfertheiner. L sarà mo na lingia de cunzerc; l program plu avisa ie sot ala plates de informazion. Vinzenz Senoner

Ntan un di cunzerc dla Scola de Mujiga de Gherdëina.

Scola Mujiga - Chëst ann iel stat de ndut 598 sculeies che à frecuentà la lezions de mujiga. L n fossa mo stat deplù, ma purtruep ne à cënt sculeies nia giapà lerch y perchël iesi ruvei sun na lista da aspité. De ndut àl nsenià 18 maestri, la majera pert de Gherdëina.

Ciun strumënc ti plej pa deplù ai jëuni? Coche l ie l “trend” sëura duta l’Europa vëniel nce da nëus te Gherdëina sunà gën l tlavier, la chitara, la percuscions, l flaut traviers. Cun legrëza pudons dì che

ti ultimi ani iel stat n nteres nuef y grant nce per d’autri strumënc, sciche per ejëmpl i strumënc de banda, la vidules, l flaut a bech, l’armonica, l saxofonn, l oboe o l violoncello. De ndut à nosc sculeies ntan chëst ann de scola ciantà o sunà

Sculées che mpera a suné l flaut traviers. www.lauscdiladins.com

15


Gherdëina

nr. 18 / 13 de mei 2011

L scultëur che fej damat cun i culëures L’ultima ena iel unì giaurì, tl Artcafe Funtanela na mostra particulera de Harald Schmalzl da Jumbierch de Urtijëi Ert - L se trata de pitures a uele, depëntes dan vint y plu ani. L ie pitures che fej pert de si troi artistich, n troi che ne fova nia for da plan y saurì da jì lessù... ma che ël se à menà ora tres truep studi y gran pascion per l ert. L ie nteressant a scuté su coche Harald nstës conta, cun ce legrëzes, ma nce tres ciuna ntraunides che si pitures ie nasciudes. “Ie ove bele da for la mania de depënjer na pitura sëura l’autra... l sarà pa bën ajache ne fove mei drë’ cuntënt cun chël che univa ora de mi mans”, dij Harald. “Nsci tulovi chëla pitures ulache ove bele depënt y studià giut lessù y scumenciove a depënjer vel’ d’auter sëuravia. Sun na tëila iel datrai, a chësta maniera, doi o trëi d’autra pitures sot al lëur finà.” “Chël ie puscibl”, dij Harald inant, “cun i culëures a uele se lascia chësc fé y la tëila vën perdrët, da mé ora, for miëura. L acuarel ne se lascia nia traté ala medema maniera, iló vel l prim culëur; y sce n ne n’ie nia cuntënc, po pòssen mé plu smaché l depënt te furnel.”

Scuviertes nteressantes, che auza la richëza tl’ert Bele Leonardo da Vinci fova cunesciù per avëi suvënz depënt sëura n’autra pitura, o che l dessëni che ie sot ala pitura ie rafigurà te dut n’autra pusizion. Se judan cun i “rajes X” y cun chëi nfracueceni, iesen al didancuei boni de udëi tres la pitura, pudan nsci udëi cie che l ie sot ai culëures y nsci vëniel suvënz a lum scuviertes sensaziuneles - scuviertes che mostra su la ueia de cumedé n lëur, la ueia de se deriejer tla criazion plëina de n artist. Datrai àn na mueia canche zeche scëca drë’ massa y n ne n ie nia plu boni de purté sun tëila chël che n ulëssa. Michelangelo ova fat avisa l medemo cun la Pietà Rondanini che ie da udëi a Milan. La scultura fova bele fineda, laureda ora te uni si mënder particuler, ma po ne ti scusovela nia plu y mpulsivamënter àl scumencià cun ponta y mazot a desmazé lessù, ulan fé de majera

Harald te si mond criatif, nsci coche ël ie nstës, zënza sieves o antines, nsci coche Rembrandt dijova a n si sculé: "La pitura ie la miëura maniera per pudëi medrë vester, per crië n mond zënza cunfins... te chël mond che n possa vester sé nstësc te uni luega, dloncora.

Dan nëus ons chedri, ulache n se vëija ora drët bën la doi sortes de belëzes, coche Paul Gauguin dijova. La prima belëza de n lëur de ert vën dai sentimënc plu soc, che ie bele nravisei tl cuer de n artist, y la segonda ie tl stude.

mudazions, nchin che l se à pona ntendù che l manciova miermul y l ne pudova nia plu lauré inant. Nsci ie iust chëla Pietà de Michelangelo danter la scultures plu esprescives y senzieres che ne n’ie mei unides criedes dala mans umanes.

che depënjer uel dì jì inant cun n dessëni for plu sot; na pitura ie dantaldut la nmaginazion de n artist, ma l ne dëssa mei vester na copia. A Harald Schmalzl ti éi damandà: “L depenjadëur cunesciù bera Śepl da Jumbierch, che fova ti besavon, nes à lascià l medemo ann che tu, Harald, foves nasciù. Te sëntes’a daujin al pensier de jì inant sun si troi tl'ert?” Harald me tol la parola dijan bel spontann cun i uedli che ti lunova: “Sënte la pitura te mé nstës, l sarà pa bën l’arpejon che é giapà da bera Śepl, deplù ne sei nia... ma chësc pudëssi dì: bera Śepl furniva la figures che l depenjova a chëi tëmps. Cun la troht, cun l bel guant da uni di che l’ëiles purtova, la joches pesoces di ëi che vëijela te stala, i guanc di ciaciadëures, y la ciamëijes cun la manies tai cumedons d’instà per purté i linzuei da fën. Ezezion ie na figura de n Crist, che me lecorde che ël ova depënt. Ie son daniëura stat plu nfluenzà dal corp nët, dal desnut, de chël che ne son nce mei mparà ora. L semea propi che plu che me dé ju cun l’ert, plu che me sënte tl scumenciamënt. Canche tënie n penel tla man, sente l bon tof dl uele de lin y vëije

Canche i culëures rejona cun l artist Harald Schmalzl pòssen saurì mëter danter i artisć che depënj veramënter da si sentì senzier, da si sentimënc plu scundui. S’la rijan dìjel: “Mescedan i culëures ne cunësci deguna regules; danora ne sei pa nianca da dì ce culëur che l unirà a lum, ma mescëide inant nchin che l culëur me rejona y nchin che ie posse nce ti dé na resposta. I culëures te vën pona ancontra y for plu daujin y pona vàla nce de cialé che chëi culëures che ie bele sun tëila se ujiné cun chëi che vën do." L gran Leonardo dijova nchinamei: “La pitura ie veramënter la plu auta danter i troies desferënc dl’ert, davia che degun auter mpëni artistich cuntën la medema forza de criazion.” Bele che Harald fova n tel mut, scumenciovel a depënjer la natura

Per acumpanië chësta pitura ie la paroles de Wolfgang von Goethe bën tuchedes: "N bel lëur d’ert ie sciche na opra dla natura, per nosta cumprenscion saràla daniëura zënza fin.

16

www.lauscdiladins.com

y i vedli tublei. Danter si prim acuarei iel nce l vedl mesc “de Perjon”, coche n ti dijova ntlëuta; a chëi tëmps òvel permò 14 ani. Plu tert, danter i 19 y i 21 ani, se dajòvel ju cun pascion al stude dl corp uman, dantaldut chël dl’ëila, “per si belëzes sovranes y fines”, coche ël nstës dij. Da jëunn, do i ani 60 iel stat plu iedesc a Paris, jan do ala piedies di mpresciunisć franzëusc, daniëura cun rispl y papier njenià per dessenië si mprescions.

Na mont de dessënies dan semië cun i culëures Harald conta mo śën cun emuzion: “Ce bel che l fova a udëi dala trëi, la cater daduman coche l univa menà la versura cun i carëc sun i marcëi de Paris y i becheies che straciova sun la sciables la cuesses di bues. Aslune me fajove pona vel’ schiza.” Na mont de schizes ie nce nasciudes ti locai da de nuet y iusta se nuzan de chëles, nce sce l ie mé da udëi puecia risses sun l papier, à Harald belau 30 ani do depënt pitures a uele sun tëila y velch sun tofles de lën. N valgunes de chëstes ie metudes ora tl Artcafe Funtanela. Edgar Degas fova dla minonga

La pitures metudes ora, nes mëina tla piedies de Harald. Per n artist ie uni lëur senzier n lëur d’ert, sibe ti culëures che tla formes de na scultura, l ie sciche na firma che vën scrita da si mans, per i tëmps che à mo da unì.

la tubes di culëures y la tëiles che me aspieta, me mplenësci de ueia y scumënce a depënjer. Ma canche vede ju te berstot y me gode l tof da zirm, vëiji i scarpiei y la maza sun penic, l fonz curì de steles, pona me bat bën l cuer y me lecorde inò de vester n scultëur."

Paul Gauguin... n fra spirituel de Harald Coche ie cunësce y me lecorde de Harald, ie ël n artist che à scialdi mparà tres l dessëni. Dantaldut àl mparà da si esperienzes persuneles y dala ueia per l lëur che l fajova for inò scumencé velch de nuef, trajan demez uni tant chël che ne ti scusova nia. N con’ de chël ti semea Harald da Jumbierch bën scialdi al mpresciunist Paul Gauguin, che dijova de plëina cunvinzion: “Dut chël che é mparà dai autri ntëur l ert me à revinà, me fajan ciumpedé. Perchël possi dì: deguni ne me à nsenià velch. L ie bën nce vëira che sé tan puech, ma é plu gën chësc puech che vën mé da mé nstës... y chi sà pa sce chësc puech ne pudëssa nia deventé zeche de grant!” Tone Ruben da Cudan

La pitura de Harald pudëssen simbolicamënter paredlé al bon vin, y la scultura al pan de si criazions artistiches.


Gherdëina

nr. 18 / 13 de mei 2011

L café

La doi surans

Setanta milions. Chësc ie l numer de cafeies che vën bui al di tla Talia. Che l sibe fosch, cun lat o zënza cofeina, nëus duc s’l gudon per nes cunsentì n mumënt de plajëi

Na storia da pensé do

Café - L priesc dl café vën fat ora tla borsa de New York y chëla de Londra, zënza tenì cont sce l ie śën stat n bon ann o sce l priesc paià ne tleca nia a curì la spëises de chëi che l zidla. Te n pachetl de café tradiziunel ie l davani che ti va al bacan l 3%. Donca va l 97% dl priesc che nëus paion ai marcadënc che ie danterite y tl retlam. Te n pachetl de café dl cumerz rëidl ie l davani che ti va a chëi che à zidlà la bostles de café dl 45%. Se ons’a mei damandà cieche la scrita „miscela“, „arabica“ o "robusta“ sun n pachetl de café uel perdrët dì ?

Arabica y Robusta Chësta doi plantes ie la plu adurvedes per la produzion dl café. Tramedoves vën dal’Africa. La bostla dl’Arabica ie la sort plu prijeda. Ëila ie rica de cumpunëntes nëubles sciche aroma, dëuc y ie mancul ejia. Chësta planta crësc mé sëura i 900 metri de autëza. Plu insù che la crësc y miëura che ie si cualità. Donca iel da cunsië de se bever n café 100% me de arabica, zënza lat, sciche do marënda o te n mumënt dl di che n à dl’aurela de se goder zeche de bon. La Robusta ie na planta plu sterscia, che crësc nce ala bassa y che porta nce deplù. Si cultivazion cumporta mancul spëises.

Chësta bostles cuntën plu cafeina, à mancul aroma ma à plu corp. La robusta ne vën tan che mei piteda da sëula, ma mescededa n pert cun na pert de arabica y devënta nsci na „Miscela“. Chësc ie śën n café che ie plu adatà da gusté, mescedà cun lat o per chëi che à gën n café Café. La trëi sortes Arabica, Robusta y Miscela. plu sterch. su. Bev l café mo ciaut, permò fat. Co fé n bon café Sce l te n resta, pona tëniel su te Tol n café de bona cualità. Per na ola de scipa o de mauta, mei te ne pierder nia l aroma mët l pachetl zeche de mitel, davia che l tira la n iede daviert te n bostl y tëniel te sëur. Sce te ues mo n iede l sciaudé, dlaciadoia. pona a bani tl’ega o sun na pitla L’ega che n mët tla mascin ne flama. daussa nia passé su la valvola che Netea la mascin dal café mé cun ie laite. ega, zënza tò polver da lavé ju. No schicé l café, ma fé n pitl Puzenea uni tant l filter cun cura, vulcan limpea. N calculea na pitla adurvan n bëusc dai dënz. Sce te njinies na mascin nueva sciadon colma de café per persona. Lascia śën jì su l café sun na o sce ne te l’es n struf nia adurveda, pitla flama tenian l cuiertl daviert te cunsions de cuejer su mpue’ de (l’ega che fej cundënsa y toma inò café laite che te tires demez, dan ju tl café smendrësc la cualità y l fé pona l „drë’“ café. Ve mbincion che l garate! aroma). Sposta la mascin dal café demez Butëiga dl Mond Gherdëina dal fuech pernanche l à finà de unì

Cunteda - Te na vedla cësa da paur, ulache l stajova plu da giut na gran familia, iel mé plu restà doi surans. La cësa ie dalonc dal paesc. La streda per arjonjer la cësa ie scialdi ërta y nia asfalteda y n ruva mé su cun mesuns aldò. L mancia la lectrisc, l’ega y l ne ie niancanó n bani o n chegadoi. La surans va mé dinrer ju tl paesc per se cumpré ite chël che ie debujën per sëuraviver. Ntan l tëmp frëit dl inviern ne àles degun cuntat y degun raport cun l mond modern. L ambolt dl paesc, na persona drët sensibla ai problems de si zitadins, va n di a crì la doi surans. Ël ti pieta n cuatier nuef y da sté saurì, ulache les possa passé l inviern. L cuatier à l sciaudamënt zentrel y duta la sauridanzes. La doi surans se cëla cun marueia y dij pona che les muessa permò se rujené ora, ajache na tel dezijion se merita n pensé do sot. L passa n valgun dis y la doi surans va dal ambolt, per ti dì che ëiles ne possa nia renunzië a si sauridanzes, perchël àles fat ora de resté te si cësa, ulache les à dut

chël che les adrova per viver cuntëntes y sarëines. L ambolt se fej marueia de chësta dezijion y a d’ël ne ti réstel auter che respeté si ulentà y les saludé, ti mbincian bona sanità y vita longia. Moral: la sauridanzes ie chëles che uniun de nëus se chier ora per viver sarenamënter. Giancarlo Zanotti

Una dla doi surans cuntëntes.

N auril ciaut Tëmp y temperatures ntan l mëns de auril 2011 te Sëlva a 1595 metri Sëlva - L mëns de auril 2011 ie stat scialdi plu ciaut che chël dl ann passà, cun 7,47 C degré de mesana, premez ala mesana de 4,59 C dl 2010. Chël uel dì che la mesaria ie stata de 2,88 C sëura la temperatura dl mëns de auril dl ann passà. L di plu frëit éi muserà ai 14 dl mëns, cun na mesana de 1,67 C° y na minima ai 15 de auril de -4,5 C°. L di plu ciaut éi muserà ai 7 dl mëns cun 12,33 C° de mesana y na mascima, for ai 7 de auril de 19,00 C°. L mëns à scumencià sun l bel, cun plu dis de mez y mez y for bel nchin ai 25 dl mëns: dopro àl dat ite bur’ tëmp nchin ala fin. Nevët àl un n iede nchin a 1700 metri. Deguna nëif ne n’ie tumeda te paesc. Mé per paredlé, tl 2010 fòvel unit ju 26 cm de nëif, tl 2008 for de auril fòvel tumà bën 75 cm

de nëif. N possa dì che auril ie stat n mëns bel, sarëinn iel stat trëdesc dis, undesc de mez y mez y sies dis de bur’ tëmp. Dodesc dis iel stat da vënt. Pluët al puech, 18 mm de ciadeda te sies iedesc che l à pluvët. Ai 30 de auril da sëira ne fòvel deguna nëif a 1600 metri de autëza. Ntëur ai 2200 metri de autëza se n iel tl’ultima ena de auril jit scialdi nëif, ajache l tëmp fova bel y la temperatures fova autes. Ala fin dl mëns fòvel mo ntëur a 35 cm de nëif. Chësc auril ie stat un di plu ciauc di ultimi cincant’ani. L auril ie stat un di mënsc cun na mesaria de 2,5 degré sëura la mesana di ultimi carant’ani. Tl ultimo inviern 2010/2011 iel tumà 262 cm de nëif, tla sajon da d’inviern 2009/2010 òvel fat ju 311 cm de nëif.

Tleves de paravis, che flurësc śën ti prei sëura i 1600 metri. www.lauscdiladins.com

17


Gherdëina

nr. 18 / 13 de mei 2011

Reunion generela dla Cassa Raiffeisen de Sëlva “Avëi te Gherdëina na pitla banca locala, che cunësc la jënt y lëura per chëi da tlo ie na fertuna. “ Chësc ie l pensier plu mpurtant che ie unì auzà ora da pert di cumëmbri ntan la senteda generela

Cumëmbri unerei per vester da 35 ani nca cumëmbri dla Cassa, cun, a man ciancia l diretëur dla Cassa Raiffeisen Flavio Senoner y l presidënt dl Cunsëi de cuntrol Norbert Comploj, y a man drëta l presidënt Ivo Senoner. (Fotos Prodigit - Robert Perathoner)

Cassa Raiffeisen - I cumëmbri dla Cassa Raiffeisen de Sëlva se à ancuntà n sada ai 30 de auril tla Cësa de cultura “Oswald von Wolkenstein” te Sëlva. Te si relazions à l presidënt Ivo Senoner y l diretëur Flavio Senoner mustrà su che la Cassa Raiffeisen de Sëlva ie na banca sterscia, sana, che lëura bën nce te tëmps de crisa, ti dajan si sustëni ala valeda, tl ciamp economich, ma nce te chël soziel y culturel. L davani dla banca ie tl 2010 stat de 2.052.410 euro. N davani arjont dantaldut per via de doi carateristiches dla Cassa Raiffeisen: l livel bas di cosć n generel y di cosć dl personal y tan che puecia y deguna “suferënza”. Nfati à la Cassa Raiffeisen de Sëlva de bon tlienc, che paia ju si debic y tën ite si mpënies. Nce la bona dota de capitel soziel dla banca, bën passa 44 milions de euro, permët de avëi n bon davani y de pudëi tl medemo mumënt pité de bona cundizions ala tlientela. L ie nce unì auzà ora che la banca possa mé vester sterscia sce cumëmbri y tlienc tën si scioldi te Gherdëina y i lascia manejé te

Gherdëina. La Cassa Raiffeisen de Sëlva à tl 2011 manejà bën 282 milions de euro, che ie unic nvestii te plu formes, ma dantaldut te mprësć ala tlientela (215 milions de euro, +9,82%).

Mprësć a cumëmbri y tlienc Sibe l presidënt che nce l diretëur assegurea che la Cassa Raiffeisen mpresterà inant ora si scioldi per proiec y nvestimënc tla valeda. Cumëmbri y tlienc che à for laurà cun la Cassa ne n’à nia drë’ de se temëi de ne giapé nia plu scioldi, nce sce ti media vëniel suvënz dat la nutizia che l ie manco scioldi a desposizion, che la banches ne dà nia plu ora mprësć y che la Banca d’Italia à metù su regules plu sciorfes per mpresté ora scioldi. La filosofia dla Cassa ie chëla de ti dé i scioldi a chiche i adrova, dij l presidënt. Na banca che cunësc si jënt se fej nce tlo plu saurì.

I jëuni Na bela lerch ti iel ntan la senteda nce unì data ai jëuni. L

diretëur ie jit ite tla situazion di jëuni d’al didancuei, che à for plu de bujën de na majera cualifica, na majera mubilità, che se fej plu ert a sparanië velch y che messëssa bele pensé a si pension, ai servijes soziei, ala sanità, a n cuatier y n.i. y à cherdà i cumëmbri a sensiblisé i jëuni de chësc viers. La Cassa Raiffeisen cialerà da si pert inant de dé si sustëni ai jëuni y de i cunsië aldò. Nce l ambolt de Sëlva Peter Mussner à te si relazion, ulache l à nce auzà ora l vantaje de na pitla banca locala, ulù fé doi cunscidrazions n con’ di jëuni. L à cherdà i jëuni a sparanië, ajache chël ie atuel, ajache ël à udù che nce a fé pea pra l raion da abité alesirà vàl de bujën de n capital de basa; oradechël àl cherdà i jëuni a se lascé cunsië tla banca da jënt esperta. L ambolt à nce abù paroles de lauda per la Cassa Raiffeisen de Sëlva, che ie for davierta per la scumenciadives di jëuni y ti dà n gran sustëni ala lies dla valeda, ulache l ie nce truepa lies di jëuni. (pp)

Cumëmbri che à trat n viac a Dispruch, che unirà fat n sada ai 14 de mei 2011.

18

www.lauscdiladins.com

L ie unì premià studënc, che à stlut ju si studi cun 110 y lauda, arjunjan l titul da dutor: Stefanie Perathoner, Sara Comploj, l pere de Isabella Mussner, Romina Costa. Sun la foto màncel Maria Lucia Senoner.

Maikol Demetz, Elena Runggaldier y Alexia Runggaldier ie unic premiei per si meric tl sport.

Mutons dla Scola de Mujiga à sunà n valgun pec sun si strumënt ntan la senteda.


Gherdëina

nr. 18 / 13 de mei 2011

Canche la pestaria ie ert Trash-Art: n’ert drët particulera, de marueia cie che l se lascia dut fé cun l refudam. Mostra dla Scola Mesana de Sëlva tl Tublà da Nives te Sëlva

Opres metudes ora te Tublà da Nives.

Ert y scola - Ai 30 de auril iel stat la giaurida ufiziela dla mostra Trash-Art tl Zënter manifestazions cultureles “Tublà de Nives” te Sëlva. N bel tlap de jënt iel unit adalerch per l’ucajion, autoriteies, nsenianc, sculeies y ntressei. Trash-Art y y y... nia mé ert-refudam, ma opres d’ert de gran criatività artistica. La opres d’ert ie mo da udëi tl Tublà da Nives nchin duman sada ai 14 de mei, dala 10 ala 12 danmesdì y dala 4 ala 6 domesdì. L nvit a passé a ti cialé ala mostra Trash-Art vel sambën per duc. Na idea uriginela y istrutiva nia mé per i mutons y jëuni, de ejëmpl mpue’ per duc, n con’ de cie che n possa fé dut cun tòc o pec de refudam, coche mesun de sensiblisazion per la tematica.

La parola al’autoriteies L assessëur provinziel ladin Florian Mussner à auzà ora la mpurtanza de de tei proiec, laudan i sculeies per i lëures fac. “L ie drët che i jëuni mpere bele da pitli la mpurtanza de rezitlé l refudam y de tenì nët nosc ntëurvia. Che da roba che n ne adrova nia plu, che n smaca, pòssen mo fé velch dainora ne minëssen nia, y te chësc cajo propi de bela opres d’ert, coche n possa udëi tlo tla mostra,” à dit Mussner, che à dit de ulëi fé la medema mostra nce a Bulsan, tl Palaz provinziel di Lëures publics. L diretëur dla Scola Mesana de Sëlva Anton Senoner à rengrazià duc canc chëi che à laurà pea per l bon garaté dl proiet, danter l auter la vizediretëura Margit Perathoner per la cuordinazion, i nsenianc de educazion artistica Justine Senoner y de educazion tecnica Nadia Moroder, che à laurà truepa ëures per ruvé a bon fin cun l proiet y sambën duc chëi che à judà ntëurite per l bon garaté dl proiet. L diretëur à lecurdà „che n possa pa bën nce cumpré n pez metù ora...“.

Ntan la giaurida dla mostra Trash-Art te Tublà da Nives te Sëlva. (fotos de Walter Perathoner)

Prejënc pra la giaurida fova nce i ambolc de Sëlva y S. Cristina, Peter Mussner y Eugen Hofer. Mussner à dit che gran pert dl refudam, 70%, ie al didancuei material che vel, che se lascia rezitlé. Da dì iel che l Tublà da Nives ie da stramp adatà per de tel mostres. Te cater selfs dl tublà àn metù ora na bela lingia de lëures d’uni sort, na mostra artistica unica, cun dut materiai de refudam rezitlei.

Na lauda ai sculeies I sculeies dla Scola Mesana de Sëlva à abù l mesun particuler de mëter a jì na mostra mpue’ ora dl schema normal: ëi à ulù mustré cie che n possa o cie che l se lascia fé cun materiai de refudam. Chësta mostra fej pert de n proiet spezifich, che mira a ti nsenië ai jëuni che refudam fej pert de nosc mond, de nosc ntëurvia, dla vita da uni di. Per l proiet y i pec dla mostra àn tëut ca tòc de computer, de radio, butons, lumes, ciauzei, struplons, bozes de plastica y de scipa, roles y auter. Ala fantajia di mutons ne ti àn te chësc ciamp nia metù cunfins. La criatività ie stata la pert plu mpurtanta.

Sensiblisé de viers dl refudam L fin dovia ie de gran senificat, dantaldut per i jëuni de chësta età, ma nia mé. Duc dëssa pensé do a ce cunseguënzes che à l refudam y coche n pudëssa l nuzé miec per se nuzé da nuef di materiai. La sensiblisazion de chësc viers ie drët mpurtanta bele da pitli insù, ie pu chësta l’età te chëla che n svilupea ti jëuni la capazità da savëi da sciazé la pitla cosses da uni di che n adrova o n tol tla mans, cie che n adrova veramënter y dantaldut a tò cosses y materiai che n possa rezitlé y schivé nscila pestaria sëuraprò.

Dietrich Mussner, Anton Senoner y Nadia Moroder.

Duc se à purvà dassënn y à laurà pea per arjonjer l miëur resultat; cumplimënc ai pitli artisć, speran che chësc proiet posse ti vester de ejëmpl y de utl nce ti ani che à da unì, canche i sarà majeri.

N proiet de dut l ann Margit Perathoner, vizediretëura dla Scola mesana de Sëlva à cuordinà mpue’ dut l proiet y dij: “Chësc proiet, i prim vares, ons metù a jì bele d’autonn. De setëmber ie la nsenianta Nadia Moroder unida cun l’idea de fé n tel proiet, puscibilmënter n con’ dl refudam, y a mi me iel riesc tumà ite l Tublà da Nives te Sëlva, ulache n ëssa pudù mëter ora i lëures. Tlo iel propi bel y adatà per vel’ da de tel. Na bona idea, scumenceda pitla y pona unida for majera y plu cuncreta. Se on sentà adum cun l cumité dl Tublà da Nives, che fova riesc a una y cuntënt de pudëi ti giaurì la portes ai sculeies, ai jëuni, ai artisć. Nscila ons scumencià, ons laurà per doi mënsc y mez. Ie muesse dì che duc i 185 sculeies dla scola à laurà pea y chël ie la plu bela cossa per nëus. Y da chësc proiet se tol uniun pea velch. A chësc livel ne n’iel mo mei unì laurà tl ciamp artistich. La maestres de tecnica y de dessëni à fat da stramp de biei lëures cun l refudam, ti dajan ai mutons l mesun de lauré cun la mans, che ie al didancuei for plu y plu jit perdù. Tlo te Tublà da Nives ons metù ora mé na pert di lëures, ma te duc i sculeies iel nasciù l dejidere de mëter a verda deplù de schivé l refudam y chësc fova pu nce l fin dl proiet”. Ntan l’ëures de educazion artistica y chëles de tecnica àn cialà de lauré ora ch’sta opres d’ert.

Na bela esperienza Justine Senoner, maestra de dessëni dla scola, conta mpue’

I trëi speakers à prejentà a puntin.

coche la ie unida a s’l dé cun chësc proiet: “Scumencià ons ntan mi ëures a mez fauré, on pensà do cie che n pudëssa adurvé, dantaldut la roba che n smaca gën, che ne n’ie nia plu atuela y che n ne adrova nia plu y che sta decà. La gran dumanda fova cie che n pudëssa pa fé cun chësc? CD, cassëtes, videocassëtes, bozes y nce tei vedli ciauzei. Cun dut chësc ons dit che tlo iel da fé zeche de bel dainora. N auter argumënt fova nce l liber, che al mumënt ne n’ie nia plu tan atuel, cun duc i media che on. Te tlas ons pona rujenà nce de chësc y n à studià nscila cie che n pudëssa fé. Ai mutons ti àl plajù da stramp a fé la roba te trëi dimenscions y cun vel’un ons nce fat de tei chedri plutosc pitli y pona i ons metui adum te n gran cheder. I mutons fova da stramp ntujiasć de chësta maniera de lauré che i ne n’à perdrët mo mei fat. Depënjer y nculé adum, de se lascé jì cun criatività ti à sapù da stramp bel. Te prima tlas ons tratà la scipa y l’on dlegheda. La scipa fova na boza; laite fòvel d’uni sort de tòc: concules, scipes da culëur, che on pona metù te furnel. Pona i ciauzei: tlo ti sons jic do al stil de Pit Montreux, che ie n astratista. I on depënc cun i culëures primeres y i on pona depënc, drët nteressant nce chësc. Tla segonda tlasses ons tëut ca CD’s, cassëtes y nce chertes y bozes de plastica. Cun chëstes ons fat de biei ciofs da culëures dainora. Cun i CD ons fat te una na tlas tieres, fajan pona chedri. Tl’autra tlas ons tëut ora la vëtes che ie tla cassëtes y on fat ciavëi dainora y depënt cun n culëur y fat n DJ. Tl’autra segonda tlas ons fat na Tor Eiffel cun chertes, tlo fòvel dantaldut mutons che à laurà lessù. Tla terza tlasses se ons dat ju cun l liber, cie che n possa fé dut cun n liber mefun. Te una na tlas ài messù taië ora pësc y la vegetazion che ie tl mer. L dovia

ài depënt cun culëures acrilics; vel’ mut a nce depënt cun i piesc, na esperienza drët bela per ëi. Tl’autra terza ons fat n dancà per n gran liber. N auter bel lëur ons fat cun la scatules dai ueves. Na cossa nteressanta: chëi che cëla muessa se muever, fé muvimënt, pona vëiji dal blanch passan al fosch, udan pona cie che l ie, ma tlo muessen se muever coche dit, per udëi coche l ie. I mutons à duc fat pea cun gran legrëza. Da dì iel che de chisc proiec se lecorda ëi plu che de dut l rest. Ie muesse auzé ora che l fova na bela esperienza, cuntënc di resultac, de chël che l ie unì fat y l fossa mé da fé mo n iede vel’ da de tel.

Gran lëur de nstalazion Nadia Moroder, maestra de tecnica à sotrissà: “Ala fin de chisc trëi mënsc che on laurà iel unit ora de bela scultures y chedri. L ne n’ie nia stat tan saurì a mëter ora tlo te Tublà da Nives duta ch’sta opres d’ert, te ch’sta cater sales, davia che l n fova n grumon. Pona ons scumencià n iede cun i gran chedri da taché su y chisc ulans lascé udëi riesc canche n vën da porta ite, davia che i à na gran forza espresciva, cialan ulà i taché su, acioche i giape mpue’ de aria, coche n dij y che n posse ti cialé sciche l toca. Da dedò sons jic inant cun la scultures, la majeres ons metù tl cubus de scipa, una per pert, a na moda che n posse ti cialé danca y dovia. La pitla opres ons metù ora tla sala de lën, dantaldut chëles fates de lën, carton y cun culëures che va bën y che passenea ite cun l lën dla sala. On nce lascià la lerch ai films, power point y video che on fat ntan l’ëures de scola”. L nvit a passé a ti cialé ala mostra Trash-Art vel sambën per duc, l se paia propi. Daniela Villotti

N l di dla giaurida, dedite. www.lauscdiladins.com

19


Gherdëina

nr. 18 / 13 de mei 2011

Giuani Paul II a Bulsan La Lia dl Turism de Bulsan se à lascià tumé ite na nuvità per l Marcià dai Ciofs da d’ansciuda a Bulsan: l ie unì metù ora na gran scultura-relief dl Papa Giuani Paul II zipleda da Walter Pancheri de Urtijëi Turism de Bulsan ova cuntatà l’Unika a mez merz de chëst ann, se damandan na figura dl Papa, da mëter ora sun Plaza Walther a Bulsan n ucajion dla 123ejima edizion dl Marcià dai Ciofs, ulache l ie bele tradizion mëter adum l elemënt ciof cun l elemënt artistich. L’Unika à tëut su cun plajëi l nvit, scrijan ora n cuncors danter i cumëmbri. La prupostes dates ju ie states 9, crissa ora ie unida l’opra de Walter Pancheri, che ne fej nia l prim iede n lëur de na tel dimenscion; l tleca pensé al gran

pez fat a Urtijëi dlongia l rundel per festejé i 40 ani dla bola. Pancheri à n iede fat n model n scala. Per la scultura-relief àl pona tëut trëi tòc, un per l brac a man drëta, un per l corp y l cë, l auter per l brac a man ciancia. Chësc va debujën per l ziplé a puntin, ma nce per la logistica, per vester bon de tò ora de berstot dut cant. La scultura-relief dl Papa Giuani Paul II ie mo da udëi nchin ala fin de mei. David Lardschneider

Walter Pancheri cun amez l ambolt de Bulsan Luigi Spagnolli, a man drëta l presidënt Dado Duzzi dla Lia dl Turism de Bulsan y a man ciancia Thomas y Erika Baumgartner.

Bulsan - Nstadì iel stat la beatificazion de Karol Woytila, Papa Giuani Paul II. La Lia dl Turism de Bulsan cun a cë l presidënt Dado Duzzi à perchël ratà drët de uneré la figura de Woytila, cun na scultura fata aposta, da udëi pra l Marcià dai

Ciofs da d’ansciuda a Bulsan. La scultura-relief dl Papa che saluda cun una na man y che tën la crëusc tl’autra man, ie unida fata da Walter Pancheri, tl lën de linda, 3,40 metri lergia y 2,75 auta. Pancheri conta de si pensier, de coche l ti ie jit permez ala figura

dl Papa: „Dantaldut ulovi l reprejenté tan scëmpl che la jiva, ajache Giuani Paul II ie stat n Papa dla jënt scëmpla. Ne é nscila nia ulù l reprejenté cun gran teatralità, che ne fossa nia stat tl spirt dl Papa Woytila.“ Fajon n saut nzescul: la Lia dl

La scultura metuda ora sun l Marcià dai Ciofs a Bulsan.

Evacuazion te scolina No che l fossa pa suzedù zeche, l fova pa mé na proa! Per ti dé segurëza ai mutons y ala mutans y al personal dla Scolina Salieta, vëniel uni valgun ani metù a jì na gran proa de evacuazion deberieda cun i Destudafuech y la Crëusc Cuecena

“Canche son grant uei nce ie deventé destudafuech sciche mi tati y mi mami!”

Scolina - N sada ai 30 de auril fòvela tan inant. Dala diesc daduman àl sunà l alarm te scolina.

Su per la sceles y te porte fòvel da udëi n gran fum. I mutons y la mutans ie bele unic njeniei ca i dis

Salvei dai ulenteres dla Crëusc Cuecena!

