Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 10/2012 - 09 de merz 2012

Costamula

11

„Lëures nia garatei“

Ann 2013, ann dl daz?

Comentar de pruma

La Jonta provinziala de Bulsan à sposté al 2013 l’introduzion de n daz per l trafich su per l jouf de Stilfs. D’invern é naota chest jouf sclut. Gniral pa n auter ann ence n daz per Frera?

Nscila scrij la Lia per Natura y Usanzes n con’ di lëures che ie unii fai sa Costamula.

Manifestazions

IR

12

Ciociul De maië ciociul, chël ie duc boni, ma coche n l taia su, chël à danz mo trueps da mparé.

Storia

13

Prima Viera La Prima Viera Mundiela tl ejëmpl de Gherdëina, nscila l titul dla cunferënza dla storica de Urtijëi Elfriede Perathoner.

Fascia

16

Limiton le “slot” Per la pruma outa zeche te Fascia se mef per limitèr la prejenza de aparac da jech a risech che crea dependenza.

Scizeri

19

Marsc dla liberté

Gana: eles y divin

I Scizeri de Südtirol à desdit le marsc de protesta programè de mà, mo ai fajarà n marsc dla liberté. I n’ùn baié cun le comandant d’La Pli Silvester Ellecosta.

Val Badia

En don con chest numer de La Usc la revista ruveda al numer 18

19

Ëres se liëia Deplü lies de ëres s’à sentè adöm por mëte sö n movimënt che dess portè inant iniziatives y propostes desvalies.

“La Usc” di letours

23

Letres I ciafeis ence te chesta edizion minunghes, osservazions, conseis, aodanzes, toutes de posizion y critiches.

Liösa

de plu a plata 5

Veduda sun l jouf de Stilfs. (foto: wikipedia)

26

Vizecampiuns La copa dl monn de liösa sön pista naturala é jüda a piz. Florian Clara é gnü cun so compagn Patrick Pigneter vizecampiun tl dopl.

L bel particolar dla statua de Senta Ugiana, patrona de Fascia, zipleda da Georg Artz dl 1517, fej bela paruda sun la souracuerta de chest nuef numer de Gana, dediché a les eles y si raport con l divin y l trascendent. N aspet che mostra ciamò na outa la gran forza dles eles, da la “Dea Mere” dles cosmologìes sacrales di temps antics, ai temps fosc dl “stermine” dles eles acusedes de ester stries,

enfin a les esperienzes desvalives de vive la spiritualité de encueicondì. Dlongia al tem maiour, giatel se sa ben lerch ence sun chest numer contribuc interessanc che nes permet de descorì y apriejé luesc y persones, ejempli de ert, architetura, mujiga, leteratura y poejia. Con l’audanza de na bona letura a dutes y duc.

La storia te scola de Iaco Rigo

La proposta dla Comiscion dla cultura dla Ciamena à sciuré su n gran stuep. Dantaldut l insegnament dl Inn de Mameli ("Inn ufizial dal Talia") y l’oblianza da l cianté pro festes é gnu critiché da la Lega Nord y feter duc i partis de Südtirol. "I ne son mine tl fascism!", él gnu dit. Y chilò sunse indò, tla Talia con sies truepes cultures, si lingac desferenc y n mosaich dla storia nia medema per duc. Baian al di da encuei de nazionalism te na Europa Unida vuel dì "jì contra ega", sciuran su ideologies y emozions, juté benzin sul fuech. Adorassa puh la Talia y si zitadins dantaldut na politica plu giusta y efizienta, leges che vegn respetedes, na cultura politica che à al zenter indò la persona y les families, y manco ideologies! Ajache vigni mal é bon per val’ (che al nen vegne baié finalmenter de scola y insegnament), podéssen vedei sen la bona ocajion de nen debate cie conescenza y coscienza storica y culturala che i zitadins tla Talia à, la Talia con dutes sies particolarités y identités desferentes. Tant sa pa perdret i maturandi dla storia de si paisc, sia val, si raion, si popul? Tant sa pa nosta jent dla storia de Tirol, dl’Austria-Ungaria, dla Talia, dl’Europa, di Ladins? La scola à desfides assé, dalonc dai nazionalisms.

Miné da scrì Il ladino, cioè una lingua ladina non esiste. Esistono solo tante parlate diverse, ma simili

La revista Gana.

Chëstes döes frases é contignüdes „ala parora“ te n test de n depliant menè fora dan da döes edemes cun La Usc di Ladins da pert dl diretur dl’Istitut Ladin Micurà de Rü. Chësc é n fat documentè y düć po jì a se lì do le passus. Sce jënt se damana - cun rajun prëibel - ći che le diretur dl Istitut Ladin Micurà de Rü mina cun de te’ „formulaziuns“, ne podess chësta nia ester na cossa ria da capì. La gran pert dla jënt tëgn sön le ladin y al ti sta a cör. Mo sce al vëgn śëgn dopormez dit – ći che fej sambëgn plajëi – che an ne l’à nia minada insciö, spo mësson formulè n ater iade le pinsier n pü’ atramënter. Ara ne va nia da dì „al plöi“ y miné che i atri capësces „al dà sorëdl“.


Zoom

nr. 10 / 09 de merz 2012

“Declarazions pericolouses, n dann per duc i ladins” La minonga de Erwin Valentini sun la chestion dl ladin che n’é nia (“il ladino non esiste”) Lingaz ladin - “Il ladino, cioé una lingua ladina, non esiste”. Chesta frasa, touta fora da la introduzion al jolantin che l Istitut Ladin Micurà de Rü à mané fora dant trei edemes adum con “La Usc di Ladins” à sciuré su n gran stuep. Comentars da pert de idealisć y esperć dl lingaz ladin, che ne passa nia tant atira soura na tel declarazion fora, ne se à nia lascé speté. Ma nia demé ei se à fat chesta domanda: Ciuldì scriv pa n diretour de n Istitut Ladin, istitut che à sciche obietif prinzipal la sconanza dl lingaz, na tel cossa? La resposta da pert dl Istitut se à fat speté n puech de plu, ma é tla fineda ruveda adalerch. Al ne n’é nia un n ladin, al n’en n’é de plu “sciöche ijoles linguistiches che por gaujes storiches y politiches é restades despartides y ne se à nia podü svilupé te n lingaz nazional”, scriv l president Albert Videsott (ciala Leteres y Minonghes a plata 3). Nos nen' on rejoné con Erwin Valentini, linguist, che à ence tout pert al SPELL, servisc per la creazion de n lingaz ladin standard, n lingaz unitar, chel lingaz che vegn, sciche Valentini dij “ignoré” dal Istitut. La Usc: Eise vedù l jolantin mané fora con “La Usc di Ladins” dant trei edemes dal Istitut Ladin Micurà de Rü? Eise pa liet la introduzion firmeda da Giulio Clamer, president dla sozieté Dante Alighieri de Bulsan, y de Leander Moroder, diretour dl Istitut Ladin Micurà de Rü? Erwin Valentini: L jolantin éi empermò giaté chisc dis, ma i à samben liet les toutes de posizion sun “La Usc”. Mia pruma reazion é steda: nia da creie. Nia da creie che l diretour dl Istitut Ladin Micurà de Rü posse vegnì fora con de tel paroles che va contra duc i prinzips

y i fins dles unions culturales ladines y ence l statut de sie Istitut: la sconanza dl lingaz ladin. Sce “il ladino non esiste”, sciche L. Moroder scriv, sce l ladin fossa demé n dialet o na varianta de n auter lingaz (de ciun pa, dl talian o de n “roman alpin” mel definì), spo se essa i ladins batù per plu de cent agn per n fantom. Cie sens éssel pa de mantegnì n lingaz che n’é nia?! Ciuldì penseise pa che al sie sauté fora de te’ polemiches? É pa, da vos enfora, chestes polemiches giustifichedes? Les polemiches che é sautedes fora é plu che giustifichedes. Teories “fascistes” é dessegur paroles n puech grovies, ma la sostanza é chela. Sce an ti tol a n grup etnichlinguistich l lingaz, ti tòlen ence la rejion d’ester y l dert de mantegnì sia identité culturala. Chesta fova la politica dl govern fascist. Encuei, (mertesc ai 6 de merz) él vegnù fora sun l foliet “Dolomiten” la resposta dl president dl Istitut Micurà de Rü, Albert Videsott. Cie n’en penseise pa? L tentatif de comedé, de limé via les declarazions dl jolantin, ne é nia cis credibl. Al se trata de n test scrit con traduzion taliana y todescia - i ne sé nia sce al é ence na verscion ladina – y perchel à l autour abù dut l temp per controlé l test dant che l mané fora. L diretour dl Istitut Ladin é bele massa die sun chel scagn (y dent tla politica) per ne savei nia sciche de tel afermazions vegn toutes su. Sen se pròvel de dì che l autour dl jolantin minova demé che al ne é nia l lingaz ladin ma n lingaz standard, na norma scrita che vel per duc i idioms ladins. La verscion todescia rejona

Erwin Valentin, che à laoré agn alalongia per l lingaz ladin scrit dij che l dann fat da les esternazions dl diretour dl Istitut Ladin Micurà de Rü Leander Moroder n’é nia plu da concé su.

efetivamenter de na ‘Norm’, de na ‘Hochsprache’ ladina che mancia, ma tamben la verscion todescia che chela taliana fej confujion. An prejenteia l furlan, l gherdeina, l sursilvan, l provenzal y l catalan sciche variantes o idioms de n medem lingaz, de na “romanische Splittersprache” che va dal Friul fin tla Catalonia. Ma l provenzal y l catalan fej pert de n grup linguistich desferent dal retoroman alpin. I catalans ne foss spo dessegur nia a una de audì che sia rujeneda ne é nia n “lingaz”, ma na varianta de na familia linguistica plutost fantomantica. Vos seis pu n linguist y i eis ence tout pert al projet SPELL (projet de elaborazion dl Ladin Standard - Dolomitan). Cie podeise pa dì da chest pont de veduda? N lingaz é ence sce al ne à nia na

norma scrita standard o sce al ne n’é nia lingaz ofizial de n stat. Te n document ofizial dles Nazions Unides pòssen lieje che al é zirca 6000 lingac al mond depierpul che l’UNO à demé 193 stac membri! Degugn ne à mai neghé l’esistenza de n lingaz basch, ence sce chesta rujeneda é demé vegnuda reconesciuda ofizialmenter sciche “lingaz” con la creazion dla region autonoma di Paisc Bascs. L’esistenza de na norma scrita y l reconesciment ofizial é emportanc per vigni lingaz y samben ence per l mond ladin, spidicé su geograficamenter, linguisticamenter y culturalmenter sciche al é. N lingaz ladin scrit unifiché daidassa mioré la comunicazion anter les valedes, daidassa renforzé la coscienza de fé pert dla medema familia, la Ladinia. L ladin standard – chest é vegnù dit y sotrissé milesc iadesc – ne vuel nia mete da pert i idioms, al vuel demé unì i ladins, avisa sciche l talian standard unesc i talians y la deutsche “Hochsprache” (o “Schriftsprache”) unesc i todesc. La politica atuala de plu istituzions ladines de se cruzié demé de “sia” valeda y de “sie idiom” é dret pericolousa, ajache ala renforza les desferenzes anter les valedes y risćia de desdruje alalongia la comunité ladina sciche entité etnica y culturala autonoma. La politica dl Istitut Ladin Micurà de Rü é ria da capì. L Istitut à finanzié, adum con i autri istituc y la UE, l projet SPELL, ma spo canche duc i strumenc per adoré l ladin standard (gramatica, dizionar, banca dac, etz.) fova dant man se à chest istitut no demé trat zeruch ma à finamai dé n arat negatif contra l’adoranza dl standard tla aministrazion de Bulsan (arat adoré

sciche motivazion “scientifica” tl decret de F. Mussner dl 2003 sun l’adoranza dl ladin tla aministazion provinziala). Da chela data inant à l Istitut praticamenter ignoré l ladin standard, sceben che al vegn adoré da la Union Generela di Ladins y ence da La Usc di Ladins. Ves végnel pa en ment che l Istitut Ladin Micurà de Rü se prove con dutes les forzes contra n ladin plu unitar tles Dolomites? Che l diretour dl Istitut Ladin Micurà de Rü ne sie nia cis ciaut per l ladin standard savonse duc, ma sia ultima esternazion é pericolousa, de de plu versc. Tamben i ladins (cotanc se sent plu a ciasa tl talian o tl todesch) che i foresć podessa se damané: percie adòren pa istituzions ladines (scola, istituc culturai, etz.) sce “il ladino non esiste”. Unfat cie che L. Moroder minova con cheles esternazions, i podon ester segurs che zachei les tirarà ca sciche argoment contra les ativités de sconanza dl ladin. I ne podon nia nes desmentié che i ladins é demé sciche grup etnich autonom tant inant che al l é n lingaz ladin. Sce l ladin ne é nia, pòssen ence mudé l Statut de autonomia y donca la basa legala-costituzionala di derc politics di ladins. Tan pericolouses é pa da vos enfora chestes esternazions tl jolantin? L dann fat é gran; perchel fòssel gran ora che l president dl Istitut Ladin Micurà de Rü tolessa na posizion clera. De meses paroles y vertoles ne basta nia y al ne basta nience dì che les paroles dl diretour Moroder é vegnudes melinterpretedes. Al é n puech massa comot i dé ai autri la gaujia de siei fai!

L trend tin inant Candidac ladins passa plu saurì l’ejam de rujeneda

L 46,5% de duc i candidac ie l ann 2011 passei. foto: www.istitutopessina.it

Südtirol - La statistica di ejams de bi- y trilinguism, data ora dal ASTAT, mostra su che i candidac ladins passa plu saurì i ejams permez ala cumpëida generela. Tl ann 2011 ie n generel passei 46,5 % di candidac - di candidac ladins iel passà l 77,5%. La statistica dl Istitut de statistica ASTAT testemunieia che i candidac ladins passà plu saurì l ejam de bi- y triliniguism te duc i cater livei. De duc i candidac che l ann passà à fat i ejams iel passei 46,5%. Sce n tlopa ora i candidac dla valedes ladines, nen iel stat 77,5% che ie

2

www.lauscdiladins.com

passei i ejams. “La gran defrënza dl suzes di candidac ladins permez ala cumpëida generela ie n sëni de suzes dla preparazion de rujenedes te nosta scola paritetica ladina” sorissea l assessëur Florian Mussner. Per i ladins se tràtel te chisc ejams nce de cumpetënza tla segonda rujeneda: “chësc ne possen nia pertënder me nscì, perchël me fejel mo plu plajëi” à dit l assessëur ladin. I candidac ladins luna nce ora n cont di ejams scric. De ndut iel te chësta pert di ejams passei l 37,4% - di candidac ladins ie passei l 60,7%. Na gran defrënza iel nce per chëi che à abù suzes tla pert a

usc, tlo iel n generel passei l 72,5% y 92,4% di candidac ladins. La defrënza danter candidac ladins y la cumpëida generela se mostra te duc i cater livei de ejam. Pra l ejam de livel “A” à 61,4% abù suzes. Davia che l ejam a usc à nce fat candidac scric ite l ann dant, ie l suzes di ladins nchinamei sëura l 100%, plu avisa dl 106,6%. Pra l ejam de livel “B” che vën calculà per na furmazion cun matura, ie tl 2011 me passei l 30,8%. Passa l dopl ie stai i candidac ladins che à abù suzes, avisa l 62,6%. Feter i medemi valores statistics iel unì arjont per i ejams de livel “C” cun 39,1% de suzes n generel y 61,4% per i ladins. Ti ejams de livel “D”, ulache l vën me fat la prova a usc, ie passei 74,8%. I candidac ladins ie duc Priesc d’abonament anual: per la Talia: 59,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

passei arjunjan n suzes dl 100%. Paredlan i valores cun la mesaria di ultim 5 ani, ie l suzes generel aumentà de 3%. La

perzentuela di ladins che ie tl 2011 passei i ejams ie de doi percënt plu auta permez al trend di ultim cin ani. (ufize stampa de Südtirol)

Prezisazion En referiment a la intervista a Elsa Zardini sun la edizion de “La Usc di Ladins” nr.09 dl 2 de merz 2012, él da prezisé che anter la presidenza de Ilda Pizzinini y Elsa Zardini ne él

nia sté demé Michil Costa, ma ence Nani Pellegrini, dal 2003 al 2005, a cef dla Union Generela di Ladins dla Dolomites. Katia Pizzinini

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi, Katia Pizzinini. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Zoom

nr. 10 / 09 de merz 2012

“Ladin Standard: n projet tomé tl nia, da tò endò tla man duc deberieda” Intervista al president dl Istitut Cultural Ladin Majon di Fascegn, Antone Pollam La Usc: Vos che seis president dl Istitut Cultural Ladin Majon di Fascegn, cie n’en p ensei se p a dl a introduzion al jolantin mané fora dant trei edemes con “La Usc di Ladins”, firmeda da Giulio C l a m e r, president dla sozieté Dante Alighieri da Bulsan y Leander Moroder, diretour dl Istitut Ladin Micurà de Rü? Antone Pollam: L contegnù dla introduzion é da me enfora scialdi pesoch, ajache al va contra l gran laour fat da truepes generazions che se à batù per che l ladin vegnissa reconesciù Antone Pollam: “Al é ora de s’enconté. Da sciche lingaz y i ladins mia pert i él bele ju fora a duc i autri istituc sciche mendranza. Ma ladins l invit per na gran enconteda sun l aldelà dles polemiches lingaz ladin y n troi plu unitar.” che é sautedes fora é la chestion fondamentala chela che variantes de nost lingaz àl ben l ladin ne à nia na forma scrita rejon. Ma chesta cossa messassa i unitara y chest é n pont de debleza. dé da pensé. N lingaz unitar, l Do trueps agn de laour, ence te dolomitan, fòssel ben, ma sia Fascia, é l SPELL (Servisc de adoranza é vegnuda proibida da Planificazion y Elaborazion dl la Provinzia de Bulsan y ignoreda Lingaz Ladin), projet pensé per dal Istitut Ladin de Gherdeina y laoré fora n ladin standard, tomé Badia. tl nia. Ti prums agn dl 1.800 fòvel pu bele sté Micurà de Rü, gran Cie dann pò pa fé de tel personalité ladina - che ti à ence declarazions daite, ma ence dé l inom al Istitut Ladin, che ova defora dla Ladinia? laoré fora na koiné. Chest projet De tel declarazions pò samben cognessen tò endò tla man, duc danejé i ladins ence foradecà. Avei deberieda, per ruvé finalmenter a n lingaz scrit unitar é n projet vital. n lingaz scrit adoré da duc i ladins. Al va de bujegn che al saute ite la Ence i Grijons à sies o set variantes Union Generela di Ladins dla de lingaz, ma per scrive per duc Dolomites sciche coordinadoura végnel adoré en gran pert l Rumanc de chest projet. Da Fascia y dal Grijun, reconesciù. I Grijons cogne Istitut Majon di Fascegn é la ester per nos n ejempl. N lingaz desponibelté grana. Ie spere che scrit unitar ne vuel i tò nia a les ence l president dl Istitut badiot, variantes, l dolomitan ne i tol nia Albert Videsott, posse fé n vare demez la richeza al ladin, plutost inant de chest vers. Ie ti à bele él l talian y l todesch che é tl laour damané da se enconté, da colaboré; i tole chesta ocajion per i renové l da sofoié nost lingaz. invit y per ti l rodé ence al president Se impensasses che l Istitut nuef dl Istitut Ladin Cesa de Jan, Ladin de Fascia menassa fora de Luca Agostini. tel esternazions? Leander Moroder à dit che n Entourn al 1995 vegnìvel (un soul) lingaz ladin ne n’él nia y ciamò organisé a Bulsan cursc sce al à volù dì che al é deplù de ladin dolomitan con i

colaboradours de dutes les istituzions, privates y publiches, de dutes les vals ladines, che se dà ju con l lingaz. Aldidancuei ne créien nia plu che chest sie sté poscibel. I temps é dret mudés... Sci, i temps é mudés, ma na gramatica y n vocabolar él. Al foss pu beleché dut endrezé per porté inant l projet. Empò vegn l ladin dolomitan adoré vigni edema ence sun “La Usc di Ladins”, duc l enten saurì y al ti sa n bel lingaz, a chi che ne à nia pregiudizes. L istitut Micura de Rü é l soul istitut cultural ladin che va contra l ladin standard. Per politica o per convinzion? Da me enfora se tràtel de condizionamenc politics, ma ie creie che sce l Istitut ess l coraje da jì contra chesta sort de politica, foss chest n vare dret positif che desmostrassa la volonté da fé l ben di ladins y dl ladin. Ciuldì ne vàla pa perdret nia da cherdé ite dutes les istituzions ladines per na politica linguistica unitara? La despartizion é vegnuda fata dai fascisć per ti tò forza ai ladins y chesta politica de divijion dura perempò ciamò aldidancuei, y ala é juda ite sot ence tl cef dla jent. Plu erta é ciamò la situazion di ladins de Souramont che é ence stés despartis, dl 1964, da la diozeja da Persenon y che se à batù y se bat davignora ciamò per la reunificazion. Ence l referendum per ruvé da nuef adum ai autres ladins ne à nia abù respostes concretes da la politica, ma demé empermetudes. Persones che se dà ju con l lingaz ladin ne dess pa nia perdret costruì y promueve l lingaz? Ne é pa chesta nia forsc n pu’ na contradizion? Sci, chesta é ben na contradizion. Ie volesse capì da miec. I me spete na spligazion da pert dl Istitut Ladin Micurà de Rü sun chesta chestion, che podessa deventé na ocajion per se rejoné y colaboré de plu sun les medemes finalités che i istituc à per cie che reverda la sconanza y l svilup de nost lingaz.

L’Inn Nazional dla Talia Gnü scrit i agn 1847-1848 da Goffredo Mameli (poeta genoveje) y Michele Novaro (componist genoveje), él gnü detlaré dl 1946 l’inn nazional dla Republica Taliana

Goffredo Mameli tl depënt dl artist Domenico Induno.

Atualité - Le “Inno di Mameli” vëgn al dedaincö critiché dantadöt por les parores. Le test é gnü scrit ti agn, olache i raiuns dla Talia d’al de daincö fajô pert de set Statesc. L’inn deventâ le simbol y scrai do l’unificaziun dla Talia. Al é n test patriotich, nazionalistich y inće imperialistich. Deplü informaziuns y analises sun le test pòn ciafè sön le sit dl Quirinale www.quirinale.it.

un’unica Bandiera, una speme: Di fonderci insieme, Già l’ora suonò. Stringiamci a coorte, Siam pronti alla morte, L’Italia chiamò. Un i a m o c i , a m i a m o c i , l’Unione, e l’amore, Rivelano ai Popoli, Le vie del Signore; Giuriamo far libero, Il suolo natìo: Uniti per Dio, Chi vincer ci può? Stringiamci a coorte, Siam pronti alla morte, L’Italia chiamò. Dall’Alpi a Sicilia, Dovunque è Legnano, Ogn’uom di Ferruccio, Ha il core, ha la mano, I bimbi d’Italia, Si chiaman Balilla, Il suon d’ogni squilla, I Vespri suonò. Stringiamci a coorte, Siam pronti alla morte, L’Italia chiamò. Son giunchi che piegano, Le spade vendute: Già l’Aquila d’Austria, Le penne ha perdute. Il sangue d’Italia, Il sangue Polacco, Bevé, col cosacco, Ma il cor le bruciò. Stringiamci a coorte, Siam pronti alla morte, L’Italia chiamò.

Les parores dl inn Fratelli d’Italia, L’Italia s’è desta, Dell’elmo di Scipio, S’è cinta la testa. Dov’è la Vittoria? Le porga la chioma, Ché schiava di Roma, Iddio la creò. Stringiamci a coorte, Siam pronti alla morte, L’Italia chiamò. Noi siamo da secoli, Calpesti, derisi, Perché non siam popolo, Perché siam divisi. Raccolgaci

La penijola taliana dl 1848.

Onesté inteletuala y lingaz Por talian y por todësch à le diretur dl Istitut Ladin Micurà de Rü dot. Leander Moroder  presentè tl’injunta a La Usc di Ladins n. 7/2012 le liber nü dl autur Nicola Del Falco sura les liëndes ladines, n laûr portè inant en colaboraziun cun l’Istitut Ladin y l’assoziaziun culturala „Dante Alighieri“. Tröc conësc les liëndes dolomitiches tres les traduziuns y rielaboraziuns todësces de Karl Felix Wolff, mo i savun che al se tratâ daimpröma de liëndes ladines, nasciüdes dan da tröc agn te popolaziuns che baiâ n lingaz roman. Inće le toponim “Aurona“,

che vëgn dant plü gonot tl raiun dles Alpes, nes confermëia chësc. Leander Moroder pîta a sü leturs deplü verjiuns dla liënda te n valgügn di tröc lingac/idioms romans che se destënn fora tl raiun danter le Friûl y la Spagna. La liënda vëgn cuntada por catalan, provenzal y sambëgn inće te trëi variantes de chël lingaz, a chël che G.I. Ascoli ti à metü tl 1873 inom “ladin”: por sursilvan, por ghërdena y por furlan. Düć chisc lingac alda pro öna na familia, mo ai n’é sambëgn nia daldöt medemi – ći che le letur capësc atira, odon desfarënzies y concordanzes tles

verjiuns desvalies dla liënda. Leander Moroder scrî che ai ne forma deboriada nia n lingaz ladin unich. Ai é sciöche deplü ijoles linguistiches che por gaujes storiches y politiches é restades despartides y ne se à nia podü svilupé te n lingaz nazional, restan insciö lingac de mendranza. Al é da parentè che döes frases de Leander Moroder é gnüdes tutes fora da chësc contest y anuzades, inće tla pröma plata de La Usc di ladins, por critiché le diretur y mëte en discusciun le laûr dl Istitut Ladin. Dër de morvëia é che les frases n’é mai gnüdes reportades

coretamënter (Moroder à scrit na parora en corsif propi por ti dè n pëis particolar), provocan insciö interpretaziuns falades y intortes. Eventualmënter éssel bastè da lì le test por todësch por stlarì val’ dübe. Nia coret n’él da lié adöm i pinsiers de Leander Moroder cun les teories de Carlo Battisti, Johannes Kramer, Gian Battista Pellegrini y dla propaganda nazionalista y fascista che odô tl lingaz ladin n dialet talian. Le diretur Moroder ne ti contestëia de degun vers le status de lingaz al Ladin dles Dolomites. Da desplajëi é che te chëstes polemiches zënza fondamënta él

gnü trat ite la sozieté culturala “Dante Alighieri”, dijon che ara é al dedaincö n’assoziaziun cun fins nazionalisć. Nia saurì da capí n’é gnanca l’editorial de La Usc di ladins 9/2012 che arata che al sides anfat sce les frases dl diretur Leander Moroder é gnüdes strumentalisades o no. Al é da se damanè a ći moda y cun ći fins che chëstes posiziuns vëgn portades dant tl foliet dl’Union Generala di Ladins dla Dolomites. Le presidënt Albert Videsott, por le Consëi dl Istitut Ladin Micurà de Rü www.lauscdiladins.com

3


Atualité

nr. 10 / 09 de merz 2012

Lege per l cumerz La Jonta provinziela de Bulsan ie contra l mesun de scrì ora raions cumerziei. Chësta dezijion ie unida tëuta ai 5 de merz y nsci iel unì stlut ju la cunsultazions n con’ di pruvedimënc per strënjer ite la liberalisazions dl Guviern talian. Ti proscimi dis dëssa la lege per l cumerz passé te Cunsëi provinziel Cumerz - La Provinzia de Bulsan cëla de ti jì de contra ala liberalisazion tl ciamp dl cumerz data dant dal Guviern Monti, cun na lege provinziela aposta. Tan inant che la ti jirà fata, ie dut mo da udëi. Da pert dla Jonta provinziela de Bulsan vëniel scrit che „ sce l ne vën nia udù dant l mesun de scrì ora raions cumerziei, ne n’iel niancanó debujën de n’autorità aldò. Cun la liberalisazions tl Guviern talian tumeràl demez l’autorisazions, la limitazions, la tabeles de marcanzia y i cuntingënc per l’ativiteies cumerzieles.“ Nce Durnwalder sà che la lege provinziela ne tol nia su l spirt dla liberalisazion coche la vën uluda da Monti, ma ntan pròven mefun. Durnwalder: „La pruposta

de lege provinziela se destaca bën mpue’ dala diretives da Roma, mpo iel da speré de pudëi la purté inant y che la ne vënie nia cuntrasteda dala sunieria costituzionela.” La ratio dla Jonta provinziela de Bulsan ie che „tla strutura geografica dl Südtirol dëssa la lege provinziela per l cumerz seguré l’ativiteies cumerzieles nce ti mëndri luesc, respetan dal autra pert la diretives da Roma.“ Coche scrij l Ufize Stampa provinziel „ne vëija la pruposta de lege per l cumerz ne vëija dant deguna limitazions ti raions urbanistics A. Ti raions B iel udù dant na spartizion 60-40% per l’abitazions y cumerz cun servijes. Per i raions C iel mé plu udù dant 16% per l cumerz y servijes. Ti raions

de produzion iel me udù dant de pudëi vënder a detail prudoc de cin’ ciamps: auti, mascins da paur, materiai da frabiché, mubilia y buandes te majera cunfezions. Duc i prudoc che ie unic fai te n raion de produzion dëssa pudëi unì vendui sun l post. Strutures cumerzieles ne dëssa per norma nia unì realisedes te raions categurisei sciche vërt agricul. Ezezion fej tlo l vënder de prudoc di luesc da paur o prudoc che ie liei a strutures che ie bele (per ejëmpl la stazion pra la streda dala rodes, la stazion dal penzin che possa vënder prudoc o l vënder prudoc pra la plaza dal Golf).“ David Lardschneider

Dancà y da na pert Uedli y oredles daverc sun la sozieté ladina d’aldidancuei I s’l ùn ciacolada cun Teresa Moling de Badia, ex maestra de scolina che laora śëgn tla dita de familia

La Usc: Teresa, tan dî este pa stada maestra de scolina? Teresa Moling: Te scolina ài laurè döt adöm 25 agn. Śëgn aste baratè. Ći fejeste pa? Śëgn dëidi tla dita de familia. Co éra pa stada da passè dal laûr de scolina al laûr de ofize? Le laûr é mudé de tröp, mo n pü’ fajôn inće te scolina laûrs de ofize. Cis i ultims agn êl gnü intres deplü laûrs de burocrazia. La desfarënzia é che te scolina gnô chisc laûrs fać inće dlungia le laûr cun i mituns, śëgn sunsi sora t’ofize. Ći laûr te plej pa deplü? Ma sciöche laûr ê chël da denant plü bel, mo al gnô plan plan tröp y i me stanćiâ inće. Y tla dita jôl inće debojëgn da daidé. Śëgn laori y feji ći che i sun bona, mo i me sënti plü lëdia, inće da m’armöie sc’i à val’ da me fà ia.

Butëighes a Urtijëi.

Aiut Alpin Dolomites L ntervënt cun la piecia situazions fova chëst’ena sun Ciampinëi, ulache doi dai schi fova fric adum se fajan scialdi mel. Canche l joler cun l dutor fova ruvà sun l post, àn riesc capì che tramedoi se n stajova scialdi mel y nscila àn tëut la dezijion de cherdé mo l joler da Persenon che à ënghe n dutor leprò tla scuadra y nscila à tramedoi dutores pudù purté l drë aiut a chëi che se à fat mel. L schiadëur de Mosca ie unì curà dal dutor dl Aiut Alpin y julà pona tl spedel de Bulsan y l ël tudësch, che ova nce scialdi de bujën de servisc saniter, ie unì curà dal dutor dl Pelikan y do chël julà cun l joler dla Provinzia tl spedel de Persenon. N auter ntervënt ulache l fova da ruvé riesc sun l post ie stat sun Mont de Sëuc, ulache un dai schi se ova fat mel dassënn al spinel. Metan scialdi a verda, coche n muessa fé te chisc caji, l àn ciarià tla barela vacuum y pona julà te spedel. N ntervënt daduman scialdi abenëura àn fat te Sëlva: bele l di dant fova n schiadëur frit adum cun un dal snowboard, l jëunn dal

4

www.lauscdiladins.com

snowboard fova jit a cësa da sëul man tan la nuet òvel for plu y plu mel al spinel, tant che l di do daduman àn cherdà l’ambulanza. Canche i uemes ie ruvei sun l post ài udù che l se n stajova scialdi mel y nscila àn tëut la dezijion de damandé l ntervënt dl joler per l julé riesc te spedel. Nscila iel pona nce stat y bele da trëi cherc ala set daduman audìven l joler dajan sëura te Sëlva. N ntervënt iel nce unì fat per na schialpinista che se ova fat mel tla Weiße Wand te Passeier a 2. 500 metri: la se ova trat ora de luegia na sciabla che ti fajova scialdi mel. Per fertuna che te chësc cajo fova l joler tosc sun l post y nscila ti àn sparanià ala schialpinista truepa ëures de meltres. N la à riesc juleda te spedel ulache i dutores ti à dantaldut n iede metù ite la sciabla y nscila nce tëur l gran mel che la ova. N ntervënt particuler iel nce stat sun Piz Sela, ulache l univa cherdà aiut per vel’ schiadëur che se ova fat mel firan adum. Canche n ie ruvei sun l post àn udù che l n fova bën trëi petei ju sun fonz che ova de bujën de aiut. N à cunscidrà ju la situazion y i doi che l’ova paieda l plu, che se ova rot na giama, ie

de Armin Moroder unic ciariei tl joler y julei deberieda te spedel. Nce a jì a spaz cun l cian pòssel vester tan periculëus da messëi cherdé l joler. Chësc ie stat a Corvara ulache n’ëila che fova jita a spaz cun si cian ie sbrisceda ora se rumpian drët burt na giama. I uemes dla Crëusc Blancia, che fova ruvei sun l post, à tëut la dezijion de cherdé l joler per mené la sfertuneda riesc te spedel, ulache la à giapà n bel ghips che la puderà se tenì śën per n valguna enes nchin che i osc dla giama sarà inò chersciui adum. Da nunzië iel mo n ntervënt a Urtijëi per na pitla de mé 10 dis che ova manacià de safuië do che la ova tussì dassënn y se ova nce ncucià dassënn. Deberieda cun l’oma la àn juleda te spedel a Bulsan per la cures dl cajo. Per fertuna fòvel tlo mé na gran sperduda, ma nia da sté ert. L ie oradechël nce stat truep d’autri ntervënc dantaldut sun i purtoies per de tei dai schi che se ova rot vel’ os o ova vel’ problems de sanità.

Osta dita é na dita artejanala. Düć baia de crisa, co ćiarera pa fora? La crisa sintiunse inće nos, mo crises él inće stè tl passè. Iö instëssa sinti insciö, che tla scolina n’âi mai bria da ponsè ai scioldi. Le paiamënt gnô regolar ala fin dl mëis. Śëgn n’é chësc nia plü logich. Te la vëighes impò positiva? La speranza mëss ester. La sigurtè ne sënti magari nia tan co canche i ê te scolina. Śëgn é la speranza maiù co la sigurtè, mo i ćiarun inant. Co éra pa canche laûr, ćiasa y familia é döt le medemo? De un n vers pòl ester positif y i le sënti inće insciö. Dl ater vers él inće manco positif. Dër important é che vignun ais süa lerch, che an ne mësses nia stè döt le dé deboriada tl medemo local.

Pënseste tröp zoruch al laûr de scolina? Sambëgn ch’i pënsi vigni dé al laûr de scolina. Canche i vëighi mituns me tómel dagnora ite la scolina, y sce i vëighi te folieć val’ che reverda pedagogia o scolina, spo m’l lî dagnora jö döt.

Ći fejte pa pordërt tl tëmp lëde? Mia gran pasciun é le ćiantè. I ćianti dër ion y i va inće dër ion a pé. Śëgn sunsi inće pro n grup a La Val che mia só condüj, olache i s’incuntun n iade al’edema a balè. Le balè foss stè da möta insö mi som, y śëgn - tres chësc grup - poi n pü’ le vire.

Pòn pa dì che tl cör éson ”n iade maestra - intres maestra”? Cun le cör bëgn. Canche an é dî te scora o scolina, fajésson inće ion a ćiasa la maestra, mo sambëgn che chi de familia n’à pa massa ion sce an ti fej da maestra.

Ći valüta à pa i hobbys personai? Chi é dër importanć, iö i adori y cun i agn ài imparè da fà intres indô inće val’ por me.

Este doprò contënta da avëi baratè? Al é stè n gran cambiamënt, mo i sun impò contënta che ći ch’i â ligrëza da fà ài dagnora podü fà.

I sun śëgn tla Carsëma. Fejte pa Carsëma? N püch feji Carsëma, mo bravè ne poi pa nia. Sambëgn tëgni i vëndres de Carsëma. Ći che i m’à ćiamò tut dant, é da ne mangé nia demassa. (pablo)


Atualité

nr. 10 / 09 de merz 2012

Ann 2013, ann dl daz?

Crëp che lieia

Un se à lascià nfluenzé y l auter à ulù l arpizé! Nsci se à abinà Josef Kostner y Reinhold Messner, La Jonta provinziala de Bulsan à sposté al 2013 l’introduzion de n daz per l trafich su per l jouf de Stilfs. D’invern é naota tramedoi persones cun n cuer per l medemo ideal, chël dla belëza per l crià chest jouf sclut. Gniral pa n auter ann ence n daz per Frera? Persones - Dla persona Reinhold Messner ne n’iel plu nia da dì; duc sà pu ce marueies che l à fat, arpizan duc i 14 otmile zënza aier sëuraprò. Che na tel persona plëina de vijions y da tan n gran ardimënt ne dà nia gheneda, chël ie bën da udëi ite. Nsci se mpenieiel śën, cun si 67 ani, de curé bën cin’ museums dedichei al mond dl crëp. Danter chisc Messner Mountain Museums iel l Ciastel Juval, Monte Rite, Ciastel Burnech, l Museum te Sulden y l Ciastel Sigmundskron. Cieche lieia chisc museums ie for l crëp, l crëp coche l vën udù da duta la cultures desferëntes te duc si aspec, danter respet y nuzamënt. Raton che nce nosta jënt dla Dolomites udova zacan mo i crëps sciche zeche de aricëul, da ti sté dalonc. Nsci à nce mo al didancuei la cultures dl Himalaya n gran respet y de gran credënzes tla forzes de chisc crëps. Chësc ie l pensier che Reinhold Messner uel nes dé da ntënder, che dassessan se arbassé a chësta marueies y no ulëi les vëncer.

Scultura de Josef Kostner Tl Ciastel Sigmundskron sëura Bulsan vënien avisei tres n troi che nes porta tres d’uni sort de argumënc liei al crëp. Dala furmazion a si nuzé, via pra i senificac religëusc dla pizes che se

va inant da la pruma plata

Josef Kostner da Stlujuc, dan si opra, cun Reinhold Messner sun Ciastel Sigmundskron.

liova cun l mond do la mort nchin pra la storia dl jì a crëp y si marcià che l ie unit dainora. Dut chësc fina via cun na scultura de Josef Kostner metuda propi ala fin de chësc troi. La jënt noza y sparcantea la natura, ma ala fin saràl ëila che vencerà, ajache nëus tumon ntëur y murion sciche la persona raprejenteda da Josef Kostner. Ma la natura à dl’aurela, dl’aurela che nëus ne on nia, y la se refajerà. Reinhold Messner à cris ora propi n’opra reprejentativa cun n corp che devënta bele inò crëp y nsci se stluj l cërtl.

Josef Kostner, artista che se à for ispirà a nosta Dolomites cun si sfëntes y ëures taienc, passenea cun si lëur propi tl cuntest de Reinhold Messner. N dumënia ai 4 de merz iel stat la giaurida dla mostra speziela «Berg Heil - die missbrauchten Alpen», mostra che sarà da udëi nchin ai 18 de nuvëmber de chëst ann. L Ciastel Sigmundskron ie danter i plu vedli de Südtirol, nunzià bele tl ann 945, fat su sun n cherzuel de porfir cuecenin. Valentine Kostner

Atualité - L daz per passé sun l jouf de Stilfs gnirà empermò dl 2013. D’invern é chest jouf sclut, perchel gnirà l daz realté per isté. La Jonta provinziala de Südtirol à tout chesta dezijion de sposté l start dl daz al 2013 con l motif che les strutures de avis y incas n’é nia ciamò enjignedes. La Provinzia à scrit che “i injins per l daz ruva empermò te n valgugn meisc y enscì él gnù ajorné l’introduzion a jené 2013”, la Provinzia inant: “l daz fej pert de n conzet general per revaluté la streda de Stilfs y per la fé cresce sciche atrazion turistica, ultimamenter òven fat cont de podei bele chest isté pié via con l daz.” L president Durnwalder à dit tla conferenza stampa do la dezijion, che dal 1998 encà, da can che la Provinzia ova sourantout la manutenzion dles stredes statales, “él gnu fat sun la streda de Stilfs investimenc per 23 milions de euro”. Chest vuel dì che l transiament sun la streda dess n di gnì “tassé” ence

per l fin de tré ite scioldi, scioldi che dess gnì nuzés per les stredes de Südtirol.

