Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 11/2012 - 16 de merz 2012

Gherdëina

20

L savëi culturel De vedla tradizions y usanzes de Gherdëina, ma nce de vedli mestieres, stories o lijëndes ne sà trueps nia plu nëut.

Lies Urtijëi

“Pan desdit é bun mangé!”

Comentar de pruma

Na veduda panoramica sun i efec dla crisa tles vals ladines y sun la meseria de persones y De plu sun les plates 2, 3, 4 y 5 families

24

L postin a proa Recunescimënt y rengraziamënt a Richard Senoner per l’atività da presidënt dl Cor de Dlieja de Urtijëi. Senteda generela dl Cor.

Impiant

26

Svilup Marmolèda L Consei de Comun de Cianacei à aproà n projet de impiant portamont dal Lech de Fedaa enscin sun Ponta Rocia

Jonëza

30

Paiun por la musiga? Ći dij pa le proiet preliminar y co vàn pa śëgn inant?

32

Nodadoia curida Tla ultima sentada dl consëi de Comun à l’aconsiadù Felix Ploner metü sön mësa na proposta de barat danter Comun y Sozieté di Lifć d’Al Plan.

Val Badia

33

Scores y slot machine Na lege provinziala dij che tl radius de 300 metri da scores y strotöres soziales ne pòl nia ester mascînns da śoghé a scioldi, gnanca ti bars. La realtè é n’atra.

La Usc

Letres I ciafeis ence te chesta edizion minunghes, osservazions, conseis, aodanzes, toutes de posizion y critiches.

Dala Cariats: te Südtirol sint vigni 7a familia la meseria; düć sparagna, mo bele na picera spëisa (dotur dai dënz, laûrs de ćiasa, ez.) é na tënora. Important él da se deslié da chësta tënora se lascian aconsié dala Caritas y da uniuns. Dala Caritas él gnü fora inće che la meseria n’é nia ma plü n fatur lié al’imigraziun. 360.000 porsones s’à ôt bele l’ann 2008 ales Caritas tla Talia por damanè do guant, scioldi y patüc da mangé. La notizia "rodosa": mez le patüc da mangé röia tl refodam. Impede informè söles aziuns dla börsa dé por dé, podess na "cultura plü zivila de informaziun" insigné sön cô che an po fà por cumprè ite miù. Manco refodam foss n gran davagn por düć!

Defene l diretour o l ladin?

Julian Dapunt de Badia fej n ann de scora tl’Inghiltera. Te na intervista nes cùntel sciöche ara i büta.

Comun de Mareo

de Iaco Rigo

29

Studié foradecà

La Pli

Meseria y raspüc

34

Ence tles vals ladines, vedudes da defora tant riches, él persones che tira la curta y mess rodé dui iadi vigni moneida denant che la spene. (foto: www.reset-italia.net)

L’Europa di lingac de mendranza y de raions L consei di ministri a Roma à finalmenter aprové la “Charta Europeica di lingac regionai y de mendreanza” Atualité - La Charta fova gnuda delibereda dal Consei d’Europa bele ai 29 de jugn dl 1992, per sconé y promueve i lingac de raions y de mendranza sciche mesums per na mioura conservazion y la promozion dles tradizions y dl’arpejon culturala

europeica. L senatour SVP de Südtirol Manfred Pinzger, che fej pert dla comiscion parlamentara dla UE, à anunzié con plajei la ratificazion taliana dla cherta internazionala. El onse abiné al telefon a Roma.

La Usc: Cie vuel pa dì tl concret per la Talia chesta ratificazion? Sen. Manfred Pinzger: “Al é na Charta dl’Europa, che vel per l’Europa y é gnuda fata sun proposta va inant a plata 7

La mioura defendura é l’ataca. A chest “motto” dl marescial Radetzky arà pensé l president dl Istitut ladin Micurà de Rü, A. Videsott, y l assessour F. Mussner, te sies toutes de posizion sun la “Dolomiten” (6 y 8 de merz) y sun “La Usc di Ladins” (9 de merz), olache ai prova de defene l diretour L. Moroder da les critiches en cont dla frasa “Il ladino non esiste” contegnuda te na picera brosciura deda fora dal Istitut. L Istitut y sie diretour ne à nia da se lascé tré dant, scriv A. Videsott, fauzes, faledes y entortes é plutost les critiches formuledes tla Usc, organ ofizial dla Union Generela di Ladins. Ma cie é pa donca chest fantomatich lingaz, ‘l’ ladin? Les rujenedes retoromanes dl Friul, dles Dolomites y di Grijons ne pò, al é veira, da n punt de veduda soziolinguistich nia vegnì conscidredes sciche un lingaz unich, ajache ales ne à mai svilupé deberieda n lingaz nazional y/o na “Hochsprache”. Vel chest ence per i idioms dles Dolomites? Per cie che reverda l prum argoment, ladin lingaz nazional, él da dì che cie che conta é l reconosciment de na rujeneda (idiom, dialet o auter) sciche ‘lingaz’ da pert de na istanza politica. L ladin é de chest vers n lingaz da canche al é vegnù reconesciù tl Statut de autonomia - che é na lege costituzionala dl Stat talian - sciche ‘lingaz’ y spo plu tert ence sciche lingaz de aministrazion da les provinzies de Bulsan y de Trent. de plu a plata 36


Zoom

nr. 11 / 16 de merz 2012

“An dess damanè aiüt, denant co se desperè!”

Meseria no, mo al limit

Le Raiun Sozial dëida sce porsones röia tla stënta. I ùn baié cun la referënta por i aiüć finanziars Ingrid Palfrader. Ara nes dij te ći caji che le Raiun Sozial po daidé, ćiünes che é les prestaziuns finanziares plü damanades, por ći che la jënt röia ti debić y sce al é povertè tla Val Badia. Ara nes dij: “I ćiarun da daidé, mo la jënt mëss damanè do!”

L’ejëmpl de na picia realtè, la Uniun de San Vinzenz d’Al Plan, che dëida families te Mareo

concretamënter scialdi ma canche les porsones à i recuisić. Vëgnel pa gonot da os porsones che é rovades te de gragn debić? Al é dër gonot porsones che vëgn chilò da nos deache ai à debić. Gonot se tràtera ma de n import de na fatura o de na cumpra por nezescité, nia calcolada tl budget dla familia. Val’iade se tràtera de debić fać pla banca por despaié na ćiasa o n auto, debić che é gnüs cun le tëmp demassa. Val’ cajo él inće stè de porsones che é gnüdes por debić dër alć. Ingrid Palfrader, referënta por i aiüć finanziars tl Raiun Sozial Val Badia.

La Usc: Ingrid Palfrader, él pa povertè tla Val Badia? Ingrid Palfrader: Al é n pü’ da mëte averda da baié de povertè o richëza. Al é sigü caji olache jënt à dër debojëgn, mo de povertè finanziara n’oressi nia baié. Insciö sciöche i n’ô nia baié de richëza. La Val Badia é na valada che se stà en general bun, inće deache la jënt se prô dër y sa da s’adatè ala situaziun. Y spo él da dì che caji de maiù povertè vara tla maiù pert da evité, deache al é doìa na rëi soziala che dëida. Un di indicadus podess ester la cuantité de prestaziuns por le minim vital. Dantadöt ći é pa chësta prestaziun? La prestaziun dl minim vital é na prestaziun che ti vëgn dada a porsones che à tan n gran debojëgn, che ares n’é nia bunes da suravire, porsones che n’é nia bunes da respogne ai debojëgns de basa, sciöche mangé, se vistì, l’igiena personala. Ti ultims agn é chësta prestaziun romagnüda intres importanta, sciöche an vëiga dal numer de damanadus. Tan de damanadus él pa tla Val Badia y co s’à pa mudè le numer de damanadus ti ultims agn? Tl 2011 unse podü daidé passa 30 porsones (componënć dles families) cun chësta prestaziun. Ti ultims 4-5 agn é le numer romagnü plü o manco intres costant. Ći condiziuns mësson pa avëi por podëi damanè do le minim vital? Sce na porsona ciafa aiüt tres la prestaziun de minim vital, ôl dì che le damanadù o la familia n’à nia plü le mö da cumprè da mangé o guant cun sü scioldi. Praticamënter él porsones che ne tira ite plü nia, che n’à feter plü nia sön na pert y che n’à degüna proprieté. Un che ciafa le minim vital, pòl se mëte l’anima en pêsc, deache al ciafa i scioldi da os? Insciö n’éra nia. Nos paiun

2

www.lauscdiladins.com

dagnora ma fora por le tëmp veramënter nezesciar, deache i n’orun nia che porsones s’aüses ai aiüć soziai, chël ne foss daldöt nia bun y portass te na certa dependënza. Canche nos paiun fora, mëss la porsona s’impegnè da rovè fora da chësta situaziun, p.ej. chirin laûr. Sce al ne ciafa nia laûr, vëgnel ćiarè al ćiodì. Por ći rajuns damana pa jënt do prestaziuns o sostëgn finanziars? Le cost dla vita vëgn intres maiù y le paiamënt che vëgn trat ite dal laûr dependënt tleca intres demanco, porchël é la majera dificoltè da curì les spëises por la ćiasa d’abitaziun, sciöche chëres por l’afit y le scialdè; la prestaziun che vëgn damanada le plü de dötes. La secunda rajun por chëra che la jënt damana do prestaziuns finanziares, é canche porsones röia te situaziuns d’emergënza por de vigni sort de gaujes, p.ej. sce ares perd le laûr, por na gran spëisa nia calcolada, por la mort de na porsona, por na maratia, por separaziuns y d’ater. Che él pa che damana do? Ći fasces d’eté é pa les plü atocades? La fascia d’eté é chëra dai 35 ai 55 agn. Che damana do él scialdi dagnora families cun mituns o geniturs susc cun mituns. Tan inant él pa chi da foradecà che damana, extracomunitars? Sambëgn unse inće damanadus da foradecà. Sce n damanadù à la zitadinanza taliana o de n stat dla UE, pòl fà domanda sce al vir da almanco sis mëisc te Südtirol. Sce le damanadù n’à no la zitadinanza taliana, no de n stat dla UE, pòl fà domanda sce al vir da almanco sis mëisc te Südtirol, mo ma por n aiüt de 2 iadi al ann. Impormò do 5 agn che al vir chilò pòl damanè do prestaziuns regolarmënter, sciöche n zitadin talian. N’él pa tröc extracomunitars che damana inće denant che al sides passè chisc termi? Al vëgn damanè, mo cun aiüć f i n a n z i a r s v ë g n el d a i d é

Ći fajëise pa te chisc caji? N iade vëgnel ćiarè tan alć che i debić é y porćiodi che ai é gnüs fać. Spo ćiaron te ći maniera che la porsona podess i despaié. Al vëgn aconsié da damanè aiüt pro l’Assistënza di debiturs dla Caritas, por ne perde nia la suravijiun, al vëgn aconsié n proiet cun les assistëntes soziales por mëte en ordinn la situaziun de vita, al vëgn pité informaziuns de vigni sort. Despaiëise pa inće jö debić dles porsones che vëgn da os? Despaié concretamënter debić ne toma nia tla competënza de nosc sorvisc, mo por dè n aiüt finanziar, por ciafè le dër tru da despaié i debić, sunse nos intres chilò. Ales porsones che vëgn da me ti diji dagnora: ”denant co se desperè, gnide a nen baié.”

Chëra d’Al Plan é la sora Uniun de San Vinzenz tla Val Badia. Al é na picia realtè, che dëida olache ara po, suradöt families o porsones d’Al Plan y da La Pli de Mareo. Surastant é André Videsott che respogn insciö ala domanda sce al é povertè: “Povertè propi ne dijessi nia, mo al é scê families y porsones che é al limit.” Al ne definësc nia la situaziun diretamënter gravënta, mo ti ultims tëmps é les domandes do aiüt gnüdes deplü. La maiù pert ne s’infida nia da ti jì pormez ala Uniun de San Vinzenz por damanè do aiüt. Insciö él la uniun instëssa che spizorëia les orëdles y ćiara. “Sce i aldiun che families à dificoltês, spo junse instësc pormez a damanè sce ai à debojëgn de aiüt”, dij André. I caji vëgn valutà da iade a iade. Alüsc dëidon cun n import n iade su, te d’atri caji dëidon mëis por mëis. L’ann passè à la Uniun de San Vinzenz dè fora aiüć por incër 12.000,00€. Ara se trata de aiüć a families olache al mör zacai, olache al é porsones püres, olache al manćia

les entrades. “Le vantaje dla Uniun de San Vinzenz”, dij André, “é che i podun saltè ite atira, zënza lascè passè mëisc por la burocrazia”. La uniun se finanziëia cun contribuć da pert dla jënt, contribuć dal Comun y da privać, y alüsc inće tres la Conferënza de San Vinzenz da Balsan. (pablo)

André Videsott é surastant dla Uniun de San Vinzenz d’Al Plan.

Consulënza por debić Te Südtirol él cater portines dla Caritas che dà consëis söi problems dai y cun i debić. A Balsan tla strada Cassa dl Sparagn 1, dal lönesc al vëndres dales 9.00 ales 12.30 y dales 14.30 ales 17.00; a Maran söl Rennweg, al numer 52, dal lönesc al vëndres dales 9.00 ales 12.30; a Bornech tla

strada Paul-von-Sternbach 6, dal lönesc al vëndres dales 9.00 ales 12.30 y a Porsenù söla Plaza de ploania, al numer 4, dales 9.00 ales 12.30. La Cariats de Südtirol po inće gnì contatada söl sit www. caritas.bz.it olache al é inće da ciafè les misciuns e-mail, i numeri de telefonn y de fax.

Él pa inće jënt che ne s’infida nia da damanè, deache ai se doda? Al n’é sigü nia saurì da fà chësc vare, deache al vëgn odü sciöche petlè. Y plü saurì él ëres che damana do aiüt. I ëi demanco. Nos ćiarun dagnora da daidé olache ara va, mo la jënt mëss y dess s‘infidé da gnì a damanè do aiüt. Tan vëgnel pa alplü paié fora? Por aiüć spezifics, chisc foss aiüć nia de dërt, mo a discreziun dl comitê dal raiun sozial, vëgnel daidé cun somes de apresciapüch 10,00€ ćina a n mascim de val’ milesc de euro. Somes sigü nia dër altes, mo che po te val’ cajo ester la soluziun. Ćiünes é pa les rajuns por che jënt che vëgn da os é rovades ti debić? Al é scialdi porsones che röia te n iade te na situaziun de stënta, por les rajuns ch’i à cuntè sö indant. Mo tres i aiüć vára gonot da ciafè na soluziun. Intervista: Pablo Palfrader Priesc d’abonament anual: per la Talia: 59,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi, Katia Pizzinini. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Zoom

nr. 11 / 16 de merz 2012

Miseria te Gherdëina L vën rujenà de crisa, tl mond y nce te Gherdëina. Ma nia dinrer iel nce situazions de miseria, monce te nosta bela valeda de Gherdëina. Na ntervista a Erna Mussner, respunsabla dl Servisc Soziel de Gherdëina USC: Gherdëina ie na valeda rica, coche savon, perchël ie duc rics. Erna Mussner: Sci, truepa jënt se n sta bën te Gherdëina, purempò iel jënt y families che à deficulteies economiches.

ora, al didancuei, 597,31 euro per una na persona che viv da sëula. Per na familia, for valutan da cajo a cajo, vën chësta soma auzeda, tenian cont de tan de persones che l ie te familia. L ie rie rujené n generel ajache la materia ie sotmetuda a truep re g ulamënc y leges.

Ciunes ie pa te nosta valeda la categuries sozieles plu tuchedes da problems de scioldi? Un a d e c h ë s t a Erna Mussner, categuries ie dessegur la respunsabla dl Servisc persones che à dlongia Soziel de Gherdëina. problems economics nce Tan giut vëniel problems soziei o che à da n fé pa paià ora l cuntribut per l cun la sanità, coche dependënza minimum vitel? dal alcol o problems psichics, che Pensà ie chësc cuntribut coche se stënta de cunseguënza a giaté n aiut te na situazion de gran da lëur y na ntegrazion soziela tla bujën, de regula. Sce n vëija che valeda. N’autra categuria ie lauranc la persona ne n’ie nia bona de jì de na cërta età che se stënta a giaté ite tl mond dl lëur, pona cëlen de da lëur, pona iel nce families o mëter su, deberieda cun l’assistënza persones cun n pitl davani y pedagogich-soziela de basa, n persones cun debic. program ndividuel, cun la finalità de purté la persona tan inant che Co vëniel pa judà tl cuntest la se mantën nstëssa. L minimum dl minimum vitel? vitel ie n cuntribut economich y A persones de Gherdëina o nia n sustëni che n giapa fulestieres che viv y lëura tlo y che automaticamënter sciche na ne à degun davani o che davania pension. tan puech y che à i presuposć ti vëniel dat n cuntribut dl minimum N pudëssa raté che l ne mancia vitel; chël uel dì che n valutea cajo nia da lëur, te Gherdëina, per cajo tant che uniun davania y dantaldut cun l turism. Ne n’ie si situazion economica n generel, pa chësta situazion nia na nce si avëi, y pona vëniel cunzedù g aranz ia nce soz iela y na cërta soma, la desferënzia, sce economica? Coche dì, che i vede n possa dì nscila, acioche n ruve a lauré! ala soma dl minum vitel, che fej Tlo iel da dì che l ie nce persones

che lëura, ma nce sce les lëura ne n’ieles nia bones de mantenì sé nstësses y la familia, sibe per l bujën da uni di ma nce cun referimënt al custimënt dl fit per l cuatier. Bonamënter taca situazions de problems finanziei, monce de miseria, adum cun na situazion de miseria soziela, coche ëis n pert bele dit, che l sibe viulënza, alcol o droghes. Dessegur porta la dependënza da alcol y droga a de gran problematiches persuneles, te familia y tl mond dl lëur, cun cunseguënzes de n degrade soziel y finanziel. De mpurtanza iel che la persona tucheda se lasce judé, tlo ie dantaldut la cunsulënza de dependënza de mpurtanza. Per chël che à da n fé cun la viulënza, suzëd chësta dantaldut tla families o ti pères. Te chisc caji possa la persones tuchedes tò su cuntat cun nosta assistënza soziopedagogica de basa; i vën tratei zënzauter cun l mascimo sucrët. L vën for plu y plu rujenà dla malatia dl juech. Tan inant iel pa te Gherdëina unì revinà families tres l juech, scumencian dala slot machines inant al carté y a ch'i pitli viages a Dispruch y a Seefeld, unitant, y pona mo n iede, y pona for deplù y deplù? L ie cunesciù che te Südtirol ie chësc fenomenn for plu y plu, y dantaldut tla ziteies iel tosc te uni bar de tel mascins y l ne n’ie nia

da crëier ce somes che l vën dat ora, zënzauter coche Vo dijëis cun cunseguënzes. La Provinza y l Stat se muev mo massa plan per smendré chësc problem. Da pert dl Servisc Soziel ons mo abù puech da n fé cun chësta situazions de dependënza dal juech, dantaldut ajache la persones va nce tlo diretamenter tla istituzions de cunsulënza per la dependënza o per debic. Cie possa pa fé zachei de Gherdëina o che viv y lëura te Gherdëina che à de gran problems finanziei? Cie pieta pa la istituzions canche l ie problems de scioldi? Per na nfurmazion possa la persona che à problems de scioldi unì tl Ufize per l’assistënza finanziela dl Servisc Soziel, referënc ie Kuno Senoner y Petra Demetz, che ie tla sënta dl Servisc Soziel tla streda Purger a Urtijëi, ulache n giapa n iede nfurmazions genereles, ulache l ti vën pona cialà ala situazion persunela y economica y ulache l possa nce riesc unì valutà sce la persona toma ite te nosta cumpetënza o sce la possa unì mandeda inant a d’autri, per ejëmpl al Ufize de cunsulënza per i debic. Sibe la cunsulënza che nce i papieresc che vën dai ju y fai, che nce duc i cuntribuc che vën sce n cajo cunzedui, vën tratei tl mascimo sucrët. La dumandes per n cuntribut de assistënza economica possa unì fates for nchin ai 20 de uni mëns; nce tlo

judons nëus pea a scrì ora, sce l vën damandà. Iel pa na fazion ndrëta danter mesures de Guviern statel y la situazion economica dla jënt? Sce la crisa ie tlo tla populazion, p o n a s ë nt l a p e r s o n e s economicamënter plu dëibles dessegur deplù la cunseguënzes. Ve ster puere s c ie s en materialmënter, ma nce sozialmënter y moralmënter. Ciuna ie pa la corelazion danter la doi cosses? La cosses possa taché adum y l pricul ie grant che les tache adum, ma l ne muessa nia vester. Sce n pënsa do iel nce truepa jënt che viv cun puech y che ie moralmënter y sozialmënter ntegres. Zeche che Vo persunalmënter Ve mbincessais che l unissa fat per judé miec y plu sun mesura? Ie rate che l fossa bon a svilupé deplù “l se judé un cun l auter”, l aiut de vijinanza, y a vester plu davierc ai bujëns dl auter. Y l me fej marueia che l ie truepa jënt che à de gran mesuns finanziei, ma che se fej da stramp puec pensieres de viers di bujëns ndividuei y soziei dla cumenanza. L basterà tl daunì nia mé plu che dut cie che reverda la problematiches sozieles vën saurandat ala man publica, che coche savon arà for manco scioldi a desposizion per judé. Ntervista de David Lardschneider

Al é da ponsè dui iadi cô che i spenun i scioldi I tëmps n’é nia plü d’or: les spëises por vire crësc y i davagns cara. Impò ne pòn nia baié de meseria tla Val Badia. Ći che i adorun é formes nöies de investimënć, de organisaziun dles imprejes y dl laûr, y inće dl frabiché la pröma abitaziun. Intervista al colaboradù dla Cassa Raiffeisen Val Badia Gustl Trebo La Usc: Gustl Trebo, responsabl di "afars de marćé" dla Cassa Raiffeisen Val Badia, ći ô pa dì che la Talia é arsida tla rezesciun? Gustl Trebo: "La parora 'rezesciun' sta por na spana de tëmp de tomada economica generala de na economia. Aladô di tecnis dl sistem american, pëia ia la definiziun de rezesciun, canche al s’ajunta almanco dui trimestri indolater de chersciüda negativa dl produt intern lordo (PIL). Sce le PIL à chersciüda negativa, ô chësc dì che le Paîsc, te dötes söes componëntes produtives (sides publiches co privates) s'à archité: mëndra produziun, mëndra spëisa, manco consums , manco investimënć, manco sorvisc. Te nosta Regiun é la percentuala de dejocupaziun ćiamò cotan plü bassa co tles atres Regiuns dla Talia. L’Istat dij che l’ultim trimester dl 2011 s’à stlüt ia cun en smendrimënt dl PIL dl 0,4% sön basa anuala. La cuestiun prinzipala romagn le dagnì d’Europa. Vigni crisa scassa inće sö la jënt y söa cosciënza, y mët da jì les reformes che va debujëgn. Chësc mioramënt podunse odëi śëgn. Dantadöt i problems lià al gran debit de val’ Statesc tl raiun Euro pësa

söles aziuns da tó, y mët sot presciun i marćià finanziars. I Paîsc tocà mëss ćiarè da pié indô la credibilité. Y al va inće debujëgn de na maiù cooperaziun tles relaziuns politichecnonomiches danter i singui Paîsc d’Eurolandia." Cô se stàra pa pro os cun les domandes do credit da pert de firmes y hotì? Àres dè do tl numer (tanć che fej domanda), àres dè do inće tl capital (tan de scioldi che ai mëss se imprestè)? "Tl secundo semester dl 2011 unse registré n regres dles domandes do credit, sides por ći che reverda le setur dles imprejes artejanales co inće le setur turistich. Sce i ćiarun a döt l’ann 2011, unse ćiamò registré na chersciüda dles domandes do credit tla mosöra dl 7,8%. Inće chësc ann é jüda inant la tendënza dl smendrimënt dles domandes, sides tl numer dles domandes co tl capital damanè. I s'aspetun che chësc trend de smendrimënt vais inant inće chisc mëisc, ajache i odun che les previjiuns de investimënć nüs te ampliamënć cualitatifs y cuantitatifs de imprejes de hoteleria o strutöres nöies artejanales o tl setur dles

'prömes ćiases' n’é nia d’or. Le sostëgn al’economia locala romagn nosc obietif primar, nos ćiarun da sostegnì iniziatives nöies d’investimënt, tan inant che i planns de finanziamënt sta en pe." Tan de families jones o singui jogn (percentuala sön dötes les pratiches) à pa la stënta por despaié jö le credit por frabiché la pröma ćiasa o abitaziun? "Atualmënter podunse dì che al n’é nia de gran dificoltês y che gran pert di impëgns da rates por credić por la pröma ćiasa vëgn paià puntualmënter. A gauja dl aumënt general dles spëises privates - an pò chilò inće recordè i cosć energetics y inće i bëgns de pröma nezescité jüs sö ti ultims agn - i réstel ales families dessigü manco scioldi da mëte da na pert. Al devënta intres plü rî da sparagné valch ala fin dl mëis y/o se fà na picera ’resserva’. Te cajo de nezescitês de spëises nia programades/preodüs (p.ej. barat dl auto, spëises por dënz, ez.) pòn osservé che chilò devëntel dessigü rî da afrontè chëstes spëises olache al é bele impëgns por rates da despaié jö la pröma ćiasa. Le consëi

che i dun é dessigü chël da sparagné y evité assolutamënter spëises che ne mëss nia ester." La crisa arlungia i credić? "I ultimi agn él gnü registré n arlungiamuent dla durada da paié de revers i impresć sön la pröma ćiasa. I sun passà mesanamënter dai 15 ai 20 agn, y te val’ cajo inće plü co 20 agn. Ći che i podun odëi śëgn da plü agn incà é che la jënt à manco scioldi y spënn demanco inće por i consums de pröm debujëgn desco le mangé. An mëss pesé fora avisa cô che an dà fora i scioldi. Inće les aministraziuns publiches taia les spëises." S’intenëise te osc laûr che i jogn se tëm deplü co dan da val’ ann da tó sö n credit? Cô s’intenëise pa, ći argomënć tira pa ca i jogn instësc? "Al n’é nia che i jogn se tëm. I jogn ô vire en pêsc, y la ćiasa dess restè inant le travert. La ćiasa é la basa por na familia, por na comunité via y na ’previdënza’ por canche i sarun plü ti agn. La problematica é plü co ater chëra di cosć che é chersciüs deplü co i davagns. Implü röiel laprò

che al manćia i sparagns metüs da na pert por pié ia. Ultimamënter pòn odëi che tröc jogn ne fej gnanca plü la domanda do n terac alisiré – ai se sprìgora a d’aldì i cosć di terac te valch de nüsc comuns. Sce na abitaziun ’alisirada’ po inće costè danter i 400.000,00 y 500.000,00 € é dessigü inće les alisiraziuns dla man publica trö’ massa piceres por afrontè le cost. La regola foss scëmpla por fà la pröma ćiasa: 1/3 dl cost messass le jogn/familia avëi da na pert, 1/3 po gnì finanzié dala banca y 1/3 messass gnì dala man publica. Mo ara n’é nia insciö y tl dagnì messaral gnì studié fora val’ alternatives che i vais adincuntra ales esigënzes dl debujëgn de na abitaziun y pröma ciasa. Le costruì te cooperatives é dessigü na alternativa al fà la ćiasa da su. Ara va chilò da fà n miù ’management’ dl costruì cun sparagn de cosć. Implö fóssel dessigü interessant sce les aministraziuns publiches ess la poscibilité da ciafè a desposiziun terac a n mënder cost. Chisc terac metüs spo a desposiziun dl frabiché podess gnì edificà tres proieć de cooperatives por pröma ćiasa che dess inće valuté la poscibilité da www.lauscdiladins.com

3


Zoom anuzé conzeć de scialdamënt inovatifs sciöche p.ej. scialdamënt a ziples, ez. por ćiarè che i cosć energetics di fabricać ne pëses indoman nia tan söles families." La Cassa Raiffeisen Val Badia conscidra inće dagnora l'andamënt dl turism, dl artejanat y dl laûr en general tla Val Badia y Fodom. Cares é pa śëgn por os - do la sajun da d’invern y amesa i intervënć de Mario Monti - les desfides? "Dessigü se fej sintì la crisa inće te nosta valada. An po indere di che l’ann 2011 s’à stlüt jö ćiamò scialdi bun por dötes les aziëndes. Tl artejanat él stè laûr assà, le turism à inće fat de bunes presënzes. Dessigü é por oramai düć i seturs jüda zoruch la spana de davagn. Inće les families, a gauja dl davagn che n’é nia jü sö, à tla realtè pordü ’scioldi da podëi spëne'. Gran pert di intervënć dl govern tecnich de Mario Monti branciarà impormò chësc ann y i proscimi. Porchël vàra da tignì cunt de chisc impëgns implü

nr. 11 / 16 de merz 2012

y programè aladô. Por ći che reverda le monn dl laûr tla Val Badia à l’ufize dl laûr bele la fin dl ann passè registré che te laûrs sajonai él stè manco domanda de personal y inće les spanes d’ocupaziun é te val’ cajo gnüdes mendrides. Na buna cualificaziun y plü flessibilité è dessigü ći che darà na garanzia implü por le monn dl laûr. Por la sajun da d’invern pòn dì che i volums d’afars, cun l’ezeziun dl comerz, é scialdi gnüs arjunć. La spana de davagn te val’ setur à inće al scumenciamënt dl ann registré na flesciun. Ći che é bun por nosc raiun é che tröc operadus turistics à investì ultimamënter te mioramënć cualitatifs. Chësc é atraënt por le scior y fej stè saurì inće i colaboradus dl setur." Al vëgn dit che i bugn tëmps é passà y che ći che i viun n’é nia ma na crisa, mo na epoca nöia? Messunse s’ausé a vire atramënter? "I viun tëmps de de gran mudaziuns sozio-culturales y

econoiches. Sambëgn sunse cherdà da spëne miù nüsc scioldi. Düć vëgn tocà da chisc debujëgns. Cun les reformes de Monti paiarà les families mesanes y les aziëndes tröpes cutes y impostes implü, basta ponsè al penzin che alza, al’IMU, ez.." Intervista: Iaco Rigo

Gustl Trebo, consulënt dles investiziuns y di credić pro la Cassa Raiffeisen Val Badia.

Da nos no l’é meseria, ma i segnèi no é bogn Na veièda a la situazion te Fascia da desferenc ponc de veduda, scutan sù operatores del ciamp istituzionèl e sozièl, del volontariat, de la banches e di ofizies del lurier L nosc l’é amò n raion privilegià, se metù a confront con la Tèlia o ence demò col Trentin. Chest l vegn fora ben chièr, a se vardèr dintorn e a scutèr i operatores de ogne setor economich e sozièl. Rejonèr de “meseria” te noscia valèdes somea béleche na touta per l nès ti confronc de chi che la meseria la padesc dassen. Purampò ence chiò entorn vèlch segn che fèsc cruzièr de chest vers se taca a l veder.

Servijes istituzionèi e sociazions de volontariat per responer al dejèje I é de pec te Fascia chi che se ouc ai portìe publics per chierir de se emprevaler di didamenc sporc da la Provinzia, desche per ejempie l “reddito di garanzia”, che pel vegnir domanà da chi che é te situazions economiches dassen zompes, e enscin ades te chest setor somea che no sie smaoramenc o caji neves. A sentir te chisc ofizies se à amò la percezion che chiò stajon ben, e che lurier n’é amò per duc, chi che demò à voa de fèr. Ence per chel che vèrda i servijes sozièi, i caji che i cogn tor dant no i é tant leé a la “meseria”, ma soraldut a dejèjes particolères, a livel psichich o de dependenzes. Na situazion de vera dificoltà economica che taca a se fèr sentir, da chel che ne vegn dit dai servijes sozièi, l’é chela de la jent de età che scomenza a no esser più bona de se la fèr cà enstessa. Fin canche la sanità va belebon, ence na persona de età la se rangia: per magnèr la se encontenta de pech, per grazia béleche duc à n cartier sie e no i cogn paèr fit, i pel domanèr ence l’assistenza a cèsa per rencurèr la persona o la majon. L grief rua se na persona no pel più stèr da soula, ma tel medemo temp no l’à problemes tant pesoches da ge fèr aer l’endenità de compagnament: enlouta doventa dassen senester. La meseria pel ruèr te na cèsa

4

www.lauscdiladins.com

ence de colp, per na mort o na grieva malatìa che no ge consent più de lurèr al capofech: te chisc caji, e n���é amàncol vèlch un duc i egn, ge vel dir che per grazia l’é l volontariat, e en particolèr la Crousc Checena, che con sia sezion de eles la fèsc ativitèdes desche pìcoi marcé apontin per didèr fora jent o families desfortunèdes, che padesc na emergenza sanitèra. La persones che se troa en dificoltà les pel se oujer ai servijes sanitères che fèsc la segnalazion, o diretamenter a la Crousc Checena, e chesta per ge dèr n aiut sobito, con la magnadiva che vegn da la Comunità Europea, e endrezèr azions de sostegn. Se cogn dir che la solidarietà te nesc paìjes la é dassen preziousa, e la permet de schivèr che a na meseria se n jonte amò de autres.

I problemes cresc, per impreses e families L piorament de la situazion economica taca a se fèr veder, ence tel setor de la banches. I bilanzes del 2011 à moscià n smaorament de la situazions de padiment o de dificoltà sui credic, enceben manco de chel che sozet utró, ma l numer de chi che cogn domanèr moratories l cresc. Tant l’ABI che la Provinzia de Trent à jà pervedù chisc intervenc per poder sperlongèr i termins de la rateisazion o “rinegozièr” l mutuo. La rejons de chesta dificoltèdes pel esser de desvaliva sort, per la impreses enscin ades più che problemes de mencianza de lurier l’era vèlch problem de paamenc no respeté da pèrt di comitenc: na impresa à si empegnes con lurieranc, stéores, e no encassèr o cogner spetèr massa l’é n problem. Ence per la families no l’é tempes sorii; béleche dutes à n mutuo o l fit da paèr, bèsta n pìcol empediment, n cost no pervedù, ence demò l smaorament de la speises per l sciudament e l cost de la vita da ogne dì, a front de n redit semper

medemo e che vèl semper de manco, a “se magnèr” chela pìcola soma che vegnìa metuda da na man. E chesta l’é valutazions fates su l’an passà, canche amò te nosc raion l turism aea “tegnù”. Ades ge vel veder co che la va a la fin de chesta sajon.

Omegn per strèda, joegn zenza prospetives Enscin ades, te noscia valèdes, no l’é mencià l lurier: chest fossa dalbon l maor perìcol de meseria. Ma vèlch segnèl pericolous l se lascia veder. Ence te noscia valèdes l’é stat firmes che à serà, e omegn, magari de 50 o 55 egn, de gran esperienza sun so mestier, con pec contribuc amò da concostèr per ruèr a la penscion, che se à troà de colp per strèda. E dò na vita passèda a fèr i artejegn, i à cognù jir a lavèr jù te n hotel o restorant. L’é da dir che te chest chèder l’é stat ence vèlch firma che i l’à fata “ascorta”: seran sù l’à metù en mobilità si dependenc e dò vèlch meis l’à endò avert e l’à endò tout sù i medemi lurieranc (o chi che ge scusèa de più, più joegn e gaerc) profitan di desgravies fiscai per l’assunzion de persones en mobilità. L zircol negatif de la crisa à si efec se sà ben ence tel setor turistich. N’outa, amàncol a n cert livel e per cerc lurieres, se domanèa capazità e profescionalità, ades enveze a aer più fazion l’é la desponibilità a fèr de dut e pertener pech. Piutost che personal spezialisà per i desferenc setores, vegn domanà “fac totum”, bogn de sutèr dut l dì da reception a miniclub, da bar a cèsa da fech e da sala a cambres. L’é sorì entener che a chesta vida la calità del turism no se n miora e per nesc joegn, che à jà pecia speranza de troèr n lurier da tant chiò entorn, dò chel che i à studià, se desfanta ence la prospetiva de n bon lurier, te nosc raion, tel setor turistich. Lucia Gross

“L’é l prum an che sention la crisa” Giorgio Mazzel da Vich, aministrador e patron de una de la maor firmes de muradores de Fascia, é belebon cruzià L moment de crisa economica taca a se fèr sentir ence da man di artejegn de Fascia. Giorgio Mazzel da Vich, patron de la firma Costruzioni Mazzel Srl, ne à dit che l’an passà d’istà l’aea 39 dependenc e 4 joegn da Vich touc sù desche garsons, ades l n’à 18 (doi laora te ofize) e jà n’é béleche massa ajache no l’à nience lurier per duc. “Te chest moment – à dit Mazzel – é 16 lurieranc te cassa integrazion e l’é 20 omegn che laora sui impianc portamont o te alberch che se spetassa de vegnir touc sù apenamai che i fenesc la sajon. I autres egn da chest ora i ne menciaa i omegn ajache l lurier l’era jà belebon, chest an son cruzià debel. L’é l prum an proprio coscita zomp. Previjion al lonch de n pec de lurieres n’é ben, zeche cognessa se mever, ma per ades pech e nia.” Chesta situazion de crisa somea slarièda fora te duc i ciampes, da l’edilizia a l’artejanat. Se sent de firmes che pissèa de ciapèr lurieres gregn e che enveze per endèna no pèrt e de firmes più pìcoles, che per solit laora con privac, che é zenza lurier percheche dut endèna l’é cet. “Da me l’é vegnù ence lurieranc de autre firme a me domanar de i tor sù – à jontà Mazzel.” De segur na situazion zompa che no fèsc pissèr a nia da bon. “Chel che me fasc cruziar de più - à dit amò Mazzel - l’é che coscita se cogn lasciar a ciasa la jent del post. Chi che laora dut l’an l’é extracomunitaries, la jent del post enveze la tacassa ite ades dò aer fat la sajon da d’invern zaolà utró. Gio da semper é le medeme persone, l’é jent che cogn tirar inant na familia, per chest me endespiasc e son n muie cruzià.”

Sensibilisèr l’aministrazions publiches

Giorgio Mazzel imprenditor e aministrador de Fascia.

che donca podessa ge meter ai lurieres publics – à spiegà Mazzel – bastassa demò mìngol più atenzion envers i artejegn del post.” Auter strument che podessa ge dèr sbunf a l’edilizia l’é chel de la perequazion, à amò dit Mazzel, e fosc duta l’aministrazions podessa se n joèr de più. Maor sensibilità vegn domanèda ence a duc i privac, de tegnir cont di artejegn de la val, percheche coscita i scioldi restassa sul post, i vegnissa investii endodanef e ence la banches dachelanvìa aessa più scioldi da dèr a d’imprest.

L Comun de Vich aproarà na varianta al pian regolator L’aministrazion de Comun de Vich é dò che la laora per aproèr l nef pian regolator che, se dut va ben, descheche à dit l’assessor Giorgio Mazzel, jirà en terza adozion per la fin del meis de jugn. “Col nef pian regolator sarà desvalive possibilità de smaoramenc de le prume ciase, che podarà vegnir sgrandide fin al 30% sot ai mile metri cubi e daron l met de uzar sù i sotcuerc de le ciase, fora che chi del zenter storich, olache se podarà ruar fin a n mascim de 1,70 metres de auteza. Speron che chest porte mìngol de moviment.”

Chisc dis passé, Giorgio Mazzel, che é ence vizeombolt e assessor ai lurieres publics del Comun de Vich, ensema a Massimo Debertol, Autres dac che fèsc cruzièr l’é president de la sociazion Artejegn chi che rua da la Cassa Edile de de Fascia e Giovanni Delladio, Trent. Giorgio Mazzel, che fèsc raprejentant responsàbol de pèrt del Consei generèl, disc che Confindustria Trent per la val de se à vedù n gran smaorament de Fascia, à abù na scontrèda col ores de cassa integrazion, n Consei di ombolc del Comun smendrament de la ores de lurier general de Fascia per ge prejentèr e, soraldut, n gran numer de firmes la situazion e per sensibilisèr che lascia sù. l’aministrazions a na maor atenzion Monica Cigolla envers la firmes de la val. L’ùltima prozedura en cont di apalc publics, che jirà en doura chisc dis che vegn, disc che canche l’é lurieres sot i 50 mile Euro l’aministrazion pel cerner enstessa a coluna firma ge dèr sù l lurier e enveze canche se trata de lurieres fin a 500 mile Euro l’amini-strazion cogn envièr amàncol 7 firmes. “Te Fascia l’é 5 firme che à la zertificazion SOA e La crisa taca a se fèr sentir ence te l'edilizia.


Zoom

nr. 11 / 16 de merz 2012

“La jent é plu puera, ma de stenta ne “Alcol, gouja de miseria” Intervista al diretour dl Ulss (Unité Locala Sozio-Sanitara) dl Agordin y dl Ciadoura, Sandro De Col pon nia ciamò rejoné” Intervista a Don Alberto Ganz, preve che gestesc adum con i autri plovans d’Ampez la Caritas dla cuera daidé te na maniera continuativa y materiala. Sce zacai à de bujegn de aiut ajache ai ne à nia i scioldi se paié da mangé, nos ti don pacli con mangiaria y ence n aiut psicologich, de chel che ai à davignora de bujegn.

La Usc: Don Davide, l ex degan de Cortina, ova dit tratant na perdica che la poverté é oramai ruveda ence te Ampez. Co vedeis pa vos chesta situazion? Don Alberto: A Cortina él da una na pert la jent che vegn en vacanza, jent che à na gran desponibelté de scioldi, ma da l’autra pert él la jent che viv chilò, ampezans y cortineisc che fej na vita normala, con na paga normala y che mess vive te n post tant ciaradous. Don Alberto Ganz.

Co fej pa la cuera a i dé na man a chestes persones? La cuera deida chesta jent, dantaldut les families, tres la Caritas. An mess ence dì che truepa jent che ess de bujegn ne vegn nia a damané aiut, ajache ai se dauda; an mess perchel daidé con delicateza, zenza umilié chiche vegn adalerch. Al é spo ence d’autres strutures che dà na man, sciche per ejempl la associazion “L’isola che c’é”, pice marcé olà che al vegn baraté fora guant adoré per mutons, davert na outa al meis.

Cie sort de aiut dà pa plu avisa la Caritas? La Caritas dla cuera vegn gestida da nos preves. Al ruva te calonia jent che ne giata nia da laour, families che se stenta da ruvé a la fin dl meis, umes soules, pers separés y dantaldut peresc che mess mantegnì fomena i mutons y che ne à nia plu i scioldi per vive. Nos ne ti damanon nia la situazion patrimoniala, ma i meton empò averda chi che i daidon; i ne volon nia mé dé scioldì una tantum, ma

É pa les persones che à de bujegn de aiut aumentedes te chest temp de crisa? Al é davignora sté persones pueres, ma les families con problems economics é aumentedes: jent che nes damana scioldi per paié l “asilo nido”, ajache trami doi i genitours mess laoré per tré a la fin dl meis, per ejempl. Pòn donca dì che Cortina é te na situazion de poverté, da vos enfora? Les families ne viv nia ciamò tla poverté, ales é deventedes plu pueres, chel ben. La jent mess mefun mete man da taié i optionals, i hobbys, i caprizi; chi che mess taié i bens de pruma nezescité é per fortuna ciamó na minoranza. (Intervista de katia pizzinini)

La poverté ruva ence a Cortina “Tres deplù jent puera ence te Ampez, ma la daudanza i arfereia da damané aiut”, enscì la assessoura al sozial dl comun de Cortina, Giovanna Martinolli Ampez - Richeza y benester é davignora jus deberieda con l inom de Cortina, perla dles Dolomites y localité dles vacanzes de trueps vips. Ma ence chest paisc, che vegn araté da truepa jent tant rich, sent la crisa. N valgunes families é bele judes a clocheré pro les portes dla Caritas dla cuera ampezana a gouja dles gran dificoltés da ruvé a la fin dl meis. A dé chesta notizia él sté l ex degan de Cortina, Don Davide Fiocco, tratant na perdica tegnida na domenia de november. N gran alarm tla ousc dl degan, che à rejoné de situazions de emergenza y de poverté che à porté val’ familia a jì a damané n aiut a la gliejia. Al ne ti fova mai ciamò sozedù, à dit Don Davide, da messei adoré i scioldi dla Caritas per daidé families dl post; scioldi che vegniva scialdi destinés a jent puera fora per l mond. É la crisa donca ruveda ence a Cortina? I nen n’on rejoné con la assessoura al sozial dl comun de Cortina d’Ampez Giovanna

Giovanna Martinolli.

Martinolli: “La jent puera se lascia audí plu gen pro i preves, te calonia, luech plu intim olà che ai pò declaré chest malester. - dij la assessoura - Te comun él puecia jent che vegn a damané do aiut, ence fosc ajache la daudanza y la dignité, tipics dla jent che viv tla mont, i arfereia.” L comun i garantesc ai zitadins i servisc sozio-assistenziai, servisc per evité situazions de poverté y de malester y ti va encontra ai bujegns dles persones y dles families. Chisc intervenc ti vegn pités a mutons, joegn y jent atempeda, a persones invalides y portadours de handicap y a families con problems economics y soziai; al ti vegn pité servisc de prevenzion y de reabilitazion te caji de dependenza y de reinseriment de jent che é steda sareda via.

Mé un n caje de contribut minim vital L contribut minim vital é samben ence prevedù dal comun ampezan, ma “efina sen él demé sté fat una na domanda per giaté chest contribut”, nes spliga Martinolli che ne pò nia nes dì deplù per motifs de privacy. L contribut minim vital vegn dé fora aldò de na analisa dla situazion patrimoniala, sciche fat fora a livel nazional. Chest mess ence vegnì fat per les domandes de assistenza a ciasa, garantida a persones atempedes, che vegn ence daidedes dal comun sce ales ne à nia la poscibelté da paié la ciasa de paussa, ma ence a jent plu joena che ne é nia tles condizions da podei

laoré, persones che à problems de dependenzes, o malaties psichiches per ejempl. “Da me enfora ne pòn nia ciamò rejoné de poverté, - nes dij la assessoura Martinolli - ma de jent che é deventeda plu puera.” Al é per chest che l comun de Cortina se dà da fé per prevenì chest malester y per daidé, dantaldut families, che é bele te na situazion erta.

Aiuc per les families “Les scomenciadives reverda dantaldut mutons y joegn, che fej fora l cost plu aut per les families” - dij Martinolli, che enjonta - I don fora la ‘Carta Giovani’, che i dà la poscibelté ai joegn da giaté desconc, emplù ti végnel garantì ai scolés l trasport debant, ence fora dai orars de scola, trasport che é debant ence per la jent atempeda. Ai scolés dles scoles mesanes i végnel spo empresté fora i libri y a la scolina i végnel dé n finanziament per alisiré ciamò deplù les speises dles families.” Martinolli é dla convinzion che la situazion a Cortina ne sie nia ciamò tant pesocia, “ajache al é per fortuna ciamò da laour, truepa jent vegn adalerch dai paisc vejins per laoré.” Ma sun l davegnì é la assessoura n puech plu dubiousa: la sajon da d’invern ne é nia jida tant bon, a gouja dla puecia neif, ma ence per via dla crisa che manacia les gofes di talians, che, malsegurs de cie che sozedarà, pensa soura does outes dant che spene. (katia pizzinini)

La Usc: Con l aument dles tasses y plu en general dl cost dla vita él tres deplù persones che se giata te de gran dificoltés economiches. Cie podeis pa vos nes dì? De Col: Chest é n ann bindebò pesoch per duc i talians, donca ence per l Agordin y per l Ciadoura, che à vedù na gran contrazion dl turism. Cales é pa les conseguenzes de chesta crisa economica, da vost pont de veduda? Ie, sciche diretour dla Ulss, é podù vedei n aument de situazions de ruina dantaldut de persones che à na eté anter i 50 y i 60 agn, persones che viv ai ours dla sozieté, de spes te abitazions nia adeguades, enfinamai zenza ega, lum o sciaudament. An mess dì che al é pa ben ciamò puec caji, ma ai é tres plu sovenc. Co se comporta pa l Ulss y i assistenc soziai te chisc caji? La pruma manscion dl Ulss é chela da descorì i caji, ajache les persones che à de bujegn ne va scialdi mai a damané aiut. Nos on metù su na rei de ofizi per arvejiné i comuns y i paisc ai assistenc soziai, ma tla maiù pert di caji él familiars, compagns o vejins che vegn a dé dant l caje de malester. Emplù onse ence metù da jì colaborazions con i dotors de familia che viv te paisc, che conesc certes situazions y che pò plu saurì se mete en contat con nost personal.

Cales é pa les categories de persones che à plu de bujegn de aiut? Les situazions plu ertes é te cheles families olà che al é una o deplù persones alcolisedes. L alcolism é pu una dles goujes dla poverté, ajache i alcolisés perd de spes l laour. Caji, ma plu limités, él ence per cie che reverda d’autres dependenzes, per ejempl les droghes o l viz dl juech che vegn sen conscideré na dreta dependenza. De chest se ocupeia i Ser.T o Ser.D (Servizi territoriali per le Tossicodipendenze /Dipendenze) Él ence families olà che al né é degugn problems de dependenzes che se giata te dificolté? Ence te chisc caji ne se lascia les families nia audì diretamenter pro nos; son nos che descorion i caji, can che i vedon che al é per ejempl persones che mess renunzié a servisc de assistenza a ciasa o a sojornanzes te ciases de paussa ajache ai ne pò nia se l permete. É donca ence la jent atempeda na categoria che se stenta? Sci, dantaldut a gouja dles pensions tant basses. Enlaouta fòvel i familiars che podova i daidé, aldidancuei à gonot les families joenes enstesses problems economics. Nos on la poscibelté, tres la Region, da dé fora scec de cura per daidé chestes persones che à de bujegn de chisc servisc. (Intervista de katia pizzinini)

Venet, pueri en aument I on rejoné con l assessour per l sozial da Fodom, Claudio Sorarui Fodom - Anter l 2009 y l 2010 é la jent puera tla region dl Venet aumenteda . Chest é cie che é vegnù fora dal raport dla Caritas y dla Fondazion Zancan sun la poverté tla Talia, dé fora dl 2011. Nos on rejoné de chesta chestion con l assessour per l sozial dl comun da Fodom, Claudio Sorarui, che ne veid la situazion de crisa ti paisc fodomi nia ciamò tant foscia. "Per fortuna onse ciamò l turism che nes garantesc posć de laour." Ma les coutes, i prisc y plu en general l cost dla vita, é cherscius truep ti ultims temps. "Families te de gran dificoltés y genitours che mess laoré trami doi per ruvé a la fin dl meis él saben ence te Fodom", nes dij Sorarui. Fosc fossa la soluzion n 'asilo nido', "ma i cosć de na tel strutura é massa auc per na val con tant puec abitanc sciche Fodom", spliga l assessour, che conta spo dl projet regional 'Nido in famiglia', che i dess la poscibelté a na uma da gestì n 'nido' da d'ela a ciasa, projet che ne é endere nia ciamò vegnù concretisé. Emplù i va l comun encontra a les families con deplù sortes de contribuc, sciche per ejempl aiuc per i scolés che mess jì a fé les scoles autes foradecà, ajache te Fodom ne n'éles nia. Dificoltés él ence per la jent atempeda, che ne à de spes nia i scioldi per se paié la sojornanza

te na ciasa de paussa. Ence ai manco joegn ti va encontra l comun, dantaldut cialan da mantegnì basses les cuotes dl ospize. "Autri servisc soziai, sciche per ejempl servisc de assistenza a ciasa, che ti spetassa per dret al comun, onse deleghé a la Ulss", conta l assessour. L comun à enstess de gran dificoltés economiches, nes confesseia Sorarui: "l Stat nes à taié i contribuc, con la poscibelté da aumenté les tasses locales, ma chestes jiss a pesé ciamò deplù sun les gofes di zitadins y chest ne volessan nos nia." L comun à spo ence metù da jì n projet per daidé joegn con dificoltés che se stenta da ciapé n laour. "Enfina sen onse daidé doi joegn, i ti on chirì na ocupazion y ti on dé la poscibelté da se davagné zeche." Per cie che reverda endere l contribut minim vital, nes dij Sorarui che al ne é mai ciamò degugn che l à damané. "La jent de mont fej fadìa a damané aiut, i son persones ausedes a se rangé y a se tré fora da sousc da les situazions ertes", enjonta ciamò tla fineda l assessour che é dla convinzion che ence sce la crisa é, ne pòn nia ciamò descore de poverté, ma mé de n temp olà che la jent mess sparagné deplù, con la speranza che l davegnì sie miour per duc. (katia pizzinini) www.lauscdiladins.com

5


Atualité

nr. 11 / 16 de merz 2012

Aiut Alpin Dolomites Nce chëst’ena iel stat truep da fé per la scuadra dl Aiut Alpin. L fova dantaldut da fé ntervënc sun i purtoies y plu iedesc iel suzedù che doi persones che jiva cun i schi ie frides adum. Danter l auter iel suzedù che sun Ciampinëi sun l purtoi 3 se à n ël de Roma giapà na gran scasseda al cë y l se à nce rot na sciabla firan adum. Te chisc caji iel n iede da valuté tan mel che i doi desfertunei se à fat y pona muessen tò la dezijion ciun che à plu debujën dl dutor. Te vel’ caji vëniel nce ciarià tramedoi tl joler y menei deberieda cun l joler te spedel. Ma l possa nce suzeder che n se fej mel da fërmes. Chësc iel suzedù a La Ila dlongia la utia Sponata, ulache n’ëila ie tumeda da ferma se rumpian l os dla cuessa. La cuessa ie for na pert dl corp ulache l passa de gran arteries y n muessa dassënn mëter a verda coche n ti juda al pazient. L joler che mëina l pazient zënza de gran scassedes

tl spedel ie te chisc caji de gran mpurtanza. N ntervënt particuler iel stat a Dorf Tirol ulache n ël che njeniova ca l verzon ie tumà cun la mascin da auté la tiera sëura n mur ju se rumpian plu rëpes y se stentan nscila dassënn a tré l fla. L dutor deberieda cun n dutor che fova ntant ruvà cun n’ambulanza à messù l curé sun l post y l ntubé ti fajan nce na drenage al piet. Da dedò l àn trat su tl joler cun la binda ajache te chëla luegia ne fòvel nia puscibl dé sëura y do chël iel unì menà cunb l joler te spedel. Nia da n fé ne n’iel stat per n’ ëila de 70 ani de Albions. Ëila fova jita a crì la ujina y te si stua iela tumeda ntëur. N à purvà a la reanimé ma l ne à nia juà. L dutor à mé plu pudù scrì ora l documënt de mort per l bòt. Scialdi mel se á fat un che jiva cun i schi sun i purtoies de Gardenacia. Tuman se àl trat ora de luegia n uf. L dutor à messù ti dé velch contra l mel y do chël l àn ciarià y menà cun l joler te spedel

de Armin Moroder per la cures. L ntervënt ulache n possa vester cuntënc de avëi salvà la vita a na persona ie stat pra la stazion japé dla furnadoia de Col Raiser. N ël tudësch de 62 ani fova arsì nsëuralauter canche l fova unit ora dla ferata Gardena Ronda. Riesc fova i uemes dl sucors dla Crëusc Cuecena y di Carabinieri iló y i à scumencià cun la reanimazion. L dutor dl Aiut Alpin ie unit adalerch cun l defibrilator y à riesc tacà ite la mascin che à inò fat bater l cuer. Canche l ël fova mpue’ miëur l àn ciarià tl joler y menà de prëscia a Bulsan. L melcapità possa zënzauter rengrazië duta la urganisazion de sucors sce l ie mo n vita. Da nunzië iel nce mo n ntervënt sun l purtoi Altin a La Ila, ulache n seniëur dla Republica Ceca fova tumà dassënn. L fova bele danter ëures y l surëdl fova scialdi bas. L rai dl surëdl ti à tëut la vista y nscila iel frit cun n gran sgors te n mudl de nëif. L à batù l cë y ie restà pundù sun l purtoi zënza dé batimënt. Canche i uemes dl sucors ie ruvei ài riesc udù che l cuer se ova fermà y à scumencià cun la reanimazion. Nce cun l aiut dla duturëssa dl Aiut Alpin che fova prësc iló iesen stac boni de l reanimé. da dedò l àn ciarià te joler y julà te spedel. Ël se ova nce fat mel al spinel.

Dancà y da na pert Uedli y oredles daverc sun la sozieté ladina d’aldidancuei Lara Lanfranconi dla Valle d’Intelvi, danter i Lec de Lugano y Como

Cie ie pa plu bel, l’ega di lec o la nëif di crëps? L’ega dl mer.

la va for inant, cun na scumenciadiva ndol’autra, chiran for zeche de nuef.

Co pa che sëis pona tlo te Gherdëina? Per lëur, feje la ciulea te na ustaria a Urtijëi. Perdrët sons na guida turistica, lëur che é fat dantaldut sun y pra l Lech de Como; y jiré inò de reviers a fé chësc lëur.

Cie Ve faszinea pa de nosta valeda, de nosta cuntreda? L ie de cër’ velch n mond fantastich, cun i crëps, i bòsc, son for gën tlo. Canche vede inò a cësa iel per mé coche jì de reviers tla realtà. Ma posse dì cun legrëza che me sënte da cësa, tlo te Gherdëina, cun duc i luesc y duta la jënt che cunësce bele da n struf incà.

