Issuu on Google+

portadoura dla onoranza claus gatterer 2012

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,80 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 10/2013 - 08 de merz 2013 online sun

San Martin

8

Ćiasa de Palsa L’aministraziun dla Ćiasa de Palsa da San Martin ti à portè dant ai comuns dla valada n bilanz menü sön la restrotoraziun dl frabicat.

Porsones

Nia mé ciofs per la festa dla ela Encuei, 8 de merz, di internazional dla ela, n di per recordé les batalies, per se gode les concuistes y per pensé a la situazion d’al didancuei

10

Dotur Davide Willeit Dan püć mëisc é jü en ponsiun le diretur sanitar dl’Aziënda Sanitara da Bornech. Na intervista

Turism

12

Degüna fujiun Do les fujiuns dl’assoziaziun turistica da Bornech unse damanè do inće a San Martin y Al Plan sce al é la orentè da lié les forzes.

Fascia

14

L’Almanach 2012 L’Union di Ladins de Fascia, te sia radunanza anuèla, l’à prejentà l’Almanach 2012, n don per i sozi e i aboné de La Usc.

Lies

18

Mujiga ie legrëza N ann plën de ativiteies ie unì stlut ju ufizialmënter cun la senteda generela dl Cor y dl’Urchestra de dlieja de Urtijëi.

Red Bull X-Alps

19

Gerald leprò La nuvità dla edizion Red Bull X-Alps 2013, che ie na garejeda de livel mundiel cunesciuda nia mé da piloc de parapënd, ie che chëst ann possa l atleta avëi doi supporter mpede mé un.

Jëuni de Mujiga

21

Cunzert L Ensemble Gherdëina y l Marini Consort de Dispruch lascia audì y udëi leteratura mujighela mpeniativa: l merit de ne se dediché nia al “populism” mujighel.

Sport

30

Trofê Oscar Costa Plü de 200 atleć da döta la Ladinia à tut pert al Trofê Oscar Costa, competiziun che s’à desfiré sön la pista Piz Sorega B a San Ćiascian.

N simbol dla emanzipazion dles eles: Maria Sklodowka dla Polonia, plu conesciuda desche Maria Curie (1867-1934), pest Nobel per la fisica y la chimica.

Eles - L di dla ela, plu conesciù sciche festa dla ela, é truep lié a la storia di movimenc per la concuista di derc y dla emanzipazion feminila. Al é n di olà che al vegn festejé, ma al é dantaldut na ocajion per pensé soura y per se rende cont de chel che é l post resservé a la ela tl mond al didancuei. Tres ciamò sozédel che la ela é vitima de violenza, che ala vegn sotmetuda y discrimineda respet al el, sun l laour y tla vita privata. Te cent agn de storia à les eles endere ence fat de gran concuistes. Trueps derc che encuei i pel fosc clers a la maioura pert dles eles, sciche la poscibelté de studié, de laoré, de lité y de avei na independenza economica é l frut de batalies che à porté a la emanzipazion dla ela da la familia

y dal om. La storia dla emanzipazion feminila à raijes dret sotes. Ala va zeruch al ann 1792 can che la ingleisa Mary Wollstonecraft ova publiché n liber, conscidré chi agn scandalous, dal titul “Rivendicazions di derc dla ela”. Sia intenzion fova chela de revoluzioné la vita dles eles, de ti rete la dignité perduda. L pensier de Wollstonecraft fova partì da la franzeisa Olympe de Gouges, che ova dé fora la “Declarazion di derc dles eles”. Chisc pòn di che é stés i prums varesc de n percors lonch i sfadious che les eles à messù fé per concuisté chi derc predichés sciche universai, ma garantis en realté demé ai ei; n percurs de liberazion y de archirida dla liberté sun chel che al s’à formé

na cultura nueva, na cultura feminila. Les prumes eles revoluzionares fova stedes les “suffragette”. La partezipazion dles eles a la vita politica y publica fova conscidreda fondamentala. L dert da lité y l dert al laour à condut les eles de dut l mond a de gran’ batalies ti agn Vint y Trenta dl Nuefcent. Ma nia mé per i derc tla vita publica à les eles messù se bate. Ti agn Cincanta ne n’ova truepes eles, tla Talia, degugn derc al intern dla familia, ales n’ova deguna liberté. Chi agn prevedova l dert dla familia ciamò la potesté dl om sun la fomena. Per scialdi dutes les eles fova l destin bele scrit: al rode “natural” va inant a plata 3

Comentar de pruma

Grillo de Iaco Rigo

Al n’é nia saurì che le “Movimento 5 stelle” se lasces ite cun le PD de Bersani o cun le PDL de Berlusconi por n govern nü. Grillo y Casaleggio ne po nia imbanì i mëmbri de so movimënt y sü litadus. Al é n gran parados chël che despartësc Grillo dal PD y PDL, deache le program tler de Grillo, te gran pert di punć menü, ne po nia acordè cun les usanzes y i comporamënć di protagonisć dl PD y dl PDL. O che le PD y le PDL é a öna cun i prinzips y i programs de Grillo, o che ai n’à nia da chirì pro Grillo. Intratan davagna Grillo dé por dé laprò stima, inće sce al se mostra instës intrês ćiamò plü fantomatich co real. Ći che Grillo y i sü se damana generalmënter dala politica taliana é che chësta s’un desdijes finalmënter de düć sü privilegs y sü paiamënć fora de mosöra y ćiares dla jënt scëmpla, che la politica se arbasses indô al “umann”, por odëi i problems: la dejocupaziun jonila ales stëres, gran pert dles families che ne röia nia plü ala fin dl mëis y les firmes che mëss stlü por la crisa.

Le "Movimento 5 stelle" Te vigni cajo deplü co ma ćiacoles

Nia vëi n’él che le “Movimento 5 stelle” n’ess nia n program, y che “ai foss ma anarchics, newagers, alternatifs...” Basta jì söl sit de Beppe Grillo por odëi ći che chësc movimënt é, te döta söa placativité daverta a düć i comënć y les propostes, y tla cornisc de na “democrazia direta” che i ne conesciun nia ćiamò da nostes perts. An po desćiarié le program dal internet da edemes incà, i le presentun te deplü punć importanć: - tó jö les provinzies; - tó jö les rotüdes di cosć por les campagnes litades; - mëte adöm i comuns sot i 5.000 abitanć; - smendrimënt a dui mandać por i parlamentars y por vigni atra inćiaria publica; - eliminaziun de vigni privilegh particolar por i parlamentars, danter chisc le dërt ala pensiun do dui agn y mez; - i parlamentars ne dess nia desfiré n’atra profesciun aldefora de so mandat; - paga por i parlamentars tla mesaria dles paghes va inant a plata 2


Letres y Atualité

nr. 10 / 08 de merz 2013

Les prumes condanes di “Scandai SEL”

Da les zentrales de partis politics

L ex assessour provinzial a l’energia Michl Laimer s’à brinché doi agn y ot meisc de reclujion, l ex direour dla SEL Maximilian Rainer doi agn y mez

Alfreider y l’inćiaria dopla Daniel Alfreider rapresentant di ladins dla SVP ala Ćiamena di Deputać à dit che al ne lasciarà nia l’inćiaria da assessur de comun a Corvara. Chësc atacamënt ala poltrona é le plü stlet ejëmpl che n deputat nü, scebëgn ma ruvé ite por le pest de maioranza po dè. Le laûr de parlamentar, sce fat

seriosamënter, se damana na presënza a Roma pör döta l’edema y no ma dui o trëi dis sciöche i sun stà ausà ćina śëgn dai rapresentanć SVP. L’inćiaria dopla ne se conziliëia nia cun chësc. Porchël dess Alfreider chirì fora a ciuna che al renunziëia tl cört tëmp. Ladins Dolomites

Aiut Alpin Dolomites

Michl Laimer à patajé per doi agn y ot meisc de reclujion.

Bulsan - L ultim di de fauré 2013 à les licares dl Tribunal de Bulsan Cristina Erlicher, Carla Scheidle y Ulrike Ceresara proclamé la sentenza de patejament tla causa SEL per les conzescions manipuledes. Al é la pruma sentenza per i “Scandai SEL”, cie che à ciamò da gnì é i prozedimenc zivii ti confrunc de Laimer y Rainer por la manipulaziun dles conzescions tles gares de apalt y i prozesc per la causa dla fujina dla forza eletrica “Stein an Stein”. Dantfora a chest patejament él ju les inrescides dl Procuradour Sostitut dla Republica Guido Rispoli, el à dit do la proclamazion dl patejament arjotn che “ala ne se trata nia de se vendiché pro Laimer y Rainer, ma de i straufé per i reac cometus”; el dij che chesta sentenza é dret importanta per l davegnì, ajache sen é l dann che ti é gnu fat a la jent de Südtirol fosch sun blanch. Entratant s’à ence la Provinzai de Südtirol lascé ite sciche pert zivila tla causa SEL, declaran de avei abù n dann material de 1 milion de euro per la manipulazion dles conzescions publiches dl strom. Les autres perts

Empermò l prum prozes sclut ju ti “scandai SEL” ence per Maximilian Rainer.

che se lascia ite tla causa zivila per avei abù n dann da les manipulazions di documenc ti apalc é la Eisackwerk GmbH, i Brixner Stadtwerke y i Etschwerke. Dlonga a la reclujion per i doi ex funzionars publics, i à la Signoria condané a sourantó sies speises dl prozes y ence cheles dles perts ziviles (sciazedes tla soma de 6.000,00 euro) y ence de ne podei nia sourantó tla spana de temp dl’esecuzion dla condana inciariers publiches o fé contrac con la man publica. I doi condanés podarà sen fé la proposta dant la Signoria de souravijion de servisc zivil al post dla perjon. L avocat de Maximilian Rainer Carlo Bertacchi y l avocat de Michl Laimer Gerhard Brandstätter à dit do la proclamazion dla sentenza de patejament che se lascé ite te chest concordat sun la reduzion dla pena ne vuel nia dì “dé pro l reat o i reac” che i é gnus trac dant da la Magistratura de Stat. Les conzescions per gestì la produzion y spartizion dla forza eletrica toutes en consciderazion per chesta pruma causa penala dl

“Scandal SEL” é endut unesc: les fujines dl strom da Persenon, Kardaun, Lana, Lappach, Mühlen de Türesc, Waidbruck, Kuppelwies y St.Walburg, St.Pankraz, Sarntal, Töll y St.Anton. Le PM Rispoli i tira dant a Laimer y Rainer de avei manipulé la documentaziun per che la SEL vence les gares y enscì les conzescions. Chest dess ester sozedù do che al é gnu cialé ju les ofertes y la documentazion di autri damanadours y concorenc direc dla SEL. Enfin sen n’él nia gnu desmostré che l ex assessour provinzial a l’energia Michl Laimer y l ex diretour dla SEL Maximilian Rainer ess abù l’intenzion de tré fora personalmenter n utl o davagn da chest “manajament socret”. Chest fat mess la magistratura tó en consciderazion te chisc caji - à dit l PM Guido Rispoli. La causa SEL jirà inant chisc meisc, da vedei él ence sce i apalc per dé via les conzescions publiches ratedes manipuledes gnirà scric fora danuef o sce al gnirà arjont n compromis fujina per fujina che i vae ben ence ai concorenc dla SEL che dij de avei abù danns che va ti millions de euro. (ir)

Cungratulazion a Daniel Alfreider La Union di Ladins de Gherdëina se cungratulea cun l on. Daniel Alfreider per si suzes pra la veles dl Parlamënt talian. L nes fej plajëi che ël ie ënghe dla minonga che la jënt ladina

à messù supurté descriminazions y che ël uel al plu prësc purté te Parlamënt na pruposta per ressolver chësc. Ulon ti mbincé n bon lëur y speré che l ebe la forza de passé dala paroles ai fac, ajache

do sessant’ ani de ngiustizies à l popul ladin n gran bujën de na mudazion. La Union di Ladins de Gherdëina

Le "Movimento 5 stelle" Te vigni cajo deplü co ma ćiacoles va inant da la pruma plata

nazionales; - i ziatdins condanà ne po nia plü gnì lità tl setur publich; - trasmisciuns internet en direta söl web dl’ativité parlamentara; - referendum sides abrogatifs co propositifs zënza quorum; - no TAV; - sorvisc ADSL y veta leria sura döt le teritore talian y gratis; - tó jö i finanziamënć publics a folieć; - tó jö l’Ordin di Jornalisć; - comunicaziun digitala danter i ofizi publics y cun la jënt;

2

www.lauscdiladins.com

- trus dla roda te dötes les citês y inće tles periferies; - tó jö la lege Gelmini; internet te dötes les scores y azes al internet por düć i studënć; - tó jö plan plan düć i libri de scora stampà, arjignan döt tl format digital; - insegnamënt de dovëi dl ingleje tles scores y scolines; - valutaziun di professurs universitars da pert di studënć; - azes publich via internet ales leziuns universitares; insegnamënt a destanza via internet; integraziun Université/

Aziëndes; - svilup strutöres de alberch por i studënć. (ir)

Priesc d’abonament anual: per la Talia: 64,00 euro. Foradecá: Raion 1 - Austria, Paejes Tudësc y Svizra: 64 euro per la zaita plu 86 euro per la posta, de ndut 150 euro. Raion 2 - Rest dl’Europa: 64 euro per la zaita plu 136 euro per la posta. De ndut 200 euro. Raion 3 Dedora dl’Europa: 64 euro per la zaita plu 236 euro per la posta, de ndut 300 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Raiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

Te chisc prim dis dl mëns de merz iel na gran cumpëida de turisć che à cris ora nosc biei raions per passé n valgun dis al frësch. Sce l ie truepa jënt iel dessegur drët, ma dal’autra pert ie i purtoies suvënz scialdi ciariei de chëi dai schi y l suzed for inò che vel'un fir adum. Suvënz ne suzédel nia truep, ma te vel' cajo ie l colp tan sëch che n muessa nce cherdé l dutor cun l joler. Nscila iel suzedù danter l auter sun Mont de Sëuc, ulache n ie unii cherdei plu iedesc per de tei caji. Un n iede iel nce suzedù che doi fova petei adum y un se ova fat plutosc mel, se rumpian vel’ rëpa. L auter ne se ova fat feter nia y se n ie mucià, mpede sté iló y ti judé al desfertunà. Nce sce n l à cris sëura duta la Mont de Sëuc ne l àn nia plu abinà. N auter cajo ulache doi dai schi fova fric adum ie suzedù sun l purtoi danter l Jëuf de Frea y Colfosch. L plu s’l à paieda n jëunn dl’Olanda de 14 ani. Ël se ova rot n uf. Ajache l fova mo jëunn àn tëut nce pea si oma che fova iló y pona l àn menà cun l joler te spedel, ulache l fova tla bona mans di dutores ma nce de

de Armin Moroder si oma. N cajo ulache n à messù mëter dassënn a verda a pië ite l pazient ie suzedù tl snowpark dl lift Ciampai. N jëunn de Siena à fat n saut dajan sëura sun l spinel. Ël ova n gran mel y stentova a muever la giames. Metan a verda l àn ciarià sun n madroz vacuum y do l avëi njenià per l trasport l àn menà cun l joler te spedel de Bulsan. N auter cajo ulache n messova mëter scialdi a verda a ciarië l pazient ie suzedù sun l purtoi de Piculin. N jëunn dl’Austria fova tumà dassënn se fajan n gran mel al vënter. L dutor dl Aiut Alpin che fova prësc iló l à vijità y cunstatà che l ova nce splaiedes nternes y chësc ie for velch scialdi de periculëus. N di ulache l joler ne se à feter mei fermà fova la dumënia ai 3 de merz ulache n messova julé da piz a cianton sëura duta nosta provinzia. Per fertuna ne fòvel mei velch scialdi de grief ma nce na giama rota possa fé n gran mel, y ruvé l plu prësc te spedel uel nce dì smendré i menuc o l’ëures nchin che n ie sot a cura de n dutor.

2500 “me plej” Tl scumenciamënt dl 2012 se à l Aiut Alpin Dolomites metù sun Facebook Istituzions - Te n comunicat stampa mandà ite dala lia de prim aiut tla montes che ie staziuneda a Puntives pra Urtijëi vëniel auzà ora la mpurtanza de si prejënza sun l social network cunesciù ”facebook”, ulache, tëmp de n ann n iel bele stat trueps che à cialà ite, fajan si cumentares y dajan si cuntribuc. ”L ie stat n var mpurtant per se giaurì ala comunicazion globela tl sëni dla stima de duc i sustenidëures”, vëniel scrit, ”ti cialon for cun plajëi nce a vosta fotografies y

lijon gën vosc cumenteres. I numeri nes dà rejon ajache bele do n ann cumpedons passa 2500 fans che a tlicà “me plej”. Ve rengrazion de cuer per vosc sustëni y jiron inant cun nosc ulentariat spezialisà per nosta jënt tla valedes y per duta la jënt che ie apasciuneda de nosta montes. Daviadechël, tlo śën n gran “viva la montes!” da pert de duta la scuadres di judacrëp che fej pert dl Aiut Alpin, che pudëis udëi cialan ite sot a www. aiut-alpin-dolomites.com.”

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Zoom

nr. 10 / 08 de merz 2013

Nia mé ciofs per la festa dla ela

N film per l di dla ela

Encuei, 8 de merz, di internazional dla ela, n di per recordé les batalies, per se gode les concuistes y per pensé a la situazion d’al didancuei

“Vogliamo anche le rose” de Alina Marazzi “Volon l pan, ma ence les rueses” è l slogan con chel che les laorantes de na fabrich de tesciù tl Massatschussets ova partezipé a n scioper dl 1912. Al posse ester che l nezesciar, l pan, s’à les eles davagné, ma ales s’à batù per n mond che i dessa lerch ence a la poejia dles rueses y chesta batalia é tres ciamò atuala. Con chesta motivazion à la regista taliana, Alina Marazzi, splieghé ciuldì che ala ti à dé a si film l titul “Vogliamo anche le rose”, na film che nes conduj zeruch tl passé, ti agn Sessanta y Setanta y nes conta la situazion dles eles chi agn, con testemonianzes, fotos, letres y diari che vegn metus adum te n documentar dldut particolar. Les protagonistes dla opera de Marazzi é les eles, reprejentedes sciche fosc degugn ne s’ova ciamò infidé da fé. I prums movimenc feminisć, les discuscions sun l devorz, sun l abort, sun l raport cun i ei y sun la sessualité, les reflescions sun la liberté y sun i derc che i é dagnora vegnus neghés: “Vogliamo anche le rose” é n film con chel che Marazzi vuel porté dant a les eles joenes chel che é sozedù chi agn, che ne se reduj nia mé a chi stereotips volgars y nia coerenc che é ruvés enfin al didancuei. L film

va inant da la pruma plata

L placat dl film de Alina Marazzi.

de Alina Marazzi n’é nia y ne vuel nia ester na storia dl feminism, al é n documentar che vuel reporté les emozions y i sentimenc dles protagonistes che à vit chi agn. La narazion se desgropa sun doi livì: la sfera publica y chela privata. Duc i mudamenc che é stés sun la scena publica tratant chi agn, conseguenzes dla emanzipazion dla ela, sciche la concuista dl dert a n laour, la liberté sessuala, la contrazezion, la legalisazion dl abort y dl devorz, à abù conseguenzes sun les vites dles eles. Y al é propi de chestes eles che Alina Marazzi

vuel nes conté. Ala nes conta de Anita y de si raport conflitual con l pere y con l auter ses; ala nes conta de Teresa de si raporc sessuai ilegitims, de si abort che la tormentarà per l rest de sia vita y ala nes conta la storia de Valentina, na feminista che tol pert a les manifestazions y che combat con sies compagnes per i derc y per l’emanzipazion, dantaldut sessuala. “Vogliamo anche le rose” auza fora sciche l model dla ela sie mudé tratant i agn, al conta la storia dles eles, i la porta dant y la fej conesce a les eles d’al didancuei. (kp)

Gana: la forza de la eles Con l’inom e l spirit de la fegura de noscia lejendes, la eles ladines se à dat jù per béleche 6 egn per chierir de portèr al luster l bel che les à daìte e de fora

L’era l’an 2007 canche a na scontrèda de l’Union Generèla l’é ruà la proponeta de dotrei eles ladines: fèr na revista ladina da la pèrt de la femenes, che vae sorafora la seides, e la dèr fora ensema con La Usc, 4 outes a l’an; chesta l’era presciapech l’idea palesèda fin dal scomenz. No l’era segur na endesfida sorida, ma se podea proèr. A mi, soula femena responsabola de na redazion de La Usc, me é stat domanà se aesse volù fèr da “trait d’union” e é sobito azetà bolintiera. De setember del 2007 l’é vegnù fora l prum numer de gana: papier patinà, grafica rencurèda e bela fotografies - perché ence l’eie vel sia pèrt – per la revista scrita da eles per eles, che aea tout sù l’inom e l spirit de chela fegura mitologica de la lejendes ladines che ensegnèa a fèr treces e filèr, per chierir de fèr vegnir fora e meter al luster l bel che l’é daìte e de fora de nos.

Coscita l’é peà via ence per me n toch de percors da spartir con la femenes ladines, dant sun encèria de la Generèla e dapò per mia volontà: n percors che é jit inant per béleche 6 egn. Sul londò, apede al pìcol grop de redazion (dut per volontariat) che tegnìa la rédenes, sun dutes Olimpia Rasom e Ingrid Runggaldier, se à jontà te chisc egn n muie de eles: sentèdes apede al gucer ence Wilma Runggaldier, Magdalena Gasser, per n trat Erna Flöss, e dapò Erika Castlunger e Elisabeth Kostner, ma entornvìa n muion de autres: per ogne numer l’é stat de media 15 eles che à scrit o colaborà con contribuc, revijions, fotos o dessegnes. No l’é possìbol recordèr ogneuna. Te 21 numeres gana à portà inant n bel dialogh anter la eles ladines. Con ironìa o con emozion, a na vida fona o lijiera, aon vardà te noscia valèdes, da anchecondì o da n’outa, e ence stroz per l mond, rejonan de

sanità e de psicologìa, de viajes e de architetura, de cojina e de moda, de letradura e de èrt, de musega e de teater, de cultura e de religion, de beleza e de relazions, e de n muie de auter amò. L’é stat n bel percors: con Olimpia, Ingrid e autra cent eles, ladines e no ladines, che te chisc egn à spartì con nos n pìcol toch de chesta esperienza, e con duta la eles (e ence vèlch “el”, fosc) che te gana à troà momenc e ocajions de cognoscenza, legreza, riflescion, confort o emozion. Nos se aon dat jù con l’ambizion de poder dèr n pìcol contribut per descorir l bel che l’é daìte e de fora de nos, e per pissèr a chel che daìte e de fora da nos no l’é tant bel. L’é stat n empegn, te vèlch moment ence pesoch, portà inant zenza paament, ma semper con gaissa e pascion, sostegnù da la legreza del raport anter nos, eles ladines. Ampò no sion ruèdes a tegnir fora 7 egn, desche la vivèna del cèr. La femenes, desche la ganes, les pel ence dèr dut zenza domanèr nia, ma l’é semper n pont che no pel vegnir despassà, se no se vel che les se desfante... N detelpai dit de spes vèl più che n fior n’outa te n an. Ma anché, ai 8 de mèrz, dì de la festa de la eles, me saea giust recordèr la forza de la eles ladines, e rengrazièr cheles che à spartì con me la bela esperienza de gana. Soraldut cheles che se à tout su la schena l peis maor. Lucia Gross

de fomena y oma ne podòveles nia saurì i sciampè. Grana fova la frustrazion. Chel model dla “happy housewife”, dla ciasarina contenta, che vegniva slarié fora dai media de chi agn ne les respidlova nia. Ma dapò duc chi agn de sotmiscion, di agn Sessanta à les eles metù man de se rebelé. Tles universités àl metù man de nasce movimenc dles eles, movimenc feminisć. Jì contra les regoles che la sozieté ova deté enfin a chel moment fova la regola nueva. Liberté volova dì rebelion. L corp dla ela, che enfin a chel moment ova messù vegnì asconù, fova sen tl zenter. Do l moto “ie son mia” ova les eles metù man de cerne enstesses de si corp. Ales jiva sun les stredes y sun les plazes a manifesté, a ghiré i derc al devorz, al abort y a la sessualité ledia. Al fova i agn dl feminism, ma al fova ence i agn di raporc strenc danter les eles, eles che combatova deberieda, per i medemi ideai. Ence sce l feminism à al didancuei de spes n significat plutost negatif, é i derc ghirés da ches eles vegnus conzedus. Enscì, dl 1970 él vegnù legalisé l devorz, dl 1971 la pilola anticonzezionala y dl 1978 él sté la outa dl abort. Chesta é la storia dla ela tl Ozident, na storia de derc concuistés y de emanzipazion. Fora per l mond, sciche an sà, ne n’é la condizion feminila nia endlonch enscì. Te trueps Paisc vegn les eles ciamò sotmetudes. Ma ence ti stac plu zivilisés mess truepes eles tres endò fé i conc con la violenza, fora y ite ti muers de ciasa. I movimenc dles eles à porté a

la concuista de trueps derc. Ma, cialan a la situazion d’al didancuei, pòn pa dì che l feminism ae da veira liberé les eles? Dessegur, i derc ghires é vegnus conzedus da n Paisc che tla Costituzion se declareia democratich y che i à permetù a les eles de dezide de si corp, de cerne sce y can fé mutons, de sospene gravidanzes nia voludes. I movimenc dles eles à ence porté pro che les eles podessa dezide de sia vita, studié, laoré y partezipé ativamenter a la vita politica y a chela publica. Ma chela zentralité dl corp che l feminism s’à tout empera? Al basta se cialé entourn per se rende cont dla emportanza che l corp, dantaldut chel dla ela, à tla sozieté d’al didancuei; n corp che mess ester megher y perfet per vegnì azeté, él n corp lede? Él lede n corp sech y perchel bel, gonot manacé da malaties, n corp svendù y strumentalisé? N corp standardisé y anonim che imprijoneia les eles, ne les pòrtel pa fosc nia scialdi dalonc da chela liberté per chela che sun les plazes y sun les stredes él tant vegnù combatù? Al me vegn da pensé che magari messessa l di dla ela, che é pu la festa dla ela, n di che deventé al didancuei fosc n pue’ truep comerzial, i lascè na maioura lerch a la reflescion sun chi derc che nia a dutes les eles ne n’é ciamò garantis, sun la condizion y sun l rode che la ela à tl mond da encuei, sun sia liberté. L di internazional dla ela messassa ester n di per dì de no a la violenza y ence per mete bases stersces per n davegnì plu bel y lede per dutes les eles dl mond. (katia pizzinini)

Primules cuntra le crebesc Le Movimënt dles ëres dla SVP vën primules por finanzié l’archirida sön le crebesc, incö, ai 8 de merz, sön Badia, en domënia ai 10 de merz a San Martin, Longiarü, Antermëia, Rina y La Val En ocajiun dla festa dl’ëra ai 8 de merz vëgnel indô metü da jì l‘iniziativa dles primules che vëgn a s‘l dè por le terzo iade tla Val Badia, mo bele por le tredejimo iade a livel de Südtirol. Chësta iniziativa vëgn organisada por sostignì l’archirida söl crebesc, suradöt söl crebesc tl sanch che toca gonot i mituns. Dal momënt che ales ëres ti stàl a cör fà les cosses importantes adöm, él gnü chirì la colaboraziun cun les Uniuns dles Patrones y cun la Uniuns dles ëres tl Artejanat. An vëiga indô n iade danü sciöche les ëres che à inće na familia y n laûr y che é impegnades te n gröm d‘atres ativitês, se mët a disposiziun por sostignì chësc proiet che va a bëgn de düć. La soma trata ite jarà ala “Krebshilfe” y gnarà publicada tla Usc di Ladins. Le Movimënt dles ëres dla SVP dla Val Badia, l’Uniun dles Patrones de Badia y l’Uniun dles ëres dl

Artejanat inviëia porchël de cör düć a cumpré tröpes primules y desmostré insciö solidarieté cun dötes les ëres, i ëi y suradöt cun chës umes che combat dé por dé cuntra chësta maratia tan crödia che po tochè sü mituns. Tla Val Badia vëgnel venü primules ai 8 de merz sön Badia, ai 10 de merz, do la gran mëssa a San Martin de Tor, Longiarü, Antermëia, Rina y La Val. (Movimënt dles ëres dla SVP Val Badia)

Cumpran na primula sostëgnon l’archirida sön le crebesc tl sanch. www.lauscdiladins.com

3


Atualité

nr. 10 / 08 de merz 2013

La Svizera regoleia i “top manager” Al referendum sté dant otedì te duta la Svizera à davagné de truep na iniziativa popolara. Thomas Minder é sen l “Robin Hood dl azionariat” Internazional - Al é tl’aria de duta l’Europa n renovament politich out a i dé plu ousc y plu atenzion a la jent scempla y la democrazia direta. Avisa tla Svizera, che ne fej nia pert dla Union Europeica ma n’é nienca contra l gran comerz de scioldi y deposic, él sozedù valch che i politics dla Svizera instessa y ence di autri Statesc entournvia ne se essa nia speté: la jent à podù dì, y à dit, la sia en cont di gragn davagns di managers de firmes cuotedes tla Borsa, a livel nazional che foradecà. Sceben che la tematica n’à diretamenter nia da n fé cun Beppe Grillo y si moviment “5 steiles” él da ciafé n liam: che la jent scempla se lascia su contra les gran paghes y i privilegs de puec, y laprò: la propaganda vegn fata en gran pert sun internet. Ence tl cajo svizer él gnu mobilisé truep tres na informazions menuda sun internet - dlongia a dutes cheles che vegn spo straoutes con gran fantasia y deloutes tla falsificazion dl der

4

www.lauscdiladins.com

(chief executive officer) à incassé enfimai zenza bazilé n pachet de paiament de 90 milions de francs (73 milions de euro). Te chest import n’èl pa nia laprò les alisirazions (auti dla firma gratis, jols, anuzament di jets privac, elicoters, ez.). La iniziativa contra i pagons di top managers (clameda aldò de si iniziadour “Minder”) se damana che l patron (azionist/sta) lasce lité pro la reunion generala sun duta la soma de dutes les indenités dl consei de aministraz ion, dla direzion y dla consulta. L impresar y om politich Thomas Minder, che ova metù de jì l referendum tla Nia plu colegs y amisc ne Svizra contra “l gran arobament” di managers. www.blick.ch dess definì la paga individuala, ma la reunion contegnù. L referendum dla Svizera top managament tles firmes generala liteia membri independenc à volù chest, i reporton l test de cuotedes tla Borsa sbrochés fora te n consei clamé “jonta di prejentazion di partis: dl normal: paghes milionares é paiamenc”. Ti ultims agn é les indenités dl deventedes n standard. N CEO Proibì végnel ence les indenités

de fin de raport de laour, i milions de start dl laour y les premies pro compres de dites y venudes de dites. I derc di azionisć vegn renforzés. Prevedù él ence straufs enfin reclujion a 3 agn y straufs de scioldi enfin 6 paiamenc anuai per chi che n e t i n n i a i te c h e s t a regolamentazion. Chesta iniziativa tol mé en consciderazion firmes svizeres cuotedes tla Borsa che opereia tla Svizera y foradecà. Dutes les autres sozietés de azions ne toma nia ite. L referendum popolar svizer “contra l arobamënt” à arjont n scì per l 67,99%, al é una dles dezijions plu cleres anter i referendums svizeri. Metù de jì chesta iniziativa che à descedé interes a livel internazional à Thomas Minder, n impresar mesan y deputat tla Ciamena di ciantons svizera, dant cinch agn. Sen àla podù arjonje n suzes che dantaldut la gran politica dla Svizera ne se ess nia speté. (ir)


Atualité

nr. 10 / 08 de merz 2013

Avenimenc storics per i Ladins dles Dolomites Aunejia i passa Souramont a Bulsan . 90 agn do la despartida da Bulsan

Dancà y da na pert Uedli y oredles daverc sun la sozieté ladina d’aldidancuei Biancarosa Florian da Pera, la ousc sexi de Radio Studio Record

A la inaudazion dl Istitut da Col ai 20 de fauré dl 2005 ova tout pert i presidenc dles trei provinzies Durnwalder, Dellai y Reolon, i assessours Mussner y Chiocchetti, na raprejentanza dla Generela y di Istituc Culturai Ladins, i ombolc da Souramont. Con sia prejenza à les autorités desmostré stima y respet per la cultura y l lingaz ladin.

Storia - Per i ladins de Fascia fòvel sté n aveniment storich can che Bepe Detomas de Fascia fova rové dant agn deputat ladin tl Parlament. La litazion de Daniel Alfreider da Calfosch a la fin de fauré dl 2013 a prum ladin dla provinzia de Bulsan tl Parlament a Roma é n aveniment storich per i ladins da Bulsan. N auter aveniment storich per i ladins é dessegur la dezijion che la region Venet, con a cef l sourastant Zaia dla Lega, à tout ai 25 de faurè 2013 ju Aunejia: Ampez, Col y Fodom pò passé a la provinzia de Bulsan. Finalmenter à Aunejia vedù ite l gran tort che ti fova vegnù fat ai ladins. Al fova dl 1923 che i fascisć ova partì su i ladins do si prinzip “Divide et impera” te trei provinzies. I trei comuns ladins da Souramont ova ben da do la vera encà plu de spes deliberé de volei rové endò pro Bulsan, ma Belun y Aunejia ova semper ignoré la volonté da Souramont. Dl 2005 fòvel vegnù mudé n articul dla Costituzion taliana che dova na maioura poscibelté da baraté region. Sun chesta à Souramont tegnù dl 2007 l referendum cun l resultat a gran maioranza da volei

se destaché da Belun y jì pro la provinzia da Bulsan.

L referendum sun meisa a Bulsan y a Trent La provizia da Bulsan, chela da Trent y la Region Trentin-Südtirol tolarà tost posizion sun cie che al é sauté fora dal referendum de Souramont dl 2007. Bulsan é dessegur per tò su Souramont, Durnwalder y d’autri gragn esponenc à pu dit plu outes che i trei comuns ladins da Souramont fossa benvedus a Bulsan. An spera che deguna ousc ladina ne rejone plu contra na maioura unité ladina, al é pu davignora sté l prum comandament dla SVP– Tegnì adum! Chest dij ence Daniel Alfreider, l neodeputat ladin. L prinzip de tegnì adum ne vel nia mé per i todesc, ma tanben ence per i ladins. Ala se trata de daidé salvé na popolazion che les à tegnides fora dutes per secui y à con volonté y coscienza semper tegnì viva la identité ladina.

Da Aunejia mé fregores Aunejia ti ova ben dé i agn 80

val’ rejons a Souramont y garantì n pue’ de ranesc (scioldi). Ma spo s’à tost 35 comuns belunac declaré ladins con l fin de ciaté ence de chi scioldi prevedus a Souramont per fé folclor. Aladò dla lege statala 482 dl 1999 ova la provinzia da Belun metù su dl 2003 l “Istitut Ladin de la Dolomites” a Borcia de Ciadoura. Ma ajache i trei comuns ladins da Souramont ne volova nia sté sot al Istitut di “neoladins”, à chisc trei comuns con les trei Unions di Ladins metù su dl 2004 l Istitut Cultural ladin con l scagn tla “Cesa de Jan” a Col de Santa Lùzia. L Istitut da Borcia vegn finanzié da la provinzia da Belun, depierpul che chel a Col mess sué sanch per petlé adum scioldi per garantì almanco n pue’ de ativité culturala. La dezijion definitiva sun Souramont i speta al Parlament da Roma y dailò saràla dura con la situazion politica da sen. Ma i on pu sen lajù na desena de parlamentars, ence n ladin a Roma che informarà l Parlament sun les goujes, sun cie rajons storiches che i trei comuns à per vegnì a fé pert dla provinzia da Bulsan. (Lois Trebo)

La Finanza chir 297 maresciai Trenta de chisc posć i é resservés a cheles y chi che à le patentin de bilinguism domanda, le 18eism ann de eté y nia despassé via l 26eism, o sie nascius tla spana de temp anter i 21 de merz 1987 y l 21 de merz 1995; - sie en posses dl piplom de scola de secont gre che consinte l’iscrizion ai cursc de laurea prevedus dal decret ministerial 16 de merz 2007; - ne avan nia l diplom souradit l di dla scadenza per la prejnetazion dla domanda, l dae ju anter l ann de scola 2012/2013.

Pro la finanza possa fé cariera eles y ei.

Laour - Sun la Gazzetta Ufficiale - IV Seria speciala nr. 14 di 16 de fauré 2013 - él gnu publiché la bandida de concurs por l’amiscion de 297 “allievi marescialli” al 85^ curs - Ann Academich 2013-2014

- dla Scola Ispetours y Souraintendenc dla Verda de Finanza. Al concurs possa tó pert i zitadins talians che: - ais complì, l di dla scadenza dl termen per la prejentazion dla

La domanda per tó pert vegn scrita fora mé tres la prozedura internet desponibla sun l sit www. gdf.gov.it - sezion “concorsi online” - dant 30 dis dal di de publicazion de chesta bandida sun la Gazzetta Ufficiale, dit en curt anter l di 21 de merz 2013. Sun l sit pòssen ence pié do informazions menudes y ajuntives sun i concursc. (ir)

Anché, ai 8 de marz, l’é la festa de la femena, èl n sens aldidanché festejèr chesta dì? “A mie veder l’é giust recordar le rejon de la festa e l pensier va a chele femene che del 1908 se à brujà te chela frabica, però saon che cheste feste dò le ciapa n auter troi e magari doventa na costion de scioldi. Fossa giust che chel fior che ge vegn dat anché a le femene, l ge vegne dat ogne dì e ogne moment per chel che le fasc per la familia, per la comunanza e per la politica.” Cotanta mimoses ciapeste de solit per la festa de la femena? “De solit trei...” Da cotenc egn laoreste a Radio Studio Record? “L’é béleche vint egn.” Da cotenc egn fèste l program “L’aperitif”? “Da n muie de egn. Chest program l’é nasciù per talian e col temp l’é mudà. Timpruma canche la jent chiamaa per far dediche ge domanae se i volea le far per fascian e ades l’é enveze la jent che domana coche se disc certe parole per fascian. Ades l vegn fat mez e mez, ma me sà bel coche l’é doventà. L’era n program nasciù per dar fora più informazion, ades l’é dut dediche.” Te la dì de la festa de la femenes vegnel fat più dediches a la femenes? “Ei, e me sà bel proprio percheche vegn fat dediche a femene che no é de nonzech.” De più dai omegn o da la femenes? “Le vegn fate da femene a femene, i omegn no i ge peissa più che tant e chest l’é burt... fosc i cognessa recognoscer mìngol de più che che fasc le femene, o no?” I disc che te ès la ousc più sexi de duta Fascia. Te dèjel d’empaz? “Na ve, percheche l’é biota envidia... (se grignon de gust!) Gio crese che a lurar co la radio sie de gran valuta aer na bela ousc proprio percheche no i ne veit; no peisse de aer la ousc più bela de duta la radio, n’é ence de autre bele ousc, ma me sente fortunada perché la me à portà fortuna te mie lurier e me sà bel ence canche valch outa i me tol per man per mia ousc...” Mudeste tia ousc canche te rejones a la radio? “Gio son de spontan coscita,

valch outa canche registre e magari no son te la giornada giusta, sente che la é desvaliva, enlouta me empegne a esser più doucia e bela grignolenta, ma mia ousc spieia mie carater n muie avert.” Perché pa l program de l’Aperitif èl chest gran suzess? “Fosc percheche l’é spontan e chest a la jent ge piasc.” Él programes radio più adaté per la femenes e autres più per i omegn? “Peisse che l program de le dediche l sie più adatà a na femena percheche l’à più sensibilità. Per chel che varda programes de informazion, peisse che no baste demò la ousc, ge vel ence profescionalità. Aboncont saon che le femene sot cerc aspec le é più pizochente e donca n program de cronaca resa l fossa segur più adatà per ele.” Vedesseste n program sportif fat da na femena? “Ben segur!” E n program de cojina fat da n om? “Perché pa no? L’é ence omegn te ciasa da fech.” Che raport èste co la coleghes sul lurier? “I disc che gio son la ousc doucia de la radio e mia colega Annelise la ousc grignolenta e donca co se fajel a no jir d’acort co na colega coscita? L’à semper la batuda pronta ma canche l’é da far dassen, se fasc dassen.” E coi coleghes omegn? “Sul lurier mie patron Franz l’é na persona n muie da fondament e canche l’à valch da dir l’à semper na bela maniera, gio crese che i ne envidia n patron de lurier coscita.” Lèrga a la femenes donca? “A mie veder ge volessa che se ge dae n muie più valuta a le femene, se ele l’é trei pilastres de la ciasa, amàncol doi de la sozietà le cognessa esser.” Èste n model de femena? “Me piasc chele femene da na uta, desche la “Mare del Pordoi”, l’era femene che à tegnù fora ogne sort de robe, noi aon abù dut più sorì.” Él n ruol o n mestier che a tie veder no l’é fat per la femenes? “Jir en vera, far l sudà, percheche me fasc paura dut chel che podessa ge sozeder.” (mci)

www.lauscdiladins.com

5


Atualité

nr. 10 / 08 de merz 2013

Na cordanza de l’Euroregion per la Termes Amisc del Museo Ladin de Fascia La Provinzies de Trent e Busan e l Land Tirol à sotescrit n protocol per l’azess a la termes co la prescrizion del dotor de familia. Laìte ence la “Terme Dolomia” de Poza

La cordanza anter Bernhard Tilg e i assessores Ugo Rossi e Richard Theiner.

Sanità - L’é stat sotescrit enstadì a Comano Terme dai assessores provinzièi Ugo Rossi, Richard Theiner e Bernhard Tilg n protocol anter la Provinzia de Trent, chela de Busan e l Land Tirol per la cooperazion e la valorisazion de la ressorses termèles te l’Euroregion. “Da semper la termes raprejenta no demò na ocajion de cura de la persona, ma ence de enconter e de promozion di teritories – à dit l’assessor Ugo Rossi – e l’é de chest vers che va l protocol sotescrit. Desche assessores a la sanità aon cherdù te chesta idea: l’Euroregion pel dalbon ne didèr a fèr crescer ensema nesc teritories e empienir de contegnui chesta cordanzes.” I obietives del protocol l’é chi de favorir la possibilità, da man di sentadins de l’Euroregion, de poder aer azess a duc i zentres termèi de la trei provinzies, acredité dal sistem sanitarie nazionèl, co la prescrizion del dotor de familia (aldò de la diretives de l’Union Europea 2011/24). N obietif ambizious ajache i trei sistemes sanitaries é desvalives ma se vel dassen ruèr a valorisèr e slarièr fora la ressorses termèles e curatives di teritories che fèsc pèrt de l’Euroregion Tirol-TrentinSüdtirol, metan al zenter de l’atenzion la sanità e l benesser

cures termèles; envièr via formes de colaborazion anter i stabilimenc per uzèr fora la spezifizità de la proprietèdes curatives de la èghes de ogne strutura. Amò apede vegnarà endrezà autra giornèdes de studie su l’argoment de la termes co la partezipazion di raprejentanc e responsàboi de la aziendes termèles. Segur n vèrech emportant tel setor de la sanità e de la cura de la persones che dèsc l met de poder aer azess a duc i zentres termèi zenza cogner se tor sù de gran speises. E amò più valuta l’à chesta cordanza ajache anter i zentres touc ite tel protocol l’é ence la “Terme Dolomia” de la familia Zulian da Poza, che podarà coscita slarièr fora e fèr cognoscer amò de più la carateristiches curatives de la èghes da solper. Apede a Comano Terme e Terme Dolomia, tel Trentin l’é ence cheles de Levico e Vetriolo, cheles de Pejo, la termes de Rabbi, de Roncegno e de la Val Rendena; tel Südtirol l’é cheles de Maran e tel Tirol cheles de Bad Umhausen e Bad Häring. Endèna l convegn l’é stat ence uzà fora l besegn de maor colaborazion tel setor de la formazion medica co l’università de Dìspruch ajache i problemes é per duc medemi e la pìcola realtèdes no pel più se permeter de restèr per sie cont. (mci)

psicofisich de la persones e chierir de fèr doventèr l setor termèl un de la perferides strategiches te l’oferta turistica e teritorièla. “Sion segures che se pel meter en rei noscia proponetes e colaborèr ence col teritorie austriach – à dit amò l’assessor Rossi – per fèr cognoscer la potenzialitèdes de la èghes de nesc raions.” Aldò de che che l’é stat fat fora col protocol anter la azions da meter en esser l’é: la realisazion de formes de colaborazion anter la aziendes termèles per slarièr fora la cognoscenza de la proprietèdes curatives de la èghes; la promozion tel setor de la prevenzion e de la riabilitazion; l’endrez de scomenzadives de formazion del p ersonal e de c a mp a g n e s d e sensibilisazion e de promozion de la cures termèles ensema a cheles de carater turistich; meter jù n projet complessif de comunicazion; l svilup de azion de infor maz ion ti confronc di dotores L’èga da solper de Terme Dolomia a Poza à per chel che vèrda la proprietà curatives recognosciudes.

Projec per la mobilità sostenìbola L’é l tìtol del convegn che Transdolomites met a jir anché a Trent per fèr cognoscer desvalives projec europeans che revèrda esperienzes del Nord de la Tèlia Mobilità sostenìbola - L Liber Bianch di Trasporc 2011 de la Comiscion Europeèna disc fora coche l’Union Europeèna depen da l’elech minerèl e da si derivac per scuerjer l 96%, donca la maor pèrt del debesegn energetich del setor di trasporc. Anché chest setor l’é responsàbol de n entesseament ambientèl mender respet al passà, ampò l smaorament di volumes trasporté fèsc a na vida che chest l reste una de la prumes caujes de entesseament acustich e atmosferich. Dal 2001 en ca, an de la publicazion del Liber Bianch, l’é stat fat sacotenc progresc de chest

6

www.lauscdiladins.com

vers ma l sistem di trasporc no l’é amò sostenìbol e a ge vardèr al davegnir, te 40 egn no se pel più pissèr che l se svilupee tel medemo solch de anchecondì. L’Union Europeèna e i Goerns cogn fèr fora na outa per dutes l panoram strategich per l davegnir. La endesfida l’é fermèr la dependenza di trasporc da l’elech minerèl zenza sacrifichèr l’efizienza e comprometer la mobilità. Anter i desvalives obietives l Liber Bianch tol fora chel del svilup de n marcià european integrà di trasporc su ferata. La sociazion Transdolomites, col Patrozinie de la Comiscion

Europeèna, porta dant l convegn “Projec europeans per la mobilità sostenìbola”, con chela de meter dant la cognoscenza di desvalives projec europeans de mobilità che revèrda la esperienzes de Piemont, Lombardia, Venet, Trentin Sudtirol. Trasport su ferata, energìes che se pel renovèr per l setor di trasporc, l turism e l’emportanza de la comunicazion tel setor di trasporc l’é i temes che vegnarà touc dant endèna chest convegn che vegn endrezà anché, en vender ai 8 de mèrz del 2013 a Trent, te la Sala Conferenzes de la Fondazion Cassa de Sparagn de Trent e Rorei, Via Calepina 1, da mesa les 3 domesdì.

L’istituzion culturala de Fascia vel binèr adum na rei de colaboradores leé da la medema pascion

Museo e Istitut Ladin i endreza desvaliva ativitèdes ence con l didament de volontadives.

