Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,50 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83,

Nr. 16/2009 - 02 de mei 2009

IP Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Mujiga

4

Sabina Willeit N grandiscimo suzes per Sabina Willeit a Karlsruhe. “La star dla sëira” ntitulova la Badische Zei-tung l comentar dla premiere dl’ opra Don Carlos de Verdi de n sada ai 25 de auril tl Staatstheater de Karlsruhe.

Tremot

5

Ulenter tl Abruzzo On cuntatà tres telefonn Toni Perathoner de Sëlva, ulenter dla Prutezion zevila, ntan che l fova tl raion tucà dal tremot dlongia l’Aquila.

Plata université

8

Workshop tecnologich Tl Tecnology Workshop tla Université de Balsan gnaràl baié dla combinaziun de materiai tl’architetöra.

Badia

21

Dé intercultural Tl salf di jogn de Badia él rové adöm cultures y tradiziuns des-valies.

Musiga

22

Gran Pest Inće ćiantauturs dla Val Badia tolarà indô pert ala preseleziun provinziala por le Gran Pest dla Musiga Popolara.

Porsones

23

Frisures premiades Elena Pescollderungg y Stefanie Rottonara à arjunt le podium pro i campionać nazionai da friser.

Fascia

25

La cultura te Museo L Museo de Fascia à tout pèrt a la XI Setemèna de la Cultura sporjan novitèdes e ocajions de baratò e leam col teritorie.

Musega

27

Joegn fajeve inant! Sonadores e gropes da duta la Ladinia é envié a tor pèrt a n conzert che vegnarà endrezà a Poza ai 20 de jugn.

Per ladin amò più bel!

Comentar de pruma de Iaco Rigo

Te Fascia na setemèna de scomenzadives endrezèdes adum da la maor istituzions de val per uzèr fora l valor de l’identità e del lengaz ladin L Comprenjorie Ladin, dessema co l’Union di Ladins, la Scola e l’Istitut Cultural de Fascia met a jir da en domenia ai 3 enscin en jebia ai 7 de mé, n nef event che à inom “AISCIUDA LADINA”. Se trata de na lingia de scomenzadives che veit la maor istituzions e sociazions de cultura de Fascia se dèr jù adum per uzèr fora con desvalives moments l’identità ladina e l lengaz desche valor de noscia mendranza, da durèr te duta la ocajions publiches e ence privates. La manifestazion pea via te la Sorastanza de la Scola de Fascia en domenia ai 3 de mé da les 14.30 con la festa del lengaz, e la va inant con la maratona de letura. Dal lunesc a la jebia te scola, inant mesdì per i studenc e domesdì o da sera per duta la comunanza, travers

Nazifascism

referac, spetacoi e conzerc vegn portà dant argomenc desferenc desche l derit e i joegn, la fémenes ladines, da la tradizion a l’inovazion e la prospetives de la politica linguistica. E per recordèr i 5 de mé del 1920, canche l’é nasciù la bandiera ladina, l’Union di Ladins de Fascia ge sporc la bandiera dai 3 colores ladins a duc si sozi. va inant a plata 13 Bertol envìa i ladins a valorisèr sie lengaz.

Mez secul de vita EPL L’EPL - Ert por i Ladins s’arjigna ai festejamënć por sü pröms 50 agn. Insnöt sabeda ai 2 de mà dales 19.00 inant saral la daurida dl cërtl “Flus de Mà” che tol ite passa na desëna de manifestaziuns fora por le mëis de mà por le iubileum Les prömes mostres d’ert organisades por n grup va zeruch tla Val Badia ai agn 1958 y 1959, ilò à siur Angel Morlang ponsè da mëte sö na uniun dles artistes y di artisć ladins dla Val Badia y oriundi (de descendënza) dla Val Badia. Insciö gnôl metü spo dl 1960 dan an notar l’EPL, cun les trëi seziuns “scultöra y pitöra”, “leteratöra” y “musiga”, componëntes che é romagnüdes ćina al dédaincö la

fondamënta dla lia. Chësc ann 2009 gnaral festejé i 50 agn dla uniun, y śëgn de mà gnaral pité tla Val Badia y a Bornech na ligna de manifestaziuns de ert figurativa, leteratöra y musiga sot al cërtl “Flus de Mà”. Por chisc 50 agn gnaral fora indöt trëi libri: la racoiüda dles poesies premiades tles cinch ediziuns dl Pest Angelo Trebo (dal 1997 incà), le liber “EPL 50 agn

artisć Val Badia 1959-2009” y le liber söl opus vitae de Felix Dapoz.

Liber de poesies Le liber tol ite sön 88 plates dötes les poesies premiades tles cinch ediziuns dal 1997 incà, tuta ite l’ediziun de chësc ann 2009. va inant a plata 2

L capo dla polizia i à proibì ai Scizeri de jì enchin permez al Alpino. Sce la defileda é steda chieta, spo é les reazions entornvia stedes tendenziouses: Seppi à lascé ju la gherlanda sot l Alpino per glorifiché l fascism y l imperialism, l vizeombolt de Bulsan Ellecosta à rejoné che le dret dì dla liberazion di südtiroleisc é sté l dì che la armada todescia é marceda adalerch. An à indô n iade vedù che no la defileda di Scizeri, no l’azion de Seppi y nience la declarazion de Ellecosta n’à arjont l fin: motivé a na discuscion costrutiva, de muda dl’emotivité etnica y bunsens per la convivenza! Sce, spo él gnu auzé su stuep y sciaudé l cervel. La jent de Südtirol messessa perdret do duc chisc agn de polemiches ester instessa maduda de pié a man cie che podessa apajé via i cefs. Me che con jent dantfora sciche Seppi y Ellecosta ne jirala ben no. Y chi che se lascia sciaudé su restarà inant la jent sensibla y debla, chela che po saurì gnì - ence - strumentaliseda y azioneda. Aterco “liberazion dal nazifascism”, te Südtirol fòssel de mete su n’autra festa: chela dla “liberazion da la liberazion dal nazifascism”. Jon mo duc ai 25 d’auril te gliejia a perié San Merch do l aiut per vive tla prejenza dl spirit sant.

L valor del lengaz Vigni popul se desferenzia dai autres per storia, cultura e tradizions, ma soraldut per via del lengaz: canche n popul l lo pert, l pert si anema e gran part de si identità. L lengaz defati l’é l strument fondamental per esser en consaputa de chel che se é, e poder se confrontar coi autres. Per secoi alalongia, fin a mia generazion de segur, l ladin l’é stat l lengaz de la mare: l passaa tel sanch e tel lat desché i bogn saores de ciasa e de noscia tera, si son douc l se mescedaa a la musega e al ritm del cher de la mare. Zacan duc rejonaa ladin te ciasa e te paìsc, ma a n livel che nesc veies conscidraa bas e con mendra degnità e valuta di lengac de maoranza. L’é ruà ence tempes senestres olache no se podea rejonar ladin te scola: ence amò dò la seconda vera se padìa chel’aria malsana vegnuda su col nazionalism fascista. va inant a plata 2


Letres y Atualité

nr. 16 / 02 de mei 2009

Dolomites Ntegrazion a mi lëtra unida ora dan n valguna enes: Ocio a frì ite tl plu bel ambient naturel y nët che l ie mo te nosta valeda, da Iender ite, per nëus che jon nce a pe, datrai! Duta chësta strambaries ne ulons nëus nia y ne lascerons nëus nia, tan bën y avisa sciche ne on ënghenó ulù y supurtà, dan n ann, che nosc inuem bel y nëubl „Dolomites“ fova unì traspurtà via te cërta montes dla gran Cina, per afarism, y nes zapan a nëus abitanc sun l cë, cun l’aruganza dl pudëi „alauta“! No pa?...Herr

Seeber dla Leitner de Sterzing, Herr L. Durnwalder, Sëurastant dl Lond, y pona bera Flori Mussner da Costa, y nce Christoph Perathoner de Piciulëi, y nce anda Paola Pioch-Gasser dla SVP! Ajache l nes sà che da viver ne ons nëus duc nia tan mel, y che s’la caveron nce inant nia tan „mal“, dantaldut permez a milions de jënt sun nosc mond che ne n’à nia sun mëisa, y che mor da fam y da sëit! No pa?

va inant da la pruma plata

sotora nce chël ulache te ies sentà lessù, unfat de ce ana che te ies. L cajo de na cësa, bën fata, de doi partimënc, n sotët, cun garajes y mpue’ de vërt, jita venduda per trëi milions y mesa de euro a zachei de chisc, ie da set mënsc che vën s ventre da def in da plu compressëures cun tan na gran fuera che fej zitré dut l raion, che vën mpartida ite te ot cuatieres, na scela da dedite y n elevadëur y per fé chësc àn stlupetà lasta dedite ora, tant che n à messù fermé cun la forzes dl ordenn chësc fundamënt. Mbën chësta cësa dëssa custé fineda mo n iede trëi milions y mesa de euro, à sapù da dì zachei che à da n dì. Tant venderàn pa pona n tel cuatier, a de tei da tlo? Segur de no! Y nscila se n zidlons ite for plu y plu nce te nosta bela Val Gherdëina, sambën per merit y tirté de nëus nstësc, che ti n... ala cunseguënzes!

Ades che duc i fascegn à l met giuridich de durar l ladin te vigni situazion, te scola e ti comuns e te la radunanzes e te lejia - ence se amò massa pech - n muie de autres i no dora l ladin, o i lo rejon malament, o endirao i lo trasc te n cianton desché na veia massarìa che no serf più. Dò egn e anorum de batalies per arjonjer l derit de rejonar ladin, doventà lengaz ufizial istituzional, ades aon l doer moral de no lasciar jir en aschies chesta arpejon zis preziousa! Apede a la valuta “emozionala” che se tira dò l lengaz de la mare, vegnir sù enscin da pìcoi con più che n lengaz demò – l ladin apede al talian e/o l todesch – l fasc post ence a l’emparar autres lengac: chest l’é recognosciù e desmostrà a livel scientifich internazional. E se volon meter a jir na dreta politica linguistica no podon desmentiar l’emportanza di massmedia: radio e televijion ladina e La Usc di Ladins dant da dut; l besegn de n lengaz scrit unitar che no ge tol nia ai idiomes de val, ma auza fora l ladin al medemo livel e valiva degnità di autres lengac. I strumenc i aon duc a la leta: l’é demò debesegn d’i meter a jir duc a una - istituc culturai e scola, istituzions e sociazions, mond economich e lejia - se ge cardon a la gran valuta culturala e spirituala de chel ben preziousc che aon rità: noscia cultura, noscia identità e nosc bel lengaz ladin!

Toni Senoner, Urtijëi

Antone Polam

Oscar Prinoth de J. da Brida, Urtijëi

Da no crëier Canche jënt ruva ala strëntes per vel’ rejon, jënt che ne à nia gran liam cun l ncësa y che per si bujëns ne à degun rëm o lim, medrë che i se selve la pel, vëndi via si avëi, si coa y si ncësa zënza gran scrupuli, ne cialan tl mus a deguni, medrë mé ai grosc. De chëi dai gran grosc n iel a de teles trueps sun chësc mond, y plu che l vën svaià de crisa y de cania ntëur l mond, y plu che l n ie de chëi che ti possa do a cosses y custimënc che ie chersciui a i usservé y che ie da no crëier. Sce l ie nzaul zachei che ie tl lëur de fé la storcia y de ti la peté ju, nosc biei raions dal muet ne n’ie n chësc cont nia stluc ora, pona iel debota jënt da caprò y da oradecà che la nriesc y à pona sambën la munëida da cumpré su obiec che jënt da tlo ne à dinrer l ardimënt de cumpré, ajache la somes che vën paiedes ie ora de duc i fundamënc. A judé do n chësc cont iel pona sëuraprò sambën nce na tlapeda de chëi dala tascia da actes, che te vënd

L valor del lengaz

Cheder di saudeies Tla Cësa de Paussa a Urtijëi iel da udëi n cheder cun 180 fotos de saudeies dla segonda viera mundiela. L titul dl cheder ie: „1839 - Den Kriegern der Gemeinde St. Ulrich Gröden zur Erinnerung an den II. Weltkrieg - 1945 - Unseren Gefallenen“. Trueps de chisc jëuni ie tumei o perdui tla viera, manco de na desëina viv mo al didancuei. L ie n cheder che lecorda nce cun si dessënies i spavënc dla viera y l ie drët che chësta tragedia dl’umanità ne vënie nia desminceda. Manco drët me sà che chësc cheder, che ie unì fat bonamënter dan truep ani, ie unì tacà su zënza na tofla che spiega che chisc saudeies ie stac, per la majera pert, rati ie, i fions di optanc. L ie nce stat d’autri

saudeies de Urtijëi, mutons de “dobleiberi”, che à ënghe fat pea la viera, che ie tumei y che ie ruvei ti ciamps de perjunia. Chisc ne daussa nia unì desmincei. Danter ëi possi mé lecurdé n valguni, che ie mi pere Alex Moroder, Max Stuflesser, Pauli Moroder, Ernst Prinoth, Theodor Grossrubatscher. Ma l n ie mo trueps d’autri. Per savëi de plu cunsiei de liejer la plata 383 dl liber nuef sun Urtijëi: „Elfriede Perathoner, Albert Moroder: 100 Jahre Marktgemeinde Urtijëi - St. Ulrich – Ortisei. Edition Raetia, 2007.“ Me mbince che l’aministrazion dla Cësa de Paussa feje velch per lecurdé duc i saudeies dla segonda viera. Wolfgang Moroder, Urtijëi

L cheder tla Cësa de Paussa a Urtijëi.

Mez secul de vita EPL L’EPL - Ert por i Ladins s’arjigna ai festejamënć por sü pröms 50 agn. Insnöt sabeda ai 2 de mà dales 19.00 inant saral la daurida dl cërtl “Flus de Mà” che tol ite passa na desëna de manifestaziuns fora por le mëis de mà por le iubileum liber documentar sön dötes les artistes y düć i artisć che à tut pert - inće ma por n tëmp cört - al’ativité espositiva dl’EPL. Laprò él inće i mëmbri che n’é nia plü en vita y düć chi che é jüs a stè foradecà. La presentaziun de chësc liber y la daurida dla gran mostra sarà la Les trëi power-ladies da La Val sarà da aldì ai 23 sabeda ai 9 de mà de mà a Bornech. dales 19.00 inant tl Istitut Ladin a San va inant da la pruma plata Martin de Tor. Le liber gnarà presentè en mertesc ai 5 de mà, da sëra, tl Istitut Ladin a San Martin de Tor, y te chësta ocajiun i gnaral inće surandè li pesć ai trëi davagnadus de chësc ann Carlo Suani, Helene Gasser y Daria Valentin.

Gran mostra di 63 artisć cun laprò le liber Por chisc 50 agn gnaral fora n

2

www.lauscdiladins.com

N conzert inće a Bornech En colaboraziun cun le Comun dla Cité da Bornech gnaral metü da jì por le iubileum di 50 agn n conzert gala tla Ćiasa Michael Pacher. Al sonarà i dui grups D OLOMITIches (cun les ćiantarines prinzipales Marlene Schuen, Elisabeth Schuen y Maria Moling) y Chris Costa ycun süa

band. Tl intermezzo gnaral ofrì n bufet, la chertes d’entrada por la serada de musiga dlafora (prisc: 11,00 euro) dla sabeda ai 23 de mà dales 21.00 po gnì cumprades te dötes les filiales dla Cassa Raiffeisen de Südtirol.

La daurida de “FLUS DE MÀ” Insnöt, sabeda ai 2 de mà dales 19.00 inant, gnaral daurì tl Hotel Aqua Bad Cortina a Al Plan de Mareo le Iubileum di 50 agn cun na discusciun cun artisć jogn y manco jogn, desco inće cun organisadus de evënć creatifs y autoritês dal monn dla politica y dla cultura, söl moto “se fà ERT”. Dedô saral spo n renfrësch cun musiga y aorela cörta tiroleja. Priesc d’abonament anual:

per la Talia: 54,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, David Lardschneider, Pablo Palfrader, Marco Dibona Moro, Lorenzo Soratroi. Stamparia: Fotolito Longo, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 16 / 02 de mei 2009

Manuela y Debora, atletes dl ann

Na gliejia plu ladina Na delegazion dla Union Generela di Ladins dla Dolomites é ruveda adum con l vescul nuef de Bulsan-Persenon Karl Golser gnì touc ca sciche fondamenta per les autres valedes ence per che al vegne garantì na certa unité. Chilò él dessegur l ofize linguistich dla Generela che se met a desposizion y ence i istituc Micurà de Rü, Majon di Fascegn y Cësa de Jan ne messessa dessegur avei nia decontra.

Souramont tralascé da Persenon

I reprejentanc ladins con l Vescul Golser

Atualité - Ai 27 de auril 2009 s’á na delegazion dla Union Generela di Ladins enduné con l vescul de Bulsan-Persenon Karl Golser a Bulsan. De chesta delegazion à fat pert la presidenta Elsa Zardini, Giuvani Mischì dl Istitut Ladin Micurà de Rü y Marco Pizzinini - vizepresident dla Generela. Tratant l’enduneda él gnu rejoné de deplù argomenc che reverda i ladins, dantaldut da l’adoranza de nost lingaz te gliejia. L Vescul intes à n gran respet per nosta mendranza y al à dit che al é sia intenzion de mioré, te sie puech temp lede, sies conescenzes de nost lingaz. La situazion autala é chela che l lingaz ladin po gnì adoré “ad experimentum” tla Val Badia y te Gherdeina. Te chest contest messonse dì che al vegn tla Val Badia adoré truep l ladin te gliejia y che te Gherdeina fòssel dutes les condizions de l nuzé

deplù.Te Fascia n’é le lingaz ciamò nia adoré ofizialmenter, mo al vegn adoré intres plu sovenz, ciuldì che al é gnü conzedù dal vescul da Trent. Tles gliejies de Souramont é i fac dut autri, l ladin vegn demé adoré te na pert mendra y canche la jent volessa l adoré spo végnel fat de gran dificoltés da pert dla gliejia locala o ence dla diozeja de Belun.

L ladin te gliejia ence te Souramont L vescul s’à desmostré dret informé sun la situazion dla popolazion dles valedes ladines y al à dit che al darà dut si sosten, per cie che é te sies poscibeltés, de porté inant l’adoranza de nost lingaz te gliejia, tolon ence su contat con i vescui da Trent y da Belun. I tesć che vegn bele adorés tla Val Badia y te Gherdeina podessa

Elsa Zardini ti à ence conté al vescul la situazion particolara che é gnuda a la dì do la despartida de Ampez, Col y Fedom dl ann 1964 da la Diozeja de Persenon. Chesta despartida n’à la jent mai azeté y sen che la gliejia locala proa de tò ju plan, plan vigni usanza o tradizion che podessa recordé l liam dla jent d’Ampez y de Fedom con Persenon é la situazion ciamò plu pesocia. L Vescul à dit che al é daspavent important de respeté la volenté dla jent, dantaldut tles cuestions de gliejia y che l’esprescion dla fede mess ester ledia da vigni impediment. Ence l Vescul à dit che la gliejia ne podarà nia reconesce ofizialmenter vigni idiom de valeda, mo demé n lingaz scrit unifiché y chilò àl bele dé n segn te chesta direzion ence sce la parola definitiva ti speta te chesta cuestion ai linguisć y a la politica. Tla fineda ti à i ladins sourandé plu scincundes al Vescul, danter chestes ence n liber che ilustreia la storia dla ploania de San Iaco te Ampez. Chesta enduneda é dessegur steda importanta per mete na fondamenta a n dialogh costrutif anter Diozeja y Uniun Generela di Ladins.

Vêga val’ de nü: sorvisc zivil pro la Crusc Blanćia!

Manuela Mölgg l’à davagnada cuntra Denise Karbon, Debora Agreiter é l’atleta aspiranta de Südtirol Porsones - Ara s’à tratè dla 22ejima ediziun dla Lita di Atleć de Südtirol, promoiüda dala ćiasa edituria Athesia en colaboraziun cun les maius lies sportives, y bëgn 40.000 é stades les preferënzes gnüdes dades jö por ćerne i atleć y les atletes dl ann. L’ann passè ê ćiamò Denise Karbon y Manfred Mölgg stà i atleć dl ann, y chësc titul ê stè te trami i Alex Schwazer y Manuela Mölgg, re y reìna dla caji bun merité. En serada eleganta a Maran. chësc ann à Manfred Mölgg messü lascè usc por “pista” Gherdëna. En chësc ann él inće cuntra le campiun olimpich da jì gnü premié le fanclub plü original (atletica) Alex Schwazer, porchël y sterch, y chilò à trat döta l’atenziun à indere süa só Manuela Mölgg le fanclub de Christof Innerhofer davagné le titul. Secunda é gnüda da Gais. Al secundo post él ruvé pro les atletes Denise Karbon de le Fanclub Mölgg y al terzo i amisc Ćiastel, terza Carolina Kostner de dla scuadra de hockey da Bornech.

Pest por i aspirianć Chësc pest porta l’inom “Ossi Pircher” y al i vëgn conzedü ai jogn atleć, ai aspiranć di gragn titui internazionai. Debora Agreiter, atleta badiota de paslunch, y le campiun jonil de jadinè Jan Daldossi à podü pié do chësc pest de prestisc y de motivaziun. La festa tl Kursaal da Maran por la premiaziun di atleć é stada indô nobla y s’à sonè y Jan Daldossi y Debora Agreiter: le pest balè fora desco dangora tles por i bugn resultać jonii, y por le ores da doman. (test: iaco rigo / fotos: stol-athesia) dagnì.

Scenar, ert y cultura tla Ladinia La proscima ediziun de “Scenar” jarà en ona en jöbia ai 7 de mà dales 20.30, sön la Rai TV Ladina

Dlungia i 2.500 volontars laora al momënt inće 25 sorvidus zivii y 8 sorvidus soziai pro la Crusc Blanćia. Ai laora dantadöt tl setur di trasporć de porsones püres y cun chësc feji n gran sorvisc a d’atri Sozial - I sorvidus soziai y zivii acompagnëia, socodësc y dëida les porsones amarades sön sü iadi y impara insciö inće da conësce n gröm d’atres porsones. Le Sorvisc zivil é adatè por porsones dai 18 ai 28 agn. Ai laora te n team jonn, ciafa na formaziun profescionala tl ćiamp dl pröm aiüt y abina adöm n gröm de esperiënzes. Dantadöt por porsones jones, che à rové da jì a scora y ne s’à nia ciamò ciafè daldöt süa profesciun, é le sorvisc zivil na buna ocajiun por fà deplü esperiënzes cun porsones amarades y strotöres sanitares. Implü impari a conësce na

assoziaziun volontara sciöche la Crusc Blanćia. Le Sorvisc sozial é adatè a porsones sura i 28 agn, che à na gran esperiënza de vita y che oress vaghè val’ de nü. Chëstes porsones ti dà n sostëgn al team cun süa esperiënza, süa madoranza profescionala y personala, cun süa calma y é p orchël dër adatades al acompagnamënt de porsones amarades. Chësc sorvisc po gnì fat de dötes les seziuns dla Crusc Blanćia de Südtirol. Le davagn vëgn paié fora aladô di laurs fać y aladô dles ores de laur. Implü ciafa chëstes porsones tröpa reconoscënza y n

gran respet y dilan da pert de döta la popolaziun. Por informaziuns plü menüdes pon damanè do te öna dles seziuns dla Crusc Blanćia o pro l’Assoziaziun Provinziala de Pröm Aiüt Crusc Blanćia - repartiziun personal, str. Lorenz-Böhler 3, 39100 B alsan. Telefonn: 0471/444382, fax 0471/444374, e-mail: zivildienst@wk-cb.bz.it, internet: www.wk-cb.bz.it/de/ ichwillhelfen/zivi. Al gnarà inće metü da jì na serada de informaziun, plü avisa en jöbia ai 14 de mà dales 17.00, tla seziun dla Crusc Blanćia a La Ila.

Les massaries por le laûr de Tar-Kashi.

Televijiun - En jöbia ai 7 de mà dales 20.30 jaràl en ona sön la Rai TV Ladina na ediziun nöia dla trasmisciun de ert y cultura tla Ladinia “Scenar”, metüda adöm da Karin Pizzinini, sot la produziun de Hans Peter Karbon. I argomënć dla ediziun de mà à da fà cun artejanat, storia y ert. Tar-Kashi: N artejanat che é gnü portè adalerch da paîsc dainciarà te n oriënt tan esotich por nos y à ciafè n so svilup tla picia cöna de Ampëz. É la belëza de chisc laûrs desti-nada

da scomparì tl tëmp? Peter Demetz: La porsona é dessigü n elemënt zentral dla creaziun artistica de Peter Demetz. Al ne la stüdia nia ma te so ćiarè fora, mo ó la conësce ince te süa pert plü sota, por ti dè a sües scultöres na dimensciun zënza lerch, zënza tëmp.

Peter Demetz fej na schiza. www.lauscdiladins.com

3


Atualité

nr. 16 / 02 de mei 2009

Sabina, star dla sëira

Piedies de lores

N grandiscimo suzes per Sabina Willeit a Karlsruhe. “La star dla sëira” ntitulova la Badische Zeitung l comentar dla premiere dl’opra Don Carlos de Verdi de n sada ai 25 de auril tl Staatstheater de Karlsruhe

Tl raion dla Val Badia y de Sterzing fòvel na lores ncantëur. Do la lores che à bonamënter passà l inviern sun l Jëuf Gampen, fossa chëstes la segonda y terza lores te Südtirol

Sabina Willeit.

Mujiga - Y la “star dla sëira” fova Sabina Willeit, na stëila nueva tl firmamënt dl cianté lirich-dramatich. Bel, beliscimo, l mascimo che n possa se aspité, scutan su na tel nterpretazion, te na opra che se damanda gran cualiteies, coche na padrunanza bona y segura dla tecnica dl cianté, esprescion artistica y dantaldut na gran usc, per cianté Verdi. Dut chësc à Sabina desmustrà tla premiere de Don Carlos de Verdi tla pert dla prinzëssa Eboli, la pert dl mezzosoprann.

4

www.lauscdiladins.com

Bele cun la prima aria “La canzone del velo” àla descedà gran emuzions savan da balanzé tan bën la finëza dla coloratures nia mé coche nublëza tecnica, ma coche virtuosism per sotrissé l evënt dla scena, se davanian n prim gran aplaus. Coche Verdi à purtà ite dramatizità te chësta gran opra, plu iedesc da ël nstës unida cumededa ora, nsci à nce Sabina Willeit sapù da purté te n gran “c r e s c e n d o ” n “c re s ce n d o” d e dramatizità y de esprescion, arjunjan l mascimo tla aria “O don fatale …”, ulache l publich ti à fat coche n dij na “standing ovation” cun “bravo” y “super, super” che ne finova plu. Te chësc gran crescendo àla fat valëi si sensibltà y gran putënza mujighela de nterpretazion, descedan propi chëla emuzions che n se aspieta de viver pea, scutan su la dramatizità de chësta opra de Verdi. Y chësc ie l mascimo che na ciantarina-atëura possa ti dé ai simpatisanc dl bel cianté. “… In der Arie “O don fatale” läuft Willeit zu schauspielerischer Höchstform auf und krönt ihre glutvolle Darstellung der Partie…“

zitat ora dla Badische Neueste Nachricht! Do ades cater ëura de opra, passedes mé nsci te n bisc, iel stat aplausc per passa n chert d’ëura. Da dedò tl foyer audìven da duta la pertes gran laudes per Sabina Willeit che fova bën tla bocia de uniun. “Cun na tel nterpretazion pudëssela propi se lascé audì ti majeri teatri dl mond,” audìven dijan. L ntendënt dl Staatstheater à dit danter l auter ntan la festa dla premiere: “Sie war unsere Hoffnung! Mit Sabina Willeit haben wir einen guten Fang gemacht!“ La reprejentazion dla premiere (Modena-verscion 1886 te 5 chedri), sot ala bachëta de Justin Brown y la regia de Robert Tannenbaum dan a na sala de 1.700 persones, fova bele venduda ora da n pez. Don Carlos purteràla mo dant n valgun iedesc nchin de lugio. Da d’autonn incà à Sabina n post da mez zosoprann tl Staatstheater de Karlsruhe y à via per chisc ultimi mënsc ciantà la pertes de Fricka tla „Die Walküre” y tl “Rheingold” de Wagner, dl Cherubino te “Die Hochzeit des Figaro” de Mozart, dla Gräfin te “André Chénier” de Umberto Giordano.

analisé la situazion. L’autorità de ciacia ie dla minonga che la lores che à lascià piedies tla Val de Isarch auta à passa l inviern tla valeda de Stubai. Chësta lores ne à aldò de nfurmazions nia zarà tieres de cësa y fuià te castli dal’eves. Sce l ëssa mpomo da unì a se l dé vel’ dann pervia dla lores, damanda l Ufize provinziel per la ciacia de l fé riesc al savëi, cherdan su l numer de telefonn 335 8489867. Chësc dantaprima acioche la Provinzia possa aldò dl plann per l mantenimënt dla lores tl’Elpes urienteles, paië ora chëi che ëssa da avëi dann pervia dla lores. Piedies de lores tl raion de Sterzing. N à pona nce udù piedies Fauna - L Servisc provinziel per tl raion cumenel de S. Martin de la ciacia a Sterzing ie riesc jit a Tor, tla Val Badia. (usp)

Chëst’ena àla bele metù man de mparé ite na pert nueva, chëla dl cumponist te “Ariadne auf Naxos” de Richard Strauss, che unirà purteda dant da juni a lugio. Helmut

Paredlé la mesures dla piedies dla lores.


Atualité

nr. 16 / 02 de mei 2009

A judé tl Abruzzo On cuntatà tres telefonn Toni Perathoner de Sëlva, ulenter dla Prutezion zevila, ntan che l fova tl raion tucà dal tremot dlongia l’Aquila. Perathoner contra dla situazion, de si ncëria lajù, de si mprescions

Tl ciamp Sant’Elia dla Prutezion zevila. A man drëta y lajù cun la pacher Toni Perathoner. Dessot n valguna fotografies dla cunseguënzes dl tremot.

USC: Co cëlela pa ora tl Abruzzo? Toni Perathoner: Tlo ne cëlela sambën nia ora massa bën, nëus son tlo dlongia l’Aquila tl campo Sant’Elia. De rot iel na gran pert dla cëses y di fabricac. I paejes che ie tlo dlongia, coche Onna, Paganica, Monticchi y i autri ie duc desdrui, cun deguni plu laite. Duc sta mé plu tla tëndes. Ce mprescion ëis’a abù, umanamënter? Cie dij pa la jënt? L ie plu dis che son tlo. Y plu che son tlo, plu che me rënde cont veramënter cieche ti ie suzedù ala jënt. Te televijion vëijen for mé la medema roba. Ma coche dit, l ne n’ie nia mé ch’la una cësa tumeda nsëuralauter, gran pert dla cëses ie da zaré ju y da fé su da nuef. Canche é udù la jënt i prim dis, pona iel danz stat da zoh. Dal’autra pert fòvela nscila che la jënt ova debujën de rujené, che la ulova cunté coche l ie stat, cieche y coche dut ie suzedù. I ova debujën de se lascé ora cun nëus, che unian a judé. Iel pa speranza? La speranza ie bën tlo, danter la jënt, ma l ie l problem che l ne fina nia, che l ie for inò tremoc. Scassé scàssel bele da nuvëmber-dezëmber incà, can deplù, can demanco. Do l gran scas iel de regula l assestamënt, coche n dij, cun tremoc for mëndri y mëndri. Ma tlo n iel n iede n pitl, pona inò n grant, pona inò na pitla scasseda, pona inò na granda. L ie perchël belau mo la tëma che l vën mo n iede na majera scasseda, la jënt l dij nce nscila. Pudëssa pa n privat de nosta

valedes nce judé a vel’ moda? Mah, rie da dì. Da coche ie la vëije ne pòrtel nia massa sce n privat vën ju a judé. L ie plu adatà che la urganisazions se cruzie, che iló ie dut plu saurì da urganisé y da manejé. L purtëssa nce puech nvië su jënt te nosta valedes per n valguna enes, che la jënt uel y muessa nce sté te si raion. Trueps ie stai ti hotiei dla Riviera tlo dlongia. Ma i uel unì zeruch, che i ulëssa inò fé, fé su. I aspieta duc ert che l Chemun i lascé inò ite te si cëses. Tlo iesi mpue’ sciche su da nëus, la jënt a nosta mentalità, ajache l ie nce raions tla montes. Tan che duc à ueia de fé, de ti sauté ite. L ie jënt che uel judé pea, fé zeche, chël vëijen bele nce tlo tl ciamp. Cie Ve dà pa a Vo chësc ntervënt? L me vën dant che l me dà truep, son cuntënt de vester tlo. L me sà de avëi fat zeche de positif. La jënt tlo vën permez y rengrazia, uni di, dijan: ”Co assans’a mei fat zënza Vo!” N iede me iel unit permez na tel anda, me dijan: “Nchin dan chësta ntraunida dl tremot ne ti la fajovi a fé nia, fove for sot a stress, sautove da n piz al auter, da n lëur al auter. Śën stlofi patac y ne savësse nia cie fé d’auter! Coche la muda, la vita, da n mumënt al auter!” Chësc me à dat da pensé. Suvënz ne sons mei cuntënc de nia. La jissa perchël zënzauter a mené zeruch mpue’, te nosta vita sëurameneda da uni di. Co pa che sëis jit tl Abruzzo? Ciun ie pa Vosc lëur cajù? Ie son cumëmber dla Prutezion zevila de Bulsan. L se trata de na grupa de 130 persones. A de teles,

canche l ie de gran desgrazies ambienteles, vëniel jit, do che i cumëmbri ie unii damandei. Nscila iela nce stata chëst iede. Fan de 34 ulenteres l prim iede che son unic ju. Nosta ncëria ie dantaldut chëla de dé da maië, ma nce de se cruzië di chegadoies y dla doces. Tl prim fòvel la tendes fates su, ma zënza ne fòvel mo nia, ora che n trëi chegadoies. Nëus on pona judà pea a fé do y do cundotes de chegadoies, a mëter ite la doces, a njenië ite la cësadafuech a puntin, la sala mensa. Chësta fova tl prim la sëula luegia sciaudeda, che l fova y ie mo frëit tlo tl Abruzzo. Nscila fòvel almanco una na luegia da jì a se sciaudé. Ntant iel nce unì fat n mplant dala lectrisc per la tendes, acioche i posse se taché ite na lum y n mplant da sciaudé. Tl prim fòvel scur y frëit, tla tendes. Tlo à nce judà pea truep i destudafuech de nosc raions, danter l auter de Burnech, Sterzing y dl raion de Maran. I Destudafuech profesciunisć de Bulsan ie ënghe tl Abruzzo, ma te n auter ciamp. Pona iel unit ju, da nosta provinzies ju, l sucors alpin, nfermieres, dutores y d’autra urganisazions. Rate de pudëi dì che la urganisazion ie a puntin. Tlo da nëus ie nce duta la jënt dl ciamp purteda ite, acioche n sebe chiche vën a maië, acioche n posse se urganisé aldò.

Y chi se cruzia pa dla berstot da caruzier a Urtijëi? É la fertuna che mi fëna Anna y mi muta Sara se cruzia dla berstot, cun duc i cunlauradëures. L ie tler che l fossa da fé assé te berstot, ma sce son bele leprò, pra

la Prutezion zevila, pona rati che l ie nce drët jì, a de teles, che l tremot ne cunësc no Pasca, no Ferragosto y no Nadel. Ntervista de David Lardschneider

Tan giut ratëis’a de resté? Sën sons bele tlo la segonda ena. Son n iede unit ju per n’ena, pona inò de reviers a cësa per n’ena, per unì pona ju chësta segonda ena. N iede fòvel unì dit che nosc ntervënt durëssa un n mëns. Ntant ràten bele trëi mënsc de ndut. Chël uel dì che ie uniré dessegur mo ju.

www.lauscdiladins.com

5


Atualité

nr. 16 / 02 de mei 2009

Desmustrazion a Burnech Repurton tlo dessot n valguna deliberes y tëutes de posizion dla Jonta provinziela de Bulsan, danter l auter: scioldi contra la crisa, cuntribuc ai chemuns, tisl di purciei Furmazion y sustëni contra la crisa N mierculdi dl’ena passeda ie jit n drova la lege sun l bilanz provinziel, n juebia ie unì prejentà i pruvedimënc contra la crisa economica y n lunesc ai 27 de auril à la Jonta provinziela à scumencià a mëter n drova i pruvedimënc. L ie unì dat pro doi milions de euro per programs de furmazion per chëi che à perdù l lëur o che lëura mé plu a mez tëmp. Sibe per chëi che giapa velch dala Cassa ntegrazion che chëi che à perdù l lëur giapa 3,60 euro per ëura de furmazion. Ala firmes che pieta programs de furmazion spezifica ti vëniel dat n acont de nchin a 50% acioche i possa tré tres la furmazion. Per la firmes iel unì auzà i cuntribuc De-Minimis da 200.000 a 500.000 euro, la Jonta à nce auzà i cuntribuc de cunsulënza (da 50 a 70% dl custimënt) y i cuntribuc per la pitla firmes (da 13 a 17%) y per la firmes mesanes (da 7,5 a 8,5 %). Per firmes cun deficulteies iel śën mesun mpresté scioldi dal fond de rotazion. L fond de risich dla cooperatives de garanzia ie unì auzà de mesa na milion de euro. “Sëuraprò ons nce dat pro trëi milion de euro per la sozietà de esport dl Südtirol y smendrì la burocrazia per chësta firmes. Acioche l possa unì paià ora plu riesc ala firmes che à frabicà opres publics, ne n’iel nia plu debujën dla contes per l cont finel, ma me plu l colaude di esperc.

Tisl di purciei Tl Südtirol ne n’iel te chësc mumënt nia rejon de sté ert, ma n ne possa ënghenó la tò ala lesiera: l assessëur Theiner à spiegà te Jonta provinziela che la Provinzia de Bulsan ie njenieda n cajo che la malatia di purciei, che ie nce da taché per la persona, ruvëssa tlo da nëus. N à n plann de pruvedimënc y la medejines njeniedes. Cun l’autoriteis de referimënt a Roma y Bruxelles tënien i cuntac per pudëi se muever n cajo de bujën.

Cunselier de Stat Do che nce l segondo cunselier de Stat à dat ju si ncëria ie la Provinzia de Bulsan śën defin zënza. Aldò dla lege muessa almanco un n cunselier de stat dl Südtirol vester pra la sentedes a Roma canche l vën tratà cuestions che reverda la Provinzia de Bulsan. La Jonta provinziela se damanda che l Stat mëte riesc cunselieres nueves, do che la à bele da giut fat prupostes. “Davia che l guviern nuef ne à mo for nia metù la cumiscion di 6 y di12, y ne azetea nia la pruposta per n ntendënt talian, àn la mprescion che a Roma uelen tenì su nosc lëur aministratif,” à dit Durnwalder.

Cunsulta per l sport

Per nvestimënc di 116 chemuns dl Südtirol iel unì dat pro 70,87 milions de euro. Di trëi chemuns de Gherdëina giapa Urtijëi 649.651 euro, S. Cristina 337.690 euro y Sëlva 532.486 euro. Per nvestimënc cumenei tla Val Badia iel unì dat pro 566.241 euro per Al Plan, 368.103 euro per S. Martin, 276.624 euro per La Val, 632.753 per Badia y 283.415 per Corvara.

Per frabiches dal sport y per cuntribuc al’atività sportiva analisea la Cunsulta per l sport dal dumandes che vën mandedes ite. La Jonta provinziela à dat pro i cumëmbri nueves per chësta legislatura: presidënt dla cunsulta ie l presidënt dla provinzia Durnwalder, vizepresidënt l assessëur Christian Tommasini. I autri cunselieres ie Heinz Gutweniger (Coni Südtirol), Günther Andergassen (VSS), Carlo Bosin (lies talianes USA) y Siegfreid Wolfsgruber. Herbert Valentini ie reprejentant dla grupa de rujeneda ladina.

Demustrazion a Burnech

Scoles

“L ne n’ie nia relazion danter la cumpëida de uemes dla polizai y la lizënza de pudëi mëter ju gherlandes da pert de Donato Seppi,” à dit Durnwalder n cont de no azeté cie che ie stat ntan l fin dl’ena a Burnech. Per la demustrazion di scizeri contra l fascism y l nazionalsozialism à la Cuestura fat unì adalerch feter 600 uemes dla polizai. Tl medemo mumënt à reprejentanc de partic de man drëta metù ju gherlandes dan l monumënt dl alpino a Burnech. “Chësta pruvocazion ne n’ie nia da azeté,” à dit Durnwalder. L ie debujën de abiné soluzions da fundamënt per la pesc danter grupes etniches y chësc cumpurtamënt da pert dla Cuestura ne juda segurdenó de chësc viers. “I monumënc che lecorda la ditatures toca da unì tëuc demez o da unì spustei tl museum, i ne possa nia resté te lueges publiches sciche pruvocazion,” à njuntà l presidënt dla Provinzia.

L Cunsëi de stat per la scoles à dat pro i programs de scola elementera y scola mesana n cont dl’ëures al’ena, la materies de ublianza y materies opzioneles. Śën pòssel unì scumencià a lauré cun chisc programs.

70 milions per i chemuns

6

www.lauscdiladins.com

Fé do la matura Dal 1991 vëniel dat la puscibltà de fé do la matura. Per l proscimo ann de scola iel 270 nteressei. La provinzia finanzieia la scoles da sëira cun 3.000 euro per sculé, uniun muessa mo mëter 1.050 euro leprò per fé l istitut tecnich cumerziel o de perite. Te chësc mumënt iel bele segur che la lezions da sëira unirà pitedes a Bulsan, Persenon, Burnech y Maran.

Borses de studi Per l proscimo ann de scola iel bele unì delibrà plu borses de studi.

Per studënc universiteres iel udù dant 752 cuntribuc per na soma de 4,28 milions de euro. Per studië dedora dl Südtirol iel unì njenià diesc milion de euro che unirà spartii su danter 1756 studënc. Mo d’autri doi milions de euro iel unì dat pro per curì iscrizions che costa nce manco de mile euro. Tenian cont dla nflazion uniràl chëst ann paià ora nchin a 5.700 euro de borses de studi (mpede 5500 euro); la mëndra soma ie 1.270 euro. Mudazions iel nce unì fat per la sëides de davani che ie unides auzedes da 27.000 a 29.000 euro de davani netto. “Sce zachei à perdù l lëur o possa mé plu lauré a mez tëmp, ne vëniel nia plu tëut n cunsciderazion l davani dal ann passà,” à dit Durnwalder.

Lege sun i lerneri La lege sun lerneri ie passeda a Roma zënza prutestes. Per l autonn àn festide che l pudëssa unì a se l dé deficulteies cun la recunescënza per chël ie unì metù su na grupa de lëur danter Provinzia, Stat y lies profesciuneles, per stlarì 12 ponc. L stat vëija dant doi a trëi ani per mparé n mestier. Tl Südtirol ie udù dant da 3 a cin’ ani da lerner, te chëi che l moster paia nce manco cuntribuc de assegurazion.

Safety Park L assessëur Widmann à purtà dant ala Jonta provinziela la zifres dl zënter per avisé segures de Pfatten. “Tl 2008 iel stat 2602 persones che ie furnedes tl zënter y l debit ie stat de 521.000 euro,” à dit Durnwalder. Ti prim cater mënsc dl 2009 iel bele stat 3057 che ie furnei, deplù che ntan dut l ann passà, y n fej cont cun n debit de 239.000 euro. “Bele n auter ann ne fajerà l Safety Park nia plu debic,” nsci l presidënt dla provinzia.

chilometri da L’Aquila, à i uemes de Südtirol metù su tendes per la persones che à perdù la cësa. L presidënt Drunwalder rengrazia duc chëi dl Südtirol che juda ai tuchei dal tremot tl Abruzzo.

Sënta per l IPES La Jonta provinziela à dat pro che l l vënie scrit ora da nuef n cuncors per na sënta dl Istitut per cuatieres soziei IPES. Al mumënt à l istitut si ufizies te 5-6 lueges desferëntes. „L ie debujën che l istitut IPES giape tosc na si sënta aministrativa,“ à dit l presidënt Durnwalder. Dan doi-trëi ani fòvel bele unì scrit ora n cuncors, ma aldò dla cumiscion tecnica provinziela ne ova deguna pruposta respetà i criteres metui dant.

Personal tla scoles L raport danter cumpëida de nsenianc y cumpëida de sculeies dëssa resté unfat. Chësc à i assessëures provinziei ncuei fat ora n cont dl plann provinziel di nsenianc. Da nuef iel che i diretëures dla scoles dëssa nstësc fé la partizions aldò dla deficulteies tla tlasses singules.

Privatisć tla scola auta La situazion de privatisć che ulëssa zapé ite te tlasses dla scola auta o che ulëssa fé ejams ne fova nia tlera. Śën à la Jonta provinziela fat ora che sce n privatista ne passa nia l ejam de amiscion da d’ansciuda, pòssel cun al plu trëi materies negatives fé do l ejam d’autonn.

Fundazion nrescides y svilup

La Jonta provinziela à dat pro 500.000 euro per judé la persones che à per via dl tremot dl 6 de auril perdù si cësa. Chisc scioldi dëssa unì adurvei per fé su da nuef la cëses desdrudes. Cuncretamënter ciun aiuc, muessa permò unì fat ora cun la region Abruzzo. “Penson a cëses pre-frabichedes de lën o de sëurantò vel’ strutura. A uni maniera ulëssen judé cun prestazions y nia mandé ju scioldi,” à dit Durnwalder, che uel nce cialé che la Region TrentinSüdtirol debe la medema soma. Bele dan trëi enes ova la Jonta provinziela de Bulsan dat pro 270.000 euro per pruvedimënc de prëscia.

La Fundazion per nrescides y svilup metuda mparé dan n valgun ani per lege ne ova mo degun capital a desposizion. La Jonta provinziela ie stata a una che l ti vënie metù a desposizion 150 milions de euro. Cun chësc capital dëssel unì fat nvestimënc y cun l davani dëssel unì finanzià la fundazion nstëssa. L capital unirà sëurandat n puech al iede, plu avisa l mez de tant che vën uni ann paià de reviers al fond de rotazion. Nchin śën iel bele unì dat 44 milions de euro. La Jonta à nce dat pro l cunsëi de aministrazion cun l espert de economia Oskar Kieswetter sciche presidënt, la prufessurëssa Johanna Mair duzënta de management strategich y nrescides, Peter Mayr espert de investimënc y finanzes, Barbara Kolm esperta de economia, Giuseppe Salvadori numinà dala lies economiches.