Da tan de ani sëis’a bele tlo y cie Ve sà pa bel de Gherdëina? Son tlo dal 1997 incà, vënie for mé d’inviern. Tl prim sons jita a lauré tl Hotel da Mauriz, tl miniclub. Ie rate che l ie stat un di prims sce nia l prim hotel te Gherdëina che à metù a jì vel’ da de tel per i mutons. Do cin’ ani sons jita a lauré pra la Scola de Schi de Urtijëi, ulache é fat la secretera y animatëura. Śën lëuri coche dit te na ustaria, l Soviso, sun Plaza Rezia a Urtijëi. Cie ie pa l bel a lauré te na ustaria? Positif me sà for l muvimënt, sce n possa dì nscila, che l ie for l mesun de ciaculé cun la jënt. Sëis jita pea cun la patrona Lotte Nogler? Sci, for, ajache per mé iela plu che na cumpania, la ie na forza dla natura, per mé iela coche n simbol, la ne se fërma dan a nia,

6

www.lauscdiladins.com

Jëis’a cun i schi? Chëst ann mé doi iedesc, ma vede gën a spaz y a sauté ite y ora per la bela cuntreda, sambën nce cun la peves. Na cualità dla jënt de Gherdëina, y, sce l fossa, n pitl defet? Na cualità me sà a mi coche la jënt viv la natura, coche la viv tla natura, coche duc possa se muever, nce i mutons, fajan sport, te n liam tan strënt cun la valeda. Coche pitl defet iel scencajo che la jënt de Gherdëina ie datrai mpue’ plu stluta che no chëla da ulache ie vënie. Sëis’a single o lieda a zachei? Da doi mënsc incà éi n raport, che me dà na gran legrëza. Ntervista: David Lardschneider


Atualité

nr. 11 / 16 de merz 2012

L’Europa di lingac de mendranza y de raions

Volei y podei

L consei di ministri a Roma à finalmenter aprové la “Charta Europeica di lingac regionai y de mendreanza”

Te chesta Charta per i lingac él metù ju ence provedimenc y intervenc che i Statesc dess tò per sconé y valuté i lingac de raion y de mendranza. I Statesc partners dla convenzion (Charta) s’à impegné sun n catalogh de 98 provedimenc, de chisc dessi nen realisé almanco 35. La Talia à la Lege 482 dl 1999 che trata “normes per la sconanza dles mendranzes de lingaz storiches”, na lege nazionala senza liam internazional, ma con referimenc importanc sot l art. 2 a “la Costituzion dla Talia, art. 6” y a “i prinzips generai fac fora dai organisms europeics y internazionai”; te chest art. 2 dla Lege 482 végnel ence dant l ladin tla lista di dodesc lingac da sconé y promueve. La Lege 482 se muev me a livel dla Talia, ma é plu davejina a les dodesc mendranzes de lingaz y se muev te projec concrec. La Charta d’Europa pér me na sort de manifest, sceben che duta l’importanza sta tl liam de trueps raions y lingac de mendranza tres i medems problems y debojegns che les mendranzes à. “Mendranzes” é te chesta Charta me i lingac cherscius te n raion ben termené, nia en consciderazion ne végnel tout i lingac de imigranc. Na Charta internazionala oblieia samben ence i Statesc che l’à sotescrita a se dé da fe y fe na bela o burta paruda dant ai autri, me che sanzions per ne fe nia, n’él nia prevedù.

va inant da la pruma plata

de plu unions y assoziazions che se dà ju con la sconanza dles mendranzes y dles cultures plu raionales.” Cie vuel pa dì chesta cherta per la comunité ladina y todescia tla Talia? “Che al é dan man na cherta plena de disposizions per fe ativamenter valch per i pitli lingac. Te dutes les leges y normes che i on vaen dret saurì a perde, na Charta internazionala é truep y dij truep.”

Ciuldì àla pa duré tant giut che la Talia ratificheie chesta Charta? “L parlament à puech influs sun l iter de ratificazion, al é l govern che mess avei dut l interes. Tla Talia éla ence enscì che cie che n’à nia n termen avisa n’à nia prescia.” Aprové na cherta internazionala vuel dì cialé ence soura i confins che an à fora? “La Talia se oblieia ence foradecà de tegnì sun sies mendranzes y da les sconé y promueve. Laprò vegn ence la garanzia internazionala y europeica che na mendranza arjonj con na chesta Charta.”

Cie oblianzes à la la Talia dlvers di autri statesc partners dla convenzion (Charta)? “La Talia lasciarà al savei a livel europeich tres l govern cie intervenc che vegn metus de jì per la sconanza dles pitles comunités de lingaz. Tl concret él indere da dì che per la Talia él dantaldut na oblianza morala dant ai statesc tl’Europa.” I ladins dles Dolomites adoressa na lege concreta che i garantissa a duc i ladins, te dutes les cinch valedes, n insegnament dl ladin te scola. “Per arjonje chisc fins éles pu

L senatour Manfred Pinzger: "I ladins de Souramont podessa pesé, anter l auter, ence sun chesta Charta d’Europa per damané l insegnament dl ladin te scola."

chilò chestes leges y Chertes! A chesta Charta dles mendranzes pòssen fe riferiment, y an po pesé dassen lassoura, can che an damana l ladin te scola per duc i ladins, ence chi che n’é nia tl Südtirol y tl Trentin.”

L govern Monti con l president dla Republica Taliana Napolitano.

Tant important él pa per vos che na mendranza sciche la ladina ae n lingaz unitar? “I ladins instesc mess savei cie che ai adora y cie che va debojegn per si lingaz y l svilup de chest. Les dezijions per o contra n lingaz unitar ladin ne possa nia ester me politiches y ne possa nia gnì toutes soura i cefs di ladins via.” (intervista: Iaco Rigo)

Iaco Rigo

www.lauscdiladins.com

7


Atualité

nr. 11 / 16 de merz 2012

La forza de noscia autonomìa! La manifestazion per soscedèr sostegn e reflescions su l’emportanza de l’autonomìa del Trentin à vedù la partezipazion de presciapech mile persones

Presciapech mile jent da duta la valèdes del Trentin, e n bel grop ence da Fascia, se à binà con bandieres e tabeles per la manifestazion su l'autonomìa.

Trent - De presciapech mile i é rué en sabeda domesdì a Trent, te Piaza Battisti, per la manifestazion a sostegn de l’autonomìa, na scomenzadiva voluda da n grop che aea anter i promotores l storich Lorenzo Baratter. Tropes era de partegnuda e spirit autonomistich, etres raprejentanc del mond de la politica e de la istituzions, ma ence jent normala, ruèda a Trent da duta la valèdes del Trentin, per testimonièr a na vida scempia e zenza massa ac che noscia autonomìa l’é vèlch da prezious, che l’à da esser defenuda ma ence gestida delvers, e che de chest, tropes i é en consaputa. Ence se vèlch sfoi regionèl à rejonà de “flop”, ampò la manifestazion de sabeda passèda, che se à metù dant desche prum vèrech per creèr n moviment trasversèl che posse rejonèr e ence lurèr concretamenter su la costions che revèrda l’autonomìa, l’à abù na bona partezipazion e la é jita belebon, enceben che de segur a livel organisatif vèlch aessa podù vegnir fat miec. N muie de bandieres de la Provinzia de Trent e ence vèlch una coi trei colores ladins dajea color a na piaza olache, se à binà ence n bon grop de fascegn, e anter chisc ence esponenc politiches e istituzionèi. Saludé da mingol de musega, sun paladina se à enterzà desdot raprejentanc di desvalives “mondi” del Trentin portan dant riflescions, conscidrazions, provocazions o revendicazions. N numer mìngol

Anterite fajea bela parbuda ence la bandieres ladines.

8

www.lauscdiladins.com

massa gran, fosc, aessa bastà na dejina: enceben che l prejentador Gabriele Buselli aesse vardà de fèr stèr ite ogneun tel temp pervedù de cinch menuc, se sà che a la fin, dò 2 ores e mesa de ciacoles, ence la piaza se aea belebon sbetà. Ence percheche l’amplificazion no l’era de la miores, e se stentèa mìngol a sentir i intervenc.

respet per la regoles, de joegn e de voa de davegnir. N intervent autertant pizochent é ruà da na ousc deldut desferenta, chela de Diego Mosna, che l’à portà l’orgolie trentin tel mond con l’Itas Volley, ma l’à ence sbachetà nesc politiches che no i se à arbassà la indenità e l’à spongonà duc i trentins a fèr sia pèrt per sia tera.

N mosaich de oujes dai raprejentanc di desvalives “mondi” del Trentin

Maria Piccolin: l besegn de autonomìa di pìcoi popol zenza stat

Ma aldelà de vèlch critica a l’organisazion, la manifestazion à garatà, e i intervenc à fat ressonèr fort e chièr l besegn de ge recordèr ai Trentins che l’é benfat che duc fajassane vèlch per stravardèr noscia autonomìa, e de ge dir a chi da fora che no volon segur se la lascèr tor demez. Sia emportanza é stata uzèda fora da Enrico Bolognani, jà defensor zivich, e del patrimonie storich de noscia comunanzes à rejonà l scarie de la Comunità de Fiem Giuseppe Zorzi. L’ejempie de aministrazion de la Frazions é stat portà dal president de le Asuc del Trentin Roberto Giovannini, chel de la cooperazion da Luciano Imperadori; l’emportanza del lurier di bachegn da Silvano Rauzi e chela di imprenditores da Ilaria Vescovi. No l’é mencià la testimonianzes de trentins “a la foresta”, e de chi che se à troà fora da si confins zenza se mever, chi da Magasa e Valvestino, che à perdù l’autonomìa con la vera, e che i à revendicà l derit de fèr endò pèrt de chesta region, recordan ence i “parenc” da Ampezo. N mosaich de oujes desferentes, vèlch una più nostalgica e magari retorica, autres più modernes e propositives. Desche chela del prof. Paolo Toniolatti, che a inom del Zircol Gaismayr l’à rejonà de autonomìa desche vida de esser de la jent trentina, de identità (parola che se la crea problemes la pel ence vegnir mudèda con “partegnuda”), ma che ampò la disc l conzet de no esser ne taliegn ne todesc. Ma l’à rejonà ence de sentadins che pel dezider e cerner con responsabilità, de convivenza (autonomìa e convivenza l’é l mot del Zircol Gaismayr), de besegn de verjer e no de serèr, e ence de legalità e

A rejonèr del raport anter autonomìa e mendranzes l’é stat envià la storica da Moena Maria Piccolin. Portan l salut ti lengac ladin, mochen e cimber, Maria Piccolin à recordà che l popol ladin vif te chisc teritories da n muie dant che i taliegn e i todesc, ma l’é stat tras metù te n cianton. E tel centené passà, endèna che crepèa fora la polemiches nazionalistiches anter taliegn e todesc, i ladins à renforzà sia coscienza linguistica e identitèra. “I ladins – à scrit Maria Piccolin te l’intervent per la manifestazion - no i à e no i à mai abù vindedò n sie stat, e i cogn per forza se pojèr a na “potenza esterna”, ma chesta cogn ge arsegurèr sia autonomìa. L’autonomìa la é fondamentala per la soravivenza de la mendranzes linguistiches. Anchecondì te la Provinzia de Trent la mendranzes à na bona tutela, per se n render cont bèsta veder co che stèsc i ladins de Fodom e Ampez, che no i à nesciuna autonomìa. Per chest aon ence la responsabilità de cogner se meritèr chesta gran defendura, e esser stolc de esser na mendranza linguistica, che l’é n valor e na richeza per dut l teritorie. Ampò – l’à jontà ite – no l’é vera, descheche disc zachei, che la mendranzes l’é la rejon de l’autonomìa. No serf che dut l Trentin sie ladin per esser autonom: autonomìa vel dir autogoern e indipendenza, conzec semper defenui te la storia de la valèdes del Trentin, e tras porté inant travers la regoles. E per onorèr duc i sforc fac da nesc veies per defener e portèr inant l valor de l’autonomìa nos anchecondì cognon la cognoscer – e donca va benon la studièr te scola – ma soraldut cognon la viver, e per chest me sà giust e emportant esser chiò anché”. (Lucia Gross)

Dolomites Patrimonie Unesco, obietif mobilità L’é l tìtol del convegn en program ai 23 de mèrz endrezà da la sociazion Transdolomites Mobilità sostenìbola - Da egn empegnèda sui temes de la mobilità e de l’energìa sostenìbola, la sociazion Transdolomites no cognosc paussa e la séghita a se dèr jù con gaissa e determinazion per slarièr fora semper de più la sensibilità e la consaputa te la popolazion. L’ù l t i m a s co m e n z a d i v a perveduda l’é l convegn “Dolomites Patrimonie Unesco: obietif mobilità”, metù a jir col patrozinie del Comun e del Consorzie Eletrich de Poza, en program per i 23 de mèrz a Poza, te l’auditorium de la scoles mesènes a pontèr via da la does domesdì, che portarà dant desvalives intervenc e l se sturtarà sù con na meisa torona sul tem de la mobilità sostenìbola tel raion dolomitich. L’obietif l’é chel de meter a jir n percors che, pontan via da la ferates storiches Ora - Pardac e de Gherdena, travers na reflescion su la potenzialitèdes de la mobilità de la ferata de anchecondì, posse menèr a proponetes per l davegnir, con chela de pissèr n model de mobilità sostenìbola te la region dolomitica patrimonie Unesco. L program perveit i intervenc de Claudio Pedrazzini che rejonarà

de la ferata de Gherdena; Rolando Cembran che portarà dant l liber “Un binario per Fiemme” e mosciarà l documentèr del regist Luis Walther “Un tram per il fronte delle D olomiti”; Andre a Debernardi, su turism, mobilità e entesseament atmosferich; Giuseppe Scaglione e Thomas Demetz de l’Università de Trent, con n percors de enrescida su la ferata dolomitica; Giovanni Saccà de l’Università de Verona, su la evoluzions tecnologiches de la ferata da mont. E amò referac de Marco Melchiori, vize diretor de Confindustria Belun e Marco Danzi de la Qnex de Busan. L convegn sarà ence l’ocajion per enaudèr la mostra del projet esecutif de la ferata del 1904 per l coleament Lavis-CembraCiavaleis-Moena di enjegneres Stern & Hafferl de Viena e la mostra dedichèda al projet de la ferata de Gherdena, con la consegna a na delegazion austriaca del Cd con i retrac del projet austriach del 1904 de la linia LavisMoena, troé fora del 2010 te l’Archif Storich de Trent. Duta la popolazion la é envièda de cher a tor pèrt a la scomenzadiva.

Contribuc per ressanamenc L Comun general dèsc sostegn a la joena cobies o a la families granes per lurieres de miorament energetich de la pruma cèsa Dal prum de mèrz se pel fèr domana de contribut per fèr intervenc de ressanament e miorament energetich te la pruma cèses. La Jonta provinzièla à aproà i criteries atuatives de la lege provinzièla che perveit didamenc a l’edilizia e al miorament energetich te majon e la ge dèsc sù a la comunitèdes de val l’endrez de chisc intervenc. L Comun General arà a la leta 410.000,00 euro per cobia joenes e per chi che vel se maridèr e 819.000,00 euro per etres che vel fèr domana. L miorament energetich de la majon l cogn esser maor che 10 kW/ora per meter quadrat, te l’an, per poder se emprevaler del contribut, che l’é del 30% del cost ametù de €110.000,00, opura de € 120.000,00 per la families con amàncol trei fies. Per la cobia joenes, i convivenc (maridé da amàncol un an e da no più che cinch) e per chi che enten se maridèr, la perzentuèla de contribut la é del 40% del cost ametù a contribut. I contribuc no pel vegnir metui ensema con etres contribuc provinzièi o con etres didamenc fiscai nazionèi (per ej. co la detrazion del 36% o del 55%). L’é pervedù doi trac de temp per portèr ite chesta domanes, dal prum de mèrz ai 16 de oril del 2012, opura dai 15 de mé ai 29 de jugn del 2012. L Comun general metarà jù, duta doi la outes, na graduatoria per la

categorìa cobia joenes e joegn che vel se maridèr aldò del miorament energetich, di egn de residenza tel Trentin e aldò de l’ICEF e n’autra graduatoria per duc chi etres che fèsc domana e che porta n ICEF anter 0,15 e 0,39 aldò del miorament energetich che i arjonc co l’intervent che i vel fèr te cèsa. Chi che enveze no i é ite ti parametres ICEF o che nience lo prejenta, i pel se emprevaler del contribut demò per intervenc de isolazion di mures, del sotet e del cuert, per ujes, fenestres e portìe e chest vegnarà ametù a contribut se vanza amò scioldi dò che l’é stat ametù a contribut l’autra domanes. La Procuradora Cristina Donei sostegn che te chest moment zis delicat per l sistem economichsozièl e istituzionèl del Trentin, la Jonta provinzièla é stata bona de didèr l’edilizia, n setor economich tel Trentin che sent maormenter la crisa. “Peisse che demò a livel soracomunèl posse vegnir endrezà al miec chisc intervenc, vardan de didèr dò l svilup edilizie, l miorament energetich e l sostegn a la families, con gran respet per l teritorie, ajache i contribuc vegn dac fora demò per fèr fora cèses e no per n fèr sù de neves”. Dal sit Internet del Comun general de Fascia se pel desćiarièr i papieres per fèr jù la domana de contribut e lejer autra ùtola informazions.


Université

nr. 11 / 16 de merz 2012

Acordanza Laimburg - UNI Bulsan

Simulazion dl ejam

Na rei tl setour dla enrescida y la proposta de projec de enrescida deberieda dess aumenté l’atrativité dla region per enrescidours y joegn scienziés - anter l Zenter de enrescida Laimburg y la Université Ledia de Bulsan él vegnù sotescrit na acordanza

L ann passé ova trueps candidac abù dificoltés con l ejam de amiscion per l stude de cinch agn de “Scienzes dla Formazion per l setour primar”. La Facolté de Scienzes dla Formazion organiseia perchel na simulazion dl ejam de amiscion. Chesta vegnirà tegnida ai 2 d’auril da les 14.00 tla ULB

Per la ULB à tout pert l president prof. Konrad Bergmeister, l retour prof. Walter Lorenz y l degan dla Facolté de Scienzes Naturales y Tecnica, prof. Massimo Tagliavini. Per l Zenter Laimburg à sotescrit l’acordanza l president dla Provinzia de Südtirol Luis Durnwalder y l diretour dl zenter Michael Oberhuber. “Na enrescida naturalistica se damana la creazion de reis istituzionales”, à auzé fora l retour Lorenz. “Ie veide de bon uedl la colaborazion plu strenta con l zenter Laimburg, deache enscì pòl vegnì porté ite nosta espertisa de enrescida; la enrescida de basa y la enrescida aplicheda se completeia miec. Chest i uega a la produzion agricola y sostegn tl medem temp te chest ciamp la scienza a livel internazional.” La colaborazion dess vegnì costruida sun la basa de priorités de enrescida dla Université Ledia de Bulsan y dl Zenter Laimburg. Chisc ciamps vegnirà fac fora y atualisés tres encontedes regolares anter i organs de direzion che fistidieia dla enrescida. Chisc à l’intenzion de laoré fora condizions de cornisc che reverdarà en particolar: l’acompagnament

Sotescrizion dla acordanza: l retour dla Université Walter Lorenz, l president Konrad Bergmeister, l president de Südtirol Luis Durnwalder, l diretour de Laimburg Michael Oberhuber y l degan d’Université Massimo Tagliavini.

deberieda di laours de diplom, laours de master y disertazions, domandes deberieda per projec de enrescida, na atribuzion adateda de publicazions y d’autri mesums, sciche ence l impegn per dé inant l savei. “Tres chesta acordanza végnel formalisé na anuzeda reziproca dles infrastrutures, ma ence la cerna de temesc de enrescida, che é de enteres per trames les perts. Enscì eviteien che i temesc vae ensouralauter”, spliega l president dla Université prof. Konrad Bergmeister. L’acordanza con la ULB é na continuazion sun l troi dla creazion

de na rei internazionala, sciche l Landeshauptmann Durnwalder sotrisseia: “L Zenter de enrescida Laimburg met l azent sun cooperazions con strutures de enrescida tla y fora dla provinzia. I traverc de chesta acordanza é analogs: barat de savei, transfer de tecnologia, formazion di joegn, la colaborazion tl svilup y la prejentazion de projec en particolar a livel de Union Europeica. Tl medem temp podonse tres na colaborazion ence sparagné cosć y anuzé sinergies.” Con l’acordanza él vegnù formalisé la colaborazion anter Laimburg y ULB, che va inant bele da agn.

Sciche pro l dret ejam, mess i partezipanć respuende a 80 domandes (multiple-choice) te 150 menuc. Pro vigni domanda végnel dé dant cater respostes, ma demé una é chela dreta. Caranta domandes reverda la competenza linguistica y l pensé logich, 20 domandes se referesc a la formazion leterara, storich-soziala y geografica, y 20 a la formazion matematica y naturalistica. A chesta simulazion pò tò pert studenc dla cuinta classa de scola auta, sciche ence assolvenc dla

scola auta. An pò se anunzié demé online, dai 24 de fauré ai 24 de merz, sun la homepage dla Université www. unibz.it. Al é obligatore da s’anunzié per temp. L’ejam é ai 2 d’auril da les 14.00 tla senta prinzipala dla ULB, tla plaza Université nr. 1 a Bulsan. Bele l dì do la simulazion dl ejam pòn vedei online i resultac. Tl stude master nuef de cinch agn “Scienzes dla Formazion per l setour primar” végnel formé maestres y maestri de scolina y dla scola elementara. (vic)

Barat de studenc

damané n student dla Ruscia, un dl Luxembourg y un dla Finlandia percie che ai à cernù la Université de Bulsan. Dasha dla SaintPetersburg University of Technology and Design, Ruscia I é audì che chesta université à la mioura I trei studenc che i òn damané fora. facolté de design tl nord L ofize de Relaz ions dla Talia. Ie son dret enteresseda al Internazionales ti à dé l benvegnù design grafich, spezialmenter a chel ai studenc te na sescion Welcome talian, perchest sonsi vegnuda. & Orientation. Trueps studenc é Laprò vueli ence emparé n puech chilò tres i programs Erasmus y de talian y me gode la bona speisa. Erasmus Mundus; n valgugn nen aprofiteia de acordanzes bilaterales, Mireille dla Université de d’autri s’à organisé enstesc. I òn Luxembourg

Empruma volovi fé n semester tla Germania, ma spo à n valgugn de mi compagns tout la dezijion de vegnì chilò, enscì ài ence ie fat. Ie vueli pratiché mi todesch y talian. I tolaré pert a les lezions de Laours Soziai a Persenon. I aré da d’arjonje 30 ponc de credit, che é dret truep. I spere che i podonse avei truepa legreza. Henri dla Université de Vaasa, Finlandia Ie son vegnù chilò per jì con i schi y emparé talian. Les Dolomites me afascineia y pernanche i son bon de me organisé na cherta, jiréi sun les pistes. Ie vive a Bulsan, i spere che i posse enconté truepes persones con cheles che i pò ence rejoné n puech de talian.

Chest ann vegniràl tegnì na simulazion di ejams de amiscion.

L laour sconù dles eles "La rei invisibla dl laour sconù dles eles" - enscì l titul de na mostra interativa, organiseda da la cooperativa “I D.a.d.i.” con l patrozine dla Facolté de Scienzes dla Formazion y dla Consulta per la Valivanza di Derc dla ULB. La mostra tematiseia sciche les eles afronteia la vita da vigni di y la vita de familia. L’atenzion di vijitadours dessa souraldut vegnì metuda sun sciche les eles costruesc reis soziales, sciche ales reprejenteia y influenzeia minonghes, y sciche ales manajeia situazions desvalives con na flessibelté particolara. La mostra é tla entreda dla Biblioteca Universitara a Bulsan. Ala resta daverta enchin ai 24 de mei, da les 10.00 a les 18.00.

L placat che envieia a la mostra.

Fé domanda per n post tla ULB Al 1 de merz à metù man pro la ULB la fasa dles domandes per les cinch facoltés de Scienzes Economiches, Scienzes dla Formazion, Informatica, Design y Erts sciche ence Scienzes Naturales y Tecnica Tla ULB ti végnel pité ai maturanc 11 studesc bachelor ti ciamps de economia, turism, sozial, scienza dla formazion, agrara, enjignieria, informatica y design. Laprò végnel studesc master y dotorac; l program pòn vedei online. Les does facoltés de Scienzes

Economiches y Informatica pieta doi fases de domandes: la pruma va dal 1. enchin ai 30 de merz y ti garantesc ai damanadours na confermazion dl post de stude anter i 20 d’auril. Enscì pòi se conzentré con pesc sun la matura. La seconda fasa met man de mei y se ruva

d’agost. Con l ann de stude academich 2012/13 pò duc i enteressés che à l diplom de maturité endò se scrive ite al Studium Generale y tò pert a lezions de etica, savei-online, dert, scienzes naturales, storia regionala y lingac. “I òn svilupé chest troi de formazion

per duc chi che vuel tò pert a lezions universitares y discuscions”, dij l retour Walter A. Lorenz. La carateristica de stude plu emportanta dla Université Ledia de Bulsan é y resta l insegnament te trei lingac - todesch, talian y ingleis: “L trilinguism de nosc studenc

vegnirà tl davegnì zertifiché con n document, che la Université ti dà ai assolvenc deberieda con l diplom de bachelor o master. Duta la fasa dles domandes va enchin ai 20 d’agost 2012. N valgugn studesc messarà ciamò vegnì aprovés dal Ministere. (vic) www.lauscdiladins.com

9

En colaborazion con l'Université Ledia de Bulsan

La Université Ledia de Bulsan tol su te chest semester 57 studenc de barat. Cie motiveia pa chisc studenc da dut l mond - al nen é da Canada, Brasil, Turchia, Inghiltera, Portugal y e.e. da fé n semester te Südtirol? I nen òn damané trei


nr. 11 / 16 de merz 2012

Boni de cianté y nce boni sun i schi L cor Jëuni de S. Cristina à devertì y se à devertì pra la garejeda de schi di cores dl Südtirol chësta manifestazion, che ne fova nia chëla de ulëi tizé la competitività, ma chëla de sté n cumpania y de se devertì. Chësc spiega nce la snops che i ulova nes pancé su dan l start cun la viertla: “Messëis nen bever doves: una per la raida a man drëta y una per la raida a man ciancia!” Ma a nëus nes bastòvel bën nce l tifo per fé la raides sciche l toca, ajache a ruvé ju nen fòvel n valguni che susteniva bel adaut chëi che passova tres l travert y chëi che fova mo lassù pra l start fajova tifo a chëi che ova mo da pië via. Uni iede che l cumentadëur dijova che l cor di Jëuni S. Cristina fova l cor cun plu partezipanc, fajans na drëta fuera per se lascé audì y mo na majera fuera fajans po’ canche l dijova che Gregor Planker ova fat l miëur tëmp de duc i ciantarins! Daldò ons giapà de bona tirtles, na panicia o lianies y ne unian nia a frida a maië ora cun gheneda, ajache l nes tumova for inò ite vel’

ciantia. Puech dan la premiazion nes ài prià bel de cianté dant zeche y chël ons sambën fat gën, ajache ciantei ite fans pu bele! Ma l ie da dì che ne se on nia mé lascià audì, ma nce udëi davia che fan bëndebò suvënz sun l podest, praticamënter te uni categuria! Sopran: 1. Laura Planker (54.52), 5. Sofia Senoner (59.71) 7. Valentine Runggaldier (1.02.93) Alt: 2. Miriam Runggaldier (58.79) 5. Milena Perathoner (1.04.78) Dirighënc: 2. Ingrid Demetz (1.00.63) Tenor: 2. Matthias Runggaldier (52.52), 6. Luca Perathoner (1.00.36), 9. Moritz Ploner (1.02.97) Bas: 1. Gregor Planker (49.54), 10. Luca Comploj (59.59) Tifosi dl Cor di Jëuni S. Cristina: 1. Samuel Runggaldier Cun chisc biei resultac ons ala fin venciù la copa per l miëur team. La se trata de na blòta

“Wandertrophäe” de lën che meteron te local dla proves nchin a n auter ann. Iló messerons jì a defënder nosc titul, sce ulon se tenì l trofeo mo n ann. Cie che ie da auzé ora ie, tan bën che son unic tratei dai urganisadëures, l Cor de Dlieja de Schmieden y da duc y partezipanc. La ne se tratova propi no de cuncurënza o de chi che ie miëur o manco bon, l plu mpurtant fova de sté n cumpania y de l fé mpue blòt. Y danter vel’ ciantia ladina, africana o tudëscia ans ngali medrë nce na chitara y na armonica che nes acumpaniova y n grum d’autri ciantarins che mpruvisova mo vel’ stima leprò! N possa dì che l ie stat na manifestazion dut ntëur garateda y metuda a jì da jënt da stramp da ulëi bon. Chëst ann che vën cialerons sambën de fé inò pea; ne ulon mianó dé ca nosta bela copa! Ingrid Demetz

I jëuni ciantarins mostra ca cun legrëza i pesć y dantaldut l trofeo venciù sciche miëura grupa, che i puderà se tenì per n ann.

N sada ai 10 de merz daduman sons piei via cun drët na bona ueia da S. Cristina per furné ora per Puster y ite nchin a Prags. Ilò unìvel fat la garejeda di cores dl Südtirol, metuda a jì dal Cor de Dlieja de Schmieden, pra chëla che nosc cor di Jëuni de S. Cristina ulova sambën fé pea. L tëmp fova scialdi bel, la temperatura ideéla. L fova n mescedoz de cumëmbri de uni età, ëiles y ëi. Do che n à partì ora i numeri se ons n iede sentà mpue adum per s’la cianté y s’la rì. Se on pona trat sëura y schi y do bën 12 menuc (!) de schilift se ons cialà ju l purtoi

che fova mpue da plan, ma cun na beliscima nëif. Puech dan la gareda, che à scumencià da mesa la doi, nes à mo l plu espert de nëus, Gregor Planker, spiegà coche dassan tò la raides: suinsom n puech da do ite, adide “anticipare” y pona japé ora lascé tauné dut cie che la va! La categuries ne fova nia spartides do l’età ma do la stimes. Nsci ie pieda l soprann Laura Planker cun n drë urdl da batalia coche prima de nëus. Per na desdita àla urtà a lascé ora na porta, ma per fertuna y zënza gran stories, àla pudù jì su y, 12 menuc do, pië via mo n iede. Chësc nes à fat capì la ntenzion de

I cumëmbri dl cor Jëuni S. Cristina che à fat pea la garejeda de schi.

„Feelmusic 2012“ Jëunes y jëuni cun ueia de cianté y suné, fajëve inant! L cuncors de mujiga metù a jì dala Nëus Jëuni Gherdëina ruva a si cuinta edizion Mujiga - Gherdëina ie da for incà na valeda drët de mujiga y nce al didancuei iel truep jëuni che fej mujiga, sona n strumënt o cianta gën. Cieche mancia ie datrai vel’ ucajion ulache grupes y solisć jëuni possa purté dant cie che i à mparà ite, dan a n majer publich. Perchël iel bele tl 2004 nasciù l’idea tl

Cunsëi dla Nëus Jëuni Gherdëina de mëter a jì n cuncors de mujiga per grupes y solisć jëuni de nosta valeda, a chël che n à ulù ti dé l titul „Feelmusic“. Coche bele i ani passei sarà chësc cuncors, che dëssa sambën vester dantaldut nce na festa, la manifestazion finela dl’enes di jëuni, che sarà chëst ann n sada, ai 9 de juni tla sala dla mostres dla

Duc i jëuni possa fé pea pra l cuncors Feelmusic.

10

www.lauscdiladins.com

Lia Mostra d’Ert.

Cundizions per fé pea Per l cuncors Feelmusic vëniel cris jëunes y jëuni de età danter 13 y 35 ani, criatifs, de mujiga y cun truepa fantajia. N possa prejenté cianties scrites nstësc o nce cianties cunesciudes, che n dij „cover“, iló muessa pona almanco la paroles vester scrites dal autor nstës. I partezipanc vën partii su te doi categuries. Tla prima categuria iel da un a trëi partezipanc, penseda per chiche uel cianté o suné da sëul o te na pitla grupa. Tla segonda categuria iel da cater a diesc partezipanc; tlo pòssel fé pea de majera grupes. La cianties y la prejentazion unirà pona valutedes da na iuria, che unirà metuda adum

da persones cumpetëntes dl mond dla mujiga, ai 9 de juni pra la finela. Tulon nce bele l’ucajion per rengrazië i sponsores per l sustëni, che nes juda da stramp a mëter a jì chësta manifestazions.

Fé pea se mpaia! Ora de avëi na blòta ucajion per se ancunté cun d’autri jëuni che à la pascion per la mujiga y pudëi prejenté si savëi al publich, iel nce mo da vëncer de biei pesc’: Prima categuria: 1. pest: 500 euro, per i segondi y terzi saràl ënghe mo de biei pesc’ da vëncer. Segonda categuria: 1. pest: 1000 euro, per i segondi y terzi saràl ënghe mo de biei pesc’ da vëncer. Cun l priesc de iscrizion de 15 euro giapa duc i partezipanc velch da maië y da bever ntan la sëira de prejentazion y da dedò mo na DVD

dla sëira. Perchël, jëunes y jëuni de duta la valeda, fajëde duc pea! L ie unfat ce sort de mujiga che fajëis, rock, pop, vocal, mujiga da mont. La criatività ne cunësc degun cunfins y do l gran suzes dla edizions passedes sons segures che l sarà inò na beliscima manifestazion!

Iscrizion nchin ai 3 de mei Per gaujes de urganisazion ve prions bel de ve scrì ite nchin ai 3 de mei de chëst ann tl ufize dla Nëus Jëuni Gherdëina, numer de telefonn 0471/ 79 90 06, ulache ve dajeron sambën mo duta la nfurmazions plu avisa. La cianties scrites muessa unì dates ju nchina ai 26 de mei. Se ncunferton sun vo che fajëis pea! Karin Rabanser


nr. 11 / 16 de merz 2012

Proiet “Unì granc” L sotsëura ntan i ani dl crëscer! N cunlaurazion cun l Servisc Soziel, la Nëus Jëuni Gherdëina y la scoles mesanes y autes de Gherdëina, vëniel pità workshops tla scoles, referac y sëires de nfurmazion cun persones cumpetëntes te chësc ciamp viulënza danter mutons y jëuni “ tla sala dla mostres dla Lia Mostra d’Ert cun l referënt Wolfgang Hainz dl Forum Prevenzion de Bulsan. Sëuraprò uniràl metù ora dessënies/ collages fac da sculeies dla scola mesana.

Ssuatnzes che danejea nosc corp Ai 18 de mei uniral metù a jì n domesdì de nfurmazion per jëuni danter 14 y 16 ani dala 15.00 tl local di jëuni Saut. Tlo messeràn se nuté su danora, nchin ai 15 de mei tl ufize dla NJG 0471 799006. La tematica ie drët mpurtanta: “Sustanzes che danejea nosc corp, formes de cunsum, i periculi.” Referënt ie Lukas Schwienbacher dl Forum Prevenzion de Bulsan.

Pubertà Ai 24 de mei prejenterà la referënta Christa Ladurner dl Forum Prevenzion dala 20.00 tla sala de Chemun de S. Cristina l referat n con’ dla “pubertà”. Ti dé la crëta? Co dëssa pa se cumpurté i genitores? Cunflic y problems! Ulà ie pa la sëides? Chisc n valgun ponc che unirà tratei.

La fazion de na trifa L placat dl proiet.

Soziel - La tematiches che unirà tratedes à da n fé cun dut chël che se muev ntëur al crëscer ti ani dla pubertà, i cunflic, la melsegurëzes, i problems y nsci inant. N juebia ai 29 de merz scumencerà chësc proiet tl local di jëuni Saut dala 20.00 cun n referat per genitores y duc chëi che à nteres, ntitulà “Facebook&Co” i vantajes y i periculi, cun l referënt Patrick Stuflesser.

referënta Wilma Prinoth (Servisc Soziel) che trata i raporc, l amor y la sessualità. L vën dat pëis ala carateristiches de nosc corp, valorisan nce l carater. Sun l program iel mo n workshop ntitulà "…ie pa Mobbing cool?", cun la referënta Carla Comploj dl Servisc per la cunsulënza psicopedagogica y la ntegrazion.

Amor y sessualità

Agrescion y viulënza

Tla scola mesana de Sëlva uniral pità d’auril n workshop cun la

Ai 26 de auril arons dala 20.00 n referat dal titul “Agrescions y

Tla segonda tlas dla scola mesana de Urtijëi y tla prima tlas dla scola auta de Urtijëi saràl n cunlauradëur dla Polizia Iudiziaria pra la Procura pra la Sunieria di jëuni a purté dant n workshop dal titul “Canche la trifes de jëuni à cunseguënzes negatives plu sotes”. Ai 6 de juni saràl pona l referat tl local di jëuni Saut n con’ de chësta tematica per duc i nteressei y genitores dala 20.00. Tla proscima enes uniràl partì ora julantins y placac, nfurmazions plu avisa giaperëis nce tla plata internet www.njg.it, tl Servisc Soziel 0471 798015 (Barbara) o pra la NJG 0471 799006 (Astrid o Karin). (kr)

Borsa de lëur d’instà Coche uni ann mët la Nëus Jëuni Gherdëina nce chëst ann a jì la scialdi cunesciuda Borsa de lëur da d’instà, per tudësch “Sommerjobbörse”. Chësta unirà giaurida n merdi ai 3 de auril y sarà davierta nchin ala fin de agost Lëur - L ie na ucajion per duc i studënc che ulëssa se abiné n pitl lëur ntan i mënsc da d’instà y per duc chëi che chier mo cunlauradëures per la sajon che vën. Chiche ëssa da pité na stiera o ulëssa abiné n lëur per i mënsc da d’instà, possa nce chëst ann inò l fé tres

nosta homepage, www.njg.it. Sambën pòssen nce passé diretamënter tl ufize, ulache on a desposizion na gran tofla; tlo vëniel tacà su duta la dumandes y prupostes de lëur. Ulessan lecurdé duc chëi che dà da lëur che chësta ie na bona

puscibltà per abiné jëuni da tlo per i mënsc da d’instà o nce per dut l ann. Speron che nce chëst ann se nuzerà trueps de chësc servisc. Per nfurmazions plu avisa pudëis cherdé su la Nëus Jëuni Gherdëina al numer 0471/799006 o nes scrì a info@njg. it (kr)

Ancunteda de chëi che se cruzia di zëntri di jëuni Coche povester trueps sà bele, iel nasciù a livel provinziel na lia tët (N.e.t.z.) che cuordinea l lëur ti zëntri di jëuni dla provinzia Zëntri per i jëuni - N juebia ai 1. de merz 2012 iel unit adalerch plu o manco trënta cunlauradëures da plu pertes de nosta provinzia y dl’Austria tl local di jëuni Saut a Urtijëi. N gra de cuer al assessëur de chemun Armin Lardschneider, che à dat ca crafons y d’autra gulusaries per l gusté. Leprò pra chësta ancunteda fova nce l ambolt de Urtijëi, Ewald Moroder, y l’assessëura per i jëuni, Heidi Rabanser, che à purtà paroles de salut, spiegan nce coche la cësa dl ”Circolo” ie nasciuda, jan inant cun l’evoluzion che la à abù ntan duc chisc ani su nchin al 2012. Markus Göbl, persona esperta tl ciamp pedagogich, che mëina danter l auter nce la lia tët N.e.t.z a livel provinziel, à sotrissà la mpurtanza de crì for inò stredes nueves miuran l lëur cun nosc jëuni, cunscidran for la situazions atueles. Doi jëuni pedagoghes che lëura a Dispruch à prejentà n proiet y plu avisa n liber che ëi à scrit, dal titul “Qualitätsdialoge”, che dëssa dé cunsëies cun l fin de miuré l lëur cun i jëuni. Furman plu grupes àn cialà ciuni che ie i ponc primeres: jì ancontra chiran dassënn l dialogh, cialé de ti pité lerch y pusciblteies per viver, fé esperienzes, purvé ora cosses nueves a na maniera che i jëuni posse se realisé. Tlo iel nce mpurtant a se tenì a cërta regules. Ti fé capì ulà ie pa la sëides.

purté ite vita y culëur, nsci la minonghes. La NJG se à prejentà n mumënt spiegan de vester na lia tët de 27 lies per i jëuni. Chësc ie n model unich a livel provinziel. L ie unì prejentà n proiet nuef n cont de deventé granc y chersciui ora (Erwachsen werden), che pierà via ala fin de merz y jirà nchin ai prims de juni. L unirà laurà deberieda cun la scoles, l Servisc Soziel, la NJG y l Forum Prevenzion de Bulsan, nfurmazions plu avisa unirà mo dates plu inant. Da pert di cunlauradëures unic al’ancunteda iel unì cunscidrà cun marueia l fenomenn dla trëi rujenedes, cossa che n ne possa nia auzé ora ti autri luesc. La bona cunlaurazion cun i chemuns y d’autra istituzions publiches à ënghe plajù dassënn y dëssa vester n model per i autri zëntri provinziei. Te si realteies ài de gran deficulteies, jëuni tudësc ne n’ie nia for bënudui ti zëntri talians y i taliani nia ti zëntri tudësc, cossa che per fertuna n’ie per nëus nia da capì. La lia tët provinziela à purtà nfurmazions tl ciamp giuridich, n à rujenà de vel’ problem tl lëur, purtà cosses positives y baratà ora minonghes. Chësta ie stata na ancunteda costrutiva danter cunlauradëures, esperc y pedagoghes.

Do marënda à la Nëus Jëuni Gherdëina mustrà l zënter per jëuni, ert y cultura, prejentan n curt nce la cater lies che à si sënta tlo. La cësa à plajù dassënn, nce l’ativiteies de plu lies laite juda a

Manifestaziuns tl dagnì Jita cun la peves sun l Hinterbergkofel te Antholz cun i Jëuni dla Lia da Mont N dumënia ai 18 de merz uniràl pià via dala 6.00 daduman sun plaza S. Antone per furné te Antholz, ulache l nes aspiterà na beliscima jita cun la peves. L se trata de na jita saurida, ulache l sarà da jì plu o manco 4 ëura. Iscrizions y nfurmazions plu avisa giapëis tl ufize dla Nëus Jëuni Gherdëina 0471/799006 o sot a karin@njg.it

Mostra de fotografies  Nvion duc ala giaurida y premiazion dla mostra dl cuncors de fotografia  „ …y Idie à udù che l fova bon“, na cunlaurazion dl Cunsëi de Pluania y dl Fotoclub Gherdëina, ncuei vënderdi ai 16 de merz dala 18.00, tla sala dla Lia mostra d’Ert. Duman sada ai 17 de merz saràl dala 18.30 na santa mëssa te dlieja de Urtijëi ulache l cianterà l Cor di Jëuni de Urtijëi y l sarà nce da udëi fotografies dla mostra.

Turnoi de “NHL“ tl Saut Duman sada ai 17 de merz dala 20.00 inant tl local di jëuni Saut. N ne à nia drë’ de se scrì su. Nvion duc chëi che à ueia a unì a se devertì.

www.lauscdiladins.com

11


nr. 11 / 16 de merz 2012

La montes y la marueies dl Perù I Mëinacrëp Catores à mustrà n valgun chedri a culëures de n viac fat de mei dl ann passà tl Perù. L jëunn Diego Moroder de Urtijëi nes lascia cun si cunteda viver pea mpue i avenimënc de chësc viac Viages - La grupa de 18 persones, belau dutes de Gherdëina cun mo doi badioc y na fasciana, à passà doi de bela enes menei dai mëinacrëp Adam da Martin y Hubert da Resciesa. Pea fova nce doi jëuni de nosta valeda, Ilse Runggaldier, che trueps cunësc ajache la lëura tla butëiga da Fëur sun plaza de dlieja a Urtijëi y Diego Moroder che ie tl cunsëi dla Nëus Jëuni Gherdëina y che à nvià ala sëira. Ël nes conta n curt de chësc viac. L viac scumëncia cun l jol da Minca su a Amsterdam y da iló pona ndrët a Lima, n jol de bën 12 ëura. Lima ie mé a 160 metri de autëza, feter sun l mer, chësc per dì che ruvei iló ne iesen mo nia alauta y la autëza sentiràn permò man man che n jirà plu inite tla region. Na curiera nes à menà de viers de Huaraz ulache on pudù durmì drët saurì mo n ultimo iede sun n madroz dan scumencé nosc trekking. A Kashapampa aspitòvel pona la grupa de cueghes y aiutanc cun si musciac che nes à pona acumpanià ntan la proscima ena tl parch naziunel dl Huascaran, ulache on fat nosc bel trekking. Velch de mat pudëi jì dis y dis tres de beliscimi paesajes mo nia tuchei dala persona, nianca no na cesota… propi na marueia y nia da se nmaginé tlo da nëus. De n valguni ons pona n di pudù purvé ora l

Duta la grupa sun piza dl Nevado Pisco.

prim iede i grifs da jì n dlacia, purvan a jì sëura n pitl dlacier ite per udëi su l parëi dl Alpamayo, ma ne on nia drë abù fertuna cun l tëmp y l fova bëndebò asniblà ngali. Chësc fova l prim iede che son ruvà a 5.000 metri y posse dì che bele da 4.000 metri insù scumëncen a avëi l fla pesoch y nia ngërt vàn mpue plu bel plan. Uni di, do vester ruvei ulache batan su tenda, se abinans duc tla majera tenda ulache duc ova lerch per maië mpue da pitla marënda y dantaldut

Tlo iel senià ite avisa ulache n ie jic per ruvé nchin sun piza.

bever scialdi té che chël fej l sanch luter y juda a tenì miec l’autëza. Sambën che n bon tòch de ciociul dl Südtirol ne daussova uni tant nia mancë. Da mé ora, una dla majera fertunes che n muessa avëi a chësta autëzes, ie de vester boni de durmì de nuet. Chi che dorm bën y sëch chël se n sta l di do bën y à la forzes per jì inant saurì. Do feter n’ena de nosc trekking te chësta valeda, sons ruvei sun na streda da ulache na curiera nes menova sëura n jëuf ora te na valeda ujina. Tlo sons pona muec per jì tl tëmp de doi dis sun la piza dl Nevado Pisco, 5.752 metri aut. L gran savëi da fé y da mutivé la grupa de nosc mëinacrëp à fat a na maniera che duc se à nfidà a purvé de ruvé sun piza. Muec sons ntëur la 1.00 daduman, doi de tel gran cordates – propi zeche che n ne vëija nia tan suvënz – che va su per n tel crëp y pudëis ve nmaginé ce legrëza che an po’ do n 9 ëura de jita a arjonjer duc la piza. Da dedò sons ju inò bel ndrët da nosta tendes y de reviers tl hotel a Huaraz a fé na bela docia. La segonda pert dl viac fova mpue’ plu turistica… Son inò de reviers a Lima ulache

on messù dantaldut festejé mpue la piza y l di do ons tëut l jol de viers de Cusco (3.416 m), capitela dl rëni di Inca. Chësta blòta zità à na grandiscima storia da cunté y truepa cosses da cialé, per ejëmpl drët nteressanc i sedims dl Sacsayhuamán, de gran mures fac cun purons che n ne sà for mo nia avisa coche i ie stac boni de i mëter via nsci, bonamënter dassova chisc mures fé da prutezion ala zità ntan la concuista di spanuei y dessegur fòvel nce n luech de priera. Povester ie la zità unida mpue turistica cun l tëmp, ma posse mé ve cunsië de

Machu Picchu y la ijules de stram sun l lech Titicaca.

Te sà pa bela la mujiga da mont? Te sàl pa bel a balé? … po’ vië pra la grupa de bal de Sëlva y Santa Cristina! Nёus son n tlap de jёuni y jёunes che à legrëza a balé y a sté te na blòta cumpania y se devertì. Te savëssel pa nce a ti bel a sté deberieda cun jёuni y jëunes, passé na sëira n cumpania y mparé zeche de nuef? Vië pra la grupa de Bal Populer de Sёlva y Santa Cristina! Fajon proa uni ena de merdi per se anjeniё ca ala ejibizions. Ntan la festes y la sёires folcloristiches tla sajon da d’instà mustrons nosc

12

www.lauscdiladins.com

bai y nosc “Schuhplattler”. Dlongia l balé y l suné iel mo d’autra ativiteies sun l program: l viac, l törggelen, la Tlecanocht, jì cun i schi, jì cun la luesa,…. Sce te es nteres posses cherdé su l numer 339 8900352 o unì a nosta proscima proa, che ie uni merdi dala 20.30 tla cёsa de cultura “Oswald von Wolkenstein” bas ite. Se ncunferton sun ti unì!!

jì n iede a ti cialé. Da Cusco nes à la curiera te n valgun’ ëura menà tl luech ulache l muev l Inca Rail, la ferata che mëina nchin a Aguas Calientes, l luech per jì a cialé Machu Picchu. Mé l viac cun chësta ferata tres la valeda strënta che porta (sce posse me nfidé a l dì) tl cul dl mond, o l semea almanco nsci, ie na sperienza scialdi bela. L luech te chël che n ruva pona ie danz bëndebò turistich, da iló iesen tosc pra la ntreda per Machu Picchu (2.360 m), che semea mpue la ntreda de Gardaland, ma tantosc che n ie passei via i cianciei mustran l “permiso” y ruva sëura ite, résten zënza paroles. Me ove for bele mbincià de ruvé n iede a Machu Picchu, ma me temove che l ne fossa nia tan bel coche sun la fotografies che n vëija. Posse dì che l me à sapù scialdi plu bel de chël che me aspitove, propi na marueia. Ora dla valeda ons n ultim iede messù furné cun la curiera per n viac plutosc lonch per udëi mo l lech de Titicaca. Chësc lech a 3.810 metri ie l lech plu alauta dl mond, ulache l vën marciadà. Na atrazion ie tlo la ijules fates cun stram, sun chëles che l viv families, al didancuei dantaldut vendan vel’ souvenir ai turisć che va a ti cialé. Fine via rengrazian Adam y Hubert che à metù a jì chësc viac scialdi bën y posse mé cunsië a duc vo jëuni na tel bela sperienza! Ala proscima…

La grupa de bal populer de Sëlva y S. Cristina.

Diego Moroder


nr. 11 / 16 de merz 2012

Hennapainting tl local di jogn d’Al Plan

Liber dl mëis ”Novecento” de Alessandro Baricco Chësc monologh de Baricco cunta la storia singolara de Danny Boodman T.D. Lemon Novecento. Do süa nasciüda vëgnel arbandonè tl bastimënt transatlantich Virginian. Al vëgn ciafè por caje da Danny Boodman, n marinar fosch che ti fajarà da pere por ot agn, ćina che al moriarà do n inzidënt söla barca. Püć dis do la mort dl pere sparësc le möt, y canche al comparësc indô, mëtel man da sonè le tlavier.

La referënta dl Pakistan tratan so laûr.

La sabeda ai 11 de forà él gnü organisé da pert dl Raiun Sozial y Sorvisc ai Jogn Val Badia n workshop de hennapainting. Hennapainting é na forma d’êrt da depënje sön la pel formes y dessëgns cun corusc naturai. Dales 18.00 s’à incuntè te local di jogn d’Al Plan 14 mitans danter i 11 y i 16 agn. Al ê bele rové adalerch la referënta, na ëra dl Pakistan che vir bele da agn a Porsenù adöm a so möt y a so om, che é portier te n hotel a Porsenù.

Motif sön na man fat cun le corù ”henna”.

Ëra à atira metü man da ti mostrè ales mitans plü formes y motifs che an po fà cun le henna, n corù natural che an ciafa da cumprè tl Pakistan, sides fosch co cöce. Dedô à spo les mitans instësses podü porvè fora chësta sort d’êrt se depenjon sö a ëres instësses o a na compagna formes sön les mans, i brać, les iames, le spiné y i.i. Tratan ti depenjô inće la referënta daimproìa a dötes les

mitans formes dantadöt sön les mans; ëra à sambëgn plü förtl da fà chësc laûr. Ara à inće splighé che le corù tëgn por döes edemes alalungia y dedô vara da le lavè demez saurì. A dötes les mitans ti àl salpü dër interessant y bel. Insciö àres podü passè na bela sabeda sëra, trëi ores en compagnia. Por le Sorvisc ai Jogn Valentin - coordinadù

Carnivalparty a San Martin Ai 18 de forà él gnü metü da jì a San Martin de Tor por le 16ejim iade le Bal da Carlascè, ispiré chёsc ann al tema ”2012 - La fin dl monn”

I jogn à albü tröpa fantasia da se vistì sö por la Carnivalparty.

La Uniun di Jogn da San Martin, cun le sostёgn de n valgügn jogn da Lungiarü, s’à indô dè dёr da fà

En colaboraziun cun

y à dè ca tröp de so tёmp por che la festa garatass bun. Y les aspetatives é zënzater gnüdes

arjuntes. Ma tosc é le salf dles manifestaziuns stè implì de jogn y jones cun tröpa ligrёza da balè y se devertì. Prësc düć s’à presentè en mascora y sciöche vign’ann, é inće en chёsc ann les plü beles mascores aladô dl tema gnüdes premiades. Al terzo post s’à tlassifiché les trëi jones che à orü rapresentè le popul antich di maya, cun chësc vistimёnt àres davagné le 3. pest de 100,00€. Secundi é gnüs i ”cessi”, che s’à sintì da respogne ala profezia di maya cun ”Wir scheißen drauf ”. Ëi à podü se portè a ćiasa la bela soma de 150,00€. Le pröm pest de 200,00€ ti é jü al grup dl ”Arca de Noé”. I ”Wisetime” de Badia y i ”Vintage” da Lungiarü à abelì chёsta sёra cun so intratenimёnt musical, ai é stà bugn da motivé tröc da lascè le gote y jì a balè. A tröc ti àl desplajü canche chisc grups à lascè da sonè y al é stè da jì a ćiasa. I podun dì che la festa é dёr garatada, ara à plajü, le tёmp é passè snel y al n’é por fortüna nia stè de gragn problems. N rengraziamёnt ti va a düć chi che é gnüs la sabeda domisdé a arjigné ca le salf, a chi che nes à daidé en la festa, mo en particolar a chi che é inće gnüs le dé do a daidé romenè sö. Do les fadies da puzenè n’ésson bёgn albü nia decuntra sce chёsta foss stada l’ultima party da carlascè. I odarun ći che le 2012 se porta? (Michaela Ploner, por le grup di Jogn da San Martin)

Cun vintesset agn incùntel le naratur, inće ël musizist, che é gnü tut sö tl Virginian sciöche trombetist. Chësc é le scomenciamënt de na amizizia sinziera y permanënta che ne se rovarà gnanca canche le naratur lasciarà la barca. Danny Boodman T.D. Lemon Novecento vëgn descrit dal naratur sciöche n ël cun de gran capazitês, n ël che vir tres i dejidêrs y les pasciuns di atri, n ël che se realisëia y se anulëia cun la musiga, che vir sospenü danter so tlavier y le mer, cun chël che al é bun da vire danü vigni iade, vigni sensaziun che ti vëgn cuntada dai passajiers. Al ne ciafarà mai la forza da se destó dala musiga, plü avisa dal tlavier, al ne sarà mai bun da superè la tëma da orëi bun y da mëte raîsc, spordü da ne ester nia bun da odëi gnanca dalunc na fin tl monn defora da chël bastimënt; porchël ti dedichëiel süa esistënza al sonè, por alisiré i cörs di passajiers dala tëma dala grandëza dl ozeann. Plütosc co arjunje n compromis cun la vita, tìrel dant da incantè sü soms, sües speranzes, y da se lascè saltè tl aier cun le transatlantich,

che à por döta la vita conesciü sües tëmes y conservè sü dejiders.

N toch fora dl liber dij... ”Iö sun nasciü sön chësta barca. Y chilò passâl le monn, mo a duimile porsones al iade. Y dejidêrs êl inće chilò, mo nia deplü co chi che â lerch danter le piz y la coda dla barca. Te sonâs tüa felizité sön na tastatöra che n’ê nia infinida. Iö à imparè insciö. La tera, chëra é na barca massa grana por me. Ara é n iade massa lunch. Ara é na ëra massa bela. Ara é n parföm massa sterch. Ara é na musiga che ne va nia da sonè. Pordenéme. Mo iö ne gnarà nia jö.” Valentina B.

Le cuertl dl liber de Alessandro Baricco.

Storia dl mëis Le bochè de maiolica Le gran maester chërda n dé valgügn infidé!” dij döt contënt le adöm düć sü lerneri por lité so maester. “I metô man da ciafè dübi assistënt. sön ći che i ves à insigné te düć ”I ves porti dant n problem”, dij chisc agn!” le maester, ”y chi che sarà bogn da Spo ti dìjel al jonn: ”Tö saras mi le tlarì deventarà mia man dërta”. assistënt”. Tratan che le jonn jô a so post, Canche al à rové da dì chësc, mëtel al zënter dl local na mësa cun n spliga le maester: ”Iö sun stè tler, beliscim bochè de maiolica, depënt i ves à dit che chësc ê le problem. Al é anfat tan bel y afascinant che cun röses d’or. ”Chësc é le problem, tlarìdele!” al é, n problem mëss gnì eliminé”. I lerneri dl gran maester i ćiara Al é ma öna na maniera da tlarì al ”problem”. n problem: l’afrontè. Ara se tratâ de n bochè de Storia de Bruno Ferrero maiolica unich: ai podô amiré i adataziun tl ladin de Iris dessëgns, la freschëza y l’eleganza Agreiter dles röses. Le tëmp passâ y degügn ne fajô nia, ater che ti ćiarè al ”problem”. Tla finada él un di lerneri che leva sö en pé, ti ćiara al m a e s te r y a i compagns, va cun de gran vari ia cuntra la mësa dl bochè, le tol tles mans y le sciüra ia por tera. Chësc va en mile toć. ”Finalmënter s’à Tlarì le ”problem” orô dì rumpe le bel bochè. www.lauscdiladins.com

13


nr. 11 / 16 de merz 2012

Usc dal Alt de siur degan Iaco W. Willeit

Al vëgn dit: Döt le bun vëgn dal alt - ći bel podëi crëie te Chël bun Dî. Ai mituns y jogn i vëgnel gonot damanè: ći oste pa, ći te plej pa, ći este pa ion? Podunse inće fà la domanda: ći Idî oste pa, ci Idî este pa ion? Tl’antichité savunse che la jënt â plü divinitês; le popul grech por ejëmpl: idî chël dla forza, chël dla belëza, chël sportif y i.i. Pòn ma se chirì fora n Idî ch’an ô? Les religiuns monoteistes dij: al é ma un n Dî. Nos cristians cherdun te Chëlbëldî, sciöche nos ladins dijun. Al é n Dî bel y da orëi bun! Da orëi bun, deache Ël s’ô tan bun. San Jan scrì te so Vagnele (Jan 3, 16): ”Idî ti à orü tan bun al monn, da dè ca (scinché ca)

so Fi sù, por che vignun che crëi te Ël ne vais nia pordü, mo ais la vita eterna.” Le popul ebraich dl Vedl Testamënt, sciöche inće la jënt dl’antichité, â na gran tëma dan da Idî. Ai sintî so sënn canch’al gnô rî tëmp o canch’al sozedô desgrazies y catastrofes. San Jan indere dij: Idî n’à nia menè so Fi te chësc monn a iudiché le monn, mo por che al vëgnes salvè tres Ël. Mosè à alzè sö na bisca tl desert, che la jënt ćiares sö y se sàlves. Gejù Crist s’à lascè inalzè söla crusc, che la jënt ćiares sö da d’Ël y se sàlves; nia ma che ara ćiares sö sön Ël, mo por de plü che ara crëies te Ël. San Jan scrî plü inant: “Chi che crëi te Ël ne vëgn nia condanà, mo chi che ne crëi nia é bele condanà; deache ai n’à nia cherdü tl Fi de Dî.” Chëlbëldî o Chëlbundî vëgn inće odü sciöche le lominus y la verité (Jan 3, 20-21). Te ne pos nia lascè perde le lominus o la verité, ailò resteste zënza chance da vire. La vita po ma garatè tl lominus, tl amur y tla verité. Basta ponsè ai ciüfs y ales plantes. Ares se deura devers le sorëdl y crësc y florësc. Ći esperiënza aste pa tö bele fat cun Chëlbëldî te tüa vita? T’à la fede te Ël portè lominus y ćialt? Poste dì de avëi esperimenté n Bun Dî te plü momënć, ti rî momënć

dla vita? Na storia cunta che na porsona s’la baudiâ che süa vita ê tan frëida y scöra y zënza ligrëza, sciöche n ciüf zënza flus. Spo ti à un dit: chël te crëi bëgn, sce te ne deures nia i lisciôs dles finestres y ne lasces nia ite le bel lominus bun ćialt dl sorëdl. Al jô püch sc’al dà ca n bel y bun sorëdl ćialt, mo sce tö tëgnes i lisciôs stlüć. I dijess, sce tö tegnes le cör stlüt dan dala salvëza dal alt, sce tö tëgnes le cör stlüt defrunt a Chëlbeldî, che t’ô bun; dan da Chëlbundî, spo ne po tüa vita nia garatè, te ne pos nia te salvè. Chësc Vagnele dla 4a domënia de Carsëma é veramënter na Bona Noela, che pê tan scëmpla, mo che i messun intres indô medité y conscidré. Iö che i sun n prou y incündi le Vagnele, mëssi inće intres indô me daurì danü ala Parora de Dî, crëie danü y daurì mi cör, zënza resta Chëlbundî dalunc y mia vita perd de buna cualité. I mëssun imparè da se lascè amè da Chëlbeldî y dai atri; da se lascè salvè. Chësc é le gran significat de nosta religiun. Le tëmp de Carsëma nes dëida ponsè sura y nes porta devers la vita nöia en Pasca dla ressoreziun.