Colaborazion souraprovinziala? La Provinzia scri che “l projet dl daz sun l jouf de Stilfs dess gnì concretisé te na colaborazion con la provinzia de Sondrio y l Cianton Grijon”, y inant: “per l daz déssel gnì enjigné na zentrala soula, y la spartizion dles entredes dess gnì fata sun les trei provinzies, en relazion a la manutenzion dla streda.” Deguna rissa n’él gnu scrit a Bulsan sun n conzet o na previjion dla Provinzia de regolé, strenje pro y tassé l trafich su per duc i joufs, ence chi dolomitics. Speton naota a na acordanza y a na colaborazion anter Südtirol y les aministrazions vejines de Sondrio y dla Svizra per l daz sul jouf de Stilfs, per vedei sce cie che Südtirol se tol dant de chest vers n’é nia me na “streda vercia”. (ir)

Cuntribut per l turism Te n’ancunteda cun reprejentanc dl’assoziazions economiches à l presidënt dla Provinzia de Bulsan Durnwalder cun i assessëures Berger y Theiner nstadì tratà details n con’ de n cuntribut de ublianza per l marketing turistich Turism - Nchin de merz uelen abiné na vijion deberieda per purté d’auril la pruposta de lege te Cunsëi provinziel, nscila te n comunicat ufiziel. La se trata de udëi chiche messerà paië, mé i osc´ o nce d’autra categuries economiches? Y tant muessel pa unì paià per uni turista? Aldò dla Provinzia de Bulsan „iel mo debujën de stlarimënc per la realisazion dl cuntribut per l marketing turistich sciche l se ova tëut dant la Jonta provinziela. La se trata de doi tribuc, un ti unissa ciarià su ai turisć, l auter ai ciamps economics che prufitea dl turism. Cun chisc ulëssen seguré l finanziamënt dl’atività per l turism. L cuntribut per l marketing dëssa unì a s’l dé mpede i cuntribuc ulenteres per l marketing turistich, a chësta maniera unissa l custimënt partì su te na maniera plu valiva,“ nscila tl comunicat. Per stlarì la realisazion pratica di doi tribuc, iel unì nvià reprejentanc dl’economia tl Palaz Widmann a Bulsan. A chësta maniera àn nvià via cunsultazions che unirà mo purtedes inant ntan la proscima enes. Nchin ala fin de merz se àn tëut dant de ruvé a una per pudëi prejenté d’auril na pruposta te Cunsëi provinziel. La deficulteies ne cumporta nia tan la cheder de lege, ma plu che auter l’urdenanzes de atuazion che unissa fates sun la fundamënta

dla lege. “Bele tla lege uelen mëter ite duc i details per i doi tribuc, nfati nce l’atuazion,” à dit l assessëur per l turism Hans Berger. Mpo muessen bele sën avëi la ideies tleres a na maniera da pudëi avisé la lege dl drë’ viers. L assessëur ti cunsieia al’ativiteies turistiches de calculé l tribut da pert di turisć canche i fej cuntrac cun agenzies: “Sce l ne vën nia fat nscila, ti toma l pëis sun l hotelier,” dij Berger. I cuntrac cun chësta agenzies dëssa perchël udëi dant na tlausula che tën cont dl tribut di turisć, y che l possa mo unì batù su sun l priesc. Tant che fajerà ora chësc tribut per i turisć ne n’ie mo nia fat ora, ma bonamënter saràl aldò dl assessëur danter 0,50 y 2 euro per nuet, per i turisć sëura i 14 ani. Tler iel che l ne sarà nia l turista che paia, ma bonamënter for l ost, che cun i tëmps de crisa iel rie a auzé i priejes. N generel se trateràla de udëi l raport che l ie danter i uperadëures dl turism cun l’agenzies, ciuni che ie i servijes, sce l tribut vën a valëi dantraldut n con’ de retlam turistich, coche dì, sce l vën inò zeche te fuia al uperadëur de turism, che messerà oradechël mo stlarì truepa cosses cun d’autra rames economiches, coche l artejanat o chëi dai lifc, mé per dì. David Lardschneider www.lauscdiladins.com

5


Atualité

nr. 10 / 09 de merz 2012

Duc adum per defener noscia autonomìa

Al via l Dolomiti Ski Jazz

Doman a Trent la manifestazion per sostegnir e revitalisèr l’autonomìa del Trentin

Edizion numer 15 per un di apuntamenc più originèi del panoram musical talian

L’é tempes senestres per l’autonomìa, che vegn metuda en discuscion, neèda o strantenuda; chi che no l’à, i ge fèsc la vera, chi che l’à, de spes no i cognosc ne enten sia rejons e segnificac. Per chierir de renovèr la partezipazion politica e soscedèr la consaputa di trentins sul gran valor de l’autonomìa aldelà de ogne partegnuda, n grop nasciù dal bas, su imput anter i etres del storich Lorenzo Baratter, à endrezà na manifestazion en sabeda ai 10 de mèrz a Trent. “Volassane che la jent tole pèrt a la discuscion su la costions de l’autonomìa – disc i promotores – e la se mete en jech en pruma persona per la defener e per la renovèr e ge dèr n segnificat atuèl. La manifestazion l’é na gran ocajion per ge dèr nef svung a na autonomìa che cognessa aer desche fondamenc l’unità e condivijion de la comunanza, la sobrietà tel durèr i scioldi publiches e la responsabilità personèla, zenza spetèr la soluzion di problemes da "mama" Provinzia. Te chisc tempes de crisa noscia autonomìa vegn tachèda amò de più, da goernadores de la provinzies vejines e da na opinion publica nazionèla che rejona de privileges a na vida demagogica, zenza cognoscer la storia e ne la leges fondamentèles del Stat. Podon averjer la discuscion – disc amò i promotores – e tor dant

la critiches sui cosć de la politica o su “l’invadenza” del publich tel privat, domanan n bon goern e na gestion ascorta de la competenzes che noscia autonomìa à abù dal Stat, ma ampò no podon lascèr che i mete en discuscion noscia autonomìa, n derit vadagnà tel temp da noscia comunanzes.” “Noscia mans per crescer ensema” l’é un di slogan cernui per la manifestazion, aldò de l’idea che l’autonomìa del Trentin l’é n model che ence tel rest de la Tèlia l pel vegnir tout sù desche ejempie, enveze che ge fèr la vera. Chesta manifestazion vel esser donca na reazion forta e chièra de duc i trentins, ence de schieramenc politiches o de sensibilità desferentes, moec demò da la voa de defener e valorisèr chest gran patrimonie. Tel cors de la manifestazion vegnarà deschiarì travers na lingia de curc intervenc l segnificat e l valor de l’autonomìa, n conzet leà a la formes più autes de democrazìa, che à desche fondamenc la partezipazion e l prinzip de sussidiarietà. Anter i intervenc pervedui sarà ence chel de la storica da Moena d.ra Maria Piccolin, che rejonarà a inom de ladins, mochegn e zimbres, del raport anter autonomìa e mendranzes, recordan la longia storia de noscia valèdes, che travers la Regoles à semper sapù se rejer con na gran autonomìa.

Max Sommariva l’é l pont de referiment te Fascia per chesta manifestazion populèra, olache duc é envié de cher a tor pèrt. L’apuntament l’é per doman, ai 10 de mèrz, da les 14.00 te Piaza Cesare Battisti a Trent: na piaza che per l’ocajion sarà n gran spazie avert olache se podarà pissèr, scutèr e rejonèr del davegnir de noscia autonomìa, speran che chest sie demò n prum vèrech per envièr via n projet avert con la partezipazion de duc. (lg)

La storica da Moena Maria Piccolin portarà la ousc de la mendranzes del Trentin doman a la manifestazion su l’autonomìa.

Comun general, ejempie per dut l Trentin L president Dellai à binà la Jonta provinzièla te Fascia, olache l se à scontrà ence coi operatores economics de val e coi Presidenc de la Comunitèdes de Val Politica - Azetan l’envit de la Procuradora Cristina Donei, l President Lorenzo Dellai ai 2 de mèrz l’é stat te Fascia, olache l’à chiamà ence la Jonta Provinzièla e i Presidenc de la Comunitèdes de Val del Trentin. Na dì passèda dant sui schi e dapò te senta del Comun general per “fèr l pont de la situazion” dal pont de veduda del turism e da chel de la Comunitèdes che veit te Fascia n ejempie fort, tant per l lurier portà inant dal Comun general, che per l’identità che l l’à tegnù en pé. A dir del president Dellai: “n post spezièl percheche l ferstont di fascegn à schivà che la regoeta de firmes ciape pe. N Comun general che garata soraldut per la bona colaborazion anter i 7 Comuns, fondament de la

Comunitèdes de Val.” La vijita de Dellai l’é stat ence l’ocajion per ge fèr cognoscer i vèresc fac ti ùltimes egn tel setor di impianc portamont e ge fèr veder i intervenc che fossa amò debesegn. Ensema a la Procuradora e ai raprejentanc di impianc e del turism, l President l’é stat sun Bufaure e dapò via te Ciampac (per veder ence olache vegnissa fat la forenadoa Dèlba-Col di Rosc), dapò l’é stat compagnà sun Marmolèda (a veder la prospetives de svilup ence de chesta mont) e dapò sun Padon per ruèr a la fin sun Sas Pordoi a marena. Domesdì te Comun general la Jonta Provinzièla à tegnù sia radunanza ordenèra de ogne setemèna. L’é stat rejonà de desvalives argomenc, anter chisc

La Jonta Provinzièla e i presidenc de la Comunitèdes de Val del Trentin se à binà enstadì a Poza, te senta del Comun general de Fascia.

6

www.lauscdiladins.com

l’aproazion de n document che ge dèsc a la Comunitèdes de val, e donca ence al Comun general de Fascia, 88 milions de euro da se spartir e da durèr tel setor de la politiches sozièles e de la sanità. Dapò President e Assesores é resté te Comun general per scontrèr i presidenc de la Comunitèdes de Val del Trentin. Dant de tachèr, Dellai à rengrazià per l’envit e per la bela dì sui schi, percheche “no l’é, tel mond, n auter post olache se pel jir coi schi te n teritorie tant bel. Vivede te n post rèr, vardà de esser stolc!”. Te la scontrèda a ujes seré l’é stat rejonà de coche la Comunitèdes laora, di problemes che les à, di trasferimenc de competenzes da la PAT e del raport anter Comuns e Comunitèdes, acioche i ombolc capesce l’emportanza de lurèr ensema e de portèr inant colaborazions per la gestion di servijes. Dellai à ence uzà fora che l zil de la scontrèda no l’era - descheche fosc n muie se spetèa - chel de rejonèr del referendum per l’abrogazion de la Comunitèdes de Val (che costarà doi milions de euro), ajache “canche la Provinzia, la Comunitèdes de Val e i Comuns se scontra – à dit l president – l’é per rejonèr di problemes de la jent e troèr na vida per i comedèr, no per desfèr chel che vegn fat”. (vr)

Musega - L’é endò temp de Dolomiti Ski Jazz, l festival che porta dant da oramai 15 edizions la magica alchimìa anter musega e natura, anter ritmes afro americhegn e paesajes piens de neif, na carateristica chesta de gran fascinazion, che fèsc de chest apuntament un anter i più originèi del panoram musical talian. Portoes da schi e musizisć de nonzech internazionèl, i paesajes de la Dolomites e la notes del jazz: chisc i ingredienc di 18 conzerc che, sot la direzion aristica de Enrico Tommasini, viventarà i nef dis del festival, dai 10 ai 18 de mèrz, con spetàcoi a l’averta, diretamenter enlongia la pistes, ti lesc de enconter più cognosciui. L’edizion 2012 farà tapa al refuge Doss dei Laresi sun Cermis, al Zischgalm e l Ganischeralm de Pampeago, al Passo Feudo e Baita Gardonè del Ski Center Latemar, sun Belamont a la Baita Morea, sun Lujia aló dal Chalet Valbona, al Platzl de Obereggen, al Maso dello Speck de Daian. Se podarà scutèr inomes cognosciui e proponetes neves e joenes del jazz talian, con vèlch utèda ence envers l blues: doi i projec con la ciantarina e sassofonista Helga Plankensteiner te la front line (l quartet Porcino Organic e l sestet Revenge), l Jazzmood Trio del chitarist Francesco Mazzù e l trio del chitarist Maurizio Bestetti, bluesman de gran valuta. Gran lèrga arà i musizić da la Toscana: la ciantarina Marzia Neri, l sassofonist Daniele Malvisi, l bassist Gianmarco Scaglia, l’Isola Jazz Quartet con Romina Capitani, l Valdarno Jazz Ensemble e l Puccini Project Trio col pianist Fabrizio Mocata. Chisc ùltimes farà n conzert ence per la scoles. Tel program no menciarà i conzerc da sera ti teatres e ti locai, olache se podarà scutèr musizisć de gran nonzech. Emportanta la

Patrizia Laquidara aur doman da sera a Ciavaleis l rich program del Dolomiti Ski Jazz con “Il canto dell’Anguana”.

serèda che aur l festival en sabeda ai 10 de mèrz con la ciantarina Patrizia Laquidara, empegnèda con sia band tel projet “Il canto dell’Anguana” che da pech ge à fat venjer l pest Tenco. Dapò en domenia ai 11 sun paladina del teater Navalge ruarà l Trentino Jazz Ensemble, sestet componù da cognosciui musizisć regionèi, anter chisc Emilio Galante e Fiorenzo Zeni, con “Canti della Montagna Jazz Remix”, n mescedoz da marevea de jazz, musega tradizionèla e auta tecnologìa. Autra serèda poetica e rafinèda sarà chela col trombetist Marco Tamburini. L quartet Soundscape sporc n grum de steiles del jazz internazionèles, col pianist spagnol Jorge Rossy, l baterist di Stac Unii Gregory Hutchinson e i taliegn Stefano D’Anna e Paolino Dalla Porta. L trio del chitarist american John Abercromble, una de la personalitèdes più de spessor del mond del jazz, sarà protagonist de l’ùltim apuntament te teater del festival a Ciastel. Anter i etres conzerc l’é l Miss Marple Quartet e i assortimenc tipics de la Jam Session, che tolarà ite n muie de musizisć ghesć del festival. En lunesc ai 12 de mèrz l’apuntament per la Jam Session l’é a la Grenz de Moena da les 21.30. Per l program en detai e vigni autra informazion se pel jir sul sit www. dolomitiskijazz.com.

Envit ai universitères fascegn L Comun General chiama ite na scontrèda per litèr n raprejentant di studenc tel Consei per l’educazion e la formazion L Consei General del Comun General de Fascia à aproà da pech l regolament per la nomina e l funzionament del “Consei General per l’educazion e la formazion”, pervedù da l’art. 46 de la L.P. dai 7 de aost del 2006, nr 5 e s.m. (Sistem educatif de istruzion e formazion del Trentin). L’art. 3 de chest regolament

perveit che l teritorie vegne raprejentà tel Consei ence da n student universitèr lità dai studenc universitères de Fascia. Per fèr chesta nomina vegn chiamà ite na scontrèda te senta del Comun General en sabeda ai 10 de mèrz del 2012 da les 17.00. Duc i studenc universitères enteressé é envié a tor pèrt.

Cors de ladin per no ladins L’é temp enscin ai 15 de mèrz per se scriver ite al cors de II livel La Scola Ladina de Fascia fèsc a saer che l’é temp fin ai 15 de mèrz per se scriver ite al cors de ladin de secont livel per no ladins. La lezions se tegnarà ogne lunesc e jebia con scomenz dai 19 de mèrz, da les 18.00 a les 20.00, aló da la

senta del Lizeo scientifich de Poza. Per informazions e iscrizions ge vel se oujer a la segreterìa de l’Istitut Comprensif Ladin, tel 0462.760340, e-mail funzionariodocenti@scuoladifassa. it.


Redadoura Katia Pizzinini lunesc y mertesc a La Plie de Fodom, tel. 0436 7472 mercui y juebia a Cortina d’Anpezo, tel. 0436 868615 - katia.usc@rolmail.net

nr. 10 / 09 de merz 2012

Souramont

Radio Cortina, l radio di ascutadours Nasciù ti agn ‘70 é Radio Cortina un di radios plu audis dl raion beluneis. I on enconté Nives Milani, moderadoura da plu de 30 agn encà

La senta de Radio Cortina.

Ampez - 26 de messel 1976, les notes de “Light my fire”, ciantia di The Doors, se lasciova audì tres les frecuenzes de n radio nuef: Radio Cortina. I agn ‘70 fova pu i agn di radios ledi, radios che nasciova con intenzions desvalives: trasmete musiga independenta y dediches, notiziars locai, ma ence slarié fora idees politiches desferentes. Te chi agn vegnìvel metù su l radio ampezan. Na dejina fova i joegn fondadours de chest radio che fajova bele na programazion de 24 ores sun 24 tl meteman de sia ativité. La senta fova a la stazion de Cortina, i mesi y les tecnologies fova rudimentai. Anter i prums colaboradours dl radio él ence Nives Milani, che laora tres ciamò sciche moderadoura pro Radio Cortina. Nos l’on enconteda. Ala nes à tout su tla mansarda che i da alberch al radio, n local lominous, con truepes finestres da cheles che an veid n panorama fantastich sun les Dolomites. Adum cun si om, Gianni Milani, à Nives la cuota de maioranza dla sozieté che é a cef de Radio Cortina. “I on metù man deberieda ie y mi

Nives Milani dant i microfons.

om, - dij Nives - al fajova les radiocronaches dles partides de hockey en direta dal stadium Olimpico y ie fajove na trasmiscion sportiva.” Sen é Nives conesciuda per sia trasmiscion “Il Grande Mattino con Nives Milani”, program che met man da les 8.30 con la rassegna stampa y che va inant enfin a les 12.30. “Tl meteman fòvel truepa jent che colaborova, trueps fajova i moderadours debant, laoré te radio fova vedù n puech sciche n hobby. - nes còntela - Ma con leges tres plu stersces à l radio perdù trueps toc per streda; per fortuna àl empò tegnì bot, ie à tegnì bot y tant atira ne m’en vae pa nia!” Nives, che ne é nia plu tant joena, essa la eté per jì en pension, ma ala ne vuel nia ajache l radio é sia vita “laoré te radio vuel dì fé cie che me plej, fé cie che i vuel!”

L radio sun l web Radio Cortina pòn audì te duta la provinzia de Belun, te Fascia y tla Val Badia, preziseia Nives: “ma dal 1998 él poscibel dal scuté su ence via streaming tres internet.” Enscì à l radio abù la poscibelté da

se fé conesce soura dut l mond. “Al é jent che nes scuta pro da vigni pert dl pianet - dij Nives - dantaldut talians che é jus a vive foradecà y che vuel mantegnì n liam con la Talia. Al me ruva adalerch messaji y e-mails da la Germania, da la Cina, da la Ruscia, dal Brasil...” dìjela y enjonta spo che l radio ampezan à metù da jì n jomelinaje con n radio de Buenos Aires. Tres telefons, fonins y internet él aldidancuei poscibel da cueie adum testimonianzes da dut l mond, donca ence da les pizes plu autes. Dl 2004 é Radio Cortina per ejempl ruvé sun l K2, con i “Scoiattoli”, grup alpinistich d’Ampez y con la ousc de Stefano Dibona che à declaré tl radio la concuista dla piza cincant’agn dapò Lino Lacedelli y Achille Compagnoni. “Can che i ovon metù man ne fòvel pa nia dut tan scempl sciche aldidancuei con les tecnologies modernes y con internet.”, nes dij Nives: “Cianties y reclams vegniva registrés sun cassetes. Al sozedova de spes che ales ne funzionova nia y dailò messova sauté ite les capazités de improvisazion dl moderadour, chesta é la magia dles trasmiscions en direta.”

L radio é di ascutadours

Gianni Milani, diretour de Radio Cortina y om de Nives.

L contat y l raport con l ascutadour é dret emportant, nes confesseia Nives, n raport che se mantegn tl temp y che deventa tres plu sot. “L radio é pu fat per la jent!”, dìjela. L raport con i ascutadours é deventé plu strent dantaltut ti ultims temps. Les persones vuel se lascé audì y dije sia minonga, y aldidancuei, tres sms y e-mails é chest plu scempl. L radio é n meso de comunicazion che fej na gran compagnia. “Can che ai me dij che i ti feje compagnia me feji l compliment plu gran!”, dij

Nives y conta spo che les ascutadoures plu afezionedes ti porta ence de te’ piceres scincundes, sciche per ejempl marmelades. Aldò di ascutadour végnel spo ence chirì fora la musiga. “Ie ciale da mete davignora les cianties che me vegn damanedes.”, spliga la moderadoura, “Radio Cortina à perchel ence fat n contrat con ‘YouTube’ a na maniera da podei trasmete ence les cianties plu nueves.”

Informazion, ma ence gossip Radio Cortina é n radio che i da n gran peis a la informazion internazionala y nazionala, ma zenza se desmentié dles realtés locales. Te si program dl danmesdì ti da Nives la ousc ai capecomun dl Beluneis. “Vigni ombolt à n apuntament fis te radio. Andrea Franceschi, capocomun de Ampez, vegn per ejempl adalerch vigni prum mertesc dl meis y respogn a les domandes di zitadins.” Te si program rejona Nives de chestions aministratives, de politica, de economia, ma ence de cultura. “Al é trueps che vegn te radio per prejenté si libri.” Trueps personaji conescius, politics, scritours, jornalisć, atours, ma ence persones dl mond dl sport é passés per la regia dl radio ampezan. Ti agn ‘80 à Nives inauguré n liber de dediches, liber che ala nes fej vedei y de chel che ala é dret brauia. Ala l deura su, sfueia les plates, nes mostra i autograms con na gran ligreza, ma ence con n puech de encherscedum. Les firmes de Cossiga, Spadolini y Andreotti, ma ence de aristocrac sciche l Conte Nuvoletti, l Prinz Colonna y l Prinz Fürstenberg, de scritours y jornalisć sciche Emilio Fede, Piero y Alberto Angela, de stilistes de moda sciche Fendi y de trueps d’autri ciamò él

da vedei te chest liber. Nives ne nascond nia che al é pa ben l inom y la localité de Cortina che à porté adalerch dutes chestes personalités, jent che “volova prejenté n liber o se fé n puech de reclam tratant che ai fova te Ampez en vacanza.” Pro la cultura auda samben ence i ladins. “La sabeda é l di dediché ai ladins con l notiziar ladin prejenté da Simonetta Zangiacomi Iacarede y la mes’ora dant é a desposizion dl’ ULdA.” Ma les notizies portedes dant da Nives ne é nia mé sceries. Ence l gossip giata sia lerch te si “Gran mattino”, con colegamenc da Montecarlo, per ejempl, olà che al é n si compagn che à n restorant avisa dlongia l palaz Grimaldi, l palaz di princ.

Na programazion desvaliva Emplù végnel prejenté rubriches de vigni sort, la programazion dl radio va inant 24 ores sun 24. Sce l danmesdi é de Nives Milani, é l domesdi dediché a “Do Re Mix”, “program olà che al vegn scialdi metù su musiga reggae”, nes conta Nives. Emplù él puntualmenter i notiziars, les notizies sportives, informazions sun i films da vedei al chino, y dantaldut la fin dl’edema, ma ence l mercui seira él programs dedichés a la musiga. Sabeda y domenia ti végnel spo ence lascé lerch a la gliejia con la trasmiscion dla santa messa dles nuef y con la letura dl vangele da pert de Pater Leone tratant la trasmiscion de Nives Milani la sabeda. La programazion, dret desvaliva y adateda ai gusć de duc de Radio Cortina, é da vedei sun la plata internet www.radiocortina.it, olà che al é ence poscibel scuté su i programs y desciarié i podcast. (katia pizzinini) www.lauscdiladins.com

7


Fodom

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 10 / 09 de merz 2012

Becker:”Prioritar sostignì l turismo”

Cater dis senza iega per tubo glacé

L prescident de l’Aft mët le mán nnavánt su Imu e “tassa di soggiorno”. “Decijion strategiche. L’aministrazion la nen descore davántfora co le categorie”

Odisea de la titolar del bar – boteiga nt’Andrac Luigina Casaril per otignì l intervent de Bim Gsp

Aft:”Ades l’é ora de to na decijion”

N problema da nia per gauja den tubo glacé e na njonta de defet, l’à fat resté senza iega per cater dis l bar – boteiga nt’Andrac. Tánt a mossù speté la titolar, Luigina Casaril, mpruma che Bim Gsp l entervegne a comedé l tubo. L’odisea la scomencia lunesc 27 de fauré, cánche Luigina la se ndentën che da la spina de cèsa no ven plu fora iega. L prum pensier l é che s’abe glacé l tubo fora de cesa, per chëst la clama l idraulico. Ma la machina eletrica per desglacé i tubi la no laora: no passa corente. Proprio ilò, davánt doi agn, Bim Gsp l ava fat n laour. Nlouta i e ven n mente che i podëssa avei metù ite n toch de tubo de plastica. Ciapé la line al call center de Bim Gsp per avertì del problema l’é n’aventura. Mese ore de mujica al telefono, senza che degun operadou respone. Luigina la pensa nlouta de telefoné al assessor ai loaur publizi del Comun da Fodom Fabio Denicolò, che l se cruzia de la cuestion. Na pruma resposta la rua su la sëra: l di davò assa da passé n idraulico convenzioné col Bim Gsp per vedei del laour. Ma l di davò no se veiga degugn e l rua demé miercoi davomesdì per constaté chël che bele se savëva: per comedé toca sgiavé. Ma l tecnico l disc che dël no po fe nia senza l’autorizazion del sourastánt per l Agordin de Bim Gsp. “No n elo n spreco che se i mané ntourn jent per nia, cánche se sa bele l laour da fè” se damana Luigina ? Per forza che l’Italia la va a remengo.” La pensa nlouta de clamé diretamente l sourastánt per l’Agordin, che l ie damana l numer de telefono e l empermët de ie de na resposta pruma de sëra. Resposta che, gnánca da di, la no rua. Davò trei dis senza iega, la pazienza la scomencia a sen jì e nlouta la clama l capocomun da

Per l prescident de l’associazion turistica Sebastian Becker “davò chël che l é suzedù, l proget de segiovia l é da sel desmentié”

Crousc Bláncia: 5000 euro dal comun

De auril l’Aft la jiarà a elezion per renové l consei diretif. L prescident Sebastian Becker l descore den apuntament de gran mportánza, n consciderazion de la situazion de criji che vif l setor ence nta Fodom. Ma souradut per le “novité” ntel ciámp fiscal che se prospeteia da chilò a puoc meisc ence per le ativite rizetive, come l’Imu e la “tassa di soggiorno”, ulache le aministrazion, n particolar l Comun, mossarà to de le dezijion. Tematiche chëste ulache Becker mët bele ades le mán nnavánt:”Ence se son n temp de criji, toca continué a sostignì l turismo che l é l motor de nosta economia.”

Na nuova unité De chisc cater agn de mandat, l resultat plu mportánt per Becker, l é ste chël de avei ndavò trat ite nuos sozi. “On ciapé ndavò n’unité e son stei bogn de passé sourafora le framentazion. Nte chisc cater agn s’à mantignù i sozi, ence con paiamenc puntuai de le cuote. N resultat chëst che l nuof diretif l sarà clamé a mantignì. Per chëst spere che de auril siebe de nuova jent che se mët a dispojizion.

Investimenc nte nuos marcèi La criji la s’à fat sentì dassën nte st’inviern ulache s’à metù demétz ence la puocia nei. “La realté l’é che oramei no n on plu la fila gnánca d’inviern” disc Becker. L sen negatif sul bilánz de la stagion

La notizia che l proget de “Arabba Fly” l é ste mané ndrio da la Provinzia l’é ruada come na sita a ciel saren ence n cesa de l’associazion turistica. L prescident l rua finamei a di che chëst fat l é l sen che l proget de segiovia l é mort e l é debujen de to mprescia na deijion. “No l’on zerto touta su polito” l disc. “Ma no ne plèsc gnánca sto teatrin de se passé le colpe un con l’auter. Chël che savon l on liet su la stámpa. No savon ci che l é suzedù ntel particolar, ma vedon chël che l é l fat sostanzial e ne mper de capì che coscita se tourna ndrio de agn. No sta a nos ciapé le responsabilité, ma de segur dut chëst ven da agn ulache le aministrazion no i a tout a mán l problema.” Come Aft eisio vedù meio che siebe le doi sozieté Sofma e/o Sit Boé a fè la segiovia o l Comun ? O per vos evelo compagn, basta che se ciape na soluzion ? “Dijon che plu logico fossa ste che siebe na sozietè de chël setor a fe e gestì la segiovia. Ma se le previjion sui cosć e l vadagn ( 530 mile euro e 100 mile euro al ann ) che dijëva l proget

8

www.lauscdiladins.com

l é oramei segur nte dute le localité turistiche de le Èlpe, ma con chelche diferenziazion”. L Dolomiti Superski l segna n mánco 5%, ma le diferenze i é grane da śona a śona. L Friul l é a – 20%, la Lombardia e l Piemonte a – 50%, l Veneto a – 30%, la Val d’Aosta a – 5% ( forsci perciéche i a bu plu nei ). La Region Trentin – Südtirol “demè” a – 3%. Chëst ne disc che chi che laora con cualité i e avantegei” comenteia Becker. La clientela taliana l’é tres demánco. Per chëst mossaron laoré dagnëra d e p l ù s u l a p ro m o – comercializazion con nuos marcei. Per l inviern 2013 l Dolomiti Superski l à ntenzion de mëte a ji n’azion de marketing con Russia, ucraina, Svizera e Paisc Scnadinavi. Duc marcei che a no ne nterescia dassën. Ma per fe chëst se mossarà nvestì na mascia de scioldi e no fajon fadia a ste davò a chi da cafora che i a plu finanziamenc. La Regon Veneto l’à taié del 50% i contribuc al turismo e nos se ciaparon a mossei se to su le spale duta l’acolienza e l’informazion che davánt fajëva la Provinzia. Nte na tel faje l é l riscio che ogniun ciale demé nte suo ourt. Nveze se mossarà cialé tres deplù de tignì auna.”

Imu e “tassa di soggiorno”: no a penaliazion per l setor “Se sa che i comuns i a grosse dificolté de bilánz” continua Becker. “Ma per parados l é proprio nte ste situazion che toca sostignì

le fossa stade confermade, jiva ben ence che la feje l Comun.” L Comun e le sozietè dei lifc, permez del Consorz dei Lifc de Reba le fèsc pert de l’Aft. Come associazion eiso mei prové de sburlé che i ciape n acordo, magari co la vosta intermediazion? “Zerto, on damané plu oute de podei to pert a le discuscion e a le ncontade. Penson defati che chësta siebe na cuestion che nteresceia dut l paisc, no demé Comun e sozieté dei lifc. Che assa da ester na discuscion dalvierta e ciara. On tout pert a nvalgune riunion. Da chël che on podù capì, la Sit Boé l’ava damané de mudé l proget ma chëst no jiva ben a la Sofma. Po no savon plu nia perciéche no son plu stei clamei ite. Ma bele ntel 2010 ne savëva chero che se siebe ncora fermi nte la discuscion su deplù progec. Pensonve che n siebe un e sun chël fossa ste da ciapé n acordo. Chëst l é n dann no demè per nos ma ence per dute le autre val del Sela. No se po tres continué a remëte dut n discuscion. Ngalin toca ence to na decijion. Coscita

e nvesti ntel turismo. L é l nost motor e l a debujen de benzina. Fossa ste da nvestì cánche la jiva polito e chëst vel ence per Provinzia e Region. Son che spete ncora dezijion sul contribut a l’Aft per l 2012. Spere che l vegne mantignù e magari ence aumenté.” L prescident l descor de dezijion strategiche da to, ence a cost de l’impopolarité. E l riferiment l va a l’Imu e la “tassa di soggiorno”. “Da chël che se sa” l spiega, “co la nuova Imu le ativité le paiarà n 20% n plu. Na stangada. L 50% l jiarà a Roma per doi agn, po dut ( assa ) da resté ai comuns. Ma tournarà l’Ici su la pruma cesa e spo l é da pensé che con chëst i comuns i cialarà de recuperé chël che i mossa mané a Roma. No son chilò a fe i conc al comun, che l mossarà bele i fe polito per dël, ma damane che davánt de to ste decijion se sente le categorie. Spere che ence nosta aministrazion la feje chël che a fat l comun de Cortina, che no l a aumenté le alcuote per le ativitè produtive, proprio per de n senn e daidé i operadous turistizi nte sto setor. Sé che se descor ence de ntroduje la “tassa di soggiorno”. Volësse di che no se pense che chësta nos la ciariaron po sul client. Ades come ades mosson tignì i priesc compagn. Spo chëla couta la vignarà trata ju, ncora nviade, da chël che no tiron ite. L goviern Monti l a de la facolté ai comuns de la apliché, ma senza vincolé ulà mëte sti scioldi. Spere che se l’assa da ester metuda su, le entrade le vegne po metude dute per l turismo.” (ls)

se perdarà autri agn. Me per che siebe na situazion plutost ntorcolada.” Forsci sarà ence na conseguenza da mánco peis, ma dut chëst ten ence fermo l proget per l nuof ufize turistich, che l é pervedù ulache ades passa chi da schi e da st’inviern l é ste metù l prefabricat de len che ospiteia l ufize. “Mprumadedut l eva debujen de ciapé n sedim per ufize turistich. Ma mëte ilò l prefabricat l é ste ence n segnal ciaro per di che chël l é l luoch ideal e che chëla śona l’à da ester rivalutada. Perciéche ades come ades l’é dassën degradada. Ma chi alo dit che l schiadou l no po plu fe n vare a pé? L lo fesc ence gënn se l po passé nte na śona ulache l ciapa de bogn servisc. Coche suzede, per ejemple, n Gherdëna. Ma ades, siera ite Becker, l prum problema l é capì se sta segiovia la vignarà fata o no. Mi pense che se le doi sozieté i assa bu n interesc le l’assa bele fata da nen toch. Spo me per che no siebe la volonté. Ma nlouta toca ciapé mprescia n’autra soluzion. Damano che se tole de le decijion.” (ls)

Fodom Ugo Ruaz. “I é fat prejent che mia ativité la sierf souradut per la jent de temp e che senza iega mosse saré. Bele se fèsc fadia coscita a trè nnavánt. Se po mosse saré ence demé per n tubo glacé.” L intervent del capocomun nsomeia che l joe. Defati l di davò dadomán se prejenta n scavator e doi oure del Bim Gsp, che nte puoch plu de doi ore de laour i comëda l tubo e i capisc ence perciéche la machina da desglacé tubi la no jiva. Davánt doi agn, tres le oure de Bim Gsp i ava metù ite na njonta ntel tubo. “Ma chëla sort de njonta” disc la Luigina, “l Giovani de Pala l m’à spieghé che le ven metude demé n cajo de emergenza, perciéche chi del mestier i sa polito che basta puoch, ncin de rujum o auter, perciéche le no trasmëte plu corente.” Plen de delujion l suo coment davò avei vivëst sto mèlesté:”Nia da di su le oure che a fat l laour. Bravi tosac. Ma l eva meio cánche a gestì i acuedoti l eva l Comun. L é na vergogna che per coscita puoch se reste senza iega cater dis.” (ls)

La sciora Luigina defora da suo bar nt’Andrac.

Degun aiut da l’Aft:”No l é nost compito de contribuc a autre associazion” respon l diretif Na bocia de aria per le casse de la Crousc Bláncia. Nte chisc dis l comun l a deliberé l contribut de 5 mile euro per daidé l’associazion a garantì l servisc de prum aiut. L contribut l eva ste mpermetù da l’aministrazion davoche via per l auton, l’associazion la s’ava vedù obligada a no fe plu servisc 24 ore su 24, a gauja de le dificolté de bilánz. Nte chëla situazion ence l’associazion turistica la s’ava dit auna de daidé pro. Ma la resposta l’é stada dut autramente. “Duc i consiadous i e auna nte recugnësce l’ativité fondamental de la Crousc Bláncia sul teritorio” a scrit l’Aft a la Crousc Bláncia. “Ma de fora contribuc a autre associazion no l é nost compito. Penson che chëst l abe da vignì dal Comun.” Chëst no vol di Aft no voie sensibilizé i sozi sun chëst problematica. Speronve che se rue a mëte ndavò a ji l servisc 24 ore su 24” scrif ncora l diretif. Nveze de fat ven garantì n’ambulánza da le 8 a le 16 i dis da laour e da le 7 a le 20 la domënia. Difizile motivé

i sozi nte na tel situazion. Per l davignì penson se mossarà rué a tre ite l’aministrazion nte la gestion dela Crousc Bláncia, a na moda da avei na maiou condivijion/ comprenjion de la gestion. Coscita sarà plu saurì motivé e sensibilizé la popolazion e i operadous turistizi.” Freit l coment del prescident de la Crousc Bláncia Paolo Delomonego. “Rengrazie a inom dei volontari l comun. Mei onve ciapé n tel contribut. Son ndesplajus per la resposta de l’Aft. No voi fe polemiche. Ogniun liejarà le motivazion e i se pensarà la sua.” La Crousc Bláncia ntánt l’é tres drio a spetè la nuova convenzion co l’Uls. Le tratative i é bele piade via da temp. “Vedaron ci condizion che i ne mët” disc Delmonego. “Per st’inviern on cialé de garantì l servisc coi volontari e i doi ( n l ann passé n’eva trei ) sciafers touc su per la stagion. On bu mánco ntervenc, ma plu de chelche nfortunè l a mossù speté su le piste che rue n’ambulánza.” (ls)


nr. 10 / 09 de merz 2012

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

I cridore su ‘l mercà

Recorde de scora de ‘na ota

Una o doa otes a ra setemana. In stajon e fora stajon. El pensier de ra śente, che ra se segna su l sfoi, par defende i banche. I radeghe co ra boteghes de ‘l paes

Biei pensiere, de braa parsones. I amighe, ra śente de inalora, inze un mondo coscita outramente, da chel de ancuoi

Ra śente de Anpezo r’à acaro de aé el mercà, su da ra stazion, doa otes a ra setemana, de ‘l martes e de ‘l vendres. Aduna co ra nostra śente, ‘l é anche trope foreste, de chi che vien ca in vacanza, in stajon, e che i à acaro de se ciatà chiste banchete. Coscita ‘l é drio a cresce, el numero de ra firmes, su i sfoes, che i é drio a strutà su, chi de ‘l mercà. “No son drio a fei un gran bateboi, par ciatà chesta firmes, e pura i é de tante, finamai a vegnì lore in verso, a me domandà de podé firmà” – ra me disc Carolina Marsoni, de el Consorzio de ‘l mercà in Anpezo. “Pi che see, par nośoutre conta saé che ra śente ra stà da ra nostra, che i é aduna con nośoutre mercantes, e on acaro de vede che i é dute insieme, chi de ‘l paes e chi che vien da fora”. Ra parla de chesto, inze un piazal pien de śente, un grun de foreste, ma anche parsones de ‘l paes, dute che śironea, intrà i banche, che varda, domanda, tocia, cronpa sarvije e frute, copes e algo da magnà. “Chesta bela śornades de soroio cioudo, che somea de ese d’ousciuda, es me dia par i nostre afare – ra śonta pede chera femena – e i é de trope a me dì che i à acaro de me ciatà ades, ma che i sà de me ciatà anche d’ousciuda, o d’outon, inze i mesc che ‘l é manco reśiro de śente, canche Anpezo ‘l é voito. E canche i sara tropa boteghes, de cheres che ‘l é par piaza”. Duto el bateboi el nasce propio da chi che vende, inze ra boteghes de ‘l paes, par piaza. Alcuante de lore i à domandà a ‘l comun de tuoi via un di a ra setemana, el mercà de ra stazion. E de ‘l sarà canche ‘l é i dis de stajon, pi folade

Son stada fortunada che, el prin an de ra scora popolares, ei ciapà una maestra anpezana, ra maestra Veneranda Colle Codès, che ra’aea un’outra sorela, Giuditta, maestra anche era. Doa bona insegnantes, severes, ma che es saea a t’insegnà, e con tanta pazienza, parcé che no se saea una parola par talian, che s’aea senpre parlà par anpezan e ‘l ea ra soa, a scomenzà, a ciapà inze. Me recordo che see in prima e pede de me, inze ‘l banco, ‘l ea Antonietta Gaspari Mul; un di i é vegnù el sanjoze e alora ei domandà ara maestra se ra lasciaa śì de fora, inze andito, a se bee una gota de aga: “Sciora maestra, Antonietta r’à el sanjoze: pora śì a se bee ‘na gota de aga, coscì i pasa?” Ra maestra r’à dà el parmeso, ma dapò r’à dito: “D’ora in poi dovete parlare in italiano, dovete impararlo bene, ne va del vostro futuro”. Son restade nafré stremide, con tanta surizion, no se se fidaa a parlà tanto. Dapò ra maestra r’à domandà: “Sapete dire, in italiano, cosa vuol dire sanjoze?” Io ei alzà ra man e ei dito, ben in prescia: “Santa goccia, signora maestra!” Se pó crede, dute s’à betù a riduzà e anche ra maestra, ma dapò, a ra scotà, son deentade dute pi series, no se podea pi dorà ra nostra parlada, sedenò ra te betea una burta nota, su ‘l rejistro. Ra maestra r’ea severa, ma r’é stada chera che ra m’à inpiantà algo de bon e, canche son śuda inaante co ra scora e co i anes, s’à capì cuanto ben che m’à fato, a scotà chera paroles, dites da una maestra che ra saea el fato so. Fenì ra scora, r’ei senpre saludada vorentiera e cuanto ancora che me recordo de i biei anes de scora, de chi che m’à insegnà, jenitore e maestre, che i m’à mostrà ra strada da śì inaante.