Jà da canche l museo l’é stat avert, l’era stat pissà de meter en pe na rei de persones che laora, dessema a l’Istitut Cultural Ladin e al Museo, per sostegnir l lengaz e la cultura ladina, tras la promozion del patrimonie cultural e etnografich. L zil del projet chiamà “Amisc del Museo Ladin”, che ades a troà sia atuazion, l’era e l’é amò chel de portèr inant e sostegnir la creazion de na rei de colaboradores che, per pascion o per fon sentiment de partegnuda a la comunità de mendranza, i vel meter a la leta del museo sia cognoscenzes e competenzes, e sessaben ence dèr n sostegn, moral e/o economich, didan coscita a fèr doventèr più rich l patrimonie cultural che caraterisea la val de Fascia. Te chisc egn l grop de persones vejines al museo se à slarià fora, tolan ite desvaliva categorìes de sogec. A chisc l’Istitut Cultural ladin ge recognosc, tras na card personèla data fora a duc chi che se enscinua, na lingia de vantajes e privileges, desche l’entrèda debant te Museo con un de familia o n ghest, rebasc su la publicazions e i ogec venui te la boteiga de museo, agiornamenc periodics su la scomenzadives e i evenc metui a jir da l’ent, e auter amò. En particolèr se vel se oujer a chi che dona o à donà materièl etnografich o, fosc amò più preziousc de chisc tempes, a chi che à sport sia competenzes e sie temp luran “a urta”, per portèr inant la scomenzadives e i projec

L logo di Amisc del Museo.

de l’ICL e del Museo. I “Donatores e Volontadives”, chest l’é l’inom de chesta categorìa, i raprejenta defat i prumes interlocutores. De gra al contribut che i dèsc, volontadif e no paà, i fèsc doventèr più rich e prezious l patrimonie cultural ladin e de duta Fascia. Per i Donatores e Volontadives donca, ma ence per duc chi che é enteressé, l museo met a jir na pruma scontrèda, en mèrtesc ai 12 de mèrz da les 5 domesdì te sala “L. Heilmann” de Museo. N moment de confront che vel esser da stimol a jir inant co la medema gaissa e na ocajion per ge dir n develpai de cher a duc per l’empegn e l contribut sport. Recordon ence che anter la categorìes metudes a jir, l’é l grop di “Promotores”, resservà ai operatores del mond economich, turistich e no, che dalaìte de sia strutures i se dèsc jù per sostegnir, valorisèr e sparpagnèr l patrimonie cultural fascian ti confronc de si ghesć; anter i “Sostegnidores”, enveze, se troa chi che vel didèr a la realisazion de la ativitèdes e scomenzadives de l’Istitut e del Museo tras l’abonament anuèl a la revista “Mondo Ladino”. La categorìa “Scola”, tinùltima, resservèda ai dozenc e ai operatores didatics, la é stata metuda sù desche stimol a tor pèrt ativamenter a la enrescides e a la trasmiscion del lengaz e de la cultura ladina envers la neva generazions, de gra al lurier fondamentèl che fèsc la Scola de Fascia. A duta chesta categorìes l’ICL ge recognosc privileges particolères. Ve r e c o r d o n donca la scontrèda coi Donatores e Volontadives en mèrtesc ai 12 de mèrz da les 5 domesdì te Museo, averta ence a duc chi che à enteress a tor pèrt a na vida più ativa a la vita del Museo e de l’Istitut. Info: Museo Ladin de Fascia 0462.760182 museo@istladin.net


Université

nr. 10 / 08 de merz 2013

Enrescida sun l plurilinguism

Cotant de meja al Open Day

”Is there any cognitive and cerebral advantage for being bilingual?” o: Sciche l plurilinguism svilupeia les capazités cognitives y sciche al se forma l talent linguistich

Rodunt 1.200 porsones interessedes s’à enformé pa l di dla porta daverta sun i studes dla Université Ledia de Bulsan

Travert dla enrescida fova chel da ejaminé les faz ions neurocognitives pa mutons che cresc su con plù lingac. Con ejams cognitifs y tecniches dla ressonanza magnetica él doi agn alalongia vegnù ejaminé mutons de Südtirol. L projet de enrescida é vegnù a se l dé tla colaborazion anter la Université Ledia de Bulsan (Zenter de Competenza di Lingac) y la Université Vita-Salute San Raffaele da Milan.

Resultac 1. L resultat prinzipal vegn da la descurida de na densité plu auta de materia grija tl lobul parietal inferiur ciamp (Left Inferior Parietal Lobule): I òn podù mostré su che chest areal mess gnì metù en relazion con l plurilinguism. L svilup de chest areal dl ciorvel ti mutons coreleia te nosta enrescida con na competenza linguistica plu auta y con na chersciuda particolarmenter ampla de materia grija. I òn enscì giaté n ”post interatif dl talent plurilingual; y sot a chest titul él vegnù publiché chisc dis i resultać te na revista dret renomada: ”Cortex”. 2. N second resultat é vegnù a s’l dé tl confront con n auter stude con persones adultes plurilinguales: i mutons bilinguai che nos òn ejaminé ti somieia te sies ativazions dl ciorvel cotant deplu a persones adultes bilinguales co a persones monolinguales. Da chest pòn trà la conseguenza che bele i prums agn de vita passés te n ambient plurilingual é determinanc per la formazion y l svilup dles strutures neurocognitives dl davegnì.

Per aprofondiment: Co ònse pa agì? Per ejaminé la corelazion anter plurilinguism y i mecanisms de atenzion ònse adoré l Attentional Network Test (ANT). A la se trata de n test standardisé che tol ite i trei componenc prinzipai dl prozes

de atenzion: avertiment (alerting), orientament (orienting) y conflit (conflict). Per definì n criter ogetif per la determinazion dla competenza linguistica ti lingac desfarenc, àn tout ca la valutazion personala di mutons y les notes de scola. Chesta prozedura fova empruma vegnuda valideda tres n stude de comportament con 118 mutons dles valades ladines. Chest stude preliminar à desmostré che mutons con na competenza plurilinguala plu auta mostra temps de reazion sensibelmenter plu asvelc y desfira laprò l test con manco fai respet ai mutons con na competenza p l u rl i n g u a l a p l u b a s s a , independentementer p.ej. da na mesaria dles notes plu auta (y independentementer tla regrescion con vigni materia singola). A l stude longitudinal con fMRT (ressonanza magnetica funzionala) y VBM (Voxel-based morphometry, per mesuré la materia grija) à spo tout pert 16 mutons, chersciùs su te Südtirol y che fajova al moment dla pruma mesurazion la scola elementara. Les mesurazions é vegnudes fates tl ospedel Vita-Salute San Raffaele a Milan. Per definì l livel de competenza te vigni singul lingaz, él vegnù tout en conscidrazion - dlongia la valutazion personala di mutons y les notes de scola - ence d’autres variables, sciche l’eté y l’adoranza di lingac desvalifs tla vita da vigni di. Laprò él vegnù tegnì ejams de lingaz, per giaté na vijion detalieda y completa dles competenzes linguistiches ti lingac desvalifs. Al é l prum stude longitudinal de chesta sort; laprò ne ònse nia demé giaté i resultać da n confront con persones monolinguales, ma i òn podù ejaminé diretamenter les competenzes plurilinguales.

Co sonse pa rovedes ala formulazion de nosta domanda? Per la formulazion dla ipotesa de enrescida fova determinantes en

Sun la basa de chestes constatazions ònse araté che l’areal dl ciorvel parietal inferiur ciamp podessa avei na funzion determinanta per l efet de interazion anter plurilinguism y i vantaji neurocognitifs (tanco: na mioura esecuzion dles funzions de atenzion y control). Deache i òn ejamniné n grup de mutons de Südtirol, ònse podù confronté chisc resultac con i dac de n auter stude de Abutalebi et al. 2012 (2), olache al é vegnù confronté n grup de persones südtiroleises plurilinguales con n grup de control de persones monolinguales. Nost stude longitudinal, olache fMRT y VBM é vegnùs repetùs tla spana de za. doi agn, dà la poscibelté da osservé l svilup neurocognitif dl ciorvel di mutons y da conscidré cie fazion che l plurilinguism à tl temp. Sintesa de: prof. dr. Rita Franceschini dr. Gerda Videsott

Notes (1) Mechelli A, Crinion JT, Noppeney U, O’Doherty J, Ashburner J, Frackowiack RS, et al.: “Neurolinguistics: Structural plasticity in the bilingual brain”. In: Nature, 431: 757, 2004. (2) Abutalebi J, Della Rosa PA, Green DW, Hernandez M, Scifo P, Keim R, et al.: “Bilingualism tunes the anterior cingulate cortex for conflict monitoring”. In: Cerebral Cortex, 22(9): 2076-2086, 2012.

Studenc enteressés à tout l’ocajion da s’enformé sun la oferta de stude tla ULB.

L impuls de daurida dl Open Day dla ULB é vegnù da la lezion dl retour prof. Walter Lorenz sun ”La responsabelté dla Université dla sozieté da encuei”, ma l di dla porta daverta é ence sté sot l segn dles prospetives de laour. Assolvenc dla Université de Bulsan à enformé sun si ingres tla profescion. ”Dlongia l trilinguism y l orientament a la pratica, aspironse souraldut a la interdisciplinarité tl stude”, à enformé l retour prof. Lorenz te sia lezion de daurida. Y al é ence chesta interdisciplinarité y la odleda sun l mond dl laour che porta a na integrazion dret asvelta di assolvenc tl mond dl laour. Per merit de sia formazion é i assolvenc dret sodesfac con si laour, y l valour de sodesfazion pa i studenc universitars dla ULB é de 8 ponc sun na scala da 1 a 10 (1 pont deplù respet a la mesaria statala). Pa l Open Day él vegnù prejenté la oferta de stude dret ampla dles cinch facoltés de Scienzes Economiches, Informatica, Scienzes dla Formazion, Design y Erts, sciche ence Scienzes Naturales y Tecnica. Laprò él vegnù pité ejams de tlassament sun l lingaz, ajache l stude trilingual met dant ghiranzes d’entrada scialdi autes. Enscì à i

maturanc bele podù se enformé sun si bojegn de compensazion tl todesch, talian y ingleis. I interessés à podù se baraté con i studenc y enscì giaté enformazions y tips sun temesc sciche les domandes de stipendium y la vita da student tles zités de Bulsan, Persenon y Bornech. Sce l dantmesdì fova sot al segn di studi trienai de bachelor, él vegnù prejenté domesdì i studi master y les ofertes de formazion spezifica dla Université: poscibeltés concretes per conzepì l davegnì. L Open Day é jù a piz con na prejentazion dl Studium Generale, davert a duc i enteressés, che preveid lezionz ti ciamps de etica, iurisprudenza, scienzes naturales y ecologia, musiga y lingac. L diretour nuef dl Zenter de Storia Regionala Oswald Überegger à sclut ju l di con na lezion sun la storia regionala. (vic)

Studentes pa l Open Day.

Onoranza per Fabio Valentinuzzi Na onoranza da pert dla academia veroneisa de Scienzes Agrares, Scienzes y Scienzes Umanes L furlan Fabio Valentinuzzi fej si stude de dotorat tla Facolté de Scienzes Naturales y Tecnica: ”Chesta onoranza é per me n gran reconosciment per mi laour intensif de enrescida, ma ence na motivazion da jì enant sun l troi che i à metù man.” Te sia enrescida à l student volù giaté fora, sciche les plantes é bones da trà fora dal terac les sostanzes nudritives che ares adora. Sun chest s’àl spezialisé bele da temp, meten man con l laour de conclujion dl bachelor trienal, spo tratant si master, y sen tl stude trienal de dotorat. La onoranza dla Academia veroneisa, liada ence a n pest de scioldi, é vegnuda a se l dé per si laour de enrescida sun la lupina blancia.

En colaborazion con l'Université Ledia de Bulsan.

La prof. dr. Rita Franceschini.

particolar does constatazions: a) Densité plu auta dla materia grija tla cortex parietala inferiura ciampa de persones bilinguales: te n stude publiché dl 2004 tla revista ”Nature”, à Mechelli et al. (1) constaté tres la tecnica VBM na densité plu auta dla materia grija tla cortex parietala inferiura ciampa (Left Inferior Parietal Cortex LIPC): l resultat fova vegnù fora da n confront anter persones chersciudes su te n contest monolingual y bilingual. Laprò ài giaté fora che la densité de materia grija tl LIPC fova plu auta, sce les persones ova emparé l second lingaz dan l’eté de 5 agn, contrariamenter a les persones che ova emparé l second lingaz anter 10 y 15 agn. b) La capazité da rejoné te dui o plu lingac aumenteia les autres capazités cognitives, sciche p.ej. i mecanisms de atenzion y de control: Sce persones monolinguales despon de na soula parola per denominé na cossa spezifica, spo mess la persona bilinguala ence tó la dezijion te cie lingaz che al dess denominé chesta cossa. A livel lessical ne messela perchel nia demé denominé na cossa, ma ence tó na dezijion sun l lingaz adaté. Enscì eserziteia la persona bilinguala ence d’autres capazités cognitives, liades en particolar con l’atenzion, te chest caje souraldut con la capazité de control y de dezijion.

Fabio Valentinuzzi. www.lauscdiladins.com

7


Val Badia

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

nr. 10 / 08 de merz 2013

Contlujiun de na gran opera Le proiet de restrotoraziun dla Ćiasa de Palsa da San Martin pòn dì che é śëgn stlüt jö. Ala fin de forà àn orü ti surandè la ćiasa simbolicamënter a sü proprietars: i comuns dla Val Badia. Chësta é stada l’ocajiun por presentè zifres sön cosć y finanziamënć, mo inće i dać sön assistis, personal y sorvisc San Martin - Bele dl 2002 êl gnü metü man cun la proietaziun por restrotoré la Ćiasa de Palsa da San Martin. Doré âra spo fina dl 2009, che an â podü mëte man cun i laûrs, y chisc ê jüs inant fina de forà dl 2011. Ćiamò en chël ann de messè àn podü trasferì düć i sorvisc y l’aministraziun tl gran frabicat nü, y cun l’ann 2013 stlujaràn ia definitivamënter inće düć i laûrs che à da fà cun l’aredamënt. En jöbia ai 28 de forà à l’aministraziun dla Ćiasa de Palsa orü invié ite i comuns dla Val Badia, cun i ombolć, assessurs al sozial y secretêrs. Al dê ester na o c ajiun p or ti surandè simbolicamënter chësta gran strotöra, é pö i comuns do statut i proprietars. I comuns à inće finanzié para le proiet por na buna pert; chësta dê porchël inće ester na ocajiun por ćiarè zoruch, y fà n resocunt de döt ći che é gnü realisé, ći che é gnü investì y cô che döt é gnü finanzié.

Na strotöra che i dà da laûr a tröpes porsones I aministradus de comun é gnüs saludà da Giovanni Mischì, che à l’ann passè surantut la presidënza dla strotöra. La parora i é spo passada ala direturia dla Ćiasa Michaela Taibon: ëra à portè dant n valgönes zifres interessantes sön assistis, personal y sorvisc (dać dla fin 2012). Te Ćiasa de Palsa gnôl ala fin dl ann passè ospité indöt 73 berbesc y mëdes, partis sö insciö do comuns: 8 dl comun de Badia, 3 dl comun de Corvara, 8 dl comun da La Val, 5 dl comun de Mareo, 38 dl comun da San Martin y 11 de comuns da foradecà. Le numer dl comun da San Martin é plü alt deache tröc berbesc de d’atri comuns tol chilò la residënza. Da alzè fora n’él nia ma l’importanza soziala dla ćiasa de palsa, mo inće süa relevanza sciöche fontana de posć de laûr.

8

www.lauscdiladins.com

Tët en afit Le Comun de Mareo afita ia a privać na pert dl tët dla scora elementara d’Al Plan por la realisaziun de n implant fotovoltaich. Te vint’agn saràl so

La Ćiasa de Palsa da San Martin.

Al basta ponsè che tla ćiasa ciafa da laûr bëgn 87 porsones, che é por la gran pert dla Val Badia. Le numer de colaboradësses é tan alt deache bun dui terzi dl personal é a tëmp parzial, ći che pormët de un n vers da avëi personal dl post, y ti pormët ales colaboradësses inće flessibilité tl liam danter familia y laûr. Al personal s’injunta ćiamò 29 volontares y volontars, sciöche inće 15 praticantes. Tla ćiasa él indöt 89 posć a desposiziun: 78 posć por la cura a tëmp indeterminé, 3 posć por la cura a tëmp cört, 3 por la cura ia por le dé, 8 por la cura de porsones amarades de demënza. Al vëgn inće pité 5 cuatiers por porsones vedles, le sorvisc dles marënes sön rodes, 10 posć por le personal, 1 cuatier por le verdaćiasa y n ambulatore por le dotur de basa.

Da dì él che i recursc fać cuntra la ćiasa de palsa à costè deplü co ma les zifres di avocać. L’aministraziun à albü da paié 99.000,00€ ala dita che fajô i laûrs (ATI ZH), che â podü mëte man pormò plü tert y ê gnüda tignida sö. Laprò s’injuntel le tëmp implü che an à messü stè tla sënta alternativa tl hotel Diamant, olache an paiâ a vigni moda 18.000,00€ al mëis, y i.i. Döt adöm ti à i recursc costè al’aministraziun chi 260 mile euro. Co é pa la Ćiasa gnüda finanziada? La maiù sona é gnüda dala Provinzia cun 7,97 miliuns de euro y dai comuns dla Val Badia cun 5,5 miliuns. I comuns à laprò surantut 650 mile euro por la proietaziun, dal comun da San Martin él gnü 100 mile euro por la strada da Lovara y 25 mile euro por la capela.

Relaziun sön cosć y investimënć

Trëi miliuns de aredamënt

Inant éra jüda cun la relaziun dl presidënt y dl vizepresidënt da denant Giovanni Pescoller y Angel Miribung, che à portè dant dać y zifres menüs sön la restrotoraziun instëssa. I comuns à n iade atira ciafè na buna noela: che al ne dess plü gnì degügn a tlocorè por damanè do scioldi implü. La strotöra é finanziada y doprò pòn dì che an é stà bugn da stè ite valgamia avisa ti cosć preodüs. Por la restrotoraziun êl n preventif de 13,97 miliuns de euro. I cosć efetifs é stà de 14.260.000,00€. Chësc tignon cunt che al é stè deplü mudaziuns: al é gnü frabiché incër 1.000 m3 laprò, l’IVA é chersciüda dal 20 al 21% y inće le contribut Cnaipa é passè dal 2 al 4%. Pescoller y Miribung à insciö presentè daimproìa i capitui desvalis: la proietaziun à albü n cost de 614.000,00€, por le frabiché él gnü spenü 11,87 miliuns de euro, por spëises tecniches 1,13 miliuns. Laprò él gnü laûrs desvalis por 129 mile euro, la sistemaziun esterna por 349 mile euro, la strada da Lovara por 116 mile euro y spëises por avocać de 47.000,00€.

N ater capitul é chël dl aredamënt, olache al é gnü a s’l dè cosć efetifs de 3,02 miliuns de euro. Inće chilò à la Provinzia daidé cun n contribut de 1,85 miliuns, i comuns cun 950 mile euro. L’aministraziun dla Ćiasa de Palsa à metü 200 mile euro, dala Regiun Trentin Südtirol n’él gnü 40 mile y chi 59 mile é gnüs da sponsors. Da cumpedè adöm sàltel fora n plus de feter 80 mile euro respet ala soma spenüda, mo da dì él che chësc s’avaliëia fora cun les somes che l’aministraziun â paié danfora por laûrs desvalis che â messü gnì fać. Sides dal presidënt dla Ćiasa de Palsa Giovanni Mischì che inće dai comuns él gnü aprijamënt por chësc proiet portè a bun fin. N resocunt sön i cosć albüs por le trasferimënt tla sënta alternativa dl hotel Diamant n’é te chësta ocajiun nia gnüs presentà. Inće ilò él stè da curì spëises por arjigné le hotel ai debojëgns, por l’afit, por i trasferimënć y ala fin indô por le dorterè. Comuns s’à damanè na lista de chëstes spëises, che gnarà menada do plü inant. (pablo)

Le frabicat dla scora elementara d’Al Plan.

Al Plan - Chësta sort de contrać n’é nia nüs tla provinzia de Balsan, tla Val Badia indere podéssel ester le pröm. La Junta dl Comun de Mareo à fat fora da ti afité ia a döes dites privates dl post döt adöm chi 290 m2 de spersa dl tët dla scora elementara d’Al Plan. Les dites ciafa insciö la poscibilité da realisé lassura a sües spëises dui implanć fotovoltaics da 20 kw l’un, che dess rové sön na produziun de 50.000 kWh al ann. I panei fotovoltaics sarà sentà ite tl tët y arà la funziun da plates da tët. Por podëi realisé chisc implanć, stàl scrit tles deliberes de Junta (nr. 69 y 70 dl 2013) che les dites ti paiarà al Comun döt adöm n fit de 2.800,00€ al ann (plü cutes). La cuantité de energia prodüta dai implanć jarà tla rëi eletrica, y i privać podarà s’anuzè di vantaji che chësta forma de energia comporta. Atra tlausola dla convenziun é che döt l’implant fotovoltaich passarà te 20 agn automaticamënter tla proprieté dl Comun. De 20 agn é inće la dorada dla inzentivaziun. Do na publicaziun dada fora dal foliet ”Il Sole 24 ore” à n implant fotovoltaich na dorada de chi 25-30 agn; chësc oress dì che le Comun podarà l’anuzè inant por chi 5-10 agn. L’efiziënza de n te’ implant va sambëgn zoruch cun le passè di agn. Por ći che reverda la desgorta di modui fotovoltaics, n bel dé canche ai sarà da sciuré, istalarà les dites modui tuć da n produtur scrit ite

a n consorz europeich de desfratada di modui, ći che dess ester na garanzia por che le Comun pois i desgorje debann. N ater punt é sce le Comun messass fà laûrs pro la scora. Te comun nes vëgnel dit che les dites s’impegnëia te chësc cajo da tó jö debann l’implant por lascè fà i laûrs y le mëte indô sö canche i laûrs é rovà. La conzesciun da frabiché por la realisaziun di implanć à le Comun bele dè fora ala fin de forà y i laûrs dess gnì realisà śëgn de merz, deache anter la fin de merz mëss l’implant ester en funziun: chësc é le termo por che les dites röies ćiamò tl benefiz dles inzentivaziuns. (pablo)


Val Badia

nr. 10 / 08 de merz 2013

Le sît de Debora é online

Respet por i paurs ala munt

Rodunt por i campionać dl monn de schi nordic tla Val de Flëm é jü online le sît personal de Debora Agreiter

Le ”Pest di paurs ala munt 2013” é en chësc ann inće rové te Mareo, sön le Lü da Taibun a Frena/La Pli

La Ila - ”Chilò ciafëise döt de me y de mies ativitês y gares. Orëise imparè da me conësce damì, odëi mi ultims resultać o me contatè? Gnìdeme do söl web!”. Cun chëstes parores salüda la campionëssa de paslunch Debora Agreiter düć sü fans, sön le sît nü che é jü online da püć dis. Le sît é por inglesc, talian y todësch: i apascionà de paslunch y fans dl’atleta da La Ila po ciafè informaziuns de pröma man sön gares, resultać y d’atres curiositês. Tröpa lerch ciafa le ”Social Wall”, cun i social networks Facebook, Twitter y Instagram; chisc ti scinca al sît tröpa interativité. Chi che oress cuchè ite, po jì sön www. deboraagreiter.com por savëi deplü. (pablo)

La Pli - Le laûr che i paurs ala munt fej dé por dé é gonot n laûr sfadius, lié a n gröm de bries y por fortüna inće a na gran pasciun trasmetüda inant da generaziun a generaziun. En gaujiun dla reuniun generala dla Lia di Paurs de Südtirol él porchël deventè tradiziun da onorè vigni ann n valgönes families da paur, en rapresentanza di passa 6.000 paurs ala munt de nosta provinzia. N pest metü a desposiziun dala Lia di Paurs y dales Casses Raiffeisen de Südtirol; al dess ester n sëgn de respet y de aprijamënt por le laûr de valüta che i paurs fej por le mantignimënt dla tradiziun da paur, tanbëgn inće de nostes beles contrades, che chërda alerch ann por ann milesc de sciori.

él al momënt 10 armënć: 7 vaćes da muje y trëi manses. Le lüch mostra sö bëgn 99 punć d’agravamënt. Laprò alda chi 4 hectars de prè, partis sö te bëgn 16 parzeles, ći che n’alisirëia nia le laûr d’isté. Dlungia chisc vëgnel ćiamò apresciapüch 6 hectars tuć adenfit. Certes rödenes é da restelè porì a man, dij Silvester, porchël ôl ester suradöt brac che dëida. Y por fortüna él la familia cun i mituns Simon, Christian y Andreas dagnora a desposiziun da daidé cun man sterscia. Silvester dij che cun l’aiüt dles mascînns é le laûr da paur gnü aldédaincö n pü’ manco sfadius. Ći che pësa é suradöt la burocrazia - i papiers che vëgn tres deplü.

Pest por la familia Ellecosta

Ativitês tla vita soziala dl paîsc

Dan chinesc dé éra indô stada tan inant. A Balsan él pro la reuniun anuala di paurs gnü premié trëi families da paur, danter chëstes inće la familia de Silvester y Angelica Ellecosta da Taibun da Frena/La Pli. Le lü da Taibun é sentè ite a 1.550 metri sura le livel dl mer. Silvester l’à surantut da so pere l’ann 1988, mo bele denant daidâl intres para y ê chël che â da stè a ćiasa canche al ê da fà i laûrs - nes dìjel. Te stala

N gran contribut da la familia Ellecosta inće tles uniuns y lies dl paîsc. Silvester é comandant di Scizeri d’La Pli y é pro le consëi dl’assiguraziun di tiers. Stè él inće tl consëi dla interessënza dla Munt de Fojedöra, y pro le consëi dla Vijinanza La Pli Dessora. Dan 40 agn êl pro i fondadus dla Jonëza da Paur. I trëi mituns é düć pro la musiga dl paîsc, Christian é laprò inće dirighënt dl Cor de Dlijia. (pablo)

Debora Agreiter da La Ila à śëgn so sît personal.

Portè bun i 90 agn Dandaìa aratâ mituns y jogn na porsona sura i 60 agn bele pro i vedli; incö röia tröc ai 80 y dessura, che fej fora n bel numer. Val’ un o öna röia ćinamai ai 100 agn. Rové valgamia sagns a 90 é sigü na gran fortüna, mo nia a düć ne ti gareta chësc

Le nene Fortunato cun i mituns de so möt Klaus.

Porsones - Un che à arjunt i 90 agn é le dir. Fortunato Pescolderung dl Soz a La Ila. Al ê nasciü en Sant Ujöp dl 1923. Al vëgn fora de na familia de 17 mituns. So pere Sepl ê tisler a Peslalz te Badia; al s’â spo fat sö a Funtanacia n pü’ de ostaria che é chersciüda defüga; le möt Hermann à fat dinfora le hotel Dolomites.

Fortunato dl Soz à fat la scora fascista a La Ila, spo él rové tl Vinzentinum. Cun i mituns di optanć él rové dl 1940 fora Rufach ti Paîsc Todësc a scora y dailò àl dl 1943 fat la matura. De messè dl 1943 à Fortunato messü jì sot pro i ”Gebirgsjäger” y é rové tla Francia, spo a Bologna. Canche i nazi â messü se dè sot, ê Fortunato

Pescolderung gnü pié dai americans y é rové a Pisa. Ala fin de setëmber dl 1946 à Fortunato podü saludé i sü a ćiasa. Al s’à spo scrit ite tla université da Desproch por studié Matematica y Fisica. Dl 1951 àl podü mëte man da tigni scora a Bornech, spo él tosc rové ia Urtijëi a insigné sües materies tl ITC. Diretur ê le dr. Salvester Erlacher - Festl de Plaza da La Pli - che â inće bele metü sö la scora mesana a Urtijëi. Le prof. Pescolderung à dl 1972 metü sö a La Ila la scora alta IPC y dal 1974 al 1989 él stè diretur de chësta scora. Bëgn 39 agn ti àl dediché ala scora cun gran pasciun y savëi. Chësc desmostra i diploms che al à ciafé dales autoritês dla scora. L’ann 1962 à Fortunato dl Soz maridé Annamaria Posch da Calfosch. Süa möta Karin insëgna tla scora mesana y Klaus é un di comandanć dla polizia a Balsan. Al dir. Fortunato Pescolderung döt le bun por sü 90 agn che al cumplësc ai 19 de merz: che al ais inant la sanité y pois se gode ćiamò tröc agn la familia.

Tla pröma ligna la familia Ellecosta da La Pli, che à podü pié do le pest: dmc Silvester Ellecosta, la fomena Angelica, la uma Oliva y i trëi mituns Andreas, Simon y Christian. Iadedô dmc él Viktor Peintner - surastant dla Lia di Paurs de Puster, le diretur general dla Federaziun Raiffeisen Paul Gasser, le presidënt dla Lia di Paurs Leo Tiefenthaler y le presidënt dla Provinzia de Südtirol Luis Durnwalder.

INPS y CUD Informaziun por ponsionà y d’atri: l’INPS ne mëna nia plö le Mod. CUD por posta! Sozial - Sciöche scrit dant dala lege ”Salvaitalia” ne mëna l’INPS, l’ex-INPDAP y i atri istituć previdenziai da chësc ann inant nia plü fora i mod. CUD por posta, sciöche i agn passà. Chësc documënt important vëgn ma plü metü a desposiziun te internet, da olache al po gnì stampè fora. Porchël mëss düć chi che à ciafè paié fora valch l’ann denant dal INPS, exINPDAP o da d’atri istituć previdenziai por ponsiuns, indenité de dejocupaizun,

maternité o maratia, se cruzié de se stampè fora chësc documënt important da internet. Por fà chësc mëss l’interessè denant se lascè gnì, tres por internet, n codesc PIN, por podëi avëi l’azes a sü dać. Por chi che n’à nia n computer cun internet o che se stënta cun chësta prozedöra plütosc complicada, él inće d’atres poscibilitês: - a) Jì tl ofize dl INPS (a Bornech) o da n CAF a se lascè stampè fora le documënt.

- b) Jì ti ofizi dl K.V.W. a Piculin tl raiun sozial (vigni mertesc dales 08.30 ales 12.30) o a Badia te ćiasa de Comun (vigni lönesc dales 9.00 ales 11.00), che à inće l’azes al sît internet dl INPS y po fà chësta prozedöra. Da se tó para el: 1) la tessera sanitara (de plastica corù bröm); 2) la cherta de identité; 3) (sce al é poscibil la pröma pert dl codesc PIN menada i ultimi agn dal INPS, adöm cun le mod. CUD) K.V.W. Badia

www.lauscdiladins.com

9


Val Badia

nr. 10 / 08 de merz 2013

“I n’à mai sontì le pëis dal laûr!” Davide Willeit, conesciü tla Val Badia desco “le dotur Davide da Ćianoré”, é jü en ponsiun y nes cunta sön söa vita da dotur y aministradù tl Spitol da Bornech y tl comprensore sanitar de Puster

Davide Willeit te so ufize tl Spitol da Bornech.

Davide Willeit y so compagns dl'assistënza sanitara Maratona dles Dolomites.

Davide Willeit pla gara de Copa dl Monn a La Ila, cun le campiun Ted Ligety y doturs de scuadres nazionales.

Porsones - Davide Willeit, nasciü dl 1947 a Bornech, é chersciü sö a Ćianoré a La Pli de Mareo. Al é jü a scora a La Pli, de chësc tëmp cùntel “i à albü de bogn maestri”. Do la scora a La Pli él jü a studié a Porsenù tl Vinzentinum, por sis agn dala mesana al ginase, spo él jü inant ćina ala matura tl lizeum statal de Balsan “Walther von der Vogelweide”. Sce al ćiara derevers a chisc agn, spo cùntel dla “gran ligrëza cun le ćiantè ch’i à te mia vita, tl Cor dl Vinzentinum sot le professur Knapp y tl Cor dl dom da Balsan sot ala bacheta dl professur Paulmichl, tl Cor de dlijia dla Clinica da Desproch, y dedô pal Cor di Ladins Dlafora sot la direziun de Iarone Chizzali y sambëgn inće cun le ćiantè tles compagnies.” Dedô él jü spo a studié inant medejina al’Université da Desproch. Tratan chisc stüdi jôl a laurè te na “Ärztliche Landpraxis” tla Svizera, “por me fà esperiënza y me daidé finanzié mi stüdi” - dîjel. A Desproch àl spo laurè tla clinica de “anestesia y medejina intensiva” dla Clinica Universitara. Tl medemo tëmp frecuentâl la spezialisaziun al’Université da Verona.

le dotur Davide Willeit dontâ “diretur medich dal Spitol da Bornech cun la funziun de coordinadù sanitar comprensorial”, laûr che al à desfiré ćina ai 31 de dezëmber dl 2012, canche al jô en ponsiun.

i sun stè bun da medié y varì na porsona. Nia ma chë porsona ne metô man na vita nöia, mo döt so cërtl familiar. Chisc momënć te dà na gran sodesfaziun y inće forza.”

La cariera a Bornech

Le ćiamp dla donaziun y transplantaziun di organns

Da dotur cun plü agn de esperiënza röia Davide Willeit dl 1981 a Bornech tla repartiziun de anestesia y medejina intensiva, chilò mëtel man söa cariera profescionala locala che le porta a deventè capodotur cun funziuns desferëntes tla repartiziun instëssa y inće fora por döt le spitol. Te chësta spana te tëmp toma spo inće ite l’esperiënza che al à podü fà desco primar pro tempore - do che le dotur Giuseppe Cento ê jü en ponsiun.

Dal repart al’aministraziun Cun le 1. de setëmber 2001 é le dotur Davide Willeit gnü diretur sanitar tl’Aziënda Sanitara da Bornech. Te chësta funziun, organisativa y inće cotan burocratica, àl vit para döt le renovamënt y la reforma dl sistem sanitar nazional y provinzial; te Südtirol él gnü cherié dl 2007 na Unité Sanitara sora, ći che à inće portè a deplü funziuns nöies y incuadramënć nüs tl’aministraziun,

10

www.lauscdiladins.com

Davide Willeit inće “dotur sportif” Le dotur Davide da Ćianoré desche chi de Mareo i dij - ćiara ion derevers ai agn tl spitol da Bornech y inće a söes “misciuns” da dotur y spezialist por consulënzes y comisciuns fora dl spitol da Bornech y dl raiun da Bornech. N so sorvisc che al anunziëia ion é chël da “dotur sportif ”, diplom “Sportmedizin”, titul arjunt y assegné dla “Österreichische Ärztekammer”. Willeit à acompagné tröpes gares internazionales de schi alpin te nüsc raiuns, dantadöt les tröpes gares de Copa dl Monn y dla FIS a La Ila; por vintecin’ agn àl coordiné adöm cun la Crusc Blanćia dl’Alta Badia l’assistënza sanitara pro la Maratona dles Dolomites. Al à inće fat pert dla assistënza sanitara de tapes dl Giro d’Italia.

Willeit à dediché tröp tëmp a chësc ćiamp d’ativité por le bëgn de porsones tocades da maraties che colpia y metô fora funziun organns, desco regnun, cör, fié, fià blanć y i baroć - dantadöt cun la buna colauraziun cun le zënter de transplantaziun dla clinica universitara da Desproch y cun le coordinadù provinzial.

Danter Bornech y Desproch Davide Willeit vir dlafora danter Bornech y Desproch. Al à cun söa fomena Monika dui mituns, Julia Caterina (30 agn) che é instëssa doturia y laora fora tla Germania, y Marc Fabian, 26 agn, che laora a Vìena tl setur dl comerz; al é inće nene de pice Cornelius Maximilian. Dagnora indô ion vëgnel tla Val Badia y a La Pli de Mareo, deache chilò n’él nia ma chersciü sö, mo al é inće gnü ausé da pice insö al püch y da tignì fora chës ones manco

plajores che vita y mestier te porta dlungia ai dis de sorëdl.

Intervista a Davide Willeit La Usc: Davide, śëgn sëise da presciapüch dui mëisc incà en ponsiun, tan se cruziëise pa ćiamò dl spitol da Bornech y döt so funzionamënt? Davide Willeit: “Cun jì en ponsiun ài orü dè jö döt, inće mia partezipaziun a comisciuns desfarëntes y grups de consulënza. I à dè jö mia ativité, mo le lian cun le Spitol y i amarà romagn inant do 32 agn de ativité tl Spitol da Bornech.” É pa chësc miù insciö, o ne podesste nia ester d’öga inant sciöche espert? “Al é miù insciö. La situaziun al dedaincö é mudada dassën. Tröp é mudé cun chëstes reformes, de sparagnamënt y müda de chësc y de chël. I viun na situaziun plütosc critica, inće por ći che reverda la sanité.” La profesciun da dotur é öna de chëres che va sura le tëmp de laûr y la nomaziun por chësc y chël repart fora, o? “La profesciun da dotur é dër n bel mestier, co m’à dagnora fat plajëi y al é interessant. Al zënter él la porsona, cun sü problems, söes maraties y les crusc. Da me infora mëss n dotur indere avëi inće n cör y le tëmp, nia ma savëi da fà bun tecnicamënter so laûr. Da dì él inće che n dotur po fà dötes les ativitês tla sanité, sambëgn dagnora sot söa responsabilité. Ester dotur é n ćiamp variënt y complès, y inće zite.” Ći s’à pa osta cariera dè - śëgn che i ćiarëis derevers? “Mia cariera m’à dè n gröm de bi momënć. I sun inće dër contënt che i à podü studié y fà le dotur. I à podü imparè da conësce n gröm de jënt da chilò y inće da foradecà, y odëi inće ći desfarënzies de cultura y de mentalité che al é chilò y ilò. La conoscënza dla porsona y dla mentalité, sides pro i colaboradus co pro i paziënć y tliënć, à dagnora cuntè dër tröp te mi laûrs.” Cai é pa stà i plü bi momënć de osta cariera? “Vigni iade che i à podü odëi che

Dlungia ai bi momënć saral inće stè chi burć? “Sambëgn, y chisc é dagnora stà chi, canche ara ne jô plü da daidé les porsones. Baiun di caji de desgrazia sön strada, de jënt jona, desgrazies sot loìnes y amarà cun de ries maraties.” Ći ponsâse, o sintîse pa, te chisc momënć? “I baii dantadöt desco dotur dla reanimaziun y dla medejina intensiva. An sint dantadöt le pëis dla porsona instëssa y inće de sü familiars. Al é döt un: al é la porsona che mör tla desgrazia y inće chi che à messü la lascè jì. Les parores po daidé tröp, consolè y ester dlungia ai familiars.” N dotur adora porchël inće cör dlungia ala profescionalité? “Poa, al é momënć olache an mëss avëi inće n cör por döt cant, p or döt a la situa z iun. Profescionalmënter mësson ćiarè da fà ći che se lascia fà, instësc y inće tolon consëi da d’atri, inće te d’atri spitoi, cun zëntri plü spezialisà por la cura de varies patologies.” Tan de forza, coraje y vaiga ôl pa ester te cer’ momënć da dotur, canche an mëss savëi ći che va debujëgn por daidé y varì la porsona? “An ne po nia stè a bazilé, che te tröpes situaziuns ô le tëmp dì döt.” Ëise os desco dotur dagnora tut instës la dezijiun te momënć olache ara nen jô de vita o mort? “Por gran pert di caji él dezijiuns interdisciplinares, danter i doturs desfarënć di reparć. An mëss ruvé a na dezijiun da fà chësc o chël. Iö m’à personalmënter dagnora fat saurì cun conësce tröpa jënt, d’atri spezialisć, söl post y foradecà. Chësc dà inće tröpa crëta tl laûr, deache la crëta vëgn dai atri doturs instësc y dai atri spitoi. Spo vàra inće plü saurì da tó scialdi atira na dezijiun por condü l’amarè o le gravemënter ferì te n ater spitol, por ejëmpl a Desproch, o te d’atres cliniches spezalisades por situaziuns y

condiziuns particolares.” Tan de forza y energia adora pa pordërt n dotur, le laûr n’é nia fat por vignun? “Al é vëi che n dotur mëss ester bun da tignì fora pëisc y responsabilitês. Iö po dì che i n’à mai albü problems de chësc vers, gnanca por la desponbilité che nes gnô damanada. I n’à mai albü dificolté da loè inće plü iadi de nöt, da jì a laurè les finsdlédema, y insciö inant. I mëssi inće dì che i sun stè dagnora motivé da fà mi laûr da dotur, deache i fajô mi laûr cun pasciun.” Os sëis stè i ultimi agn n dotur che aministrâ, n coordinadù medich, ći fej pa pordërt n diretur medich y coordinadù sanitar? “Le ćiamp de laûr é dër complès, vigni ativité à da nen fà cun tröc argomënć, dales condiziuns di locai ala ingiena, dal’organisaziun ti reparć, dala colaborziun anter i doturs y i reparć desfarënć, la sanité teritoriala y comprensoriala y la colauraziun cun la zentrala dl’Aziënda Sanitara a Balsan y les autoritês.” Tan dotur mëss pa ester n coordinadù medich? “Inće sce i ê gnü cherdè tl’aministraziun sunsi romagnü dotur, i me porvâ da ćiarè dla porsona, ći che al i falâ, ći che ara adorâ, y insciö inant. An à dagnora da fà cun les porsones, al zënter àl da ester les porsones.” Os sëis stè un di protagonisć dles gran reformes sanitares, metüdes da jì a livel provinzial y inće nazional. Podëise nes cuntè de val’ arjunta? “I ùn metü da jì danü n gröm de cosses te chisc ultimi diesc agn él stà tröc mudamënć. Chësc à da nen fà dantadöt cun le plann sanitar provinzial, che regolëia y fej da cornisc por le sorvisc sanitar provinzial. Ma por dì n ejëmpl: al é gnü cherié tl spitol da Bornech trëi departimënć, chël ô dì che i reparć é gnüs lià adöm por laurè miù deboriada y inće se daidé fora. Sce al é śëgn d’invern tröc che se fej mè da jì cun i schi, mëss gnì ricoverà y al é massa püć leć tl repart de ortopedia, spo po le paziënt ciafè lerch p.ej. tla chirurgia o inće


Val Badia

nr. 10 / 08 de merz 2013

ginecologia. Tl plann sanitar provinzial él inće preodü na maiù cooperaziun danter i reparć, i spitoi y l’area teritoriala.” Le comprensore sanitar de Puster cun i spitoi de Sanćiana y Bornech é inće valgamia complès, cun dui - do rata - de pici spitoi, mo cun tröpes prestaziuns? “Le teritore é ampl y nos ùn 78.000 abitanć. Mo sce i tolun ca 24.000 turisć spo messunse dì che i sorvisc mëss gnì garantis por incër 100.000 porsones. Iö m’à dagnora dè da fà che inće la gran cuantité di foresć vëgnes tuta en conscideraziun por nosc comprensore sanitar; i ultimi agn àn dagnora messü sparagné y razionalisé i sorvisc y ultimamënter inće i leć di spitoi.” I ultimi agn él stè Roma che s’à damanè reformes dantadöt por sparagné? Vara da garantì inant n sorvisc sanitar de cualité inće cun manco leć? “I leć mëss gnì smendris. Chësc mëss gnì fat, deache śëgn mëssel gnì sparagné. Ara é inće insciö che vigni regiun à n tant de scioldi por la sanité y i spitoi y che le Stat po regolé a na certa manira sü finanziamënć por la sanité. Düć mëss daidé sparagné, mo cun garantì inant la cualité.” Os ëis inće metü sö mudaziuns y sorvisc che d’atres regiuns y comprensori n’à nia? “Ara é insciö tla Talia che le paziënt à döt le dërt da jì te chësc o chël spitol, ma che nia dötes les aziëndes sanitares ne reconësc dötes les prestaziuns che d’atri spitoi pîta, y porchël ne surantôleres spo nia i cosć de dötes les prestaziuns dades. Chël po comportè n gran problem economich por le spitol che â ofrì le laûr sanitar.” Laprò alda inće les sojornanzes te spitol. Co é pa chëstes al momënt regolades a Bornech? “I ùn partì ite chisc ultimi agn les prestaziuns te cater grups: a) ricover ordinar o stazionar, b) dayhospital y day-surgery, c) le ricover por osservaziun, d) prestaziuns y intervënć che vëgn fać tla forma ambulatoriala.” Ć’é pa le sorvisc inovatif de day-hospital y day-surgery? “Day-hospital é la sojornanza de n dé de n paziënt che fej por ejëmpl terapies infujionales, cures reabilitatives, ez.. Le day-surgery é le cajo che le paziënt vëgn da doman por na operaziun o n pice intervënt

y va spo ia por le dé a ćiasa. Chilò se tràtera de tratamënć che ne se iera nia n ricover ordinar.” Os dijëis inće che la teoria é döt val’ d’ater co la pratica te n spitol. “Le dotur mëss dagnora ćiarè da abiné adöm te so laûr la teoria cun la pratica, por le bëgn dla sanité dl amarè. Te nosc laûr poste dè fora dać, mo la realté é gonot cotan atramënter. Ma cun dać ne garantiunse nos degöna ativité, por la sanité. Mo sambëgn ôl ester la burocrazia y aministraziun che sarà intrês deplü.” Ess pa nosc sistem sanitar debujëgn da gnì renovè, tan atual él pa, a confrunt internazional? “Nos ùn tla Talia n sistem che se desfarenziëia p.ej. dal sistem ti Paîsc Todësc. Ti paîsc dla Europa Zentrala é le sorvisc dla sanité manco conzentré söl spitol, dantadöt por ći che reverda le pröm aiüt ti spitoi (“pronto soccorso”). I doturs de basa é scialdi plü atrezà tecnicamënter por afrontè y curé i paziënć söl post, por situaziuns che ne se damana nia nezessariamënter le tru te spitol. Te tröc de chisc paîsc él inće tl’area teritoriala, fora de spitol, doturs spezialisà convenzionà cun le sistem sanitar y cun les diversces casses de maratia. Les prestaziuns fates dal dotur vëgn finanziades do n tarifar stabilì, n sistem che se desfarenziëia dal sorvisc sanitar nazional talian, olache l’ativité dl dotur de basa vëgn finanziada dal sorvisc sanitar cun la cuota pro capite. Da nos mëss les porsones lité le dotur de basa. Tl rest dla Talia po n dotur de basa avëi zirca 1.500 paziënć iscrić; te nosta provinzia n’é le numer nia ćiamò limité a chësta zifra, inće por la situaziun geografica. I doturs de basa à chilò da nos inće gran conoscënza dla situaziun sanitara de sü iscrić y dai familiars.” Y nos te Südtirol, sunse davëi plü inant o plü alalt co les atres regiuns talianes? “Al é dër rî da dì certes cosses. Y i dać po ma ester söl papier y ne respidlëia nia dagnora le laûr y la cualité. An mëssa dì che le laûr burocratich - aministratif é inće chersciü dassënn chisc ultimi agn por le dotur de basa, che mëssa dediché tröp de so tëmp por scrì fora rezëtes, por medejines, vijites spezialistiches y tröc d’atri documënć y papiers.” Ćiara pa la reforma śëgn da

Davide cun Kristian Ghedina y le professur Carlo Foresta da Padoa.

sparagné söi paziënć y nia tan söl’aministraziun? “An mëssa dì insciö: la burocrazia é gnüda dër grana, i scrić mëss gnì garantis dlungia a chi che é dagnora stà i sorvisc sanitars.” Tan compless a é p a l’aministraziun y la gerarchia tl comprensore sanitar de Puster y tla Aziënda Sanitara de Südtirol, os sëis stè i ultimi agn un di protagonisć de chësc aparat? “Döt le sistem é complès te Südtirol, desco tles atres provinzies, y taca adöm, do les reformes de chisc ultimi agn. I ùn na direziun a livel comprensorial; a Balsan él la sënta dla direziun dla Aziënda Sanitara te Südtirol, cun le diretur general, sanitar, aministratif y le diretur di sorvisc tecnichassistenziai, en colauraziun cun l’Assessorat ala sanité, l’Assessur ala sanité y le govern provinzial.” Ći à pa la politica da nen fà cun i ospedai y cun le sistem sanitar? “Le govern provinzial é responsabl por la planificaziun y programaziun dl sorvisc sanitar provinzial. Al definësc y regolamentëia les formes dl’assistënza sanitara, i frabicać por l’ativité sanitara, spitoi y zëntri sozio-sanitars, sce n spitol tin davert, la programaziun dles repartiziuns di spitoi, la planificaziun dles spezialisaziuns, direziun y orientamënt, numer di leć tles varies strutöres sanitares, ez.. La politica provinziala fej fora - dit en cört - desche n spitol dess laurè y te ći ćiamps.” Te Südtirol à le proporz tröp da dì, inće i spitoi publics à da le tignì ite. Co ćiàrera pa fora cun i posć te Puster? “Le 80% di posć a vigni livel i é resservà al grup etnich todësch, le 15% zirca ai ladins y le 5% ai taliagn. Te nosc comprensore sanitar de spitol unse 115 doturs, de chisc él atualmënter 50 doturs y 65 doturies; 10 é ladins/nes. Laprò unse 24 primars danter Bornech y Sanćiana, de chisc 24 n’él atualmënter degun ladin, 22 é detlarà todësc y dui taliagn. Por śëgn sunsi stè l’ultim dotur dirigenzial detlarè ladin.” Ćiodî n’él pa al momënt degun primar ladin? “Deache al n’ê degun candidat ladin che ess albü i criters por curì le post lascè lëde da me. Les poscibilitês por n dotur ladin da gnì primar te Südtirol é limitades

por la proporziun etnica. I doturs ladins se sint a chësta moda sforzà da se detlarè todësc o taliagn.” Ći posiziuns tol pa ite les ëres te döt chësc aparat? Y tan de laûr a tëmp parzial ëise pa? “De indöt 1.354 personal medich y infermieristich, che laora ti dui spitoi y ti sorvisc infermieristics teritoriai - desco a Picolin y tla Val Badia, unse 135 ladins. Le part-time é preodü por le 50% o por le 75%. Dantadöt les ëres anüza la poscibilité part-time por podëi avëi inće plü tëmp por la familia. Por le sorvisc infermieristich unse cotan de posć part-time; por i posć da laûr da dotur/ria n’él nia tan scëmpl da laurè part-time.” Tan le mö’ à pa ćiamò la man publica por nosta sanité? “La sanité te Südtirol se sta do rata ćiamò bun, confrontada cun d’atres realtês. Chësc vëgn inće dal fat che les strutöres te Südtirol é scialdi dötes publiches, deperpo che jö por la Talia él en percentuala cotan deplü strutöres privates, y chësc n’é nia dagnora positif, dantadöt nia por chi che ne po nia s’l impormëte. Na bona combinaziun danter publich y privat po portè de bugn früć, mo tla sanité mësson se stravardè da cherié na assistënza sanitara de categoria.” Os ëis fat pert inće dla comisciun etica provinziala y dl grup de consulënza etica. Podëise nes cuntè val’ deplü? “Chilò Bornech ânse, desche al é preodü te vigni comprensore sanitar, n grup de consulënza etica metü adöm da 20 porsones che se impëgna dl aspet etich dl laûr di spitoi y dl’area teritoriala. Le grup é metü adöm da rapresentanć profescionai de plü direziuns: doturs, infermier/es, psicologs, fisioterapisć, ez..” Te ći aspet de spitol vàl pa debujëgn de na etica? “Le ćiamp dla etica tla medejina à pëis dantadöt incër la fin dla vita. Important él da capì le amarè, sü familiars, da baié cun ëi. Le grup de laûr por l’etica, metü adöm da 20 porsones, nen baia de chisc caji, spo vëgnel odü ći intervënć y cures che al po ćiamò gnì fat y dess gnì fates. A livel aziendal él gnü ativé n proiet por les cures paliatives, chël ô dì les cures dl paziënt gravemënter amarè che ne po por söa situaziun nia plü avëi terapies. La profesciun dl dotur instëssa se

damana n comportamënt etich.” Tan po pa pordërt n dotur i sforzé sö na terapia a n amarè? “Le dotur mëss odëi ite la situaziun, inće tla cornisc dla situaziun de familia dl amarè, y mëss inće ester bun da i dì al amarè ći che é bun por ël. Le dotur à le compit da fà por le amarè döt ći che po gnì fat y va ćiamò da fà. Le dotur mëss inće ester n punt de referimënt por le amarè, chël che se tol dlaurela y tëmp por ël.” Y sce le dotur à intrês manco dlaurela? “Chësc tëmp mëss le dotur se tó, deache al é spo tröp de davagné y sparagné por düć, dantadöt por l’amarè.” An alda che la responsabilité iuridica di doturs é al dedaincö tan grana, che chësc fat compromët la cualité de prestaziun ti spitoi? “Le paziënt che va dal dotur é amarè, al à n problem, al damana do n aiüt. Le problem d’aldedaincö é che al romagn por le dotur intrês massa püch tëmp por se dediché a düć i problems dl amarè. Le dotur à tan de cosses por chëres che al mëss se cruzié. La responsabilité crësc sambëgn. Vigni dotur mëssa respogne a ći che al fej y al gnarà na lege che obliëia na assiguraziun. Les assiguraziuns é dër importantes por curì danns che po saltè fora dal laûr. An mëssa inće savëi cô i an jì ala porsona. Iö à dagnora ćiarè da tignì cunt cun comprenjiun, dla mentalité di paziënć y amarà, y de so contest de vita.” Baian ćiamò dl spitol da Bornech y sü sorvisc: al vëgn dit che al é spezalisé sön mëte al monn mituns? “Nos ùn chilò Bornech le zënter provinzial por ći che reverda la conzeziun artifiziala, nosta repartiziun de ginecologia é reconesciüda lunc y lerch, i contać va fora por i Paîsc Todësc y jö por la Talia. La tecnica po ester d’aiüt, ara po fà tröp, mo nia döt. Te chësc contest él inće da dì che al vëgn ponsè do rata tert ala planificaziun dla familia, dantadöt por ći che reverda la ëra, a gauja dla preparaziun profescionala.” Ći é pa tl tema dla conzeziun artifiziala pordërt conzedü dala lege? “Al é na lege nazionala che dà avisa dant les ativitês che po gnì fates te chësc ćiamp.” (ir)

Cun colegs primars dl Spitol da Bornech. www.lauscdiladins.com

11


Val Badia

nr. 10 / 08 de merz 2013

Colaboraziun bëgn - fujiun no (ćiamò) Tres plü fujiuns é l’Assoziaziun Turistica da Bornech deventada la maiù de döt Südtirol. Nos ùn damanè sce an baia inće a San Martin y Al Plan da se mëte adöm Turism - Ti ultims agn él al intern dl Consorz Turistich de Plan de Corones gnü a s’l dè deplü fujiuns. Cun le 1. de jenà 2012 s’â l’Assoziaziun Turistica da Bornech lié cun chëra da Gais y Uttenheim. N ann dedô él gnü pormez inće San Laurënz y Falzes. Insciö é l’AT da Bornech al momënt la plü sterscia te döt Südtirol, cun passa 1,2 miliuns de sojornanzes. Chësta fujiun à inće n pü’ spostè i pëisc de usc al intern dl consorz instës. Cun n te’ numer de pernotamënć à n’assoziaziun zënz’ater plü da dì. Mo la cossa ne se lascia nia sintì, ćina che an se vëgn. Al intern dl consorz de Plan de Corones êl te n workshop gnü metü sön mësa la tematica dles fujiuns, y al ê gnü fora che ara foss da s’aodé por chës assoziaziuns turistiches liades da n teritore y carateristiches omogens. N te’ teritore foss por ejëmpl chël curì dales assoziaziuns turistiches d’Al Plan y San Martin, nia ma liades deache ares confinëia deboriada, mo inće deache ares é les sores tl consorz cun lingaz y cultura ladins. Na fujiun é na dezijiun che po gnì tuta por se presentè damì sön le marćé internazional, por smendrì la burocrazia, sparagné scioldi y organisé le laûr te na manira plü efiziënta. Gonot él na dezijiun detada dales nezescitês. Le laûr dles assoziaziuns

assoziaziuns é n tema atual? Sides Tolpeit co Resch dij che baié de fujiun é ćiamò massa adora, le vare n’é al momënt nia tla discusciun atuala. Philipp Tolpeit: ”Al é n scenar poscibil, mo na cossa nia ćiamò definida. An mëss tignì les opziuns davertes. An jarà inant vare do vare, spo valutaràn deboriada i vantaji che podess gnì. Personalmënter arati che la cossa portass por San Martin tröc vantaji.” Inće Martin Resch arata che de fujiun ne pòn ćiamò nia baié: ”Na fujiun podess gnì a s’l dè tert o adora, mo al momënt é döt bindebò dalunc. Ći che i proun, é da miorè intres deplü la colaboraziun.” Philipp Tolpeit, presidënt dl’AT San Martin.