Jogn impara le förtl da balè I jogn SKJ d'Al Plan à da püch metü da jì n curs da balè, tignì tl salf dles manifestaziuns a Al Plan. Le curs à metü man ai 21 de jenà y é spo jü inant por indöt 6 iadi. Maestri da balè é stà Christian Ellecosta da La Pli y süa compagna Edith Flöss da San Martin. Indöt à tut pert 11 pêrs, che à podü imparè deplü bai. An é pià ia cun la polca normala, por passè spo ala polca bavareja, al fox-rock ćina al walzer. Imparè àn inće deplü figöres da bal y tl pröm ne s’à nia vignun fat saurì, mo cun le tëmp y le porvè jôra intres damì y ala fin él düć che se fajô plü o manco saurì. Desche Christian à intres dit: ”La miù cossa por imparè da balè é intres balè y s’eserzité.” Ala fin de chësc curs da balè él

Jones y jogn che à tut pert al curs da balè.

düć che à podü imparè val’, por podëi spo balè pro les proscimes segres, festes y manifestaziuns che gnarà a s’l dè, y magari gnaràl indô fat n curs da balè por i plü esperć, olache an podarà imparè inće

cosses plü ries. N bel dilan i va a Christian y Edith por la paziënza che ai à albü y por ći che ai nes à insigné. Sambëgn i vàl inće n dilan al Comun de Mareo por le salf. (Jogn Al Plan)

Le vignidé dla frisêria En mercui ai 29 de forà à le grup dles mitans, che tol pert a n proiet por mitans dla scora elementara

organisé dal Sorvisc ai Jogn en colaboraziun con le Raiun sozial, ciafè la poscibilité da vijité n salon

da frisêr a Al Plan de Mareo. La frisêria Sandra ti à splighé ales mitans so laûr da vignidé y ti à lascè odëi n dé da frisêria. Dötes les mitans à inće ciafè la poscibilité da se lascè fa dër de beles treces y riciui cun de bi brilantins. L’interes dles mitans é stè tratan la vijita dër gran, y al ti à salpü dër bel. N dilan fort ti va a Sandra por so impëgn y so tëmp che ara s’à metü a desposiziun por che les mitans podess insciö ciafè la poscibilité da passè n bel domisdé.

N bel grup de mitans à podü vijité n salon da frisêria.

14

www.lauscdiladins.com

Sorvisc ai Jogn y Raiun Sozial Val Badia

Dessëgn dl mëis Do le frëit dl invern él stè le sorëdl che s’à lascè adintëne. I mandli de nëi mëss pa ma ti la crëie. Dessëgn de Manuel Crazzolara.

Manifestaziuns tl dagnì Prozesciun de schira jonila y minis La schira jonila y i minis Val Badia organisarà indô al 31 de merz la prozesciun da Badia a Oies. I s’incuntun dales 16.00 dan calonia a Badia, por pié sö dales 16.15 düć deboriada. Da jì sö gnaràl perié y medité. Sö Oies te dlijia saràl n salüt de siur Pire y dedô basìte n pice renfrësch por düć. Chësc ann tolarà pert inće mituns dles atres valades. Düć é dër bel invià da tó pert: mituns, geniturs, amisc y parënć. Gnide tröc, i ves aspetun!

Oraziun de Taizé Le grup Taizé Val Badia inviëia düć da tó pert vigni terzo vëndres dl mëis ala ora de Taizé, dales 20.00 te capela a Oies. La proscima incuntada sarà ai 16 de merz. Gnide tröc.

Gara dles pels Pederü - Fodara Vedla Ara é indô tan inant... 19 otes, 432 metri de deslivel, öna na fossenara por rovè pro forzes, na desfida por jogn y manco jogn. La Jonëza d’La Pli inviëia inće iniann indô alal Gara dles Pels da Pederü sön Fodara Vedla, ai 24 de merz dales 19.30. La gara vel inće sciöche 2. pert dla combinada Alta - Bassa. Cost: 15,00€ a će (iscriziun, pasta y boanda). Sön Üćia de Fodara Vedla spaghetada, premiaziun, lotaria y musiga dal vì cun le grup “Trio Razuns”. Al vëgn fat categories de ëi, ëres, a pé/ciaspes. Al gnarà premié i pröms trëi de vigni categoria. Por chi dla combinada saràl na premiaziun a pert. Al vëgn inće premié le tëmp ideal. Iscriziuns y informaziuns al 340/4873774 o sot le sît www.jogn.org anter i 23 de merz. I petorai vëgn partis fora tla ütia Pederü dales 18.30. Da mëte averda: ma por i pröms 100 iscrić.

Avisc

Scrì tla plata di jogn

Stimà jogn y jones! Sce i ëis propostes, informaziuns, dessëgns o d’ater che i orésses publiché sön la plata di jogn, lascésse adintëne pro info@jogn.org

Carlascè dla Schira Jonila y di ministranć d’La Pli En sabeda, ai 18 de forà é rovà alalungia. Denant co s’un jì contënć adöm te Ćiasa dles Uniuns le grup a ćiasa, s’unse ćiamò mangé n bun dla Schira Jonila y di ministranć crafun da carlascè. Insciö unse por fà deboriada na festa da passè n bel domisdé de buna vëia carlascè. Gragn y pici, mitans y y aorela cörta, a düć ti àl salpü bel. mituns é g nüs adalerch vistis cun de vigni sort de mascheres y de bi guanć; valch n’ê gnanca da conësce. Les plü beles mascheres é inće gnüdes premiades cun de te’ pici pesć. Cun jüć y bai s’unse devertì por döes ores De bi corusc pro la festa da carlascè. En colaboraziun cun


nr. 11 / 16 de merz 2012

“Binge Drinking” per meter en vèrda i studenc

En domenia sera la Via Crucis di joegn de Fascia

I studenc de la Scola Auta de Fascia à podù tor pèrt a n spetacol de teater endrezà ence tel chèder de “Alcooperiamo”, n projet maor de la Scoles de Fascia e Fiem contra la doura de l’alcol anter i joegn

Didon l Segnoredie a portèr sia crousc, lascion che l Segnoredie ne deide a portèr noscia crousc

I atores de Teatro del Buratto de Milan tel spetacol “Binge Drinking. Mondo Liquido”, portà dant a Cianacei per i studenc de la Scola Auta.

En jebia ai 8 de oril i studenc de la Scola Ladina de Fascia é jic te chino de Cianacei a veder na opera teatrèla, la pruma de n projet che jirà inant per trei egn e dedicà a l’alcol. Metuda dant da la compagnìa Teatro del Buratto de Milan, l’opera era entitolèda “Binge Drinking. Mondo Liquido”. L spetacol é nasciù dant de dut da n spirit atif ti confronc de na costion che colpesc i joenec e che, vigni di, doventa semper più n cruzie. Da l’autra l spetacol l’à volù esser n moment de confront e na riflescion sul mond di joegn, vedù enstouta con i eies di bec enstesc. Chesta raprejentazion l’é n retrat, o per miec dir, na regoeta de retrac che metui ua apede l’auter i forma

n toch de chesta realtà. L’é n mond olache bec e gregn, fies e genitores ensema a ensegnanc i se dèsc ite zenza mai se tochèr. L’é n meter ensema situazions “ironicamente tragiche o tragicamente comiche” che les se cor dò en fin a canche no les doventa zeche de lujech. La vita de cater bec é metuda a nut per descriver na setemèna consumèda a spetèr na dì de festa: la sabeda sera. Che che sozede te familia e te scola se met ensema con momenc de relazion anter amisc. A partir da na situazion dramatica te n ospedèl, vegn fat più de n “flashback” de n trat de la vita de cater bec Kappa, Risu, Rosso e

Jacopino, che i cognarà viver n moment grief e na burta perduda. Duc momenc che li portarà a mudèr, percheche per crescer se cogn cerner. Ma, perché pa tratèr l tema de l’alcol coi joegn? Fosc percheche anter duta la droghes, no demò l’alcol l’é na droga legala, ma ence percheche, a la fin, la vegn azetèda per cultura e esperienza personèla. Ence la Scola Auta de Fascia la é dò che la porta dant n projet tacà acà 4 egn e che l’à l’obietif proprio de educhèr i joegn te la doura de l’alcol. L projet l’é “Alcooperiamo” e zirca 30 bec anter Lizeo e Scola d’Èrt i se empegna ogne an per ge portèr a si compagnes n messaje emportant: “no beiver l’é miec”. Marta, Ilaria e gé, che chest an sion le “peer leaders” più veies de la scola de Fascia, dijon semper che sion n muie stolzes del lurier che sion dò a fèr. L ne porta via temp e l’à de besegn de n muie de empegn e sacrifizie, ma de contra l te dèsc n muie de emozions e de sodesfazions. Esser na “peer leader” no vel dir no beiver più alcol o doventèr astemies, ma esser n ejempie per duc i etres, na guida per chi de nosc temp e per chi che ne domana aiut. Chest l’é n projet che te fèsc meter gran pascion vigni dì de più, percheche l te fèsc pissèr e l te deida a se comportèr aldò. Alessandra Marchetti

La Comiscion di Joegn del Decanat de Fascia envia duc, en domenia ai 18 de mèrz del 2012 a Poza da mesa les nef da sera, a tor pèrt a na Via Crucis endrezèda dai joegn per i joegn. La pearà via da Piaza de Comun e la vegnarà metuda a jir dò n percors te paìsc. Saon duc coche vegn conscidrà la Gejia aldidanché, ma chesta pel e vel esser na ocajion en più per proèr a troèr fora, te nosc pìcol, l’amor che l Segnoredie proa per nos. Con chest se vel portèr dant ence l besegn de troèr fora dotrei volontadives che vel se meter a la

leta per fèr pèrt de chesta Comiscion, che à gust de meter a jir scomenzadives per i joegn, o che à enteress de portèr dant dotrei idees. Se sà ben che noscia vita la é piena de empegnes, ma aboncont chi che à enteress de se tirèr fora dotrei ores ogne tant l’é de segur l benvegnù... Ve speton de cher donca, chesta domenia ai 18 de mèrz, da mesa les nef da sera, te piaz de Comun de Poza. La Comiscion di Joegn del Decanat de Fascia

“Didon l Segnoredie a portèr sia crousc, lascion che l Segnoredie ne deide a portèr noscia crousc”, l’é chest l messaje sul placat de envit a la Vai Crucis di joegn.

Festa di Joegn 2012 88 joegn del Decanat de Fascia é jic a Jesolo per condivider i messajes de Sèn Jan Bosco Ence chest an, dò la festa di joegn stata ai 4 de mèrz, a Jesolo en domenia ai 11 de mèrz tel Palaz del sport (Pala Arrex) se à tegnù la Festa di Joegn. Na scontrèda di joegn del Trivenet endrezèda dal Moviment per i Joegn salesian e che vegn fata da passa 10 egn te la maraveousa realtà de Jesolo. L’é scontrèdes a cheles che à tout pèrt ence nesc joegn e adertura 88 jovenec de nosc Decanat de Fascia con si animatores e catechisć. Chesta scontrèdes l’é semper ezelentes ocajions che à l’obietif che engaissèr nesc joegn a spartir e viver con etres 4000 de sie temp, n event de Gejia olache se pel regoer la dimenjion de fe e l messaje cristian te duta sia beleza. L spirit de Don Bosco animea chesta scontrèdes che con musega, jeghes, spetacoi e testimonianzes é riches de ingredienc che ge fèsc nascer ti joegn l dejiderie de vita, de entusiasm, de legreza, de chi che ic enstesc l’é i prumes portadores, tanta outes zenza che

ic l saesse. L tìtol de la giornèda “GÉ DAE MIA VITA” ponta via da chel che l’à fat Sèn Jan Bosco che à sport duta sia vita per ge dèr segnificat ai joegn, soraldut chi più purec e desorienté. El l’à dat fiduzia e ence vèlch regola che aon troà n muie de valuta per nos aldidanché: l’amicizia coi etres e con Die; la legreza e la bona voa che vegn da n cher avert; l’entusiasm tel fèr ben ogne roba; per ic l’à endrezà n lech olà se troèr e viver chesta esperienzes: l’oratorie. Con na animazion adatèda, i joegn é stac touc ite te la reflescion sui “spazies”, sui lesc de noscia scontrèdes e se é ponté via da na enrescida de valores che se troa te chisc lesc, te chisc spazies olache nos e noscia comunità vif e cresc. L’é stat endrezà ence n concors che envièa i joegn a enjignèr n plastich de la realtà da olache i vegn. I joegn del Decanat é jic a Jesolo con n bon lurier de

“enrescida” di valores descorii travers la intervistes fates a persones de noscia parochies e con n plastich che raprejentèa duta Fascia, cercenèda da nesc maraveousc monc e co l’oratorie de Poza che tegn leà duta la comunanzes parochièles del decanat travers cordeles dai set colores de la bandiera fascèna. Na gran marevea per duc canche nosc plastich é stat premià col secont pest, percheche l’era anter i più bie e i più segnificatives. Chel che aon vivù endèna la giornèda resta tel cher di joegn che à tout pèrt. Vèlch imprescion che aon tout sù ne sà segnificativa e conferma che l’é esperienzes che lascia l segn: la musega, l spetàcol, i jeghes su la spiagia, esser de n muie, l clima de amicizia, la legreza, i bai, l’é stat chel che à piajù de più. Ma l’é ence chi che à dit che na perdicia e na Messa coscita no i pissèa che la sie. Chi che se à sentù empienir de legreza che no vedea l’ora de ge contèr a si compagnes e chi che se domanèa

che che l’aessa podù fèr per portèr so contribut a sia comunanza. Na giornèda, na esperienza, na richeza che va donèda ai etres co la segureza che, desche n spieie,

se pel spieièr demò se se é enlumené e chela lum ne vegn da Gejù. N grop de animatores

I joegn tel Pala Arrex de Jesolo. www.lauscdiladins.com

15


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

L referendum ntel statut comunal L Comun se mpegna al sostignì l ejit del referendum del 2007 e a no to decijion che vade decontra

Co na delibera votada a l’unanimité dal consei, l Comun da Fodom l à metù ite ntel statut n riferiment per sostignì l ejit del referendum del 28 e 29 de otobre del 2007, ulache gran pert dei zitadins dei comuns de Fodom, Col e Ampëz, i à dit ciaro de volei se destaché da la Region del Veneto per tourné co la Region Trentin – Sudtirol e la Provinzia de Bolsán. La mudazion del statut l’é stada damanada da Comitat Referendar per la Riunificazion dei Ladins del Sela, che con chësta azion l vol solezité i Comuns a to na pojizion ciara sul argoment e ntel medemo temp a tignì auta la cuestion del referendum che Roma volëssa nveze destudé via. L medemo vare l ava fat ntel 2008 l comun de Lamon, che co na delibera votada da 13 consiadous su 15 ( 2 astegnus) l ava fat scrive ite ntel statut comunal

che “l Comun, auna col referendum del 30 e 31 de otobre del 2005, l promuof l pasagio del Comun da la Region Veneto a la Region Trentin – Sudtirol. La mudazion aprovada n lunesc passé l’é de de puoce righe che disc “L Comun l se mpegna a respeté le indicazion popolari vignude fora da le consultazion referendarie del del 28 e 29 de otobre 2007, l ie sta davò con duc i mesi a dispojizion e no l tol decijion che ie vade decontra.” La prozedura de lege che va davò a chësta democratica consultazion, l é che le va nnavánt” se liec nte la delibera. “Ma l’é scialdi difizile e l é debujen de se mpegné tresfora per arjonje chël che se damanëva l referendum. Ence i comuns de la Valmarecchia i a fat n referendum compagn e co l’aprovazion del desen de lege del 29 de lugio del 2009, l é ste aplichè l prinzip

costituzional sancì dal art. 132, 2° comma, de la Costituzion e i é stei destachei da la Region Marche e passsei a la Region Emilia Romangna nte la Provinzia de Rimini. “Cortina l’à bele fat sto vare” spiega ncora la Templari. Ma l’à demé scrit che la sosten l referendum. No on volù mëte velch de plu voncolánt, de plu pesoch. L debujen de fe sto vare l é motivé ence da la situazion politica che son drio a vive, ulache se descor tres plu da spëss de revijion dei enc locai, de soprescion de le Provinzie o de trasformazion de chëste de Distrec, de mudazion dei confins, de unificazion dei comuns. Nlouta on pensé che siebe dërt che l Comun l recorde a le istituzion, se le metarà mán a dut chëst, che chëste trei comunité i a dit ciaro de volei tourné col Sudtirol.” Ma chele podësselo ester le decijion che contrasteia col ejit del referendum ? “Ma, me pense, per ejemple a n’union nten comun sol de duc i sëdesc del Agordin e che fenissa per fe riferiment a la Comunité Montana. L é bele ste prejenté n proget de lege de sto viers n Region. Pense che chëst no jissa ben per Fodom. Chëst” siera ite la Templari, l’é demè una de le prume azion che meton a ji” spiega la consiadëssa de comun Daniela Templar i, che l’é ence vizeprescidenta del Comitat Referendar. “Ntel davignì n on n program de autre.” (ls)

Le “terme” de Reba Ironica foto den schiadou, manada al Dolomiti Superski, su la situazion del atraviersament coi schi de Reba. L prescident de Aft l envieia magioránza e opojizion de Comun a mëte ju le èrme e l damana n’enconta publica per descore fora na soluzion Che al ufize skipass e al Dolomiti Superski rue ogni ann cënt e cënt, forsci, mile e mail de protesta de schiadous che fesc la Sellaronda su per la situazion puoch degnëola, per no di peso, de chi che se ciapa a passé via Reba coi schi, se l savëva. L é dei dis passèi n fotomontagio, mané da nen scior al Dolomiti Superski, che ironizeia su la cuestion. La foto ( publicada chilò desot ) l’é stada fata l 9 de merz, cánche la nei che se deleghëva come d’aisciuda e la ploia, i ava fat deventé l piazal soura la cantoniera, ulache l é i camion da le lianie, n poz de pantán. “Le terme di Arabba. Aperte fino al 15 aprile” a scrit l scior souravia a la foto, che l a fat per documenté chël che l a ciapé

co l é passé ilò. Schiadous che per ji da Burz a Chël Vësco, schi su la spala, i mossa passé nte na pantanera da no di. Guai a se ngamberlé o tomé. Cotánc i felo voia ence se fermé a se mangé na liania? Nsomeia de ester ntel giron conté da Dante Alighieri nte la sua Divina Commedia. Foto che descor da sola e documenteia na situazion che se tira nnavánt da agn davánt a l’indiferenza de troc. Elo n cajo che chësta foto la siebe ruada e “fata” deventè publica, puoc dis davoche la Provinzia l’a bocé l proget de la segiovia Arabba Fly, con dute le discuscion e le polemiche che l’a mpié nte la val ntra magioránza e opojizion nte Comun ? L prescident de Aft l

La foto de protesta manada da nen scior al Dolomiti Superski.

16

www.lauscdiladins.com

descor de gran dann per la paruda turistica de Reba e l damana che al plu prëst vegne ciapé n’autra soluzion. “Ma ci auter alo ncora da suzede perciéche se se dezide a ntervegnì?” l se damana. La sola nosta fortuna l’é chëla de ester liei a la Sellaronda e se prejenton a chësta moda ? Nte duc sti agn le aministrazion de comun no i é stade bone de ciapé na soluzion. E chëst l é n dato de fat. Ma ntratánt se podëva almánco fe chelche pico ntervent per mëte n segurëzza l pasagio e fe ncin de meio paruda. Per ejemple n vigile, n semaforo, na stricola de asfalto, n nuof pont. Nveze nia de nia. E chëst per i sciori che passa, ma ence per mi, no l é da capì. Chilò sierf n’autocritica general. Magioránza e opojizion i a da mëte ju le èrme e colaboré a 360 gradi per ciapé na soluzion. Oramei a degugn ie nterescia plu ci che l é suzedù davántvia. No l é plu temp per chësta discuscion. Volon savei ci che suzede la ncuoi nnavánt. Damanon che se coinvolge le categorie economiche le ciapé le soluzion. Crei ence che fossa polito che a fin stagion se feje n’e n co nt a d a p u b l i v a co l’aministrazion comunal ( magioránza e opojizion ), le categorie economiche e la popolazion per descore fora dërt de chisc e autri problemi. (ls)

nr. 11 / 16 de merz 2012

Polemiche per la nuova zentral sul Ru de Ciastel Magioránza e mendránza se la pëta una su per chël’autra su le concescion de nuove zentrai dade dal 2004 nnavánt

La sieia d’Andrac. Puoch dezés vignarà fata la nuova zentral.

Comun - Ncora grosse discuscion nte consei de comun, che s’a biné lunesc passé da le 9 dadomán, sul proget de na nuova central da la corente sul Ru da Ciastel. “Se podëva prejenté n proget concorent” l a cusé l capogrop de mendránza Leandro Grones. “L proget l eva ste prejenté bele ntel 2008. Percié no l alo fat l’aministrazion Pezzei ?” l a repliché l assessor Sorarui. Tecnicamente l pont al ordine del di l pervedëva demé la concescion dei tarens comunai a la “K Energia” de Sedico, che la fajarà la zentral. Ma, coche l eva da se pensé, la discuscion l’é deventada l’ocajion per magioránza a opojizion de se tre ntel mus una con l’autra, le responsabilité per le ( massa ) concescion ruade a fenì nte mán foreste.

Al comun 50 mile euro La zentral la vignarà fata daite da la sieia d’Andrac, la sfrutarà le ieghe del Ru da Ciastel, che ven ju da Fauzare e l é pervedù che l produje 2,2 milioni de Kilowattora al ann. Le condizion che l Comun l é ste bon contraté co la “K Energia” come risarciment per l sfrutament de la iega l é de 50 mila euro al ann ( de chisc 4 mile da servitù per passé con tubi e auter ) per i 20 agn che durarà la concescion. “No se trata de na vitoria” l a comenté l Capocomun Ugo Ruaz,”perciéche ogni ru perdù, a la fin, l é n velch che ne ven tout. Ma almánco on fat n bon afar. On damané al Bim chela che podëssa ester la alicuota plu dërta da podei damané. Se davántvia” l a dit con nen ciaro riferiment polemico a la passada aministrazion Pezzei,”fossa stei aplichei i medemi parametri per la zentral sul Cordoul, che la produsc trei oute tánt che chësta”, ncuoi l Comun l encassësa 110 mile euro mplù al ann.

Proget del 2008 Nia da mánco polemico l intervent del assessor Sorarui. “Co la passada aministrazion Ruaz , fin al 2004, s’onve batù per 4 agn contra la zentral de Talmon sul Cordoul. Po l’é ruada l’aministrazion Pezzei e duc savon coche l’é juda. Nel 2004 l’é stada aprovada la pruma zentral nta Fodom e chëst a de l via libera

a la speculazion su le ieghe. La dománda per chësta sul Ru da Ciastel l’é bele ruada ntel 2008, spo cánche l’eva su l’aministrazion Pezzei. La norma che lori ava aprové per frené le nuove zentrai ( de fato abolida dal consei nten ordine del di, tres nte la sentada den lunesc, perciéche declarada ilegitima dai legai del Comun ), ence se no l’é mei stada mpugnada, coche a rejon disc Grones, de fato la no n a tignù dalonc la speculazion su le ieghe. Nte chisc agn l é rue ben doi dománde per nuove zentrai.” Pronta la resposta de Grones. “La dománda del 2008 l’eva per damané. i tarens, no per la zentral ( “ma su la dománda l eva scrit l percié” à puntualizé Sorarui ). La dománda de concescion l’é stada publicada sul Bur de la Region l 3 de lugio del 2009. L’aministrazion l’ava n meis per prejenté n controproget, coche a fat la En&En, che po no l é ste azeté.” Nlouta, à rebatù l Capopcomun, “no l’eva gnánca stada metuda su la nuova jonta de comun davò le elezion. No fossa gnánca ste l temp”. La Frazion d’Andrac l’a de parer contrario a la concescion dei tarens co na motivazion che fesc riferiment plucheauter a aspec ambientai. N particolar la Frazion la s’à dit cruziada per la cuantité de iega che vignarà lasciada nte ru. La poura l’é che l ru l vegne lascé morì senza iega e che senza iega reste ence l nuof acuedoto bele pervedù da agn. “L Comun l ava da spieghé meio a la Frazion che l parer l ava da ester de sul uso civico” a dit Grones. Ncora tize a la fin de la sentada su l’interogazion presentada da la mendránza per via del proget de Arabba Fly, bocé da la Provinzia. Ntel fe riferiment a na lëtra manada dal Capocomun a le sozieté Sit Boè, Sofma e al Dolomiti Superski dal Capocomun Ugo Ruaz, Grones e Co. i damanëva chele che sarà le, se zita a la lëtra, “pesanti misure cautelative” e le “azioni dovute per garantire la sicurezza pedonale, veicolare e il decoro urbano”, prospetade dal prum zitadin nte la lëtra. “Ié pensaron” l’é stada la resposta telegrafica del Capocomun, che no l à mpo podù schivé che se mpeie na gran discuscion sun sta cuestion che da setemene la fesc descore dut Fodom. E no demè Fodom.” (ls)


nr. 11 / 16 de merz 2012

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

Doi brascioi vece e biei

Par recordà ra Rusia

El festide par chera doa piantes, intrà ra scores, e par i projete, i laore che i à chera de fei fora. No se vorarae che el peton el tolese duta ra piaza a ‘l verde

Chi śoen, anche de Anpezo, pardude inze chera tèra indalonśe. Chel che ‘l é stà fato de ‘l 1945. Ra memoria de chi tornade a ciaśa

Chel poco de verde che vanza, intrà ra scores de Anpezo: duto el resto ‘l é peton.

Chel frasin, daante a ra palestra de Revis, ‘l é da ‘l precurà. Beśen defende anche el talpon, che ‘l é inze ‘l pra, ves ra scora meśana Rinaldo Zardini. A domandà duto chesto ‘l é stà un grun de parsones, deboto zento, che es s’à segnà sote ra domanda che i à mandà a ra Soprintendenza da Venezia, a Veneto agricoltura, de ra Rejon, a ra Forestale e a ‘l Wwf. El festide ‘l é che chera doa bela piantes es pode padì, co i laore che i vó fei, par fei fora un posto agnó śuià a basket, o fei outro sport, par ra śoentù. Chel frasin ‘l à zento ane, ‘l é ‘l unico restà, de chi che ‘l ea ‘na ota; el talpon, par talian salice, ‘l é ‘l unico

de duta ra val, in Anpezo e inze i paes de el Cadore. Coscita chi 96 che i à firmà ra petizion, i domanda de bete inze chera doa piantes inze ra lista de i brascioi monumentales d’Italia. “Dute e doi chi brascioi i é inze chel poco de verde che resta, intrà ra scores, ra popolares, ra meśanes, ra pi outes, e ra palestra – se lieśe inze chel documento – e inveze ades i vó fei fora un posto da śuià co ‘l balon, da fei sport, e ón festide che chesto see el sacrifizio, de chera piantes. Beśen res precurà, almanco par chi metre, che ‘s à d’intorno, sote i rame, agnó che rua ra foies”. Beleche ‘l an pasà, inze ‘l consilio

de comun, calchedun aea abù algo da dì, parcé che i aea petà śo chel gran brascion, un pezuó, che ‘l ea inze ‘l pra, intrà ra palestra e ra scora popolares Duca d’Aosta; ades se vede ra zoca e ra radijes, agnó che ‘l ea. Dapò chi de ra scores i ea soutade su, canche ‘l é stà fato chera baraca de len, da bete inze i śoen a sonà, de ra band che ‘l é par el paes. El jeto de peton, agnó che i aea jaà – ‘l é stà dito – ‘l ea via par sora ra radijes de chel vecio frasin. Ades se se lagna che i ‘l à nafré dramà, i à taià śo alcuante rame, ves ra baraca noa, de len. Da ‘l Comun de Anpezo, che el fesc dute ‘ste laore, se responde de no n’aé festide, che el projeto de ‘l inpianto noo, par el sport, el vede de precurà chera doa piantes, con duto ‘l amor che ocore, par i brascioi. E se responde anche che de verde, par el paes, in é daparduto, basta se moe de poche pasc, fora da ra porta de ciaśa, fora da scora. Un gran laoro ‘l é stà fato, alolo dapò de ra strada, ves ra Boite, par netà fora el vecio parco de Revis. Chel ‘l ea stà fato su, śa zento ane e pi, par i dà algo a i foreste, che i scomenzaa a ruà inze ‘l paes, par el turismo: un bel posto, pede r’aga, co i brascioi, par r’onbria, co i troes, da caminà segure, ra bances, da se scentà śo. Ancuoi chel parco ‘l é stà netà fora, i à petà śo un grun de piantes, i à comedà i troes e ra bances. Coscita in é, de verde, anche pede ra scores, se se vó. (mdm)

Ra Via Crucis de i śoen Una devozion noa, con poca tradizion. El paes intiero, con trope grupe, par me contà ra parola de el Cristo, veduda co i oce nete, lustre, de ra śoentù I sarà de otanta, supośò, i tośate de ra scora meśanes e pi outes, che vedaron inze ra Via Crucis de i śoen de ra Parochia de Anpezo. Se se ciatarà de ‘l vendres, ra setemana ignante de Pasca, ai 30 de marzo, dares oto e meśa da dasera, inze ra jeja de San Iaco, ra nostra basilica de Anpezo. Chi de ra Pastorale de i śoen i laora aduna co ra Young Band, fata da i śoen de ra Banda de Anpezo, el grupo de i animatore de ra Parochia, i Zapote, i śoen de ra scora de Misurina, el coro Giovani in festa, ra Forza giovane e chi de

el grupo Genziana de ra Parochia, che i é śoen de spirito. Par ra Via Crucis de ‘l an pasà i aea portà inze jeja “Ra sete paroles de Jesù, su ra crosc”; chesto an i à caminà su i troes de r’arte, agnó che ra musica ra se mesceda co ra paroles e ra pitura ra deenta viva, par disegnà fegures senza tenpo, veces de cisà can e, inze ‘l medemo tenpo, de ancuoi. Fegures betudes inze ra soaśa de ra memoria e vives, inze ra vita da dagnadì, agnó che ra śente ra podarà ciatà Jesù, co ra lun de chel che el m’à dito, el m’à lascià.

I śoen de Anpezo, par ra so Via Crucis de ‘l an pasà, co i so teatre, ra so canzos, i so teste da lieśe śo. Par me fei pensà sora, dute cuante.

Cemodo che ‘l é suzedù i anes pasade, no n’é da se spetà nuia de solito, da ra tradizion in fora, inze chesta Via Crucis de i śoen de Anpezo, nuia che sà da vecio, da mufa, ma algo de noo, de vivo, leśier e fondo, cemodo che ‘l à da ese ra fede fresca, neta, de i śoen, che vien fora da i cuores, aga fresca de un ru, che vien fora da ‘na fontana, su par ra crodes. Aga neta, da parà via ra siede anche de ci che ‘l é pi inaante, su ‘l troi de ra vita. Una fede che ra me parla de ‘na speranza granda, parcé che a vede de ce che i é boi, chiste tośate, fesc vegnì voia, anche a ci che à pardù ra forzes, de pensà sora danoo, de vive outramente, ra paroles de el Cristo, portà da esenpio, par ra fede, su ra strada de ra vita, da agnó moe, par capì de ‘l ver iusto chel che suzede a ‘l di de ancuoi. “Alora no stajon a mancià, chel di – el me disc don Alberto Ganz – par chesta Via Crucis de i śoen, aduna co i grei, i jenitore, i none, ra nones, par no de destacà da ra spiritualità bona de me descedà fora e de me fei pensà sora depì. E se anche duto chesto ‘l aese da suzede par chel tenpo che se pasa inze jeja, chera sera, a vive ra fede de chiste śoen, aduna con lore, podarae isteso varé ra spesa”.

Ogni tanto ‘l é bon recordà i reduci de ra Rusia, che i à abù ra grazia de tornà a ciaśa. Purtropo tante i é restade là, indalonśe da ‘l so paes e da chic he i vorea ben. Renzo me fardel el m’à contà cuanto che i à padì e cuanto che i à preà ra Madona, de aé ra fortuna de tornà. E infati de ‘l 1945 i à leà ra Madona de ‘l Rosario e i à fato ‘na portiscion, da ra jeja de San Iaco, ancuoi deentada basilica minore, su par piaza e tornà de sote, par ra strada Cesare Battisti. Chera ota ‘l ea tanta śente, tanta autoritàs, melitare e zivile, el capocomun de inalora ‘l ea Angelo Ghedina Biajo; dute s’à ingropà,

a vede chiste reduci che portaa ra statua de ra Madona, par segn de riconoscenza. Algo el scrie anche el profesor Paolo Giacomel, inze ‘l libro che vegnirà fora ades d’ousciuda. Beśen pensà che i ea moeste in Rusia, co ra brigates Julia e Tridentina, tante de Anpezo, tante śoen che i à proà tanto. A Cargnacco, in Friul, ‘l é un tenpio, agnó che ‘l é scrito inze dute i gnomes de ra parsones spardudes, restades in Rusia, e no n’é da res desmenteà, anche se ‘l é burte cuadre, che s’à daante. Teśele Michielli Hirschstein

Ra notes inluminades da ra luna ‘L é notes tanto cetes ‘l é una bela luna, te ra vardes, te penses a ci che t’à vorù ben. Te sponta una lagrema te penses a ‘l doman : cemodo saralo par ra śoentù che cresce su. I anes i ujora

fugade come un lanpo se jé contente de chel che s’à pasà. Tegnon strento inze ‘l cuor chesto tesor esenpio d’amor ai fioi, ai neode che drio vegnirà. Teśele Michielli Hirschstein

Ra Luna ra se specia inze ‘l Lago da Lago, inze chesta bela fotografia de Giuseppe Menardi, de ra Astronomica Cortina.

www.lauscdiladins.com

17


Anpezo

nr. 11 / 16 de merz 2012

Ladin a scora

Masa droga par el paes

El laoro de i maestre, de i profesore, par insegnà a i pize ra nostra vecia parlada, par i dà un doman

Una burta peste, par el paes, ra porta dan a i śoen, ma no solo a lore. El laoro de ra forzes de polizia. Un zavario, da i pensà sora

El coro de i tośate de ra scora meśana el cianta Inno a Anpoezo, par ladin anpezan, daante a chi outre pizete.

I tośatiei de prima e de seconda, de ra scora meśana Rinaldo Zardini, i cianta ra canzon Inno a Anpezo, co ‘l so profesor de musica Marino Baldissera, che ‘l é anche el diretor de el Coro Cortina. Alolo dapò tocia a i pizete de ra popolares, co ra maestra Flora Menardi Diornista: una bela ciacolada, intrà de lore, e co ra so maestra, su chel che i fesc, de ‘l dapò disnà, fora da scora, o i dis de festa. Se parla de sport, de vita de ‘l paes, de sestiere. El ladin anpezan a scora, par i projete vorude e mantegnude da ra leje 482 de ‘l 1999, par precurà ra parlades pi pizores d’Italia. Dute aduna, inze ra aula magna de ra scora Duca d’Aosta, in Anpezo, agnó che rua anche pize e tośate de ra scores de chi outre comune, che i laora aduna co ‘l Istituto comprensivo de Anpezo, da Auronzo, da ra Val de ra Boite, da ‘l Comelego. Duto chesto ‘l é stà parecià par mostrà el laoro che ‘l

é stà fato, a chi de el Ministero de r’istruzion, che i vien da Roma. Chi i rua tarde, de ‘l dapò disnà, e i se ciata co i maestre, co i profesore, gouja che i pize i à beleche fenì, i é śude a ciaśa. Alolo inze de porta, inze ra lośa pi granda, ignante de ciapà su ra sciares, ‘l é ‘na toura ben pareciada. Via par sora ra toàia ‘l é alcuanta piate, ‘l é calche algo da magnà, de pronto, ‘l é algo de chel che cresce inze orto: pestorte, capuze, arbetes, zeoles, paà. E pede ‘l é piate de barata de faes, de casunziei, de menestra de orjo. Duto fato da i pize, co ra creda, e ‘pò depento. Sote, se lieśe i gnomes par ladin anpezan. Duto śoa, duto poia pede, par darśonśe algo de bon, par precurà ra nostra parlada, par i ra fei conosce a dute i pize: a chi de ‘l paes, nasciude da ra nostra śente, e a chi che vien da fora. In Anpezo ‘l é tropa śente de

Ce de gusto che se magna, ce un bon saó, chel che cresce inze ‘l orto ladin.

18

www.lauscdiladins.com

sesanta, setanta ane, anche depì, che parla polito par anpezan: ‘l é parsones che mangare ‘s é nasciudes in Anpezo, o ‘s é ruades da pizores, co ra so families, da fora, ma che ‘s à inparà ‘l anpezan. Una ota ‘l ea coscita: el pizo che vegnia da fora, el se ciataa intrà meśo un grun de famea de Anpezo, e inparaa in prescia ra parlada. Ades ‘l é duto a zesacù, a ra redośa: dute i parla talian, pi o manco polito, e anche i nostre pize, de chera poca families che ancora tien duro, che defende ra so parlada, ra so radijies, i se ciata foreste, intrà dute chi outre . Ancuoi son redote che ‘l é biśoin de ‘na leje de ‘l Stato talian, par precurà ra nostra parlada. Ma coscita se và poco indalonśe. Una parlada ‘l é da ra sentì, da ra vive, da ra tetà da ra mare, aduna co ‘l late, no se pó pensà de ra inparà a scora, conpain de ra chimica, ra fisica o ra matematica.

In Anpezo śira ra droga. Chesto se ‘l sà, da anes anorum. Calche ota souta fora ‘na noa, a me ‘l recordà. Chesto ota ‘l é stà i carabiniere, a ciapà un śoen, che el louraa inze un local, de i nostre. Se vede che no n’ea asei, chel che el ciapaa par el so laoro, da galanton, coscita el s’à pensà de in fei de outre, de sode, a i vende nafré de duto, a chi che śia inze ‘l local. I melitare de ra Conpagnia de Anpezo de i carabiniere, inze ‘l so laoro de vardà drio, chel che suzede inze ‘l paes, par ra droga e par ‘l alcol, i à ciapà e sarà via un śoen, ruà da ‘l Maroco. I carabiniere i tendea da tenpo, i saea ce che ‘l ea drio a suzede, ce che el fajea, ma i vorea el ciapà co ra mas inze ‘l saco. Par el so laoro, ‘l aea duta ra cartes a posto, i documente par stà in Italia, par podé fei el so mestier. Ma ‘l aea abù ra burta idea de fei sode, con chesto outro mestier, de pusher, fora da i locai agnó che i fesc fraia, i śoen de ra movida anpezana, cemodo che se disc ancuoi. I à tendù, i à caminà su ra so fates, i à vardà con ci che el se ciataa. Dapò i ‘l à ciapà, i à betù ra mas inze scarsela e i à ciatà fora supośò un eto de hashish, 55 grame de cocaina, beleche spartida fora, pronta par ra vende, e ‘pò alcuanta bustes, conpagnes de cheres da fei el té, ma cheste ‘s ea de cocaina. E ‘pò ‘l aea un grun de sode, supośò otomile euro, e una baranza, de cheres aposta, da peśà ra droga. De seguro el no podea dì che chera

droga r’ea par el, par ra dorà da so posta, coscita i ‘l à sarà via, i ‘l à portà inze ra prejon, e par chesto śoen, nasciù de ‘l 1991, s’à daerto ra portes de Baldenich, a Belun; ades arà el judize, el majistrato, a dezide de el. Cuanta otes no s’alo sentù che chesto burto vizio, de toi droga, ‘l é anche intrà i nostre śoen de Anpezo. E tropa otes ‘l é anche chi pi grei, che i ra tol, no solo i śoen. I poliziote, i carabiniere, dute chi de ra forzes de ’l ordin, i fesc el so laoro, i tende, ma no n’é asei. Da calche tenpo se laora co i pi pize, da ra scora popolares in su, a i insegnà ce ‘na burta roba, che ‘l é, ce che i à da fei, par se defende, e pi che see ce che i no n’à da fei. Da ra droga a ‘l alcol, un’outra burta piaga de ra nostra sozietà, de ra nostra comunità. Somea deboto che el no see un mal, che no see da se spaśemà, par ‘l alcol, par chel che ‘l à fato, e chel el fesc, a ra nostra śente, a jenerazios intieres. Inze ‘l nosc paes se bee, e se bee masa, e malamente. Se scomenza da śoen, calche ota da pize in su. Algo se fesc, par studà śo chesta śuoia, ma masa poco. Chesta ota i carabiniere i à ciapà tre parsones, dutes talianes, de el posto, con masa alcol inze ‘l sango, par podé ogà ‘l automobile. I tre ome, un de lore ‘l aea pi de doi grame par litro de sango, i à denunziade e i à tolesc ra patente, da ogà. I melitare, co ra so mondures, i fesc el so laoro, ma no n’é con chesto che se ferma ‘sta peste.

I melitare de i carabiniere, de ra Conpagnia de Anpezo, co ra droga, i sode, el material ciatà a un śoen marochin, de ‘l 1991, che el louraa da camerier, in Anpezo.


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

nr. 11 / 16 de merz 2012

Gherdëina

L ITE ie sport y furmazion De biei suzesc tl sport da d’inviern: sculeies dla sezion Sport dl ITE Raetia de Urtijëi à da mustré su de gran resultac

Hannes Zingerle y Janpiere Prugger, vizecampions talians tla stafeta.

Philipp Karbon, Mirko Perathoner y Bernd Spiess trëi atlec dl schi che à arjont de bon plazamënc chëst ann

Sport/Scola - Te duta la desciplines sportives dla FISI che vën pitedes tla sezion sport dl ITE de Urtijëi y curedes dal Schi Club Gherdëina y dal Snowboardclub Gherdëina àn ti ultimi mënsc pudù pië do de beliscimi resultac sportifs.

Meric di atlec y di trainadëures

Nadia Delago à venciù l trofeo Topolino naziunel.

Sambën ie chisc bon resultac sportifs merit di atlec, ma nce di trainadëures dla scola: Uli Perathoner, Roman Niederkofler, Karl Heinz Goller, Mark Vinatzer, Miki Messner, Florian Runggaldier, Karl Mussner, Romed Moroder, Armin Kasslatter, Theo Senoner, Georg Rabanser y Alex Pattori. Tl schi alpin à la sculea Nadia

Delago purtà a cësa la beliscima vënta dla selezion taliana dl Trofeo Topolino a Folgaria y l 13ejim plazamënt tla garejeda nternaziunela cunesciuda dl Topolino, cumpetizion rateda sciche n pitl campiunat dl mond. Vivien Insam à venciù i campiunac provinziei de slalom y d’autra garejedes de raion, sciche Magdalena Haas che à plu vëntes da mustré su. Matthias Steinmaier ie chëst ann un di miëuer aliefs de Südtirol. I mutons y la mutans che fej l prim ann garejedes FIS nternaziuneles Nicol Delago, Verena Gasslitter, Matteo Demetz, Moritz Karbon, Patrick Rossi, Armin Plancker, Tobias Heel y Alexander Prast, se à cumpurtà drët bën, fajan de bon ponc FIS. Mirko Perathoner à venciù na

garejeda FIS di jëuni tla juissa y una tla categuria aspiranc sun l jëuf de San Pellegrino, ulache Philiph Karbon de Ciastel ie stat l plu asvelt de duc, dan Bernd Spiess de Sarntal, tramedoi che va a scola a Urtijëi. Nce Alexander Rabanser à venciù n SuperG Fis y ie ruvà suvënz danter i prims. Maximilian Messner de Pruca fova plu iedesc a cë de vel’ garejedes FIS y Finstral Cup. Tramedoi ie sun la bona streda per pudëi tosc fé pea garejedes de Copa Europa. Tl biathlon ie Maikol Demetz ruvà 5. pra i mundiei junior tla Finlandia y Carmen Runggaldier à pra chisc moudiei fat n bon plazamënt a vester che la ie mo tan jëuna. Nathalie Wiedenhofer à venciù doi tituli taliani y Janpiere Prugger deberieda cun Hannes Zingerle ie pra i campiunac taliani ruvei segondi tla stafeta. Evelyn Insam ie ncantëur per l mond per l saut cun i schi, mustran su de biei resultac y Manuela Malsiner, che fej la prima tlas, zapa tosc ite te si piedies. Tla cumbinazion nordica iel Samuel Costa, che fej l ITE a Urtijëi, ël ie for leprò pra la

garejedes a livel mundiel. Si miëur resultat ie la bedaia d’arjënt cun l team dla Talia pra i campiunac dl mond junior tla Turchia. Nadia Demetz à tl snowboard arjont plu plazamënc danter i prims diesc te garejedes FIS y de Copa Europa. Chëst’ena passeda ie doi scuadres de schi alpin dl ITE Raetia stai pra i campiunac mundiei di studënc a Gressoney tla Val d’Aosta a reprejenté la Talia. Per duc i atlec dl schi alpin iel mo sun l program i campiunac taliani, chëi dl biathlon à mo plu garejedes de Coppa Italia y Alpencup, tl snowboard iel mo vel’ FIS da fé y nce i atlec de saut y cumbinazion nordica à mo l’ultima garejedes de Continental Cup y Copa dl Mond. D’auril va l’atività agonistica di sculeies dla sezion sport dl ITE Urtijëi a piz y nce per ëi vàla de studië per finé via positivamënter l ann de scola. Per i nueves che ulëssa se scrì ite per n auter tla sezion sportiva, che va inant cun l medemo sistem sciche te chisc prim cin ani, ulessans lecurdé che la iscrizions ie nchin ai 31 de merz 2012. (lb)

Juech per i seniores

L fauré ie stat frëit

La Cëses de Paussa de Südtirol à giapà n juech scialdi nteressant per la jënt de tëmp. Nce la cësa de Paussa de Gherdëina à pudù pië do l juech dal inuem “I bon tëmps da zacan”, che ie nce per ladin

Tëmp y temperatures ntan l mëns de fauré te Sëlva, museredes te na luegia a 1.595 metri

Jënt de tëmp - L juech ie unì m e tù a d u m d a l a S co l a profesciunela per l cumerz y la grafica Gutenberg. L juech ie te trëi rujenedes y à inuem “I bon tëmps da zacan”. Pra l juech iel chertes da d’uni sort de culëures cun dumandes n con’ de argumënc de religion, de mestieres, proverbs y manieres de dì y n con dl argumënt zacan. La dumandes ie te trëi rujenedes, talian tudësch y ladin y nsci pòssen fé chësc juech nce mé per ladin. I jugadëures possa tré n del y aldò dl culëur dl ciamp, vëniel fat la dumandes. L vënc chël jugadëur o chëla

La finalità dl juech ie chëla de alené la memoria dla jënt de tëmp y ncurajé la comunicazion danter ëiles. La dumandes dl juech ie adatedes per la vedla jënt, l ie dumandes cun trëi mesuns de resposta y nce dumandes daviertes. L ie n juech plajëul nce per families, na ucajion per la aves y i nëinesc de ti nsenië d’uni sort de cosses nteressantes ai nepoc.

Sëlva - L mëns de fauré da chëst ann ie stat scialdi plu frëit che chël dal ann passà, cun -5,17 degré de mesana, chël uel dì na mesaria de 1,71 C° sot ala temperatura dl mëns de fauré dl ann passà, canche la mesana ie stata de -3,46 C°. L di plu frëit éi muserà ai 5 dl mëns cun na mesana de -14,33 C° y na minima de -19,5 C° ai 4 de fauré. L di plu ciaut éi muserà ai 25 dl mëns cun 6,33 C° de mesana y na mascima ai 24 dl mëns de 11,50 C°. La temperatura dl fauré 2012 ie stata de 1,5 C° sot ala mesana di ultimi 30 ani.

Per la cësa de Paussa, Erica Senoner

L mëns à scumencià sun l bel cun vel’ di de burt danterite y

jugadëura che ruva per prim te travert.

scialdi frëit nchin amesa l mëns, da dedò à l surëdl scumencià a sciaudé ite dassënn nchin ala fin dl mëns. Nevët àl puech, cin’ iedesc cun 38 cm de nëif tumeda (29 cm tl 2011). N possa dì che fauré ie stat n mëns bel, sarëinn iel bën mé stat sies dis, ma bën 17 dis de mez y mez y mé sies dis de bur’ tëmp. Trëdesc dis iel stat da vënt. Ai 29 de fauré da sëira éi mesurà 22 cm de nëif te na luegia a dumbria(tl 2011 ai 28 dl mëns 36 cm de nëif y tl 2009 for ai 28 dl mëns ovi muserà 76 cm). Josef Mussner www.lauscdiladins.com

19


Gherdëina

nr. 11 / 16 de merz 2012

L savëi culturel te Gherdëina De vedla tradizions y usanzes de Gherdëina, ma nce de vedli mestieres, stories o lijëndes ne sà trueps nia plu nëut. L Museum Ladin Ciastel de Tor fej pea pra n proiet nternaziunel per documenté l patrimone culturel nia materiel Cultura/1- L proiet Interreg Talia-Svizra ECHI ie unì prejentà n merdi ai 13 de merz te na cunferënza stampa a Bulsan, tl Palaz Widmann. L senificat de scinché l pëir n Marcià de Segra Sacun o l ciuldì che i jëuni svëia "helau" canche i va a tré zedules ie mé doi ejëmpli de n patrimone

culturel che aldò de na cunvenzion Unesco dl 2003 dëssa unì mantenì. Documenté chësta sort de patrimone culturel y l prejenté al publich ie una dla finaliteies dl proiet Interreg te na cunlaurazion sëura la sëida dla Talia y Svizra. Pra l proiet E.CH.I (Etnografie italosvizzere) fej pea i ciantons svizri

Vallais/Wallis, Tessin, Grijons, la Regions Lombardia, Val d’Aosta, Piemonte y la Provinzia de Bulsan cun l Museum Ladin Ćiastel de Tor. L Museum Ladin à cris ora de dediché la nrescida a Gherdëina, nciarian l etnologh y antropologh ladin Emanuel Valentin de fé n

nventar dl patrimone culturel nia materiel. Nchinamò iel bele unì tëut ca ntervistes di ani ’80, les metan tl computer y juntan pro mo tuedes y material video. L material che conta dla usanzes y tradizions de Gherdëina che manacia de jì perdudes unirà mo ntan chësc ann metù a desposizion dla jënt.

Prejënc pra la cunferënza stampa de prejentazion dl proiet l’assessëura provinziela per la cultura Sabina Kasslatter Mur, la respunsabla dl proiet per la Lombardia Renata Meazza, l diretëur dl Museum Ladin Stefan Planker y l etnologh y antropologh Emanuel Valentin. (usp)

Patrimone culturel nia materiel N iede fé tuedes de usanzes, tradizions y cunescënzes cultureles che manacia de jì perdudes te Gherdëina y pona les mëter a desposizion dla cumenanza: chësc se à l Museum Ladin Ciastel de Tor tëut dant fajan pea l proiet interreg ECHI che ie unì prejentà a Bulsan

Prejentà l proiet E.CH.I: la respunsabla per la Lombardia Renata Meazza, l diretëur dl Museum Ladin Stefan Planker, l’assessëura provinziela Sabina Kasslatter Mur y l antropologh Emanuel Valentin; foto USP/Pertl.

Cultura/2 - Te na cunlaurazion danter plu Regions talianes y Ciantons svizeri vëniel laurà cun la medema metodologia scientifica laureda ora da esperc. L senificat de vedla usanzes y cunescënzes tramandedes tla generazions manacia te nosc tëmps de jì perdudes. L proiet E.CH.I (Etnografie italo-svizzere) se stiza sun na cunvenzion Unesco dl 2003 che vëija dant de defënder y mantenì l patrimone culturel nia materiel. Per mantenì chësc patrimone vëniel te na cunlaurazion sëura la sëida dla Talia y Svizra ora laurà cun la medema metodologies scientifiches.

L proiet de tueda, cataloghisazion y prejentazion al publich vën realisà ti Ciantons svizeri Vallais/Wallis, Tessin, Grijons, tla regions Lombardia, Val d’Aosta, Piemonte y tla Provinzia de Bulsan cun l Museum Ladin Ćiastel de Tor. „L savëi culturel dëssa unì documentà tan giut che i testemonesc ie mo n vita,“ à dit l’assessëura Sabina Kasslatter Mur pra la prejentazion n merdi ai 13 de merz. La Cumenanza Europea à metù a desposizion 2,7 milions de euro, de chisc vën 190.000 adurvei tl Südtirol. “La Provinzia à juntà pro 10.000 euro,” à dit l’assessëura, aldò dl

comunicat stampa dla Provinzia.

Tla Lombardia na lege aposta per l mantenimënt di bëns culturei nia materiei Kasslatter Mur à oradechël auzà ora che l “ie mpurtant a mantenì i bëns nia materiei de n popul, dantaldut chëi plu vedli che ie per scumparì. L patrimone culturel materiel de Gherdëina ie de gran valuta y ie son doi iedesc cuntënta che chësc vënie documentà scientificamënter. N iede sciche espunënta ufiziela dla cultura, y pona nce ajache mi ravises persuneles ie de chëla valeda. Tradizion y inuvazion ne n’ie nia n cuntrast, ma, sciche n dij tan bel, „l ne n’ie degun daunì zënza savëi da ulà che union“. Kasslatter Mur à lecurdà che la Lombardia, che fej pert de chësc proiet ECHI, à dat ora na lege aposta per l mantenimënt di bëns culturei nia materiei. “L fossa da se mbincé che son boni de fé l medemo nce te Südtirol. La Lombardia ie la sëula region de duta la Talia che à na tel lege,” nscila l’assessëura provinziela.

Nventar dl patrimone culturel nia materiel

L etnologh y antropologh ladin Emanuel Valentin.

20

www.lauscdiladins.com

L Museum Ladin à cris ora de dediché la nrescida a Gherdëina. “L’idea ie chëla de se limité n iede a na valeda sëula, ma te na maniera sistematica y cumpleta, dantaldut se stizan sun stages de furmazion y

sun criteres scientifics laurei ora da esperc dl setor,“ spiega l diretëur dl Museum Stefan Planker. Nscì iel unì nciarià l etnologh y antropologh ladin Emanuel Valentin de fé n nventar dl patrimone culturel nia materiel. Si ncëria de doi ani ie de tué do, nriescer, documenté, analisé sun l ciamp, cataloghé y nventarisé i bëns culturei nia materiei.

n nventar on-line per documenté i bënns nia materiei de dut l raion de nteres. Nfati unirà duta la documentazions, nia mé chëla dl Museum Ladin, ala fin dl ann prejenteda sun na plataforma web. “L gran valor ne n’ie nia mé avëi na documentazion per la jënt dl post, ma de pudëi se paredlé tl raion dl’Elpes,” spiega Stefan Planker.

Documentazion de Radio Gherdëina

Epilogh leterer

N ucajion dla prejentazion à Emanuel Valentin cuntà che “la nrescida possa scumencé de gra ala documentazion audio de Radio Gherdëina, dla lingia de trasmiscions “Jënt conta dla vita da zacan” de Oswald Rifesser y Georg Delago, trasmiscions che ova scumencià ti ani ’80. Chisc bëns culturei imateriei ulons “fermé” tres documentazions audio, video y scrites. Bonamënter nce cun na publicazion finela de n liber.” Nchinamò iel bele unì laurà te doi fases. N iede àn tëut ca cie che fova bele dan man. Nsci iel unì tëut ca ntervistes che Oswald Rifesser y Georg Delago ova ti ani ’80 fat per Radio Gherdëina, coche dit. Chësta testemunianzes de vedla usanzes y stories de vita ie unides cataloghisedes y publichedes tl catalogh online dl patrimone culturel dl Südtirol (www.provinz.bz.it/ katalog-kulturgueter). Tres l Museum Ladin possa chësta registrazions unì nuzedes per tuedes. Se stizan sun la testemunianzes a usc iel unì nvià via la segonda fasa de tueda. Tulan su cuntat cun jënt de Gherdëina iel cun metodologies antropologiches sistematiches unì tëut su material video, fotos y audio.

