Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 09/2012 - 02 de merz 2012

Scola

13

Mesana Urtijëi La diretëura dla Scola Mesana de Urtijëi Maria Kostner tol posizion n con’ dl proiet per l fabricat nuef per la Scola Mesana a Urtijëi. La uel dantaldut auzé ora l lëur y l mpëni di nsenianc, ma nce di sculeies, tl lëur educatif y furmatif. La cuestion dl aut-aut per la palestra o la plaza dai auti ie zeche de tecnich.

Rocknet Live Award 2012

Les cin' Unions mess tegnì plu adum Elsa Zardini é vegnuda confermeda presidenta de l’Union Generela di Ladins dla Dolomites

15

Nolunta’s vënc L bel pest de mujiga ie chëst ann unì venciù dala grupa de Gherdëina, che ie stata bona de tré dala sia sibe la iuria che l publich.

Lies

16 N moment dla radunanza dla Union Generela te biblioteca dla Cesa di Ladins a Urtijei.

Ministronc a Roma

Atualité - Ladins da dutes cinch les Unions y les valedes se à abiné en vender ai 24 de fauré tla biblioteca dla Cesa di Ladins a

L’ena passeda iel stat l viac urganisà dala Jungschar de Südtirol per i ministronc de duta la provinzia. Pea nce grupes de S. Cristina, Urtijëi y Runcadic. Vijita de Roma, dl Vatican y dantaldut udienza dl Papa. Festa de cumplì di ani dl Vëscul Ivo Muser.

Personajes

18

Na ferùscola intervista dopia ai doi campions fascegn de schi.

21

La Usc de la Scola Projec e novitèdes de la Scola ladina de Fascia.

Publicaziuns

22

Pontins y parores Chësc é le titul dl liber de poesies de Teresa Palfrader d’La Pli, che gnarà presentè a San Martin.

Politica

Elsa Zardini, che ova finì fora si prums trei agn de mandat da va inant a plata 2

Campions sun paladina mondiala

Sabo e Devil Fascia

Urtijei per la radunanza che ova demé n pont a l orden dl dì: la vela dl president dla soziazion che lieia adum duc i ladins entourn l Sela.

24

Nominaziun La SVP Val Badia à nominé Daniel Alfreider sciöche sostitut por la vizepresidënza ladina dla SVP y la presidënza dla SVP Ladina.

Mattia Runggaldier, campion dl mond dla combineda nordica, y si team con laprò Manuel Maierhofer, Samuel Costa y Roberto Tomio vizecampions mondiai. Debora Agreiter, vizecampionessa mondiala de skiathlon. Alexia Runggalider, vizecampionessa dl mond tla stafeta de biathlon Sport - N iade or y trei iadesc arjent é l bilanz per i atlec joeni de Gherdëina y dla Val Badia pro i Campionac dl Mond di Joeni stés a Erzurum tla Turchia (per l schi nordich) y a Kontiolahti tla Finlandia (per l biathlon). Bravi, dantaldut Mattia, che é sté bon de se mostré da si mioura

pert pro i campionac dl mond di joegn de combinazion nordica vencian la garejeda individuala, y bravi ence Manuel Maierhofer, Samuel Costa y Roberto Tomio che deberieda cun Mattia à ciamò venciù la medaia d’arjent tla garejeda a scuadres. Pro i medems campionac à Debora Agreiter -

Atleta dl ann 2011 dla Ladinia davagné le titul de vizecampionessa mondiala de Skiathlon. De bones notizies ence dai Campionac jonii de biathlon stés tla Finlandia: Alexia Runggaldier à venciù la medaia d’arjent tla stafeta. De plù sun les plates 29 y 30

Comentar de pruma

Le ladin é n lingaz! de Iaco Rigo

Chësc n’é nia da mëte en discusciun, zënza messunse bazilé de düć i valurs y prinzips. Che les esternaziuns dl diretur dl Istitut Ladin Micurà de Rü, é gnüdes portades cun La Usc di Ladins, scrites por talian y por todësch, inće foradecà pro jënt, ufizi, scores, universitês, ez., podess cherié n gran dann. Püch de fat él, sce al vëgn dit śëgn, che les osservaziuns é gnüdes da tröc straintenüdes y strumentalisades. Scripta manent y dà corda. I ladins à messü combate secui alalungia por che so "lingaz dla uma" gniss reconesciü n lingaz y inće en pert sconé. Le ladin é n valur, na usc dal cör y tesur de parores che po descrì döt, dal cör al laûr. Laurè cun le lingaz ladin messass avëi da fà pordërt cun le cör. Zënza amur él da se fà ert.

„Il ladino, cioè una lingua ladina, non esiste" La Union di Ladins de Gherdëina ie a dì puech tumeda dala nibles y ie indinieda canche la à liet la frasa, che repurton tlo tl titul, scrita da Leander Moroder, diretëur dl Istitut Ladin “Micurà de Rü” te si sfuei Est Ovest Aurona, che dëssa vester la prejentazion de n proiet n con’ dla lijëndes ladines y partì ora dan da puech cun n numer dla Usc di Ladins. Chësc sfuei ie unì dat ora deberieda ala “Società Dante Alighieri”, na assoziazion - cun chëla che l Istitut Ladin à bele abù d’autra cunlaurazions ti ani passei – che à fins nazionalistics y che se bat per… “Il mondo in italiano”, coche l ie da liejer te si motto. Cun chësta afermazion lughenea, neghea, ne recunësc Leander Moroder nia l’ejistënza de n lingaz ladin. Sce per ël ne n’iel nia n lingaz ladin, ne n’iel nia dëni de reprejenté na istituzion culturela coche l Istitut Ladin “Micurà de Rü”! À pu propi l preve badiot Micurà de Rü (Nikolaus Bacher), studiëus de nosta rujeneda ladina dolomitana, scrit coche prim tl ann 1833 na gramatica ladina dal titul “Versuch einer deutsch-ladinischen Sprachlehre.” L’idea de basa de chëst’opra fova l’elaurazion de n lingaz de scritura unificà per duc i ladins y propi va inant a plata 4


Zoom

nr. 09 / 02 de merz 2012

Les cin' Unions mess tegnì plu adum Elsa Zardini é vegnuda confermeda presidenta de l’Union Generela di Ladins dla Dolomites va inant da la pruma plata

presidenta, à porté dant n bilanz curt dla ativité, che à vedù dlongia a manifestazions y evenc, anter i autri l Convegn de Selva y l Di dla unité Ladina, l impegn particolar per la compra dl cuartier a Urtijei, olache al é loghé la redazion de La Usc, y ala se à metù a la lita per jì inant con sia enciaria. Na discuscion daverta y partezipeda, con intervenc de Georg Moroder, Walter Kaslatter, Siro Bigontina y Vinzenz Peristi, à auzé fora problems desvalifs, en cont dla situazion interladina y sies desferenzies, dl debujegn de maiour unité y coordinament anter les Unions de Val, dles prospetives per la gestion de La Usc y e. i. Da man di vizepresidenc Marco Pizzinini y Silvano Ploner él vegnù

sotrissé l debujegn de laoré inant per ti dé maiour forza a la Generela, l president dla Union dla Val Badia Werner Pescosta à rejoné de n regolament cler per La Usc y te trueps intervenc ne él nia vegnù schivé la chestion dl “fé politica”: na acusa che ti vegn fata sovenz a l’Union Generela. “L president mess tegnì la linia de duc i ladins y sia independenza” – à dit Carlo Willeit – y la presidenta dla Union di Ladins de Fodom, Daniela Templari, à dit fora che l fé politica, nia na politica de partì, ma na politica per i ladins, na politica per la defendura y promozion dles mendranzes, é valch che la Generela nia demé “pò” fé, “mess” fé. Conscidrazions critiches sun na Union Generela n puech “dalonc” da la Union de Gherdeina é vegnudes dal president Stefan

Kaslatter, che à damané che sia Union vegne touta ite deplù tles scomenciadives y scontredes dla Generela y che ti vegne dat n maiour sostegn per si problems y per chestions sciche la Cesa di Ladins. N apel a la unité y al contribut de duc y vigniun per porté inant na dreta politica per i ladins é vegnù dal president onorar dl’Union di Ladins de Fascia y president dl Istitut ladin “majon di fascegn”, Antone Pollam. “La Generela ne é nia demé la presidenta – à dit Pollam – sion duc nos y al é gran debujegn de tò te man la politica linguistica, souraldut canche an veid che chi che messessa porté inant nost lingaz, sotescriv enveze che "la lingua ladina non esiste." Na venteda de otimism é ruveda da Paul Videsott, che à dit de ti cialé

ence al positif, nia demé al negatif, tl mond ladin y dla Generela. “An mess tegnì i contac con i amisc che i ladins à stroz tl mond, y nia demé ti cialé ai nemisc. Al é trueps segns positifs.” N gran batiman ti é jù a la presidenta onorara Ilda Pizzinini, che é steda per ben 28 agn tla Generela, 18 da presidenta, y che do avei passé via problems de sanité à podù ester da nuef prejenta anter i ladins te chest moment emportant. “I à audì dì “la Generela mess fé... o ne mess nia fé...” - à dit Ilda Pizzinini - ma la Generela ne é nia colassù te n ciastel, la Generela é dutes les 5 Unions de Val. Mete 5 animes te n corp ne é nia saurì, al ne é mai sté saurì, ma al é semper sté BEL, ajache 5 animes desferentes porta truep, ma i ne podon nia lascé

che vigni val vae do si troi, tire da na politica vedla de spartizion: sce an taca a se vardé con desfidenza un con l auter, enlaouta él la desfata.” Do la discuscion él sté l moment dla lita: i presidenc de Fascia y de Gherdeina, Ploner y Kaslatter, à porté dant la candidatura a la presidenza de Marco Pizzinini, che purempò ne àl nia azeté la maiour enciaria, dan sia desponibelté demé per la vize presidenza. A la fin él vegnù confermé sun 47 litanc Elsa Zardini presidenta, con 36 stimes; 9 stimes é judes a Marco Pizzinini e 2 é stedes les zedoles blances. Tla pruma scontreda dl Consei dla Generela vegniràl nominé i 2 vize presidenc, che per statut mess ester dles 2 provinzies desferentes da chela dl president, donca un dal Südtirol y un dal Trentin. (lg)

Zardini tegn bot a cef dla Generela Secondo mandat da presidenta dla UGLD per Elsa Zardini che se confesseia te na intervista La Usc: Dapò trei agn de mandat seise vegnuda confermeda presidenta dla Union Generela di Ladins dla Dolomites. Cie vuel pa dì per vos arlongé chesta enciaria? Elsa Zardini: Fé l president dla Generela é n gran impegn, nia demé per mi, ma ence per mia familia. Al é sciche avei n laour a temp plen, n laour che da de gran sodesfazions, ma che é dret ert. Sciche Ilda Pizzinini dij él da tegnì adum cinch animes desferentes te un n corp. Ie volaré me impegné inant, con l aiut de Marco Pizzinini, che me à dé na gran man te chisc trei agn passés. Tl davegnì spere da avei na bona colaborazion con dutes les Unions de val, colaborazion che i pense che sie chersciuda te chisc ultims temps y de chest sonse dret contenta. Fé la presidenta dla Generela vuel dì i dediché truep temp a la cossa ladina y ai ladins, temp che vegn sacrifiché demez da la familia. Cie à pa dit vosc om y vosc mutons dapò che i seis steda renomineda? Can che i son pieda via per Gherdëina me à dit mi om: “I spere che te vegnes zeruch zenza la enciaria.” (ala s’la ri) Ma al savova pa ben che al fova na gran probabelté che i vegnisse renomineda, ajache Marco Pizzinini me ova bele dit che al ne essa nia podù tò su chesta enciaria per rejons profescionales. Dampruma Ilda Pizzinini y spo, do Michil Costa, éla tocheda a vos. Co éla pa, te n mond dassen mioré, ma tres ciamò n puech maschilist, da ester na ela a cef de na union tant emportanta? Ie ne à nia vedù na gran ostilité ti confronc de eles, ie pense che duc me ae azeté. Valch outa creie enfinamai che les eles vegnes plu

2

www.lauscdiladins.com

de Fascia y de Gherdëina mané do la candidatura de Marco Pizzinini? Al me essa fat n gran plajei sce Pizzinini essa tout su chesta enciaria, ajache al à deplù capazités de me. Ma endere ne pòl nia per l mestier che al fej. Te vigni caje él emportant recordé che dut chel che i à fat te chisc trei agn, ài tres fat deberieda con Pizzinini. I me à davignora confronté con al dant da tò vigni dezijion.

Elsa Zardini.

benvedudes, ajache ales é fosc n puech plu moderedes, ales é bones da mete pesc y da desfanté via beghes - cheles che sauta fora datrai tla Generela a gouja dles desferenzies che é anter i ladins. I eis ciapé 36 oujes sun 47 (9 a Marco Pizzinini y 2 blances ndr), chel vuel dì che les Unions di Ladins ves à na gran creta. Ciuldì pa? Cie eise pa fat per ves la mirité? Ie à davignora abù l sostegn da pert dla Union di Ladins dla Val Badia, ma ence di autri ladins. Ie ne feje nia la presidenta per ambizion o per ciapé meric, ie l feje per mantegnì la identité ladina. Y spo, al é dret emportant per i ladins de Col, Fodom y Ampez che n president da Souramont sie a cef dla Generela per n temp tant lonch. Chest é n segnal dret emportant, ajache ence sce i son despartis sun trei provinzies é la anima ladina una soula y al va de bujegn da sté adum almanco culturalmenter y ideologicamenter. Ciuldì à pa, da vos enfora, i presidenc dles Unions Ladines

Cie ésses pa fat sce i ne fossaise nia vegnuda renomineda? A dije la verité fosse ence steda contenta sce i ne fosse nia vegnuda renomineda, ajache i ove sciche ideal chel da fé algo per mi paisc. En chesta aisciuda él pu te Ampez les veles de comun, al me essa salpù bel da fé zeche per mia comunité ampezana. Ma sen che i son presidenta messarae renunzié y jì inant sun l troi dla Generela.

les valedes. Dant vegnìvel fosc lascé truep tles mans dl president, ma sen él l dejidere de duc chel da laoré deberieda. Chest é da me enfora l resultat plu emportant, per l ben de nosta identité, de nosta cultura y ence dla Generela. Y cal sarà pa l obietif prinzipal che i volareis arjonje ti proscims trei agn? Al sarà da fé deplù comedures, aldò dles critiches, costrutives, che é saltedes fora tratant la reunion. Un di obietifs prinzipai

sarà chel de na partezipazion plu sterscia y ativa da pert dles Unions di Ladins con les redazions de “La Usc di Ladins”. De cie sort de partezipazion podaràla pa se traté? De chest projet nen végnel bele rejoné da plu da die. Al vegnirà metù su n comitat con un o deplù membri per valeda che messarà ti dé n endrez partì da duc a les redazion dles valedes. Intervista: Katia Pizzinini

Ésses propri volù jì ite te politica? Plu che auter me éssel salpù bel da laoré per mia jent, ence ajache la situazion te Ampez, con l 77% de ciases tles mans de foresć y con n paisc che vegn tresfora ataché sun i foliec, ne é nia tant saurida. Fosc fossa sté chest l moment plu dret per fé zeche per Cortina. Cal é pa, da vos enfora, l resultat plu emportant y la sodesfazion plu grana che i eis arjont te chisc trei agn passés a cef dla Generela? Ie creie che te chisc trei agn se àl crié na bona colaborazion anter Priesc d’abonament anual: per la Talia: 59,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Zoom

nr. 09 / 02 de merz 2012

“N maiù lian danter les Uniuns di Ladins” “La mpurtanza dl cuntat duc Intervista al dotur Marco Pizzinini, che é stè i ultimi trëi agn un di dui vizepresidënć dla Union Generela di Ladins dla Dolomites y à ciafè pro la lita dl/a presidënt/a tröpes usc L a Usc: Dotur Marco Pizzinini, la presidënta dla Generela à inom inant Elsa Zardini. Marco Pizzinini: “Poa, al é romagnü Elsa. Iö vëighi chësc sciöche sëgn de continuité. Elsa à albü tröp da laûr y à fat n gran laûr chisc ultimi trëi agn. Ara à fat döt ći che ara é stada buna da fà. Ti ultimi tëmps él stè gonot mudamënć tla presidënza dla Generela, sce an à śëgn plü continuité él n bun sëgn por la Generela.”

“Les valades ladines se despartësc intres deplü. An vëiga che l’Union Generela di Ladins é la sora organisaziun che proa davëi y tresfora da tignì adöm les vals ladines. Messun strënje le lian danter les vals ladines, sides söl ćiamp cultural, sozial y politich. Por arjunje chësc adóron les relaziuns, i raporć, i lians, ez.. Iö me aodi madër inant che inće les forzes politiches, de vigni sort, dess tignì le raport cun nos y colaborè cun nos.”

Marco, tö as ciafè deplü invić da fà le presidënt dla Generela y as ciafè pro la lita dl/a presidënt/a cotan de usc, ćiodì n’âste pa nia candidé da presidënt? “I à ciafè invić y usc, y i m’â inće iö fat n pinsier dla cossa. Mo i arati che al ne foss nia stè dërt da tó ite le scagn de na presidënta che à fat n bun laur y l’à fat cun le cör. Al é stè discusciuns dan la lîta, sciuré sö tröp stöp, por mudé y nia mudé. I ćiarun da mëte a post atira les cosses che ne va nia bun. I messun laurè inant por le bëgn dla cossa ladina.”

Suramunt) dui/döes vizepresidënć/tes, un/öna por Gherdëna-Val Badia y un/öna por Fascia, che vëgnel pa? “I dui vizepresidënć gnarà lità tla proscima reuniun. Iö pënsi bëgn che i me metarà a desposiziun, mo i ćiararà inće sce al é d’atri che se fajarà inant.”

Le Statut dla Union Generela di Ladins vëiga a chësc punt danfora (sce la presidënta é de

Ći vëigheste pa tö de important por la Generela i agn che à da gnì?

Nia dagnora ne tira les cin’ Uniuns di Ladins dl medemo vers, gnanca canche ara se trata de prinzips y valurs de na mendranza y dla ladinité, ćiodì pa nia? “Ći che mëss mioré é la comunicaziun danter les uniuns de valada, les Uniuns di Ladins. Les Uniuns di Ladins formëia l’Union Generela di Ladins. Messun ćiarè da colaurè y comuniché de plü. Dessigü à dantadöt chësc aspet manćé i ultimi agn. I ùn porvè da se gnì y da coordiné deplü y miù. Canche t’es indere despartì te trëi provinzies él dër rî, chësc sintiunse dé por dé.”

Le dotur Marco Pizzinini: “I ladins se vir intres plü indalater, messun comuniché deplü danter les valades ladines!”

Intervista: Iaco Rigo

“Mia ousc a Zardini, ma Pizzinini fossa sté l sostitut ideal” Intervista a la presidenta dla Union di Ladins da Fodom, Daniela Templari son segura che sce al fossa vegnù lité Marco Pizzinini éssel cialé de nos fodoms sciche Elsa Zardini fej y sciche per ejempl Michil Costa y Ilda Pizzinini ova ence fat can che ai fova stés presidenc.

La Usc: Elsa Zardini é vegnuda confermeda presidenta dla Union Generela di Ladins dla Dolomites. Cie nen penseise pa vos y cie nen pensa pa plu en general i fodoms? Daniela Templari: Tla ultima senteda dla Union di Ladins ovon rejoné dles lites dl president dla Generela y ovon dit da ester duc auna da lité Elsa Zardini sce ala se essa recandidé. Te chisc trei agn àla laoré truep y ala à fan n bon laour perchel fòvon duc dla minonga che ala podessa porté inant chesta enciaria. Eise ence vos dé la ousc a Elsa Zardini, donca? Sci, mia ousc i é juda a Elsa. Samben, sce duc i autri fossa stés dla minonga da mete su n auter president esse aderì a la volonté dla maioranza... I presidenc dles unions de Fascia y Gherdëina, Silvano Ploner y Stefan Kaslatter, à mené inant la candidatura de Marco Pizzinini. Co ésses pa vos vedù l dotor Pizzinini sciche president dla Generela? Sce i messe ester daldut senziera sonse steda una dles prumes che à dit che Pizzinini essa podù ester l sostitut ideal de Elsa Zardini a la presidenza dla Generela. Ma perempò él al n dotor y per l

Cie à pa porté de postif la presidenta ampezana per Fodom y plu en general per Souramont te chisc trei agn de presidenza? A Elsa Zardini ti va l merit da avei metù pesc y cujì adum trueps raporc anter i ladins y les aministrazions. Emplù àla realisé n projet dret emportant per nos da Souramont: la daurida de de na redazion dla “Usc di Ladins” te Fodom y Ampez. Daniela Templari.

mestier che al fej ne àl nia tant dlaorela. L president dla UGLD mess ester lede y avei dut l temp da podei dediché a chesta Union. Sce Pizzinini essa dé sia desponibelté esse lité al, i dije ben la verité. Ne él pa nia emportant, da vos enfora, per Col, Fodom y Ampez, che al sie na presidenta da Souramont a cef dla Generela? Sci, de chel podonse nos ester braui. Ma da olà che l president dla Generela vegn ne é pa nia tant emportant, i son pu duc ladins. I

Cie se aspeteise pa da Zardini ti proscimi trei agn? Eise pa val’ ghiranza en particolar? Mia speranza é che Zardini sie bona da tegnì adum i ladins, les valedes y les union de val. Chest ne é dessegur nia saurì, dantaldut te n temp de crisa olà che i finanziamenc vegn tres plu y plu scurtés y olà che al é plu ruo da porté inant i projec. Mete pesc anter i ladins, mete da jì na politica de mendranza olà che la comunité ladina sie al prum post: chest me aspete da la presidenta dla Generela. (Intervista: Katia Pizzinini)

deberieda” Na ntervista al presidënt dla Union di Ladins de Gherdëina Stefan Kasslatter l’autra provinzies. Chël uel dì che un sarà mé o n badiot o un de Gherdëina. Chi saràl pa? Chësc unirà lità; ma son segures che la presidënta ti fajerà na pruposta che ti ie a scusa a duc. Co udëis’a Vo la situazion dla Union di Ladins de Gherdëina, n con’ dl recunescimënt morel y de sustëni finanziel da pert dla man publica; iel pa desferënzies permez al’autra Unions de valeda? A livel de Südtirol unions nëus permez ala Union di Ladins dla Val Badia sustenii scialdi de manco. Stefan Kasslatter, presidënt dla Union di Ladins de Gherdëina.

USC: Cun la vela dla presidënta iel nce stat na ucajion per ti cialé al’atività fata ti trëi ani da pert dla Union Generela di Ladins dla Dolomites, ma nce per fé programs per l daunì. Ciuni ie pa i ponc de majera mpurtanza, da Vosc pont de ududa? Stefan Kasslatter: L prim pont che ulësse auzé ora ie che son stai boni de ti mëter a desposizion dla redazion y dla grafica de La Usc di Ladins a Urtijëi y nce de si aministrazion na sënta sun mesura, ulache l possa unì laurà. Per l daunì cialerons sambën de jì inant for plu y plu sun l troi deberieda, acioche i ladins ebe for plu y plu cuntac danter duta la valedes. Te uni familia iel datrai descuscions, danter fredesc y surans, y nce cun tati y mami. Iel pa nce stat vel’ descuscion cun la surans-Unions dl’autra valedes, y cun mami, la Union Generela? Coche for iel unitant vel’ descuscion, ma son pu tlo per se rujené, y nscila iel nce stat pra l’ultima senteda. Ma ala fin sons for boni de ruvé pra n cunsens, a na minonga che vede bën per duc. Co udëis’a Vo la presidënta Elsa Zardini, nce tl pensier che la ie ampezana. Ratëis’a Vo che chësc ie n pont de forza, de deblëza o n generel n recunescimënt y na sburdla ai fredesc “plu dëibli” di ladins dla Dolomites? Dijësse che sce la ie ampezana o no ne muda nia. Son duc ladins, mpurtant iel che la feje i nteresc de duta la cin’ valedes ladines. Ciuna ie pa la lerch, ciun l pëis dla Union di Ladins de Gherdëina tla Union Generela? Uni Union à si pëis. Nëus on, tres la Cësa di Ladins, nce la sënta dla Union Generela, ma scenó pesons duc unfat. Tosc saràl la vela di vizepresidënc. Ajache la presidënta Zardini ie dla provinzia de Belun, iel do Statut la previjion de doi vizepresidënzes, una prun, per

Ala Union di Ladins de Gherdëina ti vëniel unitant trat dant de vester na furmazion politica, n brac dla Lista Ladins Dolomites. Iela pa nscila? La Union di Ladins de Gherdëina ie mé n brac dla Union Generela di Ladins dla Dolomites. Rengrazion sambën duc chëi che nes sustën, nce i partic politics. Vosc raport cun n valguna aministrazions de Chemun y cun l’aministrazion provinziela y regiunela ne n’ie nia for la miëura. Eh, chël ie vëira. On la mprescion, uni di deplù, che cërta aministrazions publiches ulëssa avëi la Cësa di Ladins y per ruvé pra chësta pròveles a nes desfé, nes taian i cuntribuc. I finanziamënc publics ie ti ultimi ani unii smendrei, sibe per la Generela che per la Union di Ladins de Gherdëina. Se làscel pa mo lauré? L vën dal’autra pert for inò nce trat dant che la Union se lamënta for mé per i finanziamënc, mpede fé cultura y lascé da na pert la politica, partitica, coche l vën mo trat dant. Dantaldut fej la Union di Ladins atività culturela, y sambën nce politica culturela, tl respet de si Statut. Ne savësse nia che la Union di Ladins de Gherdëina, ëssa, te si passa sessant’ani de storia, mei candidà coche partit pra na vela. Na bela fëta de scioldi che on a desposizion tulons ca per tenì davierta la Cësa di Ladins, che ie bele per sé n’atività dla Union, y nia pitla, ratëssi. N con’ dl mesun de pudëi lauré y fé atività ratons che per i - puec - scioldi che on ann per ann a desposizion fajons na grandiscima atività culturela. L tleca sambën pensé al Calënder de Gherdëina, ai referac, ai cursc y ala manifestazions cultureles che piton via per l ann, ala biblioteca ladina che ie davierta di per di per duta la jënt y monce per i turisć; y pona iel nce l Museum tlo te nosta Cësa che à na gran mpurtanza culturela, ma nce soziela y turistica. Ntervista: David Lardschneider www.lauscdiladins.com

3


Zoom

nr. 09 / 02 de merz 2012

Maura Chiocchetti, vizepresidenta “in pectore” Per l’encèria de un di doi posć de vizepresident de la Generela, che aldò del Statut ge pervegn a n raprejentant trentin, l’Union di Ladins de Fascia à cernù sia vizepresidenta Fascia - Maura Chiocchetti, presidenta del Grop Ladin da Moena e vizepresidenta de l’Union di Ladins de Fascia, l’é la candidata “in pectore” per un di doi posć da vizepresident de l’Union Generela, che vegnarà nominé te la pruma scontrèda del Consei. Aldò del Statut, defat, l’é pervedù te la Generela n ofize de presidenza con un president e doi vize, per raprejentèr duta trei la provinzies olache vif la popolazion ladina. Ajache la presidenta Elsa Zardini é de la provinzia de Belun, un di doi vize presidenc sarà de segur esprescion de Fascia, e chesta Union de val l’à nominà i 2 componenc che jirà a fèr pèrt del Consei de la Generèla te la persones de sia vizepresidenta Maura Chiocchetti e de la conseiera Nadia Iori. A Maura Chiocchetti ge é stat domanà ence la desponibilità a se tor sù l’encèria de vize presidenta de la Generela e ela à azetà. L’é da dir ence che da Fascia vedù che te l’ùltima scontrèda a Ortijei l’Union de Gherdena à uzà fora vèlch problem de coinvolgiment e partezipazion a la dezijions de la Generela ti ùltimes egn - l’é jà stat pissà de troèr l met, a na vida formala o informala, de envièr a la scontrèdes de l’ofize de presidenza ence n raprejentant de Gherdena, se desche vize president per l Sudtirol vegnarà confermà la nomina del badiot Marco Pizzinini. Endèna ge aon fat vèlch domana a la candidata vize presidenta de Fascia, Maura Chiocchetti. Maura, per Vo chesta te la Generela l’é na encèria neva, co éla che Ve aede metù a la leta? “Son stata dotrei outes a Consei de la Generela vin Gherdena canche l president de l’Union de Fascia no podea jir, e cogne dir che me à sapù bel e ence enteressant me troèr te chest grop interladin a descorer de

veduda desferenc. Ge vel dassen emparèr a comunichèr de più e miec, emparèr a scutèr, se confrontèr e valorisèr la opinions di etres. Me saessa bel esser bona de fèr chest tant.”

Maura Chiocchetti.

fac e costions che revèrda i ladins de duta la valèdes. Me à dat l met de cognoscer più da vejin situazions e problemes di ladins delà dai jouves, che se no fossa per chel che se pel lejer te la Usc di Ladins se stentassa ence demò a saer che i é e che che i fèsc.” Che Ve spetède e che contribut pissède de poder dèr? “Me spete che la Generela - che descheche dijea la presidenta onorèra enstadì no l’é auter che la union de duta la Unions - la sapie raprejentèr apontin duta la Unions e gé volesse esser bona de raprejentèr coche carenea la Union di Ladins de Fascia.” La radunanza à metù al luster ence vèlch problem de comunicazion anter la Unions de valèda, che pissède de chest? “No me n fae marevea, enceben che me encresc, che te la radunanza sie vegnù fora problemes de comunicazion anter la Unions de valèda. No l’é sorì tegnir adum, i l’à dit jent che te l’Union e te la Generela à pestà inant da me e per egn alalongia. Dapò se sà ben ence che te ogne grop vegn fora idees desvalives, personalismes, ponc de

Coluns pissède che sie i obietives e i problemes de maor emportanza per la Generela? “L’obietif maor de la Generela l’é e sarà semper portèr inant la colaborazion anter la valèdes per renforzèr la coscienza di ladins, tegnir sù e didèr l svilup de sia cultura e sie lengaz. Dapodò l’é da ge dèr esprescion ai besegnes e a la domanes che vegn dai ladins enstesc. Demò te la radunanza l’é vegnù fora che da Soramont i domana de poder veder la trasmiscions ladines, per ejempie. E la Union de Gherdena à domanà de vegnir maormenter raprejentèda te la Generela. Aboncont, aldelà de la costions del prejent, fossa bel se troèr, magari n’outa a l’an, a se dèr n obietif da arjonjer te la cultura, tel lengaz, te la comunicazion, tel sozièl. I ciampes de intervent i é pa n muie.” A livel organisatif, per la Generela e La Usc, pissède che fossa de ùtol vèlch vèrech particolèr? “Miorasse l raport anter la Generela e so orghen de stampa, la Usc di Ladins, e ge dajesse a ogne component del Consei na encèria prezisa, aldò de sia competenzes e sie naturèl: raporc co la istituzions, comitat de redazion, costions de bilanz, projec culturèi e linguistics, domanes de contribut e auter che la Generela cogn fèr. Na valiva raprejentanza de la Unions ence te l’Ofize de presidenza, descheche l’é stat uzà fora, dijesse che la fossa debesegn.” Intervista: Lucia Gross

Aiut Alpin Dolomites Nëif n n'iel nia truepa te nosc raions ma purmpò iel mo feter duc i purtoies davierc. L ie dessegur da ti fé na gran lauda a chëi che lëura per i purtoies che fej miraculi a i mantenì te tan de bona cundizions. Ma duta la bona ulentà ne basta datrai nia a fé unì ora vel’ sas o vel’ plata de dlacia y chësc ie zënzauter periculëus per chëi che va cun i schi. Dassënn se l'à paieda na pitla muta de 9 ani che à batù l cë tuman. L dutor dl Aiut Alpin à abù truep da fé per la stabilisé y cun l sustëni de si oma iela unida juleda te spedel a Bulsan ulache i dutores à riesc seurantëut la cures. N di zënza paussa iel stat n mierculdi ai 22 de fauré, ulache la scuadra dl Aiut Alpin fova for che fajova ntervënc. L n ie stat 8 n chël di. De chisc n fòvel un de emergënza sanitera a Al Plan, oradechël iel stat ntervënc per persones che se ova fat mel sun Mont de Sëuc, Klausberg y Ciampinëi y 3 ntervënc ie stac te snowparks y

4

www.lauscdiladins.com

plu avisa sun l Klausberg y sun l Helm te Sest/Sexten. N cajo de mort iel suzedù sa Marëufer, ulache n turista dl’Olanda de 52 ani fova arsì adum zënza plus dé batimët ntan che l aspitova pra la furnadoia. Danter la persones che aspitova sun la furnadoia fòvel nce doi dutores che à riesc udù che l se tratova dl bòt y ëi à scumencià cun la reanimazion. Riesc do iel pona nce unit adalerch l dutor dl Aiut Alpin cun l joler y de trëi ài purvà n’ëura ala longia a l reanimé, ma duta la cures ne à nia juà y l pazient ie purtruep mort. Scialdi mel ova n ël che fova tumà cun i schi sun Mont de Sëuc se rumpian n valguna rëpes. N à riesc cherdà l joler acioche l dutor posse ti dé velch contra l mel y l stabilisé per l trasport cun l joler nchin te spedel. Sun Secëda iel stat n ntervënt per n ël de 48 ani che fova unì stlet ntan che l jiva ju per scela. Ël ova sibe problemes saniteres che nce mel dloncora, dal tumbl che l ova fat tuman ju per la sceles de sas. Perchël àn cherdà l joler. I uemes

de Armin Moroder dl sucors di purtoies che fova riesc iló, sibe chëi dla Crëusc Cuecena che nce i Carabinieri à dsarà ju n tòch de purtoi suinsom Secëda acioche l joler posse dé sëura. Ma chësc ne capësc nia uniun y a chësta maniera iel stat bëndebo’ de descuscion cun n berba che ulova a uni maniera passé. L ne n ie nia stat saurì a ti fé capì che l joler de sucors messova dé sëura. Canche l joler à dat sëura manaciova l seniëur de pië l jol dal vënt che la turbina fajova. Sun Renon iel chëst’ ena ënghe unì cherdà l joler y plu avisa per n ël che fova tumà ju de na scela de n 3 - 4 metri. N laurant dla furnadoia ulova jì sun tët a cialé do velch ma propi canche l fova feter suinson ti ie sbrisceda sot ora la scela y l ël de 70 ani ie tumà ju cun n gran colp sun fonz. L dutor dl Aiut Alpin à messù l ntubé sun l post y do la prima cures l àn julà te spedel de Bulsan.

L ipnosi medica L’ipnosi l’é na condizion fisiologica de la ment, desche l son e la vea, e l’é chel che vivon duc chenc desvalive oute te n dì. L’é donca na terza condizion de coscienza spontana apede a le autre doi che duc chenc cognoscion polito, che noscia ment cer e doura per destacar da dut l rest, se far sù n spazie demò so, per elaborar che che sion dò che vivon o che che aon vivù: no l’é donca bele demò emportant, ma l’à na so funzion spezifica. L terapeuta o l dotor che cognosc chest strument no l fasc auter che durar e replicar chesta condizion naturala de la ment che la é de ogne esser uman. Per ejempie a duc n’é amò capità de lejer con atenzion n liber o de ge vardar a n film che ne ciapa n muie, de ne lasciar tirar ite patoch da soa storia, e esser ite te che che i é do che i vif i personajes, tant da se desmentiar de dut l rest e no abadar a che che ne sozet dintorn, no veder la lum che va jù te cambra, no sentir se l’é rumores o zachei che ne chiama. N auter moment che ne capita de esser te chesta condizion l’é per ejempie canche sion dò che fajon na strada che cognoscion adiment: tegnon n livel de atenzion per reagir e schivar i pericoi e vidar en segureza, ma endana pisson a auter o lascion che la ment vae per so cont. Te chi momenc sion semper chiò col ciaf, ma sion ence da n’autra man, l’é desche se fossane isolé daldut, demò noi, desche esser “en apnea”. Chesta sort de condizion la vivon n muie da spes, e la maor part de le oute no se n ascorjon nience. L dotor vida la persona acioche la posse jir ite te soe emozion e tirar endò fora soe ressorse per ruar pian pian a troar na soluzion de so problem o cerir n’autra vida de l comunicar, enveze che se l tegnir daìte e l “somatisar”. Coscita la pel ite te chela part de sé che gestesc le emozion, endana che chela razionala e logica la arbassa so livel de ativazion: de fat l’é proprio la part de le emozion che

sà semper che che l’é giust e san per la persona e che à daìte le ressorse più fone, che de solit no vegn durà se se dora demò la part razionala e logica del cervel. Chesta la ne serf più per ressolver i problemes de duc i dis, per analisar dac e informazion, per far jù conc, ma no la influenza la sfera emotiva. L’é apontin chela de le emozion la part de noi che à n gran potenzial e che canche la vegn ativada la fasc troar possibilità e ponc de veduda neves. La persona l’à n ruol atif te dut chest e l dotor l la mena per la didar a troar na strada dreta e l ge dasc te man i strumenc per ressolver l problem a na vida duta soa e personala. Perché l’é ela che pel troar le resposte e le soluzion che ge va ben. N muie de studies à desmostrà che l’ipnosi medica la deida a ressolver problemes te desvalives ciampes de la medejina. Apontin la vegn durada per desturbes psicologiches desche ansia, panich, fobìe, desturbes del son; per i desturbes psicosomatiches, che l’é problemes fisiches leé a le emozion; per le dipendenze, desche chela dal fum; per i desturbes spezifiches de la femena e de l’om e per i problemes sessuai; la vegn durada ence te la terapìa del dolor, per i dolores cronics; tel ciamp de l’anestesìa, per chi che no pel aer l’anestesìa farmacologica; per le malatìe de la pel, desche pores e eczemes; per passar via polito la gravidanza e per se enjignar al part e viver chesta esperienza en pasc e serenità. Donca che che se veit ogne tant a la televijion o che se lec sui giornai canche se rejona de ipnosi, de pendolin o de perder la coscienza, de fat no l’é ipnosi, no l’é ipnosi medica o ipnoterapìa, ma l’é demò spetacol e vic. Sarah Vian, psicoterapeuta con studie a Moena www.sarahvian.it

„Il ladino, cioè una lingua ladina, non esiste" va inant da la pruma plata

per lecurdé y uneré Micurà de Rü ie l Istitut culturel ladin a San Martin de Tor, fundà tl ann 1976, unì numinà do a d’ël. A vester che: a) un di fins primeres de dui trëi i istituc culturei ladins dla cin’ valedes ladines ntëur al Sela ie chël dl mantenimënt, dla cura y dl svilup dl lingaz ladin, b) l ladin ie recunesciù coche lingaz ufiziel sibe dala Provinzies autonomes de Trënt y Bulsan che dal Stat talian, se damandons al plu tert a chësc pont coche n diretëur, che fej dut auter che ti jì do al fin fundamentel per chëla ncëria istituzionela che l cuer, possa mo tenì na tel’ stiera culturalmënter tan mpurtanta per duta la Ladinia. Se damandon che

l assessëur per la cultura ladina tole al plu prësc pruvedimënc a scunanza de nosc lingaz ladin y contra la minonga dl diretëur dl Istitut (Ladin?) “Micurà de Rü”, ajache de tel’ esternazions ie coche n stlaf tla musa a duta la istituzions cultureles che se dà ju cun la cossa ladina y nia mé a chëles che lëura a livel de ulentariat. Sëuraprò mëteles nchinamei a dubité sce l ie bën iustificà l’ejistënza dl Istitut nstës ma nce chëla, per ejëmpl, dla repartizion ladina dla scienzes dla furmazion dl’università de Persenon y dl assessorat ala cultura ladina dla provinzia de Bulsan. Per la Union di Ladins de Gherdëina, l presidënt Stefan Kasslatter


Atualité

nr. 09 / 02 de merz 2012

Programs per i ladins a Bulsan Con ufize nuef, president y consei nuefs dal ann passé encà proietéion inant dantaldut does sorts de manifestazions: “Aperitifs Ladins” y “Bulsan enconta la Ladinia” Bulsan - Ence a Bulsan garétel manifestazions di ladins y per i ladins. La “Comunanza Ladina” y la “Consulta Ladina” dl Comun de Bulsan preveid inant manifestazions y encontedes, da pert di ladins y ence per i ladins. La “Consulta Ladina” à dal ann passé encà nia me n president y n consei nuef, ma ence n ufize nuef, che é sen da ciafé tla streda Gumer, senta dl comun pert nueva, pruma alzeda, stua numer 126. Davert él dal lunesc al vender da les 9.00 a les 12.00. La colaboradoura d’ufize é Cherubina Nagler. Enfin l ann passé laoròvela te n ufize dl comun de frunt dl Dom de Bulsan. Da ilò s’àla l’ann passé sposté tla streda Gumer. L president nuef, l architet Thomas Demetz, y si consei metù adum da Lezuo Ivan, Mauro Licio, Mazzel Cecilia, Pedevilla Brigitte, Prinoth Oswald, Runggaldier Ingrid y Taibon Mateo (membri efetifs) y Agreiter Alma, Castlunger Ludwig, Debertol Riccardo, Doné Franco, Enrich Walter, Menapace Claudio, Gasser Magdalena y Nascinbeni Dario sciche membri suplenc, é tl firé adum plu avisa l program da realisé chest ann. Sun l program réstel inant dantaldut i doi gran cercli de manifestazions: i “Aperitifs Ladins” y la colaborazion con les scoles da Bulsan per

Cherubina Nagler é la persona de contat dla Consulta Ladina a Bulsan. Si ufize é sen da ciafé tla streda Gumer.

“Bulsan enconta la Ladinia”, con infor-mazion y ence aprofondiment tles vals ladines sun i ladins y sia cultura y storia. I “Aperitifs Ladins” piarà via d’oril, al nen sarà endut set. Les prejentazions, con personaji dal mond dl lingaz ladin aldò de na secuenza de argomenc dla leteratura, mujiga, ert y media nuefs, gnirà metudes de jì chest ann al Museion, adum al Franz

Magazine dla FF. Les prejentazions g n i r à co i u d e s a d u m y documentedes sie sun papier tres na publicazion che con n videostreaming su youtube. La “Consulta Ladina” dl Comun de Bulsan po gnì contateda tres sia colaboradoura Cherubina Nagler, al numer de telefon 0471 997097 o tres la posta eletronica a Cherubina Nagler cherubina .nagler@comune. bolzano.it. (ir)

www.lauscdiladins.com

5


Atualité

nr. 09 / 02 de merz 2012

Renforzé la RAI Ladina: na gran oportunité!   Chi che é bele plu ti agn se recorda che la RAI publicova tl foliet ladin l program dles trasmiscions culturales ladines che fova demé does outes a l’edema. Chest ne vegn bele da agn nia plu fat, cie che é per trueps ladins na gran mueia; al fova enteressant de savei dantfora cie che la RAI portova dant

La RAI Ladina à debujegn de plu ores de trasmiscion.

Televijion - Plu da giut fòvel ence na comiscion ladina per la RAI Ladina; ala se abinova vigni tant a rejoné dles trasmiscions fates, portova dant propostes y ence critiches; l program vegniva aprové do consultazion dla comiscion ladina. La RAI descedova enscì te nosta jent plu enteres per l mond cultural ladin. Do da n tant d’agn à la RAI perdù la faela y à mudé taì, ma les chestions ladines dla RAI ti sta dutaorela a cuer a trueps ladins.

Deplu ores de trasmiscion Forza de cramplé agn alalongia à la RAI Ladina giaté deplù ores de trasmiscion culturales y per les noeles. Plu tert él ruvé permez ence la Televijion ladina a arichì l oferta de programs culturai y de informazion per la Ladinia. Che dut chest é truep massa puech onse bele scrit n valgunes outes. La politica à ence bele perdiché a tamburle batù che i ladins giatarà cotant deplù ores de trasmiscion y na sia redazion autonoma. Dut bon y dret y al fossa ence gran ora, ma tant die duraràla mo fina che chestes propostes vegnirà metudes en pratica? Nos speron che la realisazion dles ghiranzes ladines en cont dla RAI sie dant porta. Chi da Bulsan prova ben de acontenté i ladins con empormetudes; medré che ales ne vae nia fora per ega! I ativisć ladins ne pò mai ti lascé plu con n tant de corda a la politica, zenza slìziela soura sies ghiranzes via. Dantaldut te chisc temps de crisa economica él da mete averda che l bujegn de sparagné ne vegne nia nuzé sciche vertola per mané les empormetudes “alle calende greche”.