20

www.lauscdiladins.com

dant a co se astilé te na tel situazion de pericul. Te duta la sezions se à i mutons y la mutans abinà. Do avëi analisà la situazion de pericul, à la maestres tëut la dezijion da ulà mucé ora de scolina. Una na grupa ie unida salveda dai destudafuech cun la gran scela. N valgun mutons y n valguna mutans à abù l snait de se lascé ju cun na corda dal piguel dl segondo partimënt. La mutans y i mutons dla sezion basite ie mucei da viere ora. L’autra grupes ie jites ora de scolina tres la sceles de emergënza. Te verzon se à duta la grupes ancuntà pra l luech de abineda dat dant y pona cialà pro cun n gran

N valgun mutons y n valguna mutans à abù l snait de se lascé jù cun na corda.

bunder y na drëta legrëza coche i destudafuech laurova. La Crëusc Cuecena à fat na desmustrazion coche ëi se cumporta te na tel situazion. Ai mutons y ala mutans ti savòvel scialdi bel a se ponder te barela y se lascé medië. La proa de evacuazion à drët

butà y ie stata na ntraunida nteressanta per la mutans y i mutons de scolina. Rengrazion i ulenteres di Destudafuech y dla Crëusc Cuecena che se à tëut dl’aurela per chësta proa drët garateda. Scolina Salieta


nr. 18 / 13 de mei 2011

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

“Ćina śëgn unse tignì bòt ala crisa mondiala” La Cassa Raiffeisen Val Badia à trat n bilanz positif por l’ann 2010. É pa la crisa mondiala prësc passada ia? Intervista al diretur Hubert Obwegs La Ila - Te n salamënt dla Ćiasa de Cultura tóch y plëgn de funzionars dla Cassa Raiffeisen Val Badia y sü tliënć dla Val Badia y da Fodom él gnü desfiré la reuniun anuala de chësta aisciöda, y chësc le vëndres sëra ai 29 d’aurì. Le presidënt dla Cassa Alfons Pezzei à podü dè le bëgnodü cun n pinsier che sona bun: “Podëi presentè n bun bilanz do n ann finanziar nia tan saurì respidlëia en gran pert la bona situaziun de laur y i resultać positifs de gran pert dles aziëndes y dites che laora tla Val Badia y te Fodom; al é n sëgn che al é stè na bona situaziun de laur en general y che les aziëndes y dites é por la maiù pert sanes y solides.” Le numer di mëmbri dla Cassa Raiffeisen Val Badia é stè ala fin dl ann passè de 1.819. dan diesc agn êl ćiamò de 1.217. La maiù sona dla turta tol ite la categoria di “dependënć” cun 431, spo chëra di privać cun 407; do vëgnel chëra dl turism cun 273 y l’artejanat cun 265; le laur da paur à “ma” plü 174 mëmbri, i pensionà mëmbri é 130. La Cassa Raiffeisen tin tröp sön sü mëmbri, n slogan é: “I mëmbri dëida realisé - Adöm sunse stersc. Ara va da fà tröp, y tröp se mët apost. I portun la responsabilité por nosc ambiënt y i ti dun forma al dagnì. Ajache la crëta y i valurs liëia.” Do le salüt dl presidënt él spo gnü les relaziuns dl diretur Hubert Obwegs y revisur di cunć Fortunato Verginer. I mëmbri presënć à aprovè düć a öna i cunć metüs dant. Dedô él inće gnü presentè la plata nöia internet dla banca, da ciafè ala misciun www. valbadiaonline.it y trat fora spo la ola dla fortüna por la jita di mëmbri. Dla cornisc musicala à fistidié n cuartet dla valada de strumënć a fle y vidora.

0,78%. Chësc ultim valur é determinant por la conzesciun de credić. Nos ne podun nia conzede plü credić co ći che i n’ùn nia deponimënć. Chilò vëgn la desponibilité intres mëndra, ći che portarà a na maiù ćerna y atenziun pro le dè fora credić.”

Le diretur dla Cassa Raiffeisen Val Badia Hubert Obwegs: “Dal momënt che le prisc vëgn fat da domanda y oferta, y chësc momënt manćia l’oferta, vëgn i cosć de finanziamënt intres maius!”

“I criters por partì fora i credić n’é nia mudà sostanziamënter ti ultimi agn. Al é intres stè y romagn inant nosc interes y compit da dè fora credić olache al vëgn cherié valur, y chësc po ma ester, sce le despaié jö le credit é tles poscibilitês dl tliënt. Les domandes é gnüdes plü co ater por restruturaziuns y ressanamënć energetics, costruziun de prömes ćiases y nezescitês de licuidité dles aziëndes. Nos n’ùn nia sforzé la conzesciun di credić, mo ma ćiarè da acontenté les nezescitês de nosta economia. Sce la chersciüda é stada da nos maiù, spo ôl dessigü dì che la jënt nes à dè la crëta y nosc sorvisc é gnü aprijé.” Tan stabila é pa pordërt l’economia tla Val Badia y de consueguënza la situaziun de

bëgnester? “La stabilité de nosta economia locala é liada al turism te nosta valada y al’ocupaziun plëna. Nos ùn n turism de gran cualité che à tignì bun inće ti momënć de dificolté economica. La desfida dl dagnì é dessigü chëra da svilupé inant la cualité te chësc setur y da mantignì o aumentè les presënzes turistiches arjunjon ćiamò deplü inće i marćià nia tradizionai.” Sce an i ćiara a osta relaziun söl ann 2010 spo dàl al edl che i deponimënć é carà, y chësc por le pröm iade almanco dal 2000 incà, ćiodì pa? “I deponimënć complessifs di tliënć (deponimënć te banca plü titui) é chersciüs dl 3,54%, mo i deponimënć primars (sön cunć, libri de sparagn, yii.) é jüs jö dl

Intervista al diretur Hubert Obwegs La Usc: La reuniun dla Cassa Raiffeisen Val Badia fej inće dagnora gnì a löm cô che la Val Badia se sta al momënt economicamënter. Sön ći analises y stüdi podëise pa se basé? Hubert Obwegs: “Nosta Cassa à a desposiziun n gran patrimone de dać sön l’economia dla valada. Chisc vëgn da nos analisà y agregà y te na te’ forma inće metüs a desposiziun dla jënt. I oress recordè chilò le gran stüde sön le setur turistich de nosc raiun fat tl ann passè y presentè ai operadus dl setur, olache al é gnü analisé i bilanc di hotì a 3, 4 y 5 stëres y laurè fora i valurs mesans. Chësc stüde é de gran interes y valur por le setur, vigni operadù à insciö na mosöra por söa aziënda.” Osta banca à dè fora tl 2010 le 8,26% de euro implü desco credić respet al ann denant. Ćiodì pa? Él stè plü domandes, o ëise os albü la mania plü leria co i agn denant?

Tratan la reuniun dla Cassa Raiffeisen Val Badia a La Ila.

Tan important él pa por osta banca da curì le 35-40% dl sorvisc assiguratif che va debujëgn tla Val Badia? “Cur ì le deb oj ë g n de assiguraziun y avëi sozi y tliënć assigurà bun alda pro nosta misciun che é chëra da cherié valur y assigurè i valurs cherià. Na buna assiguraziun evitëia che al vëgnes a se cherié situaziuns de dificolté finanziares gnüdes da desgrazies ales porsones y ai patrimoni. Ester la maiù assiguraziun tla valada n’é nia nosc obietif primar, mo le resultat de n gran impëgn por nüsc tliënć, dla seriosité y cualité de nosta consulënza che à davagné la crëta dla jënt.” La gran sona di contrać di credić che üsc tliënć à cun os, bëgn le 37,86%, é situà tl setur dl turism, é pa i patruns di hotì y dles ostaries mesamënter i plü debità tla Val Badia, o é vëgn le dat ma dales gran somes imprestades ia? “Le dat vëgn plü co ater dala dimensciun che le turism à te nosta valada, i maius investimënć é gnüs fać te chësc setur. L’indebitamënt mëss intres gnì metü en relaziun cun le faturat y le potenzial da despaié jö i debić. Nosc stüde dl ann passè à desmostrè che le turism n’é mesamënter - nia massa indebité, manco co te d’atri raiuns de nosta provinzia.” Podëise nes dì sciöche espert bancar sce la crisa economica

passa plan plan a livel mondial, y cô che la Val Badia sint l’evoluziun? “La crisa economica é nasciüda tla secunda spana dl 2008 y s’à desmostrè la maiù do chëra dl 1930. Na te’ crisa ne passa nia te n tëmp cört, al vëgn dit che al ô ester 5-6 agn por la passè ia. An vëiga intres indô segnai positifs, mo la stabilité da denant n’é nia ćiamò arjunta. La Val Badia depënn dal turism y chësc setur sint na crisa intres plü tert. Ćina śëgn éra jüda dër bun, y i speri che an ne la sìntes nia demassa ti agn da gnì.” Gnarà pa i fić por üsc tliënć che à n credit pro osta banca indô maius tl proscim tëmp, y a ći livel se pendolarai pa indô ite por na spana de tëmp plü lungia? “La fasa straordinara de fić tan basc se röia plan plan. Pröms aumënć de fić àn bele podü constatè. Nos nes aspetun che i fić por credić crësces ćiamò ti proscimi tëmps, mo nia fora de mosöra. A ći livel che ai se pendolarà ite, ne éson nia bugn da dì, iö confidi indere intres ćiamò te na Europa che nes à inćina śëgn dè na gran garanzia inće sön la pert di fić.” Os dijëis che la licuidité vëgn intres ćiamò plü ćera por osta banca, podëise nes splighé chësc plü avisa, y can odëise pa danfora n stop por chësta tendënza? “Le gran problem dl momënt por le sistem finanziar é le reperimënt de licuidité sön i marćià. Chësc é en gran pert lié ala manćianza de crëta danter les banches intësses. Dal momënt che le prisc vëgn fat da domanda y oferta, y chësc momënt manćia l’oferta, vëgn i cosć de finanziamënt intres maius. Dal momënt che chisc scioldi vëgn adorà por arjigné finanziamënć a tliënć, portarà cösta situaziun a fić plü alć. Nos tla Val Badia ùn debujëgn de chësta licuidité por avalié fora i alć y basc dles sajuns turistiches.” Os i ëis inće dè lerch te osta brosciüra por la relaziun dla reuniun generala al setur dla energia alternativa, p.ej. le fotovoltaich, ćiodì pa? Tan interessant é pa les energies alternatives y i implanć de chëstes te nüsc paisc por le privat, y inće por na banca sciöche la osta? “Chilò édl dui aspeć: un n economich y un n ecologich. Dal punt d’odüda economich se porta chisc investimënć ćina che la man publica i sovenzionëia. Sön l’economizité pòn porchël avëi rajun o manco. Dal punt d’odüda ecologich édl dessigü n bëgn y se dà na certa autonomia da d’atres formes de energia desco la gasöre. Nos sostignun de pici implanć sön i tëć cun n impat ambiental bas, nia i gragn implanć industriai sön terac.” (ir) www.lauscdiladins.com

21


Val Badia

nr. 18 / 13 de mei 2011

Ciodì pa sciurè chël papier ia por tera? Te Mareo él gnü tignì ai 30 d’aurì le dé dl ambiënt. Inće val’ tlasses dles scores elementares à daidé romenè sö le scich che jënt à sciurè te nosta natöra. A La Pli é jüdes la 4. y 5. elementara. Ći dij pa i scolars?

N documënt important Ti archifs de nostes calonies dorm saurì jops de bragamins, piruns de documënć y munts de scrić vedli; ai aspeta a bòt manara che zacai i dais na vidlada por gnì indesprà fora, stöpà jö y portà a conescënza de nosta jënt. Inće fora de n documënt de calonia de Badia dl 1831 àn ciafè fora val’ de nü

Ćiaramo tan de ciomënt che i scolars da La Pli à abiné adöm tratan le danmisdé. Le bun laûr fat fej ligrëza y dà contentëza.

La Pli - Sce an ô vire te n ambient nët, spo mësson datrai inće le romenè sö. L’assessur al ambiënt Fonjo Winkler y i verdabosc d‘Al Plan à metü da jì en sabeda ai 30 d’aurì l’iniziativa plajora “Dé dal Ambiont 2011”, olache la popolaziun d’Al Plan, La Pli y Rina é gnüda inviada da daidé romenè sö ti paîsc. Daidé para à inće la scora elementara. A La Pli nes unse nos scolars de 4. y 5., adöm a nüsc insegnanć, presentè dan le salf di stödafüch cun gran ligrëza de podëi fà val’ por le paîsc. I sun stà i susc che l’à vagada da se vistì manëces y da pié do n sach dal ciomënt. Adöm al verdabosc Heinz, sunse jüs tla plaza dan scora a cöie sö ći che n’alda nia ia por tera. Ël nes à splighé l’importanza de ne sciurè nia incërch ći che i n’adorun nia plü. Spo sunse rodà incër scora ia, tla plaza dai jüć y nosc sach gnô tres plü pesoch. Stanć mo contën�� sunse jüs derevers tla plaza dla scora. N bun panin y val’ da bëre,

N orghe dl 1812 Le curat de Badia Ujöp Antone Mersa (1809 - 1827) da Calfosch â cumprè dl 1812 n orghe da 16

arjigné ca dai stödafüch, nes à dè forzes nöies. Por fortüna â Heinz na stadira pro ël y insciö unse podü pesè nüsc sać. Bëgn 30 chili de ciomënt unse abiné adöm. Chisc sać unse spo condüt jö tla plaza olache al gnô avisa en chël dé inće coiü adöm refodam grou.

Al é bëgn burt da odëi sciöche i sfrutun nosta natöra; Heinz nes à dit che ći che i ti dun nos ala natöra, nes dàra indô zoruch. Porchël orunse dassënn se porvè da la mantignì nëta y da ponsè atramënter sura le desmandrè refodam.

Da chësc dé unse imparè che sce an sciüra ciomënt, ajiëion l’ambiënt. Al foss bel sce vignun se romenass sö so scich. (Sybille, Maria, Sandra) Al nes sa dër sciode che jënt sciüra tan de cioment tla natöra. Nos orun se recordè vigni dé da sconè la natöra. (Rafael, Patrick, Simon) A nos s’al salpü dër bel da romenè sö le paîsc. I ùn ciafè n gröm de patüc che ne ti fej nia bun ala natöra. Nos n’orun nia ajié la natöra. (Walter, Dilan, Daniel, Elmar) I insegnanć y i scolars dla 4a y 5a tlassa elementara d’La Pli www.lauscdiladins.com

registri a San Laurënz, cun i scioldi de benefaturs; al â na valüta de 350 ranesc. Chësc orghe àn metü sön dessura te dlijia de Badia. La dlijia ê gnüda costruida da Franz Singer (1724 - 1789) da Götzens y depënta fora da Matthäus Günther (1705 1788) da Augsburg. Ara é gnüda consacrada dl 1782. Tan dî che chësc orghe dl 1812 é jü bun ne savunse nia; al arà apëna doré ćina dl 1906, canche an n’â arjigné n nü dla Firma A. Behmann da Bregenz. Menè do da nen cumprè n nü â le capolan de Badia siur Pire Sorarui (1903 - 1907) da Fodom, gran orghelist, y le ploan de Badia siur Santo Palla (1896 1917) da Fodom. Spo àra indô dl 1963 tochè da cumprè n orghe nü dala Firma Pirchner fora Steinach am Brenner. Chësc orghe pêl che sides incö inće bele en malester, zënza n’ess la ploania de Badia nia dan val’ ann apostè n orghe nü dala Firma Ahrend fora Leer tl Ostfriesland. Al dess ester fat y metü sö te dlijia de Badia por l’altonn dl 2012. (Lois Trebo)

Le verdabosc Heinz ti spliga ai mituns y ales mitans che le ciomënt ne toca nia ia por tera o tla natöra, mo bëgn te sach dal ciomënt.

N valgönes impresciuns di scolars

22

Storia - I documënć vedli tles calonies contëgn secui de storia de nostes cöres, de nüsc paisc, de nosta jënt ladina. Ai nes cuntass ion trać fora de süa vita lungia. Al foss gran ora che i ploans, i consëis de cöra s’interessas deplü por lascè cataloghisé düć chisc documënć; na pert é bele no ma mocorà, mo mangià dales sorüces che à segra te cassess plënes de documënć. L’interes dla jënt por süa storia se mostra sciöche ara trata i scrić da dandaìa. An à gonot podü li che ćina sëgn él gnü sö i pröms orghi de dlijia tla Val Badia püch dan le 1850. Damproìa à dailò demez dötes les cöres dla valada podü s’arjigné n orghe por acompagnè i cors de dlijia, les funziuns religioses. Fora de n documënt de calonia de Badia dl 1831 àn podü li na cossa nöia.

La dlijia de Badia gniss a ćiarè fora insciö cun l’orghe nü!


Val Badia

nr. 18 / 13 de mei 2011

SEA: diesc agn d’ativité y de suzès Dan da diesc agn, canche al gnô metü sö a San Martin de Tor la cooperativa SEA (Sorvisc Energia Ambiënt) cun le fin da surantó la destribuziun dl’energia eletrica y termica söl raiun comunal y incëria, n’ê tröc nia bugn da s’imaginé val’ plü de concret doìa fontanes renovables tl respet dla natöra y dl ambiënt. Tl 2007 él insciö gnü metü en funziun a Vi (Lungiarü) le pröm implant fotovoltaich dl comun da 10,4 kW. Tl 2010 él gnü realisé n secundo implant fotovoltaich da 15,26 kW a Picolin. Tl Comun da S. Martin vëgnel atualmënter adorè zirca 5.000 MWh de strom al ann, la produziun söl raiun amunta a zirca 12.500 MWh.

“Na iniziativa che s’à paié sot vigni aspet”

Pro la sentada generala dla SEA a Antermëia.

San Martin - Düć i zitadins interessà é inlaôta gnüs invià a fà para y a daidé portè inant chësc pinsier tres l’organisaziun de na cooperativa. Le promotur dl’idea instës é stè Martin Clara da Lungiarü, conesciü por süa competënza tl ćiamp dl’energia y por so spirit inovatif y da imprenditur.

Tröpes operes por l’energia nëta Ara n’à spo nia doré dî: ai 11.04.2001 é la SEA gnüda ofizialmënter costituida. Da dailò incà laôrera cun suzès y a plëna

sodesfaziun di sozi. Incö cumpëdera bëgn 195 mëmbri, gestësc trëi implanć idroeletrics y partësc fora forza eletrica tl comun da S. Martin de Tor a mëmbri y a tliënć. Le svilup y les ativitês dla SEA é spo tres jü inant: tl 2002 él gnü realisé n implant de cogeneraziun a San Martin che prodüj tl medemo tëmp ćialt por le scialdamënt y forza eletrica, tl 2004 él gnü metü en funziun n implant idroeletrich nü tla fraziun da Lungiarü cun na produziun de 1.300 MWh al ann. Un di fins primars dla SEA é dal scomenciamënt insö stè chël da realisé implanć de produziun d’energia eletrica y termica da

En jöbia, ai 30 d’aurì 2011, à le Diretif dla SEA indô cherdè ite (chësc iade tl salf dla scora elementara a d’Antermëia) sü sozi ala indunada generala preodüda dal statut. I punć plü importanć al ordinn dl dé é sta l’aprovaziun dl bilanz 2010, la destinaziun dl ütl, le renovamënt dles inćiaries soziales y l’informaziun sön les majeres novitês tl ćiamp dl’energia. Do les parores de salüt à le presidënt Martin Clara fat na picia retrospetiva y cuntè sö les tapes plü importantes ti diesc agn d’ativité dla SEA. “La SEA” inciö sües parores, “se relevëia tres deplü sciöche na iniziativa che s’à paié fora sot vigni aspet y che porta incö sü früć concreć. Incö él tan co mai tl ćiamp dl’energia important da d’avëi n pü’ d’autonomia y da podëi

instësc se gestì chësta ressursa. Ma insciö éson bugn de mëte le pëis dla politica energetica olache al toca, da fà frunt ai debojëgns efetifs de nosc comun y da i jì adincuntra ales ghiranzes di sozi y dla utënza. Martin Clara à spo te süa relaziun portè dant y splighé i laûrs fać tl 2010: Completamënt dla rëi de telecontrol dles cabines y istalaziun di cuntadus nüs por mioré le sorvisc. Coliamënć desvalis y edeguamënt tecnich dla cabina TM a Piculin, cumpra de n auto eletrich (Fiat Panda) y istalaziun de na fossenara a San Martin por veicui a strom, realisaziun de n implant de cogeneraziun a d’Antermëia da 150 kW cun na produziun de 1.300 MWh.

Fortunato Verginer à spo da süa pert portè dant le bilanz 2010 spligan punt por les spëises y les entrades. La cooperativa, insciö Verginer, god incö de na buna sanité finanziara y ademplësc dër bun i fins cooperativistics aladô dl statut Tl 2010 él gnü fat investimënć por 523.000,00€, l’ütl economich amunta a 153.556,00€. La cooperativa à na buna licuidité y à porchël dötes les poscibilitês da se möie te so operat. Da gnì alzé fora mirita le rebas söles bolëtes dl strom che po indô ti gnì fat ai sozi tla mosöra de 51.802,00€, y chësc n’é nia püch.

Surantò les condütes dl ex ENEL

Dales lîtes dl renovamënt dl consëi d’aministraziun por i proscimi 3 agn él gnü fora chisc inoms: Martin Clara, Artur Conrater, Davide Erlacher, Fortunato Verginer, Giovanni Mischì, Richard Nagler, Carlo Clara y Gottfried Zingerle. Te chësta ocajiun vëgnel ćiamò recordè che i sozi nia sta presënć ala indunada a Antermëia po passè te ofize dla SEA a San Martin a se do na picia scincunda en ocajiun di 10 agn dala fondaziun. (gm)

Por ti gni adincuntra ai mëmbri söla rëi dla SelNet, ti vëgnel dé a chisc la poscibilité da passè ala SEA ciafan le strom al medemo prisc di atri sozi. 37 à aderì al’ iniziativa. Por impostè l’ativité ti agn che vëgn à la SEA damanè le comun da San Martin de podëi suratò les condütes ex. ENEL. Ara se trata de ca. 600 cuntadus y le cost podess s’amuntè a ca. 500.000,00€.

Consëi d’aministraziun nü

Le prou à invié, le Cor é jü

Bai, devertimënt y bëgnester

Le Cor di Ëi de Badia é jü en jita a Borgo San Lorenzo, tla Toscana, olache al à podü ćiantè na mëssa tla bela dlijia de “La Pieve”

Garatè é le Dé dl Fitness che la US La Ila à metü da jì ala fin d’aurì. Söl program êl musiga y bai moderns por i mituns

Lies - Ai 16 y 17 de aurì à organisé le Cor di Ëi de Badia, che po oramai mostrè sö n’ativité de 19 agn, na jita a Borgo San Lorenzo tla Toscana, sön invit de Don Maurizio Tagliaferri, curat te chël post. Le prou, che vëgn bele da tröc agn tl’Alta Badia a jì cui schi, ài conesciü de jenà a Corvara, olache le cor à ćiantè na mëssa. Le prou é stè imprescionè dal bel ćiantè y à invié le Cor di Ëi de Badia a ćiantè na mëssa te süa cüra. I ćiantarins de Badia n’à nia ponsè sura dui iadi y à organisé la jita. Dales 6.00 da duman ési pià ia da

La Ila - L’Uniun Sport Amatorial articolaziuns. L’Uniun Sport Amatoril La Ila / La Ila/seziun fitness à metü da jì n bel domisdé, en sabeda ai 30 d’aurì, seziun fitness oress recordè che tla palestra nöia da La Ila. Mituns chëstes sarà spo les ativitês che y mitans dla scolina, dla scora gnarà metüdes da jì ti proscims agn elementara, jogn, ëi y ëres, à albü te palestra nöia da La Ila cun nüsc l’ocajiun da porvè fora de vigni sort istruturs de fitness. I inviun düć i de ativitês fora dl monn dl fitness. interessà da tó pert proscimamanter Le program à metü man cun ativitês ai cursc de ginastica che gnarà che jê dai bai moderns por mituns, metüs da jì a La Ila da nosta Uniun. Step Dance, Fitness & Fun, Health (verena) Workshop y Country Line Dance. N gröm de mituns y mitans à fat para pro le Kids Dance cun na bela coreografia metüda adöm dala istruturia Silvia. Ara é spo jüda inant cun coreografies de Step Dance, cun musiga disco, olache dër tröc, gragn y pici, à fat para. Na novité é stè le Country Line-Dance: n grup metü adöm da badioć y dui istruturs de Gherdëna à lascè odëi na picia desmostraziun de chësc bal nü. Dedô à düć chi che orô podü balè adöm al grup y porvè fora na coreografia. Por stlü jö le bel domisdé él ćiamò stè Lorenz y Veronica che à tignì n program de ginastica de condiziun y ala fin n workshop de ginastica sana por le spiné y Tratan le dé dl fitness a La Ila.

I mëmbri dl Cor di Ëi de Badia.

Badia demez y dales 13.00 ési storć pro a marëna a Barberino del Mugello, post conesciü suradöt por les gares di motors. Incër les 16.00 ési spo rovà t’alberch a Ronta, dlungia Borgo San Lorenzo. Dales 18.00 à spo le Cor di Ëi de Badia ćiantè la mëssa dita da don Maurizio Tagliaferri tla dlijia “La Pieve di San Lorenzo”, un di monumënć plü bi y plü storics dl Mugello. Da dui documënć datà 934 y 941 sàn che ara é gnüda fata sö tl X secul. Da dui d’atri documënć, un de Papa Alessandro II dl 1062 y l’ater de Gregorio VII dl 1073, sàn che ara

tocâ pro la Diocesi Fiorentina. Tl XII secul éra gnüda trata jö y fata sö danü y insciö éra praticamënter da odëi ćiamò al dédaincö. Do mëssa é le cor gnü invié te calonia, olache Don Maurizio â lascè arjigné na bona cëna por düć i 12 ćiantarins. Le dé do da doman é spo le cor indô pié sö cuntra ćiasa. Le bus à condüt i ćiantarins a marëna tl bel post de Borghetto dlungia Valeggio sul Mincio, y domisdé tl paisc de Garda söl Lech de Garda. Incër les 21.00 é spo i mëmbri dl cor indô rovà a ćiasa dër contënć di dui dis che ai à passè adöm.

www.lauscdiladins.com

23


Val Badia

nr. 18 / 13 de mei 2011

Movimënt musical pro le conzert d’aisciöda

Ćiavai dla Val Badia premià a Maran

La Müjiga Calfosch/Corvara à invié al conzert d’aisciöda, olache al ti é gnü pité al publich n program rich y desvalì, cun tòć tradizionai, tan bëgn co melodies plü modernes. Tröp aprisc dal publich jonn por le tòch “Azzurro” cun “Celentano” sön paiun

Sciöche vigni ann, él rovè adöm al 1. de mà a Maran i zidladus de ćiavai de Südtirol, por la valutaziun polerines de trëi agn de raza haflinger y norich. N pröm y n secundo post é rovà tla Val Badia Ćiavai - La Val Badia à na tradiziun plü lungia dl zidlamënt de ćiavai norics, che vëgn laprò zidlà prinzipalmënter te Gherdëna y te Puster. Magari él propi por mirit de chësta tradiziun che inće chësc ann à davagné dui ćiavai dla Val Badia. Al pröm post dles ćiavales noriches ciafon Lena de Enrico Nagler de Badia, al secundo post Feres de Paul Campei da La Val. Inće i atri zidladus badioć à arjunt de bugn resultać: dala Val Badia êl Erich Declara, Sepl Rottonara,

Carlo Crazzolara, Isidor Agreiter y Paul Pescollderungg. Pro i ćiavai haflinger à davagné la polerina de Norbert Rier, ćiantadù di Kastelruther Spatzen. La Val Badia ê rapresentada bun da Klaus Castlunger y Simon Dapoz de Badia: sües polerines é gnüdes valutades respetivamenter de I B y II A+. La Val Badia se fej onur a livel provinzial inće tl zidlé ćiavai y nia ma por les tröpes manifestaziuns che à le ćiaval sciöche protagonist. (mc)

La Müjiga Calfosch/Corvara à tignì so conzert d’aisciöda.

Corvara - En sabeda ai 30 d’aurì él stè la Müjiga Calfosch/Corvara che à tignì so conzert tradizional d’a i s c i ö d a , tl s a l f d l e s manifestaziuns “Franz A . Rottonara” a Corvara. Tröc apascionà de musiga da fle y mëmbri de d’atres musighes dla Val Badia y da foradecà é gnüs a ascutè sö chësc conzert che é gnü imparè jö dala musiga bele da forà incà. En chësc ann é le conzert gnü partì sö te döes perts: tla pröma pert él gnü sonè plütosc tòć tradizionai, tla secunda pert él spo gnü sonè n program non-stop, cun de vigni sort de melodies, che le dirighënt Gerhard Mohr à insigné jö cun gran paziënza y savëi. Le conzert à metü man cun le tòch “Fast March Nr. 5” de Nokolaj Aleksandrovic Sokolov. Sciöche l’inom dij bele, é chësta marcia dla Ruscia bindebò da sbunf respet a d’atres marces. Do chësc tòch à le presidënt dla musiga Alexander Rottonara saludè les autoritês y düć i presënć. Implü àl rengrazié düć i musicontri por l’impëgn che ai à albü indô te chësc ann plëgn de proes, conzerć y manifestaziuns.

I solisć söl corn Sciöche secundo tòch él spo gnü sonè la composiziun “Concerto per due Corni”, partida sö te trëi perts (Allegro - Larghetto Allegro), de Antonio Vivaldi. Chësc tòch caraterisé dal solo de dui corgn é gnü presentè dai dui solisć Michael Pescolderung y Gerhard Mohr, che é gnüs acompagnà da na pert di mëmbri dla musiga. Do chësc à i presënć podü ascutè le tòch “L’Italiana in Algeri” de Gioacchino Rossini. Cun chësta overtüra de Rossini é insciö jüda a piz la pröma pert dl conzert.

trëi musicontri dla uniun: a Raimund Alton, Roman Crazzolara y Alexander Rottonara ti él gnü surandè l’onoranza por 15 agn de ativité pro la musiga. A chisc ti vàl n gran lalt por le sorvisc che ai à fat y fej por la musiga y insciö inće por i paîsc da Calfosch y Corvara. Chësc ann à la musiga inće podü presentè trëi musicontres nöies: Arianna Daporta y Vivian Seppi che sona le fabló traversal, y Lisa Declara che sona le corn.

Muppet Show, Morricone y i Queen La secunda pert dl conzert, caraterisada da n program nonstop, à spo metü man cun le tòch “The Muppet Show Theme” de Jim Henson y Sam Pottle. Chësta composiziun é conesciüda da tröc sciöche sigla dla trasmisciun da rì “The Muppet Show”. Sciöche al alda pro n program non-stop, à la Müjiga CalfoschCorvara atira metü man cun le tòch “Gabriel’s Oboe” de Ennio Morricone. Chësta composiziun olache Laura Lezuo à sonè la usc de solista al’oboa, é un di tòć plü conesciüs de Ennio Morricone, che à scrit tröc tòć de musiga da film. La secunda pert dl conzert é spo jüda inant cun le tòch di Queen “Bohemian Rhapsody” y le

“Kyrburg Marsch” de Franz Watz. Do chësta marcia à la musiga sonè le tòch “African Symphony“ de Van McCoy, da chël che an aldî fora de beles melodies che nes recorda la natöra y le vire dles popolaziuns dl Africa.

Celentano, alias Walter Costa Cun le tòch “Azzurro” de Paolo Conte àn podü aldì les strofes de chësta composiziun conesciüda, ćiantades da Adriano Celentano alias Walter Costa che s’à inće vistì sö aladô por l’ocajiun. Do chësc tòch che ti à suradöt plajü ai spetadus plö jogn é le conzert jü inant cun le tòch “Freu dich des Lebens” de Franz Watz. La pert ofiziala dl conzert se à insciö ruvé cun les melodies tradizionales de “Orange Blossom” aranjades da Gert Buitenhuis, cun chëres che la Müjiga Calfosch/ Corvara à saludè düć canć, fajon lovè sö tratan le tòch man man grups de musicontri. La Müjiga Calfosch/Corvara rengrazia düć chi che à tut pert a so conzert d’aisciöda, suradöt chi che à dè na bona spënora por la uniun, y inviëia bele śëgn düć a so proscim conzert d’aisciöda.

Pro i norics les ćiavales de Enrico Nagler de Badia y Paul Campei da La Val arjunt resp. le pröm y secundo post.

Jogn da paur fej festa En sabeda ai 30 d’aurì à la Jonëza da Paur dl comun da San Martin organisé la festa, che é inće en chësc ann dër garatada San Martin - En la sëra dla festa unse podü saludè n gröm de porsones, scaldi dla valada. Por l’intrateniënt musical à fistidié le grup musical “Vollbluet” y danterite la ćiantarina “Caro” cun süa bela usc. I ùn inće fat na ola dla fortüna cun de bi pesć, olache tröpa jënt à porvè y à inće albü fortüna. I orésson tó l’ ocajiun da rengrazié düć chi che s’à daidé a val’ moda por che la festa garatass. N gran dilan ti va a düć chi che à

dè ca val’ pesć y ai sponsors por so contribut. Inće ai stödafüch por avëi ćiarè döta la sëra che döt jiss bun. N dilan ti va ćiamò a dötes chës porsones che é gnüdes a nes daidé arjigné ca y romenè ia. Al s’à fat gran plajëi da odëi tan tröc jogn y jones cun la braia de coran y le diendl. Da tröpes porsones unse aldì che al ti à salpü dër bel pro nosta festa, porchël la metunse indô da jì n ater ann, speran da s’odëi tröc. (Jonëza da Paur San Martin)

Fabian Irsara pur la Müjiga Calfosch/Corvara

Trëi onoranzes y trëi musicontres nöies Denant che la secunda pert dl conzert metess man, él gnü onorè

24

www.lauscdiladins.com

Raimund Alton, Roman Crazzolara y Alex Rottonara à podü pié do la onoranza por i 15 agn de ativité.

N grup de jones cun tröpa vëia da balè.


Val Badia

nr. 18 / 13 de mei 2011

L’idea universala dla “ligna morjela” Adalbert Tolpeit mët fora söes creaziuns d’ert y design tla Ćiasa Nr. 1 sura la Dlijia a Pidrô/La Val. Cun ël s’l’unse cuntada sön söa vëta artistica y la “vëta dl lëgn” Ert - Adalbert Tolpeit é conesciü sciöche “feur da Pidrô”. Söa fujina àl te n sit tradizional por i feurs denanche al gniss la forza eletrica, en ur’ dla Gran Ega. Chilò laorel artejanalmënter, pënsa sura y chir intres danü idees y soluziuns por les domandes che i capitëia sön chësc so tru dla vita. Le feur Adalbert Tolpeit é gnü chisc ultimi agn conesciü incé fora dla Val Badia sciöche “artist che laora metal y lëgn” y fej scagns, mëses, crisć, ez., a na moda dldöt nöia y söa. Adalbert s’à ciafè en chësc iade por mëte sö söa mostra na ćiasa intiera, ara sta al numer 1, bel sura la Dlijia da Pidrô. Döta la ćiasa é plëna de sü laurs: scagns, löms, mëses, copes de ram, ciüfs de ram y abelimënć che pê ciüfs, cun le laitmotif “spirales” y formes intortes. Al é da odëi passa 50 laurs de Tolpeit, la maiù pert de chisc metüs sö sciöche te na mostra de aredamënt ćiasarin. A Adalbert Tolpeit i unse fat n valgönes domandes. La Usc: Adalbert, tö ne fejes nia ma scagns y mëses dai materiai tradizionai lëgn y metal, mo te te fejes dantadöt tröc pinsiers söla natöra y nosc ester creatöres - pòn pa dì chësc? Adalbert Tolpeit: “Nos porsones sun pert de na gran opera, de chëra che al fej pert inće i tiers, les plantes, l’ega, i rüs, l’aria, döt ći che i podun aldì y inće sintì, y mi laur é ma n resultat de dötes mies archirides y mi pinsiers.” Tü toć cun metal y lëgn borjé n’é nia na töa invenziun - dîjeste, tö as ma salpü da tó ca val’ che é bele presënt incër nos ia, da dagnora. “Scê! Chësc é ći che me fej plajëi! Mia idea da laurè cun i moti y les vëtes dl lëgn m’é gnüda da n dé al ater, y chësc impuls m’à daurì i edli, inće por n gröm d’atres cosses, nia ma por mia ert.” Tö baies inće de töa ert sciöche proiet sozio-economich, poste nes splighé? “Iö mostri cun mi laurs tan bela che la natöra é y ći che ara po nes

chësta energia.” Ć’é pa por te la ligna morjela? “Iö sun dalunc da na ligna dërta. La ligna dërta é da me infora frëida, morta, stlüta. Por fà na ligna dërta bàstel inće n computer, mo por laurè cun la ligna che te storjes y pos oje adoreste sentimënt. Iö diji che nosta natöra y vita à n gröm de sentimënt, indlunch él da odëi la ’ligna morjela’. Inće la spirala che é dagnora na ligna ’morjela’ é da ciafè tla natöra, basta spo ponsè ai nojì di genns che contëgn n gröm de informaziun tles spirales DNA.”

