Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,50 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 10/2010 - 13 de merz 2010

IR Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

3

Lingaz aaaaa

Barometer linguistich Resultac de na inrescida dl ASTAT de Südtirol, for ciamò interessanc.

Urtijëi Chemun

Iluminé les stredes y nia l ciel

Comentar de pruma

Cianacei é vegnù auzé fora sciche ejempl positif tl setour dl smendrament dl entossiament luminous per ji envers n mudament de mentalité

Ìnternauć

13

Mostra Art 52 Nstadì iel stat na senteda de Chemun a Urtijëi. Cuestions de urbanistica. Plu ponc al ordenn dl di purtei ite dala Lista Ladins.

Olimpia

14

Lukas Runggaldier Cun n 11ejim plazamënt tla cumbinazion Nordica pra i Juesc Olimpics à Lukas Runggaldier arjont l miëur plazamënt di atlec de Gherdëina. Na ntervista al atleta de S. Cristina.

Corvara

19

Lîtes de comun Intervista cun le candidat da ombolt Robert Rottonara.

Val Badia

La lum “dreta” di lampions te mez ilumineia bendebot la streda zenza crié entossiament luminous, chela faleda dles linternes sun i murs fej n gran luminous y adorba zenza iluminé polito la streda. Deplù a plata 12.

21

Gana en don ai letours

Maestri de schi Direturs de scores de schi tol posiziun sön la liberalisaziun dl laûr da maester de schi.

Televijiun

21

Mediaset digital? Tl Comun de Mareo y te chël da San Martin podéssel tosc garatè da ciafè Mediaset söl digital. I svilups.

Mobilità

24

Se mever co la ferata Va inant la discuscion su la mobilità très ferata. Massimo Girardi, president de Transdolomites, prejenta l studie de fatibilità de la proponeta alternativa a Metroland.

Schi

37

L Freeride Club Bën sies devëntes te plu garejedes cun partezipazion naziunela da pert di atlec dl Freeride Club Gherdëina, che ie dessegur danter i miëures de duta la Talia.

Les “Ganes” ladines va inant y les ti sporj encuei ai letours dla Usc l numer 11 de Gana, la revista dles eles nia demé per les eles, per se la conté, y con l scrive “tegnì chel fil che la eles portova inant da secui a ousc y che somiova belau desfanté”, portan dant momenc de vita, toc de stories feminines, ponc de veduda, pensiers originai y interessanc. Sun chest numer ti é vegnù dediché, per la pruma outa do belau trei agn, na gran lerch al sport, l sport al feminin te vigniuna

de sia dimenjions dl corp y dl cef, sciche moviment, bensté, agonism, forza y pascion. Ciamò pòn abiné stories de eles che se enconta per secodì valguna pascion, la medema pascion che spenj les eles dla redazion y cheles che scriv sun la revista. Na bela nueva de chest numer é l concurs dla tascia de Gana, che envieia les letoures (y ence i letours) a realisé la creazion plu originela sun la basa dl cartamodel enjonté per vence n bel pest. Bona letura y bona creazion a dutes y a duc!

de Iaco Rigo

Al é dötaorela internauć (anuzadus de internet) che arata che l’internet sides val’ de privat, discret, intim, ez.. Chësc n’é nia vëi, y vignun dess savëi che i movimënć che un fej te internet po gnì ćiarà do y ciafà sö da d’atri, y dantadöt dala magistratöra, sce al è dan man maladoranza dl sorvisc a dann da d’atri y sce an à metü ite o partì cun d’atri contegnü che ofënn y vëgn zensuré dala lege. Na gran responsabilité - inće legala y penala - à inće i geniturs che i dà döta la liberté a sü mituns ćiamò minorënns da anuzé l’internet. N caje concret d’atualité: le forum “Einwanderungsstopp für Südtirol!!!” sön la plataforma soziala Facebook, olache mëmbri - registrà! - de Facebook à scrit osservaziuns de comportamënt aratè ofensif, razist y neo-nazist. La magistratöra inrësc y podess straufé i auturs de chësc contegnü tendenzius. Facebook n’é nia privat, sciöche jënt mina. Al é na publicaziun söla rëi de contegnü - inće privat, y la parora “publicaziun” dij döt. Inće i geniturs dess savëi che döt ći che sü mituns ćiara, desćiaria y publichëia sön internet n’é nia privat. Y che i geniturs instësc porta na co-responsabilité. Le problem cun l’internet y süa maladoranza y strumentalisaziun gnarà ćiamò maiù canche düć arà ma plü le telefonn inće por jì te internet.

La chèrta d’identità per ladin

La souracuerta dl numer de GANA enjonté encuei a La Usc.

En cont de la chèrta d’identità per ladin, volesse palesèr con convinzion mia posizion en favor de la doura del lengaz unificà. Jà da sie prumes vèresc, l projet SPELL à troà n fort sostegn da pèrt de la istituzions fascènes, l’Istitut cultural “majon di fascegn” e l Comprenjorie ladin à fat n gran sforz e i à metù a la leta n muie de ressorses, tant de jent che de scioldi, per la elaborazion del Ladin dolomitan. Fossa dassen cert che te chesta ocajion se fajessa n vèrech endò e se cernessa de durèr i sìngoi idiomes. Sessaben che anter la jent l’é tema che la forma standard vae a tor l post di idiomes. Ma no la é coscì, alincontra l Ladin dolomitan pel esser n muie ùtol tel prozess de unificazion de la valèdes ladines ajache l met a la leta n strument dassen va inant a plata 2


Letres y Atualité

nr. 10 / 13 de merz 2010

Da les zentrales de partic politics

Resposta dla Lista Urtijëi

Freiheitlichen contra Ladins “Le stlopetamënt dessenus dl presidënt di Ladins ne po engalin nia plü gnì soportè”, I Freiheitlichen tol posiziun en relaziun ales lites comunales dan porta I Freiheitlichen se vëiga sforzà da tignì na conferënza stampa por splighé indortöra che an n’é nia plü bëgndî a öna da se lascè trà dant cosses nia leritoses. I oresson mëte dantadöt en tler che le presidënt dl movimënt di Ladins Albert Pizzinini adora te sü cumunicać stampa n lingaz che va sura la mosöra dles bunes manires fora. I Freiheitlichen n’à nia bria da se lascè trà dant da ester plëgns de “estremism de man dërta” y da “despartì i ladins”. De te’ cuntejes é baujies fosces, che nos ne orun y ne podun nia plü bëgndî lascè sozede. Le presidënt

di Ladins é sön n tru de lëgn, porta dant cosses mai dites y fej de tort a dötes chës porsones che à simpatia por i Freiheitlichen. Por secundo unse indô n iade odü, che al vëgn fat de gran confujiuns danter fać de storia sozedüs tratan la secunda vera y le gran amur por nostes valades ladines te nostes idees politiches. Dötes chës porsones che n’ô nia odëi i Freiheitlichen tles valades ladines dess se recordè che te na democrazia édl intres ćiamò chës porsones che va a lité che dij ći che va y ne va nia bun. Cô pon pa ester cuntra zacai che tin sön i valurs de nüsc antenać y sön la

sconanza de na picia mendranza desco chëra ladina? L’invidia da ne avëi nia la crëta dla jënt? I Freiheitlichen à bele plü gonot damanè che al vëgnes fat n “Gesamttiroler Geschichtsbuch” por recordè la storia intiera de nüsc tëmps passà, mo val’ de te’ ne pon sambëgn nia aprovè! Inće por le dagnì orunse nos intres desfarenzié danter politica da un n vers y storia, cultura y tradiziuns dl ater vers. Nos sperun che al sides inće i atri, y dantadöt le movimënt di Ladins che sides bugn da odëi les cosses cun edli plü daverć y sinziers.

I “Ladins” respogn Conferenza stampa di Freiheitlichen te Selva Per vigni democrazia é la liberté de opinion n valour fondamental. Canche an met man de manacé con plures n partì y sie president per n comunicat che ne fej nia auter che porté dant cie che é na opinion slargeda fora ésen sun l troi fauz. Plu che les paroles conta i fac y le teater fat tres comunicac stampa y tres la conferenza stampa te Selva

desmostra che cie che é opinon slargeda fora à sia fondamenta concreta. Ladins Dolomites ne se lascia nia sprigolé y spaurì con manacedes de plures. L valour democratich é n valour fondamental y la liberté de opinion toca laprò. Sce certes declarazions ne ti scusa nia massa ai Freiheitlichen messi mefun desmostré con i fac che ales ne

stimeneia nia. Ma la reazion steda desmostra che la liberté de opinion vegn me intenuda dai Freiheitlichen da un n veres. Chi che se permet de critiché intres dut y duc messa mefun ence azeté valch outa valch critica. Almanco te na democrazia. Albert Pizzinini, Ladins Dolomites

Freiheitlichen, parados, plazes a paiamënt y RAI Ladina Ladins Dolomites tol posiziun sön la conferënza stampa di Freiheitlichen, sön la detlaraziun de lingaz nia por ladin, sön les plazes da parchè a paiamënt por i dependënć publics y sön i svilups tla RAI Ladina Politica - Cun la conferënza stampa dla sabeda ai 6 de merz, intitolada “Hasstiraden des Ladins Präsidenten sind allmählich untragbar”, à i Freiheitlichen desmostrè ćiamò n iade cun i fać che che ai é. N te’ comportamënt che desprijëia le laûr de d’atri, che ne lascia nia pro critiches, che vëiga la libertè de parora sciöche n prigo, n’é nia democratich. Scraié da ester tan democratics ne jô a nia, sce al ne vëgn nia i fać do les parores. La democrazia é n valur por chël che an mëss combate vigni dé y olache la l i b e r tè d e m i nu n g a é fondamentala.

Parados tla detlaraziun de lingaz La Provinzia i mëna fora a chi che complësc 18 agn n invit por dè jö la detlaraziun de apartenënza a n grup linguistich. Le parados é che chësc invit vëgn ma menè fora por talian y todësch. Inće le Comun de Sëlva l’à menè fora ma por talian y todësch y nia por ladin. Plaza da parchè a paiamënt Dal 1. d’aurì mëss i dependënć publics sura döt le teritore provinzial paié por podëi parchè l’auto söl post de laûr. La deliberaziun é scandalosa. Impede sostegnì i dependënć, che é l’anel plü debl dl sistem, mëss propi chisc contibuì al paiamënt

di cosć de operes realisades massa gonot zënza n control di cosć adatè. Ladins Dolomites se damana che la Junta Provinziala féjes n vare zoruch y che ara ćiares deplü al aspet sozial, dal momënt che propi i lauranć é le zënter dla ćiadëna de valur. RAI Ladina Al vëgn baié oramai da agn de n aumënt dles trasmisciuns dla RAI Ladina, sciöche inće de na redaziun autonoma. Mo al n’é gnü fat nia! Ladins Dolomites se damana n majer impëgn da pert dla Provinzia por arjunje pornanche ara va chësc obietif.

La chèrta d’identità per ladin va inant da la pruma plata

adatà e percacent per la comunicazion anter la valèdes, tant tel contest aministratif che divulgatif, e l sporc ence na ocajion de renforzament del lengaz ladin medemo. Na forma valiva per duc la é no demò ùtola, ma indispensàbola . Da spes , belimpont, la mencianza de na forma standard la é stata touta sù desche vértola per no durèr l ladin te documents ofiziai o publicazions emportantes. L lengaz scrit di Romances, l Rumantsch Grischun, troa sie

2

www.lauscdiladins.com

fondament tel valif prinzip del Ladin dolomitan. L Romanc, co l’introduzion del lengaz scrit, se à vadagnà nef prestije e neves ciampes de aplicazion. Per merit del lengaz standard l Romanc l vegn durà te ciampes che dant era resservé demò al todesch, al franzous e al talian. Ades l’é de besegn de na rivalutazion de chesta sort ence per la soravivenza del Ladin de la Dolomites. Per chest la valèdes ladines no pel perder l’ocajion, sporta da la l’introduzion de la chèrta d’identità ence per ladin, de durèr sie lengaz standard: na ocajion per fèr n auter

vèrech inant envers l superament de la spartijon che i ladins à cognù padir e per garantir al lengaz e a la cultura ladina n status de maor recognosciment e valor. dr Luigi Chiocchetti Conseier provinzièl ladin e Vizepresident del Consei regionèl Priesc d’abonament anual: per la Talia: 54,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

N resposta al articul de Walter Kasslatter tla ultima USC ulons stlarì n curt per chël che reverda i doi ponc dla senteda dl ultimo cunsëi de Chemun a Urtijëi. Pra l Hotel Madonna ne n’iel nia unit dat pro n plann de atuazion coche Walter scrij, ma l plann de recupereda de dut l raion residenziel A3 - Madonna. Te chësc plann iel scrit dant a cie che n muessa se tenì te chël raion sce n uel fabriché. Sce y tant che l hotel Madonna possa unì ngrandì ne depënd nia da chësc plann, ma dala lege che lascia pro ngrandimënc cualitatifs y cuantitatifs per i hotiei. Na lege provinziela cun chëla che trueps ne n’ie nia a una, avisa sciche nce reprejentanc dla Lista Urtijëi à dit ntan la senteda. N con’ dla mostra art 52 se damandova la Lista Ladins na delibera dl Cunsëi che dij: “Da moinla ne puderà chëi artejans o chëla firmes che lascia fé lëures nce sce mé n pert ora dla Talia, nia plu mëter ora tla mostra Art 52”. L Chemun ne possa tlo

iuridicamënter nia ti scrì dant ala ART 52 coche la à da fé si statut. Canche l ie unì fata la mostra da nuef, se à chëi che fej pert dla mostra mpenià per cin’ ani à paië pea la spëises. Co fejëssen pa sën a i smaché ora y chi se tulëssa pa la respunsabltà de fé ora chiche à la produzion tlo y chi oradecà. Sun nosta pruposta iel ala fin unì delibrà da duc I cunselieres chësc test: „L Cunsëi de Chemun ie dla minonga che tla mostra ART 52 tóchel mé da vester metù ora lëurs fac te nosc raion“ y nvieia la ART 52 a tenì cont de chësc. Ulon mo sotrissé che dla ultima senteda de cunsëi di 26 de fauré iel unì scrit te plu zaites cosses che ne stimenea nia. Nfurmazions plu a puntin n con’ dla senteda cun de ndut 21 ponc sun l ordenn dl di pòssen liejer sun nosta plata web www.listaurtijei.it Per la Lista Urtijëi, Martina Goller, Tobias Dellago, Dieter Demetz, Leander Moroder, Leo Moroder, Christian Stuflesser

Comun General de Fascia N program de la Rai Televijion Ladina – PALADINA en jebia ai 18 de mèrz da les 20.30 Tel Trentin la reforma istituzionèla del 2006 à spartì fora la competenzes e l poder da la provinzia a la comunitèdes de val. A la Val de Fascia ge é vegnù dat n’autonomìa spezièla, béleche na sort de autogoern tres l Comun General de Fascia che cognessa ruèr a se rejer béleche enstes. L Comun General de Fascia é n pegn per l davegnir, che fona si reijes te la memoria storica e porta inant valores de solidarietà, democrazìa e raprejentatività de la veia comunità de Fascia. Purampò i prumes vèresc per

veder nascer chesta neva istituzion à soscedà gran discuscion soraldut per via del Statut che é vegnù refudà da doi comuns sun set. L program de Anna Mazzel de la Rai ladina de Busan per Paladina, che sarà da poder veder en jebia ai 18 de mèrz da les 20.30, jirà dò l troi che mena a la naa de chesta neva istituzion travers la ousc de politics, aministradores e esperc, e audian anterite ence più opinions de la jent. Per veder la programazion de la Rai Ladina se pel jir sul sit: www.raibz.rai.it/ ladin.php

L’assenza giustificheda dl premier Dal Senat: Peterlini dij de no, Thaler y Pinzger s’asten Politica - L govern de Berlusconi à mené tres la litazion de creta (“votazione di fiducia”) al Senat per i dé lum verda a la proposta di lege per l’assenza giustificheda dl premier te prozesc. La lege preveid che l premier ne messa nia comparì pro prozesc penai y chisc prozesc messa enscì gnì sburlés. La lege dessa valei demé enchin al gnirà aproé na lege nueva sun

l’imunité dl premier (preveduda per l ann 2011).L Senatour Peterlini à dit de no a la creta per l govern sun chesta cuestion: “ajache nia duc i zitadins ne vegn tratés a la medema maniera, Berlusconi é ence n zitadin”. La Senatoura Thaler - Ausserhofer y l Senatour Pinzger s’à astenù da la lita, en acordanza con i autri mandatars SVP tla ciamena di deputac. (ir)

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, David Lardschneider, Pablo Palfrader, Marco Dibona Moro, Lorenzo Soratroi. Stamparia: Longo AG, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 10 / 13 de merz 2010

Adoranza di lingac y identité te Südtirol L barometer linguistich dl 2004 dl ASTAT de Südtirol taié pro sun les does valedes ladines de Badia/Mareo y Gherdeina. Inrescida al telefon con feter 400 persones. Sceben che aspec y minunghes à podù se mudé te chisc ultims cinch agn ratonse i resultac publichés dl 2006 for ciamò interessanc Ladinité - Dant cater agn, dl 2006, vegnìvel publiché dal ASTAT i resultac relatifs a la inrescida campionara “Barometro linguistico dell’Alto Adige - Südtiroler Sprachbarometer” scluta ju d’auton dl 2004. L obietif de chest laour fova chel de analisé les conoscenzes linguistiches dla popolazion südtiroleisa y de inresce su n valgugn aspec dla convivenza anter grups linguistics prejenc sun l teritore. I temesc dl’inrescida va da les prumes esperienzes con l lingaz dla oma, l secunt lingaz y les rejonedes forestes, a l’identité linguistica, al vive te n contest caraterisé da la prejenza de plu cultures. Al fova ence gnu tratés ciamò laprò i dac y les minunghes sun l ejam de bi- y trilinguism y sun l’adoranza di lingac tl ciamp dl laour.

corespogn feter dldut (plu che l 95,0%).

L campion ladin y l sistem de intervista Te chesta inrescida ti fòvel gnu I ladins de Gherdeina y dla Val Badia é dret sedentars. L 89,1% di ladins dé n peis particolar a les cuestions dla Val Badia y l 86,8% di ladins de Gherdeina à vit si prums sies agn de linguistiches dla popolazion ladina. vita tles valedes ladines de Südtirol. Feter duta la popolazion dles Al cheder provinzial fòvel gnu valedes ladines (97,2%) à vit i ultims cinch agn tles valedes ladines de injunté na inrescida fata al telefon Südtirol. foto: http://www.easychat.biz che reverda medré la popolazion di ot comuns ladins. Chesta é steda 89,6% che à respognù per ladin, l ladina é dret stabila. L 89,1% di de importanza fondamentala per l 6,6% per talian y l 3,8% per todesch. ladins dla Val Badia y l 86,8% di “Barometer Linguistich”; pervia Te Gherdeina dà do la percentuala ladins de Gherdeina à vit si prums che ala se trata de na inrescida lieda de chi che à crì fora l idiom ladin sies agn de vita tles valedes ladines ai grups linguistics ne fòssel nia sté de sia valeda per respogne al de Südtirol. Feter duta la popolazion dles valedes ladines dret sce an essa fat na proa de control sourapro(97,2%) à vit i ultims porzionala dla popolazion Al per che la jent de Gherdeina y dla cinch agn tles valedes ladines de ladina. Perchel él gnu cherié Val Badia se dejidreie ti ciamps dla vita Südtirol. Sce an na proa raprejentativa dles does valedes (de 398 da vigni di - chel vuel dì te gliejia, a incruj chestes does persones dai 19 agn ensù), véiden che teater, sun i placac, da conferenzes y te variables che é gnuda damaneda fora ben l 86,2% à vit sie ocajions nia aministratives en general si prums sies agn de al telefon da persones de lingaz dla oma dl ladin dla - che l ladin vegne adoré deplù. Al é vita co i ultims cinch tles valedes ladines. Val Badia/Gherdeina; a dantaldut i joegn che s’l damana. Plu o L 12,0% depierpul ne chesta maniera él gnu dé la manco mec de chi che fej pert dla classa poscibelté de respogne al n’à nia vit si prums cuestionar per ladin de de eté anter i 19 y i 39 agn volessa audì/ sies agn de vita tles Gherdeina, ladin dla Val valedes ladines, ma vedei de plu ladin tratant les la maioura pert de Badia, todesch o talian. Dal moment che ala ne manifestazions publiches, sun i placac, chesta stricola de va nia da confronté chesta te gliejia, tratant les conferenzes y ciamò popolaziun é impò situazion con chela di autri chersciuda su te deplù a teater (57,2%). L dejider de adoré Südtirol o te d’autri doi grups linguistics, é l cuestionar adoré per la deplù l ladin cresc con l aument dl titul raions ladins fora de inrescida al telefon samben de stude y reverda dantaldut la Val Badia Südtirol. autramenter respet a chel y i ei. Perimpò é l numer dles respostes adoré tles intervistes mus a Tanc se sent pa ladins de mus. „i ne sa nia“ te chest contest aut: al arjonj chi che viv tles Les intervistes à duré 5/6 dal 11,2% al 18,3%. minuc, y les families valedes ladines? damanedes fora é gnudes informedes dla inrescida dantfora tres na letra. L grup linguistich La intervista é gnuda realiseda cuestionar al 77,6%; dedò végnel l ladin mostra de se sentì lié dret con n sistem CATI (Computer todesch con l 16,0% y l talian con dassen a sie lingaz: l 84,2% conscidra assisted telephone interviewing) l 6,4%. una dles variantes ladines si lingaz che à trueps vantaji tla fasa de dla oma, l 13,5% depierpul l todesch relevazion. I ladins dla Val Badia y de y l 6,0% l talian. Gherdeina: n popul Di abitanc de Gherdeina se sent sedentar L’identité linguistica l 21,8% de lingaz dla oma todesch, de chi tla Val Badia depierpul l 6,2%; Ai la jent ti él gnu dé la poscibelté Per mete adum na biografia l 4,2% di ladins de Gherdeina y l de respogne a la intervista per ladin linguistica val debujen de savei te 7,6% di ladins dla Val Badia rata l (tles does variantes dl ladin dla Val cie contest linguistich che talian sie lingaz dla oma. Badia y de Gherdeina), per talian l’intervisté à vit si prums y ultims o per todesch. Al é interessant de agn de vita. La popolazion che declareia de analisé l lingaz de resposta dl Sce an analiseia la mobelté ester de lingaz dla oma ladin y de cuestionar: tla Val Badia él sté l teritoriala véiden che la popolazion pertegnì pro l grup linguistich ladin

respogn “al depen” y po perchel se adaté ai bujens de chi che ai à dant. Les respostes “al depen” cresc con L lingaz plu adoré é l l cresce dl titul de stude y é tipiches di residenc che à l ladin sciche ladin lingaz dla oma. Sce an met en relazion l lingaz La medema cossa vel ence dla oma con l lingaz de resposta al canche an messa ti baié ados a cuestionar, véiden che chi che à l foresć, a jent nia conesciuda: l 35,4% ladin dla Val Badia sciche lingaz respogn “al depen”; sce an dla oma à respognù al cuestionar desferenzieia per valeda él l 41,0% al 92,9% per ladin. di ladins de Gherdeina y l 30,5% di Chi che à l ladin de Gherdeina ladins dla Val Badia. Mec i ladins sciche lingaz dla oma indere à cernù dla Val Badia ti baia ados per ladin de respogne tl idiom de sia valada ence a n forest. Te Gherdeina cala al 89,2%. chesta percentuala al 37,8%. L 6,3% ti rejona ados a n forest Sce an confronteia depierpul l grup de pertignenza lin-guistica con l dialet todesch (10,7% te con i lingac che vegn Gherdeina y 2,4% adorés vigni di („i tla Val Badia), l lingac o cie variantes La maioura pert di 3,3% l todesch de ladines adoreise pa (1,9% tla ladins de Südtirol se scritura vigni di?“ Deplù Val Badia y 4,8% te respostes poscibles) damana trasmiscions Gherdeina) y l véiden che an à tles televisives ladines 8,6% l talian (12,0% v ale des ladines tla Val Badia y 4,8% clermenter de fe con plu longes; sce an te Gherdeina). na situazion de cumpeda adum les plurilinguism: adoré respostes “puech L ladin intres deplù sburlé di per di de plu lingac te n piz? desferenc n e content” y “dldut nia comporta degun content” rùven a plu problem. L lingaz plu che l 72%. L ladin vegn raté en pert n adoré é l ladin. Do l ladin végnel nuzé l plu lingaz destiné a jì l talian (62,3%), spo l a perde. An à dialet todesch (57,8%). L todesch porvé perchel de analisé tant che de scritura é ence dret adoré tla chest lingaz é slargé fora tla vita da vita da vigni di dal 38,3% dla vigni di dla popolazion dles valedes popolazion dles valedes ladines. ladines. Chest paragraf se L’adoranza dl todesch de scritura conzentreia dantaldut sun la y dl talian va a la per con le cresce comprenjion dl lingaz, chel vuel dì dl degré de stude, depierpul che les sun la letura. variantes ladines à la tendenza de La popolazion che viv tles decresce con na istruzion plu valedes ladines capesc ben i tesć ampla. scric per ladin. L 64,9% dij de capì senza dificolté n test scrit tl ladin Da n lingaz al auter de sia valeda, l 29,6% l capesc bendebot ben. An veid che al é plu Sciche per les autres realtés te che auter i ladins de Gherdeina Südtirol, enscì él ence tles valedes (71,7%) che à de bones capazités ladines i joegn che sa plu co i autri de letura te si idiom, depierpul che de adoré de plu lingac. la percentuala de chi dla Val Badia Sce an analiseia les informazions va ju al 58,9%. La percentuala dles per valeda, resultéiel che i ladins persones che ne n’é nia bones de dla Val Badia adora deplù sia capì n test ladin scrit - ajache ales varianta y ence d’autres variantes capesc me n valgunes paroles - é ladines. Implù él na gran desferenzia perchel bassa (3,5%). Al é dantaldut i joegn che dij de teritoriala tl’adoranza dl dialet todesch (41,5% tla Val Badia, 76,3% capì ben n test scrit tla varianta te Gherdeina), per cie che reverda ladina de sia valada. Chest fat é l talian depierpul é les desferenzies bonamenter lié dantaldut al sistem mendres (67,3% tla Val Badia, 56,6% scolastich paritetich y a na maioura te Gherdeina). La capazité dla coscienza dla importanza y dl popolazion ladina de passé da n valour dl ladin anter i joegn. lingaz al auter vegn desmostreda L 78% de chi che viv tles valedes ence da les respostes a la domanda ladines che ne fej indere nia pert “Te cie lingaz ti rejoneise pa ados dl grup linguistich ladin, capesc normalmenter a n südtiroleis che ben o bendebot ben n test scrit tl baia doi lingac ma che ne sa nia va inant tles plates dedò ladin?”. Plo o manco mec i ladins

” „

www.lauscdiladins.com

3


Atualité

nr. 10 / 13 de merz 2010

idiom ladin dla valeda olache ai viv. La percentuala di letours cala sce l test é scrit te n’autra varianta ladina, ma al é impò intres ciamò plu che mec i ladins che li tesć ence te d’autres variantes ladines. Dantaldut chi che à n livel de istruzion plu aut é bogn de l fe. Ence te chest caje él les classes di plu joegn che mostra de plu interes de li i tesć scric per ladin.

Co se comporta pa la popolazion dles valedes ladines de Südtirol canche l test de lì é n test ufizial? N test ufizial messa gnì capì plu debota y indertura che n test nia ufizial; an s’à perchel damané cie verjion de n test te trei lingac che vegn lita per proma. An veid che les percentuales di ladins en general se despartesc fora unfat sun i trei lingac (ca l 30%). Al per perchel che l todesch y l talian vegne ratés lingac plu ufiziai che l ladin, dal moment che - da sciche an à apena vedù - plu che l 65% à dit de capì ben l ladin ma me mec de chisc li ence n test ufizial per ladin. Sce an analiseia les informazions a livel teritorial véiden che al é plu i ladins dla Val Badia (36,1%) che nia chi de Gherdeina (22,6%) che chier fora la verjion ladina, te Gherdeina tìrel dant clermenter l todesch (43,2%).

respostes „i ne sa nia“ te chest contest aut: al arjonj dal 11,2% al 18,3%.

SMS y posta eletronica per ladin Per abiné adum l’adoranza ativa dl ladin, a pert chela passiva dla letura, ti él gnu damané ai intervistés te cie lingaz che ai scri de tel pici messaji de test, mails (posta eletronica) o chertes postales. Plu che mec i ladins scri messaji o chertes postales per ladin. Chi che ne adora indere nia le ladin chier fora l talian (n chert) o l todesch de scritura (13,3%). Al é davei puec ladins dla Val Badia (1,5%) che chier fora l dialet todesch, a desferenzia di ladins de Gherdeina (9,1%).

L ladin ti media N bon indicadour per moseré les capazités linguistiches é la letura di foliec da vigni di. Praticamenter duc (99,3%) i abitanc dles valedes ladines li foliec.

Un di grafics laorés fora dal ASTAT.

Co se despartesc pa fora i letours aldò di singui foliec da vigni di y dantaldut aldò dl lingaz?

sia valeda, spo véiden sciche chestes does variables va adum. Plu che mec de chi che li d’autres variantes ladines li ence “La Usc di Ladins”. A pert i foliec per ladin él ence L foliet da vigni di “Alto Adige” de plu trasmiscions tl radio y tla vegn lit da mesa la popolazion dles televijion per ladin (Trail, Paladina, valedes ladines, dantaldut dai ei Bancorin, ...). Tan contenta é pa la (60,2%) y dai residenc che ne s’à popolazion ladina con chestes La Val Badia é per n nia declaré ladins (66,3%). trasmiscions en cont de cualité, Ence la “Dolomiten” vegn lita frecuenza y dureda? aument dl ladin Per cie che reverda la cualité dles tl’aministrazion publica, truep dai ladins (72,5%); ence chilò él dantaldut i ei che la li y la maioura trasmiscions é la popolazion “dret Gherdeina nia pert di letours viv te Gherdeina contenta” al 35,9% y “bendebot Chest compertament ti confronc (84,7%). Dut adum él l 70,4% dla contenta” al 45,7%, i nia contenc é di tesć ufiziai é de ciafé ence tles popolazion che viv tles valedes l 11,4%. Al cala, ence sce me de puech, minunghes sun na maioura ladines che li la “Dolomiten”. adoranza dl ladin tles aministrazions la contenteza canche an rejona dla publiches (“ves dejidreise per les La Usc di Ladins, foliet frecuenza dles trasmiscions per plu lit valedes ladines na maioura ladin. Ai é empò ciamò trei cherc adoranza dl ladin tles letres dla i ladins che é almanco bendebot aministrazion publica?”). Endut ne “La Usc di Ladins” per ester l contenc dla frecuenza dles vuel l 50,6% nia che al vegne foliet plu lit ti raions ladins (88,3%), trasmiscions. L 18,2% depierpul aumenté l’adoranza dl rata che al messessa gnì ladin ti tesć publics, l aumenté l numer dles 16,2% pisimeia. Sce an I ladins dla Val Badia (47,8%) é clermenter trasmiscions per ladin. deplù che chi de Gherdeina (28,0%) per analiseia chesta informazion a livel l ladin scrit unifiché. L 27,2% de chi che La maioura pert di teritorial, spo él na ladins de Südtirol se damana desferenzia anter la Val se aoda n lingaz scrit unifiché é per l Badia y Gherdeina: tla ladin standard. Mec i ladins de Gherdeina trasmiscions Val Badia é l 40,7% per l che volessa n lingaz scrit unifiché essa televisives ladines aument dl’adoranza dl plu longes ladin, te Gherdeina me l plu gian sie idiom, l 39,7% l ladin 24,7%. La contenteza cala de standard. truep en cont dla dureda. Co veid pa la La maioura pert di ladins volessa trasmiscions plu popolazion ladina l’adoranza dl ladin sie tla Val Badia con l 87,1% co te longes; sce an cumpeda adum les Gherdëna con l 89,6%. Sce an tol respostes “puech content” y “dldut tla vita da vigni di, chel vuel dì te gliejia, a teater, me en conscidrazion chi che fej nia content” rùven a plu che l 72%. pert dl grup linguistich ladin cresc A la fin pòssen perchel dì che an sun i placac, da conferenzes y te ocajions la percentuala al 91,1%. Dal moment é bendebot contenc con la cualité che “La Usc di Ladins” é n foliet y con la frecuenza dles trasmiscions nia aministratives en edemal végnel bonamenter platerné tl radio y tla televijion, ma nia con general? laite dantaldut ti locai publics la dureda di programs. Al per che an se dejidreie ti olache al é da ciafé plu giut. I plu ciamps manco formai che l ladin joegn se desmostra dret interessés La minunga sun l lingaz ladin scrit unifiché vegne adoré deplù. Al é dantaldut (92,8%). Ladin Standard i joegn che s’l damana. Plu o manco D’autri foliec: n terz dla mec de chi che fej pert dla classa popolazion ti raions ladins li d’autri de eté anter i 19 y i 39 agn volessa foliec per talian y n terz foliec per Dal moment che al é cinch audì/vedei de plu ladin tratant les todesch. Chesta informazion variantes de val per l lingaz ladin, manifestazions publiches, sun i confermeia endò l plurilinguism se damànen gonot sce al jissa placac, te gliejia, tratant les tles valedes ladines, dal moment debujen de adoré n lingaz ladin conferenzes y ciamò deplù a teater che la maioura pert dla popolazion reconesciù y unifiché (Ladins (57,2%). L dejider de adoré deplù l li foliec ti trei lingac de Südtirol. Standard, o “Ladin Dolomitan”). ladin cresc con l aument dl titul de Sce an incruj i letours de “La Usc Dantaldut sen che l ladin met pe stude y reverda dantaldut la Val di Ladins” con chi che li d’autres intres deplù te ciamps, per ejempl Badia y i ei. Perimpò é l numer dles variantes ladines, a pert chela de tla aministrazion publica, olache

„ ”

4

www.lauscdiladins.com

al ne gniva denant nia adoré. La cuestion sun la introduzion de n lingaz ladin scrit unifiché resta n argoment dret controvers y debatù. Sovenz vegn l “ladin standard” - che é n tentatif de lingaz scrit unifiché y che proa de tò en conscidrazion dutes cinch les variantes de chest lingaz (proiet SPELL) - raté n lingaz artifizial. Perchel ne n’é nia me l fat sce al dessa gnì adoré o manco, ma ence la domanda sun cie varianta ladina che podessa gnì touta en conscidrazion, gauja de n grum de discuscions. Cialon perchel cie che la popolazion ladina nen pensa de chesta cuestion zitia. L 38,5% de chi che viv tles does valedes ladines de Südtirol é per n lingaz ladin scrit unifiché, l 47,9% é decontra y le 13,6% pisimeia. Sce an tegn cont dla eté véiden che al é n svilup ondulant: la classa de eté soura i 60 agn é chela che se damana le plu che al vegne adoré n lingaz ladin scrit con le 42,1%, la classa ite amez cala al 35,7% y chela di plu joegn aumenta lisiermenter (38,3%). Al ne n’é deguna desferenzia relevanta per cie che reverda le ses; les eles pisimeia puech plu che i ei (16,0% contra l 11,1%); per cie che reverda l “scì” é la desferenzia anter i sesc de trei ponc percentuai (40,0% i ei, 37,0% les eles). Per cie che reverda i grups linguistics véiden che ence anter chisc ne n’él nia de gran desferenzies en cont de chestes minunghes. L 38,8% di ladins é per n ladin scrit unifiché, sciche ence l 35,9% de chi di autri grups linguistics che viv tles valedes ladines. Sce an confronteia chestes informazions con l lingaz de resposta al cuestionar véiden che al é per l plu chi che à respognù per talian che nia chi che à respognù per todesch a la intervista che se damana deplù la introduzion de n lingaz scrit unifiché.

La Val Badia vuel n lingaz unifiché, Gherdeina nia nia dles dutes I ladins dla Val Badia (47,8%) é clermenter deplù che chi de

Gherdeina (28,0%) per l ladin scrit unifiché. Ence la incrujeda de chestes informazions con l lingaz de resposta al cuestionar confermeia chesta desferenzia. L 27,3% de chi che à respognù al cuestionar per gherdeina à respognù de “scì” a la domanda „Seise per n lingaz scrit unifiché?”; chi che à respognù tl ladin dla Val Badia depierpul à crì fora l “scì” al 47,5%.

Cie varianta adorassa pa chi che dij de ester per n lingaz ladin scrit unifiché? Meses les persones che é per n ladin scrit unifiché volessa l ladin dla Val Badia sciche lingaz scrit unifiché; trei sun cater de chi che viv tla Val Badia volessa sia varianta sciche lingaz scrit unifiché. Al vegn spo l 27,2% per l ladin standard y l 17,5% per l gherdeina. Mec i ladins de Gherdeina che volessa n lingaz scrit unifiché essa plu gian sie idiom, l 39,7% l ladin standard. L 5,1% de chi che volessa n lingaz ladin unitar ne sa nia cie varianta che ai crissa fora (3,0% di ladins dla Val Badia y 9,0% di ladins de Gherdeina). An veid che chi che é per na maioura adoranza dl ladin tla aministrazion publica ne va nia per forza auna con chi che é per n ladin scrit unifiché. L 52,4% de chi che volessa de plu ladin tla aministrazion publica é per n ladin scrit unifiché. L medem vel ence per les autres situazions. An po dì perchel che truepes persones volessa ben che al gnissa adoré de plu ladin, ma nia per forza n ladin scrit unifiché.

Strutures aministratives A pert la cuestion sun l lingaz ladin scrit unifiché s’àven damané ence sce al va debujen de cherié strutures aministratives per i ladins de dutes les valedes. Y efetivamenter se dejidrassa na pert importanta dla popolazion strutures aministratives per duc. Ence te chest caje él la Val Badia che s’l damana deplù con l 48,7% contra le 34,5% di ladins de Gherdeina. L bujen de na strutura aministrativa


Atualité

nr. 10 / 13 de merz 2010

contribuc finanziars en relazion a Per cie che reverda la la forza di grups linguistics aldò de comprenjion dl lingaz ladin scrit, sciche al resulteia da les declarazions véiden da les informazions che ala de pertignenza dedes ju da l’ultima é bona. cumpeda dla jent ufiziala. La popolazion che viv tles A la domanda “cie fazion à pa l valedes ladines che ne capesc nia proporz etnich per i ladins tles n test scrit é veramenter pitla y fej valedes ladines?” respogn l 55,9% fora plü o manco l 5%; sce an tol che l proporz à na fazion positiva. en conscidrazion medré i ladins L 14,5% rata che al ae na fazion che viv tles does valedes ladines de bendebot positiva. La pert de Südtirol cala chesta percentuala al popolazion che rata che al ae na 3%. L 64,9% dla popolazion l capesc fazion negativa é veramenter pitla; senza problem y feter l 30% l capesc I raporc anter les valedes sce an cumpeda adum les respostes valgamia ben. Ence sce i ladins capesc ben sie “bendebot negatives” y “negatives” ladines rùven al 9,9%. A chesta domanda lingaz per l ladin ester n idiom da En general per i raporc anter él perauter ence sté na percentuala n carater manco ufizial che l todesch Gherdeina y la Val Badia bogn: l nia da sotvaluté che à respognù “i o l talian. Chest capéscen dantaldut 64,1% i rata dret bogn o bogn, l ne sa nia” (19,6%). da les minunghes sun l’adoranza Anter les valedes pòssen vedei dl ladin ti documenc o ti tesć 5,3% i rata debli o sclec. Al resta ciamò na percentuala relevanta de che al é n maiour consens tla Val aministratifs, olache na pert, ence persones che Badia che te de chi che rejona ben ladin, tira respogn “i ne sa Gherdeina. dant un di autri doi lingac dla nia” (11,5%). Les Sciche an provinzia. L 52,4% de chi che veid cala les persones che rata Les minunghes sun l lingaz ladin volessa de plu ladin i raporc anter les m i n u n g h e s scrit unifiché é dret desvalies da valedes “da sciafié” positives sun la valeda a valeda, la Val Badia l tla aministrazion é l 18,9%. Da na fazion dl pro- sostegn deplù co Gherdeina, ma publica é per n ladin analisa teritoriala porz sce an ala volessa che al gnissa tout sie scrit unifiché. dles informazions rejona dla fa- idiom. sàltel fora che al é zion a livel Te Gherdeina depierpul é l 39,7% plutosc i ladins dla provinzial (“Co per l’adoranza dl ladin standard. Val Badia che ne vedeise pa vos Endut é l 38,5% dla popolazion che n’é nia contenc l proporz et- viv ti raions ladins de Südtirol per con i raporc anter les valedes y che nich per i ladins tl rest dla n lingaz ladin scrit unifiché. Ma la se dejidrassa da i mioré. Sce an provinzia?”). Les minunghes percentuala dles persones che confronteia l indesc sintetich véiden positives cala y al cresc les respostes pisimeia é impò relevanta (13,6%). che al é avisa chilò les maioures “i ne sa nia”, dantaldut anter les desferenzies tl valour mesan anter persones soura i 60 agn. Te chest Co veid pa perchel i caje val ence adum les minunghes les valedes. ladins l davegnì dl lingaz ladin? Al é veramenter puec ladins che anter les does valedes ladines. rata che i raporc anter les does valedes ladines ne sie nia bogn. Sce Conclujions Na bona pert dla popolazion che an met adum les respostes “debli”, viv tles valedes ladines (44,5%) rata “sclec” y “dret sclec” rùven al 5,5%. Per scluje ju pòssen dì che al é che l ladin reste inant important I raporc con i ladins dles autres tles valedes ladines na situazion de sciche al l é sen. Na percentuala relevanta (34,4%) indere é dla valedes ne cleca nia, ence sce ai resta positifs. La pert de minunga che la importanza dl popolazion che respogn “i ne ladin dae do. Al é plu che auter Al é veramenter puec ladins che i joegn che veid fosch en cont sa nia” cresc indere y ruva a plu dl dopl di “i ne sa nia” dla rata che i raporc anter les does dl davegnì dl ladin. L ladin per domanda da denant. valedes ladines de Gherdeina y perchel ester n lingaz adoré plü Te vigni caje ne n’é i raporc che auter tl privat y clermenter con i ladins dles autres valedes dla Val Badia ne sie nia bogn. Sce deplù te sia forma a ousc che nia puec: plu che l 40% nen à y an met adum les respostes “debli”, nia tl scrit. n auter 27% nen à datrai. Al é “sclec” y “dret sclec” rùven al plutosc les persones istruides, Plu o manco mesa la i ei y les classes de eté plu joenes 5,5%. popolazion se dejidreia che al che à contac ence con i autri vegne fat su strutures aministratives per i ladins de ladins. plurilinguism che vegn dant vigni dutes les valedes ladines. Les minunghes sun l La percentuala de chi che volessa di. L lingaz plu adoré tles valedes ladines é l talian, dedò végnel l dialet na strutura aministrativa per duc proporz etnich todesch, l ladin dla Val Badia y chel i ladins se conzentreia dantaldut N pilaster dl’autonomia de de Gherdeina. Sce an cumpeda tla Val Badia, ma ence te chest caje Südtirol é l proporz etnich, chel adum les does variantes ladines é la percentuala de chi che à vuel dì la destribuziun di posć de resulteiel depierpul che l ladin é l respognù “i ne sa nia” auta (25,4%). laour, dles ciases alesirades y di lingaz plu adoré. (ASTAT/iaco rigo) cresc con l degré de istruzion y cala con la eté. Sce an incruj les does variables „per n lingaz ladin unitar“ y „dejider de strutures aministratives per duc”, véiden che les minunghes revardentes ne va nia dagnora adum. Na pert dla popolazion (16,1%) dij belavisa de ne volei nia n lingaz ladin scrit unifiché, ma ala se dejidreia strutures aministratives per duc.

„”

Aiut Alpin Dolomites L’ena passeda ie stata n’ena ulache l joler à passà via i 300 ntervënc de chësc inviern. La cherdedes de aiut de chisc dis ie feter for states per de tei dai schi che se ova fat mel sun i purtoies y ova debujën de ruvé riesc pra la cures de n dutor o te spedel. Un n iede iel chisc dis nce stat da julé per na schialpinista che se ova fat mel dalonc dai purtoies y perchël fòvel scialdi de utl se nuzé dl joler per ruvé permez. Sce n ëssa messù jì a pe fóssel stat na gran struscia, ajache la grupa cun la ferida ne savova nia avisa da dì ulache i ie. Dal joler y cun l aiut dl fonin che i schialpinisć ova pea àn riesc localisà l luech. L fova tl raion dla Fradusta y plu avisa dl viers dla Furcela di Sopra. L’ëila tudëscia de 42 ani se ova mé fat mel a n jenodl tuman tla nëif ntiera, y la ne fossa nia stata bona de ruvé al segur da sëula. N la à perchël ciarieda tl joler y meneda te spedel de Persenon, ulache la ie riesc unida tëuta su dai dutores che l’à pona cureda. N ne se rënd suvënz nia cont de ce sauridanza che ie nce n joler te n tel cajo. Plu persones ëssa messù tré via feter dut l di per ruvé permez y pona ëssen nce mo abù giut a la mené tla valeda y pona inant cun na ambulanza te n spedel. Bëndebò paieda s’l’à n jëunn de 22 ani che furnova cun i schi sun i purtoies de Cortina. Ël fova tumà sun l purtoi dur y se ova

de Armin Moroder rot feter dut da man ciancia, dal brac ala giames. L ne cialova ora propi nia bën, ma do che n ie ruvei te spedel cun l ferì àn audì che l se ova dantaldut rot i osc, y nsci dessegur na cossa da varì cun l tëmp. Nscila iel nce stat per n turista de Roma che fova tumà cun i schi dlongia la stazion suinsom Mont de Sëuc y se ova rot tl medemo tëmp n brac, n uf y l os dla cuessa. Per doi ntervënc fòvel dantaldut damandà de mëter a verda y savëi tl ciarië l pazient. Chësc ie stat sun l purtoi dl Valon y sun la Plose. Te chisc caji se ova i schiadëures tichenà l fil dl spinel y uni mossa fauza pudëssa purté cunseguënzes da ne varì nia plu. Ciariei te n sach vacuum per i stabilisé i àn menei pona te spedel, ulache i dutores à dantaldut fat na TAC al spinel per cialé sce l ie lejions stersces. N schiadëur de 56 ani fova tumà sun l purtoi dl lift Paradiso sun Mont de Sëuc y ova bonamënter lejions nternes che l se ova fat se rumpian la rëpes y chëstes se à pona ficià tl fuià blanch. Nce te chësc cajo fòvel da lauré metan dassënn a verda. Oradechël iel pona mo stat trëi ntervënc per de tei dai schi che ova debujën de na neurochirurgia, ajache i ova batù dassënn l cë y pona mo per d’autra cosses nia tan grieves, sciche na giama o n brac rot.

„”

Laours publics: l 95% a imprejes locales L Govern de Südtirol con l assessour ai laours publics Florian Mussner à fat n bilanz sun i laours publics dés via i ultims agn Südtirol - Te n comunicat stampa dl 9 de merz 2010 scri la Provinzia che les imprejes locales (con senta te Südtirol) à podù pié do l ann passé passa l 95% di apalc da pert dl ressort di laours provinziai. “Passa 80% di scioldi dés fora dal ressort por l frabiché publich, donca plu che 95,43 milions de euro, é ruvés tles casses dles dites locales”, à dit Mussner. Endut 2711 inciariers de laours é gnus dés via l ann 2009 da pert dla Provinzia. De chisc à podù

nostes dites nen pié do 2593, cie che fej fora passa l 95%. Me 107 apalc i é jus a imprejes con senta fora di confins provinziai de Südtirol. Di 120,28 milions de euro, che fova l ann passé tla ola per i apalc de laours publics, à les dites de Südtirol ciafé 95,43 milions de euro, zirca 23,83 milions de euro i é tomés tles mans a dites foradecà. Mussner à dit tla ocajion dla publicazion di dac: “Tl davegnì

messarà les dites locales se scluje adum per se assiguré i apalc, chest se damana l adatament di apalc de laours publics a les diretives nazionales.” L govern provinzial à aproé al 1. de merz 2010 diretives en cont di apalc de de maiours laours publics te Südtirol, ilò laite él ence tout en conscidrazion la poscibelté de partì su les gran operes te “carateristiches - mestiers” per i dé lerch a de pitles dites de Südtirol. (ir) www.lauscdiladins.com

5


Atualité

nr. 10 / 13 de merz 2010

Agricoltöra: n dagnì inće por i jogn

I recordun Klaus Dubis

“I ti dun n müs al’agricoltöra”: chësc é stè le tema dla 40. sentada generala dla Jonëza da Paur de Südtirol, stada en domënia ai 7 de merz a Balsan

Dan valgügn dis él mort a Balsan tla ćiasa di püri l’avocat y om politich Klaus Dubis da Maran de 71 agn Porsones - Klaus Dubis é nasciü a Maran dl 1938. Do la matura àl studié iurisprudënza y à metü man da laurè da avocat. Tosc àl metü man da se dè jö cun la politica de so comun, à laurè por la jonanza dla SVP y é stè referënt a Maran. Dal 1973 al 1983 é Klaus Dubis stè aconsiadù provinzial. Dubis é spo rovè a Roma aconsiadù de stat, al à fat pert dla Comisciun di Sis, che laurâ fora normes por le statut de Südtirol; Klaus Dubis é inće stè assistënt y professur ala université da Desproch cun le prof. Roland Riz.

Dubis mët en pè la RAS

Jogn y jones che à tut pert ala sentada generala.