Ntervënt per l tremot

Inn provinziel

77 ulenteres dla grupes di destudafuech dl Südtirol y 14 persones di destudafuech profesciunei de Bulsan ie unic mandei tl Abruzzo cun 27 mesuns per ti judé ala persones tuchedes dal tremot. L presidënt Drunwalder à prejentà chësc ntervënt te Jonta provinziela. A Sant’Elia, a puec

L pez “Zu Mantua in Banden” possa unì ciantà y sunà sciche l ie ti ani passei for unì fat. “Ne on nia debujën de fé na lege che chësc pez sibe l inn provinziel,” à dit Durnwalder, “N inn dëssa fé tenì adum la persones, ma nia vester argumënt de stritoc danter grupes de rujeneda”. Te duta la Talia ne à la regions nia n inn

500.000 euro per l’Abruzzo

detlarà per lege y nsci dëssel nce vester per la Provinzia de Bulsan.

Referendum de utober L presidënt dla Provinzia fej a l savëi che ai 25 de utober uniràl tenì n valgun referendums che fova bele unii dai pro te Cunsëi provinziel. L se trata de cin’ referedums che unirà duc tenì te un n iede.

Scoles privates Sce la scoles privates tën ite cër criteres dëssa chëstes giapé l medemo sustëni finanziel. I scioldi unirà paiei ora tres l assessëur de cumpetënza aldò dla grupa de rujeneda. Cun chësta regulamentazion à la Jonta provinziela udù dant diretives nueves per judé a frabiché scoles privates.

Raions dëibli de strutures La sëides di raions dëibli de strutures dëssa unì metudes da nuef. L ie per ejëmpl raions turisticamënter stersc, ma dëibli de produzion. Cun criteres nueves, che la Jonta provinziela à dat pro, pòssel unì detlarà raions dëibli de trëi categuries. A chësta maniera puderàl unì jit ancotra cun na lingia de pruvedimënc a na maniera da miuré la situazion. Ti proscimi mënsc dëssel unì tëut la dezijion definitiva n cont dla sëides de chisc raions.

Nia deplù ncëries Cialan danora ala veles de chemun che sarà n auter ann d’ansciuda à la Jonta provinziela dat pro normatives nueves che ne azetea nia deplù ncëries. Dantaprima se tràtel de cunlauradëures dl Servisc dla Forestela che à na funzion da polizai y che ne possa nia tl medemo mumënt vester ambolt o assessëur de Chemun. La normatives nueves ne azetea ëngheno che un dla Forestela devënte presidënt de Cumananza raionela, diretëur de n raion da ciacia o da pië pësc, cumandant di destudafuech o che l feje pert dla direzion de aministrazions a pert.

Vieresc contra la fuera Tla Provinzia de Bulsan iel 1.200 caji che se damanda vieresc o parëies che tënie su la fuera dla stredes prinzipeles. La Jonta provinziela à sun pruposta dl assessëur Florian Mussner dat pro de judé nchin tl ann 2013 a fé vieresc contra la fuera te 800 cëses. L unirà dat n cuntribut de 200 euro per meter cuadrat.

Dunazion de sanch A una cun l’urganisazion de dunazion de sanch AVIS iel unì dat pro l program per la dunazions de sanch nchin tl 2011. Al mumënt iel 15.667 persones scrites ite ala lia che tl ann 2008 à dat de ndut 27.000 litri de sanch. “Ulessan mantenì l livel de dunazions, a na maniera che l vën dat tan de sanch sciche l vën nce adurvà tl Südtirol,” à dit Durnwalder. (usp)


Atualité

nr. 16 / 02 de mei 2009

Radio Gherdëina te Fascia Radio Gherdëina Dolomites, l radio ufiziel pra la festa “Te anter i tobié”. Danilo l patron dla festa ti dà gran mpurtanza ai radio ladins Radio - Che Radio Gherdëina vën for plu y plu l radio portausc de duc i ladins, ie urmei tan che tler. N puent sterch de prejënza tla Ladinia y n cumpani nteletuel y nfurmatif per uni età y categuria de jënt. Na gran miscion nia saurida che l Radio dla Familia Rabanser se à tëut dant, ie de jì ite tla vita dla valedes ladines y de ti dé la parola ala jënt. Purté a lum cuestions, stories, ntraunides y problematiches, ma nce la bela nuveles dla populazion ladina da uni luech y valeda. Tl medemo tëmp ie Radio Gherdëina nce n gran sustenidëur dl mantenimënt dla cultura, dla politica soziela y dla rujeneda ladina te duc si idioms. La bela pert de duta la cuestion ie che la gran cumpëida de chëi che scota su crësc a uedl udan, l nteres per l radio ie grant nce dedora dala valedes ladines.

Na familia che crësc dassënn Sibe tla Val Badia che te Ampëz, Fedom y te Fascia iel na gran cumpëida che scota su ma nce de gran sustenidëures y cumpanies dl media ladin privat. Ma l ie nce da capì. Radio Gherdëina Dolomites ie l sëul mesun radiofonich tla Dolomites che fej tan truepa ëures de trasmiscions tla rujeneda ladina y che ti dedichea tan de tëmp ala cuestions dla sozietà ntiera. N mesun, per antonomasia, populer defin.

Te anter i tobié Na gran legrëza per i patrons Rabanser ma nce per duta la troupe, ie che nce chëst ann ie Radio Gherdëina unì damandà da Danilo Plankensteiner, presidënt de urganisazion y patron dla Festa de Cianacëi “Te anter i Tobié” de vester prejënt ntan i trëi dis de

Da man ciancia: Danilo Plankensteiner presidënt de urganisazion de ”Te anter i tobié“ y Egon Vinatzer de Radio Gherdëina.

festa sciche radio ufiziel. L ie bele la terza edizion che Radio Gherdëina ie leprò. Chisc ie i drë’ sënies de ujinanza y de tenì adum danter ladins. N Radio, de Gherdëina ghest de unëur pra una dla majera festes populeres de Fascia. Chësta ie la ulentà da pert di ujins de Fascia, de cunlauré y de sté deberieda danter fredesc ladins. N var mpurtant dl viers de n mpuls de ulëi fé murì l ciampanilism. Radio Gherdëina Dolomites purterà ai 10, 11 y 12 de lugio, dal vif tla cëses ladines y nia mé, l’armunies y la cronica dla festa cun ntervistes, curiujiteies y mëises turondes. L patron dl Radio Thomas Rabanser à inò dat inant nce chëst ann a Egon Vinatzer la cuordinazion dla prugramazion dl studio estern te Fascia. Prejënt ntan i trëi dis sarà Ivo Walpoth che cura i cunliamënc tecnics cun Gherdëina, Martina Rier y Thomas Rabanser che cura la redazion y la pert tecnica de

Na mëisa turonda ntan la festa l’ann Passà a Cianacëi.

trasmiscion y Egon Vinatzer muderadëur y cuordinadëur. L sarà sun l post nce d’autri cunlauradëures dl Radio. Te studio a Urtijëi resterà Armin Moroder che fajerà da puent per duta la trasmiscions.

Belsy, Mark Alexander y Graziano Per l’ucajion di 30 ani de Radio Gherdëina uniràl te Fascia a cianté sun l palch dl Radio Belsy, Mark Alexander y Graziano. Te Fascia iel trueps che juda daniëura gën ntëur ite ala troupe de Radio Gherdëina. Danter chisc uel Radio Gherdëina bele danora rengrazië: Danilo Plankensteiner deberieda cun dut l cumité dla festa, Gabriele Valentini-Mambo, Alessandro Agnesi (Hotel Italia), Renato Bernard, Biancarosa Florian y Anneliese Vian cun duc i lauranc de Chemun de Cianacëi y l’autoriteies dla valeda ntiera. (ev)

Sun les pedies dla “Gran Naziun” Tla cornisc di cursc de ladinistica dla Facolté de Scienzes dla Formazion, à les studentes ladines, acompagnedes dal professour Paul Videsott, podù vijité l seminar de Persenon

L regens Ivo Muser conta dla prejenza dl ladin y di ladins tla storia dl seminar.

Cultura - L grup é vegnù saludé dal regens Ivo Muser, che à descrit con gran savei la prejenza dl ladin y di ladins tla storia dl seminar, per jì ite spo plu avisa tl argoment dla “Gran Nazion” y tla vita de sie raprejentant plu conesciù, l Sant Ujöp Freinademetz. L seminar de Persenon é vegnù istituì dl 1607, con l fin da garantì na bona formazion dl clerus. Les valedes ladines à dagnora podù mostré su truepes cherdedes religiouses, dantaldut la Val Badia, che fova una dles valedes con l majer numer de consacrazions dla vedla diozeja de Persenon. I seminarisć dla Val Badia à dagnora studié tl seminar de Persenon, depierpul che les autres valedes ladines é stedes danterìte sot a d’autres diozejes: Gherdeina é steda dal 1818 al 1964 pro la diozeja de Trent y Fascia é dal 1818 encà pro Trent. Fodom y Ampez toca endere dal 1964 encà pro la diozeja da Belun: chest é l sacrifize che la diozeja de Persenon à messù soporté, per podei istituì dl 1964 la diozeja de Bulsan-Persenon. Ai 23 de jugn dl 1870 à i seminarisć dla Val Badia, de Fodom y Ampez metù su tl seminar na assoziazion ladina, batieda con l inom “Naziun Ladina” (plu tert “Gran Naziun). Chesta é la union ladina plu vedla che an conesc. L fin dla “Naziun Ladina” fova scialdi modern y ciamò encuei dret atual: “L fin prinzipal dla union dess ester chel da ciafé na bona preparazion teologica y scientifica per la perdica. En seconda linia dess la union se

vegnì - olache ala và - sun una na maniera de scrive l ladin. Per arjonje chest déssel vegnì organisé referac per talian y cursc da scrive ladin” (1872). L member plu conesciù dla “Naziun” é sté Ujöp Freinademetz, che fova tratant sie stude l portaousc di seminarisć ladins. Tl temp dl fascism é la “Naziun” vegnuda mudeda te na union retorica (“circolo retorico”). A gauja di laours de restruturazion tl seminar, àn messù dl 1958 lascé su l salament storich dles reunions (la ciamena nr. 65). Do l 1972 à la union de facto lascé su sia ativité; i scric storics é ruvés tl archif dla diozeja. La gauja dla dessoluzion dla “Naziun” (perauter mai vegnuda fata ofizialmenter) fova de un n vers i mudamenc di confins dla diozeja, dl auter vers l numer tres mender de seminarisć ladins. Do chesta pert plu storica, à l regens Ivo Muser rejoné dla situazion d’aldidancuei dl ladin te gliejia. Desche an sà, vegn l ladin adoré cotant deplù tles gliejies dla Val Badia che te cheles de Gherdeina, mo te entrames les valedes é l lingaz demé autorisé “ad experimentum”, tanco en proa. Roma aprovarà l ladin desche lingaz ofizial de gliejia permò canche i ladins sarà bogn da se vegnì sun n lingaz unitar, davia che demé n lingaz unitar corespon a les diretives dl Vatican en cont di lingac liturgics, à dit l regens Muser. La vijita zenz’auter dret informativa é vegnuda scluta ju con na vijita tla biblioteca, tla capela y tla gliejia dl seminar.

Tla biblioteca dl seminar de Persenon. www.lauscdiladins.com

7


Université

nr. 16 / 02 de mei 2009

I materiai: n as tla mania tratan la proietaziun Tla vita asvelta d’al dedaincö nes dejidrunse na ćiasa che nes impormëtes da nes stè saurì yche respidlëies nosta personalité. Por podëi cherié frabiches acoliëntes y beles ciafa la inrescida y la combinaziun de materiai na importanza tres maiù De chësc gnaràl baié tl Technology Workshop dal titul “I materiai: n as tla mania tratan la proietaziun. Proprietês d’injignaria y de perzeziun ti produć”, organisé dala Facoltè de Sciënzes y Tecnologies, che gnarà tignì ai 8 de mà tla Université Lëdia de Balsan. I materiai y les tecnologies, sides dai plü tradizionai ćina ai plü nüs y moderns, nes impormët da i dè ai produć y ales frabiches sides les proprietês d’injignaria (mecaniches, de resistënza al dann mecanich y al dann da corojiun), sides na personalité cun aspeć estetich-sensoriai. Te chisc ultims

agn à le sparagn energetich y la reduziun dl impat ambiental dles ativitês umanes ciafè tres na majera importanza. Chësc à portè ala realisaziun de ogeć, produć y frabiches cun na sostenibilité ambientala scialdi alta. I materiai é fondamentai por smendrì le consum energetich dles frabiches y por cherié produć de na majera dorada. De gran importanza é i materiai tradizionai, p.ej. le lignan davagné da fontanes renovables, sciöche inće i materiai plü inovatifs, che po cherié carateristiches che an ne s’ess ćina dan da püch gnanca imaginé. Mo al é suradöt da spavënt

important da s’ajornè tres inant, por surantó les ultimies novitês dla inrescida y dl svilup tecnologich. Al Tecnology Workshop tolarà pert reladus de n livel dër alt, che portarà dant sües esperiënzes importantes ti aspeć desvalis di produć dl’architetöra. Le workshop é metü da jì dala Facoltè de Sciënzes y Tecnologies y gnarà tignì en vëndres ai 8 de mà, dales 9.00 ales 13.00. Por informaziuns plü menüdes y por iscriziuns pon contatè la Facoltè de Sciënzes y Tecnologies al numer de telefonn 0471/017000 o scri ala e-mail science. tecnology@unibz.it.

Les vacanzes da d’invern tl dagnì Te na mësa torona cun deplü esperć dl turism él gnü baié dles vacanzes da d’invern: incö y dantadöt tl dagnì. De gran importanza tl dagnì sarà na oferta plü ampla, deache l’invern n’ô nia ma plü dì jì cun i schi

Mësa torona cun le prof. Thomas Bausch, Christoph Engl, Josef Margreiter, Jakob Edinger y le moderadù Oswin Maurer, degan dla Facoltè de Sciënzes Economiches.

Vacanzes da d’invern n’ô nia ma plü dì jì cun i schi, mo dantadöt inće se stè saurì. Jakob Edinger (Edinger Tourismus Beratung), Christoph Engl (SMG), Josef Margreiter (Tirol Werbung) y le prof. Thomas Bausch (Hochschule München) à baié cun le moderadù prof. Oswin Maurer dla multiopzionalité de na localité turistica da d’invern y dl credo che an n’ô nia deventè na destinaziun de scagns da la pone. La serada, stada ai 21 d’aurì, é gnüda organisada tla cornisc di “Industry Talks”, da pert de TOMTE, le zënter de competënza dla Facoltè de Sciënzes Economiches dla ULB. Le titul ê “Vacanzes da d’invern 1990 - 2010 - 2030”. Te süa relaziun à Thomas Bausch mostrè sö che le trend dles vacanzes da d’invern va tres deplü tl vers de destinaziuns plü ćialdes, porchël gnarà la “torta di ghesć” tl dagnì partida sö tres deplü: “Le sport su n’é tla Germania nia plü la motivaziun dezisiva por na vacanza”. Do le 2010 rovaràl pormez inće localitês da munt dl’Europa dl ost, porchël saràl da mëte n majer azënt sön le coliamënt

8

www.lauscdiladins.com

emozional cun les Alpes. Le scenar dl dagnì é condizionè dala mudaziun demografica (popolaziun tres plü vedla), dala mudaziun dl tlima, dales cuantitês tres mëndres de energia (porchël prisc dl petöre tres maius), dales restriziuns finanziares di stać y dales inovaziuns tecnologiches. “Impò romagn la imaja dl invern dër sterscia”, à sotrissé le diretur dla SMG-Südtirol Marketing Gesellschaft Christoph Engl. “Al basta ponsè che i retrać de London sot na cutra de nëi à fat la roda dl monn”. L‘invern, cun sües contrades curides de nëi, romagn inant n produt bun definì, che ne se roda indere nia ma incër le jì cun i schi, mo tol ite inće la liösa, le paslunch, le jì a pè y le bëgnester - “deache le 50% de nüsc ghesć ne va nia cun i schi!” “Impò ne s’odunse nos nia sciöche destinaziuns de scagns da la pone”. Cun chëstes parores à Josef Margreiter de Tirol Werbung fat na introduziun ala tematica dla multiopzionalité de na localité turistica da d’invern. Le trend de n marćé a prisc bas tl turism da d’invern descëda preocupaziun. Al

Tla ULB gnaràl baié ai 8 de mà dla combinaziun de materiai tl ćiamp dl’architetöra.

Incuntada di aconsiadus Studié te na maniera interdisziplinara cun n edl sön döes realtês universitares: ai 20 d’aurì él rovè adöm tla Université Lëdia de Balsan (ULB) i aconsiadus universitars dl’Université LeopoldFranzens da Desproch y dla ULB, por svilupè y intensifiché la colaboraziun dles döes universitês tl dagnì. Co pol pa gnì cherié tl‘Austria n sistem d’insegnamënt omogenn conforma ai critêrs de Bologna? Ćiügn é pa i stüdi che an po cherié deboriada y co pon pa portè inant adöm de majeri proieć de inrescida? Dal mëteman dla incuntada à le presidënt d’université Hanns Egger portè dant le svilup dla ULB dal 1998 incà; l’université pîta incö cin’ facoltês cun 3.200 studënć. Chëstes zifres é ćiamò scialdi piceres respet ala université da Desproch, cun süa

storia de 340 agn y sü 23.000 studënć, mo la ULB à l’intenziun da mantignì inant chëstes dimenjiuns. Bele ti ultims agn àn odü che les döes universitês coliëia deplü tematiches de inrescida, sciöche p.ej. l’acordanza BIT tl ćiamp dl’informatica, olache al é inće gnü tut ite l’université de Trënt. Inće por le dagnì se dejidrëia i aconsiadus dles döes universitês da ciafè sinergies ti ćiamps dl insegnamënt y dla inrescida. Punć tle por l’inrescida ciafon dantadöt tl ćiamp dl raiun alpin. Al dess gnì alzè fora l’aspet internazional y anuzè les competënzes spezifiches. Dantadöt tles chestiuns che reverda le reconoscimënt di titui de stüde ô la ULB romagne n punt de informaziun competënt por studënć che stüdia tl’Austria.

é tler che chi che ne vir nia tl bëgnester, ne podarà tl dagnì nia plü s’impormëte les vacanzes da d’invern. “A desfarënzia de d’atri rams economics, ne se lascia na impreja turistica nia jö te n ater post!” Al é da s’orientè al dagnì y da ti baié ados deplü ai ghesć da en doman: i jogn. “La cordialité sarà n valur implü.” Tratan la incuntada di aconsiadus dles universitês de Balsan y Desproch.

“Le fatur da ester multiopzionai ne pon nia confrontè cun na botëga olache an ciafa de döt”, à sotrissé le consulënt dl turism Jakob Edinger. “Al é da renforzè nüsc punć stersc”, à dit Edinger, fajon referimënt ala localité de Serfaus (conesciüda sciöche localité por les families) o les localitês esclusives Lech y Zürs. Do les relaziuns éra jüda inant cun na discusciun cun le publich, te chëra che al é gnü baié de vacanzes da d’invern sciöche secundes vacanzes y dla chance da fà mudaziuns tl tëmp de crisa. La serada é gnüda organisada da pert de TOMTE, le zënter de competënza dla Facoltè de Sciënzes Economiches dla ULB, tla cornisc di “Industry Talks”.

Le 5 pormile ala ULB Cun la Finanziara él indô la poscibilité da destiné le 5 pormile dl Irpef ala ULB y ala inrescida Tla Uniun Europea é la Talia danter i paîsc che investësc le manco por la inrescida. Destiné le 5 pormile a na université ô dì investì tles generaziuns nöies y ti dè n aiüt concret ala inrescida, che à incö plü co mai le bojëgn de n segnal coletif sterch che sides bun da la valorisé tl contest europeich internazional. Por destiné le 5 pormile ala ULB bàstel da scrì fora la detlaraziun di davagns (model 730, CUD), firmé

tl cadrel “Scelta per la destinazione del cinque per mille dell’IRPEF” sot la usc “Finanziamento della ricerca scientifica e dell’università” y indiché le codesc fiscal dla Université Lëdia de Balsan: 94060760215. L’erogaziun dl 5 pormile sön i davagns dl 2006 (detlaraziun dl 2007) a bëgn dla ULB é stè de 12.659,66€. Ocio: Le 5 pormile n’é nia en concorënza cun le plü conesciü 8 pormile, che po i gnì destiné ales dlijies.


Atualité

nr. 16 / 02 de mei 2009

N sistem da mudè En vëndres ai 8 de mà saràl a Calfosch la indunada generala dl movimënt Ladins Dolomites. Al gnarà lité presidënt y diretif nü En vëndres ai 8 de mà dales 18.00, s’incunta le movimënt politich Ladins Dolomites a Calfosch, tl salf Tita Alton, por l’indunada generala, olache al gnarà lité inće le presidënt y le diretif nüs. Ara se trata de na ocajiun por düć da contribuì al mudamënt politich che les valades ladines y nia ma - à debojëgn. Por massa tröp tëmp sunse stà prijoniers de n sistem basè son i privilegs por püć, de n sistem olache an mëss scutè por nía gnì tichinà, de n sistem olache al vëgn dit da combate la speculaziun edilizia, y deperpo vënon fora cuatiers tres la impreja de familia, olache al vëgn dit da fà i interesc dla jënt, mo deperpo féjon i interesc personai, Albert Pizzinini. olache al cunta deplü les conoscënzes co les competënzes. ćiara cun edli obietifs y nia N sistem olache an dij da defëne inciornis dala propaganda a spëisa i ladins, deperpo i vënon ai todësc; dl litadù. Aspetè ćiamò ô dì la fin olache an fej i gragn tles valades di ladins. LADINS DOLOMITES mo a Balsan ne s’inf ìdon da dì nia, é por na politica plü trasparënta, ajache le scagn é plü important; dlungia la jënt, fata dala jënt, olache i ladins sostëgn cun sües olache vignun à le dërt da dì la cutes döta la provinzia, mo ciafa süa zënza messëi se temëi; olache derevers ma na picia pert de vignun é pert ativa dl svilup dla chëstes. sozieté, olache le sozial vëgn metü Al é n sistem olache les danfora, olache an colaborëia cun tradiziuns y la cultura ladina vëgn düć zënza strité, mo fajon tres aratades folclore, olache la scora avarëi les rajuns ladines, zënza se ladina n’é nia independënta, olache prostituì. i ladins é stlüć fora a manco che Sce al te stà a cor de ester ladin, ai n’ais nia fat l’ejam da fant; n sce te te sëntes ladin, sce t’os miorè sistem olache an messarà te püć la sozieté por tü mituns, dëida agn baié talian o todësch ti comuns para, lascete aldì! I t’aspetun ala ladins, deache i residënć foresć indunada di 8 de mà a Calfosch. vëgn tres deplü; n sistem olache Te chësta ocajiun podaràn inće i jogn n’à nia la poscibilitè da se ciafè la cherta, che po inće gnì fà n dagnì, n sistem olache al ti cumprada pro les porsones che vëgn conzedü a chi da Balsan da s’à metü a desposiziun da jì a les fà retlam debann son i terac dl vëne. Comun (staziuns dla coriera), n sistem olache i amarà vëgn menà Pilores di obietifs y dl a ćiasa dal ospedal massa adora program por sparagné, deperpo che i gragn dla politica n’é nia bugn da Ladins Dolomites se damana: s’arbassè i privilegs; an adora na na rapresentanza politica garantida comisciun por studié fora co fà. tres n cërtl lital ladin cun 2 Döt na pordüda de tëmp. Che mìni aconsiadus y n assessur de dërt; pa da tó por le nes? presënza autonoma ladina cun Al é n sistem olache i paurs, i dërt de usc tla magistratöra, artejagn y i imprenditurs se stënta sciöche te vigni atra comisciun, a tres deplü, n sistem olache al vëgn mëteman dala comisciun di 6 y di cuntè dant che le partì de 12 y ti organns aministratifs y de maioranza i partësc fora scioldi a control dles sozietês publiches; le düć cun mania leria; chisc é dërt de veto di rapresentanć ladins porater scioldi dles cutes, che por les chestiuns ladines; na vëgn inće ma partis sö aladô di rapresentanza direta di ladins tl interesc politics plü co di bojëgns parlamënt talian y europeich; le efetifs dla jënt; n sistem olache an prinzip de sussidiarité; le ne vëgn nia respetà, tles mans de raforzamënt dla Lia di Comuns püć cun tan de pici y gragn fanć Ladins; le reconoscimënt dla che se vënn süa jënt por i fà plajëi Union Generela di Ladins inće da ai patruns. pert dla Provinzia de Balsan; le Döt chësc à da se mudè y chësc respet dl resultat dl referendum va ma sce an déura i edli, sce an da Suramunt; la valianza plëna di tofa ći che sozed incëria, sce an ladins cun i todësc y i taliagn; le

sistem lital zënza liams; na proporzionala elastica por i garantì ai ladins l’azes ales inćiaries plü altes; la reduziun dl paiamënt ai politics a vigni livel; la reorganisaziun dl sistem sanitar do le prinzip dla efiziënza cun la porsona al zënter, olache degügn ne messarà aspetè plü co n’edema por na vijita. Laprò se damana Ladins Dolomites l’independënza dla scora ladina, sostëgn finanziar por les persones en dificoltè, la realisaziun de zirconvalaziuns por revitalisé i zëntri di paîsc, n smendrimënt dl trafich, l’assegnaziun de laûrs publics tles valades ladines a imprejes ladines, la realisaziun de sinergis danter les categories economiches locales por n raforzamënt dl’economia, l’architada dla speculaziun edilizia y venüda ai foresć. Le ladin dess ester lingaz obligator tles sentades di comuns ladins y ti ać dl’aministraziun publica che reverda i ladins; i ladins dess avëi le dërt da adorè le ladin tles valades ladines cun les forzes dl ordinn. Le movimënt se damana inće na re duziun dles cutes , l’autofinanziamënt di comuns tres l’anuzamënt dles fontanes de energia renovabla, tres la venüda de lerch publizitara y d’atres ativitês che generëia entrades extratributares; la defenüda y le svilup dla cultura ladina; la toponomastica ladina ofizialisada; l’indenité de trilinguism a döt le personal ladin dl’aministraziun publica. I ladins da foradecà dess podëi inant se sintì ladins y adorè le lingaz dla uma, ciafè sostëgn finanziar por les ativites culturales por la conservaziun dla identité y avëi a desposiziun locai por s’incuntè; na maiù lerch y finanziamënć por i media ladins. Importanza dess avëi la sconanza dl ambiënt, cun mosöres efi ziëntes aladô dl prinzip che l’ambiënt é nosta ressorsa prinzipala; la repartiziun dles ressorses finanziaries a livel provinzial aladô dles cutes paiades ite; na democrazia direta y n referendum por les dezijiuns politiches plü ćialdes che reverda döta la popolaziun. La politica dess gnì fata tl interes dla popolaziun y ne dess nia ester n stromënt de ar ichimënt personal. Albert Pizzinini, Ladins Dolomites

Dancà y da na pert Uedli y oredles daverc sun la sozieté ladina d’aldidancuei Na ciacolada con Monica Soratroi, operatrize sozio sanitaria nte la cèsa da paussé Vila S. Ijep

Da contánt elo che te fèje sto laour? È scomencé ntel 1994 con puoce ore per stopé ite l part time de na colega. Nlouta se fajëva ncin de dut. Sonve de puoce, perciéche i vegli ospitèi i eva cuaji duc aurosuficienc. È laoré fin del 1996. Po’ è lascé su e son tournada del 2002. Ma ntratánt l laour l eva deventé dut autramente. Pòsto ne conté? Mprumadedut on mossù se specializé e frecuenté n ann de scòla ntánt che se laoráva. A la fin ence n ann de tirocinio. Nte ci consistela sta formazion? Se studia materie come assistenza, acogliment, psicologia, legislazion. Dut chëla che à da ci fè col laour de cialé soura sti vegli, souradut chi nia autosuficienc. Na scòla che ncuoi, davò sti agn de laour, veighe che l’à servì trop. E chëst perciéche oramèi la maiou pèrt de chi che rua nte Vila S. Ijep i no n é autosuficienc? Si. Ben mprumadedut oramèi l é la legislazion nstëssa che pertende che t’abe ste scòle per fè chëst laour. Ma ence perciéche avei a ci fè con ste persone vòl di avei trop plu laour, con maious problemi; de dute le sòrt. Chëst vòl ence di che se nviade se ruáva a fè autri laour, come neté su, cujì o auter, ncuoi chëst no l é plu poscibile. Ogniun à sua mansción. A le oute, per di, fossa bel se fè cater parole con sti vegli, chi che ncora ntán, che i assa tánt gián.

Ma no t’as plu l temp. Per chëst l é ste tout su n’animatrize. Drio tua esperienza, ci cualité, ci caretere toche lo avei per fè ntel laour, coscita zite e mportánt? Mpumadedut dighe che no basta segurnò demè na scòla. Toca avei tropa pazienza. Se pòs di, a le oute ence n bon stome. Ma souradut n gran cuor. Trope oute me sente straca perciéche l laour l é Trop. Ma po’ co son dalón me máncia sti nòni, perciéche a la fin te te afezioneie. Elo n laour paié ladavò? Drio chël che se fèsc e te da no l é proprio deldut adegué. Mosseiso fè agiornamenc nte la formazion? Si, i corsi i fossa, ma a le oute per via del laour no se rua a jì. Ma l è dagnára polito i fè. Da spëss se sent di che nte le cèse da paussé sti nòni ven parchegèi e po’ desmentièi da le fameie. Ela coscita la realté? L é argoment zite chëst. N general, ntel prum che de fameia i ven a vedei. Po’ nten valgugn caji, toca di, dagnára de mánco. Forsci l é ence per via de nòst modo de vive frenetich, dagnára de prescia. L vera che co te mëte n familiar vegle nte na tèl strutura, vòl di che a cèsa no te ciafieiei al tigmnì. Ma pense che mpò che l temp per vignì a i ciaté se rué très al ciapé fòra. Per chi che nora ntën l é de gran mportánza. La vijita de un de fameia, a le oute i é cámbia la giornada.

www.lauscdiladins.com

9


Atualité

nr. 16 / 02 de mei 2009

N secul de ladin y de Ladins tl Istitut de Romanistica dl’université de Dispruch Na publicazion nueva conta dla storia y dl’ativité dl Istitut de Romanistica da Dispruch, olache l ladin y i Ladins à dagnora abù na gran emportanza. Seconda pert: do la Seconda Vera dl Mond fina al didancuei l’ocupazion de professures de talian. L retour da enlaouta dova pro che “Dispruch à a so temp ciafé n second ordinariat romanistich, ciodì che an à tres araté debujegn de ti dé na lerch particolara al talian y al ladin tla université todescia che fej confin con l sud, ence sce chest ne é nia vegnù tout su dala denominazion dl ordinariat enstés”. Do che Josef Brüch s’en é ju tl 1950 da Dispruch a Viena àn fat la proposta de nominé so suzessour Heinrich Kuen. La comiscion à giustifiché chesta dezijion enscì: “Implù él (Kuen) per Dispruch de gran emportanza, ciodì che al s’à dé ju, desche demé puec romanisć, ence truep con i dialec retoromans dl Südtirol. L’enrescida de chisc idioms é per l’université de Dispruch de emportanza primara, sibe per vejinanza geografica, sibe per la tradizion che và endò a nost prum romanist Theodor Gartner”. M a Ku e n à r e f u d é l a nominazion.

L temp de Alwin Kuhn

Alwin Kuhn, nasciù dl 1902 a Berlin, à studié a Tübingen, Bonn y Leipzig; al à abù la catedra de romanistica dal 1952 al 1968 y à refondé la tradizion di studi ladins a Dispruch.

de Paul Videsott

Mudazion dl inom per la catedra de romanistica Tratan la Seconda Vera dl Mond à l retoroman endò ciafé na dimenjion politica. Enscì àn messù mudé la denominazion d l a s e co n d a c ate d r a d e romanistica da “extraordinariat

de Filologia taliana” a “catedra de Storia dla Leteratura di popui romans”. Con chesta mudazion fòvel inant meso da se dé ju con “na mioura conescenza dl talian y dl ladin”, desche al stà scrit ti documenc de chel temp, demé che la catedra enstessa ne tomova con l inom nuef nia plu sot a la convenzion culturala taliantodescia dl 1938, che ti dova al stat talian n dert de proposta per

Do la renunzia de Kuen, él vegnù cherdé da Marburg Alwin Kuhn. La relazion dla comiscion l descrivova enscì: “Kuhn laora souraldut sun i dialec spagnoi […], ma al à de bones competenzes scientifiches ence tl ciamp di autri lingac neolatins, laprò i dialec retoromans”. Ence l candidat al second post, W. Theodor Elwert, fova vegnù chirì fora a gauja de si laours ladins, anter l auter sia abilitazion Die Mundart des Fassatals [1943]. Te sie temp a Dispruch (1952-68) à Alwin Kuhn renové la retoromanistica. Truepes dissertazions soura l retoroman y la toponomastica dla Romania submersa alpina é vegnudes publichedes tla seria Romanica Ænipontana, fondeda tl 1962. Davia che al é bele plu sovenz vegnù dé na panoramica di laours de ladin fac a Dispruch (A. Kuhn: Die Innsbrucker Arbeiten zum Ladinischen (19. und 20. Jahrhundert), te: Veröffentlichungen des Museum Ferdinandeum 48 [1968], 69-80;

Guntram Plangg, nasciù dl 1933 a Bürs (Vorarlberg), à studié a Dispruch y Poitiers; tl 1972 àl sourantout la catedra de sie maester Kuhn y à fondé te chel ann la “Repartizion retoromanistica”.

G. Plangg: Rätoromanische Studien an der Universität Innsbruck seit 1952, te: Mondo Ladino 3, 3/4 [1979], 183-190; P. Vi d e s o t t : E i n Ja h r z e h nt Rätoromanisch in Forschung und Lehre an der Universität Innsbruck (1988-1999), te: Annalas da la Societad Retorumantscha 113 [2000] 161-180) nominonse chilò demé i libri che reverda l ladin dles Dolomites: Parores ladines. Vokabulare badiot-tudësk de A. Pizzinini, rielaboré da G. Plangg [1963], Ennebergische Morphologie. Analyse eines dolomitenladinischen Flexionssystems de W. Mair [1973], Studien zum Ampezzanischen de J. Kramer [1978], Die Kleidung der Grödnerin. Studie zum rätoromanischen Wortschatz de S. Buquoi-Seifert [1984], y Grödnerische Wortbildung de H. Siller-Runggaldier [1987].

Guntram Plangg ciafa la catedra de romanistica Do la mort fora de nia de Alwin Kuhn tl 1968 ti él vegnù dé l post da professour sun la catedra “Romanistica I”, do cater agn che chesta fova resteda vacanta, tl 1972 a n scolé de Kuhn, Guntram

10

www.lauscdiladins.com

Plangg. El se à inant dé ju con l retoroman y la toponomastica.

Repartizion retoromana Ciamò tl 1972 él vegnù fondé na “Repartizion retoromana”, che é vegnuda manejeda da G. Plangg cina a sia emeritazion tl 2001. Te chesta sezion se àn dé ju o se dan ju dutaorela con plu de gragn projec, desche la publicazion dl Ennebergisches Wörterbuch [1998] o l Tiroler Namenbuch, che analiseia la etimologia dla toponomastica dl Tirol dl Nord, a mete man dal raion de Landeck, che é l raion influenzé l plu dal retoroman. I resultac de chest laour é vegnus publichés dal 2001 tla seria Arbeitspapiere der Romanistik Innsbruck. L maiour projet atual dla Repartizion é la “Gramatica contrastiva” todeschtalian-ladin (Gherdeina y Val Badia), che H. Siller-Runggaldier laora fora deberieda con Horst Sitta (Turic) y Peter Gallmann (Jena). Tl 2008 él vegnù prejenté la pruma pert, che trata dl verb, tost déssel vegnì do la pert dedicheda al pronom.

Romanistica internazionala De gran aiut per la romanistica


Atualité

nr. 16 / 02 de mei 2009

alalongia ben sis ores d’ensegnament ladin, p.ej.: ann 1965 n Seminar, na Praktische Einführung in das Grödnerische y laprò Übungen im Sprachlabor; ann 1966 Das Romanische Friauls und Istriens (seminar), na Lektüre und Interpretation ladinischer Texte y laprò endò Übungen im Sprachlabor. Plu sovenz à G. Plangg enstés tegnì cursc soura l ladin, o à enciarié professours ghest: 1975/76 W. Theodor Elwert; 1978/79 Hans Stricker. Fora de chestes iniziatives él a la fin nasciù trueps laours de diplom y dissertazions, nia demé tl Istitut de Romanistica, ma ence tl Istitut de Linguistica generala, tl Istitut de Germanistica y tl Istitut per Tradutours.

Escurscions

Maria Iliescu, professoura onorara dla université de Dispruch, autoura de truepes enrescides soura l ladin. Tl 2005 ti él vegnù sourandé l ‘Tiroler Wissenschaftspreis’.

internazionala é i laours bibliografics de Dispruch sun l retoroman, che é bele vegnus scomencés da A. Kuhn y che i ciafon al didancuei te doi volums dret aprijés dla seria Romanica Æenipontana: Rätoromanische Bibliographie, cina al 1985, de M. Iliescu y H. Siller-Runggaldier [1985] y sia continuazion cina al 1997 de H. Siller-Runggaldier y P. Videsott [1998]. L’atualisazion al 2010 de chisc laours é preveduda per l ann che vegn. G. Plangg à dassen cialé de fé ruvé a Dispruch Maria Iliescu, che laorova denant tl’université de Craiova, impruma desche professoura ghest y spo desche professoura onorara. Ence ela ti à dé te sia ativité romanistica en general, n’emportanza particolara al retoroman, desche an pò vedei da si laours fac bele tla Romania (abilitazion: Le frioulan à partir des dialectes parlés en Roumanie, 1972, bele denant àla colaboré a la Crestomație Romanică, per chela che ela à chirì fora y comenté i tesć retoromans, n laour pioneristich te chest ciamp). Les deplù deseines de articui che ala à scrit sun l ladin àla ultimamenter coiù adum te n lib er a p e r t : Pan- und Raetoromanica. Von Lissabon bis Bukarest, von Disentis bis Udine, Stuttgart [2007] 534 p.). Tl 2007 à l Istitut de Romanistica organisé l 25. „Congrès International de Linguistique et Philologie romanes“, l maiour congrès de romanistica a livel mondial con passa 800 partezipanc. Chest

congrès à ence abù na sezion retoromana.

L retoroman tl ensegnament Da Th. Gartner inant ti él vegnù dé al retoroman n gran valour ence tla didatica. I registri dles lezions de chi temps nes documenteia na linia de lezions spezialisedes: 1900 Rätoromanisch; 1903/04 Die Anfänge des rätoromanischen Schrifttums in Graubünden; 1906/07 Die rätoromanischen Mundarten; 1910 Das rätoromanische Schrifttum (a chest curs à tout pert 34 persones, n record); 1917 Die romanischen Mundarten Tirols; 1922/23 Die romanischen Mundarten in Südtirol; 1921 Übungen zur ladinischen Wortgeschichte. Do na interuzion bendebot longia, végnel ti agn cincanta y sessanta sot a Alwin Kuhn i “agn d’aur” dl ensegnament retoroman a Dispruch. Metù man àn tl 1955/56 con Lautier- und Leseübungen am Grödnerischen, y suzessivamenter él sté les Ü bungen zum Rätoromanischen tegnides sot al’assistenza dl prof. Karl Finsterwalder, che referiva de sies descusciuns con Carlo Battisti soura l valour dla toponomastica per la storia dl ensediament tl Südtirol y tles valedes ladines. Cina al 1965 àn tegnì vigni semester almanco n seminar o n eserzize de retoroman. Do che al é vegnù metù su l letorat de Retoromanistica, él vegnù tegnì per deplù semestri

N gran interès descedova dagnora les escurscions metudes a jì tl raion retoroman da A. Kuhn: 1955 Gherdeina – Fodom – Val Badia; 1956 Val de Non – Fascia – Gherdeina; 1957 Venuost – Val Müstair – Vuclina (Valtellina) – Bregaglia – Engiadina – Samagnun; 1958 Vorarlberg – Grijon zentral – Engiadina – Val Müstair; 1959 Gherdeina – Val Badia; 1962 Engiadina; 1963 Surselva; 1964 Val Badia – Gherdeina; 1965 Surselva; 1966 Friul; 1968 Venuost – Puschlev – Vuclina (Valtellina) – Bregaglia – Lumnezia. Chesta tradizion é spo ence vegnuda porteda inant da G. Plangg y P. Videsott; trueps studenc à enscì podù emparé a conesce miec les contredes y l lingaz ladin: 1996 Val de Non – Fascia – Val Badia; 2000 Gherdeina – Fodom – Anpezo; 2003 Val Badia – Fodom – Nert – Comelich.

N recort de does escurscions dl Istitut de Romanistica tles valedes ladines (1955-56).

Press (2009) 268 p. + 1 CD, 22,90 € (da aposté pro: Innsbruck University Press, Technikerstr. 21,

A – 6020 Innsbruck: http://www. uibk.ac.at/iup/verlagsverzeichnis/ kulturwissenschaft.html).

Sostegn per l terz lingaz dl Tirol Tl ultim secul é la prejenza dl retoroman tl’enrescida y tl ensegnament al’université de Dispruch sté de gran emportanza per l mantegniment y la promozion dl ladin, l terz lingaz dl Tirol storich. La prejenza dl ladin a livel universitar à ence daidé fé cresce la coscienza di Ladins enstesc. L’emportanza che l’université da Dispruch ti à dé y ti dà al ladin àla desmostré ence con la sourandeda de trei dotorac honoris causa a studiés che s’à particolarmenter dé ju con l retoroman: tl 1985 a Heinrich Kuen, professour al’université de Erlangen, tl 1990 a Andrea Schorta, redatour dl Dicziunari Rumantsch Grischun y tl 2007 a Maria Iliescu, che à dediché na bona pert de si studies a la enrescida sun l retroman. Les mioures aodanzes perchel ai colegs y a les coleghes dl Istitut de Romanistica da Dispruch, che al reste inant n zenter de ativité academica ladina desche fina sen. Eva Lavric, Paul Videsott (dé fora da): Romanistica Œnipontana. Brücke über die Alpen in die romanische Welt. 105 Jahre Romanistik Innsbruck. Innsbruck: Innsbruck University

Sourandeda dl dotorat “honoris causa” a Andrea Schorta (Coira). www.lauscdiladins.com

11


Atualité

nr. 16 / 02 de mei 2009

Nutizies per ladin L Ufize stampa dla Provinzia de Bulsan à mudernisà si plata internet tla rujeneda ladina. L servisc nuef per i media de rujeneda ladina y per duc i nteressei ie online sot al’adres “provinzia.bz.it/uspl”

La plata internet nueva dl Ufize stampa dla Provinzia.

Amini str a z ion La comunicazion da pert l Guviern provinziel y di Servijes dla Provinzia de Bulsan vën fata cun comunicac stampa, video y ntervistes a usc, nce per ladin. L servisc dl Ufize stampa tla rujeneda ladina ie trëi iedesc de utl: per la redazions, per duc i nteressei y

per la rujeneda. I comunicac vën mandei ora a duc i media de rujeneda ladina y tl medemo tëmp possa duc i nteressei liejer do la nuviteies per ladin tl internet. “Scrì de cuestions aministratives per ladin ne n’ie nia for tan scëmpl y chësc servisc desmostra che n possa se nuzé de nosta rujeneda

nce te chisc caji. Per la cura dla rujeneda iel dessegur n cuntribut mpurtant,” spiega l assessëur ladin Florian Mussner. La pert zentrela dla plata internet nueva per ladin dl Ufize stampa ie i comunicac cun fotografies. Da nuef iel che l vën fat videos y ntervistes a usc per ladin. “Pudëi udëi y audì la nutizies tla rujeneda ladina ie na maniera de comunicazion che tën l var cun i tëmps,” sotrissea l assessëur provinziel ladin. Sun la plata internet nueva possa uniun fé l abunamënt debant ala nutizies tres e-mail y ala zaita provinziela. L Guv ier n prov inz iel y l’aministrazion publica dà inant la nfurmazions sun si atività tres l Ufize stampa y si lëur ie a chësta maniera nce trasparënt. La comunicazion ala stampa cuer nsci l duvier de nfurmé y ie tl medemo tëmp nce n servisc per la populazion. L Ufize stampa ie un di prim ufizies dla Provinzia de Bulsan che pieta si servisc ala grupa de rujeneda ladina te si rujeneda dl’oma. La plata internet nueva à nce n’adres nueva per pudëi ruvé leprò diretamënter, chësta ie “provinzia.bz.it/uspl”. (usp)

Streda de Plan de Gralba L Guviern provinziel à n dat pro la carateristiches tecniches per cumedé la streda danter Sëlva y Plan de Gralba. Per cumedé 1,6 chilometri de streda ti raions dl luech da Merch iel unì dat pro lëures per n custimënt de 3,7 milion de Euro Stredes - Sun pruposta dl assessëur Florian Mussner ie l Guviern provinziel de Bulsan stat a una de slargë y seguré la streda sëura Plan. Dala raida da Merch suvier zed la streda bele dai ani for inò. L ann passà d’ansciuda fòvel unì fat n ntervënt de prëscia cun micropei y tiranc per seguré n mur. La raida da Merch ie drët strënta sce n muessa passé via na curiera, tlo uniràl slargià la streda y auzà la pert dessëura acioche la raida pond miec. Dal chilometer 23 uniràl sun na lunghëza de 1.630 metri slargià la streda che ie tlo drët strënta y da raides. Te chëla

lueges ulache l rone manacia de smuië ju uniràl nce segurà la pert sëura y sot a streda. “Dai ani ons te chësc raion l problem che la streda ne tën nia l gran muvimënt. Cun chësc lëur pudons nce garantì na majera segurëza sun streda,” sotrissea l assessëur M u s s n e r. P e r la pruietazion y i lëures nstësc ie l Guviern provinziel stat a una de finanzië l custimënt de 3.700.000 euro. (usp)

Danter Sëlva y Plan de Gralba vëniel nce segurà i ronesc.

12

www.lauscdiladins.com

La streda di jëufs sëura Sëlva vën slargeda y segureda.

