Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 15/2011 - 15 de auril 2011 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Lies

12

Pitl cuntribut Ciuldì pa manco scioldi ala Union di Ladins de Gherdëina? Deficultà a jì inant cun l’atività urdinera.

Hotel 7 stëiles

Te uni vers “nosta” université La Repartizion ladina tla Facolté de Scienzes dla Formazion a Persenon à festejé si prums diesc Deplù sun les plates 3, 4 y 5 agn con saluc prominenc, referac y na discuscion

15

La minonghes

20

Musical Passa 1.000 porsones é bele jüdes a ti ćiarè al Musical “Cuntra Löm” portè inant dal Sorvisc ai Jogn Val Badia.

Al Plan

24

La picia revoluziun La strada danter Al Plan y Pederü vëgn stlüta chësc isté por cin’ ores al dé. Les döes ćiampanes de pro y cuntra.

Rina

25

Stödafüch I stödafüch dla Bassa Val de Puster/ Val Badia à tignì a Rina süa reuniun. Onoranzes inće por stödafüch ladins.

Cianacei

28

Ezelenza musicala Diplom de secont livel con lauda per l pianist Paolo Bernard che à fat descorir ence n toch de storia leèda a noscia val.

Paussa da Pasca

avis

Sciche al é tradizion tl operat dl edemanal La Usc di Ladins fajarà la redazion vacanza da Pasca da en Sabeda Santa inant per otedì. L’edizion de La Usc di Ladins ne gnirà perchel nia fora l’edema do Pasca (l vendres ai 29 de auril), i ofizes de redazion dauriarà endò tles valedes l lunesc ai 2 de mei 2011 da doman. I invion i letours, les lies y duc i inserenc de nes mané enchin chest lunesc seira ai 18 de auril l material che dess gnì publiché dan Pasca. La redazion

Ampliament RAI Ladina de Elsa Zardini, presidenta dl’Union Generela di Ladins dla Dolomites L’Union Generela di Ladins dla Dolomites partesc deplen y sosten les ghiranzes che i redadours y programisć-regisć dla RAI Ladina de Bulsan i à metù dant chisc dis ai membri dla Comiscion di Sies, al President dla Jonta provinziala Durnwalder, a la Presidenta dl consei provinzial de Südtirol Unterberger, al Assessour provinzial ladin Mussner, al aconsiadour provinzial de Trent Luigi Chiocchetti, a la Presidenta dl’Union Generela di Ladins Elsa Zardini, al President dla Lia di Comuns Ladins Palfrader y a les autorités competentes di sorvisc dla RAI y di TGR.

L Cunsëi dla Lia da Mont (CAIAVS) de Gherdëina y l Cunsëi dla Lia per Natura y Usanzes tol posizion n con’ dl hotel da set stëiles.

Plates di Jogn

Editorial

La meisa torona dl Convegn a Persenon en gaujion di 10 agn dla Repartizion ladina dl’Université Ledia de Bulsan. Da man ciampa: Katja Pescollderungg, Edith Ploner, Rosmarie Crazzolara, Antone Pollam, Diego Clara - moderadour, Alexander Prinoth, Manuela Nocker, Daniela Templari y Albert Videsott. foto: IPL/Bulsan

N comentar de Lorenzo Soratroi Bolsán. No se po’ spò, per i giudizi, taché laprò n’autra Provinzia. Cajomèi vòl mudé la Costituzion. Ma ence chëst no basta percièche tochëssa rivedei i tratac internazonai. N curt chëst l miol de la sentenza che, ben da capì, l’é stada touta su con delujion ntei comuns belumac. Coche se sa, le

"Souramont" al ordin dl dì de Katharina Tasser, Ofize dla Provinzia de Südtirol a Roma

No a Belum n Südtirol La Court Costituzional l’à bocé l referendum damané da Belum per fè passé duta la Provinzia sot a la Region Trentin – Südtirol. L’auta court l’à fat riferiment al articol 116 de la Costituzion, ulàche ven dit che la Region Trentin – Südtirol l’é formada da le doi Provinzie Autonome de Trënt e

Tla cherta se damana i sies redadours y i trei programisćregisć danter l auter n aument sostanzial dla programazion televisiva va inant a plata 8

sentenze se le azeta e no se le comenteia. Ma nvalgune riflescion se po’ le fè. Souradut nte sto ann ulàche l é ste metù a jì festegiamenc per i 150 agn de l’Unité d’Italia (chèla, no se sa), no ven fat auter che trat cà e defendù la Costituzion del Stato Talián va inant a plata 8

Chisc dis él da reporté does novités importantes da Roma per i ladins de Souramont. La pruma reverda la publicazion dl decret sun la repartizion dl fonds de 80 milions de euro per i comuns de confin con la Region Trentin - Südtirol y la seconda l scumenciament dla discuscion tla pruma comiscion dla Ciamena di Deputac sun la proposta dl deputat Karl Zeller dla SVP per i dé plu sconanza ai ladins de Souramont. Cie projec pa? L decret dl President dl Consei di Ministri dl 14 de jené 2011 y publiché chisc dis, preveid che al sie n organism ejecutif de ot componenc, clamé ODI, che determineia sun la basa de criters cie projec per l svilup economich y sozial y la valorisazion culturala che vegn finanziés. I projec pò ence ester de deplù agn y gnì finanziés va inant a plata 11


Letres y Atualité

nr. 15 / 15 de auril 2011

Diotelpaie Monte Rosa Cari compagnes del Monte Rosa, ades che sion vegnui de retorn segn volesse endò ve dir diovelpaie a duc per i trei dis che aon passà ensema, l’é stat per me na esperienza de vita unica e ence alpinistica, ajache no ere mai stata

La urità ne pòssen nia se cumpré su n 4500!! L merit l’é stat segur ence de Oswald che l ne a passà na gran fiduzia e serenità. En ogne modo, na compagnìa coscì grignolenta e de tanta pazienza no me aesse mai empensà de la troar, spere de far ancora de autre gite ensema a voi e de se

troar prest a veder le 200 foto che Mauro à fat. N gran rengraziament de cör a Angelo che me à lascià jir e l se a tegnù le pope chisc 3 dis. Diotelpaie Monte Rosa! Michela Parolota

Direzion dla scolina ladina Comentar sun la tëuta de posizion dl’ispetëura dla scolines ladines Edith Ploner tla USC nr. 14 Stimeda Ispetëura, la lege n. 10/1992 vëija dant l mesun, da pert de n “superior ierarchich”, de numiné un n candidat o una na candidata che ne à nia i tituli de stude ma che à diesc ani de servisc y desmostra na vëta particulera per l lëur da diretëura, per fé pea pra i cuncorsc provinziei. Da una na pert gëura nsci la lege la portes a duta la jënt che fej da ani servisc, ma che ne à mo nia i tituli, cossa dessegur drëta, ajache la persones che ie tl ciamp cunësc avisa l lëur te duc si aspec; y dal’autra pert gëurela na porta de simpatia, ulache l “superior” possa crì ora chiche ël uel, respetan i ani de servisc. Vo dijëis che la cumiscion de

ejam azetea o manco la pruposta ierarchica. Co fej pa la cumiscion a azeté na pruposta sce la ne cunësc nia l candidat? Oradechël dijëis che “la laurea de trëi ani de pedagogia soziela ie na laurea che ne vel nia per lauré tl sistem furmatif dla scola y scolina”. Do mi ntënder ne n’ie chësc fat nia vëira, l ne n’ie scrit inió y deguna lege ne vëija dant chësc. Te n daunì messeràn avëi trëi ani plu doi ani de studies universiteres, ma al mumënt no. Vo dijëis che dut ie aldò dla lege, me dijëis’a prëibel la lege che vëija dant che la laurea de trëi ani de pedagogia soziela ne vel nia per fé chësc lëur? Cossa da sotrissé ie che pra l ultimo cuncors, chël che Vo ëis

venciù, unìvel favorisà chiche ova n titul universiter ma deguna esperienza tl lëur te scolina, y da chësc cuncors dla direzion messòven tò demez l titul universiter y valorisé l mpëni sun l lëur, ajache chiche tucova da vëncer ne n’ova nia tituli de stude. Dan finé via ëssi mo na dumanda: a chësc pont, ne pudëssen pa nia lascé fé pea duta la maestres? Speran che la cumiscion paritetica sibe mparziela y rëidla vencerà zënzauter chiche se l merita. Ma la ie nscila che n à ulù stlù ora na persona o miec che n à ulù crì ora na persona y nscila àn avisa metù adum la bandida. Michela Pitscheider, Sëlva

Contraposizions „nteletueles“ tla Ladinia! Cun n speziel, na pitla retrovijion de nosta derivazion storica de passa doi mile ani! Alexander Comploj de „St. Ulrich-Urtijëi-Ortisei”, scialdi ulentif y nsistënt, che sparcantea si energies de mpëni per ti fé a l savëi a Richard Clara dla Val Badia te plu zaites provinzieles che l medemo Clara à scialdi de stleta cunescënzes dla storia, dassëssa bën n iede mëter a verda y se lascé analisé sé nstës tan melciafià y dëibl che ël ie n chësc cont! Danora nes sìbel cunzedù de fé a l savëi che l medemo Clara Richard ie mo n ladin che rejona n ladin lucënt y ezelënt, „in solido“ cun la jënt ladina de nosta valeda badiota y marora ujina, canche te nosta Gherdëina bravatona y „auto-glorienta“ ie l ladin suvënz bel n tel cër fat feter rer, cun termënt truepa persones y families y situazions genereles y spezieles che lascia tumé nosc ladin uriginel y de valor; monce n sëurastant y secreter dla nsci tlameda SVP „ladina“ de St. Ulrich-Urtijëi arjuma y se desmëncia pra de gran ucajions de sëires de vela y ti nvic a de tel manifestazions publichpolitiches nosta rujeneda de Gherdëina! No pa, Alexander Comploj? Y pona iel da ti lecurdé al jëunn „tiroler“ Alexander Comploj -

2

www.lauscdiladins.com

chësta ie la dizion-apelazion che truepiscimi y truepiscimes de Gherdëina ti dijerà sambën dant ala dizion „ladin“, che fossa chël de nosc „vester y identità“ naturela - y de messëi ti mëter tl cë, che nëus ladins on na derivazion storica che va de reviers nia demanco che ai tëmps dl Imper Roman de dan doi mile ani, cun la Provinzia „Raetia“ da ntlëuta, te chësc nosc raion lerch dla Elpes, ntan che nosta ex-“Mater Austria“, cun chël da nëus tan amà y prijà Tirol, à abù n si scumënciament permò te tëmps scialdi plu jëuni y daujin, ntëur l prim milené, y cun chël na cuna scialdi plu tardiva permez ala nosta, dut chësc storicamënter segur y documentà! Mo plu mpurtant y debujën fóssel de no lascé julé nosta fantajies y nosta fiëures, nsci demassa, te chëla pascion de amor al Tirol, che ie de gauja che nëus Ladins son sfantei y unii dlutii te truepiscimi luesc y raions, ma de savëi che nëus ladins son, tl tëmp dl „Austria“, di Habsburg, dla cosera Maria Theresia y dl Tirol, daniëura mé stac de fata na „quantité négligeable“ y feter na „quantité non-existante“, cun defin deguna sort de scunanza y deguna sort de vester nëus nstësc cun leges y regules aldò! Nëus ladins on ntlëuta mé abù chël, n „status“ nia massa da plajëi de vester n material uman scialdi debujën y bonmarcià, da cumbatimënt y viera, per „Nosc Seniëur, l Coser y la Heimat“, y n chël cont ne n’iel stat nia puec morc y cërta gran miseries grieves te nosc raions geografics de valedes y de montes! No pa? Cun chëla mancianza totala de n nosc „status ladin“ recunesciù y speziel, fova per nëus ladins na

aministrazion publica y l sistem de senuria y dla leges dut defin fulestier. Dut chësc melvester ie da ntënder y recunëscer te na maniera defin tlera tres che l ie stat na „tudeschisazion y tirolisazion“ sistematica dla gran pert de nosc inuemes y dla toponomastica „retoromana y ladina“: na sotmetuda storica bela y sterscia, cun nosta cunfujion, busiamënt y sogezion, de na jënt che se à for temù y ulgà, avisa sciche l ie mo al didancuei, ulache l ti vën mo for „lecà“ dassënn a nosc ujins tirolesc-tudësc stersc, tendenz ialmënter e gois ć , preputënc y dures! Cialon y cunscidron la festa „italica“ di 150 ani! No pa? Chësc mé n curt n valgun referimënc per l drët mpenià Alexander Comploj, a chël che ël ne ebe nia ti uedli n cheder storich tan „stort“, da ti cunedì ala jënt. Y dantaldut assans pona mo l bon nvit, pra ucajions de veles te nosta valedes ladines y luesc ladins dla provinzia de Bulsan, de ne ulëi nia desmincë inò nosta etnia ladina, nosta identità cun si rujeneda speziela y de valor, che à finalmënter arjont na scunanza y n si „status positif “ tl Stat dla Talia atuel dl stivel, tres si spirt liberal y de toleranza y na si „Costituzion“ democratica! No pa? Oscar Prinoth de Josef da Brida, Urtijëi Priesc d’abonament anual: per la Talia: 58,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

N sada se ons ancuntà de n valguna cumpanies per festejé l “Polterobend” tradiziunel. L di à scumencià scialdi bën, la nevicia ie unida fata su mpue’ blòta y son jites cun i schi. Ultimamënter iel tradizion che la nevicia muessa purvé a ti pancé su de tel pitla bozes de ega de vita ala jënt, chiche uel (deguni! ne vën pa sfurzei) possa de si bona dé n pitl cuntribut. Cun chël che n abina adum possa la nevicia ti paië na bona marënda o cëina y nce velch da bever ala cumpanies che ie pea. Duc i osć che on ancuntà ie stai scialdi da ulëi bon, nce ëi à gën dat n pitl cuntribut, ti mbincian ala nevicia nce dut l bon. Fan dutes scialdi cuntëntes dl bel di, l tëmp fova bel y duta la jënt scialdi da ulëi bon, nchin che l ie suzedù na burta ntraunida da sëira via, che nes à ruinà dut l di: Son tlamedes tl sëul ciulé de Sëlva che fova mo daviert. Do puec menuc ti ie la osta jita permez ala nevicia, la zaran pra n brac y ti svaian su de se n jì ora bel debota. Ajache ne ulan nia se lascé ite te stritoc, à la nevicia aslune dit che se n jon ora. Da pert dla patrona ne nes iel niancanó unì lascià l tëmp de tlupé adum l guant, cun sburdles zohes, paroles pesoces y dut auter che da maniera, y monce pian ite y trajan la nevicia pra i ciavëi, nes àla smacà ora de si ciulé. Monce su per scela ie la nevicia unida sburdleda, ne se fajan per gran fertuna nia mel! La nevicia che univa tlameda plu iedesc monce “basterda” y vel’ una de nëus à bradlà a messëi patì tan de riedà. Nëus raton che la osta se à

dessenà pervia dla valguna pitla eghes de vita che univa dates ora a cumpanies, aldò dla tradizion. Nosta ntenzion ne fova segurdenó chëla de rubé vel’ tlient, de se fé vel’afar o reviné l davani dla sëira te n local plën de jënt. Fan segures che nce iló fóssel stat cumprenscion per la tradizions di jëuni dl luech. I scioldi che univa abinei adum fossa ala fin mpo unii spendui tl medemo local y ruvei tla fuies dla patrona y povester monce velch deplù. Sce l’osta ti fossa jita permez cun maniera ala nevicia, ti dijan che la ne ova nia gën che l unissa dat ora chësta pitla bozes, pona ne fóssel segurdenó stat n problem a les mëter sun na pert. Vën pa i jëuni dl luech tratei al didancuei a na tel maniera, valons’a propi demanco che n seniëur da oradecà, ie pa propi i scioldi dut tla vita? Te chësc ciulé, ulache fan suvënz bele chëst ann y ti ani passei, ne meterons dutes segurdenó plu pe, ajache l ie per fertuna, coche on nce udù, truepa d’autra ustaries ulache union tratedes cun maniera, ulache i jëuni dl luech vën prijei y ulache la tradizions ie bënunides. Ulessan ti fé a l savëi al’osta che la ie stata bona de reviné nosc bel di, ma son cuntëntes che nce truepa d’autra jënt da tlo à udù la burta ntraunida y sà avisa da dì che la ciacules che la osta mët ora y meterà povester mo ora, ie dut auter che vëira. La urità ne pòssen nia se cumpré. La nevicia Sabrina Stenico y duta si cumpanies

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 15 / 15 de auril 2011

Na bona ucajion per fé festa N cungres scientifich n ucajion di diesc ani dla Repartizion ladina dla Università Liedia de Bulsan. La tematica prinzipela fova l ladin tl sistem furmatif, si apesc, resultac y cunseguënzes chësta tematica lergia y n à ulù splighé plu ala menuda coche dut l sistem de furmazion vën fat y ce lerch che n ti dà nce al ladin te chësc cuntest.

Reforma dla furmazion di maestri

Ence l president dl’Université de Bulsan Konrad Bergmeiser s’à tout dlaurela de gnì.

Festa Université/1 - Da canche l ie unì metù su dan diesc ani la Repartizion ladina tla Università Liedia de Bulsan, iel unì fat mpue’ de streda y vares inant drët mpurtanc, dantaldut per la furmazion universitera te trëi rujenedes. N possa zënzauter rujené de n saut de cualità per la furmazion di maestri tla Facultà de Scienzes per la Furmazion a Persenon, che tën cont avisa dl sistem paritetich y di bujëns particuleres danman tla scoles y scolines dla valedes ladines. L cunvëni fova mpustà n con’ de

Bele cun l proscimo ann academich miénen che l sibe mesun scumencé cun la gran reforma dla furmazion di maestri y dla maestres dla elementeres y scolines, passan da cater ani de stude coche l fova nchin śën, a cin’ ani, mudan la spezialisazion per i nsenianc dla scoles mesanes y autes che passerà da doi a un n ann („TFA – Tirocinio formativo attivo“). De mpurtanza iel dessegur che duc feje pea y sëurantole na cërta respunsabltà per l'educazion y la furmazion de jëunes y jëuni per n daunì che mira a miuré dl drë’ viers.

Prejënza de truepa autoriteies L cunvëni à metù man cun l salut da pert dl cuoordinadëur dla Repartizion ladina dla Università Liedia de Bulsan Theodor Rifesser. Si salut ie jit a duc i prejënc, dantaldut a reprejentanc dl mond scolastich y culturel ladin, al assessëur provinziel ladin Florian Mussner, al presidënt dla Università

Liedia de Bulsan Konrad Bergmeister, al retëur Walter Lorenz, a Manuela Nocker (CU), che reprejentea la grupa de rujeneda ladina tla Università Liedia de Bulsan, al ntendënt scolastich ladin Roland Verra, ai reprejentanc de Fascia, Fedom y Ampëz, dl Friul di Grijons y ai autri prejënc te sala. Rifesser à auzà ora danter l auter la mpurtanza dla Repartizion y l svilup te chisc diesc ani. Chisc diesc ani ie per la scola ladina stai na gran richëza. Per la furmazion di nsenianc tlo tla Università Liedia de Bulsan àn pudù fé n gran var inant, de cualità dantaldut.

Scola, cultura y furmazion taca adum L assessëur provinziel ladin Mussner à sotrissà la mpurtanza dl mond dla scola, cultura y furmazion che ie lià un cun l auter: „Chësc di reprejentea l gran var fat ti ultimi ani n con’ de furmazion, purtan ite nce l ladin tl sistem furmatif, ti dajan nsci si drëta mpurtanza. Da canche l ie unì metù su la Repartizion ladina dla Università Liedia de Bulsan àn pudù arjonjer standard de cualità auc. Cun gran plajëi muessen dì che l ie unì fat de bona furmazion per i nsenianc dla valedes ladines. Na preparazion paritetica che ie

debujën per nosta scola. Ti ultimi ani iel unì fat truep per la rujeneda ladina, n à cialà de lauré de chësc viers per valorisé la identità y la cultura ladina. Truep iel unì fat, truep réstel mo da fé. Na bona ucajion per dé inant la legrëza y la cunvinzion de chël che n à arjont. Mé sce n ie boni de recunëscer na pitla rujeneda, ma che ne n’à nët nia de mënder respet al’autres, iesen boni de purté a fin y arjonjer na cualità che vën al didancuei damandeda da plu pertes.

I ladins coche arichimënt culturel Konrad Bergmeister, presidënt dla Università Liedia de Bulsan, à scumencià si rujeneda, se cungratulan cun chëi che à ntlëuta tl 1998 metù a jì chësta scumenciadiva de valor per la scoles dla valedes ladines. „Al mumënt ons tla Università Liedia de Bulsan 1.800 studëntes y studënc da 61 paejes dl mond, 66 studënc dala valedes ladines. N arichimënt culturel de gran valor. Ulësse dì che nia mé l studi ie mpurtant, ma nce la tueda y nrescida y de chësc viers cialons de lauré inant ti ani che vën cun l aiut de persones cumpetëntes. Oradechël muessen cialé de sopië i bon raporc y la indentità de uniun, aspet fundamentel per n bon lauré deberieda tl daunì, nsci Bergmeister.

Fé cunëscer i ladins nce oradecà Manuela Nocker (CU), nsënia y fej nrescides dal 2006 incà tla University of Essex tla Nghiltiera; ëila reprejentea la grupa linguistica ladina dla Università Liedia de Bulsan. La à sotrissà la mpurtanza de fé cunëscer mo deplù la mendranza ladina nce oradecà; tradizions, cultura y rujeneda ie valores che n muessa purté ora per l mond. Da ne descmincë nia ne n’ie ënghenó l aspet antropologich. N auter aspet fundamentel ie la tueda y nrescida: cuntenuc de nrescides a livei desferënc sarà for plu y plu damandei tl daunì, y tlo vàla de lauré inant. Nrescida y svilup dla cumenanza, istruzion y furmazion, livel de svilup sozioeconomich nce per i ani che à da unì per renfurzé liams y fins de mpurtanza vitela nce per na mendranza sciche chëla ladina.

L assessour provinzial ladin Florian Mussner: “Nia me jì sot tl scientifich, ma dantaldut descedé la legreza per nostes particolarités culturales ladines!”

ca l ejëmpl dla man: sce n lëura mé cun un o doi dëic iel un n resultat, sce l ie duc i dëic che lëura pea iel n auter, perchël ughëssel a fé lauré dui cin’ i dëic per lauré inant miec y arjonjer l miëur resultat,“ a sotrissà l digan dla Univerisità Liedia de Bulsan Franz Comploi.

La storia dla scola ladina L ntendënt scolastich ladin Roland Verra à tenì n referat n con’ dl svilup y dla storia dla scola ladina tl passà nchin ncueicundì, auzan ora i aspec plu mpurtanc che à caraterisà la scola ladina nchin al didancuei. L mudamënt plu mpurtant ie dessegur stat la ntroduzion dl sistem paritetich do la segonda viera mundiela, arjont cun gran mpëni y sacrifizies dala persunaliteies dl mond dla scola y nia mé, che sënia mo ncueicundì la cualità dla scoles tla valedes ladines.

L ladin te scola de Fascia Mirella Florian, sëurastanta dla Scoles de Fascia, à prejentà plu ala menduda l sistem scolastich de Fascia, spligan avisa nce coche l ladin vën adurvà tl cuntest scolastich de uni livel de scola. Da auzé ora iel dessegur l proiet nasciù da puech, ma che à gran suzes „Na cumenanza che mpera“. Tlo possa i sculeies se cunfrunté bele dala prim tlas inant cun l ladin te

Cultura coche spiedla dla grupa de rujeneda L retëur Walter Lorenz à dit che l elemënt culturel ie daniëura n spiedl de na mendranza, nce tl cheder dla furmazion. Ël à sotrissà l gran lëur fat ti ultimi diesc ani, che ie na bona fundamënta per lauré inant mo miec, per ti jì permez ala ndesfidedes dl mond globalisà de nosc tëmps moderns. „Te chisc diesc ani pòssen dì che l „pitl mut“ da ntlëuta à scumencià a crëscer y bel plan chierel na cumpania per se repurté nce cun d’autra realiteies da oradecà, coche l Friul y i Grijons. N possa nce tò

L degan dl’Université Ledia de Bulsan Franz Comploi. www.lauscdiladins.com

3


Atualité

nr. 15 / 15 de auril 2011

L professour universitar dr. Paul Videsott y l coordinadour dr. Theodor Rifesser.

uni mumënt dl di te tlas y te uni situazion nce ora dl'ëures de nseniamënt.

Tenian cont dla realtà nce ladina Theodor Rifesser à mo auzà ora: „N muessa tenì cont che dant pudova i maestri mé jì te na scola auta tudëscia o taliana a se furmé, a Persenon iel na Repartizion aposta, ulache n possa se scrì ite y che ie praticamënter n pitl spiedl de nosta scola. L vën fat cursc per tudësch, per talian y per ladin,

perchël vëni njeniei ca per si realtà, ulache i muessa lauré y chësc ie per nëus stat na gran richëza y n saut de cualità. N possa zënzauter for miuré: n chësc cont iel unì fat ntan l domesdì na mëisa turonda, ulache n à audì dai studënc nstësc y dai diretëures, cie che ëi se aspieta, cie che ie jit bën, cie che n possa mo mëter leprò. Son iusta te na fasa de na gran reforma. Propi chisc dis vëniel dat pro chësta reforma a Roma y n spera che dut vede tres. Tlo saràl dessegur nce mo miuramënc per l ladin laite, ulache n possa mo njunté leprò,

per ti dé mo na miëura furmazion a nosc nsenianc.“

N gran svilup Paul Videsott, professëur dla Repartizion Ladina dla Universtià Liedia de Bulsan, ie de chëla che l svilup ie stat drët grant. “On scumencià tl 1998 y ne n'àn nia na idea mo tlera coche n dëssa mëter man cun l nseniamënt dl ladin. A livel de università funziunéiel bën, perchël iel na gran esperienza positva chëla che on fat chësta furmazion universitera per i

nsenianc dla scola auta, che univa dant ora da n nseniamënt, da na scola tudëscia o taliana, y messova se mparé da sëui la metoda didatica per nsenië te na scola cun trëi rujenedes y no mé de una na rujeneda, y chësc sons stac boni de nsenië te università.“ Sambën pënsen nce al daunì, coche la dëssa jì inant: „N iede do diesc ani, rati che l sibe drët, ulons udëi cie che ie jit bën y chël ulëssen putenzië, pona ulëssen sambën audì cie che ie jit manco bën, cie che n pudëssa fé miec, y chël ulessans fé miec. Y pona na cossa che n à audì ora te na maniera drët tlera ntan l cunvëni, ie la mbinceda che la Repartizion ladina ne sibe nia mé tlo per la furmazion di maestri, ma per duta la categuries che viv l ladin. L ie drët cunëscer y se repurté nce cun d'autra realteies.

A livel universiter depëndel nce mpue’ dala realtà istituzionela che i à tla scoles nstësses. La prejënza dl furlan tl Friul ie mëndra tla scoles de ublianza, perchël ne n'iel niancanó na gran prejënza dl furlan tla università. Ei à na sezion de furlanistica o rujenedes neolatines che tën nce cont dl furlan, ma che à n'autra funzion tla furmazion, coche la on tlo da nëus. Ti Grijons ne n'iel nia na università, ma la furmazion di maestri ie garantida da na scola auta de pedagogia che à plu o manco la medema funzion sciche nosta Repartizion ladina, ulache l ladin ne n'ie ënghenó dal pont de ududa legal nia tla medema forma sciche te nosta Repartizion,“ nsci Videsott. Daniela Villotti

Cathomas: “L Rumantsch Grischun é na realté!” L Professour da la Svizra à tegnù n referat sun i lingac nuzés tl cianton Grijon per formé i mutons y à conté dl’esperienza che an fej con l Rumantsch Grischun te scola Festa Université/2 - N referat rich de vitalité à porté a chest congres l professour svizer y colaboradour dl’Université de Bulsan Rico Cathomas. El à volù conté sun la situazion dl plurilinguism tles scoles dl cianton Grijon, l’introduzion dl Rumantsch Grischun (“ladin” unifiché dla Svizra) y ence sun l troi che al à podù fe enchin te nosc dis. Dl Rumantsch Grischun podonse lì te internet con la ousc di “Uffizi per la scola populara ed il sport” dl Cianton Grijon chest: <L lingaz standard rumanc grijon é nasciù l ann 1982 sun la fondamenta di idioms rumanc desferenc. Dal ann 2001 encà él l lingaz ofizial dl cianton Grijon; dal ann de scola 2007/2008 encà él lingaz d’alfabetisazion tles scoles rumances primares. Tl setour dl lingaz scrit proa l projet “Rumnatsch grischun en scola” de remplazé i cinch idioms scric ćina sen con una na rujeneda standard comunabla. L fin dl projet é chel de mete a disposizion mesi d’istruzion atuai y atratifs per dutes les materies scolastiches y de renforzé generalmenter la prejenza dl lingaz rumanc tl setour scrit. Tla comunicazion a ousc déssel gnì inant coltivé y vivù la varianta che vegn baieda sul post.> Dl 2009 él gnu publiché chest comunicat de relazion dl svilup dl’introduzion dl RG tles scoles recordan che i comuns instesc tla Svizra tol la dezijion de inserì o manco l RG tles scoles de si competenza: <Enchin sen à 40 comuns (zirca mec i comuns con scola rumancia) fat la lita sun l’introduzion dl RG. Te chisc comuns à porté les litazions

4

www.lauscdiladins.com

L professour Rico Cathomas: “L Rumanc Grijon pita dantaldut na maioura produzion de material didatich y ence na maioura cualité de chest!”

a n resultat positif. Anter chisc comuns él p.ej. i pioniers dl ann scolastich 2007/2008 Müstair, Sta. Maria, Valchava, Fuldera, Tschierv y Lü dla Val Müstair, Lantsch, Brinzauls, Casti, ez., dl Grijon Zentral y Trin, Laax y Falera dla Surselva. Per la sajon de scola 2008/2009 él spo gnù do Glion, Schnaus, Flond, Schluein, Pitasch, Riein, Sevgein, Castrisch, Surcuolm, Luven y Duvin, per l ann de scola 2009/2010 spo Sagogn, Rueun, Siat, Pigniu, Vuorz y Andiast. Do n resultat politich positif ruva l comun te na seconda fasa dl projet, olache la scola é instessa protagonista. Cater é i argomenc da tò en consciderazion: “RG te scola”, “RG fora de scola”, “varietés baiedes te scola” y “varietés baiedes fora de scola”. Per l prum pont vuélel samben ester la formazion di insegnanc y la produzion de material didatich. Les formazions di

insegnanc vegn fates da la scola auta pdedagogica dl Grijon, i maestri vegn formés inant per cater edemes linguisticamenter y didaticamenter (3 edemes dant l’aplicazion pratica y 1 edema do l prum ann de insegnament tl RG). Tla cornisc dl prum ann de insegnament pò i insegnanc se damané aiut y sosten didatich. La produzion dl material didatich se orienteia aldò di comuns pionieristics, chel vuel dì che per l ann de scola 2007/2008 àl messù ester dant man l material didatich per l prum ann, per l 2008/2009 l material didatich ence per la seconda classa, yee. Per colaboradours al projet, insegnanc, genitours, scolari/res y duc i interessés pò i materiai didatics tl RG gnì prejentés te na forma de banca dac online: “chatta. rumantsch-grischun.ch”. Per genitours él dant man dlongia ai cursc de lingaz spezialisés ence

“Cursc de cercia de RG” con prejentazion speziala de material didatich y tematisazion di problems gnus a lum tl laour de ciasa (compic dl mut). Chisc cursc vegn pités da la Lia Rumantscha y da la organisazion de lingaz regionala tla cornisc de si program de curs. Per l ram dles varietés baiedes él dant man na raciuda de materiai audio y video te duc i idioms. La terza fasa sun l troi dl’introduzion dl RG tles scoles veid dantfora l’osservazion dles esperienzes fates con l RG te scola y spo ence provedimenc de mediazion per chi comuns che n’á nia ciamò abù l coraje de tò na dezijion sun l’introduzion dl RG. Te chesta fasa laoren con l’Université de Fribourg.> Cathomas à conté dl iter che é gnu fat enchin sen y ence di bogn resultac y dles dificoltés che an à

enconté. El à mostré spo ejempli de plates internet y publicazions che é gnudes fora te n gran numer i ultims agn. Derevers (zoruch) ne jiran nia plu - sce spo valuteien l “co” y nia l “perciuldì” - rata Cathomas, ence ajache la jent y i genitours pò avei sen trueps de bogn libri tl grijon, cie che ai ne ova dantvia nia. Sce an va te internet sun www.chattà.ch spo pòssen vedei a cie pont che la prejentazion y mostra de tesć rumanc é. Cie che fej imprescion y cherieia otimism per duc i pitli lingac de mendranza che à plu idioms é l mode lesier y ludich che i grijons à per dé inant y nuzé sies variantes de lingaz. Chesta imprescion de legreza con l lingaz grijon àn ence podù avei tratant y do l referat d Cathomas, y l gran aplaus da pert dl publich a fin de si intervent l’à zertifiché. (ir)


Atualité

nr. 15 / 15 de auril 2011

Na meisa torona con ousc da la realté Sot l tema “Cie se speta pa la scolina, la scola y la cultura ladina da la Repartizion ladina dl’Université de Buslan?” à l jornalist Diego Clara mené fora per la discuscion la presidenta dl’Union di Ladins de Fodom Daniela Templari, l diretour Alexander Prinoth - diretour de reparatizion, l dotor Albert Videsott president dl Istitut Ladin “Micurà de Rü”, l dotor Antone Pollan - president dl Istitut Ladin “Majon di Fascegn”, la dotora Rosmarie Crazzolara - ispetoura dles scoles ladines, la dotora Edith Ploner - ispetoura dlesc scolines ladines y la dotora Katja Pescollderungg - assolventa dla repartizion Ladina dl’enconteda di ladins da dutes les cinch vals ladines. L’Université dles scienzes dl’educazion con la sezion ladina a Persenon é n post de enconteda, à ence na funzion de liam anter ladins y dess ester n impuls per resté ladins y nia arbandoné l lingaz. L diretor Prinoth dij che al é gnu fat n gran vare inant per i ladins tres la Sezion Ladina a l’Université, y: “sen messonse jì inant y la svilupé inant”, auzan fora tant important che n renforz cultural podessa ester tl davegnì de nosta “université”.

La plusvalenza dla plurilinguistica L congres à abù n bel publich.

Festa Université/3 - I pion via con la testemonianza de una che à desfiré y sclut ju l’université “ladina” a Persenon, la dotora Katja Pescollderungg de Caflosch. Ala dij che l mond dl laour àla éla messù sentì n pue autramenter che l mond a chel che l’université à prové de la enjigné ca, la realté ti pitli paisc dla Val Badia pò ester dldut foresta canche an à fat l vare da l’université al insegnamet cuotidian te scola. Rajonan dl’oferta universitara àla dit: truepes é les lezions facoltatives tl’Université, cie che vegn pité a joenes y jogn é truep, basta che una/un ae interes, l’Université pita na gran formazion ence individuala. L’ispetoura a les scoles ladines de Südtirol Rosmarie Crazzolara respon a cie che la scola se speta da la Repartizion Ladina: “Che les assolventes sae da insigné tles scoles ladines, te n sistem de scola paritetich, olache al vuel ester na

gran forza individuala, n gran potenzial per filtré y spo trasmete, y ence na gran pascion.” L president dl Istitut Ladin “Micurà de Rü” à dit che sciche al é tradizion tles vals ladines é i insegnanc portadours de cultura y ence protagonisć dla cultura che vëgn vivuda y deda inant da les unions culturales y da iniziatives sozioculturales. Si apel é chel de cialé soura la formazion individuala che l’université dà fora, colaboran con i autri, jan adum, coordinan les ativités. L dr. Albert Videsott se damana ence na maioura coordinazion anter les istituzions ladines sciche Université, IPL, i autri istituc dla Provinzia, lies, unions, ez.. Si colegh, president dl Istitut Ladin de Fascia, dr. Pollam, à auzé fora l post Persenon sciche zenter storich de educazion y cultura ence per i ladins, i cialan a la funzion che l Vinzentinum y l Seminar à abù tla formazion di ladins (nia me religiousa) y

L’ispetoura dles scolines ladines de Südtirol Edith Ploner à auzé fora l valour che l plurilinguism à y é, ma ence la desfida che na formazion plurilinguistica é. L’Université enjigna ca, ma la pratica de vigni dì é n’autra y sce les studentes ladines dla Sezion Ladina lascia l’université con na bona conoscenza dl ladin, spo ne i dà nia plu dutes chesta importanza sun si post de laour tles valedes ladines. Ploner: “Messon valuté ciamò deplù la plusvalenza dl plurilinguism, y ester comeptenc te duc i trei lingac che i adoron dì per dì te nosc mond dl laour.” Ence da chest statement àn audì fora che forsc mancia en pue la legreza y la pascion per l lingaz ladin, per che al posse gnì nuzé dì per dì a la per di autri doi lingac (talian y todesch).

Ater che formazion plurilinguistica! Ence Daniela Temnplari

dl’Union di Ladins de Fodom à podù tò la parola. Ala à dit che l ladin y l insegnament dl ladin tles scoles de Fodom n’à deguna dignité, y inant: “de lerch ne baionse nience!” Me la volonté de val’ insegnant tin cont che al é ence l ladin. N gran problem é ence chel che la Sezion ladina dl’Université se damana a l’iscrizion na bona conoscenza dl ladin y dl todesch, dlongia a chel talian, per podei azede. Templari: “Co messessa pa na studenta fodoma gnì pro, sce ala ne sa no ladin no todesch? La aodanza de Templari é chela che ence les joenes fodomes, y da Col y Ampez, posse gnì pro de jì a l’Université a Persenon. “Chesta é nosta chanche, ajache chestes joenes podessa gnì da nos a insigné nosc mituns.” Ma per che chest posse suzede, vuélel ester la poscibelté de istruzion aldò te chisc paisc; al moment per chest dut na ilujion. La dra. Manuela Nocker à dit che una na strategia per se confronté con les ghiranzes dla formazion di insegnanc de nost mond ladin al didancuei mess sté tla metoda dla formazion y dl insegnament, y nia tl soget y individual. Nocker dij che la cultura n’é nia me plu n fatour cultural, ma economich per na sozieté y che al vuel ester colaborazion de vigni vers, ence anter universités y economia, studes di setours, ez.. Ala dij ence che al é n troi per ruvé al insegnament dl ladin tles scoles de Souramont, basta che deplù genitours se mete adum y s’l damane, les strategies pò ester deplù che me na norma che ne preveid nia l ladin. L diretour Prinoth à sclut ju la

meisa torona con la consciderazion che con maestri dl post che à legreza con la cultura y le lingaz, vala de dé inant ence i valours per cultura y lingaz, de utol fòssel sce les assolventes dla Sezion ladina dl‘Université a Persenon giatassa l privilegh de gnì pro a insigné tles valedes ladines dant a les autres che à studié te na université foradecà.

Conclujions: la Repartizion ladina dl’Université de Bulsan mess ester na Repartizion ladina, y nia me na Repartizion badiota y gherdeina Les scolines y scoles tles vals ladines nia de Südtirol podessa enjigné ca mutans y mutons ti lingac ladin y todesch, per che chisc ae la poscibelté de podei jì a l’Université de Bulsan, Repartizion ladina. Chesta istituzion é na gran chance per l lingaz ladin y si insegnament. La jent ladina à fora per si storia dagnora conesciù y ence sapù de valuté i lingac talian y todesch, ma ne pò nia messei lascé de imparé ladin (a ousc y per scrit) contra sia volonté. Te nosc temps ne scluj n lingaz nia fora l auter - chest fova n prinzip fascist, te nosc temps é vigni lingaz che an sa deplù na richeza emplù. Ence i ladins à dutes les rejons de podei nuzé sie lingaz, y do diesc agn de Université “ladina” messonse duc a una cialé de jì l troi che les portes de na formazion dles forzes de insegnament de nosta cultura y de nost lingaz posse ester davertes per duc y nia me per i plu fortunés. (ir)

Les patrones de Südtirol a lité la nöia Landesbäuerin 2011

N salf plëgn de patrones y trohtes por la reuniun anuala Balsan.

Lies - Ai 3 d’aurì 2011 é ruvà adöm tl Auditorium “Joseph Haydn” a Balsan dötes les patrones che fej pert dl consëi de döt Südtirol. Chësc é n dé n pü’ particolar por les patrones. Pro chësta indunada àn podü sintì plü daimprò le valur che

les patrones porta te nostes valades. Do na bela santa mëssa él gnü splighé l’ativité fata ia por l’ann dala “Landesbäuerin” Maria Kuenzer. Le tema de chësta reuniun é stè “cöie ći che an sënt”, dijon che sce an mët man da fà val’ spo pòn inće

avëi de bugn früć por le dagnì. Te Südtirol unse 15151 patrones scrites ite, 152 uniuns dles patrones, de chëstes él 26 uniun tl raiun de Puster. Al é spo inće gnü lité la Landesbäuerin nöia, y so inom é Hiltraud Neuhauser Erschbamer da Vilpian. Maria Kuenzer che é stata Landesbäuerin por 8 agn â albü dè jö süa inćiaria. Ara s’à dër porvè por daidé les patrones de döt Südtirol; i ti dijun n dilan dër sinzier por ći che ara à fat por les patrones. Ara é stata intres deponibla al dialogh. Al ti é gnü surandè na scultöra de lëgn sciöche reconoscimënt dl gran laur che ara à fat te chisc agn. Les döes rapresnetantes nöies é śëgn Maria Hafner Egger da Tiesen y Helga Lantschner Fischnaller da Fones. Al é inće gnü premié sis vëdoes por le coraje y la forza che ares à albü por jì inant te n rî momënt de söa vita do la mort de sü omi jogn, tolon te söes mans le laur da paur y le lüch y tiran sö i mituns da sores.

Les stories dles 6 vëdoes à dër tlocherè ti cörs dles patrones, fajon inće sciampè na legrema o l’atra dal’emoziun. Saludé da chësta indunada él inće gnü Luis Durnwalder, Hans Berger, Leo

Tiefenthaler, Resi Schiffmann (surastanta dles patrones di paisc tiroleji) y Annemarie Bichl (surastanta dles patrones dla Baviera). (Uniun patrones dl Comun da S. Martin de Tor)

Maria Kuenzer é stada por ot agn a će dla Lia dles patrones de Südtirol. So post vëgn tut ite śëgn da Hiltraud Neuhauser Erschbamer da Vilpian. www.lauscdiladins.com

5


Atualité

nr. 15 / 15 de auril 2011

Politica ciancanera a Bulsan Al é pa ben trueps agn ca che al é vegnù scrit che i ladins vegn tratés a Bulsan desche la ultima roda de ciar. Sce na pert ne l crei nia i meti sen dant de chi ponc olache i ladins é vegnus desmentiés, sies rejons ignoredes y an é passés sourafora sciche ai ne fossa nia

Carlo Willeit ova dagnora damané na bona sconanza di ladins.

Politica - Al é pa ben bele vegnù scrit y dit cotant de iadesc che al ti mancia al Assessorat provinzial ladin cotant de competenzes che al audissa da avei ciuldì che ales reverda i ladins, ma al é la assessoura todescia che comana de chisc temesc ladins: - bens culturai: archeologics, architetonics y artistics, sconanza begns culturai, archif provinzial (material di ladins); - ofize servisc formazion permanenta, ofize biblioteches y mesi audiovisifs, Museum Ladin, Scola de mujiga ladina, scola profescionala, Facolté de Formazion a Persenon (sez. ladina), ofize

6

www.lauscdiladins.com

stipendiums y finanziament a les scoles, ofize chestions linguistiches, ofize trilinguism. Duc chisc ofizes é sot la padronanza dla assessoura todescia empede dl assessour ladin. Al se trata de chestions ladines che vegn tratedes da persones todesces. Chisc ofizes podessa vegnì abinés adum y deplù ladins studiés essa n post de laour. Ie son dla minonga che l assessour ladin essa plu che assé da fé sce al essa dutes chestes competenzes. Assessour di laours publics él bele unfat sce n talian o n todesch l fej; les stredes é da fé y bon y basta.

Derc di ladins ignorés Chilò messe ence dì che i ladins dla SVP se à dé dret puech da fé per porté inant chestions ladines che bruj da agn sot i piesc. Ala ne buta nia vigni zacotant d´agn de vegnì fora con valch proposta y spo la lascé mete sot meisa ite y scuté chic. Chilò n zacotant de ponc daverc che i ladins mess fé valei sce ai vuel vegnì conscidrés na popolazion da respeté: - n conseier ladin mess avei l dert de vegnì assessour y nia demé la poscibelté a uega dl partit de maioranza, sce l ladin é de sia pasta o nia; - l assessour ladin mess podei rejoné ladin tl Consei provinzial; la

traduzion ti autri doi lingac dess ester na cossa normala per respeté i ladins; - al ti mess vegnì garanti ai ladins doi raprejentanc provinziai a na moda che trami i posć - assessorat y vizepresident dla provinzia - posse vegnì coris; - i ladins auda da giaté la rejon da podei vegnì sourastant dla provinzia sciche l enj. Vijo Pupp à podù ester dal 1956 al 1960; - i ladins à debujegn de avei n sie certl lital che ai posse se mete su siei raprejentanc y no i todesc con na propaganda dla SVP fora per dut Südtirol; - l cercl lital dess vegnì slargé fora per les lites dl Parlament ence a les autres valedes ladines per abiné n ladin tl Parlament a Roma olache al toma dezijions pesoces per i

ladins; - i ladins mess giaté la rejon de ester raprejentés tla Comiscion di 6 y di 12; n ladin auda da fé pert dl TAR; - al mess vegnì cherié cotant deplù posć publics tla Ladina che degugn ne messe s´en jì per giaté n laour adaté; ala jissa da porté tla Ladinia cotant de ofizes publics; i ladins mess giaté l dert de podei tò ite ence posć plu alaut zenza messei se declaré talians o todesc per ruvé ite; - leges y decrec mess ence vegnì scric per ladin; demé enscì pò nosc lingaz vegnì revaluté y giaté na derzeda linguistica; - les trasmiscions ladines mess giaté l 100 percent plu ores con n aument dles strutures, di mesi finanziars, dl personal y n

Lois Trebo defenn lingaz, cultura y politica ladina dal 1966 encà

caporedadour ladin pro la RAI; - l Istitut Pedagogich Ladin auda da vegnì trasferì tla Ladinia; - tla Facolté de Formazion a Persenon déssel vegnì cherié n Istitut de Ladinistica sciche al fova bele prevedù tl program de coalizion dla provinzia per i agn 1998 – 2003; fina encuei é chest resté sun l papier; - i ladins adora na Agenzia Noeles Ladines sciche i rumanc à bele da cotant d’agn y che ti é de gran utl a trueps media nia demé rumanc; - la Provinzia é envieda de se enteressé che al vegne laoré inant sun l projet SPELL per mioré l ladin scrit unifiché y l arichì cotant deplù con paroles y terminologies modernes. Chisc ponc fossa da porté a bon fin sce an rejona de parité ladina con i autri. (Lois Trebo)

Florian Mussner se ghira puech y nia de reconesce i derc ladins.


Atualité

nr. 15 / 15 de auril 2011

Nce atlec ladins unerei da Durnwalder Danter i 25 atlec che ie nstadì unic unerei dal presidënt dla Provinzia Luis Durnwalder tl Felsenkeller dl Zënter Laimburg per si arjontes sportives, à undesc nce pudù pië do na uneranza particulera. Danter chisc iel i atlec ladins Elena Runggaldier y Florian Planker

Dancà y da na pert Uedli y oredles daverc sun la sozieté ladina d’aldidancuei Marlene Boso da Ciampedel – conditora che entenc eves desche n’outa

Atlec unerei per meric sportifs dal presidënt dla Provinzia Luis Durnwalder.

Uneranzes - Durnwalder à laudà i atlec che à arjont i livei plu auc te truepa disciplines, lecurdan che a chësta maniera iesi nce ambasciadëures per nosta tiera. Chëst ann à la uneranza di atlec purtà na legrëza particulera, ajache l presidënt dla Provinzia à pudù ti fé i cumplimënc a atlec drët jëuni: Elena Runggaldier tl saut, Lukas Hofer y Dorothea Wierer tl biathlon. “Chisc jëuni desmostra che pudon se ncunferté nce sun de bon resultac tl daunì,” à dit Durnwalder. I gran campions dla sëira ie zënzauter stai Christof Innerhofer, che à ntan i campiunac dl mond arjont trëi bedaies, y Armin Zöggeler, cun n record nuef de vëntes cun la luesa. I bon resultac tl sport a livel plu aut ie nce esprescion che l vën laurà bele dal scumenciamënt, ulache nia uniun ne fej sport per bedaies, ma dantaldut per si pascion. Da pert dla Provinzia vëniel nce fat truep per sustenì l’ativiteies sportives. “L vën njenià la cundizions acioche atlec y duc i sportifs dl tëmp liede posse ti jì do a si pascion. I resultac arjonc da nosta atletes y nosc atlec desmostra che son sun la drëta streda,” à dit l presidënt. L suzes tl sport a livel plu aut ne à nia mé n valor materiel, aldò dl presidënt dla Provinzia iel nce debujën de idealism y altruism per ruvé suinsom. Per uneré i atlec iel nce unit adalerch l presidënt dl Coni Heinz Gutweniger, l presidënt dl cumité provinziel dla FISG Hermann Ambach y dla Fisg Christian Trettel,

cun reprejentanc dla grupes militeres sportives. Ntan l ultimo inviern à i atlec dl Südtirol vënciù 27 bedaies; leprò vëniel mo i suzesc pra i campiunac dl mond junior cun mo diesc bedaies.

I unerei Atlec che à giapà la uneranza dl sport: Christof Innerhofer, Elena Runggaldier, Lukas Hofer, Dorothea Wierer, Karin Oberhofer, Roland Fischnaller, Karl Abfalterer, Robert B acher, Matthia s Morandell, Florian Planker y Werner Winkler.

Atlec nviei ala festa Christof Innerhofer, bedaia de or tl super-G, arjënt tla libra y bront tla cumbinazion pra i campiunac dl mond de schi a Garmisch. Armin Zöggeler, bedaia de bront tla garejeda singula de lueses pra i campiunac dl mond a Cesana. Elena Runggaldier, bedaia de arjënt de saut pra i campiunac dl mond a Oslo. Christian Oberstolz y Patrick Gruber, bedaia d’arjënt pra i campiunac dl mond a Cesana. Lukas Hofer, bedaies de bront tla 15 km mass start y tla 10 km sprint pra i campiunac dl mond de biathlon a Khanty Mansiysk. Peter Fill, bedaia de bront tla cumbinazion pra i campiunac dl mond de schi a Garmisch. Manfred Mölgg, bedaia de bront

tl slalom pra i campiunac dl mond de schi a Garmisch. Roland Fischnaller, bedaia de bront tl slalom paralel de snowboard pra i campiunac dl mond a La Molina. Karin Oberhofer y Dorothea Wierer, bedaia de arjënt pra la stafeta de biathlon di campiunac de Europa a Ridnaun. Carolina Kostner, bedaia de bront pra i campiunac de Europa de jadiné artistich a Bern. Renate Gietl, bedaies d’or tla garejeda singula y tla garejeda a scuadres di campiunac dl mond de lueses sun purtoi naturel a Umhausen. Anton Blasbichler, Florian Clara y Patrick Pigneter, bedaia d’or tla garejeda a scuadres di campiunac dl mond de lueses sun purtoi naturel a Umhausen. Angelika Rainer, bedaia d’or pra i campiunac dl mond de arpizeda sun dlacia a Bustemi. Karl Abfalterer, Robert Bacher, Manfred Mair am Tinkhof, Mathias Morandell y Roman Zublasing, bedaia d’or pra i campiunac d’Europa de chidlé sun dlacia a Burnech. Florian Planker y Werner Winkler, bedaia d’or pra i campiunac d’Europa de sledge hockey a Solleftea. Katharina Pliger, bedaia d’or tl pudejé (5 km) pra i campiunac dl mond INAS per persones cun hadicap a Lans Vercors. (ufize stampa provinziel de Südtirol)

Cuntroi per cuatieres soziei Ajache ultimamënter iel stat na descuscion publica n con’ di cuntroi de cuatieres soziei, se à nstadì nce la Jonta provinziela dat ju cun chësc argumënt. I 200 cuntroi che vën fai ann per ann ie, aldò dl presidënt dla Provinzia, assé Cuatieres - “L ne sarà mei mesun schivé uni fal, ajache uni persona possa se falé, ma messon garantì che l ne suzede nia de gran fai,” à dit Durnwalder do la senteda dla Jonta. Che i cuatieres soziei vënie

nce abitei dala persones che i à giapei, testemunieia uni ann 200 cuntroi. Sëuraprò vëniel per lege cialà do 6% de duta la dumandes de sustëni che vën fates ala Provinzia. La Jonta provinziela ie

stata dla minonga che chisc cuntroi muessa basté, che n dëssa nce tl daunì cialé do tres i mesuns dla Provinzia, y nia sëuravaluté chësc problem cherdan la polizai per fé i cuntroi. (ufize stampa de Südtirol)

Fajede ence chest an la pechenèda te bar? Chest an la fajon de fora e enjignon da magnèr e da beiver per duc. Jun Busan aon comprà ite Osterschinken, n persut che se fèsc apontin da Pèsca de solit tel Sudtirol e dapò fajon pìcoi wurstel bienc. Se aon metù ensema nos che sion sun chesta strèda per se autofinanzièr la pechenèda. Che jent tolel pèrt de solit? L’80% l’é jent da chiò, i etres l’é foresć. Chest an no n sarà n muie de foresć con chesta Pèsca scì inant ma fajon na bela festa per dut l paìsc. Se aon comprà n pìcol gazebo e aon domanà ence l’autorisazion sanitèra. De solit l’é na festa che pièsc n muie. L’é dal 1984 che la fajon e duc vegn bolintiera. Dapò coi scioldi che vanza de chesta pechenèda jon duc a cena percheche se no cognon se orir na partita iva... (grignon). Co ela mudèda la tradizion de la Pèsca da canche siaède pìcola? Gé vegne da na familia de bachegn de 10 fies da San Michele Appiano. L dì de Pèsca la mama ne enjignèa n bon disnèr e dapò jane a chierir i eves fora per la pergoles olache i fajea de pìcola coes e i metea ite i eves encolorii e dò, canche ciapane i eves, jane endò daìte e la mama ne injignèa la supa da cern con ite foadines, la nudelsuppe con ite chisc toc de wurstel e chest persut. Me recorde n’outa che mie fra più veie l’aea tout l giat e l ge à metù la ciates te la farina e l’à pesticià dut fora per la pergoles olache l’era i eves coscita nos cherdane che fosse stat l cunel a ne sconer i eves. L’era bel canche siere beza, e dapò la nona ge regalèa al fioc l fochez n pan douc con ua passa, l’era l cunel per i bec e la gialina per la bezes. Gé son ruèda chiò canche me é maridà, de 20 egn, e me recorde che duc dò messa jia te bar a pechenèr. Nos aane l Bar Bruno e enlouta i vegnìa proprio duc dò messa Ades chesta usanza no la é più, nos aon scomenzà a fèr la pechenèda e dapò ence stroz per duta la val i

la fèsc, ma no l’é desche n’outa. E duc i eves che aede chiò da olà vegnei? Dai egn Otanta é tacà a colezionèr eves depenc. N’é più o manco 200, na bona pèrt i vegn da mia sor che la depenc e dapò da l’Ungheria, da la Russia, ma ence aló no se n troa più tropes. Peissete che n’é ence un che l vegn fora da Dèlba del ’28, de color checen vif, depent e scrit. I me à dit che chest checen i jìa a l tor fora per zeche cava che l’era a Jian. Co se fèjel a entenjer i eves con la tecnica da n’outa? Pruma roba se doura l’ef bianch. Proprio ingern na femena me à contà che chiò te Fascia i disc: che Pèsca la sie prest o tèrt, la ciuites les vegn fora per entenjer i eves. Te toles toc de peza piutost sotila de bombèsc o lin, te fès de pìcola pezes e te metes soravìa schiufes de cigola śala e la ciuites duta bela spiatèdes fora e te fès ite l’ef te la pezes che les vae ben a roda e te lees ite dut col fil, più te l fès ite delvers e più l vegn bel. N’outa é proà a durèr chela garzes a rei che se ciapa te farmacia, ma no la é jita. Dò da chest te l metes a boir te l’èga per 20 menuc. Per ge dèr più color te pes meter ite na bustina de té neigher o na carata rossa. A la fin, per l fèr doventèr bel luster, te l passes soravìa con na porcigna. Al post de la ciuita se pel meter ence spinat e no vegn dut valif percheche nos fosc, con duta chesta roba moderna, sion usé che dovente dut perfet ma nience te la vita no dut l’é perfet. Él zachei che ve domana de ge ensegnèr? Na, nesciugn. Fossa ence bel che chisc joegn i vegne a domanèr ma l’é n empegn percheche se s’i fèsc se cogn i fèr delvers... e temp n fossa ben. Me peisse a tant de temp che noscia mères ne à dedicà a nos e ne ensegnèr. Ades no sozede più e n’outa con na stua de 10 bec l’era più da fèr che ades. Mia mère la fajea zeche bie eves, un più bel che l’auter. Gé son de l’idea che l’é ence mìngol la televijion che tol via chisc joegn, la enscemenesc duc. (vr)

www.lauscdiladins.com

7


Atualité

nr. 15 / 15 de auril 2011

Ampliament RAI Ladina

Aiut Alpin Dolomites La sajon da d’inviern ie per la scuadra dl Aiut Alpin fineda via n dumënia ai 10 de auril. L ie stat n inviern scialdi muvimentà, cun truep ntervënc. Uni di fòvel da muever plu iedesc per purté aiut a jënt n deficultà. Ti ultimi dis ne n’iel nia stat ntervënc sun i purtoies, ma plu iedesc unìven cherdei ti luesc a purté aiut a persones che se ova fat mel y ova riesc debujën de n dutor. Nscila fòvel da ruvé de prëscia a Sëuc, ulache n marangon se ova taià via defin doi dëic. Do che n l à ciulà su a puntin àn metù i doi dëic sot a dlacia y ie julei tl spedel de Bulsan, ulache i dutores à abù n gran lëur a cujì inò pro i dëic. Che l’ansciuda ie ntant tlo àn nce udù pra i prim ntervënc sun streda, ulache sportifs dala roda se fajova mel. N bon ciaut descëida la ueia de fé n valguna raides y nscila à trueps tëut la ucajion de tò ora la roda da si ciulé. La stredes ie suvënz mo da giara che ie unida sterduda canche l fova da dlacia y cun la roda manàcen suvënz de sbriscé. Chësc ie suzedù a Mals, ulache n’ëila se ova sburià su dassënn.