Agricoltöra - Tratan la sentada à la Jonëza da Paur lascè odëi sis filmać cörć, olache jogn da paur de döt Südtirol desmostra che l’agricoltöra é n ćiamp che à n dagnì inće por i jogn. Cun chisc filmać àn odü che l’agricoltöra à n müs, y an à orü incorajè i jogn da surantó i lüsc da paur. La sentada generala à metü man do la santa mëssa, zelebrada tla Ćiasa Walther a Balsan. N gröm de jones y jogn cun le guant tradizional à tut pert. Do le bel salüt - inće por ladin - da pert di surastanć dla Jonëza da Paur Hannes Dosser y Elisabeth Wenter, é la sentada jüda inant cun na relaziun sön les tröpes ativitês che la uniun à portè inant tratan l’ann. Iniziatives a chëres che inće les

6

www.lauscdiladins.com

jonëzes da paur dla Val Badia y de Gherdëna à dagnora tut pert cun gran entusiasm: sciöche les gares de tractors, gares da sié a man, cursc de vigni sort y jüć alaleria. N proiet important invié ia l’ann passè é stè “Chancen 1.0”. Cun la colaboraziun danter la Jonëza da Paur, d’atres uniuns de jogn y 50 de gran aziëndes (danter chëstes 10 aziëndes agricoles), i él gnü dè la poscibilité a deplü jogn da fà na esperiënza tl monn dl laûr. La sentada é dagnora dër interessanta, inće deache danterìte vëgnel portè dant de pici teatri, tres chi che an à chësc iade orü mostrè sö che inće pro i paurs é la burocrazia tres maiù, y che al n’é nia dagnora saurì da se dè jö impara. Un di dui punć plü importanć dla sentada é dessigü

stada la onoranza d’or che le jonn Georg Reden da Valdaura à podü pié do por sü tröc agn d’ativité tla Jonëza da Paur de Südtirol Na cossa che düć aspeta tres ert pro la sentada é le “Pest Raiffeisen por i Paurs Jogn”. Chësc ann é le pest rovè tl Sarentin. La familia jona de Paul y Sabrina Premstaller da Durnholz à podü pié do cun gran ligrëza le contribut. Paul y Sabrina cun sües mitans de 6 y 4 agn é dër n bun ejëmpl por i jogn. Ai à desmostrè da avëi na gran ligrëza por le laûr sön le lüch da paur y da avëi inće dlaorela por les uniuns dl paîsc. Do i salüć da pert dles autoritês, é la sentada jüda a piz cun la bela ćiantia “Wohl ist die Welt”, na ćiantia simbolica dla Jonëza da Paur. (vv)

Atira à Klaus Dubis metü man da s’interessè di problems culturai de todësc y ladins. Al capî che ma cun chës zacotan de trasmisciuns dl Sender Bozen ciafâ i todësc informaziuns y istruziuns deblines y püch sostanzioses. Cun le Statut d’autonomia â Südtirol la competënza da mëte en pè la RAS (RundfunkAnstalt Südtirol), che se fistidiass da abiné te Südtirol les trasmisciuns da lafora ite; al jô debojëgn da mëte sön i jus antënes adatades por cöie sö les ones de chi dui trasmitënć. La RAS à metü man da funzionè dl 1975. Dubis é gnü pröm surastant dla RAS y tl dr. Klaus Gruber àl ciafè na bona man dërta.

I ladins damanâ le RTV svizer

Klaus Dubis.

rumanc. Iö adöm cun n compagn o l’ater, m’à dassënn interessè che la RAS metess inće sö antënes por ciafè trasmisciun rumances dala Svizra ca. Sides pro Dubis che pro Gruber unse atira ciafè enspet a pro d’atri, orëdla daverta y brac aspanà. Insciö él stè meso da arjunje che nos podésson odëi y aldì la RTV rumancia. Cun le tëmp é les trasmisciuns rumances chersciüdes a na moda che i rumanc à incö vigni dé almanco 10 minuć de televijiun rumancia y le radio rumanc é da aldí 24 ores sön 24.

Dubis y l’Istitut Ladin

Dl 1975 êl gnü fat da na sentada dla AGT (Arbeitsgemeinschaft Tirol) la proposta de n Istitut Ćiamò rovâl te Südtirol ma Cultural Ladin. Insciö â la AGT dè trasmisciuns da lafora ite, mo nia l’intop pro n Istitut Cultural che dala Svizra ca, che lasciass aldì y zacotan de nos academics ladins odëi inće trasmisciuns tl lingaz jogn à atira tut sö por bun; i nes ùn parè ite les manies y i ùn pié l’ocajiun al jore por menè inant chësta idea. Pro Klaus Dubis unse atira ciafè orëdla y Klaus Gruber jô a per; chi agn êl inće surastant dla AGT. Cun Klaus Dubis y Klaus Gruber, intramidui iurisć, unse albü na bona man por se daidé laurè fora la lege che à spo tignì a bato l’Istitut Ladin dl 1977. Chësta lege ê gnüda presentada tl consëi provinzial dal aconsiadù ladin Franz Demetz te düć trëi i lingac. L’Istitut à complì plü de 30 agn y al é da sperè che al respetëies deplü ći che i fondadus à laota metü tla lege. Sides a Klaus Dubis che inće a Klaus Gruber n bel gran dilan por le sostëgn che ai s’à dè a nos ladins por abiné ca dala Svizra les trasmisciuns rumances y por avëi capì y daidé mëte jö la lege che à spo cherié l’Istitut Cultura Ladin “Micurá de Rü”! Che le dr. Klaus Dubis pàlses tla pêsc de Dî! La pröma gran antëna dla RAS a Luttach. (Lois Trebo)


Atualité

nr. 10 / 13 de merz 2010

Na buna notizia

N “salüt ladin” al ghest

Le Consorz Turistich Alta Badia mostra süa identité ladina cun adorè le salüt ladin y i titui dles atraziuns por ladin Por lascè al savëi y mostrè val’ chléchel datrai püch. Insciö adora le Consorz Turistich Alta Badia dal ann passè incà regolarmënter scrites y titui por ladin dan ai ghesć da döt le monn. Al é na moda lesiera y nia sforzada sö da i lascè al savëi al scior che la jënt de chëstes localitês baia ladin y tin sön süa cultura y so lingaz ladins. Le travert che an ô arjunje te chësta sort de marketing che tin cunt inće dl’identité culturallinguistica dla jënt dl post vëgn arjunt. Ćiamò plü ligrëza à spo i ghesć sce ai incunta spo inće te süa vacanza realmënter chisc aspeć tlamà “valurs ladins”. Chilò mët man danter nosta jënt y le ghest chël raport nia ma plü anunzié sön brosciüres, chël raport tlamè vitalité, simpatia, amizizia... (ir)

Ejëmpl fora dla brosciüra “information & preise”. L’Alta Badia adora i maius titui dles manifestaziuns, localitês y atraziuns por ladin.

L’atleta marora de schi alpinn é testimonial prinzipal dl famojo produtur franzesc de ćialzà dai schi. I Ves dun le link por odëi döt le video Curiositês - Püć dis do la contlujiun dles Olimpiades de Vancouver, é Manuela Mölgg gnüda nominada Lange Girl 2010 y é insciö le testimonial prinzipal de Lange, produtur franzesc de ćialzà dai schi. Dl 2007 ti ê chësc titul particolar gnü surandè a Julia Mancuso, dl 2008 a Resi Stiegler y dl 2009 a Maria Riesch. Al vëgn surandè vigni ann a öna dles atletes che adora tratan la sajun agonistica i ćialzà dla marca franzeja, y se desfarenziëia por l’eleganza, la sportivité y le suzes. Chi che oress odëi le video dl stage da “model” de Manuela Mölgg, po jì te internet, sot al link http://www.skionline. ch/index.php?sectio n=podcast&cmd=po pup&id=1125&cid=1.

Olimpiades y nosc Lond strasëuramenà, y nosta Carolina Kostner! Ma ce spavënt, n spaventon a ne vëncer nia or, o arjënt o bront? „Mpurtant iel de fé pea y de vester leprò,“ fova l prinzip nëubl y positif de De Coubertin, tl scumenciamënt, canche la Olimpiades fova inò unides metudes a jì ti tëmps moderns. Ma aldò de ncuei ie la cossa unida dut n’autra, y l conta mé plu vëncer, l conta mé plu la bedaies, mé plu i prim trëi plazamënc - or, arjënt y bront - y dut chël che vën do ie da desmincë y ne conta plu nët nia!

Dlungia chësc Le poster cun Manuela Mölgg, Lange Girl 2010. titul, sarà le mëis de merz rich de impëgns por Manfred dles Fiamme Gialle al 57. Trofê y Manuela, dancà por les finales dles 6 Naziuns, dai 14 ai 18 de de copa dl monn a Garmisch. merz. N’edema dedô, dai 20 ai 26 de Do les gares romagnarà i Mölgg tla localité todëscia, olache ai tolarà merz, jarài inant a Aosta, por la 1. pert sciöche atleć dl grup sportif ediziun di Jüć Mondiai Militars da

Dut chësc ie na bela y bona cunseguënza dl capitalism che duminea y cundiziunea l sport de mascimo livel, cunseguënza dl afarism, dl „sponsoramënt“ y dl marcià, y nia per ultimo dl naziunalism scialdi sterch de duc chisc Stac che ie dossù cun si ueia mbusieda de grandëza y de prestisc, ulan uni Stat vester l miëur y l plu lucënt!

L presidënt dl CONI Ne n’iel pa la colm che l presidënt dl Coni talian Gianni Petrucci ruva a tant da no plu ti lascé valëi a nosta Carolina Kostner da Zaramin - cun si pluriprim plazamënc europeics - l status de „campiunëssa“! Ma ulà sons’a? Chi dëssa pa pona mo vester na campiunëssa??

L naziunalism y l patriotism Chisc doi fenomenns y formes stersces dl pensier y dl sentimënt, che ne ie auter che feter l medemo, ie te nosc Lond tendenzialmënter sciche n tel tuesse ti cëves dla jënt, che fej udëi l sport dantaldut te na otica da ciampanil, mé de nëus nstësc, mé de nosc valor y de nosta capaziteies sëuravalutedes! Tant, che do che l ne n’ie sën nia sautà ora i resultac y la cumpëida de bedaies che n se aspitova, seméiel che l mond ne n’ie sën nia plu sciche l toca!? L ie n gran spavënt, feter na catastrofa cun de gran legrimes, y na sort de dramatisazion ti musc y tla paroles te dut l ambient ala ngranda y de autoejaltazion, ma suvënz nce mpue’ vierc dl sport, nes sàl a nëus, sce ti cialon a dut cun n spirt mpue’ balanzà ora.

La „Sportnation“

Tröc apuntamënć por i fredesc Mölgg

www.lauscdiladins.com

Comentar de Oscar Prinoth

Capitalism y naziunalism

Manuela Mölgg é Lange Girl 2010

8

Olimpia

d’Invern. Te intrami i evënć garejarà Manuela y Manfred sides tl gigant co tl slalom. La sajun se stlüj jö a Falcade (BL), cun i Campionać Taliagn Assoluć de schi alpin.

Chësc nosc pitl Lond nsci fertunà, dut ntëur judà y privilegià dal ciel, minova y pertendova de vester per si cont feter na „Sportnation“, y povester de pudëi se vëncer ca na strambaria de bedaies, a pèr per ejëmpl cun i Paejes Tudësc, i USA, la Cina, la Norvegia y nsci inant. Y sce ntant àn messù audì la desperazion de „nianca tant che l Azerbaigian“, sciche sce i atlec de chël Stat fossa persones de na cualità y talënt plu

bas! ...belau da-rì? Nsci fova chësta nosta „Sportnation“ daniëura jita via tl Canada cun si „team“ de jurnalisć y de TV per si cont, a chël che la jënt a cësa pudëssa debota y aslune audì i plazamënc, l’arjontes y la bedaies di nosc y dla nostes, cun gran ntervistes y de bon cumentares, y sce ntant unìvel feter arjumà de lascé a l savëi di atlec dl’autra nazions o Stac che ova venciù, y l atleta talian de Reggio Emilia cun la vënta de or tl slalom, Giuliano Razzoli, univa feter lascià tumé. Ne n’iel pa cosses che fej scialdi marueia?

Tla zaita Dolomiten Te chësta gran zaita, che fej mentalità y minonga, ti vëniel dat na gran lerch y na gran parola al gran „business-man“ Erwin Stricker, l afarista tl sport dai schi. Y chësc se damanda nce cun gran desplajëi, sciche do na catastrofa: “Ulà ie pa restedes la bedaies?“, fajan na tel cërta perdica per ciacé ora dla stues dal bënsté l spirt de fraidumënza y dl vënter plën, per pudëi prësc inò deventé i miëures y i plu stersc te duta la disciplines, y fé lujer pënes sudtirolejes lucëntes sëura dut l mond! Y duta chësta materia vitela dëssa prësc vester defin „Chef-Sache“ dl gran „bera Luis“, per ruvé inò prësc pra chësta guduria culetiva. Ne vëniel pa nsci sparpanià ora n spirt traumatich y feter de desperazion, tres n patriotism sëuramenà, che ne n’ie pona nia auter che naziunalism!?

La „Tageszeitung“ D ut autramënter, c un muderazion y fundamënt scrij nosc stimà Arnold Tribus te n si cumentar sun chësta cossa: “Ie me ralegreie senziermënter di resultac de nosc atlec pra la Olimpiades, nce sce l ne à nia bastà per bedaies“.

Carolina Kostner da Zaramin Nëus Ladins dla Dolomites ti assan duc daniëura gën y de cuer mbincià a chësta jëuna deletëula da energia, stil y talënt n plazamënt defin alauta o dancà, ma sce la ne n’à nia ulù vester, y chëla purcela de na dlacia ie tan damat lizia, pona ne pòssen fé auter che tenì a mënt l bon prinzip „Le vie che conducono al Signore sona infinite“. Ciau Carolina, gran stëila „ladina“ tl firmamënt nternaziunel: Ne te lascé mé nia bater ju, o plateda o massa desplajuda y desturbeda, tu ies na gran stëila, y l tleca che tu ves sun dlacia, pona cëla dut l mond cun gran ntensità y mbusiamënt, ajache uni vosta ejibizion ie nce na cuncurënza de agonism estetich o de estetica agonistica, y de chël viers ti la pëtes tu a dutes de na bona mesura. De gra da nosta zaita ladina, te n spirt de solidarietà y de muderazion! Oscar Prinoth de Josef da Brida, Urtijëi


Atualité

nr. 10 / 13 de merz 2010

Al turism 52 milions De ndut dëssel mo chëst ann unì metù a desposizion per l turism 52 milions de euro dl fond provinziel de rotazion Aministrazion - La Jonta provinziela de Bulsan à n lunesc de chëst’ena dat pro la pruposta de vënder azions dla Sel Holding ai Chemuns. Do la senteda dla Jonta à l presidënt Durnwalder ntan la cunferënza stampa unerà l di dl’ëila. Tlo la deliberazions de Jonta de majera mpurtanza.

l ambient te 29 chemuns, dajan ora 330 milions de euro. Cun 11 milions al ann ie chësc deplù che l finanziamënt provinziel per i Chemuns,” à sorissà Durnwalder. La SEL Holding tol ite 25 sozieteies che fej strom. La pruposta dla Jonta vel nchin ala fin de utober 2010.

Fond de Rotazion per l turism

Frabiches dla sanità

La Jonta provinziela à dat pro de sustenì l turism cun duc i scioldi che vën chëst ann metui tl fond de rotazion. Lecurdon che l assessorat per l turism ova fermà l paië ora de cuntribuc turistics, do che l assessorat ne fova dai ani nia plu bon de paië ora per tëmp y ëura. Duc i 25 milions de euro che ie chëst ann unì metui tl fond dëssa śën unì mprestei per nvestimënc turistics. Chëst ann féjen cont che l vën de reviers 42 milions, trëi cherc de chisc scioldi dëssa nce ti jì al turism a na maniera che chëst ann saràl de ndut 52 milions de euro a desposizion dl turism. L’autra pert che unirà chëst ann de reviers tl fond jirà al cumerz, al artejanat y ala ndustria.

Azions dla SEL Holding per Chemuns La Jonta provinziela à dat pro la pruposta de vënder azions dla SEL Holding ai 102 Chemuns, a na maniera che da 6% pudëssi ruvé de ndut a 20% dl’azions. L ne unirà perchël nia ngrandì l capital. Priurità dëssa giapé i 49 Chemuns che va a sëida cun i ruves che vën adurvei per la produzion de strom. Per ëi vëija la pruposta dant de ndut 12% dl’azions. Davia che per i Chemuns ne n’iel deberieda nia saurì a cumpré azions per feter 44 milions, à i assessëures provinziei udù dant che mesa la soma possa unì paieda ju cun la dividendes (che porta na rendita de 15% al ann). “Tëmp de 30 ani fej la SEL Holding nvestizions per defënder

Tl program di lëures publics per i proscimi cin’ ani à la Jonta provinziela udù dant 33 milions de euro per frabiches dla sanità. La majera pert ie cun 28 milions ududa dant per frabiché inant l spedel a Bulsan. Te na segonda delibera iel unì dat pro 16 milions per frabiché la pert di liec tl spedel de Schlanders y 10 milions per la pert aministrativa tl spedel de Burnech.

Ëiles tl lëur N ucajion dl di dl’ëila iel te Jonta provinziela unì fat l cheder dla situazion dl’ëila tl lëur. Pra la cunferënza stampa à la jurnalistes giapà mimoses. La cumpëida dl’ëiles che ti va do a n mestier ie jita suvier y à arjont 61,7%, permez ai 55% dl ann 2000. Tla Provinzia de Bulsan iesen doi ani bonorives per avëi arjont l travert europeich dl 60%. Da tenì cont iel che na gran cumpëida de ëiles lëura a mez tëmp, cun 37,7% scialdi deplù che no l 5% di ëi. Aldò de nrescides davania l’ëiles mo for 18% demanco. “Nosc nteres y duvier ie de arjonjer che l ne sibe plu deguna desferënzia de paiamënt danter ëiles y ëi. Ulon nce che l’ëiles giape la medema pusciblteies de lëur,” à detlarà Durnwalder. Per arjonjer chësc fin se damanda l Presidënt dla Provinzia mo plu cunlaurazion. De chësc viers ie nce la lege nueva per la valivanza di dërc de utl, śën iesen tl lëur de njenië l’atuazions. N cont de furmazion ie l’ëiles danora: n cont de arjonjer la matura y de iscrizions al’università

ie l 56% ëiles.

Ferata per l Überetsch Te Jonta provinziela iel unì prejentà n proiet de mascima per na ferata danter Kaltern y Bulsan. Aldò dl’idea dla firma Leitner de Sterzing dëssa la ferata passé per Eppan, St. Pauls, Sigmundskron, plaza Verdi a Bulsan y nce ruvé nchin ala stazion dla furnadoia de Jenesien. Chësta idea vëija dant che la ferata furneie n pert sun fonz, n pert sun puenc strënc. L custimënt udù danora fossa de ntëur a 200 milions de euro. “Chësta ie na basa de descuscion. Ulon udëi plu avisa coche n pudëssa la fé, ciuna pertes che se lascia fé do y do, y sce Chemuns y privac pudëssa judé pea tl finanziamënt,” à spiegà l Presidënt dla Provinzia. L assessëur de cumpetënza ie unì nciarià de prejenté mo n iede l proiet plu avisa y de tò su cuntat cun la categuries nteressedes.

Respunsabltà te scola La Provinzia se pera contra na sentënza n con’ de respunsabltà te scola. A Bulsan se à n sculé fat mel ajache n auter l à fat tumé. La sunieria à dit che l fossa stat duvier di nsenianc de cialé che chësc ne suzede nia y perchël dëssa la scola paië l dann. La Jonta provinziela fej recurs acioche chësc ne devënte nia n cajo de prezedënza.

Festa culturela “Europeade” La Provinzia de Bulsan sustën l festival dla cultures y grupes de rujeneda che unirà tenì ala fin de lugio a Bulsan. Unfat sciche l Chemun, dà nce la Provinzia 300.000 euro. Plu avisa vën 100.000 euro dal assessorat ala cultura, 120.000 euro dal assessorat per l turism y la merca Südtirol cun sëuraprò mo 60.000 euro dala Region. (usp)

Dancà y da na pert Uedli y oredles daverc sun la sozieté ladina d’aldidancuei Chësta setemana fajon doi ciacole con Giacomo (Iaco) Testor, de profescion eletrizist

Iaco, da cotánc de agn elo che te laore nte sto setor? È scomencé del ’71 a fè l garzon. Po’ è lascé via mpuò de agn. Sonve a Cortina e no se vadagnëva trop. Nlouta se mossëva se paié albièrch e da mangé e a la fin del meis no te restáva nia nte fonda. Spò è fat de autri laour fin al 1988, co son tourné perciéche i ava debujen. Esto resté très a Cortina ? Si, co na ditta de Ampëz. Elo laour o se sentilo la criji? Laour n’é assé, almánco fin ncuoi. Souradut ristruturazion e adeguamenc. Ncin de mánco l nuof. No n é plu l laour da eletrizist da nviade come co sonve garzon, che se fajëva demè impiánti zivili de cuartieri o vile. Ncuoi l è cambié trop, perciéche l é dagnëra deplù eletrònica. T’as dit che ti t’as scomencé come garzon. Ncuoi, secondo ti, elo ncora poscibile se nvié via coscita per n joven o elo debujen mpruma de fè na scòla? No no, vòl de segur na formazion nte na scòla, chëste de segur. Ánzi, volëssa ncora deplù specializazion. Bele se un dezide de fè demé impiántistica vivila la diventa stentosa, perciéche toca fè dei corsci per i é ste davò. Ma nte sti ultimi agn è vedù ence che sti jovegn che ven fòra da le scòle no i é paricèi. Me sa che i fèsc puoch nte chële scòle o i à n sistema sbalié. I ven fòra davò trei, cater o cinch agn da ste profescionai che i sa puoch deplù de chël che davánt agn scomenciáva de 15 agn come garzon. Asto mèi pensé de te mëte su na ditta per cont tuo?

Davánt 25 agn forsci si, co bastëva avei nvalgugn agn de laour a le spale per podei l fé. Ncuoi te vòl na scòla a le spale. Aldidancuoi le cèse i é très deplù plene de impiánti tecnologici. Ci elo che ven damané deplù de nstalé? Dijon che l é ence ncin sogetif. De segur l’antintrujion, i sistems de alarm contra i ladri, l é chi che ven nstaléi l plu. La telefonia fiscia nte impiánti zivili l’é calada, perciéche duc à i celulari. Resta demé se ven damané la linea a internet. Su la televijion vedarón st’auton col digital terestre, ence se chël l é plu n vèlch daìte da la cèsa e l’impiántistica la no muda. Ma l é n setor che mi no sté davò. Nòsta ditta l’é scialdi grana e per ognun dei trei setori che nos ston davò, l é jent specializada. Mi fèje plucheauter l’impiántistica de baje, che l’é chëla de trè i tubi, mëte le scatole, trè i fis. N puoce parole njigné prò per la copia de tecnici specializèi che ven davò. Chëst dependarà ence se l client l é n scior o n privat per di coscita, “normal”. Ah zèrto, dut o trop l é lié a chël che un po’ o vòl spëne. Vegnelo abadé al aspét del sparagn energetich? Mosse di che, da pèrt de chi che à i sciòldi, nte troc caji scialdi puoch. M’è capité de nstalé n fegolé a eletrico da diesc kilowatt, plu n fourn da autri vòt kilowatt. Plu dut l rest de la cèsa. Chëst te disc da sol che no i é son per via del sparagn. Per via de le lum o r a m è i c h ël e v e g l e a incandescenza, chële col fil per se capì, oramèi le va fòra produzion e spò no se le ciaparà gnánca plu da compré.

La Jonta provinziela de Bulsan. www.lauscdiladins.com

9


Université

nr. 10 / 13 de merz 2010

Le mesum “Agresciun”

Le svilup dla ULB Le consëi d’université à presentè ai 12 de forà le plann de svilup dla Université Lëdia de Balsan, ćina dl 2013. Le fin é chël da pité te dötes les cin’ facoltês ofertes de stüde te düć trëi i livì: bachelor, master y dotorat Al momënt él tla ULB cin’facoltês : Sciënzes dla Formaziun, Informatica, Sciënzes Naturales y Tecnica, Sciënzes Economiches, Design y Êrts. L’université é gnüda istituida dl 1998 y cumpëda incö 3.300 studënć; cun le svilup di stüdi orésson arjunje dl 2013 alplü 4.500 studënć. Te chësc tëmp ne dess les tarifes de stüde nia crësce te na manira significativa, mo pro i master dessel gnì curì les spëises. Al é preodü n ampliamënt dla oferta de stüde. Tla facoltè de Sciënzes dla Formaziun nen vara dantadöt da concretisé la reforma scolastica tla scora primara y secondara. Bele chësc ann déssel pié ia n master de Laûrs Soziai. Dal 2011/2012 déssel s’injuntè ala oferta de stüde n master de Media, Comunicaziun y Cossa Publica Europeica, en colaboraziun cun la Université da Desproch. Dui stüdi de dotorat (Laûrs Soziai y Pedagogia dl’Infanzia) é ponsà por le 2011/12. Tla Facoltè de Sciënzes Economiches déssel pié ia bele chësc altonn le “Master d’Economia y Management tl setur publich”, insciö inće le stüde de dotorat “Economic s and Management”. Le master de Management dl Turism é ponsè dal 2012 inant, sciöche inće chël de “Business Lawyer”, deboriada cun les universitês da Desproch y Trënt. La Facoltè de Informatica é al

momënt tl laûr da mudè le Bachelor de “Informatica Aplicada” te n Bachelor de “Sciënzes dl’Informaziun y Informatica-Injignaria”. Le master y le program de dotorat vëgn renforzà. Tla Facoltè de Design y Êrts dess le stüde Bachelor de “Design” gnì acompagnè dal 2012 inant da n ram de stüde de “Êrts”. Cun la fin di laûrs pro i laboratori tl frabicat prinzipal, dessel inće pié ia le Master de Design. La Facoltè de Sciënzes Naturales y Tecnica prevëiga bele por le 2010/11 n master de “Fruit Science” en colaboraziun cun les universitês Brünn y Ljubljana, y n stüde de dotorat de “Management of Mountain Environment”. Dal 2011 déssel gnì pormez n master de “Betriebs- und Umweltingenieurswesen”, laprò n master de “Ecologia dla Contrada” en colabo- La Université Lëdia de Balsan planifichëia i raziun cun les universitês stüdi ćina dl 2013. da Desproch y Trënt, sciöche inće n stüde de dotorat te inrescida. I 7 zëntri de competënza “Product and Process Innovation”. bele en pè dess gnì amplià. Dal 2004 al 2008 él gnü portè inant Deache al vëgn ponsè te dötes 235 proieć de inrescida por indöt cinch les facoltês a stüdi de 10 miliuns de euro. Chësta zifra dotorat, orésson inće renforzè la dess crësce tl dagnì.

Agresciun é n tema scialdi comples y öna dles chestiuns plü discutibles, tl punt olache psicologia y soziologia s’incunta. L’agresciun nes mët a confrunt cun l’imposcibilité da tratè nosta natöra umana separat a nostes strotöres soziales. Co po pa garatè la prevenziun? N pice ressümé da pert dl retur Walter A. Lorenz. Personalmënter sunsi dla minunga che sce an ô prevenì agresciuns, fóssel dërt da ne se limité nia ma al comportamënt agressif instës, mo ćiamò deplü fóssel da laurè sön le significat y l’importanza che n comportamënt determiné ciafa te contesć soziai determinà. Le raport danter comportamënt y significat é dër comples y dantadöt ambi-direzional. Chësc ô dì che n comportamënt determiné nasc da na valutaziun bele esistënta, y vëgn porchël inće influenzè aladô; d’atra pert vëgn chëstes valutaziuns da dagnora incà antizipades y formades dal comportamënt instës, che tol posiziun lassura. L’agresciun po zënz’ater gnì odüda sciöche n at de comunicaziun, che fej fora deboriada cun d’atres formes de comunicaziun döta la varieté dles formes espressives, dal scrai spontann ćina al messaje dal significat ascognü y comples. L’agresciun é n messaje adressè a n publich. Al é n comportamënt che scraia do comprenjiun, inće y propi sce al é te n lingaz nia da capì, che ne impormët nia na comunicaziun. Chësc é poèster le parados dl’agresciun. L’influs psicologich y biografichambiental à na importanza tla nasciüda de chëstes formes de agresciun. Degun möt ne mët man so tru de vita cun le medemo “capital

inizial”; la maiù pert de geniturs cun plü mituns po le constatè. Mituns che â b ele dala nasciüda incà Le retur prof. n tempera- Walter A. Lorenz. mënt desvalì (i lasciun sön na pert sce chësta desfarënzia va zoruch a influsc ambientai desvalis tratan la gravidanza y la nasciüda o a carateristiches genetiches desvalies). Tla planificaziun dles strategies de prevenziun pàiel zënz’ater la mëia da tignì cunt de faturs de risch determinà, che vëgn metüs tla inrescida en relaziun cun la formaziun de n comportamënt agressif (inće chilò él da mëte averda da ne mëte nia l’azënt unilateral sön un de chisc faturs). I faturs se destënn dai influsc fisiologics sciöche les neurotossines bele tla gravidanza (alcohol, nicotina, droghes) ćina a influsc cognitifs (sot-/surastimolaziun; malsuzèsc tl imparè), carateristiches de svilup corporal (grandëza, danns, desturbs), influsc dla familia (stil d’educaziun, maltratamënt), faturs soziai (povertè, vijinanza, compagns) ćina ai influsc di media (televijiun, videojüć). Chësc ô dì che te düć chisc ćiamps po la prevenziun avëi n influs sön le comportamënt agressif. Scombate la povertè mëss zënzater aldì pro n program de prevenziun, sciöche l’impëgn por na reduziun de trasmisciuns orientades al’agresciun. Te düć i ćiamps nominà dessura él faturs de proteziun, che po fà la desfarënzia danter le svilup de n comportamënt normal o agressif.

Dé dla porta daverta Le Open Day 2010 dla ULB, söl program ai 19 de merz, sarà acompagnè da deplü novitês. I degans presentarà sües cin’ facoltês sciöche unité. Domisdé gnaràl metü l’azënt sön i tröc masters nüs. Le dé dla porta daverta a Balsan dess gnì anuzè da düć i interessà - nia ma maturanć - por conësce plü daimprò les strotöres strotöres nöies y valutè bele damperfora la poscibilité da se chirì dailò n post.

L’oferta de stüde tles cin’ facoltês

L’Open Day dla ULB é na ocajiun por s’informè sön l’oferta de stüde y conësce plü davijin la université y süa organisaziun.

Dötes les porsones interessades po anuzè le dé dla porta daverta por odëi davijin i salamënć dles leziuns, la biblioteca, i salfs de computer y i laboratori dla Université Lëdia de Balsan, te süa sënta a Balsan. Mo nia ma chësc: le zënter linguistich pîta la poscibilité da simulè ejams de lingaz, por ejaminé les conoscënzes

10

www.lauscdiladins.com

personales en referimënt al prozes de amisciun tla université (por talian, todësch y inglesc). Tla biblioteca universitara vëgnel pité vigni mes’ora vijites acompagnades, por presentè la strotöra, che po inće gnì anuzada da düć i zitadins. I istituć di studënć a Balsan pitarà en vëndres ai 19 de merz la poscibilité da dè na odlada tles

Al zënter dl Open Day gnaràl sambëgn metü l’oferta de stüde tles cin’ facoltês dla université. Le retur prof. Walter A. Lorenz tignarà dales 8.30 na leziun dal titul “L’importanza dla université y dl stüde scientifich por la sozieté”. Atira dedô presentarà i degans les ofertes de stüde tles facoltês de Sciënzes dla Formaziun, Sciënzes Economiches, Informatica, Sciënzes Naturales y Tecnica, Design y Êrts. Domisdé, dales 14.00 ales 15.30, gnaràl metü l’azënt sön i masters. Vigni facoltè mët sü azënć: la Facoltè de Design y Êrts dauriarà n valgügn de sü ateliers, la Facoltè de Informatica organisëia na mësa torona cun studënć che s’arjigna da stlü jö i stüdi, por cherié na discusciun daverta a dötes les domandes en cunt dles prospetives de laûr; la Facoltè de Sciënzes Naturales y Tecnica dauriarà chësc dé les portes de sü laborators. I professurs

dla Facoltè de Sciënzes dla Formaziun alzarà fora la gran varieté de prospetives de laûr tl setur dla formaziun y te chël sozial, sciöche inće te chël dle s s c iënze s dla comunicaziun. La Facoltè de Sciënzes Economiches pîta na suravijiun sön l’oferta de stüde, che va dal turism, sport y events ćina al’Economia Aziendala y l’Economia en coliamënt cun la politica y la filosofia.

Stonć d’informaziun Sciöche al é bele tradiziun, gnaràl inće metü sö ti gragn porti dla université (tl frabicat Le dé dla porta daverta vëgn metü da jì ai prinzipal tla Plaza 19 de merz. Université nr. 1) deplü stonć. I vijitadus ciafarà cinematografia Zelig y l’Academia informaziuns sön i stüdi, ai podarà de Filosofia y Teologia da Porsenù. conësce plü davijin les assoziaziuns Laprò pitarà i ofizi provinziai de de studënć “sh” y “mua”, sciöche competënza informaziuns sön les inće les scores y istituziuns partner: poscibilitês da ciafè stipendiums danter chëstes la scora de resp. n post te n istitut por studënć.


Atualité

nr. 10 / 13 de merz 2010

Ambasciadësses Tratan che la CD cun feter döt tesć ladins dl terzet “Ganes” röia fora por le monn, porta inće Maria Craffonara cun so grup Brasentina le ladin fora di termi dla Ladinia. Conzert de suzes le dé internazional dla ëra a Bornech, cun danfora la daurida dla mostra de Margareth Forer Da sëra él gnü daurì spo tla Ćiasa Ragen la mostra personala dl’artista Margareth Forer, cun le salüt dla referënta de comun Brigitte Pezzei Valentin y l’introduziun ales operes, scëmpla y trasparënta, da pert de Brunella Germini, professuria de storia dl’ert. L’artista à splighé che ara é chersciüda sö a Bornech te na familia ladina y che ara à spo studié al’academia a Firenze y a Milan, por ruvé te Gherdëna a vire y insigné tla scora d’ert. Te süa mostra che é da odëi ćina ai 20 de merz vigni dé dal lönesc ala sabeda (la sabeda ma danmisdé)

pon odëi na gherlanda de chedri sot al moto “danze”, cun la figura feminila protagonista; laprò él inće les pitöres söl tema “ëres dan la scolina”. Do la daurida ofiziala dla mostra él gnü ofrì n bufet y spo dales ot à metü man le conzert dl grup de musiga Brasentina, cun Maria Craffonara - usc y vidora, Thomas Castaneda al tlavier y Nikola Zaric cun i orghi da man a botuns. Maria Craffonara à salpü da plajëi cun la gran energia trasmetüda tres süa usc. La musiga dl terzet portada dant é gnüda da

plü cultures dal monn, cun ritms tango y inće etnich-folcs dal’Europa. Pert dles ćianties pê chansons, dantadöt inće por la usc de Maria Craffonara che sa da cuntè y da dè inant sentimënt y sugestiun. Le terzet Brasentina à inće portè dant te so conzert de plü o manco n’ora a Bornech na ćiantia ladina, scrita da Maria Craffonara. A tröc i romagnaral tl recort inće le iodler cun la bela usc dla ćiantarina ladina. Le gran aplaus ala fin s’à damanè na arlungiaziun dl conzert, ći che le terzet à conzedü cun plajëi. (ir)

Tratan la daurida dla mostra, cun la rezensiënta Brunella Germini, l’artista Margareth Forer y l’assessuria de comun Brigitte Pezzei Valentin.

Bornech - Les manifestaziuns di 8 de merz de chësc ann à le referat dl Comun da Bornech sot al’assessuria Brigitte Pezzei Valentin orü mëte da jì nia ma por recordè la ëra y sü dërć, mo dantadöt por dè impulsc concreć por na miù organisaziun soziala y coordinaziun dles tematiches che i baia ados en pröma porsona ales

ëres y sües ativitês te laur, familia y sozieté. Domisdé él stè deplü workshops cun vint funzionars y funzionares de istituziuns publiches, uniuns soziales y culturales che à söl program iniziatives dl vers dla ëra, dé por dé y nia ma canche al é le dé internazional dla ëra.

Le conzert dl grup Brasentina cun la ćiantarina y vidorista Maria Craffonara à podü pié do n bel aplaus.

Sëurandé lëures publics

Südtirol y Aosta L assessëur ala mendranzes dla Val d’Aosta Laurent Viérin ie unì a Bulsan per ancunté l assessëur ladin Florian Mussner Autonomies - Danter l barat de esperienzes n cont dla situazions dla mendranzes iel unì cuncretisà la prejënza dl assessëur Mussner pra l festival dla mendranzes che sarà ai prims de setëmber tla Val d’Aosta. La Repartizion provinziela ala Cultura ladina fajerà pea cun n si stont l “Festival des Peuples minoritaires” dai 30 de agost ai trëi de setëmber. L festival tla Val d’Aosta dedichea n di ntier ala grupa de rujeneda ladina. Chësc ie unì ufizialisà n vënderdi sëira ai 5 de merz, tl’ancunteda a Bulsan danter i doi assessëures per la scola

y cultura. Fin primer dl festival ie chël de pité n’ancunteda y n barat danter identiteies cultureles che se sënt unerei de tuché pra n raion che viv si tradizions,” à sotrissà l assessëur aostan. Laurent Viérin y Florian Mussner à nce rujenà dl’esperienzes y dla situazion dla mendranzes tla doi regions, analisan paraleles y desferënzies. “A tramedoi nes stàl a cuer l mantenimënt dla particulariteies dla mendranzes, cossa de gran mpurtanza per ne jì nia sot tl muvimënt de globalisazion,” conta Mussner. Tla Val d’Aosta iel danter l patois, l franzëus y la rujenedes

walser plu rujenedes da curé y mantenì. Argumënt atuel ie per tramedoi assessëures la reforma dla scola auta. L ie unì rujenà de pusciblteies per tenì cont dla rujenedes y cultura de mendranza te chësta reforma. Tl’ancunteda a Bulsan ulache l à nce fat pea l diretëur dla Repartizion ladina Alexander Prinoth cun Alexander Piccolruaz, iesen ruvei a una per ntensifiché la cunlaurazion danter i doi assessorac. “Ulon mantenì chisc bon cuntac cun la Val d’Aosta y se judé un cun l auter,” nscì la contlujion de Florian Mussner. (usp)

L assessëur dla Val d’Aosta Laurent Viérin (segondo da man ciancia) cun l assessëur ladin Florian Mussner cumpanià da Alexander Prinoth (prim a man ciancia) y Alexander Piccolruaz dla Repartizion ladina.

La Jonta provinziela de Bulsan à dat pro na normativa nueva per sëurandé lëures publics spartii su do mestieres, ti unian ancontra ala firmes da tlo yrespetan mpo la normes stateles Lëures publics - L presidënt Durnwalder y l assessëur Mussner à ai de 2 merz prejentà la nuviteies che juda a seguré stieres y lascia sën riesc sëurandé lëures publics. Do che l Guviern a Roma ova arbassà la sëida dl custimënt aldò de chël che l muessa unì fat n cuncors per sëurandé lëures publics, ova l Presidënt dla Provinzia de Bulsan de utober 2009 adatà la normes provinzieles. Ntan l’ultima enes iel unit su na gran descuscion per coche n possa la mëter a jì che i lëures publics tla provinzia posse mpo mo unì sëurandai ala firmes da tlo che ie de mëndra mesura. Tla senteda di prim de merz à la Jonta provinziela dat pro i criteres aldò de chëi che de majeri lëures possa unì spartii su do mestieres. “Chësc ie mesun sce la spartizion ie mutiveda aldò, sibe da pont de ududa de urganisazion di lëures, da pont de ududa tecnich y per l finanziamënt,” à spiegà l assessëur Florian Mussner. La Jonta provinziela à nterpretà na sentënza dla suneria costituzionela che lascia pro la spartizion di lëures scebën che l muessa unì tëut n cunscidrazion l custimënt de ndut. Per ejëmpl sce n spartësc n lëur da 10 milion te 10 loc, muessa chisc mpo mo unì scric ora a livel de Europa. “Nce a Trënt àn ai 12 de fauré adatà i criteres per scrì ora lëures sciche udù dant da Roma,” à sotrissà Durnwalder. La normes plu a puntin coche la Provinzia, Chemuns y Cumenanzes raioneles possa sëurandé lëures publics ie publichedes sun la plates internet provinzieles.

La sëida per messëi tò ie la pruposta de cin’ firmes (mpede 10) resta nsci da 40.000 euro a n custimënt de 500.000 euro - mpede na milion sciche l fova plu da giut. “Pernanche l se pieta na puscibltà cialerons inò de ruvé de reviers ala sëida de na milion,” à sotrissà Durnwalder. Per lëures danter 0,5 y 4,854 milions de euro uelel vester n cuncors a livel naziunel. Per mo n majer custimënt, sëura 4,854 milions, muessa l cuncors unì scrit ora a livel de Europa. “La nuviteies nes ie unides metudes dant dal Stat y dala Comunità europea, ulon nce les udëi sciche na puscibltà,” à dit l assessëur provinziel per i lëures publics. Cun la normativa provinziela nueva àn stlarì truepa melsegurëzes y à dat na fundamënta iuridica segura. Per l ann 2010 à la Provinzia de Bulsan prugramà lëures per 334 milions. L prim che n sëurandarà aldò la normativa nueva sarà per la zircumvalazion de Maran. Danter Provinzia, Cumenanzes raioneles y Chemuns fòvel tl 2007 unì sëurandat lëures per de ndut 862 milion de euro. “A scrì ora i lëures uniràl tenì cont dla carateristiches dl post, destanzes de trasport y criteres de cualità per pudëi sëurandé ala firmes da tlo,” à spiegà Durnwalder. Per lëures sëura 150.000 euro muessa la firmes avëi la zertificazion SOA. Ti luesc ladins iel truep artejans che fej lëures publics ora dla valedes. L assessëur Mussner nvieia chësta firmes a se fe fé la zertificazion SOA per pudëi pité si lëures de bona cualità nce ora dla valedes. (usp) www.lauscdiladins.com

11


Atualité

nr. 10 / 13 de merz 2010

Purempò pòn vedei les steiles Contra l entossiament luminous é Cianacei n ejempl per dut l Südtirol delegazion ruveda dal Südtirol y da l’Austria per apr iejé la nue v a iluminazion enjigneda te paisc. L viade é vegnù endrezé dal Desch sozial, Ta v o l o Sociale/ Sozialtisch, dl Südtirol coordiné da Diego Del Monego. Da Bulsan ései piés via a presciapuech de 30 per na vijita de Da la fotografia fata fora Ciavaleis pòn stude che à passé fora les paridlé la lum “dreta” di lampions, che valedes dl Adesc y de ilumineia bendebot la streda zenza crié Flem per vedei y mete a entossiament luminous, y chela faleda dles confront i sistems de linternes sun i murs, che fej n gran luminous iluminazion metus a jì ti y adorba zenza iluminé polito la streda. desvalives paisc. A Ciavaleis ài podù ti dé na odleda ai laours de Cianacei - L comun de Cianacei adatament di pei da la lum y en é vegnù auzé fora sciche ejempl ultima ései ruvé a Cianacei, olache positif tl setour dl smendrament dl al é vegnù truep rejoné dl entossiament luminous. Chisc dis entossiament luminous tl mond passés tl comun de Fascia é na d’aldidancuei, ruvé a pié ite ence

nosc pici paisc da mont. L senatour Oskar Peterlini da Bulsan à daurì la scontreda, ti dan gran luster a chesta scomenciadiva sostegnuda da n gran laour de archirida da pert de Maria Siegl y Marco Vedovato. La iluminazion do les stredes é vegnuda metuda a jì te dut l mond ai prumes dl Nuefcent y te n secul de storia se àla slarié fora dlonch, enchinamai massa. Chel che é vegnù critiché dal grup di esperc é apontin l fat de adoré massa la lum, ence olache ala ne servissa nia. Per ejempl per iluminé les vedrines dles boteighes, ti dé lum a frabicac demé per bel y, te nosc raions da mont, a les pistes de schi. L referat porté dant da Maria Siegl ova n obietif dopl: envié via na reflescion che meine a na maiour sensibilisazion dla jent sun la doura dla lum artifiziala, che à efec dassen negatifs sun la biosfera, y dapò ruvé a vedei coche i podessan fé a mete

L confront anter i sistems de lumes de Cianacei, che ilumineia bendebot la streda ma smendra l entossiament luminous tl ciel y chel de Sëlva, olache les lumes va en su y an risćia de ne podei nience plu vedei les steiles, sciche te de autri paisc de nost raion.

a jì sistems de lumes che feje manco dann dal pont de veduda ambiental. Aldò dla lege provinziala nr. 16 di 3 de otober dl 2007 à l comun de Cianacei mudé fora duta la rei dles lumes de comun. Les nueves lumes dà l met de fé cler demé de soura en ju, donca demé olache al é debujegn, con na lum che ne sverceia y ne dà nia festide. L laour é vegnù porté inant dal comun con l stude Palmieri de Trent aldò de duc i relevamenc fac da la firma Neri y dapò é i pei vegnus dessegnés dal architet Pierino Zulian da Soraga. L resultat é vegnù conscidré otimal, da vigni pont de veduda. Ben segur na gran sodesfazion per l comun de Cianacei che à metù en ester na soluzion adateda a les normatives y che joa ence dal pont de veduda dl sparagn di cosc’ per la iluminazion. Sce valgugn pensa che ades sie Cianacei scur – dij i esperc – é en realté chesta na sensazion destorta. Ti cialan al paisc da dalonc ne veiden nia dut n gran luminous, an pò ciamò vedei l ciel y les steiles, ma chi che va do streda te paisc veid polito olache ai va, enchinamai ciamò miec che con les lumes vedles y ai pò vedei ence aldelà dla lum, ajache ai ne vegn nia svercés. Les lumes nueves à l brac lonch a na vida da ne iluminé nia l pel, vardan da dalonc y dal aut ne veiden nia ma la streda é bendebot ilumineda. Tles ciases ne ruva deguna lum che dà festide ite da fenestra y emplù ciamò ti joa dut chest a duta la biosfera, en particolar ai insec, che ne va, con les nueves lumes dejadorbedes, nia a morì a

mile a mile sun les lumes publiches. Chest aspet é de gran atualité te chest an 2010 dediché a la biodesvalivanza, ajache i studes mostra che la gran mueria de insec peisa sun duta la ciadeina di alimenc. I reprejentanc dla Umweltanwaltschaft Tirol y de Cielo Buio porta dant l ejempl de Cianacei y ence chel envié via da Ciavaleis, con la speranza y l impegn de ruvé a la aprovazion de na lege unitara per duta la Euroregion, con ite Trent, Bulsan y Dispruch. L Desch sozial dl Südtirol con Diego Del Monego, la assoziazion Cielo Buio con Vedovato y dut l grup ruvé a Cianacei, con l sostegn dl senatour Peterlini, vuel se dé ju per arjonje n mudament de mentalité, almanco tles Dolomites, ence en conscidrazion dl reconesciment de patrimone dla umanité da pert dl Unesco, cialan de se paré da scomenciadives zenza fondament sciche chela che volessa enchinamai iluminé de net i trois da mont. (vr/ lg)

Les lumes nueves metudes a Cianacei é vegnudes conscidredes n bon ejempl da ti jì do.

L Trentin enconta la Tera Santa Debatudes, testemonianzes, mujiga, teater y libri te n projet endrezé dal Assessorat a la Solidarité Internazionala dla Provinzia de Trent

Trent - L assessour a la Solidarité Internazionala dla Provinzia de Trent Lia Giovanazzi Beltrami endreza la scomenciadiva “Officina Medio Oriente” dai 16 ai 21 de merz. Cinch giornedes de encontedes, aprofondimenc, testemonianzes, ma ence mujiga, teater, chino y libri. Per capì na tera che truepa jent conscidreia la crouscdevia dla umanité, olache les trei granes religions monoteistes dl Mediteran à giaté lerch: chela ebraica, chela cristiana y chela musulmana. Na tera lieda al Trentin da agn de colaborazion tres projec y propostes per envié via l dialogh, la cooperazion, la convivenza

12

www.lauscdiladins.com

poscibla. Al se trata de na scomenciadiva che abina adum n grum de assoziazions trentines per l Medio Orient te n projet rich de contegnus y de scomenciadives che vuel mostré la situazion da encuei y envié via la discuscion per n dialogh y na convivenza anter i popui. L calender - da giaté ence sun l sit www.provincia.tn.it - prejenta chisc apuntamenc. En mertesc ai 16 de merz te Auditorium S. Chiara de Trent da les 20.30 saràl la daurida ofiziala dl Officina con l’assessoura provinziala a la Solidarité Internazionala y a la Convivenza.

La seira vegnirà daverta dal grup trentin Anansi & the Buffalo Soldiers y an podarà tò pert al conzert de Omar Faruk Tekbilek & his Ensamble, n artist turch anter i plu conescius esponenc dla mujiga dl Medio Orient. En mercui ai 17 de merz tl Palaz dla Region da les 18.00 saràl la enaudazion di stands dles assoziazions trentines per l Medio Orient y dla mostra fotografica Greetings from Hebron de Paolo Marcello y i vragazzi di Hebron”. Esposizion te plaza Dante dl guant tradizional dla Palestina, crié da les eles de Hebron con l Palestinian Child Home Club. En juebia ai 18 de merz al chino

Astra de Trent ti vegniràl prejenté a les scoles l projet “I Am You Are – Films & Identity” con la partezipazion de Gilli Mendel (cinemateca de Gerusalem), Dror Shwartz (produzent y educadour) y cater tosac ebrees y arabs clamés a laoré adum sun scritura, direzion y montaje de films che respidleia desvalifs aspec dla vita y dla identité a Gerusalem. Da les 17.00 tl cheder dl projet “I Am You Are” saràl la proiezion, daverta a duc, dl film comedia “La banda” de Eran Kolirin. Da les 20.30 podaràn vedei l film dramatich “Paradise Now” de Hany Abu-Assad. En vender ai 19 de merz tl Palaz dla Region saràl l moment plu ofizial con l desch de discuscion “Non fare a nessuno...” l ruol dles religions tla archirida de na soluzion pazifica ai conflic, con la partezipazion de Giuseppe Laras (rabin emerit de Milan), Sheikh Abdul Aziz Bukhari (Jerusalem Peacemakers, leader sufi dla comunité uzbeca de Gerusalem), dla monia Houda (dl monaster de Mar Musa tla Siria) y la moderazion de don Mario Gretter (responsabel dl dialogh interreligious dla Diozeja de Bulsan). Da les 21.00 tl Zenter per la

Formazion a la Solidarité Internazionala saràl l desch de discuscion sun “La pesc sourafora i confins” con la partezipazion de Sari Nusseibeh (Al Quds University), Sami Nardelli (president dl Forum trentin per la Pesc y i Derc Umans) y la moderazion de Andrea Zanotti (president dla Fondazion Bruno Kessler). En sabeda ai 20 de merz da les 21.00 te auditorium S. Chiara saràl l conzert de “The Idan Raichel Project”, n artist israelian ideadour dl projet musical de comprenjion y colaborazion multiculturala. En domenia ai 21 de merz da les 10.00 vegniràl endrezé tla sala Rosa dl Palaz dla Region la meisa de discuscion “Cinch femenes dla Tera Santa”, na debatuda sun la visibelté dles eles dlaite de sies desferentes comunités religiouses (ebrea, musulmana, drusa, cristiana , beduina) y tla dimenscion soziala y politica, con la moderazion de Angelica Calò Livnè. Da les 12.00 tl parch S. Chiara de Trent vegniràl metù ju n olif sport da la zité de Gerusalem y da les 21.00 saràl l spetacul de teater “Beresheet LaShalom”.