Carolina Marsoni, una de cheres che vien a lourà in Anpezo, da indalonśe, doa otes a ra setemana, par fei i so afare, ma anche par śontà pede algo, a chesto paes.

de foreste, da Nadà, el Prin de ‘l an, da ra Madona de agosto. I à festide, parcé che i afare i và malamente, e i peta ra colpa a i banche de i mercantes. Dute chiste cridore i no n’ea i anes pasade, canche i afare i sia polito, ma i souta fora ‘sto an, co i zavarie de r’economia. Se sà, canche el dolze ‘l é bel gran, canche se ciapa dute ‘na bela e bona sona, no se crida; se scomenza a se vardà storto, canche i sode i stenta a ruà. “Nośoutre no śon adora a capì parcé che i r’à su con nos – ma me disc Carolina Marsoni – parcé che ades ‘l é finamai calchedun che me disc che no n’é seguro, vegnì ca, par via de ‘l reśiro de automobiles, parcé che nośoutre intrigon a ra machines. Se i é parsuaśe che ra see coscita, che i me tramude, in stajon, chi dis che

‘l é pi śente, che i me ciate un outro posto: nośoutre se tramudon ben, par dapò tornà ca. Ma che i me lasce lourà. Che i no me feje sarà, propio i dis meo, de duto ‘l an, par fei afare. Par nośoutre ra sarae masa grea, perde chi dis. E sarae un pecà anche par Anpezo: nośoutre, che son ca, che vedon, che scoton chel che ra śente ra me disc, son parsuaśe de ese algo de bon, de bel, che el paes el sporśe a i turistes”. A se fermà inze chel piazal, anche par poche menute, a se vardà d’intorno, a scotà ra śente, a parlà co ra parsones, se pó s’incorśe che r’é propio coscita. Se vede i foreste, ma pi che see trope de ‘l nosc paes, a se cronpà algo, pi che see con chera de sparagnà, de ciatà a pi bon prezio. (mdm)

In seconda ei ciapà so sorela Giuditta: r’ea ancora pi severa. In terza ‘l ea ruà ra maestra Lanzigher; r’à abù da conbate, parcé che in terza ra clase r’ea mista, ‘l ea ruà i tośate, e in conbinaa ogni di una. In cuarta ei abù ra maestra Savaris e ei fenì in cuinta con era; m’à tanto despiajù, canche poche ane dapò r’é vegnuda a mancià, chera maestra che ra m’à lascià un bon recordo. El so òn el fajea el dazier e ra stajea in ciaśa de Piero Dandrea Bijo. Ogni sera se śia, a rodoleto, a i portà i cuaderne de conte e de scritura, par i fei coreje a ciaśa; ‘l é stà una maestra come una mare, par duta nośoutres scolares, e r’à lascià un bon ricordo. Ogni tanto vado a ra saludà; r’é seporida inze ‘l nosc porteà, aduna con so fiol Ezio, morto tanto śoen, par un inzidente co ‘l aeroplano, canche ‘l aea 19 ane. Chiste ‘l é duto ricorde che se bete pede, di par di, e te torna a ra mente, ci che te lascia un bel pensier e ricordo, da no se podé desmenteà. Me socien che in cuarta ón abù da fei un riasunto su Silvio Pellico, che ‘l aea scrito “Le mie prigioni” e che el dijea che, aśà che ‘l ea tanto solo, in prejon el parlaa con un talaran. Ci che fajea meo chesto riasunto, ‘l aea in premio tre ‘naranzes e el lodevole su ‘l rejistro. Grazie a Dio r’é śuda ben e alora, inze scora, dute aduna s’ón magnà ra ‘naranzes e in pì ón ciapà el bel voto, che r’aea inprometù. ‘L é recorde pize, ma che t’à fato ben e inze ‘l vive te te penses tropa otes de chi biei anes. Par tante sarà roba da nuia, chel che scrio, ma almanco se và inaante co ‘l scrie par ladin e sarae de iusto che trope i se betese a scrie el nosc bel anpezan: no n’é difizile e ‘pò ‘l é ben ci che te dà una man. Teśele Michielli Hirschstein

Par dià el Cnsas Da ra mostra Flash for Dolomiti, par i ome de el socorso in croda Vendres ai 2 de marzo ‘l é stà fato, inze ra sede de ra Casa rurale e artejana de Anpezo e de ra Dolomites, ‘na zerimonia, curta ma sentuda da dute, par i sporśe a Mauro Dapoz, el capo de ra stazion de Anpezo de el Socorso in croda, i sode che ‘l é stà strutà su da ra festes, intrà Nadà e el Prin de ‘l an, inze ra mostra de fotografies Flash for Dolomiti, che i à daerto inze ‘l Comun vecio, da i 19 de dezenbre

Un grun de śente, ogni bonora, doa otes a ra setemana, a ‘l mercà de ra stazion.

a i 15 de jenaro. A dià ‘na man, par chesto, ‘l ea stà anche ra farmacia Internazionale e ra Casa rurale. Co ‘l é dinultima, a chi de el Socorso in croda de Anpezo ‘l é ruà doimile euro. El di de ra festa, ‘l ea Alberto Lancedelli Ieza, presidente de ra Casa rurale, aduna con Mauro Dapoz e dute chi outre, che i s’à betù aduna, par darśonśe ‘sto tanto, par dià ci che ‘l é senpre pronto a dià chi outre.

Dute aduna, par dià el Socorso in croda, che el me dia dute. www.lauscdiladins.com

9


Anpezo

nr. 10 / 09 de merz 2012

Studentes in Australia

Ra fregores

A viaśà, se inpara. Chines tośate, de i nostre, par alcuanta setemanes pede Melbourne. Ca de un an, i dajarà azeto, inze ra so ciaśes, a i so amighe noe, che ruarà da coscita indalonśe

Alcuanta noes in curto, da ‘l paes e da fora

I é ruade in Australia, el viaśo ‘l é śù polito, no mancia nuia, i stà dute ben. I nostre chinesc tośate i se ra gode, co i so amighe da Frankston, pede Melbourne. Con lore ‘l é i doi profesore Michele Fusco e Cristian Bressan. I stajarà in Australia fin ai 20 de marzo, canche i tornarà a ciaśa. Inalora ve contaron, de chesta bela esperienza de vita, par i nostre śoen. Par intanto, se pó aé acaro che prozede polito chesto projeto, vorù dinprin da ra scora alberghiera, dapò tolesc su da duto el polo de ra scores Valboite. Canche i ea śude via ra prima ota, śa doi ane, ‘l ea studentes de ra alberghiera; chesta ota in é anche de ches’outra scores, de i tre licee artistico, clasico e scientifico. Par i zerne, par i curà fora, i à vardà i vote, ra pajeles, e i à tolesc alcuante de i pi varentes, par i premià. Su chesta strada, ra scora r’à ciatà calchedun che i à dià, pede a chel che bete ra families, par i so fioi. Pede a dute chi outre, ‘l é chi de ra asociazion de i emigrantes da Belun, parcé che in Australia, intrà dute i taliane, i é de trope, che i vien da ra nostra provinzia, da ra nostra vales. Se sà che i emigrantes i à senpre acaro, canche rua calchedun da r’Italia, a i ciatà. Coscita i nostre tośate i à abù un bon azeto, śa doi ane, e danoo ‘sto an. Ades se speta che i torne, par me contà chel che i à vedù, chel che i à fato, chel che

I chinesc studentes de ra nostra scores, de Anpezo e de ‘l Cadore, che i é drio a vive alcuanta setemanes in Australia.

i à vito. E ‘pò sarà da scomenzà a pensà sora, par parecià ‘l azeto par i tośate che ruarà da r’Australia, ‘l an che vien. Chiste śoen, i nostre e i soi, i no drome inze hotel, o cisà agnó, ma i stà inze ra ciaśes: ogni familia ra i dà alośo a un tośato. Chesto śoa, pi de duto, par i insegnà algo, de cemodo che se vive inze chel outro Paes. Canche i ea vegnude, ‘l an pasà, chi da r’Australia, inze ra ciaśes d’Anpezo e de ‘l Cadore, i s’aea fato de mereea de un grun de robes. De cemodo che ‘l é ra ciaśes e i paes, coscita pize, tacade su par ra nostra crodes. I s’aea fato de mereea de ra strades,

coscita pizores, strentes, duta ‘na voltada, inveze de ra soes, coscita larghes e dretes. Pi de duto, i s’aea fato de mereea de cemodo che vive ra nostra families, che es se ciata, da meśodì, par disnà, dute aduna, intor ‘na toura. Coscita no n’é solo el da magnà, ma anche el ciacolà, se contà ce che ‘l é suzedù, da bonora, el laoro, ra scora. Da lore no uśa coscita; da lore i magna un a scora, un su ‘l laoro, un cisà agnó; algo da sgotì śo, in prescia, senza perde tenpo, senza se ciatà dute aduna. Cemodo che se dijea ‘na ota, e che val ancora ancuoi: paes che te vas, usanzes che te ciates. (mdm)

Zincuanta ane senza farata Ai 13 de marzo de ‘l 1962 i à sarà el toco da Toblach in Anpezo. Tre ane dapò chel ves Calalzo. Una mostra par recordà Da zincuanta ane no pasa pi el treno, su ra farata, intrà Anpezo, Fiames, Ospedà, Sorabances, Carbonin, Landro, fin a Toblach. Ades, intrà chera crodes, se pasa co i schie da fondo, d’inverno, o co ra rodes, d’istade, o mangare de corèn. S’à vedù e sentù, par r’ultima ota, chel treno, ai 13 de marzo de ‘l 1962, cemodo che se lieśe su ‘l bel libro, scrito da Evaldo Gaspari Moroto, che el conta duta ra storia de chel trenin, bianco e zeleste. Par recordà chi dis, el Comun de Anpezo ‘l à pensà de fei una bela mostra, che se vó daerśe ai 7 de

luio, par dute i mesc de istade, fin d’outon. A ra bete aduna sarà Roberto Casanova Rosolo, che ‘l à beleche lourà ignante par outra mostres de el Comun, cheres su i nostre Scoiattoli, su i Savoia, in Ciaśa de ra Regoles e a ‘l Alexander Girardi. El toco de ra farata che śia in inze, ves Sorabances, ‘l à sarà de ‘l 1962; chel in fora, ves el Cadore, ‘l à tegnù duro doi ane depì, fin de maśo de ‘l 1964. Domegna, ai 17 de maśo de chel an, ‘l é stà ‘l ultimo treno in servizio. Dapò, par alcuanta setemanes, i à dorà

El trenin bianco e zeleste de ra Dolomites el pasa su ‘l ponte outo, sora ra Begontina, da ra stazion in fora, ves Regnera, par un de i so ultime viaśe, śa zincuanta ane.

10

www.lauscdiladins.com

alcuante vagoi, da menà inze jera, da ra caa de San Vido, par ingarià duto el piazal,m par cuerśe ra scines. Da chel che me conta Evaldo Moroto, el machinista Bordignon ‘l à menà ‘l ultimo treno, ai 30 de maśo, da Anpezo fin a Calalzo, e ‘pò ‘l é stà studà duto e su ra farata de ra Dolomites s’à poià el polar de ‘l tenpo, de ra storia. Par in saé depì, se pó lieśe chel libro, vorù da ra Casa rurale e artejana de Anpezo e de ra Dolomites, stanpà de ‘l 1994. Se inpara un grun de robes anche a ‘l vardà, basta pasà da una a cher’outra, de duta ra bela fotografies, che ‘l é inze. Calche ota se sente calchedun, che vorarae fei viaśà danoo chesto treno; ‘l é stà fato studie, par vede agnó pasà; pi che see, a in parlà, ‘l é i politiche, soralduto sote elezios, ‘pò duto taje danoo. Se varda chi outre, ce che i fesc, se pensa a chera vales, a chi paesc, a chera nazios, agnó che i vece trenìs i viaśa, agnó che i à precurà chesta pajines de ra so storia, par ra śente de ‘l posto, ma pi che see par i turistes. Ca da nośoutre, in Italia, par anes, s’à vardà a ra strada, a ra rodes, a ra machines e a i camion, coscita ancuoi somea senpre pi difizile pensà, parlà, se insonià de un treno. Che inveze el sarae coscita bel, e bon, par ra natura de ra nostra vales, de ra nostra crodes, par r’economia, par el turismo.

Da ra Crosc Bianca

Par ra spazadures

Algo de noo, algo depì, da ra Crosc Bianca, par me dià. Inze tropa ciaśes de Anpezo ‘l é ruà, beleche da anes, el so servizio de telesocorso: ci che se sente mal, ci che à biśoin, el struca un boton, su chesta machineta, che par solito se tien intor el col, con un cordon.

El Comun de Anpezo ‘l é drio a fei de duto, parcé che inze ra chipa de Pies de ra Mognes rue senpre manco spazadures. Un de chiste laore, ‘l é chel de partì ra spazadures, in ciaśa, e de res bete inze diverse scartoze. Ades ‘l é anche doa machines, che dà fora chiste scartoze, par deban. Una r’é in ciaśa de comun, cher’outra r’é śo a Pian da Lago, agnó che ‘l é ‘l ecosportello. Dute pó śì a se tuoi chel che i ocore, fin a dojento scartoze par ra spazadures umides, chel che marzisce, e sesanta scartoze par bete via ra plastica. Ma resta senpre chel ufizio, śo a Pian da Lago, da śì a i domandà chiste scartoze, ma anche par in saé algo depì. E se pó ciamà i numere 0436 2890 e 0436 396377.

Moe ra ciamada, par telefono, senza biśoin de fei el numero, e i rua a te dià. Ades ra Crosc Bianca ra fesc duto chesto, ma co ‘l satelite. Coscita se pó ciamà anche da fora de ciaśa, indalonśe da ‘l telefono. Chesto pó śoà par calchedun che laora su par ra crodes, o inze ‘l bosco: śente che camina, bacane, guardies, cazadore, sportive, artejane. Chesto sistema, che se se porta drio, el śoa anche a te ciatà fora, se no te vas adora a parlà, parcé che el te vede da ‘l outo, co ‘l satelite, e coscita i socorse i rua pi in prescia. Par in saé depì, e meo, se pó pasà inze i ufizie de ra Crosc Bianca, par i domandà.

Ce ciaro, nodà Par daerśe danoo ra piscina da nodà, che ‘l é su a Guargné, el Comun de Anpezo ‘l arae da spende un grun de sode: se ra và ben, un milion 467 mile euro, se ra và mal doi milioi 259 mile euro. A me ‘l dì ‘l é Nicola De Santis, presidente de ra sozietà Gis, de el Comun, che ‘l à ciapà ra nota de el tecnico, che ‘l à abù da vardà drio, dapò che i à sarà chel inpianto, da pi de un mes, canche ‘l ea tomà śo alcuanta brees de ra mantelada, da ‘l cuerto. A vede chiste conte, in Comun somea che i ebe chera de sparagnà i sode, parcé che se pensa de in fei su una duta noa, de piscina, tacada a ‘l stadio Olinpico de ra jaza, inveze de comedà chera che ‘l é. Su a Guargné, ra vecia piscina ra deentarà un hotel a cuatro o zinche steles.

El televisor de i none Inze ra ciaśa par i vece Dotor Angelo Majoni, in Anpezo, ‘l é un televisor noo, de chi che pó fei vede un grun de bela robes, a i nostre none. A ‘l donà, ‘l é stà el consilio de ra Casa rurale e artejana de Anpezo e de ra Dolomites. I ‘l à portà inze chera ciaśa el 1 de marzo, co ra autoritàs, co ‘l presidente de ra banca, che r’à chera de śì inaante a dià ra nostra comunitàs, de ra vales, de i paes agnó che ra laora.

Cianta con nos Mancia ancora un pei de mesc, ma podon scomenzà a i pensà sora, a se parecià: ai 12 de maśo ra manifestazion “Cianta con nos”, de i core de pize de ra Ladinia, ra rua in Val de Fascia, a Canazei. Se sà che i ra parecia a rodoleto, ogni an una val, e ón abù acaro de r’aé anche in Anpezo, i anes pasade. Dares 15, de ‘l dapò disnà, se podarà śì via, a scotà e vardà chiste pize e śoen, a ciantà. E sarà de seguro anche calchedun de Anpezo, a fei onor a ra tradizion de ra musica, de ‘l ciantà, che ‘l intrà ra nostra śente.

Rua el Giro 2012 De maśo el nosc paes el se tenśe de rośa Ai 23 de maśo, de un mercui, chi de el Giro d’Italia i rua in Anpezo. Se laora, da mesc, par parecià chesta festa de el sport, ma anche de el turismo. In Comun i é parsuaśe che duto chesto pode śoà, par fei conosce depì, e meo, ra nostra pista ciclabile, da śì co ra roda, che ‘l é intrà Toblach, Anpezo e Calalzo, che ra se taca inze co ra “Lunga via delle Dolomiti”. Coscita s’à pensà a parecià algo, da fei festa, chi dis, canche el nosc paes el sarà duto depento de rośa, el color de el Giro. Par chesto projeto, se laora aduna con chi outre comune de el Cadore, a scomenzà da San Vido; da ‘l indoman, śoiba ai 24 de maśo,

el Giro el moarà da San Vido, par ruà śo par el Veneto. Anpezo e San Vido, donca, i é ancora pi pede, ancora pi tacade, con chesta manifestazion. Par intanto se vede un gran placato, tacà su par ra mantelada de un vecio toulà, propio sote ra ciaśa de comun. Dute chi che pasa par stradon, chi de ‘l paes ma anche i foreste, i vede chesto placato e i se pensa de chera bela festa, che dute podaron vede, che dute podaron vive, ca de doi mesc. Con chera che duto chesto pode śoà, par dià el nosc turismo, ra nostra economia, inze ‘ste ane coscita gree.


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

nr. 10 / 09 de merz 2012

Gherdëina

Garejeda de schi dla scoles elementeres Nstadì iel stat la garejeda tradiziunela de schi dla scoles elementeres de Urtijëi y Runcadic sun i purtoies de Palmer y Furdenan Urtijëi - N merdi ai 28 de fauré daduman se àl abinà 171 sculées y sculeies dla terzes, cuartes y cuintes via Furdenan y 111 sculeies dla primes y segondes via Palmer. Cun n beliscimo tëmp y degun frëit ài duc pudù furné ju y se devertì fajan sport. Dlongia purtoi ju fòvel i genitores, cumpanies y parënc che fajova n drë’ tifo. Tl travert ova Luis Mahlknecht per uni sculé vel' matada o usservazion da rì y mutivova uniuna y uniun. Nscila fòvel da audì „chësta/chësc va plu debota che i destudafuech“, o „braviscima/o“ o nce „grandiscima/o atlet/a!“ A mëter su la categuries àn, coche bele i ultimi ani, desferenzià tenian cont dla sculées y di sculeies FISI y chëi nia FISI. La Scola de Schi de Urtijëi cun a cë l diretëur Pauli Rabanser à njenià ca a puntin i doi purtoies y deberieda cun n valgun maestri de schi ài judà pea dassënn a fé garaté chësc di sun la nëif. N gran lëur à nce abù l secretariat che à metù ju duta la listes y njenià ca i numeri da ti tré sëura ala mutans y ai mutons. La nseniantes Monika Runggaldier y Adilia Kostner se à tëut sëura dl gran lëur de mëter a jì dut per la garejeda, la nseniantes dla tlasses fova dlonch ju per purtoi per judé. Y a cë de duc iel da rengrazië dassënn l gran lëur de cuordinamënt che ie unì fat dala vizediretëura Flavia Lardschneider.

Premiazion te Aula Magna La premiazion ie unida tenida tl’Aula Magna dla Scola elementera de Urtijëi, ulache l se à ancuntà sculeies, nseniantes, genitores y parënc. L fova n gran busiamënt, la sculées y i sculeies ne aspitova nia l’ëura de audì ciun plazamënt che i ova fat. La diretëura Maria Kostner à cun l aiut dla nsenianta y assessëura per la scola Lara

„Lëures nia garatei“ Nscila scrij la Lia per Natura y Usanzes n con’ di lëures che ie unii fai sa Costamula L purtoi de Palmer cun genitores, cumpanies y parenc che fej n gran tifo.

N ucajion dla premiazion tres la vizediretëura Flavia Lardschneider. Dovia a man drëta la nsenianta y assessëura per la scola dl Chemun de Urtijëi Lara Moroder.

Moroder y la presidënta dl Cunsëi de istitut Ivana Peristi premià categuria per categuria. Pra uni categuria àn nce ulù premië cun n „Brezel“ chëla o chël che à arjont l tëmp bel a mez ite. Ajache pra chësc di ne ulëssen nia mé premië i plu asvelc, à duta la mutans y duc i mutons dla primes y segondes giapà n bonn da jì a sauté sun l trampolin via Palmer; duta la mutans y duc i mutons dla terzes, cuartes y cuintes n bonn da jì a bouldern tl zënter dal Tennis de

Lies - „La Lia per Natura y Usanzes muessa cunstaté cun gran desplajëi che sa Costamula iel unì fat de gran lëures che ne n’ie do nosta minonga gordenó garatei.“ Nscila la Lia per Natura y Usanzes te na si tëuta de posizion mandeda ite da si cunsëi ala USC. Y inant: „L ie bel y nce drët che chësc raion

fova ntlëuta unì metù sot a scunanza de ensemble y che la cësa de Costamula che ie sot a scunanza architetonica vën sën nce dertureda su. Iusta perchël iel da se fé marueia che n à daussù reviné l ntëurvia a na tel maniera. I gran mures, spusté l material per slargë l purtoi dai schi y n.i. revina l ntëur cësa te na maniera ncherscëula.“ Aldò dla Lia per Natura y Usanzes “ëssen messù arbassé la streda bele pra l puent, per pudëi nscila tenì l tunel y l purtoi che passa sëurora scialdi plu basc. La rë y duta la stanges per tenì su chësta rë ti dà mo l ultimo colp.“ La Lia per Natura y Usanzes dij ala fin che „sce l Chemun à metù dut sot a scunanza pona se ëssen nce aspità che l unissa laurà cun plu sensibltà. Ala Lia per Natura y Usanzes ti sàl scialdi da muië che n à pudù fé vel' da de tel revinan nsci chësc bel luech.“ (dl)

Runcadic. Cun l aiut dl fotograf Werner Dejori ie dut chësc bel di unì fermà sun de bela fotografies a chëles che n possa jì a ti cialé tla scola de schi via n Sureghes. Rengrazion de cuer duc chëi che à judà a fé garaté chësc bel di sun la nëif. Per fertuna ne se à deguni fat mel y speron che nce n auter ann garàtel inò tan na bela garejeda. Silke Grossrubatscher

Doi fotos dla rë y di lëures che ie unii fai sa Costamula.

Na bela tlapeda de mutons sun palch ntan la premiazion.

Doi tifoses sun ëur de purtoi fej tifo a chëi de si tlas.

Sebastian Demetz à fat l miëur tëmp dl di. www.lauscdiladins.com

11


Gherdëina

nr. 10 / 09 de merz 2012

L mond dl ciociul te Sëlva

I sucrëc a taië su ciociul

De maië ciociul, chël ie duc boni, ma coche n l taia su, chël à danz mo trueps da mparé. Un di miëures de taië su ciociul de Südtirol, Gletscerhons, à mustrà coche n fej, nstadì n ucajion dla festa dl ciociul te Sëlva

N valguna dumandes a Hans Mantinger de Funes, vulgo Gletscherhons

Gletscherhons Hans Mantinger.

Foto de grupa n ucajion dla festa dl ciociul te Sëlva.

Manifestazions - Duc ova mé uedli per la bela regina dl ciociul, Verena Runggatscher de Funes, prima inter pares danter mo d’autra de blòta mutans furnides su cun l diendl, n ucajion dla festa dl ciociul metuda a jì pra la sënta dla Scola de Schi te Sëlva. Y ulache l ie na regina, iló muessel nce vester n rë. N rë nia tan ajache l ie na sort de Adonis Mister Südtirol, ma ajache l ie un di miëures lonc y lerch (dlongia bera Franco da Cësanueva, da coche n à audì…), de taië su ciociul, sibe debota che nce drët. L se trata de Hans Mantinger, nce ël de Funes, ad saeculum Gletscherhons. Propi te Funes iel ann per ann la gran festa dl ciociul, ulache l vën lità uni ann la regina, coche miss dla festa y dla valeda, ma nce coche ambasciadëura dl prudot tan cunesciù te Südtirol y pona tan bënulù nce oradecà, che à nce for si fazion turistica per la veleda y per duta nosta provinzia. L spirt de chësta festa, de chëla che Gletscherhons ie cumëmber fundadëur, ie unì tëut su dai maestri de schi de Sëlva, che à ënghe ulù mëter a jì na festa dl ciociul, l’ena

passeda. Coche conta l urganisadëur Oss Runggaldier “ie l ciociul n prudot tipich tlo da nëus, l ie zeche de bon da maië, che à nce na si fazion soziela y turistica. Na tel festa dal ciociul ie for n bon retlam per l raion, y oradechël nce na ucajion per sté deberieda, de sozialisazion, danter la jënt da tlo y i turisć, che possa maië mpue’ de bon ciociul y s’la ciaculé. Sambën iel unì pità de bela mujiga tradiziunela, cun duc i prejënc che ne se à nia lascià tò de jì a balé cun vel’ blòta muta furnida cun l diendl.” L semea che

dantaldut i maestri de schi ne udova nia l’ëura de jì a n balé n doves cun la bela regina Verena. Dlongia la miss fova sambën Gletscherhons la majera atrazion. Oss Runggaldier: “L ie danz zeche de mat, ulësse monce dì na marueia, a udëi coche Gletscherhons taia su ciociul, tan asvelt che l ie y tan bel che l taia su!” Nsciuma, l ciociul ades coche ert, la tradizion de Südtirol che à inant si valuta, à giapà na si lerch meriteda pra la festa te Sëlva. David Lardschneider

USC: Ciuni ie pa i sucrëc per taië su ciociul sciche l toca? Gletscherhons: I sucrëc ie de taië contra la vëta y nia cun la vëta. Y pona muessen l taië su bel fin. Dant taii ie for demez l plu gros dla pert cun la sëures sëuravia. Ma co fajëis’a a taië su tan debota? Chël ie n mi sucrët, n muessa avëi n cër’ fortl. Cie ie pa l ciociul? Ciociul ie na tradizion vedla y zeche de tradiziunel da maië che i paures à dai seculi incà, che i se fajova bele zacan nstësc y ova nscila nce for zeche da maië y oradechël mo zeche de bon. Co màien pa ciociul? Mpurtant iel che l sibe for nce l blanch leprò, nia mé l cueciun, pona iel na bona sëur. Ciociul pòssen maië for, bele da gusté y da pan dala nuef. Tradiziunalmënter sambën da pitla marënda cun de bon pan sëch, sibe a cësa che canche n va da mont su o a ciacia. Mpurtant iel che l vënie taià su a fëtes, nia a tòc. L ciociul ie n prudot de gran cualità, che la va de traté aldò.

Taië su ciociul ie n’ert.

Ciuna ie pa la desferënzia danter n ciociul taià su a man y l ciociul taià su a mascin? Cun la man iel miëur, l mantën la bona sëur, ntan che a l taië su cun la mascin pierdel mpue’ de aroma. L medemo vel nce pra l jambon cruf de Parma o de San Deniel, che ie ënghe miëur sce taià su cun n curtel aldò. Tan inant ie pa la tradizion de fé ciociul mo viva pra i paures te Südtirol? L nteres de fé ciociul ie for mo vif, ma sambën che l cumporta nce n gran lëur y perchël n iel de manco

Gletscherhons ntan che l taia su ciociul. La segonda da man ciancia ie la regina dl ciociul, Verena Runggatscher de Funes.

12

www.lauscdiladins.com

che no zacan. Co iela pa cun la cualità, iel pa mo for mé scialdi purciei dal’Olanda? Te Südtirol iel dantaldut de pitli produtëures, cun do la rata puec purciei. Ma la cossa plu mpurtanta ie cieche i purciei maia, che i posse se muever y che i posse maië canche i uel, no mé da sëira y daduman. Te Südtirol ons esperc dl maië y n dutor dai tieres che ti sta do a coche i purciei vën vejelei, y nscila ons na bona cualità. Ma nce sce i tieres ëssa da unì da oradecà, mpurtant iel che i ebe giapà da maië la drëta roba. Co recunëscen pa n bon ciociul? L ciociul tipich de Südtirol ne daussa nia vester massa tënder, ma mpo drë’ a drët dur, stat ca a drët, vester mé puech sfumià y dantaldut restà tacà su giut al’aria, ons pu tlo da nëus tan de bon’aria. Iel pa desferënzies danter ciociul y ciociul? Uniun che fej ciociul lëura cun gran mpëni y à si sucrëc, ma posse dì che uniun fej de bon ciociul. La desferënzia ie pra l pëis de n purcel, un da 150 chilo à plu blanch, un da 120 chilo scialdi puech blanch. Chiche tol purciei da 120 chilo uel mpue’ cuntenté i tlienc che sà manco nëut, che uel perchël plu cueciun, ma l bon ie coche dit l drë’ raport, cun na bona pert nce de blanch. Co Sëis’a Vo ruvà pra l ciociul? Mi genitores à for fat ciociul, l ciociul ie mi elemënt, l ie n prudot de gran cualità. N possa l maië for, coche dit, ma nce te uni maniera, tradiziunela y n cumbinazion cun d’uni sort de roba da maië. Ntervista de David Lardschneider


Gherdëina

nr. 10 / 09 de merz 2012

Gherdëina y la prima Viera La Prima Viera Mundiela tl ejëmpl de Gherdëina, nscila l titul dla cunferënza dla storica de Urtijëi Elfriede Perathoner. Gran nteres da pert dla jënt  tla la front dolomitica?

La gran fam y la ciarestia

La referënta Elfriede Perathoner de Caio de Urtijëi.

Storia - Tocia y plëina fova la biblioteca dla Lia Mostra d’Ert Circolo a Urtijëi n merdi dl’ena passeda. La tematica che l’esperta Elfriede Perathoner à purtà dant ie, da coche n à udù, danz de gran nteres per la jënt da tlo, nia mé per chëi plu de tëmp, coche n pudëssa raté pra referac n con’ dla storia, ma nce da pert de truep jëuni. La referënta à dat respostes a plu dumandes: Co ie pa rota ora la Prima Viera Mundiela? Co à pa l’ëiles vivù la Viera? Ce mpurtanza strategica ova pa la ferata de Gherdëina? Co unìvel pa cumbatù

Elfriede Perathoner à nscila dat tlarimënc n con’ dla situazion generela tl' Europa dan la viera, sibe politicamënter che nce sozialmënter, y de coche la viera ie rota ora, y coche l ie unit a s’l dé la detlarazion de viera da pert dla Talia, tl 1915, cun i Standschützen nce de nosc raions che ie muec de viers dla front dolomitica. Sambën à Perathoner nce cuntà de cieche dut chësc à cumpurtà per la jënt dla valedes ladines, danter l auter coche i fedoms ova plu la tendënza de lascé plu a lascé si cësa, ntan che chëi de Gherdëina ie tan che duc restei te si valeda. Te Gherdëina, coche nce te d’autra valedes, fòvel ciarestia dut ntëur, na gran fam, l manciova tan che dut, da maië per la jënt y per i tieres, ma nce d’autra roba mpurtanta, coche l mitel, che univa tëut ca per i bujëns dla viera, l tleca pensé ala ciampanes che univa tëutes y tres y dleghedes. Per finanzië la viera se damandova l Mper scioldi, cun mprësć da pert di zitadins, a chëi che n ti mpermetova de ti dé zeruch i scioldi cun i fic do la viera.

Lazarec te Gherdëina Perathoner à nce cuntà de coche chëi de Gherdëina ziplova proteses,

coche l fova lazarec metui ju te nosta valeda, coche n fajova a mené material de viers dla front, da Plan demez cun furnadoies aposta per l material, y plu tert pona cun la ferata de Gherdëina che menova material nchin te Plan.

La “spanuela” La referënta à mo fat n cheder dla situazion do la viera, dl gran tisl che ova fat plu morc che no la viera, la “spanuela” coche n ti dij. Ntan l referat à Elfriede Perathoner mustrà de biei chedri, scialdi nteressanc, metui a desposizion da Albert Moroder Sodlieja.

Testemunianzes de prima man Dlongia la pert plu scientifica de dac y ntraunides, sce n possa dì nscila, à la referënta nce dat inant nfurmazions che la à tëut da trëi diares scric ntan chëi ani; un de Filomena Prinoth, l uriginel, metù a desposizion da Margreth Runggaldier Mahlknecht. L auter ie chël de Franz Anderlan, pluan a Urtijëi, y pona iel mo chël de Vinzenz Moroder, saudé tla front. Elfride Perathoner: “L ie nscila la testemunianza de n’ëila, de n pluan y de n saudé.” Coche dì, plu manieres de avëi vivù la viera, y nce d’autri ponc de ududa, che mostra su la maniera de ti jì permez da pert dla

Truepa jënt ie unida adalerch per l referat.

jënt, plu che de chiche fova alauta a cumandé. Elfriede Perathoner ova dan n valgun ani scrit la cronica de Urtijëi cun referimënt al dërt de marcià. Jan à nfruscé y tué do ti libri òvela nce abinà nfurmazions che fajova referimënt a cuestions da uni di, ala gran fam ma nce al gran festide dla fenans, che se mbinciova che l uem pudëssa tosc unì a cësa dala viera; stories da uni di, che toca pra la storia de na valeda y n generel pra la storia dla viera. Pra l auter liber scrit da Elfriede de Caio, chël dla ferata de Gherdëina, ova l’autora dan vint ani rujenà cun truepa jënt de tëmp, che savova da cunté de si esperienzes ndrëtes; testemunianzes mpurtantes, tan deplù che tan che duta chëla persones che ti ova ntlëuta cuntà ie bele mortes. Nsciuma, n referat nteressant, n referat che Elfriede Perathoner ova bele tenì te Sëlva, y śën a Urtijëi, coche dit for cun truepa jënt,

faszineda da coche la fova jita ntlëuta, per vester bona de ntënder miec l prejënt, cun l bujën de nriescer zeche dl’identità de na valeda y dla jënt che viv tlo. David Lardschneider

Furnadoia dal material ntan la Prima Viera. (Foto metuda a desposizion da Albert Moroder Sodlieja).

www.lauscdiladins.com

13


GherdĂŤina

14

www.lauscdiladins.com

nr. 10 / 09 de merz 2012


Gherdëina

nr. 10 / 09 de merz 2012

Lëtra davierta dla Union di Ladins de Gherdëina al Chemun de Urtijëi Stimà ambolt de Urtijëi Ewald Moroder, stimeda assessëura per la cultura de Urtijëi dr.a Lara Moroder, n referimënt a Vosta lëtra di 16.01.2012, ulëssi fé chësta cunsciderazions: Cun l articul tl Calënder de Gherdëina 2012 (Calënder) dal titul “Mo n ann de deficulteies ma nce de sudesfazions” (da liejer nce sun la plata facebook dla Union di Ladins de Gherdëina) éi purtà dant fac che ie suzedui ntan l ann de atività dla Union di Ladins de Gherdëina (ULG).   L me fej plajëi che ëis auzà ora che chël che é scrit tl Calënder curespuend defin al’urità. Me damande a uni moda sce la finalità de Vosta lëtra - che ie unida adresseda dut mé a jënt che fej pert dla SVP o che, per la stiera che la à, ie plu o manco ubligheda a toleré si mpusizions - ie stata chëla de me mëter te na stleta lum dan ai majeri espunënc dla politica y al’aministrazion publica te Südtirol. Ne me spieghe nia ciuldì che ne ti ëis nia scrit nce al’aministrazion cumenela de Ciastel. Do mi ntënder fóssel stat bon y drët a la publiché, acioche nce la jënt vënie nfurmeda de Vosta pusizion. Perchël me éi mpensà ie de l fé. A jì ite sun Vosta afermazion, che l fin primer de mi articul tl Calënder fossa stat chël “de agredì la man publica te na maniera sciorfa y te n tonn puech elegant”, ulëssi dì che l ie n gran stlaf per la democrazia, sce la man publica se sënt agredida canche l vën dit la urità. Son de chëla che la ULG, sciche nce uni zitadin, ne à nia da damandé danora ai aministradëures publics, cie che la possa dì y cie no y canche la possa i numiné persunalmënter y can no. L Calënder reporta sciche da tradizion - cosses y ntraunides che l suzed via per l ann te nosta valeda. Sciche editëura de chësta publicazion scrij nce la ULG de cie che l suzed te si lia. L ie dessegur una dla majera ntraunides di ultims ani, che la man publica uel a uni moda ti tò la Cësa ala jënt ladina y se apruprië dl Museum fat dala jënt de Gherdëina. Coche savëis, vën l Calënder suvënz tëut ca sciche funtana de nfurmazions storiches per truepa publicazions, perchël se sentions ubliei a repurté chël che l suzed

te Gherdëina y a fé a na moda che l sibe nce scrit fedelmënter al’aurità.   La ULG ie, da canche la ie nasciuda, for mé unida tolereda dala SVP, ma da passa 10 ani incà muessen cunstaté, che l vën fat dldut per la desdrù cun l fin de nes tò la Cësa di Ladins. L fossa povester drët che la jënt unissa nfurmeda ciuldì che la man publica, tla persones de si espunënc dla SVP, uel ti tò ala ULG si cësa, che la à fat su y menà inant te belau 60 ani de fadies.   Te vosta lëtra nes vëniel trat dant che cun chësc articul fajons politica de partit. Ma chël che nëus fajon, ie ti jì do ai fins che ie scric dant da nosc statut. Tl articul 3) iel scrit ce un che ie l fin dla Union: a) mantenì y cultivé la rujeneda ladina; b) mantenì la cultura, la religion, la usanzes y la tradizions ladines; c) mantenì y svilupé l lëur di artejans, l’industria y l cumerz; d) se enteressé de dut chël che enteressea la tiëra ladina. Son dla minonga che i aministradëures publics ne tuchëssa nia da se n aprufité dla pusizion che i à per purvé a ti scrì dant a na union culturela de ce viers che la dëssa se muever. L ne n’ie ënghe no drët che cun nëus vëniel fat politica de partit per ruvé pra la Cësa di Ladins. Dijëis che la man publica ne n’ie nia tenida a mantenì na cësa che ne n’ie nia de si proprietà y chësc ne ve strita ju deguni. Ma l ie nce vëira che la man publica dëssa sustenì cëses che ie de nteres publich nce sce les ne n’ie nia de si proprietà, sciche l ie nce unì fat nchin ai gran lëures de restruturazion y ngrandimënt dla Cësa di Ladins, che ie unic stluc via tl 1986 y nce paiei nchin al’ultima lira dala Provinza y dala Cumenanza dl raion SaltenSchlern. Sibe Vo, che nce l assessëur provinziel Florian Mussner, iniurëis cumpletamënter la delibera dla Provinzia nr. 2912 di 10.08.2005, che reverda i criteres aplichei al‘incentivazion dl‘ativiteies y nvestimënc culturei per la grupa linguistica ladina, ulache l ie tlermënter scrit al articul 4, che l vën recunesciù spëises de mantenimënt de imubilies y de aministrazion. N aministradëur publich sà che na cësa aministreda da ulenteres costa scialdi demanco, che sce la vën aministreda dala man publica. La desmustrazion che la ULG sà da manejé, ie che la à laurà bën ti ultims 60 ani, alincontra de cërta firmes

- ajache la Cësa di Ladins à n standard de ijulazion nia plu atuel. La ie scialdi ria da sciaudé y per sparanië muessen suvënz se dlacé. Tlo fóssel mo truepa d’autra rejons da cumpedé su, rejons che chiche cunësc nosta situazion y à mpue’ n’idea de cie che l uel dì purté inant na cësa possa segurmënter se nmaginé.