Videos y documentazion on-line Nchin ala fin dl 2012 uniràl metù adum diesc pec video che sarà da udëi tl Museum Ladin Ćiastel de Tor. Chisc pitli filmac conta la tradizions y usanzes prinzipeles de Gherdëina che manacia de jì perdudes. Ti trëi Ciantons svizeri y tla cater Regions talianes vëniel tl proiet E.CH.I. laurà cun la medema strategia y metodologia scientifica. Universiteies, professëures, istituzions dl Minister y l Consiglio Nazionale delle Ricerche (CNR) lëura deberieda cun l fin de realisé

L proiet vëija nce dant n epilogh leterer ulache l fajerà pea cater scritëures taliani. Ala pert de Gherdëina se dedichea Marco Albino Ferrari. De fauré ài bele metù man de jì tla Regions nteressedes per tò su cuntat cun i raions y la persones dl post. La cuntedes che i meterà adum unirà dates ora te na publicazion. Na prejentazion mo dan la publicazion ie prugrameda ai 6 de agost a S. Cristina te na cunlaurazion cun la Lia de Turism. Cun l proiet E.CH.I. vëniel dat atuazion ala cunvenzion Unesco tres la ndividuazion de na metodologia che vede bën per duc i partner che lëura pra l proiet, leprò uelen judé pro che la jënt se rënde cont dla mpurtanza dl patrimone di bënns nia materiei. L fin zentrel ie dé inant ala generazion dl daunì chësc savëi y de crië na rë de cuoperazion sëura i cunfins ora danter i partner.

Chiche sà da cunté zeche de particuler ie perià bel de cuntaté l Museum Ladin Chiche sà da cunté de vel’ usanza, tradizion ma nce de vel’ festa o bal particuler, ie perià bel de tò su cuntat cun l Museum Ladin, numer de telefonn 0474 524 020. Per la tueda iel nce de utl sce l possa unì metù a desposizion vel’ material video y fotografich.

Usanzes documentedes sun video Pra la usanzes documentedes sun video iel: Marcià Segra Sacun y scinché i pëires, Cianté la tlécanoht, la juebies d’Avënt, Malans da San Miculau, Cianté la bona man, Cianté l bel mei, Rubé l’ola de juebia grassa, Usanzes da Pasca, Tradizions d e d l i e j a , D e s mu nté d l bestiam, Helau - tré zedules. (dl/ usp/ls)


Gherdëina

nr. 11 / 16 de merz 2012

L rendunësc i bëns nia materiei L Museum Ladin lëura pea pra n proiet strategich dl’Union Europea dal titul “Echi, etnografie italo-svizzere”

I malans ie tradizion pra la festa de San Miculau.

Cultura/3 - ECHI ie l titul de n proiet europeich che à scumencià de utober dl 2010 y ulache l Museum Ladin Ćiastel de Tor ie un di set partner. Do feter trëi ani che n l à njenià ca possa finalmënter

scumencé l proiet che tol si inuem da n acronim ECHI, n eho, n rundenì de testemunianzes da zacan che vën lauredes ora y archiviedes. Bele Ovid scrijova che “Eco” fova na ninfa che stajova tla montes, drët

Ala muta che n à gën ti vëniel dat n pëir n Marcià de Segra Sacun, coche da tradizion.

bona de cunté stories, tan bona che Zeus la ova nciarieda de desvië si fëna ntan che l jiva cun d’autres. Canche Era fova unida sëura de chësc ti òvela tëut a Eco chësta abltà de cunté, la cundanan a dì do l’ultima paroles dla frases che la audiva. L’eho ne n’ie donca nia auter che n framënt de na storia, na pert dla usc che rundenësc danter i parëies di crëps. Chisc “ECHI”, framënc o tòc de stories nia materieles, ie la tematica dla tuedes che unirà fates tl cuntest dl proiet europeich. Dut l proiet se stiza sun na cunvenzion dl’Unesco stluta ju ai 17 de mei dl 2003, uluda per defënder y mantenì l patrimone culturel nia materiel coche la tradizions y l’esprescions mandedes inant a usc, i rituai, la festes, la cunescënzes y l savëi, manieres de dì y nsci inant. L Ministèr per i Bëns culturei talian à ratificà chësta cunvenzion

ai 27 de setëmber dl 2007. La Svizra à recunesciù y sotscrit la cunvenzion ai 16 utober dl 2008. La cunvenzion vinculea i paejes che à sotscrit a se mpenië de mëter a jì strategies per salvé l patrimone culturel “nia materiel”. Nsci nàscel tl cuntest europeich na cunlaurazion danter la Talia y la Svizra, ulache l Museum Ladin fej pea per arjonjer i fins udui dant dal’Unesco. L raion de nteres dl proiet va dala Val d’Aosta al Piemont, Lombardia nchin ala Provinzia de Bulsan (per chëla che l Museum Ladin se cruzia) nchin ala Svizra cun i Ciantons de Wallis, Ticino y Grijons. L proiet ie transfruntalier Talia-Svizra y ie strategich, ajache uni partner che documentea, identifichea, cunservea y Desmunté d’autonn. fej la prumozion de chisc bëns nia materiei lëura cun la coche dit laurei ora da esperc dl medema strategia y metodologia ciamp. Nsci ie l Museum Ladin tl scientifica che unirà laureda ora dai lëur de documenté i rituai sibe dla mascimi esperc te chësc ciamp. Nsci vita religëusa che nce profana, la uniràl laurà deberieda cun festes, la tradizions, la usanzes, la Universiteies, professëures, cunescënzes y l savëi che n manacia istituzions dl Ministèr y cun l CNR de pierder. La finaliteies che n uel arjonjer per ruvé a fé n nventar on-line tres chël che i bëns nia materiei de duta ie desferëntes: dé atuazion dla la spersa de nteres vën documentei. cunvenzion Unesco tres la Per chël che à da n fé cun l ndividuazion de na metodologia Museum Ladin iel unì tëut su na che vede bën per duc i partner che persona tres n cuntrat per doi ani lëura pra l proiet, auzé l savëi y l che se cruzia de tué do, nriescer, recunescimënt dla mpurtanza dl documenté, analisé sun l ciamp, patrimone di bëns nia materiei, dé cataloghisé y nventarisé i bëns inant ala generazion dl daunì chësc culturei nia materiei dla valeda de savëi y de mëter su na rë de Gherdëina. L’idea ie chëla de resté cuoperazion che va sëura la sëides n iede te na valeda sëula, ma a na ora danter i partner. maniera sistematica y ntiera, ma dantaldut se stizan sun stages de Per l Museum Ladin, l diretëur furmazion y sun criteres scientifics Stefan Planker

Scola Mesana nueva La cumiscion provinziela per la frabiches de scola à te si ultima senteda tëut ite te si program l proiet dla Scola Mesana de Sëlva

La sënta dla Scola Mesana de Sëlva unirà tosc zareda ju y fata su da nuef.

Scola - Mpede n ressanamënt, dëssel aldò dla pruposta nueva unì zarà ju y frabicà da nuef. Aldò dl’idea mandeda ite dëssel nce unì fat tlasses per la Scola de Mujiga de Gherdëina, nscila te n

comunicat dla Provinzia. La cumiscion per la frabiches de scola ova bele prugramà n ressanamënt dla Scola Mesana de Sëlva. Davia che l Chemun de Sëlva à prejentà n’idea nueva de zaré ju y fé su da nuef la scola ie chësc proiet śën unì tëut su da nuef tl program prinzipel. L proiet vëija dant 9 tlasses y nsci nce la lerch per l nseniamënt dla Scola de Mujiga de Gherdëina che à 205 sculeies tla sezion de Sëlva/S. Cristina. Leprò unìssel nce fat na palestra. “N ie ruvei al pont de ulëi frabiché da nuef davia che chësta soluzion se mpaia dal pont de ududa funziunel y costa nce demanco,” spiega l assessëur per i lëures publics Florian Mussner tres n si comunicat. Canche l Chemun prejenterà l proiet ejecutif, puderà la cumiscion provinziela nce traté l finanziamënt dl frabicat. La pruietazion y i lëures vën fai dal Chemun de

messëssa unì stluc ju tëmp de doi ani, per giaurì la sënta nueva per l scumenciamënt dl ann de scola 2015-2016. Coche sënta per ntant per i sculeies àn tëut n cunscidrazion doi auternatives. Una ie chëla de tlasses-containeri, che cumporta dal’autra pert problems de logistica. Plu realistica ie la soluzion dla Cësa de Cultura te Sëlva, ulache i respunsabli à bele fat n sëuraluech. La lerch per la tlasses ie tlo, l messëssa mé unì fat vel’ ntervënt aposta, che fossa

nce de utl per la Cësa de Cultura nstëssa, iel pu mpo da fé vel’ da ntervënc de miuramënt dla strutura; y nscila jìssela te un n fé. Per i sculeies de Sëlva fossa la luegia ideéla, ma nce per i sculeies de S. Cristina, ie pu la fermeda dla curiera propi iló dlongia, pra l hotel Oswald. Danz che l ne n’ie mo nia de definitif, ma do l bënsté dla Provinzia iesen bele tl lëur de limé pra i details. David Lardschneider

Milva Mussner.

Sëlva. L’assessëura per la scola dl Chemun de Sëlva Milva Mussner dij che n ulëssa scumencé cun i lëures d'ansciuda dl 2013. I lëures www.lauscdiladins.com

21


Gherdëina

nr. 11 / 16 de merz 2012

Cincant'ani schilift Senoner sun Plan de Gralba L lift dai schi sun Plan de Gralba, fat su dai fredesc Senoner da Frëina, à cumplì 50 ani. Dan n chindesc di iel unì fat festa per chësc anuel turont y per se lecurdé nce di gran mudamënc, dla ntraunides, di festidesc y dla sudesfazions ntan tan de ani de lëur pra y ntëur chësc lift dala nëif che n à pona plu inant messù baraté ite sun n majer per lauré miec. Canche chëi dai schi à pona scumencià a jì deplù da na mont al’autra y cun l unì su dla Sellaronda, àn pona mo njenià l purtoi che va a man drëta dl lift ju per ti pité na majera sauridanza a chëi dai schi che uel furné ju n Sëlva. Dan n 20 ani iel nce unì fat l mplant da fé nëif, bonamënter un di prims che Roland Demetz à fat, miena Heini. ”Tl prim tëmp canche l fova mo manco da fé y l univa maestri cun si cursc da Fascia ca, ntlëuta mo nia tan bën furnii, ova Luis scumencià a ti pité na snops per se sciaudé ite. Chël ons cialà de tenì inant y l fajon mo al didancuei sce l ie zachei che à n drë frëit, sce l vën de tei da tlo, coche pitl sëni persunel y coche duc fej si retlam l fajons nëus ti pitan na snops,” conta inant Heini Senoner. Sce n fova tl prim cuntënc sce l jiva su n 700-800 persones al di, se àl cun l unì su dl schipas y cun

N gran muvimënt pra l lift, per fé festa y per jì cun i schi.

Anuel - Sce penson ndëur a coche la fova mo dan 50 ani n cont dla vita y dantaldut n cont dl jì cun i schi te Gherdëina, se rendons bën cont tant che l se à mudà. Y chësc pitl lift, cassù danter i crëps de Mëisules y Saslonch, à sëuravivù l gran svilup y se à adatà ai tëmps moderns, chësc dessegur nce de gra a chëi che à sapù da l mené aldò y da la mëter a jì: i fredesc Senoner da Frëina. Scumencià òvela nsci che i fredesc Luis, Karl y Heini Senoner ova l’idea de ulëi fé su n lift dai schi cassù sun Piz Sela de viers de Saslonch nzaul y fova jic a cialé ciuna che fossa na luegia adateda. „Ma pona,” nsci nes conta Heini da Frëina,”fans unic a rujené cun l professëur Engelbert de Runcac che fova te chemun y ël ova dit che dassan pu l fé ju n Plan de Gralba ulache l ie plu saurì da ruvé permez y plu daujin da streda. Se àn lascià dì y an pona damandà te chemun sce pudan l fé iló.” Per la sajon da d’inviern 1961/62 fova l lift dai schi njenià da lascé jì. ”Canche an giaurì ne fòvela danz nia massa ”rosig”, conta inant Heini Senoner, ”l fova puecia jënt

Luis da Frëina ova na gran pascion y legrëza a lauré pra l lift.

22

www.lauscdiladins.com

che jiva su y fan danz grams.” Ma pona fòvela stata nsci che iust ai 24 de dezëmber se òvel rot la sentadoia de Piz Setëur y coche la ie mefun a de teles possa la desfertuna di uni vester la fertuna di autri. L lift dai schi à giapà note y à abù n otodì de boni. ”Nëus fan duc jëuni, scioldi puec y deguni, y do la capara che an messù ti dé tl prim ala firma Nascivera de Rovereto che ova fat su l lift, fòvel pona ai prims de jené da ti dé i scioldi dla prima rata per paië ju l lift. Davia che an abù la fertuna de lauré bën, ans pudù ti dé chisc scioldi y l patron dla firma nes ova laudà dijan – bravi ragazzi, così va bene!” Ntlëuta ne fòvel mo nia la furnadoia de Piz Sela, mé sal Comici fòvel mo n lift dai schi. La jënt univa da Sëlva su cun la curiera o scenó da Ciampinëi ca, ju per la Cinch o la Sies, n pudova po’ furné inant ju n Sëlva, ma l purtoi fova danz plutosc periculëus. Tl prim muova l lift delà da ruf y l fova da jì su n pitl tòch a pe ”... y chël va mefun duc ngërt”, conta inant Heini, ”nce Batista de Ciampac, n bon maester de schi ntlëuta, minova che for messëi ti purté su i schi a chëst’ëiles ie bën mpue ncomper, nsci ons pensà che l à bën rejon y on spustà ju la stazion decà da ruf ulache la ie śën.” I prim ani ne laurova l lift nia massa bën y nsci se ova un di fredesc, Karl, stufà y fova zapà ora, ma Luis, che fova n bon artejan, ova na gran pascion per l lift: ”Chësc lift fova si vita,” dij Heini, ”d’inviern fòvel for lassù, l ova fat l ejam da mascinist y da caposervisc, che fossa l respunsabl de dut chël che suzed ntëur al mplant ite. Che teniva i conc fova for Annemarie, si fëna, ëila ulëssi propi rengrazië per dut chël che la à for fat. Suvënz canche Luis se n jiva ti damandòvela ulache l va pa y ël ti respundova che cassù

dal lift iel for zeche da fé. Y l fova pa nce for dut a puntin, ti 50 ani che on abù l lift cassù ne n’iel mei stat nia y l ne n’à mei mancià nia. Dan n valgun ani ie pona Luis mort y mpede ël ie zapei ite si mutons Carletto y Werner. Carletto ie l respunsabl dl lift y Werner tën dut al ordn y ie drët lezitënt te si lëur. Ie jude ntëurite ulache l ie de bujën dantaldut d’autonn canche l ie da mëter a jì dut per la sajon dai schi.” Sambën iesen jic pea cun i tëmps, sce tl prim pestòven ju l purtoi cun l protl cun un dancà y un dovia che l teniva, iel nce tlo ngali unit su l bujën de avëi n purtoi njenià ca miec y nsci àn cumprà dala Prinoth n pitl giat

la Sellaronda mudà truep, oradechël lëura l lift scialdi cun la scoles de schi dantaldut per i cursc di pitli. Heini: „Ulësse mo dì che cun la familia Marzola y cun Gianni nstës, se ons for ciafià scialdi bën y ulësse i rengrazië sciche nce duc i ujins de Plan de Gralba per la bona cunlaurazion, cun la speranza che ti proscimi 50 ani bùtela inant coche la à butà te chisc prim 50 ani.” Y cun chësc à i patrons Senoner dl lift de Plan de Gralba nvià n vënderdi ai 2 de merz a na pitla festa alalergia, cun mujiga y n bel y bon buffet njenià ca da Moritz de Lina y cuncià ora sun na bar de nëif njenieda ca aposta per l’ucajion. Prejënc truep cumpanies, i ambolc de Sëlva y S. Cristina, l assessëur Andrea da Costa, l presidënt dl schipas de GherdëinaMont de Sëuc, plu patrons y cunlauradëures di lifc y mo trueps d’autri che se à tëut dl’aurela de festejé pea se gudan l bel di. (uk)

L lift dai schi ”Senoner” sun Plan de Gralba, zacan y ncuei.

L bel buffet njenià per la festa di 50 ani. Da udëi nce i trëi patrons Werner, Carletto y Heini Senoner.


Gherdëina

nr. 11 / 16 de merz 2012

Sculeies de Urtijëi a Unieja

“…y Idie à udù che l fova bon”

Sculeies dl Lizeum d’Ert Cademia fej esperienzes tl ciamp dl lëur y de stude pra firmes privates y tla Accademia di Belle Arti de Unieja

Cie uel pa dì chësc titul y a chi ti tómel pa ite de mëter a jì zeche n con’ de chësc? Dut à scumencià na sëira d’instà, ntan che n valgun cumpanies fajova na descuscion de “Idie y l mond”

Sculeies dl Lizeum d’Ert de Urtijëi a Uieja.

Murano.

Scola - Tratan la tematica dl urientamënt tl ciamp dl stude y dl lëur à nce chëst ann i sculeies dl Lizeum d’Ert Cademia pudù crì ora danter fé pratica de lëur te na firma o na esperienza curta ma ntensiva de n’ena tla Academia di Belle Arti a Unieja. Prësciapuech n terzo di sculeies dla cuarta tlas à cris ora de fé la prima esperienzes de lëur te na firma de grafica o pra n scultëur. L rest di sculeies ie jic la prima ena de merz a Unieja tla Academia, ulache i à fat pea la lezions y à laurà tla berstotes. Sambën fòvel udù dant nce n program culturel ora dl’ëures tl’Accademia, ulache i sculeies a vijità danter l auter a Murano na fabrica ulache i lëura la scipa y la ijula de Burano cun la cëses tipiches de uni culëur de chëi che va a pië pësc. Oradechël fòvel sun l program nce la vijita ala richëzes artistiches y cultureles de Unieja, che i sculeies ova mparà a cunëscer nchinamò plucheauter ntan la lezions de storia d’ert a scola. Dal’autra pert vën pona chësta y la proscima ena sculeies dl’Accademia di Belle Arti a vijité l Lizeum d’Ert y la Scola Profesciunela per l Artejanat Artistich. Ëi fej pea, deberieda cun i sculeies che fej i ani de spezialisazion, n curs ntensif de scultura. Chësc “barat de sculeies” gëura pusciblteis de se giamië y de ngrandì si cunescënzes y capaziteies tl ciamp dl’ert, sibe per i studënc dl’Academia che per i sculeies dl Lizeum d’Ert y dla Scola Profesciunela.

Foto y religion - Danter chisc cumpanies n fòvel de tei dl Fotoclub Gherdëina y dl Cunsëi de Pluania de Urtijëi y nscila iel nce nasciù l’idea de mëter a jì zeche deberieda. La tematica dla natura, di tieres y dla persona, che ie duc sun l medemo mond, che viv sun l medemo planët, ie stata l pont da ulache l ie unì cris ora l argumënt per la cunlaurazion danter l Fotoclub Gherdëina y l Cunsëi de Pluania de Urtijëi. Y sambën dassòvel nce vester zeche che ti vën ancontra al uedl dl fotograf. Da duta chësta ideies iel unit ora de mëter a jì plu manifestazions: n cuncors de fotografia cun na mostra y d’autra manifestazions n con’ dla tematica dla criazion. L cuncors dassova finé cun na mostra dal titul“…y Idie à udù che l fova bon”, che ie tëut ora dal prim liber dla Bibia, ora dla cunteda dla criazion te Gen1, ulache l test nes conta de set dis, te chëi che Die à crià l mond, la plantes, i tieres y la persona. Sce n liej avisa l test de Gen 1 pòssen abiné l titul dla mostra bën sies iedesc: ala fin de uni di ti cëla Idie mo n iede a chël che l à fat, al linëus, al mer y ala Tiera, a dut chël che crësc sun la Tiera, al di y ala nuet, ai tieres dl

mer y dl ciel, ai tieres dla Tiera y al bestiam. Y uni iede vëijel che l fova bon. L sesto di fej Idie la persona, y tlo abìnen mo n iede nosc moto, ma te na forma renfurzeda: l fova drët bon! Chësc nes dà na bela ududa de nosc mond y dla natura. Y avisa chël de crì y abiné l bon dla criazion fova pona l duvier di fotografs che à fat pea l cuncors. L regulamënt dajova dant de abiné n motif per uni di dla criazion. Nsci à uniun dat ju set fotografies, cie che ne fova segurdenó saurì. La fotografies dëssa mustré su l lëur di fotografs che se à dat ju cun l test, ma l ne se trata perchël nia de na tematica stluta ju. Al didancuei vëniel suvënz paredlà y muserà danter criazion y evoluzion, l vën rujenà truep dla natura y dla belëzes de nosta Tiera, ma l vën nce revinà y desdrù truep. Tla mostra iel da udëi la sies linges de fotografies che ie unides crisses ora coche la plu beles, ma ënghe na slydeshow cun duta l’autres (per nfurmazions plu avisa n con’ dla mostra ma nce de doi referac cialé sot a plates de informazion dovia te chësta edizion dla USC). Claudio Cainelli

Doi fotografies che ie unides fates per l cuncors de fotografia “…y Idie à udù che l fova bon”.

Iscrizions nchin ala fin de merz L vën mo fat a l savëi che i sculeies dla terza mesanes che à nteres de jì inant a scola te Gherdëina, tl Lizeum d’Ert o tla Scola Profesciunela, possa mo se lascé scrì ite nchin ala fin de merz. Burano.

La diretëura Elisabeth Baur www.lauscdiladins.com

23


Gherdëina

nr. 11 / 16 de merz 2012

L postin vën a proa dl Cor de Dlieja Recunescimënt y rengraziamënt a Richard Senoner per l’atività da presidënt dl Cor de Dlieja de Urtijëi. Paul Demetz de Sulé furnì su da postin, per la festa a surpreja. Senteda generela dl Cor Lies - Cun na pitla festa coche sëni de recunescimënt y rengraziamënt a Richard Senoner per l’atività da presidënt dl Cor de Dlieja de Urtijëi, iel n merdi ai 6 de merz unì finà via la proa dl Cor y Urchestra. Do che Richard ie per bën 18 ani stat a cë de chësta lia, àl ntan la senteda generela ai 21 de jené dat ju chësta ncëria.

Festa per Richard Senoner Ntan duc chisc ani coche presidënt se à Richard Senoner for dat ju cun gran mpëni per l bën dla lia y chësc à l Cunsëi y duc i cumëmbri ulù ti recunëscer cun na pitla festa a surpreja. Do na pitla ëura de proa, ai 6 de merz, univa ora de nia Paul Demetz de Sulé da porta ite, furnì su da postin, per dé ju n pachetl cun na scincunda per Richard. Sambën à ël fat de gran uedli per chësta matada ora de program drët garateda, y la pitla festa ie mo jita inant, ulache duc à pudù se maië y se bever zeche, s’la ciaculé y s’la cianté. Dan che Richard fova unì lità coche presidënt dl Cor de Dlieja tl ann 1994, òvel nce bele laurà pea te Cunsëi per n struf. Ël ie nce stat cumëmber dl cumité per l orgun.

Senteda generela y vela dl Cunsëi Ntan la senteda generela ai 21 de jené tl restaurant Concordia a Urtijëi, iel unit ora plu mudamënc, dantaldut tl Cunsëi. Coche presidënt dla lia iel unì lità Filip Piccolruaz, che à nce bele ti ultimi ani laurà pea tl Cunsëi coche archivar dla notes. Pra l Cunsëi à Prisca Bernardi y Maria Kostner dat ju si ncëries de scrivana y cassiera y te chësta ucajion ulessans les rengrazië per si atività y mpëni. Pra la veles dl cunsëi iel unì lità coche cumëmbri nueves Aron Moroder cassier, Petra

Seifart archivara dla notes y Martina Malsiner scrivana.

Atività dl ann passà y cumëmbri nueves N à pona cialà de reviers al’atività dl ann 2011, ulache l ie stat truep de biei mumënc. Danter chisc àn ulù lecurdé l’ativiteies plu particuleres, sciche l barat cun l Cor de Tavernola sun l Lech de Iseo, l cunzert dl „Requiem“ de Mozart ai 24 de setëmber y la pitla festa di cores dla pluania n unëur de S. Zezilia ai 19 de nuvëmber. Ntan la senteda generela iel unì tëut su ufizialmënter Mara Kostner y Silvia Spisser che sona la vidula pra l’Urchestra.

Uneranzes Oliva Kostner y Erich Mussner à lascià pra la lia. Erich à sunà pea la pauca pra mësses y cunzerc per bën 42 ani. Nce l’altista Oliva Kostner ie stata cumëmbra dla lia per 47 ani y l cunsëi à ulù demustré si recunescimënt ti dajan l diplom de cumëmbra de unëur dl Cor de Dlieja. N auter diplom ti àn sëurandat a Paul Demetz per i 25 ani d’atività pra l Cor, danter l auter nce coche cumëmber dl Cunsëi y archivar dla notes. Te chësta ucajion ulessans nce rengrazië la dirighënta Felicitas per dut l lëur y l gran mpëni che la porta for ite per fé garaté la proes y l’ejecuzion de chël che ie unì mparà ite pra la festes liturgiches.

Atività dl Cor tl 2012 L’atività da chëst ann dl Cor y dl’Urchestra sarà ënghe scialdi rica. L’atività prinzipela sarà zënzauter inò l abelimënt de festes liturgiches, nozes y supeltures, ulache l sunerà y cianterà cuartec, otec, Cor cun Urchestra y solisć. Oradechël cialeràn de mëter a jì plu ucajions per lauré deberieda

L Cunsëi dl Cor de Dlieja de Urtijëi deberieda cun l presidënt da dant Richard Senoner. Dovia: Helga Schuster Insam, Felicitas Schweizer Kostner, Richard Senoner da Luca, Theodor Rifesser, Alberta Hofer Demetz, Lukas Runggaldier, Ploner Christian. Dancà: Petra Delatzer Seifart, Filip Piccolruaz, Aron Moroder, Martina Malsiner.

cun ciantarins y mujizisć jëuni, per ti dé l mesun de cianté y suné pea pra l Cor y l’Urchestra y per ti purté daujin la mujiga tlassica y nce cuntemporana che ie tl repertore dl Cor. Coche prim pitl proiet uniràl purtà dant la „Missa Criolla“ de Ariel Ramirez pra la festa dl „Aufertog“, ulache ciantarines y ciantarins jëuni y nce manco jëuni arà la puscibltà de cianté pea. Per la lia uniràl metù a jì na sëira de descuscion ulache n cialerà dantaldut de fé n pont dla situazion atuela dl Cor y dl’Urchestra y de cie che purterà i proscimi ani, pensan nce al daunì dl’atività dla Pluania y dl’Union pasturela de Gherdëina. Sambën ne manceràl nce chëst ann nia i mumënc per

sté deberieda tla lia sibe pra vel’ jita, escurscion o pra vel' sëira do proa.

Unide pra l Cor! Per finé via ulessans mo tò l’ucajion per lecurdé a chiche l ti savëssa bel a cianté pea pra l Cor

o nce pra l proiet dla „Missa Criolla“ de cuntaté Felicitas Schweizer Kostner, Aron Moroder o l presidënt Filip Piccolruaz sot al numer de telefonn 339 169 0200 o sot al adres filippiccolruaz@ virgilio.it. Martina Malsiner

L presidënt da dant Richard Senoner cun Oliva Kostner y Erich Mussner.

Cor y Urchestra de Urtijëi.

24

www.lauscdiladins.com

Filip Piccolruaz rengrazia Richard Senoner per si lëur pra l Cor.


nr. 11 / 16 de merz 2012

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

N rebas fiscal per finanzièr l’Apt La Pat à prejentà sia proponeta per smaorèr l’autofinanziament. Prumes idees per l projet da 1 milion de euro

La scontrèda con l’assessor Mellarini a Poza, a la prejenza di responsàboi de l’APT e de n muie de hotelieres fascegn.

Poza - L’é stat da pech aproà da la Jonta provinzièla i criteries per meter a jir la detrazion Irap per didèr dò l finanziament de la promozion turistica a favor de le Apt e i consorzies turistics de sociazions Pro Loco. L’assessor provinzièl al turism Tiziano Mellarini l’é dò che l tol pèrt a na lingia de scontrèdes sul teritorie trentin per deschiarir la oportunitèdes fiscales leèdes a chesta agevolazion. Chisc dis passé defat l’assessor l’é stat te la Val de Non, a la Termes de Comano, a Madonna di Campiglio e ence te Fascia, olache, compagnà dal dirigent del departiment Turism de la Pat, dotor Paolo Nicoletti, l’à scontrà i

operatores economics fascegn e i sozi de l’Apt. A livel nazionèl - l’à dit l’assessor - l’é stat dezidù de aplichèr la tassa sul turism, ma tel Trentin l’é stat fat na cernuda desvaliva per ressolver l problem de la liquidità de le Apt, tolan fora n strument desferent che posse didèr la Aziendes turistiches e tel medemo temp slejierir l peis fiscal de la impreses che destinea ressorses al turism. L’é stat pissà che no fossa stat giust pesèr sul ghest che rua e aboncont no l’era la segureza che la ressorses les ge rue proprio a le Apt, coscì se é rué a l’idea de l’agevolazion Irap, ajache de tasses n’é assà per duc. Tel detai del provediment l’é jit

l dotor Paolo Nicoletti, che à rejonà del tem n muie sentù del finanziament de le Apt e di consorzies Pro Loco. Aldò de la lege del 2002 chesta Aziendes de fat é doventèdes privates - l’à dit - ampò amò anchecondì, enceben che gestides da sogec privac, les à besegn de ressorses provinzièles. Donca l problem l’é co smaorèr i versamenc di privac zenza smaorèr la prescion fiscala de la firmes, che l’à oramai passà via l 50%. La Pat à pissà a meter a jir n impuls con n rebas fiscal: l contribuent de vigni setor che destinea finanziamenc a l’Apt o al Consorzie Pro Loco à l met de portèr en detrazion da l’Irap de chel an l 50% de chel che l ge à dat a l’Ent turistich, con l met de ruèr fin al 75% con la deduzion te la declarazion di vadagnes, per l’Ires. I finanziamenc oget de la detrazion i à n limit minimal: se trata de 1.000 euro per la impreses che opera tel ciamp turistich e de 250 euro per duc i etres sogec. Nicoletti à recordà che l versament cogn esser diret e no fat travers la sociazion de categorìa. La quota de autofinanziament privat a chesta vida la cognessa crescer e per la fin de l’istà l’é pervedù na azion de verifica de chest vers: se l provediment no l dèsc i fruc speré se cognarà fèr zeche de auter, no podon se permeter de stèr cec - l’à dit Mellarini.

L’enconter l’é ence stat l’ocajion per l’assessor de soscedèr na reflescion: no saon coche la jirà tel davegnir - l’à dit - la crisa che l’é a livel mondièl la ne à metù dant scenaries che fin acà pech temp no se assane nience mai pissà e ades no se sà co fèr front, con coluna dinamiche s , con coluna scomenzadives. Ge vel entener co jir inant, soraldut te na tera che vif de turism. La val cogn se domanèr e dezider che percors fèr travers momenc de confront e barat de idees, dut se sà ben tel respet de l’ambient e del teritorie, vardan de capir se chel che l’é stat fat enscin ades l pel jir amò ben o se ge vel mudèr direzion. Mellarini se à augurà che ge vegne dat lèrga ai joegn, che de spes i é n muie più realistics de

chel che somea, i à na idea del davegnir e l coraje de se verjer, per aer n turism trentin che cresc, che sie n laboratorie de idees e de pensier ence a livel nazionèl. Da ùltim l’assessor provinzièl à rejonà de politiches turistiches: per noscia val l’é a la leta 1 milion de euro e l’é stat pissà, a una con l’Apt, a na lingia de azions, anter chestes l “ritiro” de una de la squadres de balon più de nonzech de la Tèlia, la ruèda de na tapa del Giro de la Tèlia sun Pordoi con trei ores de direta, l’emprometuda che ti cinch egn che vegn sie trei tapes del Giro che rua te Fascia, la proponeta de fèr tachèr l’event “I sons de la Dolomites”, l’endrez de la Universiades del 2013. Cristina Marchetti

L funzionèr de la PAT Paolo Nicoletti con l’assessor Tiziano Mellarini.

N strument che ge dèsc ousc ai joegn Mario Detomas da Poza é stat lità raprejentant di studenc universitères tel Consei general per l’educazion e la formazion Poza - L Consei general del Comun general de Fascia l’à aproà da pech l regolament per la nomina e l funzionament del “Consei general per l’educazion e la formazion” pervedù da l’articol 46 de la L.P. dai 7 de aost del 2006, nr 5. (Sistem educatif de istruzion e formazion del Trentin). Se trata de n Consei n muie emportant, ajache l’à l’encèria de portèr dant i besegnes educatives e formatives de la comunanza ladina de Fascia e l tol pèrt, adum co la Provinzia, a la definizion de l a p ro g r a m a z i o n e d el coordenament de l’istituzion de la scola e de la formazion ladina. L se dèsc jù amò apede per la promozion e la defendura del lengaz e de la cultura ladina, percheche la scomenzadives de politica linguistica les vae d’acort co l’organisazion de la scola ladina, e per renforzèr l sentiment de identità, col creèr na rei de confront e de colaborazion anter la desvaliva realtèdes istituzionèles del teritorie. L Consei vegn nominà dal Consei general del Comun general de Fascia e l tol ite chinesc persones. Fèsc pèrt de derit la Procuradora, la Sorastanta de la scola ladina, l diretor de l’Istitut cultural ladin e l president de l’Union di ladins de Fascia o n sie raprejentant. Amò apede l’é ite l

president en cèria del Consei de la Scola ladina, l president del Comitat de valutazion de la Scola, n raprejentant de la Scolines equiparèdes de Moena, Poza e Ciampedel, l president de la Consulta di studenc de la Scola de Fascia, l president de la Consulta de la Families, n raprejentant de la sociazions sportives, n raprejentant de la sociazion di Artejegn, n raprejentant de la categorìes turistiches, doi raprejentanc del Comun general de Fascia e n student universitèr lità dai studenc universitères de Fascia.

N raprejentant anter i studenc universitères Per fèr apontin chesta ùltima nomina, en sàbeda passèda te la senta del Comun general, l’é stat chiamà ite na scontrèda di studenc universitères de Fascia. L’envit l’era stat slarià fora te la universitèdes e manà fora a na sessantina de studenc che à dat jù sia partezipazion al projet del Comun general “Leames”. Purampò de pec à tout sù l’ocajion, ma l’é ence da dir che l’é senester binèr ensema i universitères ajache i é slarié fora te desvaliva universitèdes de la Tèlia e del mond e de spes no i se cognosc nience anter de ic. La scontrèda é stata vidèda dal

president del Consei general Cesare Bernard che l’é ence professor e dachelanvìa l cognosc benon l mond de la scola. “La realtà di joegn à de besegn de maor atenzion e de projec – l’à dit Bernard - con chest strument volon ge dèr ousc ai joegn. Aer n raprejentant tel Consei per l’educazion e la formazion vel dir aer na gran oportunità per portèr dant voscia proponetes e vesc projec per l mond de la scola. Nesciuna autra comunità de val à n strument de partezipazion de chesta sort. Una de la robes più beles de l’università – à dit amò Bernard – l’é la possibilità de jir demez, fora de val, per aer n baratò de idees e

Mario Detomas, raprejentant di universitères.

I studenc universitères che à tout pèrt a la scontrèda te Comun general.

na maor avertura, l’é zenz’auter n saut de calità. Ma n’outa che se à capì e vedù chesta robes l’é ence bel vegnir de retorn te Fascia per les condivider percheche la gran richeza de n teritorie no l’é tant l’impresa, ma la idees.” L raprejentant di studenc universitères arà na encèria no da pech: tor pèrt a l’aproazion del pian per la organisazion del servije educatif ladin de Fascia, desche strument de suport per la programazion organisativa e didatica del servije educatif medemo. Ence la Procuradora Cristina Donei, ruèda da Trent su da la manifestazion su l’autonomìa, à

sotlineà l’emportanza de la raprejentanza tel Consei per l’educazion e la formazion. I studenc, dò n confront anter de ic, à domanà che l raprejentant posse aer n grop de sostegn e na senta olà se binèr e dapò duc a una à lità Mario Detomas da Poza, che fèsc l prum an a la facoltà de biotecnologie a Verona. Mario à fat a saer che l metarà sù n grop te facebook a chel che duc i studenc universitères podarà apede per esser protagonisć en pruma persona del davegnir formatif e educatif de la comunanza ladina de Fascia. Monica Cigolla www.lauscdiladins.com

25


Fascia

nr. 11 / 16 de merz 2012

Aproà l coleament “Lech de Fedaa – Ponta Rocia” Cortina neva per Ciampedel, Apede a la posizion del conseier Luca Guglielmi te Comun general de Fascia, enstadì a Cianacei l’é stat aproà l projet preliminèr per n coleament de impianc portamont da Fedaa en fin sun Ponta Rocia

Fontanac e Ciampestrin Metù ite te la speises prejentèdes te Provinzia tel FUT, la neva cortina l’é n besegn de duta la curazìa de Ciampedel

La grafiches de chela che sarà la neva cortina de Ciampedel. L Consei del Comun de Cianacei.

Cianacei - A l’orden del dì del Consei de Comun de Cianacei, stat en jebia 8 de mèrz, desvalives l’é stat i ponc, ma chi più emportanc e che à soscedà maor enteress l’é stat l’aproazion del studie preliminèr per l coleament dal lech de Fedaa sun Ponta Rocia e l’interogazion da pèrt del grop de mendranza “Ensema se pel”, vidà da Giovanni Bernard e con ite ence Luigi Dantone, Cristoforo Debertol e Riccardo Nemela, per rejonèr de la posizion de Luca Gulielmi desche raprejentant del Comun de Cianacei tel Comun general de Fascia.

Luca Guglielmi e l Comun general L grop de mendranza “Ensema se pel” à portà dant domana a l’ombolt Mariano Cloch de sostituir l conseier Luca Guglielmi desche conseier per la maoranza de Cianacei al daìte del Comun general de Fascia. La rejon, l’é stat spiegà, l’é che l conseier Guglielmi, con chela che l’à stat vedù te piaz a tor sù firmes per tor jù l Comun general (CGF), l’à palesà de esser de contra al Comun general su trasmiscions televisives e ence te comunicac publiché, l’à desmostrà de jir contra sia encèria istituzionèla (e no personèla) de raprejentant de Cianacei te CGF. Amò apede a l’Ombolt ge é stat domanà se l pensier ence duc i etres membres de la maoranza en cont del Comun general l’é a una con chel del conseier Guglielmi. L’ombolt Cloch, enceben se l’abie palesà che chesta costion ge à portà n cert baraz, l’à volù

portèr fora so conseier. “Prum de dut volesse sotrissèr che el no l’à tout sù firmes per tor jù l Comun general ma per dèr l met de fèr l referendum” à dit l’Ombolt, e l’à jontà amò ite: “personalmenter el no l me à mai dit de esser de contra al CGF. Fin dal scomenz l’é jit ite per miorèr la robes e te duta la comiscions olache l’é ite, l’à semper lurà a na vida costrutiva e con enteress. Chest l’é stat confermà ence da etres che i à lurà con el”. No contenc de la resposta de l’Ombolt, i componenc del grop de mendranza i à volù sotrissèr che duc à sentù Luca Guglielmi dir jù del Comun general e che no se pel fèr mena de nia, e i à ence domanà amò n’outa la posizion de la maoranza entrìa. A la fin no se à capì delvers, ma somea che Mariano Cloch abie responet che la maoranza no é contra l Comun general.

Neves impianc sun Marmolèda N auter argoment emportant tout dant da chest Consei de comun l’é stat chel sui projec per Fedaa e per la Marmolèda. Chesta costion ge stèsc a cher a n muie de jent, e te sala de Consei l’era ence titolères di refuges e l’ambientalist Luigi Casanova. Sun chest argoment i ponc a l’orden del dì i era doi, un l’era na interogazion portèda dant dal grop de mendranza “Ensema se pel”, che volea saer coche é dò che va inant i lurieres per l projet per la valorisazion de l’area Marmolèda – Fedaa, valutà da la Provinzia

desche n projet che “no pel esser finanzià per mencianza de ressorses”. L grop de mendranza à domanà se la maoranza l’à n projet alternatif e se no fossa l cajo de meter n raprejentant del Comun de Cianacei te la Comiscion provinzièla per la valorisazion de duta l’area de la Marmolèda. L’ombolt Cloch à tout sù la osservazions de la mendranza e l’à dit che te la scontrèda perveduda con la Provinzia, se domanarà donca ence de poder meter ite n raprejentant de Cianacei. Sul projet alternatif enveze l’é stat responet con la prejentazion (a l’ùltim pont a l’orden del dì) del studie preliminèr de fatibilità per l coleament dal Lech de Fedaa a Ponta Rocia. L projet, che ge à piajù a duc, l’é stat aproà con stima a una da duc i conseieres. Se trata de n projet enjignà amò del 2008, e l pervedessa la realisazion de n coleament con impianc portamont spartì te trei toc, leé un co l’auter, e che i vegnissa fac duc chenc te posć segures dal pericol de levines. Amò apede l’ombolt Mariano Cloch à sotrissà che chest projet sarà demò un di prumes vèresc per dapò jir più sot te duta la costions leèdes al svilup de duta la zona. Apede a l’impiant portamont sun Fedaa e sun Marmolèda, descheche l’é stat recordà da più oujes de la mendranza, fossa ence da comedèr la strèda, da jir a se enteressèr del “Piano neve” de la region Venet che tol ite ence n toch de confin che enteressa ence l teritorie Trentin. Valentina Redolfi

Operes publiches - Amò via per l’uton passà, canche la Provinzia de Trent aea dat fora la zifres tel FUT (Fondo Unico Territoriale) per meter a post bosserlaic, cortines e casermes, i ombolc de Fascia se aea binà e i aea fat fora la prioritèdes te noscia val. Ajache i 6 milions de euro dac da la Provinzia per l FUT no i podea corir duta la operes de la val, l’é stat troà na cordanza anter duc i ombolc che à stabilì de dèr la priorità a la caserma di Studafech de Vich e a la cortina de Ciampedel. Ai 31 de jené l Comun general de Fascia, descheche aon jà scrit acà vèlch setemèna, à portà ite duta la lista de operes da paèr jù coi scioldi del FUT a la Provinzia, che apontin ades cognarà dèr responeta a duc i projet. Te Comun de Ciampedel, sion jic a domanèr de poder saer zeche de più sul projet de la cortina che, descheche à dit Renzo Valentini, ombolt de Ciampedel, “l’é la cortina metuda piec de duta Fascia e l’à proprio debesegn de lurieres. L cost l’é n muie aut e per chest speron che la Provinzia azete l projet. Se cogn ence tegnir cont che la curazìa de Ciampedel tol ite ence i paìjes de Fontanac e Ciampestrin e l’é ence per chest che sion dò che proon a se cordèr ence col Comun de Mazin per corir chel che no ruarà da la Provinzia”. L projet perveit doi intervenc: meter a post la cortina che l’é jà e realisèr n toch deldut nef, che l vegnarà fat tedò la cortina de ades e la gejia di Sènc Felip e Giacum de Ciampedel. L cost de dut l’intervent l’é stat stimà sun 2 milions e 960 mile euro. Na speisa belebon auta e che,

descheche ne conta l’ombolt Valentini, la é coscita auta, percheche per lege la projetazion e la realisazions de la cortines cogn ge jir dò a leges e autorisazions spezifiches per chesta sort de operes. Per fèr na cortina, su la basa de la normes, ge vel ge jir dò a duta na serie de prozedimenc spezièi e che i domana ence l’intervent de esperc e de perizies sul teren. Ence per la fasa de la projetazion l’é stat domanà l’intervent del geologh che à cognù analisèr dut l teren. L projet l’é stat realisà da n grop de lurier coordenà da l’architet Andrea Ongari, tecnich del Comun de Ciampedel, e olache l’é ite ence l’enjegner Pietro Vanzo, l’architet Stefano Sani e apontin l geologh Luigi Frassinella. Da coche se pel veder su la grafica di projec, la neva cortina de Ciampedel vegnarà fata per n gran toch via per tedò la gejia, e per l’auter toch sora la cortina de ades. Apede a la cortina, vegnarà fat fora ence l piaz tedant a la gejia, olache vegnarà metù a post dut l mur de sas, vegnarà valorisà l monument ai sudé e da olache vegnarà fat pontèr via la neva strèda per jir te cortina che vegn fata per dèr l met de poder ruèr su coi mesi. Ampò podarà jir sù demò i mesi autorisé o de chi che no pel jir a pe. L projet dapò perveit l’obligh de fèr fora ence na capela e de lascèr gran lèrga al vert. Per didèr ence mìngol l’inseriment tel teritorie de chesta neva opera, vegnarà metù jù èlbres e la fosses sarà duta medemes, per miorèr la parbuda de la cortina e de dut l paìsc. (vr)

Dant de dut ge vel la strèda!

L publich che à tout pèrt a l’ultim Consei de Comun de Cianacei, enteressà soraldut a la costion de la Marmolèda.

26

www.lauscdiladins.com

L’aproazion per l’impiant portamont sun Marmolèda à portà reazions desvalives, che tira endò cà l problem de la viabilità sun Fedaa. Apede a la mendranza de Cianacei, ence Andrea De Bernardin, ombolt de Rocia, sentù da Lorenzo Soratroi (colaborator de La Usc di Ladins da Fodom), l’à dit: “son a una con l’impiant, percheche la mencianza de impianc portamont da Fedaa a Ponta Rocia à ferà l svilup turistich

de la Marmolèda, ma dant ge vel meter a post la strèda che d’invern la resta serèda per setemènes entrìes”. Mario Vascellari enveze l’à vèlch dubie su la realisazion de chest impiant, per so cont massa gran, con pilons da 60 metres, per vegnir aproà da la Provinzia, e l recorda l projet de l’impiant più bas che era stat prejentà da PAT e Region Veneto tel chèder de la cordanza per la Marmolèda”. (vr)


Fascia

nr. 11 / 16 de merz 2012

Fascia protagonista tel film “Dreaming Alaska” L vegnarà fora a la metà de oril e l vegnarà prejentà te val via per chest istà l’hotel Millefiori sa Valongia e de la Mèlga ti Munciogn. L film, en pèrt autobiografich, conta la storia de doi amisc, Alan, geologh, interpretà da D’Ambrosio e Thomas, regist, interpretà da Valla, che no é nia contenc ajache no i é stac bogn de realisèr si ensomesc. I doi, autores da bec del pìcol film “Alaska” (e chest l’é l pont de contat con Dario e Emanuele), dò se aer perdù de vista se troa da nef sa mont, lech che più che i etres recorda sie mit, la teres de l’Alaska e olache, anter aventures ironiches, i jirà a la enrescida de se enstesc. La ripreses del film aló da la Mèlga ti Munciogn.

Film - L’era l 1995 canche a Felino, te la Provinzia de Parma, dò na gran fiochèda, Emanuele Valla e Dario D’Ambrosio, doi tosec de 13 e 11 egn, met ensema “Alaska”, l filmat che ge dèsc esprescion al mit de la tera mai violèda del Nord. Ades, del 2012, vegn fora “Dreaming Alaska”, l film de chi doi bec doventé un regist e l’auter scenegiator e duc doi atores, che realisea sie ensomech cinematografich te val de Fascia. Defat l’é te noscia val che anter

mé e setember del 2011 l’é stat ambientà gran pèrt del film che vegnarà portà dant per la pruma outa via per la metà de oril. Valla à declarà de conscidrèr Fascia, olache l vegn da canche l’é bez, desche sia seconda cèsa, n lech ezelent per passèr l messaje de na natura maraveousa e deldut protagonista. Tropes i ciak touc jù anter i crepes, i bosć e i orizonc di gropes dolomitics de Sela, Saslonch, Pordoi, Marmolèda e Latemar. L’é stat fat ripreses ence daìte de

“Dreaming Alaska” l’é n film che no à abù nesciun cost, frut de la pascion de Valla e D’Ambrosio, che dò l filmat fat da joegn, i à lurà tel mond del teater (soraldut del musical) e del chino, i à vent pesć per si film e i à metù sù ence na compagnìa de teater amatorièl “ArtistiSenzaNome”. Na esperienza te desvalives ciampes chela di doi artisć che à desfrutà al miec ence la oportunitèdes del web ajache proprio dal sit del film www. dreamingalaska.com e da la piates de Facebook de Fascia i à envià

I protagonisć del film “Dreaming Alaska”.

via na regoeta de scioldi per comprèr i deric d’autor de vèlch ciantia durèda tel film. “Se aon fat l film en cèsa – à dit Valla – de gra ence al contribut de tecnics e atores nesc amisc. La musega, che à n ruol fondamentèl tel film, ne é stata per gran pèrt sporta per nia da artisć selezioné, anter chisc ence l grop di Alpenboys co na ciantia per ladin. L toch enveze “One life” de James Morrison ne à costà n muie e l’é per chest che l’é stat envià via la regoeta de finanziamenc te

Internet.” La val de Fascia la é donca protagonista ence de n nef stil de fèr cinema, leà a la rei e ai sacotenc festival internazionèi (ence sul web) de pelicoles indipendentes, a chi che l film se à scrit ite. L film l’é stat moscià per la pruma outa a Parma e l’à jà abù n bon suzess. Valla à dit che chest istà ge piajessa l prejentèr ofizialmenter ence te Fascia. “Sion fidenc – l’à dit Valla – ajache de gra a “Dreaming Alaska” saon che i ensomesc pel doventèr realtà”.

Per no desmentièr L’artist fascian Reinhold de Fieck ge à portà dant al publich sia idea per meter sù na sociazion per valorisèr i pionieres de noscia va Cultura - L’à inom “Per no desmentièr” la sociazion nasciuda da la ment de “Reinhold” Rinaldo Cigolla de Fieck, clas 1934, col zil de tegnir sù l’opera di pionieres che à portà al svilup atuèl de noscia val. L projet de Reinhold l’é stat portà dant te doi scontrèdes fates via per i meisc passé te Scola Marmolèda de Cianacei, olache l’à troà aprijiament e didament da la jent envièda. Anter duc, l’era Concetta Colcuc Anesi, dapò Michele Verra, Thomas Amplatz del Comun de Cianacei, Fiorenzo Perathoner, l’assessor a la cultura del Comun

general de Fascia Renzo Valentini e la responsabola de l’ofize linguistich Sabrina Rasom, che i à ence portà dant idees e consees sul co jir inant per fèr a na vida che la sociazion doventé realtà e che la posse valorisèr la operes e i lurieres de valuta porté dant da n muie de chi che podessa vegnir conscidré apontin desche i pionieres de Fascia. L’artist Reinhold l volessa tachèr da la “mère del Pordoi”, Maria Piaz de Pavarin, pioniera del turism te Fascia; l senator Ezio Anesi, diretor de l’Apt, ombolt de Cianacei e

fondador de l’Union Autonomista Ladina; Père Frumenzio Ghetta de Martin, per la cultura e la religion e Zerilo Dellantonio Bora, prum maester de Reinhold, ma dant de dut artist e promotor de la pruma scola d’èrt a Moena, de chela che fajea pèrt n muie de fascegn ma ence gherderenes che amò anchecondì, a la scola d’èrt, i empèra dal liber del maester Dellantonio. Amò apede Reinhold volessa recordèr ence i 4 eroes de la Val Lastìes con n monument te piaz de Cianacei e dapò ence mudèr l’inom de vèlch strèda o vèlch piaz proprio

a Cianacei. Per ejempie ge dedichèr Piaz Marconi al senator Ezio Anesi. Apede a operes concretes per recordèr chisc personajes, l’idea de Reinhold Cigolla fossa ence chela de tegnir sù e fèr cognoscer chel che i à fat chisc personajes a la neva generazions e per chest una de sia idees sarà ence chela de l fèr doventèr desche materia de ensegnament te la scoles de Fascia. Reinhold l’é dò che l va inant, domanan a chi che vel de dèr na man acioche chesta neva sociazion posse se concretisèr. (vr)

Rinaldo “Reinhold” Cigolla.

N rich calandèr de conzerc a La Grenz La sociazion de musega da Moena à endò avert si ujes per sporjer na lingia de proponetes enteressantes Musega - Dò na sort de “paussa da d’invern”, col ruèr de l’aisciuda la sociazion La Grenz se à descedà fora de colp, e l’à dezidù de peèr endò via de bot con na rica proponeta de conzerc. A fèr averjer endò da nef i ujes de La Baita, la bela senta de la sociazion de musega e cultura da Moena, l’é stat ai 12 de mèrz la Jam session di musizisć del Dolomiti Ski Jazz. L chitarist Francesco Mazzù e sie trio “Jazzmood” se à enterzà con etres sonadores, e anter chisc se sà ben ence Enrico Tommasini, diretor artistich del Dolomiti Ski Jazz e president de La Grenz, per endeletèr l publich, che per l’ocajion l’é ruà en gran numer enscin sun Strada Saslonch 56.

Engaissà dal bon scomenz, l diretif à metù ensema per chisc meisc che vegn n program dassen rich e enteressant, che se mef anter generes de musega deldut desferenc, ma l vèrda semper con atenzion a la proponetes leèdes a nosc raion e nosc lengaz. Se pearà via en sabeda ai 24 de mèrz con l grop de Gherdena “Secco”, che portarà te Fascia i tòc de musega pop ladina de so ùltim CD dal titol “Abinei”. Dapò ai 14 de oril se jirà inant con n auter artist ladin, Chris Costa, badiot de nonzech internazionèl, che portarà duta sia grinta te la formazion “Dirty Soul” con Michele Bonivento e Luca Bortoluzzi. Ai 29 de oril se podarà scutèr la ousc da encant de Patrizia

Laquidara, che à avert chest an l Dolomiti Ski Jazz con n spetàcol straordenèr con i sons misteriousc dai referimenc etnics del “Canto dell’Anguana”. Ai 19 de mé sarà dapò Loris Vescovo e Caia Grimaz, doi musizisć furlegn jà trop cognosciui te Fascia che aea ence tout pèrt al beliscim conzert “Ciantà Vilotis” con Antonella Ruggiero. Se trata dassen de n gran empegn, chel portà dant da la sociazion per chierir de portèr te Fascia n program de musega dal vif de chest livel. L diretif, dò la dificoltèdes e la pecia partezipazion a la proponetes de l’an 2011, l’à dezidù de fèr amò chest sforz, speran te na mior resposta de la jent: chest an la quota sozièla la é demò de 10,00 euro, e la dèsc

derit a poder ite debant a duc i conzerc dal vif che vegnarà endrezé via per l’an. Paa dassen la speisa se n emprevaler, e sostegnir a chesta

vida l’atività de la Grenz, che ne dèsc l’ocajion de poder scutèr ence chiò entorn musega dal vif dassen bela e enteressanta!

Un di bie conzerc sporc del 2011 da La Grenz: l grop furlan “Radio Zastava”. www.lauscdiladins.com

27


Fascia

nr. 11 / 16 de merz 2012

30 egn dal più gran pelegrinaje de Fascia a Loreto Ermanno Winterle da Pera ne conta de sia esperienza te chest gran pelegrinaje che te dut l Trentin à binà ensema passa 500 anter malé, dames e barelieres, e pelegrins Sozietà - La tradizion di pelegrinajes l’é na usanza che va n muie endò tel temp e i fascegn, da bogn cristiegn, i à semper portà inant chesta tradizion. Dant a Baissiston, lech de devozion de duc i ladins, dapò Lourdes, e da n muie de egn ence a la Madona de Loreto. Chest an, ne à recordà Ermanno Winterle da Pera, per l pelegrinaje di fascegn a Loreto l’é n cedean spezièl, ajache l’é passà giust trent’egn da canche l Lions Club de Fiem e Fascia, de chel che Ermanno te chel an l’era l president, aea endrezà chel che l’é stat l più gran pelegrinaje a Loreto de la doi valèdes de la Veisc. L’é stat n event spezièl percheche de gra a Ermanno, l Lions Club, ge à sport l pelegrinaje a duc i pedimenté de Fascia e Fiem. La valuta de l’event la é stata recognosciuda amò enlouta ence da desvalives articoi, che Eny à tegnù sù, vegnui fora sui maores sfoes provinzièi, desche l’Adige,

l’Alto Adige e Vita Trentina. Co éla stata che ve aede endrezà del 1982? Ermanno Winterle: “L’é stat n gran moment che à vedù la partezipazion de n muie de jent e che l recordaré ence per la colaborazion che l’é stat anter le doi val de Fascia e Fiem. L’é n bel recort e l renove con gran piajer. Enlouta ere president del Lions Club e ge é proponet de ge sporjer l pelegrinaje ai malé. Al scomenz i à dit de no, ma a la fin, no demò son stat bon de ge far dir de scì, ma son stat bon de far vegnir al pelegrinaje ence n muie de chisc sozi. Duc i sozi se à dat da far per binar sù i finanziamenc da la Cassa Rurala e da le Coprative e autre firme e coscita aon endrezà dut. Son jit ciasa per ciasa te duta Fascia e Fiem e a la fin sion stac bogn de far jir 59 pedimenté a Loreto, zenza paar nia. Amò apede na bona part

N bel retrat che tol jù duc chi da Fascia e Fiem che aea tout pèrt al pelegrinaje de Loreto del 1982.

di sozi li à compagné fajan le dame e i barelieres. Enlouta canzelist l’era Alfredo Weiss che voi amò rengraziar percheche ensema a el aon fat segur più sorì.” De tenc eraède? “Al pelegrinaje del 1982 l’era passa 500 persone, da dut l Trentin. L’era ence l Piscop Alessandro Maria Gottardi e l Piscop de Loreto. L’era 37 barelieres (16 da Fascia e Fiem), 67 dames (19 da Fascia e Fiem) che i à compagnà 54 malé (29 da Fascia e Fiem) e 83 malade (30 da Fascia e Fiem). E dapò, apede a ic l’era ence 306 (30 da Fascia e Fiem) pelegrins ence ic aló per didar. L’era ence 9 capelegn con don Paolin Desilvestro da Moncion”.