Mussner y Kasslatter a Franzensfeste Ora de n furtin militer pòssel nascer na luegia d’ancunteda y de cultura; chësc à la Provinzia de Bulsan mustrà cun i lëures de adatamënt tl furtin de Franzensfeste. Tlo vëniel, do la mostra Manifesta 7, chësta ann metù a jì la mostra interregiunela

I assessëures Kasslatter Mur y Mussner à vijità i lëures a Franzensfeste. Tlo cun l architet Christian Schwienbacher.

Cultura - I assessëures provinziei Florian Mussner y Sabina Kasslatter Mur à n merdi ai 28 auril vijità i lëures. Te chësta ucajion iel nce unì prejentà l liber “Metamorphosis” n referimënt a Franzensfeste. Frabicà ti ani 1830 y nuzà nchin tl 2003 dal’armeda taliana sciche magasin dala munizion: la storia militera de Franzensfeste ie longia, si storia zevila, chëla de luegia culturela ie scialdi plu curta. “L ann passà ons adatà la pert dessot per ativiteies cultureles cun d’instà la mostra Mainfesta 7, śën iel nce unì adatà la pert zentrela per la gran mostra interregiunela y chësc nes à custà gran mpëni,” à dit l assessëur Florian Mussner. Tl furtin ne fòvel deguna nfrastrutures y tl raion ntëurvia àn messù tò demez la mines. Per la mostra interregiunela che gëura ai 9 de mei iel unì giaurì su n trumbon de 20 metri sot, a na maniera che l ruve nce permez persones cun handicap. L ie unì fat dlanderi y sceles ma nce metù roles dal’ega da bever, eghes fosces, strom, cunliamënc per l telefonn y nchinamei cumedà su

i mures. “Nce chëst iede sons stai boni de finé per tëmp i lëures, nce sce l ie stat n gran mpëni,” à dit Mussner. L custimënt di lëures cun la mubilia ie stat de 7,6 milion de euro. A chësta maniera possa la mostra provinziela 2009 giaurì per tëmp y ëura. La mostra Labirint::Lidëza resterà davierta nchin ala fin de utober. “I vijitadëures possa se njenië a ancunté l argumënt dla lidëza a na maniera da plajëi y povester nce manco da plajëi,” à dit l’assessëura Kasslatter Mur che se mbincia che la mostra debe na sburdla a pensé do sun la lidëza y chël che la nes dà. A Franzensfeste iel nce unì prejentà la publicazion nueva dla repartizion provinziela de aministrazion dl patrimone. Cun l aiut de truepa fotografies vëniel descrì la metamorfosa de Franzensfeste y dla strutura Alumix a Bulsan. Cun chësta publicazion uelen mustré su cie che la Provinzia fej per adurvé culturalmënter de tel strutures. L liber “Metamorphosis” ie unì dat ora da “SilvanaEditoriale” y ie da cumpré per 15 euro. (usp)

Franzensfeste ie njenieda per la mostra interregiunela.


Atualité

nr. 16 / 02 de mei 2009

Aisciuda Ladina, Setemèna del lengaz Istituzions e sociazions de Fascia adum per la pruma edizion de na scomenzadiva che vel uzèr fora l valor de l’identità e del lengaz ladin e engaissèr duta la comunanza a ge voler ben e l durèr va inant da la pruma plata

Cinch dis dediché a conferenzes, teater e musega, na maratona de letura tel lengaz de mendranza, la distribuzion de la bandiera ladina e scomenzadives te duta la scoles de la val: l’é l nef event endrezà dal Comprenjorie Ladin de Fascia co la colaborazion de la Scola Ladina, l’Union di Ladins e l’Istitut Cultural per slarièr fora sun dut l teritorie l valor de l’identità e del lengaz e dèr gaissa a l durèr. L’inom “Asciuda Ladina” à n segnificat prezis: l se lea a la data storica de l’aisciuda dai 5 de mé del 1920, canche per la pruma outa i ladins se à scontrà sun Jouf de Frea per desmostrèr de esser n popul soul per lengaz, storia e cultura. N moment de gran emportanza ence dal pont de veduda storich, ajache chel dì l’é nasciù la bandiera ladina dai trei colores vert, bianch e brun. L’argoment zentral de chesta scomenzadiva l’é l lengaz, valor de noscia mendranza, durà te duta la ocajions publiches e ence privates. Zacan l ladin vegnìa rejonà te noscia cèses e te noscia comunitèdes, ma a n livel che nesc giaves conscidrèa bas e no de la valiva degnità e de la medema emportanza di lengac de maoranza. Anchecondì i fascegn à l met giuridich e concret de durèr sie lengaz te vigni situazion: l’é n gran derit, ma ence n doer tegnir sù chesta arpejon rica e emportanta. L’Aisciuda Ladina vel esser na ocajion de reflescion per recordèr noscia storia, per se vardèr endò, ma tel medemo temp troèr semper neva forza per jir inant. N moment da ge dedichèr a noscia comunanza, per se sentir stolc de fèr pèrt de chesta realtà, de chest popul che ence anchecondì, te la sozietà del benesser, no l vel se desmentièr da olache l vegn e l vel seghitèr a tegnir sù e portèr inant sia identità ladina e sie bel lengaz.

Festa del lengaz e maratona de letura La manifestazion pea via aló da la sala grana de la Sorastanza de la Scola Ladina en domenia ai 3 de mé da les 14.30 col salut de la autoritèdes e intervents da man del president de l’Istitut Cultural Ladin Antone Polam, del president de l’Union di Ladins de Fascia Silvano Ploner e de la presidenta de l’Union Generela di Ladins dla Dolomites

Elsa Zardini. Vegnarà moscià n video dal titol “N popol, sie lengaz, sia jent” e dat fora la bandiera ladina da pèrt de l’Union di Ladins de Fascia; vegnarà prejentà l liber de l’Union Generela: “N pensier adaté per vigni ocajion. Per ladin… ciamò plu bel” e se podarà veder l video “Tras i chèdres de na esposizion” con tesć per ladin lec sù da Vigilio Iori. Ence la sonèdes de la Mùsega da Poza ruarà a viventèr chest moment de festa. Da les 5 domesdì tel liceo, visavì a la Sorastanza, pearà via la maratona de letura “Lejer per ladin… amò più bel”, che jirà inant enscin les 8 da sera e dapò lunesc e mèrtesc da les 4 fin les 8 da sera. Se trata de na bela ocajion per portèr dant, lejer e cognoscer poejìes, contìes, tesć de teater e letradura per ladin. Tolarà pèrt duc chi che ge pièsc lejer per ladin e che ti dis dant se à enscinuà, i lejarà chel che ge soscedea emozions e che i vel spartir coi etres: toc de cronaca, narativa, rimes e teater. La maratona vegnarà touta sù e manèda fora da Radio Studio Record en jebia ai 7 e en vender ai 8 de mé ti oraries: 9.45-10.45; 13.30-15.30 e 20.00-21.00.

scolees e studenc, per soscedèr amor, piajer de rejonèr e reflescions sun noscia parlèda. Te la Scolines de Cianacei, Ciampedel, Pera, Sèn Jan, Soraga e Moena se rejona ladin duta la setemèna; vegn portà dant ativitèdes de teater outes ence ai scolees de la populères e libres e letures per bec. Te la scoles populèra e mesèna vegn endrezà l concors artistich-leterèr “Mia tera, mie lengaz”, per scolees soi o a gropes: vegn portà dant lurieres de desvaliva sort e con tecnica ledia (lurieres artistics, contìes, poejìes o rimes, cianties, reflescions personèles, pìcoi toc de teater); i lurieres sarà metui fora te la Sala grana de la Sorastanza anter i 11 e i 16 de mé e te chela setemèna sarà ence la premiazion. La scola auta se averc a duta la comunanza per ge sporjer ence a la families e a la jent la proponetes che vegn portèdes dant ai studenc. Da lunesc a mercol la scomenzadives vegnarà portèdes dant te doi moments, da doman per i studenc e dò na seconda outa per duta la comunanza: en lunesc e en mèrtesc da les 20.30, en mercol enveze da les 14.30. Vigni giornèda é dedichèda a n argoment spezifich.

La bandiera ladina

Lengaz: n derit e na ocajion per i joegn

La bandiera l’é segn de l’identità de ogne popul e chela ladina raprejenta dut l popul de la Dolomites, che anchecondì l’é despartì a livel aministratif e politich ma l vel seghitèr a tegnir sù e portèr inant sia identità, lengaz, tradizions e cultura. Meter fora la bandiera dai colores brun, bianch e vert vel dir se sentir pèrt de la patria ladina, voler mantegnir viva la coscienza unitèra de esser un soul popul, l più veie de la Dolomites, de noscia region e de la storia del Tirol. L’é bel veder noscia bandiera tachèda fora ti paìjes o sui jouves, e fossa bel che ti dis che à maor segnificat noscia jent se tire ite l guant e la mete fora sia bandiera. Per chest l’Union di Ladins de Fascia à pissà de meter jù n calandèr con i dis che fossa bel che i fascegn se tire ite l guant e i mete fora la bandiera, desche segn de leam con noscia tera e de partezipazion ai momenc de maor emportanza de la vita zivila e religiousa de noscia comunanza. A l’avertura de l’Aisciuda Ladina la bandiera ge vegnarà sporta ai sozi de l’Union (se pel ence se fèr sozi te chel moment) ensema col pìcol calandèr coi dis che fossa benfat la tachèr fora.

La Setemèna del lengaz te la scoles de Fascia La scola, dessema a la familia, l’é l’element de maor emportanza per l svilup del bez e donca l’à l doer de se cruzièr de so crescer desche persona con sia identità. L lengaz l’é l strument più emportant per se recognoscer e per comunichèr l’identità. La scola ge dedichea donca chesta setemèna a la doura del lengaz ladin te desvaliva ativitèdes e scontrèdes outes ai

En lunesc ai 4 de mé l’argoment portà dant con intervenc e discuscion l’é l lengaz e i joegn. Tol pèrt l’avocat Bepe Detomas col referat “Perché pa stravardèr n lengaz de mendranza?”. La paroles de n espert per ge sporjer ai joegn e a duta la comunanza l met per cognoscer la legislazion per l stravardament di deric de la mendranzes linguistiches con na reflescion su la rejons del defener e stravardèr la mendranzes, esprescion de richeza per duta la comunanza. Vegn dapò prejentà i éjic de la enrescida de l’OLFED (Ofize Ladin Formazion e Enrescida Didatica): “Osservatorie joegn te Fascia”, col dr Virginio Amistadi. Via per chest an de scola l’OLFED, en colaborazion co l’IPRASE del Trentin, à metù a jir na enrescida sun n campion de studenc fascegn de la scola auta tras n chestionèr e n grop de discuscion, per enrescir fora l raport di joegn de Fascia co la sozietà e col temp ledech, co la cultura e col lengaz ladin. Vegnarà portà dant i éjic de chesta enrescida te Fascia, te Fiem e te la Provinzia de Trent. Sala grana de la Sorastanza: da les 11.00 (resservà ai studenc) e da les 20.30 (avert al publich).

Femenes ladines. N liber e n spetacol En mèrtesc ai 5 de mé l program pea via con la prejentazion del liber “Moments de ela” a cura del Comprenjorie e de la Scola ladina col contribut de l’Assessorat a la Solidarietà Internazionèla e a la Convivenza de la Provinzia Autonoma de Trent. Na curta publicazion resultat del projet del C11 “Femenes ladines anter reijes

culturèles e davegnir” olache i bec de la scoles autes se à dat jù co l’argoment de la oportunitèdes valives anter om e femena te la realtà de mendranza de Fascia co l’aiut de la Conseiera per la oportunitèdes pervalives, Eleonora Stenico. I resultac del lurier di joegn é stac porté dant te chest liber e i ge vegn sporc a la femenes ladines e a duta la comunanza de Fascia. Sobito dò vegn portà sun paladina l spetacol “Tel lech, mia storia”, da n scrit de Olimpia Rasom, con Loreta Florian e Monica Cigolla, compagnament musical al piano de Cristina Micheletti. N toch de teater per ladin modern e originèl olache la protagonistes porta dant l’esser femena e sie pensieres tras n monologh interior pien de pascion e sensibilità. L spetacol se emprevèl de registrazions dal CD de “Dal Pordoi a Katzenau” e de la operes fates dai studenc de la Scola d’Èrt de Poza tel projet “Women in Art”. Sala grana de la Sorastanza: da les 10.00 (resservà ai studenc) e da les 20.30 (avert al publich).

Tradizion e inovazion. Dal museo al jazz En mércol ai 6 de mé l’argoment viaja anter la reijes e l davegnir. Per endrez de l’Istitut Ladin ge vegn prejentà e consegnà ai studenc de la scoles autes l liber “Guida al Museo Ladin de Fascia - Antica terra ladina / Tera ladina da zacan” e dapò ge vegn sport l conzert “Encresciadum - a Dream and a Tale”, jazz per ladin con composizions de Roberto Soggetti e Fabio Chiocchetti, con Silvia Donati (ousc), Pietro Tonolo (sax), Paolino Trettel (tromba), Roberto Rossi (trombon), Roberto Soggetti (piano), Marco Privato (contrabas) e Enrico Tommasini (bateria). Na neva produzion de musega per ladin portèda dant da la Sociazion de cultura e musega “La Grenz” olache la fegures del mit e de la lejendes de la Dolomites vegn letes con l’eie descantà de nosc temp e ciantèdes col lengaz musical del jazz, na

musega oramai internazionèla che à sia reijes tel blues, la ousc di schiaves neigres de l’America che ciantèa si padimenc, so dejèje e so “encresciadum” dò la libertà. Sala grana de la Sorastanza: da les 11.00 (resservà ai studenc) e da les 14.30 (avert al publich).

“Ladin, quo vadis?” Meisa torona su la prospetives per la politica linguistica te Fascia En jebia ai 7 de mé la scomenzadiva vegnarà serèda sù da les 16.30 con na conferenza su la politica linguistica ladina con intervents de Evelyn Bortolotti (Istitut Cultural Ladin), Vigilio Iori (Olfed – Scola Ladina di Fascia), Sabrina Rasom (Comprenjorie Ladin de Fascia) e l contribut de Marco Viola (Servije per la Promozion de la mendranzes linguistiches locales - PAT), Marco Stolfo (Servizio identità linguistiche, culturali e corregionali all’estero – Friul) e Vittorio Dell’Aquila (CELE - Centre d’Études Linguistiques pour l’Europe); coordenea i lurieres Fabio Chiocchetti (Istitut Cultural Ladin). Na meisa torona olache l’é envià a tor pèrt l’Olfed, i ensegnanc, i responsaboi de la politica linguistica de Fascia, l personal de l’Ofize Servijes Linguistics e Culturèi del Comprenjorie Ladin, i giornalisć, i volontadives del lengaz e duc i enteressé. La comunanza de Fascia é duta envièda.

www.lauscdiladins.com

13


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

nr. 16 / 02 de mei 2009

Arpizé te Fascia Mauro Bernardi à scrit n liber nuef de arpizeda. Do Gherdëina (2002) y Cortina d’Ampëz (2005) trata l mëinacrëp y autor de publicazions alpinistiches chëst iede l raion de Fascia Arpizeda - Bën 87 vies alpinistiches iel laite, tl Ciadenac (Rosengarten), Latemar, Valacia y Scilier, per mustré su l bel dl jì a crëp tla Dolomites. L ne n’ie nia nuef a esperienzes publizistiches alpinistiches, l mëinacrëp y maester de schi de Sëlva, Mauro Bernardi. Bele tl 2002 òvel publicà l liber de arpizeda sun Gherdëina. Trëi ani plu tert, tl 2005, ti òvela tucà al raion de Cortina d’Ampëz, rich de beliscima vies alpinistiches. Mauro Bernardi ne n’ie nia stuf de nrescì y mustré su la belëza dl ambient da mont ladin, ulache chiche arpizea cun pascion, possa se nuzé de una dla cuntredes de majera marueia, la Dolomites. L stil de si libri ie mpue’ particuler, acribich y prezis sciche puec, tler y menuziëus, scëmpl ma efetif. Da capì saurì tl cuntenut y tla pert fotografica. Nsciuma, ideel per chiche va a crëp y uel jì sun l segur. N ne possa veramënter nia se falé. Mauro Bernardi spiega la via alpinistica dal prim al ultimo meter, da ulache n lascia l auto o l mesun motorisà nchin pra parëi. Y pona var per var, su per la via, nchin sun piza. Ma tlo ne f ìnela mo nia y duc chëi che va a crëp l sà mé drët bën. L’arpizeda ne fina nia sun piza, n muessa nce ruvé ju inò. Y perchël spiega Bernardi a puntin ciunes che ie la miëura soluzions per jì juvier y ruvé sann y nton japé l parëi. Oradechël iel da liejer tl liber nce n valguna biografies de arpizadëures che à scrit plates mpurtantes de alpinism di crëps tratei te chësta publicazion.

possi vester prezis tla descrizion dla via,” sotrissea l autor. La vies crides ora ie de deficultà mesana, datrai vel’ una nce plu mpeniativa, ma dutes scialdi beles dal 3. nchina al 6. grado de deficultà. Ora dla spiegazion a puntin cun schizes, zifres tecniches y spiegazions desferëntes, iel da udëi tl liber nce la fotografia de duta la via, da japé nchin suinsom, cun la rissa dessenieda che mostra la linia da fé tl crëp. “Zënza i libri de Mauro ne vedi niancanó plu a crëp,” ie l cumënt de plu arpizadëures che à abù tla mans i libri de Bernardi. Nfati se tràtel de libri de arpizeda che dà inant segurëza y che ie perchël scialdi prijei. L mëudl de scritura y de spiegazion se à desmustrà l drët, daviadechël ie Mauro Bernardi restà pra l medemo dla prima doi publicazions.

40.000 libri de arpizeda vendui

Mauro Bernardi ntan na arpizeda.

L se trata de Tita Piaz, Hans Steger y Paula Wiesinger, Otto Eisenstecken y Gino Battisti.

87 vies te Fascia. Dal Ciadenac al Latemar nchina al Valacia y Scilier Te doi ani, dal 2007 al 2009, à Mauro Bernardi arpizà 87 vies, n

pert nce nueves, ti raions alpins dla Val de Fascia. Un n iede, doi iedesc, datrai nce deplù. Scrijan su, meter per meter, duta la via y dajan inant al arpizadëur duta la nfurmazions de bujën per ruvé sun piza. “Do uni tiro de corda me fermovi, tulove ora l rispl y na plata, per scrì su duc i ponc plu mpurtanc da tenì cont. Mé nscila

La pascion per l crëp

Mauro Bernardi.

14

www.lauscdiladins.com

Co ie pa la resposta dl publich? Ie dijësse drët bona. Giape for inò cumplimënc per mi libri, ma nce cunsëies sun coche n pudëssa miuré. Anedotes n iel truepes. L me ova fat plajëi canche n seniëur me ova damandà de scrì inò n liber, ajache l ulova ti l scinché a n si amich che cumpliva i ani. N’ëila de Bologna me ova cuntà de si esperienza a Cortina d’Ampëz, ulache la jiva a crëp. La fova ruveda pra parëi y ova ancuntà cater d’autra persones, dutes cun mi liber “Arpizé a Cortina d’Ampëz” tla mans. Co stàla pa cun l alpinism ncueicundì ? Ie son dla minonga che la ie jita mpue’ dojù cun l alpinism tlassich. Dantaldut do l 1990, canche l ie unit su l freeclimbing, se à truep jëuni afeziunà a chësta disciplina, che ie plu segura y nce manco cumplicheda da pratiché. Purempò messons nëus che jon a crëp vester boni de dé inant i sentimënc de pascion per i

Leo Senoner

L bon ciaut sun Sasplat Ivan Kostner dan n trëi enes sun Sasplat. Dal plu bel tëmp pudòven monce se mudé cun gheneda

N valguna dumandes a Mauro Bernardi USC: Mauro Bernardi, plu alpinista o autor ? Mauro Bernardi: Zënzauter alpinista. Ie son y reste arpizadëur y mëinacrëp. Dijon che mi gran pascion per la montes y l jì a crëp me porta a ulëi dé inant chësc sentimënt. Y chël possi fé bëndebò bën nce scrijan libri de arpizeda. Per mé iel n gran sforz, l me costa fadia y mpëni, ma sce son bon de dé inant l amor per i crëps, pona se àl paià. La resposta dl publich me dà cunfort.

Medrë la zifres rejona n lingaz tler. Mauro Bernardi ie ruvà cun la prima edizion dl liber “Arpizé tla Val de Fascia” (l ie preudù 7.000 ejemplares) ala bela cumpëida de 40.000 libri vendui. I libri de arpizeda te Gherdëina y a Cortina d’Ampëz, dac ora da Athesia, ie unii stampei plu iedesc pervia dla gran dumanda: per talian, tudësch y nchinamei per polach. N prevëija nce na verscion per nglëisc. Nteressanta ie la storia che à purtà a chisc libri. Bele tl 1992 ova Mauro Bernardi pensà de scrì n liber de arpizeda tla Dolomites, ma l

editëur Zanichelli ne ova nia desmustrà nteres. Diesc ani plu tert òvel purvà cun n auter editëur, l’Athesia de Bulsan. Ma nce chësta cësa editëura ne fova nia defin dla cunvenzion dl proiet, tan deplù che i ne n’ova nia esperienza cun libri de arpizeda. Plucheauter ova chësc editëur for publicà libri da mont, dl jì sa mont, fotoalbum de crëps y libri de analisa sozio-culturela de populazions da mont. Mei, perdrët, libri tecnics de arpizeda. Mé de gra al ntervënt de n gran pasciunà di crëps, n ndustriel südtirolesc de prudoc da mont daujin ala grupa Athesia, fòvel unit a s’l dé la cunlaurazion, ma nce te chësc cajo mé ala cundizion che Mauro Bernardi se finanziessa nstës i cosć de produzion y stampa. Ntlëuta mo, te vedla lires talianes, la bela soma de 50 milions. Al mëinacrëp y te chël mumënt “ulësse-vester-autor” de Sëlva ne ti fòvel restà auter che azeté la cundizions dl editëur, paië i cosć y vënder persunalmënter duc i libri stampei. Na bela resieda, la puscibltà de fé n busc tl’ega, ël che ne n’ova deguna esperienza de publicazion. Ma Mauro Bernardi fova segur de si prudot y si libri jiva sciche l pan dl pech. Y mé 7 ani plu tert iel ruvà a plu stampes de si prim doi libri. Y ntant iel ruvà al terzo. "Śën vëni ëi a me damandé sce scrije libri nueves," s’la rij Bernardi pensan al scumenciamënt.

crëps y dantaldut ti fé capì ala jënt che l pericul ne n’ie nia grant y che n possa jì a crëp cun segurëza y se goder la natura y la beliscima montes che on. Chi ie pa l alpinista tipich de nosc dis? Tlo muessen desferenzië danter chëi che va da sëui y chëi che va cun l mëinacrëp. Tlo da nëus tla montes iel trueps che va per si cont, ëi scumëncia bele da pitli y à tosc na cërta esperienza che ti permët de jì a crëp da sëui. Dal’autra pert possa uniun arpizé cun l mëinacrëp, dal pitl mut nchin ala persona de tëmp. Sce n va su per i crëps pona udons che la majera pert dla cordates ie metuda adum da jënt danter i 30 y i 50 ani. Ora che chëi da tlo ie la majera pert tudësc y taliani, ma for plu y plu nce alpinisć di Paejes dl est, cecs, slovacs, polacs. Y pona nce austriacs y svizeri. Chëi che mancia, tlo da nëus tla Dolomites, ie i franzëusc. Povester messëssen fé plu retlam. Ntervista de Leo Senoner


Gherdëina

nr. 16 / 02 de mei 2009

Ötzi ie for atuel N ucajion dl di mundiel dl liber ai 23 de auril àn ulù nvië te scola elementera de Sëlva l’autora Gudrun Sulzenbacher. Cun plu fotografies de Ötzi ti àla spligà plu ala menuda si storia y si vita ai sculeies dla doi cuinta tlasses plu vedla dl mond. Plu de 5.000 ani ova l ël dla dlacia durmì tla dlaces dl dlacier y cun ël la cosses de valor abinedes ntëurvia, che jiva de reviers nchin tl prim Tëmp dla Piera. Ajache la luegia ulache n à abinà Őtzi ie tla Elpes dl Ötztal, ie l ël dla dlaces unì numinà Őtzi. L fova furnì cun guant de pulicia y pel, na cazina de pulicia y manëces de pel. Cun sé òvel sëita y balest y nce n flucion. Bonamënter iel mort per gauja de na ferida da fuech. Sot a si sciabla ciancia iel unì abinà la piza de na sëita. Ncueicundì ie Ötzi tl Museum Archeologich a Bulsan. Iló vëniel cunservà te na zela frëida svilupeda aposta per ël. Gudrun Sulzenbacher cun i sculeies dla cuinta tlasses dla scola elementera de Sëlva y l maester Pauli Senoner.

Sëlva - Gudrun Sulzenbacher à scrit plu libri y un nce sun Őtzi. Chësc liber ie ultimamënter nce uni ciancià te de plu rujenedes. Nstadì à la biblioteca “Oswald von Wolkenstein” nvià la autora Gudrun Sulzenbacher te scola elementera de Sëlva a cunté inant y mustran na bela lingia de fotografies dl’ël dla dlacia, de Őtzi donca. Őtzi ie for atuel y si storia ie bona de fé unì su emuzions sotes, stersces nce danter i sculeies che n chël di à scutà su cun gran nteres y marueia. Gudrun Sulzenbacher fova bele unida nvieda l ann passà d’autonn te scola elementera de Sëlva y bele te chëla ucajion fova la manifestazion stata n gran suzes. Gudrun Sulzenbacher à metù man si rujeneda dan la doi cuinta tlasses, che scutova su, n possa bën dì, cun devuzion. Te si ntroduzion ala spligà n curt de cie che ëila fova per cunté y mustré. Chëst iede ulòvela documenté si liber sun Őtzi cun fotografies dl ël dla dlacia. Fotografies che documentea si abineda, i studies y la nrescides, si ruvé tl museum y mo truep d’auter. L fova tan ntressant che ne te audives niancano tré l fla, deguna fuera, propi nët nia che pudova desturbé si cunté tan faszinënt, plën de emuzions.

I nemics che ulova l mazé Őtzi, ch’l buser che vivova dan 5.000 ani te nosc raions, fova n tipo particuler, cun na gran storia dovia. Povester òvel nce nemics che ulova l mazé y per se n mucé da chisc àl cris sosta, segurëza ti auc dla Elpes dl Őtztal. Ma nce iló ne fòvel ala fin nia plu segur y l à abinà la mort te ch’la dlaces eternes, ulache l ie restà per da stramp truep ani, nchin che n pèr maridà de Nürnberg l à abinà. Gudrun Sulzenbacher, scritëura de de plu libri per mutons, se à juà de dias per dé ai mutons na vijion ntiera dla storia ntravaieda de Őtzi. Chësta scumenciadiva ie unida metuda a jì dala biblioteca “Oswald von Wolkenstein" n cunlaurazion cun l Istitut Ladin "Micurà de Rü". La biblioteca mët a jì plu suvënz de tel ancuntedes che ie for inò prijedes

dai mutons, che possa svilupé si fantajia, si nteligënza si cultura generela y mparé a cunëscer libri nueves adatei a si età, a si svilup.

Gudrun Sulzenbacher.

I tatuajes de Ötzi Sulzenbacher à nce auzà ora i truep tatuajes che Ötzi ova sun dut l corp, ma dantaldut sun i braces y la giames ova Ötzi plu de 50 tatuajes te forma de linies y crëujes metudes ju paralelamënter. Chisc tatuajes, che ie i plu vedli che n cunësc, y che ie unic abinei sun n corp uman y ie bonamënter da mëter n cunliamënt cun tratamënc de cura, che ti semea ala “agopuntura”. Chisc tatuajes se cunzentrea daujin al fil dl spinel, ai jenodli, cumedons, mbën te luesc, canche Őtzi fova mo n vita, che messova tenì tres de gran struscies. Dlongia la lesures menedes ju dassënn coche chëles di jenodli y dl fil dl spinel se àn udù ora de vedla fratures varides sul nés y la rëpes dl ël dla dlacia. Oradechël iel unì descuviert na fratura nia varida dla rëpes, che ël muessa se avëi fat plu o manco doi mënsc dan si mort.

Ötzi ova 45 ani "Frozen Fritz" coche i nglëisc ti dij, fova canche l fova mort cun zirca 45 ani, plu o manco 1, 60 m grant y de statura gherda. L ie stat la sensazion archeologica dl ann, chël pòssen bën dì. D’autonn dl 1991 ova n dlacier dla Elpes dl Ötztal metù a lum na mumia. N valgun dis do ova i scienziei pudù cunstaté che Őtzi fova la mumia

I doi che pëca

La foto unida ora sun prima plata tla edizion da Pasca de la USC ie unida fata da Vinzenz Dellago. Sun la foto iel da udëi Engl Dellago y Josef „Sepp“ Profanter che pëca. Dovia la dlieja de Urtijëi.

Gudrun Sulzenbacher Gudrun Sulzenbacher ie nasciuda tl 1959 y à stlut ju si stude tla Università de Verona. Ncueicundì iela autora ndependënta de libri, referënta y cunlauradëura liedia dl Istitut Pedagogich Tudësch coche nce de plu museums provinziei de Südtirol. Ëila publichea libri per la didatica dl liejer, material per l nseniamënt y libri de fotografies speziei. Si liber „Gletschermumie“ ie danter l auter unì premià cun l pest „Österreichischer Kinder- und Jugendsachbuchpreis“, publicà te de plu edizions y ciancià te plu rujenedes. L liber „Lese-Rezepte“ scrit deberieda cun Elfi Fritsche – ie unì publicà bele tla sesta edizion. Tl 2002 fòvela cun si liber „Altes Handwerk und ländliches Leben“ sun la lista de cerduda de „Die besten 7 Bücher für junge Leute“. Gudrun Sulzenbacher viv cun si uem a Ne v a Tudëscia/ Deutschnofen.

L di mundiel dl liber I di mundiel dl liber ie dal 1995 n di de festa metù su dal UNESCO a livel mundiel per l liejer, per i libri, per la cultura dla parola scrita y nce per i dërc di autores. L di mundiel dl liber uel lecurdé, te tëmps ulache internet tol ite for na majera lerch, tan mpurtanc che ie i libri per mutons y granc. La nfurmazions vën for plu y plu curtes y cunsumedes. Ma nfurmazion ne n’ie nia capì. Mé libri possa crië la lerch che n adrova per giapé destanza y tl medemo mumënt jì plu sot tla cosses. Libri scunea y sparpanieia leteratura, savëi y nfurmazion, i dà nspirazion, documentea y devertësc. La festa dl liber che vën festejeda n ucajion dl di mundiel dl liber, ie na bona ucajion de fé cunëscer la mpurtanza di libri y de fé retlam per na majera legrëza per l liejer. La data dl 23 de auril va de reviers al di de Ivuere. La se stiza sun la tradizion catalana de scinché per l santinuem dl sant dl popul S. Ivuere rojules y libri. Oradechël iel l di de mort sibe de Wiliam Shakespeare y Miguel de Cervantes, coche nce l cumplì di ani dla persona che à giapà l pest Nobel per la leteratura Halldór Laxness coche nce dl scritëur Vladimir Nabokov (Lolita).

L ruf da Bula L Ruf da Bula tl raion de Runcadic vën segurà da nuef. Ajache i ëures dl ruf ie vedli y à debujën de unì miurei, ie i lauranc dla Repartizion provinziela per l’eghes tl lëur de n fé de nueves. Te chësc cajo vëniel nce cialà di pësc tl Ruf da Bula Ruves - Pra chisc lëures iel sambën unì dat la priurità ala segurëza. “I ëures dl ruf ie tan vedli che messon i fé da nuef. Leprò vëniel nce fat cin’ plunfs de ruf (per tudësch “Sohlschwellen”), a na maniera che nce cun truepa ega ne vëniel nia slavatà ora l ruf,” dij Rudolf Pollinger, diretëur dla repartizion per l’eghes. Nce l rone dlongia l ruf vën miurà te chëla che l vën sentà lëns. “La ravises di lëns da ega juda a fermé l rone ntëur ruf,” dij Pollinger. Ntan i lëures vëniel nce tenì cont dla pert ambientela, tl cajo dl ruf da Bula, n cont di pësc. “Al mumënt ne possa i pësc nia drë’ se muever tl ruf pervia dla gran pendënzes,” spiega l diretëur de ufize. Per chësta rejon vëniel arbassà i parëies che tën su l material, l deslivel smendrësc y dut l ruf vën

manco ërt. Aldò dl proiet de Alexander Pramstaller ne unirà l ruf nstës nia trat ju unfat per ti lascé ai pësc raions de vita nueves. I lëures dl Ufize provinziel per i ruves da mont a Runcadic ie bele unic scumencei ai prims de auril. Nchin ala fin de mei féjen cont de i finé via. Per chësc ressanamënt iel unì spendù ite 160.000 euro. (as)

www.lauscdiladins.com

15


Gherdëina

nr. 16 / 02 de mei 2009

La union fej la forza! Festa di Kastelruther Spatzen a Runcadic. La Lies dl tennis y dla hockey à judà a la mëter a jì Lies - Al didancuei iel for plu rie abiné jënt che se dà ca per fé lëures nce sce ëi ne davania nia y per la lies iel for plu y plu rie a mëter a jì manifestazions y scumenciadives ulache l va debujën de truepa mans a judé. Ma l’ena passeda à la lia dl tennis de Urtijëi y l Hockey Club Gherdëina desmustrà che la va mpo y che l ie te nosta valeda for mo truepa jënt che à legrëza a pudëi de na man. Dut à scumencià tres na pruposta che l Tennis Club Urtijëi à giapà da n urganisadëur de viages che mët a jì bele dai ani n cunzert di Kastelruther Spatzen a Meransen. Davia che l mplant de Meransen ne se adatova nia per cuncé ju passa 2500 persones, à i urganisadëures tëut su cuntat cun la lia dl tennis de Urtijëi, ti pitan ala lia dl tennis de pudëi dé ora da bever y nce velch da maië ntan l cunzert. Pra la prima senteda dl cunsëi dl TC Urtijëi se à duc rendù cont che la lia dl tennis ne fova da sëula nia bona de mëter a jì dut cant y perchël iel unì tëut su cuntat cun l Hockey Club Gherdëina per damandé na cunlaurazion. N juebia ai 23 de auril dala 8 da sëira àn scumencià cun l lëur de mëter ite l fonz de plastica sun la cater plazes da tennis. N

gran lëur che se damanda l aiut de truepa persones, che ne manciova pona ënghenó. N vënerdi iesen pona jic inant a mëter su l palch per la mujiga, ulache l fova nce i lauranc dla Lia per l Turism de Urtijëi che judova pea. Tl medemo tëmp àn metù ora l banco per dé ora da bever, la mëises y i banc.

Passa 2.500 persones N sada ai 25 de auril fova pona dut njenià per l gran cunzert di Kastelruther Spatzen. Per la passa 2.500 persones ruvedes adalerch cun ntëur 50 curieres, se à metù a desposizion danter la 60 y la 80 persones, mutons y granc, dl HC Gherdëina y l TC Urtijëi per dé ora da bever y da maië. N gran lëur, che à durà n cin’ ëura, danter la doi y la set domesdì. Ma l ne se tratova nia de n rie lëur, ajache duc canc fova cuscienc de lauré per na bona cossa: dut chël che ie unì trat ite vën metù a desposizion per l’atività di jëuni dl TC Urtijëi y dl HC Gherdëina. Monce i plu jëuni à dat na man, ruman ju la mëises y cialan che l fosse for dut nët sun la mëises. Cin’ ëura, ulache l ie nce unì su n bon sentimënt de lauré deberieda y avëi nce mpue’ zeche da rì.

Na sala plëina de jënt ntan l cunzert di Kastelruther Spatzen.

Fajan unì su la bona ueia Tla ultima mes’ëura de cunzert se à duc chëi che à laurà pensà che l fossa ëura de fé mpue’ de hez: danter 60 y 80 persones, furnides cun jeans, ciamëija blancia y gurmel brum, che fova l guant de lëur di chelneri, ie jites su sun la mëises a balé y à scumencià a fé „la pitla ferata“ danter la jënt ora. I ulenteres dla doi lies ie stac boni de fé unì su tan na bona ueia, che ora de nia fova duta la jënt che fajova fotografies y filmac di chelneri sun banco y nia plu di Kastelruther Spatzen. Norbert Rier à dit do l cunzert, che „l messëssa se njenië plu suvënz jënt che lëura tan bën y ie ënghe mo bona de fé tan na hez“.

La grilieda d’instà I cunlauradëures tiza ite.

Doi espunënc dl Tennis y dla Hockey: Wolfgang Wanker y Gottardo Bernardi.

16

www.lauscdiladins.com

Ma l lëur ne fova mo giu’ de no finà do l cunzert, do che la jënt se n fova jita dala sala: duta la mëises, i banc y banchi ie unic puchenei adum y purtei ora, l fonz ie unì puzenà y tëut ora, davia che n dumënia fòvel inò sun l program partides de tennis. Ntëur la 9 da sëira fova pona dut rumà demez y duc chëi che ova judà pea fova stanc ma tl medemo mumënt cuntënc de chël che i ova fat n chël di. Coche n vëija da chësta scumenciadiva iel te Gherdëina for mo truepa persones che à legrëza a judé pea debant, per la legrëza de dé n aiut a na lia; ma una na cossa ie unida mpermetuda y unirà tenida ite dessegur: na grilieda d’instà per ti dì de gra a duc chëi, pitli i granc, che à judà pea. N gran cumplimënt ti va sambën nce ala grupa de lëur,

Ala fin fòvel mo da rumé adum.

metuda adum da n valgun cunselieres dl HC Gherdëina y n valguni dl TC Urtijëi, che se à cruzià de duta la urganisazion danora y ntan la manifestazion. Zënza cuordinazion ne vàla nia y chëla fova unida fata sciche l

toca. Doi lies, un n „teamwork“, la medema minonga y ueia de lauré, pona pòssel dessegur nce unì a s’l dé mo n iede vel’da de tel tl daunì . Ellis Kaslatter


Gherdëina

nr. 16 / 02 de mei 2009

Online-booking te Gherdëina

Recurs a Roma

N proiet nuef de Val Gardena-Gröden Marketing. I seniëures possa apusté da śën inant nce tres internet, cun l sistem nuef de online-booking (VOB)

Te na tëuta de posizion mandeda ite ala redazion dla USC critichea Toni von Walther, aucat de Frater Ivan Bernardi dl Fever de Sëlva, la nfurmazion unida ora sun la Plata de Chemun „Sëlva ncuei“

Turism - Te n domesdì de nfurmazion, ulache l ie unì nvià duc i hotelieres y fitamajons de Gherdëina, à i respunsabli de Val Gardena-Gröden Marketing prejentà chësc proiet drët inuvatif y ambiziëus, ti dajan inuem VOB, che uel dì „valgardena.it online booking“. N pitl var, ma drët mpurtant. Praticamënter possa śën uni seniëur te puec menuc y n valgun clics apusté na majon o n cuatier per vacanzes tres la plata ufiziela de Val Gardena-Gröden Marketing, www. valgardena.it. Apusté tres online booking ie per l seniëur drët saurì. L medemo vel nce per l hotelier. “Dessegur fova chësc l pont plu

zite,” dij l diretëur de Val GardenaGröden Marekting, Günther Pitscheider, „ma cun l dé ite tres l sistem TICWeb (Tourismusdatenbank Südtirol) iel per uni azienda saurì curé i dac y sëuraprò iel mo mesun l adaté aldò di bujëns de uni singul. Fé pea debant possa duc i cumëmbri dla Lies dl Turism de Gherdëina, per curì la spëises vëniel trat ju na pitla perzentuela canche l vën pona fat la prenutazion. “L proiet ie stat n gran lëur, l resultat sambën scialdi nteressant y nëus son segures de avëi fat n pitl, ma mpurtant, var inant.” Pra l domesdì de nfurmazion, ulache l à fat pea truep nteressei, iel unì prejentà a puntin l proiet cun si vantajes, prufic

y nsci via. “Chësc ie danz mé l scumenciamënt,” sotrissea Pitscheider “ l proiet vën purtà inant y laurà ora a na moda che duta la categuries di fitamajons, granc o pitli, vëije l bujën y la mpurtanza de fé pea per vester for cumpetitifs”. (id)

L online booking te Gherdëina.

“Jì pea cun la tecnologia” Trëi dumandes al diretëur Günther Pitscheider dl Cunsorz de Turism de Gherdëina USC: Ie pa l VOB, l “Val Gardena Online Booking”, defin na nuvità? Günther Pitscheider: Sistems de online booking n iel bele da n valgun ani incà, nuef ie dessegur l mesun de coche l ie unit a se l dé y l ne n’ie al mumënt degun auter sistem che ie tan bon de jì ite ti bujëns dla jënt de Gherdëina. Co ie pa nasciuda l’idea de ti jì permez a n tel proiet? Sibe l turism che la tecnologia se muda tresora. Do mi minonga dëssa l turism jì pea cun la tecnologia y perchël unirà l online booking da ann a ann plu mpurtant. De gran mpurtanza iel de ne

pierder nia te chësc mumënt l cunliamënt. A nosc cumëmbri ti vëniel nsci pità de purvé ora l sistem y nsci de ruvé ite var per var te chësta mudalità nueva de prenutazions online. Iel pa mo preudù vel’ autra nuviteies che à da n fé cun l “online booking” tl dauní? Zënzauter saràl tl dauní mo de gran mudazions, nosc lëur ie pona de junté man man la nuviteies tecniches al sistem fundamentel. Persunalmënter sons dla minonga che n ne dëssa nia mé se lascé sun l online booking, nce sce l unirà for plu y plu nuzà, ma l online booking ne mplenësc da sëul

segurdenó duc i liec te Gherdëina.

L diretëur Günther Pitscheider.

L Zënter Culturel te Sëlva

Sëlva - Tla plata de Chemun iel scrit che „tl recurs de Frater Ivan Bernardi al Cunsëi de Stat contra la sentënza de prim grado n con’ dl plann de atuazion dl raion da sté A „Jacun“ se à l Chemun costituì n iudize“. L aucat von Walther auza ora che „a chësta maniera seméiel che Bernardi sibe jit dan l Cunsëi de Stat. Sce ntant iel trëi sentënzes dl TAR che ti à dat rejon a mi mandant Bernardi. L ie la contrapert che va dan Cunsëi de Stat, y l Chemun va pea, nce sce ne udon nia ite l ciuldì che l Chemun tira pea.“ L se trata de na cuestion urbanistica che va bele inant dai ani, per doi fabricac te Sëlva, un de Bernardi y un de Runggaldier, y la streda da jì permez ala cësa de Runggaldier tl raion Jacun.

„Bernardi ne n’ie nia jit a Roma“ „Mi mandant Frater Ivan Bernardi à messù jì dan sunieria contra n plann de atuazion dl Chemun de Sëlva, cun i ujins Runggaldier y l Chemun che se à metù de contra. Ala fin à la Jonta provinziela de Bulsan fermà la delibera dl Chemun de Sëlva y l Tribunal Aministratif de Bulsan à cun 3 (trëi!) sentënzes auzà ora coche drëta la dezijion dla Provinzia y nscila nce la posizion de Frater Ivan Bernardi.“ Nscila scrij von Walther, critican coche „...śën scrij l Chemun tla plata de Chemun che l se à lascià ite dan al Cunsëi de Stat „tla causa nvieda via da Fr. Bernardi““.

Inant l aucat: „Frater Bernardi ne à nvià via deguna causa dan l Cunsëi de Stat. La urità ie chësta: i ujins Runggaldier à fat recurs contra la dezijion dl TAR de Bulsan, y l Chemun de Sëlva va pea, nce sce l à bele „perdù“ trëi iedesc dan l TAR. Chësc ne n’ie nia da capì. Fr. Bernardi ne se à nchin a ncuei nia lascià ite a Roma!“ Nscila von Walther, che dij che scrì che „tl recurs de Frater Ivan Bernardi al Cunsëi de Stat contra la sentënza de prim grado n con’ dl plann de atuazion dl raion da sté A „Jacun“, se à l Chemun costituì n iudize“ ie propi da deguna crianza („eine Frechheit“) y segurdenó mé n pitl fal che n se à sëuraudù.“

La resposta dl ambolt L ambolt de Sëlva Roland Demetz dij che l Chemun à tëut la dezijion de jì inant, ajache l rata che la sentënza dl TAR ne n’ie nia drëta. “Nëus coche Chemun messon se paré dan al Cunsëi de Stat, nia Bernardi,” dij l ambolt, che dà pro che “la formulazion te Plata de Chemun ie tumeda ora fauza”. Demetz auza ora che l ie na “cuestion che ne son nia boni de mëter a post, l ie na situazion ncompra, ulache n ne à giapà, nchinamò, degun cunsëns. Cun la situazion ncompra bele nscila iel pona mo stat ntervënc politics, y chësc à fat unì la cuestion mo plu cumplicheda.” Nscila, cun la sentënza dl TAR rateda fauza, va l Chemun śën dan Cunsëi de Stat. (dl)

L Zënter Culturel dl Chemun de Sëlva tol ite la sënta nueva dl Istitut Ladin “Micurà de Rü” coche nce chëla dla biblioteca “Oswald von Wolkenstein”. Sun pra da Nives uniràl plu inant finà de derturé su l tublà Sëlva - Te tublà da Nives iel preudù de mëter a jì mostres y d’autra manifestazions cultureles via per l ann. Te Istitut iel nce l Servisc Furmazion che vën cuordinà da n doi mënsc incà da Tobia Moroder. Chësc ufize ie tlo per pité aiut y nfurmazions a duta la lies y ai cunsëies de furmazion de uni luech dla valeda. L Istitut y la biblioteca lëura deberieda y chël ie de utl y n bel sëni de tenì adum. A chësta maniera ie plu istituzions cultureles, danter l auter la scola elementera y la scolina, daujin l’una dal’autra, cun si servijes de chëi che duta la populazion de Sëlva y de Gherdëina possa se nuzé. Nteressant ie nce l portal internet nuef che ie da udëi te cater rujenedes: ladin, talian, tudësch y nglëisc “Viac tla Ladinia”, che va a una cun la mostra ambulanta, che ie unida prejenteda l ann passà a Urtijëi. N portal modern, nfurmatif, che pieta n cheder lerch y tler dl mond ladin de n iede, ma dantaldut de nosc

L model dl raion Jacun te Sëlva.