Martin Resch, diretur dl’AT Al Plan.

La colaboraziun é gnüda plü strënta

turistiches s’à mudè radicalmënter ti ultims agn. Les pices assoziaziuns ne ti é nia plü manëcia da aministré döt le laûr. Ara ne se trata nia ma da informè le scior; n gröm de laûr mëss gnì fat doìa. Le diretur dl’AT d’Al Plan Martin Resch fej val’ ejëmpl: ”Les pices Assoziaziuns Turistiches n’é nia plü bunes da gestì la situaziun. Le gran laûr é ascognü: al é da ajorné i prisc, i pacheć, les banches dać, le TIC. Laprò él da tignì le calënder dles manifestaziuns, ajornè te internet, fà les statistiches. Döt adöm n laûr enorm che degügn ne vëiga. Na

porsona sora n’é nia buna da ti stè do a döt chësc.” N problem che an sint inće tl’assoziaziun da San Martin de Tor, sciöche Philipp Tolpeit confermëia: ”T’ofize unse al momënt öna na secreteria che fej n bun laûr, mo la gran forza va tl’aministraziun ordinara, y insciö romagnel püch tëmp por proieć spezifics.”

Y tl ćiamp dla colaboraziun àn ti ultims tëmps fat bele deplü vari. ”I sun stà a öna da arjigné les guides di eserzizi deboriada cun Al Plan - dij Philipp Tolpeit - Sce i ùn de un n vers deplü cosć de stampa, unse dl ater vers na visibilité cotan maiù, deache al vëgn stampè cin’ iadi tan de copies y les guides vëgn portades fora plü saurì, danter i sciori, sön les fieres y i.i.” Al Plan dëida inće tl tëmp fora de sajun, canche l’ofi ze a San Martin é stlüt, tolon jö les telefonades y respognon ales

Fujiun - nia ćiamò tan inant I ùn damanè do a San Martin y Al Plan sce la fujiun dles döes

e-mails di ghesć. N punt de liam danter les döes assoziaziuns turistiches é zënz’ater le raiun da Ju y Piz de Plaies, olache an à da intrames les perts l’interes da miorè l’oferta y realisé certes strotöres. Philipp Tolpeit: ”I ésson intenziun da fà na pista de paslunch y adöm cun Al Plan na tor panoramica. Al momënt vëgnel ćiamò baié cun i proprietars di terac. Tl miù di caji podess la pista ester arjignada por dezëmber 2013. La tor é indere na cuestiun economica plü importanta.”

”I ćês mëss orëi!” D’öga odess Philipp Tolpeit inće na colaboraziun telematica, lian adöm i dui sîć internet. ”Incö él important avëi le sît intres atual - dìjel - Al Plan à na maiù capazité y é chilò plü inant co nos. Nosc sît é n bel sît, mo al n’é nia dagnora tan atual sciöche al dess ester. Ći che tigniss San Martin zoruch da na fujiun, é la cuestiun emozionala. Tolpeit: ”L’Assoziaziun Turistica é na uniun che fej pert dla vita dl paîsc. Pro na fujiun fóssel da odëi co che ara jiss inant.” Sce ara gnarà a s’l dé o manco, nes dijarà le dagnì. Martin Resch spliga che na fujiun ne po a vigni moda nia gnì detada dal alt: ”Al mëss ester i ćês che ô se mëte adöm.” (pablo)

Oste deventè "Junior Ranger"?

Marćianzia dada zoruch

Cun le proiet ”Junior Ranger Südtirol” pîta l’Ofize Parcs Naturai de Südtirol ot dis veramënter particolars. Al é ma 15 posć a desposiziun

I Carabiniers da Corvara à abiné döes lêres y la marćianzia arobada é döta indô rovada tles mans de sü proprietars

Natöra - “Ranger“ é la denominaziun internazionala reconescüda che ô dì assistënt por la proteziun dla contrada y di raiuns sot a sconanza. Chëstes porsones é de sorvisc ti parcs naturai y nazionai sura döt le monn. Inće te Südtirol esistel chësta figöra, d’isté él por ejëmpl vint “ranger” sön tru ti set parcs naturai dla provinzia. Ai ti dà informaziuns ai vijitadus di raiuns sconà y colaborëia pro iniziatives ti parcs y ti visitor center. Te deplü parcs nazionai y naturai dl’Europa y dl’America él gnü metü sö grups de mituns apascionà de natöra y che impara dai Ranger i socrëć y les particolarites dla natöra: al é nasciü insciö i Junior Ranger.

Cronica - Ai 28 de forà à i Carabiniers da Corvara dè dant ala procura dla Republica de Balsan döes zitadines dl Marcocco de 30 y 24 agn, residëntes tl’Emilia Romagna. I dis denant âres arobè te deplü botëghes: blanćiaria y guant

Inće te nosta provinzia éson pià ia dl 2009 cun le proiet “Junior Ranger Südtirol”, organisé dal Ofize Parcs naturai deboriada cun l’Alpenverein Südtirol. Dl 2010 éle stè la pröma ediziun de chësc proiet tla Val Badia y en chësc ann fajarà i Junior Ranger por le secundo iade tapa tl Parch natural Fanes-SenesBraies, y tla Ćiasa dl Parch natural a Al Plan de Mareo. Le proiet ”Junior Ranger Südtirol” à le fin da apascionè i mituns por la natöra, renforzè so raport cun la contrada naturala y culturala, y i fà deventè amisc dla natöra. Danter mà y setëmber 2013 él söl program

12

www.lauscdiladins.com

por n valur de incër 2.500,00€. Do na percuisiziun àn podü abiné y ti dè zoruch ai proprietars döta la marćianzia, por gran sodesfaziun dles forzes dl ordinn, che à podü condüje a bun fin chësta aziun. (comunicat carabiniers)

Le tru por deventè ”Junior Ranger” é n tru interessant y plëgn de emoziuns.

ot dis, por imparè da conësce damì i tiers, les plantes, i ambiënć y les carateristiches dl Parch natural Fanes-Senes-Braies, en particolar i raiuns dla Val Badia. N iade él preodü da stè suranöt te na ütia da munt, sön le program él spo deplü escursciuns ala descurida di inseć, di anfibs y retils, noziuns de pröm aiüt y d’orientamënt tla natöra. Chi che tol pert almanco a 5 incuntades ciafarà inće le diplom da “Junior Ranger”. Al proiet po tó pert indöt 15 mituns danter 10 y 11 agn. Al sarà da paié na partezipaziun ales spëises de 85€ a möt/a. Te chësc prisc él laite: i referënć, l’atrezatöra da Junior

Ranger, stè suranöt spëisa por l’unité de dui dis, la marëna dala festa de contlujiun (inće por geniturs) y le diplom. Informaziuns sön le proiet “Junior Ranger Südtirol” ćiafëise tla Ćiasa dl Parch Natural Fanes-SenesBraies a Al Plan de Mareo, tel. 0474/506120, e-mail info.fsp@ provinz.bz.it o pro l’Alpenverein Südtirol, Tel 0471/978141 mail: jugend@alpenverein.it Les prenotaziuns vëgn tutes sö dal AVS. An po se prenoté da en lönesc ai 11 de merz inant (al é ma 15 posć indöt). Le program ciafon inće te internet sot a www.provinz. bz.it/naturparke.

I Carabiniers cun la marćianzia arobada y indô ciafada.


Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

nr. 10 / 08 de merz 2013

Fascia

Comun General: l bilanz se smendra L Consei general à aproà l preventif per chest an che va fora sui 11 milions de euro. Per i egn che vegn la previjion se arbassa entorn la zifra de 8 milions e 700 mile euro euro i é per manutenzions straordenères e etres 50.000 per speises de lum e sciudament.

L Consei general se à binà en vender passà per l'aproazion del bilanz.

Sèn Jan - L valivea fora su la soma de 11.326.065,14, l bilanz de previjion del Comun general de Fascia per l’an 2013, che é stat aproà en vender passà dal Consei general ensema con i documenc de previjion contàbola per i egn 2014 e 2015. N bilanz mender respet a chel de l’an 2012, che l’era de passa 15 milions e 600 mile euro, e che se smendrarà amò ti egn che vegn, canche se fèsc cont de jir fora su la zifres de 8 milions 712 mile per l’an 2014 e de 8 milions 742 mile per l 2015. N smendrament leà en gran pèrt al fat de aer sturtà sù i lurieres de Navalge, e che cogn ence fèr i conc con n smendrament generèl di trasferimenc da man de la Provinzia. L bilanz pea via da n arvanz de aministrazion de l’an 2012 stimà te 516.294 euro, perauter per gran pèrt vincolé. L bilanz é stat aproà dal Consei con la soula stima de contra de Emilio Talmon e con l’astenjion de Gino Fontana. Talmon à volù saer se l Comun general ge à paà vèlch a la Magnifica Comunità de Fiem per la regoeta di fonches sul tegnir de Moena, l’à domanà cont del percheche da 12 egn l projet del golf anter Cianacei e Ciampedel no va inant e l’à criticà la doura de paroles ladines che à sie dir les straouc nosc lengaz (per ejempie “troi di ladins” e “bosserlait”). L’à abù resposta da man de la procuradora Cristina Donei, che à arsegurà che l Comun general no ge à paà nia a la Magnifica, da l’ombolt Mariano Cloch che à dit che l’é amò problemes tecniches per i espropries di terens de Cercenà, ajache i é spartii anter n muie de patrons, e da Marcellino Chiocchetti che à envià Talmon a se enformèr de miec en cont del lengaz ladin. Da man de Fontana l’é ruà enveze i dubies per n bilanz che no va aldelà de la normala aministrazion, che no porta dant projec o

scomenzadives per responer a la crisa economica e l moscia n schèrs enteress da pèrt di Comuns per fèr crescer chest Comun general, che a so dit no l’é per nia desferent dal veie Comprenjorie. A el Cristina Donei ge à responet recordan competenzes e strumenc emportanc del Comun general, desche la determinazion del FUT (Fondo Unich teritorièl) e i vèresc che é en cors per l Pian Teritorièl de la Comunità e per l passaje a la gestions sozièdes per compres, apalc e mìngol a l’outa per etres setores desche chel di polins, che l’é en program de peèr via jà con chest an. Ma vedon mìngol più tel detai coche l’é spartì entrèdes e speises tel bilanz del Comun general, che é stat portà dant a na vida chièra e prezisa tedant al Consei general da l’ombolt de Soraga Roberto Pellegrini, ombolt de procura con competenza apontin sul bilanz.

Cinch gregn setores per l’atività L Comun general spartesc sia atività te 5 gregn setores. Prum de dut troon l’aministrazion generèla, che fossa l Program 100, e che revèrda la ativitèdes ordenères de l’ent, donca soraldut la speises per l personal e i aministradores. Chest setor valivea su la soma de 1.378.905 euro: la entrèdes vegn soraldut da trasferimenc provinzièi (917.643 euro), dal didament di Comuns per la speises de gestion (39.932 euro), dal renovament de conzescions idroeletriches (68.392 euro) da remborsc desvalives de etres enc; la speises l’é soraldut per l personal, con laìte paghes, previdenza, corsc de ajornament e c.i., per na soma en dut de 804.300 euro; per i aministradores, endenità, remborsc e revisores di conc l’é na speisa de 185.750 euro, e amò 50.000

La senta del Comun general de Fascia a Sèn Jan.

L Program 200 tol ite enveze l setor de istruzion e cultura, per na soma de 785.060 euro, olache per la entrèdes 483.500 vegn da la Prov inz ia , sp ar tii anter scomenzadives de promozion de la mendranza ladina e derit al studie. Etres contribuc per l stravardament de la mendranza rua dal Stat aldò de la lege 482/99 (39.560 euro), da la Region (21.000 euro) e da la pèrt del fondo perequatif dai Comuns per scomenzadives soracomunèles (81.000 euro). Per l derit al studie 81.000 euro vegn ite enveze dai paamenc de la mensa. La speises va per 230.000 euro per l derit al studie, 275.520 per scomenzadives per l stravardament de la mendranza ladina e 244.040 per ativitèdes culturèles e linguistiches de la sociazions teritorièles. N muie mender l Program 300, dedicà a turism e sport, olache troon demò, tant per l’entrèda che per la speisa, 30.000 euro che vegn da la gestion unitèra de la regoeta di fonches te Fascia. Al stravardament de teritorie e ambient l’é dedicà l Program 400. L bilanz te chest setor passa via i 3 milions de euro (3.167.810), e la pèrt del leon la fèsc se sà ben la desgorta del refudam, con 1.775,000 euro per la regoeta desferenzièda e passa 600 mile euro per la compra e manutenzion ordenèra e straordenèra de bens e èrc, e per fit e deric de spersa e pas. Per chest servije i Comuns paa na quota de 1.938.000 euro e la Provinzia dèsc 514.916 euro. Te chest setor ence i 4 projec del fon per l svilup sostenìbol de l’ambient deschiarii avisa più inant. Per fenir l Program 500 tol ite dut l setor sozio assistenzièl, e chiò su na soma de 4.255.900 euro la pèrt del leon ge pervegn a l’opera destinèda a la neva senta di Servijes Sozio Assistenzièi del Comun general e de l’ANFFAS, con n trasferiment da la Provinzia de 2 milions de euro per fèr fora la veia caserma “Padiglione Piave”. Da la PAT rua per chest setor amò etres 1.914.594 euro, e da l’autra pèrt vegn spenù 1.128.900 euro per intervenc de assistenza e prevenzion sozièla de desvaliva sort, 589.000

La veia caserma “Piave" olache vegnarà fat fora la senta de l'ANFFAS e di Servijès Sozièi del CGF.

I ombolc de procura Roberto Pellegrini, Franco Lorenz e Tullio Dellagiacoma.

euro per l personal, 280.000 euro per servijes desche i bèsć a cèsa e l trasport per chi che no pel per sé e 50.000 euro per la gestion del Pian di Joegn La Risola.

No demò numeres, ma ence projec L president Cesare Bernard à volù sotrissèr che te sia vijion l Consei general, apede che se cruzièr de numeres e deliberazions, l’é ence l lech e l strument per portèr dant informazions e aer n confront de idees costrutif. Per chest, apede a l’aproazion del bilanz, ponc spezifics é stac resservé a la prejentazion di projec e di intervenc pervedui tel fon per l svilup sostenìbol de l’ambient e a l’ajornament sul lurier de endrez del pian teritorièl de la Comunità. Per chel che vèrda l fon per l svilup sostenìbol de l’ambient – à spiegà dantfora la procuradora, l’é stat fat n bando olache vegnìa azetà i projec de 5 comunitèdes, e l Comun general de Fascia l’é ruà al secondo post. A la leta 299.000 euro (e etres 15.000 che vegnarà touc sù diretamenter dai Comuns, per 4 projec che é stac prejenté da l’ombolt de Vich Franco Lorenz, ombolt de procura per la pianificazion urbanistica i zentres storics e l’energìa. L prum projet revèrda n studie fat sun dut l tegnir di 7 comuns de Fascia per sparagnèr l’èga, vardan de troèr fora e meter a post resservares e bosserlait che pert e de razionalisèr la doura de l’èga da beiver. L secondo projet, che à inom “E-Motion”, l’é n bel vèrech envers l sistem de mobilità integrèda,

sostenìbola e eletrica te Fascia, e l perveit de endrezèr 8 stazions de “bike sharing”, una te ogne comun e una aló dal Comun general, olache i sentadins con na tessera posse jir a se tor adimprest la rodes eletriches per se spostèr te val e les lascèr, en cajo, ence te n’autra stazion. Se trata – à dit Lorenz - de n projet che met ensema desvalives obietives: stravardèr l’ambient, esser più vejins ai sentadins e a la families e lurèr più ensema anter i comuns. I ùltimes 2 projec revèrda na rei de la resserves naturalistiches de Fascia e n sistem telematich de comunicazion informativa del teritorie, da l’inom “l’ambient te man”, per meter a la leta de duc n strument de comunicazion e sensibilisazion che se emprevèl ence di neves sistemes tecnologics multimediai. Semper Franco Lorenz, ensema con l’enjegnera Mara Nemela e con la funzionaria Giovanna Siviero, à rejonà del Pian teritorièl de la Comunità. Se trata de n document complessif e articolà, che tol ite l’aspet urbanistich, ambientèl, sozièl e economich per dessegnèr la strategìes de svilup de la val. Na sort de cordanza che vegn metù dant dal Comun general e che cogn jir sorafora i enteresc sìngoi. Per chest Pian l’é stat enjignà l document preliminèr e se cognarà jir inant con n prozediment partezipatif che tolarà ite l Consei general, n “Ofize de Piano” con la procuradora, l’ombolt Franco Lorenz e i referenc tecnics, e n desch de confront e consultazion nominà dal Consei di Ombolc. Se spera che dut l’iter posse ruèr a compiment per la fin de l’an 2014, e de chest sarà segur ocajion de rejonèr amò. (lg)

La procuradora Cristina Donei anter l vize Mariano Cloch e l president del Consei Cesare Bernard. www.lauscdiladins.com

13


Fascia

nr. 10 / 08 de merz 2013

Tegnir adum e tor dant neves media Endèna la radunanza de l’Union di Ladins de Fascia, ai 2 de mèrz a Moena, l president Silvano Ploner à rejonà del stèr adum e de se slarièr fora sun internet

Da man cencia la conseiera e caporedatora de Fascia Lucia Gross, l president de l’Union Silvano Ploner, l president de l’ICL Antone Pollam e la presidenta del Grop Ladin da Moena Maura Chiocchetti.

Moena - Te sala del consei del Comun de Moena sozi e sostegnidores de l’Union di Ladins de Fascia se à binà enstadì per tor pèrt a la radunanza anuèla, endrezèda en colaborazion col Grop Ladin da Moena. L’é stat na bela scontrèda che à uzà fora conzec vejins da semper a la sociazion, desche l stèr adum e la promozion del lengaz sul teritorie e te anter la jent. A tachèr via l’é stat l president Silvano Ploner che dò aer rejonà de l’ativitèdes portèdes dant da l’Union del 2012 e per l 2013 (de chel che se pel lejer chiò apede sun chesta piata), l’à uzà fora doi endesfides che l’Union di Ladins cogn tor dant e cogn venjer tel prum davegnir: l tegnir adum anter la valèdes dintornvìa l Sela e l besegn de la sociazion de se slarièr fora ti neves mesi de comunicazion desche internet e la televijion. “Te n mond olache l’aer à la soramessa su l’esser – à dit l President - sion dò che vivon na sajon senestra dal pont de veduda identitèr e ence economich, ma dant te Fascia e soraldut anter l’autra valèdes ladines ge vel troèr endò na vida per esser e stèr adum. Recuperèr l spirit de se sentir nos enstesc na comunanza, zenza se sconer o se giustificher tedò l’emportanza de noscia mendranza

per l’autonomìa e esser più taché, percheche sion nos, l’é noscia identità, n patrimonie condividù con duc i etres ladins”. Apede a chest Silvano Ploner l’à rejonà ence de la funzion de sparpagnament e de promozion del lengaz e de la cultura ladina che é a fondament de l’Union di Ladins e l’à slarià fora l besegn, te chisc tempes, de “se confrontèr coi neves mesi de comunicazion, coi neves media desche internet”. L’idea l’é chela de durèr la neva tecnologìes che jonte apede a l’informazion scrita ence video e testimonianzes da meter sobito ence te internet.

Tinùltima Antone Pollam, president onorèr de l’Union e president de l’Istitut cultural ladin de Fascia à rengrazià Silvano Ploner per la riflescion sul stèr adum e recordà con n batiman de duta la sala persones desche Leo de Koluzi, che se à dat jù duta la vita per l ladin. Amò l’é stat recordà l recognosciment de la Region Venet del referendum di Ladins per se meter ensema te la Region TrentinSudtirol e sotrissà amò n’outa l’union e l se cordèr te noscia val. L professor Claus Soraperra, en raprejentanza de la Scola Ladina de Fascia, à portà l salut de la sorastanta Mirella Florian e l’à rengrazià la sociazion “per esser semper a la leta e de ge dèr n muie de lèrga e fiduzia la Scola. Se l’à vedù tel Simposie Toni Gross e te l’ùltima publicazion. No a cajo Manuel Riz e Stefano Davarda, che à lurà per chest Almanach, l’é doi ex studenc de la Scola de Fascia. Ic desche duc i joegn fascegn i à debesegn che la Val ge dae fiduzia”. A la radunanza à tout pèrt ence la procuradora Cristina Donei, l president del Consei del Comun general Cesare Bernard e l’ombolt de Soraga, Roberto Pellegrini. (vr)

N moment de la prejentazion de l'Almanach.

Atività de l’Union di Ladins N gran empegn, tant operatif che finanzièl, é stat metù da l’Union di Ladins de Fascia tel colaborèr con l’Union Generela di Ladins dla Dolomites per La Usc di Ladins. Amò apede l’Union à colaborà con l Grop Ladin da Moena per dèr fora l boletin trimestrèl “Nosha Jent” e con la redazion de Gana per fèr stampèr la revista de la eles ladines, vegnuda fora fin la fin del 2012.

Informazion per ladin: radio e televijion De gra a la convenzion con l Comun general, l’Union di Ladins é jita inant con la produzion de programes ladins mané fora da Radio Studio Record. Ogne dì da doman bonora vegn dat fora “N bel bondì ladin”, ogne lunesc l’é l program de rezetes “Che metone pa anché sora fech?”, de jebia l program de musega “Arianeves”, de sabeda e domenia “Cater ciàcoles te stua” con Fernando Brunel, e d’istà “Stroz per la Ladinia”.

a la comunanza. Via per de setember l’é stat endrezà con gran bon ejit l “prum Symposium Toni Gross”, concors internazionèl de scultura tel legn dedicà a l’artist da Poza. La speises de chesta scomenzadiva é vegnudes corides per gran pèrt da contribuc e sponsorisazions de autra istituzions e de privac. L lurier va inant con l’elaborazion del catalogh che vegnarà stampà del 2013. Anter la ativitèdes de competenza de l’an 2012 l’é ence l’Almanach, pissà desche n don per ge dir develpai a duc i sozi e i aboné de La Usc di Ladins; chesta podarà doventèr na scomenzadiva stàbola te l’atività de l’Union di Ladins.

Programes per l 2013

Via per l meis de mé l’é stat endrezà a Cianacei l “Cianta con nos”, rassegna di cores di bec da la Ladinia. Te Chino Marmolèda l’é ruà 6 Cores da la valèdes ladines e i à abù n gran suzess. Per chest event l’é stat na bona colaborazion ence con la sociazion “Bambi”. En ocajion del pelegrinaje del Decanat forin Baissiston l’é stat dat fora l liber per bec “Te ciante mia legreza”, con orazions per ladin toutes dai salmes e con la bela ilustrazions de Maria Pezzedi. D’uton en ocajion de la Festa del Rengraziament l’Union di Ladins à dat fora l liber de Fernanda Favè su don Massimiliano Mazzel, frut de sia tesi de laurea e l tradizionèl recognosciment de la sociazion ge é jit al president de la Provinzia de Trent Lorenzo Dellai. Ence del 2012 la sociazion à colaborà con autra istituzions te evenc desche l’Aisciuda Ladina, Te anter i tobié, la Festa ta mont, per se fèr cognoscer e ruèr più apede

Via per l’an 2013, apede che jir inant con l’empegn te l’informazion e la colaborazions ai evenc, l’Union di Ladins, adum con la Comiscion Cultura del Decanat de Fascia, metarà a la leta de la parochies de Fascia l’Orazionarie e l’Evangeliarie per fascian: per chesta publicazions l’Union se tol sù dut l lurier de traduzion e revijion con so personal. Tel chèder del Simposie dedicà a Toni Gross l’é pervedù ence de stampèr l catalogh de la scomenzadiva. L’Union, en colaborazion con autra sociazions, sporc chest’aisciuda doi bie momenc de musega. Anché, vender ai 8 de mèrz a Moena con La Grenz, l Conzert per la femenes “Eles x eles” con l grop da Ampez “Armonauz”, e na lingia de autra ciantarines, per portèr anter i joegn ence musega ladina e ocajions de scambie anter la valèdes. Ai 18 de mé, semper a Moena, un di conzerc del prestigious Festival de musega sacra, olache tol pèrt l’Ensemble Gherdena. La Festa del Rengraziament da egn l’Union volessa ge la dedichèr ai fascegn a la foresta, ma contatèr duc chi che stèsc foradecà l’é senester. Chest an se proarà a portèr a compiment chesta idea, se se é bogn de aer ence l didament da la aministrazions e di sozi de la sociazion.

i letores e junsom, ajache ence nos fascegn sion mìngol superstiziousc, troa lèrga ence l Zodiach scrit jù da Maura Chiocchetti, e de n muie i à dit che l’à proprio trefà. La bela grafica, lurèda fora da Stefano Davarda da Ciampedel, ge dèsc a chesta publicazion n tai modern e feruscol, che à jà ciapà n muie de aprijiamenc. La procuradora Cristina Donei

à lodà l lurier de l’Union di Ladins de Fascia. “Chest Almanach me piasc proprio n muie e é vedù che son stata touta jù più che n’outa... chesta scì che l’é na bela vida de arvejinar la jent, ence i più joegn!” Duc i aboné a La Usc di Ladins e i sozi de l’Union che é en regola col tesserament pel ciapèr debant l’Almanach 2012, bèsta se oujer te senta de la redazion a Sèn Jan. (mci)

Autra ativitèdes

L’Almanach 2012, che suzess! La neva publicazion de l’Union di Ladins l’é n don per i sozi e per i aboné de La Usc “L’é stat n lurier lench e sfadious, ogne meis jir ju da la touses de la redazion, per se meter d’acort su l’argoment de la patofia, e ge portèr l café... de dezember ere desfat...”. Coscita, a sia vida, ironica e gustégola, descheche l’é de so, Manuel Riz l’à prejentà l frut de sie contribut per l’Almanach 2012. La neva publicazion de l’Union di Ladins de Fascia é stata portèda dant en ocajion de la Radunanza anuèla, te sala de consei de Comun de Moena. “L’é da egn che te l’autra valèdes ladines vegn dat fora ogne an l Calènder Ladin – l’à dit Lucia Gross a la prejentazion – e jà da mìngol de temp ne aessa sapù bel ence a nos fèr na roba de chesta sort, da ge dèr en don ai sozi de la sociazion e ai aboné de La Usc di Ladins. Ma no volaane fèr na publicazion tradizionèla e ge fèr dò ai etres e coscita tel Consei l’é nasciù

14

www.lauscdiladins.com

l’idea de fèr n calandèr modern e ironich, ensema a Manuel.” E l’idea à garatà dassen. L’Almanach 2012, fat ite te sia bela viesta da color, con dant cà n Pèster ladin “sbugolà” che sofia fora da sie corn personajes de ogne sort e nonzech, no l’é bele demò na regoeta di fac più emportanc sozedui via per l 2012, ma l’é soraldut n “capolavoro”. Per ogne meis l’é stat cernù fora n argoment emportant e curious, de chel che l’é stat scrit ence su La Usc, che é stat dapò “reinterpretà” dal lapisc feruscol de Manuel Riz. Coscita de jené se rejona de la regoeta de sotescrizions endrezèda da la Lega Nord per tor jù l Comun general de Fascia, de firé no mencia la novitèdes del Carnascèr fascian, de mèrz l slalom mondièl che con Sabo e Devil rejona fascian, de oril la contìa de la Fata, de mé la

Olimpiades di ombolc (chesta scì che la é da grignèr, veder i ombolc fèr sport...) de jugn la Catina e l Luigi che se spartesc i pomi de òr e dapò inant con duc i meisc de l’an. De dezember se sera sù (dò n bon café... corretto!) co na patofia autobiografica con protagonist l dessegnador enstes, cruzià per la fin del mond... Ma chest no l’é dut! Apede l’é amò vèlch mizàcola di fac mendres sozedui via per l’an e na veièda ence a noscia tradizion, al mond e a la storia con de neva curiouses (vèlch una touta dal program per la radio “N bel bondì ladin”) che l comitat de redazion (Lucia Gross, Monica Cigolla, Cristina Marchetti e Valentina Redolfi) à pissà che paèa la speisa se segnèr sù. Per fèr amò più rich l’Almanach, 12 chef fascegn à metù a la leta sia rezetes, aldò del meis, per engolardir

Lucia Gross, Manuel Riz, Cristina Marchetti, Monica Cigolla e Valentina Redolfi co l'Almanach 2012.


Fascia

nr. 10 / 08 de merz 2013

I bec, speranza del davegnir En ocajion de la Careisema i bec de la scolina de Sèn Jan à descorì l valor del don e i à scontrà l dotor Carlo Spagnolli che ge à contà de l’Africa

L dotor Carlo Spagnolli, ensema con Claudio e Renata Merighi e l president del Comitat de gestion Quirino Zulian, l’é ruà a la scolina de S. Jan per rejonèr de solidarietà.

S. Jan - La Careisema l’é l temp più ùtol per descorir nos enstesc e Gejù. Chesta descorida é amò più de valuta per i bec e i joegn, che anchecondì vif na vita semper più embarlumèda da egoism e superfizialità. Per chest l’é n muie emportant ge meter dant n percors che li deide fin da pìcoi a se render cont di valores fondamentèi de la vita. L’é apontin chel che l’é stat fat a la scolina de Sèn Jan olache, per enjignèr delvers i bec a chest temp religious zis emportant, la maestres à spartì l’idea de didèr zachei che fèsc pèrt de la realtà de noscia val, l dotor Carlo Spagnolli de Lifeline

Dolomites. La sociazion à fat a saer che fossa de gran ùtol manèr tel Zimbabwe materièl de scola e vèlch pìcol jech. I bec donca é stac envié a portèr a scola pìcoi ogec de chesta sort da ge donèr a chi bec purec, sotrissan l valor de renunzièr a vèlch per didèr zachei. L’é ruà n mont de roba: pìcoi jeghes, colores, codejìe, peluches, portalàpijes de ogne sort! Col didament de sia maestres i bec à empienì desvalives cartons col materièl regoet e i à chiamà l dotor Carlo Spagnolli per ge l consegnèr, acioche l ge lo fae aer a si bec tel Zimbabwe. L dotor Spagnolli é stat ben content de chesta scomenzadiva e

en vender passà l’é ruà a Sèn Jan ensema con l president de la sociazion Lifeline Dolomites Claudio Merighi, sia femena Renata e l president del Comitat de gestion de la scolina Quirino Zulian. Chiò l’à scontrà nesc pìcoi bec e l ge à contà de “chisc pìcoi frèdes e sores che vif te l’Africa e che i é bec valives che ic, ence se con la pel mìngol più scura, demò che i é più desfortuné, al pont che de spes no i à nience più na familia e i vif ti orfanotrofies”. L ge à spiegà de la sociazion Lifeline Dolomites, che la é nasciuda aposta per sostegnir sia atività miscionèra e ence del segnificat che à chest inom: “Lifeline l’é la corda

da jir sa mont - l’à dit - e la raprejenta la cordèda che volon fèr per didèr chi che à debesegn de aiut e sostegn, che no l’é bon de fèr da soul, percheche nesciun reste endò.” L ge à spiegà ence che tel logo de la sociazion l’é n baobab, che l’é n èlber african n muie muie gran, apede le Torn del Vaiolet, che raprejenta l leam fon che l’é anter la Dolomites e l’Africa. Dapodò l ge à contà, ge moscian ence de bela fotograf ìes, che che l’à fat la sociazion te l’Africa: “l’é stat fat sù doi cèses, chiamèdes cèses de Mariele a recort de Mariele Ventre del “Zecchino d’Oro”, per i bec che no à più i genitores, olache i à n let e l’é zachei che li vèrda via

desche na mère”. Spagnolli à sotrissà n muie l’emportanza di bec, che ge recorda a dò a dò ai gregn de sperèr tel davegnir: “n paìsc zenza bec l’é n paìsc mort - l’à dit - i bec porta dant bontà, cher dàtol e voa de n mond mior, l lo desmostra i dons che aede enjignà per vesc pìcoi frèdes e sores che stèsc te l’Africa.” I pìcoi bec de la scolina à stentà mìngol a stèr senté jù e scutèr dut chel che ge é stat contà, ampò la prejenza e la paroles sćiantives e fones del dotor Spagnolli, che l li à envié duc a jir a l troèr te l’Africa na dì, les à lascià segur na pìcola semenza te si cheres, che col temp darà si fruc. (cri.m)

La “Setemèna Azzurra” fèsc l pien Se à tanche sturtà sù la vacanza su la neif metuda a jir da l’Apt de Fascia ensema con la scoles de schi e i campions fascegn, che à vedù tor pèrt passa 800 bec Fascia - La é stata metuda a jir per la pruma outa l’an passà e l’é stat sobito n suzess. Dai 23 de firé ai 2 de mèrz de chest an l’é stat endrezà la seconda fortunèda edizion de chesta scomenzadiva, che à vedù tor pèrt chest’outa passa 800 bec. Rejonon de la “Setemèna Azzurra”, la vacanza su la neif per bec e families metuda a jir da l’Apt de Fascia en colaborazion con la cinch scoles de schi de val e la Nazionèla de Schi Alpin, che se alenea te val fin a Sochi 2014. I campions fascegn del schi Cristian Deville, Stefano Gross e Chiara Costazza, te chisc dis spezièi, i à fat i onores de cèsa, se spartian anter i sacotenc corsc

metui a jir, ben 82, con presciapech 10 pìcoi arleves vigniun, per poder i saludèr duc e ge dèr “pettorina e bandana” de la scomenzadiva. I bec donca à podù emparèr a jir coi schi con gran devertiment e a la fin i é stac premié dai atlec “azzurri”, didé ence da Manuela Mölgg e Denise Karbon, e si genitores à podù veder i protagonisć de Copa del Mond en azion duc i dis endèna si alenamenc sun Aloch. N moment de gran fascinazion l’é stat canche i é vegnui jù con la focoles tel Skistadium Aloch ensema coi maestres de schi e i atlec del Ski Team Fascia. Na manifestazion donca che à

abù dassen bon ejit, aprijièda ence dal president de la Fisi Flavio Roda, che l la conscidra de gran valuta per ge dèr luster al setor agonistich azzurro e per sostegnir l schi alpin anter i joegn, descheche à dit stolz l diretor de l’Apt de Fascia Andrea Weiss. Ence i atlec fascegn à palesà sodesfazion per la scomenzadiva. Stefano Gross, che a la fin de la setemèna sun Col de Lin a Ciampedel à consegnà n centené de copes anter i batimans de pìcoi e gregn, l’à dit che l moment più bel “l’é stat chel de le premiazion de fin de cors, canche i bec à arjont sie travert. Te chisc dis sui schi i maestres e noi azzurri aon cerì de

i far goder più che l’é meso su la neif. L’é stat ence zachei che à fat domane tecniche - l’à enjontà - e ge é responet con piajer. L’obietif

più emportant de cheste scontrade per noi atlec l’é passar la pascion per l schi e la mont. E da veder che anter duc chisc bec no sie i campions de doman!”

Per na setemèna 800 bec te duta Fascia à emparà a jir coi schi e cognosciù i campions fascegn Chiara Costazza, Cristian Deville e Stefano Gross. www.lauscdiladins.com

15




La Usc de la scola _ _ _

nr. 10 / 08 de merz 2013

Matematica trasparenta desche saon Boles en esposizion te na mostra endrezèda da la scola autes de Fascia Scola - Perché pa la boles les doventa torones? Co stèjeles ensema la lamines de saon? Che èles en comun na bola e la matematica? Chest e, se sà ben, tanta autra robes vegnarà dit e moscià ti dis che vegn te na mostra deldut particolèra endrezèda dai professores e dai studenc de la scola autes de Fascia, en colaborazion co l’università de Trent, sponsorisèda dal Consorzie eletrich de Poza (a chel che ge va n gran detalpai!). L’à inom “Matematica trasparenta: superfizes mendres e boles de saon” la esposizion che vegnarà metuda fora te Sala Grana de la Sorastanza de la Scola Ladina anter i 11 e i 14 de mèrz, en ocajion del pi-grech day (che croda apontin ai 14 del terzo meis de l’an en onor del valor numerich de 3,14, raport costant anter la mesura del perimeter e del diameter de ogne cerchie), per ge fèr festa ai numeres

Doi de la boles che se podarà veder te la mostra de la Scola de Fascia dai 11 ai 14 de mèrz.

e a sia feruscoles e straordenères proprietèdes. La boles sarà la protagonistes di desć che caraterisarà la mostra interativa, olache con èrc e strumenc adaté vegnarà creà ence dai

vijitadores lamines trasparentes, granes, stortes, piates e sformèdes. Duran telees con strutures de ogne sort, con èga mescedèda con mìngol de saon, se ruarà a fèr marevees e a descorir che la boles

les se forma semper aldò de prezises leges matematiches, che se pel ruèr a osservèr tras n muion de ejempies. A compagnèr i scolees e i vijitadores che ti cater dis de esposizion volarà aprijièr la magìes de la lamines de saon, sarà i studenc del liceo scientifich de Poza, doventé per l’ocajion vides spezialisèdes, de gra a n pìcol cors de formazion portà dant dal professor Italo Tamanini de l’Università de Trent, che da egn se cruzia de sparpagnament anter la jent de cultura matematica scempia e de enteress, portan dant n muion de scomenzadives te duta la Tèlia. Se smoan la mans, sofian e speran che la boles no les sćiope massa coran, i bec i ge sporjarà a na vida fora de anter e gustegola vèlch conzet matematich e fisich, che ti ùltimes tempes à aplicazions ence te l’architetura e tel design. L’inaudazion ofiziala de la mostra

la sarà en lunesc ai 11 de mèrz, da les 5 da sera te Sala Grana de la Sorastanza. Vegnarà metù dant vèlch pìcol sketch de teater scientifich e vegnarà premià i venjidores del “Concors fotomategrafich”, serà sù con bel suzess ti dis passé, dò aer regoet n bel numer de fotograf ìes de la valèdes de Fascia e Fiem, con su ciantons o lesc portadores de n contegnù matematich, desche na forma, na simetrìa, numeres o geometrìes. Dò l’inaudazion se podarà ben segur vijitèr la mostra e proèr a fèr vèlch bola mìngol zaca. Per duc la esposizion la sarà amò averta al publich ti dis enscin a jebia ai 14 de mèrz da les 4 a les 6 domesdì. Duc chenc é envié! Chest’outa più che autres valarà l dit “vardèr e no tocèr”, se no se vel che da veder no reste più nia... Per info e prenotazions de vijites: matematica.fassa@gmail.com

VIF: Viver, Informèr, Formèr Nef projet de educazion al stèr ben personèl e sozièl per i bec e i joegn de Scola fascèna Ativitèdes formatives condotes da joegn educatores che à la medema età de chi che scouta pel fosc lascèr n segn più fon, percheche fates con paroles e moc più “fighi”; se sà ben che ence jir a ge rejonèr ai etres de costions etiches, fèsc meter en jech e tocia la sensibilità ence del tous portador del messaje, con na crescimonia individuèla e l svilup de na coscienza più critica.

Scontrèdes per duc, studenc e families Ence l teater l’é n strument per envièr i studenc a tor dant problemes e valores de la sozietà.

La Scola Ladina de Fascia à taca via chest an n nef projet slarià fora sun duc i ordegn de ensegnament, da la populères enscin a la scola autes, che à desche prum obietif chel de portèr dant anter i joegn na cultura de la sanità e del stèr ben individuèl e sozièl, luran enlongia duc i egn de formazion de la persona. L’à inom VIF, per ladin, imperatif del verb viver e ence acronim de Viver, Informèr e Formèr, l percors educatif proponet e struturà da la Sorastanta Mirella Florian e da n bel grop de ensegnanc de la Scola fascèna, che à chela de fèr madurèr ti bec e ti joegn pensieres e idees che posse i arvejinèr a stii de vita segn, leé a na giusta alimentazion e a la pratega de sport, dalonc dai pericoi che pel portèr l fum e l consum de alcol e droghes.

Percorsc desvalives sui desferenc ordegn de scola Desferentes, aldò de l’età e di besegnes di bec, l’é la ativitèdes pissèdes dai dozenc, slarièdes fora su la desvaliva materies de

16

www.lauscdiladins.com

ensegnament. Coi più picoi vegnarà fat da la maestres te la classes lurieres su la emozions e su l’alimentazion: co e che magnèr l’à na grana emportanza per ruèr a fèr stèr ben l corp, machina maraveousa, ma che à debesegn de esser rencurèda per poder garatèr polito. Te la scoles mesènes l descors l’é stat empostà pojan l’atenzion sui stii de vita che podessa esser cajon de malesser fisich e de malatìes: desturbes alimentares, fum, alcol, droghes l’é problemes che revèrda tousc e touses semper più joegn e che, se rejoné a na vida fona e chièra, i pel esser vivui con eie desvalif e mìngol più ascort.

Per i tousc più gregn del liceo e de la scola d’èrt, apede a la proponeta de doventèr peer leader e al cors de formazion che ge vegn fat a chi che à enteress per la tematiches del consum critich de alcol, fora per l’aisciuda vegn endrezà na lingia de scontrèdes de reflescion sun desvalives temes, a cheles che l’é envià ence duta la jent de Fascia (con dates e oraries che prest vegnarà metui a la leta). Col dotor Valerio Costa vegnarà tratà i temes de la dependenzes e

L logo del projet “VIF”.

de la droghes; te n’autra ocajion vegnarà rejonà da n pont de veduda politich, sozièl e legal de la problematiches leèdes al jech, co la machinetes a scioldi e su internet. Tinultima, sarà endrezà na meisa torona outa soraldut ai studenc del ski college, con desvalives personajes del mond del sport, per rejonèr de alimentazion, alenament, de la “Formula per doventèr campion”. Per serèr sù l projet VIF per chest prum an de atuazion, vegnarà portà dant fora per l meis de mé ence n spetacol teatrèl, scrit ju per l’ocajion dal professor Germano Basile, entitolà “L coraje

La “peer education” Na idea sun chela che se poja dut l percors l’é chela che, scomenzan tel particolèr te la terza de la mesènes e jan inant ence tel liceo, sibie i joegn enstesc, ben segur chi più enjigné e motivé, a portèr te la classes sia testimonianzes e informazions, très , descheche vegn dit anchecondì, na “peer education”.

L grop di bec de Alcooperiamo de l'an passà.

de n studafech fascian”, olache, anter grignèdes e vèlch piajegola sprigolèda, se rejonarà de valores, de cultura e de persones de noscia tera. Sarà na bela festa, che vedarà la partezipazion ence del cor e del bandin de la Scola autes de Fascia, nasciui chest an per valorisèr i talenc artistiches di joegn, semper dalaìte de na otica de azion formativa a 360 degrees da man de l’istitut scolastich.

N projet per duta la comunanza Percheche i joegn posse crescer polito, l’é de gran emportanza che i gregn de duta la val posse dèr n ejempie positif e de valuta, con na strenta colaborazion co la scola e coi dozenc, che da soi, zenza l didament da la families, no pel fèr trop. Donca inant, con duc che se dae la mans dintorn e con ogneun che fae sia pèrt, percheche l stèr ensema anter jent de desvaliva generazions sibie semper più gustegol, più san, più VIF!


