Page 1

portadoura dla onoranza claus gatterer 2012

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,80 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 13/2013 - 29 de merz 2013

IP online sun

Badia

10

Roa y ćiases Tla sentada dl consëi de comun de Badia à l’ombolt informè sön la situaziun dla roa y splighé ći che al nen sarà dla cubatöra dles ćiases desdrütes.

La Val

Resurrectus: Bona Pasca! La Curëisma va a piz. N dumënia iel la gran festa de Pasca. Na festa de dlieja, de cumenanza y da familia, ma nce na ucajion de se fé n valgun pensieres n con’ di valores plu soc de nosc vester. Tenian dan i uedli che Pasca ie la festa dla speranza, dla lum

11

Trëi propostes A La Val él gnü presentè n stüde de fatibilité cun deplü propostes por la recualificaziun dl zënter. I ves dijun ćiünes.

13

Corvara

Do le mèdefüch Intervista cun la familia de Paolo, Rosa, Sabine y Luca Lucchini, che nes cunta co che ara i va trëi mëisc do le gran medefüch al Piz da Lech.

Al Plan

14

Fotovoltaich Val’ geniturs é preocupà por l’istalaziun dl implant fotovoltaich sön tët dla scora elementara d’Al Plan. I ùn damanè la minunga de n espert dla Provinzia.

Fascia

Tosc iel Pasca, cun la festa dla Ressurezion. Sun la foto iel da udëi la Ressurezion refigureda sun l Drap da Sacun cun de ndut 24 chedri dla storia dla pascion de Gejù nchin ala festa de Pasca de Mei. Artista anonim, ntëur al 1620/30. (Foto: Museum Gherdëina, Guido Senoner).

L vetrinarie Ferruccio Chenetti spiega coche te Fascia sie semper manco stales, ma più besties. L cruzie ampò l’é la malatìa de Johne.

Uneranza

21

Ciavalier Kostner Nobert Kostner da Pinëi, chef de cësadafuech dl Mandarin Oriental Hotel de Bangkok, à pudù pie do la uneranza de Ciavalier dl Ordn dla Stëila dla Talia.

Festes

22-23

Bedaies mundieles Michela Ponza y Carolina Kostner: doi atletes de Gherdëina che se à fat unëur tl sport de livel mundiel. Nstadì iel stat la festes cun duta la cumenanza a S. Cristina y Urtijëi.

L jajun de Lucia Gross

“Perché pa, i disc, canche aon jajunà, no te ne ès conscidrà?” [...] Tel dì de vosc jajun voetres fajede vesc fac, e pertenede che vegne fat duc vesc lurieres. Jajunède per beghèr, costionèr [...] L jajun che me fèsc content no l’é chest. Che se crepe la cedenes de la cativeria, che se deslee i leames del jouf, che se libre i sotmetui [...] che te spartesces l pan con chi che é famé, che te portes te tia majon i grames zenza cèsa, che canche te veides n nut te l coures, e che no te te scones a chi che é cèrn de tia cèrn. Enlouta tia lum ciutarà dal scur, e tia varijon jervarà sobito [...] Enlouta te chiamarès l Segnoredie e l te responarà. Se te desmenties l jouf, l fèr manacious e l rejonèr ingiust; se tia ènema secodesc i besegnes del famà e te pascentes l’ènemes en pena, tia lum se levarà tel scur e tia net sarà desche mesdì; l’Etern te vidarà per semper, pascentarà tia ènema ti lesc èrsc, ge darà forza a ti osc; e te sarès desche n vidor ben sprizenà, desche na fontèna olache no mencia mai l’èga. (da Isaia 58, 3-11)

Intres davert

19

Bachegn

Comentar de pruma

N con’ dl Drap da Sacun cëla nce l articul a plata 24.

La prozescion dl Vender Sant Vigni ann, en Vender Sant, végnel fat te Ampez na prozescion, per recordé la mort de nost Signour sun la crousc Ampez - La tradizion vuel che al vegnes fat, te Ampez, en Vender Sant, na prozescion; na prozescion, che peia via da la Basilica de San Iaco y che conduj i fedei fora per dut l paisc, en orazion, per recordé nost Signour, che é mort per nos y che nes à salvé con Sia Ressurezion. Tla prozescion dl Vender Sant porta i fedei deplù ogec, clamés “Segns” o “Misters” dla Pascion. Ala se trata de simboi, touc fora dal Vangele, simboi che vuel reprejenté y conté la Pascion de Gejù Crist. I simboi é 18. Danter chisc él i trenta scioldi, per chi che Giuda à tradì Gejù, l baje dl traditour, la lanterna, l gial, la man dla verda che ti à dé n sclaf a Gejù, la broca da l’ega olà che Pilato s’à

lavé les mans, la flagelazion, l guant de purpur, l slaier de Veronica, les tomedes de Gejù sot la crousc, i ciodi, la stiega che Giuseppe d’Arimatea à adoré per tò ju l Signour da la crousc, la tenaia y l martel y i brac dla oma. Vigni “Mister” vegn acompagné da la letura de na pitla pert dl Vangele, da orazions y da cianties. Tla prozescion végnel ence porté fora la reliquia dla Santa Crousc, custodida te n bel pitl scrin baroch de arjent, che va zeruch al XVIII secul. (kp) Retrat dla reliquia dla Santa Crousc, custodida tla Basilica de San Iaco te Ampez. (foto de Stefano Zardini)

Le regolamënt dl comerz de Südtirol n’à nia tignì. Al preodô danter l’ater limitaziuns sön i orars de daurida dles botëghes, mo le govern Monti n’ê nia a öna, y é jü dan la Curt Costituzionala. Chësta i à dè rajun y Südtirol mëss trà zoruch so regolamënt. Na conseguënza: les botëghes po tignì davert can y tan de domënies che ares ô. Al é n vare che à al zënter le fatur economich, che i va adincuntra ales gran morones comerziales che à dagnora fat presciun de chësc vers, y al é n vare cuntra la familia, che messarà indô n iade s’adatè a bëgn dla buna economia. Tignì davert la domënia o nia despartësc les minunghes. Valch i dij sorvisc, d’atri consum. Mëssel ester? Tan dalunc pê chi tëmps che les botëghes stlujô la sabeda da misdé. Y ara jê inće. Sciöche ara jê zënza fonin, zënza internet, o zënza facebook y n gröm d’atres cosses - ćina che an ne les à nia albüdes. I à l’impresciun che an promöi sciöche sorvisc, comodité, vantaje y cualité, ći che é en realté na dependënza. Y canche i baiun dles domënies cun döt davert, ne nen vara dî nia ma plü dl fatur religius. Ara nen va inće da podëi almanco n dé al’edema destachè y avëi na pêsc dal morin dl comerz. L’economia n’é nia döt. (pablo)


Letres y Atualité

nr. 13 / 29 de merz 2013

Dala zentrales di partic politics

Aiut Alpin Dolomites

Plata de Gherdëina: Nsci no! Da puech iel unì publicà la prima edizion dla “Plata de Gherdëina”, na plata da stramp cëra, uluda de forza mé da un n partit politich y a chëla che mé doi Chemuns à dit de sci Cun chësc comunicat, metù adum y sotscrit da duc i cunselieres de Chemun dla forzes politiches dla Listes di Zitadins de Urtijëi, Santa Cristina y de S ëlv a , dla Lista “Die Freiheiltlichen” y dla Lista Ladins Dolomites, ulessan nëus duc deberieda ti fé a l savëi a duc i zitadins de Gherdëina nosta mutivazions che nes à purtà a ne vester nia a una cun chësc proiet. Danora ulons sotrissé che nosta posizion ne n’ie nia nasciuda da n “ciampanilism vierc”, y che ne ulon nia vester contra la bona cunlaurazion danter Chemuns a livel de valeda, che raton duc scialdi mpurtanta a livel sozio-economich, culturel, de scunanza de nosta rujeneda y de prejentazion y reprejentazion dl’identità de nosta valeda nce a livel turistich.

Na Plata de Gherdëina zënza frazions ladines y Sëlva

de Urtijëi, Santa Cristina y de Sëlva, la Lista “Die Freiheiltlichen” y la Lista Ladins Dolomites. Chësta plata ne à nia la carateristiches y i presuposć per pudëi se numiné cun rejon “Plata de Gherdëina”, davia che la ne reprejënta a livel istituzionel nia duta Gherdëina y la varietà de si forzes y muvimënc politics reprejentei dai organns litei dai zitadins.

Na plata plu cëra L se trata donca de n medium de nfurmazion nuef paià cun scioldi publics, che ti vën a custé deplù ai zitadins che no a mantenì la plates despartides, nce ajache la vën śën ora uni mëns. Ie pa chësc propi debujën? Nëus raton de no.

Ti tò l’ega ala stampa ladina

La frazions ladines de Ciastel ne fej nia pea pra chësc proiet y al moto ne n’ieles nianca no unides damandes dal scumenciamënt incà. La maiuranza dl Cunsëi de Chemun de Sëlva ne à nia dat pro chësc proiet.

Chëst instà ons audì l’ufendudes dl assessëur Mussner a “La Usc di Ladins”, on udù che i finanziamënc ti ie unì scurtei y che per Gana dëssi defin mancë. Dut chësc nes dà da ntënder che n uel cun chësc medium arjonjer n’autra finalità, povester nianca no tan sucrëta: chëla de ti fé na cuncurënza nia rëidla ala plata storica de mendranza di ladins, “La Usc di Ladins”, dajan ora na zaita che ruva debant te uni cësa.

N proiet sustenì mé da una na frazion politica

L valor dla nfurmazion jurnalistica ndependënta

L proiet coche l ie unit a s’l dé ie unì sustenì y drucà tres mé da una na frazion politica, nia deberieda ma contra la ulentà de duta l’autra forzes politiches reprejentedes ti Chemuns de Gherdëina: la Listes di Zitadins

Son dla minonga che la nfurmazion jurnalistica ndependënta sibe n valor che muessa unì respetà y scunà da duta la istituzions y perchël ne dàussen nia ti jì de contra tres na nfurmazion sustenida mé cun mesuns publics,

che uel vester mé plu istituzionela coche portausc ufiziela dl guviern di aministradëures, che porta nscila man man a ti tò la drëta lerch ala minonghes nce critiches de duc i zitadins. Do nosc ntёnder dassёssa na Plata de Gherdёina vester l frut de na gran cunlaurazion madura y de capazità de cumpromis da pert de duta la fazions politiches, a na moda de reprejenté l nteres dla gran pert dla populazion dla valeda. Per la Lista Urtijëi Martina Goller Alberto Costanzi Gerlinde Goller Raimond Siegfried Irsara Claudia Annemarie Urthaler Claudia Schrott Per la lista Freiheitlichen Urtijëi Martin Kofler Per la Lista S. Cristina Luis Stuffer Livio Senoner Birgit Klammer Per la lista Zitadins Sëlva Christoph Vinatzer Marta Senoner Mussner Thomas Mussner Oswald Kerschbaumer Per la lista Ladins Dolomites Sëlva Lukas Plancker Claudia Bertuolo Prinoth Daria Luisa Milva Mussner Hubert Comploi

Pervia dl bur’ tëmp de chisc dis y dla puecia jënt che ie unida a fé feries te nosc raion fòvel nce nia n gran not per la scuadra de sucors dl Aiut Alpin. Da auzé ora iel n ntervënt sot ala stazion dl mplant portamont de Calfosch. N ël dl post de 68 ani fova tumà burt cun i schi se fajan n gran tai tl cë. Cun dut l sanch che l perdova semiòvel na cossa plutosc grieva, ma prësc à l dutor dl Aiut Alpin capì che per fertuna ne fòvel nia nscila sciche l semiova. Mpo àn tëut la dezijion de mené l ël tl spedel pervia che l pudova nce avëi na scasseda tl cë. N auter ntervënt iel stat sun l purtoi Sotsaslonch ulache na ëila de 39 ani se ova rot burt na giama y ova n gran mel. Cun na spriza contra l melt ti à l dutor dat la prima cures y do chël la àn juleda tl spedel de Persenon. L ie pona stat plu ntervënc per persones cun

de Armin Moroder problemes saniteres. Nia mé per jënt de tëmp ma nce per jëuni y nscila danter l auter per na jëuna de 17 ani che fova unida stleta te na furnadoia y ova de bujën de aiut. Chësc fova plu avisa te na furnadoia a Calfosch. Nia bën se n stajova nce n ël de 52 ani che furnova cun I schi sun l Goldknopf. Nce te chësc cajo iel stat de bujën de l julé te spedel per n cuntrol.

Valtoi y joler Na ntraunida curiëusa, da degun fundamënt, iel stat te Sëlva te Val: dan plu o manco n mëns fòvel jënt da tlo che fova unida de reviers dala Ciajota ora, do na jita cun la peves da Puez ite, che cuntova che i ova udù l joler che ti julova do al valtoi. Plu iedesc ti iesi fric permez nchin che l ie tumà ju danter i lëns fajan nce cun l joler n drë’ stuep de nëif conta i berbesc. Chindesc dis do, plu o manco, vëniel seniëures tudësc tlo da nëus y conta che i a udù l joler ti julan do al valtoi. I fova dassënn dessenei y à damandà sce n possa pa fé

chësc. É riesc tëut ca la rola y cialà da Val ite, udan l joler blanch julan sëura Puez. Ie me damande chiche fova chisc dal joler. Arài pa abù na autorisazion? Cie fajovi pa? Povester n film o povester mé da mat te na luegia tan sot a scunanza? Do mi savëi ie l valtoi da chësta sajon scialdi zite, ajache l ie tl lëur de fé la coa y sce l vën sprigulà a na tel maniera pona pòssel vester che l se n va demez a fé la coa, o che l ne la fej nia plu do na tel spriguleda. Mussner Roman de Curzelon, Sëlva

Per la Lista Freiheitlichen Sëlva Eleonora Senoner

Antëna de Badia: che comana pa. La jënt o i scioldi? Referimënt al articul sön l’antëna de Badia, publiché tla ediziun d’La Usc nr. 12/2013 Ći vêl pa ćiamò la orentè dla popolaziun? Ći vêl pa ćiamò la orentè dl Comun? Él ma plü la parora de porsones forestes y potëntes che cunta y comana sura de nos? Cara jënt de Badia, ponsédemo do! Al é na dita privata che damana la conzesciun de podëi mëte sö n’antëna te nosc paîsc, por podëi fà afars, cun la ”papa” da ofrì n bun sorvisc publich! Le Comun dij de no! La jënt dij de no! Chësta dita va a damanè la Provinzia, olache al ti vëgn dit de scê! Mo che é pa la Provinzia? Te chësc cajo él l’assessur Hans Berger. Öna na porsona che ti à dè la conzesciun ales imprejes de telefonia, à śëgn la responsabilité da avëi rosedè la dezijiun dopla negativa dl Comun y la orentè dla jënt. Cun süa aziun ti àl dè man sterscia a na gran dita privata. Le Comun, che â assigurè la jënt che al ne ti ess mai dè la conzesciun da frabiché, à śëgn de gran dificoltês da tignì inant süa posiziun frëma, ćiodì che al mëss se temëi da perde

2

www.lauscdiladins.com

fina 200.000,00€ te na gauja che le Comun à MA fat por defëne l’orentè dla popolaziun! Jënt de Badia, i ne podun nia lascè che d’atri pois comanè sura nos y nosta sanité, y dantadöt chëra de nüsc mituns, por profić y interesc privać! Sce l’antëna ciafa n post alternatif fora de paîsc, dalunc dales ćiases, amesa le bosch, no minede che al müdes val’. Les radiaziuns mëss pa dagnora rové ai zelulars, y chi él pa les porsones che adora, sigü nia i rehli! Al n’esist nia ćiamò proes scientifiches che dij tan mal che les radiaziuns fej y ći danns che ares provochëia sön i organisms. Mo propi porchël n’él nia le cajo da jì ite te n prigo, olach’i ne conesciun nia ćiamò les conseguënzes! Al ne paia nia la mëia! (Sön l’utilité o manco de na te’ antëna, fajede referimënt ala lëtra sön l’antëna t’La Usc nr. 46/2012) Sce i orun miorè nosta tecnologia, investiun tla fira otica!

Chël foss veramënter n sorvisc publich por la jënt! Al foss bel sce avisa chilò foss la Provinzia tan efiziënta da tó dezijiuns y fà jì inant les cosses! Por stlü jö, orésson inće perié che la SVP de Badia detlarëies süa posiziun sön chësta cuestiun. I nes augurun dassënn che ai sides en cuntraposiziun ales parores dl Assessur Florian Mussner, che defënn la dezijiun dl Assessur Hans Berger tl articul dla Usc nr. 45/2012. Dietrich y Marialuise Pescoller, San Linert de Badia

Priesc d’abonament anual: per la Talia: 64,00 euro. Foradecá: Raion 1 - Austria, Paejes Tudësc y Svizra: 64 euro per la zaita plu 86 euro per la posta, de ndut 150 euro. Raion 2 - Rest dl’Europa: 64 euro per la zaita plu 136 euro per la posta. De ndut 200 euro. Raion 3 Dedora dl’Europa: 64 euro per la zaita plu 236 euro per la posta, de ndut 300 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Raiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Zoom

nr. 13 / 29 de merz 2013

Gejù é presënt tl’Eucaristia Tla lëtra pastorala che le Vësco Ivo Muser à metü adöm por les festes da Pasca, vàl ite en particolar sön la ”presënza reala” de Gejù Crist tl’Eucaristia. Al inviëia inće, te chësc ann dla fede, da festejé la Pasca sciöche porsones cherdëntes Cari fedei te nosta Diozeja Balsan-Porsenù!

fedel mëss surantó, suradöt te chësc Ann”.

Dan da valgünes edemes m’é gnüda pormez na ëra de Vinschgau y m’à perié da ti splighé n valgönes noziuns zentrales de nosta fede: incarnaziun, trinité, mistêr, presënza reala y misericordia. Chësta domanda m’à fat gran plajëi. Ara desmostra che al é intres ćiamò porsones che se dà jö cun la fede, porsones che ô jì plü sot tla fede y che reconësc a chësta moda, ći forza che chësta fede po descedè ćiamò al dédaincö.

Ai 28 de forà à Papa Benedët dè jö so ministêre sciöche vësco da Roma y suzessur de San Pire - na dezijiun che alza fora ćiamò n iade la credibilité, le sentimënt de responsabilité, l’amur por la Dlijia y la umilté de chësc Papa. Cis tl tëmp de transiziun él particolarmënter important da oje döta nosta atenziun sön le Famëi plü gran dla Dlijia: Gejù Crist instës. Ël ”é le medemo inier, incö y tl’eternité” (Eb. 13,8).

Iniann festejunse tl ann dla fede le punt culminant dl ann dla Dlijia: i trëi dis pascai dla pasciun, mort y ressoreziun dl Signur. Papa Benedët XVI dij insciö te so documënt apostolich ”Porta Fidei”: ”I nes aodun che chësc Ann descëdes te vigni fedel le dejidêr da testemonié la fede deplëgn y cun na convinziun renovada, cun crëta y speranza. Al sarà na buna ocajiun por renforzè inće la zelebraziun dla fede tla liturgia, y en particolar tl’Eucaristia ... Tl medemo tëmp nes aodunse che la testemonianza de vita di fedei crësces tla credibilité. Descurì danü i contegnüs dla fede, che vëgn testemoniada, festejada, viüda y periada, y ponsè do al at dla fede, é n impëgn che vigni

Presënza reala

”chësc é mi corp, chësc é mi sanch”, messunse dì: ”chësc sunsi iö de porsona, te mia vita y mia mort por os”.

Le Vësco Ivo Muser. (Foto: bz-bx.net)

Te chësta lëtra pastorala da Pasca oressi porchël tó fora na espresciun zentrala de nosta fede, por che i podëise fà osta reflesciun lassura y l’aprofondì: la presënza reala. Insciö ôi sperè che al crësces te nos l’incherscimun do l’Eucaristia, y n gran respet dan le ”Mistêr dla Fede”, sciöche i le testemoniun te vigni festa dl’Eucaristia: ”I incundun tüa mort, Signur, y protlamun tüa ressoreziun, ćina che te vëgnes tla gloria”. ”Presënza reala” ô dì la ”dërta presënza de Gejù”, de so corp y de so sanch tl pan y tl vin dla zelebraziun eucaristica. Tl lingaz dla Bibia rapresentëia les parores

Dala Pasciun dl Vëndres Sanć ala Ressoreziun dla Pasca. Le Vësco nes inviëia da vire chësta festa da porsones cherdëntes.

”corp” o ”ćern” la porsona intiera. Sce Gejù festejass la cëna cun i apostui da incö, y dijess cun le lingaz da incö ći che al ô pronunzié dan les ofertes dl pan y dl vin, dijéssel bunamënter: ”Chësc sunsi iö. Chësc sunsi iö por os”. Canche i cristians ciafa porchël le pan y le vin dl’Eucaristia, devënti na pert de Gejù instës, de süa porsona, él pö Ël presënt por nos incö sciöche inlaôta. Canche i periun tla Santa Mëssa: ”Por la comuniun al corp y al sanch de Crist nes reunësces le Spirit Sant te n corp su”, minunse: làscesse tó pert tres la comuniun ala vita de Crist. Chësc corespogn por ater inće a nosta manira de dì: i ùn esperimentè valch ”sön nosta pel, sön nosc corp”, tan co che i l’ùn vit de porsona. ”Nosc corp” stà por ”nos instësc, nosta porsona”. Canche an dij che valch ”devënta pert de me instës” ne mìnon nia na trasformaziun corporalabiologica, mo che ”i l’à tut sö deplëgn te mia esistënza, te mia vita!”. Gejù baia spo inće dl ”caresc dl’alianza nöia te mi sanch”. La parora ”sanch” fej referimënt ala mort de Gejù. Sce i orun spo reportè ćiamò plü avisa la frasa

Ti sëgns dl pan y dl vin nes scinca Gejù la impormetüda che al é davëi presënt, śëgn y chilò, che al é presënt sciöche porsona. Ël é presënt sciöche porsona inće te süa Parora, protlamada y spligada tla zelebraziun liturgica; tla comunité di fedei, che s’abina te So inom y incër Ël ia, y tl prou che rapresentëia personalmënter Gejù, tres süa consacraziun y so sorvisc sacramental. Dötes chëstes modalitês fej presënta süa porsona tres l’opera dl Spirit Sant.

Le pan devënta vì L’essenzial dles cosses é por nos chël che ares é y significhëia por la porsona - vignun a süa manira personala. L’essenzial tl pan é insciö che al é spëisa terena por nos porsones. Da sciöche le pan vëgn indere adorè tl’Eucaristia, vëgn chësc ”essenzial” döt val’ d’ater: le Corp de Gejù sciöche spëisa por la vita eterna. ”Corp de Gejù” ne rapresentëia porchël nia na cossa, mo döta la porsona. Le pan é deventè por nos la porsona de Gejù. Dötes chëstes espresciuns romagn indere ma tentatifs plëgns de aspetativa por s’avijiné al ”Mistêr de nosta fede”. Al romagn dezisif ći che an mina cun la diziun ”presënza reala”: le pan devënta pan vì, pan de vita, scincunda de Dî: Gejù Crist instës. Tan che chësc pan ô nes formè, vëgn fora tler dales parores de Sant’Agostin, canche al dij: ”I desses ester ći che i odëis y i desses ciafè ći che i sëis: le corp de Crist”. La presënza reala d l ’e u c a r i s t i a m ë s s a v ë i conseguënzes, ëra ô nes trasformè tl corp de Crist. Chi che va veramënter tla scora dl’Eucaristia, mët man da partì: pan, tëmp, vita, esperiënzes, speranza, fede. L’Eucaristia vëgn davëi zelebrada

ma olache Süa presënza arjunj nosta vita y olache nos partiun chësta vita cun i atri. L’ultima fondamënta por splighé ći che an mina cun ”presënza reala” tl’Eucaristia po ester ma Gejù instës: deache ËL l’à dit, ËL l’à impormetü, ËL é le Signur ressorì y presënt inće incö. San Tomesc d’Aquin nes aconsiëia le dër comportamënt canche al reconësc: ”Nia i sentimënć, mo la fede proa chësta verité”. Na forma particolara de crëie ala presënza reala dl Signur y l’adoraziun eucaristica.

Che ËL nes trasformëies Festejun ma la Pasca, la solenité plü vedla, plü importanta y plü grana dla cristianité sciöche porsones cherdëntes. Festejun ma vigni Eucaristia sciöche le Sacramënt sura düć i Sacramënć, sciöche nosta Dlijia crëi y testemoniëia, y periun ma Süa ”presënza reala”, che nes müda y nes trasformëia. Descuriun ma indô danü y mantignun via la veneraziun dl Signur tl’Eucaristia. Le Signur metü söla crusc y ressorì, presënt danter nos te Süa eucaristia, sides le zënter che nes liëia, nosta forza, nosta speranza y nosta ligrëza! Cun la odlada ôta sön Ël, rengraziunse Papa Benedët por süa profesciun de fede tl Crist, che ël à fat da gran teologh y te so sorvisc apostolich. I le rengraziun inće por süa relaziun personala cun nosta tera y nosta diozeja. Deboriada cun le Papa nü Francësch orunse renovè y vire cun ligrëza y convinziun l’at de fede dl apostul Pire: ”Tö es Crist”. Le Signur instës benedësces la comunité de nosta Dlijia slariada fora sura döt le monn. Ël ves benedësces os y nosta Dlijia locala sön le tru devers la sinoda diozejana. Osc Vësco, Ivo Muser

Da si mans se gëura l linëus, …

La coa Dorm mé bon saurì, te vëijes’a bën: duman daduman vën zachei a te crì … Ma te muesses danz sté bel chiet, sc’no pudëssel se n mucé te n aiet. Cëla mé sot a uni siena, nce te verzon: cavia, es’a udù, cuca zeche, va mé a sparon: na coa bona ciauda cun n pitl punjin: l se muev, y povester abines nce n bel uef. L ie mo mpue’ speve, pio, pio …, bel plan pëiel pa bën l jol, ma sot ala plumes de si oma se n stàl tan bën. Dorm mé bon saurì, te vëijes’a bën: duman daduman, vën zachei a te crì …

Da si mans se gëura l linëus, … n linëus mei udù, n linëus che l à varì: l fova tumà sun fonz, y te si cuer fòvel scur, sciche te n fol, ma zachei ti ova dat la man y l fova levà su. L ciel se ova giaurì y Ël ti ova tucà i ciavëi: “leva su, leva su, ie son pra té!” L audiva mo for ch’la usc, te si dedite, y bel plan, di per di, var per var, fòvel levà su. Y dala chëutra de linëus nasc la vita, tl dessëni dla natura, ulache dut ie dat, dala sumënza ala flëura, da n fil al auter, dal flurì al desflurì.

Ulrica Perathoner L punjin.

Ulrica Perathoner

Dala Ressurezion de Tizian: l Angiul che cunedësc.

www.lauscdiladins.com

3


Zoom

nr. 13 / 29 de merz 2013

Bona Pasca, Renate! Na storia de vita, chëla de Renate Goller, che ie de cër’ velch nce na storia de ressurezion, de

Pasca. Na storia de gran patimënt y melsegurëza, ma tl medemo mumënt nce de curaje y de speranza.

L ie vint ani ca che Renate à messù y pudù fé l prim traplant, y propi n dumënia de Pasca iel 14 ani

ca che Renate à fat l segondo traplant, che ti à dat na vita normala, si terza vita.

Bona Pasca, Renate, y de gra per nes avëi cuntà ti storia! (David Lardschneider)

Vint ani do 05.04.1993 - 31.03.1999. Ie son Renate Goller. Povester me cunësc n valguni, ma trueps ne sà nia ce mpurtanza che à chësta doi dates te mi vita Persones - Dut à scumencià dan zirca 25 ani, canche ne me n stajove nia tan bën y do avëi fat truep ejams dl sanch y d’autra vijites, danter l auter a Bulsan y tl spedel universiter de Bologna, l Sant’Orsola, me à i dutores dit che n possa mé me salvé la vita fajan n traplant dl fuià. Son ruveda sun la lista dl „Eurotransplant“ y do 18 mënsc che é aspità sun n organn cumpatibl ie ruvà l di x. L fova ai 5 de auril dl 1993. Me lecorde avisa mo coche l nevova dedora canche son pieda via, da cësa demez cun l’ambulanza, da mesanuet, per ruvé ju de bon’ëura a Bologna. Dut messova jì debota. Son unida njenieda ca riesc per la gran uperazion che à durà dodesc ëura. Canche me é descedà, ne savovi nia ulache fove o cie che l fova suzedù. Te mé fóvel n gran busiamënt, ma i me à archità y nscila éi puech do realisà cie che l fova suzedù. Bele dal scumenciamënt inant iel stat de pitli y majeri problems. Mi corp cumbatova cun l organn nuef y danter dis spaventëusc y dis ulache la jiva mpue’ miec trajovi inant. Te spedel fovi for n cumpania de n mi parënt. Mi genitores y mi surans se baratova ju y passova dut l tëmp cun mé; y nce mi amor univa a me crì canche l pudova. Cun la forza che ëi me dajova ne me sentivi nia tan dalonc da cësa y nia tan da sëula, ajache la ne me jiva nët nia bona. Per i dutores fovi la „paziente modello“, coche i dijova, ajache ne me lamentove mei. Nce sce la ne me jiva nia tan bona n chël di, dijovi for che stajove bën y ove for n „sorriso“ per ëi. I valores dl sanch y dl fuià ne ulova nia miuré. L ie unì purvà d’uni sort de terapies y medejines nueves, ma i dutores ne savova ngali nia plu cie fé. Se metan n cuntat cun l'America àn pona udù che l ie zeche che ne suzed nia tan suvënz. Per mi corp fòvel n su y ju: canche zeche jiva bel plan miec unìvel docà inò n auter mel. Ne fove nia plu bona de maië y ove tëut ju dassënn. Ie rate che nce

4

www.lauscdiladins.com

i dutores se n stajova mel y fova dan n gran pont de dumanda. Do cater mënsc pona, propi mé per me fé na legrëza, me ài mandà a cësa, nce sce la ne butova dut ntëur nia. La ne à nia durà giut y do n’ena sons inò jita a Bologna, purvan inò ora n’autra terapia che jiva pona miec. La speranza ie l’ultima a murì y mi pazienza ài suvënz metù ala proa. Ma la forza de la fé ca, chëla ruva da nzaul, chëla giàpen. Pona, da n di al auter, jìvela medrë miec, bel plan, ma mpue’ miec. Uni pitl miuramënt fova n rai de surëdl. De ndut sons stata sies mënsc te spedel. Te chësc tëmp éi cunesciù truepa jënt te mi medema situazion, ma nce d’autri a chëi che la ti jiva mo piec che a mi. N possa dì che la ne me ie mei jita drë’ bona da pudëi viver inant giut nscila, ajache la situazion univa for piecia y piecia.

N segondo traplant – l mond me tumova ados! Ie messove jì ju suvënz a fé la vijites y canche n bel iede (ntant fòvel passà sies ani) me à n dutor dit che l ne resta pa nia auter che fé mo n iede l traplant, me ie tumà l mond ados. Ma cie me restova pa auter che azeté nce chësc? É messù tò chësta dezijion y fé l miec dainora. L ne fova nia saurì o povester mpo, ajache rate che ne me rendove nia cont de cie che aspitova sun mé. Mo nia!!

Chëst iede éi bele pudù jì a cësa do trëi enes. Duta la situazion postuperatoria ie jita miec. É azetà y tëut su scialdi bën l organn nuef. L fej pert de mé y de mi vita coche nce la sromes che dessënia mi corp. Bel plan sons inò ruveda pra forzes. Cialan de no strafé, possi dì che posse fé dut chël che me sënte de fé, posse maië y bever dut chël che me sà bon. Danter duta la terapies y la medejines che é messù tò ite te dut chësc tëmp, me iel unì l diabete, cun chël che n possa ncueicundì viver bëndebò bën, fajan na terapia aldò y tenian ite n ritm de vita reguler.

La terza vita Me ntënde riesc sce feje massa fadia o sce zeche ne me fej nia bon. Tan bën cunësci śën mi corp. Y de mi terza vita - zeche che nia duc ne à l mesun de avëi (festejeie bën trëi iedesc l cumplì di ani!) - muessi bën cialé drët bën. Me gode uni mumënt y uni piculëza à giapà n gran valor. Stress y rabia, vester dessenei o se lamenté de na bagatela: chësta cosses ne n’iel nia plu pra mé, chëstes ne à nia lerch te mi vita nueva, ajache la ie true’ massa curta y n muessa ti fé lerch ai biei mumënc, y dantaldut savëi da se i fé biei. Chësc ne n’ie segur de no n problem, ajache l ie mo tan truepa de bela cosses da fé,

Renate uel dì „renasciuda“ Riesc fovi la prima sula lista da aspité, ajache chëi che vën „retraplantei“ possa ti jì dant a duc; almanco una na bona cossa! Do nianca no mez n ann che fove sun la lista iel ruvà l di fertunà. L fova ai 31 de merz dl 1999. Riesc inò ju te spedel. Do 16 ëura - tan giut òvela durà chëst iede - fovi tlo, cun mi vita nueva, „re-nasciuda“, “rinata“ (ne ratëis'a nia che l me sta bën l inuem che é? - RENATE).

Renate y Ivo tla Normandia.

ajache viver vìven pa mé un n iede! Ah no, te mi cajo trëi iedesc!!!

De gra a duc chëi che me à judà Ie rate che muesse rengrazië - y ue l fé nce tres la plates dla USC - duc chëi che me ie stac ntëurite tl tëmp te spedel y canche la ne me jiva nia tan bona, scumencian da duta mi familia, mami, tati, mi surans y mi fra, pona n valguni de mi cumpanies, che propi te chisc mumënc vëijen tan cumpanies che i ie. Mi amor Ivo che ne l’à ënghenó for abuda saurida cun mé. Ël à tenì da mé uni mumënt, l à patì cun mé, l me à dat forza y śën partëscel cun mé duc i biei y manco biei mumënc che nosc daunì nes purterà mo. DE GRA A DUC VO! Mo śën sons n cuntat cun l spedel de Bologna, ajache unitant mandi ju per fax la proes dl sanch che feje tlo te Gherdëina. Y un n iede al ann vedi ju per na vijita; y chël me sà monce bel, ajache spere for de ancunté zachei che cunësce y datrai éi monce la fertuna de udëi vel’ dutor, sce l ne n’ie nia iusta te sala uperatoria. Me lecorde che ëi me dijova for la “tedesca“, ëi me sciacova pa mé per mi rujené talian, ajache ne é nia la „erre arrotondata - la er turonda“. Me ncunforte uni iede a jì ju a maië i tortellini y si spëisa. No, nia

chëla dl spedel! N valgun dutores ie monce unic a me crì a cësa, ajache canche dijove da ulà che son, dijovi for: „Ah, la Val Gardena, che bella, voi siete sempre in ferie!“ Y n con’ de chël ài propi rejon! Son cuntënta che é abù la fertuna de pudëi fé pea dut chësc, ajache scenó ne fossi ncuei nia tlo a scrì chësta mi storia. Sën, vint ani do, ie la cuntentëza de vester tlo, danter duc, tan granda che ne pudëis nianca no ve nmaginé. Vive uni di coche l vën, cële de fé l miec dainora, y sce un n di ne n’ie nia tan bon, pona séi che duman jiràla dessegur miec. Do tan de tëmp ne se lecòrden belau nia plu tan mel che la me jiva, per fertuna. La ueia de viver fova for majera che mé sté ca y se cumpatì. Mé sce n spera y n crëia che la va pa bën inò y sce n pënsa positivamënter a dut chël che ie ntëurvia - y datrai nce crëier a n miracul y prië che Chël Bel Die te jude - pona vàla. Dut chësc a purtà pro che ncuei sons tlo, son cuntënta de pudëi viver y goder uni piculëza dla vita che nes vën perdrët me mpresteda. Cialon de ëila y vivonsela al miec.

„Dunëde vosc organns!“ Ulësse fé n apel a duc: sce la va mpue’, dunëde vosc organns, ajache pudëis fé viver zachei d’autri che n à debujën. Ie son l ejëmpl. Posse mé rengrazië chëla familia che à perdù l mut, ma tres si mort vivi ie y povester mo d’autri. Na pert de ël viv inant, tres mé! Ie rate che te Gherdëina y tla valedes ladines n iel n valguni che à abù n traplant de vel’ organn. L me savëssa bel a me mëter n cuntat cun ëi. Povester pudëssen nce se ancunté n iede, ajache dessegur à duc na si storia da cunté y uniuna ie autramënter. Sce l ie zachei che ulëssa se mëter n cuntat cun mé, l me fajëssa plajëi! e-mail: renategoller@virgilio. it. Ciau, y assudëi. Renate Goller


Atualité

nr. 13 / 29 de merz 2013

CD de cianties per l nseniamënt te scola Per sustenì l cianté te scola fòvel bele dan man n liber cun cianties per talian. Śën iel unì tëut su na CD per l nseniamënt tla scolines y tla scoles elementeres Scola - Per cianté te scola possa maestres y maestri sëuraprò al liber „Canzoni, canzoncine e filastrocche“ śën nce se jué de doi CD nueves. L proiet nuef dl Servisc Inuvazion y Cunsulënza per la scoles ladines, cuordinà da Felix Ploner, ie unì prejentà n mierculdi ai 20 de merz dala cater domesdì tla Cësa de Cultura de Sëlva.

L Maestro Pauli Senoner Otto Delago.

Giacomo y Elena.

Alex.

La cianties ie unides njeniedes ca dal maester Paul Senoner che les à nce nseniedes ite a Elena Cortoni, Alex Designori y Giacomo Talarico dl Cor di Mutons de Sëlva. L Servisc Inuvazion y Cunsulënza per la scoles ladines à realisà chësc proiet ajache l cianté à na gran mpurtanza tl nseniamënt ti prims ani de scola. I mutons y la mutans sënt na gran legrëza a audì i sonns y la meludies. Ëi ie curiëusc de les purvé ora y nce de se muever aldò dl ritm. “L cianté mpèren cun l cianté y l amor per l cianté se svilupea cun l cianté, dantaprima sce l vën fat n cumpania,” sotrissea l ntendënt scolastich ladin Roland Verra. L assessëur provinziel Florian Mussner: „Per chësc proiet, ulache la mujiga giapa si funzion tl’educazion, ulëssi dì n gra de cuer y sotrissé mo n iede si gran valor nia mé tla furmazion, ma udù sciche aspet plu lerch; sciche sostëni dl svilup dl mut o dla muta te n tëmp ulache la capaziteies de sozialisazion,

comunicazion, esprescion y ntegrazion ie scialdi mpurtantes per svilupé nia ma la capaziteies profesciuneles, ma nce chëles persunales.“

L lëur dl espert Otto Delago La produzion dla CD nueva se stiza sun n lëur che l maester Otto Dellago ova bele fat tl 1992 canche l ova cris ora passa cënt cianties populeres talianes per l nseniamënt te scola. Tl 2008 ova l Istitut Pedagogich Ladin dat ora n liber de chësta cianties, juntan pro dessënies, notes y acorc. Sun gran dumanda de pudëi nce audì la cianties iel unì nvià via la produzion dla CD n cunlaurazion cun Benni Valentin dl studio Davide Records. La CD dopla »Canzoni, canzoncine e filastrocche« ie mpartida do tematiches via per l ann de scola, do la sajons y la festes via per l ann. L ie unì cris ora cianties religëuses, de fantajia, da rì, sun tieres y cianties de cumpania. La registrazion ie unida fata a una na usc te na tonalità adateda per sculeies y tl respet di dialec. La cianties ie cumpaniedes da strumënc. Tl cunzet dla CD iel unì tenì cont de lascé lerch a na maniera che la cianties possa ntan l nseniamënt mo unì arichides cun fantajia metan leprò strumënc y baratan ju danter ujes sëules y cor. (usp)

Da man ciancia: Pauli Senoner, Otto Delago, Benni Valentin, Alex Designori, Giacomo Talarico, Elena Cortoni y Roland Verra.

Autoriteies pra la prejentazion dla cianties.

www.lauscdiladins.com

5


AtualitĂŠ

6

www.lauscdiladins.com

nr. 13 / 29 de merz 2013


Atualité

nr. 13 / 29 de merz 2013

Pignoramënt di bëgns - novitês Ći é pa le pignoramënt di bëgns, y ćiüna é pa la prozedöra? Cun la lege de stabilité 2013 él gnü portè ite n valgönes novitês paiamënt dl laurant, po le creditur pignorè ma fina a 1/5 dla soma. Chësc é dè dant dala lege por garantì che vignun pois se saulè na soma por suravire.

Prozedöra

Manuela Obojes.

Nosc ordinamënt dà dant la poscibilité por le creditur da pignorè bëgns mobiliars o imobiliars dl debitur, canche chësc n’ô o ne po nia plü paié sü debić. Insciö ti vëgnel pignorè o tut i bëgns, por garantì le credit. Le creditur mëss avëi n titul che proa so credit, p.ej. na sentënza o n decret injuntif. Cun chësc titul po le creditur ti notifiché al debitur le ”atto di precetto” (at de prezet), che contëgn la cuantificaziun dles somes che mëss ćiamò gnì paiades. Sce le debitur ne paia ćiamò nia so debit, po le creditur insciö ti dé l’inćiaria al ofizial iudiziar da eseguì le pignoramënt. Le ofizial iudiziar va spo te ćiasa o söl post de laûr dl debitur, o inće te d’atres söes proprietês, a chirì bëgns che vëgn spo scrić sö sön le verbal de pignoramënt. Chisc bëgns ne po nia plü gnì venüs o dà inant te n’atra moda. Sce le debitur é proprietar de bëgns imobiliars, spo vëgn le pignoramënt anotè al liber fondiar. Al vëgn pignorè i bëgns che à na certa valüta y che po spo gnì venüs. La lege dà inće dant i bëgns che ne po nia gnì pignorà, sciöche p.ej. i leć o la mësa de ćiasadafüch, i scagns, la mascînn da lavè guant, le guant y i.i. Do le pignoramënt, él le creditur che po damanè al tribunal la venüda o l’assegnaziun di bëgns, por despaié insciö le debit dl debitur.

Pignoramënt di bëgns pa terzi Canche le debitur n’à instëss degügn bëgns de valur che podess gnì tuć ca por despaié jö le debit, à le creditur inće la poscibilité da pignorè cosses che terzi mëss ti dè al debitur. Insciö, por ejëmpl, sce le debitur à n laûr o n cunt tla banca, po le creditur pignorè le paiamënt o i scioldi tla banca. La conseguënza é che le datur de laûr o la banca mëss spo ti paié fora diretamënter i scioldi al creditur y nia plü al debitur. Tl cajo dl

Le creditur mëss impröma se chirì les cosses, i bëgns y i credić che d’atres porsones terzes mëss ćiamò ti dè al debitur y dedô vëgn chëstes porsones terzes y le debitur cherdà dan le tribunal. I terzi à la poscibilité da gnì de porsona dan le magistrat y detlarè ći che ai ti vëgn ćiamò al debitur, o zënza menè na detlaraziun scrita. Insciö, p.ej. po la banca ti menè na lëtra al creditur o al tribunal, olache al vëgn dè dant tan de scioldi che le debitur à sön so cunt. O indere po le datur de laûr detlarè tan che le debitur, che laora pro d’ël desco dependënt, davagna vigni mëis, tan che al ciafa de premies y de tfr (tratamënt dla fin de raport).

Novitês La lege de stabilité dl 2013 à portè ite n pêr de novitês tl prozedimënt de pignoramënt por scemplifiché la prozedöra. Tl cajo che le terzo ne vëgn nia personalmënter te tribunal y ne comunichëia gnanca por scrit sce al ti vëgn ćiamò val’ al debitur, po le creditur impò branćé sön chisc bëgns tres le pignoramënt, sce ara se trata de paiemënć de laûr, pensiuns o alimënć, dagnora tla mosöra de n cuinto. Sce ara se trata de d’atri bëgns, desco i scioldi te banca, o cosses imprestades y i.i., spo mëss le magistrat fissé na udiënza nöia, a chëra che le terzo y le debitur mëss indô gnì cherdà ite. Sce le terzo ne se presentëia indô nia o ne mëna degüna detlaraziun por posta o por e-mail/pec, spo po le creditur finalmënter damanè la venüda o po ghiré che i bëgns ti vëgnes diretamënter assegnà dal magistrat por curì i debić dl debitur. La lege dà dant che en manćianza dla detlaraziun dl terzo, che confermëia insciö che al ti vëgn ćiamò val’ al debitur, pòn aratè che le terzo ne contestëia nia le debit. Le terzo po dagnora fà recurs cuntra la dezijiun dl magistrat, mo ma sce al po porvè che al n’à nia ciafè l’invit por fà la detlaraziun te tribunal o sce al n’à nia salpü dl prozedimënt por d’atres gaujes, che n’é nia söa colpa.

Detlaraziun contestada Al po inće sozede che le terzo

vëgn dan le magistrat por splighé le raport cun le debitur y le creditur contestëia chësta detlaraziun (deache al arata p. ej. che al n’é nia vëi o che al n’é nia gnü dit döt cant). Te chisc caji ne mësson nia plü, desco denant, mëte man n prozes iudiziar ordinar, por azertè sce les detlaraziuns dl terzo é vëi o nia, mo al sarà le magistrat inćiarié cun le pignoramënt che ćiara da capì la situaziun y tol spo la dezijiun sce confermè le pignoramënt o nia.

Dancà y da na pert Uedli y oredles daverc sun la sozieté ladina d’aldidancuei Patrizia Mairhofer de Mariangiul de Urtijëi Lëura te butëiga dal sport

Ejëmpli Le debitur n’à nia scioldi o d’atri bëgns por podëi paié jö sü debić al creditur. Le creditur vëgn lassura che le debitur laora pa na dita y ciafa n paiamënt mensil. Insciö damana le creditur al ofizial iudiziar da pignorè le paiamënt dl debitur y chërda ël y so datur de laûr dan le magistrat. Le datur de laûr à la poscibilité da se presentè personalmënter te tribunal por splighé le raport de laûr dl debitur y tan che al davagna vigni mëis, o al po menè na detlaraziun scrita por posta o e-mail/pec. Sce le datur fej chësta detlaraziun o nia, él te vigni cajo le magistrat che dà dant che le datur mëss ti dè jö diretamënter al creditur vigni mëis fina a 1/5 de chësc paiamënt. N ater cajo podess ester che le debitur ais cumprè dal conzescionar n auto, che mëss ćiamò ti gnì surandè. Mo le debitur à n debit pro n ater creditur. Chësc creditur à la poscibilité da damanè le pignormënt de chësc auto. Inće te chësc cajo él le tribunal che fissa na udiënza, a chëra che le debitur y le conzescionar vëgn cherdà ite. Sce le conzescionar ne vëgn nia personalmënter o ne mëna degüna detlaraziun scrita, por confermè che l’auto é dl debitur, spo mëss le magistrat, denant co ti assegné l’auto al creditur, fissé ćiamò na udiënza a chëra che düć mëss ćiamò n iade gnì invià. Sce le conzescionar ne vëgn gnanca a chësta udiënza, spo él le magistrat, sön domanda dl creditur, che da le comane da vëne l’auto y i scioldi ti va spo al creditur, o al po diretamënter ti assegnè l’auto al creditur, por despaié le debit dl debitur.

USC: Es’a bele njenià ca i ueves da Pasca? Patrizia Mairhofer: No. De regula, i depënjes’a mé o fejes’a nce dessënies lessù cun l scarpel o na odla? A dì la santiscima urità muessi dé pro che ie vede for a cumpré i ueves ntënc. Y co iela pa pona cun chël o chëi che i à apustei? Ai 19 de merz ne se ài nia ntupà a i apusté, nscila me sparani n lëur y ëi se pierd zeche de bel. Co ia pa jita la sajon te butëiga dal sport? Dijon mé che pudon vester cuntënc, sce n tën cont dla situazion economica nia tan scëmpla te chësc mumënt. Ciuna ie pa la naziunaliteies che vën l plu te butëiga? Coche te d’autra butëighes iel unit do la rata truep rusc, cun ëi ons laurà scialdi bën. Sambën

fòvel for mo na bela cumpëida de taliani. Do la rata bën ons nce laurà cun chëi dla Svizra; n muessa dì che tla Svizra costa scialdi deplù la roba da sport che nëus piton nce tlo. I tudësc che vën ite vën scialdi mé a cialé. Y co iela pa cun chëi da tlo? L ie stat l prim inviern che on laurà tla sënta nueva. Chëi da tlo ie sambën for nviei a unì a nes crì, y a ti cialé a nosta sënta nueva. Son pa duc de tei da tlo che lëura te nosta butëiga y l nes sà sambën for bel a servì chëi da tlo. Ciuni ie pa stai i culëures da d’inviern de chësta sajon, ciuni sarà pa chëi dl ann che vën? Dut cieche ie da culëur, chël uel dì povester manco blanch y fosch. Chësc vel per la roba da d’inviern coche nce per chëla da d’instà. Ntervista de David Lardschneider

av. dra. Manuela Obojes Stüde Wörndle & Partner (Balsan - Tlüses - La Ila Eppan)

www.lauscdiladins.com

7


Atualité

nr. 13 / 29 de merz 2013

Indenité de dejocupaziun: novitês La lege söla reforma dl laûr nr. 92 di 18.07.2012 à inće regolè danü l’indenité de dejocupaziun a pié ia da jenà 2013. Por raporć de laûr rovà tl 2012 vel le regolamënt da denant Laûr - L’indenité de dejocupaziun à inće ciafè n inom nü, plü avisa ”Assicurazione sociale per l’impiego”, en cört ASPI, o MINI-ASPI por la ex-indenité cun recuisić smendris.

ASPI Che à pa le dërt da la ciafè? Düć i lauranć, inće i lerneri, che à laurè pro na firma privata o publica. (Por i oras da paur él n ater

regolamënt). Ći recuisić ôl pa ester? - Le pröm dé de assiguraziun tla vita mëss ester stè plü de 2 agn dal dé dla domanda. - Ti ultims dui agn dan le dé dla domanda mësson ester stà assigurà almanco 52 edemes. - Le laûr mëss ester stè rové por lizenziamënt (nia por dimisciun, cun la ezeziun de caji olache al é te familia n möt plü jonn de 12 mëisc).