Adalbert Tolpeit: “I ùn döt incër nos ia, basta daurì i edli y sintì.

pité. Mia ert é n spidl de döta chësta belëza dla natöra, ara dess trasmëte chësta belëza, y inće morvëia, y ćiamò laprò ester bona da nes trasmëte chë energia che i ciafun indlunch. L’energia é vita y chësta energia messunse savëi da cöie, tignì y inće dè inant. Iö vëghi mi laurs sciöche n pröm früt de n proiet, sambëgn sozial, che podess abiné adöm paurs, artejagn, architëć, ez., por arjigné y mëte söl marćé produć scëmpli y naturai. Fora de na colaboraziun locala podessel spo gnì na espanjiun foradecà, y lunc y lerch.”

Te töa filosofia dl laur y di materiai stàl inće l’amur por i tòć. “Chësc é dër important. Iö ne sciüri nia demez i tòć. Por pröm él n respet dl vers dla pröma materia. Dedô désson avëi la capazité y la sensibilité da laurè cun chisc tòć, inće chisc à ćiamò val’ da nes dì.” Tö es pordërt n feur, mo te fejes inće le tistler canche te arjignes

chisc scagns y chisc abelimënć. “Iö sun n feur, y i laori cun la combinaziun metal, fer y inće lëgn. Le tistler mëss ester fin, iö sciöche feur mëssi ester gaiert. I à na bona combinaziun danter fer y lëgn, le dür y le fin. Iö à laurè agn alalungia ma cun latun y ram, à albü n gröm de grovaries y tëmp por chisc, mo indlunch olache iö à paié le plü ài spo ciafè retü le plü.”

po ciafè lerch inće te na produziun cun d’atri materiai. I mëssi dì che por la plastica ài na gran simpatia. Plastica é inće un de chi materiai che vëgn massa atira sciurà demez, te i ciafes da cöie sö, al vëgn aratè refodam. An podess cöie adöm döta chësta plastica, la tó da fà taîs, copes, dagnora te n design nasciü dales vëtes dl lëgn, dales fëies o da flus, ez..”

Can aste odü che i plü bi moti sta pordërt tl lëgn y can aste pa ciafè sö le lëgn burjé? “I à albü la fortüna dl dër momënt de mia vita. Al é stè n momënt de gran contentëza, y da chësc é spo nasciü döt. Y i mëssi dì che mi chirì va ćiamò intres inant.”

L’umanité à ciafè sö y inventè tan de cosses y formes, mo à dal ater vers inće messü aspetè a te por odëi ći monn tan rich y bel che al s’ascogn iadô n tòch de lëgn borjé? “I ne sa nia, mo n pü’ vëi él bëgn. La creaziun y la natöra m’à fat sofrì te mi ester, mo me recompensëia śëgn. N dé m’él gnü pité chësta idea da laurè cun le lëgn borjé, iö â ilò te chël momënt i edli daverć y spo ài salpü che chësta idea m’ê gnüda dada por che i laores lassura y inant. I à inće na responsabilité de chësc vers.” (ir)

Tö as inće bele lascè realisé da Roberto Pallestrong de Badia taîs y copes de ceramica cun stamps de vëtes de lëgn y dijes che chisc podess indoman inće gnì fać cun n ater material, inće cun plastica? “Chël é vëi! Le lëgn y söes vëtes

Tö arates inće che al podess nasce na gran industria dinfora? “Ćiodì pa no! Mo na produziun döta te nostes mans, te n marćé leal, zënza che zacai se fejes i gragn afars y i atri sides ma plü mascinns da laurè.” Da odëi tü laurs tla mostra s’intënon dla funziun de funzionalité y inće dla funziun d’abelimënt che valch à. Sön n scagn poste inće te sentè, mo é pa n cheder ma n abelimënt? “Al é ma da ester daverć. Iadô a chisc laurs él energia, energia che vëgn trasmetüda dales formes naturales dla spirala, da lignes morjeles. Vigni material y forma emanëia energia. Mi compit é inće chël da cherié i canai por trasmëte

Odüda söla gran stüa plëna de aredamënt realisé da Adalbert Tolpeit.

Na lìzita por l’Africa A Pidrô à l’assoziaziun umanitara AGAPE y l’EPL lizité 21 laurs de artisć dla Val Badia, la soma de 4.100,00 euro gnüda ite röia tl Togo por paié i laurs dla costruziun de na scora por mituns Sozial - Trentedui é stà i laurs che l’uniun AGAPE y l’EPL é stà bugn da cöie adöm por chësta aziun de bëgn. En sabeda dan otedé é spo i laurs gnüs metüs en lìzita tl pre pormez ala Ćiasa nr. 1 a Pidrô, olache al ê inće döt bele arjigné por la daurida dla mostra personala de Adalbert Tolpeit. Tratan la lìzita a Pidrô, te n bel danmisdé ćialt de mà.

N valgügn laurs, de artisć plü renomà dla Val Badia, à arjunt prisc cotan plü alć co

chël prisc de basa fissé danfora. I laurs venüs chësc danmisdé à früté 4.100,00 euro indöt, laprò à l’assoziaziun AGAPE ćiamò podü trà ite val’ cun les boandes y la spëisa da paur che deplü patrones da La Val cujô söl post y dê fora frësca y bona. Por chësta aziun de bëgn à tröpa jënt, danfora i artisć, dè ca tëmp y inće n tòch de so cör, deache aiüt n’é nia ma na zetola y na monëda, mo dantadöt n aiüt y pinsier de döt le bun a chi che se sta manco bun co nos. (ir) www.lauscdiladins.com

25


Fascia

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

nr. 18 / 13 de mei 2011

La corsa resa rua sun Gardecia Dò 35 egn l Giro de la Tèlia fèsc da nef tapa tel cher de la Dolomites, n rechiam fort per duc i sostegnidores e i pascioné de la roda coordenador ajache el l’à jà esperienza per aer organisà doi tape ruade sun Pordoi.”

Fausto Lorenz de Jan president del Comitat de la tapa de Gardecia.

En domenia ai 22 de mé i protagonisć de la roda pontarà via da Conegliano Veneto per ge fèr front ai 230 km de biota erta, en pèrt ence sun strèda biencia, che mena a ruèr fin sun Refuge Gardecia a 1.949 metres, jai pie del Ciadenac e la Torns del Vaiolet. Gran sodesfazion l’é stat palesà dai organisadores per chest event de peis che tocia noscia val, che menarà dassen n grumon de ghesć e che ge à volù organisèr delvers sot vigni aspet. Aon domanà fora Fausto Lorenz de Jan, assessor al turism del Comun de Poza e comember del Consei diretif de l’ApT de Fascia, che l’é stat nominà president del Comitat de la tapa de Gardecia, per saer mìngol più avisa i vèresc che l’é stat de besegn per endrezèr n event coscì emportant e chel che i se speta da chest. Co él stat possìbol meter a jir n event de chesta sort te Fascia? Fausto Lorenz: “Chisc ùltimes egn l’Apt de Fascia aea domanà de poder aer na lingia de evenc de peis, a pear via da la gara de Copa del Mond de schi de ic, o amàncol chela de ele, ma l’assessor Mellarini, ajache l’é leà a autre zone del Trentin, l’à semper abù dificoltà a ne portar n bel event chiò te Fascia, enveze chesta uta, jà dantan, l ne aea emprometù che l’aessa fat valch.” Chi él che fèsc pèrt del Comitat de endrez? “L’é stat chiamà i ombolc di paìjes olache passa l percors, e dapò i referenc leé a l’ambit sportif, chi de la protezion zivila, Studafech, Crousc Chécena, Socors da mont, i referenc de l’Apt e autra jent che a na vida o l’autra pel didar te l’endrez; Andrea Weiss l’é l

26

www.lauscdiladins.com

Co se dejoujel l’event? “La strada de Moncion vegn serada la sera dant, ma jà na setemana dant vegn presidià chela che va ite te Gardecia, per tema che vae ite camper e massa jent a se posizionar te posć che magari serf per l’organisazion, e da sera vegn serà la stengia. Tant da Vich che da Pera vegn avert i impianc l vender, coscì la jent pel jir sù a veder l post olà se meter, se podarà jir sù demò coi impianc o a pe, nience con la roda. I responsàboi de la segureza del Giro de la Rcs Gazzetta dello Sport no à volù che se vae ite co la roda per chest aon pissà de meter a la leta container te chi garage de Claudio Bernard e de Franco Crepaz per le meter te na sort de parchegio vardà via, coscì ence chi che rua con la roda podarà la logar en segureza. La domenia, canche rua l Giro, la strada vegn serada da la rodadoa de Poza ite fin ta Fontanac, fajon doi gregn piac de testada per i auti e creon la mobilità interna con pulmins. La tapa ponta via da Conegliano Veneto e chiò la rua da Fedaa ju: da le 8 da doman fin dal mesdì fajon na azion de filter e dapò le strade vegn serade deldut fin canche i rua, entorn mese le 5 domesdì. Per dut chest vegn fat na informazion aldò: travers l’Apt sion dò che meton ju na cartina informativa con dute cante le indicazion, cale che l’é le possibilità, i percorsc, olache se pel se refiziar, olache l’é i maxi schermi, i servijes, i container, le distanze da n post a n auter e c.i. Chesta cartina vegnarà publicada ence su internet e se podarà la desćiariar, coscì chi che rua sà jà n muie de robe.” Co se fèjel a saer chel che l’é da fèr per l’endrez? “L comitat de endrez laora su le diretive de la Rcs Gazzetta dello Sport: i responsàboi de la segureza del Giro per ogne tapa i va a far i soralesc per verificar la situazion e

L percors del Giro de la Tèlia 2011 e la tapa che rua tel cher del Ciadenac.

dapodò i disc dut chel che no va e che ge vel far. A noi i ne à dit desvalive robe che cognaane far, netar jù le rampe de le strade, renforzar l pont e c.i. e cogne dir che l’é stat na gran colaborazion da man de la Provinzia col didament de la Protezion Zivila, che la ne enjigna duc i cesci, i tendons sciudé, autres tendons percheche la jent la posse star a ombrìa, le struture che serf, i vegn su a far i lurieres, i porta fora la corente e c.i. Ence con la val de Fiem l’é na bela colaborazion, chi che endreza i Mondiai de Fiem i ne empresta i container per i giornalisć e i coridores.” Coluns mioramenc él stat possìbol fèr de gra a chest event spezièl? “L prum l’é che per ge consentir a la Rai de poder far la regìa de la tapa, conscidrà che no fossa stat possìbol ruar fin sun Gardecia coi gregn mesi che vegn durà per solit, l’é stat dezidù de meter ju le fibre otiche, che le restarà ence dò, vedù che le à costà ben 70.000 euro, che le dasc l met de lasciar la regìa a val e jir su demò con mesi più lijieres. De gra a le fibre otiche e al ripetitor che l’é stat metù sun Ciampedìe per l’ocajion l’é stat tout jù duta

chela palificazion de la Telecom, che no la era nia bela, che part da ja Moncion e se n va ite per la val del Vaiolet, fin al refuge Vaiolet e n tòch ence ite per l Principe. Secondo resultat de valuta l’é stat poder bater jù chela burta ciasa sun Gardecia, che zenza l passaje del Giro no se aessa mai podù far. Amò apede aon podù spianar fora duc i piazai, rencurar sù dut intorn, far n bel lurier de sistemazion e de parbuda, aon renforzà duc i guard rail e chi mures sotite a jir sa Moncion, aon enscinamai podù averjer na strada che serf per costion de segureza, l’é na via de fuga per i mesi de emergenza, dò cognon la meter a post, ma restarà ampò n vial. ” Che dijei i sentadins de Muncion? “I é ben mìngol cruzié per l dejaje, ma dò chisc dis de lurieres ic à l’autorisazion e i pel jir inant e endò descheche i vel... se sà che te chela dì i cognarà aer mìngol de pazienza e... star a se vardar l Giro.” Coluna él pa la valuta de chest event? “La tapa che rua sun Gardecia la é de gran parbuda turistica, la

vegn mosciada te duta Europa e l’à segur na gran valenza per la promozion. Per chel che varda chi dis, l’é stat na cincantina de hotìe tel zenter Fascia, ite fin ta Ciampedel, che à dat la desponibilità a tegnir avert. Per chi ghesć che ruarà col camper l’é stat pianificà i piac per i meter jù.” La sociazions locales éles states toutes ite? “Noi ge aon domanà a nosce sociazion che le tole part ativamenter a l’endrez de la tapa, soraldut per dar fora da magnar e da beiver sul percors, che i ne deide a far parchegiar i auti e dapodò laìte sarà da dar na man a montar e desmontar le atrezature e da gestir le scoadìe, e duc chenc à dat na resposta positiva.” Végnel metù a jir evenc coleé? “Chel fin de setemana l’é doi manifestazion: en vender sera la Musega da Poza fajarà n conzert te tendon ensema coi cores e en domenia la sarà sun Gardecia a spetar i coridores che rua. La sabeda sera enveze, semper te tendon sarà l grop de Luca Venturini che sona mìngol de dedut, blues, jazz, rock.” (cri.m/lg)

Chest event l’é stat l’ocajion per meter a post l raion te Gardecia, e soraldut per poder bater jù zacan chel veie e burt frabicat de la Frazion.


Fascia

nr. 18 / 13 de mei 2011

A Caorle per far sù... relazion I joegn de Fascia chest an en campeggio i é jic al mar. Per 4 dis i se à mateà e i à ence rejonà de sentimenc e comportamenc emportanc per la vita de ogne dì l’é vegnù a ne troar e a ne dir sù na bela messa, animada naturalmenter dai joegn. A la fin vigni un à ciapà na bela maieta co la scrita “We’re building relationships” “Sion dò che fajon sù relazion”, per se recordar de chesta bela esperienza, e che soraldut sché che recorda l dessegn che l’é su (n om che laora) le relazion le cogn semper esser tegnude vive, degrà al sforz de ognun. Segur vigni tous à portà demez valch, chi più e chi manco, ma son segura che chesta esperienza ge à joà a duc. Volesse a la fin rengraziar

dant dal dut La Risola, duc i joegn che à tout part al campeggio, i coghi Furio, Monica e Matteo che ne à dalbon petolà con dut chel che da bon i ne à cojinà, Don Giuseppe e Suor Mara per dut l didament che i ne à dat, e duc i autres animatores, che vigni an i se dasc jù per chisc bec, ajache i podesse crescer semper con de bie valores che spes te la sozietà del dì d’anché vegn metui da na man. Detalpai a duc e a n’autra amò più bela. Vanessa Tomasi

L grop de bec e bezes da duta Fascia chest an i é stac en campeggio a Caorle.

Sozietà - Ence chest an dò n lonch invern l’é ruà l’ora. Vigni tous de la Val che tol part al grop di joegn speta chest moment: l moment de jir en campeggio. Per serar sù le atività se enjigna via per de oril o mé, trei o cater dis per star ensema e per rejonar de n tem vigni an desvalif. E coscì dai 25 ai 28 de oril, de gra al Pian di Joegn “La Risola”, sion jic duc ensema a Caorle. Sion partii prest da doman bonora e ognun con so valisc e so prossach pien de gaissa, estro de se goder, e perché no, ence valch domana o valch curiosità, sion rué al mar. Timpruma aon fat valch jech su la spiaggia per se cognoscer miec, ajache no semper l’é ocajions per se scontrar duc ensema, e dò aer coret inant e endò dut l domarena,

sion jic te la ciasa che n’à dat alberch per chi cater dis. S’aon enjignà, aon cenà, e dò aer fat valch auter jech e dotrei bele ciantade sion jic duc a dormir. L dì dò s’aon spartì fora te cinch gropes: l fech, l’aga, la tera, l’aria e la saeta, e aon scomenzà a rejonar del tem de chest an: la relazion. L’é stat troà fora trei ponc fondamentai: la relazion coi amisc, la relazion co la familia e la relazion col desvalif da nos, e degrà a curc filmac, a tesć e a valch foto, s’aon confrontà sun chisc temes. Per valgugn l’é stat più sorì rejonar e tirar fora soe idee, ma zachei de auter à fat più fadìa. Duc chisc sentimenc é segur vegnui fora ence tel desert, n moment olache ognun, da soul e te l’acort, fajea n percors a tapes per pissar miec a dut chel

che l’era stat dit ti dis dant, e zenza aer vergogna podea meter a luster soe emozions e sensazions. Da sera enveze, ruaa l moment del jech, olache “nesc” bec podea mìngol se meter a la proa con valch sfida, più o manco senestra, e segur no l’é mencià le grignade. Ence fora per l dì l’era semper valch moment de spas, olache duc podea jiar a balon, balar e chi più temerari à ence fat l bagn. Marisene, me vegn amò i sgrijologn a ge pissar. Ma dant de poder se matear, vigni grop aea ence valch autra atività da far: de fat se cognea enjignar l desch, servir, netear la sala e lavar jù, ma chi più fortuné era ence de libero; e coscì a roda duc à dat na man. E anter na grignada e l’autra l’é ruà jebia, canche l Decan Don Giuseppe

L grop di animatores de Fascia.

Detrazion Irpef per l’assistenza de chi che no pel per sé La ritajon del “Chum” Per la compilazion de la Declarazion di Vadagnes vedon, col didament del comerzialist Nazario Micheluzzi, coche se pel tor jù la speises sostegnudes per n genitor che no pel per sé Sozièl - Aldò de l’art. 15, comma 1 letra i-septies, del Tuir (Test Unich de la tasses sui vadagnes) se pel tor jù la speises sostegnudes da chi che l’é enciarià de l’assistenza personèla de persones che no les pel per sé te la vita da duc i dis. Se pel se emprevaler de la detrazion Irpef se l vadagn en dut no passa via i 40.000 euro e per na speisa de no più che 2.100 euro (la detrazion più auta che se pel otegnir donca la é de 399 euro). L’Agenzìa de la Entrèdes en cont de chest argoment l’à manà fora doi comunicazions spezifiches: con la N. 2 /E dai 3 de jené del 2005 l’à deschiarì che la condizion de no poder per sé te la vita da duc i dis la se referesc a chi sogec che per ejempie no i é bogn de magnèr, de jir te bagn e de se lavèr, de jir a pe o de se regolèr. Amò apede vegn conscidrà persona che no pel per sé ence chi che à debesegn de esser vardé via a dò a dò. Dut chest cogn vegnir declarà te n zertificat del medico. Con la comunicazion N. 10/E dai 16 de mèrz del 2005 l’é stat spezificà che se pel otegnir la detrazion ence se la prestazion é destinèda a n soget ricoverà te na cèsa de paussa, a condizion che i corispetives per l’assistenza

L comerzialist Nazario Micheluzzi.

personèla i sie zertifiché a pèrt respet a autra prestazions de l’istitut che dèsc alberch. Chest resta de valuta ence per otegnir la analoga detrazion de la speises per l’assistenza de sogec che no pel per sé. Amò apede se pel tor jù la speises sostegnudes per l’assistenza sportes da na coprativa de servijes. La detrazion ge pervegn al soget che no pel per sé se l’à sostegnù diretamenter la speises de assistenza e al contribuent che

paa chesta speises per zachei de cèsa che no pel per sé ence se no l vif te la medema cèsa o no l peisa sun chela familia dal pont de veduda fiscal. Per otegnir la detrazion de chesta speises ge vel prejentèr na documentazion aldò con ite, inom, cognom e codesc fiscal del soget che fèsc l paament; inom, cognom e codesc fiscal de la persona de cèsa per chela che l’é stat sostegnù la speisa. N ejempie per entener miec: l cajo de n contribuent che à sostegnù speises per 2.500 euro per l’assistenza de n genitor che no pel per sé e per prestazions sportes da na cèsa de cura olache l genitor vif. La zertificazion de l’Istitut che dèsc alberch l’à ite inom, cognom e codesc fiscal tant del genitor vardà via che del fi che paa la speises. L vadagn en dut del contribuent l’é de 35.000 euro: te chest cajo ajache l vadagn é demanco che 40.000 euro se pel fèr la detrazion. Per chel che vèrda la soma da tor jù, conscidrà che la speisa sostegnuda de 2.500 euro va sorafora l’emport stabelì de 2.100 euro pervedù da la normativa, la zifra da indichèr te la declarazion sarà apontin chesta ùltima. Nazario Micheluzzi

La sociazion La Grenz endreza n conzert tribut L’era l meis de aost del 2010 canche Lucio Tullio Chiocchetti del Miro da Moena, che duc cognoscea desch “Chum”, l’à levà so ùltim sgol, e desche na ègua l’é se n jit amò joen, portan envers l ciel più aut sia musega rock. Na vita no tant sorida e fortunèda, chela del Chum, che – descheche scrivea Fabio del Goti tel recort publicà sun chest sfoi – “l’aea semper troà te la musega la spenta per se tirar fora, la dreta motivazion per trasferir te la creatività sova energìa e so besogn de comunicar, de esprimer sentimenc, delujion, e ence permai e encazadure.” L Chum ne à lascià n muie de cianties, originèles o cover de suzesc del rock internazionèl più o manco mudèdes, tant per ladin che per talian, mescedèdes anterite ence con mìngol de ingleis: n repertorie che à troà publicazion te trei Cd “fac en cèsa” e che l se à fat cognoscer e aprijièr da la jent e dai joegn de noscia valèdes, soraldut con vèlch tòch desche apontin “L’aquila”. Ades la sociazion La Grenz da Moena la se à pissà de l recordèr con na bela sera de musega, n conzert-tribut, mìngol su la ona de chel che era stat fat con gran ejit per l grop “Lingue Morte”, per fèr cognoscer e slarièr fora la produzions de musega de noscia jent, envian gropes e ciantores a portèr dant la cianties del Chum te sia interpretazions personèles. En sabeda ai 14 de mé da les 21.30

A Chum, rocker da Moena se n jit l’an passà, l’é dedicà l conzert de La Grenz.

te la senta de strèda Saslonch a Moena duc é envié donca a tor pèrt al “Conzert per l Chum”. L grop “Elionda” (che tol ite Roberto, Fabio, Roberto Loiza e Alberta) orirà la serèda con n tòch scrit per l’ocajion e dedicà al Chum, dal titol “E ades tu sgoleras” e l medemo grop portarà dant ence n tòch del Chum che no era mai stat publicà, “Canche vegn la nef”, che era stat portà dant dal ciantautor l’ùltima outa che l’era stat a La Grenz, e aló tout sù dal vif. Autra cianties più o manco cognosciudes del Chum vegnarà portèdes dant da: Valerio Rancitelli; Valentino Lere; Simone, Damiana e Riccardo; i Midnight; The Angels of your Nightmare e etres amò. Chi volessa n saer de più o se jontèr ite per portèr dant n tòch i pel chiamèr l numer 340.4192858. Duc chi che vel demò scutèr e en cajo ciantèr duc adum “L’Aquila”, l tòch che serarà sù l conzert, é envié de cher doman da sera sa la Baita. (lg) www.lauscdiladins.com

27


Fascia

nr. 18 / 13 de mei 2011

“No l’é na roba che se cern, la fasc part de nosc mestier” Intervista a Mauro Dalbagno, Tenent Colonel di Alpins enciasà a Poza che é stat en miscion te l’Afghanistan e te etres lesc de conflit

L Tenent Colonel di Alpins Mauro Dalbagno, enciasà a Poza, en miscion te l'Afghanistan, e te l'auter retrat con sia fémena Sandra Detomas.

En vender ai 29 de oril a Udin l’é stat na gran zerimonia per duc i alpins de la Brigata Julia che é vegnui de retorn da l’Afghanistan. N moment che à palesà emozion, ence tel recort de chi che te chel Paìsc martorià e dalonc da cèsa à perdù la vita. Anter chisc alpins che é stac en miscion te l’Afghanistan l’era ence Mauro Dalbagno, Tenent Colonel de stanza a Busan, che dal 1996 l’é enciasà a Poza, olache l’é maridà con Sandra Detomas e i à 5 fies. No l’era la pruma outa che Mauro Dalbagno jìa per lurier te lesc de conflit, e ge aon domanà che l ne die vèlch (te na intervista touta sù per talian), per chel tant che ge é consentì, ajache l’é ence robes che no pel vegnir dite fora, de so lurier e de coche chest vegn vivù te sia familia. Saon che siede stat te l’Afghanistan. Érel la pruma outa che jiade en miscion te n lech de conflit? Mauro Dalbagno: “Na, ere stat ence te la Bosnia, e dapò te l’Afghanistan.” Él i militari che domana o se disc desponìboi a jir te chele miscion, magari percheche i ciapa de più, o vegnei mané ence se no i volessa? “Gio no parlasse de retribuzion, perché canche tu risie la vita no l’é scioldi che paa. Gio te mia picola esperienza é vedù demò jent che va percheche l’é so mestier. Aló l’é n problem e se vegn mané a cerir de l ressolver. No l’é na roba che se cern, la fasc part de nosc mestier, se l’é de besegn se va. Canche un dezide de far l militare profescionist l’azeta jà la possibilità de poder vegnir manà en miscion. Se vegn cernui aldò di requisic profescionai e di besegnes, dapò se l’é situazion personale o problemes particolares i vegn metui dant, e chisc problemes i vegn valuté.” Sozedel de spes de cogner jir? “No se pel dir de spes, dijesse che aldò de l’enciaria e del grado pel sozeder te momenc e situazion particolare de vegnir chiamé a far n lurier, no l’é na situazion

28

www.lauscdiladins.com

costante.” Segur per chi che à familia no sarà sorì. Vo tante de oute siede jit? E la pruma outa aade jà fies? “Te la Bosnia son jit del 2000, per cater meisc, e aee jà i prumes trei bec, Elia, Evan e Eric, de 7, 6 e 3 egn. Segur te cheste miscion la part più delicata l’é chela che cogn far la femena che cogn star a ciasa da soula coi bec, e che la se troa a cogner viver dì per dì i problemes de la familia zenza aer l sostegn de so om apedejù. Dapò son vegnù de retorn, son restà chiò te la Talia con desvalive enciarie e de reparc desferenc. Del 2005 son jit te l’Afghanistan e aló son stat amò 2 oute, n’outa 4 meisc e d’uton del 2010 amò per 2 meisc.” Co éla per la femena che resta a ciasa soula coi fies? Sandra Detomas: “La pruma outa che l’é stat demez, del 2000, no la me à sapù tant dura. Siane più joegn, aane autre energìe, e dapò l’era ence mia mare che podea me didar, e donca no me aea sapù scì senester. Se sentiane per telefon e dò presciapech doi meisc l’era ence vegnù a ciasa na uta. L’ùltima outa enveze la é stata n muie dura. Ades i bec più gregn i é demez a studiar, Emanuel va a la scolina e Emily l’à presciapech n an e mez. Apede al cruzie e al besegn che i bec à de veder so pare, l’é ence problemes pratiches: mie om canche l’é a ciasa l fasc dedut, ence coi bec, donca canche no l’é se sent trop che l mencia, ence percheche no é apede parenc che pel me didar. L’é capità, per far n ejempie, che i bec se à malà un dò l’auter de varicella, e se no fossa stat per l’aiut de la vejina de ciasa no aesse nience podù jir a me tor l pan.”

ogni tant i domana valch, ma i à ence na età che no i domana n muie.” Sandra: “L più gran canche gio é mìngol de sconfort e me lamente l me disc “no l’é mia demez percheche ge piasc”. Ic i é cresciui con chesta situazion de lurier e a na valch vida i é “usé”.

del Paìsc, olache ades l’é l maor contingent talian. La pruma miscion era partida con n picol grop de jent amò del 2001, per tacar via a endrezar la miscion maora, la ISAF Nato, “International Security Assistance Force”, e del 2003 l’é stat empegnà l prum contingent de Alpins.”

Vedon valch de vosc lurier. Che fajaade te la Bosnia? Mauro: “Te la Bosnia siane stac mané a restabilisar n paìsc che era stat martorià da egn de vera zivila, e donca zenza l didament de la comunità internazionala no l’aessa podù se recostruir e doventar chel che l’é ades, n Stat che à na autonomìa tant economica, che politica, che zivila, de gra a l’intervent de la comunità internazionala.”

Che corpes él empegné? “Dute le Forze Armade, Esercito, Marina, Aereonautica, Carabinieres e ence valch element de la Guardia de Finanza. Dapò l’é ence diplomatiches e personal del Minister di Afares Foresć, zivii che depen dal goern.”

Perché per na miscion “de pasc” ge vel durar per forza le arm? “Per recostruir paìjes che vel se ressolevar e vegnir fora dai problemes che i à abù, ge vel n “pachet” fat de tante ressorse. Ge vel intervenc miré a livel politich, diplomatich e economich, ma ge vel ence le arm per ge garantir la segureza a la popolazion. Se se rejona de segureza gio te cerc caji no veide n’autra vida per poder la arsegurar, se no la vegn condividuda e azetada da le part la cogn vegnir emponuda, chest semper per l ben de la comunanza che la vel viver en pasc e en segureza. Te la Bosnia l’era n scontro etnich, e al scomenz se à cognù meter sul ciamp ressorse militare per arjonjer na segureza che dapò la é stata condividuda da le part, perché ence ic no i n podea più de se sterminar un co l’auter. Per chest l’é stat durà la forza militara, proprio per emponer n prum stop ai combatimenc, dapò se pel rejonar de pasc, de recostruzion, de cordanze diplomatiche.” La jent de la Bosnia co ve vedeela? “La popolazion aea demò voa de viver en pasc e siane ben vedui tant dai serbi che dai bosniaci, peisse che i ne conscidraa mingol desche na forza de polizia esterna che cognea garantir la segureza, ajache ic amò no i era en grado de l far enstesc con si organs locai.”

Canche l’era demez ve sentiade duc i dis? “Ei se aon semper telefonà duc i dis, e l’ùltima outa aon podù ence se veder duc i dis col computer, e chest l’é stat n muie emportant soraldut per i 2 pìcoi.”

E ades aló no él più militares dai autres paìjes? “L’é amò n minimo de personal militar, ma no sé dir de più. Dijon che l passaje da l’intervent internazional a na piena autonomìa domana egn e egn. L’arbandon definitif de la comunità internazionala da chisc paìjes l domana n temp lonch che l’é inversamenter proporzional a la volontà de la popolazion locala de doventar autonoma, se tor soe responsabilità e se garantir la vita en pasc e segureza con soe forze.”

Che dijei i bec più gregn del mestier de so pare? Mauro: “A mi no i me disc trop,

Te l’Afghanistan can siede jic? “Gio son jit jù la pruma outa del 2005, tel raion de Herat, a ovest

Aede contac con la jent del post? “L’é desvalive enciarie, n’é de chele che te met più en contat ogni dì con la jent e autre de manco. Gio personalmenter no é abù de gregn contac. ” E coi contingenc di autres stac? “Ei, eraane en contat, ence se l’é aree de responsabilità spartide per nazion, ma daìte da ogne area l’é raprejentanc de le desvalive forze armade de autre nazion e i contac i é frequenc, se rua a veder duc i contingenc. N’é da America, Gran Bretagna, Germania, Francia, Spagna, Olanda, Lituania e ades ence Albania, l’é militares de duc chisc paìjes, magari de valch paìsc l’é manco persone, ma i é duc raprejenté.” Che raporc aede con le organisazion no governative? “Le ONG e le governative zivile le porta inant projec de recostruzion ti desvalives paìjes, i raporc i é te nesc team de recostruzion che l’é team che cogn jir a veder i besegnes di desvalives lesc, i va a rejonar coi raprejentanc di vilajes e dapò ensema i laora fora n projet de intervent che vegn portà inant dai militares e dai zivii

ensema: se l’é besegn se fasc n projet tecnich, se cer i finanziamenc e dapò se passa a la fasa pratica, per ejempie pel esser n ambulatorie, na scola o n poz.” Ence la part militara se cruziela de portar inant projec “zivii” de chesta sort? “Segur, e l’é chiar che no se pel portar inant projec de chesta sort se no l’é la segureza, tant canche cheste struture le vegn fate sù che dò, per la manutenzion: l’é semper pericol che l vegne colpì da chi che no à enteress che la popolazion zivila vegne didada.” Cal él per vosc cont l problem fondamental te chest moment te l’Afghanistan? “Per cont mie l maor problem l’é chel de la comunicazion. Gio peisse che la situazion te n stat sie inant e stabola se se é bogn de comunicar daperdut, e te l’Afghanistan, che l’à n teritorie fat per l 70% de monc auc e vie de comunicazion senestre, soraldut d’invern, l’é n muie de vilajes dalonc e perdui te anter i monc, olache l’é senester ruar. Te cheste zone pel comanar e far si enteresc chisc, descheche i vegn chiamé, talebani o insorti, che i vel tegnir la popolazion dalonc dal goern, che no la posse vegnir controlada ne didada. Chest, gio crese, l’é l problem maor. Ge volessa esser bogn de portar te duc i paìjes de l’Afghanistan la prejenza del goern zentral afghan, che l cer de portar soa autorità e so aiut daperdut, ma fisicamenter l’é senester, ence se la volontà de le autorità afghane la é n muie determinada, e donca l’é besegn de l’intervent de la comunit à inter na z ionala . Descheche te n paìsc “civilisà” desche l nosc l’é la delinquenza e l goern entervegn per la eliminar, coscì ence l goern afghan se troa a cogner gestir n paìsc olache l’é fac de delinquenza comune e ence de terorism. Noi vardon de didar


Fascia

nr. 18 / 13 de mei 2011

l goern de chest vers, e i talebans o insorc i é de contra a noscia prejenza, ic i à cerì de empor si sistemes, e ades se veit che no i à nesciun enteress a stabilisar l Paìsc.”

Tant de temp cognaràle amò star via le forze armade internazionale? “Noi cognon didar l goern local a esser bon de ruar a se gestir enstes la segureza, e fajon ence na sort de projet de adestrament ti confronc de le forze locale, a na vida che dapò le rue a poder se la far cà da soule. Ma tant de temp che ge volarà no sé da dir.”

Aede vedù n miorament de la situazion? “Gio dal 2005 é vedù demò na part de chisc mudamenc, e cogne dir che l’empegn internazional l’é n muie fort e i resultac se i veit, l’é n muie de jent de la popolazion zivila de aló che à podù mudar soa maniera de viver de gra al lurier e a la possibilità de lurier che vegn data da la prejenza de la comunità internazionala sul teritorie. Dijon che l’é n gran investiment su la forza, su la popolazion locala, e ence le medeme forze armade afghane che dal 2005 a ades le é ruade a aer na efizenza maora de gra ai ensegnamenc che i à abù dal contingent di autres paìjes.”

Cognosciaade i sudé morc te l’Afghanistan? “Sun cheste costion preferesce no responer.” Él stat amò morc olache siade Vo? “Ei, l’é sozedù amò.” Che conseguenza ài chisc fac te voscia atività? “L’é desché canche sozede valch sul lurier te autres setores, tu cogne pissar a co far per evitar che cheste robe le capite, ma tu cogne jir inant

L “Nettuno d’Oro” a Giorgio Debertol

con to lurier. Sozede ence chiò da noi, soraldut a chi che laora te le forze de l’orden, ma se cogn jir inant.”

L Cavalier Debertol enstadì l’é stat premià a Trent per sia vita dedichèda al lurier e al ben se la sozietà

E che segn lascele chesta sort de esperienze a livel personal? “L’é esperienze personale e preferesce no n parlar.” Canche sozede chisc fac e to om l’é demez staste con cruzie? Sandra: “Ben segur che stae con cruzie, semper, ogni outa che l’é demez, che sie en Afghanistan o en Bosnia. Bon che se pel se sentir ogni dì, e coscita ogni sera se pel se pissar “ence per anché la é jita.” E se l cognarà jir amò? “Gio canche l’é maridà saee che l fajea chest mestier, e sé che fazile l cognarà jir amò; spere demò che sie ence tempes più sorii che chest ùltim.”

Giorgio Debertol enstadì a Trent à vent l “Nettuno de or” per sia cariera e sie empegn sozièl.