Nce sun Pas Pinëi unìvel cherdà l joler per n ntervënt sun streda. N jëunn dala vespa fova sbriscià sun la giara y se ova rot na giama. Vel’ ntervënt de emergënza sanitera iel ënghe mo stat, danter l auter a Latzfons per n’ëila che se n stajova scialdi mel te si cësa. Nscila nce a Longiarù per n ël dl post.

Gran proa Na gran proa iel mo unì fat l ultimo di de sucors, plu avisa a Vals, ulache l se ova abinà truepa scuadres de sucors dla provinzia, che à purvà ora tecniches de sucors nueves cun l joler.

La statistiches Nscila fina via chësta sajon, scumenceda ai 4 de dezëmber y jita inant cun bën 449 ntervënc da pert dla scuadra dl Aiut Alpin Dolomites cun si joler cueciun. Tla statistica vëijen che n à fat 432 ntervënc te nosta provinzia, diesc tla provinzia de Trënt y set tla provinzia de Belun. La majera pert ie l joler unì cherdà per persones che se ova fat mel, suvënz sun i purtoies. Tlo fòvel de

L joler dl Aiut Alpin. n azion

de Armin Moroder ndut 297 persones da jì a tò. Emergënzes saniteres n iel stat 130. Sies iedesc iel stat che n ie muec cun l joler, ma per fertuna ne ova chëi che ova cherdà nia debujën de n dutor, ma fova „mé“ te situazions periculëuses ulache l joler pudova i salvé y i mené al segur. Purtruep iel nce da nunzië i 14 morc che n à messù ciarië. De chëi n fòvel undesc pra emergënzes saniteres y trëi per desgrazies sun streda. La statistica va inant y mostra su che danter la persones a chëles che n ti à judà fòvel 239 taliani, y de chëi 135 de nosta provinzia. 108 fova tudësc y austriacs y 100 de d’autra nazions.

Rengraziamënt Da auzé ora iel te chësta ucajion duc i ulenteres che à judà pea te plu manieres pra l servisc de sucors. Scialdi bona ie nce stata la cunlaurazion cun la zentrela dl 118, che à cuordinà duta la cherdedes. Śën saràl ëura per la scuadres dl Aiut Alpin de se dé ju dantaldut cun la proes per vester inò njeniei ai 11 de juni, canche l Aiut Alpin tulerà inò su la atività de sucors dala zentrela de Puntives demez. Da nosta pert stlujons ju cun chësta edizion la nutizies dl Aiut Alpin che on repurtà uni ena sun la Usc di Ladins, speran che l fova for velch de nteressant per nosc letëures. La rubrica jirà inò inant tl mëns de juni. Ntant Ve mbincions a Vo duc na bona Pasca y na bela ansciuda.

L Aiut Alpin giapa na stëila Na bela uneranza ti iel unì sëurandat al Aiut Alpin Dolomites da pert dla Lia di Osć - HGV dla provinzia de Bulsan Aiut Alpin Dolomites - La Lia di Osć dla provinzia de Bulsan à sëurandat la uneranza n ucajion de si senteda generela che ie stata nstadì a Maran. Uni ann sëurandà la Lia uneranzes a persones y istituzions che se à fat de gran meric per l turism. Chëst ann iel unì dat ora

set uneranzes, set stëiles, ala istituzions de ulentariat y de aiut te Südtirol: l’Assoziazion provinziela di Destudafuech, la Crëusc Blancia, l Cumité provinziel dla Crëusc Cuecena, l aiut ti crëps dl AVS, l aiut sun l’ega, la sezion CAI de aiut ti crëps y tla cavernes y, coche dit, l Aiut Alpin Dolomites.

L presidënt HGV Walter Meister à rengrazià y laudà la istituzions per l lëur de ulentariat, ti judan ala cumenanza da tlo ma nce ai turisć. L se trata de milesc y milesc de persones de Südtirol che juda pea canche l ie debujën. David Lardschneider

va inant da la pruma plata

y radiofonica con laprò n potenziament adeguat dles ressorses umanes (personal); ai scri: “atualmenter preveid la convenzion 39 ores al ann de programazion televisiva y 352 ores anuales de programazion radiofonica... l’informazion radiofonica messessa prevedei almanco 3 apuntamenc partis su tles spanes orares dla doman, da mesdì y da seira, tratant che i programs culturai messessa podei garantì n’autra spana de na ora... l telejornal atual TRAIL messessa resté sciche sen ajontan na seconda edizion per ladin da les 22.00 a les 22.10, tratan che per i programs culturai él important de arjinje lercs ajontives en pruma sereda (mertesc y sabeda 20.30 20.25)”. An se damana ence de

apassené aldò di debujens l organich, la strutura y i mesi tecnics. Damané se végnel ence n coordinadour ladin y na redazion autonoma ladina con caporedadour y capostrutura ladins. “L’efizienza dl servisc publich vegn garantì mantegnan l’unitarité tla senta RAI a Bulsan, che tol ite tla convenzion atuala les comunités ladines de Gherdeina, dla Val Badia y Fascia”, scri i petitours, y inant che ai se damana ence l’estenjion dla convenzion dl servisc radiotelevisif ladin dla RAI al teritore di trei comuns ladins storics dla provinzia de Belun Ampezo, Fodom y Col, proponan ence la poscibelté dl “Fonds Brancher” (ciala plu avisa ence l “Comentar de seconda” te chesta edizion dl foliet) destiné ai comuns de confin dla Region TrentBulsan per respone ai costimenc de chest ampliament souraconfin.

No a Belum n Südtirol N comentar de Lorenzo Soratroi va inant da la pruma plata

e dei prinzipi che à ispiré i pèresc fondadous de la “chèrta mère” de la Republica. Ma coche da spëss ven fat n Italia, de la storia se tòl demé chël che nterescia e fèsc comodo e se lascia da na pèrt l rest. La storia la conta nveze che i pèresc fondadous de la Costituzion, co i à bu definì i confins de le nuove Region, i eva ence coscienć che dut ava mossù ester fat mprescia e che nte troc caji chi confins i no respetáva realté storiche che s’ava formé col temp. Una de chëste, dijón nos, l’é chëla dei Ladins del Sela, despartìs ntel 1921 dal fascism nte trei provinzie. Per chëst l eva ste metù ite l articol 132, che perveiga la poscibilité per comuns e provinzie ntiere de cambié Region. Rejón chëst che dessa forza a le motivazion del referendum dei comuns da Souramont e no zèrto a chële del comitat “Belluno Autonoma Dolomiti Regione” che vòlpassé demé per cuestion economiche. Ades se sa che per i comuns l é poscibile damané de passé nte na region a statut special, ma no per na provinzia. Almánco no nte la Region Trentin – Südtirol. N cajo che l referendum l fossa ste azeté, s’assa giourì n bel bordel istituzional. S’assa bu defati na provinzia che volëva passé nte na Region ulàche bele de autri suoi comuns à damané davántfòra, co

nen referendum fat e vadagné, de passé. Ntel cajo dei trei comuns ladins po’, le motivazion i eva ben autre che chële dei belumac. E i é chële de le reisc storiche e de cultura. I zitadins dei trei comuns ladins i s’assa spò ciapé a voté n auter viade per l medemo cuesit, ma per autre motivazion. Plu che segur nte chisc comuns la maiou pèrt de la jent la no fossa juda a voté. Ma coscideré che l é l ultimo voto chël che conta, se fossa jus a riscio de anulé chël plebiscitar del 2007. No toca desmentié po’ che n Provinzia de Belum l é n comun, chël de Sapada / Plodn, che à fat e vadagné n referendum per passé col Friul. Ci n fosselo de la volonté de chësta popolazion de mendránza se fossa passé l referendum provinzial ? Ultima consciderazion. L comitat promodou del referendum provinzial, buda la notizia da Roma, l à fat a savei de avei n “piano B”. Ci vòlelo di? Che i savëva bele davántfòra che l referendum l ava gròsse poscibilité de ester bocé? Ma fin a l auter di i s’à dit plu che segur che l iter l assa bu n bon fin. No se po’ to n giro la jent. L Comitat Referendar per la Riunificazion de la Ladinia l à dit très fòradërt che l referendum, sepùr con dute le dificolté, fosse sté la sola e ultima strada de podei tourné auna ai autri Ladins sot a Bolsán. Na coerenza e che l’é stada mantignuda e premiada. Autrò, coche se veiga, no l’é stada coscita.

Finanziamënt per scoles ladines

Reprejentanc dla istituzions che à giapà na uneranza. A man ciancia Günter Comploj y Raffael Kostner dl Aiut Alpin Dolomites.

8

www.lauscdiladins.com

Scola - Danter i 15 proiec che ie l’ena passeda unic tëuc su da nuef tl program per frabiché scoles iel nce lëures che unirà fai tla valedes ladines. De ndut à la cumiscion per frabiché scoles dat pro n finanziamënt per 17,7 milion de euro. Danter i lëures che ie unic valutei de prëscia iel nce l ngrandimënt dla scolina a Antermoia. Chësc lëur per n custimënt udù danora de 90.000 euro dëssa unì tëut su tl program prinzipel di lëures. Danter i 9 lëures

che ie te chësc mumënt mo zënza finanziamënt iel nce l ressanamënt dla scola elementera de S. Lenert de Badia. Per 14 d’autri proiec iel alincontra unì segurà n finanziamënt de 17,7 milions de euro. N cont dla valedes ladines iel danter chisc lëures nce l ressanamënt dla vedla scola elementera a Urtijëi cun la Scola de Mujiga che giapa n finanziamënt de na milion y mesa de euro. Danter i lëures de mëndra mesura iel nce l ngrandimënt dla scola mesana a S. Martin de Tor. (usp)


Atualité

nr. 15 / 15 de auril 2011

Lecort per la vitimes dla Venuesta Ai 12 de auril dala 09.01, avisa n ann do la desgrazia tragica dla ferata dla Venuesta danter Kastelbell y Latsch, iel unì descurì n sas de lecort per la 9 vitimes al sas ulache n possa liejer i inuemes de Franz Hohenegger, Regina Tscholl Tappeiner, Franz Rieger, Rosina Ofner, Michaela Zöschg, Julian Hartmann, Elisabeth Peer, Judith Tappeiner y Michaela Kuenz Oberhofer. Cie che fova da udëi sun la luegia dla desgrazia nes resta tl lecort. “Udù ons nce coche trueps à judà,

zënza cialé a sé nstësc y zënza paussé”, nsci à Durnwalder rengrazià duc chëi che se à dat ca per judé. Ntan chësc ann do la desgrazia àn cialà de judé mo inant, dut cie che se lascia. “Pudon mé judé a livel materiel y mustré nosta solidarietà, deplù ne pudons danz nia fé,” à dit l presidënt dla

Provinzia. Cialan de reviers ne ëssa deguni pudù udëi danora la desgrazia dla ferata dla Venuesta. “Vivon te n raion da mont, y la resieda ne possa nia unì astileda ora defin. Nëus pudon mé fé dut chël che la persona possa fé, per smëndré la resieda,” à dit Durnwalder. (ufize stampa provinziel de Südtirol)

Lecort: assessëures provinziei pra la cumemorazion dla vitimes dla desgrazia dla ferata dla Venuesta.

Lecort - “On udù cosses che ne an dant mo mei udù y che ne desminceron mei,” à dit l presidënt dla Provinzia Luis Durnwalder, che à nce lecurdà l gran mpëni dla scuadres de prim aiut. “Ai 12 de auril, n lunesc d’ansciuda, fòvel n di sciche d’autri, nchin che l ne n’ie nia ruvà ite la nutizia dla desgrazia dla ferata dla Venuesta,” à dit Durnwalder pra al festa de lecort sun la luegia de desgrazia dan a

feter duta la Jonta provinziela, reprejentanc di Chemuns, dla scuadres de prim aiut y dl ordn publich, ma dantaldut di parënc y cumpanies dla vitimes dla desgrazia. Do la nutizia tragica ne n’ie nia plu sciche l fova dant, dantaprima per i parënc dla vitimes. “N chël di daduman à 9 persones saludà per l ultimo iede i siei de familia,” à dit l presidënt dla Provinzia dan

Mumënc de reflescion dan al sas per lecurdé la desgrazia dla ferata.

La desfata dl sorvisc sanitar publich Comunicat de Ladins Dolomites Politica - Al à rajun nosc “Landes-hauptmann” canche al dij che i ne podun nia fà na medejina a döes tlasses, mo al ne s’an anadà nia che süa politica é de gauja. Cun la creaziun de öna na aziënda sanitara de Südtirol àn porvè da fà crëie che chësta é la strada da

sparagné y la strada da evité na medejina a döes tlasses. Fina śëgn, 3 agn dedô, mësson dì che al n’é gnü fat nia ater co sparagné söl numer dl personal, na cossa che an ess podü fà inće cun 4 aziëndes. De fat, sparagné n’àn ćiamò nia, ćiodiche la direziun nöia che é

gnüda cheriada costa inće bindebò. La reforma tlinica che dê gnì aviada é tl s’indormedì, i zëntri de ezelënza che foss dër importanć por na sanité de cualité vëgn lascià te cassëta (ej. “Stroky unit”), i doturs y les infermieres de basa vëgn lascià a so destin. I contrać dl publich ne vëgn

nia plü renovà, o miù, an n’ô nia plü dè fora scioldi por le personal publich. La demotivaziun dl personal é grana ti ospedai y i doturs nüza fora da fà les vijites privates te y fora de ospedal por fà jì sö le paiamënt. Avisa döt chësc é contribut de na medejina a döes

tlasses y chësc ô inće dì che i sun daimprò al falimënt dl sorvisc publich. LADINS DOLOMITES se ghira na revalutaziun dl sorvisc sanitar publich y na garanzia de n sorvisc de cualité che tëgn tl tëmp y che la politica fejes valch cuntra la desfata dl sorvisc publich.

Educazion politica te scola

Passei pra l ejam de ladin

Proscimamënter scumëncia i dis de educazion politica 2011. Dlongia manifestazions daviertes a duc, à la repartizion per la furmazion nce njenià ativiteies per la scoles

Per pudëi nsenië tla scoles ladines muessen sëuraprò ai tituli de studi nce avëi n ejam de ladin dedicà. De ndut ie 27 candidac chëst ann passei l ejam de ladin per nsenianc

Scola - Davia che la cumpëida ie limiteda dëssa maestri nteressei se nunzië per tëmp y ëura. Per tlasses dala terza mesana suvier iel unì mparà ite l pez de teater n con’ dl’eutanasia dal titul “Spuren der Seele”. Chësc pez trata dl mazé de andicapei tl tëmp dl nazionalsozialism. L teater vën purtà dant tl teater de Gries a Bulsan cun la prima reprejentazion ai 16 de auril. La chertes per sculeies costa sies euro. Nteressei possa se nunzië nchin ai 14 de auril pra Paola Guerra y Alexandra Hofer (Tel. 347 7131789 o 338 4700783, paolagrr@libero.it, www. theatraki.org). Ala scoles autes ti vëniel L placat di dis de educazion politica 2011. pità l film da chino sun la costituzion y politica taliana dal articuli dla costituzion n referimënt titul “Niente paura” cun l ciantarin ai ultimi tëmps, tl cuntrast dla rock Ligabue. Chësc film trata cianties de Ligabue. Nfurmazions

de carater didatich sun chësc film iel nce da abiné sun la plates internet dl Istitut Pedagogich y dl Filmclub de Bulsan, o les damandan al adres walter.pichler@schule. suedtirol.it. La reprejentazions dl film n con’ dla costituzions ie prugramedes ai 3, 4, 5 y 6 de mei tl Capitol-chino a Bulsan. La cherta de ntreda costa cater euro per sculé. Per la reprejentazions pòssen se nunzië nchin ai 29 de auril pra Maruska Bertolini, tel. 0471 974295, info@filmclub.it. Films y libri n con’ dl argumënt dla respunsabltà, tematica zentrela dl’azion da chëst ann, iel nce tl cufer di media. L material ie adatà per tlasses dla scoles mesanes y scoles autes. Chësc cufer di media ie nce a desposizion do i dis de azion tl Departimënt educazion y cultura ladina pra Erna Flöss (tel. 0471 417034, erna.floess@provinz. bz.it). (ufize stampa provinziel de Südtirol)

Bën 27 candidac ie passei pra l ejam de ladin.

Ejams - L nteres per fé i ejams de ladin per nsenianc ie chëst ann stat majer permez ai ani passei. Bën 33 candidac à fat la proa scrita, ulache l fova da fé na traduzion dal talian o dal tudësch. Di 29 candidac che à pona nce pudù fé la pert a usc n iel passà 27. La relazion di 27 nsenianc nueves, danter Gherdëina y la Val Badia, ie drët

balanzeda. Cun l ejam de ladin vën la stieres da maester tla scolines y scoles ladines resservedes defin a nsenianc de rujeneda ladina. Duc i nsenianc muessa avëi l trilinguism, ma i ladins vën tëui dant. Te duc i livei de scola, dala scolina ala scola auta, iel de ndut 413 stieres tl urganich. (ufize stampa provinziel de Südtirol) www.lauscdiladins.com

9


Atualité

nr. 15 / 15 de auril 2011

Al é ca 55 agn: la fin dl stalinism Stalin, l ditatour dla Union Sovietica, é mort dl 1953. Al ova arpé l’enciaria de secreter dl partit comunist da Lenin (1870 - 1924) dl 1922. Chest ova envié via la Revoluzion bolscevica (comunista) dl 1917 amez la Pruma vera mondiala; per emplanté l comunism tla Ruscia òvel lascé copé ju duc siei aversars. La Ruscia tolòva l inom “Union Sovietica”

N retrat che à fat storia: Crusciov à metù sun meisa si ciauzé tratant la reunion ONU dl 1960 a New York.

La catedrala de Basilius, una dles particolarités de Moscau.

Storia - Stalin ( Jossif Wissarionowitsch – perdert J.W. Dschugaschwili) é nasciù dl 1879 tla Georgia. Al ova empruma studié teologia, spo fòvel vegnù n revoluzionar bolscevich y fova vegnù mené tl esil plu iadesc. Dl 1922 él vegnù nominé secreter dl partit comunist, enciaria che al à ence abù do la mort de Lenin. Anter l 1924 y l 1929 àl lascé eliminé duc siei concorenc (L. Trotzki). Stalin fova sen l ditatour che comanova de duc y de dut, la maiour autorité dl bolscevism. Stalin à lascé copé milions de persones, la gran pert paurs che s’ova paré contra la nazionalisazion de siei luesc da paur; i comunisć ova fat d’enfora n kolchoz, na sort de cooperativa, con mete adum n grumon de mesc che vegniva laorés da la comunité; i laoranc giatova n tant. Da capì che ai ne se provova nia massa de abiné de bogn fruc ajache i paiamenc ne dependova nia da na bona o scleta racoiuda. Con les “purghes” y i prozesc dal 1936 al 1938 àl lascé desmandré duc chi che ti stova n puech te troi, che s’enfidova da dì valch decontra. Al à trat su na gran industria y à fat coletifs fora dla agricoltura. Ti logheri Gulag dla Siberia martorjòvel milesc y milesc de persones che vegniva tratedes peso che besties; ales messova laoré fina che ales tomova via, se duré fam, seit, ales giatova colps; enscì moriva la gran pert da chisc maltratamenc.

“pice pere” Stalin dess ester jù – aldò de Crusciov - contra l spirit dl marxism–leninism ajache al s’ova metù fora de avei cualités souranaturales y infalibles, al ne dess nience mai avei prové de informé la popolazion y de laoré adum con chesta, ma al dess dagnora avei ghiré sotmiscion totala a sia minonga. “Chi che se metova contra sia conzezion… vegniva zenza bazilé sciurés fora dal coletiv de comando y enscì d e s d r u c m o r a l m e nte r y politicalmenter…”

revoluzion dl 1917 él jù pro la Armada Cuecena; dl 1918 se àl lascé scrive ite tl partit comunist y spo àl metù man sia cariera politica. Dl 1934 él vegnù lité tl Comité zentral dl partit comunist y dl 1938 secreter politich dla Ucraina do che i dirigenc da denant fova vegnus eliminés dl 1937-38. Tratant la Seconda vera comanòvel trupes a Stalingrad sciche tenente general. Dal 1953 al 1964 él sté secreter dl partit comunist y dal 1958 al 1964 ence capo dl govern. Dl 1959 àl enconté l vizepresident di USA, R. Nixon, dl 1961 s’àl enconté a Viena con l president american J.F. Kennedy. Crusciof é sté dl 1961 a una de lascé fé l mur de Berlin amez zité fora y sun l termen dla Germania dl West con la DDR. Dl 1962 àl lascé mete su a Cuba rachetes contra i USA, cie che ova feter gaujé na vera atomica. Daite te ciasa ova Crusciov tres deplù compagns de partit decontra y dl 1964 se àl vedù sforzé de dé les demiscions. An ti tirova dant de avei mené na scleta politica industriala y agrara, che al ova manajé la crisa de Cuba malamenter y che sia fia con sie om fova jus a Roma a enconté l Papa, cie che i gran comunisć ne

Crusciov descuer i malfac de Stalin La fin dl comunism sovietich é vegnù envié via da n descours dl secreter general dl Partit comunist, Nikita Crusciov, sun i delic de Stalin dl 1956 - rodunt dant 55 agn. Nikita Crusciov é nasciù dl 1894; al per che al ae demé fat doi agn de scola elementara y che al ae emparé da lieje endertura permò canche al ova chi 30 agn. Al fajova l idraulich; do la

10

www.lauscdiladins.com

ova nia glotì. Do che al é jù en pension él tres vegnù spié da la polizia secreta sovietica. Dl 1971 él mort ma al ne à giaté deguna sepoltura statala y nience na fossa tl Cremlin. Ai 14 de fauré dl 1956 vegnìvel envié via l XX Congres dl Partit comunist dla Union Sovietica (KPdSU). Stalin fova bele feter chi trei agn mort. Chi agn vegnìvel ciamò tegnì dret alaut, al regnova l cult dla persona de Stalin feter sciche al fossa en vita: sie corp embalsamé fova vegnù sepolì te n mausoleum; truepes stredes, scoles, palac, ponc, plazes tla Ruscia y ti stac satelic ova giaté sie inom. Che al ova chi agn dal 30 ensù lascé martorjé y copé chi 20 milions de persones ne contova nia plu truep. Ma tost giatova chest bel retrat dl “pere” Stalin de burtes sgrafededes. A la fin dl XX Congres dl Partit Comunist – al fova ai 25 de fauré 1956 – ova l suzessour de Stalin Nikita Crusciov cherdé adum membri fidenc dl partit a na senteda straordinara a portes sclutes per l publich. I prejenc fova restés perplesc a audì la relazion longia de Crusciov te chela che al ne contova su nia de bon de Stalin ma dut l sclet. L

Crusciov scouta via sies colpes Crusciov mostrova spo su n retrat pesoch dl rejim stalinist. Tant i capi che ence i membri dl partit dess avei vit tres te na derta tema ajache l ditatour paranoich lasciova saré via de chestes persones aldò de criteres daldut do sia idea. Al ne scutova nience via che la gran pert di sarés via fova vegnus, do prozesc formai, die alalongia martorjés y spo sourandés ai boies per vegnì copés. Ma la descrizion de Crusciov di agn dl terour fova te doi ponc nia completa. Al ova demé metù sun meisa i delic contra l partit comunist (al é empaca vegnù copé tratant i agn dl 30 y 40 l 70% di membri dl partit), ma al n’ à dit nia dl terour spaventous contra la popolazion en general che ova ghiré cotant deplù vites. Da l’autra pert à Crusciov con bona rejon scuté via che al é sté merit de Stalin che al enstes à fat cariera: sciche capo dl partit a Moscau y dla Ucraina fòvel responsabel che trueps fova vegnus sclopetés.

I stac satelic se lasciova su

N depent dl “Politbürô” con Stalin.

Do les descorides de Crusciov sun la veira politica de Stalin àl metù man na perioda storica che pò vegnì clameda “Sajon plu mestia”. Milions de perjoniers fova vegnus lascés fora de sie Gulak,

la zensura fova vegnuda plu monejela y la prescion sun i stac satelic ova lascé do. Finamai i 30.000 perjoniers todesc ova podù s’en jì a ciasa. Ma i laoranc tla Polonia scioperova de messel dl 1956; d’otober y november dl medem ann òven metù man tla Ungheria de ghiré derc de liberté, parlamentarism y independenza nazionala. Ilò ti ova Moscau endò dé na meneda a la smorsa politica: trames les revoltes fova vegnudes mazedes adum dai panzeri rusci y di stac “fredesc“ satelic sun comando de Crusciov. Canche Crusciov ova metù man de tempesté contra l scritour Boris Pasternak (Dotour Scivago) y ti ova proibì de pié do l Premie Nobel che ti fova vegnù conzedù dl 1958, àn capì che al soflova ence al intern dla Ruscia endò n vent plu freit.

Pera de ciantun dl secul 20 Amez i agn 50 parova l comunism tl’Europa y cis tl Terz Mond fé varesc da gigant; dl 1949 fova la Cina (l stat dla tera con l plu abitanc) vegnuda comunista; i USA ne fova ti agn dal 1950 al 1953 nia stés bogn de vadagné contra la Corea dl Nord comunista; dl 1954 fova i franzeisc vegnus spedrés demez dai rebei comunisć da la Indocina. L descurs de Crusciov ti ova dé soura dut l mond na derta scasseda al comunism plu modern di funzionars comunisć y al ova descedé dubes sun la legitimité de dut l projet. Ti agn dedò fova chisc stac comunisć restés sun la sia. Dl 1989 ései con pueces ezezions tomés adum sciche na baraca vedla. L scritour rusc Roy Medwedew rata che l descurs de Crusciov sie sté adum con la Revoluzion ruscia dl 1917 y la sbrocheda dla Seconda vera dl 1939 la gauja dla outa plu importanta dl secul 20 – la fin dl comunism! Lois Trebo


Atualité

nr. 15 / 15 de auril 2011

"Souramont" al ordin dl dì

Diretëura nueva dla Scolina Hannelore Insam à venciù l cuncors da diretëura dla scolines ladines

La diretëura nueva dla scolines ladines, Hannelore Insam.

Scolina - Dan doi ani fòvel unì spartì la ncëria da ispetëura y diretëura dla scolines ladines tres la lege provinziela nueva dla furmazion. Chisc dis à Hannelore Insam venciù cun gran merit l cuncors per sëurantò da nuef la ncëria da diretëura. Chësta stiera cumporta la urganisazion y l svilup urganisatif per 743 sculeies cun 104 cunlauradëures tla 17 scolines dla valedes ladines. Tl ejam scrit y a usc à Hannelore Insam desmustrà si cunescënzes n cont de urientamënt pedagogich, urdinamënt iuridich-aministratif, dl seguré la cualità dl servisc y dla lege dla furmazion. La cumiscion cun l’ispetëura per la scolines talianes Renza Celli, la diretëura dla scolines de Neumarkt Beatrix Aigner y l diretëur de repartizion Alexander Prinoth à valutà la cunescënzes de Hannelore Insam cun la miëura notes. “Hannelore Insam à bele ti ultimi ani da

vizediretëura y śën da diretëura nciarieda mustrà cumpetënza tla funzion de manejé na gran direzion spartida su sun doi valedes, gran mpëni y pruspetività,” sotrissea l’ispetëura per la scolines ladines Edith Ploner. La iuria à laudà dassënn la bona preparazion de Insam y si cualiteies persuneles per la ncëria da diretëura dla scolines. Ufizialmënter sëurantuleràla chësta ncëria cun l ann de scola che vën, canche la se trata de mëter a jì 104 nseniantes y cunlauradësses pedagogiches plu 37 che ne lëura nia per l mumënt. Cun 743 sculeies à la direzion dla scolines la majera cumpëida de sculeies y de scolines permez al’autra direzions ladines. La ncëria se damanda cunescënzes tl urdenamënt iuridich, tla pedagogia dla prima nfanzia, nseniamënt adatà de plu rujenedes, cunescënzes tla psicologia de svilup, te mudazions inuvatives,

tla evaluazion, te argumënc de privacy y tl urdenamënt dl personal. “La particularità dla 17 scolines ladines ie che la situazions ne n’ie nia dlonch unfat, per la diretëura se tràtela de garantì chësta desferënzies y tl medemo mumënt de mantenì na vijion unitera, mantenian i medemi prinzips,” spiega l’ispetëura. Hannelore Insam possa se stizé sun 33 ani de esperienza te scolina. Ot ani iela stata derijënta dla Scolina Salieta a Urtijëi, ulache la à nce mustrà n gran mpëni canche l fova unì frabicà da nuef. Do vester stata vizediretëura dla scolines ladines ie Insam i ultimi doi ani stata diretëura nciarieda. Per vëncer l cuncors metù a jì dal Ufize provinziel de urganisazion se à ëila nce juà de si furmazion speziela da derijënta de scolina y de na furmazion per cumpanië praticantes.

va inant da la pruma plata

enchin al 100% dles speises. Fe domanda pò i comuns sie decà che delà dl confin. Al se trata endut de 46 comuns, de chisc termeneia me 6 con Südtirol. L termen per dé ju les domandes é per i agn 2010 y 2011 l 30 de jugn 2011 y dal 2012 inant l 31 de merz de vigni ann. I ot componenc dl ODI che é en ciaria per cinch agn é, l on. Aldo Brancher, che à ence l’inciaria de president, l dr. Mattia Losego, l dr. Daniele Molgora y l dr. Marzio Facincani per l Govern, dr. Roberto Ciambetti en raprejentanza dla Region Venet, Roberto Baitieri en raprejentanza dla Region Lombardia, l dr. Sergio Bettotti per la provinzia de Trent y l dr. Hermann Berger, che é l diretour g e n e r a l d l’A m i n i s t r a z i o n provinziala, per la Provinzia de Balsan. Sun la nominazion da pert de Bulsan, pòssen me dì che l dr. Berger é na persona con na gran esperienza aministrativa y raprejenteia la Provinzia de Bulsan te organisms de gran importanza a Roma, olache al laora con i maiours resultac. Les dezijions tl ODI vegn toutes a maiouranza. L ODI delibereia, na outa che al à stabilì i criters de finanziament, sun la costituzion de na comiscion per l’aprovazion di projec. Te chesta comiscion, denomineda CAP, végnel spo aprové i projec con l finanziament relatif. La presidenza dla CAP sourantol l president dl ODI. Sun la basa di projec a les reunions tolarà pert l president, l raprejentant dla Provinzia y dla Region de referiment sciche ence l raprejentant dl ministerium dl intern. Samben se aspéten che i mesi finanziars de ben 80 milions de euro al ann vae a bon fin, a porté pro realmenter al svilup y a la integrazion de chisc raions y nia me a compliché la realisazion di programs con la creazion de ciamò

plu burocrazia do che an à lit che l aparat aministratif per laoré fora les domandes con la senta a Verona tl ofize dl tesorier sarà de 15 persones y i cosć gnirà finanziés con l fonds de 80 milions de euro. Questio “Souramont” te comiscion La penultima juebia à la pruma comiscion per i afars costituzionai dla Ciamena di Deputac metù man la tratazion dla proposta de lege nr. 24 dl deputat Karl Zeller sun les normes per la sconanza dla mendranza linguistica ladina tla Region Venet. La proposta preveid na sconanza sciche per i ladins de Bulsan y Trent aldò dla Costituzion, dla lege statala 482/99 y de Convenzions desferentes per la protezion dles mendranzes linguistiches. I ladins de Souramont podessa - sce la lege passassa, anter l auter i dé inoms ladins ai mituns, mudé i inoms dal talian tl ladin, avei emblems, tofles y segnai per ladin. L ladin gniss adoré ti ofizi publics, ti ac, ti raporc con les forzes de polizia, con la signoria, concursc per ladins, l insegnament dl ladin te scola, la difujion dl ladin tres programs dla Rai, l sosten a ativités y iniziatives culturales, sportives, educatives, scientifiches de unions me ladines. Sconanza di monumenc storics, dl patrimone cultural, dles tradiziuns. Per la curida finanziara dla proposta de lege, enscì Zeller, podessel gnì tout ca l fonds de 80 milions de euro. Tla comiscion à tout la parola ence l deputat Giancarlo Bressa, che à dit de ester sostanzialmenter per la lege, arata indere che i profii de incostituzionalité che é tla proposta de lege mess gnì claris. Al é da dì che l deputat Zeller à prejenté plu propostes de lege per la sconanza dla mendranza ladina tla Region Venet. Chest é l prum iade che al vegn traté na proposta de chest vers te comiscion. L troi sciche nos duc savon é lonch y ert.

www.lauscdiladins.com

11


Atualité

nr. 15 / 15 de auril 2011

Ciuldì pa manco scioldi ala Union di Ladins de Gherdëina? Deficultà a jì inant cun atività urdinera, che ie ala fin dla finedes dantaldut n servisc publich, per la cumenanza, ma nce per l turism, pitan la biblioteca y l mesun de vijité l museum

I cuntribuc provinziei ala ULG.

Lies - L cunsëi nuef dla Union di Ladins de Gherdëina ULG à tëut su si lëur ala fin dl 2009. L prim lëur ie stat chël de cialé de reurganisé dut cant, per pudëi mëter a jì l’atività culturela de gran mpurtanza, cialan de sparanië ulache la va. Danz che l ie mpo deficulteies dut ntëur, do che la Provinzia à dat pro per l 2011 massa n pitl cuntribut, de 5.000 euro al ann per l’atività, coche auza ora i espunënc dla ULG, canche l cuntribut fova dan doi ani mo de 30.0000 euro. La ULG ne sà nia da se spieghé ciuldì che l vën dat tan puech. Cunscidran i cuntribuc che la Provinzia de Bulsan dajova mo dan cin’ ani y chëi che l vën dat śën iel na gran desferënzia, da coche n vëija dala grafiches sun la plata do. L cuntribut provinziel ie unì smendrì te doi ani da 30.000 a 5.000 euro, chël uel dì che l ie unì dat passa 80% demanco. L’atività dla Lia crësc for plu y plu, da coche n vëija nce dal’atività fata tl 2010 (c. articul a pert), cun manifestazions cultureles y sozieles d’uni sort, pra chëles che l ie for stat na gran partezipazion. Dlongia la cumpëida dla manifestazions

12

www.lauscdiladins.com

auza l presidënt Stefan Kasslatter ora la mpurtanza culturela dla ULG, che à for si finalità tl mantenì y renfurzé la cultura y rujeneda de Gherdëina. Tl 2009 à l cunsëi nuef dla ULG seurantëut la Lia cun debic. La ULG à nscila taià de gran spëises, coche dit, ma jan inant cun l’atività univa l defizit mpo for majer y majer. Da auzé ora iel che la ULG à coche da tradizion for cialà de mëter a jì si manifestazions ulache l ne n’ie da paië nia, a na maniera da ti unì ancontra a dula la jënt. Sambën che n sperova de tré ite zeche tres i cuntribuc. Ma ntant fòvel for da paië bele danora, cun l cuntribut dla Provinzia che vën de regula paià ora do la rata tert y perchël vëniel nce a s’l dé l busc finanziel via per l ann, ti tulan licuidità ala lia, che uel pona dì deficultà a jì inant cun l’atività urdinera. Scebën cun la mesures de sparanië, calculòven tl prim mpo de giapé 30.000 euro al ann per l’atività, coche l fova la regula; cun chisc scioldi fóssen jic a ega. “Ma nscila, cun mé 5.000 euro de cuntribut, ne sons nia jic a ega y ne jiron niancanó a ega,” dij Kasslatter, che dij che “on messù


Atualité

nr. 15 / 15 de auril 2011

lascé jì l dependënt y ex-presidënt Egon Vinatzer y se sëurantò si lëur da dependënt, se spartian su l lëur - che univa dant paià - danter nëus cumëmbri de cunsëi che lauron debant. Per pudëi garantì inant i servijes urdineres dla Union di Ladins ons tenì inant na dependënta a mez tëmp, che fej d’uni sort de lëures, de contabltà, da scrivana, bibliotechera y de relazions cun l publich.” Nscila Kasslatter, che se damanda “ciuldì giapons’a tan puech? Me nfide a dì, cun dut l respet per l’autra lies, che la Union di Ladins ie te Gherdëina la lia culturela ladina plu mpurtanta da passa cincant’ani incà, iela pu danter l auter la fundadëura dl Radio Ladin, cofundadëura dla Usc di Ladins, dajan oradechël for si cuntribut atif y pesoch pra la arjontes tl ciamp legislatif per la scunanza dla mendranza ladina, de si cultura y rujeneda.” La ULG auza ora cun mueia che “pra chësta tendënza se àl nce tacà ite l Chemun de Urtijëi, che ie l sëul Chemun de valeda che à taià dl mez l cuntribut ala ULG per l’atività

2010, canche l ie usus pra l’autra lies, da coche n vëija tla tabela tlo njunteda, de mantenì ann per ann l cuntribut.” Kasslatter dij che “nscila iel nce rie a jì inant cun l’atività urdinera dla ULG, mé per dì costa bele la segurazion dla Cësa di Ladins passa 3.000 euro, l lift passa 1.000 euro, y pona iel mo l sciaudamënt y spëises d’uni sort per plu milesc de euro. Ulësse auzé ora che l se trata, pra la ULG, de na lia che fej n’atività che ne n’ie mei finaliseda al davani, coche da statut, y perchël saràl for rie a tré ite i scioldi che va debujën. Ma propi per la mpurtanza culturela dla lia, per si atività a bën de duta la cumenanza, udessans ite drët che la man publica sustënie inant sun mesura la ULG,” dij l presidënt dla Union di Ladins de Gherdëina Stefan Kasslatter, finan via cun la cunscidrazion che “duc dëssa iudiché sce la ULG vën trateda al livel de coche la cultura vën sustenida a paroles pra ucajions ufizieles sun la cossa ladina!” David Lardschneider

Atività fata tl 2010 ULG - Biblioteca: davierta lunesc y merdi dala 16.00 ala 18.00; mierculdi, juebia y vënderdi dala 10.00 ala 12.00. - Chertes de auguresc: prima santa cumenion, cunfermé, batëisum y festa dl’oma de Petra Seifart. - Referat cun diapositives: ai 28 de auril tenì dal professëur Edgar Moroder „I Rec: i antenac di Ladins?“ - Pelegrinaje a Baiston: ai 26 de setëmber per la jënt de duta la valedes ladines, chëst ann sot al moto „Cun i piesc via per tiera y cun n spirit nuef, deberieda a Baiston“. - Publicazion dl cudejel „La Stazions al Santuare de Pieralba/ Baissenston, 26 de setëmber 2010“. - Publicazion dl sfuei dla „Santa Mëssa Ladina“. - Manifestazion: “Cianta cun nëus“, festival di cores di mutons dla Ladinia, ai 3 de utober 2010 a Reba. Cores de Gherdëina che à fat pea ie l Cor di mutons de Sëlva, l Cor di mutons de Urtijëi y l Cor di mutons de Runcadic. - Referat cun diapositives y prejentazion dl erbar: ai 27 de utober tenì dal professëur Edgar Moroder: „Flora dla Elpes – a lecort de Josef Wanker“. - Sëira leterera cun mujiga „Luna colma sëura Gherdëina“, ai 10 de dezëmber. Autëures de Gherdëina liej dant si scric. L fej pea Rut Bernardi, Johann Comploj, Rafael Prugger, Roland Verra y David Lardschneider cun intermezzi de

pec de mujiga purtei dant da Vinzenz Senoner y Tobias Delago. - Prejentazion dl „Calënder de Gherdëina 2011“ ai 17 de dezëmber. Cunlaurazions: - cun l Servisc furmazion: curs ladin-gherdëina per prinzipianc, auril-mei cun l referënt David Lardschneider - cun la Butëiga dl mond n ucajion dla festa dla cultures tla Cësa de cultura a Urtijëi, ai 18 de auril: mëisa de libri, juesc y chertes te trëi rujenedes. - cun l Museum de Gherdëina n ucajion dl „Di nternazionel di museums“ ai 16 de mei tla biblioteca ladina tla Cësa di Ladins, cun na mostra de libri di minerei y fossìi dla Dolomites, n referat „Storia y scuvierta dl itiosaur“ cun Johann Matthias Comploj y Meinrad Strobl. - cun l Museum de Gherdëina n ucajion dla „Festa di 50 ani Museum Gherdëina“ ai 7 y 8 de agost cun nosta biblioteca ladina davierta y festa alalergia. - cun l Museum de Gherdëina n ucajion dla „Nuet longia di museums“ ai 19 de setëmber, cun azion per i mutons tla biblioteca ladina tla Cësa di Ladins. cun la biblioteca San Durich n ucajion dl „Di dla biblioteches“, „Café leterer“ tla rujeneda ladina. Cin’ per mile ala Union di Ladins: Sce te ues sustenì la cultura ladina, destinea l 5/1000 sun ti detlarazion dla chëutes ala Union di Ladins de Gherdëina! P.iva 00415580216. De gra de ti cuntribut! www.lauscdiladins.com

13


Atualité

nr. 15 / 15 de auril 2011

L’Aisciuda Ladina 2011 vèrda a comerz e artejanat

Racoiuda de odleis dorés

Momenc de debatit e confront, musega e spetàcoi, esposizions de prodoc e cercia de Per scomenciadiva di Lions Club végnel regoiù tles magnadiva tipica… e se sà ben la maratona de letura, tolarà ite duta la val te la setemèna del Cooperatives de Fascia y Flem odleis dorés destinés ai paisc en lengaz, dai 3 ai 7 de mé che vegn via de svilup L Comun General de Fascia, dessema co la Scola ladina, l’Istitut cultural ladin “majon di fascegn”, l’Union di Ladins de Fascia e co la colaborazion de l’Union Generela di Ladins de la Dolomites, de la Coprativa Val de Fascia e de la Sociazion di Joegn Hotelieres de Fascia, l met a jir la terza edizion de l’Aisciuda ladina – festa del lengaz. L spirit de chesta scomenzadiva, descheche oramai se sà, l’é chel de uzèr fora l valor de esser mendranza linguistica delaìte da noscia val, ma ence tel se oujer a chi che vegn da foravìa, co la segureza de esser na comunità de mendranza viva e sćiantiva de sie esser da vigni dì. L zil de chesta

manifestazion e di intervenc de politica linguistica del Comun General de Fascia l’é chel de tor ite vigni setor del teritorie e de la sozietà fascèna tras l projet “Ladin e economìa”, spervaji che noscia identità pel esser delbon piena demò se la é bona de conjobièr a na vida percacenta tant noscia cultura, nosc lengaz e noscia tradizions che la realtà sozioeconomica, turistica, comerzièla e artejanèla che caraterisea l teritorie fascian. Dò la Scola e l’hotelarìa, chest an l’é l’outa di artejegn e di boteghieres fascegn, schendir de chel setor de l’economìa dal post che serf sie teritorie fora per dut l’an: la copratives, la boteighes en

general – la becarìa, la pecarìa, la mèlga... -, ma ence la ativitèdes de artejan: tisleres, montères, spangleres, marangons, sotleres, e ence barbieres, petenadores, zipiadores, dotores... . Tor ite chisc setores de l’economìa vel ence dir tor cà endodanef i inomes di mestieres e de la èrts per ladin, viventan ti fascegn n lessich fosc desmentià e che fossa delbon pecià che l vae dò brea jù. Na Aisciuda ladina caraterisèda amò n’outa ence da evenc culturèi, da spetacoi, musega e meisa torones sul valor de noscia identità e de noscia cultura sporc e pissé per duta la jent de Fascia. Ve speton!

AISCIUDA LADINA 2011 - Program:

L placat dla scomenciadiva.

Da mèrtesc ai 3 de mé a sabeda ai 7 de mé

Solidarité - Duc nos on te crigna almanco n per de odleis vedli, nia roc, ma demé nia plu dorés: i ne on nia bria da i smaché demez ma i podon ti i dé a chi che à debujegn, con na azion de solidarité scempla ma efizienta. Ence chest ann tles Cooperatives de Fascia y Flem végnel perchel regoiù i odleis dorés, sciche semper per scomenciadiva di Lions Club. I odleis vegn concés dal Zenter talian Lions y do partis fora a chi che à debujegn te vigni pert dl mond, tres l’opera de miscionars

L’identità te vedrina: Esposizion de la vedrines de l’identità te la boteighes. I boteghieres met fora te sia vedrina n segn de identità ladina. En mèrtesc ai 3 de mé da les 15.00 Te chino de Cianacei: Prejentazion del liber “Scedola e l’èrt di comics. Da mèrtesc ai 3 a vender ai 6 da les 15.00 a les 18.00 Te chino de Cianacei: Mostra “Scedola e l’èrt di comics” En mercol ai 4 de mé da les 20.30 Te sala grana de la Sorastanza a Poza: Prejentazion del liber “Storia dei ladini delle Dolomiti”, de Werner Pescosta, Istitut Ladin Micura de Rü. Fora per duta la setemèna Te la scolines de Fascia vegn dat fora magnadiva tradizionèla ladina En mercol ai 4 de mé da les 10.00 a les 12.00

o de grups che va aposta ti paisc en via de svilup. Ti ultims 13 agn à ben 32 milions de persones giaté odleis dorés. Dl 2010 àn tout su passa 335.000 odleis demé tla Talia y passa 5 milions te dut l mond. Al é da recordé che an pò dé ju i odleis dorés via per dut l ann tles apoteches che é semper a la leta per la racoiuda.

Te duta la scola mesènes: Prejentazion del DVD “Fanes. L ream perdù”, con dessegnes animé de Fabio Visintin touc fora dal liber de Bruna M. Dallago Veneri, coproduzion Istitut Cultural Ladin – Giunti Progetti. Jebia ai 5 de mé - Cianacei 16.30 Gran Tobià Teater Se aur i lurieres: Conferenza “L ladin te vedrina”, bilinguism e economìa, co l’intervent de Chasper Pult e William Cisilino

Pìcola rubrica de informazion culturèla

Comunichèr l’identità tras nesc prodoc: stonc de prodoc tipics con si inomes per ladin; esposizion jeghes da zacan e gadgets per l’identità; cercia de prodoc ladins co la colaborazion de Joegn Hotelieres e Sommelier de Fascia

“Il duro flagello”

20.30 Gran Tobià Teater

I recorc de vera de Marino Bernard

Spetacol: “El mal d’amor”, con Noemi Iori, Giacomo Anderle, l’Ensemble “Neuma” e l maester Gianfranco Grisi Vender ai 6 de mé – Sen Jan / Poza 16.30 Museo ladin Meisa torona: “Territorio, economia e identità – Una chance per i Ladini?”, con Annibale Salsa, Cesare Poppi e Giorgio Conti - coord. Fabio Chiocchetti, aur i lurieres Antone Pollam Mostra-marcià: l’artejanat de la faceres L domesdì va inant co la prejentazion de la vedrines; da la boteighes che à tout pèrt a la scomenzadiva “L’identità te vedrina”, vegn dat fora “la tasces de l’identità” 20.30 Sorastanza Spetacol: “Per ladin.... semper più bel? - frammenti di ladinità” Spetacol de teater metù a jir da ESTROTEATRO tel Pian di joegn “LA RISOLA” Sabeda ai 7 de mé – Soraga 16.30 Comun de Soraga - Sala de Consei Meisa torona: “Artejegn ladins te tera ladina”, con Romano Toppan, Roberto De Laurentis, Massimo Debertol, Eduard Zingerle - coord. Silvano Ploner Prejentazion “l bilinguism ti inomes de èrts e mistieres”; ge vegn dat fora ai artejegn la stemes di mistieres 20.30 Sala Pluriuso Conzert de la Blood Rockers Band co la Ciantarines da Soraga Vender e Sabeda ai 6 e 7 de mé Te stua del Museo ladin de Fascia: MARATONA DE LETURA. Tolarà pèrt duc chi che se à enscinuà ti dis dant e che arà voa de spartir coi etres n picol toch de sia identità ladina. Orarie: vender: 14.00 -16.30 y sabeda: 10.00 - 12.00 y dales 14.00 - 16.30

14

www.lauscdiladins.com

l “Bertol" dessegnà da Claus Soraperra e Manuel Riz, l'é la mascotte de l'Aisciuda Ladina che ogne an se tira ite vèlch da desferent per ge ruèr apede con nosc bel lengaz ladin ai desvalives setores de la comunanza.

Ence la setemèna che vegn su Tele Minoranze Linguistiche (TML) te noscia rubrica jirà amò inant la trasmiscion dedichèda ai recorc de vera de Marino Bernard, dac fora te la publicazion “Il duro flagello” rencurèda da Cesare Bernard. La memories de Marino porta dant n pont de veduda che ne dèsc l met de ge ruèr più apede a la realtà de la Gran Vera e en particolèr a la storia del front orientèl, olache l’armèda austro-ungarica à cognù se scontrèr coi reparc rusc. L test, scrit del 1925 aldò de notes metudes jù endèna la vera, vèrda endò a l’esperienza del front con reflescions a posteriori, e l respon a n projet naratif ambizious ma purampò sconet: contèr sia esperienza personèla desche te n roman. Ve recordon che se pel compèr l liber aló da l’Istitut Ladin e dal Museo Ladin a Sèn Jan, olache podarede troèr ence de autra publicazion su la vera, che ne deida a fèr n vèrech più inant per capir n temp emportant per la

storia de noscia tera e per no desmentièr che che l’é sozedù acà béleche cent egn. Oraries (orientatives) de “L cianton de l’Istitut” su TML de lunesc da les 15.45 de mèrtesc da les 18.15 de mércol da les 22.15 de jebia da les 20.15 de vender da les 11.30 de sàbeda da les 18.15 de domenia da les 21.00

La soracuerta del liber “Il duro flagello”.


nr. 15 / 15 de auril 2011

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

La Lies y l hotel da set stëiles L Cunsëi dla Lia da Mont (CAI-AVS) de Gherdëina y l Cunsëi dla Lia per Natura y Usanzes tol posizion n con’ dl hotel da set stëiles che n uel fé sun Sochers: „Vënder ora de nosc ncësa“

L proiet per l hotel da set stëiles.

L hotel sun Sochers coche l ie śën.