Tan dî döra pa l’ASPI? Ann

Eté

Dorada mascima

2013

- 50 agn + 50 agn

8 meisc 12 mëisc

2014

- 50 agn anter 50 y 54 agn + 54 agn

8 mëisc 12 mëisc 14 mëisc

2015

- 50 agn + 54 agn

10 mëisc 12 mëisc 16 mëisc

Dal 2016 inant

- 55 agn + 55 agn

12 mëisc 18 mëisc

8

www.lauscdiladins.com

- Ester scrit ite tl register di dejocupà. Tan alta é pa l’ASPI ? La basa mensila por calcolè l’ASPI é le paiamënt imponibl INPS di ultims 2 agn, partì por les edemes de laûr y moltipliché por 4,33. Sce le paiamënt mesan é sot i 1.800,00€, vëgnel paié fora na soma mensila dl 75% dl paiamënt, cun n mascim de 885,00€. Sce le paiamënt mesan é sura i 1.800,00€, vëgnel paié fora 1.180,00€ (=75%), por l’import dessura = 25%. Tl ann 2013 ne po l’ASPI nia fà fora plü co 1.119,32€ al mëis. Da tignì cunt él che dal setim mëis inant, vëgn l’indenité scortada dl 15% y dal 13ejim mëis inant ćiamò n iade dl 15%. Vel les periodes de ASPI por la ponsiun ? La indenité ASPI vëgn cumpedada pro i contribuć por la ponsiun. Can mët pa man l’ASPI ? L’ASPI mët man dal 8. dé do le lizenziamënt o le dé do la

presentaziun dla domanda, sce chësta vëgn fata plö de 8 dis do le lizenziamënt. Ći sozedel pa sce an mët man de laurè denant che l’ASPI se röies? Te chësc cajo vëgn l’indenité sospenüda por na perioda mascima de 6 mëisc. Co pòn pa fà la domanda? La domanda mëss gnì fata al INPS tres internet on-line: - dal laurant instës, sce al se lascia denant gnì dal INPS le codesc PIN; - dal patronat.

MINI ASPI La MINI-ASPI (ex-indenité de dejocupaziun cun recuisić smendris) vëgn ma conzedüda sce an n’à nia le dërt da ciafè l’ASPI normala y al vel en pert ći che é gnü dit dessura por l’ASPI, plü avisa: - Recuisić: almanco 13 edemes de assiguraziun ti ultims 12 mëisc. - Dorada: al plü le medemo numer

de edemes che al é gnü laurè tl ann denant. - Import: sciöche pro l’ASPI. - Mëteman: sciöche pro l’ASPI. - Domanda: sciöche pro l’ASPI. Al é important da savëi, che sides por la domanda dl’ASPI che inće por la MINI-ASPI, mësson jì do le lizenziamënt de porsona tl ofize dl laûr (por la Val Badia a Bornech plaza de Comun) a se lascè scrì ite tl register di dejocupà, y chësc denant co fà la domanda de dejocupaziun. Por fà la domanda pro n patronat ôl ester chisc documënć: - cherta d’identité y codesc fiscal; - codesc IBAN de süa banca; - ultima cherta de paiamënt (busta paga); - detlaraziun dl ofize dl laûr; - detlaraziun de davagn de om y fomena (sce al vëgn damanè la injunta de familia söl’ASPI) - data dl pröm dé de laûr tla vita (da ciafè söl liber de laûr). KVW Badia


Atualité

nr. 13 / 29 de merz 2013

L’é endò prest ora de “Aisciuda Ladina” L’impiant da Dèlba a Fedaa La produzions locales l’é la protagonistes de l’edizion 2013, che sarà ai 10 e 11 de mé. Apede a la cultura e al lengaz, l’identità ladina doventa semper de più n valor ence te l’economìa Ence chest an, via per l meis de mé, l Comun general de Fascia, adum con la Scola Ladina de Fascia, l’Istitut Cultural Ladin, l’Union di Ladins, i Joegn Hotelieres fascegn e duc i enc, istituzions, sociazions e privac che te chisc egn se à jontà apede, l’endreza la 5^ edizion de l’Aisciuda Ladina. Chest event, dedicà al lengaz e a l’identità de noscia val, l vegnarà metù a jir ai 10 e 11 de mé e sarà l’ocajion per fèr mìngol de bilanz de la scomenzadiva ensema ai raprejentanc de la desvaliva istituzions, sociazions e categorìes toutes ite ti egn passé.

En particolèr vegnarà tout ite i scolees, pean via soraldut dai più pìcoi de la scolines, e ge vegnarà dat gran atenzion a duta la produzions locales, tem emportant te tempes de dificoltà ence economica. L’Aisciuda Ladina 2013 vegnarà endrezèda en colaborazion con la Mèlga de Fascia, che apontin en sabeda ai 11 de mé la endrezarà l’inaudazion ofiziala de la neva senta de Pera, na senta che met ensema l valor di prodoc locai e del mestier da bacan, con l’emportanza ence culturèla e linguistica de chest setor, metuda

al luster te la sezion del Malghier del Museo de Fascia orì te la medema strutura. No menciarà ence chest an momenc de aprofondiment e reflescion leé ai temes cernui per chest an, apede a vèlch moment de èrt, mùsega o teater e a de autra scomenzadives per tirèr ite te chest event duta la comunanza. Donca segnave sù sobito sul calandèr i dis 10 e 11 de mé. L program più avisa vegnarà metù fora più inant, ma endèna ve meton dant sobito doi scomenzadives outes ai artejegn e ai boteghieres fascegn.

Artejegn, fajeve inant! L Comun general de Fascia per l’Aisciuda ladina 2013 vel enjignèr e dèr fora ai sentadins na “Rubrica” de artejegn e boteghieres fascegn, per ge fèr reclam e envièr la comunanza a tegnir adum te chest moment de malsegureza economica En ocajion de l’Aisciuda ladina 2013, l Comun general de Fascia, co la colaborazion de la Sociazion Artejegn e picola firmes de Fascia e del ‘Servizio impresa srl’, l vel dèr fora na publicazion per ladin sorida da vardèr fora con ite duta la firmes e la boteighes de Fascia spartides per categorìa e coi contac che pel servir, percheche la jent posse se emprevaler de chisc servijes. Chest tant co l’obietif de ge dèr luster a chesta realtèdes economiches sul teritorie col valorisèr la profescionalitèdes de Fascia, acioche i sentadins posse se emprevaler de artejegn e boteighes del post, soraldut te chest moment grief de crisa economica, ma ence per tegnir adum e per ge dèr luster a nosc

teritorie. La publicazion tolarà ite ence n curt glossar terminologich per ladin di èrc duré da artejegn e boteghieres. L libret vegnarà dat fora ti dis de l’Aisciuda ladina e dò enjontà al boletin del Comun general de Fascia che l ge vegn manà a duta la families de Fascia. La Sociazion artejegn e l ‘Servizio impresa’ i ge manarà ite al Comun general i dac de si sozi. I artejegn e i boteghieres che no é enscinué te chesta sociazions, ma i é enteressé a esser touc ite te la scomenzadiva per aer reclam debant su la publicazion, i pel se oujer a l’Ofize per i servijes linguistics e culturèi del Comun general de Fascia manan na mail a la direzion cultura@

comungeneraldefascia.tn.it o chiaman l numer de telefon 0462/762158 dant che vae fora i 3 de oril del 2013 da les cinch da sera.

L Bertol, sìmbol de l’Aisciuda Ladina.

Boteghieres, fornì voscia vedrines! L’Union di Ladins de Fascia met endò a jir la scomenzadiva “L’identità te vedrina”: duc i boteghieres de Fascia pel ciapèr debant la bandiera ladina e l “Bertol” per fornir sia vedrina Ence chest an, en ocajion de l’Aisciuda ladina, vegn endrezà la scomenzadiva “L’identità te vedrina”. I obietives de chesta scomenzadiva l’é chi de se orir al comerz e a l’artejanat e de veder coche noscia identità vegn declinèda te chisc setores, coche la vegn “metuda te vedrina”, tant tel segnificat più lèrch e simbolich de l’esprescion, che te chel più concret, donca coche boteighes e berstot se moscia e se ouc a la jent per ladin. Te duta la boteighes de duc i paìjes de Fascia pel troèr lèrga noscia “ladinità”, desche per ejempie te la doura de l’inom, la scrites e la tabeles, o te etres segnes o sìmboi o te la vedrines. Chi che aessa piajer de se mever de chest vers i pel passèr chiò a Sèn Jan, te senta de l’Union di Ladins de Fascia (Str. de la Pieif, 10): i ciaparà per nia na bandiera ladina e “l Bertol”, l simbol de l’Aisciuda Ladina semper da meter fora coche se vel te ogne boteiga de noscia val. L’ofize

de l’Union di Ladins de Fascia e l’ofize linguistich del Comiun general i é a la leta ence per ge dèr consei o didament a chi che volessa meter fora te sia vedrina o te sia boteiga inomes o scrites de ogne sort per ladin. Envion duc i enteressé a se fèr inant e meter fora sia identità te vedrina te la setemèna ai 6 ai 12

de mé. Te la setemènes dò, i retrac de la vedrines che à tout pèrt a la scomenzadiva vegnarà publiché su La Usc di Ladins e envion duc nesc letores a ne segnalèr ence ic che che ge sà enteressant de chest vers. Per maor informazion telefonà al 0462.764545 o manà na mail a union@ladinsdefascia.it.

La vedrina de la boteiga “Mizacole e antichità” de Fanton a Poza, fornida per l’Aisciuda Ladina 2012.

no l’é na soluzion! La proponeta de Pacher per la mobilità su la Marmolèda à soscedà dubies. La priorità l’é meter en segureza la strèda Mobilità - No à piajù te Fascia la resposta data dal President de la PAT Alberto Pacher a l’interogazion del conseier Luigi Chiocchetti en cont de la viabilità sun Fedaa. En sostanza Pacher à dit che per la strèda l’é jà stat fat desvalives intervenc che no à miorà la situazion e l propon de fèr n impiant a fun da Dèlba fin sun Fedaa. L conseier Chiocchetti à sobito palesà si dubies, che é stac dapò uzé fora con forza ence da la Sociazion Fassa, che da semper à a cher la costion de la Marmolèda e sun chest la se à dat jù ence con na regoeta de sotescrizions. “La strèda de Fedaa l’à più che n pont pericolous, se l’à vedù ence chest invern – à dit la presidenta Elena Testor – e se risia dalbon che dant o dò sozede vèlch da burt: zachei cogn se tor la responsabilità. Sun chesta strèda no passa demò turisć, ma ence jent che va a lurèr. Pacher disc en sostanza de arbandonèr la strèda en favor de n impiant, e anter l’auter ge volessa capir chi che se tolessa sù i cosć. Ne sà che i ne tole per l cul, dal 2002 i rejona de meter a post la strèda e no i à nience amò portà demez i resć del veie pent dessatà da la levina acà 27 egn. Endèna che speton che i projec ambiziousc fae vèlch pìcol vèrech, dijon amò n’outa che l’é besegn de meter man al più prest a la strèda, acioche la dovente via de comunicazion averta e segura anter Trentin e Venet.” Ence Aurelio Soraruf, operator sun Fedaa, à palesà sia delujion per la resposta de Pacher, recordan la emprometudes del 2002 e sotrissan che dò da enlouta no l’é più stat fat teaces paralevines, ma demò metù

vèlch toch de rei pèra neif e i gasex, che à costà scioldi zenza dèr resultac. Anter n impiant de 7 chilometres con pilons che fèsc “bela parbuda” sun Ciamorciaa e 50 metres de teac, olache l’é amò la majìa del veie pent dessatà da la levina, no l’é nience confront a livel de impat ambiental. E dapò en longia l lech dut restassa coche l’é, donca strèda serèda per mez invern. Soraruf à tema che tedò chesta proponeta sie l projet de fèr con scioldi publics n impiant che da Dèlba porte i ghesć diretamenter sun Malga Ciapela, sutan l Fedaa en bèrba al svilup de la Marmolèda. L’é da dir che en cont del svilup de la Marmolèda l Comun de Cianacei aea jà aproà na proponeta de impianc e amò apede per la Reìna, patrimonie de l’Unesco, l’é de autra proponetes per n svilup tel setor sportif e culturèl, storich e astronomich, e ence na idea di architec Ghetta, Tamion e Daprà de valorisèr apontin la Marmolèda e l giacé, teater de la gran Vera su la Dolomites, aldò de n concors bandì amò del 2009 apontin da la PAT. Dut chest se sà ben cogn peèr via da na situazion de viabilità e de azess segur envers l jouf. Per cont de l’ombolt de Cianacei Mariano Cloch, l’impiant podessa ence vegnir fat – l’é da veder con che tempes e cosć – ma ampò chest no schiva l besegn de meter en segureza la strèda e ence l’Union Autonomista Ladina à palesà si dubies su l’impiant, se resservan de se troèr al più prest con Soraruf e i operatores del Fedaa e de meter jù na proponeta che ge vegnarà portèda dant a Pacher ai 9 de oril, canche l ruarà te Fascia a rejonèr apontin de mobilità. (lg)

La ferates anter passà e davegnir Transdolomites endreza na lingia de evenc per recordèr i 50 egn da l’ùltim viac de la ferata Ora-Pardac Trasporc - Ai 10 de jené del 1963 vegnìa fat l’ùltim viac de la ferata Ora-Pardac, metuda sù del 1918. L’é passà 50 egn e Transdolomites vel recordèr la storica ferata con na lingia de evenc via per d’istà. La ferata OraPardac é restèda ti recorc de jent del post e turisć, l’é n tem che no tocia demò tecnologìa e sostenibilità ambientèla, ma ence i sentimenc de la jent. “L’envit a tor pèrt – à dit l president de Transdolomites Massimo Girardi – l’é stat slarià fora ai comuns del Sudtirol e del Trentin leé da la veiora ferata. Da jugn a setember sarà mostres de feromodelism, de retrac storiches, libres su la ferates da mont, defilèdes de moda coi guanc da viac da enlouta, serèdes per portèr dant i recorc. Vegnarà endrezà ence pìcoi convegnes dediché a la storia e al ruol de chisc mesi de trasport sa mont tel segn de na neva mobilità. Volesse envièr ence i feromodelisć de Gherdena e de Badia e duc chi che

à la leta veies retrac de ferates da mont a i meter fora.” Endèna Transdolomites endreza ai 11 e 12 de mé n viac su la ferata BresciaEdolo, na streca de103 Km. che lea Brescia co la Valcamonica, passan anter i coi de la Franciacorta e l lech de Iseo. L’à 33 fermèdes e l’é enteressant veder coche la Region Lombardia e la Provinzia de Brescia i l’à metuda endò a jir e valorisèda ence con n servije de autobus. Col projet “Dai monc ai leghes, ensema zenza l’auto” finanzià dal program european Intereg, chesta linia é stata leèda tras autobus co la Retica a Tirano e l’é stat fat studies per la tachèr a la Retica passan sot l’Aprica e/o la Trent-Marilleva jan sot l Tonale. Ai 18 e 19 de mé dapò l’é en calandèr n viac co la ferata de la Finsca e la Retica. Per veder l program o se scriver ite se pel jir tel sit www. transdolomites.eu o contatèr Massimo Girardi al 320.4039769 o a girardi.massimo@brennercom.net. www.lauscdiladins.com

9


Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

nr. 13 / 29 de merz 2013

Zija: soluziun tl bojëgn

La roa y les ćiases

Le consëi de comun de Badia à aproè na soluziun por le raiun ”Zija” a Badia. Olache al dê garatè tres la cooperativa Agricom na lataria y bocaria cun pëis sön la lauraziun dla ćern, vëgnel śëgn en gran pert raiun produtif, cun val’ condiziun

Elmar Irsara à informè sön le plann di raiuns de prigo, l’ombolt é jü ite sön la cuestiun dla roa, danter l’ater inće sön la destinaziun dles ćiases desdrütes

Comun Badia/1 - Da agn incà se tira inant la cuestiun dl raiun ”Zija” danter Pidrô y Badia. Sön chësc terac êl pordërt preodü da impröma incà la realisaziun de na lataria y na bocaria, por la lauraziun di produć da paur, cun pëis suradöt sön la ćern. La cooperativa agricola Agricom dê fistidié. La Agricom é śëgn na sozieté a responsabilité limitada, che se destanziëia intres deplü dala pröma idea. Le terac ê preodü al 100% por fins dla cooperativa agricola. Deplü ê indere stà i tentatifs da arjunje na mudaziun dla destinaziun. Insciö p.ej. de mà dl ann passè, olache le consëi de comun de Badia â dit de nou da destiné l’80% dl terac a raiun produtif lëde, y ma plü le 20% por i fins dla cooperativa. Da ilò inant êl plü sozedü püch. Śëgn él indere propi le Comun che proponn feter le medemo. La rajun pëia ia dal fat che la dita da moradù Irsara Goffredo à a Badia de so material sön n terac che vëgn śëgn adorè da chi dai rüsc por sistemè le terac dla roa. La dita de Badia messass demez, y à porchël lascè alsavëi che ara le lasciarà spo jö sön Piz. Cossa che le Comun n’ô daldöt nia. Insciö él indô tomè ite Zija, che podess ester n’alternativa eventuala por lascè jö chësc material. Le Comun à contatè la Agricom y ti à fat la proposta da lascè ma plü le 30% dl terac por i fins dla cooperativa, y destiné le 70% dl terac sciöche raiun produtif lëde, a chëstes condiziuns: de chisc 70% podarà la Agricom nen destiné o vëne le 25% a che che ai ô. Por le rest po le Comun de Badia por i proscims trëi agn instës tó la dezijiun a chê le dè ia. Insciö ésson n post por la dita de Badia. Sce chësta jarà jö y a ći condiziuns, chël é pormò da odëi. Inće i sozi dla Agricom é gnüs damanà sce ai ê a öna cun chësta soluziun. An à arjunt la maioranza damanada. Le Consëi de Comun à inće dè löm vërda, cun na usc contrara y öna n’astenjiun.

Comun Badia/2 - Le plann di raiuns de prigo é plü co mai atual, do la desgrazia sozedüda a Badia. Le Comun de Badia à inćiaré la dita Sulzenbacher & Partner da realisé le plann, che dess ester dan man chësc altonn. L’assessur Elmar Irsara à portè dant na cherta da chëra che al é gnü analisé i movimënć de smöia y i movimënć dles eghes sön döt le teritore comunal. Aladô de chësta cherta gnaràl laurè fora spo le plann definitif. Nia püć aconsiadus s’à fat demorvëia da odëi tan de movimënć de smöia che an à sön teritore comunal, cis incër le paîsc de Badia.

Degüna mudaziun Na discusciun plü lungia é gnüda a s’l dè pro döes domandes de mudaziun al plann urbanistich de

le Comun ciafa y ći che le privat ciafa. Te chësc cajo à le Comun de Badia lascè sciazè le valur di intervënć y dles conzesciuns, y l’arat röia ala contlujiun che le barat à apresciapüch la medema valüta.

Acordanzes Tratan la sentada.

comun, olache la Cassa dl Sparagn damana da trasformè dui raiuns por strotöres publiches y aministraziun (sperses dles filiales da Pedraces y La Ila), te raiuns residenziai. La cubatöra romagness a Pedraces la medema, a La Ila nen gnissel 50 m3 laprò. Mo le punt n’é nia chësc. Sura les banches ia él inće apartamënć, che podess cun chësta mudaziun gnì venüs sön le marćé lëde. Sön l’agü à mazè l’aconsiadù Emerich Pedratscher: ”Les banches à zënz’ater debojëgn da vëne apartamënć. Cun chësta mudaziun junse a legalisé che ai pois vëne al miù oferënt.” L’ombolt ê indere dla minunga che dijon de no, él la Cassa dl Sparagn che la davagna impò, sce ara fej n recurs al TAR, y le Comun spënn ite scioldi por nia. ”Damì sce le TAR le dij co le Consëi”, à rebatü Pedratscher. Le consëi à ala fin tut la dezijiun da sburlé intrami i punć, por damanè danfora n arat legal. La motivaziun dl ombolt: ”De un n vers unse l’oblianza da combate la speculaziun, dl ater vers ne podunse nia sciuré demez scioldi”.

Plaza di jüć a Costadedoi De scê à le Consëi dit a na convenziun urbanistica a Costadedoi/San Ćiascian. L’acordanza prevëiga che Egon Pescollderungg tires jö la majun vedla de 800 m3 y realisëies sön le terac de 211 m2 na plaza di jüć, a sües spëises. Porchël i conzed le Comun da realisé indöt na cubatöra de 1175 m3 convenzionà y 320 m3 lëdi. Te consëi él gnü l’osservaziun da tignì cunt tl dagnì che al sides na balanza danter ći che

Danter i atri punć tratà dal consëi, alda spo la costituziun de n dërt de soraspersa sön terac dla Vijinanza Armentarola por le frabicat de comun dlungia la ”Capanna Alpina” a San Ćiascian. Ara se trata di tloseć realisà dal Ofize Parcs Naturai, olache la Vijinanza à dè ca debann le terac por lascè fà sö la strotöra. Les spëises por i tloseć surantol le Comun. Le dërt de suraspersa é gnü fissé por na dorada de 30 agn, y dedô gnaràl tratè danü danter les perts. Te chësc punt s’à l’aconsiadù Thomas Pescollderungg damanè che al vëgnes tl dagnì laurè deplü tl vers de na cooperaziun danter aministraziun publica y privać, canche an stlüj jö acordanzes, alzan fora le bojëgn che intrames les perts pois nen trà fora vantaji.

Mudaziuns pro le refodam Jüda nen éra ala fin inće de refodam. Le Consëi de Comun à aproè na mudaziun al regolamënt comunal, plü avisa pro les jutades minimes de hotì, ostaries, residence y camping. Por chëstes categories vëgnel aratè da agn na cuantité minima de 13.200 litri de refodam al ann. Al s’à indere mudè cotan de cosses: p.ej. vëgnel incö despartì cotan deplü. Insciö él tröc ostis che ne röia dî nia sön les jutades minimes, y mëss impò les paié. Cun la mudaziun à le Consëi deliberè da arbassè les jutades minimes a 7.700 litri. Ezeziun fej i residence ćina a 6 apartamënć, olache al vëgn bele da 2 agn incà apliché n minim de 3.600 lt. (pablo)

Nominaziuns y onoranzes Inće le dot. Fortunato Pescollderungg dess ciafè le prousc de mirit dl Comun de Badia Comun Badia/3 - Do Lois Irsara, Hilda Pizzinini y Franz Vittur, podarà inće l’ex diretur dles scores altes da La Ila Fortunato Pescollderungg dl Soz - pié do le prousc de mirit dl Comun. Chësc é gnü aproè al’unanimité dal consëi de comun. Danter les motivaziuns stàl les gran bries y l’impëgn che al à metü por condü les scores altes tl comun de Badia. Fortunato Pescollderungg à complì i 90 agn ai 19 de merz. Na data por la

10

www.lauscdiladins.com

surandada n’é nia ćiamò gnüda definida. Le Comun de Badia ciafarà cun i pröms de mà inće n secretêr de comun nü. Le secretêr atual dl comun da Corvara - Vinzenz Clara da Lungiarü - à davagné le concurs scrit fora y azetè l’inćiaria da secretêr a Badia. Le consëi à aproè la nominaziun. Vinzenz Clara tolarà ite le post dl secretêr Gottardo Pizzinini, che le Comun orarà ćiamò rengrazié cun na festa de comié. (pablo)

L’ombolt Iaco Frenademetz à portè dant informaziuns sön la situaziun dla roa, che vëgn monitorada inant dé y nöt; dai 2 de jenà incà n’él stè plü degügn movimënć de relevanza, àl dit. I evacuà é inće tanco düć indô te ćiasa y al vëgn daimpròia abiné adöm i cosć y spëises che les families à albü por l’evacuaziun. Por i tiers saràl l’Uniun di Paurs che surantol les spëises. En cunt dla viabilité, à dit l’ombolt che al vëgn colié provisoriamënter la strada Sotrù - Larcenëi. La strada nöia realisada por rové a Oies deventarà indere la strada definitiva. Inant à dit l’ombolt che i ros dla Gran Ega gnarà defata tuć demez y al gnarà metü podruns sön ur dl rü. Canche le terac dla roa sarà spo indô tarëgn, gnaràl fat valutaziuns menüdes, por porvè da rovè ales gaujes dla roa. L’ombolt à inće lascè alsavëi che por i 11 d’aurì gnaràl cherdè ite düć i proprietars di grunć, por odëi co splanè y mëte apost le terac. Dala Provinzia él intant gnü 284.629,00 euro de contribut por infrastrotöres. Frenademetz à inće orü mëte en tler la cuestiun de so paiamënt. An sa che al à dal mëteman dla legislatöra renunzié al 40% de süa indenité. Do la roa, plü avisa tla sentada di 7 de jenà, à la Junta orü deliberè por solidarieté da jì zoruch por l’ombolt al 100% dl paiamënt. Bele ai 4 de merz é la medema delibera gnüda trata zoruch, ajache

l’ombolt n’à nia orü azetè l’aumënt. ”I ô tignì parora sön ći che i à impormetü”, àl dit. Ala fin à l’ombolt inće informè avisa de ći che al nen sarà dles ćiases desdrütes. La lege urbanistica dij, aladô de n articul aproè l’ann passè, che la cubatöra dles frabiches desdrütes por catastrofes naturales po gnì spostada te n ater raiun sön teritore comunal. Por ći che reverda les ćiases desdrütes dl ombolt y sü mituns, à la familia ciafè scinché n tòch de terac tla localité Pradüc. Ilò gnaràl fat sö i 768 m3 dla ćiasa dla familia de Luigi Frenademetz, sciöche inće 480 m3 dla ćiasa dl ombolt instës. L’ombolt à indöt na cubatöra de 880 m3, mo 400 de chisc i é gnüs venüs a Alex Ploner da San Ćiascian, che podarà se fà sö na ćiasa te so paîsc dlungia le ćiamp dl sport. La familia de Kurt Frenademetz à na cubatöra de 650 m3, che rovarà a Badia sot la Villa Erica denant co rové ite Anvì, olache al à baratè cun la dlijia 600 m de terac. Atira dlungia rovarà inće le Lüch dl Zelter, do che la dlijia i à venü al proprietar inće 600 m de terac. Por ći che reverda la ćiasa danejada da Larcenëi, à dit l’ombolt che ara gnarà dorterada sö. Nia tler n’él ćiamò sce la majun dl Sartù gnarà fata sö danü o manco. I spostamënć dles cubatöres é gnüs aproà dala comisciun dl frabiché. Inće la comisciun urbanistica provinziala à dè löm vërda, do avëi fat proes y valutaziuns geologiches dl terac. (pablo)

L’ombolt porta dant informaziuns sön la roa.


Val Badia

nr. 13 / 29 de merz 2013

Trëi propostes por le zënter Le Comun da La Val se fej pinsiers por abelì le zënter y por mëte jö i auti, y à invié la jënt ala presentaziun de n stüde de fatibilité. La proposta dl garasc sot plaza de dlijia ite é chëra che à ciafè plü aproaziun, mo jënt se damana inće sce al ne foss nia damì da cherié na plaza dan paîsc garasc gniss rodunt dan ćiasa de comun, denant co rové tl zënter. Le cost de chësta opera vëgn sciazè sön 994 mile euro.

Discusciun

L’ombolt Franz Complojer y l’architët Marlene Dolar-Donà.

La Val - A La Val se damànon ći soluziun che an dess ciafè por la recualificaziun dl zënter de paîsc, y inće olache an dess lascè jö i auti. La plaza dess deventè plü da plaza y manco da strada, y ti pité plü lerch ala jënt, canche ara se tëgn sö da na manifestaziun o les domënies do mëssa. I auti orésson plü ion avëi demez, almanco dal edl. Le Comun da La Val à insciö inćiarié l’ofize de architetöra Dolar-Donà da Vahrn da fà n stüde de fatibilité, y pité insciö deplü propostes de soluziun. Le stüde i é gnü presentè en vëndres dan otedé ala popolaziun, y l’ombolt Franz Complojer à podü saludè na bela cumpëda de porsones tl pice salf nü sot le paiun de paîsc. Les dr. arch. Marlene Dolar-Donà y Susanne Rieder à portè dant trëi propostes desvalies, y dötes pîta na soluziun da parchè incër dlijia ia. An po mëte man cun ći che é pro dötes les variantes anfat: l’abelimënt dla plaza dan dlijia. Al momënt vëgnel cis les domënies parchè tröc auti sön plaza. Aladô dles trëi propostes dess i auti demez, a pert i 4 posć da parchè sön ur’ de cortina. La strada dess ciafè na ota manco sterscia, ći che portass a n ampliamënt dla lerch dan dlijia. La trassa dla strada i va insciö plü pormez ala fermada dl bus. Preodü él inće da sentè n valgügn lëgns y cherié de pices sperses vërdes. Danter dlijia y cortina odess i architëć de bun edl na fontana y banć da se sentè. Laprò gnissel metü de pices löms LED amez la strada prinzipala sö, y sön le tru che coliëia la plaza de dlijia y le paiun, por na majera visibilité de nöt. La plaza incër dlijia ia gniss curida jö cun peres de porfir, i areai dan les

frabiches y la femada dl bus cun pera naturala.

Trëi propostes Sce i auti mëss bele demez dal zënter, él l’intenziun da cherié i posć altró. La pröma proposta é chëra da realisé na solëta sura la plaza dan l’entrada prinzipala dla ćiasa de comun. La solëta va ala pêr cun la plaza dan le salf dles manifestaziuns. Chësta cheriass posć da parchè implü, y tl medemo momënt na spersa da anuzè por ocajiuns particolares. Le stüde d’architetöra ess preodü da ”assighé ite” la strotöra te deplü manieres: mürs ti pic, deplü mürs cun scëibes de splidl danterite, o stanges de lëgn döt incëria. Chësta soluziun cheriass döt adöm 32 posć da parchè, tuć ite chi che é bele. I cosć sciazà é de 852 mile euro. La secunda proposta é chëra da realisé n garasc sot plaza de dlijia ite, ći che se lasciass fà saurì, aladô de Dolar - Donà, deache al é bele śëgn te plaza na certa pendënza. L’entrada dl garasc garatass dala pert dla chidlara, y sot tera ite ciafass lerch 16 posć da parché publics, y laprò - en acordanza cun i ostis incëria - podéssel inće gnì realisé val’ posć da parchè privać. Le cost preodü por chësta soluziun é de 1,1 miliuns de euro, y ara portass döt adöm a 41 posć da parchè. Sön le medemo numer de posć rovasson inće cun la terza proposta: chëra de n garasc da parchè dan l’entrada de comun. Chësta prevëiga che al vëgnes fat sot la plaza dan comun ćiamò na plaza sot tera ite, y che al vëgnes arlungé lisiermënter la plaza dan le salf dles manifestaziuns. L’entrada por le

Proposta1: la solëta sura la plaza dan comun é la soluziun che porta a manco posć da parchè.

Cun chëstes informaziuns à l’ombolt Franz Complojer daurì la discusciun. I intervënć y les propostes é stà cotanć. L’abelimënt dl zënter de paîsc àn albü l’impresciun che ais ciafè en general n bun aprijamënt. Püch interes él indere stè por les döes variantes incër la ćiasa de comun, che condizionass bindebò le frabicat de comun, y comportass danter l’ater inće che l’entrada prinzipala de comun rovass de facto te n garasc. Laprò ne plej nia l’idea che la jënt vëighes na plaza de auti o la boćia de n garasc canche ara röia sö te paîsc. Plü aproaziun à ciafè la soluziun dl garasc sot plaza de dlijia, che inće l’ombolt odess sciöche la miù de chëstes trëi.

Mësson gnì cun l’auto tl zënter? Dal publich él gnü l’osservaziun sön le problem dla coriera de ligna, che mëss alüsc stè plü dî chîta te paîsc, y chilò se damànon na soluziun, dal momënt che ara tigniss chit rodunt sön strada. Sce al vëgn pormez inće le schibus, röion en dificoltè. N’atra osservaziun é stada chëra che cun le garasc te plaza mëss i auti impò passè tres le zënter sö, ći che desturba la jënt che se tëgn sö. Laprò él la tëma che le garasc sot plaza vëgnes anuzé deplü dai sciori, che podess lascè ilò l’auto inće dis alalungia. D’atra jënt se damana indere sce al é bëgn dërt da cherié plazes da parchè rodunt tl zënter. ”Sce al vëgn dè la poscibilité da gnì cun l’auto ćina tl zënter, gnaràra inće anuzada”, dij un. N’atra minunga é che al vëgn trat adalerch i auti rodunt canche al é manifestaziuns. I atri dis n’él pö nia le problem. Insciö él inće tomè la proposta da s’orientè atramënter, p.ej. anuzan i scioldi da ciafè n’atra soluziun, sciöche na plaza da parchè püch dan le paîsc. Y nia manćé n’à dal publich la proposta che portass bunamënter le plü snel y bunmarćé a na alisiraziun dla situaziun: chëra da lascè l’auto chît y se mëte sön tru a pé y adora assà, por chi che à la poscibilité y tles ocajiuns che ara va. (pablo)

Proposta 2: la plaza de dlijia cun l’entrada al garasc sot tera ite à ciafè le plü aprijamënt.

Cater domandes al ombolt I ùn damanè Franz Complojer sce al é dërt da trà i auti tl zënter La Usc: Al é trëi variantes, dötes conzentrades sön cô lascè jö i auti tl zënter. Él dërt da trà i auti tl zënter de paîsc? Franz Complojer: Al n’é sigü nia dërt da i trà tl zënter. Ideal fóssel da i avëi demez dal zënter, mo i crëii che tl zënter mësson impò pité la poscibilité da lascè jö valgügn auti, y sce ara va da i mëte sot tera ite, fóssel da me infora la soluziun. La proposta dl garasc sot plaza de dlijia é chëra che plej deplü, mo al n’é inće de chi che s’à damanè da ciafè na soluziun dan le paîsc. Da me infora él öna na cossa che ne stlüj nia fora l’atra. Iö odess bun la garasc sot tera te paîsc, suradöt por i auti che vëgn da lassöjö, y tl medemo tëmp fóssel da amplié la plaza dan le paîsc, por cöie sö le plü che ara va i auti che vëgn da lajössö. Mo la miù soluziun ne funzionëia nia, sce la jënt ne colaborëia nia y desmostra n pü’ de disciplina da mëte jö i auti.

Dijëise che sce an oress portè atira plü ordinn, fóssel na cuestiun de mentalité? Por miorè la situaziun di auti da atira bëgn. Al n’é nia tröc dis, mo al é n valgügn dis al ann olache al é tröc auti. Al é datrai inće situaziuns prigoroses, cun passaji tan strënć che auti manacia inće da saltè adöm. Ilò él n gröm d’auti metüs te posć che ai ne podess nia ester. Sce al n’é nia la disciplina danter la jënt, é la sora soluziun chëra da cherdè les forzes dl ordinn a fà ordinn. Cun ći tëmps calcolëia pa le Comun por realisé na te’ strotöra, sce ara ess da gnì a s’l dè? Chilò ne nen vara śëgn nia da fà previjiuns. Al é n stüde de fatibilité, i cosć é ćiamò düć da determiné plü avisa y an mëss inće odëi sciöche la situaziun finanziara dl Comun ćiararà fora ti proscims agn. Intervista: Pablo Palfrader

Proposta 3: Odüda cun le garasc atira dlungia comun. www.lauscdiladins.com

11


Val Badia

nr. 13 / 29 de merz 2013

Sön le tru dla reabilitaziun N convëgn de trëi dis à cherdè adalerch doturs, fisiatri y fisioterapisć da döta la Talia por se ajornè, por se confrontè y por gnì sura dles novitês y dles descorides te chësc ćiamp dla medejina

I dui organisadus dl convëgn sön la reabilitaziun, le dotur Roberto Silvestrin (sön la man ciampa) y le dotur Claudio Corradini.

La Ila - Al é gnü inauguré en lönesc domisdé tla Ćiasa dla Cultura da La Ila le convëgn de trëi dis sön la reabilitaziun metü da jì dal dotur Roberto Silvestrin, diretur dl Dipartimënt de Reabilitaziun de Asolo (TV), deboriada cun le diretur dla Repartiziun de Reabilitaziun dl ospedal da Bornech, le dotur Claudio Corradini. Por le setim iade à Silvestrin metü da jì n convëgn; por le terzo iade àl orü l’organisé a La Ila, tla Val Badia, olache al à dagnora podü se lascè sön na buna organisaziun y ospitalité, dìjel. “Sce an pënsa ales dificoltês che é al dédaincö, dificoltês suradöt economiches, n’él dldöt nia saurì da mëte da jì de te’ convëgns. Inće partezipanć él intres plü rî da abiné adöm, deache les strotöres sanitares n’à nia plü le möt da spëne sön planns de formaziun. I doturs che tol pert mëss scialdi se paié döt instësc”, dij l’organisadù che é contënt de avëi abiné adöm za. 80 partezipanć. La finalité dl convëgn, dal titul “Riabilitazione, una scienza in cammino. Il nuovo in Medicina Fisica e Riabilitativa”, é l’ajornamënt de doturs, fisiatri y fisioterapisć de döta la Talia. Importanta é sambëgn inće la poscibilité por i doturs de se incuntè, de baratè fora idees y

12

www.lauscdiladins.com

minunghes. “Nia ma i reladus, mo düć i partezipanć porta dant süa esperiënza, ai po se confrontè danter ëi sön temesc desvalis.” “Le convëgn chilò tl’Alta Badia é n gran vantaje por nos doturs dl Südtirol, - injunta le diretur dla repartiziun de Reabilitaziun da Bornech deache i podun se tignì ajornà y se confrontè cun colegs y esperć da döta la Talia. Vantaji porta chësc convëgn inće ala jënt dl post y al turism; al é n bun retlam por chëstes localitês”, dij Corradini che rengraziëia le dotur d’La Pli de Mareo Davide Willeit, che à portè pro che le convëgn rovass tl raiun ladin.

Tecnologia y reabilitaziun: “Tl Südtirol sunse scialdi competitifs” Tratan i trëi dis de curs él gnü portè dant les descurides che é gnüdes fates te chësc ćiamp dla medejina y al é inće gnü splighé l’importanza dl’adoranza dla tecnologia tla reabilitaziun, por mioré y aprescè le prozes de varida di paziënć. Le convëgn é gnü inauguré le lönesc ai 18 de merz tl salf dla cultura a La Ila. Chilò à i dui organisadus, Silvestrin y Corradini, portè dant le contignü

dl curs y à spo passè la parora al ombolt dl comun de Badia, Iaco Frenademetz, che à dit de ester brau de podëi ospité n convëgn tan important, auguran a düć i doturs ruvà adalerch na buna garatada dl curs y na bela sojornanza tl’Alta Badia. La parora é spo passada direturia dla Ulss de Asolo, la doturia Anna Maria Brosolo y al ex primar de Medejina dla Reabilitaziun dl ospedal da Forlì, le dotur Germano Pestelli, moderadus dla pröma sesciun dl convëgn. Tratan le pröm domisdé de curs él gnü portè dant i plans nazionai de direziun por la riabilitaziun dl Venet, dl TrentinSüdtirol y dla Emilia Romagna. Tratan le secundo dé él gnü tratè le tema dla comunicaziun y al é gnü baié de tecnologies. “Al vëgn portè pro ai doturs cô comuniché cun i paziënć y cun sües families, por che al vëgnes a s’l’dè na empatia cun le dotur”, spliga Silvestrin. Por ći che reverda indere les tecnologies, nes à le dotur Corradini cuntè di gragn svilups che é gnüs fać te chësc ćiamp ti ultims agn, svilups che pormët de aprescè y de miorè i prozesc de reabilitaziun: “Al dédaincö ùnse la poscibilité de ne fà nia plü valutaziuns sogetives, mo obietives, tres strumënć che nes dà dant i resultać di intervënć de reabilitaziun y che nes dij sce al é adatà o nia adatà. La reabilitaziun n’é nia ma plü na cossa empirica, ara va da documentè scientificamënter. Les tecniches nöies y la robotisaziun po mioré y aprescè le recuper dl paziënt. Chilò tl Südtirol sunse a n bun punt, i sun scialdi competitifs cun l’adoranza de chëstes tecnologies nöies.” Le mertesc sëra à i spo i doturs inće podü passè n valgönes ores de aorela cörta, tolon pert ala gara de slalom lerch organisada sön la pista Doninz. Le mercui é le curs jü a piz cun na pert plü pratica, che à albü tl zënter le tema dl “linfedema”, na condiziun che vëgn da na anomalia dl sistem linfatich. Ala fin dl curs i él gnü surandè ai partezipanć n atestat, adöm cun deplü credić formatifs. (kp)

Ćian tichiné A Al Plan él sozedü n fat püch plajor Al Plan - Chisc dis nes à contatè Leotraude Bauer, surastanta dl’Assoziaziun de Sconanza di Tiers Bornech/Val Badia, por nes informè de n bur’ fat cuntra n ćian, sozedü en vëndres dan otedé a Al Plan. Le ćian - un da famëi de sort moscedada - ê sciampè por n pice pez da n lüch da paur, y canche al é rové zoruch, tosc dedô, à le patrun messü odëi che so ćian â le müs y le će porì sprinzà sö cun corù cöce y vërt. Le patrun s’à atira ôt al‘assozia-

ziun di tiers por dè dant le fat, y suradöt desplajü por le fat che n ćian vëgnes tichiné a chësta manira, impede co che an s’la baiass fora a parores. Gnanca Leotraude Bauer ne vëiga ite le significat da messëi fà insciö, y dij che l’assoziaziun i jarà do ala cuestiun, y sce l’autur gnarà a löm, podaràl tignì cunt cun na gran straufunga. Ara stlüj jö insciö: ”Al foss miù da baié cun le patrun sce val’ ne va nia, y nia tichiné le tier.” (pablo)

Ćiarćé vin a 2000 metri Tl’Alta Badia él gnü tignì la terza ediziun dl Dé dl Vin, na degustaziun sö alalt, liada al jì cui schi Turism - Bele por le terzo iade él gnü invié ia tl’Alta Badia le Dé dl Vin. La domënia ai 17 de merz él gnü pité te sis üties na degustaziun di mius vins de Südtirol, acompagnada dai produć de cualité de nosta provinzia: cioce, ćiajos y püćia sëćia. Le Dé dl Vin à stlüt jö en belëza l’iniziativa ”Sciare con gusto” - Söi schi cun saù - olache al é gnü pité te üties desvalies derzades gourmet arjignades da coghi da stëres nazionai y internazionai. L’evënt incër i vins de Südtirol é gnü organisé dala EOS - la Organisaziun dl Export de Südtirol, sön inćiaria dl Consorz di Vins de Südtirol y en colaboraziun cun le Consorz Turistich Alta Badia. ”Le vin rapresentëia na pert dër importanta

Tratan le terzo Dé dl Vin.

de döta l’oferta gastronomica - dij Anton Zublasing, presidënt dl Consorz di Vins - I vins de Südtirol, sorvis te na degustaziun tratan chësc iade söi schi, é n gran ejëmpl de cualité, liada ala pasciun de nüsc produturs”. Tles sis üties che à tut pert al evënt - Moritzino, I Tablà, Ciampai, Bioch, Piz Arlara y Col Alt - él rové adöm incër 200 amanć dl schi, che à podü ćiarće i vins desvalis de nosta provinzia, dal Pinot blanch al Sauvignon, dal Gewürztraminer al Pinot fosch y Lagrein, y laprò i vins blanć dla Val d’Isarch y i spumanć de Südtirol. Le proscim apuntamënt cun le vin de Südtirol sarà la mostra di vins da Balsan, dai 24 ai 26 de mà tl zënter storich dla cité.


Val Badia

nr. 13 / 29 de merz 2013

”Tla solidarieté la forza da jì inant” Al ê l’ultimo dé dl ann canche le Residence Piz da Lech da Corvara jô en flames. A trëi mëisc de destanza unse recordè chi momënć cun Paolo, Rosa, Sabine y Luca Lucchini. Te na intervista nes ài cuntè emoziuns, sëntimënć y la crëta tl dagnì Corvara - A trëi mëisc de destanza dal medefüch che â atochè en San Salvester le Residence Piz da Lech da Corvara, s’unse abiné cun i aministradus dla multiproprieté, la familia Lucchini. Al é sabeda domisdé canche i i incuntun düć deboriada tl pub che ai manajëia, n local bas ite che é valgamia gnü sconè dales flames. Ai é sentà jö düć cater deboriada pro mësa: le pere Paolo, la uma Rosa y i dui mituns Sabine y Luca. Le pub ài podü daurì do da n mëis y mez, nes cunti, ”n pröm vare tl vers dla normalité”. La desgrazia ti à cambié la vita, ara ti à tut la ćiasa, ara à desfantè i sacrifizi de na vita, mo ara i à inće fortificà. La forza de jì inant ne i manćia nia a chësta bela familia, na familia che tëgn adöm, che se dà forza un cun l’ater, dé por dé. Forza ài inće ciafè tla solidarieté dla jënt, nes diji, tles parores de confort y tl aiüt di compagns, di vijins, dles istituziuns, di stödafüch y de döta la comunité. Ai à orü recordè cun nos chi momënć, cun gran emoziun, mo inće cun la consapevolëza che al é da ćiarè al dagnì, cun crëta y otimism. La Usc: Al é passè prësc trëi mëisc da en chë’ sëra. Ći recorć ëise pa de chi momënć? Luca: I ên düć tl pub, bas ite, che i s’arjignân por la cëna dla fin dl ann. I ân pormò fat sentè jö la jënt, canche an aldî te n iade scraian che al vardô. I sun bel atira saltà fora cun destodadus, mo al n’à baldi jovè a nia, deache le füch â bele pié le tët. Al é ruvé adalerch i stödafüch che à metü man cun le plann de evacuaziun y spo savunse bëgn sciöche ara é jüda inant… Âse pordërt capì la gravité dla situaziun? Sabine: Al ê bele stè n mèdefüch de jenà dl ann passè, che n’â nia albü de gran conseguënzes, te n’ora y mesa êl gnü destodé. Sprigorè m’ài canche i à aldì i stödafüch che dijô che al foss bonamënter stè da sprinzé fina le dé do da misdé. Luca: Iö à capì la gravité dla situaziun canche i à odü rovan adalerch i stödafüch da Sëlva, Urtijëi y Bornech. Sce i stödafüch di chinesc paîsc dla Val Badia ne bastâ nia, messôl ester val’ de scerio. Sëise stà a ćiarè pro che al vardô? Rosa: Impröma ênse tla hala, mo ai s’à parè fora y i sun jüs a ćiarè pro dal’atra pert dla strada. I m’à bëgn spordü dassënn. Sabine: Eh, la mama s’à sprigorè, porchël l’unse atira portada a ćiasa de parënć, olache mi tati l’à arjunta tosc dedô. Iö y mi frè sun indere stà a ćiarè pro, mo dan val’ tan de gran ne podôn fà nia. Luca: Te de te’ situaziuns él bun sce valgügn é dailò, dantadöt por cuestiuns tecniches. Bindicé jôi pa bëgn a me scialdè, mo scenò sunsi stè dailò döta nöt. Ći s’ëise pa ponsè canche i ëis odü che döt jô en föm? Paolo: Iö me aodâ ma che i

Sabine y Luca Lucchini dan le pub, che n’à por fortüna nia albü de gran danns y che ai à bele podü daurì do da n mëis y mez.

stödafüch foss bogn de destodé jö döt. Sabine: Iö ponsâ ai sacrifizi che mi geniturs â fat te na vita; döt jô en föm. Mo la priorité en chë’ sëra ê de tó fora döt le poscibl dal apartamënt dl tati y dla mama y de ti ciafè n post da dormì. Chël ài ciafè y por fortüna ési inće stà bogn da salvè prësc döt. Luca: Mi pinsier ê chël de podëi mëte man le plü atira che ara jô da fà sö indô döt, por che nüsc geniturs podess ester braui de nos. Sabine: Eh, deache se pité ados ne porta a nia, al é da se dè da fà y jì inant. Ma che ti pröms dis n’este nia massa cosciënt. Impormò tla finada t’intëneste veramënter de chël che é sozedü y de chël che te aspeta. Dal apartamënt de üsc geniturs sëise stà bugn de salvè prësc döt. Viôse pa inće os chilò? Luca: Sabine vir foradecà, mo mi apartamënt, olache i viô cun mia chestiana, é vardü por diesc ores alalungia. Al é borjé jö döt, i ne sun stè bun de salvè y de tó para nia. Co ves vàra pa incö, do trëi mëisc? Sabine: Al é na ferida che é intres daverta, al é tres ćiamò jënt che vëgn a damanè ći che al é sozedü. Implü mësson vigni dé se confrontè cun i propr ietars dle s multiproprietês. Al n’é 450. Les dezijiuns tolunse pa bëgn nos che i manajun, mo i messun tres indô ti comuniché chël che sozed, chël che vëgn fat. Plü rî él stè i pröms dis, canche al ê sciori che orô jì a ćiasa, mo â les tles d’auto te apartamënt. Ai à messü aspetè che i stödafüch jiss apartamënt por apartamënt por tó fora chël ch’ê restè. Luca: Tröc se baudiâ deache ai â laite roba de valüta, guant, pelices, che ê vardü jö. Al ê na situaziun scialdi pesoćia, dantadöt por nos che i ân pordü la ćiasa. É pa la situaziun plü complicada por via che al é na multiproprieté? Sabine: No, chël ne podesson nia dì. Nos messun ma ti lascè al savëi ai proprietars les dezijiuns che i tolun. L’assiguraziun toma sön nos. To pröm pinsier, Luca, é stè chël de mëte man le plü prësc

poscibl de fà sö indô döt. I laûrs à belavisa metü man tosc dedô. Ési bele a bun punt? Luca: Eh, i mëssi di che i sun bele a bun punt cun i laûrs. Le proiet é chël de realisé n frabicat avisa sciöche al ciarâ fora denant. I pröms laûrs é gnüs fać por trà jö i sotletëć y i plafonns, por evité de maius danns. Spo unse messü trà fora döt le patüc dai apartamënć y sbujé por che al vëgnes jö l’ega. Al nen n’ê ciamò scialdi tröpa y ara mëss ćiamò desdlacè. L’intenziun é chëra de daurì ai pröms de dezëmber de chësc ann. I sun chilò tl pub, che é bele davert da prësc n mëis, al pê che al ne sides nia stè dër de gragn danns chilò… Luca: Tl pub él ma stè ega y föm che à fat dann, dantadöt te ćiasadafüch y te magazînn. I sun stà bogn de daurì scialdi atira, al é ma stè da mëte apost chël che ê roviné y da fà val’ control. Sabine: Che le pub s’à salvè é bëgn stè na gran fortüna, almanco nen n’unse n tòch. Chilò laurunse düć deboriada, en familia, y i sun dagnora amesa la jënt. Al é n pröm vare tl vers dla normalité. I laurëis düć deboriada, i sëis na bela familia, che tëgn dër adöm. Tan important él pa se sostignì un cun l’ater te de te’ burtes situaziuns? Sabine: Dantadöt te de te’ situaziuns él important da avëi na familia sön chëra che an po se lascè. I laurun düć tl pub, inće deache i ne podun nia se pormëte de tó sö personal. Nüsc colaboradus à por fortüna düć ciafè n’atra ocupaziun y chësc inće por mirit dl ombolt. Luca: Le sostëgn dla familia y di compagns é te chisc caji fondamental. Por ći che reverda le personal, él tröc che nes damana do la ćiasadafüch tailandeja. La cöga à ciafè por fortüna n ater post por la sajun da d’invern, mo bele ai pröms de mà nes àra impormetü che ara gnarà indô a laurè chilò. Restarà pa le pub inće davert fora de sajun? Éra dagnora stada insciö? Luca: I atri agn stlujônse dagnora n valgönes edemes fora de sajun, mo en chësc ann lasciunse pa ma davert.