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

nr. 10 / 13 de merz 2010

Urbanistica te Sëlva

Mostra Art 52 Nstadì iel stat na senteda de Chemun a Urtijëi. Cuestions de urbanistica. Plu ponc al ordenn dl di purtei ite dala Lista Ladins Urtijëi Chemun - L Cunsëi de Chemun de Urtijëi se à ancuntà per na senteda ai 26 de fauré. Do avëi dat pro l protocol dla senteda dl Cunsëi de Chemun di 11 de dezëmber iesen passei al pont dl ordenn dl di sun dumanda di cumëmbri dla Lista Ladins Heinrich Adi Demetz, Georg Moroder, Raimund Großrubatscher y Ulrica Ica Goller, che se damandova che l unissa metù drët chël che fova unì publicà tla plata de nfurmazion dl Chemun de jené 2010 dal cunselier de maiuranza Moroder Leander. Do na descuscion plu longia iesen passei ala lita: trëi cumëmbri fova per mëter ite na retifica te plata de Chemun, undesc fova de contra pra trëi astenscions. La pruposta ne n’ie nscila nia unida azeteda.

oradecà,” dij i cumëmbri de Cunsëi dla Lista Ladins. La mozion ne n’ie nia unida azeteda, cun trëi a una y chindesc ujes de contra. Nia cuntënta ne n’ie la Lista Ladins: “La Coalizion SVP-Lista Urtijëi, dantaldut cun l vizeambolt che menova la senteda, ma nce mo vel’ auter cunselier dla maiuranza, à trat ca d’uni sort de viertles per ne dé nia pro nosta mozion.” Te Cunsëi iel unì fat ora, cun duc a una, de dé pro chësc test: “L Cunsëi de Chemun ie dla minonga che tla mostra Art 52 tuchëssel mé da vester metù ora lëures fac te nosc raion y nvieia la lia Art 52 a studië na mudazion de si statut de chësc viers.”

Retifica te plata de Chemun

Na nterpelanza de Georg Moroder ova da n fé cun la garanzies dates dala sozietà “Seggiovia Rasciesa” per danns n ucajion dla costruzion dla funiculera. La resposta scrita ie da liejer do te Chemun. I cunselieres dla Lista Ladins dij che „l ie stat na drëta descuscion pervia di danns che ie unii fac y unirà mo fac ala streda Cuca y Resciesa dala dites che fej la furnadoia nueva. L ie nce unì criticà da nëus che l ie unì trat tan de sel su per la streda de Resciesa. L ie unì respundù che la Sozietà Resciesa à messù dé ju na fideiussion banchera de 350.000 euro al Chemun y mo 80.000 euro ala Provinzia, per la scunanza dl ambient. La sozietà muessa paië n fit de 5.000 euro al ann per duta la trassa. L ie pona unì dit che i à pa bën fat fotografies di danns, fotografies che ie pona jites perdudes, coche l vizeambolt à dit; ma da nëus ora ne conta chësc dut nia, ajache l à laurà plu dites su per Resciesa y streda Cuca, danter l auter nce per l Chemun, perchël saràl rie a desmustré chiche à fat l dann. L Chemun ne se à nia tëut la bria de lascé sotscrì dala Sozietà Resciesa n protocol dla situazion dan scumencé i lëures. Pra la descuscion n con’ dla stazion suinsom Resciesa iel sautà ora che l Chemun messerà ti vënder n pitl tòch de terac, ajache l ne n’ie nia la distanzes dal ujin, che ie l Chemun, te chësc cajo.” Nscila la tëuta de posizion dla Lista Ladins.

I cumëmbri dla Lista Ladins à dit che „Leander Moroder ova scrit che la Lista Ladins ova fa la pruposta de fé na streda nueva che fossa jita da puent de Pana a man ciancia de Ruf de S. Ana ite nchin pra la furnadoia de Sëceda y pona da iló su sa Sacun, sot al Col de Plajes te n tunel. Ma,“ dij i cunselieres dla Lista Ladins, „nëus ne on mei damandà o fat la pruposta de na tel streda, se on perchël damandà na retifica.“ Inant vëniel dit che „na zaita che vën finanzieda cun scioldi publica y ti vën mandeda a za 1.500 families de Urtijëi messëssa mpo scrì mesanmënter la urità, y sce n s’à falà messëssen mefun avëi tan de bona crianza y fé na retifica,“ scrij la Lista Ladins de Urtijëi.

Cësa di Ladins N’autra nterpelanza di cunselieres dla Lista Ladins ova da n fé cun la dumanda de finanziamënt al Stat per derturé su la Cësa di Ladins. L ti ie unì respundù che la resposta scrita ie da liejer te Chemun. Georg Moroder à dit de ne vester nia cuntënt, critican che l mancia la bona ulentà de muever zeche per la Cësa di Ladins.

Mostra Art 52 L Cunsëi de Chemun à pona tratà na mozion dla Lista Ladins cun la finalità de mëter su regules per la Mostra Art 52 te Palaz di Cungresc de Urtijëi. “Dal mumënt che l Chemun ie patron di locai sons nëus dla minonga che l patron possa bën mëter su cërta regules che l fitadin muessa pona respeté,” à dit i cunselieres dla Lista Ladins. Y inant: “Nosta pruposta fova chëla de stlù ora dala mostra chëla firmes che lascia fé si prudoc te paejes ulache l lëur ie a bonmarcià, metan mo plu n deficultà la firmes y i artejans da tlo. Lascé mëter ora chëstes ulëssa dì che l’aministrazion cumenela ie a una y sustën chësta firmes che mpede cialé de ti dé da lëur a chëi da tlo, porta l lëur

Gherdëina

Lëures sun Resciesa

Martina Goller a Puntives La mudazions dl bilanz 2010 cun njontes dl program generel di lëures publics y dl plann de finanziamënt revardënt ie jites tres cun 13 a una y trëi astenscions. Cun duc a una iel pona unì dat pro, n con’ dl refurnimënt cun ega da bever, la dezijion de mascima contra la ntenzion de privatisazion dl Stat. Cun catordesc ujes a una y una na astenscion ie Martina Goller unida numineda coche cumëmbra tl cunsëi de aministrazion dl “Zënter per la defendura dl ambient

Gherdëina/Ciastel SpA”.

Raion Hotel Madonna Catordesc a una y trëi ujes de contra iel stat per l plann de recupereda per l raion residenziel “A3 - Madonna”. L plann ie nscila passà. De contra i cunselieres dla Lista Ladins: “Sun chësc argumënt ons nëus dit che ne pudon nia dì de sci al plann de atuazion prejentà da privac. Da una na pert vëniel dat pro a n aumënt de cubatura che pudëssa ruvé nce a 3500/4.000 metri cubich per l Hotel Madonna; da nëus ora iel na contradizion danter l plann reguladëur y l plann de atuazion dl subraion da fabriché nr. 20. Chësc muessa da nëus ora unì metù a post urbanisticamënter, scenó saràl rie che l Chemun vënce vel’ prozes, sce la ëssa da ruvé tan inant n di o l auter,” nscila Heinrich Adi Demetz, Georg Moroder, Raimund Großrubatscher y Ulrica Ica Goller.

Ustaria sa Costamula L plann de atuazion dl raion per “Mplanc turistics-restoratifs Costamula” ie unì dat pro cun catordesc a una, un de contra y doi astenscions. Chël uel dì che l possa unì fat na ustaria, mantenian l fabricat coche l ie. Dat pro à l Cunsëi nce che l vënie purtà ite drët trëi ponc tl plann urbanistich cumenel: un n iede l raion de vërt publich sun la trassa dla vedla ferata, l segondo pont ie che l vënie purtà ite drët l sotpassaje dai auti y da jì a pe danter la streda Sneton y la streda Stufan y la streda Sacun y pona che l vënie purtà ite drët la streda da jì a pe dla sort “F” danter la streda Sneton y la streda Roma. N auter pont per l plann urbanistich cumenel ie stat chël dla spartizion dl raion produtif Socrëp A y B. 14, cun duc i cunselieres a una. Duc a una nce per la retifica al plann urbanistich laurà ora da nuef de Urtijëi, cun la tlassificazion de doi raions residenziei de cumpletamënt da “B1” a B2”, y duc a una cun la mudazion dla normes de atuazion al PUC.

Cuntribut de urbanisazion L Cunsëi à fat ora, cun dodesc a una, doi de contra y una na astenscion, la costituzion de na servitù per smendré la destanzes dala sëida a cëria dla p.f. 2573/1 C.C. Urtijëi - promenade Luis Trenker/Stua Zirm. Dat pro iel pona nce unì la njonta al regulamënt cumenel per fé ora y scudì l cuntribut sun l custimënt de costruzion y l cuntribut de urbanisazion, y l proiet de mascima per la costruzion dla nfrastrutures primeres tl raion “La Plates” a Urtijëi. Ala fin iel mo unì dat pro l regulamënt de Chemun sun l reter dla sp ëis e s abude s dai aministradëures per servijes ora dla sënta. (usc)

Plucheauter de urbanistica vëniel rujenà te Cunsëi de Chemun de Sëlva pra la senteda de n merdi che vën: stredes, streda de zircumvalazion, raions da fabriché, raions turistics, opres publiches. Mudazion de bilanz Sëlva Chemun - Na sor’ de tour de force iel chisc dis te Chemun de Sëlva. Do la senteda de n merdi passà cun na bela lingia de ponc, n iel sën n’autra, plu avisa n merdi ai 16 de merz dala 15.00. Chësc ie l ordenn dl di: 1. Comunicazions dl ambolt. 2. Mudazion al plann urbanistich cumenel: purté ite de n raion per mplanc turistics-albierch T1 Speckkeller. 3. Mudazion al plann urbanistich cumenel: purté ite na streda cumenela tl raion Runcac. 4. Mudazion al plann urbanistich cumenel: purté ite na streda cumenela y ngrandimënt dl raion residenziel tl raion Runcac. 5. Mudazion al plann urbanistich cumenel: purté ite la streda de zircumvalazion de Sëlva. 6. Mudazion al plann urbanistich cumenel: purté ite n raion residenziel de espanscion C4 tres cunvenzion urbanistica ti zedan la p.fr. 91 “Ciablon”.

7. Mudazion al plann urbanistich cumenel: purté ite n raion per njins publics - aministrazion y servijes publics de scumenciadiva privata tl raion Val Setus. 8. Mudazion al plann urbanistich cumenel: purté ite n raion de espanscion per nsediamënc produtifs tl raion Piciulëi. 9. Mudazion al plann urbanistich cumenel: ngrandimënt dl raion per nfrastrutures ti raions da jì cun i schi “Pitla Baita Fungëia”. 10. Dé pro l regulamënt cumenel per frabiché. 11. I. variazion de bilanz 2010. 12. I. mudazion al program generel dla opres publiches per l ann 2010 y ai planns finanzieres revardënc. 13. Chëuta de sujurnanza aldò dl titul II D.P.J.R. di 20.10.1988, nr. 29/L – auzé dla tarifes tla mesura dl 100% a scumencé dai 01.01.2011. 14. Proiet per la valorisazion dla stredes sun i jëufs dla Dolomites – tëuta de pusizion. 15. Cuestions d’uni sort.

La Cësa de Chemun de Sëlva.

Teater Forum a Urtijëi “Chi selva pa i eroesc?” Sot a chësc titul se à prejentà l Forumtheater Andreas Hofer 2010 inier vënerdi ai 12 de merz a Urtijëi. L pez per tudësch à tratà de argumënc esistenziei y scialdi umans Teater - Tl pez de teater iel unì tenì cont dl cuntest storich, nvian tl medemo tëmp l publich a fé pea. L Forumtheater ie na scumenciadiva dl Ufize provinziel per la furmazion. Nce sce l ann de cumemorazion dla batalies de liberazion ie bele unì stlut ju, dëssa chësc ann plën de scumenciadives purté nce fruc tl daunì. De chësc viers ie nce penseda la scumenciadiva dla Repartizion provinziela per la cultura che dà mpulsc a pensé do n con’ de valores y manieres de pensé tres l Forumtheater. Tla reprejentazion da udëi inier a Urtijëi fova la pert storica tl zënter, fajan unì a lum argumënc esistenziei y umans sciche l unì a se l dé dla rebelion, la miseria nterna de eroesc y dla persones che se à lascià zaré pea. L Forumtheater dal titul “Wer

rettet die Helden?“ ie unì purtà dant tl zënter per Jëuni, ert y cultura a Urtijëi. Do che l ie bele stat plu reprejentazions tla ziteies, sarà chësc pez mo da udëi ai 19 y 20 de merz a Lana y Schlanders. La regia dl pez ie de Henrique Köng. Sun palch iel Martin Abram, Donatella Gigli, Maria Hofer, Oswald Hundegger, Simon Kostner, Giulia Parisi, Hans Karl Peterlini y Lore Weis Meraner. Dla direzion dla mujiga se à sëurantëut Simon Kostner y Regula Maria Julen. L test ie de Hans Karl Peterlini. L Forumtheater ie nasciù ti ani 1960 y tol demez la sëida danter palch y publich. La jënt dëssa fé pea sun palch y mudé scenes. A chësta maniera vëniel a se l dé na maniera nteressanta de se dé ju cun situazions de cunflit y problems dla vita. (usp) www.lauscdiladins.com

13


Gherdëina

nr. 10 / 13 de merz 2010

Lukas Runggaldier miëur de Gherdëina Cun n 11ejim plazamënt tla cumbinazion Nordica pra i Juesc Olimpics à Lukas Runggaldier arjont l miëur plazamënt di atlec de Gherdëina. Na ntervista al atleta de S. Cristina, mut de Günther da L Ampezan y de Uliva da La Crëusc L di dl saut nevòvel, ntan l saut. Perchël l ài nce desdit, do che fan sautei de n valguni; a dì la urità ne ovi iló nia fat n bon saut. Pona éi giapà na segonda chance. L tëmp fova miëur, ie fove cunzentrà drë’ a drët y dut cieche ove da fé sons stat bon de tré ora, fajan n bon saut propi tla garejeda, canche la messova vester, coche à dit l trainadëur Romed. A dì la urità ova i miëures cundizions mpue’ plu stletes che no tu y chëi che ie sautei dant. Mé doi ne à nia abù cundizions ideéles, scenó à duc abù la medema cundizions.

Lukas Runggaldier.

Olimpia - Romed Moroder, trainadëur de Lukas Runggaldier à dit dl atleta jëunn de S. Cristina: “Lukas desmostra for plu cun custanza che l à duta la cualiteies per deventé nce ël n atleta che cun regularità puderà for inò se museré cun i miëures dl mond. I sauc mustrei da Lukas ntan Olimpia ie stac de gran cualità. Y l ne n’ie nia mé stat na fertuna dl mumënt. Y che l sà da s’la fé valëi tl pudejé, chël àl bele desmustrà plu suvënz. Dal mumёnt che tl saut ne n’ie, o ne fova si prestazions mo nia de na gran custanza, iel for na trica a aspité sun si saut de garejeda: y bel mpont la ùrtel for inò, canche la se trata: sëni de na bona madurazion! Purté si miёura prestazion n con’ de resultat propi n ucajion di Juesc Olimpics ie per ël dessegur na gran sudesfazion, che l premieia per dut l sacrifize fat te duc chisc ani.” USC: Lukas Runggaldier, cie te n dijes’a dla paroles de ti trainadëur? Lukas Runggaldier: “Les me fej plajëi.” Ce ncëria y mpurtanza à pa

Romed Moroder abù te Vosta aventura garateda tl Canada? Ël ie dessegur chël che se à dat da fé, te na maniera ora dla set mesures. N iede semiòvel che l ne pudova nianca no unì pea; y canche l fova lavia fajova ël dut, mpue’ da jolly, ël ie stat chël che se à dat l plu da fé. Chësc sibe tl lëur che tla mutivazion. L nes à judà a jì tres dut l saut, cun l muvimënt da fé, nes pian su, coche n fej dan la garejeda, nes dijan cieche l ie da fé. Cumplimënc per l boniscimo plazamënt pra la garejeda ndividuela dal gran saut HS134, ulache te ies ruvà 11ejim ala fin, do n setimo plazamënt sun l saut. Posses’a nes cunté de chësta esperienza, de ti mprescions? Scumencion pra l saut. Sun l gran saut ovi plucheauter problems a abiné l ritm, ma l di dant éi udù che pudove tenì pea sun l saut, canche é udù che la butova tl training, ulache é udù che pudove dì la mia. La jiva de tenì l ritm, chël uel dì che n ne daussa nia vester massa bonorif y nia massa tardif.

Y pona la garejeda de pudejé, ulache te pioves via setimo, cun passa cincanta secunc do l prim. Messove cialé de abiné mi ritm ti prim doi chilometri. Pona canche l fossa ruvà adalerch i boni ëssi messù cialé de tenì pea cun chisc boni, coche l finlandesc Manninen o Pittin y i autri boni de pudejé. Defati me ie mi tatica pona nce jita fata, de jì bën tl prim, tenian nce la resserva, chël uel dì jan mpue’ plu plan, y pona de jì pea cun chisc bestions. Dal cuarto al 14ejim fans duc te na grupa, te chësta sons stat bon de tenì pea nchin a n chilometer dan la fin. Da dedò ne sons nia stat bon de jì pea nchin ala fin, ne ove nia la gran forma n chël di. D’autri iedesc fovi stat bon de jì deplù. Povester fovi nce mpue’ stanch da duta la sajon. Y la mprescion pra travert? Sun l mumënt fòvel mpue’ de delujion che ne son nia ruvà ti diesc, ma riesc do, cun ch’l bel tlima olimpich che te dà sudesfazion, l raport danter i atlec che ie for boniscimo, iel stat zeche de bel, na gran festa per duc nëus. Bele tla prima garejeda dal saut HS106 es abù na gran prestazion, ruvan 16ejim pra l saut y mantenian la posizion nce tl pudejé. Bele ti prim sauc éi udù che la butova sun l pitl, son stat bon de fé n boniscimo saut tla garejeda. Fan pona de trëi che pian via 16ejims. Son jit bën nchin al chilometer numer 9, iló fovi mo 11ejim; da dedò ovi mel ala giames,

Lukas pra la Olimpiades tl Canada. Ntan l saut y ntan la garejeda de pudejé.

14

www.lauscdiladins.com

ne ruvove nia inant, y tl sprint me à mo batù un y nscila sons ruvà 16ejim. Ma chësta garejeda me à mustrà che posse tenì pea cun i prims, cun i miëur chindesc y sce la buta nce cun chëi mo plu dancà. Chësc plazamënt me à dat crëta. Co iela pa jita tla garejeda a scuadres? Iló àla mpue’ sciacà, son ruvei decimi. Ie m’l’é mo caveda sun l saut, ai autri ti àla danz sciacà. I prims doi s’la pona caveda do la rata bën tl pudejé, pra i ultimi doi nevòvel, àn n stlet schi, y la ne à nia butà. Ma tla garejeda do fans de cater ti prims 23. Cun na tel garejeda fussans dessegur ruvei plu dancà Ntan l saut. tla garejeda a scuadres. motor ala putënza al cë, ie ne Nce Armin Bauer à fat n cunësce nia un n defet che l à. boniscimo plazamënt, tla Povester rejónel mpue’ puech cun segonda garejeda. Cie nes i trainadëures. contes’a de ti cumpani? Che ie son stat bon de l bater Nëus on n boniscimo raport, sun l saut ie mé na ezezion, povester coche nce cun i autri, duc adum. se sentìvel mpue’ massa sot a druch, On abù na gran hez. Cun Armin povester sentìvel massa l pëis y la fòvela nscila che canche ie jive mel respunsabltà che la bedaia de bront me trajova ël su, canche ël ne jiva ti dajova, y ne n’ie nia stat bon de nia a puntin l sustenivi ie. Dut ntëur tenì si livel de for, sun l saut. Ma fòvel na bela atmosfera danter nëus pona àl mustrà de vester scialdi cumpanies. bon, tl pudejé; sce l fossa pià via Tla prima garejeda ti àla sciacà, plu dancà, do n saut che fossa a Armin, ne on nia capì ciuldì, ma garatà miec, ëssel dessegur arjont vel’ da de tel possa mefun suzeder. n plazamënt scialdi dancà. L ie vëira che Pittbull ie n pont Y ël savova che sun l gran saut iel bon de sauté miec. Ala fin, nce sce de referimënt, l buta a l avëi te l ne n’ie nia sautà defin coche l ie scuadra, che te ses avisa ulache ie bon, àl for fat n boniscimo i miëures dl mond, savan che ël ie leprò, pra chisc. plazamënt, ala fin dla finedes. Alessandro Pittin, bedadia de bront olimpica. Romed Moroder à dit che per duta la scuadra taliana iel na gran fertuna a avëi n tel atleta, ajache duc i autri atlec à nsci l mesun de se museré di per di cun la mascima esprescion mundiela dla disciplina. Dal’autra pert ies bele sën stat bon de ti la stiché, almanco sun l gran saut… Alessandro, “Pittbull” coche nëus ti dijon, ie zënzauter n fuoriclasse. Ël à dut cieche n adrova per deventé boni te nosc sport, dal

Es’a udù i autri atlec de Gherdëina? Carolina ne éi nia udù, scenó i éi udù duc, i atlec de Gherdëina, can un y can l auter, n se ancuntova: Christa, David, Karin, Michela y tlermënter Armin. Ntan la garejeda ei mé udù David, i autri ne éi nia udù ntan la garejeda. Cie uelel pa dì per n jëunn a pudëi fé pea pra Olimpia? Per mé iel stat n suenn che ie unit urità. Bele a pudëi jì tl Canada ie zeche ora dla set mesures.


Gherdëina

nr. 10 / 13 de merz 2010

Lukas Runggaldier cun si oma Uliva da La Crëusc.

Lukas da pitl, ntan na garejeda.

Canche fove te scola mesana, me lecordi, ovi fat na nrescida dl Canada, Paesc che me faszinova bele ntlëuta. Tla Scola d’Ert éi fat la tesina n con’ di Juesc Olimpics, y cater ani do éi pudù jì a fé pea!

Iel pa per i atlec n maië particuler che messëis tenì ite? Ntan la garejedes messons for cialé de ne tò nia su massa, de maië cun regularità. Dan la garejedes maions dantaldut carboidrac, pastes y riji. Cërn plucheauter do la garejedes, per recuperé.

Ne fove mo mei stat sëura l’ega via, no ti USA y no tl Canada. Y sën fovi tlo, pra la plu bela festa dl sport a livel mundiel! L ie bele bel a pudëi fé pea, che ie bele dut, coche dij l moto olimpich. Vester iló duc deberieda, mparé a cunëscer duc nce de persona, na Karbon o i autri atlec taliani d’autri sport y pona de dut l mond. Son nce jit a ti cialé a d’autra garejedes, nce sce mé a pueces. Una ie stata de schi alpin, l slalom lerch dl’ëiles, chëla che i à pona desdì do la prima manche. De saut éi cialà duta la garejedes, y nce de pudejé. L atleta che te à fat la majera mprescion? Dessegur Simon Amann, tl saut.

Ël ova bele venciù a Salt Lake City doi iedesc la bedaia d’or, y sën mo doves; na sensazion! Ce mpurtanza à pa abù y à pa ti familia te ti atività sportiva? Tl prim me à mi genitores judà, me dajan na sburdla; cun la legrëza che univa for majera y majera sons jit inant sun mi streda, udan che la jiva suvier. Y for cun l sustëni de mami y tati. Mi familia me dà n grandiscimo sustëni, nianca no da dì. Da uni ëura vàla de me mené nzaul o de unì a me tò. Mi pere lëura uni di diesc ëura, ma l vën mpo for a me tò; ne sé niancano co rengrazië. Canche ruve a cësa y sté nce mé un n di me leva mi oma l guant, paidelnea y njënia ca dut cant. Y la me cujina da uni ëura. Cie maies’a l plu gën da mami? Dut cieche mami fej ie bon. Povester dantaldut bales da ula vërda y lasagne.

Co ie pa stata ti aventura olimpica, ora dl aspet dl sport? Es’a udù zeche dl raion, la zità de Vancouver, la festes de giaurida y ala fin? Ala festa de giaurida ne ons nia pudù jì, ajache doi dis do ans la garejeda. Chësc me sà l plu da muië. Ma l ie danz passa trëi ëura de viac a jì ju y trëi inò su, massa. Pona sons ruvei via do la rata tert y on schivà de jì ala giaurida, propi per se njenië ca a puntin ala garejeda. La festa ala fin éi cialà a cësa, live te stua. A Vancouver ne sons nia jit, niancano ntan l di liede, che ulove resté cunzentrà. A Whistler sons stat plu suvënz, l ie scialdi bel.

Fòvel pa nce vel’da blòta mutans? Éh, l n fova bën. Nce sce la jiva for de avëi la drëta cunzetrazion, mpue’ ti cialans bën do ala mutans, ma iusta mé chël. Es’a na nevicia? No, nce ajache cun ch’sc vester for tres ne vàla nia massa bën. Mé per dì, de fauré fovi mefun doi dis a cësa.

Co vàla pa inant, tl sport? L ie sën mo na garejeda a Oslo. Y una a scuadres, ulache on mo n cont daviert cun l destin y la fertuna. Uderon coche la va. Dut l bon, Lukas, a ti y a duta la scuadra! Ntervista de David Lardschneider

Saut sëura i cërtli olimpics.

Mi bela vita Luis Schenk d’Ansl à ulù publiché n liber che conta de si vita. Na vita plëina de ntraunides y coche ël à ulù sotrissé tl titul dl liber, dut ntëur na bela vita. N capitul de storia dla familia Schenk da Dos ”Nia na biografia suta, ma vel’ pensier mie, de coche ie me lecorde, coche l me à sapù a mi, coche ie la vëije. Cosses ntressantes, beles, da rì, ma nce da ncrëscer y vel’ una monce ncherscëula. Ma cialan de reviers réstel la cuntentëza, per avëi abù, dut adum, na bela vita, perchël éi ulù ti dé l titul “Mi bela vita” a chësc liber. Plucheauter iel ntraunides y stories che taca adum cun mi familia, mi fëna y mi mutons, cun l lëur da paur, da maester de schi, da mprenditëur dai schi y dai lifc, de un che va a crëp.“ Protret de Luis d’Ansl.

Publicazions - L liber à passa 100 plates, cun plu pertes de test y truepa de bela fotografies, blanch y fosch tl prim, pona sambën man man a culëures, avisa aldò dl svilup di tëmps. Les sotrissea ntraunides de vita y de storia dla familia Schenk, te duta si carateristiches. Giaurian su l liber pòssen liejer:

Zitac ora dl liber Inant iel da liejer: „Sambën che l ie unì docà de gran mudamënc, da zacan a ncueicundì y for ne fòvel nia saurì. Spezialmënter vëiji chësc pra mé, coche dut se à mudà. L ne n’ie do mi ntënder nia nscila che l ie plu gheneda a unì vedli. De fé nia ne sons nia bon, son usà a lauré y ne son nia bon de me descedé y pensé che ncuei ne n’iel nia da fé.

D’autri ne capirà mei al didancuei, coche la fova pra nëus canche n rujenova de jì a fé feries: ne n’àn nia l mesun de jì a fé feries. Te Gherdëina fovel n grumon de rics, ma te ne n’es mei audì che i jiva a fé feries.“ Y tlo mo n valguna risses ora dl liber: „Ala fin dla finedes sons ie cuntënt, son dl vedl stampo, che da nia sons ruvei a zeche. Perchël che on śën zeche ne sons mpo no boni de lascé do, l ie laite te nëus. Y rujenan cun mi fëna: “A unì mo n iede al mond, cie fajessans’a? L medemo che on fat!, respundons. Ne penson nia che ne n’on nia fat chël o nia fat ch’l auter. Nëus on laurà, sparanià y son ruvei inant. Chël ne uel nia dì che n uel vester plu putënc, da majer pudëi, l ie da resté cun i piesc sun fonz, coche l criator te à fat,” nsci vel’ pensier de vita ora dl liber de Luis Schenk d’Ansl.

Plu capituli L fin dl liber ie danter l auter

Luis d’Ansl cun si fëna Josefine y i nepoc.

chël de dé inant sentimënc, situazions desferëntes a chëi che ti ie stac daujin a Luis d’Ansl, speran che a un o l auter ti sébel nteressant a liejer chësc liber. L liber ie partì su te de plu capituli duc cun d’autri tituli che conta de argumënc desferënc, coche “Mi vita, “Mi fëna Josefine y la familia”, “Jì a crëp”,

“Schi y lifc”. Na bela lerch à Luis Schenk ulù ti dé ala fotografies, che documentea la ntraunides d’uni sort. Danterite y danterora iel stories scrites y de plu documentazions, coche ël se les lecorda. Daniela Villotti www.lauscdiladins.com

15


GherdĂŤina

16

www.lauscdiladins.com

nr. 10 / 13 de merz 2010


nr. 10 / 13 de merz 2010

GherdĂŤina

www.lauscdiladins.com

17


Gherdëina

nr. 10 / 13 de merz 2010

Ne se nsemië nia Mostra de Egon Rusina a Personon, dal titul l suenn assolut. Galaria Zivica sot ala Lauben tocia y plëina de jënt, n ucajion dla giaurida Ert - „L ie dut zeche d’auter, canche chëi de Gherdëina fej zeche; iló iel nteressant, l ie na gran pertezipazion!“ dij na tel ëila che me vën permez n ucajion dla giaurida dla mostra de Egon Rusina. Vëira iel che l n fova trueps de Gherdëina, cassù tla Galaria Zivica a Persenon, ma nia manco vijitadëures nteressei de Persenon y da dlonch caprò. Rusina che ie bon de mëter adum la jënt. Ajache l fova na bela atmosfera, na ancunteda artistica, n’atmosfera belau da festa, sce n possa dì nscila. N’ucajion per udëi un o l auter, per s’la ciaculé, per rujené de Rusina y de si ert.

Ert y filosofia Rusina à purtà dant na sort de tractat filosofich dlongia l aspet artistich: „L se trata dl scumenciamënt dla tematica dl suenn assolut. Pra chisc chedri vëijen mo plu cromatisms, dal cueciun scur tres l violet, brum, vërt nchin al ghiel. L suenn assolut ie n cunzet che ie me é nventà, che n ne abina te degun lexicon. L ie chëla pert ntan che n dorm ulache n ne se nsemieia nët nia.

N ucajion dla giaurida dla mostra de Rusina a Persenon.

Chësta ie la fasa che me nteressea, chëla ulache l ne suzed nia, ulache l ne n’ie degun culëur, degun obiet, deguna pascion, ma mé n gran uet y n gran chiet. Te chësta mostra iel alincontra mo na pert de culëures che lecorda l obiet, cun l culëur cueciun che dà mo fisizità. Permò l ghiel ie chëla cromatura dl suenn assolut, ulache n ne se nsemieia nia. É purvà à mëter via te mi chedri l suenn assolut: degun motif, deguna forma, deguna dimenscion, degun pathos.“

Rusina, zacan y ncuei “L suenn assolut”, per tudësch

Truepa jënt iel unit adalerch.

“Der absolute Schlaf ”, ie l titul dla mostra de Egon Rusina a Persenon. L se trata de 90 chedri che taca adum, fajan ora un n cheder. La lingia de chedri à Rusina fat ti ani 2007-2008. Al mumënt lëura Rusina inant, sun la fundamënta de chësc culëur y de chësc cunzet dl uet, dl suenn assolut. La mostra de Persenon ie coche dì la ntroduzion a dut chësc. N juebia ai 4 de merz da sëira à l ambolt de Persenon Albert Pürgstaller pra la giaurida dla mostra auzà ora coche Rusina fova mo n „revoluzzer“ dan carant’ani y che sën iel artista che à la pesc te sé nstës, cun i chedri che dà inant l sentimënt de chiet y de

pesc. Pürgstaller à nce auzà ora coche si – de Pürgstaller - fëna, sculea de Rusina ntlëuta, rejona

mo al didancuei dla gran cualiteies didatiches dl maester de scola Rusina ntlëuta a Persenon. Paroles de salut iel nce stat da pert dl assessëur per la cultura de Persenon Dario Stablum, na ntroduzion ala mostra ie unida fata dal’artista cineja Lomehing. La mostra tla Galaria Zivica de Persenon, Gran Lauben 5, resta davierta nchin ai 28 de merz, uni di dala 10.30-12.30 y dala 17.00 ala 19.00. Rusina ie for iló prejënt. Da coche l à cuntà vëniel adalerch truepa jënt, nia mé da Persenon, ma da duta la pertes de nosc raions. (dl)

Tla pitla sala dla Galaria iel metù ora chedri y scric che Rusina ova bele fat dan truep ani.

Na bela mostra dut ntëur al’ega La Scola Mesana de Sëlva à nvià duc i sculeies y i genitores a unì a ti cialé a na bela mostra ambulanta dal titul “Parch naturel Hohe Tauern, Cësa dl’ega, na ntraunida per sculeies”

Scola - Ajache plu tlasses dla Scola Mesana de Sëlva ie bele states n iede a vijité la Cësa dl’ega a St. Jakob tla valeda de Defreggen tl Osttirol, che fej pert dl parch naturel Hohe Tauern, se àn mpensà de mëter a jì na mostra n chësc cont tla scola mesana nstëssa. Nscila à nce i sculeies che ne fova mo mei stac te chësta strutura la puscibltà de capì miec cie che n possa fé cun l’ega, tres ntraunides d’uni sort, se fajan nsci na bela esperienza. Na cësa-scola mpue’ particulera, ulache i mutons possa avëi cuntat cun la natura y si ntëurvia.

Esperienzes positives L’idea de chësta scumenciadiva ie unida a s’l dé do la esperienzes positives fates ti ani passei. N valgun nsenianc dla scola mesana

18

www.lauscdiladins.com

à fat la pruposta de nvië via nce chëst ann la scumenciadiva n con’ dl’ega; nce genitores ie a una che i mutons dëssa avëi la puscibltà de udëi chësta strutura. Na bona ucajion per sustenì la ntergrazion y la sozialisazion dla tlasses y de uni sculé. A St. Jakob à i sculeies l mesun de scuvierjer l elemënt ega te na maniera de ntraunida y ti ciamps plu desferënc dla materia. L program ie unì laurà ora ndividualmënter aldò dl’età, di bujëns y di dejideresc dla tlas. Fin dl proiet ie de descedé y avané la cunescënza per l’ega te duta si formes coche fundamënta mpurtanta de vita. I sculeies mpera a se damandé nstësc criticamënter coche la sta cun si cumpurtamënt n con’ de cunsum d’ega y di bëns de cunsum n generel y de svilupé strategies de azion per n

cumpurtamënt tl tëmp cun l’ega. Ega, che coche n sà, unirà for plu a valëi cun l passé di ani.

pudù se fé. Dessegur de biei dis per duc y de biei lecorc che resterà tla mënt y tl tëmp.

I prinzips dl’ega

Capì cie che pieta la strutura

Te chësta istituzion de ambientfurmazion dl parch naturel Hohe Tauren mpera y nriesc la junanza dl’Europa dala fin dl 2003 inant, aldò di prinzips dla Cësa dl’ega. Y tlo vel: ega ie na fundamënta de vita. Tla cësa iel nce na berstot dl’ega, ulache n possa nrescì deplù dl elemënt ega: sun la piedies de fenomenns chimics y fisics, n self de esperimënc y criatività, microscops y udlons nvieia a nrescì y a scuvierjer deplu n chësc cont. L program ie partì su te plu pertes: pont zentrel ie sambën l’ega. Na persona cumpetënta dla cësa ti spliega ai mutons i cunzec plu mpurtanc n cont dla tematica ega: ciuna mpurtanza à pa l’ega per l mond y per la persona? Co funziunea pa la zirculazion dl’ega? Ce leges vel pa per l parch naturel Hohe Tauern? Leprò mo cunescënzes n cont dl tëmp, dla levines, plu avisa co se cumpurté n cajo de na levina, cunescënzes dla stëiles. Coche n possa capì na cerduda lergia de cunescënzes scientifiches scëmples. Mplu à i mutons ntan i dis de sujurnanza tla Cësa dl’ega sambën l’ucajion de udëi truepa cosses nueves; ntraunides d’uni sort: d’inviern jì cun la ciaspes, jì da sëira cun la luesa, ti cialé ala stëiles y nsci inant, d’autonn y d’ansciuda d’autra ativiteies liedes ala sajon. Esperienzes che nia uniun ne à bele

Tres la mostra à i sculeies ntendù plu avisa cieche pieta la Cësa dl’ega. Sambën gran ntujiasm per l proiet y truep de nuef da scuvierjer. La natura ie tlo l elemënt numer un, mo ntegrela te duta si pertes, cun marueies d’uni sort. Na persona cumpetënta de chësta cësa-scola ie unida aposta tla scola mesana de Sëlva per fé cunëscer plu a puntin cieche la strutura possa pité. Hermann Mauthner, che ie tla grupa che mëina la strutura tl parch naturel, à purtà dant y prejentà l parch y la Cësa dl’ega y à ala fin menà duc i prejënc tres la mostra. L ie unì

mustrà n film, che spligova cieche ie n parch naturel, i tieres che viv te chël raion, la plantes, l tlima, la vita da mont. Te n auter self fòvel metù ora plu cosses che ova da n fé cun l parch naturel nstës, coche tieres stafunei ora, plantes che crësc iló, massaria che n adroa per lauré y d’autra particulariteies. Y coche ël nstës à dit fòvel bel a udëi coche i sculeies se ncunfertova a udëi la mostra. “L fova sciche sce l unissa adalerch i Rolling Stones... duc aspitova dan l camion, per udëi cie che l ie laite, tan na gran legrëza y chësc ie sambën bel y dà mutivazion per jì inant de chësc viers,” à dit Mauthner. La mostra ie stata da udëi de plu dis. I sculeies se ncunforta bele a jì a vijité la Cësa dl’ega d’autonn che vën. Daniela Villotti

Hermann Mauthner ti à cuntà ai sculeies dla Cësa dl’ega y dl parch naturel.


nr. 10 / 13 de merz 2010

Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

“I n’ùn nia debojëgn da ti tignì la litra a valgügn d’atri!” Intervista a Robert Rottonara, vizeombolt atual y candidat da ombolt tl Comun de Corvara sön la lista dla SVP. Al nes dij deplü sön sües propostes por le comun da Corvara, sön la viabilité, sön le daz söi jus y sön i raporć cun la lista “Düć Adüm”, mo al baia inće di prighi dles secundes ćiases por la vita soziala Usc: Robert Rottonara, ći Ves à pa motivé da candidé da ombolt? Robert Rottonara: I ê bele dër motivé pro les ultimes lîtes, pro chëres che al é stè danfora la ghiranza da pert dla lista “Düć Adüm” da mëte sö na secunda lista. Sön na tara l’à la SVP dl post inće metüda sö, mo sambëgn cun so candidat da ombolt. Te chisc cin’ agn unse laurè bun y al é porchël nosta orentè da jì inant sön chësc tru, sot al simbol dla stëra de munt. Pro chëstes lîtes y cun le sostëgn de n grup unì y sterch, sài bele danfora che i podun portè tröp de bun por le dagnì di zitadins dl comun da Corvara. Osta lista sarà chëra dla SVP sciöche bele pro les ultimes lites. Os instës sëis surastant dla SVP dl Comun de Corvara. É pa na lista de partì iustificada o adatada te n te’ pice comun, olache les esigënzes va n pü’ de vigni vers? Sambëgn ne nen vara chilò nia dla gran politica, sciöche i sun ausà da lì ti folieć. Le Comun da Corvara é n pice comun olache i zitadins à minunghes desvalies. Insciö é inće nosta lista adatada por rapresentè döta la popolaziun y nia ma chë pert che crëi tl partì. Personalmënter arati che al ne sides nia dërt che döt vais ma de un n vers; an dess avëi la poscibilité da chirì fora. Ala fin ćiara pö vignun da se trà pormez a chël grup de porsones che respidlëia deplü sües idees.

che roda tla valada y na economia plü sterscia, te n paîsc sciöche le nost, che n’à sigü nia n cost de vita bas.

Robert Rottonara, candidat da ombolt por le comun da Corvara: “Le paîsc dess romagne inant tles mans de nosta jënt!”

L’ombolt Franz Pedratscher ves â fat la proposta da cherié na lista sora. Ćiodì Ëise pa dit de nou? I n’ùn nia dit de nou da mëte adöm na lista. La chestiun n’é mai gnüda baiada fora tlermënter. Mo sciöche dit, ne foss chësta mai stada mia intenziun, à pö nosta lista metü les raîsc bele dan cin’ agn. Al é na lista che ô stè en pè dassora y che n’à nia debojëgn da ti tignì la litra a valgügn d’atri.

Robert, i Sëis śëgn da 10 agn assessur de comun, da cin’agn vizeombolt. Ćiügn é pa proieć che i orëis portè inant, sc’i ésses da gnì lité da ombolt? Un di gragn problems dl Comun da Corvara, a chël che i porvarà da ciafè na soluziun, é dessigü la viabilité dantadöt ti mëisc de sajun. I sun rovà a na situaziun che n’é te n tëmp plü lunch nia plü da soportè. Al é da se sentè jö deboriada por ćiarè da ciafè na soluziun realistica. I savun che i scioldi é tres demanco, mo i aiüć finanziars é y gnarà inće conzedüs inant. Ći che me stà personalmënter ćiamò plü a cör é les gran dificoltês che nüsc jogn y nostes families jones incunta por podëi se lascè jö te val’ manira te so paîsc. Chi che ô tó en afit na abitaziun, à püćia o degöna poscibilité.

Co definìsses pa Üsc raporć cun la lista “Düć adüm” - inće te consëi? I ùn porvè dassënn da laurè al miù por i zitadins dl comun y al n’é nia dagnora stè saurì. Da pert dla maioranza nes él inće gnü dit che sciöche lista de oposiziun nes àn bele lascè fà trö’ demassa y che al n’é nia meso da ciafè soluziuns cun nos. I n’arati nia che chësc sides le dër sistem da laurè. Por le plü ài l’impresciun che canche vignun à ciafè so scagn, se desmëntion gonot de chëra che ê la orentè di litadus. I oress recordè che pro les ultimes lîtes à ma 40 usc fat fora la desfarënzia. Les propostes y les idees che l’oposiziun porta dant mëssess bele ma por chësc fat inće gnì tutes almanco en conscidraziun. Ćiüna che é spo la dezijiun finala pòn bëgn inće se ponsè. Mo danfora mëssel ester respet y conscidraziun, sce nia por les porsones che à ciafè la crëta, almanco por chëres che ti l’à dada tres la usc de lîta.

I Ëis baié de soluziuns plü realistiches por le trafich. Ćiünes podess pa ester chëstes soluziuns? La chestiun é ći che i podun fà te n tëmp cört y ći che i podun fà te n tëmp plü lunch. Pro certes cosses messunse ćiarè de ciafè na soluziun atira. I pënsi chilò dantadöt al’incrujada de Col Alt al’entrada dl paîsc, che ćiara fora da pité: le trafich é stentè y tan bëgn la strada co i marciapîsc va ademal. Chilò messunse fà valch atira, zënza aspetè che al vëgnes fat n bel dé la zirconvalaziun. Iö vëighi ma dërt che la zirconvalaziun vëgnes realisada, mo inće ma a n valgönes condiziuns. Al mëss gnì valutè dötes les poscibilitês y ara mëss gnì studiada sciöche al toca, por evité che al sàltes fora dificoltês canche döt é oramai bele invié ia. Mo dantadöt, y chësc oressi sotrissé, mëssel gnì cherdè ite danfora la popolaziun y sambëgn i proprietars di terac. Spo nes mànćel tres ćiamò na

miù soluziun de sciöche i podun rovè fora cun les plazes da parchè y olà rovè pormez. Sarè jö d’isté la strada prinzipala é stada na bela cossa, dër aprijada dai sciori, mo i ne podun nia la sarè jö te na manira che la jënt ne röia gnanca plü te paîsc. Inće chilò mëssunse se sentè jö deboriada y ciafè na soluziun cun chi che vir y laora te chël raiun. Sigü él ćiamò dër tröp da laurè sön chësta tematica. I Ëis inće baié dl problem dl abité. Les secundes ćiases é n tema dër atual tl comun de Corvara. I prisc por le frabiché é ales stëres. Ëise pa Os na “medejina” por ciafè na soluziun a chësc problem, y evité magari inće che jogn mësses jì foradecà a abité? I ne sun degun dotur, mo inće sc’i le foss, n’essi dessigü nia la dërta medejina da tó ca por chësc problem. Pro valgügn che cumpra ôl dagnora inće ester zacai che vënn. Chël che vënn é gonot na porsona da chilò, mo al é inće bele jënt da foradecà che à cumprè dandaìa, che mët man da vëne inant. Chësc é n comerz che sarà rî da tignì sö. Y al é veramënter da incrësce, deache i apartamënć venüs é ćiases mortes. Adinfora de valgügn mëisc al ann, canche al é bele insciö n gran busiamënt, él döt sarè sö, chît y öt. Dainré vëgnel metü fora val’ ciüfs sön balcun y al é inće bele sozedü che i geranns de plastiga é stà da odëi ćina do Nadè. Por nosta jënt él zënz’ater da chirì na soluziun aladô che ara pois stè chilò. I sun inće dla minunga che i hotì dess romagne hotì, tanco ćiases che pîta n sorvisc. Chëstes é spo les ćiases che vir. Cun le bun laûr che vëgn fat tl Consorz Turistich podunse dessigü sperè che an pois laurè tl’Alta Badia döt l’ann. Chësc ô dì plü poscibilitês de laûr, plü capital

Corvara é n tëmpl dl turism. Tan inant pòl pa ćiamò se svilupè do Osta minunga. Àn pa ćinamai bele arjunt le termo? Sce le termo é bele gnü arjunt, é döt da valutè. Iö sun dla minunga che l’ativité di hotì dess restè inant sterscia, chësc dantadöt por ći che reverda la cualité. Nia düć i sciori ô jì, o à le mö’ da jì te n hotel da 4 stëres. Al n’é inće tröc che chir i pici ambiënć, chi plü familiars y a n prisc plü bas. Avisa por i pici operadus é la situaziun incö plü ria. Al é ćiases che n’afita nia plü, ćiases cun manco leć deache al é gnü fat fora n cuatier por i mituns, y al é ćiases che porta inant l’ativité mo se stënta, deache la relaziun danter cosć y numer de leć ne stimenëia nia plü. Sciöche ejëmpl toli ca mia situaziun, cun na picia pensiun. An laora set dis al’edema, mo al é da spavënt rî. Sce al foss val’ let laprò, jìssera bonamënter n pü’ plü saurì. I arati porchël che dantadöt les pices strotöres adóres śëgn n sostëgn. Odëise pa che le tröp svilup turistich podess ester n prigo por les tradiziuns, la cultura soziala dl comun? Chësc zënz’ater! Aldedaincö fajunse tröp ma plü por le scior, i metun en mostra nostes tradiziuns y nostes usanzes scialdi ma plü pro defilades y manifestaziuns. Le tëmp che nes romagn por s’incuntè y se dè jö cun la jënt de paîsc é tres demanco. Spo me damani gonot: ći lerch se tignunse pa ćiamò por nos, ch’i ùn arpè chësc bel paîsc y ch’i viun chilò döt l’ann? I messun düć se mëte na man sön la cosciënza, fà n vare zoruch y ciafè indô le dër ecuiliber. Por fortüna stà la cultura soziala ćiamò en pè, por mirit dles tröpes uniuns y assoziaziuns ch’u ùn, olache al é porsones de valüta che porta ćiamò inant les tradiziuns. Canche al gnarà le dé ch’i n’arun nia plü uniuns, ôl dì che i nes ùn venü döt y che de nosc paîsc comana i foresć. Ćiüna é pa Osta posiziun sön le daz söi jus? Cun la situaziun de strades ch’i ùn n’él dessigü nia da baié de daz. “Daz” é na parora che n’éss do mia minunga gnanca messü nasce. Al n’é nia le cajo. Al vëgn dit che an ne po nia fà desfarënzia danter i foresć y la jënt da chilò. Chël ô dì

che i messarun inće nos paié valch. I n’arati propi nia le cajo che i messunse se dè instësc jö por i pîsc. Fora por l’Austria él inće bele caji olache i ostis i paia le daz ai ghesć por s’ai tignì dailò. Orunse inće nos jì n bel dé a ti paié le daz ai sciori? A ći mìnon pa da ciafè na soluziun? Plü scioldi? I arati bëgn che cun les cutes che vëgn paiades chilò tl’Alta Badia o inće te Gherdëna, pon s’aspetè da ciafè strades indertöra inće lediamënter, zënza messëi jì a paié n daz surapro. Tla finada messaràn bëgn inće paié por trà ite de bona aria. Laôta che le Comun à fat na delibera por le daz söi jus, sunse inće iö stè a öna, mo les condiziuns ê d’atres. Al gnô dit che al foss gnü dortorè les strades, arjigné plazes da parchè, sorvisc y i.i. y dantadöt che al foss stè na cossa unificada por düć i jus incër le Sela. Aldedaincö n’é chësc nia plü daldöt tler. Al vëgn baié tröp de Ladinia Unida. Odésses pa inće de bun edl na colaboraziun plü strënta cun osc comun vijin da Fodom? I arati che i unse dagnora albü de bogn contać cun Fodom. Sciöche aministradus s’àldon magari n pü püch, mo al é tres n cer’ contat. Sce chësc foss plü sterch, ćiodì pa nia? Chël é tres na bela cossa. Ći ô pa dì por Os ester ombolt? Dandadöt ôl dì ester gnü cherdè tres la lîta a rapresentè la maioranza di zitadins y cun chël inće süa minunga. Al ô dì me mëte a desposiziun, zënza fà desfarënzies, cun dötes mies forzes y mies capazitês y avëi na orëdla por ascutè sö i problems de vignun, por porvè da chirì la miù soluziun. Mo nia ma chël. Ester ombolt ô inće dì me dè jö cun les propostes dla oposiziun, les tó en conscidraziun y les valutè por ći che ares é y nia por chi che les fej. Les stritaries por forza ne porta nia de bun a degügn. Ćiodì dess pa n zidatin Ves lité sciöche ombolt? Do avëi odü inće i resultać dla ultima lîta, jüs dlungiaìa por tan püch, arati dërt che al me vëgnes dè inće a me la poscibilité da desmostrè mies capazitês. Mo dantadöt dess le zitadin me dè la usc sce al crëi, sciöche iö, che nosc paîsc dess romagne inant tles mans de nosta jënt. Intervista: Pablo Palfrader

www.lauscdiladins.com

19


Val Badia

nr. 10 / 13 de merz 2010

Maestri de schi: nia plü l’estlusiva Co vëiga pa i direturs dles scores de schi la normativa europeica sön i sorvisc, che dess i dè la poscibilité a maestri da foradecà da insigné sön nostes pistes? I tëmps olache nüsc maestri â l’estlusiva podess tosc ester rovà Laûr - De forà s’à l’assessur provinzial Hans Berger sentè adöm cun i rapresentanć dla Ćiamena di Maestri de Schi de Südtirol. Aladô dla norma europeica por i sorvisc, déssel gnì liberalisé deplü seturs. Danter chisc inće le laûr da maester de

schi, mënacrëp y mënaschi. Chësc oress dì - dër scemplifiché - che maestri de schi da foradecà podess tosc gnì sön les pistes de Südtirol a pité so sorvisc por i sciori che fej les vacanzes chilò da nos. N scassarot por les scores de schi dla Val Badia? Ćina ćiamò fajô

dötes les scores plü o manco i medemi prisc: “Vir y lascia vire”. Sigü él che cun maestri da foradecà saràl na majera concorënza, che podess avëi inće conseguënzes söi prisc, él pö la poscibilité che i maestri esterns se pîtes a n prisc plü bas. I ùn orü contatè i direturs

dla scora de schi da Corvara, de Badia y d’Al Plan, por ciafè n “dessëgn” de sciöche an la pënsa tla Val Badia. Danter l’ater unse orü i damanè sce ai se tëm dala concorënza, sce ai vëiga le prigo che i maestri da foradecà druches jö i prisc y sce i maestri de schi da

chilò podess tl dagnì avëi manco laûr. Damanè unse inće sce n sorvisc de cualité po ester dezisif. L’assessur provinzial Berger â splighé che la cualité sarà tl dagnì ćiamò de majera importanza. (pablo)

messarunse adeguè le program dla scora ales esigënzes dl scior, a mëteman dal lingaz.