Stefan Kasslatter.

publiches. Son gën a desposizion a fé n cunfront de tant che custëssa l mantenimënt dla Cësa Ladins y l’ativiteies che vën fates laite, sciche tenì davierta la biblioteca, la sala de teater y l Museum, sce la ULG l fej o sce l fossa n’aministrazion publica che l fajëssa. Per chësta rejons sons dla minonga che la ULG dëssa unì sustenida dala man publica sciche la à fat nchin ti ani 80: - la ULG à debujën de na cësa per fé si atività; - la ULG ie na lia zënza fins de davani, che fej n servisc publich y mo per l bën de na mendranza; - la sala de teater dla Cësa di Ladins ne possa nia plu unì nuzeda per manifestazions davia che la ne respetea nia la normes de segurëza. Per Urtijëi y nce per Gherdëina ie chësc n gran manco y chël ie dassënn da desplajëi; - nia mé aldò dl prinzip de sussidiarietà, ma nce dl savëi da aministré, toca la man publica da sustenì dantaldut chëla ativiteies fates da ulenteres; - ajache i aministratëures publics à l duviër de fé cie che costa de manco; - la Cësa di Ladins y pona l Museum de Gherdëina ie unic ului y fac su cun gran mpëni y idealism dala jënt ladina per si jënt. Ce bujën iel pa, che la man publica sëurantole si gestion, sce l ie bele persones che l fej bën y debant; - ajache l Museum de Gherdëina ie un di plu biei museums de Südtirol y sëurora. L ie rich de culezions de na gran mpurtanza che testemunieia nosta storia y nosta cultura, che se meritëssa de giapé plu lerch per uni prejentedes miec al publich; - ajache la Biblioteca dla Cësa di Ladins ie la biblioteca plu vedla y mpurtanta, spezialiseda per cie che reverda la cultura ladina. La ëssa ënghe debujën de plu lerch;

La nosta ie na lia culturela che depënd sambën per i finanziamënc dala man publica y che fej nce n servisc publich cun lëur de ulenteres. L ie da muië che n ambolt y assessëures per la cultura ne vëje nia ite l valor dl lëur che l vën fat da pert dla ULG, ruvan nchinamei a la mëter sot a prescion, la desrceditan nce publicamënter, a vester che nëus on crì plu suvënz l dialogh: bele tl scumenciamënt de nosta legislatura sons jic te chemun a rujené cun la assessëura per ti purté dant nosc problems y damandé aiut; on nvià plu iedesc tla Cësa di Ladins sibe l ambolt che l assessëur provinziel per rujené de nosta problematiches, ma a dut chësc ti iel unì dat bën puecia urëdla. Purempò cialerons inant de purté dant nosta cuestions y l nes fajerà for inò plajëi a se ancunté per se la rujené ora. Segur iel che ora che fé l’atività che duc cunësc, trajons via n grum de tëmp per i rëms che nes vën metui for inò dant. L ie scialdi rie a defënder nosta cësa sce n partit sciche la SVP se à tëut dant de nes la tò. Dijëis che son puech diplomatics, ma on udù, che vester diplomatics cun la SVP uel dì messëi se lascé mëter sot. Sibe nëus che l Museum on plu suvënz purvà a Ve purté dant na soluzion ala cësa, ma la resposta ie for stata la medema, che sce ulon che l vën fat zeche, pona muessa la Cësa di Ladins y la culezions dl Museum passé ala man publica. Ëis scrit che ëis “plu suvënz desmustrà bona ulentà de crì soluzions per la Cësa di Ladins”, ma tlo iel da dì che l fova dut prupostes che ëssa purtà a nes fé pierder la Cësa y chël ne possa nia vester na soluzion per la ULG. La deficulteies te nosc cunfronc à bele scumencià dan da passa 10 ani, mo ai tëmps canche l fova ambolt Konrad Piazza (sciche scrit da pert dl Chemun de Urtijëi te na lëtra di 06.02.2001). Nce l presidënt dla Provinzia de Bulsan, Luis Durnwalder, à dit tlermënter che per giapé finanziamënc per restruturé la cësa, messons nëus dé ca i mures y l Museum si culezions. Perchël ve periessi bel de ne dì nia che ëis purvà a crì soluzions che possa jì bën nce a nëus.

Nëus dajon ca n grum de nosc tëmp liede per purté inant la Union, zënza se damandé nët nia, nianca no la spëises vives. Y Vo ëis mo l ardimënt de dì che chëi 5.000 euro che giapon dala Provinzia y i 1.152,50 euro che giapon dal Chemun de Urtijëi, ie giustifichei. De chëi ti n vàl 1.095,00 euro de reviers al Chemun per l’ICI. Nsci pòssen di che giapon da Urtijëi n sustëni de 57,50 euro al ann. L assessëur provinziel Florian Mussner, che fova a si tëmp unì tëut da oradecà cun na lege fata sun mesura, propi per raprejenté la jënt y la cultura ladina y che vën nce paià nia puech, fej dldut per la reviné nes taian i scioldi de passa l 80% ti ultims 2 ani (sibe Luis Durnwalder che Sabina Kasslatter Mur ova dit che per la cultura ne vën i cuntribuc nia taiei plu che l 6%). Pensëde ma, cun la 60.000 euro de scioldi de rapresentanza che Florian Mussner giapa al ann messëssa la ULG tré inant 12 ani! L desplej che da pert dla poitica ne vëniel nia cialà co fé a mandé inant na Cësa di Ladins spendan manco che la va, ma cie che conta, ie mé plu che la sibe te si mans. Sce la man publica ne vëija nia ite l bujën de finanzië la Cësa di Ladins - che coche la ie aministreda śën cóstela puech - pona iel da se damandé cie che l suzedëssa sce la fossa te si mans, canche n sà avisa che iló custëssela strambaries. Miano che la unissa venduda coche l ie uni fat cun l hotel Terme a Maran? Nteressënc a na imubilia tl zënter de Urtijëi n iel assé. Florian Mussner à plu iedesc dit che i scioldi a despusizion sarà tl daunì for de manco, iusta perchël iel da se damandé sce la man publica arà bën l muet de mantenì ëila nstëssa na tel’ strutura o sce la ne se fej nia plu saurì a la finanzië per fé a na moda che n possa jì inant coche śën. Ulësse fé n apel, a Vo aministradëures de udëi ite che chël che la ULG fej, ie mé tl nteres dla coletività y dla mendranza ladina. Prëibel ne sfurzëdenes nia a messëi jì sun plaza a petlé. Cun stima Stefan Kasslatter Presidënt dla Union di Ladins de Gherdëina

www.lauscdiladins.com

15


Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

nr. 10 / 09 de merz 2012

Prevegnir la dependenza dal jech L peis sozièl del problem taca a se fèr sentir e ence te Fascia zeche se mef per limitèr la prejenza di aparac da jech sul teritorie jent, soraldut te tempes de crisa, e se sà che la fasa dò la ilujion de spes l’à inom de-lujion.

I les studia dutes per “tirèr” la jent a jièr

La dependenza da jech la é dò a crescer ti ùltimes tempes semper de più e l’é anter cheles più senestres da scombater.

Sozièl - L’era n’outa na machineta, con pecia lums, scempia, metuda te n cianton; la dajea fora n son, n pìcol slumenament e ogne tant zachei se fermèa, i metea ite na moneida e i se fajea na jièda. Col temp chela machineta é stata portèda demez, e a sie post i n’à metù n’autra, o ence doi o trei, con lumes che enorbesc, na grafica che muda a dò a dò, sons auc e na velozità da baticher. Aldidanché somea che la neves “slot machines bar” raprejente la vida più scempia e gustégola per jièr. Co na moneida se taca ite la partida co la speranza de ciapèr la

combinazions giustes. L rest l’é tant sorì che somea de jièr da semper.... e autertant sorì l’é seghitèr a jièr! Chesta no l’é demò na patofia. L’é la realtà de sacotanta persones che se lascia ciapèr ite da le slot machines e che no é più bones de se n librèr, de lascèr ló de jièr, ence se les pert dut, percheche l’é matematich che se perde, e les seghita fin a se roinèr la vita, la sia e magari ence chela de la familia. La gran prejenza de pokermachines, la semper maor oferta de possibilità legales de scometer (lotto e supernalotto, gratta e vinci, sales video lottery) engaissa la speranzes ilusories de n muie de

Zachei à entenù che chesta pel esser na vida sorida per fèr scioldi, e se chest va a dan de la jent somea che per ic no sie n problem. Coscita i à tacà a studièr fora aparac semper più sofistiché, a studièr i mecanismes psicologiches per se pissèr strategìes che posse tirèr la jent a jièr la pruma outa e dapò per la fèr seghitèr. L’é la machineta mìngol sconeta te n cianton del bar, che va ben per chi che é jà stac ciapé da la gaissa del jech e i preferesc no esser massa “en vista”, e dapò se sà ben ge vel che apede sie la “barata scioldi”, percheche l jiador posse fèr moneida zenza aer nience brea de jir al banco. Per ciapèr ite neves potenziai jiadores, un di ùltimes modìe l’é cheles picoles “da banco”, da meter apede a la cassa, olache vegn béleche automatich per l ghest trèr ite la moneida che l ciapa desche rest de n cafè o n bicer. Ma ajache no duc va al bar, ades se veit semper più de spes machinetes te lesc desferenc, desche per ejempie ti tabachins: les vegn proponetes a jent che à ativitèdes desferentes, per ruèr apede a più jent che l’é meso. Per no parlèr del jech te internet, l più pericolous, ajache un pel jièr sorì

e sconet te sia majon. No se trata de fèr alarmism: l’atenzion sui problemes leé al “jech a risech”, da n trat de temp semper maora, spieia la percezion del peis sozièl del problem. Anter i neves “barbogn”, apede a la vitimes de la dependenza da alcol e droga, no i é pec chi che se à roinà la vita apontin col jech. E dut chest sozet con l benstèr del Stat, che dal jech trèsc fora n muion de scioldi, e l fèsc (o l permet) reclames da aric, metan a tèjer la coscienza con n scempie “gioca il giusto” a la fin. E no l met en cont duc i cosć sozièi de chest problem.

Te Fascia zeche se mef Ades, sun spenta de Marino Pederiva da Vich, ex jiador de slot machines (de chel che podede lejer chiò sot ite) proprio da noscia valèdes l’é peà via, per la pruma outa te la Tèlia, na gran campagna per chierir de ge tegnir poz a chest che doventa semper de più n problem sozièl. Ence la istituzions se à moet de chest vers: i Comuns de Moena e Poza à aproà chisc dis passé te Consei na mozion che, aldò de l’art. 13bis de la lege provinzièla nr 9, descomana de loghèr neves aparac da jech sul tegnir de comun a manco che 300 metres dai lesc “sensìboi” desche scoles o istituc de formazion e gejies. L’argoment vegnarà tout dant ence te Comun general e, descheche à dit la

Procuradora Cristina Donei, se spera che ogne Comun de la val aproe sia mozion. Te Fascia, se l’é vera che oramai n muie de locai à slot machines, ge vel dir che l’é ence ejercizies che à refudà de les meter o che à volù se n librèr. “Le é toute demez percheche i me aea sbregà ite per me robar fora le moneide, - à dit Lorenzo Pezzei del bar Ta Mongo de Poza – ma pissae jà de l far: no l’é bel veder jent che stasc ore encantada a jiar e dapò la vegn a pianjer che l’à perdù n sach de scioldi.” Ence al bar Centrale de Pera, canche Fernanda e Andrea i à tout sù la gestion, i l’à touta demez sobito. “Noi sion de contra – i à dit - sion chiò per dar fora da beiver, l’é chest nosc mestier, e a so post aon metù n desch de più.” Ence al bar de la Coprativa de Fascia i era jic a ge domanèr de les tegnir, ma l diretor à dit de no, e la sozietà del Fascia Balon à dezedù de les tor demez dal bar del zenter sportif de Cotura, olache rua n muie de joegn. Da na man donca l’é la strategìes de chi che à dut l’enteress a engaissèr la jent a jièr, con o zenza mesura, ma da l’autra man l’é dò a se fèr strèda ence segnes positives, per chierir de defener la comunanza da la dependenza patologica dal jech, che fèsc pèrt de la categorìa de la “dependenzes zenza sostanzes”, conscidrèdes cheles più senestres da scombater. (mci/lg)

Le “machinete” crea dependenza Marino Pederiva da Vich à envià via na campagna de sensibilisazion per slariar fora l perìcol de le slot machine

L “spot” contra l pericol de dependenza da jech olache Marino Pederiva “à metù so mus”.

L logo che envìa a aprijiar i locai che dezide de no meter o de tor demez le slot.

“Le slot machine le é programade per crear curiosità, per te ciapar ite e te tegnir strent, per te ciuciar fora dut, dì per dì: na fasa che dura egn e che crea na forta dependenza.” L’é un di tenc pensieres che aon tout da Facebook, da la piata de Marino Pederiva da Vich. El l’à tacà da n trat a ge far a saer a duc soa storia de ex jiador de machinete travers apontin Facebook e PredazzoBlog.it con chela soraldut de meter su l’avertida duc i jiadores

del gran risech de dependenza. “Per passa diesc egn é jià a le slot. É perdù 9.000 ore e de temp e 200 mile euro de scioldi. Da zeche ora é dit basta e son doventà vendicatif ti confronc de chi aparac. L “jech a risech” l’é chel che crea più dependenza, l’é fazile ge sutar endò ite ajache tu te sente en colpa per aer perdù i scioldi e tu ves i recuperar. Gio é tacà a me enformar sun coche le é empostade le machinete, coche laora i marcanc

16

www.lauscdiladins.com

de slot (descheche ge die a chi che le dasc fora) e é envià via na campagna de sensibilisazion envers chesta dependenza.” Ogne dì Marino met sun sie profil de Facebook neves messajes e dac, tant nazionai che provinziai, de cotenc de scioldi che vegn jià e perdù. Tel Trentin vegn jià 2 miliogn e 127 mile Euro al dì, 450 mile Euro al dì i vegn perdui. Demò tel meis de otober tel Trentin Südtirol l’é stat spenù 119 miliogn de Euro. “Te val de Fascia l’é 65 machinete – disc Marino - i marcanc de slot ge garantesc al gestor del bar che tegn cheste machinete presciapech 300 Euro al meis che l’é n 5% de chel che vegn jià. Se n patron vadagna 300 Euro per machina, l stat l ne n vadagna 650. L’é per chest che l Stat no disc e fasc nia percheche se sà che l’à de besegn de scioldi sobito. Ma ge vel dir che chisc scioldi no rua più sul marcià de val, e ence la cedena de consum la é condizionada da chesta dependenza.” Marino acà doi meisc l’à tacà ence a far messajes de reclam. L’à enjignà n adesif co la scrita “Questo è un locale NO SLOT!!! Apprezzalo!” da ge dar ai bares che à renunzià a le machinete, n logo che ades se pel ence se desćiarear dal sit www.predazzoblog.it. E dapò

l se à metù en jech en pruma persona fajan da testimonial apede a na slot con la scrita “Occhio! Crea dipendenza e nuoce alla salute. Io lo posso dire...” Ma Marino ge tegn a sotlinear che no l vel demonisar l jech en sé, l vel demò ge far capir a la jent i pericoì che l pel crear. “Gio no die de no jiar, ma de star ascorc percheche chest jech crea dependenza. Sun 100 che jia, 10 i jia demò valch outa, 90 i é a risech dependenza e l vegnarà fora ti egn. La maor part de chi che jia i é jà en fase 2 o 3 ma prest i ruarà en fase 5. Chisc l’é parametres che me é studià fora gio. Esser en fase 1 vel dir jiar l rest de n café, en fase 2 jiar l rest de n café e se far cambiar 5 Euro, en fase 3 jiar 10 euro, en fase 4 tu es tu e la machina e no tu te n ascorje nience se zachei vegn ite per usc, en fase 5 no tu as più scioldi e t’es jà jit a d’imprest.” Ai gestores di bares olache le é jà, Marino vel ge dir che “amàncol no i cambie le machinete che i à ite, percheche i le fasc semper più ajornade, con schermes semper più studié per crear amò na maor dependenza psico sogetiva.” De segur l’é na gran endesfida chela de Marino, che l se à troà ence jent de contra. “No me tegne de mal se i me n disc per chel che fae, me tegnìe più de mal canche

Marino Pederiva.

jiae a chele machinete. Son stolz de esser stat bon de lasciar ló e de aer tacà a n rejonar diretamenter “dal campo”, liberamenter, metan dant duc i risesc. Son n muie content percheche tropes i me scrif te Facebook, i me chiama per me domanar coche i pel se mever. Aon n muie de idee. Ades volon meter sù na sociazion olache chi che vel lasciar ló pel troar didament, colaborar co l’AMA e le istituzion, e ence crear n sit web. Son pontà demez da soul, ma ades no son più da soul e chest me dasc gran sodesfazion.” Monica Cigolla


Fascia

nr. 10 / 09 de merz 2012

Deroga per la firmes e mozion per l Consorzie La Cèsa de Sènt’Ugèna L Consei de Comun de Poza à ence deliberà la limitazion de aparac per l jech a risech sul tegnir de comun

L’ùltima sentèda del Consei de Comun de Poza.

Poza - Pech più che n’ora ge à bastà al Consei de Comun de Poza en lunesc sera per fèr fora i 9 ponts pervedui a l’orden del dì. Anter duc, a soscedèr mìngol de discuscion, l’é stat la deroga a la firmes Edilorenz e Lorenz Marco, che à sia atività sul confin del tegnir de Poza e Vich, e che volessa fèr n depojit corì per si materièi da frabica, a na vida da poder ge dèr na mior parbuda al paesaje. Na deroga che aldò de la lege pel vegnir data demò a firmes de na certa mesura, per numer de dependenc o per relevanza economica. Su l’idea de ge dèr l met ai artejegn de aer n depojit per si erc lascian più rencurà l’ambient, se à dit a una Norbert Bernard del grop de mendranza, che ampò l’à palesà la speranza che se posse ge dèr chest met ence a la firmes mendres. La “discriminazion” perveduda da la lege l’é stat enveze per cont de Alessandra Cloch na bona rejon per se astegnir (descheche à fat ence la conseiera de mendranza Lara Battisti) da l’aproazion de la deroga, che ampò é passèda con la stima de duc i etres. Aproà ence l mudament del schem de convenzion con la normes e condizions per meter a post la tiejes da mont da durèr d’istà, olache l’é stat dezidù de tor demez la

cauzion, ma de contra l contribut per la conzescion é stat passà dal 15 al 20%. Dut l Consei à lità a una su l’aproazion de la delibera che regolamentea l’instalazion de neves aparac per l jech a risech, descomanan che i posse vegnir metui a manco de 300 metres da scoles, gejies, oratories e parches da jech.

Na spenta per l Consorzie eletrich L Consei se aea avert con la discuscion su na mozion per l Consorzie Eletrich. L’é da egn oramai che, su domana de la comunanzes enteressèdes, l Consorzie Eletrich de Poza proa a otegnir da la Set la linees per ruèr a portèr la lum ence a Pera e Soraga. L’aministrazion de Poza à semper spent per portèr a compiment chest vèrech e ge arsegurèr la medema condizions a duc si sentadins, e ades l’é stat dezidù chesta touta de posizion ofiziala per chierir de fèr n vèrech inant sun chest percors che se desmostra più senester de chel che se pissèa o sperèa. I conseieres duc a una à aproà la mozion che domana a la procuradora del Comun general Cristina Donei de entervegnir tel Consei de la Autonomìes per parèr dò la costion

tel temp più curt che l’é meso. I prumes vèresc per chierir de portèr la lum travers l Consorzie ence a Pera é ponté via jà da egn, dò l’aproazion del “decret Bersani” (D.Leg. 79 dai 16 de mèrz del 1999) che l perveit che sul tegnir de n comun posse esser un soul distributor de lum e forza. Purampò l’iter se à troà dedant na lingia de problemes e empedimenc: ge vel n nef Pian provinzièl de distribuzion de l’energìa eletrica (che del 2003 la PAT aea fat fora de portèr a atuazion tel temp de 36 meisc), e per chest ge vel l parer obligatorie del Consei de la Autonomìes locales, e amò ge vel mudèr l Statut de la SET che perveit la zescion de toc de rei demò a enc locai e no a copratives eletriches. Del 2007 la Jonta provinzièla à tout sù na proposta de revijion olache vegnìa pervedù che vèlch toch de la linies de la SET posse vegnir zeduda, ma mencia amò l parer del Consei de la Autonomìes, olache – descheche à deschiarì l conseier Giancarlo Dorich - zachei volessa che vegne fat pians desferenzié per i desvalives raions. I aea emprometù la resposta per de jené de chest an, ma amò no la é ruèda, e dachelanvìa l Comun à dezidù de enter vegnir ofizialmenter. Speran che joe. (lg)

N bel grop de volontadives fascegn, vidé da la sociazion Lifeline Dolomites, jirà a Singureni te la Romania per fèr sù na cèsa per i bec arbandoné Solidarietà - “La Fundatia studie de l’enjegner Croce da Bambini in Emergenza, metuda su Moena, la firma de vieresc Urbano del 1995 da Mino Damato per portèr Rasom de Busan e l’Interporto de socors te la Romania a duc i bec “en Rivalta Scrivia. emergenza”, ma soraldut i bec Ence l’Istitut d’Èrt de Poza metarà arbandoné e malé de Aids, l’à gran a la leta n depent de Sènt’Ugèna, besegn de meter a la leta n’autra ajache la neva strutura vegnarà strutura per ge dèr alberch a 8 bec, dedichèda a la Sènta patrona de dai 0 ai 6 egn, arbandoné (te strèda Fascia. o te ospedèi o touc ai genitores) I volontadives pontarà demez en inant che l Tribunal ge li dae a na lunesc ai 12 de mèrz e i restarà a cèsa familia, o più rèr, a na familia.” Singureni per presciapech 20 dis. L’era chest l’apel de didament ruà La Fundatia Bambini in Emergenza da la Romania a la sociazion Lifeline Dolomites de Poza, che dal 2009 colaborea co la Fundatia Bambini en Emergenza, e da enlouta na rei de persones, de firmes e de istituzions se à moet per responer. Coscita, de gra al sostegn de l’Assessorat a la Solidarietà de la Provinzia de Trent, del Comun general de Fascia, de desvalives Comuns, de artejegn, volontadives de la val e privac, l’é stat dezidù de fèr Carlo Spagnolli ensema a Silvia Damato, sù na cèsa prefrabichèda de presidenta de la sociazion Bec en legn de 150 m2 e de ge dèr emergenza. sù la projetazion e la realisazion a la Firma Rasom Wood met a la leta l post olà dormir e l Technology de Pera, che à proponet magnèr vegn enjignà da n cogo n priesc de gran favor metan a la volontadif de la Sociazion Lifeline leta per nia ence na squadra de Dolomites. La Coprativa de Fascia omegn che jirà a Singureni a la fèr sporc per nia la roba da magnèr e l’ITAS Arsegurazions à enjignà na sù ensema a etres volontadives. Per chel che vèrda i mures, arsegurazion a priesc de favor per impianc eletrich e idraulich, i volontadives. sanitères e aredamenc, la sociazion L’é stat pissà a dut e i volontadives Lifeline Dolomites pel contèr sul é contenc de pontèr via e portèr si didament da desvalives artejegn de didament ai bec manco fortuné de Fascia: la firma de Lino Detomas la Romania. Ampò la speises é da Poza, Mazzel da Vich, Linea Luce granes, e per didèr a les corir l’é stat da Pera, Spinel Arcangelo da Mazin, avert te la Cassa Rurèla de Fascia e la firma Ganz da Mazin, Termoladina Agordin l cont nr 04/048890 a inom da Pera, Termosanitari Chiocchetti de Lifeline Dolomites onlus con da Poza, Ladinarredi da Mazin, c o d e s c I B A N Computer & System da Poza, IT90F0814035270000004048890. Artigiani Associati da Moena, Ogneun pel tor pèrt a la cordèda Fiemme 3000 da Pardac, Finstral de solidarietà de Fascia sporjan n Serramenti, l Studie tecnich de pìcol contribut per la “Cèsa Valentino Dellantonio da Soraga, l Sènt’Ugèna”.

Vertesc per jir “Dòlaondes” a Cianacei La SIT, sozietà de impianc portamont de Cianacei, à manà fora inom e logo de la neva nodadoa per duta Fascia Cianacei - Enstouta l’é proprio l cajo de scriver: “ondèda” de neves da la Val de Sora. Da pec dis defat l’é vegnù fora la pruma novitèdes en cont de la nodadoa de Cianacei, de proprietà de la SITC (Sozietà Increment Turistich Cianacei) che à dit fora per la pruma outa l’inom e ence vèlch informazion en cont de la strutura. Dò aer tout sù mìngol de idees e pissà delvers, a la fin l’é vegnù fora che l nef inom del zenter sarà “Dòlaondes”. Dant, l zenter “Eghes”, e ades “Dòlaondes”, l’é semper n inom fascian, enstouta metù ensema da trei paroles, che vel esser originèl e sorì da se recordèr per duc, e che sie soraldut n rechiam a l’èga, più avisa chela de la nodadoa de Cianacei. La cernuda de tor sù n inom per fascian la é stata vidèda

ence dal leam col teritorie che i responsaboi de la sozietà de impianc portamont à semper volù tegnir sù e vardèr de respetèr per la projetazion de la nodadoa. Te ogne fasa defat se à tegnù cont de la valorisazion de la strutura ensema al stravardament del teritorie, sibie dal pont de veduda di impianc per l sparagn energetich e ence per la parbuda de la neva strutura, che ge darà l met al ghest de nodèr e de fèr sauc tedant a na vedrina de monc e bosć maraveousc. Tel cher da la Dolomites ladines donca se podarà jir “Dòlaondes”, n inom che per la neva reclam de la nodadoa l’é stat ence compagnà dal nef logo, pissà e metù ensema da Arno Dejaco da Persenon, fi de l’architet Ralf Dejaco che à projetà duta la nodadoa. Desche l’inom,

ence l nef logo l’é n muie scempie. Se trata, descheche vegn moscià te la fegura, de 4 stiches da color che se mef aldò del moviment de l’èga. Cater colones moetes da l’èga che raprejenta i elemenc verticai de la Val de Fascia e donca, i monc, la Dolomites e ence la piantes da èga carateristiches de la origines de duta Fascia. L numer cater l’é stat cernù percheche proprio la neva nodadoa la vegnarà spartida te cater pèrts: la “Water & Fun”, la pèrt più grana, olache sarà la cinch nodadoes; “Eghes Wellness”, la pèrt del zenter benesser; “Sport & Fitness”, la pèrt de la palestra e amò la “Eat & Drink” olache l ghest de la nodadoa podarà se beiver zeche dò la fadìes. I colores de la cater colones tel logo i recorda dapò i colores di

elemenc che é pèrt de noscia tera: l brun de l’èga e del ciel seren, l pomaranc del ciaut del soreie che sciauda nosc raion te ogne sajon, l maron de la tera e l vert de pré e di bosć de noscia val. La neva strutura de Cianacei é stata serèda l’an passà e per ruèr a olache se é ades l’é stat “Dòlaondes”, l nef inom leà al nef logo de la fat dassen n gran lurier. nodadoa a Cianacei. N lurier che, desche ne à dit l president de la SITC, Paolo valuta e de referiment per duc i Fosco, no l’é amò fenì ma che per ghesć, ma soraldut n servije ùtol e Pèsca se podarà tachèr a aprijièr de gran emportanza per duc i ajache, se dut va dò sia strèda, l sentadins de Fascia, che à emparà zenter l podessa jà orir per de oril. e podarà endò emparèr a nodèr e Coscita “Dòlaondes” podarà aer l met de se goder endò te la doventèr amò de più n pont de nodadoa de Cianacei. (vr) www.lauscdiladins.com

17


Fascia

nr. 10 / 09 de merz 2012

“E nos can festejone?”

Maestres de schi ladins

Chest an a Cianacei l’é vegnù adalèrch doi picioi apontin ai 29 de firé: Matilde e Lorenzo

I maestres de schi da Cianacei se à pissà de palesèr sia partegnuda ladina con de pìcoi simboi su la capa e sul corpet Sozietà - Jà da l’an passà i maestres de schi de Fascia, più avisa chi de la Scola de schi Marmolèda de Cianacei, i se à pissà de ge fèr veder a duc e ge fèr cognoscer ence ai ghesć la partegnuda a la mendranza ladina. L diretor de la Scola Marmolèda, Luciano Fosco, ence su consei del maester Simon Valeruz Crust, l’à dezidù de tor sù i colores de la bandiera ladina e de i meter su la capa che la Scola de schi aea pissà de fèr per duc i maestres. Na bela pissèda che podessa esser touta sù desche ejempie ence da l’autra scoles de Fascia e de dut l raion ladin. Ne disc Luciano Fosco: “Su scomenzadiva autonoma aon tirà cà la capa a trei pontes, desche ti egn ’70, con tedant trei righes da color, e ajache l’era proprio chesta trei righes se aon pissà de les fèr del color de la bandiera ladina:

Matilde Rovere.

verda, biencia e bruna”. Pec ghesć, endèna, à entenù che chi aló l’é i colores de la bandiera, ma su per i portoes chi che à vedù i à aprijià la scomenzadiva, che da chest invern é stata renforzèda ence da n’autra idea: chela autonoma del maester Silvio Fosco, che à fat fèr na stema per duc i maestres de schi e de brea de la valèdes ladines. “Me la é pissèda l meis de aost passà, e per fèr chesta stema é fat referiment a la forma del veie scudo de la Scola de schi d’istà che l’era sun Marmolèda dal 1961. É fat chesta stema coi colores ladins per tegnir ensema chiò te Fascia, ma ence Badia e Gherdena e l’autra valèdes ladines”, ne conta Silvio Fosco, clas 1943, maester de schi dal ’66, chel che à più egn de atività de duc i maestres de schi de la Val de Sora, e che l ven diretamenter de persona chesta bela stemes al priesc de 3 euro e mez. (vr)

Lorenzo Cassano sun brac de sia sor Ludovica.

Sozietà - Canche se se peissa a l’an besest, vegn trop tel cef la jent che é nasciuda proprio ai 29 de firé. N cedean che demò n’outa ogne 4 egn l podarà esser festejà la dì giusta e te chi etres trei l cognarà bele esser festejà ai 28 de firé o al 1° de mèrz. No l’é segur n gran cruzie, ma segur l’é zeche de spezièl esser nasciui ai 29 de firé de chest an e

Na data spezièla che vegn demò ogne cater egn.

spezièi l’é mìngol ence Matilde Rovere e Lorenzo Cassano, doi pìcoi neves sentadins de Fascia, duc doi da Cianacei , nasciui proprio ai 29 de firé de chest an. La pìcola Matilde, nasciuda jun Busan da mesa les 4 da doman, l’é jà na pìcola “star” ajache la é stata ja touta jù da la televijion todescia percheche l’é l’85^ persona nasciuda te cent egn te la Provinzia de Busan ai 29 de firé. Fia de Daniela Detomas e Alessandro Rovere, chesta pìcola dai ciavei neigres de 3.160 kg, cognea nascer ai 7 de mèrz e coscita canche l’é stat ora de dezider l’inom l’era amò l dubie anter Veronica e Matilde. L’é stat la mamana che ge à dat na man ai neves genitores, ge dijan che ajache la pìcola é nasciuda te na dì spezièla, no la podea che aer n inom mìngol più rèr. E coscita l’é stat Matilde. A ge fèr compagnìa a sia conscrita

(conscrita de an, meis e ence dì), pecia ores dò al San Camillo de Trent l’é nasciù n auter pìcol fascian, Lorenzo Cassano. L termìn per l pìcol Lorenzo cognea esser dotrei dis dant, ma somea proprio che ence el l’abie volù esser mìngol spezièl, e coscita con gran contenteza di genitores, Stefania Favé e Domenico Cassano, ma ence de la pìcola sor Ludovica, Lorenzo l’é nasciù proprio da les 6 e 16 dadoman di 29 de firé, con n peis de 3,660 kg. Amò na pìcola curiosità de chesta naes l’é ence che Matilde e Lorenzo l’é doi conscric fies de doi conscric, defat, Stefania e Alessandro i é duc doi del ’76. Nos ge sporjon n devalpai a la families che ne à fat aer ence na bela foto de chisc doi pìcoi neves sentadins, e ge fajon i più bie augures per l davegnir. (vr)

L diretor Luciano Fosco (a man dreta) e l maester Tiziano Davarda, tedant a la Scola de schi Marmolèda de Cianacei, con la capa e la stema con la bandiera ladina.

Chi él pa? Soluzion del retrat su La Usc nr 09 del 2012 L retrat publicà su La Usc numer 9 de chest an l ne era stat portà da Francesco Florian

“Franzelin de Tieser” che stèsc jun Busan, che l ne à dat ence la soluzion. Enstouta nesciugn é stac

2

bogn de troèr fora i inomes de chesta trei sores che l’é: 1. Maria Barbolini maridèda Cloch dal

Faure; 2. Oliva Barbolini (mère de Franzelin) e 3. Bepina Barbolini. Chest’outa, inant che la neif se

3

1 1 2 3

18

www.lauscdiladins.com

n vae deldut, ve meton amò n bel retrat da d’invern, de trei amisc sui schi. No ve dijon de auter, ve envion a troèr fora la jent, o amancol l post olache l’é stat fat l retrat, e a ne dèr voscia resposta dant da mèrtesc sera te redazion, ence per telefon o fax al 0462.764545 o per mail a la direzion lausc@ ladinsdefascia.it. Chi che ne dèsc la resposta giusta ciapa en don n liber o n CD de musega sporc da l’Union di Ladins de Fascia. Desche semper ve envion ence a chierir fora i retrac veies che aede te vèlch crigna e ne i portèr te redazion a Sèn Jan, olache podon i tor sù col scanner e ve i dèr de retorn sobito. A chesta vida ne didède a viventèr chesta rubrica e a meter ensema vèlch mizacola de storia de noscia jent. Develpai!


nr. 10 / 09 de merz 2012

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Nia marsc de protesta, mo dla liberté Le salt de 38 degrà I Scizeri dê de mà indô invié ia n marsc de protesta cuntra i relić dl fascism, mo chësta idea àn lascè ester. An fajarà porchël d’aurì n marsc dla liberté, por se deslié dala Talia. I ùn damanè le comandant di Scizeri d’La Pli Silvester Ellecosta ći che al arata y sce i scizeri é ma n tlap de fanatics Ai 14 d’aurì vëgnel praticamënter fat n marsc dla liberté. Sciöche la situaziun é incö tla Talia y inće te Südtirol, s’anadàn che le govern branćia intres deplü cun regoles y cutes. La Talia ne se stà nia massa bun. An ô porchël manifesté por se destachè da Roma. I Scizeri ê bele do la pröma vera dla minunga - y dailò ê inće la popolaziun a öna - da Silvester Ellecosta, comandant di Scizeri d’La s’an jì zoruch pro Pli. l’Austria. Do la secunda vera inće. Cun la La Pli - I media l’â bele incundè. situaziun da śëgn vëgnel porvè sce Ai 24 de mà foss i Scizeri de al foss la poscibilité da se destachè Südtirol indô jüs a Balsan a protestè n pü’ deplü dala Talia. Da s’an jì cuntra i relić dl fascism. Chësc püć daldöt saràl n pü’ rî. dis do la gran indunada di alpini. La reaziun ne s’à nia lascè aspetè. Gnanca la politica n’é a öna Al gnô impormetü cuntra- sön na proposta. Un n partì ô l‘autonomia plëna, desmostraziuns. Insciö à i Scizeri tut la dezijiun da lascè ester. La un ô n stat lëde, l’ater ô na data nöia é śëgn i 14 d’aurì, olache euroregiun Tirol, un ô jì zoruch an tignarà n marsc dla liberté dala pro l’Austria. Sce i partis tigniss strada Fagen ćina tla plaza dl palaz adöm y laurass fora na cossa provinzial. Chësc por protlamè n deboriada, fóssel damì. Sce an baia Südtirol demez dala Talia. Jì para cun jënt, vëgnel ma plü brontorè. po düć, nia ma i scizeri. I ùn I Scizeri é mefo chi che s’infida damanè le comandant di scizeri ćiamò da dì y da se damanè: d’La Pli Silvester Ellecosta do süa porvunse da jì chësc tru o nia? minunga en cunt di marsc. Al nes dij inće sce la jonëza vëgn docà tla Cun les generaziuns jones uniun y sce al é proieć concreć da n’arjunjésson magari nia le 50% mëte sö compagnies te d’atri paîsc por se destachè dala Talia. Ći dla valada. Laprò nes bàiel inće di dijëise pa sce an dij che i scizeri valurs di scizeri y de süa funziun. é chi che mët al prigo la convivënza cun de te’ aziuns che La Usc: I Scizeri â en previjiun ne porta impò nia a ći che an ô? da fà n marsc de protesta ai 24 I baiëis instës che al sarà rî. Les generaziuns jones tira indô de mà, mo al é gnü desdit? Silvester Ellecosta: Tla deplü sön l’orëi jì demez. Les Bundesleitung él düć che po portè generaziuns do les veres orô s’un ite sües propostes. Öna de chëstes jì, danterite él gnü na generaziun ê le marsc de protesta cuntra i che à indô plü arferè de chësc vers, monumënć y i relić dl fascism, mo y śëgn él i jogn che tëgn indô deplü chësc n’é nia gnü azetè, deache al sön les raîsc, ai é plü lià ala patria. é bele gnü fat n iade n marsc de protesta y la cossa é praticamënter De mà sarà Südtirol tles mans romagnüda sciöche al é dagnora de milesc de alpini. Ći dij pa i stè. Al gnô dit p.ej. che le relief gnô scizeri? Al é gnü dit che i alpini dess se stopè, chësc n’é nia sozedü. An à dit che al à püch sëns da protestè fà süa festa y sü marsc. I scizeri ne ćiamò n iade. Ćina che la politica jarà no denant, no dedô a protestè n’é nia buna da tó na dezijiun de ći cuntra i alpini. Mo iö speri ma - y vers jì, ne jôl a nia pügné inant. chësta é mia minunga personala - che ai ne vais nia dan le Monumënt Ćiodì aratëise pa che la politica ala Vitoria a mëte jö gherlandes. baziles da tó demez i relić? Chëra foss na gran provocaziun Al é inće tröc taliagn che arata por la popolaziun de Südtirol, no che chisc relić aldiss demez te n ma todësc y ladins, mo inće taliagn, stat democratich, mo impò n’él deache chësc monumënt n’é nia n dötaorela de chi che se reconësc te monumënt di tomà, mo ma n chisc. Mia minunga é che por evité monumënt fascist. da trà sö massa de gran beghes, Al é śëgn apresciapüch n ann bazìlai da i tó demez. Implü él inće Roma che arfera, deache ai ne po che le comandant da denant Paul impò nia tó demez düć i monumënć Bacher ti à passè le testemone a fascisć te n iade; dailò arati che ai Elmar Thaler. É pa le ess rovè cun i taliagn chilò, deache Schützenbund gnü plü radical? chi tëgn ćiamò lassura. Ćina ćiamò n’àn conesciü nia che al foss gnü plü radical. Elmar La protesta di 24 de mà é T h a l e r ê pö denant tomada, mo al é gnü pormez n Bundesgeschäftsführer y laurâ marsc ai 14 d’aurì. De ći se tràtera deboriada cun Bacher. Thaler se pa? darà magari plü da fà por reunì

Tirol. Al é plü sön chësta ligna. Di scizeri àldon tröp canche ai fej marsc de protesta. De süa ativité àldon dorata püch? I mëssi dì che di scizeri vëgnel ma scrit y baié canche ai protestëia de valch. Ći che i scizeri fej ti paîsc por la popolaziun en general, ne vëgn nia cis dit y scrit. Vigni compagnia fej tröp inće por sü paîsc. Al vëgn p.ej. comedè capeles. Nos ùn danter l’ater comedè le monumënt di tomà ta Pederü, o l’anteriöl fora dal Crëp de Santa Grazia, o l’ancona dla pest ta Furćia y tan d’ater. Iniann unse te nosc program da ressanè la capela dla vila Les Ćiases. Chël arati por le paîsc d’La Pli val’ de dërt y de fat. Dl 2006 - canche al gnô metü sö i scizeri d’Al Plan - â dit le maior Heinrich Seyr che al foss defata gnü docà compagnies nöies tla Val Badia. Gnü ne n’él gnanca öna. Ćiodì se stënta pa na te’ uniun da nasce? Tla Val Badia él da spavënt rî, deache al é paîsc cun tröp turism, la jënt ne se tol nia cis dlaorela y ne s’infida magari nia dër da se mostrè. I à odü che te tröc paîsc n’él de chi che arata che al foss bel da mëte sö na compagnia, mo canche ara vëgn a chëres, ne vara nia inant. I sun stà da d’altonn plü iadi a Corvara, olache l’ombolt foss dër a öna da mëte sö na compagnia, mo ara n’é nia garatada. I sun inće gnüs invià sön Badia y i à aldì che ai à inće l’ann passè porvè. Nos ùn dagnora miné che ara podess jì a La Val. I ùn inće n iade porvè, mo i ne sa nia ći che al é dailò stè che ara n’é nia plü jüda inant. Él al momënt paîsc olache la uniun di scizeri podess nasce? Al é tresfora n valgügn che prô o che pëia ia cun l’iniziativa, mo de concret n’él por le momënt nia. Dan la pröma vera êl te vigni paîsc na compagnia de scizeri. Les bandires é dötes ćiamò dan man y canche la uniun é en pé, la ciafon. Iö à intres ćiamò speranza, deache la generaziun da incö se sint indô plü tacada al daćiasa. Co éra pa cun le valur dla fede pro i scizeri? Chël alda laprò. Sce chël n’é nia, spo él damì nia ester laprò. Sce iö m’an desdiji dla dlijia, spo sunsi bele fora dla comunité, dles tradiziuns, él pö la gran pert dles tradiziuns che à sües raîsc tla dlijia. Co éra pa cun i jogn te osta uniun? Tëgn pa inće chi dassënn sön la fede? Al é inće chilò desvalì. Sforzè ne pòn degügn, mo travert dla surastanza mëss ester chël da porvè da condü plü dlungia la fede. Y i vëighi che al n’é de chi che tol pert cun le tëmp deplü ala vita de dlijia, nia ma canche al é da jì cun i scizeri. Intervista: Pablo Palfrader

Le mëis de forà 2012 nes à pité de döt, cis tles temperatöres. L’ejëmpl da Lungiarü Tëmp - Che al sides de forà ćiamò frëit n’é nia fora dl normal, mo che al sides propi ćialt, chël bëgn. Dal punt d’odüda dles temperatöres nes à le mëis de forà veramënter scinché de döt. I ti ùn ćiarè ales statistiches dl maester en ponsiun Albert Daverda, che documentëia le tëmp a Lungiarü. La pröma pert de forà é zënza dübe stada frëida. Le dé plü frëit é stè ai 6, olache le termometer é rovè jö ćina a -21°C. Te dui dis él rovè jö a 20 degrà de

frëit, dui iadi a -19, un n iade a -18. Do mez forà à le frëit spo plan plan metü man da dè na tria. Atramënter, al à propi mudè ćiantia. I dis à metü man da gnì tres plü ćialdins y la piza àn arjunt propi tl dé che nes vëgn chësc ann scinché implü, i 29 de forà. Dailò é le termometer jü sö a 17 degrà de ćialt, ći che é - te düć chisc agn che le Daverda scrì sö, zënz’ater n rècord. Döt adöm - sce an ti ćiara al mëis - unse de forà albü n salt de 38 degrà. (pablo)

Por les ëres che ô baié para Les ëres se mët adöm te n movimënt che dess ćiarè deplü a sü debojëgns. Le fin ne dess nia ester politich Lies - Les surastantes dl Movimënt dles ëres tla SVP dla Val Badia, dl’Uniun dles Patrones de Badia y dl’Uniun dles ëres dl Artejanat s’à incuntè ai 9 de forà a San Martin de Tor. Ares ô pié ia cun na iniziativa daldöt nöia por ti dè sbunf y motivaziun a dötes les ëres dla Val Badia che à interes da ascutè sö, da s’la cuntè, da capì ći che i adorun, da passè snel ai fać, da ester informades, da afronté problems y nen baié, da passè de beles ores en compagnia.