Sozietà - N recognosciment che premia sia capazità imprenditorièla tel setor turistich e de l’hotelarìa ma ence sie empegn te l’aministrazion, te la Cooperazion Trentina e tel volontariat. L “Premio Nettuno d’Oro – Tridente città di Trento” chest an ge é stat dat a Giorgio Debertol da Cianacei. La consegna enstadì a Trent te la bela Sala Falconetto a Palaz Geremia. Dant de ge dèr te man l “Nettuno d’Oro”, l’é stat ence recordà la motivazions che à spervajo la comiscion a premièr Debertol. Sie inom l’é leà al mond turistich de la Val de sora, bèsta pissèr a l’Hotel La Perla e al Refuge Contrin, ma Debertol l’é ence vèlch de più: dal ’79 l’é donator de sanch con ben 55 donazions fates; dal ’92 l’é Cavalier de la Republica Talièna (dal 2010 vizepresident de la sezion de Trent de l’Unci e responsabol de l’area ladina). L’à scomenzà con

Intervista de Lucia Gross

La jent da aló co ve veidela? “Segur la fiduzia tel sforz internazional la é cresciuda e la seghita a crescer, i veit che nosc obietif l’é chel de taar fora i talebans o insorc, che i vel ge far dan a la popolazion, donca i creit te nosc aiut. Se sà che no mencia le dificoltà, perché se se troa a aer dedant problemes de soravivenza de la jent, che la vel segur vegnir defenuda da le violenze che la padesc, ma l’à ence tema dedant a la manacia de mort da man di terorisć.” Ades él manco sudé che n’outa? “Depen dai momenc, te chi più delicac, per ej. te temp de litazion, n’é de più, te autres momenc de manco.”

la politica del 1985, dal ’90 al ’98 l’é stat ombolt de Mazin e per 12 egn assessor del Comprenjorie Ladin de Fascia. Da 18 egn l’é president de la Coprativa de Cianacei e per 10 egn l’é stat ence raprejentant de la copratives de zona tel comitat esecutif del Sait, l consorzie de secondo grado de la Families Copratives Trentines. “L’é stat na gran sodesfazion – à dit Giorgio Debertol - percheche gé stae a Cianacei, e esser premià cent chilometres dalonc da olache vive e laore da semper l’é na marevea e na rejon de esser stolc. No me aesse mai pissà de meritèr n recognosciment scì emportant, per chest rengrazie l Comun de Trent, en particolèr sie assessor Italo Gilmozzi, ma ence l Gran Ofizièl Ennio Radici, president de l’Union Nazionèla Cavalieres de la Tèlia (UNCI) che à metù mie inom anter chi che aessa podù ruèr a chest resultat”.

Chi él pa? Soluzion del retrat su La Usc nr 17 L retrat che aon publicà la setemèna passèda ne era stat portà te redazion amò del 2009 da Carlo Rossi del Baila. A ne dèr la resposta, ensema con l medemo Carlo e sia sor Rita Rossi del Baila, l’é stat nosc fideil Lino Soraperra Medico. L retrat l’é stat fat a Soraga tedant a l’Albergo Avisio ai 26 de oril del 1936 en ocajion de la Pruma Comunion di bec de più clasc

de scola. Sul retrat l’é: 1. L maester Valentino Pellegrin de Paroun; 2. Tarcisio Peterlini, nez del curat don Celestino Stefani; 3. Bepi Giuliani de Carlo Faure; 4. Natale Brunel de Pierin; 5. Rosina Brunel de Cela del ’28; 6. Mario Giuliani del Tol del ’26; 7. Ester Degasper de Tousc del ’29; 8. Carleto Pellegrin de Paroun (de l’Hotel Olympic); 9. Tullio Pellegrin de Zetola; 10. la maestra Maria Romanese da Moena; 11.

Luigi Rossi del Baila, fra de Carlo e Rita; 12. Pietro Pellegrin de Roch; 13. Don Celestino Stefani curat de Soraga; 14. Giuseppe Brunel Cecatel. Chest ùltim, ensema con Carleto Pellegrin e Bepi Giuliani, l’é amò i soi vives. Ence chesta setemèna sul retrat che publicon l’é sù bec che à fat la

66 60

59

52 5354

1

12

51 43

14 2

11

6

3

8

40 41

5 4

10 39

61 58

55 56

62

50 44 45 46

7

34

36

37

6 4

32

35 5

3 2

67

49

42

38

9

1

64 63 65

57 13

che se sproa a troèr fora la jent e a chi che ne porta i retrac, e i ne deida coscita a viventèr chesta rubrica e a meter ensema vèlch mizacola de storia de noscia jent: ve envion a ve fèr inant per ciapèr en don na publicazion de l’Union di Ladins.

Pruma Comunion. Chest’outa l retrat vegn da la Val de sora, l ne é stat portà da Renato Ploner e l’é stat fat en ocajion de la Messa noela de P. Severino. Speton voscia respostes per telefon o fax al 0462.764545, o per mail a la direzion lausc@ ladinsdefascia.it. Ge sporjon n bel develpai a chi

26

48 47 30 29 28

33

31

7

8

27

25 24 23 22

21

10 12 9

11

14 15

19 20

18

17

16

13

www.lauscdiladins.com

29


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

nr. 18 / 13 de mei 2011

Comun: n bilánz da passa 6 milioni de euro

Plu den milion demé per Vila S.Ijep

L’assessor Claudio Sorarui:”On cialé souradut a le scòle e a mantignì aiuc e contribuc a fameie e associazion”

Comun 3 - Per se rende cont dei numer che l é ite nten bilánz de previjion toca di che l plu de le oute chëst l é nfluenzé da laour publizi metùs ite, ma che forsci no vignarà finanzièi. Nel total po’ l é ite ence le partide de giro, che n pratica auter no n é che giri de contabilité (sciòldi che demè passa per l Comun) e l’anticipazion de cassa, che con duta

todësch per le scòle elementari e mesane, per disinzentivé che vegne porté i tosac n Val Badia e spò che ntel davignì s’abe autre pluriclasci. E po’ al setor cultural per l’organizazion de manifestazion, al volontariat con aiuc de deplù sòrt (economizi, concescion de locai deban), al social co la gestion de la cèsa da paussé Vila S.Ijep e al setor ambiental ulàche l é ste confermé l personale de la scuadra ambiental. Confermada ence per st’ann la poscibilité de dourè i voucher n distribuzion al Inps per laour ocajional cánche l é manifestazions o pichi laour de manutenzion.

probabilité no vignarà mèi dourada ma che per lege mossa ester metuda ite. Toca recordé ence che ntel bilánz del Comun da Fodom, ben 1 milion e 200 mile euro, i é per la gestion de la cèsa da paussé Vila S. Ijep. Sciòldi spò che ven ite (co le rette) e va fòra per paié personal e gestì la strutura e che no n é spò a disposjizion per investimenc. (ls)

Videosorveliánza: mpièi 5 “ogli” per controlé l teritòrio Le telecamere i é stade metude su ntel zenter storich de Pieve e Rèba, l ecozenter de Renac, la śòna davánt la gliejia d’Andrac e chëla del ciámp da balon de Freine

Laour: souradut strade L pont de Retic; nsomeia che l restarà ncora n tòch coscita.

Comun - L é de 6 milioni e 711 mile euro l bilánz de previjion aprovè nchëstadì dal consei de comun. “N bilánz prudent”” l à definì l assessor competent Claudio Sorarui, “metù ju senza jì a aumenté le tarife (fòrache la Cosap e le rette de la cèsa da paussé Vila S.Ijep) e avei mantignù aiuc e contribuc a fameie e associazion. N aspét chëst aprezé da la mendránza, ma che no l’à aprové l document. “L é enche trope ousc co l senn mánco “ l à dit l capogrop Leandro Grones. N saut nnavánt del bilánz l é pervedù per l 2012, cánche l assa da rué a 9 milioni e 637 mile euro. Nel 2014 se ruarà a 10 milioni e 196 mile euro. Demé previjion, ben da capì, che ten cont de gròsc laour pervedùs ntel program trienal dei laour publizi, come per ejemple l ampliament de la scòla mesana de Brenta, ma che ades come ades no i é ncora stèi finanzièi. Nel bilánz de previjion l é ste scrit ite ence l impòrt de 29 mile 185 euro del rest de aministrazion che l sarà coscita despartì fòra: 20 mile euro (acont bele de fòra da la Provinzia de Belun

per l’aluvion del auton del 2010) per intervenc su la strada Chièrz – Malga da Chièrz e 9 mile 185 euro per cofinanzié l proget de sistemazion idraulico – forestal del “Busc del Bruo” sun Còl de Lana.

Tarife ferme al ann passé Confermade chële n vigor ntel 2010 gran pèrt de le tarife: reclame (dada su a la M.T. Maggioli S.p.A. de Santarcangelo de Romagna), scòlabus, refenzion de le scòle, palestra comunal, servisc de cortina (agiornada demé chëla per l’inumazion dei mòrc originari da Fodom), impiánti sportivi, śòna per i camper e chëla per tò adimpprëst i mezi comunai. “Nel metù ju l bilánz” à dit l assessor Sorarui, “l’amnistrazion l’à bu n’atenzion duta particolar su l’istruzion co la conferma dei stanziamenc a le fameie per le speise de la scòla e per l’istituzion de corsci mplù nten valgune materie per mpermëte l sdoplament de la pluriclasce a le mesane. S’é ence drio a vedei de podei mëte a jì n cors integratif de

Ntra i laour plu gragn pervedus per sto ann ntel program trienal (soura i 100 mile euro) al prum pòst l é l pont de Retic con 450 mile euro de speisa. Ma l’aministrazion no l’à sconù de savei bele ades che l no vignarà fat. “Son tourné a me fè sentì a Roma con chi che m’à mpermetù l finanziament” à comenté l Capocomun Ugo Ruaz. “I m’à dit ncora che i sciòldi i sautarà fòra. Staron a vedei.” Autri ntervenc i é pervedus per comedé la strada de Daghé (150 mile euro), la ristruturazion de la cèsa de comun (1 milion de euro), adeguament e manutenzion de la strada forestal Daghé – Fráncia – Cërnadou (240 mile euro), sistemazion idraulico – forestal del “Busc del Bruo” (133 mile euro) e consolidament soura la strada Chièrz – Malga da Chièrz. “Autri progec no i é stèi metùs ite perciéche se conta dei prejenté a finanziament col “Fondo Brancher” à dit ence l assessor Lorenzo Pellegrini. “Troc contribuc bele conzedus e máncia progec sul Interreg IV. Speton de vedi l consuntif ” l é ste l coment de Grones dai bánc de l’opojizion che la s’à astignù.” (ls)

Comun - L zenter storich de Pieve e Rèba, l ecozenter de Renac, la śòna davánt la gliejia d’Andrac e chëla del ciámp da balon de Freine. Chëste le 5 śòne plu zitie del teritòrio da Fodom, ulàche davánt nvalgune setemane i é stade metude su e mpiade le telecamere per la videosorveliánza. Cinch “ogli” che cialarà soura con discrezion, 24 ore su 24, e che dáidarà a contrasté roberie o

malagrazie. L sistema l vignarà gestì da na sozieté specializada. Dute le registrazion le ruarà su nen gran server, ulàche l Comun podarà prò co na password per i é cialé davò n cajo de debujen. Registrazion che se scancelarà da sole davò nvalgugn dis, coche perveiga la lege su la privacy. L proget, nvié via ncora da la passada aministrazion, l é ste finanzié da la Region. (ls)

La telecamera ite dal ciámp da balon de Freine

“L bilánz? Dut sta nte chi che l fèsc” L assessor ironizeia sul bilánz record a 12 milioni de la passada aministrazion Pezzei. “Dut perciéche no n ei fat la “Arabba Fly” respon Grones (opojizion) Comun 2 - Cotánt da podei crei eli stèi nte sti agn passèi i bilánc de previjion aprovèi da le passade aministrazion del comun da Fodom. O meio, nte ci percentual, de cotánt pervedù, elo ste po’ del bon fat e spò spenù ? L é chël che s’à damané l assessor al bilánz Claudio Sorarui, che l é ju a ciarmené ca nte le vegle delibere, dal 1998 nnavánt, per nrescì fòra ntra preventifs e consuntifs. I dac sautèi fòra i à mostré che ntei 5 agn de la passada aministrazion del capocomun Gianni Pezzei, l é ste n aument esponenzial del bilánz de previjion, rué fin a 12 milioni ntel 2009, a cont den minimo storich de atuazion del 45%. La scomenciadiva no l’é plajuda al capogrop de mendránza e ex assessor de la jonta Pezzei Leandro Grones. “No l é dac coerenc” l à dit. “Máncia i

30

www.lauscdiladins.com

sciòldi de la segiovia Arabba Fly che chësta aministrazion no l’à plu fat ence se l proget l eva da podei cantieré.”L eva demè per fè capì a la popolazion la desferenta filosofia de mëte ju n bilánz de previjion den ent publich” l à responù Sorarui. E la discuscion, ben da capì, la s’à sciaudé su. Ma che nte chëla tabela siebe na zincolada critica del vièrs de la passada aministrazion l à de fat ametù l medemo assessor cánche l à fat riferiment a la polemica sautada fòra davánt da le ultime elezion de comun proprio ntourn al bilánz record da 12 milioni de euro, aprové n pèr de meisc davánt da la consultazion eletoral dal esecutif Pezzei. L’anaiji de Sorarui la peia via dal 1998, penultimo ann de l’aministrazion del capocomun Giacomo Crepaz, cánche l preventif l eva ste de 4

milioni 738 mila euro e l consuntif de 2 milioni 377 mila euro, per n 50,19%realizazion. Ntel 1999: 4.389.385, 3.058.838, (69,54%). Ntel 2000 (prum ann de aministrazion Ruaz): 4.475.031, 3.949.413, (88,25). Ntel 2001: 3.714.543, 3.011.888, (81,08%). Ntel 2002; 4.195.341, 4.341.213, (103,48%). Ntel 2003: 5.466.582, 4.677.655, (85,57%). Ntel 2004: 4.864.613, 3.561.305, (73,21%). Ntel 2005: 5.498.024, 3.363.852, (61,18). Ntel 2006 (prum ann de aministrazion Pezzei): 7.585.792, 4.323.045, (56,99%). Ntel 2007: 8.824.236, 4.517.325, (51,19%). Ntel 2008: 10.075.781, 5.220.715, (51,81%). Per rué al oramèi famojo e contesté bilánz preventif del 2009 da 12 milioni e 54 mile euro, realizé demé per l 45,75%, che vòl di 5 milioni e 514 mile euro efetivamente spenùs. Ntel 2010,

prum ann de l’atual aministrazion Arabba Fly se fossa ruèi a 9 milioni, Ruaz, l bilánz l eva calé a 9 milioni spò n linea con chi dei autri agn” e 50 mile euro, de chisc rendicontéi l à ribadì plu oute Grones. “Ence provijoriamente 6 milioni e 696 i consuntifs, nte 10 agn, i è cuaji mile (73,99%). L’assessor l à volù radoplèi.” (ls) ncora spieghé meio le motivazion de chëst resocont. “Davò chël bilánz record” l à dit, “troc pensa che son n comun rich. Per ejemple se mosson di de no a chèlche dománda de contribut, coche l é suzedù, i se fèsc de marevoia e i ne contesteia de no capì coche fajon a no iel conzede, conscideré che on duc sti sciòldi da gestì. L é polito che la jent la capisce ci che l é n bilánz preventif e coche, ogni aministrazion, l’abe sua filojofia del gestì. No on cialé de ester prudenc”. “Se l comun assa fat la segiovia L assessor al bilánz Claudio Sorarui.


nr. 18 / 13 de mei 2011

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

Anpezo

Ra basilica inze ra storia

Un soneto par ‘na noza

El papa Benedeto XVI ‘l à vorù fei deentà basilica ra jeja de Anpezo, drio chel che i à domandà el vescovo Giuseppe Andrich. El pensier de el presidente de el consilio de ra Provinzia de Belun, ‘l anpezan Stefano Ghezze

Ra no se studa, ra tradizion de bete śo sonete, par ra festes pi beles, inze ra ciaśes de Anpezo. Un de chiste momente, che merita doa righes in rima, ‘l é ra noza. Sabeda ai 7 de maśo, inze ra jeja de San Roco, a Śuel, i s’à maridà Lorenzo Lotto, de Giuseppe e de Renata Bellodis Smalzo, e Deborah Pizzolotto, de Remo e de ra maestra Patrizia Mazzotta. Coscita ra profesoresa Giuliana Bellodis Smalzo, rameda de el spośo, con chi de ciaśa, r’à betù pede sentimente e emozios, par scrie chesto soneto.

“Ra śornada de festa, par el paes de Anpezo, ra so jeja e ra so śente, r’é inze ra storia, ades che ra jeja de i sante Felipo e Iaco r’é deentada basilica. Ades ra jeja de Anpezo ra podarà ese ra basilica de ra Dolomites e chesto, par el nosc paes, ‘l é un momento storico de gran valor. Coscita me sento de dì, in curto, chel che dute ón vedù, martes ai 3 de maśo” – el me disc ‘l anpezan Stefano Ghezze Ghezo, presidente de el consilio de ra Provinzia de Belun. “Son dute parsuaśe, inze ‘l nosc paes e par duta ra provinzia, par chel che El cardinal Giovanni Battista Re, inze ra basilica de Anpezo, su ‘l presbiterio, aduna ‘l é suzedù – el śonta con Pietro Brollo, ‘l arcivescovo emerito de Udin, el pioan don Davide Fiocco e dute Ghezze – parcé che chesto chi outre prees che i à dito mesa con lore. onor el rua da ‘l papa Benedeto XVI e, cemodo che ‘l à de i afare, aduna co ‘l Comun, i don Davide Fiocco, par el laoro abù dito el cardinal Giovanni Sestiere e i Ladis de Anpezo, co i che el fesc, par cemodo che el Battista Re, ‘l é ruà par el gran vorentie e dute chi che no se và porta inaante ra nostra parochia, numero de parsones che es và inze adora a menzonà, senza in con fede, senza stà fermo un iejo, jeja, a mesa e a ra funzios. Da desmenteà calchedun. Fin con amor e alegreza. Gramarzé senpre, ra nostra comunità ra dinultima, a i studentes de ra scora par aé parecià ‘na festa coscita varda a ra nostra jeja; da ades alberghiera, che i à parecià algo granda, che tropa śente r’à vorù inaante, par ra nostra śente, r’arà de bon, par fei festa dute aduna, vede e vive. Gramarzé a duta ra daante a ‘l padeon de ra Banda, autoritàs e gramarzé a i Ladis, che un valor ancora pi forte”. Par parecià chera śornada de fenida ra mesa. i à vorù se bete i sarvije da festa, “A gnon me e de el consilio de de ra nostra tradizion, par ‘na festa festa, ‘l é stà un gran laoro, de tropa śente. Ignante de duto ra ra Provinzia de Belun, che ei ‘l che r’à abù valor doa otes: s’à fato parochia, co ‘l pioan don Davide onor de ese presidente – el śonta onor a ra jeja che ra deentaa Fiocco, i prees che i dia ‘na man, pede Stefano Ghezo – beśen che basilica e s’à recordà i nostre sante i doi consilie, chel pastorale e chel i dighe un gramarzé ben a ‘l pioan patrone Felipo e Iaco”.

Par Lorenzo e Deborah Un saludo a ra śente ca scentada, varente e ben arghenada. L é gran festa chesto di: Deborah e Lorenzo ve aé dito “scì”. Daante a ‘l Signor su ‘l altà el vosc amor aé consacrà. “Sé spośe in eterno mia par un inverno”ra dijea r’àmia ‘na ota a ra nora su ra porta par i dà el bon azeto. Fajon nosc chesto conzeto. Nos son segure che chesta noza ra dure par via che, ignante de ve maridà, a ra longa aé vorù proà. Deborah e Lorenzo, ancuoi spośete, m’aé fato tarentà masa i confete! Dapò de aé co i amighe jestarlà par ra nostra tradizion rispetà, ce una ajitazion canche ś à tacà ra cianpanes de san Roco a sonà! El cuor de dute el s’à slargà

e i oce ón scomenzà a se spazà. Mare Renata ra m’à fato ingropà de l so gran padì a se pensà. Lorenzo, de petacio, bulo e biondo ‘l é el pi bel spośo del mondo. Pare Remo, pitosc despregurà, ra so neja ‘l à consegnà. Deborah, piena de contenteza, co ra to beleza t’as fato smamì el pra pi fiorì. Ra no n’é fenida ra desfilada ma par no ve fei ciapà na stufada ra lascion là inpiantada. Dijon solo de chi pizete: intrà de vos i somea a i anjolete che el Pescoller l à piturà del 900 sora l altà. El momento l é ruà de se des-ciadenà: peton aduna ra mas ades e, se no n’é asei, anche i pes! Tanto par scomenzà voron vede che ve buscià! Dapò, Chiareta, ra to preziosa sorela, ra arae acaro de saé canche ra so beerela ra no sarà pi da ti fata fora ogni sabeda ben bonora. Senza parlà de ra jazera da ti svoitada ogni sera! Deborah, inze el to caśal t’aees beleche un segnal: nasciuda Pizzolotto te son deentada Lotto. Al me prin neodo e ra so spośa con gran afeto tata Giuly e dute chi de ciaśa.

Ousciuda anpezana Par tre setemanes, da i 9 a i 29 de maśo, inze el nosc paes ‘l é tropo da vede, da fei, da vive

A vardà i laore pi biei, fate da ra śente de Anpezo.

Doa mostres, e ‘pò ciacolades, conzerte, laore da fei, śoghe par i pize: ‘l é de duto, inze ra Ousciuda Anpezana che i à daerto ai 9 de maśo, intrà el Comun Vecio e ra Ciaśa de ra Regoles. “Da alcuante ane inze ‘l nosc paes se vede i laore de ra Mas de Oro de ra nostra śente – ‘l à contà el capocomun Andrea Franceschi de Matia, par anpezan – drio a ra idea che i é vegnù a Eddy Demenego de Zero. Dapò s’à pensà de fei algo depì, da śontà pede a ra mostra de i laore, e ‘l é nasciù ra Ousciuda Anpezana. Anche s’to an, par tre

setemanes, ra śente de Anpezo ra pó stà aduna, fei vede e fei varé ra nostra cultura e ra tradizios, ma no par folclore. E ‘pò se śonta pede un grun de outra robes, betudes aduna ‘sto an da Stefania Zangrando, e ‘l é da i dì gramarzé, par duto chel che ra fesc, par tegnì aduna ra Regoles, ra Parochia, i Sestiere e i Ladis de Anpezo, trope vorentie”. A daerśe ra mostra su i nonanta ane de ra riserva de caza de Anpezo, a ‘l secondo pian de el Comun vecio, ‘l ea el presidente Adriano Verocai Daloio, che ‘l é loudaduó a ra

cultura ladina de el comun. “Ca podé vede pi che see un grun de fotografies, de chera storiches e de chera noes, de ancuoi. Duto chesto par ve mostrà chel che, par solito, vedon solo nośoutre cazadore, a se moe par el bosco alolo bonora o deboto co ‘l scuro, da dasera, canche par el bosco no n’é outra śente. Dijon senpre che nośoutre vedon el bosco pien, e inveze chi outre i vede solo brascioi”. In Ciaśa de ra Regoles ‘l é stà betù fora i laore de 44 parsones, un pi bel de chel outro. “I é demanco de ‘l an pasà, canche i ea supośò de setanta – ra me conta Stefania Zangrando – ma no s’à vorù bete fora robes beleche vedudes. Intrà dute chi outre, i é de oto, chi che i fesc vede i so laore par el prin an. Par duto chel che son śude adora a fei, ‘l é da i dì gramarzé a tropa śente, a scomenzà da Eddy de Zero, che el s’à pensà de ra Mas de Oro de ra nostra śente. Dapò ‘l é da se pensà de i solite vorentie, senpre pronte a me dià ‘na man. Par ra mostra su ra caza, beśen śontà che ‘l é stà da aé corajo, a in parlà, ancuoi, che dute i é pronte a bartaśà i cazadore. Ma ‘l ón fato par recordà una tradizion de ra śente de Anpezo”.

“Chesto an s’ón pensà de i pi pize, de ra famea – ra śonta Elsa Zardini Soriza, presidente de i Ladis de Anpezo e de chi de ra Dolomites – par i fei vede algo de bel, par i fei inparà, parcé che propio lore, i pi pize, i é el doman de el nosc paes”. In Ciaśa de ra Regoles, inze de porta, i à algo duto par lore, co i disegne de Pinochio par anpezan,

co ‘na toura, piena de śoghe, con calchedun che pensa par lore. Alolo pede, no manciarà ra stua anpezana, agnó scotà conzerte, co ra nostra Armonote, beles e braes, e calchedun che conta algo. Ma se podarà se moe anche fora da ra Ciaśa de ra Regoles, par el paes, par algo de outro. Ogni di in é una de noa, da no se stufà de seguro, inze ‘sta bela Ousciuda Anpezana.

Ra jeja de San Iaco, ra basilica de Anpezo, fata in pizo: ignante i r’à mostrada a ‘l cardinal Giovanni battista Re, ades dute i pó śì a ra vede. www.lauscdiladins.com

31


Anpezo

nr. 18 / 13 de mei 2011

Par ra Casa rurale e par ra Regoles

I stanbeche de Ra Stua

Gnomes noe, outra fazes, inze ra presidenza de doa istituzios de el paes

El laoro de el Parco de ra Dolomites de Anpezo par portà danoo chesta bela bestia selvatega su ra nostra crodes, aduna co ra Forestale e ra Provinzia de Belun

Par ra Casa rurale e artejana i doi presidentes: Luciano Bernardi Agnel, da ‘l 1991 fin ancuoi, e Alberto Lancedelli Ieza, da ca inaante.

Da bonora ra Casa rurale, da dasera ra Regoles d’Anpezo: ai 9 de maśo, in poca ores, doa de ra istituzios de el nosc paes ‘s à mudà el so presidente. Ignante ra nostra banca, r’unica de ra provinzia de Belun: de ‘l domegna dapò disnà, ai 8 de maśo, ‘l é stà ra foula granda e el presidente Luciano Bernardi Agnel ‘l à lascià el so posto, dapò de vinte ane de laoro. Chi de el noo consilio i s’à ciatà, da ‘l indoman bonora, e i à betù presidente Alberto Lancedelli Ieza e, par vize presidente, Giacomo Giacobbi, che ‘l é stà capocomun de Anpezo, intrà el 2002 e el 2007. Alberto Ieza ‘l é stà presidente de ra Regoles da ‘l 2005 a ‘l 2006. Ra Casa r’à anche

Par ra Regoles de Anpezo el presidente Gianfrancesco Demenego Caisar e el vize presidente Alberto Dimai Lustro.

mudà el so laudo, con chera de se daerśe depì a ra vales, a i paes che ‘l é śo par pede, inze ra provinzia de Belun, ma anche inze cheres a confin, de Bolzan, de Trento e de Pordenon. El capocomun Andrea Franceschi de Matia ‘l à scrito alcuanta righes, par i dì gramarzé ben de el laoro fato da Luciano Agnel e par i augurà bon laoro a Alberto Ieza. Da dasera de chel lunes 9 de maśo ‘l é stà ra deputazion de ra Regoles d’Anpezo, dapò de ra foula granda, che ‘l ea stà fato el 1 de maśo, e ‘l é stà betù par presidente Gianfrancesco Demenego Caisar, anche el capocomun de Anpezo, fin de ‘l 1989, e dapò in consilio, fin

de ‘l 2010: ‘l à ciapà 13 vote e 9 in à ciapà Cinzia Ghedina de Antonia, che r’ea presidente da setenbre de ‘l 2006. El vize presidente ades ‘l é Alberto Dimai Lustro, a ‘l posto de Roberto de Zanna Nuco, e inze ra giunta ‘l é i deputate Luigi Apollonio de Marco, Steven Lacedelli de Cobe, Claudio Pompanin de Checo, co i doi marighe de regola outa Sergio Alverà Pazifico, par Larieto, e Angelo Lacedelli Poloto par Anbrizola. Ades se speta de vede ce che suzedarà ra setemana che vien, inze ra foula de ra sozietà Cooperatia: se anche là soutarà fora gnomes noe, cemodo che se sente, o se duto restarà conpain de ades.

El laoro par Cortina 2017 Ra candidatura par i Mondiali de schie de el 2017 r’é moesta, con cheres de Saint Moritz, in Svizera e de Are, in Svezia. Ades beśen spetà chel che disc ra Fis, de śugno 2012, in Corea. Intanto s’i domanda a ra śente de el paes ce che ra sà e ce che ra se speta suzede a Portorose, in Slovenia, ai 4 de śugno 2011, da meśodì, par el Fis calendar meeting, che i fesc i anes che no n’é el congreso mondiale. Chel di ra Fis ra dijarà a ra zitàs candidates ce che ‘s à da fei, e cemodo, par ruà in Corea, ca de un an. A dià el projeto de Cortina, par ades, ‘l é ra Provinzia de Belun e ra Rejon Veneto. Ignante de ra fin de el mes de maśo, se vó śì adora a parecià el media book, par ra stanpa, e el sito web de ra candidatura, cemodo che el me disc el capocomun Andrea Franceschi, che ‘l é el S’à domandà a ra śente de Anpezo ce presidente de el comitato che ra pensa, ce che ra sà, ce che ra se Cortina 2017. speta, da ra candidatura de el paes par Intanto, i dis pasade, in i Mondiali de schie 2017. Cooperatia, i à scotà ra śente, par sentì ce che se pensa e ce Con lunes 2 de maśo Cortina r’é che se disc, par el paes. “Saeo che una de ra tre candidades par ciapà Cortina r’é candidata? Ce in pensao, i Mondiali de schie de el 2017. Par che see un ben par el paes, e parcé, chel di ‘l ea da mandà duta ra cartes, o sedenò che i Mondiali i pode portà e da pagà i sode, a ra Federazion duto un rejistro?” – ‘l é alcuanta de internazionale de i schie, e ‘l é stà ra domandes che ‘l ea su ‘l sfoi, da fato. Coscita ades se sà che ra responde. I se spetaa che fose candidates ‘s é de tre: Cortina par almanco trezento e zincuanta r’Italia, ra svizera Saint Moritz e parsones, a responde, e inveze i é Are, par ra Svezia. Da ades inaante, ruade a cuatrozento. Ades tocia a chesta tre zitàs es pó scomenzà a doa tośates, doa studenteses de ra lourà, par śì adora a strutà su i vote università Ca’ Foscari de Venezia, che i servirà, ca de un an. El congreso a aé da studià fora duto chel che ‘l mondiale de ra Fis el sarà a é stà strutà su. Alessandra Grego e Kangwonland, in Corea, da i 27 de Anna Marzarotto ‘s à abù alcuante maśo a i 2 de sugno de el 2012. Par tośate de Anpezo a i dià ‘na man, ades, se varda pi pede, a chel che de el grupo ogà da Nicola De Santis,

32

www.lauscdiladins.com

inze ‘l comitato: Michele Di Gallo, Giorgio Gaspari e Giacomo Giorgi. “I digo gramarzé a ra śente de Anpezo, par aé scotà i nostre śoen e chera doa tośates, che i à sporto i cuestionarie – el me disc Nicola De Santis – e ca de nafré podaron saé un grun de robes, su chesta candidatura, par śì inaante ancora meo. Son parsuaśo che Cortina r’ebe biśoin de fei chiste laore, chiste studie, par saé cemodo se moe, da ca inaante”. Vorarà ese supośò tre, fosc cuatro mesc, par fenì el laoro. Dapò i vedarà de ciatà fora cemodo me fei saé, a dute nośoutre, chel che souta fora da chesto studio, e sarà bel ve ‘l contà. Intanto da Roma, dal Goerno talian, rua ra vosc de Franco Frattini, ministro de i Estere, che el se disc parsuaśo de ra bona candidatura par Cortina 2017. “Cortina r’é de seguro una stazion de turismo co ra cartes in regola – el disc el ministro – ma sarà biśoin de parecià polito el dossier de ra candidatura. Beśen el fei con ston, lourà polito co ra Federazion internazionale de i schie e se parecià a aé da fei con chi outre, che i no stajarà a vardà. Penso, ignante de duto, a ra svizera Saint Moritz. Nośoutre ón gran canpioi de i sport d’inverno, che i podarà me dià ‘na man. E ‘pò sarà ra zità medema de Cortina, che r’arà da se tirà su ra magnes. Cortina ra pó śì adora, se ra laora con voia de fei”.

Su ra monte de Lerosa, su ves ra Croda Rosa de Anpezo, da alcuante dis, ‘l é un rodol de stanbeche. I à molade vendres de ra setemana pasada, ai 5 de maśo, par portà danoo chesta bela besties su ra nostra crodes, su ra Dolomites d’Anpezo. Una ota in ea un grun, de stanbeche, pi che see sora Foses, propio ves ra Croda del Beco, che ra sara ra val. Dapò ‘l é ruà ra rogna, a s’i portà via, chera marescia che r’à copà pi che see un grun de ciamorzes. Ades el Parco de ra Dolomites de Anpezo ‘l é drio a lourà, con de outre, par fei tornà chesta bela besties. Ra ciamorzes es se ranja, da so posta, e inveze i stanbeche beśen i menà ca. “Chesto an son drio a prozede, co ‘l projeto scomenzà ‘l an pasà – el me disc el veterinario Luca Rossi – e chel che conta ‘l é che son śude adora a molà sié femenes, sié cioures, intrà chera sete besties, con un becuzo, e almanco zinche es fajarà i chetìs, ca de nafré, i prime dis de el mes de śugno. Par nośoutre ‘l é un gran valor, che i nasce ca, parcé chesto śoa par leà el rodol a chesto posto. Canche aon ciapà i cuatro stanbeche de ‘l an pasà, saon ruade masa tarde, par via de ra cartes, che ‘l ea stà da fei, e no s’aea podù ciapà femenes, parcé che ‘s ea drio par fei. Coscita aon tolesc tre mas-ce, ma chi i viaśa, i scanpa, i se moe. Inveze ‘sto an ‘l é sié femenes, e son segure che, un doman, ruarà outre mas-ce, a vede de eres”. Agnó i aeo ciapade? “I ón toleste inze ra Foresta demaniale de Tarvisio – el me responde – agnó che in é un grun, supośò zinchezento. Pi che see, ón acaro parcé che su chera crodes ra besties es no padisce de rogna. Ca, inveze, su ra Dolomites, r’é ‘na marescia endemica: śì a tuoi besties da indalonśe, sanes, ‘l arae da me dià, par el doman”. Valo ben ciapà femenes, che es speta i chetìs? No polo suzede de i fei mal a ra mare e a ‘l pizo? “No, no suzede nuia – el me responde el dotor de ra besties – parcé che son ancora indalonśe da i dis che i arà da nasce i chetìs; ‘l é stà fato un grun de otes e se sà che es no padisce, che no suzede nuia,

a i sbarà r’indòrmia, a res tramudà, sarades via inze ra casetes de len, e dapò a res molà danoo. Par chesto laoro beśen i dì gramarzé, pede a i ome de el Parco de ra Dolomites de Anpezo, a chi de ra Forestale de Tarvisio e de Auronzo, che i m’à dià, e a i poliziote de ra Provinzia de Belun”. In Anpezo, a spetà chiste selvateghe, ‘l ea Michele Da Pozzo, diretor de el Parco de ra Dolomites; ‘l an pasà i prime cuatro i à molade in Gotres, sote Ra Sciares. Chiste inveze i à molade a Ra Stua, daante el brite, agnó che ‘l ea el vecio porteà de guera, e ra besties ‘s à ciapà alolo ra spona, su ves Lerosa, intrà ra sciubiades de ra marmotes, che es s’à spasemà. “Son drio a śì inaante co ‘l projeto scomenzà i anes pasade – el śonta Da Pozzo – e son drio a deentà pi sciore, propio nośoutre che, par el nosc Parco, ón chera de i tende a ra biodiversità. In Anpezo in é de outre, de stanbeche, su ‘l Sorapis, ruade da ra Marmaroles, da ‘l Cadore: sarae bel che chiste doi ciape, de inze e de fora, i śise adora a se ciatà, par fei nasce chetis, a mescedà el scianèl. Nośoutre speron che d’istade, canche i masce i se moe, par un grun de chilometre, calchedun de chi de el Sorapis el rue fin su ra Croda Rosa. El posto ‘l é chel iusto, par chesta bestia, e nośoutre speron de aé, ca de calche an, un bel rodol”. Parcé tanto laoro, par fei tornà i stanbeche? “Parcé che i ea ignante. No se inventon nuia, cemodo che suzede da outra bandes, agnó che i porta finamai i yak. E ‘pò parcé che el stanbeco ‘l é el sinbol de ra crodes, de ra natura pi outa. Se và adora a i ruà pede, a i vede polito e anche i foreste, canche i vien ca da nośoutre, i à acaro de i vede. Nosoutre i stajaron drio, vardaron ce che i fesc, agnó che i se tramuda. I à un radio, intor el col, che podon vede, par ra carta Sim che ‘l é inze, co ‘l satelite, e par cuatro ane a ra longa, cuatro otes a ‘l di, podon saé agnó che i é ruade. Chesto radio ‘l ón betù a ra femenes, parcé che es se moe de manco, es stà co i pize, ‘s à poche jeste par ra testa”. (mdm)

I stanbeche che i à molà a Ra Stua, daante a ‘l brite, ruade da ‘l Friul.