I sun a öna cun l’assessur Berger, nosta forza mess ester tla cualité ch’i pitun, spo él inće le prisc che stimenëia.

“Adatè nosta oferda ales esigënzes dl marćé!” N valgönes domandes a Carlo Comploi, diretur dla Scora de Schi d’Al Plan Usc: Carlo Comploi, tosc podess maestri de schi da foradecà gnì a insigné sön les pistes de Plan de Corones. Ves preocupëia pa chësc tla Scora de Schi d’Al Plan? Carlo Comploi: I arati che i n’unse nia bria da se temëi dai maestri de schi che podess gnì a insigné da foradecà. Nos sun cosciënć dla cualité y di sorvisc che i pitun sciöche scora de schi. Sambën é nosc laûr prinzipal chël da maester de schi sön pista, olache ai podess nes tó na picia pert de laûr. mo le scior d’aldedaincö se ghira deplü. Ai se ghira n gröm de sorvisc y comoditês che ma na scora de schi organisada bun po pité: cursc de vigni sort por pici y gragn, sides privat co te grup, por schi, brëia, paslunch, telemark. Spo la poscibilité da dè jö i mituns tla scolina dla nëi “Kinderland”, olache ai ciafa da marëna y na assistënza cun animaziun inće fora dai orars di cursc, por che le genitur pois stè zënza fistidi sön pista a se gode

la vacanza. Laprò aconsiëia i maestri de schi la dërta atrezadöra da schi y snowboard, aladô dla eté y dles capazitês tecniches. Chësc y d’ater zënza che le scior mësses passè por deplü mans o te deplü ofizi, laprò cun la poscibilité da ciafè döt te n pachet, ćinamai da prenotè diretamënter da ćiasa tres internet. La comodité alda pro la cualité, sambëgn zënza sotvalutè le laûr de vigni maester de schi sön pista, che messarà tres deplü se dè da fà por i jì adincuntra ales esigënzes dl scior. Öna de chëstes esigënzes é la comunicaziun: scora de schi y Provinzia mët da jì bele da plü agn n curs por imparè val’ lingaz implü.

Carlo Comploi.

Podess pa i maestri dl post perde laûr, dantadöt tles edemes olache al n’é nia tan de sciori? Sce i tolun en conscidraziun la crisa a livel mondial, mëssi dì che a nos nes vàra ćiamò bun. I laurun al 85% cun sciori taliagn, che tëgn ćiamò tröp sön nüsc maestri de schi y aprijëia nosc sorvisc ch’i

pitun. Sambëgn che tles periodes dla sajun plü “morta”, olache an vëiga tres plü sciori da foradecà sön pista - croać, slovenns, rusci, polacs, belgi etc., podarunse nen sintì. Chilò messarunse ti jì adincuntra ala domanda dl marćé. Chësc ô dì che te chëstes edemes

Na ora cun n maester de schi à so prisc. Ćina ćiamò fajô dötes les scores n pü’ i medemi prisc. Podéssel pa ester che maestri de schi da foradecà druches jö i prisc? Sambëgn che i maestri de schi che gnarà da foradecà se pitarà a prisc plü basc. Iö arati che i prisc mësses ester en relaziun ala cualité y al sorvisc che vëgn pité. Ćina che nos pitun nostes ofertes cun profescionalité, jintilëza, bona löna, ligrëza da stè tla natöra cun nostes beles contrades y beles tradiziuns, arati che i ne messunse nia se lascè mëte sot a druch, y che i podunse mantignì nüsc prisc zënza tema. L’assessur Berger à dit che la cualité s arà ćiamò plü importanta. Po pa la cualité avalié fora n prisc plü bas dandadöt te tëmps de crisa?

Co la Odëise pa tla chestiun de maestri abusifs? Podess pa chësc provedimënt i daurì les portes a maestri nia cualificà? Chësc é n punt dër important. Ćina ćiamò po i maestri de schi da foradecà gnì a insigné söles pistes dla zona al plü por 15 dis, sambëgn fajon na comunicaziun danfora ala Provinzia. Che düć chisc laores ćina a 15 dis, po bëgn inće stimené, mo i à n gran dübe che düć chisc sides bëgn maestri de schi. Sce al ess da gnì chësta liberalisaziun, spo m’aspeti che i maestri de schi da foradecà ais inće i papiers en regola y che i responsabli se tòles sö l’impëgn da fà i controi che va debojëgn. I speri che nosc assessur Berger ais inće ponsè a chësc. Intervista: Pablo Palfrader

“Al messarà gnì controlè!” Le diretur dla Scora de Schi y Snowboard Badia Peter Alfreider n’unse sigü nia bria da se temëi. I laurun dër bun cun ghesć taliagn, che vëgn vigni ann indô da nos. Dal’atra pert odunse che al vëgn n gröm de sciori dal est ca y chilò stentunse nos da i insigné, bele ma por le problem dl lingaz. Nos baiun talian y todësch, cun l’inglesc podunse sigü ćiamò miorè. Cun le raiun che i ùn chilò arati che al sides inće lerch por d’atri. I aratass che maestri da foradecà podess inće nes portè magari turisć adalerch. Al po inće ester n bun retlam.

Peter Alfreider.

Usc: Peter Alfreider, aladô de na norma europeica podess tosc maestri de schi da foradecà gnì a tignì ores sön les pistes de Badia. Ći po pa fà chisc maestri de schi? Peter Alfreider: Sce ai à la cualifica, poi gnì a insigné chilò da nos. Iö arati che sce al é na concorënza leala, ne podéssel nia ester n gran problem por nos. Cun le sorvisc che la scora de schi pîta,

20

www.lauscdiladins.com

N’Odëise nia le prigo che maestri da foradecà podess se tó tliënć a üsc maestri? Chësc n’odessi iö nia. Sambëgn messaràl gnì controlè che i maestri sides apost cun les cualifiches. Al nen sarà dessigü de chi danterìte che porvará da insigné zënza avëi les cualifiches. Chësc é n pü’ deplü le prigo. Chilò mëssaràl gnì controlè. I maestri laora dantadöt tles edemes da Nadè y carnescè. Fora dla sajun alta stënton magari da i dè laûr a düć. É chësta inće a Badia na realtè? I ne podess nia me lamentè che al foss stè püch laûr. Da Nadè él dër

tröp da fà, da carnescè inće. Te chësc tëmp unse ćinamai messü tó maestri da foradecà - taliagn. Tl dagnì jarunse inće a nen tó fora dla Talia, deache al é la domanda do maestri che baia inće d’atri lingac. Na ora cun n maester de schi a so prisc. Ves temëise pa che i prisc vëgnes drucà jö, cun chësta concorënza implü? Tan inant che al é na concorënza leala no. Iö n’arati nia che i junse a smendrì nüsc prisc, deache le raport prisc-cualité che i ùn tla scora de schi é sigü dër bun. I pënsi che i ghesć che conësc nüsc posć, starà inant pro les scores de schi, deache ai sa sciöche i laurun y conësc le sorvisc che i pitun, dantadöt por mituns. Porchël n’arati nia che ai müdes sön n maester che fej n prisc n pü’ mënder. Te tëmps de crisa po le prisc fà la desfarënzia, no pa? Nos ùn inće aumentè le prisc y ara é jüda dër bun. Ći che cunta é le sorvisc al tliënt. Le scior mëss se sintì tratè bun, avëi na sigurtè sce al lascia dailò so möt, che al ti sais bel y ala fin inće che al impàres valch. Inće chësc ann unse indô

albü la proa che i sciori é stà dër contënć. I ùn p.ej. albü chësc ann na sciora dla Croazia che ê stada l’ann passè en vacanza cun n grup che â bele le maester pro ëi. Chësc ann éra gnüda te scora de schi dijon che ara orô n maester dl post.

adalerch maestri che ne pîta nia na cualité tl insegnamënt? Chi che à la dërta cualifica, é sigü de bogn insegnanć. Chi che n’à nia la cualifica ISIA (standard europeich), ne po gnanca insigné chilò.

Él pa prigo che al vëgnes

Intervista: Pablo Palfrader


Val Badia

nr. 10 / 13 de merz 2010

“Le scior ô avëi valch deplü!” Herbert Pezzedi, diretur dla Scora de Schi Corvara Usc: Herbert Pezzedi, tosc podess maestri de schi da foradecà gnì a insigné sön les pistes de Corvara, dl’Alta Badia. Co odëise pa chësta novité tla scora de schi da Corvara? Herbert Pezzedi: Iö arati che i n’unse nia bria da se temëi. Ći che i se damanàsson, é che ai vëgnes cun i papiers en regola. I maestri de schi che é apost ne destürba nia tan, chi messunse azetè y bun. Plü da mëte averda él cun i maestri che n’é nia apost, chi che vëgn cun les ajentöres. Da Nadè y carlascè él laûr plü co assà, tratan le rest dla sajun ne sciafion magari nia da ti dè laûr plën a düć. Podess pa maestri da foradecà i tó laûr a chi da chilò? Sce ai vëgn, i tòli sigü laûr, deache ai ne vëgn nia ma da carnescè y da Nadè. Ai vëgn adalerch, se tol le laûr y s’un va. Ai ne vir nia la vita dl paîsc inće d’isté, da d’altonn y da d’aisciöda. Chësc

Iö n’arati nia. La chestiun é plü lere sce al vëgn adalerch grups o agenzies che se tol do so acompagnadù, che n’é magari gnanca maester, mo ma n assistënt. Chi n’à insciö nia i papiers apost. Sciöche dit, él l’important che i maestri da foradecà sides en regola y che chësc vëgnes controlè, sciöche nos gnun controlà dé por dé. Sce ai paia les cutes y é apost, spo ne podunse nos fà nia.

é le punt. Sce la jënt dl post nes sostëgn, spo n’ési nia tan da temëi. Na ora cun n maester de schi a so prisc y so sorvisc. Ves temëise che ai druches i prisc? Chësc podess ester n problem. La scora de schi fej fora i prisc bele da d’altonn y ne po nia jì sö y jö cun i prisc tratan la sajun y fà marćé. I prisc fać fora mësson ćiarè da mantignì. Sambëgn podess maestri da foradecà jì jö cun i prisc. Impò arati che le prisc ne sides nia dezisif por le tliënt. Dezisives é la seriosité y la profescionalité. I arati che i sciori ais plü ion maestri de schi dl post, che conësc le raiun, conësc les munts y sa inće n pü’ da ti splighé la cultura. Un che vëgn da foradecà ne sa magari veramënter gnanca da ti dì tan alt che n crëp é. L’assessur Berger à dit che i maestri de schi de Südtirol messarà mëte döt sön la cualité. Sc’i vagun na suposiziun: podess

Herbert Pezzedi: “Che ai druches jö i prisc podess ester n problem.” (Foto: Foto Honolulu)

do Osta minunga ostis inćiarié de te’ maestri da foradecà, por ti pité n pachet complet al scior - magari a n prisc plü bas?

Tan sintì é pa a Corvara le problem de maestri abusifs? Podess pa chësta norma - inće sce al vëgn controlè - ti daurì les portes a chësta pratica? Chësc ćiarunse da evité. Nos ne podun nia avëi maestri de schi zënza cualificaziun y insciö ne po gnanca chi da foradecà ester zënza. Por laurè damì messàssi mëte sö na scora de schi, ći che é bele plü rî, dantadöt sce ai n’à nia le sostëgn dla jënt da chilò. A Corvara ne crëi nia che chësc pois sozede, deache al é tan na bona colaboraziun cun

ostis, assoziaziun turistica, consorz turistich y copa dl monn. I n’un nia bria da se temëi plü co intant. Dal esperiënza che i Ëis sciöche maester de schi, diretur de scora de schi. Tan important él pa por le scior avëi n maester dl post? I sun diretur da 26 agn. I po dì che avëi n maester dl post é n aspet dezisif. I sciori ne baia nia ma de schi. Ai baia inće de cultura, al ti sa bel da aldì nosc lingaz. Ai ô bëgn jì cun i schi, mo ai ô inće valch deplü. Al i sa bel da avëi n maester scëmpl, che vëgn dala munt. Nos fajun chësc laûr por ligrëza, por pasciun y da dì él inće che nüsc maestri n’é nia ma maestri de schi, mo ai é gonot inće pro uniuns de volontariat, sciöche stodafüch, musiga, socurs y i.i. Chësc messunse inće tignì cunt. Chi da foradecà vëgn ma por i scioldi y dedô s’un vai indô. Intervista: Pablo Palfrader

Mediaset inće söl digital? Te Mareo y tl Comun da San Martin de Tor podéssera tosc garatè da ciafè inće i canai Mediaset tres le segnal digital. Mareo aspeta ma i injins aladô, por San Martin ôl ćiamò ester na conzesciun Te l e v i j i u n Canche al ê gnü destodè te Südtirol le segnal analogich por la televijiun, s’an àn tosc anadè te Mareo che al manćiâ valch: i canai Mediaset. Cun chisc canai à Mareo dagnora albü sü problems. Bele ai tëmps dl segnal analogich ne rovâ Canale5, ItaliaUno y ReteQuattro nia te Mareo, insciö che l’aministraziun de comun y HGV à messü instësc fistidié da l’arjigné. Le Comun â finanzié incër 52 miliuns de lires por cumprè i aparać da istalè sön l’antëna de Ju, y inće i mëmbri dla Uniun di Ustis ê gnüs damanà da contribuì cun na spënora. Insciö éra garatada da ciafè les trëi emitëntes.

L’antëna sö Ju: tosc déssel garatè da trasmëte inće i canai Mediaset tres digital, sides te Mareo co tl Comun da San Martin.

Cun le digital él gnü destachè düć i repetidus analogics, insciö inće chi “privać” de Mareo, y da en chël dé inant n’odôn nia plü i canai Mediaset, ći che à descedè cotan de critiches, dantadöt inće da chi dl turism. Te La Usc di 5 de dezëmber dl ann passè ânse intervistè le vizeombolt de

Mareo Paul Vallazza, che odô püćes speranzes por le segnal digital, dal momënt che Mediaset instëssa â desmostrè püch interes. Al parô che al romagness ma plü döes poscibilitês. Chëra da s’arjigné la televijiun a paiamënt (ej. Sky, Mediaset Premium) o chëra da jì tres satelit, olache al vëgn indere scurè jö n valgügn programs.

La soluziun indô de carater “privat” Paul Vallazza n’à nia lascè avarëi le status quo y é jü inant: tres la RAS-Rundfunk Anstalt Südtirol y la Mediaset éra jüda da ciafè na soluziun. Tla medema intervista zitada dessura, nes â respognü Vallazza che le diretur Mediaset da Mestre Leopoldo Bottero n’odô nia tröpes speranzes che Mareo ciafass la conzesciun da trasmëte le segnal. Jüda éra atramënter. Bele ala fin de dezëmber â Mareo te gofa la conzesciun da podëi trasmëte Mediaset en digital, ciafada diretamënter dal Ministêr dles Telecomunicaziuns. Vallazza nes dij: “Ara é jüda plü debota co ći che i ésson miné y inće Mediaset s’à fat gran morvëia che ara é jüda tan snela”. Śëgn manćiâl ma plü les atrezadöres aladô. Mediaset à desmostrè colaboraziun, y à fistidié da fà les mosoraziuns dl segnal por cherié n plann aladô.

al telefonn, messaràl por Mareo gnì baratè fora i repetidus y i trasmetidus sön l’antëna da Ju. La junta comunala de Mareo à dè so bunarat tla sentada di 9 de merz da fà chisc intervënć, la junta da San Martin à aproè l’investimënt le dé do. La spëisa dess ester döt adöm de incër 18.000,00€, sciöche Vallazza nes dij. Zifra che dess gnì partida sö en basa al numer de utënzes ti dui comuns.

San Martin aspeta ćiamò la conzesciun Por le Comun da San Martin é la situaziun n pü’ atramënter. Davide Erlacher, ćiamò vizeombolt dl Comun da San Martin, nes dij che le Comun à fat dan da apresciapüch n mëis la domanda da ciafè la conzesciun por trasmëte i canai Mediaset inće te so comun.

Ćiamò n’àn aldì de chësc vers degönes reaziuns, mo Erlacher é dla convinziun che la chestiun podess rovè a bun fin. Tl comun da San Martin ne ciafân gnanca tla era analogica i canai Mediaset - sciöche te Mareo - sce nia tres satelit. Dlungia i repetidus che ô ester por Mareo, messarà le Comun da San Martin inće istalè n modul implü pro l’antëna atuala. Paul Vallazza stlüj jö: “I ćiararun da baié cun i responsabli de Mediaset che ai dëides inant por che ara garêtes inće da ciafè la conzesciun tl comun da San Martin.” Insciö podess inće Mareo y San Martin rovè - val’ mëisc plü tert co i atri - tla famoja era digitala, tan pordicada. Śëgn mànćel na soluziun ma plü tl comun da La Val, che messarà jì ćiamò n ater tru, dal momënt che tres Piz de Plaies ne vara nia da rovè sö cun le segnal. (pablo)

Mareo y San Martin deboriada Intratan àn inće laurè adöm cun le Comun da San Martin por ciafè na soluziun, insciö che ara jiss ia t’öna, da ciafè Mediaset digital sides te Mareo co tl Comun da San Martin. Sciöche Vallazza nes à dit www.lauscdiladins.com

21


Val Badia

nr. 10 / 13 de merz 2010

La Müjiga de Badia tl ann iubilar En gaujiun dla reuniun generala ala fin de forà él gnü portè dant le program dl 2010. Le iubileum de 175 agn sarà al zënter dl’ativité. Söl program inće la presentaziun de na CD y de na publicaziun sön la uniun Lies - Cun la sentada generala, stada en sabeda ai 27 de forà, à metü man l’ann iubilar dla Müjiga de Badia, che recorda i 175 agn da süa fondaziun. Le presidënt nü Philipp Lerchegger à podü saludè por l’ocajiun 65 di 66 musicontri atifs, dui di 4 portabandira y dötes cater les margatënteres; chësc ô dì che dla uniun fej pert chësc ann bëgn 74 mëmbri. Gran plajëi àl fat da podëi saludè inće l’ombolt dl comun de Badia Iaco Frenademetz. Dal mëteman dla sentada él gnü recordè te n pice momënt de chît le musiconter Davide Valentin de Piz, ch’é stè por bëgn 52 agn pro la musiga. Ai 16 de jenà à la uniun messü tó comié. La sentada é jüda inant cun i punć al ordinn dl dé. Do che le cassier à portè dant la situaziun de cassa, à le presidënt portè dant süa relaziun. Al à orü rengrazié düć dla crëta che ti é gnüda desmostrada pro les ultimes lîtes, inće sce al é ćiamò dër jonn y cun püćia esperiënza. Al fajarà döt le poscibil por portè inant la Müjiga de Badia. Al va sambëgn debojëgn dl aiüt de düć - à dit le presidënt, spligan che i mëmbri dess inće portè dant propostes y critiches, tres a na manira che ares pois daidé da miorè la vita dla musiga. Ai plü jogn i à le presidënt racomanè da jì inant cun ligrëza te chësta bela uniun, inće sce chësc costa datrai cotan de fadia y sacrifizi. Le presidënt instës à cuntè che al ê rovè tla situaziun da orëi lascè, mo che al à paié la mëia da stè inant y che ara ti ess desplajü sce al ess tut chë dezijiun. Important él che düć canć vais inant deboriada y che vignun ćiares da dè le miù, zënza orëi i scrì dant ai atri ći che al foss da fà.

Na revista por l’Alta Gran suzes por “Enrosadira”, le magazînn nü dl Alta Badia, cun contribuć nia ma turistics, mo inće aprofondimënć sön tematiches atuales che interessëia le scior, mo inće la jënt da chilò Le presidënt nü dla Müjiga de Badia Philipp Lerchegger (amez en pè) porta dant la relaziun.

Inant éra jüda cun i atri mëmbri dl consëi, che à portè dant pinsiers y problematiches liades a sües inćiaries.

Laûrs pro le paiun L’ombolt à portè le salüt dl’aministraziun de Comun, sotrissan che ël y döta la popolaziun po ester capazi de avëi tan na gran musiga, che funziona bun y se dà dër da fà te paîsc. L’ombolt ti à fat coraje a düć, suradöt ai jogn, por che ai se proes y pórtes inant chësta uniun tan importanta tla vita soziala y culturala de nosta valada. L’ombolt à spo informè sön i laûrs che gnarà fać chësta aisciöda pro le paiun. La strotöra dess ciafè na majera importanza. Al gnarà slarié le post por stè a ascutè pro y suradöt gnaràl fat n punt sot la scolina, por podëi arjunje le paiun diretamënter dala plaza de dlijia. Chilò tóchera da i dì n gran dilan a nosc ombolt y a döta l’aministraziun de Comun, che à odü ite i bojëgns dla musiga y de dötes les uniuns che s’anüza dl paiun por sües manifestaziuns. Al ombolt n dilan particolar, por avëi desmostrè dal pröm momënt incà gran sensibilité por i bojëgns dla uniun, mo suradöt gran ligrëza

por nosta musiga.

N’edema de festa cun na publicaziun y na CD nöia Tla reuniun generala él inće gnü baié dl program d’ativité por le 2010, che arà al zënter suradöt la festa por i 175 agn, che metarà man la sabeda ai 17 de messè cun n conzert dla musiga da Comerio; la domënia ai 18 gnaràl tignì na matinée cun la Böhmische y n conzert dla Müjiga de Badia, deboriada cun düć chi musicontri che é n iade stà pro la uniun. Le lönesc ai 19 de messè gnaràl tignì na conferënza sön la musiga, cun esperiënzes de musicontri, films, registraziuns y na relaziun storica. Le mertesc él na proa daverta a düć. La jöbia gnaral pité n conzert dla musiga da Fones, öna dles mius musighes de Südtirol. Le vëndres sëra é dediché ai jogn, che podarà se devertì cun dui grups. La sabeda él söl program n conzert dla Müjiga di jogn, y dedô le conzert iubilar dla Müjiga de Badia, olache al gnarà inće presentè la CD nöia. La domënia é spo le gran dé de festa: dales 9.45 gnaràl zelebrè na mëssa sön paiun, acompagnada da musiga y cor. Do la funziun saràl i salüć da pert dles autoritês. Cun la presentaziun dla publicaziun por i 175 agn, metarà man la pert musicala dl dé, cun conzerć dles musighes da La Ila, San Ćiascian y Eltersdorf (Paîsc Todësc). Do la defilada dales 14.30, podaràn ćiamò ascutè les musighes da Poza de Fascia y da Cortina d’Ampëz, denanco lascè sön paladina le grup da bal/Böhmische “I Fegerländer”, che stlujarà jö le dé.

Melodies da dandaìa Le logo cherié por le iubileum de 175 agn dla Müjiga de Badia.

Inće l’ombolt à tut pert ala reuniun y à informè sön i laûrs che gnarà fać da d’aisciöda pro le paiun.

22

www.lauscdiladins.com

Le pröm conzert dl ann dla Müjiga de Badia sarà da aldì la domënia ai 9 de mà dales 20.30 tla ciasa Runcher. Ara se trata de n conzert particolar, te chël che al gnarà portè dant melodies sonades dala Müjiga de Badia dal 1936 incà. Tratan l’isté gnaràl sambëgn tignì vigni edema n conzert y ai 17 de otober tolarà pert la musiga ala festa dla Uniun dles Musighes de Südtirol a Maran. Le conzert da Nadè ai 29 de dezëmber stlüj jö l’ann 2010, che dess ester no ma por la musiga, mo por döta la comunité de Badia n ann de ligrëza y de festa. (Heinz Canins por la Müjiga de Badia)

Alta Badia - “Inrosadöra” é le fenomenn por chël che le nostes Dolomites se ilominëia de n cöch scraiënt da doman y da sëra. “Inrosadöra” é inće le foliet informatif nü dl’Alta Badia. Che à plajü ai foresć, mo dant adöt ala j ënt dl post. “Inrosadöra-Enrosadira Magazine delle Dolomiti” é le titul dla revista che an ciafa da chësc invern debann tles Assoziaziun Turistiches dl Consorz, ti hotì, tles ostaries, mo inće tles botëghes. Le magazînn é nasciü sön iniziativa de Antonio Signorini - inće le caporedadù - jornalist de “Il Giornale” a Roma y da tröc agn scior a San Martin de Tor, cun Le cuertl dla ediziun da d’invern de la pasciun por la Ladinia. “Enrosadira”. “Inrosadöra” à coiü adöm n grup de profescionisć che se dà jö enrosadira.info. N te’ magazînn cun i media. danter chisc Daniel che vëgn partì fora debann, po stè Töchterle de Pedraces, fotograf y en pè da su dantadöt por mirit dl responsabl dl contegnü: Roberto retlam, che arjunj te chësc cajo n Pallestrong de Badia, che se crüzia gran numer de leturs, inće sura i dl retlam; Gustav Willeit che à tut confins fora. Eserzizi comerziai, tla man la pert grafica. Tl grup de ostis, afitaćiamenes po contatè laûr él inće deplü journalisć de Pallestrong o Töchterle por cuotidianns locai y nazionai. Por inserać. Le fin primar de chësta mirit impröms dl sostëgn logistich revista, realisada tla Val Badia, n’é dl Consorz Turistich dl’Alta Badia nia chël da ester ma n foliet y de chël economich de Signorini promozional y turistich, mo chël y de n valgügn sponsors, él jü en da se dè jö inće cun tematiches stampa de dezëmber passa 15 mile atuales che atoca plü daimprò le copies per le pröm numer da scior y la jënt ladina che vir te d’invern. Chëste é jüdes ia - chël chësta valada. La revista por talian mësson dì - sciöche le pan y todësch, arà tosc inće val’ articul frësch. Al mumënt vëgnel laurè por ladin y inglesc. Dlungia les pro le numer da d’isté - al nen vëgn intervistes a personaji conesciüs, fora dui al ann -che sarà dan man ciafon inće informaziuns sön les anter jügn. Jogn y manco jogn che novitês dla sajun che vëgn, y inće à idees o vëia da scrì y daidé para, aprofondimënć, fać dagnora cun po tó sö contat cun Daniel n ödl critich, mo ogetif. (Elmar Töchterle o menè na mail a info@ Burchia)


Val Badia

nr. 10 / 13 de merz 2010

Pröm bal garatè En sabeda dan otedé à la Jonëza da Paur da Rina organisé so pröm bal, che à albü n bun suzes de publich Rina - Döt à metü man cun n bel retlam döes edemes denant. En la sëra dl bal él rovè adalerch n gröm de jënt da döta la valada, de Puster y ćinamai foresć che an ne s’ess nia aspetè. Por l’intratenimënt à fistidié le grup musical “Tiroler Wind” y danterìte i platleri da Lijun. DJ Robby à inće intrategnì i ghesć tla disco. I ùn albü l’onur da saludè l’aconsiadëssa provinziala Maria Kuenzer cun so om, che s’à godü la serada cun val’ de bun da mangé y val’ da bëre, passan val’ ores en compagnia y a s’la ciacolè cun nosta jënt. A mesanöt él gnü tignì la lotaria, presentada dal surastant de raiun Walter Valentin, ch’i orésson ćiamò n iade rengrazié por nes avëi daidé pro l’estraziun. Al é gnü trat fora i pröms diesc pesć, danter chisc dui iadi, n videl, n fonin, dui de bi cësć cun mangiaria y d’ater. I atri 80 pesć é gnüs trać fora atira dedô, ti lascian indô lerch ala musiga. I orésson tó l’ocajiun da rengrazié düć chi che à contribuì a chësc pröm bal, olache al à orü ester tröpes forzes y sostëgn da pert de tröpes porsones. N dilan a chi che à dè ca pesć, a chi che nes à lascè valch o nes à daidé arjigné ca y romenè ia. N dilan sintì i va ai sponsors por so gran contribut y sostëgn, ai stodafüch por avëi metü ia i auti y ćiarè do döta la sëra che

N dé me ponsâi... Na reflesciun sön 23.000 e-mails Da curiosè n dé tl program dles mails ài por cajo odü tan de mails che al é rovè l’ann passè te mia cassëta dla posta eletronica - indöt chës 23.000. Sce le 10% é mails de laûr, spo él bele tröp. La maiù pert é “spam” - ciomënt eletronich, cun döt che i à inće n filter che nen tignarà sö val’ milesc laprò - te n ann. Cun la tecnica d’aldedaincö se làscel sbordenè y trapolè i filtri de spam tan che an ô, chël vëigon dal tröp “ciomënt” che an mëss sferié jö dé por dé: da chi che me comunichëia che i à davagné val’ miliuns de euro a chi che ô che i cùmpres jö pilores por “potenzié” les prestaziuns, y chi

che arata che i ois jì vigni secundo dé en vacanza. Chi che laora tröp söl computer sa de ći che i baii. I à fat n pice cunt. 23.000 mails te n ann ô dì na mesana de 63 mails al dé. Sce i à dui secunć (sciazè) da sferié jö na mail, ôl dì che i sun stè 46.000 secunć a sferié jö mails, che foss 766,66 menüć o 12,77 ores. Tanco ài pordü tl 2009 n dé y mez de laûr ma por sferié jö les mails. Le tëmp é aldedaincö la cossa plü preziosa che an à. Al é da parentè che an mësses les “sciurè demez” insciö, “sciuran demez” ciomënt eletronich. Pablo Palfrader

Intratenimënt pro le bal dla jonëza da paur a Rina.

döt jiss bun y che degügn ne se fajess mè. Inće sce la data chirida fora n’é nia stada ideala, oréssun impò rengrazié chi che é gnüs adalerch: la jënt dl paîsc y chëra da foradecà. A düć i àl salpü dër bel y insciö sperunse inće da podëi organisé le bal inće tl dagnì, te n tëmp adatè.

I numeri fortunà I orésson inće publiché i numeri trać fora dala lotaria. Chi che à davagné n pest po telefonè ćina ai 12 d’aurì al nr. 340/6112086, dales

18.00 inant. I numeri é: 3040, 1923, 4941, 847, 1123, 3008, 2453, 3045, 4339, 191, 2903, 4960, 3187, 3234, 844, 1908, 3551, 53, 2781, 104, 2840, 2179, 803, 3218, 3490, 2199, 3967, 435, 4606, 1108, 289, 4239, 780, 2813, 91, 3664, 349, 63, 2952, 573, 1007, 3654, 119, 2812, 484, 3334, 475, 3726, 4209, 1286, 2248, 184, 3709, 1983, 2032, 309, 1046, 4193, 3753, 1050, 3023, 3242, 2610, 4473, 860, 4457, 770, 4549, 3729, 4361, 3931, 4321, 2780, 3717, 461, 4323, 852, 4927, 3308, 4480, 2358, 2810, 2651, 704, 2860, 2803, 2201, 2799, 169, 663. (christin clara) Mails, mails, mails.

Incrujada plü leria A Pedraces gnaràl dortorè l’incrujada por San Linert. La Junta Provinziala à dè pro da fà i laûrs, por n cost de 427.000,00€

La incrujada che porta a San Linert de Badia.

Viabilité - Cun chësc investimënt podarà dantadöt corieres y camions che vëgn da San Linert jö ôje plü saurì. “Sce chisc mesi ne mëss nia fà de gran manovres, vëgn chësta incrujada plü sigüda por düć”, spliga l’assessur Florian Mussner. Al é odü danfora da adatè 100 metri de strada statala y 50 metri de strada comunala. Aladô dl proietant Michael Mischi da Picolin, àn ćiarè da ne i rovè nia massa pormez ales ćiases privates, sciöche le Comun de Badia s’â damanè. Tla incrujada da Pedraces à dantadöt de gragn mesi sciöche les corieres dificoltês da ôje ite por portè la jënt pro i implanć da La Crusc y pro la ćiasa nadè de Sant Ujöp Freinademetz. Impede co fà n rondel, àn aratè damì da slarié l’incrujada atuala. A chësta moda ne ti röion nia tan pormez al residence dailò dlungia y le proiet se lascia finanzié plü saurì. Aladô dl proiet déssel garatè sön ur’ dla strada comunala inće val’ post da lascè jö l’auto. Tla proietaziun de chësc laûr àn albü na bona colaboraziun cun le Comun de Badia, che à inće metü a desposiziun les mosoraziuns bele fates denant. (ofize stampa provinzial)

N dé da musicontri… La Müjiga da San Ćiascian s’à presentè dan scolares y scolars dla elementara dl paîsc Lies - En sabeda ai 6 de merz é n pice grup de musicontri dla Müjiga da San Ćiascian jü te scora elementara dl paîsc a presentè la uniun y i stromënć che vëgn sonà. Do n pice marsc de introduziun, i à i musicontri presentè sü stromënć ai mituns. Pro vignun él gnü splighé n pü’ la storia, les carateristiches prinzipales, de ći perts che al é metü adöm, sciöche al vëgn sonè. Sambëgn él inće gnü dè na ćerćia dl sonn, cun n pice solo fora dla musiga de n film-dessëgn animé, olache i mituns à podü stomè le titul. Do n marsc de contlujiun sonè dal grup dla musiga, i él gnü lascè lerch ales domandes y curiositês di mituns, che é sciöche

dagnora stades dër granes! Inultima à düć i mituns ćiamò podü pié ite y porvè instësc da sonè i stromënć y an à podü odëi le gran talënt che tröc mituns éss bele por sonè val’stromënt. La Müjiga da San Ćiascian oress i dì n gran dilan ales maestres dla scora elementara por avëi metü a desposiziun le tëmp por chësta picia presentaziun. I sperun che al i romagnes ai mituns y ales mitans n bel recort de chësc dé y i sperun da i avëi trasmetü a un o l’ater la pasciun por le sonè, por che an pois n dé i odëi y i aldì tla musiga dl paîsc. Mirko Rudiferia

Musicontres y musicontri da San Ćiascian à dè na ćerćia de süa ativité musicala dan i scolars dla elementara dl paîsc. www.lauscdiladins.com

23


Val de Fascia

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

nr. 10 / 13 de merz 2010

Metroland él la soluzion più adatèda per i besegnes de la mobilità sa mont? Massimo Girardi, president de Transdolomites, met al luster duc i vantajes del studie de fatibilità de la firma Qnex de Busan, la proponeta alternativa a Metrolans, che à soscedà debatic e descuscions te Fascia e te dut l Trentin e emiscions. L met de integrazion con la rei de la ferata provinzièla. L smaorament de la oferta e la capazità de entener l besegn de mobilità, con manco trafich e manco besegn de piac dai auti. La creazion de neva oportunitèdes de vacanza e temp ledech, per ejempie metan en rei l tour di impianc portamont, con n efet manco pesoch su l’ambient.

La linia de la ferata

Mobilità sostenìbola - Per poder slarièr fora la analises, i obietives, la strategìes e la azions del studie de fatibilità de la firma Qnex-Soluzioni per la Mobilità en cont de la proponeta de coleament con la ferata Trent – Dèlba e dapodò jir ite te vigni un de chisc aspec fossa debesegn de “durèr” più piates di sfoes per più dis. Donca nos de Transdolomites aon pissà de meter a la leta de chi che fossa enteressà dut l material de chest studie, che anter l’auter l’é n muie chièr e l dèsc l met de fèr comparazions col projet Metroland. Chi che volessa aer chest material apontin pel l domanèr scrivan girardi.massimo@ brennercom.net opura a transdolomites@campingvidor.it. L material ge vegnarà manà debant en format pdf, con l’arsegurazion de l’anonimat e zenza che l domanèr volessa dir esser a una o ge partegnir a la sociazion Transdolomites. Nos sion deldut spervaji de la validità de chest studie, per chest volon se sproèr a l sintetisèr ence sun la piates de La Usc di Ladins.

Conzet de mobilità Tel tor dant la problematica en oget la Qnex, la firma de Busan, spezialisèda te l’analisa e la projetazion del trasport publich, che à lurà fora chest studie, la é pontèda via da l’idea che ge vel se cruzièr del servije dant che de l’òpera, passan travers desvalives vèresc per ruèr a meter a jir azions concretes. La pruma valutazion vegn fata sul conzet de mobilità: se la é sostenìbola, percacenta e razionèla la produsc manco congestion,

24

www.lauscdiladins.com

entesseament, revedoz, dependenza dai auti, con l resultat de valorisèr e caraterisèr l teritorie, soraldut te na situazion ambientèla delicata e preziousa desche chela de l’ambient da mont. Per na mobilità che ge vae dò ai tempes che muda ge vel meter a jir da nef l trasport con la ferata. Ma coluna carateristiches cognela aer chesta mobilità? La utenza residenta e turistica cogn esser conzentrèda enlongia na linia soula, cogn esser na mobilità locala emportanta, respet a percorsc più lonc, cogn esser na domana desvaliva via per la giornèda e desvaliva motivazions per se spostèr, no demò per lurier e studie.

I obietives Percheche na realisazion de chesta sort abie n segnificat ge vel vardèr de arjonjer chisc obietives. Na alternativa a la strèda per residenc, lurieranc, ghesć demò de passaje e che i stèsc soranet, con tempes de viac competitives e segures ence en temp de sajon. N coleament asvelt e fidàbol via per dut l’an, ajache ence te autra realtèdes turistiches pervalives béleche l 75% de la utenza é del post. Na rei sistematica de fermèdes sorides, che les serve i paìjes e i impianc portamont , con smendrament di tempes de viac e con na frequenza auta, vigni 30 menuc, per ruèr a 15 menuc en temp de sajon. L met de viajèr sorì, de gra a la carateristiches tecniches de infrastrutures e veìcoi, olache se pel lejer, pel montèr sù jent pedimentèda, col pacasc, col bàgherle, con la roda. L smendrament de spazies, revedoz

L’é stat tout dant trei ipoteses de percors de la ferata: Ciavaleis – Ora, n raion che no dombra n muie de jent, co na pendenza forta e na desvaliva aministrazion provinzièla; Ciavaleis – Borgo Valsugana, olache l’é debesegn de n tunel de 28 km., l’à n gran cost e no se pel perveder fermèdes; Ciavaleis - Cembra – Trent, che l’é l coleament più curt, l prejenta n smaorament de la utenza con 10.000 sentadins te Cembra e 15.000 a Mean e Gardol e l’à cosć mendres de realisazion. Demò per fèr vèlch confront, tel cajo de Metroland da Cianacei a Trent l’é pervedù 73 menuc; te la proposta de la Qnex, passan per Cembra i menuc doventa 79 ferman te duta la stazions, 72 se te l’orarie vegnarà metù ite vèlch treno diret che no ferma a Cembra. Amò apede, Metroland te Fiem e Fascia perveit 4 fermèdes, alincontra nosc studie n perveit 26, chest vel dir che tel prum cajo i menuc de vantac arjonc con la ferata vegn destrabonii ti tramudamenc da la stazions ai lesc de destinazion, ajache i mesi restarà embocé tel trafich.

Transdolomites e la Qnex envìa a veder i ejempies positives de mobilità che se pel troèr ti raions vejins.

Qnex l’é stat stimà che i cosć de realisazion de la linia sie de presciapech 800 milions de euro, con ite ence i mesi, 8 o 10 treni. Demò l cost del tunel de coleament anter Borgo e Ciavaleis enveze cognessa costèr béleche 680 milions de euro, zenza calcolèr i probàboi cosć maores de na òpera realisèda sot tera. Metroland donca l’é più peigher e l costa de più: conscidrà che ti tunels no monta sù nesciun e valif sun n treno che passa debel percheche no l’é fermèdes, cotant auta sarèles la speises de gestion e chi él che se les tolarà sù?

Conclujions Con n cost che se pel paragonèr a chel per l tunel Borgo – Ciavaleis, chel pervedù da Metroland, se pel enveze realisèr n coleament con la ferata asvelto travers la valèdes de Cembra, Fiem e Fascia, con tempes de viac pervalives anter Ciavaleis e Trent ence se l’é pervedù fermèdes te Cembra, ajache l percors é più curt; amò apede i tempes de viac é competitives e segures via per dut l’an, tant per chel che vèrda la mobilità locala che sui percorsc più lonc. Anter l’auter chesta ferata podessa esser tel medemo temp la pèrt nord del metró de Trent, con l’integrazion di sistemes che l’é jà, con gran sparagn economich e maor efizienza. Maor sarà l numer de sentadins che podarà aer na fermèda più vejina che l’é meso al lech da olache i ponta demez, maor sarà l suzess del trasport con la ferata: donca de chest vers Metroland no somea esser la soluzion miora respet a n sistem manco asvelto ma n muie più vejin ai paìjes e donca più bon de ge ruèr apede ai besegnes de la utenza. Anter l’auter Metroland l’é ence chel più ciaredous dal pont de veduda economich: tel studie

Chel che conta tel trasport con la ferata donca l’é sporjer n bon servije: proa de chest l’é l suzess del trasport con la ferata te la Pustra, olache l’é stat n smaorament

de utenc del 64%; auter ejempie l’é chel de la Val Venosta, olache na bona sinergìa anter la ferata e l servije de skibus l’é dò che registra n suzess semper maor anter i schiadores ma ence anter i pascioné del paslonch.

Scomenzadives per l davegnir Endèna nos jon inant con la prejentazions publiches del studie e per chest aon endrezà na scontrèda en lunesc ai 15 de mèrz da les 20.30 tel teater de la Circoscizion de Gardol – V. Soprassasso 1, olache saron nos de Transdolomites, ensema con Marco Danzi de la Societá QnexSoluzioni per la Mobilitá e Fabio Vanzetta, ombolt de Juan e assessor a la mobilità e energìa del Comprenjorie de Fiem. Ti dis passé aon ence domanà de scontrèr l’ombolt de Trent Lorenzo Andreatta e l’assessor a l’ambient e mobilità Michelangelo Marchesi, che anter l’auter l’é stat envià ence a la scontrèda de Gardol. Speron che chest enconter posse vegnir fissà bele prest ti dis che vegn, conscidrà che l’é de enteress per la zità ajache raprejenta n coleament dret con la valèdes dolomitiches e tel medemo temp la pèrt nord del metrò. Amò apede per la fin de mé e scomenz de jugn sion dò che endrezon doi dis de viac-studie, averc a duc, per jir a veder la ferates de Trent-Malè, Vinschgau e chela Retiches. Massimo Girardi President de Transdolomites


Val de Fascia

nr. 10 / 13 de merz 2010

Doi mendranzes, na fradaa Da Barcellona a Poza per cognoscer n teritorie e tecniches artistiches desferentes

Na bela ocajion de barat lea la Scola d'èrt de Fascia con la Escola Superior d'Art y Disseny de Barcelona.

Scola e sozietà - Dis de studie, confront e ejercitazions prateghes te scola, enterzé a momenc de cognoscenza del teritorie e de devertiment. Chest l bel program che la Scola d’èrt de Fascia ge à sport per duta chesta setemèna a n grop de studenc e ensegnanc, rué da Barcelona. Presciapech na ventina i catalegn (ma anterite l’é ence studenc che rua da etres Paìjes d’Europa e enscinamai dal Giapon) de la Escola Superior d’Art i Disseny de Barcelona che à tout pèrt a chesta setemèna de fradaa nasciuda anter la mendranzes linguistiches ladina e catalana e declinèda chest’outa tel setor de la comunicazion e esprescion artistica più che de chela linguistica. L lengaz de comunicazion, defat, ence per via de la provenienza desferenta di studenc rué da la Catalunya, l’é stat l spagnol, tolan ite ativamenter a chesta vida ence i studenc del Liceo de Fascia che

studia castiglian, col gran didament de la professora Patrizia Gross. L program, endrezà da la Scola de Fascia e coordenà da la professora Maria Pia Desilvestro co la colaborazion del professor Germano Basile, é peà via en lunesc con l benvegnù dat al grop dai studenc fascegn, che dapò per duta la setemèna ge à dat alberch te sia majons ai studenc rué da la Spagna. Ensema al salut, la sorastanta Mirella Florian à portà dant i obietives de chesta fradaa, che vel ge dèr l met ai studenc de duta doi la scoles de se baratèr esperienzes tel ciamp artistich e cognoscer tecniches desvalives, ma ence de se arvejinèr a n auter raion de mendranza con carateristiches e numeres deldut desferenc, per veder e pissèr sora a coche vegn sentù e vivù i elemenc identitères. I studenc catalegn à podù aer na pruma idea de la Scola d’èrt de Fascia vardan n filmat dopià per spagnol dai studenc del liceo, i à

vijità si spazies e dapò mèrtesc e mercol i se à spartì fora ti laboratories olache l’é stat endrezà la desvaliva ativitèdes. I à podù ideèr e lurèr fora na formela da entaèr tel zirm per dapò fèr la “pastiglia fiorentina” con la prof. Maria Pia Desilvestro, decorèr na cornisc duran la tecniches de tempra a ef, endoradura e sgrafà, proan ence l’aplicazion de stuch o ghips e l faus mèrmol, o amò meter ensema n sciatul de legn entarsià, sot la vida di ensegnanc Fiorella Brunel, Max Chiocchetti, Giancarlo Dallapozza e Miriam Weber. I studenc à aprijià dassen l’oportunità de emparèr tecniches neves, e a la fin i à ence abù la sodesfazion de poder se portèr a cèsa l frut de so lurier. Ma apede a l’empegn artistich ti laboratories no l’é mencià la ocajions de spas e cognoscenza del teritorie, ence de gra a la desponibilità de enc e istituzions locai. L rengraziament de la Scola de Fascia va per chest a la sozietà Catinaccio, che ge à dat l met de se passèr na di sui schi sun Ciampedìe, a l’Istitut Ladin che ge à sport la vijita al Museo, al Comprenjorie che ge à metù a la leta la mensa e a l’APT de Fascia che ge à donà a duc na chief USB per se portèr a cèsa te gofa informazions e materièl sun nosc bel raion dolomitich. Dant de peèr via envers Barcelona, l grop de studenc é stat ence portà a veder la zità de Trent e l MART a Rorei. Dai 18 ai 25 de oril sarà i studenc de Fascia a jir a Barcelona per reter la vijita e portèr inant na fradaa percacenta. (lg)

Dolomiti Ski Jazz Per duta la setemèna la manifestazion internazionèla de musega portarà dant evenc forin Fiem e a Moena, ruan per 2 outes ence te la Scola de Fascia. Ampò Fascia a livel turistich no à più volù sostegnir l’event Musega - Taca ite en sabeda ai 13 de mèrz la edizion numer 13 del Dolomiti Ski Jazz, l cognosciù festival jazz da d’invern de noscia valèdes. Per duta la setemèna via per l dì te la uties e enlongia i portoes de Fiem e de Lujia e TreValli vegnarà sport conzerc debant de jazz tradizionèl, blues, jazz vocal o funky e amò swing, musega gitana e contaminazions più modernes, e da sera sonadores de nonzech internazionèl portarà dant si conzerc ti locai e teatres di paìjes touc ite te la manifestazion, sot la direzion artistica del baterist jazz da Moena Enrico Tommasini. Ampò la manifestazion, che l’an passà aea vedù a Cianacei la prejentazion de l’aprijià conzert de jazz per ladin “Encresciadum. A dream & a Tale”, per endrez de la sociazion La Grenz, chest an ruarà pech deldut te Fascia, ajache l’APT de Fascia no à più volù sporjer so sostegn. Se pea via donca anché dal mesdì sul Cermis con Alessandro Lanzoni Trio & Francesco Bigoni e da sera te auditorium de Ciavaleis sarà l conzert de Greg Osby Quintet. Doman dal mesdì sun Obereggen sarà Gianni Ghirardini & Friends e da sera da les 9 al teater

de Juan Lorenzo Frizzera Trio e dapò al B’art de Pardac la Jam Session. En lunesc ai 15 da les 10 da doman te Sorastanza i studenc scutarà na lezion particolèra con conzert de Alan Farrington, e da les 12 sun Pampeago sarà Kicca & Intrigo, che se prejentarà ence l dì dò inant mesdì tel Palacongresc de Ciavaleis. Se jirà amò inant sui portoes de Fiem con Luigi Grasso Quartet, e al teater de Tieser mèrtesc da les 21.00 con Gary Thomas Quartet. En mercol che vegn te la Scola de Fascia ruarà Kicca & Intrigo da les 11 da doman, e sun Pampeago dal mesdì Bruna Sardo & the Funkyou e da sera Alan Farrington. En jebia sun Lujia al Chalet Valbona sarà la Ziganoff Jazzmer Band de Renato Morelli e amò en vender da les 9 da sera Clarinet Summit al Polo Scolastich de Moena e dapò Jam Session a La Grenz, semper a Moena. La manifestazion se serarà sù en sabeda ai 20 de mèrz con l Malastrana Quartet al Ski Center Latemar e da sera Gianni Cazzola Quintet te sala de Comun de Pardac per fenir con la Jam Session al B’art Predazzo. Dut l program del Dolomiti Ski Jazz é a la leta sul sit www.dolomitiskijazz.com

L baterist da Moena Enrico Tommasini, diretor artistich del Dolomiti Ski Jazz, che l’an passà aea prejentà l projet del CD e conzert de jazz ladin “Encresciadum”.

www.lauscdiladins.com

25


Val de Fascia

nr. 10 / 13 de merz 2010

I libres e l papier, me à semper sapù bel! Da egn per la biblioteca de Moena i empromet na senta più adatada, ma per endana no l’é amò stat troà na soluzion

Maria Piccolin, responsàbola de la biblioteca de Moena.