Lié les forzes Ara se trata da se mëte adöm y da organisé adöm n valgönes manifestaziuns al ann. ”Nos sun dla minunga che al vëgn organisé trö’ massa manifestaziuns da vigne singula uniun y insciö sozédera gonot che ma püćia jënt tol l’ocajiun da tó pert, cossa che desplej por che che se tol la bria da les arjigné ca. Implü él che vigni manifestaziun à inće n cost y ne vëgn nia tuta sö sciöche ara se miritass!”, dij les surastantes. Porchël fej les ëres n apel: ”Se metun adöm - adöm podunse mëte n azënt y arjunje deplü!”

Les prömes aziuns Dales parores éres inće atira passades ai fać y al é gnü metü da jì l’iniziativa dles primules, che vëgn organisada vign’ann dal Movimënt dles ëres tl SVP, por sostignì le stüde y le svilup dl crebesc, tema che interessëia dessigü düć. Chësta manifestaziun, che va a sostëgn dl'Assistënza tumors de Südtirol (Südtiroler Krebshilfe), vëgn portada iniann dala Uniun dles Ëres SVP, dala Uniun dles Patrones de Badia, dala Uniun dles Patrones da San Martin y Lungiarü y dala Uniun dles Ëres dl Artejanat. Düć é invià da cumprè les primules y desmostrè insciö na gran solidarieté a dötes les porsones che combat dé por dé cuntra la maratia dl crebesc. Metü man àn ai 8 de merz a Badia. Les atres dates dl’aziun dles primules pòn lì sot ai avisc dles manifestaziuns. La secunda iniziativa che é spo gnüda inviada ia é chëra da organisé mëses torones 4 iadi al ann, aladô

dles sajuns: da d’aisciöda (mà), d’isté (messè), da d’altonn (otober) y d’invern (jenà), dui iadi tl’alta y dui iadi tla bassa Val Badia. Les dates y le post gnarà ćiamò publicà plü avisa t’La Usc di Ladins, tles plates de ploania y comunicà tres radio.

Degun fin politich Chësta iniziativa ne dess nia avëi n fin politich, al dess ester n invit ales ëres da fà para, da se baié de co che ara nes va te nosta situaziun de vita da vigni dé, dedicada ala familia, al laûr te y fora de ćiasa, ala vita de comunité, al tëmp lede y nia inultima a nüsc bojëgns personai. Les ëres ladines é ëres stersces che ne se scona nia y é arjignades da dè le mascim de so potenzial. La sigurtè de ëres instësses dess gni plü grana tres le barat danter ëres. "I orun mëte da jì val’, intres se recordan che n dé sarà nostes mitans y nüsc mituns te nüsc ciaps. Porchël orunse bele śëgn i educhè y i portè a ponsè te na maniera responsabla por ći che sozed incër nos ia. Vignun po dè n contribut por miorè y/o sostegnì nüsc bojëgns, i bojëgns dles ëres”, stlüj jö les surastantes y invieia dötes les ëres da tó pert ales manifestaziuns cun entusiasm y interes. (Movimënt dles ëres)

www.lauscdiladins.com

19


Val Badia

nr. 10 / 09 de merz 2012

Inće ministranć dla Val Badia a Roma Incër cincanta é stà i ministranć y les ministrantes dla Val Badia che à tut sö l’invit de tó pert al pröm pelegrinaje diozejan di ministranć a Roma, dai 20 ai 23 de forà

Le grup di ministranć da La Ila.

Dlijia - Dan da döes edemes à i ministranć y les ministrantes de Südtirol podü tó pert a n iade por sanć a Roma, plü avisa dal lönesc ai 20 de forà ćina ala jöbia ai 24 de forà. Le pelegrinaje metü da jì dala Schira Jonila de Südtriol é le pröm organisé a livel provinzial. Al iade à podü tó pert 1.000 mituns y mitans, acompagnà da passa 200 volontars che laora scialdi bele fora por döt l’ann sciöche animadus y animadësses por i ministranć de vigni cöra. Le

pelegrinaje é gnü en chësc iade acompagné da nosc vësco mons. Ivo Muser, che à avisa festejé te chisc dis sü 50 agn. ”I ne podô nia me dejidré plü n bel momënt por festejé mì 50 agn”, à dit plü iadi le vësco tles incuntades cun i mituns sön le camping olache döt le grup é stè suranöt. Ćiamò na maiù ligrëza ti à fat al vësco les aodanzes da pert dl Papa Benedët XVI tratan l’udiënza generala, che al à tignì le mercui ai 22 de forà tla gran Sala Nervi tl Vatican. Tratan le salüt che le Papa

ti à menè a düć o damì ai tröc ministranć rovà a Roma por l’ocajiun, s’à le gran grup sambëgn lascè aldì. Le Papa se fajô ma plü demorvëia de sciöche l’organisaziun à podü portè tan de mituns y mitans a Roma. Do l’udiënza cun le Papa, à le Vësco adöm ai rapresentanć dla Schira Jonila y dui ministranć che complî avisa en chël dé i agn, podü incuntè personalmënter le Papa. Te chësta incuntada à le Papa damanè do la sanité dl vësco emerit mons. Karl Golser, y ne s’à nia desmentié

Dessura i ministranć de Badia, dessot chi da Lungiarü.

da menè i salüć al seminar da Porsenù y a döta la diozeja. Sön le tert domisdé à spo le Vësco zelebrè la festa de Capiun tla dlijia de San Ignazio de Loyola, adöm a deplü proi dla diozeja che à acompagné i mituns. Tratan i dis passà a Roma él inće stè momënć por vijité la cité y por imparè valch laprò. Por stlü jö vëgnel de cör rengrazié

düć chi che s’à cruzié dl’organisaziun, i acompagnadus che s’à metü a desposiziun por tó pert al iade y sambëgn düć i mituns che à tut pert. I s’aodun che chësta iniziativa sides de ejëmpl inće por le dagnì. Por i ministranć da La Ila, Lungiarü y Badia René, Thomas y Klaus

Ministranć d’Al Plan cun la liösa

Musiga di Dire Straits Legends

I ministranć d’Al Plan y sü familiars é gnüs invià da jì cun la liösa sön la pista da Munt da Rina. Lassö àn invié ia na picia gara y garatè él n bel domisdé de compagnia

I Dire Straits Legends à tignì n conzert tratan süa vacanza a Al Plan: na bela sëra de musiga de cualité alta

En domënia, ai 26 de forà, él garatè n bel domisdé por i ministranć d’Al Plan, chi che s’à abiné por raité cun la liösa sön Munt da Rina. Al ê bele da val’ edema che al rodâ l’idea da jì cun la liösa y passè insciö n bel domisdé deboriada söla nëi, mo le tëmp ne lasciâ nia cis fà. Canche les temperatöres s’à n pü’ alzè y le sorëdl s’à lascè odëi, spo n’à incër 20 ministranć aprofité da stè adöm y

da se devertì, acompagnà da fredesc, compagns y da geniturs. Na bela picia meja de passa 50 porsones s’à trat ite y sö por la pista, dala plaza dl sport da Rina demez, ćina olache la nëi ê batüda. Dailò él stè düć che à ciafè la picia marëna, por trà ite les forzes y podëi insciö tó pert ala gara dl plü asvelt söle pröm tòch dla pista. Feter vignun s’à mosorè cuntra le tëmp y la dificoltè da tignì ite les

otes… Le ministrant plü asvelt cun la liösa é stè Angelo Marku, sön le pataroz é Andrea Obwegs jü le plü debota. Danter i geniturs à Luca Kastlunger metü sö le miù tëmp. Al é stè na bela ocajiun por stè en compagnia, danter mituns y danter families. Na manira scëmpla, sana y plajora da fà comunité, y da lascè crësce la ligrëza de fà pert dl grup di ministranć. (c.s.)

Dmc le keyboarder Primiano Dibiase, le chitarist Marco Caviglia, le chitarist Phil Palmer, l’ostira Tamara Call, Giulia Call, le saxofonist Mel Collins, l’ostì Werner Call y Noemi Call.

Musiga - Dlungia le conesciü Phil Palmer, ex chitarist di Dire Straits, êl inće Mel Collins ala pert. L’inglesc à sonè cun tröc de gragn grups y artisć tratan süa cariera, desco i Rolling Stones, i Dire Straits, Tina Turner y d’atri. Al

Danter ministranć, sü fredesc y val’ compagn él rové adöm n bel grup de mitans y mituns. I geniturs à inće podü gnì para. (Foto: Carlo de Pipa)

20

www.lauscdiladins.com

vëgn aratè desco un dai sassofonisć plü importanć di agn 70 y 80. Insciö à le tröp publich rové adöm tla entrada dl Hotel de Werner y Tamara Call podü se gode na sëra de musiga de gran cualité, cun döes stars te n iade dan man. (gi)


Val Badia

nr. 10 / 09 de merz 2012

Sön tru por ciafè n bun post de laûr I studënć dl ITC da La Ila à podü imparè da conësce da plü punć d’odüda le monn dl laûr. Chi dla 4a tlassa é jüs a Rosenheim cun süa impreja simulada y à podü fà n’edema de practicums te aziëndes dla valada, chi de 5a à ciafè consëis d’öga por se presentè indertöra por n post de laûr se presentè, da argomentè y da baié cun tliënć. Le 17 de forà é stè por la 5a tlassa ITC n dé de scora interessant che à portè tröc resultać positifs y pité consëis importanć por le dagnì.

Le laûr pratich

Studëntes y studënć à podü fà n’edema de practicum te imprejes dla valada.

Scora - Na buna formaziun é al dédaincö le miù investimënt por le dagnì, dij i esperć dl marćé dl laûr y dl’economia. Avëi de bunes conescënzes spezifiches, savëi i lingac, ester bugn da laurè te n team, conësce bun les tecnologies nöies, mo inće avëi buna orentè por podëi laurè avisa, ester flessibli y ne la dè nia sö atira: Chësc é ći che le monn dl laûr se ghira suradöt dala jënt jona. Les scores altes da La Ila prô da svilupé bun chëstes competënzes y da formè jones y jogn che pois avëi suzès tl marćé dl laûr de nosc raiun.

Simulè na impreja Bele de novëmber à la 4a tlassa dl Istitut Tecnich Comerzial tut pert ala mostra dles imprejes simulades a Rosenheim tl Paiern. Dailò à les studëntes y i studënć metü sö le stont de süa impreja simulada, le Congress Center Dolomites. Tratan la mostra é la tlassa rovada adöm a jones y jogn che frecuentëia scores economiches

de deplü raiuns dl’Europa, y ara à laurè dui dis fajon marketing, tolon sö prenotaziuns y stlujon jö contrać por la impreja dles scores altes da La Ila. La mostra da Rosenheim é stada na buna ocajiun por svilupé les competënzes linguistiches, aprofondì les conescënzes dl setur economich y por imparè da laurè adöm cun d’atres porsones.

Co se presentè indertöra por n laûr En colaboraziun cun la Cassa Raiffeisen Val Badia à les scores altes metü da jì ai 17 de forà n assessment-center. Le assessmentcenter é n sistem che vëgn al dédaincö anuzè da tröpes aziëndes por l’archirida dl personal. Do le salüt dl diretur dla Cassa Raiffeisen Val Badia Hubert Obwegs ti à i esperć Lukas Kiesswetter y Klaus Schwarz portè dant ala 5a tlassa ITC i punć fondamentai por stlü jö bun na conversaziun cun n datur de laûr. La tlassa s’à arjigné ca bun a chësc dé, imparan tecniches da

La cuarta tlassa dl Istitut Tecnich Comerzial à fat ala fin de jenà n’edema de pratica te deplü aziëndes y istituziuns dla Val Badia. I posć de laûr che les studëntes y i studënć à ciafè é stà dër desvalîs - dales scolines y scores elementares ai hotì, dales assoziaziuns turistiches ai ofizi de comerzialisć, dales botëghes ales sozietês de lifć, da na staziun forestala al Istitut Ladin Micurà de Rü. Le fin dl’iniziativa ê tler: les studëntes y i studënć dê ciafè la poscibilité de cuchè ite tl monn dl laûr, de renforzè sües competënzes soziales y de ciafè impulsc por süa archirida personala de n tru profescional tl dagnì. Vigni studënta y vigni studënt é gnü assistì da n insegnant de tlassa che à tignì i contać cun les aziëndes. Ala fin dl’edema à dötes les studëntes y düć i studënć ciafè na valutaziun da pert dl’azienda/ istituziun. Tla valutaziun ti él gnü dè n gran pëis ala puntualité, ales bunes manieres, al laurè avisa y ales competënzes linguistiches. Ćiaran zoruch é l’edema de pratica stada zënzater na esperiënza de gran ütl che à ince portè ite n vënt nü tratan l’ann de scora. Fà incuntè les jones y i jogn cun le monn dl laûr y dl’economia dla valada é n obietif important dles scores altes da La Ila. Mo ara ne jiss nia da l’arjunje sce i daturs de laûr dla valada ne odess nia ite l’importanza de chëstes iniziatives y ne pitass nia na buna colaboraziun. Les scores altes y la 4a tlassa ITC

Le förtl da se presentè por n laûr é gnü imparè te n assessment - center.

dij porchël dër bel dilan a chëstes aziëndes y istituziuns: Assoziaziun turistica d’Al Plan, Assoziaziun Turistica da La Ila, Hotel Carmen d’Al Plan, Kostner Andreas Srl da Corvara, Istitut Ladin Micurà de Rü - San Martin de Tor, QBUS de Badia, Scolina d’Al Plan, Scolina

da Corvara, Scora elementara da Corvara, Segeda Datacons Srl da La Ila, Skiarea Miara Srl d’Al Plan, Staziun forestala da La Ila, Studio Com.e.d.a. da La Ila Studio Verginer Se.Ve. d’Al Plan. (dr. Albert Videsott - diretur dles Scores altes da La Ila)

Cun l’impreja simulada “Congress Center Dolomites” é studënć da La Ila jüs a Rosenheim.

Internet sigü Insciö se tlama le proiet che ti é gnü presentè ai scolars dles 1. tlasses dla scora mesana ”Tita Alton” da La Ila Scora - En lönesc, ai 27 de forà 2012 unse nos scolars dles prömes tlasses dla scora mesana ”Tita Alton” da La Ila albü l’ocajiun da ascutè sö ći che le suraintendënt Michele Pecoraro y l’Ispetur Corrado Palmarin s’à cuntè sön l’adoranza sigüda de internet. Do le salüt y na introduziun

cörta da pert dla direturia de nosta scora Claudia Canins Egger, à i dui polizisć tut la parora. Naôta s’ài presentè y à dit che ai fej pert dla Polizia Postale, che à süa sënta a Balsan. Tl pröm nes ài splighé ći che la lege sön la privacy scrì dant y nes à invié da ne la sotvaluté nia. Te n secundo momënt ài metü

Tratan le referat por i scolars de pröma mesana da La Ila.

man da baié de internet y dles cosses ütles che chësc mesum nü ti à portè ala jënt, sciöche por ejëmpl miliuns de informaziuns tres a desposiziun de düć, mo ai à inće intres indô orü nes fà capì i tröc prighi lià al’adoranza de internet. Ai nes à splighé y mostrè videos, olache an odô che tröc sić n’à nia contegnüs adatà por nos mituns, mo gnanca por i adulć en general; da chisc mësson mëte averda y se stravardè. Spo ési passà facebook, n argomënt dër interessant por nos jogn. I dui polizisć n’à nia critiché chësc social network, ćina che al vëgn adorè coretamënter por avëi contat cun compagns y porsones che an conësc personalmënter. Da mëte averda y da se stravardè, dijôi inant, él canche an tol sö contat cun porsones che an ne conësc nia y che podess nes dè

informaziuns falades sön ëi. Ala fin dl’incuntada, intres baian de facebook y di social network en general, s’ài dër aconsié da valuté ći che i metun ite, deache sc’i orun p.ej. n dé se trà fora da un de chisc social network, restarà les fotografies proprieté de chisc y po gnì adorades da düć. Le motto da se recordè dess porchël ester por nos: ”mëte sön internet informaziuns y fotografies che inće

tü geniturs podess lì o ćiarè ion, y che ne te desplajarà nia - sce te les liaras o les odaras te 10 o 20 agn“. Al é stè dër bel y interessant da ascutè sö i dui polizisć, porchël orunse inće i rengrazié, deache de ći che ai nes à cuntè, à vignun de nos podü se tó para valch. I scolars dla tlassa 1C SM La Ila

www.lauscdiladins.com

21


Val Badia

nr. 10 / 09 de merz 2012

Leziun demez dai banć

Sorvisc ai Jogn: al é indô da lité

Tratan l’orar facoltatif à n valgönes scores elementares dla direziun raionala d’Al Plan podü imparè deplü sön la sigurtè sön pista, demez dai banć, fora sön pista

Tla sentada generala dl Sorvisc ai Jogn, che sarà ai 14 de merz, gnaràl inće lité le consëi nü. Candidać é intres ćiamò bëgnodüs Lies - En mercui ai 14 de merz saràl dales 20.00 tl gran salf dl Istitut Ladin ”Micurà de Rü” la sentada generala 2012 dl Sorvisc ai Jogn Val Badia. Te chësta ocajiun gnaràl fat - do i salüć dl presidënt y dles autoritês - na relaziun sön les ativitês portades inant ia por l’ann. Söl program él spo l’aproaziun dl bilanz 2011 y la presentaziun dl program de laûr 2012. Deache al é bele passè trëi agn dales ultimes lîtes, vëgnera iniann da lité n consëi nü che condüjarà la istituziun por i proscims trëi agn. Inće i revisurs di cunć sarà da lité danü. Invià ala sentada é l’assessur provinzial Florian Mussner y le diretur dl ofize por le laûr cun y por la jonëza

Chi dles elementares da Rina, Antermëia, Al Plan y La Pli à imparé deplü sön la sigurté sön pista.

Scora - La sigurtè di scolars tratan le tëmp lëde y dantadöt canche ai va cun i schi y cun la brëia é indô stada al zënter y tl program dles ores facoltatives de n valgünes scores dla direziun d'Al Plan: Rina, Antermëia, La Pli y Al Plan. Bele por le terzo iade indôlater él gnü metü da jì dal Skirama Plan de Corones adöm ales direziuns dles scores elementares incër le Plan de Corones ia chësc proiet dër ütl por düć i scolars che sa bele da jì cun i schi. Tla direziun d’Al Plan podô tó pert scolars dla terza, cuarta y cuinta tlassa. N bel numer de apresciapüch 60 scolars acompagnà da sü maestri à tut sö chësc invit. En chësc ann él inće gnü i scolars da Rina, adöm a n bel grup d’Antermëia, da La Pli y d’Al Plan. Chësc proiet va der bun da mëte ite tles ores facoltatives dla jöbia domisdé tl mëis de dezëmber, insciö à podü i scolars imparè tres films cörć, jüć y n pü’ de teoria les 12 regoles de

comportamënt sigü FIS. Laprò à i scolars inće ciafè n memory da fà te scora. Dedô ài podü jì te de pici grups cun n maester de schi döes jöbies sön Plan de Corones a porvè fora y mostrè ći che ai à imparè. Do che i scolars à imparè da jì cun i schi, metôi man da jì intres plü gonot susc sön pista y porchël vàl debojëgn da i arjigné ca bun, ti fà capì i prighi che ai podess incuntè y ti mëte a cör da respetè dötes les regoles. Le tëmp tl mëteman dla sajun da d’invern, de dezëmber, é le dër momënt da imparè o renfreschè les regoles dl comportamënt indertöra sön les pistes. Döt le proiet vëgn finanzié dal Skirama Plan de Corones, cun n aiüt finanziar dl assessorat provinzial al turism cun a će l’assessur Hans Berger. N pü’ de delujiun à i scolars albü canche al é gnü comuniché che Manfred Mölgg ne foss nia gnü, mo ai spera dassënn che al vëgnes tosc l’ocajiun da le saludè

o da l’incuntè sö por val’ pista. A inom de düć i maestri y scolars i vàl n gran dilan a düć chi che à daidé por che chësc bel proiet garetes.

Mandli de nëi y cun la liösa Inće tratan la sajun da d’invern se mostra la natöra cun sües beles morvëies, y porchël ti à la scora d’Al Plan dè l’ocajiun à n bel grup de scolars da jì fora tla natöra a fà mandli de nëi, a jì cun la liösa y a slisoré. Te chëstes ocajiuns de leziuns alaleria pòn imparè dër tröp y de vigni sort: deache chëstes ativitês é davertes a deplü tlasses, röia i scolars adöm y mëss se respetè y se daidé un y l’ater. Laprò à spo inće i scolars albü l’ocajiun da jì tröp a pè y da conësce n valgünes viles dl paîsc. (maestra Edith Trebo - Al Plan, cun la colaboraziun de maestra Dejaco Maria Giuliana - Antermëia)

Klaus Nothdurfter, sciöche inće Wilma Runggaldier, porsona de referimënt por i jogn ladins. Dla Val Badia é invià le degan siur Iaco Willeit y düć i proi dla valada, i ombolć y assessurs ai jogn, i rapresentanć dles cöres y de dötes les 35 uniuns y organisaziuns mëmbres dl Sorvisc ai Jogn, che laora fora por i paîsc adöm y por i jogn, y i mëmbri dla consulta ladina. Pro les lîtes podarà lité öna na porsona por organisaziun y öna na porsona por cöra y comun. Sce al é ćiamò valgügn che oress se mëte sön lista por les lîtes, ési perià da cherdè sö te Sorvisc ai Jogn dal lönesc al vëndres dales 8.00 ales 12.00 y dales 13.00 ales 17.00.

Strades y plazes Tla Val Badia prevëiga la Provinzia da fà deplü laûrs sön les strades y löm vërda él gnü dè por l’ampliamënt dla plaza a San Ćiascian Viabilité - Sön les strades dla Val Badia déssel defata gnì fat de plü laûrs. Danter Badia y Corvara él preodü por d’aisciöda laûrs de ressanamënt di mürs y tlandri de strada. Sön na lunghëza de dui chilometri gnaràl fat laûrs por 240.000,00€. Tla fasa de proietaziun él laûrs che reverda costruziuns por che al ne vëgnes nia jö roes y peres a Badia y San Martin. Chisc laûrs n’é nia ćiamò gnüs scrić fora y al é preodü n cost de 242.000,00€. Pro i laûrs ćiamò da scrì fora él mürs y tlandri de strada sön la strada dla Val Badia al’altëza de San Laurënz. Le Sorvisc provinzial Strades por le raiun de Puster à odü danfora de plü laûrs che reverda l’asfaltè. Danter l’ater gnaràl fat danü tòć danter Corvara y Frara, y da Longega a Corvara. Por le 2012 él inće odü danfora da asfaltè danü ti comuns de San Martin de Tor, Mareo y San Laurënz. ”Anfat sce ara se trata de

asfalt, mürs o d’atri intervënć, i ćiarun da lascè fà chisc laûrs da firmes da chilò”, dij l’assessur Florian Mussner. Ël ti â fat la proposta ala Junta provinziala da fà investimënć por 43 miliuns de euro por mantignì les strades y la segurëza de chi che les les adora.

Parchè a San Ćiascian Ai 28 de forà s’à sentè adöm inće i mëmbri dla I. comisciun por la sconanza ambientala, che s’à dè jö danter l’ater cun na dezijiun dl consëi de comun de Badia. Le consëi â aproè na mudaziun al plann urbanistich por la plaza da parchè tl raiun Capanna Alpina. Deache la spersa é sön terac dl parch natural Fanes-Senes-Braies, vàl debojëgn da portè ite la plaza dl decret de sconanza. Deache la plaza é bele da agn y la Capanna Alpina é chësc gnü dè pro al’unanimité.

Palestra da Lungiarü tl program dles scores Lungiarü - La comisciun provinziala por les frabiches scolastiches à tut sö la proposta dl comun da San Martin da ingrandì la palestra da Lungiarü, che po ince gnì anuzada por manifestaziuns

Scolares y scolars cun la maestra Edith Trebo é jüs da Torpëi sö a fà mandli de nëi.

22

www.lauscdiladins.com

A Lungiarü orésson ingrandì la palestra por podëi l’adorè plü saurì inće por manifestaziuns. Aladô dla proposta menada ite dal comun da San Martin gniss la spersa dui iadi tan grana, fajon n ampliamënt da 100 a 200 metri cuadrać. La palestra atuala é massa picera por l’ativité de scora y inće por manifestaziuns dl post. Le proiet de mascima vëiga danfora la poscibilité de despartì la palestra ingrandida te döes perts,

a na manira da avëi la flessibilité da l’adorè tl medemo momënt por la scora y por manifestaziuns. Laprò àn inće ponsè a n palch da podëi alzè. Insciö pòn arjigné ca manifestaziuns zënza che i scolars romagnes zënza palestra. Tla ćianoa, olache al é bele le local dl cor, gnìssel ćiamò dui locai por les lies, un de 32 m2 y un de 45 m2. Le costimënt odü danfora te chësta fasa de proietaziun é de 1.207.000,00€. Le Comun da San Martin po śëgn jì inant cun la proietaziun y canche an arà le proiet esecutif, valutarà la comisciun por les frabiches scolastiches inće le finanziamënt da pert dla Provinzia.


Letres

nr. 10 / 09 de merz 2012

Da les zentrales di partis politics

La cossa publica

“Il ladino non esiste” Scrì che le ladin n’é nia, é jì cuntra düć y döt ći che vëgn fat por mantignì nosc lingaz y inultima inće nüsc dërć de mendranza. Dërć de mendranza, che da Balsan ne se vëgn nia dà plenamënter, ponsun a d’ejëmpl al Statut de Autonomia che te zacotan de perts va cuntra la mendranza ladina y inće cuntra i prinzips fondamentai dla Costituziun. Olà él pa da chirì la gauja? Zënza i rodè massa dî incërìa él da chirì la gauja a Balsan y suradöt tl Assessorat ala scora y cultura ladina, che à dagnora laurè cuntra tambëgn la scora y inće la cultura ladina. Do da na bela porta s’à dagnora ascognü na ostilité cuntra düć chi che é i sëgns dla ladinité dal lingaz ala bandira ladina, ala

cultura ladina, yii.. Por ći che reverda le lingaz en particolar, àn fat dagnora les dötes por despartì plü co unì. Ponsun, sciöche al é y vëgn laurè cun le lingaz unitar, olà che al é dagnora gnü soflé doìa. Le todësch é n lingaz unitar y n’à nia tut ite i idioms dles valades todësces. Inscio fóssera mefo inće por le lingaz ladin unitar. Lingaz unitar che n’ô nia tó ite i lingac de val, mo ô sostegnì les rajuns ladines. Por ester autonoms adoron n lingaz scrit aministratif unitar. Mo chilò sta le problem, i todësc y cis la SVP, n’ô nia che i ladins devëntes stersc. Mo śëgn vàn inće cuntra i idioms de val dijon che le ladin n’é nia. Ćiüna sarà pa la proscima y ćiudì po pa chësc suzede? Sce an ti ćiara al sistem Südtirol

capëscion atira chësc. Le sistem é metü adöm da na oligarchia che controlëia döt y partësc sö i scioldi publics y les sauridanzes aladô dla partignënza politica, insciò é la condiziun fondamentala por ruvé inant chëra da laurè tl interes de chësta oligarchia. Chësc ô dì laurè cuntra döt ći che n’é nia todësch. Chësc spliga inće na seria de fenomenns de mobbing che suzed tles istituziuns ladines cuntra chi che se dà jö en manira sinziera por le lingaz y la cultura ladins. Ći che é suzedü chësc iade ne po nia plü suzede, l’Assessur Ladin mëss trà les conseguënzes y tó posiziun y no se ascogne!

Stimeda presidënta, ai 31 de chësc mëns uniràl lità a Modena l presidënt nuef dla FISI, la „Federazione Italiana Sport Invernali“, do che doi istanzes de sunieria ova anulà l’ultima veles che fova unides tenides dan doi ani. Danter i candidac per la ncëria dl presidënt nuef rata nosta

Christian Ferdigg, Al Plan de Mareo

Resposta ala lëtra ”Te dlijia ôl ester referimënć concreć” Iö n’à pordërt degöna ligrëza da respogne a lëtres che vëgn publicades te n foliet, deache an röia ite te na storia dla taialungia che ne va nia plü a fin. Impò oressi tó posiziun sön ći che Martin Costalunga à scrit tla ultima Usc di Ladins, mo nia por jì ite tla cuestiun sce na dlijia adora simboi concreć o astrać; chëstes é minunges dl döt personales che se mirita de gnì respetades öna por öna. A me me destürba les afermaziuns ”Tone Gasser … cun so spidl” y ”a San Martin él ma un su che comana”, canche düć sa che

sides na Comisciun co inće le Consëi de Cöra à aproè le proiet de sistemaziun dl presbitêr. Al ne me sa nia dërt sce öna na porsona sora, te chësc cajo le presidënt dl Consëi de Cöra, se ciafa döta la gauja y al ti vëgn ćiarié sö döta la responsabilité, scebëgn che i sa por esperiënza che ara é gonot insciö! Porchël, sciöche mëmber dla comisciun che à aproè a maioranza le proiet, surantoli mia pert de responsabilité o de colpa. Romi Crazzolara, Piculin

Museum y aministrazion publica urganisazion de ti dé la crëta al candidat Lorenzo Conci de Madonna di Campiglio, che ie nce cunesciù te Sëlva, ulache l lëura tl ciamp dl turism. L se trata de na persona rëidla y dinamica, bën cunesciuda tl sport dl schi, sibe pra la urganisazion che tl ambient dla FIS, ulache l lëura pea bele dai ani te plu cumiscions de mpurtanza. L ie n candidat sun mesura. Lorenzo Conci se prejënta cun n beliscimo program, dantaldut

per judé y tré su l’atività di jëuni. Śën vàla de tenì adum danter nosta doi lies te Gherdëina, ti dajan duta la crëta a Lorenzo Conci. Deberieda puderons arjonjer truep; despartii, al incontra, puech o nia. De gra, „Saslong Classic Club“, Cumité de Copa dl Mond te Gherdëina, Edmund Dellago, presidënt

viers dla Spania dl Nord, ulache ëila jirà pona, plu dessegur a pe, chëla gran destanza de viers de Santiago de Compostela! Per nëus de Gherdëina mo plu nteressant y de valor “storich”, n funzion de nosta dlieja da Sacun, chësta si destinazion “turistica” y de esperienza speziela de vita! No pa? Na sëur leterera bona y sterscia: tlo à “nosta” Daria Valentin, bele l ultimo iede, a scumencé chësc si viac rich de gran emuzions, valores y de pensieres nce metafisics y de vita, lascià audì na si descuisizion y na analisa psico-spirituela n con’ de cosses sciche si “Rucksock”, che ëila ova mo sun l spinel te n viac analogh de dan n vint ani, ëila à pona nce streflà cun l pensier y si sentimënt artistich la Franzia cun si capitela de Paris de marueia, cun lecorc de tëmps passei te chëla “grande nation” de marueia y de cultura, y ëila conta cun n’ana sensibla y poetica di paesajes y dla cuntreda che ti passa via dan ai uedli, y ulache ëila ne sà nia cie che l sarà mo y cie che l unirà mo, ...y tei cër’ ponc de dumanda de “filosofia” y de vita ne màncel nia te chësta “individualité ladina”, te chësc si viac de cunescënza de livel “artistichleterer” aut. Nosta “turista” badiota conta, cun na richëza de paroles, de situazions, de ejitazions y de aspiteda, a na maniera dalaibon, y cun na “emoziuneivltà” che vën naturalmënter trasmetuda, y a na maniera che l fossa dessegur n tëmp scialdi bën sentà sëura, chël che nëus ladins dla Dolomites, nsci mbusiei y trafichei, nes tulessan n iede per chëi vint menuc scialdi curc, ti fajan cumpania al’autora sapienta y sensibla, de chëla

che on ncuei l argumënt de n si viac! La jënt y “si amor” per si rujeneda: pudon mé se ncunfurté sun l viac de Daria Valentin che va inant te chël che ie l itinerer de Compostela tla Spania, scialdi cunesciù, ma defin uriginel y particuler, y te chëla si maniera sota y criatif-leterera possa mé cunté na persona che sënt te si cuer l valor y la cunsistënza de si rujeneda ladina de “l’oma”, ...nia autramënter o defin tla maniera medema y valiva, che nce de gran poec y scritëures dla truepiscima autres cultures y rujenedes à, o à abù, cun si bela rujenedes y cultures, ...mé per dì l gran Thomas Mann o Stefan Zweig tl tudësch, magari l Manzoni o l sizilian Pirandello tla bela rujeneda taliana, Honoré de Balzac o Victor Hugo cun la beliscima rujeneda di franzëusc y dla franzëuses, y “last but not least”, Charles Dickens o Emily Broenté tla rujeneda scialdi culturela y mundiela di nglëisc.

Daria Valentin N gran rai de surëdl lucënt tl Radio Ladin de Bulsan! L fossa na gran bona ucajion da scuté su uni mierculdi tla trasmiscion dla „Copa dal café“ da za. trëicherc ala doi Na udleda danora a nosta Val de Gherdëina: te nosta Gherdëina, che ne n’ie nia dinrer nce dla minonga de vester feter la miëura dl mond te duta la cosses, ma ulache nëus son dal’autra pert purtruep - bele scialdi daujin ai “5 menuc dan la 12.00” n con’ de tenì mo sun na cunservazion bona, cuscienta y valëivela de nosc “rujené ladin”, y de chësc viers sons purtruep tl lëur de unì for plu stlec y dëibli, cun chëla cërta mentalità de lascé vester chël che nosc peresc y nosta umans ova mo arpà cun naturalëza, cun cuerënza y artenienza da nosc aves y antenac, sëurantulan cun plajëi y cunvinzion, mbën te chësta nosta val de Gherdëina me mpermëti ncuei de nvië jënt y de ti mëter dassënn a cuer de ulëi n iede scuté su, tla proscima enes, for l mierculdi, do la nutizies dla Rai Ladina de Bulsan, la trasmiscion dla “Copa dal café”! Daria Valentin y si viac a Santiago de Compostela: Da avisa doi enes incà, ma dessegur jirà chësta trasmiscions mo per n valguna enes, y l ie tlo da audì na cunteda de n livel de leteratura scialdi bon y aut, cun la usc viva de Daria Valentin de nosta Val Badia ujina y jurmana - da Badia, da Pedraces, da San Linert o da San Martin de Tor “al è puh bel anfat” - che lascia jì si pensieres criatifs, de gran sentimënt y de recostruzion sapuda, n relazion a n si viac de plajëi y de esperienza sota, che la ova purteda cun la ferata tres la Franzia y pona de

dantadöt de chëstes cosses.

Ladins Dolomites

Lëtra davierta Al Schi Club Gherdëina Saslong Lidia Bernardi - Presidënta S. Cristina, ai 6 de merz 2012

I jogn à de bojëgn de de bunes scores, de n laûr sciöche al alda y de n tët sura le će. Al foss bel sce chi che fej politica se cruziass

Auguresc y “audanzes” a Daria Valentin: nëus ti mbincessan senziermënter y cun gran solidarietà a si ert linguistica “ladina”, y a tanc che scota su, y dantaldut a na cërta strambaria de jënt de Gherdëina, che ne n’à nia la miëura y la drëta relazion de viers de chël che nëus son “perdrët”, che l ti garatëssa a duc y a dutes n “bon rai de surëdl ladin” y na bona spriza de cuscienza de chël che nëus son veramënter y zënza sotmiscions y sogezions storiches fauzes y defin nia nëubles, coche les cunescion!! De-gra.