Tl Zënter Culturel de Sëlva.

tëmps, cun truepa tematiches storiches y atueles. Cun chësc mesun multimediel cëlen de ti jì ancontra a chëi da oradecà, ma zënza desmincë la jënt de nosta valedes. N à pensà dantaldut ai jëuni. N ulëssa propi che ëi se sënte da cësa cun chësc mesun per pudëi se nfurmé n con’ dl mond ladin. La speranza ie che chësta istituzions ruve plu daujin ala jënt, per se

ancunté, per sté deberieda y s’la cunté. L’aministrazion de Chemun, cun a cë si ambolt Roland Demetz, a cherdù y sustenì de plën chësc proiet. Chësc ie n gran var inant de viers dla cultura ladina, che uel cialé a si passà, a si ravises, ma nce vester tlo per l bën de si cumenanza y per i bujëns de ncueicundì. Te n valgun dis saràl i dis dla porta daviert (c. sot a plates de nfurmazion). (dv) www.lauscdiladins.com

17


Gherdëina

nr. 16 / 02 de mei 2009

Usanzes pra mëisa Teater tla Scola Mesana de Urtijëi: maië sann y usanzes pra mëisa ora dla storia Sëuraprò ans da njenië ca l pan dala nuef che ulan pité: tëurta, strudel, papes cun śulza y sambën fòvel nce da jì a cumpré ite (chël fova mo l plu bel). Do scola fans plu stanc che no do n di passà te tlas. Finalmënter fòvel mierculdi ai 22 de auril. N valgun sculeies fova bele dan la set daduman a scola a njenië ca i pans y i śofc, a fé macedonia y a mëter dut a puntin. Fan mpue’ grams, vel’ da de tel ne ans mo mei fat. Umans y peresc, diretëur, maestri, duc fova unic adalerch: n pudova scumencé.

Bënunì – referac – mujiga – teatri Sculeies dla 2A dla Scola Mesana de Urtijëi cun nsenianc y l diretëur dan l bel buffet njenià ca dai sculeies nstësc.

Scola - Do la feries da Pasca se ons nëus sculeies dla 2A ncunfertà a unì inò a scola, ajache savan che ne stajan nia for te tlas coche zënza: sun l program fòvel l proiet sun l’alimentazion, che ulan stlù ju cun na prejentazion y na pitla festa per nosc genitores, diretëur y nsenianc, n mierculdi ai 22 de auril.

Cie maions’a canche maion? Bele de merz nes ova i nsenianc purtà dant ciuna sustanzes che ie tla spëisa, ce funzion che les à y coche l dassëssa cialé ora na alimentazion sana. Sëuraprò ulans

mustré cie y coche maiova nosc antenac. Ntan l’ëures de storia ons mparà che plu da giut maiovi mé chël che chersciova sun l post, che i se durova datrai fam y che i rëiesc s’la lasciova jì drët bona n con’ dl maië. Daviadechël se ons mpensà de mustré te de pitli chedri coche maiova i Romans, i rëiesc tl Medieve, i paures zacan tlo da nëus y coche la cëla ora al didancuei pra mëisa. Grupes de sculeies à metù adum cun l aiut de nsenianc cater teatri ti cater lingac che mparon a scola.

Njenië ca i teatri Sën jìvela de mparé adamënz i

tesć di teatri y di referac, dé crì guant adatà, de pensé a dut chël che adurvan sun palch. Ntan la proes fòvel sambën mpue’ de scich, dantaldut do paladina, ma on mparà a rumé adum nosta roba a na moda da la abiné debota l proscimo iede. On fat nstësc truepa massaria per i teatri: n’aucia, n purcel, giames de gialina, furniei da cësadafuech, guant, nvic, placac, y n.i. On laurà tan che te duta la materies de scola y on nce abù da fé a cësa. Śën manciòvel mé plu doi dis. Da uni proa fajans mo bëndebò de fai y perchël se mpensans: ”Garaterà pa bën la prejentazion?”

Dut ie jit drët bën. Dal gran aplaus che on giapà se à l publich devertì y l ti à sapù bel. Nce a nëus nes àl sapù bel. On pona deberieda maià n bon pan dala nuef. Ala fin

ons rumà su la sala, metù via l guant y la massaria y on lavà ju na mont de goc y taieresc. Do scola fans duc cuntënc che la festa fova garateda, ma l nes savova nce sciot che l proiet fova bel finà.

N valguna cunsciderazions di sculeies l di do - L plu bel ie stat a cujiné y a jì a cumpré ite. - É mparà a lauré deberieda cun mi cumpanies y on mparà a nes judé un cun l auter. - L plu bel me à sapù a fé teater. - Nia drë’ bel ne me àl sapù a messëi rumé su dut ala fin. - Per l daunì me toli dant de ne maië nia plu tan de biguli y de bever deplù. Per la 2A, Elena Prinoth y Castor Comploj

Co maiova pa i Romans?

L vën inò rujenà de hockey L Hockey Club Gherdëina possa cialé de reviers a na bona sajon, sibe dal pont de ududa agonistich che nce per la pert finanziela. Y la bona nutizia per duc i tifosi de chësc sport ie che ... la jirà inant! Ma cie che n possa se aspité per l proscimo campiunat ie per ntant mo sucrët Hockey - La sëurastanza dl Hockey Club Gherdëina se à abinà ai 20 de auril per la reunion generela, do che Stefan Prinoth se ova tëut sëura l ann passà de mené inant l club ntant per un n ann. L presidënt à pudù saludé tla cësa de cultura de Urtijëi na sala plëina de jënt, danter autoriteies, cumëmbri, jugadëures, sustenidëures y tifosi dl sport dl hockey de Gherdëina. Prinoth à cuntà dl tëmp critich y nia saurì che chësta lia à fat tres l ann passà d’ansciuda, canche la se tratova de abiné na streda per la mené inant y che de gra al mpëni de n valg una p ersones scialdi

cumpetëntes iel stat mesun de purté l sport dl hockey inò a drët n bon livel. Scialdi cuntënt fòvel che tl luech, tla ustaries, sun streda y sun i purtoies unìvel inò rujenà y pustejà de hockey y dl Hockey Club Gherdëina. Ntan la relazion ala menuda dla sajon agonistica passeda purteda dant dal assistënt sportif Klaus Demetz, àn inò pudù viver pea vel’ mumënt dla truepa partides nteressantes y scialdi cumbatudes. Auzà ora àl nce la prestazions scialdi bones di fulestieres y nce de n valgun jugadëures da tlo, y che n à mudà trainadëur d’autonn ora. De ndut

iel unì fat 49 partides, arjunjan ala fin dla regular season l cuarto plazamënt. Ti play off ne n’à la scuadra nia rendù chël che n se aspitova, nce sce i jugadëures da tlo fova drët n forma y judova pea dassënn. Da pert dl respunsabl di jëuni, Herbert Costa, iel unì lecurdà l gran lëur fat cun la scuadres di jëuni y danter i resultac la bela arjonta dla Under 17, che do la sajon regulera, fova prima. Auzà ora àl nce l sustëni de plën per i jëuni da pert de dut l cunsëi. N cont dla situazion finanziela dl hockey club à Marcello Cobelli pudù dé drët de bona nutizies. La

I jugadëures dla prima scuadra y i jëuni dl Hockey Club Gherdëina, pra l’ultima prejentazion.

18

www.lauscdiladins.com

zifres cuecenes ala fin dla sajon ie do la rata pitles y sce n cunscidra mo i scioldi da garat dal ann passà iel nchinamei avanzà mpue de zeche. Che la situazion finanziela cëla ora nsci muessen nce rengrazië ai biei cuntribuc da pert di sponsores sciche nce dai Chemuns de Gherdëina y da Val Gardena Marketing, che ova chëst ann fat da sponsor prinzipel cun l ”G” de Gherdëina sun la malies. N ie pona passei ala veles dl cunsëi nuef. L vedl cunsëi, metù adum da Stefan Prinoth, Marcello Cobelli, Roland Rabanser, Gottardo Bernardi, Herbert Costa, Ivo Moroder, Urban Moroder, Klaus

Demetz y Antonio Perez, se à inò metù a desposizion y ie pona nce unì cunfermà. Ruvei leprò ie mo Gerold Messner, Andreas Prinoth, Alfred Kelder y Guido Paur. De cie che n possa se aspité per la proscima sajon ne n’iel mo unì dat deguna nfurmazion plu avisa. Segur iel che Stefan Prinoth cun si cunsëi cialerà inò de mëter mpe na scuadra cumpetitiva y coche Prinoth dij, de tenì cont di jëuni. Sce fulestieres y trainadëur dl’ultima sajon sarà inò da udëi sun dlacia, chël ie mo dut top secret. A uni moda puderàn dessegur se ncunferté sun na bela sajon de hockey.

Nteressei al hockey pra la senteda generela.


Gherdëina

nr. 16 / 02 de mei 2009

Generela dla Cassa Raiffeisen Bën 270 cumëmbri se à ancuntà n dumënia ai 19 de auril tla Cësa de Cultura „Oswald von Wolkenstein“ ala reunion generela dla Cassa Raiffeisen de Sëlva. La crisa finanziera y economica mundiela l argumënt zentrel dla senteda Paroles dl’autoriteies L assessëur provinziel Flori Mussner à cunfermà la paroles dl presidënt y purtà dant i pruvedimënc che l Lond uel tò per tenì su l’economia tla provinzia. Nce l’ambolt de Sëlva à te si rujeneda mustrà su la mpurtanza de tenì adum y de lauré cun firmes dl post.

Na nuvità

I cumëmbri che à venciù n viac tla Val Venuesta.

Cassa Raiffeisen - Do avëi saludà duc i prejënc, cumëmbri y autoriteies, à l Presidënt dla Cassa Ivo Senoner purtà dant la situazion dla Cassa, dijan che l 2008 ie jit drët bën. „La crisa finanziera y economica mundiela ne se à mo nia tan lascià sentì tlo da nëus. On na bona economia, na banca cun de bona fundamëntes y perchël ons nce arjont de bon resultac,” dij l Presidënt. Ël sotrissea che la Cassa Raiffeisen ie na banca tlassica, che tol i scioldi dala jënt da tlo y i mprësta ora ala jënt da tlo, l ie na banca che ne fej nia uperazions spiculatives, la lëura a livel de valeda, cunësc l marcià, à na bona tlientela y n bon capital. Dut chësc dà segurëza nce per l tëmp che vën. L 2009 sarà povester un di ani plu riei per la banca,

miena l Presidënt. L’aministrazion dla Cassa à bele fat cont cun n mënder davani per l 2009 metan al prim post i bujëns dla tlientela. Nscila uniràl mantenì la cundizions coche da cuntrat y dat inant i vantajes de n fit bas al tlient. N cialerà de fé a na moda che uniun sibe bon de paië zeruch si debit. Te tëmps riei vàla de tenì adum y de se judé un cun l auter. L Presidënt ti mët a cuer ai cumëmbri de lauré deberieda, de tò firmes da tlo che pieta cualità y scerietà y de tenì adum per tenì auta l’economia dla valeda. Sibe pra la banches che pra d’autra firmes ne dëssen nia mé cialé al priesc che vën pità, ma a duta la cundizions, ala scerietà y al cumpurtamënt. Nscila pòssen cialé cun fidanza tl daunì.

L bilanz L diretëur Flavio Senoner à pona purtà dant la zifres dl bilanz 2008. Sibe pra i mprësć (+8,51%) che nce pra i deponac (+11,10%) iel stat n gran aumënt. L davani dla Cassa à tl 2008 fat ora 2.641.400,00 euro. Gran pert dl davani vën, coche scrit dant dala leges, metù pra la resserves y na pert vën data ora a forma de cuntribuc ala lies dla valeda per sustenì l’economia, la cultura, l sport y l soziel. L Presidënt dl Cunsëi de Cuntrol Norbert Comploj a cunfermà che l bilanz ie unì fat sciche l toca aldò dla leges y che l ie unì fat cuntroi da pert di revisëures dla Federazion Raiffeisen y de zertificazion dl bilanz.

Na nuvità ie unida prejenteda dal diretëur: dal 1. de mei inant sarà la Cassa la juebia domesdì davierta dala cinch ala set da sëira. Chësc ie unì fat ora per pudëi ti sté mo plu daujin ala tlientela. L lunesc, merdi, mierculdi y vënerdi sarà la banca de domesdì davierta bele da mesa la trëi a mesa la cinch.

Mudazion dl statut Tla pert straurdinera dla senteda iel unì dat pro i articuli dl statut mudei coche l ie uni scrit dant dai organns de cuntrol dla banches (Banca d’Italia). L se trata dantaldut de articuli che regulea i dërc y i duvieres dl Presidënt y di cumëmbri dl Cunsëi de Aministrazion y dl Cunsëi de Cuntrol.

Uneranzes La bela cumpëida de 14 cumëmbri a pudù pië do na uneranza per vester 35 ani alalongia

Anastasia ntan si bal modern.

cumëmbri dla Cassa Raiffeisen y avëi desmustrà stima y crëta tla cooperativa. Tl ciamp dla cultura iel unì premià Anastasia Kostner da Stlujuc. Ëila se dà ju bele da pitla incà cun l balé y à arjont de gran suzesc tl modern dance. Al mumënt lëurela y studieiela a Londra. Ala fin dla senteda àla purtà dant n pitl bal modern mustran si bravura. La senteda ie unida abelida dala grupa Hosianna cun si cianties modernes. Patrizia Perathoner

Ntan la senteda generela dla Cassa Raiffeisen de Sëlva. www.lauscdiladins.com

19


Val Badia

Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

nr. 16 / 02 de mei 2009

Crusc Blanćia, n sorvisc aprijé Tla sentada generala dla seziun de Mareo él gnü portè dant n resocunt dl ann passè. I mëmbri sostegnidus dla seziun é jüs söpert, mo baldi inće i intervënć, tla maiù pert di caji por inzidënć sön les pistes dai schi. Chësc ann ti él inće gnü dediché na pert al sorvisc de assistënza spirituala

N dé me ponsâi N comentar sön les pices ligrëzes y na mëda d’La Pli

Ghesć y autoritês: iadedô l’ombolt da San Martin Pepi Dejaco, le mëmber dl diretif dla Crusc Blanćia de Südtirol Konrad Videsott, l’ombolt de Mareo Fortunato Ferdigg, le caposeziun de Mareo Filippo Kaneider, le presidënt dl “Ehrengericht” dla Crusc Blanćia Alfred Ausserhofer, la vizepresidënta dla CB de Südtirol Barbara Siri, le dotur de ćiasa Aldo Marcocci, le surastant dla staziun forestala d’Al Plan Tone Rungger. Dancà Antonia Taibon dl’Assistënza Spirituala y Andrea Willeit di Stödafü d’La Pli de Mareo.

Lies - La seziun dla Crusc Blanćia de Mareo à invié ai 16 d’aurì a süa sentada generala, te chëra che al é gnü portè dant n resocunt menü sön l’ativité di volontars dla seziun marora, che tol ite i comuns de Mareo y San Martin de Tor. Da püch à la seziun de Mareo inće mudè caposorvisc. André Miribung da La Val à tut ite le post de Thomas Deiaco da Rina. Ala fin dl 2008 cumpedâ la seziun indöt 63 mëmbri: 59 volontars, trëi colaboradus, che devënta cinch ti mëisc da d’invern y n sorvidù zivil. Döt adöm él gnü fat tl 2008 bëgn 27.167 ores de sorvisc, le 68% bele ma da pert di volontars. Sciöche al é n pü’ na tradiziun, él gnü nominé i cin’ volontars che à fat le plü ores tratan l’ann: Christian Rindler cun 880 ores, spo Stephan Ploner cun 780, Christian Vollmann cun 740, Roland Obojes cun 730 y Harald Frenner cun 630.

Le numer de sostegnidus crësc, mo inće i intervënć Le caposeziun Filippo Kaneider à podü portè dant n valgügn dać statistics interessanć. Imprömadedöt i mëmbri sostegnidus, che é chersciüs dal 2002 al 2008 da 374 a 674, ći che desmostra l’azetanza dla Crusc Blanćia da pert dla jënt. Chersciüs é baldi inće i intervënć. Le 118 à cherdè tl 2008 avisa 700 iadi, 54 deplü co l’ann denant. A chisc s’injunta ćiamò i 412 trasporć programà. Feter mec i intervënć che vëgn dal 118, plü avisa 339, reverda inzidënć cun i schi, 199 é i inzidënć internistics (intervënć

20

www.lauscdiladins.com

d’urgënza che vëgn da maratia), 75 i inzidënć tl tëmp lëde. La maiù ativité se conzentrëia porchël inće ti mëisc da d’invern, cun la piza de 145 tl mëis de forà. Le mëis plü chît é stè novëmber cun 14 intervënć. Dlungia i intervënć él gnü fistidié inće da fà n valgönes eserzitaziuns y sambëgn inće val’ sorvisc aprontà pro manifestaziuns desvalies, sciöche pro les gares dla liösa a Lungiarü, les gares de schi ta Furćia, a Al Plan y a Antermëia, pro la Maratona dles Dolomites, pro la Mëssa Noela de siur Klaus Sottsas a Rina y pro la vijita dl Papa a Porsenù. Le majer sorvisc aprontè de döta la storia dla seziun marora é gnü fat en gaujiun dla tapa dl Giro d’Italia sön Plan de Corones, che s’à damanè la presënza de chi 35 mëmbri. Döes manifestaziuns particolares tratan le 2008 é stades le dé dla proteziun zivila, sot al moto “imparè da salvè”, organisé deboriada cun Aiüt Alpin y Stödafüs d’Al Plan, y la setima edema dla sanité, stada de novëmber, che à odü la partezipaziun de passa 200 porsones a deplü referać incër la tematica dla sanité.

Le grup jonil tres plü sterch Inant éra jüda cun Harald Frenner, che à da püch surantut le manajamënt dla seziun jonila al post de Klaus Kaneider. La Crusc Blanćia Jonila de Mareo cumpëda 29 jogn y jones, che s’incunta apresciapüch 2 iadi al mëis. I jogn vëgn acompagnà da 5 assistënć. La seziun di jogn à fat tl 2008 incër 1.500 ores de sorvisc. Sis jogn é

Zacan n dé m’él rové te cassëta dla posta na cherta scrita a man. Laìte les aodanzes da Pasca y n dilan por n comentar che i â albü scrit val’edema denant. La cherta ê sotscrita cun “na mëda d’La Pli”. Ćina chilò n’él nia demorvëia. Mo la gran ligrëza che les parores scëmples m’à fat, chëra sce ê na morvëia. Ares m’à ralegrè le dé, tl dër sëns dla parora. Spo me ponsâi n dé, tan püch che al basta pordërt da ti fà na ligrëza a na porsona. Y tan püch che al costa da dì na buna parora, da dì n dilan. Te mi caje êl n dilan por ći che i â scrit, mo i me ponsâ spo tan de porsones che i incunti dé por dé sön strada - de chëres che i ne conësci ne situaziun, ne pinsiers, ne esperiënzes - y che ess magari n gran debojëgn da s’aldì n iade n dilan o n complimënt - por val’ che ares

à fat bun. N dilan ne costa nia, mo la ligrëza che al po cherié ne vara nia da cumprè cun i scioldi. Al po ester n dilan ala fomena, al om, ala uma por la buna marëna, n dilan ai mituns canche ai à daidé da romenè ia i jüć, n dilan a na porsona che nes à dè na man te na ocajiun o te l’atra, n dilan a valgügn che à fat val’ - magari zënza orëi - che nes à dè ligrëza. Liberté ala fantasia. I pënsi ma do a tan de porsones plü contëntes che al foss, sce vignun y vignöna dijess n iade al dé n dilan. La ocajiun arati che ne manćiass nia. Por pröm diji n dilan a “na mëda d’La Pli”, por la ligrëza che ara m’à fat. Y inće a düć y dötes che i ëis lit chëstes pêr de risses. Dilan! Pablo Palfrader

gnüs pormez y trëi à lascè. Ia por l’ann él gnü fat deplü ativitês, inće dl tëmp lëde, sciöche le dé dla natöra te Fanes, la vijita tla zentrala dl 118 y tla sënta di stödafüch a Balsan. Laprò toca sambëgn la preparaziun di jogn tl ćiamp dl socurs. La seziun jonila é insciö le pröm scalin che po i garantì tl dagnì volontars ala seziun de socurs.

Le sorvisc d’assistënza spirituala Por le pröm iade ti él inće gnü dediché na pert al’assistënza spirituala, n sorvisc tres plü important, che vëgn damanè tl caje de situaziuns feter dagnora tragiches. L’assistënza spirituala à na seziun a Bornech, che cumpëda 18 assistënć spirituai. Cater de chisc é dla Val Badia. La vizesurastanta dla seziun Antonia Taibon à portè dant n valgügn dać revardënć le 2008. La seziun à albü püch plü co 30 intervënć. Feter mec tl caje de na reanimaziun nia garatada.

Lalt da pert di ghesć La sentada é plan plan jüda a piz cun l’intervënt dla vizepresidënta dla Crusc Blanćia de Südtirol Barbara Siri, che à tut l’ocajiun da portè dant n valgönes statistiches a livel provinzial. I ghesć d’onur presënć chësta sëra à albü l’ocajiun da portè dant parores de salüt y gonot inće de lalt y rengraziamënt. Chësc denant che le caposeziun Filippo Kaneider inviass düć canć tl restorant da Arnold’s, olache al é stè por düć n aperitif y na pizza, y l’ocajiun da stè deboriada a s’la cuntè. (pablo)

Cun n dilan pon cherié tröpa ligrëza. a paiamënt

L’8 y le 5 pormile ala dlijia catolica Cun Osta firma sön la detlaraziun di davagns y le mod. CUD podëise destiné l’8 pormile por la dlijia catolica. Chësta tol ca i scioldi por le paiamënt di proi, la Caritas, contribuć por les ploanies, sorvisc pastorai, proieć umanitars tl terzo monn y aiüt tl caje de catastrofes

umanitares. Inće chësc ann él spo la poscibilité, cun na secunda firma, da destiné inće le 5 pormile por fins soziai, danter chisc deplü organisaziuns de dlijia y soziales. Deplü prospeć cun informaziuns plü menüdes ciafon tles dlijies. Che Dî s’l pàies!


Val Badia

nr. 16 / 02 de mei 2009

I tesurs ascognüs Ai 19 d’aurì àn podü trà ite n spirit internazional tl salf di jogn a Badia. Al é gnü presentè y metü a confrunt cater cultures y cater continënć desvalis. I auturs dl “dé intercultural” é propi chi “foresć” che vir tla Val Badia Badia - “Impede che ji en vacanza - i ne sa nia ola - por scovrì cultures nöies, bàstel daurì i edli y ćiarè intoronn”. Cun chëstes parores de Lucia Verginer à metü man le dé intercultural a Badia, invié ia en domënia ai 19 d’aurì. L’impuls de chësta iniziativa é propi gnü da Lucia Verginer, deboriada cun Iris Dal Valle.

Informaziuns dala cultura egiziana.

Alina cun la bela troht dla Romania.

Spëisa da chilò por le dé intercultural a Badia.

Sciöche introduziun à Andres Pizzinini tignì na picia relaziun dal carater storich sön la migraziun. Süa contlujiun: l’imigraziun é dagnora stada y romagnarà inant. Dal mëteman él gnü portè dant la cultura de ćiasa: Giovanni Mischì à portè dant les fondamëntes dla cultura y dla storia ladina. Sciöche intermezzo plajor àn podü ćiarćé tutres, canifli y ascutè musiga popolara. Dedô ti àra tochè al Südamerica, cun Perù, Argentina y Cile. Le vitalism sudamerican di reladus é gnü completè da presentaziuns power-point. Chësc pice escurs storich ti à magari recordè ai europeics la destruziun che ai à provochè te chësc continënt ti secui passà. Inće le Südamerica à vizié i presënć cun musiga, bai y spëisa tipica. Ala fin s’à presentè inće la Romania y la cultura egiziana. Avisa pro chëst’ultima él nasciü na

discusciun via sön la religiun y i costüms dla cultura araba, paragonà ai nüsc. Na discusciun sinziera, motivada dala curiosité da capì ći che é desfarënt da nos. Na discusciun caraterisada da respet, che podess ester n ejëmpl por chi che nes rapresentëia tla politica, sides a livel regional che inće nazional. Chësc é magari stè le p u nt c u l m i n a nt d l d é intercultural.

La contlujiun é stada na reflesciun sön i proscims vari da fà. Al é nasciü l’idea de n grup de laûr che fistidiarà tl dagnì da portè inant i temesc dl’imigraziun y dla convivënza de cultures desvalies. Döt adöm po le dé intercultural gnì odü sciöche n pröm tentatif. N tentatif che an po aratè garatè bele ma por süa idea de basa: chëra da valorisé i tesurs ascognüs dla valada. (ap)

Concuelo (Perù), Mariana (Cile) y Daniel (Argentina).

N pest por la storia dl cerf Heinrich Castlunger à podü pié do le pest ladin al concurs internazional “Giacomo Rosini” Leteratöra - “L’ meder de Col dles Scofes” é le titul dla cuntia de ćiacia che le maester en ponsiun Heinrich Castlunger da Rina â metü dant ala juria dla cuinta ediziun dl pest leterar internazional “Giacomo Rosini” y depaca àl podü pié do döt le consëns dala juria. Le pest de leteratöra anual vëgn scrit fora dala assoziaziun “ars venandi” en colaboraziun cun la

Heinrich Castlunger mostra le reconoscimënt che ti é gnü surandè dan da püch a Riva del Garda.

Federaziun taliana dla ćiacia. Sessanta partezipanć da plü statesc dles Alpes â menè ite dan la fin dl ann 2008 ala juria sües cunties plü desvalies: dala Francia, Talia, Austria, Germania y Svizera - y chësc ti lingac talian, franzeje, todësch y ladin. Les cunties messâ tratè sciöche al é tradiziun la ćiacia y la vita de munt. Ala premiaziun stada a Riva del Garda dan da n mëis él spo inće antergnü le presidënt dla Federaziun taliana dla ćiacia Franco Timo, che i à fat i complimënć ai promoturs dl concurs por le suzes che le pest à a livel internazional. Da dì él inće che les cunties premiades é gnüdes metüdes adöm te na racoiüda publicada a livel internazional. Le presidënt dla “ars venandi” Osvaldo Dongilli à minè te so intervënt ala zerimonia de premiaziun che “le fin dl concurs n’é nia ma chël da menè do che al vëgnes scrit sö y documentè cunties de ćiacia, mo inće da lié raporć danter porsones dl raiun alpinn che baia scé d’atri lingac, mo é afascinà dala medema pasciun, che é la ćiacia y le respet dla natöra”. “L’ meder de Col dles Scofes” é na storia de ćiacia suzedüda ti agn danter les veres tl paisc da Rina. La motivaziun por la conzedüda dl pest é stada: “la storia mostra

la realté döra da zacan dla jënt scëmpla dles munts, a contat strënt cun la natöra, la gran pasciun y l’amur por la ćiacia y l’ert da s’la cavè y da trà inant. Le lingaz dl autur é vi y adatè al genre.”

I lasciun baié l’autur Heinrich Castlunger “Al n’é nia passè tröc agn che le cerf - le plü gran salverjin de nüsc raiuns - é indô ruvé te nosta valada. Dal 1960, canche i â tut le pröm iade la cherta da jì cun le stlop, aldîn baian che al ê n cerf sö por la Venosta, dlungia le Parch de Stilfs y la Svizra. Inće tla ćiacia de Lijun, nüsc vijins, gnôl bele stlopetè val’ cerf, ruvà ilò bunamënter dala Val d’Isarch y gnüs dal’Austria. Tla Val Badia à Nando de Flös, iagher da San Martin de Tor, stlopetè le pröm cerf - ai 4 d’otober dl 1965, sön Börz - Chi Ainegri. Trëi agn dedô à le medemo iagher indô stlopetè n cerf sön Börz - Plan dai Cerf. Chësc vedl inom se dij che chisc gragn salverjins é bele stà na ota te nosta valada. N iagher da San Martin m’à n iade dit che sü antenać se recordâ che le paur da La Curt d’Antermëia â stlopetè na vaćia de cerf, incër l’ann 1900, avisa sön Plan dai Cerf, sun le stlop da balins, da ćiarié danìte. Tla ćiacia da Rina, olache iö à

la cherta da 46 agn, él gnü stlopetè n cerf de n ann ai 20 d’otober dl 1971, sön Munt da Tintal, pilofé adalerch da Lijun ca o da Onies ite. Iö personalmënter à abatü n videl ai 28 de setëmber dl 1975. Al é bele le regolamënt che obliâ da stlopetè n tier zënza corn por vigni cerf abatü. La popolaziun de chisc gragn salverjins é ćina incö intres jüda söpert, te dötes les ćiaces dla Val Badia. Bele da n pez vëgnel stlopetè te nosc revier da ćiacia, cun 1782

ha le mënder dla valada, dai 15 ai 20 de chisc salverjins al ann. I sun plü co 40 agn iagher, mo nia dër apascionè por la ćiacia al cerf. Mo dan cin’ agn m’él impò suzedü n fat dër interessant che i à orü scrì sö. I ê pié ia a ćiacia, zënza intenziuns menüdes y al é dontè n gran dé de ćiacia al cerf che ne se sfrëia nia plü fora da mi recorć.” La cuntia gnarà publicada inće tla ediziun dl Calënder Ladin 2010, che gnarà fora de novëmber. (iaco rigo)

www.lauscdiladins.com

21


Val Badia

nr. 16 / 02 de mei 2009

“Odëi le monn da lassö jö” Alexander sarà indô a Maran pro la seleziun südtiroleja dl Grand Prix, en chësc ann cun i Corgn da Munt de Gherdëina Alexander, cô te sa pa la ćiantia che te presentëies chësc iade? “Avisa sciöche mia cherta d’identité, ara respidlëia mi pinsier y inće mia saù de musiga.” Cô é pa chësta saù? “Al é mia sort de musiga asvelta, da druch y melodica.” Mìneste pa ch’ara plejes? “I speri bëgn. Mo vignun à pa süa saù.”

Alex cun i Corgn da Munt de Gherdëina.

Musiga/1 - Le dé vëndres, ai 8 de mà 2009, dales 20.15, saral da odëi söl terzo canal dla Rai, le provinzial - Sender Bozen, la ćerna provinziala por la finala dl Gran Pest dla Musiga popolara, a chëra che Südtirol podarà indô tó pert cun cater grusp risp. interpreć. Laprò pro chësta seleziun a livel raional saral inće indô Alexander Pezzei da San Martin de Tor che i conesciun bele da agn sciöche sonadù di orghi da man y ćiantarin, y inće bele sciöche partezipant a chëstes proes provinziales dl Grand Prix, te d’atres costelaziuns, l’ann passè deboriada cun Thomas dala Mauta de Gherdëina.

La ćiantia che Alexander presënta à inom “Wenn i auf Bergeshöhen steh” y ara à na introduziun ladina sön la sugestiun da ester söalalt sön munt. La ćiantia é gnüda scrita tla melodia da Tommy Mayer dala Venosta y tl test da Alexander Pezzei instës. Produzënt dla ćiantia che döra 2,50 menüć é Marco Diana. La ćiantia à passè la preseleziun y é śëgn pro i 15, de chisc ruvarà cater ala finala dl Grand Prix, che sarà ai 29 d’agost a Minca/München. Le publich podarà inće chësc ann indô lité la ćantia che i sta plü a cör, tratan la trasmisciun dal vi, telefonan o menan n SMS.

Tan cunta pa da olache te vëgnes pro les seleziuns Grand Prix? “Chël ne savessi nia da dì. Dessigü cùntel tröp por me sce i ladins tin adöm.” Ći fejte pa tö zënza al momënt? “I feji le secundo ann de université a Bornech. Facolté dl turism.” Vëgneste pro da sonè tröp? “En chësc ann d’invern da jenà ćina śëgn ài sonè dër tröp.” Olà aste pa sonè? “Scialdi chilò da nos tla Val Badia, y n pü’ fora por Puster.”

Proiet “ćiasa di pici” inće d’isté La cooperativa de assistënza al’infanzia cun la definiziun “casa bimbo project” ofrësc na assistënza estiva Sozial - Inće indô en chësc ann i proponn la cooperativa “casa bimbo project” ales families dla Val Badia le proiet “Isté Mituns - Estate Bambini - Kinderferien”, cun chël che an i pita ai mituns y ales families na ocajiun implü por passè l’isté cun serenité y renforzé le conzet de comunité, chësc cun i dè la poscibilité da incuntè d’atri mituns y stè cun ëi. L’iniziativa che vëgn metüda da jì pro la scora mesana a La Ila garantësc n sorvisc por düć i mituns dai 4 ai 11 agn, y chësc dal 1. de messè ai 22 d’agost 2009. Al gnarà pité recreaziun y jüch, y chësc cun personal cualifiché tl setur. I mituns podarà gnì tuć sö danter la mesa dles ot da doman y la mesa dles nü, y al sarà la poscibilité da lascè la strotöra danter la mesa

dles trëi y les cater (o cun n pice prisc ajuntif ćina ales cinch domisdé). La orenté dla cooperativa é chëra da i garantì ai mituns n conzet de vacanzes y nia de scora, porchël él inće al ordin dl dé na morona de ativitês pedagogiches, didatiches y recreatives desferëntes dé por dé. Porchël saral por i mituns n tëmp de relassamënt y de recreaziun, cun jites, dis a tema, vijites ai museums, ez. Le personal arà sües referënzes tl setur y laurarà tl liam cun la cooperativa Casa Bimbo Project. Geniturs de mituns che podess s’anuzé dl’iniziativa y interessà al sorvisc po ciafè informaziuns sön iscriziun, cosć, ez., diretamënter pro la cooperativa “Casa Bimbo Project” (tel. 347 2989902).

Ći t’aspeteste pa dala seleziun Grand Prix de Südtirol? “I m’aspeti da ruvé inant! Cun savëi, na bela ćiantia y n pü’ de fortüna.”

Melodies de sensibilisaziun por le Tibet Chësc s’à tut dant le grup “Bergfeuer”, che tolarà pert ala ćerna provinziala por le Gran Pest dla Musiga Popolara, ai 8 de mà da sëra Musiga/2 - Le grup “Bergfeuer” s’à bele fat n inom tl raiun todësch, tl monn dla musiga popolara. Inće ëi é danter i grups che tolarà pert en vëndres ai 8 de mà ala seleziun provinziala por ćerne i 4 grups o interpreć che podarà jì ales gran finales de Minca. I “Bergfeuer”, cun Peppino, Georg, Joe y Zenzo Obwegs (instës d’Al Plan), se presentarà al publich de Südtirol cun na ćiantia che ëi instësc à realisé, sides tl test co tla melodia. Le titul dl tòch - Himalaya - lascia bele ponsè de ći che ara nen va te chësta ćiantia: dla situaziun dla popolaziun dl Tibet. I Bergfeuer sarà chësc iade acompagnà inće da Anita Obwegs, möta de Zenzo, che sonarà tl’ocajiun la fabló pan. Por Anita, 14 agn, él la pröma esperiënza pro na competiziun musicala. La ćiantia, dla dorada de trëi menüć, baia dl Tibet sciöche de n teritore, olache i crëps baja le cil, n teritore che trasmët l’idil de na contrada. “Himalaya, tan dlungia le cil, sön le confin cun le firmamënt” é les parores che vëgn ćiantades. Mo la ćiantia baia inće de na popolaziun che à imparè l’umilté y che perd tres plü y plü sües raîsc: “Himalaya, olache soms mör y n paîsc à incherscimun do la liberté”. “Nos tolun dagnora ca temesc

22

www.lauscdiladins.com

L’isté por i plü pici mituns po passè ia inće te n grup cun n program cratif y animé.

“Pest Angelo Trebo” La premiaziun dla cuinta ediziun dl pest de poesies tl lingaz ladin dla Val Badia y la presentaziun dl liber cun les poesies premiades te dötes les cinch ediziuns

Le grup “Bergfeuer” tol pert al Gran Pest cun le tòch “Himalaya”.

dër atuai”, nes dij Zenzo, “y le Tibet é sigü un de chisc. I orun tres le mesum dla musiga, sensibilisé por chësta popolaziun che vir tla represciun”. Por i “Bergfeuer” n’él nia la pröma esperiënza pro le Gran Pest. Tut pert ài deplü iadi, l’ultim l’ann passè, y plü gonot ài inće albü suzes y é gnüs premià tles finales dui iadi cun n terzo post y n iade cun n cuinto. Cun la ćiantia Himalaya s’aoda le grup da arjunje i cörs di ascutadus y sambëgn inće da se davagnè la crëta, por podëi

despassè chësc pröm travert sön le tru dl Gran Pest. Anita y Zenzo à chësc iade l’ocajiun da sonè deboriada pro i “Bergfeuer”. Deboriada sóni plü gonot, pro les ocajiuns plü desvalies. Ai é inće tl laûr da realisé n ater proiet musical. La cd porta le titul “Acustica” y contëgn n valgönes ćianties scrites instësc y deplü cover. Les sorts de musiga é dër desvalies y da prömes informaziuns gnarà la scëiba presentada bonamënter de novëmber. (pablo)

Leteratöra - La cuinta ediziun dl “Pest Angelo Trebo” é gnüda davagnada da Carlo Suani d’Al Plan de Mareo (pröm post), dan a Helene Gasser d’La Pli (secundo post) y Daria Valentin de Badia (terzo post). La juria cun Roland Verra (presidënt), Dolorico Mischì, Tone Gasser, Leander Moroder y Roberta Dapunt à albü da ćerne les mius poesies danter

na desëna de Carlo Suani, autur y partezipanć da döta la Val poet. Badia. En gaujiun di 50 agn dl’EPL gnaral fora en mertesc ai 5 de mà 2009, dales 20.30, tl Istitut Ladin le liber cun les poesies premiades dal 1997 incà y al gnarà inće tut l’ocajiun da premié chësta cuinta ediziun cun i pesć bugn merità.


Val Badia

nr. 16 / 02 de mei 2009

Frisures premiades por charme y carater Les döes jones badiotes Elena Pescollderungg y Stefanie Rottonara à arjunt le podium pro i Campionać nazionai da friser. D’altonn rapresentarares la Talia ai Europeics de Paris dé de proes y le dé dezisif. Ala fin dla valutaziun é la ligrëza dles döes badiotes stada grana: Elena y Stefanie - valutades trames tla medema categoria - é gnüdes secunda rispetivamënter terza.

Da La Ila a Paris

Elena y Stefanie mostra capazies la copa.

Porsones - Fora dl nia ne vëgnel nia - chësc dit ladin passenëia ite bun desco ouverture a chësc articul che cunta di bugn resultać che döes jones dla Val Badia à arjunt dan da püch ala Coppa Italia di frisers. Ara se trata de Elena Pescollderungg y de Stefanie Rottonara, che ô fà fora dl mestier che ares fej val’ deplü: imparè intres inant, se moseré cun i atri colegs y ester trendy de vigni vers sön tendënzes, tecnica y materiai.

inće spëises” - cùnteres. Da chësta academia infora éres ruvades inće spo a tó pert cun na desëna de colegs de Südtirol a chisc ultims campionać taliagn, che à albü les gares impröma a Napoli y spo a Modena. Söla domanda ći che al ô ester por ruvé a chisc campionać dîjeres: “Alenamënt y inće sacrifize!” Ala fin à na comisciun valuté i laurs fać, y i punć dla soma à spo plazé les döes jones ti posć alć de tlassifica.

La ligna internazionala: asvelta, menüda y creativa

La frisura “by night” presentada da Elena ala gara a Modena. Elena à arjunt le secundo post tla “ligna internazionala”.

“Al ô ester pasciun y ambiziun”, dij Elena y Stefanie canche ares cunta che ares n’é nia ma stades chites a La Ila y che ares à orü se lascè scrì ite al’academia FABAS da Balsan, la scora alta nazionala di frisers che porta te n cërtl de cin’ agn a n diplom reconesciü y valorus tl setur. Ester al’academia ô dì jì n iade al’edema do le laur a Balsan a leziuns, y chësc da otober ćina jügn fora por döt l’ann academich. Elena é tl laur da fà le secundo ann, Stefanie s’à diplomé l’ann passè ala fin di 5 agn. “I sun ma nos dla Val Badia, inće sce degügn ne s’à sforzé unse dit da orëi fà chësta esperiënza, incé sce ara nes costa tëmp lëde, orenté y

L’alenamënt à doré döt l’ann, da otober incà, cun l’alenadëssa Margit Gostner, dagnora a Balsan. Chësc ann tl pröm dl’aisciöda éseres spo ruvades a Modena pro l’alenadù nazional Marco Giovanelli, chël che les à arjignades ai recuisić di campionać nazionai. “Da renunzié al tëmp lëde y ales domënies n’él nia dagnora saurì, mo sce le travert é important por se instësses spo ne la dàn nia sö!”, dij Stefanie. Les proes a Napoli à doré l’8 de merz döt le dé. Deplü ê les categories, Elena y Stefanie s’à moseré tla categoria internazionala, chëra che é plü complessa: “al vëgn dè dant avisa ći che al é da fà, tecnicamënter, y plü daimprò che an röia ai criters y ales ghiranzes dla comisciun miù che an stlüj jö.” Pensè àres inće messü ala decoraziun dl manechinn: cun perlines, plömes, brilantins y insciö inant. Les proes nazionales se basëia en confrunt ales internazionales dantadöt söl tai y söl assuié. Do Napoli él gnü spo, ai 19 d’aurì, Modena, le secundo

Les döes badiotes alda pro chë scuadra nazionala taliana che jarà d’altonn a Paris a rapresentè la Talia. Dlungia jones y manco jones saral chilò jogn y ëi de tröc pic y cultures d’Europa che se moserarà por n post d’onur y de prestisc söl podium di frisers d’Europa. Stefanie Rottonara: “Bele de jügn metarunse man da s’alenè a Modena, i jarun indô inant y zoruch, chësc indô de domënia, al é vëi, al ô ester na gran pasciun por ofrì sö le tëmp lëde por chësc.” Dla Val Badia n’él zënza degönes friseres o degügn frisers che se ćiaria sö chësc caprize, tan inant che an ne mëss nia i dì “iter profescional”. “I sun inće les sores dla Val Badia dl’academia FABAS” - dij les döes jones. Ëres va inant, inće sce al é n sacrifize, deache: “i ùn pasciun y ma cun pasciun fej chësc mestier plajëi.” Inće sön so post de laur, le Salon Paola de Sabine Pizzinini, pôres pié do motivaziun por so svilup profescional, y Sabine les à inće sponsorisades pro i campionać taliagn. “Porchël i va n gran dilan ala Sabine, y spo inće ala Lilly Nicosia da La Ila, la sartorëssa, por i guanć che ara nes à fat por le concurs, chisc é stà la cherscia sön la torta”, dij Elena y Stefanie. (iaco rigo)

“Vito” por le sorvisc di mituns en vacanza La Mercedes Benz à sostegnì les iniziatives por y cun i mituns

Assistënć y mituns cun le pulmin.

Turism - Le Consorz Turistich Alta Badia à podü inće chësc ann anuzé n pulmin por les iniziatives di mituns söi schi, n “Vito” dla Marcedes Benz. Le pulmin da 9 posć 4matic à dër oghé. Dantadöt l’oferta promozionala Ski Special For Kids, dal 14 de merz al 14 de aurí 2009, à cherdè adalerch tröpes families cun mituns por les vacanzes da d’invern. Les scores de schi dl

Alta Badia à podü registré dër tröc mituns che s’â scrit ite ai cursc. Le pulmin Mercedes Vito, gnü metü a desposiziun da Autoindustriale da Balsan al Consorz Turistich Alta Badia y ales scores de schi, é stè dër de ütl tratan döt l’invern por condü i mituns da n post al ater cun comodité. Le pulmin é inće gnü adorè por fà deplü trasferimënć tratan manifestaziuns desvalies.

I laurs va inant Al gnarà forè inant tla crëpa de Ćiastelbadia Laurs - Do la sospenjiun di laurs, gaujada dai danns sbrocà fora a gauja dl vibramënt dles esplojiuns por la costruziun dl tunel sot la crëpa de Ćiastelbadia fora, jarà inant i laurs. Impröma i toacara ai laurs por la realisaziun dl tunel davert danter le côl de Ćiastelbadia

La frisura “by night” de Stefanie por la proa a Modena. Por ëra él dè ca la copa por le terzo post de categoria nazional.

y le “Artmannbühel” y spo dala fin de mà inant, canche i mürs di afrësć en prigo sarà spraizà, inće indô al tunel tla crëpa. “Jun inant cun i laurs, y i metarun plü averda chësc iade”, à dit l’assessur provinzial ai laurs publics Florian Mussner. (ir)

Ćiastelbadia dal alt, i laurs por la zirconvalaziun de Ćiastelbadia y San Laurënz va inant, laprò él inće i laurs por realisé danü l’azes ala strada dla Val Badia dl vers de Flaurënz.

www.lauscdiladins.com

23


Val Badia

nr. 16 / 02 de mei 2009

Cor Ëres Al Plan: usc fines da 25 agn incà

suedtirolprivat.com

Na festa dër sintida por festejé le chert de secul dl Cor Ëres Al Plan. N rengraziamënt particolar ti é jü a Annamaria Clara, che à albü la direziun tles mans dala fondaziun incà. Le Cor à ćiantè tles ocajiuns plü desvalies. L’ultim gran apuntamënt é stè tla sënta dla Unesco a Paris

I afitaćiamenes é stà i pröms a i dè alberch a nüsc sciori, y ai é por la maiù pert i plü “familiars” Turism - Tl’Alta Badia él gnü debatü ultimamënter inće dles “prospetives di afitaćiamenes te Südtirol”, chi eserzizi che afita ćiamenes y cuatiers te n ambiënt familiar y i dà inće en pert la spëisa ai sciori. Tla cornisc dl proiet de inrescida y stüde “Alta Badia quo vadis?” él gnü baié en concret ai 3 d’aurì dla valüta dla categoria di afitaćiamenes. Le fin de vigni eserzize rezetif é chël da vëne les ćiamenes, porchël vàl debujëgn che na porsona se dais jö diretamënter cun le scior y che chësta porsona pois gnì contatada telefonicamënter o inće tres e-mail. Ćiamò laprò él da dì che le miù retlam vëgn fat tres word-ofmouth, dit en cört: a usc, ći che costa püch sce an pita n bun sorvisc.

Mëte averda ala fama “positiva” L’ultima ćiantia dla santa mëssa cun les ćiantarines dl Cor Ëres Al Plan - chëres da śëgn y chëres da denant - y le cuartët de ëi.