Reforma dles strutures y di servisc Sciche la RAI da Bulsan é organiseda encuei ne vàla nia massa bon per i ladins, tamben a livel dl organigram che a livel dla strutura di programs. Al mancia n caporedadour autonom responsabel per les trasmiscions jornalistiches

6

www.lauscdiladins.com

y i programs ladins. Sen à chesta funzion l caporedadour dl TGR y l diretour dla RAI da Bulsan; dal moment che ai ne é nia ladins, ne sàn nia con cie critere che ai manejeia da tel posizions. I ladins dla RAI ne à degugn a cef che tole na derta dezijion y che porte ence responsabelté. L’organisazion atuala dles trasmiscions ladines é plutost spidiceda su, tematicamenter y geograficamenter, y perchel ne éla nia cis efizienta. Per mioré l impat cultural dles trasmiscions jìssel debujegn de na organisazion dles trasmiscions aldò di argomenc portés dant y no de partì ite l temp de trasmiscion aldò de valeda ti dan na fregola a chesta valeda y n granel a l’autra. N tel spidiciament, ence sce al é “politically correct”, va a dann dla cualité dles trasmiscions ajache al mancia l temp per analisé a fonz y porté dant ponc de veduda desvalifs sun i temesc tratés. Al vegn dit che al é dret gonot i fascians te TRAIL, ma a cie moda pa? Fascia é plu dlongia Bulsan y pò porté les noeles plu fresches ence dal domesdì. Na trupa maneda tla Val Badia messessa tò su plu cosses te n di per nia messei jì tant gonot entourn; ala messessa pié via adora, se spazé de tò su y jì da mesdì debota a Bulsan per mete adum la trasmiscion per la sera. Cie che vegn tout su domesdì va permò l auter di en ona.

Na sezion RAI tla valeda Per sparagné temp voléssel ester na sezion dla RAI te valeda, spo fòssel i jornalisć sun l post ence per les noeles da domesdì; da sté amesa la jent vegnissa i jornalisć alsavei truep deplù che da sté a Bulsan. I puec jornalisć mess sté a Bulsan a tó su per Radio y TV, perchel ruva gonot demé n cameraman te valeda, che ne porta dessegur nia noela y enrescida a ciasa desche n jornalist sun l post. Tla Val Badia màncel ence un che vae a tó su per la RAI. Tla valeda bastàssel avei n local, n computer, na camera y internet n puech asvelt, dut chest ne costassa nia tant. Al podessa enscì vegnì mané a Bulsan trasmiscions per

radio y televijion y ilò metù en ona, nia demé per TRAIL y i programs ladins, ma ence la “Tagessschau“ y l TGR podessa en profité. L personal tecnich podessa vegnì istruì a fé dut: tó su, mete adum l servisc, l mané demez y enscì pité n servisc complet. La RAI à does figures profescionales: l cameraman y l tecnich che fej l tai y la trasmiscion; an podessa i mete adum y fé d’enfora n servisc plu che bon. Sce an essa da aumenté l temp de trasmiscion, jìssel samben debujegn de deplù personal. Jì a Bulsan a sté él puec che vuel ajache al costa massa, y perchel lascia la gran pert do da curt temp. Da jì su y ju ne vàla nia per i “turni” de laour y daldut nia sce un à familia. L post ideal per na senta de sezion dla RAI fossa Corvara ajache al é damprò da Souramont; Gherdeina y Fascia ne é nia tant dalonc da Bulsan. Bulsan restassa la senta zentrala olache dut vegnissa metù adum y mané en ona.

N servisc linguistich per la jent Sce an ghira bele n renforzament dla RAI Ladina ne pòn nia desmentié la cualité di servisc pités: cualité di contegnus (noeles y programs) y cualité dl lingaz. Duc sà cie emportanza che radio y televijion à per l lingaz; chisc media ne respidleia nia demé la realté linguistica (lingaz da vigni di) ma à ence na funzion de model per la jent. Na bona formazion linguistica dl personal - speakers, jornalisć y colaboradours – é perchel na condizion essenziala; na Rai Ladina che rejonassa n sclet ladin fajessa plu dann che begn. Con deplù ores de trasmiscion podessa la RAI Ladina ence dediché plu temp a programs de formazion (rejoné miec l ladin) y promozion (renforzé la coscienza linguistica), sciche: cursc de y sun l ladin (gramatica y v o c ab o l a r, te r m i n o l o g i a , toponomastica, etc.), discuscions sun chestions liedes a l’adoranza dl lingaz ladin (tematiches soziolinguistiches, politica linguistica, etc.). N renforzament dla Rai Ladina ghira n gran sforz ma al pitassa ence de gran opotunités per la Ladinia. (Lois Trebo/ev)

Dancà y da na pert Uedli y oredles daverc sun la sozieté ladina d’aldidancuei Na ciacoleda con l mone de Cortina d’Ampez, Giovanni Suani

Da can encà fajeise pa l mone tla cuera de Cortina d’Ampez? Ie feje l mone dal 2001 encà, da can che mi pere é ju en pension. Ie à tout si post. Na tradizion de familia, donca? Sci. Mi pere é n badiot. Al é ruvé a Cortina, da La Val, dl 1964 y al à fat l mone chilò te Ampez enfin al 2001. 37 de sia vita àl dediché a la gliejia. Eise ence vos vit tla Val Badia? No. Mi pere é vegnù ca en Ampez apeina che al se ova maridé. Ie, mi fredesc y mies sorans son duc nascius chilò. Ciuldì é pa vost pere vegnù a Cortina a fé l mone? Dl 1964 fova Cortina ciamò sot a la diozeja da Persenon. L mone d’Ampez fova mort y al fova de bujegn de n suzessour. L preve da enlaouta, don Caldara - sciche mi pere me contra tres endó - fova ju via a La Val y ti ova damané al plovan sce al fossa sté valgugn che essa abù interesc da vegnì a fé chest laour te Ampez y mi pere ova dit de sci. Jon zeruch a vos... Seise content de avei arpé l laour de vost pere? Can che ai me ova damané sce i esse fat l mone, fajove n auter laour, i laorove te n laboratore de fotografia. L degan, don Renato De vido, me ova damané sce i essa volù tò l post de mi pere, che jiva en pension. I à pa ben pensé soura die dant che dì de sce, ma sen sonse dret content de mia dezijion. Co ciala pa perdret fora la

Lois Trebo.

vita de n mone? La vita de n mone é na vita normala, nia tant autramanter de chela de n auter laorant. La domenia é fosc n puech plu sfadiousa... Cales é pa les manscions de n mone? L laour de n mone é dret desvalif, daldut nia monoton. I messe tegnì neta la gliejia, custodì i vestimenc di preves, arjigné ca l alté. Y spo ài ence da fé con dutes les persones che vegn te gliejia per organisé conzerc, nozes, ma ence per les sepoltures. Y spo messi samben ester prejent a dutes les messes: la domenia tratant la sajon nen n’él datrai ence nuef. Ne va pa n mone mai en vacanza? Sci, ence n mone va en vacanza. Ie à n contrat de laour nazional, dla Fiudacs (Federazione Italiana Sacristi), che preveid ence les vacanzes. Él spo valgugn che ves sostituesc can che i seis en vacanza? I à pa ben deplù colaboradours. Al nen n’è un, Romano Pin, dret n valent, che é ence prejent a dutes les messes y che me sostituesc can che ie ne son nia. Seise pa vos maridé? Sci. I me à maridé dant da doi agn con na ela da la Sardegna che laora sciche chelnera te n convit de monies chilò a Cortina. Vegn pa vosta fomena a dutes les messes con vos? Ala va a messa, ma a dutes ne végnela pa nia.. (al s’la ri) (Intervista de katia pizzinini)


Atualité

nr. 09 / 02 de merz 2012

Cunservatore y ena de scola L’ICI va n penscion e nasc la nuova IMU El nuof President del Consei dei Ministri Mario Monti - con chëla de avei prescia de fè cassa per prové de fermé el debìt de l’Italia deventé oramèi da no podei plù sostegnì - ntra dute le mesure anticrisi l à pensé de antizipé al 2012 la revijion de l’Ici. Ci ne spetelo co la nuova Imu? de Stefano Palla

Col decret sul federalismo dei comuns la nuova “Imposta Municipale Unica” l’assa mossù pié via col 2014. Ma la “Manovra Monti” l’a volù l’antizipé al 2012 n via sperimental. La nuova couta la sostituisc l’Ici, l’Irpef e le adizionai regionai e comunai sui fabricac nia fitèi via; l fit de chisc ultimi l é soget a couta co la dichiarazion dei rediti. L’Imu la ven aplicada su le proprieté de fabricac, tarens agricoi (esentèi chilò da nos perciéche l é śòne da mont) e tarens da fabriché, ntel teritorio talián. A desferenza de l’Ici, ence la pruma cesa e i fabricac de campagna come stale, majons e tablèi, ence se dourèi per l’ativité da bacán, i é sogeti a l’Imu (se recòrda che chisc ultimi e, dal 2008, ence la pruma cesa co le sue pertinenze i eva despensei da l’Ici). Per calcolé la nuova couta, ven tout la rendita catastal del fabricat revalutada del 5%; sun chësta ven apliché n moltiplicator che l muda a seconda de la categoria. Per ejemple, per la categoria A (co l esclusion de la A/10), ulache toma ite dute le prume cese e

le abitazion residenziai, auna a le categorie C/2, C/6 e C/7, la rendita catastal revalutada la ven moltiplicada per 160; co l’Ici l moltiplicator l eva de 100. Chëst vol dì che per chisc fabricac la base imponibile Imu l’é del 60% plù auta de chëla de l’Ici; desferenza che per i alberghi, garnì, berstot da mecanico e berstot de artejagn (cat. D/1 e D/2) l’é del 20% e adiritura del 62% per le boteighe, bar e rifugi. Na outa ciapada la base imponibile, sun chësta ven apliché: • per la pruma cesa e le sue pertinenze, clascificade nte le categorie C/2, C/6 e C/7 e nte la mesura mascima de una per sòrt, l’alicuota base del 0,4% che vigni comun pò auzé o calé fin al 0,2%; • per i fabricac de campagna dourèi per l’ativité agrìcola l’alicuota base del 0,2% che pò calé, très con delibera comunal, fin al 0,1%; • per quasi duc i autri fabricac l’alicuota base del 0,76% che vigni comun pò varié del 0,3% nsu o nju; Da l’Imu calcolada su la pruma cesa co le sue pertinenze l’é perveduda na detrazion de 200 euro fin a curì deldut la couta. Mplù, per l 2012 e l 2013, la detrazion l’é aumentada de 50 euro per vigni fiol co na eté mascima de 26 agn, ence se no l é fiscalmente “a carico” dei suoi, ma co la condizion che l vive e che l abe la residenza ilò. I comuns i po pervedei de apliché chëste detrazion ence ala jent de temp che vif nte na “cesa da paussé”. Da coche mper de capì, per i comuns assa da ester saurì, n base a cotánt che i vòl ncassé, deliberé le alicuote che plù ie confèsc. Nveze no l é proprio coscita, de gauja che, per pruma ròba, a desferenza de l’Ici, che la jiva duta ai comuns, l mez de l’Imu ncassada sui fabricac co l’alicuota base del 0,76% ie va diretamente al Stato. Ence se n comun, per chësta

categoria, l aplichëssa n’autra percentual, al Stato ie va nte vigni caso l 0,38%. Eco perciéche sarà dif ìzile che l alicuota del 0,76% la vegne calada de trop. Per secondo, el Decreto “Salva Italia” l à pervedù na norma che disc che se l comun, co l’aplicazion de le “alicuote base”, l’assa da ncassé deplù de chël otegnù i agn davànt co l’Ici, la desferenza la ie vignisa trata jù dal “Fondo di riequilibrio” che l Stato trasferisc ai comuns. Nte sto caso fossa ndavò n freno a na revijion de l’alicuota njù, dato che l comun l pèrt bele con mánco fondi statai. Per ultimo, ntel caso che l’aministrazion comunal, co la scusa de volei daidé chi che vif ilò, la pensëssa de auzé le detrazion per curì la tasazion de l’Imu su la pruma cesa e ntel medemo temp fe paié deplù su le seconde cese, chëst la no và da fe. Defati la norma la disc che se le detrazion ven auzade, l’alicuota base del 0,76% la no podarà vignì aumentada. N’autra novité l’on per i cuartier dourei deban da parenc fin al prum grado; se fin al 2011 i podëva ester despensei da l’ Ici, dal 2012 i ven consciderei come seconde cese. Chëst vol dì che ie ven aplicada l alicuota base del 0,76%, dagnëra co la poscibilité per el comun de la auzé o de la calé fin al 0,3%. I comuns i à temp nfin al 30 de jugn per fè na delibera de le alicuote e de le detrazion per l an 2012. Chësta ultima la podarà ester manada al MEF (Ministero dell’Economia e delle Finanze) che l la metarà sul sito www.finanze.it; mplù i comuns i podarà aprové e apliché n spezifico regolament. Il prum tièrmen per paié ite l’Imu col Mod. F24 (i boletins no ié plù azetei) l é l 18 de jugn; l 17 de dizembre nveze chël per trè auna i conc. Les tabeles chilò dilongia mostra cotànt che l’Imu pò mudé n base a le delibere dei comuns e la desferenza co l’Ici del an 2011 calcolada co l’alicuota ordinaria del comun da Fodom e da Còl del 0,7%. L calcol de l’Imu su la pruma cesa l é sté fat a tignì cont de la detrazion de 200 euro. Per vigni fiol co na eté mascima de 26 agn che vif nte la medema cesa basta to via 50 euro. Stefano Palla, Studio de Comerzialisć Verginer SEVE

Te si senteda ai 27 de fauré à la Jonta provinziela dat pro na lingia de deliberes. Tla cunferënza stampa do la senteda à l presidënt cunedì de plu argumënc de majer nteres, danter chisc nce l program de lëur dl Astat, lëures de ressanamënt tl Cunservatore y la posizion n cont dl’ena de scola da 5 dis Aministrazion - Per lëures de prëscia tl Cunservatore a Bulsan iel unì dat pro 4,1 milions de euro. Cun l passé dl Cunservatorio dal Stat ala Provinzia, se à l assessorat per i lëures publics nce cruzià de chësta strutura. Per n ressanamënt dl cunservatore féjen cont cun n custimënt de 17,1 milions de euro. Chësc nvestimënt ne possa nia unì fat dut te un n iede. Nsci à la Jonta provinziela dat pro de fé n iede i lëures de majera prëscia.

Scoles de mujiga Na delegazion di nsenianc dla scoles de mujiga se à ancuntà cun l presidënt Durnwalder per via dl’ena de scola da cin’ dis. I maestri à festide che cun la partizion nueva ne sìbel nia plu tëmp per l nseniamënt tla scoles de mujiga. L presidënt dla Provinzia à da si pert segurà che l ne unirà nia plu mudà la dezijion per l’ena de scola

da 5 dis. La scoles uniuna per sé possa nstëssa mpartì l’ena a na maniera de avëi un, doi o trëi iedesc domesdì scola. De cunseguënza réstel nce l tëmp a desposizion per jì ala scola de mujiga. La medema autonomia de scola garantësc nce na dezijion da cajo a cajo per mujiga sciche materia opzionela de ublianza. L nseniamënt tla scoles de mujiga de sada danmesdì ne sarà aldò dl presidënt nia da schivé.

Astat L program dl Astat per i proscimi trëi ani, dat pro dala Jonta provinziela, reverda na lingia de argumënc. L Istitut provinziel de statistica fajerà feter 100 nrescides te duc i ciamps dla cumenanza. Nsci uniràl nce fat studi n con’ dla cumpëides dla persones zënza lëur y n con’ dl davani. Sun l program iel danter l auter nce na nrescida sun l adurvé di media tl Südtirol.

Ensema per la Festa de la Femena L Comun general de Fascia ensema a la assessores al sozièl envìa la femenes a la “Ciaspolada al chièr de luna” Tel Trentin la festa de la femena va inant via per dut l meis de mèrz. Con chesta conscidrazion enstadì l’assessora provinzièla a la solidarietà internazionèla e a la convivenza Lia Beltrami Giovanazzi à prejentà dut l calandèr de evenc pervedui per la festa de la femena. “Oramai tel Trentin – l’à dit l’assessora – la sensibilisazion e la capazità de fèr rei anter la istituzions publiches e sociazions privates é tant grana che la festa de la femena vegn zelebrèda no più demò ai 8 de mèrz ma via per dut l meis, con na gran richeza de proponetes che conjobia lengac e reflescions che fèsc de na giornèda ascorta ai temes de la eles n modus vivendi da duc i dis.” Èrt, teater, musega, letradura, ma ence sport, saores, balet e chino: n ercabuan che spieia l’emportanza de la giornèda e la gaissa che chest moment à soscedà no demò te la zità de Trent ma te duta la Provinzia, tolan ite la desvaliva Comunitèdes de val. “L’8 de mèrz – à amò dit l’assessora – no l’é demò na data sul calandèr: l’é l’empegn a meter la femena al zenter de noscia reflescions no demò per na dì o per n meis, ma te la vita de duc i dis. E se te chisc ùltim egn ge é stat dedicà semper na maor atenzion a la politiches de la femenes, da chest an volon se tor dant amò de più l tem del “genere e de la sanità”. L dirigent provinzièl Luciano Malfer à metù dant vèlch numer: “Les é 56 la firmes zertifichèdes Family Audit, che sperimentea na organisazion del lurier ascorta ai besegnes de la

families. I é 6, amò apede, i Distrec de la familia, che l’é ence l motor de na rei che se palesa per i festejamenc di 8 de mèrz, enveze i é 21 i Comuns Amisc de la Familia.” Anter i gregn evenc da uzèr fora l’é la quinta edizion de “La creatività feminina en mostra” che en sàbeda ai 24 de mèrz, da les 10 a les 18, portarà te Piaza Duomo ben 250 espositores eles che venarà l frut de si lurieres. Dapò ai 23 de mèrz te la Facoltà de Economìa de Trent se tegnarà l convegn dal tìtol “Donne al vertice” che l’é leà a l’apuntament di 13 de mèrz a Moena canche vegnarà rejonà de “Esperienzes de lurier e de formazion contèdes da la femenes” co la partezipazion de l’assessora Beltrami. Ai 12 de mèrz enveze a Trent la conseiera a la oportunità pervalives Eleonora Stenico prejentarà l liber “Stalking – indicazions ùtoles per entener l fenomen”. Doman, ai 3 de mèrz da les 21.00 a Lavarone Chiesa tel chino teater “Dolomiti” l’é n spetàcol de e con Loredana Cont dal tìtol “Le casalinghe...le casalingue”. N apuntament da no perder l’é chel de en mèrtesc ai 6 de mèrz co la “Ciaspolada al chièr de luna” endrezèda dal Comun general de Fascia ensema a la assessores al sozièl de Fascia con cena aló dal refuge Paradiso e la compagnìa de la atora Loredana Cont. Se se troa da les 19.00 aló da la sentadoa Costabela sun jouf de Sèn Pelegrin co la cèspes o i schi da alpinism. Iscrizions te Comun de Moena al nr 0462 573141. (mci) www.lauscdiladins.com

7


Atualité

nr. 09 / 02 de merz 2012

I Ladins à saludà e rengrazià Père Lino Pacchin Col prum de mèrz l Prior de Baissiston é stat chiamà a la maor encèria de Prior provinzièl e l’é se n jit a Monte Berico Baissiston - L’é na neva che podessa esser conscidrèda bela, o amàncol prestigiousa, chela che é ruèda enstadì da Baissiston e che à ressonà ence te Fascia e te duta la valèdes ladines. Père Lino Pacchin, Prior del convent di Servi de Maria tel santuarie de la Madona di Dolor, l’é stat chiamà a na maor encèria e l’à cognù se n jir da chel lech de fe e devozion che ge stèsc tant a cher a duc i ladins. En mercol ai 29 de firé, defat, Père Lino l’à jà plindernà envers l santuarie de Monte Berico, te la provinzia de Vicenza, l santuarie più emportant dò chel de Sènt Antone da Pèdua, olache con angern, jebia prum de mèrz, l’à tacà so servije desche Prior provinzièl di Servi de Maria: na provinzia belebon grana, che tol ite duc i convenc de la congregazion de la Lombardia e del Nord Est de la Tèlia. Nasciù a Lozzo Atestino, te la provinzia de Pèdua, e ordenà del

1968, P. Lino Pacchin l’era stat preve a Unejia e dapò del 1993 l’é stat manà forin Baissiston, ajache l’aea studià teologìa fora Dìspruch e donca l saea l todesch. Te chi egn, tel santuarie de trei popolazions, l se à cruzià trop de la biblioteca del convent (del 2001 l’à rencurà ence la publicazion del liber “Valentino Rovisi. Tra Val di Fassa e santuario di Pietralba”) e del 2003 l’é stat nominà prior, tolan da la mans de P. Emilio Bedont chela encèria che à regnèda 3 egn e che la pel vegnir renovèda per no più che trei outes. Chest an donca forin Baissiston aessa cognù vegnir nominà dut un n nef Prior so suzessor, ma sarà proprio P. Lino che l cognarà pissèr a l nominèr. Ades forin Baissiston i é resté demò de 6: i era de ot ma un l’é mort e P. Lino l’é se n jit... ence se somea che no l sie stat proprio scì engaissà per la neva nomina. La setemèna passèda, dant che

l se n vae, con na delegazion de Fascia sion jic forin Baissiston a ge sporjer l salut e l develpai. “Ei, me endespièsc mìngol me n jir da chiò – l ne à dit – no son più tant joen e l’encèria che i me à dat ades la é belebon empegnativa. Cognaré me cruzièr de coordenèr duc i convenc de n teritorie bon gran, 800 frèdes te 12 comunitèdes slarièdes fora anter Baissiston e Unejia, anter Milan e Trieste, e amò apede ence cater comunitèdes de la congregazion te tera de miscion, te l’Uganda e tel Kenia. Ma son segur che con l’aiut de la Madona saré bon de tor dant e fèr front ence a chisc problemes.”

“Chiò se aon semper sentù desche a cèsa” L decan de Fascia don Giuseppe Da Prà ge à sport l rengraziament più fon, percheche, l’à dit “te chisc egn noscia jent forin Baissiston la se à semper sentù a cèsa, e mìngol

La delegazion fascèna jita forin Baissiston a ge portèr l salut e l rengraziament a P. Lino.

fascegn e i ladins é semper vegnui, olache l’é i fondamenc de la fe de Fascia e na devozion a la Madona che rua dal passà.”

Sènt’Ugèna e la bandiera per se recordèr di fascegn e de duc i ladins

L Prior P. Lino Pacchin col don ciapà dai ladins.

de merit per l’acolienza che ne aede semper dat, per i bie momenc soleni che Fascia à podù aer chiò tedant a la Madona, l’é ence Vosc.” Apede al decan, ence l preve de Ciampedel don Luigi Trottner à sotlineà la gran acolienza semper abuda forin Baissiston, ence ti momenc più informai, che deida a fèr fradaa. L develpai a P. Lino Pacchin per l lurier de chisc egn é stat portà ence da la Procuradora Cristina Donei e dal President del Consei General Cesare Bernard, ence a inom de duc i ombolc e la comunanza de Fascia. L’assessor regionèl Luigi Chiocchetti à rengrazià l Prior per so empegn per didèr a tegnir ensema la comunità ladina e l’à portà ence la ousc de la Region, olache – l’à dit – “de Baissiston se rejona semper n muie ben.” L president de l’Union di Ladins de Fascia Silvano Ploner à portà l salut ence a inom de l’Union Generela e de duc i ladins. “Aon semper troà te Vo n Père desponìbol, che ne à didà a endrezèr i pelegrinajes e duta la scomenzadives. Na persona che ne à fat sentir a cèsa chiò, olache i

Desche segn de rengraziament e recort de noscia comunanza, a P. Lino ge é stat sport en don na statua de Sènt’Ugèna fata ite te la bandiera ladina, che l Prior à aprijià dassen n muie. Rengrazian l’à dit che “endrezèr i pelegrinajes di ladins e di fascegn per me l’é stat segur bel e i recordaré semper con piajer. Me n’é demò recor de no esser stat bon de emparèr valch parola de ladin. Chiò é padì mìngol de solentum, percheche chiò i é n muie resservé, ma con la jent de Fascia son stat bon de aer ence raporc de amicizia. Vae più vejin a cèsa, e de chest son ben ence content, ma me porte dò l recort de la bela raides che fajee sa mont ti dis bie, e amò dant, canche ere più joen, cheles coi schi da paslonch sun Obereggen e Lavazé. Me aessa piajù poder stèr amò chiò tel santuarie “anter i monc” zenza cogner più me cruzièr de organisèr, e de poder scriver, studièr e fèr vèlch bela raida per me goder chest beliscim ambient. Te chisc egn é chierì de fèr de chest post n santuarie avert ai trei gropes talian, todesch e ladin, avert a duc. Spere de esser stat bon. Baissiston l’é e l’à da esser la cèsa de duc, e che la acolienza forin Baissiston la é de duc i Servidores de Maria, che i é e i sarà semper desponìboi a tor dant duc. “Gé me n vae – l’à dit - ma Baissiston resta Baissiston, gé me augure e me daré da fèr percheche chest raport l seghite coscita e ence miec.” Lucia Gross

Emergen… sci col cher!

Che fèr dò l diplom?

Duc é envié a tor pèrt a la garejèda de schi endrezèda dal Grop Emergency de Fiem e Fascia per sostegnir l Zenter “Salam” de cardiochirurgìa a Khartoum tel Sudan

La Scola Ladina de Fascia endreza cater scontrèdes de orientament per genitores e studenc

L logo de Emergensci.

Sui portoes da schi col cher. L’é chest l’envit che à manà fora l grop Emergency de Fiem e Fascia, che en colaborazion co la sozietà de

8

www.lauscdiladins.com

impianc portamont de Pamp e ago l’endreza en sabeda ai 3 de mèrz la sesta edizion de Emergen...sci, la gara de slalom lèrch averta a duc e da poder fèr coi schi o co la brea. La gara vegn metuda a jir sul portoi “variante Agnello” pean via da les 10 da doman. I numeres vegn dac fora jà da les 8 inant aló da l’ofize gares. I partezipanc vegn spar tii te 9 categorìes per l schi e te 2 categorìes (ic e eles) per la brea. L’é a la leta de bie pesć e dò la gara sarà la premiazion di prumes 3 de vigni

categorìa. La quota de iscrizion é de 10 Euro e dut chel che vegnarà tirà sù jirà a sostegn de la foresterìa del Zenter “Salam” de cardiochirurgìa a Khartoum tel Sudan, che é stata entitolèda a la memoria de la vitimes del Cermis te la tragedies del 1976 e del 1998. Per poder tor pèrt a la gara se cogn se scriver ite manan inom, cognon e an de naa dant da en vender ai 2 de mèrz da les 3 domesdì per fax al numer 0462.814465 o per mail a la direzion gare@latemar.it. La quota pel vegnir paèda canche se va a se tor l numer. E trata de segur de na bela ocajion per meter ensema sport, spas e solidarietà! Per autra informazions se pel se oujer a emergencyfiemmefassa@ yahoo.it opura al numer de telefon 334.5046160.

Cerner che fèr dò l diplom no l’é sorì. Per n saer de più, desgropèr vèlch dubie e cognoscer che che l’é da nef tel mond del lurier e de l’Università, la Scola Ladina de Fascia, tel projet “Troèr l lurier giust per me! Istruzions per la doura” en colaborazion co la Fondazion CARITRO endreza 4 scontrèdes de orientament. Ai 9 e ai 10 de mèrz tel Lizeo Scientifich l’é en program l “Week end de l’orientament fascian”: l vender da les 10 da doman enscin les 7 da sera e la sabeda da les 10 enscin les 4 domesdì ensegnanc e esperc sarà a la leta de studenc e genitores per n confront sun co cerner l’Università, co se scriver ite e responer a duta sia domanes. Amò apede en vender ai 9 te Sala grana de la Sorastanza da les 11.00 l dotor A. Garofalo rejonarà de “La neva profescions: colunes

él e co se arvejinèr”. Tel marcià del lurier nasc neves e emportanc mestieres che i joegn no cognosc e che podessa dèr prospetives de azess al mond del lurier. En mércol ai 21 de mèrz da les 15.30 te Sorastanza espertes de l’Azienda Sanitèra provinzièla prejentarà i percorsc de studie per la profescions sanitère,s che tol ite ence l’oferta de l’Università de Medejina de Verona. Fisioterapìa, logopedìa e autra profescions ge sporc ai joegn bona oportunitèdes de lurier. Per fenir ai 28 de mèrz da les 14.30 te Sorastanza n espert de l’Azienda provinzièla per la Protezion de l’Ambient rejonarà de “Lurèr te l’ambient” prejentan studies e fegures profescionèles nasciudes da l’atenzion per la defendura de nosc ecosistem che dèsc neva oportunitèdes de lurier.


nr. 09 / 02 de merz 2012

Viz dl jüch: an śe śoga ia deplü co ’ma’ scioldi Cis ti tëmps de crisa chir les porsones intres deplü i scioldi saurisc. Le Stat talian pîta n gröm de jüć a scioldi, te vigni piz él mascînns da śoghé. Y intres plü zitadins se rovina süa vita y chëra de sües families. Te na brosciüra ciafon informaziuns sön le śoghé problematich: co che an po le reconësce y olache an po ciafè aiüt śoghé inant, cun la speranza da davagné scioldi, o da davagné zoruch chi che an à bele pordü. Canche le śoghé vëgn n viz, spo àl conseguënzes gravëntes no ma sön la porsona instëssa, mo gonot inće sön döta süa familia o süa parentela. Dlungia les dificoltês di raporć, basà sön baujies y vertores, crësc inće les dificoltês finanziares, i debić vëgn intres deplü.

Le cuertl dla brosciüra che dà informaziuns y mostra sö i prighi dl jüch.

Dainré tan co te chisc tëmps sìnton inće chilò da nos la crisa finanziara. Al vëgn a manćé laûr, les cutes va sö, la vita vëgn plü ćera. Canche al va fora scioldi, spo pënsun magari deplü ales poscibilitês da i trà ite, da nen davagné deplü. Le som de tröc é chël da atochè le colp de fortüna pro le Superenalotto, o crazè la dërta zetola pal Gratta e Vinci, y se tó demez insciö n iade por dagnora düć i pinsiers y i fistidi finanziars. Düć chisc jüć olache an śoga a scioldi comporta intres plü y plü n problem te nosta sozieté. Porsones śoga intres deplü y röia insciö te n morin da chël che ares n’é nia plü bones da nen gnì fora. Le śoghé é - chësc é n parados propi canche i scioldi é demanco, tres plü slarié. Al po gnì n viz prigorus che condüj porsones, families intieres tla rüna. La “Arbeitsgruppe Spielsucht” â bele dan tëmp dè fora na brosciüra che baia dl viz dl jüch y dles poscibilitês da ciafè aiüt. Ara é gnüda metüda adöm da esperć di sorvisc dles dependënzes y da esperć dl Forum Prevenziun da Balsan. I ùn tut fora n valgönes informaziuns d’öga.

Śoghé a scioldi poscibilitês te vigni piz Poscibilitês da śoghé a scioldi unse aldédaincö en gromun. Al basta ponsè a düć chi jüć regolamentà dal stat, olache an po cun püć euro sperè da nen davagné na munt. N valgügn jüć desco lotto, totocalcio, superenalotto, gratta e vinci, win for life, alda oramai da agn pa nosta vita da vignidé. D’atri de nüs nen vëgnel tres indô pormez. Tl śoghé a scioldi vëgnel chirì l’emoziun, le kick, al vëgn descedè la speranza da davagné n gröm de monëdes, y chësc é ći che fej gola. La maiù pert dles porsones à n comportamënt de jüch normal, mo por n valgügn pòl inće dontè n problem. Val’ porsones n’é nia plü bones da lascè da śoghé, al se svilupëia na sort de sforz intern che condüj intres indô da śoghé y

Chël che messass defëne davagna le plü Le marćé dl śoghé a scioldi é oramai deventè n setur economich important. Danter le 2006 y le 2007 é la soma spenüda por i Gratta e Vinci chersciüda dl dopl. La Talia é al pröm post tl monn danter i paîsc che śoga. Tl 2008 s’à i taliagn śoghé ia 47 miliardes y mez de euro, tanco na media de chi 500,00€ a će, y śoghé śoga dantadöt porsones cun n davagn plülere bas. L’istitut de inrescides Nielsen scri tl “Rapporto Consumi e Distribuzione 2011” che i taliagn à spenü te jüć a scioldi la soma astronomica de 73 miliardes d’euro, tanco le 55% implü co trëi agn denant. Chësc taca inće adöm cun l’oferta di jüć, che crësc - desco dit - intres deplü. Sce al ê inlaôta ma le Totocalcio, Lotto y Totip, spo él aldédancö gnü pormez na ligna de jüć nüs, desco Gratta e Vinci de de vigni sort, Win for life, mëte pënch tl sport, casinos sön internet. Te bars inće chilò da nos vëigon intres deplü inće les slot machine, te chëres che al vëgn sciurè ite n gröm de scioldi. Tla stampa él intres indô articui sön jüć, sön lizënzes che vëgn surandades, sön comuns che ne po fà nia decuntra. L’ironia dla cossa é che düć i jüć a scioldi plü conesciüs vëgn manajà dal Stat, che à chilò davagns miliardars, söles sciables dla jënt, deperpo che por la prevenziun y la cura dles maraties dl jüch vëgnel spenü dorata püch. Le Stat messass defëne la jënt dal jüch y dales dependënzes, y nia ti mëte te vigni piz na tënora por tomè laìte.

ascogn les somes che vëgn efetivamënter spenüdes. Prigorus él spo inće sce al é tröpes poscibilitês da śoghé, desco te bar, tl chiosch, te salfs de jüch y e.e. I jüć a scioldi depënn dagnora dal cajo, mo chësc vëgn alüsc n pü’ desmentié o metü sön na pert.

Co nasc pa n śoghé problematich? Le viz da śoghé é na maratia che se svilupëia gonot tl ascognü. Le termo danter n śoghé normal y n śoghé problematich é gonot rî da odëi y les porsones atocades reconësc gonot massa tert che ares l’à bele despassè. Tla regola él trëi fases che condüj al viz da śoghé. 1) La fasa dl davagné: Tröc śogadus davagna dal mëteman de pices o de majeres somes. Chësc suzes vëgn odü sciöche na bona prestaziun personala y vëgn tut ca desco vertora por aumentè les somes śogades, por davagné ćiamò deplü. 2) La fasa dl perde: Le jüch vëgn intres plü intensif. Les pordüdes vëgn deplü, an perd plü scioldi co ći che an nen davagna. Les porsones che śoga pënsa intres plü gonot ma al jüch. Tröpes mët man da ascogne ia cun vertores y baujies les somes che ai se śoga ia, mët magari man da se imprestè scioldi. Le jüch à insciö conseguënzes intres plü negatives sön la familia, le laûr y i contać soziai. 3) La fasa dla desperaziun: Ara é caraterisada dala pordüda de control sön la situaziun y de gran dificoltês finanziares. Les porsones vir tla convinziun falada da messëi davagné zoruch i scioldi pordüs. Le śoghé à śëgn svilupé na dinamica autonoma: śogadus y śogadësses s’impormët intres indô a se instësc y ai atri da lascè, mo ne n’é nia bogn y chësc porta al sentimënt de impotënza. La vita da vignidé é caraterisada dal s’incolpè o incolpè d’atri, dal desprisc de se instësc y dal panich.

Le viz vëgn plan y adascusc

Aste n comportamënt de jüch problematich?

I jüć a scioldi à n gran potenzial da deventè n viz y po portè a śoghé fora de mosöra. N jüch é n prigo da deventè n viz canche an śoga debota y tres indô. N ejëmpl é chilò les slot machine o inće i casino, olache le jüch döra gonot püć secunć. Prigorus vëgn le jüch canche le śogadù mina da podëi l’arvëne, p.ej. drucan botuns por l’archité, desco ples slot machine. N prigo él inće sce al vëgn śoghé cun d’atres formes de valur, desco Jetons tl casino o punć virtuai te internet, deache chëstes formes

Por valutè sce le comportamënt de jüch é problematich, pòn se fà n valgünes domandes scëmples. - Ëise pa bele śoghé plü scioldi co ći che i podôse ves pormëte? - Ëise bele porvè da lascè da śoghé, zënza avëi suzes? - Gnëise nervusc sce i ne śoghëis nia o śoghëis demanco? - Él bele stè porsones incër os ia che à critiché osc śoghé? - Ves ëise bele n iade sintì en colpa por osc comportamënt tl śoghé? - Ëise bele porvè da davagné

tanco al adora intres plü tëmp co che al â preodü. 2) al n’à nia scioldi: al śoga intres plü scioldi co chi che al â preodü. Familiars de porsones atocades da chësc viz prô gonot da daidé imprestan scioldi, despaian i debić de jüch, ascognon ia le problem. Ai se tëm che le sistem La jënt vëgn inviada da śoghé impormeton scioldi dla familia pois tomè adöm, sce ai saurisc. La tënora é grana. ne fej nia valch. zoruch scioldi pordüs, śogan deplü? Chësta sort de aiüt é minada bun, - Ves ëise imprestè scioldi por mo fej plülere dann, deache le śoghé? comportamënt problematich vëgn - Ëise bele n iade fat valch de arlungé. ilegal, por rovè pro scioldi da Gonot se roda la vita di familiars śoghé? ma plü incër le viz da śoghé. Sce i ëis respognü a öna o deplü Dantadöt i mituns patësc te chëstes domandes cun n scê, él le prigo situaziuns. Por i familiars él che le comportamënt de jüch sides important da savëi che ëi n’à degüna problematich. gauja por le viz da śoghé. Mo la situaziun vëgn critica canche la porsona śoga intres plü gonot y intres plü scioldi, canche i pinsiers da vignidé se roda ma plü incër le śoghé, canche ara n’é nia plü bona da lascè da śoghé, A vigni moda, sce al é n problem, canche al vëgn śoghé por mëte sön ne désson nia sconè da damanè do na pert sentimënć negatifs y aiüt, y aiüt pòn ciafè te cotan de problems, canche al vëgn śoghé ia posć. Ti spitoi da Bornech, Porsenù, düć i scioldi che an â te gofa, canche Balsan y Maran él indlunch n an sint le druch da messëi śoghé sorvisc dles dependënzes. Le indô pornanche ara va. sorvisc a Bornech ciafon al nr. 0474/586200, chël da Balsan al 0471/907077, chël da Porsenù al 0472/835695. Sambëgn pòn inće damanè do tl Forum Prevenziun a Balsan al 0471/324801 o tl zënter Gonot él propi i familiars che de terapia Bad Bachgart a Redant, s’anadà cotan denant co la porsona al nr. 0472/887600. Se lascè daidé instëssa, che al é n problem. Al é costa gonot forza y umilté, mo al döes carateristiches che dëida é inće le tru da chël che an po rovè reconësce sce n familiar à problems ala löm de n tonel che vëgn zënza cun le śoghé. 1) al n’à mai tëmp - intres plü scür y plü fosch. (pablo)

An dess damanè do aiüt

Ći po pa fà i familiars

Avis Kvw - Assistënza Soziala Al vëgn lascè al savëi che dal 1. de merz 2012 inant vëgnel n impiegat dl KVW da Bornech a tignì udiënza por pratiches soziales desvalies vigni mertesc dales 8:30 ales 12:30, tl Raiun Sozial a Picolin. Implü resta ciamò i sorvisc da denant: - Iaco Clement vigni lönesc dales 9:00 ales 11:00 te ćiasa de Comun a Pedraces; - Marlene Ferdigg vigni lönesc dales 8:30 ales 10:00 tla biblioteca a La Val y vigni mercui dales 9:00 ales 10:30 tl Raiun Sozial a Piculin; - Stachio Erlacher vigni jöbia y vëndres dales 8:30 ales 12:00 te ćiasa de Comun a Al Plan. Por la detlaraziun dles cutes MOD.730/2012 vëgnel n impiegat dl KVW da Bornech, en lönesc ai 26 de merz 2012 dales 8:30 ales 11:00, tl Raiun Sozial da Piculin a tó i documënć, che gnarà indô portà derevers en lönesc, ai 7 de mà 2012 tl ofize dl KVW da Piculin. La detlaraziun dles cutes podëise inće fa diretamënter tl ofize dl KVW a Bornech, tla strada Dante Nr.1, telefonan denant al nr. 0474/413707 por fà fora la data dl’udiënza. Le KVW dla Val Badia ves aoda na buna colaboraziun y ti dij dilan a düć chi che se dà jö cun l’assistënza soziala, de so bun sorvisc y desponibilité. (KVW Val Badia)

www.lauscdiladins.com

9


Fodom

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 09 / 02 de merz 2012

La Provinzia refuda l proget de “Arabba Fly” Emergenza iega sa Larcionei Nrabié l ex assessor Leandro Grones:”Butei via doi agn de laour”

Cotánt a le longe se mossaralp ncora vedei chësta situazion ntel zenter de Rèba?

Reba - Dut da refè per l proget de la segiovia “Arabba Fly”. I dis passèi la Provinzia de Belum l’à mané ndrio dute le cherte al Comun perciéche l’aministrazion comunal no l’assa manè nvalgune integrazion ntei temp pervedus. Dassën nrabié l capogrop de mendránza Leandro Grones, che da assessor co l’aministrazion Pezzei, l ava sostignù l proget:”L’aministrazion l’à buté a l’aria trei agn de laour e ades la se ciapa nte la mán n proget che l é cherta che no vel nia. Se tourna spo a pié via “da zero” coche fesc noté Grones” co l proget de “Arabba Fly. Chël che l assa mossù ester la soluzion al problema del atraviersament coi schi de Reba. Dut s’à fermè a nen vare da la fin del iter. La Provincia, che l’ava da de n ultimo via libera, l’à mané ndrio dut al mitent. L eva stada la medema aministrazion, de merz del 2011, a damané de podei sburlé nnavánt fin al 31 de dizembre( “perciéche i ava ncora da descore e descore” comenteia ironich Grones ), i tiermengn per prejenté

le cherte. Ma a Belum da la Cesa de Comun no fossa plu piada via deguna cherta. Del atraviersament coi schi de Reba sen descor oramei da 30 agn. Ntel 2005, recorda Grones, l’enlouta aministrazion pezzei l’ava dezedù de to a mán la cuestion. De dizembre del 2006 l eva stada fata ma sentada publica, ulache davánt a na mucia de jent, l’eva stade prejentade nvalgune soluzion. Chëla che plu ava plajù( sostignuda da l’aministrazion ) l eva ste l proget de na segiovia che passa soura l paisc fora. Per chëst l Comun l eva rué a otignì l via libera de la Frazion de Reba e de la Sourantendenza: L lift, na segiovia da cater pòsć a atachi fisci, la fossa stada longia 340 metri, per na portada de 2400 persona a l’ora. Cost: 2 milioni de euro. Drio le valutazion fate ntel proget, l’assa portè 1 milion e 500 mile persone a la stagion, per n incass de 530 mile euro, co nen vadagn, touc via i cosć de personal e amortament, de 100 mile euro. Scioldi che fossa ruei nte le casse del Comun. Si,

Ntánt l Comun l dezide de daidé fora Bim Gsp perciéche nte le intenzion de l’aministrazion Pezzei, chëla segiovia assa mossù la fe la gestì l Comun nstëss. Chëst per giré dintourn a la “vegla” rivalité ntra le doi sozieté Sofma e Sit Boé, che gestisc i lifc da na pert e da chël’autra del comprensor de Reba a che la nuova segiovia l’assa de fat coleghé. “Chësta l’é la dimostrazion ciara che chël lift l ava da l fe l Comun” atacheia ades Grones. “Se le sozieté le no s’à metù d’acordo nte 30 agn, l eva ciaro che se mossëva to a mán la cuestion. Ma la gauja de chëst l’é duta de l’aministrazion comunal. L’à volù lascé che le sozieté le prove a se mëte d’acordo per fè la segiovia e per chëst l’à trat via l proget da la lista dei laour publizi del comun. L resultat l é ste disastrous e chëst desmostra ence che no i é bogn de gestì l ben publico. Coscita se tourna ndrio de 5 agn. Ades chi sa cotánc de agn che passarà mpruma che se tourne a descore den proget.. Zerto, l eva ence chi che volëva n’autra soluzion, come chëla del tunel, e che ades i giourirà bòze de champagne. Ma se mossëva to na decijion.” Per Grones chëst se fajarà sentì ence nte la paruda turistica de Reba. “Zerto. Chi dai schi i fossa stei de segur contenc. Se fajon ride fora da dut l Dolomiti Superski. Ogni inviern rua mile e mile mail de protesta al ufize skipass per chësta situazion. Ma ncin me la spetëve mosse di, perciéche chësta aministrazion l’é tres stada contraria a chëst proget. Nveze l portè nnavánt fossa ste n segnal de gran mportánza per l turismo, souradut nte sti agn de criji. Chëst l é n dann che sarà difizile comedé. E si che l capocomun Ruaz, n campagna eletoral, l s’ava tres blaghé che la saa ciapè n acordo co le sozieté dei lifc. Ades cialaron davò a coche l é ste porté nnavánt l iter e damanaron spiegazion a l’aministrazion.” (ls)

Comun - N auton ju via sëch con puocia ploia e n inviern senza nei l à fat suié su le fontane nte trope localité ju per l’Agordin e del rest de la Provinzia, ulache da setemane oramei se descor de emergenza e la iega la ven portada co le bot dai destudafuoch. Per chëst Bim Gsp l à mané fora n avijo a duc i utenc de sparagné iega. “Nta Fodom per ades l problema l s’à fat sentì demé sa Larcionei, ulache le fontane i é sëce deldut” ne spiega l assessor ai laour publizi Fabio Denicolò. N’emergenza che assa da gestì Bim Gsp, davoche la lege i a passé de fat la competenza su la iega. Ma l’aministrazion, nveze che se lavé le mán co la scusa de le competenze, l’à dezedù de ji contra la corente e colaboré con Bim Gsp. “Savon che l ent l é n gran dificolté” spiega Denicolò, “e nos nte sto ann senza nei on le oure de Comun con trop temp a dispojizion. Nlouta on pensé che l é meio se daidé fora che se fe la viera. Savon che da autre pert i comuns i no fesc plu nia co le ieghe perciéche i disc che l a da fe Gsp e con chëst i a magari ence contrasć. Nos nveze on dezedù de colaboré, ence perciéche mprumadedut on

da pensé ai debujens de nuos zitadins. Coscita on ciapé acordi: Bim Gsp mët la material e nos i laoránc. L prum intervent l é ste fat via Sotinglacia, ulache i tubi i s’ava glacé e le doi sole persone che vif ilò i eva restade senza iega “No me parëva dërt che, demé perciéche i é de doi, i mosse restè senza iega” spiega Denicolò. Nlouta i laoránc de comun i a trat ju 400 metri de tubi persoura per porté la iega. Colavia le fontane le va sourafora.” Ma l’emergenza vera l’é sa Larcionei, ulache le fontane i é oramei sëce. “Grazie a la competenza del ex dipendent comunal “Giovani de Pala”, che on tout su co la formula del “laour a clamada” spiega ncora l assessor, “on trat ju persoura 800 metri de tubi fornis da Gsp, che son jus a se to n Val de S. Lugán a Taibon per mplenì le vasche de Col da Larcionei. Ma resta ncora chelche problema. Per chëst son drio a pensé se manè su i destudafuoch o trè ju autri tubi da le fontane per mplenì le vasche.” Ence se l’emergenza la no s’à ncora fat sentì, l’assessor l racomana mpo a duc i utenc da Fodom de sparagné la iega. (ls)

Problemi de iega sa Larcionei.