L grop de fascegn endèna una de la funzions a Loreto.

Con che meso siede jic jù?

“Da Fascia fin a Trent con la coriera e dapò da Trent enscin a Loreto con la ferata. L’era na ferata duta per noi, con 11 vagogn, duc atrezé per i malé. Ge volea se cruziar de dut: i didar a i far montar sù e ence a ge dar da beiver e da magnar. Canche se era a Loreto dapò se tolea part a duta le funzion per doi dis de seghit fin a la domenia. Canche l’era sera, aane i pie che fumaa. Chel che me piasc recordar ampò l’é più che auter chesta gran union per le persone che aea debesegn, n besegn che no l’é demò chel de esser mené, ma ence chel de esser scuté. L’é n moment olache tu desmentie di problemes e tu te mete a la leta de chesta jent. L zenter de l’atenzion l’é i malé e chest te fasc pissar demò a ic. I pelegrinajes che

é fat gio l’é stat viajes che me à segnà, i me à lascià n muie de bie recorc, l contat coi pedimenté, sia gran umanità, no me desmentiaré mai più”. Per Ermanno Winterle l pelegrinaje a Loreto l’é semper stat n apuntament de gran emportanza e chest del 1982 l ge à lascià daìte dassen n bel recort, ence percheche en chel an a Loreto l’era duta sia familia che à festejà i vint egn de maridoz anter el e Antonietta... l ne à jà dit che no l menciarà nience chest an a Loreto, se sà ben, per didèr e per festejèr sia nozes de or. L pelegrinaje a la Madona de Loreto, chest an l sarà dai 17 ai 20 de mé, endrezà desche semper da “Ospitalità Tridentina” de l’Arzidiozesa de Trent. (vr)

Chi él pa? Soluzion del retrat su La Usc nr 10 del 2012 L retrat publicà su La Usc de la setemèna passèda l ne era stat portà da Rita Rasom de Gotart che la ne à dit ence che l retrat l’é stat fat del 1955 aló dal prum schilift de Vich, sa Larcioné. A responer, apede a Rita, enstouta l’é stat Arturo Rasom

de Gotart che l’à cognosciù fora duc trei i joegn sul retrat e Lino Soraperra Medico, che l n’à cognosciù fora doi. Sul retrat l’é: 1. Enrico Pederiva de Vigile (Rico Piva) del 1931; 2. Tullio Rasom de Gotart del 1935; 3. Albert Obletter del 1938.

Chest’outa ve meton n retrat de pìcoi bec che aea tout pèrt a na comedia de l’Azion Catolica ma no ve dijon ne l’an e nience da colun paìsc che l vegn. Ve envion a ne dèr voscia resposta dant da mèrtesc sera te redazion, ence per telefon o fax al 0462.764545 o per mail a

la direzion lausc@ladinsdefascia. it. Chi che ne dèsc la resposta giusta ciapa en don n liber o n CD de musega sporc da l’Union di Ladins de Fascia. Desche semper ve envion ence a chierir fora i retrac veies che aede

te vèlch crigna e ne i portèr te redazion a Sèn Jan, olache podon i tor sù col scanner e ve i dèr de retorn sobito. A chesta vida ne didède a viventèr chesta rubrica e a meter ensema vèlch mizacola de storia de noscia jent. Develpai!

21

4 1 2

1 2 3

28

www.lauscdiladins.com

7 5

3

19

20

22

8

14

12

10 9

6

18 17

11 13

15

16


nr. 11 / 16 de merz 2012

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Iö va a scora sö dai ingleji Julian Dapunt de Badia à tut la dezijiun da jì a studié n ann foradecà. Bele da setëmber incà él a Bournemouth tl’Inghiltera. Na esperiënza che l’à daidé gnì plü autonom. I l’ùn contatè por le damanè co che ara büta lassö, sce la spëisa é buna, ći che al fej te so tëmp lëde y sce al s’à bele ciafè la chestiana Porsones - Aldédaincö àn inće tratan i stüdi la poscibilité da rodè, da fà esperiënzes foradecà, o ćinamai da jì a studié por n pez te n ater stat. Na oportunité che inće Julian Dapunt à orü anuzè. Le jonn de Badia à 17 agn y fej la cuarta tlassa dl lizeum scientifich da Bornech. Tres la scora - y do avëi despassè deplü ejams, àl ciafè la poscibilité da jì a studié sö tl’Inghiltera. Da setëmber incà stüdiel lassö y al romagnarà dailò ćina de mà. Al é gnü sentè ite te n sistem de scora daldöt desfarënt, mo che à da so punt d’odüda inće tröp de positif. I l’ùn contatè y i ti ùn fat domandes a 360 degrês. La Usc: Julian, t’as anuzè la poscibilité da fà to cuarto ann de scora alta sö tl’Inghiltera, ola este pa rové y co àste pa fat da chirì fora? Julian Dapunt: I sun rovè a Bournemouth, che é na picia cité de incër 150.000 abitanć. Ara é söl mer, sön la costa meridionala. Êl pa la poscibilité da chirì fora danter plü citês o stać? Döt é gnü organisé dala Regiun

Trentin-Südtirol. An podô chirì fora danter Austria, Paîsc Todësc, Francia, Inghiltera y Irlanda. Iö à chirì fora l’Inghiltera y sun rovè a Bournemouth. D’atri é rovà a New Milton y Poole, che é citês plü piceres, mo intres dailò dlungia. Te ći scora stüdieste pa? Al é le Bournemouth & Poole College. Ara se trata de n ”Sixth Form College”, chël ô dì che al é i ultims dui agn de scora alta por i ingleji. Ciünes é pa stades les rajuns che t’as tut la dezijiun da jì demez? Suradöt orôi imparè bun le lingaz, mo i orô inće tó l’ocajiun da fà na bela esperiënza, imparè da conësce jënt nöia y n’atra cultura. É pa la scora lassö plü saurida o plü ria co chëra chilò? Döt adöm él manco ores de leziun. I ùn scora 4 dis al’edema, inće domisdé, za. dales 9.00 ales 16.00. Al n’é degügn tests, mo ma ejams de jenà y de mà. Les materies pòn se chirì fora. Normalmënter nen chìron 3 o 4, iö n’à tut 5.

Ći materies aste pa tut y él pa materies che t’as chilò mo nia lassö? Iö à chirì fora biologia, chimica, cunć, franzesc y talian. I ne feji nia les materies sciöche todësch, latin, fisica, storia, filosofia, storia dl’ert, sport y religiun, che i messarà spo tra dô y studié d’isté, por podëi jì indô te cuinta a Bornech. Ciünes é pa les majeres desfarënzies danter le sistem de scora chilò y chël lassö? Sciöche dit che al n’é nia tests, mo ma ejams. Chisc vëgn spo menà y valutà a London. Da injuntè él che al é na buna relaziun danter professur y studënt. Al é n raport plü löcher y manco autoritar. Sambëgn vëgn les leziuns dötes tignides por inglesc. Dales sciënzes ti vëgnel dè tröpa importanza al laûr pratich. Atramënter él che al n’é nia tlasses sciöche tla Talia, mo grups partis sö aladô dles materies o aladô di cursc. Les leziuns é plü desvalies, cun deplü sorts de ativitês. Le studënt mëss se organisé plü autonomamënter le stüde. Ći te plej pa deplü dl sistem lassö y ći te plej pa deplü de chël chilò te Südtirol? Dl sistem inglesc me plej l’ogetivité dles notes, che al vëgn ma valutè i ejams, spo le raport cun i insegnanć, les leziuns desvalies y la findledema plü lungia. Chilò tla Talia él indere plü materies, an à na miù formaziun generala y al se cheriëia na comunité de tlassa plü sterscia. Él pa stè val’carateristiches dla scora lassö olache te t’as stentè deplü da t’ausé o che t’es contënt che n’é nia chilò da nos? Le plü m’ài stentè da m’ausé al lingaz, ales leziuns lunges de n’ora y mesa y che al é vigni dé scora domisdé.

Te so tëmp lëde va Julian inće a se gode l’amplëza y la sugestiun dl mer.

Ći fejte pa tl tëmp lëde?

chestiana lassö? Really one is spoilt for choice. Mo magari aspeti pa impò ch’i rüvi zoruch a ćiasa... Cina śëgn podôste gnì plü o manco vigni dé a ćiasa. Aste pa albü incherscimun? O à tü geniturs plü incherscimun co te? La familia me manćia bëgn, mo i à tröc compagns chilò. I me pënsi che inće ëi m’ais manćia, mo i s’aldiun gonot y ai gnarà inće sö n iade a me ciafè.

Julian Dapunt de Badia à 17 agn y fej n ann de stüde a Bournemouth.

Dal lönesc ala jöbia ài scora döt le dé. Tl tëmp lëde vijitëii les citês dlungia y passi tëmp cun mi amisc. I va sön la spona, cun la roda o a fà val’ spazierada. Can este pa pordërt pié sö tla Gran Bretagna y can gnaràste pa indô zoruch? I sun pié sö ai 9 de setëmber dl ann passè, por le scomenciamënt dl ann de scora. I sun gnü a ćiasa n iade da Nadè y spo gnarài zoruch por la fin de mà, pornanche i à rové i ejams. Te vires śëgn pro na familia lassö, co éra pa stada da s’ausé ite al stil de vita? Iö à na ćiamena por me y an mangia deboriada da sëra, mo zënza n’ài nia tröp contat cun la familia. N pü’ rî él stè da s’ausè al mangé. Co descriésseste pa la jënt ingleja? Al é jënt da orëi bun y desponüda da daidé, mo zënza ési plütosc stlüć, porchël él plütosc rî da s’inserì. Aste inće bele ciafè la

Ći mësson pa fà por podëi studié n ann demez y ći tru aste pa messü jì por ciafè le permes da jì? Al vëgn ćiarè ales notes de scora, y implü ài messü fà n ejam scrit y na proa a usc. Sëgn aste bele passè mez le tëmp lassö? Ći t’à pa dè cina sëgn chësta esperiënza a livel personal? Dantadöt ài imparè cotan damì l’inglesc. Spo ài imparè da gnì plü autonom, che i mëssi scialdi me rangé dassu cun döt. I à imparè da conësce d’atra jënt y n’atra cultura, insciö sunsi deventè plü davert y mia mentalité é inće deventada plü daverta. A che ti aconsiasste pa na te’ esperiënza? I ti l’aconsiass a düć chi che à interes y vëia da se daurì, da daurì la mentalité y da fà esperiënzes nöies. Ći te savéssel pa bel da laurè n iade? Canche i arà rové la scora alta, me savéssel bel da jì a studié medejina. Podesste pa t’imaginé da jì n dé a laurè foradecà? Sambëgn, porchël arati inće important da imparè deplü lingac. (Intervista: Pablo Palfrader)

La SVP Ladinia dij de scê por Alfreider Do la SVP Val Badia, él śëgn döta la SVP Ladina che à nominé al’unanimité l’injenier Daniel Alfreider sciöche vizepresidënt dla SVP y surastant dla SVP Ladina. La ratificaziun ai 24 de merz a Maran Politica - La sentada dla SVP Ladina ê fissada por i 6 de merz a Neustift. Tut pert à inće l’assessur ladin Florian Mussner y le surastant dl partì Richard Theiner, sciöche inće d’atri rapresentanć y politics ladins. Al ordinn dl dé êl la lîta dl vizepresidënt ladin dl partì y surastant nü dla SVP Ladina. Do la presentaziun dl candidat Daniel Alfreider, é l’injenier jonn gnü nominé al unanimité por atlamaziun. Alfreider é gnü rengrazié por avëi surantut la inćiaria, te chëra che al arà le compit da se portè ite y da sostegnì les ghiranzes di ladins La SVP Ladina é dla convinziun

da avëi ciafè te Alfreider n jonn engajé y cualifiché, che à tres süa desponibilité al dialogh la poscibilité da portè inant na bona colaboraziun. “I me conforti da surantó chësta inćiaria nöia y i rengraziëii düć por la crëta. La ligrëza cun le laûr politich é le motor”, à dit Alfreider, che à mostrè la orentè y l’interes da portè inant les ghiranzes di ladins a livel politich, y da renforzè la stima y l’identité di ladins. Le surastant dla SVP Richard Theiner à tut l’ocajiun por portè dant les vijiuns dl partì söl tema: ”Südtirol sön tru devers l’autonomia plëna”. Theiner à splighé che i ladins é al intern dla

SVP partners al medemo livel, che à porchël da portè la responsabilité por döt Südtirol. ”Por nos él dër important da sostegnì y renforzè le svilup di ladins sciöche grup etnich autonom.” Mussner à baié di compić dla politica te Südtirol y à dit: ”La SVP é la forza plü sterscia y porta da passa 65 agn la responsabilité por Südtirol. I ùn combatü por l’autonomia y Südtirol dess mantignì chësc model y mëte l’azënt sön n ampliamënt dl’autonomia.” La SVP Ladina à inće rengrazié Paola Bioc Gasser por so laûr y por so engajamënt, spligan che tres so impëgn por i ladins y la SVP àra podü armöie tröp.

Funzionars dla SVP: Le surastant de Gherdëina Stefan Runggaldier, le secretêr provinzial Philipp Achammer, l’assessur Florian Mussner, le surastant dla SVP Ladina Daniel Alfreider, le surastant dl partì Richard Theiner, le portausc di raiuns Christoph Perathoner y le surastant Val Badia Klaus Winkler. www.lauscdiladins.com

29


Val Badia

nr. 11 / 16 de merz 2012

N paiun dla musiga por La Pli? Do che al é bele chisc agn gnü baié de propostes y proieć de mascima, dessegnà spo y proietà dal architët Stefo Nagler, i à le Comun śëgn dè ia al architët Marcello De Biasi l’elauraziun dl proiet esecutif Laûrs publics - Śëgn saral n ater architët co chël che à laurè fora l’ultim proiet pilot a se dè jö cun la costruziun de n paiun dla musiga tl zënter d’La Pli, cun l’abelimënt dles plazes che alda laprò. L’architët nü é Marcello De Biasi cun stüde a Balsan, le proiet de mascima - dè pro da aconsiadus de comun y dala Musiga - ê gnü laurè fora da Stefo Nagler da La Val. Marcello De Biasi oress studié i fać che condüj a chisc laûrs y la situaziun de sperses y strutöres tl zënter d’La Pli te na dimenjiun plü leria. Al oress mëte sö n comitê a La Pli, cun i rapresentanć de Comun, dla Scora, dla Scolina, dla Musiga, di proprietars de terac che gniss azicà y consulënć nia in causa. Al momënt sigü él ma che la Musiga adöm ai aconsiadus de comun d’La Pli y l’Ombolt Albert Palfrader é intenzionà da menè inant la costruziun de n paiun y l’abelimënt dl paîsc.

L’ultim proiet pilot de Nagler Söl proiet de mascima, che l’architët Nagler à laurè fora d’otober dl 2010, él stè gran pert di aconsiadus de comun d’La Pli y la Musiga che à dè jö arat positif. Chisc rapresentanć s’à damanè che le Comun vais inant por ći che reverda le paiun dla musiga, tolon en conscideraziun la proposta de Nagler. La proposta dl paiun de Nagler atuala i dà lerch a 63 musicontri y dess gnì fat sö sön n livel de zirca n meter plü alt co le funz dla plaza da śëgn (che vëgn anuzada i dis de scora desco plaza dai jüć y zënza sciöche plaza di auti). Da chësc livel él na picia rampa che porta sö tla Gran Plaza. Pro le paiun se tràtera de na costruziun de lëgn y vider scëmpla, le tët vëgn tignì sö da pilastri de acià. La falzada de lëgn da öna na pert y la falzada de vider dal’atra pert se passenëia ales zircostanzes realisades cun i medemi materiai. Le paiun instës dess gnì realisé cun elemënć che va un tl ater y fistidiëia de plü lerch canche al ne sarà nia conzerć. Tribünes y na stiga liëia les döes plazes (deslivel 3,65 m). Sön chëstes po i ascutadus ciafè lerch y avëi na

Le lavac Model de öna dles prömes propostes por la costruziun de n paiun tl zënter d’La Pli.

bela odüda sön Curt. L’azes ala palestra restass y la löm podess pormez, deache la tribünes pormez ales finestres gniss fates zënza parëis. Fat gnìssel inće n magazin nü, sot les tribünes decà dla palestra, por lascè jö i scagns, les ćioures y d’ater material por conzerć (de indöt 26 m2).

Na plataforma La proposta de mascima definitiva dl architët Stefo Nagler prevëiga spo la costruziun de na plataforma (che arlungia la plaza atuala sot dlijia ca), cun chëra che al podess gnì davagné sis posć por lascè i auti. Insciö podessel saltè fora inće poscibilitês nöies por la lerch di mituns y dla scora.

I cosć dl ultim stüde de Nagler Arjigné ca i laûrs söl post, trà jö les strutöres che toma demez y menè demez le material: 45.000,00 euro. Laûrs da moradù y abelimënt dla plaza: 220.000,00 euro, paiun cun tribünes: 110.000,00 euro, istalaziuns desferëntes: 50.000,00 euro. Laprò gnìssel le 12% por spëises tecniches; indöt insciö: 476.000,00 euro, y l’IVA n’é nia ćiamò aratada.

Plaza dl palê?

www.lauscdiladins.com

Por badiot i dîjon “lavàc” y por mareo “laàc” (o inće “erba de merz”), a chësc bel ciüf ghel che anunzia l’aisciöda en ur’ de tru y sön rampes y rëncs. Massa gonot tol ca i ladins i inoms foresć por i ciüfs, scebëgn che ai é gnüs adorà da secui incà. L’inom scientifich

Strada nöia La Pli-Brach La strada gnarà sot Dlija ca, passarà söla trassa esistënta dla strada che condüj sot le magazin di Stödafüs y les ćiases de “Pinćia de Calogna” fora y se tirarà fora inant s’alzan por n km zirca ćina presciapüch le Ciüch de Brach. I laûrs de costruziun de chësta strada i é gnüs dà ia dan püćes edemes ala Firma Ploner cun n rebas dl 42%.

Local dla Musiga nü? Por n maiù local nü, de chël che la Musiga ess debujëgn, ne ćiàrera n iade śëgn nia fora dër bun. Al manćia sambëgn i scioldi y le Comun à d’atres prioritês. N tru davert po ester la Ćiasa dal Mone, che é gnüda trata jö sot cortina dan plü agn por motifs de sigurté. Chësc frabicat ascogn na gran cubatöra y n dé messaral gnì fat val’, al momënt él na picia chestéle - dla ćiasa él romagnü i mürs y n cogol de material lassura, döt ater co bel da odëi. (ir)

La plaza dai jüć da śëgn, le “campo” - sciöche al i vëgn dit a La Pli, messass sambëgn i gnì sacrifiché al paiun nü y ales

Le dessëgn dl’ultima varianta de Stefo Nagler por le paiun, les tribünes y la costruziun de na plataforma dancà por ciafè plü lerch.

30

tribünes. Sciöche Felix Ploner, aconsiadù de comun d’La Pli, nes dij gnarà la plaza da trà le palê defora dl raiun d’abitaziuns “Pinćia de Calogna”, tl val de Codacia, sura la strada nöia La Pli-Brach.

Parora ladina por “Huflattich” y “farfaro”

L’architët Stefo Nagler. Śëgn laorarà inant l’architët Marcello De Biasi por na proposta definitiva.

Le lavac.

dl lavac é “tussilago farfara”, “tussilago” da tussis che ô dì “la tos” por latin. Tla medejina popolara vëgn le tê dles flus y dles fëies dl lavac adoré cuntra la tos, tla omeopatia vëgn les fëies frësches y sü estrać adorà cuntra la tos.


Val Badia

nr. 11 / 16 de merz 2012

Le gran amur por la bela leteratöra

Jonins sö por munt

Tröpa jënt, introduziun ütla y letöres sintides por la presentaziun dl liber “pontins y parores” de Teresa Palfrader

L’ativité dla seziun jonila dla Lia da Munt Ladinia à indô metü man. An é bele jüs cun i schi y les pels sö La Crusc, y a vijité le planetar y l’osservatore a Cortina

N smaz de ciüfs por l’auturia da pert dl presidënt dl’Uniun Ladins Val Badia Werner Pescosta, uniun che à dè fora le liber.

Leteratöra - Invié â l’Uniun Ladins Val Badia, tl medemo tëmp edituria dl liber de poesies de Teresa Palfrader. Y metü da jì àn orü chësta festa ai 8 de merz, le dé internazional dla ëra. Por la poeta da Curt é chësta publicaziun nöia so pröm liber, na racoiüda de poesies scrites dal 1980 incà. En valgönes de chëstes vëgn acompagnades da na traduziun tl todësch y/o talian. Le liber n’à nia ma n format ala man y na iesta nobla, al mostra inće cin’ dessëgns dl artist d’La Pli de Mareo y compaejan de Teresa Palfrader, Franz Kehrer. Le salüt ala tröpa jënt gnüda tl Salf dl Istitut Ladin Micurà de Rü

Lois Craffonara à instradè tla lirica de Teresa Palfrader.

é gnü spôrt dal presidënt dl’Uniun Ladins Val Badia Werner Pescosta. Ël à cuntè cô che l’Uniun di Ladins i é stada do agn alalungia ala poeta marora, por che ara dais pro a na publicaziun de na cerna de söes poesies - aodanza de tröc ladins che ti ô bun al lingaz y ala leteratöra. Deplü poesies de Teresa Palfrader é dai pröms agn 80 incà bele stades da lì te publicaziuns desfarëntes, danter chëstes les döes ediziuns dla revista “Ladinia” (ann 1983 y ann 1991). Cun chësc liber nü röia l’auturia da Curt dlungia a d’atri auturs ladins (che à bele n sò liber) tles stües y tles scores. Sce i apascionà y interessà de leteratöra ladina mëss jì a se chirì adöm les poesies de n/a autur/ia

Les döes jones Barbara Anvidalfarei (vidora) y Katia Moling (viola) à arichì la festa de presentaziun.

Elsa, Maria Grazia y Teresa (l’auturia) rezitëia la poesia “Danter ëres”.

chilò y ilò, po le tëmp se trà en lunch. Laprò vëgnel la tempestivité che la jënt se damana dales “cosses” al dedaincö, l’internet y les atres banches dać à bele malausè. Inće les publicaziuns ladines dess gnì metüdes le plü che ara va y adora assà tla rëi, le lingaz ladin y la leteratöra ladina ne dess nia se lascè petlé de chësc vers. Le dr. Lois Craffonara à presentè l’auturia. Al à cuntè dla familia de Pire Palfrader y Nane Konrater de Col sora Curt, Teresa é la terza de indöt önesc mituns. Do la matura s’à Teresa tosc maridé cun Albert d’Ànsele jö Curt, ara i à dè la vita a indöt cin’ mituns, al dedaincö bele gragn. Teresa à inće laurè fora de ćiasa y demez dal lüch sciöche maestra de scora y assessuria de comun. Lois Craffonara é spo jü ite plü en monü tl stil da scrì poesies de Teresa Palfrader, odon inće le svilup dai agn 80 insö, cun la rima che sparësc y l’arbandonn dl vers. Craffonara à inće dè na bela leziun de “poetica”, l’ert da scrì poesies, tres ejëmpli tuć dales poesies che é da ciafè tl liber. Le momënt plü aspetè y sintì é spo inće gnü, canche l’auturia Teresa Palfrader à metü man da lì dant fora de so liber nü. Por öna na poesia (na rima te trëi lingac), dal titul “Danter ëres”, àra cherdè fora Maria Grazia Trebo y Elsa Videsott por podëi la portè dant de trëi a na moda teatrala, ti trëi lingac ladin (Teresa), talian (Maria Grazia) y todësch (Elsa). L’auturia à lit dant söes poesies cun na bona preparaziun y na bela pronunzia, ći che n’é nia dagnora “da odëi y aldì” pro les presentaziuns de libri leterars dalunc y daimprò. Le publich à salpü da aprijé poesies y presentaziun, mostran inće söa comoziun y so gradimënt te val’ momënć. La presentaziun dl liber é gnüda incornijada y abelida danterite dales döes jones musizistes Barbara Anvidalfarei (vidora) y Katia Moling (viola). Le liber “pontins y parores” po gnì cumprè tla biblioteca dl Istitut Ladin Micurà de Rü, pro l’auturia instëssa y inće pro les manifestaziuns dla Uniun Ladins Val Badia, al prisc de 15,00 euro. (ir)

Compagnia y aorela cörta cun i jogn dla Lia da Munt.

Lies - Inće en chësc ann à les ativitês organisades dala seziun jonila dla Lia da Munt Ladinia indô metü man. Ćina śëgn él gnü fat döes escursciuns, che à por gauja dla püćia nëi y dl tëmp intrames messü gnì spostades respet al program. La pröma é stada ai 19 de forà, olache i sun jüs cun i schi y les pels da Valgiarëi sura San Linert ćina sö La Crusc, passan por Armentara. Cun incër 450 metri de deslivel él bele na tour nia tan cörta, porchël à inće ma podü gnì para chi dai 13 agn insö. Denant co pié ia él inće gnü partì fora i aparać por chirì la jënt sot les lovines a chi che ne nen â nia bele un, y al é gnü fat n valgönes proes por l’adorè. Tratan che i sun jüs sö unse inće podü porvè da fà val’ otes spizades (spitzkehre), la tecnica da fà les otes te n ërt. Ći che à manćé é ma stè n bel polber da gnì jö cun i schi, mo sce an é te na bona compagnia, spo s’acontentëion inće de na crosta o de na pista. Ai 24 de forà sunse inće stà bogn da fà la secunda escursciun. Düć adöm, en chësc iade inće i mëndri, sunse jüs a Cortina a ti ćiarè al planetar nü fat sö dlungia le stadium dala dlacia. Chilò nes él

gnü splighé n gröm de cosses interessantes sön i planëć, les stëres y les galassies, che gnô proietades sön le plafonn a forma de cupola. Dedô sunse jüs cun le bus ćina al Piè Tofana por jì ćiamò na cherdora a pé y rové sön Col Druscié. Chilò él n osservatore, olache an po ćiarè fora por n telescop y odëi les morvëies dl cil. Danter chëstes unse odü, por mirit dl cil bel sarëgn, Giove (Jupiter) che é le plü gran planet de nosc sistem dl sorëdl, spo na stëra che à inom Sirio y che slomina sciöche n diamant, y na nebulosa che é formada da stöp interstelar. Dër bel ti àl salpü dantadöt ai mëndri, che ê dër interessà. Les proscimes escursciuns é publicades sön le calënder che ti vëgn partì fora a düć i iscrić ales lies da munt tla Val Badia y che an po inće odëi sön le sît www. caivalbadia.org. Sön chësta plata internet pòn inće odëi n valgönes fotografies de nostes ativitês. Chi che é interessà, po s’anunzié pro la porsona y le numer dà dant sön le calënder dles escursciuns y manifestaziuns dles lies da munt Val Badia. Por ativité jonila él intenü i jogn dai 8 ai 17 agn. (Marco)

Deboriada éson inće jüs a ti ćiarè al planetar y al osservatore a Cortina. www.lauscdiladins.com

31


Val Badia

nr. 11 / 16 de merz 2012

Raiuns nüs y aumënć de cubatöra Le plann d’atuaziun dl raiun “Ras” é aproè, le raiun Pelegrin ciafa n aumënt dl indesc de cubatöra por passa 20 damanadus y tla localité Plazores garetel n majer raiun de completamënt, che i lasciarà lerch a trëi frabiches nöies

L’ombolt Albert Palfrader spliga le model dl raiun d’espansiun ”Ras” a Al Plan.

Comun Mareo/1 - Sce düć i punć al ordinn dl dé che tratâ diretamënter o indiretamënter cubatöres nöies foss gnüs aproà, y dedô frabicà, spo ess i artejagn de Mareo podü se sferié les mans. Tla ultima sentada de comun te Mareo êl 10 punć al ordinn dl dé. Tröc tratâ de mudaziuns al plann urbanistich o aumënć de cubatöra. Metü man àra cun l’aproaziun dl consëi por le plann d’atuaziun dl raiun d’espansiun C3 “Ras” a Al Plan. Te chësc raiun sarà na spersa de 969 m2 destinada al frabiché alisiré, y 824 m2 al frabiché lëde. Cun l’indesc de cubatöra de 1,8 m3/m2 podaràl insciö gnì frabiché 1.744 m3 de alisiré y 1.483 m3 de lëde.

Cubatöres por Pelegrin N aumënt de cubatöra él garatè

tl raiun de completamënt B3 “Pelegrin” inće a Al Plan de Mareo, olache le consëi à dè pro a n aumënt dl indesc da 1,7 a 2,2 m3/ m2 sön döt le raiun. L’aconsiadù Carlo Palfrader à osservè che al podess ester n cajo de prezedënza, se tràtera pö de n raiun cun na spersa de 17.000 m2 za. La domanda é gnüda sotscrita da 23 porsones (plü döes dites), che podarà trà benefiz da chësc aumënt de cubatöra. “Cun lascè frabiché pormez ti vàn adincuntra ala jënt dl post y an po insciö inće sparagné terac por le frabiché alisiré”, à splighé l’ombolt Albert Palfrader. Dal’assessuria Elisabeth Frenner él gnü portè indô a mënt la chestiun dl marciapîsc dan le Garni Cristallo - tl medemo raiun - olache la jënt mëss se spostè sön strada deache le marciapîsc vëgn taié amezjö da na plaza da parchè. “Na situaziun dër prigorosa, olache i messun ćiarè a vigni cost da ciafè na soluziun”, à dit l’assessuria. L’aumënt dl indesc é gnü aproè, cun la condiziun proponüda dal aconsiadù Daniel Ellecosta, che i damanadus dl aumënt surantoles inće les spëises por na mudaziun eventuala al plann de atuaziun.

Trëi ćiases nöies Dè pro à le consëi inće a na trasformaziun de raiun de vërt de ćiampoprè te raiun abitatif B1 raiun de completamënt. Le raiun interessè é danter la strada Plazores y la strada Antersì. Cun l’aproaziun é le raiun de completamënt gnü majer, insciö che i trëi damanadus ciafarà na spersa de 420 m2 porom y podarà se fà sö na frabica de 798 m3. Döes frabiches gnarà tla strada

Antersì, na terza tla strada Plazores do i apartamënć Ćiasa Greta. Por le frabicat di apartamënć gnaràl inće a s’l dè n aumënt de cubatöra de chi 300 m3. Öna dles perts (Ćiasa Greta) à albü n contenzius cun le Comun y tla sentada él gnü alzè fora che chësc é gnü stlüt jö.

La Scora vëgn trata jö y la deponia é da fà maiù Debatü él inće gnü sot les desvalies, olache l’ombolt à ćiamò n iade orü alzè fora la chestiun dla Scora Vedla, che gnarà trata jö y fata sö danü, y nia plü restrotorada - sciöche al ê preodü impröma. Danter les motivaziuns che à portè ala dezijiun da trà jö (La Usc à reportè), él inće gnü alzè fora la chestiun dla statica. Sot i mürs vedli ésson messü ćiavè za. 1,5 metri por fà danü les fondamëntes, ći che ess comportè n gran intervënt, colié a dificoltês de statica. Baié àn spo dl zënter de reziclaje ta Ćiamaor. “Al é gran ora da l’ingrandì y da le portè al vare cun i tëmps”, à splighé l’assessur competënt Fonjo Winkler. Al é gnü lascè fà n stüde por l’ingrandimënt, mo nia düć i aconsiadus n’é a öna che Ćiamaor sides le dër post, él pö ales portes dl parch natural, y te n raiun olache tröpa jënt va a pé y fej d’atri sporć. Baié àn inće de n post alternatif. Tomè él danter l’ater la proposta da le realisé a Longega, che vëgn odü plü zentral por döt le Comun, y sön na strada bele atocada dal trafich, deperpo che tla localité Ćiamaor vëgnel cherié trafich laprò. (pablo)

La mudaziun pro Corones La ütia Corones ô gnì maiù. Do che le consëi à tla sentada de dezëmber sburlè la domanda dla Vijinanza da Curt, stüdion śëgn d’atri trus Comun Mareo/3 - La Vijinanza da Curt â bele tla sentada di 7 de dezëmber dl ann passè presentè na domanda al consëi de Comun: ara damanâ da portè ite sön Plan de Corones n raiun por infrastrotöres ti raiuns di schi (ütia Corones - ex Subito), cun na spersa de 1.600 m2, che ess orü dì na cubatöra implü de 1.920 m3. La ütia atuala à sura tera ia na cubatöra

de 760 m3. Danter les motivaziuns êl le gran aflus de sciori y le bojëgn da avëi na majera lerch. Da capì sce an pënsa che incëria, sön i terac da Bornech y Valdaora, él üties de dimenjiuns bëgn majeres, ponsun p.ej. al restorant Cron. Deplü aconsiadus n’orô nia cherié n cajo de prezedënza, porchël ê le punt gnü sburlè, cun la motivaziun che an messâ ćiarè da fà n pü’ cun düć

La ütia Corones sön Plan de Corones. (Foto: www.corones-kronplatz.com)

32

www.lauscdiladins.com

anfat. Secundo capitul tla sentada di 9 de merz. Al 5. punt dl ordinn dl dé êl na deliberaziun de mascima che â por argomënt l’aumënt dl indesc de cubatöra por infrastrotöres ti raiuns di schi aladô dl art. 24 dles normes d’atuaziun. Por ladin: al gnô damanè che l’indesc de cubatöra por i raiuns dai schi nominà te chësc articul passass da 1,2 a 2,2 m3/m2, tanco n aumënt dl 83,33%. Tl articul 24 él ma n valgönes üties atocades, le raiun dla ütia Corones n’é nia lëite. Porchël fóssel stè al punt 6 la domanda da portè ite inće le raiun Corones sot la medema norma. Nia de döt chësc. A sorpreja él gnü damanè da sburlè intrami i punć. Ćiamò dan la sentada de Consëi s’â chi dla Vijinanza da Curt incuntè cun i aconsiadus d’La Pli, por studié fora n ater tru. Tla proscima sentada la proscima proposta. (pablo)

Nodadoia: la proposta de Ploner Aproè le plann de ressanamënt por le raiun dla nodadoia curida, y l’aconsiadù Felix Ploner vêga na proposta de barat cun la Sozieté di Lifć La plaza da parchè che gnarà tuta demez garatarà sot tera ite. An baia de post por 159 au t i , l a ì te él sambëgn inće les plazes da parchè por la pert turistica, comerziala , de sorvisc y abitativa. La nodadoia curida a Al Plan.

Comun Mareo/2 - Le raiun dla nodadoia curida d’Al Plan ê bele tla sentada de dezëmber stè n tema. Dailò â le consëi dè pro da mudè le raiun por atrezatöres coletives - implanć dal sport, te n raiun a destinaziun moscedada: abitatif, comerz, turistich y sorvisc. Ara nen va de na cubatöra sura tera ia de 16.012 m3. A Balsan n’él nia ćiamò tomè na dezijiun sön la mudaziun, mo intratan à le consëi de comun aproè le plann de ressanamënt. An po śëgn odëi co che la cubatöra gnarà partida sö. Dal plann normatif dl raiun vëigon che al garatarà indöt 4 loć. Le maiù é chël a destinaziun turistica (al vëgn baié de n residence): sön na spersa de 3.244 m2 garatarâl na frabica de 7.012 m3. I atri trëi loć é de destinaziun moscedada. N lot de 2.700 m3 gnarà destiné a comerz y sorvisc, n lot de 3.800 m3 y un de 2.500 m3 gnarà destinà a sorvisc, comerz y abitaziun. L’altëza mascima di frabicać é de 11 metri. Le consëi é a öna che al garatarà n bel raiun. L’assessuria Frenner à tut l’ocajiun por recordè ćiamò n iade la ghiranza da realisé n wellnes publich davert a düć.

L’aconsiadù Felix Ploner: garasc al post dla pert de proprieté.

La proposta de Ploner: garasc al post dla cubatöra L’aconsiadù Felix Ploner ê un de chi che â bele tla sentada de dezëmber constatè che le Comun ne ciafa derevers nia. Ploner à insciö vaghè na proposta de compromis. Al dij insciö: “Le Comun é ala pert cun 68 milejimi che é za. 900 m3. Ćina incö n’ài ciafè degüna resposta ala domanda: ći ciafa pa le Comun y ći ti costel pa al Comun? La resposta sön ći che le Comun ciafa é stada: ći che al à śëgn. Mo chësc é en m2, canche le Comun à intres paié inće les spëises de condominium (stighes, porti, y i.i.)” La proposta de Ploner é chëra da ti lascè ala Sozieté di Lifć d’Al Plan döta la pert de proprieté dl Comun, mo porchël se damanè dala Sozieté che ara realisëies na garasc inće sot la plaza da parchè danter nodadoia y ćiasa de Vijinanza. “Ilò podésson spo fà jì düć i auti che é śëgn dan scora a parchè. Sides dan scora, co dan i stödafüch, gnìssel na bela lerch, che an podess spo veramënter abelì y sarè jö ai auti”, stlüj jö l’aconsiadù d’La Pli. (pablo)


Val Badia

nr. 11 / 16 de merz 2012

”Las Vegas” incër les scores

Unterberger y Frenademetz

Ti ultims tëmps vëgnel tempestè de vigni vers cuntra les slot machine, videolottery y döt ći che se roda incër le śoghé a scioldi. Na lege provinziala dij che mascînns da śoghé a scioldi ne podess nia ester tl radius de 300 metri da scores, strotöres joniles, sanitares y soziales. Tla Val Badia n’él indere plü co ma öna

Mëss pa les mascînns inće demez ti bars? Por l’aconsiadëssa provinziala Julia Unterberger é la lege dër tlera y i comuns mëss tó provedimënć. L’ombolt de Badia Iaco Frenadmetz dij: “Sc’i à n rampin da les tó demez, spo sunsi le pröm!”

romagn le passus.

Sozieté/2 - Por la chestiun dles mascînns ti bars unse damanè do na minunga legala da pert dl’avocata y aconsiadëssa provinziala Julia Unterberger, che ê danter l’ater inće antergnüda sön chësta tematica pro la trasmisciun dl Rai Sender Bozen “Am Runden Ti s c h”. N o s t a d o m a n d a al’aconsiadëssa: sce les mascînns da śoghé a scioldi é ti bars che é tl radius de 300 metri da scores y strotöres definides “sensibles”, mësseres pa demez? Unterberger: “Da me infora é la lege plü co tlera, inće sce chëstes mascînns é ma ti

Gnanca ti bars

Otto Moling, diretur dla direziun d’Al Plan: ”Manco che al n’é incërch y damì che al é.”

Sozieté/1- Al é n parados propi ti tëmps de crisa, canche la jënt à en teoria manco scioldi te gofa, crësc la soma che la jënt sciüra ite tl śoghé a scioldi: superenalotto, Gratta e Vinci, slot machine y videolottery. La cerna ne manćia nia. Le Stat pîta poscibilitês da se śoghé ia i scioldi te vigni piz. Le Stat, chël che messass nes defëne dal viz dl jüch, chël che messass nes sconè y fà prevenziun, é avisa chël che lascia pro tënores te vigni piz, y che à le maiù davagn impara. Ma de jenà s’à Südtirol śoghé ia 74 miliuns de euro. I dependënć dal jüch vëgn inće intres deplü. Slot machine vëigon tres plü sovënz inće ti bars; olache an va a se bëre val’ en bona compagnia, àldon gonot tl sotfunz les bronsines de chëstes mascînns, taiflades de jënt che à pordü por l’enejim iade sü scioldi. Jënt śoga alüsc ma bindićé, por porvè fora la fortüna, mo d’atri passa inće domisdis intiers a sciurè ite na monëda indôlatra, speran te n bun davagn. Te Südtirol él deplü comuns che prô da se parè da lizënzes por salfs de jüch a scioldi, gonot cun püch suzes. Por n salf de jüch (sale giochi) ôl ester na lizënza aposta, che vëgn dada fora dala Provinzia. Atramënter cun les slot ti bars, olache al n’ô ester degöna lizënza a pert.

La medema regola ne vel nia ma por salfs da jüch cun lizënza, mo inće por düć i bars che à de te’ mascînns, mo n’adora nia na lizënza aposta. Chësc pòn lì do tla medema lege, al art. 2 coma 2. Tl’avocatöra dla Provinzia nes vëgnel confermè che la norma é insciö. Tla Val Badia él deplü paîsc olache chësta regola ne vëgn nia tignida ite. Dlungia scores él bars che à de te’ mascînns. N ejëmpl ciafun incër les scores da La Ila, le medemo inće a Corvara y inće a Al Plan de Mareo, olache le bar é a püćes desënes de metri da scores y scolina. La competënza da fà tignì ite les regoles é tles mans di comuns. “Wo kein Kläger, da kein Richter”, olache al n’é degügn che dà dant, n’él gnanca n licare, dij n om de scora. Cis i jogn y jonins, scolars dla elementara, mesana y scores altes, aldiss da gnì sconà. Sot a 18 agn ne pòn nia śoghé, mo al é l’ejëmpl di maius che fej süa faziun. Trëicent metri n’é te na cité nia tröp, mo te de pici paîsc sciöche tla Val Badia podéssel ester assà che na ligna de bars tómes ite. Dl ater vers pòn capì le provedimënt. Al ne po nia ester che te strotöres joniles, soziales y sanitares vëgnel fat prevenziun, y defora da üsc él bele la proscima mascînn che aspeta.

“Les mascînns é da tó demez!” Ći dij pa les scores instësses? Tler é Otto Moling, diretur dles scores dla direziun raionala d’Al Plan: “Iö sun dla minunga che chëstes mascînns aldiss demez. Al é gnü fat statistiches che dij: plü mascînns che al é, plü che al vëgn inće śoghé. Sön la basa de chësc prinzip les tolessi demez. Manco che al n’é incërch y damì che al é. Avëi indlunch de chisc aparać ne va nia bun. Dailò él damì sce al vëgn organisé na strotöra aposta, olache al vëgn controlè chi che va ite y fora. Mo al n’é sigü nia compit dles scores da dè dant i locai.”

Claudia Canins Egger, direturia dla direziun de Badia: “Istalè de te’ mascînns porta sigü a n majer condizionamënt inće di jogn.”

Sön la medema ona inće Claudia Canins Egger, direturia dles scores dla direziun raionala de Badia. En cunt dles slot machine dlungia les scores dijera insciö: “Le tëmp lëde a desposiziun di jogn é incö dessigü maiù, y insciö inće la tendënza da se lascè trà da de te’ jüć, porchël vàl debojëgn da ponsè sura sce al é le cajo da lascè tan de poscibilitês. Deache ares porta a na mudaziun de idealism al tëmp lëde. Se dediché deplü al jüch daite porta da se destachè de gre en gre dales atres ativitês alaleria. Deache la minunga dl tëmp lëde é mudada, vëighi chëstes mascînns n prigo. Istalè tres deplü de te’ mascînns p o r t a s i g ü a n m aj e r condizionamënt inće di jogn.” Canins Egger é inće aconsiadëssa dl Comun de Badia. I comuns à tles mans la poscibilité da fà val’ decuntra. Ara nes dij: “Sce la limitaziun é preodüda dala lege, ćiararà le Comun dessigü da fà val’ y da analisé la cossa plü davijin y da fà inće sensibilisaziun de chësc vers, a na moda che al vëgnes spo inće respetè la norma.” Al stà ai comuns da inrescì ći locai che é tl radius “proibì”. Tignì sö le jüch ne podaràn a chësta moda bonamënter nia, sce le proibizionism é le dër tru, pòn inće mëte sön mësa, mo limité les poscibilitês dan strotöres sensibles pòn y désson. (pablo)

Ći che la lege dij Tla Lege Provinziala nr. 13 di 22 de novëmber 2010 à la Provinzia (che davagna inće süa pert dal jüch dla jënt) portè ite al articul 5/bis che “por la sconanza de fasces de porsones particolares y por la prevenziun dal viz dl jüch”, pòl gnì refodè da dè fora na lizënza por salf da jüch, sce chësc é tl radius de 300 metri da scores de vigni degré, zëntri dla jonëza, strotöres vijitades por le plü da jogn o strotöres stazionares o en pert stazionares dl ćiamp sanitar y sozial. La lege ê gnüda plürada dan la Curt Costituzionala, mo la Provinzia à ciafè dërt y porchël

Iaco Frenademetz.

Julia Unterberger.

bars, mësseres gnì tutes demez y al é compit di comuns da tó i provedimënć.” L’ombolt de Badia Iaco Frenademetz é dër tler en cunt de chësta chestiun: “Iö sun dla convinziun che chëstes mascînns rapresentëia n gran dann por i jogn y por n gröm de families. Inće tla Val Badia unse n valgügn caji veramënter dramatics.” Tolarà pa le Comun de Badia provedimënć por tó demez les mascînns? Indô Frenademetz: “Ćiamò incö me informarài sön la chestiun. Sce i à n pü’ n rampin por lascè tó demez chëstes mascînns, spo sunse le pröm da les proibì. Sce la lege é tlera, spo n’él degun problem, dailò él da fà n provedimënt o na ordinanza y les fà tó demez.” (pablo)

Ultima poscibilité Al 1. de messè la 26a Maratona dles Dolomites. Ai 22 de merz vëgnel daurì les iscriziuns online de benefiziënza Rodes - Por chi che n’à nia ćiamò ciafè n post pro i protagonisć dla Maratona dles Dolomites, él na ultima poscibilité. Ai 22 de merz dales 18.00 gnaràl daurì la venüda de 165 iscriziuns a n prisc plü alt, plü avisa 150 iscriziuns Gold al prisc de 200,00€ y 15 iscriziuns Platinum al prisc de 400,00€. Chëstes chertes vëgn ma venüdes online sön le sît www.maratona.it. D’otober dl ann passè, canche al ê gnü daurì les preiscriziuns, êl rovè ite bëgn 29.100 domandes, danter chëstes 2.570 da pert de ëres. Dal prisc dles iscriziuns plü altes gnaràl trat jö i 83,00€ dl’iscriziun y le rest vëgn destiné en pert al’assoziaziun Aiüt al Sport de Südtirol, che sostëgn i talënć dl sport, jones y jogn che n’à nia la poscibilité da se finanzié les competiziuns. Daidé vëgnel spo inće l’Associazione Gruppi ”Insieme si può” Onlus/ ONG, cun dui proieć lià ala formaziun y istruziun: un de sostëgn scolastich a Aboé-Lomè tl Togo y un de costruziun de na scora tl Uganda.

program por arjunje la zertificaziun por a ”carbon neutrality” (neutralité dles emisciuns - compensaziun dles emisciuns). L’ann passè êl gnü arjunt l’obietif de incër le 70%, y le travert é da rové al 80% ti proscims dui agn. Le fin dl’organisaziun é chël da valutè les emisciuns de gas che nasc dales ativitês liades ala Maratona, diretes y indiretes, che se forma dai concorënć y dai mesi, y les compensè en pert o daldöt. Por arjunje chësc vàl debojëgn da portè inant intervënć y renforzè l’imaja y l’impëgn por la sconanza ambientala. Te chësta cornisc toma ite inće la ćerna de “eco-sponsors” che va a öna cun i fins dl Comitê d’Organisaziun.

Maratona intres plü vërda Mascînns da śoghé a scioldi. Inće tla Val Badia él dlungia scores locai che pîta la poscibilité.

La Maratona dles Dolomites é inće tl laûr da mëte en pratica n

Le logo dla Maratona dles Dolomites 2012. www.lauscdiladins.com

33


Letres

nr. 11 / 16 de merz 2012

Mo zeche n con’ dla “Val Gardena” Pervia che l ne sotscrij nia si lëtra rengrazi tres la USC zachei che me manda per posta la copies de n valgun documënc n con’ di toponims Gröden, Gardena y Gherdëina. J. Steiner scrij tl ann 1807 tl „Sammler für Geschichte und Statistik von Tirol”: “Das kleine Thal Gröden, in der Sprache seiner Bewohner Gardèna…“ (sic!). Y J.A. Vian tl ann 1864 : “Gröden, Gardena, Gherdeina liegt südöstlich von Kollmann oder

I lëures sa Costamula

Starz…“. Wilhelm Moroder tl 1908: „Gardena, Gherdeina, Gröden bedeutet so viel wie Weidental oder Hirtental“. Chisc documënc sotrissea chël che é scrit ai 2 de merz te chësta rubrica, a dì che l toponim “Val Gardena” vën permò scrit te n decret fascist dl 1922. Sce Gherdëina se recunësc al didancuei mé plu sot a n toponim fascist iel si problem. Ie - deberieda cun mi cumpanies - é fat cunëscer la val sëura dut l mond cun i inuemes da

zacan Gardena y Gröden y pra chëi restons. Da lecurdé fóssel mo che dla “Val Gardena” orografica fej nce pert i chemuns de Pruca, Laion y Ciastel. Per respet de viers de chisc chemuns y per bona crianza fóssel da mé ora drët a mantenì baitr nce l toponim tudësch, de passa mile ani vedl. Ma sce nchinamei ai scizri ti scùsel che “Gröden” sibe straicà dala lontcort scoti damoinla nce ie.

cunesciuda a Kassel, o vel’ da de tel, ne se fajëssa nia l mënder pensier che la costruzion de chël de Caio fossa na burtura o zeche da ne pudëi nia supurté, te chël plan ala ndrëta, iló defin desman, cun nia n fil de Dolomites o de vel’ montes de crëps, daujin o dossù!

Vëira?

Erich Demetz, Laion

Val Gardena Nia scialdi o defin ufensif, “la Val Gardena” de Erich Demetz!? Ie pa “Val Gardena” fascism? Ajache nosc Erich Demetz, te truepa cosses scialdi meritëivel, à tan dassënn ulù descredité, per no dì “sputané” nosta Val de Gherdëina, ma chësc dantaldut, o feter unicamënter te si “terminus”, o dizion per talian che ie “Val Gardena” - che ne fossa aldò dl medemo E.D. nia auter che n inuem “fascist”, aldò de n decret da ntlëuta (sic: “Val Gardena” vën permò dant te n decret fascist dl 1922” ), messons bën se damandé: arà pa la cumpëida de taliani che fova ti tëmps da dant bele te Südtirol, y nce la bela gran cumpëida for de taliani che fova tl Tirol dl Nord bele ntlëuta (aldò dla documentazion de Klaus Gatterer!), arà pa chisc taliani dit “Gröden” y nia “Val Gardena” a nosta val? Co ve sà pa vel’ da de tel, la minonga che Val Gardena ie na nvenzion “fascista”!? Paroles de cultura de n “zitadin de unëur”: L medemo Erich Demetz che ie n zitadin de unëur cunesciù y lucënt te si Chemun de nascita - y che se ova pona mo cër’ lamentà che ël ne ova nia giapà inant recunescimënt, unëur y lauda, dala man publica feter puech sensibla y despunibla de si Chemun, à te si cunscidrazions inant tan stramenà y metù sotsëura y de traviers cërta cosses, che l ie l cajo de messëi tò posizion n con’ dla maniera de traté “culturalmënter” nosta Val de Gherdëina, “Val Gardena” per talian y “Gröden” per tudësch! No pa? L gran “frabicoz” modernistich ora Puntives: Mbën, n con’ dl frabicoz de Ulrich Perathoner de Caio ora Puntives, iel aldò de truepiscimi zënzauter da pudëi dì che chëla frabica possa dessegur, y ciuldì pa no, avëi si bona rejon y si bela y drëta lerch iló te chël plan, cun duta chëla strutures de berstot y de firmes y de magasins dovia y dossù, ulache dut chël “ensemble” à dessegur dut mé “ciantons a 90 gradi” da mustré su, per vester esteticamënter lucënt y a scusa, cun na bela cuantità “de linies ndrëtes”, coche nosc artista y publizista se pertënd y damanda a bocia plëina! No pa? Y per sustenì si tesis de architetura y de statica iel nce mo bon de desturbé l filosof Hegel, sot a tiera, che muessa feter se spierder a unì nsci mel-adurvà per na frabica ora Puntives, de chëla che nosc seniëures, che à nce scialdi suvënz na cultura de na Biennale a Venezia, o dla “Manifesta”

34

www.lauscdiladins.com

Bën d’autra burtures estetiches te nosta valeda: n con’ de na cossa anti-estetica y de na sort de viulënza anti-paesajista te n cheder “da mont”, se lascëssel sce n cajo bën tò ca cun bona rejon chël cër’ sëurapassaje danter la Cassa dl Sparani y la sentadoia La BulaCostabela, che ti à fat sté su i ciavëi y unì dassënn mel al cuer a nia puec seniëures de cultura - y nia demanco a jënt te nosta valeda - che vën adalerch y miena de udëi zeche de na metropola americana o giaponeja sot ai biei crëps de Mëisules y ala Mont de Ciandepinëi! Y tlo ne fóssel stat bel në’ degun problem a jì sot a tiera de n valgun metri, mpede chëla “pruvocazion” estetica per n bel luech de turism da d’inviern y da d’instà! No pa? Y pona seméiel che n ulëssa fé zeche de medemo y valif mo ta la “Krone” y pona mo magari “tal Des Alpes”; pona sci “bon apetit”, o “Mohlzeit”, coche n toca da dì al didancuei, tla rujeneda ladina de chëi de Gherdëina, per vester sun la drëta y bona streda. Mprenditëur: n cont de “mprenditëur”, cun chël che nosc zitadin de unëur uel sputané la Rai Ladina de Bulsan, iel da dì che nce l “gherdëina” ne adrova nia dinrer “termini” che ie parënc o che vën da rujenedes neo-latines, coche l ie nce pra cër’ duta l’autra rujenedes! Nce sce l ne n’ie te nosta val, da n cër’ “nostalgism” tudësch y austriach, nia puecia jënt che adurvëssa gën y daniëura “Unternehmer”! No pa? I tudësc à purtà richëza tla val: scialdi beles y lucëntes si trëi risses “i fulestieres tudësc - chëi che à purtà na gran richëza tla val” (sic). De chësta afermazion nsci unilaterela y sëcia, dëssa y possa uniun nstës se fé n pensier! Nosta minonga ie che tlo iel desmustrà te na maniera cuncreta, lucënta y vistëusa, l “filo-tudescum” tan bel y bon de n zitadin de unëur “mundiel”, monce na persona che possa y muessa usservé dut l ann, y bele dai aniscimi, che nce i seniëures taliani ne n’ie iusta nia tan “mal” o dala pitoca, canche la se trata de “shopping” te nosta val de Gherdëina, o te si “Val Gardena”!