Moena - La biblioteca de Moena, a la fin del 2009, l’à dombrà 846 scric ite, de chisc 158 neves patoch e l’à dat fora a d’imprest 7.343 libres. La responsàbola l’é da passa 20 egn Maria Piccolin che con pascion la ge stasc dò e la se cruzia de soa gestion. Maria é cognosciuda ence per sie gran enteress per la storia de noscia val e de noscia jent e canche se rua te biblioteca de Moena, che che mai se ge domane, la é semper desponibola a didar e conseiar duc chenc. Sion jic a la troar te la majon di libres olache la ne à contà de soa pascion, de la biblioteca e de n muie de auter... Co éla la situazion de la biblioteca de Moena? “Noi fajon de pìcoi numeres confront a autre biblioteche, ma a pensar a coche sion metui fajon amò miracoi: la é pìcola, freida, burta, paza. L’é 21 egn che giö son chigiò e che i empromet de ne troar n post più adatà. L’era pervedù de ne lasciar int te la velgia ciasa Pichi, che l comun se à comprà, ma ades l’é vegnù fora che i pol ge meter int dut, fora che la biblioteca. Enscin ades l’é mudà cater aministrazion, ma no é mai troà nisciugn che ge enteressasse dalbon la situazion de la biblioteca. L post giust per na biblioteca l fosse vejin a le scole, chigiò l podesse ence jir ben, sion te mez

paes, se no fosse dute cheste sćiale da far. No l’é demò i velgiac che se lamenta, l’é ence le femene coi pìcoi, che le cogn lasciar junsom l bagherle e i portar su te brac. E portar su i libres, i pesa ence chi… Dò la lege de la Provinzia na biblioteca la cognesse aer 150 metres cadrac, chesta la n’à demò 113 e noi vedon che la é pìcola, canche vegn tosac a far compiti i empienisc duc i desć, ma no savessane olà n meter de autres. E dapò l’é dut fora de norma, l’é chel sćialin su per usc che guai se valgugn se fajesse mal. Co la scusa che i ne mana ben da n’autra man, l’é semper restà dut valif. I à ben comprà mìngol de coronele neve, ma ades l’é n zocol e n ciuzè. E le lum... giö die che no n’é n’autra biblioteca scì malmetuda desche logistica.” Éla n muie veia chesta biblioteca? “Chesta de Moena l’é stat la prima biblioteca de Fascia, i l’à averta del 1969. L’era i egn che tel Trentin i scomenzava a meter sù le biblioteche publiche, ma la jent la era jà usada a engejer percheche dant l’era chele parochiale. Na biblioteca te Moena la era jà jai cent egn te Ricreatorio, con chi libres fedrè de brun. Se l’era n post te la Talia olache la jent era usada a engejer l’era proprio l Trentin, la jent l’aeva libres en te ciasa, però fosc no i aeva l’idea de na

biblioteca publica. Inant da me l’era l Maestro Felize, i primes egn i toleva n maester a tegnir avert dò l’orarie de scola. Mia mare la me contava che l’era semper jent ju per le sćiale che spetava de vegnir te biblioteca. Se podeva scoitar co le cufie la musega, l’era semper pien de tosac che vegniva a far compiti, l’era dalbon na novità. Giö son ruada de l’89 ma l’era jà stat n bel smendrament de jent. Me recorde che da zeche ora l Maestro Simonin Maza l’aeva volù saver con che criterie che se comprava i libres, l’aeva fat na interogazion te comun; enloita le biblioteche no le podeva aer siöi libres, la Provinzia la i comprava e la ge i dajeva fora a ogne biblioteca, dapò n an passava n camion, i li toleva su e i n portava de autres.” Con che criterie vegnel tout ades i libres? “Compron i libres che va de più, vardon de encontentar più jent che l’é meso. Se se aessa l temp de ge star dò a la jent se podesse ge dar n mulge de conseies. Ma no l’é semper sorì ge jir encontra ence percheche la jent la cambia i gusć e dapò a engejer trop se pertende semper de più, se deventa semper più curgiosc. Giö varde de comprar ence n muie de libres de autores europeegn e ogne tant ence robe mìngol strambe, valch oita ge ciape: per ejempie giö aeve comprà l liber de Herta Müller inant che la ciape l premie Nobel percheche saeve che l’aeva scrit de la mendranza todesćia te la Romania e me aeve empensà che a noi ladign ne aessa podù enteressar. Duc chi che l’aeva enget i me dijeva che l’era n burt liber, dapò che l’à ciapà l premie Nobel i disc duc che l’é bel.” Troade desferenze anter i utenc foresć e chi da chiò? “Na, fosc na oita, ma ades no più. Chi da chigiò te cerc ciampes i é ence più agiornè. L’é jent che vegn da certe region de l’auta Talia che à gregn zircuic de biblioteche e donca i é usè e le durar. L’é jent che rua dal sud enveze che i se n fasc marevea de poder jir ti scafai e se cerner enstesc i libres percheche i é amò usè a chele biblioteche olache se cogn scriver int n papier, domanar l liber e magari un om, amò regolà de negher co le mese manie, desche del 1800, te porta fora l liber che to as domanà, donca biblioteche che no à scafai averc.” Cotenc libres àla chesta biblioteca? “L’à n patrimonie de 17.000 libres, ogni an n compron 7/800 e ogni an cogne vardar de tor fora più o manco la medema cantità. Ades i ne à fat n cors per emparar a tor fora i libres, fin jai 10 egn someava na roba scandalosa tirar fora n liber, percheche l’era l’idea che te la biblioteca se cogne tegnir de dut. Ogni an fajon l’operazion de scart, de solit trei oite a l’an,

26

www.lauscdiladins.com

vardan fora sezion per sezion. Canche tolon fora libres dal patrimonie cognon far na determina de scart che cogn passar te jonta de comun e vegnir sotescrita dal secretar.” Che fajede di libres che tolede fora? “L’é n trat de temp che no venon più fora i libres che scarton, ma ge i dajon a autre biblioteche: ge n’aon dat a Capriana e ence a Varena.” Che scomenzadive endrezade te biblioteca? “Per le scomenzadive se cogn aver l post. Giö vae te la scolina a ge engejer libres, opura ades che é n laor a ciaval anter la bibliotecaria e la storica, le maestre me mana i tosac per i didar a far enrescide storiche sul paes, sul ladin, su la toponamastica. Aon l servije internet ma no tegnon enveze dvd percheche no é l post olà i meter. Per emprestar dvd ge volesse aer ence n letor per controlar canche i te lo porta deretorn se i te à portà chel giust o che no l sie roinà, noi no aon nince n computer che lec i dvd.” Ve sàl che vegne fat pech per la cultura te Fascia? “A mi no me sà che sie na gran desferenza anter Fiem e Fascia. Giö son te na comiscion storica de la Val de Fiem, se aon binà proprio chisc dis passé e ence aló i se lamentava che mencia la cultura, e che a nesciugn la ge enteressa. A mi me sà che ence fora de sajon le é trope le scomenzadive de cultura (conzerc de bande, cores, teater...) fosc l’é na roba no tant conscidrada. L’é vera che se podesse far de più, ma se un völ, le fosse le ocajion.” Voscia pascion per la storia éla nasciuda te biblioteca? “S cì p erche che desche bibliotecaria é te man ence l’archif storich del comun. Giö son semper stata na gran curgiosa e canche i me manaa a chierir valch document per l comun stajeve ore a vardar fora dut, me documentave tant e coi egn me é vegnù chesta

pascion storica. Ades son deventada coscì tant fissada, me sà tant bel sentir chel odor de carta velgia, che canche son en ferie me n vae te autres archivies. Son stata tante oite te l’archif provinzial o te chel del Stat de Trent. Na oita ge aeve dit a ciasa che stajeve jù mesa giornada, enveze da mesodì ge é telefonà che no ruave su percheche me saeva massa bel star aló. I se à dit: “Speron che la rue amàncol sta sera!” L’é na pascion che é rità dai miöi de ciasa, ence a mio pare ge saeva bel se documentar e capir. Se pol dir che é scomenzà mìngol per laor e enveze ades l fae per pascion.” Che sort de biblioteca Ve piajessel aer? “A mi me piajesse tegnir na biblioteca con int duta la documentazion del paes, me saesse bel aer n archif fotografich per ejempie. Giö tegne sù semper dut chel che revarda Moena e ence la val, artìcoi, fotograf ìe, scric che vegn publicà sun desvalives sfoes, chela che ge vegn dit apontin letradura grija. Ence le copie de chele trasmiscion che vegn moscià a la televijion olache i rejona de Moena fossa bel tegnir sù te n archif, ma dant de dut ge vel aver l post, i mesi e l temp. Me aessa tant sapù bel poder jir te ciasa Pichi, me aeve jà empensà co se meter ju te chele stue.” Che él che Ve dasc più sodesfazion? “Me sà n gran bel coi tosac. Volesse che i se use a se comportar ben te biblioteca, che i respete le regole e la roba che l’é chigiò. Me sà n gran bel ge spiegar e veder che i à enteress a me scoitar. I libres e l papier me à semper sapù bel. Te mia familia i à semper enget n muie, mia giava la saeva adiment tòc de libres entriesc e en te ciasa i aeva na pìcola biblioteca. Sè ben da chi che é rità chesta mia gran pascion...!” N bel develpai a Maria Piccolin per soa desponibilità coi augures de bon lurier. Intervista de Monica Cigolla


Val de Fascia

nr. 10 / 13 de merz 2010

Pian pian, bel bel, la jent de età va inant con gaissa N 2009 serà su con gran sodesfazion dal grop di volontadives de Moena

L grop “Pian Pian, Bel Bel” endreza ogni an de bele gite su per nesc monc e a la foresta.

Sociazions - Temp de bilanz sozial e de le scomenzadive fate via per l 2009 per l grop da Moena “Pian Pian, Bel Bel” che é nasciù del 2002 e che te duc chisc egn à smaorà semper de più l numer di sozi e de le scomenzadive portade dant. N Grop nasciù per star dessema tel spirit de la sozialisazion e del dret empegn tel temp ledech che pel portar momenc de crescimonia culturala. Dassen n bel projet cultural e de vita che é avert a duc e che bina adum soraldut jent che à mìngol più temp ledech e che no à più sacotenc empegnes de familia: dassen na bela resposta al besegn de star dessema e a chel de cognoscenza de noscia cultura e de chela fora de cà. Chest grop del 2009 à portà dant n bel grum de scomenzadive al ben di passa 150 sozi scric ite; sia senta

é aló dal Piaz de la Premessarìa, n post metù a la leta da l’aministrazion comunala de Moena, da semper vejina a chesta e a dute le sociazion del paìsc. Per chel che varda l bilanz de l’an 2009 l’é da uzar fora che l’é stat rich de proponete con desvalive scontrade e anter cheste da recordar la vijita a la gejia de Sèn Vile con la spiegazion de Carla Zenti, la vijita al paìsc de Varena con la spiegazion de Arturo Boninsegna, apede a la vijita de la part storica de Ciajeole con la storica da Moena Maria Piccolin. Na bela lingia de scontrade che à metù al luster momenc de storia materiala e de l’art de nosc raion che de spes no é cognosciuda e che l’é giust che no la vegne desmentiada. Apede a cheste scontrade de carater cultural e artistich sacotante raide sa mont tant d’invern che d’istà, desche

chele sun Gardecia, fora per la Val de Cembra, a Caldar, Aldin, ite per l Friedrich August, ti labirinc del Latemar e via per i leghes de Lujia. Ma l grop “Pian Pian, Bel Bel” à metù dant na vijita ence al museo Ladin de Badia, al Museo Egizio de Torin apede a la partezipazion a la giornada de Poza dedicada a la roba durada. N gran grum de scomenzadive che fasc de chest grop na sociazion dassen leada al teritorie e che an dò an smaora so ciamp de atività e coscita sarà ence del 2010 con n bel calandar de proponete. Per duc i enteressé vegn fat a saer che ogni lunesc sera la senta de via Premessarìa a Moena vegn tegnuda averta, chiò se pel aer ence informazion per se enscinuar a chest grop feruscol per n temp ledech più rich umanamenter e culturalmenter. (dvt)

La Scola d’Èrt de Poza al luster a Folgaria I studenc à zipià na gran statua de neif che raprejenta la mascotte di campionac del mond di studenc Scola - No demò agonism ai campionac del mond de schi di studenc che é stac endrezé chisc dis passé a Folgaria, Lavarone e Luserna. Endèna che i atlec de la desvaliva delegazions tolea pèrt a la garejèdes sportives, n grop de studenc de la Scola d’Èrt de Poza se à dat jù te la realisazion de na

gran statua de neif de Bek, la mascotte de la scomenzadiva trentina, zipièda tant tel zenter de Folgaria che a Lavarone e a Fondo Grande, olache l’é stat la garejèdes de schi. L coordenador del grop, l professor Tiziano Deflorian, l’à dit che no l’é stat n lurier sorì per via

de la temperatures ciaudes, béleche da d’aisciuda, e defat te chesta condizions no l’é sorì zipièr la neif. I studenc, che é stac selezioné aldò del rendiment scolastich, à dassen creà na beliscima òpera e i à sapù fèr front a duc i dejèjes. Se sà ben che per ic no l’é stat la pruma ocajion de desmostrèr sia

contribut ai campionac del mond de schi di studenc realisan i trofees di venjidores, cernui a la fin de n concors endrezà delaìte de la scola, anter passa 30 desvalives projec. Segur na bela esperienza che desmostra la valuta de chest Istitut d’Èrt, no demò te Fascia ma ence foravìa.

capazitèdes artistiches zipian te la giacia ajache i studenc de la Scola d’Èrt de Poza vegn tras domané via per l’invern per creèr chesta gran statues. Aboncont per ic se à tratà de na gran oportunità apede che de na positiva e costrutiva esperienza. Apede a la statues de giacia i studenc de Poza à dat sie

Chi él pa? Soluzion del retrat su La Usc nr 09 L retrat che aane publicà su La Usc nr 9 del 2010, ne era stat portà da Anna Gross de Ciaria maridèda Lorenz, che l’é la pìcola beza del retrat sun brac de sia giava Marianne “Nanna” Dovolavilla de Giat da Penìa. L’era senester da capir chi che l’é la persones, ence percheche se trata de n retrat veie e ence mìngol scur. Anna la ne à dit che

l’é stat fat ite per l ’32: l’é curious veder coche i pìcoi bec vegnìa fascé ite strent, Lino Medico, che chest’outa à uzà su bandiera biencia, ne à dit che adertura ge vegnìa fascià ite ence i brac. En cont del retrat publicà su La Usc nr 8, fat del 1937 al cors di ejercizies spirituèi a Sèn Jan, ne é ruà amò vèlch prezisazion. Carlotta Deluca de Canucia da Vich ne à

dit che la numer 5 l’é Oliva Zanet de Ciat, fémena de Celestino Ghetta da la Filo; la 10 fossa la fémena de Tita Delmonego de Chirchin, che cognessa aer abù inom Maria; la 13 Orsela Zanet maridèda con Depaul Zuprianon da Moncion; la 14 no l ’é Aneta Weiss, descheche dijea Franca Trottner, ma la maestra Pedron, mère de la maestra Clorinda e

2

pruma fémena del maester Valantin Pollam. La 22 l’é la fèmena de Oto Cigolla de Fiech, descheche l’era stat dit, e l’aea inom Lina, e la 32 Angelica Bernard de Sciain femena de Lodovico Rasom. Chesta setemèna, ajache l’é endò vegnù la neif, ve meton dant n auter retrat da d’invern. No ve dijon endèna chi che ne à portà l retrat, se no fossa massa sorì endoinèr, e

9

5 4

1

speton voscia respostes te redazion a Sèn Jan per telefon o fax al numer 0462.764545, o per mail a la direzion lausc@ ladinsdefascia.it. Ve envion ence desche semper a chierir fora e ne portèr i retrac veies che aede te majon, per seghitèr a viventèr noscia rubrica e ne didèr a meter ensema vèlch mizacola de la storia de noscia jent.

10

7 6

15

8

2

14

3 1

17 16

18

11 12

13

www.lauscdiladins.com

27


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

“L Secol Ladin“ Ntel film – documentar, prejenté nchëstadì Bolsán, l é ence le prezioje testimoniánze da Fodom de Bino Scimon (Rechia) e Luciana Palla

Luis Durnwalder saluda la Veronica “Sfersada”

Bolsán - En juoba, 4 de mèrz, da le 6 da sëra, l é sté a Bolsán la „Premiera“ del film-documentar “Das Ladinische Jahrhundert”. L film l eva ste tout su per la pèrt che auda Fodom l isté passé, cánche Bino Scimon l eva ncora bon de conté e se recordáva scialdi de cánche i Fodomi e n particolar sua fameia i à mossù lascé dut chël che no steva su nen ciar e jì profughi a gauja de la Pruma Gran Viera. Se sà, nta Fodom chësta l’é passada soura dut fora: la jent profuga nte tiera foresta, nte le val vejine o fin en Boemia, autri via per l Piemont o jù per la tiera del Abruzo: le cèse, come le gliejie, al 98 per ciánt brujade jù o desfate da le granate, la campagna restada ilò per 4 agn senza che la pobe de cà sciansoni

e blava, le stale vuote. “Bino Scimon l é sté n testimone prezious” - l ne disc Gerhard Mader, a la prejentazion – “sua memoria coscita viva auna a sua partezipazion coscì sentuda, tánt da se comuove a conté sua storia, l é n document che no n’èsse mèi speré de podei mëte auna.”E sua ousc la dijëva duta sua comozion e a nos ne vigniva i ogli plens a pensé che doi dis davánt l onve compagné via n cortina. Laprò meton le testimoniánze portade da nosta dr. Luciana Palla. Nte tánc de agn de studi l’é ruada a ne trè fora la storia de Fodom del ultimo centené col dejdrujum de la Gran Viera e dut chël che la jent à mossù se patì e l temp critigo de le opzion del ’39 ulà che paisc e fameie se

despartiva. De chëst s’à sentù trope ousc: de chi che no n’à volù opté, de chi che à dezedù de se n jì e de chi che à volù se n tourné a cèsa. Tra chisc l’é la Veronica Palla (Sfersada) che la fenësc col dì che “meio se stà a cèsa sua”. De le opzion descor raprejentánc de dute le Val Ladine e se sa ben le minonghe le se desferenzia e ven fora n quadro très plu rich de nformazion e de nsegnament a chi che ven davò. L film l é n doi pèrt de 45 menuti e l vignarà mostré a la Rai Sender Bozen ai 19 e ai 22 de mèrz 2010. Per ntánt l é per todësch (fora de chël che conta l Bino e la Luciana che l é n talián), ma i à mpermetù che l vignarà traslaté n talián e ladin. No sté a ve l pierde che merita l vedei e se fè chèlche pensier. (Bruna e Michela)

Bino Scimon.

Sui trioi… del centà N nuof coro de tosac nta Còl

L nuof coro de tosac co la diretrize Roberta Codalonga.

Còl - “Il tuo canto sarà il canto mio, il ritmo tuo, il ritmo mio”…. con na melodia saurida, ma ntel medemo temp piena de significat, dal titol “Solidarietà”, con parole e musica de Giorgio Pressato, l è pèe via la strada dei picui cantori, che da pi den an i à dezijo de se impegné nte sta atività. Bel adajio, un a la ota, i tosac i é ruai apede e i à scomenzé a centà auna, fin a mete n pe l grop che ades l é fat de 17 elemenc, tosac e tosate, da Col e da Selva de Ciadore. N laor

28

www.lauscdiladins.com

no semper saurì, ma che fin ades con sfòrz, voia e gaist l à portà a de bogn resultac. Basta ié crède. L pico còro l à fat i suoi prim varech co la partezipazion a la Messa ai 7 de novembre del 2009 nta Col, ai 29 de novembre nte Santa Fosćia, e ai 15 de dizembre 2009 nte la gejia de San Laurenz nte Selva per l scomenzament de la noena de Nadal. L pico còro l à incia centà n ocajion de la festa de San Nicolò, ulache nta Col s’à binà sun piaza n momton de tosac, l à

centà incia a le scòle medie de Ciaurì per la festa del Nadal. Na esperienza per mi positiva, soraldut l stà ntamez ai tosa, incia con dut l crabalt apede ju (che no l mancia mai ), la inconsent de capì mèo le robe, la inconsent de podè vardà, ncora n viaz, la vita coi voge den tosat. Pi den viaz ài pudù ve de con cotanta determinazion che i tosac i proa, i vol ji navant incia se valota i se stenta, ma semper con n sorijo che dà la forza. Ma incia perceche l centà nten còro vol dì spartì fadia e passion. Vol dì se mete auna con chi auter, mete auna os desferente, lassé luoch a duc, deventà amizi. Dut chest no l é saurì, ma con n varech darè l’auter se pol de segur ruà japé. Gramarzè a le famèe, che semper l é da na man apede, e a Don Sergio che l ne met a disposizion i locai de la calonia de Selva dute le stemane per le prove. Gramarzé incia al maestro David de la Scola de musica del International Music Institute de Sedico che l ne deida a injigné i spartiti e a la Nicoletta che la ne dà na man con sua musica. Duc chiche vol i é i benvignui, se se bina duc i martes da le cuater nfin le zinch del darè misdì nte la calonia de Selva. De ce elo debusegn? De deguna massaria ... ma domà de cotanta voia de centà, voia de sta auna e de portà tanta alegria. (Roberta)

nr. 10 / 13 de merz 2010


nr. 10 / 13 de merz 2010

Da Anpezo a Vancouver

Da morte, su ra crodes Dapò morte, se fei brujà, par dapò bicià el zendre in śiro; ‘l é una leje noa, che ra lascia el fei. Se scomenza, in Anpezo, su ra Croda da Lago, co ‘l zendre de Dino Buzzati

Dino Buzzati, nasciù a Belun, de ‘l 1906, morto ai 28 de jenaro 1972.

Canche ‘l é morto, deboto śa cuaranta ane, Dino Buzzati ‘l à lascià scrito de fei ujorà el so zendre su par ra crodes, su ra Dolomites. Inalora no se podea, ra leje su i morte, su ‘l porteà, su ra cremazion, che ‘l é r’uśanza de brujà i morte, ra dijea che no see podea bicià via el zendre, el scarà cisà agnó, ma che ‘l ea da ‘l tegnì sarà via, inze porteà. Ades ‘l é ‘na leje noa, che ra disc che se pó el fei, che el zendre el pó ese tegnù in ciaśa, o anche bicià cisà agnó, su ‘l mar, su ra crodes, el fei menà via da ‘l buiroto. Coscita Almerina, so femena de Dino Buzzati, e alcuante so amighe i à deziso de ‘l fei, e i s’à pensà de ‘l fei ca in Anpezo, su ra Croda da Lago. Ci che à conosciù chesto gran scritor, jornalista, pitor, nasciù a Belun, me disc che el ‘l arae abù propio acaro, de fenì su i sasc de ra Croda da Lago: “Là, su chera paré, ‘l é stà ra prima ota che ‘l é śù in croda dasen – el se recorda Rolly Marchi – e canche se caminaa, in śiro par ra val de Anpezo, el me ra mostraa e el me recordaa ogni ota chesto tanto. Su ra Croda da Lago ‘l é stà

anche r’ultima ota che ‘l é śù in croda, parcé che son stà io a ‘l menà, de setenbre de ‘l 1966, canche ‘l à fato sesanta ane; ‘l é stà un don, che ei vorù i fei io. Ignante ei scomenzà a ‘l menà a fei caminades, bela longhes, in śiro par el paes, par vede che el fose ben injanbà. Dapò, canche i ‘l ei dito, el no n’ea masa parsuaśo, ‘l aea festide, coscita i ei dito che sarae stà aduna con nośoutre una guida, un de i pi varentes a śì in croda, Lino Lacedelli, e el ‘l à abù acaro. Ignante de ruà su in son, i ei domandà a Lino de lascià śì daante Buzzati, par calche menuto, agnó che se rua su ra zima, e ‘l ón lascià da solo, che el se podese gode ra “so” croda”. Inze ra so ciaśa de Anpezo, a Ciae, Rolly Marchi ‘l à tacà su par ‘na paré ra fotografia fata de ‘l 1973, ‘l an dapò che ‘l ea morto Buzzati, daante a ‘l refujo Palmieri, agnó che ‘l é el, Lino de Mente, ra vedova Almerina e outre amighe de

Anpezo

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

Buzzati, che i ea stade su ra Croda da lago, par recordà chel gran scritor e chelche ‘l ea suzedù poche ane ignante. Almerina Buzzati r’é de spes in Anpezo, inze ra so ciaśa de Coiana, e ra conosce un grun de śente, inze ‘l paes, anche intrà i Scoiattoli; coscita podarae ese propio lore, canche vien ra bona stajon, d’istade, o beleche d’ousciuda, a fei ‘sto jesto. Un jesto che, se pó se imajinà, el fajarà pensà sora un grun de śente: sarà calchedun che vorarà lascià dito, anche par el, de fei conpain, o che el vorarà el fei co ‘l zendre de pare, de mare o de cisà ci. Se pó se imajinà che trope ebe acaro de fei ‘sto jesto inze un bel posto, no de seguro intrà ra fabriches, i stradoi, i ciaśamente de ‘na zità, ma su ‘na croda, su un lago, su ‘l mar, su un bel pra verde pien de fiore. Ra Dolomites, se pó ben se pensà, sarà un de i poste agnó che pi de calchedun vorarà ese sparpagnà. Ma, su ra Dolomites, sarai dute d’acordo de deentà ‘na sorta de gran porteà sote el ziel?

El Duomo de Milan fato de dolomia, su un de i depente pi conosciude de Buzzati.

Ignante su ‘l gnee, a Albertville 1992, dapò su ra jaza, in Canada, 18 ane dapò; r’anpezana Angela Menardi ra vive un’outra Paraolinpiade

Angela Menardi e Nicola De Santis, el presidente de ra Gis.

I s’à ciatà de un grun, inze ‘l vecio bar de ‘l stadio Olimpico de ra jaza, par saludà Angela Menardi, pronta par moe vesc Vancouver, agnó che ra sarà co ra scuadra taliana de curling, r’unica femena. A ra saludà ‘l ea i ome e ra femenes de ra società Gis, de ‘l Comun de Anpezo, aduna co ra autoritas, co ‘l capocomun Andrea Franceschi, co ‘l loudaduó a ‘l sport Herbert Huber, co ‘l consilio de ra Gis. El presidente Nicola De Santis i à donà i fiore e ‘na gucia, co ra scrita Cortina daante e el so gnon su ra schena. Dute i à fato tante augure, de se ra pasà, par ra doa setemanes che ra restarà in Canada, e de fei polito. “Ra nostra scuadra r’é ben pareciada – ra responde era – e ra podarae fei polito, ma se sà che chi outre i é fortes, chi de ‘l Canada ignante de dute. Io spero de tornà a ciaśa con algo de bon. Son ben leade, intrà de nośoutre, e se ra godon tanto”. Par Angela Menardi no n’é ra prima Paraolinpiade. De ‘l 1992

r’ea in Francia, a Albertville, co i schie da fondo, a fei doa gares. Scentada su i schie, era r’à vento un grun de gares, a i canpionate taliane, da ‘l 1990 fin de ‘l 1994. dapò ra s’à betù a śuià a curling, co ra scuadra de ‘l Club 66, aduna con Fabrizio Zardini, anche el un gran atleta de ra Paraolinpiades, ignante, co i schie, e con outre atletes de ra nostra provinzia, dute varentes, inze outre sport: Sandro Dal Farra, Daniele De Michiel e Stefano Tacca, co r’anpezana Michela Maioni. “Son drio a me parecià da un toco, e ‘sto inverno deboto dute i dis, fin de dezenbre, con chi outre, calche ota da sola. Canche i m’à dito che arae podù fei ra Paraolinpiades, ei pensà sora, parcé che saee che ra sarae stada dura, ma ades ei acaro de moe”. Angela ra restarà in Canada par pi de doa setemanes, fin a i 23 de marzo, e ‘pò ra tornarà inze ‘l so paes, agnó che dute ra speton, par i petà ra mas. Co ra medaia o senza, par nośoutre ‘l é conpain.

El puzzle zenza fin Ra vita pó ese un puzzle, el voito lascià da un toco, ‘na tesera che mancia e che no te riesces pi a ciatà, el pó ese ciamà deprescion Ra deprescion r’é ‘na maratia che ra se fesc sentì par un insieme d e “s i n t o m i c o g n i t i v i , comportamentali, somatici ed affettivi” che, betude aduna, i é boi de fei mudà el natural, fei dan al “śì ladin” de ‘na parsona e bete in furse ra braura de se adatà a ra vita soziale. Ra deprescion no n’é, donca, noma che un se sbasà de ra moda de ese, ma un grun de sintome, pi o manco intrigade, che desfesc anche a ‘na moda peśoca el come che ‘na parsona rajona, ra pensa e ra se fegura sé medema, chi outre e ‘l mondo intiero. Ra deprescion, da ra otes, r’é leada a idees de se fei mal e de se copà, e cuaji senpre ra se scorśe da poco nuia abado, de ese atente, stentà a dromì, a magnà. A ra fin, ciapà ra persa e

aé paura de duto, infinamai paura de ra paura. Duto chesto par dì ce? Beśen tornà nafré indrio, al 20 de dizenbre de ‘l 2008, canche Joani Sottsass ‘l à vorù s’in śì da chesta tèra, come par tuoi el desturbo e no in aé pi gnanche el, ciapà inze anche el da chel mal scuro che r’é ra deprescion. Joani ‘l ea un de i zinche fioi de Ugo da Pezie (Renato el conoscion dute polito, parvia che ‘l é un Scoiattolo, ruà anche su ’l K2). Joani ‘l ea nasciù de ’l 1974, ‘l aea donca noma che trentacuatro ane, ‘na esistenza masa curta par podé se ciamà vita, epura Joani r’à senpre calcolàda coscita, anche se el scriea: El puzzle de ra vita. I toche i é dute / ma agnó i bete? / Bete aduna ra

teseres / e desfei ra me vita. / Vardà el puzzle fenì / e pensà a i toche / de ’l me ese. / Mangare aé ‘na scatora / agnó bete via duto. Eco, chesto ‘l é el soneto che daerśe un libreto, vegnù fora da chel che el ‘l aea scrito inze ra memoria de ’l so conputer. Ugo, so pare, el m’aea damandà de vardà drio se se podea bete aduna chi pestuze de poesies e outro: ei abù acaro de ra oferta e acaro de ’l fei. Io no n’ei conosciù Joani e no saee nuia de el. El prin pensier, canche Ugo el m’à damandà ‘sto tanto, sarae stà chel de saé duto el poscibel de Joani; dapò ei pensà sora, e deziśo inveze de in saé manco che podee, par no ese ciapà da ra so biografi a, par cuanto scarsa ra podese ese. Chesto

parceche ei vorù ciatà inz’el negro su bianco, intrà ra righes chel che ‘l é scrito e anche chel che no n’é, ra metafores, el dito no dito, intrà r’infizes de i verse, chel scondù che se pó ciatà noma co ’l lieśe pi otes chel che Joani ‘l ea, chel che ‘l arae vorù ese e che fosc no n’é mai stà, e ‘l ei betù śo negro su bianco, su ra pajines de ‘l libro, intrà ‘na poesia e r’outra, e ognun che arà chera de lieśe, el podarà ese pi o manco d’acordo co ’l me sentì, ma de seguro ognun in ciatarà outre dute suoi, par ra lojica natural de ‘l òn de ese ugnolo co ra so moda de vede ra robes. Agnó che ogni òn, come i cristai de ‘l gnee, ‘l é diferente da dute chioutre, ma che, a diferenza de lore, ‘l òn ‘l à coscienza. Pas a ra otes noma che come diario, outre

tropo pi fonde, outre infinamai crude par ra so idea, el saé de ’l so cruzio, outre ancora come superbe par ra so poesia. Zenza śì a se perde co i parcé e parcome, se pó se fegurà con cuanto dolor ‘l ebe vito ra so maratìa, cemodo inveze outra otes el feje vede alegreza de ese anche coscita, cemodo che ‘l é: ‘na parsona, un òn che sà de podé voré ben, e fosc ‘l à anche sperà de podé el fei, come trope, co ‘na femena, ma fosc parsuaśo che sarae ben stà ra soa, de aé outrotanto indrio. Roba che sonaa stonà, inz’el so śa se sentì diferente. El libro el vienarà prejentà in Anpezo pi inaante; de seguro se fajiarà saé can e agnó. Tone A. Cuciarin www.lauscdiladins.com

29


Anpezo

nr. 10 / 13 de merz 2010

El saé de i vece Un recordo e un saludo par Silvio Menardi Menego, par anes inze ‘l comitato de ‘l vocabolario e prezios par ra Regoles, co ‘l so laoro Poche dis dapò de aé scorto Ivo Majoni Boto, Anpezo perde un’outra pajina de ‘l so saé pi vecio, gouja che ‘l é morto Silvio Menardi Menego. Coscita taje un’outra vosc, che r’à dà tanto, par ra cultura pi vera de ra nostra śente, de ‘l nosc paes. Anche Silvio ‘l ea un de chi che à lourà par anes, da ‘l 1986 a ‘l 1997, par parecià el vocabolario de ra Regoles d’Anpezo, inze ‘l comitato. Silvio ‘l ea de ‘l 1927, donca ‘l é morto de 82 ane, su ‘l ospedal de San Candel, agnó che ‘l ea da calche tenpo. Dinultima, canche el no se sentia pi de śì inaante, ‘l aea domandà che i lo portase a ciaśa soa, a Ciadin, viśavì ra jeja de ra

Madona. Fin dinultima ‘l à senpre abù acaro de dì ra soa, de fei algo, de dià ‘na man, par mantegnì ra parlada, ra storia, ra tradizios de ‘l so paes. Dapò che ‘l ea śù in pension, fenì de lourà in banca, co ra Casa rurale e artejana, ‘l aea senpre mantegnù el so bel spirito e el no manciaa mai de dià ci che śia da el, a i domandà algo, un gnon, una parola, un recordo. Se ciata scrito de el inze ‘l libro “Opzioni guerra e resistenza nelle valli ladine” scrito da Luciana Palla, agnó che ‘l é inze alcuanta testimonianzes e una bela fotografia de Silvio Menego, canche i ‘l aea tolesc co i todesche, de ra Seconda

guera, anche se ‘l ea un tośatel de sedesc ane, co ra mondura e el s-ciopo pi grei de el. De chel che ‘l à fato Silvio Menego, de ci che ‘l é stà, par Anpezo, outre podarà dì e scrie meo. Par intanto, a ra familia, a so femena, a i fioi, rue el despiajé de duto el paes e de ra nostra redazion anpezana de La Usc di Ladins. Ades, che ‘l é mancià anche Silvio, se penson, ‘na ota depì, che, infin che se pó, ocore tienì da conto ogni saé de i vece, che anche algo de pizo el pó śoà a fei conosce ra nostra storia storia. Un gramarzé de cuore, a dute i nostre vece, par chel che i m’à lascià, e par chel che i podarà me śontà pede. (mdm)

Fregores

Arte e storia in mostra Ra scora pi vecia de ‘l paes, co ‘na storia de 164 ane, con chera de śì inaante polito

El capocomun Andrea Franceschi, el preside Felide Doria, ra profesoresa Irene Pompanin, daante a ‘l caal de len de Dante Morozzi.

Ra Scora d’arte de Anpezo r’à ‘na storia longa, scomenzada de ‘l 1846, ruada fin ancuoi, destinada a śì inaante ancora par cisà cuante ane. Algo, de duta chesta storia, se pó el vede a ‘l Alexander Girardi, agnó che ‘l é stà fato ‘na mostra, che ra restarà daerta fin a i 11 de aprile. El dì che i à daerto ra mostra, ‘l à parlà el capocomun Andrea Franceschi, par dì cuanto che el comun ‘l à acaro fei, par defende chesta scora e duta ches’outres, che fesc cresce i nostre śoen. “Chesto an 2010 el segnarà ra storia de chesta scora – ‘l à śontà pede Felice Doria, preside de el Polo scolastico de ra Valboite – parcé che ra riforma, voruda da ra ministra Maria Stella Gelmini, ra fesc deentà chesta scora un liceo artistico. Chesto no n’ che un outro pas, de dute chi che à fato chesta scora, da canche r’é nasciuda, fin ancuoi. Da ‘l an che vien, i tośate che i se scrie inze, i scomenza un liceo artistico, e no in é de outre, in provinzia de Belun, propio inze ‘l luó agnó che ‘l é nasciù r’istruzion artistica, in Anpezo”. Alolo inze de porta, de ra mostra, ‘l é stà betù fora el gran caal de len, fato da Dante Morozzi,

30

www.lauscdiladins.com

El comitato par el vocabolario de ra Regoles: Silvio Menego ‘l é el prin in pes, a man dreta.

e consilier de comun. Dapò dute à podù śironà e vardà chel che ‘l é stà betù fora : vecia cartes, documente, atreze, projete, disegne, depente, laore de i tośate de ancuoi e de chi de agnere. Se sà, ra scora ra muda, cemodo che muda el paes e ra so śente, i laore che se fesc ancuoi no n’é chi che se fajea ‘na ota. Fosc, cemodo che à dito calcheduna, intrà ra femenes che vardaa ra mostra, ancuoi i fesc tropo depì i tośate e se vede de manco chel che fesc ra tośates, dute chi biei laore, co i feres, el fereto, ra bujela, che ‘l ea ‘na ota. Ancuoi ‘l é restà algo, su ‘l terei, e poco depì. El doman ‘l é duto da scrie, se disc, e sarà coscita anche par ra scora d’arte de Anpezo e par ra scora meśana che r’à śo par pede. Ades in Anpezo in é does, de scora meśanes: ra Rinaldo Zardini, che r’é inze co ‘l Istituto comprensivo, aduna co ra scora popolares Duca d’Aosta, e chera tacada pede a ra scora d’arte, che r’é inze ‘l Polo de ra Valboite, aduna co i licee, clasico e scientifico, co ra scora alberghiera e co ‘l istituto tecnico, che ‘na ota ‘l ea ra rajoneria e ades el mudarà gnon, anche chel. I gnomes conta poco, co ‘l é dinultima; chel che conta ‘l é che ra scora ra insegne algo a i nostre śoen, algo de chel che ‘l é su par i libre, ma anche algo de chel che śoa par vive, ra so vita da dagnadì, el so deentà ome e femenes de doman. (mdm)

‘l artista che ‘l é stà profesor e diretor de ra scora; ‘l ea pitosc malredoto, bicià inze un cianton, e i studentes i ‘l à comedà fora, drio chel che i à dito i so profesore, a scomenzà da Livio Barbato, coscita ades ‘l é là, bel, gran, e ‘l é deentà nafré el sinbolo de ra scora. Dute i profesore de ra scora d’arte i é drio a fei duto chel che i pó, par mantegnì i laboratorie, ra botega, agnó che i studentes i pó lourà, bete ra mas su i atreze, su ra machines; ‘l é chesto un de i valore pi grei, de chesta nostra scora, de chesta tradizion, che à fato cresce ra boteghes da marangon, inze ‘l nosc paes e inze ra vales ca pede. Parcé che i śoen i no n’é solo el doman de ‘na comunità: i é anche el valor de ancuoi. “Nośoutre, in Comun, son parsuaśe che see un nosc dover crede a i śoen, a i tośate de ra nostra comunità, e fei duto chel che se pó, par lore, par i dià a cresce” r’à dito Irene Un grun de śente, a vardà i laore de i Pompanin Marco, che studentes de ra scora d’arte, betude in mostra r’é profesoresa a scora a ‘l Alexander Girardi.

Alcuanta noes in curto, da ‘l paes e da fora I Ladis e el Veneto Ca de poche dis se śirà a votà, par el noo presidente e el noo consilio, a Venezia. De candidate in é un grun, e no dijon de negun, ma vardon a i Ladis. Chi por Ladis de ‘l Veneto, bartaśade, coscita pize, a vardà chi śo par pede, i spera danoo che a Venezia rue calchedun de bon, che el varde anche casù, par ra crodes, e che el vede anche ra śente, che vive su ra crodes. Ra Federazion intrà i Ladis de ‘l Veneto ra i domandarà a chiste candidate, e intrà de lore ‘l é anche el noo presidente, de i tende a ra nostra śente, de fei algo par me dià. Ignante de duto, par me lascià vive casù, agnó che no n’é par nuia fazile vive, agnó che se fesc pi fadia a mantegnì ‘l anbiente, agnó che ‘l é da se defende, da chi che rua da fora, par se cronpà duto e me desgatì. De seguro i sarà dute pronte a inpromete cisacé, che i fajarà duto, che i me dajarà duto. E dapò, ca de un mes, ca de un an, sarà da vede ce che i mantien, de chel che i inpromete.

Sisto Ghedina Fraio S’aea dito, su chesto sfoi, śa doa setemanes, che ‘l é deboto pronto el libreto su ra vita e el laoro de Sisto Ghedina Fraio. Trope i é curiosc de saé algo depì de chesta parsona, de el conosce nafré meo, pi che see i śoen, che i no n’à podù el conosce, o che i à sentù parlà de el da dotor. Inveze beśen saé meo ce che ‘l à fato, soralduto par i Ladis. Tropo de chel che se fesc ancuoi, se ‘l fesc su ra so fates, se camina su ra so zapores. Coscita el studio de Paul Videsott “Sisto Ghedina, una personalità ladina da ricordare”, betù su Mondo Ladino XXXII de ‘l 2008, el deentarà presto un bel libreto, pizinin, de poca pajines, ma asei par i rende onor a chesto òn. Inalora, de ‘l 1946, dapò de ra Seconda guera, fin de ‘l 1948, ‘l à fato de duto, par bete aduna Zent Ladina Dolomites, dià da outre anpezane, a par fei tornà dute i Ladis aduna, inze ra medema provinzia, inze ra medema rejon. Ma ‘l à ciatà

nemighe de chi catìe, pi che see inze ‘l so paes, in Anpezo, e ‘l à abù da zede. Ma el no n’é stà desmenteà, chel che el m’à insegnà, e ‘l é stà tolesc su da ci che à vorù fei el referendum par mudà rejon, ai 28 e 29 de otobre 2007, par pasà da ‘l Veneto a ‘l Sudtirol, par fei tornà aduna dute i Ladis de ra Dolomites. Cemodo che el vorea el.

El capovila I vilaje de Lazedel, Meleres e Jilardon i à un capovila noo. Dapò de alcuante ane de laoro, ‘l à lascià el so posto Joani Zardini Lacedelli Sgneco, coscita Umbert Walpoth, che ‘l é el sacretario de ra Consulta par meorà el paese, betuda a śì da ‘l Comun de Anpezo, ‘l à ciamà ra śente de chi tre vilaje, par ‘na foula, agnó che ‘l ea da loudà el capovila noo. Intrà i tre ome che i aea dito de voré el fei, ‘l é stà curà fora Renato Colli Surio, de Bruno, da Meleres. Ma ci elo el capovila? Ce śoelo, ce polo fei, ce braghier se tolelo su, un che dezide de fei ’sto laoro? “Duta ra śente de ‘l paes, che stà inze i nostre vilaje, ra pó parlà co i nostre capovila, par i contà de chel che no và, par dì algo che se podarae fei, par aé un paes pi bel. El capovila ‘l à da ese chel che lea ra śente de i vilaje co ‘l comun e che fesc sentì el comun pi pede a ra śente” – el me disc Umberto Walpoth.

Sode da ra Regoles Ra deputazion de ra Regoles d’Anpezo r’à deziso de dà fora sode par dute i studentes, fioi de regoliere. Ra families de chiste śoen, da i pi pize, che i và a scoreta, fin a i pi grei, a ra scora superiores, ‘es ciaparà 100 euro par pizo, a ‘l an. S’aea dito, ‘l an pasà, inze ra foula de aprile, che ra Regoles es podarae fei algo, par ra so śente, e chesto ‘l é un segn, che el se śonta pede a duto chel cera Regoles ‘s é drio a fei, da ane, par i dà ciaśa a i regoliere. Inze un mondo che muda, agnó che ra śente ra no laora pi ra canpagna, ra no arlea pi besteame, ra no và pi a bosco, muda anche ra Regoles.


Sport

nr. 10 / 13 de merz 2010

Polartec Scufonèda: 13 egn dessema ai joegn Razzoli: Fascia l’é mia seconda cèsa Gran sodesfazions per la manifestazion de telemark più emportanta de la Val

L podie de la categorìa Giovani: i atlec de la Monti Pallidi à arjont dassen de bie resultac. (foto Lucio Tonina)

Ence chest an la sociazion “Scufons dal Cogo” da Moena la se à dat n gran da fèr per meter ensema na lingia de evenc per duc i pascioné de telemark e de freeride. L’é stat metù a la leta di sportives no demò momenc de empegn ma ence de festa, de informazion e de aprofondiment. Tachèda via en lunesc prum de mèrz la Polartec Scufonèda à sapù meter ensema sport e devertiment e chest no à fat che dèr amò più luster e gaissa ben segur ai atlec, ma soraldut ai organisadores e al

sponsor american Polartec, che apontin l’à desmostrà na gran sodesfazion e la voa de jir inant amò a sostegnir chesta scomenzadiva. L telemark é nasciù fora per la Norvegia e ti ùltimes egn l’à soscedà l’aprijiament de n muie de jent, soraldut joegn. Apontin per i joegn chest an l’é stat metù a la leta n cors de arcedament al “schi col ciucegn desleà”, che à dat n bon ejit sibie per la partezipazion ai corsc che per i resultac arjonc a la garejèdes che à serà su la setemèna de la Polartec Scufonèda, en sabeda sun Sen Pelegrin con la Freeride Cup e en domenia sun Lujia con la garejèda del campionat talian FISI telemark, olache l’empegn é stat premià dai resultac di joegn atlec e ence di alenadores. La sabeda anter i miores tel snowboard l’é stat l’alenador di pìcoi Maurizio Davarda da Vich, ruà al secondo post tedò da Francesco Fersuoch e dant da Mauro Tarter. Amò 5° post per Cesare Brunel e 6° per Davide Rovisi. La domenia su la Mediolanum presciapech 50 concorenc se à batù su na pista La Scufonèda porta inant la filosofìa del dalbon senestra, con telemark, na vida più ledia e originèla de jir sauc, boes da schivèr e coi schi. (foto Virna Pierobon) toc dassen erc. Sot ite

podede veder la classifiches. Anastasia Cigolla da Cianacei, conseiera FISI, l’à spenù paroles de lauda ajache manifestazions sportives tanche chestes les é de gran ùtol soraldut a arvejinèr i joegn a na neva vida de jir coi schi fata te la maor segureza, semper aldò di regolamenc sportives e metan vèrda a la condizions del temp e de la neif. La manifestazion cresc an dò an, con gran sodesfazion de la firma americhèna Polartec, che met a la leta di atlec guants tecnics studié fora delvers e tel respet de l’ambient, ma soraldut di Scufons dal Cogo e de la U.S. Monti Pallidi da Moena, che veit premià l gran empegn portà inant per slarièr fora anter i joegn ocajions de conjobia agonism con alegrìa e segureza. (vr)

Resultac Campionat talian FISI Telemark Children: 1. Andrea Chiocchetti (1998) U.S. Monti Pallidi 2.10.28; 2. Daniel Costa (1998) U.S. Monti Pallidi 2.21.53; 3. Andrea Broglia (1998) Telemark Appennini 2.31.14. Giovani ic: 1. Patrik Canclini (1991) U.S. Monti Pallidi 1.42.96; 2. Ludovico Brezzi (1992) Sci Club Cortina 1.46.75; 3. Massimo Chiocchetti (1995) U.S. Monti Pallidi 1.52.67. Giovani eles: 1. Sabrina Beber (1993) U.S. Monti Pallidi 2.10.58. Senior ic: 1. Julian Giacomelli (1990) CS. Esercito 1.31.45; 2. Richard Zini (1984) Sci Club Livigno 1.33.78; 3. Christian Cusini (1984) Sci Club Livigno 1.33.82. Senior eles: 1. Francesca Tommaselli (1980) G.S. Giner 1.44.20; 2. Linda Vidori (1980) Red Devils Cortina 1.47.98; 3. Roberta Giordano (1974) S.C. Monti della Luna 2.21.72. Master ic: 1. Luca Dellantonio (1964) U.S. Monti Pallidi 1.47.97; 2. Gherardo Ghirardini (1960) S.C. Monte della Luna 1.52.36; 3. Felice Canclini (1962) U.S. Monti Pallidi 1.52.48. Master eles: 1. Barbara Di Chiara (1970) Dip. Cassa Risp. Veneto 1.47.97; 2. Fiorella Cenati (1958) U.S. Monti Pallidi 2.12.58; Piarosa Vigagni (1961) Brentonico Ski Team 2.24.92.

L campion olimpich de slalom l’é stat festejà sul portoi de Aloch olache l se à alenà

L campion olimpich Razzoli festejà te Fascia, con (da cencia) l vizeombolt de Poza Quirino Zulian, la conseiera Fisi Anastasia Cigolla, l presidente de l’Apt de Fascia Riccardo Franceschetti e l diretor Andrea Weiss. (foto Federico Modica)

Schi alpin - Dò la fadìes de Vancouver, i atlec de schi alpin i se à binà su la pistes de Fascia per jir inant con i alenamenc per la garejèdes de schi pervedudes dal calandèr de la sajon da d’invern. En lunesc ai 8 de mèrz sul portoi de Aloch l’era n muion la jent, foresta e del post, ruèda per ge fèr onor a Giuliano Razzoli, venjidor de la soula medaa de òr per l schi talian, che apontin per chesta sia bela venta l’é stat premià ence da la Val de Fascia. “La Val de Fascia l’é per me na seconda cèsa”, à dit l campion de slalom strent. N leam, chel anter Razzoli e la Val de Fascia, nasciù te l’ambit del projet “Piste azzurre”, la cordanza metuda a jir acà cater egn anter la Val de Fascia e la FISI con chela de ge dèr l met ai atlec taliegn de schi de se alenèr su la pistes de duta la Val, dal Belvedere al Sen Pelegrin. Te na cornisc de festa, anter desmostrazions de la tecniches del schi e esibizion di maestres co la focoles, l campion emilian é stat premià dal president de l’Apt de Fascia Riccardo Franceschetti, dal diretor Andrea Weiss, dal vizeombolt de Poza Quirino Zulian e dal conseier de la FISI Anastasia Cigolla. Apede a la paroles de lauda e ai complimenc per aer arjont la medaa, a Razzoli ge é stat sport da

l’Apt ence n bel pest: n chèder de legn del scultor da Moena Vigilio Jellico. Razzoli à rengrazià e amò n’outa l’à volù ge sporjer n develpai a duta la Val de Fascia, ajache el l se à semper troà ben te duc chisc egn de alenament, e l’é leà a Fascia ence per l recort del podie arjont te na garejèda de Copa Europa apontin sul portoi de Aloch. La grinta e l carater de Razzoli l’à portà chest an a la venta te la Copa del Mond a Zagabria, che la ge à dat l giust snait per partir dalbon engaissà envers l Canada. La venta de la garejèda de slalom strent - à dit l schiador - l’é stat “na legreza fantastica, siere tant conzentrà che no ge fajee nience cajo a chel che aee dintorn via, vedee demò la pista”. L’é apontin chest che l’à portà a venjer e a ge dèr amò più gaissa per la garejèdes che vegnarà. Venjer la garejèda de Copa del Mond a Garmisch, l’é chest l’obietif più vejin del joen atlec de Villa Minozzo. Razzoli, Mölgg, Simoncelli, Ploner, Gufler, Fill e Schieppati i se à troà chesta setemèna su la pistes de Fascia apontin per l’alenament en preparazion de Garmisch e amò di campionac taliegn de slalom strent, che se jiarà su la pistes de Sen Pelegrin e Falcade.