“Arabba Fly l é n capitol saré” L’aministrazion mana ndrio al mitent dute le contestazion:”Proget che no fossa mei ste fat da degugn perciéche mancëva l acordo co le sozieté” Comun - “Arabba Fly l eva n proget mort da nen toch perciéche fat senza ciapé n acordo co le sozieté.” L Capocomun Ugo Ruaz no l à mese mesure ntel respone al consiadou Leandro Grones, cánche l cusa la sua aministrazion de no avei mané le integrazion damanade a la Provinzia per la segiovia “Arabba Fly” e avei fat si coscita che da Belum i mane ndrio l proget.” Le integrazion che descor Grones” spiega Ruaz, “l eva chële che damanëva de sposté l skilift “Due Baite”, de la sozietè Sit Boè e de pervedei l nuof percors per i schiadous da la stazion de la segiovia nju. Cherte che ava da mané la Sit Boè, cajomei, ma che no i a mei mané perciéche lori i eva decontra al proget coscita coche l eva fat.”

N skilift da sposté La stazion de “Arabba Fly” del viers del Burz defati, l’eva stada

10

www.lauscdiladins.com

perveduda zirca a mez e bel dinongia al skilift Due Baite, che cor damprò su a la segiovia del Burz. L proget de l’aministrazion Pezzei l pervedëva spo che i schiadou che desmontëva i passe via l traciat del skilift. Per chëst assa bu l assa bu da ester trat via o sposté autrò. “L é da di” spiega ncora Ruaz, “che chëste integrazion i eva stade damanade ncora nte la Conferenza dei Servisc del 28 de mei del 2009, ulache ava tout pert ncora l’aministrazion Pezzei. Nte n’encontada fata davò, la Sit Boé l’ava fat a savei che l’Ustif de Venezia ( l ufi ze de la Region competent per i lifc ) no i assa mei lascé sposté l vegle skilift. Che cajomei l assa mossù n refé un nuof autrò E chëst, ben da capì, no i é jiva ben. Degugn assa podù oblighé la sozieté a tre via l skilift. E tánt de mánco nos come aministrazion, che mei s’onse pensé de mpone velch da de tel. Spo chël proget, coscita coche l eva ste prejenté, no

l assa mei fat degugn, gnánca l Comun, coche nveze ava pensé Grones.”

N nuof proget L’aministrazion Ruaz l’à tres fat capì ciaro de no volei ji su la medema strada e che se la segiovia, cajomei, l’ava da ester fata da le doi sozieté. Nte sti doi agn l Comun l s’à nconté plu oute con Sofma e Sito Boè per cherì n acordo, ma la situazion la s’à, nviade davò l auter, compliché tres deplù. Coche conta nte la croistoria ncora l Capocomun. “D’aisciuda del ann passé, la Sit Boé la n’à prejenté n proget per n nuof traciat de la segiovia. Per nos jiva ben, se chësta assa podù ester la soluzion ncontentëva duc. Per chëst on damanè la proroga l on mané mprescia a la Sourantendenza de Venezia per capì se l podëva ester azeté. La medema la no n à de degun parer, ma l’à scrit che al

vedei coscita l ie mparëva peso, dal pont de veduda ambiental, de chël “vegle”. Na resposta che no lascëva ben speré spo. Ma l’aministrazion l’ava ence da avei l’ok de la Sofma, perciéche l’autra stazion de la segiovia la fossa ruada sui suoi tarens. “L prescident Gorza” conta Ruaz,”l ava tres dit de ester per la soluzion del sotpass. È metù 6 meisc al convinze a fe la segiovia auna a la Sit Boè. Ma po chësta ultima, come dit, l’à fat a savei che chël l no ie jiva ben. Tánt che ncora de dizembre, nte na riunion, l suo raprejentánt Diego De Battista l a dit fora dërt che “plutost che fe l proget prejenté da l’aministrazion Pezzei, fossa ste meio l sotpass”.

Contribut scadù Per fe la segiovia, l’aministrazion Pezzei l’ava ence dit de avei ciapé n contribut regional de 500 mile euro. Ci fin alo fat ?”Chël contribut”

spiega ncora Ruaz ntánt che l mostra le cherte, “l eva scadù cánche i eva ncora su lori. L bándo l pervedëva che i laour i vegne scomencei per l 27 de mei del 2008. Po l’aministrazion l’à damané na proroga den ann. Ma de mei del 2009, cánche ncora i eva su, i laour i no podëva de segur scomencé.” A mëte benzina sul fuoch nterven ence l assessor Lorenzo Pellegrini. “A to l toro per i corgn, coche a dit Grones, “a le oute se se i ciapa ence ntel stome. L é ence de autre strade per fe l atraviersament. Ma nlouta Arabba Fly elo n capitol sarè ? “Coscita coche l é ste prejenté da l’aministrazion Pezzei de segur. Se ven n auter proget che l va ben a le soi sozieté ( e a la Sourantendenza n.d.r. ) nos saron auna. Ma son restei mel. Davò doi agn no s’è ruei a nen acordo. Che Grones se feje puro n ejam de coscienza. On spenù na mascia de scioldi per suo proget fat senza cherì degun acordo co le sozieté.”


nr. 09 / 02 de merz 2012

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

El 2017 ‘l é senpre pi pede

Desgrazies in croda

Ra candidatura de Anpezo par i Mondiali de schie. A Venezia s’à sentù de i sode, betude da ra aziendes venetes. El gnon de Alberto Tomba, par i dà lustro

Outre doi morte, su ra nostra crodes, copade da ‘l gnee de ‘na laina

El gnon de Cortina d’Ampezzo, ra so bela crodes de ra Dolomites, ra pistes da schie e i inpiante, una storia e una tradizion de sport che và inaante da pi de zento ane: de duto chesto, e de outro pede, s’à parlà a Venezia, ai 23 de febraro, par ra candidatura da ciapà i Mondiali de el 2017, con Luca Zaia, el presidente de ra Rejon Veneto, aduna a ‘l capocomun Andrea Franceschi de Matia, che ‘l é anche presidente de Cortina 2017, e co ‘l gran canpion de schie Alberto Tomba. Pede de lore ‘l ea Giulia Federica Seganti,, loudaduó a ra economia de ra Rejon Friul - Venezia Giulia; da New York ‘l à parlà Gianni Zonin,

Chesta ot1a ‘l é suzedù su par el Cristallo, inze ‘l gnee de el canal Bernardi, che ‘l é sora Son Forcia, sora el Ru de ra Graes, agnó che ‘l é morto, ai 22 de agosto de ‘l 2009, chi cuatro ome de el Suem, tomade śo co ‘l elicotero Falco. Una bela śornada de soroio cioudo, un bel śiro co i schie, una bela montada a sfaria. Ma i à curà fora el di sbalià, co ‘l gnee menà da ‘l jonfedo, e ra laina i à copade. I ea da ca pede, da Coneian e da Treviso; i saea śì polito, co i schie, i aea amor par ra crodes, par el gnee da sfaria. Un de i doi el se r’aea veduda burta, śa tre ane, in Tofana, canche ra laina i aea portà via un schio, oujorà śo da Ra Vales, fin su ra pista de ra

presidente de ra Banca Popolare de Vicenza. Par telefono i à śontà algo Raffaele Pagnozzi, sacretario de el Comitato olinpico talian, e Manuela Di Centa par ra Federazion taliana de i sport d’inverno. Ra provinzie de Trento e de Bolzan ‘s à mandà alcuanta paroles de i loudaduós a ‘l sport Tiziano Mellarini e Hans Berger. In Anpezo ‘l é duta ra cartes in regola, ‘l é stà dito, par śì adora a parecià una manifestazion coscita granda, coscita bela; ca ‘l é una storia longa, de sport, e se pó recordà un an, par dute, el 1956 de ra Olinpiades. “Nośoutre son parsuaśe de dià chesta candidatura – ‘l à dito el governator Zaia – che r’é tegnuda

su, de ‘l duto, da ra nostra aziendes, che ‘s à azetà”. “No sarà fazile i ciapà, chiste Mondiali – ‘l à śontà Zonin – ma se podarae śì adora. Spero che Cortina r’ebe fortuna e ra pode venze: podason ese bule, de chesto, dute nośoutre taliane. A podé i ciapà, sarae ‘na bela sodisfazion par dute, pi ancora inze chesto momento de confujion, de fadia, de zavarie par ra economia. Alberto Tomba el no s’à scondù che sarà difizile fei venze ra candidatura de Anpezo. Se però i aese da ruà su ra Dolomites, ‘l à dito: “I no sarae noma i Mondiali de Cortina, ma de ‘l Veneto e de duta r’Italia”. (mdm)

Forzela Rosa, e un grun de ome i aea ris-cià ra vita, par śì a vede de el. Dinultima, inze un prozeso, el judice ‘l aea dito che el no n’aea fato nuia de mal e el ‘l aea mandà libero. Cemodo che suzede duta ra otes, dapò de ‘na desgrazia, se se domanda se se podea fei demando de śì, chel di, par no se fei ciapà sote da ra laina. Chi de el socorso i disc che, con duto chel jonfedo che ‘l ea stà, no n’ea da moe, ‘l ea da s’in stà a ciaśa. O almanco da domandà ignante, a chi de el posto. Alcuante dis de polemiches, de bateboi, de articole su par ra gaśetes, de servizie par television. E ‘pò duto taje. Fin a un’outra desgrazia.

I ome de el socorso in croda de Anpezo, co ‘l elicotero de el Suem, i à portà śo i doi morte, de chesta outra desgrazia in croda.

Alberto Tomba intrà Andrea Franceschi, capocomun de Anpezo e presidente de Cortina 2017, e Luca Zaia, el governator de el Veneto.

Orazion de guera Pensiere e recorde de śa tante ane

El bosco sporco Spazadures senza creanza, ma mancia un posto agnó res bete

Un grun de spazadures, de material de i laore in ciaśa, inze ‘l bosco intrà Crepa e Volpera.

I no n’é gnanche śude adora a netà, che i à ciatà danoo duto sporco; ‘l é pasà supośò un an, da canche i consiliere de ra sezion de Anpezo de el Club alpin talian Bruno Martinolli, Claudio e Roberto Vecellio, i aea netà fora el troi 429, che da ra galeria de Crepa el rua śo a Volpera e a Mortija. I aea ciatà un grun de pestuze de taeles, de forate, de piastreles, de peton, duto bicià śo par ra spona, ves Cianpo.

“Almoto – el me conta Martinolli – calchedun che aea fato laore in ciaśa, da comedà fora un bain, che ‘pò calche stanpion ‘l à pensà polito de bicià inze ‘l bosco. Nośoutre inalora aon vorù netà su polito, propio parcé che su chel troi pasa un grun de parsones, par ruà a ra palestra de croda, alolo sote stradon, ben tegnuda da ra nostra Guides”. Chera netija r’à śoà poco: “Poco ignante de Nadà 2011 – el

śonta pede Martinolli – ei abù un despiazer, a vede che outre grobe i à bicià, su chel piazal, nafré scondù inpó chel sasato, outro material, danoo da calche laoro, ma doa otes tanto, de chel che aon netà via. Me somea che no see nuia de outro da śontà pede, par dì de chesto jesto”. A ese sinziere, algo da śontà ‘l é, inze ra paroles de chesto consilier de el Cai, che el laora anche par el Socorso in croda, un de chi che ‘l é stà śo par r’Italia, a dià chera por śente, sote ra gneeres de febraro. “Io vorarae i dì, a ra nostra aministrazios, de fei algo ignante, parcé che dapò i no feje ‘ste jeste. Sarae da daerśe una chipa, agnó che ra śente ra pode portà chesto material. Me sovien che a Bibione, inze ‘l ultimo cianton, fora inson de el Veneto, Comun de San Michele al Tagliamento, duta ra śente ra pó portà fin a un metro cubo de material a ‘l di; coscita se dia ci che fesc laore in ciaśa, su i mure e ra piastreles. Inveze ca da nośoutre, a ra chipa de Pies de ra Mognes i no n’azeta chesto material e ra śente ra no sà agnó i portà. Con chesto, no voi dì che i feje polito a bicià spazadures par i bosche, ma son parsuaśo che, se fose un posto agnó res bete, i bosche i sarae pi nete”.

Canche see śoena, ignante de me maridà, śie tanta otes con me Pare e me fardiei a ciatà de chel che ‘l ea vanzà in śiro, da ra Prima guera 1914 – 1918. Me recordo che inze par una scendedura de una baraca ei ciatà un toco de carta, fato su a rolo; ‘l ei desfato fora e ‘l ei lieto. Su chesto sfoi ‘l ea ra data de i 2 de febraro, ma ‘l an no son stada bona de el lieśe, gouja che ‘l ea un toco de carta tanto strazà. ‘L ea su un scrito par talian, che no m’ei pi desmenteà; imajino che el sarà stà scrito da un melitar talian de inalora: poca righes, con tanto sentimento. “Oh Madonna della neve,c osì bella, così bianca, la preghiera mia in quest’ora volge a te l’anima stanca”. M’é vegnù nosicé, a lieśe chera poca righes, e no m’ei pi desmenteà;

‘l é pasà tante ane, ma m’é restà inze ‘l cuore chera paroles e ei pensà pi otes, cisà da ce parte de r’Italia che el ruaa, e cuanta pascion de ciaśa che ‘l arà abù, canche el pensaa a i suoi, inze chi momente triste, che ‘l ea indalonśe da ciaśa. Cisà ce che ‘l arà pensà, a ese casù, intrà ‘sta crodes che, inze zerte momente, a trope i porta tanta pascion. E trope de lore, che no aea mai vedù una croda, cisà cemodo che i ra imajinaa ignante. Me contaa me fardel Renzo che, canche ‘l ea melitar, ‘l ea de chi tośate, da ra basa Italia, che i domandaa se ra crodes, de inze, ‘s ea voites. I no n’ea boi de se imajinà ce che ‘l ea: un gran sas, e i no capia, i no sentia, cuanto bel che ón intorno. Teśele Michielli Hirschstein

R’ea supośò coscita, ra vita de i melitare, inze ra baraches de len, scondudes inze ra scendedures de ra nostra crodes, in tenpo de guera. www.lauscdiladins.com

11


Anpezo

nr. 09 / 02 de merz 2012

Par vojes e arpes

I valore de i Ladis

Noo Conzerto de ra Schola Cantorum de Anpezo

Ra storia de ra nostra śente, da agnere fin ancuoi. El spirito che me tien aduna. Una facoltà da precurà

Ra nostra Schola Cantorum ra se mesura danoo con un conzerto inze ra Basilica minor, śa che cosita r’é deentada ra nostra jeja granda, dita de Sajaco, che sarae ‘pò de San Felipo e Jacomo. El conzerto el sarà , - de’ l vendres 9 de marzo, dares sié e tre cuarte 18.45; i cantore de Anpezo i ciantarà danoo con cheres de ra Ensemble de arpes

Floriana de Padova. Śa ‘l an pasà de marzo aon abù ra ocajon gran bela de aé chestes che sona res arpes, a ‘l posto de ‘l normal òrghin, che me tien in ordin su ‘l ton e a me dià inze ‘l ciantà; e ‘pò gouja, e penso par merito, de cemodo che r’é śuda inze chera ocajon, ón podù torna a fei un conzerto a Parma, propio inze un sito agnó che i s’intende de musica

pitosc ben. E pensave ‘pò che saon ben invidade da ra Associazione nazionale dentisti italiani, propio chi che ades i m’à invidà par un’outra ota. Dapò de alcuante peze noma de arpes, tociarà a nośoutre de ra Schola ciantà ra nostra parte, s’intende senpre de bona musica de jeja de i secui pasade, e intrà de chiste ra “Ave Maria” de Charles Gounod, ‘l “Ave verum” de Elgar, el “Laudate Dominum” de G. Friedrich Haendel, e el pezo a cappella  “Exultate Iusti” de Viadana. Aduna con ci che pasa ra so vacanzes inze ‘l paes, i é bén invidade pura chi de ra vales ca pede, e dute chi che aprezia ra bona musica e el ciantà. E a ‘sto riguardo pura ra Schola Cantorum r’à senpre biśoign de cantore, che pode vegnì a dià a chi che ancuoi cianta inaante, ancuoi come in alora, da pi de zentovinte anes. Gramarzé ben a ci che ruarà. Par in saé depì podé ciamà Denis  339 4364920; Sergio 348 70136150.

I cantore e ra musicistes, de ra Schola Cantorum de Anpezo e de ‘l Ensemble Floriana da Padova, pronte par me fei insonià danoo.

Luiji Menardi Malto

A scora de vita El sango, algo de prezios, da donà a ci che à pi biśoin. Un valor che se pó inparà fin da pize Daante a i pize da scora, par i insegnà ce bel che ‘l é, donà algo a chi outre. Pi che see i donà algo de valor, el pi gran valor: ra salute, ra vita medema. Chi de ra sezion de Anpezo de ra Asociazion da Belun de i donatore de sango i é stade inze ra doa scora meśanes, chera tacada a ‘l Polo Valboite e ra Rinaldo Zardini. Ignante se śia a ciatà i śoen, par vede se i podea, se i vorea deentà donatore, ma se

ruaa da chi pi grei, parcé che se scomenza de disdoto ane, a donà el sango. Inveze ades se pensa de fei chesto laoro noo, de darśonśe anche i pi śoen, canche ancora i no pó el donà, el so sango, ma almanco che i sepe. Chesto laoro ‘l é fato da ra Avis taliana, e ‘l é ruà anche inze ra nostra provinzia. A i tośatiei s’i dà fora un libreto, nafré da ride, nafré dasen, co i fumete de Lupo Alberto, a parlà de ‘l

volontariato, de fei algo par dià chi outre. I pize i responde polito, i é curiosc, i fesc un grun de domandes, par in saé depì, e chi de ra Abvs i responde, con chel che i sà. Cisà che duto chesto no śoe, par un doman, par i fei inparà el valor de donà: se pó donà el laoro, el tenpo, ma anche el sango, se ra salute ra me dia. Con chera de fei algo de bon, par ci che à pi biśoin de dute.

Ra malagrazies che ‘l é stà fato r’aea ra meo. Chesto spirito el vive ‘l istade e ‘l uton pasà, spegazà ra ancora ades tra de nośoutre. fotografies e ruinà ra fegura de In chi anes che in pianura e fajea Masimilian I, m’a fato capì che catedrales e palaze e śo in drio man, r’Ulda ra no n’à ra sinpatia che ra i Ladis vivea in ciaśes de len isolade, merita. e duto chel che servia par vive Dute à derito de aé ra sinpatia vegnia fora de ‘l laoro de ra so mas: che i vó, ma i no n’à derito dei fei el da magnà, i servije fate de lana ate cagnin. Spegazà ra foto de na e de lin, i atreze da laoro de fer e parsona, che ra se bate par ra so de len. Chesta vita de stente, spes idees, che ’l é anche ra idees de co ra natura contra, i à tienude tante anpezane, vó di ofende ci che aduna, inze i valore che r’Ulda vó ra pensa come era. R’Ulda ra se defende. No parceche i see meo de bate par precurà ra parlada de na chi che vive in pianura, ma parceche comunità pizora de poco pi de i é diferentes, anche ades che i tremile animes, no solo ra parlada tenpe i é canbiade. Parcé one da ma ra uśanzes, i valore, ra moda deentà come un rodol de fedes. Ve de vive de chesta śente, che ra se parelo che chesto intendimento sente aduna, parcéche r’à ra see tanto da contrastà. Precuroni chiste valore, finché medema cultura. Chesto popolo, pizo, scanpà da ra piana, gouja fosc podon, e anche ra parlada. da r’invasion de i barbare, o par se I sciore che m’à portà tanto defende da ra malagrazies de i benesere in chesta vales e che potentes, aduna fosc con calche rispeton e che son grate che i viene, melitar romano disertor, s’a refujià i no n’à nuia da me insegnà in fato inze poste pi difizile da darśonśe. de i valore, fosc solo ra bona Chesto suzedea doi e trezento ane manieres. I nostre valore i é ignante el Mile. I badiote de seguro diferentes: precuroni finché podón, i sarà śude su par ra strentoira de anche ades che ón tanto benesere. ra Gadera, che ra no n’ea come che Su ra stema de Anpezo ‘l é un r’é ades, e i s’à portà su su, finché deto che disc “Modo vivo ac tuta i à darśonto un luó, agnó che i à quiesco” pensà che i arae podù vive in pasc. A. d. B. I sarà ruade fin su agnó che ‘l é Rina, agnó che ‘l é ra val de Marebe e Corvara, e śo in drio man. Duta ra vales ladines ‘s é nasciudes in luoghe, in chera ota, difizile da darśonśe. Fosc lasù ‘l ea calche val, no solo bosche, e à lourà i s’à fato i so cianpe, par podé semenà e vive. I à abù da se defende da ra violenzes de ra natura e manco da chera de i ome. Aduna i à podù se misurà contra el mal dal fó, ra gneeres, r’agajos. Senpre aduna inze el biśoign anche se calche ota ‘l ea radeghe tra ra vijinanzes, ma el Ra storia r’é scrita co i documente, pi che co ra spirito de ra vijinanza paroles de i ome.

Comedia o sostanza Foreste inze ‘l so paes

I vorentie de i donatore de sango de Anpezo, Guido Menardi Diornista e Simonetta Zangiacomi Iacarede, inze ra scores, par una lezion de vita.

12

www.lauscdiladins.com

Ste ultime tenpe ‘l é Ladis che souta fora in Anpezo, in Cadore, inze ‘l Veneto. Unios de Ladis d era vales ca intorno, ma anche libre par ladin, sarvije ladis, teatre par ladin, feste, pelegrinaje e viase ladis. E śo indrioman, ci che pó pi. Ma cuante in elo che, a i tirà via ra teseres, a i toi via i sarvije e a i sarà śo el sipario de ra comedies par ladin, che vien fato inze ‘l paes (e no intendo solo cheres de ra Filodramatica) resti ladis, inze ra sostanza de ra vita? Ultimamente i doi pize pi grei de me fardel i à scomenzà a śì a

scoreta de ‘l pioan, par zivil ‘l asilo, e alcuante pize de chera scoreta i é dute contente che i see ruade là anche lore: ‘l é chi alcuante pize che parla par anpezan. Su zirca zento e trenta pize, de chera scoreta de ra val d’Anpezo, chi che parla par anpezan i é coscita de poche che chi outre pize, arleade da sciore, par talian, i ciama “gli stranieri”. Me par che a chesta storia de vita vera no se pode śontà pede nuia. Tiziana Ghedina Baśilia


nr. 09 / 02 de merz 2012

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

“Jon pa bën nce a pe!"

Sucors sun Secëda

La diretëura dla Scola Mesana de Urtijëi Maria Kostner n con’ dl proiet per l fabricat nuef per la Scola Mesana a Urtijëi. La diretëura uel dantaldut auzé ora l lëur y l mpëni di nsenianc, ma nce di sculeies, tl lëur educatif y furmatif. La cuestion dl aut-aut per la palestra o la plaza dai auti ie zeche de tecnich, aldò de Kostner

Ora di ntervënc che vën fac cun i joleri dla Provinzia o dl Aiut Alpin iel da lecurdé l gran lëur che la urganisazions de sucors di purtoies che vën menedes da plu gupes fej. Danter l auter iel nce i carabinieri che fej chësc servisc sun plu purtoies

Scola Mesana Urtijëi - Da n pez incà vëniel bele rujenà de cumedé su y de ngrandì l fabricat dla Scola Mesana de Urtijëi. L bujën de na strutura sun mesura vën udù ite da duta la pertes. Ma ultimamënter iel stat vel’ da polemiches y nutizies n con’ dla posizion di maestri, che se damanda, danter l auter, l mesun de lascé i auti pra scola. Ma per n savëi zeche deplù à la USC cuntatà la diretëura Maria Kostner. USC: Diretëura Kostner, iel pa, pra l proiet per n fabricat nuef dla Scola Mesana, na polemica che à mé da n fé cun la plaza dai auti? Maria Kostner: No, tlo ulëssi stlarì plu avisa dut cant: i maestri ie bele dai ani che se damanda che l vënie cumedà su y nce ngrandì l fabricat, dantaldut de majera tlasses, adatedes per l nseniamënt ai sculeies, n generel per la pert didatich-furmativa. Chësc vën for lascià da na pert ti media y nce tla descuscion publica. L ie tlo da dì che l lëur dl nseniamënt se à ti ultimi ani mudà dassënn, l ie deventà n lëur educatif, che ne va nia mé plu dl viers de dé inant savëi, ma n muessa fé n grandiscimo lëur pedagogich, dlongia chël educatif. Nce i sculeies vën cun dut n auter savëi a scola; i à n’autra maniera de mparé y de se dé ju cun tematiches che no plu da giut. I sculeies d’al didancuei ie usei a lauré plu debota, i se stufa scialdi plu aslune canche na tematica vën purteda dant mé te na maniera tradiziunela. Nce ti curricula y ti planns educatifs dla scola iel udù dant che la furmazion di sculeies tënie nce cont dla cumpetënzes che chisc muessa svilupé. L ne n’ie nia mé cumpetënzes a livel de cunescënzes y de savëi, n gran pëis ti vëniel dat ala cumpetënzes sozieles y ala capazità de cuoperazion danter mutans y mutons. Cun chësta ntroduzion longia ëis dat da ntënder che la descuscion va mpue’ da na pert via, che jurnalisć y aministradëures ne vëija suvënz nia ite cie che ie fundamentel tla scola. Cun chësc réstel mpo l

problem de garasc sci o garasc no. Chësc ne n’ie nia l problem dla scola, y perchël ne n’iel ënghenó drët che l vën for inò dit che i maestri ie per una na pert, minà mé per la plazes dai auti, y nia per l’autra pert, minan la palestra. Nëus son per n cunzet che tënie cont de duc i bujëns che la scola porta cun sé. N pudëssa bën se nmaginé che canche l ie unì proietà dut La diretëura dla Scola Mesana de Urtijëi Maria c ant éb en nce Kostner. damandà la Scola de Urtijëi? che la descuscion jissa dl viers che La Scola Mesana ie unida la istituzions y la opinion publica damandeda y bele tl prim mumënt udëssa ite che per nëus se tràtel mé ons nce dit che la Scola ie per la de chësc. Dut l rest ie do mi ntënder luegia da lascé i auti, speran for che na descuscion tecnica, per chëla l Chemun ebe l mesun de fé nia che la va de crì soluzions. Nëus son dalonc na palestra che posse unì bën cuntënc cun na palestra, che adurvon zënzauter, y che l ie rie fé nuzeda dala Scola. tramedoi cosses savons ënghe, ma Ma chësc mesun ne n’à l l muessa vester l mpëni per na Chemun nia udù ite, o l ne n’ie, soluzion sun mesura che tënie cont per gauja de lerch, nia mesun fé de tramedoi i bujëns. na palestra nzaul daujin. L L ne me sà nia drët, l nes sà a Chemun semea de vester per la nëus nsenianc y personal nia palestra y nscila tómel demez la nseniant dla scola nia drët che plazes dai auti. union mé ora coche jënt massa Sambën se damanda trueps freda de jì a pe. Chësc ne n’ie nia ulache n possa lascé n auto, ajache vëira, ajache trueps da tlo va uni di on maestri da oradecà che vën a pe a scola. Ma coche dit iel nce adalerch cun si auto. N muessa nce nsenianc da oradecà y nce nsenianc dì che l ie maestri che muessa tò da tlo che sta plu desman te pea truepa roba te scola, che l sibe Gherdëina che ne possa nia unì a cudejiei y libri o d’auter material pe uni di. didatich, y che te scola nstëssa ne n’iel nia na luegia adateda coche Zeche Ve stajova sun l magon. luegia de lëur, chël uel dì che n A chi ëis’a ulù ti dì dut chësc? possa iló se njenië ca, fé cumedures, L me sta sun l magon che la lascé si material per la scola. I cuestion ne vën nia ududa duta nsenianc muessa se tò pea dut a ntiera, lascian dantaldut valëi la cësa y perchël ài debujën de na gran mpurtanza dl lëur di maestri, luegia daujin a scola per lascé l auto. si prufesciunalità y si gran mpëni per l bën dla cumenanza. Me L taca inò dut adum cun la mbincësse che duc chëi che fej plaza dai auti sci o plaza dai auti polemiches la finëssa via y fajëssa no. inant na descuscion ogetiva, tl No, coche dit, mi ntervënt tlo respet dl lëur di nsenianc ma nce tla USC ulëssa dantaldut vester na y dantaldut di sculeies. ucajion per auzé ora mo n iede la mpurtanza dl lëur de nseniamënt Ntervista de David Lardschneider y dl lëur de mparé, y me mbincësse

L raion de Seceda - Col Raiser vën curì dala Crëusc Cuecena de Gherdëina y dai carabinieri de Urtijëi che se cruzia dl sucors cun 4 persones cualifichedes dantaldut cun l achia. Sce n ti cëla ala statistica di ntervënc fac dai sucor idëures di carabineri mé te chësc raion vëijen la mpurtanza y l gran lëur che i à. Dai 5 de dezëmber nchin ncuei iel bele stat 330 ntervënc y de chisc iel stat 8 iedesc, ulache l desgrazia fova tan grieva che n à tëut la dezijion de cherdé n joler de sucors. L gran lëur di uemes ie nce chël de tò su duta la dinamica dl

nzidënt y nce i dac dla persones che se à fat mel. Leprò ti vëniel for inò fat truepa dumandes dai parënc de chëi che se à fat mel. N muessa propi n iede auzé ora chësta persones che à truepa ëures y truep dis de proes de sucors per vester njeniei per de uni sort de caji. (Armin Moroder)

Ernst Müller te Sëlva Nstadì iel stat la giaurida dla mostra dl artista de Lana Ernst Müller Ert - L’ouvre de Müller ie danter ert astrata y vijiva. L artista de Lana, autodidata, fej dantaldut chedri de paesaje. Tl Hotel Nives àl n mierculdi prejentà n valgun de si chedri, n ucajion dla giaurida de si mostra persunela. Alexia Linder à per l’ucajion pudù saludé na bela cumpëida de esperc y jënt nteresseda al’ert.

Alexia Linder.

N cheder de Ernst Müller.

L fabricat dla Scola Mesana de Urtijëi coche l ie al didancuei. Tosc dëssel unì a s’l dé n fabricat nuef. www.lauscdiladins.com

13


Gherdëina

nr. 09 / 02 de merz 2012

Val Gardena Magazine 2012 Chëst ann iel unit ora la 14ejima edizion dla zaita de cultura y nfurmazion turistica te Gherdëina. Articuli nteressanc ntëur a Gherdëina y si jënt, scric te trëi rujenedes y cun de bela fotografies atueles y storiches. Bën 35.000 copies. Dancà la miss Südtirol nueva Sandra Rieder Magazine a Val Gardena Magazine. Nce la 14ejima edizion, chëla dl 2012, va inant sun la medema linia, cun nfurmazions pratiches purtedes te na maniera scialdi criativa y da culëur, nce graficamënter nteressantes y da plajëi. Val Gardena Magazine ie na publicazion de nteres turistich, na sort de vademecum lesier y da culëur, scrit tla trëi rujenedes talian, tudësch y nglëisc.

Restauranc, locai dla gastronomia y butëighes Ulà vedi pa a maië, ulà possi pa cumpré ite, te La prima plata dl Val Gardena Magazine ciun locai possi pa jì a me devertì, sibe d’inviern che 2012. d’instà? Chësta pert Turism y cultura - Na revista nfurmativa ie mpurtanta per i penseda dantaldut per i turisć y turisć che ruva te Gherdëina, chësta che uel nce dé inant i valores y la pert ie senteda ite, cun n pitl cudejel belëza dl patrimone culturel, tipich che n possa se tò ora dal Magazine y carateristich dla valeda de y nce s’l tò pea saurì te uni ucajion. Gherdëina, ma che uel nce ti dé Propi scialdi pratich y nce fat bën nfurmazion pratica ai seniëures, graficamënter. Y tlo iel la puscibltà perchël iel laite nce na lingia a de fé retlam, de se lascé udëi y se puntin di restauranc, dla butëighes fé cunëscer ai seniëures dla valeda. y di locai d’uni sort dla valeda. Dat ora dala Snowevents de Alex Y pona iel la pert plu cunzetuela, Pitscheider per l prim iede tl 1999, fata de articuli redaziunei che dëssa tl prim doi iedesc al ann y dopro descedé la ueia de savëi y de te una na edizion sëula, ma cun na nfurmazion culturela dl turista. I cumpëida mpurtanta de 35.000 articuli da chëst ann ie inò scialdi copies, iela passeda tl 2004 da Sëlva d’uni sort, dal Istitut Culturel

Micurà de Rù al scultëur Gehard Demetz, dal Sellaronda Hero ai campiunac nternaziunei de tennis de Gherdëina. Dala ejibizion de Carolina Kostner tl’Arena de Verona ala storia dla prima arpizeda dl Saslonch. Oradechël vëniel repurtà dla olimpiades di ciambonfs che sarà te Gherdëina tl 2013, dla capela de San Silvester te Val y nia mancë ne possa i articuli che se dà ju plu sot n con’ dla usanzes y tradizions, for scialdi prijedes dai turisć che vën te Gherdëina. Te chësta edizion vàla dl guant dala gherdëina y dl cujiné fanziëutes.

deberieda cun persunajes mpurtanc dl sport sciche, danter l auter, i schiadëures Christof Innerhofer y Tina Maze y l’atleta dl nudé Federica Pellegrini. Chiche ie stat al ISPO de Minca chëst ann à pudù udëi dut chësc de prima man. Mpurtant ie, coche bele dai ani, nce l cuntribut dl fotograf prufesciunista de Bologna Andrea Chemelli. Ël lëura per revistes de moda nternaziuneles y garantësc na bona cualità tla fotos, che ie na pert fundamentela per na revista turistica sciche l Val Gardena Magazine.

Miss Südtirol Sandra Rieder y Giorgio Righi

35.000 copies debant

L ie bele tradizion che la Miss Südtirol nueva ie la cover girl dla revista Val Gardena Magazine. Chëst ann iel Sandra Rieder de Eppan che d’autonn dl ann passà se à davanià l titul da. Sandra Rieder ie da udëi nce tla fotografies laite, suvënz nce deberieda cun Giorgio Righi, che ie bele dai ani testimonial mpurtant de chësta zaita. Y che Alex Pitscheider dla Snowevents, che dà ora l Val Gardena Magazine, à abù n bon nés tla dezijion, ie sotrissà dal fat che tramedoi “modiei” à nce bele fat n var inant mpurtant te chësc mestier. Sandra Rieder ie te chisc ultimi mënsc bele ruveda tan inant da fé n valguna defiledes de moda cun Giorgio Armani a Milan y Giorgio Righi ie deventà dal prim de jené dl 2012 un di testimonials ufiziei de EA7, Emporio Giorgio Armani,

Da giapé ie la zaita turistica ilustreda Val Gardena Magazine tla butëighes de alimenteres de Sëlva, Supermarket Sartëur, Gardena Market y Maciaconi.

Oradechël tla butëiga dal guant Extreme te Sëlva y a Urtijëi, tla butëiga dai udleies Flaim, tla scola de schi de Sëlva y ti eserzizies turistics y economics (bar, restauranc, butëighes, huties, scoles de schi…) che sponsorisea la revista. L cumité de redazion che à curà i tesć ie chëst ann metù adum da Leo Senoner, Giulia Insam, Filly Vilardi, Giovanni Di Vecchia, Isabella Penzo y Mandella Quilici. La zifres rejona n lingaz tler. Bën 35.000 copies dates ora debant, ntan dut l ann, chël uel dì d’inviern y d’instà, per i turisć nteressei che uel nfurmazions pratiches y de utl, ma nce testemunianzes dla cultura, dla tradizion, di persunajes y dla ntraunides che roda ntëur ala vita te Gherdëina. Leo Senoner

Nce de cultura vëniel rujenà tla zaita; tla edizion de chëst ann danter l auter dl Istitut Culturel Ladin “Micurà de Rü”.

Carnescià da „Egaburvanda“ I mutons y la mutans dla scolina de S. Cristina à ulù festejé chёst ann l Carnescià reprejentan figures dl bosch.

S. Cristina - N Juebia Grassa ai 16 de fauré iel stat da udёi a S. Cristina bolps, lievri, uciei, ciafites, pavёi, fonc y ciofs che jiva a spaz

14

www.lauscdiladins.com

tres l luech fajan na bela paruda. La defileda ie ruveda nchin pra l Zёnter Iman, ulache i pitli dla

scolina ie jic sun palch y à ciantà la ciantia tradiziunela: „Juebia Grassa“. Da dedò à i mutons y la mutans

mo giapà de bon crafons y té, njeniei ca dai genitores. Nosta festa de Carnescià ie nsci garateda drёt bёn, de gra a duc i

genitores dla bona cunlaurazion! L team dla scolina „Egaburvanda“ de S. Cristina


Gherdëina

nr. 09 / 02 de merz 2012

Nolunta’s vënc l Rocknet Live Award 2012 L bel pest de mujiga ie chëst ann unì venciù dala grupa de Gherdëina, che ie stata bona de tré dala sia sibe la iuria che l publich. Segondi ie „Reach Us Endorphine“ de Perbian, terzi „turbotrööt“

N valgun mumënc dl cunzert. (fotos: Oskar Zingerle/ Brixmedia)

La legrëza di Nolunta’s do che i à audì che i à venciù.

Mujiga - Tla Cësa dla Lia de Nals iel chëst ann stat l „Rocknet Live Award“, cater dis alalongia. Bën 25 rockbands de dut Südtirol à fat pea pra la manifestazion, partida su te trëi dis de cualificazion dan la sëira de finela. Do dut adum vint ëura de mujiga life à sibe l publich che la iuria cris ora la band de Gherdëina „Nolunta’s“ coche

che sona y cianta pea, per jì ite te na simbiosa de mujiga.

miëura furmazion. Nolunta’s ie n proiet acustich che nasc tl 2011, cun n sound dut sie, dai gran sentimënc, tres chitara, mandolina, ukulele, contrabas, djembe, y l’armonica Steirische, l’armonica da bocia y la bataria. Coche dij i musicontri de Gherdëina ne n’ie Nolunta’s nia mé mëter adum notes, ma mujiga che vën da uniun

La tlassifica Da liejer damprovia: Band, Jury-Points – Audience-Point – Overall – Jury-Placement – Audience-Placement: 1. Nolunta’s (83,03/87/170,03/1/1) 2. Reach Us Endorphine (63,56/82/145,56/2/2) 3. Turbotrööt (53,07/52/105,07/3/4) 4. Noisociety (40,23/60/100,23/5/3) 5. Illyrica (35,74/47/82,74/7/5) 6. Burning The Ocean (38,09/36/74,09/6/6) 7. Frozen Ra!n (35,74/36/71,74/7/6) 8. My gist (47,29/12/59,29/4/9) 9. High Voltage Overdrive (31,24/16/47,24/9/8)

I cumëmbri dla band y la iuria Sies ie i cumëmbri: Andreas Kondrak (lead vocals, rhythm guitar, mandolina y ukulele), Simon Paur (Steirische, mouth harps, vocals), Luigi Romanelli (lead guitar), Stephan Canins (double bass, vocals), Hannes Senoner (percussions, vocals) y Leo Großrubatscher (drums, vocals). Patrick Planötscher, che à nce fat pea coche coach dl bas dla grupes, à auzà ora la gran cualità dla bands. La iuria fova metuda adum da vint esperc: Christian Kaufmann, Mike Wachtler, Gunnar Thöni, Klemens Riegler, Tobias Planer, Manni Florian, Christian Wohlgemuth, Ewald Kontschieder, Thomas Vonmetz , Armin Rottensteiner, Alessio Posar, Gigi Mongelli, Andrea Maffei, Mario Punzi, Thomas Vonmetz, Roland

Leitner, Raimund Seebacher, Andreas Marmsoler, Klaus Ramoser y Diego Moroder. Pra l’ultima sëira, n ucajion dla fineles cun n „spectrum lerch de bands“, coche à dit i urganisadëures, iel unit adalerch truepa jënt, de plu generazions, che à fat n gran tifo per la grupes. La iuria à cunstatà che l niveau fova scialdi bon, ma tan che duc i cumëmbri dla iuria à nce auzà ora si preferënza per i Nolunta’s de Gherdëina

Na cualificazion nia saurida Tla cualificazion ne n’iela danz nia mé jita nsci saurì. Scebën che i Nolunta’s ova venciù pra la iuria fova la band de Gherdëina tla tlassifica generela do „Noisociety“ y „Illyrica“, tla cualificazion. Plu butà, o miec butà da stramp ti àla pona tla finela, ulache i Nolunta’s à venciù sibe pra la iuria che pra l publich. Da vëncer fòvel bonns da 500 euro a 3.000 euro, per jì a

cumpré ite te butëighes de mujiga. L prim tlassificà, te chësc cajo la band de Gherdëina, à oradechël mo venciù na chitara persunaliseda „Fender Stratocaster“ d’or. „L pensier che ie do chësta manifestazion via,“ nscila l presidënt dla Lia Liederszene Südtirol/rocknet.bz, Walter Eschgfäller, "ie che bands jëunes ne à de regula nia l mesun de giapé cuntribuc per si njins y per si strumënc, y cun i bonns purvons a ti judé finanzalmënter a chësta grupes jëunes."

Cunzerc di Nolunta’s La prima tlassificheda, la band Nolunta’s de Gherdëina, possa śën fé pea ai 31 de merz coche GuestHeadliner ora dla cuncurëza pra la semifineles dl Austrian Band Contests tl Gasometer a Viena, y ai 6 de lugio pra l „Rock im Ring“ sun Renon. David Lardschneider

www.lauscdiladins.com

15


Gherdëina

nr. 09 / 02 de merz 2012

Ministronc a Roma L’ena passeda iel stat l viac urganisà dala Jungschar de Südtirol per i ministronc de duta la provinzia. Pea nce grupes de S. Cristina, Urtijëi y Runcadic. Vijita de Roma, dl Vatican y dantaldut udienza dl Papa. Festa de cumplì di ani dl Vëscul Ivo Muser Ministronc - Bele dan n valgun mënsc ova zechei dla Jungschar de Südtirol abù l’idea de mëter a jì n viac deberieda cun i ministronc de dut Südtirol. L’idea ti ie unida purteda dant al Vëscul Ivo Muser. Te n prim mumënt ti unìvel al Vëscul ert sëura de urganisé vel’ da de tel, se tratòvela pu de muever cun 1.300 ministronc y cumpaniedëures, de ndut 23 curieres. Ma pona se àl mpo lascià tré dal ntujiasm dai urganisadëures jëuni y à fat pea l viac, da lunesc a juebia. Y propi n mierculdi dal cënder cumpliva l Vëscul Muser 50 ani! Trëi ie la grupes de Gherdëina che ie jites pea: chëla de Urtijëi, cun bën 55 danter ministronc y cumpaniadëures, la grupa de S. Cristina cun vint ministronc y doi umans y la grupa de Runcadic cun sies ministronc y doi umans cumpaniadëures.

Metui ju te de biei bungalows Piei via iesen n lunesc daduman, ruvei ju iesen ntëur la sies da sëira. I ministronc fova metui ju te n camping danter Ostia y Roma, te de biei bungalows da cinch persones. L se trata de na strutura scialdi granda che ti dà lerch a 6.000 persones. Coche conta l mëune de Urtijëi Alfred Obletter: “Te oves belau mes’ëura da jì a pan, daduman. L se trata propi de na bela strutura, ulache l ti à a duc sapù bel, ulache duc à for giapà zeche de bon da maië y da bever y dantaldut se à duc devertì dassënn da sëira, ajache l ie for stat na bela animazion, cun mujiga y aurela curta. L plu bel tl camping ie stata la festa dl cumplì di ani dl Vëscul Ivo Muser, che fova sambën prejënt.”