Sport

nr. 18 / 13 de mei 2011

Pröm podium a Desproch Badiasport à metü man la sajun dl’atletica lisiera cun la partezipaziun al Innsbrucker Stadtlauf, en sabeda dan otedé a Desproch. Garatè él na medaia de brom por Melanie Ploner Saltè - Ala gara à tut pert le grup de alenamënt di mituns de Badiasport, che à insciö podü se

mosoré cun atleć de Südtirol y de Nordtirol. La competiziun é bele rovada ala 27ejima ediziun. Le

N grup de Badiasport ala gara da saltè a Desproch.

grup de 15 mituns é gnü acompagnè da 3 alenadus y da n valgügn geniturs. La miù prestaziun y le pröm podium por Badiasport é gnüs arjunć da Melanie Ploner, che garejâ tla categoria U14. Ëra é rovada al terzo post cun le tëmp de 6:05,7. De püch à Philipp Crepaz (U10) injomé le podium. Cun na bona prestaziun àl arjunt le 4. post cun n tëmp de 6:10,7. I atri resultać: U10: Anna Castlunger 12. post, Hannes Oberbacher 69.; U12: Sofia Mininni 36., Joyce Ploner 55., Alexia Berti 57., Esther Thurner 76., Nicolas Ploner 22., Damiano Crazzolara 43., Alex Mininni 48.; U14: Lisa Tasser 48., Felix Valentini 33.; U16: Justin Irsara 13., Jessica Berti 24. (badiasport)

Premiaziun: al terzo post ciafon Melanie Ploner.

Sajun schialpinistica a piz

Alex Verginer pra i miëures

La Mezzalama tla Val d’Aosta é stada l’ultim apuntamënt de schialpinism por Badiasport

Dan otodì iel stat la garejedes de atletica lesiera cun proes multiples a Modena. Alex dl’Atletica Gherdëina ie stat bon de se tlassifiché danter i miëures

Schialpinism - I atleć de Badiasport à stlüt jö la sajun de schialpinism. L’ultima competiziun é stada a Gressoney tla Val d’Aosta al 1. de mà: le Trofeo Mezzalama. La gara é conesciüda sciöche öna dles competiziuns plü impegnatives de schialpinism y é conscidrada dai atleć suradöt por la lunghëza dl percurs - 45 km - y por le deslivel de 2.862 m. Indöt trëi iadi röia i atleć a plö de 4.000 m sura le livel dl mer. La gara vëgn fata te scuadres de trëi atleć y te plü tòć é i atleć tacà un cun l’ater te na corda. Ince sce al ê n dër frëit y n gran vënt, à la pröma scuadra cun KilianDidier-William ma adorè n tëmp de 4:33.58. Pro les ëres ti é jü le suzes ales favorites Martinelli-

Pedranzini-Pellissier. René Irsara ê le su atlet de Badiasport al start. Cun sü compagns Christoph Hofer

y Alex Capovilla àl arjunt le l 94. post, cun n tëmp de 7:28.42. (badiasport)

Ancuntedes de sauté per mutons

Atletica - Pra i campiunac regiunei a Modena fòvel mpurtant arjonjer n cër resultat metù dant dala Fidal. Pra uni garejeda giàpen ponc aldò de na tabela metuda dant dala Fidal. Vëncer vënc chi che à ala fin dla garejedes arjont plu ponc. Pra la proes multiples dla categuria U-18 di mutons iel udù dant de fé ot garejedes: i 100 metri, i 400 metri, i 110 metri cun rëms, l saut aut, l saut lonch, smaché l pëis de 5 kg y smaché la lanza. Tla categuria U-18 dla mutans iel da fé set garejedes: l saut aut, l saut lonch, i 100 metri cun rëms, i 200 metri, l smaché la lanza, smaché l pëis de 4 kg y sauté i 800 metri. Pra uni garejeda vëniel dat ora ponc che curespuend, aldò de na tabela metuda dant, a na cërta mesura o n cër tëmp (n muessa arjonjer n cër limit per pudëi fè pea pra i campiunac taliani). L ie da dì che chëst ann iel unì auzà i ponc da 3050 a 3.300 per la mutans y da 3600 a 4200 per i mutons. Chisc vën mudei uni ann aldò dla prestazions a livel naziunel. Dut adum à Alex Verginer dl’Atletica Gherdëina arjont l cuinto

I Gherdëina Runners mët a jì na “ancunteda de sauté” per mutons y mutans dla scola elementera dala 1. ala 5. tlas. Chësc dëssa vester n prim var per nvië via i mutons tl sport de sauté tla natura fajan nce juesc. Nvion duc a unì ala ancunteda uni juebia dala 18.00 dan l tunel dla Curta sun l troi da jì a spaz Luis Trenker o troi dla vedla ferata. L respunsabl sarà Frowalt Santifaller cun l sustëni di cumëmbri di Gherdëina Runners. L curs jirà inant nchin ala fin dl ann de scola. Pona fajeràn inò inant d’instà per se anjenië ca a fé pea pra doi garejedes di “VSS Dorfläufe”. Per nfurmazions pudëis cherdé su Manuela, fonin 339 7004045. (mp)

Alex Verginer y Silvia Spisser.

Impresciun dla “Mezzalama” tla Val d’Aosta.

Sauté tres la zità de Dispruch N sada ai 7 de mei iel unì metù a jì a Dispruch per l 27ejim iede l ”Innsbrucker Stadtlauf”. L fova da pudëi sauté 10 km o 5 km o scenó nce a stafeta. Fat pea àl nce mutons, che ie sautei 1,5 km Runners - Fat pea pra chësta garejeda àl bën 2399 atlec y atletes da dlonch caprò. N pudova se crì ora de plu lunghëzes da sauté, per granc y pitli. La garejeda plu mpurtanta fova chëla da 10 km, ulache l fova da fé doi raides laite tla zità de Dispruch cun pië via y travert tla Maria-Theresien-Straße. La segonda puscibltà fova i 5 km, che fova una na raida tl zënter y pona mo la garejeda a stafeta cun cater atlec y na lunghëza de 10 km. Per i plu pitli fòvel da sauté 1,5 km. Pra la garejeda dl’ëiles de 10 km udons al prim post Veronica Cheboi dl Kenia cun n tëmp de 34 menuc y 22 secunc, segonda ie Agnes Tschurtschenthaler dla Forestela cun n tëmp de 34 menuc y 30 secunc y al terzo post udons Salome Biwott, nce ëila dl Kenia, cun 35 menuc y 44 secunc. Nce una na atleta di Gherdëina Runners à fat pea la garejeda longia, arjunjan scialdi n

bon plazamënt: Birgit Klammer à finà si garejeda al 8. post dla tlassifica generela y al 2. dla categuria W-40 cun n tëmp de 40 menuc y 40 secunc. Pona ti cialons mo ala tlassifica di ëi y tlo udons al prim post Benjamin Kemboi dl Kenia, che à abù 30 menuc y 16 secunc, segondo for n kenian Henry Tororei cun 30 menuc y 16 secunc y sun l terzo scialier John Mooney di Paejes Tudësc cun n tëmp de 30 menuc y 27 secunc. Chisc mo i doi resultac di Gherdëina Runners: Georg Demetz se à tlassificà al 32. post dla tlassifica generela y al 7. Dla categuria M-40 cun n tëmp de 35 menuc y 39 secunc. L segondo atlet fova Christian Stuffer, ël se à tlassificà al 46. post y al 11. dla categuria M-40 cun n tëmp de 36 meunc y 28 secunc. Pra i plu pitli àl nce fat pea Samuel Demetz. Ël ie ruvà 37. de duc y 26. dla categuria di nasciui

danter l 2002 y 2003 cun n tëmp de 7 menuc y 21 secunc.

post cun 4.685 ponc y se à nsci cualificà per pudëi fé pea pra la garejedes di campiunac dla Talia. Chisc i resultac plu avisa: per i 100 metri àl abù 11,99 secunc (653 p.), ti 110 metri cun rëms àl fermà l’ëura a 16,01(732), per i 400 metri àl abù 53,51 secunc (660 p.), per i 1000 metri 3.04,47 (621 p.), tl saut lonch iel ruvà a na lunghëza de 5,70 metri (523 p.), tl saut aut iel sautà 1,65 metri sëura la stangia ora (504 p.). La lanza de 700 gr. àl trat 40,21 metri lonc (445 p.) y a smaché l pëis de 5 kg àl arjont la lunghëza de 11,02 metri (547 p). Nce la atleta Silvia Spisser se à batù drët bën arjunjan 3.172 ponc. L limit da arjonjer fova de 3.300 ponc, che per puech ne iela cun gran mueia nia stata bona de arjonjer. Chësta ie stata si prima garejeda de proes multiples, speron che la ti vede fata pra la proscima garejeda. Romy Lambacher ie stata bona de arjonjer l limit per fé pea pra i campiunac talians tl smaché l discus cun 29,24 metri pra la garejeda a Rovereto, ulache la à fat pea cun la reprejentativa dla provinzia. (cs)

www.lauscdiladins.com

33


Sport

nr. 18 / 13 de mei 2011

Mo chisc da Schabs...

Mareo, inant insciö!

Schabs é na biscia rossa por le Rina. La scuadra de “Col dla Vedla” s’à dagnora stentè, inće la domënia passada. I aversars à ala fin albü rajun y à davagné por 2 a 0

Bela partida y devënta dl Mareo cuntra le Mühlwald, sön n ćiamp nia a “regola d’ert” y cun n protagonist particolar

Palê Rina/2.cat. - L’alenadù Wol��� dl Rina à indô messü renunzié a n valgügn titolars, inće al portier Simon. Le jonn Ivan à tut ite so post. Rina mëss defata ti saltè do al resultat. Bele al 3^ menüt de jüch fej Schabs le pröm gol. L’atacant Kevin Holzner ciafa n pass lunch, al ti sciampa a so defensur y röia dassù cuntra le portier Ivan. Sön la trata bassa röia le coran dlungia lëgn de porta ite. I śogadus de Wolfi mët defata man da druchè dassënn, röia inće gonot dan porta dl amich portier Robert Sagmeister, mo n gol n’ôl garatè. I aversars se para bun, sciampa vigni tant en cuntrapè y defënn le resultat ćina ala palsa, inće sce le pêr foss mirité. Tl secundo tëmp el da s’aspetè n Rina agressif, desche te d’atres ocajuns. Ara n’é nia insciö: bele do püć menüć stlinghinëia la rëi de Ivan por le secundo iade. Sön na trata da fora dla gran area dl atacant Michael Ralser, röia le palê sot stangia de porta ite te sach. Al fala ćiamò tröp tëmp, mo le Rina n’é en chësc iade nia plü bun da se refà. A mez le tëmp fora garatassel

Palê Mareo/3.cat. - La domënia passada à le Mareo śoghé fora de ćiasa cuntra l’aversar da Mühlwald. Le ćiamp de jüch scialdi strënt ê inće caraterisé da de pici büsc, coi y iregolaritês che arferâ le bel jüch y se damanâ plü sforz fisich y trates plü lunges co zënza. Les remetüdes cun les mans ê scialdi tan lunges co les trates dal ćiantun y porchël podôn s’aspetè n gröm de palês tles arees dan porta.

feter inće n gol ladin, mo Sagmeister vëgn daidé dal lëgn de porta. Insciö se röia la partida, i aversars da Schabs condüj demez i trëi punć, desche al é bele sozedü da d’altonn te süa ćiasa. (if ) Rina - Schabs: 0 - 2 Formaziun dl Rina: 1. Ivan Craffonara, 2. Ivan Agreiter (dal 52^ Daniel Ferdigg), 3. Michael

Rungger, 4. Thomas Huber, 5. Philipp Winkler, 6. Lorenz Rungger - capitan, 7. Manuel Mellauner (dal 72^ Hanspeter Rungger), 8. Georg Craffonara, 9. David Huber (dal 83^ Thomas Ferdigg), 10. Andreas Ferdigg, 11. Elmar Kosta. Alenadù: Wolfgang Crepaz. Proscima partida: en domënia ai 15 de mà dales 16.00, a Toblach cuntra le Hochpustertal. Tlassifica 2a categoria, grup C 1. Ridnauntal, 19 part., 45 p. 2. Kiens, 19 partides, 43 p. 3. Rina, 19 partides, 38 p. 4. Hochpustert., 19 part., 37 p. 5. Schabs, 19 partides, 31 p. 6. Taisten, 19 partides, 30 p. 7. Falzes, 19 partides, 26 p. 8. Türesc, 19 partides, 25 p. 9. Dietenh. Aufh., 19 part., 17 p. 10. Niederdorf, 19 part., 17 p. 11. Gais, 19 partides, 8 p. 12. Sterzing, 19 partides, 7 p.

Philipp Winkler dl Rina.

N se ëssa merità deplù N dumënia, di dl’oma, cun temperatures da d’instà muev l FC Gherdëina per jì sëura Persenon a Aicha per fé si partida povester de majera mpurtanza de chësc campiunat. Doi scuadres che ie te tlassifica cun l’ega al col per resté te chësta categuria Juech ala codla/ 2. cat. grupa B - L ie la 4.00 domesdì, nosc jugadëures fova bele puech do mesa la trëi te ”spogliatoio” dut chiec y coche l se toca dan partida, uni jugadëur se tulova forza mentela per jì sun l ciamp y dé l miec de sé per la scuadra. La scuadra se tira sëura, se njënia a se sciadé ite, l staff ie nervëus nchin sëura i ciavëi. Tla ciadëina di pecs iel vel’ nuvità cun Raphael Runggaldier pech de man ciancia y Raffael Senoner pech de man drëta. Luis Schenk y Daniel Demetz i pecs zentrei. A mesa l ciamp ie Peter Mittermair, Vanni Valdemarca a man drëta y Marco Senoner a man ciancia, Aron Kostner danter la linies y Stefan Vallazza y Jonas Runggaldier dancà. Te cassa l trainadëur Alessandro Puppin che deriejova mpue duta l’orchestra. L ciamp ie pitl y curt, te chësc mumënt a puntin per nosc juech y furmazion. L Gherdëina metù su bën scumëncia bën, lascian i jugadëures dl Aicha sul post. A mesa l ciamp abina nosc jugadëures belau duta la codles autes de cë y dancà iel Aron Kostner che se fej for inant. Ucajions da gol fova na trata da 25 metri de Peter, che toca l pel y va ora, pona na trata de Vanni pieda dal verdiaporta y nscila inant. L Gherdëina ie per 20 menuc alalongia duminant, ma zënza fé gol. N vëija che l Aicha giapa ënghe mpue de crëta y vën a frida a tré vel’ iede, for da dalonc. Al 37ejim menut iel n jugadëur dl Aicha che tol na codla nia pareda demez da nosc pecs y tira la codla che va bel sot ala traviersa de Puppin ite, 1:0 per l

34

www.lauscdiladins.com

Aicha. Situazion ncompra. Mo piecia vëniela n valgun menuc do: Raphael Runggaldier ie bon de se mëter bën la codla, lascia ju na ”mina” coche n dij, ma l destin uel che nosc capitan Peter urta istintivamënter a jì cun la man. La jënt de Gherdëina svëia gol, ma nscila iel na punizion per i autri y Peter muessa ora per amunizion dopla. Cun chësc spavënt fina via l prim tëmp. Tl segondo tëmp uel y muessa l Gherdëina sauté mo deplù, ajache i ie restei de diesc, ma nce per se judé danter cumpanies de scuadra, nsci che belau deguni ne se ntendova che son mé de diesc. Tl 48ejim menut sons boni de valivé ora: la codla ruva de reviers zentrela al verdiaporta dl Aicha ma curta, nosc “Jones” ruva cun duta la sëur y va sun l verdiaporta che toca Jonas y l vën dat l undescmetri. Aron Kostner che à fat ncuei una de si miëura partides di ultimi mënsc, desplazea defin l verdiaporta y fej l 1:1. L Gherdëina à jugà 45 menuc cun la defendura a trëi y Luis Schenk dancà coche piza. La codles che nosc trainadëur tira ora ruva dan l’area dl Aicha, son periculëusc ma la codla ne uel nia jì ite. “Oppala” ntëur al 20ejim dl segondo tëmp tómel n undescmetri per l Aicha, na dezijion sun chëla che n ëssa pudù strité, ma nosta vedla bolp Puppin pëia. Gran prestazion! La resultat for mo a pèr. Ma l Gherdëina uel vëncer y devënta inò periculëus. Luis Schenk ie te area, tira, ma n pech dl Aicha la toca cun l brac. Nianca no l undescmetri ne va ite y puech vëniel sciblà la fin dla partida. L Gherdëina

ne n’ie nia iust cuntënt cun l resultat, ajache i se ëssa merità deplù. N sada ai 14 de mei dala 3.00 domesdì jugherà l Gherdëina contra l Montan sun l ciamp dala codla Mulin da Coi a S. Cristina. Speron che sibe bel tëmp y truepa jënt a sburdlé la scuadra de nosc jëuni a fé na bela partida y tré ca trëi ponc per la speranza. (gp) Furmazion Aicha: Pedevilla Patrick , Pedevilla Daniel (Unterkircher dal 55’) Loccisano Giuseppe, Loccisano Paolo, Vieider, Senoner, Heidenberger (Frötscher dal 57’), Orru, Greifenberg (Klammer dal 85’), Maryr, Ercolino. Furmazion FC Gherdëina: Puppin, Schenk, Demetz, Senoner Raffael, Runggaldier Raphael (dal 46’ Divisi), Valdemarca (Stenico dal 70’), Senoner Marco, Kostner (Nemce dal 78’) Runggaldier Jonas, Mittermair, Vallazza. Goi: 1-0 Greifenberg (37’), 1-1 Kostner Aron sun undescmetri (49’).

Jonas "Jones" Runggaldier.

Le Mareo mët man bun y röia n valgügn iadi dan la porta aversara. Al 9^ menüt él Daniel che mët n bel palê söle će de Robert, mo chesc n’é nia bun da ti dè la dërta direziun y le palê röia püch sura porta fora. Dui menüć dedô él l’atacant nr. 9 dl Mühlwald che fej na bela trata sön porta. Julian ti dij de no y deviëia le palê dlungia porta ia. Al 16^ menüt röia le capitan dl Mareo dan porta dl Mühlwald, mo la trata é scialdi debla y le portier aversar fej so le palê de jüch. Le Mareo mët man da fà plü druch y röia ćiamò dui iadi dan porta dl Mühlwald cun de bones ocajiuns. Robert fej na bela trata da dalunc che röia püch dlungia pè de porta ia y 10 menüć plü tert él so fre Andrea che vëgn metü te na bela posiziun de trata da Cuba. La trata dl numer 3 dl Mareo n’é nia dles mius y le portier é bun da salvè süa porta. Ala fin dl pröm tëmp fej la scuadra de ćiasa n pêr de aziuns cuntra la porta dl Mareo. Dui iadi mëss Julian se sciurè por apié le palê, intrami i iadi sön na puniziun por le Mühlwald. Cun döes puniziuns por le Mühlwald mët inće man le secundo tëmp. La pröma trata bindebò sterscia da chît röia te bariera dl Mareo y la secunda trata va püch sura porta dl Mareo fora. Le Mareo prô inant da fà druch por jì en vantaje, mo le gol n’ô nia garatè. Al chert d’ora él indô le capitan dla scuadra marora che é bun da se destachè dal aversar y trà te porta. Le palê röia püch sura porta fora. Ala mes’ora dl secundo tëmp garetel n bel cuntrapè dl Mareo: Marco é plü asvelt co so aversar, che ne sciafia da fà nia d’ater co le mëte jö. Da trà la puniziun vëgnel inćiarié “Burbi”. Süa trata sön porta vëgn deviada cun le spiné da n aversar y le portier (che s’â tratan spostè sön süa pert dërta) ne po plü fà ater co ti ćiarè do al palê che fej scassè la rëi dl Mühlwald por le vantaje dl Mareo. Le Mareo śoga inant süa partida y prô da fà le secundo gol y stlü insciö le sach. Na trata te ćiamp de Julian ciafa Cuba arjigné. Süa trata é baldi fiaca y le portier po cöie sö le palê zënza problems. I ultims 15 menüć de jüch vëiga spo danter l’ater un n gran protagonist: l’arbiter! Do avëi sciurè n forajüch al capitan dl Mareo che n’ê nia de almanco 5 metri, sciürel remetüdes cun les mans por le Mühlwald, canche ares é por le Mareo y al contrar. Intrames les scuadres y i sostegnidus se lasciâ aldì y plü che düć scraia y maius che i fai dl mandl fosch vëgn. Al

Tla partida cuntra le Mühlwald à le portier dl Mareo Julian Moling lascè süa porta nëta.

mët man da partì fora zetoles gheles a śogadus sides dl Mareo co inće dl Mühlwald, por cosses che ma ël à odü y aldì. A püć menüć dala fin röia spo Marco sön la pert dërta cuntra porta dl Mühlwald, olache al vëgn lobrì sotissura desche al alda te area aversara. L’arbiter savaia da n’odëi nia y lascia śoghé inant. A chësc punt y do avëi odü les dezijiuns dl mandl fosch, tutes tl ultim chert d’ora, mëss le capitan dl Mareo s’aratè fortunè che al n’é nia gnü amonì por avëi fat na “vidundera”. La partida se röia cun bun 7 menüć de tëmp suplementar. Canche al vëgn sciurè la fin dla partida, à la scuadra dl Mareo rengrazié so publich fedel cun n bel gest. Döt adöm pòn dì che le Mareo é sön le dër tru y à indô n iade desmostré da avëi vëia da śoghé y da davagné. Inant insciö! (ddc) Mühlwald - Mareo: 0 - 1 Formaziun dl Mareo: 1. Julian Moling, 2. Walter Pisching, 3. Andrea Mutschlechner, 4. Patrick Complojer (dal 46^ Thomas Ploner), 5. David Mutschlechner (dal 75^ Filip Ploner), 6. Alfons Facchini, 7. Paul Pisching (dal 65^ Samuel Winkler), 8. Daniel Tamers (dal 85^ Roman Agreiter), 9. Marco Mutschlechner - capitan, 10. Robert Mutschlechner, 11. Jakub Rajca, Alenadù: Markus Winkler. Gol por le Mareo: Daniel Tamers (al 75^) Proscima partida: en domënia ai 15 de mà dales 16.00, te ćiasa cuntra Franzensfest. Tlassifica 3a categoria, grup C 1. Val Badia, 19 part., 46 p. 2. San Laurënz, 19 parti., 39 p. 3. Wiesen, 19 partides, 37 p. 4. La Val, 19 partides, 32 p. 5. Lijun, 19 partides, 31 p. 6. Raas, 19 partides, 26 p. 7. Mareo, 19 partides, 26 p. 8. Gsiesertal, 19 partides, 22 p. 9. Mühlwald, 19 partides, 19 p. 10. Percha, 19 partides, 19 p. 11. Franzensfest, 19 part., 16 p. 12. Gossensass, 19 part., 5 p.


Sport

nr. 18 / 13 de mei 2011

Cun n pè te 2a categoria

Per fortuna che l’é la eles

La Val Badia a plü set punć dai secundi. Davagné le derby da püćes ocajiuns y emoziuns cuntra La Val, cun n gol de Manuel Clara

Na burta domenia per l Fascia balon de ic, comedà ite dai bogn resultac de eles sul ciamp de cèsa

Döes de beles aziuns tratan le derby danter Val Badia y La Val.

Palê Val Badia-La Val/3a cat. - Na bela gran cornisc de publich te n domisdé bel ćialdin ti à fat da cornisc al derby sön le ćiamp da La Ila, danter la Val Badia y La Val. N derby che à pité püćes ocajiuns da gol y nia de gran emoziuns tl jüch. La Val Badia gnô dala devënta importanta cuntra le San Laurënza, cun bel jüch y tröpes ocajiuns da gol. Mo ti “derby” śoga para inće cotan la nervosité y le sintì la partida. Chësc porta spo a condizionè le bel jüch. La partida é gnüda arbitrada bun, cun dui amonis por pert. Chësta devënta porta adöm cun la pordüda dl San Laurënz la scuadra dla Val Badia n bel vare cuntra la 2a. categoria. La Val à ćiamò la gran ocajiun dla “Copa Provinzia”, che po la portè te finala: döt le bun. Al 7^ menüt se delibrëia Florian Rubatscher de so marcadù y tira te porta da plü de vint metri, le nr. 1 dla Val Badia rebat cun i pügns. Al 17^ de jüch él na bela aziun dla formaziun de Massa: Clara passa te area al compagn d’atach Pescollderung; al é bel su y podess trà te porta. Cun n gran recuper antizipëia Ploner l’atacant tiran sura süa porta fora. Dal 21^ menüt inant śoga la Val Badia por feter diesc menüć cun n śogadù demanco.

L’arbiter Ricci n’é nia a öna sciöche “Diui” Moling s’à curì le piercing y ti al fej tó demez. Döta chësta aziun n’é nia saurida y le defensur sterch resta a ćiarè pro. Do da 30 menüć de jüch, él n ćiantun trat bel da Stampfer tl zënter dl’area da La Val; Pescollderung deviëia dër bel de će, ma n pü’ massa alt sura porta fora. Al 39^ tira Michi Frenes na puniziun dan le limit dl’area, do le pice mür defensif ite te porta. Massa deviëia fora de porta cun les mans, le palê ti röia al diesc da La Val, che tira te porta. “Luca” blochëia ia por tera dan porta. Al 45^ de jüch garêtel le gol por la Val Badia. Do na bela aziun, röia Stampfer cuntra area; al passa t’amez a Manuel Clara, che fej na bela finta sön Ploner y cun na rodada tìrel te porta. Le coran röia dlungia pè de porta ite, sön la man dërta de Vallazza. Al 57^ menüt röia le 15 Elzenbaumer su t’area, mo al s’arlungia n pü’ demassa le coran y la deviaziun cuntra porta é debla y saurida da abiné por l’espert Massa. Al 69^, do n contrast davagné, tira Pescollderung te porta, mo le portier Vallazza blochëia alt la trata. Do da 84 menüć de jüch röia n palê a Trebo da na pert t’area; le śogadù

atoca ma la pert defora dla rëi de porta. (rp) Val Badia - La Val   1 - 0 Formaziun da La Val:  1. Merch Vallazza, 2. Werner Sottara (dal 73^ Thomas Tavella), 3. Alex Alton capitan, 4. Werner Ploner, 5. Marco Castlunger, 6. Michi Frenes, 7. Freddy Sottara (dal 81^ Romeo Rubatscher), 8. Stefan Sottara, 9. Daniel Frenes, 10. Florian Rubatscher, 11. Franzi Verginer (dal 46^ Alex Elzenbaumer). Alenadù: Marco Scalzini. Formaziun dla Val Badia: 1. Luca Massa, 2. Davide Moling, 3. Julian Bernardi, 4. Simon Dapoz capitan, 5. Samuel Vittur, 6. Paolo Adami, 7. Elmar Erlacher, 8. Matthias Stampfer (dal 62^ Matthias Thaler), 9. Manuel Clara (dal 65^ Giuvani Trebo), 10. Armin Erlacher (dal 75^ Roland Alfreider), 11. Manuel Pescollderung. Alenadù:  Luca Massa.

De bunes noeles dal campionat provinzial de saltè sö por munt. Flurina Comploi davagna la medaia d’arjënt Le mëns de mà sarà śëgn dër intensif por i “ciamurć”, cun trëi gares indôlater. En chësta domënia saràl la Terlan-Mölten de 9,2 km y

Balon 1^ categorìa - L’era de besegn del mior Fascia e se à vedù chel pior. L’era da venjer per passèr via la pruma en classifica e se à perdù. Dassen na burta domenia per Debertol e compagnes che i à ciapà l gol dò cinch menuc dal scomenz e per duta la partida no i é stac bogn de fèr n jech mìngol da tant. Se se troa donca a rejonèr endodanef de na ocajion petèda demez. Ma chesta no l’era na ocajion desche tanta autres, chesta fàzile l’era “la Ocajion”, chela che per n muie de jiadores rua n’outa o doi demò te la cariera. Aboncont i numeres disc amò che no la é fenida. Vedaron. Cristoforo Debertol Fascia Cauriol 0-1

Gol por la Val Badia: Manuel Clara (al 45^) Proscimes partides:  en domënia ai 15 de mà dales 16.00 śoga La Val te ćiasa cuntra le San Laurënz, y la Val Badia fora de ćiasa, sön la plaza da Lijun, cuntra le Lijun.

Na medaia d’arjënt da mëte man Saltè sö por munt - Pla pröma gara dla sajun nöia de saltè sö por munt, à l’atleta d’Al Plan de Mareo, Flurina Comploi, che salta por le Südtiroler Laufverein, arjunt n secundo post tla categoria Ëres senior, meton a saul 49 punć de gran valüta por le tlassamënt final. Da Kaltern ćina sön le Ju dla Mendola él 840 metri de deslivel y le tru é 5,3 km lunch. En la festa dla uma à le campionat provinzial 2011 metü man cun chësta gara tlassica, pa chëra che la uma jona marora à inće indô tut pert. La sëmena ërta tol bëgn dassënn ca, dantadöt pla pröma gara dla sajun, olache an mëss suradöt ćiarè y valutè a ći livel che an é. Do 47’03’’ é Flurina Comploi rovada al travert sön le Ju dla Mendola a 1.363 m, rovan 7a dl tlassamont general dles ëres y 2a dla categoria Ëres senior. Davagné à Edeltraud Thaler, plü iadi campionëssa provinziala, che é da agn incà la miù saltadëssa dla regiun.

Da man cencia, en aut: Carlo Camerano, Rossella Monsorno, Angelica Mazzel, Monica Desilvestro, Nadia Rizzi, Debora Spinel, Valentina Zulian (capitano), Martina Volcan, Margherita Giacomuzzi; en bas: Melissa Locatin, Gabriella Dall’Aglio, Alessia Camerano, Ilaria Barcatta, Romina Brunel, Ingrid Volcan.

1.050m de deslivel, che vel inće desco campionat regional assolut 2011. Ai 22 de mà spo la gara Branzoll-Aldein. (dc)

Gara en festa dla uma: Flurina, süa möta Moltina y la medaia d’arjënt.

Na bela sajon per la eles Dassen bela la partida che à jià fora la eles del Fascia Balon a Vich enstadì contra l Calceranica, venjan 3 a 0. Per l’alenador Carlo Camerano, Classifica 1. categorìa jiron C: Ravinense 24 partides 51 ponts Fascia 24 partides 49 ponts Aquila Trento 24 part. 42 p. Dolomitica 24 partides 36 ponts Alta Anaunia 23 partides 36 p. Paganella 24 partides 35 ponts Verla 24 partides 28 ponts Solandra 24 partides 28 ponts Valpejo 24 partides 27 ponts Caurio 24 partides 27 ponts Gardolo 24 partides 26 ponts Monte Ozolo 24 partides 26 p. Mattarello 24 partides 24 ponts Cembra 82 23 partides 18 ponts

i aiutanc Samuel Dereani e Cristian Detomas e duta la bezes chest resultat l’é segur na bela sodesfazion che premia l gran empegn de na sajon che é peèda via de setember e se serarà sù ai 15 de mé. La sodesfazion no la vegn demò per i resultac sul ciamp ma la é ence personèla per la jiadores del Fascia balon che chest an festejea 5 egn de jech ensema. Chest grop de bezes, defat, l’é nasciù acà 5 egn canche la direzion del Fascia balon se aea tout sù con mìngol de tema l’empegn de portèr dant e tegnir ite tel campionat ence chesta squadra de eles. I resultac no é rué sobito, ma la eles con gran gaissa no se à petà jù de corda e les à seghità a scombater. Pian pian la é jita semper miec, e te la sajon 2008/2009 les à scinamai vent l campionat provinzièl serie D, passan coscita a la serie C. L grop tol ite 18 bezes duta fascènes anter i 14 e i 25 egn, che per l’an che vegn les se tolarà sù l’empegn, ensema a so alenador, de jièr l campionat serie D col Sudtirol, mìngol più empegnatif respet a chel de chest an, e con n maor numer de squadres. Recordon che chesta sajon l Fascia de la eles à cognù fèr condemanco de 3 touses: Jessica Ninz, Elisa Depaul e Vanessa Petrova jites a d’imprest al Sudtirol ma che l’an che vegn les vegnarà endò a jièr te cèsa. Da arjonjer ence la partezipazion de 4 jiadores al Campionat nazionèl d’aisciuda che ge fèsc gran onor soraldut se se peissa a la gran selezion che vegn fata per duta la Tèlia. Costanza e resultac donca l’é segur l mior rengraziament per chest bel grop engaissà de chest sport che domana empegn ma che dèsc de gran sodesfazions. (Nadia Rizzi)

Cincelli N.

z.v.

Na domenia da spetator; su la trata da cet del gol no l pel fèr nia

Rizzato N.

4.5

No l’é mai de la partida

Bernard M. Jef

6

Partida con n rendiment aut e bas. Vèlch bona jièda ma ence vèlch eror

Porcu D.

6

Un di pec che se sèlva

Bonani M.

5

No l’é bon de vidèr la difesa descheche l cognessa. N domesdì de fadìa

Bosin D.

6

L no lumenea aboncont volontà a sacrifizie no mencia

Debertol C.

6

Chest’outa la regìa no la é bona. Più balons recuperé che bona idees

Deluca D.

5.5

Scinternà per beleche duta la partida, l moscia demò pecia de sia jièdes

Crepaz N.

5.5

L ciapa pec balons bogn, ma l’aessa la calità per se pissèr fora zeche

Bolgiani S.

5.5

Fosc no l’era vertech per na partida scì fisica

Drjlie D.

5.5

Te mez l fèsc l sie, su la man cencia l fèsc fadìa a fèr pontèr via l jech

www.lauscdiladins.com

35


Sport

nr. 18 / 13 de mei 2011

3 Bogn da Nia a la Mezzalama Enrico, Colombo e Francesco al 1° de mé i é stac anter i protagonisć de 45 km de garejèda su per i monc più auc de la Tèlia

Francesco Valentini, Colombo Pollam e Enrico Degiampietro sul travert de la Mezzaluna a Grassoney – La – Trinité.