Tan important é pa stè le sostëgn, l’aiüt y la solidarieté dla jënt por afrontè chësta situaziun? Luca: La solidarieté da pert dla jënt é stada dër grana. Io m’à ciafè zënza n tët sura le će, mo le pröm dl ann m’él bele gnü pité cinch o sis tlês de ćiasa. Ince le tati y la mama à bel atira ciafè n post olà stè. Bele en chë sëra sunse gnüs ospità da parënć, che nes é stà dlungia y che i orun dër rengrazié. Da rengrazié é sambëgn inće l’ombolt, i passa 300 stödafüch che é gnüs cherdà en chë sera. Te chësta ria situaziun unse capì che al é jënt che nes ô bun. I ùn ciafè aiüć de vigni vers, jënt che nes pitâ de gnì a nes daidé da plinderné, mo inće che nes portâ adalerch guant y che nes à daidé inće dal punt de odüda finanziar. N compagn da Brescia é ćinamai pié sö ćiamò en chë sëra por nes dè na man. Sabine: I pröms dis damanâ la jënt co che ara nes jô, ai nes stô dlungia. Al ê porsones che nes pitâ alberch, mo inće garage y magazinns por lascè jö le patüc, botëghes che telefonâ por nes pité n per de ćialzà o na iaca plü ćialda. Tröpes é stades les telefonades, tröc i messaji da pert di compagns, inće ma por dì che ai ê pro nos cun le pinsier. Al é de pices cosses che fej n gran plajëi, che dà forza y che fej jì inant te chisc momënć. Rengrazié oressi düć nüsc compagns, i parënć y i vijins, l’ombolt y les istituziuns, i stödafüch, i Carabinieri, döta la comunité, i ostis che à tignì davert döta nöt por lascè ite jënt a se scialdè, hoteliers che dê fora panettone y boandes ćialdes, che i à dè alberch a chi che n’â nia plü n tët sura le će y a chi che i à dè da gostè. I orésson veramënter rengrazié de cör düć canć chi che s’à dè na man, de vigni vers, forsc ne bastàssel nia döta la plata por i nominé düć.

por na desgrazia, mo an mëss inće dì che al é sozedü forsc tla peso perioda, en San Salvester, canche al ê 140 porsones te ćiasa. Mo an po dì che por fortüna él sozedü dales 9 da sëra, canche tröc ê fora a cëna y por les 3 da doman â bele düć na sistemaziun por la nöt. Ći müda pa tla vita de na porsona do na te’ desgrazia? Sabine: An ne pënsa mai che al pois sozede val’ de te, mo i sun dla convinziun che tla vita nen sozédel plü de burtes. Sce valgügn s’ess fat mè fóssel stè da peso y ponsè a chësc me dà forza. I pënsi che vire na te’ situaziun fortifichëies na porsona. Luca: Al é cosses da peso sön chësc monn, sciöche por ejëmpl de burtes maraties. Nos sun chilò düć adöm, de chësc sunse contënć. Ćina śëgn n’unse nia baié de colpes. Él pa pordërt gnü fora ći che al é avisa sozedü? Ći che à provochè le medefüch? Sabine: An mina che al sides sozedü a gauja de petarg, an â aldì i bòć. Mo al n’é degönes proes che le desmostres. Luca: Mia chestiana, che ê sö t’apartamënt, m’â lascè alsavëi che ara aldî n gran crabal de petarg defora, mo al n’é degönes proes che desmostres che chësta é la gauja. I stödafüch da Balsan à stlüt la cuestiun dijon che al é sozedü por gauja azidentala, l’assiguraziun paia y chël é l’important. Sabine: Mo i foss impò coriosa da savëi sce chi che à trat i petarg ê de gran jënt, y sciöche ai po se sintì. I n’oress gnanca savëi che che al é, i oress madër savëi ći che ai prô. Sce al é stè mituns, speri che ai ais capì tan prigorusc che i petarg é.

Do döt chël che ves é sozedü ne ves manćia l’otimism y la vëia de jì inant nia… Sabine: L’otimism mëss ester. Al é pa bëgn momënć de crisa, deache i ne sun nia de fer. An é döt le dé sot a druch. Danmisdé àn da fà cun cuestiuns burocratiches, domisdé, fina da sëra tert, él da laurè tl pub y le dé do él da ester danü te ofize. Al n’é nia dagnora saurì, mo ara mëss jì y spo podunse rengrazié che al é tröpa jënt che nes mët a desposiziun so aiüt. Luca: Sambëgn, al é da ji inant, la ćiasa à da gnì fata sö, al é da daurì. An mëss dagnora ćiarè de trà fora le miù dales situaziuns, inće da chëres plü burtes.

A tröpa jënt i à la desgrazia fat passè la vëia de festejé en chë’ sëra. Mo al nen n’ê impò de chi che fajô festa por l’ann nü y ai le fajô tiran petarg y füć d’artifize. Co ëise pa vit chësta situaziun? Sabine: Chësta é na cossa che depënn dal iudize dles porsones. I capësci che la jënt é en vacanza y ô festejé, mo almanco i füć éssi podü mëte da na pert, ai odô pö ći che al sozedô. I à dër aprijé che l’Assoziaziun Turistica ais desdit i füć tradizionai dl pröm dl ann. Luca: Al é stè n valgügn ostis che i à inće dit ai sciori da mëte da pert i füć, mo al n’ê de chi che ne se l’à nia lascè dì. I sa che l’ombolt de Badia à dè fora na ordinanza che proibësc l’adoranza de füć d’artifize a porsones che ne sa nia da i manajé. Chësc arati dër important.

An mëss inće dì che i ëis impò albü fortüna tla desfortüna, che i sëis chilò a podëi cuntè chël che é sozedü. De gragn danns a porsones n’él por fortüna nia stè… Sabine: Stè chilò a cuntè nosta esperiënza é la cossa plü importanta. N valgügn stödafüch s’à bëgn borjé, mo por fortüna n’él stè nia de grave. Al n’é gnanca da ponsè sce al foss sozedü n valgünes ores plü tert, canche düć ê te let. Luca: Al n’é mai le dër momënt

Po pa, y dess pa chësta desgrazia ester n avertimënt por la jënt, n inzidënt che desmotra tan prigorusc che füć d’artifize y petarg po ester? Sabine: I speri bëgn che chësta desgrazia ais portè pro a sensibilisé n pü’ la jënt, por evité che val’ de te sozedes danü. Luca: Eh, chësta desgrazia dess ester n avertimënt, mo inće n scomenciamënt nü. Intervista: Katia Pizzinini www.lauscdiladins.com

13


Val Badia

nr. 13 / 29 de merz 2013

N vare cuntra le viz dl jüch Tla sentada dl consëi de comun da San Martin él gnü aproè raiuns sensibli, olache al ne podarà tl radius de 300 metri nia gnì arjigné ite salfs da jüch o mascînns da śoghé a scioldi. Al ordinn dl dé inće les alicuotes IMU por le 2013 te chisc tëmps cun i contribuć che vëgn mëndri o plü tardis? An sënt sigü che döt va zoruch. La spëisa ordinara tl bilanz à messü gnì smendrida dl 5%. Te n comun sciöche San Martin él bele ti agn passà stè rî da stè ite tles spëises ordinares, che mëss pö gnì curides cun les entrades ordinares. Smendrì śëgn te n iade dassënn chëstes spëises n’é nia saurì, inće deache i arati che an à bele ćiarè da sparagné ti ultims agn.

La Junta dl Comun da San Martin.

San Martin - Sciöche prevenziun al viz dl jüch, à i comuns la poscibilité da delimité raiuns sensibli, olache al ne po tl radius de 300 metri nia gnì dè fora lizënzes por salfs da jüch o por mascînns da śoghé a scioldi, sciöche slot machine, videolottery y injins similars. La cuestiun é regolada dala lege provinziala nr. 13 di 22 de novëmber 2010, suradöt tl articul 5/bis, che baia dla ”sconanza de fasces de porsones particolares y por la prevenziun dal viz dl jüch”. Śëgn à inće le consëi comunal da San Martin definì chisc raiuns sensibli, por evité che al vëgnes arjigné ite salfs da jüch o mascînns che podess invié da sciurè ite scioldi, y cun le tëmp deventè n viz.

I raiuns sensibli Sce an ti ćiara ala lista di posć sensibli, y mët laprò le radius de 300 metri, spo n’él defat nia plü meso da daurì n salf da jüch tl comun da San Martin, sce nia amez i boscuns ite, dalunc dales ćiases abitades - por la tó n pü’ sön l’ironich. Pro i raiuns sensibli alda p.ej. i ćiamps dal sport, les capeles y dlijies, y les scores ti paîsc dl comun. A Picolin vëgnel pormez le lift ”Piculin” y le Raiun SozioSanitar, a San Martin le lêch Vistles, la ćiasa de palsa, la plaza dai jüć, l’Istitut Ladin y le Ćiastel de Tor, a Antermëia le lift de paîsc y la pista dla liösa, a Lungiarü l’implant di ćiavai y la pista ”Do Juvel”.

Alicuotes dl IMU Pro la sentada de Consëi nen éra inće jüda dles alicuotes IMU, por le 2013, olache le comun ne n’à fat degönes mudaziuns respet al ann passè. L’alicuota ordinara romagn sön le 7,6‰, chëra sön la pröma ćiasa sön 4,0‰ cun detraziun de 300,00€, chëra por les frabiches rurales sön le 2,0‰ y chëra por les secundes ćiases olache al vëgn paié cuta de

14

www.lauscdiladins.com

sojornanza sön 10,6‰.

Intevista al Ombolt En cunt dles atres dezijiuns unse orü ti fà n valgönes domandes al ombolt Heinz Videsott. La Usc: Ombolt, le Consëi à aproè le program general de svilup dl turism. Ćiünes é pa les informaziuns plü relevantes? Heinz Videsott: I ùn chirì adöm dać por odëi la situaziun atuala: i leć é dal 1991 incà jüs zoruch de 90 unitês, y l’ater aspet interessant é che al é ćiamò za. 25.000 m3 de cubatöra destinada al turism che n’é nia ćiamò gnüda realisada. Le Consëi arata impò che al sides dërt sce al vëgnes ćiamò realisé strotöres. Sön 10 raiuns turistics n’él 7 nia ćiamò frabicà y dui ma en pert. Śëgn magari nia le momënt da fà investimënć, inće sce an mëss dì che cotan de chëstes zones é bele portades ite da agn, mo n’é mai gnüdes realisades. Ći ô pa spo fà le Comun? Dl 2014-15 mëssel gnì laurè fora danü le plann urbanistich. Ilò gnaràl tut en conscidraziun inće chëstes zones. Sce an vëiga che d’atri ess interes, podess en teoria na te’ zona nia anuzada inće gnì straihada. Chësc i dijarunse ai proprietars. I ùn l’interes da avëi zones nöies, mo de porsones che ô inće realisé valch. Le Consëi à definì raiuns sensibli olache an ne po nia mëte sö mascînns da śoghé a scioldi. Él pa de te’ mascînns tl comun da San Martin? Ći che iö sa ne n’él nia. Porchël unse inće aproè chisc raiuns sensibli adora assà, deache sciöche an vëiga altró, n iade che ares é, él plü rî da les tó demez. Sce al vëgn śëgn valgügn cun na domanda da nen mëte fora, podunse dì che do lege ne pòn nia, y la cossa é rovada. Tan sìnton pa tl comun da San Martin les dificoltês da fà n bilanz

Ola odëise pa potenzial da sparagné? L’ert foss chëra da sparagné y mantignì inant la cualité che la jënt é ausada. Da sparagné jìssera sigü sön le refodam, olache an podess p.ej. ponsè da definì posć avisa por lascè jö i sać. O inće sön le desparè che é n gran cost por San Martin, olache al é da ponsè sura döt le sistem y odëi ći che va bun y ći manco. Mo chësc é döt ćiamò da odëi. Tla ultima sentada él p.ej. gnü presentè n stüde sön l’iluminaziun, olache an à ćiarè tan che ara costa y olache an podess sparagné, p.ej. meton löms de consum bas. Al é gnü fora che bele ma sön l’iluminaziun jìssera da sparagné za. 3.500,00€ al ann. Al vëgn baié da mëte adöm sorvisc danter comuns. Te ći sorvisc se imaginasses pa da colaborè cun d’atri comuns? Danter i ombolć unse baié plü gonot de chësta cossa. Na poscibilité foss chëra da scrì fora cer’ sorvisc düć deboriada, sciöche p.ej. le sorvisc dl ciomënt. Insciö me imaginassi che ara jiss sigü da sparagné. Chëra da mëte adöm sorvisc danter i comuns é sigü na strada che sarà da ponsè sura, mo inće ilò él da odëi ći che an po mëte adöm, ćiaran impò da mantignì n bun sorvisc. Le Comun fej impò investimënć, y le Consëi à aproè n ampliamënt dla scora a Lungiarü. Ći vëgnel pa fat? Lungiarü à na palestra de za. 90-100 m2, che é sambëgn püch, sides por la scora che inće por la uniun dl sport che ô fà n curs. Nos orésson fà la palestra plü o manco le dopl maiù. Dessot gnìssel n pêr de locai por uniuns, y laprò él da mëte apost la situaziun dla sigurtè. I ćiararun da portè inant le proiet, y spo depënel dai contribuć che an ciafa da le fà. Canche an sa plü o manco chël, saràl da mëte da na pert i scioldi y canche le finanziamënt sarà dan man, podaràn scrì fora i laûrs. Ći laûrs à pa le Comun ćiamò preodü por iniann? I ùn scrit fora i laûrs por les plazes da Piculin, le marciapîsc tl zënter da Lungiarü y por la dortoraziun dla strada da Ju. Sce ara gareta, orésson inće mëte apost les plazes da Seres, y - sce le finanziamënt vëgn a s’l dè - n tòch de condüta dles eghes pazes iten Pinîs. (pablo)

Le tecnich: ”nia prigorus!” Plü geniturs n’à nia ligrëza cun l’implant fotovoltaich sön tët dla elementara d’Al Plan. I ùn damanè la minunga de n tecnich provinzial

I laûrs por l’istalaziun dl implant fotovoltaich sön tët de scora à bele metü man.

Al Plan - Le Comun de Mareo à afité ia n tòch de tët dla elementara d’Al Plan, olache na dita mët sö chisc dis n implant fotovoltaich (ćiara La Usc di 8.03) de 40 Kwh. La dita podarà anuzè l’implant y prodüje energia por 20 agn alalungia, y ti paiarà porchël al Comun n fit anual de 2.800,00€. Do 20 agn ciafarà le Comun la proprieté dl implant y podarà l’anuzè instës. I laûrs à metü man, mo la noela à descedè preocupaziun danter valgügn geniturs, che se tëm por la sanité di mituns, suradöt por les raiaziuns. Sön chëra à le Comun de Mareo, tres l’assessuria Elisabeth Frenner, menè fora na comunicaziun ai geniturs, olache al vëgn descrit i laûrs y assigurè i geniturs por la sanité de sü mëndri. Al é suradöt l’aparat de converjiun dla energia che cheriëia raiaziuns plü stersces. Chësc gnarà metü te n garasc, dalunc dales tlasses, y por limité ćiamò deplü les raiaziuns, fistidiarà la dita da le injopè te na proteziun surapro. Le Comun de Mareo dà dant inće le laboratore provinzial de chimica fisica, che po dè stlarimënć. Nos ùn telefonè ite, y le colaboradù Karl Dallinger à respognü a nostes domandes. La Usc: Sön tët dla elementara d’Al Plan vëgnel istalè n implant fotovoltaich. É pa de te’ implanć de val’ vers problematics por la sanité di mituns? Karl Dallinger: Chisc implanć n’é nia prigorusc, no por mituns, no por adulć. Pro i implanć fotovoltaics po ma dè preocupaziun chë pert olache la forza eletrica vëgn trasformada. I panei sön tët ne cheriëia degun problem. Al é bele n gröm de te’ implanć sön frabiches publiches, suradöt sön scores. Cara foss pa la destanza ideala che i implanć de converjiun messass avëi dales tlasses? Dijun insciö: l’implant de

converjiun dess ester le plü dalunc che ara va, 10 metri é ideal. Al ne dess a vigni moda nia ester dlungia locai olache porsones se tëgn sö, sciöche te chësc cajo les tlasses. Odëise aspeć por chi che i geniturs dess se stè inré? Nou, ai n’à nia bria da se temëi. An alda de vigni sort de stories, che paurs ess tut jö dales stales implanć fotovoltaics, deache les vaćes ne dà nia plü lat indertöra. Ći nen dijëise pa? (s’la ri) Chilò n’unse degönes informaziuns o dać. Personalmënter ne poi nia le crëie. An à aldì che i implanć fotovoltaics po cherié problems tl cajo de mèdefüch. Podésses nes dì val’ deplü? L’implant instës ne cheriëia nia prigo da mèdefüch. Le problem ê che ai é tres sot a strom y ne se lasciâ nia destachè fora. Śëgn él na firma de Südtirol che istalëia na tlavela (Schalter) che destaca fora düć i panei tl cajo de mèdefüch. Le problem é plü por i stödafüch, sce ai mëss intervenì te n post olache al é n te’ implant, tanco sce al vêrd y ai mëss trà sö le tët cun düć i panei. Ilò n’él nia tan scëmpl. Por le strom n’él degun problem por i stodafüch, deache cun chësc dispositif vëgnel destodé jö le flus de forza eletrica.

Les ultimes En mercui ai 27 de merz domisdé (La Usc ê bele en stampa) é i geniturs di scolars gnüs invià a na incuntada cun l’ombolt Albert Palfrader y la dita por baié de chësta cuestiun. Suradöt val’ geniturs ne n’ô nia avëi chësc implant sura le će de sü mituns, y é dla minunga che porchël che al n’é nia porvè dala sciënza, n’él nia dit che i implanć ne fejes nia mal. (pablo)


Val Badia

nr. 13 / 29 de merz 2013

Aroeder Sr. Iustina Les Monies dla Ćiarité s’un va da San Martin. L'ultima ê Sr. Iustina Pescollderungg San Martin - Les Monies dla Ćiarité de San Vinzenz de Paul dà sö süa filiala tla Ćiasa de Palsa a San Martin de Tor. Cun la cherdada derevers tla ćiasa-uma a Gratsch dlungia Maran dla monia Iustina Pe s c o l l d e r u n g g , l ’u l t i m a romagnüda a San Martin, tol la congregaziun dles monies śëgn definitivamënter comié dala Val Badia. Cun chësc se röiel ia na storia de bëgn 114 agn. An scriô l’ann 1897 canche l’aministraziun dla fondaziun dla ”Ćiasa di Puri” impormò metüda sö a Picolin damanâ les Monies dla Ćiarité sce ares ess surantut la gestiun de chësta strotöra. La congregaziun che â inlaôta la sënta prinzipala ćiamò a Desproch â atira dit de scê y à insciö menè sües monies a Picolin. Chëstes s’â defata ćiafè ite bun y gnô aprijades dala popolaziun por so bun sorvisc a bëgn dla jënt atempada. Le laûr prinzipal se conzentrâ tl guern ala jënt vedla che passâ so altonn dla vita tla Ćiasa de Palsa, mo les monies jô inće a ciafè jënt atempada fora por les ćiases y portâ consëi olache ara jô debojëgn. 114 agn àres fat sorvisc tla Ćiasa de Palsa dla Val Badia. Tröc se recorda ćiamò dër bun i agn cun la gestiun dles monies tla vedla strotöra a Picolin y sa da cuntè tan bunes che ares ê da manajé. La vedla ćiasa ti pitâ inlaôta bëgn püćes comoditês: degöna forza eletrica, degöna ega te ćiasa, de bagns ne gnôl gnanca baié, i vedli funć aristlusc messâ gnì lavà sö

Sr. Iustina Pescollderungg cun la direturia dla Ćiasa Michaela Taibon.

cun le busc. Les monies messâ laurè da na scurité al’atra, orar ne conesciôres degun, y inće la nöt messâ sovënz stè ca por i amarà. Impormò ala fin di agn cincanta, cun la costruziun dla Ćiasa de Palsa nöia a Picolin, s’à les condiziuns de vita y de laûr dles monies spo mudé en bëgn tl vers che la strotöra pitâ finalmënter n ambiënt de laûr cun i standards dl tëmp a na manira da podëi ti pité ai berbesc y ales mëdes n miù vire y na assistënza aladô. Foradechësc ê la Ćiasa de Palsa inće na buna scora por tröpes jones che jô ilò a fà practicum o sües prömes esperiënzes de laûr: ares imparâ da cujì, da cujiné, da fà de vigni sort de laûrs de ćiasa, cosses che ares podô plü tert adorè dër bun.

Tratan la festa te Ćiasa de Palsa, por rengrazié dl bun y gran sorvisc.

Ti ultimi 30 agn s’à la situaziun indere dassënn mudé: la ćiasa da Picolin ê defata deventada massa picera y al é gnü fat sö ti agn otanta chëra da śëgn. Les aministraziuns y cun ëres inće les monies che â sura la gestiun â messü afrontè situaziuns daldöt nöies y mëte man da se confrontè cun i gragn mudamënć che gnô docà: le numer di ghesć jô sö dassënn y chësc se damanâ cotan de personal implü y na manira da organisé döt cotan plü complessa. Cun la daurida dla staziun de cura tl 1989 gnô le laûr de direziun spo ćiamò maiù y la responsabilité metô man da pesè dassënn. Cun na reorganisaziun interna à inultima les monies podü dè jö la direziun. Mo ëres ê inant restades te Ćiasa de Palsa y se conzentrâ dantadöt dl’assistënza ales porsones amarades y de d’atres ativitês sciöche l’organisaziun dles funziuns religioses y i sorvisc incër la capela. La presënza dles monies tla Ćiasa de Palsa ti à dagnora dè ai berbesc y ales mëdes na gran segurëza. Che le tëmp dles monies foss n dé inće tla Ćiasa de Palsa da San Martin jü a fin, ê na cossa da odëi danfora. Y ara é inće gnüda insciö: Cun na comunicaziun di 19 de forà 2013 à la congregaziun dles Monies dla Ćiarité inće cherdè derevers sr. Iustina Pescollderungg, l’ultima dles monies romagnüdes a San Martin. 36 agn à sr. Iustina fat sorvisc te Ćiasa de Palsa, naôta a Picolin spo a San Martin. Ara se fistidiâ dl sorvisc da cujì, assistî i berbesc y organisâ tl ultim les funziuns religioses y se cruziâ dla capela. Cun na santa mëssa de rengraziamënt y na picia festa à la Ćiasa de Palsa orü tó comié da süa ultima monia y la rengrazié por le sorvisc de valur che ara à fat te tan d’agn ales mëdes y ai berbesc y insciö a nosta comunité. Rengrazié él inće gnü la surastanta dla congregaziun Elisabeth Pfattner che à orü ester presënta y che à da süa pert sotrissé la buna colaboraziun dagnora stada danter les döes perts. A sr. Iustina i fajunse les mius audanzes, i dijiun ćiamò n iade n „dilan de cör“ y ti audun n bel tëmp de palsa tla ćiasa de so ordinn a Maran. (Ćiasa de Palsa da San Martin)

Surandada di laûrs dla strada da Rina La firma de costruziun Oberosler Cav. Pietro AG é gnüda inćiariada dala Provinzia da fà i laûrs de ampliamënt dla strada provinziala da Rina Rina - Tla Val Badia gnôl bele dî sburlé por che an jiss inant cun i laûrs de ampliamënt dla strada da Rina, ajache śëgn ne corespógnera nia a dötes les mosöres de segurëza y nia dötes les corieres ne po passè. Ala fin d’otober à la Provinzia de Balsan scrit fora tres l’Agenzia di apalć i laûrs dl terzo lot por amplié la strada da Rina. Ai 22 de

merz él gnü surandè i laûrs tla Agenzia di apalć: l’inćiaria ti é gnüda dada ala firma de costruziun Oberosler Cav. Pietro AG cun n’oferta de 4,15 miliuns de euro, pro na soma totala scrita fora de 5,59 miliuns de euro. Döt adöm à 11 firmes tut pert ala gara d’apalt. Chisc laûrs reverda le terzo y ultimo lot dla strada da Rina. (osp)

I laûrs por le terzo lot dla strada da Rina é dà ia. (Foto: Provinzia de Balsan)

www.lauscdiladins.com

15


Val Badia

nr. 13 / 29 de merz 2013

Daniel Nagler al terzo post Cun materiai ciafà dlungia ćiasa à le scolar da La Val realisé n laûr astrat che la juria à spo inće premié

Feter 1000 primules cuntra le crebesc Le Movimënt dles Ëres tla SVP dla Val Badia adöm ala Uniun dles Patrones dl Comun de San Martin de Tor, la Uniun dles Patrones de Badia y les Ëres tl Artejanat à albü n gran suzes cun süa iniziativa

La tlassa dla scora da La Val.

La Val - Vigni ann vëgnel scrit fora dal museum dla cité da Bornech n concurs por mituns y studënć de döt Südturol. Chësc ann à le scolar dla 5. tlassa da La Val Daniel Nagler podü pié do le

Daniel Nagler cun so laûr premié.

terzo post. Damanè gnôl da laurè sura i laûrs dl artist Mauro Reggiani, n artist dl costrutivism. Pro chësc concurs gnôl damanè che i scolars laurass fora la tematica di corusc y dles formes

de so monn, chël ô dì che an messass odëi la personalité y la maturité dl scolar che à presentè le laûr. La premiaziun é gnüda tignida ai 21 de merz tl museum a Bornech, y te chësta ocajiun àn podü odëi i laûrs de düć i scolars. Le scolar Daniel Nagler à laurè cun materiai n pü’ extra por cherié süa composiziun astrata. Al é n laûr che se fej gnì coriusc, mo che ne scraia nia por ester al zënter dl’atenziun. An podess dì che Daniel tol süa ispiraziun dala natöra; i materiai s’àl chirì dlungia ćiasa. Tl laûr astrat él vignun che mëss ciafè le messaje che al ô ti dè. Dal laûr pòn capì che al vir a La Val y che les formes y i materiai dla munt l’ispirëia te so laurè. Döt adöm él gnü menè ite plü co 1.100 dessëgns, cun les tecniches plü desvalies. Al gnô damanè originalité, creativité, tecnica y l’interpretaziun artistica. Por düć i scolars che à tut pert él stè n suzes, deache vigni esperiënza arichësc la personalité y dëida crësce. (Rudi Moling)

Aziun - Incër le dé dla ëra ai 8 de merz él ignü a s’l dè por le terzo iade l’iniziativa dles primules por sostegnì la arichirida dl crebesc. L’aziun é gnüda metüda da jì ai 8 de merz a Badia y ai 10 de merz a La Val, San Martin de Tor, Antermëia, Lungiarü y Rina. Inće sce le tëmp ne fajô nia vëia d’aisciöda, él stè la jënt ladina che ne s’à nia trat zoruch da dè indô na man y mostrè so gran cör. Al é gnü venü feter 1.000 primules, rodunt 960. A Badia él gnü trat ite la soma de 695,00€, a San Martin de Tor 464,50€, a Lungiarü 451,00€, a Antermëia 254,00€, a Rina 236,00 € y a La Val 534,00€. Do avëi tut demez les spëises él restè la bela soma de 1.816,50€, che podarà ti gnì surandada ala microbiologa Petra Obexer, che se dà jö cun l’archirida sura le crebesc tl sanch, che toca gonot i mituns. En ocajiun de na conferënza stampa a Balsan, tla sënta dla SVP, che gnarà a s’l dè

Tla Val Badia él gnü venü 960 primules por la inrescida sön le crebesc.

Antëna bëgn, na vaćia no Na curiosité liada al’antëna de Badia Badia - L’articul sön l’antëna de Badia, publiché tla ediziun dl’edema passada, à descedè reaziuns. Te redaziun nes él laprò inće gnü menè ite na osservaziun de n paur. Rodunt i dis che al vëgn baié da mëte sö l’antëna sön Col da Ćiaminades, à le Comun de Badia menè fora les chertes a chi proprietars che à grunt interessè dales sperses de sconanza dles eghes. Le cajo ô che öna de chëstes sperses é inće la parzela olache al podess garatè l’antëna nöia (la nr. 1006), tan inant che le Tribunal le comanarà y le patrun dl grunt sarà a öna. Les döes cosses ne taca

16

www.lauscdiladins.com

tles proscimes edemes, gnaràl presentè tan che chësta iniziativa à portè a livel de Südtirol, olache ara vëgn tignida bele da 13 agn incà, y tres chëra che an à abiné adöm tl 2012 la gran soma de 45.000,00€. Vigni resultat positif ciafè fora tla archirida, inće le plü pice, che aumentëia les poscibilitês de varijiun y arlungia la vita, ti scinca ala porsona atocada y a süa familia la poscibilité da passè plü tëmp adöm, porchël orunse inće nos ëres cinché tëmp por n bun fin. N gran dilan ti va ales ëres dla Uniun dles Patrones de Badia, ala Uniun dles Patrones dl Comun de San Martin de Tor, ales Ëres tl Artejanat, che à fat para cun le Movimënt dles Ëres tla SVP dla Val Badia y a dötes les ëres che à a val’ manira portè pro al garatè de chësta iniziativa. Mo suradöt n dilan a döta la jënt che à daidé y à cumprè n pröm bof de aisciöda. (Ëres tla SVP dla Val Badia)

sambëgn nia diretamënter adöm. La sconanza dles eghes é öna, l’antëna é n’atra. Impò pêl n parados. Ti raiuns de sconanza dles eghes él iüstamënter proibì da sciurè fora boacia o coltöra, che podess trà ite tl terac y cherié l’incuinamënt dl’ega. Laprò ne pòn tla zona interessada gnanca menè tiers a pastöra, deache sü escremënć podess inće ajié l’ega. ”Döt bun y dërt”, nes dij le paur, mo n’él nia n cuntrasëns che sön na parzela ne pòn nia menè a pastöra n tier, che podess fà na pisciada, mo sön la medema parzela pòn mëte sö n’antëna che fej raiaziuns döt l’ann dé y nöt?” (pablo)


nr. 13 / 29 de merz 2013

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

I comuns sul troi de la gestion sozièda Dant dai prumes de messèl na lingia de servijes cognarà vegnir gestii te na forma consorzièda anter duc i comuns Aministrazion - Aldò del protocol su la finanza locala sotescrit co la Provinzia de Trent de otober del 2012, i comuns che à manco che 10.000 sentadins cognessa pontèr via inant dal prum de messèl del 2013 co la gestion sozièda obligatoria de na lingia de servijes: la entrèdes, i contrac e i apalc, l’informatica ITC, i polins e la segreterìes. A l’ombolt de Soraga Roberto Pellegrini, ombolt de procura per la costions de bilanz, ge é stat dat sù l’encèria de se cruzièr de chest projet. A el ge aon domanà coche la é la situazion e i vèresc che l’é stat fat. Che perveidela la gestion sozièda? Roberto Pellegrini: “Prum de dut ge vel dir che, ajache se trata de na gestion che no revarda na firma privata ma set comuns metui ensema, l’é n prozess n muie emportant ma ence zeche de particolar che va a tociar, tant ti pìcoi comuns che te chi gregn, equilibries che l’é daìte de ogne un. Se trata de n mudament n muie gran a livel de organisazion del lurier e donca no segur sorì. Coscita endana aon dit che vardon de pontar via olache l’é più sorì desche per ejempie col servije di tribuc. Sun chest l’é jà n trat che ge luron dò.” Che vèresc él stat fat? “L’é stat metù sù n grop de lurier co la colaborazion de la Deloitte de Milan olache l’é ite i raprejentanc di comuns e i responsàboi di servijes di tribuc. Aon giusta abù enstadì na scontrada col dirigent di Enc locai dr Giovanni Gardelli per

chesta gestion soziada, Alessandra Bugarini responsàbola de l’ofize tribuc de Poza e che la se à tout sù l’enciaria de ne portar dant n model organisatif.”

Roberto Pellegrini, ombolt de procura per la costions de bilanz e la gestions sozièdes del Comun general.

rejonar de cosć. Ne é stat prejentà zeche dac obietives touc da autre comunità de val olache somea che i cosć de la gestion soziada se smendre en relazion a le pratiche, ma chisc dac no tegn en conscidrazion la popolazion. E sui cosć se aon fermà, percheche cognon vardar co i spartir anter duc i comuns.” Duc i comuns èi aderì a la gestion sozièda? “Duc i comuns aderesc ma no duc i comuns met l personal, no percheche no i ge stasc ma per desvalives problemes ogetives che ge empedesc de manar fora l personal. I comuns che no darà personal sion noi e l comun de Mazin, e Ciampedel l’é amò dò che

l valuta. Chiò te nosc comun ades jirà en penscion na persona e donca se metassane a la leta valgugn se troassane en dificoltà.” Co vegnarèl fat donca? “La jent che ades laora ti desvalives ofizies de comun se metarà ensema te n team che se cruziarà de front office, de faturazion, de la gestion de le steore, di controi ICI e IMUP e di zertamenc per recuperar i paamenc che ti egn passé no é stat fac. Te la val l’é n muie de persone enjignade e competente che podarà se spezialisar amò de più te chisc setores e se podarà a chesta vida slariar fora la profescionalità. L’é stat troà na persona de referiment che doventarà la coordenadora de

Coluns él i benefizies per la jent? “Al scomenz no se vedarà sobito i benefizies ma i ruarà col temp, ence se chi maores per la jent sarà na responeta più calificada te duc i setores. Chierion de far l miec possibol per noscia comunità e per chela de val. L’é ence da dir che no podon pissar de seghitar coscita, cognon tacar a razionalisar valch, no percheche l’é la spending review, ma percheche l’é giust. Dapò l’é ence da dir che i comuns vif col fondo perequatif, se noi no aderion a la gestion soziada ne vegn smendrà del 20% l fondo perequatif. Chest podessa somear desche n recat, ma son spervajo che l’é miec che la soluzion la rue da noi che da Trent.” I sentadins seghitarèi a aer i medemi servijes? “Scì ben segur, ma i cognarà se usar a se spostar percheche se en chela dì che i dora valch da l’ofize tribuc no l’é a la leta nesciugn te so comun, i podarà jir te n auter comun e aer le medeme informazion. Duc i comuns defat lurarà en rei coi medemi sistemes informatiches.” Él jà stat fat vèlch te chest setor? “La gestion soziada de l’informatica sarà na gran endesfida, crear n sistem che miore l lurier di ofizies e che mete en rei i dac anter

i comuns e l Comun general de Fascia. Per chest Informatica Trentina à metù a la leta n tecnich informatich che ne deida a se enviar via e a sincronisar nosce rei. L coordenament informatich l vegnarà fat da man del Comun general col responsàbol Stojan Deville che l lo fasc jà per i refudames, ades ge vel l’aplicar a dut l rest.” Somea n sistem belebon complicà da meter a jir. No él l risech che se smaore i cosć? “Al scomenz no sarà n smendrament de cosć, ma sun chest sion amò dò che fajon na proiezion, vardan l cost del personal e de la faturazion. Per se enviar via aboncont l’é pervedù finanziamenc da la provinzia.” Te chesta gestion l’é ite ence i polins e i contrac de apalt... “L’ombolt de procura Riccardo Franceschetti, te l’ùltim Consei di ombolc, l’à rejonà de n projet per chel che varda i polins e che te pech temp l’aessa fat aer n sboz de convenzion. Per la gestion soziada sui contrac de apalc enveze aon individuà le persone tecniche e aministrative che lurarà apede al segretar de comun. Se jirà en gestion soziada tel cajo de lurieres sora i 500 mile Euro e chest sarà segur n bon didament. L mudament l’é n muie emportant e l’é tempes da respetar, sé che no duc i aministradores i é a una, ma gio ge crese, e per chest ge laore dò con gaissa e empegn.” Intervista de Monica Cigolla

Tares, na neva tassa per noscia gofes Con chest nef tribut sui refudames, pervedù jà acà n an dal decret Salva Tèlia, se paarà 30 centesimes en più per ogne meter chèder Steores - La Tares l’é la neva tassa comunèla sui refudames e i servijes metuda ite da la Lege de Stabilità. La era stata perveduda fin dal scomenz del 2013, aldò de cater rates, ma la é stata sburlèda più outes per via de la situazion del goern e la litazions. L prum paament cognessa vegnir fat per de messèl. Chesta neva tassa met ensema Tarsu (la Tassa sui refudames “solidi urbani”) e Tia (la Tarifa de igiene ambientèla) e la finanziea ence l cost di servijes che no se pel spartir (“indivisibili”), desche per ejempie la lum publica e la manutenzion de la strèdes. La vegn calcolèda a metres chèdres, per ogne meter chèder ge vel paèr 30 centeisemes, tant i patrons de n frabicat che chi che l’à tout a fit. Su l’ùltima rata de l’an i comuns pel dezider de aplichèr amò n smaorament de 10 centeisemes a meter chèder e se tegnir chel che vegn ite, ampò te Fascia l’é stat jà fat fora de no se n emprevaler.

N vèrech endò de 10 egn “Te situazion virtuose desché la noscia, l’é n pas endò de 10 egn - ne à dit l dotor Stojan Deville, de l’Ofize de Igiene Urbana e Ambientèla del Comun general de Fascia. - Per

fortuna l’é l Comma 29 de l’art. 14 de chest DL nr 201/2011, che se l recordon percheche l’é noscia salveza, che disc che olache l’é sistemes mìngol più sofistiché e puntuai se pel i mantegnir. De grazia, percheche l’é situazion stroz per la Talia che le é deldut de n auter vers. L’idea l’era apontin de comedar cheste realtà, defat l’é stat rebadì che i servijes cogn vegnir scuerc al 100% con chel che vegn ite, e da autre man no i era scuerc, ma te noscia realtà l’é segur 7 o 8 egn che sion scuerc al 100%, i contribuenc i se paa deldut l servije.”

Na patrimoniala a duc i efec La adizionala Tares de 0,30 euro al meter, che se basa sui metres chèdres relatives a la tarifa de igiene ambientala, l’é donca na patrimoniala a duc i efec, che no à nia a che veder con la tarifa percheche no se à n servije aldò del paament e la pesarà no pa pech su noscia gofes. N cartier de 100 metres chèdres paa 30 euro, n hotel de 3.000 metres chèdres paa 900 euro, te Fascia vegnarà binà sù più che 400 mile euro de adizionala che jirà dret al goern zentrèl. Anzi a la dir duta i é jà stac tegnui endò dai reversamenc a la Provinzia te

l’ùltima manovra finanzièra, su la basa di metres registré al Cataster, e dò vegnarà fat n congualie. “Noi se troon te la situazion de aer na tarifa con l’aplicazion de l’Iva e na tassa zenza Iva - va inant l dotor Deville - no se pol le faturar ensema, se un l völ far recors l cogn jir dal Giudize ordenarie per la fatura e a la Comiscion Tributaria per la tassa.”

Spetan l decret atuatif Per la fin de oril cognessa vegnir manà fora n decret atuatif che l mete al luster che che l’é da far. Se no l rua ge vel ge jir dò “a la letra” a chel che disc l decret “ma l’é senester

percheche l’é n grum de problemes che no vegn touc en conscidrazion - l’à dit amò Stojan Deville - no l’é nince stat fat amò a saer i codesc de paament per l model F24 per la Tarifa de Igiene Ambientala (Tia) e per la Adizionala Tares da ge dir a la jent, sion te chesta situazion. Aboncont l’é emportant ge far entener a la jent che no se trata de n smaorament del cost del refudam, ma che l’é apontin na patrimoniala desche l’Imu. Noi chigiò sion fortuné percheche béleche duc i comuns se tira sù de bie scioldi con l’Imu, donca ben o mal i é bogn de se la far cà. L’é desvalif l descors per chi comuns che no vif de turism, olache vegn

tirà sù pech de Imu: i besognes de servijes l’é semper chi, ma i se troa de fat con manco scioldi. I comuns pìcoi i stentarà coi egn, chesta l’é dut na gran operazion e belebon evidenta per tor demez i comuns pìcoi e i far meter ensema.” Te chest moment donca la situazion é chesta, da zeche ora l’era ence stat fat l’ipotesa de la tor demez, ma fin che no l’é n goern che pel dezider de mudèr vèlch nos se troon a cogner tor dant chesta neva stéora, che vel dir tirèr fora n bon pec de scioldi.

N’autra neva revèrda ence l’Imu Per chel che vèrda la steora Imu co l’an 2013 l’é na neva. Se trata de na desposizion a livel nazionèl che domana de mudèr i sìngoi regolamenc de comun per i adatèr e che donca i consees cogn aproèr. La perveit l mudament de la aliquota relativa a la categorìa D di frabicac de impresa, che tol ite anter l’auter i Hotìe, che la doventa per duc del 0,76%. I scioldi regoec da chesta categorìa va diretamenter al Stat, enveze dut chel che vegn ite da l’autres l resta ti comuns.

Stojan Deville, de l’Ofize de Igiene Ambientèla del Comun general.

Cristina Marchetti www.lauscdiladins.com

17




La Usc de la scola _ _ _

nr. 13 / 29 de merz 2013

Che él pa la pegna da tornacion? N percors didatich del Museo ladin tel chèder del projet Montagna Amica mena i scolees de seconda populèra a descorir i secrec de la caseificazion

I bec de la seconda populèra de Soraga endèna la vijita col malghier Peter Decrestina.

Anter i percorsc che ge vegn sport chest an ai scolees de Fascia, n’é un dassen enteressant, destinà ai bec de la seconda populères de duta la val, che l ge ensegna ence a fèr smauz. Se trata de n percors daìte dal projet “Montagna Amica”, envià via da la Scola de Fascia amò del 2008 tras na convenzion con l Museo Ladin de Fascia e etres enc (SAT, Forestala, Menacrepes, Museo Storich de Trent e c.i.) per meter ensema na programazion struturèda e multidisciplinèra de più egn, con percorsc de descorida, laboratories didatics e escurscions culturèles, per ge dèr ai studenc la pruma cognoscenzes e competenzes per la promozion e l stravardament del patrimonie naturèl de Fascia. Una de la ativitèdes endrezèdes te chest chèder dai Servijes Educatives del Museo Ladin l’é apontin chela destinèda ai bec de la populères che l’à per tìtol “Chel dal formai”, la revèrda l lurier de la “caseificazion” e la se dejouc te la

neva Mèlga de Fascia a Pera. Aldò de chest percors, via per chisc meisc i scolees de la seconda populèra, compagné da sia maestres e da la operatores di servijes didatiches del Museo ladin, Martina Chiocchetti e Rebecca Sommavilla, i à podù veder la neva sezion del Museo dedichèda a la produzions che vegn dal lat, coi èrc, la fotografìes, la chèrtes e i video del sistem multimedial, e i à podù ence veder l Salvan, apontin “chel dal formai”, ajache l’é stat el a ge ensegnèr ai omegn i secrec per lurèr l lat e otegnir prodoc da poder desfrutèr, magnèr e conservèr per meisc alalongia. Dapò, vidé con pazienza e saer dal malghier Peter Decrestina, i à podù veder dal vif co che vegn enjignà e tratà aldidanché la formes del “Cher de Fascia”... e ence snasèr co che muda la puza che l mola fora aldò de sia sajonadura! En ùltima i à ence podù proèr enstesc a fèr l smauz menan la pegna... e segur no i se aessa pissà che se fae tanta fadìa!

Per ciapèr endò forza, no l’é mencià l moment del marendel, ence con prodoc de la mèlga desche yoghurt fresch, e dapò per fenir, duc endò daìte a empienir ite la

schedes didatiches... e veder se i se recorda che che l’é la pegna da tornacion o a che che servìa l persum. Dalbon na bela esperienza, che

deida i bec a se arvejinèr a n lurier emportant per la storia e l’economìa de Fascia, descheche l’é chel del malghier, cognoscer chel da n’outa e veder chel de anchecondì. (lg)

I bec pel ence se fèr n bon marendel coi prodoc de la Mèlga.

Dai libres al “tablet” envers na scola digitèla Per i bec de IV liceo scientifich l’é pontà via n projet de sperimentazion de la doura de computer te la didatica al post di libres Informatica - L mond va coran e prest enveze che refes pienes de libres pesoches, i studenc se portarà a scola l computer o l “tablet”. La prospetiva l’é che la didatica te la scoles passe semper de più dal papier al digitèl, soraldut per na costion de sparagn. La Scola Ladina de Fascia à scomenzà a ge jir dò a chest troi e enstadì la IV del liceo scientifich à podù sperimentèr n nef program che mìngol a l’outa ge darà l met de studièr col computer. L dozent de talian e latin, prof. Nicola Parzian, ne à contà coche l’é nasciù chest projet. “Via per de november la Provinzia ge à proponet a la scoles del Trentin de sperimentèr la inovazions tecnologiches te la didatica. Dò aer rejonà con la Sorastanta e col Consei de clas de la IV scientifich, aon lurà fora n projet che l’é stat selezionà con etres 14 te dut l Trentin. Te chest ciamp de inovazion de la didatica, aon podù comprèr pìcoi computer

18

www.lauscdiladins.com

da 12 polejes olache l’é stat metù ite n sistem operatif de Linux svilupà da la Facoltà de Informatica de l’Università de Trent che à inom Wiild os. L’é na personalisazion de Ubuntu (sistem operatif per computer) proprio per la didatica, olache l’é na lingia de programes che ogne ensegnant e student podarà durèr ence a scola”. Endèna te la Scola de Fascia l’é stat fat na pruma scontrèda de formazion olache i tecnics de l’Università ge à ensegnà a durèr chest nef sistem a dozenc e studenc ensema, e l’é en program etres doi momenc de formazion e n moment finèl de confront con i ensegnanc de autra classes. “Su la doura – ne à spiègà Parzian - gé che ensegne talian e latin é pissà che se podessa creèr ipertesć (pagines internet), ence percheche tel projet informatich l’é pervedù ence de meter l “wi-fi” te duta la scola. Donca piates web desche Wikipedia, che dèsc l met de se spostèr sun desvalives

contegnui e che vegn duc chenc prodoc e elaboré dai studenc. É pissà a n percors te l’ambit de l’Elegia latina, ajache con chesta se pel realisèr conescions ipertestuèles. Te scrives n test de basa e se te druches sun vèlch parola spezifica se aur autra piates e aprofondimenc. Te l’Elegia se

podessa partir da la definizion e jir inant con etres contegnui enscin a la piata di ejempies. Ben segur no se pel copièr dai libres, ma se cogn fèr dut cant nef. I studenc coscita cogn elaborèr e jir più a fon te chisc tesć, che n’outa fenii e vardé fora dai ensegnanc i sarà a la leta de duta la Scola a na

I studenc de IV Scientifich che à tacà a durèr i neves programes per na didatica digitèla.

vida che se doure semper de manco i libres. Defat un di obietives del projet l’é chel, col temp, de sostituir i libres de test. Chest l’é segur n percors che jirà inant per n bon trat, no sarà sorì al scomenz, soraldut per vèlch materia, ma l’idea l’é chela de tachèr.” (vr)

Un di computer compré ite per la sperimentazion digitèla.


Fascia

nr. 13 / 29 de merz 2013

Più besties te Fascia, ma poura per na neva malatìa Dò la radunanza di arlevadores de la Federazion trentina, l vizepresident Ferruccio Chenetti ne à contà coche l’é la situazion te noscia valèda

Ti ùltimes egn te Fascia desvalives joegn à avert de neva stales e se dèsc jù con pascion tel mestier del bacan.