Vijita al Vatican y a Roma Per uni grupa fòvel na “tour” desferënta, n percurs culturelturistich per jì a ti cialé ala marueies dla zità etierna. La grupa de Urtijëi à pudù jì a ti cialé, danter l auter, ala Basilica y ala Cupula de San Piere, a Castel Sant’Angelo, ala Plaza Navona, al Pantheon, ala Funtana de Trevi, ala Plaza de

I ministronc de Runcadic.

16

www.lauscdiladins.com

I ministronc de S. Cristina.

Spania y monce al Colosseum. Alfred Obletter: “Don Attilio, che vën bele da truep ani incà te Gherdëina y che ie pluan tla pluania San Giuda Taddeo, nes à judà dassënn, nes scincan ntreda y spiegazion per la Cupola de San Piere; un de si pluania che lëura tl Vatican nes à mustrà la dlieja, giaurian extra la portes per nëus. Rengrazie danz de cuer!” Obletter conta che nce sce l ie stat truepa tapes cultureles, à i mutons y la mutans mpo abù truep tëmp liede, coche per jì a se maië n dlacin dlongia l Pantheon, o a tré na munëida tla Funtana de Trevi. La urganisazion ova nce pensà ala segurëza, cun uni mut y uni muta che ova na cherta, de n cër’ culëur y cun lessù n numer de telefonn, sce n cajo che i fossa jic perdui. Ma per fertuna ie dut jit bën.

Udienza dl Papa L gran mumënt ie pona stat n mierculdi dal cënder: la udienza dl Papa, dala undesc danmesdì, per n doi ëura! Prejënt nce l Vëscul Muser. L Papa ti à monce mbincià ai ministronc de Südtirol y a si cumpaniadëures dut l bon, ne se desmincian nia dl cumplì di ani dl Vëscul, a chël che l Papa ti à fat i miëur auguresc. Per i ministronc iel stat na gran emuzion; duc se à lascià audì svaian y rengrazian y

bincan cun de bela sciarpes da culëur. Domesdì iela jita inant cun la mëssa dl Vëscul; duc à pudù jì a tò l cënder. Da sëira iel coche dit stat la gran festa per l cumplì di ani dl Vëscul Muser, cun mujiga y na bona tëurta. N juebia fòvel pona da pië su. Na gran fertuna à abù la grupa de Urtijëi cun la curiera. I à giapà chëla ultramoderna dl FC Südtirol, danter l auter cun l mesun de cunliamënt wireless per l internet y cun n mega-mplant per ti cialé a de biei dvd.

“Zeche che resta per duta la vita!” Alfred Obletter conta che a Urtijëi iel n gran ntujiasm per vester ministronc, l ie da n valgun ani incà n trend suvier. La grupa de Urtijëi ie una dla majeres sce nia la majera grupa de Südtirol, cun ades cënt ministronc. Obletter: “Trueps ie bele stac a Roma, ma ie rate che l’esperienza de sté deberieda danter ministronc, plu dis alalongia, da sëira cun mujiga y cianties y la vijita al Papa ie zeche che te resta per duta ti vita. Nce per nëus cumpaniadëures iel stat bel, ajache la gran legrëza dla mutans y di mutons ie nosta legrëza, y perchël ti va da nosta pert n gran rengraziamënt a duc. L majer cumplimënt che é audì da

L Vëscul Ivo Muser cun mutons y mutans.

n mut ie canche l à dit: “ie stajësse mo diesc dis!” Nce truep genitores à do l viac cherdà su y rengrazià, dijan che a si mutons ti àl tan plajù a Roma. Ulësse tò l’ucajion de rengrazië de cuer nce duc i cumpaniadëures che ie unic pea de si fuia, Sn. Digan Vijo Pitscheider che à sustenì la scumenciadiva nce finanzialmënter tres la pluania y la presidënta Beatrix Senoner!”

Vint ministronc de S. Cristina La grupa de S. Cristina fova metuda adum da vint ministronc y doi umans. Nce i ministronc de S. Cristina ie stai a ti cialé ala marueies de Roma y dl Vatican. Sn. Pluan Raimund Perathoner: “I ministronc me à cuntà cun gran ntujiasm de tan bel che l ti à sapù a duc. I me à monce scrit na cherta da Roma, cieche me à fat dassënn plajëi. Chëst’ena che vën, ai 10 de merz dala 20.00, saràl te dlieja de S. Cristina na mëssa pra chëla che i ministronc cunterà dla jita a Roma y dla udienza pra l Papa, mustran nce vel’ cheder a culëur. Duc ie nviei de cuer a unì a mëssa y a scuté su cieche i minstronc cunterà.” La doi umans che à cumpanià i ministronc de S. Cristina ie Ulrike Schenk Nogler Kostner y Petra Mahlknecht Maserei. Pra la grupa fòvel cin’ mutans y chindesc

I ministronc de Urtijëi.

mutons, dla cuinta elementera y dla mesana. Ulrike Schenk Nogler Kostner: “L ie stat na beliscima esperienza, duc i mutons ie for stai valënc y scialdi nteressei. L plu bel ti à sapù la Funtana de Trevi y l Colosseum, y sambën mo deplù la udienza pra l Papa. Y pona mo la mëssa y la festa cun l Vëscul Muser y dut ntëur a pudëi sté te ch’i biei bungalows. I ministronc ie ruvei a cësa scialdi stanc ma plëns de emuzions. L ie stat trëi dis bëndebot ntensifs, ma l viac à butà dut ntëur, y degun ne se à perdù. Truepa umans me à dit, do l viac, tan bel che l ti à sapù ai mutons.”

La grupa de Runcadic Te curiera cun la grupa de S. Cristina fòvel nce la grupa de ministronc de Runcadic. I cin’ mutons y la muta fova cumpaniei da Helene Vinatzer y Paolina Bisotti. Helene Vinatzer: “A duc ti àl sapù bel, se tulon pea de biei lecorc. La muta de nosta grupa Marion Goller à pra la mëssa sunà pea tla mujiga metuda adum per l’ucajion, sunan l saxofonn. Nosc ministront Georg Rungger à purtà dant per gherdëina na urazion di ministronc. L ie stat dut ntëur na beliscima esperienza!” David Lardschneider


nr. 09 / 02 de merz 2012

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

Fut, i intervenc per Fascia

Nef president di Alpins

La procuradora Cristina Donei e so vize Mariano Cloch à metù al luster la òperes publiches da poder corir col Fondo Unich Teritorièl

Giulio Verra da Penìa ge à lascià l post a Christian Dantone da Cianacei, nef president del Grop ANA de la Val de Sora

lurieres a servije del bosserlait de Poza, l’inseriment urbanistich e del paesaje de la rodadoa de Poza, l’integrazion per lurieres a servije del bosserlait e de dertura de l’area de la cortina de Soraga, la realisazion de la neva caserma di Studafech de Vich. I ombolc de Fascia a una à fat fora ence de destinèr n 10 - 12% de l’emport stabelì per na òpera soracomunèla: se trata del restaure e la recuperazion per doura publica de la Ciasa de la Moniarìa de Sèn Jan, ajache la é de proprietà del Comun general, la é dò che la va dò brea ju e l’à n gran besegn de esser metuda en segureza più prest che l’é meso.

La procuradora Cristina Donei con so vize, l’assessor al patrimonie del Comun general de Fascia Mariano Cloch.

Lurieres publics - Dant che vae fora i 31 de jené comuns e comunitèdes de val cognea prejentèr la domanes de finanziament di lurieres publics che i enten realisèr da chiò al 2015 se emprevalan del Fondo Unich Teritorièl, l Fut, che la Pat à metù a la leta per òperes publiches soracomunèles sul teritorie, con prezedenza per bosserlait, èghes pazes e netes e cortines, aldò de criteries che tegne cont ence de la capazità de n teritorie de produjer Pil, estra che del numer de la popolazion. L Comun general à domanà che

vegne finanzià 11 òperes, anter cheles pervedudes en via prioritèra da la Provinzia l’é stat dezidù dal consei di ombolc de meter ite ence la casermes, per n cost total pervedù de passa 10.800.000 euro. Vedon avisa donca coluns che l’é i intervenc en costion. Se trata del smaorament de la cortina de Ciampedel, l potenziament del bosserlait a servije de la frazions de Dèlba e Penìa, l smaorament de la caserma di Studafech de Mazin, l’integrazion a n finanziament jà domanà per l zenter de protezion zivila de Moena e per l bosserlait Peniola,

La procuradora Cristina Donei e l vize Mariano Cloch, assessor al patrimonie del Comun general e ombolt de Cianacei, te na conferenza stampa chiamèda ite enstadì, i à metù al luster i intervenc domané per nosc teritorie. L Fondo l’é de 6,2 milions de euro, ajache etres 3 milions vegnarà gestii diretamenter da la Provinzia per l’antisismica de la scoles, a front del cost pervedù de apontin passa 10.800.000 euro. La procuradora à deschiarì che la Pat finanziea presciapech anter l 75 e l’85% de la speisa e che no l’é dit che duc i lurieres carenee con i criteries provinzièi. Se se aessa da jir sorafora i scioldi a la leta, dant che vae fora la fin de oril l Comun general cognarà ge fèr a saer a la Provinzia colunes che l’é sia prioritèdes. (cri.m)

Christian Dantone, l nef president di Alpins de la Val de Sora.

Volontariat - De jené l Grop di Alpins de la Val de Sora se à binà te teater de Dèlba e l’à mudà l diretif e l president. Dò Giulio Verra e dant da el Erwin Rossi, l nef president l’é ades Christian Dantone. Clas 1973, Christian l’é leà da semper a chest grop, che per el l’à n segnificat spezièl ajache l raprejenta ence n fort leam de familia, tramanà da sie père Ermanno Dantone rechia, che é stat president del Grop dant da Erwin Rossi. L nef president, lità con duta la stimes, l’à azetà dassen bolintiera la neva encèria. Apede a el l’é stat renovà ence l diretif, de chel che ades fèsc pèrt Walter Fosco “Diaol”, Giampiero Ganz, Adriano Merli (jà ite da dant) e dapò Giorgio Debertol e Martino Soracreppa. La sociazion ge à sport n gran rengraziament a Giulio Verra, che l se à dat jù con gran pascion e empegn a tegnir sù la sezion, e l’à scomenzà sobito con gaissa a se dèr

da fèr per sporjer, con so empegn debant, de bela ocajions per tegnir adum noscia comunanza. Defat i à jà lurà ai 10 de firé per la Sellaronda Skimarathon e ai 20 de firé per endrezèr da beiver per duc en ocajion de la festa da Carnascèr te Piaz Marconi a Cianacei. En dut, ai 31 de dezember del 2011, i sozi i era 93 e i amisc de la sociazion tesseré tel grop i era de 19. Anter duc, i Alpins no mencia de ge sporjer n bel detelpai al sozio più de età, Franco Castiglioni, che ai 26 de jené l’à compì 92 egn. L prum apuntament te chisc meisc che vegn sarà la gara sozièla de schi sun Belvedere en sabeda ai 31 de mèrz. Desche da tradizion vegn metù a la leta n Trofeo che vegn mudà ogne doi egn. Chest an l’é stat dezidù che l Trofeo vegnarà dedicà al recort de l’alpin Luigi Soracreppa, “Gigio Tic”, père de Martino. (vr)

Fabio Chiocchetti “scorla sù” l’UAL Na scontrèda de “Union e Comunanza” per envièr l moviment politich ladin a esser desferent dai etres partic e jir de retorn ai prinzipies e valores de so scomenz Politica - L’à soscedà reazions desferentes, te anter i componenc a cef de l’UAL, la scontrèda endrezèda en jebia ai 23 de firé te la medema senta del moviment ladin da Fabio Chiocchetti, a inom del grop “Union e Comunanza”, per portèr dant reflescions e imput e envièr a na discuscion e elaborazion politica trasversala, delaìte da l’UAL ma ence averta a duta la comunanza. Reazions desferentes ajache da na man tropes i se à dit a una con i ponc porté dant dal component del diretif - che de l’UAL l’é stat ence anter i fondadores e secretèr politich - ma tel medemo temp valgugn à criticà l “metodo”, desche a dir che la robes se cognessa les fèr fora daìte, no les dir dedant a duc. “Chisc l’é pensieres che é proà a dir e portèr inant da n pez tel diretif de l’UAL”, à dit Chiocchetti, lascian entener che ampò chela idees (e se podessa dir duta la idees), à troà pecia lèrga e conscidrazion te n moviment che, ence te l’ùltima fasa, à desmostrà de vardèr più ai schieramenc che ai contegnui, de ge jir dò a la logica del consens arjont con i numeres

piutost che con la forza de la idees, de preferir l “scontro” anter persones piutost che l confront de proponetes e vijions. Amò dant da la radunanza generèla de november l’era stat prejentà n document olache, anter l’auter, vegnìa proponet n partit “fojina de idees”, bon de portèr inant n debatit avert e a la lum del soreie, de valorisèr la desferenzes desche arichiment e de fèr sintesa, de fèr na “politica desche servije” che vèrde al “ben comun” zenza personalismes e preclujions ideologiches. Ma chel document, no l’é mai stat tout dant. Per chest donca la dezijion de uzèr fora l debatit no demò tel moviment politich, ma ence a la comunanza e ai media, per “sforzèr” a na vèlch vida la UAL a tor dant la costions. “É volù fèr la scontrèda te chesta senta apontin per palesèr che no l’é vèlch “contra”, ma “te” e “per” l’UAL - à sotrissà Chiocchetti -. No é de segur besegn ne voa de visibilità personèla e é jà dit più outes che no “mire” a nesciuna cariega, ne ades ne del 2013, ma peisse che sie dassen de besegn che l’UAL vae mìngol de retorn ai prinzipies de so scomenz,

a canche del 1983 l’aon metuda sù, ensema con Danilo Dezulian dal Garber e pec etres, per troèr endò de nef na spenta ideèla. Chesta l’é la soula vida per responer a la critica che ge vegn fat da tropa mans, la critica de esser n partit olache se enjigna carieghes e se gestesc poder, n partit dobià sun se enstes, blocà da conflic delaìte, che stenta a jir dedant e moscèr n troi, ma l va piutost “a rimorchie”, vardan de no perder consens per la litazions. Gé cree che la jent no n posse più de chela sort de politica che la é veia, ence se portèda inant dai joegn. L’é n gran besegn de desmostrèr che l’UAL no l’é n partit desche i etres e en cont de chest é vèlch proponeta che volesse meter dant a na vida chièra e trasparenta.” I ponc porté dant da Fabio Chiocchetti i rejona de n partit “avert” ma con regoles chières per adejions e la candidatures, per schivèr l problem de la “corsa a la tesseres”, che se à jà vedù ence a Roma e a Trent. N partit “trasparent” te l’azion e l’organisazion, con bilanz publich, empegn contra i privileges e devoluzion al moviment de na pèrt

del paament de conseier, per desmostrèr che chi che se candidea per chel post (che per i ladins l’é ence più sorì da arjonjer), l se met a la leta per servir la comunanza de Fascia, no per i scioldi. Fora che sun chest ùltim pont - olache Luigi Chiocchetti à rejonà de posizions demagogiches, recordan ence l vèrech emportant de aer metù tel statut de l’UAL l lim de 2 mandac - l nef secretèr politich e i componenc de l’ofize de presidenza Manuel Farina e

Mattia Lorenz se à dit sostanzialmenter a una con la proponetes de “Union e Comunanza”. Fosc la “scassèda” é stata de ùtol, e duc é envié a tor pèrt al debatit. I documenc e la reflescions portèdes dant é stac metui sul sit de la UAL (www. movimentual.com) e ence La Usc di Ladins pel ge dèr lèrga a chi che vel portèr so contribut e dèr stìmoi per n partit che sie semper de più esprescion de noscia comunanza. (lg)

Fabio Chiocchetti à portà dant te na scontrèda reflescions e stìmoi per l’UAL. www.lauscdiladins.com

17


Fascia

nr. 09 / 02 de merz 2012

Chi él pa Cristian e Stefano? Te la intervista dopia i doi campions del mond de slalom strent i à contà mìngol de si enteresc e de sia vita Te chesta sajon da d’invern 2011/12 i doi schiadores profescionisć fascegn de slalom strent i à arjont (...e no i à pa amò fenì!) dassen de bie resultac. Rué duc doi sui sćialins più auc

del podie mondièl, i ne à fat engaissèr e esser stolc de ic e de so empegn. Stefano Gross da Poza e Cristian Deville da Moena i é doventé campions, ma resta pa semper doi joegn ladins, gustégoi

e sorii. Tel moment de paussa anter sia garejèdes stroz per l mond, aon tout l’ocajion per jir a i cognoscer mìngol de più, se aon fat contèr de sie lurier, del raport anter de ic, ma soraldut ge aon domanà fora dotrei

curiositèdes personèles. Enceben che fosc no i se spetèa chesta domanes, Cristian e Stefano à responet sorì, fora dret e zenza tropes problemes e ite per anter se aon fat duc chenc de bela

grignèdes. Ge sporjon n gran detelpai per sia desponibilità, e ge auguron dassen dut l bon per l davegnir!

na machina o na televijion, coscita se fajessa ence manco negher. No pense che no i ge fosse rué ma fosc no se é bogn de l far. Èste la moroja? Na, no più. Te pièjel de più la touses chières o scures de ciavei? Fosc più le scure, ma l color de ciavei no l’é emportant. La schiadora più bela? Cogne ge pensar. L’é la canadesa Gagnon, dapò n mulge belote l’é ence la Fenninger (Anna, da l’Austria) e la svedesa Hansdotter. Che cianteste sot la docia? No ciante. Te piajessa passèr n fin de setemèna con...? Con mi amisc, percheche l’é n pez che fajon fadìa a se veder. Me saesse bel far n bel fin de setemana desche canche aveane 18 egn. Bastasse n fin de setemana... na setemana la fosse jà massa! Tie maor defet? Son teston. L dì più bel de tia vita? Cogne pensar se l’é valch da miec che Kitzbühel ma... l dì più bel? Beaver Creek, percheche l’é stat l prim. Colun don de la natura volesseste aer? Na vista miora, me sà che vae mìngol endò... Chi él tie ìdol? Roger Federer, l tenist. Che mestier èste fat dant de

doventèr schiador profescionist? Giö cogne dir che son semper stat fortunà percheche grazie a mie pare e mia mare é semper podù me dedicar al schi. Tant vadagneste? Desche Stefano. Che machina èste? Na golf, ma no la é mia. La é de Nico Sport, de la botega che fita schi sun Lujia. L’é da 4 egn che i me dasc na machina e giö la mantegne. Colun él tie hobby? Tennis, playstation e ence balon, ma jie proprio pöch, percheche me é fat massa oite mal a le cevile. Co te èl mudà l suzess de chest an? É dormì trop de manco. E bèsta? Ma scì, é abù manco temp. L’é ence na roba che se no se stasc ascorc la doventa negativa. Giö son semper valif a inant... spere e pense. Stajeve ben inant e stae ben ence ades. No veje percheche cognesse cambiar... spere che me cambie l cont en banca enveze! Co éla che chest an t’es più fort? Él mudà l’alenador? L’alenador l’é semper chel, ma secondo me l’é chi autres che à tacà a jir più pian. Miec coscita. Ma no dai, no él sozedù zeche daìte de te? Na... no l’é cambià nia. No sé l perché de chesta roba, ma a esser sinzier no voi nince troar na resposta.

Tant éi emportanc i materièi? Sion rué a n pont olache béleche dute le aziende le à materiai bogn. L’é 10 egn che schie coi medemi schi e me é semper troà ben. Ma ve fèjei i schi su mesura? Dijon che i materiai che doron noi no l’é chi che tu troe te boteiga percheche i é massa dures. N maester de schi l morisse a i tegnir dut l dì e dut invern. Dapò no l’é che i ne li fasc su mesura ma se proa desvalive costruzion, desvalive sciancrature. Vegn dorà materiai che costa ence de più e che, se i cognessa i vener te botega, i costasse n mulge de più. Con Stefano siede più amisc o rivai? Sion rivai canche sion al canzelet del start. Son più content se l bate, ma pense che sie valif per el. Giö no l cognosceve tant canche l’era col Ski Team Fascia, l’é cognosciù te chisc ùltimes egn e giö é na gran bona conscidrazion de el e se troon ben. L sol motif perché no jon te stua ensema l’é che l roncedea de not e enveze giö é l son lijier. Canche tu es al canzelet tu es sol, l’é coscita ence ti autres sport. Él na persona spezièla che te deida e che te dèsc na man endèna la garejèdes o ti alenamenc? Mie skiman Giuseppe Bianchini, che l’é oramai 7/8 egn che l me vegn dò e de el me fide al 100%. L’é el che cern i schi e dut cant. Però giö no son un che se verc se à problemes,

parle coi amisc veri e donca se cogne dir valch a valgugn parle con el, ma son un che se tegn per sé le robe, no me confide n muie. Te troeste ben con ti compagnes de squadra? Noi aon semper abù na bela squadra tel slalom strent. Se aon semper troà ben dapò logich che te na stagion no tu pode spartir dut chel che vegn dit o fat ma giö me é semper troà ben con duc, ence coi alenadores. Chi volesseste rengrazièr? Grazie a voi, che siede vegnui a me far l’intervista!

Speron de venjer! Te piajessa passèr n fin de setemèna con...? Con n muie de jent... con Sara Carbonero, la giornalista spagnola de balon. Tie maor defet? Son teston da mac! L dì più bel de tia vita? Endana l’é stat Schladming, dapò speron che n sie de miores te mìngol. Colun don de la natura volesseste aer? Mah... l’é na domanda senestra... peisse nia, endana me vae ben coscita. Chi él tie ìdol? No é de gregn ìdoi... Che mestier èste fat dant de doventèr schiador profescionist? É lurà te la cojines di hotìe e su per i impianc. Tant vadagneste? Pech, n muie pech! Ma co pech? Peste me dir na zifra? Na, ma pech per chel che fajon e chel che se empegnon e dute le fadìe che se fasc. Che machina èste? Ciaparon l’Audi da la FISI chest an, percheche i ge la dasc demò a chi che rua sul podie. Endana é la mia, é ben semper n Audi, ma

paada con mi scioldi. Colun él tie passatemp? La ciacia. L’é vera, te aees ence tout sù l schi desche n schiop... èste podù jir mìngol l’uton passà? Son jit demò 9 o 10 oute, ma chel che podee ciapar é ciapà dut: n ciamorc, n capriol e n gial sforcel. Te èl mudà l suzess de chest an? Seguramenter acà 8 garejade pontae via col 40, enveze ades son ti miores 7 al mond e chest l’é zeche che no me spetae nience gio. Aon ampò garejade n muie emportante e speron de restar aló, percheche no sozede ogne dì de esser ti miores 7 al mond. Co éla che chest an ti es più fort? Él mudà l’alenador? Na, l’é semper chel da dotrei egn, ma aon lurà n muie su la costanza, ence percheche l’an passà fajee toc proprio n muie ben, ma no ruae mai fin junfon, de spes falae e donca chest an sion rué a far chesta roba chiò e somea che endana la vae ben. Tant éi emportanc i materièi te n sport desche l schi? Segur i à na sia emportanza percheche vel dir n muie se troar ben col material, ajache cogn jir ben ence chel, canche tu vas ju. Chest an te é partì n schi endèna

la garejèda a Kitzbühel, él stat colpa di materièi? Na, segur no l’é colpa del material, ence percheche le autre oute i é semper jic ben... l’é stat proprio n problem del moment, percheche me à batù n pal proprio sul pont giust del schi e l me l’à fat scatar. Con Cristian siede più amisc o rivai? Segur sion più amisc. Che perzentuèla de fradaa e che perzentuèla de rivalità? Amisc per l 90% e rivai per l 10%. Dapò tel moment de la garejèda per me el l’é desche n auter, l’é desche n franzous, n svizer o n austriach. Però sion n muie, n muie amisc. Él na persona spezièla che te deida e che te dèsc na man endèna la garejèdes o ti alenamenc? Cogne rengraziar l skiman Giuseppe Bianchini percheche l’é el che l ne stasc dò n muie, l’é co noi dut l dì e l ne enjigna i schi. L’é dassen na persona n muie en gamba e segur l’é un di ponc forc. Dapò canche t’es en gara t’es da soul e tu sas che tu cogne far tu. Te troeste ben con ti compagnes de squadra? Ei, l’é dassen na bela squadra e se troon proprio ben, l’é n muie

emportant aer armonìa te squadra e se cordar un co l’auter. Dapò te chest moment l’é duta la squadra che va ben e chest l’é ence sinonim de union. Chi volesseste rengrazièr? Volesse rengraziar duc chi che ne dasc na man percheche l’é ence giust i recognoscer.

Intervistes de Valentina Redolfi

Cristian Deville Can este nasciù? Ai 3 de jené del 1981. Olè? A Ciavales. Tìtol de studie? Ragionier. Stima? 67. Firma de schi? Völkl. Color preferì? Depen da la stagion! E te chesta sajon chiò? Brun, chiar e scur. L film che te à sapù più bel? Hitch con Will Smith. E l liber? Me à piajù tant i libres de Dan Brown, che Millenium, la trilogia de Stieg Larsson, chel de “Uomini che odiano le donne”, ma no son un che engesc tant a dir la verità. Portoi preferì? Wengen te la Svizra. Piat che te preferesces? Pizza. Dreta o cencia? Te chest moment da nesciuna man. Me astegne, percheche no son segur de olache i é dò che i ne porta. I sarà ben dò che i fasc le robe polito, ma fosc no te la maniera più giusta per l sentadin. Dant de ne ciarear de tasse a noi i cognessa vardar de se tor valch privilege, coscita ence l sentadin l fosse più a una per ge dar na man al Stat. Te autres paesc vegn dat l met de desćiarear da le tasse

Cristian Deville. (foto: Ralf Brunel)

Stefano Gross Can este nasciù? Ai 4 de setember del 1986 Olè? A Busan. Tìtol de studie? Son maester d’èrt. Stima? Boh... ben pech, l giust! Firma de schi? Völkl. Color preferì? Brun scur. L film che te à sapù più bel? The Millionaire. E l liber? Negatif! Portoi preferì? Schladming forin Austria. Piat che te preferesces? Bisteca de manz, costata fiorentina. Dreta o cencia? Negatif! Èste la moroja? Negatif! Te pièjel più chela chières o scures de ciavei? Scure. La schiadora più bela? N’é desvalive: Julia Mancuso da la America, Frida Hansdotter da la Svezia, Marie-Michele Gagnon dal Canada, Nastasia Noens da la Franzia e basta. Che cianteste sot la docia?

18

www.lauscdiladins.com

Stefano Gross. (foto: Ralf Brunel)


Fascia

nr. 09 / 02 de merz 2012

Na sociazion per didèr Elio Croce te l’Uganda L’à inom “VolontariAmo con il St. Jude” e la é stata metuda sù da n grop de touses che é states lajù per sostegnir la strutures e i volontères che volessa jir a didèr te l’ospedèl o te l’orfanotrofie

Brother Elio Croce da Moena anter i bec de sia miscion te l’Uganda. Apede Cristina Lorenzoni coi bec pìcoi de l’orfanotrofie.

Na neva sociazion de volontariat, che à inom “VolontariAmo con il St. Jude” é nasciuda ti meisc passé te Fascia e Fiem per endrez de n grop de touses che à fat na esperienza de condivijion e volontariat tel Nord de l’Uganda, olache da passa 40 egn laora “Brother ” Elio Croce da Moena. Silvia, Cristina, Tania, Michela, Anna e Lidiana l’é joenes che à podù viver de persona la esperienza de volontariat apede a Brother Elio te l’ospedèl de Lachor o te l’orfanotrofie “St. Jude Children’s Home”. Dutes à lascià colajù mìngol de si cher, e ades les à dezidù de fèr vèlch ence da chiò per didèr chela strutures e ge dèr n sostegn e n pont de referiment a chi che podessa e volessa jir a fèr mìngol de volontariat te l’ospedèl o te l’orfanotrofie. Per saer vèlch de più aon rejonà con la doi volontères fascènes de chesta sociazion: Cristina Lorenzoni da Poza, e Anna Bonani da Moena. Contàne mìngol de voscia esperienza. Co éla che siede ruèdes te l’Uganda e che fajaède aló? Cristina Lorenzoni: “Canche Brother Elio l’era vegnù chiò, d’aisciuda del 2010, é sentù soa testimonianza; l dijea che fossa stat besegn de jent che vae jù, soraldut fora de sajon, ajache de messal e aost l’é più sorì che zachei vae a far valch meis de volontariat. Gio son stata ju per 3 meisc, da otober del 2010, semper te l’orfanotrofie, e lurae soraldut coi più pìcoi. Anna Bonani: “Ence giö é sentù da Brother Elio, che l’era vegnù a ciasa mia, che fossa stat besogn de aiut te l’ospedal. Aeve n contrat da libero profescionist che fenìa,

e é tout l’ocajion per jir via per 6 meisc da de firé del 2011. Laorave te la pediatrìa, ence se no son pediatra, ma i tosac l’é la maor part di utenc de l’ospedal. L’é n mulge de infezion respiratorie, gastroenteriti, malaria, e ence hiv pediatrich e tubercolosi di bec, che ge vegn passé ai pìcoi da la mare o dai familiares.” Co éla organisèda la strutura? Cristina: “L’é doi struture a presciapech 6 chilometres una da l’autra, l Lachor Hospital e l’orfanotrofie “St. Jude Children’s Home”. Brother Elio l’é daperdut. L’é diretor de l’orfanotrofie, che l’é stat metù sù del 1982 da Bernadetta Akwero e dò che la é morta, del 1992, l’é stat tout te man diretamenter da Brother Elio. Aló l’é didà da na dejina de mame del post e dai volontares che va jù per valch meis a didar. L’é ite bec arbandoné, o che é resté orfegn a cauja de la vera e magari i parenc no se la sent de i tegnir. Ogni tant l’é ence la polizia che porta te l’orfanotrofie bec che vegn troé stroz. Dapò, a jir per i vilajes, Brother Elio l’à vedù che l’era n muie de bec pedimenté o con problemes che vegnìa arbandoné o lascé te n cianton zenza nesciuna assistenza, ajache i é conscidré demò n peis per chi che no à da magnar nience per chi “bogn”. Coscita l’à metù sù la “Consolation Home”, n’autra sezion dedicada apontin ai bec che à problemes. Chiò i à l’aiut ence de 2 assistenc soziai, e i cer de troar fora le storie vere de chisc bec, che valch outa i li porta dijan che i é orfegn, ence se no l’é vera, e de tegnir i contac co le familie. Anna: “L’ospedal l’é n mulge gran e l’é l pont de referiment per duta l’Uganda. Gran part del

personal l’é del post, tant medizi che infermieres, e aló Brother Elio l’é l responsabol del dipartiment tecnich, donca l se cruzia de la manutenzion tant di frabicac che di aparac e le strumentazion. El l’é dalbon n espert te chest setor, i lo chiama ence ti autres ospedai del nord Uganda per far manutenzion o per conciar aparac. Lachor l’é n ospedal privat, sostegnù per gran part da la fondazion Corti, la fondazion portada inant da la fiöla di doi medizi che l’à fat crescer; al scomenz l’era demò religious, ades i finanziamenc del goern l’é l 7% de duc i cosć. Le cure le vegn date béleche gratis, i à metù n picol ticket, ajache se no, no se podeva jir inant, aboncont chest no l vegn domanà per i tosac sot i 5 egn o per la tubercolosi. N gran aiut vegn ence da na organisazion no governativa di Stac Unii che ge dasc gratis dute le medejine per l’HIV.” Co él aló a livel pratich? Clima, lengaz, segureza? Anna: “L’Uganda l’era l lech olache jìa en ferie i inglesi, l clima l’é bon, ciaut ma n bel ciaut, sut e ventilà, se stasc ben... a livel sanitar ge vel se vazinar per “febbre gialla” e la malaria, ma no l’é de gregn perìcoi.” Cristina: “Ence te la sajon de le pievie, canche ere gio, l pievea dute le not, ma de dì l’era bel, ence se dapò l’era de gran maute... se sà che ge vel semper aer mìngol de spirit de adatament, pel esser che na dì no sie aga, na dì mence la lum, mìngol de precarietà la é da meter en cont... L’orfanotrofie e l’ospedal i é controlé da la “gendarmerie”, ma se pel jir stroz ence fora zenza problemes. Se rejona ingleis che l ge vegn ensegnà ai bec jà da la scolina, ma aon ence

emparà valch parola de acholi, l lengaz local parlà dai bec pìcoi. La maor part i é de religion catolica.” E co vala a lurar co la jent da aló? Anna: “Al scomenz no l’é proprio sorì, ge vel l temp de se adatar e se jir encontra, ma a la fin se é ben bogn de ruar a n pont comun. Te ospedal l’é ence la scola de infermieristica, se se ge disc che che i à da far, i fasc. Te anter i medizi enveze me à sapù che tropes i varde mìngol con destach chela realtà pureta, no con gran umanità, desche se i ge tegnisse a marcar che ic i é desferenc.” Cristina: “La jent del post la laora, ma l’à semper besegn de esser endrezada, ge vel ge dir semper dò e dò dut chel che i à da far. Le monie le cognea ge dir ogni dì a si lurieranc de netar sù l ciamp, se no no i lo fajea. L’é da dir perauter che ence te scola, fin da pìcoi, per poder ge ensegnar a duc chisc bec, che i é proprio n muie, i ge disc semper che che i à da far e i lascia pech spazie a la scomenzadiva individuala.” Che ve aede portà da chesta esperienza? Cristina: “Gio me é portà l’immensità africana, n ambient che te tol ite, la beleza de la natura.” Anna: “Giö soraldut l grignot di bec malé, che ence te anter l mal e i padimenc i é semper bogn de te grignar e te dir diotelpae.” Jirede o jisséde amò? Anna e Cristina: “Ogne dì n giro col cher l fajon, jissane amò de segur, ma en realtà l’é mìngol senester.” Per chest ve aede pissà de meter sù la sociazion? Dijeme

de che che se trata... Cristina: “Ei, l’é na sociazion costituida legalmenter che l’à inom VolontariAmo. La é nasciuda de november de l’an passà dal besegn che aane, noi e autre beze che é jite te l’Uganda da Brother Elio, per didar el e duc i bec, ma ence per didar duc chi che vel jir ju. Sion noi doi, l’é doi beze da Pardac, Silvia che la é jita jù acà dotrei egn, e Tania che ades la é jita ju per la seconda uta, dapò Lidiana da Busan e Michela, che la era jita jù amò dant. Aon n sit internet olache se pel troar informazion e veder e capir mìngol che che l’é St. Jude, dapò jon a far testimonianze per sensibilisar le persone e ades Tania che la é jù la cogn vardar miec che besegnes che l’é per i portar chiò canche la vegnarà de retorn.” Anna: “Aon vedù che i volontadives se troa de colp te na realtà tant desferenta zenza aer ponc de referiment, donca da chest l’idea de se binar anter volontadives che é jà stac jù e meter sù na sociazion che posse esser n pont de referiment per chi che volessa jir jù a dar na man, per dar n aiut a livel pratich e organisatif, per veder i besognes che l’é, per far cognoscer l gran laor portà inant da Brother Elio e tor sù finanziamenc per sova atività, o ence demò per dar informazion: chi che à enteress i pol tor contat e sion contente de poder ge dar referimenc e indicazion.” Él più besegn de scioldi o de jent? Cristina: “Brother Elio, che l se poja tant su la providenza, disc semper che l’é de besegn de dut. Per el l’é jà emportant se zachei va ju a veder, valch outa ence demò poder parlar con jent da chiò, magari per ladin, pel esser n sostegn. N contat fasc semper ben.” Anna: “Fosc se jissa jù persone che à esperienza de tosac, maestres de scolina o de scola en penscion, per ejempie, fosse segur de ùtol, fossa fegure emportante per organisar l lurier.” Ge dijon n gran develpai a Cristina e Anna e envion chi che vel saer vèlch de più a jir sul sit www.stjudechildrenshome.org o scriver a volontariamostjude@ gmail.com Intervista de Lucia Gross

Te l’orfanotrofie St. Jude Children’s l’é ite n muie de bec arbandoné o che é resté orfegn a cauja de la vera o che i parenc no pel tegnir. www.lauscdiladins.com

19


Fascia

nr. 09 / 02 de merz 2012

La Mèscres domana maor lèrga

Sun Ciampac l’é ruà “Ston8”

L Carnascèr del Grop de la Mèscres de Dèlba e Penìa l’é semper più aprijià da la jent ma pech didà da l’aministrazion

L’é a la leta n nef snowpark per i pascioné de freestyle

I atores del Grop de Dèlba e Penìa te na mascherèda de chest Carnascèr (da man dreta Ezio e Paul Verra).

Penìa - Enceben che Carnascèr sie fenì e che l moment economich ence te noscia val no l sie sorì, l besegn del Grop de la Mèscres de Dèlba e Penìa, l resta. Ogne an ta Penìa, te la pìcola stua de la veia scoles, se bina jent da duta la val per tor pèrt a la mascherèdes e chel che vegn domanà, jà da n trat, l’é l besegn de slarièr fora la senta. Aon domanà al president del Grop, Ezio Verra de Arturo e a so fra Paul, che i ne à contà che: “se n’aea rejonà jà acà n muie de egn, ma dapò nesciugn é più jic inant, e no l’é stat più trat cà. L’era stat rejonà de mudèr l’usc de entrèda, ma nos se aon pissà che se podessa studièr fora ence zeche auter. Se podessa ciavèr sot l piaz e fèr n magasin te sot e ite dret na bela

sala. Dò l’ùltima mascherèda, en mèrtesc ai 21 de firé, ge aon uzà fora noscia proponeta a la Procuradora Cristina Donei e a l’assessor Luigi Chiocchetti, ma i ne à dit che te chest moment no l’é scioldi. Per mie cont se se fèsc zeche ge volessa ciapèr ite e fèr delvers. Ence l magasin l’é pìcol e cognon l spartir coi Alpins e col Grop da Folclor, percheche canche l’é ora duc à roba da meter via. Capesce ben che l’é na gran speisa, ma fossa debesegn”. “L Carnascèr l’é jit ben - ne conta Paul Pilon - l’é stat n muie de bec che é vegnui dò, e l’é bel veder che i à piajer e gust. Ence chi neves bec che à fat comedia i é stac proprio bravi. L Grop de la Mèscres de Dèlba

e Penìa - va inant Paul - l’é semper stat, amò endèna la gran veres. I é jic fin al ’67, dapò n an no i à fat nia e del ’69 i l’à metù sù endò da nef con Fabio de la Menina, che ensema a chi da dant l’à trat ite ence de etres. Siane Gigio, Giovani da la Zoch, mi frèdes, gé che aee 13 egn, Guido de Tofi, Tita de Poldo, Gianfranco Janat, Mario de la Ninotes. L’era bel te chi egn, me recorde che jie, regolà da Bufon, fora per la cèses a envièr la jent a mascherèda. Podee jir demò dotrei ores via per l domesdì, canche i etres lurèa. Dapò aon ciapà n gran sbunf più o manco del ’78, canche l’é ruà ence la televijion. Morelli de la Rai l’é stat na bela spenta te chi egn. Ades me sà bel soraldut veder i pìcoi che vegn ite e che donca vegn amò zeche dò. Se tegn ensema.” Ence l president Ezio ne disc che l’é content de coche l’é jit ence chest an l carnascèr, ma l palesa mìngol de permèl percheche da pèrt de l’aministrazions e del Comitat manifestazions del Comun de Cianacei, ta Penìa nesciugn se à fat veder e chest segur no fèsc piajer a dut l Grop che ogne an l laora per portèr inant l’emportanta e sćiantiva tradizion del carnascèr fascian. Speron dassen che se posse troèr na soluzion per valorisèr l lurier fat dal Grop de la Mèscres de Dèlba e Penìa e che ence nesc aministradores i troe l met per ge dèr mìngol de recognosciment per so empegn al ben de noscia cultura e tradizion.(vr)

Strutures sportives - Per i pascioné de freestyle, sauc e devertiment l’é a la leta ades sun Ciampac n nef snowpark, che se jonta ite ai etres 4 slarié fora sui portoes de Fascia: Easysnowpark sun Sèn Pelegrin, Lusia Boardecross sun Lujia, Col Rodella Snowpark sun Rodela e Dolomiti Snowpark sun Belvedere. I ge à dat inom “Ston8” e l’é jà stat “proà” dai sacotenc schiadores e snowboarders che cern de jir sun Ciampac a se desveneèr e se goder sutan su la strutures a ritm de musega. L’é gran béleche mez chilometer (anter i 2306 e i 2180 metres) e l’é fat da sie kicker, cater box, rail, wallride, pole jame e na originèla ciasterna per meter a la proa tecnica e abilità. Erik Dantone, maester de brea da Cianacei, che à projetà l’area atrezèda per la sozietà de impianc portamont Sitc, l’à spiegà che l’é n

snowpark de livel mesan che duc pel proèr. Aboncont no l’é amò stat svilupà deldut ajache l’an che vegn l’é pervedù de l fèr amò maor. La neva de n nef snowpark se à slarià fora coran anter i pascioné de freestyle e ence te facebook olache da la piates de la skiarea Ciampac l’é stat envià i “amisc” a manèr ite na proponeta per n logo. I à responet de diesc ma anter duc, per la calità de l’idea e la cura de la realisazion, l più aprijià dai vijitadores l’é stat l personaje “Ston8 – l Yeti”, ideà da Luciano Bonini, grafich de Roma, che é doventà l logo ofizial del snowpark. Se volede ve tegnir semper ajorné sul nef snowpark podede jir te facebook olache troède duc i comenc positives e ence de bie retrac. L’envit se sà ben, che vegn slarià fora a duc, l’é chel de se goder chisc ùltimes dis de la sajon da d’invern al “Ston8” sun Ciampac.

L nef “Ston8” sun Ciampac.

Chi él pa? Soluzion del retrat su La Usc nr 08 del 2012 Sul retrat de la setemèna passèda, portà te redazion da Alla Krivochei, maridèda Florian, l’é sù i conscric da Poza di egn 1919 e 1920. A ne dèr la resposta l’é stat Giuseppina Rossetti, Annamaria e Franca Trottner de Uc, Maria Deluca de Nenucia e Lino Medico, che l ne à ence dit che n muie de ic é stac prejonieres. Sul retrat l’é: 1. Vico Bernard de Mucia (1920); 2. Tino Pezzei

Tach, stat en vera a Honolulu (1920); 3. Carlo Deluca Piston, stat en vera a Cefalonia (1920); 4. Luigi Florian de Bertol (1920) che l stajea vin Ampezo; 5. Lino Dorich Coloc (1919); 6. Rudi Zacchia Monech, che l’é stat en Australia (1920); 7. no se l veit tel mus, ma fazile l’é Giuseppe Gross (Bepo Punz) che l’era del 1919 e l’era maridà vin Ampezo; 8. Micel Detomas da l’Ansol (1920); 9. Vito Pezzei Tach (1919); 10. Federico

3 1

2

8

13

5

14

9

12 15

20

www.lauscdiladins.com

en don n liber o n CD de musega da l’Union di Ladins de Fascia. Desche semper ve envion ence a chierir fora i retrac veies che aede te vèlch crigna e ne i portèr te redazion a Sèn Jan, olache podon i tor sù col scanner e ve i dèr de retorn sobito. A chesta vida ne didède a viventèr chesta rubrica e a meter ensema vèlch mizacola de storia de noscia jent. Develpai!

2 11

7

a meter ensema i inomes de la jent sul retrat, e chest’outa ve meton dant n retrat de trei femenes regolèdes da d’invern con de bie gabanons. No ve dijon de auter, ajache se no fossa massa sorì, e ve envion a ne dèr voscia resposta dant da mèrtesc sera te redazion, ence per telefon o fax al 0462.764545 o per mail a la direzion lausc@ladinsdefascia.it. Chi che troa fora amàncol la metà de la jent che l’é sul retrat ciapa

10

6

4

Florian de Ciout (1920); 11. Luigi Costazza de Barat (Luigi Nel, 1919), che l’é stat en Africa; 12. Giuseppe Pezzei de Nicolò Mongo (1919) che l’à fat la campagna de Russia; 13. Luigi Zanet dal Lò (1919); 14. Giuseppe Pezzei de Lodovico Mongo (1920) che l’é mort en vera en Jugoslavia; 15. n Caracoi che fajea l pech te Fascia (1920). Ge sporjon n bel develpai a chi che ne à didà ence chesta setemèna

1

3


nr. 09 / 02 de merz 2012

_ _ _La Usc de la scola

CAD, creatività e tradizion a la Scola d’Èrt

La mendranzes te sia contìes

Con la colaborazion del Museo Ladin, la Scola de Fascia à metù a jir n cors tel chèder del Fondo Sozièl European, con chela de ge sporjer ai studenc vèlch strument de più per sie lurier del davegnir

L’é vegnù fora l prum numer de la publicazion frut de n lurier di scolees fascegn, mochegn e zimbres

Na lezion di studenc te l’aula informatica con l’architet Katia Svaldi.