Oscar Prinoth de Josef da Brida, Urtijëi te Gherdëina

L cunsëi dl Museum de Gherdëina à tratà te si ultima senteda la cuestion dl articul „La Union di Ladins de Gherdëina. Mo n ann de deficulteies ma nce de sudesfazions“, sotscrit dal presidënt dla Union di Ladins de Gherdëina, Stefan Kasslatter, y publicà tl Calënder de Gherdëina 2012. Da pert dl Museum se àn destanzià da chësc articul per plu rejons. L desplej dassënn la maniera de coche l vën atacà persunalmënter i reprejentanc dla man publica, cun chëi che l Museum porta inant n dialogh positif per purté a bon fin l problem dla derturazion dl Museum de Gherdëina. L Museum ie nteressà a lauré ora na soluzion costrutiva tres tratatives per na cunlaurazion cun tramedoi pertes, sibe cun la Union di Ladins che cun la Provinzia

y i Chemuns de Gherdëina. L cunsëi dl Museum se destanzieia perchël defin dala maniera de crië n cunflit cun l’aministrazion publica. L Museum ne ie ënghenó a una che l presidënt dla ULG à tl articul trat ca cuestions che reverda l Museum nstës. L Museum de Gherdëina ie na lia autonoma y ne uel nia unì trat ite tla problematiches de n’autra lia y paië la cunseguënzes de n cunflit politich. Da pert dl Museum àn crëta che n bon dialogh porta de miëur fruc, y che se rujenan deplù se lasceràl abiné na streda per ressolver l problem dla strutura dl Museum y l finanziamënt dla gestion per sustenì l svilup dl Museum a bën de duc. Wolfgang Moroder, presidënt dl Museum de Gherdëina

Dialogh y ladin N con’ dla lëtra-articul tla ultima USC muessi dì che l stil che caraterisea i ultimi scric dl presidënt dla Union di Ladins de Gherdëina Stefan Kasslatter, sciche nce chël tl Calënder de Gherdëina 2012, ne me plej defin nia. Ne son nia a una che n ti sauta ite cun na tel agrescività a na persona che à sotscrit deberieda cun la Dante Alighieri, na gran istituzion de cultura, n test che reverda la storia dl ladin. Na tel lëtra ti dà mé rejon a chëi che ti tira dant ala Union di Ladins de Gherdëina de ne vester nia davierta a n dialogh. Ne ulësse tlo nia me lascé ite massa te na descuscion n con’ de chël che Leander Moroder y l presidënt dla sozietà Dante Alighieri de Bulsan Giulio Clamer minova. Me nmagine che de velch à nce ëi si argumënc, scebën che l pudëssa suné nia tan bel, ajache l ladin ne vën nia adurvà sciche rujeneda unificheda, che messëssa permò unì fata sciche l talian, l tudësch, l nglëisc y n. i. Chël che ne me à nia plajù ie che, mpede se lascé ite te na descuscion scientifica y storica, coche n toca da fé per n argumënt de chësc viers, se à l presidënt dla Union di Ladins tëut la lidëza, zënza damandé i cumëmbri dla Union di Ladins de Gherdëina, de rujené melamënter de Leander Moroder, tulan ca argumënc che ne n'à nia

da n fé cun la frasa dita te n cuntest dut da analisé. Da cunselier lità tla Union di Ladins de Gherdëina y nce coche cumëmber dla Union ntëndi che al presidënt dla ULG ti stàl a cuer la cuestion dla rujeneda ladina, ma me damande de traté la cuestion sce l ladin sibe rujeneda o mé dialet cun argumënc plu fundei. Son segur che truep cumëmbri dla lia dla ULG ne n’ie nia a una cun chësta streda, che ëi se aspieta da si presidënt de sustenì n dialogh costrutif cun la istituzions cultureles sciche l Istitut ladin Micurà de Rü a bën dl ladin. Me tole coche ejëmpl mi pere Alex Moroder o mi cunià Guido Insam y la truepa autra persones che à metù dut l mpëni de si vita tla Union di Ladins de Gherdëina per amor dla rujeneda dl’oma. Cun ëi iel unì fat l’ultima gran renuveda dla Cësa di Ladins, ëi che ne à mei tratà nscila persones che fova de n’autra minonga, de chël sons bëndebò segur. Ëi à for cialà, y l ie stat tëmps segurmënter riei nce per ëi, de jì inant sun la streda che porta al bon fin per duc, che ie dantaldut l respet dla ideies di autri cun n spirt veramënter culturel y posse bën dì che nscila iesi nce stac boni de ruvé pra truep. Wolfgang Moroder, cunselier dla Union di Ladins de Gherdëina www.lauscdiladins.com

23


Sport

nr. 10 / 09 de merz 2012

Les finales s’àn fat fora ai setmetri Secunda ediziun dl turnier de calceto U10 dla Val Badia. Te Palestra da La Val s’à mosorè set scuadres de jogn. Tla gran finala s’à indô incuntè te ćiamp les medemes scuadres dl ann passè: Mareo y San Martin. I maroi à albü la miù cuarto setmetri à La Val indô atochè y Sara à parè l’ultima trata dl Mareo, insciö s’à La Val assigurè le terzo post.

Le Mareo davagna indô

Düć i śogadus y i alenadus pro le secundo turnier U10 dla Val Badia.

La Val - Ai 25 de forà à la Uniun dl Sport da San Martin y la Uniun dl Sport da La Val organisé le secundo turnier de calceto U10 dla Val Badia, te palestra da La Val. Indöt à tut pert al turnier set scuadres: trëi da San Martin, döes da La Val y döes de Mareo. Chëstes é gnüdes partides sö te dui rodi. Tl rode A êl les scuadres da San Martin A, B y C, sciöche inće la scuadra Mareo A. Tl rode B śogâ les döes scuadres da La Val y la scuadra Mareo B Do les partides preliminares dl rode A êl la scuadra Mareo A che comanâ la tlassifica cun 9 punć, dan San Martin A cun 6, San Martin B cun 3 y San Martin C cun 0. Tl rode B êl al pröm post La Val A cun 6 punć, dan Mareo B cun 3 y La Val B cun 0. Les prömes döes scuadres de vigni

rode se cualificâ por les semifinales. Tla pröma semifinala s’à incuntè te ćiamp les scuadres de Mareo A cuntra Mareo B. Mareo A à davagné la partida cun n resultat dër toronn de 5 a 0. Tla secunda semifinala s’à incuntè la scuadra La Val A cuntra San Martin A. Do n pröm gol dl San Martin, é La Val stà bugn da parejé. Do le gol fat n’à La Val nia mantignì la conzentraziun y insciö à le śogadù Simone dl San Martin fat atira le gol dl 2 a 1, do le pröm passaje a mezćiamp. La partida s’à stlüt jö sön le 3 a 1 por San Martin.

Emoziuns pro i setmetri Do les semifinales nen jôra di posć söl podest. Tla picia finala s’à incuntè Mareo B y La Val A. La partida à metü man dër intensif

La scuadra Mareo A cun Leo Crepaz (Raiffeisen) y i alenadus Paul Pisching y Gabriel Frenner.

y an odô che intrames les scuadres orô arjunje le podest. Do le pröm tëmp stôra ćiamò 0 a 0, mo spo s’à n śogadù da La Val lascè fora, fajon n bel gol al jore, do na rebatüda dla defenjiun dl Mareo. Le portier n’é nia plü stè bun da parè la trata, deache ara ê dër asvelta. N menüt dan la fin s’à La Val lascè arjunje cun n gol dla medema mosöra co chël che ëi â fat. Na bela trata é rovada tl piz de porta, olache le portier ne podô nia rovè. Le resultat ne s’é nia plü mudè y insciö éson passà ai setmetri. Pro chisc él stè le Mareo che à falè por pröm. La Val à falé le secundo y le Mareo nia. Pro le terzo à La Val atochè la stangia; le Mareo ess a chësc punt podü stlü le resultat, mo la portiera Sara da La Val à tignì sö la trata. Pro le

Tla finala s’à indô incuntè les scuadres Mareo A y San Martin A, sciöche al ê bele sozedü tl rode y inće tla finala dl ann passè. Tla partida de rode â le Mareo A davagné le duel, inće n pü’ deache n śogadù dl San Martin â messü lascè le ćiamp i ultims menüć por protestes. Insciö é le Mareo stè bun da fà le gol al ultim secunt de jüch. Tla finala orô San Martin sambëgn lascè odëi che la pordüda da denant n’ê nia stada miritada y insciö ési ćiamò jüs cun plü motivaziun te ćiamp, atocan atira dal mëteman na stangia. Dedô él le Mareo che s’à descedè y la pröma trata di maroi é inće rovada sön la stangia. Mo do da 3 menüć passa chi de Mareo en vantaje. Mareo ê dër stersc ia dant y inće iadedô, mo San Martin ne s’à nia lascè sprigorè da chësc gol. Tl secundo tëmp ési stà bugn da parejé y da se tignì le resultat ćina ala fin. Insciö tomâ inće la dezijiun finala ai setmetri. San Martin tira por pröm y la trata vëgn parada dal portier de Mareo. Le Mareo ne fala gnanca na trata, inće sce le portier dl San Martin é stè bun da aziché döes trates, ne ti éra nia garatada da

Por le secundo iade secundi. La scuadra San Martin A cun i alenadus Albert Kastlunger y Oskar Clara.

devié le palê fora de porta. Insciö à le Mareo por le secundo iade davagné le turnier U10 dla Val Badia. Cun la premiaziun s’à stlüt jö na bela sabeda de sport y compagnia tla palestra da La Val. N bel dilan ti va ćiamò ala U.S. La Val por la desponibilité dla palestra, ala U.S. San Martin por avëi organisé chësta secunda ediziun dl turnier y al sponsor che nes à dè les copes y medaies. (oscar clara)

Resultać partides preliminares San Martin C - San Martin A: 0 - 6 La Val A - La Val B: 6 - 0 Mareo A - San Martin B: 4 - 1 San Martin C - Mareo A: 0 - 5 La Val A - Mareo B: 3 - 0 San Martin A - San Martin B: 5 -0 San Martin C - San Martin B: 0 -4 San Martin A - Mareo A: 0 - 1 La Val B - Mareo B: 0 - 2 Semifinales Mareo A - Mareo B: 5 - 0 La Val A - San Martin A: 1 - 3 Picia finala Mareo B - La Val A: 3 - 2 (ai setmetri) Gran finala Mareo A - San Martin A: 5 - 4 (ai setmetri)

Terzo plazamënt por la scuadra La Val A, cun i alenadus Fabian Sottara y Thomas Deiaco.

Bela proes per i Pavei d’Arjent Serena Plachesteiner é ruèda pruma a l’ùltima proa triveneta Free Bal sui feres - Ence l meis de mèrz l’é tacà ite ben per l’atletes del Val de Fascia Artistico Ghiaccio. L fin de setemèna passà a Maran, te la quarta e ùltima proa triveneta Free, l’atleta Serena Plachesteiner, é ruèda pruma de la categorìa Prinzipianc B. Da uzèr fora ence la 7^ posizion de Karen Pira, l’8^ de Lucia Battisti, la 14^ de Elisa Colombo, la 20^ de Federica Colombo e de Debora Nicolodi e la 22^ de Valery Iori te categorìes olache l’era béleche 40 concorenc.

24

www.lauscdiladins.com

Via per la ùltima setemènes de firé i Pavei d’Arjent à tout pèrt ogne fin de setemèna a desvaliva competizions. Anter chestes l’é stat la 4^ proa triveneta federèla a Claut olache Marco Zulian se à classificà 2°, Micol Testor e Madeleine Vigl les é ruèdes 4^ e Noemi Testor 13^. N beliscim prum post al Trofeo Angels on Ice a Feltre é stat arjont da la pìcola Azzurra Iori che te trei garejèdes l’à otegnù ence doi secondi posć. A chesta garejèda à tout pèrt

ence la più pìcoles atletes de l’Artistico Ghiaccio desche Melany Planchesteiner, Martina Zanoner, Elisa Planchesteiner e Ester Maria Vian, che les à tout pèrt con gran empegn e emozion a chesta pruma proes, compagnèdes e vidèdes da l’alenadora Viviana Felicetti. Ades la sozietà e la atletes vèrda con atenzion a la garejèda intersozièla che vegn endrezèda tel stadie de Dèlba ai 10 e 11 de mèrz, olache apede ai concorenc de cèsa sarà ence etres 120 joegn da dut l Trivenet.

L podie con la venjidora Serena Planchesteiner.


Sport

nr. 10 / 09 de merz 2012

Play off, prumes does ventes per l Cortina

David terzo

N bon scomenciament per l Cortina che venc les prumes does partides di play off contra la temuda Valpellice

Badiasport indô söl podium pro la Ski Alp Val Rendena

Hockey - Dapò l bon terzo post arjont tl master round é metus man ence per l Cortina i play off. Pruma scuadra da bate: Valpellice, team che à sclut ju al secondo post l relegation round. L Cortina é fosc n puech sprigoré da la scuadra piemonteisa che vegn da nuef ventes sun diesc partides tl relegation round. Te ciamp va la scuadra ampezana con duc i transfer card, i jugadours foresć a desposizion, jon contra les regoles dla LIHG. "I on vedù che l Valpellice ne vuel nience respeté l pat fat fora a livel de Lega che prevedova l mascim de nuef jugadours foresć a roster - à dit l president dla Sportivi Ghiaccio Cortina Sandro Moser - perchel jugaronse con duc i diesc foresć a desposizion." Y enscí a fat l alenadour Stefan Mair. La partida é metuda man con de bones azions da pert di ghesć che à metù en dificolté l portier Levasseur. Con l passé dl temp é i patrons de ciasa stés bogn da reconcuisté l ecuiliber, ma la pruma frazion é ruveda zenza goi. L secondo temp à vedù n Cortina spetacolar che à metù sun i jenedli la Valpe. La porta aversara é vegnuda sbrocheda da Hennigar y Fraser, che à fat na dopleta. A porté inant l vantaje dla scuadra ampezana él ence sté spo l autogol de Martinelli al 38.58; la seconda frazion é ruveda sun l resultat de 5 a 0 con n gol, a n second da la fin, de Hennigar. Tl terzo temp él sté la Valpe che à prové da fé la

partida. L gol de Desmet ne i à endere nia basté ai piemonteisc y la partida é ruveda sun l 5 a 1 per la scuadra ampezana.

Venta tl overtime a Torre Pellice L Cortina à spo ence davagné a Torre Pellice, te na partida plu sofrida. L prum gol é sté di patrons de ciasa che à sbroché ite la porta de Levasseur al menut 14.56. Ma i ghesć ne se à nia lascé jì y à druché inant dant la porta aversara. L comportament agressif de De Bettin y compagns à porté si fruc al 24.42 can che Ryan Dingle à surpassé la verda de Valiquette, nia da bate enfina a chel moment. Tla seconda frazion à la scuadra piemonteisa abù la poscibelté da

se porté en vantaje con n penalty, che é endere vegnù paré da Levasseur; la frazion se é ruveda con l vantaje di ampezans che é jus inant con n gol de Johansson. La parité é endere steda arjonta al 43.09 con Trevor Johnson che à sbroché ite la porta dl Cortina te na situazion de superiorité. A doi menuc da la fin él Rob Sirianni che à metù ite n gol che ne é endere nia sté dezisif ai fins dl resultat final, ajache Ryan Meney à metù ite l disc y à porté la partida al overtime. Ti temps soura fora é les ocajions stedes truepes da trames does les pertes, ma a la fin a sla rie é sté l Cortina, che é ju en vantaje con Rob Hennigar y che se à enscì garantì la seconda partida di play off. (Comunicat stampa LIHG/katia)

plazè al 29. post (2:34.59), René Irsara al 31. (2:36.08), Michael Irsara al 85. (3:06.19). Pro les ëres ti é jü le suzes a Orietta Calliari. (badiasport)

René Irsara tratan la gara.

L Gherdëina I resta segondo Ntan che per la prima scuadra de Gherdëina se trateràla n sada ai 17 de merz a Urtijëi de s’la fé valëi per l titul contra l Merania, ie l Gherdëina II massa dovia per avëi mo pusciblteies de salvëza

Michele Zanatta y Lou Dickenson. (foto Gillemon)

N segondo post per l T.C. S. Cristina/Urtijëi Ala fin dl’ultima ena iel, cun l setim juech, finà l campiunat “Wintercup” de tennis dla serie B y C. N ne se ëssa mei aspità de stlù ju cun n segondo post tla serie B chësc campiunat, che vën plu che auter udù sciche bon alenamënt y preparazion per la sajon che scumëncia permò sciche l toca do Pasca Tennis - La lies de Gherdëina se ova scrit ite sot al inuem TC S. Cristina/Urtijëi per pudëi tò ite jugadëures de duta la valeda y n à desmustrà de pudëi tenì pea cun l bon livel de juech te Südtirol ma nce dl Trentin. Pra l ”Wintercup” vëniel fat de ndut cater partides, doves de singuler di ëi, una de singuler dl’ëiles y una de dopl di ëi ulache l possa mé fé pea al plu un di doi dl singuler. Pra la scuadra dla serie B à David Kostner, Patric Prinoth, Verena Hofer y Diana Moroder lascià udëi n livel scialdi aut y judei nce dai maestri Stefano Bassetto y Patrick Prader, ài duc deberieda arjont n beliscimo resultat vencian sies ndesfidedes sun set y finan via a pèr mé un n iede sëul. Da muië fòvel mé che nia for ne se à la averseres ëiles prejentà ala partides; chëles che ie unides fates à Verena y Diana venciù sun ciamp, l’autres sun l papier. Ntan dut l campiunat àn udù de bel tennis y tl tennis curì te Sëlva, ulache l univa jugà per la partides n cësa, àn dessegur udù n livel de juech tan aut sciche mo mei cun de plu

Schialpinism - Pro l’otava ediziun dla Ski Alp Val Rendena à i atleć de Badiasport indô arjunt de bogn resultać. Le jonn David Frena à indô arjunt te süa pröma sajun de schialpinism n post söl podium. Cun n tëmp de 1:32.01 él ruvé al 3. post. Oliver Canins à arjunt te 1:47.06 le 8. post tla categoria di cadëć. I atleć dla categoria Master y Senior messâ superè n percurs cun 1.600 m de deslivel. Inće chësc iade à messü le percurs originar gnì mudé por gauja dla püćia nëi. Ai pîsc dl podium, mo impò cun dër na bona prestaziun, s’à plazè al 4. post Lois Craffonara (2:12.24). Ël é rové al travert 2:54 menüć do le pröm Filippo Beccari. Andreas Irsara s’à

jugadëures de segonda categuria. Gran merit per l segondo post à dantaldut Patrick Prader, che à fat pea y che ne n’à perdù degun juech de dopl. La scuadra dla serie C fova metuda adum da Erwin Tröbinger, Michael Kerschbaumer, Jonas Ciechi, Daniela Demetz, Carolina Riffeser y Lisa Prinoth. Do n scumenciamënt nia massa garatà iela jita for miec nsci che ala fin àn finà via al terzo post cun de ndut

set ponc che ie n drë bon resultat. Coche dit ne n’à la sajon tennistica mo nia scumencià sciche l toca cun linges de turnoies y campiunac y n spera sambën de pudëi se tò mo vel’ bela sudesfazion ntan l ann. N gra de cuer ai maestri che ti sta for do a duc i mutons cun gran pascion y pazienza, y i bon resultac ie la desmustrazion dl bon lëur fat.

Patric Prinoth, Verena Hofer y David Kostner.

Alex Runggaldier

Schach - L ie unì jugà l nono di dl Campiunat provinziel a scuadres, che va bel plan a piz.

Bulsan II. Povester assé che l vën docà mo na bela reazion dla segonda scuadra dl Gherdëina!

Serie A

Campiunat provinziel ndividuel di jëuni

Do trëi enes de paussa fòvel da jughé l nono di dl campiunat provinziel. L Gherdëina à messù se museré oradecà cun l PersenonMilland, na scuadra drët n forma chëst ann. Do passa cin ëura de juech y nia puecia fadies se à l Gherdëina segurà la vënta per 4 a 2 cun i ponc ntieres de Rainer Demetz, Stefan Moroder, Franz Prinoth y Herbert Grossrubatscher. L Merania resta inant al prim post dla tlassifica cun 18 ponc, davia che si averser, l Richter/Lask de Bulsan, se à prejentà cun doi resserves da stramp dëibles sun la ultima doi mëises, ti scincan praticamënter doi ponc! L Gherdëina I ie al segondo post cun 16 ponc. L vën do l Gries de Bulsan cun 14 ponc. L proscimo di, n sada ai 17 de merz dala cater domesdì tla pitla sala dla Cësa de Cultura de Urtijëi, sarà perchël de gran mpurtanza y arà scialdi da n dì per l resultat finel dl campiunat, ajache l Gherdëina arà da jughé propi cun l Merania!

Nadia Kasslatter bedaia de bront pra la mutans sot a 10 ani. Ai 26 de fauré fòvel a Steinegg/Stanecia l campiunat provinziel di jëuni, che udova dant sies partides per uni partezipant. Tla categuria sot a 14 ani àl fat pea trëi jëuni dla Lia Schach Gherdëina. David Dejori ie ruvà 7. cun 3 ponc, Matthias Kasslatter 13. cun 2 ponc y Gabriel Prinoth 15. ënghe cun 2 ponc. Tla categuria dla mutans sot a 10 ani à Nadia Kasslatter arjont la bedaia de bront dla mutans, ruvan terza cun 4 ponc. Te chëla di mutons sot a 10 ani ie Elia Bergmeister ruvà 7. cun 3 ponc. Chisc cin sculeies ie la speranza dl daunì dla Lia Schach Gherdëina y merita na lauda ajache i fej pea regularmënter pra duc i turnoies y i trainings! (rd)

Serie B Cun na furmazion ndeblida à l Gherdëina II messù furné te Puster per ancunté la segonda scuadra dl Ehrenburg, ulache l ëssa ugà a vëncer per ruvé ora dla zona de chëi che manacia de tumé ju. La ne à nia butà y ala fin iel sautà ora na piersa per 2 a 3. Venciù à Rifat Kazazi cun si 80 ani, remis à fat Klaus Knottner y David Dejori. Chësc ultimo, che à permò 13 ani, à arjont si prim resultat positif tla serie B. L Gherdëina II ie śën al 10. post cun 5 ponc y manacia perchël de tumé ju tla serie C. L resta mo da fé cun i prims doi dla tlassifica, avisa l Burnech y l Richter/Lask

Rainer Demetz à tl juech cun l Persenon-Milland mantenì sanch frëit y à dat n cuntribut mpurtant per la vënta dl Gherdëina. Rainer ie oradechël ”topscorer” dla serie A cun 8 ponc sun 9. www.lauscdiladins.com

25


Sport

nr. 10 / 09 de merz 2012

Patrick, Florian y Hannes é vizecampiuns Punć importanć Ultimo apuntamënt mondial por la liösa sön pista naturala. I südtiroleji Patrick Pigneter y Florian Clara é vizecampiuns mondiai tl dopl, Hannes Clara é vizecampiun tl singul

Les marores s’à porté an 1 n punt dal pröm post, baton te ćiasa les chidladësses da Verdings, les prömes tla tlassifica.

Liösa - Tla copa dl monn de liösa sön pista naturala éra jüda combatüda chësc ann, almanco por ći che reverda les gares dl dopl. Le duel ê tresfora danter i südtiroleji Patrick Pigneter y Florian Clara, y i dui rusc Pavel Porshnev y Ivan Lazarev. La dezijiun é tomada tla finala, stada ai 2 de merz a Umhausen foran Austria. Dan l’ultima gara ê i südtiroleji secundi te tlassamënt general, cun ma 30 punć de svantaje sön i rusc. Chësc ti lasciâ ćiamò les portes davertes por le pröm plazamënt, mo i dui rusc n’à falè nia. Ai à davagné l’ultima gara cun le tëmp de 1:21.86. Secundi Pigneter y Clara, cun n destach minim de 15 centejims. Insciö s’à i rusc assigurè la copa cun 570 punć do sis gares, dan Pigneter y Clara cun 525 punć. Terzi é gnüs i austriacs Christian Schatz y Gerhard Mühlbacher cun 386 punć. Por i rusc vëgn chësta

Chidlé Val Badia - Punć importanć à inće fat i chidladus dl Mareo I, che à batü Leifers, i ultims tla tlassifica, y à insciö aumentè le vantaje söles scuadres che é do ëi, y à fat n bel vare cuntra la salvëza. La Ila à recuperè posiziuns tla tlassifica cun na devënta fora de ćiasa cuntra Latzfons. Ma por le Mareo II va inant la seria negativa y la chance da romagne tla seria C é carada dassënn.

devënta indô do ot agn. L’ultim iade che ai â davagné la copa ê stè tla sajun 2003/2004. Döt adöm él süa terza devënta. Coreta la reaziun de Florian Clara: ”Ai ê plü stersc. I ùn porvè döt y ara ne s’é nia garatada da i bate”, àl dit, pensan bele ala sajun che vëgn: ”Ara gnarà dessigü indô interessanta. I sperun ch’i podunse jì inant sciöche i ùn stlüt jö chësta sajun, deache nosc material é indô daldöt concorenzial.” Pigneter y Clara é gnüs secundi do cater agn che ai ê intres rovà sön le scalin plü alt.

Chë ultima ocajiun Ai 3 de merz garejân spo inće por la finala tl singul. Pro i ëi êl bele do la cuinta dles sis gares sigü che Patrick Pigneter foss gnü campiun. L’atlet da Völs s’à inće davagné la sesta gara y à insciö davagné dötes

les gares dla sajun. Dl secundo plazamënt y insciö dl titul de vizecampiun po se ralegrè Hannes Clara da Lungiarü, che ess albü te chësta ultima gara l’ocajiun da bate Pigneter. Do la pröma manche ê Clara pröm cun 42 centejims sön Pigneter, che â ma fat le terzo tëmp, mo tla secunda à l’atlet da Völs desmostrè indô döt so savëi y à stlüt jö al 1. post cun 41 centejims de vantaje sön le tëmp total. Clara é gnü por le cuinto iade te chësta sajun secundo y à insciö confermè che l’arjënt mondial é sigü mirité. Pigneter à tla tlassifica generala arjunt le mascim de 600 punć. Hannes Clara é rové sön 425 y le südtiroleje Alex Gruber é gnü terzo cun 363 punć. Patrick Pigneter à davagné la copa dl monn de liösa por le setim iade indôlater. La pröma âl davagné tla sajun 2005/2006. (pablo)

Seria A 2-ost Mareo - Leifers: 6 - 2 I maroi ti é stà suraće, te ćiasa, ala scuadra da Leifers, che é al ultim post tla tlassifica. Chisc é stà punć dër importanć por la salvëza tla seria A2. Ai romagn inant al nono post, mo ai à arlungé le vantaje sön les scuadres iadedô y à śëgn 4 punć de vantaje soi ultims y 3 söi penultims. La partida é da impröma inant stada tles mans di patruns de ćiasa, che à metü sön so cunt düć i punć tles prömes döes series da 120 bòć. Tl’ultima seria à i ghesć porvè cun dötes le forzes da oje la partida, davagnan i dui punć di confrunć direć y recuperan n valgügn chidli, mo i maroi à salvè n vantaje de 116 chidli, arjunjan na media de 534,2. Le mairont dla partida é stè Tone Call cun 555 chidli. Resultać personai Tone Call, 555 Pire Rungger, 548 Lois Ellecosta, 548 Christian Ties, 547 Simon Complojer, 509 Matteo Ties, 498

Seria B-ost feminila

Premiaziun pro la copa dl monn dl dopl: bel a man ciampa Florian Clara da Lungiarü y Patrick Pigneter da Völs, che à arjunt le secundo plazamënt general. (Foto: FIL/Sobe)

L Gherdëina II vënc n cësa La segonda scuadra de Gherdëina vënc do la rata saurì n cësa contra l Ahrntal, ntan che per la prima scuadra ne n’iel inò nia da n fé sun la chidladoia de Sterzing partida y nsci iela nce jita n vënderdi dl’ena passeda contra l Eintracht de Sterzing. Do la prima lingia di colps ie chëi dl Eintracht bele mucei danora de 59 chiedli, ma un n pont di chidladëures iesen stac boni de fé. Daldò ne n’iela nia plu jita y duc i autri chidladëures à perdù. Ala fin ova i averseres batù ju 2024 chiedli deplù.

Serie B-est

Viktor Werdaner à fat pea tramedoi partides.

Chidlé - Tla chidladoia de Sterzing ne n’à la prima scuadra de Gherdëina perdrët mei fat na bela

26

www.lauscdiladins.com

AKC Eintracht Gherdëina I 7:1 Resultac persunei: Viktor Werdaner 530 Siegfried Prinoth 516 Armin Moroder 489 Werner Runggaldier 483 Guido Stuffer 480 Thomas Demetz 472 Drët butà ti àla al incontra al

Gherdëina II te Sëlva. Cun na bela mesaria de 514,8 chiedli à l Gherdëina batù per 6 a 2 l Ahrntal. Scumencià àla drët bën cun Viktor y Helmut, che à tramedoi fat l pont y ie jic danora de 82 chiedli. Tla proscima lingia àn mo auzà la cumpëida de chiedli batui ju deplù che i averseres, fajan mo n pont prun. Nscila nce tla terza lingia, se tenian cun chësc a cësa i doi ponc.

Mareo - Verdings: 5 - 1 Tla seria B-ost feminila s’à incuntè les döes favorites por le titul: le marores, che é al secundo post tla tlassifica à ospité les prömes, Verdings. La partida é stada combatüda, cun les patrones de ćiasa che à trat fora n vantaje de 16 chidli pro la pröma seria da 120. Pro i punć di confrunć direć êl 1 a 1. Pro la secunda seria à les marores davagné intrami i punć y, cun na media de 510,3, âres ala fin dla partida n vantaje de 50 chidli da mostrè sö. Cun chisc punć àres smendrì le svantaje da Verdings tla tlassifica a un n punt.

Serie D-nord Gherdëina II - Ahrntal II 6:2 Resultac persunei: Helmuth Schieder 539 Manfred Wanker 534 Viktor Werdaner 528 Konrad Malsiner 524 Hansi Demetz 493 Ewald Insam 471

Lois Ellecosta à mazé jö 548 chidli.

Le presidënt dla scuadra da La Ila Stefan Fistill.

La miù dla partida é stada Gabriella Ties cun 550 chidli. Resultać personai Gabriella Ties, 550 Gerda Complojer, 511 Valeria Federa, 504 Flora Weiss, 476

Seria C-nord Latzfons - La Ila: 2 - 6 La partida é stada dî avaliada fora. Ot chidli de vantaje â La Ila do la pröma seria da 120 bòć y pro i punć di confrunć direć êl 1 a 1. Ala pêr pro i punć inće la secunda seria, mo i badioć é stà bugn da aumentè le vantaje a 63 chidli. I ultims dui da La Ila à spo stlüt le sach, davagnan i ultims dui confrunć direć y portan le vantaje pro la soma totala di chidli a 178. Cun indöt 3071 chidli ài arjunt na media de 511,8. Le miù dla partida é stè Carlo Valentini cun 562 chidli. Tla tlassifica é La Ila śëgn al setim post. Resultać personai Carlo Valentini, 562 Christian Pedratscher, 531 Stefan Fistill, 516 Gianfranco Thaler, 503 Albert Tavella, 493 Fritz Planinschek, 466 Kiens - Mareo: 7 - 1 Le Mareo II é tres plü daimprò dala retrozesciun tla seria D; al romagn jödapè ala tlassifica. A Kiens n’ara gnanca metü man mal la partida: do la pröma seria da 120 bòć êl 1 a 1 y i patruns de ćiasa â 7 chidli de vantaje. Mo spo n’él plü stè nia de nen fà por i maroi. I chidladus da Kiens à metü düć i punć sön so cunt y inće pro la soma totala i ài dè stöp, rovan ala fin pro 257 chidli de vantaje cun na media de 499,5, cuntra na media de 456,7 dl Mareo. Le miù dl Mareo é stè Tone Hochwieser, le su che à davagné le punt por süa scuadra, cun 506 chidli. Resultać personai Tone Hochwieser, 506 Lois Agreiter, 470 Norb. Trebo/Clau. Moling, 466 Lois Craffonara, 462 Walter Weiss, 425 Franz Ploner, 411


Sport

nr. 10 / 09 de merz 2012

Philipp Graefe cun le miù tëmp dl dé Gran suzès por tröc atleć ladins pro i campionać provinziai dl “Gran Premio Giovanissimi” Schi - Pro le “Gran Premio Giovanissimi”, ruvé en chësc ann a süa 35. ediziun, à en domënia ai 4 de mërz tröc atleć ladins arjunt tl raiun dai schi de Watles (Vinschgau) de bugn plazamёnć. Dles ot categories dles mitans y di mituns danter i ot y i önesc agn d’eté él bёgn cinch campiuns provinziai dles valades ladines de Südtirol. I campionać taliagn é a Falcade söl Ju de San Pelegrin, dai 23 ai 25 de merz. Le campionat provinzial ”Gran Premio Giovanissimi” sön les pistes dl Watles à en domënia passada davagnè cinch concorёnć ladins. Sön n percurs da gara n pü’ plü cört y manco ërt à garejé i pici atleć di agn 2003 y chi dl 2004, sön chël dlungia - plü tecnich - les mitans y i mituns di agn 2002 y 2001. Campiuns provinziai dles cater categories 2004 y 2003 é gnüs Ellis Pellizzari y Marc Comploj (intrami 2004) atleć dla Scora de schi de Sëlva, y Lena Prinoth (2003) dla Scora de Schi d’Urtijëi. Tla categoria 2002 él stè Philipp Graefe dla Scora de Schi d’Al Plan de Mareo ch’é ruvé pröm y à inće fat le miù tëmp dl dé cun 48.10. Marvin Avesani dla Scora de Schi de Sëlva à davagné tla categoria mituns 2001 cun n tëmp de 50.58. Al secundo post é ruvades döes atletes: Elena Frontull (2004) dla Scora de Schi de S. Cristina y Valentina Tolpeit (2003) dla Scora de Schi d’Al Plan de Mareo. Dër bugn sambëgn inće le terzo post inće arjunt da döes mitans: Irina Chiechi (2004) dla Scora de Schi Saslong y Alexandra Pezzei (2001) dla Scora de Schi de Corvara. Ala gara d’eliminaziun por i campionać taliagn à tut pert 346 concorёnć. Ma i pröms chinesc de vigni categoria, indöt 120 mitans y mituns, s’à tlassifichè por tó pert ala finala nazionala che gnarà tignida en chёsc ann dai 23 ai 25 de merz a Falcade. A Watles à tut pert ala competiziun atletes y atleć de 34 scores de schi dla Provinzia

de Balsan. Les maestres y i maestri dles scores de schi se mosorarà dai 27 ai 30 de merz inće a Falcade, pro le 46jim campionat talian di maestri de schi y snowboard. Le ”Gran Premio Giovanissimi” é dlungia le campionat ”Pinocchio” la competiziun nazionala de schi plü importanta por i atleć jogn dai 8 ai 11 agn. La manifestaziun vëgn organisada da plü de 30 agn dal “A.M.S.I”, l’Assoziaziun taliana di maestri de schi. Vigni ann tol pert plü de 30 mile atleć a bëgn 200 gares de slalom lerch che vëgn tignides tles regiuns o provinzies dla Talia. Ala Finala nazionala, che vëgn tignida vigni ann te n ater raiun dai schi, vëgn premià i mius jogn dl schi talian. (mdg)

Tlassifiches - Campionat provinzial (percurs I) Mitans 2004: 1. Ellis Pellizzari (Scora de schi Sëlva), 44.05; 2. Elena Frontull (S. Cristina) 48.62; 3. Irina Chiechi (Saslong) 48.68; 4. Sara Thaler (Urtijëi) 49.38; 5. Stefanie Rella (Urtijëi) 52.26; 6. Franziska Blaas (Watles) 54.24; 7. Alexandra Hanni (Olang) 54.91; 8. Viktoria Mitterutzner (Watles) 55.15; 9. Noemi Pedratscher (San Ćiascian) 55.98; 10. Milly Garoscio (Kronplatz) 56.48; 11. Sina Platter (Pfelders) 57.32; 12. Emma Stricker (Watles) 57.48; 13. Julia Staffler (Watles) 57.98; 14. Leni Platzer (Watles) 1:04.16 Mituns 2004: 1. Marc Comploj (Sëlva) 43.41; 2. Andy Meraner (Villnöss) 45.60; 3. Lukas Lanzinger (Sextner Dolomiten) 45.77; 4. Felix Happacher (Sextner Dolomiten) 47.11; 5. Tommy Lochmann (Ultental) 47.43; 6. Raphael Palla (Meran 2000) 48.22; 7. Valentin Kompatscher (Plose) 48.72; 8. Hannes Mulser (Ultental) 49.12; 9. Peter Nocker (Sëlva) 49.37; 10. Jakob Rainer (Schnalstal) 49.79; 11. Gabriel Obletter (Urtijëi) 50.28; 12. Leon Innerbichler (Klausberg) 50.79; 13. Nils Perathoner (Sëlva)

50.86; 14. Matteo Di Genova (Corvara) 51.48; 15. Marcell Runggaldier (S. Cristina) 52.02 Mitans 2003: 1. Lena Prinoth (Urtijёi) 43.88; 2. Valentina Tolpeit (Al Plan de Mareo) 45.21; 3. Johanna Taschler (Kreuzberg) 45.95; 4. Ludovica Agostinelli (S. Cristina) y Alissa Abfalterer (Karersee) 46.16; 6. Margareta Gutweniger (Sextner Dolomiten) 46.43; 7. Sophie Zanotti (Urtijёi) 46.76; 8. Karolin Silgoner (ValsJochtal) 47.61; 9. Marie Prast (Rittner Horn) 47.65; 10. Isabell Hofer (Saslong) 47.80; 11. Laura Senoner (Sëlva) y Jasmin Peer (Watles) 47.85; 13. Eva Seeber (Kronplatz) 48.03; 14. Magdalena Pircher (Karersee) 48.67; 15. Lara Thoma (Watles) 49.39 Mituns 2003: 1. Raffael Hopfgartner (Taisten) 42.13; 2. Hannes Schranzhofer (Kreutzberg) 42.58; 3. Dennis Villgrater (Vals/ Jochtal) 42.98; 4. Max Perathoner (Sëlva) 44.49; 5. Christian Gietl (Gsiesertal) 44.73; 6. Gabriel Stauder (Rheinswald) 45.22; 7. Max Theiner (Watles) 45.24; 8. Malte Povic (Meran 2000) 45.49; 9. Elias Girtler (Sterzing) 45.57; 10. Julian Runggaldier (S. Cristina) 45.63; 11. Lukas Sinn (Reinswald) 45.84; 12. Nicholas Da Rin (Sëlva) 46.25; 13. Matthias Fill (Seiser Alm) 46.35; 14. Giovanni Masella (S. Cristina) 46.51; 15. Dylan Irsara (Corvara) 46.77

Tlassifiches – Campionat provinzial (percurs II) Mitans 2002: 1. Corinna Mutschlechner (Olang) 48.33; 2. Anne Sophie Ganner (Meran2000) 50.19; 3. Michaela Schnarf (Olang) 50.67; 4. Schranzhofer Emely (Gsiesertal) 50.70; 5. Magdalena Eisendle (Sterzing) 51.75; 6. Elena Piazza (Urtijëi) 51.98; 7. Gina Biechl (Meran 2000) 52.24; 8. Miriam Schweigkofler (Rittner Horn) 52.63; 9. Vicky Bernardi (La

Philipp Graefe é gnü indô campiun provinzial dla categoria mituns 2002. Al à stlüt jö süa gara cun le miù tëmp dles categories 2002 y 2001.