Da jiador a coach, con n bel ensomech... Marco Liberatore é capo alenador de la nazionèla talièna de la eles e assistent coach de Cornacchia te chela di ic Enstadì “Ice Hockey News”, rencurà da l’ofize stampa de la FISG de hockey, ge à dedicà na gran lèrga al fascian Marco Liberatore, alenador de la nazionèla talièna de eles e assistent coach de Rick Cornacchia te la nazionèla de ic. Nasciù a Cianacei del 1967, Marco Liberatore l’à arjont na longia esperienza tel setor de l’hockey, con de bie resultac dant desche jiador e dò desche alenador. Cresciù desche jiador tel Hockey Club Fascia, te sia cariera l’à vent 2 campionac con l’Under 20, l’à tout

pèrt a n campionat del mond de categorìa, l’à jià 9 sajons te la serie A e l’à abù 2 convocazions con la nazionèla olimpica. L’à lascià aló de jièr acà 11 egn, ma la pascion per l’hockey l’à spent a jir inant te chest ciamp envian via la cariera da alenador. Segur na bona spenta de chest vers ge é stat data da Pat Cortina, ex alenador de Fascia e ex capo alenador de la nazionèla talièna. Semper tel Fascia Marco à tacà a se fèr la pruma esperienzes de alenament, che dapò l’à completà e perfezionà desche alenador de la

raprejentativa trentina e de la nazionèla Under 16, ruan a corir apontin la encèries de assistent coach de la nazionèla maora de hockey de ic e de head coach de chela de eles. Enceben se la situazion de l’hockey de eles à abù n moment critich dò da Torin 2006 – disc Liberatore – la Federazion à azetà de tegnir en pe l campionat e anchecondì se é dò a fèr de bogn vèresc inant. L’obietif l’é chel de crescer semper de più e miec, per ruèr ai mondièi del 2011 te la

Franzia con l’obietif de venjer, ence se de contra sarà Republica Ceca, Corea, Danimarca, Gran Bretagna e Franzia, e no sarà sorì. Per chest se é dò a lurèr con gran empegn – disc amò l’alenador fascian - ma ge volessa ge dèr amò maor lèrga e forza neva al setor di joegn de la eles, ajache dò esser cresciudes ensema coi bec te la formazions di pìcoi, la maor pèrt entorn i 13 o 14 egn les arbandona l’hockey. Gran motivazion e gaissa donca tel lurier de Marco Liberatore, che per la nazionèla talièna de eles l’à ence n

Marco Liberatore.

ensomech: chel se califichèr per poder tor pèr ai jeghes olimpics del 2014, che se jiarà te la Russia. www.lauscdiladins.com

31


Sport

nr. 10 / 13 de merz 2010

Na SellaRonda con freit e gonfet Gran fadìa per i atlec su per i jouves, recordan Diego Perathoner

La partenza de la SellaRonda Skimaathon a Cianacei. (foto Newspower Canon)

Schi alpinism - Gran emozion de sentimenc e de sport a la 15^ edizion de la SellaRonda Skimarathon, stata en vender passà, che à vedù chest an i atlec pontèr via e ruèr a Cianacei. Na edizion dassen particolèra stata doi meisc dò la desgrazia de la levina del Pordoi, olache te na operazion de socors à perdù la vita Erwin Riz, Luca Prinoth, Alessandro Dantone e Diego Perathoner, ideator e president de chesta garejèda e de la Dolomites Skyraces, che se cor via per l’istà. La comozion é stata fona jà dant de pontèr via, col recort de Diego, che l’era l’ènema de chesta garejèda anter la più cognosciudes del setor a livel mondièl. Dapò la serèda é jita inant con emozions fortes, per i 702 atlec, ma ence per duta la jent ruèda a veder chi sportives spenc da na gran gaissa e da na preparazion spezièla per poder fenir na competizion de net longia 42 chilometres anter scur, freit, gonfet e fadìa. Ence chest an la SellaRonda Skimarathon à vedù sacotanta cobies proèr a se scriver ite speran de poder tor pèrt a chesta garejèda internazionèla de gran nonzech e sugestion. A la fin la dezijion é stata lascèda chest an a la sort, con na estrazion fata con tant de nodèr, per ge arsegurèr a duc la medema oportunità. Per chel che vèrda la garejèda, la venta finèla descheche l’era da

La cobia de eles Annemarie Gross e Maddalena Weger, prumes al travert. (foto Newspower Canon)

perveder é stata de la cobia con Guido Giacomelli del Team Alta Valtellina e Hansjörg Lunger, atlet del Sudtirol che cor per l Ski Team Fascia: na venta bela e segura, con la seconda cobia Thomas Martini e Matteo Pedergnana a béleche 11 menuc e più endò Thomas Trettel de Fiem col trentin Ivan Antiga. Te la classifica de eles Annemarie Gross, semper dal Sudtirol e tesserèda per l Grop di Bogn da Nia, é ruèda sul sćialin più aut ensema con Maddalena Weger, lascian tedò Barbara Gruber e Judith Grassl. Demò quinto post per Martin Riz, che da Sèn Stefen de l’an passà l’era te la Val Lastìes per l’intervent de socors coi cater amisc che no é più vegnui de retorn.

I venjidores Hansjörg Lunger e Guido Giacomelli. (foto Newspower Canon)

32

www.lauscdiladins.com

Martin no à volù mencèr per onorèr Diego, ma la comozion e i recorc à abù la soramessa, passan sul Pordoi. La venta finèla veit donca ence i colores de Fascia, a testamonech de l’aut livel arjont te val dal schi alpinism e da sozietèdes desche Bogn da Nia, Bela Ladinia e Ski Team Fascia. Dassen se duc se metessa dessema te na medema sociazion demò de schi alpinism, la Val de Fascia podessa aer l schi club più fort te la Tèlia: fosc i tempes i é madures per passèr sorafora divijions e antagonismes, e zeche somea ence che se sie jà moet envers chesta direzion. Staron a veder. Aldelà de chesta costion, l’é stat na 15^ edizion de la SellaRonda rica de fadìa, sport e agonism, te na serèda de pascion per l pensier a la desgrazia del Pordoi, ma rica ence de speranza e de valores che va soravìa l sport e l’agonism. I omegn i mor, ma va inant sia idees, si ensomesc, e coscita l’é stat per la SellaRonda Skimarathon e per Diego Perathoner: sia garejèda jirà inant e de segur sie recort sarà semper più fon anter i sportives. Ades l’apuntament l’é con la Dolomites Skyrace via per l’istà e dò amò per la SellaRonda Skimarathon. “Inant con tia idees” descheche l’é stat scrit sul codejel de prejentazion de chesta 15^ edizion de la garejèda, la pruma zenza l president Diego Perthoner. (dvt)

L Fascia pea via i playoff col pe dret Te la pruma doi partides di chèrc de la finèles l Fascia é stat bon de aer la soramessa su l’Asiago Hockey Serie A - I tant speté playoff i é taché. En sabeda ai 6 de mèrz la squadres de hockey del maor campionat talian les é pontèdes via con la pruma partida de la serie de scontrèdes dretes di chèrc de la finèles al miec de les 7, perveduda da chesta fasa de campionat, che à vedù l Fascia Levoni se tramudèr enscin a Asiago per jièr su la giacia de l’Odegar. I jiadores fascegn é peé via sobito con bona conzentrazion e preparazion aldò de l’empostazion tatica de Stirling. Ti prumes menuc de jech l’é l’atach de l’Asiago a se fèr pericolous con Ralph Intranuovo che se trèsc envers la rei de Dennis, che però l’é bon desvièr l puck. Pech dò se fèsc inant l Fascia con Lomanno, ma amò per dut l prum drittel l resultat resta cet. Dò la pruma paussa l jech somea tachèr miec per l’Asiago, che te 2 menuc de power play l rua 2 outes tedant a Dennis, semper bon de parèr i colpes. L bravo goalie ge dèsc forza e segureza ai jiadores del Fascia, che i ciapa gaissa e i se porta inant con na azion duta fata da jiadores de val: capitan Iori pèrt a man dreta, l ciapa l puck e l lo porta inant envers l portier aversarie, olache l’é Planchesteiner te na bona posizion che al 5’41 l lo ficia dret tedò Bellissimo. Bel ciarià, l Fascia va amò inant e al 17’10 Gerome Giudice l’é bon de se fèr ite te anter i defensores ruan a portèr i fascegn inant de 2 goi. Forc del vantaje i fascegn taca l terzo drittel amò con na bela azion de atach che porta al terzo gol. Crampton l se tira inant con l puck, te chela Locatin é bon de fèr fora i aversaries, ciapèr l dischet e ge l passèr apontin a Giudice, che l fèsc fora Bellissimo. La partida aboncont no é amò fenida e l’Asiago, enceben con pec jiadores, l rua a se vadagnèr amàncol n gol. Ti ùltimes diesc menuc de jech l Fascia é bon de tegnir poz e venjer coscita la pruma scontrèda di playoff, ruan de retorn da Asiago con la sodesfazion e la gaissa de la venta, ence se con l despiajer per l capitan Diego Iori, che à cognù jir te ospedèl per i colpes ciapé dai aversaries, che ge à rot l mus e fat ence perder i dents. Chest ampò no fera la grinta e la motivazion de la squadra e del “Super Capitan”, che à semper desmostrà de aer n gran cher dant da dut. Trei dis dò, en mèrtesc ai 9 de mèrz, Diego l’é endò su la giacia, pur contra l parer de medizi e alenador, con la bocia rota ma giames, brac e cher forc e enjigné a tegnir poz e responer a l’atach di venec. Al Scola l team Levoni se prejenta con lumes e efec scenografics aprijié dal publich, e l taca sobito con la gaissa e la capazità de tegnir l jech te man che l’aea moscià a l’Odegar. L’atach ladin é bon, ma l’ejit fèsc entener sobito che, se Dennis l’é l mior portier del campionat, Bellissimo no l’é trop da demanco. Sia braùra l’é béleche na endesfida per i bec de Stirling, che pèra te n jech de atach che no se à vedù de spes te chisc meisc, e che no l’é l sie. Defat a la pruma ocajion

Rudy Locatin à segnà 2 goi contra l’Asiago.

Strazzabosco e Intranuovo é bogn de se emprevaler de n moment de distrazion di fascegn e de fèr ruèr l dischet te la gabia di patrons de cèsa. L secondo temp veit i ghesć vidèr l jech con maor tecnica e segureza, endèna che i fascegn chier de ge corer dò, ruan vejins a la parità con azions olache se met al luster soraldut la terza linia. E da vèlch ora l merità 1 a 1 rua de gra a Rudy Locatin, con l’aiut de McDonald. Engaissà dal gol, l Fascia é bon de desfrutèr n 5 contra 3 e de despassèr con Giudice, didà da Jan, e dapò de ruèr amò apede al gol con Iori, ma Bellissimo é aló vertech a dir de no. L’ùltim drittel è dassen bel e rich de emozions da duta doi les pèrts: ades l’é l’Asiago a cogner corer dò... e l Fascia a jir a zil. Al 3’50 Rudy Locatin moscia n numer da marevea bon de confoner l goalie agordin, che se troa l dischet te gabia zenza entener delvers co che la é stata: bis per Rudy, 3 a 1 per la Levoni e standing ovation del publich fascian. L’Asiago se destramet e no l fèsc più nia fin a l’ùltim menut, canche tolan fora l portier per n om de moviment de più su la giacia l’é bon de descurtèr sul 3 a 2, che rejarà per duc i ùltimes “eterni” 50 seconc. Se sà che la serie é amò longia e no l’é da se fèr ilujions, l’Asiago no se lasciarà segur fèr jù sorì. Endèna dò la partida a Asiago de jebia sera (canche nos sion jà en stampa), insnet l confront é endò al Scola per gara 4, e segur i fascegn no se perdarà l’ocajion de jir a sostegnir sia squadra! Squadra Mendres: De bogn resultac ence da pèrt de la squadra mendres de l’Hockey Club Fascia. L’Under 11 à jià ta Dèlba ai 5 de mèrz contra l Caldaro. L’à vent 9 goi a 0. À segnà Nik Trottner (2), Andrea Ploner, Davide Schiavone (2), Stephan Deluca (2), Marco Defrancesco e Nicola Defrancesco. L’Under 15 en vender 5 de mèrz se à scontrà su la giaces de Asiago. L’à perdù pe 5 goi a 2, e per l Fascia à segnà Lorenzo Paolinetti e Matteo Dantone. Amò contra l’Asiago à jià en domenia ai 7 de mèrz ence l’Under 17, che à vent per 8 a 6 con goi de Martin Castlunger (6), Michele Marchetti e Cesare Sottsass. L’Under 20 à jià e vent tal Scola contra l Como per 6 a 3 con goi de Martin Castlunger (3), Matteo Iori, Christian Castlunger e Gabriele Vieider.


Sport

nr. 10 / 13 de merz 2010

I atlec de Gherdëina se sentiva da cësa sun Pana Jadiné a Feltre y Budapest N bel tlap de atlec dl pudejé se à abinà chëst’ultima dumënia ai 7 de merz sun Pana, danter chisc nia mé pitli y jëuni, ma nce atlec che fej pert dla grupes sportives da duta la Talia

Thomas Senoner, tlo mo dovia, ruva ala fin prim.

Karin Moroder à venciù.

Pudejé - L fova na bona ucajion nce per i atlec dl Schi Club Gherdëina Cassa Raiffeisen de Sëlva per se museré cun atlec de livel aut, danter chisc nce vel’un che fova dan puec dis mo a Vancouver pra i Juesc Olimpics. Pra chësta garejeda a tecnica liedia piòvel via te uni categuria duc deberieda y l fova n drë spetacul per l publich unit adalerch. I atlec dl Schi Club Gherdëina che fej si training belau for sun la trasses de Ciandevaves à nuzà chësc vantaje y arjunjan te duta la categuries de bon plazamënc. Nsci nce pra i plu pitli cun n bon 4. post de Laura Mussner y n 2. y 3. de Aaron Kostner y Flavio Ploner. Pra i majeri à inò venciù i favoric Elisa Kasslatter, Thomas Senoner, Esther Demetz y Norman Kostner.

Mutans 3 km: 6. Prinoth Verena SCG 7’09, 7. Mussner Morena SCG 7’19, 10. Demetz Lea SCG 7’22, 14. Crepaz Julia SCG 8’19, 16. Stuflesser Valeria SCG 8’33 Mutons 4 km: 8. Insam Alex SCG 10’45, 15. Insam David SCG 11’27, 16. Sordini Rico SCG 11’30, 16. Forni Matteo SCG 12’33, 27. Senoner Joy SCG 13’28, 28. Santifaller Adam SCG 13’08.7, 31. Bauer Alex SCG 14’49 Alieves mutans 4 km: 4. Pitscheider Mirjam SCG 12’20, 5. Runggaldier Flavia SCG 12’56 Aliefs mutons 5 km: 4. Oberbacher Alex SCG 13’42, 5. Runggaldier Ivan SCG 13’47, 16. Demetz Johannes SCG 15’05, 19. Moroder Fabio SCG 16’12 Jëunes 5 km: 1. Kasslatter Elisa SCG 15’31, 2. Insam Eleonora SCG 16’02 Jëuni 10 km: 1. Senoner Thomas SCG 26’34, 6. Ploner Diego SCG 30’51 Junior mutans 10 km: 1. Demetz Esther SCG 31’15, 3. Ploner Nadia SCG 35’26, 4. Moroder Giulia SCG 37’58 Junior mutons 15 km: 4. Kostner Elias SCG 41’29 Master A1 15 km: 1. Kostner Norman SCG 39’23 Master A3 15 km: 9. Ploner Egon SCG 47’29

L XI Trofeo Vallunga, garejeda de Coppa Italia per i majeri Pra l’ëiles à venciù l’atleta de cësa Karin Moroder destacan si averseres de passa n menut. Segonda fova Ilenia Casali y terza Barbara Antonelli. Danter i ëi ie Fabio Santus ruvà prim, che à destacà i autri atlec tl ultimo tòch dla garejeda. Sciche segondo ie passà tres l travert Loris Frasnelli y al terzo post udons

Florian Kostner che ti l’à iust mo sticheda a Bruno Carrara. Tosc do ie nce ruvà Janmatie Kostner che à arjont l 7. Plazamënt. L XI Trofeo Vallunga 2010 ie unì venciù dai atlec dl Zënter Sportif di Carabinieri de Val, che à plazà trëi altec ti prims cater. Nce sce la sajon va bel plan a piz, vëijen che la ueia de garejé ie pra duc mo scialdi granda. Per i majeri vàla inant bele ntan chësta fin dl’ena cun garejedes tla Valdidentro (So). Per i autri saràl mo da vëncer ai 21 de merz a Rein in Taufers l titul provinziel tla tecnica liedia. L Schi Club Gherdëina Cassa Raiffeisen de Sëlva tol l’ucajion per rengrazië l Zënter dal sport di Carabinieri de Val te Sëlva che à metù a jì deberieda cun ëi la garejedes y duc chëi che à judà pea pra chësta manifestazion. (ck)

Tlassifica dla Copa Banca Populera Baby 1,5 km: mutans: 8. Malsiner Lara SCG 4’05 – mutons:12. Di Pauli Nicolas SCG 3’51, 13. Senoner Luca SCG 4’01 Pitles 2 km: 4. Mussner Laura SCG 5’42 - Pitli 2 km: 2. Kostner Aaron SCG 4’13, 3. Ploner Flavio SCG 4’16, 15. Perathoner Matthias SCG 4’56

Elisa Kasslatter (1.) y Eleonora Insam (2.)

L podest di ëi cun Fabio Santus, Loris Frasnelli y Florian Kostner.

Jadinadësses dl Ice Club Alta Badia é stades impegnades te döes gares söles dlaces de Feltre y Budapest Jadiné - En domënia dan otedé él stè a Feltre na gara por les pices jadinadësses dl Trentin-Südtirol, Venet y Friûl. Por l’Ice Club Alta Badia à tut pert Sara Costamoling y Katia Bernardi - intrames 8 agn, acompagnades da süa alenadëssa Manuela da Roma. Sara y Katia à arjunt respetivamënter le secundo y le cuinto post te süa categoria. Tla medema findledema él inće gnü tignì a Budapest na gara cun partezipaziun internazionala, a chëra che inće Diana Pizzinini à tut pert, stlujon jö al 23ejim plazamënt. Por l’Ice Club Alta Badia é l’apuntamënt de Budapest stè na bela esperiënza. Tla findledema che vëgn saràl a Milan na gara nazionala. Por l’Ice Club Alta Badia odaràn Melanie Ploner, 12 agn, da La Ila. (silvana)

Katia Bernardi.

Trei ponc per sutèr en su L Fascia se troa al terz post te la classifica e l cogn vardèr de se l tegnir strent Classifica 1. categorìa jiron C: Bassa Anaunia 16 part. 33 p. Aquila Trento 16 partides 31 p. Fascia 16 partides 29 ponts Lavis 16 partides 28 ponts Cauriol 16 partides 27 ponts Dimaro Folgarida 16 part. 23 p. Monte Ozolo 16 partides 22 p. Bassa Val di Sole 16 part. 21 p. Paganella 16 partides 20 ponts Alta Anaunia 16 partides 20 p. Verla 16 partides 19 ponts Tnt Monte Peller 16 part. 14 p. Predaia 16 partides 12 ponts Cembra 82 16 partides 12 ponts Balon 1. Cat. C - L’era na partida da venjer, jian ben o mèl, no aea emportanza. Trei ponc che servìa per proèr a stèr taché ai prumes e no se perder massa endò te la classifica. L’é stat nonanta menuc spartii anter l prum temp, jià belebon delvers dai fascegn ma zenza troèr l vantaje, e i secondi carantacinch, jié manco ben, ma che à vedù l Fascia troèr i gol del 1 e 2 a nia. Jà dal scomenz i joegn de Mister Cigolla à ciapà la partida te man, crean desvaliva ocajions per trèr l balon te la rei di ghesć e moscian ence dotrei bela combinazions en velozità, che però no à abù bona sort. Bernard, Bolgiani, Porcu e Rizzato à sciudà più che n’outa la mans del portier trentin, ma no i é stac bogn de ge les dobièr. Da l’autra man del ciamp enveze, l prum om di ladins, l se giacèa demò ajache i defensores del Fascia fajea bona vèrdia a sie usc. N’outa pontà via l secondo temp, enceben che i trentins no i se dajea jù n muie per ge dèr cruzies ai ladins, chisc ùltimes à lascià ló de jièr delvers e con orden desche ti prumes carantacinch menuc de jech, fajan più fadìa a ruèr apede usc di ghesć. Se à cognù spetèr l 25eisem

menut per poder fèr festa, canche na trata da dalonc de Nicolò Crepaz no à troà vertech l portier del Paganella per l’un a nia. Fat ite l prum, l jech se à fat più sorì per l Fascia, che de gra a la azions asveltes de Patrizio Cigolla e Crepaz, à metù en dificoltà i defensores aversaries, troan ence l gol del doi a nia che sarà ence l resultat finèl. Aldò de la desfata de la Bassa Anaunia e de la Cauriol, la squadra ladina la se à tirà su al terzo post te la classifica, a cater ponc da la pruma. Doman, en domenia ai 14 de mèrz, l Fascia jiarà fora de Val, de contra al Monte Ozolo. Cristoforo Debertol Fascia – Paganella 2 – 0 (2 goi de Nicolò Crepaz) Formazion Fascia: Simone Delladio, Nicola Rizzato (Denis Drilje), Mathias Defrancesco, Maurizio Bonani, Davide Bosin, Davide Porcu, Cristoforo Debertol, Daniele Deluca, Manuel Bernard (Patrizio Cigolla), Simone Bolgiani (Fabrizio Caglierotti), Nicolò Crepaz. Alenador: Luciano Cigolla.

Luciano Cigolla, alenador del Fascia Balon. www.lauscdiladins.com

33


Sport

nr. 10 / 13 de merz 2010

Ultima gara jonila Ala fin de forà él gnü tignì a Deutschnofen l’ultima dles cater gares joniles, cun devëntes de Elena Nagler y Andy Clara Liöses - En domënia ai 28 de forà s’à stlüt jö la seria de gares joniles dla sajun 2009/10, cun de bogn resultać por i atleć da Lungiarü. Pro les mitans dla liösa alta à Elena Nagler metü sö le miù tëmp dl dé y Andy Clara pro i mituns dla liösa bassa. Ivan Nagler s’à plazè al terzo post te süa categoria y Luisa Nagler é rovada secunda pro les mitans dla scora elementara. Emil Daporta é rovè 5., Maicol Sorà 11. y Roland Clara 13. I atleć da Lungiarü é indô stà i mius inće pro les scuadres. Baldi n’à Lara Tavella nia sciafié da tó pert ales ultimes döes gares, deache ara s’à fat mè a na sciabla.

Nagler, dan Christian Meraner cun 260 y Manuel Meraner cun 240. Luisa Nagler é rovada secunda cun 255 punć, do Julia Frei che n’â 300 y dan Maria Blasbichler cun 200. Maicol Sorà é rovè terzo cun 191 punć, do Florian Rabensteiner cun 270 y Roman Kaser cun 285. Emil Daporta é rovè sesto cun 185 punć y Roland Clara 12ejim cun

98. Andy Clara - atlet de liösa bassa - à davagné cun 300 punć dan Theo Gruber cun 270 y Daniel Menghin cun 240. Cun le mëis de merz se stlüj bel plan jö la sajun dles liöses. En doman domënia ai 14 de merz él la finala dl Ladinia Cup a Lungiarü. (mc)

Tlassifiches di punć Al e inće gnü premié la tlassifica di punć, olache al gnô tut ca i trëi mius resultać dles cater gares. Le resultat plü stlet gnô straihé. Elena Nagler à davagné te süa categoria cun 300 punć, dan Andrea Frei cun 255 y Theresa Hildpold cun 240. Cun 285 punć à inće davagné Ivan

Elena Nagler y Maicol Sorà (en gaujiun dl Südtirolcup a Lijun).

Evelyn danter la 10 miëures a Zakopane Ai 6 y 7 de merz iel unì garejà tl luech danter la montes dla Tatra tla Polonia per l’ultima cumpetizion dl Continental Cup de chësta sajon FIS Continental Cup Zakopane Sada 6.3.2010: 1. Daniela Iraschko AUT 90,5 + 91,5 m, 248,5 ponc 2. Ulrike Gräßler GER 85,5 + 88,5 m, 230,0 ponc 3. Anette Sagen NOR 83,5 + 80,5 m, 211,0 ponc 8 . Evelyn Insam ITA 77,5 + 75,0 m, 187,0 ponc 22. Elena Runggaldier ITA 68,5 + 73,0 m, 159,5 ponc 30. Simona Senoner ITA 61,0 + 58,5 m, 110,5 ponc 33. Barbara Stuffer ITA 56,5 m, 46,0 ponc La mutans dla scuadra taliana de saut cun i schi: (da m.c.) Simona Senoner, Nadine Kostner, Barbara Stuffer, Lisa Demetz, Elena Runggaldier y Evelyn Insam.

Saut cun i schi - La miëures ne n’ie Evelyn Insam nia stata bona de bater, ma cun n setimo y otavo plazamënt tla garejeda dl Continental Cup à Evelyn Insam desmustrà inò n iede de avëi de bon nierves y che la toca pra la miëura sautadëures dl mond. Fat pea à nce la campiunëssa junior Elena Runggaldier, Simona Senoner y Barbara Stuffer. Lisa Demetz y Nadine Kostner à bele lascià vester mpue dant per chësta sajon y Roberta D’Agostina ova desdit pervia che la s’ova amalà. N sada à Elena Runggaldier arjont l 22ejim plazamënt y la garejeda dl di do àla nce ëila messù lascé ora pervia de malatia. Per l prim iede te chësta sajon ie Simona stata bona de fé ponc tl Continental Cup. Tramedoi dis iela ruveda 30ejima. Nia cuntënta ne fova ntant

34

www.lauscdiladins.com

sce Barbara Stuffer, che à fat drët bën ntan la sajon da d’instà, ma d’inviern ne n’ulòvela nia ti buté. Ëila ie ruveda tla cumpetizions de chisc doi dis n iede 32ejima y n iede 33ejima. Sun l podest ie ruvedes, coche n se l aspitova, la austriaca Daniela Iraschko, che ie nce prima tla tlassifica generela dl Continental Cup, dan la tudëscia Ulrike Gräßler y Anette Sagen dla Norvegia. Mé la dumënia ie la Sagen unida batuda dala slovena Eva Logar. La sajon dla garejedes ie fineda, ma tan giut che l ie mo nëif y i mplanc dal saut ie mo davierc, va l’atività dla atletes dl saut mo inant. Tla sajon che vën vàl n droa l regulamënt nuef di schi, chël uel dì che l unirà sautà cun schi plu curc. Da chëst’ena inant vëniel purvà ora l material nuef. (cs)

Dumënia 7.3.2010: 1. Daniela Iraschko AUT 94,0 + 91,5 m, 257,5 ponc 2. Ulrike Gräßler GER 93,0 + 82,5 m, 230,0 ponc 3. Eva Logar SLO 87,0 + 84,0 m, 222,5 ponc 7. Evelyn Insam ITA 81,0 + 75,0 m, 194,5 ponc 30. Simona Senoner ITA 61,5 + 57,0 m, 106,0 ponc 31. Barbara Stuffer ITA 61,0 m, 58,0 ponc

Tlassifica finela dl FIS Continental Cup 1. Daniela Iraschko AUT 1.644 ponc 2. Ulrike Gräßler GER 1.307 ponc 3. Anette Sagen NOR 1.152 ponc 13. Evelyn Insam ITA 315 ponc 18. Elena Runggaldier ITA 238 ponc 28. Lisa Demetz ITA 119 ponc 45. Roberta D’Agostina ITA 32 p. 68. Simona Senoner ITA 2 ponc

Philipp y Filippo é campiuns provinziai Ala 33. ediziun di campionać provinziai dl “Gran Premio Giovanissimi” à Philipp Graefe dla Scora di schi d’Al Plan de Mareo y Filippo Collini da Scora di schi de Sëlva davagné. Ëi s’á insciö tlassifichè por tó pert ai campionać taliagn a Livigno. Tl 2011 saràl la finala nazionala te Sëlva Schi jonil - I dui atleć ladins Philipp Graefe y Filippo Collini à arjunt le post plü alt dl podium tla categoria “mituns 2002” y “mituns 2000”. Dër bugn inće i secundi plazamënć de Jacopo Bernardi (2002) dla scora de schi de Sëlva y dles atletes Nicole Nogler Kostner (2001) dla scora de schi de Urtijëi y Emmi Frenademez (2000) dla scora de schi da Corvara y le terzo post de Mattia Cason (1999) dla scora de schi da Urtijëi. Inće n’atra noela dada tratan la premiaziun i à fat plajëi ai schiadus presënć: la finala dl campionat talian di plü jogn gnarà n ater ann tignida te Sëlva.   Gran partezipaziun ala gara d’eliminaziun tignida a Fones en domënia ai 7 de merz, sön dui percursc da gara dla pista dl lift “Filler”. Bëgn 375 concorënć é pià ia y ma les prömes 15 mitans y i pröms 15 mituns dles cater categories s’à tlassifiché por i campionać taliagn che gnarà tignis dai 9 ai 11 d’aurì a Livigno. A Fones à tut pert ala competiziun atletes y atleć de 29 scores de schi dla Provinzia de Balsan. Le “Gran Premio Giovanissimi” é la competiziun nazionala de schi plü importanta por i atleć jogn dai 8 ai 11 agn. La manifestaziun vëgn organisada da plü de 30 agn dal “A.M.S.I”, l’Assoziaziun di maestri de schi taliagn. Vigni ann tol pert plü de 30mile atleć a bëgn 200 gares de slalom lerch, che vëgn tignides tles regiuns o provinzies dla Talia. Ala finala nazionala, che vëgn tignida vigni ann te n ater raiun schiistich, vëgn premià i mius jogn dl schi talian. (mdg)

(S. Cristina) 59.84; 13. Alessia Mussner (Saslong) 1.01.17; 14. Viktoria Comploj (Sëlva) 1.02.91. Mituns 2002: 1. Philipp Graefe (Scora di schi Al Plan de Mareo) 49.36; 2. Jacopo Bernardi (Sëlva) 49.55; 3. Raphael Schieder (ValsJochtal) 49.88; 4. Matthias Comploj (Sëlva) 50.67; 6. David Wieser (Urtijëi) 51.27; 10. Diego Malsiner (S. Cristina) 53.27; 12. Noah Bernardi (Urtijëi) 53.60; 13. Renè Senoner (Sëlva) 53.77. Mitans 2001: 1. Tamara Paris (Ultental) 48.53; 2. Nicole Nogler Kostner (Urtijëi) 48.95; 3. Noemi Zimmerhofer (Klausberg) 48.97; 11. Jamie-Lee Pellizzari (Sëlva) 50.77. Mituns 2001: 1. Samuel Unterfrauner (Villnöss) 46.92; 2. Christof Pichler (Meran 2000) y Yannik Sinner (Sexten Moos) 47.67; 4. Jordi Triulzi (S. Cristina) 48.22; 5. David Plancker (S. Cristina) y Manuel Ploner (Corvara) 48.40; 12. Marvin Avesani (Sëlva) 49.46.

Tlassifiches gara a Funes – Campionat provinzial (percurs da gara II) - pröms trëi y posć ladins ti pröms 15 Mitans 2000: 1. Linda Schmid (Vals-Jochtal) 51.64; 2. Emmi Frenademez (Corvara) 53.94; 3. Elisa Schranzhofer (St. Magdalena) 54.26; 5. Gaby Hofer (Sëlva) 54.57; 6. Sofia Kerschbaumer (Sëlva) 54.65; 9. Elena Dejori (Saslong) 55.21; 10. Laura Stuflesser (Urtijëi) 55.26; 11. Gloria Sommavilla (Urtijëi) 55.29; 13. Martina Kaneider (Al Plan de Mareo) 56.23; 14. Tatjana Runggaldier (Sëlva) 56.35. Tlassifiches gara a Funes – Mituns 2000: 1. Filippo Collini Campionat provinzial (percurs (Sëlva) 49.76; 2. Alexander Burger da gara I) - pröms trëi y posć (St. Magdalena) 52.13; 3. Julian ladins ti pröms 15 Gasser (Plose) 52.25; 5. Fabian Mitans 2002: 1. Michaela Cainelli (Urtijëi) 53.09; 7. Alex Schnarf (Scora di schi Olang) 50.52; Grossrubatscher (Urtijëi) 53.31; 2. Corinna Mutschlechner (Olang) 14. Loris Rigotti (S. Cristina) 54.00. 51.61; 3. Magdalena Eisendle Mitans 1999: 1. Andrea (Gossensass) 52.02; 4. Elena Piazza Lantscher (Villnöss) 52.11; 2. (Urtijëi) 53.09; 7. Gaia Bellapianta Jasmin Haller (Rittnerhorn) 52.53; (Sëlva) 57.26; 9. Nicol Ploner 3. Anna Maria Eisendle (Sëlva) 57.90; 10. Irene Del Pozzo (Gossensass) 52.60; 4. Teresa (Sëlva) 58.79; 12. Agnese Tuccari Runggaldier (Sëlva) 52.72; 7. Verena Kostner (Saslong) 53.36; 10. Elisabeth Dander (Sëlva) 53.79. Mituns 1999: 1. Jonas Seiwald (Olang) 51.45; 2. Juri Staffler (Meran 2000) 51.72; 3. Mattia Cason (Urtijëi) 51.75; 5. Alex Vinatzer (Sëlva) 52.05; 10. Moritz Martiner (Saslong) 52.84; 11. Alex Galliani (S. Cristina) 52.87; 12. Matthias Tolpeit (Al Plan de Mareo) y Olaf Philipp Graefe é rovè pröm pro i campionać Stark (Sulden) 52.92; 14. provinziai dl “Gran Premio Giovanissimi” a Tobias Kastlunger (Al Fones. Plan de Mareo) 52.96.


Sport

nr. 10 / 13 de merz 2010

Garejeda ”indoor” de atletica

Punć por i maroi

Per se njenië ca bel plan per la sajon dla gran cumpetizions à l’Atletica Gherdëina Cassa Raiffeisen de Sëlva metù a jì te palestra dla scola elementera de Urtijëi n valguna garejedes

Le Mareo I parejëia te ćiasa, tratan che le Mareo II se porta a ćiasa na devënta da Verdings ca

Atletica - Sciche uni ann mët l’Atletica Gherdëna a jì na garejeda te palestra dla scola elementera de Urtijëi per duc i atlec scric ite tla lia. Chëst ann fova la garejeda ai 28 de fauré y l à fat pea 40 atlec. La pitla mutans y doi mutons dla ”grupa C” fova i prims che à fat i 30 metri sprint. Doi iedesc pudovi sauté y ala fin univa i doi tëmps cumpedei adum. Daldò sautova la grupes A y B. I pitli à pona fat doi iedesc n percurs a mpedimënc, ulache l univa tëut l miëur di doi tëmps. La gran mutans metova man cun l saut aut y i pitli ova ntant finà via si garejeda y cialova pro cun gran nteres. La cumpetizions de saut aut ie jites inant nchin al’autëza de 1,50 metri. Pra i ultimi sauc fòvel te palestra drët nteressant y chiet per no desturbé i atlec. I prims trëi de uni garejeda y categuria ie unic premiei cun na bedaia y duc canc à pudù pië do na ciculata.

Chidlé Val Badia - Cun na devënta por 7 a 1 cuntra Latzfons se tëgn le Mareo II le pröm post tla tlassifica. Le Mareo I arjunj te ćiasa n 4 a 4 combatü cuntra Fugger II. Pordüdes à messü dlotì la scuadra da La Ila, a Porsenù cunta i Löwen y la scuadra dles ëres dl Mareo a Al Plan cuntra Maran.

Per la majera pert di pitli fova chësta la prima garejeda. A vel’un ti ëssel povester sapù bel, sce l ëssa audì mpue de tifo dai genitores. Da desplajëi fòvel che l fova mé puec genitores danter chëi che cialova pro. (dv)

Tlassifiches 2 x 30 metri Majeres: 1. Denise Delladio, 2. Yvonne Senoner, 3. Christina Perathoner, 4. Lambacher Romy. Grupa A: 1. Silvia Spisser, 2. Verena Insam, 3. Arianna Bellemo. Grupa B: 1. Costa Alexandra 6,83; 2. Mussner Jasmin 7,01; 3. Cortoni Elena 7,02; 3. Demetz Silvia 7,02, 5. Mahlknecht Nadia 7.16, 6. Rabanser Sofia 7,25, 7. Pitscheider Sabine 7.29. Mutons: 1. Senoner Manuel 7.21, 2. Senoner Florian 7.90. Esordientes: 1. Perathoner Linda 7,25; 2. Senoner Julia 7,27; 3. Senoner Elisa 7,43; 4. Mussner Nadia 7,73, 5. Insam Vanessa 7,78; 6. Insam Hannah 8,03; 7. Markart

Sofia 8,05. Mutons: 1. Kerschbaumer Paolo 7.07, 2. Pitschieler Elias 7.70.

Garejeda a mpedimënc Esordientes: 1. Senoner Elisa 18,72; 2. Senoner Julia 19,72; 3. Perathoner Linda 21,25; 4. Senoner Sara 22.44; 5. Mussner Nadia 23.06; 6. Insam Hannah 24.90; 7. Insam Vanessa 25.22. Mutons: 1. Kerschbaumer Paolo 19.21, 2. Pitschieler Elias 20,78.

Saut aut Majeres: 1. Senoner Yvonne, 2. Lambacher Romy. Grupa A: 1. Stefanie Messner, 2. Verena Insam, 3. Silvia Spisser. Grupa B: 1. Silvia Demetz, 2. Elena Cortoni, 3. Valentina Vettorazzi, 4. Sofia Rabanser, 5. Alexandra Costa, 6. Jasmin Mussner, 7. Zoe Chavaz. Mutons: 1. Senoner Florian, 2. Senoner Manuel.

Seria A feminila Mareo - Meran: 1 - 5 Cun rassegnaziun s’à la scuadra dles ëres dè sot te ćiasa ales chidladësses da Maran, che à metü man bun la partida, davagnan intrami i punć pro la pröma seria da 120 boć, arjunjan n vantaje de 54 chidli. Chësc àres aumentè a 71 chidli ala fin dla partida, cun na media de 508,3, tratan che les marores à arjunt na media de 490,5. Ma öna dl Mareo ti é stada suraće a süa aversara direta. La miù dles marores é stada Gerda Complojer cun 516 chidli. Resultać personai: Gerda Compolojer, 516 Gabriella Ties, 491 Flora Weiss, 485 Valeria Federa, 470

Seria A 2-ost

Ntan la premiazion.

Perdù mé per i chiedli L Gherdëina I y II pierd per 5 a 3 contra l Flagger de Sterzing y l SSV Falzes Chidlé - La chidladoia de Freienfeld daujin a Sterzing ne ti porta nia fertuna al Gherdëina I. L ie bele l terzo iede che l Gherdëina I chiedla sun chela chidladoia y la ne uel mo for nia garaté. Chëst iede ài chidlà cun l KC Flagger. I à messù ti la zeder mé per la defrënza de chiedli, do che i chidladëures à fat n 3 a 3. Purempò cun na mesaria de 517,3 ne pòssen nia ruvé lonc. L Gherdëina I resta for mo dancà tla tlassifica dla serie B-est , na serie bëndebò cumbatuda, ulache uni scuadra possa vëncer o pierder cun uniuna.

Serie B-est KC Flagger - AKC Gherdëina I 5:3 Resultac persunei: Colcuc Engl 558 Stuffer Guido 534 Prinoth Sigfried 520

Klotz Josef 507 Sommavilla Georg 494 Prinoth Flavio 491 Permò tla ultima lingia de colps à l Gherdëina II perdù per i chiedli chësta partida. Do la prima doi linges fova l Gherdëina danora per 3 a 1 di chidladëures y de 26 chiedli. N ëssa mé messù mantenì la defrënza de chiedli o che n chidladëur ëssa venciù. Ma la ne ulova nia vester, i ultimi doi ne ti ie nia stai ai averseres y cun 557 chiedli batui ju da Fabian Tschafeller, l miëur dl di, ti iesi nce passei dant al Gherdëina n cont di chiedli, se purtan a cësa i doi ponc.

Runggaldier Werner 516 Insam Ewald 510 Werdaner Viktor 488 Demetz Thomas 481 Moroder Albert 467

Resultać personai: Matteo Ties, 558 Lois Ellecosta, 537 Tone Call, 525 Martin Ferdigg, 519 Lois Craffonara, 510 Tone Tavella, 492

La Ila, che romagn inant al nono post. Le miù di badioć é stè Christian Pedratscher cun 521 chidli. Resultać personai: Christian Pedratscher, 521 Carlo Valentini, 474 Albert Tavella, 470 Gianfranco Thaler, 446 Franz Thaler, 440 Fritz Planinschek, 424

Seria D-nord Latzfons - Mareo II: 1 - 7 Le Mareo II s’à assigurè na devënta tlera a Verdings cuntra Latzfons y romagn inant al pröm post tla tlassifica. Cun na media de 511,6 â i maroi ala fin dla partida n vantaje de 103 chidli söi patruns de ćiasa, che à arjunt na media de 494,5. Bele i pröms dui à intrami davagné le punt y trat fora n vantaje de 62 chidli. Pro la secunda seria da 120 boć à i patruns de ćiasa smendrì le svantaje a 51 chidli, cun le resultat de 1 a 1 pro i punć di confrunć direć, mo i ultimi dui dl Mareo à indô batü sü aversras y à stlüt jö la partida cun 103 chidli de vantaje. Le miù dl Mareo é stè Pire Rungger cun 529 chidli. Resultać personai: Pire Rungger, 529 Christian Ties, 524 Claudio Moling, 515 Norbert Trebo, 507 Lois Agreiter, 498 Tone Hochwieser, 497

Seria C-nord

Serie D-nord AKC Gherdëina II - SSV Falzes 3:5 Resultac persunei: Malsiner Konrad 528

Mareo I - Fugger II: 4 - 4 I maroi à indô messü zanè por arjunje na parejada, chësc iade te ćiasa cuntra Fugger II, che combat por ne tomè nia zoruch tla seria B. I pröms dui di Fugger à intrami davagné le punt y abiné sö n vantaje de 56 chidli. Pro la secunda seria à i maroi recuperè chidli, tan da ester dui chidli dant; laprò à un davagné le punt cuntra so aversar. Śëgn i tocâra ai ultimi dui da tignì le vantaje y da fà intrami i punć por davagné la partida, mo ma un ti é stè suraće a so aversar, fissan insciö le resultat final sön le 4 a 4. Cun na soma totala de 3141 chidli à i patruns de ćiasa arjunt na media de 523,5, tratan che i Fugger à fat na media de 513,2. Tla tlassifica romagn le Mareo al terzo post.

Le presidënt dla uniun dl chidlé da La Ila Stefan Fistill.

Insam Ewald dl Gherdëina II.

Löwen - La Ila: 8 - 0 Na burta batosta por La Ila tla “tana di liuns”, la chidlara dl’Acquarena a Porsenù. Cun na media de 462,5 â i badioć ala fin dla partida n svantaje de 180 chidli ti confrunć di Löwen, che à arjunt na media de 492,5. I patruns de ćiasa à dominé la partida da impröma inant y ne ti à lascè gnanca n punt su ai chidladus da La Ila. Le vantaje di “liuns” ê de 82 chidli do la pröma seria, por rovè a 109 do la secunda y a 180 ala fin dla partida. Tla tlassifica n’à chësc resultat degöna conseguënza por

Claudio Moling dl Mareo II. www.lauscdiladins.com

35


Sport

nr. 10 / 13 de merz 2010

Bront mundiel per l ITC Campiunac dl mond di studënc de schi y pudejé a Folgaria. Tatiana y Natalie Nogler Kostner, Teresa Mahlknecht, Natalie Hofer y Claudia Hafner dla Sezion Sport dl ITC de Urtijëi ie terzes pra i Campiunac Mundiei ISF Arjënt per Christian Rottonara Pra l slalom lerch di mutons dla categuria 1 iel da auzé ora l boniscimo segondo post de Christian Rottonara dl ITC La Ila che ie meéunì batù da Roman Unterwies dl’Austria. Nce i badioc de La Ila ëssa pudù fé na bedaia sce Hannes Zingerle ne fossa nia tumà. N juebia danmesdì fòvel pona alenamënc sun i purtoies y domesdì juesc desferënc per duc i studënc, sciche i “Giochi senza frontiere” da ntlëuta. Vint scuadres metudes adum da atlec de naziunaliteies desferëntes se à muserà cun n drë’ mpëni te diesc stafetes, s’la rijan y mparan a se cunëscer un cun l auter.

Natalie Nogler Kostner.

Arjënt per Hannes Zingerle

La scuadra dla Sezion Sport ITC Urtijëi ie ruveda terza.

Sport/Scola- I campions de duman se à ancuntà chëst’ena passeda pra i campiunac dl mond di studënc de schi alpin y pudejé ISF a Folgaria. L ie unit adalerch atlec da 20 nazions per fé pea pra chësta manifestazion nternaziunela. Uni nazion à fat na si cualificazion per mandé la miëura scola cun si atlec per se prejenté ai mundiei. Per la Talia àl fat pea ot scoles cun si scuadres: cater tla categuria 1 cun cin’ mutons y cin’ mutans tl

pudejé y tl schi alpin, y cater tla categuria 2 (scoles autes nchin tla 3. tlas) cun cin’ mutons y cin’ mutans for tl pudejé y tl schi alpin.

I atlec ladins I ladins fova raprejentei cun i mutons dla prima tlas dl ITC de La Ila cun Hannes Zingerle, Christian Rottonara, Luca Crepaz, Alessandro Da Punt y Massimiliano Rudiferia, acumpaniei da Sepl

Zingerle, y la Sezion Sportiva dl ITC de Urtijëi cun Tatiana y Natalie Nogler Kostner, Teresa Mahlknecht, Natalie Hofer y Claudia Hafner, dutes dl Schi Club Gherdëina Cassa Raiffeisen de Sëlva.

Pittin mpëia la flama mundiela L prim di daduman à i urganisadëures metù a desposizion purtoies a puntin per se alené. Da sëira fòvel pona la inaugurazion metuda a jì drët ala ngranda cun na defileda de duta la nazions tres l luech y na manifestazion de giaurida tl stadio de Folgaria cun Alessandro Pittin, bedaia de bront a Vancouver, che à mpià la flama mundiela de chisc Campiunac Mundiei di Studënc. L segondo di àl pona scumencià la garejedes de slalom strënt per la categuria 2, l slalom lerch per i mëndri y la garejedes de pudejé: 7,5 km per i mutons y 5 km per la mutans .

Terzo plazamënt per l ITC de Urtijëi

La doi scuadres ladines: ITC La Ila y ITC Urtijëi.

36

www.lauscdiladins.com

Tl slalom ie la mutans dl ITC de Urtijëi states bones de arjonjer l terzo post per la scuadra. Venciù la garejeda ala ngranda à Schmotz Marlene (ponc FIS 21,70) dla scola de sport de Berchtesgaden cun 3,28 secunc dan la segonda Regina Maier y 3,47 dan Maksic Bozana, tramedoves dl Schigymnasium Saalfelden. Cun n gran fal tla prima manche ie Tatiana Nogler Kostner mpo mo stata bona de arjonjer l sesto plazamënt. Drët bën se à mo tlassificà 12ejima Teresa Mahlknecht, 13ejima Natalie Nogler Kostner, 14ejima Natalie Hofer y 17ejima Claudia Hafner cun l terzo plazamënt tla tlassifica dla scoles.

L ultimo di fòvel mo l slalom strënt per la categuria 1 y l lerch per i majeri. Do l miëur tëmp tla prima manche ne à Hannes Zingerle mé per 13 centejims nia arjont la bedaia d’or ruvan segondo do Roman Unterwieser. Ma, ajache pra i campiunac mundiei di studënc ISF vëniel mé premià la scuadres dla scoles tulan i trëi miëur tëmps de scuadra de tramedoi garejedes y duta la cater manche, ie i mutons dl ITC La ILa ruvei cuarti, do i tudësc, i franzëusc y i austriacs. La mutans dla sezion Sport dl ITC de Urtijëi ie states bones de jì sun l podest ruvan terzes do l Schigymnasium Saalfelden y la scola de sport de Berchtesgaden. Chësc bon resultat iel mé stat mesun arjonjer ajache Teresa Mahlknecht y Natalie Nogler Kostner, ma dantaldut Tatiana Nogler Kostner (segonda tla tlassifica FIS cun 39,97 ponc y sesto tëmp tla segonda manche) ie states bones de recuperé plu posizions tla segonda manche dl slalom lerch. Tl slalom lerch à venciù la tudëscia Ricarda Haaser (23.29 ponc FIS). Tres chisc biei resultac vëijen che la sezion sport dl ITC Urtijëi che ie ruveda al terzo ann de scola à nchina sën laurà drët bën y ie tl lëur de jì inant cun suzesc te scola y sambën tl sport agonistich.

Teresa Mahlknecht.

Tatiana Nogler Kostner.

N gra a Brigitte Pedevilla N rengraziamënt speziel ti va ala coordinadëura dl sport scolastich provinziel Brigitte Pedevilla che ie for a desposizion cun gran mpëni y pascion per l sport tla scoles. Cun na beliscima premiazion y na gran festa cun party y bal tl stadio de Folgaria ie n vënerdi sëira finei via chisc campiunac. Truepa autoriteies ti à fat i cumplimënc ai atlec y ai urganisadëures cun n assudëi ai proscimi Campiunac Mundiei ISF di Studënc te doi ani. Duc i resultac plu avisa y plu nfurmazions de chisc campiunac ie da liejer do sun la plata internet www.italia2010.org. Lidia Bernardi

Claudia Hafner.

Natalie Hofer.