Hotiei - Do la tëutes de posizion che ie bele states te d’autra edizions dla USC, tol śën l Cunsëi dla Lia da Mont (CAI-AVS) de Gherdëina y l Cunsëi dla Lia per Natura y Usanzes posizion, cun n comunicat ufiziel deberieda, a inuem de si passa mile cumëmbri: „Nëus zitadins y lies de Gherdëina se on metù adum per ti purté dant ala jënt i ponc negatifs de n megaproiet sciche l hotel da set stëiles sun Sochers. N argumënt che vën purtà da chëi che ie per l hotel ie che l purtëssa posć de lëur te Gherdëina, ma nia per jënt da tlo. Tl ciamp dl turism ne vàl nia plu debujën de posć de lëur nueves per chëi da tlo, ajache n adrova pu bele śën cënc de lauranc da oradecà. Sce l va debujën de fé posć de lëur nueves te Gherdëina, pona plucheauter tl ciamp dl artejanat y per i jëuni che à studià y che muessa se crì da lëur oradecà,“ nscila l Cunsëi dla Lia da

Mont (CAI-AVS) de Gherdëina y l Cunsëi dla Lia per Natura y Usanzes. Y inant: „On nce tëma che trajan adalerch chisc arcimilioneres ulerà pona chisc, udan la belëza de nosc crëps, fé nvestimënc y se cumpré velch te Gherdëina. Menan mo plu su i priejes ne saràl plu per deguni da tlo mesun cumpré zeche te Gherdëina.“

„Profit per puec y dann per chëi da tlo“ La dumanda che l Cunsëi dla Lia da Mont (CAI-AVS) de Gherdëina y l Cunsëi dla Lia per Natura y Usanzes se fej, ie: „Ons’a bën debujën de tré adalerch de tel jënt per l profit de puec y per l dann de duc chëi da tlo?“ Savon che chisc mega-hotiei se tën duc i patins te hotel, ti pitan dut chël che i adrova, ne ti lascian nët nia a restaurants,

bars y n.i. Leprò sons dla minonga che niancanó la firmes da frabiché y i artejans da tlo (muradëures, zumpradëures, marangons, eletricri...) se nuzerá de chësc megaproiet, ajache on udù che l ie suvënz firmes da oradecà che giapa da fé chisc gran hotiei. Duc chisc argumënc desmostra che cun chisc megaproiec se vendons nëus mé ora nosc ncësa, y sce i ie bele ti luesc da mont defin ora de mesura, pona ne n’iesi sa mont nia da azeté! Chësc vel nce per d’autra montes, sciche la Mont de Sëuc.“

L valor di crëps Tl comunicat scrij i doi cunsëies dla lies inant: „Tla sëira de prejentazion dl proiet iel unì dit che Gherdëina unirà plu cunesciuda tres chësc hotel. Nëus son dla minonga che Gherdëina ie cunesciuda per si biei crëps y per

si “mo” bela natura. O cunësc pa zachei de Vo l Gran Canyon o Yosemite National Park per si hotiei che ie ntëurvia? For de majeri y biei hotiei pòssen fé sëura dut l mond, ma nosc biei crëps y le bela montes ne possa deguni nes fé do, y chël valerà per for, y per for saràl jënt che unirà te Gherdëina a ti cialé a chisc crëps. Chësta richëza ie zeche de unich y ne à degun priesc. Perchël iel nosc duvier de la stravardé, acioche nce nosc mutons posse les avëi nsci.“

„A families da tlo ne ti dà deguni nia“ „A families da tlo che se stënta a ruvé pra si cuatier ne ti dà deguni nia“, nscila tl comunicat, „a n tel mega proiet ti dajëssa l Chemun l grunt. Se nmaginon che bele śën ti vëniel fat druch te Chemun per ti dé l grunt, ajache scenó ti féjen problems pervia dla garejeda de Copa dl Mond de schi y dla furnadoia, pona ne saràla tl daunì nia autramënter canche n ulerà fé su na streda o canche n uderà ite che chisc patins uel ruvé su cun l

joler.“

„Y sce l hotel ne rënd nia?“ „Na dumanda che se fajon ie nce chëla che sce chësc hotel ne rënd nia, pona cie suzederàl pa? Meneràl pa ju i priejes, ti fajan na gran cuncurënza a duc i autri? Sce l unirà vendù, pona ne saràl dessegur deguni da tlo che à l muet de l sëurantò, y l tumerà te mans de fulestieres. O ne l cumprerà pa deguni y l resterà na gran plea tla natura?“ scrij l Cunsëi dla Lia da Mont (CAI-AVS) de Gherdëina y l Cunsëi dla Lia per Natura y Usanzes, dijan ala fin mo che „fajeron dl dut per fermé chësc proiet, y speron che nce Vo ambolc, assessëures y cunselieres de Chemun nes dajerëis na man, acioche nce nosc mutons posse inant viver te chësta bela valeda. De gra de Vosc sustëni! Mé tenian adum resterà Gherdëina chëla che la ie, na valeda cun na gran richëza ambientela, culturela y storica.“ David Lardschneider

Lëures pra streda a Runcadic Stredes - A Runcadic vëniel chisc dis scumencià i lëures per fé la streda dala rodes. Per chësta rejon puderà l muvimënt sun streda mé passé de un n viers al iede. La trassa dla streda dala rodes che unirà fata da Puntives ite muessa a Runcadic passé da una al’autra pert dl stradon.

Perchël vëniel fat n sotpassaje. Ntan i lëures puderà l muvimënt di auti mé passé sun l stradon de Gherdëina de un n viers. Chësc vel danter la 8 daduman y la 6 da sëira. I lëures ie udui dant nchin ala fin de juni 2011. (ufize stampa provinziel de Südtirol)

Pra la furnadoia da Ruacia sun Sochers dëssel unì fabricà n hotel lassù y na stazion nueva lajù. www.lauscdiladins.com

15


Gherdëina

nr. 15 / 15 de auril 2011

Setant’ani de Nando Mussner da Costa N cumplì di ani ie nce for n mumënt de reflescion. Nscila nce pra la persona privata y publica Ferdinand “Nando” Mussner de Sëlva, che cumplësc setant’ani. Na ntervista fé zeche, acioche pudan giapé nosta rejons coche mendranza tudëscia y ladina.

Nando Mussner da ambolt cun Pertini, pra la festa di vint ani che l univa te Sëlva.

USC: Cie uel pa dì per Vo cumplì setant’ani, cunscidran pea la malatia che ëis abù dan n valgun ani? Nando Mussner: Ie é for ratà che ruvé a setant’ani ie n gran travert y na gran fertuna. Uniun à abù zeche, ie ne son ënghenó unì varentà dal destin. É abù na malatia dal fuià y é messù fé na trasplantazion dl fuià. Sce n pënsa do che dan vint ani fòvel bën dinrer la fertuna per un de varì, pona muessi bën dì che cialan zeruch à la medejina fat de gran prugresc. Y ie me n sté śën tan bën coche dant. Co udëis’a pona Vo la vita, do la malatia che ëis abù, mpue’ autramënter? Cun na tel malatia y aldò dla profesciunalità che i dutores à metù ite possi bën dì che ie me é ënghe mpue’ mudà. É udù ite che l ie jënt sun chësc mond che sà da judé te situazions estremes, te mi cajo i dutores che sà da ti judé a pazienc, y n pudëssa miné che n ie balau dan n tel pitl miracul. N con’ dla mpurtanza, cie ve sà pa a Vo śën mpue’ plu mpurtant, cie manco?

Ferdinand Mussner tl Kursaal pra l’ancunteda provinziela dla SVP.

16

www.lauscdiladins.com

Plu da giut ovi suvënz nce puecia pazienza pra de tel’ pitla robes, śën passa chëles, y śën toli dassënn n cunscidrazion l fat che sce zachei se amala cëli nce ie de ti judé, sce posse, de ti dì na bona parola, acioche i posse ënghe avëi la fertuna che ie é abù. Un n cunsëi a duc chëi che à na majera malatia ie de vester for otimisć, de avëi crëta ti dutores y tla medejines y te duc i vares che i fej de viers de nëus pazienc. Mpurtanta ie la sanità, vester cuntënt, l humor, la familia, viver bel normal, se lecurdan che l ie nce zeche de sëuranaturel, y for se lecurdan de chël che l ie unì fat da pert de nosc genitores y nëinesc, che messon cialé de tramandé. Pudëis’a cunté mpue’ de zeche de Vosta vita? Son nasciù ta Costa te Sëlva dan 70 ani, tl 1941. Mi pere fova Śepl da Costa, paur y maester de schi, mi oma Babi dl Mëune, che fova scialdi na bona de ziplé y de cianté. Un n fra ova inuem Laurin, nasciù tl 1942, ël fova bele mort tl 1944. Pona iel Oscar dl 1944, Andrea dl 1947 y pona l plu jëunn, Florian, dl 1951. É scumencià a jì ala scola elementera de Sëlva tl 1947, ntlëuta mo te vedl chemun. La scola mesana éi fat a Urtijëi. Tlo éi nce la matura tl 1961, tl ITC. Ove dopro giapà na stiera te banca. Y me ove ncaprizià de fé l’Università a Padua, sezion economia y cumerz, da privatista, ulache ove finà tl 1967. Son stat l prim laureà de Sëlva do la Viera. Tl 1966 ovi scumencià a fé la cësa y tl 1968 me éi maridà cun Babi Mussner dla Villa Erna. On abù trëi mutons: Beatrix, Franz Josef y Simon. Ciuni ie pa pona stai Vosc lëures y Vosta ncëries privates, ma nce publiches? Coche dit éi for laurà te banca, ma l me à nce for sapù bel a me dé ju cun la vita publica. L nëine bera Ujep da Costa me ova lascià scrì ite pra la SVP canche ove 15 ani. Ntlëuta fova bera Tita dala Krone l “Ortsobmonn”. Cun 16 ani, tl 1957, éi pudù jì ala gran ancunteda dla SVP a Sigmundskron, ulache l me ova fat na gran mprescion la rujeneda dl prasidënt Silvius Magnago, che ova rujenà dan a 35.000 persones, che l fova ëura de

Fóvel pa stat la persona de Magnago, la jënt y la luegia o la situazion n generel da ntlëuta che Ve ova fat la majera mprescion? L fova bën la situazion da ntlëuta che me à dat na sburdla, l fova ëura de mudé zeche. Bele nosc nëine se fajova de gran pensieres. Cater mutons, n pitl luech, nscila si cruzi, co fajerài pa a jì inant sce n muessa viver te na situazion ulache ne on në’ degun dërc? La sëira dan Sigmundskron iel sambën unì dit la curona a cësa, acioche la vede io bën! Fan pona levei dala cater daduman per jì te stala, y piei via cun un n auto, cun Hansi dala Krone, che ova l auto. L fova Hansi y ie, y mo mi pere bera Śepl da Costa, bera Tita dala Krone y bera Tone da Frëina. Ruvei a Bulsan fans jic a mëssa dai capuzineri; chël che ova perdicà ova ënghe auzà ora che l fossa drët che n giapëssa mpue’ plu de rejons che no al mumënt. Nce sun Sigmundskron fòvel ntan la manifestazion prevesc y capuzineri che dijova padernostri. Y pona fòvel na gran fola de jënt, cun gran idealism, trueps nce pueresc, che i ova iusta mpue’ de pan sëch te fuia. La ie pona jita coche la ie jita. Ma l semea mpo che l gran idealism da ntlëuta ti à fat lerch a n realism suvënz mpue’ zinich, sibe tla SVP che tla cumenanza n generel. Cie Ve n dijëis’a Vo? Nscila iela! L me ova sapù, dan n cater ani, canche l fova stat la zelebrazion de cincant’ani per lecurdé la manifestazion y ulache l n fova mé 300 lajù, che l ie bën puech rengraziamënt da pert dla jënt de viers de chëi che ova arjont duta la rejons y se ova muet cun gran mpëni, ntlëuta. Ma mo n iede: duta la ratio, duta la arjontes dl Pachet, ti à lascià lerch a na sort de realpolitik d’al didancuei, che à n si zinism y nce na maniera de se muever sun la fundamënta dla lobbies, dantaldut economiches. Danz che ëis rejon, i scioldi cumanda. Ma l n ie nce de bones. Vëije per ejëmpl positivamënter la gran cunlaurazion che ie al didancuei danter i ambolc a livel de valeda, é danz la cunvinzion che i porta inant chël de chël che ie rujenove bela dan trënt’ani cun l ambolt da ntlëuta d’Urtijëi bera Josef Anton da Mauriz, per cialé de unì a una, de mëter a una i Chemuns de Gherdëina sot a un n Chemun, y che i ambolc d’al didancuei cëla propi de jì inant sun l ejëmpl di Chemuns de Fascia, cun l Chemun generel de Fascia. Vo ëis pona truep ani alalongia fat pea ativamënter tla grupa SVP de Sëlva. Dal 1963 inant fovi bele tl “Ortsausschuss”, dal 1980 pona da

“obmonn”. A livel provinziel ovi judà a mëter su tl 1970 la grupa di jëuni dla SVP, ulache Hans Benedikter fova presidënt y ie vize. Ciuldì Ve ais ’a muet de chësc viers? Fòvel pa nce mpue’ de critica de viers di “vedli”, sce n possa dì nscila? L ne fova nia tan la critica, ulan dantaldut cialé de n mesun per tré i jëuni tla SVP y tla politica n generel. Fan ruvei, te cin-sies ani, a abiné adum 15.000 cumëmbri jëuni, te dut Südtirol. L gran ciaval che trajova ie zënzauter stat Hans Benedikter. L ne fova pa nia stat saurì, scioldi ne n ans deguni da mëter a jì la urganisazion, ma an na gran ulentà, pra de teles vélel deplù l idealism che no l rest. Pra mi atività tla SVP sons nce jit uni ann al’ancunteda provinziela dla SVP. Tl prim fòvela a Bulsan, te n chino dlongia i capuzineri. Plu tert pona tl Kursaal a Maran. Suvënz éi abù l’ucajion de tò la parola. Lecurdé ulëssi mo una na ancunteda, tl 1969, chëla canche l fova unì azetà l Pachet y ulache ie ove reprejentà i jëuni a livel provinziel, dajan ju la stima per l Pachet. Y pona sëis nce stat te Chemun de Sëlva. Tl 1968 sons ruvà ite te Cunsëi de Chemun, y nce te Jonta, coche vizeambolt. Te chësta ncëria sons stat dodesc ani, cun l ambolt Franz Costa. Tl 1980 sons deventà ambolt, restan nchin al 1985. L fova pona stat na cuestion per chëla che ne fais pona nia plu unì metù sun lista. Ove abù n pruzes, per na cuestion che ne ova nët nia da n fé cun l Chemun, y ulache l fova pona, tla sentënza dl 1987, unì dit: “assolto per non aver commesso il fatto.” L fova mpo stat critiches, ntlëuta, pra chësta cuestion. Ma Vo unieis dal’autra pert nce lecurdà positivamënter coche n ambolt che se dajova dassënn da fé contra l abujivism tl frabiché. Chësc ie vëira. Nia a duc, niancanó tl partit, ne ti ova plajù chësta mi maniera de fé politica. L univa suvënz fat mpue’ ala lesiera,

Pitl Nando cun l guant dala gherdëina tl 1945, n ucajion dla mëssa nevela de Pater Irenäus da Cësanueva. Nando ova dit su la poejia.

ma chësc ne me jiva nia bën. N proiet messëssa unì studià tres bën, ie ne ntënde mo al didancuei nia coche n possa realisé frabicac zënza che i vënie studiei tres te si funzion. Datrai pona, respetan la normes de urbanistica, pudëssen pa bën mpo ruvé a de bon resultac. N se lecorda nce de Vosc mpëni “contra” de gran sozieteies dai lifc, sce n possa dì nscila, cuncretamënter la Saslonch. L ne fova nia mé una na sozietà, ma bën nce l’autres. Sce n pënsa do avisa pona iela nscila che duc i lifc deberieda ti paiova ntlëuta al Chemun 19 milions de lires per passé cun i purtoies. Ie fove stat bon de auzé chësc fit a 270 milions al ann, aldò de mi cunscidrazions dl valor di grunc, ma nce di servijes y dla nfrastrutures che l Chemun muessa ti garantì ala sozieteies dai lifc, y perchël iel nce drët che l vënie paià sun mesura. Tlo ulëssi bën nce dì che l fova stat na gran azetanza da pert dla sozieteies, che fova unides ancontra a chël che se damandan. Da dì iel mo che chëi da tlo ne à nia tan i lifc sun grunc

Nando da Costa n ucajion dla laurea tl 1967. Da man ciancia si fra Andrea, l non da Santa Cristina bera Ferdinand dl Snaider, l fra Florian, l’oma Babi y l pere Śepl. Oscar ova messù sté a cësa a cialé dl bestiam.


Gherdëina

nr. 15 / 15 de auril 2011

cumenel coche chëi da oradecà, che à bonamënter sentì deplù l mudamënt. Co udëis’a pona che al didancuei à la politica provinziela giaurì l mesun de despuscion de grunc, che ie pu dla cumenanza, canche i vën nuzei dala sozieteies dai lifc? Ie dije una na roba: sce i possa se damandé la despuscion pona ruvi miec pro che paian l fit uni ann, y chësc ne me sà nia drët. Co udais’a Vo y co udëis’a Vo mo for la politica? Ie udove for mpue’ la politica dla gran scumenciadives, ulove rumpì mpue’ cun l passà. Ove nce abù la fertuna de mëter a jì de gran lëures publics de mpurtanza generela per l paesc. Ulësse auzé ora i raions da frabiché y artejanei, duta la canalisazions da Val ora o Plan da Tieja, l ressanamënt dla scola d’ert y la scola mesana che fova unida fata su. Pona sambën la scola elementera, i troies tl bosch, la sala bera Albino, te Plan la Cësa Taiadices, la pitla sala, l magasin di destudafuech, puenc, uties per i pastri, mpue’ dldut. Pona iel unì metù a jì trëi iedesc la tapa dl Giro d’Italia. Ie pa povester la tapa dl Giro te Sëlva unida a s’l dé ajache Vosc pere bera Śepl fova tan n gran tifoso? Sci, chësc ie dessegur stat pea dla gauja. Danz che mi pere ne ova

nia pudù udëi l Giro che ruvova te Sëlva, coche l se ëssa for mbincià. L di dan murì ti ovi mo dit che l Giro ruvova via n Mareo; mi pere ova respundù: “Te sares bën nce tu tan da snait coche i badioc!” Mpue’ me éi tenì a chël che mi pere me ova dit, y nscila iel stat l prim iede tl 1983 la tapa dl Giro che ie unida nce te Sëlva. Canche l fova l Giro, jiva mi pere for a se l cialé. L se lasciova mené sun Pordoi, o ulache l fova l plu daujin. L ti savova scialdi bel. De reviers ala nfrastrutures che ie unides fates te Sëlva. Ais’a for scioldi assé te cassa de Chemun? An la fertuna che l fova for l presidënt dla Republica Pertini che univa n vacanza da nëus. Y pona ans ju a Bulsan l presidënt Magnago, coche nce Durnwalder che fova assessëur provinziel, che me à for judà dassënn. A Pertini ti ans dat la varëta d’unëur dl Chemun de Sëlva. Pona ais, coche SVP, de bon raporc nce cun i taliani a Roma? Ah chël bën, l fova pa bën truep ministri y de gran prevesc che univa te Sëlva, y cun duc ans de bon raporc. Ma l fova pa bën nce critiches tl paesc che an chisc bon raporc. I conta che l viac plu lonch che ëis fat ie stat sun Piz Miara… Iló fovi jit su n ucajion dl anuel dla Crëusc de Piz Miara. Posse dì

Nando da Costa al didancuei cun si fëna y i mutons cun families.

n generel che me é for mpue’ aricià a vester alauta, nscila nce a julé. Y n generel iel nce vëira che son furnà do la rata puech demez, propi nce ajache jive ngërt cun l julier. Ma posse mpo dì de avëi udù truep de Europa, nce sce son dessegur jit manco che d’autri. Mi fëna y ie jan plu che auter a fé jites cultureles,

mpue’ manco mé nscila a sté decà coche d’autri fej. Y a dì bel l’urità me ncresciòvel for a me n jì. Cie Ve mbincëis’a per Vosc cumplì di ani n lunesc ai 18 de auril? Me mbince che se ancunton duc canc per festejé mpue’ bel n dumënia

domesdì a cësa. Tole l’ucajion sambën de rengrazië mi fëna Babi, i mutons cun duta la families, cun i set nepoc, che i me ie for stai daujin, dantaldut canche son stat amalà. Spere de pudëi unì inò te diesc ani a cunté inant. (Ntervista de David Lardschneider)

A scola a Unieja N dumënia ai 20 de merz ie la cuarta tlas dla Scola d’Ert Cademia pieda via de viers de Unieja. Coche bele l ann passà, sons jic a fé n stage tl’Accademia delle Belle Arti

Cater sculeies dla Scola d’Ert a Unieja.

La bela zità de Unieja.

Scola - Son jic ju zënza maestri, se baratan ora cun n valgun sculeies dl’Accademia che ie unic su te Gherdëina, te Scola d’Ert, per udëi coche l vën ziplà. Mpue’ da muië iel che l viac da chëst ann ie unì scurtà permez al ann passà, y nsci ons mé pudù sté una na ena. Chësc tëmp curt ons purvà de se nuzé l miec che la jiva, fajan truepa cosses. L’Accademia nes à fat na mprescion scialdi positiva, nce sce l nseniamënt se desferenzieia dassënn da chël dla Scola d’Ert y nsci ons nëus permò messù se usé a chësc. Nce sce n pudova unì y jì canche n ulova, sons nëus sculeies jic a uni lezion, mparan truepa cosses nueves y se fajan nce n’idea

de coche i studënc dl’Accademia studieia. La lezions ie states scialdi nteressantes; les jiva dal’anatomia ala fotografi a nchin ala storia dl’ert. N pert ie la lezions nce unides metudes a jì mé per nëus. L barat de scola ie unit a s’l dé de gra nce al sustëni finanziel y urganisatif dla Ntendënza ladina, dl’Accademia delle Belle Arti y dla Scola d’Ert; ulon mo n iede rengrazië tres la USC duc chëi che à judà. Ntan l tëmp liede se ons nuzà dl’ucajion de vijité la zità, jan a ti cialé a mostres, a museums y ala pertes plu beles de Unieja, coche Burano y l Lido. Sambën ne se ons ënghenò lascià mucé l’ucajion de

vijité la zità de nuet, da si pert plu jëuna.

Dut adum iel stat na bela esperienza, da ti cunsië nce ai

sculeies di ani che vën. (Karin Bernardi)

I sculeies dla Scola d’Ert de Urtijëi a Unieja. (Fotos de Vanessa Runggaldier) www.lauscdiladins.com

17


Gherdëina

nr. 15 / 15 de auril 2011

La streda de Resciesa “Ne n’ie pa la streda de Resciesa nia plu da jì a pe d’inviern?” Chësc se damanda l muvimënt Ladins Dolomites de Urtijëi

La Mont de Resciesa.

Urtijëi - “Ulessan ti fé n valguna dumandes al ambolt Ewald Moroder y al assessëur Gabriel Moroder tres La USC di Ladins y se permeton de se damandé na resposta tres la USC”, scrij l muvimënt Ladins Dolomites de Urtijëi te si comunicat, che scumëncia cun n pensier danora: “Do che l ie unì fat la streda forestela sun Resciesa, àn for pudù jì dut l ann a pe, tambën suvier che juvier sun chësta streda. Śën, do che l ie unì fat la furnadoia nueva, ons audì che n ne possa d’inviern no jì suvier ma niancanó juvier a pe, dai 1. ai 31 de merz,”

18

www.lauscdiladins.com

scrij l muvimënt Ladins Dolomites de Urtijëi. Y inant: “L Chemun respuend a na nterugazion dla Lista Urtijëi - da liejer te internet lista Urtijëi - che l ie bën l mesun de jì sun Resciesa do la streda “Solaria“ o sun la streda “Marëufer”, l se trata mé de avëi de bon guant da d’inviern.” L muvimënt Ladins Dolomites de Urtijëi fej pona na lingia de dumandes: “Sun na tela ulëssa l muvimënt Ladins Dolomites de Urtijëi savëi: Prim: miénen pa tlo la vedla streda dla Stazions che muev sun mur da Scurcià? L ambolt y l assessëur per l bosch

Gabriel Moroder messëssa bën savëi che chësta streda fina sun Troi Paian, y che da iló suvier iesen sfurzei a jì inant sun la streda forestela per ruvé sun Resciesa. Ulessan gën savëi ulà che chëi che ulëssa jì a pe à da jì canche i ruva sun Troi Paian, sce n ne possa nia jì sun la streda dala lueses. Segondo: ulà ie pa la streda “Marëufer“ sun chëla che n possa ruvé sun Resciesa? Mienen pa per cajo l troi che muev via la Furnadoia de Secëda (Furnes), che passa dala utia di ciaciadëures y inant sun Col Ciarnacëi - Plan Campestrins y su nchin sal Cason?

D’inviern ne n’ie chësta streda o troi niancanó per jënt jëuna da azeté, per jënt plu de tëmp nianca da rujené no, true’ massa ërta, y juvier niancanó da rujené de jì a pe. Nëus ne cunescion nia n’autra puscibltà, ora che sce n jissa su y ju per l purtoi dai schi. Ma chël ie pu, tan che nëus savon, ënghe pruibì. Terzo: nëus on la mprescion nëta che l Chemun de Urtijëi ne fej ncuei nia plu l nteres di zitadins, ma n iede l nteres de na Sozietà (y chësc no mé su per Resciesa). Co possa pa l Chemun, per ti fé n plajëi ala Sozietà, pruibì ai zitadins

de jì a pe su y ju per Resciesa, sfurzan la jënt a jì cun la furnadoia, che costa almanco dodesc euro cun na cherta da diesc y scenó zeche deplù? Chël che ie stat mesun ti ultimi carant’ani, messëssa bën mo vester puscibl ncuei, la viertla che la jënt che va a pe ie n pricul per chëi che va cun la luesa ne possa la cumenanza nia azeté, sce furnon cun l auto sun streda messons ënghe mëter a verda de no mené sot jënt che va a pe, streda ie streda y iló muessa avëi duc la rejon de jì. Da nëus ora iel bën na soluzion: l Chemun muessa sfurzé la Sozietà a fé tresjù dessot pert n troi de almanco 1,5 metri de larghëza per la jënt che va a pe. Pona pòssen azeté na tel soluzion, scenó niancanó per idea. Chësc fossa tecnicamënter saurì da fé. Cuarto: se rënd pa l Chemun cont che cun na tel regulamentazion che sforza la jënt a messëi cumpré zedules su y ju, se mët l Chemun tl pricul de giapé na plura per nteres privat o per abuse de ufize, aldò di articuli 323 y 324 c.p.? La maiuranza (SVP) de Chemun de Urtijëi che à dat pro chësc, à cun chësta delibera demustrà che la ne sta nia dala pert di zitadins che ulëssa gën pudëi jì o unì sun Resciesa a pe, coche i à pudù fé per passa caranta o cincant’ani, ma dala pert di afares privac. Chësc regulamënt cunzedù ala Sozietà Resciesa ie na gran contradizion cun chël che la SVP à scrit te si programs de vela.” Nscila la cater dumandes dl muvimënt Ladins Dolomites de Urtijëi, che “rengrazia l ambolt y l assessëur per i bòsc per na resposta.” David Lardschneider


nr. 15 / 15 de auril 2011

Enes di jëuni N sada ai 1. de mei scumenceràl l’enes di jëuni. Te na sajon ulache l vën pità puech per la jënt da tlo y truep locai ie dsarei à la lies ulù mëter a jì ativiteies de uni sort per mutons, jëuni y duc chëi che se sënt mo jëuni. Truepa lies che fej pert dla Nëus Jëuni Gherdëina à metù adum n program drët rich de manifestazions, cun n spirit nia mé culturel, ma nce soziel y sportif. Dai 1. de mei nchin ai 11 de juni saràl feter uni di na manifestazion. Tlo l program che unirà pità Dumënia 1. de mei: Jita cun la roda da Innichen a Lienz. Iscrizions y nfurmazions pra la Nëus Jëuni Gherdëina – Jëuni dla Lia da Mont Gherdëina Merdi 3 de mei: Pruiezion dla partides di juesc di mundiei de hockey Canada – Svizera / Ruscia – Slovachia, tla sala di jëuni Saut a Urtijëi, dala 16.15 y dala 20.15 Juebia 5 de mei: Sëira de dias de n valguna jites de schialpinism. Dala 20.30 tla sala di jëuni Saut a Urtijëi - GAG Grupa Alpinisc’ Gherdëina Vënderdi 6 de mei: Fé scincundes per l Di dl’oma per mutons, dala 20.00 tla sala di jëuni Saut a Urtijëi Vënderdi 6 de mei: Funzion de mei cianteda dal Cor di Jëuni de Urtijëi, dala 20.00 tla dlieja de Urtijëi - Cor di Jëuni Urtijëi Sada 7 de mei y dumënia 8 de mei: Sëira de bona ueia per l Di dl’oma, n sada dala 20.00 y n dumënia dala 18.00 tla cësa de cultura a Urtijëi Jungschar Urtijëi Sada 7 de mei: Trix, juesc da mëisa per pitli y granc, dala 14.00 nchin la 17.00 te calonia a Urtijëi y dala 20.30 nchin la 24.00 tla sala di jëuni Saut a Urtijëi

Lunesc 9 de mei: Curs de fé ju cocktails. Iscrizions y nfurmazions pra la Nëus Jëuni Gherdëina. Parapendioclub Gherdëina Mierculdi 11 de mei: Pruiezion di cherc de finela di juesc mundiei de hockey dala 16.15 y dala 20.15 tla sala di jëuni Saut a Urtijëi Juebia 12 de mei: Manikure Iscrizions y nfurmazions pra la Nëus Jëuni Gherdëina Vënerdi 13 de mei: Turnoi de calcetto per duc dala 20.30 tla sala di jëuni Saut a Urtijëi - Grupa Balarins Urtijëi Sada 14 de mei: Santa mëssa tla dlieja da Sacun cun Sn. Vijo cianteda dal Cor di Jëuni de Urtijëi dala 18.00 Sada 14 de mei: Party per i sculeies dla scoles mesanes tla sala di jëuni Saut, dala 19.00 nchin ala 21.30 Dumënia 15 de mei: Proiezion dla finela di juesc mundiei de hockey dala 20.15 tla sala di jëuni Saut a Urtijëi Lunesc 16 de mei: Sëira de cujiné dal titul “La cësadafuech scëmpla y moderna” cun Maria Reichhalter Prader. Iscrizions y nfurmazions pra la Nëus Jëuni Gherdëina - Paures Jëuni Urtijëi Mierculdi 18 de mei: Se fé su “Schminkwork shop“ cun fotoshooting . Iscrizions y nfurmazions pra la Nëus Jëuni Gherdëina cun l Fotoclub Gherdëina Mierculdi 18 de mei: Funzion de mei cianteda dai Helios dala 20.00 tla dlieja de Urtijëi. Grupa Helios Juebia 19 de mei: Funzion de mei cianteda dal Cor di Jëuni de Urtijëi dala 20.00 tla dlieja de Urtijëi. Cor di Jëuni Vënerdi 20 de mei: Juech di pachetli cun de biei pesc’ dala 20.30 tla sala di jëuni Fun&More te Sëlva. Grupa Jëuni Sëlva Sada 21 de mei: Turnoi de pallavolo per duc tl zënter da pudejé sun Pana, dala 14.00 inant. Grupa Jëuni Urtijëi

Dumënia 8 de mei: Jita de dut l di tl parch de devertimënt “Caneva“ al Garda. Iscrizions y nfurmazions pra la Nëus Jëuni Gherdëina - Grupa Jëuni Sëlva

Sada 21 de mei y dumënia 22 de mei: Viac de doi dis tla Val di Ledro. Iscrizions y nfurmazions pra Claudio, 339/14501746. Fotoclub Gherdëina

Dumënia 8 de mei: Santa mëssa per l Di dl’oma, dala 10.00 danmesdì te dlieja de Runcadic - Jungschar Runcadic

Sada 21 de mei: Durmì tla sala di jëuni Saut per mutons y mutans dai 14 ani insù. Iscrizions y nfurmazions pra la Nëus Jëuni Gherdëina

Dumënia 22 de mei: Jita al Garda cun arpizeda sportiva. Iscrizions y nfurmazions pra la Nëus Jëuni Gherdëina - Grupa Alpinisc’ Gherdëina y Jëuni dla Lia da Mont Gherdëina Juebia 26 de mei: Referat cun chedri a culëures de n viac cun la roda tres l Chile de Ivo Pasolli dala 20.30 tla sala di jëuni Saut Sada 28 de mei: Proiezion dla partida finela dla Championsleague dala 20.30 tla sala di jëuni Saut a Urtijëi Merdi 31 de mei: Referat cun chedri a culëures sun n viac tl Congo de Isabella Mussner y Alex Delucca, dala 20.30 tla sala di jëuni Fun&More de Sëlva - Grupa Jëuni Sëlva Juebia 2 de juni nchin a n dumënia 5 de juni: Jita da d’ansciuda a Amsterdam. Iscrizions y nfurmazions pra la Nëus Jëuni Gherdëina. Grupa Jëuni Sëlva Sada 4 de juni: Di mundiel dl juech dala 14.00 nchin la 17.00 sun la pitla Plaza S. Antone y dala 20.30 nchin la 24.00 tla sala di jëuni Saut a Urtijëi. - Grupa Trix Sada ai 11 de juni: Festa per la fin dl’enes di jëuni cun mujiga dal vif de 3 bands y estrazion dla ola dla fertuna cun de beliscimi pesc’. Dala 18.00 inant tla sala dla mostres dla Lia Mostra d’Ert a Urtijëi. Nëus Jëuni Gherdëina cun la Lia Mostra d’Ert

Nfurmazions y Manifestazions N lëur per l instà La Nëus Jëuni Gherdëina fej a l savëi che la “Sommerjobbörse” ie inò daviert per duc i jëuni, sculeies y studënc de Gherdëina che ulëssa se crì na pitla stiera o n pitl lëur ntan i mënsc da d’instà. Tres nosta tofla, che ie tla sala di jëuni Saut a Urtijëi, possa duc scrì ora y taché su n pitl formuler per crì na stiera ntan la feries y oradechël ie nce duta la stieres che vën pitedes da abiné iló. Dut chësc ie tl medemo tëmp nce te internet y l vën atualisà uni di. Ve nvion duc de cuer a cialé ite sun www.njg.it o a passé tla sala di jëuni Saut. Povester sons boni de judé nce té a abiné n lëur ntan l instà…!

Carté Maumau Duman sada, ai 16 de auril ie duc i mutons y jëuni nviei a unì a fé pea l turnoi de MauMau tla sala di jëuni Saut. Dala trëi domesdì inant scumëncia l turnoi per duc i jëuni sot a 14 ani y da sëira, da mesa la nuef jirà l turnoi inant per i jëuni sëura 14 ani. La iscrizions vën fates sun l post y duc ie nviei a unì a fé pea. Per plu nfurmazions pòssen cherdé su la cunlauradëura dla sala di jëuni Saut Astrid, 0471/799006.

Instà criatif La Nëus Jëuni Gherdëina ulëssa fé a l savëi che da n lunesc, 18 de auril inant scumëncia la iscrizions dl pruiet per i sculeies dla scoles mesanes de Gherdëina “Sommer aktiv kreativ live”. La iscrizions ie da fé scrijan ora l pitl formuler che ie unì dat ora tla scoles mesanes de Gherdëina y dajan ju dut tl ufize dla Nëus Jëuni Gherdëina, tla cësa per i jëuni, ert y cultura, streda Rezia 102 a Urtijëi. Per plu nfurmazions pudëis gën nes cherdé su, pra l numer 0471/799006 o nes scrì a info@njg.it. Speron che nce chëst ann sonse tres nosc pruiet stac boni de descedé l nteres pra i mutons de fé pea.

Ulessan lecurdé a duc che coche uni ann vëniel ntan duta l’enes di jëuni dat ora la zedules per la ola dla fertuna debant a duc chëi che fej pea pra la manifestazions y ntan la festa per la fin dl’enes di jëuni uniràl trat ora truep de biei pesc’. Per plu nfurmazions sun duta la manifestazions y per la iscrizions pudëis cherdé su tl ufize dla Nëus Jëuni Gherdëina, 0471/799006, cialé ite tla plata internet www. njg.it o sambën nce scrì a info@ njg.it

Nce l ann passa fòvel unì tenì na S.Mëssa tla dlieja da Sacun cianteda dal cor di jëuni.

Dut l cunsëi dla Nëus Jëuni Gherdëina deberieda cun duta la lies che fej pert ve nvieia de cuer a unì y fé pea pra la manifestazions.

La mutans che se fej blotes ntan l “Mädchentreff ” dl’enes di jëuni dl ann passà.

Ntan l viac da d’ansciuda dla grupa di jëuni de Sëlva dl ann passa a Graz.

I cursc de cujiné tira uni ann l nteres de truep jëuni. www.lauscdiladins.com

19


nr. 15 / 15 de auril 2011

Les prömes beles impresciuns

Storia dl mëis

Le Musical “cuntra löm” dl Sorvisc ai Jogn Val Badia à podü registré bele chi 1.000 spetadus, les ultimes rapresentaziuns sarà chisc dis. Intratan él gnü inće cotan de complimënć da pert dl publich por le proiet y por la prestaziun de jones y jogn

I odlà de Melodia

Le salüde de jones y jogn cun i acompagnadus ala fin dl aplaus.

Ćina śëgn à döt buté, dantadöt la fortüna y la sanité di responsabli y de döt le grup de jones y jogn che dëida presentè dal vì tl Gran salf a San Martin de Tor chësc musical dal inom “cuntra löm”, proiet original orü dal Sorvisc ai Jogn Val Badia cun danfora so presidënt Valentin Erlacher y scrit tl libreto dal scritur marou Iaco Rigo y tla gran pert dla musiga dal maester de scora y dirighënt de cor Ludwig Rindler. Gran tenjiun êl tl’aria sambëgn dan la pröma, stada en jöbia ai 7 d’aurì da sëra, cun n salf plëgn de geniturs y familiars de jones y jogn y inće dala prominënza dla politica locala y cultura ladina. Le grup é stè bun da tignì bòt ala desfida y al nervosism, y band, grup de bal, cor y i aturs à presentè la trama a na manira conzentrada y spontana. Do la pröma à i jogn instësc invié a n pice bufet y a n goto tl foyer dl Gran salf, y la tröpa jënt ruvada adalerch à podü se cuntè söla bòta ćialda les impresciuns albüdes.

Inće la secunda y la terza rapresentaziun é stades de gradimënt por le publich, ruvé adalerch inće da d’atres valades ladines. Chisc dis saral ćiamò deplü rapresentaziuns, laprò inće chëra resservada ales scores altes y

mesaneas söl program la sabeda danmisdé. De chësc proiet se recordarà le grup de 50 jones y jogn da döta la Val Badia ćiamò dî, inće deache tröc à podü imparè val’ y fà na pröma esperiënza sön paiun.

Momënt fora dal tòch. Silvana y Ivan n’é nia a öna cun les libertês che Rosi y Jan se tol...

Al ê n iade na möta che â inom Melodia. N bur’ dé àra ciafè na maratia particolara che smendrî da dé a dé süa capazité de odëi. I mius doturs di edli, n gröm d’ejams spezifics, n’ê nia bogn da ciafè fora la gauja de süa maratia. I geniturs dla möta ê desperà. Melodia messâ tres avëi n pêr de odlà dales rodeles grosses y pesoćes, sciöche le funz de na boza de spidl. Vigni tant, por lascè palsè le nes, i tolôra jö y i metô söl nês de Billo, so miù amich. Billo ê na gran laûrs de peza rossa che Melodia abraciâ vigni sëra por s’indormedì y a chëra che ara ti cuntâ düć sü socrëć. Na sëra, tratan che Billo â indô n iade i odlà pesoć söl nês, mëtôl man da baié. “I sun le bun striun che po varì tü edli. Saste tö ćiodì che te ne vëighes nia plü? “Iö ne sa nia, prëibel dìme tö ćiodì. Tö es le striun y sas.” “Chëstes cosses mësste descurì da sora, mia cara Melodia. Sforzete da te recordè: él sozedü tl ultim tëmp val’ che podess te daidé capì le porćiodì de tüa maratia?” La möta se conzentrëia, chir te süa memoria, mo ara ne ciafa nia. “Prô mo ćiamò, Melodia!”, i dà coraje Billo. Do n’ora de reflesciun, te n iade, se recordera Melodia.

Trëi mëisc denant, na domënia domisdé, êl gnü sü berbesc y so jorman Nicola a la ciafè. Cun ël âra strité, deache al ti â desdrüt süa popa de maiolica che ara â sön mësa de süa ćiamena. Melodia s’â dessenè dassënn, ara â pité, scraié, dit de burtes parores. Ala fin ti âra ćiamò dit a so jorman: “I n’ô mai plü t’odëi!” Da chël dé inant âra metü man da odëi demanco. Do l’avëi ascutada sö cun gran atenziun ti â spo dit Billo: “Te sas avisa ći che te mëss fà…” “Scê, i sa, i mëssi le pordenè, sciöche la mama m’à insigné”. La möta s’à sentè pro mësa y ti â atira scrit na lëtra a so jorman. Les parores â n gröm de fai laìte, mo le significat ê tler. “Caro Nicola, i te pordoni cun döt mi cör. I m’à desmentié de ći che é sozedü y i t’ô bun sciöche denant…”. Da chël momënt inant â Melodia indô metü man da odëi, y les gran rodeles di odlà ê rovades… Chê se recorda pa olache chi bur’ odlà ê rovà? Le pordonn fej mirachi, sce nia materiai, spo spirituai. Tan de cosses ésson pa nos da pordenè por nes stè n pü’ plü saurì? Storia de Bruno Ferrero Adataziun tl ladin de Iris Agreiter

Do che ara â pordenè, metô man Melodia da odëi indô damì.

Minis y schira jonila en prozesciun N gran grup de apresciapüch 180 porsones, danter ministranć, mituns dla schira jonila, animadus y geniturs, s’à abiné en sabeda dan otedé a San Linert por jì en prozesciun sö Oies, meditan les Staziuns dla pasciun de Gejù

Söle tru dles staziuns.

Al ê na beliscima sëra, le cil ê bel sarëgn y al ê rovè adöm n gran tlap

20

www.lauscdiladins.com

de mitans y mituns da vigni paîsc de nosta valada. Al é stè bel da aldì

les usc di plü pici che se porvâ dassënn da dì do y da ćiantè. Canche i sun rovà sö Oies, nes aspetâ siur Pire te dlijia, olache al s’à dè le bëgngnü. Al nes à cuntè la storia dla copa rota che n’ê nia bona da portè ega assà, mo che cun so pice defet ti â zënza orëi scinché ega ales somënzes de ciüfs che ê gnüdes somenades aposta, y â insciö podü crësce sö por so mirit. Cun chësc àl orü nes dì che Chël Bel Dî nes tol sö düć sciöche i sun y nes azeta cun nüsc fai y nostes deblëzes. Vigni porsona é bela sciöche ara é. Ala fin unse ćiamò ćiantè na ćiantia en onur dl Sant da Oies. Por stlü jö chësta bela sëra sunse ćiamò stà düć n pü’ deboriada a se mangé val’ patatina y val’ biscoto. N gran dilan ti va ai animadus y ales animadësses dla schira jonila y di ministranć, y ai geniturs che à

daidé ćiarè sura tratan la prozesciun, a siur Degan y siur Pire y a düć chi che à contribuì a val’ manira. A

s’odëi indô n ater ann. Minis y schira jonila Val Badia

Incër 180 porsones él rovè adöm pro la prozesciun di ministranć y dla schira jonila da San Linert a Oies. En colaboraziun cun


nr. 15 / 15 de auril 2011

Liber dl mëis

Manifestaziuns tl dagnì

Sonn de ćiampanes de Angel Morlang Chësc romann cunta de tröc fać veramënter sozedüs ti pröms cincant’agn dl vintejim secul. I inoms dles porsones y di paîsc é sambëgn gnüs mudà. L’autur, instës testimone de chësc tëmp dai agn ’20 insö, prô inće da descrì la mentalité dla jënt da laôta. Le letur vëgn invié da fà n confrunt cun la situaziun y la mentalité d’aldédaincö. Da lì chësc liber m’ai sintì n pü’

Oraziun de Taizé a Oies

provocada. Da val’ punt d’odüda ài döt n’atra minunga co l’autur. Iö ne sa nia sciöche ara ê laôta, mo te val’ toch dl romann vëiga l’autur la jënt d’aldédaincö cun püć valurs. Chësc m’à dër fat ponsè do, sce al é deplü jënt vedla che la pënsa insciö dl monn da śëgn. Al foss feter da fà na inrescida. (V.b.)

Le grup Taizé Val Badia inviëia düć da tó pert vigni terzo vëndres dl mëis ala ora de Taizé, dales 20.00 te capela a Oies. La proscima incuntada sarà insnöt ai 15 d’aurì. Gnide tröc!

Prozesciun a Santa Berbura I Jogn da La Val inviëia insnöt ai 15 d’aurì ala prozesciun de Santa Berbura, dales 20.00 te dlijia da La Val. Düć é bel invià da tó pert.

Le cuertl dl liber de siur Angel Morlang.

Velia dla Jöbia Santa

Na gara por n bun fin

Le Grup Decanal inviëia düć da tó pert ala Velia de Pasca, che gnarà tignida en Jöbia Santa ai 21 d’aurì. Al gnarà indô fat un n turnus por düć.

Tres le Memorial por Ivan y Valentina àn podü ti surandè na bela soma al’Assistënza Tumors de Südtirol. N rengraziamënt

Le placat dla Velia.

La gara por Valentina y Ivan é stada de gran aiüt por Serena Foppa ti surandà a Antonia Miribung dla daidé d’atres porsones atocades dal crebesc. Südtiroler Krebshilfe n scech de passa 2.400,00€.

Sciöche al sozed gonot canche i nes incuntun, vëgnel baié de Ivan, de süa maratia y de süa mort. I pënsi che chësc i sozédes a düć chi che à pordü na porsona che ai ti orô bun. Tres plü gonot vëgnel baié dl crebesc, ćiodì che chësta é na maratia che se fej tres plü lerch inće te nosta bela valada. Ći che i nes ùn damanè en chë sëra ê: podunse nos fà valch por daidé les porsones che combat cun coraje cuntra chësc bur’ mal? La resposta é stada chëra de trà ite val’ “lira” por la inrescida. Insciö, zënza ponsè sura plü co intant, unse tut la dezijiun da organisé n memorial por Ivan y Valentina, intrami jogn che nes à insigné cun forza, coraje y speranza, che la vita é öna sora y che por ëra mësson combate ćina ala fin. Sce al é stè tan rî da azetè che ai à messü jì, tan plü bel él da aldì che tres plü porsones varësc.

Da organisé na te’ gara él stè n gran laûr; canche an minâ da avëi ponsè a döt, saltâl fora valch che i nes ân desmentié. Te chësta aventöra él stè tan de porsones che nes à daidé, che mi fistidé é chël da desmentié valgügn. Le pröm gran dilan ti dijunse a Veronika Pedevilla. Zënza so aiüt ne fósson mai stades bones da mëte da jì chësta gara. N dilan al sponsor por les copes y la stampa di placać, y sambëgn a Arnold y Roland che nes à fat i placać. Dilan ales dites y porsones che nes à dè n contribut por podëi mëte man. N dilan inće a chi che nes à dè ca i pesć. I rengraziun i Carabiniers da Corvara, suradöt Armando Di Genova cun Gerold y Günther, y la Crusc Blanćia che nes à sostegnì dal mëteman inant. Rengrazié orunse la Scora de Schi da Corvara y dantadöt Herbert Pezzedi por i consëis y

sambëgn i petorai che ai nes à metü a desposiziun, la Scora de Schi da Calfosch por le cronometer. De cör dilan a Franco Pizzinini che nes à daidé cun le sît por les iscriziuns y che nes à fat les tlassifiches, a Mathias Crepaz che à fat le gran laûr da secretêr, a Daniel Pescollderungg che à tut jö i tëmps y a Helene Kastlunger che nes à daidé al travert. Le plü gran dilan ti dijunse a düć chi che à fat para y che à paié ite l’iscriziun: por osc mirit unse trat ite la bela zifra de 3.371,60€. Da chësta soma unse trat jö les spëises y i ùn podü ti surandè a Antonia Lanz Miribung la soma de 2.451,60€, che é jüs ala Südtiroler Krebshilfe, seziun da Bornech. Al é ćiamò restè trëi pesć che an po jì a se do pro la Villa Olympia a Corvara. Dër bel dilan y che Dî s’l pàies. (fs)

Soferënza nes fej ponsè do. La soferënza de porsones amades, de porsones inozëntes, de mituns. Chisc dis ponsunse nos cristiagn al patì de nosc Signur y maester Gejù Crist. Gejù patësc vigni forma de soferënza: n gran dolur fisich, mo sigü inće na gran soferënza spirituala - tëma, tristëza, umiliaziun, descriminaziun,

En colaboraziun cun

l’ester tradì y arbandonè. Cun chësc móstrel na solidarieté totala cun la porsona. Por vignun de nos, por vigni porsona che patësc tl corp o tl cör, él na gran consolaziun savëi che Gejù à porvè y sintì döt sön se instës y conësc les perts plü scöres y ries dl ester porsona. Co superëia pa Gejù la soferënza? Lion la pasciun do Matî ài ciafè por me chësta resposta: - Al prëia! Dal mëteman ala fin, dal Urt dal Orì fina söla crusc. Al prëia tla crëta da ester te vigni momënt unì al Pere, portè te Sües mans. - Al defënn tler la verité. Dui iadi, dan le gran prou y dan Ponzius

Avisc Orar nü dl Sorvisc ai Jogn Le Sorvisc ai Jogn Val Badia lascia alsavëi che l’ofize é davert vigni dé dal lönesc al vëndres dales 08:00 ales 16:00.

Scrì tla Plata di Jogn Stimà jogn, stimades jones, sce i ëis propostes, informaziuns, dessëgns o d’ater che i orésses publiché sön la Plata di Jogn, lascésse adintëne pro alma79@dnet.it.

Festa di mituns Ai 26 de messè gnaràl indô fat la festa di mituns a San Martin.

Na Bona Pasca Le Grup Decanal ti aoda a düć canć na Bona Pasca.

Dessëgn dl mëis I loi da Pasca, i üs intënć da corù y i ponjins. (Dessëgn de Manuel Crazzolara.)

Usc dal Alt de Angelica Conrater

An s’incunta dales 22.45 te dlijia da Oies. Le tema de chësc ann sarà “Gejù ti lava i pîsc ai apostui... al se mët al sorvisc di atri”.

Pilatus, dìjel: “Iö le sun (le Crist, le Fì de Dî, le re di Iüdes...)!” Spo scùtel. - Al scuta y soporta. Mo no deache al ne foss nia bun da se defëne, no por deblëza o deache al oress patì por “le patì instës” (Chël Bel Dî n’ô nia le patì dla porsona, mo ch‘ara ais “vita en abondanza” Gv 10,10). So chît é plü sterch co vigni parora, so patì espresciun plü alta dl Amur. Amur che se scinca ca deplëgn (“Al n’é nia n amur plü gran co dè ca la vita por sü amisc.” Gv 15,13). La forza dl Amur é ci che salva, amur che soporta, amur che pordona. Amur zënza fin!

Manifestaziuns passades Oraziun interreligiosa por la pêsc Te n tëmp olache vera, mort, terorism, atentać y persecuziuns é al ordinn dl dé, gnunse inće nos damanà da perié por la pêsc. En vëndres ai 18 de merz él gnü tignì a Oies na oraziun por la pêsc, metüda da jì dala SKJ (Südtirols Katholische Jugend) en colaboraziun cun jogn dla Val Badia. Ara se tratâ de na oraziun por la pêsc n pü’ particolara, olache al gnô tut ite inće les altres religiuns. L’oraziun é gnüda struturada sön la regola d’or “Ne stè a fà ai atri ći che tö n’oress nia che al te gniss fat a te”. Dër interessant é le fat che chësta “regola” pòn ciafè te dötes les religiuns trates ite tla oraziun en chësta sëra: nia bel la medema tles parores, mo bëgn tl contegnü. Al à fat dër plajëi da odëi che tröpes porsones à tut pert al’oraziun.

www.lauscdiladins.com

21


nr. 15 / 15 de auril 2011

Su la giacia, con le pel e a neif entrìa Per l secondo an la Risola à portà dant Mountain Project che ge dèsc l met ai joegn fascegn de stèr ensema e fèr zeche da nef te noscia val

“Tapa a la Malga Munciogn, na gran magnada sot l soreie.”

Mountain Safety Project l’é l’inom de la scomenzadiva per i joegn dai 18 ai 29 egn endrezada via da Lorenzo Battisti con l’aiut de La Risola che chest an, dò l gran suzess de l’an passa, la é ence stata recognosciuda desche la scomenzadiva più inovativa e organisada scialdi dalvers! Na bona scusa per pontar via la domenia bonora ogne outa fajan n sport desvalif e che n muie de noi no aea mai proà dant. Desché pruma raida chest an sion rué ju te anter chi spetacolousc canion fac de crepe e sauc de giacia a Soteguda proprio sotite la Marmolada. Tirà fora le art, aon emparà a se mever su la giacia, a empontar picoza e rampons e a se rampinar su per chele bele torn giaciade, dut en piena segureza de gra a chi 4 beloc tousc e dassen bogn menacrepes (Lorenzo, Sandro,

Cristian e Tommy) che i ne vejolaa, i ne endrezaa le art e i se cruziaa de ne ensegnar dut chel che ge vel saer per prategar chisc sport. Na esperienza che la é stata amò più bela percheche l’à fiocà de pien dut l dì; chi che à fat demò valch tiro e chi che l’é jit a rampinar la gran “catedrala” ma duc i é stac contenc de chela giornada te anter giacia e neif. Chest bel sport l’é stat miorà amò de più la domenia dò sot l soreie ta le cascate de Aldin. Ence tel dì dedicà a la neif entrìa no se à vedù na nigola, dal Pas San Pelegrin su co le pel sa le Sele olache anter na grignada e na viva a 2500 metres i ne à fat na bela lezion de “nivologia” per emparar a se troar fora en cajo de levina e portar i prumes socorsc a nesc compagnes. Dò che duc i é stac bogn de troar, con arva e sonda, n prossach soterà ta la neif, via le pel e ju coi schi per

Na bela dì de soreie per la raida con le pel sa le Sele.

la val di Munciogn olache no l’era amò passà nesciugn e aon podù se goder na bela neif frescia. Tapa a la Malga Munciogn, na gran magnada sot l soreie e dapò a ciasa... e dotrei ence amò a far apres-ski! L dì de l’ùltima scontrada l temp no l’era di miores ma la Marmolada la é bela ence canche l soreie l la enlumenea fora per anter la moza. Partii da Pian di Fiacons e dapò fora pista envers Malga Ciapela; gio cogne dir che no me la é goduda n muie percheche dò la pruma erta son crodada e me é fat mal a n jeneie! Per fortuna i menacrepes i é stac super! I me à sobito dat i prumes socorsc e ajache no ere bona de l mever i à chiamà l jolier e i me à tegnù sù l moral dijan fora n mìngol de monade. Ic i é amò jic su e ju passan per strenc canion fin ju a Pian Trevisan... gio da l’ospedal dreta sun canapé con

n’ama tel śes. Ma bel apontin proprio chel dì fenìa i apuntamenc de l’invern e spere de me meter endò a nef per chest istà che i endrezarà raide con soranet te refuge, ferate, canyoning, rampinade e autre bone scuse per se passar endò de bele giornade en compagnìa de n bel grop de amisc fajan duc i sport che noscia fantastica val ne dasc l met de far. E donca n gran gran devalpai a Lorenzo, Cristian, Sandro e Tommy che i ne stasc dò, i ne ensegna e i ne mena stroz! N devalpai ence a la Risola che la sostegn cheste scomenzadive per noi joegn! Co le cherpele e le piche su per i parei de Pamela Ghetta giacia de Soteguda.

Che bela esperienza! Doi setemènes de studie en Germania che me à dat dassen n muie e me à lascià de bie recorc

I bec de la terzes del Liceo de Poza che i é stac doi setemènes a Augsburg te la Baviera.