Fascia

nr. 10 / 08 de merz 2013

Na careisema te la fe

La Grenz pea endò via con sbunf

Don Stefen Maffei à endrezà te Fascia na lingia de scontrèdes olache protagonist l’é l tem de la fe. Fortunato Bernard enstadì à rejonà de fe e storia

Se taca insnet con l gran conzert per la eles, dapò lèrga al Dolomiti Ski Jazz conjobian bona musega, legreza e gastronomìa

Cianacei - En mercol ai 27 de firé la pìcola gejia de Sèn Florian se à empienì de jent per scutèr Fortunato Bernard, professor, om de cultura e gran pascionà de storia, che à portà dant na scontrèda dal tìtol “Fe e storia”. La serèda é stata endrezèda da don Stefen Maffei, preve te la parochies del comun de Cianacei, che per chesta Careisema l’à envià i fidei ogne mercol a na serèda che aea per tem la fe. L prum l’é stat te gejia del Sacro Cher a Cianacei e se à rejonà de “Fe e zelebrazion”, ai 27 de firé te Sèn Florian apontin de “Fe e storia” e ai 6 de mèrz te gejia de Sènt Antone a Dèlba l’é stat “Fe e carità”. I apuntamenc jirà inant ogne mercol enscin ai 20 de mèrz. Enstadì donca l professor Bernard ne à portà dant desvaliva reflescions che lea ensema chesta doi paroles: fe e storia. No l’à volù fèr na lezion, ma portèr dant dotrei pensieres da olache ogneun à podù tor sù zeche. El l’é partì dal fat che “ogne religion l’à daìte de sé la fe che l’é la enrescida de zeche de spirituèl, de mistich e trascendent. La storia enveze l’é zeche de desvalif, l’é studie, l’é enrescida che se referesc al passà, ma che l’à debesegn de esser documentà”. De chest vers donca ence te la religions vegn chierì, enrescì, troà fora e studià la documentazion, che resta a la basa de ogne religion e de gran fondament per l sostegn de la fe. A chesta vida Fortunato Bernard à rejonà de la tradizions del passà

tramanèdes tras papiri e bergamines, de cheles che troon testimonianza ence ti archivies de noscia gejies: documenc e enrescides che é a fondament de la fe e de conseguenza de ogne religion e che tel cors di secoi pel ence vegnir ciapèdes endò te man e studièdes fora amò. Per ejempie - à dit Bernard - ence la data de la naa de Crist, che l’é nosc referiment per segnèr i egn, no la é più segura. Desvalives studies scientifics disc che somea che Crist sie nasciù 6 o 7 egn dant de chel che nos pisson sie l’an 0. Chest “dualism” de la Gejia anter enrescida de spiritualità e enrescida de fac e besegn de dac concrec l’é semper stat te la religions e l fèsc pèrt de la storia del mond. Dai Barbares a la Crociates, a Martin Lutero (che con la traduzion de la Bibia per todesch l’à slarià fora de bel la religion te duta la Germania) enscin a anchecondì, canche amò se veit e se sent chesta desferenza. “La storia de la Gejia – à contà l professor Bernard – l’é la storia del mond; per l 1° milené l’é stat più che dut enrescida de la dotrina, de la cognoscenza e del saer e l’é stat enveze zarèdes e veres anter Imper e Papat tel 2° milené”. L professor Bernard l’à rejonà ence de l’emportanza, te noscia vita de duc i dis de la letura di vangeles, soraldut del Nef Testament, che ne fèsc entener l passà e ence chel che sozede tel mond de anchecondì. Dant de serèr sù, al publich ge é stat lascià dotrei pensieres de

studiousc de nonzech, desche chel de Benedetto Croce che l’à scrit che “L Cristianeisem l’é stat la revoluzion più grana e fona che la storia abie mai fat”. E tinùltima amò, te anter na curiosità e l’autra (una sun dutes chela che la parola “pagano” la vegn cà da “pagan” che vel dir paìsc e donca i pagans, che ades l’é chi che no é cristiegn, l’é dant da dut i sentadins di paìjes e donca dalonc da la zitèdes, n’outa lesc simbol e zenter del svilup de la religions), Fortunato Bernard ne à lascià con na mascima trata dal “Pastore di Erma” che à envià duc a “esser contenc e viver con forza e coraje te la speranza e te la fe data da ogne religion”. (vr)

Fortunato Bernard te gejia de Sèn Florian a Cianacei.

Dò n trat de paussa se aur endò a spalanch i ujes de “La Grenz”, la sociazion de cultura e musega de Moena che da passa 6 egn porta inant projec per slarièr fora ence te noscia valèdes la cognoscenza e la produzion de musega de calità. Te chisc egn per endrez de chesta sociazion l’é ruà a Moena a sonèr e ciantèr a La Baita o ence te piaz o te teater La Grenz aur insnet si ujes per l conzert musizisć de gran braùra e dedicà a la eles con la ciantarines del nonzech, ladins, taliegn o da grop “Armonauz” da Ampez. foradecà, e apede chest no se pel desmentièr l gran contribut La setemèna che vegn sarà enveze dat a la comunanza con 2 apuntamenc leé al Dolomiti Ski scomenzadives de formazion e Jazz (www.dolomitiskijazz.com): creatività outes ai joegn. Chest an en mèrtesc ai 12 a la Grenz sarà na i se à tout mìngol del temp, ma ades bela Jam Session viventèda da i é vertesc a peèr via con n muie de musizisć desche Luca Boscagin e novitèdes e proponetes. si London Project, e en vender ai Via per chest meis de mèrz l’é 15 de mèrz sarà la serèda “clou” col trei i apuntamenc en program, chitarist e blues man Maurizio semper pean via da les nef da sera, Bestetti che prejentarà si ùltim cd te la senta te Strada Saslonch. “The walkin’ man” compagnà da Se pea via insnet, vender ai 8 de Michl Lösch al piano e orghen mèrz, festa de la fémenes, col Hammond e Enrico Tommasini a conzert “ELES x ELES - WOMEN la baterìa. Chesta serèda particolèra 4 WOMEN”, en colaborazion con sarà amò “deliziousa” de gra a la l’Union di Ladins de Fascia. Na cerces gastronomiches enjignèdes lingia de ciantarines da noscia dal chef Peter Brunel e da si valèdes e da duta la region, se colaboradores: na sera de bona enterzarà per endeletèr e festejèr la musega, legreza e saores refiné, per eles te n gran conzert che arà desche chela che l’é benfat prenotèr (tessera, ghest de onor l grop “Armonauz” conzert e degustazion 15 euro). da Ampez, che prejentarà toc del Ence per l’an 2013 l’é stat confermà repertorie pop internazionèl la quota de adejion e con 10,00 euro (Beatles, Abba, Elton John e c. i.) se pel doventèr sozi e tor pèrt a duc cianté per ladin. i conzerc de La Grenz per dut l’an.

Chi él pa? Soluzion del retrat su La Usc nr 09 del 2013 Descheche aane ja scrit la setemèna passèda, l’ùltim retrat publicà su La Usc di Ladins numer 9 ne era stat portà da Carlotta Deluca de Canucia da Vich, olache l’é sù lurieranc (cheghes, cheleres, lavapiac e lavandères) che lurèa te la veia casermes a Sèn Jan del 1939. A ne dèr la resposta, apede a la medema Carlotta, l’é stat Bruno Ghetta de Martin da Vich, Lino Soraperra Medico e Maria Deluca da Poza. Sul retrat l’é: 1. Caterina Dassala de Cignela; 2. e 3. Cognessa esser 2 touses da

Moena; 4. Lidia Dassala Cignela da Vich; 5. una da Moena; 6. Ida femena de Marino Pederiva de Brognol da Vich; 7. Carlotta Deluca de Canucia da Vich; 8. Gina Florian de Franzele Piz femena de Bepi Calligari de Futerle; 9. Caterina (Rina) Deluca de Cruf da Poza; 10. sia mère Maria Favé da Ciampedel; 11. Giulia Ghetta da la Filo da Vich; 12. sia fia Mariella Lorenz; 13. Celestin Lorenz de Bortol om de Giulia e vardian de la caserma; 14. e 15. doi da Milan responsabole; 16. Lisetta Cloch da Vich; 17. sia sor Irma Cloch; 18. Gina Pezzei de Chinco da Poza; 19. Maria Pollam 40

39

de Tita dal Moliné da Poza; 20. Maria Dorich de Coloc da Poza; 21. Rita Pezzei de Mongo da Poza; 22. Anna Florian de Tisto; 23. Giulia Pezzei de Chinco da Poza o Angelica de Tach; 24. Maria Zanet de Ciat mère de Nicolino da Vich (per Carlotta e Lino) o Amalia Cloch de Cò da Poza (per Bruno); 25. Maria del Paula femena de Romedi Pederiva e mère del nr 30; 26. Rudi Gross Fanet da Poza; 27. Alfonso Zanet de Ciat da Vich; 28. Bepo Ghetta da l’Ones da Vich; 29. Alfonso Pezzei de Sbaut da Vich; 30. Vito Pederiva de Romedi da Vich; 31. Maria Barbolini de

Janmicel da Poza; 32. Vito Tamion dal Faure (per Bruno) o Federico Ghetta (per Lino) o Giovanni Ghetta de Celestin (per Carlotta); 33. Giuseppe (Bepi) Calligari de Futerle da Vich; 34. n forest (per Bruno) o Checo Rizzi de Poldin (per Lino); 35. Alberto Oberthaler de Zusan da Vich; 36. Vito Chiocchetti de Roja da Vich; 37. Francesco (Franzi) Ghetta de Martin da Vich; 38. Carleto Lorenz de Bortol da Vich; 39. Alberto Battisti Patech da Poza; 40. Bepi Ghetta da la Filo da Vich; 41. Paolina Zancanaro da Vich. Ge sporjon n bel develpai a chi

che ne à didà ence chest’outa a meter ensema na mizàcola de noscia storia e chest’outa ve meton dant n retrat con su conscric che vegn da Soraga su. Ve preon de ne dèr voscia resposta inant de en mèrtesc dal mesdì te redazion, ence per telefon o fax al 0462.764545 o per mail a la direzion lausc@ ladinsdefascia.it. Ve recordon che chi che ne dèsc la resposta giusta o troa fora amàncol la maor pèrt de la jent sul retrat i ciapa en don n liber o n CD de musega, sporc da l’Union di Ladins de Fascia.

38

41 36 37 26

25

28

27

29

35

34 5

22

23

1

21

19

20

5 2

3

4

18

6

1

14

13

16

17

6

2 8

7

7

31 15

24

3

33

32

30

9

10

11

4 12

www.lauscdiladins.com

17


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

nr. 10 / 08 de merz 2013

Cianté y suné ie legrëza N ann plën de ativiteies ie unì stlut ju ufizialmënter cun la senteda generela dl Cor y dl’Urchestra de dlieja de Urtijëi Lies - Do che l ann passà ova Filip Piccolruaz tëut su la ncëria da presidënt dla lia, se àl cun gran ntujiasm dat ju cun si ncëria nueva, purtan ite truepa ideies nueves y cialan de fé jì inant l’atività dl Cor y dl’Urchestra te na maniera che vede bën per duc. Ntan la senteda generela n sada ai 12 de jené tl local di jëuni Saut a Urtijëi, àn cialà de reviers al'atività dl ann 2012, ulache l Cor y l’Urchestra se à lascià audì te plu ucajions, coche pra funzions liturgiches o pra l cunzert de utober. L ie pona nce stat plu mumënc de cumpania, coche la jita tla Venuesta, la grilieda sa mont d’instà y la festa da Nadel. N à cialà te plu ucajions de nvië ite chiche ëssa ueia de cianté pea pra l Cor, coche pra l cunzert o l proiet dla „Missa Criolla“ n ucajion dla Festa dl Aufertog. Oradechël àn nce cialà de lauré deberieda cun ciantarins y musizisć jëuni, sciche pra la festa de S. Zezilia, ulache la mëssa ie unida abelida dal Cor di Jëuni deberieda cun l’Urchestra.

Vela dl cunsëi nuef Do na pitla descuscion, ulache l ie unì fat ora de mëter a jì la senteda generela uni doi ani, iesen pona jic inant cun la veles dl cunsëi. L presidënt Filip Piccolruaz à rengrazià l vedl cunsëi per l’atività y dantaldut Alberta Demetz Hofer y Aron Moroder, che à dat ju si

L Cor de dlieja de Urtijëi ntan la senteda generela.

L cunsëi dl Cor de Dlieja dl ann 2012.

ncëria. Coche cumëmbri nueves tl cunsëi iel unì lità Carmen Spisser y Othmar Runggaldier.

l’ejecuzion de chël che ie unì mparà ite per la festes liturgiches.

Cumëmbri nueves Coche cumëmbri pra l’Urchestra iel unì tëut su ufizialmënter Matthias Delazer y Diego Kostner che sona l fagót y Damian Senoner che sona l corn. Do belau diesc ani pra l Cor à l’altista Alberta Demetz lascià. Te chësta ucajion ulessans mo n iede la rengrazië per l ntujiasm y l mpëni cun chël che la se à for dat ju per l bën dla lia.

Uneranzes Plu uneranzes àn pudù partì ora

L presidënt Filip Piccolruaz, a man ciancia, y Georg Malfertheiner.

18

www.lauscdiladins.com

chëst ann ntan la senteda generela. L prim diplom ti ie unì sëurandat a Demetz Ewald che à per bën cincant’ani sunà la vidula pra l’Urchestra. L diplom de carant’ani ti ie unì sëurandat a Theodor Rifesser, che ie nce ugrister y ie stat per 24 ani dirighënt dl Cor. Doi d’autri diploms per 25 ani de atività pra l Cor y l’Urchestra ti ie unii sëurandac ala sopranista Melitta Kostner y a Anita Senoner che sona la vidula. Te chësta ucajion ulessans nce rengrazië mo n iede tres la USC la dirighënta Felicitas per dut l lëur y l gran mpëni che la porta for ite per fé garaté la proes y

L program 2013 Per l ann 2013 sarà l’atività dl Cor y dl’Urchestra inò scialdi rica. L’atività prinzipela sarà zënzauter l abelimënt de festes liturgiches, nozes y supeltures, ulache l sunerà y cianterà cuartec, otec, cor cun urchestra y solisć. Oradechël cialeràn nce chëst ann de mëter a jì plu ucajions per lauré deberieda cun ciantarins y mujizisć jëuni per ti dé l mesun de cianté y suné pea pra l cor y l’Urchestra. N gran proiet per chëst ann sarà zënzauter l cunzert ala fin d’agost deberieda cun l’Urchestra Sonoton y d’autri

Diplom a Theodor Rifesser (a m.c.) per i 40 ani de atività y a Ewald Demetz per i 50 ani de atività.

cores dla valeda, ulache l unirà purtà dant „The armed man – a mass of peace“ de Karl Jenkins. Sambën ne manceràl ënghenó mumënc per sté deberieda y se devertì, coche pra la jita cun la luesa sun l Rosskopf n sada ai 24 de fauré, ulache l ie stat drët da rì y on fat na bela sluseda. Per finé via ulessans mo tò l’ucajion per lecurdé che a chiche l ti savëssa bel a cianté pea pra l Cor ie prià bel de cuntaté Felicitas Kostner Schweizer o l presidënt Filip Piccolruaz sot al numer de telefonn 339 169 0200 o sota l adres filippiccolruaz@virgilio.it. Martina Malsiner

L diplom de 25 ani pra l Cor de Dlieja ti ie unì sëurandat a Melitta Kostner.


Gherdëina

nr. 10 / 08 de merz 2013

Nce Gerald pra l Red Bull X-Alps

“Nosc bal à butà!”

La nuvità dla edizion Red Bull X-Alps 2013, che ie na garejeda de livel mundiel cunesciuda nia mé da piloc de parapënd, ie che chëst ann possa l atleta nce avëi doi supporter

L bal dl mascres di sculeies de maduranza dl ITE de Urtijëi ie stat “na bela esperienza y na bela festa de contlujion do cin’ani de scola auta”

Parapënd - L’urganisazion à fat ora de giaurì la scuadres a doi supporters mpede mé a un, ajache l ie scialdi da urganisé y da fé, per vester boni de fé pea la garejeda tla miëura cundizions de chiche jola. Peter Gebhard che jola y Heidi Insam che ie supporter dij che “nsci se ons nëus mpensà de se nuzé de chësta puscibltà y on damandà Gerald (Groldo) Demetz coche supporter. Śën ie nosc team cumplet!” Per infos plu avisa iel mesun cialé ite sot a http://www. gebhardpeter.it/deutsch/redbullx-alps/supporter/ Coche bele repurtà tla USC ie la Red Bull X-Alps una dla garejedes de parapënd plu ries dl mond, ajache l atleta muessa jì y julé per plu dis, zënza pudëi se refé danterite. L se trata de ruvé da Salzburg tl’Austria nchin al Prinzipat de Monaco. Chisc 850 chilometri possa l atleta, tl cajo dl team de Gherdëina iel Peter, mé fé a pe o julan. L ne possa nia furné cun l auto, no jì cun la roda, no passé tres tuniei lonc y n.i. L team ie aldò dla nuvità de chëst ann nscila metù adum da trëi persones, tl cajo dla scuadra de Gherdëina dal atleta Peter y si supporter Heidi y sën nce Gerald. L atleta muessa for tò pea si furnimënt y duc i njins de jol: parapënd, njin da senté, casco y la roba per na emergënza eventuela. I supporters à l duvier de cumpanië l atleta, de ti dé nfurmazions n con’ dl tëmp y de ti dé dant la miëura streda sun chëla che l dëssa se muever. I possa ti purté su l proviant sa mont, ulache Peter pëia for inò via, y pona jì inò pra auto per ti furné do. La garejeda scumëncia ai 7 de lugio dl 2013 y dura tan giut nchin

Bal - Do n gran lëur de urganisazion fòvela n sada ai 9 de fauré finalmënter tan inant: l bal dla mascres pudova scumencé! Dala ot da sëira se ons ancuntà cun i genitores, parënc, maestri y i nviei d’unëur a se bever l aperitif y a s’la ciaculé mpue’ duc deberieda. Do che on pona ufizialmënter giaurì la festa cun l salut y l bal de bënunì, ie uniun jit te si luegia: l lëur per nëus scumenciova cun l dé ora da bever, servì la jënt che fova unida a cëina y sambën a lascé ite la beliscima mascres unides adalerch. La cëina ie unida acumpanieda dala grupa Knopfloch; tl partimënt

dessot fòvel n DJ che metova su mujiga per i jëuni ma nia mé, uniun pudova balé pea. Da mesanuet iel pona unì premià la plu bela mascres, dan che la festa jiva bel plan a piz. Cun chësc articul ulessans nsci rengrazië duc i sponsores, chëi che nes à sustenì y duc i ulenteres, che nes à judà n chëla sëira. Ulessan nce rengrazië i ambolc, i professëures y sambën nce duc i genitores, parënc y cumpanies che ie unic a nosta festa. Pudon dì che per nëus iel stat na bela esperienza y na bela festa de contlujion do cin’ ani de scola auta. Eleonora Insam

Gerald Demetz, Heidi Insam y Peter Gebhard.

che l prim team ruva a Monaco plus 48 ëura, o al plu 21 dis. L possa mé fé pea 31 teams da dut l mond, perchël iel bele n gran suzes sce n possa fé pea. Ntan la garejeda muessa l team sté fërm

danter mesa la undesc de nuet y la cinch daduman. Drët nteressant ie che cun la tecnologies nueves pòssen udëi uni var di atlec tres l livetracking sun la plata ufiziela de Red Bull X-Alps. (usc)

Sculeies dla tlasses de matura dl ITE de Urtijëi n ucajion dl bal dla mascres.

Garejeda dla scola elementera Per la 60ejima edizion se à la Scola Elementera de Sëlva lascià tumé ite zeche de bel: nce i genitores ie unii nviei a fé pea

Peter ntan n jol.

Sëlva - “Propi bel iel stat,” conta Ivo Insam dl Galina: “ulësse tò l’ucajion de rengrazië nce tres la USC la Scola Elementera de Sëlva y duta l’autra istituzions che à judà ntëurite, per coche les à metù a jì la garejeda tradiziunela de schi dla scola. L fova chëst ann la 60ejima edizion. L’urganisazion ie stata a puntin y l fova nce na nuvità: i genitores ie unic nviei a fé pea, per la legrëza di mutons y bonamënter mo deplù de ëi nstësc, che un o l auter à abù na bela cumpetizion, ulache la jiva de bater l auter tati o l’autra mami... „L blòt ie stat,“ conta Ivo Insam, „che chël che ova venciù dan sessant’ani, un de Milan, che jiva ntlëuta te Gherdëina a scola, ie unì nvià a fé l gëurapurtoi.“ I tëmps ne n’ie nia unii dic tres riesc do la garejeda, coche l vën zënza fat, ma permò pra la premiazion tla Cësa

de Cultura. Duc à giapà n medemo pest, n blòt mandl de lën che refigurea un che va cun i schi. “Bel iel stat y cumplimënc,” dij Ivo Insam n reprejentanza nce di autri genitores. (usc)

Nce i genitores à fat pea pra la garejeda di sculeies.

Stradon da Tluses a Urtijëi Tl prim tunel da Puntives de viers de Tluses vëniel scumencià cun i lëures de manutenzion. Perchël puderàn mé passé sun mesa la larghëza dla streda. N laurerà nchin ai 17 de merz Stredes - L prim tunel a furné da Tluses ora, l plu lonch de de ndut sies, fova unì fat ti ani ‘70. Śën iel debujën de cumedé l smautà che scumëncia a tumé ju.

Per garantì la segurëza ntan i lëures, puderàn passé tres chësc tunel aldò de n semafer. N fej cont che i lëures durerà nchin ai 17 de merz. (usp) www.lauscdiladins.com

19


Gherdëina

nr. 10 / 08 de merz 2013

Cumprons’a ite mé nsci a cajo o se rendons’a cont cie che cunsumon? N stil de vita cun cuscienza: fair, ecologich, da tlo y cun plajëi. Per capì miec cie che cumpron vàl de bujën dla drëta nfurmazion Economia - Guant dala Cina, pëires dl Cile, freies da Nadel. Uni di cunsumons prudoc che vën da dut l mond, zënza se fé giut pensieres. Ma cie che maion y buon, coche se furnion, coche passon nosta feries, chël ne ie nia zeche che nes n va mé a nëus. Zënza se rënder cont tucons cun uni nosta dezijion nce i autri y l ambient, sce ulon o no. Son l ultim anel de na ciadëina y ne on nia giut da crì ora, dijëssen. O mpo? Audion tresora de crisa economica, crisa finanziera y dut che va mé dojù. Chi che s’la paia l plu ie chëi che ne à mei abù da ndì velch y se à for mé fat l fat y sie. Cie à pa un de nëus nce da dì te chësc gran sistem economich tan scialdi majer che nëus? L daunì ne ie nia zeche che suzed,

l daunì vën fat di per di, azion do azion. Uni iede che cumpron ite velch tulons la dezijion sce ulon fé velch: per nëus nstësc, per nosc proscimo, per la generazion che vën do, per l ambient. Pudon fé coche la nes sauta, o pudon dé nosc cuntribut ala vita y al bel che nes ie dat. Scëmpl da dì, manco scëmpl da fé y l mond ne pudons eh no mudé, no pa? Y mpo, gota per gota gëva ora l sas. Datrai iel unfat sce tò un n prudot per n auter, datrai ne iel nia cis unfat, ma sce cunescion dut chël che ie dovia, pona ne iel mpo no tan mpurtant … y pudon mpo s’la goder, s’l lascé savëi bon, se la dé bona. Per capì miec ciun prudoc che respetea la persona y l ambient, per savëi da crì ora cun cuscienza canche son dan la curones plëines

dla butëighes y se fé plu saurì a tò la drëta dezijion adurvons na bona nfurmazion. Ala fin se ntendons che l uel mé vester puech per mudé nosc cumpurtamënt cunsumistich fajan truep per nosc daunì. Iust perchël à l KVW metù a jì ti ultimi mënsc na lingia de sëires de nfurmazion y de workshops sëura dut Südtirol per nes judé a valuté cie che possa jì bën y cie che ie miec astilé ora. Na tel sëira uniràl nce tosc pità a Urtijëi (cëla sot a manifestazions). Savon bele giut che cualità ne muessa nia taché adum cun cuantità, vita n ons ënghe mé una y chëla vàla de viver bën lascian viver bën nce duc i autri, unfat sce daujin o dalonc, śën y tl daunì. N daunì che vën fat nce da nëus. Grupa Butëiga dl Mond

L Lech Sant La mostra de fotografies metuda a jì dala Lia per Natura y Usanzes nes mostra la belëza de nosc albierch y la mpurtanza biologica, storica y culturela dl Lech Sant Mostra - N vënderdi ai 1. de merz iel stat la giaurida dla mostra de fotografies n con’ dl Lech Sant, tla pitla sala dla mostres tla Cësa de Cultura ex Cungresc a Urtijëi. L Lech Sant ie n pitl lech sun la Mont de Mastlé tl chemun de S. Cristina. L lech ie 2.096 metri sëura l livel dl mer y à na lunghëza y larghëza de za. 50 metri. La fotografies che ie unides fates da Caio Perathoner, Sepl Mussner, Bruno Perathoner, Guido Obletter y Vito Miribung nes mostra la belëza de chësc biotop. La fotografies ie unides fates da ponc de ududa desferënc y ntan duta la cater sajons dl ann.

L biotop Lech Sant La fotografies de Vito Miribung nes mostra la libeles che viv te chësc biotop. Sce chësc nset ne ruva nia ora dl cocon per tëmp y ëura, pona muessel murì. Caio Perathoner à fat plu pultrec sot

L Lech Sant sun Mastlé.

20

www.lauscdiladins.com

al’ega, fotografan i pitli pësc y la alghes dl biotop. Tl Lech Sant iel i pësc "Elritze" (Phoxinus phoxinus) o i "Pfrille", tlamei per talian “Sanguinerola” dla familia dla carpes.

Archeologia L inuem "Lech Sant" nes lascia bele audì ora che l se trata de n lech bëndebot particuler. L biotop ie n relit dla “Würm-Kaltzeit” ala fin dl Pleistozen. Tl 1984 à Franco Prinoth, Gianni Rizzo y Markus Delago giavà te chësta luegia y à descuviert doi vëtes preustoriches. Tla vëta dessot fòvel na odla de bront, massaria de silex y ceramica dl tëmp dl bront. Tla vëta dessëura iel unì abinà flistres de mauta dl tëmp dl fier. Monce osc de tieres àn giavà ora. Da chisc reperc archeologics ràten che l Lech Sant fova na luegia de cult ulache l univa dunfrì su. N articul de Edgar Moroder cun

Hockey ie cumenanza Dlongia l aspet cumpetitif ie la finalità de HC Gherdëina chëla de fé a na maniera che i jëuni de Gherdëina posse fé n’atività sportiva sana y sté n cumpania Lies - L prim travert che n se ova metù per la sajon de hockey ie unì arjont, dij cun legrëza Albert Perathoner, diretëur tecnich dl HC Gherdëina: la prima scuadra de Gherdëina ie tla semifineles dl campiunat de A2 de hockey. Do avëi ti cherc de finela batù l Maran te cater partides, trëi venciudes y una perduda, à n mierculdi de chëst’ena scumencià la lingia de partides de semifinela contra l Sterzing. Do la prima partida de n mierculdi a Sterzing, che ie stata do la stluta dla redazion dla USC, iel ncuei te stadio Pranives de Sëlva la segonda partida. N uel sambën cialé de ruvé tla fineles, che fossa pona contra l Eppan o Neumarkt, aldò de chiche vënc si lingia de partides de semifinela. A livel da urganisazion conta Albert Perathoner che ntan duta la sajon iel stat n gran sustëni da pert dla jënt, truep tifosi da tlo ie for unic a ti cialé ala partides, sibe te Sëlva che oradecà. Ma nce na bela cumpëida de turisć ne se à nia lascià tò de unì a cialé la partides te Sëlva. Truep sponsores à fat a na maniera che l bilanz dla lia ne n’ie do la rata nia tan stlet, nce sce

sambën for mo zeche sot a nul te chësc mumënt: perchël ie uni nce pitl cuntribut mo bënunì. Cuntënc iesen che n à pudù mëter a jì i cin’ campiunac di jëuni, dlongia chël di granc. De gran mpurtanza ie stat l sustëni de duc i ulenteres, cunlauradëures dla scuadres, che à fat sparanië scioldi y judà a garantì na atività che va debujën. Na scumenciadiva che ie unida tëuta su positivamënter ie la loteria, ulache l ie da vëncer de biei pesć, coche n bel viac o I-Pads o I-Phones o na bela roda. La scumenciadiva va inant nchin ai 7 de auril, canche l unirà trat ala busca mo n iede danter duc i numeri, per i set majeri pesć. L cunsëi dla Hockey rengrazia de cuer duc chëi che à fat pea y chëi che fajerà mo pea. Dlongia l aspet cumpetitif ie la finalità de HC Gherdëina chëla de fé a na maniera che i jëuni de Gherdëina posse fé n’atività sportiva sana, una dla plu beles, l hockey. Sambën iel pra i jëuni dut de tei da tlo, ma nce te prima scuadra iel l pensier de ti dé lerch l plu che la va a jugadëures da tlo, che posse crëscer coche scuadra y nce ndividualmënter. (usc)

fotografies dl Lech Sant ie da liejer tl Calënder de Gherdëina 1988, Urtijëi 1987, plates 5-27.

La lijënda dl Lech Sant Aldò dla lijënda fova plu da giut na capela sun la luegia ulache ie śën l Lech Sant. I pastri che lasciova vardé si pastrëc sun la mont se ancuntova de nuet a balé y fé festa tla capela che à a chësta maniera perdù si santità. Coche straufonga ie la capela y i pastri sparii te n busc, che se à mplenì d’ega. Mo ncueicundì dëssen udëi de tel lumes misteriëuses, che lecorda ai pastri che ova balà te chëla luegia. La mostra dl Lech Sant nes lecorda dla mpurtanza storica, biologica y culturela de chësc lech. L ie mé da speré che l lech reste nce ti ani che vën na luegia naturela y particulera. Sofia Stuflesser

l verdiaporta dl HC Gherdëina Florian Grossgasteiger: segurëza!

Bula giapa na Cësa per la Lies Tla senteda dl Cunsëi de Chemun de Ciastel à la maiuranza dat pro l cuntrat urbanistich che lascia pro de fé su la Cësa dla Lies. La Pluania giapa perchël la rejon de frabiché Bula - La plaza de dlieja de Bula dëssa unì fata nueva: l Chemun de Ciastel à dat pro n merdi sëira, ai 26 de fauré, n cuntrat te chël che la Pluania de San Lenert da Bula dà ju 475 metri cuadrat de grunt al Chemun. Iló pòssel unì frabicà na cësa per la lies. Acioche l Chemun posse frabiché na cësa per la lies y n local per la proes per la Mujiga y l Cor, giapa la Pluania la rejon de frabiché doi cëses per 410 metri cubich. “La cumiscion provinziela revardënta ti à cialà al proiet y fova dla minonga che la lueges per lascé i auti ne fova nia adatedes. L dëssa unì frabicà n lift per i auti,” à dit l ambolt de Ciastel Andreas Colli.

Christoph Senoner dla “Freie Liste” Ciastel à criticà l proiet, ajache “l ne n’ie nia udù dant lueges publiches da lascé l auto. L lift per i auti ne n’ie nia na bona soluzion, ajache la fuera desturberà la cualità de vita de chëi che viv iló. N dassëssa abiné soluzions tecniches plu adatedes,” à dit Senoner. L ambolt à respundù che la cuestion dla lueges per i auti sarà fata ora plu inant. Ël à prià bel de ne mudé nia dl cuntrat, ajache scenó se trajëssela ora tan n lonch cun l proiet de frabiché. L proiet ie nsci unì lascià pro cun 18 ujes a una y doi astenscions. Sofia Stuflesser


Gherdëina

nr. 10 / 08 de merz 2013

Dessunanzes sciche strumënt esprescif Jëuni de Mujiga Gherdëina: l Ensemble Gherdëina y l Marini Consort de Dispruch lascia audì y udëi leteratura mujighela drët mpeniativa: l merit de ne se dediché nia al “populism” mujighel Mujiga - L Ensemble Gherdëina ëssa pudù se crì ora na streda saurida y tò velch de populer de mujiga da dlieja, l ëssa pudù tò mujiga plu saurida da fé y da scuté su. Ma n à cris na ndesfideda, n à ulù se studië ite na cumposizion drët ria da fé y mpeniativa per chiche scota su: la mëssa n e-moll de Anton Bruckner. Dan chësta mëssa iel stat da audì d’autra cumposizions, nce chëstes nia saurides. La mëssa n e-moll de Bruckner ie particulera te si furmazion (n lecort ala gran mujiga da dlieja per doi cores) y strumënc a fla (la ie unida scrita per n’ejecuzion alalergia, perchël àl renunzià ai strumënc a archët). La deficultà d’ejecuziun ie ora de mesura granda: la cumposizion ie senieda da armunies esprescives y de gran densità, riches y plëines de tenscion (cun una na dessunanza ndolautra, che cunzed mé unitant n sonn sarëinn de cunsunanza). Oradechël à la mëssa pertes drët autes per i sopranns. La rujeneda mujighela de chësta mëssa lieia adum elemënc sinfonics y elemënc tipicamënter

“liturgics”, la simbiosa ie na rujeneda mujighela drët ndividuela, dalonc dala cunvenzions de si tëmp (y tan deplù dalonc da nosta cunvenzions al didancuei); cun si evoluzions nia aspitedes y cun si nteriorisazion dl messaje emoziunel (n gran pert dalonc dai efec y dala teatralità romantica) ie la mëssa de na modernità che lascia sentì danora nce bele cumposizions sacreles dl 20ejim secul. Nce 130 ani do se damandons cieche Anton Bruckner ebe pensà y sentì te si cuer, canche l à scrit si mëssa n e-moll: mujiga plëina de dessunanzes, de na gran profondità religëusa, ma nia duta y tan manco sentimentela, cun pertes de na emoziunalità che Bruckner s’à daniëura stentà de gurné. Y dut te na Felicitas Kostner. rë mujighela de gran deficultà tecnica. N bel gran mpëni iel dovia, nce per profesciunisć. sce na grupa de Gherdëina mpera Scumencià à l cunzert con doi ite chësta mëssa n e-moll: n cor cumposizions de Eric Whitacre: l amatoriel che ti va permez a na prim tòch (“Lux Aurumque”) ie cumposizion che ie na ndesfideda garatà drët bën, cun de biei acorc,

cun de biei pianissimi y drët de biei crescendi y diminuendi, y cun pianissimi de gran sugestion. Nce l segondo tòch (“Sleep”) ie garatà drët bën. L tòch “20 Intermedio 13” de Martin Patscheider à abù si prima ejecuzion assoluta. L Marini Consort à mustrà si prufesciunalità, prezijion, y na sintonia drët garateda danter i strumënc. L Marini Consort ie nce te Bruckner tres inò chël che dà sigurëza, che juda al urientamënt. La gran mëssa de Bruckner ie defin garateda te si ejecuzion, te vel’ pert iel stat vel’ pitla „slisorada“, vel’ melsegurëza d’intunazion, vel’ mancianza tla pertes plu autes (Sanctus), ma dut adum na ejecuzion memorabla. L merit ie dl mpëni dl cor y de chëi che à sunà dl Marini Consort, ma dantaldut de Felicitas Schweitzer: si direzion à la cualità de sënies tleres che comunichea frases, articulazions, dinamiches te na maniera ezelënta y tën nscila adum l gran cumples vocal-strumental cun esprescion

y prezjion amirables. La dliejia de Sëlva fova frecuenteda drët bën, l publich à scutà su cun gran atenzion, con gran respet per la mujiga y per l’ejecuzion: l program dl cunzert, dalonc da uni “populism mujighel”, mostra che l profil de n ensemble vën plu rich y da contures sce l dij de sci a desfides. Nce la sajon da cunzert di “Jëuni de Mujiga” giapa na valorisazion cun chësc cunzert: n valor ie l’ejecuzion de cumposizions de na tel ntensità d’esprescion - nce de se nfidé de mëter sun program n tel cunzert, n valor nce per la partezipazion de jënt da tlo. N tel cajo ne mostra nia mé l valor artistich o culturel nstës, ma nce l valor soziel: sce cumpanies o chëi de familia ie mpeniei te proes y conta de chësc mpëni y ti dij a cumpanies de jì a cunzert, vëniel slargià ora danter la jënt la cunescënza, la curiusità culturela, y mé nsci possa la mujiga (o la cultura n generel) mëter ravises te nosta sozietà. Mateo Taibon

Mujiga de livel scialdi aut L cunzert te dlieja de Sëlva cun l Ensemble Gherdëina y l Marini Consort de Dispruch sot ala bachëta de Felicitas Schweitzer se à davanià n aplaus de plu menuc Mujiga - N sada ai 2 de merz iel stat l sesto cunzert metù a jì dai Jëuni de Mujiga de Gherdëina. La ujes plëines di ciantarins à riesc tëut ite duta la dlieja de Sëlva y arjont l plu sot de chëi che scutova su. I doi pec dë Whitacre y la messa dë Bruckner, tòc bëndebo’ zic da cianté, ie unii prejentei dal “Ensemble Gherdëina” te na maniera tlera y sterscia. Che la mujiga ti ie jita al cuer a chëi che à scutà su, à desmustrà l aplaus ala fin che à durà plu menuc. L Ensemble Gherdëina ie unì metù su tl 1996 da Gebhard Piccolruaz y Claudio Kerschbaumer cun la ntenzion de ti dé l mesun a ciantarines y ciantarins di cores de Gherdëina de se dé ju cun mujiga sacra y profana de epoches desfrëntes. Aldò di pec che vën purtei dant vën l cor cumpanià da strumënc o nce da na urchestra. Claudio Kerschbaumer y Felicitas Schweizer se barata ju tla direzion dl cor. Ti ani de atività iel unì tenì plu cunzerc nce oradecà coche a Arco, Brentonico, Tione, Trënt, Assisi, Spoleto, St. Pölten, Millstatt, Hall in Tirol, Salzburg y Pari. L ie unì purtà dant opres di majeri artisć dla mujiga, coche Vivaldi, Bach, Mozart, Schubert, Mendelson y Verdi. Vel’ proiet ie nce unì metù a jì cun l Ensemble “Discantico” de Milan, l “VocalArt” de Persenon, l’urcestra “Marini Consort” y l’urchestra da camera “Innstrumenti” de Dispruch.

Eric Whitacre y Martin Patscheider I prim doi pec che ie unic

prejentei ntan chësta sëira de cunzert ie dl cumponista y dirighënt de Las Vegas Eric Whitacre. Chësc cumponista ie nasciù tl ann 1970 y à metù adum pec per cores, pec per urchestres de sunadëures de strumënc a fla y monce mujiga eletronica. Whitacre à nce metù adum l pez « Mermaids » cun Hans Zimmer y à nce dat la batuda a n valgun toc dla mujiga «Pirates of the Caribbean  ».  Cunesciù iel plucheauter per si lëur cun cores virtuei. Chisc ie cores che vën metui adum per internet, cun videos de persones che ne se à povester nianca no mei udù. Pra chisc pec tóchel leprò i pec Lux Aurumque y Sleep, che ie unic prejentei ntan la sëira. Chisc doi pec ie per cores a cappella a 8 ujes. Dl cumponista Martin Patscheider iel unì purtà dant « 20 Intermedio 13 ». Patscheider ie nasciù tl 1973 a Dispruch y à studià tumbrëta y pedagogia dla mujiga tla Università „Mozarteum“ a Salzburg. Ël vën ratà un di miëur mujizisć sun la tumbrëta naturela dl raion tudësch. L cumponista y ugrister Anton Brucker ie un di majeri sinfonicri dl romantizism. Ël ie nasciù tl ann 1824 a Ansfelden tl’Austria, à studià scienzes dl’armunia a Linz y dal 1845 inant iel stat ugristert a St. Florian y Linz. Tl medemo tëmp se àl fat na furmazion dla scienzes dla cumposizion. Pona iel deventà professëur per bas, „kontrapunkt“ y orgun tl conservatorium de Viena y lector per scienzes dl’armunia tl’università de Viena. A London y a Paris iel unit cunesciù per si cunzerc coche ugrister y plucheauter per si talënt de mpruvisé. Sot al

nflus dl’opres de Richard Wagner àl metù adum ti ani 1860 la prima mësses y sinfonies. Nchin ti ani 1885 àl scrit de ndut 9 sinfonies, che l à pona mo mudà truep iedesc, ajache l fova n gran perfeziunista. La nona sinfonia ne à Bruckner nia finà ajache l ie mort tl ann 1896 a Vienna. Coche ël nstëss à ulù, iel unì suplì sot al orgun de St. Florian. N si zitat ie: “Chiche uel fé n ciampanil aut, muessa giut se tenì su pra la fundamënta.” N auter iede dëssel avëi dit: “Tosc me dìji mat, tosc moster. Chëi dëssa mé svaië tant che i uel! Sce chël che ie scrije ie bon, pona resteràl. Sce nia, pona jiràl n revina.” Che la mujiga de Bruckner ie for mo viva, nes à l Ensemble Gherdëina lascià audì cun una dla trëi gran mësses che Bruckner ova scrit. La “missa” in e-moll ie per strumënc a fla y cores cun ot ujes. N muessa dì che la ie de n livel scialdi, scialdi aut y rie da prejenté. Mpo ti iel garatà al Ensemble Gherdëina a puntin de purté dant chësta bela meludies. Sofia Stuflesser

Te dlieja de Sëlva iel nstadì stat n cunzert dl Ensemble Gherdëina. www.lauscdiladins.com

21


Gherdëina

nr. 10 / 08 de merz 2013

La Union di Ladins for plu y plu jëuna L cianton dla Union Tla reunion generela dla Union di Ladins Gherdëina àn cialà de reviers ala bela ativiteies dl ann passà. L ie nce unì lità doi jëuni te cunsëi ULG - L’atività dla Union di Ladins Gherdëina ULG ie scialdi granda y ie fata dantaldut de na cumpëida de manifestazions cultureles che �� da n fé cun nosta tiera y rujeneda dl’oma. N vënderi ai 22 de fauré iel stat la reunion generela dla Union di Ladins de Gherdëina tla biblioteca dla Cësa di Ladins, ulache l ie nce unì lità l cunsëi nuef. Stefan Kasslatter, l presidënt dla ULG, à prejentà duta la ativiteies che ie unides fates ntan l ann 2012. Na manifestazion che à drët plajù ie stat l domesdì leterer che ie unì metù a jì ai 27 de lugio. I autëures ladins Tobia Moroder, Rafael Prugger, Carlo Suani y Elisabeth Oberbacher à liet dant de biei scric letereres y de bela poejies, che desmostra che nce cun paroles ladines se làscel fé n’ert che dà ora truep sentimënc y argumënc che ne reverda nia mé la generazions de nosc antenac, ma nce cunzec de nosta sozietà.

Lezions de ladin y Calëder de Gherdëina Nce la lezions de ladin cun David Lardschneider à abù suzes. Te un n curs ti iel unì spiegà la gramatica, i azënc y d’autra cosses nteressantes che à da n fé cun nosta rujeneda a persones che à bele cunescënzes dl ladin. Tl auter curs ti iel unì dat l mesun de mparé la rujeneda ladina a jënt da oradecà che ie unida a ste te Gherdëina y che desmostra suvënz n majer nteres che n ne miena per nosta

Union di Ladins de Gherdëina Cësa di Ladins, str. Rezia 83, Urtijëi - Tel: 0471 796870, e-mail: info@ulg.it

Azion per i cumëmbri La Union di Ladins de Gherdëina fej al savëi a duc si cumëmbri che la mët a jì nce chë st ann l’a z ion de recunescënza: dai 4 ai 15 de merz 2013. Ntan chësta doi enes possa duc i scric ite unì te nosta biblioteca ntan l’ëures de

I doi cunselieres jëuni che ie unic leprò: Sofia Stuflesser y Iacun Prugger.

rujeneda. N auter mumënt mpurtant dla Union di Ladins ie stata la prejentazion dl Calënder de Gherdëina 2013, che ova chëst ann la trohtes coche argumënt zentrel. Cun l aiut de truepa persones che à mandà ite si scric iel unit a se l dé nce la bela publicazion da chëst ann.

Proiet per la biblioteca Ntan la sëira à l presidënt Stefan Kasslatter nce mustrà su la ativiteies che unirà fates tl ann che vën. N obietif che l cunsëi ulëssa gën realisé ie chël de publiché trëi libri ladins. Chisc ulòven bele stampé l ann passà, ma la situazion finanziela ne l à nia lascià pro. “Nce chëst ann uniràl inò metù a jì referac nteressanc, l domesdì leterer, l’ëura

L presidënt de vela cun la doi cumpëidaujes Ivana Moroder y Monika Kelder.

de stories per mutons y sambën ti sauteràn nce tosc inò ite a njenië ca la publicazion dl Calënder de Gherdëina dl 2014,” à spiegà Kasslatter ala generela. “N’autra atività mpurtanta che la ULG se à tëut dant de fé ie de cataloghisé duc i libri dla biblioteca tl sistem de computer “biblio 2000”. A chësta maniera puderàn se cunlië tres internet cun duta l’autra biblioteches. Chësc ie n gran lëur, che puderà nce se tré ora per passa n ann,” à spezificà l presidënt dla ULG. Da dedò à l cassier Raimund Großrubatscher prejentà l rëndicont de cassa dla lia, che ie nce unì cialà do a puntin dai revisëures Norbert Comploj y Janmatie Moroder.

Situazion finanziela Purtruep ie la situazion finanziela dla ULG mo for scialdi stleta, davia che i cuntribuc che la giapa dala man publica ie unic scurtei dassënn. L presidënt à dit che la ULG pudëssa, per la nfrastrutura che la à y la persones che cunlëura, sce la unissa sustenida mé unfat sciche d’autra lies, pité scialdi plu servijes per la jënt. Son ruvei al pont che la soma de scioldi che la ULG ti paia al ann al Chemun de Urtijëi per IMU, eghes y refudam ie scialdi plu auta che chël che la ne giapa dal Chemun coche cuntribut per l’atività ordinera: plu avisa iela

nsci che la ULG à giapà dal Chemun de Urtijëi 1.152,50 € sciche cuntribut per l’atività ordinera ntan che la à messù ti paië per la spëises nunziedes dessëura 3.135,10 € y lauta nsci ora na defrënza de 1.982,60 €. L presidënt spera che i aministradëures publics vëije ite che a sustenì na lia de ulentariat coche la ULG ti feji dl bën a duta la jënt, ajache sustenian l ulentariat, dantaldut te tëmps de crisa coche i on śën, ie da d’ël ora la sëula soluzion per pudëi pité ala jënt cër’ servijes y ativiteies tenian i custimënc basc per la casses publiches.

Vela dl cunsëi Ntan la generela iel nce unì fat la vela dl cunsëi nuef, ulache l ie unì lità chësta persones: Stefan Kasslatter, Milva Mussner, Sofia Stuflesser, Rudi Kostner, Iacun Prugger, Claudia Urthaler, Raimund Grossrubatscher, Vinzenz Peristi, Wolfgang Moroder. Giulia Senoner de Soplajes à lascià si atività te cunsëi. A d’ëila ti vàl n rengraziamënt per chël che la à fat ti ultim trëi ani.

giaurida (lunesc y merdi dala 16.0 – 18.00 y mierculdi, juebia y vënderdi dala 10.00 – 12.00) a se crì ora na publicazion, n CD o chertes d’audanzes che piton co che s ëni de recunescënza. Unide duc a nes crì! L presidënt de vela Georg Moroder à bele cherdà adum n merdi ai 26 de fauré l cunsëi nuef per lité l presidënt, l vizepresidënt y l cassier. Ot di nuef cunselieres litei dal’adunanza generela ie unic adalerch ala prima senteda dl cunsëi, che à pona n chëla sëira lità: Stefan Kasslatter - presidënt, Milva Mussner - vizepresidënta, Raimund Grossrubatscher cassier. Ëi à giapà la crëta da duc i autri set cunselieres. Te na senteda che l presidënt iusta lità da nuef uel tosc cherdé ite, uniràl partì su mo d’autra ncëries o lëures che i cunselieres ulerà se tò su de fé y l unirà sambën rujenà dl program da purté inant y a ce argumënc che n ulerà ti dé l majer pëis.

Rengraziamënc L cunsëi dla Union di Ladins ulëssa rengrazië de cuer duc chëi che sustën la lia y juda pea canche i possa. I cunselieres se ncunforta bele sun n ann nuef cun truepa bela ativiteies cultureles. Sofia Stuflesser

Ntan l’ëura de stories per mutons, ulache l univa nce pastelnà.

Sëira de leteratura alalergia.