Sport

nr. 10 / 13 de merz 2010

L Freeride Club Gherdëina vënc y vënc y vënc … Bën sies devëntes te plu garejedes cun partezipazion naziunela da pert di atlec dl Freeride Club Gherdëina, che ie dessegur danter i miëures de duta la Talia. Gherdëina inò danora, piuniera, te disciplines che peia for plu y plu pe tl mond dl schi chësc cajo muessa i cuncurënc un al iede unì ju per n crëp a nëif ntiera y la iuria ti dà na valutazion aldò dl jì debota, dl stil, dl cuntrol, dl’autëza di sauc y nsci inant. Chësta categuria se desferenzieia dal Freeride Derby, ulache l vën mé valutà l tëmp, chël uel dì che chiche ruva dant japé à venciù. Fat pea la Scufonada Big Mountain àl 65 atlec. Resultac: 1. Armin Senoner (Freeride Club Gherdëina) 5. Jonas Senoner.

Contra la leges dla gravità.

Bormio - Jam Session Garejeda de Big Air (saut) ai 30 de jené cun partezipazion de atlec da duta la Talia, ulache l ie unì sautà dut l dì zënza valutazion de na cumiscion de iuria. La valutazion di sauc vën fata dai atlec nstësc, che determinea chiche vënc y i plazamënc damprovia. N sistem de garejeda bele scialdi cunesciù tl’America, ma nce tla Franzia y tla Svizra, ulache l vën praticà bele dai ani. I resultac: 1. Markus Eder (Ahrntal) 3. Stefan Schenk (Freeride Club Gherdëina) 4. Andy Bacher 5. Tobias Vinatzer.

che la va nchina tl travert. L ne n’ie deguna portes, sce nie chëles che dà dant la direzion y la linia plu curta de viers dl travert. N sustanza vàla de lascé jì i schi l plu debota che la va ju per l purtoi. Da auzé ora n cër’ numer de tumedes, dantaldut ti prims metri, propi ajache i 50 cuncurënc, duc deberieda y tl medemo mumënt, cialova de abiné la miëura linia y posizion. Fat pea la garejeda Sëlva Red Bull Down Hill àl feter 70 cuncurënc. Resultac: 1.ex aequo Dietmar Insam y Diego Schmalzl (Freeride Club Gherdëina) 6. Patrick Demetz.

Sëlva - Red Bull Down Hill Sun Piz Setëur te Sëlva iel unì metù a jì ai 5 de merz na garejeda de juissa ju per l purtoi mitich dla “Falck” che va nchin ju n Plan de Gralba. L se tratova dla terza cumpetizion dl circuit “Red Bull Down Hill”. La garejeda vëij dant che i cuncurënc peia via duc deberieda de 50, n iede sautan 50 metri a pe y pona se trajan sëura i schi a sparon y jì inant l plu debota

San Pellegrino/Val de Fascia - „Scufonada“ Big Mountain Sciche uni ann urmei à l Telemark Club de Fascia «Boni de nia» metù a jì ai 6 de merz l festival dla nëif «Scufonada», che ie n adum de ntraunides y garejedes sun la nëif tla disciplines dl telemark, dl schi, dl snowboard y tl freeride. Y propi te chëst’ultima disciplina iel stat na cumpetizion sun l Pas Pellegrino tla categuria Big Mountain. Te

Sulden/Val Venuesta Freeride-Hero Derby Tla garejeda ai 6 de merz Freeride de Sulden tla categuria Derby, che cuntrariamënter al Big Mountain mesura l tëmp de percurënza y nia l stil y la deficulteies dla linia crissa ora, à inò I atlec dl Freeride Club Gherdëina desmustà de gran capaziteies y de gran cualiteies. Uni ju per n rone da crëp cun nëif ntiera ne n’ie nia na cossa per uniun, l uel vester de bona cualiteies tecniches, cundizion y scialdi snait. Pra la garejeda àl fat pea 60 cuncurënc. Resultac: 1. Lukas Senoner 4. Alex Pattori 5. Patrick Pattori 16. Walter Demetz. Plan de Corones - South Tyrol Slopestyle Tour 2010 Ai 7 de merz terzo apuntamënt per l South Tyrol Slopestyle Tour 2010, la cumpetizion de sauc davierta ai jëuni che se devertësc ti parcs a fé sauc y d’uni sort de acrubazies y culëtes da malan cun i schi. L circuit vëija dant cin’ garejedes, la prima ie stata sun Mont de Sëuc, la segonda y la terza sun Plan de Corones, la cuarta a La Ila y la cuinta y ultima sun Plan de Gralba te Sëlva. Sun Plan de Corones àl fat pea 35 atlec dantaldut de Südtirol cun la partezipazion

Lukas Senoner n azion.

straurdinera nce de diesc atlec de Livigno. L apuntamënt ie sën per la gran finalela, l Big Air Contest sun Plan de Gralba te Sëlva, ulache dlongia la garejeda de saut saràl nce la lòca d’ega tradiziunela cun surprejes leprò. Resultac: Mutans: 1. Sophia Insam (Freeride Club Gherdëina) 4. Isabell

Venturini. Junior: 1. Ralph Welponer (Freeride Club Gherdëina) 5. Fabian Bernardi. Rookies: 1. Andy Bacher (Freeride Club Gherdëina) 4. Stefan Schenk. Senior: 1. Matthias Schenk (Vitamin-F) 2. Mike Mair am Tinkhof (Freeride Club Gherdëina). Leo Senoner

Trofeo Topolino nternaziunel

Giulia d’or

I atlec dl Schi Club Gherdëina Cassa Raiffeisen de Sëlva, Nicole Delago y Diego Cappadozzi, à inò desmustrà cie che i sà da fé. Cun de bon plazamënc ài fat rujené de sé, n sëni mpurtant nce per i ani che à da unì

Tl superG dla finela Grand Prix a Watles, che fova scialdi mpeniatif à Giulia Demetz venciù la bedaia d’or tla categuria “ragazzi”

Schi alpin - Coche n sà ie l Trofeo Topolino n travert mpurtant per uni atlet. Truep atlec che à arjont chësc ie ruvei inant a livel nternaziunel. Na bela esperienza à Nicol Delago y Diego Cappadozzi pudù

Schi alpin - Prim post nce tla tlassifica generela per l Schi Club Gherdëina Cassa Raiffeisen de Sëlva, chësc nce zënza i doi atlec Nicol Delago y Diego Cappadozzi, che fova a fé la garajedes dl Trofeo Topolino nternaziunel a Panarotta. Chësta ie stata la terza garejeda de finela Grand Prix per la categuries “ragazzi” y “alieves”. L SuperG fova metù ju a na maniera che n furnova debota y i mutons tulova la raides cun truep ardimënt te chësta garejeda. Vivien Insam dl S.C.G. ie tumeda y ie unida meneda tl spedel de Schlanders per fé vijites al jenodl. L semea che cun vel’ di de paussa messëssela inò varì. La sensazion n chël di ie stata Giulia Demetz de S. Cristina, che cun l miëur tëmp dla mutans à venciù la garejeda, te chëla che la à messù se museré cun mutans de un n ann plu vedles che ëila. N gran cumplimënt a Giulia!

fé tla 49 ejima finela dl Trofeo Topolino a Panarotta tl Trentin, ulache l se à ancuntà 47 nazions y plu de 350 atlec danter i 13 y 15 ani. Diego Cappadozzi à fat na bona garejeda, ruvan cuarto y arjuman

Diego Cappadozzi y Nicol Delago cun si trainadëur.

nsci mé de puech l podest. Nicol se à tlassificà 12ejima te si categuria. De si ann iela terza y chël fej speré bën per la sajon che vën. Venciù à tla categuria dla mutans la americana Shiffrin Mikaela, 2. Fjaellstroem Magdalena dla Svezia, 3. Jelinkova Adriana dl’Olanda. Pra i mutons à venciù Fjeldberg Martin dla Norvegia, 2. Sterle Nik dla Slovenia, 3. Graf Matthias dl’Austria. L livel fova sambën scialdi aut, coche à dit l trainer Heinz Goller che fova pea: “A ti cialé al’americana, semiovel n livel de copa dl mond” Dessegur na sperienza che mé puec à la puscibltà de pudëi fé, tulan pert ënghe ala gran defileda tl zënter de Levico Terme. Dut ntëur na bela atmosfera y l semiova belau mpue a na inaugurazion di juesc olimpics. (dv)

I resultac: Cat. “ragazzi” mutans: 1. Giulia Demetz Cat. “ragazzi” mutons: 12. Samuel Kerschbaumer Cat. alieves: 6. Giulia Longo, 11. Melissa Perathoner, 13. Anna Naeckler Cat. aliefs: 8. Alexander Prast

Giulia Demetz campiunëssa provinziela de superG. www.lauscdiladins.com

37


Sport

nr. 10 / 13 de merz 2010

La U17 dl Sterzing/Gherdëina ie campions dla Talia La Under 13 ie ruveda inant tl turnoi de semifinela, che vën fat duman dumënia tl stadio de Sëlva Hockey/Jëuni - La Under 8 cun mutons nce dl 2001, che fossa pona na Under 9 ie jita n dumënia ai 7 de merz a Persenon a fé pea n turnoi contra la scuadres dl Persenon, EV Bulsan y Leifers. L Gherdëina se à astilà drët bën batan l Leifers per 2:1. Do la partida contra l EV Bulsan stajòvela 1:1, nsci à la scuadres messù tré penalties. I pitli de Gherdëina à venciù chësc cunfront ne lascian ite nianca n gol. L Gherdëina à pona nce batù l Persenon bëndebò saurì per 7:0. La scuadra de Gherdëina ie nsci ruveda prima dan l EV Bulsan vencian nce na bela copa. Do che la Under 13 à finà via l campiunat provinziel al sesto post - prims ie ruvei chëi dl Renon - iel unì jugà n dumënia ai 7 de merz la prima cualificazion per l campiunat talian Under 13. L Gherdëina ova da furné a Pergine, ulache i messova se museré cun la scuadres de Milano, Bulsan y Pergine. La partides ie states scialdi valives. Do la prima partida contra l Milan, una jita ora a pèr per 1:1 y l’autra purtruep perduda per 0:1, ne cialòvela nia ora massa bona per i nosc. Ma se purvan deplù ài pona daldò venciù tramedoi partides cun l Pergine per 1:0. Śën ti bastòvel mé mo 2 ponc per ruvé inant. Sce i ëssa venciù la prima contra l Bulsan fóssela stata fata, ma l juech ie jit

ora 0:0 y nsci à la scuadra messù zané y dé dut per jì a se tò mo un n pont (i genitores che fova a cialé pro zitrova pea sun tribuna). I ie pona stai boni de fé n gol y de ne se n giapé degun. Ala fin se à nosta scuadra plazà al segondo post a pèr cun la prima l HC Milano. Nscila puderà i nosc fé pea duman dumënia ai 14 de merz la semifinela te Sëlva, ulache i arà da jughé contra l Renon, l Torino y l Asiago. La partides dl Gherdëina ie dala 8.30 contra l Asiago, dala 11.00 contra l Renon y dala 14.45 contra l Torino. Unide duc a cialé pro y a fé n bel tifo! La Under 15 à jugà n sada ai 6 de merz si ultima partida y plu avisa n cësa contra l Vinschgau, che i ie stac boni de bater per 6:0. Davia che te chësc campiunat possa mé jì inant la prima cater tlassifichedes – la Under 15 dl HC Gherdëina ie ruveda setima – fina nsci via per ëi l campiunat. La Under 20 fova bele segura te semifinela y cun la vënta de n sada ai 6 de merz sun Renon ài inò stlut ju sciche prims de si girone. Si prim averseres tla semifinela sarà nsci i segondi tlassifichei dl’auter girone, che ie l HC Bulsan. Ntan che l Kaltern messerà s’la fé ora cun i pustri. La partida de n sada sun Renon à i jëuni de Gherdëina venciù per 5:8 cun i

I campions dla Talia Under 17.

tëmps jic ora 4:1, 0:5 y 1:2. La Under 17 dl Sterzing Gherdëina, che se batova tla finela dl campiunat de prima divijion contra l Cortina ova n’ena dura do sé. La se tratova de vëncer doi partides sun trëi. L Cortina ova la rejon de fé doi partides n cësa y la prima lavia ovi bele venciù. N juebia ai 4 de merz se tratòvela perchël

per l Sterzing/Gherdëina de vëncer n cësa sce n ulova mo avëi da n dì velch per l scudetto. Cumbatan dassënn bele dal prim mumënt iesi stac boni te ti tenì permez al Cortina, jan for de n gol danora, ma i ampezans nia manco periculëusc fova for boni de i pië. Tl terzo tëmp druca i nosc mo dassënn y bel de paca iesi boni de vëncer per 5:3 cun i tëmps jic ora

La Under 13 ntan i juesc de cualificazion per l campiunat talian, ulache i ie ruvei segondi.

1:1, 1:1 y 3:1. La trica y tenscion dla partida de n dumënia ai 7 de merz lavia a Cortina, pòssen bën se nmaginé. Lavia ne n’òven mo mei venciù y i cortineji pronc a ne ti scinché nia a deguni. L ie stat n juech dur y cumbatù sun uni scipa nchin ala fin y per la gran legrëza di jëuni dl Sterzing/Gherdëina y nce de tan de si tifosi che ie jic via a cialé pro, iesi stac boni de vëncer per 1:3 cun i tëmps jic ora 0:1, 1:1 y 0:1 deventan nsci campions dla Talia. Riesc do l juech iel unì fat la premiazion da pert dl’autoriteis dl sport dl hockey y cun la copa y la bedia ntëur al col à i jugadëures mo fat festa dassënn se lascian ora si legrëza per chësta bela arjonta. I jugadëures de Gherdëina che à fat chëst ann cun l Sterzing ie: Fabian Costa y Gabriel Senoner che ie tacajuech, i pecs Daniel Costa, Simon Vinatzer y Daniel Runggaldier y l verdiaporta Giancarlo Kostner. De Gherdëina ie perdrët nce Oliver Schenk, che va lassù a scola y fej pert de chësta scuadra bele dal ann passà.

Florian Planker pra i Paraolimpics a Vancouver Inier 12 de merz à scumencià i jusc olimpics per atlec cun handicap, che durerà nchin ai 21 de chësc mëns Paraolimpics - Florian Planker de Sëlva ie chëst iede inò leprò. Plu avisa iel l cuarto iede che l fej

pea. Tla ultima trëi edizions fòvel leprò cun la scuadra de schi alpin, chëst iede saràl da udëi sun dlacia

Florian Planker cun la scuadra naziunela taliana de sledgehockey.

38

www.lauscdiladins.com

cun la scuadra naziunela taliana de sledgehockey. Fé pea te tramedoi disciplines ne fossa per rejons de urganisazion nia stat mesun, nce sce Florian se dà daniëura ju sibe cun l schi che l hockey sun luesa. Lecurdon che mo l ann passà òvel fat pea pra i campiunac dl mond de schi tla Corea, ulache l ova arjont n bel cuato plazamënt tl superG. De mei òvel pona fat pea pra i mundiei de hockey, ruvan cuarto cun la scuadra naziunela taliana y se cualifican nsci per i paraolimpics de Vancouver che ie te chisc dis. Per chëst iede àl perchël messù tò na dezijion te ciuna disciplina fé pea y la vela ie jita per l sledgehockey nce sce, coche Florian nstës dij, ne n’arài

tlo coche scuadra nia de gran pusciblteies de ruvé pra na bedaia. La dezijion ie nce tumeda ora nscila mpue per rejons familieres – Planker à na pitla popa – y l ti tulëssa massa lëur a se njenië ca sciche l toca davia che per se tlassifiché danter i prims pra na tel manifestazion vëniel pertendù bele n drë profesciunism. Ma dessegur saràl per Florian Planker na bela esperienza nce a fé pea tl hockey, che coche savon à tl Canada na gran mpurtanza. Dla scuadra taliana de sledgehockey féjel pert cin atlec de Südtirol y de ndut iel 9 atlec de nosta provinzia che se musererà tla garejedes desferënts dl sport da d’inviern nchin ai 21 de merz a Vancouver.

La scuadra taliana ie tla grupa B y arà da se museré cun l Canada, la Norvegia y la Svezia. Tl’autra grupa iel USA, Iapan, Korea dl Sud y Republica Ceca. Contra l Canada messerài cialé de ne pierder nia massa sëch, ntan che contra l’autra doi scuadres messëssel vester partides plu valives. I prims doi de uni grupa jugherà dopro inant per la fineles y i autri per i plazamënc dal 5. al 8. post. Chësc ie ntant l calënder dla partides dla scuadra taliana CAN-ITA ai 13.3. dala 19.00 ITA-NOR ai 14.3. dala 18.00 SVE-ITA ai 16.3. dala 21.30 Per i nteressei saràl mesun udëi velch dla manifestazions di juesc paraolimpics sun i programs de sky y nce sun rai sport più.


Sport y Informazions sportives

nr. 10 / 13 de merz 2010

Inò n titul talian per Alexia Cin atlec dl Schi Club Gherdëina Cassa Raiffeisen de Sëlva à fat pea pra i Campiunac Talian de biathlon tla garejedes sprint y pursuit a Isolaccia tla Valdidentro

Alexia Runggaldier inò campiunëssa taliana.

Biathlon - L ultima sada y dumënia iel unì metù a jì la garejedes sprint y pursuit (a inseguimento), che valova per l titul talian sibe assolut che per la categuries di jëuni. Cun i bon resultac arjonc bele danora dai atlec de Gherdëina iesen sambën jic permez a chësta garejedes plëns

de speranzes. Dlongia i cin atlec che garejova per nosc schiclub, fòvel leprò nce Alexia Runggaldier per la grupa di finanzeri, Christa Perathoner per l Esercito y Michela Ponza nce ëila per la grupa di finanzeri. Bele n sada fòvel na garejeda da stramp ria pervia dla cundizions

Samuel Mussner ntan l stlupeté da pundù.

dl tëmp cun vënt a stupeté. Nsci fòvel mpue na lotaria per chi che ova plu o manco vënt ntan che l tucova da stlupeté. Na bela garejeda à fat Maikol Demetz che cun mé doi fai sun vint ti ie ruvà scialdi daujin al prim, che ova danz tucà dut. Nce Janpiere Prugger à mé falà doi colp ruvan 21ejim ntan che Manuel Mair am Tinkhof ie ruvà 26ejim. Miran Mittermair se à tlassificà cun cin fai pra i “Jëuni” 15ejim. Miec à stlupetà Samuel Mussner che ova duca dut, ma davia che l ova cris ora i fauz schi ne òvel tan che deguna puscibltà de mescedé pea cun i prims. Na bela garejeda nce de Alexia Runggaldier, che ie cun doi fai ruveda segonda. Michela Ponza y Christa Perathoner, mo stances dai juesc olimpics ie ruvedes 6. y 7. N dumënia fòvel pona la bela garejeda de jì do, ulache uni atlet pëia via destacà dal prim aldó dl tëmp fat tla garejeda dl di dant. Per Maikol che ova abinà n boniscimo di, ne n’àla nia bastà per jì a pië l prim, nce sce l davaniova tëmp a uedl udan, davia che l fova na pista scialdi, povester mpue massa curta. Samuel, cun n auter pèr de schi, ie stat bon de ti jì sot al terzo perdan ala fin mo la volata. Boniscima ie stata Alexia che à pià la prima y purtà te Gherdëina l sëul titul talian te chësta doi disciplines. Bën à nce fat Manuel davanian 7 posizions. Michela y Christa se à tlassificà 5. y 7. Da muië iel che pra chësta garejedes manciòvel per malatia Carmen Runggaldier, che ëssa dessegur nce pudù dì la sia te chësta doi garejedes. Ntant àla bele inò pudù jì inant cun i alenamënc y sarà dessegur pronta per la proscima manifestazions. (ts)

Iniziatives sportives Gara de schi d’alpinism sön Munt d’Adagn L’Uniun dl Sport Lungiarü mët a jì en domënia ai 21.03.2010 la 5. ediziun dla gara sön Munt d’Adagn. Ara se trata de na gara de schi d’alpinism che pëia ia da Lungiarü ćina sön la Munt d’Adagn. Le deslivel dl percurs é de 750 m. Le start é preodü dales 9:30 dala plaza dai auti (dan Pares). Novité da chësc ann é che le travert é gnü spostè sön la ütia Ciampećios, chël ô di che i atleć messerà jì söpert ćina sön la Munt de Furćia y jì indô zoruch ćina ala ütia Ćiampećios, olache al sarà spo inće la premiaziun cun l’estraziun de na loteria cun tröc de bi pesć. L’iscriziun ala gara pon fà por fax al n. 0474/524228 anter i 20.03.2010 da misdé o cherdan sö le numer de telefonn 333 9642470. Gara d’La Pli de Mareo En domënia ai 21 de merz 2010, dales 11.00, gnaral metü da jì la gara di schi y de snowboard de chi y chëres d’La Pli de Mareo. Les iscriziuns vëgn tutes sö ćina la sabeda ai 20 de merz da misdé tl Ufize turistich d’Al Plan, tel. 0474 501037 y tla Botëga dal Cramer a La Pli, tel. 0474 501062, cun 5,00 euro por scolars dla scora elementara y dla mesana, y 10,00 euro por düć i atri. Les iscriziuns al start costa 12,00 euro por düć, y chisc mëssa spo pié ia cun i ultimi numeri. La premiaziun é preodüda dales 17.00 al Restorant “Furćia Center”.

Gara dla liösa dla Lia dai Crëp Mareo En doman domënia ai 14 de merz 2010, él sön Senes la gara dla liösa dla Lia dai Crëp Mareo. La gara mët man dales 14.00. Tó pert po düć i scrić ite ala Lia dai Crëp AVS Mareo (10 categories). Por i nia scrić ite y por i mëmbri de d’atres lies da munt él döes categories por ghesć a pert (ëi y ëres). Iscriziuns y informaziuns tl’Assoziaziun Turistica d’Al Plan ćina incö sabeda, ai 13.03.10 ales 18.30 (ezezionalmënter dan la gara söl post). Sëira de juech al palé N merdi ai 16 de merz uniràl mustrà l juech dl Chelsea contra l Inter sun la gran tëila tla sala di jëuni Saut a Urtijëi dala 20.30. Duc ie nviei a passé y se cialé n cumpania chësta partida. Escursciun sön le “Dreiecker” Les Lies da Munt Val Badia mët da jì en domënia ai 21 de merz na schitour sön le Dreiecker (2.892 m - Kasern). La dificoltè é ria, cun n deslivel de 1.300 m y n tëmp da jì de 3,5 ores. Informaziuns plü menüdes ciafon al nr. 339/2075428. Curs de arpizada sportiva por mituns Le grup de arpizé dles Lies da Munt Val Badia mët da jì n curs de arpizada sportiva por mituns danter 8 y 13 agn, tla palestra da La Ila y Al Plan de Mareo. Le curs é partì sö te 8 sëres, dai 7/8 d’aurì ćina ai 26/27 de mà. A La Ila vëgn le curs tignì vigni mercui, a Al Plan vigni jöbia, dagnora dales 18.00 ćina ales 19.30. Le cost dl’iscriziun é de 70,00€ (curs + iscriziun al AVS). Les iscriziuns vëgn tutes sö ćina ai 25 de merz. Por infos y iscriziuns pon cherdè sö por La Ila Roman al 333/2779171 o Carlo al 333/3696959. Por Al Plan pon cherdè sö Paul al nr. 347/4736300. Le numer de partezipanć é limité.

Campionać provinziai de Yoseikan En sabeda ai 27 y en domënia ai 28 de forà 2010 él gnü tignì a Sterzing i campionać provinziai de Yoseikan Budo - individuai y a scuadres - tles categories U11, U14, U17 y senior. Ales competiziuns à tut pert plü de 300 atleć da döta la provinzia Yoseikan Budo - La A.S.A. Bushido Badia s’à presentè ala competiziun da Sterzing tles gares a scuadres, cun döes rapresentanzes tla categoria U14 disciplina emono (combatimënt cun les ermes) y cun öna na scuadra tla disciplina plü tlassica de yoseikan budo, chëra che stlüj ite le confrunt cun les ermes, chël tl combatimënt colaoratif corp a corp y chël tles formes de kata. La scuadra Bushido Badia 1, metüda adöm da Philipp Pedevilla, Daniel Crepaz, Diego Verginer y Dennis Frenademetz, à tut pert sides tla disciplina emono co inće tla disciplina yoseikan, deperpo che la scuadra Bushido Badia 2, metüda adöm da D enis Frenademetz, Matteo Di Luca y Philipp Videsott, à ma tut pert ala proa de emono. La sabeda à i atleć dla scuadra “Bushido Badia 1” tut pert ala gara individuala y s’à alzè fora por la cualité dla tecnica y l’impëgn

agonistich. Ai à podü insciö confermè les prestaziuns dl mëteman dla sajun y à arjunt resultać ezelënć. Philipp Pedevilla à arjunt le pröm post tla categoria open, cun

le titul de campiun provinzial 2010, deperpo che Daniel Crepaz s’à tlassifiché al terzo post. Inće Diego Verginer à fat na bela gara, mo al à albü la desfortüna da incuntè l’atlet che à spo davagné

Les scuadres dla Bushido Badia à arjunt de bi resultać pro i campionać provinziai a Sterzing.

le campionat. Impò él garatè n bun cuinto post. Por mirit di bogn resultać s’à Philipp Pedevilla y Daniel Crepaz davagné l’azes ala fasa finala di campionać regionai, che gnarà metüs da jì ai 20 de merz a Maran. Le confrunt agonistich é stè scialdi positif inće por la gara a scuadres tla disciplina emono, olache la “Bushido Badia 1” s’à tlassifiché al terzo post, por avëi ma pordü cuntra la rapresentanza sterscia da Bornech, rovada pröma. Inće te chësc cajo podarà la scuadra tó pert ai proscims campionać regionai, deperpo che ara ne s’à nia cualifiché por la disciplina yoseikan, olache al é garatè ma le cuinto post. Tla gara a scuadres, plü avisa tla disciplina emono, à la rapresentanza dla “Bushido Badia 2” dessigü paié por la püćia esperiënza di atleć jogn, che é gnüs eliminà tl pröm rode. Por chësta formaziun êl sambëgn la

pröma esperiënza agonistica, mo impò à i atleć lascè odëi na bona tecnica de basa. Ćina ala fin ési rova ala pêr cun la formaziun da Maran, che ti l’à spo sticada ai badioć, rovan secunda. I atleć dla A.S.A. Bushido Badia s’à insciö comportè scialdi bun, sides sot al profil tecnich, co sot al aspet agonistich. Ai se tol impara na esperiënza importanta y insegnamënć d’öga. Al é inće n arichimënt por l’ocajiun de confrunt y de chersciüda vita deplëgn y despartida positivamënter da düć i partezipanć. I proscims apuntamënć é les finales regionales ai 20 de merz a Maran, y la terza ediziun dl Trofê Yoseikan da Bornech, en domënia ai 21 de merz. Intrames les gares sarà dër importantes por la fasa finala di campionać nazionai, che gnarà metüs da jì a Monza ala fin d’aurì. (massimo romano) www.lauscdiladins.com

39


Informazions y Manifestazions Iadi, Jites y Escurscions Iade da Padre Pio Tla Val Badia éson tl laur da organisé - desche al é bele tradiziun da plü agn - n iade cun n bus ti ambiënć y posć de Padre Pio. Le grup piarà ia la jöbia ai 22 d’aurì 2010, dales 4.30 h a Picolin, por jì tles Marches y spo inant a San Giovanni Rotondo da Padre Pio. Al é preodü da ruvé ilò incër les set da sëra. An starà ti posć de Padre Pio ćina la domënia, olache an pensa da doman adora da pié sö y da gnì ćina Loreto, olache al é söl program na mëssa. An sarà derevers la domënia ai 25 d’aurì da sëra. Por informaziuns y prenotaziuns pòl gnì cherdè sö le numer 0474 520013 (s’anunzié pòn ćina che al é plëgn). Cun l’UML ala mostra sön i Incas L’UML - Uniun Maestri Ladins inviëia da jì a Brescia a ti ćiarè ala mostra “Inca: origine e misteri delle civiltà dell’oro”, en mercui ai 14 d’aurì. An pëia ia dales 6.30 a Corvara, 6.35 a La Ila, 6.40 a Pedraces, 6.50 a Pidrô, 6.55 a Picolin, 7.05 a Longega. An po se prenotè ćina ai 20 de merz pro Cristina Clara al nr. de tel. 0474/590188 (da sëra) o al nr. de fonin 328/866104. Iade a Bad Heilbrunn a descurì les erbes de medejina Le Consëi de Formaziun da La Val organisëia ai 2 de jügn n iade de formaziun a Bad Heilbrunn/Benediktbeuern, sciöche “Kräutererlebnistag” - n dé de aventöra danter les erbes. An jarà a ti ćiarè al Kräuterpark, cun na varieté de 400 erbes de medejina, cun spligaziun de na pedagoga dles erbes. Dedô saràl n workshop cun produć de erbes y vijita al urt dles erbes dl tloster Benediktbeuern. Por informaziuns pon cherdè sö Michela al nr. 0471/843057. Sciöche prenotaziun prëibel paié ite la soma de 30,00€ söl cunt dl consëi de formaziun da La val, IT45K 08010 59130 000303003086. Iade a Abano por fà cures y palsè Dai 11 ai 18 d’aurì vëgnel metü da jì n iade a Abano por fà cures y palsè. Le iade prevëiga set nöt cun ponsiun intiera te n hotel da 4 stëres. Al costa 520,00€ te ćiamena dopla y de 585,00€ te ćiamena singula. Le prisc é da paié ite sön le cunt dla Cassa Raiffeisen Val Badia IBAN: IT45Y 08010 58830 000904261275 cun la causala “Abano”. Por informaziuns y prenotaziuns (ćina al 1. d’aurì) pon cherdè sö Monica Costa Clara al nr. 0474/590069. Jëuni dla Lia da Mont de Gherdëina - Jita cun la peves L vën jit te Ncisles n dumënia ai 21 de merz. Pion via da Daunëi per jì su nchin dala utia Trojer sun Secëda. Iló se aspieta na bona marëda. Chësta ie na jita adateda per chëi che ti savëssa bel a purvé ora n iede chësc sport y per prinzipianc. L vën pià via dala 9.00 daduman sun Plaza S.Antone a Urtijëi. Da tò pea iel n “Pipser”, na pela y na sonda, peves, schi y fusc’. Per chiche ne ëssa nia chësc material, iel la puscibltà de se l mpresté ora dala Lia da Mont. Per plu nfurmazions y per Ve lascé nuté su sëis priei bele de cherdé su tl ufize dla Nëus Jëuni Gherdëina 0471/799006 o scrì a info@njg.it. Jites cun la peves a Zermatt La Scola de Alpinism Catores mët a jì dai 19 ai 23 de auril cater jites cun la peves tl raion de Zermatt. L se trata de jites saurides. Per plu nfurmazions prëibel cherdé su Gregor Demetz, tel. 339/6001319 o 0471/790144. Trekking tla Sardenia La Scola de Alpinism Catores mët a jì dai 16 ai 23 de mei n’ena de trekking tla Sardenia tl raion dl Supramonte, Golfo di Orosei y Cala Gonone. L unirà jit uni di a pe cialan de mudé for inò raion y da sëira uniràn inò de reviers te hotel. Plu nfurmazions pra Gregor Demetz, tel. 339/6001319 o 0471/790144. Viac dl KVW de S.Cristina tl Friul Viac tl Friul Venezia Giulia, a Grado, Aquileia, Trieste, Redipuglia y Udine. L unirà pià via de juebia daduman, ai 22 de auril per vester bele da mesdì tl raion de Valdobbiadene y per furné inant a Aquileia per jì a ti cialé a chësta zità drët nteressanta. Duc i scric ite al KVW, ma nce duc i nteressei a chësc viac ie nviei a unì pea. Lecurdon che la iscrizions vën tëutes su tla Cassa Raiffeisen de S.Cristina ulache l ie nce da giapé l program plu avisa.

Sozial Curè i amarà te ćiasa Le Raiun Sozial Val Badia mët da jì n curs da curè i amarà te ćiasa. Tratan les sëres gnaràl portè dant plü tematiches por daidé i familiars y amisc che à porsones amarades te ćiasa. Al gnarà tratè la pert de teoria, mo suradöt la pratica. Le curs mët man ai 7.04 y se röia ai 26.04. Le curs gnarà tignì lönesc y mercui, dales 19.30, tl’alta Val Badia. Le post avisa gnarà lascè alsavëi plü inant. Les iscriziuns vëgn tutes sö ćina al 1.04.al numer 0474/524507, olache an po inće damanè plü informaziuns sön les tematiches che gnarà tratades.

Dotors y Apoteches Dotor L dutor de servisc dala 10.00 da duman de n sada 13 de merz nchin la 8.00 da duman de n lunesc 15 de merz ie l dut. Giuliano Piccoljori de S. Cristina, tel. 0471/792282. Le dotur en sorvisc tla findledema di 13 y 14 de merz, ti comuns de Mareo y San Martin, é le dotur Edoardo Agreiter, San Martin de Tor, tel. 0474/501927. Ti comuns de Badia, Corvara y La Val saràl en sorvisc le dotur Martin Spechtenhauser, La Ila, tel. 0471/844200. Apoteches L’apoteca de servisc che à daviert ora dl orar ordiner da n vënerdi (dala 19.00) ai 12 de merz nchin n vënerdi ai 19 de merz ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc tla Val Badia, fora dl orar ordinar, dal vëndres ai 12 al vëndres ai 19 de merz, é chëra da San Martin/Picolin, tel. 0474/523020.

40

www.lauscdiladins.com

nr. 10 / 13 de merz 2010

Mostres A Ciavaleis “Sie artisć per trei valèdes” Ogne sabeda e domenia, da les 15.30 enscin les 19.30 al Zenter de Èrt Contemporana de Ciavaleis (vejin a la gejia di Frati) se pel veder la mostra de sie artisć de la valèdes de Fascia, Fiem e Cembra che raprejenta l percors artistich del raion anter tradizion e inovazion, anter identità, leam co la tera de naa e chiam a jir sorafora la seides. Met fora sia òperes Claus Soraperra e Alice Guelfi da Cianacei, Maria Pia Desilvestro, Marco Arman, Robert Bosisio e Anneliese Pichler. Mostra de Bruno Walpoth L artista de Urtijëi mët ora si opres tl Belgio, a Knokke tla Absolute Art Gallery, Kustlaan 285, nchin ai 28 de merz. L ie la prima mostra persunela che Bruno fej te chësta galaria. L se trata de na gran mostra cun passa 15 scultures y deplù dessënies. Bruno mët ora lëures che ël à fat ti ultimi doi ani. L ie for figures ntieres o busc’. Flavio Senoner tl Arsenale a Unieja L scultëur Flavio Senoner mët ora pra la mostra di finalisc’ dl IV. pest per l’ert “Arte Laguna” tl Arsenale a Unieja. La mostra resterà davierta nchin ai 27 de merz, da lunesc nchin vënerdi 12.00 - 19.00, sada y dumënia 11.00 - 19.30, tle Tese di San Cristoforo dl Arsenale a Unieja. Mostra de Egon Rusina La mostra ie tla Galaria Zivica de Persenon, tla Gran Lauben 5, y ie da udëi nchin ai 28 de merz. “L suenn assolut”, per tudësch “Der absolute Schlaf ” ie l titul dla mostra. L se trata de 90 chedri che taca adum, fajan ora un n cheder. La lingia de chedri à Rusina fat ti ani 2007-2008. L se trata dl scumenciamënt dla tematica dl suenn assolut, coche Rusina dij. Orares dla mostra: uni di dala 10.30 - 12.30 y dala 17.00 - 19.00. Mostra de Helmut Demetz Pitures de mumënc dla vita da uni di depënc cun culëures a ega te n stil naif y pultrec de persones, che lascia luné tres n gran sentimënt y trieva. I chedri ie metui ora da udëi tl Art Café Funtanela a Urtijëi, daviert uni di ora che de mierculdi. Mostra de Viktor Senoner La mostra de Viktor Senoner “I culëures dl surëdl tl Café Surëdl“, ie da udëi nchin ai 20 de merz, tl Café Surëdl. L orar de giaurida ie da lunesc nchina sada dala 10.00 nchin ala 19.00. “Sëura la montes de viers dla libertà”, mostra sun l alpinism L se trata de na mostra speziela dedicheda a Karl Unterkircher tl Museum Ladin Ciastel de Tor. N possa jì a ti cialé ala mostra nchin ai 4 de auril ntan l orar dl museum demerdi , juebia y vënerdi dala 14.00 – 18.00 o nce cherdan su dant l numer 0474/524020 per fé ora n terminn.

Sozial Incuntada dles porsones vëdues y sores

L’Uniun dles porsones vëdues y sores dla Val Badia inviëia ala incuntada, en jöbia ai 8 d’aurì a La Val. An mët man dales 9.00 cun la santa mëssa zelebrada da siur Iaco Ploner. Söl program él spo na relaziun dla surastanta Monica Costa sön l’ativité y le program dl 2010, n referat cun siur Tone Fiung, na marëna deboriada y domisdé intratenimënt cun scolars dla scora elementara, le cor Raiëta y Schuen Paul y Hilda. Por rovè adalerch pëia ia na coriera dales 7.45 a La Pli, 8.00 a Al Plan, 8.10 a Longega y 8.20 a San Martin. Na secunda pëia ia dales 8.00 a San Ćiascian, 8.15 a Calfosch, 8.20 a Corvara, 8.25 a La Ila, 8.30 a Pedraces y 8.40 a Pidrô. S’anunzié pon ćina ai 5 d’aurì pro la rapresentanta de osc paîsc o al nr. de telefonn 0474/590069. Le iade cun marëna costa 25,00€.

♦ Scola de Mujiga de Gherdëina, iscrizions Tan de ëura al di scutons’a su mujiga? Cie sort de mujiga nes sà pa plu bela? À pa la mujiga si fazion sun la persona? Sun chësta dumandes pudëssen rujené giut alalongia. Ma zeche ie segur, sce n scumëncia bele da jëuni, o da pitli insù a se dé ju cun la mujiga, pona possa chësta deventé n gran arichimënt per duta la vita. Esperc dij nchinamei, che se dé ju cun la mujiga ciantan o mparan a suné vel’ strumënt, juda la persona tl svilup emotif, psichich y nteletuel. Te na epoca sciche la nosta, ulache l semea che la tecnologia à tëut la sëuravënta, iel perchël de gran mpurtanza de ti cunsië a nosc jëuni de se dé ju cun na materia tan criativa y nëubla sciche la mujiga. Te Gherdëina iel na gran tradizion n cont dla mujiga. Ultimamënter ons duc audì, tan’ de jëuni che l ie unì docà sunan dassënn bën si strumënt. Zënzauter à la Scola de Mujiga cun si maestri dat n gran cuntribut. L nteres per chësta scola ie ultimamënter deventà for majer. L basta mé dì che ti ultimi ani iel feter 600 sculeies che fej chësta scola. L lëur de na tel scola ne ie nia chël de crië solisc’, ma chël de ti dé a duc i sculeies na bona fundamënta cun chësta disciplina artistica y de ti dé inant legrëza. Na gran lauda ti va sambën a duc i maestri che ti nsënia ann per ann cun savëi y pazienza a duc chëi che ie ruvei tan inant, da pudëi zapé ite tla mujighes y cores de nosta valeda, dajan nsci si cuntribut a tenì su na tradizion mujighela de gran valor culturel. Ma nce per duc chëi che per na gauja o l’autra à lascià vester, iel dessegur stat n arichimënt che i se porta pea per la vita. Iscrizions: dai 1. nchin ai 31 de merz 2010 dala 9.00 ala 11.00 y dala 15.00 ala 18.00 dal lunesc ala juebia tla Scola de Mujiga a Urtijëi, Plaza S. Durich 9, tel. y fax 0471/796858, e-mail: ime.msstulrich@ime.schule.suedtirol.it - www.musikschule.it


Informazions y Manifestazions

nr. 10 / 13 de merz 2010

Avisc

Avisc

Iscriziuns ala Scora de Musiga Val Badia La Scora de Musiga Val Badia lascia alsavëi che tratan döt le mëis de merz gnaràl tut sö les iscriziuns por l’ann musical 2010/11. I formulars por les iscriziuns é da ciafè te dötes les scores, sön internet y sambëgn inće tl ofize dla Scora de Musiga a La Ila. Por informaziuns plü menüdes pon cherdè sö le numer 0471/847748.

Museum de Gherdëina orar da d’inviern Nchin ai 31 de merz sarà l Museum de Gherdëina daviert da merdi nchin vënderdi dala 10.00 ala 12.00 y 14.00 ala17.00. Vijites menedes ie puscibles nce ora d’orar, ma cherdan su danora. Per nfurmazions pòssen cherdé su l numer de telefonn 0471 797554 o mandé na e-mail a museum@gardena.net. www.museumgherdeina.it.

Udiënzes dla Uniun di Ustis La Uniun di Ustis HGV tëgn udiënzes inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen.

La cena del puret a Poza Insnet sabeda ai 13 de mèrz da les 19.30 aló da l’oratorie de Poza i gropes miscionaries “Freinademetz” e “Operazione Mato Grosso” endreza la cena del puret. N piat de supa e na sera en compagnìa per envièr la jent, te chest temp de careisema, a n moment de riflescion e condivijion ti confronc de duc chi che vif tel “sud del mond”. Dò aer magnà n bast scempie duc ensema, se podarà sentir la testimonianza de n grop de joegn che à portà la competenzes artistiches emparèdes te l’Istitut d’èrt de Poza, te la miscions de l’operazion Mato Grosso su le Ande de l’Ecuador. La ofertes toutes sù servirà a didèr i miscionaries trentins tel mond. Duc é envié a tor pèrt con familières e amisc.

Orars d’ofize dl APCAT L’Assoziaziun Provinziala di Clubs di Alcolisć en Tratamënt lascia alsavëi che l’ofize tl raiun sozio-sanitar a Picolin é davert le mertesc y le vëndres dales 7.30 ales 11.30. Funzionar dla ICA a Badia Le funzionar Mario Bedin dla dita ICA da Vicenza, conzescionara por la cuta comunala sön la publizité tl comun de Badia, sarà a desposiziun en mertesc ai 23 de merz dales 9.30 ales 12.00, te ćiasa de comun a Badia, por pité informaziuns y tratè problematiches desvalies che reverda la cuta sön la publizité. Nvit a scrì cianties per ladin n ucajion dl ”Di dla Ciantia Ladina” Per l “Di dla Ciantia Ladina” che unirà a s’ l dé ai 19 de setëmber vëniel nvià duc i apasciunei de mujiga a scrì cianties nueves che ie adatedes per cores. La cianties messëssa vester per ladin y mo mei ciantedes dan l publich. L terminn per dé ju la cianties ie ai 1 de juni 2010. Per nfurmazions plu avisa pòssen cherdé su l Istitut Ladin Micurà de Rü te Sëlva, 0471/794268. Prisma - L computer y si mond particuler Tla trasmiscion Prisma de n mierculdi ai 17 de merz dala 11.00 sun Radio Gherdëina vëniel rujenà dl computer y si mond particuler, cumplicà y mpo ala man per duc. Cunsëies per prinzipianc. Co se crì ora ciun model, laptop o computer? L mond di programes y dl internet. Cie se muderà pa ti proscimi ani? A chësta y d’autra dumandes respuenderà l espert Laurin Moroder. KVW de Urtijëi – Detlarazion dla chëutes La grupa dl KVW de Urtijëi juda duc chëi che à da fé la detlarazion dla chëutes. N possa jì n sada ai 10 de auril dala 14.00 nchin ala 17.00 te calonia per se lascé judé. Prëibel cherdëde su Ulrika Perathoner tel.0471/796090 per Ve lascé nuté su. KVW de Sëlva - Aiut per scrì ora la detlarazion dla chëutes Chësc servisc sarà mé per i cumëmbri dl KVW, iscrizions nchin ai 5 de auril pra Liselotte Perathoner, tel. 0471/795486. I papieresc sarà da dé ju ai 10 de auril te Sëlva, calonia de Sëlva, dala 8.30. La detlarazions finedes vën partides ora ai 5 de juni dala 8.30-9.30 for te calonia.

Ejames de ladin Amò per pec dis se pel se enscinuèr ai ejames de ladin che dèsc la prezedenza te la assunzions ti posć publics. La domana cogn vegnir portèda ite dant da en sabeda ai 20 de mèrz a la Scola de Fascia, a man, per fax al 0462/760001, o per posta racomanèda con avis de rezeviment, enjontan l rezepis de paament de euro 5,40 per l prum livel e de euro 10,90 per l secont, fat sul ccp 19262377 de la Scola de Fascia - Servije de Tesoreria. La proes pearà via ai 19 de oril te senta del liceo a Poza con l scrit de secont livel; ai 10 de mé tacarà la proes a ousc per i candidac che tel scrit à arjont amàncol 7/10 e per l’ejam de prum livel la proes, demò a ousc, pearà via en lunesc ai 17 de mé. Open-day a la scola de Fascia Anché, sabeda ai 13 de mèrz la Scola d’Èrt e l Liceo de Poza aur si ujes da les 9.00 a les 12.00 e da les 14.00 a les 17.00 per ge moscèr a duc chi che à enteress la Scola autes de Fascia e coche se laora laìte. Te chesta ocajion se podarà ence aer informazions sui neves corsc de studies aldò de la Reforma tanche aproèda, che per Fascia perveit l Liceo Scientifich, l Liceo di Lengac e l Liceo Artistich coi doi corsc de èrt de fegura e design, apede ai percorsc de studie del Ski College per i joegn che vel meter ensema a la vida miora studie e empegn sportif agonistich.

Sozial

KVW de S.Cristina - Detlarazion dla chëutes Ai cumëmbri dl KVW ti vëniel pità aiut a scrì ora la detlarazion dla chëutes. N possa se lascé nuté su nchin ai 9 de auril da Waltraud Insam, tel.0471/792133. Ai 10 de auril dala 10.00 - 12.00 pòssen pona jì te calonia de S.Cristina cun i papieresc.

Incuntada de informaziun sön l’aministraziun de sostëgn Na porsona, jona o vedla, adora n aministradù de sostëgn canche ara n’é en pert o daldöt nia plü bona da ćiarè de sü interesc y bojëgns soziai, sanitars y aministratifs, a gaujia de na maratia o de n handicap fisich o psichich. Cis ti caji de porsones che sofrësc de demënza, dependënza da alcohol y droghes, maraties psichiches, etc. él important che ares ais zacai che se fistidieia de so bëgnester y dla aministraziun de sü avëis. En jöbia ai 18.03.2010 gnaràl dè informaziuns sön l’aministradù de sostëgn, sü compić, che che le nominëia y che che po le damanè. An s’incunta dales 17.00, tla palestra dl zënter sozial “La Spona” a Pidrô. Informaziuns plü menüdes sön la incuntada ciafon ai numeri 0474/524506, 0474/524507.

Informaziuns por i paurs sön la raida L’Uniun di Paurs Val Badia i lascia alsavëi a düć i paurs che le dotur dai tiers dr. Herbert Furlan y la doturia dr. Nicolina Ruggero tëgn na sëra de informaziun sön le tratamënt dla raida, en lönesc ai 15 de merz dales 20.00 inant, tl salf di stodafüch a San Martin de Tor. Prenotaziuns prëibel sot al nr. 0474/412482 (damanè do Manfred).

Domënia dla jopa En domënia ai 21 de merz dales 11.00 ales 13.30 vëgnel indô metü da jì a La Ila la domënia dla jopa, te Scora Mesana a La Ila. La domënia dla jopa jarà a bëgn dla jënt dl Cile y de Haiti, vitimes di gragn tremoroc. Sciöche i agn passà, saràl n valgügn ostis che ofrësc na jopa ajia, na jopa da golasc o n taì de lasagne. Döt ći che vëgn trat ite i gnarà surandè ala Caritas, por daidé la jënt atocada dal tremoroz. Organisaziun: KVW.

♦ Campionac provinziei VSS de slalom lerch

♦ A dötes y düć dl 1970 dla Val Badia

sun Piz Sela

Anunziesse por le iade a Hintertux L Schiclub Gherdëina Cassa Raiffeisen de Sëlva mët a jì duman dumënia, ai 14 de merz sun Piz Sela la garejeda finela per mëndri y mëndres dla categories baby y cuccioli nasciui dl 2001/02 y 1999/2000 La garejeda peia via dala 9.30 sun doi o trëi purtoies y l unirà adalerch plu de 650 pitli da dut Südtirol che se bat per l titul provinziel VSS de slalom lerch. N ucajion di 40 ani VSS ie chësta garejeda nce na pitla festa dai schi cun velch da bever y da maië ntan la premiazion, che unirà fata dala 13.30 japé dla garejeda sun Piz Sela. L Schiclub Gherdëina nvieia duc i apasciunei dl schi alpin a unì a ti cialé a chisc pitli campions. Per plu nfurmazions y per udëi la tlassifiches de chësta y de autra garejedes pudëis cialé do sun la plata www.sciclubgardena.info

Ara é tan inant che inće nos dla tlassa 1970 festejun nüsc pröms carant’ agn. Chësc n’é nia n avenimënt da püch, porchël s’unse ponsè da le recordè fajan na jita de dui dis a Hintertux tl Tirol, por stè en compagnia y s’la gode deboriada. Le iade é preodü por i dis 17 y 18 d’aurì 2010, an pëia ia la sabeda da doman por jì cun i schi, por la domënia àn inće n program alternatif por chëres y chi che n’ô nia jì cun i schi. Le cost a porsona por le trasferimënt cun le bus, la cëna y le dormì te hotel sarà de zirca 150,00 euro. Les atres spëises (schipas, marëna dla sabeda, entrada ai andri, ferata a tanf, marëna dla domënia) romagn davertes por vignun aladô de ći che un ô fà. Terminn por paié ite l’acunt de 100,00 euro: 21 de merz 2010, don dant inom y misciun söl cunt dla Cassa Raiffeisen Val Badia IT75E 08010 58180 000902261294. Le program plü avisa dla jita gnarà spo menè dan i 12 d’aurì 2010 por posta. Infos: 335 5772248 (Kurt), 338 8025790 (Annamaria). Gnide tröc: plü che i sun, foto: infovilag.hu plü bel ch’al sarà! www.lauscdiladins.com

41


Informazions y Manifestazions Sport y Temp lede Di dla porta davierta tla Scola Profesciunela a Urtijëi Nce ncuei sada ai 13 de merz possa sculeies, genitores y nteressei mo unì a ti cialé ala Scola Profesciunela te si sënta nueva. N possa nce purvé a mudelé, depënjer y ziplé. Orares de giaurida, danmesdì dala 9.00 ala 12.00 y domesdì dala 14.00 ala 17.00. Trix tl Fun & More Ncuei sada ai 13 de merz vëniel metù a jì dala 20.00 tl local di jëuni Fun & More te Sëlva, na sëira de Trix. Ies’a n jëunn, “tifoso” de juesc da mëisa o nce mé dal bunder? Pona ies sambën nvià a chësta sëira de juesc da mëisa dala 20.00 nchin ala 24.00. Inaugurazion dla stazion de Tluses N juebia ai 18 de merz pra la stazion de Tluses iel la giaurida ufiziela dla stazion dertureda su. L unirà nce fat n quiz cun truepa dumandes sun la ferata de Gherdëina. Da vëncer iel chertes dla firmes de trasport de Südtirol. L sunerà la Schrammelmusik de Vienna. Mëisa de libri sun Pasca y ansciuda Tla biblioteca “Oswald von Wolkenstein” de Sëlva iel na mëisa de libri sun la tematiga Pasca y ansciuda. I libri vën metui ora nchin ai 4 de auril. Acrobazies söla nëi La Scora de Schi Corvara/Ladinia organisëia en colaboraziun cun l’Assoziaziun Turistica Corvara/Calfosch na acrobatic ski show cun chentlada i füć artifiziai, plü avisa en mercui ai 17 de merz dales 21.00, dlungia la scora de schi. Al gnarà fat desmostraziuns dles tecniches nöies de schi carving, snowboard y telemark. Al ne manćiarà nia de vigni sort de salć acrobatics.