Zacan a la foresta! Ei, percheche ence chest an la Scola Ladina de Fascia à endrezà via n viac de istruzion per la doi terzes del Liceo de Poza. Jà da vèlch an belimpont i studenc passa doi setemènes a la foresta per miorèr l lengaz ma ence per fèr na neva esperienza e per

22

www.lauscdiladins.com

cognoscer la cultura de autra jent. Chest an siane gé ensema e etres 24 compagnes e con nos l’era ence doi professores. No podaré mai desmentièr chesta raida a Augsburg, na zità dassen bela e enteressanta de la Baviera en Germania. A gropes de doi o de

trei stajaane te na familia todescia e ence se no restèa n muie de temp da passèr con nesc “genitores” aon segur emparà n muie ajache ic no i rejonèa na parola de talian. Cognaane se rangèr e vigni bonora tor l tram per ruèr a la scola che la era tel zenter de la zità. Dadoman

fajaane lezion, desche chiò a scola ma dut per todesch; gramatica ma ence mìngol de cultura todescia e nesc professores era dassen g u s te g o i e v a l e n c . Domarena enveze jiane stroz a vijitèr la zità e canche la ativitèdes era fenides, entorn les 5, jiane deretorn a cèsa. La zità é piutost grana e rica de robes da veder, tant Martina e sia amica con sia “familia” che vigni dì aane zeche de todescia. desvalif da fèr. Aon vedù l dom, la cèsa de comun ma ence l mia amica la era dassen gustegola. raion populèr che l’à inom “Die L’era doi giaves che ne à malusà e Fuggerei”, la cèsa del père del ne à fat sentir desche a cèsa. No componist Mozart e na frabica de assane podù domanèr de miec. computer. L lengaz l’é de segur senester No l’é mencià l temp per se ma la mior roba per emparèr devertir ajache na dì i ne à menà delvers l’é per me chesta; doi co la bèrches sul ruf e na sabeda setemènes no somea trop ma les co la ferata sion jic fin a Monaco. te dèsc l met de studièr neva Vèlch sera i ne à ence lascià fora, paroles e n muie de autra robes e sion jic al chino, a fèr n cors de bal se per i genitores les somea massa e ence a jièr al bowling. Dassen longes i se fala debel ajache les deletegol! sgola! Son stata n muie fortunèda ajache la familia olache siane gé e Martina Soracreppa


Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

nr. 15 / 15 de auril 2011

Val Badia

Cotan d’iniziatives por arlungé la sajun ćialda Tla sentada generala dl’AT Badia él gnü presentè deplü iniziatives che dess daidé arlungé la sajun da d’isté. Danter chëstes na secunda ediziun dl Bike Day de setëmber y na gara de orienteering tl raiun de Pralongià saus dl bosch y dles erbes de medejina”. Söl program él inće da organisé d’isté n Dé dl Vin, cun la degustaziun de vins de Südtirol.

Tru cultural y tru di artisć

Le presidënt y le diretur dl'AT Badia Andy Pertot y Manfred Canins. Canins lasciarà la direziun dl AT cun la fin dl ann.

Inant éra jüda cun la presentaziun dles novitês por l’isté. A Badia gnaràl daurì le “Tru Cultural”, coordiné tres le Comun de Badia dal’assessuria Edith Dapoz. Laprò gnaràl spo inće inaudè le “Tru di artisć” da La Ila/ Altin ćina ite San Ćiascian/ museum.

La novité “Orienteering” Turism/1 - Püć dis denant che la sajun da d’isté jiss definitivamënter a piz, à l’Assoziaziun Turistica Badia cherdè ite sü mëmbri por la sentada generala. Tröpa lerch à ciafè les iniziatives de marketing portades inant tl’Alta Badia, sciöche inće les propostes por arlungé la sajun da d’isté. En cunt de statistiches àn inće chësc ann podü ćiarè zoruch a n invern positif (ćiara articui a pert) Dancà à le presidënt dl’AT Andy Pertot baié dla pista de paslunch a San Ćiascian, che à ospité inće chësc ann i campionać europeics de paslunch, organisà tres le comitê Nordicski cun Carlo Mellauner a će. Le consëi diretif oress fà ćiamò val’ pice intervënt, tres chël che la pista podess inće ospité na gara de copa dl monn, de jenà 2013 o 2014. Nëi de canun àn messü fà suradöt por la pista Lagazuoi. Chësta à n cost bindebò alt por l’AT, che vëgn curì en pert da chi che fej sorvisc cun i ćiavai (16.000,00€), dala Capanna Alpina che fej pert dla nëi y da de mëndri contribuć. N contribut ti êl gnü damanè inće ai taxisć, plü avisa 180,00€ por i pulmins y 360,00€ por les corieres. Sce l’ann passè â

feter düć paié ite, cun val’ picia ezeziun, n’à chësc ann feter plü degügn paié ite.

I media à ligrëza cun le liam “schi - mangé bun” Inant éra jüda cun les iniziatives particolares. Gran sodesfaziun él por le “Jì cui schi cun saù”, iniziativa rovada a süa secunda ediziun. Suradöt ti media àra arjunt n gran resonn. Tres i iadi stampa organisà a livel de consorz él gnü ospité indöt 103 jornalisć da foradecà y 111 nazionai, che à fistidié da publiché articui y promöie insciö nia ma l’evënt, mo döt le raiun dl’Alta Badia. N ejëmp: tl foliet “Abenteuer und Reisen” à l’Alta albü reportajes redazionales de 8 plates. Bele ma öna na plata de retlam ess costè 11.800,00€. “Da aldì ghesć y jornalisć él efetivamënter inće gnü miorè la cualité dla ćiasadafüch sö alalt. L’Alta Badia se profilëia sciöche ‘capitala taliana’ dla hotellerie’ y gastronomia sö alalt. Le liam danter schi y ćiasadafüch funzionëia dër bun”, él gnü dit pro la reuniun. Intratan vëgnel inće laurè inant pro l’iniziativa “Sön munt cun saù”, cun chef taliagn, sot al tema “les

Tröpes iniziatives é inće cheriades por arlungé la sajun ćialda. Na manifestaziun nöia sarà sigü la gara de Orienteering dai 2 ai 4 de setëmber. Orienteering é n sport d’orientamënt che vëgn dai paîsc dla Scandinavia. Al vëgn inće tlamè le sport di bosc: i concorënć ciafa na cherta topografica y n compas, cun chi che ai à da arjunje le travert passan por na ligna de punć de control. Ala gara po tó pert düć canć, da dites a assoziaziuns sportives, scores, educadusc ambientai y i.i. La gara gnarà tignida la domënia ai 4 de setëmber, tles contrades de Pralongià. Mo bele tratan döta la findledema gnaràl pité poscibilitês d’alenamënt y evënć speziai a tema. Deplü informaziuns ciafon inće sön le sît aposta w w w. altabadiaorienteering.com.

l’iniziativa Ecodolomites, che prevëiga la sabeda ai 17 na presentaziun söi jus de na ligna d’auti eletrics y la domënia ai 18 na secunda ediziun dl Sella Ronda Bike Day. Tres de setëmber gnaràl inće tignì tl’Alta la sesta indunada de mesi militars.

L’Alta Badia - amisc dles rodes De rodes nen vara inće tl proiet Bike Friendly, nasciü tres le “Alta Badia, quo vadis?”, cun le fin da arlungé la sajun da d’isté. I eserzizi che tol pert paia na cuota fissa y na cuota por vigni let (chësc ann 150,00€ plü 1,95€ a let), laprò él deplü criters che ai mëss tignì ite. Un de chisc é chël da tignì davert almanco 105 dis d’isté; laprò déssel ester tla strotöra la poscibilité da lascè jö, lavè y cuncè rodes. Pité n gostè y picia marëna “a mosöra”. L’ann passè à tut pert 46 eserzizi, mo 13 de chisc ne s’à nia tignì al criter di 105 dis. Le so mëss inće pité la localité, cun imprëstarodes, botëghes de vistimënt, material y spëisa da ziclist, etc. Le Consorz Turistich à dè so contribut cun la creaziun de n sît dediché ales rodes, arichì cun

itinerars por les rodes. Al é gnü realisé material d’informaziun, chertes, sciöche inće fat na campagna de webmarketing te deplü naziuns.

Le valur UNESCO Do che al ê plü otes gnü baié tles sentades generales dl bojëgn da valorisé l’ester pert dl raiun UNESCO, àn chësc ann invié adalerch le diretur dl Parch Natural Fanes-Senes-Braies Renato Sascor, che à stlarì da plü punć d’odüda chësc predicat. Danter l’ater à Sascor splighé i fins dla Fondaziun Dolomites UNESCO. Chësta é śëgn tl laûr da mëte jö na strategia de gestiun por le raiun, cun l’obietif da arjunje na gestiun coordinada dl raiun, da planifiché aziuns spezifiches, tolon ite inće la popolaziun dl post. Sascor é jü ite inće tla valüta dla natöra por le turism, spligan che te cer’ raiuns à le svilup turistich bele arjunt le termo por n raiun UNESCO. Sascor à stlüt jö dijon che ester patrimone mondial é n gran reconoscimënt internazional, al é n valur implü por le raiun, che se damana inće sensibilisaziun, consapevolëza y comporta responsabilité. (pablo)

Auti eletrics, le secundo Bike Day y i auti di soldas Inant vara cun les iniziatives dla roda y de sensibilisaziun por l’ambiënt. I majeri evënć dla roda é la Maratona y le Sella Ronda Bike Day de messè. De setëmber gnaràl pité

Öna dles novitês de chësc isté: la gara de orienteering.

Le marketing tl’Alta Tla promoziun dla localité vëgnel investì tröc scioldi y tröpes forzes. Tröc evënć se fej retlam da susc, d’atres campagnes vëgn inviades ia online y tres imprejes partner Turism/2 - Sce an baia de retlam y publizité, spo à l’Alta Badia tröpes manifestaziuns che tira gran atenziun. Danter chëstes la Copa dl Monn de Schi, la Maratona dles Dolomites, iniziatives sciöche “Jì cui schi cun saù” y nia inultima i evënć lià a nosta cultura. Sce an baia de Copa dl Monn, spo à l’ultima ediziun portè 20 ores de televijiun y n total de 37,6 miliuns de utënć. Tla televijiun é spo l’Alta Badia rovada tres deplü trasmisciuns, sciöche Linea Verde, Easy Driver, Geo & Geo y reportajes tles noeles sön le TG1 y TG5. Foradecà éson rovà danter l’ater sön NTV, N24 y ARD. Dl 2010 él gnü realisé 42 sorvisc cun feter 6 ores de televijiun y 56 miliuns de utënć, zënza cumpedè la Copa dl Monn y la Maratona.

Campagnes tla rëi Gran slöm él tl webmarketing. Dl 2010 ti él gnü dè na cira nöia al sît altabadia.org, che cumpëda 1,8 miliuns de vijites al ann. Menè fora vëgnel newsletter, che ti röia a 19.862 iscrić. D’isté dl 2010 él gnü invié ia na campagna de webmarketing por promöie le turism dla roda y na sajun da d’isté plü lungia. Cost: 12.000,00€. Tratan chësta ultima sajun da d’invern él gnü fat n’aziun deboriada cun Gherdëna tres la dita Tiscover. La pröma pert dl’aziun â le fin da promöie i dui raiuns, te na secunda pert ôn indô valorisé le fin dla sajun. Investimënt indöt: 40mile euro partis sö cun Gherdëna. D’isté 2011 él preodü da fà na aziun de webmarketing che dess atochè i Paîsc Basc, Belgio, Germania, Austria, Svizra

y Talia, por n cost total de 25.000,00€ za.

Imprejes partner dl’Alta Cun le produtur de auti todësch BMW ne laora l’Alta Badia nia ma adöm tres le BMW XDrive y d’atri contrać de sponsorisaziun. I todësc chir al momënt destinaziuns dai schi por promöie les carateristiches de sü mesi. Öna de chëstes destinaziuns dess ester tla Talia y al é gran probabilité che al sides l’Alta Badia. Deplü é inće les propostes de comarketing che la ćiasa todëscia pîta. Partner é inće l’Emporio Armani che fajarà la fornidöra dl vistimënt por les scores de schi. Da anunzié inće la colaboraziun cun la EOS Südtirol (Ćiasa Südtirol pro la Copa dl Monn) y i produturs de vins de Südtirol (Dé dl Vin). (pablo) www.lauscdiladins.com

23


Val Badia

nr. 15 / 15 de auril 2011

La picia revoluziun Chësc isté déssel gnì stlüt la strada ite por la Val de Mareo por cin’ ores al dé, mo les ezeziuns é cotantes. Sciöche alternativa gnaràl pité les corieres, che dess ester plü bunmarćé co le daz. I ostis dles üties da munt dij de scê, mo mët dant deplü condiziuns

üties y an pënsa inće da lascè jì chi che va a marëna ta Lé dla Crëda o Pederü. Controlè chiche va efetivamënter a marëna, podess ester rî. Laprò él da injuntè che la limitaziun vêl ma itepert. Chësc ô dì che chi che é jüs ite cun so auto dan les 11.00, podarà fora a ći ora che ai ô.

N “scê” cun mè de vënter

Odüda da Sarjëi jö cuntra Al Plan y ite por la bela Val de Mareo. (foto: Paul Erlacher)

Al Plan - Śëgn él definitif. Chësc isté déssel gnì stlüt al trafich por cin’ ores al dé - za. da mez jügn a mez setëmber - la strada ite por la Val dai Tamersc, danter Al Plan y Pederü. Chësc é gnü fat fora en lönesc pro na sentada danter Comun, Parch Natural, Assoziaziun Turistica y Üties da Munt. Al é bele agn che an baia da limité le trafich ite por la val, mo ćina ćiamò n’êra nia garatada, deache les minunghes jô indalater. “Sce an ne la prô mai fora, spo ne sàn gnanca mai la resposta”, dij l’ombolt de Mareo Albert Palfrader. Marco Pizzinini, presidënt dl comitê de gestiun dl Parch Natural Fanes - Senes - Braies, desmostra sodesfaziun por chësc pröm vare dl vers de na limitaziun dl trafich ite por la val. La strada gnarà stlüta dales 11.00 ales 16.00, “chësc ô dì che fora de chisc orars podaràn ite cun l’auto sciöche dagnora”, nes dìjel. La pröma gran novité é sigü che la ütia dl daz ne sarà nia plü ta Pederü, mo bele al’entrada dl parch. La orentè foss da mëte sö la ütia ta Ćiamaor, olache al foss inće a desposiziun na plaza da lascè jö i

auti. N’atra varianta foss chëra da la mëte sö do Lé dla Crëda, sciöche al ê dan val’ agn, mo an n’oress plü ion nia messëi cherié plazes nöies tl parch. Sambëgn gnaràl pité l’alternativa al auto, sciöche Marco Pizzinini nes dij inant: “Al gnarà pité n sorvisc de bus che jarà ia por le dé ite y fora por la val. Y chësc messass sambëgn ester plü bunmarćé co l’auto. La coriera piarà ia bele dan le paîsc (ütia de Bobo) olache al é na gran plaza dai auti.” Fermades déssel ester pro la nodadoia curida, Runcac, Ćiamaor, Lé dla Crëda, Fodara Masarônn, Tamersc y Pederü, inće sce i posć avisa, sciöche inće la frecuënza dla coriera y le prisc dl daz arà ćiamò da gnì definis plü avisa. Pizzinini é dla convinziun che chësc provedimënt portarà sü früć: “Le travert dl Parch Natural é chël da valorisé la val. Che chëra ne vais nia da incö a en doman é tler, mo cun la limitaziun dl trafich fajunse n pröm vare. Chël de Fanes, Senes y Braies é n parch natural, mo al é inće jënt che vir laìte y a chi mësson ti garantì le suravire. Le compromis che i ùn arjunt arati na beliscima

cossa. I sun teritore UNESCO y iö arati che sce i sun bogn da tó demez en pert le trafich ite por la val, él por döt le paîsc na gran concuista. I sun sigü che cun tröpa informaziun y colaboraziun, él tröpa jënt che sarà contënta cun chësta soluziun.” Dla medema minunga é inće Norbert Cristofolini, presidënt dl’Assoziaziun Turistica d’Al Plan: “I sun contënt che i unse ciafè na acordanza cun düć. Les üties da munt à portè dant n valgönes ghiranzes, a chëres che i ti sun jüs adincuntra. Iö sun dla minunga che al sides da tó demez le plü poscibil le trafich y ti dè la prezedënza a chi che va a pè.”

Cotan de ezeziuns Por chi che va a pè ite por la val y por chi dles rodes saràl sigü n valur implü da podëi jì zënza messëi mëte plü co intant averda al trafich motorisé. Sce les ezeziuns n‘é mine demassa. Zënza limitaziun podarà jì ite i gesturs dles üties, i taxis, dötes les porsones che laora te munt o ti eserzizi ite por la val y sön munt, i paurs, i sciori che stà suranöt tles

Les majeres resserves vëgn dai ostis dles üties da munt, che à presentè deboriada n documënt cun deplü ghiranzes. Les üties é prinzipalmënter cuntra la stlüta dla strada ite por la val, stàl scrit, mo impò ôn contribuì al garatè de chësc esperimënt. Les ghiranzes dles üties é che i proprietars, familiars y colaboradus dles üties pois ite y fora zënza limitaziuns y che inće i liferanć y artejagn che à da fà laûrs tles üties pois ite tl cajo de debojëgn. Inant se damana chi dles üties che i sciori vëgnes bele informà te paîsc sön la regolamentaziun ite por la val y che al vëgnes informè i sciori pro la sbara sön les üties marores y che i sciori che stà suranöt po ite da vigni ora. Inant sotrissëia i ostis dles üties che so scê vel al momënt por n ann su. Les prioritês é aladô di ostis de munt d’atres, sciöche l’ostì dla Üćia Lavarella Hanspeter Frenner nes dij: “Nos odun ite che al é le debojëgn da jì a pè, mo nos messun inće laurè cun la jënt. Denant co sarè jö valch, messasson cherié les infrastrotöres incëria. Al ô ester n tru da jì a pè plü lerch, che inće umes cun bagheli pois jì, spo n tru dla roda che podess d’invern gnì anuzè sciöche pista de paslunch.” Sön la medema ona é inće l’ostì de Fodara Vedla Arthur Mutschlechner: “I sciori che röia sö tles üties ne baudia nia dl trafich, ai é ligri che ai po ite. Plülere vëgnel

baudié dles sëmenes y dles tofles de segnalaziun, olache al ogass p. ej. inće l’indicaziun dl tëmp che an adora da jì.” I ostis da munt se damana inće na strada plü leria y bun asfaltada. Mutschlechner: “Al ne jô nia mëte corieres y lascè la strada sciöche ara é. La strada é massa strënta por bus, rodes, bagheli.” Se tëm pa les üties inće da perde ghesć? “Por les üties n’arati chësc nia le cajo”, dij Frenner, “le problem podess ester por chi che vëgn plü dalunc, che röia impormò alerch tratan l’orar de stlüta. Atramënter éra por les üties da Pederü y Lé dla Crëda, che laora inće cun ghesć de passaje.” Tëma dles üties é inće che la limitaziun vëgnes da ann a ann tres plü ampla, sciöche Mutschlechner nes dij.

Laûrs pro la plaza ta Pederü Sciöche dit, gnaràl chësc ann fat n esperimënt. Marco Pizzinini nes dij: “Sc’i odun che la cossa arà suzes chësc ann, jaràra inant. I piun n iade ia, spo odarunse ći che va bun y ći che an po miorè. Por Al Plan é chësc n gran travert. I arati che la jënt ois deplü le jì a pè y manco cun l’auto”. Intratan s’arjìgnon da fà laûrs ta Pederü. Chësta aisciöda gnaràl abelì la plaza dai auti, por cherié suradöt plü ordinn. Daìte dal ostaria da Pederü ne dess plü degun auto podëi parchè. Les corieres dess ciafè la poscibilité da oje, al gnarà metü sö n punt d’informaziun. Tl’intenziun él inće da impradì le pröm tòch dla strada da jì sön Fanes, por anuzè la strada vedla che pëia sö dan la ütia da Pederü a man dërta. Chilò vàl indere ćiamò debojëgn da dortorè sö dui punć. (pablo)

L’ezeziun “Badia y San Martin” I ùn damanè do tles assoziaziuns turistiches dla valada co che chësta sajun da d’invern é jüda. Alüsc é i sciori gnüs demanco. Ezeziun fej l’Assoziaziun Turistica Badia y chëra da San Martin de Tor Turism - N pice cheder turistich dl invern 2010/11 (da novëmber a merz), confrontè cun l’ann denant. Ti paîsc da Corvara y Calfosch él gnü alerch chësc invern (da dezëmber ‘10 a merz ‘11) indöt 99.477 sciori, che corespogn a n 1,77% demanco co l’ann denant. Dl 1,46% é jüdes zoruch inće les sojornanzes, passades da 600.882 tl invern 2009/10 ales 592.080 dl invern passè. Jüs zoruch é tl comun da Corvara intrami i marcià prinzipai: i taliagn cun le 3,39% de pernotamënć demanco y i todësc cun le 2,02% demanco. Dl 12,08% é chersciüdes les sojornanzes di austriacs, chësc invern le terzo marćé da Corvara

24

www.lauscdiladins.com

y Calfosch. Indöt 108.346 sciori él rovè chësc invern ti paîsc dl comun de Badia, che corespogn a n aumënt dl 0,35%. Deplü é chersciüdes les sojornanzes, rovades ala soma de 621.695, che é le 1,06% deplü co tla medema perioda dl ann denant. N manco dl 2,2% à albü le marćé prinzipal di taliagn, mo porchël é jüdes söpert les sojornanzes di todësc dla Germania cun +1,7%, chëres di ingleji cun n gran +20,8%, Paîsc Basc cun +7,8% y Slovenia cun +14,8%. Tl’Assoziaziun Turistica da La Val é jüdes zoruch sides les gnüdes co les sojornanzes. Chësc invern él rovè alerch 7.427 sciori, che

corespogn a n manco dl 1,80%. Plü marcant é ćiamò le dat dles sojornanzes, che é stades indöt 40.830, le 3,90% demanco co tla medema perioda dl ann denant. Jenà 2011 é a La Val ćiamò jü damì co l’ann denant, mo sides de dezëmber, co de forà y merz él gnü registré manco sojornanzes. Tl’Assoziaziun Turistica da San Martin àn registré te chësta sajun da d’invern 10.346 sciori, che é le 0,15% demanco co l’invern denant. Les sojornanzes é indere gnüdes deplü. I ghesć dl comun da San Martin é stà suranöt 46.762 iadi, che corespogn a n aumënt dl 1,07%. Chersciüdes é sides les sojornanzes di taliagn (+2,54%) co chëres di todësc (+4,52%), che

fej fora deboriada le 73% dles sojornanzes totales. Feter ala pêr éson jüs tl'Assoziaziun Turistica d'Al Plan. Les gnüdes é stades indöt 59.497, le 2,04% demanco co l'ann denant. Deplü à tignì i pernotamënć, passà

da 328.438 a 327.591, che ô dì n pice manco dl 0,26%. I pernotamënć di taliagn é jüs zoruch dl 1,56%, chi di croać dl 7,26%, söpert é jüs chi dl secundo marćé marou, i todësc (+1,41%), y chi de polacs (+9,84%), slovenns (+8,45%) y dla Republica Ceca (+16,44%). (pablo)


Val Badia

nr. 15 / 15 de auril 2011

Statues a fin de bëgn

Tles mans di stödafüch

Le Kiwanis Club da Bornech à lascè fà 103 statues de brom dl Sant da Oies, che gnarà venüdes por n bun fin. Le presidënt Georg Mutschlechner nes spliga deplü

Tl paîsc sot “Col dla Vedla” él gnü tignì la 56. incuntada di stödafüch dl raiun dla Bassa Val de Puster/Val Badia. Onoranzes por stödafüch cun 40 agn de sorvisc por le proscim

Sozial - L’inom “Kiwanis” stà por na organisaziun internazionala zënza finalitês de davagn, metüda sö dl 1915 a Detroit tl Michigan (USA). Al dédaincö à l’organisaziun rams n pü’ sura döt le monn, che laora do la regola d’or: “Comportete cun i atri, sciöche t’oress che i atri se comportass cun te”. Sot a chësta regola d’or stà deplü obietifs che caraterisëia l’ativité di Kiwanis: danter chisc chël da garantì che i valurs umans stais sura i valurs materiai, l’incorajamënt dles porsones al’aplicaziun dla regola d’or o inće la promoziun tres l’ejëmpl dl conzet de sorvisc ai atri.

Cin’ clubs te Südtirol Te Südtirol à le Kiwanis cin’ clubs: Balsan, Porsenù, Maran, Vischgau y Bornech. A će dl Club da Bornech él al momënt Georg Mutschlechner d’Al Plan, che é inće le su mëmber dla Val Badia. Le club s’incunta cun regolarité (al ti vëgn dit meetings) y danter les ativitês alda inće referać, conzerć, sëres de informaziun, mo inće le sostëgn a porsones che à debojëgn: “Suradöt i mituns”, nes dij Georg Mutschlechner, “I ćiarun da daidé dantadöt jënt da chilò, mo i ùn inće

cm alta y al n’é gnü lascè fà 103 ejemplars, deache chësc ann él 103 agn che le Sant da Oies é mort, nes spliga Mutschlechner. Le presidënt injunta: “Al é statues numerades y ći che vëgn trat ite gnarà destiné a porsones da chilò che à debojëgn de aiüt, inće sce al é tres plü rî da gnì lassura che che adora aiüt, deache les families l’ascogn plü ion ia.” Co che an é rovà sön le Sant da Oies? La proposta é gnüda da Heinz Mutschlechner da Dietenheim, n mëmber dl KC da Bornech. Ël instës ê dassënn amarè y é gnü varì te na manira Le presidënt dl KC Bornech Georg m iracolosa tres Mutschlechner. A süa man ciampa n l’interzesciun de Ujöp ejemplar dla statua dl Sant da Oies. Freinademetz. So miracul organisé na racoiüda de aiüć por é inće gnü reconesciü por la la Romania." prozedöra de beatificaziun, che é inće gnüda a s’l dè l’ann 1975. Statutes dl Sant da Oies Les statues costa 1.500,00€ l’öna y por nen cumprè, pòn s’oje Śëgn d’aurì é le Kiwanis Club diretamënter al presidënt Georg da Bornech pié ia cun n’aziun de Mutschlechner al nr. 335/6953131 solidarieté. Al é gnü inćiarié l’artist o a vigni ater mëmber dl club. Infos da Porsenù Martin Rainer da realisé plü menüdes ciafon inće sön le sît na statua de Sant Ujöp Freinademetz www.kiwanis.bz/kc_bruneck. da Oies. La statua de brom é 35 (pablo)

N campiun tl Kazakshtan Curiositês - L’invern n’é nia ma da se gode te nostes munts y tles Alpes, intres plü porsones - inće de nüsc posć - chir posć nia ćiamò odüs por jì cun i schi y la brëia. Bel él indlunch y sce an n’é nia massa malausà cun le standard alt dles pistes, di lifć y di hotì, spo pòn se fà na bela esperiënza ćinamai tl Kazakhstan (tlamè inće Kazakistan, Cazachistan o Cosachia) , n Stat transcontinetal danter la Cina, Ruscia y le Mer Caspich. Sciöche le campiun dla brëia badiot Ivo Rudiferia à podü vire söla pel. Ël nes à menè n bel salüt da chëstes nëis dalunc, sambëgn deboriada cun la brëia y inće cun nosc foliet “La Usc di Ladins”.

Pro la sentada te gran salf.

Rina - En domënia ai 3 d’aurì él gnü organisé a Rina le 56. “Bezirkstag” di stödafüch dla bassa Val de Puster, pro chël che inće la Val Badia alda laprò. Cun 160 rapresentanć dles 48 compagnies de stodafüch dl raiun , de plü autoritês dla politica, s’à abiné bele da doman bindebò adora por l’ingres cuntra dlijia, acompagnè dala Musiga da Rina. Siur Iaco Ploner à zelebrè na bela santa mëssa, abelida cun le bel ćiantè dl Cor “Col dla Vedla”. Do mëssa é spo düć jüs jö te plaza de scora a se renforzè pro n bun aperitif, tratan che la musiga pitâ intratenimënt cun val’ melodia. I delegà di stodafüch é spo jüs tl gran salf por a sentada de raiun. Le pröm salüt é gnü dal presidënt de raiun Hermann Schmid, denant co i passè la parora al ombolt de Mareo Albert Palfrader, y al ispetur dl raiun di stödafüch dla bassa Val Badia Franz Zingerle.

invié les compagnies da sostegnì y valorisé inant le laûr cun i jogn. N gran dilan a düć i stödafüch é gnü dal assessur provinzial ladin Florian Mussner.

Crusc de mirit d’or inće tla Val Badia Te chësta ocajiun à passa 20 stödafüch podü pié do la crusc de mirit d’or, por 40 agn de sorvisc al proscim. Danter chisc n’él inće deplü dla Val Badia: Enrico Anvidalfarei di Stüdafüch de Badia, Paul Agreiter, Johann Crazzolara, Martino-Maria Pezzedi di Stüdafüch da Corvara y Adolf Feichter di Stödafüs d’La Pli. Do la sentada à düć ćiamò podü stè deboriada pro na bona marëna. I Stödafüs da Rina oress rengrazié de cör düć canć chi che à daidé por le bun garatè dla manifestaziun. Ara n’ess nia podü jì damì y a düć ti àl salpü bel. (walter castlunger)

Injins al vare cun i tëmps

Ivo Rudiferia tl Kazakhstan.

Hermann Schmid à informè sön les ativitês dl 2010, jon ite sön les lîtes, che à portè a n gran mudamënt tl consëi de de raiun: bëgn 15 comandanć y 21 vizecomandanć nüs. Schmid é inće jü ite tl’importanza dla formaziun pro i stödafüch, che é tres de gran valüta y importanza. L’ispetur de raiun Herbert Thaler à baié di injins, alzan fora che i stödafüch à a desposiziun injins al vare cun i tëmps. Le scrivan Martin Tinkhauser à alzè fora che i stödafüch dla Bassa Val de Puster y Val Badia à fat tl 2010 passa 1.600 intervënć, cun indöt 75.000 ores de sorvisc ales comunitês. Baié à spo inće le referënt de raiun por i stödafüch jogn Elmar Irsara, che à

Stödafüch bel assà a Rina, en gaujiun dla incuntada de raiun.

L’assessur Florian Mussner cun le staff dl sorvisc. www.lauscdiladins.com

25


Val Badia

nr. 15 / 15 de auril 2011

I volontars fej le 67% dles ores Inće sce i intervënć é stà n valgügn demanco, po la Crusc Blanćia de Mareo mostrè sö de gran zifres: incër 26.500 ores de sorvisc, passa milecënt paziënć trasportà. La majera gauja di inzidënć vëgn dales pistes dai schi

Pro la relaziun sön l’ativité 2010. Dmc le caposorvisc André Miribung, chi dl comitê Otto Craffonara, Sara Clara (grup di jogn), Christian Ties y le caposeziun Stephan Ploner.

Al Plan - Tla Crusc Blanćia seziun Mareo àn dan da püć dis tignì la reuniun generala, olache an à sciöche da tradiziun ćiarè zoruch ales ativitês dl ann passè. La seziun cumpedâ ala fin dl 2010 chi 59 mëmbri, avisa tanć co l’ann denant. 54 de chisc é volontars, cater é

dependënć y laprò él inće n sorvidù zivil. Tratan le 2010 él gnü pormez trëi volontars nüs y trëi à lascè. Che le sorvisc de socurs ne stess nia en pè zënza volontars, vëigon dales zifres di sorvisc. L’ann passè él gnü fat bëgn 26.592,14 ores de sorvisc, de chëstes le 67% dai volontars, le

28% dai colaboradus y le 5% dal sorvidù zivil. Pro la generala dla seziun Mareo vëgnel nominé i volontars plü lezitënć. Chisc é stà dl 2010 Heinrich Pallestrong cun 659 ores, Gregor Frenner cun 566, Manuel Kehrer cun 519, Elisabeth Clara cun 516, Stephan Ploner y Harald Frenner, intrami cun 512. I intervënć é - por fortüna mësson dì - jüs zoruch respet al ann denant. Indöt él gnü fat 283 trasporć programà (l’ann denant 315) y 650 intervënć de socurs (l’ann denant 685). Le majer numer de intervënć vëgn a s’l dè sciöche vigni ann por inzidënć söi schi, indöt 263. Bëgn 151 é stades les cherdades dl 118 por intervënć d’urgënza a gauja de maratia, 83 iadi é i socoridus gnüs cherdà por inzidënć tl tëmp lëde, 11 iadi por intervënć pro mituns, 6 iadi por inzidënć söl laûr y avisa tanć por inzidënć sön strada, trëi iadi por intervënć psichiatrics. Por d’atres emergënzes é la Crusc Blanćia de Mareo gnüda cherdada 88 iadi y le jolier àn messü cherdè indöt 24 iadi. Tratan sü intervënć

à la Crusc Blanćia trasportè 1.103 paziënć, por n total de 67.337 chilometri. Dlungia i intervënć él gnü fat deplü sorvisc d’ordinn (le majer é stè chël pro le Giro d’Italia), eserzitaziuns y formaziuns. Döt adöm él stè da jì 1.010 iadi. Positif é indô stè le svilup di mëmbri che sostëgn l’assoziaziun. Dai 674 dl 2008 éson passà a 718 dl 2009, por rovè ai 726 dl ann passè.

Da d’altonn la festa di 20 agn Rich sarà le program d’ativité por chësc ann. Defora dal’ativité de socurs gnaràl invié ia deplü eserzitaziuns deboriada cun i grups de stodafüch. Söl program él spo iniziatives publiches - sce an ô les tlamè insciö. Al zënter stàl sigü la festa por i 20 agn dla seziun, la domënia ai 18 de setëmber. An organisarà spo cursc de pröm aiüt y por emergënzes pa de pici mituns y de novëmber spo la 10. ediziun dla Edema dla Sanité, che pitarà indô cin’ serades cun tematiches interessantes.

N ödl ai jogn Gran interes él por le grup di jogn dla Crusc Blanćia. Na cörta

relaziun é gnüda portada dant dala surastanta dl grup Sara Clara da Lungiarü. Dl 2005, ann che le grup é nasciü, podôl cumpedè 15 mëmbri. Le numer é jü söpert ann por ann y é rovè al momënt a 45. Pro les incuntades vëgnel tratè tematiches che reverda le pröm aiüt, por arjigné ca i jonins da deventè n bel dé volontars dla seziun, mo al ne manćia nia les ativitês dl tëmp lëde, cun jites, iadi y incuntades.

Autoritês dij dilan Ala incuntada generala à le caposeziun Stephan Ploner podü saludè cotan de autoritês: i ombolć de Mareo y San Martin Albert Palfrader y Heinz Videsott, le dotur de ćiasa Aldo Marcocci, i comandanć di stödafüs d’Al Plan y La Pli Oswald Obojes y Gustl Trebo, spo Tone Rungger en rapresentanza dla Staziun di verdabosc, Manuel Comploi por l’Aiüt Alpin d’Al Plan, Thomas Scalisi por le socurs sön pista dla Verda de Finanza, Paolo Anvidalfarei por la Crusc Blanćia Alta Badia y Konrad Videsott por le diretif dla Crusc Blanćia de Südtirol. Cotantes é stades les parores de rengraziamënt por le sorvisc de valüta che la Crusc Blanćia pîta por la comunité. (pablo)

Volontars y autoritês pro la sentada generala dla Crusc Blanćia seziun Mareo.

Cin’ domandes al caposeziun Stephan Ploner La mudaziun al statut dla Crusc Blanćia, la seziun de Mareo y le grup jonil La Usc: Stephan Ploner, dan püć dis à la Crusc Blanćia lité por n mudamënt de statut. Ćiünes é pa les mudaziuns plü sostanziales y ći se müdel pa en concret por les seziuns? Stephan Ploner: La mudaziun plü sostanziala dl mudamënt al statut é chëra che al ne sarà nia plü düć i mëmbri (ca. 54.000 a livel de Südtirol) che jarà a lité le diretif dla Crusc Blanćia a Balsan,

mo ai gnarà invià da lité porsones a livel de seziun, che rapresentarà la seziun pro la lîta a Balsan. Por ejëmpl por la seziun de Mareo saràl döes porsones che gnarà litades dai volontars y dai mëmbri sostegnidus dla seziun y chëstes döes jarà spo a lité le diretif provinzial. La seziun de Mareo cumpëda 54 mëmbri. Ëise pa strotöres

adeguades por podëi laurè? I messun rengrazié le Comun de Mareo por la strotöra che al nes mët a desposiziun, mo la strotöra atuala n’é te deplü punć nia plü a norma de segurëza y de lege. Al manćia n valgönes cosses che an adorass dassënn por podëi garantì n bun sorvisc y la lerch che i ùn al momënt a desposiziun ne basta nia plü da deplü punć de odüda. Por ejëmpl: le garasc, n local maiù da se mudè, n local da dejinfetè, n magazinn, n local por les bomboles de ossigenn. Da plü agn vëgnel baié de n Zënter por la Proteziun Zivila. S’armöiel val’ de chësc vers? N Zënter por la proteziun zivila foss veramënter n som por vigni assoziaziun de socurs. An se laurass tröp plü saurì y an laurass ćiamò deplü adöm cun les atres

26

www.lauscdiladins.com

assoziaziuns y an foss spo inće apost cun la segurëza y cun la lege. Mo do na nosta incuntada cun l’ombolt de Mareo, unse capì che al sarà dër ri che al s’armöies val’ de chësc vers tl proscim tëmp, mo an spera che le proiet ne vëgnes nia dè sö, deache le bojëgn é dër dër gran. Al edl dà le gran svilup che le grup di jogn à albü. Co te spligheste pa le gran interes? Le gran interes por le grup jonil é zënz’ater val’ dër de positif. I arati che al sides na forma de tëmp lëde dër adeguada por i jogn che descëda interes nia ma ti mituns, mo inće te sü geniturs. Aldedaincö él n gröm de poscibilitês por i jogn, mo i arati che le grup jonil dla Crusc Blanćia sides un de chi grups che tira le plü, deache al n’é nia ma n grup che fej ma ativites

de tëmp lëde, mo che prô dantadöt da ti trasmëte ai jogn val’ de ütl por la vita. Tres ativitês de pröm aiüt ti vëgnel trasmetü ai mituns la importanza y dantadöt la ligrëza da daidé le proscim y da surantó responsabilité. Al é passè 5 agn da süa fondaziun. Tan de jogn él pa che vëg n sp o efetivamënter volontars? Le grup di jogn à metü man cun 15 mituns. Volontars pòn pormò deventè cun le complì di 18 agn. De chisc 15 che à metü man n’él al momënt 5 che é tl laûr da fà la formaziun por deventè spo volontars. Insciö pòn dì che ca. le 40% di mëmbri dl grup jonil vëgn cun le complì di 18 agn volontars. Intervista de Pablo Palfrader


nr. 15 / 15 de auril 2011

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Val de Fascia

La cooperazion pel venjer ence contra la mafia

L’é a la leta “Agorà”

Tel chèder de la serèdes endrezèdes col Pian di Joegn La Risola dal Fassa Coop l’é stat prejentà l’esperienza preziousa envièda via te la Locride da mons. Bregantini

L’é tanche vegnù fora l secont numer del sfoi di studenc de la scola auta de Fascia

Poza - La formula é scempia e se la enten jà da la parola: “cooperèr”, donca lurèr adum. L’é chest l secret per poder ge tegnir poz a la dificoltèdes e manèr inant ativitèdes percacentes, pean via da l’idea che l’economìa pel garatèr demò se stèsc ben duta la comunanza olache vegn portà inant l’atività. L zil de la trei scontrèdes endrezèdes chisc dis passé dal Fassa Coop con La Risola l’era apontin chest: ge fèr cognoscer e entener a nesc joegn la forza e la potenzialità de la gran endesfida peèda via con don Lorenzo Guetti a la fin del 1800, che ge à permetù a noscia jent de passèr fora mìngol più sorì i tempes senestres de la veres. Dò aer prejentà la realtà de la cooperazion en general e si ejempies concrec te noscia val, la terza scontrèda a la Malga Aloch à portà dant na esperienza dassen straordenèra: chela che à portà la realtà de la cooperazion enscin ti lesc de la mafia, didan chela jent a poder sperèr te n davegnir desferent e a se librèr da la sotmiscion ti confronc del “clan”. La cooperazion l’é na forma economica che per solit la é leèda al teritorie - à spiegà l relator Michele Odorizzi, vizepresident de la Federazion Trentina de la Copratives, con n percors lonch tel setor del volontariat – e tel Trentin chest conzet fèsc pèrt de noscia reijes. L’é più cert la troèr en Calabria, olache culturalmenter no i é usé e donca i stenta de più a se meter ensema. Ma ence chiò l leam rejona trentin: l’é stat defat monsegnor Giancarlo Bregantini, che era stat manà te chi paìjes de la Locride olache la ’ndrangheta comana e dezide dut, a proponer l’esperienza de lurèr adum che l’aea respirà e vivù te nesc paìjes. L’à envià n grop de sia parochies

Scola - Via per de mèrz l’é vegnù passà ti Stac Unii da man de na fora l secont numer de Agorà, l studenta del liceo, l’empegn di sfoi di studenc de la scola auta de studenc tel projet ski-college e amò Fascia, n numer che se averc con conscidrazions e barac de opinions vèlch referiment ai 150 egn de en cont del fenomen di graffiti che l’unità de la Tèlia, moscèda su la à tout ite ence l liceo, n quiz su la soracuerta col stivèl dai trei colores personalità, valutazions su la ros bianch e vert utà sotessora. imposizion ai studenc ladinofons Chesta edizion porta dant de tor pèrt a la lezions de ladin contegnui dassen “esplosives”, zenza poder cerner cheles de derit, descheche se lec te l’editorial del la oportunitèdes de la assemblees professor Germano Basile. Te 28 de clas e no mencia nience mìngol piates fornides ence con fotografìes de gossip ma no l’é pa dut, ampò e dessegnes gustégoi realisé dai se volede n saer de più cognede jir studenc de l’Istitut d’Èrt, se pel a ve l vardèr! troèr na gran varietà de argomenc Del comitat de redazion fèsc svilupé per talian ma ence con pèrt i studenc Fabiana Morandini, vèlch contribut per ladin. Ambient, Amanda Tomasini, Jacopo Bernard, zitadinanza, identità culturala, Luca Pezzini, Daniel Rossi, Chantal cosmopolitism, istituzions di Rasom, Giulia Venturis, Clea Iori, studenc: chesta la componentes Silvia Marchesini, Francesco Riz, bones de engaissèr i letores a se l Davide Weiss e Martina Soracreppa vardèr con gust e curiosità. con i professores Germano Basile, Desche zenza se pel troèr i Maurizio Brugnara, Francesco spazies de interazion ludica, Frizzera e Nicola Parzian. (cri.m) oramai consolidé, desche “dilloatutti” e la vignetes satiriches. Segur de gran valuta l’é l’enrescida che à uzà fora n cajo de roìna ambientèla: na lingia de retrac moscia la situazion de dejodech de na promenada enlongia la Veisc. Articolèda e de spessor l’intervista al diretor de l’Istitut Cultural L adin, Fabio Chiocchetti, che rejona de identità ladina en relazion con l’identità cosmopolita e nazionèla. Chisc i argomenc più de relief ma chest codejel resserva amò n muie de auter, n artìcol su Facebook e l fenomen di social network, la recenjion de la mostra de scultures de Amedeo Modigliani al Mart La soracuerta de “Agorà", l'ùltima de Rorei, l resocont de n an edizion del sfoi de la Scola de Fascia.

Michele Odorizzi e Chiara Simoncelli à prejentà a Poza esperienzes straordenères de cooperazion contra la mafies.

a vegnir tel Trentin a veder coche va inant nesc consorzies de produzion de fruc, fajan entener che “se pel”. Te la Calabria l’é stat endrezà coltivazions de pìcoi fruc e ades chesta esperienza l’à ciapà pe e la se à slarià fora: i é rué a n faturat de 50 milions a l’an, presciapech 500 persones vif de chest e l’é stat creà na rei de distribuzion che passa fora la Tèlia da japede fin sunsom. Per la Val di Mochegn, che al scomenz aea tout pèrt a chesta sort de fradaa demò per solidarietà, ades chela copratives de la Calabria l’é doventà partners de valuta, e la produzion de fruc che rua da chi raions da mont desche i nesc, ma con na sajonalità desferenta, é dassen utola e emportanta. Ma apede a l’ejit economich, l’intuizion “geniala” de Bregantini e l’ejit de chesta esperienza à abù

L placat de la scomenzadiva metù fora a l’entrèda de la Malga Aloch.

l gran merit de “creèr speranza” te chi lesc olache vadagnèr per n privat l’é dassen senester. E l’esperienza de cooperazion l’é doventà coscita na esperienza de libertà. L segnificat e la forza de chesta scomenzadives é cresciuda amò de più canche l’é stat metù sù ence copratives sozièles del consorzie GOEL, per ge sporjer a la jent chi servijes de “welfare”, descheche i ge disc ades, che duc à derit de aer, ma che la ’ndrangheta sporc desche se fossa n so gran don, per tegnir en sudizion chela jent. E n gran vèrech inant é stat fat amò – à spiegà Chiara Simoncelli – canche del 1996 con la lege 109 (lege de scomenzadiva populèra) l’é stat integrà la “lege Pio La Torre” del 1982 su la confisca di bens a la mafia, fajan fora che chisc bens ge vegne dac de retorn a la comunanza. Da chiò l’é nasciù “Libera. Associazioni, nomi e numeri. Contro le mafie” che, pur no zenza problemes, dificoltèdes e pericoi, la é dò a portèr inant ti terens socastré a la mafia coltivazions e produzions netes. N lurier che à n valor simbolich straordenèr per la jent da semper usèda a conscidrèr la mafia e si sistemes desche la soula realtà possìbola. Tegnir i refletores empeé sun chesta realtèdes l’é fondamentèl per les vardèr via colajù, che no les vegne dessatèdes, ma ence percheche nesc joegn sie enjigné a se parèr ence chiò da risesc che no i revèrda semper e demò i etres. Lucia Gross

Se lita per la Frazion de Pera I capifech é envié a dèr jù sia stima en domenia ai 17 de oril da les 9 a les 19 Litazions - L’é temp de litazions ence per la Frazion de Pera. En domenia ai 17 de oril i capifamilia vegn chiamé a dèr jù sia stima per l renovo del comitat de aministrazion che resta en cèria 5 egn. Pel vegnir lité duc i residenc te la Frazion de Pera, bèsta che no i sie te aministrazion de comun, ence se no i fèsc pèrt de nesciuna lista. N capofech che no pel jir a litèr pel deleghèr un di componenc de maor età de sia familia. Se pel dèr jù fin a cinch stimes

ma apede a l’inom e l cognom met pegn recordèr che l’é benfat segnèr ence l sorainom o la data de nasciuda percheche tel cajo de omonimia la stima no à valuta e la jissa donca perduda, descheche l’é sozedù defat ence per la Frazion de Poza. Se pel jir a litèr da les 9 da doman a les 7 da sera aló da la palestra de la scola populèra “don Edy Cinzol” te strèda Tita Piaz a Pera; per poder litèr ge vel se tor dò la letra envit che l’é ruà te duta la families de la Frazion.

www.lauscdiladins.com

27


Val de Fascia

nr. 15 / 15 de auril 2011

Te n manoscrit de musega ence mizàcoles de storia fascèna Paolo Bernard da Cianacei se à diplomà en “pianoforte solistico” con na tesi che analisea la partidura manoscrita del melodram “La figlia de Iorio”, conservèda da 64 egn da la familia Bernard Musega - Paolo Bernard, pianist da Cianacei, l’à tanche sturtà sù i doi egn academics de secont livel del Conservatorie Claudio Monteverdi de Busan, arjonjan l diplom en “pianoforte solistico” con la stima più auta. 43 egn, maridà e père de trei fies, con na boteiga de sfoes, libres e souvenir a Cianacei da manèr inant, Paolo é stat bon de meter ensema talent e empegn, pascion e dedizion, ge jan dò a la pedies del père Luigi, musizist ence el. De gran originalità l’oget de sia tesi, che analisea la partidura manoscrita mai publichèda del melodram “La figlia de Iorio” de Alberto Franchetti (1860 - 1942) con test de Gabriele

d’Annunzio, conservèda per 64 egn alalongia da la familia Bernard. L document fèsc ence cognoscer la storia de n om ebreo didà da la comunità fascèna: defat l musizist Arnaldo Franchetti, quarto fi de Alberto, l’à vivù te Fascia a Ciampedel dal 1940 al 1947, te n cartier aló da l’hotel Villa Rosa, per se salvèr da la leges razièles. Te chi set egn Arnaldo l’é stat sorì te nosc raion, l sonèa l’orghen, l componea e l dajea lezions de musega e coscì l’à cognosciù l père de Paolo. Canche l’é pontà demez per jir te l’America l ge à lascià n recort prezious a so amich fascian, l manoscrit mai publicà del père Alberto Franchetti. Fin da pìcol Paolo l’à abù curiosità per chest document e la tesi, a conclujion de so percors de studies, l’é stat l’ocajion dreta da na man per l’analisèr dal pont de veduda musical e da l’autra per meter ensema i tòc de la storia fascèna de chel che chiò i ge dijea “barone Franchetti”, de gra a la testimonianzes de Maria Riz, mascèra de Arnaldo, e de Mario Bernard Tabach, Lorisetta Detone e Silvia Margoni da Cianacei, che i jìa a lezion de pianofort da el ge paan con smauz, eves, ardel e tortes.La familia Franchetti la é stata segur notèda te noscia pìcola realtà, ence percheche la podea viver te la bondanza, Una de la pruma piates de la partidura de te chi egn l turism no l’era “La figlia di Iorio” de Alberto Franchetti, amò ai livìe de anchecondì e i sentadins era n muie che l fi Arnaldo ge aea lascià en don al purec, soraldut te chi egn père de Paolo, l’organist Luigi Bernard.

de vera. Ma la testimonianzes auza fora n om de cher dàtol, semper vertech a didèr la persones, te la tesi vegn recordà per ejempie l didament sport a 6 paracadutisć ingleisc sconui te calonia, che se no fàzile i aessa troà la mort. L lurier de Paolo l’é spartì te cater sezion: n capitol l’é dedicà a Alberto Franchetti, un al fi Arnaldo e a sia sojornanza, un a l’òpera “La figlia di Iorio” e l’ùltim a la partidura, che la vegn ence confrontèda con la publicazions vegnudes dò. L’analisa de la partidura mena a descorir aspec enteressanc de chesta tragedia pastorèla te trei ac componuda en versc da Gabriele d’Annunzio. Alberto Franchetti lo aea paà per realisèr da sia tragedia n libret d’òpera, ma d’Annunzio l’à azetà zenza tanta convizion, fosc demò percheche te chel moment l’aea vèlch dificoltà economica, enceben che spervajo de n gran suzess comerzièl. La pruma raprejentazion, stata del 1906 a la Scala, la é jita belebon ma no l’à dat i fruc speré, i giudizies de la critica é stac prudenc e te vèlch cajo ence dures. Al scomenz l’era naturèl paragonèr l’òpera musicala con chela teatrèla portèda dant con gran suzess vèlch an dant: de n muie à valutà dejùtol meter en musega l’òpera ajache l’era jà la “musega de la paroles”. Estra l lurier de la tesi Paolo Bernard à ence cognù se dèr jù te na proa pratica, sostegnuda da doi egn de preparazion con la dozenta Adriana Montanari, interpretan tòc de Schubert, Beethoven e Chopin. L’à coscì sturtà sù chest percors sperimentèl envià via da la reforma Gelmini, percors che

L musizist da Cianacei al pianofort.

soscedea amò vèlch dubie, ajache la componenta teorica de spes ge tol via spazie a l’esecuzion. “L debatit é amò avert - spiega Bernard - l’é chi che aprijia l’aprofondiment musicologich, ma a chesta vida la pratica conzertistica

vegn mìngol metuda da na man.” Ades la tradizion musicala de la familia Bernard va inant con l fi de Paolo, Gabriele, de 9 egn, che l’é dò che l studia e l se enjigna con la medema Adriana Montanari. (Cristina Marchetti)

Paolo Bernard l dì che l’à prejentà sia tesi e arjont l diplom de secont livel al conservatorie Monteverdi de Busan.

I scolees giornalisć

Rencuron la memoria storica de l’IsA

Va inant con bon éjit l projet “Na comunanza che empèra”

Chi él che à documentazion su la Scola d’èrt?

I scolees de la pruma clas de Soraga à fat sia edizion spezièla de “La Usc di Ladins” ensema con noscia giornalista Monica Cigolla.

28

www.lauscdiladins.com

Scola - Va inant con gaissa e entusiasm l projet “Na comunanza che empèra” metù a jir te la doi pruma clasc de Poza e Soraga tel chèder de l’ensegnament bilingue. I genitores di scolees à responet positivamenter a l’envit di ensegnanc de jir a scola per na dì e doventèr “maestres” per ge fèr cognoscer ai bec e spartir con ic mestieres, pascions e ativitèdes desvalives. I scolees i é stac dassen n muie contenc de aer te clasc si genitores e chisc ùltimes à fat na esperienza bela e neva. Chisc dis passé i bec de la pruma de Soraga é doventé adertura giornalisć e i à metù ensema na sia edizion personèla de La Usc di Ladins con la giornalista de la redazion de Fascia Monica Cigolla. I à cognosciù Scedola e i se à godù da mac co la “plata per i mutons”. E l’artist Manuel Riz ge à dedicà ence na caricatura che i se à tacà sù bie stolc te scola. Se pel ben dir donca che l davegnir de La Usc di Ladins l’é pa jà arsegurà...!

La Scola d’Ert de Fascia chest an la compiesc 70 egn. Te chesta emportanta ocajion la vel serèr ite te n liber duc chi recorc, desche fotograf ìes, documents, scric o recordanzes, de duta chela persones che te chisc egn les à abù a che fèr co la vita scolastica, e che les à zeche da poder recordèr. L’é na gran ocajion per meter ensema e fèr cognoscer fac e momenc che doventarà coscita memoria de la vita de na scola che

da passa 70 egn la laora per l ben de sia jent e sia comunanza. L referent de la Scola d’Èrt, professor Claus Soraperra, l’envìa duc chi che à vèlch documentazion che revèrda chesta scola a tor contat, passan diretamenter te l’Istitut o chiaman al numer de telefon 0462.763186 e domanan del Referent. N bel develpai dant fora a duc chi che pel dèr na man a meter ensema chisc recorc preziousc.

N retrat de Renato Soraruf, publicà acà vèlch an su La Usc tel “Chi él pa?”, moscia i bec che jìa l prum an a la scola d’Èrt te una de la veia casermes a Sèn Jan.