Schi alpinism - L’idea era nasciuda amò acà dotrei egn e da chel moment i trei amisc fascegn à tacà a se alenèr delvers. Enrico Degiampietro, Colombo Pollam e Francesco Valentini chest an i se à enscinuà a la Mezzalama, la garejèda talièna più de nonzech tel mond del schi alpinism che porta su per i confins ozidentèi de la Tèlia atlec da duta Europa. L’é la più sfadiousa ma ence la più spetacolèra. Chisc trei amisc, che fèsc pèrt de la sociazion Bogn da Nia, dò dut n invern de alenamenc e de raides su per i monc de Fascia, i é ponté

demez da cèsa ensema ence al “team manager” Diego Salvador e dò 500 chilometres de strèda e presciapech 4 ores de viac i é rué duc cater a Cervinia. Per doi dis i à abù l met de se fèr ite e se alenèr amò mìngol dant de la garejèda che per colpa del catif temp la era stata sburlèda da la sabeda a la domenia. Coscita l’é ruà ence l dadoman bonora de la dì tant spetèda. Canche l beicher à sonà l’era les 3 da doman, n’outa vertesc, duc te auto e... via, envers l start de la garejèda. Mìngol a l’outa se à binà semper più concorenc e te pech temp i era duc

coi schi taché, un vejin a l’auter, a spetèr les 5.30 per pontèr demez. Enrico Degiampietro ne à contà che la pruma emozion l’é stat proprio esser te anter duc chi omegn e duta chela femenes che tolea pèrt a na garejèda tant emportanta. La Mezzalama la vegn chiamèda ence “maratona di giacees” e dal 1933 l’é la garejèda de schi alpinism più auta de la Èlpes. Con si 45 chilometres da Cervinia e Grassoney, l percors de la gara l passa fora i crepes e i giacees più auc de la Tèlia. La squadres les cogn esser fates da trei coridores e anter de ic i cogn esser leé te na corda. N’outa partida, la couda de atlec se à tirà su e su per la erta enscin a Colle del Breithon a 3.826 metres de auteza e dapò inant via chesta gran crestes de neif enscin a Ponta Castore a 4.226 metres, l pont più aut de la garejèda. Ruèr sunsom con schi e rampons no l’é stat segur sorì, ajache da tanta de jent che l’era se aea formà adertura la couda a ruèr sunsom l spiz e dut tel freit che giacèa l vis e la mans. Proprio per l freit vèlch coridor à cognù se trèr fora e chiamèr l jolier che l vegne a l tor. La marevea de ruèr sun chest spiz la é stata dassen grana: “Nos sion usé con la Marmolèda che ence la é auta, ma ruèr su na mont de passa 4 mile metres l’é proprio na gran sodesfazion”, à dit Enrico. La garejèda la era amò longia e coscita se é jic inant, passan fora costons e straverc fin a ruèr al “Passo del

Naso” aló dai monc Lyskamm olache l’era l quarto control. Defat la garejèda perveit che se rue a la fin te n temp limit, donca te dut l percors l’era 5 controi da passèr via. N’outa passà fora chest control i trei fascegn é jic inant passan anter i Refuges Mantova e Gnifetti enscin a l’ùltim control olache dapò i à scomenzà a jir en ju enscin a cinch menuc da Gressoney – La – Trinité (1637 metres) olache i à cognù se trèr fora i schi e passèr via l travert con i schi te man. “La é stata dura, percheche aon padì l freit e l’auteza, ma aer abù l met de ruèr coscita en aut e ruèr a la fin de na garejèda tant grana l’é stat na esperienza proprio da proèr, che te dèsc dassen na gran sodesfazion. L’é stat proprio bel”, à dit Enrico che ne à contà ence che per ic l’é stat, ben segur, na vera

gara percheche i se à sproà dut invern, ma l’é stat ence na bela esperienza dal pont de veduda uman. Amò apede i à vedù posć dassen bie che i à tout jù te n muie de bie retrac olache dalbon se pel veder chesta fila de “formìes” jir su te mez a chesta gran piana de neif. Enceben che publich no n sie stat n muie, fora che al scomenz e a la fin, la gaissa a chisc trei amisc la ge é ruèda ence dai amisc resté te Fascia, che via per l dì i à domanà dò e dò coche la jìa. De bie complimenc a duc trei i atlec di Bogn da Nia: Francesco, Colombo e Enrico che i é rué a portèr a compiment n pìcol ensomech e che ge à fat onor a la sozietà ma ence a duta noscia Val ajache i à portà en aut l’inom de Fascia ence via per l Monte Rosa. (vr)

I trei amisc di Bogn da Nia su per la crestes de neif di giacees de la Val d’Aosta.

Bela Ladinia sul Monte Rosa N grop de amisc ence chest an se à troà per na raida de fin de sajon olà stèr ensema a strent contat con i più bie monc de la Val d’Aosta Schi alpinism - L’idea del Monte Rosa la era jà vegnuda fora l’an passà dò la raida su l’Ortles; dò aer fat cater ciacole con Oswald Santin (noscia vida da mont) l’é stat dezidù i dis e ajache le previjion dal temp le era bone, en jebia ai 7 de oril da le 4 da doman sion ponté demez da Fascia envers la Val d’Aosta. Rué che sion stac a Gressoney, aon ciapà i impianc portamont fin a l’Indren e sion partii co le pel per Punta Giordani (4.046 m). L’era n gran ciaut ma n spetacol da marevea a se vardar dintorn, demò monc e l

bianch da la neif. Se aon godù la ponta e se aon ence godù a vegnir en ju, aon arjont l Refuge Mantova olache sun barcon pien de soreie ge aon abù la soramessa a na bira tant par “reintegrar i liquidi” e te chest refuge aon dormì duc 8 ensema te na cambra, chi più chi manco. L’indoman da mesa le 6 sion levé, aon disnà, e te n gran vent, par fortuna no freit, sion ponté demez envers la Punta Gnifetti con so Refuge Capanna Margherita che l’é l refuge più en aut d’Europa a ben a 4.559 metres! Un dò l’auter e pian,

L grop de Bela Ladinia, vidà da Osvald Santin, l’é stat per valch dì su per i più bie spic de la Tèlia.

36

www.lauscdiladins.com

pian sion rué sù duc ensema straches ma contenc, l’emozion la é stata grana e a zachei ge é sciampà jù na pita, par zachei l’era la pruma uta sora i 4500 metres!! Piramide Vincent, Lyskamm, Punta Dufour, Castore, chisc l’é demò valgugn di monc più auc che aane dintorn e i ne à lascià a bocia averta par n bel trat. Dò n Bergheil, le foto e mìngol de speck duc adum, aon podù se far na schiada super de n gran toch e bela longia de 3.000 metres de dislivel ju fin a Gressoney. Sion monté te furgon e partii par Cervinia, olache aon dormì e se aon slavatà ju te na pìcola penscion, l dì dò ne spetaa la più senestra, cognosciuda e sfadiousa Cima Castore (4.226 m) che l’é stat na gran sorpresa par duc!! A la contar ades no l’é nia, ma l’ùltim toch de cresta co le carpele e la pica te n troi strent strent l’é stat l’impresa più grana de duta la raida. L’esperienza e la gran segureza che ne à dat Oswald l’à fat de segur so part e dò che sion stac ju da la ponta no ge cardaane nience a ge vardar sù. Par grazia aon tante bele foto su n CD da ge vardar endò!!! L Castore l’é n travert rinomà e cognosciù da duc i alpinisć e donca na gran sodesfazion par noi soraldut percheche no aon ponte scì aute e

“...a se vardar dintorn, demò monc e l bianch da la neif”.

spize. Chi che aea amò estro e forza, tal vegnir de outa dal Castore, l’à abù l met de jir sul Breithorn (4.126 m) e veder l Cervino amò più da vejin, olache tu te utae l’era demò monc e neif, n spetacol da la natura che a oute se desmention de aer. Dò dute ste fadìe no podaane no se fermar al Refuge da le Guide a se beiver ite valch bira... e dò endò ju de bala... fin a Cervinia, cena e da le 4 da doman de la domenia eraane da nef te noscia semper bela Val de Fascia!!! Spartir ensema e poder viver cheste esperienze de vita l’é na

fortuna, soraldut par noi che vivon jà te na val coscita bela. E poder jir fora de cà e aprijiar chel che ne dasc la natura ne empienesc l cher. Chest l’é l spirit de nosc grop de la Bela Ladinia e se ence chest an sion jic de pec, par via che no l’era na raida sorida par duc, aon jà pissà che par l’an che vegn endrezaron via zeche da poder spartir “l viver la mont coi schi” ence con jent che zaca mìngol de manco la neif ma che vel se goder i monc e soraldut che vel se goder de bie momenc en compagnìa. Michela e Bicio


Sport

nr. 18 / 13 de mei 2011

13.000 “pìcoi” schiadores ge fèsc omaje a Rolly Marchi Te la scoles de Moena l’é stat endrezà na festa per l giornalist sportif trentin che à scrit n tòch de storia del schi endrezan competizions per joegn

Rolly Marchi con Gustav Thoeni e n grop de atlec che aea tout pèrt a la competizions endrezèdes dal giornalist.

I bec de la Monti Pallidi e del Ski Team Fascia à volù ge fèr omaje a chest personaje cognosciù.

Sport e sozietà - Del 1974 sul Tonale vegnìa metù a jir per la pruma outa na garejèda nazionèla con l’inom de Ausonia Sprint. An dò an, aldò di sponsor, la competizion à tout sù inomes desvalives , Gran Premio Mediolanum, Trofeo Snoopy Sport, Trofeo Fila Sprint, ma l’é restà semper la medema gran festa del schi. Dal 1974 al 1989 l’é doventà “la garejèda de Rolly” e te chest trat de temp presciapech 13.000 pìcoi schiadores, nasciui anter l 1964 e l 1981, i é stac i protagonisć engaissé e piens de grinta de chesta competizion. Rolly Marchi, clas 1920, giornalist sportif, scritor, fotograf ma ence gran pascionà de sport en pruma persona, l’à fat dassen n muie per l schi trentin portan

a jir con la colaborazion de l’Union Sportiva Monti Pallidi e l Ski Team Fascia ensema con l Comun de Moena e la Lujia. Angelo Weiss, Cesare Pastore, Chiara Avico, Stefano Costazza, Sonja Venturi, Livio Deville, l’é vèlch un di 13.000 “pìcoi” atlec fascegn passé anter la mans de Rolly ma ence Gustav Thoeni, Morena Gallizio, Oreste Peccedi, Matteo Guadagnini e amò n muie de etres à tacà via sia cariera de sport con la garejèdes de Rolly e enstadì chi che à podù é rué a Moena per l festejèr. Dejines de istrutores empegné te corsc de formazion i à manà na letra a firma de duc e l’é ruà ence desvalives messajes de vejinanza da etres ex atlec che no à podù vegnir, anter chisc ence Alberto Tomba. Te sala

inant e sostegnan con gaissa desvalives evenc de sport per i joegn, ge dajan l met de fèr sport se endeletan, na oportunità fondamentèla percheche l’amor per l sport posse durèr duta la vita. Rolly à n fon leam con Moena per via de la Mediolanum Boys, la manifestazion che dal 1978 al 1982 é stata metuda a jir sun Lujia e che é ruèda con forza te la storia del schi alpin di joegn. Ai 31 de mé l compirà la bela età de 91 egn: per chesta ocajion n muie de ex atlec, dirigenc, tecnics e protagonisć del mond del schi trentin à tout sù l’envit de Elke Pastore, che ensema con so om Alceo, per egn president del Ski Team Fascia, se à semper dat jù te l’endrez de trofei de schi per bec e joegn. L’event l’é stat metù

de bec de la Monti e del Ski Team ge à donà n dessegn con le Formìe de Fabio Vettori lurà fora per l’ocajion e i ge à ciantà i augures. Rolly Marchi l’é dassen n personaje fora de anter, desche giornalist l’à tout pèrt a ben 26 Olimpiades dal 1984 al 2005, l’à scrit 10 libres, anter chisc “Le mani dure”, conscidrà anter i più bie libres da mont, e l’é stat ence fotograf de nonzech internazionèl, ma l’é restà n om scempie, ence se coscient de chel che l’à abù: “É vivù mia vita al 100% - l’à dit – dò aer fat n muie de esperienzes, da la vera a la rampinèdes sui crepes e no é recor de nia. No é mai pissà a la mort fin ai 89 egn, demò canche son ruà sun sèva di 90 é capì de esser doventà veie. Mie gran amor l’é stat mia mère, no me tegne de mèl a l dir. Se podesse jir de retorn - l’à fenì fora - volesse proèr a fèr l’ombolt de n pìcol paìsc e l maester de scola populèra, te duc doi i caji se pel dèr n contribut emportant a la crescimonia de na comunanza.” (cri.m)

grana de la scola de Moena se à strent dintornvìa Rolly ence autoritèdes ziviles, sportives e turistiches, l president e l diretor de l’Apt de Fascia Enzo Iori e Andrea Weiss, l president de la Sif Lujia Umberto Anzelini, l diretor de la Scola de chi de Moena Alberto Kostner, i presidenc de la U.S. Monti Pallidi e del Ski Te a m Fascia Gianluigi Donei e Giorgio Deluca. N salut l’é ruà ence dal president de la Fisi Giovanni Morzenti portà dal conseier Rolly Marchi con Gustav Thoeni, l’ombolt de Elio Grigoletto. Moena Riccardo Franceschetti, Elke Pastore e la Na raprejentanza prejentadora Claudia Morandini.

Fascia che cor, soreie e n muie de color Te la scola mesènes de Fascia l’é stat endrezà na bela manifestazion de sport che à dassen garatà e che se peissa jà de endrezèr i egn che vegn

I bec de la mesènes de la Scola de Fascia se à desveneà coran sul percors endrezà sul tegnir de Poza.

Poza - En sabeda ai 7 de mé, apede l tendon del comun de Poza l’é stat endrezà via la pruma edizion de la garejèda de corsa dal tìtol “Fascia che cor” che à tirà ite duc i scolees de la mesènes de Fascia, ensema a genitores, ensegnanc e personal A.T.A. Chesta scomenzadiva é stata proponeta da na dozenta de talian,

la prof.ra Elisa Marchioro, con l’idea che la posse vegnir organisèda duc i egn col didament a roda di comuns de Moena, Poza e Ciampedel e la é stata portèda inant da la prof.ra de educazion al moviment Cristina Barsanti, che les à a cher l sport per i bec. Per chesta bela manifestazion cognon ge dir n gran detelpai a la

Sorastanta de la Scola Ladina de Fascia, prof.ra Mirella Florian, che la ne à dat duta sia desponibilità per la realisazion de chest projet. La sozietà sportiva Atletica Fassa 08 à enjignà n bel percors lonch doi chilometres e l’à metù a la leta i cronometrisć, l starter, duta l’assistenza e ence trei bela copes desche pest per i scolees, che les ge é states consegnèdes dai referenc de la sozietà sportiva Luciano Dalle Mulle, Diego Deflorian, Roberto Lorenz e Mirko Ghetta. La firma “La Sportiva” de Fiem à realisà presciapech 350 maietes dassen belotes, con n color desvalif per vigni clas e con stampà l logo de la manifestazion, dessegnà da na scolea de la mesèna de Ciampedel, Serena Bevilacqua. L’era n muie de color, aló apede l tendon de Poza! I scolees de vigni clas i à cognù corer duc ensema, belapontin percheche l temp de la garejèda se l tolea jù al chindejeisem bez che ruèa: la solidarietà e l devertiment i é stac più forc che la fadìa. N gran detelpai ence a l’ombolt de Poza, Tullio Dellagiacoma, che ne à lascià durèr l tendon e l teritorie del comun per la

I organisadores de la scomenzadiva.

promozion de chesta manifestazion de sport, a la Crousc Chécena, ai studafech da Poza, a la copratives de Moena e de Ciampedel, al Fassa Coop, al raprejentant del Comun General Franco Lorenz Meca, ombolt da Vich, ai ensegnanc, ai scolees e ai genitores che à coret ensema, e a duc chi che se à dat jù per chesta bela manifestazion, “Fascia che cor.” Cristina Barsanti

Classifica: 1. 1E Ciampedel 13.06; 2. 1A

Moena 15.03; 3. 1C Poza 15.13; 4. 1B Moena 15.28; 5. 1D Poza 16.00; 6. 1F Ciampedel 16.28. 1. 2F Ciampedel 12.37; 2. 2C Poza 12.52; 3. 2D Poza 13.32; 4. 2E Ciampedel 13.52; 5. 2A Moena 16.50; 6. 2B Moena 19.10. 1. 3E Ciampedel 13.38; 2. 3C Poza 13.40; 3. 3F Ciampedel 16.25; 4. 3D Poza 17.20; 5. 3G Poza 18.55; 6. 3A Moena 19.37; 7. 3B Moena 35.40. Genitores 13.27; Professores 14.15. www.lauscdiladins.com

37


Sport

nr. 18 / 13 de mei 2011

I atlec dla scuadres naziuneles de schi alpin y pudejé La Federazion Taliana dl Sport da d’Inviern à fat a l savëi i inuemes ti atlec che fajerà pert tla sajon che vën 2011/12 dla scuadres defrëntes

Cristian Deville.

Schi alpin/Pudejé - L cunsëi federel, che se à abinà a S. Stefano Belbo tla provinzia de Cuneo, à fat ora coche la scuadres defrëntes sarà metudes adum per la sajon che vën. Publicon tlo i inuemes de duc i atlec y dla atletes partii su aldò dla grupa de chëla che i fajerà pert, sibe de schi alpin che de pudejé. Schi alpin ëi: Grupa Copa dl Mond garejedes da jì debota: Peter Fill 1982 CS Carabinieri, Werner Heel 1982 GS Fiamme Gialle, Christof Innerhofer 1984 GS Fiamme Gialle, Matteo Marsaglia 1985 CS Esercito, Dominik Paris 1989 CS Forestale Grupa Copa dl Mond garejedes tecniches: Giovanni Borsotti 1990 CS Carabinieri, Massimiliano Blardone 1979 GS Fiamme Gialle, Cristian Deville 1981 GS Fiamme Gialle, Stefano Gross 1986 GS Fiamme Gialle, Manfred Mölgg 1982 GS Fiamme Gialle, Alexander Ploner 1978 CS Carabinieri, Davide Simoncelli 1979 GS Fiamme Oro, Giuliano Razzoli 1984 CS Esercito Grupa de Copa Europa: Mattia

Verena Stuffer.

Casse 1990 GS Fiamme Oro, Luca De Aliprandini 1990 GS Fiamme Gialle, Antonio Fantino 1991 CS Carabinieri, Siegmar Klotz 1987 CS Esercito, Roberto Nani 1988 CS Esercito, Paolo Pangrazzi 1988 GS Fiamme Oro, Hagen Patscheider 1988 CS Carabinieri, Andy Plank 1989 GS Fiamme Oro, Andrea Ravelli 1992 GS Fiamme Gialle, Riccardo Tonetti 1989 GS Fiamme Gialle Atlec de nteres per la naziunela: Florian Eisath 1984 GS Fiamme Gialle, Michael Eisath 1990 GS Fiamme Oro, Alberto Schieppati 1981 CS Carabinieri, Patrick Staudacher 1980 CS Carabinieri Grupa di jëuni: Fabian Bacher 1993 CS Forestale, Stefano Baruffaldi 1992 SC Orezzo Valseriana, Carlo Beretta 1992 CS Esercito, Alessandro Brean 1991 CS Esercito, Ivan Codega 1992 SC Lecco, Matteo De Vettori 1993 Brentonico SkiTeam, Hubert Franzelin 1993 CS Forestale, Aaron Hofer 1992 Renngemeinschaft Wipptal, Francesco Romano 1991 GS Fiamme Gialle, Alex Zingerle 1992 GS Fiamme Gialle Grupa di jëuni che vën do: Henri Battilani 1994 ASD Aosta, Emanuele Buzzi 1994 SC Sappada, Michele Gualazzi 1994 SC Ski College Limone, Alex Hofer 1994 CA Altipiano dello Sciliar, Niccolò Menegalli 1994 SC 2000, Daniele Sorio 1994 SC Radici Group AD Schi alpin ëiles: Grupa Copa dl Mond garejedes tecniches: Lisa Agerer 1991 CS Forestale, Federica Brignone 1990 CS Carabinieri, Irene Curtoni 1985 CS Esercito, Giulia Gianesini 1984 GS Fiamme Oro, Nicole Gius 1980 CS Esercito, Denise Karbon 1980 GS Fiamme Gialle, Manuela Mölgg 1983 GS Fiamme Gialle Grupa Copa dl Mond garejedes da jì debota: Camilla Borsotti 1988 CS Carabinieri, Elena Curtoni 1991 CS Esercito, Elena Fanchini 1985 GS Fiamme Gialle, Nadia Fanchini 1986 GS Fiamme Gialle, Daniela Merighetti 1981 GS Fiamme Gialle, Johanna Schnarf 1984 GS Fiamme Gialle, Verena Stuffer 1984 CS Forestale Grupa de Copa Europa: Michela

Furnimënt nuef per l club dala rodes Śën che l vën inò la sajon da jì cun la roda se lascia nce l club Rodes Gherdëina audì prejentan si furnimënt nuef Rodes - Nstadì à l club Rodes Gherdëina prejentà la malies y breies nueves. L fova na ucajion per duc i simpatisanc de ti cialé y sambën de se museré sëura l furnimënt nuef da jì cun la roda. Ti ani passei ans la marca Biemme, chëst ann ons ulù mudé marca y son unic sun la Sportful cunesciuda nce dai profesciunisć per si bona cualità. I trëi culëures che on cris ora ie n pert chëi che fova plu da giut: ghiel, brum y blanch. Chëst ann pitons per duc chëi che uel se scrì ite tl club Rodes Gherdëina n pachetl a n bon priesc cun leprò la iscrizion, brea y malia, scapins y

38

www.lauscdiladins.com

manëces. Per la sajon che à bele scumencià à l cunsëi inò metù ju n bel prugram de atività, ulache l unirà fat plu iedesc nce jites cun la roda, daujin ala garejedes y ala ancuntedes de alenamënt. N fajerà pona a l savëi damprovia la manifestazions, che lecurdon vën daniëura nce publichedes sun la plata internet dl club www.rodesgherdeina.it, ulache n giata nce nfurmazions d’uni sort, possa udëi fotografies y auter. L club rengrazia i sponsores, spera che l se scrije ite trueps tl club y che n posse uni tant se ancunté cun la roda danter pasciunei de chësc bel sport.

David Hofer.

Azzola 1991 GS Fiamme Gialle, Marta Benzoni 1990 SC Orezzo Valseriana, Michela Borgis 1991 SC Pila, Chiara Costazza 1988 GS Fiamme Oro, Sabrina Fanchini 1988 SC Rongai Pisogne, Sofia Goggia 1992 SC Rongai Pisogne, Anna Hofer 1988 GS Fiamme Oro, Francesca Marsaglia 1990 CS Esercito, Janina Schenk 1991 SC Gardena Atletes de nteres per la naziunela: Camilla Alfieri 1985 CS Esercito, Enrica Cipriani 1988 GS Fiamme Oro, Elisabeth Egger 1991 CA Altipiani Sciliar, Lucia Recchia GS Fiamme Gialle Grupa dla jëunes: Nicole Agnelli 1992 SC Orezzo Valseriana, Anika Angrimann 1994 SC Campiglio, Clelia Ceccato 1992 AC Nottoli, Valentina Cillara Rossi 1994 SC Claviere, Jasmine Fiorano 1995 SC Chamolè, Alessia Medetti 1993 SC Lecco, Tatiana Nogler Kostner 1994 SC Gardena, Maria Nairz 1993 ASV Gitschberg-Jochtal, Lisa Pfeifer 1993 ASV Prad, Karoline Pichler 1994 SC Petersberg, Federica Sosio 1994 SC Bormio

CS Carabinieri, Dietmar Nöckler 1988 GS Fiamme Oro Grupa Copa dl Mond sprint: Renato Pasini 1977 CS Forestale, Fabio Pasini 1980 CS Esercito, Fulvio Scola 1982 GS Fiamme Gialle, Loris Frasnelli 1979 GS Fiamme Gialle, Federico Pellegrino 1990 GS Fiamme Oro Grupa Sochi 2014: Fabrizio Clementi 1988 CS Carabinieri, Mattia Pellegrin 1989 GS Fiamme Oro, Fabio Clementi 1990 CS Carabinieri, Stefano Gardener 1990 CS Forestale, Maicol Rastelli 1991 Pol. Le Prese AD Grupa de usservazion Sochi 2014: Luca Orlandi 1984 GS Fiamme Oro, Nicola Morandini 1984 GS Fiamme Gialle, Andrea Zattoni 1987 GS Fiamme Gialle Grupa juniores: Claudio Mussner 1992 CS Forestale, Francesco De Fabiani 1993 SC Gressoney Monte Rosa, Giacomo D’Eramo 1993 SC Pescocostanzo, Marco Cappelletti 1993 SC Polisportiva Le Prese, Antonio Belli 1993 SC Alfadena, Matteo Tanel 1993 SC San Michele, Giandomenico Salvadori 1992 SC Primiero San Martino Grupa de usser vazion juniores: Antonio Giulio Ruggiero 1993 SC Opi, Pietro Mosconi 1993 SC Leffe Cento, Luca Rigoni 1993 US Asiago Sci Grupa FIS Marathon Cup: Marco Cattaneo 1974 GS Fiamme Oro, Fabio Santus 1976 CS Carabinieri, Bruno Carrara 1977 CS Carabinieri, Sergio Bonaldi 1978 CS Esercito, Simone Paredi 1982 CS Esercito, Cristian Zorzi 1972 GS Fiamme Gialle, Florian Kostner 1979 CS Carabinieri

Nscila sarà metudes adum la grupes de pudejé per la sajon 2011/12 Pudejé grupes di ëi: Grupa Copa dl Mond distanzes: Pietro Piller Cottrer 1974 CS Carabinieri, Giorgio Di Centa 1972 CS Carabinieri, Valerio Checchi 1980 CS Forestale, Roland Clara 1982 GS Fiamme Gialle, Thomas Moriggl 1981 GS Fiamme Gialle, Giovanni Gullo 1983 GS Fiamme Gialle, David Hofer 1983

Debora Agreiter.

Pudejé grupes dl’ëiles: Grupa Copa dl Mond distanzes: Marianna Longa 1979 GS Fiamme Gialle, Marina Piller 1984 CS Forestale, Virginia De Martin 1987 CS Forestale, Silvia Rupil 1985 GS Fiamme Gialle, Melissa Gorra 1988 CS Esercito Grupa Copa dl Mond sprint: Magda Genuin 1979 CS Esercito, Elisa Brocard 1984 CS Esercito, Gaia Vuerich 1991 CS Carabinieri Grupa Sochi 2014: Sara Pellegrini 1986 GS Fiamme Oro, Ilaria Debertolis 1989 GS Fiamme Oro, Francesca Di Sopra 1990 GS Fiamme Gialle, Debora Agreiter 1991 CS Carabinieri, Lucia Scardoni 1991 GS Fiamme Gialle Grupa de usservazion Sochi 2014: Carole Maguet 1991 CS Esercito Grupa juniores: Debora Roncari 1992 CS Carabinieri, Stefania Zanon 1992 ASD Cauriol, Greta Laurent 1992 SC Gressoney Monte Rosa, Emanuela Piasco 1993 SC Valle Stura, Marianna Rivero 1993 SC Valle Stura, Francesca Baudin 1993 SC Champorcher Grupa de usser vazion juniores: Elisa Kasslatter 1993 SC Gardena, Giulia Sturz 1993 US Cornacci, Marlene De Martin Pinter 1993 US Valpadola Grupa FIS Marathon Cup: Sabina Valbusa 1972 CS Forestale, Antonella Confortola 1975 CS Forestale, Stephanie Santer 1981 GS Fiamme Gialle L ie mesun udëi nce la cumposizion de duta la scuadres sot a www.fisi.org

Florian Kostner.

ufize stampa F.I.S.I.


Informazions y Manifestazions

nr. 18 / 13 de mei 2011

Iadi, Jites y Escurscions Escursciun da Antermëia demez fora por deplü sorts de bosch Tla cornisc dles manifestaziuns en gaujiun dl ann internazional dl bosch, vëgnel metü da jì en doman sabeda ai 14 de mà na escursciun cun l’ispetur forestal da Bornech Gottlieb Moling, le colaboradù dl Ofize Parcs Naturai de Südtirol Renato Sascor, le colaboradù dl Max Planck Institut Jena Ernst Detlef Schulze y verdabosc. Dales 9.00 piaràn ia a Antermëia (Hotel Pütia) por na escursciun che portarà fora por deplü sorts de bosch, cun l’atenziun söla composiziun dl bosch y i aspeć naturalistics y gestionai di bosc. La Striada

Al vëgn metü da jì en doman sabeda ai 14 de mà na spazirada por mituns y geniturs cun Angela Castlunger söl tru dles stries y dles ganes, da Val ćina sot la Val de Misdé. Maestra Angela cuntarà dles liëndes y di ciüfs sön tru, ala fin dla spazirada ciafaran na picera marëna. Pié ia vëgnel dales 14.00. Informaziuns y prenotaziuns pro Karin Pizzinini, tel. 340 1268806. Jita sun la Cima Capi La Lia da Mont de Gherdëina mët a jì na jita da Riva sun la Cima Capi (967 m) fajan la via fereda “Sentiero Susatti”, n dumënia ai 15 de mei. Iscrizions nchin a ncuei vënerdi, 13 de mei. Per nfurmazions plu avisa pudëis cherdé su Arthur, 0471/786368. Cun la paures a Müstair tla Svizra Rumancia

La paures de Gherdëina mët a jì chësc viac de un n di n mierculdi ai 18 de mei. Per nfurmazions y per se nuté su pudëis cherdé su Renate 335 6648856, Rosmarie 338 1657748 o Ingrid 334 1809810. Sëis dutes nviedes de cuer a unì pea.

Referac Romagne sagns cun Kneipp Le Consëi de formaziun da La Val mët da jì le seminar “Kneipp mit - bleib fit” (adorè l’ega por renforzé la defenüda y le sistem imunitar) cun la referënta Monika Engl, en mercui ai 18 de mà dales 15.00 ales 18.00 tl Hotel Plan Murin a La Val.  Da se tó para: guant da se stè saurì y na peza da mans. Prenotaziuns al nr. 3290526470 (Alma). Incultè y les plantes sön n prè da ćiasa sann

En doman sabeda ai 14 de mà dales 9.00, inviëia la Jonëza da Paur de Badia da rovè adöm sön i prà da Fussè de Badia. Le dot. Robert Obwegs spligarà ći che an dess tignì a mënt da incultè i prà y ći plantes che an ciafa o nia te n prè da ćiasa sann. Referać y discusciun sön le bosch, süa importanza y funziun

Incö vëndres ai 13 de mà dales 20.30 él tl Istitut Ladin a San Martin de Tor deplü referać y na discusciun sön le bosch sciöche habitat, richëza naturala y l’importanza dla coltivaziun por les sorts de tiers y plantes, cun l’ispetur forestal da Bornech Gottlieb Moling, le colaboradù dl Ofize Parcs Naturai de Südtirol Renato Sascor y le colaboradù dl Max Planck Institut Jena Ernst Detlef Schulze. Al gnarà inće presentè les brosciüres “Le bosch de Südtirol” y “Les sorts de bosć naturai te Südtirol”. Les fotografies dl Iapann

En mertesc ai 17 de mà dales 20.00 organisëia le Consëi de Formaziun da Calfosch na serada tla Ćiasa dles Uniuns a Calfosch, olache Karin Pizzinini mostrarà fotografies y impresciuns de trëi iadi tl Iapann, le paîsc dl orì de sorëdl.

N sada y dumënia ai 21 y 22 de mei. Iscrizions y nfurmazions pra Claudio Cainelli, tel. 339 14501746. Jita metuda a jì dal Fotoclub Gherdëina n uacjion dl’Enes di Jëuni.

Aldì, ascutè y sintì la musiga Chësc é le tema de na serada cun le professur Franz Comploi, che vëgn metüda da jì dal Consëi Cultural tl Comun de Badia. L’apuntamënt é por en lönesc ai 23 de mà dales 20.00, te Ćiasa J.B. Runcher a San Linert.

Jita al Garda cun arpizeda sportiva

Caravaggio y Rembrandt a confrunt

N dumënia 22 de mei. Metuda a jì dala Grupa Alpinisć Gherdëina y i Jëuni dla Lia da Mont per l’Enes di Jëuni. Iscrizions y nfurmazions pra la Nëus Jëuni Gherdëina, tel. 0471 799006 o de scrì a info@njg.it.

Le Consëi Cultural tl Comun de Badia inviëia en mertesc ai 24 de mà dales 20.00 a na serada te biblioteca de Badia, cun la dot.a Danila Serafini. An metarà a confrunt n valgönes operes profanes y religioses de dui de gragn maestri: Caravaggio y Rembrandt.

Jita per la families cun la roda

I cörs dles ëres bat atramënter

N dumënia ai 22 de mei. N pierà via cun la curiera dala 8.30 te Sëlva dan la Cësa de Cultura “Oswald von Wolkenstein”. La curiera à n carët da tré do, tlo puderàn mëter ite la rodes che n à tëut pea. N furnerà da Burnech a Persenon. L priesc ie de 13€ per cumëmbri dl KVW, 20 € per nia cumëmbri, 5 € per chëi de mëndra età. La cumpëida di partezipanc ie limiteda. Per nfurmazions: Albina Perathoner, tel. 334 7920066. Metù a jì dal KVW Sëlva.

La Uniun dles Ëres da San Martin, adöm ala Consulta Provinziala por la valianza di dërć y la Uniun dles Ëres Catoliches, inviëia al referat dal titul “Frauenherzen schlagen anders” (i cörs dles ëres bat atramënter) cun la referënta dot.a Rosmarie Oberhammer, en mertesc ai 24 de mà dales 20.00, te salf di stodafüch a San Martin.

Viac de doi dis tla Val di Ledro

Troi de San Vili da Ranzo a Stenico tla Val Giudicarie tl Trentin

La grupa “Nëus jon pa bel plan” dla Lia da Mont de Gherdëina mët a jì n dumënia 22 de mei na jita sun l troi de San Vili. Muvon a pe a Ranzo, sëura l lech de Toblino, passon pra i luesc Moline, Tavolo, Sclemo y Seo per ruvé a Stenico. Da jì iel ntëur n 5 ëura. L deslivel ie de 300 metri. La iscrizions vën piedes do, a Urtijëi tla butëiga dai ciofs Inge, a S. Cristina tla butëiga Sport Service, te Sëlva da Sport Bruno Riffeser

Teater A teater a Cianacei

Ùltim apuntament per la pìcola rassegna de teater amatorièl endrezèda dal Comun de Cianacei e dai gestores del Chino Marmolèda. Doman, sàbeda ai 14 de mé, da les 20.45 la Filodramatica Concordia ’74 de Povo portarà dant “Beniamino Ciopeta Apaltator” de Artemio Giovagnoni.

♦ Monologh Novecento de Alessandro Baricco Josef M. Lanz portarà dant le monologh Novecento de Alessandro Baricco, ai 21 de mà dales 20.30, tl salf Domëne Moling a La Val Le monologh Novecento de Alessandro Baricco, scritur talian conesciü dantadöt por so romann Seta, cunta dl pianist di ozeanns Novecento. Novecento ti vëgnel dit, deach’al é gnü arbandonè te chël ann sciöche pope sön n bastimënt de lus, olach’al mët man da sonè tla jazzband dla barca. Y jö de chësta barca ne vëgnel mai, por döta süa vita. Novecento é n monologh: un n atur su é sön paiun y porta dant da su la storia. Josef M. Lanz, atur da Porsenù, à bele portè dant chësc toch de teater plü de 80 iadi. Dal pröm iade, ch’al à lit Novecento, dijel, él restè inamorè dl toch, y inće sc’al l’á bele portè dant tan de iadi, sëntel tres ćiamò le bojëgn da cuntè chësta storia - deache al paia la mëia da la cuntè y deache ara i plej inće al publich. Al röia inće cun öna na raprejentaziun a La Val. Le regist Fabian Gametz à laurè fora adöm a so atur na metüda en scena contludënta che ti lascia lerch ala fantasia di spetadus, y alza fora tl’atmosfera melancolica sides i momënć plü tragics che chi da rì.  Prenotaziuns: Tel. 333 461 68 48 bernardetta.nagler@ Jorantin dl monologh che vëgn rolmail.net. Cassa dan le teater: dales 19.00 inant. presentè a La Val.

Cunsëies per l verzon

N verzon per chëi che ie mpue comoc ma maladëc. La referënta Martha Canestrini ie autora de plu publicazions y cunesciuda tres truepa trasmiscions tl radio. Ëila dajerà cunsëies de co fé cun l verzon zënza che l tole massa lëur. N juebia ai 19 de mei, dala 20.00, te calonia de Sëlva. Metù a jì dal KVW de Sëlva. Meditazion ”Avëi gën sé nstësc: na nuvela per l’umanità” La Lia Sanynton mët a jì chësta sëira de meditazion cun Anna Maria Künig n vënerdi ai 20 de mei, dala 20.30, tla sënta dla Lia tla streda La Sëlva 101. La sarà per na pitla grupa y durerà n 60 menuc plu l tëmp de jì plu sot tl argumënt. L ie da paië n pitl cuntribut de 10,00 €.

