Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,50 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 09/2010 - 06 de merz 2010 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

7

8 de merz aaaaa

Eles maltratedes Testemonianzes nia da creie da l’Arabia Saudita, olache i ei po fe gran pert cie che ai vuei y les eles messa scuté, sot a vigni violenza fisica y psichica.

Sëlva

Revoluzion aministrativa

Comentar de pruma

La diretiva europeica 2006/123/CE rajona dles prestazions de servisc tl marcé intern. Ala ciafa me aplicazion tl’assunzion o tl’esecuzion de na ativité de servisc. Sie ciamps d’azion n’é - anter l auter - nia diretamenter l ordinament urbanistich y les normes dl frabiché. Gran discuscion te Südtirol sun tò ju la conzescion da frabiché y la comiscion comunala dl frabiché

La forza de la femenes

de Monica Cigolla

9

Discoteches “Cun la lege naziunela che pruibësc de dé ora buandes da alcol do la doi de nuet iel for plu y plu rie a mené na discoteca.” Na ciaculeda cun Filippo “Pippo” Passaro dl Dalì de Sëlva.

Politica

13

Candidat ambolt Ewald Moroder ie unì numinà ufizialmënter candidat per la ncëria da ambolt da pert dla SVP de Urtijëi. Na ntervista.

La Pli

14

Prelîtes Felix Ploner y Richard Erlacher é dancà pro les prelîtes stades a La Pli.

Badia

15

Svilup turistich L’ombolt Iaco Frenademetz en cunt dl conzet por le svilup turistich y novitês dala ultima sentada de comun.

Turism

16

Gares di ćiavai La 21ejima ediziun dles gares di ćiavai tl’Alta é jüda a piz. Les tlassifiches.

Fascia

18

Bilinguism te scola L projet sperimentèl de na scola bilingue pontarà via chest uton te la pruma clas de la scoles populères de Soraga e de Poza.

Sport

30

U19 te semifinela Drët de bon resultac possa mustré su chëst’ena i jëuni dl Hockey Club Gherdëina che ruva for plu daujin ala fineles.

Déssel podei gnì frabiché tosc te Südtirol senza conzescion da frabiché? I “pro” y “contra” per chesta dezijion che la Jonta provinziala de Südtirol volessa mené tres é trueps. Foto: Firma Trebo Bau/Mareo

Atualité - La diretiva CE 123 dl 2006, touta ai 12 de dezember 2006 dal parlament europeich y dal consei ne atoca nia diretamenter l ciamp dles lizenzes da frabiché (“permiscions”, “conzescions” o co che ales à ciamò inom). Ala rejona dla liberalisazion dl marcé intern di servisc ti statesc che fej pert dla Union Europeica. Al pont 6) dles premesses stal scrit: “La diretiva arjonj me aplicabelté en confront a l’assunzion o a l’esecuzion dl’ativité de prestazion di servisc. Ala ne ciafa perchel nia aplicazion

ti ciamps dl ordin stradal, dles prescrizions de svilup dles zités o dl nuzament dl grunt, dla planificazion dles zités y dl’urbanistica, dles normes da frabiché...” Tla Talia onse l Decret dl President dla Republica 6 de jugn 2001, nr. 380, che delibereia l Test Unich dles desposizions legislatives y regolamentares tla materia frabicativa, olache al sta ence scrit che les regions a statut spezial y les provinzies autonomes de Trent y de Bulsan desfira sia potesté

legislativa esclusiva, y, “i comuns disciplineia l’ativité frabicativa aldò de si statut...”

Proposta SVP Cie che referenc dla Jonta provinziala SVP à nunzié do n meeting de clausura à sciuré su n gran stuep. Plu o manco sonova la notizia enscì: “I son tl laour de enjigné ca na revoluzion aministrativa”. va inant a plata 3

Peleles dalbon fèr festa la femenes ai 8 de mèrz che vegn, giornèda dedichèda apontin ai deric de la eles? Peleles fèr festa la femenes de L’Aquila che à perdù cèsa e lurier col teremot o cheles del Cile che les é amò dò che les chier, fies, genitores, parenc e amisc sot la majìa de peton? Peleles fèr festa la femenes de Haiti che stèsc te na burta tenda dò che l teremot ge à dessatà te n sènt e amen la cèsa e la vita? Chesta femenes se troa te situazions zenza più ne leges, ne orden, ne pèsc, ne derit. Amnesty International à uzà fora n apel percheche la forzes internazionèles slarièdes fora sul teritorie tegne sot control la situazion te la tendes, dò la sacotanta denunzies de stupro e violenza, perscin su la picioles. Na vita straouta, mudèda en dut e per dut, zenza più afec ne reijes. E nos co podone pa fèr festa a pissèr a la zompa condizion de chesta femenes tel mond, dalonc ma vejines, tel cher e ti pensieres? La forza de corp e de spirit de la femenes é grana fora de mesura, grana assà per scomenzèr endodanef e per se vadagnèr, amò n’outa con sia forza, i deric che ge speta.