Val de Fascia

nr. 15 / 15 de auril 2011

Proponetes de valuta al chino teater de Cianacei

La “Cold Night” de Italo Valentini

Na aisciuda rica de apuntamenc per endrez de l’assessorat a la cultura de comun

L dj e hotelier da Cianacei, ensema a Marco Faltoni, l’à manà fora na neva cianzon duta da balèr e ciantèr jà aprijièda te n muie de locai de la Tèlia e de Fascia

colaborazion col Cai, del Film Festival de la Mont de Trent e amò vegn portà dant i conzerc de la Musega de l’Auta Fascia. Chest ùltim an ence l’Istitut Cultural Ladin l’à portà te chino teater l bel spetacol “L secret del lech de l’Ercabuan” e la prejentazion del liber “Carnascèr Fascian”. Che Tel chino teater Marmolèda de Cianacei ge à fat l pienon de jent l’é vegn dat lèrga a spetàcoi, comedies e stat dapò l spetacol de teater “Punta Emma” scomenzadives per duta la comunanza. portà te Fascia de gra a Cultura - Dò pec egn da la l’enteressament de l’assessora a la restruturazion, l’era l jené del 2008, cultura de Poza Renata Mattevi. La l chino – teater de Cianacei l’é dò sales del chino les vegn metudes a che l doventa semper de più n lech la leta bolintiera per la jent del post, avert a la comunanza fascèna più per la sociazions, i gropes o ence che ai ghesć. Soul chino e strutura per la scomenzadives portèdes dant de gran dimenjions de duta la val da Don Stefen per i più pìcoi. de Fascia, l se sporc desche pont de L’assessora a la cultura del referiment per duc. Ampò sessaben Comun de Cianacei, Lara Brunel, che l’é semper senester che l se la é dò che la va inant con sie empienesce deldut. Se fèsc fadìa a empegn te chest setor e per chesta jir en ite e i medemi sentadins a aisciuda l’é stat endrezà na rassegna outes no i desfruta la oportunitèdes de teater amatorièl con doi spetacoi che ge vegn dat. de filodramatiches trentines e un Tel temp de sajon noscia jent à de l’UTETD de Moena. Se taca ite pech temp per jir fora de cèsa, e insnet, vender ai 15 de oril, con la fora de sajon se se lamenta che no comedia “El Gioanin Pesetas” de la vegn fat nia. Ti ùltimes tempes al Filo Canezza. Te doi setemènes, en chino Marmolèda l’é stat endrezà vender ai 29, i atores de l’U.T.E.T.D. dassen n muie de scomenzadives. de Moena portarà dant “I più bié D’istà, per i ghesć ma ence e soraldut regai no se i fasc int mai”, l test l’é per la jent dal post, l’é stat portà de Loredana Cont e la traduzion dant “Parole Vista Dolomiti”, dapò tel moenat de Maura Chiocchetti. te chino l’é stat fat la serèdes, en L’ùltim apuntament sarà en sabeda

ai 14 de mé con “Beniamino Ciopeta Apaltator” de la Filodramatica Concordia ‘74 de Povo. La pruma setemèna de mé, dai 3 ai 7, te Chino Marmolèda sarà l’outa de la prejentazion del nef codejel per la scola de Manuel Riz, portà dant per l’Aisciuda Ladina 2011. Sul calandèr l’é amò ence momenc de aprofondimenc su la sanità. L chino-teater de Cianacei l’é dò che l doventa semper de più n pont de referiment emportant per proponetes de gran spessor per duta la sozietà de Fascia e no demò de Cianacei, te na prospetiva de se sentir semper de più na soula comunanza, spetan che ence a Moena vegne zacan metù a la leta l zenter de Navalge. (vr)

Lara Brunel, assessora a la cultura de Cianacei.

Musega - “Cold Night”, net freida l’é l’inom de la neva cianzon da balèr de Italo Valentini da Cianacei. Chest’outa ampò la musega che vegn portèda dant dal dj fascian no l’é chela folk, chela musega che de solit se sent te la festes o chela di gropes che cianta de solit chiò da nos o che compagna i gropes de balarins de Fascia e de la valèdes ladines. Emben, sessaben che chiò te val no se troa demò chesta sort de musega e che ence te chest setor i orizonc i é semper più slarié fora al mond e coscita n muie de gropes de joegn e manco i se troa a sonèr e ciantèr dal vif desvaliva sorts de museghes. Dal rap al reggae enscin a la musega “house”, che fossa chela, descheche se disc, da discoteca. Chest ùltim apontin l’é l ciamp de Italo Valentini, hotelier da Cianacei che à lurà trop ence desche dj te Fascia. Da pech temp l’à manà fora na neva cianzon e l l’à fat ensema a sie amich e compagn de lurier, l dj Marco Faltoni, miec cognosciù desche Marcocram, da Cortona te la provinzia de Arezzo. Ensema i à creà, mixà e prodot na neva cianzon: “Cold Night”. Jà tel passà i doi amisc aea manà fora ensema sie prum tòch. L’era defat l 1998 canche Italo e Marco i aea prodot “In the year 2525”, na interpretazion neva de la cianzon originèla del 1969 del grop american

Italo Valentini à prodot sie secondo suzess musical.

Zager & Evans. Dò n muie de egn i doi i se à endò pissà de portèr inant sia pascion per la musega “house” e coscita l’é nasciù “Cold Night”, con na sonorità duta originèla che ciapa e che pièsc. L toch l’é jà stat manà fora e ades ti locai de la Tèlia e de noscia valèda chesta cianzon la é domanèda e metuda sù daperdut. A ciantèr l test dut per ingleis l’é Gilda Alberigi e l video, fat da ic, l tol jù i portoes de nesc monc dal Ciampac enscin al Sèn Pelegrin. Per i pascioné de chesta sort de musega e per i curiousc che vel n saer de più, te internet se troa sibie la cianzon che l video, che se pel “desćiarièr” dai sic de musega desche iTunes e ence demò l scutèr e l veder sul sit You Tube che te pech più che n meis l’é ja stat vedù da 627 persones. (vr)

Chi él pa? Soluzion del retrat su La Usc nr 14 Dant da dut ve dajon amò n comedament en cont del retrat publicà su la Usc numer 13: se aane falà a scriver che l’é stat fat del ’39, enveze l’é stat fat del ’59; del ’39 l’era l’an che l’é nasciù più che un di fenc sul retrat. A ne l segnalèr l’é stat Franca Trottner de Uc, Marta Zacchia e ence Lino Medico. L retrat che aon publicà la setemèna passèda l ne era stat portà da Piero Ghetta da Vich e a ne dèr la resposta, apede a

el medemo, l’é stat Giuseppina Ro ssetti, Mar ta Z acchia Decrestina, Franca Trottner de Uc, Lino Medico, Lodovica Zacchia, Fausta e Adele Pollam dal Maester e Clara Weiss. Sul retrat l’é: 1. Paola Lorenz de Isidoro de Vian (per Lodovica fossa enveze Anita Casari); 2. Carlo Ghetta da la Lis; 3. Marietta Deluca sia femena; 4. Giuliana Weiss de Edoardo; 5. Lucia Vian Pollam; 6. Lucia Lorenz fia de Giulia (per Franca e Lino enveze fossa Mariella

Lorenz e per Lodovica fossa Mafalda maridada Pollam de Ciascian); 7. Ivana Detomas de Pantalion in Pederiva de Botega; 8. Giovanni Pollam dal Toni (per cont de per Lodovica fossa enveze Federico Vian de Poch); 9. l’autista de la coriera ma nesciugn à sapù dir chi che l’era. 10. la femena de Vito Zulian da Soraga (per cont de Fausta Pollam podessa esser Norma de Davide Brunel e per cont de Lodovica podessa esser Carlotta Deluca de Canucia); 11.

Anna Maria Deluca de Canucia in Pellegrin; 12. Luisa Lorenz dal Mecanico (per cont de Adele fossa enveze Teresina femena de Oto Pech); 13. Marino Marsoner (per cont de Lodovica podessa esser Gigio Mazzel de Frecol); 14. Cecilia “Zili” Weiss; 15. Dora Tamion de Bascian; 16. Anna Lorenz de Meca; 17. Flavio Lorenz Mecanico; 18. Rita Rasom de Gotart; 19. Bruno Ghetta de Martin. Chesta setemèna ve meton dant n retrat de alpins fat sun Contrin.

Speton voscia respostes per telefon o fax al 0462.764545, o per mail a la direzion lausc@ ladinsdefascia.it. Ge sporjon n bel develpai a chi che se sproa a troèr fora la jent e a chi che ne porta i retrac, e i ne deida coscita a viventèr chesta rubrica e a meter ensema vèlch mizacola de storia de noscia jent: ve envion a ve fèr inant per ciapèr en don na publicazion de l’Union di Ladins.

9 14

19 13

13

17 1

3

16

15

14 12

18

11

10

1

11

12

2

10

3

8

4 6

4

5

6

8 7

7

2 5

9

www.lauscdiladins.com

29


Fodom

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 15 / 15 de auril 2011

I genitori promuof la scòla

La lors l’é passada nta Fodom

Bogn i resultac den cuestionar n particolar su la disponibilité del ufize de prescidenza e del personal de la segreteria

N esemplar, plu che segur un dei doi segnalèi da nvalgune setemane n Provinzia de Belum, l é ste vedù sun mont da Ciastel

L Istitut Comprensif de Alie, ulàche fèsc pèrt ence le scòle fodome, l à passé a plens voti l ejam dei genitori che s’à de fòra nten cuestionar su la valutazion e al miliorament del servisc scolastich. Bogn i giudizi su l’eficenza e la disponibilité del personal docent e de segreteria. Ncin mánco, per valgugn, struture de la scòla e traspòrc. “Crei che i no pòbe proprio se lamenté” disc l prescide Andrea Serafini. La scomenciadiva la fèsc pèrt de chële pervedude dal “decret Brunetta” che mira a valuté l’eficenza e la cualité dei servisc che spòrc i ufizi publizi. L medemo, per se capì, l vignarà fat per i Comuns e duc i aparac de la publica aministrazion. N vèlch dadetèl l eva bele sté metù a jì da chèlche ann daìte dal Istitut. Ma se tratëva den cuestionar per i docenc, ulàche, a la fin del ann, i valutëva l andament general de la scòla, l rapòrt coi genitori e scoita nnavánt. I é stade 195 le zedole dade fòra a campion ntra i zirca

400 genitori dei tosac che frecuenteia le scòle de Alie, Pieve, Brenta, S.Fosca, Ciaurì e Sotaguda. Demè 10 no l’à dada ndrio, ma l campion damané fòra l é mpò significatif. A la dománda se l ufize de prescidenza l é a dispojizion a chël che damana la comunité de la scòla, l 63,78% l à responù de si, l 25,57% assè, i no i é stèi l 3,34% (6 ousc). Medemo per l’ufize de segreteria: si l 68,11%, assè l 24,86%. No demè l 1,08% (2 ousc). Ncora meio i resultac per l personal ausiliar che l vegn giudiché “accurato” per l 71,35%, assè per l 22,70% e per nia per l’1,62%. I genitori i é contenc ence per la netijia de le struture de la scòla (82,70% de si) e segurëzza (74,59% i giudizi bogn). L 40% dei intervistèi l disc de ester demè assè content de le atrezadure n dotazion a la scòla. L 12% l pensa nveze che se podëssa milioré i traspòrc. N dato chëst che assa da ester valuté da le singole aministrazion, conscideré che i é lori i paroni de le struture e ence l servisc l l ven garantì dai medemi

comuns. Defati, coche spiega ncora Serafini, “i resultac del cuestionar i é stèi manèi ence a le amnistrazion. N general i scialdi bogn i giudizi su le ativité didatiche, le informazion che rua da la scòla e l adeguatëza dei compiti che ven dèi ai tosac. Sauta al ogle i dac su cotánt che ven douré i libri de test. N tema de gran atualité se se pensa a le polemiche che suata fòra ogni ann per via dei cosć dei libri che mossa sostignì le fameie. Demè per l 17,65 dei genitori i tesć i ven dourèi deplén. L 40,06 i pensa che i lo siebe demè n pèrt e l 26,47% finamèi per nia. “Se se i fèsc compré de segur i ven ence dourèi” taia curt l prescide. “Ma chëst n gran pèrt l dipende ence dai tosac.” Deldut natural nfin, très per Serafini, ence chël 34,05% che pensa che no duc i nsegnánc i abe atenzion e dispnibilitè ntei confronc dei scolars. “Recordonse che son drio a descore de rapòrc personai. No se ncontentarà meèi duc. Polito mpò le critiche. Le ne dáida a fè meio.” (sl)

L òrghen tourna a soné Conzèrt de reinaugurazion, sabeda 16 de auril da le 20.30 co la Corale Zumellese, l Coro S.Iaco e i organisć Fabiano Costantin, Damiano Del Monego e Oscar Nagler Gliejia - Sarà la “Corale Zumellese”, nsignada via dal maestro Manolo Da Rold, a cianté n ocajion del conzèrt de reinaugurazion davò i laour de ristruturazion del òrghen “Mascioni” de la gliejia da La Plié. Per l’ocajion, perveduda per sabeda 16 de auril da le 20.30 da sëra, l prestigious grop da Mel l ciantarà l Conzèrt de la Pascion. L òrghen, fat fè ntel 1929 grazie a la generosité e ai sacrifi zi dei fodomi, apëna vignus fòra da la Pruma Vièra che l’ava desdrut duta la valada, l eva ste restauré n prum viade ntel 1981. Ades, davò 30 agn de servisc l eva debujen de ie de

ndavò na comedada, souradut per l neté fòra dal polver. I tecnizi de la ditta “Mascioni” de Cuvio (Va), la medema che l ava fat su davánt 82 agn, i ha laoré dassën per nvalgune setemane per revijioné i 15 registri del son, i 7 registri mecanici, le 2 tastiere, la pedaliera le 1125 cane e i ciánt e ciánt pichi mántesc e autri pichi e zitesc tòc de pel e len del òrghen. L intervent l é costé zirca 40 mile euro, n pèrt finanzié con sciòldi de la Cei, in pèrt de la Gliejia e ofièrte de la jent. Ades, fenì via l colaudo, l é ndavò njigné a solenizé le Mësse e acompagné le ciántie del Coro de Gliejia S.

Iaco, nsigné via dal maestro Denni Dorigo. L program de la sëra l perveiga la benediscion del òrghen da pèrt de scior pleván Mons. Alfredo Murer. Davò vignarà fat n tòch de inaugurazion da pèrt del Coro S.Iaco e nvalgune escuzion dei maestri Fabiano Costantin e Damiano Del Monego. Tocarà po’ a la Corale Zumellese. La sëra la vignarà sarada ite co la consegna de na litografia ricordo e n tòch soné dal organist de la gliejia da La Plié Oscar Nagler. La manifestazion l’é metuda a jì da la Gliejia da La Plié, l Comun da Fodom e l Coro S.Iaco. (ls)

Njuoba 7 de auril n esemplar de passa sun nòst teritòrio. La pruma lors l’é stada veduda da doi jovene l’eva stada giust davánt 10 agn che jiva co le ciaspe, Nives De cánche Vida, dotada de radiocolar Cassan da Fodom e Ivonne Bernardi e monitorada da la Provinzia de da Còl, su per Mont da Ciastel. La Trënt l’eva ruada sun jou de Pordou. śòna del avistament l’é chëla del Per nvalgugn dis l’eva restada nta coston da Roncion, puoch dalonc Fodom mpruma de se trè sun Giau dal Ciastel d’Andrac. Co l é ste vedù, e po’ per nvalgugn meisc ja Taibon. l esemplar l eva drio a se muove n A la fin l’eva stada trata sot da na direzion de na picola val sot la ponta machina de todësć su l’autostrada de Còl de Lana clamada le Ciaudiere. del Prenner ntánt che la sen “Sonve piade su da Ciastel co le tournáva a cèsa a Paneveggio. Per ciaspe ntourn le 10 dadomán” ne fortuna la se l’ava cavada demè co conta Nives. “Co son ruade n tòch na giama rota e na gran sprigolada.” n su nten nëde senza nei, ntourn Ma la lors, coche l é nte sua natura, mesdì, s’on metù a ciapé sorogle no l’é restada chieta. Nsabeda fin ntourn le doi davòmesdì. Co l’è dadomán l’é passada per Digonera, ste ora de pié nju, l eva zirca le doi cuaji de segur chëla veduda sun davòmesdì, la Ivonne l’à vedù n Còl de Lana, e l’à lascé la pedia de animèl se muove delà da ulàche na ciata su la machina de la fia del sonve nos. L’é stada tòst segura che Cándido “Managia”. “Ntorun le set l eva la lors. L eva zirca a 150 metri e mesa dadomán è lascé fòra l cián” in linea d’aria da nos. L eva drio a l conta l Cándido, che l vif nte chëla se sposté. Mpruma l é ju nten cin cèsa sola, dezés dal paisc, apëna de bòsch. Po’ l é vign fòra e l é fòra dal bòsch. “On sentù che l tourné ite nte n’autra macia de baiáva e l fajëva ac, ma no i’on fat bòsch. I’on cialé fin che podonve l cajo perciéche l fèsc da spëss coscita vedei po’ l é sparì. È ence prové a i co l veiga o l sent valgugn.” Puoch é fè na foto col telefonin, ma l eva davò l’é juda defòra la fia Alba. “Son massa dalonc. Ntel prum son juda a tëne” la conta,”e è vedù cèze restada plutòst freida, ma po’ ève sun cofano dedavò de mia machina. ncin de poura che l ne rué davòsu. È tòst capì che l eva na pedia de na De segur jiarè ncora a spass da chëla lors. Nlouta on tòst avertì le su, ma ncin de poura la resta.” L di autorité.” Proprio ades che Fodom davò sul pòst i é jus doi guardie de no se fèsc plu publizité co la la Polizia Provinzial per n mèrescia de “Le terre dell’orso”, souraluoch. “L é ben poscibile che mpèr che la lors la voie tourné. I siebe ste la lors” ne spiega Leandro scherzi de la natura. (ls) Grones, prescident de la Riserva de Ciacia da Fodom. “Ma la nei mèrcia e mòla de chisc dis la no lascia che reste pedie da podei vedei e cugnësce fòra. Son ben content e l è n fat positif che na lors se la ròde via per l dì nte nòste śòne turistiche. Spere che l reste chèlche dì a se la giré per Fodom. Chësta l’é la seconda outa, La pedia lasciada da la lors su na machina ja segura, che na lors la Digonera.

Sèlf del Taulac, vòl na tabela Máncia n’indicazion per rué laprò

La “Corale Zumellese” la ciantarà n ocajion de l conzèrt de reinaugurazion davò i laour al òrghen de la gliejia da La Plié.

30

www.lauscdiladins.com

L sèlf del Taulac l ven douré très plu da spëss per manifestazion de ògni sòrt; prejentazion de libri, referac, ncontade de informazion e trop auter. L local l é atrezé con proietor multimedial e dut chël che ven damané da spëss aldidacuoi per mëte a jì ncontade. Dal pont de veduda del luoch l é de segur nte na bela pojizion, da ulàche se po’ vedei, da nen ce la auter, duta la val da Fodom. N vèlch de bel e particolar, souradut per chi che rua da fòravia. Ma proprio chis da spëss i stenta a se ciapé la strada da rué laprò. Ju dal cërnadou ntra la comunal che porta sun Pala e Daghè e la Sr 48 de le Dolomiti defati, máncia na tabela, siebelo per chi che ven da souranjù che per chi che ven da sotensù. L lèrch l fossa dinogia a autre tabele. (ls)

Chilò máncia na tabela che mostra ulàche se va al “sèlf del Taulac.”


nr. 15 / 15 de auril 2011

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

Anpezo

Un onor, un braghier

Rua r’ousciuda, śo da ra Rozes

Ra jeja de San Iaco ra deenta basilica, ca de alcuante dis. Ra festes, i parsonaje, ra cartes, par i doi sante patrone

Intrà dute i pisciandre de aga da ra crodes de Anpezo, chel in Tofana ‘l é el pi conosciù

Ra jeja de i sante Iaco e Felipo, patrone de ra parochia de Anpezo.

Ai 3 de maśo ra comunità de Anpezo ra fajarà festa, parcé che ra jeja de ra parochia de i sante Felipo e Iaco, i nostre doi sante patrone, ra deentarà basilica minore. In calonega, el pioan don Davide Fiocco e chi che i dia ‘na man, i é drio a parecià duto polito, par chi dis. Se podarae scomenzà, ra setemana ignante, śoiba ai 28 de aprile, a parlà de ra politica e de ra reliojon, con Rosy Bindi. Dapò sarà el cardinal Giovanni Battista Re a lieśe el pefèl de ra

Santa Sede, ai 3 de maśo; aduna con monsignor Giuseppe Andrich, el vescovo de ra diozesi de Belun – Feltre, i dijarà mesa granda. Dares 18.45 i moarà daante a ra calonega, in portiscion, su par piaza, fin inze jeja de San Iaco, agnó che i dijarà mesa, dares 19. Alolo dapò, dute inze piaza, daante a ‘l padeon de ra musica, co ra Banda de Anpezo, par nafré de festa. Inze jeja, a mesa, i lieśarà ra carta de i 7 de jenaro, co ra firma de el cardinal Antonio Canizeres

Llovera, prefeto de ra Congregazion par el culto divino e ra disciplina de i sacramente, e da el sacretario Giuseppe Agostino di Noia. A contà par prin a ra śente de Anpezo de chesto gran onor ‘l ea stà el vescovo Andrich, ai 19 de jenaro de ‘sto an, canche ‘l ea vegnù ca da nośoutre, par ra festa de ra Madona de Voto. Inze ‘l ultimo boletin de ra Parochia, el pioan decano don Davide Fiocco el scrie che chesto ‘l é “Un insogno, che ‘l é deentà realtà”. El nosc pioan el me recorda, pi otes, che chesto no n’é un onor, ma ‘l é un braghier. Che ra nostra jeja ra see deentada basilica, vó dì che i à vardà cemodo che se vive ra relijon, ra devozion, inze chesta jeja, co ‘l preà, ciantà, stà aduna. Pi che see, i à vardà che inze chesta jeja rua śente de duta ra razes, de dute i poste, d’Italia e de el mondo, un mondo senpre pi pizo, parcé che se se moe senpre pi in prescia, e pi indalonśe. Se vede senpre pi de spes prees de duta ra razes, finamai de outra relijos, a preà aduna. Ra vojes es se mesceda, co ra parlades che es rua da duto el mondo, inze ra nostra coa de Anpezo, coscita pizora. No n’é ra storia de agnere, a me portà chesto onor, donca, ma el vive de ancuoi. E chel de doman.

Ra sposa su ‘l pullman

fotografiches, par vede r’aga che ciama r’ousciuda, ra bona stajon. Doa righes, mandades a ra Ansa, e alolo i s’à ajità, Jornai, gaśetes, televisios par duta r’Italia, con chera de contà, de fei vede ra Tofana de Rozes. Cisà ce che i se imajinaa, de vede ra cascates de el Niagara! Inveze ca ‘l é nafré de aga, intrà ra crodes, par poca ores, canche el soroio el peta inze dreto, el sciouda ra croda, el delega el gnee. Se pasa ‘na neola, se el soroio el s’in và, se rua nafré de aria fieda, da nord, alolo s’in và anche cher’aga, chera che ra porta r’ousciuda, el cioudo, ra bela stajon.

El ponte vecio Da nonanta ane sora ra Bigontina, ignante par ra farata, ades par śì a pe, o co ra roda

Un jesto da ride, par ra noza de doi spose, inze ra jeja de ra Madona de ra Salute, a Ciadin. E ‘pò ra festa, intrà ra nostra bela Dolomites Par ruà daante a ra jeja, par se maridà, ra no n’à dorà un landò, tirà da cuatro caai bianche. E ra no n’é montada su una limousine, un de chi automobiles americane, longhe come el Pasio, che se vede inze i film. Ra sposa r’à vorù dorà, inveze, un pullman de ra società

Canche ‘l é fiedo, guergno, caligo e pioa, cemodo che ‘l é suzedù ‘l an pasà, de ousciuda, ra no và adora a bicià aga. Ma canche ‘l é bel cioudo, cemodo che ‘l é suzedù ‘sto an, i prime dis de aprile, ra Tofana de Rozes ra piscia aga, su ‘l daante, par zentenera de metre. Chesto an r’é ruada ignante de el solito, almanco un mes, fosc doi: śa doi ane, de 2009, s’aea podù ra vede de śugno, a ra fin de r’ousciuda, deboto d’istade. Coscita ‘l ea un grun de śente, ogni di, de ‘l dapò disnà, da duto el paes, da duta ra val de Anpezo, a vardà su vesc ra Rozes, a ocio nudo, co ‘l canocial, co ra machina

Servizi Ampezzo, de el nosc comun. Coscita Francesca Beneggi r’é ruada su a Ciadin, daante a ra bela jeja de ra Madona de ra Salute, coscita benvoruda da ra devozion de ra nostra śente, agnó che trope spose i dezide de se maridà. Là a ra spetà ‘l ea el so bel Carlo Leoni

Orsenigo, e i aea parecià anche algo de outro, agnó montà su, da smatisà: una bela Vespa, negra e śala, una de cheres de el so amigo Marco “Devils” De Villa. “Par el di che conta depì, de ra me vita – r’à dito ra sposa, alolo dapò ra zerimonia – no podee fei spetà chel che sarae deentà me òn, daante a ‘l altà. Par chesto ei vorù dorà el pullman de el Comun de Anpezo, ei vorù me fidà de cuanto che i é preziśe chi de ra SeAm, che i somea arloie svizere, e par chesto ei da i dì un gramarzé ben a el so presidente Marco Siorpaes. Noma coscita see segura de no ruà tardìa”. Daante de el pullman, par no se falà, ‘l ea stà betù fora ra scrita “Oggi sposi”, coscita dute saea par ci che ‘l ea. Dapò i doi spose i à vorù se gode de ‘l intiero ra bela festa, intrà ra nostra crodes, lore che i vo coscita ben a ra Val de Anpezo: ignante i é śude su pede ra Penes de Naerou, su chel sorei che el se daerśe su da Dolomites, patrimonio de r’umanità, par ‘l Unesco, daante a ‘l refujo Scoiattoli. E dinultima i é ruade, par zenà, fin su da ‘l refujo Averau, che ‘l é stà daerto danoo da poco, dapò che i ‘l à comedà fora de ‘l duto.

Ra sposa ra desmonta da ‘l pullman, daante a ‘l sagrà de ra Madona de Ciadin.

Cisà che duto ‘sto bel no i porte dasen de ‘l ben, a chiste doi spose.

Alcuante toche de peton i é ruade su ‘l stradon, e alolo i à ciamà i ponpiere, par dà ‘na ociada, par vede che duto fose a posto, e lore i é ruade, co ra sciara. De trope ón vedù, i dis pasade, nafré de reśiro, intor res does, dapò disnà, sote el vecio ponte de ra Farata de ra Dolomites, che el pasa via par sora ra Bigontina, alolo de inze de Regnera. Nuia in duto, i à netà via in poche menute, ma resta el pensier, par chel che, bel o burto che el see, ‘l é nafré un monumento, de el nosc paes. Inze ‘l museo de ra Regoles de Anpezo, de arte moderna, se vede un depento de el pitor De Pisis, che el mostra el cantier de chel ponte, śa nonanta

ane, alolo dapò de ra Prima guera. Ades, che el stradon de Alemagna el pasa inze par sote, dute chi che viaśa par Anpezo, ves nord, i à da el vede. D’inverno i bete su un grun de lumes, da Nadà, par fei festa. Calche ota ‘l é stà calche smatiśon che i à taca sote, a pendoron, calche tabela, calche scrita. De trope i pasa via par sora, ogni di, a pe, o mangare co ra roda, a viaśà inaante e indrio, su ra ciclabile. Chel che inporta depì, dapò chel che ‘l é suzedù i dis pasade, ‘l é che el see seguro, che i tire via i toche de peton, de asfalto, de sas, destacade e che i podarae ruà de sote, a fei de ‘l mal a calchedun.

I ponpiere a ‘l laoro, co ‘na sciara longa longa, par vardà drio el vecio ponte de ra farata, su ra Bigontina. www.lauscdiladins.com

31


Anpezo

nr. 15 / 15 de auril 2011

Incanto de ra Dolomites El laoro de ‘na śoena de Anpezo, el so studio, el so amor par el paes. Idea noes, da bete in mostra, da fei cresce Dolomites, patrimonio de r’umanità par ‘l Unesco:’l é oramai un pei de anes che dute se slarga ra bocia, che i se zufa par el logo e par ra sede. Ci che ‘l é vanzà fora vorarae ese inze e chi che ‘l é inze parla, parla ma el no n’à ancora scomenzà a fei nuia. Anzi, a dì ra verità algo ‘l é stà fato. A forza de dai i à daerto ra sede in Anpezo, el Comun i à dà deban i ufizie inze ’l Comun vecio par doi ane e i paga anche duta ra speśes, i à dà tre poste debàn inze piaza, par bete ra machines duto ‘l an e, se no basta, i dà anche 35 mile euro par fei “ricerca e formazione” inze ’l teritorio de Anpezo. I é ormai de tre o cuatro che laora inze ra sede, ma ce che i feje ancora no se sà. ‘L é inveze pi de un an che calchedun, senza tanto bateboi, el laora deban e senza domandà nuia a negun. con tanto amor ves el so paes, con tanto entusiasmo e tanta fantasia par fei algo de concreto. Chesto calchedun ‘l é ‘na śoena de Anpezo, Stefania Zardini Lacedelli Sgneco, che ra s’à apena laureà a

che vade a tocià el cuor de ra śente e trasmete i vere valore de ra Dolomites. Stefania inze ra tesi ra s’à pensà ormai calche idea de cemodo dorà r’arte , musica e teatro ma no solo, inze el “Bene Unesco”. Alcuante de chiste projete i é ormai moeste come par ejenpio “Il museo incanta - progetto di animazione musicale e teatrale per i musei” in colaborazion co ra Pinacoteca Mario Rimoldi e “Dolomites music festivals - progetto di collaborazione tra festival musicali” in colaborazion con el Festival Dino Ciani. Ormai ‘l istade pasà Stefania r’à ciatà inze r’Academia Dino Ciani parsones che i ra pensa conpain de era e co ‘na gran voia de fei algo che rue inze ’l cuor de ra śente, coscì a ra fin de luio i à betù a śì el spetacolo “Lusor de Luna” con musica, fotografies, cianties su ra pi bela lejenda de ra Dolomites, de un bel che no ve digo. Sto an inveze, senpre par el entusiasmo de un’outra śoena de ‘l paes, Alessandra de Bigontina, diretrice del ra Pinacoteca Mario Rimoldi, Stefania r’à betù a śì “Il

Museo incanta” par fei conosce a i pize da scora i cuadre pi inportantes che ‘l é in mostra inze ra pinacoteca. Anche Alessandra de Bigontina ra pensa che el patrimonio che ón inze ’l paes el no n’à da vanzà sarà inze, inze ’l museo, ma ‘l à da ese pede a ra śente e par chesto ra varda anche era de se pensà senpre algo de noo. Son segura che grazie a ‘l entusiasmo e voia de fei de Stefania e Alessandra in vedaron ancora de chera beles! Intanto ve digo che podé lieśe duta ra tesi de Stefania, con inze outre projete da bete a śì, su chesto inderizo de internet: HYPERLINK “http://www.giacomopompanin. com/public/Cataloghi/Pdf/ Incantare_Dolomiti_Mail.pdf ” http://www.giacomopompanin. com/public/Cataloghi/Pdf/ Incantare_Dolomiti_Mail.pdf Ra prejentazion de ra tesi ra vegnarà fata sabeda ai 16 de aprile da res 5 dapò dijnà inze ra sede de ra Magnifica Comunità de Cadore. Bona fortuna Stefania e no sta mai a perde el to gran entusiasmo! (df )

‘l é su ‘l śuogo de Gardena, ruaa in Anpezo, a Col, in Fodom, par ra parte outa de ra provinzia de Belun, i segnai de ra televisios par todesco, par ladin, e ra televisios forestes, da r’Austria, ra Jermania, ra Svizera. Pi che see, i Ladis sote Belun, i à acaro de podé vede i programes par ladin, conpain de chel che i fesc chi outre, intor el Sela. A ra scentada de ra Consulta, in Anpezo, ‘l ea ra tre presidentes, tre femenes, de ra tre unios ladines de Anpezo, Col e Fodom, che ‘l é

Elsa Zardini, Paola Agostini e Daniela Templari. Con eres ‘l ea Paolo Frena, par el Comun da Col, e Adriano Verocai Daloio, vize capocomun de Anpezo e loudaduó ladin. Aduna con Siro Bigontina Titoto, i à parlà de ra noa leje, da precurà i Ladis ex asburjiche, de ra provinzia de Belun. Chesta leje, betuda aduna da ‘l onorevole Karl Z eller, de ra Suedtiroler Volkspartei, r’é nasciudfa alolo dapò de el referendum de otobre del 2007. “Chesta proposta de leje – el

me disc Siro Titoto – r’é nasciuda de ‘l 2008, alolo dapò de el nosc referendum, par mudà rejon, par tornà aduna con chi outre Ladis de el Sudtirol. Nośoutre fajon duto chesto, con chera de precurà i nostre Ladis, de i tre comune sote Beluno, conpain de chel che suzede alolo de là de el confin, su chel de ra Provinzia de Bolzan. Co ra Consulta, ón toles ato che ra proposta de leje ades r’é ruada a ra Prima comiscion de i afare costituzionai de ra Camera”.

bete a posto ra preses de Fedarola, da lourà inze meśo a ‘l bosco, da fei fora meo ra vasches, cheres par Pocol e cheres par el Consorzio acquedotto de Azon. Alcuante de i tube da mudà, i à deboto zento ane, betude śo i prime de el Noezento. In Son dei Prade ‘l é da fei doa vasches, una da 15, una da 30 metre cube. Sarà da jaà anche un toco de el stradon 48 de ra Dolomites, che el mena in Fouzargo. Dinultima, a Pocol, sarà da parecià anche tre schizoi, da dorà se ‘l é biśoin, par el mal da ‘l fó.

montagna di libri”. In à parlà ai 12 de aprile, a Milan, a ‘l Circolo de ra Stampa, daante a jornalistes de duta Italia. E i ruarà da duta Italia, par chesto premio, ai 25 de agosto che vien. De premie, a ra dì duta, in é tre: un de leteratura, un de libre su ra croda, un par ci che varda in Internet. Inze ra juria, ‘l é alcuante gnomes grei, ben conosciude, de ra aziendes, de jornalistes, de ra leteratura. A in parlà, a Milan, ‘l é stà Vera Slepoj, che r’à dito de aé acaro, a vede che nasce un premio noo, che se fesc algo, par ra cultura, propio canche in Italia se tol via sode, se taia i contribute, par ci che fesc cultura dasen. Par el nosc paes, ‘l é algo che val, par se fei conosce, depì e meo, par mostrà algo de bel, e de bon.

vegnì in Anpezo, par fei conosce el golf par piaza, che i à fato d’istade, de luio; ‘sto an ‘l é stà Giulia Sergas, ra pi forte de duta Italia, a śuià a golf, profescionista da vinte ane. R’à contà de chel che se fajarà ai 15 e 16 de luio, par duta ra val de Anpezo, cemodo che ‘l ea suzedù ‘l an pasà: par piaza, su ‘l stadio de ra jaza, su ‘l souto co i schie de Śuel. A śuià, ‘l an pasà, s’aea vedù un grun de parsones e, intrà chi outre, i schiadore Isolde Kostner, Denise Karbon, Peter Fill. “Chel de ‘l Audi in city golf – el me disc Herbert Huber, loudaduó a ‘l sport e a ‘l turismo de el Comun de Anpezo – ‘l é algo de noo, che el bete aduna parsonaje conosciude, sport, un bel posto: con chesta manifestazion, el gnon de Cortina el rua daparduto, par r’Italia e fora. Da anes nośoutre louron par fei conosce el nosc golf noo, che ‘l é stà fato a Fraina, e che sarà da fenì, con disdoto bujes, parsuaśe che el podé śoà polito, par me fei prozede”.

I pize da scota i scota, i varda, i inpara, co ‘l projeto “Il museo incanta”, intrà i depente de ra galeria d’arte moderna Mario Rimoldi, de ra Regoles d’Anpezo.

Venezia a Ca’ Foscari a ra facoltà de letres e filosofia in “Tecniche artistiche e dello spettacolo” co ra tesi “Incantare Dolomiti. Proposta per valorizzare il nuovo patrimonio dell’umanità attraverso le arti dal vivo”. Inze chesto laoro, Stefania ra

bete a pensà sora su cemodo che ra śente che vive inze ’l teritorio ra pode se dà da fei par i dà un valor depì al “Bene Unesco”. Visto i so studie, Stefania ra pensa soralduto de dorà ra musica e el teatro par fei moe dal de inze emozios e sensazios

Ra Consulta Ladina I laore de ra tre Unios culturales e de i tre Comune, par tegnì aduna i Ladis Ra television che rua da Bolzan e ra leje par precurà depì i Ladis de i tre comune de Anpezo, Col e Fodom: de chesto i à parlà, inze ra Consulta ladina, de i tre paes, che ra s’à ciatà in Ciaśa de Comun, in Anpezo, ra setemana pasada. “Par intanto ‘l é ruà ra cartes, da Roma, da ‘l ministero de ra Comunicazios, donca ades ‘l é da pensà a i laore, a bete su i aparate, par fei ruà el segnal ca da nośoutre” – ra me disc Elsa Zardini Soriza, che ra coordina ra Consulta, da presidente de ra Union de i Ladis

de Anpezo, pede de ese presidente de ra Unione generela di Ladins dles Dolomites. “Ades ‘l é da śì a lourà in outo, in croda, su i śuoghe – ra śonta Elsa Soriza – e chesto braghier el se ‘l à tolesc su Giulio Majoni Coleto; beśen i dì gramarzé e i fei un plauso, par chel che el fesc. Son parsuaśe che, co ‘l istade, podaron vede danoo, par dute i paes, de i nostre tre comune, chi segnai, che saon uśade a ciapà, su ‘l nosc televisor”. Da Bolzan, co i ripetitore che

Fregores Alcuanta noes in curto, da ‘l paes e da fora Ra storia de ‘l orso I à sbarà, in Slovenia, e i ‘l à copà; ‘l orso Dino, che aon inparà a conosce, anche su ra nostra crodes, i anes pasade, ‘l é morto. Somea che el fose drio a dà fora da mato, por bestia, par el mal che el padìa, dapò che i aea betù un radio, leà intor el col, che ‘l ea senpre pi strento, fin a ‘l sofeà. Finamai el petaa ra testa e el mus su par i mure, su par ra piantes, par vede de se deliberà da chel tormento. Fato stà che ‘l é morto, chel orso, che ‘l ea pasà anche ca da nośoutre, i anes pasade, intrà el Trentin e ra Slovenia, su ra crodes e par i bosche de el Cadore, de Anpezo, vesc ra Carnia. I aea betù gnon Dino, par recordà el scritor Buzzati, ma el so gnon, par chi che i ea drio a ‘l studià, ‘l ea M5. Canche i à sbarà, par el copà, s’à inpizà un bateboi, in provinzia de Belun, pi de ‘na vosc ra s’à alzà, stizada. E intanto in é de outre, de orse, che i śironea

32

www.lauscdiladins.com

par ra nostra vales, intrà ra nostra crodes. De un de chiste v’ón beleche scrito, ra setemana pasades, che i à ciatà ra so zapores, ra fates, pede de nośoutre, a San Vido. A un outro orso, che ‘l à lascià i segne, de agnó che ‘l é pasà, i à betù gnon Cesare, par recordà un de i guardies de ra Provinzia, che da anes i studia chesta besties. E coscita ades sarà da se uśà a dorà chesto outro gnon, ades che el nosc Dino ‘l é morto.

R’aga in Pocol Ra sozietà Gsp r’é drio a scomenzà i laore, par fei ruà meo r’aga in Pocol, da i Brites de Fedarola. El laoro el no n’é fazile: ignante ‘l é stà da se bete d’acordo con Veneto Strade, el Comun e ra Regoles de Anpezo, i Servizie forestai de ra rejon, ra Ulss 1, cemodo che el me conta Franco Roccon, presidente de Gsp. Pi che see, ‘l é un grun de laore da fei: da

El Premio Cortina In Italia ‘l é un grun de premie su ra leteratura de croda, ma no n’é un premio de leteratura, fato inze un posto intrà ra crodes. Par chesto ‘l à un valor pi gran, el noo Premio Cortina, vorù da Francesco Chiamulera, el śoen de Anpezo che ‘l à ogà, da alcuante anes, “Una

El golf par piaza D’ousciuda de ‘l an pasà ‘l ea stà ra gardenera Carolina Kostner a


Sport

nr. 15 / 15 de auril 2011

Devënta de diesc

Co la pruma ge aessa stat la venta

N tëmp porom, ala fin resta i 3 punć sot “Col dla Vedla”

Contra la Ravinense l Fascia jia na partida ezelenta, ma l porta a cèsa demò n pont

Palê Rina - La scuadra da Gais é gnüda a Rina cun gran fan de punć; ara é da ciafè te tlassifica scialdi jödapè. Porchël él ia por l’edema inće gnü cambié alenadù. Alfredo Nardin, dër conesciü da chi da Rina, à bele denant manajé la scuadra pustra y mëss śëgn porvè da fà ćiamò n mitl. Tl pröm tëmp él veramënter plü Gais da odëi, i mandli de Alfredo é dër motivà. Les püćes aziuns dl Rina vëgn defata desdrütes, i atacanć David, Elli y Andy ne röia nia ala trata sön porta. I pustri se prô dassënn, mët i defensurs dl Rina vigni tant en dificoltè. Le druch vëgn tres plü gran y al 25^ menüt garêtel inće le gol. Le coran ti röia dan i pîsc al atacant Del Fabbro, che n’à nia plü rî da fà gol. La scuadra de “Col dla Vedla” n’é tl pröm tëmp nia plü bona da storje le resultat. Le secundo tëmp é spo döt dl Rina. Les forzes di aversars lascia bel plan do, desche al é bele sozedü tles ultimes domënies. Al 12^ menüt fej Rina le 1 a 1. Püch sura le mezćiamp tira Georg na puniziun. Al ti passa le palê a Ivan Agreiter, che fej n bel cross cuntra porta pustra. Le coran ti röia al jonn Manuel, che fej gol. Atira dedô vëiga David cöce. Bele tl pröm tëmp à le bomber dl Rina ciafè la cherta ghela por n fal de man y śëgn féjel le medemo fal. L’alenadù Wolfi fej śëgn n valgügn cambiamënć, che porta früć. Impröma Klaus spo Christof tol ite i posć de Ivan y Manuel, plü tert Hanspeter por Georg. Inće cun n śogadù demanco, comana Rina le jüch y crëi tres deplü

tla devënta. Al 32^ menüt, sön gran druch, stlinghinëia la rëi de Foladori por le secundo iade. I defensurs pustri é malsigüsc, fej inće n fal t’area sön Georg, mo atira à Andy l’ocajiun da trà te porta y segnè le 2 a 1. Insciö s’à l’arbiter sparagnè da sciurè la puniziun dai 11 metri. Ti ultims menüć fej la scuadra da Gais ćiamò n iade pressing, mo les trates n’é nia plü dër moserades, le coran vëgn stlopetè tröp dlungia porta ia. Rina se defënn bun y sciampa ćiamò vigni tant en cuntrapè. Le diretur de gara prô bëgn tan da daidé  la scuadra pustra, sciuran vigni tant n fal de forajüch che n’é nia. Insciö se röia bel plan la partida, Rina se tëgn i trëi punć te ćiasa. La proscima domenia éra zënz’ater plü döra, Rina śoga fora de ćiasa cuntra la pröma te tlassifica: Ridnaun. (if)

L’alenadù dl Rina Wolfgang Crepaz. Sües dezijiuns tecniches, i cambiamënć, à zënz’ater portè pro ala devënta.

ai 17 d’aurì dales 16.00, a Ratschings, cuntra la seleziun da Ridnaun.

Rina - Gais: 2 - 1 Formaziun dl Rina: 1. Simon Winkler, 2. Ivan Agreiter (dal 60^ Klaus Promberger), 3. Michael Rungger, 4. Thomas Huber, 5. Philipp Winkler, 6. Lorenz Rungger - capitan, 7. Manuel Mellauner (dal 68^ Christof Irsara), 8. Georg Craffonara (dal 88^ Hanspeter Rungger), 9. David Huber, 10. Andreas Ferdigg, 11. Elmar Kosta. Alenadù: Wolfgang Crepaz Goi por le Rina: Manuel Mellauner (al 57^), Andreas Ferdigg (al 77^).

Tlassifica 2a categoria, grup C 1. Ridnauntal, 15 partides, 37 p. 2. Kiens, 15 partides, 34 p. 3. Rina, 15 partides, 31 p. 4. Hochpustertal, 15 part., 28 p. 5. Taisten, 15 partides, 27 p. 6. Falzes, 15 partides, 26 p. 7. Türesc, 15 partides, 20 p. 8. Schabs, 15 partides, 19 p. 9. Dietenh. Aufh., 15 part., 13 p. 10. Niederdorf, 15 part., 13 p. 11. Gais, 15 partides, 6 p. 12. Sterzing, 15 partides, 3 p.

Proscima partida: en domënia

Trëi punć cuntra i ultims Les partides cuntra i ultims te tlassamënt é les plü saurides söl papier, mo nia te ćiamp. Insciö éra inće stada por La Val cuntra le Gossensass, mo ala fin à impò i ladins arjunt la devënta Palê La Val/3.cat. - La scuadra à śoghé la cuarta partida da d’aisciöda a Gossensass, cuntra la scuadra ultima te tlassifica. Chëstes partides é dagnora les plü ries, deache an risćia de sotvalutè l’aversar y da perde insciö la partida. Inće la scuadra da La Val ne s’à stentè nia püch te chësta partida, mo ala fin é chësc iade la fortüna stada da süa pert, podon se portè a ćiasa trëi punć importanć. La formaziun da La Val mostra bele atira n valgönes de beles aziuns de jüch, cun Florian che à döes de bunes ocajiuns da gol. I atacanć mët plü iadi ala proa le portier aversar, che para na contlujiun de Florian y antizipëia plü iadi i śogadus aversars te area sön palês che vëgn passà dales perts ite. Mo le pröm gol ti gareta ala scuadra de ćiasa, do che la defenjiun da La Val n’é nia buna da arlontanè le palê da porta, che vëgn abiné da n atacant aversar. Chësc bat Merch cun na trata bassa. La scuadra da La Val sëgna ćiamò tl pröm tëmp le gol important dla parité cun Florian, che bat le portier aversar cun na

Balon 1^ categorìa - En domenia passèda, sot n gran soreie che parea de esser de messèl, na ezelenta partida del Fascia no à bastà a dobièr la resistenza metuda sù dai jiadores de la Ravinense. Chesta partida l’era fosc la più spetèda de dut l giron de outa del campionat de Pruma Categorìa “C”, ajache no se scontrèa demò la pruma e la seconda en classifica, ma se scontrèa ence doi desvaliva idees de jech. Da una l jech de la squadra ladina co la bala jabas e de bela combinazions, da l’autra l jech di trentins, dut fat de trata lènges per l’aut atacant Paiano. L resultat disc che no l’é stat venjidores, ma a dir l vera l’é stat più che un venjidor: un l’é la Ravinense, ajache la é stata bona de mantegnir la medema desferenza de ponc dal Fascia te la partida più senestra; l’auter l’é l Fascia, venjidor moral de la endesfida, enceben che no l’à recuperà ponc da chela che ge stèsc dedant. Se à vedù l mior Fascia del campionat, per la gaissa e la convinzion che i à metù te ciamp i jiadores ladins jà dal prum menut. Defati l prum chèrt de ora l’é stat dut fascian con bel jech, bela ocajions e n gol de Patrizio Cigolla de gra a n beliscim passaje de Deluca. Sot de un gol i trentins à scomenzà a spenjer mìngol de più e aldò del solit schem su trata laterèla i à troà l pont de la parità. Da chiò inant fin a la fin di prumes carantacinch de jech se à vedù a dò a dò i ladins che jièa a

trata sterscia do na situaziun de confujiun tl’area aversara. Le secundo tëmp mët man cun le Gossensass al atach, cun na contlujiun de će che röia püch dlungia porta ia. I śogadus da La Val aumentëia śëgn le ritm y röia pro de bunes ocajiuns da gol: Alex E. ciafa t’area le palê da Daniel, mo süa trata a bot sigü röia sura porta fora, na bela trata de Michi röia inće massa alta, Florian röia su dan le portier, mo al ti tira avisa ados. A diesc menüć dala fin dla partida sëgna la scuadra ladina spo finalmënter le gol important dla devënta: le defensur Thomas sciampa da na pert jö rovan fina dan le portier aversar y mët le palê te rëi. Cun chisc trëi punć se porta la formaziun de Scalzini al 5. post te tlassifica. (sc)

(dal 75^ Freddy Sottara), 11. Florian Rubatscher. Alenadù: Marco Scalzini. Goi por La Val: Florian Rubatscher (al 35^), Thomas Tavella (al 80^). Proscima partida: en domënia ai 17 d’aurì dales 16.00, te ćiasa cuntra Mühlwald.

Classifica 1. categorìa jiron C: Ravinense 20 partides 46 ponts Fascia 20 partides 42 ponts Alta Anaunia 20 partides 34 p. Dolomitica 20 partides 32 ponts Aquila Trento 20 partides 32 p. Paganella 20 partides 27 ponts Valpejo 20 partides 27 ponts Verla 20 partides 23 ponts Solandra 20 partides 23 ponts Cauriol 20 partides 23 ponts Gardolo 20 partides 21 ponts Monte Ozolo 20 partides 20 p. Mattarello 20 partides 17 ponts Cembra 82 20 partides 14 ponts Jiador

Thomas à segné so pröm gol por la scuadra da La Val, n gol da trëi punć.

balon metan ensema de bela ocajions e i trentins che petèa su bie auc più balogn che i podea, ge dajan ence vèlch cruzie al portier da Vich, Cincelli. Tel secondo temp, la musega no muda e l Fascia troa l gol del doi a un co na gran trata da dalenc de Matteo Cigolla che peta l balon olache l’ùltim defensor trentin proprio no pel ruèr. Chest resultat ge dèsc gaissa ai joegn de mister Giuliani, che i rebat colp su colp a la scomenzadives de chi de cèsa, ma nia no i pel a diesc menuc da la fin su na trata da fora del capitan trentin, che troa l cianton aut olache nience l’ezelent Cincelli à podù sgolèr. N resultat l doi a doi che ge à lascià mìngol de braus te bocia a Debertol e compagnes, ma ence la convinzion che chi che stèsc dedant no i é nia più forc, e a sie partides da la fin, se pel amò dut. En domenia ai 17 l Fascia jia de contra al Valpejo da les cater al Cotura de Vich. Cristoforo Debertol Ravinense – Fascia 2 – 2 (goi de Patrizio Cigolla e Matteo Cigolla) Formazion Fascia: Nicolò Cincelli, Matteo Cigolla, Davide Porcu (30 s.t. Tiziano Eccher), Mathias Defrancesco, Maurizio Bonani, Manuel Bernard, Davide Bosin, Cristoforo Debertol, Nicolò Crepaz (30 s.t. Damiano Nicolodi), Daniele Deluca, Patrizio Cigolla. L cianton de la valutazions di osservadores “zalo” e “gima”:

Comentèr Vèlch problem su la sortides autes, per dut l rest ezelent

Cincelli N.

7

Bernard M. Jef

7.5 L spenc ti momenc giusć. Taticamenter perfet

Porcu D.

6.5 L scomenza delvers, l chèla tel secondo temp. Semper ùtol

Defrancesco M. Punz

7.5 Ll se la veit co l’aversarie più zach e l se scopola delvers

Bonani M.

7.5 Ascort e svelt, na segureza desche semper

Bosin D.

6.5 Più cantità che calità. Prezious.

Debertol C.

8.5 Che dir? L mior. L rec l jech e l dèsc na man tedò e dutentorn

Deluca D.

7.5 L met ensema l prum gol co n gran assist dapò enlumenea l jech con dotrei jièdes da la sies. A la fin l’é ence tedò a dèr na man.

Eccher T.

Gossensass - La Val: 1 - 2 Formaziun La Val: 1. Merch Vallazza, 2. Thomas Tavella, 3. Werner Sottara, 4. Marco Castlunger, 5. Alex Alton - capitan, 6. Daniel Frenes, 7. Stefan Sottara, 8. Michi Frenes, 9. Alex Elzenbaumer (dal 70^ Franzi Verginer), 10. Romeo Rubatscher

Patrizio Cigolla é endò jit a segn.

7

L vegn ite te ciamp e sobito l desmostra personalità

Crepaz (Nicolodi, z.v.) 7

Bon scomenz. No l ge dèsc l met a so aversarie de spenjer e l’à dotrei bona ocajions. Vif.

Cigolla M.

8

Concentrà, ascort e semper segur. Apede chest n gran gol

Cigolla P.

7.5 N muie de scomenzadives, no l’é mai cet e l’é semper te anter l jech. Col didament de n aversarie l fèsc ite l prum gol.

www.lauscdiladins.com

33


Sport

nr. 15 / 15 de auril 2011

Ala fin àn pudù fé festa

Na buna reaziun ala pordüda

Partida da stramp sentida danter la scuadra de Perbian y l FC Gherdëina. Trëi ponc che vel na finela, l Gherdëina per se salvé y l Perbian per resté ala jonta dl cë dla tlassifica

Do la burta pordüda dla domënia da denant cuntra le Mühlwald, à la scuadra dè na buna resposta de carater, jon a davagné sön le rî “ćiamp” da Franzensfest

Juech ala codla / 2. cat. grupa B - L ciamp dala codla de Perbian ie pitl, perchël iel da stramp periculëus te uni situazion. L ie dumënia domesdì y ciaut coche d’instà. Dovia a man ciancia fej inò Marco Senoner, do che l ova jugà bën l’ena passeda te chësta pusizion. Peter Mittermair tol ite la pusizion dedorapert a man ciancia a mez ciamp. Per dut l prim tëmp àl purtà periculi sun chësta pert. Bele ti prim 45 menuc àl fat n grum de chilometri sibe jan inant che a stlù ite l juech dl Perbian da chëla pert. A tenì la mediana iel coche for Mark y Vanni y dancà iel Antonio y Seljvir a se fé inant y crië azions periculëuses per l Perbian. L pech a man drëta ie Stefan cun Jonas da si pert ma plu inant. I doi jugadëures zentrei fova n dumënia Andreas y Daniel. La partida scumëncia drët bën per l Gherdëina cun nosc jugadëures a tenì tla man la partida. L Perbian ruva a si prima ucajion dan cassa dl Gherdëina y coche la uel vester feji l 1-0 al 10 menut cun povester si miëur jugadëur, Belloccio, che toca de cë la codla y la tira ite tl cianton aut a man ciancia dla porta de nosc verdiaporta Guido Schmalzl. L Gherdëina se stënta śën a mez ciamp. L juech passa tla mans dl Perbian y i se fej inant plu suvënz da si man ciancia trajan codles autes o basses che ruva ite sun l prim pel o longes ulache Peter muessa suvënz jì a ti dé na man a Marco, coche perauter suvënz purvà ora. L juech dl Perbian fajova fova de tré via sun l autra pert de ciamp, cun n jugadëur che muova cun la codla sun si man drëta, dajova inant a n auter plu asvelt a man ciancia ulache nëus son manco curii. Sun la fin dl prim tëmp se purvova l Perbian for deplù, ma per nosta fertuna zënza

Palê Val Badia/3. cat. - La vedla plaza é dër malvalia. Le control dl palê n’é daldöt nia saurì, suradöt por i śogadus tecnicamënter bugn sciöche la Val Badia po mostrè sö. Implü gnô la scuadra da Franzensfest da n bun momënt cun trëi resultać positifs, y na bela figöra cuntra i pröms prô düć da fà. Tl pröm tëmp él stè cotantes de bunes ocajiuns, mo le gol ne orô gnì. Tl secundo él tomè atira le pröm gol che ti à dè na buna sbürla ala formaziun ladina, che s’à metü al sigü le resultat, condüjon a ćiasa la diejima devënta. La scuadra de Massa romagn inant al pröm post te tlassament.