Chino Al chino de Cianacei Insnet, vender ai 13 de mé, e en domenia ai 15, da les 21.15 se pel veder l thriller “Cappuccetto Rosso Sangue”. Doman, sabeda ai 14, da les 20.45 sarà enveze l spetacol de teater “Beniamino Ciopeta Apaltator” de la Filo “Concordia ’74” de Povo. Al chino de Pardac Insnet, vender ai 13 de mé, da les 21.15 e ence doman e domenia ai 14 e 15 de mé, da les 17.00, se pel veder l film de animazion “Rio” en 3D. Ti medemi dis de sabeda e domenia, da les 21.15 vegn moscià enveze “Scream 4. Le regole sono cambiate”. Da en mercol ai 18 enscin en domenia ai 22, duta la seres semper da les 21.15 se podarà veder en pruma vijion “Pirati dei Caraibi”, la seconda pèrt de la trilogia che à per titol “Oltre i confini del mare”. Al chino de Tieser Insnet, vender ai 13 de mé, e ence doman e domenia ai 14 e 15 de mé, semper da les 21.15, se pel veder l film “C’è chi dice no”. En mercol ai 18 de mé da la medema ora vegnarà moscià “Pirati dei Caraibi. Oltre i confini del mare”. Al chino de Ciavaleis

Insnet, vender ai 13 de mé, da les 21.00, per endrez de la Crousc Checena vegn portà sun paladina n spetacol con l’ator comich Lucio Gardin, l’entrèda de 10,00 euro serf a tor sù scioldi per solidarietà. En sabeda ai 14 e en domenia ai 15 de mé da les 21.15 l’é en program l thriller “Limitless” con Robert de Niro. En vender ai 20 de mé da les 20.30 per endrez de la Sociazion Bambi vegn portà dant na serèda con Supermario.

Segres y festes Festa de “Alcooperiamo” Doman, sabeda ai 14 de mé, da les 9.00 enscin les 12.00 te tendon de Poza vegn endrezà la festa che sera sù l projet “Alcooperiamo”, na scomenzadiva portèda inant da la Scola te la valèdes de Fascia e de Fiem en colaborazion con i Pians di joegn de zona “La Risola” e “Ragazzi all’opera”.

www.lauscdiladins.com

39


Informazions y Manifestazions Avisc “Frabichèr, sparagnèr e viver san” N program de la RAI TV LADINA en jebia ai 19 de mé da les 20.30. Te chisc ùltimes egn l marcià del frabichèr é mudà deldut, per via del svilup tecnologich, de na maora sensibilità sul consum energetich e de na legislazion più ascorta. Cèses de legn, tulins che sciauda col soreie, impianc de telesciudament e biogas se à slarià fora ence te nesc raions con gregn joamenc per l’entesseament ma ence per l tacuin. Contribuc publics, profescionisć spezialisé e jent più ascorta deida a fèr crescer l sparagn energetich e l viver san te cèses zertifichèdes “casaclima” o fates en bioedilizia, con materièi naturèi. Ence l Comun General de Fascia à metù su na comiscion energìa per lurèr fora criteries de modernisazion e sparagn aldò de la diretives de l’Union Europea che per l 2050 l vel ruèr a smendrèr de l’80% i fumes da tessech didan l sparagn energetich e la doura de fontènes che se renovea. N program de Anna Mazzel Per saer de più sui programes de la RAI TV Ladina de Busan: www.raibz.rai.it Giornèdes del riuso a Ciampedel

L’aministrazion de comun de Ciampedel e l Zircol de la jent de età endreza per anché ai 13 e doman ai 14 de mé “la giornèdes del riuso” tel tendon jun Ischia. Se podarà portèr o jir a se tor la roba che no se doura più. L tendon é avert da les 9 a les 12 e da les 15.30 a les 18.30. Projet Socrate: “se scutèr per se entener”

L’é a la leta enscin doman, 14 de mé, l portel de consulenza e informazion “Continuità progetto Socrate” metù a jir per endrez di assessores a la politiches sozièles de Fascia per ge sporjer a chi che à de besegn n pont de referiment olache i pel troèr l’azet e la desponibilità de n profescionist per poder rejonèr liberamenter zenza vegnir giudiché, che li deida a troèr te se enstesc la ressorses per viver al miec i problemes che la vita ne met dant dì per dì. L’espert no dèsc rezetes o soluzions, ajache vigniun cogn esser protagonist de sia dezijions. La scontrèdes à n carater formatif e no psicologich. L portel é avert a genitores, joegn e jent grana che vel se cruzièr de se enstesc e de sia formazion. La consulenzes vegn vidèdes da la pedagogista dr.a Enrica Paini, spezialista de formazion. L servije é a la leta enscin en sabeda ai 14 de mé, da les 9.00 a les 13.00 e da les 14.30 a les 19.30 a Moena te Piaz de la Premessarìa 2 e a Ciampedel aló da la scola mesènes te strèda don Tita de Stefin 6. La scontrèdes individuèles à na regnèda de 90 menuc e ge vel les prenotèr chiaman l numer 340.2353361.

nr. 18 / 13 de mei 2011

♦ I toponîms tl comun da La Val L’Istitut Ladin “Micurà de Rü” à arjigné y stampè döes chertes nöies cun i inoms di posć y sić: öna cun i microtoponîms y öna cun i macrotoponîms. Prejentaziun en vëndres ai 20 de mà 2011 dales 20.00 tl Salf dles Uniuns a La Val Le proiet dl Istitut Ladin, che ê pié ia cun la racoiüda de düć i toponims di comuns dla Val Badia, à portè śëgn ala realisaziun de döes chertes nöies cun macroy microtoponims tl comun da La Val. La cherta topografica mostra deplü informaziuns tl detail, por ej. trus, altëzes yii. La cherta ortofoto é na fotografia dl teritore fata dal alt. Les chertes 1:10.000 cun details 1:5.000, dades fora en colaboraziun cun le Comun da La Val y la Staziun di verdabosc d’Al Plan, mostra sö i toponims aladô dles testemonianzes dla jënt dl post y é georeferenzià sön chertes digitales ch’é spo gnüdes stampades. L’Istitut Ladin “Micurà de Rü” y le Comun da La Val ves inviëia ala presentaziun dla Cherta di toponims ladins dl comun da La Val en vëndres ai 20 de mà Odüda söla cherta di inoms di 2011, dales 20.00 tl Salf dles Uniuns a La Val. Al gnarà “gragn” (macro) sić. spôrt les parores de salüt da pert dl ombolt Franz Complojer y dl presidënt dl Istitut Ladin Albert Videsott, dedô saral Silvia Liotto, Milio Terza y Leander Moroder che presentarà la cherta, spligaziuns plü tecniches darà le colaboradù Elmar Irsara. La cornisc musicala gnarà dal Cuartet de tlarineć.

Dotors y Apoteches Dotor L dutor de servisc dala 8.00 daduman de n sada 14 de mei nchin la 8.00 daduman de n lunesc 16 de mei ie l dutor Aba Fallaha de Sëlva, tel. 0471/794111 o l 0471 797540. Le dotur en sorvisc tla findledema di 14 y 15 de mà, ti cin’ comuns dla Val Badia, é la doturia Carolina D’Elia, Badia, tel. 349/6707889.

Mostra sura l’imprescionism y musical Hair

Apoteches

L’Uniun Maestri Ladins - UML inviёia da jì a Rorёi a ti ćiarè ala mostra sura l’imprescionism: al é da odёi operes de Gustave Coubert, Claude Monet, Van Gogh, Paul Gaugain y de d’atri artisć. Da sёra vàn a Balsan ti ćiarè al musical Hair. An pёia ia dales 13.15 da Corvara (Posta Zirm-botëga), 13.25 da La Ila, 13.30 da Pedraces, 13.40 da Pidrô, 13.45 da Piculin, 13.55 da Longega. An po se prenotè ćina ai 16 de mà pro Ubi Valentini al nr. de telefonn 0471/839714 (da sёra) o al nr. 0471/847024 (scora mesana – ma danmisdé).

L’apoteca de servisc che à daviert ora dl orar ordiner da n vënerdi (dala 19.00) ai 13 de mei nchin n vënerdi ai 20 de mei ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). L’apoteca en sorvisc fora dl orar ordinar, dal vëndres ai 13 de mà al vëndres ai 20 de mà, é chëra da Corvara, tel. 0471/836173.

Dé Internazional di Museum

En domënia ai 15 de mà vëgnel tignì le Dé Internazional di Museums, chësc ann sot al tema “Museums, nüsc recorć”. Tl Museum Ladin a San Martin vëgnel pité danmisdé cun le grup “Arteviva” la poscibilité da se lascè depënje sö le müs cun de vigni sort de belijes; dales 14.00 vàn inant cun jüć de orela cörta y animaziun por mituns. Dales 14.00 inant inviëia le Grup dla Jonëza da Paur da San Martin de Tor da fà para a n quiz a pesć por recordè y revalutè le laûr da paur te nüsc raiuns. Döt chësc é ponsè por families y inće por singui vijitadus. Le Museum Ladin Ćiastel de Tor é davert dales 10.00 ales 18.00, l’entrada y inće le program de cornisc é debann. Domënia zënza auti tl’Alta En domënia ai 15 de mà vëgnel invié ia a Corvara, Calfosch, Badia, La Ila y San Ćiascian la domënia zënza auti, n dé olache an ô sensibilisé da lascè l’auto chît y s’armöie a pè o cun la roda. Deplü é inće les manifestaziuns de cornisc. A La Ila organisëia l’US La Ila le Dé dl Sport por families, dales 10.30 inant söl ćiamp dl sport da La Ila. A Badia vëgnel pité sön plaza de dlijia aorela cörta cun intratenimënt musical, dales 10.45 inant, cun les Patrones de Badia y le Trio Razuns. Ćiamena dal guant a Picolin

Le Grup de Ćiamena dal guant dëida indô recordè döta la jënt dla Val Badia y d’atri che al é la poscibilité da dè jö guant dessorora, nët y intier, y da se chirì fora guant de vigni sort, vigni jöbia dales 14.00 ales 16.00 a Picolin, tla vedla Ćiasa de Palsa dlungia la capela. Udiënzes dla Uniun di Ostis La Uniun di Ostis HGV tëgn udiënzes inće tla Val Badia, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen a La Ila. Brosciüres söl’omeopatia y i sês de Schüßler

Le Consëi de Formaziun dl Comun da San Martin de Tor lascia al savëi che al é rové adalerch les brosciüres cun material informatif sön l’omeopatia, omeopatia spezifica por i mituns y i sês “Schüssler Salze”. Dötes les porsones che à tut pert al referat “Homäopatische Hausapotheke und Schüßler Salze” tignì dala dra. Barbara Kofler ai 21 de forà 2011 y che n’à nia plü ciafè le material informatif y é interessades da le ciafè dess ti al lascè al savëi por telefonn a Renato Paratscha, le presidënt dl Consëi de Formaziun. Telefonn fonin 348-7457309. Isté deboriada 2011

Al vëgn recordè che les iscriziuns por le proiet de animaziun por mituns dla scora elementara vëgn tutes sö te Sorvisc ai Jogn tl orar de ofize dales 8.00 ales 12.00 y dales 13.00 ales 17.00. Libri de jites per families

Na mëisa de libri de jites cun la familia te dut l Südtirol vën metuda ora da n lunesc 16 de mei inant nchin ala fin de juni, tla biblioteca ”Oswald von Wolkenstein” te Sëlva.

40

www.lauscdiladins.com

Cuncorsc Cuncors cun pesć per i libri numinei per l ”Deutscher Jugendliteraturpreis”

La biblioteca San Durich y la biblioteca de scola de Urtijëi à cumprà i libri numinei tla categuria “Libri per mutons” y “Libri per jëuni“. I sculeies dla scola mesana y dla scoles autes possa bele śën se mpresté chisc libri per i liejer, dé ju na valutazion y purvé a ndeviné ciun che sarà l liber che la giuria a Frankfurt chirerà ora. L cuncors jirà inant dut l instà nchin ai 8 de utober. Nchin a ntlëuta messerà i sculeies avëi liet almanco cater de chisc sies libri, per pudëi fé pea canche l unirà trat ora i pesć. Danter chëi che à liet duc i sies libri y ndevinà l liber che à venciù l “Deutscher Jugendliteraturpreis“ uniràl mo trat ora n majer pest. L cuncors vel per i sculeies dla scola mesana de Urtijëi y per i jëuni de duta Gherdëina. I libri tla categuria di jëuni giàpen mé tla biblioteca San Durich, y i autri sibe iló che nce te scola. Ai 22 de utober uniràl fat la festa de premiazion tla biblioteca San Durich.

♦ Badiasport: saltè deboriada D’aisciöda él döt che se möi, y nos inće L’invern é passè, i schi é te ćianô y al é indô gnü le tëmp da saltè. Metun indô man ai 18 de mà 2011. Post d’indunada é vigni mercui (por i ëi) y vigni jöbia (por les ëres) dan le Badia Pub dales 18.15. Düc é dër bel invià! Por informaziuns: posta@badiasport.org o tel. 335/6857499


nr. 18 / 13 de mei 2011

♦ L’album nü dles Ganes „Mai guai“ Te na ediziun speziala dopla. Conzerć de presentaziun de jügn y de messè inće te Südtirol Dai 13 de mà inant pòn aldì les 11 ćianties nöies dles Ganes, sides te na ediziun speziala cun 2 CDs co te na ediziun cun 1 na CD. La CD dopla contëgn les ćianties nöies y les ćianties dl conzert dal vi cun le Deutsches Babelsberger Filmorchester, ćianties dl pröm album cun orchestra y n valgönes ćianties en estlusiva te chësta ediziun. Ganes é te chësc momënt en turnê tla Germania y ti stać vijins por presentè so album nü. Ares sarà da aldì de jügn a Balsan y de messè a Maran. Por de plü informaziuns: www. ganes-music.com. La CD dopla ciàfon bele śëgn da cumprè tl Istitut Ladin Micurà de Rü. Le cuertl dla CD dopla nöia.

♦ Di nternaziunel di museums N dumënia ai 15 de mei. Di dla porta davierta dala 10.00 ala 18.00 tl Museum de Gherdëina. Ncuei vënderdi, 13 de mei, dala 17.00 cunferënza sun i ”Mejes y luesc da paur storics de Gherdëina” Tl zënter dl program per granc y pitli iel l’ancunteda spirituelnteletuela cun pec prijei de nosta cultura coche archif de nosta storia. Sëuraprò uniràl pità la puscibltà de fé na escurscion per jì a ti cialé cun esperc dla storia dl frabiché a n valguna dla plu vedla frabiches dal tëmp romanich insù. L se trata de mejes che ie unic studiei plu avisa tl cuntest dl proiet de nrescida sun l’architetura da paur te Gherdëina, dejëut n cunlaurazion cun Bauforschung Tirol, la Facultà d’Architetura de Dispruch y la Repartizion Bëns culturei. Museum, dumënia 15 de mei Dala 10.00 ala 18.00: Porta davierta cun ntreda debant Dala 14.00 inant: Azion nteratives per granc y pitli cun quiz sun la tematica ”La memoria dla cosses”. Deberieda ulons crì la fusties di lecorc persunei y di messajes simbolics tla cosses da uni di. L sarà de bela surprejes che ve aspieta. Mëisa de libri tla Biblioteca ladina dla Union di Ladins de Gherdëina che à da n fé cun l’ ”Architetura da paur tla Ladinia”. Raida di mejes, dumënia 15 de mei Ala scuvierta dl’achitetura anonima medievela cun la tuadëura de frabiches Sonja Mitterer y l dendrocronologh Klaus Pfeifer. N cunlaurazion cun la grupa de lëur ”Cherta di mejes de Gherdëina” (cëla nce articul sot al’atualità) Dala 10.00: Ancunteda dan l Museum Vijita meneda ai mejes de ”Frëina”, ”Stlejuc”, ”Milan” y ”Martin” a Urtijëi, Piz Dessëura. Dala 14.00: Ancunteda ”Aldoss” (Plesdinaz) S. Cristina Vijita meneda ai mejes de ”Crëpa”, ”Paratoni” y ”Insom” a S. Cristina. Mejes y luesc da paur storics te Gherdëina Ulon mo lecurdé la cunferënza che ie ncuei vënerdi 13 de mei domesdì dala 17.00, tl’aula magna dl ITC Raetia a Urtijëi, ulache l vën prejentà la nrescides sun la datazions dendrocronologiches y la storia dl’architetura da paur de Gherdëina. Referënc: Leo Andergassen, diretëur dla Repartizion Bëns culturei, Klaus Pfeifer, dendrocronologh, Sonja Mitterer, architeta y storica dl frabiché.

Informazions y Manifestazions Cursc Curs de sciah Le Consëi de Formaziun da La Val mët da jì n curs de basa de sciah por chi che ô mëte man. Al gnarà tignì da Florian Tavella tla Scora da La Val, dagnora dales 20.00 ales 22.00, por cin’ mercui indolater pian ia cun le dé 18 de mà. Prenotaziuns y informaziuns pro Paula al tel. 338 1807072, ćina ai 9 de má da sëra. Manutenziun dles mascînns da paur

La Jonëza da Paur de Badia mët da jì en sabeda ai 21 de mà n curs da unje mascînns, baratè öre, filtri y n gröm d’atres cosses sön les mascînns da paur. Le curs vëgn tignì a San Linert, dan garasc de Norbert Valentin. Al mët man dales 8.30 y döra indöt 7 ores, danmisdé ćina ales 12.00 y domisdé dales 13.30 ales 17.00. Infos y prenotaziuns pro Moritz al nr. 333/2061612. I posć é limità. Curs de EFT (emotional freedom technique) por les umes

Ai 14 de mà dales 14.00 ales 20.30 saral Laura Sabbadin che tignarà n curs fondamënta de EFT por les umes, cost: 110,00 euro, informaziuns y iscriziuns: 347 8523536 (Lucia). Le curs é ponsè por umes malsigüdes che podess avëi tëmes da falé valch y se stënta da capì assà sü mituns. Curs de EFT (emotional freedom technique)

Curs fondamënta cun la didatica nöia te döes sëres cun la dra. Sara Bassott i dis 18 y 19 de mà dales 20.00 a La Ila o Corvara, cost: 110,00 euro, informaziuns y iscriziuns: 347 8523536 (Lucia). Pitura afrësch, materiai y tecniches storiches L curs vën tenì n vënderdi 20 de mei y sada 21 de mei, dala 8.00 ala 18.00 per de ndut 16 ëura. L curs vën tenì da Stefan Wörz, artista de Urtijëi y costa 68,00 euro a persona, plu la spëises per l material. Iscrizions y nfurmazions tla Scola profesciunela per l Artjenat artistich a Urtijëi, tel. 0471 796733 Cursc de rujeneda per sculeies d’instà dai 11 de lugio nchin ai 22 de lugio Curs de tudësch: L curs ie per sculeies dla segonda y terza tlas dla scola elementera, te Sëlva tla scola elementera, da lunesc nchin a vënerdi, dala 9.00 -12.00 (10 lezions, 30 ëura). Priesc 90,00 euro. Curs de tudësch: L curs ie per sculeies dla cuarta y cuinta tlas dla scola elementera, te Sëlva tla scola elementera, da lunesc nchin a vënerdi, dala 9.00 - 12.00 (10 lezions, 30 ëura). Priesc: 90,00 euro. Curs de talian: L curs ie per sculeies dla prima tlas dla scola elementera, a Urtijëi tla scola elementera, da lunesc nchin a vënerdi, dala 9.00 - 12.00 (10 lezions, 30 ëura). Priesc: 90,00 euro. Curs de talian: L curs ie per sculeies dla segonda y terza tlas dla scola elementera, a Urtijëi tla scola elementera, da lunesc nchin a vënerdi, dala 9.00 - 12.00 (10 lezions, 30 ëura). Priesc: 90,00 euro. Curs de talian: L curs ie per sculeies dla cuarta y cuinta tlas dla scola elementera, a Urtijëi tla scola elementera, da lunesc nchin a vënerdi, dala 9.00 - 12.00 (10 lezions, 30 ëura). Priesc: 90,00 euro. I cursc vën metui a jì cun la scola de rujeneda “Alpha Beta“. La iscrizions vën tëutes su nchin ai 6 de juni, dal Servisc Furmazion Gherdëina, da merdi nchin vënerdi dala 8.00 - 12.00, tel. 0471/773225 - furmazion.gh@micura.it Curs de fotografia per sculeies dla scola mesana

L curs de fotografia y de lauré ora fotografies cun Gimp y Photoshop ie per duc i sculeies dla scola mesana cun Vito Miribung. N mpera a adurvé l aparat digitel, a lauré ora fotografies cun Gimp y Photoshop, n va tl studio dl Fotoclub Gherdëina a fé fotos. L curs ie dai 1. nchin ai 5 de agost, dala 14.00 - 16.30 tla scola mesana de Urtijëi. L curs costa 70,00 euro. Nfurmazions y iscrizions da merdi nchin a vënerdi, dala 8.00 - 12.00, Servisc Furmazion Gherdëina, tel. 0471/773225. - furmazion.gh@micura.it

Iniziatives sportives Se scrì ite pra l F.C. Gherdëina L F.C. Gherdëina fej a l savëi che duc i mutons y la mutans che ëssa nteres al sport dl juech al palé ie nviei a unì a se scrì ite, n vënerdi ai 27.5. danter la 17.00 y la 19.00 pra la plaza dal sport de Urtijëi. L possa se scrì ite duc i mutons y mutans nasciui ti ani 2001 nchin al 2004. Mutons nasciui dan l ann 2001 muessa fé n test per unì tëuc su. Da paië ite iel 260,00 euro (nasciui ‘01+’02), 210,00 euro (nasciui ‘03+’04). L ie nce laite la tuta, l kit da alenamënt y n palé. Per chëi che scumëncia uniràl metù a jì na “scola calcio” per i prim doi ani. Tlo ne uniràl nia fat n campiunat, ma dantaldut na preparazion tecnica. Per nfurmazions pudëis cherdé su a Urtijёi Karl Werdaner 335/6891944, a S. Cristina Erwin Runggaldier 333/7919963 y te Sëlva Kuno Senoner 0471/794645. Garejeda cun la roda da mont per i mutons

Coche bele dai ani mët l club Rodes Gherdëina a jì na garejeda cun la roda per mutons dla scola elementera y mesana. Chëst ann saràla n mierculdi ai 18 de mei te Val d’Anna. N se anconta dala 14.30 pra la stazion dla furnadoia de Secëda. La garejeda scumencerà dala 15.00 plu inite y plu avisa ta la plaza dai juesc. Per i majeri uniràl chëst ann fat na raida nueva. L priesc per fé pea ie de 5,00 € y se scrì ite pòssen sul post. L sarà n pest per duc! Sauté per mutons y mutans

I Gherdëina Runners mët a jì na “ancunteda de sauté” per mutons y mutans dla scola elementera, dala prima ala cuinta tlas. L dëssa vester n prim var per nvië via i mutons tl sport de sauté tla natura fajan nce juesc. Nvion duc a unì de juebia dala 18.00 dan l tunel dla Curta sun l troi da jì a spaz Luis Trenker o troi dla vedla ferata. L curs jirà inant nchin ala fin dl ann de scola. Pona fajeràn inò inant d’instà per se njenië ca a fé pea vel’ ”Dorflauf ”. Per nfurmazions pudëis cherdé su Manuela, fonin 339/7004045

www.lauscdiladins.com

41


Informazions y Manifestazions ♦ Bai de grupa

Mostres

Do l suzes dl Country Line Dance vëniel metù a jì a Urtijëi n curs nuef de bai de grupa A fé chisc bai ne vàl nia de bujën de avëi pea n partner. L bal de grupa possa unì balà da uni persona che à ueia de se muever do l ritm dla mujiga y che uel purvé ora zeche de nuef te na blòta grupa. Uni sëira uniràl balà n auter bal! Discofox, Samba, Country line dance y Billie Jean (M. Jackson) cun de bela mujiga y bona ueia…. Co pudëssen pa nce se njinië ca miec per vester n forma per d’instà, se sentian bën tl corp y de spirt? L curs ie for de merdi: ai 24.05., 31.05., 07.06. y 14.06. dala 20.30 ala 22.00, tl’Aula Magna dl ITC a Urtijëi. Per nfurmazions cherdëde su Giorgia 349 4674583 (Trainer Evolution Time Alto Adige).

Musiga Conzerć dla Scora de Musiga Val Badia

La Scora de Musiga Val Badia inviëia a deplü conzerć. En lönesc ai 16 de mà dales 18.00 saràl tl salf dles manifestaziuns da La Val n conzert intern cun la partezipaziun de deplü grups. En mercui ai 18 de mà dales 18.00 saràl tl’aula magna dla scora mesana da La Ila n conzert de bateria. En sabeda ai 21 de mà dales 17.00 él tla Ćiasa J.B. Runcher a San Linert n conzert de chitara. La Grenz recorda l Chum La sociazion de musega e cultura “La Grenz” de Moena envìa duc doman, sabeda ai 14 de mé, da les 21.30 al conzert-tribut per recordèr l Chum. Tel cors de la serèda, aló da La Grenz, te strèda Saslonch a Moena, sìngoi e gropes de museganc amisc e stimadores del “rocker” da Moena, mort l’an passà, portarà sun paladina sia cianties, te la verscions originèla o mudèdes fora aldò del stil che i preferesc. Autra informazions sul sit www.lagrenz.org Gran festa de “Die Ladiner“

La 10. edizion dla gran festa de “Die Ladiner” sarà chëst ann da vënerdi 30 de setëmber nchin a n dumënia 2 de utober. N vënerdi sëira suneràl danter l auter “Die Ladiner” y “Die Grubertaler”, n sada sëira mujiga cun “Die Ladiner”, i “Zillertal Power” y “Monique”. N dumënia ai 2 de utober n ucajion dla 10. edizion dla festa n gran “Frühschoppen“ cun “Luis im Auto”, “Die Ladiner” y i “Alpenbrass Tirol”. La ntreda ie n chël di debant. Chertes danora iel da giapé bele śën te internet sot a www.dieladiner.com o cherdan su l 328/4191433.

♦ Cuntrol dla bombules da destudé l fuech N sada ai 21 de mei tl magasin di Destudafuech de Urtijëi Nëus destudafuech raton che l sibe de gran mpurtanza avëi te cësa na bombula da destudé l fuech, da tò ca riesc te n cajo de bujën y pudëi nsci schivé suvënz n majer dann. Y acioche la bombula sibe bën da pudëi avëi canche l romp ora n meldefuech cunsions de la lascé cialé do regularmënter. I Destudafuech de Urtijëi pieta nce chëst ann l servisc de cialé do la bombules y plu avisa n sada, ai 21 de mei, dala 8.00 ala 12.00 y dala 13.00 ala 16.00 tl magasin di Destudafuech tla streda Purger a Urtijëi.

42

nr. 18 / 13 de mei 2011

www.lauscdiladins.com

Mariana Acuña Jimenez y Leander Piazza Al é da odëi na mostra de laurs di artisć Mariana Acuña Jimenez y Leander Piazza ti locai di ambolatori di doturs Peter Lentsch y Martin Steinkasserer tla Sparkassenstraße 8 a Balsan. Mostra de ert d’aredamënt de Adalbert Tolpeit

Le feur artistich Adalbert Tolpeit da Pidrô mostra ćina ai 22 de mà 2011 vigni dé dales 15.00 ales 22.00 sü laurs nüs de aredamënt y abelimënt artistich. Al sarà da odëi y inće da porvè fora i produć sciöche scagns, poltrones, mëses, ez.. Dlungia ales cosses funzionales y i abelimënć él inće laurs d’ert sacrai sciöche crisć y d’atri simboi. I materiai di laurs de Tolpeit é le lëgn, le metal y la ceramica. Mostra de dessëgns de Roswitha Asche y massaries da laurè te bosch

Tla cornisc dles manifestaziuns por l’ann internazional dl bosch, él da odëi tla Ćiasa dl Parch Natural a Al Plan na mostra de dessëgns dl’artista Roswitha Asche (1938-2006) y ogeć y massaries da laurè tl bosch de n raiun da munt zacan y aldedaincö. Mostra de Flavio Senoner

La mostra ie da udëi tl MAT, via Riviera Secco, Solagna (Vi) nchin ai 31 de mei. Davierta iela de lunesc, juebia y sada dala 9.00 - 12.00 y dala 14.00 - 19.00.

Avisc Reunion generela dl Schi Club Gherdëina Duc i cumëmbri, genitores, apasciunei y amanc dl Schi Club Gherdëina ie nviei n sada ai 14 de mei, dala 17.00 tla cësa de cultura de Sëlva, ala reunion generela dl Schi Club Gherdëina. Cun vel’ fotografia y vel’ pitl film uniràl purtà dant l’atività fata da uni sezion ntan l ultimo ann. Sciche ntan uni senteda generela uniràl purtà dant la situazion dla cassa y dat pro i conc dla sajon passeda. L nes fej nce plajëi de pudëi premië i atlec dl Schi Club Gherdëina che à arjont resultac de livel aut. Do la pert ufiziela puderàn mo purté dant prupostes y s’la ciaculé pra zeche da bever y velch da pestlé. Proiec che adurvon a Urtijëi – Sëira per i zitadins

L’aministrazion dl Chemun de Urtijëi se ancunterà n lunesc ai 16 de mei, dala 20.30 tla gran sala dla Cësa de Cultura a Urtijëi, cun i zitadins per na sëira de dialogh. L argumënt zentrel sarà: proiec y frabiches che ie debujën per la cumenanza de Urtijëi. L unirà prejentà l’atività de chemun y rujenà de cuestions dl luech che ti sta a cuer ala jënt. L program dla sëira vëija nce dant l tëmp per dumandes y respostes, prupostes y cunscidrazions. La sëira de dialogh ie la sëula ucajion ntan dut l ann de n’ancunteda publica danter l’aministrazion cumenela y i zitadins. Cun chësta ulëssa l’aministrazion fé madurì na vijion plu tlera n cont de argumënc de majera priurità per la cumenanza de Urtijëi. Duc ie nviei a unì a scuté su y a rujené pea per l bën de Urtijëi. Senteda generela dl ”AVS Südtirol” a Urtijëi

N sada ai 21 de mei tenirà la lia da mont de Südtirol – AVS – si 102ejima senteda Generela, chëst iede tlo da nëus y plu avisa a Urtijëi tla gran sala dla Cësa de Cultura. Chësta senteda scumencerà dala 9.00 danmesdì y finerà ntëur mesa la trëi domesdì. L se trata dla majera ancunteda dla lia da mont, te chësc cajo AVS Südtirol, ulache l unirà adalerch nce na reprejentanza dla lies da mont dla Slovenia, dl’Austria, di Paejes Tudësc, dla Svizra y Talia. Se muever cun l strom

Pra l marcià da La Poza ai 21 de mei puderàn purvé ora d’uni sort de njins da furné ncantëur che va a lectrisc. L Chemun de Sëlva fej a l savëi che te chësta ucajion uniràl fat na desmustrazion sun plaza de chemun de veiculi che va a strom: rodes, motorins y nce vel’ auto dla marches sciche Segway, Genny Mobility, KTM-E-Bikes y Bikes, Streetstepper, E-Scooter, E-Cars Tazzari Zero y Think. Duc ie nviei a unì a ti cialé a chisc njins y sambën nce a i purvé ora. Instà criatif per mutons dla scola mesana La Nëus Jëuni Gherdëina fej a l savëi che n possa se scrì ite per l proiet per i sculeies dla scoles mesanes de Gherdëina “Sommer aktiv kreativ live”. La iscrizions ie da fé scrijan ora l pitl formuler che ie unì partì ora tla scoles mesanes de Gherdëina y dajan ju dut tl ufize dla Nëus Jëuni Gherdëina, tla cësa per i jëuni, ert y cultura, streda Rezia 102 a Urtijëi. Per plu nfurmazions pudëis gën nes cherdé su, 0471/799006 o nes scrì a info@njg.it

Sozial Ancunteda de sada dla grupa Deberieda Per l segondo iede vëniel metù a jì n sada ai 14 de mei na ancunteda dla grupa Deberiëda. Duc i ulenteres y cumpanies ie nviei a unì pea. Furneron al lech de Kaltern y iló jirons a se maië n bon dlacin. Se urton dala 13.30 coche for dan la Cësa de Paussa a Urtijëi. Ancunteda di parënc y cumpanies de amalei psichics N se anconta inò ai 16 de mei dala 17.00 tla sënta dl Servisc Soziel, streda Purger 16. Pra chësta ancunteda iel unì nvià Sn. Digan Vijo Pitscheider. Nfurmazions plu avisa pro l ufize a Bulsan, tel. 0471 260303. Persona de cuntat ie Lotte Rella. Servisc zevil, n ann per la cumenanza

Ulenteres che fej l servisc zevil pra la Crëusc Blancia se fej esperienzes nueves, vën nseniei ju per purté aiut tla situazions plu desferëntes, l ti sà che i fej velch da pudëi avëi, i lëura te na grupa jëuna, mutiveda per se dé da fé tl ciamp soziel. Cun ëi saràl inò persones mplu che sà nëut tla reanimazion dl cuer y dl fuià blanch. La Crëusc Blancia tenirà na manifestazion de nfurmazion n chësc cont, n lunesc ai 23 de mei, dala 17.00, a Bulsan tla streda Lorenz Böhler 3. Nteressei possa cialé ite sot a www.wk-cb.bz.it , cherdé su l 0471 444382 o scrì na email azivildienst@wk-cb.bz.it .


Informazions y Manifestazions

nr. 18 / 13 de mei 2011

Temp lede De dl sport por families L’Uniun Sport La Ila mët da jì en domënia ai 15 de mà le “Dé dl sport” por i mituns dla scolina, scora elementara, mesana, scores altes y por i geniturs. Düć é dër bel invià da tó pert! An se incunta dales 10.30 söl ćiamp dl sport a La Ila. Program: 10.30 scumenciamënt di jüć a staziuns, 13.00 griliada por düć i partezipanć y premiaziun dles categories. Deplö informaziuns ciafun sot a www.uslaila.it Griliada dles families

Le Zënter Families Mareo ZFM mët da jì ai 22 de mà ite dla Pera (Fodara Masaronn) a Al Plan na griliada por les families. La griliada mët man dales 12.30. An s’indüna dales 11.30 dan calonia d’Al Plan. Cun la roda junse do l’ega ite ćina ite dla pera. Da s’anunzié él anter la jöbia ai 19.05 pro Luca tla Cassa Raiffeisen d’Al Plan o al nr. 339/7808692. Por la marëna vëgnel damanè n contribut de 3,00€ a će. Por l’intratenimënt di mituns vëgnel fistidié. Tl caje de bur’ tëmp, vëgnel desdit adora assà. Di mundiel dl marcià rëidl Festa y marcià a Bulsan sun plaza de chemun, duman sada ai 14 de mei, dala 9.30 nchin la 17.30, metuda a jì dala Butëighes dl Mond. L unirà pità da cumpré prudoc y marcanzia dl marcià rëidl sciche roba da maië, antlaries, roba da furnì, buandes, ciculata, sëures y cosmetics. Per fé dut plu da festa saràl nce mujiga, velch da bever y da pestlé. Dala 3.00 domesdì saràl la premiazion dl cuncors dla sportules ”my fair trend bag”. Party per i sculeies dla scoles mesanes

N sada ai 14 de mei, tla sala di jëuni Saut, dala 19.00 nchin ala 21.30. N ucajion dl’Enes di Jëuni. Mundiei de hockey tla sala di jëuni Saut

N dumënia 15 de mei, dala 20.15 puderàn ti cialé ala partides de finela di Campiunac dl Mond de hockey tla sala di jëuni Saut a Urtijëi. Ëura de stories per mutons tla rujeneda ladina Per mutons dla scoles elementeres, cun juesc y ndevins, pastelné y dessenië. Uni lunesc dala 15.30 ala 16.30, tla biblioteca „Oswald von Wolkenstein” te Sëlva, nchin ai 6 de juni. Referënta ie Sabine Perathoner. Metù a jì dala Union di ladins de Gherdëina. Sëira de cujiné dal titul “Spëisa scëmpla y moderna”

N lunesc ai 16 de mei, cun Maria Reichhalter Prader. Iscrizions y nfurmazions pra la Nëus Jëuni Gherdëina, tel. 0471 799006 o info@njg.it. Metù a jì dai Paures Jëuni de Urtijëi per l’Enes di Jëuni. Se fé su

“Schminkworkshop“ cun fotoshooting n mierculdi ai 18 de mei. Iscrizions y nfurmazions pra la Nëus Jëuni Gherdëina, tel. 0471 799006 o info@njg.it.. Metù a jì cun l Fotoclub Gherdëina. Teater dla popes cun ”Kasperl” ”Kasperltheater y Kasperlwerkstatt” cun Magdalena Gasser, n mierculdi ai 18 de mei, dala 3.00 domesdì, tla biblioteca “Oswald von Wolkenstein”. Per mutons y mutans dla scolina y dla prima tlas elementera. L ie da se lascé nuté su dant te biblioteca.