Bestiam - I tempes i é mudé e te Fascia stales n’é semper de manco, ma chel che fèsc marevea l’é piutost che l’é semper più besties. N segn positif per l setor zootecnich che an dò an vegn semper più tegnù en conscidrazion ence dai joegn fascegn. Enstadì i arlevadores i se à binà per na radunanza, endrezèda desche ogne an da la Federazion provinzièla di arlevadores per portèr n contribut a la radunanza generèla che vegnarà fat via per de oril. L vize president de la Federazion l’é l veterinarie fascian, l dotor Ferruccio Chenetti che l’é ence president de l’Union di arlevadores de Fascia e Fiem. Sion jic enstadì te sie studie a Pardac, ló da l’Azienda Sanitèra, e ge aon domanà coche la é jita la radunanza e chel che l’é vegnù fora. Che él stat dit a la radunanza? Ferruccio Chenetti: “L’é stat rejonà del patrimonie de le bestie che aon e da chel aon vedù che enveze che jir endò, sion smaoré. Aon manco stale, ma più bestiam, tant te Fascia che te Fiem. (cfr. I dac tel box sun chesta piata). Semper endèna la radunanza dapò aon rejonà de chesta malatìa, la malatìa de Johne, che é stata troada fora da pech. Con la globalisazion le malatìe che le é da autre part del mond se le troon te

L dotor Ferruccio Chenetti, vizepresident de la Federazion provinzièla di arlevadores.

ciasa, perché col comerz l’é n jir e vegnir de bestiam e con chest sauta fora de autre malatìe.” Él endò na malatìa che vegn passèda con la roba da magnèr? “Na. Col magnar l’era la “mucca pazza”, canche en Inghiltera i ge dajea farine de animai a autres animai. Chisc animai l’era feide malade, che ge à passà sia malatìa a le vace e dò l’é stat n biteboi te dut l mond. Chesta de Johne enveze l’é na malatìa che aldò de na enrescida l’é sutà fora che n’é valch cajo ence da noi, ence se jon miec che da autre man del Trentin e adertura de la Talia. I à fat valch sondaje perché l’é jà desvalives egn che i é dò che i studia te l’America, Franzia, Danimarca, Germania e autres stac. L’é na malatìa che vegn per contat. Al scomenz le bestie che à chesta malatìa le taca a perder peis, le à manco lat, le à la fiora, l peil su dret, le é ló padide e a la fin le ciapa la schita che la le copa jù. L microbaterie che l’é te la schita pel enfetar i autres animai che i é a contat. L’é ence na teorìa che disc che se la ciapa sù ja dal scomenz, canche n pìcol l’é amò tel venter de la mare enfetada. Però la maor part de le bestie i la ciapa per l contat con la grascia. Sozede che chisc animai i se enfeta, ma sobito no se veit la malatìa. Ence con le diagnostiche che l’é aldidanché l’é senester la troar sot i 36 meisc. Fosc, col jir del temp, canche se perfezionarà dut, se sarà bogn de la ciapar dant. Te Fascia e Fiem aon presciapech 26 caji e dotrei de dubies che vedaron tel davegnir coche la jirà. Chel che ne fasc marevea l’é che enscin ades con la schita n’aon vedù dassen pec. I autres par che i stajesse belebon ben, fora che valch cajo che dò la notifica te le stale l ne é stat segnalà. No saon amò giust”. Él problemes ence per la trasmiscion del baterie da la grascia a l’erba e tel fen? “Chest microbaterie l’é ben resistent tel temp, ma fosc per ades no l’é chisc problemes. Endana no i à dit tant che chest microbaterie l dura tel teren e tant de temp dò che l pel amò enfetar, però pel esser che tel davegnir, canche se

cognosciarà miec chesta malatìa, vegne mudà chesta ipotesa. Ades la Provinzia l’à metù en esser n Pian, no obligatorie, ma vincolant. La disc che i animai malé cogn esser copé e la disc che te la comerzialisazion, duc i animai sora i 24 meisc i cogn esser proé. Se cogn ge far l prelief del sanch, tant tel cajo che se vene chiò da nos o chiò vejin, tant che se vene animai te autres Stac de l’Europa o fora de ca. Chiò n rua n muie da la Germania e l’Austria. N’autra regola che i ne à metù l’é che se n vedel nasc da na femina positiva e se vel l’arlevar istesc, no se pel l vener dant che l’abie 36 meisc e aer proà che no l’abie chesta malatìa. La Provinzia l’à ence dit che la dajessa en contribut per copar i animai malé, ma da Bruxelles endana no ge é stat dat l’autorisazion, aboncont de emportant l’é che la ciarn de cheste bestie se pel la magnar e donca ence l lat. Con la “mucca pazza” se cogn desfar dut, ma te chest cajo la malatìa no ciapa le persone. Sion ben amò al scomenz de le enrescide sun chesta malatìa, ma endana no l’à influenze diretamente su l’om. Se spera che la tecnica la se spezialisee semper de più e che se rue a entener semper dant”. Donca él semper de neva malatìes da cogner se parèr? “Ei. Acà dotrei egn te n paìsc sunsom la Germania , a Schmallenberg, l’é vegnù fora na malatìa olache nascea animai malformé. Te pech temp, doi egn, se troon a l’aer vejina a noi. Sun nesc confins. Per fortuna chesta de Schmallenberg l’é n’autra malatìa che no à conseguenzes su l’om. N’aon n muie de malatìe che no aane chiò, desche la Fiora Q o chela de le af. L’é dut conseguenze del fat che no se é più seré chiò te nosce val. L mondo gira, desche le persone. Ence noi cherdaane de no rejonar più de TBC, e enveze se l’aon troada te le persone e ti animai. Acà trei egn la é vegnuda da l’Austria e la é ruada te le valade de Non e Sol olache i à comerzialisà proprio con l’Austria. Chiò da noi per fortuna, no l’é ruà bestie con chela malatìa aló e se l’aon cavada. Ma chel che l’é mudà

ence per noi l’é che aane scomenzà a far le proe te le bestie ogne doi o trei egn, ajache no l’era più caji, ades enveze cognon la far ogne an. Mie lurier l’é chel ló ades. Cogne ciapar da fin forinsom la Val de Fiem e ruar fin ta Penìa, chisc dis passé son proprio stat ta Penìa, da Maddalena Iori, da Nicola Eccel e ence da le ciaure de Patrick Valeruz”. E la rabia? “Chest l’é ence emportant. Proprio enstadì l’é vegnù fora che no se cogn più far l vazin. Nience più i cians”. Chisc dac de la stales semper maores él percheche l’é semper più joegn che se met a fèr chest mestier? “Ei, Fascia e Fiem l’é l post del

Trentin olache aon l’età di bachegn più bassa. Dapò l’é ben semper valch persona de età che mola, ma l’é semper più bestie perché i joegn, se i vel vadagnar valch, i cogn aer più bestiam. Enteressant l’é ence n dat che tol ite Fiem olache l’é n muie de joegn che va con le feide, adertura n’é dotrei de 18 egn. A la fin cognon duc magnar e l’agricoltura sarà chela che arà davegnir. I parla che sarà semper più debesegn de scorte de roba da magnar e dapò, se l’é possibol, no meter en moto camion e aer dut roba, descheche i ge disc “a chilometri zero”. Tel davegnir se cognarà jir te chela direzion ló se se é bogn de se la far cà mìngol ben. Se no pian, pian, l’om l’é dò che l se roìna con soe man”. Valentina Redolfi

Chisc i numeres del bestiam te Fascia Tel setor de la vaces, te Fascia troon en dut 58 stales: 18 a Poza, 11 a Moena, 11 a Vich, 8 a Soraga, 5 a Ciampedel, 2 a Mazin e 2 a Cianacei. Te chesta stales l’é ite 1.202 vaces spartides anter Moena che la n dombra 388, Poza 334, Vich 205, Soraga 129, Ciampedel 64, Mazin 63 e Cianacei 19. Tel setor de la ciaures e feides, ma più che auter ciaures, te Fascia l’é en dut 31 aziendes: 10 a Moena, 6 a Poza e 6 a Ciampedel, 4 a Cianacei, 3 a Vich, e 1 a Mazin e 1 a Soraga. Te duta Fascia te duta chesta stales l’é 235 anter ciaures e feides: 85 besties a Moena, 67

a Poza, 26 a Vich, 24 a Ciampedel, 13 a Cianacei, 11 a Mazin e 11 a Soraga. Apede a chisc te Fascia l’é ence desvalives arlevadores de ciavai. Ti set comuns en dut l’é 48 aziendes te chest setor. A Moena l’é 20 aziendes con en dut 57 ciavai; a Poza l’é 10 che tegn en dut 26 ciavai: a Soraga i é de 9 che i à en dut 13 ciavai. Dapò l’é Ciampedel con 3 aziendes e 30 ciavai, Vich con 3 aziendes e 8 ciavai, Cianacei con 2 arlevadores che tegn en dut 13 ciavai e tinùltima Mazin con una azienda che arleva da soula 6 ciavai. (vr)

Te Fascia l’é 1.202 vaces.

www.lauscdiladins.com

19


Fascia

nr. 13 / 29 de merz 2013

L Rotary à premià la Marcialonga La cognosciuda organisazion à volù ge sporjer n recognosciment e n develpai particolèr ai atlec e organisadores che te chisc egn à fat de chesta competizion n moment emportant ence a livel sozièl l’à dit, fia de la cultura del sostegn e del didament, che à reijes fones te na comunanza che cognea se didèr fora per soraviver. Ades enveze l’é besegn de chisc prinzipies per crescer te l’economìa ma ence tel sozièl, ajache chesta l’é una de la pecia endesfides, se no adertura la soula, che met adum la doi valèdes e che se emprevèl de passa 1300 volontadives. Jà ades i é dò che i arjonc l numer de enscinué de la edizion n. 40 del 2012. De chisc, sche 3000 concorenc i jirà a stèr te hotel soranet, e mec de chisc i jirà te la strutures de Fascia. L diplom dat te man del president Weiss l ge recognosc l lurier e la pascion che l ge à metù per portèr al suzess la manifestazion

L Rotary Club à volù premièr i protagonisć de la Marcialonga.

Moena - Con n colp de mazet a la ciampèna l’é tacà via enstadì la scontrèda del Rotary Club de Fiem e Fascia te sia senta ofiziala, l’hotel Deville de Moena. La sera, per enteress de na componenta del grop, Margherita Detomas, la ge é stata dedichèda a la Marcialonga, o miec, ai protagonisć de la granfondo de Fiem e Fascia, i atlec de paslonch de cèsa. Descheche se sà, l Rotary l’é la pruma organisazion de servije al mond. Si sozi i vegn dal mond del business, profescionisć e leader de la comunanza. I sporc servijes umanitères e i slèria fora si obietives de pèsc e bona volontà anter la jent, estra che i prinzipies etiches te la profescion.

Enstouta i à volù envièr a cena i marcialonghisć de veia data, senatores e chi che à coret più che trenta edizion de la garejèda, e ge recognoscer n diplom con su scrit n Develpai per aer didà a sparpagnèr l spirit de la Marcialonga. Da bon ex marcialonghist, l president del Rotary Gustavo Giacomuzzi l’à abù paroles dassen sentudes per saludèr i envié, anter chisc ence Gloria Trettel, diretora generèla de la Marcialonga e Alfredo Weiss, vizepresident per 12 egn e president dal 1993, che per de jugn l lasciarà chesta encèria. L’à recordà che tor pèrt a chesta scomenzadiva sportiva vel dir se meter en jech, jir fora da la coa

sorida, se dèr la endesfida con se stesc e stèr coi etres. L’à nominà l’operazion arcobaleno che à caraterisà i prumes egn, canche vegnìa sport per nia na cambra veta ai atlec che vegnìa dal lont. L’à fenì col sotrissèr la voa de la jent de la valèdes de endrezèr zeche de desvalif da poder stolzernèr, che à concostà na bela arpejon de cognoscenza del schi de paslonch che segur ge à joà ence a l’endrez di mondièi de saut e paslonch. Per Alfredo Weiss chesta garejèda l’é desche na testimonianza de la vita da duc i dis, se ponta via, se se embat te la dificoltèdes, se tegn fora la fadìa, se tegn auta la motivazion e zacan se rua, se à ence sodesfazion. Na manifestazion,

te Fiem e Fascia. No l’é mencià ence n vèrech endò a nominèr i cater fondadores de la Marcialonga, Rinaldo Cigolla, Giorgio Fontana, Ilario Bez e Arrigo Delladio, dant che ge sporjer l diplom ai trei senatores Giuseppe Davarda da Cianacei, Luigi Delvai da Caran e Marco Aurelio Nones da Ciastel e ai 12 fondisć che à coret più che trenta edizions: Mario Bernard da Cianacei, Nicola Bonelli da Caran, Cornelio Calliari da Ciastel, Mario Caracoi da Penìa, Ginio Dalben da Ciastel, Elio Decrestina da Soraga, Carlo Defrancesco da Pardac, Luigi Felicetti da Pardac, Giuseppe Piazzi da Poza, Faustino Riz da Ciampedel, Michele Rizzoli da Juan e Mario Vanzo da Varena. (mac)

La premiazion de Giuseppe Davarda da Cianacei, soul senator fascian che à fat duta la edizions.

Chi él pa? Soluzion del retrat su La Usc nr 12 del 2013 La eles coi schi sul retrat publicà l’ùltima outa les é da Soraga. A ne portèr l retrat l’é stat Rita Rossi del Baila che la ne à contà che enlouta, del 1965 o del 1966, ela e sia pecontes era jites coi schi te Val Freida compagnèdes ence da don Arnaldo. A ne dèr la resposta, apede a la medema Rita, l’é stat ence Fernando Brunel de la Riza, Lino Soraperra Medico, Beatrice Rossi del Baila e Andreina

Locatin de Patron, che les stèsc fora Ciavaleis, e amò Rita Brunel, Antonietta Pederiva, Carla Rossi del Baila e Lodovica Zacchia de Fiama. Sul retrat l’é: 1. Giovanna Zulian de Nane; 2. Maria Teresa Zulian de Much (o de Nando de Gros); 3. Veronica Rossi del Baila; 4. Giovanna Pellegrin de Nato de Zach (o de la Cina); 5. Rosina Brunel de Cela; 6. Don Arnaldo Rizzoli; 7. Claudia Pederiva de

Giacom de Franco; 8. Dorina Pellegrin de Tone Zach; 9. Gemma Depozza de Checo de Costanz; 10. Celestina Pederiva de la Romana; 11. Pia Decrestina de Tone da Palua; 12. Maria Rosa Pellegrin de Tista o de Paron; 13. Rita Rossi del Baila; 14. Margherita Zulian del Lilo o (per Fernando) Lucia Depozza de Costanz; 15. Giulia Zulian de Alberto o (per Rita Brunel) Annamaria Pellegrin de Tone Zach; 16. Rita Pederiva de

Fronz; 17. Luigina Pederiva de Giochelin o (per Antonietta) Notburga de Zach o Carmela o Margherita Zulian del Lilo (per Lodovica); 18. Rosangela Decrestina da Palua. Ge sporjon n bel develpai a chi che ne à didà ence chest’outa a meter ensema na mizàcola de noscia storia, e dò n retrat de eles, chest’outa ve meton dant n retrat de fenc e omegn, fat a Sèn Jan. Ve preon de ne dèr voscia

10

8 14

12

16

13

11

7

9

5

20

6

8

3

5

1

3

www.lauscdiladins.com

4

6 7

2 4

2

15

10

17

1

13 11

15

18

resposta te redazion, ence per telefon o fax al 0462.764545 o per mail a la direzion lausc@ ladinsdefascia.it, inant de en mèrtesc ai 9 de oril dal mesdì, ajache ai 5 de oril La Usc di Ladins no la vegnarà fora. Ve recordon che chi che ne dèsc la resposta giusta o troa fora amàncol la maor pèrt de la jent sul retrat i ciapa en don n liber o n CD de musega, sporc da l’Union di Ladins de Fascia.

9

12

14


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

nr. 13 / 29 de merz 2013

Gherdëina

Gran uneranza a Norbert Kostner Nobert Kostner da Pinëi, chef de cësadafuech dl Mandarin Oriental Hotel de Bangkok, giapa la uneranza da Ciavalier dl Ordn dla Stëila dla Talia

Norbert Kostner giapa l prosc de uneranza.

Norbert Kostner cun l diplom de uneranza da Ciavalier dl Ordn dla Stëila dla Talia.

Norbert Kostner te cësadafuech. Gran mpurtanza ti dàl ala versura y ala verdura.

Uneranzes - Zitadins de Gherdëina porta for inò l inuem de nosta valeda lonc y lerch ora per l mond. Sibe tl sport che tla cultura, ma nce tla gastronomia. La persona plu cunesciuda te chësc ciamp che viv y lëura oradecà ie zënzauter Nobert Kostner da Pinëi, che cun si 67 ani ie bele śën 38 ani l chef de cësadafuech dl Mandarin Oriental Hotel de Bangkok, che ie un di hotiei plu cunesciui dl Urient. Dantaldut a Bangkok se à chësc hotel fat n gran inuem, pervia dla cësadafuech speziela, de n livel scialdi aut. Dovia iel Norbert Kostner: cun gran mpëni y ulentà, ma sambën nce cun si gran talënt y mpëni, iel stat bon de arjonjer, te duc chisc ani, n recunescimënt nternaziunel.

persones dl spetacul se à bele ti ultimi ani nuzà dl’ucajion de jì a maië na bona marënda o cëina che Norbert y si cunlauradëures pieta ti restauranc de chësc hotel. Scumencià ova perdrët dut dan 43 ani, canche Norbert fova jit a crì da lëur y ova prësc giatà da lëur te cësesdafuech cunesciudes.

a Bangkok, ulache l fova njenià na bela festa per ël. Na festa speziela ulache l ti ie pona unì sëurandat, da pert dl ambasciadëur, l ordn „Cavaliere dell’Ordine della Stella d’Italia.“ Na uneranza che mé puecia persones à nchin śën giapà y che vën sotscrita dal presidënt talian n persona. Chësta uneranza vën sëurandata dal 1947 incà, ma mé uni valgun ani giapa n zitadin talian chësta stëila. N iede ova chësta uneranza inuem „Solidarietà Italiana“; la ti univa data ai bon samaritans. Dal 2011 incà à l capo dl Stat Talian mudà chësc y da ntlëuta iel la „Stëila dla Talia“. L consul Michelangelo Pipan à tëut l’ucajion de premië Norbert Kostner, dijan che ël ie una dla persones de majera mpurtanza, che à judà te duc chisc ani a tenì aut te dut l mond l inuem dl Stat talian. N possa mé vester unerei a avëi na tel persona sciche ël.

Norbert Kostner, cuech de livel mundiel Truep ministri, politicri, ma nce

Ades carant’ani tl Oriental Tl ann 1975 à Norbert Kostner scumencià a lauré tl Mandarin Oriental Hotel de Bangkok, ulache l à purtà ite si savëi y fantajia. Danter la cosses a chëles che l ti à for dat gran mpurtanza fòvel sambën i ngredienc de cualità per si cëives. Chisc messova vester frësc, de bona cualità y suvënz menei adalerch cun l julier aposta da d’autri cuntinënc. Per si pascion che Norbert à dantaldut per la

versura y verdura, iel nce unì numinà persona de crëta de sëuravijion de duta la versura che vën cumpreda per l rë dla Tailandia. Nce per l’agricultura dla Tailandia se à Norbert dat truep da fé, y cun l aiut dla istituzions dl Paesc àl mudà plu plantagions - che fova dantaldut mé de marijuana y che mandova la jënt sun na fauza streda - a ciamps de patac, salata, pomidoro y d’autra verdures che chersciova, de gra al tlima scialdi adatà dla Tailandia, biologicamënter y purtova nscila alimënc sani sun l marcià.

Norbert Kostner vën numinà Ciavalier Chisc dis àn pona audì chësta bona nutizia. Te na lëtra dl ambasciadëur talian univa Norbert nvià a se prejenté deberieda cun si familia y cumpanies tl’ambascëda

à dit che l purterà cun gran unëur chësta stëila. Ti ani che vën lasceràl mpue’ do cun l lëur y jirà, sce n possa dì nscila, n pension. Ma ël à bele giapà n’autra ncëria, y plu avisa de fé l supervisor de duta la cësesdafuech dla ciadëina de hotiei „Mandarin Oriental“ che ie sëura dut l mond. Tla cësadafuech dl Oriental a Bangkok àl ntant bele nsenià ju n auter cuech che ël à cris ora danter truep cueghes de livel aut. L se trata dl tudësch Stefan Kepp. Dantaldut messova ël avëi la medema filosofia dl cujiné, cossa che l à dessegur.

L liam sterch cun Gherdëina

Norbert Kostner: „N gran unëur!“

Segur iel che l cuer de Norbert Kostner ie y resterà for te Gherdëina, nce sce l ne n’ie per gran pert dl ann nia te nosta valeda. Ma Norbert Kostner se ncunforta bele sun l autonn: per l marcià de Segra Sacun saràl inò danter si jënt de Gherdëina!

Norbert à sambën rengrazià y

Armin Moroder

Foto de grupa n ucajion dla uneranza.

**L cianton dla Union** Union di Ladins de Gherdëina Cësa di Ladins, str. Rezia 83, Urtijëi - Tel: 0471 796870, e-mail: info@ulg.it

Vië nce tu! La Union di Ladins de Gherdëina mët a jì n curs de ladin, ulache l reladëur David Lardschneider ti cialerà, deberieda cun chiche fej pea, a coche n pudëssa datrai dì y scrì miec. L curs ie tla biblioteca ladina dla Cësa di Ladins a Urtijëi.

L scumëncia n juebia ai 4 de auril dala 20.00 ala 21.30 y va inant per sies iedesc. La dates di autri iedesc vën pona fates ora l prim di de curs. L priesc dl curs de ladin ie de 90 euro. Per nfurmazions plu avisa y iscrizions pudëis cherdé su l numer

0471/796870 o mandé na e-mail a info@ulg.it o passé diretamënter tl ufize dla Union di Ladins ntan i orars de ufize, che ie de lunesc y merdi, dala 16.00-18.00, de mierculdi, juebia y vënderdi, dala 10.00-12.00. Sëis nviei y nviedes de cuer a fé pea!

www.lauscdiladins.com

21


Gherdëina

nr. 13 / 29 de merz 2013

Festa mundiela per Michela Ponza Michela Ponza, campiunëssa sun i schi y cun l stlop: duta la cumenanza de S. Cristina y de Gherdëina ti à fat na festa dënia de si gran suzes, la bedaia de bront cun si cumpanies de stafëta pra i Campiunac dl Mond de Biahtlon a Nove Mesto

I sculeies che cianta.

La ciantia di sculeies Michela Ponza cun i genitores Ulrike y Luigi, l ambolt Eugen Hofer y l assessëur Florian Mussner.

S. Cristina - Dut l paesc ie unit adalerch: danter la gran cumpëida de jënt nce espunënc de Chemun, la Mujiga, atlec y atletes, lies, autoriteies. Ma dantaldut ëila, la festejeda, Michela Ponza, cun si genitores Ulrike y Luigi. Na festa sentida, per na muta de S. Cristina, na atleta dal valor mundiel, Michela Ponza. Si bedaia de bront luj sciche or. Duc à ulù ti fé i cumplimënc a “si” Michela, n mierculdi dl’ena passeda pra la defileda tres l zënter y pona pra la festa te Cësa de Chemun de S. Cristina. La manifestazion ie unida metuda a jì a puntin dal Chemun sot ala cuordinazion del assessëur Robert Ploner.

Truep de bon atlec de S. Cristina Te sala de Cësa de Chemun à l ambolt Eugen Runggaldier respundù ala dumanda dl muderadëur Luis Mahlknecht ciuldì che l ie tan de bon atlec a S. Cristina: “L ie n luech ërt, y duc muessa bele da pitli insù jì a pe su per la rives y stredes ërtes.”

Na batuda da rì, dalaibon, che jiva ite tl spirt dla festa, da sté saurì, da ulëi ti dé da ntënder a Michela tant che vel si arjonta per la cumenanza. Blotiscima la ciantia purteda dant dai sculeies (c. cheder a pert), te chëla che l ie mo n iede stat n revival mujighel dl garejeda de Michela a Nove Mesto.

Revival tres l film de Cosmas Senoner Da pel de gialina nce l bel film de Cosmas Senoner, ulache duc i prejënc à mo n iede vivù pea la gran emuzions dla garejeda a Nove Mesto. “Son n gran fan de Michela!” à dit l assessëur provinziel Florian Mussner, che ne se lascia mei tò de jì a cialé la garejedes de Michela te Antholz.

Luigi Ponza: “L ie bel a se tò dl’aurela per i mutons” Gran legrëza sambën nce per i genitores de Michela. Mami Ulrike à dit che i ne s’l’aspitova nia, y che perchël ie la legrëza stata mo majera,

iló dan televijion, do che la stafëta ova arjont la bedaia de bront. Te stua fòvel n tlap de cumpanies, che ne fova nia boni de sté sentei, che ie restei cun la bocia davierta canche l fova segur che l fossa stat bedaia de bront per Michela. Ulrike Ponza: “Ulësse ti fé n gran cumplimënt a duc i jëuni che fej sport. Ti mbince a duc dut l bon acioche i arjonje si travert, ma mo deplù che i ebe legrëza a fé sport!” La garejeda de Michela a Nove Mesto ie nce stata per tati Luigi “na gran emuzion!” che ti à fat unì i uedli moi. Luigi Ponza à lecurdà i prim vares de Michela, che l à fat deberieda cun ëila: “L tëmp, la dl’aurela che n se tol per i mutons, dantaldut a fé sport deberieda, ne n’ie mei tëmp trat demez!” Do la pert ufiziela iel stat mpue’ de aurela curta pra l buffet njenià ca da Flor, ulache duc i fans à mo pudù sté cun si Michela Ponza, muta de S. Cristina, jëuna de Gherdëina che ie pieda via de viers dl mond, sun chël che la ie śën sun podest! David Lardschneider

N mierculdi sëira à l Chemun de S. Cristina unerà si atleta che à pra i Campiunac dl Mond de Biatlon venciù la bedaia de bront tla stafeta. La Scola Elementera de S. Cristina à per la festa per Michela Ponza mparà ite la

ciantia “Hey hey Michi” do la meludia de “Wickie und die starken Männer”. L test dla ciantia ie unì scrit da Thomas Kostner. Sculeies y nsenianc ti fej a Michela i miëur auguresc y ti mbincia inant truepa legrëza y sudesfazion tl sport.

Hey hey Michi hey Michela hey, t’es trat la bedaia de bront, Hey hey Michi, Michela, pra i Campiunac dl Mond. Ma cie bel che l ie, pudëi festejé, Michi. I prim cinch colps àla bel’ tucà, ocio śën n àla doi falà. Ma tëma chël ne cunëscela nia, che la ie pu de S. Cristina. Hey hey Michi hey Michela hey, t’es trat la bedaia de bront, Hey hey Michi, Michela, pra i Campiunac dl Mond. Ma cie bel che l ie, pudëi festejé, Michi. Wierer, Gontier, Ponza, Oberhofer, chësta cater ne n’ie nia da storjer. Ocio ala Russa che vën docà, ma ala fin les ëis bel „fregà“. Hey hey Michi hey Michela hey, t’es trat la bedaia de bront, Hey hey Michi, Michela, pra i Campiunac dl Mond. Ma cie bel che l ie, pudëi festejé, Michi. A Michela ti mbincions dut l bon. Resta inant nsci da ulëi bon. A Sochi ulons t’udëi garejé, per pudëi n auter ann inò cianté. Hey hey Michi hey Michela hey, t’es trat la bedaia de bront, Hey hey Michi, Michela, pra i Campiunac dl Mond. Ma cie bel che l ie, pudëi festejé, Michi. Ciantia per Michela Ponza do la meludia de: „Wickie und die starken Männer“. Test: Scola Elementera S. Cristina ©2013.

Michela Ponza.

Sun palch cun l’autoriteies.

22

www.lauscdiladins.com

Ulrike y Luigi Ponza, autoriteies.

Ntan la defileda tres l zënter de S. Cristina.


Gherdëina

nr. 13 / 29 de merz 2013

Carolina, uni bedaia ie na marueia! Gran festa a Urtijëi, n vënderdi dan otodì, per l’atleta de Gherdëina che à arjont l majer numer de bedaies europeiches y mundieles. Carolina Kostner se à tëut pea, da mustré, la bedaia d’or venciuda pra i Campiunac d’Europa y chëla de arjënt, venciuda pra i Mundiei

A Carolina per la bedaia d‘arjënt di campiunac dl mond Hey, hey Caro, hey Caro hey tu ies da Zaramin hey, hey Caro, hey Caro hey union a t‘ festejé. Na na na na na na na na na na na Caro. Tan abenëura nes es fat levé y mo scumencià a sanguné ma jita it sun dlacia po' na marueia a cialé pro. Hey, hey Caro, hey Caro hey tu ies da Zaramin hey, hey Caro, hey Caro hey union a t‘ festejé. Na na na na na na na na na na na Caro.

Carolina Kostner cun genitores y autoriteies sun pitla Plaza de Sant Antone a Urtijëi.

Jadiné artistich - „Legrëza!“ – Chësc ie stat l moto dl di. Na gran fola de jënt, mass media d’uni sort, lies, autoriteies, cumpanies, parënc. Duc ie unic adalerch n vënderdi ai 22 de merz tl zënter de Urtijëi per se strënjer ntëur Carolina ite y ti fé i cumplimënc. Te Cësa ex-Cungresc de Urtijëi ie la festa metuda a jì dal assessëur per l sport de Urtijëi Wolfgang Wanker jita inant. Da cornisc à fat la ejibizions frësces y a puntin dl’atletes y dl atleta dl jadiné artistich de Gherdëina. Tres la festa à menà Luis Mahlknecht. Paroles de cungratulazion y de rengraziamënt à abù truepa autoriteies prejëntes, danter l auter l ambolt y patron de cësa Ewald Moroder - „N auter ann fajons inò festa, do Olimpia!“ - y l assessëur Florian Mussner, che à dit che l stajova sun odles uni iede che Carolina passova cun ch’l gran sgors

dlongia panten via, savan che la spersa de dlacia ie mëndra, tl Canada. La presidënta dl Cunsorz de Turism de Gherdëina Christina Demetz, che à, cun si maniera de fé profesciunel y dalaibon, auzà ora i meric de Carolina, a chëla che la ti à, a ineum dl Cunsorz, sëurandat n recunescimënt per coche Carolina porta ora l inuem de Gherdëina tl mond. Carolina Kostner, che à oradechël pudù pië do n beliscimo cheder fat da Stl, artista de Urtijëi, à cuntà de si gran emuzions, ma nce de coche la se à njenià ca.

„Ue dé inant la legrëza!“ D’instà dl ann passà àla fat na pausa plu longia, y l ie stat rie per ëila a scumencé inò, cun l alenamënt, y nce a giapé la drëta mutivazions, òvela pu l ann passà bele venciù dut, doi bedaies d’or, t’Europa y pra

i Mundiei. Carolina, blòta, bela y longia su sun i biei ciauzei dal tach de almanco na spana, à plu iedesc auzà ora che l „sucrët“ ie per ëila, y al didancuei for plu y plu, la legrëza dl jadiné, de vester pona bona de dé inant chësta legrëza nce a chiche ti cëla pro. N con’ dla Olimpiades n auter ann a Sochy àla dit che la fej pea y che la uel, nce sce la à bele fat pea pra Olimpiades, chëst iede se goder l’atmosfera particulera, speziela che l ie pra Olimpia: „Cieche me mbince ne n’ie nia tan na bedaia, ma de pudëi fé pea cun legrëza!“

Na bedaia d‘arjënt es venciù la Kür nes à dassënn plajù tan eleganta y bela che te ies per nëus for la plu bona ies. Hey, hey Caro, hey Caro hey nëus son da Zaramin hey, hey Caro, hey Caro hey union a t‘ festejé. Na na na na na na na na na na na Caro. Hey! Ciantia metuda adum da Karin Kostner

Undesc ani de suzesc

La doi bedaies de Carolina Kostner.

Ntan la festa à Alex Runggaldier fat n revival di Camipunac d’Europa, mustran de biei chedri a culëures y cuntan vel’ ntraunida nteressanta o da rì. Sambën ne pudòvel nia mancë l film di Campiunac dl Mond a London tl Canada, ulache Carolina ie jita a se tò si cuinta bedaia mundiela, ntan l fin dl’ena dai 15 ai 17 de merz. L tleca lecurdé che l ie bele undesc ani che Carolina fej pea pra campiunac dl mond, cun cin’ bedaies mundieles venciudes: tl 2005 chëla de bront, tl 2008 la bedaia d’arjënt, tl 2011 inò bront, l ann passà iel finalmënter ruvà l or y chëst ann inò arjënt. Leprò vëniel pona mo na lingia longia de suzesc nternaziunei pra garejedes de Grand Prix y campiunac d’Europa. Per si meric jirà Carolina Kostner

La grupa dl’atletes dl Ice Club Gherdëina.

Carolina cun na si pitla gran fan.

Carolina ntan la ntervistes de Wolfgang Wanker y Luis Mahlknecht.

ite tla storia dl jadiné artistich no mé naziunel, ma bën nternaziunel, sciche prima atleta taliana che ie ruveda tan inant y ie stata per tan de ani y ie mo for danter la miëura jadinadëures mond.

Festa te familia Cie dì de Carolina? Che la ie madura, bela, dalaibon, nia gaseda, una da tlo, y al didancuei monce

plu da ciaculona, nce sce la ne sarà mei na ciaculona. La festa ie mo jita inant te na sënta privata, tl restaurant Tubladel de Urtijëi. Tlo ti à si jurmanes y parënc purtà dant na bela ciantia, Wickie (c. nce cheder a pert). L ie stat na bela festa, ma da coche raton o almanco speron, ne saràl nia l’ultima, per nosta Carolina! David Lardschneider

L Chemun de Urtijëi ti à fat na bela scincunda a Carolina. www.lauscdiladins.com

23


Gherdëina

nr. 13 / 29 de merz 2013

L Drap dla Pascion da Sacun Descuviertes nueves n con’ dl drap dla pascion metù ora tl Museum de Gherdëina. La tueda n con’ de chëst’opra d’ert ie unida prejenteda a puntin dala referënta Verena Niederegger-Senoner la referënta y si lëur de diplom cun chël che la à stlut ju i studies academics de filosofia y teologia a Persenon. Ëila à analisà l program dla refigurazions sun l Drap dla Pascion de Gherdëina y fat n valguna descuviertes drët nteressantes. Ala fin dla cunferënza à l Museum nvià a amiré l drap uriginel da daujin y finé via la sëira pra n pitl buffet.

La refigurazions dl drap

La referënta Verena Niederegger Senoner cun l pluan de Urtijëi Sn. Vijo Pitscheider, la diretëura dl Museum Paulina Moroder, l professëur Sn. Ulrich Fistill y Pius Malsiner da Sacun tl Museum Gherdëina do la cunferënza.

Drap Sacun - La diretëura dl Museum de Gherdëina Paulina Moroder à l’ena passeda, n juebia ai 21 de merz, pudù saludé n publich drët nteressà unit adalerch per la cunferënza n con’ dl Drap dla Pascion da Sacun. Te si ntroduzion

à la diretëura auzà ora l gran valor de chësc pez culturel, che ie na rarità te Südtirol, y sentì gra ala referënta Verena Senoner Niederegger per si mpëni a ti jì do ala storia dl Drap da Sacun. L professëur Sn. Ulrich Fistill à da dedò prejentà plu avisa

Otavo cheder dl Drap dla Pascion da Sacun cun la refigurazion de Gejù dan a Pilato, cheder paredlà dal’autora cun la nzijion de ram de A. Collaert dl 1570. (Foto: Museum Gherdëina, Guido Senoner)

Nchin dal scumenciamënt incà se à la Dlieja juà dla refigurazions per nsenië la religion. Na carateristica dl Medieve nchin tl 17ejim secul fova i draps dla Curëisema. Ntan i caranta dis dan Pasca curivi ju dut l presbitere y tl medemo mumënt ti cuntovi ai credënc cun si refigurazions la storia dl Vedl y dl Nuef Testamënt. Sun l Drap da Sacun che ie tl Museum de Gherdëina ne àn deguna nfurmazions de chiche à depënt i chedri o de chiche ëssa

apustà l drap. Nscila pòssen muever mé dala refigurazions coche sëula funtana per pudëi nriescer velch dl pensier de chiche à depënt chësta tëila rera.

I mutifs y la nzijions de ram La referënta ie stata bona de abiné nzijions de ram che fova unides fates danter l 1550 y l 1610 a Antwerpen. L paredlé danter la stampes y i chedri depënc desmostra na dependënza dla pitures dl drap da dessënies fai ti lauratueresc dl artejanat artistich de Antwerpen. Chësta stampes univa fates y vendudes coche mostres per moleri. La referënta à nce nrescì l crëidum y l tlima filosofich y teologich dla zità de Antwerpen ntëur al 1500 te chël che i artejans laurova. Nsci ie per ejëmpl de mpurtanza l liber de n preve catolich „Sieur Molanus“ de Leuven, te chël che l vën scrit dant a puntin coche

L 20ejem cheder dl drap da Sacun cun la refigurazion de Gejù tl rëni dla mort ie unit paredlà dal’autora Verena Niederegger cun l motif dla nzijion de ram fata da Hieronymus Wierix tl 1568 (do Maarten de Vos, stampa dl ferleigher Hans van Luyck, cunservà a Amsterdam). Foto Guido Senoner.

i moleri dëssa reprejenté Gejù, si oma Maria y i autri sanc. L moler dl Drap da Sacun se à bëndebò avisa tenì ala regules. Ti cialan plu avisa ala mostres y ala refigurazions dl Drap, iel da udëi che l Drap da Sacun à n valgun particuleres desferënc. Tl cheder de Gejù dan Pilato vëijen per ejëmpl che Gejù y Pilato à la medema grandëza sun la nzijions de ram. Sun l drap ie Gejù depënt majer che Pilato. Chësc ie n sëni che l moler ulova reprejenté Gejù coche Seniëur Idie che ala fin sarà nce l magistrat dl procurator di romans.

L cuntest storich, religëus y culturel La nrescides nueves fates dala reladëura à desmustrà che l Drap da Sacun ie n pez defin particuler: la refigurazions una per una dla storia dla pascion nes lascia ntraudëi la maniera da pensé, la vijions religëuses y i dejideresc dla persones dl 1500. La speranza de unì salvei da Gejù tres la Santa Mësses paiedes ie mustreda sun l cheder de Gejù che va ju tl nfiern. La tëma dai turcs ie reprejenteda cun l guant di nemics de Gejù, che porta ermes y guanc sciche i turcs. L amunimënt de Gejù tl Verzon dal Ulif de resté descedei vën purtà dant cun la udleda dl apostul Giuani. Chësc ie mé n valgun ejëmpli. La funzion prinzipela dl Drap fova dessegur de ti nsenië ai fediei che i dëssa crëier ala redenzion tres Gejù y avëi crëta tla dlieja catolica che ie bona de mené i credënc a paravis. La sëira metuda a jì dal Museum de Gherdëina ie n cuntribut garatà per cunëscer miec l patrimone culturel de Gherdëina. Chiche ëssa nteres de liejer do dl argumënt possa se mpresté ora l lëur de diplom de Verena Niederegger tl Museum de Gherdëina. (usc)

Teater uel dì vita Che la vita ie teater y l teater la vita, chël àuden for inò. Povester deplù che zënza vën chësc ora dal teater che vën fat te Sëlva. N’ancunteda cun i atëures y cun l reghisser Teater - L me à for nteressà a ti cialé mpue’ plu sot a chël che ie l lëur, o miec l hobby y la pascion de chiche fej teater. Nstadì éi pudù

Manuel Demetz.

24

www.lauscdiladins.com

„tufé“ chësta particularità n ucajion de na proa de teater, dl pez „Chëi de Fier“ dla Lia dl Teater de Sëlva, n pez dl scritëur talian cunesciù Aldo Nicolaj (c. plu avisa sot ala plates Informazion de chësta edizion dla USC). Rudi Avi y Wolfi Mussner, doi de nosta cumenanza, jënt coche tu y ie, ala semea, stramuda ora de nia via te n mond dut sie, particuler, ulache l vën ora la lueges plu sotes, plu faszinëntes, datrai nce plu ncompres, datrai plu da rì dl vester dla jënt. L atëur che ne conta nia „mé“ na storia, ma che viv cun y tla storia. L ie l elemënt de reflescion, meta, coche n dij, de viver la storia. Che ie pona la storia dl mond. Pra l pez „Chëi de fier“ iel oradechël mo na maniera bëndebot ndrëta de ti jì permez a dut cant,

cun puecia sfumatures danter fosch y blanch. „L teater muessa dé da pensé, tulan nce o dantaldut ite i estrems,“ coche dij l reghisser Manuel Demetz, dajan da ntënder che l dalaibon y l dëuc ne n’ie nia l sie. Te na situazion de vita cunteda ie i atëures Rudi Avi y Wolfgang Mussner, deberieda cun Wally Mussner, boni de pité pensieres soc, de ti dé na scasseda al cervel, al cuer y al’ana. Rudi Avi: „L ie n pez che me mbince bele dai ani de pudëi fé!“ Y a ti cialé, ai trëi atëures, ntënden ciuldì: nce sce la storia va ritmicamënter via bel plan, iel l mesun de tré duc i reghistri dl sentimënt y dl vester dla persona. Na bela esperienza, per chiche fej y per chiche cëla. David Lardschneider

Na szena dl teater “Chëi de Fier.”


Gherdëina

nr. 13 / 29 de merz 2013

L gran di dla Gardenissima Ntëur a 650 atletes y atlec puderà se museré cun campions de Copa dl Mond sun l purtoi de Secëda nchin japé de Col Raiser. Chëst ann per l prim iede de sada

Manifestazions - L ie ntant bele la 17ejima edizion dla Südtirol Gardenissima 2013. Chëst ann per l prim iede de sada y nia plu de dumënia, pià via vëniel bele dala ot daduman y la premiazion ie da mesa la cater domesdì tl zënter dal sport Iman a S. Cristina. Perdrët òven bele stlut ju la iscrizions a mez fauré ajache l nteres de fé pea pra la garejeda de slalom plu lonch dl mond ie for da mat grant y i partezipanc vën adalerch da plu de vint nazions, la gran pert ie dal’Austria y dala Talia, truep atlec de Südtirol y nce de Gherdëina uel fé pea per cialé tan boni che i ie, y nce sce feter duc cunësc bele l paesaje iel mpo na gran legrëza per duc a pudëi amiré l panorama che n vëija da suinsom Seceda demez.

Atlec de Copa dl Mond Coche nce i ani passei saràl inò plu atlec cunesciui che ie mo atifs o che à garejà te Copa dl Mond, coche per ejëmpl Giuliano Razzoli, Ilka Stuhec, Isolde Kostner, Jure Kosir y Peter Runggaldier che fej pea pra la garejeda. Y zeche adrova duc: na bona cundizion, tecnica y forza per ruvé nchin japé. De ndut iel ntëur a sies chilometri de purtoi sun n deslivel de 1.033 metri, pià via vëniel a 2.518 metri sun Secëda, l travert ie a 1.485 metri sëura l

livel dl mer. Coche da tradizion ie la prima pert dla garejeda na sort de paralel ulache l pëia for via doi cuncurënc al iede, l percurs va pona adum mpue’ sëura la utia Daniel, da iló inant iel pona mé plu una na linia da furné nchin japé. Fé pea possa atlec che à cumplì almanco i 14 ani. Chisc ie partii su tla categuries desvalives che tën cont dl’età ma nce di ponc Fis o Fisi.

Cin’ mile euro per i prims I urganisadëures à nce chëst ann abinà adum pesc´ da partì ora per n valor de passa 45.000 euro, l prim dl’ëiles y di ëi giapa 5.000 Euro prum. I numeri vën dac ora n vënderdi, ai 5 d’auril dala cater domesdì nchin mesa la nuef da sëira tl Zënter dal sport Iman, ulache n à zënzauter nce l’ucajion de peté te y s’la batulé cun vel’ campion.

Mesurà la velozità Nteressant iel nce lecurdé che sun n tòch de un n chilometer uniràl mesurà la velozità de uni atleta, l plu asvelt giaperà n pest Redbull. Y chiche ulova pië via deberieda cun Isolde Kostner o Peter Runggaldier pudova dé ju na si piteda che ti jiva a bën dla grupa Medicus Comicus. Coche dit vëniel pià via bele abenëura dala 8 daduman de n sada, ai 6 d’auril, sun dut l purtoi saràl plu cameres che tol su i atlec y dut chësc possa nce unì cialà tres live-streaming online sun www. gardenissima.eu. Nviei ie sambën duc i pasciunei a unì a cialé pro y sté mo mpue’ deberieda te na blòta cumpania tl raion dl travert japé de Col Raiser. Tlo saràl la Lia dla Paures de Gherdëina y la Lia di Osc´ de Gherdëina che dà ora da maië y da bever. Alex Runggaldier

N valgun mumënc dla edizion dl ann passà dla Gardenissima. www.lauscdiladins.com

25


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom, Col

nr. 13 / 29 de merz 2013

Zentral sul Ru d’Andrac: la frazion se spaca

5 per mile ai studafuoch

L no l passa per puoc voti. L assessor Sorarui:”L Comun l a dit ciaro de no”

“Déne na mán a daidé”. Con chëst slogan i studafuoch da Fodom i fèsc apél a la popolazion perciéche n ocajion de la prejentazion de la declarazion dei rediti i dezide de destiné a l’associazion l 5 per mile de le coute che se paia. N’opzion che no costa nia, ma che po’ daidé

Atualité - La frazion d’Andrac l’à dit de no a la nuova zentral sul Ru d’Andrac, ma l é ste n no trat trat, che l é passé demè per n pèr de voti. Ades avarà ncora da de suo parer la Vijinánza da Salejei. Po l iter l jiarà nnavánt. Ntánt la “Pustri Energia” che a prejenté l proget l’à dit a la Frazion:”No son oblighei a de nia al Comun per la compensazion ambiental.” La cuestion de la nuova zentral che assa da vignì fata sul Ru d’Andrac, ntel toch da sot al paisc fin ja Plán l eva sautada fora la setemana passada su La Usc. L articolist l fajëva apel a la sensibilité de la jent per se paré decontra a chëst nuof proget, fossa l cuinto nta Fodom, per sfuté noste ieghe. Apel che, coche nsomeia, no l é rué al cuor de duc. L parer de la Vijinánza l é ste si negatif, ma per puoc voti de diferenza. “L proget – spiega l assessor Claudio Sorarui – l é chël che ava porté nnavánt la Idreg Veneto ntel 1993. Proget che po l eva ste mplanté ilò. Forsci, ma chëst l pense mi – l precijeia – per se seguré le

concescion a na moda che degugn pobe plu prejenté n proget n concorenza, perciéche l iter no l é plu ju nnavánt. D’auton via, con on sentù che vèlch ndavò tournáva a se muove, come Comun on damané ai enc competenc se podonve prejenté n auter proget. Ma i n’a responù de no. A resuscité l proget l é ste n’autra sozieté, la “Pustri Energia” che l’a fat n acordo co la Idreg Veneto. De otobre l’é stada clamada ite na Conferenza dei servisc, ulache duc i enc che a ousc nte la cuestion i a da di la sua. Puoch davánt m’ava clamé l Sourastánt d’Andrac per me di che i frazionisć ie va scialdi decontra a chëst proget, coche i eva bele l prum viade che l eva ste prejenté ntel 1993 e coche i é stei contrari a chël de la zentral sul Ru da Ciastel. Per chëst come Comun on clamé su tecnizi del Bim e on fat fè nvalgune valutazion. Su la baje de chëste e souradut per cuestion ambientai, on prejenté noste osservazion che i eva contrarie al proget. D’auton via l é rué nte

Comun le dománde per la concescion dei tarens ulà fè la zentral e mëte ju i tubi. Ntratán – conta ncora Sorarui – co l’aministrazion s’on nconté co i raprejentánc de la “Pustri Energia” per sentì, cajomei, ci che lori i assa ntenzion de paié ite come compensazion ambiental. Ma sua proposta l’eva plu bassa del coeficient che l é ste determiné per la zentral sul Ru da Ciastel. “No tournon ndrio – on responù. E da nlouta no i on plu sentus. Chëst fin nchëstadì, cánche nte Vijinánza n raprejentánt de la sozieté, Fabio de Icio, l à liet ju na dichiarazion ulache i ribadisc che, a norma de lege, no i é tignus a de nia de nia al Comun. Per chëst m’é fat gran marevoia che troc abe voté de si – comenteia co nen ncin de èje nte la bocia l assessor. “Ades speton de vedei l parer de la Vijinánza da Salejei, che l à da di da la sua perciéche la zentral l’assa da jì a toché n toch de suo bosch. E po vedaron coche va nnavánt l iter a Venezia. Ma no l é dita che come Comun no fajombe ncora vèlch de auter.” (ls)

Conzert n rosa per la Domënia del Olif L Coro de le Ële Col di Lana “sántol” del nuof Coro de le Ële de Zoldo N sabeda 23 de mèrz l Coro de le Èle Col de Lana, auna a l nuof Coro de le Èle de Zoldo l a tignù n conzèrt a Mareson de Zoldo. Nte chëla picola gliejia plena de jent i doi cori i a porté n repertorio con ciancion che auda a la Pasca . Per l Coro de le Èle de Zoldo l eva l prum conzert e i a volù ne nvié a ie fè da sántole. L é zirca trei agn che le se parëcia. trëdesc ciántarine che ven da duc i paisc de la Val Zoldana. No i é de trope ma brave assè sot a la direzion de la maestra Mariangela Dorigo. Volon le ringrazié del invit, ié fè tánc de auguri de jì très nnavànt con estro e braura coche i é ades e se auguron che chëst dì siebe la pruma ncontada de n’amicizia che ne portarà ncora a cianté auna. (Ivana)

www.lauscdiladins.com

Esercitazion e azion de solidarieté nte l’ativité de l ann passé Còl - Siera n atif sot duc i aspec l’ativité e l bilánz del 2012 de la Crousc Bláncia da Còl, che l’é stada prejentada ndomënia passada dal prescident Paolino Pezzei a l’assemblea dei sozi binada ntei sèlf de l’Azion Catolica. Nte le casse l é n rest de aministrazion de ben 46 mile euro. De chisc na pèrt i vignarà metus via per laoré fora i sèlf dei nuos magazins comunai che l’aministrazion la metarà a dispojizion de l’associazion. Trope ence le ativité che a mpegné i volontari da Còl via per dut l ann. N dut i é stei 2721 i chilometri fac per porté jent al ospedel. Autri 6252 chi per porté le provete dai distrec de Ciaurì e Canal de Ègort al laboratorio de analiji de Ègort. L 30 de mèrz l’associazion l’a renové la convenzion co l’Uls. Chël che nveze no n a fat la Crousc Bláncia de Rèba. Per chëst ence volontari da Còl, auna a chi del Coordinament Agordin e Zoldán, fin a la fin de novembre i a daidé prò a stopé ite l servisc sul teritorio da Fodom, “co nen gran laour e impegno mplù da pert de nuosc volontari” a sotlineé l prescident. Priorité per le associazion che se cruziad e prum aiut l’é chëla de avei l personal tres preparé a ogni situazion. Per chëst ai 23 de lugio, auna a le stazion del aiut alpin de la Val Fiorentina e de Fodom e i studafuoch da Còl l é ste metù a jì

n’esercitazion co la simulazion den inzident sun strada. Esercitazion che l’é scialdi garatada, tánt che l é bele dezedù de n fè una ence sto ann. De novembre via i volontari i a fat l corso de agiornament de Bls, proponù dal Prum Aiut de Ègort e chël per l’abilitazion a douré l defibrilator. D’auton via la Crousc Bláncia auna al Coordinament Agordin e Zoldán de le ambulánze “ l’à ideé l proget clamé “In attesa dei soccorsi”. Se trata den proget pensé per nformé e istruì la popolazion su come se comporté, n cajo de emergenza, ntánt che se speta che rue i prums socorsi. Per chëst vignarà metù a jì doi ncontade co la jent via per l’aisciuda. L proget l é ste sostignù dal “Centro Servizi del Volontariato” de la Provinzia de Belum. Chi che dáida i no fenësc mei del fé. Coscita ence sto ann la Crousc Bláncia l’à paié ite i 310 euro per continué l proget scomencé ntel 2009 auna al grop “Insieme si Può” per n’adozion da dalonc. De dizembre, come ogni ann, l é ste mané a dute le fameie na lëtra co le informazion sul teserament che ence per l 2013 l sarà de 11 euro. E la jent l’à contracambié la our, trasparenza e dedizion dei volontari co l destiné a la Crousc Bláncia ben 1800 euro dal 5 per mile su la declarazion dei rediti. (ls)

Pruma setemana de auril plena tocia de apuntamenc L Coro Col de Lana al conzert n Zoldo.