Al Plan - Le Cor Ëres Al Plan à festejé le iubileum de 25 agn dala fondaziun. Chësc cun na bela picia festa inviada ia en domënia ai 19 d’aurì. Por l’ocajiun à le Cor Ëres abelì cun sües usc fines y lisieres la gran mëssa te dlijia d’Al Plan. Por na bela cornisc musicala à inće contribuì les döes sorus da Ćianacëi - Helga y Claudia Miribung - cun zitra y saltier, y le cuartët de ëi, metü adöm da Robert Willeit, Konrad Comploi, Renzo Huber y le ploan signor Heinrich Perathoner. Le cor cumpëda incö 10 ćiantarines y dala fondaziun incà él sot la direziun de Annamaria Clara Pescollderungg dal Bagn. Cun sü 75 agn éra buna da i trasmëte pasciun y motivaziun a dötes les ćiantarines. Chësc iubileum é inće stè l’ocajiun por rengrazié la dirighënta por döt l’impëgn cun chël che ara à condüt le cor dal mëteman incà; sciöche al é gnü dit: “ti bi momënć y te

chi manco bi”. Sciöche sëgn de reconoscënza ti él gnü surandè na bela statua ziplada. Annamaria dal Bagn é öna dles trëi ćiantarines che à inće podü pié do la onoranza por 25 agn d’ativité. Dlungia ëra inće les döes ćiantarines Herta Verra Feichter y Teresa Huber Erlacher, che ćianta pro le cor da süa fondaziun incà. Les onoranzes, acompagnades da n bel smaz de ciüfs, é gnüdes surandades da pert dl mëmber dl diretif dla Federaziun di Cors de Südtirol por les valades ladines Martin Conrater. Le Cor Ëres Al Plan é nasciü dl 1984, por la pasciun da ćiantè de Annamaria Clara, Teresa Huber y Hildegard Oberbacher, che tignî dötes trëi scora a Al Plan. Tosc él rové pormez deplü compagnes. Annamaria nes dij: “Compagnes, ćiantarines jones dl cor de dlijia y ćiantarines dai cursc de musiga”. Insciö à le cor

Onoranzes por i 25 agn d’ativité - dala fondaziun incà. A man ciampa Teresa Huber, Martin Conrater (Federaziun di Cors de Südtirol), Annamaria Clara y Herta Verra.

24

www.lauscdiladins.com

podü ćiantè ofizialmënter, a trëi usc, en la sëra de Nadè dl 1984. Al ćianta pro les ocajiuns plü desvalies. Por la maiù pert funziuns de dlijia: tl tëmp d’Advënt, da Nadè, de Carsëma, tl mëis de mà, mëis de Santa Maria. Cotan de iadi à le cor inće dè so contribut pro manifestaziuns culturales. Ćiantè àres sambëgn tles valades ladines, mo inće sura i confins dla provinzia fora, sciöche a Klagenfurt, a Vìena o inće tles Marche. “Le publich ê dagnora dër interessè”, nes dij Annamaria, “imprömadedöt por la ćiantia ladina y por le ćiantè instës!” Bindićé garêtel inće l’ocajiun da ćiantè pro avenimënć particolars: dl 1988 à le Cor Ëres p.ej. podü ćiantè pro le “Sonntagskonzert” organisé dala televijiun todëscia ZDF a Corvara. Chësc ann de jenà é le cor stè da aldì ćinamai tla sënta dl Unesco a Paris. Na gran emoziun, sciöche Annamaria Clara nes cunta: “Al é stè n sentimënt dër particolar, da podëi ćiantè olache al s’abina delegaziuns da döt le monn. Podëi ćiantè “Bela é la patria” é stada na gran sensaziun, olache i ùn sintì che düć i ladins ê tuć ite, nosc lingaz, nosc ester. I ùn inće ćiantè döes ćianties talianes y todësces, che fej pert de nosta realtè. Baldi n’à nia dötes podü gnì impara, por gaujes desvalies.” Ći che chisc 25 agn à portè de ligrëzes, romagnarà dagnora ti recorć dles ćiantarines. La dirighënta Annamaria ponsa indere plü inant y nes revelëia so som tla cassëta: “I speri che i ciafes na sostituta che pois pié do y portè inant le cor cun ligrëza y pasciun”. Chël cor che Annamaria à odü nasce, crësce y madorì. (pablo)

An mëss ćiarè che chi che baia dl eserzize baies bun y nia mal, chël ô dì che sce l’impresciun che le scior à albü é buna, spo sarà inće la fama buna. Plü rî él da baié bun de n eserzize sce l’impresciun é stada stleta. De valüta é inće le pröm contat che le scior interessè a n alberch y na vacanza à: al telefonn, tres internet o de porsona. Carlo Declara, vizepresidënt dl’Assoziaziun Turistica da Corvara, aconsiëia da respogne dagnora al telefonn, deache le tliënt potenzial ne chërda nia sö n secundo iade sce al n’à nia abiné zacai.

La pröma resposta vel or Inće la pröma resposta al telefonat cunta cotan: aconsié vëgnel da respogne en inom dla ćiasa, spo cun l’inom dla porsona che respogn y - ćiodî pa no: salüdan por ladin. Sce an à n

aparat che registrëia les cherdades che é ruvades adalerch él important da cherdè sö zoruch le plü debota che ara va, y important él te düć i caji da avëi dan man na oferta menüda o na alternativa tl caje che an n’à nia lerch. Inće tres mail él important da respogne pornanche ara va. Y les mails dess ćiarè fora bun: cun n logo dla ćiasa, na fotografia y n test saurì da capì. Important intres deplü él che vigni afitaćiamenes ais plan plan na plata internet.

Le TIC Inće por i afitaćiamenes él d’öga da adorè tresfora le sistem TIC (tourist information center), la banca dać cun dötes les desponibilitês rezetives. Chisc dać vëgn adorà dales assoziaziuns turistiches, dai infopoints desferënć y da val’ sić internet (altabadia.org, suedtirol. info, dolomitisuperski.com).

Esther Mutschlechner: i afitaćiamenes - ligrëza cun le detail Mutschlechner dla assoziaziun afitaćiamenes - afitaapartamënć de Südtirol à recordè tla reuniun che i afitaćiamenes é stà i pröms che à daurì sö ćiasa y cör ai sciori. Y ëi laora dötaurela te n contest por la maiù pert familiar, cun döta l’atenziun söla cordialité, la ligrëza por le detial, l’oferta de produć fać te ćiasa, mo dantadöt cun i dè da sintì al sciori che al é bel che al é te ćiasa y che an ćiara da le acontentè de vigni vers. Deache l’uniun fej la forza él gnü aconsié ai afitaćiamenes da anuzé le sit “www.suedtirolprivat. com” por fà retlam, vignun por gnì mëmber de chësc grup, y plü che an é plü rapresentantifs y ofiziai che an é. (iaco rigo)

La mësa di referënć ala reuniun por i afitaćiamenes y afitaapertamënć a La Ila.


nr. 16 / 02 de mei 2009

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: udlfascia@dnet.it

L Museo Ladin sporc cultura Novitèdes e ocajions de baratò te la XI Setemèna de la Cultura. La sala Heilmann fornida con i bie retrac fac dai studenc de la Scola d’èrt ai giaves tel projet “Generazions visavì”

I retrac de la mostra “Generazions visavì” à fornì i parees de la sala Heilmann per duc i dis de la scomenzadiva.

Cultura - Ence chest an l Museo Ladin de Fascia à tout pèrt a la XI Setemèna Nazionèla de la Cultura metuda a jir dal Minister per i Bens e la Ativitèdes Culturèles dai 20 ai 25 de oril. N muie e desferentes la ocajions de cultura e baratò sportes dal staff del Museo per ge jir encontra al slogan de chest an “La cultura é de duc: tol pèrt ence tu!” enceben che sentadins e istituzions del post no aesse regoet deldut l’envit emportant de chesta istituzion. Chèder de la manifestazion l’é stat la mostra “Generazions visavì” enaudèda en lunesc ai 20 de oril co la cornisc musicala de “Il Pentagramma”. La beliscima

esposizion, che à fornì la sala Heilmann enscin ai 30 de oril, à dat l met de arvejinèr ambienc desferenc, portan ence te Museo i retrac de la jent de età fac dai

joegn studenc de la Scola d’èrt sot la vida de Claus Soraperra e Lara Steffe. En mèrtesc i vijitadores del Museo à podù descorir i secrec de l’astrofotograf ìa col fotograf Claudio Balella che à publicà si bie retrac ence sul calandèr 2009 de l’Istitut ladin. L dì dò enveze con l’etnomusicologh Renato Morelli l’é stat l met de fèr n viac te la cultura musicala ladina da la tradizion del Gartner a l’inovazion de la interpretazions de Antonella Ruggiero e del jazz ladin te “Encresciadum”. La proponetes del Museo se à serà sù en jebia ai 23 co la p re j e nt a z i o n d el f i l m at documentarie su Tita Piaz “Chel Diàol de Pavarin”.

La Sorastanta Mirella Florian te anter i professores Lara Steffe e Claus Soraperra a l’inaudazion.

Chel Diàol de Pavarin “N om che no à mai renunzià a pissèr con sie cef ” coscita l’é stat definì Tita Piaz de Pavarin, nasciù a Pera del 1879 e mort del 1948. Sun el, sia fegura de alpinist, ma ence de om de cultura e de politica, l’é l video realisà da l’Istitut “majon di fascegn” en coproduzion con Marisa Montibeller Pictures de Trent e che é stat moscià en antepruma assoluta te la verscion ladina en ocajion de la setemèna de la cultura al Museo Ladin de Fascia. Se trata de n film che dura presciapech 35 menuc e che conta del più emportant e cognosciù rampeador de Fascia, co l’intenzion de vardèr sorafora l mit alpinistich per tocèr aspec manco cognosciui e zelebré del personaje, tant a livel culturèl che storich e politich. Per meter ensema chest filmat l’é stat fat registrazions neves sui parees che à vedù Tita Piaz

protagonist, col didament del menacrep Ivo Piaz, e se emprevalan de la testimonianzes preziouses de Modesto Locatin, gran amich de Tita e testamonech de momenc emportanc desche per ejempie l’azident co la roda olache Piaz à perdù la vita. Amò apede ite per anter i recorc del gran alpinist Tone Valeruz e la ousc de la storica Luciana Palla, che de Piaz l’é aldidanché la biografa più autorevola dal pont de veduda storich e scientifich. Recordon l bel liber de Luciana Palla Tita Piaz a confronto con il suo mito” olache la autora prejenta Piaz con eie storich e n muie più critich. Piaz é stat dalbon n gran personaje te Fascia ma el e sia rampinèdes é cognosciudes daperdut, a livel mondièl. L’era sozialist e anti-fascist, contra la convenzions de so temp e a soa maniera semper vejin a la

L diretor de l’Istitut Ladin Fabio Chiocchetti a la prejentazion del video.

Tita Piaz de Pavarin.

pera jent. L’à passà fora doi veres e l’à vivù i mudamenc più senestres, dal lurier da bacan a chel leà al turism e l’é stat apontin “desfrutan” i prumes ghesć che ruèa enlouta te Fascia, te chi che l vedea ence na forma de vadagn, che l’é stat bon de fèr cognoscer daperdut sie inom e sia impreses alpinistiches. Tita Piaz l’é stat ombolt e president de la Comunità de Fascia ma l’à abù ence l merit de ge orir l teater a la femenes, ajache fin enlouta per eles l’era descomanà spilenèr sun paladina. Duta chesta carateristiches del personaje Tita Piaz se pel les veder tel nef video documentèr de l’ICL dal tìtol “Chel Diàol de Pavarin” che prest vegnarà metù a la leta de la jent e fat veder sui canai nazionèi de la televijion, ajache Tita Piaz l’é stat dassen n zitadin de l’Europa. (mci)

Val de Fascia

La richeza de la val se la veit da coche la trata i déboi L’é stat benedì l pulmin nef che l Laboratorie sozièl de l’Anffas à podù se enjignèr col didament de duta la comunanza

L grop del Laboratorie sozièl endèna la zerimonia.

Poza - L’é stat proprio n bel don, na senta per l’Anffas. “Me é empegnà l nef pulmin, per l Laboratorie sozièl personalmenter per chest obietif de l’Anffas, ruà giusta al vers en – à dit Bernard – e son stolz de ocajion di 10 egn de prejenza a Poza. poder raprejentèr chiò i ombolc de I joegn che laora te la tislerai de la Fascia, che sun chesta tematiches i coprativa sozièla durèa dassen chest se à desmostrà duc n muie sensìboi meso, che ge permet de se mever e vejins. Da Trent é abù respostes sorì a chi che no pel jir a pe, e arjonjer positives e prest se podarà peèr via chest obietif l’é stat na bela con la encèries de projetazion per sodesfazion. Ma la sodesfazion fèr fora la neva strutura.” Na strutura maora l’é stat veder che duta la che sarà semper più de ùtol a man comunanza de Fascia à responet a man che i sozi de la coprativa con cher datol a la domana de aiut sozièla doventa gregn e pel esser che l’Anffas aea uzà fora. Istituzions, senester per genitores de età ge stèr sociazions e privac da duta la val, e dò te cèsa: la neva senta cognarà zachei ence da fora, se à moet via donca meter a la leta apede ai spazies endrezan scomenzadives e dajan adaté per l laboratorie ence chi per contribuc per poder comprèr chest poder viver laìte dì e net. pulmin, tant che – à dit i responsàboi Te la curta ma sentuda zerimonia, del Laboratorie sozièl de Trent rué prejentèda con gaissa da “John John”, su en ocajion de l’inaudazion – i didamenc rué da la comunanza à podù corir duta la speisa, zenza che cogne ge vegnir jontà ite nia, e chest l’era la pruma outa che l sozedea. La pìcola zerimonia de inaudazion e benediscion, dedant a la senta de l’Anffas a Poza, l’é stat soraldut l’ocajion per uzèr fora l develpai fort a duc chi che à didà a portèr a bon fin l’obietif. L nef pulmin del Laboratorie sozièl de l’Anffas “La richeza de la val se la de Poza. veit da coche la trata i déboi” à dit l degan de Fascia don che se à dat jù trop per chest projet, Giuseppe Da Prà, dant de preèr che l’é ruà paroles de rengraziament e l Segnoredie tegne sia man soravìa de sodesfazion ence da pèrt de la l nef meso e duc chi che montarà ombolta de Poza Alessandra Cloch, laìte. Te chest cajo se pel dir che la de la responsàbola del Laboratorie Val de Fascia à desmostrà de esser Anffas de Fascia Luciana Zanoner dassen grana e sensìbola, à dit amò e di raprejentanc rué da Trent su. l degan, domanan foraldret che N gran develpai ge é stat sport ence l’atenzion envers i più desvantajé ai operatores, che da 10 egn ence vae inant amò, per poder concretisèr chiò a Poza permet de manèr inant ence l’auter gran obietif: chel de na chest servije prezious, e ai genitores neva senta per l’Anffas de Fascia. che à semper spartì problemes e La resposta é ruèda sobito dal sodesfazions desche te na gran president del Comprenjorie Ladin familia. Dapò duc se à tramudà daìte, Leonardo Bernard, che à podù olache i joegn del grop de la Creisema portèr dant con sodesfazion la bela de Poza e de Soraga, che da n bon neva che una de la veia casermes de trat i é vejins al zenter Anffas, i à Sèn Jan podarà prest ge dèr lèrga a viventà na bela messa. (lg)

www.lauscdiladins.com

25


Val de Fascia

nr. 16 / 02 de mei 2009

Simon de Giulio fèsc bela parbuda dedant al chino L’òpera é stata realisèda dal joen artist fascian Andrea Dorigatti, che à vent l concors metù fora dal Comun de Cianacei esser de n materièl desvalif a coche fossa doventà l’originèl, ma te la scatola te cognees meter ite l campion del materièl, e dut zenza inom. En dut siane de 48, n’era ence da fora de la Tèlia, l’era n giaponeis e n pèr de coreans. Na comiscion che tolea ite l’architet che à dessegnà l chino Marmolèda, l’assessor del comun de Cianacei Silvano Parmesani e dotrei persones da Trent, cognea dezider coluna òpera che podea jir miec dedant al chino e l comun à preferì cerner na opera “figurativa” enveze che una astratta.” L joen artist Andrea Dorigatti.

L Comun de Cianacei l’à metù fora n concors per realisèr na òpera d’èrt da meter tedant al nef chino Marmolèda, sul cianton a sud-ovest de la scèla tedant al teater. Andrea Dorigatti de 25 egn da Ciampestrin l’é l’artist che à vent chest concors e sion jic a domanèr fora da olache l’é nasciù sia idea. Che scoles èste pa fat? Andrea Dorigatti: “É fat 5 egn de scola d’èrt a Poza e dò son jit à fèr l’Accademia de Belle Arti a Verona, olache é fat i cater egn normai e dapò i doi egn de spezialisazion en scultura.” E ades che fèste? “Son che ensegne dessegn a la scola d’èrt de Poza, e abù la fortuna de ciapèr l post amò dant de aer la laurea. Chest an l’era desponibol chel post, se no a mi me saessa bel ensegnèr scultura.” Te sèl più bel a la scola d’èrt da student o da ensegnant? “Mah... l’era più bel desche student, zenza pensieres, enveze ades cogne fèr l scerio, no se pel più “stupidèr” desche da student.” E t’ès tout pèrt al concors ta Cianacei... co éla stata? “É cognù prejentèr n projet con n model en scèla de la scultura che se volea meter fora; l model podea

Coluns érel i pesć pervedui? “Chi che é ruà al secondo e al terzo post à ciapà 1.500 euro e l projet l’é restà de proprietà del comun; gé che son ruà prum é ciapà 44.000 euro e con chisc é cognù realisèr l projet e vardèr de stèr ite ti cosć.” Te spetèeste de venjer? “Na, no me aesse mai spetà perché saee che l’era n concors emportant, che tenc aea tout pèrt e aee rejonà ence con etres scultores fascegn de nonzech segur miores che gé, che ence ic à tout pèrt. Me aessa piajù ruèr ti prumes trei, ma mai me aesse spetà de venjer." Este restà ite ti cosć? “Ei, ma demò percheche é fat deleghèr la statues te na fonderìa de amisc, olache colaborèe da n pec de egn e i me à fat n priesc mior, e dapò olache son jit a me fèr la strutura de fer dant de modelèr la scultura e olache son jit per consees duc i l’à fat per pech e nia. Son jit a me saldèr la strutura da n faure, é lurà gé na setemèna e l me à fat paèr demò l materièl. Se aesse cognù ge fèr fèr la strutura, l stamp de ghips e i etres passajes tecnics a de autra jent, descheche fèsc per solit i scultores, no fosse stat ite.” Él n gran lurier tedò na scultura coscì? “Somea che no sie nia en dut, ma tedò mia scultura l’é 4 meisc de lurier, bon che l’era via per d’istà che aee temp, perché ades che

La scultura che raprejenta Simon de Giulio tirà da n bez tel chino de Cianacei.

26

www.lauscdiladins.com

Vèlch fasa del lurier per la realisazion de l’opera.

ensegne no aesse l temp de ge stèr dò.”

cost é dopie, tant no pissèe de venjer...”

Che èste volù raprejentèr? “É volù meter doi generazions a confront, chela joena e chela mìngol più veia. En particolèr mia interpretazion l’é che l bez l tira al chino Simon de Giulio. I bec al dì d’anché i é usé che sie dut bel, dut enjignà: l bez no vèrda nience la strutura, a el ge bèsta jir al chino. L tira la veia generazion a veder mìngol de èrt, ajache te n teater se fèsc èrt. Enveze Simon de Giulio l’é fat con n mus mìngol maraveà tel veder na strutura scì moderna, deldut desferenta da cheles che l’era canche el l’aea scomenzà a fèr teater.”

Èste vardà na sia foto desche model? “Ei, son jit via l’Istitut Cultural Ladin, ma no n’é n muie de foto de Simon de Giulio; n’é una mìngol grana, l’autres les é n muie picoles e les serf a pech, ajache no se rua a capir delvers la fisionomìa. Son jit ence da sie fi, l scultor Andrea Soraperra da Cianacei, ma l’à la medemes foto de l’Istitut. Da na foto e tirà fora chest retrat e peisse che l ge somee belebon, ence se demò chi che l’à cognosciù sà coche l’era Simon de Giulio. L bez enveze no raprejenta nesciugn, é tout vèlch foto mia de canche ere più picol e dotrei che me à vedù da picol en su i me à cognosciù fora. L bez l’é fat a na vida più moderna, no l’é la classica scultura ma l’é più inovatif, enveze Simon de Giulio l’é zipià più tel stil classich.”

Da olà te éla pa vegnuda l’idea de fèr la statua con Simon de Giulio? “Sul bando l’era scrit che la scultura cognea aer referimenc col chino e l teater e me é vegnù sobito tel cef de fèr na fegura storica de Fascia, Simon de Giulio l’era perfet. Al scomenz canche l’é nasciù l teater l’era fat con pech materièl, bastèa cater brees, e ades che i à fat su chesta gran strutura me é pissà de meter ite n personaje che à scrit comedies per l teater. Sobito é pissà a el, dò volee meter amò na fegura apede, perché demò Simon de Giulio no va ben, ence se saee che a meter apede n’autra fegura l

De che éles pa, e ola les èste fates fèr? “Les é de bron e les é fates deleghèr ite te la Fonderia Artistica Fabris e Folla de Verona.” Él l prum lurier che te metes fora? “L’é l prum lurier de bron e scì gran, ence perché costa dal bon n muie, demò la fujion me à costà 20.000 euro col priesc da amich e

l prozess de la fonderìa l’à durà doi meisc. Enveze de scultures più picoles n’é fat n muie, tant de legn, che de bron, che de ceramica, e de neif n’é fat ence de granes.” Co végnel dezidù l valor da ge dèr a la operes te chisc concorsc? “Aldò de na lege de la provinzia per ogne strutura publica che vegn fat, ge vel meter ite na opera d’èrt de valor proporzionà. Defat ades ence al nef liceo de Poza e a la scola de Moena i à fat n concors per fèr na scultura o n depent, adertura al liceo l premie l’é de entorn 100.000 euro, percheche l’é na strutura n muie grana. L’artist cogn se fèr si conc e vardèr de ge stèr ite.” Na bela sodesfazion veder fora dal Chino de Cianacei n to lurier, o no? “L’é bel... l’é la pruma outa che mete fora na scultura che restarà aló per semper. Na gran sodesfazion, ence se no l’é stat n gran vadagn a livel economich, ma l’é fat per pascion, percheche me pièsc l’èrt e l mestier de scultor.” Ge dijon develpai a Andrea Dorigatti per sia desponibilità, ensema ai complimenc per sia opera e ai augures de autra bela sodesfazions per l davegnir. Intervista de Lorenza Rossi


Val de Fascia

nr. 16 / 02 de mei 2009

Tel lech, mia storia La forza e i sentimenc de la eles ladines te n spetacol teatrèl de gran efet che vegn spilenà ai 5 de mé tel chèder de la setemèna del lengaz

Loreta Florian e Monica Cigolla ge dèsc esprescion a pensieres e sentimenc de la ela ladina.

L’é n viac particolèr te l’univers feminin, chel che ne vegn metù dant dal tòch de teater “Tel lech, mia storia”. Te l’èga del lech de Ciareja la ela ladina descour sia reijes travers leames forc, fac demò de emozion e no de razionalità, con la fegures veiores che à vivù te nesc lesc, che ne lea a noscia

tera con na forza descognosciuda, se demò saon e volon la scutèr. Ti pensieres de la protagonista fantasìa e realtà se mesceida: i momenc de trasport total, vivui con gran sensibilità e emozion, se enterza con chi del prejent, coi picoi e gregn problemes de lurier e stress de ogne ela che vif e laora

tel mond de anchecondì, vivui con n cert dejèje e ence mìngol de auto ironìa L beliscim test dut per ladin, scrit da Olimpia Rasom per l prum numer de Gana, vegn portà sun paladina da Loreta Florian e Monica Cigolla travers monologs piens de pascion e sensibilità feminina: Loreta, regolèda de bianch, raprejenta l pensier emozionèl che se lascia tirèr junsom chela èghes, Monica, regolèda de color pomaranc, l’é la ousc che ne chiama a la realtà de vigni dì, chela de na razionalità tant chierida da doventèr a outes zenza fondament. De gran efet l’alestiment scenich e la regìa rencurèda da Loreta Florian e Claus Sorapera, con la registrazions de la ousc de Maria Piaz de Pavarin, toutes dal CD tel liber “Dal Pordoi a Katzenau” che ne moscia la forza de la eles ladines de n’outa, coi piesc jabas ma zenza renunzièr a si ensomesc, e la scenograf ìa fata coi lurieres di studenc de la Scola d’èrt de Poza tel projet “Women in Art”, che ne aur i ujes a interpretazions de la ela moderna. L’emozion soscedèda da la braùra interpretativa de Loreta e Monica é smaorèda da la sonèdes al piano dal vif. Te la pruma raprejentazion del spetàcol, portèda dant con suzess tel dezember passà tel chino de Cianacei, l compagnament era stat de Paolo Bernard, tel nef alestiment ence la pèrt musicala sarà feminina, con la pianista Cristina Micheletti. L’apuntament per chest spetàcol da no se perder l’é te la Sorastanza de la Scola de Fascia da les 20.30 en mèrtesc ai 5 de mé, giornèda dedichèda a la eles tel chèder de la setemèna del lengaz. (lg)

Joegn museganc fajeve inant! L Comitat Manifestazions de Poza envìa ciantores e museganc a tor pèrt a na bela sera de musega averta a gropes da duta la valèdes ladines con de bie pesć a la leta Na bela serèda de mùsega, olache i joegn museganc de nosc raion posse se confrontèr portan dant tòc de si repertorie, che sie folk, rock, punk, reggae, jazz o che mai, ge dajan mìngol de lèrga ence al lengaz ladin. Chesta la bela idea del Comitat Manifestazions de Poza, che ai 20 de jugn tel tendon de Poza endrezarà na manifestazion per viventèr chel temp entorn la fin de jugn, canche no l’é amò deldut sajon ma ampò vèlch forest busia, e ence noscia jent no la é amò deldut ciapèda dal lurier. L’envit a tor pèrt vegn uzà fora a duc i artisć, sìngoi o a gropes, enscin ai 35 egn de età. Per tor pèrt ge vel portèr dant 2 o 3 cianties, ence demò strumentèles, ma amàncol una ciantèda per ladin. Ge vel se enscinuèr dant dai 16 de mé a la Comiscion de endrez (responsàbol Silvano Chenetti de

Nacio, tel. 335.308259) o a la redazion de La Usc di Ladins de Fascia (tel 0462.764545 e-mail: lausc@ladinsdefascia.it). I partezipanc arà temp dapò enscin ai 30 de mé per manèr ite n demo de la cianties (sun veta, CD o mp3) con test e partidura musicala. Te la serèda di 20 de jugn la cianties vegnarà valutèdes da la jent te sala e da na jurìa tecnica, e la prumes 3 ciaparà n pest respetivamenter de 800, 500 e 300 euro. Apede l’é pervedù n bel don per duc i artisć o gropes che tol pèrt. Se trata segur de na bela ocajion per i joegn musizisć de noscia valèdes de se fèr veder e cognoscer: duc i enteressé é envié de cher a tor contat al più prest coi responsàboi o co la redazion de La Usc, olache i pel ence domanèr informazions più avisa.

Chi él pa? Soluzion del retrat su La Usc nr 15 La setemèna passèda aon publicà n retrat n muie enteressant che ne moscia coche la pascion per la mùsega era grana e forta te Fascia. L retrat, olache l’é sù i fondadores del grop di mandolinisć de Poza e Pera entorn l’an 1925, ne era stat portà da Loredana Gross de Punz da

4

3

1

Poza che la l’à abù da Milio Zacchia Fiama (fi de Silvio, un di sonadores sul retrat) e l retrat originèl l’era de Gino Deluca fi de Zerilo de Nenucia, auter sonador. A ne dèr la soluzion, apede a Milio e Loredana, l’é stat ence Lino Medico da Poza, Maria Florian da Pera (nora del nr 8) e Lodovica

2

5

6

14

9

8

10

7 11

13

12

Zacchia da Soraga (fia del nr 10). Chisc i inomes: 1. Zerilo Deluca de Nenucia del 1900; 2. Coleto (Nicolò) Pezzei de Peter del 1900; 3. Rico Cloch de Cò del 1909; 4. Pio Florian de Ciout del 1910; 5. Ernesto Pollam dal Moliné del 1897; 6. Giovanni Gross de Pini del 1908; 7. Raimondo Locatin de Serafina del 1911; 8. Pio Bernard de Moch del 1897; 9. Celestino Bernard de Moch del 1900; 3 10. Silvio Zacchia de Fiama 1905; 11. Ermanno Gross de Śoan del 1910; 12. 1 2 Vito Pezzei de Frighela del 1909; 13. Tita Deluca de Gostin de Cruf del 1900; 14. Giovanni Pederiva de Botega del 1901. Ge sporjon n bel develpai a duc chi

che ne deida a meter ensema e documentèr vèlch mizacola de noscia storia, e envion desche semper chi che respon a vegnir te redazion a se chierir fora una de la publicazions de l’Union di Ladins o a ne chiamèr per domanèr de ge fèr la spedizion a cèsa. Meton apede n nef retrat da

4

6

5

8

endoinèr e ajache chesta l’é la sajon de la pruma comunions, ve meton dant chest retrat de na pruma comunion de acà vèlch an. Podede ne portèr la soluzion te redazion a Sèn Jan, per tel. o per fax al numer 0462.764545 o per mail a la direzion: lausc@ ladinsdefascia.it

12

10

14 16

13 7

9

11

15

www.lauscdiladins.com

27


Fodom

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 16 / 02 de mei 2009

A Roma a cugnësce le plu aute istituzion del Stato Co la gita nte la capital, s’à saré ite l proget “Damanón fòra le istituzion” porté nnavánt nte le clasci 4° e 5° elementar da La Plié

Nte la sala dei Speci al Quirinal.

Roma - Nos tosac de 4° e 5° elementare, con le nòste maestre, son jus a Roma dal 16 al 18 auril per fenì via l nòst projet de educazon civica sul Stato e la Costituzion. Se trata del proget trienal “Damanón fòra le istituzion”,. porté nnavánt da nòste maestre Antonella e Emanuela, che davántvia n’à porté nte Comun, Provincia e Region. On bù cojì la fortuna de rué ntel cuor politico de la nòsta nazion. Per la pruma outa nte la nòsta vita son jus n aereo. Sperienza bela e plena de emozion. Ruei ju on bù l’ocajion de jì ntel Quirinal, cèsa del Prescident de la Repubblica Italiana: n palaz plen de èrt, òr, ore preziose, lùstri (lampadari) de viere, vaji e con l tapet plu gran d’Europa (300 metri cuadrati). Chilò son stèi acòlti da la sciora Cristina Bagolan, ex fëmena del scior Carlo Doglioni, che per torc agn l è vignù n ferie sun Lasta. L é grazie a dëla se on podù fè chësta vijita perciéche no la fossa peveduda per i tosac Ma la i è tigniva, perciéche son fodomi. On ence giré l zentro, ulàche l é boteighe de ògni sòrt e na massa de monumenc: la Fontana de Trevi, ulache on espresso n nòst dejidèrio, Plaza de Spagna, l Pantheon ulache

Hiuhuhui, son aterèi!

l é i mulimenc dei re d’Italia e l Auté de la Patria ulache on cianté l inno d’Italia. Son ence jus nten àuter Stato, La Zité del Vaticano. Chilò on vedù defòra e daite, de di e da sëra la Basilica de S. Piere, la cupola e i mulimenc dei Papi (souradut dei Papi Giovanni Paolo I e II). Bel l é ste podei fè na foto con le guardie svizzere. Dal pont de veduda storich on vijité i Fori e l Colosseo, ulache on podù rivive la storia dei nuosc vegli antenac romani. Son stei ence a le Catacombe de S. Callisto. Chilò on fat n moment de chiet e on perié per duc i martiri e i cristians che à patì per le peršecuzion. L ultimo di on vijité Palazzo Madama, senta del Senato, ulàche son stèi ospiti del senator Gianvittore Vacarri, Capocomun de Feltre. Chilò coi tosac de la scòla mesana e con la nòsta guida son jus nte l’aula ulache i nòsc senatori i descòr fòra le legi del Stato. Nte albièrch Ògni sëra fajonve “vijinánza”. S ciamponve duc auna nte na ciauna per se conté ci che n’ava plajù o no de la giornada. A Roma l eva tánta confujion ma ence tánta jent che n à daidé fòra. L é sté bel e nteresciánt ence se ncin sfadious. Sperón de podei tourné nte sta gran zité e ringrazion

duc chi che n à permetù de fè sto viade: l Consei de Istitut, l Comun,

l senator Gianvittore Vaccari e la Raiffeisen de la Val Badia. (Nos

tosac de le clasci 4° e 5° elementar da La Plié)

Davánt a l’imensité de S.Piere.

Petizion contra la “torona” de Rèba Coiëste su plu de 300 firme. “L’é pericolosa e la blòca l trafico” i disc Rèba disc de no a la torona. N grop de operadous del turism i à coiëst su ben 319 firme per damané che la vegne touta via., che le sarà manade al diretor general de Veneto Strade Giuseppe Franco, al sourastánt Sandro D’Agostini e all’assessor alla viabilité de la Region Veneto Renato Chisso. La torona l’eva stada metuda su n via sperimental de jugn de l ann passé su dománda de l’aministrazion de Comun per prové de fè ji plu pián machine e moto che passa ilò e fè deventé plu scorevol l trafico. Obietifs che, nsomeia, no s’à arjont. Bele davò nvalgune setemane i “new jersey” che despartësc e visa l trafico i ava mossù ester spostèi. I problemi maious, drio i promodous

28

www.lauscdiladins.com

de la protesta, i vignissa dal puoch lèrch che l é nte chël luoch e che sforza de strenje la strada e deventa spò na limitazion per i mesi che à da passé. Souradut chi plu gragn, come i camion o le coriere, che plu de na outa ( coche testimonieia la foto publicada chilò dinongia ) i é restèi “ncastrèi.” Le gran neváste de st’invièrn i ence fat vignì fòra n auter problema, chël del palé la nei. La strada la ven consciderada n’arteria comunal, perciéche la passa nten paisc e nlouta speta proprio al Comune la palé. “N laour che costa” disc i promodous de la protesta . “L Comun l mossa mëte oure e mesi suoi e l tòl via coscita temp per le frazion plu descòmede, che à plu debujen. Ma drio fossa

ence cuestion de segurëzza. “La nei palada” se liec nte la petizion,”la mossa vignì lasciada sul marciapiesc e coscita la jent a pé l se veiga obligada a passé ntamesa strada, con duc i risci. Mplù l é ste tout via ence nvalgugn de chi puoc parchegi che l eva. La torona no l’à porté degun ben al trafico de Rèba” se scrif ncora.” E i damana Veneto Strade de i é pensé soura mpruma de la fè definitiva. Laour che assa n cost de zirca 95 mile euro. “Se l problema l é fè jì plu pián l trafico, nlouta l é meio mëte semafori nteligenc su le trei strade che rua nte Rèba. Per comedé la visibilité sun chël cërnadou, basta regolamenté meio l azess per chi che ven da Ciaulonch ju.” (ls)

Na coriera mplantada a mesa la torona.


Fodom

nr. 16 / 02 de mei 2009

Pezzei passa la mán a Grones L Capocomun l no “corarà” plu nte le elezion de jugn. La batalia la sarà ntra Grones e Ruaz Comun - Pezzei lascia l Comune l passa la mán a Grones. Sarà l assessor al fabriché l sfidánt del ex Capocomun Ugo Ruaz a le elezion de comun dei prums de jugn. “Ogniun l é mportánt ma de degugn se no po’ fè demánco” disc Pezzei. “È bu chësta nciaria per ben 15 agn e per autri cater son ste assessor provincial co l’aministrazion de Oscar De Bona. De segur sarà content chèlche fodom” l disc con ironia, “che come mi l podarà di “Fodom domán. Come nte dute le scuadre ven l moment de passé la mán.” Na decijion chëla de lascé, touta n armnia ntra i consiadousc de chësta aministrazion votèi tel 2004” spiega ncora l Capocomun, “co l obietif de dé nuof miol a chëst Comun che son drio a svëne nte le nciarie economico – politiche e

brave persone, ma che no n é fodome.” N adio co na vëna de polemica spò, ence se Pezzei l lascia mpò dalvièrta na porta “bipartisan” per na colaborazion co l’aministrazion che vignarà. “Avaré temp e ocajion de saludé e rengrazié chi che nte sti agn a colaboré con nos. Reste a dispojizion del Capocomun per i progec da cantieré sul Ciastel d’Andrac, la cultura, l’èrt e per fè fruté dute le personalité che cugnësce.” E ntel di chëst l envieia via la campagna eletoral a suo suzessor. “Degugn meio de mi” l disc, “po’ certifiché sua profescionalité, la dedizion e la disponibilité. Troc amici de associazion de cultura, sport, artejagn. Albergadous, comerzánc, alenadous, iagri, i à toché con mán e con tazón suo laour. Me augure

de cuor che davò avei passé la mán duc nos fodomi podónbe ntel davignì dì “Fodom ai fodomi”. Le ultime delibere aprovade nte consei de comun le l conferma.” Grones apëna nvestì de la candidatura l no se n lascia fòra plu de tánt su la scudra che l avarà damprò nte la corsa eletoral. “Son ncora drio a la fenì via, l disc, “ma pense e podei prëst la prejenté. Nvalgugn dei atuai consiadou i se candidarà ndavò, autri no. Ntra chisc Iaco del Pico, che l à setánta agn e l dit de volei se n ste a cèsa a fè l nòno.” Come eiso tout su come grop la dezijión de Pezzei de molé ?”L’é da capì davò tánc de agn de aministrazion. L avei bu damrpò con sua esperienza m’à daidé trop ence nte mia nciaria come assessor n Comunité Montana.” (ls)

Rivoluzion ntel ciámp del fabriché Co le nuove regole del Prg ristruturazion plu sauride cèse. Bastarà po’ prejentè demè na copia del proget. Chëst per mpermëte de fè cambiamenc plu mprescia se ven damané ntegrazion e no mplenì coscita i ufizi de chèrta. Co le mudazion fate al regolament del fabriché e a le norme tecniche de atuazion s’avarà mánco vincoi Ciajère e tablèi no podarà deventé cèse per le ristruturazion ntei da abité. zentri storizi. Nte le frazion se podarà ristruturé le cèse Comun - Mánco burocrazia sul vegle, fè su solèi e slargé i vieresc, fabriché, stop a le seconde cèse e a dagnára ntel respét de la tipologia, mudé la destinazion de tablèi e e mpermëte coscita na maiou ciajère. L’é cuaji na rivoluzion chëla vivibilité a la cèsa. aprovada nchëstadì dal consei de comun nte una de le ultime sentade Freno trat per le seconde de l’aministrazion “On fat pulizie cèse ntel Prg de norme e dispojizion che fajëva riferiment a legi vegle” spiega Crësc da 55 a 80 metri cuadri la l’assessor a l’urbanistica Leandro superfisc minima per i cuartiers. Grones. “Ma la maiou pèrt de le Deroghe i é pervedude per i residenc decijion i é stade toute da che vòl se fè su la pruma cèsa che l’aministrazion per scombate la vòl nvié via n’ativité de fitaciaune. speculazion e daidé i fodomi. “La norma” spiega Grones, “l’é stada fata per feré la costruzion de pichi cuartiers, de sciòlito seconde cèse. Mánco burocrazia L’é na plaia che nterescia oramèi Per fè jì plu mprescia l iter de ncin dute le localité turistiche da aprovazion den proget no sarà plu mont. Na outa fac, chisc cuartiers debujen del parer de la comisción i òbliga l’aministrazion a garantì duc sul fabriché per l 80 per ciánt de le chi servisc lièi a la residenzialité, pratiche prejentade. Jiarà n senza che chësta sòrt de ocupazion comisción demè i progec plu la porte richëza. Per fè front al mportánc, come per ejemple i pláns problema del numer de machine de lotizazion o i progec de nuove che crësc per ogni fameia e chi che

che ven fòra, per conseguenza souradut nte le frazion, l é ste pervedù n secondo pòst machina per cuartier co la poscibilité de l fè ntel lèrch bele pervedù dal Prg.

Nia plù “residenze turistico – alberghiere” “Très plu da spëss “ spiega ncora l assessor, “se veiga cèse nasciude come “residenza turistico – alberghiera”, fate da pichi cuartiers con servisc tipizi del albergo, che davò nen tòch le ven frazionade al catasto drio i cuartiers e po’ venude per girè dintourn a la lege. Co la norma apëna aprovada se istituisc n vincol lié a convenzion tra la proprieté e l’aministrazion comunal aciòche la proprieté del fabricat alberghiero, ulàche daìte se damana de fè cuartiers turistizi, la reste a inom de na ditta sola e spò no se pòbe ne la frazioné ne la vëne.

Tablèi e ciajère da mantignì I tablèi e le ciajère i fèsc pèrt den patrimonio architetonich e paesagistich unich. No se podarà spò i fè deventé fabricac residenziai o i sgrandì ( ma demé adegué i servisc, come per ejemple, fè fòra n ciamin, i vieresc e mëte ite na taula ), coche nveze mpermetëssa la nuova lege urbanistica regional. (ls)

Na nuova senta per l coro de le ële

La De.C.o per certifiché le speise fodome Co la “Certificazion Comunal de origine” se podarà valorizé speise da nzacan trop cheride dai turisć Comun - Rua la De.C.o. (denominazion comunale de origine) per tutelé e promuove le speise tipiche da fodom. L provediment l é ste aprové nchëstadì dal consei comunal. Per l’aministrazion se trata de” n strument de marketing teritorial, ma souradut n’oportunité per recuperé e valorizé le identité del luoch.” La Deco l’é nasciuda ntel 1999 da n’idea de Luigi N bel piat de zigher. Ncuoi cuaji na rarité. Na Ve ro n el l i co m e speisa che co la Deco se podëssa valorizé. scomenciadiva per fe cugnësce speise particolari. N damana na prozedura cèra per le pratica l’é l’atestazion che n Comun otignì, che po’ rué ence a plu de 90 po’ de a nen valgune produzion, mile euro, la no costa nia. Per la come formai i auter, che no n è sot mëte su l Comun l mossa istituì n autre forme de tutela. Na moda regolament, n albo comunal de le per lié chëste produzion a sua tièra, manifestazion e n registro de le a ulàche e ven fate. Na sòrt de speise. Spetarà spò a na comisción, chèrta d‘identité per atesté da con a cè l Capocomun, se pronuncé ulàche le ven e promuove coscita su l’amiscibilité a l’iscrizion. “Nta le vegle sou e l “suo” teritorio. Fodom” disc l’aministrazion” no “Chësta forma de tutela”, spiega máncia zerto le speise tipiche che l’aministrazion,”l’à bu suzess nte podëssa avei chësta certificazion: troc Comuns perciéche la fèsc basta pensé al Òrde fodom, le cugnësce n gran patrimonio. Ntel Forade na nòza, l Zigher, i Canifli medemo temp la fèsc ncuriojì l o i Crafons o i formai de la lateria turista e la svilupeia n prozéss de Renac. Speise che ven da na cultural che dàida a defende n tradizion de cèsa, damanade dal teritòrio e a cugnësce ci che n fèsc turista che chier très deplù sou fòra la storia e che degugn podarà mèi da la globalizazion e standardizazion smaté. L Deco, a diferenza per che oramèi son usèi a mangé.” ejemple del Doc o del Dop, che se (ls)

Na Mëssa per di “Diotelpaie” Autorité e tropa jent à tout pèrt a la festa del ringraziament per la fin de la stagion A Rèba ndománia ai 19 de auril l é sté fat la Mëssa del ringraziament per saré ite la stagion da d’invièrn. Sentèi n pruma fila Capocomun e aministradous, auna ai comandánc dei carabinieri e dei alpini, i studfuoch, la crousc bláncia, troc presidenc de le sozieté dei lift, comerzánc e jent che laora ntei alberghi. Na Mëssa duta conzentrada su na sola parola, “Diotelpaie”. Parola che rimbombáva nte le parole de Don Vito, nte na gliejia plena de jent. “Grazie al Signour” l à dit, “per ester dagnára ste damprò ala jent, ntei cruzi e le fadie de sto invièrn plen de nei. Nte la perdìca

l à po’ ence dit:”Cánche son rué a Rèba m’é resté ntei ogli na scultura sunsom auté che rafiguereia l Padreterno co le manie trate ite. Chëst ne recòrda che ence nos on da se trè ite le manie e se dé la mán per mëte auna le forze e fè comunité. Na comunité sana che la sape ji nnavánt, laoré, se volei ben e se gode duc auna de sti momenc de grazia.” A la fin de la celebrazion ogniun s’à porté a cèsa na soèja da mëte ntamesa taula co na orazione da di sù davànt maràna come ricordo de na bela festa e de ringraziament al Signour. (Goffredo Dander)

L’aministrazion de comun l’à conzedù n sèlf nte la “Cèsa de la cultura fodoma” L’aministrazion comunal l’à conzedù al coro de le ële “Col di Lana” n sèlf ntel Centro Dolomiti – Cèsa de la cultura fodoma” ulà podei se fè fòra na senta nuova. Fin adés l grop l é ste “ospité” nte calònia. Ma co i agn crësc i debujens, auna al material e ai ricordi de le trope manifestazion e conzèrc ulàche l coro l à tout pèrt nte sti suoi prums agn de vita. “L è ste n bel regal de compleano chël che l’aministrazion

à bu la sensibilité de ne fè n ocajión del decenal de fondazion” disc la prescidenta Roberta Codalonga. N pico tassel de nòsta cultura, che i é ste recugnisciù la dignité de na senta, sen de respét ence da pèrt de le istituzion del luoch per l’ativité. L Coro l disc l suo bel Diovelpaie ence per i contribuc assignèi per daidé nòsta associazion.” N’autra associazion spò pliderneia e ciapa lèrch nte chël fabricat che l ecva ste

l vegle Hotel Tirol e che très deplù po’ a auta ousc se clamé “Cèsa de la cultura fodoma.” Nte chëste setemane ntánt l diretìf e dut l coro l è scialdi empegné per mëte a jì l conzèrt n ocajion de la prejentazion del prum cd registré proprio n ocajion del decenal, dal titolo “Cënabona”. Prejentazion che l’é perveduda per sabeda 9 de mèi, ntel sèlf dei congrésc de Rèba, co la partecipazion de Bepi De Marzi. (ls)

Autorité, celebránt e ministránc. www.lauscdiladins.com

29


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel: 0436/868615 Fax 0436/876689 - e-mail: ra.ulda@tin.it

Anpezo

nr. 16 / 02 de mei 2009

R’Arma par el nosc paes

Una stela noa

El laoro de i carabiniere in conjedo, par ra comunità de Anpezo. Ades i é pi de sesanta. El servizio, fato d’istade de ‘l 2008, par me fei śì su su ‘l cianpanin de San Iaco

Inze ‘l ziel de Anpezo, luje ‘na supernova che negun aea mai vedù ignante. El laoro de ra Astronomica Cortina, co ‘l telescopio de ‘l Col Drusciè e con chi che ‘l é in śiro par el mondo, da se tacà inze co ‘l conputer

Ra sezion de Anpezo de ra Associazione nazionale carabinieri, el di de ra foula.