Musiga Jam session de Dolomiti Ski Jazz a “La Grenz” L’empegn de la sociazion La Grenz per ge sporjer a duc de bela serèdes de musega dal vif se lea chesta setemèna che vegn al Dolomiti Ski Jazz, la bela manifestazion che rua te noscia valèdes dai 13 ai 20 de mèrz. Ai 19 de mèrz da les 21.30, te la senta aló da la Baita te strada Saslonch a Moena, sarà la Jam Session con i musizisć che tol pèrt a la 13^ edizion del Festival. Cunzert cun i Akustika Chamber Singers L cunzert ie ai 27 de merz dala 20.30 te dlieja de Sëlva. L vën metù a jì dal Cor di Jëuni de Gherdëina. Sun l program iel cianties scialdi ries, davia che i ciantarins se njinia ca a fé pea pra n cuncors a Riva del Garda. L program ie de livel scialdi aut ma bel da scuté su. Sëuraprò cianterà l cor mo vel’ ciantia uriginela dl’Africa dl Sud che sarà scialdi nteressanta.

nr. 10 / 13 de merz 2010

♦ Declarazions

debant con le Acli L Zenter operatif Acli de Ciavaleis é do a peèr via la campagna fiscala te Fascia per la prejentazion di modìe 730 e Unico da pèrt de privac, penscioné e dependenc Chest servije fat a cost bas l’é avert a duc, zenza besegn de aer tesseres Acli o auter, e l vegn fat su prenotazion diretamenter te val, a na vida che i utenc no cogne se mever e perder temp, de gra a la colaborazion oramai consolidèda anter le Acli e la Cassa Rurala de Fascia e Agordin, che met a la leta n ofize aposta te sia sentes de Cianacei, Poza e Moena. La Cassa Rurala sostegn ence economicamenter la consulenza a si ghesć penscioné, dajan fora a chi che fèsc creditèr la penscion sun sie cont na zedola da consegnèr ai operatores Acli per poder aer l servije debant. Se pel prenotèr l servije o aer maor informazions ti portìe de la Cassa Rurala de Fascia o al Zenter Operatif de Ciavaleis de “Acli Servizi Trentino” chiaman l 0462.235071.

Referac Coraje da educhè Incö sabeda ai 13 de merz dales 20.00 vëgnel tignì tl zënter Trayah da Bornech n referat cun le pedagogh y maester de yoga Stephan Wunderlich. Le tema che al tratarà é “Mut zur Erziehung” - coraje da educhè. Co podunse pa i trasmëte a nüsc mituns n dër sentimënt de valur? Ći funziun unse pa nos sciöche educadus? Co podunse pa sostegnì les forzes creatives pro nos y nüsc mituns? Ola tolunse pa la forza da educhè? De chëstes y d’atres domandes gnaràl baié tl referat. Al vëgn damanè na spënora volontara. Arpè y dè en arpejun Le Consëi de Formaziun da Rina mët da jì en lönesc ai 15 de merz dales 20.00, n referat cun la DDra. Verena Brunner, söl tema “Arpè y dè en arpejun”. Co pon pa regolè l’arpejun canche an é ćiamò en vita? Co vëgnel pa chirì fora i arpadus de na porsona defunta? Co vëgnel pa fat n dër testamënt? A ći mësson pa mëte particolarmënter averda? Co vëgn pa partida sö l’arpejun? Chëstes y d’atres domandes gnarà tratades pro le referat a Rina. “Cumëmber dla sëurastanza“ I parënc y cumpanies de amalei psichics de Urtijëi mët a jì n lunesc ai 15 de merz dala 17.00 tl Servisc Soziel a Urtijëi n referat dal titul “ Cumëmber dla sëurastanza Vorstandsmitlglied”. Referënt ie na persona cumpetënta dl setor. Nfurmazions plu avisa n cont dl’ancunteda tl ufize a Bulsan. Persona de cuntat Lotte Rella. Co miuré l stil persunel La grupa dl KVW de Urtijëi mët a jì n domesdì ulache l unirà dat cunsëies sun l stil de na persona, i culëures y coche n possa auzé ora a na maniera positiva n stil persunel. “Stil und Farbberatung, wie unterstreiche ich in positiver Weise meinen Typ?“ Referënta ie Alexia Wojnar de Lana. L domesdì ie tla sala di jëuni “Saut“ tl Circolo – Lia Mostra de Ert a Urtijëi, ai 20 de merz dala 14.00 ala 17.00. L possa fé pea 8 persones. Se scrì su pòssen tla sala di jëuni “Saut”.

♦ Üs da Pasca sciöche operes d’êrt En domënia ai 21 de merz vëgnel metü da jì tl Albergo Gader a Longega na mostra de üs da Pasca cherià da Cherubina Moling Ploner

Autonomia energetica te Südtirol N merdi ai 23 de merz ie dala 20.30 a Urtijëi tla sala dla Lia Mostra d’Ert n referat sun l’energia “Energieautonomie in Südtirol”. Referënt ie Peter Erlacher. La manifestazion vën metuda a jì dala Lia per Natura y Usanzes.

Sozial Curs per se njenië ca a parturì

N valgügn üs da Pasca cherià da Cherubina Moling Ploner. Canche n ü da Pasca devënta na opera d’êrt. Y sciöche operes d’êrt pon bëgn definì i üs da Pasca che vëgn cherià da Cherubina Moling Ploner. I üs depënć a man o cun tecniches desvalies desmostra gran pasciun, savëi y amur por le detail. En domënia ai 21 de merz podaràn aprijé chëstes morvëies tl Albergo Gader a Longega, en gaujiun dla mostra de üs da Pasca. La mostra é daverta döt le dé, dales 10.00 danmisdé ćina ales 8 da sëra. Düć canć é dër bel Canche i üs devënta operes d’êrt. Ai 21 de merz vëgni metüs en invià da storje pro. mostra a Longega.

42

www.lauscdiladins.com

Ntan dut l ann vëniel pità da pert dl Servisc Saniter de Gherdëina chisc cursc. L vën pità nfurmazions sun i aspec fisics y emotifs ntan che n aspieta, ntan l parturì y l tëmp da dedò. L vën pità mesuns per cuntenì l mel dla dueies y per ti jì permez al mel ”normal” dl pert. Dut per judé do a n pert naturel. L ie nce n’ucajion per fé esperienza de muvimënt y de relassamënt y per cunëscer d’autra umans. Per fé pea i cursc iel da se nuté su cherdan su l 0471 797778 o l 0471 794290.

Festes Popolares Festa dla Musiga cun Alex Pezzei

Incö sabeda ai 13 de merz vëgnel metü da jì a San Martin le “Musifest”, olache le musizist jonn Alex Pezzei presentarà süa CD nöia. La scëiba contëgn indöt 12 ćianties, danter chëstes inće le tòch sonè pro le Grand Prix dla Musiga Popolara “Wenn i auf Bergeshöh’n steh” y “Stern der Berge”, deboriada cun i “Grödner Alphornbläser”. L’entrada ala festa é dales 19.30 y ara metarà man dales 20.30. Ala serada tol pert inće i fredesc Messner da Vintl, davagnadus dl Grand Prix dla musiga popolara di mituns, le grup “Sauguat” y la ćiantarina “Caro”. Por spëisa y boanda vëgnel fistidié.


Informazions y Congratulazions

nr. 10 / 13 de merz 2010

Cursc Corsc de informatica e lengac

A nosc

David

Per se verjer a la comunanza e responer ai obietives de fèr formazion permanenta, la Scola Ladina de Fascia endreza corsc da sera de informatica e de lengac, averc a duc: word de basa e avanzà, internet e posta eletronica, excel, ingleis, todesch e spagnol. I corsc de informatica vegnarà endrezé ti meisc de mèrz e mé e chi de lengac ti meisc de oril e mé. Vegnarà fat gropes de 10/15 persones e l cost del cors é de 70 Euro. Per aer maor informazions o per se enscinuèr ge vel chiamèr al più prest al numer de telefon 0462.760340 (seg.a Tarter).

co complësc ai 14 de merz i 18 agn ti audunse döt le bun y por le dagnì, suzes, ligrëza y sodisfaziun. Le pere y la mama, Daniel y Jonas

Cursc de inglesc A Badia vëgnel metü da jì cursc de inglesc por prinzipianć y progredis. I curs mët man ai 22 de merz y ai 23 d’aurì y döra indöt 10 sëres l’un (dui iadi al’edema). Por informaziuns plü menüdes y prenotaziuns pon cherdè sö Iaco Clement al nr. 339/6257779. Le prisc é de 65,00€ (55,00€ por i scrić ite al KVW). Laprò vëgnel la spëisa de 32,00€ por material didatich. Organisaziun: KVW Badia. Scolina de musiga - Musikgarten Le Consëi de Formaziun da La Val mët da jì dai 30 de merz inant (8.30 h) la scolina de musiga, tl salf protezionè “La Spona” a La Val. Le curs vëgn tignì da Angelika Schuen y jarà inant vigni mertesc, po indöt 8 iadi. Al vëgn tut sö 8 copies (genitur + n möt/na möta da 1 ann y mez ćina trëi agn). Le cost é de 35,00€. Por informaziuns y prenotaziuns pon cherdè sö Angelika Schuen al nr. 333/9869699 o 0471/847474. Curs da balè por düć La Uniun dles Ëres da Calfosch mët da jì n curs da balè por düć. Tl curs podaràn imparè da balè discofox y walzer cun le maester de bal Günther Hellweger y süa compagna Barbara. Le curs mët man en sabeda ai 24 d’aurì dales 19.30, tla Ćiasa dles Uniuns a Calfosch. Indöt s’incuntaràn sis iadi, dagnora la sabeda dala medema ora, por n’ora y mesa. Le curs vëgn tignì sce al tol pert almanco diesc copies. Por informaziuns plü menüdes y prenotaziuns pon cherdè sö Regina al nr. 0471/836342 o Sandra al 0471/836335, anter i 19 d’aurì. Ëi y ëres, jogn y manco jogn, single y nia é bel invià da tó pert.

Ti augurun düt l’bun

al Simon che à trat l’salt tla majera eté! Chi da Runch y Biei

Rosina Palfrader Mutschlechner d’Al Plan,

Curs da cujì trothes da ëra La Jonëza da Paur d’La Pli de Mareo oress mëte da jì da d’altonn fora n curs da se cujì la troht da ëra, cun Elisabeth Colz da Rina. Al po tó pert al plü 10 porsones y la condiziun é savëi da cujì. Por informaziuns plü menüdes y prenotaziuns pon cherdè sö Marlies Valentin al nr. 349/7203377 (do les 14.00) ćina ai 15 de merz. Al gnarà inće fat na sëra de informaziun y le cost depënarà dal numer de partezipanć. Cursc cun la Scola de rujeneda “Alpha Beta” de Bulsan I cursc ie dai 12 de auril nchin ai 9 de juni a Urtijëi tla Scola d’Ert. Iscrizions nchin ai 25 de merz. L test per unì tëuc su ie ai 26 de merz dala 17.00 tla Scola d’Ert de Urtijëi. Curs de nglëisc per prinzipianc de lunesc y mierculdi, dala 20.15 - 21.30 (20 ëura) priesc 105 euro. Curs de nglëisc per chëi che sà bele mpue’ de lunesc y mierculdi, dala 18.45 - 20.00 (20 ëura) priesc 105 euro. Curs de talian per prinzipianc de lunesc y mierculdi, dala 18.45 - 20.00 (20 ëura), priesc 99 euro. Curs de talian per chëi che sà bele mpue’ de lunesc y mierculdi, dala 20.15 - 21.30 (20 ëura), priesc 99 euro. Iscrizions pra l Servisc Furmazion Gherdëina tel. 0471/773225 o furmazion.gh@micura.it Curs de fé massajes te cësa L KVW mët a jì n mierculdi ai 6 de auril a Urtijëi, tl local dla “Locia” streda Roma, dala 20.00 n curs de massajes da pudëi fé a cësa. Referënta ie Monika Engel che fej massajes. L curs va inant per 3 sëires (6/13/20 de auril ) for dala 20.00 ala 22.00. N dëssa se nuté su mé a peres (doi y doi) y l numer di partezipanc ie limità, dai 15 de merz inant pra Brigitte Runggaldier tel. 339/4629400.

93 agn! Tan d’ütl è To ejëmpl de vita Mama, Oma. Tan trep anse da emparé da co che t’as superé ostacoi y salpü da t’la rì con saù dles picolëzes da vigne dé. Laona este belo trec iadi y i t’aodun ćiamó trec iadi laprò! Döt le bun! Chi de familia

A mi uem, nosc pere y nosc nëine

Giancarlo Zanotti per i 70 ani cumplii n vënerdi ai 12 de merz dut l bon!

Curs de ginastica Feldenkrais La Mëisa Turonda dl’Ëiles mët a jì n curs de ginastica Feldenkrais, la ginastica che fej bon al spinel. Chësc curs ie tla scola elementera de Urtijëi dala 20.00 inant. Referënt ie Tutzer Reinhard. L curs ie 8 iedesc de ndut ai 18, 25 y 31 de merz, ai 7, 15, 22 y 29 de auril y ai 6 de mei. Heeelau – Curs per fé l ciapel Ëis’a n mut che cumplësc chëst ann 18 ani? Pona iel gran ëura de pensé al ciapel. La biblioteca San Durich mët a jì doi sëires per fé l ciapel da helau, n mierculdi ai 17 de merz y n mierculdi ai 24 de merz, for dala 8.00 da sëira. Passëde te biblioteca San Durich a ve nuté su o cherdëde su l numer de telefonn 0471/797814.

Chino Al chino de Cianacei

Al chino de Cianacei en sabeda ai 13 e en domenia ai 14 de mèrz da les 21.30 se pel veder “Appuntamento con l’amore” de Garry Marshall, regist de Pretty Woman, con Julia Roberts, e Jessica Alba. En mèrtesc ai 16 e en jebia ai 17 de mèrz semper da les 21.30 vegn moscià l film “Alice in Wonderland” de Tim Burton con Johnny Deep e Mia Wasikowska. Per dut l fin de setemèna che vegn da la medema ora sarà en programazion “Codice: Genesi” de Albert e Allen Hughes con Denzel Washington e Gary Oldman. Al chino de Tieser Al chino de Tieser anché sabeda ai 13 e doman domenia ai 14 de mèrz da les 21.15 (e en domenia ence da les 17.00) se pel veder “Alice in Wonderland” de Tim Burton con Johnny Depp e Mia Wasikowska. En jebia ai 18 de mèrz per “il piacere del cinema” se podarà veder “Lourdes” de Jessica Hausner con Sylvie Testud, Lèa Seydoux.

Congratulazion a noscia mare, ava e besava

Alma Brunel che ai 12 de marz l’à compì 90 egn Duc chi de ciasa ge fasc i miores augures con n gran braciacol

www.lauscdiladins.com

43


Congratulazions

nr. 10 / 13 de merz 2010

Él mo l’fioc incö bel luvé, o él ćiamò a festejè? 18 agn aste inîr cumplì, mo che te pos fà ći che t’os, ne ôl pa nia dì! Ći sciode che l’tëmp passa tan dassënn,

Karlotte che te sibes for tan da snait. Dut l bon, fertuna y sanità te mbincia Martina, Hannes, Michela y Walter

Ai 17 de merz él l’dé che i 60 agn dla

Gerda

chël pic’ Arthur é bel tan gran. Ne te gnaras plö cun la tota sön fur, śëgn ater aste tl će... sambëgn l’laûr. Finalmënter l’auto poste te arjigné, nia ma plö crabal, mo inće söl pedal n pü’ druchè! Te augurun tröpa furtüna, ligrëza y sanité y te recordun de gnì datrai a se ciafè. L’tot y la tota

é da festejé. Düt l’dé aste da saltè, da mët man da duman da ti dè ai sciori da gustè. Ćiamenes él spo inće da jì a fà y spo ćiamò cun i taîs da saltè ia y ca. Da laurè ne ciafest’mai assà y ćinamai cun l’taxi val’ rodes vaste a fà. Jì vaste da piz a ćiantun y inće cun la jënt este tres da urëi bun. Düt l’bun uressun ćiamò te auguré y ćiamò tröc agn de fortüna y sanité.

Chësta “picera”

Omi, Werner, André y Ani, René y Sara, Christa cun familia, Karin cun familia

complësc ai 18 de merz bele i 25 agn! Döt l’ bun

Düt l’bun Manuel

da tüa familia

pur i 30 agn che T’as complì ai 9 de merz. Te aodun inant tröpa sanité, fortüna y ligrëza cun To laûr. Resta inant tan dala bona lüna.

Dan da 18 agn él suzedü

Teresa y düć chi de familia

la Martina

Congratulaziuns a

Marlene

che à stlüt jö dër bun i stüdi de psicologia tl’Université da Desproch. Te augurun tröpa ligrëza y sodesfaziun tl laûr. Tüa familia

sö Gscnara él nasciü. Bel’ da picera te cüna âste tres la bona lüna. Na bela jona este deventada y t’es tres laprò da fà na matada. La patent él tosc da fà, deache “taxi Tina” urun nos tó ca. Da fà festa n’est’ mai massa frada, mo l’dé do vaste tres a fà na bela palsada. To “ma taji” ne uruns’ incö nia aldì, deache a fà festa él tosc da jì. N got de vin él insnöt da paié y düt l’bun urun t’auguré! Elly, Anna, Sandy, Judith, Nathalie, Sabbi, Maddi, Alle, Marly, Evve y Carolin

Duman cumplësc nosta lâ

En mercui ai 10 de merz à nosta fomena, uma, lâ y besaona

Paula

Celestina De Giovanni

70 agn. Cara lâ, tan de tëmp y de amur che te se scinches vigni dé... Degüna scincunda é grana assà pur te dì GIULAN! Tü pici nus Annika y Edoardo

Congratulaziuns al

dr. med. univ. Jan Valentini

44

cumplì i 80. Düć adüm urun ćiamò ti augurè düt l’bun, furtüna, n gröm de sanité y ćiamò tröc agn da passè cun nos. Düć chi de familia, dantadöt i pici Gabriel, Leonie y Nikolas

L’tëmp passa debota y a 40 agn este śëgn ruvé. Al te sa plü bel da Armentara sö che stè pro l’lignan dla siëia, chël é sigü. Porchël godet’la ma n püch deplü.

che s’à laureè ai 5 de merz al’université de Graz cun na tesi sön medejina cineja y agopuntöra fata tl’Université a Pechin.

Düt l’bun por l’complì di agn, resta inant sann intun, ligherzin y da urëi bun.

Düt l’ bun da tüa familia y da to pic’ fioc Noah

Da düć i pici y gragn

www.lauscdiladins.com


Religion y Anunzies

nr. 10 / 13 de merz 2010

Sant Ojöp, patronn de Tirol

Rengraziamënt

Moroder Elisabeth Paula in Demetz

I rovun tres plü daimprò ala festa de Sant Ojöp, che toma ite ai 19 de merz. Da püch él gnü fora na bela publicaziun sön Sant Ojöp che trata: Sant Ojöp tla Teologia, tla Ert y tla devoziun popolara

* 08.08.1961 + 03.03.2010

Rengrazion de cuer duc chëi che nes ie stac daujin te nosc duel per avëi perdù mi bona fëna, nosta oma y sor. Sention gra dantaldut ai ujins, a duc i cumpanies y cunescënc per i biei ciofs y la bona paroles, a seniëur digan Vitalis Delago y al cor Raetia per la bela santa mëssa y a duc chëi che ie unic a vedlé y ala supeltura.

Teratodëscia. Sant Ojöp ti à dè l’inom a tröpa flora, a erbes y ciüfs. Tla êrt vëgn Sant Ojöp presentè insciö: l’anunziaziun, la noza cun Maria, sciöche ai chir alberch a Betlehem, la nasciüda dl Bambin, la prejentaziun tl tëmpl, la müciada tl Egit, Gejù tl tëmpl amez i studià, la mort de Ojöp en presënza de Gejù.

Chëi de familia

Festa degöna, mo bëgn patronn

Le cuertl dl liber sön Sant Ojöp.

Religiun - La bela publicaziun à inom “Der Heilige Josef: Theologie - Kunst Volksfrömmigkeit” y é gnüda dada fora dal Kunstverlag Josef Fink da Lindenber i. Allgäu (2008). Te chësta publicaziun ciafunse cotan d’articui scrić da de gragn studià che trata temesc dër desvalis sön Sant Ojöp. Tl pröm capitul conscidrun Sant Ojöp tla Bibia, Ojöp de Nazaret, Ojöp pere de Gejù, la posiziun dl zumpradù laota, Ojöp aladô di peri dla dlijia, süa veneraziujn tla dlijia dl Oriënt, Ojöp a će dla Sacra Familia, sües virtus. N ater capitul baia de Sant Ojöp tla êrt; al vëgn tratè Sant Ojöp sciöche n pisimadura che röia impò a gnì detlaré sant; n articul nes porta dant Sant Ojöp tl artejanat dl or y tla leteratöra. Inće le tema dla tradiziun y devoziun popolara ne po nia manćé, avisa desco Ojöp patronn di lauranć.

Bele dal 1621 incà vëgn Sant Ojöp recordè ai 19 de merz, mo nia festejé. Fora en Bayern él ćinamai gnü metü sö aposta na “Königlich - Bayerische Josefspartei”, che se prô da arjunje che Sant Ojöp vëgnes indô tignì ai 19 de merz, dé de festa. F.J.Strauß fajô pert de chësc partì, incö inće le cardinal W. Josef Kasper. Le Papa Pio IX. à dl 1870 detlarè Sant Ojöp patronn dla dlijia catolica. Te deplü de nostes ploanies él na tofla o na bela statua de Sant Ojöp che vëgn portada dai omi pro les prozesciuns. Na picia matada: sön paraîsc êl lîtes. Feter dötes les usc i ê jüdes al partì cristian. Ma un â lité la man ciampa, la SPÖ. An ciafâ atira fora che Sant Ojöp ê jü fora de sûc. Pire ê gnü döt bestia y ponsâ da sciurè Ojöp fora de paraîsc. Mo Sant Ojöp stê bel cun pêsc y dijô feter sotusc: “Ascheje: Ći che al te gniss imënt. Sce i me sciurëis fora de paraîsc, dailò me toli cun me mia fomena y mi möt; spo sce podéssess pa stlü pro osc fodà/tamà.” Chësta é sigü na matada, mo al é val’ de vëi iadedô! Chilò vëgn Ojöp metü dant sciöche litadù dla SPÖ, simpatisant dl partì di lauranć, dla jënt scëmpla sciöche ël instës; al ê “pö ma” n zumpradù. La solidarité defrunt a chi che ti stà plü a cör é por ël plü importanta co s’adatè ala sozieté de paraîsc cun a će Pire, le vardian döt soz y scerius. Ojöp savô che Maria y so fi ê da süa pert y insciö le Signur. (Lois Trebo)

La figöra de Sant Ojöp é dër raprejentada sön tröpes pilores/santes, ćinamai sön i martli. Tla Bibia vëgn Ojöp dant 15 iadi, mo Ojöp instës romagn scialdi do coltrina . Al à azetè ći che ti ê gnü damanè: al i olgâ al agno che i comparî y incundâ la gran noela che Maria dô gnì süa nücia y ciafè n viadù; tl som i comparîl n agno a i dì che ai dô s’un mücé tl Egit por i sciampè ai cortì dl re Erode y Ojöp ti à stimé sön la bota ćialda. Na stëra ti mostrâ le tru sigü. Ojöp à surantut na gran responsabilité por uma y fi. Al vëgn dant tla Bibia sciöche om de Maria canche Gejù ê pice, da protetur dla Sacra Familia, da zumpradù fistidâl da mantignì la familia, al ê le pere nodridù de Gejù. Al à dè n bun ejëmpl por peri, al é patronn dles families, di lauranć, patronn di convënć, de dlijies, de capeles, de anteriöi o ciüć, de ćiases di püri.

David Moroder * 28.01.1031 + 10.3.1997

Lecurdon David tla santa mëssa ncuei sada ai 13 de merz, dala 6 da sëira, te dlieja de Urtijëi. Chëi de familia

Recordanza

Ivan Costa

*07.10.1983 +17.03.2005 L’tëmp jora... mo to rì slomina tres te nüsc ödli. Tüa forza se fej sintì stersc y to recort se scialda le cör. L’amur é tl’anima y l’anima ne mör mai! Te recurdun cun amur y reconescënza, en particolar tla Santa Mëssa dl ann che sarà en sabeda ai 13 de merz dales 18.00, tla dlijia da La Ila. N giulan a chi che l’recorda tla oraziun y ti pinsiers. La familia

Recordanza Diesc agn él ca che nosta mama

Rita Rubatscher da Ciurnadù n'é nia plü pro nos, mo gnanca en dé ne n'él passé zënza en pinsier de amur por ëra. Pur düć chi che s'la recorda gion, él ai 16 de merz dales 7.30 na santa mëssa por nosta mama, te dlijia da La Val.

Recordanza “Inće sce te n’es nia plü danter nos, este impò tres ćiamò vi te nüsc cörs”

La veneraziun dal Sant Valch sön l’importanza de Sant Ojöp te Tirol y Vorarlberg ne po nia manćé; de Tirol él patronn. Süa veneraziun tla Svizra n’é nia picera. I imparun da conësce Sant Ojöp sciöche bun acompagnadù che vëgn dant tla cripele, al é n bun ascutadù, mo ël instës ne dij mai nia; al é daidadù por avëi na bona mort. L’inom Ojöp vëgn dant te n grumićio de variaziuns ti stać no ma europeics. Tla toponomastica vëgnel dant tröc iadi l’inom de Sant Ojöp. Tröpes ploanies porta l’inom de Sant Ojöp y le medemo cliniches, cis te

Lecort

Al é bele passè dui agn, da canche

Walter Trebo nes à lascè.

Afrësch cun Sant Ojöp, Santa Maria y le viadù söl iade tl Egit. Le laûr é gnü fat dal artist August Martin por le Bonner Münster.

Le tëmp passa ia, mo i recorć che i ùn de te ne passa mai. Dé por dé nes acompagneste te nüsc pinsiers y te nüsc cörs. I te recordun tla santa mëssa en jöbia ai 18 de merz dales 19.30, tla dlijia da San Ćiascian. N bel dilan a düć chi che se recorda de ël tles oraziuns. I familiars

www.lauscdiladins.com

45


Religion y Inserac Vangel dla Domenia Cuarta domënia de Carsëma, Ann C, ai 14 de merz 2010 Dal vagnele do San Lüca, 1-3.11-32 Te chël tëmp ê düć i publicans y i pićiadus gnüs da Gejù a l’ascutè. I farisês y i studià dla lege bruntorâ porsura y dijô: “Al se dà jö cun i pićiadus y mangia ćinamai impara.” Sön chëra ti àl cuntè na parabola y à dit: “N ël â dui fis. Le plü jonn de chisc à dit a so pere: Pere, dàme la pert dl’arpejun che me speta. Insciö à le pere partì sö so avëi. Do püć dis à le fi plü jonn pochenè döt adöm y s’un é jü te n paîsc dalunc. Dailò àl vit na vita desliada y à spaterlè ia so avëi. Mo do ch’al â albü desmandrè döt cant, êl gnü na gran ćiarestia te chël paîsc, y ara ti jô dër mal. Dailò él jü a se pité a n abitant de chël paîsc, che l’à fat jì ti ćiampoprà a vardè i porcì. Al s’ess ion parè la fan cun les brosces che i porcì mangiâ, mo degügn ne ti an dê. Dailò él jü ite te se instës y à dit: tan de oras de mi pere à pa plü co assà da mangé, y iö möri chilò da fan. I ô pié ia y jì da mi pere y ti dì: Pere, i à fat pićé cuntra le cil y cuntra tè. I ne sun nia plü dëgn de ester to fi; tòleme sö sciöche un de tü oras. Spo él pié ia y é jü da so pere. Le pere l’â bele odü gnon dalunć adalerch, y s’al menâ pićé. Dlun’ saltan ti él jü adincuntra, ti é saltè incër le col y l’à bajè. Y le fi à dit: Pere, i à fat pićé cuntra le cil y cuntra tè; i ne sun nia plü dëgn de ester to fi. Mo le pere ti à dit ai fanć: jide debota a tó la plü bela iesta y vistìdila, metedi n anel tla man y vistidi i ćialzà. Condejede adalerch le videl miorè y tolédele ia; i orun mangé y fà gran festa. Deache mi fi ê mort y vir indô; al ê pordü y é indô gnü ciafè. Y ai â metü man da fà festa. So fi plü vedl ê intratan fora sön ćiampoprè. Canch’al é gnü y é rové dlungia ćiasa, aldîl sonan y balan. Al n’à cherdè un di fanć y à damanè ći che chësc dô significhé. Le fant à respognü: Al é gnü to fre, y le pere à lascè tó ia le videl miorè, ćiodì ch’al l’à indô ciafè sann intun. Dailò s’àl dessenè y n’orô nia jì ite. So pere indere é gnü fora y à porvè da ti baié bun. Mo al ti à respognü al pere: i te sorvësci bele tan d’agn, y mai n’ài fat val’ cuntra tü comani; a mé ne m’aste mai scinché val’, gnanca n asó, ch’i podess fà na festa cun mi amisc. Pornanch’al é rové adalerch chësc to fi, che à desmandrè to avëi cun prostitutes, aste lascè por ël tó ia le videl miorè. Le pere ti à respognü: Mi möt, tö es tres pro mè, y döt, ći che é mi, é inće to. Mo śëgn messunse pö se ralegrè y fà festa; deache to fre ê mort y vir indô; al ê pordü y é indô gnü ciafè.” Parora dl Signur. - Lalt a té, Gejù Crist!

"La Dlijia adora i artisć" Indunada dl Vësco Karl Golser cun artisć de Südtirol a Balsan Dlijia - Siur Karl Golser é da n ann incà vësco dla Diozeja de Balsan - Porsenù y öna de sües prömes iniziatives che al s’à tut dant é les indunades cun la popolaziun y les organisaziuns religioses y laiches de süa diozeja. Dan otedé àl invié i mëmbri dl “Südtiroler Künstlerbund” y dl’assoziaziun taliana di artisć de Südtirol a na mëssa dla parora tl Dom a Balsan y na indunada dedô tl Pastoralzentrum dlungia le Dom. La mëssa é stada scëmpla, ti lingac talian y todësch y latin, cun pinsiers portà dant dal Vësco Golser sun l’ert y la creativité. Les supliches é stades taiades pro söl’ocajiun. Manćé à le lingaz ladin, almanco te n salüde cört. Dedô é l’indunada jüda inant. Monsignur Golser à saludé i artisć cuntan che l’ert acompagnëia da vedlamënter incà les strutöres sacrales dla umanité, se damanan sce al é inće i artisć che adora la dlijia al dédaincö che l’ert po inće suravire ti ambiënć profans. I artisć é aladô dl vësco Golser porsones che à salpü da ralisé y abelì tla storia dla Dlijia tan tröp, cun la vijiun che ai à dl bel y da realisé val’ de “transzendental”.

Dlijia y ert po avëi na funziun deboriada, chëra da jì iadô a cosses y evënć, por chirì respostes de na vita che an ne po nia pié ite, no formè no depënje. Le salüde é spo inće gnü dai dui surastanć dles organisaziuns artistiches de Südtirol. Inće te chësta ocajiun à manćé n rapresentant dles organisaziuns di artisć de Gherdëna o dla Val Badia. Le conservadù dl patrimone artistich dla Diozeja Karl Gruber à tignì n referat sön costruziuns, renovaziuns y restaurs de dlijies te Südtirol ti ultimi 30-40 agn. Don Karl Gruber n’à nia sparagné cun osservaziuns de complimënć, osservaziuns ironiches y inće critiches sön architetöres nöies, en pert inće ajuntades a cubatöra bele esistënta (p,ej. Dlijia de Sëlva). Inće cotan de artisć de Gherdëna y dla Val Badia é gnüs nonimà tl referat rich de diapositives dl espert dl’ert sacrala Karl Gruber. Un di laurs de novitês tl ćiamp dl’ert sacrala de Südtirol sarà le presbitere renovè cun l’altè amez nü y l’ambo nü dl artist Franz Kehrer tla Dlijia d’La Pli de Mareo. I laurs podess bele gnì benedis ai pröms de mà. (ir)

Le vësco Karl Golser tl Pastoralzentrum tratan süa relaziun dan ai artisć ruvà a Balsan da döt Südtirol.

46

www.lauscdiladins.com

nr. 10 / 13 de merz 2010

Döt ći ch’à fle dess laldè Idî Dé mondial dl’oraziun dles Ëres a Oies Sozial - Les Ëres dl Decanat dla Val Badia é ruvades adöm en vëndres, ai 5 de merz, a Oies, por tignì le dé mondial dl’oraziun che vëgn tignì te bëgn 170 stać dl monn. Do che na bela prozesciun de ëres é rovades da Badia sö, acompagnades dales surastantes dla uniun dles ëres de Badia, unse festejè cun tröpes d’atres ch’é gnüdes adalerch cun i auti, la santa mëssa. La santa mëssa é gnüda zelebrada da siur Degan, do che siur Pire à fat na picia introduziun cun retrać sön les ëres dl Camerun. Le tema, les ćianties y les oraziuns por chësta santa mëssa vëgn arjignades ca vigni ann da n grup de ëres de n ater stat. Chësc ann éle stè les ëres dl Camerun che s’à invié a tó pert y a s’unì a ëres tl’oraziun. Le tema ch’ares à chirì fora é: “Döt ći ch’á fle dess laldè Idî”. Les surastantes dlea uniun dles ëres da Rina à surantut l’organisaziun de chësta indunada cun gran dediziun. Ares à adatè i tesć dà dant y i à lit tratan mëssa. La mëssa é inće gnüda arichida dales usc dl trio “A per sorëdl” ch’à imparè ite por l’ocajiun ćianties africanes. Te chësta ocajiun éle gnü coiü adöm na spënora de bëgn 2.000,00 euro por dadié les Ëres dl Camerun che i podun ti dè inant cun gran ligrëza a döes monies Terziares de Südtirol che laora bele por plü agn tl Camerun. Le Consëi Decanal dles Ëres catoliches dla Val Badia rengraziëia düć chi che à tut

Motif dl Dé mondial dl’oraziun, cun iadô la scrita “Döt ći che à fle, dess laldè Idî. Dé mondial dl’oraziun Kamerun, Oies ai 5 de merz 2010”.

pert a chësta indunada y düć chi che à daidé pro che le dé garetes. Dilan! Claudia, por le Consëi Decanal dla Uniun dles Ëres catoliches Val Badia

Mëssa di Jëuni

La grupa di Jëuni de Urtijëi mët a jì ncuei sada ai 13 de merz dala 18.00, te dlieja S.Durich na mëssa di jëuni. Da dedò vëniel mo stat deberieda.

Stazions Via Crucis L Club di Seniores de Sëlva mët a jì n mierculdi ai 17 de merz dala 15.00 te dlieja dla Madona te Sëlva la stazions.

La Ostaria Posta da Piculin chir por la sajun da d‘isté na cherlnera de salf con esperiënza. Prëibel telefoné al 0474/523128. info@ostariaposta.com

inserac@ lauscdiladins.com Pub Underground a Corvara chir por la sajun da d’isté o inće por döt l’ann 1 barista dal 1. de mà. Prëibel cherdè sö le 347 1301160 o le 0471 836410

Ristorante Da Paolo a Corvara chir 1 cogo 1 aiüt cogo 1 chelner/a por na sajun lungia da d’isté o inće por döt l’ann. Prëibel cherdè sö le 0471 836410

Avis Comun de Mareo Le Comun de Mareo lascia alsavëi che al vëgn tut sö a tëmp determiné n/na assistënt/a al zënter vijites di raiuns sconà/parch natural Fanes-Senes-Braies - V. cualifica funzionala. Le post é resservè a concorënć che alda pro le grup de lingaz ladin. Les domandes de assunziun mëss rovè adalerch al Comun de Mareo anter les 12.00 di 22.03.2010. Por d’atres informaziuns é a desposiziun l’Ofize Personal dl Comun de Mareo o la Ćiasa dl Parch Natural Fanes-Senes-Braies.

La biblioteca Tresl Gruber a S.Cristina chier n/a bibliotecher/a. L se trata de na stiera a mez tëmp (19 ëura de lëur). Es’a legrëza a lauré cun la jënt y te savëssel pa nteressant a lauré te na biblioteca? Nëus piton n bon tlima de lëur te na biblioteca nueva y cun n team de 20 ulenteres. L paiamënt y la cundizions de lëur curespuend ala 6. cualifica funzionela di dependënc publics y n pssa scumencé a lauré pernanche la va. Nteressei y nteressedes cun diplom de matura y ejam de trilinguism B possa dé ju si curriculum y atestac de furmazion o esperienza nchin ai 31 de merz tl secretariat de chemun de S.Cristina. Plu nfuramzions sun chësta stiera giapeis cherdan su l numer 0471/793148 do la sies da sëira.


Inserac

nr. 10 / 13 de merz 2010 Crì da laour N’ëila che à bele 7 ani de esperienza chier da lëur per la sajon da d’instà a rumé su majons te Gherdëina, tla Val Badia o nce te Fascia. Tel. 329/6666304 o 338/1564121. (08/10) ••• N ël chier da lëur coche autista, a lauré pra na cassa o a fé de uni sort de stroc do Pasca. Ël sà la rujenedes talian, nglëisc y tudësch. Tel. 339/5784064. (08/10) ••• N ël chier da lëur da idraulicher o muradëur, ma nce a fé de uni sort de stroc. Tel. 329/4730896. (08/10) ••• Na copia rumena chier da lëur a cialé de jënt de tëmp, da vardians o nce a fé de uni sort de stroc. Tel. 327/8699273. (08/10) ••• N’ëila che à esperienza da nfermiera chier da lëur a cialé de na persona de tëmp o a rumé su majons. Tel. 329/1380496. (08/10) ••• N ël che à bele esperianza chier da lëur coche segondo cuech. Tel. 327/3324755. (08/10) ••• N’ëila chier da lëur a rumé su majons per la sajon da d’instà. Tel. 328/4721667.

(08/10) ••• N’ëila dla Serbia chier da lëur coche barista o a rumé su majons. Tel. 389/9975736. (08/10) ••• N’ëila dla Talia chier da lëur a fé i lëures de cësa. Ëila cëla nce gën de pitli mutons y sà da cujiné. Tel. 339/7323932. (08/10) ••• N’ëila dla Talia chier n lëur a fé de uni sort de stroc a Urtijëi. Tel. 349/5270110. (08/10) ••• N’ëila chier da lëur a rumé su cuatieres. Tel. 393/8093706. (09/10) ••• L vën cris n lëur da barista te Gherdëina per la sajon da d’instà. Tel. 320/6665063. (09/10) ••• N ël chier da lëur da vardian o a fé de uni sort de stroc. Tel. 339/2150053 o 0472/833732. (09/10) ••• N ël chier da lëur coche autista, muradëur, idraulicher o nce n auter lëur te n hotel per la sajon da d’instà. Tel. 388/1111060. (09/10) ••• Na studënta cun esperienza chier da

lëur coche secretera o receptionista te n hotel per la sajon da d’instà te Gherdëina o tla Val Badia. Email: martina.boscheri@live.it. (09/10) ••• Na ëra chir n laûr da puzenè o superscè, dal lönesc al vëndres döes ores al dé, a Corvara o Calfosch. Prëibel telefonè al nr. 339/7952302. (09/10) ••• N’ëila chier da lëur a rumé su cuatieres sën ala fin dla sajon. tel. 346/6392130. (09/10) ••• N ël che à bele esperienza y de bona referënzes chier da lëur a fé de uni sort de stroc o nce te na cësadafuech a lavé ju. Tel. 389/7940618. (09/10) ���•• N ël dla Serbia chier da lëur te na cësadafuech. Tel. 328/1035394. (10/10) ••• N’ëila chier da lëur per la sajon da d’instà o nce per dut l ann a cialé de mutons, de jënt de tëmp o nce a rumé su. Tel. 347/3011690. (10/10) ••• N ël chier da lëur a lavé ju, a fé de uni sort de stroc, coche aiut cuech cun esperienza de cin’ ani. Tel. 329/1164673. (10/10) •••

Da chirì Al vëgn chirì da cumprè n prè de apresciapüch 6 ha. Por informaziuns pon cherdè sö le nr. 338/9216099. (08/10) ••• N jëunn che lëura bele 12 ani te Gherdëina chier n cuatier da tò a fit per dut l ann. Tel. 328/7318247. (08/10) ••• Na familia da doi chier n cuatier, nce monolocal, te Gherdëina, sce la va a S. Cristina o Urtijëi, per dut l ann. Tel.

329/1164673 o 327/7795076. (09/10) ••• L vën cris da cumpré de vedla Vespes o Lambrettes. Tel. 347/9607268. (09/10) ••• An chir da cumprè n pü’ de bel fëgn. Tel. 0471/847084. (09/10) ••• Na familia de 4 persones chier n cuatier da tò a fit te Gherdëina, sce la va a S. Cristina o te Sëlva. Tel. 339/8818965. (10/10)

Al vëgn venü na Fiat 500 dl ann 1971 corù avorio te de boniscimes condiziuns. Cherdè sö le 335/5265289. (08/10) ••• Al vëgn venü tera a n bun prisc. Tel. 338/7285303. (08/10) ••• Al vëgn venü a mez prisc na mascînn che lava moquette, ciücia sö licuids y stöp, dla marca svizra Cleanfix, (tan co nöia). Tel. 339/7004608. (08/10)

••• Al vëgn venü a n bun prisc n porta-poć y n porta-schi dl VW Golf 4. Tel. 338/5307872. (08/10) ••• L vën vendù na vedla slita artistica da 3 posc’ mantenida scialdi bën a 1.200 euro. Tel. 347/9607268. (09/10) ••• Da vëne n Crist de lëgn da mëte defora. Tel. 333/1442081. (da sëra) (09/10) ••• Al vëgn venü n Alfa Romeo 147 Jtd M-jet 140cv, corù fosch, 75000km dl 2004, verjiun “cup” cun Xeno, Bose, cërtli da 17” da d’invern y d’isté, rò dal föm sportif, asset sportif, a 7.500,00€ da tratè. Tel. 340/2960164. (09/10) ••• Al vëgn venü n radio da auto dla JVC cun dvd, display da 7”, a 200,00 €. Tel. 340/2960164. (09/10)

••• L vën cris n canape da stua. Sce zachei n ëssa un da dé ca o da vënder iel prià bele de cherdé su l 328/8046835. (10/10) ••• Na jona dl post chir da chësta aisciöda n bilocal tl’Alta Badia. Prëibel cherdede sö al numer 339/2064428. (10/10) ••• N ël chier na vedla Vespa o Lambretta nce da rottamare. 347 9607268. (10/10) •••

Da vende

Da vëne möbli y atrezadöra por bar, restorant y ćiasadafüch, tignis dër bun. Prëibel cherdè sö le nr. de telefonn 335/5772247.

Le Sorvisc ai Jogn Val Badia en colaboraziun cun le Raiun Sozial chir jogn y jones che à interes y bona vëia da laurè cun mituns por i proieć “Floppy 2010” y “Forever Fun 2010”, che gnarà fać chësc isté. Chi che à interes, po damanè do le formular tres mail a pescollrene@yahoo.it o esther.rungger@bzgpust.it. Les domandes po gnì dades jö anter i 20 de merz. Informaziuns plü menüdes al 338/2073634.

Cavallino Bianco Family Spa Grand Hotel a Urtijëi chier da d’ansciuda (auril/mei) inant, 1 rezeptionist o n secreter de hotel per dut l ann. Sce l ie de bujën vëniel nce dat albierch te nosta cësa di cunlauradëures y nce la spëisa, l vën pità n orar de lëur reguler cun feries, n bon paiamënt y n ambient de lëur nteressant y inuvatif. Plu nfurmazions sot a: www.top-hotel-jobs.com o cherdé su l numer de telefonn 0471 783333 (Jaro o Alexa), mandé la dumandes per unì tëuc su, sce n cajo cun foto, a jobs@cavallino-bianco.com.

••• Al vëgn venü cërtli da 17" dla Toora cun montli da d’isté mec nüs por n Alfa Romeo 147. Tel. 340/2960164. (09/10) ••• Da vëne na Suzuki SWIFT 1.3 penzînn 4x4 dl ann 2008, corù blanch metalisé, cun 11.500 km. Interessà dess prëibel cherdè sö le numer 333/2368082. (10/10) ••• Da vëne na Yamaha YBR 125 foscia a 1.200,00 euro, 50 km, tan co nöia. Tel. 347/9435523, e-mail: sghi@inwind.it ••• Da vëne cater de bogn montli da d’invern Roadstone 175/65 R14. Telefonè al 340/8415913.

Per nosc team de lauranc chierons n zumpradëur cun diplom da fant. Firma Ligno System Urtijëi Prëibel cherdé su l 335/5891910. Pizzeria Restaurant Fornella a Corvara chir por na sajun da d’isté lungia na chelnera. Prëibel telefonè al 335/6088668 o al 0471/836103. Hotel Bel Sit a Corvara chir por la sajun da d’isté na chelnera de salf y na barista dai 20 de mà, na chelnera de salf, inće studënta, dai 15 de messè plü o manco. Prëibel cherdè sö le 0471/836001 o le 333/5312571o menè na mail a: info@belsit.it

Ostaria Plazores a Al Plan chir dala fin de mà ćina ala fin de setëmber na chelnera. Prëibel cherdè sö le 347/4334373.

- inserac de lëur - crì da lëur - da vënder La firma Goller de Sëuc chier tëi che và cun la pacher, cun l camion y muradëures da tlo cun esperienza. Prëibel cherdé su l numer 335/5625615 per fé ora n terminn. L vën vendù duta la mubilia cun taflà de na sala de n restaurant per plu o manco 70 posc’. Prëibel cherdé su l 335/6383730.

Hotel La Majun a La Ila chir da mez mà inant por la sajun da d’isté chelneri/es por salf cun esperiënza y de bones conescënzes de talian y todësch, y n cogo por i pröms. Prëibel telefonè al 0471/847030.

La dita da eletrizist Electro Moritz a La Val chir 1 porsona por ofize y magazînn. Al se trata de n post de laûr da concordè por döt le dé o mez le dé. Por informaziuns telefonè al 335/8262556.

Le Bar Sport da La Ila chir n/na barist/a dl post a tëmp plëgn por messè y agost. Prëibel telefonè al 347/6133929. Hotel Luxor & Cairo **** Lido di Jesolo chier per la sajon da d’instà chef capo partita chelneri/es per la sala persona respunsabla per la sala barista persona che juda te reception. Prëibel mandé l curriculum a info@luxorcairohotel.it telefonn 335/5446372

A Urtijëi vëniel fità via n cuatier per dut l ann. Prëibel cherdé su l 349/2959563.

La butëiga Comploj Albert a Urtijëi chier na lodnera y na lernera. Prëibel cherdé su l 0471/796624.

A Pedraces vëgnel venü n restaurant, garni, chalet dlungia a les pistes. Por informaziuns telefonè a: Agenzia Tablè a Corvara 0471/830001.

A Mantëna d’Al Plan vëgnel afité ia n apartamënt convenzionè por jënt dl post. Telefonè al nr. 0474/403106 o al nr. de fonin 345/2135799.

La dita Isifer chir por renforzè la firma n dessegnadù tecnich. Porsones cun diplom de istitut tecnich industrial o esperiënza tl setur dal metal tira dant. Informaziuns plü menüdes al 349/2108290.

La botëga Boutique La Marmotta a Corvara chir 1 boteghiera dai 20 de jügn inant. Telefonè prëibel al 0471/836624.

Le Dolomiti Wellness Hotel Fanes ****S a San Ćiascian chir n/na secreter/ia por döt l’ann, cun conoscënza de lingac y de computer. I te aspetun! Prëibel telefonè al 0471/849470 info@hotelfanes.it

Por nosc ofize/sënta a Al Plan chiriunse colaboradus tl ćiamp dla contabilité, contrać, EDV (aministraziun de sistems). Chi che ess interes po se anunzié pro: rag. Pasquale Verginer str. Plan de Corones n. 20 39030 Mareo Telefonn 0474/501399 info@verginer.it

Restaurant La Stöa a Al Plan chir dai 15 de jügn ćina ai 20 de setëmber n secundo cogo. Prëibel cherdè sö le 0474/501055.

I cumprun lignan vedl de vigni sort (tafladöres, brëies de func, lëgns scadrà...) Rustikalholz Promberger Tel. 340/8107918. Danter Sëlva y S.Cristina vëniel fità via n cuatier cunvenzionà per dut l ann da auril inant. Prëibel cherdé su l 333/2084682.

A Leifers vëgnel dè en afit 1 cuatier da cater locai, cun sorasc y garage. Prëibel telefonè al 0471/839614.

Sun Plaza Sant Antone a Urtijëi vëniel fità via na butëiga. Prëibel cherdè su l 338/8184493.

La Vijinanza d’Al Plan dà ca en afit le “Bar Stadio” cun plaza dla dlacia. Por informaziuns plü menüdes pon telefonè al 338/4731522.

L vën cris da cumpré de vedli taflei, brëies, trughes, mëises, castli, de vedla figures y chedri. Prëibel cherdé su l 338/3200159.

L vën fità via n bel cuatier da pert da surëdl daujin al zënter de Urtijëi. Prëibel cherdé su l 335/7558940.

A Urtijëi tla streda Purgher vëniel fità via per dut l ann n cuatier cun verzon per 4 persones. Prëibel cherdé su l 333/8553047.

www.lauscdiladins.com

47



La Usc di Ladins