Nuova riunion 2 de auril. Machine aziendai dourade per jì n ferie

26

Crousc Bláncia da Còl: bilánz n atif

Fin stagion, gare e feste de ogni sort

Se dimët l Cda de Bim Gsp Nuof rebalton daìte da Bim Gsp, l ent che gestisc la ièga l Provinzia de Belum. Nchëstadì l’assemblea dei capicomuns l’à voté contra a dute le decijion toute dal Cda. Ntra chëste chëla che ava plu peis, la riorganizazion aziendal, un dei varesc per stopé ite l busc de 80 milioni che à ngrumé l ent nte chisc agn. Ma sun chëst i capicomun i s’à spaché. Nvalgugn, na chindejina, i à aprové le decijon del Cda. “Toca de n senn de discontinuité da chël che l é ste fin ades” i a dit. “La riorganizazion del personal l é n gran debujen de la fè.” Chi che a voté decontra i à contesté al Cda de no avei prejenté n “piano di rientro” dal debit. Coscita nvalgugn dis davò l prescident Mario Leonardi, voté puoch plu che davánt n ann ( ence chilò no senza polemiche ntra i capicomuns ) el vize “Rudi De Battista ( l consiadou Gildo Salton

trop i studafuoch, très njignei a coré n aiut de la popolazion n ocajion de desgrazie come fuoch, aluvion o auter. L codesc fiscla da scrive ite ntel model 730 per destiné l 5 per mile al distacament dei studafuoch da Fodom l é l 93030010255.

l s’ava bele dimetù i dis passei ) i a rassegné le dimiscion da l’enciaria. Ades tocarà al prescident del colegio sindacal Domenico Sangiovanni portè nnavánt la gestion ordinaria fin che no vignarà nominé n nuof Cda. Leonardi da pert sua, i dis davò l a defendù l laour fat nte puoch plu de n ann. “È fat sparagné a Bim Gsp n milion de euro – l a dit. Souradut co la riorganizazion del personal e del funzionament del ent. Massa i progec fac fè da professionisć foravia cánche on insenieri n cèsa che i é bogn de i fè. I straordinari al personal i vigniva dei come “benefit” e i dipendenc i douráva le machine de l’azienda per jì a cèsa e n ferie.” A la riunion no l eva l capocomun da Fodom Ugo Ruaz, mpegné autrò, coche l ne spiega. Ma ci suzedaralo ades ? “L 2 de auril sarà n autra riunion: vedon ci che sauta fora.”

Ruaz l eva ste ntra chi Capicomuns che davánt n ann no n ava voté per i dirigenc de che s’à dimetù nchëstadì, ma l amët mpò che “i a fat sparagné n milion de euro. Cèze i a ben fat. Forsci se i l assa lascéi ji nnavánt vèlc ncora i assa otignù.” I capicomuns che a “fat fora” l cda i s’à giustifiché co l di che no l eva ste prejenté n “piano di rientro”. Elo na motivazion giustificada ? “L é vera chëst. Ma l problema no l é saurì. La cuestion l’é che chilò l servisc l no ven fat coche toca. Chëst vòl di che ceze no va. Máncia personal per l laour che l é da fè.” L capocomun da La Rocia Andrea De Bernardin l a très sostignù che per rué a na soluzion dei problemi de Bim Gsp toca nominè n aministrator ugnol, aldefora dei juosc de la politica. Esto d’acordo ? “Podëssa ester, si, podëssa ester che la vade meio. Ma no l é saurì. Toca prové.” (ls)

Atualité - Se sent oramei aria de fin stagion ence se a cialé da viere fòra nsomiëssa de ester ncora a mez inviern. A de di che nveze nte puoch plu de na setemana se sararà via n’autra stagion dai schi l é i troc apuntamenc tradizionai che le associazion mët a jì proprio per saré ite l’ativité da d’inviern. Se scomencia lunesc de Pasca co la Gara Social del Sci Club Arabba. L apuntament sto ann per chëla che da très l’é la gara ntra de paejagn l é su la pista Bec de Roces – Ciaulonch. La gara la scomenciarà da le 9:30 per dute le categorie. Tosta davò, fora che per i “Superbaby” e “Master” davánt dal 1947, se corarà la seconda mance. I petorai i vignarà dei fòra al Hotel Boè sun Ciaulonch. Le premiazion le vignarà fate nveze al Rifugio Kaiserhütte ai Bec de Roces ulache se podarà ence marené con acompagnament de mujica dal vif. Premiei vignarà i prum trei de ogni categoria, l concorent plu vegle e chël plu joven e i prums assoluc ntra i ëi e le ële. Premi a estrazion per duc i concorenc; ntra chisc n skipass de val per la stagion

2013/2014. Iscrizion al ufize Iat de Rèba fin mesdì de sabeba 30 de merz (tel.0436/79130, fax 0436/79300): schi 12 euro, schi plu snowboard 17 euro, debann per i scri ite al Sci Club Arabba. Domënia 7 de auril sun Pordou tourna l’Alpenfest, metuda a ji dal “Agonistico Arabba – Fodom” e da la Scola de Schi de Rèba. N program na combinada de slalom lerch, 4° trofeo Lorric s.r.l e schi da mont, 2° trofeo “Leor da Fodom”. Ric i premi che se po’ vadagné: 300 euro per om per l prum assolut ntra ëi e ële ntel slalom lerch e 100 euro per om per l prum assolut ntra ëi e ële per l schi da mont. Per duc chi che a tout pert ence a la gara metuda a jì de dizembre, vignarà trat fora a la brusca n bel premio da 1000 euro. Davò le premiazion al Rifugio Fodom, la festa la jiarà nnavánt con mujica e divertiment per duc. Iscrizion a la Scola de Schi de Rèba ( tel e fax 0436 79160 ). Tres domënia 7 de auril sun Mont Auta de Ornela, le stazion del Aiut Alpin le se binarà ndavò auna per l secondo ann per na gara nte deplù specialité.


nr. 13 / 29 de merz 2013

Redadoura: Katia Pizzinini lunesc y mertesc a Badia, tel. 0471 839800, mercui a Cortina d’Anpezo, tel. 0436 868615 juebia a Col de Santa Lùzia, tel. 0437 720609 - katia.usc@rolmail.net

Souramont

Nia mé previjions tl Zenter Neif y Levines da Rèba L Zenter Neif y Levines da Rèba é scialdi conesciù, nia demé te Fodom, ma te dutes les valedes ladines per les previjions dl temp y dles levines. Chestes fej endere mé fora na picera pert dl gran laour che vegn porté inant per la prevenzion y la protezion dl ambient, dl teritore y samben de sia jent

L diretour dl Zenter Levines, Francesco Sommavilla.

Rèba - L Zenter Neif y Levines da Rèba é vegnù metù su de otober dl 1981, sciche zenter sperimental per l stude dla neif, dles levines, dl meteo tla mont y dla sconanza idrogeologica tl raion dla mont dl Venet. Di agn ‘70, can che l Stat ti à trasferì a les Regions l compit de se cruzié dla sconanza dla contreda y dla salvaverda dl teritore dal pericul dles levines, à la jonta regionala dl Venet messù se afidé a na strutura adateda. Les conescenzes y les esperienzes tl ciamp dla neif y dles levines fova enlaouta ciamò n pue’ da loces en confront a d’autri Paisc dles Alpes. Perchel él vegnù metù su n zenter nuef, con la senta te Fodom, a Rèba. La cerna é tomeda sun chesta localité, fosc ence n pue’ fora de man en confront al teritore regional, ajache al é vegnù dit che l contat diret con i fenomens fossa sté la mioura garanzia per porté inant sciche al toca i obietifs, y che la vejinanza con raions da mont dl Trentin-Südtirol essa podù conduje a barac de conescenzes y esperienzes. Dl 1999 é l Zenter

L Zenter Levines é vegnù metù su dl 1981 a Rèba.

ruvé a fé pert dl ARPAV, la “Agenzia Regionale per la Prevenzione e Protezione Ambientale del Veneto”. Tl prum, s’à les ativités dl Zenter conzentré sun la racoiuda manuala y sun la elaborazion de informazions che à da fé con les condizions dl temp y dla neif, la produzion y la divulgazion dles previjions dl temp y la realisazion dla cartografia per les levines a livel regional. Per cie che reverda l setour idrologich, àn metù man de studié les prezipitazions y la rei idrica regionala. Chi agn fova chestes tematiches inovatives. Al é perchel vegnù metù da jì colaborazions con universités y istituc de enrescida talians y da foradecà, per arjonje conescenzes, prozedures y tecnologies plu efizientes.

L Zenter sleria fora i ciamps de ativité Plu inant, per mioré i servisc per y sun l teritore, s’à i ciamps de ativité slarié fora. Sce an se conzentrova tl prum dantaldut sun les levines, àn dedò scomencé de

studié ence la meteorologia alpina, l clima y i glaciers. Al é vegnù metù su na rei de stazions per mesuré les temperatures y les condizions dla neif tl temp real. L Zenter à metù man de de scrive fora parers tecnics sun la situazion dles levines per i lifc y per les pistes da jì con i schi, sciche al vegn damané da la lege. An à scomencé les proietazions y la realisazion de strutures per se sconé da les levines, emplù él vegnù porté inant cursc de formazion a istituzions y assoziazions desvalives y an à daurì na colaborazion con la protezion zivila. Deplù ativités él ence vegnù fat tl ciamp dla idrologia y tl medemo temp à l Zenter Neif y Levines da Rèba metù man de tò pert a proiec de enrescida a livel europeich y internazional. Con l aument dles ativités àn adoré deplù personal; fora di prums diesc membri nen n’él vegnù 30 y chesc s’à damané de slarié la senta. Aldidancuei él 24 persones che laora tl zenter te Fodom, l diretour é l dot. Francesco Sommavilla de Col de Santa Lùzia. Sciche dit dantfora, se cruzia l

Concors metù da jì da La Usc di Ladins. Manéde vostes fotografies a la miscion e-mail katia.usc@rolmail.net o per posta a la misciun: Redazion “La Usc di Ladins”, Self dei Ladins c/o ex Hotel Dolomiti, 32020 Fodom/Livinallongo (BL). Les fotos vegnirà ence publichedes sun la plata de Facebook “L sonn fodom tla Usc” olà che duc podarà dé ju si aprijament. Chisc vegnirà touc en consciderazion da la giuria per la valutazion finala.

Enscì ciala fora na stazion automatica de mesurazion.

Zenter Neif y Levines de garantì la protezion y la prevenzion dl teritore y de l sconé da pericui, tres previjions meteorologiches y de levines, che vegn dedes fora vigni di, 365 dis al ann, sun la plata internet dl’ARPAV. L Zenter se tol dant de sconé insediamenc y paisc, stredes, joufs, raions olà che al é pistes da jì con i schi, ma ence arees nia controledes, olà che al é semper deplù persones.

Previjions dl temp y gestion dles levines L Zenter Neif y Levines à despartì fora per les Dolomites y les Prealpes dl Venet 17 stazions che mesura automaticamenter vigni mes’ora les temperatures y les condizions dla neif. L obietif dles stazions é chel de cueie adum y de avei en temp real dac relatifs a deplù criters, sciche la temperatura dl’aria y dla neif, la raiazion dl soredl, la direzion y la forza dl vent y la umidité. Chisc dac é fondamentai per fé les previjions. La previjion dla pericolosité dles levines vegn deda dant sun scala europeica, che preveiga 5 degrés de pericul, olà che 1 é l plu debl y 5 l plu sterch. Samben ne pò l zenter nia prevedei avisa can che na levina vegn ju. Ma la probabelté de na situazion de pericul dessa mete en verda chi che se tol dant de la vaghé sun raions nia controlés y tegnì fora enscì de bur’ inzidenc.

Formazion profescionala Truepes, demassa, é vigni ann les vitimes dles levines. Ti ultims agn é l numer de persones che va con les ciaspes o con les peles fora de pista y de chi che praticheia l free ride jù su. La prevenzion é perchel scialdi emportanta. La Agenzia dl’ARPAV, tres l Zenter da Rèba, s’à tout dant de arbassè

la probabelté che al sozede inzidenc, tres les previjions, ma ence tres la formazion. Plu de 400 persones, - anter chestes él maestri de schi, guides alpines, istrutours dl CAI, socurs alpin, socoridours dl prum aiut sun les pistes y responsabli dla segurté - tol pert vigni ann a cursc de formazion metus da jì dal Zenter Neif y Levines. Emplù à l Servisc Levines dl CAI, en colaborazion con la sozieté di lifc Falcade Col Margherita y con l Zenter da Rèba, metù su anter l Jouf San Pellegrino y l Jouf Valles tl comun de Falcade (BL) n ciamp atrezé per se eserzité tla archirida de persones ruvedes sot levines con l’ARVA. Ti prums 15 menuc él dret na bona poscibelté de giaté la persona resteda sot la levina ciamò en vita. Dedò toma les probabeltés dassen y la poscibelté de giaté na persona viva dapò n’ora é demé dl 30%.

Sistem informatif, parers tecnics y operes per se sconé Pro la ativité de prevenzion y de sconanza dl teritore da les levines tòchel ence i parers tecnics, ghirés da la lege per podei fé su n lift o na pista da jì con i schi, ma ence la realisazion dl sistem informatif dles levines, n database te chel che al vegn conservé informazions sun raions de pericul, olà che l fenomen s’à verifiché o olà che al é probabel che al sozede. Tl database àl giaté lerch ence dutes les informazions relatives a les operes “paravalanghe” y a la manutenzion de chestes strutures. Tla proscima edizion de ”La Usc di Ladins” jironse ite plu tl detail de sciche al vegn fat les previjions dl temp y ence de sciche al funzioneia l sistem informatif dles levines, aldò de chel che l diretour Francesco Sommavilla, l meteorologh Andrea Crepaz y Germano Dorigo nes à contè. (kp)

Curiosité

“La Pliè davò l temporal”. Fotografia de David Palla da La Pliè da Fodom.

Ci elo chëst?”, onva domané nte la Usc davánt doi edizion. Eiso capì de ci che se tratáva? Sun la fotografia chilò dinongia se pò vedei n ingrandiment dei filtri che i ciamourc à ntel nes, touc ju da Lino Pezzei Crust da Ciastel.

www.lauscdiladins.com

27


Anpezo

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

nr. 13 / 29 de merz 2013

Zinchezento ane, inze ‘l paes e fora par el mondo I Ghedina de agnere, chi de ancuoi, chi de doman. Una mostra par ra storia. Una mesa che à tocià el cuore. Un disnà dute aduna, cemodo che se sore, par ra festes pi beles. Resta un libro, con scrito inze alcuanta noes, che no se saea

Ca mangare no s’i vede dute, chi dojento Ghedina che i s’à ciatà inze ‘l so paes, o agnó che fonda ra so radijes, ma de seguro i é de un grun.

“Par chesta festa, ‘ste dis, ei vedù el doman de nośoutre Ghedina”. Cinzia de Antonia r’é inpó el banco, ra i sporśe un bon azeto dute chi de ra familia, ruade da tropa rejos d’Italia, da outre state de r’Europa, finamai da outre Paes de el mondo. “A lourà par parecià ra mostra, ei vedù i fate de ra storia, de ‘na ota, ei conosciù i parsonaje pi grei de ra nostra familia, ma me domando, a vardà i nostre śoen, ca, ancuoi, ci che sarà, de lore, a fei drio a i Ghedina de inalora, ce che i fajarà, chiste śoen, par el so paes”. Era, che r’é stada par trope ane inze ra Regoles d’Anpezo, fin a deentà presidente, che ra laora par tropa asociazios de el paes, de bona voia, r’à fato tanto, par dià a parecià chesta festa. Con era, aduna con de outre, ‘l ea Michela Basilio, che r’à lourà pi che see par ra mostra, daerta par doa setemanes, in Comun Vecio, da i 15 de marzo a lunes 1 de aprile: “Ei propio acaro, son propio contenta, ‘l é śù duto polito, par chesta festa. A lourà drio a ra mostra ei inparà un grun de robes. De tropes no se saea nuia, outres ‘s ea desmenteades. Ei inparà de chi Ghedina che i à lascià el so paes, pi che see de ‘l Otozento, e che ancuoi i é danoo ca, co ra so jenìa. Ei acaro de vede chesta

parsones, che rua da indalonśe, che varda ra mostra, che lieśe e inpara, che resta a bocia daerta, daante a tropa de chera bela robes che ón betù fora”. Ce restaralo, a dute vośoutre, fenida ra festa? “Restarà ‘na bona amicizia – ra me responde Michela – e ra sensazion forte de fei parte de una familia coscita granda. Restarà ra emozion de aé conosciù tropa parsones, che outramente no s’arae podù conosce. E ‘pò ei acaro, parcé che ‘l é nasciù un bel grupo, ón lourà polito aduna, par un an, a parecià duto chesto”. Deboto un pecà, che see fenì duto, che se perde chesto valor, che se straze chesta esperienza? “Aì, ‘l é coscì, ma ón beleche dito che, se ‘l é outra families de Anpezo che à acaro de fei outretanto, de se ciatà, de fei festa, de fei conosce ra so storia, nośoutre s’ón ben ca, pronte a dià ‘na man, par contà cemodo che ón fato nośoutre, a daerśe strada”. Duto ‘l é nasciù da chel stema, de i 20 de marzo de ‘l 1513, ciatà fora da Paolo e Alberto Casier. “Ei propio acaro, son contento de cemodo che ‘l é śù duto polito,

Ra stema co ‘l jal, cemodo che se ra vede depenta a fresco, su ‘l muro de el Comun Vecio, sa otanta ane: duto nasce da ca, de ‘l 1513.

28

www.lauscdiladins.com

con pi de dojento parsones, de i Ghedina, da duto el mondo, ruade in Anpezo – el me disc Paolo – e io ei vorù i donà a ‘l paes, da agnó che rua ra me familia, una litografia de i nostre artistes pi grei. Ei vorù ra donà par ra me devozion, che ei, par ra Madona de ra Difesa, e parcé che son bulo, de ese un pestuzo de chesta familia, coscita granda. Ei acaro che see trope Ghedina, che tien outo el gnon de ra nostra familia, in Anpezo e fora da ‘l paes. Trope de lore i é ruade ca, par ra festa: ei acaro, parcé che, poche mesc ignante, someaa che i aese da ruà de poche, i no s’aea notà inze de trope, inveze dinultima i s’à śontà pede“. Anche a vos: ce restaralo, fenì de fei festa? “Restarà el studio, el libreto, scrito da Alberto, agnó che se conta un grun de robes, su el stema de ra nostra familia, su chel jal, su cemodo che ‘l é stà dorà, inze ra storia, e cemodo che el vien dorà ancora ancuoi, in Anpezo e fora, par duto el mondo, agnó che ‘l é un Ghedina. Ra nostra r’é stada ra prima familia anpezana a fei ‘sto tanto, a daerśe strada, par una festa coscita. On ciatà, a me dià ‘na man, el Comun e ra Union de i Ladis de Anpezo: senza de lore, no se redujea nuia, o ben poco, de duto chesto. Da chel che se sente, ‘l é beleche outra families, de ra pi grandes de ‘l paes, che ‘s à chera de me vegnì drio, su chesta strada, de fei outretanto”. Ra fegura che, pi de outres, me fesc capì alolo el valor de chesto laoro, che ‘l é stà fato, ‘l é el brascion. Una pianta granda, co ra radijes che fonda almanco de ‘l Trezento, de ‘l Cuatrozento, co i rame e ra dascia che rua fin ancuoi, co ra foies che nasce, ogni di, un buto noo, a enpì ‘na cuna, a portà inaante ra jenìa. De chesto brascion, de chesta radijes, ra scrie Elsa Zardini, presidente de i Ladis de Anpezo, su ra prima pajines de el noo libro su ra familia Ghedina. A ‘l scrie, a ciatà fora un grun de fate, de gnomes, de noes da ra storia pi

vecia, ‘l é stà Alberto Casier: “Me sento de ese stà io a tirà fora chesta pensada, a vardà drio el brascion de ra nostra jenìa, che ‘l ea in ciaśa. Ei vedù chel di de marzo de el 1513, e m’ei pensà che ‘l ea da fei algo, dapò de zinchezento ane. In Anpezo ei ciatà alolo calchedun pronto a me dià ‘na man, outra parsones che ra pensaa conpain de me. Par ra me parte, io ei lourà drio chesto libro: ‘l é stà un laoro greo, che m’à tolesc un grun de tenpo. Ma ‘l é stà bel, parcé che son stà bon de ciatà fora algo de noo, che no se conoscea, e che ades se pó lieśe”. Ce se ciatelo, inze ‘sto libro? “Chel che ei ciatà fora, e ei scrito, el disc cemodo che ra nostra jenìa r’é nasciuda, i prime gnomes, cemodo che r’é śuda inaante, da ‘l Cuatrozento fin ancuoi. Dapò se disc de i Ghedini e de i Ghedina, che par me ‘l é doa families, no una sola, cemodo che vorarae calchedun. Ei ciatà algo, de chesto, fin de ‘l Otozento. De seguro ‘l é ancora algo, da ciatà fora, ‘l é da lourà inaante”. Ce elo che ve sà pi bel, de duto chel che ‘l é suzedù, ‘ste dis? “Ei acaro che sone stade boi de bete aduna i Ghedina che vive in Anpezo, restade inze ‘l so paes, e

che mangare i no se pensa de ese pestuze de ‘na familia coscita granda, con chi outre, che vive fora da ‘l paes, cemodo che me suzede a mi, a me fardel, a i nostre parentes, ma che i à mantegnù un toco de el so cuore in Anpezo”. Ra festa de sabeda 23 de marzo r’é moesta da bonora, co ra mesa, inze ra jeja de ra Madona; dapò dute inze porteà, a vede ra sepoltures de i Ghedina pi conosciude. Fin su inze piza, fin in ciaśa de comun, i é vegnude co ra Banda de Anpezo, che i à sonà alcuante bela marces, ignante de se ciatà co ‘l capocomun Andrea Franceschi de Matia, e de se dà alcuante done, un co ‘l outro. Inze jeja, a saludà dute ‘ste Ghedina, ‘l ea padre Leone Rossato, de i frates de San Franzesco, e el pioan don Paolo Arnoldo. “A lore i ei dito de ese testimogne, una jenerazion dapò de cher’outra, de fedeltà e de continuità” – el me disc el frate. “A saludà i Ghedina, inze jeja – el śonta el pioan – i ei dito che i é stade fortunade, che el Signor i à dà trope done, ma che lore i é stade varentes, parcé che i à dorade polito, par el ben de ra so comunità. Dapò ei śontà pede che ‘l é forte, cemodo che te lea el sango: ma ancora pì forte cemodo che te lea el spirito”. (Mdm)

Kristian Broco, presidente de el comitato de i Ghedina, par ra festa de i zinchezento ane, e el capocomun Andrea Franceschi de Matia, a gnon de duta ra comunità de Anpezo, i se pasa alcuante done, par se recordà de chesta śornada, da segnà inze ra storia de Anpezo.


Anpezo

nr. 13 / 29 de merz 2013

Gramarzé, pizete

Bona armonia a scora

Da anes, el nosc paes el se strenśe pede a ra asociazion Magica Cleme, che ra dia ra families de i pize marade, par i fei pasà alcuante biei dis, indalonśe da ‘l padì, inze ‘l lieto de un ospedal

Doa scora meśanes: un valor depì, par el nosc paes

I pizete de Magica Cleme i à lascià el paes, ma ‘l é restà ca el so cuore. E lore i s’à portà drio, in zità, el cuore de ra nostra śente, da ‘l sentì pede, canche i arà da tornà su ‘l ospedal. Aì, parcé chesta asociazion r’à proprio chera de dià i pize marade e ra so families, par i fei pasà calche di seren, senza pensiere, indalonśe da chi lietuche. Duto nasce da Clementina, morta de undesc ane: era ra no n’é śuda adora a vive, ma ancora ancuoi vive el so gnon. “Io i digo gramarzé a duto el vosc paes, a duta ra śente che ra s’à dà da fei, par me dià – el me conta Bill, so pare de Clementina – parcé che nośoutre on biśoin de śente coscì. I dis de ra fin de ra setemana, porton i pize, e pi che see i so jenitore, a se stravià, a pasà calche ora in bona armonia. Vive dute i dis, pede a so fiol marà, ‘l é un gran padì, par chiste jenitore: podon i dià, a i fei stà fora da ‘l ospedal, a vede so fioi che ride. Par duto chesto, gramarzé a Raniero Campigotto, de el rifujo Col Gallina, par duto chel che el fesc”. Da anes, Campigotto el bete aduna el paes intiero, par fei festa a chiste pizete, par i dà un bon azeto. “Dute chi che ciamo, par me dià ‘na man, i disc alolo de scì, de bon saó – el me conta Campy – e chesto suzede parcé che a stà con lore, con chiste pize, ‘l é algo de bel. Da lore, e da i so jenitore, ‘l é solo che da inparà. Nośoutre son coscita fortunade e de spes no se rendon gnanche conto; chiste pizete majiche, che i ride co ‘l cuore, i me insegna a vive ra vita outramente. E io ei propio acaro de ese ca in

Anpezo e de vede che dute me dia, par i dià”. “Chiste pize i é ‘na mereea – el śonta pede Andrea Franceschi de Matia, capocomun de Anpezo – e chel che i me dà lore, ‘l é tropo pi gran de chel che śon adora a i sporśe nośoutre. Chera falda che i m’à lascià, co i so gnomes, co ra man disegnada de Francesco, masa pizo par podé scrie el so gnon, ‘l é algo che tienarei da conto, una de ra robes pi beles, de chiste sié ane, che son capocomun”. Da canche i é ruade, de ‘l vendres dapò disnà, fin de ‘l domegna, che i é moeste, par tornà a ciaśa, el paes intiero ‘l à strucà su chiste pize, i à slecade; i ome de el comun, co ra sozietà Gis, chi de el Parco de ra Dolomites d’Anpezo, chi de i inpiante, e ‘pò ra Guides, i ome de el socorso in croda Cnsas e de ra

Finanza i Scoiattoli, i Undesc, chi che vieste ra mondures de ‘na ota, par contà de ra Prima guera, ra Banda, i atore de ra Filodramatica, i maestre de schie de ra scores Azzurra e Cortina, Alex Ploner, i rifuje che i à dà da disnà e da zena, i locai par piaza, ci che i à dà a nolo i schie e i coce, par deban, e ‘pò trope outre amighe, par tre dis. “Par chesto se disc Magica Cleme: chiste pize i é majiche, i é stade boi de tegnì aduna un paes intiero, deboto ‘na familia – el pensa sora el capocomun Franceschi – e ades i speton d’outon che vien, par ciapà un outro don da lore”. Da anes, Magica Cleme ra vien in Anpezo a ra fin de ra stajon d’inverno, par fei smatiśà i pize su ‘l gnee, e d’outon, a ra fin de ‘l istade. E ogni ota i ciapa algo, ma i lascia tropo depì.

I pize de Magica Cleme, su par ra nostra crodes, co ra nostra śente.

El Cai de Anpezo de ‘l 2012 Un gran laoro, par el ben de duto el paes, de chesta asociazion, vecia de 130 ane Ra mostra, daerta inze ‘l museo etnografico de ra Regoles, ra m’à fato vede algo de chera storia, longa e bela, de ra sezion de Anpezo de el Club alpin; ‘l é 130 ane de storia, scomenzada ignante co r’Austria, par fenì dapò sote r’Italia. S’in à parlà, i dis pasade, inze ra foula de el Cai, agnó che ra presidente Paola Valle de Moris r’à contà de chel che ‘l é stà fato, via par el 2012. Par chera mostra, s’à ciamà i pize da scora, che i à pensà sora, par dapò bete śo alcuante scrite, o disegne. Par i 130 ane ‘l é stà fato anche ‘na gran caminada, a leà i tre rifuje de ra sezion de Anpezo: el Palmieri, pede a ‘l Lago da Lago, el Giussani, su in forzela Fontananegra, in Tofana, e el pi vecio de dute, su in son de el Noolou. Propio in son de chera croda i s’à ciatà, domegna ai 24 de śugno, co ra Lies da munt de ra Dolomites, de ches’outra vales de ra Ladinia, e ‘l ea ruà un grun de śente, par ‘na bela śornada, dute aduna. Chesto an i ra fajarà, a rodoleto, in Gardena. Chi de el Cai i é moeste fora da ca, par doi trekking: un d’ousciuda, a Creta, un d’outon, a ra isoles Egadi. Par ‘sto an, i é drio a se parecià, par moe de maśo, una setemana, a ra isoles

alcuante laore, che ‘l ea biśoin, da i tegnì polito, e algo de outro se fajarà ‘sto an, pi che see par ra lejes, su ‘l fó, o par comedà chel che se ronpe d’inverno, co ‘l gnee, co ra jaza. Inze ‘l consilio de el Cai muda un gnon; da Chiara Michielli Buranona se pasa a Cinzia Ghedina de Antonia. Dinultima, ma no par ultimo, i premie a i sozie che ‘l é inze da pi anes: a Arrigo Antonelli i à dà un bel piato de viere lourà, par sesanta ane de tesera; par i zincuanta ane i à menzonà Maria Giuliana Alverà Pazifica, che dute conosce, che dute i vó ben, par el so gran laoro a ‘l Su in son de el Noolou, ‘l an pasà de śugno, con rifujo Scoiattoli, chi outre de ra Lies da munt de ra vales ladines aduna con so òn de ra Dolomites. Chesto an se se ciata in Lorenzo Lorenzi de i Pale, e ades co i fioi; Gardena. a Rinaldo Alverà el s’à sarà polito: ‘l é vanzà 35.311 Santabela, a Vittorio Dapoz, el nosc euro, dapò che s’à strutà su pi de “Toio” de el rifujo Giussani, ancuoi 90 mile euro: de chiste, 34.628 a fità inze man de so fiol Mauro. De sozie i rifuje, 30.472 a scode ra teseres de con 25 ane de tesera in é finamai i sozie. Par i rifuje, ‘l é stà fato 27. (mdm) Canaries, inze ‘l oceano Atlantico. Da ‘l bel a ‘l burto: par duto ‘l an ‘l é stà da vardà drio ra tabeles, cheres che segna i troes, strazades, rotes, portades via, bicoades śo par sote, e finamai i numere de i troes, i segne spegazade co ‘l color negro. Par i conte de ra sezion, el 2012

“Ra bona noa r’é chera che se laora duna, in bona armonia, intrà ra doa scora meśanes de Anpezo” – el me disc Paolo Giovanni Zanin, de ‘l Istituto comprensivo, agnó che ‘l é inze ra scora Rinaldo Zardini. El me disc de cemodo che i à lourà, aduna co ‘l Polo scolastico Valboite, par se cordà, su ra doa scores. Ignante de i 28 de febraro ‘l ea da se notà inze, e i scolare che vien fora da ra popolares, ‘sto an, i é supośò de setanta. “Par ‘l an che vien – el conta Zanin – i sarà de 44 inze ra scora Rinaldo Zardini, coscita podaron fei doa clases, doa sezios, e inveze i sarà de 27 a ra scora de el Polo”. No se podeelo fei outramente? “No, parcé che ‘l é stà dito, par duta Italia, de sparagnà, su el numero de ra sezios. No se podea in fei cuatro, does par parte. Beśen dì che i no m’à bartaśà nośoutre: ‘l é coscì par dute, daparduto”. I anes pasade ‘l ea stà calche radego, se non propio cridore. Par ‘sto an, cemodo era śuda? “Duto polito. S’on ciatà, aduna con Mara De Lotto, de el Polo, e alcuante profesore: on ciamà i jenitore de i pizete, che ‘sto an fenisce ra scora popolares. Aduna con alcuante profesore, i on dito de ra nostra doa scores, ce che ‘s à, ce che i arae ciatà i tośate. Con nośoutre ‘l ea Giovanna Martinolli, loudaduó de el comun de Anpezo, par ra scores. Chel che ‘l é pi bel, de duto ‘sto laoro, ‘l é che negun à abù da curà fora ‘na scora par forza, dute à podù zerne ce, e cemodo, che i vorea, no n’é stà

sforzà negun a śì agno che el no vorea”. I anes pasade, canche ‘l ea stà i radeghe, canche deboto i se zufaa, par mandà i pize inze una o inze cher’outra scora, calchedun aea dito che sarae stà meo in aé una, inze ‘l paes, inveze de does: seo de chesto aviso? “No. Io son parsuaśo che aé doa scores, da podé curà fora, see un valor, par el paes, par ra so śente. E de chesto i é parsuaśe anche in comun, co ‘l loudaduó Martinolli: par chesto se fesc duto chel che se pó, par mantegnì doa scora meśanes, in Anpezo”.

Paolo Giovanni Zanin, de ‘l Istituto comprensivo de ra scores de Anpezo e de i paes pi pede de el Cadore, inze ra Val de ra Boite.

Rua Ousciuda Una stajon noa de ra nostra vita Chesto inverno ‘l é stà longo, de buiroto e de jonfedo, de jaza e de gnee, un peton fiedo, via par sora ra natura. Ma ades el s’in và. El no vó zede, el tien duro, fin dinultima, ma el sà che ‘l à da perde. R’ousciuda r’à da venze, no pó ese outramente. A caminà a todo, via par sora el gnee jazà, se sente r’aga a brodoncià: inze par sote ‘l é un rueto, che vive, che porta vita. Su ra ares s’inpiza i prime fiore, r’erba ra deenta verde, no se pó dì che see ancora cioudo, ma no n’é pi chel crudo, de ‘l inverno.

Ra śornades es se slonga, da dasera se pó stà fora, fei cuatro pasc, intià ra stradeles agnó che ‘l é tarén, da zapà su ‘l suto. Tapee de brojorada, bonador de pear tramontan, i prime colore . Vera ca, Ousciuda, co ‘l so bel vestì verde, el velo de Merisana, via par sora i laresc. Vera ca, chesta femenuca: ra me rende ra vita, che el s’aea tolesc Outon, che ‘l aea scondù Inverno. Bala ra neoles, menades par el ziel, ‘es porta ra pioa, che cianta, che neta, che desceda ‘na stajon noa de ra nostra vita. Ra besties es vive ‘na vita noa, cheres pi grandes, i selvateghe, e cheres pi pizores, finamai ra eśaes, prontes a se poià su i fiore. Anche ra parsones vive depì, inze ra lun de ra śornada, senpre pi longa, ves un’istade ciouda, che speta. E mangare se bete śo cuatro verse, par un soneto. Finamai su ra crodes el prin fior śal sbrea r’ousciuda intrà i sasc grije e i rame seche ‘l inverno el zede śo daante a r’eśaa che oujora scanpada da ‘l fiedo par zuzà el soroio. www.lauscdiladins.com

29


Sport

nr. 13 / 29 de merz 2013

Bolgiani e Deluca fèsc venjer l Fascia

Na pordüda che fej mè

Te l’ùltima partida i fascegn de mister Cigolla segna ite adertura 4 goi a chi de la Cauriol

La secunda pert dl campionat n’à nia metü man bun por la scuadra da Rina. A Wiesen àn messü dlotì na pordüda antia

Classifica 1. Categorìa jiron C: Aquila Trento 18 part. 39 p. Fascia 18 partides 37 ponc Piné 18 partides 37 ponc Fiemme 17 partides 35 ponc Telve 18 partides 33 ponc Calceranica 18 partides 29 ponc Ortigaralefre 17 partides 22 p. Vattaro 18 partides 20 ponc Dolomitica 17 partides 19 ponc Verla 18 partides 18 ponc Povo Scania 18 partides 16 ponc Bolghera 18 partides 15 ponc Cauriol 18 partides 15 ponc Valsugana 17 partides 8 ponc Balon 1^ cat. - Se à jià sul ciamp de Bronzolo la endesfida anter Cauriol e Fascia, ajache l

Daniele Deluca, autor de doi goi.

ciamp de Juan l’era amò sot la neif, ma la mes’ora en più de viac no ge à dat d’empaz ai fascegn. Alincontra a ge n jontèr de più l’é stat i jiadores fiemaces, descheche moscia l resultat finèl. L Fascia à palesà sia superiorità dal scomenz de la partida, ma i prumes carantacinch menuc é stac jié dai bec de mister Cigolla con massa prescia e massa pecia prezijion ti passajes. Ampò la ocajions no é mencèdes, ma descheche é jà sozedù te la ùltima partides, i atacanc ladins no i é stac ascorc assà a desfrutèr la ocajions. Per onor de cronaca se cogn ence dir che l met de fèr ite l’un a nia i l’à abù n’outa ence chi de la Cauriol. I defensores de Fascia però i se à fat troèr vertesc. Tel secondo temp Deluca e compagnes à mudà enscin dal scomenz l ritm del jech, troan prest l gol del vantac. Bela azion de Bolgiani da dreta a cencia, passaje per Deluca con chest ùltim che, sutà l portier, no fala la trata. Troà l pont del un a nia, i jiadores fascegn no i se à trat endò, alincontra i à spent amò inant, troan te pec menuc etres doi goi de gra a Bolgiani. Sul trei a nia l Fascia se à chietà n moment, ge lascian coscì vèlch ocajion ai aversaries. Te una de chestes, co na trata da cet, l’é ruà

l gol de la bandiera per Zorzi e compagnes. A serèr sù l descors ge à pissà endò Daniele Deluca. Cater a un, Aquila che à perdù col Vatar e dut da nef avert per l prum post. Ajache la domenia de Pèsca no se jia, la partida che vegn sarà sa Vich de contra al Valsugana, en domenia ai 7 de oril.

Resultac de la squadres mendres L fin de setemèna passà à jià demò i Giovanissimi, che i à perdù 4 a 2 contra l Verla. Per l Fascia à segnà Nicolas Toma e Fabio Bernard. Cristoforo Debertol Cauriol - Fascia 1 – 4 (doi goi per om de Simone Bolgiani e Daniele Deluca) Formazion Fascia: Nicolò Cincelli, Manuel Bernard (43’ s.t. Giovanni Deflorian), Nicola Rizzato (32’ s.t. Denis Drlje), D av i d e Po r c u , M a t h i a s Defrancesco, Luca Trottner, Simone Bolgiani, Maurizio Bonani, Patrizio Cigolla (23’ s.t Stefano Brigadoi), Cristoforo Debertol, Daniele Deluca. Alenador: Luciano Cigolla

Valivà ora la prima partida Tla prima partida de ëuta de chësc campiunat ova l FC Gherdëina da se bater contra l Neva ladina/Welschnofen Juech al palé /3. cat. grupa B - La se trata śën nce de cialé de ruvé su mpue tla tlassifica de chësc campiunat che ne va nia tan bën. N dumënia ai 24 de merz domesdì a Urtijëi, cun l tume y l bur tëmp che fajova da patrons ntëur al ciamp dala codla, ie l Gherdëina bon de jì danora cun n gol fat de cë da Aron Kostner tl 22ejim menut dl prim tëmp. L’azion ie mueta da na punizion trata bën da Achim Frontull do la rissa de mez ciamp, cun la codla che ruva dan cassa ulache Aron la schicia ju de cë ne ti lascian al verdiaporta deguna puscibltà de la pië. L ne passa nia n menut che l Welschnofen valivova bele ora trajan bel bas te piz, cun Kurt che ne ti la fajova nia plu a ruvé sun la codla. I goi fova do la rata i puec ”highlights” dla partida. L ritm de juech ne fova nia aut cun l Gherdëina che ova for l juech tla man, ma zënza deventé gran

periculëus per l Neva Ladina. L fova for i nosc che perdova la codla o che a la dé inant ne ruvòvela nia a destinazion. L Welschnofen fova “fisicamënter” rie y prejënt, se fajova sentì, ma ora de chël ne fòvel nce da d’ëi nia da udëi gran truep. Tl segondo tëmp fova l juech mo plu rot da fai o da codles trates melamënter, ma l Gherdëina ëssa mpo mo abù vel’ucajion per vëncer. Ntëur al 50ejim menut ova Marco Senoner na gran ucajion da gol, ma purtruep àl trat dlongia via. Puech do ie “Stuz” Stefan Vallazza sëul dan l verdiaporta, ie bon de ti la fé ma l pech desvieia mo la codla. Puech dan la fin ie Kurt, nosc verdiaporta bon de pië na trata unida bel bas. L fova da muië che ne son nia stac boni de tré ca chësta partida, ma ne son nia periculëusc dan cassa. Chësc resultat a pèr ne ti porta perdrët a tramedoi scuadres nia per l’ambizions de tlassifica.

Ntan la partida sun l ciamp dala codla a Urtijëi.

30

www.lauscdiladins.com

Ala fin de chësta ena arà l Gherdëina da jì a Bulsan a fé si partida contra l Imperial. (gp) FC Gherdëina - ASV Welschnofen 1:1 (1:1) Gol per l FC Gherdëina: 1:0 Aron Kostner al 22’ Furmazion: Kurt Trocker, Achim Frontull, Jonas Senoner (dal 46’ Peter Mittermair), Andreas Wieser, Daniel Vallazza, Jonas Runggaldier (dal 75’ Janpiere Prugger), Marco Senoner (dal 60’ Luca Werdaner), Kostner Aron, Vanni Valdemarca, Stefan Vallazza, Seljvir Nemce (dal 70’ Raphael Runggaldier)

Palê Rina/2. cat. - Do la fasa lungia de preparaziun, à finalmënter metü man les partides, olache ara nen va de punć. La scuadra da Rina à metü man la secunda pert dl campionat cun tröpa motivaziun. Tla partida cuntra le Wiesen ess la scuadra pordërt bele messü jì en vantaje al 5^ menüt, olache Mellauner ti fej n bel passaje a Mutschlechner, su dan porta. Chësc l’atoca de će, mo la cogora röia sön la stangia de porta. Do na cherdora él Paul Pisching che se fej prigorus dan la porta aversara, mo süa trata vëgn ćiamò abinada en tëmp. Do chësta aziun i sozédel baldi n fal ala defenjiun da Rina, che ti pormët al atacant aversar da se portè dassù dan la porta ladina y realis é le gol dl vantaje. A pert chëstes aziuns, n’à le pröm tëmp nia pité de gran emoziuns. Le secundo tëmp à metü man damì por la scuadra de ćiasa. Al cuinto menüt é le portier dl Rina ćiamò bun da abiné cun le pé na trata dl atacant aversar, mo bele al 11^ menüt él le diretur de gara che ti conzed n önescmetri al Wiesen, do che n so atacant vëgn tignì tla malia. N fal por nia. Le śogadù aversar posizionëia le palê sön la scëiba y realisëia le gol dl 2 a 0. I śogadus da Rina ne se lascia nia sciurè jö y desmostra carater. Andreas Ferdigg se mët en mostra cun döes de beles aziuns, mo le gol ne gareta nia. Pormò 5 menüć dan la fin él Alfons Facchini che realisëia de će le gol por le 2 a 1. La partida

Juech spënt dai 16.3. Neugries Bozen A – FCG U12 3:0 (1:0) (2:1) (1:0) Gol: David Wieser

Wiesen - Rina: 2 - 1 Formaziun dl Rina: 1. Simon Winkler, 2. Alfons Facchini, 3. Paul Pisching (dal 52^ Christian Ferdigg), 4. Jordan Tavella, 5. Philipp Winkler, 6. Lorenz Rungger - capitan, 7. Hans Mutschlechner (dal 75^ Filip Ploner), 8. Georg Craffonara (dal 84^ Chizzali), 9. Andreas Ferdigg, 10. David Huber, 11. Manuel Mellauner. Alenadù: Wolfgang Crepaz. Gol por le Rina: Alfons Facchini (al 85^) Proscima partida: le Rina śoga en doman sabeda ai 30 de merz dales 15.00, te ćiasa cuntra Türesc. Tlassifica: Ćiara sot Val Badia.

Alfons Facchini à realisé le gol por la scuadra da Rina.

Falà ju la bedaia d’or Alexander Demetz y Tiziana Pepe sun l podest pra l meeting de atletica a livel nternaziunel

Resultac dla scuadres di jëuni dl FC Gherdëina La partides jughedes n sadai ai 23.3. ie jites ora nsci: FCG U12 (11) - Selezion Ridnaun 2:3 (2:2) (0:0) (0:2) Goi: Anna Welponer, Alex Colucci FCG U11 – Feldthurns 5:1 Goi: Matthias Runggatscher (2), David Plancker (2), Laurin Lardschneider FCG Jaguars - Selezion Ridnaun 1:5 Gol: Daniel Tiozzo Tluses – FCG Grizzly 2:0

vëgn ćiamò n iade emozionanta. Le Rina se sciüra inant cun dötes les forzes y à ćinamai l’ocajiun da avalié le resultat, mo Andreas Ferdigg vëgn tignì sö in extremis dan porta.

Alexander Demetz.

Atletica - Coche bele dai ani nsci ie nce chëst ann na bela dredia de atlec dl’Atletica Gherdëina Cassa Raiffeisen de Sëlva furnei a Minca a fé pea pra n ”meeting” de atletica lesiera. La se tratova dl 37ejim Werner-von-LindeSportfest. Passa 200 atlec de Südtirol à fat pea chëst ann pra la garejedes che vën cunscidredes sciche un di meetings plu mpurtanc di Paejes Tudësc, ulache l possa fé pea la categuries nchin ala Under15. Nosta provinzia à purtà

a cësa bën 59 plazamënc danter i prims trëi y l SV Lana à venciù coche grupa danter passa cënt lies sportives che à fat pea. Per chël che reverda l’Atletica Gherdëina n iel stat bën dodesc, danter atlec y atletes, che ie furnei pea y doi à nce arjont l podest: Alexander Demetz ie tl saut lonch cun na lunghëza de 6,58 metri ruvà segondo se arjuman la bedaia d’or mé per un n zentimeter. L miëur defati à fat n saut de 6,59 metri. N bon terzo post ie Tiziana Pepe stata bona de arjonjer tla desciplina de smaché l pëis. La mesura arjonta ie de 9,03 metri cun na codla de fier che pëisa 3 kg. Chisc biei resultac danter na cuncurënza da stramp auta lascia inò speré te na bona sajon per i atlec de nosta valeda, che bele dai ani ie boni de tenì pea cun i miëur atlec y la miëura atletes sëura i cunfins de nosta nosta region ora. Ai scric ite dl’Atletica Gherdëina Cassa Raiffeisen de Sëlva ti mbincions dut l bon, legrëza y sudesfazion per la sajon agonistica 2013 che scumencerà pona ai 13 y 14 de auril cun l Grand Prix. Per l’Atletica Gherdëina, Stefan Planker


Sport

nr. 13 / 29 de merz 2013

Festes per i pìcoi del Ski Team Fascia Vin Fraìne a Poza l’é stat festejà la fin del cors de paslonch e i bec de schi e brea del Ski Team Fascia se à passà na bela dì entornvìa l Sela con si maestres e genitores

I bec del cors de paslonch del Ski Team Fascia se à binà per l’ùltima outa duc ensema vin Fraìne.

Schi - L fin de setemèna passà desvalives bec del Ski Team Fascia à festejà la fin de la sajon. Tant tel schi, te la brea che tel paslonch i pìcoi atlec i se à troà amò n’outa duc ensema.

bon “Nutella Party” ló dal Sunny Bar vin Fraìne. Duc con piajer a la fin à ciapà na pìcola copa e n diplom per l’empegn portà dant per duta la sajon, con l’augurie e l’envit a se troèr endò duc l’an che vegn.

Festa per l paslonch

L giro del Sela coi genitores

En sabeda ai 23 de mèrz vin Fraìne, tel ciamp de la Scola de Schi Vajolet se à binà i bec del cors de paslonch tacà via per da jené e jit inant col Ski Team Fascia per dut invern. L’alenador Cristiano Fanton e si 12 bec se à binà amò n’outa per na pìcola endesfida anter amisc, ma soraldut per fèr na bela festa. Dò la fadìa, defat, Francesca e Donata del Ski Team à endrezà ence n bel e

En sabeda ai 23 de mèrz i maestres de schi de la scola Marmolèda e alenadores del Ski Team Fascia à endrezà na bela raida di cater pasc coi schi averta a duc i bec del cors sperlongià de schi di paìjes de la Val de Sora e si genitores. L’era Tiziano Davarda, Luca Medici, Andreas Rasom e Genny Valeruz per l schi e Alessandro Dantone e

Andrea Valeruz per la brea. L’é l secondo an che chisc maestres endreza la raida de fin del cors per portèr chisc bec stroz per noscia valèdes e ge fèr cognoscer nosc teritorie. L’é stat coscita che i se à binà bel bonora en sabeda dadoman vertesc per pontèr demez coi schi dintornvìa l Sela, se ferman mìngol de più vin Badia a Pralongià. Duc à tout pèrt con gaissa, i bec se à godù e i genitores à podù jir per na dì entrìa con si bec e i à podù veder l’autonomìa che chisc bec à ciapà tel jir coi schi via per dut invern e che i à emparà a se rangèr con dut sui portoes da schi. I più pìcoi amisc de la scolina enveze, vidé dai maestres Alice Guelfi e Giacomo Cemin, i é stac a se fèr na bela raida anter i portoes de Ciampac e Bufaure. Dò chesta doi scomenzadives del fin setemèna

L grop del paslonch ensema a l’alenador Cristiano Fanton e a Donata e Francesca del Ski Team Fascia.

passà, ades duc i bec del Ski Team se binarà per l “Socialone”, la garejèda sozièla de fin de sajon che chest an vegnarà endrezèda en lunesc 1° de oril sun Pecol. Da les

9 dadoman taca chi con la pouses e da les 10.00 enveze chi coi schi e con la brea. Via per l domarena sarà enveze la premiazions a l’Hotel Bellavista. (vr)

L grop di bec con maestres e genitores sun Ciampinoi, sunsom la Saslonch. (foto de Emiliano Marchesin)

N bun punt cuntra i pröms

Perdù per puec chiedli

Le rode d’aiscöda à mëtu man bun, cun na prestaziun da se lascè odëi, cuntra i pröms dl Albeins

Tramedoi scuadres de Gherdëina ne ti ie nia states al Verdings

Palê Val Badia/2. cat. - Tl pröm tëmp à la formaziun de ćiasa albü val’ buna ocajiun, tl secundo à la VB albü les mius, mo ara é ma jüda da bate le portier sterch Holzer sön önescmetri. La partida é bele gnüda śogada la sabeda domisdé, sot a n cil curì y cun vënt frëit.