Ntan la partida cun l Perbian.

purté gran periculi. Da auzé ora iel mo na ucajion de Mark ala fin di prim 45 menuc, che ne ruva purtruep nia drët sun la codla a la tré de cë y nscila réstel mo inant 1-0 per l Perbian. Tl segondo tëmp y for mo n drë ciaut scumëncia i trainadëures a baraté ora jugadëures stanc cun de frësc. Baraté ora a drët possa ti dé na ëuta ala partida. Tl segondo tëmp va ite Luis Schenk a fé l pech da man drëta, ma ntan la partida l fej l trainadëur jì n mumënt plu inant, ulache l ti à dat ite na gran sburdla a nosc juech. Puech do ruva ite nosc Alex Stenico la locomotiva dl Gherdëina “mei stanch”. L Gherdëina scumëncia a se fé for plu inant, ma l tëmp passa. L ie vel’ situazion nia cis rëidla cun na gambarela a Jonas Runggaldier te area. Jonas ruva ite for miec te partida y l ie plu suvënz bon de ti la fé al bon pech dl Perbian. Ntëur al 85’ menut pudëssa l Perbian stlù la partida cun doi jugadëures che sauta de viers de nosta cassa cun mé un di nosc a paré ju dan Guido. Per fertuna tiri dlongiavia y la sta nsci mo for 1-0 per l Perbian. Ntant scumëncia i menuc de

recupereda. L Gherdëina ie metù su bel y nscila sun na codla longia ulache Jonas ova davanià n valgun zentimetri sun l pech averser ie chësc mé plu bon de l fermé cun na fiessla dan l’area zentrela!!! 93’ menut: Peter y Antonio ie sun la codla. Peter cun si cianch tira la codla che passa dlongia la bariera dl Perbian y ruva te cassa per l 1 a 1. I jugadëures y l trainadëur sauta duc ntëur al goleador Peter a fé festa. N pont che pudëssa vester scialdi de mpurtanza per nëus. (gp) FC Perbian - FC Gherdëina 1-1 (1-0) Gherdëina: Schmalzl, Wieser, Demetz, Vallazza (dal 72’ Matthias Senoner), M. Senoner, Mittermair, J. Runggaldier, Valdemarca (dal 48’ L. Schenk), Divisi, Vinatzer, Nemce (dal 57’ Stenico). Perbian: Alexander van Gerven, Gafriller, Kelderer, Pfattner, A. Hofer, Rabensteiner, M. Kainzwaldner (dal 52’ Moser), K. Kainzwaldner, Belloccio, Gantioler, (dal 65’ T. Niederstätter), M. Niederstätter (dal 56’ Gostner)

Al 11^ menüt tira Pescollderung na puniziun da fora dla gran area y le portier para ia por tera. Do da 15 menüć, do n fal sön Stampfer, tira “Kaka” Vittur na puniziun da 30 metri te porta. Le gran portier deviëia cun les mans fora de porta le prigo. Cater menüć dedô tira Pescollderung da dan le limit dl’area te porta. Te chësta ocajiun é le un Mollica malsigü y deviëia la trata sön la pert alta dl pè de porta. Do da 35 menüć à inće le Franzensfest süa buna ocajiun. Por n dui sön un di defensurs ladins vëgnel conzedü na puniziun dan le limit dla gran area. La bela trata dl 9 Caddei sura le mür defensif ite vëgn piada cun n bel jore da Massa. Al 45^ tira Stampfer da fora d’area te porta, le un robat cun dificoltè y sön Clara él bun al ultim momënt da devié cun la man te ćiantun. Desfortüna. Al 47^ menüt vegn “Diui” Moling cun slöm da na pert jö ćina t’area. Da jödapè passel ite a mesa l’area, olache M. Clara röia ala deviaziun asvelta te rëi, cun na trata bassa por le 0 a 1. Al 58^ de jüch röia Stampfer t’area. Al vëgn fat tomè dal defensur Rossi y l’arbiter Tosini conzed n önescmetri. Le medemo “Matti”

le tira cun na trata sigüda bassa sön la man ciampa dl portier: 0 a 2. Al 65^ robat de pügn le verdaporta stressè na trata da daimprò de Pescollderung. Al 78^ menüt vëgnel le gol dl Franzensfest. Le 11 De Lorenzo ciafa le palê a mesa l’area, cun na finta y na bela rodada ai danns dl defnsur “Sem” Vittur tìrel te porta. La trata röia a mesa altëza dlungia le pè de porta ite sön la man derta de Massa, che ne po te chësc cajo fà nia, 1 a 2. Al 85^ él deplü de bunes ocajiuns por le terzo gol dal Val Badia. Daimpröma vëgn na trata de Elmar rebatöda, dedô prô Thaler na trata che vëgn inće rebatöda cuntra le capitan Dapoz che tira alt sura porta fora, da buna posiziun. Al 89^ de jüch ciafa Pescollderung dan area n pass da Thaler, la trata vëgn rebatöda dal portier. Le coran vëgn indô abiné dal 11 ladin che deviëia te porta öta le 1 a 3, zënza dificoltè. La bela devënta fej bun al moral y porta punć importanć por le tlassamënt. (rp) Franzensfest -  Val Badia: 1-3   Formaziun Val Badia: 1. Luca Massa, 2. Davide Moling (dal 73^ Florian Barbolini), 3. Devis Vittur, 4. Simon Dapoz - capitan, 5. Samuel Vittur, 6. Julian Bernardi, 7. Elmar Erlacher, 8. Matthias Stampfer (dal 82^ Matthias Thaler), 9. Manuel Clara (dal 71^ Roland Alfreider), 10. Armin Erlacher, 11. Manuel Pescollderung.  Alenadù: Luca Massa.   Goi por la Val Badia: Manuel Clara (al 47^), Matthias Stampfer (al 58^ sön önescmetri), Manuel Pescollderung (al 89^). Proscima partida: en domënia ai 17 d’aurì dales 16.00 a La Ila cuntra le ASV Raas.

Él gnü atochè le funz? Partida da desmentié por le Mareo. Te ćiasa se ciafa i maroi cin’ goi dal Wiesen Palê Mareo/3. cat. - Tl rode da d’altonn é stata la partida cuntra le Wiesen la partida che à mudè l’andamënt dl Mareo, che â pordü les prömes trëi partides. La batalia sön le ćiamp de jüch y do partida, à indesprè fora i maroi che ess spo stlüt jö dër bun les ultimes 7 partides dl ann.

David Mutschlechner, śogadù jonn tles lignes dl Mareo.

34

www.lauscdiladins.com

Tl rode d’aisciöda àn indere metü man dër bun cuntra le San Laurënz y é spo jüs tres plü derevers ćina a atochè le funz en domënia domisdé. Le resultat de 5 a 1 cuntra le Wiesen ne lascia plü degöna forma o poscibilité da se parè dles critiches o da ti dè colpes a d’atri. Chël dl ćiamp é stè n verdet che ne lascia degöna poscibilitè de resposta. Desche le Mareo s’à lascè platorè da na formaziun nia cis

miù, mo cun na vëia zënza fin da zanè sön vigni palê y sön vigne ćiaedla, à spo scaturì le resultat tler che â defat bele do le pröm tëmp stlüt jö le confrunt. Bel dassù podô l’atacant dl Wiesen spazierè dan area por plazè le pröm gol te sach. Inće le 2 a 0 vëgn conzedü feter zënza se defëne. Da na trata dal ćiantun vëgn daimpröma le palê devié sön la stangia de porta y sön la rebatüda spo devié bel saurì te porta. Emblematich inće le terzo gol dl śogadù arbandonè bel su dan porta por la deviaziun. Zacotan de pices ocajiuns à inće le Mareo albü, da dì la verité, mo gonot gnôl ćiamò chirì l’ultim pass impede porvè da trà te porta. Tla secunda fraziun toma ćiamò 2 goi dl Wiesen, un en forajüch y l’ater sön n 11 metri. Le Mareo vëgn ala mes’ora inće pro da fà

tremorè la rëi aversara, do na puniziun de Cuba che Andrea deviëia de će te porta. Stlujun jö cun n complimënt a Andrea che à fat so secundo gol te döes partides y al jonn Gabriel da Pederü che à fat so debut cun na prestaziun de personalité. (Cdp) Mareo - Wiesen: 1 - 5 Formaziun dl Mareo: 1) Julian Moling, 2. Daniel Agreiter, 3. Andrea Mutschlechner, 4. Patrick Complojer (dal 63^ Filip Ploner), 5. Walter Pisching (dal 71^ Gabriel Frenner), 6. David Mutschlechner, 7. Luca Palfrader (dal 43^ Jakub Rajca), 8. Daniel Tamers, 9. Marco Mutschlechner - capitan, 10. Robert Mutschlechner (dal 63^ Philipp Lanthaler), 11. Samuel

Winkler (dal 63^ Roman Agreiter). Alenadù: Markus Winkler. Gol por le Mareo: Andrea Mutschlechner (al 75^) Tlassifica 3a categoria, grup C 1. Val Badia, 15 part., 34 punć 2. S. Laurënz, 15 partides, 33 p. 3. Lijun, 15 partides, 27 p. 4. Wiesen, 15 partides, 25 p. 5. La Val, 15 partides, 25 p. 6. Raas, 15 partides, 23 p. 7. Mühlwald, 15 partides, 17 p. 8. Gsiesertal, 15 partides, 16 p. 9. Franzensfest, 15 part., 16 p. 10. Mareo, 15 partides, 16 p. 11. Percha, 15 partides, 15 p. 12. Gossensass, 15 partides, 2 p.


Sport

nr. 15 / 15 de auril 2011

Nicol la miëura danter i pei

Les marores te seria A

Garejedes di trëi raions ”Dreiländerkampf” n sada y dumënia ai 9 y 10 de auril a Sest, ulache Südtirol, cun i resultac de si atlec, se à davanià l titul

Döes partides, döes devëntes tleres. Les chidladësses de Mareo fej le salt tla categoria plü alta

Schi alpin - L se trata de garejedes che vën bele fates da n grumon de ani per se cunfrunté danter la trëi regions che à na gran tradizion tl schi alpin. L Tirol, Bayern y Südtirol ie unic nviei a Sexten per se museré te doi garejedes de slalom. Per l Cumitat de Südtirol àl fat pea ot atlec scric ite tl Schi Club Gherdëina: Giulia Longo, Nadia Delago, Nicole Delago, Matteo Demetz, Phillip Vinatzer, Alexander Prast, Armin Plancker y Patrick Rossi. L prim di iel stat la garejeda de slalom strënt, ulache l à venciù Nicol

Delago, desmustran mo n iede de vester danter la miëures no mé dla Talia, ma che ie bona de ti la stiché nce a chëles da oradeca. Giulia Longo, a chëla che la ti ova chëst ann perdrët for mpue sciacà, ie ruveda segonda. Tlo vëijen che zënza fé de gran bëc iela for scialdi asvelta. Pra i mutons ie Alexander Prast ruvà sun l podest arjunjan l terzo plazamënt. L di do, tl slalom lerch, à inò Nicole arjont l podest, chëst iede iela ruveda segonda. Pra i mutons ie inò Alexander Prast stat l miëur de nosc atlec, che se à tlassificà

I atlec dl Schi Club Gherdëina che à fat pea pra la garejeda dla trëi nazions. Da m.c. Karlheinz Goller (trainer) Patrick, Nicole, Matteo, Alexander, Filip, Armin, Nadia y Giulia.

setimo.Cun chisc bon resultac deberieda cun chëi di autri atlec de nosta region à Südtirol venciù chësc titul danter la trëi nazions.

Tlo dessot i resultac Slalom strënt: Mutans: 1. Delago Nicole 1996 (Südtirol) 1’17.75; 2. Longo Giulia 1996 (Südtirol) 1’18.30; 3. Reinold Jenny 1996 (Bayern) 1’18.58; 11. Delago Nadia 1997 (Südtirol) 1’21.01 Mutons: 1. Borgnaes Christian 1996 (Tirol) 1’16.49; 2. Nober Kevin 1996 (Tirol) 1’16.83; 3. Prast Alexander 1996 (Südtirol) 1’17.18 Slalom lerch: Mutans: 1. Gasslitter Verena 1996 (Südtirol) 2’14.87; 2. Delago Nicole 1996 (Südtirol) 2’14.89; 3. Rungger Sarah 1996 (Südtirol) 2’15.29; 7. Longo Giulia 1996 (Südtirol) 2’17.82; 21. Delago Nadia 1997 (Südtirol) 2’20.78 Mutons: 1. Borgnaes Christian 1996 (Tirol) 2’12.13; 2. Watschinger Simon 1996 (Südtirol) 2’13.52; 3. Zuech Dominik 1996 (Südtirol) 2’14.66; 7. Prast Alexander 1996 (Südtirol) 2’15.03; 10. Demetz Matteo 1996 (Südtirol) 2’15.65; 26. Vinatzer Filip 1996 (Südtirol) 2’19.00; 37. Plancker Armin 1996 (Südtirol) 2’23.62

La scuadra dles ëres de Mareo. Dancà Flora Weiss y Gerda Complojer, iadedô Valeria Federa, Margareth Complojer y Gabriella Ties.

Chidlé Val Badia - Cun döes devëntes tleres tles ultimes döes partides - te ćiasa cuntra Hauenstein y foradecà cuntra Kiens - s’à la scuadra dles ëres dl Mareo assigurè le titul de campionësses dla seria B-Ost feminila. Cun chësc s’àres mirité la promoziun tla seria A por le campionat 2011/12.

Seria B-ost feminila

I pici dl hockey badiot é campiuns La scuadra U13 dl Hockey Alta Badia s’à davagné le campionat provinzial Hockey/U13 - Do na bela y bona sajun à le Hockey Club Alta Badia stlüt jö süa ativité por la sajun 2010/11, cun la devënta tl campionat U13 a döes lignes. Ala fin dl campionat comana l’Alta le tlassamënt cun 26 punć, dan le Vinschgau y le Porsenù cun 20 punć, le Gherdëina cun 13 y le Toblach cun 1. Sön les 16 partides śogades, n’à l’Alta Badia davagné 12. Döes é gnüdes parejades y döes

pordüdes. Indöt à i pici badioć segnè 106 iadi, ciafè s’ài 51 goi. N rengraziamënt i va al alenadù Lamac Svatomir, sambëgn ai śogadus che à desmostrè gran seriosité y inće ai geniturs che à contribuì cun so impëgn al arjunjimënt che chisc resultać importanć. I nes aodun che i traverć arjunć iniann sides na motivaziun por jì inant sön la medema strada inće tla proscima sajun.

Sce n valgün ess interes da śoghé impara, pòi contatè le presidënt Willy Clementi (c/o stadium dala dlacia de Corvara). I śogadus dl U13 é Max Schrott, Aaron Planatscher, Patryk Ferdigg, Matthias Castlunger, Mattia Costamoling, Ermes Costa, Mattia Davare, Nicolas Oberbacher, Jacob Pescollderungg , Johannes Delmonego, Felix Schrott, Gabriele Delmonego y Gabriel Seppi.

Mareo - Hauenstein: 5 - 1 Cun la bona media de 525,3 s’l’à les marores fata avarëi te ćiasa cuntra Hauenstein te na manira tlera. Bele les prömes döes à trat fora n vantaje de 211 chidli pro la soma totala di chidli atocà. Pro l’ultima seria da 120 bòć à öna dl Hauenstein davagné le su punt por süa scuadra, mo le patrones de ćiasa à aumentè le vantaje pro a 238 chidli, s’assiguran na devënta tlera por 5 a 1. La maironta dl Mareo é stada Valeria Federa cun 537 chidli. Resultać personai: Valeria Federa, 537

Flora Weiss, 534 Gabriella Ties, 520 Gerda Complojer, 510 Mareo - Kiens: 6 - 0 L’ultima partida dl campionat, che i portâ - cun na devënta - ales marores le titul de campionësses dla seria B-Ost feminila, àres desmostrè la pert dles favorites, davagnan tler por 6 a 0 a Kiens. Inće sce al é stè plülere na stleta partida, cun na media de 485,3 dl Mareo, cuntra na media de 422,3 dles patrones de ćiasa, à dötes cater les chidladësses marores batü süa aversara direta. Inće pro la soma totala di chidli rosedà àres bele pro la pröma seria da 120 bòć trat fora n vantaje de 215 chidli, che é aumentè por la fin dla partida a 252. La maironta dla serada é stada Flora Weiss cun 510 chidli. Resultać personai: Flora Weiss, 510 Margareth Complojer, 508 Gabriella Ties, 475 Gerda Complojer, 448

Finala de Südtirol Cup Inće Badiasport à tut pert ala Ski Raid 3 Zinnen sö Le Sest. A Lois Craffonara le 2. plazamënt tla tlassifica generala dla copa de Südtirol

La scuadra U13 cun l’alenadù Lamac Svatomir, le presidënt Willy Clementi y döes dles responsables Betty Bassani y Leni Agreiter. I atri responsabli che manćia söla foto é Carlo Planatscher, Jimmy Schrott, Carlo Rottonara y Gerda Pedevilla.

Schialpinism - Badiasport s’à presentè en sabeda ai 2 d’aurì cun 8 atleć a Le Sest, ala “Ski Raid 3 Zinnen”. Ara nen jô di ultimi punć por l’assoziaziun y por i singui atleć tla tlassifica de Südtirol Cup. Na competiziun rica d’emoziuns, olache al n’ê al start nia ma la elite de Südtirol, mo inće n valgügn atleć conesciüs dla Talia dl nord. Le suzes ti é jü a Manfred Reichegger (1:35.53), dan Robert Antinioli (1:36.00) y Friedl Mair (1:36.37). Badiasport à indô n iade plazè sü atleć ti top 10 cun Lois Craffonara al 9. post (1:44.04), Roman Verginer al 14. post (1:47.41), Andreas Irsara al 29. post (1:57.53), Renè Irsara al

35. post (2:02.48), Michael Irsara al 39. post (2:05.13), Daniele Irsara al 40. post (2:05.14), Markus Willeit al 62. post (2:45.49) y Johann Ellemunter al 15. post (categoria Master 2:55.12). Lois Craffonara à arjunt tla tlassifica generala de Südtirol Cup n 2. post ezelënt, sciöche inće la scuadra de Badiasport. Pro le Südtirol Cup tocâ chësc ann les gares de Weißenbach, Sanćiana, Martell, le Tour de Sas a Badia y la gara sön Le Sest. Le proscim apuntamënt é la Tour de Rutor tla Val d’Aosta, cun trëi scuadres de Badiasport che tol pert ala competiziun a tapes scialdi impegnativa. (badiasport) www.lauscdiladins.com

35


Sport

nr. 15 / 15 de auril 2011

La garejeda soziela ie for cumbatuda! Garejeda soziela dl Schi Club Gherdëina. Jonas Senoner y Verena Stuffer i plu asvelc n chësc di sun l purtoi Cir te Val

David Planker l plu asvelt di mëndri.

Schi alpin - N dumënia ai 10 de auril àn metù a jì la garejeda soziela tradiziunela dl Schi Club Gherdëina, chëst ann te Val sun l purtoi Cir. Passa 240 apasciunei de schi, dai 5 ai 75 ani, spartii su te plu categuries à fat pea chësc slalom lerch. La garejeda soziela ie daniëura na festa dl sport sce n possa di nsci, o povester plutosc n se ancunté, n se museré un cun l auter sun n purtoi de cësa, na cumpetizion drët sentida, povester plu che vel’ autra, propi ajache n se cunësc duc, duc bëndebò boni che uel vëncer o almanco bater l cumpani o un o l auter atlet. N dumënia fòvela pona tan inant, cun n beliscimo tëmp y n drë ciaut. Purempò à l purtoi tenì nchin ala fin dla garejeda, canche l ie furnà ju i miëur atlec, nsci che Jonas Senoner à mo cun un di ultimi numeri fat l miëur tëmp dl di. Na gran legrëza nes à nce fat Verena Stuffer fajan pea la garejeda. Sambën che ëila ie stata la plu asvelta dl’ëiles. Sun l purtoi plu curt, ulache l univa ju i mëndri, ie David Planker y Gaby Hofer stac i miëures. Davia che chësta garejeda ie penseda sciche na festa per stlù ju la sajon, àn nvià a fé pea nce duta la families. L ie unì metù ju a pert na tlassifica de familia, ulache n messova vester almanco de trëi: un o doi mëndri cun l pere, l’oma, l’ava o l nëine. La familia plu asvelta ie stata chëla de Wilfried Nogler Kostner cun si fëna Ulrike y i mutons Nicol y Diego, ëi à venciù n jol per jì cun i schi via la Marmolada, dat ca dai

Alex Vinatzer prim di mutons.

piloc Gabriel y Marco Kostner! Segonda ie ruveda la familia de Siegfried Kerschbaumer y terza chëla de Arnold Nogler Kostner. Danter duta la families che à fat pea iel unì trat ora n superschipas. Rengrazion dla bona man. L Schi Club Gherdëina rengrazia i ambolc, i assessëures per l sport de Gherdëina, Franz Perathoner, Paolo Cappadozzi y Reinhard Schmalzl sciche reprejentant dla FISI, che ie unic ala garejeda y ala premiazion, chëi dl mplant dla Dantercëpies, l zënter di Carabinier de Val, Carletto l ost dla utia Ciampac, i genitores di mëndri dl schi club y duc canc che à judà ntëurite per fé garaté chësta garejeda. Sambën ti vàl nce n gran Dievelpaie a duc i sustenidëures y sponsores che nes juda ntan l ann. (lb) Publicon i prims cinch de uni categuria: Superbaby: Mutans: 1. Pellizzari Ellis 2004 55.75; 2. Franzoni Julia 2006 1’13.80 – Mutons: 1. Nocker Peter 2004 57.53; 2. Moroder Gabriel 2004 58.41; 3. Piazza Damian 2004 1’06.38; 4. Perathoner Nathan 2005 1’13.76; 5. Rigotti Nicolo 2006 2’15.45 Baby (2002/03): Mutans: 1. Bellapianta Gaia 51.23; 2. Ploner Nicole 52.78; 3. Agostinelli Ludovica 53.72; 4. Piazza Elena 55.80; 5. Mussner Alessia 59.54 – Mutons: 1. Bernardi Jacopo 46.61; 2. Malsiner Max 49.05; 3. Comploi Matthias 49.14; 4. Nogler Kostner Diego 50.9 ; 5. Moroder Daniel 51.76 Cuccioli (2000/01): Mutans: 1.

L podest dla families: 1. familia Wilfried Nogler Kostner

36

www.lauscdiladins.com

Hofer Gabi 46.89; 2. Sommavilla Gloria 47.26; 3. Pellizzari Jamie Lee 47.57; 4. Nogler Kostner Nicol 48.05; 5. Runggaldier Tatiana 48.37 – Mutons: 1. Plancker David 44.41; 2. Collini Filippo 44.42; 3. Triulzi Jordi 44.88; 4. Grossrubatscher Alex 45.57; 5. Agostinelli Eduardo 46.47 Ragazzi (1998/99): Mutans: 1. Demetz Giulia 59.85; 2. Hofer Carmen 1’01.49; 3. Runggaldier Teresa 1’02.08; 4. Stuffer Magdalena 1’02.09; 5. Kropfitsch Maria 1’02.89 – Mutons: 1. Vinatzer Alex 1’00.79; 2. N.Kostner Mirko 1’01.04; 3. Stuffer Philip 1’02.48; 4. Verdaner Andrea 1’02.69; 5. Moroder Johannes 1’02.82 Master C4+C5: Ëiles: 1. Wieser Manuela 1964 48.09; 2. Pitscheider Tamara 1965 49.39; 3. Nogler Kostner Henriette 1964 52.01; 4. Trener Erika 1965 56.51; 5. Moroder Sandra 1960 1’04.73 Master C3: Ëiles: 1. Agostinelli Tiziana 1969 53.13; 2. Mussner Mirka 1967 53.61; 3. Mussner Claudia 1970 54.42; 4. Murganic Vesna 1970 1’14.35 Master C2: Ëiles: 1. Nogler Kostner Ulrike 1974 50.71; 2. Perathoner Heidi 1973 51.07; 3. Perathoner Ulrike 1975 54.78; 4. Moroder Manuela 1973 56.69 Master B9: Ëi: 1. Runggaldier Ady 1940 1’08.72; 2. Mussner Erich 1937 1’12.85 Master A5+B6+B7: Ëi: 1. Comploi Franz 1960 1’03.64; 2. Runggaldier Leonhard 1957 1’05.72; 3. Demetz Gehard 1952 1’06.96; 4. Mahlknecht Arno 1956 1’09.76; 5. Ploner Robert 1956 1’13.25 Master A4: Ëi: 1. Braunhofer

Jonas Senoner, miëur tëmp dl di.

Oskar 1965 1’01.85; 2. Demetz Gregor 1961 1’02.58; 3. Nogler Kostner Arnold 1964 1’02.92; 4. Kerschbaumer Sigfried 1961 1’03.60; 5. Werdaner Karl 1964 1’04.83 Master A3: Ëi: 1. Demetz Fredi 1966 57.39; 2. Perathoner Lukas 1968 59.15; 3. Nogler Kostner Wilfried 1968 59.89; 4. Runggaldier Alex 1968 1’01.19; 5. Ambrosi Andrea 1969 1’01.99 Master A2: Ëi: 1. Perathoner Ulrich 1975 55.59; 2. Putzer Christian 1973 1’00.28; 3. Tonon Alessandro 1975 1’05.90; 4. Nocker Günther 1972 1’08.38 Master A1: Ëi: 1. Linder Alex 1977 59.88; 2. Pedrini Giulio 1977 1’06.50 Alieves (1977): Mutans: 1. Plancker Laura 1’06.80; 2. Padovani Carol 1’11.27 – Mutons: 1. Kerschbaumer Samuel 1’01.04; 2. Goller Daniel 1’02.93; 3. Runggaldier

David 1’03.93; 4. Tuccari Carlo 1’04.77; 5. Plancker Manuel 1’08.64 Aspiranc (1994/95): Mutans: 1. Näckler Anna 59.82; 2. Skaar Andrea 1’00.08; 3. Perathoner Milena 1’19.35 – Mutons: 1. Cappadozzi Diego 58.24; 2. Perathoner Mirko 58.63; 3. Longo Marco 59.02; 4. Demetz Patrick 1’00.09; 5. Dirler Emanuel 1’00.28 Juniores: Mutans: 1. Malknecht Theresa 1993 58.59; 2. Insam Silvia 1992 58.70; 3. Insam Kathrin 1991 59.18; 4. Hafner Claudia 1993 59.81; 5. Stuflesser Nina 1992 1’01.38 – Mutons: 1. Alber Matthias 1993 58.92; 2. Cappadozzi Ivan 1993 1’00.21 Seniores: Ëiles: 1. Stuffer Verena 1984 56.40; 2. Bernardi Melissa 1988 1’18.31 – Ëi: 1. Senoner Jonas 1986 55.00; 2. Vinatzer Mark 1984 56.43; 3. Prucker Benjamin 1986 56.96; 4. Runggaldier Raphael 1990 57.44; 5. Murer Matteo 1986 58.28

Gaby Hofer, la plu asvelta dla pitla mutans.


Sport

nr. 15 / 15 de auril 2011

Carolina Kostner vënc l Val Gardena Spring Trophy Ti dis danter l 31 de merz y 3 de auril iel unì garejà tl stadio de Sëlva per l 21ejim Val Gardena Spring Trophy. L ie l prim iede che n pudova udëi Carolina Kostner fajan pea na garejeda tlo de Gherdëina y nsci se à trueps nuzà dl’ucajion per jì a ti cialé dal vif ntan la cumpetizion

L podest dla seniores cun Carolina Kostner, Ayuma Goto y Haruka Imai tramedoves dl Iapan.

Jadiné artistich - Ntan la prima ena de auril iel te Sëlva, coche bele dai ani tl scumenciamënt dl’ansciuda, la cumpetizion nternaziunela ISU de jadiné artistich per chëla che l vën adalerch atlec da dut l mond y che vën urmei bele calculeda sciche n pont de referimënt, na sort de trampolin per i atlec y la atletes dl daunì. Bele plu inuemes che udon al didancuei danter i miëures dl mond ova abù si prim suzesc pra l Val Gardena Spring Trophy te Gherdëina. Atlec coche Lysacek, Joubert, Contesti o pra la mutans la Cohen, la Lepisto y nce Carolina Kostner nstëssa fova bele danter i miëures y se à pona fat inuem a livel mundiel. Cun 104 atlec da 21 nazions òven chëst ann na bela reprejentanza da dut l mond. I paejes duminanc tl sport dl jadiné sciche Iapan, USA, Scandinavia, Ruscia y d’autri paejes dl est fova leprò, sambën dai paejes ujins dla Svizra, Paejes Tudësc y Austria iel unit adalerch atlec, ma nce la Filipines o l’Australia fova reprejentedes pra l Val Gardena Spring Trophy. Zënzauter l plu atletes y atlec ova mandà la

La juniores cun Giada Russo al terzo post, prima y segonda ie Lauren Dinh y Katarina Kulgeyko di USA.

federazion taliana, che à pra chësta edizion arjont drët de biei suzesc.

Per l prim iede nce seniores Daujin ala categuries di novice, mutons y mutans nchin a 15 ani, y i juniores che va nchin a 18 ani, fòvel chëst ann nce unì lascià pro per l prim iede la categuria senior. Chësc àn fat ajache nscila vën la garejeda a valëi deplù y la federazions manda plu gën si scuadres ajache i possa nsci mandé duta la categuries. Per i seniores ie na tel garejeda nteressanta per se davanië ponc per l ranking mundiel, ajache sce i ie dancà te chësta tlassifica ài cër vantajes canche i à da fé pea pra garejedes nternaziuneles. Nsci iel nce stat nteressant per nosta Carolina, che vencian chësta garejeda ie sën prima te chësc ranking mundiel. Per Carolina che à venciù saurì chësta garejeda nce cun na gran defrënza de ponc dala segonda ie chësta zënzauter stata na bona ucajion per n alenamënt cumpetitif mo dan i campiunac dl mond che

La novice ulache l à venciù Riona Kato, 2. Sanako Noma (tramedoves Iapan) y 3. Micol Cristini (ita).

sarà śën da Pasca a Mosca. L ti à dessegur fat scialdi plajëi ala urganisadëures dl Eisclub che Carolina à fat pea, purtan pro nsci a ti dé gran valuta ala garejeda. La federazion taliana che ova sambën mandà l plu atlec a chësta cumpetizion possa chëst ann vester scialdi cuntënta cun i resultac arjonc da si atlec. Ora che la bedaia d’or de Carolina, à mo Paolo Bacchini venciù arjënt pra i seniores, se miuran de un n plazamënt do l program curt. Pra la juniores ie Giada Russo, che fova cuarta do l curt, mo stata bona de ruvé sun l podest y se davanië la bedaia de bront. Nce pra i novice vënc i talians bront sibe pra i mutons che pra la mutans cun Carlo Palermo y Micol Cristini, che ie tramedoi stac boni de se miuré tla Kür. Zënza ie i plazamënc sun l podest scialdi tla mans propi dla nazions favorites dl Iapan y di USA. Pra la seniores iel povester mo da auzé ora l bon plazamënt de Carol Bressanutti, che fova cuarta do l program curt, ma che ie pona tumeda ju al sesto post finel. N cont dla urganisazion iel propi

I novice mutons cun Emmanuel Savary (USA) prim, Sondre Oddvoll segondo y Carlo Vittorio Palermo terzo.

da ti auzé l ciapel ala respunsables dl Eisclub Gherdëina, che ie bones de manejé dut chësc muvimënt de atlec, trainadëures y acumpaniadëures che vën coche on udù mpue’ da dut l mond, per ti pité l sté y la cundizions aldò da pudëi fé de bela garejedes. Y al moto ie duc scialdi cuntënc cun la urganisazion, che uni ann cëla la federazions desferëntes de mandé si miëur atlec a chësta garejeda che se à davanià si mpurtanza tl calënder dla garejedes nternaziuneles ISU. Dessegur na bela sudesfazion per l cunsëi dl Eisclub che „nce sce son pu mé n valguna umans,“ coche dij la presidënta Christina Demetz, à sapù da la mëter a jì a na moda che Gherdëina ebe da mustré su mo una na manifestazion de livel mundiel de na cërta mpurtanza. Na bela mossa ie nce stata chëla de ne ti fé nia paië la iscrizions ai atlec dl Iapan, sciche pitl sëni de solidarietà pervia di gran spavënc che se à purtà pro te si paesc, cossa de chëla che i se n à tenì scialdi de bon. Cun chësc finons via per chëst

ann cun la speranza che la garejeda vënie nce n auter ann inò a se l dé y ala jënt de Gherdëina y ntëurvia ulessans mo ti mëter a cuer de se nuzé de chësta ucajions per jì a ti cialé a na tel garejeda, ajache bele i pitli atlec sà da purté dant drët de biei programs cun cumbinazions y nce vel’ saut tripl, che l se mpaia propi a udëi a vester che on na tel cumpetizion tlo dan porta.

Carolina Kostner ntan si esibizion. (fotos de Werner Dejori.)

L’é ora de trèr cà la rodes La sozietà sportiva 3Esse de Soraga à endrezà l cors de roda da mont coi esperc Ivo Zulian e Luca Vadagnini Roda da mont - La sajon da d’invern la é dò a se serèr sù e ades l’é jà ora de pissèr a chela ciauda de l’istà e donca trèr cà endodanef la rodes da mont. La sozietà sportiva 3Esse da Soraga à endrezà ence chest an n rich calandèr de apuntamenc per duc i pìcoi e joegn pascioné de chesta disciplina. L program de atività “Mini Bike 2011” perveit de tor pèrt a la garejèdes del zircuit Mini Bike Fiem e Fascia e a la Val de Fascia Bike Boys che sarà ai 11 de setember. I egn passé i atlec de la 3Esse à garejà con gaissa , entusiasm e competitività e à desmostrà che la dedizion e la fadìa porta a de bie resultac. Defat la 3Esse se à vadagnà per trei egn l trofeo Mini Bike Fascia e Fiem, de gra ai resultac de duc i atlec. Per se enjignèr delvers a la neva sajon de sport ence chest an l’é stat

pissà al cors che chest’outa sarà tegnù dai maestres Ivo Zulian e Luca Vadagnini, campions e esperc de chesta disciplina. La lezions, en dut 34, tacarà ite ai 17 de mé e les sarà doi outes en setemèna, ogne mèrtesc e jebia da les 15.00 a les 17.00 aldò di gropes, ajache i atlec vegnarà spartii te la categorìes Pulcini, Baby, Cuccioli, Esordienti e Allievi. L’é da se dèr da fèr ajache la pruma garejèda sarà jà ai 4 de jugn co la Rampi Baby de Pancià. Per la gares l’é a leta l servije de trasport per i bec ma l’é emportant che sie la partezipazion ence di genitores. L diretif de la 3Esse fèsc a saer che l’é temp enscin a la fin de oril per se scriver ite a la sozietà. Per maor informazions se pel manèr na mail a info@3essesoraga. it opura domanèr i formulères a la boteiga de sfoes de Vincenzo Giuliani a Soraga. (mci)

L grop de bikers de la 3Esse de Soraga. www.lauscdiladins.com

37


Sport

nr. 15 / 15 de auril 2011

Gara y compagnia por stlü jö la sajun Le Schi Club d’Al Plan à invié ala gara dla fin de sajun. Söl program le slalom lerch individual y un n paralel. I plü asvelć dl dé é stà Manfred Mölgg y Veronica Frontull

Les mitans vëgn premiades: Veronica Filippi, Melanie Ploner, Martina Kaneider.

Chi dla categoria di seniors: Georg Mutschlechner y Peter Mölgg.

Al Plan - Le tëmp ne podô nia ester plü bel por la gara di sozi dl Schiclub d’Al Plan y dla jënt de Mareo, inviada ia en domënia dan chinescdé sön la pista “Ćianross” a Al Plan, che ê chësc dé daverta l’ultimo iade te chësta sajun. Y bel avisa à passa 60 porsones tut sö chësc invit da passè n dé de sport, mo inće d’aorela cörta y devertimënt.

Pro i jogn garejâ tl paralel 8 atletes y atleć. Tla finala é rovà Tobias Kastlunger y Ivan Mutschlechner y chësc ultim à ala fin inće podü jì sön le scalin plü alt dl podest. Do les gares à ćiamò tröc tut l’ocajiun da stè n pü’ en compagnia pro n bun bocun, val’ da bëre y n pü’ de musiga. Le tëmp inviâ da stè alaleria. (pablo)

Garejé gnôl te n slalom lerch y i mius danter i concorënć podô se cualifiché por n paralel a eliminaziun direta. Danter i partezipanć êl inće le campiun de schi Manfred Mölgg, che à spo inće metü sö le miù tëmp dl dé, cun 21,73. Veronica Frontull à taié le travert cun 22,74 y é insciö stada la miù dles ëres, mo à inće metü sö le bun sesto tëmp dl dé.

Tlassifiches do categoria

Pro la gara paralela él gnü partì sö danter i gragn y i plü jogn. Pro i 16 atleć tla categoria di gragn s’l à fata fora tla finala i maestri de schi Wilhelm Frontull y Paul Huber. Wilhelm ti é ala fin stè suraće a Paul y à podü se portè a ćiasa la devënta.

Super baby mituns: 1) Matio Erlacher, 29,46; 2) Stefan Palfrader, 34,38. Baby mitans: 1) Jessica Rabensteiner, 27,97; 2) Valentina Tolpeit, 28,26. Baby mituns: 1) Philipp Graefe, 24,09; 2) Gabriel Willeit, 26,92; 3) Alex Rubatscher, 27,10; 4) Florian Palfrader, 27,86; 5) Luca Trebo, 28,52; 6) Alex Ties, 30,09; 7) Samuel Castlunger, 33,86; 8) Richard Coppola, 38,28. Mitans: 1) Melanie Ploner, 24,54; 2) Veronica Filippi, 25,11; 3) Martina Kaneider, 25,12. Mituns: 1) Roberto Brera, 25,73; 2) Gabriel Ties, 25,77; 3) Simon

Obwegs, 26,52; 4) Franco Fulici, 28,18. Jones: 1) Giulia Vollmann, 26,05; 2) Alexa Rabensteiner, 26,70. Jogn: 1) Tobias Kastlunger, 23,66; 2) Jan Erlacher, 24,63. Alieves: 1) Lucia Erlacher, 24,33.

Aliefs: 1) Ivan Mutschlechner, 23,04. Seniores II: 1) Monica Rabensteiner, 27,23. Seniores I: 1) Mara Complojer, 25,00; 2) Michela Ties, 28,79. Seniors IV: 1) Pepi Trebo, 29,43; 2) Giovanni Complojer, 33,78. Seniors III: 1) Peter Mölgg, 24,76; 2) Georg Mutschlechner, 26,15. S eniors II: 1) Walter Kanetscheider, 24,02; 2) Luca Rabensteiner, 24,43; 3) Walter Ties, 25,13; 4) Guido Castlunger, 25,44; 5) Guido Brera, 26,10; 6) Luigi Merighi, 26,32; 7) Gianmaria Fulici, 27,16. Seniors I: 1) Patrick Complojer, 22,48; 2) Elmar Winkler, 23,00; 3) Andrea Mutschlechner, 23,41; 4) Michael Comploi, 23,51; 5) Meinhard Erlacher, 24,08, 6) Artur Palfrader, 25,09; 7) Luca Complojer, 25,52; 8) Gabriel Ellecosta, 25,54. Iuniors: 1) Leonard Promberger, 22,95; 2) Matio Frontull, 23,43.

I maestri de schi do la premiaziun: dlungia le presidënt dl Schiclub d’Al Plan él Franz Josef Frontull, Manfred Mölgg y Andrea Ellecosta.

Maestres de schi: 1) Veronica Frontull, 22,74; 2) Cindy Ploner, 23,83. Maestri de schi veteranns: 1) Günther Ties, 23,35; 2) Engelbert Ploner, 25,11. Maestri de schi jogn: 1) Manfred Mölgg, 21,73; 2) FranzJosef Frontull, 22,17; 3) Andrea Ellecosta, 22,48; 4) Wilhelm Frontull, 22,65; 5) Paul Huber, 22,75; 6) David Clara, 23,48; 7) Armin Erlacher, 23,59; 8) Jep Erlacher, 23,91.

Tlassifica generala (pröms diesc) 1) Manfred Mölgg, 21,73; 2) Franz Josef Frontull, 22,17; 3) Andrea Ellecosta y Patrick Complojer, 22,48; 5) Wilhelm Frontull, 22,65; 6) Veronica Frontull, 22,74; 7) Paul Huber, 22,75; 8) Leonard Promberger, 22,95; 9) Elmar Winkler, 23,00; 10) Ivan Mutschlechner, 23,04.

Le presidënt dl Schiclub Jonson Complojer cun les maestres de schi Cindy Ploner y Veronica Frontull (la miù dl dé dles ëres).

5° Memorial Daniele Soraperra a Corvara Tel stadie de la giacia de l’Auta Badia se à binà i maestres de schi per recordèr l compagn e amich Daniele

La familia: l père Andrea, la mère Jole e i frèdes Leandro e Matteo.

I maestres de schi de l’Hockey Club Cianacei-Marmolèda con i genitores de Daniele con l trofeo.

Hockey - Ence chest an i maestres de schi de la valèdes ladines i se à binà per l Memorial Daniele Soraperra vegnù a mencèr jai 5 egn. E per 5 egn i maestres de schi de Fascia, Badia e Gherdena i se à binà per na dì de endesfides... su la giacia. Chest an i se à troà duc

portèr endò l trofeo a cèsa. L prum an l’era stat chi da Ortijei a l venjer e dò i maestres de la Val Badia, chi da Selva, endò Val Badia e ades, per la pruma outa, chi da Cianacei. L moment de la premiazions, fates su la giacia, à dat l met de consegnèr l trofeo ai venjidores e

38

www.lauscdiladins.com

a Corvara e a tor pèrt l’era l’Hockey Club de Ortijei, l’Hockey Club Corvara e l’Hockey Club CianaceiMarmolèda. L’é stat na bela festa per duc scomenzèda via con l tornoi de partides che les se à serà sù chest an con la venta di maestres de schi de Cianacei che à podù coscita se

apede l’é stat premià ence Martino Soracreppa che à segnà l maor numer de goi e Markus Thaller da Ortijei l mior portier del tornoi. Per l’ocajion chest’outa la familia Soraperra à pissà de fèr per duc na bocia de vin con l’eticheta personalisèda.

L domarena de endesfides l se à serà sù con na bona pizza duc ensema aló dal stadie de la giacia. Duc adum, duc amisc per n memorial dassen emportant, che l’é semper n muie aprijià ma che soraldut l dèsc l met de recordèr duc ensema l’amich Daniele. (vr)


Sport

nr. 15 / 15 de auril 2011

Dër tröc ala gara dl paîsc Garatada la 19ejima ediziun dla gara dl paîsc da San Ćiascian. N dé de devertimënt y compagnia. I plü asvelć dl dé é stà Sergio Dalpiano y Milena Clara

Le partezipant plü jonn Mike Pedratscher y Adolf Obojes, le “plü madü”.

Premiaziun dla categoria dles fomenes.

San Ćiascian - Gran suzes à indô albü la gara dl paîsc da San Ćiascian. La competiziun sportiva, rovada ala 19ejima ediziun. La gara metüda da jì dala Uniun Sport Amatoriala San Ćiascian/ Raiffeisen, en colauraziun cun la Scora de Schi da San Ćiascian, à odü la partezipaziun de passa 160 concorënć. Le bel dé cun temperatöres d’aisciöda à lascè rovè adöm tröc sportifs che orô ćiamò n iade se mosorè tla gara metüda da jì söla pista “Ćiampëi”. Le miù tëmp dl dé di ëi é gnü realisé dal maester de schi Sergio Dalpiano, che à tignì sö le cronometer sön 26,21. Pro les ëres à la jona Milena Clara fat registré la miù prestaziun de gara cun n tëmp de 30,18. Danter l’ater pòn alzè fora les buniscimes prestaziuns registrades da pert de: Manuel Ploner, Piero Di Luca, Matteo Canins, Massimiliano Rudiferia, Ulrike Rudiferia, Julia Sopplà, Manuel Anvidalfarei, Bruno Crepaz y Matthias Dapunt, che à davagnè te sües categories. Gran festa à spo albü suradöt i mituns, jogn y manco jogn, che à

tut pert da sëra ala spaghetada, premiaziun y lotaria tl Hotel Störes. La manifestaziun ô suradöt motivé i mituns, jogn y manco jogn da rovè adöm te n spirit sportif, stè en compagnia te na manira plajora. Te chësc contest él inće gnü surandè le trofê familia, che ti é jü ala fam. de Vito Agreiter cun les bunes prestaziuns de Vito, Christian y Michael. Danter l’ater él gnü premié le partezipant plü jonn - Mike Pedratscher - y le partezipant “plü madü” - Adolf Obojes. A inom dl’Uniun Sport Amatoriala San Ćiascian rengraziunse düć i partezipanć y düć chi che à te val’ maniera contribuì al garatè dla bela competiziun sportiva dla fin de sajun. (Thomas Pescollderungg por la US San Ćiascian)

Tlassifiches Deurapista: Ivo Pezzedi, 28,71. Maestri de schi: 1) Sergio Dalpiano, 26,21; 2) Aaron Sopplà, 27,03; 3) Claudio Clara, 27,23; 4) Ulli Crazzolara, 27,58; 5) Vito Agreiter, 29,05; 6) Günther Frena,

Sergio Dalpiano y Milena Clara é stà i plü asvelć dl dé.

29,73; 7) Verena Pedevilla, 31,79. Scolina: 1) Alexa Piccolruaz, 51,85; 2) Elisa De Marc, 54,68; 3) Simon Clara, 1.04,43; 4) Mike Pedratscher, 1.12,30. Mitans 1a elementara: 1) Noemi Pedratscher, 41,56. Mitans 2a elem.: 1) Silvia Vanzi, 41,99; 2) Sabine Alfreider, 47,69. Mitans 3a elem.: 1) Sarah Pescollderungg, 40,71; 2) Barbara De Marchi, 46,37; 3) Isabel Irsara, 53,04. Mitans 4a elem.: 1) Lisa Dapunt, 37,08; 2) Elena Rudiferia, 40,02; 3) Elise Alfreider, 40,45. Mitans 5a elem.: 1) Milena Clara, 30,18; 2) Maddalena Pescollderungg, 40,98. Mitans 1a mesana: 1) Martina Ploner, 31,35; 2) Julia Irsara, 52,17. Mitans 2a y 3a mesana: 1) Lisa Tasser, 35,57; 2) Valentina Clara, 40,32. Mituns 1a elem.: 1) Kian Crazzolara, 46,74; 2) Max Tasser, 47,41; 3) Lukas Pescollderungg, 1.44,02. Mituns 3a elem.: 1) Iaco Pescollderungg, 37,59; 2) Dennis Piccolruaz, 43,38; 3) Emanuele Sintoni, 44,96. Mituns 4a elem.: 1) Manuel Ploner, 29,22; 2) Jacopo Pezzedi,

31,04. Mituns 5a elem.: 1) Piero Di Luc a , 30,83; 2) Janpaul Pescollderungg , 33,67; 3) Maximilian Declara, 35,55; 4) Marco Tasser, 38,22. Mituns 1a mesana: 1) Michael Agreiter, 30,78; 2) Gabriele Sama, 33,54; 3) Alex Vanzi, 35,75; 4) Andrea Zamboni, 37,01; 5) Fabian Dalpiano, 38,46. Mituns 2a mesana: 1) Matteo Canins, 29,05; 2) Matteo De Marchi, 32,74; 3) Franz Pescollderungg, 38,07. Mituns 3a mesana: 1) Christian Valentin, 32,45; 2) Matteo Di Luca, 47,86. Snowboard: 1) Werner Crazzolara, 34,30; 2) Fabiano Glira, 34,76; 3) Giuseppe De Marc, 38,24; 4) Thomas Canins, 41,42. Jones 1987-95: 1) Julia Sopplà 30,52; 2) Judith Pezzei, 30,56. Fomenes 1965-71: 1) Ulrike Rudiferia, 30,51; 2) Claudia Tasser, 32,75; 3) Ingrid Crazzolara, 32,93; 4) Carla Thaler, 33,27; 5) Petra Obojes, 35,08; 6) Valentina Obojes, 35,28; 7) Marlene Canins, 36,55; 8) Edith Crazzolara, 37,39; 9) Gertrud Crazzolara, 38,57. Ëi 1940-53: 1) Carlo Dalpiano, 35,36; 2) Vinzenz Canins, 37,00; 3) Adolf Obojes, 39,36; 4) Silvestro Vittur, 41,24. Jogn 1990-96: 1) Massimiliano Rudiferia, 28,72; 2) Christian Agreiter, 29,77; 3) Arthur Pedratscher, 29,85; 4) Alex Vittur, 29,94; 5) Philipp Canins, 30,61; 6) David Frena, 31,02; 7) Marco Vanzi, 37,53; 8) Manuel Glira,

38,47; 9) Fabian Pedratscher, 57,56; 10) Jacopo Canins, 1.11,55. Jogn 1981-88: 1) Manuel Anvidalfarei, 28,44; 2) Norbert Rudiferia, 28,69; 3) Simon Canins, 29,65; 4) Martin Vittur, 29,93; 5) Simon Vittur, 30,09; 6) Mirko Rudiferia, 30,93; 7) Armin Moling, 31,59; 8) Alex Rudiferia, 31,62; 9) Stefan Glira. Ëi 1955-65: 1) Bruno Crepaz, 30,24; 2) Raimund Rudiferia, 30,80; 3) Albin Canins, 31,17; 4) Massimo De Marchi, 31,70; 5) Jep Irsara, 33,90; 6) Erich Moling, 34,08; 7) Manfred Vanzi, 34,63. Ëi 1966-74: 1) Matthias Dapunt, 30,55; 2) Norbert Valentin, 30,82; 3) Werner Piccolruaz, 30,92; 4) Otto Ploner, 31,49; 5) Thomas Pescollderungg y Hubert Pescollderungg, 31,59; 7) Christian Pescollderungg, 32,54; 8) Ugo Irsara, 33,98; 9) Renato Di Luca, 37,71.

Trofê Familia 1) Fam. Agreiter Vito cun Vito, Christian y Michael, tëmp total de 1.29,60 2) Fam. Rudiferia Sepl cun Martin, Alex y Simon, tëmp total de 1.29,96 3) Fam. Clara Claudio cun Claudio, Milena y Claudia, tëmp total de 1.30,16 4) Fam. Ploner Otto cun Manuel, Ulrike y Martina, tëmp total de 1.31,08 5) Fam. Frena Günther cun Günther, David y Verena, tëmp total de 1.32,54

La categoria di jogn 1990-96 vëgn premiada. www.lauscdiladins.com

39


Sport

nr. 15 / 15 de auril 2011

Sci Club Arabba, cuaji 50 scric ite L prescident Ivan Petri sotlineeia l resultat davò la Gara Social de fin stagion che l’é stada corësta ndomënia passada sun Burz. Prum pòst co l meio temp per Davide Crepaz, atlet fodom de la Forestal

I atlec del Sci Club Arabba.

Schi alpin - Profeta n patria. L bon atlet fodom de la Forestal Davide Crepaz l à fat sua la Gara Social de Sci Club Arabba, competizion che, come da tradizion, sièra ite la stagion dai schi. L slalom lèrch che l é ste corëst ndomënia passada su le nei de Rèba, mpruma pervedù sul ultimo tòch de la pista del Burz, per via del ciaut de chisc ultimi dis che à fat se deleghé la nei, l à mossù ester sposté sunsom, su la pista “Davò Avoie”. Ma l’é stada mpò na gran giornada de sport e divertiment. Ntourn ciánt i partezipánc, ntra atlec e schiadous “de la domënia”, che i s’à sfidé ntel plen del spirito “de coubertián”. Da segnalé la partecipazion e la premiazion del concorent plu de temp, Carlo Lezuo “de Guerino”, clasce 1926 e de chël plu joven, Alberto Davare, fiol d’èrt (l père

Paolo l à alené le atlete de la nazional). I despartësc 81 agn. I lieia auna la pascion per l schi. Per l prum viade la gara l’é stada giourida ence a chi da fòra. Per chëst i é stèi premièi i plu svelti de le ële e dei ëi ntra i fodomi e i nia fodomi. Sarada ite la stagion l é temp de fè n bilánz ence per l Sci Club Arabba, che l é scialdi positif per l prescident Ivan Petri. “L element plu positif per nos l é ste l gran numer de scric ite, che a fin stagion i é ruèi a 47. Per l diretif chësta l’é na grana sodisfazion e l senn che son che laoron polito, ntel spirito sportif. Souradut volësse auzé fòra la gran unité del grop. I ne lo disc i medemi genitori. Ence chi che no n’à gragn resultac, i é duc contenc de ester ite ntel Sci Club. Zèrto no podon desmentié i bogn resultac che on otignù. Per l terzo ann ndavò l auter, on porté

de nuosc atlec ai mascimi liviei nazionai. A campionac taliagn a Bardonecchia, per ejemple, ulàche s’à ben comporté l nòst Pietro Canzio, sonve auna ai gragn del schi veneto, come l Sc Cortina e l Sc Vicenza. Ma dighe ncora nviade, chël che ie tegne deplù l é l aspet social, come vedei i genitori che con pascion i va davò a le gare dei fioi.” Chëst sarà ence n ann de nuove elezion per l Sci Club Arabba. “Si” disc ncora Petri. “E pòs bele di davántfòra che l diretif, e mi come prescident, son ntenzionèi a se ricandidé per n secondo mandat. De mèi farón na sentada coi genitori ulàche programarón, tra l auter, l’ativité sul glacè per l’isté. Volësse chilò rengrazié o alenadous Olivo Daberto, Roberto Delazzer, Roberta Conedera e Rinaldo Costa, la Raiffeisen, i sponsor e duc chi

che à daidé prò fòra per la stagion”. Chëste le clascifiche. Super Baby F.: (1 manche) 1° Martina Zavattarelli 28.50, 2° Isabel Demattia 37.14, 3° Lucrezia Crepaz 49.30. Super Baby M.: (1 manche) 1° Lorenzo Zorz 29,53, 2° Giacomo Dorigo 34.88, 3° Julian Pellegrini 34.88. Baby F.: 1° Vittoria Cappellini 1.08.68, 2° Aurora Zavattarelli 1.15.26, 3° Elena Demattia 1.32.92. Baby M.: 1° Alessandro Crepaz 1.12.77, 2° Samuele Borlandi 1.14.94, 3° Erwin Daberto 1.16.81. Cuccioli F.: 1° Valentina Savorgnani 1.04.67, 2° Milli Crepaz 1.11.95, 3° Elisa Lorenzini 1.13.86. Cuccioli M.: 1° Giacomo Dalmasso 1.04.19, 2° Simone Gallina 1.05.08, 3° Matteo Costa 1.05.88. Ragazzi F.: 1° Nicole Petri

1.01.00, 2° Lisa Soratroi 1.06.35, 3° Giulia Denicolò 1.09.64. Ragazzi M.: 1° Kevin Crepaz 1.01.05, 2° Alberto Cappellini 1.06.34, 3° Stefano Savorgnani 1.07.21. Allievi F.: 1° Martina Scussel 59.88, 2° Bianca Meneghin 1.04.48. Allievi M.: 1° Davide Pellegrini 58.27, 2° Giuseppe Di Lallo 1.01.13, 3° Alessandro Robert Luciani 1.01.41. Giovani F.: 1° Francesca Pellegrini 1.00.25. Giovani M.: Gianluca Soratroi 1.05.28. Senior M.: 1° Davide Crepaz 55.71, 2° Alex Martini 59.83, 3° Andrea Palla 1.00.30. Dame C3/C4: 1° Bellini Mariagrazia 1.33.66. Dame C2/C3: 1° Daniela Pezzei 1.13.14, 2° Valentina Matussi 1.14.46, 3° Antonella Gori 1.15.04. Master B3/B4: (1 manche) 1° Claudio Cappellini 39.45, 2° Michele Pellegrini 41.21, 3° Carlo Lezuo 42.87. Master B1/B2: 1° Sisto Crepaz 1.10.37. Master A4: 1° Dino Costa 1.08.20, 2° Adriano Pellegrini 1.10.64, 3° Ruggero Palla 1.12.75. Master A3: 1° Lorenzo Pellegrini 1.04.57, 2° Roberto Canzio 1.06.82, 3° Bernardino Dorigo 1.13.00. Master A2: 1° Pietro Dalmasso 56.92, 2° Paolo Delmonego 1.04.19, 3° Stefano Cappellini 1.10.93. Master A1: 1° Olivo Daberto 58.20, 2° Giacomo Sigismondi 1.03.62, 3° Michele Savorgnani 1.03.86. Snowboard M.: 1° Pierre Robert Luciani 1.22.88, 2° Piertomaso Denicolò 1.23.27. (sl)

L podio dei Super Baby ële.