Scola e lurier - Via per la metà de dezember, 24 studenc di ùltimes trei egn de la Scola d’èrt de Poza i à tacà l cors “CAD: creatività e tradizion”, che jirà inant fin a la fin de mé, béleche donca per dut l’an de scola. L cors, che l vegn metù a jir en colaborazion col Museo Ladin tel chèder del Fondo Sozièl European, FSE, l più emportant strument comunitèr per scombater la dejocupazion, svilupèr la ressorses umènes e didèr fora l’integrazion tel marcià del lurier, ge darà l met ai studenc de tor sù la tecniches projetuèles e de relief grafich assistì CAD, de cognoscer la tecniches fotogrametriches aplichèdes e de concostèr competenzes te la compilazion de la schedes de catalogazion di bens artistics, sot la vida de l’architet Katia Svaldi, che la é ejerzitador de laboratorie a l’Università de Trent e la colaborea con la Provinzia de Trent tel chèder di Bens architetonics. L’é pervedù doi moduli de 33 ores vigni un e n stage de 20 ores aló dal Museo Ladin e/o te vèlch studie de architetura che à dat la desponibilità, aldò de na

colaborazion che l’é jà da temp con l’Orden di Architec de Trent. L’é i studenc medemi che, aldò del percors che i é dò che i fèsc, i pel cerner se jir al Museo o da vèlch architet, o amò se emprevaler de duta does la possibilitèdes. Vigni mèrtesc o jebia da les 13.50 fin les 16.50 aló dal laboratorie informatich del Lizeo de Poza i studenc che se à enscinuà tol sù donca chesta neva competenzes: ogne trei cater encontres ge vegn sport n chestionèr con chela de valutèr la calità del cors e poder fèr a man a man vèlch pìcol comedament, aldò di resultac uzé fora. A la fin chi che arà tout pèrt amàncol al 70% de la ores te clas e a amàncol al 50% de la ores de stage ciaparà l’atestat de partezipazion. “L’é la seconda outa che vegn metù a jir n cors de chesta sort te noscia scola – l’à dit Claudio Valentini, l vicarie de la Scola de Fascia, coordenador del projet – acà doi egn, del 2010, en colaborazion con la Frazion de Cianacei i studenc à fat l relief del piaz de Sèn Florian e i à lurà fora n projet per la parbuda

del paìsc, lurier che ge é stat ence portà dant a la Frazion. Chesta sort de corsc i é dassen de gran ùtol e trop aprijié dai studenc, ma no l’é semper possìbol i meter a jir percheche no semper l’é fondi a la leta. Anter l’auter noscia realtà la é mìngol penalisèda dal pont de veduda numerich ajache, enceben che sie dassen na bona partezipazion, ampò l numer di partezipanc vegn conscidrà massa bas da l’Ofize Fse competent e coscì se ciapa massa pec ponc, donca se preferesc spetèr magari n an con chela de aer na partezipazion maora. Chest an defat l’era 18 posć a la leta, ma conscidrà che l’era n muie de adejions e no mencèa l’atrezatura, l’é stat dezidù de n tor ite de più e ruèr a 24 prejenzes – l’à deschiarì l professor Valentini. Chest cors raprejenta na possibilità en più per i studenc – l’à dit l’architet Katia Svaldi - tant per chi che dezidarà de jir inant coi studies universitères che per chi che enveze jirà a lurèr a la fin de la scola auta. Un di obietives l’é apontin chel de ge sporjer maor profescionalità ai joegn. (cri.m)

Publicazions - “La lejenda e fora a duc i scolees de la classes l’ambient: trei mendranzes vejines” terzes e quartes populères, che i va l’é l tìtol de na belota publicazion inant ence chest an col lurier su la giusta vegnuda fora chisc dis e contìes tradizionèles tolan en prejentèda a l’ùltima Conferenza conscidrazion soraldut i lesc e i de la mendranzes stata ai prumes elemenc ambientèi del teritorie. L de firé a Trent. professor Iori à dit che bonamenter Se trata de n prum liber che tol la publicazion vegnarà prejentèda ite doudesc contìes de la tradizion te Fascia via per l’aisciuda, canche culturèla de la trei mendranzes vegnarà fora ence l secondo numer. linguistiches de la provinzia de La colaborazion co la mendranzes Trent, cater mochenes, cater ladines mochena e zimbra va inant ence de e cater zimbres. gra a na cordanza de rei che perveit Chest l’é l frut de n lurier de mèrz n cors de formazion per proponet te la classes secondes e dozenc sui lengac de mendranza, terzes de la scoles populères de en colaborazion col Zenter de Fierozzo, de Fascia e de Lavarone/ Formazion de Rorei. Luserna, te l’an de scola 2010-2011 Ai bec ge sà bel cognoscer sia dintornvìa la fegures prinzipales de cultura, se lec te la paroles dantfora la contìes de ogne mendranza che del liber, e amò de più chela de si é states confrontèdes e leèdes con compagnes, percheche coscita i cheles de l’autra mendranzes. E vegn a saer che ogneun à n sie dapò, per endrez de la Scola ladina patrimonie e n sie lengaz da de Fascia, l’Istitut Comprensif stravardèr e da amèr. (mci) Perjen 1 e l’Istitut Comprensif Folgaria, Lavarone e Luserna, l’é stat binà ensema la contìes, traslatèdes ti etres lengac de mendranza, ence per talian, e publichèdes te chest liber con enjontà ence pìcoi ejercizies de comprenjion e n CD-rom co la contìes registrèdes. L lurier de coordenament te Fascia é stat tout sù dal professor Vigilio Iori de l’Olfed e i bie dessegnes che compagna la stories é de Maria Pezzedi. Coscita apede a la contìes de “Jan Baila e la bregostèna” o del “Salvan” se pel cognoscer ence cheles de “L’Ospel”, de “La Frau Pèrtega” de “L Spèrkmandl”, “L Schratl” e “La Salinga” de la tradizions di mochegn e La soracuerta del liber “La lejenda e di zimbres. La publicazion é stata data l’ambient: trei mendranzes vejines”.

N spetacol de bal e mùsega per pascion e fradaa I studenc del Lizeo Scientifich de la Scola Ladina de Fascia moscia a si compagnes ence l’emportanza del leam anter studenc L’é jà doi egn che à tout lèrga na fradaa a son de mùsega anter i bec de la Scola Ladina de Fascia e na scola de Imola. Dut l’é nasciù de gra a na scomenzadiva portèda dant da la professora de franzous Rossella D’Ercole che à vedù tout ite n bel grop de studenc del Lizeo de Poza che à podù tor pèrt, per la pruma outa te l’an de scola 2009/2010, a n event oramai tradizionèl per la zità emilièna: l conzert per la fin de l’an scolastich del “Coro Gospel Santiago”, canche se dèsc, vigni an, i diplomes e l stipendium ai studenc di lizei zitadins che i à più merit. I joegn fascegn i à podù tirèr fora e meter a la leta, ti egn, duta

l’originalità e duta la vitalità de sia coreograf ìes, da Grease a la mùsega de Moulin Rouge, con la jonta de na particolèra ironìa e frescura a la jà animèda e piajuda mùsega del Coro. Dò doi egn, sentiane l besegn de voler moscèr a duc chenc voetres l spetàcol e donca se aon dat jù per endrezèr ence te noscia Scola n event valif. Ve speton duc te sala grana de la Sorastanza de Poza, en sabeda ai 3 de mèrz da les 20.30 per na  serèda gustegola en compagnìa de cianzons e mùsega, per respirèr mìngol ensema a duc nos chest’aria de entusiasm de èrt e de fradaa. I studenc del Lizeo de Poza

I bec del Lizeo Scientifich de la Scola de Fascia te sia pruma esperienza a Imola. www.lauscdiladins.com

21


Val Badia

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

nr. 09 / 02 de merz 2012

La pasciun amarsciada söl corp Conzert de Carsëma dl Pinzimonio cun orchestra baroca “Membra Jesu Nostri” tla Dlijia d’Al Plan por öna o trëi usc, vignöna ajuntada da n refrain instrumental, y öna na repetiziun dla pert instrumentala. La pröma y ultima cantata, indere, sta dainciarà da chësc schema: tla pröma él le cor che rofej la pröma aria do la repetiziun, tratan che tl’ultima él les cin’ usc che ćianta l’ultima aria y l’amen final al post dla repetiziun. Dietrich Buxtehude, möt de n organist, é bunamënter nasciü a Oldesloe tl raiun de SchleswigHolstein (Germania dl Nord). Tan important che le componist Buxtehude ê te so tëmp, ne desmostra nia ma le fat che al ê gnü cherdè desco organist a Lübeck: le jonn de 20 agn Johann Sebastin Bach ê jü a pé da Arnstadt a Lübeck por imparè da conësce de porsona Buxtehude.

L’aplaus é merité! I set musizisć y le Pinzimonio Vocale a Al Plan. Al post de Elisabeth Fistill por le Pinzimonio él stè da aldì Monika Mauch.

Musiga - Le titul dl conzert che le grup Pinzimonio à presentè tla Dlijia d’Al Plan de Mareo (y le dé do inće te Sëlva de Gherdëna) é tut dal oratorium “Membra Jesu Nostri”, componü da Dietrich Buxtehude tl ann dainciarà 1680. L’oratorium tol ite set cantates. I set toć corespogn vignun a na pert dl corp söla crusc de Gejù: i pîsc, i jenëdli, les mans, la pert, le piet, le cör y le müs. Le

Pinzimonio cun Gudrun Mayrl (soprann), Irene Clara (soprann), Monika Mauch (alt - che à tut ite te chësc conzert a Al Plan la pert de Elisabeth Fistill), Renzo Huber (tenor) y Raimund Pitscheider (bas), é gnü acompagné da na formaziun dl’epoca fata da döes vidores (Esther Crazzolara y Patrizio Germone), döes violes da iama (Veronika Egger y Paolo Zuccheri), n violun

(Riccardo Coelati), y liut (Hugh Sandilands)y n orghe baroch (Davide Pozzi). Dala descriziun söl tòch él ćiamò da tó fora: vignöna dles set cantates dl “Membra Jesu Nostri” é partida sö te sis seziuns: n intro instrumental, na pert ćiantada da cin’ usc (a ezeziun dles cantates cuinta y sesta olache al é manco usc), trëi aries

Dal conzert

gran pert dai paîsc dla Val Badia. Bele le post de presentaziun dl conzert, le presbitere, pitâ na atmosfera ideala, y spo i musizisć y le Pinzimonio se resservâ cun le guant y l’impostaziun aladô i dër elemënć de cornisc por trasmëte la musiga y les usc cun la dërta solenité y meditaziun. Dër sigüda la trasmisciun y la secuënza dl repertore, che à sciöche buna fondamënta la disciplina dles proes y dl’esecuziun dan al publich. L’eho da pert dl publich é stè plü co positif, y chësc é n bun reconoscimënt por chësc bel proiet, che i à costè tëmp y dediziun a düć chi che l’à imparè ite y portè dant. Les usc é stades intonades y ćiariades de sentimënt. I strumënć à salpü da sonè dër bun deboriada, scebëgn che n te’ iade cun na dlijia n pü’ frëida y cun les cordes dles vìdores baroches (nia tan stabiles) é l’acordè na desfida.

Le Pinzimonio Vocale y l’orchestra à imparè ite chësc oratorium deboriada n’edema alalungia sot la direziun de Monika Mauch, na maestra de ćiant y musiga esperta dles musighes dl Baroch. Bele i agn denant à le Pinzimono albü deplü ocajiuns da ćiantè y imparè cun la maestra Mauch. En chësc iade àra messü ćinamai saltè ite tla pert alt dla ćiantarina Elisabeth Fistill, che à messü (y podü n iade) ćiarè y ascutè pro, a gauja de na desfridada. A Al Plan él ruvé adalerch cotan de jënt,

N te’ proiet “salva” la sajun da d’invern te so contegnü, l’invern n’é nia ma party y festa, al é inće fat de sentimënt, parores de vita, meditaziun y credum. Ghesć di hotì él ruvé adalerch püć, forsc fóssel stè danter i milesc sciori chësta sëra a Al Plan un o l’ater che ess albü ion l’invit, mo degügn ne i al à dè o spôrt. Turism da d’invern y da d’isté podess inće ester fat cun musiga de dlijia y musiga te dlijia, dantadöt sce le livel dles prestaziuns y de presentaziun é tan alt sciöche al é stè en chësc iade. (iaco rigo)

Liber de gran valüta poetica “Pontins y parores” é le titul dla racoiüda de poesies de Teresa Palfrader d’La Pli de Mareo. Dè fora él gnü dal’Uniun di Ladins Val Badia. L’ater edema, ai 8 de merz, gnarà le liber presentè a San Martin de Tor Leteratöra - Le liber tol ite plü co cënt poesies ladines, cun laprò la traduziun de incër trënta de chëstes poesies tl todësch y/o tl talian. Al é spo n per de traduziuns ladines da originai todësc. Dötes les traduziuns él stè l’auturia instëssa che à fat. Ara se trata de na publicaziun de gran valüta, che testimoniëia l’impëgn leterar lunch y apascionè de Teresa Palfrader, che döra da plü co 30 agn. Les poesies n’é pordërt nia presentades tl liber do n criter de composiziun temporala: l’auturia à orü partì sö süa opera te cin’ seziuns, che porta le titul de: mans, stëres, mituns, roa, contrada. Te vigni seziun röia insciö adöm poesies cun na data de composiziun desvalia. La ‘parora danfora’ dl dr. Lois Craffonara nes pita na presentaziun cörta dl’auturia y sotrissëia n valgügn aspeć dl’opera. Y avisa öna na conscideraziun, ch’i à podü lì tla prefaziun, à impizé mi interes y descedè ćiamò deplü mia curiosité da lì tres les poesies de Teresa Palfrader. Fajon referimënt al liber “In banun” dl poêt d’La Val Felix Dapoz, scrî Craffonara che al é “empü parontela por fosa stilistica con chël ch’i àn atlò” tan co cun “Pontins y parores”. I arati che chësta osservaziun stimenëies, cis

22

www.lauscdiladins.com

por ći che reverda l’aspet ermetich che an po lì fora sides dai fersli dl Dapoz co da chi dla Palfrader. Le liber de Teresa Palfrader é bindebò forü, complet y rich linguisticamënter. “Pontins y parores” mët adöm prësc 140 poesies, y mostra sö feter döt le percurs poetich dl’auturia, düć i früć de sües inrescides leterares, de sües proes poetiches y sperimentaziuns linguistiches. I ti à dediché - dër ion - tëmp y bries ala letöra de chësta opera, y i à ciafè zoruch n gran plajëi y n gran arichimënt. I n’à nia intenziun chilò da jì ite ti contignüs dles poesies y tl ćiamp dla interpretaziun di tesć, mo i podess sce no ater tó ca i agetifs che vëgn dant tla introduziun dl liber, ‘scür’, ‘turgher’ y ‘ćiarü’ por dè na idea dla dificolté de interpretaziun de n valgönes liriches. L’aspet dla poetica de Teresa Palfrader che me plej deplü é zënz’ater chël metaforich, chësc ô dì, le savëi da portè le lingaz concret, da vignidé, cun süa merscia sota de vita da paur, a n livel astrat, ideal o ćinamai spiritual. An incunta gonot imajes metaforiches dër garatades, te chëres che les parores dla realté materiala é sentades ite te na dimensciun astrata, y porchël universala. Por fà n per de ejëmpli,

mët l’auturia a confrunt le menè jö ćern cun le menè jö spirito, ara scrî de stöp da tizé, de sones de tëmp, o de de gran loćes de scurité che s’ascogn, ara descrî na ciuìta che ciumpëda te ambrìes danter stëra y stëra, o definësc le tëmp cört dla vita sciöche antersì de tü dis surapià. I podess m’archité dialalungia sön les particolaritês dl lingaz metaforich de “Pontins y parores”, mo i feji ma na picia conscideraziun sön la valüta che les metafores à por n lingaz, inće y dantadöt por le lingaz ladin: ares é la pröma fontana de renovamënt linguistich, ares rapresentëia la poscibilité da amplié i significać de na parora, da ingrandì so cërtl de referimënć y de lians cun la realté. Tres la metafora pòn stravardè la mort de vigni parora, spostan bel plan le termo de so significat, adöm ala vijiun dla realté liada a chësta parora. Ći che me interescëia indere ćiamò deplü é la iesta linguistica dles poesies, y plü avisa i jüć de parores, i sonns che gareta da arvijiné na parora a chë atra. Da lì les poesies de Teresa Palfrader s’intënon direto dl laur de archirida y de cerna che sta do les parores ia. An capësc fora deplëgn la morvëia, la forza y le strinët che les parores é bunes da cherié y da comuniché;

an po se gode la sensibilité y la finëza cun chëres che al vëgn lité na parora al post de n’atra. La poetëssa mostra da avëi dër ligrëza cun les aliteraziuns (la repetiziun dl medemo sonn tl medemo fersl): la graa gracia, splighi spisc, vaiga le vare, y i.i. Mo tröpes é inće les anafores (la repetiziun dles medemes parores tl medemo fersl o te deplü fersli), les paronomàsies (la vijinanza de parores che à le medemo sonn mo nia le medemo significat) y les atres figöres retoriches che arichësc i tesć. Plata do plata vëgn la lita de na te’ sort de ‘belijies linguistiches’ tres maiù. I oress ma ves nen pité ćiamò öna, l’ultima: vërt é le tof dl’aisciöda. Ara se trata, tecnicamënter, de na sinestesìa, de n moscedoz de sensaziuns (vërt é pö na sensaziun dl edl, deperpo che le tof reverda la sensaziun dl nês). I podess inće baié di referimënć leterars che é spanüs chilò y ilò tl liber, dala Bibia ala mitologia, passan tres Hemingway, mo la storia gniss spo n pü’ massa lungia. Sce i messass spo alzè fora n aspet che ne m’à nia daldöt entusiasmé, le polan tl ü, sciöche al ti vëgn dit, spo dijessi che nia indlunch n’ài sintì fora la medema tenjiun poetica. Dantadöt les traduziuns talianes y todësces

trasmët dër dessigü na mëndra forza espressiva respet ai originai ladins. Al ne sarà nia por cajo che le gran poêt ruscio Iosif Brodskij, pest Nobel por la leteratöra tl 1987, scriô che n poêt po ma mantignì la fedelté a öna na fomena, a so lingaz dla uma… “Pontins y parores” de Teresa Palfrader é davëi n bel liber, de gran valüta poetica, y vignun é aconsié da le lì y da le tignì te ćiasa. L’Uniun di Ladins ves inviëia porchël da gnì ala presentaziun dl’opera, en jöbia, ai 8 de merz 2012, dales 18.00, a San Martin de Tor. (Carlo Suani)

Teresa Palfrader.


Val Badia

nr. 09 / 02 de merz 2012

Da stlopetara a capela di morć L’ann passè à la ploania de Badia lascè dortoré sö la capela di morć. Denant ê chësta frabica na stlopetara Badia - Ćina che nüsc raiuns ê sot al’Austria, gnôl scrit gran le defëne süa tera cun les ermes. Al i gnô mazè ite a nosta jënt n gran patriotism! ”Für Gott, Kaiser und Vaterland” gnô i ëi oblià da jì a defëne süa tera, da fà le soldà da ot a trëi agn y da jì te vera sce ai foss gnüs cherdà dal prinz de Tirol o dal imparadù da Vìena. Por tigni en pè chësc patriotism gnôl metü sö les compagnies di scizeri cun sü stlops; por se alenè da tochè bun orôl ester na Scizeri de Badia. stlopetara; dailò jê i ëi da zertes sajuns y festes a trà ala te val’ edemes eliminà. A chësta scëiba. Cis do le 1900 él gnü metü fosa é nüsc ëi jüs dala bona löna te sö compagnies di scizeri y püch dan vera. Adincutra à la vera doré cater la vera colones di scizeri. agn y à portè ala desfata dl rëgn austro-ungarich. La gran pert dles Vìena ne zedô nia families à pordü le pere, om, fi y fre. Al basta jì te nostes cortines y ti dè Les 12 nazionalitês che fajô na vidlada ai monumënć di tomà inlaôta pert dl rëgn austro-ungarich te vera. gnô intres plü agressives y ne damanâ nia ma l’autonomia sciöche Ji a trà ala scëiba i trentins, mo bëgn la independënza da Vìena, ći che l’imparadù n’ê nia Gonot êl da jì a fà eserzizi militars a öna da conzede. Chëstes ghiranzes foradecà y a trà ala scëiba te da pert de plü nazionalitês y la stlopetara de paîsc. Tratan la vera refodanza da pert da Vìena à portè tirâ i soldas todësc che ê val’ dis en ala Pröma vera dl monn. vacanza ćiamò ala scëiba pro les Nosta jënt cuntâ pö: al ê ai pröms stlopetares de paisc, mo do la vera d’agost dl 1914, tröc paurs ê ti prà é chëstes jüdes en punsiun.Por da munt che al ti rovâ a ćiasa les fortüna che i un da 65 agn incà la chertes da jì sot les ermes, deache pêsc y degun ël ne n’é plü oblié no Vìena ti â detlarè vera ala Serbia. da branćé ite n stlop y no da fà le Al ti ê gnü batolè dant a nosta jënt soldà. La stlopetara de Badia sura che chi tan de serbs y bosniać foss cortina é bele dl 1876 che i ëi podess

La capela di morć dortorada. (Foto: Martin Nagler)

trà ala scëiba. Dl 1905 él gnü metü sö na compagnia di scizeri. Totes dla bandira ê Ida Nagler da Pedraces. Sepl Dapunt da Sotsas Dessot istruî i agn dl 1910 n grup de jogn de Badia, da La Ila y da San Ćiascian a trà ala scëiba. Dl 1914 àn metü en pè a Badia la colona di scizeri. Tratan le tëmp fascist à la stlopetara albü la pêsc y insciö ésera gnüda tralasciada. Pormò i agn do le 1990 ésera gnüda adatada y adorada sciöche capela di morć; alüsc i dìjon inće - dlijia dai osc! Deache an l’adorâ püch y nia ésera gnüda trascurada. L’ann passè à la ploania de Badia lascè dortoré sö la capela di morć dala dita Decor. Incö se presentëiera feter nöia, dër da devoziun, arichida dala bela pitöra dl artist Lois Irsara, che rapresentëia Santa Maria da Trens. La capela é ideala por medité y perié en pêsc por i vis y i morć. (Lois Trebo)

La capela daìte. (Foto: Martin Nagler)

Mëda Hanele: na vita ostira cun anima y corp San Martin de Tor plüra do mëda Hanele dl Taser. L’ostira conesciüda lunc y lerch s’un é jüda tl’eté de 91 agn do che ara â manajè por passa sessant’agn la ostaria dl ”Taser” Recordanza - En vëndres dan otedé domisdé à la comunité da San Martin de Tor acompagné sön so ultim iade mëda Hanele Pedevilla maridada Trebo, ostira di ”Taser”, conesciüda cotan inće sura la valada fora. Mëda Hanele é passada a miù vita tl’eté de 91 agn, do na vita plëna de laûr por la ostaria y de fistidi por la familia. La gran p ar tez ip a z iun ala sopoltöra à desmostrè tan che mëda Hanele ê amada y aprijada danter la jënt. Cun süa manira dagnora saurida, so carater morjel Mëda Hanele ê na cöga aprijada dantadöt y davert, süa scemplité y por la buna spëisa da paur. Chilò cun n cëst nia inultima so umor y de crafuns da segra. süa buna löna savôra da se fà orëi bun da düć y da cherdè insciö se recorda chi da San Martin ghesć da indlunch adalerch. la ostira dl Taser. Degun laûr ne i ê Mëda Hanele o ”Hanele dl Taser” demassa o massa stlet, por le ghest sciöche düć i dijô, é nasciüda l’ann ne i manćiâl mai le tëmp, chësc gnô 1920 söl lüch da Pidila tla vila da Ju tratè cun cura y gran ospitalité. Da a San Martin de Tor. Chilò ara passè dalunc adalerch gnô la jënt tla sü pröms agn de vita adöm a cater ostaria da mëda Hanele: valch por sorus y sis fredesc. Ti agn de vera i cajincì t’ega daldöt unics, d’atri à inće ëra imparè da conësce la por les tutres y la panicia, mo düć meseria y la ćiarestia. Bele defata por süa cordialité y la ligrëza che do la scora à mëda Hanele messü ara lasciâ sintì incër ëra ia. La ostaria mëte man da fistidié instëssa por tradizionala dl ”Taser” romagnarà ëra. Tl pröm éra rovada fora ćiamò codî liada al recort de mëda Mantëna Todëscia fancela y a Hanele. imparè todësch pro n gran paur. Generosité y spirit Do avëi laurè por n valgügn agn altruistich sciöche ćiamenëssa a Al Plan, àra spo imparè da cujiné te de plü ostaries. L’ann 1948 àra maridé Le ploan siur Paul Campei à te Sciandro Trebo dl Taser cun chël süa pordica dantadöt orü alzè fora che ara à trat sö na gran familia de y onorè la generosité y le spirit ot mituns y manajè süa vita la altruistich de mëda Hanele, sotrissan tres indô tan tröp che ara ostaria. à fat por la comunité, por la dlijia, Da doman la pröma, da por les uniuns dl paîsc y por sü conzitadins. sëra l’ultima A San Martin n’él nia ma la Le laûr n’é mai stè por mëda familia che plüra do mëda Hanele, Hanele na parora foresta, le dislaûr mo inće i tröc ghesć che ara à sorvì ê caraterisé dai fistidi por la ostaria y sochedì te tan d’agn da ostira, la y tresfora inće por l’educaziun di comunité y les uniuns dl paîsc cun mituns. Deperpo che so om chëres che ara â dagnora albü n lian Sciandro se cruziâ en gran pert dl dër strënt y spo inće i tröc lüch, messâ mëda Hanele ćiaré da conzitadins dai paîsc vijins. Cun organisé la ćiasadafüch dla ostaria mëda Hanele s’un él jü na porsona y s’un tó sura di sciori. Deboriada da n gran cör, na ëra de pêsc, na y cun tröp laûr esi sta bugn da trà ostira ejemplara che à vit y laurè na sö la ostaria y da se fà n bun inom. vita intiera por acontentè sü ghesć Set dis al’edema ê dandaia la ostaria y süa jënt. Cun süa dediziun y so daverta. Y sce l’entrada prinzipala impëgn da ostira à mëda Hanele ê val’iade inće stlüta, gnô i ghesć zënzater scrit n tòch de storia dla lascià ite dala picia porta. Mëda gastronomia locala. Hanele ê dagnora ilò por düć. Da doman la pröma y da sëra l’ultima, Giovanni Mischì

www.lauscdiladins.com

23


Val Badia

nr. 09 / 02 de merz 2012

Stüdafüch La Val: 29 intervënć Sentada generala di Stüdafüch da La Val. Tratan l’ann él gnü fat 5.600 ores de sorvisc. Pro la sentada àn podü tó sö dui stodafüch nüs y surandè deplü onoranzes por tröc agn d’ativité

Lotaria dla seziun liösa Lotaries - A La Val à la seziun liösa dla uniun dl sport tignì na ola dla fortüna. Les zetoles fortunades porta chisc numeri:

7311, 7544, 7971, 8062, 7458, 9582, 6485, 7247. Por damanè do i pesć pòn telefonè al 348/3550477.

Abinà cun droga I Carabiniers à abiné le lere de n fonin, y a Corvara ài arestè y resp. dè dant döes porsones de Badia, che â droga pro d’ëi

I mëmbri onorà cun le rapresentant dl raiun, le comandant y l’ombolt.

La Val - La sabeda ai 11 de forà à la Uniun di Stüdafüch da La Val tignì süa reuniun generala anuala. En chësta ocajiun él danter l’ater gnü ćiarè zoruch al’ativité desfirada tl ann passè, tut sö stödafüć nüs y onorè mëmbri che é bele deplü agn pro la Uniun. Dan le scomenciamënt dla reuniun él gnü recordè i defunć dla uniun, dantadöt le mëmber jonn Alexander Ellecosta che nes à lascè te na manira tan tragica da d’altonn dl ann passè. Al ê dal 2006 incà mëmber atîf y al é gnü recordè sciöche jonn de compagnia y dala buna löna.

ia por l’ann de vigni sort de ativitês, tolon pert a gares, campionać, proes de savëi, arjunjon dër de bugn resultać, a chi ch’ai s’à oramai bele ausè da deplü agn. Un n punt al ordin dl dé à revardè la spligaziun de regoles sön la sigurtè söl laûr, olache le comandant à racomanè i mëmbri da se tignì avisa ales regoles che vëgn metüdes dant y che vëgn intres plü rigoroses. I stödafüch mëss te so laûr da daidé i atri inće y imprömadedöt ćiarè de süa sigurtè.

Stödafüć nüs y onoranzes

Passa 5.600 ores Le comandant Carlo Nagler à spo portè dant la relaziun dl’ativité, da chëra ch’an po odëi chisc dać: al é gnü fat indöt 29 intervënć cun 290 ores de laûr. Dlungia i intervënć fej i stödafüch ia por l’ann vigni sort de sor visc, proes y manifestaziuns, döt adöm él gnü desfiré passa 5.600 ores de laûr volontar da pert di mëmbri dla uniun. Inće i resposabli di sorvisc desvalis sciöche inće i comandanć de grup à portè dant en cört sües relaziuns. Na gran importanza por le dagnì dla Uniun à le grup di jogn, deache al ti garantësc intres indô forzes nöies che vëgn docà. Le grup vëgn assistì cun gran lizitënza y tröpes bries da Diego Tschaffert y Stefan Colz; al à desfiré

N punt plajor al ordinn dl dé é stè chël da tó sö dui jogn nüs, ch’à impormetü dan da düć da surantó i dovëis da stödafüch. Ara se trata de Pire Terza de Col y Sepl Pezzei da Ćians. Söl program él spo stè da surandè onoranzes de mirit a

deplü mëmbri. Cater mëmbri di stödafüch à chësc ann podü pié do na onoranza: Ludwig Sottara, Manfred Alton y Sepl Comploi à ciafè la medaia d’arjënt por 25 agn de ativité pro la Uniun, che ti é gnüda surandada dal rapresentant dl raiun dla Bassa Val de Puster, Franz Zingerle. La medaia de brom por 15 agn de sorvisc ti spetâ a Diego Tschaffert, che n’à indere nia podü ester presënt, chi dis êl impegnè pro i campionać europeics de liösa alta, olache al à concuisté le titul. I compagns di stödafüch ti fej les mius congratulaziuns por chësc gran suzes arjunt!

I Carabiniers à arestè a San Prospero, tla provinzia de Modena, n ël de 21 agn. Sües pedies condüj inće tla Val Badia

24

www.lauscdiladins.com

L’assessur de comun da Corvara é gnü proponü dala SVP Val Badia por tó ite le post de Paola Bioc Gasser

Daniel Alfreider, candidat por le post da vizepresidënt ladin dla SVP y presidënt dla SVP Ladina.

Le magazinn cun i auti di Stüdafüch da La Val.

comunicat stampa di Carabiniers pòn lì inant che ai 10 de messè dl ann passè, dales 2:40 de nöt, dess l’ël - al volann dl medemo auto - ti ester sciampè a n post de control di Carabiniers d’Al Plan. L’auto gnô defata dedô ciafè a Calfosch, deperpo che le ciafêr ê sciampè ite por i bosc. Tl auto instës él gnü ciafè döes ciüries da curì le müs y massaries por arobè. Dales 4:30 êl spo i Carabiniers da Urtijëi che afistiâ sön la SS243 tl comun de Sëlva na Audi A3, arobada püch denant a Corvara. I Carabiniers ti é jüs do, mo defata dedô é l’Audi

jüda fora de strada, jon a saltè cuntra n tiac. Ćiamò dan l’impat é le ciafêr stè bun da saltè fora d’auto y s’an sciampè. Dales 6 da doman gnôl ciafè a Lungiarü na Opel Astra, che ê gnüda arobada de nöt a San Martin de Tor, da porsones nia conesciüdes. Intres ai 10 de messè, tla cornisc di medemi fać, dess le zitadin dla Moldavia avëi arobè te almanco dui posć, n iade pro la tistlaria “Nagà” a La Val y spo pro le Bar Irene a San Laurënz. L’ël é śëgn gnü condüt tl tribunal de Modena, a desposiziun dles autoritês.

Corvara arestè söl fat n ël de Badia por detenziun de droga cun i fins de la vëne inant. Por le medemo reat él gnü dè dant inće n jonn de de Badia. T’auto dl jonn àn ciafè 0,3 grams de hashish, te süa abitaziun za. 3 grams y na stadira de prezijiun, sciöche inće 300,00€ en contanć. Te ćiasa dl arestè él gnü ciafè 46 grams de hashish. Al é gnü condüt a Balsan.

Al’unanimité Daniel Alfreider

La reuniun é jüda inant cun les parores dles autoritês y di ghesć y s’é stlüta jö pro na buna cëna y de bi momënć en compagnia. I Stüdafüch da La Val rengrazia düć chi ch’à tratan l’ann sostegní a val’ manira la Uniun cun laûrs o spënores de buna man. (sc)

Arobaries d’isté Cronica - Ai 27 de forà dales 10 danmisdé à i Carabiniers dla compagnia da Bornech y i colegs dla staziun de San Prospero arestè Anatolie Stefirta de 21 agn, n zitadin dla Moldavia cun preiudizi de polizia. Le licare por les inrescides preliminares da Verona à ordiné la sorvelianza preventiva te porjun. Da confrunć cun inrescides portades inant inće dai Carabiniers da Bornech, él gnü fora che le medemo ël dess ester jü ai 24 de jügn dl ann passè te n’abitaziun privata a Verona, olache al arobâ na Volvo V70. Dal

Badia - Ai 27 de forà à i Carabiniers da La Ila dè dant n jonn de 23 agn, residënt a Mariano Comense. Do les inrescides él gnü fora che al ti â arobè a n jonn de Badia n fonin iPhone 4 dl valur de chi 600,00€. Le fat ê sozedü ai 20 d’agost dl ann passè. Le telefonn é gnü recuperè y secuestrè y ti gnarà retü al proprietar. Ai 28 de forà indere, incër les 2.30 da doman à i Carabiniers da

Politica - Do che la vizepresidënta dla SVP Paola Bioc Gasser à dè les dimisciuns da süa inćiaria, êl da chirì na sostituta o n sostitut. La SVP Val Badia é rovada adöm en mertesc de chëst’edema a Picolin, y à nominé al’unanimité Daniel Alfreider sciöche candidat ala suzesciun. La SVP Ladina litarà definitivamënter en mertesc ai 6 de forà y la lîta messarà gnì confermada tla sentada generala dla SVP ai 24 de merz. Codî él gnü speculè ti ultims tëmps che che foss stè le suzessur o la suzessuria de Paola Bioc Gasser. Le surastant dla SVP Val Badia Klaus Winkler - che ê inće danter les porsones nominades - nes à dit chëst’edema al telefonn che ël n’â instës nia interes da surantó l’inćiaria. Daniel Alfreider, che gnô bele denant aratè un di favorić, nes â indere confermè so interes y süa orentè da la surantó, sce al ess ciafè la crëta. Y chësta àl ciafè, por le momënt al intern dla SVP Val Badia. Tla sentada stada chëst’edema a Picolin é Alfreider gnü nominé al’unanimité dai surastanć di comitês de paîsc dla Val Badia. Daniel Alfreider é nasciü dl 1981, al é n injenier jonn che laora por le

Tonel de Basa dl Prener (BBT SE), sciöche inće assessur de comun a Corvara. Sön bota ćialda nes àl dit insciö: ”Al m’à fat n gran plajëi ch’i sun gnü nominé y che i à ciafè chësta crëta. Śëgn messarài dè le mascim por desmostrè che la crëta é iustificada.” Aladô dl Gentlemen - Agreement tl grëmo dla SVP Ladina, dess le vizepresidënt ladin dla SVP y tl medemo tëmp presidënt dla SVP Ladina ester dla Val Badia, sce l’assessur provinzial ladin é de Gherdëna, porchël sarà les döes sentades - chëra di 6 de merz dla SVP Ladina a Neustift y la generala dla SVP ai 24 de merz a Maran, sontades proforma, de conferma dla nominaziun de Alfreider. En cunt dl’acordanza dij Alfreider insciö: ”Sciöche popolaziun ladina sunse na mendranza tla mendranza, porchël él sigü bun sc’i sun bugn da jì inant unis. Por chësc él inće le Gentlemen Agreement. I messun laurè bun adöm cun l’assessorat ladin, y spo fà n bun laûr por les valades ladines. (pablo)


Val Badia

nr. 09 / 02 de merz 2012

Badia à fat carnescè indertöra “L’uniun fej la forza”, o te chësc cajo - les uniuns fej la forza. A Badia s’à les uniuns metü adöm por organisé n bal da carnescè, che é veramënter garatè. Pest por les mascheres plü beles, ola dla fortüna y na gran porziun de bona löna

Veramënter tröpa jënt é rovada tla Ćiasa J.B. Runcher a fà carnescè.

Siur Degan cun sües "verdes dl corp".

Le ial Erich à ciafé le 1. pest, Roberto Tasser y so compagn le secundo, le dirighënt Friedl y Alice le terzo.

Tröpes mascheres él stè da odëi a Badia.

Badia - Por le pröm iade tla storia de nosc paîsc s’à dötes les uniuns metü adöm por organisé n bal da carnescè. La promoturia é stada l’ assessuria ala cultura dl Comun de Badia Edit Dapoz. Philipp Lerchegger, che é inće surastant dla Müjiga de Badia, s’à spo surantut döta la organisaziun, delegan vigni uniun da fà süa pert.

terzo pest ti é jü a nosc dirighënt dla musiga Friedl Pescoller cun süa fomena Alice. Le secundo pest à davagné Roberto Tasser de Sotgherdëna cun so compagn. Le pröm pest ti é jü a dui mëmbri dl cor de dlijia, Erich y Lois, che ê en chë sëra veramënter i plü bi iai dl porinà. Le comandant di stödafüch

fà instësc ”l’agopuntöra” (cactus). Le terzo pest na bela ”fotocamera” cun düć i pixel poscibli, olache les foto vëgn svilupades atira, beles o burtes, chël depënn dala porsona instëssa (spidl). Düć chi che s’à tut le tëmp da gnì, à podü se devertì. Al ê jënt d’Al Plan y da do le Ju de Frara, da La Pli ćina Corvara. A düć ti àl

An à indô n iade odü che la uniun fej la forza. Por mirit de dötes les uniuns dl paîsc y de vigni mëmber che à fat para, é chësc bal dër garatè. Düć s’à dër porvè da fà süa pert, an à odü n gröm de sorpreses y idees nöies. Dër bel él stè da odëi cun ći ligrëza che nosc ombolt Iaco Frenademetz y siur degan Iaco Willeit, vistis sö da carnescè, à tut pert al bal. Gnanca siur Pire da Oies ne s’à lascè sciampè chësta bela sëra. An vëiga mefo tan importanta che al é te n paîsc, la partezipaziun de chi che é n pü’ a će. Sce i famëis colaborëia y fej para, él mefo inće les bisces che stima plü ion. I jogn s’à surantut da organisé la gara dla plü bela maschera y le

N valgügn ćiantarins de Badia.

Egon Ploner, che é bele ausè da organisé oles dla fortüna, à inće chësc iade, adöm a sües colaboradësses, organisé na bela ola dla fortüna che tröc ne se desmentiarà nia tan snel. Pröm pest n bel jore por na porsona sura les ”Dolomiten” (foliet). Le secundo pest, sponsorisé da nosc dotur Di Marino, na bela atrezatöra por se

salpü dër bel y le tëmp é passè massa snel. Da ne se desmentié nia ”Na sëra de alegria a Badia”! Dilan a vignun che à colaborè, laurè y sambëgn inće a chi che é gnüs á balè. Tröc à contribuì che düć s’é stà dër saurì! Adalbert Piccolruaz por les uniuns de Badia

L’ombolt Iaco Frenademetz sciacarëia inant de petröre. www.lauscdiladins.com

25


Val Badia

nr. 09 / 02 de merz 2012

Architetöra da Disneyland La storica d’ert y architetöra Stefania Pitscheider critichëia te na cherta a Durnwalder la orentè dl comun de Mareo da trà jö la Scora Vedla. Ara nes dij ćiodì. Süa minunga: al se svilupëia n’architetöra da Disneyland y al manćia la sensibilité por le mantignimënt dl vedl Al Plan - Che le frabicat dla Scora Vedla vëgnes trat jö ne ti va nia a müs a düć canć. Dassënn cuntra chësta orentè é Stefania Pitscheider, oriunda d’Al Plan, mo che laora bele da agn foran Austria. Ara é stada dui dejenns a Vìena y śëgn éra direturia dl Frauenmuseum a Hittisau. Pitscheider à studié storia dl’ert y dl’architetöra. Te na cherta adressada al presidënt dla Junta Provinziala Luis Durnwalder, y menada por conoscënza danter l’ater inće al assessur provinzial Florian Mussner (la Provinzia finanziëia gran pert dl proiet), al ombolt de Mareo Albert Palfrader y al assessuria Elisabeth Frenner tòlera posiziun. I l’ùn contatada por aldì süa minunga en cunt dla Scora Vedla, mo inće dl’architetöra de nüsc raiuns en general. La Usc: La Scora Vedla dess gnì trata jö y fata sö danü. Os sëis decuntra. Por ći rajuns pa? Stefania Pitscheider: A Al Plan y en general ite da nos ne vëgnel nia tratè dër bun les costruziuns plü vedles, a manco che ares ne sides a livel architetonich tan particolares che an ne po nia fà atramënter. Imprömadedöt pënsi che la Scora Vedla sides na sort de memoria storica dl paîsc. I vëighi che te tröc raiuns, olache ai à n raport davert cun l’architetöra, dailò tìgni inće sö le vedl. Y chësc zënza se stlüje al nü. Ite da nos n’ài da me infora no n raport davert cun l’architetöra vedla, no cun l’architetöra contemporana. Al vëgn fat sö ćiases che n’à veramënter degüna vijiun architetonica. Aratëise os le frabicat de gran valüta architetonica, o él ma la memoria che cunta? La Scora Vedla d’Al Plan é n bel ejëmpl de n frabicat scolastich dl 1900 te n paîsc da munt. Che al sides n monumënt architetonich tla minunga propia dla diziun ne diji nia, mo al é na bela costruziun che documentëia la storia dl paîsc. Al é na sort de magazînn dla memoria. Anuzè chësc frabicat sciöche scora de musiga arati na bona idea. Le frabicat nü dess gnì fat sö plü o manco do l’architetöra de chël atual. Aratëise chësta na lîta

ecuilibré danter turism, agricoltöra y artejanat. Chilò ne se stlüj la jënt mai ala modernité dl’architetöra, mo canche al é da tignì sö val’ vëgnel ressanè sciöche al toca. Al é di cënć de ejëmpli de architetöra da paur y turistica de livel alt. Y ći che ne va nia da ressanè vëgn adatè cun lingaz atual a na moda che al é veramënter unich. Propi chëst’ edema él na delegaziun de funzionars alć dl turism de Südtirol tl Bregenzerwald y te nosc museum (n frabicat modern de lën, petun y spidl che é fat cun tecniches tradizionales da laurè le lëgn y che é bele porchël gnü premié plü iadi) por se informè sön chësc aspet tan particolar dla regiun.