Chidlé - Na partida bëndebò valiva ie stata chëla contra l Verdings I. Scumencià à Thomas y Guido, ëi à valivà ora i ponc di chidladëures, ma perdova de 27 chiedli. Tla segonda lingia de colps cun Georg y Manfred à tramedoi chidladëures venciù si partida, jan nsci danora per 3 a 1 y purtan la defrënza de chiedli a 44 deplù che i autri. Flavio y Hansi ne n’ie pona nia plu stai boni de ti tenì permez ai doi miëures dl Verdings che à nce batù ju l plu chiedli de dui. Ala fin à l Gherdëina perdù de 36 chiedli. Resultat: L Verdings I à fat 5 ponc, batan ju 3195 chiedli che ie na mesaria de 532,5 per chidladëur. L Gherdëina I Buandes Rabanser à fat 2 ponc, batan ju 3159 chiedli cun na mesaria de 526,5.

La pröma spordüda capitëia al 21^ menüt, olache al é t’area n contrast de Thaler sön le set Lerchegger, che toma. L’arbiter sciüra y an pënsa bele ala puniziun dai önescmetri, che ess inće podü stè ite. Por fortüna amonëscel l’atacant por simulaziun. Al 32^ de jüch röia le 11 Martinello su dan Moling. Al alza le palê sura le portier fora, mo inće sura la porta. Do da 41 menüć él da odëi na bela aziun dl Albeins, che fej rové l’atacant Wieland da na pert ite t’area. Al lascia pié ia n diagonal bas, che röia dlungia le secundo pé de porta ia. Al 47^ de jüch él Pallestrong che ti passa le palê bel bas a Matti Stampfer. Chësc lascia pié ia na trata śëćia, che vëgn indere parada dal portier de ćiasa anter dui tëmps. Al 49^ él intres Matti che ciafa n bel passaje da Elzenbaumer. La trata röia de püch fora de porta. Do 64 menüć de jüch él le 7 ladin che röia t’area. Al superëia deplü defensurs y tira bas dan porta ia. Dal’atra pert él Erlacher che injöma de püch la deviaziun te porta. La scuadra dla Val Badia crësc y mët en dificolté i pröms, che lascia plan plan inće

odëi n pü’ de nervosité. Al 69^ menüt él depü trates y deviaziuns dan la porta ladina. Öna é propi te porta, mo la fortüna ô che Bernardi röies sön le coran y le splundres demez. Al 75^ de jüch él n contrast y le 16 aversar P. Hilpold toma dan area. An s’aspeta n sciüra dal arbiter. Le coran vëgn trat n tòch en fora dala defenjiun ladina, y l’atacant é tres dan area ia por tera. An ne capësc nia ćiodì che l’arbiter ne sciüra nia la puniziun. Le palê röia dan i pîsc de Wieland, che lascia pié ia na trata dla domënia, te chësc cajo dla sabeda. Le coran arsësc püch sot l’incrujada di lëgns de porta, sön la man ciampa de Moling. Albeins en vantaje. Al 88^ menüt à la VB la gran ocajiun da avalié: Vittur fej n cross t’area, olache Pallestrong s’alza le plü de düć y deviëia de će te porta. Le portier sterch é indere bun cun maestria da devié te ćiantun. Sön n’aziun dl Albeins t’area, abina le 16 P. Hilpold le palê cun na man; l’arbiter sciüra atira n önescmetri al 91^ menüt. Al amonësc le śogadù por le secundo iade y le desgorj dal ćiamp. Do tröpes protestes di patruns de ćiasa y dl publich, vëgnel inće desgort por amoniziun dopla le 4 Dalla Pietra. Al 94^ menüt de jüch pòn finalmënter trà l’önescmetri. Al é le jonn Alex Felder che se surantol la responsabilité: süa trata é sëćia sön la man ciampa dl portier, che se sciüra dal’atra pert: 1 a 1. N resultat

che à sambëgn na buna saù. Te chësta partida à śoghé le pröm iade le jonn Alex Verginer. I ti aodun tröpa ligrëza y sodesfaziun. (rp) Albeins - Val Badia: 1 - 1 Formaziun dla Val Badia: 1. Michael Moling, 2. Florian Barbolini (dal 78^ Alex Verginer), 3.Matthias Thaler, 4. Simon Dapoz - capitan, 5. Samuel Vittur, 6. Julian Bernardi, 7. Damian Pallestrong, 8. Alex Stampfer, 9. Alex Elzenbaumer, 10. Armin Erlacher (dal 72^ Alex Felder), 11. Matthias Stampfer (dal 85^ Gabriel Prada). Alenadù: Paolo Adami. Gol por la Val Badia: Alex Felder (al 94^ sön önescmetri). Proscima partida: En doman sabeda santa ai 30 de merz dales 15.00, sön la plaza da La Ila, cuntra Raiscia. Tlassifica 2a categoria, grup C 1) Albeins, 12 partides, 28 punć 2) Wiesen, 12 partides, 24 p. 3) Raiscia, 12 partides, 21 p. 4) Steinhaus, 12 partides, 20 p. 5) S. Laurënz, 12 partides, 19 p. 6) Tasten/Valsp., 12 part., 19 p. 7) Falzes, 12 partides, 16 p. 8) Türesc, 12 partides, 16 p. 9) Dietenheim, 12 part., 13 p. 10) Val Badia, 12 part., 8 p. 11) Rina, 12 partides, 7 p. 12) Aicha, 12 partides, 2 p.

Serie B-est Verdings I - Gherdëina I 5:3 Resultac persunei: Guido Stuffer 550 Georg Sommavilla 534 Manfred Wanker 530 Hansi Demetz 527 Thomas Demetz 509 Flavio Prinoth 509 Cun l medemo resultat à perdù l Gherdëina II cun l Verdings II n cësa. Tlo iela ënghe jita bëndebò valiva. Do la doi linges de colps cun Ewald, Viktor, Michael y Oskar stajòvela 2 a 2 per i chidladëures, cun mé 14 chiedli batui ju deplù che i averseres. Tla ultima lingia di

colps se tratòvela perchël de chi che venciova la partida. Felix y Albert à valivà ora i ponc, ma i ne n’ie nia stai boni de bater ju plu chiedli. Ala fin à l Verdings venciù mé per 11 chiedli batui ju deplù. L miëur dl di ie stat Ewald Insam cun 517 chiedli. Resultat: L Gherdëina II Buandes Rabanser à fat 3 ponc, batan ju 2875 chiedli, che ie na mesaria de 479,2 per chidladëur. L Verdings II à fat 5 ponc, batan ju 2886 chiedli, che ie na mesaria de 481 per chidladëur. (gs)

Serie D-nord Gherdëina II - Verdings II 3:5 Resultac persunei: Ewald Insam 517 Michael Moroder 512 Viktor Werdaner 492 Felix Insam 484 Albert Moroder 449 Oskar Runggaldier 421

Ewald Insam, l miëur dl di. www.lauscdiladins.com

31


Sport

nr. 13 / 29 de merz 2013

Zulian e Schenk venc l 2° Be Cuz Be Cool Dötes les scuadres à pordü Podies ladins per la garejèda de sauc con i schi e con la brea endrezèda per la seconda outa da la familia Zulian e da la sozietà Bufaure

I atlec de la brea.

A la fin de la premiazion di atlec coi schi.

Freestyle - Enceben che l temp no l sie stat desche l’an passà, dut l’é jit delvers. En sabeda ai 23 e en domenia ai 24 la familia Zulian de la Baita Cuz, en colaborazion con la sozietà Bufaure, l’à endrezà la seconda edizion del “Be Cuz Be Cool”, un di momenc più speté te Fascia per i pascioné de freestyle, tant con la brea che coi schi.

“N bel suzess e n gran numer de atlec e publich” à declarà a la fin de la gara l’aministrador de la Bufaure Roberto Lorenz. “Apede a chi da chiò l’é stat ence n muie de atlec da fora e chest l’é segur positif, ence perché l temp no l’é stat di miores. No se à fat mèl nesciugn e l’é stat dat gran atenzion a la segureza. Per chest volesse rengrazièr l Socors da

Mont del Zenter Fascia, la Polizìa e duc chi che à didà”. N endrez lonch e da fadìa, ma che à dat sia sodesfazions. Dò na setemèna de lurier, en sabeda ai 23 i atlec à jà podù proèr l saut enjignà dai trei “shaper” Ivano Gross, Mirko Pederiva e Erik Dantone e ben segur dai autisć di giac batiportoes de la Bufaure. Prejentèda ence chest an da Nico De Serio, la manifestazion é ruèda a la domenia canche via per l dadoman i atlec i à podù jir inant a proèr l saut enscin al moment de la gara, de la “Jam Session”, canche i atlec à abù n’ora de temp per sutèr tanta de outes che i volea. A la fin i trei giudizi, che l’era Ivano, Erik e Mirko, i à valutà i 2 miores sauc “trick” per ogne atlet e i à fat jù la classifiches. Una per la brea e una per l schi. L saut l’era de 14 metres e i atlec ruèa a sgolèr fora per presciapech 20-25 metres. Dò la gara l’é stat la musega dal vif con la “Rock in Progress” da Verona e dapò la premiazions olache l’é stat rengrazià la familia Zulian e soraldut l fi Herman, i trei giudizi, l maester de brea Daniel Rasom, duc chi che à portà inant e endò i atlec con la lesa a motor, i dependenc de la sozietà Bufaure e l’aministrador Roberto Lorenz e dapò amò duc chi che à tout pèrt a l’event. L pest chest an l’era 3 mile euro, spartì anter brea e schi. Amò endèna dut l dì se à podù proèr materièl tecnich e a la fin l’é stat la loterìa coi pesć sporc da la boteiga Bugs Shop e la firmes Nixon e Drake. Apede a desvalives atlec da Fascia, alené da Erik Dantone a tor pèrt a la gara l’era en muie de amisc dal Sudtirol, soraldut da la Val Gherdena. E proprio un fascian, Emil Zulian, e un gherdener, Stefan Schenk, é rué sul scialin più aut del podie. A l’an che vegn per la 3^ edizion! (vr)

Classifica

Da cencia Mirko Pederiva, Ivano Gross, Erik Dantone e Herman Zulian.

Schi: 1. Stefan Schenk; 2. Ralph Welponer; 3. Igor Lastei. Brea: 1. Emil Zulian; 2. Nicola Dioli; 3. Emiliano Lauzi.

Na edema desfortunada por les scuadres dl chidlé dla Val Badia: gnanca öna n’é rovada pro n resultat positif Chidlé Val Badia - Dötes trëi les scuadres dl Mareo é romagnudes zënza punć te ćiasa: le Mareo I à messü se dè sot por 3 a 5 ala scuadra ”Bornech 67”, la scuadra dles ëres 1 a 5 a Kiens y le Mareo II à messü dlotì na capotada cuntra Prichsna. La Ila à pordü 3 a 5 a Falzes.

Seria A 2-ost Mareo I - Bornech 67 I: 3 - 5 Na partida combatüda y avaliada fora dal pröm al ultimo bòt. Dötes trëi les series da 120 bòć é jüdes fora 1 a 1, insciö é la soma totala di chidli stada determinanta. Impröma à i patruns de ćiasa trat fora n vantaje de 4 chidli. Do la secunda seria â i ghesć n vantaje de 3 chidli. Inće l’ultima seria é stada combatüda y i chidladus da Bornech é stà bugn da dvagné laprò 4 chidli. Insciö à i maroi messü dlotì na pordüda por 7 chidli, arjunjan na mesaria de 504,5. Tla tlassifica é le Mareo I al önejim post. Resultać personai Lois Ellecosta 551 Claudio Moling 523 Tone Call 501 Matteo Ties 493 Christian Ties 485 Simon Complojer 474

Seria B-ost feminila Mareo - Kiens: 1 - 5 Cun na stleta partida y na mesaria de 471 à les marores messü i lascè na devënta tlera ala scuadra da Kiens. Ma öna ti é stada suraće a süa aversara. Inće pro la soma totala di chidli atocà ti l’à les chidladësse de Puster sticada. Dai 31 chidli de vantaje dla pröma seria da 120 bòć, àres aumentè le vantaje por la fin dla partida a 76. Tla tlassifica romagn les marores al terzo post. Resultać personai Valeria Federa 505 Gerda Complojer 473 Flora Weiss 462 Gabruella Ties 444

Lois Ellecosta é stè le miù dl Mareo I cun 551 chidli.

Seria C-nord Falzes II - La Ila: 5 - 3 Tla chidlara dl raiun sportif da Falzes à la scuadra badiota messü i lascè la devënta ai patruns de ćiasa cun na mesaria de 515,5. Pro i punć di confrunć direć éra jüda fora 3 a 3. Mo pro la soma di chidli atocà podô i chidladus da Falzes ala fin dla partida mostrè sö n vantaje de 27 chidli da süa pert. Tla tlassifica é La Ila al diejimo post. I resultać personai ne unse nia a desposiziun.

Mareo II - Prichsna II: 0 -8 Le Mareo II à messü se moserè cun i secundi tla tlassifica y s’à ciafè na capotada. Gnanca un n’é stè bun da bate so aversar. Inće pro la soma di chidli atocà à i ghesć mostrè da estern scalin plü alalt y à da impröma inant davagné chidli. Cun na mesaria de 522,7 âi ala fin dla partida n vantaje de bëgn 264 söi maroi, che à arjunt na mesaria de 478,7. Tla tlassifica é le Mareo II al önejim post. Resultać personai: Cludio Moling 526 Tone Hochwieser 495 Lois Craffonara 484 Lois Agreiter 471 Norbert Trebo 465 Erwin Penazzi 431

Philipp campiun ti Paîsc Todësc Philipp Graefe da Antermëia, ćina l’ann passè atlet dl schi club d’Al Plan de Mareo, é gnü terzo ai campionać todësc di mituns y pröm de so ann. La manifestaziun dl DSV (Deutscher Skiverband) a Spitzingsee tl Paiern à doré trëi dis, dai 23 ai 25 de merz Schi - Döt contënt cun indöt cater copes y na medaia d’or é ruvé Philipp en lönesc sëra tert a Antermëia do trëi dis de gares tl Paiern. Al DSC ”Deutscher Schüler Cup” à podü tó pert i mius 124 atleć di stać federai todësc che s’à cualiché tratan la sajun cun indöt sis gares. Mituns y mitans d’eté danter i 10 y 12 agn à tut pert en sabeda ai 23 de merz a döes manche de na competiziun cun elemënć de slalom lerch y strënt. La domënia

32

www.lauscdiladins.com

ai 247 à cater alenadus dl DSV ejaminé indöt trëi proes tecniches di concorënć, y le lönesc à ma valü le pröm tëmp dles mitans, do che i mituns à messü la dè sö por gauja dl ćiarü spës che à doré tan dî ćina che la gara di mituns é gnüda desdita. Do n sesto post pa la pröma gara y n secundo post dla competiziun tecnica à Philipp arjunt le terzo post dl resultat complessif y le pröm post di atleć dl ann 2002.

Campiun nazional é deventé Luis Richter (2001) dl SC Partenkirchen. Le secundo miù concorënt dl ann 2002 s’à plazè al vintejimo post. Cun i bugn resultać dl’ultima fin dl’edema s’à Philipp davagné inće n invit de Felix Neureuther te so Trainingscamp a Sölden. Intratan arà Philipp ćiamò na sodesfaziun ai 3 de aurì a Inzell, olache al gnarà onorè tl Hotel Bayerischer Hof por so pröm post dla lista di atleć dl Chiemgau do

indöt önesc gares ti Paîsc Todësc y tl’Austria; implü gnarà festejé ćiamò n iade so suzes di 16 de forá a Ruhpolding, olache Philipp é deventè ”Chiemgaumeister”. Philipp Graefe à garejé ales gares por le SK Berchtesgaden, olache al s’à inće alenè tratan la sajun da d’invern. Al à davagné de jenà inće le campionat dles scores dl Berchtesgadener Land y le ”Audi Quattro Cup - Inngau” ai 2 de merz a Durchholzen tl’Austria.

Philipp cun le trofê dl ”Deutscher Skiverband” a Spitzingsee te Paiern, ciafè por le terzo post dl resultat complessif dl campionat di mituns dla Germania.


Sport

nr. 13 / 29 de merz 2013

Melanie y Martin adöm sön podest

Rasom e Finazzer de or sul Role

Melanie Ploner y Martin Kostner garejëia deboriada a Vich y arjunj le secundo miù tëmp. Melanie fej le bis al ”Marmotta trophy”, olache David Frena à metü sö le miù tëmp di iuniors

Podies per i atlec de schi fascegn. Per colpa del vent l’é stat sperlongià la libera e l superG di campionac taliegn assoluc Schi e paslonch - Resultac de valuta per i fascegn ence te chesta ùltima garejèdes de sajon e ence de bona sodesfazion per la pruma garejèda di campionac assoluc endrezé dal Ski Team Fascia.

Campionac taliegn assoluc

Melanie Ploner, la sora jona pro le Marmotta Trophy. Dlungia: David Frena (amez) é stè le miù di iuniors iten Martell.

Schialpinism - I atleć de Badiasport à desfiré chisc dis deplü gares, inće cun de bugn resultać.

Memorial Tita e Marco En mercui ai 20 de merz à trëi atleć de Badiasport tut pert ala gara a Vich te Fascia. Ara se tratâ de na gara a dui a chëra ch’al à tut pert indöt 112 copies, inće Melanie Ploner y Martin Kostner. Ai à tut pert sciöche copia moscedada y s’à concuisté le podest cun le secundo miù tëmp. Cater menüć do i pröms Elisabeth Benedetti y Willi Deflorian à i dui taié le travert cun le tëmp de 41.15. Pro

les copies di ëi à davagné le pêr Zulian - Pinamonti te 29.49 y danter les copies feminiles Iellici - Scola cun 36.14. Michael Irsara cun Hansgeorg Huber à rové la gara cun le tëmp de 40.45.

Marmotta Trophy En domënia ai 24 de merz dales 9 da doman éra spo jüda inant cun le trofê tl Martelltal. La gara valô sciöche proa de Coppa Italia, Austria Skitour Cup, Coppa delle Dolomitit y Coppa Alto Adige. Preodü êl da afrontè n percurs de 18 km cun 1800 m de deslivel. Porvia dles ries condiziuns

tlimatiches à le percurs messü gnì mudé y al é gnü tut la dezijiun de fà dui iade le percurs de 9 km y 900 m de deslivel. Pröms a rové al travert é stà Kuhar (2:03:20), Fasser n menüt dedô y spo Follador (2:06:39). Lois Craffonara s’à concuisté le 11ejim post te 2:18:17 y Michael Irsara le 47ejim post te 2:54:30. Tles categories di iuniors é David Frena stè le plü asvelt cun 1:35:56 y Melanie Ploner, sora te süa categoria, à stlüt jö la gara cun n bun resultat de 1:44:57. Mike Trebo s’à posizionè al nono post te süa categoria cun le tëmp de 2:17:30. (badiasport)

Na bela esperiënza tla Svizera Les Ice Angels a Biasca (CH) por na gara internazionala Ai 17 de merz à les mitans dl grup de jadiné sincronisé dl Ice Club Alta Badia - les Ice Angels - tut pert a na gara de jadiné sincronisé a Biasca tla Svizera. Al se tratâ de na gara de livel internazional, a chëra che al à tut pert scuadres di Paîsc Todësc, dla Svizera, dl’Austria, dla Croazia y dla Talia. La scuadra à jadiné dër bun, stlujon jö cun 33,44 punć, 10 deplü co l’ann passè tla medema gara, y arjunjon le 13. post sön 19. Les alenadësses, Linda Mariotti y Valentina Lacedelli, ê dër contëntes, pensan inće che les jadinadësses messâ garejé cuntra atletes che s’alenëia vigni dé; les Ice Angels à indere ma la poscibilité da le fà dui iadi al’edema. Canche les mitans va demez por gares, vëgneres inće acompagnades da n valgügn geniturs, y en chësc iade él stè na uma che à coiü adöm n valgügn de sü pinsiers.

se consolâ öna cun l’atra y se dê coraje, desmostran insciö ći amizizia sterscia che al é danter ëres. Cun savëi y buna orentè àres imparè da fà movimënć coordinà tl grup y da mosoré avisa les capazitês de vignöna, a na manira da podëi rové a n medemo ritm tl movimënt dl bal. Inće sce ares é tan jones, s’à les mitans mostrè sigüdes, frëmes y unides dan dal publich, balan cun na conzentraziun y tl medemo tëmp

na ligrëza, che por nos gragn ne foss nia saurì da fà. Chësta disciplina se ghira n ponsè sincronich, na gran forza da lovè sö y jì inant roduntes, sciöche inće la vita se damana datrai. Al m’à salpü dër bel da podëi vire cun les mitans chësta esperiënza y i speri che d’atres mitans vëgnes tl grup y - ćiodì pa nia - inće val’ möt.” I ti aodun a döt le grup da jì inant cun tan de bona orentè y sodesfaziun. (valentina obojes)

Coscita l’é stat, ma en mèrtesc ai 20 de mèrz sun Aloch l’é stat endrezà l slalom lèrch, olache l’atleta dal Sudtirol Nicole Gius à festejà la fin de sia cariera e per fèr mìngol de festa la é vegnuda jù con la braes de pel. A venjer l slalom di ic l’é stat Davide Simoncelli, al 2° post l’é ruà Michael Gufler e al 3° l badiot da Mareo Alexander Ploner. Anter i fascegn troon Cristian Deville al 14° post e l joen Federico Liberatore al 26° post, sun 47 atlec en gara. Dut ben l’é jit ence per la eles. A ruèr pruma l’é stat Elena Curtoni, al 2° post Francesca Marsaglia e al 3° Anna Hofer. Anter la miores atletes de la Tèlia, en dut 38, la fascèna Miriam Rasom é ruèda al 27° post.

Fis Junior

Pinsiers de na uma ”La gara tan aspetada é finalmënter dan porta. I jadins cun lames amorades é te cufer. Les mitans à ćiamò le tëmp da stè adöm te bus, imparè da se conësce damì y da se cuntè les esperiënzes dles atres gares. Tratan les proes é ćiamò öna dles mitans tomada, mo ares

Per colpa del catif temp, per l gran vent che l’é stat enstadì sun Sèn Pelegrin, la direzion del Ski Team Fascia, vidèda dal president Giorgio Deluca, l’à dezidù de sperlongèr i campionac taliegn assoluc de schi alpin. Più avisa la libera e l superG i vegnarà fac i prumes de oril. L nef program perveit de se binèr semper sun Sèn Pelegrin e fèr la proes de la libera en mercol ai 3 de oril, la garejèda en jebia ai 4 e l superG en vender ai 5. “Ne endespièsc – à spiegà l president Deluca – ma no l’era la condizions per meter a jir na garejèda de velozità en segureza, enceben che i tecnics de la sozietà Cima Uomo i abie lurà n muie ben per meter a post l portoi dò n’autra neveta. A dezember coi campionac taliegn de slalom strent l’era jit dut ben, e coscita l’é stat enstadì per l slalom lèrch de ic e eles sun Aloch. La proes de velozità però les somea strionèdes. Se enjignaron per de oril, dant no l’é stat possibol les fèr per na lingia de apuntamenc emportanc, desche i mondièi militères”.

Les Ice Angels: (en pé, da man ciampa) Diana, Eugenia, Sabrina, Giulia, Franziska, Chiara, Jenny, Silvia, Maria, (dancà, da man ciampa) Filomena, Letizia, Elena y Alessia.

Sun Role i fascegn à desmostrà de esser anter i miores. Miriam Rasom del Ski Team Fascia (STF) e Sebastiano Finazzer de l’Agonistica Marmolada (AM) à vent la medaa de or. En sabeda ai 23 per l slalom lèrch Fis Junior la fascèna Miriam Rasom à arjont sie sesto prum post de la sajon ruan tedant a duc. Al 21° post l’é ruà sia compagna de sozietà Valentina Dietre. De ic enveze, semper te la garejèda de sabeda, l fascian Federico Liberatore l’é ruà al terzo post. A serèr sù l fin de setemèna sun Role l’é stat endò i fascegn con la

Miriam Rasom del Ski Team Fascia, pruma sun Role.

venta de Sebastiano Finazzer che per la seconda outa che l’é ruà sul prum sciaier del podie. Dò da el troon Federico Liberatore al 6° post e de eles Denise Giuliani al 5° post e Alice Iori al 11° post.

Campionac Trentins de schi e paslonch I pìcoi de la categorìes Baby e Cuccioli se à binà sul Cermis per i campionac trentins. Anter i miores fascegn l’é stat: CUCCIOLI ic 2001: 7. Alessio Gottardi, MP; 20. Francesco Degiampietro, MP; 23 Alberto Deville, MP. CUCCIOLI eles 2001: 9. Virginia Biella, STF; 10. Elena Pellegrin, STF; 16. Silvia Lastei, STF; 29. Martina Costazza, STF. CUCCIOLI ic 2002: 17. Fabian Cincelli, STF; 26. Luca Vuerich, STF; 27. Daniele Rasom, STF; 29. Fabio Dellantonio, MP. CUCCIOLI eles 2002: 18. Aurora Iellici, MP; 29. Angelica Desilvestro, STF. BABY ic 2003: 29. Luca Obletter, STF. BABY eles 2003: 10. Chiara Picinini, STF; 11. Yasmine Salah Chebel, STF. BABY eles 2004: 8. Ingrid Krause, STF; 9. Aurora Valeruz, STF; 15. Nicole Chenetti, STF; 27. Erika Cloch, STF; 30, Maria Medici, STF. Al Lavazé enveze l’é stat i campionac trentins de paslonch con l Trofeo Laurin, olache i atlec de la Monti Pallidi i à portà a cèsa de bogn resultac: BABY SPRINT ic, km1: 3. Stefano Sommavilla, MP. CUCCIOLI ic, 2,5 km tecnica classifica: 4. Alessandro Chiocchetti, MP. RAGAZZI eles, km 3 tecnica libera: 7. Arianna Pasero, MP; 23. Elisa Sommavilla, MP; 24. Sabrina Pellegrin, MP. GIOVANI/SENIORES eles, km 5: 2. Caterina Ganz, MP. www.lauscdiladins.com

33


Sport

nr. 13 / 29 de merz 2013

Plu che n sport, n sentimënt L Open de Plan da Tieja: na ntraunida de sport, de cumpania y de festa, ma mo deplù na maniera de pensé di jëuni

Bon ejit per l prum Memorial Giovanni Rizzi La pruma edizion, a chela che à tout part na bela squadra de Alpins da dut l Trentin, la é stata venta dal Grop A.N.A. de Vich Ciampedìe - No podea menciar nience chest an la Festa de la Neif e la gara de slalom larch di Alpins, te la maraveousa cornisc del raion del Ciadenac.

Jëuni - Plu che de Double Back o Under flip se tràtel n iede de ntënder che l ne n’ie nia - mé cumpetizion, chël che ie stat da udëi l’ena passeda sun Plan da Tieja, ma n iede na maniera de pensé. Na maniera de lascé viver, uniun coche l rata miec. N mond de jëuni che uel rumpì ora dai schemata, de cie che l ie da vester, de cie che l ie da fé, de cie che n muessa arjonjer, de cie che n muessa avëi. L ie na filosofia dovia, de fé cie che y co che un se sënt.

Nia che l unissa jit ora dla regules, per chiche se temëssa di gran spaventons, l ie mé n nseniamënt di jëuni a nëus vedl bacuchi ciun che ie l valor dl ndividuum, de uniun y uniuna de nëus. La manifestazion sun Plan da Tieja ie unida metuda a jì dai Manguesa, da La Fabrik y dala ustaria Okay. L cheder de na cumpetizion ie tlo: cualificazion y pona garejedes. L ie nce chiche à venciù: Fabian Bernardi de Sëlva

Mumënc de sport y cumpania sun Plan da Tieja. (fotos de Ivan Goller)

34

www.lauscdiladins.com

dan Ralph Welponer de Urtijëi y Stefan Schenk de S. Cristina. Vëncer ie zeche de bel, ma plu bel iel stat a se ancunté duc deberieda, per sté n cumpania, te na filosofia particulera, jëuna. Y chiche ëssa da bruntlé, da critiché la generazions jëunes: na pert de chël che l ie unì trat ite ti ie unì dat inant a doi families de Gherdëina che n à debujën. Keep cool! David Lardschneider

En sabeda ai 23 de marz sun Ciampedìe, sul portoi de le Cigolade, na bela squadra de Alpins rué da dut l Trentin se à binà per l prum Memorial Giovanni Rizzi. Da le 10 Alpins, Amisc di Alpins e Simpatisanc à tout part a la gara te na manche demò e dò, de gra ence al temp bon, duc chenc à podù se refizièr con n bon bast alpin. Endana la marena en compagnìa l’é stat la premiazion e l’é stat tirà fora a la brusca de bie e riches pesć. Dò la festa é jita inant con tanta musega e per i pascioné del schi l’é stat amò temp per se far dotrei bele raide su la neif. L prum Memorial Giovanni Rizzi l’é stat vent con bon suzess dal Grop A.N.A. de Vich che, en colaborazion con la Scola de Schi e l Comitat Manifestazion, se à dat jù con n muie de empegn te l’endrez de chesta bela giornada! L’é stat na bela ocajion per star ensema e, perché pa no, per se tirar ite amò na uta l ciapel da Alpin!

Classifiche B10 1. Marino Deluca, Poza (amich). B9 1. Ettore Costazza, Poza (amich); 2. Alberto De Chiusole, Pardac; 3. Galdino Battagin, Gries; 4. Angelo Scalet, S. Martin de Castrozza; 5. Decimo Zorzi, S. Martin de Castrozza; 6. Mario Parmesan, Vallarsa. B8 1. Luigi Toniolo, Bedollo (amich), 2. Gualtiero Ghetta, Vich; 3. Dario Boninsegna, S. Martin de Castrozza; 4. Giancarlo Pedrotti, Mori; 5. Davide Andreolli,

Mori; 6. Ezio Zendri, Vallarsa; 7. Carlo Brunel, Vich; 8. Cesare Longo, Varena. B7 1. Giorgio Svaldi, Bedol (amich); 2. Carlo Rasom, Vich; 3. Paolo Trottner, Vich (amich); 4. Evaristo Gabrielli, Pardac; 5. Franco Croce, Pardac; 6. Bruno Vasselai, Vich; 7. Marco Chiocchetti, Poza; 8. Hilde Kirchler, Poza (amich), 9. Domenico Eccher, Vallarsa. B6 1. Edy Rizzi, Vich (amich); 2. Elvio Tessadrio, Bedol; 3. Umberto Gios, Vallarsa; 4. Alessandro Bernard, Poza; 5. Bruno Rizzi , Bedol; 6. Aurelia Mosele, Poza (amich). A5 1. Maurizio Rasom, Vich; 2. Fabio Bernard, Vich; 3. Flavio Riz, Auta Fascia; 4. Vittorio Trottner, Vich. A4 1. Giorgio Deluca, Poza (amich); 2. Mauro Lastei, Poza; 3. Cesare Winterle, Poza; 4, Lorenzo Simoncelli, Vallarsa. A3 1. Giancarlo Weiss, Vich; 2. Dario Rasom, Vich; 3. Germano Pedrotti, Vich; 4. Massimo Paina, Lizzanella; 5. Cristian Simoncelli, Vallarsa; 6. Stefano Marchi, Vallarsa; 7. Nicola Rigo, Vallarsa; 8. Sara Marsilli, Vallarsa (amich); 9. Alberto Ruggeri, Vich (amich); 10. Lodovico Detomas, Vich (amich). A2 1. Marzio Mattioli, Juan; 2. Walter Ghetta, Vich; 3. Pierpaolo Omodeo, Vallarsa; 4. Lorenzo Deluca , Poza; 5. Andrea Decrestina, Soraga. A1 1. Daniele Rizzi, Bedol; 2. Claudio Cincelli, Poza; 3. Thomas Battisti, Poza. Seniores 1. Mauro Rasom, Vich (amich); 2. Ivo Rasom, Vich (amich); 3. Walter Pederiva, Vich (amich); 4. Luca Rasom, Vich (Jun. amich), 5. Igor Lastei, Poza (jun. amich), 6. Giovanni Lastei, Vich (amich), 7. Federica Radda, Poza (amich), 8. Davide Pezzei, Poza (amich).

L grop ANA de Vich à vent la pruma edizion del Memorial Giovanni Rizzi.


Sport

nr. 13 / 29 de merz 2013

Moza e neif, ma gran suzess per l 18° Tita e Marco A n sofl dal podest Ben 112 cobie se à binà per garejar da Vich a Ciampedìe coi schi, co le pel o con le ciaspe. N gran detelpai a duc i volontadives

L podie de ele del 18° Trofeo Tita e Marco.

Schi alpinism - En mercol ai 20 de marz, sa Vich l’é stat metù a jir la garejada de Tita e Marco. 112 cobie se à binà tedant a la boteiga Tony Sport e da le ot da sera le é pontade via con i schi te man e canche le é ruade ló da la forenadoa le se à tacà i schi e te anter na gran moza e sot la neif mola i à peà via la gara (l’aisciuda che la tacaa la dì dò, i no l’à spiada de segur!). Con gran gaissa estro e fadìa, i concorenc se à envià via su per chele erte, chela sun Ciampedìe con siecent metri de deslivel e cinch chilometri de pista l’é na gara

belebon grieva. I prumes a ruar su, con n temp de 29 menuc e 49” l’é stat Ivo Zulian e Guido Pinamonti di Bogn da Nia; te 30 menuc e 18” l’é ruà Paolo Longo e Alessandro Calliari e terzi, te 30 menuc e 44” Alessandro Follador e l skyrunner da Primier Michele Tavernaro de I Piazaroi. Le prume femene ruade l’é stat Carla Jellici e Nadia Scola che le à stat 36 menuc e 14”; Marta Scalet e Annalisa Zanetel, de I Piazaroi, seconde te 43 menuc e 32” e Riccarda Deville e Silvana Jori le é ruade terze te 46 menuc e 20”. L’era

Valgugn di venjidores e de chi che à endrezà, endana la premiazion.

ence n muie de atlec co le ciaspe, l preve don Franco Torresani e Ruggero Bedollo di Bogn da Nia i é rué prumes con l temp de 30’ e 39”, amò mior de chi che é rué terzi con i schi. Vindedò, semper con na gran gaissa, l’é ruà i autres e valgugn à fat ence più fadìa percheche la neif frescia se tacaa man a man sot le pel. De gra al spirit gaert l’é ruà su Margareth Thaler, nasciuda del 1949, che l’à 74 egn e no la li sent. Canche i é rué su duc, i à ciapà n bon piat de pasta e i à podù se goder la compagnìa, che la forenadoa é restada averta fin da mesanot. Volon ence recordar nesc joegn morc sun Scaliaret ai 28 de marz del 1991. N develpai de cher ge dijon a l’Aiut Alpin Zenter Fascia, al Comun de Vich, al grop Bela Ladinia, al Ski Team Fascia, a la sozietà Ciadenac, ai refuges Baita Checco e Ciampedìe, a la Crousc Checena, ai pompieres e a duc chi che à didà a far jir chesta bela scomenzadiva. Le familie de Tita e Marco

Ntan l ultim fin dl’ena fòvel a Latsch tla Val Venuesta na garejeda Open de jadiné artistich y doi atletes de Gherdëina à fat pea ruvan al cuarto y otavo post tla categuria ”novice” Jadiné - L pudova fé pea atletes y atlec da duta la Talia tla categuries di novice, juvenile, junior y senior y garejà unìvel mé cun l program lonch, la Kür. L fova perdrët l prim iede che l univa metù a jì na tel garejeda tl stadio dala dlacia de Latsch y i urganisadëures dl Sportclub Maran se à purvà dassënn per mëter a jì chësta manifestazion a chëla che n pudova nce ti cialé live da cësa demez tres internet. Per l Eisclub de Gherdëina fova doi atletes scrites ite, tramedoves tla categuria ”novice” che fova spartida su te trëi grupes: la bruma, la vërda y la cuecena. Pia Demetz de Sëlva fova tla prima grupa y si travert fova chël de arjonjer tl tecnich la valutazion de almanco 20 ponc per pudëi passé n auter ann tla proscima

categuria, la ”juvenile”, y chësc ti ie nce garatà. Cun 20,60 ponc per la pert tecnica y de ndut 37,66 ponc fòvela ala fin al otavo post tla tlassifica. Tl’autra grupa fòvel Anna Runggaldier che mustrova n drë bel program dla Kür, l jol sun l dopl lutz ti à custà un n pont y nsci la bedaia de bront. Cun de ndut 44,17 ponc àla messù se cuntenté cun l cuarto post. Per l Eisclub Gardena iel trëi atlec, Manuel Piazza, Anna Runggaldier y Daniela Delago che ie unic cherdei ite a reprejenté l Südtirol pra l turnoi Argealp, che sarà dai 28 nchin ai 30 de merz a Salzburg y ulache i puderà se cunfrunté cun atlec y atletes dal nord dla Talia, dal’Austria, Svizra y dal Bayern. Alex Runggaldier

Pia Demetz y Anna Runggaldier do la premiazion tl stadio dala dlacia de Latsch.

”Halbblitz” dla Lia Schach Gherdëina Dan otodì à i cumëmbri dla Lia jugà per si campiunat ”halbblitz”. Inò de bon resultac iel da repurté n cont dl’atività di jëuni dla Lia Schach Gherdëina. Nteressant ie stat l referat n cont de fé al Schach cun l computer Schach - Do l bel suzes per l titul arjont per l 16ejim iede tl campiunat provinziel a scuadres, iela jita inant per la lia cun n turnoi danter cumëmbri y mo d’auter.

Grand Prix di Jëuni Ai 17 de merz pra l Grand Prix di Jëuni a Lichtenberg, do n viac bëndebot lonch, ie David Dejori ruvà segondo tla categuria di mutons sot a 14 ani cun 5,5 ponc, Matthias Kasslatter cuarto cun 5 ponc y Gabriel Prinoth cuinto cun 3 ponc. Tla categuria dla mutans sot a 12 ani à Nadia Kasslatter fat l segondo post cun 4,5 ponc.

Schach cun l computer L cumëmber dla Lia Schach Gherdëina, Günther Demetz, nstës de mestier prugramadëur de computer, à tenì n lunesc 18 de merz n beliscimo referat n cont de Schach cun l computer. Günther à scumencià cun n excursus tla storia dla prugramazion dl

“Computerschach”, mustran pona coche l se à mudà y mescedà plu sistems de calculé y valuté la mosses, ce elemënc che i computer tol per dé na valutazion de na cërta pusizion do ntan de mosses y tan de mpurtanza che la “banches de dac” ie per chësc lëur. Ël à auzà ora che na gran valuta ti dà i prugramadëures ala “mubilità” di tòc sun la mëisa da Schach per sotrissé che chësta carateristiga ie vel’ de essenziel per cunëscer ce pert dla mëisa da Schach che sta miec! L argumënt dla mubilità vel danz nce per duta la vita de ncueicundì: l tleca pensé ala nfrastrutures, al cumerz, ala tecnologia, ala tatica y strategia dl militer, dlonch se tràtel de pudëi se spusté for miec y l plu aslune che l ie mesun! Chi che ie tla cundizion de se muever dant y cun plu vies a despusizion à n gran vantaje permez a chëi che ie strënc ite y ne possa belau nia se raidé! Günther, cun gran savëi y cun de blòt chedri, à purtà dant te na maniera che duc pudova ntënder

chësta tematica per sé nstëssa bëndebot ria da ntënder. Duc chëi che ie unic a scuté su à pudù se rënder cont ce zech de stramp che ie la capazità de n computer dal Schach al didancuei! Bele śën ne pudëssa nianca no i miëur jugadëures dl mond ti tenì permez ai miëur computer.

ponc sun 9 partides, segondo ie ruvà Ruben Bernardi cun 8 ponc y terzo Thomas Moroder cun 7 ponc. Dal cuarto al sesto post udons Franz Prinoth, Artur Runggaldier y Bruno Goller, duc cun 5 ponc. L vën do David Dejori (miëur di jëuni!), Manuel Taschler, Elisabeth Delago (miëura dl’ëiles!)

y Günther Demetz cun 4,5 ponc uniun. Klaus Knottner y Matthias Kasslatter à fat 4 ponc, Ernst Demetz y Nadia Kasslatter à fat 3,5 ponc. Pona ruva Valentine Demetz cun 3 ponc per finé via cun Christine Perathoner, Elia Bergmeister y Gabriel Prinoth, duc cun 2 ponc. (rd)

Campiunat halbblitz dla Lia L’ultima sada à la Lia Schach Gherdëina metù a jì si campiunat de “halbblitz”, ulache per nuef partides ndolauter pudova i cumëmbri se museré te chësta forma de Schach cun 15 menuc da garat per jugadëur y partida. Te ce sport possa pa duc se cunfrunté al medemo livel, ëi y ëiles, vedli y jëuni? Un di partezipanc ova 76 ani, l plu jëunn n ova mé 10! L turnoi à durà manco de cin ëura y ie unì menà cun la cumpetënza da for da Ruben Bernardi y Valentine Demetz. Venciù à Rainer Demetz cun 9

Günther Demetz à tenì l referat n cont de fé al Schach cun l computer. www.lauscdiladins.com

35


Sport

nr. 13 / 29 de merz 2013

N don su le ciaspe trionfa a la Ciasparun Don Franco Torresani davánt a duc sul Giau Ciaspe - L preve trentin don Franco Torresani l a vadagné la terza edizion de la “Ciasparun”, la gara co le ciaspe da Fedare al Giau organizada da la Pro Loco de Còl che l’é stada sabeda, 16 de mèrz. Don Franco l à corëst i 5 chilometri de gara per n dislivel de 250 metri ntel temp de 25’05 davánt a Ruggero Berolo, che ava vadagné le doi passade edizion e Luca Lumpieri. Ntra le ële sul scialin plu aut del podio s’a piazé Concetta Savaris, davánt a Emanuela Zaetta e Marta Dal Farra. La Ciasparun la fèsc pèrt del circuito de gare nia competitive Ciaspatur e da trei agn l’é ence chëla che l siera ite. La manifestaion l’eva stada programada per sabeda 9 de merz, ma po i organizadous i ava mossù al ultimo dezide de la sburlé per l burt temp e la strada del Giau sarada per pericol de levine davò la nevëste dei dis davánt Sabeda passada sot al striscion de partenza sun Fedare l’aria la becáva scialdi l mus ai 137 concorenc, che davánt a nen spetac ol unich den ciel plen de stële, i é piei via armèi no demè de ciaspe

La partenza sot l striscion a Fedare.

ma ence de na pizada de agonism. A la fin de la competizion duc i concorenc i a cené n compagnia al Rifugio Fedare ulache l é ste fat le premiazion dei prums trei concorenc de la gara e del circuito “Ciaspatour” ulache l é ste n ex aequo ntra Luac Lampieri e

Le premiazion.

Ruggero Berollo. Ntra le ële nveze a trionfé senza storia Emanuela Zaetta. A la fin premi a estrazion per duc i concorenc scinchei da nvalgugn sponsor de la val. I organizadous i vol rengrazié duc chi che a daidé prò a la manifestazion. N particolar Ivan

e l staff del Rifugio Fedare, la sozieté dei lifc de Averau, la Cassa Raiffeisen de la Val Badia, l Aiut Alpin de la Valfiorentina e Fodom, La Crousc Bláncia e i studafuoch da Còl, i volontari e i sponsor che a cherdù nte chësta aventura. Dute le news e le clascifiche se poò le

ciapé sul scito www.collesantalucia. eu. La Pro Loco de Còl la da l apuntament a duc a n auter ann per na nuova bela Ciasparun, corsa da le grane emozion de sport e natura che vòl fè cugnësce e valorizé un dei luosc plu biei de la śòna Lagazuoi – 5 Torri.

Manuel davagna le ”Pinocchio” Ai 19 y 20 de merz é passa 1.000 atleć y atletes jogn da döta la Talia rovà adöm sön l’Abetone, por la 31ejima ediziun dles gares ”Pinocchio sugli sci”. Manuel Ploner dl SC Ladinia ti l’à fat y à davagné. Döt adöm trëi podiums danter Badia, Fascia y Gherdëna i atleć jogn n spirit sann de competiziun y motivaziun por le dagnì. (pablo)

Tlassifiches (cun ladins ti pröms 30)

Gran ligrëza por l’atlet jonn Manuel Ploner da San Ćiascian, che à arjunt le 1. post de categoria. Le mirit é de so impëgn y inće de so alenadù Luca Tiezza (amc). Tla foto dlungia: Francesca Fanti dl Ski Team Fassa po se ralegrè dla medaia d’arjënt.

Schi/Pinocchio - Le trofê ”Pinocchio sugli sci” é n gran evënt por i schiadus jogn. Tó pert po chi che s’à cualifiché te öna dles passa 20 seleziuns zonales sura döta la Talia. Ai 19 y 20 de merz êra spo tan inant. Sön l’Abetone (Pistoia) rovâ adöm rodunt 1.019 mitans y mituns, partis sö te 8 categories, por se mosorè te n slalom gigant cun aversars da döta la Talia. Le pröm dé i tocâra ai ”cuccioli” nasciüs l’ann 2001 y 2002, le dé do se mosorâ i aliefs dl 1997-98 y i mituns nasciüs i agn 1999 y 2000. Les gares é gnüdes tignides sön döes pistes, la ”Zeno Colo 3” y la ”Stadio da Slalom”. Sambëgn êl ala pert inće cotan de atleć dla Ladinia, y chisc à fat süa parüda cun de gran resultać che fej plajëi, suradöt cun trëi podiums partis sö danter la Val Badia, Val de Fascia y Gherdëna. La devënta miritada ti é garatada a Manuel Ploner da San Ćiascian,

36

www.lauscdiladins.com

atlet dl SC Ladinia, che se l’à fata avarëi pro i mituns dl 2001 cun le tëmp de 52,44, baton insciö de 70 centejims Moritz Happacher dl SC Drei Zinnen. Por l’atlet jonn bëgn na gran sodesfaziun da rové sön le scalin plü alt, te na gara che à odü te süa categoria passa 100 atleć al start. Na curiosité a pert. L’ultimo or pro le Pinocchio por le SC Ladinia, tla categoria di ”cuccioli”, é stè chël de Luca Tiezza dl 1992. Incö é Tiezza l’alenadù de Ploner. L’ultimo or por le SC Ladinia en general é garatè cun Alex Zingerle dl 2007. N bel secundo post é garatè tla categoria dles mitans 1999-2000, olache Francesca Fanti dl Ski Team Fassa ti l’à fata da se plazè sön le secundo scalin dl podium, tardia de ma 5 centejims dala pröma tlassificada. Dër bun i éra spo jüda a Matthias Comploj dl SC Gherdëina (ann 2002), che à stlüt jö al terzo post de süa categoria, y se porta a ćiasa la medaia de

brom N resultat de döt respet, mo bëgn impò da parentè, é stè chël de Samuel Moling dl SC Ladinia, tla categoria di aliefs. Ma por n centejim su ne n’àl nia arjunt le podium, y à insciö messü s’acontentè cun la medaia de lëgn. Cun categories incé de 100 y passa atletes o atleć, pòn inće alzè fora i atri bi resultać ti top 15, sciöche l’8. post de Giulia Demetz (SC Gherdëina) pro les alieves, l’11. plazamënt de Jacopo Bernardi y le 12. de Elena Piazza (intrami SC Gherdëina) tles categories dl 2002, spo le 12. plazamënt de Andrea Pedevilla (SC Ladinia) pro i aliefs, y le 15. post de Jamie-Lee Pellizzari (SC Gherdëina) y de Gualtiero Barilla da Cortina pro les categories dl 2001. Le Pinocchio é insciö inće iniann stè n gran apuntamënt - na festa por le sport, che à portè tröpes ligrëzes y sodesfaziuns inće tla Ladinia, y an spera inće danter

Mitans 2001: 1) Laura Auer, TZ Gitschberg, 53,36; 2) Cassandra Lava, Bardonecchia, 53,64; 3) Martina Piaggio, Mondolè Ski Team, 54,63; 15) Jamie-Lee Pellizzari, SC Gherdëina, 55,48; 24) Nicole Nogler Kostner, SC Gherdëina, 56,56. Mituns 2001: 1) Manuel Ploner, SC Ladinia, 52,44; 2) Moritz Happacher, Drei Zinnen, 53,14; 3) Luca Isabella, US Primiero, 53,78; 15) Gualtiero Barilla, Cortina, 55,59; 27) Nicolas Alberti, Cortina, 56,82. Mitans 2002: 1) Alessia Guerinoni, Orezzo Valseria, 54,28; 2) Giulia Currado, Equipe Limone, 55,63; 3) Vittoria Castellano, Sauze D’Olux, 56,43; 12) Elena Piazza, SC Gherdëina, 57,62; Mituns 2002: 1) Marco Abruzzese, Mondolè Ski Team, 54,07; 2) Marco De Pieri, 18, 54,51; 3) Matthias Comploj, SC Gherdëina, 55,20; 11) Jacopo Bernardi, SC Gherdëina, 56,17; Alieves 1997-98: 1) Petra Smaldore, Derviese Ski, 1.06,96; 2) Laura Pirovano, Agonistica Campiglio, 1.07,00; 3) Sara Dellantonio, US Latemar, 1.07,07; 8) Giulia Demetz, SC Gherdëina, 1.07,71; 25) Allegra Carlotta Scarpa, Cortina, 1.09,25; Aliefs 1997-98: 1) Alberto Blengini, Mondolè Ski Team, 1.05,66; 2) Giulio Zuccarini, Tutto Bianco, 1.05,85; 3) Matteo Pradal,

Way Sport Ski, 1.06,21; 4) Samuel Moling, SC Ladinia, 1.06,22; 12) Andrea Pedevilla, SC Ladinia, 1.07,27; 23) Matteo Canins, SC Ladinia, 1.07,76; Mitans 1999-2000: 1) Elena Sandulli, Fana, 1.10,36; 2) Francesca Fanti, Ski Team Fassa, 1.10,41; 3) Giulia Tintorri, Riolunato, 1.11,41; 16) Monica Zanoner, Ski Team Fassa, 1.13,72; 22) Rossella Alberti, Cortina, 1.14,34; Mituns 1999-2000: 1) Stefano Cordone, Ski College Limone, 1.10,43; 2) Larsen Skerk, GS Sella Nevea, 1.10,55; 3) Giovanni Zazzaro, Monti Ernici, 1.10,92; 18) Adriano Maria Barilla, Cortina, 1.12,48.

Cun le brom de Matthias Comploj dl SC Gherdëina él garatè la terza medaia ladina pro le ”Pinocchio sugli sci”.