22

www.lauscdiladins.com


nr. 10 / 08 de merz 2013

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Sellaronda Skimarathon e Trofeo Lattebusche: Rèba speta 2000 atlec Le doi gran manifestazion nte chëst fin setemana Manifestazion - Sto fin setemana Rèba la deventarà la capital del schi da mont e del schi alpin de chi plu jovegn. Da vender a domënia defati sot al Boè se corarà doi gran manifestazion de sport: la Sellaronda Skimarathon e le finai del Trofeo Lattebusche. Nte trei dis ruarà sa na Rèba plu de doimile atlec ntra apascionei del schi da mont e jovegn che se sfidarà ntel schi alpin su le piste de Ciaulonch, Porou e Burz. Se scomenciarà vender da sëra da le 6, cánche 500 copie le piarà via sot al striscion de la 18° Sellaronda Skimarathon, la gara de schi da mont de not plu cugnisciuda de le Èlpe che se cor su le piste ntourn al Sela. La manifestazion la peia via ogni ann da una de le cater val ladine del

Sela. A la competizion tòl pèrt i meio atlec de la specialité da Italia, Francia, Svizera, Austria, Spagna, Germania, Repbblica Ceca, Slovenia, Norvegia, Danimarca, Stac Unis e Canada. La Sellaronda Skimarathon l’é consciderada la Formula 1 del schi da mont. Fèsc imprescion i ritmi che chisc atlec i e bogn de tignì su per i jous ( plu de 1600 metri/ora ) e le corse che i fèsc ju pèrt sluminei demè da na lum sul casco. I temp che i mët a fè l percors i é de dut respèt. Demè n machina se ciafiëssa a ester autertánt svelti. L temp record per i ëi l é de di 3:15’07’’. Per le ële nveze l é de 3:55’12’’. Chi che no ciafiarà a ester sa na Rèba per tò pert dal vif al spetacol de la partenza e del arivo,

sunsom o japé i jous ntourna al Sela a vedei coche i atlec nte nen bis i se cámbia le pel sot ai schi, i podarà se vedei la gara n streaming sul scito de la manifestazion. Le cinepreje le tolarà ju i momenc mpruma de la gara, la partenza e i prums chindesc menuti de competizion. A Sëlva de Ghërda, zirca a mez percors na cinepreja fiscia la tolarà ju l pasagio per podei mpermëte a duc i atlec de podei se rivedei. Sa na Rèba i operadous i tolarà ju i arivi dei prums e ntei paisc se podarà vedei dal vif su de gragn schermi i atlec che se muda ju le pel. I prums, i meio, chi che per pruma passarà i 42 chilometri e 2700 metri de dislivel del percors i ruarà ndavò a Rèba ntorun le 21:15 sot al striscion de arivo che vignarà

Sto ann la Sellaronda Skimarathon la piarà via da Rèba.

monté ntamez al paisc. Le premiazion le vignarà fate ntel gran tendon da 400 pòsc da se senté alestì sul piazal del Hotel Malita. Sabeda dadomán ruarà nveze l’invajion dei finalisc del Trofeo Lattebusche. La manifestazion l’é stada metuda a jì dal Sci Club Arabba per le gatre de schi da mont e dal Sci Nordico Marmolada per

chële de fondo. Le prove de chësta specialité le vignarà corëste sul anel de Malga Ciapela. Ben 78 i sci club, ntra le doi specialité che se darà apuntament su le nei de Rèba e de la Marmoladfa.. Sabeda da le 10 l’é perveduda la finalina co l slalom lèrch su la pista “Cherz2” sun Jou de Ciaulonch per le categorie “Baby e Cuccioli 1 e 2”. Domënia i ciámp de gara i sarà doi. Su la pista “Burz” se sfidarà le categorie Baby 1 e 2; su la pista “Belvedere” de Pordou nveze le categorie “Cuccioli 1 e 2. Da le 2 davòmesdì vignarà fat na gran sfilada fòra per l zenter del paisc de duc i atlec che a tout pèrt a le competizion. Sfilada che ruarà fin nte tendon sun piazal del Malita, ulache vignarà fat le premiazion. (sl)

Animei salvaresc ferìs: máncia i scioldi per i salvé

Ladri de legna

Leandro Grones, prescident de la Riserva de Ciacia da Fodom:”L é l ciclo de la natura”

Ma degugn denunzia i fac. Derobé ence l assessor ai bòsć

“Centro Raccolta Selvaggina” de Sedico. Nlouta no savon ulà i porté. A le oute damanon la colaborazion de valgugn che a na stala per tignì chelche dì. Ence sti dis passèi son stèi plu oute sa Fodom. La situazion l’é grieva e nos on le mán liade.” Sul argoment on sentù ence l prescident de la Riserva de Ciacia da Animei salvaresc ferìs. N problema. Fodom Leandro Grones. “I animei salvaresc – l Ambient - “No savon ci fè. No spiega – i é de proprieté del Stato. n é scioldi per ntervegnì e salvé i La lege nazional e chëla regional animei salvaresc ferìs. Da doi agn l’à de la gestion a le Provinzie. Spò l é saré ence l “Centro Raccolta i soi autorizei a ntervegnì l é l selvaggina” de Sedico.” Coscita la personal de le Guardie Provinziai. guardia provinzial Donato Nicolai Ma ence lori i è sot prescion. I é de spiega come mèi che no i é puoc e máncia i scioldi. L é ste ativé ntervegnus per se rencuré l pico doi numer de telefono ulache i capriol salvé dei laoránc dei lifc sun zitadins i po’ clamé per segnalé cajì Pordou. I é dejine le segnalazion come chël de Pordou. Un l fèsc che ogni di rua a le Guardie riferiment a la sona del Ciadoure Provinziai de animèi salvaresc ferìs, e un per la Valbelluna e l Agordin. ciapei sot da le machine o che, senza Ma ence la reperibilité del personal forze, i rua damprò a le cèse. Ma l la costa. Se te urte de ciapé n agent personal de la Provinzia l’a le mán del Agordin, come per ejemple l liade, souradut perciéche máncia Donato, nte na mes’ora l é ence nta i scioldi. Nte chëste setemane sul Fodom. Se nveze te ciapé un da Cansiglio, soura l’Alpago, zirca 60 Feltre l no ven gnánca su. Come daini i é drio a morì de fam. “Co è iagri on plù oute damané de podei ciapé la telefonada – spiega Nicolai fè na convenzion per gestì l – i é responù del lascé ji se no l eva problema ma no s’é mei ruèi n nia.” ferì. Ma trop deplù nos no savon Ma autrò ejistelo n zenter ulàche ci fè. Máncia i scioldi. Da doi agn, ven portèi sti animei che se ciapa da cánche la Provincia l’é stada ntourn ferìs ? Per ejemple n comisariada, l é ste saré ence l Provinzia de Bolsán? “No, no l ejiste

Cronaca - Sarà capité a troc de chi che ogni ann se fèsc la legna de se ciapé la burta sorpreja: n bel busc ntel tasón. Na pèrt dei clapons o dei ram fac su con tánta fadia i a ciapé l sgòl. N problema che se sa che l ejiste da agn anorum. Ma che se sape degugn dei derobèi a mei pensé de fè na denunzia. Se sa coche l’é. Toca ji da carabinieri, fè n mucio de cherte. “Na mascia de scecada che a la fin no paia la speisa per mpuó de legna” i pensa i plù. E coscita chi che s’à mplenì l tiac senza fadia i é très segur de podei la fè fránca. L modus operandi de chisc l é trs l medemo. A ester ciapade de mira i é chële pile lasciade dinongia strade ncin fòravia, ulache passa puocia jent e l é difiziale spò ester vedùs. I ladri i va de not, l plu de le oute no da soi per fè plù mprescia a ciarié e no risćé coscita de ester vedùs. I

nniò n tèl zenter. L costëssa massa per l ent publico. Mossëssa ester n luoc dalviert e atrezé. No de segur na stala sarada, perciéche ilò l animel salvare l morissa. Co te toche n animèl salvare te l as bele condané. Chi pichi pichi ncora se rua ai salvé. Ma l é ence l ciclo de la natura che fèsc sua strada. Mefo che nte sti caji soga trop l’emotivité.” Ntel ann de la gran nei del 2008 – 2009 i animei salvaresc i eva stei decimèi. E i iagri i eva ntervegnus a porté ntourn bale de fen. “Si n chël ann onve bu n gran laour – continua Grones. “Nos on ntourn nte la Riserva 38 scaliere. Ogni ann spenon zirca 7 mile euro per vejolé i animei con zirca 50 cuintai de fen. Sto inviern no l é ste proprio coscita dur per i animei come chël del 2008 – 2009. Ma mpò su al aut l é tropa nei e l à nevëst da spëss. Chëst mët segur deplù n dificolté i animei. L capriol per ejemple, l vif con puoch. Ma l é fondamental che d’inviern i animei i pòbe resté n pèsc. Se i ven sprigolei da vèlch i sciámpa decà e delà. Coscita i consuma energie e i se ndebelësc. Pensé per ejemple a nen capriol che sciámpa per chilometri nte la nei auta perciéche l a n cián che i é cor drio. E purmassa nuosc animei i é très plu desturbei. N particolar ence da chi che fèsc schi da mont. Oramei i ven ju da ogni pèrt. I animei i se sprigoleia, i é desturbei. Po a la fin i vapa ben ence lori a se cherì i luosc ulache i sta plu n pèsc, ma ntánt. (ls)

La pila de legna derobada.

rua co nen auto, magari na jeep o n pik up per podei la scone. I ciaria puocia legna a la outa e de sciolito i no tourna doi oute su la medema pila. Difizile spò i ciapé. I dis passèi a se ciapé la burta sorpreja l é ste proprio l assessor ai bòsć Lorenzo Pellegrini. Nte la pila che l ava fat su dinongia la strada che rua via larcione, puoch dalonc dal cërnadou co la strada che va sa l Còl, l s’à ciapé n “bel” busc. “I s’avarà tout zirca mez metro de legna – l conta. Sua pruma reazion l’é stada chëla de taché fòra n bilieto su l apila de legna. N modo plucheauter per se sfoghé plu che la convinzion che joe a vèlch. Elo n fenomen che crësc, damanon, chël de la legna robada ? Magari per via de la criji ? “Chël no podësse l di – l ne respon. “Se sa che legn ai n’a tres robé. E a risćio i é souradut chële śòne foravia, come Fondovalle, Ciastel o autre. Ma degugn va a denunzié. Mi ntel prum volëve ben l fè. Ma po, come duc, è lascé pierde. Zerto, te moia plucheauter per la fadia che t’as fat a te la fè su.” Per chëst l fèsc n apél a carabinieri e forze del ordine. “Ogni tánt fossa polito che de not via, i rode ence ncin fòra per ste strade.” (ls)

cajomei per na publicazion. Le premiazion del concors le vignarà fate domënia 26 de mèi, ntel sèlf de la parochia a La Plié da le 10:30. Nte chëla ocajion vignarà proietade vita e opere del gran scultor fodom che se ciapa nte deplù stati, da l’Europa a l’America. A duc i partecipán vignarà consigné come ricordo n portaclé co la foto del artist Andreas Crepaz. (ls)

L scultor de reisc fodome Andreas Crepaz.

N concors dediché al artist Andreas Crepaz La scomenciadiva l’é resservada ai tosac de le scole da Fodom Èrt - N ocajion dei 50 agn da la mort del scultor de reisc fodome Andreas Crepaz, la neoda Dorothea Crepaz “Polonáta”, l Mujeo Ladin da Fodom, sezion artejagn e artisc, l’Union dei Ladins da Fodom e l Comun da Fodom i mët a ji n concors a premi resservé ai scolari de le scòle elementari e mesane da Fodom. I partecipánc i podarà prejenté siebelo n’opera scrita n

proja o poejia, per talián o per fodoma ( ma s’à plu gënn per fodom ) auna a nen laour, a pèrt, che la ilustreie de le mesure minime de 35x25cm., o sedenò n laour a mán, co le tecniche che ogniun à plu gënn: len, fiern, stofa, gesso, polistirolo o auter. Le opere i avarà da ester consignade a le scole o al maestro Franco Deltedesco no plu tèrt del 12 de mèi del 2013. Ogni

laour l avarà da ester consigné nte na busta sarada con laìte inom e cognom, scola e clasce del autor. L dessen l podarà ence resté defòra da la busta, ma taché laprò e senz al inom del autor. Degun laoura avarà da ester firmé. Le opere consegnade per tò pèrt al concors le vignarà valutade da na giuria apòsta, conservade nte la biblioteca comunal e le podarà ester dourade

www.lauscdiladins.com

23


Redadoura: Katia Pizzinini lunesc y mertesc a Badia, tel. 0471 839800, mercui a Cortina d’Anpezo, tel. 0436 868615 juebia a Col de Santa Lùzia, tel. 0437 720609 - katia.usc@rolmail.net

Souramont

nr. 10 / 08 de merz 2013

“Nia da creie… Al é n miracul!” Grana la sodesfaziun de Siro Bigontina per la dezijion touta dal Consei Regional dl Venet en cont dl passaje de 14 comuns de confin al Trentin-Südtirol Ampez - “Al n’é nia da creie”, dij Siro Bigontina, coordinadour dl comitat referendar can che al vegn da porta ite. Al ruva tl ofize dl’ULdA, dla Union di Ladis de Anpezo, olà che al s’à desfiré gran pert dl laour per porté i trei comuns ladins de Souramont endò tl Südtirol. La litazion positiva da pert dl Venet ne s’aspetova Bigontina nia, “al é n miracul!” scràiel. Sies batalies per unifiché i ladins àl metù man dl 1991, can che al fova assessour te comun. En chel ann ova l comun da Cortina aprové na pruma delibera, per damané ai zitadins sce ai essa volù fé n referendum. “La aprovazion de chela delibera é sté l prum miracul”, dìjel. En chel ann à metù man l percurs che à condut i ladins de Souramont a jì a lité, a manifesté tres l referendum la volonté de vegnì endò derevers tl Südtirol. Per Bigontina àl metù man les encontedes con i politics, con i governadours, les batalies. Ma nia duc ne fova auna. Con leteres de manacia à Bigontina ence messù fé i conc. Per n pez él finamai vegnù metù sot la protezion dla polizia. Ma al ne l’à nia deda su, “al n’é nia da zede!” nes dìjel. Inant él jù con l’intenzion de mete su n partì politich, sciche l UAL che é via en Fascia, splìeghel. Ma spo éla juda autramenter y la chestion é vegnuda porteda inant tres l’ULdA, la Union di Ladis, de chela che Bigontina fajova pert, y al fova ence sté president. A la aministrazion dl capocomun Giacobbi i à la union di ladins damané de invié via l

"Sen stàl a Durnwalder mantegnì chel che al nes à empermetù", dij Siro Bigontina.

referendum. La resposta positiva à empermetù ai ladins de Souramont de jì a lité y de cerne anter Südtirol y Venet. L sce, sciche an sà, à davagné con na gran maioranza, massa grana fosc per vegnì ignoreda per plu de cin’ agn alalongia.

Prum vare emportant do plu de cin’agn Al é passè cin’ agn da chel otober dl 2007, can che la jent fova juda

a lité. Puech y nia n’él sozedù te chisc agn o almanco, nia de concret. Fina dant na desena de dis, can che l Consei Regional dl Venet à dè pro l passaje di 14 comuns de confin al Trentin-Südtirol. “Al é sté n at de coraje dret emportant da pert dl Venet y nos son scialdi contenc, ajache al ne fova nia dit che ai dijessa de sce”, dij Bigontina che ne fova en chel lunesc nia a Aunejia, ma che i é jù do a les votazion tres internet. “Al é sté dret positif che al é ruvé a Aunejia duc trei i capicomun deberieda”, pensa l coordinadour dl comitat referendar: “Al é n segn che desmostra che ai tegn adum y che ai tegn sun la votazion.” Bigontina é ence dla convinzion che al é sté scialdi emportant che la votazion sie vegnuda fata en chel lunesc, ajache i resultac dles lites politiches essa podù pregiudiché la dezijion y al ne fossa nience plu sté segur che ala fossa ben vegnuda touta.

“I ladins de Souramont n’é nia venec, ma südtiroleisc” La resposta positiva ne fova donca nia aspeteda, ajache l Venet à scialdi fat patì i ladins, dij spo Bigontina: “Can che i on fat l referendum palòvel n atentat a la unité dla Talia, trueps l à tout su scialdi mal.” Sen, al didancuei, ne n’é l referendum nia plu na cossa tant straordinara. Trueps é i comuns belunac che à invié via litazions popolares per lascé l Venet, zenza motivazion storiches

Concors metù da jì da La Usc di Ladins. Manéde vostes fotografies a la miscion e-mail katia.usc@rolmail.net o per posta a la misciun: Redazion “La Usc di Ladins”, Self dei Ladins c/o ex Hotel Dolomiti, 32020 Fodom/Livinallongo (BL). Les fotos vegnirà ence publichedes sun la plata de Facebook “L sonn fodom tla Usc” olà che duc podarà dé ju si aprijament. Chisc vegnirà touc en consciderazion da la giuria per la valutazion finala.

"Aisciuda, nuova vita", é l sonn fodom per Marino Crepaz da Chierz.

24

www.lauscdiladins.com

o culturales, sciche cheles che i comuns ladins de Col, Ampez y Fodom porta inant, ma plutost sciche segn de protesta ti confronc de na region, che fej massa puech per i raions de confin, chi da mont. Aunejia ne pel nia massa sprigoleda da la volonté de chisc comuns de sen jì. Con la votazion dl Consei Regional i dàl pro l passaje a la region vejina. Bele dant n valgugn meisc ova Sappada abù la resposta positiva per jì tl Friul. Sen à l Consei Regional dè pro l passaje te n’autra region a d’autri 14 comuns. Po pa ester l fat che Aunejia ae dit de sci a 14 comuns na limitazion, o se tràtel de na oportunité, se damanonse y i l damanon a Siro Bigontina, che respogn enscì: “L Consei Regional n’à nia podù fé desferenzies danter i comuns, ma de nosta diversité él vegnù rejoné tratant la discuscion. Al é vegnù dit dal capogrup dl PDL, Dario Bond, che la motivazion che porta nos trei comuns da Souramont a volei jì tl Südtirol é desferenta, lieda a chestions storiches y nia economiches.” Na gran marevueia y samben ligreza à descedé chestes declarazions de Bond, che essa ence dit, nes conta Bigontina che “i ladins de Souramont “n’é nia venec, ma südtiroleisc”.

Sen la resposta dal Trentin-Südtirol Sen se aspeta i ladins da Souramont che ence l Consei dla region Trentin-Südtirol fejes l medemo. “Dampruma nes dijovei

che fina che l Venet ne litova nia ne n’essa lité nience l TrentinSüdtirol, ma sen n’él nia plu vertoles. Durnwalder à davignora empermetù de nes tò su y sen él ora de mantegnì chel che al à dit.” Les litazions da pert dles does regions ne n’à nia valour legal y n’é nia vincolantes, ma al é minonghes emportantes per l Parlament che messarà spo tò la dezijion definitiva. “Sun undesc comuns s’à l TrentinSüdtirol bele pronunzié”, nes recorda Bigontina: “Al i é vegnù dit de sce a Pedemonte, sun nos trei comuns ne n’ài nia ciamò dé giudìze, ma ai autri 11 comuns i él vegnù dit de no.” L clima politch é sen, do les veles politiches, scialdi sotissoura. Tl Parlament nuef messaràl vegnì formé comiscions nueves. De segur n’él nia, ma la speranza y la creta ti senatours y deputac südtiroleisc che é a Roma é grana. “N dessegn de lege, metù ju da Karl Zeller él bele, i speron che ence i autri politics toles a cuer nosta situazion y che ence da Roma la litazion posse ester positiva”, dij ciamò Bigontina, che nes spliega spo che la chestion ne vegn nia plu porteda inant tres l comitat referendar: “Da can che al é vegnù metù su la comiscion con i doi assessours per comun onse sospenù l’ativité dl comitat referendar, al é giust che ai sie ai, che é vegnus litès, a porté inant y a fé respeté la volonté di zitadins, ma sce ala va de bujegn sonse samben chilò per dé na man. (kp)

Con Papa Benedet é la gliejia deventeda basilica Dl 2011 ova Papa Benedet XVI nominé basilica la gliejia d’Ampez. Sen che al à con gran coraje dé ju sia enciaria, resta grana la reconescenza di ampezans Gliejia - Al fova ai 3 de mei dl y da chi che l ova realisé. Per la bela 2011, l di de San Filip y San Iaco, scincunda ova l Papa rengrazié tres can che l cardinal Giovanni Battista na letera maneda da la Segreteria Re ova ofizialisé l decret pronunzié Vaticana. Grana é la reconescenza da la Santa Sede, nominan basilica di ampezans per chest Papa, si la gliejia ampezana, dedicheda propi recort restarà semper vif te Ampez. ai sanc Filip y Iaco. Al fova vegnù Da oramai doi agn encà é la gliejia fat na gran festa, che ova cherdè de San Iaco, sciche ence l dom da adalerch prevesc, vescui, cardinai, Persenon y chel da Bulsan, na personalités y fedei dal paisc y da basilica, la terza basilica dl Venet, foradecà. Sora la porta dla gliejia dlongia cheles de Belun y de Feltre. fòvel vegnù taché fora les does cles (kp) encrojedes, simbol dla basilica. Daite da porta à ciafè lerch la tofla de marmo sun chela che al é scrit, per latin, che al é sté l Papa Benedet XVI che à declaré basilica la gliejia d’Ampez ai 7 de jené dl 2011. L Papa à volù fé deventé basilica la gliejia de San Filip y San Iaco sun domanda dl vescul da Belun, mons. Giuseppe Andrich. Ma bele n valgugn agn denant fòvel vegnù a conescenza dla gliejia ampezana tres l liber “San Iaco” che i fova vegnù La tofla de marmo tacheda su daite da la scinché da la cuera d’Ampez gran porta dla basilica ampezana.


Souramont

nr. 10 / 08 de merz 2013

I cincent agn dla familia Ghedina Gran festa a Cortina d’Ampez, ai 23 y 24 de merz, per recordé i 500 agn da la sourandeda dl blason a la familia Ghedina Ampez - 20 de merz dl 1513: sun n document storich che porta dant l legn genealogich dla familia Ghedina, dlongia l blason (stema) de familia, él vegnù reporté chesta data. Bonamenter se tràtel dla data de assegnazion dl blason a la familia. Da en chel di él passé 500 agn. La familia à origines scialdi plu vedles, ma chest aniversar s’àn pensé de festejé sciche al toca, con na enconteda de duc i Ghedina slariés fora per l mond. Per la fin dl’edema ai 23 y 24 de merz él vegnù invié adalerch a Cortina d’Ampez, localité olà che i Ghedina arsesc sies raijes, duc i descendenc dla familia, ence chi che ne porta nia plu chest cognom.

L laour dl comitat L laour per enjigné ca la festa per i cincent agn dl blason dla familia Ghedina à metù man de mei dl ann passé. En chela ocajion él vegnù metù su l comitat de promozion “Buon compleanno Famiglia Ghedina”. L campion de schi, Kristian Ghedina Broco, é vegnù metù a cef de chest comitat, vize presidenta é Cinzia Ghedina de Antonia. Dl comitat fej ence pert i doi fredesc Alberto y Paolo Ghedina del Casier. Ai é nascius a Persenon, olà che Alberto vif ciamò aldidancuei. Paolo vif endere a Vedelago, tla provinzia de Treviso. I doi fredesc vegniva a Cortina demé en vacanza; nascius esei foradecà, ma ai mostra n gran amour per sies raijes, per la storia, per les tradizions y per l lingaz. Tl comitat él ence Giorgio Ghedina Broco, berba de Kristian y Elsa Zardini, presidenta dla Union di Ladis d’Anpezo, assoziazion che s’à tout a cuer chesta scomenciadiva, che à sciche obietif chel de mantegnì vives la storia y la cultura dl paisc. L comitat s’à spo slarié fora te n comitat de organisazion y al é vegnù tout ite Michela, Fabio

L simbol di Ghedina, sun l blason, é n gial, segn de forza y combativité.

y Johann Ghedina.

La storia dl blason Dla organisazion dla festa s’à cruzié truep Paolo Ghedina, che i on enconté per nes fé conté sciche al à porté inant l laour: “Ju a pé de n depent dl legn genealogich de nosta familia onse ciaté, dlongia l blason, na data: l 20 de merz dl 1513. Chesta data à fat pié via dut, ala é steda na bela vertola per organisé na enconteda, per reunì i Ghedina de dut l mond.” L blason dla familia Ghedina, sotlinieia Paolo, n’é nia nobiliar. Al é n blason de zitadinanza, che i é vegnù sourandé a la familia per meric particolars, per “respetabelté”. L stude sun l blason dla familia é vegnù porté inant da si fré Alberto y al vegnirà publiché plu inant, dij Paolo, che scomencia a nes conté

la storia de si antenac, danter realté y lienda: “La sourandeda dl blason é fosc da reconduje a n cer’ Zuane Ghedina (Zuan de Gadina), che à raduné, entorun al ann 1511 i capifamilia ampezans, can che Cortina fova sot assediament dles trupes de Maximilian I. Zuane à baié su i ampezans y à firmé con l imperadour austriach n at de sotmiscion, do la garanzia dla souravivenza dles Regoles y donca dl’autonomia d’Ampez.” Paolo Ghedina nes spliega che l blason é bonamenter vegnù reconesciù a Zuane y a sia familia en chela ocajion. Nia a caje l simbol é n gial, segn de forza y combativité.

L program dla festa L’idea de organisé na festa per reunì duc i Ghedina i é vegnuda ai doi fredesc Paolo y Alberto

Ghedina. “Ala se trata de n bujegn de jì zeruch a les raijes y a les tradizions, sun cheles che nost pere tegniva truep. Ala ne se trata nia de encherscedum, ajache i n’on mai abité a Cortina, ma i on n liam sterch con Ampez. La festa vegn fata per se arvejiné a nosc antenac, per i conesce y per i recordé.” L prum vare é sté chel de scrive a la Union di Ladis, per damané n aiut per porté inant la scomenciadiva. La festa sarà a Cortina d’Ampez y se slariarà fora per duta la fin dl’edema, la sabeda y la domenia ai 23 y 24 de merz. La enconteda vegnirà inaugureda con na Santa Messa tla gliejia dla Difesa. Dapò jirà i Ghedina a vijité la cortina (porteà) olà che al sarà n moment de reflescion sun les fosses di Ghedina che é bele passés a mioura vita. Dapò vegnirà i Ghedina touc ite te comun dal ombolt y do mareina saràl la poscibilité de vijité na mostra, de jì a ciarè ai depenc di pitours Ghedina entourn per Cortina, ma ence ai museums dles Regoles, che met a desposizion di inviés vijites acompagnedes debant.

I Ghedina en mostra En ocajion dla enconteda di Ghedina él vegnù organisé na mostra, che vuel recordé i Ghedina che s’à auzé fora de val’ ciamp, da l’ert, a la pitura, a la fotografia y al sport. “La mostra, che sarà daverta dai 15 de merz ai 1 de auril tl Comun Vecio, é despartida su te cin’ sezions y documenteia la vita y les operes de n valgugn membri dla familia Ghedina – nes conta Paolo che s’à cruzié dl alestiment dla esposizion. La mostra vuel recordé, per fé n valgugn ejempli, Gaetano Ghedina, un di prums ostis de Cortina, i fotografs Giacinto y si fi Giuspeppe, che ova metù man de fé jù bele a la fin dl Otcent, l architet Mario Ghedina

L comitat de promozion “Buon compleanno Famiglia Ghedina” (dmc) Elsa Zardini, Giorgio Ghedina, Paolo Ghedina, l ex secreter de comun Agostino Battaglia, Kristian Ghedina, Cinzia Ghedina y Alberto Ghedina.

che à partezipé a la proietazion, danter l auter, dl stadium San Paolo de Napoli. Al vegnirà recordé i Ghedina che s’à auzé fora tl alpinism y tl sport, Luigi Ghedina Bibi, fondadour di Scoiattoli, Giorgio y Guerrino Ghedina, campions de bob, Bruno campion de hockey y samben l discesist Kristian. Nia da desmentié n'é i pitours Giuseppe y Luigi y si fré Angelo Ghedina. Al vegnirà spo ence prejenté n valgunes operes de Minu Ghedina, na artista da Desproch che metarà fora si laours per la pruma outa tla Talia.

Da la realté a la lienda La vocazion per la pitura dla familia Ghedina à origines liendares. “Die Malerin von Faloria”, lienda de Karl Felix Wolff publicheda tles “Dolomitensagen” conta propi la storia de n cer’ Ghedin, che impara l’ert dla pitura da na gana, la depenjadoura dla mont Faloria. “Sciche an sà, à les liendes semper na fondamenta da veritè”, vuel sotrissé Paolo. La lienda scrita da Wolff vegnirà reprejenteda en ocajion dla enconteda, la sabeda seira da les 18.30 tl Museum Etnografich. La domenia dantmesdi arà spo i Ghedina la poscibelté de jì con i schi con Kristian sun la pista Olimpia dles Tofanes, olà che l atlet à davagné per la pruma outa te Copa dl Mond.

Invié adalerch i Ghedina da dut l mond “L laour plu gran é sté chel de ciaté duc i Ghedina fora per l mond”, nes confesseia Paolo. Gran é sté l aiut de internet y ence di social networks sciche Facebook, che i à permetù de se mete en contat con i Ghedina che vif ia delà dal ozean. “I é passé nuets entieres dant l computer y fina sen ae ciaté za. 200 Ghedina fora per l mond”. La familia Ghedina s’à slarié fora dassen. Al nen n’é trueps che é jus a vive entourn per la Talia, tl Venet, ma ence tl TrentinSüdtirol, a Milan, a Firenze, a Urbino, Bologna y Napoli. Ma spo nen n’él ence tl’Austria, tla Germania, tl Belgio, tla Spagna ti Stac Unis d’America, tl’Austrialia y un é finamai ruvé a Pechino, tla Cina. Gran legreza y impegn à metù Paolo, deberieda con duc i autri membri dl comitat de organisazion per mete da jì chesta bela festa. “Al fossa bel sce duc se tolessa l temp de vegnì adalerch, per se econté duc deberieda a Cortina, la tera olà che al arsesc nostes raijes”, scluj ju l organisadour. Sce al fossa ciamò val’ descendent dla familia Ghedina che ne n’à nia ciaté l invit, pòl samben se scrive ite al numer 0436 866777 o info@ immobiliaretofana.com anter sabeda ai 16 de merz 2013. Inviés é duc i Ghedina y si familiars o descendenc dles families Ghedina, ence sce ai ne porta nia plu chest cognom. L cost é de € 15,00. L cost che tol ite ence la mareina tl Hotel Europa é de € 40,00. (kp) www.lauscdiladins.com

25


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

Doa scora meśanes

L amor de Tino Sceco I sentimente de chesto artista anpezan, betude fora su ra so ciaśa, inze ‘l paes de Cugnan

Su par ra porta maestra ‘l é alcuanta funestres, che se daerśe: ‘s é jaades inze ‘l len, lourades da ra man de un artista, co ‘l sciarpel e ra goima. Da una funestra se vede fora i laore inze ‘l bosco, in canpagna, e inpó i brascioi ‘l é ‘na croda che sponta su, se pó intià ra Tofana de Rozes. Cher’outra funestra ra varda inze una vecia stua, ‘l é ome e femenes, in pes e scentade, che ciacolea, e ‘l é un fornel, inze un cianton, co ‘l sorafornel via par sora. Chera porta maestra ra se daerśe su ra strada che pasa fora, intrà ra ciaśes de sas de Cugnan, un paes pizo, ma pizo dasen, inze una bela val verde, a śì su ves el Nevegal, da Ponte nelle Alpi, ignante de ruà a Quantin. Un paes de śente che laora ra canpagna e drio besties, cemodo che uśa, ancora ancuoi, inze trope luoghe de ra nostra provinzia. Da Ponte se moe alolo su ‘l erto, pasà el ponte su ra Piave. Co ra roda, tocia sfiadazà, fracà su i pedai, su par chera spones. D’ousciuda ‘l é bel, co ‘l prin cioudo, canche se scomenza a vede algo de verde, su ‘l pra, co r’erba moliza, i prime bute su ra piantes. Poco reśiro, poca machines, fora da ‘l turismo de outre ciantoi de ra nostra provinzia, de outra vales.

Canche se rua intrà chera ciaśes, ma anche inze ‘l paes pede, pi gran, che à gnon Col de Cugnan, se scomenza a vede daparduto depente, murales, operes d’arte, su par i mure. Se respira ‘na bona aria. Dapò se lieśe un gnon, su par ‘na porta, e se vede un segn de ciaśa, se conosce che ‘l é de chi de ra śente de Anpezo: ‘l é chel fato da Agostino Verzi, el nosc Tino Sceco. Un segn de ciaśa, par mostrà cuanto che

nr. 10 / 08 de merz 2013

chesto artista ‘l ea tacà a ra so storia, a ra so tradizios, a ‘l so paes. Chel artista ‘l é mancià, da calche an, ma ‘l é senpre con nośoutre. Me resta i so laore, i so pensiere, i so sentimente. Anche ‘l amor par ra so tèra, agnó che ‘l é nasciù. Resta ra memoria de el, che ‘s porta inaante so femena Iris Bernard, so fia Greta. Resta i segne, i colore, i so laore su ‘l len. Resta i murales, i depente, su par i mure de ra ciaśes. Nasce ra emozios, de ci che pasa da chera, de ‘l domegna, co ‘l prin cioudo de ousciuda, e el se fesc de mereea, a ciatà daante a i so oce, chesto ciantoneto de Anpezo, coscita pizo, coscita bel. Co ‘l automobile, no se bete tanto, a ruà, supośò setanta chilometre de strada, poco pi de un’ora. Canche in Anpezo ‘l é stà daerto ‘na mostra, par Tino Sceco, inze ‘l nosc Comun Vecio, che ‘l é poco, calchedun s’à fato de mereea, parcé che el no saea de chesto artista, de duto chel che ‘l à fato, inze ‘l nosc paes e fora. Ma ‘l é stà un ben, che i ebe vorù chera mostra, par conosce nafré depì Tino Sceco, nafré meo. E cisà cuanto outro che se pó fei, par no se desmenteà de chesto anpezan, de chesto òn. (mdm)

Amor par el so tèra, inze chiste doi laore de len, de Tino Sceco, su ra porta maestra de ra so ciaśa, a Cugnan.

Alcuanta noes, par i studentes de Anpezo, par ‘l an che vien

Ra scores de Anpezo, agnó che cresce el paes de doman.

Par ‘l an de scora che vien, el 2013-2014, in Anpezo sarà senpre doa scora meśanes, ma de ra tre clases de prima, che se và adora a fei, co i nostre studentes, ‘s arae da ese does par ra Rinaldo Zardini, una par el Polo Valboite. Coscita i arae da se bete d’acordo i jenitore, i pize, da chel che s’à vedù, cemodo che i s’à notà inze, fin ancuoi. Fin a ‘l an pasà, suzedea de aé doa primes par ra vecia scora d’arte, che dapò r’é deentada liceo artistico, e una par ra Rinaldo Zardini. De maśo de ‘l an pasà, i s’aea ciatà pi otes, intrà jenitore, profesore, sorastantes de ra doa scores. Incraota ‘l ea stà el comun, con Giovanna Martinolli, loudaduó par ra scores, a voré sentì ra śente, i jenitore, ce che i domandaa, ce che i aea da dì. Propio era, r’aea proà de fei doa clases par parte, does par ogni scora, cuatro in duto; ma el sorastante Domenico Martino, da Belun, ‘l aea dito de no, che ra leje ra no vó. Par sparagnà, no se pó fei clases masa pizores, con poche studentes. I s’aea finamai cridà, intrà de jenitore, co i profesore, co i doi dirijentes de ra scores, che inalora ‘l ea Giovanna Calderoni e Renzo Zagallo. Par ‘sto an somea che no see cridore de chera sorta, che i s’ebe betù d’acordo ignante. Resta daerta ra cuestion, se in Anpezo ocore propio aé doa scora meśanes, se no se podarae in lascià una sola, pi granda. Giovanna Martinolli, par i fei taje, chi che se

domandaa ‘sto tanto, r’aea respondù che ‘l é un valor, par el nosc paes, podé ancora curà fora, podé zerne una scora, o cher’outra. Sarà donca da fei duto chel che se po, par res mantegnì duta does. Duto chesto bateboi el nasce parcé che i studentes i é senpre demanco, inze un paes che el se svoita, nafré areota, co ra families che es s’in và. No in é asei, de pize, da fei cuatro clases: con tre, par forza in à da ese does de ca, una de là. Dapò ‘l é da vede, an par an, cemodo fei. A se cridà, ‘l ea pi che see i sorastantes de ra doa scores e i profesore, soralduto chi che i à festide de se ciatà senza laoro. Inze meśo, i jenitore, ma pi che see i studentes, i nostre śoen. Agnó che ‘l é una clase sola, i à da se ingrumà, de masa, mangare de trenta, agnó che sarae posto par no pi de vintezinche. E ‘pò beśen śontà algo de outro: chera scora che ra moe, in prima, con una, o mangare con doa clases, ra rua coscita fin in terza, no se muda, par strada. E anche chesto pó fracà depì de un ver, o da chel outro, su i doi piate de ra baranza. Fosc ‘l é propio chesto che ‘l à fato pensà sora alcuante jenitore, ‘sto an, e i à fato notà inze i so fioi inze una scora, inveze che da cher’outra. Co ‘l é dinultima, chel che inporta depì, par una comunità, ‘l é che ra scora ra feje polito el so laoro, che ‘l é chel de insegnà a chiste śoen, de i fei deentà grei polito, ome e femenes de doman. (Mdm)

Lèa el soroio su i schie Se moe co ‘l scuro, par spetà el dì noo, che nasce. Una bela pensada de i maestre, i inpiante, chi de i rifuje Ra luna r’é drio par se sconde, inpó Ra Pegna, sora el Schuss de Pomedes. El soroio ‘l à ancora da spontà, da lujì, fora in son de ra val, sora el Sorapis, ma su ra pistes da schie, in Tofana, ‘l é beleche śente. Canche se moe su co i inpiante, da Pié Tofana, su chera scentes, ‘l é ancora scuro, ma i é de trope, a responde a ra Scora de schie Cortina, a ra sozietà Ista, a ‘l rifujo Duca d’Aosta. Alolo una Stratofana, dapò un Canalon, dinultima i Labirinte, indrioman, su ‘l gnee petà polito, gario. Pasa meśa ora, vien fame, che son leade alolo bonora. Inze ‘l rifujo, par el solar, ogni ben de Dio. Dapò fora danoo, su ‘l sorei, con chi outre, a spetà el soroio, chera lun che luje, che porta el cioudo. Inze ‘l cuore no ocore: ‘l é cioudo da so posta. Dute

26

www.lauscdiladins.com

co ‘l telefonin sun man, co ra machines, a fei fotografies, a mandà un pensier a calchedun. Ra ultima montades, ancora un śiro, de śente in é un grun, anche ‘sto an, par vive outramente el sport, ra natura, el gnee, el fiedo, el scuro, ra lun che nasce, intrà emozios, sentimente. Pede a ci che pó capì e sentì. Da calche an, i é senpre depì, a fei chesta manifestazios. D’istade e d’inverno s’à chera de stà de fora, de vive outramente ra croda, da bonora e de ‘l dapò disnà, su ‘l soroio che lèa e su ‘l fiorì, canche ra Dolomites muda color. Senpre algo de noo, de bel, da i mostrà a ra śente, da i fei fei, a i nostre, che stà ca, e a i foreste, che vien da fora. Turismo e natura, anbiente e sport: duto poia pede, par lourà, par vive.

Ra majia de ra luna che ra và a se sconde, inpó Ra Pegna, sote Pomedes. Ra note r’é drio a fenì, scomenza un outro di, rua ra lun pi granda, de el soroio.


Anpezo

nr. 10 / 08 de merz 2013

Ra Fregores

Ra scora Alpenstock

Alcuanta noes in curto, da ‘l paes e da fora

I maestre de schie de Anpezo i se ciata

Altitudini.it I à betù gnon “Scora de schie Alpenstock”, par recordà chera maza de len, co ra ponta de fer, fora in son, che se doraa dinprin, par se montà coi schie, śa zento ane, e pi. Coscì, par ride, par se recordà che i no n’é pi coscita śoen. I ea pi de trenta, i maestre de schie, che i ea inze ra scora Cortina, che i s’à ciatà anche ‘sto an, par ra so zena, par stà aduna. “Se ciaton par se pasà ‘na bela sera, dute insieme, a se ra contà, par se recordà chel che ‘l é stà, e mangare par se pensà de calche amigo, che ancuoi no n’é pi” – el me disc Aldo Alberti Nito, che dute conosce par Bariza, in Anpezo. A ‘l dià, par parecià duto, par ciatà fora i gnomes da ciamà, ‘l é Ruggero Demenego de Zero. Ogni an i bete fora anche ra tabela, da ride, ben fata, con alcuante verse, un soneto in rima, par anpezan, par recordà, a lore ignante che a chi outre, che i no n’é pi coscita soen. “S’à scomenzà ‘l an pasà, nafré par ride, e ón vedù che dute aea

I maestre che à lourà co ra Scora Cortina: canche i se ciata ades, i dora ‘l Alpenstock.

acaro. Coscita ‘sto an s’ón ciatà danoo e ón ciamà outra parsones. Saon pi de trenta, con alcuante presidentes e diretore de ra Scora, da Pio Alverà Popo a Enrico Valle

de Moris, da Ivo Gaspari Moroto a Angelo Lacedelli Poloto e Renzo Lacedelli Zamar. E son parsuaśe de śì inaante, de prozede coscita, anche par i anes che vien”.

Arte anpezana Agnere e ancuoi, el laoro par precurà, par fei conosce, par i dà valor, a i pi biei sentimente de ra nostra śente Una mostra de depente, de operes de artistes de ‘l paes. Un concorso de poeśia, par ladin anpezan. Un conzerto de musica, sonada da śente che à acaro de se ciatà aduna, mangare da dasera, dapò laoro. Mangare duto chesto aduna, inze ‘na medema manifestazion Una ota, śa vinte ane, e pi, duto chesto suzedea pitosc de spes, in Anpezo. Par r’arte, sovién de ra mostres, che fajea el comun, agnó che se vedea, par ra prima ota, i depente de Emilio Bassanin, Paolo Barozzi, Graziano Dadié, Eddy Demenego, Dino Gaspari, Aldina Manaigo, Giulio Siorpaes, Agostino Verzi, tanto par in menzonà alcuante. E se sà che coscita s’in desmentea almanco outretante. Con chesta mostres, chesta parsones es se fajea conosce e el paes el saea de chiste so artistes. Ancuoi ‘l é “Mas de oro”, par ra nostra “Ousciuda anpezana”, da calche an, ma no n’é propio ra medema roba, gouja che inze chera mostra ‘l é inze nafré de duto, de laore fate co ra mas, e no solo i depente, r’arte figurativa. Epura anche ancuoi in é trope, de śoen, che disegna, depenśe, fesc grafica: se podarae i bete dute aduna, chi che vó, e fei ‘na mostra de i so laore pi biei. Se sà, sarae meo ra fei fora stajon, canche no n’é reśiro de foreste, canche el paes el vive pi chieto. Podarae ese algo da i tacà pede propio a “Mas de oro”, fei una sala, in Ciaśa de ra Regoles, solo par chesto. E ‘pò ra musica. Da ra Banda de Anpezo, canche ‘l ea maestro Renato Sartor, ‘l ea soutà fora diverse grupe, che i sonaa da so posta. Un ‘l ea el Cortina brass

ensemble, duto de otoi. Un outro grupo el fajea musica rinascimentale e baroca, pi che see co i floute de len, de ra diversa tonalitàs. Se recorda so conzerte, inze jeja, inze outre site, un pi bel de ‘l outro. Ancuoi se sona e se cianta, inze ‘l paes, fosc pi de inalora, pi che see intrà i śoen, co ra musica rock. Ma no saraelo bel bete pede anche algo de outro, de outra sortes. Dinultima, ma no par ultima, ra poesia. El Comun de Anpezo, aduna co ra Union de i Ladis de Anpezo, śa anes, deboto trenta, ‘l aea fato alcuante concorse de poesia par anpezan, agnó che aea mandà i so laore alcuanta parsones, de ‘l paes. Ancuoi se sà che i é de poche, o deboto negun, a scrie par anpezan, soralduto poesia. Canche i fesc el concorso in Fodom, rua poesies da duta r’Italia, par duta ra parlades minoritaries, ma de anpezan ‘l é ben poco, i gnomes s’i conta su i diede de ‘na man, e in vanza ancora. Chesto ‘l é algo che ‘l é drio a se perde, a se studà śo, una tradizion che ra và strazada, dapò de Fiorenzo de Anjelico, Clelia Franceschi, Gino Majoni Coleto, Mario Dantogna, Teśele Ris-cia, par menzonà alcuante gnomes, che no n’é pi con nośoutre, ma che i m’à lascià i so pensiere, ra so emozios, i so sentimente, scrite su ra carta. Par alcuante ane, ra Union de i Ladis de Anpezo r’aea fato “Poesia e musica de ra nostres”; duto ‘l ea nasciù in Fodom, agnó che i aea fato ‘na sera, con alcuante che lieśea i so verse, con un sonador de chitara clasica. Chi de Anpezo, che i ea śude, a scotà e a lieśe i so verse, i aea pensà de fei algo de conpain, inze ‘l nosc paes. Par zinche ane indrioman, se se ciataa

par scotà poesies, par ladin, de ra diversa vales, ca pede o pi indalonśe, e calchedun che sonaa e ciantaa, canzos par ladin. Par no perde chera memoria, ‘l ea stà duto betù via polito, e ‘pò stanpà, su zinche librete “Poesies de ra nostres”, che se ciata ancora ancuoi. Par aé un valor ancora pi gran, s’aea betù inze, inze chi librete, alcuante depente, alcuante disegne o grafiches, de zinche artistes de ‘l paes. Coscita s’aea sarà el śiro, intrà poesia, musica e arte figurativa. Marco Dibona Moro

Ignante s’à scomenzà co ra gaśeta de carta, co ra rivista “Le Dolomiti Venete”, fata da ra disdoto sezios de ra nostra provinzia de el Club alpin talian. Dapò ‘l é ruà el blog, śa doi ane, e ades velo ca, ‘l é anche el blog magazine, che à gnon altitudini.it agnó che se pó ciatà inze de duto, su ra croda. I scrie inze de el sport, de ‘l śì in croda, e de i ome che i lo fesc, de ra tèra, agnó che se ‘l fesc. Se moe da ra Dolomites, se sà, ma par ruà indalonśe, par duta ra crodes de el mondo. I ‘l à fato svelto, par i śoen, che i pó se tacà inze con Flickr, YouTube, Vimeo, Facebook, Myspace, Twitter, Google+, Linkedin, Pinterest, Foursquare. El gnon Altitudini el nasce propio da ra pensada che ra croda ra pó ese fata propio de tante poste oute, ma che se pó restà anche pi basc, par se moe defora, inze ra nostra natura, che beśen precurà.

Stadio daerto Su ra jaza de el stadio Olinpico se podarà śì co ra listes, smatiśà fin a i 14 de aprile. El Comun de Anpezo ‘l à vorù i dià ‘na man a chi de ra Sportivi ghiaccio, par alcuanta manifestazios, pi che see par i pize: Coppa Italia e trofeo Città di Feltre par ‘l artistico, trofeo Moroder in Gardena e trofeo Agazzi a Milan par ‘l hockey. Se varda soralduto a ra śornada “Hockey family day” de i 7 de aprile, par i pi pize e ra so families. “Ra nostra aministrazion r’à vorù tegnì daerto el stadio Olinpico – el me disc el capocomun Andrea Franceschi de Matia – par fei saé, ‘na ota depì, che voron dià el sport in Anpezo, pi che see par i śoen de ‘l paes”. “Cardon che see pi che iusto – el śonta Marco Ghedina Tomasc, loudaduó a ‘l sport – i conzede i poste, che ocore, agnó podé se alenà, ades de aprile, canche ‘l é un grun de manifestazios; ‘l é par chesto che ra nostra sozietà Gis ra tien daerto fin a i 14 de ‘l mes”. Chesto laoro el costarà da 12 e 15mile euro par oto dis, a bete pede duto, da ‘l parsonal a ‘l netà su, a ‘l eletrico, a ‘l scioudà inze.

Zerne ra to pista

Rosa Menardi de Vico, in Ciasa de ra Regoles, a lieśe śo alcuante sonete, par “Poesia e musica de ra nostres”.

D’inverno de ‘l an pasà, chi che se monta co i schie e i lieśe ra gaśeta Sci, i aea curà fora ra pistes pi beles, de duta Italia. Intrà duta chestes, ra nostra Olimpia de ra Tofanes r’ea ruada cuarta, dapò de ra Saslong de Selva de Val Gardena, ra Leonardo David de Gressoney, in Val d’Aosta, ra Cianpinoi de Gardena, e daante a ra Gran Risa, in Badia. Ades chi de el jornal i é drio a sentì danoo ce che pensa ra śente, che và co i schie, anche par ‘sto an; par ades, ra Olimpia r’é prima, co ‘l 31% de stimes, su vintezinche pistes. A bete śo i gnomes, da podé dapò i zerne fora, ‘l é stà alcuanta parsones che de schie s’intende: Paolo De Chiesa, Gustav Thoeni, Peter Runggaldier, Gianluca

Trivero e Giacomo Bisconti, aduna co ra redazion de ra gaśeta Sci. I ‘s à tolestes par duta r’Italia, da el confin co ra Francia fin a ra Slovenia, da ‘l Piemonte a ‘l Friul, fin śo par i Apenine. A ra dì duta, fesc nafré pensà sora, a vede che ra seconda, dapò de chera in Tofana, co ‘l 30% de ra stimes, ‘l é ‘na pista su ‘l Pratello, a Rivisondoli, in Abruzzo.

Varentes chi de ‘l hockey Ce polito! Ce un bel Cortina! I nostre tośate de ‘l hockey i é ruade tropo pi inaante de chel che se podea se pensà, canche ‘l é scomenzà ra stajon: martes ai 5 de marzo i à vento co ‘l Renon, dapò de sete partides, e i à bicià fora ra prima squadra de el canpionato talian, i à darśonto ra semifinale. Ades i tocia fei un viaśo longo, ruà fin a Torre Pellice, in Piemonte, ma i à acaro isteso, parcé che negun se imajinaa de podé ruà coscita inaante. Da ra primes cuatro, cheres che fesc ra semifinale, resta fora inveze outra scuadres, che su ra carta es someaa ben pi fortes. Ignante de dute el Bolzan, che ‘l ea canpion d’Italia 2012. E ‘pò el Milan, che someaa ‘l aea da spacà su duto, tornà ‘sto an in serie A, con chera de fei bela fegura finamai in Europa. Dinultima ‘l Alleghe, che ogni an ‘l inpromete, ‘l inpromete, ma el no mantien: ‘l à pardù ra Coppa Italia, co ‘l Valpellice, ‘l é stà bicià fora da ra semifinale, danoo da chi da ‘l Piemonte. Inveze i tośate de Clayton Beddoes, de ra nostra Hafro Cortina, cete e boi, senza gran susuro, senza sbreà, i é ruade agnó che fosc gnanche lore i se pensaa. E ades se varda inaante, parcé che pó suzede de duto, da ca inaante, no se sà mai.