Stefania Pitscheider. (Foto: Ines Agostinelli)

falada? Le cajo dla scora vedla é sintomatich de dui versc. Da un n vers vëgnel dit: ”I tirun jö le frabicat deache i ne tignun nia sön le vedl”, dl ater vers: ”Mo i le fajun avisa sö sciöche al ê’. Chësc me sa de na assurdité dopla. Sce an tira bele jö la scora - ći che i arati n gran fal y me savess personalmënter dër dër sciode - désson almanco avëi le coraje da fà sö na frabica che baia le lingaz architetonich d’aldedaincö. La fà sö sciöche sce ara ćiarass fora da inlaôta é val’ de falz, chësc é Disneyland. An ne mantëgn nia dla memoria storica y an ne tëgn nia cunt de döt le svilup dl’architetöra. Le resultat dess ester le medemo. Nen vara ma dla recordanza? I dubitëii che al vëgnes fora le medemo. Na ćiasa dl 1906 o öna fata sö sciöche sce ara foss dl 1906 é döes cosses desvalies. Al é n gröm de details, de proporziuns, de patina che an vëiga atira. Sce an ne ti dà nia l’importanza architetonica ala ćiasa, spo ne vëighi nia ite ćiodì che an mëss la fà sö avisa insciö. Y sce an ti dà chësta importanza, ćiodì pa nia la ressanè? Fajon insciö ti daste na importanza che te ne i das al medemo tëmp nia, deache zënza la tignisste sö. I sun dla convinziun che la Scora Vedla vais da ressanè. Al é incërch ejëmpli assà olache al é gnü ressanè sciöche al alda inće frabiches che tomâ adöm. Aratëise che al stais doìa manćianza de sensibilité o de

scioldi o ći pa? Iö arati che al sides imprömadedöt na chestiun de sensibilité, deache sce an à sensibilité ćiaron inće da ciafè n tru da finanzié. Al ne ti vëgn nia dè importanza. Iö vëighi inće öna dles rajuns prinzipales por chësc svilup tl fat che ite da nos él gnü fat scioldi dër dër debota, les ćiases vëgn dagnora coliades a cubatöres y a ći che an nen tira fora. N valur implü, chël che ne va gonot nia da mosorè cun scioldi, le valur storichcultural, ne vëgn gonot nia odü. Öna na chestiun che an à lité insciö é inće i scioldi. An ess messü fà danü le plann. Aratëise l’argomënt finanziar n argomënt che vel? I n’arati chësc nia n argomënt. Al é da odëi ći che tira dant. Al vëgn dit che ara ne va nia da isolè. Al é ite da nos bëgn püćes ćiases plü vedles co 10 agn che é isolades. Él isolè le Ćiastel de Tor? Él isolè le nü Messner Mountain Museum a Bornech? Sce an tigniss sön la memoria storica y ess inće n sentimënt por la tradiziun, ciafàsson inće na soluziun por les nezescitês de sconanza dles ressorses che à sambëgn inće da fà cun n frabicat y so ressanamënt. I dijëis che ara va inće atramënter. Al é inće d’atri trus. Storizisé n frabicat nü ô dì cherié kitch. Iö laori tl Bregenzerwald, che é n raiun der conesciü a livel internazional por so raport cun l’architetöra. Chësc raiun é stè bun da ciafè n raport

Unse nos pordü le contat cun nostes raîsc d’architetöra? I sun sigüda che i l’ùn pordü. Ti agn danter les veres él stè n svilup dl’architetöra alpina che impormetô döt d’atres cosses. Chësc svilup â bele metü man cotan dan le 1900. Al esist de beliscimi ejëmpli de architetöra alpina sides turistica co nia. Al basta ćiarè ales prömes staziuns dles funivies o ai pröms gragn hotì da dan la Pröma Vera y a chi danter les veres. I pënsi p.ej. ales ćiases de Welzenbacher a Dreikirchen, al Grand Hotel a Toblach o al Hotel Drei Zinnen de Holzmeister a Sexten o al Hotel Monte Pana de Baumann a Santa Cristina. Iö vëighi mefo che ite da nos se svilupëiel n’architetöra da Disneyland, na ”Lederhosenarchitektur” che n’à nia da fà cun formes, proporziuns, funziuns dla architetöra tradizionala, mo ne chir gnanca soluziuns nöies . Tl’architetöra da paur tradizionala dles Alpes él mile formes tipiches por ćiases da paur, n lüch da paur dla Val Badia se desfarenziëia dassënn da un dla Val de Braies. Chësta é richëza architetonica. L’architetöra turistica à metü a livel les desfarënzies, indlunch ciafunse le medemo patüc. Döt mëss ester rustical. N mür vëgn fat aladô che al somëia vedl, inće sce al vëgn ma incolè peres sön petun. La rustizité ola che ara n’à nia da fà cun la funziun porta al kitsch. P.ej. düć chi ćiampanis che vëgn fać sö por i hotì o i locai fać ”da zacan”, magari cun lignan vedl recuperè da na ćiasa da

paur trata jö: döt cosses che n’à nia da fà no cun nosta architetöra tradizionala, no cun n discurs d’architetöra d’aldedaincö. N ejëmpl positif? Sc’i ćiari al ćiamp turistich a Al Plan, spo él da me infora le Hotel Monte Sella. Le frabicat vedl vëgn respetè, curè y tignì sö. Ći che vëgn fat sö danü vëgn fat cun n lingaz atual. Al é gnü evité da fà pormez n frabicat che pê vedl. Al vëgn desfarenzié. Mia esperiënza é che cualité dlungia cualité ne sfalza mai, inće sce al é secui danter n frabicat y l’ater. N ejëmpl positf de ressanamënt de na strotöra turistica é magari inće le Hotel Corona, ola che an a mantignì la carateristica dl ”stil svizer” di sorasc, n documënt di pröms tëmps dl turism te nosc raiun. Y sce i orun portè n ejëmpl de ćiasa rurala (inće te süa funziun nöia de ostaria) messunse sambëgn inće nominé la ćiasa da Plazores. Ilò vëigon ći che ara va da fà sce an à sensibilité y amur por le vedl. Tla cherta critichëise inće d’atri re ss anamënć y d’atre s argomentaziuns. Le ressanamënt dla ćiasa de signoria (incö caserm) da pert dl Demanio é stè n desaster. Le laûr é propi gnü fat mal, deperpo podess chël frabicat ester n tòch prezius por le paîsc. Al m’à fat dër mè che le ćialt da Ras n’é nia plü, o che la ćiasa dal Ferber à ciafè n tët che n’à nia da fà cun chë ćiasa, deache al é sproporzionè. Le medemo discurs é por le Lëgn de Signoria te plaza de paîsc. Al gnô dit da le taié ia, deache al é vedl y toma adöm, mo porchël sentè n ater lëgn. Iö diji che n lëgn nü pòn bëgn mëte dlungia. Le Lëgn de Signoria é n documënt de memoria storica inće sce al romagn ma n ciüch. Chël ne mëss nia ester bel. Al basta sce al é ma na pert deache al à na forza simbolica. Le discurs é le medemo. Al ne vëgn nia odü ite che memoria y cultura ne va nia da mosorè 1 a 1 cun i scioldi. Sc’i fajun inant insciö cun nosc patüc vedl, sunse sigüda che n dé ti an roaràl ala jënt. Intervista: Pablo Palfrader

Nia na dezijiun saurida L’assessuria de Comun de Mareo Elisabeth Frenner tol posiziun sön les critiches de Pitscheider y spliga les motivaziuns che à portè ala dezijiun da trà jö la Scora Vedla Al Plan - Chël dla Scora Vedla d’Al Plan é n capitul lunch. Agn alalungia àn debatü sön ći fà impara: trà jö, dorteré o d’ater. Debatü àn inće sön la destinaziun. N iade êl gnü fat la proposta da fà d’infora n ostel dla jonëza, spo na ćiasa por les uniuns, spo indô n istitut de mu sig a . Cun l’aministraziun de comun da denant éra garatada da rové a na contlujiun, almanco sön le proiet.

26

www.lauscdiladins.com

La Scora Vedla deventarà öna dles döes sëntes dla Scora de Musiga Val Badia. Bele iniann dess i laûrs mëte man. Le proiet é gnü fat dal architët Karlheinz Castlunger. Impröma êl gnü optè da ressanè le frabicat esistënt: na frabica dl 1906 cun n’architetöra magari nia de gran valüta - mo particolara y a chëra che tröpa jënt é liada

emozionalmënter. Śëgn àn impò tut la dezijiun da trà jö le frabicat y le fà sö danü. L’architetöra dess romagne chëra preodüda tl pröm proiet de ressanamënt.

De facto nia n ressanamënt original La cherta de Stefania Pitscheider é rovada inće tles mans dl’assessuria ala cultura Elisabeth Frenner, che

i ùn contatè por damanè do stlarimënć. Frenner spezifichëia che le plann de ressanamënt dla Scora Vedla é bele gnü fat dal’aministraziun da denant, che à inće fistidié da damanè do i contribuć iten Provinzia. Le proiet é insciö rové tl plann provinzial dla costruziun dles scores, y al gnarà finanzié por incër le 90% dala Provinzia. “L’aministraziun nöia à surantut le plann”, dij

Frenner, ”Tl’aministraziun da denant êl gnü studié codî co invié ia i laûrs, sce lascè le frabicat o le trà jö.” An â insciö optè por le ressanamënt, che ê n ressanamënt ma tl sëns che la strotöra se lasciâ dedô indô anuzè, mo nia che la frabica foss gnüda mantignida sciöche ara ê n iade o sciöche ara é śëgn. Bele aladô dl pröm proiet fóssel ma romagnü i mürs deforaìa dla frabica atuala; daìte gnôl a vigni


Val Badia

nr. 09 / 02 de merz 2012

moda trat jö döt cant. ”Daìte é döt frat y dër en malester. Laprò vëgnel fat deforaìa n mantel d’isolaziun, porchël se damanânse bëgn ći che al romagnô ćiamò dla Scora Vedla”, dij l’assessuria. Da chëstes reflesciuns él spo gnü optè por trà jö ince i mürs defora ìa. Te chësc cajo é le resultat danter dortère o trà jö bel le medemo, mo pîta inće deplü vantaji spliga inant l’assessuria: ”Fajon na costruziun nöia àn la poscibilité da fà fondamëntes y ćianoes sciöche al alda y i mürs po gnì plü sotisc, insciö che an davagna inće cotan de lerch daìte. I recorć lià ala scora é stersc por tröc, le frabicat é stè lazaret tratan la vera, al é stè tröc agn la scora elementara dl paîsc, al é n toch de storia dl paîsc che s’an va, mo tl medemo tëmp che romagn, cun chësta soluziun".

Plü co ater él la recordanza Frenner dij inant: ”Sce an ess orü ressanè indertöra la Scora

s’à svilupè la cossa n püch al iade y la soluziun é amesa ite”, dij l’assessuria. ”Sce l’aministraziun da śëgn ess orü te n secundo momënt ressanè le frabicat indertöra, ésson messü fà danü i proieć, ći che ess inće orü dì che la Scora Vedla foss indô romagnüda por val’ agn chîta. Y i ne sa nia sce la Scora de Musiga ess ćiamò aspetè a n’atra soluziun. Chël ô dì che ara foss rovada te n ater post y nia a Al Plan.” La Scora Vedla sciöche ara é śëgn.

Insciö déss le frabicat nü.

Vedla, y la lascè sciöche ara ê n iade, ésson bele messü pié ia atramënter, meton le frabicat sot a sconanza y lascian spo dortorè sö döt sciöche al ê denant.” Mo l’assessuria dij inće che bele śëgn n’é le frabicat nia plü sciöche al ê n iade. Cun le passè dl tëmp él gnü fat de vigni sort de laûrs te Scora Vedla. Al é danter l’ater inće gnü baratè fora i func de lëgn cun func de linoleum, trat jö y fat sö parianes de zîgli. Laprò ne vëiga l’assessuria

tl frabicat daìte nia de gran carateristiches architetoniches che al ess paié la mëia da tignì sö a vigni moda, ”Al n’é nia mürs o sössoć particolars, degügn ôc, lëgn o depënć, ara ê gnüda fata sö ala bona. Baldi ésson messü ponsè atira, dan valgügn agn, sce fà n ressanamënt original o la trà jö y fà na strotöra moderna. Ara ess mefo doré plü agn por trà adöm i finaziamënć y al foss stè plü rî da la anuzè desch’al alda. Insciö

Mantignì le vedl: la Ćiasa dal Mone da Pliscia L’assessuria tol inće posiziun sön la critica che al ne vëgn nia ćiarè sön le vedl: ”Ti ultims agn él sigü gnü injomé ia tröpes cosses, mo an prô śëgn da valutè y da tignì ći che à valüta. Le Consëi Cultural nasciü ala fin dl 2010 s’à tut dant sciöche un di obietifs prinzipai, da salvè ći che à valüta. Bele da passa n ann pôrtun inant la prozedöra por mëte sot a sconanza

la Ćiasa dal Mone a Pliscia, na ćiasa de gran valüta, che dess gnì ressanada por che ara pois romagne sciöche monumënt architetonich di tëmps da inlaôta.” Por la Scora Vedla pê la dezijiun tomada. Chësc ann dess i laûrs mëte man, y bonamënter sarà tröc maroi contënć, sce la Scora Vedla - che é śëgn ma plü roina tl zënter de paîsc, ciafarà finalmënter indô na destinaziun. Baié śëgn - do agn de discusciun - da mudè jö i planns y da fà n ressanamënt originar dl frabicat, meton indô en discusciun i finanziamënć, foss na soluziun che tröc n’odess bonamënter nia ite. L’assessuria Frenner stlüj jö insciö: ”Do dötes les reflesciuns che é gnüdes fates, arati iö che al sides gnü tut na soluziun. Al n’é nia stè na dezijiun saurida y ara n’é sigü nia gnüda tuta a cör lisier. Al é gnü fat na valutaziun dër sota, tignin cunt di finanziamënć, tëmps, destinaziun, estetica, architetöra y l’estetica dl paîsc.” (pablo)

Rové adöm sciöche zacan En domënia grassa él gnü tignì a La Ila la “Slitada da Paur”, che é jüda a piz cun la gara soziala l’ega ite y spo tres le zënter da La Ila, olache ghesć y jënt dl post à aprijé la tradiziun, mo inće la ert da zacan, che an po odëi sön les beles slites, zënza desmentié i ćiavai haflinger y norics che fej dagnora parüda. La Slitada é na incuntada di paurs dl post, che vëgn tignida la domënia grassa, incö plü por recordè na bela tradiziun, che à sües raîsc ti tëmps da zacan sciöche La Usc à inće scrit tla ediziun di 17 de forà. A piz va la Slitada a La Ila, olache i zidladus s’à inće chësc ann mosorè tla gara soziala. Tla categoria dl singul cun i haflinger à davagné en chësc ann Simon Dapoz cun le ćiaval Ulite. Secundo post por Erich Fistill cun Aurina, y terzo post indô jü a Simon Dapoz, en chësc iade cun le ćiaval Corina.

Tradiziun y recordanzes pro la Slitada da Paur (Fotos: Freddy Planinschek)

Paurs - I paurs y zidladus de ćiavai é inće chësc ann rovà adöm

por la ”Slitada da Paur”. Cun i ćiavai y les beles slites infornides

é la slitada piada dala Ütia Paraciora demez, por passè do

Reinhold Fistill é le davagnadù tla categoria dl singul di norics. La devënta àl arjunt cun le ćiaval Fara de Florian Rottonara. Secundo y terzo post i va a Simon Declara, respetivamënter cun le ćiaval Montana y cun le ćiaval Linda, intrami de Erich Declara.

Simon Dapoz à garejé cun deplü ćiavai tla categoria dl dopl haflinger. Le pröm post àl arjunt cun Corina y Nachtfee. Pro le dopl di norics à davagné Simon Declara cun Montana y Elli Lady.

Resultać dla gara soziala Haflinger - singul 1) Simon Dapoz cun Ulite, 1.15,61 2) Erich Fistill cun Aurina, 1.17,17 3) Simon Dapoz cun Corina, 1.18,65 4) Klaus Castlunger cun Pobi, 1.19,90 5) Erich Fistill cun Ludwina, 1.27,35 Norics - singul 1) Reinhold Fistill cun Fara de Florian Rottonara, 1.32,45 2) Simon Declara cun Montana de Erich Declara, 1.34,37 3) Simon Declara cun Linda de Erich Declara, 1.35,45 4) Andrea Comploj cun Ferri, 1.39,97 5) Reinhold Fistill cun Romantika de Florian Rottonara, 1.40,44 Haflinger - dopl 1) Simon Dapoz cun Corina y Nachtfee, 1.22,68 2) Simon Dapoz cun Oli y Elisabetta de Klaus Castlunger, 1.36,66 3) Simon Dapoz cun Savina y Polli de Klaus Castlunger, 1.40,61

Enrico Nagler sön la bela slita trata da n ćiaval norich.

Simon Dapoz à davagné pro i haflinger, sides tl singul che tl dopl.

Norics - dopl 1) Simon Declara cun Montana y Elli Lady de Erich Declara, 1.40,67 2) Reinhold Fistill cun Romantika y Fara de Florian Rottonara, 1.41,80 3) Simon Declara cun Noemi y Linda de Erich Declara, 1.44,93 4) Martin Irsara cun Mitze y Karin, 1.45,76 www.lauscdiladins.com

27


Letres y Auter

nr. 09 / 02 de merz 2012

Da les zentrales di partis politics

La cultura nueva dla “Val Gardena”

Autonomia tl’autonomia La sora soluziun por i ladins I ladins taia dagnora la cörta, canche ara se trata da partì sö les ressorses y i dërć a livel provinzial. Denant vëgnel pa bëgn fat döt y avisa canche an ne po nia plü trà ca vêrtores, vëgnel fat val’ por i ladins, val’ che ess bele messü gnì fat dadî. Chësta é la realté, inće sce i mandatars SVP tles valades ladines fej les dötes por i fà crëie ai ladins che a Balsan vëgnel ćiarè sön ëi. Chisc i vënn l’anima al malan por ruvè pro val’ ütl personal. Vantaje che ô dì conzesciuns, che ô dì posć de laûr zënza mirit, trasformaziuns urbanistiches y d’atres sauridanzes tl stil südtiroleje. Chësc indere i va a dann dla popolaziun che se vëiga

danejada a gauja de chësta jënt. Co pòn pa se delibré da chësta situaziun? La sora via é chëra da tó le podëi a Balsan y le dezentralisé ti comuns, olache al é spo i ladins che podarà tó les dezijiuns. Comuns, olache les ressorses messass gnì partides sö aladô de ći che vëgn trat ite, y chilò odess i comuns ladins zënz’ater n aumënt dles ressorses. Chësta dezentralisaziun é inće tl spirit costituzional y de sconanza dles mendranzes, mo al pê che ara ne i bütes nia massa a Balsan che pordess a chësta moda importanza. La SVP é stada buna da mantignì le podëi avisa cun chësc zentralism, olache l’ultima dezijiun i speta dagnora a Balsan. De conseguënza é stada la reaziun dla popolaziun,

reaziun por ater tipica chëra, da stè dala pert de chi che comana. I efeć distorsifs y danusc de chësc odaran intres deplü tl dagnì, ćina śëgn é stada la situaziun economica por na seria de zircostanzes massa buna y chësc à curì na situaziun de coruziun y de spaterlamënć deslariada fora. La strada por i ladins mëss y po ma ester chëra de na autonomia tl’autonomia. De chësc vers é stà bugn i fascians cun so Comun General da ruvé plü inant. Fascians, che é politicamënter dagnora stà n vare inant. Albert Pizzinini, Ladins Dolomites

Te dlijia ôl ester referimënć concreć Dala resposta intorta y scrita, ma por se aproprié dla rajun (dij pö Tone tla resposta bel le medemo co Paul!), de Tone Gasser a Paul Pedevilla, me pêl da aldì fora tan che inće le presidënt de cöra da San Martin se stënta y à śëgn n problem cun so spidl zënza n simbol cristian. Ći fadia che al se fej da splighé ći che é tler bele da 2000 agn incà: “Gejù, cun tüa Santa Crusc aste salve le monn”. I sun dla minunga, sciöche la gran pert de chi da San Martin, che al é falè da mëte sön na pert nüsc simboi cristiagn. Sce Gejù instës à chirì fora le tru dla crusc por se mostrè so amur, spo saràl bëgn n motif. Porchël arati che al é falè da sostituì chisc simboi cun depënć astrać y che an stënta da ti splighé ala jënt. La jënt ô avëi te dlijia referimënć concreć, val’ che an po capì saurì. Ma risses y corusc de vigni sort y vers é massa püch y dij püch, cis ai mituns.

Te n protocol dl consëi de cöra da San Martin pòn lì che n mëmber dl consëi s’à pronunzié insciö sön le depënt: ”Le spidl é bëgn bel, mo nia cis da devoziun.” I me pënsi che chësta porsona à avisa atochè le problem. Te dlijia indere s’aspetunse da ciafè val’ che nes dëida avëi plü devoziun. Na porsona dla Val Badia che vir a Bornech minâ: ”Ćiodì ëise pa roviné insciö la dlijia a San Martin? Canche i vëgni a ciafè mia só a San Martin, spo vai dagnora inće te dlijia, mo śëgn ne sai gnanca plü olache i mëssi fà la reverënza. Iö sun ausada da ti fà la reverënza a Chëlbeldî y chël ëise, a San Martin, metü sön na pert.” Ara minâ pa dessigü le Crist! I m’à n pü’ dodè y i m’à vertorè fora, dijon che a San Martin él ma un su che comana. Y ćiamò na porsona foradecà, na taliana, ti à damanè a öna dl paîsc: ”Quand’è che tolgono quella specie di tenda? Cosa stanno per

architettare lì dietro?”, minan che al gniss pa fat sö indô n bel altè. Segn ài cuntè sö ći che val’ porsona foradecà dij. Ći che chi da San Martin dij ne pòn nia cis savëi, deache i messun pö düć tan scutè, bi chić. Mo na mia osservaziun personala vêghi ćiamò da injuntè: i me feji demorvëia che nos da San Martin unse lascè sozede chësc. Foran Bayern s’à la jënt y i politics lascè sö cun suzes, canche an orô to demez le Crist tles scores. Nos indere n’ùn podü dì no ”pip” no ”pap” y i ùn lascè mëte sö tl zënter dla dlijia, n depënt che bëgn inće ateisć y chi che fej pert de n’atra religiun foss a öna da avëi te sü locai de oraziun. Insciö sunsi inće iö dla minunga che na dlijia n’é nia n museum de ert moderna, mo n pü’ val’ d’ater.

Te si prima senteda dl ann à la Consulta provinziela per la Cultura ladina scumencià a valuté la dumandes per cuntribuc mo plu avisa. La cunseguënzes di pruvedimënc de sparani dl Stat talian se lascia nce sentì pra la Provinzia y de chësc muessel nce unì tenì cont a partì cuntribuc provinziei

La Consulta ladina à sëuraprò nce valutà la dumandes de sustëni da pert de artisć y di Chemuns. Per valuté de ndut 113 dumandes

28

www.lauscdiladins.com

iel stat debujën de doi sentedes. Chësc nce ajache la situazion economica dl’aministrazion publica se damanda de cialé do la dumandes mo plu avisa y valuté a puntin. N mierculdi ai 22 de fauré à la Consulta provinziela per la Cultura ladina de ndut azetà 90 dumandes de cuntribuc per na soma de 341.250 euro. Dla 14 dumandes per nvestizions n iel unì azetà undesc. La dumandes de set artisć ie dutes unides azetedes. De 90 dumandes per ativiteies cultureles à 72 giapà na valutazion positiva. Per l’autres iel mo debujën de vel stlarimënt. Te chësta prima senteda dla Cunsulta ladina iel unì dat priorità al’atività culturela ladina. L sustëni per proiec straurdineres y nvestimënc unirà valutà tla

Gardena” vën per contra permò dant te n decret fascista dl 1922. De Gröden - n toponim vedl donca plu de mile ani - ne n’iel lonc y lerch plu nia da udëi. N ti spiega che l ne se trata tl cajo nia tan de desdenië mile ani de storia y de cultura, ma plu che auter de n problem de “marketing”, per gherdëina de marcià. Ma jan a spaz per i luesc dla val àudel dai fulestieres mé plu rujenan rus, cech, nglëisc, olandesc y truepa d’autra rujenedes, belau nia talian y mo manco tudësch. I fulestieres tudësc - chëi che à purtà na gran richëza tla val - ne sà bonamënter mo nia ghenau ciuna y ulà che fossa la Val Gardena y ai taliani ti sà per si feries plu biei i luesc che lecorda ënghe cun si inuemes l vedl Tirol storich. Chësc desmostra ënghe la cumpëides di turisć taliani dlà dal Prëner. L’idea de straiché dala lontcort mile ani de storia dëssa vester stata de zachei che tl cajo pudëssen tlamé Ambrogio Delmaso. Per audì cie che l ie da nuef tla Val Gardena à l nost purvà a scuté su l notiziar dla Rai ladina, ma l se fajova dassënn ert a capì de cie che l se tratova. Paroles sciche “evajion fischela, ricevuta fischela, interogazion, perquisizion, suzession, partezipazion, rivista, socors” y truepes d’autres ne òvel mo mei audì. Sun chësc ti vën n gran duel, che per la Rai ladina fossa bonamënter “deprescion”. Te na val cun cëses desbieches, che pervia dl rubl dà su passa mile ani de si storia y che mbasterdea a na tel maniera si rujeneda ne uelel nia plu viver. Y nsci se n vàl inò zruch da ulà che l ie unit. Y zruch se n vàl coche l ova mparà a jì da pitl, che de reviers (dal franzëus “revers” = drusà, sotsëura) ti savova massa ncomper a jì. Erich Demetz, Laion

Martin Costalunga, San Martin

Cunsulta provinziela ladina cëla do plu avisa

Cultura - La cumpëida de dumandes per cuntribuc provinziei per ativiteies cultureles ladines ie chëst ann inò cresciuda. Nchin ala fin de jené iel unì dat ju 90 dumandes per curì l custimënt de ativiteies cultureles. Permez ala mesaria di ultimi ot ani ie chësc n aumënt de 27%. “Sce ultimamënter iel for plu y plu lies y assoziazions che damanda n cuntribut iel nce sëni che l vën fat de plu atività culturela ladina,” dij l assessëur Florian Mussner. Mé permez al ann passà iel stat n aumënt de 12,5% dla dumandes per ativiteies.

Un che fossa stat n valgun ani demez y che ruvëssa inò te Gherdëina, ne se fajëssa pervia di mudamënc nia puecia marueia. Do avëi da Solaion ite udù cun legrëza l bel profil dl Saslonch se tulëssel tosc na gran sperduda: ulache dan valgun ani fòvel mo na bela veja verda, d’inviern curida da na chëutra de nëif blancia, iel śën n gran fabricoz, stravagant nce per chiche à udù truepa marueies amanonder per l mond. De na cësa ne pòssel nia se traté, pënsel, pervia che duta la regules dl’architetura che à valù nchin dai prim fabricac incà ie tlo unides drusedes. Nia linies ndrëtes cun ciantons a 90 gradi, la formes laudedes dassënn da Hegel, ma linies y plans desbiecs, ciantons dloncora y de uni mesura, la majera pert zënza na rejon pratica o de utl, y dut cant curì cun scintles grovies che fej a punies cun de tei gran parëies de scipa. De na scultura ne pòssel ënghenó se traté, pënsa l nost, pervia che nce la scultura plu astrata tuchëssa da respeté n valguna regules estetiches dates dal fundamënt. Unfat de cie che l se trata, se pënsel, l muessa vester che al patron dl fabricoz – l “mprenditeur” dijëssa la Rai ladina – ti plej deplù la cosses desbieches che chëles ndrëtes: magari màiel sentà sun n stuel desbiech, pra na mëisa desbieca y durmì durmiràl sambën te n liet desbiech. Nosc “Heimkehrer” furnea baitr (ël ne sà mo nia che śën furnéien inant y no baitr) y do l tunel de Petlin vëijel doi valons de peza blancia cun la scrita “Val Gardena” tachei sun l puent che mëina sëura stradon via. Riesc vëniel sëura che “Val Gardena” ie śën l unico inuem ufiziel dla val, na val che dan plu de mile ani se tlamova “Gredine” y che te documënc di ani 1151, 1385 y trueps d’autri ie tlameda “in Greden”, “Gröden” y n.b. “Val

proscima sentedes, nce ajache ntant pòssel mo unì fat dumandes per chësta sort de cuntribuc. La Consulta à oradechël tratà l cajo di cuntribuc dai pro ti ani passei, ma che ne n’ie mo nia unic paiei ora. “Pudon permò paië ora canche giapon la documentazion dla spëises. Te chisc caji depëndel perchël da chëi che à damandà i cuntribuc,” spiega l assessëur provinziel ladin. Da pert dl Ufize per la Cultura Ladina uniràl proscimamënter tëut su cuntat cun la lies per stlarì chisc caji. L’atività culturela à na funzion mpurtanta per la cumenanza di luesc, nsci ulëssa la Cunsulta nce sensibilisé i chemuns a sustenì chësta ativiteies. (Ufize stampa provinziel de Südtirol)

Tl ghiel iel poejia, … Tl ghiel iel poejia, tl slaier de ti flëura iel magia: depënj de ghiel ti di, tu che te es la fertuna de pudëi giaurì n viere linëus sun ti daunì. Tl ghiel iel magia, unica ies Tu, Ëila, cun ti deblëza, cun ti simpatia. L sucrët ne se scuend nia tl ulëi cun n guant nia tie te furnì, ma de mustré ti vester cun naturalëza, te na maniera spontana, cun na nota de finëza. Dai pustomes nasc la paroles, tla paroles ie duta ti energia, la parola ie magia. Che chësc donn ti sibe cunzedù a dutes, l donn de pudëi mparé, l donn de pudëi cun lidëza rujené, zënza tëma, ma cun ardimënt, cialan sëura l urizont. Y de mëter sun papier duc ti sentimënc, ti dejideresc, che rënd té y autri cuntënc. Ulrica Perathoner


Sport

nr. 09 / 02 de merz 2012

Un iede or y doi iedesc arjënt pra i Campiunc dl Mond junior Ntan l’ena passeda iel unì garejà per i campiunac dl mond junior de saut y cumbinazion nordica, de pudejé y de biathlon. Ot atlec de Gherdëina à pudù fé pea: Mattia Runggaldier, Samuel Costa y Manuel Maierhofer per la cumbinazion nordica, Carmen y Alexia Runggaldier y Maikol Demetz tl biathlon, Evelyn Insam y Manuela Malsiner tl saut cun i schi Campiunac dl mond - Trëi bedaies y trëi plazamënc scialdi daujin al podest ie l bon bilanz de chisc campiunac dl mond di jëuni, che ie stac a Erzurum tla Turchia y chëi de biathlon a Kontiolahti tla Finlandia.

Mattia Runggaldier campion dl mond Scumencià scialdi bën àla pra i cumbinatisć che bele tla prima garejeda n mierculdi ai 22 de fauré, dal saut HS108 cun 10 km de pudejé, se tol cun Mattia Runggaldier la bela sudesfazion de vëncer la bedaia d’or. Che la forza di atlec talians ie tl pudejé chël sàn y duc canc ie stac boni de tré ite na bela cumpëida de plazamënc ti 10 km de pudejé, ma Mattia à belau fat n pitl miracul. Ruvan 29ejim tl saut àl messù pië via 1 menut y 28 secunc do l prim. Raida do raida iel stat bon de se tré inant, passan ala fin sciche prim cun i braces auzei tres l travert y se meritan nsci l titul da campion dl mond. Samuel Costa ie tla ndividuela ruvà 15ejim. Zënza miëur tl saut iel mpo stat bon de se tré inant, cun l cuarto miëur tëmp de pudejé de vintedoi plazamënc. Manuel Maierhofer, a chël che l ti garata zënza datrai ënghe miec i sauc, ruva 17ejim do avëi trat ite catordesc posizions.

Arjënt per la Talia Che tla familia Runggaldier l ài al moto tl sanch de deventé campions – Mattia ie pu l fra dla pluricampiunëssa Elena Runggaldier – àn pudù cunstaté mo n iede tla garejeda a scuadres. Mattia sciche miëur di talians tl saut, ma cun de bon sauc nce de si cumpanies de scuadra Manuel, Samuel y Roberto Tomio, y nen prufitan inò de si forza tl pudejé iesi ruvei mé de puech do la scuadra sterscia dl’Austria, batan mo l scuadron dla Germania che fova prim do la cumpetizion de saut. Chësc fova l segondo gran suzes per i atlec taliansy dantaldut de Gherdëina pòssen propi dì, nviei via a chësc sport da Romed Moroder che à fat n bon lëur y che à abù n bon nés a se crì ora atlec adatei per chësta desciplina do la rata nueva te nosc raion.

Mpue bënusei dai suzesc dla prima doi garejedes de chisc campiunac mundiei, jìven cun de gran speranzes tla terza dla cumpetizions, la ndividuela cun 5 km de pudejé. Inò à i atlec talians fat scialdi bën sun i schi, ma chëst iede fòvel massa puec chilometri per vester boni de tré ite la defrënzes unides a s’l dé tl saut. Nfati àn udù che chëi che fova dancà do l saut, cun sauc danter 132 y 125 ponc, ie restei dancà nce tla tlassifica finela. Manuel Maierhofer ie stat l miëur n chësc di sciche 11ejim cun n saut da 118 ponc y l 8. tëmp tl pudejé, 18. Samuel Costa (30ejim do l saut y 6. de pudejé), 19. Mattia Runggaldier (21ejim do l saut y 2. de pudejé) y 44. Roberto Tomio.

Bedaia de lën per Evelyn Insam Tl saut cun i schi òven de gran speranzes per Evelyn Insam, che bele tla copa dl mond dl’ëiles se ova cumpurtà drët bën ntan chësta sajon y fova l ann passà pra chisc campiunac junior ruveda cuinta. Ma la cuncurënza fova sterscia y nsci fòvel da se aspité na cumpetizion nteressanta. Evelyn à mustrà doi de biei sauc, dantaldut l segondo ti ie garatà scialdi bën y cun 100,5 y 101 metri y 251,5 ponc iela ruveda cuarta, falan ju l podest mé de 4 ponc, ma lascian do sé cuncurëntes coche Coline Mattel. La ie mo jëuna

Maikol Demetz (a m. d.) cuntënt nce cun l cuinto plazamënt.

Evelyn Insam, Manuela Malsiner, Veronica Gianmoena.

y arà mo doi iedesc la puscibltà de s’la fé valëi pra i campiunac dl mond junior y cun si cualiteies ruverà dessegur dant o do nce l suzes. N gran mumënt fòvel per Manuela Malsiner, che cun permò 14 ani à bele pudù fé pea pra campiunac mundiei junior, arjunjan cun n prim saut de 95 metri – si miëur saut nchinamò – y n segondo saut de 87,5 metri l 13. plazamënt danter na cuncurënza de 46 atletes. La terza atleta taliana fova Veronica Gianmoena, che cun n saut de 69 metri ne se à nia cualificà per la segonda manche, ruvan 42ejima. Duminà à Sara Takanashi dl Iapan che à fat te tramedoi manches l miëur saut y à cun 276,5 ponc venciù saurì dan ala americana Sarah Hendrickson – prima de copa dl mond – cun 265 ponc. Nia aspità ne fova l terzo post dla tudëscia Carina Vogt, che cun 255,5 ponc ie sauteda iust n śich miec che nosta Evelyn.

Mattia Runggaldier, Samuel Costa, Manuel Maierhofer y Roberto Tomio ruvei segondi tla garejeda a scuadres.

Arjënt per Alexia Runggaldier Alexia Runggaldier defënd l titul da vizecampiunëssa tla stafeta de biathlon venciù nce l ann passà pra i campiunac dl mond junior. Muvan sciche prima dla stafeta dla juniores talianes féjela na boniscima garejeda, asvelta pra l stlupeté y ne falan degun colp rùvela a baraté sciche segonda, dajan inant ala valdostana Giulia Collavo. Ëila fina tla cuinta posizion. Savan che l fossa stat rie ruvé mo dancà va Nicole Gontier dut cie che la ie bona y stlupetea nce drët bën. La despassa via si averseres y fina sciche segonda a mé 15 secunc dala Norvegia che ie prima, ma dan la ucraines y la russes, se davanian nsci deberieda cun si cumpanies la bedaia d’arjënt mundiela. Tla prima garejeda de chisc mundiei, la ndividuela, ie Alexia stata scialdi bona sun i schi cun l segondo miëur tëmp, ma i ot colps falei y nsci ot menuc de straufonga la à smacheda zeruch al 20. post. Tla sprint àla stlupetà miec, ma sun i schi ne jìvela n chësc di nia drë, finan via sciche 26ejima. L di do tla pursuit messòvela perchël muever sciche vintesiesejima. Fajan na boniscima garejeda sun i schi y falan mé trëi colps, se àla trapinà inant al 14. plazamënt. Sciot che l di dant

L fanclub unit caprò a Kontiolahti da Gherdëina.

Alexia Runggaldier (a man drëta), bedaia d’arjënt nce chëst ann tla stafeta.

ne n’iela nia jita tan bën, povester assé che l fossa scenó mo sautà ora n gran resultat. Per si sor Carmen, nasciuda tl ’95 y nsci pra la plu jëunes di campiunac, ie chësta stata una dla prima esperienza a livel mundiel. La garejeda ndividuela dla categuria ”jëunes” àla stlut ju sciche miëura dla talianes al 18. post. Pra la stafeta ne n’ie la talianes nia piedes via, ajache una se à amalà y tla sprint dla mutans ne n’àla nia ulù ti buté, ruvan cun 4 fai 62ejima. Chësc ulova dì che la ne se ova nce no cualificà per la garejeda de ”inseguimento” dl di do. Nce sce la ne n’ie nia jita coche la se ëssa povester mbincià, ajache savon che la sà da fé miec, fòvel per ëila dessegur ne bela

esperienza y ajache la ie mo tan jëuna aràla dessegur mo ucajion de se mustré. L terzo atlet de Gherdëina che fova pra i campiunac dl mond junior ie Maikol Demetz, che fajova ënghe pea tla categuria di jëuni. Tla ndividuela ti àla sciacà a stlupeté, falan 8 colps iel ruvà 24ejim. Na gran garejeda àl fat tla stafeta, ulache l à messù muever sciche 10. y ne falan nianca no n colp iel ruvà inant nchin al 5. post. De un n viers òven tla scuadra na gran legrëza per la prestazion de marueia de Maikol y dl auter viers òven mpue mueia che, sce n ëssa pudù se sparanië tla prima frazion la raida de straufonga ëssel nce pudù sauté ora na bedaia. A Maikol ti àl tucà mpue l medem destin sciche a Alexia, ne fajan tla sprint nia tan bën. Falan mé un n colp ma se lascian bater da atlec che fova zënza do ël, àl messù muever tla pursuit sciche 11ejim. Sun i schi jìvel via cun n drë sgors y fova stat bon de ruvé inant tla terza posizion, ma tla ultima lingia de stlupeté ti à un n colp falà custà na raida de straufonga y finan sciche cuinto nce l post sun podest. A fé tifo per i biatelc fòvel nce ruvà adalerch n pitl fanclub, che cun bandieres, strisces cun paroles de sustëni y n batotl ”tricolore” sun l cë, à sustenì i atlec y à vivù pea la emozions de chisc campiunac dl mond junior. (uk) www.lauscdiladins.com

29


Sport

nr. 09 / 02 de merz 2012

La scincunda plü bela

Podiums pro la Copa di Mituns

Le dé de so compliann à Debora Agreiter davagné la medaia d’arjënt pro i campionać mondiai iuniores de paslunch tla Turchia. So pröm podium por i 21 agn

La findledema passada é stada scialdi impegnativa por i pici schiadus. Söl program êl döes gares de livel provinzial - n slalom lerch y n slalom strënt - por se davagné la Copa di Mituns

che i ê ćiamò tl grup dant. Do le barat di schi êi iö do Martine Ek Hagen y i garejân deboriada. Tla secunda pert é Hagen jüda dant, mo iö sun dër contënta por l’arjënt. I m’â fat n pü’ morvëia che Jessica Diggins n’ê nia dant do le barat di schi. I m’aspetâ che ëra jiss dant tl skating, olache ara é dër sterscia. I rengrazi döt le team por le gran laûr. I à albü de buniscimi schi.” Inće la davagnadëssa dla gara à albü parores de lalt por Debora: “Debora é incö stada dër sterscia. Canche i sun stada buna da arjunje n cer’ vantaje sperâi ch’i foss stada buna da le tignì ćina ala fin.”

Otavo post tl individual La premiaziun dla gara de Skiathlon. Dmc Debora Agreiter da La Ila cun la medaia d’arjënt, la norvegeja Martine Ek Hagen - medaia d’or, y la svedeja Emma Wiken - brom.

Paslunch - Canche an complësc i agn, àn ligrëza sce al gareta na bela scincunda. Debora Agreiter, atleta de paslunch da La Ila, à fistidié instëssa por se fà le dé de so compliann la scincunda plü bela. Dai 19 ai 26 de forà él gnü tignì a Erzurum tla Turchia i campionać mondiai de schi nordich di iuniors y U23. Danter la rapresentanza dla nazionala azzurra inće Debora Agreiter da La Ila, atleta tla categoria U23, che garejëia por le CS Carabinieri seziun schi. Ara â da se mosorè te döes competiziuns. Le gran resultat é spo gnü ai 25 de forà, dé che Debora complî 21 agn, tla gara de skiathlon. Ara se trata de na disciplina olache i concorënć pëia ia düć deboriada. Les ëres garejëia por 7,5 km te tecnica tlassica, à spo da baratè i schi y les mazes, por garejé inant por 7,5 km te tecnica lëdia o skating. Tla pröma pert dla gara - chëra cun tecnica tlassica, él stè l’americana Jessica Diggins che à dè dant le vare. Cun 22:02.8 rovâ

la Diggins pröma al barat di schi. Debora ê bele dailò tóch iadedô, al secundo post cun 22.02.9, ćiamò dan la norvegeja Martine Ek Hagen cun 22:03.4. La norvegeja à spo tla secunda pert dla gara surantut le comane, cun Debora che tignî inant le ritm, deperpo che l’americana Jeggins pordô terac. Progressivamënter s’à la Hagen y Debora Agreiter destachè dal rest dles concorëntes. Pormò ti ultims 3,75 km é la norvegeja stada buna da amplié deplü le vantaje da Debora, rovan spo inće al travert por pröma. Debora s’à indere tignì tóch so secundo plazamënt rovan al travert cun 13.9 secunć de destach, mo à inće fistidié da tignì dalunc la terza Emma Wiken dla Svezia, sön chëra che Debora à mantignì 20.6 secunć de vantaje. Chësta medaia d’arjënt ê la terza medaia taliana pro chisc campionać, y vel por Debora bonamënter sciöche na devënta, él pö so pröm podium ti campionać dl monn U23. Do la gara à Debora dit insciö: ”Incö me sintî veramënter bun, suradöt tla tecnica tlassica. Do la pröma pert m’ài fat morvëia

Le Skiathlon n’é nia stada la sora gara. Bele dui dis denant â Debora desfiré na gara individuala de 10 km te tecnica tlassica. La gara é gnüda comanada dales russes Mariya Guschina y Polina Medvedeva, che à arjunt respetivamënter le 1. y 2. plazamënt. Debora à arjunt ala fin n bunscimo otavo post. Do i pröms 5 km êra chi 25 secunć dala pröma, ćina dailò la Medvedeva. Le travert final à Debora taié cun 1:10.1 de destach.

Na bona sajun por l’Atleta dl Ann Cun chësta medaia d’arjënt à Debora arjunt n resultat de gran importanza, che va a öna cun na sajun dër bona por l’atleta da La Ila. Na sajun che â metü man cun la convocaziun te Copa dl Monn y spo la convocaziun ala Tour de Ski, olache ara à stlüt jö le ziclus dles gares al 28. post. Na buna prestaziun àra albü suradöt tla gara söl Cermis, cun le 12. plazamënt assolut. I recordun spo che defora dales competiziuns, é Debora inće gnüda litada l’Atleta Junior dl Ann dles Valades Ladines. Por ëra vara inant chësta fin dl'edema a Lahti, tla Finlandia. (pablo)

Le podium di mituns tl slalom strënt. Söl scalin plü alt Yannik Sinner dl ASC Drei Zinnen, che à davagné intrames les gares, a süa man ciampa Felix Schrott y a süa man dërta Manuel Ploner, intrami dl ASC Ladinia.

Schi - Al apel ne manćiâl nia i atleć ladins, che s’à mosorè polito y à inće arjunt val’ plazamënć da podium. Le slalom lerch é gnü tignì la sabeda sön la pista Lärchwald, tl raiun de Meran 2000. Le miù resultat ladin tla categoria di mituns é gnü da Marvin Avesani dl SC Gherdëina, che à stlüt jö al 6. post. Manuel Ploner dl ASC Ladinia é gnü nono. Pro les mitans él garatè n cuinto post por Melanie Perathoner, n setimo por Nicole Nogler Kostner y n 10. post por Jamie-lee Pellizzari. Dötes trëi é atletes dl SC Gherdëina. Cotan damì éra jüda pro le slalom strënt, söl program le dé do a Petersberg. Pro i mituns à Felix Schrott y Manuel Ploner - intrami dl ASC Ladinia - arjunt respetivamënter le secundo y terzo plazamënt. N 10. post à inće arjunt Philipp Graefe dl SC d’Al Plan, che po se tó la sodesfaziun da ester stè le miù de süa eté, él pö nasciü l’ann 2002, deperpo che i atri atleć dan da d’ël é düć n ann plü vedli. Pro les mitans é le miù resultat ladin de Elena Delago dl SC Gherdëina, al 5. post. Tóch dedô al 6. post s’à plazè Alexandra Pezzei dl ASC Ladinia. Nono post por Chiara Videsott, inće ëra dl ASC Ladinia. (pablo)

Tlassifiches slalom lerch (cun ladins ti pröms 10) Mituns: 1) Yannik Sinner, ASC Drei Zinnen, 49.93; 2) Lukas Mitterrutzner, ASV Feldthurns, 50.20; 3) Simon Wolf, SV Burgeis, 50.21; 6) Marvin Avesani, SC Gherdëina, 50.87; 9) Manuel Ploner, ASC Ladinia, 51.27. Mitans: 1) Laura Auer, ASV TZ Gitschberg-Jochtal, 49.81; 2) Tamara Paris, AWSW St. Pankraz, 50.31; 3) Nina Bachmann, ATZV Vinschgau, 51.39; 5) Melanie Perathoner, SC Gherdëina, 51.90; 7) Nicole Nogler Kostner, SC Gherdëina, 52.14; 10) Jamie Lee Pellizzari, SC Gherdëina, 52.38. Tlassifiches slalom strënt (cun ladins ti pröms 10) Mituns: 1) Yannik Sinner, ASC Drei Zinnen, 28.38; 2) Felix Schrott, ASC Ladinia, 28.90; 3) Manuel Ploner, ASC Ladinia, 29.33; 10) Philipp Graefe, SC Al Plan, 29.79. Mitans: 1) Nina Bachmann, ATZV Vinschgau, 29.79; 2) Lena Zingerle, ASV TZ Gitschberg Jochtal, 30.89; 3) Theresa Ganner, SC Meran, 31.25; 5) Elena Delago, SC Gherdëina, 31.33; 6) Alexandra Pezzei, ASC Ladinia, 31.38; 9) Chiara Videsott, ASC Ladinia, 31.56.