Y pona mo na cossa feter sterscia: la colm dla debatuda “culturela” n con’ dla cosses che ie tan melamënter metudes te nosta Gherdëina - cun chëla nosta tendënza al “talian” tan stleta y daudënta, ie l fat y la realtà bëndebo’ stramba (“expressis-tesis”) che Erich Demetz se permët bel de paca de manipulé y de storjer l inuem de na persona da stimé, che ne à ënghenó de pitla posizions te nosta istituzions. Chësc “melcapità” che ie unì viulentà publicamënter ne n’ie nia n mënder che nosc Ambros Hofer dl Arnaria, o dla Pizzaria, cunesciù y dinamich, danter l auter presidënt dl’Assoziazion de Turism de Urtijëi. Tlo se à na persona “mundiela” tëut la lidëza te na zaita de auté via l inuem valëivel de A.H. sun la dizion fantasiëusa de “Ambrogio Delmaso”! Ma se rendons’a nëus cont, na bela y blóta “talianisazion”! Ne n’ie pa vel’ da de tel nia propi n cajo ala Ettore Tolomei, te Gherdëina tl ann 2012!? Ajache la Costituzion Taliana ti recunësc y ti garantësc a uni persona si persunalità y si inuem, fossa chësc fat n fat de n gran tort y ufenduda, feter n “afront”, cun la rujeneda di franzëusc. Y mo d’autri neologisms: ala fin ti fej a na persona che cunësc y à scialdi studià i gran filosofs dl mond, mo n gran sënn y trica che tl jurnalism n con’ de cosses d’al didancuei iel tl ladin dla Dolomites paroles sciche “evajion fischela, ricevuta fischela, interogazion, partezipazion y nsci inant”, y nëus duc savon che de tel paroles ie mefun neologisms y latinisms y paroles universalmënter adurvedes, mpue’ da duta la rujenedes. Sambën che aldò de chël cër’ “nostalgism” tudësch y de viers dl “paravis dl’Austria” ulache la jiva de “für Gott, Kaiser und Vaterland” adurvëssa na cërta cumpëida de jënt te nost valeda “ladina” de Gherdëina, cun sgors y cunvinzion plu gën y daniëura “Steuerhinterziehung – Steuerbeleg – Anfrage, Beteiligung y nsci inant”! Savon pu! Ulëise me scusé, sce on tlo belau mpue’ demassa tucà sun l cë, chëla brocia scialdi storta publicheda te una dla ultima edizions de La Usc di Ladins, “zënza pei sun la lënga o vel' tëmes”. Saluc y assudëi. Oscar Prinoth de Josef da Brida, Urtijëi

Coche nteressà diretamënter ulëssi propi tò posizion, respundan ala Lia per Natura y Usanzes, che à tla ultima USC criticà i lëures “tan nia garatei” fai sa Costamula. Dantaldut muessi dì che la cumpëida de chëi dai schi che passa sa Costamula y che messova traversé via la streda per jì ju tla Val ie ti ultimi ani chersciùda dassënn, dessegur nce per l cunliamënt dl tunel de Col Raiser cun Secëda, y che l fova perchël scialdi de bujën de fé zeche per ti garantì la segurëza a duc chëi che passa iló cun i schi, ma nce per nëus che messon passé iló plu iedesc al di cun l auto, chël rati ie zeche che duc vëija ite. N muessa savëi che l ie bele truep ani che n cëla de abiné na soluzion al problem, davia che n tunel muessa avëi na certa grandëza per pudëi garantì de passé cun d’uni sort de camions tl cajo de n meldefuech, o tl cajo che n ëssa n di o l auter da fabriché zeche. N à veramënter tëut n cunscidrazion duta la pusciblteies,

lascian fé plu proiec, che per una o l’autra gauja ne jiva nia bën. Propi ajache chësc fova n lëur che messova unì fat al plu prësc dan che l fossa suzedù vel’ desgrazia, y ajache l luech da Costamula univa ressanà, ie chësta stata la soluzion che ti jiva bën a duc. Posse bën dé pro che i mures ne n’ie nia propi zeche de bel. Ma canche l vën fat zeche, pona iel scialdi unfat sce l vën fat zeche de burt o de bel, l sarà for zachei a chël che l ne ti va nia bën y che à da bruntlé. Sambën iel mo plu saurì a bruntlé canche n sta nzaul ulache n à doi, sce nia plu pusciblteies de ruvé pra cësa. Ulësse mo dì che duc nëus che se nuzon ënghe dl tunel son dassënn cuntënc de cie che l ie unì fat, ajache finalmënter pudons jì a cësa zënza messëi avëi tëma che un o l auter te fier te auto; perchël ulëssi ti sentì gra ala Sozietà Secëda y al patron de Costamula. Michael Moroder de Val, Urtijëi

Museum y Union di Ladins Ne spuda pa l presidënt dl Museum nia tl taier dl’ULG? Ma hoi, hoi! Wolfgang dl Rusina, co iela pa, muessel pa al didancuei, ann 2012, propi vester, che n muessa ti dé y ti lascé la “Cësa di Ladins” storica y senificativa, tl bel zënter de Urtijëi, ai manëijes dla “man publica” de nosc luech y a Bulsan, per giapé i finanziamënc y l aiut, che messëssa unì ca feter per lege - y dantaldut per etica - te nosc Stat talian y te nosta Provinzia de Bulsan y Südtirol!? Ne mienes’a nia che tu ti leches, cun ti doi lëtres, bel de paca y mpue’ massa la “scatules” dl partit “straputënt” dla SVP, per cosses che messëssa y pudëssa jì inant y unì cunzedudes per vies bela scëmples y normales, per nosta cultura uriginela, che ie n duvier priuriter dla man publica “stra-rica” y miliardera, che tol pu for tla bocia chëla bela paroles de mpëni per nosta etnia ladina, y de nëus duc y dutes, y daniëura y “sambën ladins”!? Co iela pa, seniëur ambolt y seniëur assessëur!? Tlo ne fóssel pa propi no l cajo de messëi tré ca bera Alex, ti pere, y nosc Guido, ti cunià, ce fundamënt! Chëi duc dan nëus à pa bën laurà y fat, y nce suvënz giapà zeche da scioldi publics,

zënza perchël messëi dé ca la bela gran Cësa di Ladins, tl bel zënter de Urtijëi al Chemun o ala Provinzia. Ma ulà sons’a ruvei, cun la cosses ncantëur nce te nosta Provinzia, n con’ de finanziamënc y de miliardes sparcantedes, suvënz nce scialdi scandalisticamënter!? Nëus ulessan bën savëi ulache chëla lëtra zevila y da n bon sentimënt “ladin” de nosc presidënt stimà dla ULG Stefan Kasslatter ie massa ncompra y monce “agresciva”? Ma Wolfgang, te rëndes’a mo cont? Ncompres y “agrescives “de facto” sarà pa bën, sce n cajo, chëla persones istituziuneles y dl partit dla SVP, che ne lascia nianca no pro nosta bandiera ladina inuzënta y omla, se paran uni iede cun mans y cun piesc! No pa? Ne n’iel pa feter dassënn y scialdi da muië che pervia de finanziamënc y aiuc scialdi inuzënc y scialdi pitli y lesieres permez a chël “provinziel”, de na man publica “da uem” y dal muet, muessa la cultura ladina “storica” y senziera, feter ruvé ala strëntes y nce mpue’ sotsëura, per na bela y bona “descriminazion” che vën da alauta ju! No pa? Oscar Prinoth de Josef da Brida, Urtijëi

Università Resposta ala ghiranza de purté la repartizion ladina dla Università tla valedes ladines Cie uel pa dì “portè la sënta y les funziuns dla repartiziun ladina dla faculté de sciënzes dla formaziun da Pursenù tles valades ladines”? Sce l ie minà la pert aministrativa pona muessen savëi che la repartizion ladina ne à nia, sciche la ntendënza ladina, na aministrazion aposta, ma che duta trëi la repartizions vën aministredes deberieda. Sce l ie minà nce la lezions per i studënc ladins, pona muessen savëi che i studënc ladins ne muessa nia mé frecuenté lezions

per ladin, ma nce lezions per talian, tudësch y nglëisc y chël suvënz l medemo di. Sëuraprò fóssel mo da se fé n pensier sce ti fajon zeche de bon ai studënc universiteres ladins, sce ti tulon defin l mesun de barat, de cunfront y de cuntac cun i studënc universiteres taliani y tudësc. Ne son nia bon de crëier che chëi che à fat chësta pruposta à nce pensà do mpue’ miec ala cunseguënzes de na tel mudazion. Theodor Rifesser, Urtijëi


Letres

nr. 11 / 16 de merz 2012

Stimé Oscar Prinoth, Ostes parores a pl. 23 tla Usc nr. 10/09.03.2012 m’à scialdè le cör. Inće sce i mëssi amëte de avëi pité mez n dé, do che i les â lit. Laurè por le ladin n’é nia n laûr. Laurè por le lingaz dla uma é – sciöche mi pere spiritual dijô dagnora – na vocaziun. Y chël che iö prôi de fà é ma chësc: ti orëi bun cun döta me instëssa a chël che mi pere y mia uma â somenè dan da tan d’agn. I à albü la gran fortüna de nasce te na familia, olache vigni parora gnô pesada cun la stadira de chël che vënn or. I à arpè la sensibilité dl pere de mia uma y la prezijiun de mi pere. I à albü la fortüna de studié. I à podü laurè pro proieć che ćiarâ lunc sura i confins fora y che m’à conzedü de imparè tröp. I à albü l’onur de conësce n gröm de porsones interessantes fora por döta la Ladinia. Gonot m’àn trat dant chësta fortüna. Gonot m’àn fat

La Svp y i ladins pesè döt chësc bëgn. Y chësta é inće stada öna dles rajuns che m’â fat “sciampè” l’ann passè tan lunc “demez da chësc monn intossié”, sciöche i à cuntè te mia pröma trasmisciun sön Santiago de Compostela. Mo avisa sön chël tru ài capì che la sóra poscibilité che i â da nen gnì fora de chël labirint ê ma ti orëi bun a chël che i fajô. Y trasmëte de val’ vers chël amur che i sintî. Le Radio ladin é por mè na gran ocajiun y porchël oressi rengrazié düć i responsabli por le tröp tëmp che ai me scinca tresfora. I se damanëis da olache i sun: Pedraces, San Linert, San Martin. Vire viri da dagnora incà bele a San Linert, mo mi cör é lié al Sela. I me sënti da ćiasa te vigni valada ladina y chësc ti augüri a vignun. Al n’é nia de plü de bel co podëi ti orëi bun a n badiot, se la rì cun na ampezana, ester contënć cun n

gherdëna, se confidé cun na fasciana y se capì cun n fodom. I sun düć canć fredesc y sorus dla medema gran familia y te chëra crëii iö. Por mè esìstera, sciöche l’aria che i tiri ite vigni dé, sciöche l’ega che i bëri y sciöche le pan che i mangi. I sun fia dles Dolomites y chël ôi inće restè. Datrai me sënti sóra, datrai me sënti picera y nia bona de combate cuntra i gragn morins dal vënt che desfej ći che iö prôi de fà sö. Mo chël é ma anfat. Cun Ostes parores, siur Prinoth, m’ëise desmostrè che chisc é ma pinsiers che iö me feji. Giulan porchël dla forza che I me trasmetëis. De gra che I lascëis crësce ćiamò deplü mia convinziun che an po fà bel cun le ladin y che an po avëi le coraje d’adorè les parores che pere y uma nes à insigné. Daria Valentin, Badia

Percie muessen pa for tenì dut sucrët? Pra la polemiches che ie unides ora ultimamënter n cont de mi posizion n con’ dla cuestions che à da n fé cun i raporc danter man publica, Union di Ladins de Gherdëina y Museum de Gherdëina, possi cunstaté cun plajëi che da deguna pert sons unì criticà per chël che é scrit, ma unicamënter mé per l tonn che é adurvà. Per la gravità dla situazion te chëla che son, ajache n uel da

pert dla man publica cun l taië di cuntribuc nes fé unì dala Cësa di Ladins, fova l tonn dessegur plu che aproprià. La urità ie che da pert dla SVP pertënden for mé che l vënie dit l bon che i fej y l stlet messëssen scuté via. Sambën che l tonn che n tol ca a dì zeche de negatif toma ora plu pesoch, che no sce n dij zeche de positif. N à pudù cunstaté che la SVP

ne dura nia sce n dij la urtità che ne ti va nia bën a d’ëila. Ie son de chëla che la jënt toca da savëi cie che l suzed te nosta lia. L me fajëssa plajëi sce nce l Museum de Gherdëina fajëssa l medemo. Ajache tenì for dut sucrët ne porta nia auter che a pregiudizes danter la jënt. Stefan Kasslatter, presidënt dla Union di Ladins de Gherdëina

Da les zentrales di partis politics

Percie ons’a n assessëur „ladin“? Percie ons’a n assessëur „ladin“, sce ël ne defënd nia nosta rujeneda. Canche la se trata, ne bàstel nia mé vester n „sambën ladin“. N con’ dla tëuta de posizion dl assessëur per la cultura ladina Florian Mussner tla Dolomiten di 8 de merz de chëst ann, ala lëtra publicheda doi dis dant for tla Dolomiten dal presidënt dla Union di Ladins de Gherdëina, Stefan Kasslatter, n con’ dl argumënt “Il Ladino, cioè una lingua ladina, non esiste”, messons manifesté nosta gran delujion. Ne se assan mei mpensà che ël ie a una cun de tel afermazions y che per resposta iel mé stat bon de dì che ël ie ënghe a una cun la posizion dl presidënt dl Istitut Albert Videsott, che ne ova nia auter che nventà viertles fantasiëuses per defënder si diretëur. Che n assessëur ladin scrij tla Dolomiten che sce l ie mé un n ladin coche rujeneda o no

ie na descuscion defin mé academica; plu mpurtant me sàl che la rujeneda ladina vënie recunesciuda ufizialmënter coche tela y che la ebe na scunanza tres la leges, ie doi afermazions n cuntrast y cun chësc desmóstrel de sustenì chëi che ulëssa mëter n descuscion nosc lingaz. Canche n lëura deberieda cun la Società Dante Alighieri, che à sciche si motto „Il mondo in italiano“, pona iel sëni che l partit tudësch SVP chier n sustëni per purté inant la ideies che l à for abù de viers dla jënt ladina, che ie chëles de la spartì danter ladins tudësc y ladins taliani. Dì che l ladin ne n’ie nia na rujeneda ie nce na viertla per ne ulëi nia n lingaz unificà, contra chël che la SVP se bat dassënn, dantaldut da canche on coche assessëur per nosta cultura Florian Mussner. Che l ie cërta forzes che proa a uni maniera de jì contra la jënt ladina, chël ne n’ie nia zeche de nuef y iló ne pòssen nia fé plu de tant, ma che l assessëur y l Istitut Ladin scumëncia nce a dubité dl fin per chël che ëi à si

ncëria, ne pòssen nia azeté. Florian Mussner, mpede dì tlermënter coche ël la vëija, ti àl trat dant al presidënt dla Union di Ladins de Gherdëina che ël strumentalisea chësta cuestion per rujené melamënter de duta chëla persones che lëura a bën dl ladin. Chiche à liet l articul de Stefan Kasslatter sà che ël à mé criticà la afermazions scandalëuses de Leander Moroder. Cie dijëssa pa la jënt sce na Union di Ladins ne dijëssa nia la sia sun na tel strambaria? L basta bën che l presidënt dla Union di Ladins dla Val Badia, Werner Pescosta, ne possa dì nia. Tlo fóssel ënghe da se damandé sce n dependënt dl Istitut Ladin „Micurà de Rü“ che ie al 100% tla man dla politica, sibe ënghe adatà a fé l presidënt de na Union culturela che tuchëssa da vester autonoma. Ladins Dolomites, Urtijëi

Na domanda Vater unser im Himmel..... Padre nostro che sei cieli.... Nosc pere ”SÖ” al cil..... Pere al Cil: śëgn él jü plü dalunc y plü insö por i ladins? Sciode! Sce al foss val’ da cambié, spo fóssel da ti insigné a düć i ladins da perié por ladin y fà les funziuns liturgiches te dlijia te nosc lingaz dla uma, por che an pois se sintì da ćiasa tla dlijia de nosc paîsc! Olga de Cestun da La Val

Sce la Svp ô me rapresentè sciöche ladin, spo mëssera rapresentè ala medema manira todësc, ladins y talians. Sce ara rapresentëia ma todësc y ladins, spo ne me sinti iö nia rapresentè te mi ester ladin. Christian Ferdigg, Al Plan de Mareo

La renovaziun dla dlijia da San Martin I sotescrić mëmbri dl consëi de cöra da San Martin arata ch’al sides dërt da respogne ala lëtra de Martin Costalunga publicada tla Usc nr. 9/2012. I sun dla minunga che la resposta dl presidënt dl consëi de cöra tla Usc nr. 8/2012 é tlera y sinziera y dessigü nia intorta

canche la comunité é jüda le pröm iade te dlijia, co por la consacraziun ai 29 de jenà él gnü partì fora te dlijia y tla plata de cöra na zetola y n depliant cun la spligaziun dl presbitêr nü y dla dlijia renovada, invian la comunité a ”crësce tla fede, se lascian ispiré y daidé dales opres d’êrt de chësc post sant”.

I oressun recordè y informè en cört sciöche la renovaziun dl presbitêr é gnüda a s’l dè. Tl’ann 2007 à le consëi de cöra invié 4 artisć da presentè na proposta por la restrotoraziun dl presbitêr, don dant i critêrs a chi che ai â da se tignì. Por la valutaziun dles propostes à le consëi de cöra nominé na comisciun de 10 mëmbri. Ai 29.07.2008 à chësta comisciun azetè, a maioranza dle usc, la proposta de Silvester Promberger y Albert Mellauner. Le proiet à messü gnì adatè daimprò ia ales prescriziuns dl Ofize provinzial di bëgns culturai y à ciafè ai 27.04.2010 l’arat positif dal presidënt dla comisciun diozejana por la liturgia univ. prof. dr. Ewald Volgger, che à acompagné le consëi de cöra, la comisciun y i artisć cun sü consëis ćina ala realisaziun dl proiet. Te chësta fasa ti é le proiet inće gnü splighé ai surastanć dles uniuns di ëi, dle ëres y di jogn. Do che le proiet ti é spo gnü presentè ala comunité da San Martin ai 27 de merz 2011 da pert dl prof. dr. Volgger, à le consëi de cöra aprovè le proiet ai 11 d’aurì 2011 cun dötes le usc a öna, fissan le tëmp por la realisaziun dala fin d’agost ala fin de setëmber. Le significat dl proiet é tres indô gnü splighé sides dai artisć, co dal presidënt dl consëi de cöra y dal prof. dr. Volgger. Sides por la segra da San Martin al 1. de otober,

Tla configuraziun nöia dl presbitêr y dla dlijia s’à i artisc tignì ales diretives dl Secundo Conzil Vatican sciöch’i podun lì do tl depliant. Le vëindres sëra dan la consacraziun é siur Iaco Ploner, Ploan da Sant Andrè, jü dër sot tl significat dla pera da bato, dl altè, dl ambo y dl depënt dl vider che nes liëia ite tl amur tl lominus de Dî. La belëza y la dignité dl presbitêr nü àn spo podü sintì deplëgn en la festa dla consacraziun. Aladô dl Conzil é la mësa dl altè - incër chëra che la comunité é inviada da s’abiné y da se gnì - y l’ambo i posć plü importanć te na dlijia. Le crist n’é nia gnü tut demez, al é gnü spostè söl mür da na pert. Tres indô y cis dales ultimes sopoltöres él stè tröć che à dit che nosta dlijia ti plej (inće nosc vësco Ivo Muser). I s’ aodun de podëi indô jì de revers a laurè adöm te n tlima de serenité y de respet cun en spirit de fidënza y de uniun, ći che Gejù se ghira pordërt da na comunité cristiana. Siur Paul Campei, Ploan Pasquale Schuen Leo Crepaz Rosamunde Irsara Albina Ferdigg Helene Chizzali Priska Conrater Dennis Schanung

Stlü jö la chestiun Cun chësta cherta oress la Redaziun stlü jö la chestiun. La Usc di Ladins à portè les minunghes plü desfarëntes y critiches en relaziun al laûrs nüs te dlijia da San Martin. Vigni letur à podü lì deplü minunghes, se fà instës na

minunga dla chestiun y ciafè impulsc por gnì motivé da jì a ti ćiarè al altè y ala dlijia renovada. Lëtres sön chësta chestiun ne gnarà porchël nia plü publicades. La Usc di Ladins Redaziun Val Badia

Lëtra davierta Al presidënt Edmund Dellago, “Sasslong Classic Club”, Cumité de Copa dl Mond te Gherdëina Stimà presidënt Edmund Dellago, ulësse ve rengrazië di cunsëies che nes ëis dat tres la Usc di Ladins per chël che reverda la veles dl presidënt nuef dla FISI. L cunsëi dl Schi Club Gherdëina ne se à mo nia ancuntà per fé ora a chi ti dé la stimes, ma nëus valuteron duc i candidac y cialeron

de lité chël che da nëus ora laurerà dantaldut per l’atività di jëuni. Sambën che deberieda puderons arjonjer truep y canche la sarà tan inant ve cunsierons nce nëus l candidat che assan gën che vo litëis. De gra Per l Schi Club Gherdëina, la presidënta Lidia Bernardi www.lauscdiladins.com

35


Letres

nr. 11 / 16 de merz 2012

Melcherianza o ignoranza?

“Il ladino non esiste” N valgunes conscidrazions entourn na frasa basterda de Erwin Valentini

La mioura defendura é l’ataca. A chest “motto” dl marescial Radetzky arà pensé l president dl Istitut ladin Micurà de Rü, A. Videsott, y l assessour F. Mussner, te sies toutes de posizion sun la “Dolomiten” (6 y 8 de merz) y sun “La Usc di Ladins” (9 de merz), olache ai prova de defene l diretour L. Moroder da les critiches en cont dla frasa “Il ladino non esiste” contegnuda te na picera brosciura deda fora dal Istitut. L Istitut y sie diretour ne à nia da se lascé tré dant, scriv A. Videsott, fauzes, faledes y entortes é plutost les critiches formuledes tla Usc, organ ofi zial dla Union Generela di Ladins.

De cie se tràtel pa? Tla brosciura nes spliga L. Moroder y G. Clamer che “Il ladino, cioè una lingua ladina, non esiste. Esistono solo tante parlate diverse, ma simili”. Chesta frasa, sciche al vegn sotrissé te n articul de L. Trebo sun chest argoment, respidleia avisa la posizion de n valgugn linguisć talians che contestova l’autonomia linguistica y enscì ence l’esistenza enstessa di ladins sciche grup etnich (“È preferibile parlare di Gardenesi, di Badiotti, di Marebbani ed eventualmente di Livinallonghesi, di Fassani ecc., ma mai di Ladini”). L president dl Istitut da San Martin ti tira dant a La Usc che ala à trat la famousa frasa fora dal contest y che ala à “souravedù” che ‘il’ y scrit en corsif, stramudan enscì daldut l significat dl test. Per capì endertura cie che Moroder minova éssel basté – scriv A. Videsott – lieje la verscion todescia dla brosciura. Sce ala sta enscì volessi ti domané a Videsott: Méssen pa propi lieje la verscion (o traduzion?) todescia per capì l significat dla brosciura? La verscion taliana é vegnuda scrita per i talians, che ne jirà dessegur nia a lieje chela todescia per capì L. Moroder y G. Clamer. Y se aspéten che i letours ladins se dae ju con enrescides semiologiches per capì n test che messessa ester perdret “self explanatory”? L president Videsott nes spliga che Moroder ne ti contesteia nia l status de lingaz al ladin dles

36

www.lauscdiladins.com

Dolomites; al volova demé dì che i idioms ladins ne forma nia deberieda n lingaz unich, n lingaz nazional o na “Hochsprache”. “Et pour cause”, podéssen respone chilò, l Istitut Micurà de Rü y sie patron politich, l assessour Mussner, à fat dles dutes per che l ladin scrit unifiché o ladin standard ne devente nia “Schriftsprache” ladina ofiziala dla provizia de Bulsan y dla Ladinia. Tla verscion todescia dla brosciura vegnonse spo alsavei che “von den Karnischen Alpen im Osten, über die heimischen Dolomiten und Graubünden bis zur Provence im Westen und weiter noch bis nach Katalonien führt die Reise durch die Splittersprache des Ladinischen…” N lingaz ladin destenù fora dal Friul fina la Spagna: na descorida nueva dla filologia romanza? Do che i agordins y ciadorins se à declaré ladins (de Bonora) é sen ence i catalans ladins? O onse endò nos capì dut damat?

model de ladin scrit unifiché o standard che podessa vegnì capì y adoré da duc y te duta la Ladinia. Per arjonje chest obietif se baseia l ladin unifiché sun les carateristiches comunes – gramaticales, lessicales y ence ortografiches - de duc i idioms ladins. Perchel pòn conscidré l standard sciche n sistem unitar panladin, na sort de diasistem o de ‘strutura profonda’ dl ladin dles Dolomites.

Critiches per la colaborazion

La chestion sce al é o ne é nia n lingaz ladin depen en pert ence da cie che fajarà l Istitut Micurà de Rü y l assessorat ladin a Bulsan. Do avei sostegnù y cofinanzié l projet SPELL se pàrei sen, sciche i on bele dit, con piesc y con mans contra l ladin standard. Mussner ti ova finamai fé avei n contribut a SPELL per la publicazion dla “Gramatica dl Ladin Standard” canche al fova diretour dla Cassa Raiffeisen de Sëlva y ne fova nia ciamò sotmétù a les prescions dla SVP gherdeina. N puech de coerenza y os dl spinel ne ti fossa nia de dann a chi che é metus a stravardé la cultura ladina! Empede defene les enciampededes dl diretour Moroder, fajessa Videsott y Mussner miec de tò su l invit dl president dl Istitut cultural de Fascia, A. Pollam, de colaboré con les autres istituzions per mete en doura l model de ladin standard che fossa bele da tò ca atira. De cie che al va debujegn é na colaborazion concreta y senziera y no demé de beles paroles y canche ala ti scusa a chi de Gherdeina y da Bulsan! Sce Mussner metessa en pratica cie che al nes conta tla Dolomiten (8 de merz) (“Wenn es uns um Erhalt und Entwicklung der ladinischen Sprache und Kultur geht, dürfen wir uns nicht von politischen Grenzen aufhalten lassen, sondern müssen Ressoursen bündeln und Synergien schaffen, wo immer dies möglich ist.”), éssen tost ence na Hochsprache y n lingaz nazional dla Ladinia.

L secont argoment é plu malizious y compliché. Les istituzions culturales ladines se ova tout dant de laoré fora, ence con n contribut finanziar sostanzial dl’Union europeica, n

Ma magari messonse aspeté che l Istitut Micurà de Rü dae fora na verscion engleisa - y ciuldì pa nia ence ladina? - dla brosciura, per podei capì sce y cie che ‘l’ ladin é.

Ma cie é pa donca chest fantomatich lingaz, ‘l’ ladin? Les rujenedes retoromanes dl Friul, dles Dolomites y di Grijons ne pò, al é veira, da n punt de veduda soziolinguistich nia vegnì conscidredes sciche un lingaz unich, ajache ales ne à mai svilupé deberieda n lingaz nazional y/o na “Hochsprache”. Vel chest ence per i idioms dles Dolomites? Per cie che reverda l prum argoment, ladin lingaz nazional, él da dì che cie che conta é l reconosciment de na rujeneda (idiom, dialet o auter) sciche ‘lingaz’ da pert de na istanza politica. L ladin é de chest vers n lingaz da canche al é vegnù reconesciù tl Statut de autonomia - che é na lege costituzionala dl Stat talian sciche ‘lingaz’ y spo plu tert ence sciche lingaz de aministrazion da les provinzies de Bulsan y de Trent.

La grmatica dl Ladin Standard.

L dizionar dl Ladin Standard.

Per fortuna che al é ladins che se fej pensiers sun la situazion politica–culturala de nosta popolazion; chisc pensiers vegn gonot metus a papier y manés a media o a persones che porta responsabelté politica–culturale. Al ne buta nia demé respone a istituzions, ma ence persones privates se merita na resposta. Gonot àuden che chisc puec che scriv ne giata sun sies propostes o critiches fondedes deguna resposta. Do da n tant fòssel ben bon da audì valch; les propostes vuel demé descorì, mostré su problems per daidé mioré la situazion di ladins, nia a sprom batù, da encuei a en doman. Chi che scriv é persones che se la tol a spiné, a cheles che la situazion politica no demé di ladins ti sta a cuer; degugn à intenzion da ofene zachei. Fé puecia stima dles

propostes di autri mostra che al mancia la bona cherianza da pert de esponenć politics per respone. Ignoreien per prinzip cie che jent met a papier, ciuldì che les idees di autri ne scusa nia? Vigni persona à rejon da dì la sia, ence sce ala à n´autra idea sun la politica ladina y sun la situazion culturala di ladins! An ne mess nia azetè les idees di autri, ma vignuna se merita da vegnì respeteda y chest pò vegnì desmostrè con na resposta sibe positiva che negativa. I vedon ti foliec tant enteressantes che les letres de letours pò ester, mòstreles pu gonot i problems da n auter punt de veduda. Ales deida gonot daurì i uedli per vedei i problems plu damprò y daurí n troi per i porté inant y na soluzion dant porta. Lois Trebo, Badia

Rujeneda ladina L lingaz de Stat ne n’ie nia la drëta mesura per iudiché l’ejistënza, ma sce mei, l valor y la resistënza dl lingaz. Perauter ie de regula l Stat nstës nasciù sun la fundamënta de na naziunalità chersciuda ora dl medemo lingaz. Ie ne me fice nia gën te cuestions linguistiches ti lascian la parola y scutan su ai studi y ai esperc de lëtres y lingac, ma ajache mëter n descuscion sce l ladin ie lingaz o nia ne n’ie nia mé n fal ma nce n dann per duc i ladins, coche Erwin Valentini à spligà drët bën, y ajache la cuestion ie dut auter che mé academica ma tambën politica, me mpermëti nce ie de fé n tel pitl comentar al julantin EstOvest Aurona dat ora dal Istitut Micurà de Rü y dala Società Dante Alighieri. Nterpreté fauz la ntroduzion de Leander Moroder y Giulio Clamer ne n’ie nia drë’ puscibl, nce sce l vën fat mpue’ de cunfujion cun i tesc´ talian y tudësch nia valifs. Chëi che ne à nia liet l julantin ma mé i comentares ora di foliec pudëssa repurté la frasa melgarateda sun l ladin nia lingaz ai 5 idioms dolomitans, ntant che i autores rejona dl furlan, dl ladin, dl rumanc, dl provenzal y dl catalan; degun de chisc idiomes ne fossa n drë’ lingaz, ajache i ne à nia arjont la statura de lingaz uniter y ufiziel de Stat. Chësta pusizion ie tlermënter fauza. La normazion y l’ufizialisazion ne vën nia da sëules, ma ie for frut de na regulamentazion

y desposizion, y la cualità de lingaz de Stat ne n’ie segurdenó la drëta y mo manco la sëula mesura per recunëscer la natura y l’uriginalità de n lingaz. Sce la fossa autramënter ne pudessans nia ti recunëscer la natura de lingaz al tudësch nchin al 19ejim secul. L fal tl Aurona pudëssa perauter vester mënder de si gauja y dla viertles unides ora da dedò. La teoria dl ladin dialet talian o de n’autra categuria o grupa linguistica ie da proieté tl tëmp passà, tl iter lonch y sfadiëus de recunescimënt dl ladin y tla realtà dla politica linguistica da ncuei. L ladin standard y ufiziel vën mo ncuei cumbatù (ce contradizion recunëscer la cualità de lingaz mé a chël standard y ufizel y nia crì chësc livel per l ladin!) per la medema rejons politiches de do la prima y do la segonda viera mundiela, per ne lascè nia sté adum i ladins, per ne ti lascé nia la scunanza y l’autonomia che ëi adrova y che d’autra mendranzes à. Ma ncuei sons povester mpue’ plu inant, te na fasa de assimilazion di ladins che unissa tlermënter ntardiveda o povester fermeda da n lingaz uniter y ufizel ladin. Auter che cuestion academica, l ladin lingaz de uni viers, lingaz ufiziel unificà y parificà, ie cuestion politica de sëuravivënza dla populazion ladina. Carlo Willeit, Sëlva

Ćialon de laoré deberieda! Critiches y discuscions emplenesc da n valgunes edemes les plates de "La Usc di Ladins" per via de chela frasa "il ladino non esiste". Ataches, ence pesoces, é vegnudes fates contra l diretour dl Istitut Ladin Micurà de Rü Leander Moroder. Messon duc tegnì adum, nos che i son duc fredesc y che i fajon pert dla medema familia, chela ladina. Con chestes stritaries ne ruvonse nia lonc. Davei ne ruvonse iniò sce i zancanon y sce i se atocon tres i foliec, impede nen rejoné. Mé sce i son unis y sce i tegnon adum podonse arjonje i obietifs de mantegniment y de salvaverda de nost lingaz y de nosta cultura. Al é ora sen da destudé ju l fuech dles ultimes critiches y dles polemiches. L Istitut à n si

president, n si consei y n si diretour, che se à tout su la responsabelté per cie che ai à scrit y fat. Sce valgugn à ciamò zeche da dì, i preie da jì diretamenter a nen descore con l diretour Moroder, zenza messei l publiché sun "La Usc". L Istitut Ladin Micurà de Rü, na istituzion importanta per nos ladins, à fat truep de bon per l lingaz y per i ladins, chest é ence da dì. Ie me augure che chesta storia ae sen na fin, che al posse vegnì zeruch la pesc anter duc i ladins y che la Union Generela y i trei Istituc Ladins posse laoré duc deberieda per l ben dl popul ladin. Elsa Zardini, presidenta dla Union Generela di Ladins dla Dolomites


Sport

nr. 11 / 16 de merz 2012

Rècord de partezipanć Bëgn 300 apascionà de schi cun les pels y la löm sön la frunt à tut pert ala secunda ediziun dl 2. Trofê Oskar Costa a San Ćiascian, che fej pert dles gares dla Raida Ladina. Le plü asvelt é stè Lois Craffonara de Badia Schialpinism - Le percurs che piâ ia dala staziun a val dl implant portamunt dl Piz Sorega à n deslivel de 477 metri y na lunghëza de 4150 metri. La gara fej pert dla ”Raida Ladina”, le campionat ladin de schi da munt, che é bele a süa cuinta ediziun. Chësta ê la terza gara varënta por chësc turnier, do le ”Trofê Mario Jori” de Fascia y la ”Lors da Reba” ta Fodom. L’ultima gara sarà spo la ”Rodes Gherdëina” ai 21 de merz, che va da Sëlva ćina sön Ju de Sela. La gara a San Ćiascian é gnüda organisada dala Lia da Munt Ladinia - Cai Val Badia, che à podü cunté sön la colaboraziun de tröc volontars, che s’à sciöche vigni ann dè da fà cun gran savëi y competënza, y à fat a na manira che la manifestaziun garatass dër bun. Pro l’iscriziun ciafâ vigni partezipant n gadget, n bel pice rucsoch, metü a desposiziun dal sponsor. I concorënć é spo pià ia düć adöm puntuai dales 8 da sëra. Le percurs sön la pista ”Piz Sorega-B” condüjô i atleć naota ćina pro la

Lois Craffonara de Badiasport é stè le plü asvelt de düć.

Ütia Saraghes, spo ala staziun a munt dl implant ”Ćiampai”. Chi che orô, podô dailò tó jö les pels dai schi, deache chësc ê le punt plü alt. Ai passâ spo dan la Ütia Las Vegas ia y rovâ al travert che ê propi dan la Ütia Piz Sorega. Le plü asvelt dla categoria di ëi é stè l’atlet dl post Lois Craffonara de ”Badiasport” cun le tëmp de 27.14. Al secundo post é rové Georg Piazza de ”Activ Sport” cun 27.28, al terzo Lorenzo Battisti de ”Bela Ladinia” cun le tëmp de 27.31. Pro la categoria dles ëres à fat le miù tëmp la fasciana Carla Jellici di ”Bogn da Nia” cun le tëmp de 33.11. Al secundo post s’à tlassifiché Esther Demetz cun 34.32, y al terzo Manuela Perathoner cun 35.28; intrames fej pert dla scuadra sterscia dles ”Peves Gherdëina”, che à inće plazè na süa concorënta al cuarto post. La premiaziun é stada spo tla Ütia Piz Sorega, olache al é gnü premié i pröms trëi de vigni categoria. Al é inće gnü premié la ëra y l’ël che é rovà plü daimprò al tëmp ideal. Intrami à podü pié do n bel pest. Le ”Trofê Oskar Costa” ti é jü ala miù scuadra, che é stada la scuadra fasciana ”Bela Ladinia”. Le trofê é gnü surandè da Renato Costa, presidënt dla Lia da Munt Ladinia. La sëra é spo jüda inant en alegria; vigni partezipant ciafâ n bel taì de pasta y val’ da bëre laprò. Al ne manćiâ gnanca la ola dla fortüna, olache tröc à podü pié do n bel pest da se portè a ćiasa. Al é rovè adöm n gruöm de jënt, suradöt dales valades ladines de Cortina, Fodom, Fascia, Gherdëna y Val Badia, mo inće da foredeà. Al é indô stè na bela festa dl sport, y al é bel da odëi che tan de jënt jona se dà jö inće cun le sport de fadia, che é dessigü sann no ma por le

corp, mo inće por le spirit. (renato flatscher)

Tlassifiches (pröms 15) Ëi seniors: 1) Lois Craffonara, Badiasport, 27.14; 2) Georg Piazza, Activ Sport, 27.28; 3) Lorenzo Battisti, Bela Ladinia, 27.31; 4) Hannes Oberfrank, Ski Alp Race Ahrntal, 27.34; 5) Dario Steinacher, Bogn da Nia, 27.43; 6) Daniel Ploner, Gherdëina Runners Activ Sport, 28.52; 7) Federico Corradini, US Cornacci, 29.00; 8) Gabriele Depaul, Bogn da Nia, 29.02; 9) Herbert Stuffer, Peves Gherdëina, 29.08; 10) Ivano Ploner, Bela Ladinia, 30.12; 11) Antonio Molin, Dolomitici, 29.57; 12) Mirco Micheluzzi, Bela Ladinia, 30.12; 13) Werner Degiampietro, ASD Cauriol, 30.19; 14) Günther Nocker, Peves Gherdëina, 30.22; 15) Michael Oberhollenzer, Ski Alp Race Ahrntal, 30.23. Ëi over 50: 1) Andreas Senoner, Peves Gherdëina, 30.49; 2) Luciano Soppelsa, Peves Gherdëina, 31.27; 3) Peter Steinhauser, 31.35; 4) Mario Hofer, Peves Gherdëina, 32.17; 5) Ludwig Insam, Rodes Gherdëina, 32.18; 6) Peter Thaler, ASV Gossensass Ski Alp, 32.23; 7) Andreas Demetz, Peves Gherdëina, 33.02; 8) Alois Untersteiner, Skialprace Ahrntal, 33.16; 9) Marco Debiasi, Schettino Boys, 33.25; 10) Ennio Dantone, Bogn da Nia, 34.29; 11) Elmar Perathoner, Peves Gherdëina, 34.30; 12) Giovanni Pompanin, Ski Run Hackra Pschorr, 35.05; 13) Ivano Verra, Bela Ladinia, 35.45; 14) Edmund De Vettori, US San Ćiascian, 36.05; 15) Lio Calligari, SS Fornese, 36.27. Ëres: 1) Carla Jellici, Bogn da Nia, 33.11; 2) Esther Demetz, Peves

Pro le start dla secunda ediziun dl Trofê Oskar Costa.

Gherdëina, 34.32; 3) Manuela Perathoner, Peves Gherdëina, 35.28; 4) Giulia Tagliapietra, Peves Gherdëina, 36.10; 5) Linda Menardi, CAI Cortina, 37.07; 6) Catherine Senoner, Peves Gherdëina, 37.30; 7) Heidi Dapunt, US Lungiarü, 37.35; 8) Serena Menardi, CAI Cortina, 38.09; 9) Elisabeth Benedetti, AS Cauriol, 38.13; 10) Verena Ebner, Badiasport, 38.40; 11) Alessia Molin, Dolomiti Ski Alp, 39.46; 12) Tiziana Cola, 40.52; 13) Claudia Canins, Badiasport, 42.10; 14) Carla Valentini,

Badiasport, 42.39; 15) Ruth Schenk, Lores, 42.42. Iunior: 1) Alex Oberbacher, SC Gherdëina, 28.50; 2) David Frena, 32.12; 3) Franz Wieser, Badiasport, 32.45; 4) Jakob Valentini, Badiasport, 33.54; 5) Nikolas Irsara, Badiasport, 35.20; 6) Mika Morelo, Badiasport, 36.54; 7) Oliver Canins, Badiasport, 37.19; 8) Kevin Miribung, 47.45; 9) Massimiliano Rudiferia, 48.51; 10) Matthias Pezzei, 56.56; 11) Daniel Costamoling, SC Ladinia, 56.57.

Trëi concorëntes: dmc Magdalena Frenademez, Susi Vittur y Nicole Vittur.

Bon vent per l Fascia a Lavis Va inant delvers l campionat per i jiadores fascegn, che te la pruma partides fora de cèsa i à concostà 6 ponts Balon 1^ cat. - À cognù jièr amò dalonc da Vich la pruma squadra del Fascia Balon, enstouta sul senester ciamp de Lavis de contra al Paganella, formazion chesta che la é scì béleche junfon la classifica ma che te la ùltima doi partides aea Classifica 1. categorìa jiron C: Lavis 15 partides 41 ponts Fascia 15 partides 35 ponts Aquila Trento 15 part. 32 p. Anaune 15 partides 27 ponts Verla 15 partides 27 ponts Alta Anaunia 15 part. 22 p. Tnt M. Peller 15 part. 18 p. Cauriol 15 partides 17 ponts Solandra 15 partides 17 ponts Mattarello 15 partides 16 ponts Mezzolomb. 15 part. 14 p. Monte Ozolo 15 part. 13 p. Paganella 15 partides 13 ponts Dolomitica 15 partides 11 p.

dassen jià delvers. A fèr doentèr la endesfida amò più senestra per i vintedoi jiadores, l’é stat l fort vent che à sofià dal prum a l’ùltim menut. L prum temp i fascegn à proà a se emprevaler del vent te la schena e da na man la ge é ence jita fata. Defati, l jech l’é stat comanà dai bec de mister Giuliani, ma la miora ocajions i les à abudes i trentins con dotrei contrataches dassen pericolousc, olache l portier fascian Nicolò Cincelli à desmostrà che enstadì no l’era giornèda per chi che ge ruèa massa apede. Fenì che l’é stata la pruma pèrt de jech, i ladins se tirèa ite te deregoladoi mìngol endespiajui per no aer desfrutà la spenta del vent e mìngol cruzié per cogner bater ence chel tel secondo temp. Alincontra i trentins i era belebon engaissé e i confidèa de fèr manco fadìa. Fazile chesta pissèdes, n’outa de retorn sun ciamp, les à portà i ladins a se sproèr maormenter e i jiadores

del Paganella a se deconzentrèr. L’é stat coscì che l Fascia à scomenzà a jièr miec che ti prumes carantacinch menuc e aldò de na bela scomenzadiva de Bolgiani e Deluca, Patrizio “Pat” Cigolla, à podù enfilzèr l portier de cèsa. Mencèa aboncont amò na mesora dant de la fin. Da na man i patrons de cèsa proèa a ge dèr d’empaz con trates longes che vegnìa petèdes de retorn delvers dai defensores de Fascia, da l’autra Amplazt, Deluca e Cigolla, someèa poder troèr l secondo gol da n moment a l’auter jian co la bala jabas. A la fin però a padir de più l’é stat la squadra del President Ghetta, ajache i atacanc aversaries à abù dassen de bona ocajions, che i se à vedù rebater dant da Rizzato su la linea de usc, e dò da n portier ladin zis en forma. Anter azidenc e empegnes de ogne sort, no l’é de segur un di momenc più sorii per l Fascia, ma enstouta à didà ence la

bona sort e chest ogne tant no pel che fèr piajer. Dodoman, domenia ai 18 de mèrz, l Fascia jiarà sia pruma partida de chest an sul ciamp amich de Vich, da les trei de contra al TNT Monte Peller. Chest passà l’é stat n fin de setemèna positif ence per l’autra squadres del Fascia Balon: la Eles à vent 3 a 1 contra l Brixen con goi de Carlotta Bagnoli (2) e Martina Volcan, la Juniores à vent 2 a 1 contra l Bolghera de gra ai gol de Damiano Nicolodi e Stefano Riz, i Arleves e i Giovanissimi a parejà 1 a 1 contra Gardolo e Bolghera con goi de Damiano Crepaz e Matteo Pellegrin. La partides de chest fin de setemèna: La pruma squadra del Fascia Balon jia sul ciamp de Vich en domenia da les 15.00 contra l TNT Monte Peller; la eles jia tel medemo moment a Marcena di

Rumo contra Le Maddalene; la Juniores jia en sabeda da les 18.30 al Cotura contra l Cristo Re; i Arlieves en domenia da les 10.30 semper a Vich contra l San Giorgio. Al Cotura en sabeda l’é ence la partida di Giovanissimi contra la Dolasiana da les 16.30 e chela di Esordienc A contra la Monti Pallidi da les 15.00. I Esordienc B enveze i jia a Gardol da les 16.00. Cristoforo Debertol Paganella – Fascia 0 – 1 (per l Fascia à fat gol Patrizio Cigolla) Formazion Fascia: Nicolò Cincelli, Nicola Rizzato, Cristoforo Debertol, Maurizio Bonani, Matteo Cigolla, Davide Porcu, Davide Bosin, Bruno Amplatz (75° Manuel Bernard), Daniele Deluca, Patrizio Cigolla (85° Stefano Riz), Simone Bolgiani. Alenador: Lorenzo Giuliani. www.lauscdiladins.com

37


Sport

nr. 11 / 16 de merz 2012

L Fascia sera sù con na gran partida Dò cater partides contra l Busan l Val de Fascia Ferrarini à serà sù na sajon rica de novitèdes e de emozions enscin a l’ùltim menut

La squadra de la serie A del Val de Fascia Ferrarini.

Hockey - Nia da fèr per l Val de Fascia Ferrarini. I ladins à scombatù en fin a l’ùltim, ma a la fin i à bele cognù arbandonèr i play off a la garejèda 4 de chesta pruma fasa. Semper contra l Busan, l Fascia no é stat bon de venjer. Dò la gara 3, fenida per 4 a 0 per l Busan, l Val de Fascia Ferrarini à jià, te cèsa, en sabeda ai 10 de mèrz, ma ence chiò l resultat no l’é stat chel sperà: 5 a 4 per l Busan. N gran pecià, ma amàncol i fascegn, che à jià chesta cater garejèdes con tropes jiadores

de manco su la giacia, i pel dir de aer metù dut l’empegn e de aer proà fin a l’ùltim a portèr a cèsa n bel resultat. En sabeda ai 10 i jiadores del Fascia e del Busan i se à binà ta Dèlba per tor pèrt a la gara 4. Endò zenza Locatin, Margoni e Chvatal, l Fascia à tacà via dassen ben con n prum gol ruà a nience n menut dal scomenz del jech: con n bel passaje de Thomas Dantone e del joegn Michele Marchetti, l’é l forest Trevor Kell che é bon de passèr via

per prum l portier Zaba. Pec menuc dò toca enveze a Planchensteiner e Bernard e ence con Snetsinger, ma no i é bogn de portèr a termin l’azion con n gol. Ence da pèrt del Busan i tentatives de gol i é n muie, ma nience ic é bogn de passèr via la vèrdia de Doyle, che l tegn la gabia al segur. L spetacol e la emozions les va inant ence tel secondo temp e al 12° menut, profitan de na situazion de jiadores de più su la giacia, l Val de Fascia Ferrarini segna l 2 a 0

con na bela rei de Snetsinger. L’é proprio con chesta seconda rei che i bienc e checegn i se dèsc na descedèda e te pec menuc i segna adertura 3 goi: doi de Knackstadt e un Bernard. N burt moment del Fascia che l va inant ence al scomenz del l’ùltim drittel, canche l’é endò l Busan che segna con Giliati. Segur de venjer, l Busan no peissa che l Fascia sie bon de se fèr più zach e l’é proprio te chel moment che, dant con Planchensteiner e dò con Sullivan, l Fascia Ferrarini l segna doi goi da spetacol che fèsc cighèr dal content dut l publich fascian, portan l resultat sul 4 a 4. I tempes suplementères no i porta nia de bon e l’é l gol de capitan Egger che destuda jù la speranzes di fascegn, che se veit sul tabelon l resultat definitif de 5 a 4 per l Busan. A la fin de la partida l bilanz de la sajon l’é amò dut da fèr, ma per l moment chel che resta l’é ence mìngol l braus per i ejic de chesta pruma fasa di play off, percheche enceben che l Busan l’aessa vent istesc, l Fascia no l’é stat fortunà ajache l se à troà a cogner fèr condemanco de n muie de jiadores infortuné o malé e apede a chest ence arbitres che segur no à didà e no i é stac al de sora de les pèrts. Da pèrt noscia, i compliments i va a duta la squadra e a duta la sozietà che ogne an la porta de gran emozions te noscia val. I compliments dapò i va ence al grop di ultras che, anter empegnes te cèsa e fora de cà, ge à de segur dat

maor gaissa a duc chenc, ai jiadores e ence al publich de pascioné de hockey, che ades peissa jà a l’an che vegn con la gaissa de saer chi che restarà e chi che enveze mudarà squadra. (vr)

a la fin l’é stat proprio l fascian Ivo Zulian a taèr per prum l travert, con 10 seconc de vantac. Per la eles enveze, 1° post per Michaela Eßi, del 1988, con n temp de 59 menuc e 10 seconc; 2^ la la campiona austriaca Verena Krenslehner e 3^ l’atleta dal Südtirol Andrea Innerhofer. Duta la classifiches, e ence i

retrac de la garejèda e de la premiazion, se pel i veder sul sit internet www.diabolorace.com. Compliments a Ivo Zulian che, con empegn e pascion, ogne setemèna l porta a cèsa de gran bie resultac, emportanc per el e per i Bogn da nia, ma segur de gran valuta per l nonzech te Fascia ence stroz per l mond. (vr)

Play Off Gara 3: Busan - Fascia 4 a 0 Gara 4: Fascia - Busan 4 a 5

Resultac squadres mendres I pìcoi de l’Under 8 à jià en domenia da doman a Perjen tel tornoi a squadres anter Nuovo Fiemme, Cornacci, Fascia e Perjen te na bela giornèda de sport. L’Under 14 à jià fora en domenia dut l dì la calificazions a la finèles contra la formazions del Milan, Laives e Caldaro e i joegn del Fascia se à vadagnà la seconda posizion e l derit a passèr a la seconda fasa de calificazions che se jiarà fora en domenia che vegn su la giacia de Torin anter Real Torino, Gherdëina e Eppan. L’Under 16 à jià la 24^ giornèda de campionat en mèrtesc ai 6 de mèrz a Caldaro contra l SV Caldaro e l’à vent per 4 a 3, vadagnan coscita l derit a passèr ai chèrc de finèles. A segnèr a Caldaro l’é stat Matteo Dantone, Luca Lauton (2 goi) e Lorenzo Paolinetti. L’Under 20 à jià en sabeda ai 10 de mèrz la calificazions per l 9° e 10° post contra l Real Torino e l’à vent per 4 a 2 con 2 goi de Matteo Iori e 2 de Gabriele Vieider.

Ivo Zulian venc la Diabolo Race L’atlet di Bogn da nia à portà a cèsa n gran resultat te chesta garejèda internazionèla te l’Austria Schialpinism - L campion fascian di Bogn da nia, Ivo Zulian, à endò batù duc si aversaries. En sabeda ai 12 de mèrz l’é ruà prum, tedant a duc, te na garejèda de gran fadìa e de gran nonzech a

chela che tol pèrt ogne an i miores atlec de schialpinism de dut l mond: la Diabolo Race te l’Austria, più avisa sul Golm Montafon. De gra a la bela dì de bon temp, chest an, la garejèda de nonzech

L campion fascian Ivo Zulian di Bogn da nia, é ruà prum te la “Diabolo race” te l’Austria, dant de Fasser (2°) e Hug (3°).

38

www.lauscdiladins.com

é stata amò più da spetacol. Con start e fin a Grüneck, la “Diabolo race” pervedea de fèr n toch su per l portoi da schi, de passèr via cater ertes e, proprio sul Golmerjoch, de fèr ence n toch coi schi su la schena. Dut te 7 chilometres de garejèda e 900 metres de dislivel. Con presciapech n centené de atlec e pascioné scric ite, la “Diabolo Race 2012” l’é stat na garejèda de gran spetacol che à vedù tor pèrt ence n bel, gran publich de spetatores soraldut al scomenz e a la fin. A ruèr prum al travert de la “Diabolo Race 2012” e a esser coscita segnà te la istoria de chesta garejèda, l’é stat l fort atlet fascian Ivo Zulian, clas 1980, da Soraga, scrit ite ai Bogn da nia e che à portà a termin dut l percors te 45 menuc e 29 seconc. N resultat de gran valuta, arjont dò gran fadìes e che à portà amò più contenteza e sodesfazion percheche Ivo é stat bon de ruèr tedant a doi atlec n muie forc: Alex Fasser da l’Austria e Alexander Hug da la Svizra. La batalia su per chesta crestes é durèda per duta la garejèda. Timpruma un e dapò chel auter, i é stac vejins duta la garejèda, ma

Ivo Zulian prum assolut de la “Diabolo race”.


Sport

nr. 11 / 16 de merz 2012

A la Scufoneda suzess de la Monti Pallidi Trëi devëntes Gran suzess per l grop de joegn che l’é dò che vegn sù tel chèder de la sozietà sportiva da Moena. L franzous Sebastien Meier l’é l venjidor assolut del Val Tegnousa Surprise Contest

Le Mareo I à batü i pröms tla tlassifica a Redant por 6 a 2 cun la bona media de 554,3. Davagné à inće La Ila y les ëres Chidlé Val Badia - Na devënta tlera por 6 a 0 à arjunt la scuadra dles ëres a Falzes y s’à portè provisoriamënter al pröm post tla tlassifica, mo cun la scuadra da Verdings che à na partida da recuprè y po indô i sciampè dant cun na devënta. Na bela devënta inće por La Ila, che à batü te ćiasa Falzes por 6 a 2. Ma le Mareo II, che n’é nia bun da se portè demez dal ultim post, à messü dlotì na pordüda, te ćiasa, cuntra Latzfons.

Seria A 2-ost

Momenc de la garejèdes e de la premiazions de la Polartec Scufoneda ti retrac de Matteo Zanga.

Jouf de S. Pelegrin - Se à sturtà sù te na maraveousa giornèda de soreie l Val Tegnousa Surprise Contest, tel chèder de la 15^ Polartec Scufoneda, n event dassen spetacolèr e n muie aprijià dai concorenc, che l’é stat metù a jir al post de la garejèda internazionèla Freeride Cup. L percors cernù fora dai giudizi Locatelli, Guadalupi e Campioni à enterzà toc su portoi con toc fora e per desvalives menuc i atlec, ponté via da la Ponta de l’Om e rué fin ju al S. Pelegrin, i à podù dezider de l tor dant col telemark, con la brea o coi schi. I sauc é stac realisé de sort desvaliva, doi park e l terz fun, con saut de na vasca piena d’èga loghèda mìngol dant dal travert, che i concorenc à interpretà te la vides più spetacolères e che, se sà ben, à tirà ite n muie l’atenzion del gran publich prejent, che à dassen aprijià. N percors donca a livel de la maor competizions, desche pervedù tel chèder del Worldwide Freeride Tour. Trei l’é stat i parametres che i giudizi à valuta ti atlec che se à trat

l’endesfida enlongia l percors: tecnica, fluidità e temp e venjidor assolut l’é stat l concorent franzous Sebastien Meier, dedant al todesch Michael Trojer. Duc e doi i atlec à cernù l telemark. Anter la femenes la venta la ge é jita a Jessica Felicetti, che la é vegnuda ju con la brea, sobito dò da ela se à logà Francesca Tomaselli col telemark. Te la brea prum post per Tommaso Gazzini, con tedò Marco Martignano e tel schi podie dut trentin, con Mattia Felicetti sul sciaier più aut, Giuliano Pederiva secont e Enrico Degiampietro terz. La zerimonia de premiazion la é stata sun S. Pelegrin al vilaje Scufons, te na feruscola e engaissèda cornisc de publich Sul portoi Mediolanum del Lujia chest fin de setemèna passà se à sturtà sù ence la proa unica de valuta per dèr sù l tìtol de Campion talian de Telemark te la desvaliva categorìes de ic e de eles. I atlec se à confrontà su n percors de gran

L “vecio” Felice Canclini à festejà coi “Scufons del Cogo” i 15 egn Scufoneda e de sia presidenza.

empegn, 290 m. de dislivel, 32 ujes, doi sauc e doi “giri di boa”. La sozietà che à endrezà l’event, la U.S. Monti Pallidi, l’à abù l met de palesèr la valuta e la calità del

Redant - Mareo: 2 - 6 Le Mareo I à śoghé na gran partida a Redant. Cun la bona media de 554,3 àl batü te na partida avaliada fora i chidladus dl post, che ê al pröm post tla tlassifica. Do la pröma seria da 120 bòć êl 1 a 1 y i patruns de ćiasa â n vantaje de 3 chidli. La secunda seria é jüda a bëgn di maroi, che à davagné intrami i punć di confrunć direć y à trat fora n vantaje de 26 chidli. I ultims dui à ćiamò davagné laprò 4 chidli y un à inće batü so aversar diret, fissan le resultat final sön 6 a 2. Le mairont dla partida é stè Tone Call cun 580 chidli. Tla tlassifica é le Mareo al otavo post. Resultać personai: Tone Call, 580 Matteo Ties, 579 Lois Ellecosta, 559 Pire Rungger, 554 Simon Complojer, 534 Christian Ties, 520

Seria B-ost feminila

grop de joegn che é dò che vegn sù, protagonist e interpret assolut a livel nazionèl del telemark joen, con na gaissa che segur raprejenta l travert maor de vigni sozietà sportiva. Ma vedon i resultac per categorìa. Children de eles: bela venta de Stefania Pederiva, apontin de la U.S. Monti Pallidi. Children de ic: 1. Michele Defrancesco, 2. Daniel Costa, 3. Andrea Chiocchetti, 4. Tommaso Turri, 5. Federico Chieppa, duc de la U.S. Monti Pallidi. Giovani de eles: Sabrina Beber, U.S. Monti Pallidi. Giovani de ic: 1. Massimino Chiocchetti, 2. Marco Defrancesco, 3. Martin Pederiva, 4. Nicolò Turri, duc de la U.S. Monti Pallidi. Master de eles: Isabella Gonnet, Sci Club Iseo. Master de ic: 1. Luca Dellantonio, US Dolomitica, 2. Emilio Previtali, Clan 2ASD, 3. Nicola Bonora, Sci Club Cortina. Va te archif donca la 15^ edizion de la Polartec Scufoneda, endrezèda dai Scufons del Cogo, che te chisc egn se à semper dat jù per sostegnir l telemark a livel nazionèl e internazionèl ge dajan visibilità a chesta disciplina che la é dò che la regoi semper più consensc.

Falzes - Mareo: 0 - 6 Les chidladësses dl Mareo à metü al sigü na devënta tlera, fora de ćiasa, cuntra la scuadra da Falzes. Bele les prömes döes à batü sües aversares y é stades bones da rové pro n vantaje de 38 chidli. Pro la secunda seria da 120 bòć à spo les marores mostrè süa superiorité, aumentan le vantaje de 177 chidli a 215, y gnanca öna ne ti à lascè le punt al’aversara. Cun indöt 2005 chidli àres arjunt na media de 501,2. La miù dla partida é stada Gabriella Ties cun 522 chidli. Tla tlassifica é les ëres dl Mareo provisoriamënter al pröm post, mo Verdings à ćiamò na partida da recuperè.