Ra sezion de Anpezo de ra Associazione nazionale Carabinieri ra stà benon, ra cresce an par an. Canche i s’à ciatà r’ultima ota, i ea de 61, intrà i sozie, i melitare in servizio e chi che i stà pede. In à tolesc inze zinche de outre: el capitano Piero Irneri, el tenente Michele Manaigo e chi che i stà pede, par sinpatia, Gabriella Colli, Angela Valleferro e Ludovico

Ghedina. Del 2008 i à fato trope servizie, par ra comunità de Anpezo. Podon recordà el laoro a ‘l stadio Olinpico de ra jaza, par ra partides de hockey, che i no se zufe, chi che i tien terzo a ra doa scuadres. Podon dì de ra gares Dobbiaco – Cortina co i schie da fondo e cheres da Anpezo vesc Toblach, de corèn, o co ra roda. Inze ‘l paes ‘l é stà un grun de śente

che à aprofità de ‘l cianpanin daerto, da dasera, via par ‘l istade, par śì su par chera sciaretes de len, fin sun piol, a vardà ra piaza da sora in śo. A i tende, a fei servizio d’ordin, ‘l ea propio i carabiniere. I à tegnù el cianpanin daerto par 17 seres, e ‘l é śù su 2.164 parsones. Par ra parochia ‘l é stà un bel vantaśo, che ‘l é stà strutà su alcuante sode, de ofertes, da i dià ‘na man, co i conte, par i laore da fei. De ‘l 2008 ‘l é stà anche tolesc inze alcuanta femenes; es no n’à fato el melitar, se sà, che ‘na ota no n’ea daerto anche par eres, ma es vó isteso dià ‘na man. Ra delegata, de chesta benemerites, cemodo che ‘s à gnon, r’é Leda Saccoman, che r’à śo par pede Ida Da Costa, Silvana Paganelli e Renata Pompanin. Canche ‘l é fenì ra foula, el presidente Romano Duriavig ‘l à saludà dute, i à dito gramarzé de chel che i fesc, i à preade de ‘l dià ancora, e dinultima ra sera r’é fenida in gloria, co i pes sote ra toura, agnó che ‘l ea anche doi carabiniere in servizio, chi co ra mondura, el capitano Filippo Vanni e el marescial Gianmauro Gabassi, che i comanda ra Conpagnia e ra Stazion de Anpezo de r’Arma.

El 2009 de ‘l Coro Cortina I à scomenzà in Austria, dapò i ciantarà inze ra jeja de ra Madona de ra Difesa, par i Franzescane e par ‘l Abruzzo; una stajon de gran laoro, par i cantore, che i và a vede de forza noes Pi de trezento parsones, vendres pasà, ai 24 de aprile, a Hermagor, in Austria, inze ra Val de ra Gail, a petà ra mas a i cantore de ‘l Coro Cortina. Con chesto conzerto el coro ‘l à scomenzà ra so stajon 2009, fata de viaśe, de proes, de canzos noes, da fei scotà a ra śente par ra prima ota. Inze ra Stadtsaal de Hermagor s’à scomenzà propio polito, dute i poste i ea pies, no se podea pi se scentà, par scotà el coro, ogà da ‘l maestro Marino Baldissera, che ‘l à portà un conzerto fato de doa partes; dinprin s’à scomenzà co ra canzos solites, cheres pi conosciudes, de ra tradizion, dapò i ome de Anpezo e de chi outre paesc, che i rua da ‘l Cadore, i à ciantà roba noa, che rua da duto el mondo. Par ra prima ota i à fato scotà Pie Jesu, de Andrew Lloyd Webber, betù śo par ra vojes de coro, da ciantà a cappella; el Coro Cortina ‘l à vorù i dedicà chesta canzon a ci che ‘l é morto, o che à padì, par el teremoto in Abruzzo. Canche ‘l é fenì el conzerto, duta ra śente r’é leada in pes, a i petà ra mas a i nostre cantore, che i à respondù con doi bis, par sarà chesto conzerto, prejentà par todesco da Ada Giacobbi. E ades se varda inaante, a i conzerte che vien, a ‘l laoro da fei. Sabeda ai 9 de maśo se podarà scotà el coro inze ra jeja de ra

30

www.lauscdiladins.com

Madona de ra Difesa, a ciantà in onor de i otozento ane da canche ‘l é nasciù ‘l Ordin de i Franzescane, aduna co ‘l Coro San Vido, direto da ‘l maestro Natalino Brugiolo. Duto chel che sarà strutà su, con chel conzerto, el sarà mandà in Abruzzo. Se scomenza dares 21.15. Intanto el Coro Cortina el và a vede de outra vojes, da śontà inze. Ci che à acaro de stà aduna co ra śente, de viaśà, pi che see che ‘l à amor par el ciantà, e che ‘l à almanco sedesc ane, el pó se fei scotà da ‘l maestro Baldissera. Par ci che à pratega de Internet, se pó scrie a info@corocortina.it co ‘l so

gnon, i numere de telefono, par ese ciamade. Ma se pó anche śì a vede ra proes, de ‘l vendres, inpó ra scora popolares Duca d’Aosta, in via del Parco 7, dares 9 da dasera. El coro el daerśe ra so portes vendres ai 29 de maśo, par dute chi che à acaro de vede, de scotà, da pede, cemodo che se fesc a inparà a ciantà, a stà aduna, a ese amighe. Par in saé algo depì, de duto chel che aé lieto, par vede ra fotografies, par saé agnó che se podarà śì a scotà el Coro Cortina, i viaśe che el fesc, par conosce ‘ste tośate e ‘ste ome, se pó śì a vede el sito www. corocortina.it

El Coro Cortina inze ra nostra jeja de San Nicolò, a Ospedà, ra pi vecia de Anpezo, de ‘l 1226.

Ra note intrà ra domegna de Pasca e el Lunes de ‘l Anjelo, el telescopio de ‘l Col Duscié ‘l à ciatà fora un’outra stela. Chesta ota ‘l é stà Alessandro Dimai Cascian, che ‘l à vedù ra supernova numero 29, da canche i à scomenzà a vardà drio, a lourà par el projeto Cross, agnó che laora inze un grun de śente, che à chesta pascion. I no n’à podù ese alolo segure de chel che i aea vedù; ignante i à abù da spetà chel che dijea el Central Bureau for Astronomical Telegrams, el Cbat de Baltimora, inze i State Unide. Lore i à dito de sci, par chesta supernova, che i à ciatà de doi: ‘l anpezan Alessandro Dimai e Giancarlo Cortini da Forlì, che el r’à vedudà nafré dapò, ma ‘l é stà pi svelto a i mandà via duto a ‘l Cbat de Baltimora. A ‘sta stela i à dà gnon SN2009dd; r’é pede a ‘l nucleo de ra spirale NGC4088, una galasia inze ra costelazion de r’Orsa Maggiore. Ra ota ignante, Dimai ‘l aea ciatà ra supernova numero 28, de el Cross anpezan, a dorà un telescopio che ‘l é da cher’outra parte de ‘l mondo, in Australia. Ma el bel ‘l é che ‘l à podù el dorà senza se moe da ciaśa soa, su a Pecol; ancuoi se pó fei duto co ‘l conputer, senza aè pi da pasà ores, notes intieres, a ‘l fiedo, su in son de ‘l Col Druscié, mangare d’inverno, che r’aria r’é pi neta e se vede fora meo. “Chesta r’é ‘na supernova che ra val depì de ches’outres – el me disc Dimai – parcé che r’à pi lun de duta

cheres che i à ciatà ‘sto an. Dinprin r’aea ‘na magnitudine de +13,5 che r’é cresciuda, i dis dapò. A ra studià, s’à vedù che r’é ‘na supernova de tipo II, nasciuda da ‘na stela supergigante, śoena e masciza, indalonśe supośò 55 milioi de ane lun da ‘l nosc sistema solare. Podon dì che r’é pitosc pede, co ra meśures de ‘l universo”. Chesto vó dì che, a viaśà a ra oga de ra lun, a 300 mile chilometre a ‘l secondo, se betarae 55 milioi de ane a ruà là. Ra lun che nośoutre vedon ades, r’é moesta da lasù incraota, canche su ra Tera ‘l ea i dinosaure e el prin òn ‘l aea ancora da nasce. Incraota, agnó che ades ‘l é ra Dolomites, no n’ea chesta crodes, ‘l ea drio a se suià el mar, che se ciata ancora ancuoi i fosiles. Ci che vó in saé depì, de chesta scoperta, de duto el laoro che i fesc chi de ra astronomica Cortina, e mangare vede anche calche bela fotografia, el pó vardà drio el sito de ra asociazion www.cortinastelle. it

Intrà Venezia e r’Austria Ra storia inze ra mente de i vece anpezane I dis pasade sarae stà ‘l anuario de ra vitoria de i Veneziane su ra bataglia de Ruseco; ‘l ea el 2 de marzo de ‘l 1508, donca tanta zentenera de anes indrio, cancvhe ‘l inperator Massimiliano ‘l é ruà a ese paron de ‘l Castel de Bodestagno. L ea el a ‘l comando de apena vintezinche ome, parcé che ra Serenissima no r’ea tanto in boi acorde, anzi ‘l inperator el vorea se vendicà contro i anpezane e cadoris, gouja che i aea ra colpa de ese tornade danoo sote el leon de San Marco. Coscita ra trupes inperiales es ciata danoo da fei ra medema strada de ‘l an prima, da belun, in Zoldo, a Zubiana, con zirca cuatrozento cadoris e dojento melitare venete. I à pugnà par alcuante dis, ma dapò ‘l à abù ra venta ra trupes de ‘l inperator: i é ruade a ciapà duta ra val d’Ansiei e ‘l é stà ‘l ordin de brujà e de fei tabula rasa inze dute i paesc che i pasaa, da duto el Cadore fin in Anpezo, agnó che i à dà fó. I anpezane inalora no i ea da ra parte de ‘l inperator; par aé ra colpa d’aé ancora fede inze ra Serenissima i é stade bartaśade e castigade de ogni ver. Ai 19 de luio ‘l é stà ra destruzion de dute i

vilaje. Alcuante melitare, ruade śo da ‘l śuogo de Zubiana e da ra Mauria i à parà indrio ra trupes de Masimiliano. Ma ‘l inperator no s’à dà par vento e de ‘l 1510 ‘l à tornà a pugnà, par ciapà coscì el castel de Bodestagno; ‘l é stà ra ota bona, par ra sorte de i anpezane, destinade dapò tanto tenpo a pasà sote r’Austria e là i é restade par cuatrozento ane. Anche el profesor Bepe Richebuono el menzona ‘sto periodo, inze ‘l so libro “Storia d’Ampezzo”, e conchesto r’é śuda a menadeo par i anpezane de incraota. Da cuanto che i m’à contà i nostre vece, sote el dominio de i Asburgo i s’à ciatà ben e i à senpre parlà polito, in riguardo a chel longo tenpo pasà sote r’Austria: i stajea ben, aśà che ‘l ea śente pede i confis, i ea tratade ben. No ‘l é da se fei de mereea se, ancora ades, par aé sentù da i so vece, i parla ben de chi tenpe: ‘l é ra storia che parla e che recorda e ogni tanto beśen lieśe fora i libre, che parla de chi anes, ce che i à pasà i nostre vece, intrà gueres e pugnà de ogni ver, par defende el so paes, da tanto gorośà. Teśele Hirschstein Michielli


Anpezo

nr. 16 / 02 de mei 2009

A Innsbruck co r’Union de i Ladis Un viaśo de un di, intrà storia, arte, tradizios, devozion, ma anche con chera de fei festa e de stà aduna. Ra botega de Grassmayr, agnó che ‘l é nasciù ra cianpanes de San Iaco. Ra jeja de Sciaves, coscita vecia, coscita noa. El recordo de ‘l Tummelplatz, agnó che ‘l é ‘na crosc par i melitare anpezane Sabeda 25 de aprile da res 6 da bonora un ciapo de 76 parsones l é moesc co na coriera e na coriereta (un fiol e un fiastro) par śì inze a Innsbruck co r’Union de i Ladis d’Anpezo. Da res 9 e 30 i me spetaa inze ra botega de i Grassmayr, che i fesc cianpanes là dal 1599. I à fato anche cheres de l nosc cianpanin. L é da cuatordesc jenerazios che da pare a fiol i se pasa i secrete de l mestier. I no n à mai ris-cià de s’in śì fora de raza, i à senpre abù eredes: i pizete de ra familia ancuoi i é de undesc. I é algo depì che foure: i à tanta rea par ra musica. Intrà lore e i foure l é ra medema diferenza che l é intrà un marangon e un che fesc violis: dute doi i laora el len, ma chel de i violis in pi l à da ese portà par ra musica. Ra guida de l museo e de ra botega Grassmayr, par talian, r’à spiegà cemodo che es vien fates ra cianpanes. Ancora ancuoi ra pi parte de l laoro ra vien fata a man: ra tecnolojia ra no n à dià pi de tanto. On podù vede ra vecia botega con el forno e ra buja agnó ché i lasciaa ra cianpanes cuertes da ra tera anche una setemana. Ades i ra dora come scenografia

Fregores Alcuanta noes in curto, da ‘l paes e da fora Par el profesor Richebuono Ai 7 de maśo, de un śoiba, dares 18, duta ra comunità de Anpezo ra se ciata, in Ciaśa de Comun, par i rende onor a ‘l profesor Bepe Richebuono. Chera benemerenza, voruda da ‘l comun, ‘l é par duto chel che ‘l à fato chel òn, par studià ra storia de Anpezo, par pi de zincuanta ane. Da i prime scrite, su ‘l sfoi “Due Soldi”, che Agostino Girardi, el nosc Tino de Josuè, ‘l aea fato de i anes Sesanta, ‘l é ruà i prime libre, fin a r’ultima storia, fenida i mesc pasade, chel bel libro stanpà da ra Coperatia. Ci che vó ben a ‘l so paes, ci che à acaro de i dì gramarzé a chesto òn, ci che vó vive un momento de ra storia de ancuoi de Anpezo, no podarà mancià.

Ra nostra radijes El cuerto de oro, inze piaza, inze ‘l cuore de Innsbruck; nafré el sinbolo de chesta zità..

par śirà film anbientade inze el Medioevo o par fei festes, tipo ra grigliata de ra guides de Innsbruck. Ra noa botega r’é pi outa, vien inze pi lun, r’à un forno a gas, no pi a legnes. L ea de ra cianpanes prontes par ese consegnades e de cheres ancora da fenì. In ea una fata fei da una nona par so neodo,

Ra śente, in viaśo co r’Ulda a Innsbruck, à podù vede polito, un pasc dapò chel outro, cemodo che nasce ra cianpanes de bronśo de un cianpanin, pi grandes e pi pizores. Ancora ancuoi, cemodo che suzedea śa zinchezento ane.

Agnó che nasce ra cianpanes de Grassmayr; trope anpezane à abù acaro de vede chesta botega, coscita leada a ra nostra storia.

con tanto de dedica ingravierada inze. Un industrial todesco ‘l in à ordenà una con scrite su dute i so discorse. I artejane i à laorà tre mesc par ra decorà cemodo che el vorea el. Par un che paga se pó fei duto chel che l ordena. Una ota i Grassmayr i śia sul posto a fei ra cianpanes, i doraa i materiai che i ciataa là, parcé che i no saea cemodo res tramudà, una ota fates. Dal 1599 i à scomenzà a res fei a Innsbruck e a res portà agnó che i s aea ordenades. Paricià el paston che vien fondù l é ra soa: i no n à da falà de nuia. Se una cianpana ra no vien fora polito (in é in esposizion alcuantes), no se pó ra comedà, śontà o tirà via algo. Se pó noma ra fonde danoo e riciclà el bronśo, che l é el metal meo. Ra guida ra dà na martelada a cianpanes de azal, de fer, de bronśo, par me fei sentì ra diferenza de l suono. Par aé na idea de ra forza de ra so vibrazios, l ea una cianpana sote sora piena de aga. Era ra i dajea gran martelades e nos podaon bete i diede inze r’aga alolo dapò. Se sentia una sorta de remenada. Fenida ra visita, son montade su ra carozes tirades da i caai che i m à menà agnó che moe ra cremagliera par l Hungerburg, un col de 860 metre da agnó che se vede śo duta Innsbruck. Dapò dute a disnà inze el ristorante Stiftskeller: saon de tante e ora che i me servise dute l é ruà res 3. Doa ores co i pes sote toura a se enpì ra panza de menestra, rosto, crauti e omelette. Col tram son ruade pede el Tummelplatz e a pe ón darśonto chesto luó, agnó che l é anche una crosc che recorda i anpezane morte in guera. Dinultima son sude a Sciaves a vede una jeja vecia con na śonta noa. Ancora una sosta inze un hotel par un piato fiedo e dapò dute a ciaśa. Simonetta Zangiacomi Iacarede

“Par conosce meo ra nostra radijes” – ‘l é ra mostra che el Comun, ra Regoles e ra Union de i Ladis de Anpezo i à parecià, par chesto fora stajon de ‘l nosc paes, canche s’à dute pi tenpo, e fosc pi voia, de fei algo par nośoutre. In

Ciaśa de ra Regoles se podarà vede cuadre, stanpes, fotografies, documente, cartes, duto chel che pó śoà par in saé algo depì de ra nostra storia, de i nostre vece, par saé da agnó che ruon. Una mostra che dute à da śì a vede. Mangare pi de ‘na ota.

Ra elezios Cuanto no s’ai cridà, par dis e dis, par saé se ‘l ea da fei pi votazios aduna, de ignante, se dapò. Dinultima i s’à tanto gran zufà che i é śude adora a s’inventa algo denoo, che no s’aea mai fato ignante. Vota de ‘l sabeda e de ‘l domegna, inveze che de ‘l domegna e de ‘l lunes. Se scomenza sabeda 6 de śugno, de ‘l dapò disnà, dares 15, par fenì dares 22, da dasera. Da ‘l indoman, domegna ai 7 de śugno, se scomenza alolo bonora, dares 7, par fei duto un dreto. Nośoutre in Anpezo se vota par ra Provinzia e par r’Europa. Dapò ‘l é fazile che see da tornà, ai 21 de śugno, danoo par ra Provinzia, e mangare pede par un referendum. Ra me và ancora ben: inze outre paesc i à anche ra elezios par el comun, pede.

Ra cresima in Anpezo Ra prima de tre zerimonies, che se fesc ‘sto an, par i nostre śoen I ea de 58, chi śoenete de Anpezo che i à ciapà el sacramento de ra Cresima, vonte da ra man de ‘l vescovo da belun – Feltre, monsignor Giuseppe Andrich. I s’à parecià, i mesc ignante, cemodo che se sore; i s’à ciatà intrà de lore, co i catechistes, co i nostre prees, co ‘l pioan don Davide Fiocco, ignante de ciapà el Crisma. Dapò, parcé che reste un recordo, dute de fora, su i sciaris de ra jeja de San Iaco, par ra fotografia, da tegnì in ciaśa. Inze ‘l nosc paes, ‘sto an, sarà outra zerimonies par ra Cresima, pi inaante, gouja che i tośate i é tante, e i à deziśo de i partì fora in tre partes. Coscita podaron se vede danoo, anche su ‘sto sfoi, ra otes che vien, con ches’outra fotografies, da se vardà, da ciatà fora calchedun

che se conosce. A chiste śoen, ra parochia i à domandà un pizo sacrifizio: de i donà algo de chel che i à ciapà, par ra festa, de i sode che i à dà el sento, o i none, o chi de ciaśa, a ra śente de ‘l Abruzzo, che r’é drio a padì, parcé che r’é restada senza nuia, neta de lescia, canche el teremoto i à petà śo ra so ciaśa. A ra Caritas de L’Aquila ‘l é ruà anche i sode che ‘l é stà strutà su inze jeja, el di de Pasca: par duta Italia i à deziśo de i dà i sode de ra domegna dapò, In Albis, inveze a Belun s’à pensà meo de i donà chi de Pasca. In Anpezo, ra parochia de San Felipo e Iaco, r’à strutà su, e mandà in Abruzzo, pi de 22.000 euro, co ra noe meses che ‘l é stà dito chel di de festa, che ‘l ea pien de śente, de ‘l paes e da fora.

El vescovo da Belun Feltre monsignor Giuseppe Andrich, aduna co ‘l nosc pioan don Davide Fiocco, con don Alberto, co i catechistes, deboto scondude, intrà dute ‘ste tośate in festa, par ra so Cresima. www.lauscdiladins.com

31


Sport

nr. 16 / 02 de mei 2009

Gran devënta dl Rina cuntra Ridnaun Indô a mans ötes Cun n resultat tler de 4 a 0 rodosa le Rina la scuadra da Ridnaun, che n’â te chësta aisciöda pordü ćiamò degöna partida Palê Rina/2. cat. - La scuadra dla Val d’Isarch à śoghé na stleta pröma pert de chësc campionat y ê da ciafè ala fin dl altonn al penultim post te tlassifica, cun 9 punć. Tles prömes 5 partides de chësta aiscöda n’à le Ridnaun indere mai pordü y s’à portè a ćiasa 11 punć. Mo inće le Rina à fat tles ultimes partides cotan de bun, porchël êl en la domënia passada da s’aspetè na gran batalia. Dër tröc sostegnidus à acompagnè la scuadra todëscia, cun trombëtes y tambürli. Chësc sciosciüre y crabal bele dan la partida à inće motivé la scuadra de “Col dla Vedla”. Le Rina pëia indô ia bun, fej atira gran druch. Al 7^ menüt à Elli bele la pröma gran ocajun da portè le Rina en vantaje. Sön n bel cross de “Kalle” ciafa Elli le coran sön le će, la gran trata vëgn deviada sura stangia de porta fora dal portier Rainer. Püć menüć dedô à Andy y Heinz indô na gran ocajun. I aversars à dassënn da se parè, fej inće de bur’ fai. L’arbiter jonn Moser ti mostra bele ti pröms 20 menüć por 3 iadi la cherta ghela. Al 37^ menüt é le će de Elli indô tl dër post. Da na ria posiziun, a püć metri dan porta, mëtel le coran te sach por le 1 a 0. Tl rest dl pröm tëmp ciafa Ridnaun n valgönes puniziuns da buna posiziun, les trates vëgn tignides sö o stlopedades dlungia ia. Le pröm tëmp se röia cun le resultat de 1 a 0. Tl secundo tëmp fej Kalle defata n valgügn cambiamënć. La scuadra aversara mëss se parè inant y al 56^ menüt

ai 3 de mà saràl indô na combatüda cuntra la scuadra sterscia de “Puster de Sura”. (if)

Elmar Kosta é jü dui iadi a rëi tla partida cuntra le Ridnaun.

ciafa le defensur Überegger por le secundo iade la cherta ghela: al mëss lascè le ćiamp. Al 62^ menüt garêtel le 2 a 0, indô cun n bel gol de će de Elli. La scuadra todëscia la dà bel plan sö, le Rina dominëia le jüch. Al 82^ menüt sciampa Elli y Andreas en cuntrapè. Elli ti fej n bel pass a Andy, che mët le coran por le terzo iade tla rëi da Ridnaun. N menüt dedô la prô inće Thomas. Denanche rovè ala trata, vëgnel metü jö y l’arbiter conzed la punziun dai 11 metri. Georg fej le 4 a 0. Ti ultims menüć mëss ćiamò n secundo śogadù todësch lascè le ćiamp, por la secunda cherta ghela. Al 87^ menüt röia l’atacant aversar Siller dassù cuntra porta dl Rina y tira. Simon fej na gran parada, tëgn insciö nëta süa porta y salva le bel resultat de 4 a 0. En doman domënia

Formaziun dl Rina: 1. Simon Winkler, 2. Christof Irsara, 3. Philipp Winkler (dal 46^ Richard Ferdigg), 4. Ivan Agreiter, 5. Georg Craffonara, 6. Karlheinz Pedevilla (dal 62^ Elmar Agreiter), 7. Lorenz Rungger, 8. Elli Kosta, 9. Andy Ferdigg, 10. Thomas Huber, 11. Christian Ferdigg. Alenadus: Karlheinz Pedevilla y Lorenz Rungger. Goi por le Rina: Elmar Kosta (al 37^ y al 62^), Andreas Ferdigg (al 82^), Georg Craffonara (al 87^, sön önescmetri) Proscima partida: En doman domënia ai 3 de mà dales 16.30, fora de ćiasa cuntra le Hochpustertal. Tlassifica 2a. categoria 1. Freienfeld, 17 part., 40 p. 2. Gais, 17 partides, 31 p. 3. Feldthurns, 17 part., 30 p. 4. Wiesen, 17 partides, 23 p. 5. Kiens, 17 partides, 23 p. 6. Steinhaus, 17 partides, 22 p. 7. Rina, 17 partides, 22 p. 8. Hochpustert., 17 part., 21 p. 9. Sel. Sterzing, 17 part., 20 p. 10. Sel. Ridnaunt., 17 par., 20 p. 11. Gossensaß, 17 part., 20 p. 12. Perca, 17 partides, 9 p.

Dô le pröm tëmp é l’Alta Badia dui goi indô, tl secundo tëmp ési bugn cun n bun jüch da se refà, ai mët le palê trëi iadi tla rëi y davagna

32

www.lauscdiladins.com

menüć ch’al ê gnü ite, por na bota sëćia te n contrast de jüch. Mo les bunes ocajiuns da gol ne vëgn nia anuzades sciöch’al alda y la formaziun da La Val mëss insciö s’un gnì a ćiasa a mans ötes. An spera che tla partida da en doman, che vëgn sogada te ćiasa, pois la scuadra da La Val indô n iade concuisté i trëi punć, do da dodesc partides zënza devënta. (sc)

Rina - Ridnaun: 4 - 0

Partida dër combatüda Palê Alta Badia/3. cat. -Söl ćiamp da La Ila à śoghé en domënia domisdé l’Alta Badia cuntra la scuadra da Niederdorf, che é al cuarto post dla tlassifica. A La Ila plöiel y al tira n gran vënt da süd. Tl pröm tëmp śoga i ladins cuntra le vënt y chësc mët plü gonot en dificoltè i śogadus che se stënta da trà le palê. Bele al 5^ menüt se porta la scuadra dl Niederdorf en vantaje; la trata de n atacant va te porta. Śëgn mëss i śogadus ladins reagì, ai prô da se fà inant, mo dan porta ne i garêtel nia cis tröp. Ai ciafa inće n valgönes puniziuns che ai n’é nia bogn da anuzè. Inće le Niederdorf röia plü gonot te area aversara, mo de gragn prighi n’él nia por le portier Martin Pitscheider. Al 42^ menüt tira n śogadù puster da mezćiamp le palê cuntra la porta, le portier le pëia cun les mans, mo al ti slisorëia ite tla rëi. Le pröm tëmp se röia söle 2 a 0 por le Niederdorf, Tl secundo tëmp mëss la scuadra ladina se porvè dassënn, sce ai n’ô nia perde. Te chisc 45 menüć mostra i śogadus dl’Alta che ai sa da śoghé n bun jüch al palê. Ai é bugn da se costruì tröpes de bunes aziuns. Bele al 57^ menüt porta Matthias Stampfer sön önescmetri le resultat söl 2 a 1. L’Alta ne lascia nia do y se prô inant.

La Val perd inće la partida cuntra Mühlwald y é bele da dodesc partides zënza devënta

Le portier dl’Alta Badia Martin Pitscheider.

Al 67^ menüt ciafa la scuadra ladina - do n fal - na puniziun dal limit: la trata de Manfred Castlunger va te porta. Śëgn é la motivaziun da ne zede nia y da se porvè inant ćiamò maiù y chësc porta sü früć a 5 menüć dala fin. Le potier passa zeruch le palê, Marco Rossini abina la cogora, la porta inant y tira sön porta. Le palê röia tla rëi. Grana é la ligrëza pro i śogadus, mo inće pro i spetadus. Insciö se röia chësta partida söle 3 a 2, inće sce ara parô bele pordüda do le pröm tëmp. (susi) Alta Badia – Niederdorf: 3 - 2 Formaziun dl’Alta Badia: 1.

Martin Pitscheider, 2. Matthias Frontull, 3. Thomas Tavella, 4. Simon Dapoz - capitan, 5. Samuel Vittur, 6. Ernst Dapunt, 7. Manuel Stampfer (dal 70^ Simon Canins), 8. Alex Stampfer (dal 90^ Romeo Costa ), 9. Marco Rossini, 10. Massimo Foladori (dal 55^ Manfred Castlunger), 11. Matthias Stampfer (dal 78^ Oskar Clara) Alenadù: Giordano Clement. Goi por l’Alta Badia: Matthias Stampfer (al 57^), Manfred Castlunger (al 67^), Marco Rossini (al 85^). Proscima partida: en doman domënia ai 3 de mà dales 16.30, a La Ila cuntra le Gsiesertal. Tlassifica 3a categoria, rode D 1. Mareo, 13 part., 32 punć 2. Dietenheim, 13 part., 31 p. 3. San Martin, 13 part., 20 p. 4. Alta Badia, 13 part., 19 p. 5. Niederdorf, 13 part., 19 p. 6. San Laurënz, 13 part., 16 p. 7. Gsiesertal, 13 part., 15 p. 8. Mühlwald, 13 part., 11 p. 9. La Val, 13 partides, 8 p. 10. Valdaora, 13 partides, 7 p.

Alexander à messü lascè le ćiamp do püć menüć.

Palê La Val/3. cat. - Gnanca te chësta partida n’é la scuadra da La Val stada assistida dala fortüna y s’à jomé ia da concuisté val’ punć fora de ćiasa, che foss dessigü stà poscibli. Le gol dezisif vëgn segné dala scuadra pustra bele do n chert d’ora. Dantadöt tl secundo tëmp él la scuadra da La Val che à le jüch tles mans y röia inće pro ocajiuns da gol cun Alex E., Florian y Alexander. Chësc ultim śogadù mëss lascè le ćiamp do püć

Mühlwald - La Val: 1 - 0 Formaziun da La Val: 1. Sandro Sani, 2. Daniel Tolpeit, 3. Werner Ploner, 4. Alex Alton - capitan, 5. Elmar Valentin, 6. Stefan Sottara, 7. Max Nagler, 8. Werner Sottara, 9. Alex Elzenbaumer, 10. Marco Castlunger (dal 65^ Alexander Miribung, dal 80^ Rene Tolpeit), 11. Florian Rubatscher. Alenadù: Marco Scalzini. Proscima partida: La scuadra da La Val śoga en doman domënia dales 16.30 a La Val cuntra Valdaura. Tlassifica: ćiara sot Alta Badia

Gsies: trëi goi y trëi punć Ta Gsies àn odü na scuadra da San Martin nia plü da conësce, do la bela proa dl derby ocajiun ladina. Erlacher ciafa n pass te area y tira cun le col dl pè cuntra le pè lunch dla porta. La bela trata röia de püch dlungiaìa. Ala mesora dl pröm tëmpél indô le 6 aversar che atoca la stangia de porta. Do da 73 menüć röia inće le 3 a 0. N atacant dl Gsies röia indô dassu dan porta dl Na bela trata tratan la partida danter San Martin. Le 7 Taschler Gsiesertal y San Martin. le bat cun na trata sot le corp fora. Al 81^ menüt Palê San Martin/3. cat. - Ite en él n gal de Gasser t’area sön n Gsies àn podü odëi na burta copia atacant. L’arbiter conzed dla bela scuadra da San Martin l’önescmetri. La trata é bassa sön la odüda tl derby cuntra le Mareo. I man ciampa de Moling, che deviëia pustri à mirité da davagnè, ai à albü da na pert fora. Do chësta cuinta plü convinziun y agressivité. Cun pordüda n’é gnanca plü le terzo post le 3 a 0 po le San Martin ćiamò ester dër sigü. L’Alta Badia y le Niederdorf contënt; i pustri à ćiamò albü tröpes é ma plü n punt iadedô. Tla scuadra d’atres de gran ocajiuns por segnè. dl San Martin à Fabian Agreiter d’Al Püch jüch y tröc palês alć àn podü Plan śoghé süa pröma partida. Da amiré da intrames les formaziuns. pert dl’uniun dl sport ti aodunse Pro la scuadra ćiastelana pon bëgn tröpa ligrëza y devertimënt (rp) recordè che al falâ 5 śogadus Gsiesertal - San Martin: 0 - 3 importanć, che n’é nia püch. Tröpes posiziuns de jüch à messü gnì mudades y porvades fora. Bele al Formaziun dl San Martin: 1. 10^ menüt röia l’8 dl Gsies Seiwald Michael Moling, 2. Andrea Irsara, dassu dan Moling. Al tira le palê 3. Florian Barbolini (dal 75^ Fabian che le portier Molingh revat sön la Agreiter), 4. Eduard Winkler, 5. man ciampa. Do 14 menüć toma le Andreas Chizzali, 6. Armin Erlacher 1 a 0. Dan le piz dla gran area él n - capitan, 7. Christof Agreiter (dal fal de Winkler: Steinmair tira na 46^ Helmut Gasser), 8. Heini puniziun che röia sura le mür ite y Chizzali, 9. Manuel Clara, 10. Alex sot l’incrujada de porta. Le portier Moling, 11. Ewald Clara (dal 46^ Michael azica ćiamò la cogora, mo René Pescollderungg). n’é nia bun da la tignì sö. Bel gol! Al Alenadus: Helmut Gasser y 21^ menüt toma bele le 2 a 0. Le 6 Hanspeter Graffonara. Rauter ciafa tla picia area n cross Proscima partida: En doman püch dan le portier ladin. L’atacant domënia ai 3 de mà dales 16.30 a nia marchè deviëia a val’ moda le San Laurënz, cuntra la formaziun palê te porta, a mesa altëza sön la de ćiasa. man ciampa de Moling. Al 28^ Tlassifica: ćiara sot Alta Badia. menüt de jüch él inće da odëi na


Sport

nr. 16 / 02 de mei 2009

Finalmënter inće śoghé al palê

L Gherdëina japé

Le San Laurënz va sot cuntra la superiorité dl Mareo. L’atacant Marco Mutschlechner dl Mareo bat bëgn trëi iadi le portier de Puster

Gran ucajion arjumeda tl campionat de juech dal palé de II categuria amatoriela giron b

Marco Mutschlechner é jü a rëi trëi iadi.

Palê Mareo/3. cat. - Por le Mareo él vigni domënia la partida dezisiva. Al n’é nia meso da se lascè do fora, deache vigni pice vare falè podess a chësc punt dla sajun costè le campionat y desfantè ia le laûr de n ann intier. Cun chësc pëis sön la goba, tóchera da imparè da vire, sce an ô śoghé por cer’ traverć, mo desche an à podü osservè te chëstes ultimes domënies, n’é chësc compit nia saurì. Cuntra le San Laurënz àn inće podü odëi le pëis - almanco ti pröms 37 menüć - da messëi davagnè la partida. Al gnô śoghé n pü’ sö, n pü’ jö, mo zënza rovè a na contlujiun te porta, ne da öna, ne dal’atra pert. Chësc ecuiliber toma spo a püć

menüć dala fin dl pröm tëmp, canche le palê röia - do n cajin t’area dl San Laurënz - sön le pè de Marco dal Pech. Cun döta süa prontëza da atacant de raza, tìrel a bot sigü, baton por le pröm iade le portier aversar. Al passa apëna 3 menüć y la rëi scassa bele indô. Chito röia cun le palê cuntra la ligna y le mët amez avisa sön Marco, che röia alerch dër asvelt y bat indô sigü a rëi. Impede portè le bel resultat de 2 a 0 ćina ala palsa, ti conzed le Mareo n gol al San Laurënz, cun na dejatenziun di defensurs y dl portier. Philip chërda le palê mo ne röia nia laprò, lascian insciö la porta öta, olache l’atacant romagnü bel su n’à albü degöna dificoltè da sburlè ite la cogora. Tla secunda fraziun de jüch mët le Mareo atira man da śoghé por mëte al sigü le resultat. Chësc gareta inće atira cun la plü bela aziun dla partida. Marco recuperëia n palê a mez ćiamp meton en movimënt Paul da Pederü. Chësc sostëgn al limit dl’area por Chito, che bat le portier aversar cun na trata nia propi tan sterscia, mo plazada bel dlungia pè de porta ite. Inće le cuarto gol ne s’à nia fat aspetè dî. Daniel de Burcia, rovè te ćiamp al post de Christian Alfreider, ciafa le palê amez area y se mët tla condiziun da bate a rëi. Süa bela contlujiun vëgn rebatüda dal portier. Mo co podèssera pa inće ester atramënter? Marco dal

Pech é indô tl dër post por bate le terzo iade so aversar. A chësc punt fej l’alenadù Winkler plan plan dötes les sostituziuns consintides, n pü’ por fà śoghé chi che s’l mirita, por le gran impëgn desmostrè ia por l’edema y magari inće por sparagné val’ forza por la partida che vëgn, chëra cuntra le Dietenheim, sambëgn dezisiva sciöche vigni domënia. (Cdp) Mareo - San Laurënz: 4 - 1 Formaziun: 1. Philip Agreiter, 2. Thomas Ploner, 3. Andrea Mutschlechner, 4. Wilhelm Hochwieser (dal 80^ Albert Castlunger), 5. Patrick Complojer, 6. Hannes Mutschlechner, 7. Werner Pedevilla, 8. Paul Pisching (dal 75^ Walter Pisching), 9. Marco Mutschlechner - capitan (dal 70^ Philip Ploner), 10. Robert Mutschlechner (dal 60^ Daniel Ellecosta), 11. Christian Alfreider (dal 55^ Daniel Tamers). Alenadù: Markus Winkler. Goi por le Mareo: Marco Mutschlechner (al 38^, 41^ y 65^), Christian Alfreider (al 47^). Proscima partida: En doman domënia ai 3 de mà, dales 16.30, a Dietenheim cuntra la formaziun de ćiasa. Tlassifica: ćiara sot Alta Badia.

Doi stop de seghit per i ladins L Fascia cogn amàncol defener l secondo post Balon 1. Cat. - No l’é dassen n bel moment chel che la é dò che la passa la squadra de Cigolla: le é state, apontin, doi le partide perdude te chisc ùltimes diesc dis. Dant en jebia ai 23 de oril i ladins i é stac bogn de jir a perder con l’Ischia, squadra chesta jà con duc e doi i pie en seconda categorìa, dò na partida dominada dal Fascia (enceben che no l’aesse jià delvers). E dapò en martesc l’é stat la outa del Piné a ge dar n auter despiajer ai ladins. Le é state n muion le ocajion jite jù per dò brea te cheste doi endesfide, e de segur no se pel dir che l Fascia no l’aesse merità de le vencer. Ma canche no la vel jir no la va: defati te cheste doi partide, più o manco medeme, dant l’Ischia e dapò l Piné i se à menà a ciasa trei ponc con pech e nia. En jebia chi da Perjen co na soula ocajion i é stac bogn de la smacar ite. Alincontra i ladins i à ciapà trei oute l remenat e i à petà demez, amò, amàncol sie o set chances per far l gol. En martesc sa Vich contra l Piné la musega no la é mudada: ghesć che con trei, e die trei, trate i à fat autertenc gol; ma la sort, sessaben, descheche te valch moment la te é apede, te n sènt e amen la pel te lasciar da soul a te la far cà.

Classifica 1. categorìa jiron C: Aldeno 21 partides 47 ponts Fascia 21 partides 40 ponts Piné 21 partides 36 ponts Ravinense 21 partides 34 p. Nord. Virtus 21 partides 33 p. Besenello 21 partides 33 ponts Povo Scania 21 partides 32 p. Vattaro 21 partides 28 ponts Valsugana 21 partides 28 p. Mattarello 21 partides 24 p. Telve 21 partides 23 ponts San Rocco 21 partides 21 p. Dolomitica 21 partides 15 p. Ischia 21 partides 9 ponts Ma la squadra fasciana de segur la é vegnuda fora a ciaf aut da cheste doi endesfide: defati, enceben che no l’aesse jià delvers, ai ponc l’aessa merità de le vencer dute e doi. Ma chesta l’é la vita: se pel vencer canche se fasc piec, e chiaramenter se pel perder canche se fasc miec che i autres. Ades i ladins i à da stravardar amàncol l secondo post (che dasc derit de far i spareges co le autre seconde di trei girons), ajache fosc per l prum ge volessa n mez miracol; l’Alden defati no l mola n colp e l’é semper più prum con set ponc sul Fascia.

Da chiò inant ge val vardar de ge jir encontra a la bonasort, jà da en domenia a Rorei de contra al San Rocco, mai batù enscin ades dai fascegn. Giorgio Dorich Fascia - Piné 1 a 3 (gol de Nicola Rizzato) Formazion Fascia: Nicolò Cincelli, Thomas Zorzi, Nicola Rizzato, Matteo Cigolla, Maurizio Bonani, Simone Bolgiani, Davide Porcu, Cristoforo Debertol, Patrizio Cigolla (Gianmaria Ganz), Manuel Bernard, Daniele Deluca. Al. Luciano Cigolla

Nicola Rizzato.

Codla - N sada domesdì cun n drë’ bel tëmp à la scuadra dl FC Gherdëina abù na partida contra l Sportverein Jenesien che fova al ultimo post de tlassifica, y dal pont de ududa sportif jìvela de truep, plu che mé i 3 ponc. Ruvei a Jenesien cun n drë’ bon ciaut pensovi che duc sentiva chësta partida tl sanch y che ne udova nia l’ëura de ti sauté ite ala codla per desmustré a nosc cuntraënc, de ce pasta che nëus son fai. L juech à scumencià y do puech udòven che l Jenesien fova da bestia periculëus dancà y che l univa na partida ria, coche l fova nce da se aspité. L Jenesien fova mentalmënter dal prim menut inant bele tlo, ëi savova de cie che la jiva. Nëus, al incontra, ne crian nia che ëi, ultimi, pudëssa vester tan stersc, ma do ot menuc ons bele giapà l prim gol de cë. Ëi fova sibe dancà che dovia scialdi majeri che nëus. Nëus son do chësc gol restei massa sprigulei y ne on nia trat ora nosta capaziteies, cun codla bassa y n juech debota. Nëus fan boni de ruvé dan area dl Jenesien ulache na bela punizion de Antonio da 30 metri mpue’ sun la man ciancia va a bater bel sëch sun l pel de man ciancia dla porta dl Jenesien y la codla che va ora. Purtruep perdons la codla amez y ëi pëia via cun n contrapé che porta l 2 a 0, che tulan ca la cualiteies tecniches de nosc jugadëures ne fossa mo for nia stat n gran spavënt, che l manciova mo saurì n’ëura de juech. Ma nia, ntan dut l rest dl prim tëmp. Chël che me dà persunalmënter mpue’ da pensé ie coche l FC Gherdëina à scumencià l segondo tëmp. Iló me aspitovi n auter ritm, y sce l ciamp fova nce burt y la nes butova nia tecnicamënter, almanco purvé a ti fé mpue’ de tëma al Jenesien, chël ëssen bën messù, per fé che ëi ëssa falà vel’ codla. Ma inò nia, i menuc passova y nosc juech fova coche tl prim tëmp, massa stereotipà per mudé zeche. Ntant tumova mo l 3-0 per l Jenesien. A 20 menuc dan la fin dla partida iel unì fat vel’ mudamënt tatich y pona àla butà n mumënt deplù. L FC Gherdëina à fat n bel gol cun Antonio Divisi che à trat da passa 30 metri sot ala traviersa, nia da n fé per l verdiaporta dl Jenesien. Ma chësc a diesc menuc dan la fin! Da dedò ons mo purvà a i schicé te si area, ma l fova massa tert. Nëus messon tla proscima partida dé na proa de carater y dé na reazion sterscia, ajache coche raprejentanc dl juech dal palé de Gherdëina ne pudons nia mustré de tel partides, pona, sce la partida vën venciuda o nia ie nce unfat, ma purvé y sce la ne buta nia purvé mo n iede, mei

la dé su, chël muessa unì fat da nosc jugadëures. N dumënia ai 3 de mei iel sun l program l juech cun l Scilier dala 4 domesdì a Santa Cristina Mulin da Coi, ulache pudon desmustré che son mo vives y che l FC Gherdëina uel resté te II categuria, ulache l toca da resté. Spere che l sibe truepa jënt a cialé chësc juech de gran mpurtanza per nosc muvimënt dl juech dal palé de Gherdëina. Nëus messon mé purvé a desmustré cieche savon da fé. L depënd mé da nëus. (gp) SV Jenesien - FC Gherdëina 3-1 (2-0) Goi: 1-0 Florian Plattner (8). 2-0 Pfeifhofer (24), 3-0 Gamper (52) 3-1 Antonio Divisi al 81’. Furmazion: Zambon Leo, Manuel Irsara, Peter Mittermaier, Hannes Pezzei, Demetz Hannes, Trocker Patrick, Kostner Mirko, Piazza Alfi, Divisi Antonio, Kostner Aron, Nemce Seljvir. A desposizion: Alex Stenico, Insam Ulli, Mair Ingo, Senoner Marco. Demetz Daniel. Mudà ite: Alex Stenico mpede Irsara Manuel al 46’, Mair Ingo mpede Trocker Patrick al 60, Senoner Marco mpede Kostner Aron al 67’. FC Gherdëina jëuni Under 16 Stella Azzurra - FC Gherdëina 0-1 Gol: Matthias Senoner. Under 13 FCG/Urtijëi - FCG/S.Cristina 0-1 Gol: David Kostner. SV Milland - FCG/Urtijëi 2-1 Gol: Christian Thaler. Under 11 FC Gherdëina - SV Tluses 1-1 Gol: Marian Mussner. Under 10 FCG/Lions - SG Perbian/ Villanders 4-0 Goi: Mirco Demez (2), Philipp Demetz, Max Pitschieler. FCG/Pandas - FCG/Pumas 6-5 Goi Pandas: Tobias Kuppelwieser (4), Robin Moroder (2) Goi Pumas: Juri Runggaldier (3), Federico Zanca (2). SV Schabs - FCG/Leopards 5-0 FCG/Condors - SV Milland III 4-2 Goi: Pablo Pitscheider (3), Raoul Moroder. SV Vandoies Vintl - FCG/Koalas 3-1 Gol: Sophia Insam. www.lauscdiladins.com

33


Sport

nr. 16 / 02 de mei 2009

Mituns de Badiasport al Trofeo Cron4

Doi ponc che fej bon!