Siezento pize Par ra prima ota, in Italia, se fesc el canpionato nazionale de i pizete, su i schie, de ra categoria Cuccioli, chi de undesc, dodesc ane, nasciude de ‘l 2001 e de ‘l 2002. Ra Fisi, par chesta prima ota, r’à vorù vegnì in Anpezo: ‘l é un gran onor, ma anche un gran laoro, par el Sci club Cortina, el so presidente Igor Ghedina Tadeo e dute chi che laora con el. Ai 6 e ai 7 de aprile chiste pizete, con trope jenitore, che i vien a i vede, i podarà enpì el nosc paes, no solo ra pistes da schie, su in Faloria. Algo de bon, par se fei conosce, par duta Italia. E cisà che chi pizete, ‘na ota deentade grei, i no se pense de chel posto, agnó che i à fato chera gares, da tornà. Par i dà un bon azeto, i é drio a parecià de duto, anche par piaza, inze ‘l paes, no solo su ‘l gnee. I podarà śuià, ranpinà, vardà el cinema, lieśe libre, aduna co i so jenitore, co ra so families. “Chesta r’é una manifestazion granda e bela – el me disc el presidente – e ón acaro che, par ra prima ota che i ra fesc, i ebe vorù vegnì in Anpezo. Chesto ‘l é un bon segnal, par el nosc laoro, che fajon da anes, de vardà pi che see a i pi pize”. www.lauscdiladins.com

27


Sport

nr. 10 / 08 de merz 2013

Götsch e Zulian venc la 2^ Vertical Ciampac En jebia ai 28 de firé i Bogn da nia à endrezà la 2^ edizion de la Vertical Ciampac, béleche 3 km. de gara su l’adort

A serèr sù la garejèda l trio di Bogn da nia Amedeo, Valerio e Walter.

Schi alpinism - I era presciapech 110 da dut l Trentin Sudtirol, i atlec che à tout pèrt enstadì a la 2^ edizion de la Vertical Ciampac endrezèda dai Bogn da nia, garejèda del zircuit de schi alpinism “Dolomiti-sottolestelle”. Desche l’an passà la garejèda é stata averta a più disciplines: i schi con la pouses, i ciuzé dai ciodi e ence la cèspes. L president Ennio Dantone con si colaboradores à enjignà dut, e dut l’é jit ben su per l portoi da schi che da Dèlba rua sun Ciampac, con la sodesfazion, palesèda da n muie de atlec che aea tout pèrt, per l portoi no giacià e per la bela garejèda. Desche l’an passà, edizion venta da Urban Zemmer, la Vertical Ciampac é stata venta dai atlec coi ciodi. A ruèr sunsom per prum ai 2,8 chilometres con 660 metres de dislivel l’é stat Philip Götsch di Bogn da nia, ruà te 23’57”, sobito dant di spezialisć de la pouses, Ivo Zulian (24’ e 12”) e Thomas Trettel (24’ e 15”). Anter la eles, i miores tempes en assolut i é stac de Janelle Smiley,

L podie di più joegn, vent dal fascian Giovanni Lastei del 1994.

del Team Usa La Sportiva che la ge à metù 30’ e 26”. Sobito dò l’é ruà Annemarie Gross (30’ e 37”) e Carla Iellici (31’ e 49”) duta does di Bogn da nia. Anter i più joegn enveze l’é da segnalèr l bon prum post del joen campion fascian Giovanni Lastei, del 1994, che con l temp de 28’08” l’é stat l 12° mior atlet a ruèr sù. Ma la garejèda no é stata serèda sù enscin a canche al travert no l’é passà i trei “sera-portoes” e componenc di Bogn da nia: Amedeo Carpano, Valerio Lorenz e Walter Costa. Dò la garejèda, fata en segureza de gra al sostegn di volontadives de la Crousc Biencia de Cianacei e del Socors Alpin de la Val de Sora, l’é stat endrezà la cena per duc, en compagnìa de la musega de Giordano ló dal Refuge Ciampac de la familia de Silvano Valeruz. E dò, ben segur, l’é stat fat la premiazions, olache duc i venjidores é se n jic a cèsa con n prossach pien de speck e ence con n bel trofeo.

Ornella Tartel (a cencia) 2^ de la categorìa dai ciuzé dai ciodi.

Desche l’an passà, ai prumes de ogne categorìa ge é stat dat n trofeo fat aposta per la garejèda. I Bogn da nia se à pissà de trèr cà i èrc che se durèa n’outa per jir sa mont. L’era la cèspes fates de legn e spech, la pouses de teila e la cherpeles de fer che se metea n’outa sot ai ciuzé, dut con apede la statua de n ciamorc. Dut chest l’é stat metù ensema da un di atlec più forc di Bogn da nia, Ivo Zulian, che porta inant l’èrt de sie père Renato Zulian da Soraga. Duta la classifiches e amò n muie de retrac se pel jir a i veder sul sit www.bogndania.com. L zircuit “Dolomitisottolestelle” ge lascià lèrga a la Sellaronda Skimarathon e l jirà inant semper te Fascia, ai 20 de mèrz col “Memorial Tita e Marco” da Vich a Ciampedìe.

Classifica POUSES eles: 1. Janelle Smiley, LaSportiva Team Usa, 30’26”; 2. Annamarie Gross, Bogn da nia, 30’37”; 3. Carla Iellici, Bogn da nia,

I venjidores assoluc de la trei categorìes: Torresani, Götsch e Zulian.

31’49” POUSES ic: 1. Ivo Zulian, Bogn da nia, 24’12”; 2. Thomas Trettel, AS Cauriol, 24’25”; 3. Guido Pinamonti, Bogn da nia, 25’45”. CIODI eles: 1. Raffaella Bailoni, SC Vigolo Vattaro, 36’21”; 2. Ornella Tarter, Bogn da nia, 37’14”; 3. Serena Ioriatti, 40’47”. CIODI ic: 1. Philip Götsch, Bogn da nia, 23’57”; 2. Michele Tavernaro, Piazaroi, 25’21”; 3. Andrea Debiasi, SC Vigolo Vattaro, 27’48”. CÈSPES eles: 1. Monica Todesco, La Valle Agordina, 45’, 07”. CÈSPES eles: 1. Franco Torresani, Peves Gherdëina, 28’53”; 2. Marco Corradini, Stella Alpina Carano, 31’33”; 3. Rudi Schöpf, ASV Valmartello, 32’25”. Anter i miores ladins troon ence: 7° Gabriele Depaul, Bogn da nia; 12° Giovanni Lastei, Bogn da nia; 13° Mattia Giuliani, Bogn da nia; 14° David Frena, Badia Sport;

L podie de la eles con la pouses: Gross, Smiley e Iellici.

16° Gregor Demetz, Gherdëina; 18° Fabrizio Pederiva; 20. Erwin Chiocchetti; 30° Cornelio Lauton Bogn da Nia; 34° Francesco Valentini, Bogn da Nia; 35° Lodovico Dantone, Bogn da nia; 43° Andreas Pellegrin, Bogn da nia; 49° Colombo Pollam, Bogn da nia; 55° Manuel Dallemulle, Fascia; 56° Michal Matejka, Badia Sport; 58° Christoph Senoner, Peves Gherdëina; 59° Gianluca Furlanis, Bogn da nia; 61° Fausto Riz, ASD ValFassa Sport; 62° Eliseo Parrini, Bogn da nia; 63° Antonio Vian, Bela Ladinia, 64° Stefano Cincelli, Bela Ladinia; 65° Rinaldo Davarda, Bela Ladinia; 68° Antonio Marchioni; 75° Tommy Faré, Bogn da nia; 79° Valerio Bacchiocchi, Fassa Climbing; 87° Carlo Chiocchetti, Bela Ladinia; 88° Martino Lauton, Bogn da nia; 89° Daniele Rasom, Bogn da nia; 95° Andreas Löwe, Bogn da nia; 99° Tullio Deluca, Bela Ladinia; 101° Maurizio Furlanis, Bogn da nia; 102° Claudio Lastei, Bogn da Nia; 107° Luca Tomasello, Bogn da nia.

I venjidores con la pouses: Pinamonti, Zulian e Trettel.

Ultima gara de Südtirolcup La sajun dla liösa 2012/2013 é oramai storia Liösa - La scuadra dla liösa da La Val à inće en chësc ann arjunt de beliscimi resultać, suradöt pro i Campionać d’Europa cun bëgn 4 medaies. Te Passeier él gnü desfiré dan püć dis la ultima gara de Südtirolcup, y inće chilò pòn ester dër contënć.

Atleć dla US La Val.

28

www.lauscdiladins.com

Diego Tschaffert à indô metü sö le miù tëmp, y cun trëi devëntes te dötes les gares àl insciö arjunt 300 punć y davagné le Südtirolcup 2012/13. Cun chësta bele devënta àl insciö incoronè na sajun al top. Daniela Erlacher à inće davagné te süa categoria, y é insciö inće rovada pröma tla tlassifica generala

de süa categoria, cun 200 punć. Iris Erlacher s’à plazè al bun 2. post, y inće tla tlassifica generala éra insciö da ciafè al 2. post cun 270 punć te süa categoria, do l’atleta da Lijun Martina Kaser cun 285 punć. Carlo Miribung à te Passeier arjunt le 7. post. Cun i 46 punć davagnà te chësta ultima gara él rové al 5. post final tla tlassifica generala. Armin Forer n’é nia pié ia ala gara, y insciö röiel cun 120 punć al 7. post de süa categoria. Robert Tavella y Tone Alton, che garejëia tla categoria di amaturs II, n’é nia jüs ala partënza,

y arjunj insciö tl Südtirolcup 2012/13 respetivamënter le 10. y 13. post. Chësc ann n’é la scuadra da La Val nia plü stada buna da confermè la devënta dla tlassifica a scuadres che ara â arjunt l’ann passè. An à messü s’acontentè dl 6. post. Insciö se stlüj jö la sajun ofiziala 2012/13 dla liösa: na sajun cun deplü sodesfaziuns, sides por i atleć che por l’Uniun Sport Amatoriala La Val. Por les tlassifiches plü detaliades y fotografies pòn inće jì sön la plata internet dla US La Val www. uslaval.it


Sport

nr. 10 / 08 de merz 2013

Federico Liberatore de bron a Tarvisio

De bunes partides, mo püć punć

L’atlet da Mazin del Comitat Trentin l’é rua terzo ai campionac taliegn

Ma la scuadra da La Ila à arjunt n resutat positif

Monti Pallidi (MP); 14. Karin Pescol, STF. RAGAZZI: 2. Luca Picinini, STF; 3. Tommaso Nardi, AM; 5. Werner Krause, STF; 8. Simone Pezzei, STF; 9. Gregory Fosco, STF; 13. Alex Sommavilla, STF; 14. Thomas Pederiva, STF. ALLIEVE: 3. Giorgia Pellegrin, MP; 7. Alessia Chenetti, MP; 8. Lavinia Marinozzi, STF. ALLIEVI: 1. Gianluca Seri, AM; 2. Alessio Fontanazzi, AM; 12. Simone Pettavino, STF; 15. Cristof Riz, STF.

Trofeo Malga Ces Federico Liberatore l’é ruà 3° ai campionac taliegn a Tarvisio.

Schi e paslonch - Ence chesta setemèna i atlec de schi e paslonch de Fascia à arjont de bogn resultac e con desvalives piazamenc sul podie i se à vadagnà ence l’onor de la cronaches.

Da la FISI Tacon sobito con Federico Liberatore, l’atlet del Comitat Trentin FISI da Mazin che l’é ruà al terzo post ai campionac taliegn te la categorìa Aspiranti. A Tarvisio Federico l se aea piazà al 6° post te la pruma manche del slalom lèrch, ma dapò te la seconda manche l ge à tirà ite e l’à recuperà enscin a ruèr al 3° post. Te la medema giornèda a garejèr l’era ben segur ence la eles, e chiò l’onor ladin é stat portà en aut da la venta de l’atleta de Gherdena, Nicole Delago. Per l paslonch enveze Caterina Ganz da Moena, atleta de la Monti Pallidi e del Ski College de Fascia, la é ruèda 3^ de la categorìa Aspiranti te na gara a Valdidentro te la provinzia de Sondrio, valevola per l zircuit Nazionèl Joegn. Te la medema garejèda, te la categorìa Juniores, Sebastiano

Pellegrin da Moena l’é ruà 6°.

Selezions Topolino En lunesc ai 4 e en mèrtesc ai 5 de mèrz a Folgaria desvalives atlec de la categorìes Allievi e Ragazzi se à batù te la Selezions Nazionèles del Trofeo Topolino. Anter i atlec scric ite a la sozietèdes fascènes troon, te la categorìa Allievi, Claudia Bonacci e Alessio Fontanazzi de l’Agonistica Marmolada (AM) e Lavinia Marinozzi del Ski Team Fassa e te la categorìa Ragazzi Francesca Fanti, Monica Zanoner, Anastasja Rasom, Shanika Battista, Luca Picinini del Ski Team Fassa e Tommaso Nardi de l’Agonistica Marmolada.

Trofeo Cima Uomo Amò Allievi e Ragazzi à tout pèrt al trofeo Impianc Cima Uomo, n SuperG de la circoscrizion B endrezà da la Monti Pallidi sul portoi “Le Coste” sun Sèn Pelegrin. Anter i ladins troon chisc atlec: RAGAZZE: 1. Monica Zanoner, Ski Team Fascia (STF); 3. Allegra Finazzer, Agonistica Marmolèda (AM); 4. Lucia Debertolis, STF; 12. Anna Sophie Vendruscolo,

I più pìcoi de la categorìa Baby e Cuccioli en domenia ai 3 de mèrz i é stac enveze a Sèn Martin de Castrozza per l Trofeo Malga Ces che é stat vent dal Ski Team Fascia. Chisc l’é stat i resultac di fascegn. BABY1eles: 3. Erika Cloch, STF; 4. Ingrid Krause, STF. BABY1ic: 2. Jacopo Sommavilla, STF; 4. Tommaso Olcese, MP; 6. Thomas Bonelli, Active Sport Team (AST); 8. Erik Costa, MP. BABY2eles: 2. Chiara Picinini, STF; 4. Nathalie Bernard, STF; 6. Sofia Vadagnini, STF; 11. Sara Sommariva, STF; 12. Giorgia Vian, STF. BABY2ic: 1. Thomas Lastei, STF; 2. Luca Obletter, STF; 10. Andrea Pellegrin, MP. CUCCIOLI1eles: 6. Martina Defrancesco, STF; 7. Aurora Iellici, MP; 9 Elisabeth Vendruscolo, MP. CUCCIOLI1ic: 3. Fabian Cincelli, STF; 5. Luca Pescol, STF; 10. Daniele Rasom, STF. CUCCIOLI2eles: 3. Virginia Biella, STF; 4. Martina Ambrosi, MP; 5. Eleonora Pescol, STF; 7. Elena Pellegrin, STF; 8. Silvia Lastei, STF; 10. Lucrezia Defrancesco, STF. CUCCIOLI2ic: 3. Francesco Degiampietro, MP; 4. Alessio Gottardi, MP.

Chidlé Val Badia - Le Mareo I à pordü fora de ćiasa cuntra Ahrntal por 5 a 3 cun na mesaria de 534 y le Mareo II à pordü cun le medemo resultat a Sant André cuntra Plose, cun na mesaria de 510. La Ila à podü festejé te ćiasa na devënta por 5 a 3 cuntra Fugger. La scuadra dles ëres dl Mareo n’à l’edema passada albü degüna partida.

Seria A 2-ost Ahrntal - Mareo: 5 - 3 Le Mareo à metü man bun la partida a St. Johann, cun i pröms dui che à trat fora n vantaje de 24 chidli, y un à batü so aversar diret. Mo pro la secunda seria da 120 bòć à i patruns de ćiasa davagné intrami i punć y ai s’à inće pro la soma totala di chidli portè en vantaje de 91 chidli. I ultimi dui di maroi à combatü ćina ala fin por oje le resultat, mo ara ne ti é nia garatada. Ai à bëgn intrami batü so aversar diret, mo pro la soma di chidli n’ési nia stà bugn da recuperé le svantaje. Ahrntal â, cun na mesaria de 541,5, ala fin dla partida n vantaje de 45 chidli, tratan che i maroi â na mesaria de 534. Tla tlassfica é le Mareo I tomè zoruch al önejim post. Resultać personai: Lois Ellecosta 568 Tone Tavella 561 Matteo Ties 521 Norbert Trebo 520 Christian Ties 518 Tone Call 516

Seria C-nord La Ila - Fugger: 5 - 3 I badioć é stà bugn de se la fà avarëi, te na partida combatüda, cuntra i chidladus da Sterzing. I pröms dui pordô 27 chidli, mo i secundi dui da La Ila é stà bugn da recuperé y à portè süa scuadra en vantaje de 7 chidli. Pro l’ultima seria da 120 bòć ne s’à i patruns de ćiasa

Carlo Valentini.

nia plü lascè sciampè la partida fora dles mans y à stlüt jö cun 19 chidli de vantaje, arjunjan na mesaria de 498,5. Pro i punć di confrunć direć é vigni seria jüda fora 1 a 1. Tla tlassifica é La Ila śëgn al otavo post. Resultać personai: Carlo Valentini 526 Gianfranco Thaler 522 Albert Tavella 505 Fritz Planinscheck 482 Christian Pedratscher 481 Stefan Fistill 475 Plose - Mareo: 5 - 3 Te na partida avaliada fora y combatüda à le Mareo II messü dlotì na pordüda, tla chidlara da Sant André, cun na mesaria de 510. Vigni seria da 120 bòć é jüda fora 1 a 1 pro i punć di confrunć direć. Pro la soma di chidli, che é stada dezisiva por la devënta, à i pröms dui di maroi arjunt n vantaje de 11 chidli. Inće do la secunda seria da 120 bòć ê la partida ćiamò daverta a vigni resultat, cun Plose che â n vantaje de 4 chidli. Impormò ala fin é i chidladus de ćiasa stà bugn da se la fà avarëi y da fissé le vantaje a 56 chidli. Tal tlassifica é le Mareo II al önejim post. Resultać personai: Cludio Moling 543 Lois Craffonara 526 Tone Hochwieser 516 Lois Agreiter 508 Norbert Trebo 493 Gottfried Dapunt 474

1^ garejèda tel Ston8 sun Ciampac En domenia ai 3 de mèrz tel snowpark sun Ciampac l’é stat endrezà na garejèda de freestyle de brea e de schi Freestyle - Endrezèda da la sozietà Ciampac e dai maestres de brea Erik Dantone e Matteo Soraperra, sun Ciampac en domenia ai 3 de mèrz l’é stat la pruma edizion del “Ski&Snow Contest” dedicà a duc i pascioné de freestyle de brea e de schi. La garejèda é nasciuda per fèr zeche per i joegn del post, ma ence per slarièr fora la doura de “Stone8”, l snowpark che da l’an passà l’é stat enjignà sun Ciampac e che l’é stat aprijià da desvalives atlec che l’à proà. A tor pèrt a la garejèda en domenia dadoman l’era n muie de bec fascegn vidé da si alenadores, Erik Dantone e Herman Zulian, ma ence jic per so cont o con dotrei amisc. Duc engaissé i se à sproà con sauc e acrobazìes de ogne sort. Dò la garejèda l’é stat endrezà la marena al Tobià del Giagher e a la fin l’é stat la premiazion. La responsabola de l’event per la Sitc,

I bec con brea e schi dant e dò la garejèda tel snowpark Stone8.

N moment coi alenadores Erik Dantone e Herman Zulian.

Giorgia Lorenz, la é stata contenta de l’ejit de chesta pruma edizion e la vel rengrazièr duc chi che à endrezà, chi che à tout pèrt e ence duc chi che à metù a la leta i premies per chisc joegn atlec: la boteighes Detomas Shop e Peak Sport Adventure a Cianacei e la firma de vestimenta Peak Performance. No

duc chisc joegn pascioné de freestyle.

mencia n rengraziament al Tobià del Giagher e i etres refuges del post che a roda i vegnarà touc ite te l’event. Segur la scomenzadiva la vegnarà fata ence i etres egn e se spera con semper maor partezipazion per valorisèr Ciampac e soraldut fèr stèr ensema

Classifiches BREA KIDS GIRLS: 1. Ginevra Zulian; 2. Alessia Costazza; 3. Naike Ghetta. BREA KIDS MEN: 1. Tita Zulian;

2. Pietro Deluca; 3. Alberto Basteri. BREA JUNIOR: 1. Giorgia Locatin; 2. Adriano Desilvestro; 3. Giacomo Atro. SKIERS: 1. Martin Longhitano; 2. Damiano Lorenz; 3. Daniele Mazzel; 4. Daniele Brunel; 5. Thomas Brunel; 6. Gregory Nijssen; 7. Davide Calligari. www.lauscdiladins.com

29


Sport

nr. 10 / 08 de merz 2013

Trofê Oscar Costa y finala dla Raida Ladina Plü de 200 atleć da döta la Ladinia à tut pert al Trofê Oscar Costa, competiziun che s’à desfiré sön la pista Piz Sorega B a San Ćiascian Schialpinism - Bëgn 242 atlec y apascionà de schi da munt à tut pert en vëndres ai 1 de merz dales 20.00 a San Ćiascian ala terza ediziun dl “Trofê Oskar Costa”. Le percurs, che piâ ia dala staziun a val dl implant portamunt dl Piz Sorega, à n deslivel de 477 metri y na lunghëza de 4150 metri. La gara fej pert dla “Raida Ladina”, le campionat ladin de schi da munt, che é bele ruvé a süa sesta ediziun. Chësta ê la cuarta y ultima gara che varô por chësc tornê, do le ”Trofê Mario Jori” de Fascia, la “Lors da Reba” da Fodom y la gara a Sëlva organisada da “Rodes Gherdëina”. Le “Trofê Oskar Costa” vëgn metü da jì dala Lia da Munt Ladinia Val Badia, che à podü cuntè sön la colaboraziun de tröc volontars, che sciöche vigni ann se à dè da fà cun gran savëi y competënza, y à fat a na maniera che la manifestaziun sides garatada dër bun. Al’ iscriziun ciafâ vigni partezipant na picia scincunda, chësc ann na bela löm da frunt, metüda a disposiziun dal sponsor ofizial Ski Service Renato. I concorënć é pià ia düć adöm puntualmënter dales ot. Le percurs sön la pista “Piz Sorega-B” portâ i atleć naôta ćina pro la Ütia Saraghes, spo ala staziun a munt dl implant “Ćiampai”, olà che chi che orô podô tό jö les pels dai schi deache chësc ê le punt plü alt. Ai passâ spo dan la Ütia Las Vegas ia y rovâ al travert

che ê propi dan la Ütia Piz Sorega. Le plü asvelt di ëi é ste l’atlet dl post Lois Craffonara de “Badia Sport” cun le tëmp de 27 menüć y 11 secunć. Al secundo post él rové Dario Steinacher de “Bogn da Nia” cun le tëmp de 27 menüć y 29 secunć y al terzo post él ruvé Michael Moling de “Badia Sport” cun le tëmp de 27 menüć y 36 secunć.Pro les ëres à fat le miù tëmp Esther Demetz de “Peves Gherdëina”, cun le tëmp de 31 menüć y 56 secunć. Al secundo post se à tlassifiché Verena Ebner de “Badiasport” cun 34 menüć y 24 secunć y al terzo post Heidi Dapunt de “Uniun Sport Lungiarü”, cun 34 menüć y 25 secunć. La premiaziun é stada tla Ütia Piz Sorega, olache al é gnü premié i pröms trëi de vigni categoria. Al é inće gnü premié l’ëra y l’ël che é rovà plü dlungia al tëmp ideal. Trami dui à podü pié do n bel pest. Le “Trofê Oskar Costa” i é jü ala miù scuadra, che é stada chësc ann la scuadra dl post “Badiasport”. Le trofê ti é gnü surandè da Freddy Costa, möt de Oskar Costa, che é stè por tröc agn presidënt dla Lia da Munt Cai Val Badia.

Premiaziun dla Raida Ladina Deache chësta ê l’ultima gara che varô por la Raida Ladina, él inće

gnü fat les tlassifiches de chësta competiziun, compedan adöm i tëmps de dötes cater les gares. I ëi é gnüs despartis sö te trëi categories (Junior, Seniores y Over 50), les ëres te öna. Insciö, tla categoria ”Junior” s’à plazè al pröm post Giovanni Lastei (Bogn da Nia) dan da Daniele Felicetti (Bela Ladinia) y Daniel Rasom (Bela Ladinia). Tla “Over 50” él rové al pröm post Andreas S enoner (Pe ves Gherdëina) dan da Silvano Zorzi (Bogn da Nia) y Mario Hofer (Peves Gherdëina). Tla categoria “Seniores” se à plazè al pröm post Dario Steinacher (Bogn da Nia), che é inće resulté le plü asvelt dla “Raida Ladina” y à insciö podü pié do n bel pest. Al secundo post se à plazé Georg Piazza (Activ Sport) y al terzo post Herbert Stuffer (Peves Gherdëina). Pro les ëres é Giulia Tagliapietra (Peves Gherdëina) stada la plü asvelta, dan da Heidi Dapunt (Uniun Sport Lungiarü) y Manuela Perathoner (Peves Gherdëina). La sëra é spo jüda inant en alegria, vigni partezipant à ciafè n taî de pasta y val’ da bëre laprò. Al ne n’à manćé gnanca la ola dla fortüna, olache tröc à podü pié do n bel pest da se porté a ćiasa. Al se à abiné adöm n gröm de jënt, suradöt dales valades ladines de Fodom, Fascia, Gherdëina y

242 atleć, da döta la Ladinia, à tut pert al trofê che varô sciöche gara numer cater dla Raida Ladina.

Badia, mo inće da foredecà. Al é indô sté na bela festa dl sport, y al é bel da odëi che tan de jënt jona se dà jö inće cun le sport de fadia,

che é dessigü sann nia ma por le corp mo inće por le spirit. (Fortunato Flatscher por la Lia da Munt Ladinia Val Badia)

Tlassifica assoluta di ëi, categoria Juniores Pos.

Concorënt

Grup

Gara “Mario Iori”

Gara 2 “Lors da Rèba”

Gara 3 “Rodes Gherdëina”

Gara 4 “Trofê Oskar Costa"

Endöt

1

Lastei Giovanni

Bogn da nia

00:37:24

00:30:30

00:41:59

00:29:32

02:19:25

2

Felicetti Daniele

Bela Ladinia

00:41:32

00:33:19

00:47:55

00:32:34

02:35:20

3

Rasom Daniel

Bela Ladinia

00:54:52

00:44:00

01:02:51

00:40:06

03:21:49

4

Valentini Jacob

Badia Sport

00:42:13

00:33:52

01:16:05

Tlassifica assoluta di ëi, categoria Over 50 1

Senoner Andreas

Peves Gherdeina

00:35:56

00:29:33

00:41:36

00:27:59

02:15:04

2

Zorzi Silvano

Bogn da nia

00:38:57

00:29:50

00:41:29

00:29:02

02:19:18

3

Hofer Mario

Peves Gherdeina

00:39:00

00:32:41

00:44:19

00:30:07

02:26:07

4

Soppelsa Luciano

Peves Gherdeina

00:41:33

00:33:05

00:47:03

00:32:44

02:34:25

5

De Vettori Edmund

U.S. S. Ciascian

00:47:20

00:36:52

00:50:54

00:34:43

02:49:49

6

Perathoner Peter

Peves Gherdeina

00:46:45

00:37:49

00:51:43

00:35:01

02:51:18

7

Huber Hansjoerg

A.S.V. Deutschnofen

00:48:56

00:39:23

00:56:20

00:37:35

03:02:14

8

Lorenz Valerio

Bogn da nia

00:53:56

00:40:40

00:56:27

00:38:52

03:09:55

9

Thaler Josef

Ski tour reinswald

00:54:55

00:44:19

01:00:46

00:40:54

03:20:54

10

Murer Giovanni Battista

Vill. Alpino Corvara

01:00:26

00:43:17

01:00:39

00:40:43

03:25:05

00:34:34

00:29:03

00:40:12

00:27:29

02:11:18

Freddy Costa, möt de Oskar Costa, i à surandè le trofê a Daniele Irsara, presidënt de Badiasport.

Tlassifica assoluta di ëi, categoria Seniores 1

Steinacher Dario

Bogn da Nia

2

Piazza Georg

Activ Sport

00:35:05

00:29:34

00:40:11

00:27:47

02:12:37

3

Stuffer Herbert

Peves Gherdeina

00:36:50

00:29:53

00:41:53

00:30:20

02:18:56

4

Kostner Martin

Badiasport

00:38:53

00:29:45

00:42:09

00:29:06

02:19:53

5

Nocker Günter

Peves Gherdeina

00:37:19

00:31:00

00:42:45

00:29:07

02:20:11

6

Piazza Thomas

Peves Gherdeina

00:38:01

00:31:47

00:43:55

00:29:34

02:23:17

7

Perlini Enrico

Peves Gherdeina

00:38:55

00:31:34

00:44:58

00:30:25

02:25:52

8

Prinoth Markus

Peves Gherdeina

00:38:43

00:32:08

00:44:51

00:30:40

02:26:22

9

Sommavilla Mauro

Bela Ladinia

00:40:28

00:32:03

00:44:26

00:30:47

02:27:44

10

Comploj Andreas

Peves Gherdeina

00:40:15

00:32:00

00:45:37

00:30:11

02:28:03

02:44:49

Tlassifica assoluta dles ëres 1

Tagliapietra Giulia

Peves Gherdëina

00:43:44

00:36:12

00:50:21

00:34:32

2

Dapunt Heidi

Uniun Sport Lungiarü

00:46:05

00:36:55

00:50:53

00:34:25

02:48:18

3

Perathoner Manuela

Peves Gherdeina

00:47:27

00:36:15

00:50:13

00:34:45

02:48:40

4

Senoner Catherine

Peves Gherdeina

00:47:47

00:39:56

00:53:53

00:38:06

02:59:42

5

Senoner Julia

Peves Gherdeina

00:54:04

00:42:33

01:00:05

00:41:06

03:17:48

6

Kasslatter Ellis

Peves Gherdeina

01:05:36

00:48:56

01:08:32

00:46:27

03:49:31

7

Sottara Maria

Cai Val Badia

01:07:17

00:50:31

01:08:41

00:48:37

03:55:06

8

Dapoz Verena

Cai Val Badia

01:10:46

00:57:20

01:17:14

00:55:23

04:20:43

9

Ploner Melanie

Badia sport

00:53:01

00:40:49

00:37:39

02:11:29

10

Kutlíková Tatiana

Peves Gherdeina

00:45:07

00:35:20

02:12:05

30

www.lauscdiladins.com

00:51:38

Le podest dles ëres tla Raida Ladina (dmc) Manuela Perathoner, Giulia Tagliapietra y Heidi Dapunt.


Sport

nr. 10 / 08 de merz 2013

Sun Piz Sorega y sun la Plose Atlec y atletes de Peves Gherdëina ie daniëura na cuncurënza sterscia tla garejedes

L podest di Over 50 dla Raida Ladina: Hofer Mario (3.), Andreas Senoner (1.) y Silvano Zorzi (2.).

I plu asvelc dla Raida Ladina: Georg Piazza (2.), Dario Steinacher (1.) y Herbert Stuffer (3.).

Peves - Truep atlec de Peves Gherdëina fova nce leprò n vënderdi ai 1. de merz a San Ciascian, ulache Badiasport à metù a jì la terza edizion dla garejeda dedicheda a Oskar Costa, che valova nce sciche cuarta y ultima tapa dla Raida Ladina (cëla nce articul a pert). Tlo à Peves Gherdëina da mustré su la bela vënta de Esther Demetz pra l’ëiles cun n tëmp de 31:56 seconc, iust nia sun podest ie ruveda Giulia Tagliapietra, 5. Manuela Perathoner 34:45, 7. Tatiana Kutlikova 35:20, 9. Catherine Senoner 38:06, 15. Julia

Perathoner 35:01, 67. Günther Perathoner 35:26, 68. Fausto Merler 35:31, 89. Giovanni Maccaluso 38:05 y 143. David Cench 44:59. La tlassifica finela do la cater garejedes dla Raida Ladina ie publicheda tlo dlongia. Fat pea pra la Raida Ladina àl 89 ëi y 17 ëiles.

Senoner 41:06, 28. Ellis Kasslatter 46:27. Pra i ëi ie bel snel, do Georg Piazza de Urtijëi che ie ruvà terzo, l miëur de Peves Gherdëina Andreas Senoner cuinto cun 27:59, al 10. post Günther Nocker de La Poza 29:07, 16. Daniel Ploner 29:33, 17. Thomas Piazza 29:34, 19. Mario Hofer 30:07, 20. Andreas Comploj 30:11, 21. Herbert Stuffer 30:20, 23. Enrico Perlini 30:25, 27. Markus Prinoth 30:40, 33. Andrea Borgogno 31:40, 37. Andreas Demetz 32:06, 40. Luciano Soppelsa 32:44, 47. Ivo Delago 33:12, 48. Walter Mussner 33:15, 63. Lukas Mussner 34:27, 66. Peter

8. Plose Skiuphill n vënderdi ai 22 de fauré, che valova nce per la lingia de garejedes dla 1. Copa dla Val dl Isarch y fova nce l’ultima de chësta lingia. La fova 9 km longia cun n deslivel de 1400 metri. Piei via iesen dala stazion a val a S.

Andrä per ruvé su nchin sa la Plosehütte. Venciù à pra l’ëiles Annemarie Gross di ”Bogn da nia” cun n tëmp de 1:11:08, 2. Valentina Danese 1:13:55, 3. Julia Kompatscher 1:15:55 y al 5. y 6. post la doi atletes de Peves Gherdëina Esther Demetz cun 1:19:27 y Tatiana Kutlikova 1:21:12. Pra i ëi àl venciù Philipp Götsch di ”Bogn da nia” te 55:56, 2. Richard Obendorfer 57.58, 3. Michael Zemmer 58:25. Pra i atlec de Peves Gherdëina/Schi Club Gherdëina Saslong udons al 10. post Andreas Senoner 1:02:37, 30. Daniel Ploner 1:06:58, 33. Enrico Perlini 1:07:48,

43. Mario Hofer 1:09:12, 46. Andrea Borgogno 1:09:49, 55. Andrea Demetz 1:12:22, 72. Ivo Delago 1:15:49, 77. Fausto Merler 1:16:33, 91. Konrad Weirather 1:25:06. Tla tlassfica finela dla 1. Copa Val dl Isarch, che ie metuda adum da cin garejedes, udons che pra l’ëiles àl venciù Valentina Danese che à fat pea 4 garejedes y à nsci abinà adum 750 ponc, al 5. post nosta atleta Esther Demetz cun 3 garejedes y 406 ponc y al 6. post Tatiana Kutlikova cun 4 garejedes y 372 ponc. Pra i ëi sëura 50 ani àl venciù n atleta de Peves Gherdëina y plu avisa Andreas Senoner cun 4 garejedes y 644 ponc. Pra i ëi plu jëuni àl venciù Philipp Götsch di ”Bogn da nia” cun 4 garejedes y 800 ponc. De Peves Gherdëina udons mo al 23. post Daniel Ploner cun 3 garejedes y 176 ponc, 33. Enrico Perlini cun 3 garejedes y 84 ponc, 37. Andrea Borgogno 4 garejedes y 53 ponc, 53. Ivo Delago 4 garejedes y 4 ponc. La tlassifica finela a scuadres ie unida vënta dal ASV Gossensass Skialp cun 4813 ponc. Peves Gherdëina se à tlassificà al 4. post cun 1745 ponc. Fat pea àl de ndut 35 scuadres. La proscima garejeda ulache atlec de Peves Gherdëina/Schi Club Gherdëina Saslong sarà leprò ie ncuei vënderdi ai 8 de merz y plu avisa se tràtel dl Sellaronda Skimarathon, che muev chëst ann da Reba. (mp)

L Fascia se à descedà fora de colp!

Nicole Daberto rua endò en aut

Dò aer trat demez trei ponc sorii te la pruma partida de retorn de campionat, la squadra de mister Cigolla à reagì, concostan trei ponc senestres contra i jormegn fiemaces

L’atleta da bal sui feres da Ciampedel porta a cèsa n bron a Pinzolo e na calificazion per Salzburg

Balon 1^ cat. - L’é stat desche sutèr jù de let la pruma partida ofiziala del Fascia Balon de chest an. Dò la solita gran fadìa a se alenèr per la neif e l freit, la formazion de mister Cigolla à scomenzà l jiron de outa del campionat de pruma categorìa che piec no se podea. En jebia ai 28 de firé, Debertol e sozi à jià fosc la più burta partida di ùltimes cinch egn perdan cater a nia, olache l nia no stèsc demò per i goi, ma ence per chel che à fat i ladins te ciamp. Belebon che trei dis dò, en domenia ai 3 de mèrz, se à jià sobito n’autra partida che ge à dat l met ai fascegn de se refèr ite tant a livel de cef che te classifica. Sal Cotura de Vich, svetà da la neif per l’ocajion, l’é ruà sù i “jormegn” del Fiem e l’é stat duta n’autra partida respet a chela jièda a Povo. Jà dal prum menut se à vedù n Fascia più ascort e conzentrà, con maor gaissa e segureza te ogne pèrt del ciamp, dal portier en su. Enceben che l balin del jech l’é semper stat te la mans di patrons de cèsa, se à cognù spetèr enscin a chinesc menuc da la fin per veder l prum e l soul gol de la partida. Aldò de na trata da cet da man dreta e mìngol de biteboi ti seidesc metres di ghesć, l’é stat Luca Trottner l più asvelt a spenjer la

bala te usc. L joegn da Vich à coscì dezidù l derby, te sia pruma partida col Fascia, dò esser vegnù de retorn da la Rotaliana olache l’aea jià fin a chest uton. L se à coscì fat n bel don de benvegnù e soraldut l ge l’à fat a sia squadra, che chesta venta la se l’aea dassen vadagnèda sul ciamp, ge lascian ai aversaries te nonanta menuc na soula trata te usc. Per se descedèr fosc no servìa sutèr jù de let, fossa stat assà n sveiarin. Aboncont la é jita coscì, trei ponc “sorii” peté demez e trei “senestres” vadagné. Ades no resta che stèr descedé e ascorc per trei lonc meisc, a

L gol del joen Luca Trottner à dezidù l derby.

scomenzèr da en domenia che vegn, ai 10 de mèrz da les trei sul ciamp del Verla. Cristoforo Debertol Povo – Fascia 4 - 0 Fascia – Fiem 1 - 0 (gol de Luca Trottner) Formazion Fascia: Nicolò Cincelli, Manuel Bernard, Denis Drlje, Davide Porcu, Maurizio Bonani, Stefano Brigadoi (43’ s.t. Nicola Varesco), Bruno Amplatz (22’ s.t. Nicola Rizzato), Luca Trottner, Patrizio Cigolla, Cristoforo Debertol, Daniele Deluca. Alenador: Luciano Cigolla Classifica 1. Categorìa jiron C: Aquila Trento 14 part., 32 p. Fassa 14 partides, 31 ponc Piné 15 partides, 30 ponc Fiemme 14 partides, 28 ponc Telve 14 partides, 26 ponc Calceranica 15 part., 22 ponc Ortigaralefre 14 part., 19 p. Dolomitica 14 partides, 16 p. Verla 14 partides, 15 ponc Vattaro 14 partides, 15 ponc Cauriol 15 partides, 14 ponc Bolghera 15 partides, 12 ponc Povo Scania 14 partides, 9 p. Valsugana 14 partides, 7 ponc

Nicole Daberto e sia maetra Joanna Szczypa.

Bal sui feres - Nicole Daberto à endò portà a cèsa n gran resultat. Al campionat talian de bal sui feres stat a Pinzolo ai 2 e ai 3 de mèrz, la joena atleta fascèna la é ruèda sul podie. Te la pruma garejèda de sabeda ai 2, te la Short (la garejèda curta) Nicole à serà sù al 5° post. La dì dò però noscia atleta de bal sui feres é levèda con duta n’autra cèria e te la garejèda più emporanta, la Free (la garejèda più longia, con più sauc e dificoltèdes) la é stata bona de se tirèr sù enscin al 3° post, con 91,66 ponc de valutazion finèla. Na gran garejèda, che metuda ensema a duta l’autres ge à portà a Nicole amò na sodesfazion. Defat proprio vedui i bogn resultac

arjonc te chesta sajon, adertura cinch podies de fila, Nicole Daberto é stata convochèda per l’Arge-Alp a Salzburg che sarà a al fin de chest meis de mèrz. Nicole, che la é te la categorìa Junior, te chela ocajion la podarà fèr na gran esperienza, percheche la se troarà a garejèr con atletes de 18-19 egn. Dant de Salzburg però no se paussa, e ai 24 de mèrz Nicole tolarà pèrt ence a la II garejèda Open a Maran. No ne resta che se complimentèr con Nicole per si resultac, e ge augurèr che tel davegnir la posse aer amò de autra sodesfazions ensema con sia maestra Joanna Szczypa e sia sozietà l’ASD Fiemme On Ice. (vr) www.lauscdiladins.com

31


Sport

nr. 10 / 08 de merz 2013

L’Hockey Fascia risia de serèr sù Chest campionat de hockey é ruà a la fin per l’Hockey Club Fascia. Aon fat n bilanz de la sajon con l president Roberto Ongari, che ne à palesà sie gregn cruzies per l davegnir Hockey - Con la venta contra l Pontebba te la endesfides di playout, l Val de Fascia Ferrarini à serà sù la sajon 2012/13 se arseguran de poder restèr te la serie maora. Da pèrt de la direzion de la Sozietà l’é donca sodesfazion per chesta sajon, che à metù al luster la braùra de nesc joegn, ma chel che cruzia l’é l davegnir. Aon rejonà con l president Roberto Ongari de la sajon giusta fenida, del smendrament di contribuc e de le Universiadi. Co ela jita la sajon? Siede più o manco contenc respet a chel che se se spetèa? Roberto Ongari: “L’era senester per nos, che aon dezidù de no tor i doi “italo” pervedui da regolament e fèr jièr i joegn dal post. Saon che l’é n investiment che arà debesegn de dotrei egn per ruèr a livel aut, ma i é stac proprio bravi, e canche l’é stat ora de jièr i l’à fat proprio ben. Canche se jièa duc l’é stat fat de bela partides. Cogne dir che son proprio content, perché i joegn, ence chi joegn joegn, de 17 egn, i à abù l met de fèr na gran esperienza. I à duc jià, respet ai egn passé che no i aea post. Sion rué penùltimes, ma miec 9° con noscia squadra e nesc joegn che 7° con jent da fora”. No aede fat più fadìa ence

percheche mencèa vèlch jiador dal post? “Na, na! Perché Piffer l’era da n trat che l jièa pech per l mèl a la schena. Rudy ence l’an passà l se aea fat mèl e Diego l’à cernù de jir a Milan. Ma chi che l’é stat a sie post i à fat l medemo lurier. No l’é che con Diego o Rudy se ruèa en finèla. Fosc no ruaane a l’endesfida col Pontebba, ma no fossa mudà trop”. Endespièsc però che chisc bec i sie se n jic. Per coluna rejon pissède che i abie volù mudèr? “Mìngol per fèr neva esperienzes e mìngol per i scioldi. L Fascia l’é dò che l padesc n muie. L’é n sport che costa e no aon gregn didamenc da la Provinzia. La Trentino SpA ti ùltimes cinch egn la ne à tirà jù la sponsorisazion de 2/3. Sion traté desche se fossa na manifestazion de doi dis, i é dò che i ne taa da duta la mans. Dapò l’é ence la crisa del turism. Nos da Nadèl aon tirà sù 20 mile euro de manco per la partides e te dut l meis de jené anter duta l’ativitèdes del stadie aon vadagnà 30 mile euro de manco. Da l’autra mans i à più scioldi, i disc, ma no sé nience chest perché ence l’Alleghe no l’é che l’abie fat de gregn numeres chest an te la ùltima partides e al turist talian che vegn chiò, ence se l cognosc l’hockey,

ge peisa chisc 14 euro en più sul bilanz de la vacanza”.

moscèdes en direta su Eurosport, la Rai, la televijions russes e en più la zerimonia che sera la manifestazion vegnarà fata ta Dèlba. La strutura del stadie l’aessa debesegn de lurieres, desche l color e fèr dotrei fons, e ge volessa i fèr coran. Endèna no i à dat l via e se spera che vegne fat, ades se formalisarà la cordanzes anter la Provinzia, i enc locai e la sozietèdes de sport, ma se no le Universiadi les vegnarà fates segur, l stadie de Dèlba l’à fat trei mondièi, desche strutura la é”.

Che prospetives él per l davegnir? “Ades nos seron sù dut e dant de valutèr che fèr vedaron che didamenc aron. Se l trend l’é chel de chest an de smendrèr dut, vel dir no esser più bogn de fèr chel che sion dò che fajon.” Él l risech che no sie più la squadra maora? “Na, l’é l risech che no sie più la Sozietà Hockey Fascia. Sarà dut da dezider ence per i joegn, ajache con la quotes che tolon sù da la enscinuazions no sion bogn de corir duta la speises del setor di joegn. No cree nience che sie semper i sozi che cogne meter ite dò e dò. Se la Val de Fascia vel l’hockey la darà na man, ma se de aost vegnarà amò smendrà chel pech che i ne dèsc (a pèrt Cianacei e Poza) no sarà più la possibilità de jir inant”. E sponsor privac? “Firma granes che invest ti sport n’é semper de manco e ti sport mendres desche l’hockey l’é amò più senester. Te n troes n muie che dèsc pech, ma no t’ès la segureza e la Ferrarini ne dèsc de manco che la Levoni. Chel che sozedarà no sé, ma vedon coche

Roberto Ongari.

responarà la Val e la Provinzia. Ti ùltimes egn aon taà i foresć, aon taà la speises, aon sparagnà, ma se te rua semper de manco contribuc no se pel jir inant. E dapò a fèr jièr i joegn nesciugn te dèsc na paca su la spala. Tu t’es content e sodesfat, ma i etres somea che no i capesce”. E per le Universiadi él novitèdes? “Aon metù a la leta la strutura e nos cognon se cruzièr di volontadives. L’é stat metù sù n comitat organisatif a Trent e nos colaboron con ic. Sarà n event emportant percheche a Cianacei i farà la partides de hockey che vegnarà

Per fenir, volede dir amò zeche? “Su la squadra maora ge tegnisse a dir che i joegn i à responet proprio ben e zenza poura e endèna ence l setor di joegn l’à arjont de bogn resultac. Che dapò al de là del resultat, per me l’é emportant che i jie duc fin canche i à l’età per se devertir. Chest no l’é stat segur n an petà demez, percheche sion amò rué a chesta situazion e con na squadra con più foresć. Ruèr coscita, con joegn dal post e zenza stress, vel dir che la é jita ben. Aon fenì cinch dis dant de autra cater squadres che i à spenù n muie, n muie de più”. Intervista de Valentina Redolfi

La Under 20 ruva te semifinela Te semifinela arà l Gherdëina da se bater contra la scuadra sterscia dl Renon. La U 14 scumencerà n dumënia che vën cun i otaves de finela a livel naziunel Hockey/Jëuni - La partida dla Under10 dl ultim vënderdi contra l Toblach ie unida spënta, ajache l Tobalch ne ova nia jugadëures assé. La scuadra dla U10 à ncuei vënderdi 8.3. te Sëlva na partida contra l Pustertal. U12 Maran - Gherdëina 2:2 (0:2, 1:0, 1:0) La Under 12 à finà via si sajon de campiunat cun l nono resultat a pèr. Te tlassifica iesi ruvei al 8. post sun trëdesc scuadres. I mutons à te si ultima partida jugà n bon prim tëmp. Nce i doi verdiaporta à tenì dassënn, i à pià bën cater penalties. Ala fin ie i averseres purtruep mo stai boni de valivé ora. Per l Gherdëina àl fat i goi Lukas Glück y Kevin Schmalzl. Chisc mutons dla Under 12 jirà pona mo d’auril a Bled a fé pea pra n turnoi nternaziunel. U14 Gherdëina - Pustertal Black 15:0 (3:0, 7:0, 5:0) L juech de n mierculdi 27 de fauré jiva for mé da una na pert, ne ti lascian deguna ucajions da gol ai averseres plutosc dëibli. L Gherdëina à venciù saurì per 15:0. Per l Gherdëina àl fat i goi David Pescosta (3), Florian Moroder (2), Leo Holzknecht (2), Patrick Demetz (2), Lukas Demetz (2), Bean Schmalzl, Andreas Senoner, Alex Grossrubatscher y Marc Frisch. U14 Neumarkt/Auer Gherdëina 6:7 (3:1, 2:4, 1:2)

32

www.lauscdiladins.com

Mpue plu stentà se à pona i mutons dla Under 14 n dumënia a Neumarkt ntan l’ultima partida dl campiunat provinziel, ulache i se l’à durmida via tl prim tëmp canche la stajova 3:1 per i averseres. Do y do iesi pona ruvei ite miec tl juech y à desmustrà de vester boni de cumbater y mudé la partida, nsci che i à ala fin mpo mo venciù per 7:6. Per l Gherdëina àl fat i goi Leo Holzknecht (3), David Pescosta, Patrick Demetz, Mike Windegger y Davide Demetz. Per chësta scuadra jiràla śën inant cun i otaves de finela, n dumënia ai 17 de merz te Sëlva, ulache la scuadres de Gherdëina, Maran, Valpellice y Pieve di Cadore s’la fajerà ora chiche ruverà ite ti cherc de finela. Iló iel pona da jughé contra uni scuadra doi tëmps da 18 menuc y uni tëmp vel sciche na partida. La prima doi scuadres ruverà inant. Speron che la ti bute al Gherdëina. U16 Kaltern - Gherdëina 4:2 (2:0, 0:2, 2:0) Da muië per chësta partida, ulache la se tratova de se cualifiché per i play off, śën ie la pusciblteies bën scialdi pitles, n possa mé plu speré che l Kaltern pierde mo vel’ partida. I mutons à jugà drët bën, ma contra l boniscimo verdiaporta dl Kaltern ne iesi nia stai boni de cuncretisé la ucajions da gol. Per l Gherdëina àl fat i goi Samuel Moroder y Juri Runggaldier.