Luisa, dui iadi buna secunda Gares joniles: en Carlascè a Santa Madalena de Fones, la findlédema do sön la pista Panorama a Valdaura Liösa - En mertesc de carlascè él gnü tignì la terza dles gares joniles sön la pista Ranuier Rungg te Fones. Bel tëmp à portè pro al garatè de na bela gara de liösa alta y bassa. Atleć ladins à inće tut pert, de chisc à Luisa Nagler arjunt le secundo post tla categoria dles mitans. Davagné à l’atleta Julia Frei che garejâ te ćiasa, cun n pice ütl de 23 centejimi. Al terzo post él ruvé n’atra atleta de ćiasa, Sophie Lamprecht. Manuela Rubatscher à arjunt le 7^ post te chësta categoria. Ivan Nagler, fre de Luisa, à tla proa albü n bur’ inzidënt y s’à rot la liösa pormez a n parëi, por fortüna ne s’àl nia fat mè, mo por la gara ne jô la liösa nia plü da gnì metüda da jì. Tla categoria di

30

www.lauscdiladins.com

mituns à Manuel Moling arjunt le 12^ post y Rudi Tolpeit le 14^ post, Alex Ploner le 20^. Y Nicolas Deiaco le 22^ post. Le miù tëmp pro la liösa alta él stè Christian Meraner che à metü sö, pro les mitans Andres Oberhauser. Tla tlassifica a scuadres ciafunse al 5^ post la scuadra da La Val.

le 22^ post. Manuela Rubatscher le 7^ post. Luisa Nagler da Lungiarü à por le cuarto iade indô l’ater arjunt le secundo post. Les condiziuns dl tëmp y dla pista,

dlaciada olache al ê ambria y mola y lütra tles perts a sorëdl ne i dê nia ma da sćiampì ai mituns mo inće ai accompagnadus Matteo Clara y Diego Tschaffert che proâ

intres da arjigné ca les liöses ala miù. L’ultima gara sarà en sabeda y domënia: i campionać provinziai sön la pista First Ackerle ta Gsies.

A Valdaura Ala partënza él jü 131 atleć dla liösa alta y bassa. Inće atleć ladins à tut pert y à desmostrè da gnì intres mius. Rudi Tolpeit à arjunt le nono post tla categoria di scolari che crësc intres deplü y arcumpëda intratan bele 24 atleć. Manuel Moling à arjunt le 14^ post, Alex Ploner le 21^ post y Nicolas Deiaco

Luisa Nagler, Julia Frei, Lara Profanter, les trëi mius tla categoria mitans 2000/2001, tlassifica generala.

Rudi Tolpeit Rudi tartaan la gara a Valdaura.


Sport

nr. 09 / 02 de merz 2012

Contlujiun di cursc de paslunch Do i cursc de paslunch tratan chësc invern a San Ćiascian, àn inće tignì na gara de contlujiun

Copa Pederiva al Ski Team Fascia En domenia ai 26 de firé sun Aloch a Poza 250 bec i se à binà per tor pèrt a la Copa Lino Pederiva

Mitans y mituns che à tut pert al curs de paslunch.

Paslunch - Inće en chësc ann, sciöche bele i agn da denant, él indô gnü organisé a San Ćiascian i cursc de paslunch por i mituns dles scores elementares y mesanes. Na bela schira de mitans y mituns s’à presentè. Aladô dl’eté ési gnüs partis te dui grups: i plü pici à imparè la tecnica tlassica, y chi plü gragn, che ê por la maiù pert bele gnüs i agn da denant, s’à dè jö cun la tecnica dl skating. L’impëgn é stè gran da pert de düć, insciö él gnü metü da jì en vëndres ai 24 de forà la gara de contlujiun, olache nüsc pici atleć à podü lascè odëi

Gara de contlujiun cun inćiamps.

ći che ai à imparè. Le tëmp ê bel y tröc geniturs ê presënć, insciö s’à i mituns impegnè ćiamò deplü, y an à podü odëi na gara scialdi dinamica y emozionanta. Les temperatöres s’â alzè dassënn, porchël tacâ i schi y i mituns fajô na gran fadia. Mo düć i partezipanć n’à, tratan döt le percurs mai pordü le sbunf y à dè döt por ester i plü asvelć da rové al travert. Le percurs instës n’ê nia tan scëmpl, al ne bastâ nia jì dassënn, i mituns messâ inće fà na proa de agilité, olache ai messâ passè sot a n inćiamp fora, saltè sura na ligna de bastuns ia, y denanco rové tl travert, fà n slalom, y insciö inće ti lascè odëi ai spetadus che ai à, tratan le curs, miorè l’e c uilib er y la coordinaziun. Le bel tëmp à lascè fà la premiaziun alaleria. Tl grup di pici é Marianna Irsara gnüda pröma, Rubens Paruta secundo y Alex

Pescollderungg terzo. Tl grup di gragn à davagné Maximilian Declara, dan Ruben Ploner y Philipp Crepaz. Do avëi partì fora les medaies, él ćiamò gnü fat na picia lotaria, cun de bi pesć por vigni partezipant. N rengraziamënt i va a düć chi che à fat garatè le curs y la bela gara: ala scora de paslunch y ai maestri che s’à metü a desposiziun, a Robert Pizzinini che à arjigné ca la pista ala perfeziun, ai geniturs che à dè na man. N bel dilan inće al sponsor por les medaies y i pesć. (kp)

Tlassifica Pici: 1. Marianna Irsara, 2. Rub ens Paruta , 3. Alex Pescollderungg, 4. Katharina Manco, 5. David Thaler, 6. Gabriel Gruber, 7. Sofia Thaler, 8. Elias Thaler. Gragn: 1. Maximilian Declara, 2. Ruben Ploner, 3. Philipp Crepaz, 4. Sebastian Davare, 5. Marie Bernardi, 6. Sara Pescollderungg, 7. Julia Irsara, 8. Maddalena Pescollderungg, 9. Mattia Costabiei, 10. Isabel Irsara.

N retrat de grop del Ski Team Fascia che à vent la Copa Lino Pederiva.

Schi - Descheche oramai l’é tradizion, sul portoi Aloch de Poza, la sozietà sportiva Ski Team Fascia à endrezà la Copa Lino Pederiva, na garejèda de slalom lèrch outa ai più pìcoi schiadores che i se à binà per venjer, ma soraldut per stèr ensema te na bela dì de soreie e de devertiment su la neif. En domenia ai 26 de firé sun Aloch l’era presciapech 250 bec de la categorìes baby e cuccioli, spartides amò per an e anter ic e eles. La sodesfazion per l Ski Team Fascia la é stata grana ence chest’outa, ajache no demò l’é stat n gran numer de bec che à tout pèrt, ma la sodesfazion é stata amò maora percheche la sozietà de Fascia à vent la Copa Lino Pederiva, che ge jìa a la sozietà che fajea più ponc. (vr)

Classifica Baby 1 eles (an 2004): 1. Virginia Guarda Nardini (San Martino AD); 2. Nicole Chenetti (US Monti Pallidi); 3. Aurora Valeruz (Ski Team Fascia).

Baby 1 ic (an 2004): 1. Filippo Zanon (Rujoch ASD); 2. Tommaso Sibilia (US Latemar); 3. Andres Zanol (US Latemar). Baby 2 eles (an 2003): 1. Nathalie Bernard (Ski Team Fascia); 2. Yasmine Salah Chebel (Ski Team Fascia); 3. Manuela Deville (US Monti Pallidi). Baby 2 ic (an 2003): 1. Thomas Lastei (Ski Team Fascia); 2. Federico Baldo (Rujoch ASD); 3. Nicola Bazzerla (US Latemar). Cuccioli 1 eles (an 2002): 1. Federica Zorzi (ASD Cauriol); 2. Sofia Rinaldi (San Martino AD); 3. Giada Bozzetta (US Latemar). Cuccioli 1 ic (an 2002): 1. Daniele Rasom (Ski Team Fascia); 2. Davide Seppi (Rujoch ASD); 3. Simone Accordini (US Latemar). Cuccioli 2 eles (an 2001): 1. Giorgia Felicetti (US Dolomitica); 2. Silvia Lastei (Ski Team Fascia); 3. Ludovica Fietta (US Primiero). Cuccioli 2 ic (an 2001): 1. Mattia Gasperetti (Rujoch ASD); 2. Luca Isabella (US Primiero); 3. Francesco Santacroce (US Primiero).

Pröma esperiënza provinziala En domënia ai 12 de forà él gnü metü da jì a Eppan i campionać provinziai de Yoseikan Budo individuai y a scuadres, tles categories U12 y U15. Passa 200 atleć à tut pert ales competiziuns. Por Giordan Nagler y David Clara êl la pröma gara provinziala Yoseikan Budo - L’A.S.A. Bushido Badia s’à presentè ala kermesse cun na rapresentanza

tla categoria U12, metüda adöm da Giordan Nagler y David Clara. I dui pici atleć à inće tut pert ala

Tratan i combatimënć konbo cuntra konbo.

comp e ti z iun indiv iduala , respetivamënter le pröm tla categoria - 40 kg y le secundo te

Giordan Nagler y David Clara: dla ASA Bushido Badia.

chëra - 33 kg. Les disciplines por chësta categoria, sides por la competiziun a scuadres che por les gares individuales, é stades chëres de konbo cuntra konbo, che é le combatimënt a punć cun les ermes - simulades da de pici bastuns de plastica curis de gume, spo kumiuchi, le combatimënt corp a corp cun proieziuns y scombatüda a tera, y kata, la forma tecnica. Por la pröma ota impegnà te na gara provinziala, y inće sce degun di dui é stè bun da jì inant, à Jordan y David impò fat de beles proes y s’à alzè fora por la cualité dla tecnica y por le gran impëgn. I dui atleć po zënzater ester contënć de so resultat agonistich, sce an valutëia le ”salt” de categoria che i dui pici samurai à messü fà:

l’ann passè fajôi intrami pert dla categoria U9, y ai à te chësta sajun agonistica porchël messü se confrontè cun atleć plü “esperć”. La sodesfaziun por avëi fat na buna gara é impò stada grana, sides da pert di concorënć co inće da pert dl staff tecnich dla Bushido Badia Yoseikan Budo. Le responsabl te cnich, l’insegnant federal Massimo Romano, à mostrè süa sodesfaziun por la proa y l’impëgn desmostrè dai dui pici atleć. Al ti ćiara al dagnì cun na gran crëta y é sigü che i resultać ne se lasciarà nia aspetè. Por śëgn po nüsc pici protagonisć se sintì sodesfać deplëgn por l’esperiënza che ai à podü madorì. A s’odëi ala proscima! (massimo romano, traduziun: karin pizzinini)) www.lauscdiladins.com

31


Sport

nr. 09 / 02 de merz 2012

Stödafüch nia mâ asvelć söi intervënć

Badiasport a Lesachtal

A Rina él gnü tigní la gara dla liösa di stödafüch dl raiun de Puster Dessot

Tla gara de schialpinism foran Osttirol él garatè dui podiums por Badiasport. Arjënt de Lois Craffonara y brom de David Frena

Le podium dla categoria di seniors, cun Lois Craffonara (bel a man ciampa) al secundo post.

Premiaziun dles mius scuadres. Chi da Rina é rovà secundi sön la pista de ćiasa.

Rina - Vign’ann él n grup de stödafüch che se surantol da organisé la gara de raiun. Deache i stödafüch da Terenten â desdit, à chi da Rina surantut l’organisaziun dla competziun. La pista da Manestrei é gnüda arjignada ca ala perfeziun. Indöt 98 stödafüch de 14 paisc s’à presentè ala partënza. Da Mantëna Todëscia él gnü bëgn 24 omi di stödafüch. La gara é stada combatüda fina ala fin, i omi ê partis sö te deplü categories, aladô dl’eté. Tla categoria di ”pioniers” él stè Robert Tavella da La Val che à davagné. Secundo é rové Peterle Sottsas da Rina. Le plü asvelt de düć é stè l’atlet de ćiasa Othmar Gasser cun le tëmp de 2.07,33. Plü dlaorela s’à lascè la gran liösa da fëgn rovenüda da trëi stödafüch d’Al Plan. Inće ëi é gnüs premià cun n bel pest. Al é usanza pro chëstes gares da premié inće les mius scuadres (al vëgn cumpedè adöm i 3 mius tëmps). Chilò él rové al pröm post i stödafüch da San Stefo, secundi chi da Rina y terzi chi da Mantëna Todëscia. Do la competiziun é düć ćiamò stà adöm al ”Bar dl Sport” a marëna, a s’la cuntè y a cartè. I

stödafüch da Rina oress tó l ocajiun da ringrazié i sponsors dla manifestaziuns y n gran dilan ti va inće a düć chi che à daidé por le bun garatè dla manifestaziun sportiva. (Stödafüs da Rina)

San Stefo, 2.13,47; 2) Alois Steiner, Mühlwald, 2.17,22; 3) Manuel Steiner, Uttenheim, 2.18,72; 4) Norbert Gasser, Rina, 2.19,30; 5) Rudolf Oberparleiter, Mantëna Todëscia, 2.22,65.

Tlassifiches (pröms cinch)

Categoria D: 1) Gerd Gräber, San Stefo, 2.11,14; 2) Manuel Mairegger, San Stefo, 2.12,69; 3) Werner Mair, Rina, 2.13,06; 4) Alex Craffonara, Rina, 2.13,25; 5) Stefan Plankensteiner, Uttenheim, 2.14,80.

Pioniers: 1) Robert Tavella, La Val, 2.14,64; 2) Peter Sottsas, Rina, 2.25,27; 3) Bernhard Leitner, Pfunders, 2.36,04; 4) Paul Pedevilla, La Pli, 2.39,25. Categoria A: 1) Franz Leitner, Pfunders, 2.15,64; 2) Josef Krautgartner, Kiens, 2.15,82; 3) Josef Unterhofer, Mühlwald, 2.17,61; 4) Josef Ausserdorfer, San Stefo, 2.18,64; 5) Josef Santi, Mantëna Todëscia, 2.20,44. Categoria B: 1) Othmar Gasser, Rina, 2.07,33; 2) Robert Dorfmann, San Stefo, 2.09,03; 3) Elmar Steger, Mantëna Todëscia, 2.09,45; 4) Albert Ausserdorfer, San Stefo, 2.11,15; 5) Paul Messner, Mantëna Todëscia, 2.12,35. Categoria C: 1) Kurt Kammerer,

Othmar Gasser da Rina vëgn premié: al é stè le plü asvelt dl dé.

32

www.lauscdiladins.com

Schialpinism - En domënia ai 19 de forà él gnü organisé na gara de schialpinism a Lesachtal te Osttirol. I atleć de Badiasport é gnüs zoruch cun dui plazamënć sön podium. Por via dla püćia nëi é le percurs gnü mudè, mo impò él stè na gara dër impegnativa, che à metü da assuié düć i atleć. Tla categoria di cadeć é David Frena ruvé al 3. post, do l’atlet dla scuadra nazionala dl’Austria Clemens

Steinberger y l’atlet dla Slovenia Uhr Karnicar. Tla categoria di seniors él indô n iade stè Lois Craffonara che à desmostrè süa bona forma. Al à stlüt jö la gara al 2. post, do Roberto De Simone y dan da n ater atlet de Südtirol, Paul Innerhofer. Inće i atri atleć de Badiasport s’à defenü bun cun Jan Paul Adang y René Irsara, respetivamënter al 28. y 29. post. (badiasport)

Gares a Baselga y Claut Les pices y gran atletes dl Ice Club Alta Badia à tut pert al Memorial Laila y ala cuarta Proa Triveneta de jadiné

Tlassifica dles scuadres 1) San Stefo cun Robert Dorfmann, Gerd Gräber, Albert Ausserdorfer, 6.31,32 2) Rina cun Othmar Gasser, Werner Mair, Alex Craffonara, 6.33,64 3) Mantëna Todëscia cun Elmar Steger, Paul Messner, Michael Falkensteiner, 6.36,86 4) Mühlwald cun Thomas Reichegger, Alois Steiner, Josef Unterhofer, 6.49,91 5) Uttenheim cun Stefan Plankensteiner, Manuel Steiner, Alois Eppacher, 6.55,07

Chi dla liösa da fëgn di Stödafüs d’Al Plan: Walter Plazza, Stefan Ties y Marco Call.

Jadinadëses dl Ice Club Alta Badia: bel dancà dmc él Denise Irsara y Lucia Pizzinini, tla secunda ligna dmc él Elena Giuliano, Susan Seppi, Giulia Longhi, Viktoria Frenademez y Jasmin Zoeschg. Bel iadedô l’alenadù Matteo Ottaviani.

Jadiné - Prësc vigni fin dl’edema él öna o l’atra atleta dl Ice Club Alta Badia che tol pert a na gara. Insciö éra inće stada tla findledema di 11 y 12 de forà. Les plü piceres atletes à garejé a Baselga de Piné tl Trentin, tolon pert al Trofeo Memorial Laila. Tla categoria ”Primule” à garejé Lucia Pizzinini y Viktoria Frenademez - intrames da La Ila, che à arjunt respetivamënter le 4. y le 9. post. Tla categoria dles mitans n pü’ plü granes à garejé Denise Irsara, inće ëra da La Ila, che à arjunt le 9. post. Tla findledema dan carnescè él stè a Claut tl Friûl la 4. Proa Triveneta. A chësta gara à tut pert

atletes bele n pü’ maius, mitans de cuarta y cuinta elementara. Tla categoria ”Esordiëntes B” ê l’Ice Club rapresentè da Diana Pizzinini, che s’à cun n bun 14. post cualifiché por la finala nazionala y é rovada secunda danter les atletes de Südtirol. Tla medema categoria à inće garejé Katia Bernardi y Ulla Ebblin, che s’à plazè respetivamënter al 20. y 21. post. Tla categoria ”Prinzipiantes A” à garejé Anna Costa da Corvara, che à stlüt jö süa gara cun n bun 11. plazamënt. I ti aodun ales atletes che ares röies bun la sajun de gares y che ares ais ćiamò tröpes sodesfaziuns. (valentina)


Sport

nr. 09 / 02 de merz 2012

Luster ai Bogn da Nia con Jellici, Zulian e Lastei I trei atlec fascegn à concostà resultac de gran valuta te la garejèdes de schi alpinism del zircuit “Dolomites sot la steiles” Schi alpinism - Va inant delvers l zircuit de schi alpinism “Dolomites sot la steiles”, con n rich calandèr de garejèdes stroz per l Trivenet, che se serarà sù a la fin de oril. Anter duc i evenc gran emportanza à la Prowinter Cup, che ge darà l met ai atlec de esser premié endèna la fiera “Prowinter” jun Busan dai 18 ai 20 de oril. Ennio Dantone, president di Bogn da Nia e del zircuit “Dolomites sot la steiles”, l’à palesà gran sodesfazion per si atlec che à arjont resultac de gran valuta. Anter i omegn, a pèrt l nonzech del fascian Ivo Zulian, prum te la classifica de la Prowinter Cup, ciuta sù l’inom del joen da Vich Giovanni Lastei che con si 18 egn l’é na emprometuda per l davegnir de la sociazion e del schi alpinism te noscia val. Se rejona béleche semper di omegn, ampò ence dal mond de eles rua de bela sodesfazions: l’atleta Carla Jellici ti ùltimes tempes à dassen dat na proa positiva, dominan bon de spes la garejèdes a cheles che l’à tout pèrt. L’atleta da Moena, clas 1969, maestra de paslonch, con so carater ùmol ma determinà, la é dò che la

porta inant na sajon enlumenèda da suzesc emportanc, da ùltim la venta del senester zircuit Cater Valèdes e de la Prowinter Cup 2012. Ma vedon mìngol tel detai coche l’é jit la ùltima garejèdes.

Ùltima proa del zircuit Cater Valèdes La se à serà con na bela endesfida anter Ivo Zulian di Bogn da Nia e Thomas Trettel de l’As Cauriol l’edizion 2012 del zircuit Cater Valèdes, ai 15 de jené, che à vedù partezipèr béleche 200 atlec. A Sèn Martin de Castrozza Zulian l’é stat l mior e l’à vent la quarta e ùltima proa, ampò chest suzess no l’é stat assà per passèr via Trettel te la classifica generèla. Da registrèr ence l bon terzo post per Marco Facchinelli, auter atlet di Bogn da Nia. Per chel che vèrda la eles, Carla Jellici à dominà la garejèda seran sù con passa 1 menut de vantac su la seconda, Emma Menapace del Brenta Team. Terza posizion per Federica Osler. La premiazion de dut l zircuit Cater Valèdes à vedù ruèr sul podie

Thomas Trettel dedant da Ivo Zulian e Marco Facchinelli. Anter eles sciaier più aut donca per Carla Jellici, con tedò Roberta Secco e Federica Osler.

V^ edizion schialpinistica Serai de Soteguda Passa 200 concorenc al via te la V edizion de la schi alpinistica ai Serai de Soteguda, ai 10 de firé, te n scenar da marevea, con la caschèdes de giacia enlumenèdes che à fat da cornisc. La venta é stata de Dario Steinecher di Bogn da Nia, che à destacà demò de 15” l compagn de squadra Guido Pinamonti. Podie ence per Federico Corradini de la Us Cornacci. Per la eles endò venta de Carla Jellici, 2° post per Roberta Secco e 3° per Federica Endrizzi del ST Val de Non. Da uzèr fora l joen Giovanni Lastei, clas 1994, che se à logà al prum post te sia categorìa.

VI^ edizion Moonlight up Hill sul Bondon Ai 17 de firé 300 schialpinisć à

L’é stat na sajon de suzesc per Carla Jellici e l joen Giovanni Lastei, di Bogn da Nia.

tout pèrt a la 6^ edizion de la Moonlight up hill – 3° trofeo Michele Fait, garejèda sul Bondon endrezèda da la sociazion Arcobaleno e ùltima proa de la Prowinter Cup. 800 metres de dislivel che mena da Vaneze fin al Palon, enlongia n percors che se dejouc en pèrt sul portoi e en pèrt fora. Mior de ic l’é stat Daniele Cappelletti de l’Adamello Ski Team,

che ampò l’à sostegnù n combatiment zach con Marco Facchinelli di Bogn da Nia, ruà a la fin secont. Anter eles amò na prestazion ezelenta de Carla Jellici, pruma dedant a Federica Osler e Roberta Secco. Per autra informazions, classifiches e retrac, se pel jir sul sit www.dolomitisottolestelle.it. (cri.m)

Pellice, olache l pèrt per 4 a 1 con l soul gol per i fascegn da Snetsinger. L Val de Fascia Ferrarini l’à proà più outes a recuperèr ma no l’é stat nia da fèr. Con chisc 3 ponc l Valpellice l vadagna l post segur ti play off e enveze l Fascia l cogn amò spetèr apontin l’endesfida contra l Renon. Dò chesta partides l Fascia l’é al 3° post de la classifica de la relegation round con 39 ponc, anter Valpellice e Asiago. (vr)

Zanoner, Alfeo Deluca e Giuliano Talmon. Tel campionat trentin l’Under 12 l’à jià te la semifinales en sabeda ai 25 a Feltre contra l’HC Feltre e l’à però perdù per 16 a 1, col soul gol de Gioele Rosa. L’Under 14 à jià l recupero de la 19^ giornèda, en domenia ai 26 tel stadie de cèsa contra l’HC Val Rendena e l’à vent per 7 a 1. I goi fascegn é stac metui a segn da: Nicola Barbolini (2), Marco Defrancesco, André Vigl (2), Davide Schiavone e Leonardo Felicetti. L’Under 16 à jià l recupero de la 20^ giornèda en mèrtesc ai 21 de firé te stadie Gianmario Scola contra l’HC Alleghe e l’à vent per 6 a 4 coi goi fascegn de Lorenzo Paolinetti, Massimo Zanet, Matteo Dantone (3) e Nicholas Zulian. Chesta medema Under dapò l’à jià la 22^ giornèda, semper te cèsa, enstouta contra l’HC Pieve di Cadore. L Fascia à vent per 9 a 3 con 2 goi per om de Matteo Dantone, Lorenzo Paolinetti e Nik Trottner e dapò con 1 gol per om de Luca Lauton, Nicholas Zulian e Massimo Zanet. Con chesta bela venta contra l’HC Pieve di Cadore se sera sù l Campionat Under 16 con n 4° post en classifica per l Fascia, te la divijion B. En sabeda ai 3 de mèrz tacarà la 2^ fasa del Campionat coi play off olache, dutes 16 la squadres (8 de la divijion A e 8 de la divijion B) jiarà al miec di trei encontres per poder aer azess a la fasa che vegnarà amò dò. L’Under 20 l’aessa cognù jièr en domenia ai 26 de firé contra l Real Torino che però no à podù jièr. Coscita se sera sù la 1° fasa del Campionat Nazionèl Under 20 e en sabeda ai 3 tacarà i play off.

Gran emozions per l Fascia Per l Val de Fascia Ferrarini l’é ruà l moment de se ciarièr amò de più per la partides di play off

Serie A – relegation round: 7^ Fascia - Alleghe 3a2 8^ Vipiteno – Fascia 4 a 3 (rig.) 9^ Valpellice –Fascia 4a1 Classifica dò la 5^ del master round: Val Pusteria 45 ponc Busan 44 ponc Pontebba 35 ponc Cortina 34 ponc La squadra de la serie A, Val de Fascia Ferrarini.

Hockey - Ajache chest numer de nosc sfoi, che l va en stampa de mercol, l vegn fora canche se à jà serà sù l relegation round, no podon scriver la classifica finèla de chesta fasa del campionat. Ampò chel che sozedarà ades l’é che vegnarà metù ensema duta la squadres de la serie A e n’outa fat na classifica soula vegnarà fat fora l calandèr de la partides di play off. La fasa del relegation round é stata dassen rica de emozions e de lurier per duta la squadres. L Val de Fascia Ferrarini se à batù, te la 7° partida, contra l’Alleghe enstouta tel stadie Gianmario Scola de Dèlba olache l’é stat jià dassen na bela partida, che à vedù venjer i patrons de cèsa. L resultat finèl, de 3 a 2 per

l Fascia, l’é vegnù dò che la squadra de cèsa à sapù trèr fora l miec demò te l’ùltim temp de la partida. Defat enscin a la fin del secondo drittel, la squadra de Frycer é se n jita te deregoladoi avelida e enirèda per l resultat de 2 a 0 per l’Alleghe. Ma proprio dò aer vedù neigher, i jiadores fascegn é stac bogn de mudèr la robes tiran ite, un dò l’auter, trei bie goi, de Schnabel, Oberdorfer e Margoni, che i à portà a la venta definitiva. L Fascia ampò no l’é stat bon de fèr valif contra l Sterzing, en sabeda ai 25 de firé, canche la ègues biences e brunes à bele cognù se n vegnir en cà dal Sudtirol col mus lonch e con n 3 a 4 che pesèa belebon. Enceben che l Val de Fascia

Ferrarini abie tacà delvers, con n bel gol de Iori, l Vipiteno é stat bon de se trèr sù con na rei de Hackhofer e, a mez del secondo temp, con n’autra rei de Gander, fata te na situazion de jiadores de più su la giacia. Pech dò rua l gol de Chelodi a tirèr sù i ghesć che ampò, te n’autra situazion de 4 contra 5, i ciapa n’autra rei dal Sterzing. La partida ampò no la fenesc chiò e pec menuc dò l’é l’atach de Schnabel che segna l 3 a 3, che l resta ence per duc i tempes suplementères. L’é donca i rigores che segna la parola fin a la partida e l Val de Fascia l cogn bele se n vegnir en cà con l braus te bocia e ge lascèr la venta al Sterzing. En mèrtesc ai 28 de firé per l Fascia viac lonch enscin a Torre

Classifica dò la 9^ del relegation round: Alleghe 45 ponc Valpellice 39 ponc Val de Fascia 38 ponc Asiago 36 ponc Renon 35 ponc Vipiteno 27 ponc

Resultac squadres mendres I pìcoi de l’Under 10 en domenia ai 26 de firé i à jià su la giaces de Dèlba per na partida a ciamp entriech contra l’HC Nuovo Fiemme. L’Under 12 tel campionat venet l’à jià te la semifinales en vender ai 24 de firé a Miola de Piné contra l’HC Piné e l’à vent per 6 a 2 con goi de: Stephan Deluca (3), Nicholas

www.lauscdiladins.com

33


Info y Manifestazions

nr. 09 / 02 de merz 2012

Cortina, brom tl master round Con la venta contra l Pontebba se à la scuadra de hockey ampezana garantì l terzo post tl master round nia chilò: te situazion de powerplay é les uelps che se porta inant con n gol de Andrea Ambrosi. Chest gol, chel dl 3 a 4 i basta a la scuadra de Insam per ruvé a la fin y per se porté a ciasa i trei ponc.

Cun la peves o nce zënza, duc che sauta a var plën Su per l purtoi dla Plose y su per la Streif a Kitzbühel iel unì garejà chëst’ena passeda. Oradechël iel mo stat a Sinich la segonda garejeda de sauté d’inviern dla ”Corrinverno”

Na venta che garantesc l brom

Nia una na trata da pert dla scuadra friulana ne à l portier JP Levasseur lascé ite.

Hockey - Cuarto di de master round, Cortina contra Bulsan. I ampezans é cherdés a na reazion dapò la desfata subida al Palaonda. Tl meteman é la partida scialdi ecuilibreda, i ritms é auc con i ghesć che se afideia dantaldut a sia pruma ligna d’atach y con i patrons de ciasa che se arjigna a respogne a vigni colp. Al 13.18 menut vegn l resultat sbloché: a passé en vantaje é i atlec de Stefan Mair, che va en gol per merit dla steca de Ryan Menei. L numer 10 dles schirates é te na bona condizion y radopleia, te situazion de powerplay, a un n menut dant l son dla pruma sirena. La reazion dla scuadra südtrioleisa se fej aspeté, ence ajache ai mess

fé i conc, tl meteman dla seconda frazion de juech, con na seria de situazions de inferiorité che ne i lascia nia ester tant ofensifs. Ma apeina che l Bulsan se ciapa con n om emplù te ciamp, met ite MacGregor Sharp l gol che porta sia scuadra a manco un dal Cortina. Dapò 10 menuc é spo si compagn de scuadra, Derek Edwardson che porta l resultat dla partida en parité. Al menut 38.49 se desfrida l Olimpico daldut: Sharp rebalteia completamenter la partida y porta en vantaje la scuadra südtiroleisa. La seconda pausa i fej bon ai patrons de ciasa, con Rob Hennigar che é bon da reporté l resultat en parité. Ma les emozions ne se ruva

Partida delicata chela anter Pontebba y Cortina che se juga l terzo post tl master round, dant che al metes man i playoff ai 3 de merz. La pruma frazion de juech é scialdi ecuilibreda, con n Pontebba n puech plu agressif, ma l portier JP Levasseur ne lascia ite nia. Contra la fin dla pruma frazion él endere i ampezans che i va plu dlongia al gol, con Öberg y Felicetti, ma l prum temp se ruva zenza che deguna dles does portes végnes sbrocheda. Tl drittel zentral él, dapò 76 seconc, l Cortina che da gas, dampruma con Dingle dal slot, y spo tratant la situazion de superiorité te ciamp, con Fraser che pò radoplé. Johansson segneia spo l gol dl 3 a 0. N valgunes azions plu ofensives tla fineda ne ti basta nia a la scuadra friulana per bate n portier tres dret conzentré. L Cortina juga con na gran atenzion te difesa y ti é da scluje i conc con l 4 a 0 firmé da Fraser al 58.08. Con chisc trei ponc pò l Cortina se garantì matematicamenter l terzo post tl master round. (Comunicat stampa dla LIHG/katia)

Trëi bedaies d’or per nosc atlec Pra la garejeda n cësa, te Val, per i campiunac provinziei de biathlon à i atlec dl Schi Club Gherdëina arjont de biei resultac Biathlon - N l’ultima dumënia ai 26 de fauré à l Schi Club Gherdëina Saslong metù a jì na garejeda de biathlon cun i stlops a aria, che valova per i campiunac provinziei. De gra al aiut dla Lia per l Turism de Sëlva, di maestri de pudejé, dl zënter di Carabinieri de Val y di genitores di mutons, iesen stai boni de mëter a jì na

garejeda a puntin mé desturbeda unitant dal vënt che fajova falé vel’ colp a n atlet o l auter. Te garejedes drët cumbatudes se à nosc atlec astilà drët bën, dantaldut i plu jëuni. Ylvie Perathoner cun un n fal a stlupeté y Elia Demetz che à tucà dut, à venciù tla categuria plu jëuna di ”baby”. Segonda ie ruveda Verena

Mumënc dla garejeda de biathlon di atlec plu jëuni te Val.

34

www.lauscdiladins.com

Dejori pra la sculées (ragazze) y pra la alieves à venciù Irene Lardschneider. Do la garejeda à mo duc chëi che à fat pea pudù pië do n blòt pest pra la premiazion che ie unida fata dlongia la utia Ciampac, ulache n à nce metù a jì na ola dla fertuna cun pesć dac ca dai sponsores dl schi club. (ts)

Urban Zemmer su per la Streif.

Peves/Sauté - Setima edizion dla garejeda cun la peves ”Plose Uphill 2012”, n vënderdi ai 24 de fauré. Piei via iesen da mesa la ot da sëira japé dl purtoi Trametsch per ruvé do za. 9 km tl travert sa la Plosehütte a 2.447 metri, l deslivel fova de ntëur 1.400 metri. Fat pea àl chëst ann bën 11 ëiles y 97 ëi. Pra i ëi udons al prim post Oswald Weisshorn, ël ie stat l sëul che ie resta sot a un’ëura y plu avisa àl abù 58 menuc y 17 secunc. Segondo ie ruvà Hannes Oberfrank cun n tëmp de 1:00:33 y terzo Lukas Arquin cun 1:01:10. Tosc do ruva bele l prim atlet de Gherdëina, Daniel Ploner di Gherdëina Runners ie cun n tëmp de 1:01:33 ruvà 5. sibe te si categuria che te chëla generela. Dla lia Peves Gherdëina udons al 8. post, sibe te si categuria che te chëla generela, Günther Nocker de Plan cun n tëmp de 1:03:10. Herbert Stuffer ruva 14. tla categuria generela y 10. te chëla di nasciui dal 67 al 81 cun 1:05:03; Christian Insam udons al 12. post tla medema categuria y al 17. te chëla generela cun 1:05:34, Günther Nocker de La Poza ie ala fin 16. tla medema categuria y 28. te chëla generela 1:07:13, for tla medema categuria ie Ivo Delago ruvà 31. y 53. te chëla generela cun 1:13:53 y Christian Peterlunger ruva 39. te chëla categuria y ie 70. tla tlassifica generela cun 1:18:55. Tla categuria di nasciui dal 1966 y plu vedli ie Mario Hofer stat l miëur coche 11. y 37. tla categuria generela cun 1:09:46, 12. Luciano Soppelsa y 40. che chëla generela 1:10:15, Andreas Demetz ie 14. y 46. te chëla generela cun 1:12:22 y Konrad Weirather ie 29. y 89. tla categuria generela cun 1:30:12. Pra l’ëiles àl venciù Valentina Danese cun n tëmp de 1:15:06. Dal segondo al cuarto post ie inò dutes de Peves Gherdëina: 2. Birgit Klammer 1:19:44, 3. Esther Demetz 1:20:03 y 4. Giulia Tagliapietra 1:20:12. Cumplimënc a duc canc

per chësta prestazion.

Sauté a Maran N sada ai 25 de fauré iel stat na garejeda de sauté a Sinich dlongia Maran y plu avisa se tràtel dla segonda cumpetizion dla ”Corrinverno”. Da sauté fòvel 10 km ntëur al luech de Sinich. Venciù à Peter Lanziner cun n tëmp de 31 menuc y 49 secunc, segondo ie ruvà Hannes Rungger, che à venciù la prima tapa, cun 31:50 y terzo Georg Brunner cun 32:42. Nosc atleta Georg Demetz di Gherdëina Runners Cassa Raiffeisen de Ciastel se à tlassificà al 14. post y al 4. tla categuria MM2 cun n tëmp de 35:53. Cumpedan adum la doi tapes ie Georg al 7. post tla categuria generela y al 2. te si categuria. Cumplimënc a Georg! La terza garejeda de chësta fin dl’ena ie stata n sada ai 25 de fauré. La Streif Vertical Up a Kitzbühel ie na garejeda drët particulera sun l purtoi cunesciù de copa dl mond, ma chëst iede fòvel da jì suvier. Piei via iesen ulache l ie l travert dla “Streif ”, a 805 metri, per ruvé su nchin al start a 1.665 metri cun na lunghëza de 3.312 metri. Pra chësta garejeda ne n’iel deguna regules, n possa pië via cun la peves, la ciaspes o nce a pe. Nce l percurs ne n’ie nia dat dant, uniun possa jì su ulache l uel, ma muessa ala fin ruvé tl travert suinsom dla Streif. Venciù chësta edizion, coche nce chëla dal ann passà, à Urban Zemmer cun n tëmp de 34 menuc y 41 secunc, segondo ie ruvà Matjaz Mikosa 36:48 y terzo Markus Kröll 36:55. Nce Markus Prinoth de Peves Gherdëina à fat pea y se à tlassificà al 33. post cun n tëmp de 44:32. De ndut àl fat pea 122 ëi. Sibe Urban che Markus ie piei via cun i ciauzei da broces. Pra l’ëiles ie Astrid Demetz de S. Cristina ruveda terza cun n tëmp de 50.33. (mp)


Spezial

nr. 09 / 02 de merz 2012

Tennis de livel aut cun de gran emuzions Ntan l’ena de carnescià, dai 17 ai 25 de fauré, iel unì jugà sun i ciamps curii dl zënter dal tennis de Urtijëi per la cuarta edizion dl turnoi de tennis Open + 3/4/ NC. Chësc turnoi, cun na mont de pesć de de ndut 3.800 euro, fej pert dl zircuit naziunel dla FIT y dl zircuit dla Cassa Raiffeisen y ie daviert a duta la categuries

Verena Hofer à arjont la semifinela tla categuria Open. L maester Gianluca Gatto lëura da n pez incà a Urtijëi. Patric Prinoth ie ruvà nchin te finela de terza categuria y à oradechël purtà a cësa truep ponc mpurtanc per si tlassifica. L campion talian de segonda categuria Patrick Prader à permò perdù te finela contra Agazzi. (Fotografies de Alex Runggaldier)

Tennis - Chëst ann ie la lista dla iscrizions stata la plu longia de chisc ultimi ani, 139 n fòvel de ndut che fajova pea. Pra i ëi se àl scrit ite 95 jugadëures, de chisc pudòven cumpedé la belëza de 22 dla segonda categuria. Pra l’ëiles n fòvel 44 de scrites ite y tlo pudòven cunstaté bën 9 jugadëures de segonda categuria. Chësta zifres desmostra l livel aut che nosc turnoi à inò arjont chëst ann. L n ie unit adalerch da duta la pertes dla Talia y danter duc chisc fòvel nce na bela cumpëida (31 de ndut) de atlec de Gherdëina che à fat pea.

Turnoi OPEN L turnoi fova partì su te trëi sezions. Tla prima sezion cun catordesc partezipanc unìvel fat la partides dla cuarta categuria. I cater miëures se cualificova (danter chisc nce Holger Bamhackl dl TC S. Cristina/Sëlva) per l tabelon a mez

ite. Inant jìvela pona cun la segonda sezion cun i cater jugadëures cualifichei de cuarta categuria deberieda cun i dejenuef partezipanc de terza categuria. Da auzé ora iel tlo la bela prestazion da pert de Patric Prinoth (3.1) dl TC S. Cristina/Sëlva, che cun chësc bel resultat se à pona nce cualificà deberieda cun trëi d’autri jugadëures per l tabelon finel de segonda categuria. Danter i vintedoi atlec te segonda categuria fòvel nce doi inuemes cunesciui te Gherdëina y plu avisa l maester de tennis che lëura nia da giut incà a Urtijëi, Gianluca Gatto (2.4 y testa di serie numer 6 dl turnoi) y Patrick Prader (2.2) che ie da n valgun ani incà deberieda cun Stefano Bassetto respunsabl di agonisć dla Scola de Tennis de Gherdëina. Prader, testa di serie numer 2 dl turnoi, messova se bater tla semifinela propi cun Gatto. Do na partida scialdi cumbatuda y venciuda da Patrick per 7 a 6 (6) y 6 a 4, pudova ël se

ncunferté de pudëi jughé la gran finela contra l favorit dl tabelon Andrea Agazzi (2.1) dl TC Cadelmare (Venezia). Agazzi, che ova bele fat pea pra i doi ATPChallengers Val Gardena/Südtirol jughei te nosta valeda tl 2010 y 2011, fova bele stat bon de se fé valëi tl Open dl ann passà y nce chëst ann ne fòvel nia da bater. Cun l resultat de 7 a 5 y 6 a 2 à Agazzi pudù pië do l prim pest per l titul Open de Gherdëina da chëst ann! Pra l’ëiles fova l Open partì su te doi sezions. Tla prima sezion ulache l ne fova deguna de Gherdëina scrita ite, se àl cualificà per l tabelon finel doi jëunes de nosta provinzia, Simone Kraner (3.1) dl TC Rungg y Katja Lochmann (4.1) dl TC Lana deberieda cun Eleonora Maserati (3.1) dl TC Borgo Trevia (Piacenza). Te chësc tabelon finel fòvel pona dodesc ëiles che ulova se purté a cësa l titul, danter chëstes nce doves dl TC Urtijëi, Diana Moroder (2.7) y

Verena Hofer (2.4) che fova metuda sciche testa di serie numer 1 y nscila nce la favorita dl turnoi, ma jon damprovia. Diana messova te si prima partida jughé contra Beatrice Torelli dl TC Sporting Club Sassuolo (Modena) perdan te doi set per 6 a 3 y 6 a 4. Tla semifinela abinova la Torelli la segonda jugadëura de Gherdëina sun si streda. Verena Hofer, do avëi venciù si prima partida contra Marianna Petrei (2.8) per 6 a 1 y 6 a 0, savova bele dan scumencé che contra la Torelli ëssela pudù vester scialdi dura y nscila iela nce stata. Purtruep à Verena messù ti la zeder do na partida scialdi cumbatuda! 1:6, 6:4 y 4:6 fova l resultat finel. Tla gran finela fova pona la Torelli plu stancia de Chiara Icardi (2.5) dl Park Tennis Genova, che ie stata bona de vëncer per 6 a 3 y 6 a 3!