L "dritto" de Marco De Nardin.

L campionat de Südtirolpokal ie pià via a ritm plënn y l TC S. Cristina/ Sëlva à bele pudù festejé de biei suzesc tla prima partides de juech. Nscila an purtà a cësa i doi ponc tl prim juech tla serie D1 di ëi, ma nce la ladies y i Under ie stac damac strambes.

Serie D1 ëi L prim di de juech, n dumënia ai 26 d’auril pudoven spilné n cësa contra la furmazion de Rungg, che n cunesciova bele da na sfida da plu da giut che n ova bele perdù, for a cësa. La partides scumenciova bele abenëura dala nuef daduman tl tennis curì de Runcadic y n pudova se nuzé de bën trëi ciamps. L prim a lascé l ciamp fova Marco De Nardin che perdova si partida contra Peter Plattner te doi set per 4 a 6 y 0 a 6. Te trëi set ie pona finà via l cunfront danter Ivan Mussner y Martin Raifer ulache Ivan à ala fin abù la sëuravënta vencian cun l resultat de 6 a 2, 2 a 6 y 6 a 3. Alan Stuffer ova ntant da cumbater dassën contra Christian Pfeifer y nce tlo an messù jì tla terza. Alan perdova l prim set per 2 a 6 ma fova bon de valivé ora vencian l segondo set a trëi, tla terza iesen ruvei tl tie-break y tlo ie Alan inò stat bon

de tré ora duta si energies ma nce si sperienza per vëncer. Per l cuarto juech de singuler pudoven mandé te ciamp Stefano Bassetto che spilnea chëst’an per l prim iede pra l TC S. Cristina/ Sëlva. Stefano ova dal’autra pert dla rë Maximilian Eisendle che se stentova dassënn a pië la batudes y i colps plazei damant sëces dl maester de tennis. Vencian l prim set a 2 y l segondo a 3 iesen mucei danaora per 3 a 1 do i singuleres y l tlecova vëncer un n dopl. Stefano Bassetto y Alex Runggaldier batova l per Palma/Plattner te doi set per 6 a 1 y 6 a 3 ntan che Ivan y Marco perdova si juech contra Pfeifer/ Raifer te doi set for tl tie-break. Doi ponc tla prima partida ie dessegur scialdi positif, plu dura sarala ai prim de mei ora de cësa contra l TC Rasen te Puster.

Under 14 mutons L TC S. Cristina se presënta chëst’ann cun doi scuadres che fej pea pra la categoria mutons sota 14 ani. Nia da bater ne ie David Kostner y Klaus Riffeser stac tl juech contra l TC Burnech ora de cësa ulache nosc atlec à venciù tramedoi singuleres y nce l dopl. Nia mo fat ora ne n’an la data per la proscima partida sun l program contra l TC St. Georgen n cësa. Tla segonda furmazion, l TC S. Cristina/S. Cristina B ie Erwin Tröbinger y Patric Prinoth y nce chisc doi ie stac boni de se fé valëi te si prim juech contra l TC Ratschings vencian per 3 a 0. Ëi arà inò da spilné ai 9 de mei contra l TC Maran a Urtijëi y pona mo ai 16 de mei l derby contra i cumpanies dl TC Urtijëi, ulache spilnea Jonas Ciechi, Gabriel Hofer y Max Überbacher. I jugadëures dl TC Urtijëi ie stac batui dal Maran per 3 a 0 te si prim di de juech.

Under 12 mutans N dumënia, ai 26 d’auril fovel nce l prim di de juech per la mutans sota 12 ani ulache l fova da furné a Bulsan a spilnè contra l CT Ussa, partida che n à perdù per 2 a 1. Jasmin Senoner perdova contra Valentina Eccel cun n dopl 6 a 3 y Carolina Riffeser valivova ora batan Linda Boratmeolli per 6 a 1 y 7 a 5. L dopl dezisif se segurova la atletes de Bulsan batan Sophia Senoner y Carolina Riffeser per 6 a 1 y 7 a 5. Proscimo apuntamënt ie n dumënia, ai 3 de mei n cësa contra l TC Kaltern.

De bugn resultać por i ladins tla nodadoia da Raiscia

Retrat de grup en recordanza dl bel dé.

L colp de "reviers" cun doi mans de Alan Stuffer.

via cun n drë sgors vencian bele ai 18 d’auril per 2 a 1 la partida contra l TC Druso n cësa cun chisc resultac: Mary Kostner/ Cristina Pandolfi 63 64, Evelyne Kerschbaumer/Monika Heiss 16 06 y l dopl Evelyne/Mary – Tubaro/Pandolfi 64 36 75. Mo miec iela jita a Maran ulache la nostes à venciù cun l resultat de 3 a 0. Mary Kostner à batù la presidënta dla Fit de Bulsan Tatjana Finger te trëi set per 3 a 6, 6 a 1 a 7 a 5, Petra Callegari à raidà l juech contra Lucia Angeli vencian ala fin per 4 a 6, 6 a 3 y 6 a 4 y cun n dopl 6 a 4 se à mo Evelyne y Mary segurà la partida contra Finger/ Gartner. Te juesc scialdi cumbatui duc te trëi set ie pona mo finà l terzo di de juech n merdi, ai 28 d’auril contra la scuadra dl TC Gais n cësa, partida che n à ala fina perdú tl dopl dezisif. Chisc ie stac i resultac: Mary Kostner/Wally Kirchler 46 75 76 (7), Petra Callegari/Margareth Oberhollenzer 46 75 57 y l dopl Evelyne/ Mary - Kirchler/Oberhollenzer 36 63 57. Inant vala n juebia, ai 30 d’auril contra l ASV Deutschnofen ora de cësa y pona mo ai 9 de mei contra l Eppan for ora de cësa. (ar)

Lady 40 libero

L "slice" de Stefano Bassetto.

34

www.lauscdiladins.com

Te n giron sëul vën purtà ora chësta categoria sëura 40 ani zënza limit de tlassifica. Nosta jugadëures pea L bel colp de Ivan Mussner.

Nodè - I mituns de Badiasport inće podü desmostrè sües capazitês à tut pert ai 20 d’aurì por le pröm tla disciplina de slisoré. Le plü iade a na competiziun de nodè. asvelt é stè Lukas Canins. Pro les Pro le trofê Cron4, tla nodadoia da mitans à davagné Sara Ploner. La Raiscia, êl da mostrè sö le savëi y competiziun ti à dè a düć i mituns les tecniches da nodè imparades la poscibilité da se devertì y da se tratan l’ann. La concorënza ê dër mosorè cun d’atri mituns dla numerosa y gnô suradöt da Bornech medema eté. (badiasport) y i paîsc incëria. Vigni atlet messâ curì na destanza de 25 metri. I mituns de Badiasport à garejé tles disciplines spiné y nodè lëde. Bele pro la pröma gara ài podü mostrè sö de bugn resultać. Lisa Tasser à arjunt le pröm post de categoria tla disciplina 25 m spiné (mitans 2000-2002) cun n tëmp de 32,06 secunć. Sön podium é inće rovà Andrea D’Urso ti 25 m lëde (19,73 sec., 3. post), Sara Ploner, inće ti 25 m lëde (20,11 sec., 3. post), Robin Canins, ti 25 m spiné (26,22 sec., 3. post). La premiaziun cun Lisa Tasser, Alexia I mituns de Badiasport à Berti y Sofia Minnini.

Rainer Demetz campion tl blitz L ann 2009 semea vester n boniscim ann per la Lia Schach Gherdëina y si jugadëures Schach - Do avëi cuntribuì te na maniera dezijiva a vëncer cun l Gherdëina l Campionat Provinziel a scuadres de serie A, à Rainer Demetz nce venciù l titul provinziel ndividuel tl juech blitz. L se trata dl nono iede che Rainer vënc chësc titul, venciù da d’ël per l prim iede tl 1989, pona inò tl 1993, 1994, dal 1999 inant uni ann nchin al 2003 y śën tl 2009. Tl blitzschach, o n curt nce me tlamà blitz, à uni jugadëur bën mé 5 menuc de tëmp per finé si partida. Sce l ne n’ie nia bon de la finé per tëmp y ëura, pierd ël l juech. La va perchël de jughé bën y aslune, mantenian auta la cunzentrazion per dut l tëmp dl turnoi. N sada n sada 25 de auril iel unit adalerch a Naturns 33 jugadëures de duta la provinzia. Uniun messova fé n chël dì bën 13 partides. Per vëncer l campionat provinziel à Demetz Rainer messù fé 11 ponc y mez, destacan ala fin de 1 n pont Buchholz Michael Sader de Persenon che ie ruvà segondo. Al terzo plazamënt se à

plaza l jëunn Nicholas Paltrinieri dl Tramin/Kaltern cun 10 ponc y mez. L terzo plazamënt de Milan Pocuca tla categuria B y l cuinto post de Siegfried Senoner tla categuria C à cumpletà la bona prestazion di jugadëures dl Gherdëina a Naturns. (rb)

Rainer Demetz.


Sport

nr. 16 / 02 de mei 2009

Gara soziala dl Schiclub Ladinia Chi de Badia dominëia La sajun dai schi s’à stlüt jö cun n slalom gigant. Stefan Miribung y Elisa Crazzolara à metü sö i mius tëmps

Sön Fanes él gnü tignì la 24ejima ediziun dla Roda de Col Toronn – Trofeo Stefo Kehrer, cun les scuadres de Badia che à comanè les tlassifiches

Ëi 1948-57: 1) Sepl Zingerle, La Ila, 55,62; 2) Fabrizio Dragosei, Antermëia, 57,81. Ëres 1961-71: 1) Renate Planatscher, Corvara, 53,76; 2) Manuela Costamoling, Corvara, 56,28. Alieves 1994/95: 1) Martina Manica, La Ila, 51,64; 2) Chantal Moling, Corvara, 51,85; 3) Ester Rives, San Martin, 55,80. Alievs 1994/95: 1) Hannes Zingerle, La Ila, 47,96; 2) Christian Rottonara, Corvara, 49,14; 3) Massimiliano, San Ćiascian, 52,26. Maestri de schi 1946-56: 1) Raimund Sorarù, La Ila, 54,12. Ëi 1956-65: 1) Edoardo Bernardi, La Ila, 53,55; 2) Reiner Rives, San Martin, 54,04; 3) Armando Di Genova, Corvara, 55,91; 4) Roberto Cordioli, Mantova, 59,31. Ëi 1966-76: 1) Werner Burchia, La Ila, 51,31; 2) Massimo Bonacci, Mogliano Veneto, 53,47.

La premiaziun di plü pici.

Schi - Ai 11 d’aurì à le Schiclub Ladinia - Alta Badia tignì la gara soziala 2008/09 - Trofê San Carlo Junior, sön la pista Gardenacia a La Ila. N bel numer de partezipanć à tut pert a chësc slalom gigant, che à n pü’ stlüt jö la sajun dai schi por le schiclub ladin. Le miù tëmp dl dé é gnü metü sö dal jonn Stefan Miribung da La Val, ann 1990, che à metü sö le tëmp de 45,83. Pro les ëres é indere Elisa Crazzolara da La Ila, ann 1991, stada la miù, cun le tëmp de 48,42.

Tlassifiches Superbaby 2002 y plü jogn: 1) Ruben Ploner, La Ila, 1.12,74; 2) David Pizzinini, La Ila, 1.16,81; 3) Matteo Di Genova, Corvara, 1.21,40. Mitans 2000/01: 1) Milena Clara, San Ćiascian, 57,09; 2) Emmi Frenademez, La Ila, 57,59; 3) Silvia Bonacci, Mogliano Veneto, 1.00,44; 4) Ellen Pedevilla, Corvara, 1.00,61; 5) Marie Bernardi, La Ila, 1.06,17; 6) Chiara Pizzinini, La Ila, 1.07,96.

Moling, Calfosch, 51,34; 2) Andrea Pedevilla, Corvara, 51,38; 3) Matteo Canins, San Ćiascian, 53,42; 4) Mattia Davare, Corvara, 55,79; 5) Alex Pezzei, La Val, 56,24; 6) Aaron Planatscher, Corvara, 56,60; 7) Michael Agreiter, San Ćiascian, 1.00,35. Mitans 1996/97: 1) Nora Planatscher, Corvara, 51,84; 2) Claudia Bonacci, Mogliano Veneto, 52,14; 3) Marie Unterthurner, La Ila, 52,38; 4) Sofia Targhetta, Corvara, 53,58; 5) Anna Costamoling, Corvara, 53,90; 6) Yvonne Gögele, La Ila, 53,95; 7) Sara Frenademez, La Ila, 54,52. Mituns 1996/97: 1) Jan-Marc Moling, Corvara, 49,88; 2) Marc Rives, San Martin, 51,22; 3) Peter Castlunger, Calfosch, 53,37; 4) Daniel Costamoling, Corvara, 53,47; 5) Luca Bernardi, La Ila, 54,91; 6) Matteo Di Luca, San Ćiascian, 57,19; 7) Elias Ciola, La Ila, 58,04.

Maestri de schi 1956-86: 1) Ivo Pezzedi, San Ćiascian, 46,94; 2) Siegfried Costamoling, Corvara, 48,13; 3) Norbert Planatscher, Corvara, 48,39; 4) Stefan Thaler, Badia, 48,43; 5) Claudio Clara, San Ćiascian, 48,68; 6) Carlo Planatscher, Corvara, 49,52; 7) Bruno Castlunger, Calfosch, 50,65. Aspirantes 1992/93: 1) Greta Targhetta, Corvara, 51,31. Aspiranć 1992/93: 1) Alex Zingerle, La Ila, 46,74; 2) Robert Rottonara, La Ila, 47,47. Jones 1987-91: 1) Elisa Crazzolara, La Ila, 48,42; 2) Laura Di Genova, Corvara, 48,79; 3) Belen Zilli Rottonara, La Ila, 51,46. Jogn 1987/91: 1) Stefan Miribung, La Val, 45,83; 2) Flórin Sorarù, La Ila, 47,61; 3) Patrick Zingerle, La Ila, 48,80.

Mituns 2000/01: 1) Manuel Ploner, San Ćiacian, 58,50; 2) Piero Di Luca, San Ćiacian, 59,74; 3) Jacopo Pezzedi, San Ćiascian, 1.02,24; 4) Simone Dalle Grave, La Ila, 1.02,63; 5) Michele Gasser, La Ila, 1.03,02; 6) Gabriele Cordioli, Mantova, 1.07,57.

Les scuadres dles ëres.

Schialpinism - La domënia da denant él gnü tignì sön Fanes la 24. Roda de Col Toronn, na manifestaziun en recort dl alpinist da La Pli y fondadù dla Lia dai Crëp Mareo, Stefo Kehrer. Da canche la Roda vëgn organisada, él tröc che s’inconforta bele dî danfora, n pü’ por odëi chi che à la miù condiziun da jì cun les pels, mo dantadöt por la bela compagnia y la festa che é dagnora assigurada. En chësc ann ê le percurs n pü’ atramënter che zënza: la gara é piada ia dan la Ütia de Fanes y rovâ inće dailò. Al start ne s’à nia presentè la concorënza sterscia de Gherdëna, de Fascia o de Puster che à i ultims agn mostrè de avëi da dì la süa, por ći che reverda la concuista dl trofeo. Porchël à les scuadres de “Badiasport” podü fà la gara danter ëres, altamo por ći che reverda les categories di ëi. Pro la categoria sot i 100 agn à davagné la scuadra metüda adöm da Michael Irsara, Raimund Frenner y Matthias Declara (tëmp: 50’06“) dan da l’atra scuadra de “Badiasport” metüda adöm da Peter Alfreider, Oskar Irsara y Roman Verginer. Al terzo post é rovada la scuadra da La Pli, “Bi Löcri”, cun Franz, Oskar y Erich Feichter. Le miù tëmp dl dé à indere fat la pröma scuadra sura i 100 agn, cun Daniele Irsara, Roberto Tasser y Lois Craffonara che é rovà al travert te 49’06“. La secunda scuadra tlassificada, inće de „Badiasport“, ê chëra metüda adöm da René Irsara, Ivo Canins y Roland Pitscheider che é rovà al travert cun n menüt y mez de destach. Al terzo post é rovada na scuadra dles guides alpines dla Slovenia, che tolô pert por le pröm iade a chësta

manifestaziun. Sura i 150 agn à davagnè la scuadra de Fascia “Bela Ladinia” cun Olivo Micheluzzi, Luciano Dallemule y Ivano Verra, dan da la scuadra “ZKG Vintl” cun Johann Seebacher, Helmuth Kuen y Hubert Fischnaller. Pro les ëres éra inće jüda scombatüda ćina ala fin danter les prömes döes scuadres tlassificades che se sciampâ tres indô dant öna cun l’atra. Ala fin à davagné chë scuadra che tröc s’aspetâ, chëra de “Les Sportives”, cun Heidi Dapunt, Traudi Irsara y Claudia Plazza, che à completè le percurs te 1h 07’ 08“. Mâ n menüt plü tert é rovades al travert les jones dl “Badia Team”, Carla Valentini, Irsara Sofia y Jasmin. Al terzo post, n pü’ plü zoruch, s’à tlassifiché la scuadra de “Les Corëtes dla Nëi”, cun Angelika y Patrizia Pedevilla y Wilma Dasser. Do la fadia àl metü man la festa daìte y defora dala Ütia de Fanes, olach’al é gnü ćiantè, sonè y balè. Pro la premiaziun él gnü partì fora copes y de bi pesć de vigni sort y a vigni partezipant, n ü da Pasca da podëi cufé. An à spo inće orü recordè n valgügn compagns y alpinisć jogn che à messü lascè la vita te chisc ultims agn, cun n menüt de riflesciun y de oraziun. Indöt é la manifestaziun indô garatada, dilan a chi che à tut pert, mo dantadöt a chi che se tol vigni ann la bria da la organisé, a chi ch’al ti và n bel IOLAN! L’organisaziun oress inće rengrazié la Cassa Raiffeisen Val Badia por le contribut y chi che à daidé y dè ca pesć. N dilan particolar oress i organisadus ti sporje al Aiüt Alpin d’Al Plan, che à fistidié por la regolarité y la sigurté dl percurs. Werner Pescosta

Mitans 1998/99: 1) Valentina Clara, San Ćiascian, 55,78; 2) Maria Sofia, Frenademez, La Ila, 56,74; 3) Katharina Castlunger, Calfosch, 57,39; 4) Marika Dorigo, Corvara, 1.02,61; 5) Valentina Alfreider, Calfosch, 1.02,86. Mituns 1998/99: 1. Samuel

Le miù dl dé: Stefan Miribung da La Val.

Scuadres di ëi do la premiaziun. www.lauscdiladins.com

35


Sport

nr. 16 / 02 de mei 2009

Memorial Eugenio Giorgi Ai 14 de auril ie la sajon da d’inviern di maestri de schi de Gherdëina fineda via cun la garejeda tradiziunela dla trëi scoles de Gherdëina. N lecort particuler a Eugenio Giorgi Scoles de schi - Coche uni ann ie l ultimo di de giaurida di mplanc portamont n di particuler per maestri de schi de Gherdëina. L ie l mumënt de finé via la sajon, stajan deberieda y l’ucajion per

tré ora l spirt agonistich per l ultimo iede. Chëst ann à la scola de schi de Sëlva njenià ca la garejeda, se lascian tumé ite velch de nuef. L se trata de na garejeda de slalom lerch sun Piz Sela, cun

Susi, sor de Eugenio Giorgi, ti sëurandà l pest al diretëur dla Scola de Schi de Sëlva Flavio Prinoth.

n saut danterite, sun trëi percursc cuncei ju paralelamënter un dlongia l auter. Uni scola ova si percurs y l messova fé pea trënta maestri per uni scola. Danter chisc trënta maestri messòvel vester l diretëur, doi maestres, doi dal snowboard, un dal telemark, un cun i schi da doi pizes y doi lauranc dla scola. Giaurì la garejeda à sambën i diretëures, desmustran na bona tecnica danter i pei, do avëi passà gran pert dla sajon do mëisa de ufize. Pona ie ju i maestri, cialan de fé bona paruda y de davanië n valgun metri permez al’autra scoles. Fineda via iela cun la vënta dla scola de Sëlva, dan S. Cristina y Urtijëi. Ma mpurtant fova l devertimënt do na sajon scialdi pesocia y longia per duc. Riesc do àn pudù se plazé sun la teras dla Utia Comici, ulache n à, sot a n bel surëdl, pudù maië de bon pësc, se cuntan la ntraunides dla sajon pra n bon got de vin. Pona ie l Pest dl memorial Eugenio Giorgi, maester de schi de Sëlva che ie purtruep chëst ann unit

N gra dala familia Giorgi La familia Giorgi de Sëlva tol l’ucajion per rengrazië de cuer i maestri de schi per avëi ulù lecurdé Eugenio Giorgi, ti dedican l Pest dla garejeda dla trëi scoles. “Eugenio ie for stat scialdi tacà a si lëur da maester de schi, se n on tenì scialdi de bon” dij si sor Susi.

Eugenio Giorgi. A d‘ël ti à la scoles de schi dedicà la garejeda sun Piz Sela.

mancia, unì sëurandat dala sor Susi al diretëur dla scola che à urganisà la garejeda. Do che l surëdl ie sparì do Saslonch ju, ie duc i maestri mo tlamei tl Café Saltos ulache l blòt di ie finà via danter la palmes y l sablon dla beach party. N muessa dì che la garejeda dla trëi scoles ie una dla ntraunides plu aspitedes da duc i maestri, ulache n se sënt pert de na familia, nia mé ajache n à sëura la medema divisa, ma ajache la pascion y l ardimënt per l sport dal schi y l nsenië chësc sport fej unì su n liam sterch danter duc i maestri dla scoles tradiziuneles dla valeda. Matteo Murer

N valgun mumënc dl memorial Eugenio Giorgi.

I trëi diretëures dla Scoles de Schi.

Na bela gara por stlü jö bun la sajun da d’invern Sciöch’al é oramai tradiziun à la Scora de schi de Badia indô metü a jì la Gara dl Paîsc por stlü jö la sajun da d’invern. Defat é la manifestaziun gnüda organisada en Lönesc de Pasca, l’ultimo dé che le lift da La Crusc â davert. Le bel tëmp à daidé pro che döt garatass indortöra Schi - Dales 7.30 da doman él naôta pié ia la gara cun i schi d’alpinism: i partezipanć messâ jì dala staziun jödapé dl lift ćina sö dala pröma staziun, sö La Crusc. Pro chësta competiziun él stè Benno Canins che é jü le plü debota, cun n tëmp de 25’06“ che à bastè por bate so fre Ivo che é rové püć secunć dedô. Terzo é rové Stefan Irsara, destachè de n valgügn menüć. Por che la jënt ess la poscibilité

de jì a mëssa, àn impormò metü man dales önesc danmisdé cun la gara da jì jöpert. En chësc ann él gnü lascè fora la gara dles liöses, do ch’al nen n’ê stè de chi che s’â fat mè l’ann passè, porchël gnôl ma calcolè la gara cun les pels y chëra da jì cui schì jöpert por la combinada dl Trofeo La Crusc. I plü asvelć danter les portes é stà i jogn Aaron y Lukas Dariz, adöm cun i davagnadus dles ultimes ediziuns, Christian y Stefan Thaler, che à

Les mius ëres dla categoria “agn 1968-1976”.

36

www.lauscdiladins.com

davagné la categoria di maéstri de schi. Pro i ëi à inće Carlo Adang, Sepl Mangutsch, Oscar Burchia y Otto Irsara fat n bun tëmp. Pro les mitans é Francesca Dariz y Karin Alfarei y pro les ëres Annemarie Irsara y Angelica Nagler stades les plü asveltes. Do la gara à la scora de schi ćiamò organisé na bela griliada söla terassa dla ütia Lée, denant che tignì la premiaziun jö dala Ütia Tamà. Les copes che ti é gnüdes

Inće les plü piceres se proa por bate la concorënza.

surandades ai mius de vigni categoria é gnüdes sponsorisades dala Cassa Raiffeisen dla Val Badia y dala scora de schi. A düć i partezipanć, indöt 109, ti él spo ćiamò gnü surandè i pesć dla lotaria, ofris da botëghes, hotì y privać. Na bela iniziativa é inće

stada chëra che i mituns dla scolina, dla elementara y dla mesana n’à nia albü bria de paié ite l’iscriziun. Do la premiaziun é la festa jüda inant ćina da sëra tla ütia Tamà cun le „Dj Steve“. Indöt é la manifestaziun gartada dër bun! ( Werner Pescosta)

La Gara dl Paîsc é dagnora na festa por pici y gragn.


Informazions y Manifestazions

nr. 16 / 02 de mei 2009

Religion y Meditazion Cor di Jëuni de Urtijëi L Cor di Jëuni de Urtijëi cianta na funzion de mei n vënderdi, ai 8.5. dala 8 da sëira te dlieja de Urtijëi. Duc ie nviei de cuer. San Paul Apostul

Le Consëi de Cöra d’La Pli de Mareo mët da jì en lönesc ai 4 de mà dales 20.00, n referat cun don Paolo Renner, dal titul “San Paul Apostul, figöra por nüsc tëmps”. Le referat vëgn tignì te Ćiasa dles Uniuns.

Chino Programazion al chino de Cianacei

Al chino de Cianacei en sabeda ai 2 de mé da les 17.30 e da les 21.15 dai creatores de “Madagascar” e ”Kung Fu Panda” se pel veder “Mostri contro Alieni”. En vender ai 8 e en sabeda ai 9 de mé da les 21.15 l’é enveze en program “X-Men le origini. Wolverine” de Gavin Hood con H. Jackman, L. Schreiber e R. Reynolds. Programazion al chino de Pardac

Le Consëi de Cöra da San Ćiascian inviëia al referat cun siur Tone Fiung, che arà sciöche tema “Se stè saurì te familia”. Le referat vëgn tignì en mertesc ai 5 de mà dales 20.00, te calonia a San Ćiascian.

Al chino de Pardac en sabeda ai 2 e en domenia ai 3 de mé da les 21.15 vegn portà dant l film fantascientifich de azion “X-Men le origini. Wolverine”. En vender ai 8, en sabeda ai 9 e en domenia ai 10 de mé, semper da les 21.15, se podarà veder “Fast and furious. Solo parti originali” con Vin Diesel, Paul Walker e M. Rodriguez.

Tera Santa - patria de Gejù

Programazion al chino de Tieser

Le Grup Caritas Calfosch mët da jì en mercui ai 6 de mà dales 15.00 n referat cun Albina Sottara, dal titul “La Tera Santa - la patria de Gejù." Le referat vëgn tignì te Ćiasa dles Uniuns a Calfosch.

Al chino de Tieser insnet, sàbeda ai 2 de mé e en domenia ai 3 de mé da les 21.15 vegn moscià l film “Disastro a Hollywood” na comedia de Barry Levinson con Robert De Niro, Bruce Willis e Sean Penn. En jebia ai 7 de mé da les 21.15 se pel veder “Che – L’Argentino” de Steven Soderbergh con Benicio Del Toro e Demiàn Bichir. En vender ai 8, sàbeda ai 9 e domenia ai 10, da la medema ora, vegn metù dant l film “X-Men le origini. Wolverine” con Hugh Jackman.

Se stè saurì te familiia

Crëie - àl n sëns?

Le Consëi de Cöra y la Uniun di Jogn de Badia inviëia a n referat cun don Paolo Renner, dal titul “Àl ćiamò n sëns da crëie incö?”. Le referat vëgn tignì en jöbia ai 7 de mà dales 20.00, tla Ćiasa J.B. Runcher a Badia. Él döt vëi ći che la Bibia cunta?

Chësc é le tema de n referat che vëgn invié ia ai 7 de mà dales 20.00, te salf de calonia a Corvara. Referënt é le prof. Ulrich Fistill. Organisaziun. Consëi de Cöra da Corvara. Le Spirit Sant

Le Consëi de Cöra da La Ila inviëia bel a n referat cun Michaela De Beyer, che porta le titul “Begeistert durch den Heiligen Geist”. Le referat vëgn tignì en sabeda ai 9 de mà dales 15.00, te scora mesana a La Ila.

♦ La Ćiasa dl Parch deura indô Por chësc isté él gnü ponsè a deplü manifestaziuns particolares. Danter chëstes na serada sön les descurides de pedies sön Piz da Peres, mo inće na mostra sön i retils de Südtirol Le mertesc ai 5 de mà, deura la Ćiasa dl Parch Natural a Al Plan de Mareo indô sües portes al publich. Por la bela sajun à le team dl zënter de vijitadus indô arjigné n program rich de ativitês, cun mostres, referać, domisdà por mituns y tröp d’ater. I alzun fora ma n valgügn apuntamënć: ai 20 de mà da sëra gnaràl adalerch i geologs Evelyn Kustatscher dl Museum de Sciënzes Naturales de Balsan y Marco Avanzini dl Museum de Sciënzes Naturales de Trënt a cuntè dles descurides paleontologiches fates tl Parch Natural Fanes-Senes-Braies, danter l’ater inće tl raiun de Piz da Peres. Tla Ćiasa dl Parch saràl inće da odëi reperć sön chi che an afustiëia plantes y pedies de tiers preistorics. La mostra de fotografies “Ciüfs y fonguns dles Dolomites” de Angelo Moras sarà da odëi do mez mà cina la fin de messè; ai 20 de messè cuntarà spo l’espert Claudio Rossi di “fonguns dles Alpes”, tl salf dles manifestaziuns a Al Plan. Da agost ćina ala fin de otober saràl tla Ćiasa dl Parch “I retils de Südtirol”, te na mostra cun bisches y arbejëies vies. Le program é orientè sides ala jënt dl post che ai turisć y por l’organisaziun él gnü colaborè cun deplü partners dla Val Badia y da foradecà. La Ćiasa dl Parch Natural é daverta dai 5 de mà al 31 d’otober, dal mertesc ala sabeda dales 9.30 ales 12.30 y domisdé dales 16.00 ales 19.00. De messè y agost é le zënter dl parch inće davert la domënia cun i medemi orars. L’entrada é debann. Por informaziuns plö menüdes pon chërdè sö diretamënter tla Ćiasa dl Parch Natural Fanes-Senes-Braies a Al Plan de Mareo, tel. 0474/506120, o menè na e-mail a info.fsp@ provinz.bz.it Ai 5 de mà deura inće les Ćiases dl Parch Natural de Toblach y Sand de Türesc cun i medemi orars. Ailò ćiafa le vijitadù d’atres tematiches inćër la natöra y la cultura. Al se paia da jì a ti ćiarè.

Musiga Cunzert da d’ansciuda per l di dl’oma La Mujiga de S. Cristina y l Cor Sasslong nvieia n sada ai 9 de mei dala 21.00 te sala de chemun de S. Cristina al cunzert da d’ansciuda che vën dedicà a duta la umans. Se ncunferton sun vosc unì. Conzert a La Val La Musiga da La Val organisëia en sabeda ai 9 de mà so tradizional conzert d’aisciöda, che gnarà tignì dales 20.30, te salf dles manifestaziuns “Domëne Moling” a La Val. Por l’ocajiun él gnü imparè ite n bel program. L’entrada al conzert é debann. Chi che ô sostegnì la uniun podarà contribuì cun na spënora de buna man. Conzert d’aisciöda dla Musiga da Rina en ocajiun dla Festa dla Uma La Musiga da Rina inviëia bel a so conzert d’aisciöda en ocajiun dla Festa dla Uma, plü avisa en domënia ai 10 de mà dales 20.00, te salf dles manifestaziuns a Rina. Sot ala bachëta dl dirighënt nü Reinhard Ferdigg y de so vize Alberto Promberger à la Musiga da Rina imparè ite n program rich. Tla pröma pert saràl da aldì melodies plü tradizionales sciöche “Vienna Festival Musik” de Otto Schwarz, “Fuchsgrabenpolka”, “The Rose” y “Unter dem Grillenbanner” de Hans Kliment. Tla secunda pert jaràn inant cun composiziuns plü modernes sciöche “Proud Mary”, la overtüra “Ross Roy”, “Swinging the Blues and Dixie”. Le conzert gnarà stlüt jö cun le tòch “Gruß an Böhmen” de Franz Bummerl. Danter la pröma y la secunda pert saràl ince da aldì n valgönes melodies sonades dai jogn che va a scora de musiga.

Programazion al chino de Ciavaleis Al chino de Ciavaleis anché e doman sabeda 2 e domenia 3 de mé, da les 21.15, vegn metù dant l film “Fast and furious. Solo parti originali” con Vin Diesel, Paul Walker e M. Rodriguez.

Avisc Incuntada por porsones che socodësc y/o vîr cun familars amarà y/o vedli:

Passëise tröp tëmp cun üsc familiars amarà y/o vedli? Ves fajëise tröc pinsiers sön co fà da socodì chëstes porsones? Ëise le bojëgn da baié de osta situaziun personala cun porsones che vir le medemo y ves capësc? Gnide en mertesc ai 5 de mà ala proscima incuntada dl grup de autoaiüt por porsones che socodësc familiars amarà y/o vedli a ćiasa. L’incuntada mët man dales 15.00 a Picolin, tla sënta dl raiun sozio-sanitar. Tratan l’incuntada gnaràl baié dles esperiënzes fates tla cura di familiars. Düć po gnì pormez te vigni momënt. Informaziuns plü menüdes ciafon ia por le dé al numer 0474/524507. Incuntada generala de Ladins Dolomites

Le movimënt politich Ladins Dolomites inviëia bel ala incuntada generala, che vëgn metüda da jì en vëndres ai 8 de mà dales 18.00, tl salf Tita Alton a Calfosch. Te chësta ocajiun gnaràl danter l’ater lité le diretif y le presidënt nü. Azion rumé su i ruves

Nce chëst ann vëniel rumà su ntëur i ruves via. L Chemun de Urtijëi nvieia duc i zitadins a chëi che ti sta a cuer de tenì nët l ambient y la natura a unì a judé a rumé su. N se anconta n sada ai 9 de mei dala 9.00 daduman dan la cësa de chemun a Urtijëi. Rengrazion bele danora per Vosc aiut. L corp y la sanità La bibliotech “Oswald von Wolkenstein” de Sëlva mët ora dai 5 de mei inant na mëisa de libri sun l argumënt dl corp y la sanità. Duc ie nviei a passé te biblioteca a dé na udleda a chisc libri. For dai 5 de mei inant uniràl nce metù ora libri per nglëisc, franzëus y spanuel. Zentrela di cunsumadëures L KVW de S. Cristina nvieia duc ala ëures de nfurmazion cun la Zentrela di cunsumadëures, n mierculdi ai 6 de mei tla pitla sala de chemun de S. Cristina dala 15.00 ala 17.00. Argumënc prinzipei: telecomunicazions, assegurazions nce per i auti, abité y frabiché, test di udleies da surëdl, museré la radiazions dl zeluler, cumpré tres internet y n.i. Nuzëve duc de chësta ucajion. Local di jëuni Saut, vënderdi y sada sëira for daviert Daviert, daviert, daviert… ues’a … liejer na zaita? cialé n film – nce un tëut pea da cësa? fé play-station? cialé ite te internet? scuté su mujiga y t’la ciaculé cun cumpanies?... Fé n saut tl Saut, tlo iel zeche de nteressant per uniun! Crì o pité n lëur per d’instà ”Sommerjobbörse”

On inò giaurì la borsa per lauré d’instà ”Sommerjobbörse“ ulache duc i studënc possa se crì n lëur y duc chëi che à n lëur da pité possa l taché su sun la tofla tl local di jëuni Saut a Urtijëi. Vië a nes crì nce tu, povester iel zeche da garat nce per té! Scenó posses l dé ite nstës te nosta plata internet www.njg.it Elezion nuof diretif Sci Club Arabba.

( Associazion ) A gauja de le dimisción del prescident e de nvalgugn consiadous, l diretif del Sci Club Arabba l mossa ester renové. Per chëst ven clamé ite na sentada per nsabeda 2 de mèi, da le 5 e mesa davòmesdì, ntel sèlf del Taulac a La Plié, ulàche vignarà ilustrada l’ativité e toute su le adejión e candidature per l nuof diretif. L invit l é souradut per i genitori dei atlec n ativité o che à ntenzion de jì a fè pèrt del Sci Club. Chi che no podëssa ester a la riunion, ma i é ntenzionèi a se candidé per l’enciaria de consiadou, i po’ clamé su l numer 333 3746764 ( Roberto De Lazzer ) o l 335 6419763 ( Flavio Crepaz ).

www.lauscdiladins.com

37


Informazions y Manifestazions Cursc Curs da fà dessert

Le Consëi de Formaziun da La Val organisëia n curs da fà dessert cun Manuel Rungger, plü avisa ai 4, 5 y 6 de mà, dales 19.30, te scora a La Val. An po s’anunzié pro Annamaria Vallazza al nr. 0471/843149.

nr. 16 / 02 de mei 2009

♦ Proieziun de retrać Günther Pizzinini y Roswitha Crazzolara mostra sü plü bi motifs Le Fotoclub Val Badia inviëia ala proieziun de fotografies de Günther Pizzinini y Roswitha Crazzolara en jöbia ai 7 de mà 2009, dales 20.30, tl Salf di Stodafüć a San Martin de Tor - y nia sciöche al é gnü scrit te plü ocajiuns tl Salf Istitut Ladin.

Bai moderns por mituns y mitans

La Schira Jonila Val Badia mët da jì n curs de bai moderns por mituns y mitans direziun hip hop y funky, cun Simon Dapoz. Le curs mët man en lönesc ai 4 de mà dales 15.00, te palestra dla scora mesana a La Ila. Curs de computer por prinzipianć

Le Consëi de Formaziun dl Comun de Badia mët da jì n curs de computer por prinzipianć, cun Reinhold Pescoller de Badia. Le curs dla dorada de 18 ores, é limité a 8 porsones y vëgn fat tratan le mëis de mà, cun mëteman en lönesc ai 4 de mà dales 16.00, a Badia - PC informatics. Por informaziuns y prenotaziuns pon cherdè sö le nr. 0471/839933. La sigurtè te internet

Le Consëi de Formaziun dl Comun da Corvara inviëia da tó pert a n curs de computer che arà sciöche punt zentral i prighi te internet. Le curs vëgn tignì da Alessandro Viberti y mët man en lönesc ai 4 de mà dales 16.00, te Ćiasa dles Uniuns a Calfosch. Al döra indöt 3 dis. Por informaziuns y prenotaziuns pon cherdè sö le referënt al nr. 345/3597195. Curs de bal - fox y disco fox

La Uniun dles Ëres da Calfosch mët da jì n curs de bal - fox y disco fox - por prinzipianć y progredis. Le curs vëgn tignì dai 9 de mà ai 13 de jügn, vigni sabeda. I prinzipianć s’incunta dales 20.00 y i progredis dales 21.00. Le cost é de 11,00€ al’ora. Al vëgn ma fat sce al é n minim de 10 copies. Referënt sarà n maester de bal diplomè. Por informaziuns y prenotaziuns pon cherdè sö Regina Kostner al nr. 0471/836342. Curs de fé pizza

N lunesc ai 4 de mei mët l club Parapënd Gherdëina a jì n curs da fé pizza tla Sportbar a Laion. Per fé pea pra chësc curs iel de bujën de se lascé nuté su, cherdan su tl ufize dla Nëus Jëuni Gherdëina al 0471 799006. Urnamënc cun ciofs de sajon L KVW de S. Cristina nvieia a na sëira per mparé a fé urnamënc cun ciofs de sajon (Frischblumendekor) per la festa dl’oma. Se ancunton n merdi ai 5 de mei dala 20.00 tl atelier “La Flëura” a Urtijëi cun la referënta Bernadette Santifaller. Per se lascé nuté su pòssen cherdé su Daniela Perathoner al numer 333 3990635. L possa fé pea al plu ot persones. Pastelné per l di dl’oma N mierculdi ai 6.5. uniràl tenì tla sala di jëuni Saut a Urtijëi n curs de pastelné per l di dl’oma. L curs scumëncia dala 14.30 y ie per mutons dla scola elementera. Per plu nfurmazions prëibel cherdé su tl ufize dla Nëus Jëuni Gherdëina, al numer 0471 799006. Fotografé, ma sciche l toca!

N curs per duc cun Vito Miribung. N vën. 8 de mei dala 20.00-21.30; sada 9 de mei dala 14.00-17.00 y vën. 15 de mei dala 20.00-22.00, a Urtijëi tla Scola mesana. Mparon a capì cie che fej ora na bela fotografia (cumposizion, cualità tecnica, esprescion) y a schivé fai. L curs costa 52,00 €. Infos y iscrizions pra l Servisc furmazion Gherdëina, tel. 0471 773225, e-mail: furmazion.gh@micura.it

♦ L culëur dl savëi N vënerdi ai 8 de mei dala 18.00 iel la giaurida dla mostra de Egon Rusina dal titul “Ich weiss nichts” tla sënta dla Lia Mostra d’Ert/Circolo a Urtijëi Per l’ucajion saràl la paroles de ntroduzion de Jessica Insam, y pona n referat de Rusina. La tematica de chësc referat ie chël dla mostra nstëssa, di cincanta chedri metui ora, che l à fat ultimamënter. Rusina dij che n ciaval blanch ne n’ie degun ciaval. Da chësta reflescion, che va ite tla scienza di culëures, vàl pona ite te argumënc filosofics y nce dla scienza cosmologica. Ala fin va Rusina ite tl’argumentazions d’ert. Culëures, scienza, filosofia y ert ie nscila la cater tematiches dla mostra y coche dit nce dl referat. Per l’ucajion saràl n bel buffet, l sarà da maië y da bever. Ma chëst iede nia do l referat, l sarà bele mesun se maië n bucon y se bever n got ntan l referat. Praticamënter iel na sort de performance, cabaret y instalazion. L buffet vën njenià ca a puntin dala partezipantes dl curs de pitura dla Scola d’Ert che Rusina à metù a jì ntan dut l ann de scola 2009/2010. La mostra ie davierta nchin ai 17 de mei, uni di dala 10 ala 12 y dala 16 ala 19. Duc vo sëis nviei de cuer ala giaurida y Egon Rusina. a ti cialé ala mostra.

Curs de ziplé tieres

La Scola profesciunela mët a jì n curs per mparé a ziplé tieres. L curs vën tenì da Philip Piccolruaz dai 11 ai 15 de mei, uni di dala 8.00 ala 18.00 per de ndut 40 ëura. L costa 140 € + spëises per l material. Per nfurmazions plu avisa cherdé su l 0471 796733. Crì ega cun la rueta

La Lia Sanynton nvieia a na ancunteda cun Natalino Alfreider dla Val Badia n merdi ai 12 de mei dala 14.00 tla sënta dla Lia Sanynton tla streda La Sëlva 101. L vën mustrà coche n chier ega cun la rueta. Curs cun Stefan Braito “Berglöwenschule”

Curs de ntroduzion tl nseniamёnt a cuntat cun la natura. Co cёla pa ora la istruzion tenian cont de “cuntentёza dl cuer, cuntat cun la natura, ardimёnt y curaje”? La Lia Sanynton nvieia n mierculdi ai 13 de mei al curs cun Stefan Braito dal titul “Einführender Kurs in den Natur-Unterricht bei Kindern”. Se ancunton tla sënta dla Lia Sanynton tla streda La Sëlva 101 dala 16.00. L sarà da paië ite n pitl cuntribut de 10,00 € per persona/12,00 € per familia. Curs de modelé act do n model vif

La scola profesciunela mët a jì n curs cun Philip Piccolruaz per mparé a modelé act do n model vif. L curs sarà ai 16, ai 23 y ai 30 de mei, for dala 8.00 ala 12.00 y dala 14.00 ala 18.00 per de ndut 24 ëura. L curs costa 92.00 € + spëises per l material. Iscrizions nchin al plu tert doi enes dan l scumenciamënt dl curs, cherdan su l numer de telefonn 0471 796733.

info@lauscdiladins.com 38

www.lauscdiladins.com

♦ Reunion Generela dl Schi Club Gherdëina L Schi Club Gherdëina Cassa Raiffeisen de Sëlva fej a l savëi a duc si cumëmbri y simpatisanc, che n sada ai 9 de mei dala 16.30 te segonda cunvocazion, vëniel tenì tla Cësa de Cultura te Sëlva si reunion generala Sun l ordn dl di iel chisc ponc: - Giaurida y saluc dl presidënt dl schi club - Costituzion di organns dla senteda - De pro l protocol dla reunion generala dl 9.5.2008 - Relazion dl presidënt - Relazions di sëurastanc de uni sezion y dla coordinadëura dla Sezion Sportiva dl ITC Raetia - Relazion de cassa y di revisëures di conc - De pro l rëndicont de cassa dl ann soziel 2008/09 y desmpenië l cunsëi da si ncëria - Minonghes, dumandes y prejentazion di candidac nueves - Vela de 13 cunselieres y 2 revisëures di conc - Uneranzes - Prejentazion dl cunsëi nuef y fé ora la diretives genereles dl’atività - D’uni sort Dan finé via la generela vëniel mo premià 25 atlec dl SC Gherdëina che à venciù tl’ultima sajon n titul talian, na bedaia a livel europeich, fat pea pra i Campiunac dl Mond o arjont n post sot ai prims 10 te garejedes a livel mundiel. Per finé via saràl velch da pestlé y da bever. Duc ie nviei de cuer.


nr. 16 / 02 de mei 2009

Manifestazions desvalies N film por mituns al Cineforum Val Badia.