Claudio Moling à atochè 502 chidli por le Mareo II.

dla partida. Cun na soma totala de 3098 chidli ài arjunt la bela media de 516,3. Le miù dla partida é stè Carlo Valentini cun 552 chidli. Tla tlassifica romagn La Ila al setim post. Resultać personai: Carlo Valentini, 552 Christian Pedratscher, 536 Gianfranco Thaler, 521 Albert Tavella, 521 Stefan Fistill, 497 Fritz Planinschek, 471 Mareo - Latzfons: 3 - 5 Te na partida combatüda à le Mareo II messü ala fin ti lascè la devënta ai ghesć. Vigni seria da 120 bòć é juda fora 1 a 1 y porchël à la soma totala di chidli plü alta determiné la devënta. Chilò â i patruns de ćiasa n vantaje de 41 chidli do la pröma seria da 120 bòć. Mo spo à i chidladus da Latzfons metü man da recuperè chidli, smendrin le vantaje di maroi a 19 pro la secunda seria, y inultima ési stà bogn da oje la partida y trà fora n vantaje de 27 chidli a so bëgn. I maroi à arjunt na media de 497,5, tratan che Latzfons â na media de 502. Le miù di patruns de ćiasa è stè Lois Craffonara cun 517 chidli. Resultać personai Lois Craffonara, 517 Norbert Trebo, 505 Cludio Moling, 502 Tone Hochwieser, 494 Lois Agreiter, 485 Gottfried Dapunt, 482

Resultać personai: Gabriella Ties, 522 Margareth Complojer, 506 Valeria Federa, 498 Gerda Complojer, 479

Seria C-nord La Ila - Falzes: 6 - 2 Metü man n’à la partida nia massa bun por La Ila: i pröms dui à intrami pordü le punt cuntra l’aversar diret, inće sce ai â arjunt n vantaje de 7 chidli pro la soma totala. Mo da chilò inant ne ti à i badioć plü lascè degun punt ai ghesć. Inće pro la soma di chidli ài daimprò ia davagné chidli, aumentan le vantaje de 35 chidli do la secunda seria, a 85 por la fin

Margareth Complojer à contribuì ala devënta dles marores cun 506 chidli. www.lauscdiladins.com

39


Sport

nr. 11 / 16 de merz 2012

De biei resultac a livel naziunel

La Ciasparun a nen zoldán

Atlec y atletes dl Eisclub Gherdëina à fat pea pra i campiunac talians di jëuni, dla categuries federeles y pra na garejeda ”free” a Maran. D’auril saràl per l 22ejim iede inò l ”Spring Trophy” te Sëlva

Suzess per la seconda edizion de la gara co le ciaspe sul Jou del Giau

Jadiné artistich - L ciaut che se lascia sentì ie nce n sëni che l inviern ie tl lëur de finé via y nsci nce la sajon agonistica per l jadiné artistich. N valguna garejedes ie mo sun l program, d’autres ie states ultimamënter ulache l à fat pea atlec y atletes dl Eisclub Gherdëina. Dai 2 ai 4 de merz ie la doi atletes dla lia de Gherdëina, Nora Rossetto y Daniela Delago, furnedes a Torino per fé pea pra i campiunac naziunei tla categuries ”Juvenile”. Te na cumpetizion de livel aut à Nora arjont l 11ejim plazamënt ntan che Daniela ie ruveda 17ejima. For ntan l medem fin dl’ena fòvel na garejeda dla categuria ”free” a Maran, ulache i jadinadëures de nosta valeda à arjont drët de bon resultac cun Athina Kostner al cuinto post pra la esurdientes, Aron Insam à pudù pië do la copa per l prim post, Serena Ciechi ie ruveda setima y Jenny Kostner 15ejima tla categuria dla prinzipiantes. Ala fin dl’ena passeda, dai 9 nchin ai 11 der merz, fòvel a Feltre l ”Trofeo delle regioni”, i campiunac talians dla categuries federeles, ulache doi atlec dl Eisclub Gherdëina ie unic cherdei ite per reprejenté l Südtirol. Anna Runggaldier à garejà tla categuria dla cadëtes y do n otavo

Anna Runggaldier cun la campiunëssa taliana Eleonora Livieri y l’autra atleta dl Südtirol Francesca Polita, tlo cun la teamleader Annelies Schenk.

post tl program curt iela, l di do, mo stata bona de se davanië n doi plazamënc cun n program lonch garatà defin, ruvan nsci ala fin al bon sesto post. Manuel Piazza à garejà tla categuria di prinzipianc. Y plu che per l 12ejim post se lecurderàl for de chësta garejeda pervia dl bur tai che l se à fat ntan che l se sciaudova ite y che l à scutà via per ne manacé nia de ne pudëi nia garejé pea.

”Coppa Italia Free”, ulache l sarà dessegur inò n valgun atlec dl Eisclub Gherdëina che unirà cherdei ite a reprejenté Südtirol. Lecurdon che l Eisclub Gherdëina mët nce chëst ann inò a jì l ”Val Gardena Spring Trophy” dai 12 ai 15 de auril. Duc ie sambën nviei de cuer a unì a ti cialé ai atlec che vën da dut l mond caprò te Gherdëina per fé pea pra la garejeda nternaziunela ISU, che vën bele urganiseda per l 22ejim iede.

Ala fin dl mëns saràl mo la

Alex Runggaldier

Ruggero Berolo l a fat l bis a l s’à vadagné ence la seconda edizion de la “Ciasparun”, la corsa nia competitiva co le ciaspe, che l’é stada corësta sabeda 10 de merz sun Giau. L atlet zoldán l a corëst nte 29’11’’ l traciat de 5 chilometro, per n dislivel de 250 metri, che piëva via e ruëva al Rifugio Fedare. Ntra le ële, peruma Evelina Gnech, co l temp de 40’05’’. Nte la clascifica dei ëi, secondo post per Luca Giacometti, col temp de 32’17’’. Terzo Serafino Bonata nte 37’02’’. La Gnech nveze l’a fat suo l podio davánt a Emanuela Zaetta con 45’44’ e Nadia Adami, con 45’51. Gran suzess ence sto ann per la manifestazion metuda a ji da la Pro Loco de Col, che l’a registré l dut plen al bánch de le iscrizion, con 104 concorenc al via ( l numer mascimo ametù l eva de 100 ). Davò la cëna la Rifugio Fedare, l é ste fat le premiazion e le estrazion de troc e biei premi. La Pro Loco la rengrazia duc chi che a daidé pro a la manifestazion. A scomencè dai sposor (( Kiwi Sports,

Raiffeisen Val Badia ), Rifugio Fedare, aiut alpin da Fodom e Valfiorentina, i studafuoch e Crousc Bláncia da Col e la da l apuntament al 2013 per la terza edizion. (ls)

N moment ntratánt la manifestazion.

Doi iedesc campion provinziel Ntan i ultimi doi fins dl’ena iel stat doves dla trëi garejedes di campiunac provinziei dla categuries sculeies (dl 1999-2000) y aliefs (dl 1997-1998) de schi alpin. Bën 28 atlec dl Schi Club Gherdëina Saslong se ova cualificà

For strambes l’ëiles de Peves Gherdëina

2. Giulia Demetz, 10. Carmen Hofer.

Tla terza cumpetizion dla Raida Ladina ie, ora che l prim, i plazamënc dancà per la gran pert unic arjonc da atletes dla lia Peves Gherdëina, ma nce l segondo post de Georg Piazza pra i ëi ie sambën da auzé ora

N sada ai 10 de merz tla garejeda dla categoria di sculeies ti àla inò butà dassënn a Alex Vinatzer che à arjont l scialier plu aut te si categuria. Cun si 3. plazamënt à Verena Kostner pudù pië do la bedaia de bront. N dumënia ai 11 de merz se tratòvela pona de ti vester ala cuncurënza tla categuria alieves. Nce iló à l Schi Club Gherdëina Saslong stlut ju cun drët de bon resultac dantaldut pra la mutans, ulache Giulia Demetz à venciù, Nadia Delago ie per n centejim ruveda cuarta y Vivien Insam à arjont l 6. plazamënt. I bon resultac de chisc dis ti dajerà pona la puscibltà ai miëures de fé pea pra i campiunac talians, che unirà chësc ann metui a jì ntan l’ultima ena de merz a Tarvisio.

Peves - Pra la terza garejeda dla Raida Ladina, che ie unida metuda a jì dala Lia da Munt Ladinia, y che fossa l 2. Trofeo Oskar Costa, iesen piei via dala 8 da sëira n vënderdi ai 9 de merz a San Ciascian dan la furnadoia de Piz Sorega per ruvé do n 4 chilometri y n deslivel de 477 metri sa la cësa da mont Piz Sorega. Tlo aspitòvel na bona pasta sun duc i atlec. Fat pea àl pra chësta edizion bën 221 ëi y 65 ëiles. Premià àn duc i atlec sot a 50 ani, i ëi over 50, la categuria junior y l’ëiles. Venciù tla categuria generela y pra chëla sot a 50 ani, à Lois Craffonara de Badia Sport cun n tëmp de 27 menuc y 14 secunc, segondo ie ruvà

40

www.lauscdiladins.com

Georg Piazza di Gherdëina Runners cun 27:28 y al terzo post udons Lorenzo Battisti dla Bela Ladinia 27:31. Al 6. post generel y nce pra chëi sot a 50 ani, udons Daniel Ploner di Gherdëina Runners cun 28:52. Tlo mo i autri atlec de Peves Gherdëina: tla categuria senior, chël uel dì sot ai 50 ani: 9. Herbert Stuffer 29:08, 14. Günther Nocker de La Poza 30:22, 22. Andreas Comploj 31:02, 26. Enrico Perlini 31:23, 46. Ivo Delago 34:04, 57. Christian Peterlunger 35:11, 58. Günther Perathoner 35:16, 71. Giovanni Macaluso 37:33, 73. Lukas Mussner 37:56, 80. Stefan Runggalider 39:02, 85. Fausto

Merler 39:58, 105. Patrick Franzoni 44:05. Tla categuria Over 50 udons al prim y al segondo post doi atlec de Peves Gherdëina: 1. Andreas Senoner cun n tëmp de 30:49, 2. Luciano Soppelsa 31:27 y al 4. post Mario Hofer 32:17, pona vàla inant cun Andreas Demetz 33:02, 11. Elmar Perathoner 34:30, 18. Josef Runggaldier 37:31, 19. Paolo Chiesa 37:34. Pra l’ëiles ie ruveda prima Carla Jellici di Bogn da Nia cun 33:11, y dal 2. al 4. post dut atletes de Peves Gherdëina: 2. Esther Demetz 34:32, 3. Manuela Perathoner 35:28, 4. Giulia Tagliapietra 36:10, 6. Catherine Senoner 37:30, 17. Julia Senoner 44:07 y 19. Christine Perathoner 44:11. La cuarta y ultima garejeda dla Raida Ladina sarà n mierculdi ai 21 de merz te Gherdëina y plu avisa da Plan nchina sal Rifugio Salei y unirà metuda a jì da Rodes Gherdëina. Tlo uniràl nce premià i miëures che à fat pea pra duta cater la garejedes dla Raida. Fé pea puderà sambën duc i apasciunei de chësc sport. (mp)

Alex Vinatzer doi iedesc sun l scialier plu aut.

Schi alpin - N dumënia ai 3 de merz se à nosc atlec muserà tl slalom lerch sun la Schwemmalm tla valeda de Ulten. Chisc i miëur resultac: cat. sculeies ëiles: 1. Verena Kostner, 7. Teresa Runggaldier; cat. sculeies ëi: 1. Alex Vinatzer, 11. Filippo Collini, 12. Johannes Moroder; cat. alieves ëiles: 1. Vivien Insam,

Schi Club Gherdëina Saslong

La premiazion dla mutans cun Giulia Demetz che à venciù.


Sport

nr. 11 / 16 de merz 2012

N Zenter per jì con schi, snowboard y peles Metù su dl 2009 à l Sci Club Zenter Agonistich de Rèba tout su da en chest ann l grup de schi alpinism “Leors da Fodom”, per ti pité a si atlec nia demé l schi tradizional Schi - L vender ai 17 de fauré él vegnù fat a Rèba la gara classica de schi alpinism, “Lors da Rèba”, ruveda oramai a sia nona edizion. La gara da jì con les peles fej pert, adum con l “Trofe Mario Iori” (Fascia), l “Trofe Costa Oskar” (Val Badia) y l “Rodes Gherdëina”, dla Raida Ladina, competizion nia agonistica de schi alpinism. La “Lors da Réba” é vegnuda organiseda dal Schi Club Zenter Agonistich de Rèba, adum con l grup de schi alpinism “Leor da Fodom”, che é vegnù tout ite dal schi club en chest ann. L Schi Club Zenter Agonistich Rèba é nasciù l prum de auril dl 2009 y é vegnù metù su dai maestri de schi dla

scola de Rèba, olà che al à ence la senta. “L Zenter é nasciù ajache al fova vegnù damané che al vegnissa metù su n club che ne portassa dant ai mutons nia demé da jì con i schi, ma ence les autres disciplines sciche snowboard, schi alpinism y la roda d’isté”, nes spliga l president dl Zenter Stefano Costa. “En chest’ann él ruvé laprò does novités: l grup de snowboard y l grup che va con les peles. L Zenter Agonistich é n club dret joen, che mess ciamò cresce; i speron da podei introduje la roda bele en chest ann d’isté, se mete magari adum con l grup ‘Roda Fodoma’ y se daurì spo ence a d’autri sporc che an pò fé chilò da

L president dl Zenter Agonistich Stefano Costa, la secreteria Sara Crepaz y l responsabel dl grup de schi alpinism Luca Palla.

nos, sciche per ejempl l arpizé”, dij Costa. L responsabel dl grup de schi alpinism é Luca Palla, che nes conta che ala se trata de n grup scialdi autonom, “i caranta atlec che é scric ite al grup é persones adultes che se aleneia y che fej les gares te na maniera autonoma.” La speranza, nes dij Palla, “é che la Fisi, che ne reconesc nia ciamò la figura dl alenadour de schi alpinism, l fejes tost y nes dae la poscibelté da podei ensigné chest sport ai mutons, per deventé a duc i efec n club de schi alpinism.”

Nia demé schi, ma ence peles y snowboard I membri dl Sci Club Zenter Agonistich é plu de 100, anter chisc él i mutons, i joegn, ma ence i maestri de schi, nes dij la secreteria Sara Crepaz. Dl grup de schi fej pert mutons dai trei agn ensù, che ne fej nia ciamò gares, ma che se arjigna ca al agonism. I atlec n puech plu gragn tol pert a les competizions dla Lattebusche, grup de gares a livel provinzial che i da la poscibelté da cueie adum ponc y se cualifiché per les gares a livel regional o ence nazional. “La partezipazion a les gares ne é nia obligatora, nos ne volon nia stressé i mutons. Chi che ne vuel nia fé la gara pò sté a Rèba a se alené. Per nos é l devertiment la cossa plu emportanta”, dij l president. I alenamenc vegn fac scialdi tratant la fin dl’edema ajache dl Sci Club

Zenter Agonistich fej pert ence atlec da foradecà, dantaldut dl Venet, che vegn te Fodom en vacanza, nes spliga Costa. “Atlec che vegn dai paisc vejins per cie che reverda l schi ne n’èl nia - dij Palla - al nen n’é endere cater che fej pert dl grup dles peles.” Sies é spo i joegn de 13 - 14 agn che fej pert dl grup de snowboard alené da Simon Grones, y 40, sciche bele dit, é i membri dl grup de schi alpinism.

Manifestazions che deura y scluj ju la sajon A pert la “Lors da Rèba”

organiseia l Zenter, bele da trei agn encà, les festes per l meteman y la fin dla sajon da d’invern: musiga y devertiment, ma samben ence na gara de schi, sun l Pordù. “En chest ann ne n’onse nia podù organisé la gara de dezember ajache al ne fova nia neif, i speron che ala vae da fé chela finala, ai 15 de auril.” L president nes confesseia spo che ai voless ence ciamò organisé na gara de schi alpinism en chest ann; gara fora dl zircuit dla Raida Ladina, che vegnirà fosc fata en ocajion dla fin dla sajon da d’invern, dij Costa. ( katia pizzinini)

I atlec ruva al travert dla gara de schi alpinism “Lors da Rèba”, organiseda te Fodom ai 17 de fauré.

Cortina te semifinala contra l Bulsan L Cortina davagna la cuinta partida di play off y se garantesc l azes a la semifinala. Mertesc ai 20 de merz sarà i ampezans te ciamp contra l Bulsan Hockey - Dapò l blitz a Torre Pellice, se à la seria anter Cortina y Valpe sposté al Olimpico per la gara numer trei. Ti prums 10 menuc ànse podù vedei sun la glacia n Cortina spetacular: la partida é vegnuda sblocheda al sesto menut da Felicetti che à sclut ju con na trata la azion asvelta di jugadours blanc y brums. I piemonteisc se à fat vedei n valgugn menuc dapò con Johnson y Desmet, ma al é sté Fraser che à sfioré l dopl vantaje con na trata sun l palo. La pruma frazion é

ruveda sun l resultat de 1 a 0 per l Cortina. Tl secondo temp él ruvé sun l ciamp na Valpe daldut autramenter, che à metù man bon y à arjont la parité con n gol de Desmet: la pruma trata dl jugadour é vegnuda pareda da Levasseur, la seconda é endere ruveda ite te porta. La parité ne ti plajova nia de massa ai bulldogs che messova recuperé sun l Cortina che ova bele davagné does partides, ma bate l portier ampezan ne n’é nia na cossa tant saurida y con l passé di menuc é l Cortina sté bon da

auzé la scuadra y da sofrì enscì de manco. Al 37ejim menut él ruvé l secondo vantaje dla scuadra ampezana, con l svedeis Johansson che à brujé Valiquette, che é endere sté bon da se riscaté sun Hennigar n valgugn menuc dapò. 2 a 1 a la seconda sirena. La terza frazion de juech é steda na dreta batalia: Hennigar à fat l gol dl momentan 3 a 1, ma la reazion dla Valpe ne se à nia lascé aspeté y Bembridge y Silva à porté l resultat en parité. Mé 38 seconc dapò él spo sté l terzo gol dla scuadra piemonteisa, ma l Cortina é endò ju en vantaje con n bel gol de Johansson. Les azion finales dla Valpe ne à porté degugn fruc y Dingle à sclut definitivamenter la partida a porta vueta. 5 a 3 l resultat final che à condut inant l Cortina sun la seria per ruvé te semifinala.

Pruma venta dla Valpe

Nikiforuk y Dingle tla partida numer cinch di play off davagneda dal Cortina. (foto: Tiellephoto)

La Valpe é endere steda bona da tegnì viva la seria contra l Cortina arjonjan l prum pont con la venta sun la glacia de ciasa. Dret agressiva é steda la scuadra de Torre Pellice tl meteman, con la difesa ampezana che é vegnuda metuda en dificolté bele ti prums menuc. La reazion di atlec de Stefan Mair àn podù vedei tla

seconda pert dla frazion, can che, te puec seconc, él ruvé sun l banch di amonis Urquahart y Martinelli: la gran oportunité ne é endere nia vegnuda sfruteda da De Bettin y compagns, che ne ti é nia stés bogn da fé n gol y che à ence sciuré demez n’autra chance a la fin dl prum temp. La gara é steda dret ecuilibreda enfin al menut 34, can che al é vegnù segné l prum gol. A passé en vantaje él sté la Valpe, con Rob Sirianni. A la fin dla seconda frazion de juech ess l Cortina endò abù na poscibelté, con na trata de Öberg che é endere ruveda sun l palo. I atlec de Ivany à tegnì bot y à fat ciamò n gol al 48ejim menut con Lou Dickenson. Puech dapò l palo de Nikiforuk à Valiquette, portier piemonteis, salvé sia porta. I tentatifs dla scuadra ampezana de jì en vantaje ne à porté degunes variazions tl resultat y l Cortina à perdù la cuarta partida di play off.

Venta y azes a la semifinala Gara numer cinch de gran importanza al Olimpico, dapò la venta dla Valpe che à tegnì en vita la scuadra piemonteisa. I prums menuc à vedù n Cortina en gran forma, ma les situazions de power

play ne n’é nia vegnudes sfrutedes dai jugadours blanc y brums. Con l passé di menuc é la Valpe steda bona da reporté l ecuiliber te ciamp y é prest juda en vantaje, ma Levasseur à salvé la situazion. Degun gol ti prums 20 menuc. L temp zentral se à spo daurì con l vantaje ampezan, realisé da De Bettin. Sot de n gol é i ghesć deventés plu agressifs y é stés bogn da recuperé bele al menut 22.12 con na trata de Dickenson che à sbroché ite la porta de Levasseur. Sun l resultat de 1 a 1 é la gara resteda dret combatuta da trames does les pertes, con deplù ocajions per pert. Per sbloché dut àn endere adoré na magia: al 35ejim menut é Dingle passé soura doi aversars fora y à fulminé Valiquette portan l resultat sun l 2 a 1. A la seconda sirena fova les schirates en vantaje. I prums menuc dla ultima frazion à vedù na Valpe che à prové da druché sun l pedal dl gas, ma Levasseur à salvé deplù ocajions y à mantegnì l vantaje. L 3 a 1 ampezan é ruvé dapò na combinazion Adami - Felicetti y Dingle à sp o s clut ju definitivamenter l juech con na trata te porta: l Cortina é enscì ruvé te semifinala y la Valpe à ruvé chilò sia sajon. (Comunicat stampa dla LIHG/katia) www.lauscdiladins.com

41


Sport

nr. 11 / 16 de merz 2012

Campionać provinziai de liösa alta

Valentina pröma

Campionać provinziai de liösa alta. Atleć ladins tira fora dötes les forzes por l’ultima gara de liösa alta. Ćiamò n iade à le miù atlet dla liösa alta inom Diego Tschaffert. Pro les ëres davagna Daniela Erlacher

Le campionat di mituns é jü a piz: cun na devënta por Valentina Tolpeit

Valentina Tolpeit cun so alenadù Roland Erlacher. Nicolas Deiaco tratan la gara.

Liösa - Sön la pista ”First Ackale” te Gsies s’à batü i atleć dla liösa alta por le titul de campiun provinzial sön na pista influenzada da temperatöres ćialdes y dlacia morjela! Insciö él la sabeda ma stè la poscibilité da fà la proa! La pröma pert de gara che ê preodüda la sabeda é gnüda desdita por via dles condiziuns dla pista, che do 143 atleć ne scafiâ nia plü da tignì ćiamò n iade por düć i atleć! Insciö é la gara spo gnüda fata la domënia, y a desfarënzia di atri agn él ma gnü fat un n tëmp de gara! Por i atleć ladins gran sodesfaziun por i titui de Diego y Daniela, mo inće le terzo post de Armin Forer y atira dedô Matteo Clara al cuarto post tla categoria di ëi! Carlo Miribung é gnü terzo tla categoria di amaturs; Domenico

La scuadra da la Val dan Pfeffersberg y Laugen Tiesens.

Clara é gnü cuarto y Robert Tavella otavo tla categoria di seniors. Iris Erlacher à davagné tla categoria di aspiranć, dan la compagna Elena Nagler da Lungiarü! Manuela Rubatscher à fat so miù plazamënt dla sajun y é rovada terza tla categoria dles mitans. Tla plü gran categoria, chëra di mituns 20002001, s’à Rudi Tolpeit plazè al 10. post dan le compagn Manuel

Moling, Nicolas Deiaco al 17. post dan le compagn Alex Ploner, Dominik Miribung é gnü 13. tla categoria di aspiranć. De bugn atleć fej düć adöm na buna scuadra y la miù scuadra é chëra da La Val, dan chëra da Pfeffersberg y da Laugen Tiesens. Damì co insciö ne jôra nia da stlü jö la sajun da d’invern! (mc)

Amò podie mondièl per Cristian Deville! Arjent a Kranjska Gora per l slalomist da Moena, e fascegn amò sunsom con Stefano Gross restà giusta ju dal podie Slalom - Penultim apuntament del zircuit mondièl del schi per chesta sajon, en domenia passèda a Kranjska Gora, e ocajion spetèda èrs da duc i fascegn per poder endò veder a la proa e engaissèr i doi slalomisć Devil e Sabo, te chest invern da meter te cornisc. N apuntament che a la vea aea fat cruzièr per n pìcol azident abù en alenament de Cristian, che risièa de no poder nience tor pèrt... e enveze! Te la Slovenia i doi campions fascegn ge à dat amò de bela sodesfazions a sia jent, a duta Fascia, la Ladinia e la Tèlia. Jà te la pruma manche, olache André Myhrer l’é stat l mior,

Cristian Deville à moscià che l’azident no aea lascià problemes e l’à fat l secondo mior temp, destacan l svedeis demò de 26 centeisemes. Peà via col numer 4, ence Stefano Gross l’à fat na bela proa, tecnicamenter e stilisticamenter perfeta, ma l’à molà mìngol massa pech, e l’à fenì fora al 5° post. Ben é jic te la pruma manche ence Razzoli e Thaler (6° e 15°), enveze endò no la é jita per Mölgg, che l’é sutà. La seconda manche l’é stat de cheles da no se perder, soraldut per i fascegn: tropes atlec defat à perdù posizions sul portoi belebon segnà: i taliegn Thaler e Razzoli à fenì fora al 14° e 15° post, e ence l svedeis

L podie de Kranjska Gora, con l’arjent fascian Cristian Deville prum da man cencia, apede a Myhrer e Pinturault.

42

www.lauscdiladins.com

Bjggmark se à jià mèl l 3° temp concostà da doman, fenian al 11° post. I fascegn enveze i à confermà l bon ejit de la pruma proa, ma ence Myhrer no l’é stat segur da de manco: i era prum e terzo, i doi fascegn, canche l svedeis é vegnù jù sun n percors oramai segnà debel. Fossa stat proprio n ensomech poder confermèr chi piazamenc, ma Myhrer l’é stat bon, no demò de restèr dedant, ma adertura de smaorèr so vantac ruan 49 centeisemes dant da Deville, che te l’ùltima pèrt de la proà no l’é stat bon de tegnir l medemo ritm. Terzo post dassen merità per l franzous Alexis Pinturault, che à fat na seconda manche dassen bela, ma de segur na bela sodesfazion per Devil, che l se à dit endespiajù demò de no poder condivider l podie con l compagn e amich fascian, che se à vedù neèr chest onor demò per 14 centeisemes. Devil e Sabo ensema sul podie: chesta l’é donca ades la speranza de duc i fascegn, che en domenia, diretamenter sul post duc chi che pel jir, o a la televijion chi che no pel, i engaissarà endò nesc atlec a Schladming a la finèles de sajon, olache l’é stat ametù ence l badiot Manfred Mölgg, ensema con Thaler e Razzoli. (lg)

Schi - Ultima gara por i campionać di mituns VSS. I pici atleć de schi à albü da se mosorè en domënia dan otedé sön Plan de Corones, sön la pista Aarndt-Gassl dala pert de Valdaora. Indöt êl 225 concorënć al start, partis sö te deplü categories. Dal punt d’odüda ladin él da alzè fora le pröm plazamënt de Valentina Tolpeit. La picia atleta dl SC Al Plan à podü jì söl scalin plü alt tla categoria dles mitans 2003/2004. Do les sis gares é Valentina inće da ciafè al pröm post tl tlassamënt general, cun 500 punć sön siscënt poscibli. (pablo)

Tlassifiches (cun ladins ti pröms 10) Superbaby: 1) Maximilian Gutweniger, ASC Drei Zinnen, 1.00,53; 2) Nora Schwingshackl, ASV Taisten, 1.01,82; 3) Tobias Steinmair, ASC Valdaora, 1.02,87.

Mitans 2003/04: 1) Valentina Tolpeit, SC Al Plan, 52,19; 2) Johanna Taschler, SSV Pichl Gsies ASV, 52,19; 3) Margareta Gutweniger, ASC Drei Zinnen, 55,66; Mituns 2003/04: 1) 1) Raffael Hopfgartner, ASV Taisten, 51,12; 2) Hannes Schranzhofer, SSV Pichl Gsies ASV, 51,54; 3) André Graf, ASC Drei Zinnen, 53,19. Mitans 2001/02: 1) Annalena Hell, ASV SK Ahrntal, 49,56; 2) Michaela Schnarf, ASC Valdaora, 51,17; 3) Noemi Zimmerhofer, ASV SK Ahrntal, 51,18; 6) Chiara Videsott, ASC Ladinia, 52,32; 9) Alexandra Pezzei, ASC Ladinia, 52,56. Mituns 2001/02: 1) Moritz Happacher, ASC Drei Zinnen, 49,13; 2) Simon Ferdik, ASV San Laurënz, 50,50; 3) Rene Bachmann, ASV Braies, 50,72; 7) Felix Schrott, ASC Ladinia, 51,35.

Les Ice Angels a Courmayeur La scuadra de jadiné sincronisé dl Ice Club Alta Badia à tut pert ala fin de forà ala secunda gara nazionala, y à arjunt le terzo post Jadiné - La scuadra dles Ice Angels é metüda adöm da Debora y Chiara Dellosto, Hannah Spechtenhauser, Jenny Dalpiano, Maria Pizzinini, Maria Wieser, Giulia Tavella , Franziska Pescolderung, Sabrina Pallestrong, Sara Burchia, Silvia Pizzinini y Elena Rudiferia. Les atletes vëgn alenades da Caterina Nemela. Ala competiziun de Courmayeur à tut pert 34 scuadres che rapresentâ prësc döta la Talia. Ares gnô da Roma, Milan, Aosta, Trënt, Balsan, Como, Varese y d’atres localitês. Nostes mitans à portè dant so program la domënia

Les Ice Angels söla dlacia.

domisdé. Ares à jadiné sön la bela musiga de Sophie Ellis Bextor, te na manira nëta, snela y sigüda, fajon dër na bela figöra. Ares ne ti à nia ma plajü a döt le publich che ê dailò, y che ti à batü dî les mans, mo inće ai licari de gara, che ti à dè de bugn punć. Ares à insciö arjunt n bel 3. post. Tratan che ares ê sön tru da gnì a ćiasa - inće sce al ê bele tert ponsâ les mitans ala proscima gara che ares arà da fà: ai 18 de merz al Biasca Trophy, olache ares messarà se confrontè cun scuadres da döt le monn. I ti aodun döt le bun. (valentina obojes)


Sport

nr. 11 / 16 de merz 2012

Cun liösa y schi por le Trofê Börz L’ultima domënia de forà y la pröma de merz à le Sport Club Amatorial Antermëia organisé l’otava ediziun dl Trofê Börz dla liösa y la 27ejima ediziun dl Trofê Börz de schi. Egon Ferdigg le plü asvelt cun la liösa, Pepi Comploj söi schi

La premiaziun dles scuadres: dmc La Val, Antermëia y Ostaria Longega.

Antermëia - Ai 26 de forá s’à i amanć dla liösa abiné sön Börz a garejé por le Trofê Börz. Al é gnü adalerch concorënć de vigni eté, düć cun le travert da se portè a ćiasa la copa. Insciö él gnü bocsenè i löstri y i concorënć s’à mosorè sön le toch de pista da Börz ćina jö Pé de Börz, olache ai à ćiamò podü stè adöm pro n gote de tê o de vin cöt a rajoné dles prestaziuns che ai à pité en chël dé. Le plü asvelt de düć é ste pro chësta ediziun dl Trofê Egon Ferdigg da San Martin. Inće la ëra plü asvelta é gnüda premiada: la concorënta de ćiasa Daniela Erlacher. La domënia do, ai 4 de merz, él spo stè le dé de gara por i amanć di schi. Les temperatöres altes di dis da denant ne ti à nia fat massa bun ala pista cun travert tl zënter d’Antermëia. Insciö él impormò püch dan le mëteman dla gara gnü tut la dezijiun da fà ma öna na manche. Porchël à i concorënć atira messü dè döt por se concuisté le scalin plü alt dl podium. Inće deplü concorënc de Puster é gnüs a Antermëia a se mosorè cuntra i atleć ladins. Mo le plü asvelt é impò

stè n atlet ladin: Pepi Comploj che à garejé por la scuadra Ostaria Longega. Chësta scuadra s’à inće plazè al secundo post tla tlassifica dles scuadres, do la scuadra d’Antermëia. Chilò gnôl cumpedè adöm i tëmps di trëi atleć plü asvelć de vigni scuadra. Al terzo post de chësta tlassifica s’à plazè i atleć da La Val. Al é stè dui dis dër garatà, che à stlüt jö l’ativité dl Sport Club Amatorial por chësc invern. Dilan a düć chi che à tratan chësta sajun daidé para de val’ vers. (marlene erlacher)

Tlassifica gara liösa Mitans 2000 y plü jones: 1) Yasmin Erlacher, Antermëia, 1.43,64; 2) Natalie Erlacher, Antermëia, 1.53,24. Mituns 2000 y plü jogn: 1) Dennis Erlacher, Antermëia, 1.44,64; 2) David Ferdigg, San Martin, 1.50,05; 3) Martin Costa, Lungiarü, 1.56,49; 4) Giorgio Gracis, Milan, 2.03,53; 5) Lukas Peccei, La Val, 2.18,04; 6) Christian Schanung, Lungiarü, 2.44,24.

Mitans 1999-97: 1) Cindy Costa, Lungiarü, 1.31,36; 2) Angelica Schanung, Lungiarü, 1.36,04; 3) Arianne Schanung, Lungiarü, 1.46,53; 4) Lisa Alton, La Val, 1.46,65. Mituns 1999-97: 1) Luca Schanung, Antermëia, 1.27,46; 2) Maicol Sorà, Lungiarü, 1.29,91. Ëres 1996 y plü vedles: 1) Daniela Erlacher, Antermëia, 1.24,17; 2) Petra Forer, Antermëia, 1.26,99; 3) Iris Erlacher, Antermëia, 1.26,99; 4) Valeria Alton, La Val, 1.30,12; 5) Petra Erlacher, San Martin, 1.32,79; 5) Sandra Zingerle, Antermëia, 1.38,98; 6) Monica Schanung, Lungiarü, 1.44,86. Ëi 1965 y plü vedli: 1) Pepi Erlacher, Antermëia, 1.20,88; 2) Tone Alton, La Val, 1.22,83; 3) Alfred Erlacher, Antermëia, 1.23,05; 4) Erwin Forer, Antermëia, 1.23,66; 5) Robert Tavella, La Val, 1.24,77; 6) Domenico Clara, Lungiarü, 1.25,74; 7) Pire Erlacher, Antermëia, 1.26,23; 8) Herbert Dapoz, Lungiarü, 1.46,02; 9) Stefano Gracis, Milan, 1.55,99. Ëi 1975-66: 1) Egon Ferdigg, San Martin, 1.19,59; 2) Hubert Sorà, Lungiarü, 1.24,53; 3) Peter Flöss, Lungiarü, 1.24,62; 4) Georg Daverda, Antermëia, 1.27,17. Ëi 1985-76: 1) Serafin Erlacher, San Martin, 1.22,46. Ëi 1996-86: 1) Armin Forer, Antermëia, 1.22,95; 2) Hannes Erlacher, 1.23,55; 3) Armin Schanung, Lungiarü, 1.31,48; 4) Markus Promberger, Rina, 1.34,23.

Tlassifica gara schi Mitans 2004 y plü jones: 1) Marie Sofie Huber, Bornech, 56,52; 2) Elisa Prousch, Antermëia, 58,72; 3) Emily Daverda, Antermëia, 1.01,24; 4) Miriam Winkler, Antermëia 1.02,15; 5) Ilary Paratscha, Antermëia, 1.11,14; 6)

Schi: la categoria di mituns dl 2004 y plü jogn.

Sara Winkler, Antermëia, 1.11,14. Mituns 2004 y plü jogn: 1) Max Winkler, Antermëia, 53,99; 2) Devis Pizzinini, Antermëia, 55,79; 3) Armin Moling, San Martin, 56,86; 4) Tom Winkler, Antermëia, 1.10,56. Mitans 2000-03: 1) Letizia Promberger, Antermëia, 54,02. Mituns 2000-03: 1) Denis Erlacher, Antermëia, 46,48; 2) Filippo Tavella, San Martin, 48,05; 3) Tobias Paratscha, Antermëia, 50,98; 4) Alexander Ploner, San Martin, 53,71; 5) Elias Prousch, Antermëia, 53,91. Mitans 1996-99: 1) Carolina Chizzali, Antermëia, 43,59; 2) Chiara Irsara, Antermëia, 52,65. Mituns 1996-99: 1) Stefan Plaickner, ASV Lijun, 39,47; 2) Markus Huber, Bornech, 39,62; 3) Matthias Tolpeit, La Val, 40,95; 4) Maximilian Tolpeit, La Val, 41,38; 5) Simon Grassl, ASV San Laurënz, 47,03; 6) Andreas Moling, San Martin, 50,14. Ëres 1994 y plü vedles: 1) Edith Huber, Bornech, 54,43. Ëi 1954 y plü jogn: 1) Filippo Ellecosta, Ostaria Longega, 43,53;

2) Albert Kammerer, Bornech, 44,06; 3) Hans Siesl, Bornech, 47,25. Ëi 1955-63: 1) David Erlacher, Antermëia, 40,31; 2) Oswald Prada, Antermëia, 41,71; 3) Konrad Taibon, SV San Laurënz, 43,25; 4) Franz Seidner, SV San Laurënz, 43,77. Ëi 1964-71: 1) Pepi Comploj, Ostaria Longega, 39,36; 2) Erich Purer, Ostaria Longega, 41,45; 3) Erhard Tolpeit, La Val, 42,42; 4) Roberto Moling, San Martin, 43,75. Ëi 1972-84: 1) Elmar Erlacher, Antermëia, 39,77. Ëi 1985-95: 1) Gabriel Prada, Antermëia, 41,71; 2) Christian Erlacher, Antermëia, 41,84

Tlassifica schi scuadres (prömes 3) 1) Antermëia cun Elmar Erlacher, David Erlacher y Oswald Prada, 2.01,79; 2) Ostaria Longega cun Pepi Comploj, Erich Purer y Filippo Ellecosta, 2.04,34 3) La Val cun Matthias Tolpeit, Maximilian Tolpeit y Erhard Tolpeit, 2.04,75

Nia da n fé per l Gherdëina I y II

Zorro lascia l segn

Tramedoi scuadres de Gherdëina à messù ti la zeder ai averseres ntan l’ultima partida

L’atlet da Moena se à vadagnà l terzo sciaier de la cognosciuda garejèda de paslonch

Chidlé - Nia da n fé ne fòvel per l Gherdëina I contra l Fugger III de Sterzing. Scumencià ne n’àla nia tan mel. L Gherdëina cun Flavio y Werner ie jit danora de 48 chiedli y 1 a 1 per i chidladëures. Do la

segonda lingia di colps se à mudà la plata. Thomas y Armin ne n’ie nia stai boni de tenì l var di averseres perdan tramedoi l pont y 37 chiedli. Tla terza lingia ne se àla nia mudà de truep ora che Guido ie stat bon de fé l pont di chidladëures, ma l averser de Georg à batù ju bën 595 chiedli y nsci à l Fugger venciù cun 95 chiedli batui ju deplù che l Gherdëina I.

Serie B-est Gherdëina I - Fugger Sterzing III 2:6 Resultac persunei: Guido Stuffer 551 Werner Runggaldier 528 Georg Sommavilla 517 Thomas Demetz 509 Flavio Prinoth 503 Armin Moroder 491 Werner Runggaldier.

Una dla chidladoies ulache l ie do la rata rie a chidlé, ie chëla de

Kiens. Udon che mé trëi chidladëures sun 12 ie stai boni de tré ju plu de 500 chiedli. Scumencià à Helmuth y Ewald. 1 a 1 per i chidladëures y 24 chiedli batui ju deplù dal Gherdëina, nsci cialòvela ora do la prima lingia di colps. Tla segonda lingia cun Hansi y Oskar, y tla terza cun Konrad y Viktor ne n’à duc nia chidlà tan mel, ma trajan ju for n valgun chiedli de manco che i averseres. Ala fin fòvel mé na defrënza de 35 chiedli y perchël ne se àn segur de no merità l resultat de 7 a 1.

Serie D-nord Kiens III - Gherdëina II 7:1 Resultac persunei: Helmuth Schieder 508 Viktor Werdaner 496 Hansi Demetz 493 Ewald Insam 484 Konrad Malsiner 478 Oskar Runggaldier 428

Paslonch - Per i gregn sportives e i pascioné de paslonch la Engadin Skimarathon l’é n apuntament da no perder. E no l se l’à lascià sciampèr nience l campion olimpich fascian Cristian Zorzi, che te chesta 44^ edizion l’à fat veder de contèr amò e de esser amò anter i miores del mond. La distanza l’era chela giusta e l stil ence e coscita “Zorro”, anter i 12.000 concorenc ponté demez en domenia ai 11 de mèrz da Maloja, se à tirà sobito fora de anter e fin dal scomenz l se à metù tedant e aló l’é restà. I 42 chilometres del percors é stac corii duc a n livel autiscim, de gra a la neif asvelta e la gaissa del grop de concorenc a cef de la longia biscia. La garejèda é stata deziduda canche mencèa pech più che 2 chilometres al travert de S-Chanf canche se à creà n pìcol grop con laìte ence Cristian Zorzi e Fabio Santus. A aer la venta l’é stat

Roman Furger che à batù al sprint Cudin Perl e terzo se à classificà l fascian Zorzi. De la squadra talièna, sul quarto sciaier l’é ruà Fabio Santus, nono Bruno Carrara e diejem Sergio Bonaldi. Per chel che vèrda la eles la talièna Stephanie Santer é restèda per pech ju dal podie, che é stat vent da la franzousa Anouk Faivre-Picon, ma la é contenta de aer vent la posizion de leader de la Fis Marathon Cup.

Al terzo post Cristian Zorzi. www.lauscdiladins.com

43


Sport

nr. 11 / 16 de merz 2012

Arjënt, bront y belau bront per i studënc dl ITE ”Raetia” Campiunac dl Mond di studënc 2012 a Gressoney dla Val d’Aosta. Scialdi de bon resultac arjonc dala doi scuadres dla sezion sportiva dl ITE de Urtijëi: la bedaia de bront per la mutans, n cuarto post per la scuadra di mutons y l titul de vizecampiunëssa dl mond di studënc tl slalom lerch per Vivien Insam

Vivien Insam tl slalom lerch.

Schi alpin/Scola - I sculeies dla sezion sport dl ITE de Urtijëi à dai 5 ai 12 de merz de chëst ann mustrà si talënt sun i schi pra i Campiunac Mundiei de schi alpin y pudejé per studënc metui a jì dal ISF (federazion nternaziunela de sport di studënc) a Gressoney. 400 studënc de plu de 40 scoles y de 19 nazions à fat pea pra chësc Campiunat dl Mond. Truepa scuadres che à fat pea vën da scoles sportives, sciche i austriacs dal Skigymnasium de Stams, dala SHS Neustift o dala SHS de Schladming, i tudësc dal Sportgymnasium Oberhof, i franzëusc dal ski collège de Modane (Savoie), i autri talians dala scola de sport de Mals y dala scola auta Ski College Bachmann de Tarvisio, mé per n numiné n valgunes. La cin mutans y i cin mutons dla prima tlas dla sezion sportiva de

Urtijëi Vivien Insam, Nadia Delago, Magdalena Haas, Kathrin Kofler, Sarah Mitterstieler, Tobias Prossliner, Matthias Steinmaier, Martin Schmuck , Marco Dalla Rosa y Daniel Goller à reprejentà la Talia tla categuria di mëndri pra i Campiunac dl Mond di studënc 2012 a Gressoney. Ëi fova acumpaniei dal diretëur dla scola Bruno Senoner, dala cuordinadëura dla sezion sportiva Lidia Bernardi y dal trainadëur dl Schi Club Gherdëina y dla scola Uli Perathoner. L’ena di campiunac ie unida giaurida dala campiunëssa de pudejé de Gressoney Arianna Follis, che à, do na defileda de duta la nazions tres l luech y na gran festa finela, mpià l fuech “olimpich”. Cun la garejedes àn pona scumencià l di do, cun l schi alpin y l pudejé. La cumpetizions fova partides su te

doi categuries (studënc nasciui ti ani 1997/1998 y 1999 y la categuria plu auta de chëi dl 1995/96). Tl pudejé fòvel sun l program stafetes y garejedes ndividueles y tl schi alpin n slalom lerch y n slalom strënt sun i purtoies cunesciui de Gressoney-La-Trinité y l purtoi ”Weissmatten” de Gressoney-SaintJean, purtoies drët ërc y riei, ulache l vën nce fat garejedes de Copa Europa. Ajache l prinzip y l fin di campiunac di studënc ie chël de ti dé gran mpurtanza a valores sciche l mpëni, la redlëza, la solidarietà y l se ancunté danter jëuni sportifs de dut l mond, vëniel te chësta garejedes scolastiches mé premià l miëur team metù adum da 5 sculeies dla medema scola. Tl schi alpin vëniel cumpedà adum i trëi miëur tëmps de uni manche de garejeda, i trëi miëur tëmps dla prima y segonda manche dl slalom lerch y chëi dla prima y segonda manche dl slalom strënt. N l prim di de garejeda, do n di de alenamënc, se à i studënc dl ITE “Raetia” de Urtijëi cumpurtà drët bën. La mutans à finà via la prima y la segonda manche cun l segondo post de Vivien Insam, l terzo de Nadia Delago y l cuinto de Magdalena Haas, do l’austriaca Janine Vierthaler dla SHS Schladming che à venciù la prima manche y Romane Geraci dl Ski College St. Maurice dla Franzia, che fova la plu asvelta tla segonda. I mutons à stlut ju l slalom lerch cun Tobias Prossliner sesto, Matthias Steinmaier 10. y Martin Schmuck 15. Cun chisc biei resultac fova la mutans do l slalom lerch al prim

La doi scuadres dla sezion sport dl ITE Urtijëi, cun la mutans che ie ruvedes al 3. post y i mutons al 4.

post sciche scuadra y i mutons al terzo. Vivien Insam ie deventeda vizecampiunëssa dl mond di studënc. Doi dis do fòvel pona l slalom strënt sun l program, ulache l univa inò valutà la doi manches sciche garejedes a pert. Tla prima iel unì cumpedà adum i tëmps de Magdalena Haas (3.), Vivien Insam (8.) y Kathrin Kofler (20.) y tla segonda l terzo tëmp de Vivien, l cuarto de Magdalena y l 25ejim de Kathrin Kofler, sciacà àla che Nadia Delago ie ruveda danter i pei ite te tramedoi la garejedes y ie nsci unida scualificheda. I mutons ie tla prima y tla segonda manche dl slalom strënt ruvei terzi, ma da muië iel che mé per cater secunc, cumpedan

adum cater garejedes y dodesc tëmps, ne fòvel ala fin nia assé per l segondo post sun l podest. Nsci à ala fin de duta la cater cumpetizions la mutans arjont la bela bedaia de bront y i mutons ie ruvei cuarti.

Tlassifica mutans: 1. College Mondane (Franzia) tëmp finel: 8.18.56 2. SHS Schladming (Austria) 8.22.92 3. ITE “Raetia” Urtijëi 8.28.93

Tlassifica mutons: College Mondane (Franzia) tëmp finel: 7.58.97 Werdenfels Gym. Garmisch (Paejes Tudësc) 8.10.11 SHS Neustift (Austria) 8.10.92 ITE “Raetia” Urtijëi 8.14.82 Cun chisc scialdi biei resultac, che ie nce merit di doi trainadëures dla prima tlas dla sezion sport dl ITE de Urtijëi, Uli Perathoner y Roman Niederkofler, sons ruvei de reviers te Gherdëina do n’ena da truepa esperienzes nueves a livel sportif y sambën nce soziel, n bon training per la garejedes che vën y na drëta ueia de jì inant cun l sport agonistich.

La mutans cun l trainadëur Uli Perathoner.

La scuadres dl ITE ”Raetia” pra la festa de giaurida.

La cuordinadëura dla sezion sportiva, Lidia Bernardi

Nicole anter la miores 10 de la Tèlia N bon 9° post per la joena Nicole Daberto da Ciampedel ai Campionac nazionèi a Torin Bal sui feres - Enstadì a Torin l’é stat metù a jir i Campionac taliegn de bal sui feres, e te chesta competizions n bel suzess é stat arjont da la joena fascèna Nicole Daberto. L’é stat n resultat de valuta jà aer podù tor pèrt a chisc Campionac, olache à podù garejèr demò la miores: te la categorìa Novice, de chela che fèsc pèrt ence la joena da Ciampedel, les era de 70 da duta la Tèlia, e demò de 30 les se à vadagnà l’amiscion per

44

www.lauscdiladins.com

Torin, olache Nicole l’era la soula fascèna e en dut l’era demò 5 atletes da dut l Trentin. Ma la sodesfazion é stata amò maora per Nicole, che l’à garejà en vender ai 2 e en sabeda ai 3 de mèrz: te la pruma giornèda, dò la pruma proa “short”, la era 10^, e la dì dò, te la proa “free” la é stata bona de vadagnèr amò na posizion e ruèr al 9° post, con la bela valutazion complessiva de 73.82. Nicole, che fèsc pèrt de l’Ice Skating Marmolada, la vel ge

sporjer n bel develpai a sia sozietà e un amò maor a la maestra Johanna Szczypa, che ge stèsc semper dò fora Ciavaleis, olache Nicole va a scola e ence a se alenèr. Ades i empegnes de sajon de la joena balarina fascèna va inant con na garejèda internazionèla fora Dìspruch ai 24 e 25 de mèrz e dapò con l Trofeo Alge Alp a Trent via per l meis de oril. “Te la gràmoles del louf ”, a Nicole e a duta sia compagnes.

Nicole Daberto, con la maestra Joanna Szczypa.


Sport

nr. 11 / 16 de merz 2012

La Under 20 te semifinela dl campiunat talian Evelyn mo n iede danter la Do trëi partides cumbatudes nchin ai ultimi secunc ie la scuadra Under 20 dl Sterzing/ primes diesc Gherdëina śën te semifinela, ulache i à da se bater contra l Asiago Hockey - Tla piedies dla prima scuadra dl Hockey Club Gherdëina ie zapei ite nce i jëuni dla Under 20, se davanian l post danter la prima cater scuadres che se baterà mo per l titul naziunel. La scuadra de A2 à scumencià bën si viac tla semifinela, cun doi de bela vëntes meritedes contra la scuadra sterscia de Neumarkt, che ie ntan dut l campiunat stata dancà te tlassifica. N mierculdi iel nce bele stat la terza partida, ma per ëi ie la streda mo longia per ruvé te finela, ajache i messerà vëncer cinch sun set partides. Speron che la vede inant coche la à scumencià y che n posse mo udëi de bela partides, ruvan povester nce mpue plu inant de chël che n se ova aspità tl scumenciamënt. I bon resultac dla prima scuadra ie dessegur nce na sburdla per i plu jëuni, a ti fé do y purvé de ruvé nce ëi for plu inant tl sport dl hockey. La Under 10 ova chëst’ena mo da jughé la ultima doi partides de campiunat, la prima fova bele n lunesc n cësa contra la scuadra dl Renon. I mutons ne à nia jugà melamënter, ma l Renon fova plu asvelt sun i jadins, dantaldut si prima linia y l Gherdëina à purtruep perdù per 2:5 cun i tëmps jic ora 1:2, 1:1, 0:2. N mierculdi ài abù mo na partida a Sterzing y n sada fajerài a Kaltern la finela dl campiunat, ulache l fajerà pea cater scuadres che ie l Kaltern, l Renon, l Auer/ Neumarkt y l Gherdëina. Ti mbincion dut l bon ai mutons! Per la Under 14 de Gherdëina ie la prima cualificazion per i campiunac talians, n dumënia ai 11 de merz tl stadio Pranives de Sëlva, jita drët bën. Ëi à venciù saurì duta la partides contra la scuadres de Valpellice, Auer y Feltre, à fat 33 goi y se n à mé giapà 2. N dumënia jiràla inant cun i cherc de finela a Torino, ulache i mutons dl Gherdëina messerà dessegur se aspité partides plu ries, contra de bona scuadres che ie l Torino, Fascia y l Eppan y che messerà s’la fé ora per pudëi

jughé la semifinela. L’autra partides di cherc de finela ie sun l Renon, ulache l jugherà la scuadres de Renon, Kaltern, Feltre y Pergine. Tenionsi i punies al Gherdëina y speron che la ti bute! La Under 18 à n mierculdi ai 7 de merz jugà n cësa contra la scuadra dl Sterzing. Na bela partida, ulache i mutons ie mo stai boni de valivé ora l resultat da 1:4 a 4:4 y da 4:5 al resultat finel de 5:5 cun i tëmps jic ora 1:0, 0:1, 4:4. N dumënia à la Under 18 jugà l’ultima partida de ëuta a Varese. N à lascià jughé nce i plu jëuni che se à astilà drët bën vencian chësta partida per 5:1 cun i tëmps jic ora 1:1, 2:0, 2:0. N dumënia jiràla inant cun la playoff, ulache l Gherdëina jugherà plu dessegur a Asiago contra la scuadra da iló. Per la Under 20 dl Sterzing/ Gherdëina se tratòvela n juebia dl’ena passeda de vëncer contra l Neumarkt, sce n ulova se davanië l post te semifinela, ajache un n iede òven venciù, ma lajù a Neumarkt òven perdù. Tl stadio de Sëlva àn inò pudù udëi na bela partida, asvelta y cumbatuda. Tl prim tëmp à l Sterzing/Gherdëina trat trëi iedesc ite te cassa y nsci pudovi bele jughé cun mpue manco prescion, ma i averseres fova for iló y n ne pudova pa nia se permëter de s’la tò ala lesiera. Nce sce l Neumarkt ova chëst iede messù ciafië zënza n valgun de si miëur jugadëures pudovi for mo se lascé sun Alex Frei (dl Kaltern che se ova metù adum per la U20 cun l Neumarkt, y nia coche on scrit fauz de n farm team) che, ulëi o no, fajova mefun bën la defrënza. Stata ie la partida nteressanta nchin ala fin y l ie nce tumà do la rata truep goi, ma cun l Sterzing/Gherdëina che ie nchin tl terzo tëmp for stat bon de vester de n valgun goi danora. Ngali tl terzo tëmp iela mo unida ciauda, ajache ai averseres ti garatòvel n gol ndolauter nchin a ruvé ala defrënza de mé un n gol, ma per fertuna ie

tosc lessù i patrons de cësa stac boni de fé mo n gol y puech dan la fin canche i averseres à mo tëut ora l verdiaporta ti ài mo fat n gol a cassa ueta, purtan l resultat a 10 a 7 cun i tëmps jic ora 3:0, 4:4 y 3:3. Cun chësta vënta se ài davanià l post te semifinela y la prima ài bele jugà n sada a Asiago. Messan ciafië zënza i jugadëures che fej pea nce tla scuadra de A2 y cun mo n trëi che se à fat mel, ne n’iel per l Sterzing/Gherdëina nia stat saurì jughé a Asiago. I jugadëures à bën dat dut chël che i fova boni y à nce jugà drët bën – do l segondo tëmp stajòvela mo 2 a 1 per i patrons de cësa, ma cun na scuadra ndeblida ne n’iel nia saurì ti vester a averseres stersc coche l Asiago. Chësta partida ài perdù per 4 a 1 cun i tëmps jic ora 0:1, 2:0, 2:0. Per ruvé te finela messerài śën vëncer tramedoi partides. Una ie ntant bele stata inier juebia ai 15 de merz, y iló sperons che i ebe venciù per avëi mo la puscibltà de s’la fé valëi tla terza partida, de chësc repurterons l’ena che vën. L’autra scuadres che ie te semifinela ie l Maran, 8. do la regular season y che à batù ora l Puster che fova prim, y l Renon che à batù l Cortina (chisc fova al 4. y al 5. post). L Asiago, 2. do la regular season, se l’ova fata valëi conta l EV Bulsan (7.).

Alexander Scherlin, jugadëur dla Under 14 dl Gherdëina, nce ël campion provinziel che al infal ons desmincià de nunzië sot ala fotografia tla USC dl’ena passeda.

La scuadra Under 20 dl Sterzing/Gherdëina. Prima rissa da m.c.: Costa Daniel, Aaron Pitschieler, Giancarlo Kostner, Samuel Messner, Patrick Kelder, Oliver Schenk. Segonda rissa da m.c.: l acumpaniadëur Franzotto Senoner, Kevin Reiter (trainadëur), Davide Holzknecht, Dominik Senoner, Tommy Kruselburger, Gabriel Senoner, Samuel Rainer, Fabian Costa, Nicolai Wild, Gregor Senoner, Max Müller, Simon Vinatzer, Kevin Larch. L mancia sun la fotografia: Gabriel Vinatzer, Gabriel Lang, Fabian Staudacher, Felix Brunner, Samuel Bergmeister, Alex Scantamburlo, l trainadëur Michael Pohl y i acumpaniadëures Roland Senoner y Lorenz Perathoner.

La Copa dl Mond fina via a Oslo cun l’ultima garejedes de saut dl’ëiles y de cumbinazion nordica

La jëunes dl saut cun l trainadëur Julien Eybert-Guillon.

Saut y cumbinazion nordica - Dal Iapan, ulache la ne ti ova nia tan butà ala trëi atletes dl saut cun i schi Evelyn Insam, Lisa Demetz y Elena Runggaldier, ulache l miëur plazamënt tla trëi cumpetizions ie stat n 14ejim post de Evelyn, ie la trëi jëunes dla scuadra taliana nia cis n’ena do juledes su a Oslo a fé pea pra l’ultima garejeda de Copa dl Mond de chësta sajon. Sun l Midstubakken – saut ulache Elena Runggaldier fova d e v e nte d a l a n n p a s s à vizecampiunëssa dl mond – ie n vënderdi ai 9 de merz Evelyn inò stata la miëura dla talianes, ruvan cun doi de bon sauc de 98 y 96,5 metri al 8. post. Nce Lisa ie sauteda bën ruvan cun sauc de 91 y 88,5 metri al 20. post, ntan che a Elena ti òvela manco butà che tla proes y cun sauc de 86,6 y 87 metri iela ruveda 28ejima. ”L ie stat na sajon da auc y basc y tl Iapan àn udù che la mutans ie śën nce bëndebò stances”, nsci l trainadëur Julien Eybert-Guillon, ”perchël sons dantaldut scialdi cuntënt cun l resultat de Evelyn, che à mo n iede dat dut. L ne fova chëst iede nia tan si giames che la à purteda tan lonc, ma plu che auter si gran ulentà”, lauda l trainadëur la jëuna Evelyn Insam. Danora tla garejeda de Oslo fova inò n iede la jëuna americana Sarah Hendrickson, che à nsci cunfermà che la ie chëst ann la

miëura de dutes vencian nce la prima Copa dl Mond tla storia dl saut cun i schi dl’ëiles. Segonda tla Copa dl Mond ie Daniela Iraschko dl’Austria y terza Sara Takanashi, che se à dantaldut tla ultima garejedes davanià truep ponc per ruvé dancà. La atletes talianes udons te chësta prima tlassifica de Copa dl Mond dl’ëiles al 13. post Evelyn Insam, 22. Lisa Demetz, 31. Elena Runggaldier y 47. Roberta D’Agostina.

Cumbinazion Nordica Nce per i atlec dla cumbinazion nordica se àl stlut ju ntan la fin dl’ena di 9 y 10 de merz la Copa dl Mond a Oslo. Do che Alessandro Pittin se ova fat mel iel tla tlassifica de Copa dl Mond tumà zeruch al 7. post. Lukas Runggaldier che ova ala fin de fauré mo fat doi de bona garejedes a Liberec arjunjan iló n 8. y n 10. plazamënt, ma ne n’ie pona tla ultima cumpetizions a Lahti y a Oslo nia plu stat bon de ruvé dan i vint, ie tla tlassifica finela de Copa dl Mond al 24. post. Armin Bauer, che coche i autri atlec de si scuadra ova ënghe fat na bona garejeda a Liberec (16. y 27.) à mo fat pea pra n valguna garejedes de Continental Cup ruvan danter l auter n iede terzo, ël ie tla tlassifica de Copa dl Mond al 34. post. Giuseppe Michielli, l cuarto tla scuadra, ie ruvà 38.