Sport

nr. 13 / 29 de merz 2013

Or, arjënt y bront per stlù ju la sajon

L bur tëmp ne fërma deguni

Cuinta y ultima garejeda dl “Hubert Leitgeb Cup” te Martell

La gran cuncurënza dl schialpinism se à ancuntà te Martell per la garejeda de Coppa Italia ”Marmotta Trophy”

Biathlon - N sada ai 16 de merz iel stat l’ultima garejeda de chësc campiunat provinziel. L se tratova de na ”mass-start”, na garejeda ulache duc i atlec de uni categuria pëia via deberieda. Pra chësta sort de garejedes àn la puscibltà de se cunfrunté da daujin cun i autri cuncurënc y suvënz sàutel ora per vel’ un o vel’ auter resultac che i ne s’ëssa nia aspità. Da auzé ora iel tlo la vënta de Gaia Brunello, l segondo post de Elia Demetz y l terzo de Lukas Wiedenhofer. Gaia y Elia à stlupetà scialdi bën ne falan nianca no n colp y chësta ie dessegur stata la fundamënta per l bon resultat. Nia massa butà a stlupeté ne ti àla a Verena Dejori, Linda Nocker, Fabiana Brunello y Lukas Wiedehofer, mé che Lukas ie stat do la rata drët asvelt sun i schi y ie mo ruvà terzo. L ie da dì che cun chësta garejeda ie fineda via l’atività de chësc inviërn de nosc pitli atlec dl Schi Club Gherdëina. Ntan duta la sajon s’à i mutons y la mutans purvà dassënn y n à arjont do la rata de bon resultac. Tl medemo mumënt fóssel da junté che cun mpue de fertuna ëssen pudù tré ca vel’

podest deplù, ma coche duc sà ne iesen tl biathlon nia for boni de stlupeté bën y de jì nce debota. N colp trat dlongia via uel datrai dì tumé ju de podest o vëncer la garejeda. Chësc ne vëijen nia mé pra la garejedes de copa dl mond, ma nce pra chëles de nosc mëndri. Tla tlassifica generela di Schi Club iesen ruvei terzi. Tla tlassifica generela de uni categuria àn abù

mpue de desfertuna ruvan suvënz n valgun iedesc daujin dal podest: Lukas Wiedenhofer 4., Matteo Runggaldier 4., y nce Verena Dejori 4. Da auzé ora iel l 2. post de Gaia Brunello y l 3. de Elisa. A inuem dl cunsëi dl schi club y de duc i genitores ulëssi rengrazië i trainadëures Luigi Ponza, Samuel Mussner, Karin Moroder y Nadia Ploner per l bon lëur che i à fat ntan duta la sajon. (fl)

Gaia Brunello à venciù te Martell. (foto: Werner Dejori)

Tlo i plazamënc di atlec dl Schi Club Gherdëina te Martell: 2002-03: (mutans) 1. Gaia Brunello; 9. Ylvie Perathoner; 12. Elisabeth Huber; (mutons) 2. Elia Demetz; Rifesser Michael; 9. Samuel Prinoth; 10. Raff ael Insam 2000- 01: (mutans) 7. Verena Dejori; 9. Linda Nocker; 12. Fabiana Brunello 1998-99: (mutons) 3. Lukas Wiedenhofer

Terzo post per la Under 20 dl HC Gherdëina Tl’ena do Pasca mo n valgun mumënc mpurtanc per l hockey di jëuni: la Under 14 à da jughé per la cualificazion ala fineles dl campiunat talian y per la Under 10 saràl te Sëlva l 8. turnoi nternaziunel n lecort de Hermann Senoner Hockey/Jëuni - Do l’ultima partida dla Under 10 a Neumarkt, ulache i à purtruep perdù per 1:8 (gol per l Gherdëina de Leo Messner) ie chisc mutons śën njeniei a fé pea pra la 8. edizion dl turnoi Hermann Senoner te Sëlva, avisa n sada y dumënia ai 6 y 7 de auril. L fajerà pea 8 scuadres spartides su te doi grupes. La grupa A saràl l HC Bled, HC Maran, HC Pustertal, HC Pfronten y tla grupa B l EHC Klostersee, SV Ritten, HC Cortina y HC Gherdëina. Te uni grupa jugherà duc contra duc. N dumënia domesdì jugheràn pona per i plazamënc, ulache la cuarta dla grupa A fajerà contra la cuarta dla grupa B, la terza contra la terza, la segonda contra la segonda y sambën tla finela la prima dla grupa A contra

la prima dla grupa B. La prima partida dl turnoi sarà n sada ai 6 de auril dala 10 danmesdì danter l Gherdëina y l Renon. Unide de trueps a fé n bel tifo! La scuadra dla Under 14 à n Lunesc de Pasca da jì sun Renon per la segonda cualificazion per la fineles dl campiunat talian. La scuadra de Gherdëina arà da se museré contra la scuadres dl Renon, Asiago y dl HC Cornacci per ruvé inant tla finela che sarà ai 6 y 7 de auril. Speron che la ti bute! U20 Cortina - Gherdëina 5:6 (0:3, 2:2, 3:0, 0:1) Goi de Davide Sottsass (2), Gabriel Senoner (2) y Gabriel Vinatzer. N sada ai 23 de merz fòvel da

furné via a Cortina per jughé l’ultima partida ulache la jiva dl terzo y cuarto post tl campiunat talian U20. I mutons à scumëncià bën, i fova cunzentrei y do l prim tëmp stajòvela bele 3:0. Canche i fova pona 5:0 danora ài praticamënter lascià de jughé, fajan truep fai y lascian ruvé l Cortina sun l resultat finel de 5:5. Nsci àn messù tré i penalties. Coche la ie dai penalties muessela for mpue buté y al Gherdëina ti àla nce butà, ruvan nsci terzi y purtan a cësa na bedaia de bront. Ala fin dla finedes n bon resultat per chisc jëuni che ne fova tan che mei al cumplet y che messova jughé uni iede cun d’autri jugadëures, bravi! Venciù l campiunat Under 20 à chëst ann la scuadra dl Renon che à batù te do partides sun trëi la scuadra dl HC Pustertal.

La scuadra U20 dl HC Gherdëina cun leprò nce n valgun jugadëures dl Fascia.

Peves - Per gauja dl bur tëmp à i urganisadëures dla Coppa Italia /Trofeo Scarpa messù mudé n dumënia ai 24 de merz l percurs dla garejeda de schialpinism dl 6. Marmotta Trophy, che valova nce coche proa per l’Austria Skitour Cup y per la Coppa delle Dolomiti. I atlec à nscila messù fé i 9 km cun n deslivel de 1900 metri doi iedesc, tlo fòvel sies tòc da jì suvier cun la peves y coche iedesc fòvel da furné ju. L’ëiles ova mé cater puntons da jì suvier (y nce per ëiles fòvel cater iedesc da furné ju) per na lunghëza de 14 km de ndut y n deslivel de 1379 metri. Nejc Kuhar dla Slovenia se à riesc metù a cë dla grupa deberieda cun l austriach Alex Fasser y l belunesc Alessandro Follador. Pra l’ëiles se à Silvia Rocca riesc metù al cumando dla garejeda y ie stata bona de tenì si ritm, destacan l'autres (nsci la segonda tlassificheda Elisa Compagnoni y Federica Osler). Ala fin dla segonda raida ie Nejc Kuhar passà tres l travert cun n tëmp de 2:03:20, 1 menut y 20 do ël à finà si garejeda Fasser (cun 2:04:32) y terzo Alessando Follador 2:06:39. Silvia Rocca ie ruveda tl travert da sëula

ferman l’ëura a 2:08:57, Elisa Compagnoni che fova la segonda à abù 2:11:08 y Federica Osler 2:17:02. Di atlec de Peves Gherdëina/Schi Club Gherdëina Saslong se à Manuela Perathoner tlassificà al 8. post pra l’ëiles cun n tëmp de 3:21:28. Tla categuria de chëi sëura 50 ani iel da auzé ora l bon 2. plazamënt de Andreas Senoner cun n tëmp de 2:24:53. Enrico Perlin se à tlassifica al 45. post tla categuria sot a 50 ani cun n tëmp de 2:52:28. Te chësta categuria ulons mo lecurdé i bon plazamënc di atlec ladins Ivo Zulian di Bogn da Nia che ie ruvà 6. cun n tëmp de 2:13:10 y Lois Craffonara de Badia Sport sciche 11. cun n tëmp de 2:18:17. (mp)

Andreas Senoner.

Doi iedesc or per Aline N sada y dumënia ai 23 y 24 de merz à i atlec dl Snowbaord Gherdëina fat pea pra una dl’ultima garejedes de chësta sajon Snowboard - A Pfelders t’insom Passeier fòvel sun l program n slalom strënt y l di do n slalom lerch, chësc sibe per la categuries di plu jëuni che garejova per la copa de Südtirol, che nce per i majeri – chëi nasciui tl 1997 y plu vedli – che fej per la ”Coppa Italia”. Scialdi bën à fat i plu jëuni dl Snowboard Gherdëina che ie jic a se tò bën ot bedaies ntan chësc fin dl’ena de cumpetizions. Tla garejeda Fis-Coppa Italia àla plu butà tl slalom strënt, ulache doi di atlec de Gherdëina ie ruvei ti prims diesc, ntan che l di do tl slalom lerch fòvel inò Daniele Bagozza che ie stat bon de ruvé ti diesc iust dan al trainadëur dl Snowboard Gherdëina Georg Rabanser. Chëstes fova la ultima garejedes dan i campiunac taliani, che sarà ntan i prim dis de chëst’ena che vën a Chiesa Val Malenco y ulache l sarà inò leprò n valgun altec dl

Snowboard Gherdëina. Chisc ie i plazamënc di atlec dl Snowboard Gherdëina: Slalom strënt ”Ragazzi”: 1. Valentina Longhi. Alieves: (mutans) 1. Aline Moroder, 2. Sindy Schmalzl, 4. Nora Salcher – (mutons) 2. Damian Perathoner. Master A: 1. Georg Rabanser Fis: (mutons) 7. Daniele Bagozza, 18. Christopher Belsito – (mutans) 7. Benedetta Belsito. Slalom lerch ”Ragazzi”: 2. Valentina Longhi. Alieves: (mutans) 1. Aline Moroder, 2. Sindy Schmalzl, 4. Nora Salcher – (mutons) 1. Damian Perathoner. Fis: (mutons) 9. Daniele Bagozza, 10. Georg Rabanser.

La premiazion dla alieves cun da m.c. Sindy Schmalzl (2.), Aline Moroder (1.), Martina Prentaler de Funes (3.) www.lauscdiladins.com

37


Sport

nr. 13 / 29 de merz 2013

De biei resultac per i atlec dl’arpizeda sportiva

L Gherdëina vënc l campiunat de serie B de Broomball

Dan otodì se à i plu jëuni dl’arpizeda batù drët bën tla garejeda de sveltëza dla Copa Junior a Arco. Pra i majeri ntantsce, che fej pea tla Coppa Italia, à Rudi Moroder venciù la prima garejeda dla La scuadra de broomball de Gherdëina bat l Sterzing tla finela sajon de boulder per 2 a 0. Scialdi inant ie chësta scuadra nce ruveda tla ”Coppa Arpizeda sportiva - N dumënia ai 24 de merz 2013 àn metù a jì a Italia”, ulache n ova da se museré nce cun scuadres dla serie A Arco la cuinta garejeda de arpizeda sportiva per la Copa Junior dla region Trentin-Aut Adesc tla desciplina de ”speed”. L se trata dla garejeda de sveltëza, ulache l muev for doi atlec al iede che muessa cialé de arjonjer coche prims l top. Do la prima selezion réstel mo 8 atlec. Chisc va pona inant te na semifinela y finela. N l di dla garejeda fòvel nce a Arco purtruep scialdi bur tëmp cun truepa plueia y perchël iel unì fat ora de scurté mpue la garejeda, lascian pro mé plu 4 atlec ala finela tla categuries Under 10 y Under 12. Partii su tla categuries U10, U12, U14, U16 y U18 fòvel de ndut 21 atlec dl ASK Gherdëina, che à fat pea pra chësta garejeda. Ajache ne n’on nia la drëta puscibltà de alené i altec te chësta desciplina, udons nce for che i resultac ne n’ie nia tan boni sciche pra la garejedes de boulder o lead. Nosc atlec à purempò pudù pië do trëi bedaies: una d’or per Alice Moroder tla categuria dla mutans Under 10, una de bront per David Piccolruaz tla categuria di mutons Under 14 y una d’arjënt per Marion Senoner tla categuria dla mutans Under 18. Danter i prims diesc ie mo ruvei:

Alice Moroder, sun l scialier plu aut dl podest dla mutans sot a 10 ani y al cuarto post Miriam Lardschneider.

pra la U10 mutans 4. Miriam Lardschneider, 8. Elena Frontull y pra i mutons 8. Marcel Runggaldier; pra la U12 mutans 4. Elisabeth Lardschneider y pra i mutons 5. Edi Kostner; pra la U14 mutans 6. Stefanie Frontull, 9. Eleonora Moroder y pra i mutons 4. Filip Schenk; pra la U16 mutans 10. Laura Stuffer. Bele dan doi enes à plu atlec de

Gherdëina fat pea pra la prima garejeda de Copa Italia de boulder de chësta sajon, che ie stata a Milan. Rudi Moroder, che da puech ie inò n atlet dl ASK Gherdëina, ie ruvà prim sibe tla semifinela che nce tla finela, vencian nscila si prima garejeda de Coppa Italia. Michael Piccolruaz ie ruvà 4. y Giulia Alton à arjont l bon 5. plazamënt. Per l ASK Gherdëina, Martina

Zingerle y Runggaldier campions dla Talia

Broomball - Scumenciá àn chësc campiunat cun n valguna mudazions tla scuadra. N valgun jugadëures che ova bele jugà plu ani ti à lascià la lerch a n valgun jëuni, che à scumencià a fé chësc sport cun na gran ueia. Sun i doi trainadëures nueves, Christian Kaslatter y Ivo Insam, aspitòvel n gran lëur. Cun pazienza y ardimënt ài purvà ora y metù adum jugadëures jëuni y jugadëures manco jëuni, abinan ora n bel sistem de juech, che à pona purtà a chësc bel resultat. Tla prima partides se stentova l Gherdëina mo mpue a mudé l juech che i fova usei, ma bëndebò riesc àla scumencià a jì drët bën y n à stlut ju la regular season al segondo post. Tla semifinela àn batù ora l Neumarkt per 1 a 2 y 2 a 0. Tla finela aspitova pona la scuadra dl Sterzing – ëi ova mé perdù una na partida te dut l campiunat – sun na scuadra drët mutiveda y cun na gran ueia de fé bën: l Gherdëina! Granda fova la delujion di jugadëures dl Sterzing do i 40 menuc de partida y do avëi messù tò ora de cassa doi iedesc la codla che i jugadëures dl Gherdëina ti ova trat ite. Na bela partida vënta cun merit y na gran legrëza per duc, a scumencé dal presidënt Werner Insam a duc i jugadëures, ai trainadëures y sambën ai tifosi.

Coppa Italia Per l prim iede à la federazion taliana de broomball metù a jì na “Coppa Italia”, ulache duta la scuadres, sibe de serie A che de serie B, à fat pea. Do avëi arjont l segondo post te na grupa da cater scuadres à l Gherdëina jugà contra l Steinhaus (al mumënt tlassificà al 2. post tla serie A) vencian per 2 a 1. Tla semifinela messova l Gherdëina se museré cun la prima tlassificheda dla seria A, i cunesciui Sharks de Bulsan. Y tlo la gran surpreja, nia da crëier: 2 a 1 per l Gherdëina. De ruvé tan inant ne se aspitòven sambën nia, ma ruvei a chësc pont, jìven drët mutivei a jughé la finela contra l Belun. Purtruep ne n’iel stat nia da n fé, l averser fova dut ntëur y te uni situazion plu sterch y la partida ie unida piersa per 2 a 0. N ie nscila inò ruvei cun i piesc sun fonz. Purempò iel stat scialdi na bona sajon cun de gran sudesfazions per l broomball Gherdëina. Povester la miëura da canche l vën jugà a broomball te Gherdeina. L merit ie sambën de duc adum, ma da auzé ora ie l bon lëur fat dai doi trainadëures Ivo y Christian. De gra a duc. Per l broomball Gherdëina, Werner Kostner

I biatlec de Gherdëina ala fin dla sajon mo drët n forma te Antholz Biathlon - N vënderdi ai 22 de merz iel, tla capitela taliana dl biathlon – te Antholz, unì metù a jì l’ultima garejedes de biathlon dla sajon per nosc atlec dl Schi Club Gherdëina Saslong. La garejeda valova per l titul talian dla spezialità de pië via duc deberieda. I atlec ova da se museré sun distanzes defrëntes aldò dla categuria y messova stlupeté cater iedesc cin colps. Scumencià à la garejeda cun la categuria ”juniores mutons”, te chëla che l garejea nce nosc atlet

de Gherdëina Maikol Demetz. Pià via drët bën cun 0 y 1 fai, ti àla tla ultima doi linges de stlupeté sciacà mpue deplù, ma l ie mpo stat bon de se seguré l boniscimo 3. post. Tla categuria ”jëunes mutans” à Carmen inò desmustrà si capaziteies vencian si cuarto titul talian dla sajon, falan mé un n colp de ndut, cun n gran vantaje sun la segonda tlassificheda. Stlupetan belau tan bën coche Carmen, mé cun un n fal deplù, à nce Hannes Zingerle venciù l titul talian tla categuria “aspiranc mutons”. Drët nteressanta y plëina de surprejes

Carmen Runggaldier cun l numer da ”leader”.

38

www.lauscdiladins.com

fova la garejeda dla mutans “aspirantes”, ulache l fova leprò Nathalie Wiedenhofer y Irene Lardschneider. Tramedoves ie piedes via drët bën y se à tenì scialdi bën nchin ala segonda lingia de stlupeté. Ntan che Nathalie à falà cater colps te n iede, se à Irene cun mé un n fal purtà a cë dla grupa. Man man che la garejeda jiva inant, fova Nathalie – drët sterscia sun i schi – inò bona de ruvé for plu inant. Irene fova nchin pra l ultim stlupeté prima, canche la à messù zeder a si nierves falan nce ëila cater colps te iede. Nsci ieles ala fin inò ruvedes una ndolautra tl travert coche 3. y 4., destachedes de mé puec secunc. Carmen Runggaldier ie pra chësta ultima garejeda nce unida premieda coche miëura atleta dla categuria “jëunes mutans”. Śën puderà chisc atlec finalmënter mpue paussé do na sajon scialdi longia y sfadiëusa, ma da de gran sudesfazions y de bon resultac per i atlec y per l Schi Club Gherdëina. Metan adum ie nosc biatlec stai boni de vëncer bën nuef tituli naziunei y de plu segondi y terzi plazamënc. Sambën fòvel nce truep plazamënc sun l podest tla garejedes de Coppa Italia y la gran legrëza dla partezipazion ai campiunac mundiei juniores de Carmen Runggaldier. (ts)

La scuadra de broomball de Gherdëina.

Sauté pra l lech de Kaltern Nce sce l tëmp ne fova nia tan bon coche l ann passà, àl mpo inò fat pea 552 ëi y ëiles pra la 8. edizion dla mesa maratona dl lech de Kaltern Runners - N dumënia ai 24 de merz pra l ”Kaltererse e Halbmarathon” pudòven crì ora danter na trassa da 10 km o la mesa maratona de 21 km. Pra la mesa maratona àl venciù Hannes Rungger, cun n tëmp de 1:08:46, segondo ie Georg Brunner cun 1:08:56 y terzo Rudi Brunner cun 1:11:09. Pra l’ëiles àl venciù Monica Carlin cun 1:25:03, segonda Edeltraud Thaler cun 1:25:28 y terza Petra Pircher 1:27:06. Di Gherdëina Runners Cassa Raiffeisen de Ciastel/ITAS àl fat

pea cin atlec y de chisc ie Mario Falchi stat l miëur, ël à abù 1:29:09 ruvan nsci 117. tla tlassifica generela y 28. tla M40. Felix Ploner à abù 1:31:38 y ie ruvà 153. tla tlassifica generela y 27. tla M45. Michel Stuffer à finà si garejeda te 1:34:56 se tlassfican 190. tla tlassifica generela y 43. tla M40. Walter Maierhofer, che à fat si prima garejeda, se ie ruvà 214. tla tlassficia generela y 49. tla M40 cun n tëmp de 1:36:57 y Alex Perathoner à abù 1:38:56 se tlassfican 239. tla tlassifica generela y 31. tla M50. (mp)


nr. 13 / 29 de merz 2013

Iadi, jites y escursions Schitour sön la Aglspitze La Lia da Munt Ladinia - Val Badia organisëia en sabeda ai 6 d’aurì na schitour sön la Aglspitze - 3.194 m (Pflersch). Al é na schitour ria, cun n tëmp da jì de za. 5 ores y n deslivel de 1.830 m. Informaziuns pro Martin Schuen al nr. 329/0526472. Cures y palses a Abano Terme

Al vëgn metü da jì dala Val Badia demez n iade de ot dis a Abano Terme, dai 21 ai 28 d’aurì. Le prisc a porsona é de 570,00€ (pensiun plëna te ćiamena dopla - pro na ćiamena da un n let é le prisc de 630,00€). Tl prisc él inće le iade cun bus. Informaziuns y prenotaziuns pro Monica Costa Clara al nr. 0474/590069, ćina ai 5 d’aurì. Iade cultural tla Normandia cun l’Uniun Maestri Ladins

Le iade tla Francia setentrionala gnarà fat dai 22 ai 26 de messè. Informaziuns y prenotaziuns anter i 12 d’aurì al nr. 0471/847557 (da sëra), y paian ite la soma de 984,00€ te ćiamena dopla (+160,00€ por ćiamena singola), sön le cunt dl ”Reisebüro Gatterer”, IBAN IT64B 0803558242000300024481, diziun ”Normandia plü inom, cognom, misciun y telefonn.

Informazions y Manifestazions ♦ Chaos y nëif Tl “Kunstforum Unterland“ a Neumarkt, Lauben 26 iel da udëi dai 13 ai 27 de auril na mostra de Egon Rusina. La giaurida ie n sada ai 13 de auril dala 20.00. Ntroduzion de Heinrich Schwazer te n “dialogh“ cun Egon La mostra ie na forma de retrospetiva ulache l sarà da udëi ejëmpli de chedri de n valgun zitli de nrescides che va dala Scola de Ert nchin al’didancuei. L se trata de dessënies y scultures fates dai ani 60 nchin ai ani 80, pitures fates cun sanch tla becaria ulache l univa mazà i tieres, ulache Egon se dà ju cun la tematica dla vita y dla mort. L sarà nce da udëi lëures de n realism fantastich n con’ de motifs de crëps, sasc y act y pertes dl zitl erotich de Dornröschen. L unirà mustrà lëures di ultimi 10 ani ulache la ilustrazions sparësc for plu y plu nchin a ruvé dldut al’astrazion dl culëur y dl vester, dala nterpretazion dl ghiel al “türkis“ nchin al’eliminazion dl culëur ruvan mé plu a dessenië cun i raisplais la nëif che se desfej tl nibl. N desert che sfanta tl nia. Orar de giaurida dla mostra: merdi – sada 10.00 – 12.00 y 16.00 – 18.00. N possa nce cherdé su l numer 333/9366551 per fé ora n terminn.

Jita cun la Peves

La Lia da Mont de Gherdëina mët a jì deberieda cun i mëinacrëp na jita de scialpinism tl raion dl Großglockner, dai 5 de auril nchin ai 7 de auril. N vënderdi vëniel furnà a Kals y jit su tla Stüdlhütte. La sada uniràl jit sun piza dl Großglockner 3.798 m y la dumënia uniràl jit sun la piza Böses Weibl, 3.121 m. Per plu nfurmazions pudëis cherdé su Brigitte 339/4629400. Via fereda al Garda

I Jëuni dla Lia da Mont de Gherdëina nvieia duc chëi che à ueia de jì al bon ciaut a unì pea al Garda a fé la via fereda “Che Guevara.” Pion via ai 7 de auril dala 7 daduman sun Plaza Sant Antone. Da tò pea iel la massaria de fé na via fereda da maië y da bever. Iscrizions dala Nëus Jëuni Gherdëina, 0471/799006. Viac per jëuni danter 14 y 18 ani cun l Saut

Dai 23 nchin ai 30 de juni mët l local di jëuni Saut a jì n viac per jëuni danter 14 y 18 ani tl’ Olanda y tl Belgio. Jon a ti cialé ala ziteies Amsterdam, Den Haag y Brüssel. Plu nfurmazions y per la iscrizions pudëis cherdé su la Nëus Jëuni Gherdëina, 0471/799006.

Mostres Mostra del pitor Gino Bellante a Ciavaleis

Amò enscin en domenia ai 31 de mèrz 2013 tel Zenter d’èrt contemporanea de Ciavaleis, Piazzetta Rizzoli 1, se pel veder la mostra personèla del pitor Gino Bellante da Ciavaleis, che é averta con orarie 15.30-19.30. Mostra sui grafic di pèstres a Ciavaleis

Te Palaz de la Magnifica Comunità de Fiem a Ciavaleis enscin a domenia ai 31 de mèrz se pel vijitèr la mostra “La scrites di Pèstres. Trei secoi de grafitism su per la crepes de Fiem te na vijion etnoarcheologica”. Info o prenotazions vijites al 0462.34082 o palazzo@ mcfiemme.eu. Mostra de ert de Judith Paone La mostra de ert de Judith Paone “Natura e altro“ ie da udëi dai 2 de auril nchin ai 24 de auril tl Café Surëdl a Urtijëi. L orar de giaurida dl Café Surëdl ie da lunesc nchin sada, 10.00 - 19.00.

Chaos.

Nëif.

♦ Chëi de fier La Lia dl Teater de Sëlva purterà dant l pez scialdi cunesciù dl scritëur talian Aldo Nicolaj dal titul “Chëi de fier“. L pez ie unì repurtà dal tudësch (Die Eisernen) tl gherdëina da Stefan Demetz. La regia ie de Emanuel Demetz Te chësc pez iel da udëi sun palch trëi atëures, Wolfi Mussner, Rudi Avi y Wally Mussner. Ëi nes dà na cërcia dl’ ultima “stazion“ de nosta vita. L ie na nterpretazion comica y poetica, plëina de cumprenscion per chëi vedli, che n udëssa plu gën da na pert. I doi ëi s‘la studieia ora coche i pudëssa s‘la scapulé dala cësa di vedli per pudëi mo n iede, bonamënter per l‘ultimo iede, se goder la vita deplën. L pez ie da udëi te calonia de Sëlva, n juebia ai Na szena dl teater. 4 de auril, n sada ai 6 de auril, n mierculdi ai 10 de auril y n sada ai 13 de auril 2013, for da mesa la nuef dassëira. Chertes danora pudëis apusté tla butëiga Minishop te Sëlva o cherdan su l numer dla butëiga 0471/794085. Se ncunferton sun Vo.

♦ Curs de Zumba

♦ South Tyrol Slopestyle Tour

La Mëisa Turonda nvieia duc a unì ai 8 de auril dala 20.30 te sala de chemun de S. Cristina a balé Zumba cun la maestra de bal Anni Gruber

Chëst ann vëniel metù a jì per l otavo iede la South Tyrol Slopestyle Tour. N dumënia ai 7 de auril saràl la finela tl Snowpark sun Piz Sela

L curs scumëncia ai 8 de auril y va inant per 8 iedesc for de lunesc dala 20.00 nchin la 21.00. Per se nuté su iel da paië ite 125,00 euro pra l cont dla Mëisa Turonda dl’Ëiles tla Cassa Raiffeisen de Sëlva (coche gauja de paiamënt prëibel dé ite Zumba).

L unirà fat garejedes de saut y rails. L training che ie de ublianza scumencerà dala 9.30 y jirà inant nchin la 10.30. Dala 11.00 saràl pona l contest. Duc i atlec muessa avëi n casco y protezions per l spinel. La iscrizions vën tëutes su sun l post. Do la gareje da saràl la premiazion pra la utia Comici. L unirà pona nce fat na loca ulache duc possa purvé a jì tres. L Vitamin F Freestyle Club, l Free Ride Club Gherdëina y l Freestyle Club Alta Badia se La finela dla Slopestyle Tour ie chëst ann sun Piz Sela. ncunforta sun vo. Unide duc a ti cialé a chisc jëuni y al’acrobazies che ëi fej sun la nëif. Plu nfurmazions sot a www.slopestyletour.it www.lauscdiladins.com

39


Informazions y Manifestazions Cursc Cors de fitness a Ciampedel Te palestra de la scola mesèna de Ciampedel dai 9 de oril e ai 30 de mé vegn endrezà n cors de Total-body, GAG e stretching con la istrutora de la federazion talièna de fitness Lucia e l patrozinie del Comun de Ciampedel. Lezions de mèrtesc e vender h. 20.00-21.10; 15 lezions 65,00 euro. Per se scriver ite: 0462.502941 o 348.9363505. Cors de Yoga, Pilates, Respirazion e Meditazion te Fascia

La sociazion “Mens Sana in Corpore Sano” endreza corsc de Hata Yoga, Pilates, Ginastica Posturèla, Tecniches de respirazion e Meditazion, te palestra de la scola de Pera. Info e iscrizions tel. 338.3690654 o 345.3584410. o per mail a mente.corpo.benessere@gmail. com Inglesc por deplü livì

Le Sorvisc Formaziun Val Badia mët da jì cursc de inglesc. 1) Beginners: dai 8 d’aurì inant ćina de jügn, vigni lönesc dales 18.00 ales 19.30. 2) Elementary: dai 8 d’aurì inant ćina de jügn, vigni lönesc dales 19.40 ales 21.15. 3) Pre-Intermediate: dai 10 d’aurì inant ćina de jügn, vigni mercui dales 18.00 ales 20.00. Infos y iscriziuns pro le Sorvisc de Formaziun al 0474/523110, mail formaziun.vb@micura.it Curs da cujiné vegetarian

En mercui ai 3 d’aurì dales 18.00, tla Pension Camoscio a La Ila. Referënt é Franzl Frenademez. Curs limité a 15 porsones. Infos y prenotaziuns al nr. 339/7675967. Organisaziun: Consëi de Formaziun. Curs da cujiné pësc En jöbia ai 4 d’aurì dales 18.00, tla Pension Camoscio a La Ila. Referënt é Franzl Frenademez. Curs limité a 15 porsones. Infos y prenotaziuns al nr. 339/7675967. Organisaziun: Consëi de Formaziun. Imparè da balè

Serades organisades dala Uniun dles Ëres d’Al Plan, y tignides da Christian Ellecosta. Le pröm iade s’incunton en sabeda ai 6 d’aurì ales 20:00, te salf dles manifestaziuns d’Al Plan. Döt adöm 6 iadi. Se prenotè pòn anter la jöbia ai 4 d’aurì pro Annamaria Complojer al 0474/501286 o 334/6102551. Curs de EFT - Emotional Freedom Techniques

Dai 17 ai 19 d’aurì, dagnora dales 15 ales 19, vëgnel tignì n curs de EFT (tecniches de liberté emozionala y balanza energetica) cun la dra. Sara Bassot. Prisc de 120,00€ por trëi domisdà, 90,00€ por dui y 60,00€ por un. Descunt dl 10% por copies. Infos y iscriziuns anter i 6 d’aurì pro Sara Bassot al 340/3868879, e-mail eftwebcamp@gmail.com. Curs: Fersli o benedisciuns te n cheder, cun Klosterarbeit

La Uniun dles Patrones dl comun da San Martin organisëia n curs da scrì te n cheder les benedisciuns de ćiasa (Haussegen) o n bel fersl, tres la Klosterarbeit. Le curs vëgn tignì 5 iadi, ai 2, 9, 16, 23 y 30 d’aurì, dales 13.30 ales 16.30, tl vedl local dla posta a Lungiarü. An po se prenotè anter incö 29 de merz pro Monica Schanung al 0474/590163. Curs da cujì

Le Consëi de Formaziun da La Val mët da jì n curs da cujì cun Maria Sottara, ai 9, 11 y 16 d’aurì dales 9 ales 11, te salf dles uniuns. An impararà da cuncè y comedè guant. Por informaziuns cherdè sö Maria al nr. 0471/843193. Imparè da tratè lëgns y brüsces

Chësc pòn imparè te n curs organisé dal KVW da La Ila, che vëgn tignì en mertesc ai 9 d’aurì dales 20.00, te scora mesana a La Ila. Referënt é Markus Obojes. Curs de computer - fotografies y internet

Curs por imparè da spostè fotografies söl computer y conësce damì internet. Le curs vëgn tignì 8 iadi de mertesc y jöbia dales 20 ales 21.30, te salf dles manifestaziuns a La Val. Pröm iade ai 9 d’aurì. Da se tó para él n laptop. Prenotaziuns pro Gustav al nr. 333/7689434. Organisaziun: Consëi de Formaziun. Tecniches da se fà sö

Le KVW da La Val organisëia n curs da se fà sö (truché) cun melanie Miribung, olache an jarà ite plü avisa sön le make up ia por le dé y por da sëra. Le curs é en sabeda ai 13 d’aurì dales 14.00, te salf dles manifestaziuns da La Val. Infos y prenotaziuns pro Margot Pizzinini al 338/5983022. Curs de ladin Co rejónen pa drët? Dic y manieres de dì. L curs ie a Urtijëi te biblioteca ladina tla Cësa di Ladins cun Dr. David Lardschneider. L curs scumëncia ai 9 de auril y ie for de merdi y juebia dala 20.00. Per infos y iscrizions: Union di Ladins de Gherdëina, 0471/796870.

nr. 13 / 29 de merz 2013

♦ Seziun nöia tl Museum Ladin Ursus Ladinicus Le Museum Ladin Ursus Ladinicus inviëia al’inauguraziun dla seziun nöia dedicada ala laûrs imbalsamada M12, en vëndres ai 12 de aurì dales 18.00, tla Ćiasa dles Uniuns ”J.B. Rinna” a San Ćiascian L ann passè de jügn êl gnü a s’l dè sön la MeBo n inzidënt, olache n auto ti ê saltè ite a na laûrs, che ê spo gnüda copada. Chësta laûrs, denominada M12, vëgn śëgn metüda fora tl Museum Ladin Ursus Ladinicus a San Ćiascian. Ai 12 d’aurì dales 18.00 gnaràl tignì tla Ćiasa J.B. Rinna a San Ćiascian l’inauguraziun dla seziun nöia dedicada a chësta laûrs. Danfora saràl da aldì parores de salüt da pert dl assessur ala cultura dr. Florian Mussner. Dedô podaràn aldì Bruno Svaldi, le ciafêr dl auto atochè dal inzidënt, che cuntarà sciöche ara ê stada en chël iade. Le dr. Herwig Prinoth tignarà spo n referat sön la laûrs y l’imbalsamadù de tiers Meinrad Forer cuntarà sciöche la laûrs é gnüda imbalsamada. Dedô jaràn La laûrs M12 é da odëi tl museum Ursus Ladinicus. tl museum a taié la vëta.

♦ 3^ Slaifernèda sun Rodela En lunesc de Pèsca sun Rodela vegn endrezà la garejèda con mesi su la neif e na bela festa per duta la comunanza L Comitat manifestazions de Ciampedel endreza en lunesc al 1 de oril la 3^ edizion de la Slaifernèda sun Rodela, na garejèda a cobies spartida te doi pèrts, con na proa sui schi e na proa fata con ogne meso o cèr che é bon de jir su la neif. Se trata de na festa su la neif che desche da tradizion (n’outa l’aea inom Nosha Garejèda) vegnarà endrezèda sun Rodela e a chela che tolarà pèrt i sentadins de Ciampedel e de duta Fascia e duc i turisć che volarà. Via per la dì sarà na garejèda combinèda anter originalità e slalom, che partirà ló dal Refuge En lunesc de Pèsca duc é envié sun Rodela per la 3^ Des Alpes. Te la pruma pèrt del edizion de la Slaifernèda. percors se se molarà en ju per zirca 300 metres e te chest toch se podarà aprijièr e giudichèr l meso o l “cèr” che l grop, per solit na cobia, é ruà a meter ensema con inventiva e fantasìa. Apede a chest sarà ence n’autra garejèda olache l secont component cognarà jir jù per n toch de percors a cronometer. Su la basa di ponc arjonc metan ensema la valutazion del meso e l temp del slalom, la jurìa decretarà l venjidor del trofeo e del prum pest. Anter duc vegn metù a la leta 600 euro. Apede a la garejèda via per la dì se podarà proèr a jir con la roda da downhill su la neif en colaborazion con la boteiga Euroski & Bike. Via per l domesdì dapò sarà da veder desmostrazions de sauc e acrobazìes ence soravìa na gran vasca de èga enjignèda per l’ocajion. Per duta la dì sarà la musega dal vif di “Alpen Boys” e de gra a la SITC, a duc i sentadins de Ciampedel ge vegnarà dat per nia l biliet per jir su con la forenadoa. Ló dal Des Alpes sarà da magnèr n bon pesc sun gradela a priesc rebassà. Per se scriver ite ge vel jir te scola de schi de Ciampedel enscin ai 31 de mèrz. Per portèr su l meso ge vel chiamèr dotrei dis dant Ezio Croce al 348.6957713. Tel cajo che fossa burt temp la manifestazion vegnarà spostèda a domenia ai 7 de oril.

Curs de ceramica per l di de l’oma

N sada domesdì ai 13 y ai 20 de auril mët l local di jëuni Saut a jì n curs de ceramica per jëuni danter 12 y 18 ani. Per plu nfurmazions y per la iscrizions pudëis cherdé su la Nëus Jëuni Gherdëina, 0471/799006. Depënjer urnamënc

L curs ie cun Sigmund Holzknecht, nseniant dla Scola Profesciunela. L ie ai 5 de auril dala 14.00 nchin la 18.00 y ai 6 de auril, dala 8.30 nchin la 12.30, de ndut 8 ëura. Per nfurmazions plu avisa prëibel cherdé su la Scola Profesciunela, 0471/796733 o mandé n’ e-mail a lbs.st-ulrich@schule.suedtirol.it Portret te mauta

L curs ie cun n nseniant dla Scola Profesciunela. L ie ai 12 y 13 de auril 2013 dala 8.00 daduman nchin la 18.00, de ndut 16 ëura. Per plu nfurmazions prëibel cherdé su la Scola Profesciunela, 0471/796733 o mandé n’ e-mail a lbs.st-ulrich@schule.suedtirol.it Ence chest an vegnarà endrezà n lech de èga da passèr via con schi o con la brea.

40

www.lauscdiladins.com


nr. 13 / 29 de merz 2013

♦ Garejeda soziela dl Schi Club Gherdëina N Lunesc de Pasca ai 1. de auril vëniel metù a jì sun Plan de Gralba/Piz Sela la garejedes sozieles dl Schi Club Gherdëina cun garejedes de slalom lerch, schicross, pudejé y peves

Informazions y Manifestazions Cursc Mudelé act cun n model te na posizion de muvimënt L curs ie cun n nseniant dla Scola Prufescionela. L ie dai 18 de auril 2013 nchin ai 20 de auril, dala 8.00 daduman nchin la 18.00, de ndut 24 ëura. Per infos plu avisa: Scola Profesciunela, 0471/796733 o lbs.st-ulrich@schule.suedtirol.it Curs de arpizeda sportiva

L start dl slalom lerch ie dala 9.30 daduman y l ie truepa categuries aldò dl’età y nce una per la families. L start dla garejeda de schicross ie sun l purtoi Sotsaslong dala 11.30. La iscrizions danora vën tëutes su per tramedoi garejedes tla scoles de schi de Gherdëina. La premiazions ie dan la ustaria Piz Setëur dala 14.30. L ie da vëncer de biei pesc’ y danter la families che fej pea uniràl trat ora n Superschipas. L start dla garejeda de pudejé ie Garejedes y bona ueia per se devertì. dala 10.00 dlongia l purtoi Sotsaslong. Chëi che fej pea la garejeda possa jì su debant cun l lift de Piz Setëur y la iscrizions vën fates sun l post. La premiazion ie dan la ustaria Piz Setëur dala 14.00. L start dla garejeda cun la peves ie dala 11.00 sun Plan de Gralba dlongia l Hotel “Gruppo Sella”. La iscrizions vën fates sun l post y la premiazion ie dan la ustaria Piz Setëur dala 14.00. L Schi Club Gherdëina Saslong se ncunforta sun Vo y sun n bel di n cumpania.

♦ Mostra de

Manfred Mureda

La Grupa Arpizeda Sportiva Gherdëina mët a jì de auril y mei de chëst ann n curs per i pitli nasciui tl 2004/05 che ëssa nteres de scumencé a fé chësc bel sport. Per nfurmazions plu avisa pudëis cherdé su Martina, tel. 0471 786181 o 333 5235675. Curs de fotografia digitela per amatëures

Co adròven pa n aparat digitel? Cie fej pa ora na bela fotografia? Co lëura pa i programs dl aparat? Pratica y teoria dl pultré ju. L curs cun Vito Miribung ie a Urtijëi tla scola mesana n vënderdi, 12 de auril, n mierculdi, 17 y n vënderdi, 19 de auril for dala 19.00 - 21.30. Iscrizions nchin ai 5 de auril tl Servisc Furmazion Gherdëina, tel. 0471/773225, e-mail: furmazion.gh@micura.it Curs de ladin per prinzipianc

L curs cun Karin Comploj scumëncia ai 2 de auril y ie for de merdi dala 20.00 nchin la 21.30 (8 lezions, 12 ëura) te Sëlva tl Istitut Ladin Micurà de Rü. Priesc: 95,00 euro. Iscrizions nchin ai 28.03.13 tl Servisc Furmazion Gherdëina, tel. 0471/773225, e-mail: furmazion.gh@micura.it Curs de talian per prinzipianc L curs cun Anna Maria Bianchi scumëncia ai 3 de auril y ie for de mierculdi dala 20.00 nchin la 21.30 (8 lezions, 12 ëura) te Sëlva tl Istitut Ladin Micurà de Rü. Priesc: 110,00 euro. Iscrizions nchin ai 28.03.13 tl Servisc Furmazion Gherdëina, tel. 0471/773225, e-mail: furmazion.gh@micura.it Curs de tudësch per prinzipianc

L curs cun Romana Holzer scumëncia ai 4 de auril y ie for de juebia dala 19.30 nchin la 21.00 (10 lezions - 15 ëura) te Sëlva tl Istitut Ladin Micurà de Rü. Priesc 140,00 euro. Iscrizions nchin ai 28.03.13 tl Servisc Furmazion Gherdëina, tel. 0471/773225, e-mail: furmazion.gh@micura.it Mparé a cujì a mascin

N juebia ai 4 de auril dala 18.30 saràl a Persenon tla Galaria Zivica la giaurida dla mostra “In illio tempore“ de Manfred Mureda

L KVW de Sëlva mët a jì n curs de 3 sëires per mparé a cujì a mascin te calonia basite, dala 20.00 cun Patrizia Delladdio. L curs scumëncia ai 9 de auril. La autra sëires ie ai 11 y ai 15 de auril. N possa se nuté su pra Evi Senoner, 0471/773281.

Danora saràl da audì paroles de salut da pert dl ambolt de Persenon Albert Pürgstaller coche nce da pert dl vize ambolt y assessëur ala cultura Gianlorenzo Pedron. La ntroduzion ala mostra unirà fata da Egon Rusina. La mostra sarà da udëi nchin ai 27 de auril, 10.00 – 12.00 y 17.00 – 19.00. De dumënia y lunesc iel stlut. Sëis duc nviei de cuer a unì n juebia ai 4 de auril dala 18.30 ala giaurida. N lëur de Manfred Mureda.

Döes incuntades por geniturs söl tema ”Confins - mëte confins”, cun Ingrid Hofer (Starke Eltern, Starke Kinder). Les incuntades é en vëndres ai 5 y ai 19 d’aurì dales 15.00 ales 18.00, tla Cassa Raiffeisen a La Ila. Cost: 28,00€ a će, 50,00€ por pêrs. Infos y prenotaziuns: Sandra al 348/7821170. Organisaziun: KVW La Ila y Consëi de Formaziun.

♦ Film n con’ dla tradizions te Gherdëina y

benedescion de n autere N Lunesc de Pasca ai 1. de auril dala 15.00 uniràl stlut ju l proiet europeich ECHI tl Museum Ladin a San Martin de Tor. L unirà prejentà i films n con’ dla tradizions de Gherdëina y l unirà benedì n autere dl 1899

Yoga Prana Flow

L curs de Yoga cun Judith Demetz scumëncia ai 15 de auril dala 20.00 y va inant 8 iedesc, for a Urtijëi tla palestra dla elementera. Per plu infos y iscrizions: Judith, 339/7336788. Tëmp y ligrëza cun mituns

Mujiga Rock the Dolomites La Lia de Turism de Sëlva fej a l savëi che dai 30 de merz nchin ai 1. de auril vëniel inò metù a jì la lingia de cunzerc “Rock the Dolomites“ te plu uties ntëur Sëlva. Chëst ann saràl nce n cunzert da sëira te n local tl luech. Per plu nfurmazions: www.rockthedolomites. com o cherdëde su l numer 0471/777901. Cunzert da Pasca

L Cor y Urchestra de Dlieja de S. Cristina nvieia duc a unì n Pasca dala 20.30 te dlieja de S. Cristina al cunzert da Pasca. Sëira de cianties de Franz Schubert

La sëira de cianties sarà n sada, 6 de auril dala 20.00 tl Bürgersaal a Sand in Taufers cun Konrad Huber y Margit Fussi tlavier.

Sozieles Conescion anter ment e corp

Chësc autere fova unì fat da Ferdinand Stuflesser de Petlin y fova unì vendù a Padua per na capela di Iesuic. Do che la capela fova unida scunsacreda iel tl 2009 inò ruvà te Gherdëina. L Museum Ladin l à cumprà ju per valorisé si culezion y per abelì si mostra permanënta. La grupa de cianta- Museum Ladin a San Martin, ulache la cultura ie da cësa. rines “De Cater” acumpanierà la manifestazion. Passëde n Lunesc de Pasca tl Museum Ladin a San Martin. I mëndri sot ai 14 ani giaperà debant n uef da Pasca y dala 2 nchin la 6 domesdì puderàn vijité l Museum Ladin debant.

La Banca del Temp de Fiem endreza en jebia 4 de oril a Pardac na conferenza dal titol “La connessione mente-corpo in medicina: le 5 leggi biologiche”. Tol pèrt l medico e biologh dr Pasquale Aiese. L’apuntament é da les 20.30 tel Cinema Teater comunèl de Pardac, via Battisti 32. Incuntada dles porsones vëdoes y sores dla Val Badia En jöbia ai 4 d’aurì a San Ćiascian, dales 9.15 inant. Söl program mëssa te salf, referat y relaziun dl’ativité, domisdé intratenimënt y dias. Iade y marëna costa 30,00€, ma la marëna 20,00€. Orars dl bus: La Pli 8.00, Al Plan 8.10, Longega 8.15, San Martin 8.25, Pidrô 8.30, Pedraces 8.40, La Ila 8.45, Calfosch 8.30, Corvara 8.40, San Ćiascian 9.00. Prenotaziuns pro la rapresentanta de paîsc o al nr. 0474/590069. Deberieda: Festa da Pasca N juebia ai 4 de auril se ancunterons dala 16.00 tla sala dla sentedes dl Servisc Soziel streda Purger 16. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Per nfurmazions plu avisa pudëis cherdé su Julia Prucker, tel. 0471/798015.

www.lauscdiladins.com

41


Informazions y Manifestazions Trasmiscions TV y Radio La Marchetenderes a Radio Studio Record Sun Radio Studio Record se pel scutèr l nef program de Claudia Conta su la Marchetenderes de la Musega Auta Fascia. L program, olache vegn rejonà de guant e tradizions ladines, vegn manà fora ogne mercol e sabeda da les 9.45 e da les 17.45. Scenar - ert y cultura tla Ladinia

En jöbia ai 4 d’aurì dales 20.30 va en ona sön la RAI TV Ladina na ediziun nöia de Scenar, metüda adöm da Karin Pizzinini, cun la produziun de Jan Piere Karbon. I argomënć de chësta ediziun à da fà cun fotografia, leteratöra y musiga. Puhin: N sföi de ladins por i ladins, de chi che à ligrëza cun nosc lingaz dla uma y le tëgn de gran valüta. De chi che oress le partì, por che al pois inće tl dagnì vire y florì. De chi che ti dà le valur che al se mirita y é braui da le mëte ala pêr di atri lingac, por che al pois gnì adorè y restè vì tl cör de düć i ladins. Alfred Erardi: Da tröc agn se dà jö le fotograf badiot cun la fotografia. Süa gran pasciun por la natöra l’à portè a lié adöm les döes cosses, y al à insciö arjunt na gran conescënza Alfred Erardi en aziun cun n aparat dl 1965. te trami i ćiamps. Insciö él stè bun da se fà conësce inće foradecà por sü retrać de gran sentimënt y de gran belëza. Eles x Eles: Na bela scomenciadia é gnüda metüda da jì ala Grenz de Moena le dé dla festa dles ëres, ai 8 de merz: n conzert de ëres por les ëres. Tröpes jones s’à incuntè chilò por partì danter ëres l’amur por la musiga, por festejé deboriada chësc dé y se recordè l’importanza de ester ëres. Chësta trasmisciun é sostignida dala Rai Ladina en colaoraziun cun l’assessorat ala Cultura Ladina dla Provinzia de Balsan y dala Regiun Trentin-Südtirol. Informaziuns plü menüdes söi programs radio y TV Ladina pòn ciafè sön www.raibz.rai.it, olache chësta trasmisciun sarà da odëi por n’edema alalungia, fina ai 11 d’aurì. Dal sacral al profan, musega e teater tel Cianton de l’ICL

Te “L Cianton de l’Istitut” sun TML enscin da Pèsca se pel veder la “Pascion de Crist dò Sèn Jan” de F. Cortaccia, portèda dant da la Corala furlèna Monteverdi te la Pief de Sèn Jan. Da lunesc 1 de oril per 2 setemènes se podarà veder la raprejentazion de teater, musega e bal “Elges” de Alberta Rossi, con Loreta Florian e Angela Deflorian. Oraries indicatives: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15, vender h. 11.30. “Ercaboan” sun TML e sul web

Sun TML chesta sabeda vegn manà fora na neva butèda de “Ercaboan”, l program de Silvano Ploner. Chisc i oraries indicatives: sabeda h. 18.00 e 20.45; domenia h. 13.30 e 18.15 e fora per la setemèna: lunesc h. 20.45; mèrtesc h. 17.30; mercol e jebia h. 18.15 e vender h. 20.00. La programazion de TML é ence sul sit www.tmltv.it e i servijes de Ercamedia su: www.tvladina.com.