La boia dan cassa.

Purtruep se à n jugadëur dl Gherdëina, che fej nce pea pra la U14 y che ti mancerà śën dassënn ala scuadra, fat mel do che l à giapà na carica. Chësta scuadra à mo da fé doi partides, una fova n cësa inier juebia contra l Valpellice y l’autra sarà duman a Asiago. U20 Gherdëina - EV Bozen 3:2 (1:0, 2:0, 0:2) N juebia ai 28 de fauré à la Under 20 jugà te Sëlva si prima partida de play off contra la scuadra dl EV Bulsan. N se

aspitova na partida bënedebò dura y nsci iela nce stata. Do che i mutons fova danora per 3:0 se ài tl terzo tëmp lascià ite tla pruvocazions di averseres y à giapà de cunseguënza massa menuc de straufonga. Per fertuna àla mpo mo butà a tré decà chësta partida. Per l Gherdëina àl fat i goi Cesare Sottsass, Oliver Schenk y Christian Castlunger. U20 EV Bozen - Gherdëina 2:4 (1:0, 1:2, 0:2) N sada fòvel pona la partida de

ëuta a Bulsan tla Sill. Na partida carateriseda da n juech plutosc dur, dantaldut da pert di jugadëures dl Bulsan. Ma i mutons à cumbatù y ie cun chësta bela vënta ruvei tla semifinela. Per l Gherdëina àl fat i goi Fabian Costa, Simon Vinatzer, Fulvio Romano y Cesare Sottsass. La prima partida de semifinela à i jugadëures dl HC Gherdëina duman sada sun Renon y la proscima sarà n juebia ai 14.3., dala 17.30 te Sëlva.


Sport

nr. 10 / 08 de merz 2013

La Ila “sona” le miù söi schi y söi chidli A Antermëia s’à abinè chi y chëres dles Musighes ala gara anuala. Le trofê s’à condüt a ćiasa la Musiga da La Ila

I presidënć dles Musighes da La Val y La Ila se porta demez le pest sciöche Musiga cun le plü partezipanć.

Schi - En sabeda ai 23 de forá 2013 à la Uniun dla Musiga da San Martin organisé la gara tradizionala dla Uniun dles Musighes dla Val Badia. Le post ideal por chësta gara é indô stè Antermëia, olache al s’à abiné adöm bëgn 70 concorënć

(musicontri, portabandira, margatënteres y mëmbri d’onur dles uniuns) dles Musighes dla Val Badia. Les Uniuns à tut sö bun chësc invit, sciode che la Musiga d’La Pli n’à sciafié da tó pert cun val’ mëmber. La gara à metü man dales 10:00

Bel scenar por na bela gara.

jö por na beliscima pista arjignada ca dër bun dala sozieté di lifć y dal’Uniun dl sport d’Antermëia. I concorënć ê cherdà atira do la gara di schi da chidlé sön la dlacia, olache un o l’ater podô ćiamò porvè de miorè le plazamënt. Döt chësc gnô fat sot al comentar dl dirighënt dla Musiga da San Martin Sepl Pezzei che à salpü da motivé düć i partezipanć, sides da gnì jö por pista co da chidlé. Do la gara à spo düć ciafè na buna marëna tl Hotel Fontanella, olache al é inće gnü tignì la premiaziun. Al n’é nia ma gnü premié i plü asvelć, mo inće le concorënt plü jonn, Anna Frenademetz dla Musiga da Ila, y le manco jonn, Erich Pescoller dla Musiga de Badia, s’à mirité n bel pest. Le trofê, sciöche soma di trëi mius tëmps, i é jü en chësc ann ala Uniun dla Musiga da La Ila. Sciöche Musiga plü numerosa é gnüdes premiades la Musiga da La Val y chëra da La Ila che à tut pert cun bëgn 17 mëmbri. Do la premiaziun arvenüda dal presidënt nü dla Uniun Musighes Val Badia, Heinz Canins, é ćiamò tröc stà a passè n valgönes ores de aurela cörta cun l’intratenimënt musical di jogn de Badia Ivana y Sepl. La Musiga da San Martin oress dì n bel dilan, impröma a düć i concorënć che à tut pert, spo ala Uniun dl sport d’Antermëia por l’organisaziun dla gara, ala Crusc Blanćia de Mareo y al Aiüt Alpin da San Martin, a düć chi che à daidé pro a val’ manira al bun garatè de chësta manifestaziun y ai sponsors che à metü a desposiziun les medaies y les copes. Al n’é stè degügn che s’à fat mè, la manifestaziun à metü man sot a n cil bel sarëgn y s’à stlüt jö da sëra cun val’ floch de nëi.

La concorënta plü jona Anna Frenademetz.

Le trofê él stè chëres y chi dla Musiga da La Ila che à podü pié do.

N gran suzess per i mondièi de Fiem 2013 Ence l joen Mattia Pellegrin da Moena, de le Fiamme Oro, à garejà l’ùltim dì te la 50 chilometres de paslonch de ic

Mattia Pellegrin da Moena ai mondièi de Fiem 2013.

Mondièi 2013 - Se à serà sù en domenia ai 3 de mèrz, co la 50 chilometres de paslonch de ic, i mondièi de Fiem 2013. Diesc dis de gran sport e spetacol. “N mondièl che à passà via Schladming per sia umanità, de gra soraldut ai volontadives” – à dit Roda president de la FISI e l’assessor provinzièl Gilmozzi à jontà che “chest mondièl à sapù regoer n muie de oportunitèdes per n

N gran publich à sostegnù si campions al zenter de paslonch de Lago de Tieser.

teritorie che à sapù lurèr adum” I complimenc é rué da ogne man, tant a livel nazionèl che internazionèl. L suzess vegn palesà ence dai numeres: 701 atlec (a Oslo i era 580), 55 nazions (a Oslo 49), passa 400.000 spetatores, 8.137 acredité de chisc passa 1.100 giornalisć internazionèi, 40.000 i ghesć che à prenotà ti hotìe de Fiem, Fascia e la valèdes vejines, 371.000 vijitadores al dì tel sit

ofi zial internet, facebook con 122.000 contac al dì, twitter con 1.600.000 contac al dì e youtube con l video de la ciantia anter i più cliché. Dut l’é jit benon e ence l temp à didà. Chel che l’é mencià l’é stat demò la medaes da man de la squadra talièna. Ence l’ùltima speranzes, metudes dutes te la mans, anzi miec dir ti brac e te la giames de Giorgio Di Centa, te l’ùltima garejèda de en domenia

passèda, se à desfat desche la neif sot l soreie de la beliscima giornèda. L stadie de paslonch de Lago era pien e res de jent, sostegnidores finlandeisc, svedeisc, svizres, franzousc, ma ence n muie de jent de Fiem e Fascia, per veder l’ùltima garejèda di mondièi e sostegnir i campions taliegn. Gran tifo con bandieres, tombretes, bronsins e tamburles, enlongia l percors la jent à sostegnù a gran ousc Giorgio Di Centa, Valerio Checchi e i joegn Dietmar Nöckler e Mattia Pellegrin. La garejèda é stata venta da n eroich Johan Olsson, l svedeis se à destacà dal grop, l’é se n jit da soul sobito dò i 10 chilometres e nesciugn é più stac bogn de l ciapèr. Medaa de arjent per l svizer Dario Cologna e de bron per l kazako Alexej Poltoranin. Doi i taliegn anter i prumes vint: Dietmar Nöckler l’é stat fin a la metà de l’ùltim giro anter l grop tedant dapò l’à zedù de vèlch

meter, ma sie 18° post l’é n piazament n muie positif. Sobito tedò l’é ruà l campion Giorgio Di Centa, enveze Valerio Checchi, clas 1980, é ruà 36° e Mattia Pellegrin, clas 1989, l’à fenì fora la garejèda al 38° post. Per Mattia Pellegrin da Moena, che fèsc pèrt de le Fiamme Oro, venjidor de la proa de Alpen Cup, se tratèa de la pruma garejèda de mondièl. Na proa particolèra, tedant a si amisc e sostegnidores che l’à engaissà dal scomenz a la fin, soraldut sie père, ence con striscions olache se podea lejer “Sion en Pellegrin-aje a Lago con te Mattia”. Sobito dò la gara l’à dit che l sperèa e l cherdea de fèr miec, ma che sia condizion no era proprio otimala. A Mattia ge fajon aboncont de gregn complimenc, che l seghite inant coscita. Dò la premiazion de la garejèda l’é stat la zerimonia che à serà sù i mondièi de Fiem 2013 e che ge à passà l testamonech a Falun te la Svezia per l mondièl 2015. (mci) www.lauscdiladins.com

33


Sport

nr. 10 / 08 de merz 2013

Una na partida piersa, ma doves de vëntes N grum de biei resultac Mé una dla doi partides sun l program chëst’ena ie l Gherdëina I stat bon de vëncer, ntan che la A Maran 2000 iel unì garejà per l campiunat provinziel de segonda scuadra se fej ala fin mo sia la vënta snowboard y nce per l Triveneto Cup Chidlé - Una na partida che n ova messù spënjer àn śën fat do y tlo ti àla al Gherdëina I drët butà. La se tratova da jì a Steinach te Taufers, ulache n à pudù udëi n bel juech bëndebò valif. Scumencià à Leo y Flavio che à valivà ora n cont di ponc di chidladëures y à batù ju 20 chiedli deplù che i autri. Tla segonda lingia di colps ti tucòvela a Georg y Thomas, che à ënghe valivà ora i ponc, ma perdova de 11 chiedli. Ala fin à Guido y Siegfried mo fat l pont, auzan la defrënza de chiedli a 25 deplù che i averseres. Nsci iela ala fin jita ora 5 a 3 per l Gherdëina. L miëur dl di ie stat Georg Sommavilla, che à batù ju 527 chiedli. Resultat: L Taufers II à fat 3 ponc, batan ju 2934 chiedli cun na mesaria de 489 per chidladëur. L Gherdëina l Buandes Rabanser à fat 5 ponc, batan ju 2959 chiedli, che fossa 493,2 per chidladëur.

Serie B-est Taufers II - Gherdëina I 3:5 Resultac persunei: Georg Sommavilla 527 Guido Stuffer 522 Leo Demetz 496 Flavio Prinoth 487

Thomas Demetz 477 Siegfried Prinoth 450 La segonda partida jugheda chëst’ena fova chëla contra l Funes. Inò na partida da desmincë y cialé inant ala proscimes. Deguna storia! L Funes à fat una de si miëura partides, ne ti lascian deguna puscibltà al Gherdëina. Ala fin stajòvela 7 a 1 cun na defrënza de 232 chiedli. Gherdëina I - Funes I 1:7 Resultac persunei: Guido Stuffer 525 Manfred Wanker 509 Georg Sommavilla 492 Siegfried Prinoth 482 Thomas Demetz 468 Leo Demetz 459 Per l Gherdëina II che ie jit a St. Andrä a fé si partida fòvela drët valiva nchin ala fin. Al ultimo ie Viktor mo stat bon de valivé ora la partida y batan ju mé trëi chiedli deplù che i autri àl mo davanià i doi ponc di chiedli, che ti à nsci nce purtà la vënta al Gherdëina II. Resultat: L Plose II à fat 4 ponc, batan ju 2972 chiedli cun na mesaria de 495,3 chiedli per chidladëur.

L Gherdëina II à fat 4 ponc, batan ju 2975 chiedli cun na mesaria de 495,8 chiedli per chidladëur.

Serie D-nord Plose II - Gherdëina II 2:6 Resultac persunei: Albert Moroder 520 Ewald Insam 516 Viktor Werdaner 507 Armin Moroder 504 Michael Moroder 473 Pauli Wanker 455

Albert Moroder dl Gherdëina II.

De bon resultac per l Eisclub Gherdëina Ntan l ultim fin dl’ena iel stat i campiunac taliani de jadiné artistich per la categuries novice y juvenile, ulache n valguna atletes dl Eisclub Gherdëina à fat pea arjunjan resultac de respet. Oradechël iel mo stat ai 23 de merz na garejeda ntersoziela a Baselga di Piné, ulache nosta atletes plu jëunes se à segurà doi tituli y na bedaia d’arjënt Jadiné - Doi atletes dl Eisclub Gherdëina se à cualificà per fé pea dai 1. ai 3 de merz pra i campiunac taliani a Pinzolo, ulache l fajova pea la 24 miëura atletes dla Talia. Anna Runggaldier de S. Cristina fova danter la numinedes dla categuria advanced novice y do l program curt de n vënderdi, 1. de merz, se plazova la jëuna cun 28,07 ponc ala 12ejima pusizion. Tla Kür iela pona stata bona de mustré n bon program zënza fai davanian cater pusizions, nsci che ala fin fòvel n otavo post cun de ndut 72,11 ponc. Nora Rossetto a garejà tla categuria juvenile. L prim di, per ëila n sada, ai 2 de merz, mustrova

Patrizia Gasser.

34

Ilaria Demetz.

www.lauscdiladins.com

la jëuna de Sëlva n program curt nët y feter zënza fai, cun chël che la se davaniova 30,38 ponc y ntant la bona sesta pusizion. Nia tan garatà ne ti ie l program lonch, ma mpo finova Nora via si garejeda cun bën 83,76 ponc, che ulova di l nono plazamënt y nscila la miëura de Südtirol cun chël che la possa zënzauter vester cuntënta, nce sce l ëssa pudù sauté ora vel’ pusizion plu dancà.

L’ena dant, ai 23 de fauré, fòvel sun l program na garejeda ntersoziela a Baselga di Piné, ulache la jëunes dl Eisclub Gherdëina che vën alenedes da Martina Schenk à pudù fé pea. Na bela sudesfazion se à tëut Patrizia Gasser de Sëlva che ie stata bona de mustré n bel program nët cun dut cie che la sà da fé y nscila àla venciù tla categuria dla mutans nasciudes tl ann 2000.

Pia Demetz de Sëlva à fat pea la garejeda per l ”Trofeo di Pinzolo”, ulache l fova mé udù dant l program lonch y cun 33,36 ponc à la jëuna jadinadëura arjont l 16ejim plazamënt.

Pra la mëndres dl ann 2002 à Carmen Moroder de Urtijëi pudù pië do la bedaia d’arjënt y si cumpania Carolina Moroder ie ruveda otava. Pra la mutans dl ann 2003 àl pona venciù n’autra atleta dl Eisclub Gherdëina, Ilaria Demetz de Sëlva. Stella Senoner ie ruveda cuarta, Leonie Kostner otava y Ludovica Costa 11ejima. Cun chisc biei resultac à l Eisclub Gherdëina nce pudù pië do la copa per l segondo post arjont sciche grupa. L a p ro s c i m a g a re j e d a ntersoziela sarà ai 16 de merz a Cianacei.

Carmen Moroder.

Nscila à dutes pudé se fé mpue de sperienza te chësc sport y chisc resultac ti dà dessegur na sburdla per cialé inant cun mutivazion y se alené inant cun mpëni. (cd)

Snowbaord - N dumënia ai 24 de fauré à atlec y atletes dl club Snowboard Gherdëina venciù cater tituli provinziei y à arjont mo na lingia de biei plazamënc sun l purtoi Lärchenwald a Maran 2000. Chësta cumpetizion valova nce per l Triveneto Cup y l à fat pea perchël atlec dla provinzies ujines. Danter la 24 portes sibe dla prima che nce dla segonda manche se l’à pra la sculées (nasciudes tl 2000/01) nosta Valentina Longhi fata valëi. Tla prima manche ti àla dat passa sies secunc ala segonda y à nsci pudù jì plu sul segur tla segonda, vencian pona do la rata saurì. Ëila ie nce ruveda prima te chësta categuria tla copa dl Trivenet. Pra la alieves mutans à Aline Moroder venciù l titul da campiunëssa provinziela. Tla tlassifica dl Trivenet, la udons for mo sun l podest ma al terzo post. Mo segonda do la prima manche, do Elisa Caffont dl Venet, ti ie a tramedoves mo passeda dant Caterina Carpano dl Ski Team Fassa, che à tla segonda manche fat n tëmp de marueia. Sindy Schmalzl ie te chësta categuria deventeda vizecampiunëssa provinziela y ie 5. tla tlassifica dl Trivenet. Pra i alieves mutons ie Damian Perathoner deventà campion provinziel y nce tl Triveneto Cup àl pudù pië do la bedaia de bront. Pra la juniores mutans iel l bel 3. post de Romina Stuflesser (4. tl Triveneto Cup). Si cumpania de scuadra Caterina Crepaz ie, do na bona prima manche ulache la ova mo n tëmp da podest, tumeda

Valentina Longhi ie campiunëssa provinziela.

zeruch al 4. post respetivamënter al 6. tl Triveneto Cup. Te chësta categuria garejòvel mo na atleta dl Snowboard Gherdëina, Benedetta Belsito che ie ruveda 6. (9. Triveneto Cup). Pra la juniores à Nadya Ochner venciù saurì fajan te tramedoi manches l miëur tëmp y l ie la sëula che ie stata bona de resté for sot al menut. 3. post per Daniele Bagozza pra i juniores. Fajan l miëur tëmp tla segonda manche iel stat bon de ruvé dal cuarto post sun l podest, ntan che si cumpani de scuadra Lorenzo Braidotti, che fova 3. do la prima manche, ie tumà zeruch al 5. post. Christopher Belsito, nce ël dl Snowboard Gherdëina ie ruvà 6. (9. Triveneto Cup). Venciù à Hannes Hofer de Funes che à fat scialdi n bon tëmp tla prima manche. Pona ons mo l titul provinziel dl capo dl Snowboard Gherdëina, Georg Rabanser, che à venciù tla categuria di Master A nce a livel de Trivenet.

Pra la alieves ie Aline Moroder prima y Sindy Schmalzl segonda.

Sauté d’inviern Per i atlec che fej garejedes de sauté à la sajon bele scumencià cun doi garejedes tl raion de Maran Runners - La segonda dl zircuit ”Corrinverno” ie unida metuda a jì n sada ai 2 de merz a Sinich. L fova na garejeda de sauté, 10 km longia. Venciù chësta garejeda à Franz Lanziner cun n tëmp de 30 menuc y 40 secunc, dan Markus Ploner 31;18 y terzo ie ruvà Hannes Rungger cun 31:40. Georg Demetz di Gherdëina Runners se à tlassificà al 34. post tla categuria generela y al 9. tla M40 cun n tëmp de 37:35. Venciù l zircuit de tramedoi garejedes à Hannes Rungger. (mp)

Dancà Georg Demetz de Urtijëi.


Sport

nr. 10 / 08 de merz 2013

De biei mumënc y sepranzes sfantedes I Campiunac dl Mond de schi nordich 2013 tla Val de Flëm ie finei via. Nuef atlec ladins, spartii su mpue te duta la desciplines, fajova pea y davia che Pardac ie belau dan porta, se à trueps dla valedes ladines nce nuzà dl’ucajion per jì a viver pea i mumënc emoziunënc dla garejedes

David Hofer.

Debora Agreiter.

Evelyn Insam.

Elena Runggaldier.

Manuela Malsiner.

Mundiei - Se tràtel pu pra i mundiei de ruvé bel dancà, ajache pra chësta sort de manifestazions conta dantaldut la bedaies. Chëi atlec che les vënc jirà ite tla storia dl sport! Plu suvënz iel stat che nia iust i favoric ie jic a se tò na bedaia y chël ie pu nce l bel, ajache ala fin dla finedes ie bën duc de bon sportivi, i se proa y cëla de fé, di per di ann per ann. Ma chësta fertuna ne ti à chëst iede purtruep nia tucà a nosc atlec ladins y talians. Sucrët òven bën de gran speranzes: David Hofer à ultimamënter fat scialdi bën ti ruvan permez nce ai ”mitics” dl pudejé coche Northug y Cologna, tl saut cun i schi à Evelyn Insam lascià audì de sé plu iedesc ntan chësta sajon y a Elena Runggaldier ti iel bele n iede garatà n tel suzes mundiel. I jëuni dla cumbinazion nordica ie for strambi tl pudejé, povester assé che sun l saut de cësa de Pardac, ëssela butà n iede plu che zënza... nsciuma speré ie bën lascià pro y nce drët, ajache la dé su bele danora ne ie nia la drëta, no da bon atlec, no da tifosi. A uni moda bele vester leprò pra de tei campiunac danter i miëures dl mond ie na gran sudesfazion.

sprint tla tecnica liedia, àl garejà deberieda cun l atlet dla Val d’Aosta Federico Pellegrino. Pra chësta garejeda se barata i atlec ju fajan na raida da 1,5 km prun. Truep tifosi unic adalerch da Gherdëina à sperà nchin ala fin de pudëi udëi chisc doi atlec deberieda sun l podest, ma purtruep ne ti iela nia jita fata y i se à tlassificà al bel 5. post. David à nce pudu fé la garejeda de 15 km tla tecnica liedia. Tlo fova la speranzes de na bedaia pitles, ma David à inò n iede desmustrà de pudëi tenì pea cun i miëures. Cundizions de nëif, pervia de na pitla brijia, da stramp ries, à fat duta la trasses mo plu sfadiëuses. Vel’ favorit, danter l auter Dario Cologna o i rusc, ne à nia urtà l drë schi, ma a David ti àla butà dassënn, ël ie stat l miëur di atlec talians cun n boniscimo 13. post. N vënerdi ai 1. de merz iel stat l gran di dla stafeta. Tlo ne garejea l atlet nia mé per sé nstës, ma per si scuadra y per si nazion, y perchël ie chësta garejeda for drët sentida. La muessa buté dut ntëur, cun la forma dl di y cun l material y nsci iela propi stata pra i atlec dla naziunela taliana. Do che l prim a pië via, l jëunn de Burnech Dietmar Nöckler, ie stat bon de tenì pea cun l ritm di prims, fova l segondo fraziunista Giorgio Di Centa per n struf nchinamei danora. L terzo dla scuadra, Roland Clara, à dat inant a David a puec secunc dai prims. David ova pona l rie duvier de purté a contlujion chësta frazion, dan a n publich che sperova sun la prima bedaia taliana pra chisc Campiunac. Dancà la grupa de atlec che cun l passé di chilometri univa for mëndra y mëndra, danora mé plu l norvegesc, l svedesc, l rus y nosc David. Sun i ultimi 200 metri dan l zil fòvel pona tler che i prim doi posć ti jiva ala doi nazions nordiches, ma per l terzo post, per la bedaia de bront mundiela, fòvel mo dut daviert. Tan de milesc y milesc de apasciunei iló sun ëur de pista a svaië y fé tifo per nosta nazion, a ulëi ti dé na sburdla y speré che l sëmi unissa vëira. L ciaut, la nëif mola y pesocia che fajova uni sburdla plu sfadiëusa y ala fin na scuadra taliana cumpetitiva nchin sun la rissa dl travert, ma cun la bedaia de lën per doi centejimi.

Propi sciot, savan che uniun à dat l miec de sé nstës y chësta bedaia fossa stata plu che meriteda, ma l resta l savëi de na prestazion straurdinera y che n auter ann pra i Juesc Olimpics de Sochi saràl l mumënt dla ”revanche”.

che cun 85 metri ne ova nia plu pudù garejé inant. Pra l’ëiles dl saut ie propi la favorites jites a se tò la bedaies cun Sarah Hendrickson (USA) prima, Sara Takanashi dl Iapan segonda y Jacqueline Seifriedsberger dl’Austria terza. Elena Runggaldier y Evelyn Insam à la dumënia do mo fat pea pra la ”Mixed Team” cun i sautadëures Andrea Morassi y Sebastian Colloredo, arjunjan l 7. post.

tl saut, iló seméiel ne uelela nia buté. Che chësc ie l problem di atlec dla cumbinazion nordica ne n’ie nia da scuender y l ie nce unì trat ca te plu ucajions ntan chisc mundiei. L ie l pont per chël che i tecnics cialerà de abiné na bona soluzion, ajache tantosc che la jirà suvier tl saut puderàn dessegur se aspité truep de bel da chisc jëuni artenienc y ulentifs.

Debora Cuntënta ie zënzauter stata Debora Agreiter cun si ”debut” pra i Campiunac dl Mond. Ëila, che iust ntan chëi dis cumpliva i 22 ani, à abù la bela sudesfazion de arjonjer sciche miëura dla talianes l 16. post tla 10 km. Si autri plazamënc fova mo n 24. post tla 30 km a tecnica tlassica y n 31. post tl skiathlon (7,5 km tlassica + 7,5 liedia) for sciche segonda miëura dla talianes, deberieda àles mo arjont l 8. post tla stafeta.

David Pra l pudejé fova nce mo leprò l atlet de Moena Mattia Pellegrin che à fat pea la 50 km y pona sambën l jëunn de S. Cristina, David Hofer. Che l ie te n gran mumënt de forma àl desmustrà ntan i mënsc de jené y fauré y nce tla garejedes di Campiunac nes àl for inò lascià speré te na bedaia y ala fin àl propi mé mancià mpue de fertuna per arjonjer chësc resultat de prestisc. Te si prima garejeda, la team

La mutans dl saut L gran mumënt per la jëunes dl saut fova bele tl scumenciamënt de chisc Campiunac dl Mond, n vënderdi ai 22 de fauré. I sauc tla proes ova drët butà y nsci jìven cun fidanza tla garejeda. Evelyn ie sauteda n iede 96,5 metri, l segondo ne n’ie cun 92,5 metri nia garatà tan lonch, chësc ulova dì per ëila l 8. plazamënt. A Elena Runggaldier, la vizecampiunëssa de Oslo, ne ti iel nia garatà l bis, la ne n’à nce no drë abù fertuna cun l tëmp. L l à scumencià a nevëi y l jiva l vënt, nsci che puech do ëila àn slungia la rampa da tò sgors. Elena ie sauteda 89 metri y 93 metri, che la à purteda tla 12. pusizion. Per tramedoves scialdi n bel resultat, ma danz che per na bedaia ne n’àl chëst iede nia bastà. Gran legrëza per Manuela Malsiner, la plu jëuna dla scuadra (15 ani), che ie ntan chësta sajon zapeda ite tla naziunela do che Lisa Demetz se ova fat mel. Cun n saut de 87 metri iela stata bona de se cualifiché per l saut finel, stlujan ju si prim Campiunac dl Mond senior al 29. post. Delujion ntantsce pra Robert D’Agostina

Cumbinazion nordica Do na sajon nia tan bona sciche chëla dal ann passà se àn prejentà a chisc mundiei cun sentimënc mpue mescedei. L furlan Alessandro Pittin, puech prejënt ntan la sajon ajache l se ova fat mel, se ova njenià ca aposta per i mundiei dla Val de Flëm. Te ël òven metù la majera speranzes. Armin Bauer se à miurà permez al ann dant deventan plu costant. Da Lukas Runggaldier pòssen se aspité dla dutes. Giuseppe Michielli, l cuarto dla scuadra, sà da se deriejer sun l saut. Dan la fin àn mo cherdà ite Samuel Costa per la garejeda dal gran saut HS 134. N cësa ulòven sambën cialé de fé bën y bën à i atlec dla scuadra taliana n pert nce fat. Dantaldut tla garejedes de pudejé se ài mustrà drët strambi, fajan scialdi de bon tëmps. Ulache la manciova fova

Tlo mo n curt i resultac: Saut HS106 cun 10 km de pudejé: Alessandro Pittin 19ejim (do l saut 41. y 8. tëmp a pudejé), Armin Bauer ie 22ejim (saut 42., schi 7.), Lukas Runggaldier ie 26ejim (saut 50., miëur tëmp sun i schi), Giuseppe Michielli ie 31ejim (47./16.) Team dal saut HS 106 y 4 x 5 km: tlo fova la defrënzes scialdi pitles, la prima cin’ scuadres fova dutes scialdi mpralauter. I atlec taliani ie sautei miec che l di dant (95-98 ponc), Pittin ie ruva a 104,8. Tl pudejé iesi stac boni de se tré inant dala nona ala setima pusizion. Saut HS134 cun 10 km: tlo ie Samuel Costa zapà ite mpede Lukas Runggaldier, ruvan ala fin 38ejim (44./38.). Pittin 24ejim (40./10.), Michielli 31ejim (39./26.), Bauer 34ejim (50./8.). Team sprint dal saut HS134 cun 2 x 7,5 km: tlo àl fat pea Pittin y Armin Bauer. 13ejimi do l saut se ài cun l 3. miëur tëmp sun i schi trat inant ala 7. pusizion. (cr/uk)

Armin Bauer, Alessendro Pittin, Lukas Runggaldier, Giuseppe Michielli. www.lauscdiladins.com

35


Sport

nr. 10 / 08 de merz 2013

N se anjënia per la sajon

Doi tituli per la mutans dl schi

Garejeda soziela indoor dl’Atletica Gherdëina

Nicol Delago campiunëssa taliana de libra y Melissa Perathoner vize-campiunëssa tl superG

Atletica - L ie bele deventà na tradizion per l’Atletica Gherdëina Cassa Raiffeisen de Sëlva de mëter a jì uni ann te palestra a Urtijëi la garejeda soziela ”indoor”. La lia mët defati a jì doi iedesc al ann si garejedes sozieles: una ”indoor” tla gran palestra a Urtijëi, y una d’agost ”outdoor” sun l ciamp dal sport Mulin da Coi a S. Cristina. Chisc ie i mumënc ulache l ne n’ie deguna garejedes ufizieles de campiunat Grand Prix, provinziel, regiunel o naziunel. N dumënia ai 3 de merz 2013 fòvela inò tan inant. Nce sce l fova n di cun n tëmp da stramp bel, iel mpo unit adalerch do la rata truepa atletes y atlec a fé pea. L ie n mesun de se museré cun i cumpanies do che n à bele n doi trëi mënsc de alenamënt sun la sciables. I majeri dla categuria alieves y juniores à sambën scumencià plu abenëura

cun i alenamënc, ntan che i atlec dla mëndra categuries à scumencià dan n doi mënsc cun si preparazion. Pra i juniores y alieves iel nce bele tl 2013 unit a s’l dé vel’ esperienza fata a livel naziunel cun n 14ejm y 16ejm p ost respetivamënter de Alexander Demetz y Alex Verginer. Pra la garejeda soziela ie la cunzentrazion pra la garejedes sambën mëndra, la se trata pu nce de ste mpue deberieda y se museré cun colegs danter la lia nstëssa. Nsci fòvel sun l program per i majeri de se museré tl sprint (2 iedesc 22,50 metri), tl saut aut y tl smaché l pëis. Pra i mëndri fòvel l sprint, n saut lonch da fërms y n percurs da rëms. Per la tlassifica àn cumpedà adum i ponc abinei adum ntan la trëi garejedes. Chisc i resultac: Juniores: 1. Alexander Demetz,

2. Adam Schenk, 3. Martin Runggaldier. Alieves: 1. Elena Cortoni, 2. Silvia Demetz, 3. Verena Insam, 4. Valentina Vettorazzi. Cadetes: 1. Elisa Senoner, 2. Julia Senoner, 3. Linda Perathoner, 4. Zoe Chaves, 5. Carol Soppelsa, 6. Laura Mutschlechner. Mutans B): 1. Vanessa Insam, 2. Sarah Paratoni, 3. Laura Piazza. Mutons B): 1. Diego Soppelsa, 2. Matteo Runggaldier. Mutans C): 1. Lorena Ploner, 2. Nadia Perathoner, 3. Jana Tomasini, 4. Sofia Kaser. Mutons C): 1. a pèr Daniel Tiozzo y Alex Unterkircher, 3. Juri Senoner. Mutans D): 1. Sabrina Ploner, 2. Anna Deiana. Per l’Atletica Gherdëina, Stefan Planker

Al’Alta Badia la terza ediziun A San Martin él gnü desfiré dan otedé la terza ediziun dl turnier de palê U10 dla Val Badia. La scuadra dl’Alta Badia é rovada pröma

Nicol Delago vënc la libra di Campiunac talians dan a si cumpania de scola Verena Gasslitter de Ciastel. Tla foto dlongia: Melissa Perathoner (a man ciancia), arjënt tl superG.

Schi alpin - Chëst’ena passeda iel stat a Sella Nevea y Tarvisio i Campiunac Taliani de schi alpin per jëuni y jëunes sot ai 18 ani. I atlec dl Schi Club Gherdëina Saslong ie ruvei a cësa cun de boniscimi resultac. Tla juissa o libra, tla categuria aspirantes (nasciudes tl 1995/96) àl venciù ala ngranda Nicol Delago dan si cumpania de scola, dla Sezion Sportiva dl ITE ”Raetia” de Urtijëi Verena Gasslitter de Ciastel. Nicol Delago ie pra i Campiunac Taliani pona mo ruveda 4. tl slalom y 10. tl superG. Drët na bela garejeda tl superG di Campiunac Talian, for tla categuria aspirantes, à nce fat Melissa Perathoner ruvan segonda.

Rengrazion Na foto de grup.

Palê - La sabeda passada él gnü śoghé tla palestra da San Martin la 3. ediziun dl turnier de palê U10 dla Val Badia. Ala manifestaziun él stè indöt 9 scuadres che à tut pert. Ala fin él stè la scuadra ”Alta Badia 2002” che à albü la miù tla

finala sön les scuadres ”La Val A” y ”San Martin B”. Da pert dla Uniun dl Sport Diletantistica San Martin ti vàl n rengraziamënt al sponsor por avëi metü a desposiziun les copes y les medaies, al arbiter Christian

Bacher, a Oscar Clara, a dötes les scuadres partezipantes cun sü alenadus, ai geniturs por le sostëgn y a düć chi che a val’ moda a portè pro al garatè dla manifestaziun.

Tlassifica 1. Alta Badia 2002, 2. La Val A, 3. San Martin B, 4. Mareo A, 5. San Martin A, 6. La Val B, 7. Alta Badia 2003, 8. Mareo B, 9. San Martin C

Resultać dles partides

Gust Trebo dla Cassa Raiffeisen ti surandà al capitan dl’Alta Badia la copa por le pröm post.

36

www.lauscdiladins.com

San Martin C - San Martin B (1 - 2) Alta Badia 2003 - La Val A (1 - 6) La Val B - Alta Badia 2002 (0 - 1) San Martin C - Mareo B (0 - 3) Alta Badia 2003 - Mareo A (0 - 4) La Val B - San Martin A (3 - 2) San Martin B - Mareo B (3 - 2) La Val A - Mareo A (2 - 1) Alta Badia 2002 - San Martin A (3 - 3) Mareo B - San Martin A (2 - 4) San Martin C - Mareo A (0 - 6) Alta Badia 2003 - La Val B (2 - 3) San Martin B - La Val A (0 - 4) La Val A - Alta Badia 2002 (0 - 1) San Martin B - Alta Badia 2002 (2 - 2)

La Sezion Sport tl ITE de Urtijëi ie śën ruveda a si sesto ann de scola cun de ndut 78 sculeies che pratichea sport a livel agonistich tla desciplines schi alpin, schi nordich y snowboard. L’autonomia de scola de Südtirol pieta la puscibltà de mëter a jì na tel direzion sportiva, che ie n gran mpëni de urganisation y cuordinazion danter orar de scola y mpënies sportifs per duc canc: per l diretëur dla scola Bruno Senoner, duc i nsenianc, i trainadëures, l cunsëi dl Schi Club Gherdëina y l dl Snowboard Club Gherdëina.

Pra i mutons iel da numiné l 8. plazamënt tla libra y l 13ejim tl slalom strënt de Alexander Prast, cun l miëur tëmp tla segonda manche. Nia da desmincë ne n'ie nce Hannes Zingerle dl SC Ladinia che à da mustré su n 3. plazamënt tla libra, n 4. tl slalom y n 6. tl superG. Nce Armin Plancker à stlut ju chisc campiunac cun drët de bon resultac, ël ie ruvà 15. tl SuperG. Cumplimënc a duc i atlec, ma sambën nce ai trainadëures di “granc” dl Schi Club Gherdëina y dla Sezion Sportiva dl ITE “Raetia” Karl Heinz Goller, Uli Perathoner y Mark Vinatzer cun Mike Vinatzer che njënia ca chisc atlec a sut y te palestra. (lb) a paiamënt

Ajache l ie nce nosc duvier de mené cun na cërta segurëza i sculeies a garejedes y alenamënc, ulëssi a inuem de duc canc dl ITE “Raetia” de Urtijëi y dl Schi Club Gherdëina rengrazië la Cassa dl Sparani cun si “Fundazion Cassa dl Sparani de Südtirol” y i Chemuns de Gherdëina per l bel cuntribut finanziel che nes à dat la puscibltà de pudëi cumpré n pulmin nuef de chël che an propi scialdi de bujën. De gra! La cuordinadëura dla Sezion Sportiva dl ITE “Raetia”, Lidia Bernardi

L diretëur dl ITE de Urtijëi y la cuordinadëura cun studënc dla sezion sportiva deberieda cun i reprejentanc dla istituzions che à sponsorisà l pulmin nuef.


Informazions y Manifestazions

nr. 10 / 08 de merz 2013

Trëi bedaies per l’arpizeda sportiva N dumënia dan otodì se à i atlec dl’Arpizeda sportiva Gherdëina muserà te na bela cumpetizion de bouldern a Cavareno

Ruben Moroder dla categuria U10.

Filip Schenk che à venciù pra i U14.

Arpizeda - Do plu de n mëns de paussa iela, n dumënia ai 3 de merz, jita inant cun la garejedes de arpizeda sportiva per la Copa Junior dla region Trentin-Aut Adesc. Per la categuries Under10, Under12 y Under14 fova chësta la terza garejeda, te chëla che i atlec messova se museré tla desciplina dl bouldern. L à fat pea mutans y mutons de duta la region,

cun bën 19 atlec dl ASK Gherdëina. Pra chësta garejeda fòvel da ti vester a 16 boulder per arjonjer l ”Top”, che ie l grif plu aut, te manco tentatifs che l ie mesun. L fova drët de biei boulder, nce sce danterite mpue scialdi de riei per nosc atlec. La garejeda fova scialdi cumbatuda y trëi de nosc atlec ie stai boni de purté a cësa na bedaia: n segondo post per Elisabeth

Lardschneider pra la mutans sot a 12 ani, n prim post per l favorit Filip Schenk y n segondo post per David Piccolruaz pra i mutons sot a 14 ani. Oradechël iel mo da nunzië chisc bon plazamënc danter i prims diesc: U10 mutans: 5. Alice Moroder, 6. Katharina Lardschneider, 8. Lea Kostner, 10. Miriam Lardschneider. U10 mutons: 5. Marcel Runggaldier, 7. Miran Dellago, 11. Ruben Moroder. U12 mutons: 7. Edi Kostner. U14 mutans: 7. Stefanie Frontull, 9. Eleonora Moroder. U14 mutons: 9. Luca Mussner. La garejeda ie unida metuda a jì drët bën, l fova na bela cumpetizion y n bel di per la mutans y i mutons dl ASK Gherdëina. Cun la garejedes dla Copa Junior jiràla bele inant chësc fin dl’ena, inò cun na garejeda de bouldern che vën fata a Marling. Per l ASK Gherdëina, Martina Obletter

Sport Taca la Scufonèda 2013 Duc i pascioné de telemark e freeride é envié te Fascia dai 4 ai 10 de mèrz per n’autra edizion de la Polartec Scufonèda. Ogne dì vegn endrezà raides per i bec dal Lujia. En sabeda ai 9 e en domenia ai 10 sarà la VII edizion de la Freeride Cup sun Sèn Pelegrin. Info: www.scufons.com o scufons@scufons.com. Trofê Börz - gara dla liösa

Deache ara n’é ai 24 de forà nia jüda da fà la gara dl trofê, éra gnüda sburlada ala domënia ai 10 de merz. Se scrì ite pòn al 0474/520055 o 347/9229951 o sca.antermeia@yahoo.it. Da dè dant él inom, cognom, ann de nasciüda y paîsc. Gara de schialpinism - Memorial Alexander Ellecosta

En doman sabeda ai 10 de merz, da Spëscia al ”Ranch da Andrè” - za 8 km cun 400 metri de deslivel. Start dales 10 a Spëscia, dales 12.00 santa mëssa, dales 13.00 marëna y dales 14.00 premiaziun. Iscriziuns al numer 348/7979824 (Monica). Informaziuns inće sot a www.uslaval.it. Gara de schialpinism sön Munt d’Adagn

L’US Lungiarü organisëia en domënia ai 17 de merz la 7. ediziun. Start é dales 9.30 pro la plaza dai auti (dan Pares) a Lungiarü, travert é sön la ütia Ćiampećios, olache al sarà la premiaziun cun lotaria. Deslivel: 750 metri. Iscriziuns ćina ai 16 de merz da misdé tres fax al 0474/524228 o al nr. 334/3501192. Sellaronda Skimarathon

La Lia dl Turism de Sëlva fej a l savëi che ncuei vënderdi, 8 de merz danter la 19.30 y la 21.00 passeràl sun plaza Nives la gara cun la peves Sellaronda Skimarathon. L unirà metù su na gran tëila per duc chëi che uel unì a fé n bel tifo a nosc atlec. Saut y cumbinazion nordica sun Pana

2. Memorial Simona Senoner. N dumënia 10 de merz saràl sun Pana l’ultima garejeda naziunela di jëuni dla sajon 2012/13. Dala 10.00 danmesdì scumëncia la proa de saut sun l H 20 y daldò chëla sun l H 35. Do marënda dala 14.00 jiràla inant cun la garejeda de pudejé. Ancunteda Telemark N Sada Santa ai 30 de merz se anconta duc i pasciunei dl stil telemark. N se urta dala 10.00 danmesdì tla utia Pramulin te Sëlva, daujin ala stazion dla furnadoia de Col Raiser, per jì n di deberieda cun i schi da telemark. L plu bel furnimënt tradiziunel da telemark unirà premià y nce la plu bela coreografia.

Mujiga Dolomiti Ski Jazz a La Grenz

Ence chest an la sociazion La Grenz ge aur i ujes de la Baita de Moena, strada Saslonch, ai apuntamenc del Dolomiti Ski Jazz. En mèrtesc ai 12 da les 21.00 sarà la Jam Session con Luca Boscagin e so London Project. En vender ai 15 serèda clou: Maurizio Bestetti e i “Best and Blues Power” prejentarà l nef cd “The walkin’ man”. Te la serèda ence la cerces gastronomiches del chef Peter Brunel. Gran Conzert per la eles

Podest dla mutans U12 cun Elisabeth Lardschneider (a man ciancia).

L’Union di Ladins de Fascia e La Grenz endreza en vender ai 8 de mèrz te senta de La Grenz, str. Saslonch a Moena, l conzert “Eles x Eles”. Tolarà pèrt l grop Armonauz de Ampez e amò Alessandra, Angela, Damiana, Gisella, Nadia, Sara, Vanessa e de autres che portarà dant cianties pop, rock o de ciantautores, per ladin o etres lengac. Dutes e duc é envié de cher. 16° Dolomiti Ski Jazz

Finales dl Gran Pest A Ratschings él gnü tignì tla findledema passada les finales de Super G dl campionat de schi Raiffeisen Grand Prix Schi - Ratschings à ospité i campionać provinziai dl Raiffeisen Grand Prix, tla disciplina de Super G. La sabeda ai 2 de merz à garejé les categories di scolars, la domënia ai 3 de merz chëres di aspiranć.

Tlassifiches scolars Scolars 1999-2000: 1) Damian Hofer, A SV Ridnaun, 58,67; 2) Benjamin Polig, RG Wipptal ASV, 59,43; 3) Jonas Seiwald, ASC Valdaura, 59,74; 5) Mattia Cason, 1.00,64; 7) Johannes

Moroder, 1.01,00 (intrami SC Gherdëina), 9) Mattia Davare, ASC Ladinia, 1.01,36. Scolares 1999-2000:1) Hannah Gruber, ASV SK Ahrntal, 1.01,03; 2) Carmen Moser, ASC Sarntal, 1.01,46; 3) Lea Mayr, ASV Fones, 1.01,97; 4) Katharina Castlunger, ASC Ladinia, 1 . 0 2 , 2 5 ; 6 ) Te r e s a Runggaldier, 1.03,21; 7) Verena Kostner, 1.03,42 (intrames SC Gherdëina), 10) Emmi Frenademez, ASC Ladinia, 1.04,07.

Tlassifiches aspiranć Aspiranć 1997-98: 1) Thomas Mair, RG Wipptal ASV, 55,70; 2) Hugo Mittermair, ASC Valdaura, 57,09; 3) Michael Hofer, WSV Porsenù ASV, 57,20. Aspirantes 1997-98: 1) Nadia Delago, SC Gherdëina, 57,87; 2) Vera Tschurtschenthaler, ASV TZ Hochpustertal, 59,53; 3) Vivien Insam, SC Gherdëina, 59,61; 4) Marie Unterthurner, ASC Ladinia, 59,68; 5) Giulia Demetz, SC Gherdëina, 59,82.

Dai 9 ai 17 de mèrz te uties, teatres e locai de Fiem e Fascia vegn endrezà l Dolomiti Ski Jazz. Se taca en sabeda ai 9 h. 12 sul Latemar a la Baita Gardoné con Roberto Gorgazzini Organ Quartet e h. 21 tel Palacongresc de Ciavaleis sarà l conzert de Kenny Garrett Quintet. Apuntamenc a Moena ai 12 e ai 15 de mèrz h. 21.00 a La Grenz e ai 14 h. 12.00 al Chalet Valbona sun Lujia. Program sul sit www.dolomitiskijazz. com.

Dotors y Apoteches Dotors

L dutor de servisc dala 8.00 da duman de n sada 9 de merz nchin la 8.00 da duman de n lunesc 11 de merz ie l dutor Simon Kostner de Sëlva, tel. 0471/794002 o l 798626. Le dotur en sorvisc tla findledema dai 9 ai 10 de merz, ti comuns de Badia, La Val y Corvara, é le dotur Guido Caretta, Calfosch/Corvara, tel. 0471/836870 o 337/616080. Ti comuns de Mareo y da San Martin saràl en sorvisc le dotur Ziad Barakat, Al Plan de Mareo, tel. 342/6651513. Apoteches L’apoteca de servisc che à daviert ora dl orar ordiner da n vënderdi (dala 19.00) ai 8 de merz nchin n vënerdi ai 15 de merz ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres ai 8 de merz al vëndres ai 15 de merz, é chëra da San Martin/Picolin, tel. 0474/523020.

www.lauscdiladins.com

37


Informazions y Manifestazions

nr. 10 / 08 de merz 2013

♦ Dut l bon, Familia Ghedina

♦ Azion Chilo – Judon chiche à de bujën

Gran festa a Cortina d’Ampez ai 23 y 24 de merz per recordé i 500 agn dl blason di Ghedina

La grupa de Sëlva dla Junanza Catolica Südtirol SKJ deberieda cun la Pluania de Sëlva nvieia duc a fé pea pra l’Azion Chilo, ai 9 de merz dala 15.00 nchin la 19.00

N document storich fej jì zeruch la sourandeda dl blason a la familia Ghedina ai 20 de merz dl 1513. Da en chel di él passé 500 agn. L aniversar vegnirà festejé la fin dl’edema ai 23 y 24 de merz a Cortina d’Ampez con na enconteda di Ghedina da dut l mond. La enconteda vuel reporté zeruch tla storia, fé conesce les raijes y les tradizions ampezanes, i antenac y i Ghedina che à fat val’ de particolar tl sport, tl alpinism, ma ence tl’ert, tla pitura y tla fotografia. La festa vegnirà inaugureda la sabeda con na santa messa tla gliejia dla Difesa, spo vegnirà i Ghedina touc su te comun dal ombolt. Do mareina saràl la poscibilité de vijité la mostra dedicheda ai Ghedina, che restarà daverta tl Comun vecio dai 15 de merz ai 1 de auril. Da les 18.30 saràl tl Museum Etnografich na reprejentazion L blason dla familia Ghedina complesc teatrala dla lienda “Die Malerin von Faloria” de 500 agn. K.F.Wolff, che conta les origines de chesta familia. La domenia dantmesdì saràl la poscibelté de jì con i schi con Kristian Ghedina. Per iscrizions: 0436 866777 o info@immobiliaretofana.com anter sabeda ai 16 de merz 2013. Inviés é duc i Ghedina y si familiars o descendenc dles families Ghedina, ence sce ai ne porta nia plu chest cognom. L cost é de € 15,00. L cost che tol ite ence la mareina tl Hotel Europa é de € 40,00.