Armin Bauer, Giuseppe Michielli, Alessandro Pittin y Lukas Runggaldier dla cumbinazion nordica. www.lauscdiladins.com

45


Informazions y Manifestazions Avisc Assistent te Biblioteca a Vich L’aministrazion de Vich endreza na selezion per tor sù n aiut per la biblioteca per 3 meisc, a pontèr via da la seconda metà de jugn del 2012. Ge vel portèr la domanes te comun de Vich dant da les 12 de en lunesc ai 26 de mèrz. Per maor informazions se oujer a la segreterìa de Comun o te biblioteca de Vich, tel. 0462 763062.

nr. 11 / 16 de merz 2012

♦ Dé dl vin tl’Alta Badia cun i mius vins de

Südtirol En domënia ai 18 de merz dales 10.00 inant podaràn ćiarćé i mius vins de Südtirol pro cater üties dl’Alta Badia

Udiënzes dla Uniun di Ostis

La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. Udiënza dl funzionar ICA a Badia

Le Comun de Badia lascia alsavëi che le funzionar dla dita ICA Srl (conzescionar dl sorvisc de scudida dla cuta sön la publizité tl comun de Badia) Mario Bedin, dà udiënza en mertesc ai 20 de merz dales 9.30 ales 12.00, te ćiasa de comun a Badia, por problematiches y domandes sön la cuta dla publizité. Iscriziuns ala Scora de Musiga Val Badia Les iscriziuns por l’ann 2012/2013 gnarà fates tratan döt le mëis de merz. I formulars por les iscriziuns é da ciafè tles scores, sön internet y sambëgn inće tl ofize dla Scora de Musiga a La Ila. Por informaziuns prëibel cherdè sö le 0471/847748. Detlarazion dla chëutes

L KVW de Sëlva pieta n aiut per scrì ora la detlarazion dla chëutes mod. UNICO 730, mé per cumëmbri dl KVW de Sëlva. N possa dé ju i documënc te calonia ai 14 de auril, dala 9.30 nchin ala 10.30. L ie nce da tò pea i documënc ICI dl Chemun. Nfurmazions plu avisa y iscrizions nchin ai 31 de merz pra Liselotte Perathoner, 0471/795486. 2^ “Slaiferneda” sun Rodela

En lunesc ai 9 de oril, lunesc de Pèsca, h 11.00, garejèda con mesi de ogne sort sun Rodela. La jurìa premiarà l meso più originèl: 1° pest 600 €, 2° pest 400 € e 3° pest 200 €. Marena al Refuge Des Alpes e musega coi AlpenBoys fin da sera. Se scriver ite dant dai 8 de oril te Scola de Schi de Ciampedel. Setemènes linguistiches de la scola de Fascia

La Scola Ladina de Fascia, con la Multilingual School, per l’istà che vegn la endreza la “setemènes linguistiches” per ingleis e todesch, olache vegnarà portà dant ativitèdes didatiches, de jech e artistiches. Se scriver ite dant dai 31 de mèrz. Se pel troèr i formulères te ogne scola te Fascia.

Temp lede

Jì cun i schi n’ô tl’Alta Badia nia ma dì fà sport, mo inće lié l’alta gastronomia al sport da d’invern. Tratan döt l’invern vëgnel metü da jì l’iniziativa ”Saûs dl invern”, olache an po te 11 üties mangé na derzada gourmet cun i mius produć de Südtirol, metüs adöm dai chef ”Dolomitics” y da d’atri coghi da Talia, Germania, Spagna y Gran Bretagna. Laprò vëgnel ince pité n bun gote de vin südtirolesc. Cun le dé dl vin, che vëgn tignì te süa secunda ediziun en domënia ai 18 de merz dales 10:00 ales 16:00, ô le Consorz Turistich Alta Badia adöm al Consorz di vins de Südtirol ti dediché n dé intier ai vins südtirolesc. An podarà ćiarćé les sorts de vin desvalies a 2000 metri, pro 4 üties dl Alta Badia: Club Moritzino, I Tablà, Piz Arlara y Bioch. Vigni ütia é liada a n raiun dl vin: tla ütia Club Moritzino podaràn ćiarćé i vins dl Überetsch y Unterland, pro la Ütia ”I Tablà” i vins da Maran y Vinschgau, pro la Ütia Piz Arlara ciafon i vins dl raiun da Balsan y pro la Ütia Bioch gnaràl juté sö i vins dla Val d’Isarch. Ala manifestaziun sarà presënć inće n valgügn ex-atleć dla scuadra nazionala taliana. La manifestaziun vëgn organisada dal Consorz Turistich Alta Badia adöm al Consorz di vins de Südtirol. Les chertes pòn ciafè diretamënter pro les 4 üties al prisc de 20,00€.

Le Dé dl Vin tl’Alta Badia röia chësc ann a süa secunda ediziun, söl program chësta domënia.

Chino Chino Eden Cortina

Ai 16, 17 y 19/03 vegnìral mostré l film de F.Ozpetek “Magnifica presenza”. Ai 18/03 saràl da vedei “In time” y ai 20/03 “Viaggio nell’isola misteriosa”. En mertesc metarà spo man Cortinametraggio con la proiezion, ai 21, 22 y 23/3 di “Corti Vintage - Quando c’era Carosello”. Ai 23/03 saràl la premiazion di “Corti d’Argento”. Per infos 0436/881851. Cortinametraggio 2012

L festival di films curc sarà te Ampez dai 21 ai 25 de merz. Sun l program él, adum con la proiezion de films curc, ence la premiazion di “Nastri d’Argento”, la proiezion de caroselli y de scenes fora dl backstage de films vegnus fora en chest ann y cursc de cinematografia per i studenc y tles scoles. Per informazions www.cortinametraggio.it

Schi show a Corvara

Al Chino de Tieser

En mercui ai 21 de merz organisëia la Scora de Schi da Corvara-Ladinia l’ultima show sön i schi. La manifestaziun mët man dales 21.15, sön la pista Abrusé dlungia la scora de schi a Corvara. Da odëi saràl na chentlada cun i maestri de schi, jors cun le parapënn y n spetacul acrobatich cun le grup Vitamin F. Dla musiga se crüzia DJ Fabio.

Insnet, vender ai 16 de mèrz da les 20.45 serèda per Emergency: bal, musega e recitazion col Zenter Danza Tesero 2000, col Pentagramma e con l’ator Bruno Vanzo. En sabeda ai 17 e en domenia ai 18 de mèrz da les 21.15 se pel veder “Magnifica presenza” e dapò en jebia ai 22 da les 21.15 sarà “Tre uomini e una pecora”.

Ce bel, l’ansciuda ie tlo

Iniziatives sportives

La biblioteca Tresl Gruber nvieia ai 22 de merz a unì a pastelné te biblioteca dala 15.00. Mutons y mutans, sëis de cuer nviei a unì te biblioteca a ve tripé y a pastelné zeche de bel per l’ansciuda. L vën prià de se lascé nuté su.

Gara de schialpinism en recordanza de Alexander Ellecosta

Hechelné ueves da Pasca

L’US La Val organisëia la gara en domënia ai 18.03. Le percurs va da Spëscia fina ia en Armentara (start dales 10). Sön Armentara santa mëssa dales 12 y dedô marëna pro la ütia ”Ranch da Andrè”. Infos y iscriziuns: www.uslaval.it o Monica al 348/7979824.

La biblioteca San Durich nvieia n juebia ai 22 de merz y n juebia ai 29 de merz dala 20.30 a unì a hechelné de biei ueves da Pasca per chëi che à bele mpue de pratiga cun Raffaella Rella. N muessa se lascé scrì su danora.

♦ Y Idie à udù che l fova bon L Cunsëi de Pluania y l Fotoclub Gherdëina nvieia ala giaurida cun premiazion dla mostra de fotografies che ie da udëi tla sala dla Lia Mostra d’Ert a Urtijëi ncuei vënderdi ai 16 de merz dala 18.00 Dlongia la mostra saràl mo sëires de nfurmazion y discuscion sun la mostra, la prima cun l pruf. Arnold Stiglmair, n mierculdi ai 21 de merz, dala 20.00. La belëza de chël che Idie à crià ie suvënz nce unida descrita da scritëures y cumponisć. Ai 23 de merz dala 20.00 saràl na sëira cun letures de tesć y ejëmpli de pec de mujiga cun Agnes Irsara y duman sada ai 17 de merz saràl te dlieja de Urtijëi na mëssa di jëuni dala 18.30 che arà l medemo titul sciche chël dla mostra. Ntan la santa mëssa saràl nce da udëi fotografies y l cianterà l Cor di Jëuni de Urtijëi. La mostra resterà davierta nchin ai 25 de merz, 10.00 -12.00 y 16.00 - 18.00. (Lijede deplù de chësta mostra sot ala plates de L crià de Chël Bel Die. Gherdëina)

46

www.lauscdiladins.com

Freestyle Contest y festa per se devertì

Ai 31 de merz uniràl metù a jì sun Plan da Tieja n Freestyle Contest cun gran festa ntan dut l di. L se trata de na garejeda de freestyle, sauc y acrobazies cun i schi. Do la garejeda uniràl fat festa te na gran loca dal’ega. La plu gran matada tla loca vencerà n bel pest. Campiunac Provinziei de slalom strënt sun Piz Sela

N dumënia ai 18 de merz mët l Schi Club Gherdëina a jì sun Piz Sela l Campiunat Provinziel de slalom strënt per la categuries mutons y mutans nasciui ti ani 2000/1999 y 1998/97. L unirà pià via dala 9.30. La premiazion sarà riesc do la garejeda dan l Comici. Raida Ladina L’ultima dla 4 garejedes cun la peves sarà n mierculdi ai 21.03. L unirà pià via dala 20 te Plan per jì cun la peves nchin sun jëuf de Sela. Info y iscrizions: www.raidaladina.it

Dotors y Apoteches Dotors

L dutor de servisc dala 8.00 da duman de n sada 17 de merz nchin la 8.00 da duman de n lunesc 19 de merz ie l dutor Raphael Insam de Urtijëi, tel. 0471/797369 o l 0471/797076. Le dotur en sorvisc tla findledema di 17 y 18 de merz, ti comuns de Mareo y San Martin de Tor, é le dotur Aldo Marcocci, Al Plan de Mareo, tel. 0474/501039 o 338/7280518. Ti comuns de Badia, Corvara y La Val saràl en sorvisc le dotur Guido Caretta, Calfosch/ Corvara, tel. 0471/836870 o 337/616080. Apoteches L’apoteca de servisc che à daviert ora dl orar ordiner da n vënerdi (dala 19.00) ai 16 de merz nchin n vënerdi ai 23 de merz ie chëla de Urtijëi, telefonn 0471/796125 (orar de giaurida 8.00-12.00/15.00-19.00). Les apoteches en sorvisc tla Val Badia, fora dl orar ordinar, dal vëndres ai 16 de merz al vëndres ai 23 de merz, é chëra d’Al Plan, tel. 0474/501240, y Corvara, tel. 0471/836173.


Informazions y Manifestazions

nr. 11 / 16 de merz 2012

Cursc L Comun de Vich endreza l cors de bal L Comun de Vich endreza n cors de bal col Maester Mauro D’Alessio. L cors sarà de 8 lezions de 2 ores l’una, con scomenz ai 18 de mèrz, ogne domenia sera da les 20.00 a les 22.00, te sala de Consei de Comun de Vich. L cost l’é de € 200 a cobia, € 150 per i residenc del comun de Vich. Per info e iscrizions telefonèr a Lucia Deluca al 320.0690960. Curs de ginastica por paziënć cun maraties cardiovascolares

Organisé dala “Südtiroler Herzstiftung”. Da setëmber a jügn, vigni lönesc dales 18 ales 19, te palestra da San Martin, cun Markus Winkler. Al sarà inće a desposiziun n dotur (cardiologh Felix Pescoller o le dotur de medejina Franz Comploi). Cost: 150,00€. Informaziuns pro Renato Paratscha (coordinadù) al 348/7457309. Cursc de inglesc te cin’ livì

Le KVW Badia mët da jì a Badia cursc de inglesc partis sö te 5 livì. I pröms dui mët man ai 26 y 27 de merz, un a mez aurì y dui ai pröms de mà 2012. Vigni curs à 10 leziuns de döes ores por dui iadi al’edema, y le prisc é de 70,00€ (60,00 € por iscrić al KVW). Informaziuns y prenotaziuns pro Cristina al 0471/839657 o 333/1591599. Curs de preparaziun al maridé

Le curs mët man en vëndres ai 23.03 dales 20.00 cun le dr. Lois Kastlunger, la sabeda referësc l’av. Christian Pedevilla, n dotur de ginecologia y siur degan Iaco Willeit. La domënia Lois Kastlunger. Tó pert po 20 pêrs; cost: 120,00€ a pêr. Infos y prenotaziuns te Sorvisc ai Jogn al 0474/523070 o por mail: info@jogn.org. Organisaziun: SaJ Curs de computer por prinzipianć Organisé dal Consëi de Formaziun da La Val y tignì tl ITC a La Ila. An podarà imparè da laurè cun Outlook (e-mail) y Word (tesć) adöm a internet. Curs de indöt 7 incuntades, de lönesc y mercui dales 20.00 ales 21.30. Pröma incuntada en mercui ai 11.04. Prenotaziun anter 31.03 pro Gustav Frenademez al 333/7689434 (nia danmisdé). Balè fox y foxtrot

A Lungiarü, te salf dla scora, vëgnel metü da jì n curs da balè fox y foxtrot, cun Veronika Ausserhofer, en sabeda ai 24 de merz dales 19.30. Le curs va inant por indöt 8 iadi. S’anunzié anter i 21 de merz pro Consolata Nagler al 0474/590011 (da sëra). Organisaziun: Uniun dles Ëres. Curè i amarà te ćiasa

♦ Jita tl Parc Nationel des Écrins La scola de alpinism Catores mët a jì 5 dis de jites cun la peves tla Elpes dla Franzia, dai 11 nchin ai 15 de auril L unirà jit tla Elpes dl Delfinato che ie tla pert a sud-est dla Franzia. Per si cuntreda salvera ti vëniel nce dit “L Karakorum dla Elpes“. L unirà pià via ai 11 de auril a Urtijëi y l unirà fat 4 jites cun la peves, sun l Col de la Temple, 3.321 m, Les Rouines, 3.589 m, l Col de la Casse Deserte, 3.483 m y la Montagne des Agneaux, 3.664m. L deslivel dla jites ie danter 1.450 metri Ntan na jita cun la peves. y 2.100 metri da jì suvier. L priesc ie de 800,00 euro ulache l ie laite l viac, l durmì cun mesa pension y l mënicacrëp. Per plu nfurmazions pudëis cherdé su Hubert, 335/6380061 o Adam, 335/6253156.

Mostres Mostra per lecurdé bera Albino Pitscheider

Tl Museum de Gherdëina iel da udëi na mostra per lecurdé bera Albino Pitscheider, l bon moster de ziplé. La mostra ie tla gran sala dla scultures. Lecurdon che l orar de giaurida dl Museum y dla mostra ie nchin ai 31 de merz da merdi nchin a vënderdi, 10.00 – 12.00 y 14.00 – 17.00. kunStart 12

Le Raiun Sozial mët da jì n curs de deplü sëres, che gnarà tignì d’aurì, de lönesc y mercui, i ultims dui iadi de jöbia, dales 19.30 tl raiun sozial a Picolin. Al gnarà tratè sides tla teoria y soradöt tla pratica tematiches por daidé familiars y amisc che à porsones amarades a ćiasa. Le curs é debann. Iscriziuns ćina ai 06.04 al 0474/524513.

Dai 16 nchin ai 18 de merz saràl a Bulsan tl palaz dla fiera la gran mostra/messe de ert moderna y cuntemporana kunStart12. Tlo saràl nce da udëi l artista de Urtijëi Uli Moroder da Scurcià che mët ora si lëures. La mostra ie davierta dala 10.00 nchin ala 18.00.

Curs da filzen por mituns

Noneart

La Uniun Patrones Badia organisëia n curs da filzen por Pasca, por mituns de 1a, 2a y 3a elementara, 1a y 2a mesana. Referënta é Monika Tschurtschenthaler dal Sest. Le curs vëgn tignì en doman sabeda ai 17 de merz dales 14.00, tla Ćiasa J.B. Runcher a Badia. Limité a 20 mituns.

A Bardolino tla galaria de ert “Barchessa Rambaldi“ iel da udëi nchin ala fin dl mëns na mostra de ert cuntemporana ulache l mët nce ora l artista de Sëlva Ivan Lardschneider. La mostra ie davierta de vënderdi, sada y dumënia domesdì y da sëira.

La ”Orentè Yoga” nöia

Tla galaria “Bianca Maria Rizzi & Matthias Ritter“ a Milan tla streda Cadolini, iel da udëi na mostra dl artista de Sëlva Leo Ferdinando Demetz dal titul “La Rinascita“. La mostra ie da udëi nchin ai 13 de auril. Orares de giaurida, da merdi nchin a vënderdi 14.30 – 19.00.

Al vëgn metü da jì n curs de yoga cun Anna Steeman, te palestra d’Al Plan. La pröma incuntada é ai 18 d’aurì, dales 20.00 ales 21.30. Indöt 9 iadi. Prisc: 90,00€. Por informaziuns plü menüdes söi contegnüs y por iscriziuns telefonè al 340/3644547.

Teater A comedia co l’UTETD de Moena

En sabeda ai 17 de mèrz da les 20.45, e en domenia ai 18 da les 15.00, te teater de l’Oratorie de Moena l grop de atores de l’Università de la terza età e del temp desponìbol porta dant na comedia dal tìtol “N assegn per l’aldelà” co l’adatament e la regìa de Giusy Zanvettor. Teater ”Una figlia da... maritare”

La Nuova Compagnia di teatro d’Arte da Bornech inviëia ala rapresentaziun dla comedia ”Una figlia da... maritare”, en doman sabeda ai 17 de merz dales 20.30, te salf dles manifestaziuns a San Martin de Tor. Rapresentaziun teatrala - musical

Por le proscim altonn vëgnel chirì jogn y jones, che fajess ion para sciöche balarins pro les coreografies de n musical. Proes de setëmber y otober y rapresentaziuns les prömes döes edemes de novëmber. Do Pasca, gnaràl fat na incuntada cun düć i interessà. Infos y prenotaziuns pro Erika al 339/6288847 o na mail a: saujoneza@gmail.com Musega, bel e teater per Emergency

Insnet vender ai 16 de mèrz da les 20.45 al teater de Tieser vegn endrezà na serèda de bal, musega e recitazion con l Centro Danza Tesero 2000, la Scola de musega Il Pentagramma e l’ator Bruno Vanzo. Chel che vegn tout sù serf per sostegnir l projet de Emergency de Fascia e Fiem: l’atività de foresterìa del Zenter “Salam” de cardiochirurgia a Khartoum tel Sudan, intitolà a la memoria di “Morc del Cermìs 1976 - 1998”.

Musiga A la Grenz i “Secco” de Gherdena Pea endò via con gaissa i programes de la sociazion La Grenz de Moena. En sabeda ai 24 de mèrz da les 21.30 te senta de la sociazion a “La Baita”, te strada Saslonch a Moena se podarà scutèr l grop de Ghrdena “Secco” che prejentarà so ultim CD “Abinei”. De autra informazions su: www.lagrenz.org.

Mostra de Leo Demetz

Mostra de Vroni S. Meraner La mostra de Vroni S. Meraner “Acquarelle“ ie da udëi dai 19 de merz nchin ai 21 de auril, tl Café Surëdl a Urtijëi da lunesc nchin a sada dala 10.00 nchin ala 19.00.

Religion Prion y penson ala Cuarëisma La grupa Seniores de S. Cristina nvieia ai 22 de merz dala 14.00 te dlieja a n’ëura de urazion cun benedescion y daldò a n blòt sté deberieda cun pitla marënda tla sala Raiffeisen te chemun de S. Cristina. La Parora nes dëida vire

Sot a chësc moto inviëia le Movimënt di Focolars a na incuntada tla “Ćiasa Voitsberg” a Vahrn, en domënia ai 18 de merz, dales 15.00 ales 17.30. Por informaziuns plü menüdes cherdè sö la fam. Craffonara (por la Val Badia) al nr. 0474/501202, o la fam. Kostner (por Gherdëna) al 0471/797601. Pelegrinaje dles ëres catoliches en Jeunn

Le pelegrinaje vëgn fat en sabeda ai 24 de merz. Al vëgn organisé n bus da Calfosch demez che passa jö por la valada. A Tlüses s’incuntunse cun l’ater grup por jì deboriada en prozesciun sön Jeunn; dailò funziun te dlijia. Por i orars dl bus y por se prenotè: cherdè sö Clara ćina ai 18.03 al 0474/501850. I miracui y la fede

Le Consëi de Cöra de Badia mët da jì en mertesc ai 27 de merz dales 20.00, n referat cun Agnes Irsara, tla Ćiasa J.B. Runcher de Badia. Ara baiarà dl tema: “Miracui y fede. Ći suzes à pa albü Gejù cun sü miracui?” Prozesciun de schira jonila y ministranć La schira jonila y i minis Val Badia mët da jì al 31 de merz la prozesciun da Badia a Oies. I s’incuntun dales 16.00 dan calonia a Badia, por pié sö spo düć deboriada. Sö Oies salüt de siur Pire te dlijia y dedô pice renfrësch. Chësc ann tolarà pert inće mituns dles atres valades. Düć é invià: mituns, geniturs, amisc y parënć.

www.lauscdiladins.com

47


Informazions y Manifestazions

nr. 11 / 16 de merz 2012

♦ Schialpinism tla Svizra

♦ Viac a Assisi y Roma

Dai 6 ai 9 d’aurì y spo dai 13 ai 15 d’aurì 2012 cun i mënacrëp Simon y Max

L KVW de Sëlva mët a jì n viac da d’ansciuda dai 18 nchin ai 22 de auril per jì a ti cialé ala ziteies de Assisi y Roma

I dui mënacrëp maroi inviëia ala jita cun les pels sön le maiù dlacà de Europa tl Berner Oberland (Eiger, Mönch y Jungfrau), inće patrimone dla natöra Unesco. Y dai 13 ai 15 d’aurì 2012 organisëiai na jita cun les p el s tl Pi z Bernina sön le Piz Palü. Por informaziuns prëibel cherdè sö Simon Kehrer al numer 389 4223062 o cuché ite tl sito www. simon-kehrer.it Na sugestiun che n’adora nia parores.

L unirà pià via ai 18 de auril dala 5.30 te Sëlva cun la curiera y fermà damprò ora . Danmesdì uniràl jit a Fano y a Gubbio tl' Umbria. Da sëira ruveràn a Assisi ulache l unirà durmì la prima nuet. L di do uniràl jit a ti cialé ala zità de Assisi y domesdì via jiràn inant cun la curiera per ruvé da sëira a Roma. N jirà a ti cialé ala zità cun si truep monumënc y l unirà nce jit tl Vatican. L priesc dl viac ie de 575 euro de doi te majon y da sëui 695 euro. Tl priesc iel nce laite trëi marëndes y trëi cëines. N possa se lascé scrì su nchin ai 23 de merz pra Rudolf Mussner, 0471/795344. L KVW de Sëlva nvieia duc a unì pea sambën nce chëi de S. Cristina y de Urtijëi.

Trasmiscions TV y Radio La gejia de Sènt'Ugèna tel “Cianton de l’Istitut”

“L Cianton de l’Istitut”, produzion de l’Istitut ladin “majon di fascegn” per TML, ne met dant l program: “Carletto Weiss e la gejia de Sènt’Uiana”, che ne fèsc descorir chest prezious testamonech de èrt e fe tras la paroles e la vita de Carletto Weiss da Vich, che per passa 25 egn se à cruzià de chest bel santuarie. Oraries: vender h. 11.30; sabeda h. 17.30; domenia h. 21.00; lunesc h. 15.45; mèrtesc h. 18.15; mercol h. 21.45; jebia h. 20.15. “Ercaboan” sun TML e sul web Sul canal TML ogne sabeda va fora na neva butada del program “Ercaboan” de Silvano Ploner, te chisc oraries: 18.45; 21.00; 23.00 e replica la domenia h. 7.15; 12.00; 14.30; 18.00; 20.15 e dapò fora per duta la setemèna. La produzions de Ercamedia é da poder veder ence sul sit: www.tvladina.com. Père e fia: n leam emportant

TV Ladina – Paladina en jebia ai 22 de mèrz da les 20.30. L père l’é na fegura fondamentèla te la vita de na beza. Fin acà vèlch an chesta fegura amò no troèa gran lèrga te l’educazion di fies, soraldut te chela de la fia, ma i mudaments de la sozietà di ùltimes dejenees à portà a n gran mudament ence te l’emportanza del père te la formazion e te la vita de la fia. Su chel che l ge ensegna da pìcola en sù, ela basarà duta sia vita e demò se l raport anter ic doi pojarà su fiduzia e respet, ela podarà doventèr na fémena enjignèda delvers a jir encontra a la vita. N raport emportant, donca, che ne vegnarà spiegà miec da la dotora Cristina Rizzi, esperta ti problemes evolutives de bec e joegn. L’esperienza de père vegn contèda da Gerardo Rasom e Adriano Planchensteiner, che vif doi esperienzes n muige desvalives una da l’autra. L program, metù ensema da Lodovica Dioli, l’é da veder en jebia ai 22 de mèrz da mesa les nef sun Paladina.

Iadi, jites y escursions Pelegrinaje a Erfurt tl Thüringen

Pelegrinaje organisé dal KVW dla Val Badia, dai 30 d’aurì ai 3 de mà. Le iade cun döt laprò costa 450,00€ (60,00€ implü por ćiamena da un n let). Prenotaziuns ćina che al é lerch pro Hilda Sottara al 0474/523133 o 338/9231013. Cun la prenotaziun él da paié ite le prisc te öna dles portines dla Cassa Raiffeisen. Jita cun la Peves

La Lia da Mont de Gherdëina ve nvieia a na jita cun la peves sun la Piza Vermoi (2.929 m) te Schnals, n dumënia ai 18 de merz. L se trata de na jita saurida, mpue longia cun n deslivel de 1.500 metri. Per plu nfurmazions pudëis cherdé su Ugo 349/0089939. Sujurnanza al mer

L KVW de Sëlva mët a jì n’ena de vacanzes a Cattolica, dai 2 nchin ai 9 de juni tl Hotel Nord Estater. Nfurmazions plu avisa y iscrizions: Alberta, 0471/795515. Schitour foran Stubai Les Lies da Munt Val Badia mët da jì en sabeda al 31 de merz na schitour fora tles Alpes de Stubai. Por le program plü menü: Richard Pezzei - Denis Moling, al 338/1387680. UML: i jun a ti ćiarè al monn dles ferates y dles mascînns da scrì

L’Uniun Maestri Ladins inviëia da jì en mertesc ai 3 d’aurì a Rabland a ti ćiarè ala “Eisenbahnwelt” y a Partschings a ti ćiarè al museum “Schreibmaschinenwelt”. Orars dl bus: 7.00 Corvara (Kostner), 7.05 La Ila, 7.10 Pedraces, 7.20 Pidrô, 7.25 Piculin, 7.35 Longega. S’anunzié anter i 26.03 pro Irma Frenes al 328/3875162. Via Crucis di joegn

La Comiscion di Joegn del Decanat de Fascia endreza na Via Crucis di joegn per i joegn en domenia ai 18 de mèrz. Se pea via da Piaza de Comun a Poza da les 20.30.

48

www.lauscdiladins.com

♦ Referat sön la violënza y la prevenziun

dla violënza Le Sorvisc d’intlujiun y sostëgn dl Departimënt educaziun y cultura ladina inviëia le personal dles istituziuns scolastiches y soziales, i geniturs y düć i interessà a n referat sön les problematiches de comportamënt, la violënza y la prevenziun dla violënza Sciöche reladù él gnü invié le prof. Lothar Böhnisch da Dresden che insëgna inće tla Facolté de Sciënzes dla Formaziun a Porsenù. Le soziologh Böhnisch é n espert de pedagogia soziala, de politica soziala, de politiches por i jogn y de sozialisaziun di ëi. Te so referat baiaral dles formes desferëntes dla violënza, di motifs plü o manco ascognüs che é doìa y dla responsabilité dl monn di gragn. Iadô les problematiches de comportamënt y le comportamënt deviant/violënt che i podun osservè datrai bele pro de pici mituns o de piceres mitans s’ascógnel na cherdada d’aiüt, n debojëgn de gnì odüs te so ester porsona (y nia te süa funzionalité). Le monn d’al dedaincö pîta n gröm de poscibiltês, mo se damana da ester fit por na “vita estrema” de prestaziun, de resultać, de consum, de sport y de wellness. I mëndri, jogn y jones à indere naôta debojëgn de se svilupé aladô de sües capazitês y potenzialitês y d’avëi n raport sinzier y tler cun i gragn. Olache an se baia (fora), ilò n’él degöna violënza. Ara se trata d’ascutè sö i jogn y les jones, de ciafè n lingaz plü uman te scora y tla sozieté y da ti insigné competënzes soziales y de vita. Le referat cun discusciun vëgn tignì en vëndres, ai 23 de merz 2012, dales 16:30 ales 18:30 tl gran salf dla scora mesana da La Ila. Düć é dër bel invià da gnì.

♦ SNOWstar 2012: na gara de schi y freestyle

tl’Alta Badia L’Alta Badia pîta na novité. Chësta fin’dledema él preodü na gara particolara sön la pista “La Fraina”, che inviëia düć i jogn dai 14 ai 16 agn L’interes por le schi mët man da jì zoruch pro la generaziun plü jona y por chësc motif à le consorz de schi europeich (E.S.F.) metü da jì le SNOWstar, na gara de schi y freestyle, por motivé i jogn da jì cun i schi. Do che le Snowstar Tour 2012 é stè a Saalbach-Hinterglemm de forà y a Desproch ai 5 y 6 de merz, röiel por le pröm iade inće te Südtirol. La fin dl’edema di 17 y 18 de merz vëgnel metü da jì la gara sön la pista La Fraina. La gara é na combinaziun de elemënć de slalom, skicross y freestyle sön n ”playgroundsnow”, che é formè da pista normala da schi y snowpark. Por la cualificaziun vëgn i partezipanć partis sö te 4 grups, y i 8 concorënć plü asvelć de vigni grup podarà spo jì ala finala, che é preodüda por la domënia ai 18 de merz. Tó pert po düć i La gara de SNOWstar: novité de chësta fin jogn danter i 14 y i 16 agn, y an ne mëss nia dl’edema tl’Alta Badia. ester scrić ite a n schiclub. Al ne manćiarà dessigü nia musiga y intratenimënt cun DJ y n moderadù. Por plü informaziuns jide sot ala plata internet www.snow-star.eu.


Info y Congratulazions

nr. 11 / 16 de merz 2012

Referac N cör tl Guatemala En doman sabeda ai 17 de merz dales 20.00, vëgnel metü da jì te biblioteca de Badia na serada cun le dr. Vida Vladimiro, che cuntarà de süa esperiënza sciöche chirurgh di mituns tl volontariat tl Guatemala. Organisaziun: Biblioteca Sas dla Crusc.

Dan da 18 agn él valch suzedü, valch, che an n’à bëgn ćiamó mai udü. Na müta d’inom

Carolin

Vera tla ex Iugoslavia - co ćiarera pa fora incö?

En mertesc ai 20 de merz dales 20.00, te salf dles uniuns a La Val, vëgnel metü da jì na sëra söl tema: ”Vera tla ex Iugoslavia 1991-95, co ćiarera pa fora incö?” Al baiarà Georg Cristofolini y Paul Alton che à portè aiüć umanitars söl post. Organisaziun: Grup Terzo Monn y Consëi de Formaziun.

é nasciüda y da chël dé é la parora “da stufé” jüda purdüda. Sciöche müta dala bona lüna t’unse cunesciü y sté cun te n’é bëgn mai tëmp purdü. Da fà matades este bëgn la prüma, y da te n’unse bëgn mai udü la ria lüna.

Se cumpurté bën

La Mëisa Turonda mët a jì ai 22 de merz dala 20.00 te cësa de cultura te Sëlva na sëira de nfurmazion cun la stilista Elisabeth Motsch che dajerà cunsëies n cont dla regules dl cumpurtamënt, dl stile y nce dl furnimënt.

Ciofs, ierbes y craitles

Te tröc comitês este n dër important mëmber, n pü’ plö complicada devënta la cossa tl mëis de dezëmber, deach’ ailó al Murin él da jí, y spo cun Carolin éla bëgn tres da rì! Pur to dagnì düt l’miù t’augurun, che te restes inant sana intun, mo purchël no massa bravè, deach’ la plö ”picera” sarast’ destinada a restè!

L Club Seniores de Sëlva nvieia ai 21 de merz dala 14.00 tla stua di seniores a n referat n con’ de co adurvé ciofs, ierbes y craitles coche medejina. Ciun ciofs pòssen pa tlupé, ciuna ierbes y craitles pòssen pa adurvé coche medijina?

De cör giulan te dij tües cumpagnes Cisci, Sabbi, Madds, Alle, Lelena, Nathalie, Marli, Elena, Alexa y Anna.

L Spirt Sant L Cunsëi de Pluania de S. Cristina nvieia duc ai 28 de merz te biblioteca “Tresl Gruber” dala 20.00 a n referat cun Maria Prean. Maria Prean ie nasciuda a Imst y ie misciunera tl’ Uganda.

Nos, l’ambient e la luna

L Comun de Poza endreza na scontrèda con la d.ra Gladia Debertol per cognoscer i ritmes de la luna e sia influenzes sun nos, la natura e l’ambient de cèsa e descorir cotant che podassane fèr più sorì adatan a chisc ritmes nesc tempes e comportamenc. L’apuntament é en mércol ai 21 de mèrz e pel tor pèrt demò 20 persones per arsegurèr na mior interazion. I enteressé cogn se oujer a l’assessora Renata Mattevi al 377.1689266.

De bie augures a noscia prinzessa

La porsona danter maratia y sanité

che ai 16 de marz compisc 6 egn da l’ava e da chi de ciasa ea

Sara

Chësc le titul dl referat che gnarà invié ia al 31 de merz dales 20.00, tl zënter Trayah a Bornech. Referënt é le varidù y maester de yoga Murat Örs. Al jarà ite sön les poscibilitês de svilup dl anima sot al aspet dl yoga. Entrada: spënora lëdia.

Livio

che l ne n compisc… 11 oite tenc! n gran braciacol da chi bricogn de Valene

Musiga 15° Dolomiti Ski Jazz

L Dolomiti Ski Jazz va inant anché h. 12 con “El porcino organic” (Helga Plankensteiner, Michael Lösch, Enrico Terragnoli e Paolo Mappa) al Ref. Ganischeralm de Pampeago. Insnet h. 21.30 al Wine bar Bellavista de Ciavaleis, Miss Marple Quartet. Doman sabeda h. 12 al Refuge Baita Gardoné de Pardac, Valdarno Jazz Ensemble e h. 21.00 conzert finèl te sala polifunzionala de Ciastel con John Abercrombie Trio. Program e autra informazions su www.dolomitiskijazz.com.

Nosta Carolin

cumplësc induman ai 17 de merz i 18 agn. Nos de familia te aodun de cör düt l’ bun, sanité y fortüna. Ma inant insciö, prossa y da urëi bun!

A Wilma de l’Hotel Mariaflora sun Jouf de Sela a 2240 m, che ai 19 de mèrz la compiesc i egn, i più bie augures de vif cher da Stefano, Fabio e da duc chi de cèsa

Por i 70 agn dla

“oppala! y chisc 50 ie ënghe unic docà ... Ma śën iel pa permò da fé, dl'aurela ne n'es de paussé. Lava, mami, fëna, paura, muta y sor, da sauté es danz for. Śën iel ëura de te sentì gra y de te dì  che zënza té ne savëssen pa ulà frì. Dut l bon ulons te mbincé y ncuei nëus per té sauté.

Christa

Tonin cun Mary y Christian, Sara y Markus cun Maya

PS: Düt l’ bun inće al

Alex

che festejëia le medemo dé i 22 agn!

Ai 22 de merz i 70 agn cun té pudunse festejé y düć adüm cun te passé n bel dé. Cun nos düć ne él nia tres stè saurì, mo impò aste purvé da se capì. Te nes es stada dlungia te vigni mumënt y se as fat capì che l’amur é l’plö important. Te es tres disponibla da se dé na man purchël te à pici y gragn tan gian. Pur dütes les bries urunse te ringrazié y inće düt le bun pur chësc dé te auguré. Fortüna, ligrëza y sanité dess vigni dé te acompagné. To Pepi, i mituns Tanja cun Achim, Nadine, Kevin, Ronny cun Valentina

A nosta mama y lâ

Anna che à complì la bela eté de 70 agn. Düt le bun y sanité te augurun de cör y en gran giulan por düt ći che te fejes por nos düć. To om Giuvani, Christa, Elisabeth, Apollonia, Angela y Felix cun families

www.lauscdiladins.com

49


Congratulazions y Inserac

nr. 11 / 16 de merz 2012

Düt le bun a nosta tota

Margit

orun ti auguré pur sü 40 agn che ala po incö festejé. Al se sa dër bel canche cun te podun stè a śughé, fà damat y a se la cuntè. Pur düć i bi mumënć che podun adüm cun te passè, orun de cör te ringrazié. Te augurun ligrëza, sanité y fortüna y che te restes tres inant tan dala bona lüna! Armin, Anja y Nadine

La Ila, ai 14 de merz 2012

Cara Angela, düć nos te augurun düt l’ bun pur tü 94 agn, che te restes tres dala bona lüna y da druch. Tröpa sanité y ligrëza! Tü nus cun families

A nosta Christa

Ai 20 de merz cumplësc nosta cara mama y lâ

Maria dl Cir

che complësc ai 22 de merz i agn. 35 agn pro giama aste da porté al ne resta nia tröp tëmp da punsé sö Calfosch, ia dal tennis y al Gran Pré indlunch aste da salté. Pur tüa festa urunse düć te aodé de cör tröpes ligrëzes y dandadüt sanité

la bela eté de 75 agn. Lâ, i t’aodun de cör düt l’ bun, tröpes ligrëzes y dantadüt la sanité. Prô ma da stè bela löcra y da n’avëi nia massa fistidi pur nos. N gran pussl y düt düt l’ bun da nos pici

Mama, Karin cun familia y Gerda cun familia (dandadöt i fioc)

Annalisa, Elias, Daniel, Nicolas, Greta y Sofia y sambëgn inće da düć i gragn.

Pur i 50 agn che

la Irma

ai 20 de merz cumplësc, tröpa sanité y ligrëza da lauré urunse ti auguré, mo inće i dì: recordete datrai da palsè y ćiara inće n pü’ de te. Chesc te augüra chi da Mirbun

Incö orunse düć alzè le got y ćiantè döt le bun ala

Annelies dl Lè

A mia tota

Luisa Pur tüa festa o cara tota düt le bun ôi iö te aodè. To gran amur incö mirita da gnì laldè y ringrazié. Te mi pice cör verdel na flama che pënsa dé y nöt a te. Resta tres inant tan da urëi bun y ćiamò tröpa sanité y ligrëza ti agn che vëgn te augüra tüa fiocia Anna.

Por tü 60 agn te aodunse döt le miù, n gran lalt vëgn dandadöt da to pice nu. Che te pois vire inant n gröm de bi momënć, cun tüa buna löna che se fej gnì düć contënć. Veronika cun Edo, Manuel cun Ruth y Janpaul, Sabine cun Thomas

Annelis,

La butëiga Radio TV Ivan de Sëlva chier 1 lodner/a per dut l ann. Nteressei o nteressedes possa cherdé su l numer de telefonn 0471/794437 o passé te butëiga.

düt l’bun pur i 50 Y te n’augurun ćiamò tagn laprò! Da chëles che te dëides tres

L vën fità via n pitl cuatier bele fat ora a Soplajes a jënt da tlo da mez auril inant per dut l ann. Prëibel cherdé su l 335/7045112.

A nosta cariscima

Margit da La Ila che ai 16 de merz cumplësc 40 agn, ti aodunse düt l’bun, tröpa sanité, y che ala restes inant tan da urëi bun y da sbunf. Chi de familia

50

www.lauscdiladins.com

Per n cuatier privat vëniel cris n‘ëila a puzené n doi iedesc al’ena. Prëibel cherdé su l 335/6279039 do la doi domesdì.

chir n tecnich por l’assistënza tliënć por mascînns da laurè schi y por mascînns de ”inrescida y sperimentaziun agricola”, preferibilmënter cun diplom de scora tecnica de bones conescënzes de talian y todësch, desponibilité da fà iadi Informaziuns: Lorenzo Paruta tel: 0471/844186 e-mail: assistenza@wintersteiger.it

L vën vendù te na posizion panoramica y da surëdl daujin al zënter de Urtijëi y ai majeri mplanc portamont, te na cësa tlima E1 l ultimo partimënt suaut de 140 m2 sun doi liviei cun na scela de ntreda, na lerch per n mplant da sciaudé, n boiler, na luegia da lascé sëura schi y ciauzei, na cësadafuech, n local per maië, na stua, trëi majons, trëi banies, n local per ufize o auter, trëi piguei cun na bela ududa, garaje, ciulé y luegia per lascé l auto. L cuatier ie mé plu cunvenzionà 9 ani alalongia. N bon nvestimënt. Prëibel cherdé su l 335/499071.


Inserac

nr. 11 / 16 de merz 2012

Posta Zirm Hotel a Corvara chir por la sajun da d’isté 1 estetista por le zënter de bëgnester 1 chef de partida por i pröms 1 tornanta por la ćiasadafüch, y por nosta taverna 2 barisć 1 chelner/a. I chiriun porsones che laora cun ligrëza y dediziun te n team jonn cun orars regolars. Prëibel cherdè sö le 0471/836175 o menè na mail a info@postazirm.com

La sozieté Ski Carosello a Corvara chir na porsona dl post cun esperiënza de laûr por laurè tl ofize paghes. Al vëgn pité n post de laûr por döt l’ann, poscibilitês da se istruì inant y n paiamënt adatè. Prëibel scriede a info@skicarosello.it o cherdede sö le 0471/836073.

La firma Goller de Sëuc chier persones da tlo cun esperienza per jì cun la pachera y cun l camion y muradëures. Per fé ora n terminn y per se prejenté pudëis cherdé su l 335/5625615.

Restaurant Pizzeria Salvan a Corvara chir por na sajun lungia da d’isté na chelnera dl post che sa da laurè cun le computer. Prëibel cherdè sö le 335/5381505.

Albergo Alpino Ütia de Börz *** chir dal 1. de jügn ćina al 1. de otober na chelnera por i ghesć de ćiasa, cun conescënza dl talian y todësch. Prëibel telefonè al 0474/520066.

La firma Vinaholz a Urtijëi chier da śën inant n secreter che sà da lauré cun l computer. Prëibel cherdëde su l 0471/796350 o scrijëde a info@vinaholz.com.

N garnì a Corvara chir por sabeda y domënia y ćiamò n dé amesa l’edema na ćiamenëssa. Prëibel cherdè sö le 335/6796236.

inserac@lauscdiladins.com Chirì da laour N jonn de 20 agn dla Val Badia cun diplom de maturité chir n laur te val' ofize. Tel. 335/5815819. (09/12) ••• Na jëuna chier da lëur a rumé su te na cësa privata, a rumé su majons y a paidelné per dut l ann, danmesdì. Tel. 338/1568397. (09/12) ••• Na jëuna chier da lëur per n sies ëura danmesdì, sciche barista, a fé gusteies, a rumé su la majons o zënza vel’ lëur. Sce l ie mesun a S. Cristina o ntëurvia. La sà da rujené tudësch y talian. N ne n’à nia drë de ti dé d’albierch. Tel. 388/9373456. (10/12) ••• N ël chier da lëur dala sajon da d’instà inant, a lavé ju, sciche vardian o a fé d’uni sort de stroc. L à ot ani de

esperienza te chësc caimp. Tel. 377/4874002. (10/12) ••• N ël dla Talia chier da lëur da śën inant sciche pizzaiolo. L à 15 ani de esperienza. Tel. 348/9135403. (10/12) ••• N’ëila chier da lëur per la sajon da d’instà da chelnera o a cialé de pitli mutons. Ëila rejona talian, nglëisc mpue’ de rus y tudësch. Tel. 327/1968597. (11/12) ••• N ël cun esperienza chier da lëur per la sajon da d’instà da chelner. Ël rejona talian, rus, nglëisc y tudësch. Tel. 328/0545378. (11/12) ••• N’ëila chier da lëur a rumé su te Sëlva per la sajon da d’instà. Tel. 327/8273023.

Hotel Luxor & Cairo a Jesolo chier per la sajon da d’instà n chef capo partida chelneri per la sala na persona respunsabla per la sala n/na barista n/na persona per la reception. Prëibel mandé l curriculum a info@luxorcairohotel.it o cherdé su l 335/5446372.

a La Ila chir 1 lerner 1 monter 1 eletrizist 1 porsona por ofize. Prëibel cherdè sö le 0471/839766 o le 338/5780858.

Alpin Hotel Ćiasa Lara a La Ila chir da jügn inant por na sajun lungia da d’isté 1 ćiamenëssa 1 chelnera por salf 1 vardian de ćiasa 1 secreter/ia 1 cogo cun esperiënza. Prëibel cherdè sö le 0471/847257 o menè na email a info@ciasalara.it

Il Maso dello Speck chir na porsona a laoré tla botëga a Corvara. Al vëgn damané serietà y laboriosità. Prëibel cherdè sö le 335/6010478 Maurizio Balliana.

La coop. Casa Bimbo Tagesmutter chir 1 educadëssa por la Ćiasa di Pici a Badia. Telefonede al 0471/839572 o al 348/9618733. (11/12) ••• N’ëila dla Moldavia chier da lëur te Gherdëina a cialé de jënt de tëmp, la à 10 ani de esperienza te chësc lëur te nosc raion. Tel. 328/2175312. (11/12) ••• N ël de Verona che à bele truep ani de esperienza chier n lëur da pizzaiolo, nce per dut l ann, cun albierch. Ël sà la rujenedes talian, tudësch y nglëisc. Tel. 342/6481682. (11/12) ••• N ël chier da lëur coche segondo cuech. Ël à bele laurà truep ani te hotiei da tlo. Tel. 320/8419517. (11/12) •••

Da vende L vën vendù na “camera reflex a spiedl” CANON EOS 10D y chisc obietifs: Tamron 24-70 mm., Canon EF 75-300 mm. y Tamron AF Aspherical LD 28-200 mm. Tel. 338/3371487. (09/12) ••• L vën vendù na FIAT Punto dl 1998,

1.2cc, 137.OOO km a € 1.000,00. Tel. 334/5641958. (09/12) ••• AI vegn venü na MTB dla marca “KTM Team LC Elite” de carbonium cun cambio XT, 10kg al prisc de 1.100,00 €. Tel. 339/1705732. (10/12)

Al vëgn venü asos de dui mëisc da n lüch biologich a La Pli. Tel. 0474/501374 o 334/166377. (11/12) ••• Al vëgn venü na cripele dla Thun de mesöra mesana, cun 15 mandli, a 200,00 €. Tel. 333/8671652. (11/12)

La firma DemacLenko IT de Sëlva chier da sën inant na persona cun cunescënza de nfurmatica. Prëibel cherdé su l 0471/794355 ntan l orar de ufize.

Pizzeria Traföi a Pidrô chir dai 20 de aurì inant na chelnera jona. Prëibel scriede a info@trafoei.com o cherdede sö le 0471/843024.

Al vëgn afité ia na botëga tl zënter de Corvara dai 30 de aurì inant. Ara é te na bona posiziun sön la strada prinzipala 45 m² botëga tl'alzada tera 45 m² ćianoa sotite. Prëibel cherdè sö le 0471/830168. Agenzia Tablé - Corvara

Hotel Gran Baita te Sëlva chier da sën inant per dut l ann na persona respunsabla per l ufize cun esperienza y cunescënza dl lëur te hotel y de lingac y cun cunescëza eletronica y de computer . Prëibel mandé l curriculum a raphael@ hotelgranbaita.com

Camping Colfosco/ Corvara chir por la sajun da d’isté o inće por döt l’ann 1 secreteria cun de bunes conescënzes söl computer y di lingac talian, todësch y inglesc na studënta dai pröms de messè ćina amez agost. Por informaziuns: 348/0425058 o le 0471/836515 o scriede a info@ campingcolfosco.org.

Hotel Villa Eden a Corvara chir colaboradus por le bar por les proscimes sajuns da d’isté y d'invern. Al vëgn damanè na bona conescënza dl talian y dl todësch, esperiënza de plü agn de laûr y conescënza di sistems automatics de ordinaziun. Prëibel nia tó contać zënza les carateristiches damandedes. Curriculum a info@villaeden.com o telefonè al 0471/836041.

L vën cris n gheometer o desseniadëur tecnich cun cunescënza di programs da dessenië AutoCAD y Revit per na stiera a tëmp plën. Prëibel cherdé su l 0471/790260 o mandé na e-mail a info@geom-senoner.it

Aziënda sanitara de Südtirol Raiun Sanitar da Bornech Avis publich

Tl zënter de San Ćiascian vëgnel venü n bar – café de 130 m2, cun terassa a sorëdl. Al é inće poscibl da fà na botëga. Prëibel cherdè sö le 335/6193439 o menè na e-mail a info@myhomedolomites.it

Tl zënter da La Ila vëgnel afité ia da d’isté inant n local adatè por ofize. Por informaziuns cherdéde sö le 335/6478847.

Al vëgn lascè al savëi che tl Raiun Sanitar da Bornech vëgnel scrit fora n concurs publich aldô de titui y ejams por l’ocupaziun dles störes nominades dessot: 1 porsona a daidé spezialisada La störa é resservada al grup linguistich ladin. Al vëgn damanè l’atestat de bilinguism D. 1 cogo/a diplomé/ada La störa é resservada al grup linguistich ladin. Al vëgn damanè l’atestat de bilinguism D. Le terminn por menè ite les domandes: anter les 12.00 di 11.04.2012. Les domandes po gnì portades/menades diretamënter o tres cherta cun recioiüda de retour (al vel le stempl dla posta), a chësta misciun: Ofize por concursc y assunziuns dl raiun sanitar da Bornech, str. Spital 11, 39031 Bornech tel. 0474/586027-28-36, www.sabes.it

A Urtijëi vëniel lascià via n cuatier de 95 m² cun mubilia, ciulé y garasc a na familia da tlo dai 15 de auril inant. Prëibel cherdé su l 333/7168804.

I formulars por la domanda y informaziuns plü monüdes pòn ciafè tl ofize por concurs y assunziuns sciöche inće sön la plata internet www.sabes.it

L vën vendù n cuatier nuef, nia cunvenziunà, de 148 m2 cun 4 locai y de biei details a Barbian da pert da surëdl. L cuatier à n sciaudamënt a gas autonom y n furnel da paur. Per plu nfurmazions y per jì a ti cialé pudëis cherdé su l 338/3957870 o da sëira l 0471/650017. (Elisabeth Fiegl)

Na familia da Calfosch cun dui mituns chir da aurì inant por döt l’ann na möta da mituns che fejes inće i laûrs de ćiasa. I s'aspetun ligrëza y paziënza da stè cun i mituns y amur por la ćiasa. Prëibel cherdè sö le 335/6116105.

Le diretur dl raiun sanitar dr. Walter Amhof

Ploner Moritz idraulicher a Badia chir 1 idraulicher 1 lerner da idraulicher dl post. Por informaziuns prëibel telefonè al 335/6155706. www.lauscdiladins.com

51


Inserac y Anunzies

nr. 11 / 16 de merz 2012

Da chirì L vën crì n cuatier per 4 persones te Gherdëina per dut l ann. Tel. 333/7475704. (09/12) ••• Al vëgn chirì n apartamënt da tò afit tla Val Badia por 2 jogn por döt l ann. Tel. 348/8929519. (09/12) ••• Na jëuna da tlo chier da sën inant n cuatier da tò afit per dut l ann. Tel. 335/8230782. (09/12) ••• N ël dl Pachistan che lëura bele da diesc ani te Gherdëina chier n cuatier per na familia da cater persones. Tel. 328/2085893. (09/12) ••• N’ëila cun n pitl cian chier n cuatier da

tò afit per dut l ann te Gherdëina. Tel. 349/4925882. Patrizia (09/12) ••• L vën crì n cuatier da tò a fit per 2 persones a Urtijëi o a S.Cristina da juni inant. Tel. 328/9469530. (09/12) ••• Al vëgn chirì trëi scagns inće de forma desvalia zënza plomac. Tel. 347/1554671. (10/12) ••• La familia Bonato chier n cuatier cun doi majons a Urtijëi nia massa dalonc dla zënter. Prëibel cherdé su da mesdì o da sëira, tel. 0471 796996. (10/12) ••• L vën cris n cuatier per trëi persones te Gherdëina o ntëurora, per dut l ann.

Tel. 0471/1921717. (10/12) ••• Doi jëuni da tlo chier da utober inant n cuatier te Sëlva da tò a fit per dut l ann. Tel. 339/8516857. (10/12) ••• Cin studëntes dla Scola de Ert chier n cuatier per l ann de scola 2012/2013 a Urtijëi y ntëurora. Tel. 347/0687757. ••• Na familia cun 2 mutons chier n cuatier te Gherdëina sce la va te Sëlva per dut l ann. Tel. 327/8842803. (11/12) ••• Na jona dla Val Badia chir n cuatier por una na porsona sóra, tla Val Badia, por fora de sajun o por döt l’ann. Tel. 340/2756166. (11/12)

Recort

Ivan Costa *07-10-1983 +17-03-2012 Bele set agn él passè, da canche tö se as lascè. Set agn de leghermes, dolur, tristëza, mo inće de speranza, che t’es te n bel post dlungia to pere. Ti pinsiers y te nüsc cörs este tö tres restè. Te recurdun cun amur y reconescënza, en particolar tla Santa mëssa dl ann che sarà in sabeda, ai 17 de merz dales 18.00 tla dlijia da La Ila. N giulan a chi che l’ recorda tla oraziun y ti pinsiers.

Vangel dla Domenia

La familia

Cuarta domënia de Carsëma, ann B, ai 18 de merz 2012 Dal vagnele do San Jan, 3, 14-21

Rengraziamënt

Te chël tëmp ti à Gejù dit a Nicodêm: ”Sciöche Mosè à inalzè la bisca tl desert, insciö mëss le Fi dl Om gnì inalzè, por che vignun che crëi te ël ais la vita eterna. Dî ti à orü tan bun al monn, ch’al à dè ca so Fi su, por che vignun che crëi te ël ne vais nia ademal, mo ais la vita eterna. Idî n’à nia menè so Fi tl monn, por che ël iudichëies le monn, mo por che le monn vëgnes salvè tres ël. Chël che crëi te ël ne vëgn nia iudiché, chël che ne crëi nia é bele iudiché, ćiodich’al n’à nia cherdü al inom dl Fi su de Dî. Deache cun le iudize stara insciö: La löm é gnüda tl monn, y la jënt ti orô plü bun ala scurité co ala löm; ćiodiche sües opres ê ries. Vignun che fej dl mal ti à le sënn ala löm, por che sües opres ne vëgnes nia sö. Mo chël che fej la verité röia tla löm, por ch’al vëgnes manifestè, che sües opres é gnüdes fates te Dî.

”Os ch’i m’ëis tan orü bun, no ćiarede ala vita che i à lascè, mo ala vita nöia ch’i mëti man” I ùn tut comié da nosta só, mëda y tota

Rita Costabiei *21.01.1935 +26.02.2012

Parora dl Signur. - Lalt a té, Gejù Crist!

I orésson rengrazié de cör Giovanni che à dit dant les corones, siur Paul y i conzelebranć, chi che à fat val’ sorvisc, chi che é stà ales corones, chi che à tut pert ala mëssa de sopoltöra, le Cor de Dlijia, le dotur d’emergënza y la Crusc Blanćia d’Al Plan.

Partezipazion “Chi che se n va no i mencia, l’é demò che no se i veit” La Procuradora, l President, i aministradores e dut l personal del Comun General de Fascia

De cör rengraziunse düć chi che à fat ofertes de ciüf, ćiandëres o a fin de bëgn y n dilan a düć chi che s’é stà dlungia te chësc rî mumënt y a düć chi che se recorda de ëra tla oraziun. I familiars

tol pèrt a la manconia che à tocià la familia Mazzel da Cianacei e i ge é apede te chest moment de dolor e encresciujum per la mort del père

Osvaldo

Lecort

Pruf. Martin Demetz Partezipazion

de Palua L diretif de l’Union Autonomista Ladina

tol pèrt a la manconia de Francesco Mazzel e de sia familia per la departida de sie père

Osvald Mazzel. Poza, ai 13 de mèrz del 2012

Partezipazion L President, l Consei e la canzelistes de l’Union di Ladins de Fascia tol pèrt a la manconia de la familia Mazzel, per la mort del père

Osvaldo

Mi bon Martl, ai 20 de merz saràl 5 ani che te nes es lascià bel achiet, zënza desturbé deguni, coche te es nce vivù. Canche te é saludà per l ultimo iede me es tenì dassënn la man, te ne uloves nia me lascé jì. Ti mans fova bones de fé la plu bela opres de ert y for me damandoves mi minonga. Ma chi fovi pa ie per pudëi dì la mia de ti savëi, ti bravura. Per mé ne foves nia mé n fra, ma n bon cumpani, te oves for na bona parola, na jentilëza fina. Y pona ti cultura y ti ert. Chiche te à cunesciù miec sà bën de cie che rejone. Ie é la fertuna de pudëi me lecurdé de té ti cialan a ti opres de ert, ma te es mpo lascià n gran uet. Te ne unirés nia plu, mei plu dala diesc a te bever l café da mé. Te me mances. Assudëi a canche Die ulerà. Ti sor Elfriede

Recordanza

Walter Trebo 18.03.2008 - 18.03.2012

52

Lecort Ai 20 de merz iel 5 ani che l prufessëur

Martin Demetz

Cater agn él passè, da canche tö te s’as lascè! L bel recort a te é intres vì te nösc cörs y te nösc pinsiers, y insciö saràl por dagnëra. I te recordun en domënia ai 18 de merz tla Santa Mëssa dales 17.30, tla dlijia da San Ćiascian.

Ti lecort viv inant tla bela opres de ert che te nes es lascià.

I familiars

L mut Florian

www.lauscdiladins.com

nes à lascià.

Te nes mances.


La Usc di Ladins