Referac Problems dl’adolescënza y les soluziuns por i geniturs

Chësc é le titul de n referat che vëgn metü da jì en mercui ai 3 d’aurì dales 9.00, tl’aula magna dla Scora mesana da La Ila. Referënt é le dr. Stefano Di Carlo, espert tl setur dla pedagogia y dla psicologia evolutiva. Organisaziun: Scora Mesana Tita Alton.

nr. 13 / 29 de merz 2013

♦ Cogheres y

ornamënć por ciüfs A La Pli vëgnel tignì ai 17 d’aurì n curs, organisé dales Patrones de Mareo La Uniun dles Patrones de Mareo organisëia n curs da fà cogheres y da fà ornamënć por ciüfs cun rames da minai (iać - Weidenzweige). Referënta dl curs é Irmgard Guschler. Le curs vëgn tignì a La Pli, tl salf dles manifestaziuns ai 17 de auri 2013. Danmisdé dales 8.00 ćina da misdé vëgnel fat les cogores y domisdé dales 14.00 ales 18.00 ornamënć por i ciüfs. Al é la poscibilité da tó pert döt le dé o inće ma danmisdé o domisdé. Informaziuns y prenotaziuns pro Irma al nr. 388/7432249, anter la Chisc y d’atri ornamënć pòn imparè da fà pro le curs a sabeda ai 6 d’aurì 2013. La Pli.

Sport Golf su la neif de Rodela e Salei

Per l 2° an vegn endrezà l “Val di Fassa Golf Winter Contest” ló dal Refuge Salei sun Col Rodela. L’apuntament l’é per sabeda ai 16 de oril e per se scriver ite ge vel telefonèr al 335.209640 o manèr na mail a valdifassagolf@gmail.com. Chel che vegn tout sù ge vegn dat a la families de la vitimes da la levines. 7° Snow Soccer En lunesc 1 de oril sun Ciampac l refuge Tobià del Giagher e l’Inter Club de Fiem e Fascia endreza la 7^ edizion del “Snow Soccer” tornoi de balon su la neif a cobies. Na dì de festa per duc, h. 14.00 party & music con Baga Dj. Info e iscrizions al Refuge Tobià del Giagher (0462.602385), Inter Club (339.7600530) o Ta Mongo a Poza. Roda de Col Toronn

La gara vëgn tignida en domënia ai 7 d’aurì sön la munt de Fanes. Les iscriziuns vëgn tutes sö tl Ofize Turistich d’Al Plan ćina ai 5 d’aurì, tel. 0474/501037, fax 0474/501566, mail: info@sanvigilio.com. L’iscriziun costa 30,00€ - iscriziuns al start 35,00€. Tó pert po alplü 50 scuadres. “Socialone” del Ski Team Fascia

En lunesc 1 de oril sun Pecol l’é l “Socialone finale” del Ski Team Fascia. Se pea via da les 9.00 con l schi alpinism e da les 10.00 per schi e brea. Premiazions a l’Hotel Bellavista. I numeres vegn dac fora anché, vender 29, te senta del Ski Team a Poza h. 15.00-18.00 o en lunesc fin les 9.30 sun Pecol. Info: tel. 0462.764111, fax 0462.763123, email skiteamfassa@tin.it.

Les poscibilitês da fà festa

Le Comun de Badia mët da jì en mertesc ai 16 d’aurì dales 20.00 n referat cun Alex Ploner (Trendy Bar), sön le tema dla cultura dl fà festa ”Festkultur zwischen Lust und Frust”, tla Ćiasa J.B. Runcher a Badia. Al é na tematica adatada suradöt por jogn, surastanć de uniuns y lies y düć i interessà a na ”miù cultura dl fà festa”. Ancunteda cun l scritëur Martin Kolozs

La biblioteca Tresl Gruber de S. Cristina nvieia duc ala prejentazion dl liber “Zweite Liebe“ n merdi ai 9 de auril dala 20.00 te biblioteca. L se trata dla prima prejentazion te Südtirol. L scritëur Martin Kolozs che viv tl’ Austria nes conta de si liber. La migrazion di uciei La Lia per Natura y Usanzes nvieia a na sëira de nfurmazion n con’ dla migrazion di uciei y de ti mëter su n anel, n merdi ai 9 de auril dala 20.30 tla pitla sala tla cësa de cultura a Urtijëi cun l referënt Iacun Prugger. Permacultura te Gherdëina

La lia Sanynton nvieia duc ai 14 de auril dala 20.00 a na sëira de nfurmazion n con’ dla permacultura cun l referënt Thomas Fauner, tla sala Raiffeisen a S. Cristina. Cun fotografies vëniel mustrà i lëures fac danora. L vën nce cialà coche la ie cun la permacultura te de autra valedes dl Südtirol.

♦ I tiers sot ega y fora d’ega Fotoclub Val Badia: ai 11 d’aurì na proieziun de Manuel Plaikner da Porsenù, che à al zënter le monn afascinant di tiers Le jonn Manuel Plaikner à impröma metü man de fà jö la natöra sot ega ite y impormò te n secundo momënt àl ciafè la medema ligrëza da fà jö inće fora d’ega. Mo, sides sot ega co fora d’ega, é dagnora le monn di tiers le zënter de süa fotografia. La proieziun che Manuel lascia odëi en jöbia ai 11 d’aurì 2013, dales 20.30 tl salf dl Istitut Ladin „Micurà de Rü“, é porchël partida sö te döes perts: impröma làscel odëi retrać sot ega, fać jö te eghes desvalies olache ël é jü a fà imersciuns, y dedô fotografies de nostes munts y de sü ”abitanć”. Cun sü retrać prô Manuel de reprodüje la belëza y la unizité dla natöra che l’afascinëia tres danü. Le Fotoclub Val Badia inviëia düć chi che à la pasciun dla fotografia da gnì a odëi chësta proieziun unica dl fotograf Manuel Plaikner, un di mius fotografs de Südtirol.

Teater Rassegna de teater a Pardac Va inant enscin ai 21 de oril a Pardac la XVI rassegna de teater “Chi è di scena?”. En sabeda ai 6 de mèrz te Auditorium Cèsa de la Joentù se podarà veder la comedia “Il senatore Fox” de Luigi Lunari portèda dant dal grop GAD Zità de Trent. I spetàcoi taca da les 20.45 e l’entrèda é de 6 euro. Dui retrać de Manuel Plaikner, sot ega y fora d’ega.

42

www.lauscdiladins.com


nr. 13 / 29 de merz 2013

♦ Gara soziala

dl SC Ladinia La gara é söl program en mertesc ai 2 d’aurì. Y ara gnarà tignida en recordanza de Leo Pitscheider La sajun da d’invern va oramai plan plan a piz, y le SC LadiniaAlta Badia inviëia ala gara soziala, che porta l’inom ”Memorial Leo Pitscheider”. Ara gnarà desfirada en mertesc ai 2 d’aurì dales 10.00 inant, sön la pista ”Ciampai”. La premiaziun sarà spo dales 13.00 pro la Ütia Las Vegas. An po se scrì ite ćina al 1. d’aurì pro Stefan Thaler al nr. 335/7875460, pro l’ASC Ladinia al 0471/836434, o por mail presidente@sciclubladinia. it. An po inće se scrì ite le dé dla gara fina mesora dan le start. Le SC Ladinia inviëia al ”Memorial Leo Pitscheider”.

♦ La Giatiscima a La Ila La gara dl paîsc da La Ila, memorial Oskar Costa y Leo Pitscheider, vëgn tignida en sabeda ai 6 d’aurì L’Uniun Sport La Ila y la Scola de Schi da La Ila inviëia düć chi da La Ila ala gara de schi dl paîsc en sabeda ai 6 d’aurì. La gara dles pels mët man dales 7.30, pian ia dal lift de Gardenacia, y dales 9.30 mët man la gara de schi sön la pista de Gardenacia. Do la gara gnaràl pité liagnes blanćes pro la ”Ütia Florian” a Plaön. Dales 18.00 gnaràl tignì la premiaziun tl Hotel Savoy a La Ila, dedô ciafa düc i scrić ite n taì de pasta, spo gnaràl trat fora i pesć dla ola dla furtüna. Da davagné saràl n iade, n bun pêr de schi, n schipass Alta Badia por la sajun 2013/2014 y tröc d’atri bi pesć. Düć chi da La Ila, che ne fej nia la gara de schi, é dër bel invià da se scrì ite por podëi tó pert ala ola dla fortüna da sëra. Fora pur la serada podaràn ascutè la musiga dal vì dl grup ”Da piz a ćiantun”. Les iscriziuns vëgn tutes sö pro la Scola de Schi da La Ila al 0471/847258, ćina en vëndres ai 5 d’aurì, anter les 12.00. Informaziuns plü menüdes ciafon inće sot la plata internet www. Chi da La Ila é indô invià ala gara dl paîsc uslaila.it. - la Giatiscima.

♦ Na rösa por la vita L’Assistënza Tumors de Südtirol mët indô da jì en Pasca al 31 de merz l’aziun de solidarieté, sön les plazes dles cöres dla Val Badia Sot al motto “Daidé por Daidé” mët da jì la Südtiroler Krebshilfe - seziun Puster Dessot y Val Badia l’aziun de solidarieté “Na rösa por la vita”. Sciöche da plü agn incà, gnaràl venü les röses, en Pasca al 31 de merz do la gran mëssa, sön les plazes de dlijia dla Val Badia. Ći che vëgn trat ite jarà a bëgn dl’assoziaziun. Cun chisc scioldi vëgnel daidé porsones y families atocades dala maratia dl crebesc. An dëida finanziariamënter, mo an pîta inće consulënza medica y acompagnamënt psicologich, al vëgn pité ginastica terapeutica y conferënzes, grups de autoaiüt. Bele damperfora vëgnel rengrazié düć En Pasca vëgnel venü röses por daidé la Südtiroler chi che darà so sostëgn. Krebshilfe.

Informazions y Manifestazions Religion Sëira de nfurmazion n con’ dla eucaristia L Cunsëi de Pluania de S. Cristina nvieia duc i genitores y nonesc di mutons che va chëst ann ala prima santa cumenion ai 5 de auril dala 20.00 te sala Raiffeisen te cësa de chemun a na sëira de nfurmazion cun Markus Felderer. Iel pa cun la mort dut finà?

Sëis nviei a uní a scuté su n referat biblich dal titul: “Iel pa cun la mort dut finà?” (per tudësch), n sada ai 6 de auril dala 19.00 tla sala dl rëni di testemons de Iehova a Persenon. Pelegrinaje dles ëres catoliches en Jeunn Les ëres dla Val Badia tol pert al pelegrinaje adöm ales Ëres de döta la Diozeja, la sabeda ai 13 d’aurì. Al vëgn organisé n bus, che pëia ia da Calfosch y passa jö por la valada. Dötes é dër bel inviades. Por i orars dl bus y por se prenotè pòn cherdè sö Clara ćina ai 10 d’aurì, al nr. 0474/501850. Prozesciun da Badia sö Oies En sabeda ai 6 d’aurì mët da jì la Schira Jonila na prozesciun da Badia a Oies. La prozesciun pëia ia dales 15.00, da calonia de Badia demez. Meditaziun dl Vëndres Sanć

Incö vëndres ai 29 de merz ales 19.30 gnaràl tignì dla dlijia de Badia na meditaziun dl Vëndres Sanć. Le Cor di Ëi de Badia portarà dant le ”Stabat mater” de J.B. Runcher y d’atres ćianties. Al gnarà portè dant inće tesć de meditaziun. Vire la vita tl Spirit Sant Chësc le titul dl curs de formaziun organisé dal Consëi de Cöra da La Ila, dai 11 ai 13 d’aurì, deboriada cun Padre Giuseppe y la Comunité Abba. Chi che ne sciafia nia da tó pert düć i dis, po inće ma val’ ores. Le cost dl’iscriziun é de 25,00€ a će. Informaziuns y iscriziuns pro Lilly al 334/3360222, o por mail a sandra_frenademez@yahoo.it. Curs de preparaziun al maridé Le Sorvisc ai Jogn Val Badia organisëia indô n curs, te so salf a Piculin, dai 19 ai 21 d’aurì. Le curs é limité a 15 pêrs. S’anunzié pòn pal SaJ al nr. 0474/523070, y paian ite la soma de 65,00€ a će (130,00€ a pêr) sön le cunt sl Sorvisc ai Jogn IT22F 08010 58830 000304010353. Informaziuns sön le curs ciafon inće sön www.jogn.org.

Chino Chino Eden Cortina Chesta fin dl’edema da Pasca saràl da vedei l vender ai 29/03 l film dramatich “Educazione siberiana”, la sabeda ai 30/03 l film da ri “Buongiorno papà”, la domenia ai 31/03 l film de animazion “I Croods”. Les proiezions é dagnora da les 17.30, 19.45 y 22. Per infos: www.cortina.dolomiti.org. Al chino de Cianacei En sabeda ai 30 e en domenia ai 31 de mèrz da les 21.15 se pel veder “Anna Karenina”. En lunesc 1° de oril da les 17.30 e da les 21.15 e en mèrtesc ai 2 da les 17.30 vegnarà moscià “I croods” e en mèrtesc ai 2 e en mercol ai 3 da les 21.15 sarà “Buongiorno Papà”.

Dotors y Apoteches Dotor L dutor de servisc dala 8.00 da duman de n sada 30 de merz nchin la 8.00 da duman de n lunesc 31 de merz ie l dutor Valentin Tröbinger de Sëlva, tel. 0471/773073. N Lunesc de Pasca ai 1. de auril iel de servisc l dutor Aba Fallaha de Sëlva, tel. 0471/794111 o l 0471 797540. Le dotur en sorvisc tla findledema dai 30 ai 31 de merz, ti comuns de Badia, La Val y Corvara, é le dotur Martin Spechtenhauser, La Ila, tel. 0471/844200. En Lönesc de Pasca al 1. d’aurì saràl en sorvisc le dotur Guido Caretta, Calfosch/Corvara, tel. 0471/836870 o 337/616080. Ti comuns de Mareo y da San Martin saràl en sorvisc ti trëi dis dai 30 de merz ćina al 1. d’aurì la doturia Margarethe Mahlknecht, La Val, tel. 349/0667034 o 0474/523018. Apoteca

L’apoteca de servisc che à daviert ora dl orar ordiner da n vënderdi (dala 19.00) ai 29 de merz nchin n vënerdi ai 5 de auril ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres ai 29 de merz al vëndres ai 5 d’aurì, é chëra da San Martin/Picolin, tel. 0474/523020. Dai 5 ai 12 d’aurì saràl en sorvisc l’apoteca d’Al Plan, tel. 0474/501240.

Avisc Vegn regoet guanc, ciuzé e jeghes da bez Fin ai 6 de oril vegn regoet guanc, jeghes e ciuzé da bez fin a 12 egn, nec e en bona condizions. Ge vel i portèr te calonia de Pera o da Annamaria a Ciampedel (339.8482306). Ai 12, 13 e 14 de oril vegn endrezà n marcià e la bonamans jirà a la miscion de Kimbondo. Info Federica 339.7181571 o Fernanda 347.8919611. Serèda per la eles a Ciavaleis L Comun de Moena e la sociazion “La Voce delle donne” endreza scontrèdes de letradura, musega, e poejìa dedichèdes a la eles. En sabeda ai 30 de mèrz te palaz de la Magnifica Comunità de Fiem a Ciavaleis, da les 20.30 percors con momenc de teater anter operes d’èrt su la eles. Se pel ite debant.

www.lauscdiladins.com

43


Informazions y Manifestazions Avisc Iö ćiari de te y inće a me Ćiarè a ćiasa de na porsona püra o de tëmp comporta tröc sforc psichics y fisics. Ai 2 d’aurì dales 15.00 él tl raiun sozial da Picolin n domisdé cun Margareta Fuchs, olache les porsones che fej le guern de jënt a ćiasa podarà imparè eserzizi y consëis por so bëgnstè y süa forza. Ćiamena dal guant a Picolin Le Grup de Ćiamena dal guant oress indô recordè ala jënt che an po dè jö y jì a se chirì fora guant. Ara é daverta vigni jöbia domisdé, dales 14.00 ales 16.00, tla vedla Ćiasa de Palsa a Picolin. An po dè jö de vigni sort de bel y bun guant, mo inće linzos, cisces, pezes da mans, guant da sot ite, coltrines, tovaies, cutres, ćialzà yii. Döt dess ester nët y intier. Orar dla biblioteches ntan Pasca La biblioteca San Durich a Urtijëi resta śareda da Vënderdi Sant domesdì nchin Lunesc de Pasca, la biblioteca O. von Wolkenstein te Sëlva n Vënerdi Sant y n Lunesc de Pasca. La biblioteca Tresl Gruber a S. Cristina n Vënderdi Sant, la Sada Santa y n Lunesc de Pasca. Judon a fé la detlarazion dla chëutes L KVW de S. Cristina nvieia duc a se nuzé de chësc aiut. Plu nfurmazions giàpen te calonia, dala 9.00 nchin la 12.00. Per se lascé nuté su: Waltraud, 0471/792133 nchin ai 5 de auril. Judon a fé la detlarazion dla chëutes Mod UNI-CO 730 L KVW de Sëlva nvieia duc a se nuzé de chësc servisc. La detlarazions finedes pòssen inò jì a tò ai 17 de mei danter la 10.00 y la 11.00 te calonia basite. Plu nfurmazions pra Liselotte Perathoner 0471/795486. Reunion generela dla biblioteca San Durich La reunion generela sarà ai 10 de auril dala 18.00 te biblioteca. Iscrizions per l “Pavël” Devertimënt ntan l instà, per mutons da 4 nchin 11 ani. N possa se scrì su ai 11 y 12 de auril tla cassa Raiffeisen te Sëlva, a S.Cristina y a Urtijëi, n juebia dala 8.00 nchin la 13.00 y dala 17.00 nchin la 19.00 y n vënderdi dala 8.00 nchin la 13.00.

nr. 13 / 29 de merz 2013

Temp lede Domisdé cun jüć da mësa La Biblioteca Sas dla Crusc inviëia a n domisdé d’aorela cörta cun jüć por döta la familia, deboriada cun le ”Spieleverein Dinx”. An s’incunta en mercui ai 10 d’aurì dales 15.00, te biblioteca a La Ila. La iniziativa vëgn inviada ia vigni secundo mercui dl mëis, dales 15.00. Incuntada por i apascionà de letöra

Incuntada por düć chi che lî ion y à vëia da baié sura i libri che ai à lit. An s’incunta en lönesc ai 15 d’aurì dales 20.00, te biblioteca a Calfosch. Referëntes é Ingrid y Resi. Organisaziun: Consëi de Formaziun en colaboraziun cun la Biblioteca. Jì cui schi de nöt

Sciöche vigni mercui, é la pista Doninz a La Ila iluminada y daverta inće en mercui ai 3 de aurì da sëra, dales 20.00 ales 22.00, por se fà n bel rai cui schi sot les stëres. Azion da Pasca per mutons Duc i mutons che se mpresterà mo ora n liber duman sada te biblioteca de Sëlva giaperà na pitla surpreja. N Pasca peché per duc te Sëlva te biblioteca “Oswald von Wolkenstein. Co fé a se lecurdé miec

La Mëisa Turonda nvieia duc a unì n juebia ai 4 de auril dala 20.00 te calonia de Sëlva a na sëira cun Hildegard Kreiter che dà cunsëies co fé a se lecurdé miec la cosses. Azion da Pasca N Pasca uniràl vendù te Sëlva dan la santa mësses dan rëjes de pitli cësć cun laite ueves ntënc che n possa purté te dlieja a lascé benedì. Chël che vën trat ite jirà a fin de bën. L KVW de Sëlva rengrazia per l sustëni. Peché sun plaza

La biblioteca Tresl Gruber de S. Cristina nvieia duc a tenì su la bela tradizion dl peché y a unì n Pasca do la santa mësses a peché. Mëisa de libri n con’ dla Prima Santa Cumenion y dl Cunfermé

N lëur per l instà La Nëus Jëuni Gherdëina mët nce chëst ann a jì la “Sommerjobbörse”. Chësta unirà giaurida n merdi, 2 de auril y sarà davierta nchin ala fin de lugio. L ie na ucajion per duc i studënc che ulëssa se abiné n pitl lëur ntan i mënsc da d’instà y per duc chëi che chier mo cunlauradëures per la sajon che vën. Chiche ëssa da pité na stiera o ulëssa abiné n lëur per i mënsc da instà, possa l fé tres nosta homepage, www.njg.it o passé te ufize.

Te biblioteca de Sëlva iel da udëi dai 2 de auril inant na mëisa de libri cun dantaldut libri per pastelné. La mëisa de libri sarà da udëi nchin ai 27 de mei ntan l orar de giaurida.

Mostra n con’ de festes de dlieja L Cunsëi de Furmazion, la Lia Cultura y Usanzes y la Pluania de Sëlva mët a jì d’autonn na mostra n con’ dla pruzescions, festes de dlieja y trohtes. Ulessan damandé la jënt de mëter a despusizion fotografies che à da n fé cun chësc. Chiche à legrëza à les mpresté ie prià bel de les purté tla biblioteca de Sëlva (orares de giaurida) o cherdé su Marta 0471/794078.

Se nuzé dla mënt y dl’ana

Giornèdes del riuso a Ciampedel L Comun e l Zircol de la jent de età de Ciampedel endreza en vender ai 5 e en sabeda ai 6 de oril (h. 9-12 e 15-18) ló dal tendon de Ischia la giornèdes del “ri-uso”. Recordan che l “ru-uso” no l’é na desćèria, se envìa chi che aessa roba bona e neta a se cordèr per la portèr jun Ischia, chiaman Giampietro al numer 347.8927377. Giornèdes del ri-uso a Poza L Comun de Poza endreza la giornèdes del ri-uso en vender ai 5 de oril (h. 14-18) e en sabeda ai 6 (h. 9-16) te tendon. Se pel portèr ogne sort de roba purché neta e no rota, e se tor che che se vel zenza spener scioldi. Per info se oujer te Comun de Poza (0462.764758) e se se vel dèr na man chiamèr l 338.1590158.

Turnoi de juesc da mëisa

La grupa Trix nvieia duc n sada ai 6 de auril a Urtijëi, tl local di jëuni Saut dala 20.00 a fé pea pra l turnoi de juesc da mëisa. N puderà nce vëncer vel’ blòt pest. La lia Sanynton nvieia duc a unì ai 11 y ai 12 de auril dala 20.00 te Sëlva tla sënta dla lia, str. La Sëlva 101, a doi sëires de nfurmazion cun la referënta Dr. Mirela Schwarz. Chësta doi sëires ie per persones che lëura via per l di. Per plu nfurmazions y per ve scrì su pudëis cherdé su l 380/1509638. Party per sculeies dla scola mesana N vënderdi ai 12 de auril mët l local di jëuni Saut a jì dala 18.00 nchin la 22.00 na party per sculeies dla scola mesana. 23° Gardena Spring Trophy

Dai 1. nchin ai 3 de auril saràl tl stadio Pranives te Sëlva la cumpetizion nternaziunela de jadiné. La garejeda ie davierta per la categuries Novice, Junior y Senior cun inuemes sciche Kozuka Takahiko pra i ëi y Valentina Marchei pra l’ëiles. Ai 1. de auril saràl l di dl alenamënt ufiziel, ai 2.4. scumëncen dala 8.30 cun l prugram curt, dala 16.40 inant iel da udëi i seniores, y ai 3.4. dala 8.00 inant l prugram lonch cun i seniores che scumëncia ntëur la 17.00.

♦ I trëi santarì d’La Pli

♦ Gara dl paîsc da San Ćiascian

Chësc é le titul dl teater da rì te trëi perts che gnarà presentè śëgn da d’aisciöda a La Pli. Premiera é en Lönesc de Pasca

Döta la comunité de paîsc é bel inviada a n dé de sport, compagnia y aorela cörta. L’apuntamënt é por en domënia ai 7 de aurì

Le Teater La Pli à indô imparè ite n teater da rì dal titul ”I trëi santarì d’La Pli”, do le tòch original por todësch ”Die drei Dorfheiligen”. Sön paladina podaràn odëi Martin Rigo (Fridl - ombolt), Anna Mühlmann (Nese - söa fomena), Susanne Winkler (Paula - söa fia), Patrick Complojer (Martin - maester), Raimund Palfrader (Pire pech), Elmar Winkler (Iaco paur), Paul Pedevilla (ploan), Vera Fischnaller (Rosa - fia dl vijin), Heidi Ploner (Moidl - Le pech Pire, l’ombolt Fridl y le paur Iaco alda pro i patrona de Valgrata) y Marco protagonisć dl teater. Comploi (Seppile - so möt). La rejî é de Hansi Comploi. La premiera cun renfrësch vëgn pitada en lönesc de Pasca al 1. d’aurì dales 20.00, les atres rapresentaziuns é en sabeda ai 6.04 dales 20.00, en domënia ai 7.04 dales 15.00, y en sabeda y domënia ai 13 y 14 d’aurì dales 20.00, dagnora te Ćiasa dles Uniuns. Les chertes po gnì apostades danfora al 0474/500978 o al 3898158382, y vëgn inće venüdes n’ora dan le teater.

L’Uniun Sport Amatoriala y la Scola de Schi da San Ćiascian inviëia ala 21ejima ediziun dla Gara dl paîsc da San Ćiascian, söl program en domënia ai 7 de aurì. Le start sarà dales 10.30 sön la pista ”Ćiampëi”. Al gnarà fat categories de schi y snowboard. I numeri de gara gnarà partis fora pro la ütia ”Piz Sorega”. Dales 18.30 él spo preodü la cëna y premiaziun cun aorela cörta, por düć i scrić ite. Se scrì ite po düć, inće chi che ne fej nia la gara. Les iscriziuns vëgn tutes sö ćina en sabeda ai 6 d’aurì dales 18.00 pro l’Assoziaziun Turistica a San Ćiascian, al nr. 0 4 7 1 / 8 4 9 4 2 2 o L’ann passè pro la gara dl paîsc. s.cassiano@altabadia.org. L’iscriziun costa 10,00€ y vêl por la gara, bonn por na pasta tla ütia Las Vegas por chi che fej la gara, y la cëna cun boanda da sëra pro la premiaziun.

44

www.lauscdiladins.com


Info y Congratulazions

nr. 13 / 29 de merz 2013

♦ Sagns y en forma cun yoga

Vich, ai 7 de oril del 2013

A San Martin de Tor vëgnel pité dui cursc de yoga: un n curs introdutif y n curs por ëres che aspeta Yoga é le sistem plü vedl dl monn por le svilup personal. Sües raîsc va zoruch a milesc de agn tl’India. Tres la respiraziun dl yoga y sü movimënć morjì y lisiers röion a na comunicaziun sota cun se instësc. I vedli yogis â na comprenjiun sota dla natöra umana, y savô avisa ći che la porsona adora, por ester en armonia cun se instës y l’ambiënt incëria. Tl yoga vëgnel lié düć i movimënć che an adora por arjunje la sanité fisica, cun i eserzizi da trà le fle y de meditaziun. Insciö garetel l’armonia danter corp, spirit y anima. Curs introdutif Dai 12 d’aurì inant a San Martin, te Istitut Ladin, indöt 7 sëres, n iade al’edema, cun le maester de yoga y pranoterapeut Yoga, por arjunje l’armonia danter corp, spirit y anima. Rakesh Nanda. Yoga por ëres che aspeta Dai 12 d’aurì inant, a San Martin, te Istitut Ladin, indöt 5 sëres, n Al vëgn inće tignì n iade al’edema, cun Karin Nanda curs por ëres che Informaziuns y prenotaziuns por intrami i cursc: 0474/530547 o nandayoga@yahoo.de, www.nandayoga.de aspeta.

Bon Cedean a nosc caro

Fabio Augures de cher per ti 8 egn dai giaves da Corsico, l’ameda Silvia e l bèrba Lorenzo

Ai 18 de marz del 2013

Marco Montel Pochi de Salorn - Vich

l’à ciapà la laurea magistrala en statistica a l’Università de Milan Bravo Marco! Te auguron de cher de bele sodesfazion tel mond del lurier e n muie de fortuna per toa vita. L non Dino e l’ameda-ciccola Adele

Pur nosta mama Monica

Brava Marghe!

75 agn

To “specialistica” la é belebon dalvers jita! Ades tu pode mingol te paussar e dò... via da nöf, te calche ciamp zaolà a sautar.

Pur to compliann ai 30 de merz te aodunse düt l’bun y pur le dagnì sanité y ligrëza. Tüa vita nia saurida n’é gonot stada, mo la bona löna t’é impò dagnora restada. N gran giulan mama pur ći che te as fat y che te fejes tres ćiamò pur nos.

N braciacol da duc chi de ciasa, Tonolerchiesc e Janaces! Università de Verona, Facoltà de Scienze Motorie, ai 19 de marz 2013

Auguresc a

Tü mituns Maria, Cristina, Giuseppe y Felicita cun families

Düt l’bun a

Alexander Stuffer

Cichito y Petra

per avëi finà i studi de comunicazion tla Università a Persenon cun 110.

che mët man al 1. d’aurì süa aventüra deburiada!

L mestier da tistler oves mparà, redatëur ies pona deventà. Da sëira es fat la scola de matura, l’università ntan l fin dl’ena ie bën dura. Cun l prufessëur Pallaver es śën finà y dutor ies deventà! Ti tenì permez te fej unëur, sun ti streda te mbincions l miëur.

da osc cumpagns d’laûr (y familiars che n’savô ćiamò nia)

Congratulaziuns a

Evelyn

Tati y Mami, ti fra cun familia y ti Judith.

Le plu vive congratulazion a

por avëi stlüt jö cun suzes sü stüdi de Economia por Management dl Turism tla Université da Balsan. Döt l’bun, tröpes ligrëzes y fortüna por to dagnì Te aoda

Isabella Marchione

töa familia y Denis.

da Salejei de Sot - Fodom che ai 21 de merz del 2013 la s’à laureé a Persenon en Scienze della Formazione Primaria con gran contentëza sua e de duc nos. Chëst bel traguardo, arjont con impegno e sacrifizi, l te porte meritade sodisfazion per l davegnì. Le bele parole contegnude ntel cuor de tua tesa “Apprendere a colori: la motivazione e il piacere di apprendere promuovono lo sviluppo di competenze creative e progettuali”, dedicada a la maestra Gemma, le te recorde tres fora i valour trasmetus da tuoi maestri e profesciori e le te siebe de riferiment per tua ativité e nte duc i momenc de la vita. I tuoi de cesa

Ti fajun les congratulaziuns a nosta

Jasmine Annette pur avëi stlüt jö cun 110 y lalt i stüdi de Sciënzes dla Formaziun tl’Université da Porsenù. Te augurun düt l’bun tl dagnì y tröpa ligrëza cun to bel laûr. La lâ, le nene y düć tü parënć

www.lauscdiladins.com

45


Congratulazions y Inserac Döt le bun a

nr. 13 / 29 de merz 2013

La Firma Electro Moritz da La Val chir da atira n eletrizist cun esperiënza. Prëibel cherdè sö le 335/8262556 info@electromoritz.com

nosta mama, fomena y lâ co complësc ai 5 d’aurì i 60. Trepes ligrëzes, fortüna y sanité orunse de cör te aodé. Romagn ennant ensciö ”sprint” desche t’es y en gran iolan por döt ći che te fejes por nos. Heinrich, Alfons, Susanne, Sabine, Georg y dan da döt picia Maria

Che podess mo ester chësc bel jonn? Al é chël

Alfred che s’la ćiara intoronn. Auti potënć n’ast’ albü n gröm mo ara t’é bën passada da fà chël föm. Da laoré söl lüch da paur t’al dagnora salpü bel y da pié a man la falc y les mascînns as imparé snel. Tan de inverns che t’as passé sön Piz La Ila, y da sëra a scür cun la liösa a motor jö por la Gran Risa. Da punsé do 10 iadi denanco fà val’ s’as insigné y da mëte averda denanco fà val’ de falé. Cun tüa gran sapiënza se das consëis se daidan lascé jö datrai n pëis. Insciö podunse festejé en mercui tü bi 50 agn y che al nun vëgne ćiamó laprò tanć de sagns. Döt l’bun y dilan por ći che te fejes por nos! Tüa familia y Annamaria cun familia

Hotel Gran Risa a La Ila chir por les sajuns da d’isté y d’invern n pröm cogo, na ćiamenëssa. Prëibel menè le curriculum vitae a info@granrisa.it o cherdè sö le 0471/847012.

A Picolin vëgnel chirì na ëra dl post a ćiarè do mituns por 6 ores al dé, dal lönesc al vëndres por döt l’ann, y na ëra dl post a Al Plan a puzenè apartamënć la sabeda, por la sajun da d’isté. Tel. 339/1616695.

dut l bën per l cumplì di 70 ani ai 10 de auril. Ie aspiete tlo tla cësa di tieres sce zachei unissa a me tò. Prëibel cherdé su la Cësa di Tieres Obervintl 0472/868172. www.tierheimobervintl.it

I tiei de familia.

Ala

”Oma”

La Pension Garden a Calfosch chir por la sajun da d’ isté y da d’ invern n aiüt o lerner de ćiasadafüch, cun n pü' de esperiënza, poscibilmënter dl post y cun tröpa vëia de imparè. Interessà dess telefonè al numer 340/2960164.

tan da orëi bun döt döt le bun nos ti aodun. I 60 agn àra complì mo da ti ćiarè ne oressun nia dì. Ti aodun inant tröpes ligrëzes y sanité y por döt ći che ara fej por nos de cör orunse rengrazié. Helmut, Matthias, Michael cun Katja y pice Moritz

Da scinché ia L ven scincà n mulin dal vënt zirca, 70 ani vedl, che ie n pez de massaria da paur, adatà sciche pez da

decorazion dan na cësa, butëiga. Tel. 348/3380455. (11/13) •••

Tl comun de Badia vëgnel chirì da atira na porsona por ćiarè do, inće ma a ores, a na porsona atempada. Tel. 347/0864245.

Da vende L vën vendù na mascin da paidelné dla Miele Electronic B864 te de bona cundizions. Larghëza dla roda da paidelné 100 cm. Mesures da stluta: auta 107cm/ lergia 50cm/ sota 39cm. Tel. 335/7559832. (11/13) ••• Da vëne na FIAT 500 L dl 1972, fata sö y bun tignida, corù: lominus bröm. Tel. 335/7384196. (11/13) ••• Al vëgn venü de vedli dischi de mujiga da 33 y 45 giri de vigni sort. Tel. 333/8671652. (11/13) ••• Al vёgn venü n Fiat Ulysse 2.0 MJT cun

46

www.lauscdiladins.com

120 CV, model Dynamic cun set sic. L’auto é dl ann 2010 y à 50000 km, corù arjёnt y te dёr de bunes condiziuns, da ciafè a n bun prisc. Tel. 340/6872879. (11/13) ••• Al vëgn venü n banch da ćiantun de lëgn 1,30 x 2,00 cun mësa y 2 scagns a € 300,00, na scrivania a € 70,00, n furn a lëgna da ćiasadafüch tan co nü a € 900,00. Tel. 339/1616695. (12/13) ••• L vën vendù n Fiat Panda 4 x 4 dl 1999, vërt cun n 90.000 km. Tel. 328/2025590. ••• Da vëne n Golf 4 Motion TD 200

chier cunlauradëures cun esperienza per vënder i prudoc dla firma te Gherdëina, Fascia y Flëm. Tel. 0473/234990 info@hegematic.com

Üćia de Fanes a Al Plan chir por la sajun da d’isté o inće por plü sajuns n pröm cogo, n secundo cogo, n commis, na chelnera por salf che sa talian, todësch y che à esperiënza cun l’orderman. I aspetun Osc curriculum. info@rifugiofanes.com Tel. 0474/501097

Hotel Miramonti a Pedraces/Badia chir por la sajun da d’isté 1 secretêr/ia che daidass inće te bar. Prëibel cherdè sö le 0471/839661 o menè le curriculum a info@miramontihotel.it

A Margherita

Inserac

39012 Maran Rennstallweg 1-3

Highline dl ann 2010, corù blanch y interns de pel. Telefonè al nr. 335/6843350. (12/13) ••• Da vënder n Kymco Agility, 50 R 16 dl 2009 cun 17.200 km a 800,00 euro a Urtijëi. Tel. 329/4212887. (12/13) ••• L vën vendù n Grande Punto Abarth, ann 2008, 50.000 km, laite de pel. Tel 338/2723654. (13/13) ••• Da vëne montli da d’isté cun felghes d’aluminio feter nüs, dla mosöra 185/55/ R15. A dër n bun prisc. Ai é stà sön n VW Polo. Tel. 333/4762010. (13/13)

Hotel Gran Baita te Sëlva chier da śën inant per dut l ann na persona respunsabla per l ufize cun esperienza y cunescënza dl lëur te hotel y de lingac y cun cunescënza eletronica y de computer y na respunsabla per la SPA. Prëibel mandé l curriculum a raphael@ hotelgranbaita.com

Furnaria Gasser a La Ila chir personal por la botëga dal pan y por le bar por fora de sajun, por la sajun da d’isté o inće por döt l’ann. Prëibel cherdè sö le 0471/847102 info@pangasser.net

Hotel Villa Tony a Corvara chir por la sajun da d’isté 1 chelnera. Prëibel telefonè al 0471/836193. inserac@lauscdiladins. com Sporthotel Panorama a Corvara chir n cogo chef jonn, da chilò y n/na patisser/a por la sajun da d’isté y eventualmënter inće por la sajun da d’invern. Prëibel cherdè sö le 0471/836083. info@sporthotelpanorama.com

Castlunger Metal da San Martin de Tor chir 1 fëur poscibilmënter cun esperiënza. Telefonè al 335/7384196. L vën vendù 60 modiei de bront de na cripl y mo de autri modiei de bront. Prëibel cherdé su l 333/5217392.

L vën fità via n cuatier de 65 m2 per 2 persones tl zënter de Urtijëi cun piguel. Prëibel cherdé su l numer 333/9029288.

Tl zënter de San Ćiascian vëgnel venü n bar/café de 130 m2 cun terassa a sorëdl. Al é inće poscibil da le destiné sciöche eserzize comerzial/botëga o ofize. Por plü informaziuns prëibel telefonè al 335/6193439 o menè na e-mail a info@myhomedolomites.it

A Urtijëi da pert da surëdl vëniel fità via a jënt da tlo cuatieres nueves. Prëibel cherdé su l 338/3707859.

A Urtijëi vëniel fità via per dut l ann n cuatier de 95 m² cun mubilia y 2 lueges da lascé ju i auti te n post da surëdl. Per nfurmazions plu avisa prëibel cherdé su l 333/7168804.

A San Ćiascian vëgnel afité ia n miniapartamënt por al plü 2 porsones, por döt l’ann. Telefonè al nr. 340/3812735.

Hotel Maria a Urtijëi chier na secretera. Prëibel cherdé su l 0471/797047.

Hotel Gran Fanes a Corvara chir por la sajun da d’isté 1 cogo/a 1 secundo/a cogo/a 1 studënt/a a daidé te reception. Prëibel cherdè sö le 0471/836225 o le 338/9124797.


Inserac y Anunzies

nr. 13 / 29 de merz 2013

Chirì da laour Na ëila che sta a S. Cristina chier da lëur a rumé su mé danmesdì. Tel. 347/8589029. (11/13) ••• Na ëila da tlo cun ejam de trilinguism B chier da lëur te n ufize o nce vel’ auter lëur. Tel. 333/2119195. (11/13) ••• Na ëila jëuna chier da lëur te Gherdëina per la sajon da d’instà sciche chelnera cun esperienza de 5 ani te hotiei a 3 stëiles, cunescënza tla rujenedes talian, tudësch y nglëisc. Tel. 333/2859118. (11/13) ••• N jëunn talian chier da lëur sciche pizzaiolo, da śën inant, per la sajon o nce per dut l ann, sce l ie mesun te Gherdëina. L à 15 ani de sperienza y lëura cun duta la sortes de furniei. Tel. 345/0543473 (11/13) ••• N jonn de 15 agn dla Val Badia chir n laûr por messè y agost. Tel. 333/1846819. (11/13) ••• N jëunn dla Slovachia chier da lëur coche vardian o a lavé ju te na cësadafuech per la sajon da d’instà. Prëibel cherdé su danmesdì l 329/9217528. (11/13) ••• Na jëuna dl Perù cun esperienza chier da lëur a rumé su majons o nce coche chelnera. Ëila sà talian, tudësch, nglëisc y spaniol. Tel. 339/7642386. (11/13)

••• N studënt de Gherdëina de 17 ani chier n lëur per l’instà. L ie unfat de ce lëur che l se trata. Tel. 338/8897922. (11/13) ••• I chiri laûr sciöche famei sön na munt. Tel. 333/9293877. (12/13) ••• L vën vendù n “Kymco Agility“ 50 R 16 dl 2009 cun 17.200 km. Priesc 800,00 euro. Tel. 329/4212887. (12/13) ••• Na ëila chier da lëur per dut l ann o per la sajons da d’instà y da d’inviern te Gherdëina dai 10 de auril inant a rumé su majons o nce a cialé de pitli mutons. Tel. 392/3025278. (12/13) ••• N pizzaiolo cun esperienza y referënzes chier da lëur. Tel. 377/2696237. (12/13) ••• N ël cun esperienza chier da lëur a judé te cësadafuech, a lavé ju o scenó nce a fé de uni sort de stroc. Tel. 338/5439825. (12/13) ••• N ël chier da lëur sciche aiut cuech o segondo cuech. L ie nce spezialisà per spëisa cujineda sun l gril. Tel. 327/9744356. (12/13) ••• N ël chier da lëur a lavé ju o a fé de uni sort de stroc. Tel. 320/3908510. (12/13) ••• Na ëila chier da lëur a rumé su o a cialé de na persona de tëmp. Tel. 331/5968130.

(12/13) ••• N ël cun truep ani de esperienza chier da lëur coche cuech o segondo cuech. Tel. 333/3171184. (12/13) ••• N ël cun esperienza de lëur da aiut cuech chier n lëur sce n cajo nce da fé de uni sort de lëures. Tel. 320/2145117. (12/13) ••• N ël de 33 ani che stà a Urtijëi chier da lëur da sciafer, da vardian a lauré dedora o a fé de uni sort de lëures. Tel. 349/3540967. (13/13) ••• N ël de 40 agn che abitëia a San Martin y à la patent B y C inće por coriera, chir n laûr da ciafêr o inće val' d'ater, tla Val Badia o a Bornech, da atira. Tel. 366/2703569. (13/13) ••• N jëunn che à esperienza de lëur da pech y da conditer chier da lëur. Ël fajëssa nce de autri lëures. Tel. 389/0422084. (13/13) ••• N ël cun truepa esperienza chier da lëur coche aiut cuech. Tel. 327/7350830. (13/13) ••• Na ëila de Urtijëi che à la matura y che sà i lingac tudësch, talian, nglëisc y franzëus chier n lëur. Ëila à truepa esperienza de lëur te ufize. Tel. 320/0727933. (13/13)

Da chirì Na familia cun referënzes y cun n lëur te Gherdëina chier n cuatier cun doi majons, y na stua dala fin de mei inant da tò a fit per dut l ann. Tel. 392/2526209 o turchetti.alessandra@gmailcom (12/13) ••• Na familia da tlo chier na utia da mont te Gherdëina y ntëurora. Tel. 380/5141446 (da sëira) (13/13) •••

Al vëgn chirì da cumprè n pice magazînn de 25/50 mq za. danter Pidrô y San Laurënz. Tel. 335/5631071. (13/13) ••• N’ëila cun doi mutons che lëura a S. Cristina chier n cuatier da tò a fit te Gherdëina o nce a Runcadic per dut l ann. Tel. 327/1978199. (13/13) ••• Al vëgn chirì na ”tartaruga” da jì cun i schi por n möt de 9 agn. Sce valgügn

ess val’ da dè ca, prëibel telefonè al 333/2364826. (13/13) ••• Cater studëntes che à bele 18 ani chier n cuatier da tò a fit per l ann de scola 2013/14 sce la va a Urtijëi o ntëurora. Tel. 334/7279341. (do la 17.30) (13/13) ••• Al vëgn chirì 2 armà te de bones condiziuns a n bun prisc o da scinché ia. Tel. 349/4684984. (13/13)

Vangel dla Domenia Gran Solenité de Pasca, ann C, al 31 de merz 2013 Dal vagnele do San Jan, 20, 1-18 Le pröm dé dl’edema, é Maria da Màgdala jüda da doman adora, canch’al ê ćiamò scür, fora dala fossa y à odü che la pera ê tuta demez dal sepolcher. Ara é saltada debota da Scimun Pire y dal discepul, a chël che Gejù ti orô bun, y ti à dit: ”An à tut le Signur fora de sepolcher, y i ne savun nia, olach’an l’à metü.” Dailò é Pire y l’ater discepul jüs ia y fora y é rovà fora dal sepolcher; ai ê saltà trami deboriada, mo deache l’ater discepul ê plü asvelt co Pire, é chël rové por pröm dal sepolcher. Al s’à cufé jö y ite y à odü les fasces de lin ia por tera, mo al n’é nia jü ite. Tratan ê inće rové adalerch Scimun Pire, che ti gnô do, y é jü ite tl sepolcher. Al à odü les fasces de lin ia por tera y la peza dal assoius che ê stada söl će de Gejù; ara n’ê nia pro les fasces de lin, mo dlungia, lobrida adöm te n post despartì. Spo é inće jü ite l’ater discepul, che ê rové por pröm dan le sepolcher; al à odü y à cherdü. Ai ne capî nia ćiamò la Scritöra, che al messâ pö ressorì dai morć. Dailò spo s’un ê i discepui indô jüs a ćiasa. Maria deperpo stô fora dan fossa y pitâ. Tratan ch’ara pitâ, s’àra cufé jö y ite tl sepolcher. Dailò àra odü dui agnui dal guant blanch sentà, un olach’al ê stè le će y l’ater olach’al ê stè i pîsc dl corp de Gejù. I agnui ti à dit a d’ëra: ”Ëra, ćiodî pìteste pa?” Ara ti à respognü: ”An à tut demez mi Signur, y iö ne sa nia olach’an l’à metü.” Canch’ara â albü dit chësc, s’àra ôt y à odü Gejù ston dailò, mo ara ne savô nia ch’al ê Gejù. Gejù ti à dit: ”Ëra, ćiodî pìteste pa? Chê chîreste pa?” Ara minâ ch’al foss le patrun dl urt y ti à dit: ”Signur, sce tö l’as portè demez, dìmal, olache te l’as metü. Spo ôi jì a le tó.” Gejù ti à dit: ”Maria!” Dailò s’àra ôt pormez a d’ël y à dit por ebraich: ”Rabbùni”, che ô dì: Maester. Gejù ti à dit: ”No me tignì frëm; deach’i ne sun nia ciamò jü sö dal Pere. Mo va da mi fredesc y dìi: Iö va da mi Pere y da osc Pere, da mi Dî y da osc Dî.” Maria da Màgdala é jüda a ti anunzié ai discepui: ”I à odü le Signur”, y ch’al ti à dit a d’ëra chësc y chël. Parora dl Signur. - Lalt a té, Gejù Crist!

Rengraziamënt La Union di Ladins de Gherdëina y la redazion dla Usc di Ladins

Rengraziamënt ”Mama, te restarâs tres pro nos.”

fej la cundulianzes plu sentides per la mort de

Ai 19 de merz s’à nosta bona mama, fomena y müta

Gertrude Declara nasc. Dalponte

Sr. Edberte Moroder muniga pra la miscions de Steyl a Stockenau dlongia Viena.

“Traudi” lascè al'eté de 69 agn. Uressun ringrazié chi che à tut pert ala Santa Mëssa de supultüra, chi che é gnüs a dì la corona y a trà l’ega santa. Giulan di ciüf, dles ofertes, dles ćiandëres y dles beles parores y lëtres de confort. Dër bel giulan a Siur Heinrich y Don Angelo pur la bela Santa Mëssa, al cor de dlijia, ai ministranć, a chi che à portè l’cunfarun, ai destüdafüch y a chi che à dit dant les corones. Giulan al Stefan y al Raimund y a düć chi che à fat n sorvisc pur la supultüra. Giulan ala Crusc Blanćia y ala duturia d’emergënza, al dutur Caretta, al’Assistënza Spirituala, ai vijins, ai cumpagns, ai colegs y ai patruns de laûr che s’à daidé te chisc dis y se dëida três inant. De cör giulan oréssun dandadüt ti dì a düć nôsc familiars, ai berbesc y ales mëdes, ai jormagn y les jormanes, ai cugnà y les cugnades, ala tota y al tot, che s’à düć adüm tan daidé y che s’à fistidié pur nos. N ringraziamënt particolar uréssun ti dì ala Roswitha y ala Rita, a mëda Nane, ala tota Silvana, al Bruno, al Hubert y al Franzl, che é gnüs atira a se dè sustëgn y cunfort, che s’à fistidié pur nos, s’à daidé arjigné ca la supultüra dla mama y che se sta três ćiamò dlungia te chësc rî mumënt. De cör giulan a düć chi che ti à urü bun ala mama y che la recorda tl pinsier y tl’oraziun. Giulan y che Chël Bel Dî s’l pàies! La müta Valentina, l’om Gabriel y la uma Angela

Ëila à for abù n liam strënt cun Gherdëina, la cultura y la rujeneda ladina scrijan nce truep articuli per l Calënder de Gherdëina.

Recort

Paul Pedevilla *29.06.1919 +04.04.2005 I bi recorć é sciöche de piceres stëres che slomina tl scür y nes dà consolaziun. I te recordun cun amur y reconoscënza, en particolar tla santa mëssa ai 5 d’aurì dales 7.25, tla dlijia da Corvara. I familiars

Rengraziamënt

Genesio Comploi ”Nese dl Tondl” *18.08.1944 +18.03.2013

Partezipazion La Procuradora, l Consei di Ombolc, l Consei General e duc i dependenc del Comun General de Fascia i é vejins a l’Ombolt Renzo Valentini per la mort de la cara mère

Rosa Ganz

N giulan de cör a düć chi che s’é stà dlungia te chësc momënt de dolur pur la mort de nosc Nese. Giulan al sorvisc de prüm aiüt sön pista, ala crusc blanćia, ai colegs de laûr de Nese, al dotur Caretta. Giulan ala doturia Mahlknecht. Giulan a Siur Franzl, ai proi conzelebranć y a düć chi che à daidé cun val’ sorvisc pro la bela mëssa de sopoltüra. Giulan a düć chi ch’é gnüs ales corones y à acompagné Nese sön so ultimo iade.

vedova Valentini

Giulan pur i ciüfs, les ofertes, les ćiandëres y les parores de confort.

Fascia ai 9.03.2013

Le müt Marco

www.lauscdiladins.com

47


La Usc di Ladins  

edition 1313

Advertisement