En vëndres ai 8 de mà mostra le Cineforum Val Badia dales 16.00 le dessëgn animé “Tiffany e i tre briganti” de Hayo Freitag, tla Ćiasa de Cultura a La Ila. Le film döra 80 menüć y é adatè por mituns dai 5 agn insö. Al cunta dla picera Tiffany che vëgn piada da trëi lotri, che devënta - do de plü dejaventöres - sü amisc. I 30 agn dla Uniun Sport Alta Badia

L’Uniun Sport Alta Badia festejëia le iubileum de 30 agn, plü avisa cun na festa che sarà en sabeda ai 9 de mà dales 19.00, tla Ćiasa de Cultura a La Ila. Tratan la serada ćiararàn zeruch ai 30 de storia dla uniun, tres na proieziun multimediala. Ara jarà inant cun i salüć dles autoritês, les onoranzes y la premiaziun dl quiz sön l’ativité dl’US Alta Badia. Tl salf dl’entrada saràl inće da odëi na esposiziun de fotografies, che podarà inće gnì vijitada dai 11 ai 15 de mà, plü avisa le lönesc, la jöbia y le vëndres dales 15.00 ales 18.00 y le mertesc y le mercui dales 9.00 ales 12.00. Pelegrinaje al santuar de Monteberico

Le KVW da La Ila, Badia y San Ćiascian inviëia düć da tó pert al pelegrinaje al santuar de Monteberico, dlungia Vicenza. Le pelegrinaje vëgn metü da jì en mertesc ai 19 de mà. Le prisc (iade y marëna) é de 42,00€ por i scrić ite al KVW y 45,00€ por i atri. Le bus pëia ia da Pedraces dales 6.00, da La Ila dales 6.10 y da San Ćiascian dales 6.20. Les prenotaziuns vëgn tutes sö da Alma Valentini, La Ila, al nr. 0471/847225 o da Iaco Clement, Badia, al nr. 0471/839772. Viac tla Croazia

Dai 6 ai 10 de mei mët l KVW de Sëlva a jì n bel viac da d’ansciuda tla Croazia ulache n jirà a ti cialé ala ijules de Krk, Rab y Cres. Per nfurmazions plu avisa y per se lascé nuté su cherdé su l numer 0471 795344. Dis de porta davierta tl Zënter Culturel de Sëlva

Ai 7,8 y 9 de mei. L Zënter Culturel tol ite la sënta nueva dl Istitut Ladin “Micurà de Rü” cun l ufize furmazion y la biblioteca Oswald von Wolkenstein. L unirà prejentà l’atività, si fins, la nuviteies, i libri, i mesuns multimediei, la storia y si scumenciadives cultureles. L Chemun de Sëlva, l Istitut Ladin “Micurà de Rü”, la biblioteca “Oswald von Wolkenstein” nvieia ala giaurida ufiziela, n sada ai 9 de mei dala 4.00 domesdì. L sarà de plu autoriteies che purterà si salut y l unirà benedì la sënta nueva da pert dl pluan de Sëlva Sn. Piere Clara. Dadedò saràl per duc zeche da pesslé y da bever. Filmclub tl ”Saut” Coche uni doi enes saràl n juebia, ai 7 de mei inò l “Filmclub“ n ucajion dl’Enes di Jëuni. Dala 20.30 tla sala di jëuni Saut a Urtijëi. La ntreda ie coche for debant y se ncunferton sun vosc unì. Stredes y muvimënt

L’aministrazion dl Chemun de Urtijëi se anconta cun i zitadins n vënderdi ai 8 de mei dala 20.30 tla gran sala dla Cësa de cultura per rujené dl’atività de chemun y de cuestions dl luech che sta a cuer. L argumënt zentrel dla sëira sarà la stredes y l muvimënt di auti a Urtijëi. Sëira de bona ueia per l di dl’oma

Coche l ie bele tradizion mët la ”Jungschar” de Urtijëi inò a jì la sëira de bona ueia per l di dl’oma, n sada ai 9 de mei dala 20.00 tla cësa de cultura “Luis Trenker” a Urtijëi. Duta la umans y laves, ma sambën nce duc i autri ie nviei de cuer a unì a cialé pro. La ”Jungschar” de Urtijëi se ncunforta sun vosc unì. Gusté tla Butëiga dl Mond Gherdëina

Per l “Di dl’oma” y l “Di nternaziunel dl Marcià Rëidl”, n sada ai 9 de mei. L Marcià Rëidl ne trata nia l problem dla puvertà, ma de na soluzion ala povertà y de abiné manieres de adurvé la materies primes che respeteie la persona y l ambient. L ne uel nia vester na prutesta, ma na mudazion. Ai 9 de mei uniràl a s’l dé plu manifestazions per fé cunëscer l Marcià Rëidl tla 12 Butëighes dl Mond dla provinzia. La Butëiga dl Mond de Gherdëina a Urtijëi nvieia duc a n Gusté n cumpania! N giaperà café, té y de bona gulusaries da ciarcë! Duta la umans giaperà na pitla sorpresa! Ve aspiton duc n sada danmesdì dala 9 ala 12 tla streda Sneton! Liber nuef de Stefan Braito

La Biblioteca Oswald von Wolkenstein deberieda cun la Lia Sanynton nvieia ala prejentazion dl liber nuef “Die Befreiung der Herzenskraft” de Stefan Braito, l fundadëur dla “Berglöwenschule”. Do la giaurida ufiziela dla biblioteca nueva, prejenterà Stefan Braito si liber nuef che n puderà cumpré y lascé sotscrì. La prejentazion unirà fata te biblioteca n sada, ai 9 de mei dala 20.00.

Iniziatives sportives Jita sun l Monte Baldo

La Lia da Mont de Gherdëina mët a jì n mierculdi ai 6 de mei na jita sun l Monte Baldo. Fajeron la ferata Gerardo Sega. Per nfurmazions plu avisa possen cherdé su Tullio Mussner al numer de telefonn 335 6583216. Se nuté su pòssen sciche for a Urtijëi da Ciofs Inge, a S. Cristina da Sport Service y te Sëlva da Sport Bruno Riffeser. Garejeda de “boulder”

La Grupa Alpinisc’ Gherdëina mët a jì na garejeda de “boulder” per duc tla palestra de arpizeda sportiva a Runcadic. Duc ie nviei a fé pea, n sada ai 9 de mei domesdì. Per plu nfurmazions pudëis cherdé su l 328 8046835.

Informazions y Manifestazions Dotors y Apoteches Dotor L dutor de servisc dala 8.00 da duman de n sada 2 de mei nchin la 8.00 da duman de n lunesc 4 de mei ie l dut. Simon Kostner de Sëlva, tel. 0471/794002. Le dotur en sorvisc tla Val Badia, tla findledema lungia dal 1. ai 3 de mà, é le dotur Guido Caretta, Corvara/Calfosch, tel. 0471/836870 o 337/616080. Apoteches L’apoteca de servisc che à daviert ora dl orar ordiner da n vënerdi (dala 19.00) ai 1. de mei nchin n vënderdi ai 8 de mei ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc fora dl orar ordinar, dal vëndres al 1. de mà al vëndres ai 8 de mà, é chëra da San Martin/Picolin, tel. 0474/523020, orars: 8.00 - 12.00 y 15.00 - 19.00.

Referac Training dla mënt

En mercui ai 6 de mà dales 20.00, vëgnel metü da jì a Calfosch, te Ćiasa dles Uniuns, na serada de informaziun sön le training dla mënt. Referënt é Richard Kammerer. Organisaziun: Consëi de Formaziun. Portfolio de fotografies Le Fotoclub Val Badia organisëia en jöbia ai 7 de mà dales 20.30, na proieziun digitala de fotografies, cun i referënć Günther & Roswitha Pizzinini. La serada vëgn tignida a San Martin, tl salf di Stödafüch. Esperiënzes danter vita y mort

Le Consëi de Formaziun da La Pli de Mareo inviëia a n referat cun le dotur Marco Pizzinini, che à sciöche tematica les “esperiënzes danter la vita y la mort”. Le referat vëgn tignì en vëndres ai 8 de mà dales 20.00, te Ćiasa dles Uniuns a La Pli. Matrimone o convivënza?

Les Ëres dl Consëi de Comun de Badia mët da jì en vëndres ai 8 de mà dales 20.00, n referat cun l’avocata Julia Unterberger, che à sciöche tema “Matrimone o convivënza? Aspeć iuridics y conseguënzes”. Le referat vëgn tignì te biblioteca a Badia. Al gnarà baié de vantaji y svantaji dl matrimone y dla convivënza, spo de comuniun y despartiziun di bëgn, de separaziun, de divorz. Le referat vëgn organisé en colaboraziun cun la Comisciun Provinziala por la valianza di dërć. Deplü generaziuns sön le lüch da paur: problems y ocajiuns

Chësc é le titul dl referat organisé dala Jonëza da Paur de Badia. Al gnarà invié ia ai 11 de mà dales 20.00, tla Ćiasa J.B. Runcher a Badia. Referënta: Luise Vieheider dl Ritten. Mparé a nsenië la natura La Lia Sanynton mët a jì deberieda cun la biblioteca Oswald von Wolkenstein na sëira cun Stefan Braito, fundadëur dla “Berglöwenschule”, dal titul “Natur-Unterricht Schulung” per chëi che acumpanieia y se dà ju cun mëndri: genitores, nsenianc de scola, maestres de scolina y sambën nce d’autri nteressei. Se ancunton n lunesc ai 11 de mei dala 20.00 tla biblioteca Oswald von Wolkenstein. Osteoporose

L vën metù a jì ai 7 de mei dala 20.30 tla gran sala de chemun a S. Cristina na mëisa turonda cun esperc sun l’ “Osteoporose”. L rujenerà l dutor dl’ëiles dr. Klaus Senoner, l dutor di osc dr. Valentin Tröbinger y la “personaltrainer” Eva Maria Stuflesser. La Mëisa Turonda dl’ëiles se ncunforta sun vosc unì.

♦ Dé ecologich tl comun de Badia I orun tignì nët nosc ambiënt y romenè sö nüsc paîsc. Ai 9 de mà 2009 gnaràl indô organisé le dé ecologich tl comun de Badia Ćiarè da tignì nüsc paîsc nëć y zënza refodam sön i trus da jì a pé y fora por i prà, n’é nia ma de gran importanza por i tröc sciori che vëgn te nostes beles valades, mo inće por la jënt da chilò, che po se gode deplü la belëza de nosta natöra. Ai 9 de mà 2009 éra indô tan inant. Inće chësc ann organisëia l’Assoziaziun Turistica de Badia, adöm al Consëi de Formaziun, al Comun de Badia, ai Stödafüch, al CAI y a dötes les uniuns di paîsc de Badia, La Ila y San Ćiascian, l’aziun da romenè sö i paîsc. Te vigni paîsc se incunta düć chi che à vöia da fà para dales 8.30 da doman. A Badia dan la Ćiasa Jan Batista Runcher, a San Ćiascian dan la Ćiasa Jan Batista Rinna y a La Ila tla zona dl ćiamp dl sport. A Badia y San Ćiascian vëgn l’aziun coordinada dai stödafüch y a La Ila da Giovanin Valentini. Da tó para él ma na condla, n pêr de manëces y n gröm de buna La jënt dl comun de Badia é inviada vëia da fà val’ por nosta natöra. Düć é dër bel invià da daidé romenè sö i paîsc. Na da gnì a daidé. Al é dessigü na buna ocajiun nia ma scincunda por l’ambiënt. por romenè sö i paîsc, mo inće por passè n dé en compagnia y se devertì. Ala fin dl dé arà düć na gran sodesfaziun, canche an podarà odëi le gran laûr gnü fat da pert de düć i volontars. Tl ćiamp dl sport a La Ila vëgnel organisé dales 12.30 na griliada por düć chi che à tut pert al’aziun da romenè sö i paîsc. Le cost vëgn sostegnì dal’Assoziaziun Turistica de Badia y dal Consëi de Formaziun. En cajo de bur’ tëmp gnarà l’aziun sburlada ala sabeda do: ai 16.05.2009. Cun chësta aziun ornuse dè n sëgn che la natöra nes sta a cör. N paîsc bel nët ti fej plajëi a düć! www.lauscdiladins.com

39


Informazions y Congratulazions

nr. 16 / 02 de mei 2009

Teater Fajede plan śëgn! La Uniun dl Teater da La Val se presentëia chësta aisciöda cun le teater da rì te trëi perts de Michael Frayn dal titul “Fajede plan śëgn” (titul original “Noises off ”), tòch portè tl ladin da Matteo Rubatscher, sot la rejia de Erika Castlunger y Bernardetta Nagler. Le teater gnarà portè dant en vëndres ai 8 de mà dales 20.30, tl salf Domëne Moling a La Val. I atri terminns é: mercui ai 13.05 dales 20.30, vëndres ai 15 y sabeda ai 16 de mà dales 20.30 y domënia ai 17 de mà dales 18.00. En cört n ressüme: n grup de teater fej la proa generala dl toch “N bel taì de sardines” y al pê che döt vais sotissura: ara sceca cun l’adamënz, i recuisić n’é nia te so post, an se desmëntia da gnì sön palch, i üsc ne se lascia nia daurì, i nerfs é a tera. La confujiun vëgn ćiamò maiù tratan la rapresentaziun, canche la vita privata di jobleri y dles jobleres, les relaziuns, l’amur y les gelosies, ći che sozed ia do les culisses mët man da se intrecè ite tla storia dl teater. Ala fin se moscëda la storia sön paladina cun les stories turbolëntes ia do paladina, na farsa particolarmënter assurda, teater tl teater. Les prenotaziuns vëgn tutes sö al nr. 349/6195602.

Congratulaziuns a

Adalbert! Ai 3 de mà l’tati vëgnera da festejé, y l’dé dô sambëgn arunse düć n gran mè de će. De chisc 50 agn aste bel dî scraié, y en doman da bëre messaraste paié. Tüa chitara gnaràla da tó ca, y na ligrëza a düć ti fà. A ćiasa ne saràl bëgn no da se trà, deache da bagné ite tucaràla bel assà. Düt l’bun te augüra tü mituns Stefan y Sabine cun Teresa.

Mostres Mostra Trofei de ciacia 2009

Dai 30 de oril al 3 de mé i giagres da Poza endreza la Mostra Trofei 2009 de Fiem Fascia e Cembra. Aló dal tendon de la manifestazions te chisc dis da les 9 da doman enscin les 8 de domenia sera se pel veder la esposizion di trofei e vegn endrezà ence n cianton didatich olache i bec vegn envié a cognoscer la besties del bosch. Se pel magnèr, beiver e scutèr musega e l’é a la leta jeghes desche l stont per tirèr a zil col schiop e l tiro de la bores. Da les 4 domesdì enscin les 2 de net l’é ence a la leta l bus-navetta debant da Moena a Penìa. Anché l program perveit la relazion di tecnics ACT da les set da sera e dò musega col grop di Alpenboys. Doman da les 10 vegn dit messa grana, da la una l’é la marena e da les trei domesdì la loterìa. Ega de Finezza

Hans Rabanser Finezza mët ora pitures a acuarel sun la tematica dl’ega, di ruves y dl mer. L artista de Urtijëi à fat duc i chedri da d’ël a cësa, dedora pra si auces y si gialines, ulache l ie chersciù su, iló dlongia l’ega. La mostra tl Art Café sot ala Lauben a Persenon ie da udëi almanco nchin ala fin de mei, uni di dala 8.00 ala 19.00, sada domesdì y dumënia iel dsarà. Wilhelm Senoner tla Hofburg

Tla mostra sot ai revëuc ti ciuleies medievei dla Hofburg a Persenon lascia l artista de Urtijëi udëi si scultures monocromes n pert de lën y n pert jetedes tl bront. Tres l liam strënt danter tradizion y modernità lùnel tres te si lëures na sort de realism magich y tl medemo tëmp de simbolism. L Museum Diozejan Hofburg nvieia ala giaurida dla mostra n vënderdi ai 8 de mei, dala 17.00. La mostra resterà davierta nchin ai 31.10. da merdi nchin dumënia, dala 10.00 - 17.00.

Finalmënter él gnü i 2 d’ mà a nosta picera bionda na gran festa saral da fà.

Chë mitica Sandra

complësc i 18 agn, a chësc gran dé s’la incunfurtâra bel’ da agn. Can ch’ t’aras spo la patënt mësst’ pa “bä” s’ lascè sentè y cul Silvio y la Pia pur l’ Panda sciacarè. Śëgn gnarala pa spo inć’ da jì a lité, mo che Obama é tl’SVP é pa sbalié. Purchël a scora mëssest’ mët plü averda y t’informè y da jì a ćiantè n pü’ plü t’ spazè. Na bela “scignorina” est’ deventada y tres da urëi bun est’ restada. “Bäbä” por chisc 18 agn t’augurun de cör döt l’ bun deache nos dötes cantes t’urun tan bun! Ale, Simi, Natalie, Anna, Elena, Michi y Mary

Matilde y Leopold Ghetta

Al Christian

che ai 29 d’aurì i 18 agn à cumplì, urunse ti dì döt l’ bun y tröpa fortüna inant ti augurun! Pur l’ computer dër na gran pasciun ast’ ciafè, mo la patënt pudarast’ pa inć’ tosc adurè. Ćiamò n iad’ döt l’ bun t’augurun nos “bestiuns” dl ‘91.

de Urtijëi à festejà ai 30 de auril la noza d’or. Ulessan rengrazië de cuer nosc genitores per dut chël che i à fat y fej nchin a śën per nëus mutans

Bibo, Ronni, Loris, Mary, Michi, Pepe, Andrea, Alan

Doris y Manuela cun familia

A

Siro y Marisa

A nosc tati

per i 50 ani maridei dut l bon, sanità y mo truep ani de legrëza Ve mbincia

les mius aodanzes por le complì di agn! Tües piceres Asia y Samia Rindler

la Union di Ladins de Anpezo y la Union Generela di Ladins dla Dolomites

A Florian 50 ani iel śën ca che tal “Tina” n tel pitl mut ova scarpetà, la biesces bele da pitl vejeloves gën y nce al didancuei cujines drët bën. Jì a scola ie restà na ti gran pascion ma nce sport fejes cun gran cunvinzion. Che te restes for sann y nton te mbincions y i miëur auguresc da Soplajes ite te mandons.

40

www.lauscdiladins.com

Düt l’ bun a nosta cara mama, lâ y fomena

Caterina Anvidalfarei Bertoldi che cumplësc i 80 agn ai 4 de mà. I te augurun ligrëza, sanité y tröpa paziënza cun nos düć to om Armando, tü mituns Franco, Marisa y Bruno cun les families


Religion

nr. 16 / 02 de mei 2009

Porsenù à festejé San Ćiascian

Deplü sanć dl füch

En domënia ai 26 d’aurì à Porsenú festejé i patronns dla Sambëgn che nos ponsun atira a San Florian, sce al vëgn baié di “sanć dl füch”, mo la definiziun diozeja San Ćiascian y San Vigile de “Sant dl füch” n’é pa nia tan tlera. Ćiun é pa pordërt so laûr? Déssel stravardè dal füch che desdrüj o vardè le füch ćialdin? Religiun - La festa é dagnora la les musighes da Natz, Milland y secunda domënia do Pasca. Ara é conesciüda lunc y lerch. Inće tröc ladins tol dagnora pert. Por les 9 él rové adalerch les prozesciuns dles cöres vijines, la mëssa é gnüda ćiantada dai cors de dlijia dl decanat Deutschnofen y dal cor di mituns da Deutschnofen, sot la direziun de Hans Simmerle. Ai à ćiantè la mëssa dl Cör de Gejù dl prof. Josef Knapp y d’atres ćianties de dlijia; le gran orgo à sonè Franz Comploj, le pice Manuel Schiabello. Dô mëssa zelebrada dal vësco Karl Golser adöm a cotan de proi, él stè la gran prozesciun fora por cité: danfora jô chi da Vahrn y spo les atres cöres vijines cun sü crisć y

Religiun - La figöra de San Florian, rapresentè cun le pazun dal’ega tla man, vëgn sotlignada cun perié: Stravérdesse dal mèdefüch! Florian, n impiegat roman en ponsiun, é gnü sofié cun na roda da morin incër le col tl rü Enns (Austria) ai 4 de mà dl 304, por gauja che al n’â nia imbanì süa crëta cristiana; chësc Florian aldiss pordërt da gnì venerè sciöche sant dl’ega. Mo al pazun dal’ega te süa man ti él gnü dè n’atra interpretaziun: chëra dl pazun che destöda. A chësta fosa é San Florian gnü patronn di stödafüch, mo inće di scoaćiamins y di fëurs. Tl secul terzo viôl n ël dal inom Laurënz, che gnô bele i pröms agn di cristiagn venerè sciöche patronn dl füch y bunamënter por gauja de süa martorjada crödia sön la grata da füch. Inće ël nes straverda nia ma dal füch, mo é inće le patronn di ostis, di coghi, dles lavadures, di vidrei y dles püres armes tl purgatore. Süa festa é ai 10 d’agost. Interessant pol ester che la materia füch ne vëgn nia ma tuta ite da ëi, mo inće ëres santes vëgn metüdes pro i sanć dl füch: Santa Afra é morta dl 304 martira; an l’â sarada ia por süa crëta cristiana, liada pro n lëgn y ala fin borjada sön la pira. Y spo Santa Agata: süa mort vëgn descrita tan crödia che an se stënta da la descrì. Inće tla vita de Santa Berbura - ara alda pro i 14 sanć aiutanć - vëgnel dant füch. An cunta che so pere orô instës la copè

Pfeffersberg y val’compagnia de scizeri. N gromun de jënt gnüda da foradecà s’à metü en prozesciun. Les relicuies di patronns portâ i berbesc dla joca cöcena; ai fej pert dla fraternité di Sacramënć, gnüda metüda sö dl 1440. Tla prozesciun êl tröc proi, le vësco, autoritês politiches manco. La prozesciun s’é rovada sön plaza dl dom cun la benedisciun dl vësco Karl Golser y la ćiantia di sanć patronns, che i ladins ala prozesciun à podü ćiantè te so lingaz dla uma.Dales trëi domisdé él stè i Öspi da festa tl dom. Lois Trebo

Na rapresentaziun de Santa Afra, che vëgn inće aratada pro i sanć dl füch.

l’ann 306, por süa crëta cristiana, mo al n’â nia pordejü che al ti â atira dè jö le tonn. Bele i pröms tëmps di cristiagn sintîn n bojëgn tan fôrt da imparè da conësce i sanć di cristiagn che dlijies y convënć, citês y ćiases imperiales se porvâ da ciafè le corp di sanć. Y sce ara ne jô nia da ciafè

Stödafüch da La Pli de Mareo porta la statua de San Florian, en gaujiun dla festa che vëgn tignida vigniann a Curt, cun la partezipaziun dles ploanies da La Pli y d’Al Plan. En domënia ai 3 de mà éra indô tan inant.

döt le corp, spo altamo n tòch, n os o n tòch de guant. Al metô man la veneraziun de relicuies. Le corp di stödafüch à incö n gröm d’atri laûrs co ma destodè füć; al vëgn alarmè canche al va jö roes o lovines, sce al é rogossies, desgrazies sön strada, sön le post de laûr. Porchël mëss chi di stödafüch ester istruis da afrontè de vigni sort de desgrazies y ester bogn da portè aiüt inće cun les mascînns aladô. Al é da sperè che les desgrazies nes romagnes sparagnades y che an n’ais nia bria da aldì gonot la sirena. Plüdadî rumpîl gonot fora füch tles viles, deache ares ê ala buna, fates sö de lëgn y dër da tóch; gonot s’impiâ i ćiamins. Cun l’ega por destodé se stôra mal y les mascînns da destodé ê dër primitives. Dandaìa sonân ćiampana martel! L’ega gnô dada inant te condles o carnis de peza da fistì de vila demez, la pumpa dal’ega ê debla, da scassarot y ćina che n ćiaval l’â trata pormez al mèdefüch, â le füch bele bindebò de sfogatun y ciafâ forza cun le vënt che soflâ. La festa por onorè San Florian da pert dl corp di stödafüch dess i racomanè a vignun da mëte averda cun le füch y pro vigni ater laûr; incö vëgnel benedì i auti, mo plü bojëgn à i ciafêrs; la benedisciun dess i fà capì a düć che al ô ester sön strada n comportamënt de cherianza, de padronanza dles mascînns da jì y da laurè. Chëstes é da sores dainré gauja de desgrazies, feter tres é le ciafêr de colpa, al mët massa püch averda y la vêga massa. Al alda da arvëne sinzier, respetan les regoles dla strada y da s’astilé da ćiavalier sön strada. San Florian dà ca so brac, al jüta so pazun a chi che l’adora, mo al ô gnì perié y al ô che düć s’astiles indertöra. (Lois Trebo)

Le dom da Porsenù.

Ai sanć patronns dla diozeja San Ćiascian y San Vigile A San Ćiascian la gloria ti dunse dlun ćiantan, al à cun so martíre arjunt l’alor cristian. Tla fede gran maester, o sìeste nosc patronn, ch’i n’unse mai da ester tles ciafes de chësc monn. A San Vigile, vësco, a per le lalt i duns’, al à portè l’vagnele damprò te nüsc raiuns. O gran bun miscionare,

la vita t’as dè ca: a chi co mëss combate ćiamò dài forza assà ! Adüm ai testimoni dles prümes converjiuns, a sant Ojöp da Oies, na lauda ti ćiantuns’. O fi de nostes teres, tö ti as retü l’onur a chi ch’ s’à dè la fede, tla vigna dal Signur. Siur Iaco Ploner, 2007

www.lauscdiladins.com

41


Religion, Anunzies y Inserac Vangel dla Domenia Cuarta domënia de Pasca- Domënia, ai 3 de má 2009

nr. 16 / 02 de mei 2009

La Polizia a daidé I caji de intervënt é tl calè, incé por merit dla verda y atenziun di polizisć

Dal vangel do San Jan 10, 11–18 Te chël tëmp à Gejù dit: Iö sun le bun famëi. Le bun famëi dà ca süa vita por les bisces. Le fant tut sö a paiamënt indere, che ne n’é nia famëi y de chël che les bisces ne n’é nia, lascia les bisces sores y s’un sciampa canch’al vëiga gnon le lu; le lu les scherza y les sprìgora indalater. Al s’un sciampa, ćiodì ch’al é mâ n fant a paiamënt y ćiodiche les bisces ne ti un vel nia. Iö sun le bun famëi; iö conësci i mi, y i mi conësc mè, sciöche le Pere conësc mè y iö conësci le Pere; y iö dà ca mia vita por les bisces. I à ćiamò d’atres bisces, che n’é nia fora de chësta stala; inće chëres mëssi condüje y ares ascutarà mia usc; spo saral mâ un n pastorëc y un n famëi. Porchël m’ôl bun le Pere, deache iö dà ca mia vita, por la tó indô derevers. Degügn ne me la tol, mo i la dà ca de mia bona. I à la potesté de la dè ca, y i à la potesté de la tó indô. Chësta misciun ài ciafè da mi Pere.

Recort

Bernardetta Agreiter nasciüda Pescoll *29-8-1958 +5-5-2008 N ann él bel’ passè da canche l’ Signur t’à cherdè. Te as lascè n gran öt, düt se manćia de te, mo l’ recort de to gran amur pur nos se dà forza da jì inant dé pur dé. I se recurdun de nosta cara fomena y uma in mertesc ai 5 de mà dales 18.00 tla Dlijia da La Ila. Carlo cun Simon y Fabian

Rengraziamënt Ai 7 de aurì nes à lascè nosc bun om, tati y nene

Vijo Pescollderungg

Tratan la sajun invernala aziuns fora de mosöra y un n cajo él gnü cherdè en aiüt n elicoter por na loìna 2008/2009 é le sorvisc de lege. verda prevenziun y socurs La Polizia à inće chësc slisorada jö söla pista söles pistes da Calfosch gnü ann indô colaborè cun i Forceles. assiguré dal 6 de dezëmber Implanć portamunt por N problem é dötaurela le al 14 d’aurì 2009 da na mëte sö les tofles de avis y consum ezessif de alcol tles patulia de 3 forzes dla polizia risch ti punć importanć di üties da munt y inće le fumé de stat dependëntes dala percursc, punć d’incrujada droghes, ći che smendrësc Cuestura da Balsan y y che podess ester plü le potenzial de guernè i schi spezialisà pro le zënter de prigorusc sce zacai va y le oje i schi. La Polizia à adestramënt alpinn de debota fora de mosöra. Ma inće chësc ann controlé Moena, menà y coordinà te dui caji él gnü fat n socurs intres indô de chësc vers dal capopatulia assistënt cun l’elicoter, 16 schiadus sides i schiadus co les üties capo Andreetto Sergio, s’à ferì saltan adöm cun da munt. Te 2 caji à la Polizia daidé dal assistënt capo d’atres porsones. La Polizia straufé deache mituns sot i Pettinelli Maurizio y agënt fistidiëia inće dagnora 14 agn n’â nia l’elm y te 2 ćernü Schepis Davide. dlungia ala sigurté sön pista caji àra fat sanziuns por la Le revier schiistich da al control dl raiun por ći che velozité massa alta. (iaco Calfosch tol ite 15 km de reverda la nëi y loìnes. Te rigo) pistes y 10 implanć portamunt. Le numer de socursc fać dala patulia é stè cotan plü bas dla sajun da denant, al é passè dai 128 intervënć dla sajun 2007/2008 ai 112 de chësc ann, tolon inće en conscideraziun na edema implü de daurida di implanć portamunt y numer valì de presënza söles pistes. Le smendrimënt dles desgrazies sön pista é dessigü inće lié ala verda dles pistes y di percursc da pert dla Polizia y inće dla presënza dla liösa da motor dla Polizia. Le schiadù se sint da un n vers plü sigü sön pista y chël plü busiënt sa che al La scuadra de Polizia che à fat sorvisc söles pistes da ne po nia s’impormëte Calfosch.

“Vijo dla Domina” * 19.08.1941 + 07.04.2009 La familia orëss rengrazié de cör chi che ti é sta dlungia te chësc rî momënt cun parores y confort, chi che é gnüs a trà l’ega santa, ales corones, ala sopoltüra y ala santa mëssa. A chi che ti à scinché ciüfs, ćiandëres y chi che à fat ofertes. Giulan ai infermiers y doturs dl repart ”Medizin B” da Bornech, ai doturs Caretta, al mone, al prou, ai ministranć, al cor de dlijia, ai stüdafüch por avëi abelì la santa mëssa a chi che a giavè la fossa, a chi che é gnü cun le ćiaval y a chi che à dit dant la corona. Dër bel giulan che Chël Bel Di se l paies. Cun amur y cun reconescënza Chi de familia

Condolianzes Le consëi d’aministraziun, le consёi de control, la direziun y i colaboradus dla Cassa Raiffeisen Val Badia tol pert de cör al dolur che nosc colaboradù, Hansjörg Valentin à sintì port la mort de so pere

Ilario Valentin y ti sporj a ël y a sü familiars le condolianzes plü sintides. Cassa Raiffeisen Val Badia Corvara , 28.04.2009

42

www.lauscdiladins.com

Chirì da laour Dui lavataîs y fà-döt cun esperiënza chir n laûr por la sajun da d’isté, poscibilimënter te na ütia de munt o inće te paisc. Cun alberch. Tel. 338 8371544. (14/09) ••• N’ëila chier da lëur per dut l ann a cialé sun jënt de tëmp, te Gherdëina. Tel. 320 8306541. (14/09) ••• N’ëila chier da lëur te Gherdëina per la sajon da d’instà a rumé su la majons. Tel. 333 5278546. (14/09) ••• N’ëila chier da lëur te Gherdëina coche lodnera, a cialé sun mutons o sun jënt de tëmp. Tel. 340 5298027. (14/09) ••• Na cuega taliana cun esperienza chier da lëur per la sajon da d’instà, pusciblmënter a cujiné prims. Tel. 334 9525996 o 347 6426497 (14/09) ••• N aiüt-cogo chir n laûr por śëgn, por la sajun da d’isté o por döt l’ann. Tel. 328 2062651. (14/09) ••• N ël che à laurà te na butëiga dala versura y te na becaria, che à judà te bars y restauranc y ultimamënter nce te na firma che lëura cun l lën y l mitel, chier n lëur de vel’ sort. Tel. 328 6723632. (14/09) ••• N jonn dla Val Badia de 20 agn chir en laûr por d’isté (da jügn inant) tl ćiamp dla eletronica o pro dites da eletrizist, o inće te d’atri seturs. Tel. 345 6129138 (da sëra). (15/09) ••• Na jona taliana chir en laûr sciöche chelnera por salf, dai pröms de jügn inant por döta la sajun da d’isté, a Al Plan o incëria. Tel. 328 4721667 (15/09) ••• N cuech cun esperienza, che à laurà plu ani te Gherdëina valutea prupostes de lëur. N ne n’à nia drë de ti dé d’albierch. Tel. 338 7527358 (15/09) ••• Na jëuna chier da lëur sciche rezeptionista per la sajon da d’instà te Südtirol, ëila à esperienza de lëur y sà plu rujenedes. Tel. 338 3375382.

(15/09) ••• N jëuna da tlo de 25 ani chier da lëur per la sajon da d’instà sciche rezeptionista o per la assistënza de mutons. Tel. 349 2956314. (15/09) ••• N ël chier da lëur sciche sciafer cun patent ”C” tl raion de Gherdëina o ntëurvia. Tel. 347 5356675. (15/09) ••• N ël chier da lëur sciche muradëur, zumpradëur, spezialisà a fé salejà o mures de porfir o de sasc. L fajëssa nce vel’auter lëur sciche vardian o d’uni sort de stroc o zënza vel’ lëur. Nce mé a mez tëmp. Chiche à n lëur da ti pité ie prià bel de cherdé su l numer de telefonn 335 1806415. (15/09) ••• N’ëila jëuna da tlo chier da lëur per mez n di danmesdì, sce l ie mesun da lunesc nchin vënderdi, tl cumerz o te n ufize. Tel. 339 6957457. (15/09) ••• Por na möta de 16 ang dla Val Badia vëgnel chirì en laûr por d’isté. Tel. 329 4119116. (15/09) ••• N’ëra dla Val Badia chir en laûr sciöche ciamenëssa por n 2-3 iadi al’edema danmisdé. Tel. 329 4119116. (15/09) ••• L vën cris da lëur te Gherdëina a rumé su la majons o a puzené. Tel. 320 6616304 (15/09) ••• N’ëila taliana che viv te Sëlva chier da lëur da śën inant a puzené o a fé zënza vel’ lëur. Tel. 333 7872815. (15/09) ••• N cuech talian che viv te Sëlva chier n lëur a judé ora da sën inant. Tel. 333 7872815. (15/09) ••• N’ëila chier da lëur a cialé sun mutons o a fé la fancela, per n valgun’ëura al di. Tel. 338 6075201. (15/09) ••• L vën cris da lëur a rumé su la majons. Tel. 339 1635499. (15/09) ••• N’ëila che à bele esperienza chier da lëur a rumé su la majons. Tel. 0048 506 364005. (15/09)

••• Na ćiamenëssa chir n laûr. Tel. 347 0623253. (15/09) ••• Na studënta dl post chir por la sajun da d’isté n laûr sciöche ćiamenëssa a La Ila o a Corvara. Prëibel cherdè sö le 348 0588701. (15/09) ••• Pizzaiolo dla Talia chier da lëur te Gherdëina. Tel. 346 6073656. (15/09) ••• N’ëila chier da lëur te n hotel, pension o garnì, per la sajon da d’instà. Tel. 389 8041095. (15/09) ••• N cuech dla Sizilia, cun truepa esperienza de lëur chier na stiera da cuech per cujiné prims y segondi, te restauranc o hotiei, per la sajon da d’instà. L adrova nce d’albierch. Tel. 348 3528899. (16/09) ••• N ël che ie bele 9 ani te Gherdëina chier na stiera per judé te cësadafuech, o nce sciche vardian. Ël à la patent B. Tel. 333 8864979. (16/09) ••• L vën cris n lëur a mez tëmp, danmesdì, per la sajon da d’instà. Prëibel cherdé su l 329 2617066. (16/09) ••• Na jona de 15 agn, studënta, chir n laûr o n’ativité por l’isté (da mez messè ćina ala fin d’agost) tla Val Badia. Prëibel telefonè al 334 7555262. (16/09) ••• Döes ëres dla Val Badia chir laûr da puzenè sö fora de sajun. Tel. 333 8587715. (16/09) ••• N ël dl post chir n laûr tl’Alta Badia o te Gherdëna, sciöche vardian de ćiasa te n hotel o pensiun (17 agn de esperiënza). Prëibel telefonè al 348 5433574. (16/09) ••• N ël chier da lëur a judé te cësadafuech, per la sajon da d’instà o nce per dut l ann. Tel. 328 2062651. (16/09) ••• N ël chier da lëur a lavé ju, per la sajon da d’instà o nce per dut l ann. Tel. 389 7805541. (16/09) •••


Inserac

nr. 16 / 02 de mei 2009

Da vende Da vëne n auto FIAT Grande Punto 1.3 MJT, 90 CV, 5 p. Dynamic, cuotaziun “Quattroruote”, prisc: 9.800,00 euro, imatricolaziun 1/2006, 22.000 km. Infos: Bar Piccoli, fonin 348 3756065. (14/09) ••• Da vëne n Aixam Pickup, corù grisc y bröm, te de bunes condiziuns. Telefonn 0471 836788 o fonin 339 8219909. (14/09) ••• Da vëne n Toyota Landcruiser 120 grisc, dl 2004, zilindrada 3000, automatich, 8 posć, full optional. 4 montli nüs. Tel.

335 6162182. (14/09) ••• Da vëne a n bun prîsc pîsc de mësa da zacan. Tel. 348 2311873. (15/09) ••• Da vëne n motor Yamaha TTR 600 dl 2001, 3.600 km, te de bunes condiziuns, montli nüs, prîsc da sciacarè fora. Tel. 347 0786337. (16/09) ••• Da vëne n Quad 4x4 cun binda, sciöche nü. Por plü informaziuns cherdè sö le 348 7073294. (16/09) ••• Da vëne cater montli da d’isté y cater

montli da d’invern feter nüs, mosöres 155/70/R13, a n bun prîsc. Tel. 0471 843079. (16/09) ••• Al vëgn venü en borjadù por le scialdamënt. Tel. 339 6959816. (16/09) ••• Da vënder cater montli cun cërtli per n Ford Escort frabicazion 1998, dla marca Continental, mesures 185/60/R14, sciche nueves. Tel. 0471 270481. (16/09) ••• Da vëne de pici iać de raza persiana. Tel. 333 66795759. (16/09)

Da chirì L vën cris na televijion y montli cun cërtli per n Fiat Punto mesura 165/65/14, da scinché ca o da baraté evtl. sun zeche. 338 5027357. (14/09) ••• L vën cris a Ciastel o a Sëuc n cuatier cun una o doi majons per doi persones. 3299374643. (14/09) ••• N ël che ie bele passa cater ani te Gherdëina chier n cuatier per si familia de de ndut cin’ persones. Tel. 0471 796344 o 389 6475529. (14/09) ••• L vën cris n monolocal te Gherdëina, sce la va a Urtijëi. Tel. 340 5298027. (14/09) ••• Al vëgn chirì n gratun da tachè do a n pice auto. Tel. 328 6893564. (14/09) ••• Al vëgn chirì en trëirodes Ape Piaggio 50 de secunda man te de bunes o manco bunes cundiziuns. Prëibel telefonè al

338 1432339 o menè na e-mail a michael_clara89@yahoo.it. (15/09) ••• N studënt che à fat la Scola profesciunela y che ie jit pra n mòster te Gherdëina chier scarpiei, zirtl, vineles, trapuli y dut chël che n adrova per ziplé. Tel. 338 1059275. (15/09) ••• L vën cris n cuatier per doi persones y sce la va nce zachei che cëla de n pitl mut. Tel. 320 2116066. (15/09) ••• Al vëgn chirì a Al Plan n cuatier cun döes ćiamenes por mëte jö personal por la sajun da d’isté. Tel. 348 2311873. (15/09) ••• L vën cris a Urtijëi, Corvara, Cortina y Cianacei na sala de almanco 40 m2 per na mostra erpetologica, te n raion zentrel ulache l passa jënt, per n doi enes ntan la sajon auta da d’instà. Tel. 339 8625381. (15/09)

••• L vën cris d’uni sort de roba che ne vën nia plu adurveda, canche n ruma ora la cësa, vel’ majon o l ciulé, ma che sibe mo mesanmënter te de bona cundizions, da dé ca debant, te Gherdëina. Prëibel cherdé su l 0471 798415. (15/09) ••• Al vëgn chirì por la sajun da d’isté na ćiamena o n pice apartamënt tla Val Badia. Prëibel cherdè sö le 347 0623253. (16/09) ••• Na familia dl post chir n cuatier da tó en afit por döt l’ann a Corvara o Calfosch. Prëibel cherdè sö le 392 8426588. (16/09) ••• Na lernera che mpera a ziplé chier d’uni sort de massaria da ziplé, sce n cajo nce n penic. Ëila lëura a Urtijëi y ie da abiné sot al numer de telefonn 349 4446592 (Federica). (16/09) •••

Hotel Sassongher a Corvara chir por la sajun da d’isté 1 barman istruì A.I.B.E.S y che sais i lingac 1 cogo 1 portier de nöt por messè y agost Prëibel cherdè sö le 0471 836085

Ütia Boconara a Corvara chir por la sajun da d’isté 1 chelnera (inće studënta) Prëibel telefonè al 338 8725621 o menè na e-mail a life@boconara.com

Hotel Arlara a Corvara chir por la sajun da d’isté 1 chelner/a 1 ćiamenëssa 1 a daidé te ćiasadafüch Prëibel cherdè sö le 339 3913671 o le 0471 836146

Na ćiasa a Calfosch chir por la sajun da d’isté y inće por chëra da d’invern 2009/10 2 ëres a puzenè les sabedes. Prëibel cherdè sö le 338 4581288

Cavallino Bianco Family Spa Grand Hotel a Urtijëi chier da śën o al plu tert da mez mei inant, 1 rezeptionist/a o secreter/a de hotel per dut l ann. Sce l ie de bujën vëniel nce dat d’albierch te nosta cësa di cunlauradëures y nce la spëisa, l vën pità n orar de lëur reguler cun feries, n bon paiamënt y n ambient de lëur nteressant y inuvatif. Per nfurmazions prëibel cherdé su l numer de tel. 0471 783333 (Jaro o Alexandra), mandé la dumandes per unì tëuc su, sce n cajo cun foto, a jobs@cavallino-bianco.com.

Alta Badia Guides a Corvara chir dal 1.7. ćina a mez setëmber 1 jonn/jona por stè te ofize ”guides” y laurè tl ”parch d’aventöra” a Calfosch. Al/ara mëss savëi i lingac y avëi conescënzes da jì sö por munt. Tel. 0471 836898

Hotel Serena a Badia chir dai 15 de jügn ćina ala fin dla sajun da d’isté 1 chelnera por salf cun esperiënza y conescënza dl talian y dl todësch y dai 19.7. ai 6.9. 1 chelner/a cun esperiënza. Prëibel cherdè sö le 0471 839664

A Corvara vëgnel chirì 1 ëra per n pèr d’ores al’edema a superscè (privat). Cherdè sö prëibel le 0471 836231 La botëga Alimentari Pescosta a Calfosch chir 1 boteghiera. Prëibel cherdè sö le 0471 836022

Hotel Gran Ćiasa a Calfosch chir por la sajun da d’isté 1 aiüt de ćiasadafüch 1 comis da ćiasadafüch/ conditur Tel. 0471 836138 Fax 0471 836239 info@granciasa.com

Le Hotel La Perla a Corvara chir 1 ćiamenëssa 1 secretêria cun esperiënza por l’ofize prenotaziuns y por l’ostaria L’Murin 1 jonn dl post, part-time dales 18.30 ales 23.30. Prëibel telefonè al 0471 831000.

La ütia de Pisciadù chir personal por la sajun da d’isté. Prëibel cherdè sö le 340 5593631

Residencehotel Mountain Living Lagació a San Ćiascian chir por döt l’ann colaboradësses por les ćiamenes y por i gostà. Daurida al 1.12.2009 Prëibel cherdè sö le 335 1245841

La botëga Delizius a San Ćiascian chir por la sajun da d’isté na boteghiera. Interessades po telefonè al 0471 849328 o al 335 6761788

Le Hotel Cristallo a La Ila chir por la sajun da d’isté, 1 cogo Prëibel cherdè sö le Tel. 0471 847762

Hotel La Stüa a S. Ćiascian chir por la sajun da d’isté evtl. inće da d’invern 1 chelner/ra por salf/bar cun esperiënza y de bunes conescënzes dl talian y todësch. Tel. 0471 849456 Referënzes a: info@hotel-lastua.it

L’estetista Micky da La Ila chir 1 estetista dal 1.7. inant. Tel. 0471 847640 o le 339 5482931

La Botëga dal guant nöia La Rajeta a Corvara chir 1 lodnera da jügn inant. Tel. 0471 836191

A Urtijëi vëniel cris n’ëila che ti fej i lëures de cësa a doi ëi. Tel. 0471 786036 o 339 1464820

Hotel Sport a Calfosch chir dala fin de mà ćina ala fin de setëmber 1 chelner/a por bar y salf Prëibel cherdè sö le 0471 836074

Hotel Alisander a Corvara chir por döt l’ann 1 secreteria part time o por döt l dé 1 chelnera Prëibel cherdè sö le Tel. 0471 836055

Hotel Gran Paradiso a San Ćiascian chir 1 secreteria por la sajun da d’isté evtl. inće da d’ invern Prëibel cherdè sö le 0471 849424 o le 335 7578219

Le restaurant Camping Sass Dlacia a San Ćiascian chir por d’isté y inće d’invern 1 barista cun esperiënza y conescënza dl todësch 1 secundo cogo 1 pizzaiolo Prëibel cherdè sö le 0471 849527 o le 331 6894517

Per Vosc inserac: inserac@lauscdiladins. com

Da dé ca

Al vëgn venü tla Val Badia cuatiers convenzionà Tel. 335 616 79 89

L vën fità via a Urtijëi n cuatier nuef cun ciulé, verzon y garasc, a na familia da tlo. Tel. 349 2959563.

Hotel Arkadia ***S a Corvara chir 1 secundo cogo por l’isté y l’invern Prëibel cherdè sö le 0471 836043 o info@hotelarkadia.it

Pension Christian a Corvara chir por la sajun da d’isté 1 chelnera por salf Tel. 0471 836201 o 333 4260328

Hotel Falzares a San Ćiascian chir por la sajun da d’isté 1 barista 1 chelner/a por salf Prëibel cherdè sö le 0471 849496

Garni Diamant a Al Plan chir por la sajun da d’isté 1 ćiamenëssa dl post dales 8.00 - 16.00 1 ćiamenëssa dl post por 3-4 ores danmisdé Prëibel telefonè al 0474 501069 o al 347 8616697

Hotel Gran Paradiso a San Ćiascian chir por la sajun da d’isté 1 chelner/a por bar 1 ćiamenëssa Prëibel telefonè al 0471 849424 o al 335 7578219

Por ti dè plü forza a nosc team chiriunse da atira na porsona creativa ... cun esperiënza de laûr y che sais da adorè i programs Adobe. www.misign.it

Al vëgn dè ia fëgn a Calfosch. Tel. 0471 836285. (14/09)

www.lauscdiladins.com

43



La Usc di Ladins 1609