Turnoi 3/4/NC Chësc turnoi fova partì su te doi sezions. Tla prima sezion, cun dut jugadëures de cuarta categuria ie Alex Runggaldier (4.1) stat bon de vëncer la finela contra l jëunn Michael Kerschbaumer dl TC Persenon, ma che se alenea bele da n pez tla scola de tennis de Gherdëina cun l resultat de 5 a 7, 7 a 6 y 6 a 0. Alex se à nscila nce cualificà per l tabelon finel de terza categuria! Tl tabelon finel fòvel, cun Alex Runggaldier (4.1), Erwin Tröbinger (3.4), David Kostner (3.3), Patric Prinoth (3.1 y testa di serie numer 3) – duc cater dl TC S. Cristina/ Sëlva – y Jonas Ciechi (3.5) dl TC Urtijëi, bën cin jugadëures de Gherdëina. David ie stat bon de arjonjer i cherc de finela, ulache l à perdù contra David Complojer

dl TC St. Georgen per 6 a 7(3), 6 a 2 y 6 a 3. Miec ti iela jita a Patric Prinoth, che do na bela vënta tla semifinela for contra David Complojer per 7 a 6(4) y 7 a 5 ie stat bon de se bater per l titul contra Luca Cerin (3.1 y testa di serie numer 1) dl TC Bassano, che ala fin se a desmustrà plu frësch n chël di vencian contra Patric 6 a 2 y 6 a 3. Pra l’ëiles iel da auzé ora tla prima sezion i bon resultac de Alessia Ceppatelli (4.2) dl TC Urtijëi, che ie stata bona de se cualifiché per l tabelon finel y che tla finela de chësta sezion à messù ti la zeder a Teresa Schwienbacher dl TC Maran per 5 a 7 y 1 a 6. Per l titul tl tabelon finel se à ala fin dl’ena cualificà la jëuna Katja Lochmann dl TC Lana, che à fat n gran bel turnoi pian via dala prima sezion pervia che si tlassifica naziunela ie 4.1 y Jeannine Hopfgartner (3.2) dl TC St. Georgen y testa di serie numer 2 dl turnoi che ie stata bona de vëncer te doi set per 6 a 1 y 6 a 4. L ie stat n’ena da stramp rica de emuzions per l livel aut de juech y per la partides spetaculeres. Na gran lauda ti va a nosc agonisć che se à batù scialdi bën. Chësc ie sambën l resultat dl bon lëur che vën fat da pert dla Scola de Tennis de Gherdëina cun i trainadëures Stefano Bassetto y Patrick Prader cun dut si team. Se cumplimenton nce cun Raffaele Sibilio, l arbitradëur sëurastant y cun dut l team dl TC Urtijëi per la bona urganisazion y n Die Ve l paie a duc chëi che à judà ntëurite. Per l Tennis Club Urtijëi, Wolfgang Wanker

L scumëncia i playoff nce per i jëuni La Under 20 de Gherdëina che fej deberieda cun l Sterzing fina via la sajon regulera al terzo post. Duman sada la prima de playoff te Sëlva Hockey - Per i majeri di jëuni scumëncia śën i play off, ulache la se traterà de vëncer doi partides sun trëi per ruvé inant. L Sterzing/ Gherdëina arà duman sada la prima partida de playoff n cësa tl stadio Pranives de Sëlva, dala 17.00, contra l Neumarkt, scuadra che n se tëm dantaldut ajache la ie śën renfurzeda da jugadëures dla scuadra de Kaltern, che ie tumeda ora tl campiunat de A2. Nvion duc a unì a fé tifo per la Under 20. La Under 10 à n juebia ai 23 de fauré jugà a Burnech contra la scuadra dl Puster. La scuadra dl Gherdëina à jugà na bona partida y nce sce i fova tl prim 2:0 dovia iesi stai boni de ti fé doi goi ai averseres purtan a cësa un n pont. Nsci ie la partida fineda via a pèr per 2:2 cun i tëmps jic ora 2:1, 0:1, 0:0. La Under 12 à n sada ai 25 de fauré jugà n cësa contra l Renon. I mutons à scumencià drët bën y

fova 1:0 danora do l prim tëmp. Purtruep à l arbitradëur pona sciblà n valgun penalties y nce sce l verdiaporta ie stat bon de n pië doi à l Renon abù la sëuravënta y à venciù per 4:2 cun i tëmps jic ora 0:1, 2:1, 2:0. La Under 14 à venciù n mierculdi de capion a Auer contra la scuadra da iló per 9:1 (1:0, 2:1,6:0). Nce sce l resultat semea drët tler se ài doi tëmps alalongia plutosc fat ert y trat via truepiscima ucajions da gol. N dumënia ie pona chisc mutons furnei a Burnech, ulache i ova da fé na partida segur de no saurida contra l Puster. A vëncer te chël stadio se ài for fat ert, ma cun na bona prestazion da pert de duc y drucan tresora dan cassa – i averseres aspitova mé sun vel’ contrapé – iesi stai boni de vëncer cun merit per 3:1 cun i tëmps jic ora 0:0, 1:0, 2:1. La Under 14 à mo da jughé doi partides dan che l scumëncia la cualificazions, ncuei vënderdi a Eppan y n dumënia te

Sëlva dala 10.00 danmesdì contra la scuadra de Leifers. Under 16: do n b on scumenciamënt tl prim tëmp, ulache la stajova 2:0 per l Gherdëina, à i mutons purtruep lascià do, minan povester bele de avëi venciù, ma coche savon vàla aslune tl hockey y la partida possa se raidé te puec menuc. Nsci iela nce stata. Tl terzo tëmp à l Alleghe trat decà mo la partida y l Gherdëina à perdù per 4:5 cun i tëmps jic ora 2:0, 2:2, 0:3. Propi da muië per coche la ie jita. La Under 16 à si ultima partida dan i playoff n merdi a Varese. La Under 18 à jugà n juebia ai 23 de fauré te Sëlva contra l Cortina (tla ultima usc fòvel scrit a d’infal contra l Alleghe). Nce sce i jugadëures dl Gherdëina à trat mo n tan’ de iedesc sun cassa che l Cortina y se à purvà dassënn, ne iesi nia stai boni de vëncer y nsci à l Cortina batù l Gherdëina per

2:3 cun i tëmps jic ora 0:1, 1:1, 1:1. N dumënia ie pona chisc mutons furnei a Alleghe y tlo ne àla propi gor de no butà. La scuadra dla Under 18 à fat la plu stleta partida te chësc campiunat y à perdù per 0:6 cun i tëmps jic ora 0:2, 0:3, 0:1, na partida propi da desmincë y da se njenië ca l miec che la va per la proscima che ie stata n mierculdi ai 29 de fauré te Sëlva contra l Kaltern. La Under 20 dl Sterzing/ Gherdëina à chëst’ena passeda abù la ultima doi partides dla regular season. N mierculdi ai 22 de fauré iesi furnei a Torino a fé si partida contra na scuadra che ne ëssa do la regula nia tucà da ti dé de gran festidesc, ma ëi jugova n cësa y i nosc fova povester mpue massa segures de la fé ca. Tosc ie nce l Sterzing/Gherdëina stat bon de fé l prima gol, ma i patrons de cësa à pona valivà ora. Dan la fin dl prim tëmp ti garàtel mo n gol ai nosc. Tl segondo tëmp druca bën

l Sterzing/Gherdëina dassënn, ma canche i torineji ti mucia ju iesi periculëusc y ie ala fin dl segondo tëmp danora n cont di goi. Tl terzo muessa l Sterzing/Gherdëina fé sciche l toca sce i uel mo salvé la partida y permò de viers dla fin dl juech iesi boni de valivé ora y un n menut dan la fin de vëncer la partida per 4:5 cun i tëmps jic ora 1:2, 3:1 y 0:2. N sada ai 25 de fauré ài jugà a Sterzing contra l Milan. I à scumencià riesc cun druch y à pona venciù saurì per 14:0 cun i resultac di tëmps 6:0, 4:0 y 4:0. La Under 20 dl Sterzing/ Gherdëina fina via la regular season al terzo post cun 35 ponc. Prim ie l Puster cun 40 ponc, 2. l Asiago cun 37 ponc, 4. l Renon cun 33 ponc, 5. Cortina cun 32 ponc, n vëija che i prims cinch ie scialdi mpralauter, damprojù ie pona 6. Neumarkt (26), 7. EV Bulsan (24), 8. Maran (24), 9. Fascia (21), 10. Torino (17), 11. Milano (13), 12. Eppan (8), 13. Pontebba (2). www.lauscdiladins.com

35


Informazions y Manifestazions Avisc Udiënzes dla Uniun di Ostis La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. Udiënza dl funzionar ICA a Badia

Le Comun de Badia lascia alsavëi che le funzionar dla dita ICA Srl (conzescionar dl sorvisc de scudida dla cuta sön la publizité tl comun de Badia) Mario Bedin, dà udiënza en mertesc ai 20 de merz dales 9.30 ales 12.00, te ćiasa de comun a Badia, por problematiches y domandes sön la cuta dla publizité. Iscriziuns ala Scora de Musiga Val Badia

Les iscriziuns por l’ann 2012/2013 gnarà fates tratan döt le mëis de merz. I formulars por les iscriziuns é da ciafè tles scores, sön internet y sambëgn inće tl ofize dla Scora de Musiga a La Ila. Por informaziuns prëibel cherdè sö le 0471/847748.

Iniziatives sportives Ciasparun

La Pro Loco de Col de Santa Lizia organiseia en sabeda ai 10 de merz la seconda edizion dla Ciasparun, gara nia competitiva con les ciaspes sun l ju de Giau, tla localité de Fedare. Informazions y iscrizions pro Crepaz Carlo al numer 3478860234. III. Memorial Othmar Costabiei - Gara dles pels I Jogn da Corvara/Calfosch inviëia ala gara en sabeda ai 3 de merz dales 20.00, dala staziun a val dl Planac ćina sö dala Ütia Punta Trieste. Cost: 16,00€ a će. Te ütia él0 spaghetada, premiaziun y musiga. Iscriziuns ćina ai 02.03 sot www.jogn-cc.it. Max 140 partezipanć. La gara pòn inće fà a pé o cun les ciaspes. Garejeda de pudejé

L Schiclub Gherdëina mët a jì deberieda cun l Centro Sportivo Carabinieri na garejeda de pudejé sun Pana, n dumënia ai 4 de merz. La garejeda scumëncia dala 9.30. La premiazion sarà dala doi domesdì tl zënter Iman.

Iadi Pelegrinaje a Erfurt tl Thüringen

Pelegrinaje organisé dal KVW dla Val Badia, dai 30 d’aurì ai 3 de mà. Le iade cun döt laprò costa 450,00€ (60,00€ implü por ćiamena da un n let). Prenotaziuns ćina che al é lerch pro Hilda Sottara al 0474/523133 o 338/9231013. Cun la prenotaziun él da paié ite le prisc te öna dles portines dla Cassa Raiffeisen. Jita cun la peves sun l Hinterbergkofel

nr. 09 / 02 de merz 2012

♦ “Mendrànze n

poejia” Setima edizion, ann 2012 Al vegn metù de jì l pest de poejies per les mendranzes reconesciudes tla Talia con la lege 482/99 (l ladin é a la pert) y laprò ence l grijon dla Svizera. Vigni partezipant tol pert menan ite enfin 3 poejies tl lingaz de mendranza, con laprò la traduzion tl talian. Ence a les scoles él vegnù pensé, con l’ezezion de tó pert con tesć en prosa. I scric leterars con l’autra documentazions scrita dant dal regolament à da vegnì menés ite dant l di 15 de jugn 2012. Informazions pòssen damané do pro l Istitut Cultural Ladin Cesa de Jan a Col de Santa Luzia (BL), tel. 0437 720609, info@ L secretariat dl Pest é tla Cesa de Jan a Col. istitutoladino.org

Chino Chino Eden Cortina

Tratant chesta fin dl’edema, ai 2, 3 y 4 de merz, vegniràl lascé vedei tl chino de Cortina d’Ampez l film da rì de Carlo Verdone “Posti in piedi in paradiso”, con C. Verdone, M. Ramazzotti, P. Favino, D. Fleri e N. Romanoff. Per infos y orars 0436/881851 o www. dolomiti.org. Al Chino de Cianacei

En sabeda ai 3 de mèrz da les 21.15 e en domenia ai 4 da les 17.30 e da les 21.00 se pel veder “Viaggio nell’isola misteriosa”. En mèrtesc ai 6 e en jebia ai 8 de mèrz da les 21.15 vegnarà moscià “Posti in piedi in paradiso” e en mercol ai 7 da les 21.00 la compagnìa Teatro del Buratto de Milan portarà dant l spetacol “Binge Drinking. Mondo liquido”. Al Chino de Pardac

I Jëuni dla Lia da Mont mët a jì n dumënia ai 18 de merz na jita te Antholz sun l Hinterbergkofel. L se trata de na jita saurida, ulache l sarà da jì 4 ëura. Iscrizions y nfurmazions plu avisa: Nëus Jëuni Gherdëina, 0471/ 799006 o sot a karin@njg.it

Insnet, vender ai 2 de mèrz da les 21.15 e ence en sabeda ai 3 e en domenia ai 4 da les 17.00 se pel veder “Viaggio nell’isola misteriosa”. En sabeda ai 3 e en domenia ai 4 da les 21.15 l’é n program enveze “Non avere paura del buio”. En jebia ai 8 e en vender ai 9 da les 21.15 sarà “Jack e Jill”. Ai 8 de mèrz la fémenes paa demò 4 Euro.

Escursciun cun les ciaspes ai saltadus dl Pisciadù

Al Chino de Tieser

En jöbia ai 8 de merz mët da jì l’Assoziaziun Turistica da Corvara-Calfosch na escursciun cun les ciaspes a tëmp de löna. An pëia ia dales 21.00 da Calfosch demez, por jì ćina ai saltadus dl Pisciadù y gnì zoruch indô a Calfosch. Por informaziuns o prenotaziuns pòn contatè i ofizi turistics dl’Alta Badia.

En sabeda ai 3 e en domenia ai 4 de mèrz da les 21.15 se pel veder “Paradiso amaro” e en jebia ai 8 da les 21.15 per “Il piacere del cinema” sarà da poder veder “The Iron Lady”.

Cun la liösa sön la Stegeralm

Les Lies da Munt Val Badia inviëia en domënia ai 4 de merz a na jita cun la liösa sön la Stegeralm - Prettau. Al é na jita saurida yun n deslivel de 400 metri y n tëmp da jì de za. 1,5 ores. Informaziuns pro Giovanni Pescollderungg al 328/4624159. Schitour sön le Cimon di Fradusta

Les Lies da Munt Val Badia inviëia chësta domënia ai 4 de merz a na schitour sön le Cimon di Fradusta (1.867 metri - Fiera di Primiero). La dificoltè é mesana, cun n deslivel de 350 metri söpert y 1700 metri jöpert, por n tëmp da jì de 2 ores. Informaziuns pro Denis Moling al nr. 340/5990115.

Mostres Dolomites magiches en mostra

La mostra “Dolomites magiches anter ert y natura” dl pitour svizer Bruno Müller-Meyer restarà daverta vigni di da les 10.30 - 12.30 y da les 16.30 - 20.00 enfin al mertesc ai 10 de auril tl Comun Vecio de Cortina d’Ampez. Persunela de Luca Caccioni La mostra dl artista Luca Caccioni dal titul “Rito Rosso“ ie da udëi tla Galaria Ghetta, a Urtijëi nchin ai 10 de merz. L orar de giaurida ie da lunesc nchin a vënerdi, 10.00 – 12.00 y 16.00 – 19.00.

Al Chino de Ciavaleis Insnet, vender ai 2 de mèrz, e dapò ence en sabeda ai 3 e en domenia ai 4, semper da les 21.15, se pel veder “Posti in piedi in paradiso” e en vender ai 9 da les 21.15 vegnarà moscià “Paradiso amaro”.

Dotors y Apoteches Dotors L dutor de servisc dala 8.00 da duman de n sada 3 de merz nchin la 8.00 da duman de n lunesc 5 de merz ie l dutor Valentin Tröbinger de Sëlva, tel. 0471/773073. Le dotur en sorvisc tla findledema di 3 y 4 de merz, ti comuns de Mareo y San Martin de Tor, Margarete Mahlknecht, La Val, 349/0667034 o 0474/523018. Ti comuns de Badia, Corvara y La Val saràl en sorvisc le dotur Guido Caretta, Calfosch/Corvara, tel. 0471/836870 o 337/616080. Apoteches L’apoteca de servisc che à daviert ora dl orar ordiner da n vënerdi (dala 19.00) ai 2 de merz nchin n vënerdi ai 9 de merz ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). L' apoteca en sorvisc tla Val Badia, fora dl orar ordinar, dal vëndres ai 2 de merz al vëndres ai 9 de merz, é chëra da La Ila, tel. 0471/847152.

Referac

Mostra de Ernst Müller

Sëra de nfurmazion cun cuncors de mujiga

Tl Bar Restaurant Nives te Sëlva iel da udëi na mostra de depënc a uele dl artista de Lana Ernst Müller. La mostra sarà da udëi nchin ai 7 de merz.

L KVW de Urtijëi mët a jì na manifestazion per nfurme i jëuni dla pension “Zusatzrente”. La sëira de nfurmazion sarà ai 9 de merz dala 21.30 tl Prinoth Center 181 a Urtijëi. L sunerà i Vili y The Origin of Redemption.

Mostra de Kati Schenk

La mostra de Kati Schenk “Kunststufe“ ie da udëi dai 13 de fauré nchin ai 17 de merz, tl Café Surëdl a Urtijëi. L orar de giaurida dl Café Surëdl ie da unesc nchin a sada, 10.00 - 19.00.

36

www.lauscdiladins.com

info@lauscdiladins.com


Informazions y Manifestazions

nr. 09 / 02 de merz 2012

♦ Sugestiuns dl’Islanda Fotoclub Val Badia: proieziun sura les morvëies dla natöra tl’Islanda Walter Oberlechner, un di mius fotografs de natöra de Südtirol, lasciarà odëi ne bela ligna de retrać ch’al à fat tl’Islanda, na ijola olache tröc fotografs de natöra va ion a fà jö, dantadöt por les contrades de morvëia ch’an po odëi ailò. La proieziun, che é la pröma sön le program dl Fotoclub dl 2012, sarà da odëi la jöbia, ai 8 de merz, dales 20.30, tl Istitut Ladin ”Micurà de Rü” a San Martin. Düć é dër bel invià!

Temp lede Ski show a Corvara La Scora de Schi da Corvara/Ladinia organisëia en mercui ai 7 de merz na schishow sön la pista ”Abrusé”, dlungia la scora de schi. La manifestaziun mët man dales 21.15 y an podarà amiré n rait a val söi schi cun i chentli, jors cun le parapënn y n spetacul acrobatich cun le grup Vitamin F. Dla musiga se crüzia DJ Fabio. Uniun Maestri Ladins: cun la liösa a tëmp de löna sön Börz

L’UML inviëia en vёndres ai 9 de merz. An s’abina dales 18.30 jödapé dla pista sura Fornela, por jì sön Börz a pé. Tla Ütia de Börz cëna en compagnia. Dedô rait cun la liösa. Chi che ô, po inće ma gnì a cëna, dales 19.30 te ütia. Prenotaziuns ćina ai 6 de merz pro Heidi Flatscher al 335/7875564 o Patrizia Dorigo al 339/2871019. Prejentazion dl liber “Narben einer Kindheit“

Ncuei vënerdi ai 2 de merz saràl dala 20.30 te biblioteca San Durich la prejentazion dl liber “Narben einer Kindheit“ de Isabel Senoner. L’autora jëuna de Sëuc che à nce ravises a Urtijëi liej ora de si prim liber. Trix, sëira de juesc da mëisa

La grupa Trix ve nvieia de cuer duman sada ai 3 de merz dala 20.15 tl local di jëuni Saut a Urtijëi a unì a ve devertì cun de biei juesc da mëisa. Sëira de chedri a culëures

N vënerdi ai 9 de merz saràl dala 20.30 tl local di jëuni Saut a Urtijëi na sëira de chedri a culëures cun Adam, Hubert y Diego sun n viac tl Perù. La Nëus Jëuni Gherdëina se ncunforta sun Vo. Se ancunton a cialé n film

Impresciuns demorvëia dal’Islanda.

Cursc

N sada ai 10 de merz uniràl mustrà tl local di jëuni Saut a Urtijëi i films “Wider das Vergessen – Zug der Erinnerung“ y da dedò “Schindlers Liste“ sun gran tëila. Unide duc a ti cialé deberieda a chisc biei films.

Curs de ginastica por paziënć cun maraties cardiovascolares

Organisé dala “Südtiroler Herzstiftung”. Da setëmber a jügn, vigni lönesc dales 18 ales 19, te palestra da San Martin, cun Markus Winkler. Al sarà inće a desposiziun n dotur (cardiologh Felix Pescoller o le dotur de medejina Franz Comploi). Cost: 150,00€. Informaziuns pro Renato Paratscha (coordinadù) al 348/7457309. Ziplé tieres

La Scola Profesciunela de Urtijëi mët a jì n curs de ziplé tieres. L curs scumëncia ai 5 de merz y va inant nchin ai 9 de merz dala 9.00 nchin ala 17.00. L priesc ie de 140,00 euro plu 30,00 euro de spëises per l material. Per plu nfurmazions: 0471/796733. Mudelé do n model

La Scola Profesciunela mët a jì n curs de mudelé cun l nseniant Filip Piccolruaz. L curs sarà ai 9 y ai 16 de merz. L priesc ie 100,00 euro plu 20,00 euro de spëises per l material. Per plu nfurmazions pudëis cherdé su l 0471/796733.

Trasmiscions TV y Radio La Pieif de Fascia e P. Frumenzio tel “Cianton de l’Istitut”

“L Cianton de l’Istitut”, produzion de l’Istitut ladin “majon di fascegn” per TML, met dant l program “La gejia de Sèn Jan, Pieif de Fascia” ti studies de Cesare Bernard e l video realisà en ocajion di 90 egn de père Frumenzio Ghetta. Oraries: vender h. 11.30; sabeda h. 17.30; domenia h. 21.00; lunesc h. 15.45; mèrtesc h. 18.15; mercol h. 21.45; jebia h. 20.15. “Ercaboan” sun TML e sul web

Sul canal TML, ogne sabeda va fora na neva butada de la trasmiscion “Ercaboan” de Silvano Ploner, te chisc oraries: 18.45; 21.00; 23.00 e replica la domenia h. 7.15; 12.00; 14.30; 18.00; 20.15 e dapò fora per duta la setemèna. La produzions de Ercamedia é da poder veder ence sul sit: www.tvladina.com.

Balé Hip Hop & Video Dance

L KVW de Urtijëi mët a jì n curs de bal Hip Hop y Video Dance cun doi nsenianc balarins profesciunisc’ dla Rai y Mediaset. L curs per mutons, jëuni y granc sarà ai 7, 9 y 12 de merz a Urtijëi tla aula magna dla scola elementera. Info: Giorgia, 349/4674583.

Religion

Curs de Pilates

Pelegrinaje dles ëres catoliches en Jeunn

L KVW de Sëlva mët a jì n curs de ginastica lesiera per dut l corpte Sëlva, tla palestra Pranives dala 20.00 cun Andrea Piccolruaz. L curs scumëncia n mierculdi ai 7 de merz y jirà inant per 8 sëires. Nfurmazions y iscrizions pra Albina Perathoner, 334/7920066.

Le pelegrinaje vëgn fat en sabeda ai 24 de merz. Al vëgn organisé n bus da Calfosch demez che passa jö por la valada. A Tlüses s’incuntunse cun l’ater grup por jì deboriada en prozesciun sön Jeunn; dailò funziun te dlijia. Por i orars dl bus y por se prenotè: cherdè sö Clara ćina ai 18.03 al 0474/501850.

♦ Pontins y

♦ ”Una figlia da... maritare”

parores

Chësc é le titul dla comedia che vëgn portada dant dala Nuova Compagnia di teatro d’arte da Bornech, a La Ila y San Martin

Presentaziun dl liber de poesies de Teresa Palfrader La Uniun di Ladins Val Badia à le plajëi da Ves invié ala presentaziun dl liber “Pontins y parores”. Ara se trata de n liber de poesies de Teresa Palfrader da Curt/La Pli. La presentaziun vëgn tignida en jöbia ai 8 de merz dales 18.00, tl salf dl Istitut Ladin ”Micurà de Rü” a San Martin de Tor.

Le cuertl dl liber de Teresa Palfrader

Ara se trata de na comedia te dui ać, che le regist y responsabl dla compagnia de teater Antonio Loguercio à cherié tignon a mënt la novella ”Gli Innamorati” de Giovanni Verga. Ara se trata de na storia ambientada te n paîsc dla Sicilia, tl tëmp dla pröma vera. Protagonisć é dui jogn inamorà - Bruno y Carmela - che vëgn sforzà da se lascè. Le jonn Nino aprofitëia dla situaziun y concuistëia le cör dla bela Carmela. Insciö vëgnel fora sciacarades danter mastro Nunzio - pere de Carmela - y i geniturs de Bruno, don Salvatore y donna Rosalia. Tla trama se moscëda ite inće la mëda dl paîsc zì Menica, le ploan don Peppino, le maester don Raffaele y Santuzzo, por n spetacul plajor y ligherzin. Tla Val Badia vëgnel pité döes rapresentaziuns, la pröma en vëndres ai 9 de merz dales 20.30, te Ćiasa de Cultura a La Ila, la secunda en sabeda ai 17 de merz dales 20.30, tl salf dles manifestaziuns da Le teater ”Una figlia da... maritare” vëgn San Martin. L’entrada é debann. presentè dui iadi tla Val Badia. www.lauscdiladins.com

37


Informazions y Manifestazions

nr. 09 / 02 de merz 2012

♦ Trofê Börz 2012 Na cossa nia da crëi, mo al é vëi,

Do la gara dla liösa stada la domënia passada, vara inant chësta domënia al 4 de merz cun le slalom lerch sön la pista d’Antermëia Le Sport Club Amatorial Antermëia inviëia al secundo apuntamënt cun le Trofê Börz 2012. La domënia ai 26 de forà él stè sön la pista dla liösa Börz-Pè de Börz la gara dla liösa. Chësta domënia ai 4 de merz saràl sön la pista da Antermëia la gara de slalom lerch. La pröma manche é söl program dales 9.30, la secunda dales 12.30. I numeri de gara vëgn partis fora Le secundo apuntamënt dl Trofê Börz 2012 é la gara de schi a al travert dales 8 Antermëia. inant. Les iscriziuns vëgn tutes sö da Helmut al nr. 0474/520055 o 347/9229951. An po se scrì ite ćina ai 3 de merz dales 17.00.

♦ Viac a Ferrara, Ravenna y Urbino La Grupa KVW de S.Cristina mët a jì n viac da d’ansciuda per jì a ti cialé ala ziteies de Ferrara, Ravenna y Urbino. L viac sarà dai 27 nchin ai 29 de auril L unirà furnà a Ferrara per vijité chësta bela zità. Dantaldut l ciastel y l dom ie de gran marueia. Dal 1995 inant toca chësta zità pra l patrimone culturel dla UNESCO. Do na bona marënda uniràl furnà a Ravenna, zità cunesciuda per la truepa dliejes, ma dantaldut per i mosaics. La dumënia uniràl mo jit a Urbino, ulache na persona nes mustrerà la belëzes de chësta blòta zità. A Urbino iel nce la cësa ulache l ie nasciù Raffaello. L unirà pia via ai 27 de auril daduman per vester bele da mesdì a Ferrara. Duc i scric ite al KVW ma nce duc i nteressei a chësc viac ie nviei a unì pea. La iscrizions vën tëutes su tla Cassa Raiffeisen de S. Cristina da lunesc, 5 de merz inant. Iló iel nce da giapé l program L dom de Ferrara. Mosaics a Ravenna. plu avisa.

A Mario Tabach per 36 outes t’es ruà al travert di 70... al prum de mèrz, mìngol più pian, t’es ruà a chel di 80

la Valentina prësc i 18 agn cumplësc. Valentina, la vita sceria mët pa impurmò man, mo n noto aste bel tan n gran. Danter la scora y l’imparè, y da jì da La Val ia a barachè. Mo da fà la patent mësste pa bëgn te purvè spo la mama l’auto po te lascè. Cun la Panda poste spo ti jì do canche al va a śughé, mo recordete che söl gas bàstel un n pé. Pur tü bi 18 agn te augurun de cör düt l’bun. Tüa familia y l’Sepl

Alexia

Un n ann ie bele passà da canche ai 6 de merz 2011 te ons giapà. Nosta pitla mina sën ies y per nëus chël for resteres. Dut l bon per l cumplì de ti prim ann y resta for tan da ulëi bon y nosta pitla popa chësc te mbincia Marcel, Gabriel, Raffael y Yvonne tati y mami, la nona y l non, i nëinesc y la laves, i berbesc y la andes.

Annalisa, finalmënter 18!

A nos se sàl pa inće en pü’ sciode che te es chersciüda tan debota, mo podun udëi che te es pa DËR garatada. Te aodun che te ciafes to tru pur l’dagnì, tröpa sanité y resta da urëi bun sciöche t’es. Da düć chi che te ô bun (i sun pa feter tröc!)

Düt l’bun a

Davide

che à cumplì al 1. de merz i 50 agn y inće a

Lara

che cumplësc ai 4 de merz i 12 agn. Ti augurun de cör ćiamò tröc agn plëgns de ligrëzes, cuntentëza y sanité. Chi de familia

te auguron de jir inant semper grignolent e en sanità per arjonjer amò de etres traverc Ogne ben da duc chi de cèsa

A te, cara mama y lâ

Ida

che te complësces ai 4 de merz 70 agn orunse te aodé de cör düt le bun che te restes inant sana intun plëna de snaid y cuntentëza y che i agn che vëgn te portes tröpes ligrëzes. En gran giulan por düt ći che te fejes por nos düć. Stefan, Cristof y Karin cun families.

38

www.lauscdiladins.com

Lukas, por tü 18 agn döt döt l’bun te augurun y da jì a fà festa cun te aspetun. Al K1 jaraste dlun’ saltan, deache fina śëgn sciampe ite da val’ pert messaste bel plan. Cun la gran “P” gnaraste y i auti a ćiasa le dopl assiguré podaraste. Resta tres inant tan da urëi bun y ćiamò tröpa sanité y ligrëza ti agn che vëgn te augurun. Da düć chi che t’ô bun


Informazions

nr. 09 / 02 de merz 2012

Hotel Luxor & Cairo a Jesolo chier per la sajon da d’instà n chef capo partida chelneri per la sala na persona respunsabla per la sala n/na barista n/na persona per la reception. Prëibel mandé l curriculum a info@luxorcairohotel.it o cherdé su l 335/5446372.

La tistlaria Vinaholz a Urtijëi chier zachei per l ufize che sà da lauré cun l computer. Prëibel cherdé su l 0471/796350.

“La vita è bella - Franz” a S. Ćiascian chir na porsona dl post por laurè part time tl ofize dla contabilité. Prëibel scriede a info@lavitaebella-franz. com o cherdede sö le 339/4729898.

La firma DemacLenko IT de Sëlva chier da śën inant n secreter cun cunescënza de cuntabltà, na persona per l cuntrol y l marketing, n respunsabl de servisc cun cunescënza tecnica, 2 persones respunsables per i cantieres ("Projektleiter"), na persona cun cunescënza eletrotecnica/eletronica. Prëibel cherdé su l 0471/794355 ntan l orar de ufize.

Vangel dla Domenia Secunda Domënia de Carsëma, ann B, ai 4 de merz 2012 La firma Hofer Group a S.Cristina chier n monter che fej l “service“ per mplanc wellness y nudadoies. Tulon dant na persona cun na cualifica da eletricher o mecanicher. Prëibel cherdé su l 0471/793445 o mandé la dumanda scrita a info@hofergroup.it Chiron nce n/na secreter/a cun na bona cunescënza dl tudësch, talian y nglëisc y l diplom de na scola auta coche l Istitut Tecnich Cumerziel o na scola auta tla hotelaria. Prëibel mandé la dumanda a lotte.hofer@hofergroup.it

Ploner Moritz idraulicher a Badia chir 1 idraulicher 1 lerner da idraulicher dl post. Por informaziuns prëibel telefonè al 335/6155706.

I chiriun n pice apartamënt de almanco 50 m2 por döt l’ann por n nosc colaboradù cun fomena y na picera möta. Al é na porsona dër indertöra che vëgn dal Pakistan, che laora da tröc agn te nosc hotel. Prëibel telefonede al 0471/836183, Hotel Cappella, Calfosch.

Da La Vedla a San Ćiascian chir colaboradus por le bar/pizzeria por la sajun da d’isté. Prëibel scriede a info@dalavedla.com o cherdede sö le 0471/849593.

Le stüde da avocat Wörndle & Partner da La Ila/Badia chir n colaboradù/dëssa cun orars flessibli por val’ ores al’edema. Prëibel cherdè sö le 339/7909589 o le 0471/847777.

••• N ël chier da lëur coche segondo cuech. Tel. 345/2562333. (08/12) ••• N ël de Verona che à bele truep ani de esperienza chier n lëur da pizzaiolo, nce per dut l ann, cun albierch. Ël sà la rujenedes talian, tudësch y nglëisc. Tel. 342/6481682. (08/12) ••• N’ëila che stà a S. Cristina chier da lëur a rumé su danmesdì. Tel. 347/8589029. (08/12)

Parora dl Signur. - Lalt a té, Gejù Crist!

Recordanza

Milia Promberger En ann él passé da canche tö nes as lascé. L’encorsciomun é tan gran mo l’ bel recort a te é tres vi te nüsc cörs y te nüsc ponsiers.

Te Sëlva vëniel fità via o vendù n garasc de 13 m2 tla streda Ciampinëi. Prëibel cherdé su l 0471/910366.

I te recordun en domënia, ai 04 de merz, tla Santa Mëssa dales 8.15 tla dlijia da Rina. En bel dilan a düc chi che tolarà pert ala Santa Mëssa y a düć chi che te ten te sü recôrć. I familiars

Tl zënter de San Ćiascian vëgnel venü n bar – café de 130 m2, cun terassa a sorëdl. Al é inće poscibl da fà na botëga. Prëibel cherdè sö le 335/6193439 o menè na e-mail a info@myhomedolomites.it

Tl zënter da La Ila vëgnel afité ia da d’isté inant n local adatè por ofize. Por informaziuns cherdéde sö le 335/6478847.

Chirì da laour N’ëila dla Moldavia de 58 ani chier da lëur coche badanta te Gherdëina. Ëila à bele truep ani de esperienza y de bona referënzes. Tel. 328/2175312. (07/12) ••• N ël chier da lëur a fé massajes o terapies per curé vel mel, te Gherdëina te n hotel. Tel. 347/9715458. (07/12) ••• N jëunn cun 6 ani de esperienza chier da lëur da pizzaiolo cun furnel a lënia o a lectrisc. Ël à nce de bujën de albierch. Tel. 348/3277406. (07/12)

Dal vagnele do San Merch 9, 2-10 Te chël tëmp à Gejù tut Pire, Iaco y Jan sön na pert y i à condüt sön na gran munt, mo mâ ëi susc. Y al é gnü trasfiguré dan da sü edli; sü guanć é gnüs blanć raiënć, tan blanć co degun lavadù söla tera n’é bun da i fà. Dailò é aparì dan da sü edli Elìa y cun ël Mosè, y ai baiâ cun Gejù. Pire ti à dit a Gejù: ”Maester, al é bun ch’i sun chilò. I orun fà sö trëi üties, öna por tè, öna por Mosè y öna por Elìa.” Mo al ne savô nia ći ch’al se dijô, ćiodich’ai ê döt amatîs dala tëma. Spo él gnü n nio che à lascè tomè süa ambria sön ëi, y fora dl nio cherdâ na usc: ”Chësc é mi Fi bunorü; ascutédele!” Canch’ai â spo ćiarè inćerch, n’odôi te n iade plü degügn pro d’ëi ater co Gejù. Tratan ch’ai jô jö dla munt, ti àl proibì de ti cuntè a zacai ći ch’ai â odü, ćina che le Fi dl Om ne n’ê ressorì dai morć. Chësta parora ti dê da ponsè, y ai se damanâ un l’ater ći che chësc dô ester: ressorì dai morć.

••• N jonn de 20 agn dla Val Badia cun diplom de maturité chir n laur. Tel. 332/5815819. (08/12)         ••• N jonn de 20 agn dla Val Badia cun diplom de maturité chir n laur te val' ofize. Tel. 335/5815819. (09/12) ••• Na jëuna chier da lëur a rumé su te na cësa privata, a rumé su majons y a paidelné per dut l ann, danmesdì. Tel. 338/1568397. (09/12)

Rengraziamënt

Valentin Castlunger Tin de Gile d’Antermëia *06.12.1924 +13.02.2012 I oréssun rengrazié l’dotur E. Agreiter, la Crusc Blanćia, l’ploan, l’cor de dlijia, i sorvidusc, i stödafüch y chi che à dit dant les corones. Dër bel dilan a düć chi che à tut pert a nosc dulur, a chi che à portè ciüf y ofrì a fin de bëgn y che s’l recorda tl pinsîr y tles oraziuns. La familia ”I podun pité che tö t’un es jü, o i podun inće ester contënć, che tö as vit. I podun stlü nüsc edli y perié, che te vëgnes indô o i podun i daurì y odëi ći che te nes as lascè zoruch. Nosc cör po ester öt, deache i ne podun nia t’odëi, o al po ester plëgn d’amur, che tö as albü por nos y por i atri. I podun intres ponsè che tö t’un es jü, o i podun te portè te nüsc cörs y te lascè vire inant te nos. I podun pité y ester daldöt öć o ch’i fajun, ći che tö orôs da nos: ch’i riunse, ch’i dauriunse nüsc edli, ch’i scincunse amur y junse inant.”

Da chirì Na familia de 4 persones che viv bele 17 ani te Gherdëina chier n cuatier a Urtijëi da auril inant per dut l ann. Tel. 327/7074136. (07/12) ••• L vën crì n pitl cuatier da tò a fit a Runcadic per 2 persones. Tel. 338/3699734. (07/12) ••• L vën crì n cuatier te Gherdëina o nce a Runcadic per una na persona da tlo cun n cian per dut l ann. Tel. 345/6194818. ••• Na jëuna de Gherdëina chier n pitl cuatier da auril inant. Prëibel cherdé su l 333

9023966. (08/12) ••• Na jëuna da tlo chier n cuatier a Urtijëi o a S.Cristina per dut l ann. Tel. 334/5497489. (08/12) ••• L vën crì n cuatier per 4 persones te Gherdëina per dut l ann. Tel. 333/7475704. (09/12) ••• Al vëgn chirì n apartamënt da tò afit tla Val Badia por 2 jogn por döt l ann. Tel. 348/8929519. (09/12) ••• Na jëuna da tlo chier da sën inant n

cuatier da tò afit per dut l ann. Tel. 335/8230782. (09/12) ••• N ël dl Pachistan che lëura bele da diesc ani te Gherdëina chier n cuatier per na familia da cater persones. Tel. 328/2085893. (09/12) ••• N’ëila cun n pitl cian chier n cuatier da tò afit per dut l ann te Gherdëina. Tel. 349/4925882. Patrizia (09/12) ••• L vën crì n cuatier da tò a fit per 2 persones a Urtijëi o a S.Cristina da juni inant. Tel. 328/9469530. (09/12)

Da vende Da vënder n Toyota Corolla Verso 1.8, 129PS/95KW, ann 2006, arjënt metalisà, 60.000 km, colaudo nchin al 2014, ABS, airbag, sensores da parché, tlima, TomTom, Radio/CD, portaschi y portarodes, montli da d’instà cumprei dl 2011 y montli da d’inviern, a euro 7.000,00. Tel. 339/7787554 – e-mail info@ stlarida.com (07/12) ••• Da vëne n frogoré, mosöres 40 x 60 x

80. Tel. 339/2100891. (07/12) ••• L vën vendù na vedla credenz y n cassabanch tl “Jugendstil“, n castl per libri cun doi purteles, n canapé y 4 stuei tl stil “Biedermeier“ y na vedla truga da paur a Burnech. Tel. 347/8695887. (08/12) ••• L vën vendù na “camera reflex a spiedl” CANON EOS 10D y chisc obietifs: Tamron 24-70 mm., Canon EF 75-300

mm. y Tamron AF Aspherical LD 28200 mm. Tel. 338/3371487. (09/12) ••• L vën vendù na FIAT Punto dl 1998, 1.2cc, 137.OOO km a € 1.000,00. Tel. 334/5641958. (09/12)

Da scinché ia Al vëgn dè ia n pice forgheré a lëgna. Tel. 0471/839689. (08/12)

www.lauscdiladins.com

39


Anunzies

nr. 09 / 02 de merz 2012

”Chësc é le dé che le Signur à fat!” I publicun la pröma pert dla lëtra pastorala dl Vësco Ivo Muser, olache al vëgn alzè fora le valur dla domënia, nia sciöche dé lëde, mo sciöche dé dl Signur - n bëgn prezius che Chëlbeldî nes à scinché y che al stà a nos da tignì alalt y mantignì, por le bëgn dla porsona

Rengraziamënt

Hannele Trebo nasc. Pedevilla ”Ostira dl Taser” *19.11.1920 +21.02.2012 a San Martin de Tor I familiars rengrazia düć chi che ti é sta dlungia te chësc momënt de dolur y i à dè confort, chi che à perié por vëra, a Franzl che à dit dant les corones y a düć chi che à tut pert ala S. Mëssa de sopoltöra. En dilan a siur Paul y a düć i proi conzelebranć, ai portadus che l’à acompagnada sön so ultimo iade, al cor de dlijia cun süa dirighënta y so orghelist y a düć chi che à fat val’ sorvisc. Dilan inće di ciüf, dles beles ćiandëres y dles ofertes a fin de bëgn. En dilan de cör ala duturia Grethe Mahlknecht I familiars Nosta mama nes lascia en gran öt, impò ùn da rengrazié pur l’avëi albüda tröc agn inanter nos. En dilan particolar a düć chi che é gnüs a la ciafè, che s’la recorda inant te sües oraziuns y che s’la tëgn via te süa memoria.

Recordanza Le Cor de dlijia y la Comunité da San Martin mantëgn cun reconescënza

mëda Hannele, ostira dl Tasser,

Le Vësco Ivo Muser: ”I ne viun nia por laurè, mo i laurun por vire. Chësta é na desfarënzia.”

Religiun - Le Vësco Ivo Muser scrî insciö: ”Da Capiun ćina ala festa de Pasca de Mà festejëia i cristiagn le tëmp plü important tl ann dla Dlijia: le cërtl dla festa de Pasca. Le zënter y punt culminant de chësc tëmp é i trëi dis pascai dla pasciun, mort y ressoreziun de Gejù Crist. Dala sëra dla Jöbia Santa ćina ala domënia de Pasca festejunse la festa, che stà sura dötes les atres festes cristianes ia. Ći che i festejun y incundun te na manira particolara n iade al ann, recordunse edema por edema la domënia, le dé de festa cristian, le pröm dé dl’edema, le dé dl Signur. Mia pröma lëtra pastorala dess propi ester na lëtra de Pasca y porchël na lëtra dla domënia, a düć i fedei de nosta diozeja

Sintì indô la ”saù dla domënia” Na storia ebraica cunta: n imparadù roman â damanè n rabbi, ćiodì che la spëisa à tl dé de sabbat tan na buna saù. Le rabbi à respognü: ”I tolun na saù che à inom sabbat y i la metun tla spëisa.” L’imparadù periâ: ”Dàsse spo n pü’ de chësta saù.” Le rabbi respognô: ” Ara ti jô ma a chël che tëgn le sabbat. Por chël che ne le tëgn nia, éra por nia.” Ći che le sabbat ebraich y la domënia cristiana ô dì por les porsones, ne pòn nia imparè dai libri o te cursc de formaziun. Chësc dé particolar ne imparunse nia tres n savëi astrat, mo tla

40

www.lauscdiladins.com

pratica concreta. Döt le significat de chësc dé po ma gnì sintì da chël o chëra che le tëgn. Süa ”saù” sint ma che che le vir. Al n’é nia ma i tëmps che se müda, mo inće la comprenjiun di tëmps. Bel adascusc é la domënia, le pröm dé dl’edema, deventada la ”fin dl’edema”. Tröc ne dij nia plü ”I t’aodi na buna domënia”, mo aoda ”na buna fin dl’edema”. Poèster che zacai me respógnes: ”Al é pö bel anfat, domënia o fin dl’edema. Basta che i ais n dé lëde” Mo él davëi anfat, o àl davëi le medemo valur? La domënia ô dì: l’edema mët man cun le dé lëde, nia cun le laûr. Dî denant che i fajunse o laurunse valch, viunse bele. Le plü important tla vita ne podunse nia fà, prodüje o davagné instësc, al nes vëgn scinché. La vita instëssa nes vëgn scincada. Al é mirit de Dî sce nos sun; Ël nes dij de scê. Por chësc stà Gejù Crist. Ël nes garantësc vita - sura la mort fora. La domënia é le dé de süa ressoreziun. Crist é le sorëdl de chësc dé. Porchël é la domënia por nos cristiagn santa. La domënia n’é nia n dé lëde sciöche n ater, che an po sburlé ia y ca tratan l’edema. Ara stà dal mëteman dl’edema, dan düć i atri dis. Ara é tl medemo tëmp n sëgn dan le Döt. Ara é metüda dant da Dî y ara dà direziun tla vita: Tl sëgn dla ressoreziun va le tru dala mort ala vita. Atramënter éra cun la fin dl’edema: chilò sunse ala fin. I nes architun y fossenun

forzes nöies, por romagne en forma. I nes palsun fora, por ti ester indô ales tenjiuns da vignidé. Bun y dërt - mo: à pa le dé lëde veramënter na funziun de alisiramënt? Ilò fóssel ma al sorvisc dl laûr: i nes palsun fora por romagne produtifs, efiziënć. Spo viunse ma por laurè. Spo se roda ala fin döt ma incër la prestaziun, le laûr, y la fin dl’edema vëgn sotmetüda al laûr y ai interesc economics.

te n bun recort por so sostëgn ch’ara ti à tres dè al ćiantè y ala musiga de dlijia y por so cör davert ch’ara à dagnora albü por la ćiasa de Dî.

Condolianzes I tolun pert al dolur che la presidënta dl Cor de dlijia, Monica, y i ćiantadus Pepi y sü mituns sënt por la mort de süa uma y lâ

Hannele Pedevilla Trebo

So dé é nosc dé

che stlujô ite le Cor de dlijia te so cör.

Le dé dl Signur stà al pröm post. I ne viun nia por laurè, mo i laurun por vire. Chësta é na gran desfarënzia. Valgügn arata che le monn tómes adöm sce an ne fej n iade nët nia; ai é dependënć dal laûr. La presciun o la vëia de possès y la tëma gonot ascognüda da se instësc i tëgn tóch, insciö che ai ne s’à instësc nia plü sot a control. La domënia é na interuziun che varësc, ćinamai terapeutica. Ara ô nes recordè la lisirëza y la baldëza de chi che se sint aproà y azetà da Chëlbeldî. Chësta liberté da vire che nes é scincada da Dî é por i cristiagn le ”tema numer 1”. I podun y i n’ùn nia debojëgn da nes legitimé o nes delibré instësc! Chësc él bele stè Chëlbeldî che à fat, tres so f ì Gejù Crist. La domënia stà por chësta alisiraziun che sostëgn la vita. Ara é le dé, le dé dl Signur - y porchël le dé che é nost y che nes fej bun.” Tla proscima ediziun ciafarëse la secunda pert dla lëtra pastorala.

La dirighënta, l’organist, les ćiantarines y i ćiantadus da San Martin


La Usc di Ladins