Ila) 52.92; 10. Sarah Franceschini (Seiser Alm) 53.81; 11. Gaia Bellapianta (Sëlva) 53.87; 12. Lavinia Stilli (Karersee) 53.94; 13. Tamara Klotz (Watles) 55.28; 14. Lisa Santifaller (Saslong) 55.44; 15. Daniela Lanz (Kronplatz) 55.77 Mituns 2002: 1. Philipp Graefe (Al Plan de Mareo) 48.10; 2. Thomas Meraner (Villnöss) 48.78; 3. Elias Tribus (Meran 2000) 49.76; 4. Jonas Bacher (Gsiesertal) 50.33; 5. Jacopo Bernardi (Sëlva) 50.83; 6. Andrä Peintner (Prags) 51.56; 7. Matthias Zagler (Meran 2000) 51.79; 8. Noah Fischer Oberhofer (Gitschberg/Meransen) 51.97; 9. Noah Pixner (Pfelders) 52.10; 10. Maximilian Masotti (Karersee) 52.15; 11. Michael Burger (Gsiesertal) 52.18; 12. Gabriel Degasperi (Rittner Horn) 52.75; 13. Adam Giacomuzzi (Rittner Horn) 52.30; 14. Andreas Weissensteiner (Urtijëi) 52.50; 15. Marius Stofnus (Karersee) 52.63 Mitans 2001: 1. Nina Bachmann (Watles) 50.53; 2. Lena Zingerle (Vals/Jochtal) 51.53; 3. Alexandra Pezzei (Corvara) 51.94; 4. Jamie-

Lee Pellizzari (Sëlva) 52.11; 5. Marion Moroder (Saslong) 52.17; 6. Melanie Perathoner (Sёlva) 52.21; 7. Nadine Prantl (Watles) 52.26; 8. Theresa Ganner (Meran 2000) 52.31; 9. Carmen Leitner (Sterzing) 52.73; 10. Elena Delago (Sëlva) 52.76; 11. Annalena Hell (Klausberg) 52.89; 12. Noemi Zimmerhofer (Klausberg) 53.02; 13. Tamara Paris (Ultental) 53.18; 14. Nicole Nogler Kostner (Urtijëi) 53.30; 15. Marie Bernardi (La Ila) 53.67 Mituns 2001: 1. Marvin Avesani (Sëlva) 50.58; 2. Jonas Malerhofer (Vals/Jochtal) 51.14; 3. Alberto Battisti (Obereggen) 51.19; 4. Maximilian Ranzi (Ultental) 51.23; 5. Andreas Zangerl (Meran 2000) y Stefan Totmoser (Taisten) 51.27; 7. Alessandro Da Rin (Karersee) 51.69; 8. Rene Bachmann (Prags) 51.92; 9. Maximilian Graf (Seiser Alm) 52.09; 10. Philipp Nocker (Olang) 52.16; 11. Aaron Senoner (Sëlva) 52.50; 12. Isaak Lechner (Kronplatz) 52.51; 13. Martin Hofmann (Gsiesertal) 52.62; 14. Max Castlunger (La Ila) 52.63; 15. Simone Delle Grave (La Ila) 52.78

Telemark e freeride per la 15^ edizion de la Polartec Scufoneda Sburlèda a chesta domenia la garejèda per l tìtol de Campion talian de Telemark. Doman sun Sèn Pelegrin la “Val Tegnousa Surprise Contest” Telemark - La 15^ edizion de la Polartec Scufoneda, l’event che endreza ogne an l grop di Scufons del Cogo, era stata anunzièda col slogan “Se no l neif i Scufons no fasc na piega” ma fosc no i aea metù en cont la pievia, che é ruèda belapontin la domenia a roinèr sù portoes e percorsc. L’era dut vertech per l più gran apuntament european de telemark e freeride con n calandèr rich de garejèdes e evenc, da la regnèda de na setemèna entrìa, dai 4 ai 11 de mèrz, con musega, gastronomìa, entratenimenc, escurscions col compagnament de menacrepes e istrutores. E amò apuntamenc per i più pìcoi con “Telekids”, corsc debant per cognoscer la fascinousa disciplina del telemark, scontrèdes su la segureza sa mont, stand

dediché a la ùltima novitèdes per chel che vèrda guanc e aparac, ma ence raides e momenc de spas. Desche chel che i sozi à podù aprijièr sun Marmolèda en sàbeda

passèda, te na giornèda béleche d’aisciuda. Ma nia no pel contra l burt temp e soraldut contra la mencianza de neif. E coscita l Comitat de endrez

Telemark e freeride a la 15^ edizion de la Scufoneda.

à bele cognù sburlèr la garejèda en program en domenia ai 4 de mèrz sun Lujia, che aea valuta per l’assegnazion del titol de Campion Talian de Telemark te la desvaliva

categorìes. Chest soraldut per burt temp e per la segureza di atlec. La vegnarà recuperèda en domenia ai 11 de mèrz, semper sun Lujia, sul portoi Mediolanum. En program per en sàbeda ai 10 de mèrz l’é ence l nef “Val Tegnousa Surprise Contest” sun Sèn Pelegrin che à tout l post de la Freeride Cup, garejèda che é stata anulèda per la condizions de la neif. L percors pontarà via da olache rua l’impiant de Cima Uomo e l jirà ju per la Val Tegnousa per dapò ruèr endodanef sul portoi de “Le Code” con sauc da tor l fià, gimkane, paraboliches e trick. Na performance de autiscim livel che se spera posse aer dassen bon éjit. La Scufoneda 2012 se serarà sù en domenia sera con na gran festa e co l’emprometuda de se veder endò l’an che vegn. (mci) www.lauscdiladins.com

27


Sport

nr. 10 / 09 de merz 2012

Bela Ladinia... semper più bela!

Play off contra l Busan

L grop sportif Bela Ladinia se à binà sun Ciampac per na raida e na cena de grop en ocajion de “Ciampac sot la steiles”

Dò la venta contra l Renon te la relegation round l Fascia Ferrarini é ruà ti play off e so aversarie ades l’é l Busan.

Schialpinism - En ocajion de la manifestazion “Ciampac sot le steile” Bela Ladinia se à endò molà fora e l’à endrezà na bela raida sun Ciampac per duc si sozi, ma averta ence a duc chi che volea tor pèrt. Sion ponté demez da la Pizzeria Edy ta Dèlba e se n’aon arloà su per la strèda del bosch che rua sun Ciampac. E zacan che sion rué su l’era na bona cena che ne spetèa aló da la Baita Valeruz de Rina. E con noscia brava Fernanda che ne à endeletà con sia sonèdes da snait se aon endò passà na bela sera de legreza en compagnìa, aldò di

valores che l’é l fondament de Bela Ladinia: fèr sport e se goder duc ensema! Dal scomenz de l’invern Bela Ladinia l’à jà endrezà cater scomenzadives per renforzèr l leam de amicizia che ne tegn adum: na raida sun Lauscel (pecià demò che no l’era neif L), na sera forin Mont da Vich, n’autra te Gardecia e chesta ùltima sun Ciampac. Ma no la é pa fenida vedé ... chi “tousc” del diretif no i à pèsc i é dò e dò che i se peissa zeche da nef... Ma entant no i vel ne dir nia! Cognaron bele spetèr per veder con che che i vegn fora!

A ic ge vel ge sporjer segur n gran develpai de cher per duta la gaissa e l temp che i met te chesta sociazion che la doventa ogne an più grana. Per i 28 de mèrz Bela Ladinia, co la colaborazion del Socors da Mont Zenter Fascia, la se cruziarà de l’endrez del Trofeo “Tita e Marco” sun Ciampedìe e ai 21 de oril enveze, dessema con de autra sociazions de sport, vegnirà metù a jir na garejèda sun Marmolèda. Ve envion a tor pèrt a chesta doi garejèdes... speran de no cogner tor fora la mirandoles! Bela Ladinia a duc! (sm)

I ferùscoi sozi e amisc del Grop sportif Bela Ladinia.

Na venta più che vadagnèda Dò la pruma partida del giron de retorn perduda a Verla, con na bela venta a Matarel i fascegn se tegn strent l secondo post

Davide Porcu, autor del 4° gol fascian.

Balon 1^ cat. - L’ultima domenia de firé l’é pontà via l campionat de balon de pruma categoria che veit la squadra del Fascia tegnir aut l’inom de la val con n bon secondo post. La pruma endesfida la é stata jièda sul ciamp del Verla e no la é jita proprio delvers. Alincontra, l Fascia à jià dassen mèl e l’à perdù per 3 a 1. Duta n’autra storia l’à abù enveze la seconda partida del giron de outa, che i ladins à jià en domenia passèda contra l Mattarello indò dalenc dal Cotura de Vich. L resultat de 4 a 2 disc dut e disc nia. L conta de n Fascia che se à dassen vadagnà chisc trei ponc jian delvers e metan ensema desvaliva ocajions da gol. L no conta però che i trentins à abù demò trei ocajions e i à fat ite 2 goi, e no l disc nience che se à cognù

28

www.lauscdiladins.com

spetèr i ultimes menuc de la partida per veder Porcu e Deluca fèr ite l terzo e quarto gol, canche oramai, dò aer ciapà l gol de la parità a pech da la fin, beleche beleche no se ge sperèa più. Fossa stat dalbon na gran delujion no se menèr a cèsa trei ponc da chièr coscì vadagné, ma sessaben che l balon l’é ence chest. I prumes 20 menuc i trentins no à passà l mez ciamp e, la pruma outa che i lo à fat, i à trefà l’un a nia. Sot de n gol i bec de mister Giuliani i à spent amò de più, troan sul fenir di prumes carantacinch de jech l pont de la parità co na trata da cet de Simone Bolgiani. Segures de poder venjer, i fascègn à seghità a spenjer ence tel secondo temp troan con Patrizio Cigolla l 2 a 1 de gra a na beliscima azion portèda dant da Bolgiani e Deluca. Dò de chest l’é stat na serie de ocajions falèdes da man de Debertol e sozi, e de coche la é jità inant aon jà contà. En domenia passèda à scomenzà a jièr ence la squadra de la eles. Les à jià de contra al Clarentia perdan 6 a 2. Per noscia bezes à fat gol Angelika Mazzel. Dodoman, ai 11 de mèrz, la pruma squadra jiarà endò en trasferta, a Lavis de contra al Paganella, la eles a Vich e la Juninores a Trent jiarà en sabeda ai 10 contra Brixen e Bolghera. Arleves

e Giovanissimi, jiarà enveze en domenia, a Gardol e a Trent de contra al Gardol e al Bolghera. Cristoforo Debertol Mattarello - Fascia 2 a 4 (goi: Simone Bolgiani, Patrizio Cigolla, Daniele Deluca e Davide Porcu) Formazion Fascia: Nicolò Cincelli, Nicola Rizzato, Mathias Defrancesco, Maurizio Bonani, Matteo Cigolla, Simone Congiu (75° Gianmaria Ganz), Cristoforo Debertol, Davide Porcu, Daniele Deluca, Patrizio Cigolla (75° Manuel Bernard), Simone Bolgiani. Alenador: Lorenzo Giuliani. Classifica 1. categorìa jiron C: Lavis 15 partides 40 ponts Fascia 15 partides 29 ponts Aquila Trento 15 partides 29 p. Anaune 15 partides 24 ponts Verla 15 partides 24 ponts Alta Anaunia 15 partides 19 p. Tnt Monte Peller 15 part. 18 p. Mattarello 15 partides 18 ponts Solandra 15 partides 17 ponts Mezzolombardo 15 part. 14 p. Cauriol 15 partides 14 ponts Monte Ozolo 15 partides 13 p. Paganella 15 partides 13 ponts Dolomitica 15 partides 11 ponts

Hockey - Per l’ùltima giornèda di relegation round l Val de Fascia Ferrarini l se à troà a se bater contra l Renon su la giacia de cèsa: na endesfida de gran emportanza per ruèr ti play off. Fin dal scomenz de la partida l Fascia, enceben zenza Locatin e Margoni, l’é l più fort su la giacia, e chest vegn confermà sobito, canche al terzo menut Chrenko, su assist de Iori e Piffer, l segna l’1 a 0, e pec menuc dò Sullivan segna la seconda rei per l Val de Fascia Ferrarini. Endèna la paussa, descheche i fèsc te la Merica olache ogne squadra premia si jiadores miores, ence l Val de Fascia Ferrarini l’à dezidù de fèr medemo e a venjer i Team Award per la sajon 2011-12, l’é stat i fascegn Diego Iori e Stefano Margoni e dapò ence Frank Doyle e Brad Snetsinger. Sul sit www. hockeyclubfassa.com se pel veder ence de bela fotografies de Doriano Brunel. Dò i recognoscimenc, a 37 seconc dal scomenz del secondo temp, l’é l jiador del Fascia Trevor Kell che segna n bel 3 a 0. Ma chest no vel amò dir partida venta, dut autramenter, percheche l’é proprio te chest secondo drittel che l Renon taca a scombater passan via per doi outes Doyle segnan con Farynuk e Blight. L “moment neigher” per l Fascia l va inant ence tel terzo temp, canche Tudin é bon de segnèr l 3 a 3. No passa ampò n muie che i pascioné te stadie i posse endò trèr l fià, ajache la squadra de cèsa a la fin la é bona de passèr via l portier aversarie con doi goi, un più bel che l’auter, duc doi del jiador forest Thomas Chrenko, che l sèlva l Fascia e l ge dèsc l’azess ai play off. La venta porta l Val de Fascia Ferrarini al 7° post te la classifica e donca a jièr chesta pruma fasa di play off contra l Busan, 2° te la classifica generèla.

Play off Zenza nience mìngol de paussa i ladins i va a jièr jun Busan en sabeda ai 3, ma l cogn vegnir de retorn con n burt resultat: 5 a 2 per i bienc e checegn. L’é stat dassen senester enstouta per l Fascia, che l’à cognù fèr zenza n bon pec de jiadores: Margoni, Locatin, Chrenko, Chvatal e Sullivan. Te la “gara 2” en mèrtesc ai 6, te Fascia, vegn recuperà Chrenko e Sullivan, ma se é semper zenza Margoni, Locatin e Chvatal. Te duta

la partida la doi squadres se dèsc gran batalia, ma a la fin l’é l Busan che troa per prum l’ocajion de l’1 a 0. Enceben che l Fascia vae inant a scombater, l puck no rua te gabia de Zaba. A pech temp da la fin l jech cogn se fermèr pe n problem a la giacia ma nience chesta longia paussa joa al Fascia che ciapa amò n gol dal jiador finlandeis, Harjula. La partida donca fenesc con n burt 2 a 0 per i ladins. La gara 3 é stata jièda angern, jebia ai 8, jun Busan, ma l spetacol l sarà doman, sabeda ai 10 ta Dèlba canche la doi squadres se scontrarà per la 4^ endesfida de chesta pruma fasa di play off. (vr) Gara 1: Busan - Fascia 5 a 2 Gara 2: Fascia - Busan 0 a 2

Resultac squadres mendres I pìcoi de l’Under 8 de l’HC Fascia i à jià en domenia ai 4 de mèrz su la giaces de Ciavaleis per l tornoi a squadres olache à tout pèrt ence l’HC Fiem, l’HC Cornacci e l’HC Perjen. L fin de setemèna passà l’é stat la finèles del Campionat Under 12. La formula pervedea che a la fin de la pruma fasa la formazions scrites ite al Campionat Trentin se confronte con cheles del Campionat Venet. A la fin de chesta trei giornèdes de jech, l’Under 12 de l’HC Fascia scrita ite al Campionat Venet l’à passà via duc e la se à calificà al prum post del Campionat Venet-Trentin. Chisc é stac i resultac de l’Under 12. Tel Campionat Venet l’à jià te la finèles en sabeda ai 3 de firé contra l’HC Asiago e l’à vent per 4 a 3 con goi de: Leonardo Dezulian (2), Stephan Deluca e Davide Fosco. Tel Campionat Trentin l’Under 12 l’à jià te la finèles en domenia ai 4 tel stadie de Dèlba contra l’HC Feltre e l’à perdù per 3 a 4, con un gol de Gioele Rosa e 2 de Elia Casagranda. L’Under 14 à jià la 22^ giornèda en domenia ai 4 tel stadie de cèsa contra l’HC Feltre e l resultat finèl l’é stat de 8 a 8 con goi fascegn de: Massimo Zanet, Marcus Vukojevic, Sebastiano Soracreppa, Nik Trottner, André Vigl (2), Stephan Deluca e Luca Ploner. L’Under 16 à jià la 23^ giornèda en sabeda ai 3 te stadie Gianmario Scola contra l SV Caldaro e l’à vent per 3 a 2 con 2 goi de Lorenzo Paolinetti e un de Lorenzo Barbolini.

L capitan Diego Iori e l portier Frank Doyle premié per i Team Awards del Fascia. (Fotos Doriano Brunel).

Ence Stefano Margoni é stat premià desche un di miores jiadores.


Sport

nr. 10 / 09 de merz 2012

Gran suzess per la 1^ Vertical Ciampac N gran lurier de grop e de volontadives à portà al bon ejit de la pruma vertical su la neif te Fascia, endrezèda dai Bogn da nia, e venta da Ivo Zulian, Carla Jellici e Urban Zemmer ence l resultat de Giovanni Lastei ruà 2° te la categorìa di joegn. Sul sit internet di Bogn da nia (www.bogndania.com) se pel troèr duta la classifiches e ence n muie de bela fotograf ìes de la garejèda e de la premiazions fates te Refuge, olache l’é stat dat fora na mesèna de spech Carpano a duc i prumes trei e dapò ence n chèder de Alberto Detomas per i prumes e amò per duc i concorenc premies a estrazion. Valentina Redolfi L podie de la eles coi ciuzé da ciodi. I prumes trei de la categorìa joegn. Astrid Demetz e Urban Zemmer i venjidores assoluc e de chi coi ciodi.

Classifiches Vertical - En jebia prum de mèrz 161 atlec se à binà ta Dèlba, tinsom l piaz di auti de la forenadoa per tor pèrt a la 1^ edizion de la Vertical Ciampac, pruma garejèda de chesta sort te Fascia e metuda ite ence te la garejèdes de “Dolomites sot la steiles”. Con la pouses, coi ciuzé da ciodi o co la cèspes, duc i concorenc se à binà mìngol dant da les ot per proèr l teren e ence per se sciudèr ite dant de portèr via al start de na garejèda de 2,8 chilometres (da Dèlba fin al Refuge Ciampac de Silvano Valeruz) e con 660 metres de dislivel. Na garejèda n muie senestra, pissèda e endrezèda da la sociazion sportiva di Bogn da nia vardan a chela che vegn fata a Kitzbühel, su per la Steif, pista de Copa del Mond, olache da egn vegn endrezà na garejèda con pouses, ciuzé da ciodi o cèspes. “Enceben che no sie n portoi de Copa del mond, chel de Dèlba l’é n portoi autertant adatà a chesta sort de competizion, donca se aon pissà

de poder la endrezèr”. Coscita disc Ennio Dantone, president di Bogn da nia che, ensema ai etres sozi, l’à metù ensema l percors e ence dut che l’é apede. I studafech de Cianacei, dret da la caserma aló da Pènt de la Roa, i à enlumenà Colac, dapò al Refuge Ciampac de Silvano Valeruz duc i atlec i à podù se mudèr al ciaut, cenèr e spetèr la premiazions en compagnìa de dj Dominik. Apede a chest su per l portoi no l’é mencià nience chi che ge à dat gaissa ai coridores... desche, l vizepresident di Bogn da nia, Valerio Lorenz de Jan che, con na gran ciampèna, l’à fat grignèr e ge à dat la giusta spenta a duc per no zeder su per chi erc. L bon ejit de la garejèda l’é stat arjont proprio de gra al lurier de duc chenc, per chest i Bogn da nia ge sporc n fort detelpai ai studafech, ai volontadives de la Crousc Biencia e chi del Socors sa mont che é stac enlongia l percors vertesc a didèr chi che aea debesegn. L rengraziament va ence ai patrons del Refuge Ciampac,

L vizepresident di Bogn da nia, Valerio Lorenz de Jan, à engaissà duc i concorenc su per l portoi.

a la sozietà Ciampac e a duc i volontadives che à didà acioche dut vae delvers.

La garejèda A ruèr 1° sun Ciampac l’é stat l campion european de garejèdes vertical, Urban Zemmer, da Ciastel tel Sudtirol, che cor per i Bogn da nia. Enceben che duc se spetasse sie prum post, chel che no se se spetèa l’é stat l temp concostà da Zemmer a jir su coi ciuzé da ciodi: 21 menuc e 21 seconc. No podea falèr la spetadives ence l campion fascian Ivo Zulian che, con 24 menuc e 4”, l’é stat l prum a ruèr sun Ciampac con la pouses. Chesta per l campion da Soraga l’é dassen na sajon de òr, caraterisèda da n gran empegn e de bela sodesfazions. En vender ai 2 de mèrz, l dì dò aer vent la Vertical Ciampac, Ivo Zulian l’é ruà 2° a la “Lunarally” sun Tonale, e dapò, dò duta na dì passèda sui portoes de

schi a fèr scola, l’à ciapà sù e l’é jit ju per l’Emilia per tor pèrt en domenia ai 4 al 9° Trofeo Crinale, e ence chiò l’à desmostrà sia forza ruan tedant a duc. Anter duc i coridores l’é stat fat desvaliva classifiches olache i fascegn à arjont dassen de bogn resultac. De chi coi ciodi, ti prumes diesc l’é ruà Lorenzo Battisti e Ivano Ploner, de Bela Ladinia. De la eles, n bon 2° post l’é stat arjont da Nadia Scola de Bela Ladinia. Anter chi con la pouses, dò l prum post de Ivo Zulian, sul terzo sćialin l’é ruà Gabriele Depaul di Bogn da nia e al 15° post, con n temp de 27’37”, l’é ruà ence l campion de paslonch, Cristian Zorzi. De la eles enveze a fèr na bela garejèda e a venjer con la pouses, con n temp de 31’36” l’é stat Carla Jellici da Moena. Con la cèspes enveze i coridores i era demò 10 e dut ic. L prum l’é stat don Franco Torresani e anter i fascegn l’era Pierpaolo Trottner e Sergio Valentini. Da sotrissèr

Ciodi ic: 1. Urban Zemmer 21’21”(Bogn da nia); 2. Michele Tavernaro 22’59” (US Primier); 3. Marco Facchinelli 24’09” (Bogn da nia). Ciodi eles: 1. Astrid Demetz 30’19” (Bogn da nia); 2. Nadia Scola 32’00”(Bela Ladinia); 3. Sabrina Zanon 32’58” (AS Cauriol). Pouses ic: 1. Ivo Zulian 24’04” (Bogn da Nia); 2. Thomas Trettel 24’33” (AS Cauriol); 3. Gabriele Depaul 25’38” (Bogn da nia). Pouses eles: 1. Carla Jellici 31’36” (Bogn da nia); 2. Giulia Tagliapietra 34’02” (Peves Gherdeina); 3. Elisabeth Benedetti 34’56” (AS Cauriol). Cèspes: 1. Franco Torresani 27’23” (Sat Trent); 2. Marco Corradini 31’02” (Stella Alpina Carano); 3. Rudi Schoepf 31’57” Joegn assoluc: 1. David Frena 27’45” (Badiasport); 2. Giovanni Lastei 28’55” (Bogn da nia); 3. Roberto Degasperi 32’22” (SC Arcobaleno).

Ivo Zulian e Gabriele Depaul, prum e terzo de chi con la pouses. Carla Jellici pruma de la eles te anter Giulia Tagliapietra de Peves Gherdëina e Elisabeth Benedetti.

Trëi bedaies per Peves Gherdëina Te doi garejedes states ntan chësta fin dl’ena à plu atlec dla grupa Peves Gherdëina arjont de bon resultac Peves - La prima edizion dla Vertical Ciampac, metuda a jì dai Bogn da Nia, ie stata n juebia ai 1. de merz. Tlo pudòven se crì ora de jì cun la ciaspes, cun i ciauzei da broces o cun la peves. La trassa ie bëndebò ërta y ria y la cundizions ne fova nia la plu saurides. Piei via iesen dala 8 da sëira pra la stazion japé dla furnadoia de Ciampac a Delba a 1.504 metri, per ruvé do 2,8 km y n deslivel de 656 metri, sa la utia Ciampac a 2.160 metri.

Tla categuria cun la peves àl venciù pra l’ëiles Carla Iellici cun n tëmp de 31:36, segonda la atleta de Peves Gherdëina Giulia Tagliapietra 34:02 y al terzo post Elisabeth Benedetti 34:56. Esther Demetz de Peves Gherdëina se à tlassificà al 5. post cun 39:31. Pra i ëi udons sun l scialier plu aut Ivo Zulian cun 24:04, 2. Thomas Trettel 24:33 y 3. Gabriele Depaul 25:38 y al 4. post l atleta di Gherdëina Runners Daniel Ploner cun 26:09. Tlo pona

mo i resultac di autri atlec de Peves Gherdëina: 13. Herbert Stuffer 27:06, 25. Luciano Soppelsa 29:22, 27. Mario Hofer 30:31, 28. Ivo Delago 31:00, 29. Andreas Demetz 31:04 y pona mo 33. Enrico Perlini 31:42. Tla categuria cun i ciauzei da broces udons al prim post Urban Zemmer 21:21, 2. Michele Tavernaro 22:59, 3. Marco Facchinelli 24:09. Prinoth Markus de Peves Gherdëina se à tlassificà

al 14. post cun n tëmp de 27:58. N l medemo di fòvel la garejeda cun la peves “100 kg Skitouren Rennen” te Ahrntal. Piei via iesen da mesa la set da sëira pra la Skiarena Klausberg a 1.502 metri per ruvé a 1.850 metri pra la stazion a mont dl lift K1. Pra chësta garejeda muessa i ëi pesé 100 kg cun l material y dut. Sce i ne pëisa nia tant ti vëniel dat mo n valgun sac de sablon per ruvé su ai 100

kg. Pra l’ëiles ie l pëis de 70 kg. Fat pea àl tlo bën 209 ëi y 23 ëiles. Venciù àl pra i ëi Ingemar Stuefer cun l tëmp de 47:37, segondo ie Antonio Mollin 47:47 y 3. Alexander Poli 48:26. Nce doi atlec de Peves Gherdëina à fat pea y tlo ie Christian Peterlunger stat l miëur ruvan al 6. post tla tlassifica generela y al 3. tla M40 cun n tëmp de 50:11. Christian Stuffer ie ruvà 16. tla tlassifica generela y 9. tla M40 cun n tëmp de 57:30. (mp) www.lauscdiladins.com

29


Sport

nr. 10 / 09 de merz 2012

Under 14 campions provinziei

Florian Kostner vënc

La Under 14 à n iede pudù festejé, ma śën vàla mo inant per l titul naziunel. Tumeda ora ti playoff ie la Under 16, ntan che la Under 20 à messù jì ala terza dla cin partides contra l Neumarkt

Nce cin atlec jëuni dl Schi Club Gherdëina possa zapé sun l scialier plu aut dl podest. Garejedes de pudejé per l trofeo Banca Populera de Südtirol y de Copa Italia per atlec naziunei, metudes a jì dal Schi Club Gherdëina deberieda cun l Zënter di Carabinieri de Val n dumënia ai 4 de merz sun Pana

I atlec senior che pëia via duc te n iede pra la garejeda de pudejé sun Pana. I jugadëures dla Under 14: Jan Moroder, Daniel Bergmeister, Juri Runggaldier, Marcel Comploi, Jan Demetz, Leo Holzknecht, Hannes Kasslatter, Andreas Vinatzer, Andreas Senoner, Florian Moroder, Leo Kostner, Diego Glück, Thomas Perathoner, Lukas Piazza, Lukas Demetz, Mike Windegger, Andrea Demetz, Martin Senoner, David Pescosta, Bean Schmalzl, Davide Demetz (l mancia Markus Schenk).

Hockey/jëuni - Per la Under 10 na partida da desmincë n vënderdi ai 2 de merz a Neumarkt contra la scuadra da iló. N à jugà melamënter y perdù sëch per 0:4. Under 14: Tla penultima partida à i mutons dla U14 venciù a Eppan per 2:0 y fova nsci matematicamënter deventei campions provinziei U14. Nsci ài tëut l’ultima partida n dumënia contra l Leifers mpue ala lesiera, bonamënter fovi cun l cë bele pra l festejé, y à finà via a pèr la partida per 1:1. Ma śën fòvela tan inant y la scuadra dl Gherdëina à pudù festejé l titul da campions provinziei U14 (l ultimo iede ie chësc titul unì venciù dala U12 dan 5 ani, sajon 2006/2007), segondi ie ruvei chëi dl Renon y terzi l Burnech. Do avëi fat festa sun dlacia cun d’uni sort de ejibizions per l publich da pert di jugadëures, se à nce l presidënt dl Hockey Club Gherdëina Marcello Cobelli y i respunsabli di jëuni cungratulà cun i mutons. Sambën fova nce l trainadëur Vito Delucca scialdi cuntënt cun la prestazion costanta di mutons ntan duta la sajon y à laudà duc canc. Daldò iel mo unì fat mpue de festa te stadio, ulache mutons, genitores, trainadëur, acumpaniadëures y deriejënc à pudù ciarcë la bona gulesaries che i genitores à purtà. Ma la ne n’ie pa mo giut de no fineda per chisc mutons y bele n dumënia jiràla inant cun la prima cualificazion per i campiunc talians, ulache l ie 4 grupes da 4 scuadres. La scuadra de Gherdëina puderà jughé l prim iede n cësa te Sëlva contra la scuadres de Feltre, Valpellice, Maran o Auer (chëla doves muessa mo s’la fé ora). L unirà jugà partides da doi iedesc 18 menuc y duc messerà fé contra duc. I prims doi ruverà inant. La partides scumëncia dala 8.30. Unide a cialé pro y a fé n bel tifo

30

www.lauscdiladins.com

ai mutons dl Gherdëina. Ala Under 16 ne ti àla nia drë butà tla prima partida de playoff a Neumarkt contra i prims te tlassifica. Nce sce l Gherdëina à tenì pea mo drët bën tl prim tëmp ne n’iel stat nia da n fé y i à perdù plutosc sëch per 0:5. La partida de ëuta n merdi ai 6 de merz te Sëlva ie stata plu valiva y l Gherdëina à fat na boniscima partida y drucà dassënn, nsci stajòvela giut alalongia 1:1. Purtruep ne n’ie l Gherdëina nia stat bon de sfruté la truepa ucajions da gol y l Neumarkt cun mpue de fertuna à fat l gol dla vënta. Per la U16 fina via nscila l campiunat da chëst ann, ulache n possa bën dì che i se à astilà cun unëur, a pensé che i ova truep jugadëures scialdi jëuni. La Under 18 à, ai 29 de fauré, jugà n cësa contra l Kaltern. Tl prim se ài stentà a fé goi davia che l verdiaporta di averseres à tenì dut cie che la jiva. Ngali iela jita miec y l Gherdëina à mpo mo venciù saurì per 6:0. N dumënia ie pona chisc mutons furnei bele dala 5 daduman a Chiavenna per jughé contra la scuadra da iló. Nce sce al Gherdëina ti manciòvel n valgun jugadëures se ài fat saurì contra la scuadra dëibla dl Chiavenna y à venciù per 4:0. La U18 à mo abù na partida n mierculdi te Sëlva contra l Sterzing, de chësta repurterons l iede che vën. La Under 20 dl Sterzing/ Gherdëina à abù n sada ai 3 de merz si prima partida de playoff n cësa, te Sëlva, contra l Neumarkt. Per chësta scuadra òven n gran respet davia che l fej śën pea nce jugadëures dl farmteam de Kaltern y che à fat pea ntan dut l ann tl campiunat de A2. Ma nce i nosc a pudù fé cont chëst iede cun jugadëures dla prima scuadra. Bel riesc à la partida metù man cun

n drë druch y ntan dut l juech iel unì cumbatù dassënn da tramedoi pertes. La fova nce for scialdi valiva n cont dl resultat cun l Gherdëina che fova for inò bon de jì danora, ma univa pona for inò pià dai averseres. Permò tl terzo tëmp, canche l ie tumà n grum de menuc, dessegur nce pervia dla situazion trata, ie l Gherdëina stat bon de pië danora. Y che n muessa mëter a verda nchin ti ultimi secunc àn inò n iede udù canche, sies secunc dan la fin fej l Neumarkt mo n gol, ma riesc lessù a un n secunt dala fin ti l red l Sterzing/Gherdëina inò. Che la tëmes dai aiuc dal Kaltern fova giustifiches vëijen nce dal fat che pra uni gol dl Neumarkt fova chisc jugadëures leprò. L Sterzing/ Gherdëina à venciù per 6:3 cun i tëmps jic ora 2:1, 1:1 y 3:1. La segonda dla trëi partides de playoff fova bele n merdi lajù a Neumarkt. Chëst iede fòvela per l Sterzing/Gherdëina mo plu dura. L Neumarkt pudova fé cont ora che cun i aiuc dal Kaltern nce cun duc si jugadëures sot a 20 ani che fej tla majera scuadra. Al Sterzing/ Gherdëina ti manciòvel doi pecs – un ie Gabriel Lang, pech dla A2 – nsci à n tacajuech messù jughé dovia y n muessa propi dì che l à fat drët n bon lëur te na posizion che l ne n’ie nia usà y mo te na partida tan mpurtanta. I jëuni dl Sterzing/Gherdëina à dat dut chël che i fova boni, l ie inò stat na partida scialdi nteressanta, asvelta y cumbatuda nchin ala fin. Tl prim tëmp fova i nosc danora, ma pona tl segondo tëmp ài lascià do per n valgun menuc y de chël à i averseres sapù da n prufité. Tl terzo tëmp ie i nosc inò stac boni de valivé ora, purempò ie i patrons de cësa mo stac boni de se fé sia la vënta cun n ultimo gol, vencian per 5:4. Tla terzpa partida de inier juebia se tratòvela pona de chi che se davania l post te semifinela.

Pudejé - Tl zënter de pudejé sun Ciandevaves/Mont de Pana iel unì garejà n dumënia ai 4 de merz per la cuinta dla sies garejedes metudes a jì ntan duta la sajon a livel provinziel y che va sot al inuem de ”Volksbanktrophäe”. Tlo féjel pea i atlec dala categuries di plu jëuni, i ”baby”, damprò su nchin ai junior y i master. Danter la cuncurënza manciòvel chëst ann mpue i atlec plu stersc dla categuria di alieves, ajache chisc fova iust mpeniei pra i campiunac talians. D eb er ie d a c un chë st a cumpetizions àn nce metù a jì l ”XII Trofeo Vallunga”, che fej pert dla Copa Italia. Dant unìvel metù a jì chësta garejeda te Val, ma chëst iede per l terzo ann ndolauter à i Carabinieri dl Zënter dal sport de Val metù a jì chësta cumpetizion deberieda cun l Schi Club Gherdëina sun Pana, purtan pro nsci a na gran festa dl sport dl pudejé, ulache i jëuni à abù l’ucajion de se ancunté cun altec naziunei che garejea a n livel bele bëndebò aut. I dis dan la garejeda ne cialòvela nia iust ora bona cun la nëif che se n jiva da di a di pervia dl gran ciaut. N sada àn mo trat ite nëif y njenià ca l purtoi tan bën che la jiva. L di do danmesdì à i atlec urtà n purtoi drët bel che à tenì nchin ai ultimi atlec, permò dopro

òvel scumencià a plujiné, ma ntant ova duc bele finà si garejeda. Garejà unìvel tla tecnica liedia, pian via duc deberieda. Sun n purtoi da na gran variazion y drët seletif à i patrons de cësa sapù da n aprufité y bën cin atlec dl Schi Club Gherdëina à pudù zapé sun l scialier plu aut dl podest: Irene Lardschneider tla categuria ”sculées”, Aaron Kostner pra i ”sculeies mutons”, Insam David pra i aliefs, Alex Oberbacher pra i aspiranc y Elisa Kasslatter pra la juniores. Danter i prims trëi ie mo ruvei: Valentina Kostner 3. dla aspirantes, Joy Senonoer 3. di sculeies, Verena Dejori 2. y Matteo Runggaldier 3. pra i ”cuccioli” y Gaia Brunello 2. pra i ”baby”. Pra i ”master” iel mo da auzé ora l prim post de Norman Kostner.

Copa Italia Tlo se museròvel atlec y atletes dla scuadra B dla Talia y che fej pert dla scuadres militeres talianes. Pra i ëi, che garejova sun 15 km, iel stat l atlet de cësa Florian Kostner che à duminà, lascian do sé Fabio Santus y Mirco Bertolina. Cristian Zorzi ie ruvà cuarto, Janmatier Kostner 18ejim y Armin Kasslatter 24ejim. Pra l’ëiles à venciù Silvia Rupil, la atleta de cësa Christa Perathoner ie ruveda setima.

I jëuni à garejà per l trofeo Banca Populera, sun n purtoi njenià ca a puntin. (Fotografies: Luca Moroder)


Informazions y Manifestazions

nr. 10 / 09 de merz 2012

Avisc Assistent te Biblioteca a Vich L’aministrazion de Vich endreza na selezion per tor sù n aiut per la biblioteca per 3 meisc, a pontèr via da la seconda metà de jugn 2012. Ge vel portèr la domanes te comun de Vich dant da les 12 de en lunesc ai 26 de mèrz. Per maor informazions se oujer a la segreterìa de Comun o te biblioteca de Vich, tel. 0462 763062. Udiënzes dla Uniun di Ostis

La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. Nos, l’ambient e la luna

L Comun de Poza endreza na scontrèda con la d.ra Gladia Debertol per cognoscer i ritmes de la luna e sia influenzes sun nos, la natura e l’ambient de cèsa e descorir cotant che podassane fèr più sorì adatan a chisc ritmes nesc tempes e comportamenc. L’apuntament é en mércol ai 21 de mèrz e podarà tor pèrt demò 20 persones per arsegurèr na mior interazion. I enteressé cogn se oujer a l’assessora Renata Mattevi al 377.1689266. Udiënza dl funzionar ICA a Badia

Le Comun de Badia lascia alsavëi che le funzionar dla dita ICA Srl (conzescionar dl sorvisc de scudida dla cuta sön la publizité tl comun de Badia) Mario Bedin, dà udiënza en mertesc ai 20 de merz dales 9.30 ales 12.00, te ćiasa de comun a Badia, por problematiches y domandes sön la cuta dla publizité. Iscriziuns ala Scora de Musiga Val Badia

Les iscriziuns por l’ann 2012/2013 gnarà fates tratan döt le mëis de merz. I formulars por les iscriziuns é da ciafè tles scores, sön internet y sambëgn inće tl ofize dla Scora de Musiga a La Ila. Por informaziuns prëibel cherdè sö le 0471/847748.

♦ Incoronaziun dl “Re dla Falda” Ai 15 de merz a La Ila le secundo apuntamënt por i amisc dl telemark, cun la gara por incoronè le “Re dla Falda” 2012 La jöbia ai 15 de merz vëgnel tignì le secundo apuntamënt cun l’iniziativa de telemark “La Falda”. Chësta sëra gnaràl incoronè le Re dla Falda, tanco le telemarker plü asvelt dla serada. An fajarà na gara tlassica a tëmp, che gnarà fata te chësta manira: la Chi dl telemark po se confortè al secundo apuntamënt cun “La Falda”. pröma pert dla gara vëiga danfora n valgünes ôtes danter i lëgns, por jì spo sö pert a skating por s’arjigné al salt de telemark (na juria valutëia sciöche an arsësc, cun penalitês eventuales). Ara va inant cun n toch de slalom lerch ćina al travert. Do la gara jaràra inant cun n pasta-party y musiga ćina tert, tl restorant pizzeria La Berćia a La Ila. Les iscriziuns vëgn tutes sö dales 8 da sëra söl post dan la gara. Invià é düć i telemarkeri, jogn y manco jogn, bogn y manco bogn.

Chino

Aziun dles primules por sostegnì l’assistënza tumors de Südtirol

Chino Eden Cortina

Le movimënt dles ëres SVP adöm ales ëres dl Artejanat y ales Uniuns dles Patrones de Badia, S. Martin y Lungiarü mët da jì l’aziun dles primules, cun le fin da sostegnì la inrescida cuntra le crebesc. Les primules gnarà venüdes en domënia, ai 11 de merz do la gran mëssa a La Val, Al Plan, San Martin y Lungiarü.

En vender ai 9 y en domenia ai 11/03 vegniràl lascé vedei l film da ri “Ti stimo fratello”. Ai 10 y ai 12/03 saràl da vedei “John Carter”, en mertesc ai 13/03 “Paradiso amaro”, en mercui ai 14/03 “Qualcosa di straordinario”. En juebia ai 15/03 vegniràl proieté l film dramatich “The artist”. Per infos y orars 0436/881851 o www.dolomiti.org.

Udiёnza dla defensuria zivica dr. Burgl Volgger

Al Chino de Cianacei

La udiënza dla defensuria popolara o de süa sostituta dr. Verena Crazzolara, sarà en vёndres ai 9.03. dales 14.30 ales 16.00, te ćiasa de comun a San Martin. Le sorvisc é debann y pîta informaziun y aiüt ala jёnt, por chestiuns dles aministraziuns publiches. Por informaziuns plü avisa telefonè al 0471/301155.

En sabeda ai 10 e en domenia ai 11 de mèrz da les 21.15 se pel veder “John Carter”. En mèrtesc ai 13 e en mercol ai 14 de mèrz da les 21.15 vegnarà moscià “War Horse”.

Dé dla sanité

Le KVW y le Consëi de Formaziun da La Val mët da jì n dé dla sanité, en domënia ai 11 de merz dales 10.00 ales 12.00, tl ambulatore a La Val. Les infermieres Margot y Chiara mosöra la presciun, le zücher, le colesterol. Por le zücher fóssel bun da n’avëi mangé nia 2 ores denant. A Schladming con Devil e Sabo

Endèna che speton de veder la proa de Devil e Sabo chesta domenia a Kraniska Gora (h. 9.30), te Fascia i se à jà endrezà per jir forin Austria a veder la finèles de slalom en domenia ai 18 a Schladming, olache de jené Sabo se à vadagnà l’arjent. Se pea via en sabeda ai 17 entorn les 13.00. Ge vel se scriver ite a la Majon de Sabin a Poza (apede a la Bufaure) per en sabeda ai 10 da doman, paan 100 euro de capara.

Temp lede

Al Chino de Pardac

En sabeda ai 10 en domenia ai 11 de mèrz da les 21.15 l’é n program “Underworld. Il risveglio”. Al Chino de Ciavaleis Insnet, vender ai 9, e ence en domenia ai 11 de mèrz, da les 21.15 se pel veder “Paradiso amaro” con George Clooney. En sabeda ai 10 de mèrz da les 21.15 per la rassegna Dolomiti Ski Jazz, Patrizia Laquidara porta dant “Il canto dell’anguana”.