Mostres Mostra Trash-art Pra chësta mostra se tràtel de n proiet sun l refudam. La mostra ie da udëi te Sëlva, tl Tublà da Nives. L proiet ie unì fat y laurà ora dai sculeies dla Scola Mesana de Sëlva. La mostra ie da udëi nchin ai 14 de mei. La ondes dla vita

La mostra de Giovanni Demetz – Hansi de Sulé – dal titul ”Wellen des Lebens”, ie da udëi dai 16 de mei nchin ai 18 de juni tl Café Surëdl a Urtijëi. Duc ie nviei ala giaurida che sarà n juebia ai 19 de mei, dala 8.00 da sëira. L Café Surëdl ie daviert da lunesc nchin sada dala 10.00 ala 19.00. ”Ciel”, mostra di sculeies dla Scola de Ert

I studënc dla Scola d’Ert Cademia nvieia ala mostra “Ciel“ tl gran self dl Istitut Micurà de Rü a San Martin de Tor, che resta davierta nchin ai 29 de mei, da lunesc nchin vënerdi dala 10.00 - 12.00 y dala 15.00 - 17.00. I studënc à laurà te plu materies per n valgun mënsc sun la tematica dl ciel. Vel’ un à depënt n gran cheder, d’autri n pitl sun tëila o sun na brëia, cun culëures a acril o a uele, d’autri à ziplà tl lën. L ie monce unì fotografà y laurà sun l computer. Cun pezes, fil, plastica y d’autri materiai iel unì fat opres drët nteressantes dl ciel. Doi mutons autramënter abli ie unic tëuc su ntan l’ëures de depënjer per ti dé forma a “si“ ciel. Duc i nteressei ie nviei a unì a ti cialé a si criazions. Mostra de Christian Stl Holzknecht

La mostra ie da udëi a Kaltern, tla Goldgasse 33, tl’ustaria di ciuleies dal vin “Peter Sölva“ nchin ai 30 de mei. Christian Stl Holzknecht, mët ora na secuënza de pitures fates ti ultimi 6 ani cun tecniches defrëntes. La mostra ie davierta uni di dala 10.00 – 18.00 nchin ai 30 de mei. Ai 28 de mei, dala 19.00, saràl na pitla festa per stlù ju la mostra. Mostra cun i artisć dl’UNIKA

La mostra ie a Trënt y vën fata deberieda cun l film festival de Trënt. L titul dla mostra ie “Legno che si fa arte - Unika per TrentoFilmfestival” La mostra ie da udëi nchin ai 22 de mei, tl Palazzo Trentini, Via Manci 27, tla Sala dell’Aurora, dala 10.00 – 19.00, de sada dala 10.00 – 13.00. De dumënia iel stlut. Mostra de Aron Demetz

La mostra de Aron Demetz ie da udëi a Bulsan, tla Galaria Goethe nchin ai 31 de mei. Orar de giaurida: lunesc – vënerdi 10.00 – 12.30 y 15.30 – 19.30, sada 10.00 – 12.30. Aron Demetz mët ora i lëures fac ntan i ultimi 5 ani. Mostra de Peter Demetz La mostra dal titul “Presence“ ie da udëi a Tluses tl “Stadtmuseum“. Peter Demetz mët ora 13 opres de ert che ie liedes danter ëiles tres la prejënza de chël che mancia, la prejënza dl’assënza. Perchël tira la cumposizions y l culëur dl’opres de ert dl’artista suvënz l uedl sun la figures che ie for scialdi realistiches, ma che lascia nce semië na dimenscion de lerch y de tëmp. La mostra sarà da udëi nchin ai 28 de mei, da merdi nchin a sada, 9.30 – 12.00 y 15.30 – 18.00. De dumënia y lunesc iel dsarà.

Café leterer per franzëus

Mostra de Flavio Senoner y Matthäus Kostner La mostra dal titul “Unì a lum” dl scultëur Flavio Senoner y dl fotograf Matthäus Kostner ie da udëi tla Miil - Kränzelhof, streda Gampen,1 a Tscherms nchin ai 29 de mei da merdi nchin sada, dala 12.00 nchin la 15.00 y dala 18.30 nchin la 23.00. De dumënia dala 12.00 nchin la 16.00, de lunesc iel stlut.

Parlez-vous francais? Cun Ivana Peristi. N se urta n juebia ai 19 de mei dala 9.30 a Urtijëi tla biblioteca San Durich. L unirà mé rujenà franzëus.

Mostra de Willy Verginer

Juech di pachetli cun de biei pesć

N vënerdi ai 20 de mei, dala 20.30, tla sala di jëuni Fun&More te Sëlva. Metù a jì dala Grupa Jëuni Sëlva n ucajion dl’Enes di Jëuni. Turnoi de pallavolo per duc

N sada 21 de mei, dala 14.00 inant, tl zënter de pudejé sun Pana. L ie da se scrì ite al mumënt iló. Nfurmazions pra la Nëus Jëuni Gherdëina, tel. 0471 799006 o info@njg.it. Metù a jì dala Grupa Jëuni Urtijëi. Durmì tla sala di jëuni Saut

N sada ai 21 de mei. Per mutons y mutans dai 14 ani insù. Iscrizions y nfurmazions pra la Nëus Jëuni Gherdëina, tel. 0471 799006 o info@njg.it. Festa di Destudafuech de S. Piere

Festa tla tenda a Puntives da n vënderdi, 20 de mei nchin n dumënia ai 22 de mei. Per chësta festa tradiziunela à i Destudafuech de S. Piere metù ju n program de mujiga y devertimënt, che dura trëi dis. N vënderdi dala 20.00 saràl na sëira dal diendl y la brea de pel cun i ”Jungen Paldauer”. N sada domesdì saràl oradechël na gran desmustrazion di destudafuech cun joler y d’autra forzes de aiut y n dumënia danmesdì na mëssa alalergia cun benedescion dl auto nuef dal tanch. L sarà nce na ola dla fertuna cun de biei pesć.

La galaria Conarte, che ie tl zënter de Savona mët ora scultures y nstalazions dl scultëur Willy Verginer. “Infiorescenze” ie l titul dla mostra, l se trata de scultures nueves plëines de ciofs y urnamënc, fates te chisc ultimi doi ani. La mostra resta davierta nchin ai 28 de mei, da merdi nchin a sada, dala 9.30 - 12.30 y dala 16.00 - 19.30. Galaria Conarte, Via Brignoni 26r, Savona.

♦ Cunzerc dla Scola de Mujiga de Gherdëina Coche uni ann vëniel per la fin dl ann de scola metù a jì plu cunzerc, ulache i sculeies dla Scola de Mujiga lascerà audì cie che i à mparà N lunesc ai 16.5. saràl da pudëi scuté su plu sculeies che sona la chitara y la vidula. N Merdi ai 17.5. la armoniches y n juebia ai 26.5. suneràl i sculeies cun l oboe y l violoncello. Chisc cunzerc unirà tenii tl zënter culturel ”Tublà da Nives” te Sëlva y scumencerà for dala 6 da sëira. N auter bel cunzert de mujiga sacrala sarà da pudëi scuté su n vënerdi, ai 20.5. te dlieja de Urtijëi, dala 6 da sëira. Te chësta ucajion saràl da audì plu ciantarins de Gherdëina. L gran cunzert per stlù ju l ann de scola unirà tenì tla Cësa de Cultura de Sëlva, n sada ai 21.5. dala 17.30. L unirà ciantà y sunà dant mujiga mpue de uni sort. N vangun pec “tlassics”, ma sambën nce mujiga ritmica y moderna che, coche savon, vën suneda y scuteda su scialdi gën da nosc jëuni. Sëuraprò saràl mo n ultimo cunzert, ulache na bela cumpëida de sculeies de Gherdëina sunerà deberieda cun i sculeies dla Scola de Mujiga dla Val Badia. Chësc sarà ai 1. de juni cun scumenciamënt dala 6 da sëira tla “Ćiasa J. B. Runcher” a S. Lenert. Nvion duc a unì a scuté su. www.lauscdiladins.com

43


Informazions y Manifestazions

Congratulazions

nr. 18 / 13 de mei 2011

Religion Por sanć a Heiligenblut Vëdues, vëdui y porsones sores é inviades al pelegrinaje dl KVW dl raiun da Bornech, ai 21 de mà 2011, a Heiligenblut, olache siur Anton Messner zelebrëia la Santa Mëssa. Le bus pëia ia da San Laurënz dales 7.20 y röva indô de revers dales 18.00, do na cörta architada a Lienz. Le iade cun marëna costa 34€. Prenotaziuns ćina ai 18 de mà pro osta raprejentanta dl KVW o pro Hilda Sottara al nr. tel. 0474 523133.

Albin y Christine   i ves aodun de cör döt l’bun, tröpa fortüna y felicité sön osc tru deboriada.

Ći se mudass pa te nosta sozieté sce la fede cristiana se desfantass?

Sön chësta domanda jaràn ite en mertesc ai 17 de mà dales 20.30, te n referat cun siur Sepl Granruaz, che vëgn tignì a Badia, tla Ćiasa J.B. Runcher. Organisaziun: Consëi de Cöra.

Les families

Gejù Crist scê, dlijia no

Chësc é le titul de n referat cun siur Pire Irsara, che la Uniun dles Ëres da Corvara mët da jì en jöbia ai 19 de mà dales 20.00, te salf dles manifestaziuns a Corvara. Pelegrinaje dles patrones dl raiun de Puster

La Uniun dles Patrones dl comun da S. Martin invieia dötes le patrones y nia patrones al pelegrinaje (Bezirkswallfahrt) dles patrones dl raiun de Puster, che vëgn tignì chësc ann ai 20 de mà dales 14.00 a San Martin. I piun ia jö dal ćiamp dal sport (dla pumpa dal penzînn a man dërta), olache an po lascè i auti. I jun sö do le tru da Stufles sö fina sö da dlijia, olache al sarà la mëssa en onur de Santa Maria. Do mëssa é dötes inviades ia te palestra por n renfrësch, arjigné ca dales patrones da San Martin. Le cost é de 5,00€. Chi che ess interes, dess prëibel s’anunzié pro Loise al nr. 0474/590026. Pelegrinaje forin Baissiston

De cör döt le bun a

Ernesto che complësc 50 agn. da Angela, Jasmin, Fabian dal tate y dala mama dales sorus y dai fredesc cun families y da chi da Ćiampëi.

En domenia ai 15 de mé l Decanat de Fascia chiama duc i fidei de la val a jir a gejia forin Baissiston. Da les 11 da doman vegn ofizià messa grana, viventèda dai cores de gejia e dai bec de la Pruma Comunion. Da la 2 domesdì vegn dit sù la corona e benedì i malé. Chi che pel i é envié de cher a jir fora fajan ence amàncol n picol tòch a pe. Mëssa tla dlieja da Sacun

Döt le bun al mitich “libero”

N sada ai 14 de mei dala 6.00 da sëira cun Sn. Vijo Pitscheider y cianteda dal Cor di Jëuni de Urtijëi.

Friedrich

Funzion de mei cianteda dai Helios

che complësc ai 14 de mà sü pröms 50 agn ti aoda

N mierculdi ai 18 de mei, dala 8.00 da sëira, te dlieja de Urtijëi. Funzion de mei cianteda dal Cor di Jëuni N juebia ai 19 de mei, dala 8.00 da sëira, te dlieja de Urtijëi.

chi jogn dal calceto. (mo śëgn s’aspetunse pa na viva…)

Musiga Spetàcol musical a Moena

La compagnìa de teater “Amici per caso” de Moena col patrozinie del Comun de Moena porta dant en sàbeda ai 14 de mé da les 20.30 e en domenia ai 15 de mé da les 16.00 te teater de l’Oratorie l spetàcol dal tìtol “Cantiamo Insieme” tout dal musical “Tutti insieme appassionatamente” co la regìa de Valentina Zanoner. Duc é envié de cher.

La "Tirol Commedy Entertainment" uress tó l'ocajiun da ti auguré düt l'bun al

numer 1 di aturs pur chisc 30 agn de ativité festejà ai 11 de mà. Hollywoood!!

Düt l’bun a

Pia y Milio

L termen da dé ju letres y minonghes, articui, informazions y manifestazions, congratulazions, anunzies y inserac é l lunesc seira!

44

che festejëia ai 15 de mà i 35 agn de matrimone. I se rengraziun de cör pur düt ći che ês fat y fajês pur nos. Se audun inant tröpa sanité, ligrëza y tröc de bi agn deboriada.

Per les letres y minonghes, articui, informazions, congratulazions y anunzies: manede na e-mail a la redazion de Vosta valeda o cherdede su diretamenter te ofize.

Adolf y Mena

Per i inserac: manede na e-mail a inserac@lauscdiladins.com o cherdede su diretamenter te ofize: 0471/796020.

che festejea ai 16 de mei i 60 ani maridei ti mbincions dut l bon, sanità y mo truepa legrëzes. De gra per dut chël che ëis for fat per nëus da Vosc 5 mutons Richard, Viktor, Roman, Mariele y Bruno, dai 11 nepoc y dala pitla pronepota.

www.lauscdiladins.com

Patrick y Claudia cun Katrin y Florian

A nosc genitores


Congratulazions y Inserac

nr. 18 / 13 de mei 2011

“Evà,evà, evvai!”

Chësta po gnì da rì,

La Leen

nosc Lejio ai 14 de mà i 40 àl da cumplì. Val’ mëssun ti lascé, da en dër sbunf y cool él tres sté. Debota vàl sön döes rodes o sön schi y sambëgn ti sàra dagnëra da rì. Al se mantëgn sciöch’ l’vin: plü dî che an le lascia tla bot miù che al devënta y plü che al fej gnì ligherzins. Che al restes inant sön chësc tru, che al s’à chirì fora l’miù. Te augurun düt l’bun. La Familia

che cumplësc inće chisc 18 agn tan aspetà, porchël tóchela da fà festa. Y bona fortüna, deache nos ne nen n’un pa nia tan atira assà. Ći che al darà ca ne uns’ nia ćiamò avisa capì, mo porchël a fà festa os düć ciared’ ma impò da gnì. Chëla bona lüna ćiara ma da te tó para, deache “a che ch’à la plö ria” ne uruns pa fà gara. Sciöche a chësc dé inće al Chefer s’la inconfortunse tan dî Che ingalin messarast’ pa inće tö tó chësc auto, chël araste bëgn capì? Por la vita te auguruns’ tröpa furtüna, sanité, amur y n destin tan pros …y la bambona a nos!   Elena, Liz, Corinna, Tino, Tine, Lük, Merk, Freddy, David, Julian, Hawaii, Lucia, Anna, Olex, Guz, Samantha y Giorgia

Ai 18 de mà festejëia Ai 15 de mei festejea nosc bon genitores

Emma y Guido

Eduard y Albina Moroder

i 50 agn de matrimone. Döt le bun y ćiamò tröc agn de vita deboriada, plëna de ligrëza y sanité, ves aoda de cör

da Bernon, S. Cristina

üsc mituns cun familia.

la bela festa di 55 ani maridei. Dut l bon, fertuna y sanità y che Idie i lasce sté mo giut adum y che i sibe mo truep ani pra nëus, chël ti mbincia de cuer i mutons

Ala “bidela”

Ulrike, Friedrich, Matilde, Gabi y Hanni cun jëndri y jëndres, i 10 nepoc y i 2 pronepoc.

dla Scora mesana da La Ila düt l’bun pur i 50 agn! Che te restes tres inant tan da druch y de bun cör! Sabine, Lois, Michela

Nia da crëi’, che inće la plö jona de familia à cumplì ai 12 de mà i 40 agn.

A nosta Daniela

Da vende

ti auguruns’ de cör inant düt l’ bun, ligrëza y furtüna. Da düć chi de familia

A bera Robert Moroder de Levigi per si 85 ani

La Union di Ladins de Gherdëina Ve mbincia de cuer dut l bon, sanità y cuntentëza. La pascion per la cultura ladina y per l mond ladin Ve à tenì for plën de spirt: che l sibe propi Vosc nteres y la legrëza a nosta tradizions, al’ert y ala rujeneda ladina a Ve dé ardimënt y snait nce tl daunì! L Cunsëi dla Union di Ladins de Gherdëina

18 agn él bele passè che nosta

Aileen

Al vëgn venü cërtli de aluminium cun cater büsc por n Opel Astra a 80,00 euro. Tel. 338/4305053. (16/11) ••• Da vëne n “paravaćes” y n per de morones che é stades son n Terrano 2. Tel. 338/1329796. (16/11) ••• L vën vendù na mascin da sië “Aebi Am8” 9 Ps cun restel a 2.300,00 euro da traté y n cran Stepa. Tel. 346/3622566 ••• Da vëne n Audi S3, corù blanch, imatricolè 05/2008 km 55.000, 1 proprietar, tignì sciöche nü, sic sportifs, i-pod, bose sound, vidri fosc. Tel. 335/6088668. (16/11) ••• L vën vendù n VW Lupo 16V, 101 ciavei, fosch, ann 2001, cun colaudo fat de jené 2011, 56.000 km, a n bon priesc. Tel. 329/2234450. (17/11) ••• L vën vendù n Ford Focus Station Wagon

dl 2002, diesel, l à 97.000 km. Tel. 335/8230782. (17/11) ••• L vën vendù 4 montli da d’inviern cun cërtli de acel dla marca Dunlop adurvei una na sajon, mesures 165 x 14 x 65 y n auto-radio per CD’s y AUX. Priesc da traté. Tel. 347/0507350. (17/11) ••• Al vëgn venü na mascin da puzenè a tanf (vaporetto) LUX cun duc i pec che va de bujën por puzenè döta la ciasa, prisc 600,00 euro, n ann i mez vedla. Tel. 333/8671652. (17/11) ••• Da vëne n motor enduro TTR Yamaha, sö por i 2.000,00 euro. Tel. 335/ 5381505. (17/11) ••• Da vënder n bach a cianton cun mëisa y doi stuei, 170 x 150 cm, de lën da beca, a n bon priesc. Tel. 339 3395135. (18/11) ••• L vën vendù n bel gran canape, da tré

Le Museum Ladin Ćiastel de Tor a San Martin de Tor chir 1 barist/a da atira fina ai 31 de otober a mez tëmp (dales 10.00 – 14.00). Al vëgn damanè: l’apartenënza al grup linguistich ladin l’atestat de trilinguism D le diplom dla scora mesana esperiënza de laûr te bar

s’à presentè. I ćiavëis “rancioni” âvest, plëna de alegria y bona orentè. Tröpes ligrëzes s’âste dè y pur chësc gran dé düt l’bun orunse te auguré.

Les domandes cun curriculum é da dè jö ćina en mertesc ai 17 de mà 2011 dales 12.00 damisdé.

Tati, Mami, Bila, Oma,Tot, Tota, Samuel, Jason, Erna; Matteo, Tanja, Hubert

Por informaziuns tel. al 0474/524020 o e-mail info@museumladin.it .

ora y da pudëi durmì lessù per doi persones, lerch 2,20 cm mo tan che nuef. Tel. 339/8076400. (18/11) ••• Da vënder na mascin da lavé ju 3 mënsc vedla dla marca Siemens, mesura normal, larghëza 60 cm. Tel. 335/5257970. (18/11) •••

Auto Alta Badia a Pedraces/Badia chir n lerner da carozìer por döt l’ann. Prëibel telefonè al 0471/839865. info@autoaltabadia.it

L’Assoziaziun Turistica da San Martin de Tor chir por la sajun da d’isté/ por döt l’ann n/na secreter/ia dl post. Al vëgn damanè na buna conescënza de talian, todësch y inglesc y conoscënzes de computer y internet. Al vëgn pité n laûr desvalì, a contat diret cun jënt dl post y sciori. I interessà po s'anunzié ćina ai 16 de mà. Tel. 0474/523175 info@sanmartin.it www.lauscdiladins.com

45


Inserac

nr. 18 / 13 de mei 2011

L’Assoziaziun Turistica de Badia (Badia, La Ila, San Ćiascian) tl’Alta Badia chir da atira 1 diretur/ria. Pro les funziuns àldel: - aministraziun, coordinamënt di colaboradus cun organisaziun dles filiales, conduziun dles strutöres turistiches, tignì vis i contać cun i mëmbri y les istituziuns publiches sciöche uniuns locales, organisaziun de manifestaziuns, colaboraziun cun le Consorz Turistich Alta Badia tl marketing, tl coordinamënt di sorvisc turstics desvalis - creaziun y realisaziun di sorvisc I damanadus/Les damanadësses dess avëi chëstes precondiziuns: - stlüj jö n stüde d’economia o iurisprudënza; - esperiënza tl turism resp. formaziun ajuntiva/master tl setur marketing é de ütl; - de bunes conoscënzes dl laur söl PC y esperiënza cun i porgrams MS-Office y inće new media; - dër de bunes conoscënzes di lingac talian, todësch y ingleje; - savëi ladin é de ütl; - desponibilité de n gran impëgn y dediziun desco inće autonomia tl laur; competënza soziala y rotëgn profescional. I nes confortun a osta domanda! Menesse prëibel osc curriculum cun foto a lavilla@altabadia.org ćina al plü tert al 10 de jügn 2011. Assoziaziun Turistica de Badia, tel. 0471 847037.

L vën fità via nce per plu giut magazins, locai reprejentatifs, ufizes de uni grandëza cun majons y posć da lascé l auto a Puntives. Per plu nfurmazions prëibel cherdé su l 335/222531. I afitun ia na ćiamena da 1 let cun duscia y WC, inće da atira y inće por döt l’ann. Tel. 0471 847230 (da sëra) Da afité ia por döt l’ann 1 cuatier por 2 porsones tl zënter da Pedraces. Prëibel cherdè sö le 328/7565201. Viver a na maniera moderna a Bulsan tla vedla zità L vën vendù te scialdi na bela luega cuatieres da doi, trëi o cater majons cun garaje diretamënter dal patron. Nfurmazions y venduda Tel. 335/1986142 info@immoholding www.immoholding.it

I afitun ia n apartamënt impormò fat fora por studënć te na bela zona de Firenze por l’ann d’universitè 2011/2012. Prëibel cherdè sö le 329/6918903.

Al vëgn venü n bosch a Lungiarü de 3,5 ha. Prëibel cherdè sö le 0474/474090.

Restorant Sass Dlacia a San Ćiascian chir por la sajun da d’isté 1 chelnera cun conescënza de talian y todësch. Prëibel cherdè sö le 331/6894517.

Hotel Bel Sit *** a Corvara chir por la sajun da d’isté (dai pröms de jügn inant) n secundo cogo cun esperiënza y creativité. Prëibel cherdè sö le 333/5312571 o menè n curriculum a info@belsit.it

L’agenzia My Home in the Dolomites a Calfosch chir na secreteria a mez tëmp, inće ales prömes esperiënzes cun conescënza de talian, todësch y ingleje, por la sajun da d’isté o inće por döt l’ann. Prëibel telefonè al 0471/836071 o menè na mail a peter@altabadia.it

Hotel Sassongher ****S a Corvara chir na secreteria dl post dai 20 de jügn inant por plü o manco 10 mëisc. Prëibel telefonè al 0471/836085. info@sassongher.it

Pension Christian a Corvara chir por la sajun da d’isté n/na chelner/a por salf cun esperiënza. Prëibel telefonè al 0471/836201 o al 333/4260328.

Hotel Luxor & Cairo **** Lido di Jesolo chier per la sajon da d’instà n chef de cësadafuech n chef capo partita n aiut da conditer chelneri/es per la sala n/na receptionist/a n’estetista/massajadëura cun diplom de 3 ani. Mandé curriculum a info@luxorcairohotel.it Telefonn 335/5446372. Por nosta Botëga dal Ciajò a Corvara chiriunse n/na boteghier/a motivè/ada. Por informaziuns plü menüdes prëibel cherdè sö le 0471/849286 o le 335/1314362.

Hotel Miramonti a Pedraces/Badia chir por la sajun da d’isté na porsona por reception y ofize, inće studënt, che ćiares do domisdé inće te bar. Inće ma part time. Tel. 0471/839661 info@miramontihotel.it Hotel Gran Risa a La Ila chir por la sajun da d’isté 1 pröm cogo. Prëibel cherdè sö le 0471/847012.

Na mensa per lauranc te Sëlva chier 1 persona che servësc te sala y juda te cësadafuech da juni nchin ntëur ai 20 de setëmber. Prëibel cherdé su l 0471/794355.

La Speckstube a Lungiarü chir por la sajun da d’isté 1 chelner/a. Prëibel telefonè al 0474/590145.

a San Ćiascian chir pur chësta sajun da d’isté na ćiamenëssa na governanta n/na barista. Por informaziuns prëibel telefonè al 0471/849503 o menè na mail a info@lagacio.com

Da dè ia L vën scincà via vieresc de plastica de uni mesura (adatei per n garage), y n castl rustical (larghëza: 2,80 m, autëza:

2,00 m), dtu te de bona cundizions. Prëibel cherdé su l 338/5301605. (16/11)

Hotel Villa Eden a Corvara chir por la sajun da d’isté n/na barista n/na chelner/a por salf na ćiamenëssa, düć cun esperiënza. Prëibel telefonè al 0471/836041 menè le curriculum a info@villaeden.com

Hotel Villa Eden a Corvara chir n/na secreter/ia cun esperiënza por la sajun da d’isté y scemai inće por la sajun da d’invern. Al vëgn damanè na bona conescënza de talian y todësch y poscibilmënter la conescënza dl program Asaj. Prëibel telefonè al 0471/836041 o menè le curriculum a info@villaeden.com

46

www.lauscdiladins.com

Pasticceria I Dolci di Ricky a Badia chir n/na chelner/a da messè inant. Tel. 0471/838018. Market Zingerle a Corvara chir por la sajun da d’isté 2 por stè do banch a taié sö - (1 por atira y 1 da mez messè inant) cun poscibilité de spëisa y alberch. Tel. 335/7863776.

L vën vendù la ultima 2 garajes tl zënter de Urtijëi tla streda Roma 8. Per plu nfurmazions pudëis cherdé su l 0471/204634 o l 366/2777802.

Hotel Centrale a Calfosch chir por la sajun da d’isté n/na barista. Prëibel cherdè sö le 0471/836118.

L’ Spangler da Pidrô chir n lerner. Prëibel telefonè al 335/6117680 o al 0471/843120.

Ütia Malga Saraghes a S.Ćiascian chir por la sajun da d’isté 1 cogo por i pröms cun esperiënza. I nes confortàsson a osta telefonada. Tel. 339/1710982 o 335/7897164.

Hotel La Tambra a Corvara chir por la sajun da d’isté 1 massöra-estetista. Prëibel cherdè sö le 0471/836281 info@latambra.com

Hotel Pütia Antermeia chir por la sajun da d’isté, dal lönesc al vendres na animadëssa por mituns. Prëibel telefonè al 0474/520114.

Hotel Italia a Corvara chir n/na barista/chelnera na tornanta por salf y bar na chelnera por salf n aiüt cogo/commis cun conescënza de talian y todësch. Prëibel cherdè sö le 0471/836082. info@hotelitalia.bz.it

N stüde dai dënz a Al Plan chir na jona/ëra dl post o tla vijinanza, danter 18 - 35 agn sciöche assistënta ala poltrona. Al vëgn damanè na bona conescënza de ladin, talian y todësch. Prëibel cherdè sö le 0474/501877 o le 331/8019317.

Dolomiten Sportswear chir na boteghiera cun esperiënza por la boutique de Corvara. Al vëgn pité n paiamënt aladô de contrat y n cuatier a 200 metri dala botëga. Prëibel cherdè sö le 0462/813106. Fax 0462/814422 coge@dolomitensp.191.it

Pension Odles chir por la sajun da d’isté n secundo cogo. Prëibel cherdè sö le 0474/590108 o menè na mail a info@odles.it

Hotel La Stöa a Al Plan chir por la sajun da d’isté na chelnera por i sciori de ćiasa ma por da sëra. Prëibel cherdè sö le 0474/501055.


Inserac y Anunzies

nr. 18 / 13 de mei 2011

Da chirì L vën cris n pitl cuatier per na jëuna da tlo, da śën inant, per dut l’ann. preibel cherdé su l 335/8410246. (16/11) ••• L vën cris n cuatier per dut l ann o nce mé per la sajons da d’instà y inviern. Tel. 348/4287159 o 338/6478028 Alessandra. (17/11) •••

L vën cris n pitl cuatier o na mansarda per doi persones da tò a fit dai 15 de mei inant per 2 – 3 mënsc te Gherdëina. Tel. 340/5298027. (17/11) ••• N pèr da tlo chier n cuatier te Gherdëina per dut l ann. Tel. 347/2535315 o 334/2421086. (18/11) •••

N’ëila de 52 ani che viv a Milano chier n cuatier cun mubilia da tò a fit a Ciastel, Sëuc o Urtijëi. Tel. 338/1795749. (18/11) ••• Te Gherdëina vëniel cris zachëi che ëssa doi pitli lievri (Zwerghasen) da scinché o da de ca a n bon priesc. Prëibel cherdé su l 338/5284911. (18/11) •••

Chirì da laour Ëila cun diesc ani de esperiënza chier da lëur sciche badante da śën inant. 329/5331078. (16/11) ••• N ëila cun truëpa esperiënza y bona referënzes chier da lëur da śën inant sciche badante o nce a cialé sun de pitli mutons, sce la va te Gherdëina. Tel: 340/5298027. (16/11) ••• N cogo dl post chir n post de laûr por fora de sajun tla Val Badia. Tel. 333/6640912. (16/11) ••• N ël da tlo chier per l instà te Gherdëina n lëur nce a judé te cësadafuech o a lavé ju. Tel. 339/6837949. (16/11) ••• N ël chir laûr tla Val Badia sciöche fant de ćiasa, lavataîs, fà döt. Tel. 320/3606654. (16/11) ••• N’ëila chier da lëur a rumé su majons, sciche fancela o scenó nce a fé d’uni sort de stroc. Sce l ie mesun te Gherdëina. Tel. 334/9676014. (16/11) ••• N ël chier da lëur coche cuech. Tel. 328/6436902. (16/11) •••

Na jona de 18 ani de Badia chir n laûr da mez lugio inant. Tel. 335/7879518. (17/11) ••• N cogo dl post chir n post de laûr por fora de sajun, dla Val Badia. Cell. 333/6640912. (17/11) ••• N’ëila chier da lëur a rumé su cuatieres a Urtijëi. Tel. 334/9374939. (17/11) ••• Na jëuna da tlo cun matura y ejam de trilinguism A chier n lëur da śën inant coche secretera o nce zeche d'auter per dut l ann o nce per la sajon da d’instà. Tel. 333/9895924. (17/11) ••• N jëunn chier da lëur a judé te cësadafuech, a lavé ju o scenó nce sciche chelner. L fajëssa nce gën l lëur da sciafèr o de avisé l ”muletto”. Tel. 0471/704257 - 327/8378389 345/3858009. (17/11) ••• N jëunn da tlo chier da lëur da śën inant nchin ala fin de juni. Tel. 328/7362109. (18/11) ••• Na studënta de 17 ani chier da lëur a judé te cësadafuech o te ufize o coche chelnera de sala. La sà la rujenedes

tudësch, rus y nglëisc. Tel. 347/4788551. (18/11) ••• N ël chier da lëur da massajadëur y scenó nce a fé de uni sort de stroc cun puscibltà de albierch. Tel. 327/1304706. (18/11) ••• Na ëra de 40 agn dl post chir laur tla Val Badia da jì la sabeda a puzenè apartamënć o d’ater. Tel. 339/5947933. (18/11) ••• Na ëra de Badia chir laur por 3 - 4 ores danmisdé sciöche ćiamenëssa tl’Alta Badia. Tel. 0471/838075. (18/11) ••• Na jona de 18 agn dla Val Badia chir n laur d’isté por ćiarè di mituns. Tel. 347 5860697. (18/11) ••• N ël chier da lëur a judé te cësadafuech o a fé d’uni sort de lëures, te Gherdëina, cun esperienza. Tel. 3387233211. (18/11) ••• Na studënta de 16 agn dla Val Badia chir laur sciöche möta da mituns, fà i gostà o val’ ater laur por la sajun da d’isté. Tel. 333/8587715. (18/11) •••

Vangel dla Domenia Cuarta domënia de Pasca, ann A, ai 15 de mà 2011 Dal vagnele do San Jan, 10, 1-10 Te chël tëmp à Gejù dit: Amen, amen, i ves diji: chël che va te tamà nia da üsc ite, mo da n’atra pert ite, chël é n lere y n loter. Chël che va indere da üsc ite é le famëi dles bisces. Le portinà ti deura y les bisces ascuta süa usc; al chërda les bisces che é sües, vignöna por so inom y les condüj fora. Do ch’al à parè fora dötes sües bisces, ti val danfora, y les bisces ti va do; deache ares conësc süa usc. A n forest ne ti jaràres nia do, mo ares sciamparà da d’ël, ćiodiche ares ne conësc nia la usc dl forest. Gejù ti à cuntè chësta parabola; mo ai ne capî nia le significat de ći ch’al ti â dit. Gejù ti à dit inant: Amen, amen, i ves diji: iö sun l’üsc da i jì pormez ales bisces. Düć chi che é gnüs dan mè ê leri y lotri; mo les bisces ne i à nia ascutè sö. Iö sun l’üsc; chël che passa da mè ite gnarà salvè; al jarà ite y fora y ciafarà pastöra. Le lere vëgn mâ a d’arobè, a copè y a desfà; iö sun gnü, por che ares ais la vita y che ares l’ais en abondanza. Parora dl Signur. - Lalt a té, Gejù Crist!

Iolan Desche en dé se röa, èl inće la vita co se röa. Mo le recort romagn por dagnora vi y tlêr, de

Jep Ellecosta da Taibun - Frena - La Pli *01.03.1925 +02.05.2011 I rengraziun i doturs y les infermieres dal spitol da Bornech, co è stades tan da orëi bun empara, y düć chi co è gnüs a le ciafé. Iolan a düć chi co è stês a dì les corones y à tut pert ala sopoltöra.

Recort

Pire Zingerle Al é bel’ passè dui agn che nosc bun pere y om nes à lascè. Tati, to recort de bontè y amur vir dagnora te nüsc cörs.

Iolan a signor Ploan dles beles parores, ai ćiantadus co à ćianté tan bel, a düć chi co à fat en sorvisc, a düć chi co à fat ofertes y a düć chi co prëia por ël, dër bel iolan. La só Nese coi familiars

Orun Te recordè tla santa mëssa en vëndres ai 13 de mà 2011, dales 18.30, tla dlijia da Corvara. Angela cun familia

Recordanza I ne se desmentiun nia di bi mumënć che i ùn passè deburiada.

Recordanza

Recordun nosc caro

Gottfried Crepaz

Pepi Vonmetz

che nes à lascè ai 13 de mà 2009, tla santa mëssa en domënia ai 15 de mà 2011 dales 18.30 tla dlijia da Corvara.

+16.05.2002 Al é passè 9 agn da canche mi om y nosc tati s’à lascè. Mo indlunch él pedies de tüa vita, che nes fej recordè de te, y nes lascia crëie che t’es tres pro nos. Deboriada urunse se recurdè de nosc caro tla santa mëssa en sabda ai 14 de mà dales 18.00, tla dlijia da la Ila.   I Familiars

I familiars

Cundulianzes La Union Generela di Ladins dla Dolomites ulëssa ti fé la cundulianzes plu senzieres a Paola Agostini, presidënta dla Union di Ladins de Col, per la mort de si oma

Germana Frena.

Recort Bel’ 5 agn él passè, da canche tö as messè se lascè. “Tö se manćes tan... I uressun tan t’abracè, tignì tüa man, aldì tüa usc y s’la rì cun te. Giulan pur to insegnamënt , pur düt ći che tö as fat y fejes pur nos.”

Union Generela di Ladins dla Dolomites

Rengraziamënt La familia dl

Hermann Nagler

Peppele dl Maister

*05.10.1935 +18.05.2006

d’Altin

I urun te recordè cun la Santa Mëssa en mercui ai 18 de mà, dales 7.25, tla dlijia de Badia. A chi che tol pert y a chi che te recorda inant te sües oraziuns, n bel giulan. Cun amur tüa familia

ringrazia particolarmënter dütes chëles persones che te n grüm de mainieres ti ê stades dlungia al Peppele y ala familia.

www.lauscdiladins.com

47



La Usc di Ladins