Chësta scumenciadiva vën metuda a jì per judé jënt che à de bujën de n aiut finanziel te forma de spëisa y per sensibilisé duta la jënt che l ie nce tlo da nëus persones a chëi che la ne ti va nia tan bona y che à de bujën dla cosses plu elementeres coche spëisa. N sada ai 9 de merz saràl te Sëlva dan la butëighes che vënd roba da maië mutons dla Junanza Catolica de Sëlva che abinerà adum roba da maië coche pasta y farina, ma nce riji, zucher, uele o de autra roba de utl. Dut chël che unirà abinà Judon gën cun l’Azion Chilo. adum ti unirà dat inant ala Lia San Vinzënz de Persenon, che dà ora n iede al’ena roba da maië a jënt che ne n’à nia l muet de se cumpré chësta roba. Uniun de nëus che va n sada domesdì a cumpré ite, possa cumpré zeche da ti dé a chisc mutons che ie dan butëiga y che pierà do cun legrëza dut chël che ti unirà dat. I mutons dla Junanza Catolica de Sëlva rengrazia bele danora duc Vo per Vosc sustëni.

♦ Sëira de nfurmazion y di dla porta davierta ♦ Sa mont te na utia sciche l’ava zacan L Istitut Tecnich Economich Raetia de Urtijëi nvieia de cuer n juebia ai 14 de merz sculeies y genitores al di dla port davierta y dala 8 da sëira a na sëira de nfurmazion n con’ di programs dla scola

“Back to the roots“ se tlama la scumenciadiva che sarà da juebia 28 de merz nchin sada danmesdì 30 de merz, metuda a jì dal local di jëuni Saut de Urtijëi deberieda cun i respunsabli per i jëuni de Ciastel

Nchin ai 31 de merz àn mo dl’aurela de se scrì ite a na scola auta. Dan che Vo tulëis deberieda cun Vosta muta/ Vosc mut la dezijion de gran mpurtanza n con’ dl daunì scolastich Ve nvieia l ITE de Urtijëi de cuer a na sëira de nfurmazion per pudëi stalrì n generel i vantajes dla scola paritetica y a na maniera plu sota l utl dl Istitut Tecnich Economich. Chësta ancunteda sarà n juebia, ai 14 de merz 2013, dala 8 da sëira tl’Aula Magna dl ITE “Raetia”. Bele ntan l di uniràl pità Tl lauratuere de chimica. vijites menedes y domesdì uniràl dat la puscibltà de se senté te na tlas y fé pea vel’ lezion speziela per mparé a cunëscer l nseniamënt dla scola. Per ve nuté su pudëis cherdé su te scola l numer 0471/796296. www.iteraetia.it L diretëur y i nsenianc dl ITE Raetia se ncunforta sun Vo.

Trëi dis de devertimënt sun la Zanser Alm te Funes te na utia sa mont. Se deliberé dai pensieres de uni di, fé śulzes, praté lianies y lascé dalonc l suné dla roba tecnica … Dut chësc y mo deplù aspieta sun nëus! L custimënt ie de ndut 30,00 € per persona (maië y bever, durmì y l trasport ie leprò). Duc i jëuni danter 12 y 16 ani possa se lascé nuté su nchin vënderdi 15 de merz tl local di jëuni Saut pra l’adres astrid@njg.it o pra l numer de telefonn 0471/799006. “La tecnica muda la persona y unitant se desmëncen cie che n adrova perdrët.” Elias Canetti

Avisc Udiënzes dla Uniun di Ostis La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. Orars dl Ergobando

Le Zënter Families ”Ergobando” a La Ila é davert le mercui dales 9.30 ales 11.30, y le vëndres dales 14.00 (impede dales 15.00) ćina ales 16.30. Iscriziuns ala Scora de Musiga Val Badia

Les iscriziuns por l’ann de scora 2013/14 po gnì dades jö tl ofize dla Scora de Musiga tratan döt le mëis de merz. I formulars d’iscriziun é da ciafè tles scores, te internet y te secretariat a La Ila. Informaziuns ciafon al nr. 0471/847748. Detlarazion dla chëutes Chëi che ulëssa lascé fé la detlarazion dla chëutes dal KVW ie priei bel de se nuté su da Ulrike Perathoner da Lip, tel. 0471/796090 nchin ai 25 de merz 2013. Scontrèdes per i joegn con FassaLux

FassaLux l’é ruà a l’ùltim apuntament del projet “InnovaMente: oltre l’eccellenza”. En mèrtesc ai 12 de mèrz h. 14 -18 te Scola Ladina a Poza l dr Matthias Theiner rejonarà del “Co ge dèr a la firmes n segnificat che vae sorafora l vadagn e reinvestir ressorses per miorèr la vita di lurieranc?”. Via Crucis coi joegn de Fascia

La Comiscion di Joegn del Decanat de Fascia envia duc en domenia ai 10 de mèrz da les 20.30 a Cianacei a tor pèrt a la Via Crucis endrezèda per i joegn. Duc é envié de cher.

38

www.lauscdiladins.com

Sa mont zënza tecnica ma cun truep devertimënt.

♦ Cunzert dl Urchestra Haydn Ai 14 de merz saràl l ultimo cunzert dla sajon di Jëuni de Mujiga de Gherdëina. Dala 20.30 suneràl te Cësa de Cultura de Urtijëi l’Urchestra Haydn sot bachëta de David Stern Sun l program iel de Joseph Haydn la sinfonia nr. 32 n C-dur y de Silvia Colasanti, na cumponista jëuna dla Talia l cunzert per cello y urchestra. Da dedò saràl mo da audì de Cajkovskij la Variazions n con’ de n tema dl Rokoko per cello y urchestra y de Arnold Schönberg la “Kammersymphonie“. L solista David Geringas dla Lituania che sona l cello ie un di miëur cellisć a livel mundiel. L à bele giapà plu pesć sëura dut l mond y sona cun la majera urchestres dl mond. Chertes de ntreda per chësc cunzert iel da giapé n chëla sëira pra la cassa. Nfurmazions plu avisa sot a www.jmgconcert.it y www.haydn. it David Geringas ie l solista che sunerà l cello.


nr. 10 / 08 de merz 2013

♦ Re dla Falda 2013 ”La Falda”, gara tlassica de schi dl telemark. L’apuntamënt é por i 14 de merz En jöbia ai 14 de merz 2013 gnaràl desfiré la gara tlassica de schi Telemark, olache le telemarker plü asvelt gnarà incoronè ”Re dla Falda 2013”. An fajarà na gara tlassica a tëmp, che gnarà fata te chësta manira: la pröma pert dla gara vëiga danfora n valgünes ôtes danter i lëgns, por jì spo sö pert a skating por avei sbunf assà y s’arjigné al salt, olache al é da arsì en telemark (na juria valutëia sciöche an Al é indô gnü le momënt por incoronè le ”Re dla Falda”. arsësc, cun penalitês eventuales). Ara va inant cun n toch de slalom lerch. L’elm (casco) é obligatore! Do la gara jaràra inant cun n pasta-party, na picera ola dla fortüna y musiga ćina tert, tl restorant pizzeria La Berćia a La Ila. Informaziuns plü menüdes ciafon ala e-mail: info@uslaila.it y sön le sît internet www.uslaila.it. Les iscriziuns vëgn tutes sö söl post dan la gara.

♦ Contrada che vir Fotoclub Val Badia: en jöbia ai 14 de merz na proieziun de fotografies dal titul ”Lebende Landschaft - Contrada che vir” Le grup conesciü ”Strix - Fotografs dla natöra” lascia odëi la bela proieziun de retrać dal titul ”Lebende Landschaft – Contrada che vir”. Ara se trata de na proieziun straordinara de retrać de tiers te so ambiënt de vita natural; ara é gnüda presentada por le pröm iade l’ann passè a Lünen, tla Germania. Danter le publich êl tröc fotografs renomà a livel internazional, che l’à dër aprijada sides por sü retrać demorvëia co inće por la composiziun dla proieziun instëssa. Le Fotoclub Val Badia inviëia düć chi che va ion amesa la natöra y à ligrëza da fà jö, da gnì en jöbia ai 14 de merz, dales 20:30 tl salf di stödafüch da San Martin, a ti ćiarè.

Informazions y Manifestazions Iadi, jites y escursions Cun la liösa: Crusc da Rît La Lia da Munt Ladinia - Val Badia mët da jì en domënia ai 10 de merz na jita cun la liösa sö Crusc da Rît (La Val - Biëi). Al é na jita saurida, cun n deslivel de 400 metri y n tëmp da jì de za. 2 ores. Informaziuns pro Hartmann Frontull al 347/2388302. Schitour sön la Senneser Karspitze

La Lia da Munt Ladinia - Val Badia mët da jì na schitour sön la Senneser Karspitze - Braies (2.695 m), en domënia ai 10 de merz. La dificoltè é mesana, cun n deslivel de 1.165 metri y n tëmp da jì de za. 4 ores. Informaziuns pro Paul Erlacher al 347/4736300. Schitour sön Monte Castello

Organisada dala Lia da Munt Ladinia - Val Badia, por en domënia ai 17 de merz. La dificoltè é mesana, cun n tëmp da jì de 4-5 ores, y n deslivel de 1.300 metri. Informaziuns ciafon pro Christoph Alfreider al nr. 334/3360562. Cures y palses a Abano Terme Al vëgn metü da jì dala Val Badia demez n iade de ot dis a Abano Terme, dai 21 ai 28 d’aurì. Le prisc a porsona é de 570,00€ (pensiun plëna te ćiamena dopla - pro na ćiamena da un n let é le prisc de 630,00€). Tl prisc él inće le iade cun bus. Informaziuns y prenotaziuns pro Monica Costa Clara al nr. 0474/590069, ćina ai 5 d’aurì. Iade a Loreto cun Ravenna - Gabicce Mareo, San Marino y Imola

Iade de pelegrinaje organisé dal KVW Val Badia, resservé ai iscrić dl KVW, dai 29 d’aurì ai 2 de mà. Cost: 450,00€ (60,00€ ćiamena singola) da paié ite pro la prenotaziun sön le cunt IT23S 0801058830 000304009622. Prenotaziuns: Hilda Sottara al 0474/523133 o 338/9231013 (nia prenotè dai 2 ai 9.03). Iade tla Croazia, sön l’ijola de Losinj

Iade organisé dala Lia da Munt Ladinia - Val Badia, dai 18 ai 21 d’aurì 2013, che prevëiga deplü vijites te agriturism y ćianoes dal vin, sambëgn inće escursciuns. Le iade costa 380,00€ te ćiamena da 2 leć (+30,00€ te ćiamena singola). Informaziuns pro Franz Moling al 340/6816332 o www.liadamunt.info. Jita cun la peves

La Lia da Mont de Gherdëina mët a jì n dumënia 17 de merz na jita de schialpinism te Sexten sun l Hochebenkofel (3.175 m). L sarà da jì n 5 ëura y da fé n deslivel de 1.570 m. Per plu nfurmazions pudëis cherdé su Phillip, 334/3338903. Mparé a se arpizé La scola de alpinism Catores mët a jì n’ena de arpizeda sportiva dai 20 nchin ai 27 de auril tla Sardegna y dai 30 de auril nchin ai 7 de mei sun l’ijula de Kalymnos tla Grecia. L possa fé pea de tei che scumëncia y nce chëi che sà bele mpue. Per infos y per se lascé nuté su pudëis cherdé su Christoph 329/2007917. N possa se nuté su nchin ai 15 de merz 2013. Jita culturela a Dispruch

L Museum Gherdëina mët a jì ai 23 de merz na jita culturela de un n di a Dispruch cun vijita meneda ala mostra archeologica “Ermes per i Dieies. Cumbatënc Trofei Lueges de cult“ tl Tiroler Landesmuseum Ferdinandeum y ala mostra etnografica tl Tiroler Volkskunstmuseum. Iscrizions tl Museum Gherdëina nchin ai 15 de merz, tel. 0471/797554.

Religion

Dui de bi retrać fora dla proieziun di fotografs de STRIX.

♦ 27a Roda de Col Toronn te Fanes La ediziun de chësc ann vëgn tignida ai 7 d’aurì, sön la bela munt de Fanes. Les iscriziuns vëgn tutes sö ćina ai 5 d’aurì, tl ofize turistich d’Al Plan. Tó pert po al plü 50 scuadres En domënia ai 7 d’aurì vëgnel metü da jì sön munt de Fanes la 27. ediziun dla Roda de Col Toronn Trofê Stefo Kehrer. Le percurs: Üćia Lavarella - Plan de Sarënes - Col Toronn - Lé dla Fopa - Lé Parom - Ju de Limo - Üćia de Fanes - Üćia Lavarella. Le deslivel é de 450 metri, por na lunghëza de za. 8 km. I concorënć piarà ia düć deboriada dales 9.30 dan la Üćia Lavarella y sarà partis sö te scuadres da trëi porsones. La premiaziun gnarà inviada ia incër les 15.00 tla Üćia Lavarella. Le Trofê “Stefo La 27ejima Roda de Col Toronn é söl Kehrer” i va ala uniun/paîsc cun les döes mius program ai 17 d’aurÌ. scuadres. Premié vëgnel inće le tëmp ideal y vigni concorënt ciafarà n distintif sciöche recordanza. Do la premiaziun saràl na ola dla fortüna por düć i presënć. Les iscriziuns vëgn tutes sö tl Ofize dl’ Assoziaziun Turistica d’Al Plan al numer de telefonn 0474/501037 o de fax 0474/501566 dales 9.00 ales 12.00 y dales 15.00 ales 18.00, o inće tres e-mail a info@sanvigilio.com, ćina al vëndres ai 5 d’aurì dales 18.00. La cuota d’iscriziun é de 30,00€ por scuadra da paié ite al start. Por les iscriziuns che vëgn fates al start él odü danfora na cuota de 35,00 €. Tó pert po alplü 50 scuadres. Al vëgn inće recordè che i partezipanć mess denant co pié ia sotscrì en formular olà ch’ai se surantol la responsabilité por inzidënć eventuai co podess sozede tratan la gara. A chi che n’à nia complì i 18 agn ti vëgnel damanè na firma de n genitur o de n responsabl acompagnadù.

Incuntada cun i Focolars Le Movimënt di Focolars inviëia ala incuntada tla Ćiasa Voitsberg a Vahrn, en domënia ai 10 de merz dales 14.45 ales 17.30, sot al titul ”Dov’è tuo fratello? Él chël dlungia me? Ich liebe - also bin ich.”. Informaziuns ciafon pro la fam. Craffonara al 0474/501202 o la fam. Kostner al 0471/797601. Internet: www.focolare.org.

Teater ”Chi cerca trova - N cör y d’ater patüc” - Terminns sbulrà Teater por mituns dai 6 agn insö. Regia de Horst Herrmann, cun i jobleri Ricarda Amberg y Simon Kostner. Dötes les rapresentaziuns é gnüdes sburlades ai 12, 13 y 14 de merz dales 16.30, tl Stadttheater da Bornech. Chertes ciafon al 0474/412102 o tres e-mail a ticket@stadttheater.eu (www.stadttheater.eu). Rassegna de teater a Pardac Dai 9 de mèrz ai 21 de oril sarà endò la rassegna de teater a Pardac, te Auditorium Cèsa de la Gioventù, da les 20.45. Se taca doman, ai 9 de mèrz con l spetacol dal tìtol “Non sparate sul postino” portà dant dal Grop Culturèl Zivignago 87 da Perjen. Entrèda 6 €, abonament per 4 spetacoi 18 €. Ce faleda

La Grupa de Teater de Runcadic nvieia duc a unì al’ultima doi reprejentazions dl teater da rì “Ce faleda“ n sada, 9 de merz dala 20.30 y n dumënia, 10 de merz dala 18.00. Chertes danora iel da giapé tla butëiga dai ciofs Inge a Urtijëi, tel. 0471/796691 o al 335/1209694 na ëura dan che l teater scumëncia, per damandé do sce n pudëssa mo giapé na cherta. “L’avaro” röia a La Ila

La Nuova Compagnia di teatro d’arte di Brunico mostra le teater “L’avaro” (por talian) inće tla Val Badia: en vëndres ai 22 de merz dales 20:30 tla Ćiasa de cultura a La Ila. “Le coraje da…” Rapresentaziun teatrala en ocajiun dl dé dl’ëra

En vëndres ai 8 de merz, dales 11.30 y dales 20.00 él da odëi tla Ćiasa dla Cultura da La Ila na rapresentaziun nasciüda tratan n proiet de teater cun la 2. tlassa dl lizeum linguistich da La Ila. Düć y dötes é dër bel invià, l’entrada é debann.

www.lauscdiladins.com

39


Informazions y Manifestazions ♦ Iscrizions ala Scola de Mujiga La Scola de Mujiga de Gherdëina fej a l savëi che la iscrizions per l ann de scola nuef va inant nchin ai 28 de merz, dala 9.00 nchin la 11.00 y dala 15.00 nchin la 17.00, da lunesc nchin juebia, tla Scola de Mujiga a Urtijëi, streda Roma 2, Cësa de Chemun, prim partimënt

nr. 10 / 08 de merz 2013

Temp lede Schishow a Corvara En mercui ai 13 de merz dales 21.15, mët da jì la Scora de Schi Corvara-Ladinia na schishow sön la pista ”Abrusé”. I maestri mostrarà l’evoluziun dles tecniches da jì cui schi y an odarà inće n rait a val cun chentli y acrobazies cun le grup Vitamin F y le snowboard team ”Pirates” dl’Alta Badia. Musiga cun DJ Fabio. Jì cui schi de nöt

Sciöche vigni mercui, é la pista ”Doninz” a La Ila iluminada y daverta inće en mercui ai 13 de merz, dales 20.00 ales 22.00, por se fà n rait cui schi de nöt. Permacultura

La lia Sanynton nvieia duc i apasciunei de permacultura ai 13 de merz dala 20.00 a na sëira de nfurmazion cun Rudolf Braunhofer, te Sëlva tla sënta dla lia, streda La Sëlva 101 y ai 14 de auril a na segonda sëira de nfurmazion n con’ dla permacultura cun Thomas Fauner, dala 20.00 a S. Cristina tla sala Raiffeisen. Saut in Action N sada ai 9 de merz dala 10.00 danmesdì, ie duta la mutans danter 12 y 18 ani nviedes a fé pea ala “Schönheitsfarm” tl Saut. Per plu nfurmazions y per la iscrizions pudëis cherdé su la Nëus Jëuni Gherdëina 0471/799006. Batadù sun Resciesa

La Nëus Jëuni deberieda cun i Jëuni dla Lia da Mont mët a jì n sada ai 9 de merz si batadù tradiziunel. N se anconta dala 16.30 dala utia de Resciesa. Unide duc y tulëde pea vosc cumpanies. Na bela lingia de corni.

Sce pënse do ala mujiga, pona me rëndi for inò cont ce gran facultà che ëila à! La mujiga nes acumpanieia te feter uni mumënt dla vita, di per di. L ne n’ie degun sucrët che canche n scota su mujiga scumëncen datrai a bradlé, a sentì cuntentëza o n scumëncia monce a balé. Trueps dij che la muijga ie la plu grandiëusa dla formes de esprescion dla persona. L ie segur vëira che sce n scumëncia bele da jëuni a se dé ju cun la mujiga pona possa chësta deventé n gran arechimënt per nosta vita. Esperc dij for inò che se dé ju cun la mujiga, ciantan o mparan a suné vel’ strumënt ti juda ala persona tl svilup emotif, psichich y nteletuel. Te na epoca sciche la nosta, ulache l semea che la tecnologia à la sëuravënta, iel de gran mpurtanza de ti cunsië a nosc jëuni de se dé ju cun na materia tan criativa y nëubla sciche la mujiga. Tla valedes ladines iel na gran tradizion n con’ dla mujiga. Ultimamënter ons duc audì tan de jëuni che l ie unit docà, sunan dassënn bën si strumënt. Zënzauter à tlo la Scola de Mujiga cun si maestri dat n gran cuntribut. L basta mé dì che ti ultimi ani iel te Gherdëina feter 600 sculeies, che fej chësta scola. L lëur de na tel scola ie dantaldut chël de ti dé a duc i sculeies na bona fundamënta y ti dé inant la legrëza. Na gran lauda ti va sambën a duc i maestri che nsënia ann do ann cun savëi y pazienza a duc i mutons che ruva pona tan inant da pudëi zapé ite tla mujighes y cores de nosta valeda, dajan nsci si cuntribut a tenì su na tradizion mujighela de gran valor culturel. Ma nce per duc chëi che per na gauja o l’autra à lascià vester, iel dessegur stat n arichimënt che i se tol pea per la vita. Ulon Ve nvië a Ve nuzé de chësta strutura, nce sce coche bele da plu ani incà ne saràl nia puscibl che duc possa unii tëuc su. De setëmber sarons tla scola nueva a Urtijëi. Cun gran legrëza pudons śën dì che i lëures de deruturazion dla Scola de Mujiga nueva a Urtijëi ie tan che finei via. Chëst ann d’autonn, cun l scumenciamënt dl ann de scola nuef, à la Scola de Mujiga finalmënter si sënta definitiva! Tlo jirà dantaldut i sculeies de Urtijëi, Sureghes, Runcadic y S. Piere a scola. Son segures che chësta scola ti dajerà ala generazion che vën do mutivazions y legrëzes nueves! La iscrizions per l ann de scola nuef va inant nchin ai 28 de merz dala 9.00 nchin la 11.00 y dala 15.00 nchin la 17.00, da lunesc nchin juebia, tla Scola de Mujiga a Urtijëi – streda Roma 2, Cësa de Chemun prim partimënt, tel. y fax 0471/796858, e-mail: musikschule. stulrich@schule.suedtirol.it - www.musikschule.it N possa se scrì ite per mparé a cianté. L vën pità na educazion mujighela per mëndri da 5 ani inant. N possa mparé a cianté cun bal y muvimënt per sculeies dla elementera dala prima ala cuinta tlas. N possa se scrì ite per l “Lausbubenchor“ per la terza, cuarta y cuinta elementera. L vën pità cursc de Sing & Swing per sculeies dla mesana coche nce furmazion dla usc per jëuni y granc. I strumënc che n possa mparé ie: per i strumënt a fla flaut a bech (da 7 ani inant), flaut a traviers (da 9 ani inant), oboe (da 9 ani inant), fagot (da 7 ani inant), tlarinet, saxofonn, tumbrëta y flicorn, posauna, corn tenor, corn y tuba. Per i strumënc a corda vëniel pità l nseniamënt de chitara y zitra, per i strumënc a archët vidula y violoncello, per i strumënc a percuscion, percuscions, tamburdli, “Trommelwerkstatt“, per i strumënc a tastatura tlavier (da 8 ani inant) y armonica a butons. (Vinzenz Senoner)

Fajon culanes y prislec de papier

La biblioteca San Durich nvieia duta la mutans dla mesana a unì ai 9 de merz dala 9.30 a fé de bela culanes, prislec y de autra bela roba de papier. N muessa se scrì su. Domesdi de pastlné cun Martina N mierculdi ai 20 de merz dala 14.30 nchin la 16.30 mët la Nëus Jëuni Gherdëina a jì n domesdì de pastelné cun Martina per mutons dla scola elementera. Fajeron zeche de blòt per Pasca. Per plu nfurmazions y per la iscrizions pudëis cherdé su la Nëus Jëuni Gherdëina, 0471/799006.

Chino Chino Eden Cortina Al sarà da vedei vender ai 08/03 y domenia ai 10/03 da les 18, 20 y 22 “Ci vuole un gran fisico”, sabeda ai 09/03 y lunesc ai 11/03 da les 17, 19.30 y 22 “Il grande e potente Oz”. Mertesc ai 12/03 él da les 17.30, 19.45 y 22 “Die Hard – Un buon giorno per morire”. Infos: 0436/881812. Al chino de Cianacei En sabeda 9 e en domenia ai 10 de mèrz da les 21.15 se pel veder “Gangster Squad” e en mèrtesc ai 12 e en mercol ai 13 da les 21.15 vegn moscià l film “Les Miserables”. Al chino de Pardac

Insnet vender ai 8 de mèrz da les 21.15 se pel veder “Gambit”, en sabeda ai 9 e en domenia ai 10 da les 21.15 sarà da veder “Gangster Squad”. En jebia ai 14 e en vender ai 15 da les 21.15 vegnarà moscià “The impossible”.

Referac Sëira de prejentazion n con’ dl Congo

Ncuei vënderdi 8 de merz dala 20.30 nvieia la biblioteca Tresl Gruber de S. Cristina a na sëira drët nteressanta cun Alex Delucca, Isabella Mussner y Aaron Demez che ie stac a Goma tl Congo. Ntan la sëira nes conti velch de si sperienzes y n generel nce di problems de chësta nazion. Rëidl ecologich y da tlo

La Butëiga dl Mond y la Lia Natura y Usanzes nvieia duc ai 14 de merz dala 20.00 te cësa de cultura a Urtijëi tl sotët, a na sëira de nfurmazion cun Elisabeth Oberrauch n con’ dl cumpré ite y cunsumé a na maniera rëidla, biologica y sana. N meis dedicà a la eles L Comun de Moena e La Voce delle donne endreza na lingia de scontrèdes, anter libres, musega, poejìes e spetacoi, dedichèdes a la eles. En sabeda ai 9 de mèrz te sala grana de la scoles de Moena vegn prejentà l liber “La donna, il lavoro, il sogno” a cura del prof. Enrico Grandesso.

Mostres Details de Michael Demetz La Lia Mostra d’Ert nvieia duc de cuer a unì a ti cialé ala mostra “details” dl artista Michael Demetz tla sala dla Lia Mostra d’Ert a Urtijëi. La mostra ie da udëi nchin ai 15 de merz, lun - dum 10.00 – 12.00 y 16.30 – 19.00. De merdi y de vënderdi da sëira resta la mostra davierta dala 20.00 nchin la 22.00. Mostra de fotografies n con’ dl Lech Sant La Lia per Natura y Usanzes nvieia duc de cuer a unì a ti cialé ala mostra de fotografies fates da Caio Perathoner, Sepl Mussner, Bruno Perathoner, Guido Obletter y Vito Miribung n con’ dl Lech Sant tla pitla sala dla mostres tla cësa de cultura a Urtijëi. La mostra sarà da udëi nchin ai 10 de merz uni di, 10.00 - 12.00 y 17.00 - 19.00. Mparé a suné percuscions.

40

www.lauscdiladins.com


Manifestazions y Congratulazions

nr. 10 / 08 de merz 2013

Cursc

Ai 10 de marz compesc

Christine Fontana

Cors de Yoga, Pilates, Respirazion e Meditazion te Fascia La sociazion “Mens Sana in Corpore Sano” endreza, te palestra de la scoles de Pera, corsc de Hata Yoga, Pilates, Ginastica Posturèla, Tecniches de respirazion e Meditazion. Info e iscrizions a mente.corpo.benessere@gmail.com o ai numeres: 338.3690654 e 345.3584410.

la bela età de 70 egn. Noi duc te auguron par toa festa dut al ben e par el davegnir sanità e legreza e grane sodisfazion par toe atività de volontariat

Omeopatia por gragn y pici

Referat cun Anneliese Obermann, en mertesc ai 19 de merz dales 20.30, te Ćiasa dles Uniuns a Calfosch. Organisaziun: Consëi de Formaziun. Na orentè yoga nöia Cursc de yoga cun Anna Steeman, dai 4 d’aurì inant a Bornech, tl zënter Trayah. Indöt 11 iadi 90 menüć, dales 18.00 y dales 20.00. Informaziuns y prenotaziuns al nr. 340/3644547, www.anna.steeman.it.

To om e i fies Petra, Christian e Silvia con duc chi de familia

Curs de ginastica ”Step-aerobic”

Curs organisé dala Uniun dl Sport Diletantistich da San Martin. Al vëgn tignì vigni mertesc y vëndres, dai 5 ai 29 de merz, por indöt 8 iadi, te palestra da San Martin, dales 20.00 ales 21.30. Cost: 50,00€ plü cherta d’iscriziun ala uniun. Prenotaziuns y informaziuns al nr. 339/6211647 (Maria). Curs de arpizeda sportiva

La Grupa Arpizeda Sportiva Gherdëina mët a jì de auril y mei de chëst ann n curs per i pitli nasciui tl 2004/05 che ëssa nteres de scumencé a fé chësc bel sport. Per nfurmazions plu avisa pudëis cherdé su Martina, tel. 0471 786181 o 333 5235675. Depënjer Icones

Ai 8 de merz cumplësc

nosta mama Maria 75 agn. Pur Osta festa düt l’bun orunse Ves auguré y pur l’dagnì tröpa ligrëza, benedisciun y sanité. Pur düt ći che fajëis pur nos de cör orunse ringrazié. L’om Paul, i mituns Albin, Erna, Silvia, Carla, Wilma, Edith, Albert, Gusto y Roman cun families.

L curs ie cun Hubert Piccolruaz, artista de Schlanders. L ie dai 18 de merz 2013 nchin ai 22 de merz, dala 8.00 daduman nchin la 18.00, de ndut 40 ëura. Per nfurmazions plu avisa prëibel cherdé su la Scola Profesciunela, 0471/796733 o mandé n’ e-mail a lbs.stulrich@schule.suedtirol.it Ai 11 de merz complësc

Trasmiscions TV y Radio

Irina

Nosta Scola

En jöbia ai 14 de merz dales 20:30 deura la trasmisciun ”Nosta scola” trëi finestres sura iniziatives interessantes fora dl contest educatif. Le zircus röia tla scora elementara da Urtijëi. Tres le jüch impara i scolari competënzes soziales y abilitês motoriches demorvëia. Te plaza Sant Antone a Urtijëi mostra i studënć dla Scora Profescionala y dl Lizeum d’ert sües operes ziplades tla dlacia. Adöm a Hilda Pizzinini mët da jì la scora elementara da San Ćiascian n proiet che condüj i scolars plü daimprò ales stories ladines. Tesć y conzet dla trasmisciun é studià da Sara Frenner cun camera y tai de Jan Piere Karbon. Èrt e musega se enterza tel Cianton de l’Istitut Te “L Cianton de l’Istitut” sun TML se pel veder “Sajons – Torre Aquila” olache èrt e musega se enterza, con Emilio Galante e Claus Soraperra. Oraries indicatives: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15, vender h. 11.30. “Ercaboan” sun TML e sul web

Sun TML ogne sabeda va fora na neva butèda de “Ercaboan”, l program de Silvano Ploner. Chisc i oraries indicatives: sabeda h. 18.00 e 20.45; domenia h. 13.30 e 18.15 e fora per la setemèna: lunesc h. 20.45; mèrtesc h. 17.30; mercol e jebia h. 18.15 e vender h. 20.00. La programazion de TML é ence sul sit www.tmltv.it e i servijes de Ercamedia su: www.tvladina.com.

i 40 agn. Te aodun döt le bun y trepa ligreza por to dagnì. Dër en bel iolan por döt ći che te fejes por nos. Rebecca, Filippo, Susanna y Luca

Pur i ..anta che

nosta mama cumplësc ai 10 de merz düt l’bun urunse ti augurè. Inant tröpa furtüna, cuntentëza y sanité y giulan de düt ći che te fejes por nos! Tü Giuvani, Alex, Pechi, Carolin y Silvia

“Kairos”: l temp del Spirit sun TML

Sun TML tel temp de Careisema se pel endò veder la rubrica religiousa “Kairos”, con la letura del Vangele de la domenia e l coment de don Celestino Riz. Oraries: de sabeda h. 19.45, 21.15 e 22.15; de domenia h. 7.15, 10.00, 17.15 e 23.15; de lunesc h. 7.15, 11.30, 17.45. La programazion de TML é ence sul sit www.tmltv.it e i programes de Ercamedia sun www.tvladina.com.

A nosc Paul

che ai 10 de merz cumplësc i 70 agn ti audunse che al pois ćiamò se gode tröc agn de bona sanité y avëi tröpes ligrëzes cun sües pasciun.

”robe da matti”... ai 13 de merz éra tan inant che inće la

Chësc te aoda tüa familia

“gran madre” dles sorus Kessler cumplësc i 70 agn. Cun en bun gote de vin, “balotes” y n toch de torte mangè, n bel numer toronn poste chësc ann festejé, Festejé y ćiantè urunse cun la buna löna, deache matades ne sparagneste gnanca tö mai degöna. Te dijiun dilan por ći che te fejes por nos vigni dè, al é pa tan bel da stè cun te. Döt döt l’bun urun te auguré, fortüna, ligrëza y sanité. Da tü mituns cun families

A mio

Tot Heinz de cör döt le bun por chisc 40, che en dédôlönesc al complësc, ti augurun. Resta ennant tan da orëi bun, y dandadöt dagnora sann entun. To fioc Felix

www.lauscdiladins.com

41


Congratulazions y Inserac

nr. 10 / 08 de merz 2013

Provinzia Autonoma de Bulsan Aldide, aldide la novité,

l’Lois

n compliann bel toronn po festejé. 50 agn ai 12 de merz arâl da cumplì, da ti ćiarè ne oressun nia le dì. Al é tres en forma y da “Druck”, da se fà sö ne adorel degun “Schmuck”. Inće da fà da mat él dagnora l’miù, sües barzeletes ti dà ala vita na miù saù. So gran hobby é l’cartè, a tröc batadûs él ël bele stè. Canche al davagna spo él dër contënt y cun düć atira plö valënt. N grüm de laûr sàl al da fà, al dëida düć y dagnora olache ala va. Incö de düt chësc, caro tati, orunse te rengrazié y cun te n bel dé de festa passè. Làscetela jì bona y savëi bel, sciode che l’tëmp passa massa snel. De cör te aodunse düt l’bun, y che te orun n gran bun dër dadalt te dijun.

L Istitut Ladin Micurà de Rü chier n/na bibliotecher/a VI cualifica funzionela a tëmp determinà (28 ëura al’ena) cun sënta te Sëlva. L vën damandà la purtenienza ala grupa de rujeneda ladina, l ejam de trilinguism B y l ejam de na scola auta. L vën trat dant candidac/tes che possa mustré su almanco n ann de furmazion teorica y pratica te chësc ciamp y da dedò candidac/tes che à esperienza de lëur te chësc ciamp. L vën prià bel de mandé la dumanda cun curriculum vitae nchin ai 15 de merz 2013 ala Provinzia Autonoma de Bulsan, Aministrazion, Ufize per l Personal, Rittner Straße 13, 39100 Bulsan. Tel. 0471/412101. Da chirì Al vëgn chirì da cumprè n pice magazînn de 25/50 mq za. danter Pidrô y San Laurënz. Tel. 335/5631071. (10/13)

Wally, Julia y Simon L vën vendù danter Sillian y Lienz n gran frabicat cun ufize artejanel de 1.400 m2 cun leprò 4.500 m2 de grunt te n raion cun destinazion artejanela y nce residenziela. Prëibel cherdé su l 345/4115383.

Śëgn vëgn’la da vistì crabatl y iesta deache al é gnü l’gran dé da fà festa. Dan da 18 agn, ai 7 de merz plö avisa, él nasciü jö a Badia na te’ picera

Elisa. Pur la scora y le cor de dlijia te dast’ dër da fà y pur i cumpagns tëmp assà ast’ inće da dè ca. Sunè, fà la chelnera y fà damat é pur te laûrs da vigni dé y purchël tët’ dlaurela da gnì cun nos a festejé. La patent messarast’ inće tosc avëi deache sön n te bel ”Bully” urunse tosc te udëi. L’tacuin plëgn pudarast’ inće te arjigné deache val’ Montenegro messarast’ pa ma se paié. Na viva a nosta Elisa ti fajunse y düt le miù pur le dagnì ti augurunse. Chësc te augüra düć chi che t’ô bun (… y i sun pa feter tröc) Tü Party People: Bea, Elena F., Elena V., Elena D., Elisa, Ester, Helene, Ivana, Karin, Romina, Terry, Doniel, Jandi, Kevin, Menny

Aiaiaiaiaiaiaiai! Śëgn pòn pa impormò s’la udëi.

La Elisa é inće bel ruvada a 18. Chël ô dì che al é gran ora da ćiarié l’got. No no, śëgn n pü’ de scerieté, deache al n’é pa nia na cossa da vigni dé ruvé tla majera eté. T’es tres la pröma canche al é da festejé y inće l’ultima che se baudia de mè de će. Dër tröpes adüm n’uns cumbiné y passè sön ütia o it’ dala lâ a ti la colassè. Śëgn messarast’ mët’ man da te cumpurtè mo incö ćiamò fà festa ćina che a ćiasa mëssi te purtè. Danter legremes y riüdes é nosc raport dër chersciü y i sper’ che podarun nen cumbiné inant tres deplü. Cara jurmana pur tüa festa düt düt l’bun y recordet’ che i te ô n gran bun. To cuggi Manuel

42

www.lauscdiladins.com

Esseste ligrëza da laurè tl monn di auti? Por nosc ofize comerzial chiriunse 1 jonn/a che ais tröpa vëia de fà. Le post é por döt l’ann. Passéde da nos, cherdésse sö al 0471/839865 o menéde osc curriculum a info@autoaltabadia.it

Ie aspiete tlo tla cësa di tieres sce zachei unissa a me tò. Prëibel cherdé su la Cësa di Tieres Obervintl 0472/868172. www.tierheimobervintl.it

Da vëne na Pinarello Dogma 60.1, cambio eletronich Shimano Dura Ace Di2, mesöra 55 por 3.900€. Prëibel contaté le 335/5285004.

Kostner Andreas Srl a Corvara chir por L’Got n/na barist/a cun esperiënza dala fin de aurì inant por l’isté y eventualmënter inće por döt l’ann. Prëibel telefonede al 0471/836117 (orar de ofize).

Café Bracun a Corvara chir na chelnera por i mëisc de jügn, messè, agost y setëmber. Por informaziuns prëibel cherdè sö le 0471/836148 o le 345/0891795.

Al vëgn afité ia n apartamënt de 94 m2 cun garage a La Ila inće por döt l'ann. Prëibel cherdè sö le 338/8242294.

A Urtijëi vëniel fita via per dut l ann n cuatier de 95 m² cun mubilia y 2 lueges da lascé ju i auti te n post da surëdl. Per nfurmazions plu avisa prëibel cherdé su l 333/7168804.

L vën fità via n local de 145 m²  da pudëi adurvé coche berstot, magasin o nce coche local da mëter ora zeche, tl frabicat Typak a Runcadic. Per plu nfurmazions pudëis cherdé su l numer 335/6344300.

inserac@lauscdiladins.com

A Corvara vëgnel afité ia n bel apartamënt da ca. 50 mq da aurì – mà inant a jënt dl post o ghesć, preferibilmënter por döt l’ann. Entrada autonoma, ćiasa tlima A, post te garage, aredada. Por informaziuns prëibel cherdè sö le 339/2292215.

A La Val vëgnel afité ia na ćiasa convenzionada por döt l’ ann a jënt dl post. La ćiasa é de 110 m2, cun garage, te na bela posiziun da sorëdl, ca 500 metri dal zënter. Por informaziuns cherdè sö prëibel le numer 329/9442048.

L Chemun de Sëlva chier da tò su da śën inant cun cuntrat a tëmp determinà per un n ann, che possa unì slungià per n auter ann 1 funzioner/a aministratif/va, 7. cualifica funzionela, a tëmp plën per l ufize tecnich. L vën damandà, danter l’auter, na mini-laurea de 3 ani y l atestat de cunescënza dla rujenedes taliana, tudëscia y ladina de livel “B”. La dumandes ie da dé ju nchina n merdi, 12 de merz 2013. Per nfurmazions pudëis cherdé su l ufize personal dl chemun, tel. 0471/772142.


Inserac, Religion y Anunzies

nr. 10 / 08 de merz 2013

Chirì da laour N jëunn de 22 ani dla Talia che à fat la scola tl ciamp dla hotelaria y à 3 ani de esperienza de lëur chier da lëur coche segondo cuech per la sajon da d’instà. L ne n’à nia de bujën de albierch. Tel. 347/4823530. (8/13) ••• N’ëila jëuna dla Talia de 20 ani che à fat la scola tl ciamp dla hotelaria, cun esperienza chier da lëur coche segonda cuega per la sajon da d’instà. La ne n’à nia de bujën de albierch. Tel. 345/1561951. ••• N jëunn dla Talia de 20 ani che à fat la scola tl ciamp dla hotelaria, cun esperienza chier da lëur da conditer o coche segondo cuech per la sajon da d’instà. L ne n’à nia de bujën de albierch. tel. 340/0786685. (8/13) ••• N’ëila da tlo chier da lëur te na butëiga da śën inant. Tel. 333/2507841. (8/13) ••• N’ëila dla Ucraina de 60 ani che ie nfermiera y esperta per l’assistënza a jënt

de tëmp chier da lëur sciche “badanta“. Tel. 389/6905586. (8/13) ••• Na ëila jëuna cun esperienza y referënzes chier da lëur a rumé su majons o a cialé de na persona de tëmp. Tel. 366/8069511. ••• N pizzaiolo cun esperienza chier da lëur. Tel. 338/2713726. (8/13) ••• N jëunn talian chier da lëur sciche pizzaiolo, da śën inant, per la sajon o nce per dut l ann, sce l ie mesun te Gherdëina. L à 15 ani de sperienza y lëura cun duta la sortes de furniei. Tel. 345/0543473 (08/13) ••• N’ëila che lëura bele te Gherdëina da trëi ani incà chier da lëur dai 23 de merz inant, a rumé su y paidelné, a judé te cësadafuech o nce coche barista, nce part time. Tel. 320/6274797. (7/13) ••• Na ëra dl post chir laûr da superscè o tl privat. Telefonn: 333/2325194.

••• N jonn cun esperiënza y vëia da fà chir da laûr sciöche aiüt cogo por la sajun da d’isté y eventualmënter inće por döt l’ann tl’alta Val Badia. Tel. 348/2988647. (9/13) ••• Na ëila cun esperienza chier te Sëlva n lëur a rumé su majons o a fé de uni sort de lëures per i mënsc de lugio y agost Tel. 340/3677549. (9/13) ••• N’ël de 29 ani chier da lëur sciche aiut cuech o segondo cuech o nce a judé te cësadafuech. L à sies ani de esperienza te chësc lëur te Gherdëina. Tel. 366/4420624 (9/13) ••• Na jona de 18 agn dl post chir por d’isté n laûr te na botëga. Prëibel cherdè sö le nr. 333/3263280. (10/13) ••• Na jona dla Romania chir por fora de sajun (merz, aurì ćina mez jügn) n laûr da romenè sö o ćiarè do mituns. Tel. 388/7855461. (10/13)

Vangel dla Domenia Cuarta Domënia de Carsëma, ann C, ai 10 de merz 2013 Dal vagnele do San Lüca, 15, 1-3.11-32 Te chël tëmp ê düć i publicans y i pićiadus gnüs da Gejù a l’ascutè. I farisês y i studià dla lege bruntorâ porsura y dijô: ”Al se dà jö cun i pićiadus y mangia ćinamai impara.” Sön chëra ti àl cuntè na parabola y à dit: ”N ël â dui fis. Le plü jonn de chisc à dit a so pere: Pere, dàme la pert dl’arpejun che me speta. Insciö à le pere partì sö so avëi. Do püć dis à le fi plü jonn pochenè döt adöm y s’un é jü te n paîsc dalunc. Dailò àl vit na vita desliada y à spaterlè ia so avëi. Mo do ch’al â albü desmandrè döt cant, êl gnü na gran ćiarestia te chël paîsc, y ara ti jô dër mal. Dailò él jü a se pité a n abitant de chël paîsc, che l’à fat jì ti ćiampoprà a vardè i porcì. Al s’ess ion parè la fan cun les brosces che i porcì mangiâ, mo degügn ne ti an dê. Dailò él jü ite te se instës y à dit: Tan de oras de mi pere à pa plü co assà da mangé, y iö möri chilò da fan. I ô pié ia y jì da mi pere y ti dì: Pere, i à fat pićé cuntra le cil y cuntra tè. I ne sun nia plü dëgn de ester to fi; tôleme sö sciöche un de tü oras. Spo él pié ia y é jü da so pere. Le pere l’â bele odü gnon dalunć adalerch, y s’al menâ pićé. Dlun saltan ti él jü adincuntra, ti é saltè incër le col y l’à bajè. Y le fi à dit: Pere, i à fat pićé cuntra le cil y cuntra tè; i ne sun nia plü dëgn de ester to fi. Mo le pere ti à dit ai fanć: Jide debota a tó la plü bela iesta y vistìdila, metedi n anel tla man y vistidi i ćialzà. Condejede adalerch le videl miorè y tolédele ia; i orun mangé y fà gran festa. Deache mi fi ê mort y vir indô; al ê pordü y é indô gnü ciafè. Y ai â metü man da fà festa. So fi plü vedl ê intratan fora sön ćiampoprè. Canch’al é gnü y é rové dlungia ćiasa, aldîl sonan y balan. Al n’à cherdè un di fanć y à damanè ći che chësc dô significhé. Le fant à respognü: Al é gnü to fre, y le pere à lascè tó ia le videl miorè, ćiodì ch’al l’à indô ciafè sann intun. Dailò s’àl dessenè y n’orô nia jì ite. So pere indere é gnü fora y à porvè da ti baié bun. Mo al ti à respognü al pere: I te sorvësci bele tan d’agn, y mai n’ài fat val’ cuntra tü comani; a mé ne m’aste mai scinché val’, gnanca n asó, ch’i podess fà na festa cun mi amisc. Pornanch’al é rové adalerch chësc to fi, che à desmandrè to avëi cun prostitutes, aste lascè por ël tó ia le videl miorè. Le pere ti à respognü: Mi möt, tö es tres pro mè, y döt, ći che é mi, é inće to. Mo śëgn messunse pö se ralegrè y fà festa; deache to fre ê mort y vir indô; al ê pordü y é indô gnü ciafè.” Parora dl Signur. - Lalt a té, Gejù Crist!

Rengraziamënt I familiars dla defunta

Emilia Miribung vëd. Costabiei *28.11.1927 +24.02.2013 dij de cör giulan a düć chi ch’à tut pert ala Santa Mëssa de supultüra, a chi che é gnüs a dì la corona y a trà l’ega santa. Giulan por les ćiandëres y les ofertes, por les condolianzes y por vigni parora de confort. Giulan ai proi, a Siur Degan, y al cor de dlijia por la bela Santa Mëssa, al mone y ai ministranć y a Siur Robert por les beles parores. Giulan a chi che à dit dant les corones, a chi che l’à portada y a düć chi che à fat n sorvisc por la supultüra. N gran giulan ala doturia Mahlknecht y al dotur Di Marino, ales infermieres y ales assistëntes te ćiasa. Giulan ala Crusc Blanćia y al personal dl spitol da Bornech. Giulan a chi che ti é stà dlungia ala uma, ti à fat dl bëgn y ti à tigni cumpagnia, ai vijins y a düć chi che é gnüs a la ciafè te ćiasa y te spitol y a chi che se la recorda inant tla oraziun. Les mitans ringrazëia de cör Robert y Maria cun süa familia por avëi sucudì la uma cun gran paziënza y savëi düt l’tëmp che ara à albü debojëgn. De cör giulan y che Chël Bel Dî s’l pàies.

Recort

Pitscheider Leo Al é passè n ann da canche te s’as lascè y gran é l’incherscimun do te. Tres vì resta l’recort te nüsc cörs. I te recordun tla Santa Mëssa ai 14 de merz dales 18.00 tla dlijia da La Ila.

Recort L’ recort de to amur nes dà forza y consolaziun

Rengraziament Al é passè n ann che

“La mort pol ne despartir da na persona cara ma no la é bona de ne tor l’amor e l recort per ela”

Carlo Dapunt nes à lascè.

Marino Chiocchetti

Recordun nosc om y pere tla santa mëssa ai 11 de merz 2013 dales 19:30 tla Dlijia de San Linert a Badia. Giulan a düć chi che s’l recorda tl’oraziun o cun n bun pinsier.

del Cioto *18.11.1928 - +23.2.2013 N gran Diovelpaie a duc chi ne à stat apede e dat confort te chisc dì de manconia e de dolor canche aon cognù tor comià da nosc pare e au, e ence per la solidarietà desmostrada ti confronc de fratel Elio Croce e so miscion te l’Africa.

Chi de familia

Recordanza N Diovelpaie a don Enrico, al cor de gejia, al orghenist e ai ceregoc che à servì messa. I fiöi Nadia, Diego e Manuel con sove familie

Acà n an ne à lascià

Osvaldo Mazzel de l’Ors * 17.04.1925     + 11.03.2012 Te recordon con amor.

Partezipazion La Union Generela di Ladins dles Dolomites y la redazion de La Usc di Ladins ti fej les condolianzes sentides a la dr.a Nadia Chiocchetti per la mort de sie pere

Marino Chiocchetti del Cioto.

Tia pedies é semper fones te nesc cheres e te rengrazion per dut chel che te tia vita a ogneun de nos te ne ès donà e ensegnà.   Tia femena Zita con fies e families Te recordon a Messa Grana en domenia ai 10 de mèrz da les 10.30 te gejia de Cianacei

www.lauscdiladins.com

43



La Usc di Ladins