Referac Cecilia Strada a Ciavaleis Insnet, tel cedean de la tragedia del Cermis di 9 de mèrz del 1976, Cecilia Strada e Alessandro Bertani, presidenta e vizepresident de Emergency, sarà a Ciavaleis da les 18.00 al Zenter d’èrt contemporanea te piaza Rizzoli per rejonèr de la sociazion e del projet tel zenter de cardiochirurgìa “Salam” a Khartoum tel Sudan, pissà da Emergency Fiem e Fascia e dedicà ai morc del Cermìs del 1976 e del 1998.

Uniun Maestri Ladins: cun la liösa a tëmp de löna sön Börz L’UML inviëia incö vёndres ai 9 de merz. An s’abina dales 18.30 jödapé dla pista sura Fornela, por jì sön Börz a pé. Tla Ütia de Börz cëna en compagnia. Dedô rait cun la liösa. Chi che ô, po inće ma gnì a cëna, dales 19.30 te ütia. Prenotaziuns ćina ai 6 de merz pro Heidi Flatscher al 335/7875564 o Patrizia Dorigo al 339/2871019.

Impresciuns dal’Etiopia Le Consëi de Formaziun da La Val organisëia en mercui ai 14 de merz dales 20.00 n referat cun fotografies tignì da Albina Sottara. Le tema é "Impresciuns de n iade tl’Etiopia - n stat dl’Africa dër dala meseria, mo cun na gran tradiziun cristiana". Le referat é tl salf dles manifestaziuns da La Val.

Sëira de chedri a culëures

L KVW de Urtijëi mët a jì na manifestazion per nfurmé i jëuni dla pension ntegrativa. La sëira de nfurmazion ie ncuei vënderdi 9 de merz dala 21.30 tl Prinoth Center 181 a Urtijëi. L sunerà i Vili y The Origin of Redemption.

Ncuei vënderdi ai 9 de merz saràl dala 20.30 tl local di jëuni Saut a Urtijëi na sëira de chedri a culëures cun Adam, Hubert y Diego n con'de n viac tl Perù. La Nëus Jëuni Gherdëina se ncunforta sun Vo. Se ancunton a cialé n film

Duman sada ai 10 de merz uniràl mustrà tl local di jëuni Saut a Urtijëi i films “Wider das Vergessen – Zug der Erinnerung“. Passa 150 jëuni dla provinzia de Bulsan ie jic tla Polonia a ti cialé ai ghetos di judieres a “Krakau“ cun i ciamps de cunzentrazion Ausschwitz y Birkenau. De chësc viac iel unì fat n film. Da dedò uniràl mustrà l film “Schindlers Liste“ sun gran tëila. Via Crucis di joegn

La Comiscion di Joegn del Decanat de Fascia endreza na Via Crucis di joegn per i joegn en domenia ai 18 de mèrz. Se pea via da Piaza de Comun a Poza da les 20.30. Ve speton duc de cher. Desmustrazion cun chentli

La trëi Scoles de Schi tradiziuneles de Gherdëina Ve nvieia de cuer ala gran defileda cun chentli n juebia ai 15 de merz dala 21.15 a Urtijëi via Palmer.

Sëria de nfurmazion cun cuncors de mujiga

Dotors y Apoteches Dotors

L dutor de servisc dala 8.00 da duman de n sada 10 de merz nchin la 8.00 da duman de n lunesc 12 de merz ie l dutor Aba Fallaha de Sëlva, tel. 0471/794111 o l 0471 797540. Le dotur en sorvisc tla findledema di 10 y 11 de merz, ti comuns de Mareo y San Martin de Tor, é le dotur Edoardo Agreiter, San Martin de Tor, tel. 0474/501927. Ti comuns de Badia, Corvara y La Val saràl en sorvisc le dotur Martin Spechtenhauser, La Ila, tel. 0471/844200. Apoteches L’apoteca de servisc che à daviert ora dl orar ordiner da n vënerdi (dala 19.00) ai 9 de merz nchin n vënerdi ai 16 de merz ie chëla de Sëlva, telefonn 0471/795142 o 333/1776615 (orar de giaurida 8.30-12.30/15.00-19.00). L' apoteca en sorvisc tla Val Badia, fora dl orar ordinar, dal vëndres ai 9 de merz al vëndres ai 16 de merz, é chëra da San Martin/Picolin, tel. 0474/523020.

www.lauscdiladins.com

31


Informazions y Manifestazions Cursc L Comun de Vich endreza l cors de bal L cors sarà de 8 lezions de 2 ores l’una, con scomenz ai 18 de mèrz, ogne domenia sera da les 20 a les 22, te sala de Consei de Comun de Vich. L cost l’é de € 200 a cobia, €150 per i residenc del comun de Vich. Per info e iscrizions: Lucia Deluca al 320.0690960. Corsc de ladin te Fascia Corsc de ladin de 2° livel per no ladins. I corsc taca ite ai 19 de mèrz e i vegnarà metui a jir a Poza te la senta del lizeo scientifich de lunesc e de jebia h. 18.00-20.00. Info: Scola de Fascia, 0462.760340, funzionariodocenti@scuoladifassa.it. Iscrizions enscin ai 15 de mèrz. Curs de ginastica por paziënć cun maraties cardiovascolares Organisé dala “Südtiroler Herzstiftung”. Da setëmber a jügn, vigni lönesc dales 18 ales 19, te palestra da San Martin, cun Markus Winkler. Al sarà inće a desposiziun n dotur (cardiologh Felix Pescoller o le dotur de medejina Franz Comploi). Cost: 150,00€. Informaziuns pro Renato Paratscha (coordinadù) al 348/7457309. Curs de inglesc por prinzipianć y plü progredis (beginners & elementary) Organisé dala dra. Giuliana Materzanini, a Al Plan, tl salf dla Raiffeisen. Pröm iade: jöbia ai 15.03 dales 9, indöt 10 leziuns de döes ores. Cost: 150,00 € plü max. 20,00 € por le material. Infos y iscriziuns: giuliana.materzanini@unimi.it. Ai 12.03. dales 9.00: incuntada danfora por stabilì i livì y i grups. Cursc de inglesc te cin’ livì Le KVW Badia mët da jì a Badia cursc de inglesc partis sö te 5 livì. I pröms dui mët man ai 26 y 27 de merz, un a mez aurì y dui ai pröms de mà 2012. Vigni curs à 10 leziuns de döes ores por dui iadi al’edema, y le prisc é de 70,00€ (60,00 € por iscrić al KVW). Informaziuns y prenotaziuns pro Cristina al 0471/839657 o 333/1591599. Curs de preparaziun al maridé Le curs mët man en vëndres ai 23.03 dales 20.00 cun le dr. Lois Kastlunger, la sabeda referësc l’av. Christian Pedevilla, n dotur de ginecologia y siur degan Iaco Willeit. La domënia Lois Kastlunger. Tó pert po 20 pêrs; cost: 120,00€ a pêr. Infos y prenotaziuns te Sorvisc ai Jogn al 0474/523070 o por mail: info@jogn.org. Organisaziun: SaJ Curs de computer por prinzipianć Organisé dal Consëi de Formaziun da La Val. An podarà imparè da laurè cun Outlook (e-mail) y Word (tesć) adöm a internet. Curs de indöt 7 incuntades, de lönesc y mercui dales 20.00 ales 21.30, tla scora alta ITC a La Ila. La pröma incuntada é en mercui ai 11 d’aurì. Referënt é Gustav Frenademez. Curs de arpizeda te palesta I Mëinacrëp de Gherdëina mët a jì n curs de jì a crëp tla palestra Nives de Sëlva, dai 12. ai 30.3., doi iedesc al’ena per de ndut sies iedesc. Nfurmazions plu avisa: David 339/5204215. Cursc de nglëisc de livei desferënc I cursc scumëncia ai 11 de auril y ie tla Scola Profesciunela a Urtijëi. I vën tenii dala Scola Alpha Beta Piccadilly de Bulsan. Iscrizions y nfurmazions pra l Servisc Furmazion Gherdëina, 0471/773225, e-mail furmazion.gh@micura.it

Teater Teater ”Una figlia da... maritare” La Nuova Compagnia di teatro d’Arte da Bornech inviëia ales rapresentaziuns dla comedia ”Una figlia da... maritare”, incö vëndres ai 9 de merz dales 20.30, te Ćiasa de Cultura a La Ila, y en sabeda ai 17 de merz dales 20.30, te salf dles manifestaziuns a San Martin de Tor.

♦ Jüć da mësa por döta la familia Le ”Spielemobil” dl’assoziaziun de jüć Dinx vëgn dai 14 de merz inant n iade al mëis tla Val Badia La biblioteca Sas dla Crusc, en colaboraziun cun le ”Spieleverein Dinx”, ô cun chësta iniziativa i pité al publich na poscibilité nöia da s’incuntè, dai plü pici ai jogn ćina ala jënt plü ti agn. Vigni secundo mercui dl mëis domisdé é la biblioteca Sas dla Crusc a La Ila daverta por i apascionà di jüć da mësa. Al évigni iade na bela cerna de jüć a desposiziun, y inće che les regoles di jüć ai interessà. Chi che tol pert à inće la poscibilitè da s’imprestè forajüć por n mëis (ćina che le Spielemovëgn indô te biblioteca), chësc a n cost de 1,00€ por jüch. Le pröm apuntamënt da nia se desmentié é ai 14 de merz, dales 15:00 inant te biblioteca a La Ila. Invià a passé n pü’ de tëmp en compagnia n’é nia ma i pici, mo sambegn inće jogn y jënt adulta, na bela ocajiun inće por Le ”Spielemobil” röia śëgn n iade al mëis te biblioteca a döta la familia da se La Ila. devertìcunjüć de vignsort. I apuntamënć por chësc ann é: ai 14 de merz, 11 de aurì, 9 de mà, de jügn, 11 de messè, 8 d’agost, 12 de setëmber, 10 d’otober y 14 de novëmber, dagnora dales 3 domisdé.

32

www.lauscdiladins.com

nr. 10 / 09 de merz 2012

♦ Les spezialitês de Sergio Mei Le chef dla Sardegna é un di coghi che tol pert al’iniziativa “Saûs dl invern” tl’Alta Badia. Ai 11 de merz pîtel de sües spezialitês Por le terzo ann vëgnel metü da jì tl’Alta Badia l’iniziativa ”Saûs dl invern”, olache 11 üties dl comprensor pîta na derzada metüda adöm da n cogo gourmet. Les derzades de chësc invern é caraterisades dal tema ”le porcel da lat”. I coghi, ideadus dles rezëtes desvalies, vëgn da deplü paîsc europeics sciöche la Talia, la Germania, l’Austria, la Spagna y la Gran Bretagna. La ütia Col Alt pîta chësc invern la derzada de Sergio Mei, le cogo dl restorant ”Il Teatro e La Veranda” dl hotel Four Seasons de Milan. En domënia ai 11 de merz ospitarà la ütia Col Alt le cogo, olache an à l’ocajiun de ćiarćé nia ma la derzada, che fej pert dl’iniziativa “Saûs dl invern”, mo inće d’atres spezialites metüdes adöm da ël instës. Na ocajiun unica por ćiarćé y imparè da conësce la ćiasadafüch dl cogo ”sard” tl’Alta Badia. Le chef Sergio Mei.

Mostres Dolomites magiches en mostra

La mostra “Dolomites magiches anter ert y natura” dl pitour svizer Bruno MüllerMeyer restarà daverta vigni di da les 10.30 - 12.30 y da les 16.30 - 20.00 enfin al mertesc ai 10 de auril tl Comun Vecio de Cortina d’Ampez. Mostra de fotografies

Ai 16 de merz saràl dala 18.00, tla sala dla Lia Mostra d’Ert a Urtijëi la giaurida dla mostra dl cuncors de fotografia “… und Gott sah, dass es gut war“, metuda a jì dal Cunsëi de Pluania y l Fotoclub Gherdëina. Te chësta ucajion uniràl premià la plu bela linges de fotografies. La mostra sarà davierta dai 16 nchin ai 25 de merz. kunStart 12

Dai 16 nchin ai 18 de merz saràl a Bulsan tl palaz dla fiera la gran mostra/messe de ert moderna y contemporana kunStart12. Tlo saràl nce da udëi l artista de Urtijëi Uli Moroder da Scurcià che mët ora si lëures. La mostra ie davierta dala 10.00 nchin ala 18.00. Noneart

A Bardolino tla galaria de ert “Barchessa Rambaldi“ iel da udëi nchin ala fin dl mëns na mostra de ert contemporana ulache l mët nce ora l’artista de Sëlva Ivan Lardschneider. La mostra ie davierta de vënerdi, sada y dumënia domesdì y da sëira. Mostra de Leo Demetz Tla galaria “Bianca Maria Rizzi & Matthias Ritter“ a Milan tla streda Cadolini, iel da udëi na mostra dl artista de Sëlva Leo Ferdinando Demetz dal titul “La Rinascita“. La mostra ie da udëi nchin ai 13 de auril. Orares de giaurida, da merdi nchin a vënderdi 14.30 – 19.00.

Religion La Parora nes dëida vire

Sot a chësc moto inviëia le Movimënt di Focolars a na incuntada tla “Ćiasa Voitsberg” a Vahrn, en domënia ai 18 de merz, dales 15.00 ales 17.30. Por informaziuns plü menüdes cherdè sö la fam. Craffonara (por la Val Badia) al nr. 0474/501202, o la fam. Kostner (por Gherdëna) al 0471/797601. Pelegrinaje dles ëres catoliches en Jeunn Le pelegrinaje vëgn fat en sabeda ai 24 de merz. Al vëgn organisé n bus da Calfosch demez che passa jö por la valada. A Tlüses s’incuntunse cun l’ater grup por jì deboriada en prozesciun sön Jeunn; dailò funziun te dlijia. Por i orars dl bus y por se prenotè, cherdè sö Clara ćina ai 18.03 al 0474/501850.

Iniziatives sportives Ciasparun

La Pro Loco de Col de Santa Lizia organiseia en doman, sabeda ai 10 de merz la seconda edizion dla Ciasparun, gara nia competitiva con les ciaspes sun l ju de Giau, tla localité de Fedare. Informazions y iscrizions pro Crepaz Carlo al numer 3478860234. Memorial Simona Senoner

L Schi Club Gherdëina mët a jì l 1°  Memorial Senoner Simona, garejeda de cumbinazion nordica, n dumënia ai 11 de merz sai “Sauc“ sun Pana. La garejeda de saut scumëncia dala 9.30. La garejeda de pudejé sarà dala 14.00 y da dedò saràl la premiazion.


Informazions y Manifestazions

nr. 10 / 09 de merz 2012

♦ Albino Pitscheider l bon moster de ziplé L Museum de Gherdëina nvieia de cuer ala sëira n lecort dl prufessëur Albino Pitscheider 1877 – 1962 cun vijita ala mostra metuda a jì n ucajion di 50 ani da si mort

Na scultura de bera Albino Pitscheider.

La sëira n lecort de bera Albino sarà duman sada ai 10 de merz dala 20.00 tla gran sala dla scultures dl museum tla Cësa di Ladins a Urtijëi. Lecurdon che l orar de giaurida dl Museum y dla mostra ie nchin ai 31 de merz da merdi nchin a vënerdi, 10.00 – 12.00 y 14.00 – 17.00.

Trasmiscions TV y Radio Deventé ëi ne n'ie nia saurì te nosta sozietà

Ai 12 de merz saràl da audì dala 11.00 danmesdì na trasmiscion sun Radio Gherdëina, metuda a jì dala Grupa Uemes y Fenans, dal titul “Wie wird ein Mann zum Mann“. L rujenerà la dutorëssa Iris Schwarzmeier y l dutor Otto Delago.

Referac N cör tl Guatemala En sabeda ai 17 de merz dales 20.00, vëgnel metü da jì te biblioteca de Badia na serada cun le dr. Vida Vladimiro, che cuntarà de süa esperiënza sciöche chirurgh di mituns tl volontariat tl Guatemala. Organisaziun: Biblioteca Sas dla Crusc. Referat sön l’omeopatia

Le Consëi de Formaziun da Corvara mët da jì en jöbia ai 15 de merz dales 20.00 n referat söl tema "Homöopathie für den alltäglichen Bedarf", tla Ćiasa dles Uniuns a Calfosch. Referënta é Anneliese Obermann.

Temp lede Tignì la mënt en forma

Le KVW da San Martin en colaboraziun cun le Grup Volontariat inviëia a n domisdé de aorela cörta cun eserzizi de memoria, en jöbia ai 15 de merz dales 14.00, tl salf di stödafüch da San Martin. Referënta é Clara Declara.

La Pieif e Sènt’Ugèna tel “Cianton de l’Istitut”

Amò chest fin de setemèna “L Cianton de l’Istitut”, produzion de l’Istitut ladin “majon di fascegn” per TML, met dant l program “La gejia de Sèn Jan, Pieif de Fascia” e l video realisà en ocajion di 90 egn de P, Frumenzio Ghetta. Con en lunesc ai 12 de mèrz se jirà a la descorida de n auter trestamonech prezious de la fe di fascegn con “Carletto Weiss e la gejia de Sènt’Uiana”. Oraries: vender h. 11.30; sabeda h. 17.30; domenia h. 21.00; lunesc h. 15.45; mèrtesc h. 18.15; mercol h. 21.45; jebia h. 20.15.

Ai 5 de merz él stè chël gran dé

che nosta Tina à arjunt la majera eté! Bele da picera urôst’ udëi l’monn y insciö cun l’elicoter jurâst’ intoronn. Cun te él bel da fà damat y incërch ne vast’ nia zënza fotoaparat! Stada est’ dagnora na prossa möta, inće sce t’mësses datrai ti la mët döta! Resta inant tan da urëi bun, t’aoda düć chi che t’ô bun.

“Ercaboan” sun TML e sul web Sul canal TML ogne sabeda va fora na neva butada de la trasmiscion “Ercaboan” de Silvano Ploner, te chisc oraries: 18.45; 21.00; 23.00 e replica la domenia h. 7.15; 12.00; 14.30; 18.00; 20.15 e dapò fora per duta la setemèna. La produzions de Ercamedia é da poder veder ence sul sit: www.tvladina.com

Iadi

Sepl, Matti, Katja, Ily, Isy, Ivi, Nathi, Sara, Marli, Verena, Steffi, Tobi, Dennis, Raffi, Alex, Miki, Pire, Andrè, Basti

Pelegrinaje a Erfurt tl Thüringen

Pelegrinaje organisé dal KVW dla Val Badia, dai 30 d’aurì ai 3 de mà. Le iade cun döt laprò costa 450,00€ (60,00€ implü por ćiamena da un n let). Prenotaziuns ćina che al é lerch pro Hilda Sottara al 0474/523133 o 338/9231013. Cun la prenotaziun él da paié ite le prisc te öna dles portines dla Cassa Raiffeisen. Viac a Ferrara, Ravenna y Urbino La Grupa KVW de S. Cristina mët a jì n viac da d’ansciuda per jì a ti cialé ala ziteies de Ferrara, Ravenna y Urbino. L viac sarà dai 27 nchin ai 29 de auril. Duc i scric ite al KVW ma nce duc i nteressei a chësc viac ie nviei a unì pea. La iscrizions vën tëutes su tla Cassa Raiffeisen de S. Cristina. Jita cun la peves sun l Hinterbergkofel I Jëuni dla Lia da Mont mët a jì n dumënia ai 18 de merz na jita te Antholz sun l Hinterbergkofel. L se trata de na jita saurida, ulache l sarà da jì 4 ëura. Iscrizions y nfurmazions plu avisa giapëis tl ufize dla Nëus Jëuni Gherdëina, 0471/ 799006 o sot a karin@njg.it

A nosta

Mama

che festejëia i 50 agn ai 12 de merz de cör döt l’Bun Ti audun. Gaby & Hannes

Jita cun la peves

La Lia da Mont de Gherdëina ve nvieia a na jita cun la peves sun la Piza Vermoi (2.929 m) te Schnals, n dumënia ai 18 de merz. L se trata de na jita saurida, mpuë longia cun n deslivel de 1.500 metri. Per plu nfurmazions pudëis cherdé su Ugo 349/0089939. Jon a ti cialé a na cësa tlima A

Düć nos fioc adöm orunse te auguré ligrëza y felicité, sanité y devertimënt.

La Lia per Natura y Usanzes nvieia a unì pea ai 16 de merz a ti cialé ala Cassa Raiffeisen de Ciastel che ie na cësa tlima A. L unirà pià via dala 16.35 cun la curiera a Urtijëi.

Por chisc 50

Dui dis de schialpinism

De cör döt l’bun!

Les Lies da Munt Val Badia mët da jì na schitour de dui dis iten Martell, dala Zufallhütte demez (2.264 m). La schitour é ai 17 y 18 de merz. Ara é ria, cun n deslivel de 1.200 - 1.500 metri, por n tëmp da jì da 4 a 6 ores. Informaziuns pro Paul Erlacher - Angelo Ferdigg, al nr. 347/4736300.

Marco, Helga, Sepl, Marisa y Andy

www.lauscdiladins.com

33


Congratulazions

nr. 10 / 09 de merz 2012

Luciano Doman l’é to cedean de ti beliscimes 80 egn tu me n’as dedicà 50 Detelpai de dut cher e augures de ogni ben da toa pìcola de 70

Congratulazions a zio Ale e zia Nene

per la pìcola Matilde nasciuda ai 29 de firé del 2012 Augures de ogne ben per l davegnir Astrid

A nosta mami

Filomena che cumplësc ncuei vënerdi 9 de merz 80 ani ti mbincions dut l bon, fertuna y truepa legrëzes y che te restes for sana y nton. Te rengrazion per dut chël che te es for fat per nëus. Da ti mutons Karl, Erica y Brigitte cun families.

A Zidi Dedej che a cumplì ai 7 de merz 50 ani ti mbincia dut l bon si familia che l à tan gën. Dantaldut i muntons Adriatik y Esmeralda y la fëna.

Ai 10 de merz cumplësc nosta oma y lava

Gioconda la bela età 70 ani.

Dut l bon y sanità ti mbincia de cuer Ivan cun Elena, Flavia cun Paolo y i nepoc Berni, Teresa y Zoe.

Ti augurun döt le bun

a nosc tata Albert che à complì ai 6 de merz la belëza de 50 agn! Con afet Mattia, Alex y Sabrina

34

www.lauscdiladins.com

Tignide y mantignide la Domënia I jun inant cun la secunda pert dla lëtra pastorala dl Vësco Ivo Muser, olache al nes inviëia sciöche fedei da nes ghiré che la domënia mantëgnes süa identité cristiana Religiun - La pröma pert dla lëtra pastorala dl Vësco, publicada tla ultima ediziun, se rovâ cun chësc pinsier: ”I ne podun y i n’ùn nia debojëgn da nes legitimé o nes delibré instësc! Chësc él bele stè Chëlbeldî che à fat, tres so f ì Gejù Crist. La domënia stà por chësta alisiraziun che sostëgn la vita. Ara é le dé, le dé dl Signur - y porchël le dé che é nost y che nes fej bun.” I jun inant cun la secunda pert dla lëtra, olache le Vësco scrî inant: ”Le prezet dla domënia é al sorvisc de chësta liberté. I ne podun nia surandè la mëssa dla domënia al cajo o a nosc impuls. Vigni cossa preziosa é en general zitia y à debojëgn de na sconanza particolara, sciöche la vita, sciöche l’amur. Zacai à n iade dit: ”Nia vigni baje n’é le baje dl dé dla noza”. Mo désson porchël le lascè ester, ma deache i ne sun nia plü te chë situaziun de festa? Sce l’amur vëgn surandè al impuls, spo vàl ademal. Insciö éra inće por l’amur dl Signur, por l’esperiënza dla relaziun cun Gejù Crist, a chëra che la mëssa dla domënia nes inviëia. Le II. Conzil Vatican, che à metü man ai 11 d’otober dl 1962 - tanco feter dan 50 agn - le dij dër tler tla Costituziun conziliara sön la sacra liturgia: “Aladô dla tradiziun apostolica, che à sües raîsc dal medemo dé dla ressoreziun de Crist, él la Dlijia che zelebrëia le mistêr de Pasca vigni otedé, te chël che se tlama cun dërt “dé dl Signur” o “domënia”. Te chësc dé mëss i fedei rové adöm tla comunité por ascutè la Parora de Dî y por tó pert al' eucaristia, y recordè insciö la pasciun, la ressoreziun y la gloria dl Signur Gejù y rengrazié Dî, che i à ’regenerà a na speranza via tres la ressoreziun de Gejù Crist dai morć’ (1 Pire 1, 3). La domënia é porchël la festa originara, che mëss gnì proponüda y ponüda ite ala pieté di fedei, a na moda che ara sides inće na festa de ligrëza y de palsa dal laûr. Che al ne tìres dant degün’atra solenité che ne sides nia de grandiscima importanza, deache la domënia é la fondamënta y le zënter de döt l’ann liturgich.” (Sacrosantum Concilium 106) Bele dal tëmp di apostui stàl al zënter dla domënia la zelebraziun comunitara dla cëna dl Signur. Al mëss ester na ghiranza personala y comunitara, che la domënia mantëgnes o davagnes indô

süa identité cristiana suradöt cun la festa dl’eucaristia.

domënia é indere na tle por la vita.

Baldi ne saràl te n proscim dagnì nia plü poscibil da avëi te vigni cöra la mëssa dla domënia. Porchël damani che al vëgnes valorisé, curè y sostegnì dötes les atres funziuns liturgiches la domënia - zelebraziun dla Parora de Dî zënza partì fora la comuniun, la liturgia dles Ores, funziuns eucaristiches, la corona - a na moda che le raport strënt danter la domënia y la Santa Mëssa restes tler, y che chëstes zelebraziuns descëdes y tëgnes vì l’incherscimun do l’eucaristia dla domënia.

Vire la Pasca

Imparè indô danü la domënia Al é important da imparè indô danü da desfarenzié la domënia dai atri dis. Cis i mituns, mo nia ma ëi, impara la fede cristiana nia tres la teoria, mo tres la pratica. Ai la impara dai sëgns che ai vëiga defora, por la lascè crësce spo daìte. Ći che Nadè, Pasca, Pasca de Má, na festa de Santa Maria o la domënia é, impara i mituns sce chisc dis vëgn tignis y tres la preparaziun a d’ëi. Insciö impàri i ritms y i tëmps dl ann liturgich. Öna dles gran dificoltês tl imparè y tl vire la religiun stà tla destruziun di ritms y sce düć i tëmps vëgn metüs sön le medemo livel. “Santifiché la domënia”, dijôn dandaìa. Eco n travert important: nia ma vire y tó sö i dis cun passivité, mo ti scinché dignité y importanza. Un di compić primars dla Dlijia arati iö chël da daidé vire i dis de festa, i santusc y suradöt la domënia. Cun le passè di secui s’àl mudè cotan tla realtè cristiana. Mo öna na cossa s’à mantignì: la zelebraziun dla domënia sciöche pröm dé dl’edema. Les stories bibliches de Pasca é stories dla domënia. Cun la fin dl’edema sunse tosc ala fin, ara ne se dëida nia vire. La

Mia inćiaria da Vësco ài metü sot ala profesciun cristiana de basa: TU ES CHRISTUS. Chësta profesciun podunse ma dè deache al é la Pasca. L’apostul Paul, chësc testemone suprem dl scomenciamënt dla cristianité, nes dij: ”Mo sce Crist n’é nia ressorì, spo é nosta anunziaziun öta y öta é inće nosta fede” (1 Cor 15,14) ”Zelebrè la Pasca y la domënia” é dal tëmp di apostui na espresciun personala y comunitara de chësta profesciun de fede. I prëii düć i fedei da dè chësta profesciun de fede, che porta nosta identité cristiana y che mëss segnè düć nüsc raporć personai. Viede i trëi dis dl triduum pascal daìte y defora sciöche zënter dl ann liturgich. Festejede les gran funziuns dla Jöbia Santa, dl Vëndres Sant, dla Sabeda Santa y dla domënia de Pasca sciöche les funziuns plü importantes de döt l’ann, y descuride, dala Pasca infora, ći che al nes vëgn scinché tres la domënia. L a domënia vëg n aldedaincö sigü manaciada da defora, mo ćiamò deplü da daìte. La domënia romagnarà ma sce nos la festejun y la tignun sciöche cristiagn. Chësc ves prëii cun la convinziun cristiana y porchël pascala plü sota. Le Crist metü söla crusc y ressorì é le zënter de nosta Dlijia. Che al nes scìnches a nos personalmënter y a nos sciöche comunité de dlijia n tru frëm y de convinziun ćina ala festa dles festes. Che al nes scinches cun la forza de so Spirit Sant na desponibilité nöia por la festa pascala de vigni edema, por süa y nosta domënia. Crist, le Signur, ves benedësces düć cun la forza de süa crusc y de süa ressoreziun. Osc Ivo Muser, Vësco 

La domënia se mantignarà ma sce la jënt tignarà inant lassura.


Inserac y Anunzies

nr. 10 / 09 de merz 2012

Hotel Luxor & Cairo a Jesolo chier per la sajon da d’instà n chef capo partida chelneri per la sala na persona respunsabla per la sala n/na barista n/na persona per la reception. Prëibel mandé l curriculum a info@luxorcairohotel.it o cherdé su l 335/5446372.

Optik Werner a Urtijëi chier na lodnera per dut l ann. Prëibel cherdé su l 335/8163053. optic.werner@tin.it

Vangel dla Domenia

Provinzia Autonoma de Bulsan L’aministrazion dla Provinzia à scrit ora n cuncors per chësc profil profesciunel: 1 ispetëur/a tecnich per la repartizion 33 – zënter de sperimentazion per l lëur da paur y i bòsc Laimburg. La stiera ie resserveda per la grupa de rujeneda tudëscia. Damandà vëniel l atestat de bilinguism A y per i candidac ladins l atestat de trilinguism A. La dumandes muessa unì dates ju nchin la 12.00 di 27.03.2012. Per nfurmazions plu avisa iel mesun cuntaté la Repartizion dl Personal, Ufize per tò su personal, a Bulsan tla streda Renon 13, telefonn 0471/412102 o 0471/412244 . La bandides de cuncors y i formulares per fé dumanda ie tl internet sot a www.provinz.bz.it/personal

Terza domënia de Carsëma, ann B, ai 11 de merz 2012 Dal vagnele do San Jan, 2, 13-25 La festa de Pasca di iüdes ê daimprò, y Gejù é jü sö Ierùsalem. Tl tëmpl àl urté i sciacri de armënć, bisces y colombes y i ingiamiadus de scioldi, che ê sentà dailò. Do ch’al â fat na scoriada de cordes i àl parè düć fora dl tëmpl adöm cun les bisces y i armënć; i scioldi di ingiamiadus àl juté fora, y sües mëses àl rosedè sotissura. Ai sciacri dales colombes ti àl dit: “Jide demez cun chësc patüc, ne stede a fà fora dla ćiasa de mi Pere n salf da marcé.” Sü discepui se recordâ dla parora dla Scritöra: La pasciun por mia ćiasa me consumëia. Sön chësta l’à i iüdes tut a cunt: “Ćî sëgn nes làsceste pa odëi por desmostrè che te pos fà chësc?” Gejù ti à respognü: “Tirede jö chësc tëmpl, te trëi dis le fajarài indô sö.” Dailò à dit i iüdes: “Carantessis agn alalungia él gnü frabiché pro chësc tëmpl, y tö ôs le fà sö te trëi dis?” Mo ël minâ le tëmpl de so corp. Do ch’al ê ressorì dai morć, s’à sü discepui recordè ch’al â albü dit chësc, y ai ti cherdô ala Scritöra y ala parora che Gejù â albü dit. Tratan ch’al ê a Ierùsalem por la festa de Pasca, ê tröc rovà a crëie te so inom, canch’ai odô i sëgns ch’al fajô. Mo Gejù ne se confidâ nia cun ëi, deache al i conesciô düć, y al n’adorâ da degügn na testemonianza porsura l’ater; ćiodich’al savô ći ch’al ê tla jënt. Parora dl Signur. - Lalt a té, Gejù Crist!

La firma DemacLenko IT de Sëlva chier da sën inant na persona cun cunescënza de nfurmatica. Prëibel cherdé su l 0471/794355 ntan l orar de ufize.

Es’a ueia y legrëza a lauré cun y per i jëuni? La Nëus Jëuni Gherdëina chier n jëunn a tëmp plën che laurëssa te ufize y tl local di jëuni Saut, daviert a lauré ora y ti sauté ite a proiec nueves per i jëuni de nosta valeda. Ies’a nteressà? Pona passa da nëus te ufize, o scrì a info@njg.it o cherda su l 0471/799006.

Restaurant Pizzeria Salvan a Corvara chir por na sajun lungia da d’isté na chelnera dl post che sà da laoré cun l computer. Prëibel cherdè sö le 335/5381505.

Pizzeria Traföi a Pidrô chir dai 20 de aurì inant na chelnera jona. Prëibel scriede a info@trafoei.com o cherdede sö le 0471/843024.

Hotel Linder te Sëlva chier da juni inant na secretera cun cunescënza tl “Service“ y cunescënza di lingac tudësch, talian y nglëisc. Prëibel cherdé su l 0471/795242 o mandé l curriculum a info@linder.it

Recordanza Ai 10 de merz iel 15 ani che mi uem, pere y nëine

David Moroder nes à lascià. Ulon se lecurdé de ël pra na santa mëssa ai 10 de merz dala 18.30 te dlieja de Urtijëi. Ti familia.

La firma Vinaholz a Urtijëi chier da śën inant n secreter che sà da lauré cun l computer. Prëibel cherdëde su l 0471/796350 o scrijëde a info@vinaholz.com.

Tl zënter de San Ćiascian vëgnel venü n bar – café de 130 m2, cun terassa a sorëdl. Al é inće poscibl da fà na botëga. Prëibel cherdè sö le 335/6193439 o menè na e-mail a info@myhomedolomites.it

Chirì da laour N ël chier da lëur coche segondo cuech. Tel. 345/2562333. (08/12) ••• N ël de Verona che à bele truep ani de esperienza chier n lëur da pizzaiolo, nce per dut l ann, cun albierch. Ël sà la rujenedes talian, tudësch y nglëisc. Tel. 342/6481682. (08/12) ••• N’ëila che stà a S. Cristina chier da lëur a rumé su danmesdì. Tel. 347/8589029. (08/12) ••• N jonn de 20 agn dla Val Badia cun

diplom de maturité chir n laur. Tel. 332/5815819. (08/12)         ••• N jonn de 20 agn dla Val Badia cun diplom de maturité chir n laur te val' ofize. Tel. 335/5815819. (09/12) ••• Na jëuna chier da lëur a rumé su te na cësa privata, a rumé su majons y a paidelné per dut l ann, danmesdì. Tel. 338/1568397. (09/12) ••• Na jëuna chier da lëur per n sies ëura danmesdì, sciche barista, a fé gusteies,

a rumé su la majons o zënza vel’ lëur. Sce l ie mesun a S. Cristina o ntëurvia. La sà da rujené tudësch y talian. N ne n’à nia drë de ti dé d’albierch. Tel. 388/9373456. (10/12) ••• N ël chier da lëur dala sajon da d’instà inant, a lavé ju, sciche vardian o a fé d’uni sort de stroc. L à ot ani de esperienza te chësc caimp. Tel. 377/4874002. (10/12) ••• N ël dla Talia chier da lëur da śën inant sciche pizzaiolo. L à 15 ani de esperienza. Tel. 348/9135403. (10/12)

Da chirì Na jëuna de Gherdëina chier n pitl cuatier da auril inant. Prëibel cherdé su l 333 9023966. (08/12) ••• Na jëuna da tlo chier n cuatier a Urtijëi o a S.Cristina per dut l ann. Prëibel cherdé su l numer de telefon 334/5497489. (08/12) ••• L vën crì n cuatier per 4 persones te Gherdëina per dut l ann. Tel. 333/7475704. (09/12) ••• Al vëgn chirì n apartamënt da tò afit tla Val Badia por 2 jogn por döt l ann. Tel. 348/8929519. (09/12) •••

Na jëuna da tlo chier da sën inant n cuatier da tò afit per dut l ann. Tel. 335/8230782. (09/12) ••• N ël dl Pachistan che lëura bele da diesc ani te Gherdëina chier n cuatier per na familia da cater persones. Tel. 328/2085893. (09/12) ••• N’ëila cun n pitl cian chier n cuatier da tò afit per dut l ann te Gherdëina. Tel. 349/4925882. Patrizia (09/12) ••• L vën crì n cuatier da tò a fit per 2 persones a Urtijëi o a S.Cristina da juni inant. Tel. 328/9469530. (09/12) •••

Da vende L vën vendù na vedla credenz y n cassabanch tl “Jugendstil“, n castl per libri cun doi purteles, n canapé y 4 stuei tl stil “Biedermeier“ y na vedla truga da paur a Burnech. Tel. 347/8695887. (08/12) ••• L vën vendù na “camera reflex a spiedl” CANON EOS 10D y chisc obietifs: Tamron 24-70 mm., Canon EF 75-300 mm. y Tamron AF Aspherical LD 28-200 mm. Tel. 338/3371487. (09/12) •••

L vën vendù na FIAT Punto dl 1998, 1.2cc, 137.OOO km a € 1.000,00. Tel. 334/5641958. (09/12) ••• AI vegn venü na MTB dla marca “KTM Team LC Elite” de carbonium cun cambio XT, 10kg al prisc de 1.100,00 €. Tel. 339/1705732. (10/12)

Da scinché ia Al vëgn dè ia n pice forgheré a lëgna. Tel. 0471/839689. (08/12)

Al vëgn chirì trëi scagns inće de forma desvalia zënz a plomac . Tel. 347/1554671. (10/12) ••• La familia Bonato chier n cuatier cun doi majons a Urtijëi nia massa dalonc dla zënter. Prëibel cherdé su da mesdì o da sëira, tel. 0471 796996. (10/12) ••• L vën cris n cuatier per trëi persones te Gherdëina o ntëurora, per dut l ann. Tel. 0471/1921717. (10/12) ••• Doi jëuni da tlo chier da utober inant n cuatier te Sëlva da tò a fit per dut l ann. Tel. 339/8516857. (10/12) •••

La firma Goller de Sëuc chier persones da tlo cun esperienza per jì cun la pachera y cun l camion y muradëures. Per fé ora n terminn y per se prejenté pudëis cherdé su l 335/5625615.

Tl zënter da La Ila vëgnel afité ia da d’isté inant n local adatè por ofize. Por informaziuns cherdéde sö le 335/6478847.

A Urtijëi vëniel lascià via n cuatier de 95 m² cun mubilia, ciulé y garasc a na familia da tlo dai 15 de auril inant. Prëibel cherdé su l 333/7168804.

La butëiga Radio TV Ivan de Sëlva chier 1 lodner/a per dut l ann. Nteressei o nteressedes possa cherdé su l numer de telefonn 0471/794437 o passé te butëiga.

Hotel Villa Eden a Corvara chir colaboradûs por l’bar por les proscimes sajuns da d’isté y invern. Al vëgn damanè na bona conoscënza dl talian y dl todesch, esperienza de plö agn de laûr y conoscënza di sistems automatichs de ordinaziun. Prëibel nia tò contac zënza les carateristiches damandedes. Curriculum a info@villaeden.com o telefonè al 0471/836041.

Camping Colfosco/ Corvara chir por la sajun da d’isté o inće por döt l’ann 1 secreteria cun de bunes conoscënzes söl computer y di lingac talian, todësch y ingleje na studënta dai pröms de messè ćina ala metà de agost. Por informaziuns: 348/0425058 o le 0471/836515 o sciede a info@ campingcolfosco.org.

a La Ila chir 1 lerner 1 monter 1 eletrizist 1 persona por ofize. Prëibel cherdè sö le 0471/839766 o le 335/5955944.

Alpin Hotel Ćiasa Lara a La Ila chir da jügn inant por na sajun lungia da d’isté 1 ćiamenëssa 1 chelnera por salf 1 vardian de ćiasa 1 secreter/ia 1 cogo cun esperiënza. Prëibel cherdè sö le 0471/847257 o menè na email a info@ciasalara.it

La Ütia de Bioch da La Ila chir por la sajun da d’isté n/na chelner/ra (inće a ores) n cogo/na cöga. Prëibel telefonè al 338/4833994 o menè na email a info@bioch.it

Ploner Moritz idraulicher a Badia chir 1 idraulicher 1 lerner da idraulicher dl post. Por informaziuns prëibel telefonè al 335/6155706. www.lauscdiladins.com

35


La Usc di Ladins  

edition 1012

Advertisement
Read more
Read more
Similar to
Popular now
Just for you