L podio dei Ragazzi ële.

Davide Crepaz a mán dërta.

L podio dei Allievi ëi.

L podio dei Cuccioli ële.

L plu vegle e l plu joven.

40

www.lauscdiladins.com


Sport

nr. 15 / 15 de auril 2011

Na bela festa per la Monti Pallidi La sozieta sportiva moenata à serà sù la sajon da d’invern con la festa sozièla che à vedù i sozi se confrontèr te la garejèdes de schi alpin, paslonch, telemark e brea

Arianna Pasero e Elisa Sommavilla, protagonistes del paslonch.

Alessandro Chiocchetti Pelin anter Davide Petrone e Alessio Gottardi se à dat jù tel paslonch.

Massimino Chiocchetti anter Marco Defrancesco e Nicolò Turri, spezialisć del telemark.

Ivan Zanon, anter Christian Croce Masella e Federico Bortoluzzi, sul podie de brea.

Angelica Carotta à vent la garejèda de brea, dant da Silvia Ganz, Sara Croce e Lara Sommariva.

N bel retrat del grop agonistich de telemark che à festejà en legreza la fin de la sajon da d’invern.

Sport da d’invern - La Festa Sozièla de la Union Sportiva Monti Pallidi à serà sù la sajon de la garejèdes di sport da d’invern de la sozietà sportiva da Moena. La desvaliva disciplines é states spartides te doi giornèdes: l’apuntament per l schi alpin l’era per en domenia ai 27 de mèrz sul portoi Costabela, per chel che vèrda l paslonch, la brea e l telemark l gran finèl l’é stat en sàbeda ai 2 de oril, sun S. Pelegrin, ta n’Alochet e Campigol e sun Lujia. Dò la premiazion, da sera, aló da la Malga Negritela, l’é stat endrezà na bona cena per serèr sù en legreza chesta bela festa sportiva, che à binà duc i atlec, pìcoi e gregn, de la sozietà moenata. Dò cena Nicola Defrancesco

Gide, responsàbol del setor del paslonch, l’à endrezà la ola de la fortuna con de bie pesć e Giuseppe Gilli, en raprejentanza del president Gianluigi Donei, à portà l salut e l rengraziament de la sozietà tant ai tesseré che à tout pèrt a la garejèdes che ai familières prejenc. (cri.m) Vedon i prumes trei classifiché a pontèr via da la disciplina del schi alpin: Super Baby de ic: 1. Tommaso Pascotto, 2. Andrea Dellantonio, 3. Tommaso Olcese. Super Baby de eles: 1. Nicole Chenetti, 2. Ambra Chiocchetti, 3. Eleonora Dallavalle. Baby de ic: 1. Fabio Dellantonio, 2. Tommaso Gloder, 3. Luca Festa. Baby de eles: 1. Elisabeth Vendruscolo, 2. Aurora Iellici, 3.

Francesco Degiampietro, Giacomo Fontanive e Giovanni Ticcò, emprometudes del schi alpin.

Manuela Deville. Cuccioli de ic: 1. Giacomo Fontanive, 2. Giovanni Ticcò, 3. Francesco Degiampietro. Cuccioli de eles: 1. Martina Ambrosi, 2. Angelica Iellici, 3. Federica Rossi. Ragazzi de ic: 1. Andrea Debiasi, 2. Francesco Gilli, 3. Lorenzo Brunel. Ragazzi de eles: 1. Giulia Fontanive, 2. Alessia Chenetti, 3. Emma Chiocchetti. Allievi de ic: 1. Daniele Chenetti, 2. Daniele Felicetti, 3. Michele Defrancesco. Allievi de eles: 1. Giorgia Pellegrin, 2. Martina Rossi. Girls: 1. Stefania Zanoner, 2. Ilenia Cincelli, 3. Carolina Chenetti. Boys: 1. Luca Fontanive, 2. Mattia Giongo, 3. Riccardo Franceschetti. Pionieri: 1. Angelo Iellici.

Paslonch Super Baby : 1. B eatrice Chiocchetti. Baby de ic: 1. Alessandro Chiocchetti Pelin, 2. Alessio Gottardi, 3. Davide Petrone. Cuccioli de ic: 1. Alessandro Chiocchetti Cici, 2. Gabriel Chiocchetti, 3. Giovanni Ticcò. Cuccioli de eles: 1. Arianna Pasero, 2. Elisa Sommavilla. Ragazzi de ic: 1. Daniele March. Ragazzi de eles: 1. Virginia Pellegrin. Allievi de ic: 1. Michele Petrone. Allievi de eles: 1. Caterina Ganz. Seniores de ic: 1. Pierluigi Chiocchetti, 2. Bernardino Chiocchetti, 3. Luigino Croce. Seniores de eles: 1. Anna Facchini, 2. Katia Defrancesco, 3. Nadia Chiocchetti.

Alessia Chenetti, Giulia Fontanive e Emma Chiocchetti sul podie de schi alpin.

Telemark Baby de eles: 1.Valentina Chieppa. Baby de ic: 1. Alberto Innocenti. Children de eles: 1. Stefania Pederiva; 2. Sara Pederiva. Children de ic: 1. Gabriele Felicetti; 2. Andrea Chiocchetti; 3. Sebastian Carotta. Joegn de ic: 1. Massimo Chiocchetti; 2. Marco Defrancesco; 3. Nicolò Turri. Campion sozièl 2011: Massimino Chiocchetti. Brea Cuccioli de ic: 1. Lorenzo Vuerich, 2. Ivan Peiretti, 3. Leonardo Iellici. Cuccioli de eles: 1. Angelica Carotta, 2. Silvia Ganz, 3. Sara Croce. Ragazzi de ic: 1. Ivan Zanon, 2. Christian Croce Masella, 3. Federico Bortoluzzi. Ragazzi de eles: 1. Martina Dantone, 2. Stefania Pederiva, 3. Sabrina Vadagnini. Allievi de ic: 1. Nicola Ganz, 2. Gianmarco Sommariva, 3. Riccardo Sommariva. Allievi de eles: 1. Gabriella Dallaglio, 2. Francesca Borgonovo, 3. Sara Chiocchetti. Giovani de eles: 1. Angela Defrancesco. Senior de ic: 1. Daniel Bernard. Senior de eles: 1. Jessica Felicetti, 2. Carlotta Bagnoli. Master de ic: 1. Luca Bortoluzzi, 2. Bernardino Chiocchetti. Master de eles: Katia Ben. www.lauscdiladins.com

41


Sport

nr. 15 / 15 de auril 2011

Turnoi nterladin de hockey

I Runners à inò scumencià a sauté

Nce ai sculeies ti vëniel dat la puscibltà de fé pea pra N turnoi de hockey danter i sculeies dla cin valedes ladines ie stat nstadì tl stadio Pranives de Sëlva garejedes de sauté, nsci pra la prima garejeda de sauté te paesc metuda a jì dala Lia provinziela dl sport populer VSS a Gargazon. Ma nce sun la nëif ne n’iela mo nia fineda via defin, che i Bogn da Nia à metù a jì si 10. trofeo

Ntan la premiazion dla scuadres dla scoles mesanes dla cin valedes ladines.

Scola/sport - L se ova abinà sculeies dai 14 ai 11 ani, mbën dala prima ala terza tlas dla scola mesana, duc cun na gran ueia de fé hockey. Nviedes fova la scoles mesanes de Alie/Ciaurì, Polo Val Boite, de Cortina d’Ampëz, la scoles mesanes de Fascia y la scoles mesanes de Gherdëina y dla Val Badia. Da dì iel che Fedom ie sot ala direzion de Alie/Alleghe. L fova l segondo iede che l ie unì metù a jì n tel turnoi, l ann passà fòvel a Alie, y n spera che n posse jì inant cun chësta manifestazion drët garateda y sentida dai sculeies. La partides tl stadio de Sëlva n juebia ai 7 de auril à scumencià dala 9 daduman y à durà nchin la 3 domesdì cun da dedò la premiazion dla scuadres. Uni juech ova na si storia, duc ulova sambën dantaldut mustré cie che i vel y dajova dut per vëncer. La regules da tenì ite fova drët rigurëuses y n fajova sambën sciche l toca, coche pra la drëta partides de hockey cun l furnimënt aldò, se sciaudé ite y l trainadëur sun banch che mudova la linies y dajova i drë cunsëies. Dut auter che n turnoi de amatëures, ma bën da pitli prufesciunisć ... Sun la tribunes sculeies che susteniva si scuadra, diretëures, nsenianc y reprejentanc dla istituzions dla scola. Ala fin à la scuadra di sculeies de Gherdëina sapù da se la fé valëi sun la dlacia de cësa y à venciù nsci chësta segonda edizion dl turnoi nterladin de hockey. I sculeies de Alie à arjont l segondo plazamënter dan chëi de Fascia che ova venciù l ann passà. L cuarto y cuinto plazamënt ie jit ala scuadres de Cortina y Badia. Chëst ann se à la Ntendënza ladina sëurantëut de mëter a jì la manifestazion. Per n auter ann se

à bele la sëurastanza de Fascia tëut sëura de mëter a jì l turnoi de hockey. La Ntendënza ladina cun i cuordinadëures per l sport ie nce tl lëur de proieté n turnoi dla mendranzes dla Elpes per scoles autes. “Chëstes ie zënzauter de bela ancuntedes de sport sun la dlacia per duta la valedes ladines, de gran mutivazion per i sculeies cun n fin drët de valuta, davia che l ie mesun se ancunté tl cuntest dla scola. Fajan hockey iesen boni de comuniché drët bën y n ne adrova deguna sort de rujeneda speziela, dut va da sëul, l ie na bona armunia. L tleca udëi coche i juega deberieda, coche i se sciauda ite, coche i se va permez, coche i se saluda ala fin de uni partida, l ie n generel n bel mumënt y l à dessegur n gran valor educatif”, a dit Andrea Serafini, diretëur dl IC de Alleghe. Da dì iel che l sport danter la valedes ladines à bele na cërta tradizion. N à bele fat ativiteies de atletica y de schi ti ani passei, daniëura cun gran suzes. Chësta dl hockey ie plutosc nueva y n ulëssa che l devënte n turnoi che va da valeda a valeda per ti dé mo plu mpurtanza ala manifestazion, davia che la tradizion dl hockey ie pu bëndebò vedla, belau te duta la valedes ladines y l ie zeche che caraterisea chësta mendranza. Bonamënter tres l turism che ie nasciù mpue dant che ti raions ntëurvia, iel unì purtà ite chësta forma de sport dal’America dl Nord. N vëija che i jëuni ie scialdi nteressei a chësc sport, ajache l ie n bel sport de scuadra, ulache i jëuni muessa mparé a tenì adum y a arjonjer velch deberieda. Nce l antagonism che ie danter la valedes ie zeche de nteressant, l ne n’ie mei ”rie”, danter ujins iel zeche de normal, na

cuncurënza, n cër patriotism de valeda. L ie drët blòt che n se abina cun spirt costrutif de sport sann, vivù plutosc sciche cumpetizion deberieda, che coche cumpetizion ndividualistica, sciche te cër sporc, massa sëuramenei de viers dla cariera. N lëura drët bën deberieda danter i servijes dl sport dla scoles, ajache n fej nce campiunac nterregiunei, per ejëmpl la ancunteda dla lueses che fova chëst ann tla Val d’Aosta, ulache la mendranzes se anconta. N ulëssa jì inant de chësc var. Metan adum i valores dl sport y tl medem tëmp i valores dla mendranzes y dla identità. L fova na bela manifestazion, chëla te Sëlva, che cëla de arjonjer plu fins a na maniera moderna, che ne spartësc nia, ma fej ruvé plu daujin, coche l Ntendënt ladin Roland Verra à sotrissà. Brigitte Pedevilla ie la cuordinadëura dl servisc scolastich dla Ntendënza ladina y auza ora che si lëur ie chël de cunlauré cun i taliana y i tudësc per la manifestazions che vën fates deberieda: juesc dla junëza y dantaldut per la Ntendënza ladina purté inant i proiec ladins y chël vën fat cun y danter la Ladinia. N se anconta y n ti fej cunëscer ai sculeies l’autra valedes ladines y i mpera a se cunëscer danter ëi. L pèr che l sport vënie for plu damandà nce da pert di genitores, davia che i mutons ne n’ie nia plu sciche n iede. Dant jivi plu dedora, śën iesi for plu dan l computer. Mëter man a fé sport da pitli a n cër livel possa vester mpurtant. Deplù de chësc turnoi te hockey tl stadio Pranives de Sëlva saràl da udëi n juebia ai 9 de juni dala 20.30 tla RAI TV Ladina tla trasmiscion Paladina. (dv)

I jugadëures dla scoles mesanes de Gherdëina che à venciù chëst ann l turnoi nterladin.

42

www.lauscdiladins.com

Runners - N mierculdi ai 6 de auril à l Club Bogn da Nia dla Val de Fascia metù a jì na garejeda cun la peves via la Marmolada. L se tratova dla 10. edizion dl “Trofeo Bogn da Nia”, na garejeda de schi alpinism de nuet. Sun n percurs sfadiëus ma spetaculer ruvòven do 1,87 km y n deslivel de 528 metri sa l Rifugio “Pian dei Fiacconi” a 2.626 metri de autëza. (Cëla articul a pert). Nce doi atlec di Gherdëina Runners se à batù scaldi bën te chësta garejeda: Günter Nocker à abù 25:37 se plazan nscila al 22. post tla tlassifica assoluta y al 19. te chëla di ëi seniores. Mario Hofer à metù 26:04 se plazan al 28. post tla tlassifica assoluta y ie ruvà 2. te si categuria la “Over50”. Pra l’ëiles udons sun l terzo scialier y cun chësc cun l terzo miëur tëmp nosta atleta Birgit Klammer cun n tëmp de 29:07.

Garejeda tres l luech N’autra manifestazion sportiva ulache atlec di Gherdëina Runners à fat pea fova na garejeda de sauté che ie stata n sada ai 9 de auril a Gargazon. Tlo àn metù a jì la prima garejeda di ”VSS Dorfläufe”, pra chëles che l possa fé pea mutons y nce de granc. Tlo udons i plazamënc de nosc atlec:

Sofia Demetz, che à fat pea tla categuria “Schnupperlauf ”, chël uel dì nasciui danter l 2004 y l 2006, se à plazà al 20. post y à messù sauté 150 metri lonc. Samuel Demetz dla categuria sculeies D, nasciui dal 2002 al 2003, à messù sauté 350 metri lonc y ie ruvà 12ejim cun n tëmp de 1 menut y 21 secunc. Sylvia Demetz tla categuria mutans 1 nasciudes danter l 1973 y 1979 ie sauteda 3000 metri se plazan al 10. post cun n tëmp de 17 menuc y 6 secunc. Pra i granc à Georg Demetz fat pea, ël messova sauté 6000 metri lonc. Ël se à plazà al 4. post tla categuria ”ëi 2” cun n tëmp de 20:19.

Resultac dl’ena passeda Chëst’ena passeda se ans desmincià de numiné mo doi de nosc atlec che à fat pea pra la garejedes sun l program i dis dant. Pra la garejeda de schi alpinism dla Drei Zinnen fova leprò nce Elmar Perathoner, ël ie ruvà 7. tla categuria ”amatori master” nasciui dan l 1965 cun n tëmp de 2:23:58. Y pra la mesa maratona a Kaltern òvel fat pea nce Birgit Klammer Stuffer di Gherdëina Runners, che se à tlassificà al 10. post cun n tëmp de 1:33:35. (mp)

Carmen y Manuel fej n saut de cualità Ntan la fin dl’ultima ena iel stat a Claut tl Friul la garejeda de Coppa Italia Free. Pra chësta garejeda pudòvel fé pea i trëi miëur atlec de chësta categuria de uni region dla Talia Jadiné - I jadinadëures de Gherdëina se à miurà dassënn y à nsci mustrà pra la garejeda n bon livel. Doi atlec dl Eisclub Gherdëina à abù l unëur de reprejeté l Südtirol. La garejedes per nosc atlec à scumencià n sada domesdì ai 9 de auril cun la mutans dla categuria prinzipiantes A, ulache l ie jit sun dlacia a mustré si ”Kür” Carmen Demetz de Urtijëi. Ëila à fat na beliscima garejeda y à venciù la bedaia de bront. Dala nuef da sëira jìvela inant cun l program dla categuria prinzipianc mutons. Tlo ie Manuel Piazza stat bon de se tlassifiché al bon setimo plazamënt. Tramedoi atlec à giapà na bona valutazion tecnica y se à cualificà per pudëi fé pea n auter ann pra la garejedes de jadiné federeles y chël ie n gran suzes. Carmen y Manuel cun chisc biei plazamënc ulëssa ti sentì gra al trainadëur Guillaume Kermen y ala presidënta Christina Demetz cun dut l cunsëi dl club per l grandiscimo lëur. (pr)

Carmen Demetz ntan la garejeda.


Sport

nr. 15 / 15 de auril 2011

Pien de medaes per i fascegn te la Valmalenco N fin de sajon de spetacol su Ti campionac taliegn de brea te la Lombardia i fascegn venc te duc i setores e i doi jormegn la neif e su l’èga Jessica e Mirko Felicetti arjonc i spic di campions taliegn Sun Ciampac enstadì anter sauc e nodèdes se à binà n muie de jent per tor pèrt al “Destroy Winter Party”

Emil Zulian 1° e Nicola Ganz 3° te la garejèda de Slopestyle de la categorìa arlieves.

Brea - Chiesa Valmalenco te la Valtellina. L’é stat aló che i joegn fascegn de la brea i à tout pèrt al campionat talian di arlieves e ragazzi e chel assolut, di joegn e di senior. Compagné per duta la setemèna da Elia Detomas e per vèlch dì ence da Erik Dantone i fascegn i é jic via dassen n muie enjigné e engaissé e i é vegnui de retorn con n bon grum de medaes. Sot n soreie che smachèa tant da poder garejèr con la braa curtes i fascegn i à desmostrà sia calitèdes te duc i 5 dis de garejèdes. Se à tacà ite ai 5 de oril con la garejèda de half pipe olache Emil Zulian da Poza che cor per l Ski Team Fascia, l’é ruà 1° te la categorìa arlieves de ic e amò per i arlieves de eles a ruèr sul 2° sćialin del podie l’é stat Giorgia Locatin, ence ela del Ski Team e da Poza. Te n “pipe” enjignà a regola d’èrt chisc bec i à fat proprio na bela garejèda, duc sot l’eie, n muie enteressà de Giacomo Kratter, alenador de la nazionèla talièna de brea. Ai 6 de oril l’é stat la garejèda de Slopestyle olache i coridores à cognù se sproèr su la strutures enjignèdes la setemèna dant per i Mondièi juniores e donca i à cognù passèr fora sauc dai 10 ai 13 metres. Tel Slopestyle, per i arlieves de eles Giorgia Locatin é ruèda al 1° post compagnèda sul podie da na autertant brava Gabriella Dallaglio

Mirko Felicetti, campion talian di joegn, sul prum sciaier del podie endèna la premiazion.

che l’à serà sù al 3° post. Per i bec amò de bogn resultac tel slopestyle con Emil Zulian al 1° post e Nicola Ganz al 3° post. En jebia ai 7 de oril, per i campionac assoluc, i fascegn à tout pèrt a duta doi la garejèdes endrezèdes te chela dì. L’empegn donca l’é stat ben segur di bec ma ence de l’alenador Elia che à cognù jir inant e endò con na radio per ge dèr l sostegn a duc i bec. La pruma garejèda l’é stat chela de snowboardcross olache Jessica Felicetti de la Monti Pallidi la é doventèda campiona talièna assoluta. Pec menuc dò tel slalom lèrch n auter suzess l’é stat arjont da Gabriella Dallaglio che la é stata bona de fèr na bona garejèda, passan dal 5° post de la pruma manche al 3°. Duta does, Gabriella e Jessica, les fèsc pèrt del Comitat Trentin. Ai 8 de oril l’é stat l’outa di tousc che i à coret tel slalom lèrch paralel e chiò Mirko Felicetti l’é doventà campion talian de la categorìa joegn e l’é ruà 4° ti assoluc. L campion da Moena, jorman de Jessica, fin a l’an passà alenà da Elia Detomas, l fèsc pèrt ades de la Squadra B de la nazionèla talièna de alpin de Copa Europa e ence el l’é tel Comitat Trentin. L’ùltim dì per l snowboardcross amò Gabriella Dallaglio é ruèda 2^ de sia categorìa.

N bel braciacol anter Giorgia Locatin e Gabriella Dallaglio sul podie de Slopestyle de la arlieves.

I campionac taliegn te la Valmalenco l’é stat na gran sodesfazion per i fascegn che i à portà a cèsa n muie de medaes. En dut i trentins à vent 20 medaes soraldut de gra ai più pìcoi che i à arjont proprio n aut livel che, soraldut tel freestyle, l’é stat adertura più aut de si compagnes più veies. L’alenador Elia Detomas l se à dit dassen content per l’organisazion de la garejèdes e per i resultac porté a cèsa e per chest l vel rengrazièr duc per l’empegn zenza se desmentièr del Ski College. Apontin na neva n muie emportanta la rua proprio dal Ski College che per l’an che vegn l’à en program de tor ite desche alenador ence Erik Dantone coscita da slarièr fora l setor de la brea te duta la disciplines: snowboardcross, slalom lèrch e freestyle. I é jà n muie i neves scric ite per l’an che vegn e anter Erik e Elia la colaborazion no la menciarà ajache duc doi i veit l’emportanza de esser bogn te duc i setores de la brea e che demò coscita se pel esser competitives e forc te chest setor. Na sajon da d’invern 2010/2011 n muie positiva chela giusta fenida che à portà sodesfazions per duc: snowboarders, alenadores e ence families e amisc e duc i pascioné de brea. Duc sion stolc de chisc bogn resultac. (vr)

La sodesfazion de Jessica Felicetti campionessa talièna assoluta de snowboardcross.

Dèlba - Na gran nodadoa, joegn e joenes con la braa curtes, con la zopeles e i più coragious demò col costum da mèr e amò siamans e mantìe da bagn. Somea de esser d’istà e enveze dut chest l’era sun Ciampac olache en domenia ai 10 de oril, se à serà sù la sajon da d’invern con l “Destroy the winter”. La festa la é stata endrezèda da Francesco Erioldi, titolèr de la firma Katsuto Clothing, e da la sozietà de impianc ensema ence a duc i patrons de la uties e amò l’era ence chi de l’Apresski Paradis e de l’Hexen Club che à metù sù musega dut l dì. Percheche vae dut polito l’era da pissèr a n grum de robes ma chel che à dat l più gran lurier l’é stat endrezèr la nodadoa. Te mez al pian sobito sun Ciampac dant l’é stat binà ensema la neif per enjignèr la erta e junfon dapò l’é stat fat na buja fedrèda che dapò la é stata empienida de èga. Dai dac di passajes de la forenadoa vegn dombrà adertura 1000 persones. Joegn soraldut, ma jent de ogne età che à volù se

passèr na domenia su la neif al soreie, che à podù se goder ence n bon crofen con la porchetta o con la liènia e per i più bonorives l’era ence la polenta. Per l’ocajion la Ciampac l’à ence metù a la leta la forenadoa debant per duc chi che volea jir su. Entorn la does domarena l’é stat l moment più bel de duta la festa ajache l’é tacà la seconda pèrt de garejèda e l’é stat per duc n gran spetacol. Duc tedò la sparangoles, dintornvìa la nodadoa o su per la pista, i spetèa vegnir jù i atlec de “schi su l’èga”. Se n’à vedù vegnir jù de ogne sort: coi schi o con la brea ma ence col stroset e l’era omegn, femenes, pìcoi e manco pìcoi duc chenc con n gran coraje percheche l’èga segur no la era ciauda... e l risech de ge ruèr ite l’era n muie aut soraldut per chi che volea proèr a fèr l saut. De bie complimenc a duc chenc chi che à endrezà ma ence a chi che anché fosc i arà amò la petorcena... che gran coraje! Speron che chesta sie stat demò la pruma edizion del “Katsuto Party Destroy the Winter”. (vr)

Sauc e acrobazìes coi schi soravìa la nodadoa enjignèda sun Ciampac per la festa de fin invern. (foto Matteo Iori) www.lauscdiladins.com

43


Sport

nr. 15 / 15 de auril 2011

23a Copa Europa de bal sui feres Enscin ai 17 de oril se pel veder la ejibizions di atlec dai 8 ai 16 egn. L 2° Dolomiti Ice Skating Trophy, dai 22 ai 24 oril, se serarà sù col Fassa Ice Galà per didèr i teremoté del Giapon

Marco Zulian à vadagnà l terzo sciaier a la Copa Tèlia.

I Pavei d’Arjent à vent l tìtol de Campions Nazionèi de spezialità col bal de grop “Sposc e Maridoc”.

La atleta Fumie Suguri tolarà pèrt al Fassa Ice Galà 2011.

Bal sui feres - Gran empegn chisc dis per la sozietà sportiva Artistico Ghiaccio “Pavei d’Arjent” che, dò aer arjont de beliscimes resultac via per duta la sajon agonistica, l’à portà endodanef te Fascia la gran competizion de bal sui feres, la 23^ Copa Europa. Per la quinta outa la delegazion europeèna del zircuit European Criterium à cernù belapontin de endrezèr en colaborazion coi Pavei d’Arjent tel stadie Gianmario Scola de Dèlba, la finèla internazionèla de maor livel per la categorìes de atlec più joegn. La Copa Europa vegn endrezèda da la UISP (Unione Italiana Sport per Tutti) e l moment più aut de duta la manifestazion l’é

l’European Criterium, finèla de cater garejèdes che é states endrezèdes chest an a Celije per la Slovenia, a Zagabria per la Serbia, Feldkirch per l’Austria e Belgrado per l’Ungheria. Via per duta la setemèna e amò fin ai 17 de oril, l stadie de Dèlba se à empienì de atlec e atletes da passa 20 nazions desferentes de l’Europa. Te chisc dis se pel jir a veder i alenamenc e la evoluzions di atlec dai 8 ai 16 egn, che desmostra n livel dassen aut. N grumon de categorìes se barata fora su la giacia, a livel individuèl o te la sezion de grop, olache i joegn se dèsc jù te coreografìes n muie rencurèdes. La competizion doventarà adertura internazionèla, ajache per la finèla

podie, ruan sul 4° sciaier, e Marco Zulian enveze l’à arjont n beliscim 3° post che ge dèsc derit de fèr pèrt l’an che vegn de la categorìa prinzipianc federèla. Amò apede recordon che l’Artistico Ghiaccio à vent l tìtol de Campions Nazionèi te la spezialità de bal de grop con l bal “L Carnascèr fascian Sposc e Maridoc”. Chisc dis sarà amò l met de poder veder chisc atlec su la giacia del Gianmario Scola.

I atlec Valentina Marchei e Laurent Tobel sarà ta Dèlba per l Fassa Ice Galà.

44

www.lauscdiladins.com

de l’Europa Criterium l’é stat envià na cincantina de sozietèdes da dut l mond ajache per n muie de atlec chesta competizion raprejenta l trampolin per la cariera agonistica. Na jurìa internazionèla, che tol ite raprejentanc de duta la nazions, valutea le performance di partezipanc, spartii per disciplines e categorìes. Bal de cobia, program tecnich interpretatif individuèl e de grop l’é la spezialitèdes te cheles che i balarins se dèsc jù. L’é de segur n orgolie per Fascia poder ge dèr alberch a chesta manifestazion de nonzech, ajache la vegn metuda al pèr de l’autra capitala europeènes. Cianacei defat, più avisa l stadie Gianmario Scola de Dèlba, l’é stat cernù endodanef per sia otimala organisazion, per la logistica di alberghes che desmostra semper gran atenzion envers i atlec e sia families che les i compagna. De gran aiut l’é ence la gestion e la desponibilità del stadie de la giacia semper vertia a ge jir encontra a duc i desvalives besegnes. Ence la sozietà di Pavei d’Arjent tol pèrt a chesta competizion con si atlec. Anter l’auter l’é da recordèr che enstadì l’é stat a Claut la garejèda de “Copa Tèlia”, gara nazionèla federèla a chela che tol pèrt i miores atlec selezioné da ogne comitat talian. L Val de Fascia Artistico Ghiaccio à tout pèrt con doi atlec Pira Karen te la categorìa Cadetti e Marco Zulian te la categorìa Prinzipianc de ic. Pira Karen per pech l’à perdù l

2° Dolomiti Ice Skating Trophy Dai 22 ai 24 de oril l stadie Gianmario Scola de Dèlba ge darà alberch a n’autra manifestazion de nonzech, l 2° Dolomiti Ice Skating Trophy. Se trata de na competizion de bal sui feres per categorìes dai 18 ai 57 egn. Vegnarà proponet la spezialitèdes de Free Skate, da soi o a cobies, Creative Skating Skills, Artistic Free Skate, Dance, Free Dance, Short Dance. Apede ai sacotenc pascioné de chesta disciplina, che ruarà da duta la Tèlia per se sproèr su la giacia de Dèlba, se podarà veder ence vèlch atlet nazionèl portèr dant sia ejibizions. La manifestazion se serarà sù en domenia sera, ai 24 de oril, dì de Pèsca, col gran spetàcol del Fassa Ice Galà.

Fassa Ice Galà Ence chest an l Val de Fascia Artistico Ghiaccio, co la

colaborazion del stadie Gianmario Scola, porta te val l Fassa Ice Galà, che sarà belapontin l dì de Pèsca, en domenia ai 24 de oril, da les 21.00. Se trata de n spetàcol dassen particolèr, con atlec de autiscim livel, che à vent ogne sort de tìtoi nazionèi e internazionèi. Chest an l Fassa Ice Galà à ciapà n segnificat particolèr ajache l comitat de endrez se à pissà de ge dèr un euro per ogne biliet venù ai teremoté del Giapon. Chesta scomenzadiva é stata segnèda da doi emportanta confermes: prum de dut l’adejion da man de la Crousc Checena Internazionèla che, col sostegn de la Crousc Checena de Fascia, à valutà positivamenter la scomenzadiva ge dajan l patrozinie e dapò l’enteressament diret de la atleta campiona mondièla e olimpica Fumie Suguri che vegnarà aposta dal Giapon per dèr sie contribut a l’event con si fantastiches balec riches de suspense. L’é demò la seconda outa che la campiona giaponeisa vegn te la Tèlia dò aer vadagnà l 4° post a la Olimpiades de Torin. Chesta prejenza de gran spessor fèsc del Fassa Ice Galà n event amò più prestigious e ge garantesc coscita al publich, che se spera sie trop, n spetàcol mai vedù. Apede a Fumie Suguri ruarà ence l pluricampion mondièl Stephane Lambiel, un di artisc’ più domané da duc i galà mondièi, ma se podarà veder ence nesc campions olimpionics Babara Fusar Poli e Maurizio Margaglio, Valentina Marchei, l’american campion mondièl Jozef Sabovcik, l campion european Laurent Tobel con si numeres de cabaret artistich, i campions nazionèi Tanja Kolbe e Stefano Caruso apede a n grum de etres artisc’ internazionèi che farà del Fassa Ice Galà n event de recordèr ence percheche se arà l met concret de ge dèr n pìcol contribut a la jent tocèda da la gran desgrazies che à portà l teremot tel Giapon. I biliec é da poder comprèr te la boteighes de ores de Battisti Oro de Cianacei e Moena, te l’autra boteighes autorisèdes o i prenotèr a l’Apt de Fascia al numer de telefon 0462 609600.


Sport

nr. 15 / 15 de auril 2011

Luca Tiezza, le miù söi schi Le paisc da La Ila à tignì söa gara de schi, la “Giatiscima”. Ara é gnüda organisada dal’Uniun Sport La Ila y dala Scola de schi La Ila. Passa 300 i scrić ite, cun gran novité: la gara dles pels

I atleć di schi d’escurscionism al start. La gran novité de chëst ann é avisa stada la gara dles pels por ëres y ëi.

Mariana é stada la plü asvelta de schialpinism. Do la gara àra dit: "I ćiari ma ca, al é la pröma gara che i feji..."

Schi - La gara é gnüda tignida sön la pista de Gardenacia y à metü man dales 7.45 cun na novité: la gara dles pels. Bëgn 36 é stà i partezipanć che s’à combatü söpert, tiran fora dötes les forzes. Dales 10.30 é la gara jüda inant cun i schi. Canche inće i ultimi ê ruvà al travert, à düć i partezipanć podü jì sön Sponata a ćiarié les forzes pro de bunes liagnes blanćes arjignades ca da Werner dl Lêch. I jogn y manco jogn che l’à vagada jö por le slalom lerch dla Giatiscima 2011 é stà indöt

202. La festa de premiaziun é gnüda tignida tla ustaria La Bercia. Dan na bela atmosfera él gnü premié man man les 31 categories. L’atlet plö asvelt cun les pels é stè Andreas Irsara, sön i schi él stè Luca Tiezza che à davagné le 1^ trofê Oskar Costa, stanzié dala Gara de Copa dl Monn. Ciafè la copa à ince les categories dles families. La miù familia al start a Plaön é stada chëra de Gusto Pizzinini, cun al secundo post chëra de Werner Ploner y al terzo post chëra de Werner Bernardi. La miù familia che é piada ia da Plan de Sponata é stada chëra de Sergio Tiezza, cun al secundo post la familia de Werner Ploner. Sciöche la tradiziun ô vëgnel inće ćiarè ales etês: insciö i él gnü surandè n pest a Adolfo Fornasier sciöche atlet manco jonn y a Rebecca Michelotto sciöche atleta plö jona. Do la premiaziun à düć canć ciafè n bun bis de pasta. Incër les 21,00 éra jüda inant cun l’estraziun dla ola dla fortüna cun 36 de bi pesć. Grana é stada la tenjiun canche al ê ma plö i pröms trëi pesć da trà fora; le iade da n valur de mile euro, n schipas Alta Badia por la sajun 2011/12 y n bel per de schi. La sëra é jüda inant cun Alex Pezzei, che à cun süa musiga da bal dè na bela atmosfera ala festa. La Giatiscima 2011 s’à spo stlüt jö tert tla nöt cun les scëibes de DJ Tino. Deplö sön la gara pòn odëi tla palata internet www.uslaila.it

Tlassifica (i pröms 5 de vigni categoria) Mitans scolina

1) Marianna Irsara 47.59; 2) Katrin Feichter 55.28; 3) Karolin Frenademez 1:02.27; 4) Federica Gasser 1:07.75; 5) Rebecca Michelotto 1:15.52 Mituns scolina 1) Filip Miribung 50.56; 2) Ivan Anvidalfarei 50.79; 3) Andrea Planinschek 51.26; 4) Alex Miribung 52.95; 5) David Castlunger 1:08.55 Mitans 1a y 2a elementara 1) Desiree Dapoz 44.15; 2) Marie Valentini 45.06; 3) Giorgia Dalle Grave 45.32; 4) Martina Miribung 45.58; 5) Lena Feichter 48.83 Mituns 1a y 2a elementara 1) Paul Thurner 43.91; 2) Fabian Valentini 46.88; 3) Samuel Frenademez 48.45; 4) Luca Pizzinini 49.40; 5) Andy Ploner 52.55 Mitans 3a, 4a y 5a 1) Esther Thurner 37.73; 2) Diana Pizzinini 39.52; 3) Anna Castlunger 40.29; 4) Greta Lerchner 41.18; 5) Alessia Pizzinini 41.31 Mituns 3a, 4a y 5a 1) Christian Granruaz 34.24; 2) Nicolas Crazzolara 34.30; 3) Martin Irsara 34.33; 4) Simone Dalle Grave 34.72; 5) Michele Gasser 35.16 Mitans schiclub 1) Emmi Frenademez 31.28; 2) Chiara Pizzinini 34.80; 3) Vicky Bernardi 36.41; 4) Marie Bernardi 36.87 Telemark mitans y mituns 1) Maria Sofia Frenademez 40.28; 2) Melanie Ploner 42.44; 3) Max Castlunger 43.49; 4) David Crazzolara 44.78 Telemark ëi 1) Arthur Feichter 56.34; 2) Richard Feichter 56.54; 3) Richard

Miribung 57.28; 4) Erwin Feichter 58.41; 5) Erwin Crazzolara 1:00.05 Brëia 1) Samuel Debon 1:25.69; 2) Maximilian Crazzolara 1:33.12 Mitans I mesana 1) Katerina Castlunger 54.34; 2) Maria Sofia Frenademez 1:00.66; 3) Giulia Tavella 1:04.55 Mitans II y III mesana 1) Marie Unterthurner 50.58; 2) Melanie Ploner 57.43 Mituns II y III mesana 1) Luca Bernardi 51.82; 2) Mattia Peccei 1:00.20; 3) Matthias Castlunger 1:00.39; 4) Daniel Crazzolara 1:00.90 Ëres I 1) Giliana Tiezza De Mio 1:02.96; 2) Elisabeth Valentini 1:05.40; 3) Fefa Pitscheider 1:05.91 Ëres II 1) Zilly Costamoling 57.60; 2) Leni Agreiter 57.76; 3) Sabine Frontull 59.26; 4) Susi Ploner 1:01.70; 5) Daniela Pizzinini 1:02.31 Ëres III 1) Roberta Ploner 56.81; 2) Verena Pescollderung 58.28; 3) Daniela Frenademez 58.56; 4) Waltraud Miribung 1:00.06; 5) Roswitha Castlunger 1:00.32 Ëres IV 1) Tanja Pallestrong 56.34; 2) Nadia Pallestrong 57.57; 3) Barbara Valentini 58.73; 4) Nicol Bernardi 1:05.84 Jones 1) Sara Frenademez 58.11; 2) Giulia Nicosia 1:03.92; 3) Manuela Moling 1:15.51 Maestres de schi 1) Stefanie Costa 48.98; 2) Laura Fornasier 54.68 Ëi I 1) Fornasier Adolfo 1:13.35 Ëi II 1) Sergio Tiezza 55.56; 2) Pire Frenademez 57.42; 3) Pire Planatscher 58.40; 4) Albert Tavella 59.21; 5) Giuvani Gasser 1:00.27 Ëi III 1) Gusto Pizzinini 50.10; 2) Edi Bernardi 55.03; 3) Andrea Bocconcello 1:15.90 Ëi IV 1) Werner Bernardi 53.08; 2) Carlo Ploner 54.25; 3) Werner Ploner 54.41; 4) Egon Ploner 54.58; 5) Manfred Valentini 55.76 Ëi V 1) Marco Sillani 52.48; 2) Oskar

Le campiun dl paisc söi schi de chësta sajun é Luca Tiezza.

Pescollderungg 53.64; 3) Mirko Frenademez 54.97; 4) Roberto Huber 55.33; 5) Bubi Sorà 1:02.78 Ëi VI 1) Manuel Stampfer 52.52; 2) Herbert Valentini 52.73; 3) Alex Vonmetz 52.79; 4) Franzl Frenademez 53.52; 5) Roman Bernardi 57.73 Jogn I 1) Ossi Rottonara 54.22; 2) Jan Daniel Crepaz 58.85; 3) Matthias Bernardi 59.40; 4) Andrea Bonfanti 1:01.87; 5) Artur Frenademez 1:03.26 Jogn II 1) Robert Rottonara 46.63; 2) Alessandro Bonfanti 58.16; 3) Steven Stanzl 59.39; 4) Julian Pizzinini 1:11.20 Maestri de schi I 1) Walter Frenademez 57.34; 2) Angel Tavella 1:02.33 Maestri de schi II 1) Luca Tiezza 46.38; 2) René Pitscheider 46.82; 3) Julian Bernardi 47.70; 4) Marco De Lazzer 48.56; 5) Fabian Agreiter 49.22 Pels mituns 1) Nicolas Ploner 34:31.00 2) Robert Debon 51:02.00 Pels ëres 1) Mariana Acuña 31:58.00; 2) Verena Dapoz 34.57.00; 3) Evelyn Pitscheider 36:02.00; 4) Daniela Frontull 40:30.00; 5) Karin Castlunger 41:45.00 Pels ëi 1) Andreas Irsara 18:06.00; 2) Richard Miribung 19:17.00; 3) Richard Feichter 20.05.95; 4) Arnold Ploner 20:06.10; 5) Simon Agreiter 23:03.00

Tlassifica families

Gran profescionism por i mius tëmps de gara danter les portes.

Andrea Irsara, le miù da jì “söpert”.

1) Familia de Gusto Pizzinini, cun Gusto, Daniela y Alessia, tëmp total 2:33.72 2) Familia de Werner Ploner, cun Werner, Susi y Nicolas, tëmp total 2:34.47 3) Familia de Werner Bernardi, cun Werner, Nicole y Vicky, tëmp total 2:35.33 4) Familia de Szefan Gasser, cun Stefan, Marzia y Michele, tëmp total 2:35.61 5) Familia de Richard Feichter, cun Richard, Roberta y Lena, tëmp total 2:48.18 www.lauscdiladins.com

45


Informazions y Manifestazions

nr. 15 / 15 de auril 2011

♦ Cunferënza

Musiga

internaziunela sun la varijon dla psiche La cunferënza ie ai 5 y 6 de mei tla EURAC tl Convention Center a Bulsan cun prufescionisc’, studënc, families y persones che à da n fé cun la malatia dla psiche Iel pa mesun varì da na malatia mentela? Ntan la cunferënza uniràl jit ite plu avisa sun la mpurtnaza dla cunlaurazion danter la persona amaleda y i dutores y prufescionisc’ che cura la persona. Nce l amalà à na pert mpurtanta ntan la streda dla varijon y possa lauré pea ativamënter cun dutores y istituzions sozieles per arjonjer na varijon. Ntan la cunferënza uniràl rujenà de chësc argumënt da pert de esperc dal’Austria, dai Paejes Tudësc, dala Nghiltiera y dal’America. Plu nfurmazions, dut l program y la zedula per se scrì su abinëis sot a http://convention. eurac.edu/recovery. N possa se scrì su nchin ai 29 de auril.

Religion Meditazion

La lia Sanynton mët a jì ncuei vënerdi, 15 de auril na sëira de meditazion cun Anna Maria Künig sun: “Ie son l linëus”, te Sëlva, tla sënta dla lia Sanynton, str. La Sëlva 101, dala 20.30. L unirà fat na pitla grupa de meditazion che dura 60 menuc cun la puscibltà de rujené da dedò dla tematica. Cuntribut € 10,00. Meditaziun dl Vëndres Sanć

En Vëndres Sanć ai 22 d’aurì dales 18.00, vëgnel metü da jì na meditaziun, te dlijia de Badia. Tl domisdé, organisé dal Cor di Ëi de Badia, gnaràl ćiantè le “Stabat Mater” dl componist J.B. Runcher y inće d’atres ćianties de Carsëma, cun amezite tesć de meditaziun. Iade da Padre Pio

Dala Val Badia demez vëgnel indô organisé le iade tradizional ti posć de Padre Pio. An pëia ia ai 28 d’aurì, an röia incër les 18.00 a S. Giovanni Rotondo. Le vëndres saral mëssa y dedô les staziuns y domisdé jaran söl Monte S.Angelo, olache al sarà mëssa tla Grotta. La sabeda saral mëssa y domisdé jaran a Pietrelcina a ciarè la fossa de Padre Pio. La domënia iade derevers, cun mëssa a Loreto dales 10.00. Por informaziuns y prenotaziuns: tel. 0474 520013.

Referac y proiezions fotografiches Seres de informazion sun la 5 leges biologiches

I assessorac al la oportunitèdes pervalives de Fascia, en colaborazion col Comun General, i à metù a jir n percors de informazion sun: “Le 5 leggi biologiche”, con l relador dr Francesco Sbardellati. Dò la pruma sera, stata a Poza en mercol ai 13 de oril, vegnarà amò rejonà del tem “La malattia è un’altra cosa” ai 27 de oril, semper da les 20.30 te sala del Consei de comun a Moena. Na terza sera dal titol “Panico, paure, fobie” vegnarà endrezèda ai 2 de mé a Fontanac te sala de consei de comun da les 20.30 e per fenir en sabeda ai 14 de mé a Moena, semper te sala de consei de comun, vegnarà metù a jir n cors introdutif dut l dì (h. 9 - 18) su la 5 leges biologiches. L cors vegnarà metù a jir con l’adejion de amàncol 15 persones, l’é debesegn de se enscinuèr a la fin de la serèdes opura ti comuns, o amò chiaman l numer 340.2353361. McKinley - Spediziun Ladinia 2010 Le Fotoclub Val Badia mët da jì en jöbia ai 28 d’aurì dales 20.30 na proieziun de fotografies sön na spediziun ladina sön le McKinley (Denali 6.194 metri), fata dl 2010 da Felix Pescoller, Roland Pedevilla, Christian Denicolò, Willy Comploi y Walter Volken. La proieziun vëgn metüda da jì dl salf dl Istitut Ladin a San Martin de Tor.

Dotors y Apoteches Dotor

L dutor de servisc dala 8.00 da duman de n sada 16 de auril nchin la 8.00 da duman de n lunesc 18 de auril ie l dutor Aba Fallaha de Sëlva, tel. 0471/794111 o l 0471 797540. Le dotur en sorvisc tla findledema di 16 y 17 d’aurì, ti cin’ comuns dla Val Badia, é le dotur Guido Caretta, Calfosch/Corvara, tel. 0471/836870 o 337/616080. Apoteches L’apoteca de servisc che à daviert ora dl orar ordiner da n vënerdi (dala 19.00) ai 15 de auril nchin n vënerdi ai 22 de auril ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc fora dl orar ordinar, dal vëndres ai 15 d’aurì al vëndres ai 22 d’aurì, é chëra da Corvara, tel. 0471/836173.

46

www.lauscdiladins.com

Noemi Iori doman a “La Grenz” Gran conzert sabeda ai 16 de oril a Moena te strèda Saslonch 56. La sociazion “La Grenz” ve envìa duc da les 21.30 a scutèr la brava ciantarina Noemi Iori, che per l’ocajion portarà dant n program nef e particolèr. La joena da Dèlba, compagnèda da Michael Lösch a l’orghen Hammond, Matteo Rossetto a la chitara e Enrico Tommasini a la baterìa, se prejentarà defat con n repertorie de musega jazz. Sarà segur na bela ocajion per cognoscer n aspet desferent de la braùra de noscia “vivèna” de Fascia. Endèna “La Grenz” ve recorda amò che i amisc e stimadores del Chum é envié a per tor pèrt al conzert-tribut che vegnarà endrezà en sabeda ai 14 de mé per recordèr l “rocker” da Moena mort l’an passà. Sìngoi e gropes pel se proponer per interpretèr chela sera vèlch tòch del Chum, te la vida e aldò del stil che i preferesc; bèsta che i se scrive ite dant dai 2 de mé segnalan la cianties (max 3) che i volessa portèr dant. Info e adejions per mail a: info@lagrenz.org o alberta@pixelia.it. Cunzert cun l Gruppo Polifonico “Claudio Monteverdi” de Ruda (Udin)

L cunzert sarà duman sada ai 16 de auril dala 20.30 tla dlieja de Urtijëi. Ëi purterà dant la Pascion de Gejù Crist de San Giuani, de Francesco Corteccia (1502-1571) per soli, cor y ujes.

Mostres Mostra de Nadia Irsara

La mostra dal titul “Inespressione“ ie da udëi dai 18 de auril nchin ai 14 de mei tl Café Surëdl a Urtijëi. L orar de giaurida ie da lunesc nchin a sada, dala 10.00 - 19.00. Mostra de xilografia

Ncuei vënerdi ai 15 de auril dala trëi domesdì, gëura la Scola d’Ert na mostra de xilografia. L ie unì njenià ca na bela cumpëida de lëures fac cun la tecnica dla xilografia, che fossa n dessëni rissà ite te na plata de lën che vën pona stampà sun papier. I sculeies dla prima trëi tlasses dla Scola d’Ert Cademia à fat n cuncors de lëures de xilografia. I truep biei lëures che ie unic fai unirà tres la mostra nce prejentei al publich. Chësta mostra ti vën dedicheda al artista Remo Wolf, nasciù a Trënt y maridà a Urtijëi. Wolf à vivù na vita drët ntravaieda danter furmazion artistica y la segonda viera mundiela. Davia che l ie ntan si vita for inò unit a Urtijëi, al repurtà la cuntreda de Gherdëina sun truep de si xilografies. Mostra de Flavio Senoner y Matthäus Kostner

La mostra dal titul “Unì a lum” dl scultëur Flavio Senoner y dl fotograf Matthäus Kostner ie da udëi tla Miil - Kränzelhof, streda Gampen 1 a Tscherms nchin ai 29 de mei da merdi a sada, dala 12.00 nchin la 15.00 y dala 18.30 nchin la 23.00. De dumënia dala 12.00 nchin la 16.00, de lunesc iel stlut.

♦ Mostra

de Egon Dejori La Lia Mostra d’Ert à l plajëi de Ve nvië ala giaurida dla mostra de video de Egon Dejori “Astenere“, n juebia ai 21 de auril dala 20.30 tla sala dla mostres dl Circolo a Urtijëi La mostra sarà da udëi nchin ai 30 de auril dala 10.00 – 12.00 y dala 16.30 – 19.00.

Teater A teater a Cianacei L Comun de Cianacei e i gestores del Chino Marmolèda i endreza na picola rassegna de teater che pea via anché, vender ai 15 de oril, con “El Gioanin Pesetas” de la Filodramatica Canezza con n lurier de Giorgio Dell’Antonia. En vender ai 29 de oril l’U.T.E.T.D. de Moena portarà dant “I più bié regai no se i fasc int mai” con test de Loredana Cont traslatà per moenat da Maura Chiocchetti. En sàbeda ai 14 de mé la Filodramatica Concordia ’74 de Povo portarà dant “Beniamino Ciopeta Apaltator” de Artemio Giovagnoni. Duc i spetacoi tacarà da les 20.45, entrèda 6 euro. Musical “cuntra löm”

Ćiamò vëndres y sabeda, ai 15 y ai 16 de mà 2011, dagnora dales 20.30, saral rapresentaziuns dl musical “cuntra löm”, tl Gran salf a San Martin de Tor. Infos y prenotaziuns: tel. 0474 523070.


Informazions y Manifestazions

nr. 15 / 15 de auril 2011

Temp lede Chidlada dla Uniun Maestri Ladins L’UML-Uniun Maestri Ladins à le plajёi da invié i dirigënć, i insegnanć y le personal dles scores y scolines en sorvisc y en ponsiun dla Val Badia y de Gherdëna ala tradizionala gara da chidlé en vëndres, ai 29 de aurì 2011, dales 15.00 ales 17.30 a Al Plan, tles chidlares da Runcac. Regolamënt: vigni chidladëssa y vigni chidladù po trà 5 series de boć söi plëgns. Al vëgn fat cater categories (ëres 1965 y dedô, ëres 1964 y denant, ëi 1955 y dedô, ëi 1954 y denant). Da paié ite él 5,00€ söl post. An n’à nia bria da se prenotè, al basta se presentè söl post. Batadù per duc Duman sada ai 16 de auril mët la Lia di Ciambonfs a jì si batadù tradiziunel te Sëlva, tla pitla sala dla Cësa de Cultura dala 14.30. L unirà nce pità zeche da maië y da bever per duc. Dé dl fitness 2011

L’Uniun Sport La Ila/seziun fitness inviëia mituns y gragn en sabeda ai 30 d’aurì dales 15.00 te palestra nöia da La Ila por passè deboriada n domisdè de fitness. Düć canć arà la poscibilité da porvè fora deplü ativitês cun i istruturs de fitness: - bai moderns por mituns/mitans dla elementara y mesana, - step dance, - country and line dance (cun show), - fitness & fun, - body workout. Chësc dé darà fora l’Uniun Sport La Ila a düć i interessà informaziuns por tó pert y s’arjigné ca ala Maratona de New York.

Scumenciadives per Pasca Orar dla biblioteches ntan Pasca

La biblioteca San Durich a Urtijëi resta śareda da Vënerdi Sant domesdì nchin a Lunesc de Pasca, 25 de auril. La biblioteca O. von Wolkenstein te Sëlva resta śareda n Vënerdi Sant y n Lunesc de Pasca. La biblioteca Tresl Gruber a S. Cristina resta śareda n Vënerdi Sant, la Sada Santa y n Lunesc de Pasca. Azion da Pasca

L KVW de Sëlva mët inò a jì l’azion da Pasca y perchël ie duc nviei a judé pea n mierculdi, ai 20 de auril da mesa la nuef da sëira te calonia a ntënjer ueves. N Pasca uniràl vendù i cësć da Pasca cun ueves y pan, dan mëssa. Chisc unirà benedii ntan la santa mëssa. Chël che unirà trat ite jirà a fin de bën.

Chino Al chino de Cianacei

Doman, sàbeda ai 16 de oril da les 21.15 e en domenia ai 17, da les 17.30 e da les 21.00 se pel veder l film “Rio”. En mèrtesc ai 19 e en mercol ai 20 da les 21.15 vegnarà moscià “Drive Angry. Destinazione inferno”. Al chino de Pardac

Insnet, vender ai 15 de oril e per dut l fin de setemèna enscin a domenia ai 17 da les 21.15 se pel veder “Scream 4. Le regole sono cambiate”. En mèrtesc ai 19, en mercol ai 20 e en jebia ai 21 da les 21.15 vegn moscià l film “Frozen”. Al chino de Tieser

Insnet, vender ai 15 de oril, e dapò ence en sàbeda ai 16 e en domenia ai 17, semper da les 21.15, vegn moscià l film “Rio”. Al chino de Ciavaleis

Insnet, vender ai 15 de oril, e dapò ence sàbeda ai 16 e domenia ai 17, da les 21.15 vegn portà dant l film “Se sei così ti dico sì”.

♦ 6. Turnoi Hermann Senoner N sada y dumënia ai 16 y 17 de auril saràl tl stadio Pranives de Sëlva inò l turnoi nternaziunel de hockey per scuadres Under 10 Coche uni ann ala fin dla sajon mët l Hockey Club Gherdëina mo a jì l turnoi nternaziunel Under 10, che vën dedicà chëst ann per l sesto iede a Hermann Senoner, ex ambolt de Sëlva y gran sustenidëur dl hockey. Chëst iede iel leprò la scuadres dl EHC Klostersee, l HD Jesenice, l HC Bled, l KHK Zvezda dla Serbia y la scuadres da tlo dl HC Bulsan, dl WSV Sterzing, dl HC Renon y sambën l HC Gherdëina. La partides scumencerà duman sada dala 10.00 danmesdì y l n sarà ntan dut l di nchin ntëur la 6.00 da sëira cun na pitla pausa da mesdì. N jirà pona inant n dumënia ulache n meterà man bele dala 9.00 per scumencé pona dala 13.30 cun la partides per i plazamënc y la finela per l prim post ntëur la 16.45. Riesc do uniràl fat la premiazion. Per nosc pitli jugadëures sarà chësta na bona ucajion per mparé a cunëscer mutons de d’autri raions, de fé hockey cun ëi y de se devertì deberieda te chësc bel sport de scuadra.

♦ La “Pascion de Crist” dò Sèn Jan a Vich L cor “C. Monteverdi” porta dant l conzert de Corteccia insnet te la Pieif de Sèn Jan L’Istitut Cultural e l’Union di Ladins de Fascia, con l Comun e la Parochia de Vich ge sporc a la comunanza n bel conzert: la “Passione di Christo secondo Giovanni” del componist fiorentin Francesco Corteccia (1502-1571) portèda dant dal Grop polifonich “Claudio Monteverdi” da Rude (UD). L’opera é stata troèda fora e l’à podù ruèr enscin a nos de gra al lurier de recostruzion e trascrizion del prof. Mario Fabbri (1931-1983), musicologh che à abù leames strenc col mond ladin. La cianties del cor per latin se enterza co la recitazion de l’ator Andrea Zuccolo del test traslatà da la Societât Filologjiche Furlane da la verscion originèla per fiorentin volgar. L cor “Claudio Monteverdi” tol ite presciapech 30 ciantores e sie repertorie desvarià va da la musega sacrala a chela profana, dal classich al populèr, enscin ai componisć de anchecondì. Vidà dal 1976 al ’96 dal m. Orlando Dipiazza e dapò dal m. Stefano Sacher, dal 2008 l’é ret dal m. sloven Matjaž Šček. L conzert vegnarà portà dant insnet, vender ai 15 de oril da les 9 da sera te la Pieif de Sèn Jan.

Avisc Consulënza legala

Le stüde da avocat Wörndle y l’Uniun di artejans LVH/APA , mët da jì por i artejans dla Val Badia assozià al’ APA, na consulënza legala debann pro le stüde da avocat Wörndle da La Ila, dal avocat dot.a Manuela Obojes, vigni secundo mercui dl mëis, dales 15.00 ales 16.00. Proscim terminn: 18 d’aurì. Por informaziuns y prenotaziuns prëibel cherdè sö l’ofize APA a Pedraces 0471/839548 o l’ofize da avocat Wörndle 0471/847777. Zentrala di Consumadus a La Ila En mercui ai 20 d’aurì, dales 9.30 ales 11.30, él la poscibilité de s’incuntè cun dui colaboradus dla Zentrala Consumadus, Anna Willeit y Vinzenz Hilber, sön plaza  dla Ćiasa de Cultura a La Ila. An ciafa p.ej. informaziuns sön les assiguraziuns, consëis por se stravardè da ingianades tl spëne y investì scioldi, cosć por i dënz, le sorvisc nü de mediaziun. An po lascè controlè les raiaziuns dl handy, i odlà da sorëdl y i.i. Organisaziun: KVW La Ila. L’aministraziun de comun incunta la popolaziun dl comun de Badia Incö vëndres ai 15 d’aurì dales 20.00, vëgnel tignì tla Ćiasa J.B. Runcher a San Linert l’incuntada dla popolaziun dl comun de Badia cun l’aministraziun de comun. Mësa torona sön “La reforma tla scora ladina”

L’UML - Uniun Maestri Ladins inviëia en vëndres ai 15 d’aurì dales 15.00 tla scora mesana “Tita Alton” a La Ila a na mësa torona cun discusciun dal titul “La reforma tla scora ladina”. Ala mësa torona tolarà pert l’Intendënt Roland Verra, l’assessur Florian Mussner, l’ispeturia Edith Ploner, le professur Paul Videsott y le diretur Bruno Senoner. La moderaziun é tles mans de Claudia Canins Egger. Co ćiara pa fora la reforma te nostes scores? I vari dla politica en cunt dla reforma. La formaziun y la spezialisaziun universitara di insegnanć: n travert por düć? De chësc y d’ater baiaràn tratan le domisdé a La Ila. Cherta di mejes de Gherdëina

L Museum de Gherdëina fej a l savëi che ti chemuns de Sëlva, S. Cristina, Urtijëi y Ciastel iel unì tacà ora na copia nueva y atuela dla “Cherta di mejes de Gherdëina“. Sun chësta cherta iel senià ite 533, danter cëses da paur y lueges de vedli mejes y 454 tublei. N possa ti cialé ala cherta dan che la vënie stampeda, nchin a n merdi ai 26 de auril. Chiche ëssa mo da se udëi ora velch de no drët o da njunté velch, possa l fé a l savëi al Museum de Gherdëina, 0471/797554 o te chemun de Sëlva pra Dietrich Mussner, 338/6245915 y te chemun de S. Cristina pra Gerda Runggaldier, 0471/793420. L Museum de Gherdëina sënt gra bele danora per la cunlaurazion. info@museumgherdeina.it Sëira de descuscion La Lia per Natura y Usanzes nvieia duta la jënt de Ghërdeina y chëi che stà ntëurvia a unì n juebia ai 28 de auril, dala 20.30, ala sëira de descuscion sun l argumënt “UNESCO, mé n marketing?“ Pra chësta mëisa turonda iel nvià l assessëur provinziel Michl Laimer, l espert y cumëmber dla lia Helmuth Moroder, i trëi ambolc de Gherdëina y l presidënt dla Lia per Natura y Usanzes Karl Vinatzer. Sambën saràl nce l’ucajion per duc i prejënc de fé dumandes. La sëira sarà tla gran sala dla cësa de cultura Luis Trenker a Urtijëi.

Religion Gejù tol demez i picëi dl mond

Chësc à dit Giuani Batista de Gejù (vaniele de Giuani 1,29 Sn. Cristl Moroder). Cun chësta paroles dàl da ntënder che Gejù ie chël che selva chëi che ne fej nia si ulentà. Co fej pa Gejù chësc? Ciuldì ie pa chësc de bujën? Co pudëis’a vo ve nuzé de chësc? Pra la cumemorazion anuela dla mort de Gejù uniràl respundù a chësta dumandes. I Testemons de Jehova ve nvieia n dumënia ai 17 de auril dala 8.00 da sëira, tla streda Socrëp n. 9 a Urtijëi. Gën ve nvions nce a n referat sun la bibia “Biblische Grundsätze – eine Hilfe bei heutigen Problemen?“ Chësc sarà n sada ai 30 de auril for tla streda Socrëp n. 9 a Urtijëi, dala 7.30 da sëira. L ne unirà damandà deguna dunfierta.

www.lauscdiladins.com

47


Informazions y Manifestazions ♦ Ecce homo de Lois Anvidalfarei La Lia Mostra d’Ert à l plajëi de Ve nvië ala giaurida dla mostra de scultures de Lois Anvidalfarei “Ecce homo“, n sada ai 16 de auril dala 20.30 tla sala dla mostres dl Circolo a Urtijëi

“Ecce homo“ de Lois Anvidalfarei.

L rujenerà l teologh Prof. Dr. Ewald Volgger y l sunerà Patrizia Rifesser. La mostra resterà davierta da n dumënia 17 nchin a n sada 23 de auril, uni di dala 10.00 nchin la 12.00 y dala 16.30 nchin la 19.00. La mostra de scultures nueves nes gëura n mond faszinënt di proiec atuei dl scultëur Lois Anvidalfarei che ie recunesciù a livel nternaziunel. Tl zënter dla mostra iel daniëura l corp dla persona y tres chësc la faszinazion per dut chël che ie fisich, da pië ite. Tres la grupa “Ecce Homo“, ie la persona che ti cëla cunfrunteda cun na situazion dramatica y cruva. L tritich “Ecce Homo“ (Cëla, la persona) ie l resultat dla nrescides y dla reflescions che Anvidalfarei à fat te si streda artistica nchin śën. Co possa pa mudé l corp dla persona? Co se cumpòrtel pa te situazions desfrëntes? Y co pòssen pa l mëter n relazion cun l’ert, cun si storia culturela?

Iadi, Jites y Escurscions Iade tla Ćiarenćia ala descurida dles erbes

Le Consëi de Formaziun da La Val organisëia ai 2 de jügn n iade de formaziun a Irschen tla Ćiarenćia (Kärnten), conesciü sciöche “paîsc dles erbes”. I jun a ti ciarè a valgügn lüsc dles erbes (Kräuterhöfe) cun acompagnamënt y de pici referać. An po se prenotè da sëra pro Michela al nr. 0471/843057. Sciöche prenotaziun prëibel paié ite 40,00€ sön le cunt dl Consëi de Formaziun La Val, IBAN: IT 45 K 08010 59130 000303003086. Iade da Padre Pio Dala Val Badia demez vëgnel indô organisé le iade tradizional ti posć de Padre Pio. An pëia ia ai 28 d’aurì, an röia incër les 18.00 a S. Giovanni Rotondo. Le vëndres saral mëssa y dedô les staziuns y domisdé jaran söl Monte S.Angelo, olache al sarà mëssa tla Grotta. La sabeda saral mëssa y domisdé jaran a Pietrelcina a ciarè la fossa de Padre Pio. La domënia iade derevers, cun mëssa a Loreto dales 10.00. Por informaziuns y prenotaziuns: tel. 0474 520013. Jita de schialpinism tla Svizra Dai 28 d’aurì al 1. de mà vëgnel metü da jì na jita de schialpinism söl Aletschgletscher (le maiù dlacià d’Europa), cun i mënacrëp Simon & Max. Por infos y prenotaziuns telefonè a Simon al nr. 389/4223062. Jita da d’ansciuda

L KVW de Sëlva mët a jì si jita tradiziunela da d’ansciuda, dai 4 nchin ai 8 de mei, tla Liguria y plu avisa tl raion de “Cinque Terre“ n luech drët cunesciù sëura dut l mond per si belëzes natureles. L unirà pità n prugram rich, sibe per chëi che va gën a pe, che per chëi che tol plu gën la curiera o la ferata. Nfurmazions plu avisa y per se lascé nuté su pra Rudolf Mussner, 0471/795344. Sambën ie nce chëi de S.Cristina y Urtijëi nviei a unì pea.

♦ Mostra de üs da Pasca Cherubina Moling Ploner mët fora sües “operes d’ert” tla ostaria Gader a Longega, ai 17 d’aurì Düć é dër bel invià ala mostra de üs da Pasca depënć a man y cun tecniches desvalies, de Cherubina Moling Ploner. La mostra vëgn tignida en domënia ai 17 d’aurì dales 10.00 ales 20.00, tla ostaria Gader a Longega.

nr. 15 / 15 de auril 2011

Cursc Corsc de rus e ingleis te biblioteca de Vich Da la fin de oril a la fin de mé te la biblioteca de Vich vegn metù a jir doi corsc de lengac de 15 ores (10 lezions de 1 ora e mesa l’una) al cost de € 100,00 vigniun. Un de rus de lunesc e de jebia (h. 20.30–22.00) dai 28 de oril con la ensegnanta Alla Krivochei, e un de ingleis de livel prinzipiant-mesan de lunesc e de mercol (h. 20.00–21.30) dai 27 de oril con ensegnanta de mèrelenga. Per info e enscinuazions se pel chiamèr la Biblioteca de Vich al 0462.763062. Arjigné y vëne produć da paur D’altonn vëgnel metü da jì n curs por arjigné produć da paur, de zirca 70 ores, a San Martin de Tor y Bornech. Numer limité de partezipanć. Contegnüs: - informè sön le monn di produć paurii cun ćerćia; - regoles y leges; - marketing; - garanzia de cualité; - politica di prisc y se fà i cunć; - fà etichetes tla teoria y tla pratica; - presentaziun di produć (confezionamënt, mostra di poduć, dè fora i produć); - fà y arjigné i produć. Informaziuns y prenotaziuns: tel. 389 0834252 (Gaby). Wayna Fanes Tradition: workshop La findlédema dai 13 ai 15 de mà 2011 gnaral metü da jì a Pedraces/Badia n workshop por imparè da conësce le “mît de Fanes y i rituai dla tera” cun la curandera y zerimonialista sciamana Waltraud Hönes, che à inće metü sö la “Wayna Fanes Tradition”. Infos: tel. 346 2194164 (Manuela Pedrotti), www.dolomiten-ayllu.it Wayna Fanes Tradition: edema tl rëgn de Fanes Dal 30 de messè al 7 d’agost 2011 gnaral metü da jì na formaziun sciamana te Fanes, cun la curandera y zerimonialista sciamana Waltraud Hönes, che à inće metü sö la “Wayna Fanes Tradition”. Le moto é “Söi fostüs de n gran mît - La pera che slomina sciöche püch d’ater Pié ia te na esistënza plü leria”. Le grup sarà söl iade a pé te Fanes, Infos: tel. 346 2194164 (Manuela Pedrotti), www.dolomiten-ayllu.it Curs de “fit por l’isté” Ginastica de condiziun rich de movimënt y potenziamënt dl corp: condiziun aerobica, coordinaziun, tonificaziun y potenziamënt dla musculatöra y prevenziun dl mè de spiné, döt sön basa musicala. Le curs é adatè por ëi y ëres de vigni eté y gnarà tignì tla palestra nöia da La Ila dagnora de lönesc y jöbia 19.00-20.00 por 12 iadi indöt cun scumenciamënt ai 2 de mà. Düć chi che tol pert al curs pò se presentè le pröm iade diretamënter te palestra. Informaziuns pro Thomas al 3391433016, y sot a http://www.uslaila.it Curs de “Step & Body Workout” Al vëgn pité 60 menüć de step-training por prinzipianć y mesans cun coreografies sön basa musicala “Disco 2011” y 30 menüć de Body Workout cun rassodamënt y tonificaziun dla musculatöra.. Le curs gnarà tignì tla palestra nöia da La Ila dagnora de lönesc y jöbia 20.0021.30 por 12 iadi indöt cun scumenciamënt ai 2 de mà. Le curs é limitè a 50 partezipanć; por se scrì ite menéde n sms cun osc inom y cognom al 3391433016 (Thomas) o cherdede sö le 0471847109. Informaziuns inće sot a http://www.uslaila.it Curs de pilates Organisaziun: Jonëza da Paur La Pli. Cun Marta Willeit. Vigni lönesc, por 6 iadi dai 18-04 ai 23-05 dagnora dales 21.00 ales 22.00 (le Lönesc de Pasca gnaral sburlé a n ater dé de chë edema), tignì vëgnel te palestra a La Pli. Cost: 28€ a porsona, min. 8 partezipanć. Infos y prenotaziuns pro: 339-7384558 (Marta). Curs da fà cremes Le Consëi de Formaziun dl Comun de Badia mët da jì n curs da fà cremes cun Michela Comploi, en doman sabeda ai 16 d’aurì dales 14.00, te salf de calonia da San Ćiascian. Al vëgn insigné da fà cremes por le müs y les mans cun öri, erbes etc. Tó pert po ćina a 15 porsones. Prenotaziuns pro Michela al nr. 0471/843057 (da sëra). Dui cursc de arpizada sportiva: por pici y gragn La Lia dai Crëp Mareo - Grup arpizé Val Badia mët da jì dui cursc de arpizada sportiva, dai 21 d’aurì inant, te palestra d’Al Plan. Le curs por mituns dla elementara vëgn tignì da Marta Willeit, vigni jöbia dales 17.30 ales 19.00, por indöt 5 iadi. Infos y prenotaziuns pro Paul al nr. 347/4736300. Le secundo curs por i gragn vëgn tignì dai mënacrëp Simon y Max, vigni jöbia dales 20.00 inant, por indöt 4 iadi. Infos y prenotaziuns pro Simon al nr. 389/4223062. Curs de nordic walking Les Lies da Munt Val Badia organisëia n curs de nordic walking cun Karin Taibon y Marta Willeit, dai 28.04 ai 26.05.2011. Le curs vëgn tignì vigni jöbia, i pröms trëi iadi dales 9.00 ales 10.00 y dedô dui iadi dales 9.00 ales 10.30, por indöt 6 ores. Sce al é interes, spo gnarà le curs inće tignì la jöbia da sëra (19.00 - 20.00). Prenotaziuns pro Paul al nr. 347/4736300 (da sëra). Curs da balè La Uniun dles Ëres y di Ëi da Lungiarü organisëia indô n curs da balè fox, walzer y polca, tl salf dles manifestaziuns dl paîsc, cun Günther Hellweger, por chi che sa bele i pröms vari. Le curs gnarà tignì te chëstes dates: 30 d’aurì, 7, 14, 21 y 28 de mà y ai 4 de jügn, dagnora dales 19.30 ales 21.00. Por se prenotè pòn cherdè sö Consolata al nr. 0474/590011 o Hubert al nr. 0474/590105, ćina ai 29 d’aurì. Curs da nodè por i mituns dla elementara da Corvara La US Amatoriala Corvara/Calfosch mët da jì n curs da nodè por mitans y mituns dla scora elementara da Corvara, cun Ubi Valentini. Le curs mët man en jöbia ai 28 d’aurì dales 16.00, te nodadoia a La Ila. An s’incunta indöt 6 iadi, vigni jöbia y lönesc. I scolars po se scrì ite tl grup di prinzipianć o de chi che sa bele da nodè. Yoga cun Anna Steeman Sot al titul “Der Neue Yogawille”, vëgnel metü da jì n curs de yoga cun Anna Steeman, dai 6 de mà inant, por indöt 10 iadi, te palestra d’Al Plan, dagnora dales 20.00 ales 21.30. Le cost é de 100,00€. S’anunzié pòn al nr. 340/3644547 y infos plü menüdes ciafon inće söl sît www. anna.steeman.it.

Cherubina Moling Ploner mët fora üs da Pasca depënć a man.

48

www.lauscdiladins.com


Informazions y Manifestazions

nr. 15 / 15 de auril 2011

♦ Viac tla Wachau

Cursc

La lia di Artejans n Pension de Gherdëina mët a jì n viac de trëi dis cun la curiera tl raion dla Donau dai 24 nchin ai 26 de mei L prim di jirons a ti cialé ala zità de Linz an der Donau, zità dl gran uem de mujiga Anton Bruckner. L segondo di jiràla inant cun n viac cun la berca sun la Donau tla Wachau, da Melk a Krems. Domesdì jirons a ti cialé al cunvënt , Stift Göttweig, ulache n possa amiré na bela pitura a frësch de Paul Troger. L terzo di se fermerons a Gmuden sun l L Stift Melk. Traunsee, ulache maieron na bona marënda tl Schloß Orth, cunesciù dai films tla televijion. Nvion duc i artejans n pension a unì pea. N possa se scrì ite ai 18 y 19 de auril tl ufize di artejans a Urtijëi, ntan l’ ëures de lëur dala 8.30 nchin la 12.30. I cumëmbri dl LVH - ANAP arà per prims la rejon de unì pea.

Scumenciadives per Pasca Cunzert da Pasca Ai 24 de auril saràl dala 20.30 te dlieja de S. Cristina l cunzert da Pasca dl Cor y Urchestra de S. Cristina. L unirà ciantà y sunà la “Theresienmesse” de J.Haydn, “Eja Gentes” de J.Haydn, n “Andantino” de W.A.Mozart, n “Intermezzo” de P.Mascagni, l “Panis angelicus” de C.Franck y l “Tantum Ergo” de G.Fauré. I solisc’ sarà Manuela Demetz, soprann, Evelyn Tomasini, alt, Willy Runggaldier, tenor y Günther Runggaldier, bas. Martina Rifesser sunerà l’erpa, Elisabeth Demetz l flaut, Erwin Moroder l celo y Agnes Irsara l orgun. Marcià da Pasca La grupa Caritas y Miscion mët a jì n dumënia dl Ulif, ai 17 de auril do la santa mësses n pitl marcià da Pasca. L unirà pità roba dëucia, ueves ntënc, ueves depënc y auter. Prion bele de judé pea y fé velch de dëuc, fuiaces o de auter pan che n possa dé ju n sada ai 16 de auril, dala 18.00 inant te calonia basite. Chël che unirà trat ite unirà mandà tl Iapan, al Card. Okada de Tokio che se cruzia de fé avëi aiuc ala families. Festa da Pasca per i seniores

La grupa Uemes y Fenans mët a jì ai 17 de auril a Urtijëi, te cësa de cultura, dala 15.00 na festa da Pasca per i seniores. Duc ie nviei de cuer. Peché n Pasca

La biblioteca Tresl Gruber de S. Cristina nvieia duc n Pasca dala 10.00 danmesdì a unì a peché. Tenion su chësta bela tradizion. Unide duc a festejé la Pasca cun nëus. Peché per duc L biblioteca Oswald von Wolkenstein de Sëlva nvieia duc a unì a peché n Pasca do la gran mëssa (nchin la 12.00). Ntan l’Ena Santa vëniel nce metù a jì n’azion da Pasca per duc i mutons.

♦ Orar da d’isté tl Museum Ladin Da Pasca inant é le Museum indô davert döt le dé. Tratan le mëis de mà él söl program le Dé Internazional di Museums, sciöche inće la daurida dla mostra sön la ferata de Gherdëna

Le logo dl Museum Ladin.

Le Museum Ladin Ćiastel de Tor deura indô sües portes por döt le dé, da Pasca inant: dal mertesc ala sabeda dales 10 ales 18 y la domënia dales 14 ales 18. Confortesse ales novitês che Ves aspeta tl mëis de mà. Le Museum Ladin a San Martin é da Pasca inant indô Ai 15 de mà gnaràl tignì le Dé davert dal lönesc ala sabeda döt le dé, y la domënia Internazional di Museums, cun domisdé. jüć y devertimënt por mituns, y n quiz a pesć en colaboraziun cun le Jonëza da Paur. Ai 27 de mà él söl program la gran daurida dla mostra “Scibla mo n iede - La ferata de Gherdëina danter lecorc y vijions”. Informaziuns plü menüdes ciafon al nr. 0474/524020. Le Museum Ladin tol l’ocajiun por aodé na Bona Pasca y de beles festes d’aisciöda.

Dui cursc de ginastica dl Zënter Families Mareo Le Zënter Families Mareo organisëia dui cursc de ginastica cun Simon Dapoz, dai 14 d’aurì ai 2 de jügn, vigni jöbia, por indöt 8 iadi, te palestra d’Al Plan. Le pröm é n curs de step, dales 19.00 ales 20.00, le secundo n curs de ginastica por iames y punza, dales 20.10 ales 21.15. Le cost por un n curs é de 34,00€ a će por mëmbri dl ZFM, 54,00€ por i atri (al vëgn fat la cherta d’iscriziun ala uniun). Prëibel s’anunzié al 0474/770631 o al 348/7061647. De vedli juesc scuvierc da nuef L Museum de Gherdëina mët a jì n workshop cun Thea Unteregger, pedagoga dl museum, sun de vedli juesc. La prima ancunteda sarà n merdi ai 19 de auril, dala 14.30 nchin la 18.00 y la segonda n sada ai 21 de mei, dut l di, tl Museum de Gherdëina a Urtijëi per cialé coche i mutons se tripova dan 100 ani Cun i partezipanc uniràl laurà ora l cunzet y l material dl’azion. Iscrizion nchin ai 15.04. tl Museum de Gherdëina, tel. 0471/797554 (lu - ve 9.00 -12.00). L workshop ie debant y ala fin giapa uniun n atestat per avëi fat pea. Curs de ladin gherdëina per prinzipianc L curs che vën metù a jì dal Servisc de Furmazion, ie dai 3 de mei nchin ai 7 de juni, a Urtijëi tla Cësa di Ladins, dala 20.00 nchin la 21.30 cun David Lardschneider, for de merdi y juebia (10 lezions, de ndut 15 ëura). L curs costa 95,00 euro. Nfurmazions y iscrizions: tel. 0471/773225 o furmazion.gh@micura.it Energia per se nstësc y da dé inant La Lia Sanynton mët a jì n curs sun l’energia REIKI-Grad. Energia vitela, da adurvé per sé nstësc y da dé inant a d’autri. L curs sarà ai 28 y 29 auril, doi dis danmesdì cun orar da fé ora, te Sëlva, tla sënta dla Lia Sanynton, str. La Sëlva 101. Per plu nfurmazions pudëis cherdé su la referënta Camilla Patuzzi, 377/1393911. Curs de massajes ai piesc L se trata de n curs de massajes de refles ai piesc cun zertificat. L curs vën metù a jì dala lia Sanynton, ai 27,28 y 29 de auril dala 20.00 – 23.00 te Sëlva, tla sënta dla lia Sanynton, str. La Sëlva 101 cun Camilla Patuzzi. Plu nfurmazions pra l numer 0471/795467. Ai 27 y 28.04. domesdì, dala 16.00 - 18.00 vëniel fat n barat de sperienzes dl massaje ai piesc, per chëi che à bele fat pea pra i cursc. Nfurmazions pra l numer 333/1079990. Hormon Yoga Energia vitela per l’ëila. La lia Sanynton mët a jì chësc curs che scumëncia ai 18 de auril te Sëlva, te cësa de cultura, tla sala sëura la posta. L curs ie cun Judith Demez y sarà 10 iedesc, dala 9.00 nchin la 10.30. Nfurmazions pra Judith, 339 7336788 Yoga per mutons Se paussé ora cun juesc y devertimënt. La lia Sanynton mët a jì chësc curs cun Judith Demez che scumëncia ai 18 de auril te Sëlva, te cësa de cultura, tla sala sëura la posta. L unirà fat juesc, muvimënt y viages tla fantajia. L curs ie uni lunesc, 10 iedesc, dala 16.00 - 17.00. Se scrì su pòssen pra Judith, 339/7336788. Yoga per duc Muvimënt meditatif per plu energia vitela. La lia Sanynton mët a jì chësc curs cun Judith Demez, che scumëncia ai 18 de auril te Sëlva, te cësa de cultura, tla sala sëura la posta. L curs ie for de lunesc, 10 iedesc dala 20.00 - 21.30. Plu nfurmazions pra Judith, 339/7336788. Qi Gong per duc - Muvimënt y energia de vita La lia Sanynton mët a jì chësc curs che scumëncia ai 20 de auril cun Rudolf Braunhofer a Urtijëi, tla sala nueva de “La Locia” dala 20.00. L se trata de ginastica lesiera per armunisé i muvimënc, mubilisé la lesures, destré i mustli, i liamënc y i nierves y per se ciarië d’energia vitela cun l tré drët l flà. L curs ie adatà a persones de uni età. L ie for de mierculdi, 8 idesc alalongia. Per plu nfurmazions pudëis cherdé su l numer 333/1079990 o l 0471/795467.

Curs de fotografia digitela per fotoamatëures L aparat digitel DSRL (“Digitale Spiegelreflexkamera”) ti pieta al fotograf truepa pusciblteies de mpustazion per fé la fotografies coche n uel les avëi. L curs cun Vito Miribung ie ai 02, 04, 09 y 11 de mei dala 19.30 nchin ala 21.30 tla Scola Mesana de Urtijëi. L costa 75,00 euro. Nfurmazions y iscrizions da merdi nchin a vënerdi dala 8.00 - 12.00 pra l Servisc Furmazion, 0471/773225, email furmazion.gh@micura.it Curs de inglesc

Le KVW de Badia mët da jì cursc de inglesc cun Lala Stull, por prinzipianć y progredis. Le curs mët man en vëndres ai 29 d'aurì dales 20.00, tla Ćiasa J.B. Runcher a Badia. I cursc döra indöt 10 sëres. Por informaziuns plü menüdes y prenotaziuns: 0471/839657. Curs da se truché I Jogn da Paur de Badia mët da jì en vëndres ai 29 d'aurì n curs da se fà sö (truché) dales 20.00 tl Salon Ariane a Corvara. An s'incunta dales 19.30 a Pedraces por jì sö deboriada. Pro le curs gnaràl mostrè l'ert moderna da se depënje. Informaziuns y prenotaziuns ćina ai 22 d'aurì pro Eveline al nr. 349/2283760. I posć é limità. Curs de nordic walking La Uniun dles Ëles de Badia mët da jì n curs de nordic walking cun Susi Tavella. Le curs mët man en mertesc ai 3 de mà dales 9.00, tla Ćiasa J.B. Runcher a Badia. Indöt s'incùnton 10 iadi, dui iadi al'edema. Por informaziuns telefonè a Renate Irsara al nr. 333/2701496.

Sozio- sanitar Mustrëde vosc piesc La Lia Sanynton mët a jì n domesdì ulache n possa se lascé fé massajes ai piesc, cun Camilla Patuzzi, n vënerdi ai 29 de auril, te Sëlva, tla sënta dla Lia Sanynton, str. La Sëlva 101. La massaja durerà 45 menuc. Per se scrì su y per plu nfurmazions pudëis cherdé su l numer 0471/795467.

www.lauscdiladins.com

49


Informazions y Congratulazions

nr. 15 / 15 de auril 2011

♦ Mostra de Peter Demetz

A nosc nene, chël

Hermann de Survisc

N mierculdi ai 20 de auril saràl dala sies da sëira a Tluses tl “Stadtmuseum“ la giaurida dla mostra de Peter Demetz. L titul dla mostra ie “Presence“. Paroles de ntroduzion de Daiela Serafini Peter Demetz mët ora 13 opres de ert che ie liedes danter ëiles tres la prejënza de chël che mancia, la prejënza dl’assënza. Perchël tira la cumposizions y l culëur dl’opres de ert dl’artista suvënz l uedl sun la figures che ie for scialdi realistiches, ma che lascia nce semië na dimenscion de lerch y de tëmp. Persones uniches te na perspetiva particulera, coche te n auter mond, na luegia zënza tëmp. La mostra sarà da udëi nchin ai 28 de mei, da merdi nchin a sada, 9.30 – 12.00 y 15.30 – 18.00. De dumënia y lunesc iel dsarà.

L desert te mé.

Cantus iuvenis é “super”

che à cumplì ai 14 de aurì i 60 agn, düt l’bun urun te auguré y inće tröpes ligrëzes y sanité! De cör giulan de düt ći che te fejes pur nos y spo sambëgn gnaràra da alzè i goti y ćiantè “Bun pro”. Da tüa familia

La Marlene de merz y la Katja d’aurì trames dös i agn à cumplì. Cun 18 agn vëgnel dit, ch’an po fà ći che an ô, mo che ne cambiëise nia massa, sperun impò! Pur vos mët śëgn man l’bel mo arcurdes che l’tëmp passa pa snel. Purchël gudess’la chësc se dijun y dër tröpes aodanzes se fajun, che ciafëis tla vita tröpes sodisfaziuns de cör se auguruns. Les families

L’Austria chir i mius cors. Le cor di studënć y academics jogn “Cantus iuvenis” sot la direziun de André Comploi dla Val Badia ne s’à nia lascè sciampè chësta ocajiun y à fat le miù dinfora L’ORF â invié ite en colaboraziun cun la Lia di cors i grups corai amaturs por se moseré dan a na juria competënta. I davagnadus podarà dè ćerćia de so so savëi en ocajiun dla daurida dles “Wiener Festwochen” ai 13 de mà. Motivà y plëgns de ligrëza se confortan da ćiantè dan a na juria é le Cantus iunevis jü ai 2 d’aurì a Mattersburg tl Burgenland, olache al foss gnü metü da jì le concurs por la Regiun Ost. Ilò é döt jü dër debota, defata do che le Cor â metü man da se ćiantè ite gnôl bele comanè da jì sön paiun i l o m i n è , i n će l e s telecameres ê arjignades,

les tonalitês ê dades dant y la “Ode an die Freude” de Beethoven se deslariâ bele fora te salf. Cantus iuvenis é stè bun da i plajëi ala juria, nia ma tres na interpretaziun morjela di dui toć de dovëi (le secundo toch é stè “Heilig” de Franz Schubert), mo al i garatâ inće al Cor dantadöt da entusiasmè: “Les flus da Munt” de Felix Dapoz, l’Ave Maria de Vytautas Miškinis y “La Villanella” (la ćiantia popolara taliana conesciüda aranjada por cor da Herbert Paulmichl). La ćerna dl repertore â tignì cunt dla tradiziun che le Cor coltivëia tl ćiantè te deplü lingac y dantadöt ti trëi lingac de tradiziun de Südtirol. La juria à sotrissé la prezijiun y la richëza dl menü dla esibiziun. Insciö

n’ê le Mr. “Wunderbar” d l’Au s t r i a , H a r a l d Serafin, nia bun da se tignì ite do l’ultim tach y lasciâ aldì spontaneamënter n “bravo”. Inće les döes ćiantarines liriches dla juria Daniela Fally y Ildikó Raimondi dla “Wiener Staatsoper” desco inće le diretur dla Volksoper Robert Meyer mostrâ so entusiasm. Ala fin é la bona prestaziun inće gnüda sotrissada da Erwin Ortner, le maester de cors par excellence tl’Austria, y ala fin dl dé sidlada cun n “resultat ezelënt” söl diplom. Cantus iuvenis pò a chësta moda s’aratè pro i cors davagnadus y podarà ester ala pert ala daurida dles “Wiener Festwochen”.

Inier ai 14.04 dan da 18 agn éra nasciüda, na picia mëda da düć conesciüda.

Katja, tosc jaraste a laurè te n ospedal, mo fina dailò sarast’ ćiamò jö Vanc fatal. Cun le crësce ne te este nia der gnüda, mo porchël este impò de döt sigüda.                 Canche ala patent ti ćiararun,                            podarun düć jì a trà sö l’ultimo balun, deach’ spo sarast tö sön strada y pur nos saràra bunamënter ruvada. Che te restes inant na buna cumpagna sperunse y porchël tl proscimo bar a fà festa jarunse. Döt l’bun te aoda düć tü cari tesurs Tobi, Isy, Tina, Ily, Ivi, Nathalie, Steffy, Marli, Fofi, Julian, Matti, Georg

A chël mëinder dl Merisana Pur i to prüms -nta düt l’bun capazi de te sun resta inant tres dala buna lüna sciöche te ćiarâs fora dala cüna. Valentina, Mama, Tati, Samantha cun Martin

A nosc Nando per l cumplì di 70 ani ti mbincions dut l bon, sanità y mo truepa legrëzes.

De gra de dut chël che te fejes per nëus. Le cor “Cantus iuvenis” cun so maester André Comploi.

50

www.lauscdiladins.com

Babi, Bea y Bernhard, Franz y Paula, Simon y Karin y ti nepoc Maria, Laura, Michela, Florian, Nicole, Alessia y Mattia.


Religion , Anunzies y Inserac

nr. 15 / 15 de auril 2011

Vangel dla Domenia

Recordanza

Domënia dl Orì, Ann A, ai 17 d’aurì 2011

Lino Trottner

Dal vagnele do San Matî, 21, 1-11

13.04.2010 - 13.04.2011

Canche Gejù ê rovè cun sü acompagnadus nia dalunc da Ierùsalem a Bètfaghe söla Munt dl Orì, àl ortié dui discepui danfora y ti à dit: “Jide tl paîsc che é dan os; dailò ciafarëise na müscia tacada y n polorin laprò. Destachédela, y condejédemla! Y sce zacai ess da ves dì val’, spo respognede: le Signur l’adora, al la lascia defata condüje derevers.” Chësc é sozedü por ch’al s’adempliss ći che é gnü dit tres le profet: dijedi ala fia de Sionn: ćiara, to re vëgn da tè. Al ô la pêsc, y al raita sön na müscia y n polorin, söl polorin de n tier da port. I discepui é jüs y à fat ći che le Signur ti â dè sö. Ai à condüt la müscia y le polorin, à metü sü guanć sön chisc y spo s’àl sentè lassura. Tröpa jënt destenô sü guanć ia por strada, d’atri taiâ jö rames dai lëgns y les sternô ia por tru. La jënt, che jô danfora y che ti gnô do, scraiâ: “Osanna al Fi de Davìde! Benedì sides ël, che vëgn tl inom dl Signur. Osanna tl plü alt dl cil!” Canch’al ê jü ite te Ierùsalem, s’à döta la cité emozioné y an damanâ: “Chê é pa chësc?” La jënt dijô: “Chësc é le profet, Gejù da Nàzaret tla Galilea.” Parora dl Signur. – Lalt a té, Gejù Crist!

Jà n an l’é passà da canche tu ne as lascià e n gran vet te ciasa l’é restà… Ogne moment noi te pisson e te nosc cher semper te porton. Da chela ponta più auta deidene e vardene jù descheche t’as semper fat cajù… Con amor Rina, Marco e Elisabetta con Giancarlo, Luca e Lucrezia

Rengraziamënt Te es lascià n gran uet te nëus duc che te an tan gën

Recordanza

Moena, ai 2 de oril del 2011

Artemio Pioli * 3.7.1938 + 1.4.2011

Maria Giovanna Iellici e so familia recorda la nona Lisetta e l non

Śën che te ies tl Rëni de Die iluminea nosta streda y acumpanieienes sun l troi de nosta vita

Iellici Elisabetta ved. Vadagnini

Ulon ti sentì gra de cuer a duc i parënc, cumpanies y cunescënc, che nes ie stac daujin te chësc mumënt de gran duel, per si paroles de cunfort y per si urazions.

*20.03.1923 +02.04.2011

Nce sce l ne n’ie nia plu danter nëus sons segures che l resterà for te nosc cuer y te nosc pensieres.

Vadagnini Michele *06.02.1925 +11.04.1992

Chëi de familia.

Manconia Se me chieride, chierime te vesc cheres. Se me troède aló, saré semper con voetres La vita l’é demò n curt moment

Emilia Rasom da Ciampedel 05.08.1930 – 11.04.2011 la é te la pèsc, apede al Segnoredio, ma l’empegn cristian e lamor che la ne à dat i troaron ogni dì te nosc cher e e te l’ènema e i restarà per semper I fies Aldo, Fernanda e Leonardo con sia families la recorda con encresciujum

Hotel Serena a Badia chir por la sajun da d’isté n/na barista cun esperiënza, che sais inće da laurè te salf y che sais talian y todësch. Prëibel telefonè al 0471/839664.

La Ćiasota Cooperativa Soziala a La Val chir n/na chelner/a por salf; al foss n post por döt l‘ann. Prëibel cherdè sö le 0471/843320.

Provinzia Autonoma de Bulsan L’aministrazion dla Provinzia à scrit ora n cuncors per chësc profil profesciunel: 1 tecnich/ca informatich/ca analista per la repartizion 9 – informatica. La stiera ie davierta per la grupes de rujeneda ladina, tudëscia y taliana. Damandà vëniel l atestat de bilinguism A. L se trata de na stiera a tëmp plën. La dumandes muessa unì dates ju nchin la 12.00 di 03.05.2011 Per nfurmazions plu avisa iel mesun cuntaté la Repartizion dl Personal, Ufize per tò su personal, a Bulsan tla streda Renon 13, telefonn 0471/412147 o 0471/412244 . La bandides de cuncors y i formulares per fé dumanda ie tl internet sot ala plata web dla Repartizion Personal: http://www.provinz.bz.it/personal/themen/ aufnahme-wettbewerbe-wettbewerbe.asp

Partezipazion I aministradores e i dependenc del Comun general de Fascia i ge é apede a Leonardo Bernard e a sia familia te chest moment de gran manconia per la departida de sia mère

Emilia Partezipazion L diretif de l’Union Autonomista Ladina ensema a sie conseier Luigi Chiocchetti tol pèrt a la manconia de Leonardo Bernard e de sia familia per la departida de sia mère

Emilia Rasom Poza ai 13 de oril 2011

www.lauscdiladins.com

51


Inserac

nr. 15 / 15 de auril 2011

Da vende

Hotel Savoy ***S a La Ila chir na ćiamenëssa, orar de laûr 7.00–16.00 Prëibel telefonè al 0471/847088.

Hotel La Tambra a Corvara chir por la sajun da d’isté 1 massöra-estetista 1 barista 1 chelner/a por salf. Prëibel cherdè sö le 0471/836281 info@latambra.com

La firma Demac te Sëlva chier n tecnicher per l ufize tecnich cun cunescënzes de AutoCAD n electricher/ electrotecnicher. Prëibel cherdé su l 0471/794355 o mandé n email a d.mirco@demac.eu

La Pension Vittoria a Calfosch chîr por la sajun da d’isté na ćiamenëssa. Prëibel telefonè al 0471/836143. Restaurant Mathiaskeller a Calfosch chir por la sajun da d’isté 1 cogo. Prëibel telefonè al 0471/836754.

Hotel Bel Sit *** a Corvara chir por la sajun da d’isté (dai pröms de jügn inant) n secundo cogo cun esperiënza y creativité. Prëibel cherdè sö le 333/5312571 o menè n curriculum a info@belsit.it

Pension Villa Tony a Corvara chir por la sajun da d’isté 1 chelner/a cun esperiënza por bar 1 chelner/a cun esperiënza por salf 1 aiüt te ćiasadafüch (inće lerner). Prëibel telefoné al 0471/836193.

Hotel Luxor & Cairo **** Lido di Jesolo chier per la sajon da d’instà n chef de cësadafuech n chef capo partita n aiut da conditer chelneri/es per la sala n/na receptionist/a n’estetista/massajadëura cun diplom de 3 ani. Mandé curriculum a info@luxorcairohotel.it Telefonn 335/5446372.

Ütia Boconara a Corvara chir pur la sajun da d’isté na jona dl post sciöche chelnera. Prëibel telefonè al 338/8725621 o life@boconara.com

Hotel Gran Risa a La Ila chir por la sajun da d’isté y inće por l’invern 1 pröm cogo. Prëibel telefonè al 0471/847012.

Da dè ia Al vëgn scinché ia na cassa dal saurun por mituns. Tel. 339/1616695. (13/11) ••• Da scinche via n stalot adatà per 1-2 cunici. Nfurmazions al 333/7166471.

Ëis’a n hotel o na cësa da fité? Sce ëis da fité via na cësa, n hotel, n garnì o na pension sot a vosta gestion o cun nosta gestion, o nce tres na cunlaurazion, ie la firma Collett’s Mountain Holidays nteresseda. Son na firma dla Nghiltiera che pieta viages y lauron de inviern y de instà. Paion n fit scialdi bon y on na bona tlientela. Plu nfurmazions sot a www.colletts.co.uk o pra l numer de telefonn 0044/1799/513331 – email lisa@colletts.co.uk

52

www.lauscdiladins.com

Restaurant Pizzeria Terzer a Kurtatsch chir da atira ćina ala fin de setëmber n/na chelner/a. Prëibel telefonè al 0471/880219. fax 0471/880621

La dita Termo Badia chir da atira 1 laurant 1 aiutant 1 lerner. Telefonè prëibel al 0471/847670 o al 335/8385001.

L’apoteca da Corvara chir por döt l’ ann na magaziniera/ boteghiera cun bona conescënza de talian y todësch. Prëibel telefonè al 0471/836173. herbab@tin.it

ALTROVE bar food lounge a Calfosch chir por la sajun da d’isté n secundo cogo jonn, dinamich y creatif, n/na barista. Tel: 0471/836071 o menè le curriculum a peter@altabadia.it

Te Sëlva vëniel vendù n pra da mont de 1,5 hectar zënza medel. Prëibel cherdé su l numer 340/9675906.

L vën vendù n cuatier de 90 m2 a Pruca. Prëibel cherdé su l 328/5852597.

Al vëgn afité ia n pice monolocal te de bunes condiziuns tl’alta Val Badia. Prëibel cherdè sö le 339/8801406. Hotel Arlara a Corvara chir por la sajun da d’isté n/na chelner/a. Prëibel cherdè sö le 339/3913671. Por nosta Botëga dal Ciajò a Corvara chiriunse n/na boteghier/a motivè/ada. Por informaziuns plü menüdes prëibel cherdè sö le 0471/849286 o le 335/1314362.

Da vëne a n bun prisc na mascînn da sié, 2 metri leria, cun rodes de fer y 3 pers de cortì. Tel. 335/6845996. (13/11) ••• Da vënder na roda da mont da d’ël, mesura mesana, pëis 8,4 chili, tenida bën. Tel. 0471/794371. (13/11) ••• Al vëgn venü aparać musicai por bands, Dj’s o por chi che à da fà cun musiga, n mixer Yamaha MG 166 CX da 16 canai por 300,00 €, n powermixer Yamaha EMX 5016CF 2x 500Watt da 16 canai por 600,00 €, dui box passif Yamaha AX15 400 Watt RMS, 800 Watt Peak por 350,00 €, döt cant é te dër de bunes condiziuns. Tel. 338/1432339 e-mail: michael_clara89@yahoo.it (13/11) ••• Da vënder a n bon priesc na mascin da m e s ce d é s u l a l a m b o s c i a , (Güllerührwerk) adurveda, n njin da sferdé l lat (Milchkühlanlage – Wärmerückgewinnung) da 200 lt, a 1.600,00 euro y n suflon per aeré l fën (Heubelüftung). Tel. 335/223946. (13/11) ••• Da vëne a n bun prisc platines da tët “Coppo di Francia”, sciöche nöies. Tel. 339/5613701. (13/11) ••• L vën dat ca a n bon priesc na mascin che ciucia ite i tanfs canche n dà ju forbes o laches “AL-KO Farbnebel Absauggerät.“ Tel. 0471/798527 o 333/3085846. (13/11) ••• Al vëgn venü n agregat da fà strom diesel da mëte da jì electrich cun 8 kw /380V e 220V te de bunes condiziuns. Tel. 335/6299235. (13/11)

••• Da vëne n Polo dl 2006, 45.000 km cun 4 montli da d’invern te de bunes condiziuns. Tel. 338/3853063. (13/11) ••• Al vëgn venü n motor Trial Gas Gas TXT 300, dl 2004, te de bunes condiziuns a n prisc interessant. Tel. 333/6487523. (13/11) ••• Da vëne n Toyota Landcruiser Sol, 3 portes, 122 KW, 05/2005, 130.000 km, curan, grisc metallic, extras y 8 montli da d’invern. Tel. 347/8352190. (14/11) ••• Da vëne n VW Polo 1.4 penzinn, ann 2005, grisc metalisé, km 73.000, 5 portes, un n proprietar, tignì dër bun, zënza inzidënć, revisionè 03.2011, montli cun cërtli de aluminium da d’invern y da d’insté nüs, € 5.400,00. Tel. 339/1616695. (14/11) ••• L vën vendù mubilia y de autra cosses per 550,00 euro, ala fin de agost. Per plu nfurmazions tel. 333/2946535. (dala 19.00 inant) (14/11) ••• L vën vendù n Subaru Forester 4x4, te de bona condizions, dl 1999, cun 222.000 km, penzin, 92kw 125 cv, cilindrata 1994, cun tët da giaurì y montli da d’inviern a 2.800,00 euro. Tel. 335/5631071 o dootessuti@rolmail.net (14/11) ••• L vën vendù n bel gran canape da tré ora y da pudëi durmì lessù per doi persones, 2,20 cm mo tan che nuef, i l vën nce dat ca doi madroc mantenii bëndebò bën. Tel. 339/8076400. (14/11)

••• Al vëgn venü n BMW X3 fosch, 2.000 diesel, dl 2006, 81.000 km te de boniscimes condiziuns a 19.500,00 euro. Tel. 333/2447912. (14/11) ••• L vën vendù n Ford Fiesta 1200 fosch, 5 portes, tlima, 76.000 km dl 2003. Tel. 334/3874266. (15/11) ••• Da vëne a bun prisc de pici y de gragn cunici de raza olandeja, corù fosch y blanch. Tel. 0471/847084. (15/11) ••• Al vëgn venü na mascînn cun 5 combinaziuns, zircolar, planè cun plana de 30 cm, lascè tres, fresè, forè, cun düć i stromënć laprò. Tel. 338/5239336. (15/11) ••• L vën vendù n Toyota Yaris, culëur arjënt, dl 2007 mantenì scialdi bën, cun 4 montli da d’inviern, 34.000 km. Tel. 335/6041119. (15/11) ••• Al vëgn venü n elm (casco) da jì cun le scooter, corù cöce, sciöche nü. Tel. 333/9293877. (15/11) ••• Al vëgn venü fligri telecomanà, de vigni sort y material por aeromodelism y le telecomane, döt de secunda man y a n bun prisc. Tel. 333/9293877. (15/11) ••• A Urtijëi iel da vënder n VW Polo dl 1996, cun 130.000 km, cun tët da giaurì, montli da d’inviern y da d’instà, tenì mo scialdi bën, nia da revin y che ie for unì tenì te garage. Proscimo colaude da fé de juni dl 2012. Tel. 338/3978702. (15/11)

Da chirì L vën cris n cuatier per doi persones a Urtijëi o a Runcadic, da mei/juni inant. Tel. 339/5774054. (13/11) ••• A Urtijëi vëniel cris n cuatier per 5 nchin a 8 persones da tò afit per dut l ann. Tel. 333/4221123. (13/11) ••• Al vëgn chirì da cumprè lëgna lungia 4 - 5 cubich. Tel. 0471/843250 o 333/3939654. (13/11) ••• N pèr da tlo chier n cuatier te Gherdëina per dut l ann. Tel. 347/2535315 o 334/2421086. (13/11) •••

L vën crì te Gherdëina, danter Urtijëi y Sëlva n grunt de 1.200 nchin a 1.500 metri, dlongia streda da cumpré o da fité. Tel. 348/7033010 (Willy) o 339/7004892 (Emma). (14/11) ••• L vën cris n cuatier per 3 mutans (che à bele cumplì 18 ani), che va a scola a Urtijëi, da sën inant nchin de juni. Tel. 339/8046761. (dala 17.00 inant) (14/11) ••• Al vëgn chirì n cuatier por döt l’ann a Badia - La Ila - San Ćiascian por döes porsones. Tel. 338/6478028 o 348/4287159. (14/11) •••

Tla Val Badia vëgnel chirì prà da sié. Prëibel telefonè al numer 339 8801410. ••• L vën cris n cuatier te Gherdëina per dut l ann per 3 persones. Tel. 320/2248691. (15/11) ••• L vën cris n cuatier a Urtijëi per 2 o 3 persones per dut l ann. Tel. 334/7369244. (15/11) ••• L vën crì na pitla roda da jì per n pitl de 3 ani y mez y n “Tragesitz“ dla marca Baby Björn per pitli. Tel. 339/8533723. (15/11) •••

Chirrì da laour Na ëra chir laûr tla Val Badia da fà ćiamenes y romenè sö. Tel. 389/1047223. ••• N’ëila cun esperienza chier da lëur a rumé su majons a Urtijëi da sën inant. Tel. 328/5332132. (13/11) ••• Na jëuna chier da lëur te Gherdëina a rumé su majons per la sajon da d’instà. Tel. 327/7374306. (13/11) ••• N ël da tlo chier da lëur sciche aiut-cuech o scenó a fé d’uni sort de lëures, cun esperienza. Tel. 338/6183991 (13/11) ••• N’ëila dla Talia chier da lëur a judé te na cësadafuech, da barista, o te na butëiga te Gherdëina, cun puscibltà de pudëi sté. Tel. 328/0968618 o 349/6394003. (13/11) ••• N’ëila chier da lëur te n hotel. Ëila à bele laurà te cësadafuech, da chelnera y nce te ufize. Tel. 366/1575326. (13/11) ••• N ël chier da lëur te Gherdëina te cësadafuech. L à plu de 10 ani de esperienza. Tel. 327/7350830. (14/11) ••• N’ëila chier da lëur a rumé su majons te Gherdëina. Tel. 320/9370274. (14/11) ••• N ël chier da lëur ora de sajon coche segondo cuech, pizzaiolo o nce da

muradëur te Gherdëina. Tel. 327/8273023. (14/11) ••• Na ëra dl post chir n laûr da atira por la sajun da d’isté a ćiarè sura de de pici mituns tla Val Badia. Tel. 349/4086706. ••• N ël chier da lëur coche cuech o pizzaiolo. Tel. 327/3240545 o 333/8543074. (14/11) ••• N jëunn de Gherdëina cun diplom de eletronica chier n lëur dai 15 de auril inant. Tel. 0471/796385 o 320/882653. (14/11) ••• N’ëila dla Romania cun esperienza chier da lëur a cialé de na persona de tëmp da sën inant per dut l di, te Gherdëina, cun puscibltà de pudëi abité. Tel. 366/7016707 o 329/1380496. (14/11) ••• N’ëila cun esperienza chier da lëur a lavé ju te na cësadafuech te n hotel o nce te na utia da mont, cun puscibltà de pudëi abité. Tel. 338/8371544 o 00385/995/183422. (Iris) (14/11) ••• N’ëila dla Talia che ntënd nce n puech de tudësch chier da lëur a cialé de na persona de tëmp da sën inant a tëmp plën, cun puscibltà de pudëi abité. Tel. 339/8415644. (14/11) •••

N’ëila chier da lëur a rumé su majons per la sajon da d’instà. Tel. 393/8093706. ••• N jëunn chier da lëur a fé de uni sort de stroc o a lavé ju te na cësadafuech. Tel. 389/1418755. (14/11) ••• N’ëila chier da lëur a rumé su o a lauré te n bar te Gherdëina cun puscibltà de pudëi sté. Tel. 347/4459611. (14/11) ••• N’ ëila da tlo chier da lëur per la sajon da d’instà te Gherdëina a rumé su majons o nce a judé ntëurite, a cialé de na vedla persona o fé i stroc y auter, o nce te na butëiga. Tel. 340/9105878. (15/11) ••• N’ëila chier da lëur a rumé su majons o te na lavandaria per la sajon da d’instà. Tel. 338/7732267. (15/11) ••• Na studënta de 20 agn dla Val Badia chir n laûr sciöche möta da mituns por la sajun da d’isté da sëra. Tel. 333/5752759. ••• N’ëila chier da lëur te Gherdëina a rumé su majons o a cialé de pitli mutons. Tel. 348/7298961. (15/11) ••• N ël de Gherdëina chier da lëur da sën inant. Chiche ëssa na stiera da pité ie prià bel de cherdé su l numer 333/6167687. (15/11)

Restorant Sass Dlacia a San Ćiascian chir por la sajun da d’isté 1 chelnera cun conescënza dl talian y todësch. Prëibel cherdè sö le 331/6894571.

Ristoro La Fontana a Corvara chir dai 10 de mà inant 1 chelnera poscibilmënter dl post. Prëibel cherdè sö le 0471/836000.

Hotel Miramonti a Pedraces/Badia chir por la sajun da d’isté na porsona por reception y ofize inće ma part time cun esperiënza, che dëida inće te bar. Tel. 0471/839661 info@miramontihotel.it

Hotel La Majun a La Ila chir n secundo cogo cun esperiënza dai śëgn inant por la sajun da d’isté. Prëibel telefonè al 0471/847030.

Camping Colfosco chir na secreteria dl post che sais inće l’ingleje. Prëibel telefonè al 0471/836515 o al 348/0425058.

Albergo San Leonardo a Badia chir por la sajun da d’isté 1 jona dl post sciöche chelnera de salf. Prëibel telefonè al 0471/839742.

La Usc di Ladins  

edition 1511

Read more
Read more
Similar to
Popular now
Just for you