Patachi de Iaco Rigo Al vëgn le sone (patat) mudé geneticamënter! Almanco insciö sona les notizies chisc dis. L’Uniun Europeica à dè pro al sone “Amflora”, na sort de sone cherié cun mudaziuns genetiches. Le sone dess gnì adoré naota ma por fins industriai, nia por la produziun de alimënć. Ma che chësta dezijiun é la pröma de chësta sort tomada a Bruxelles, y ara podess avëi n efet inće sön d’atri de te’ caji nia ćiamò aproà. Le sone “Amflora” é n proiet menè inant tl’Europa dala BASF SE (Badische Anilinund Soda-Fabrik Societas Europaea), öna dles imprejes dla chemia plü granes, cun 97.000 colaboradus a livel mondial. Un de sü fins é chël da cherié soluziuns inovatives por combate “a na moda sana” - sciöche la dita dij - la fan tl monn. Le sone (patat) OMG (organisms mudés geneticamënter) prodüj amilopectina nëta, öna dles componëntes dl amid, che vëgn anuzada va inant a plata 4


Letres y Atualité

nr. 09 / 06 de merz 2010

„Pro spiculazion“ Plu daujin che ruvon ala veles y plu che i politicri se dà da fé per se tré la stimes. Da se damandé iel sce l muderà zeche o sce l resterà plu o manco sciche dant. Doi fatores pudëssa nfluenzé l andamënt dla veles, dantaldut la crisa economica che purterà segurmënter mo deplù a se smilé ite pra la SVP, tla speranza de n avëi dant o do vel’ utl per ëi o per si families. Dal’autra pert iel idealisć sciche Ladins Dolomites, che à d’autri fins, chëi de stravardé nosta tiera dala spiculazion, de sustenì nosta cultura ladina y sambën na economia sana per l bën de duc. Da se damandé iel mo, percie che do la rata tan puec se recunësc tl partit Ladins Dolomites,

che fossa perdrët per natura l partit de nosta jënt. Na viertla che vën scialdi adurveda per jì pra la SVP ie che mé a vester pra la SVP pòssen mudé zeche. Un de chisc fova l ambolt de Urtijëi Ewald Moroder, che, sce ne me fale nia, fova plutosc pra chëi dala natura, ma sambën, coche n ova audì àl nce ël pensà che l ie miec a jì pra la SVP per pudëi fé zeche. Per chël che reverda l pudëi fé zeche per nosta natura iel sot ai uedli de duc che avisa da canche Ewald Moroder ie te Chemun iel unì fat la majera spiculazions a Urtijëi. Cun chësc ne uei segur de no dì che l ie gauja de Ewald Moroder de dut chësc. Son segur che sce Ewald Moroder ëssa abù

zeche da dì, ne ëssel nia lascià pro chësc. Chëi che cumanda a Bulsan, savan de n avëi tanc de fediei tla Ladinia, ne se fej degun pensieres a tò la dezijions sëura nosc cë. Plutosc se tëmi da chëi che sà da pensé cun si cë y che ne se lascia nia dì dai autri cie che ie bon per nëus. Danterite ons chëi che ne uel nia o che ne possa nia recunëscer culëur y se prejënta sciche listes de zitadins, dijan de ne ulëi fé nia auter che l bën per la jënt. Ma belau for, canche la se trata, sustëni la SVP. Per ejëmpl pra l’ultima senteda de Cunsëi de chemun a Urtijëi, canche la se tratova de dì de sci al plann de atuazion per ti dé la puscibltà a n hotelier de auzé la

cubatura de plu milesc cubich, ne se à chisc zitadins fat degun pensier, l dajan pro. Mo n iede ài sustenì la SVP te si scumenciadiva „Pro spiculazion“! Mé i Ladins ie stac de contra! Che i ne n’ie nia plu Vërc ài for dit, ma almanco verdejins ratovi bën mo che i fossa. Mo n majer scandul iel che i ne ie nia stac a una cun i Ladins de stlù ora dala mostra „Art 52“ chëla firmes, che lascia produjer te stac ulache l lëur costa puech, a vester che propi chëla ie la majera gauja dla crisa de nosc artejanat. L piec de chësta cossa ie che i se leva la mans ti sburdlan la dezijion al cunsëi dla "Art 52“. N sà che nce iló cumanda mé la gran firmes da

scioldi, y scioldi à al didancuei mé plu chëi che compra ite a bonmarcià y che desfruta l inuem de Gherdëina a vënder. Mo n iede ài desmustrà de ne se nfidé nia a tò na dezijion per sustenì chëi artejans che fej dldut per tenì su nosc artejanat. Messon tosc se rënder cont che la globalisazion à fat a na moda che la spiculazion l’ebe vënta te duc i ciamps. Da speré iel mé che deplù se pera ite la manies y se debe da fé per ti vester a chësc. Mé sce on l ardimënt de cialé nstësc de nosc daunì zënza se lascé manipulé da d’uni sort de nteresc, pona puderons cialé inant te n bon daunì. Walther Kasslatter, Runcadic

Resposta

Cantabo in aeternum Passa chindesc jëuni de Gherdëina se dà ca cun cuer y ana per la mujiga, sot al inuem Cor Gaudium. Nstadì ài purtà dant n bel cunzert de mujiga sacra te dlieja de S. Cristina Mujiga - «Cianté zënza lascé do», fova l titul dl bel cunzert metù a jì n dumëina ai 21 de fauré dal Cor Gaudium, acumpanià chëst iede da na orchestra, te na ejibizion de n cunzert de mujiga sacra, tla dlieja de S. Cristina, per l’ucajion sot ala bachëta de Franz Jochum dl’Università de Graz. L Cor ie metù adum da passa 15 ciantarins, ëi y ëiles cun na gran pascion per la mujiga. Chësta sensazion àn pudù sentì ntan l cunzert: cianté, cianté zënza lascé do! N spirt che ie te duc i ciantarins dl Cor Gaudium, na pascion, na gran pascion per la mujiga che fej unì su emuzions che va sot ala pel ite. L Cor Gaudium ie sot ala direzion de Sebald Goller.

Resposta, nia mé ala lëtra de Georg Moroder: „Canche n fra o n pere de n personaje politich va ti massmedia … nasc l suspet, che l persunaje politich nstës uel dì si minonga, ma … tres terza persona.“ Autramënter dit: l fra de n ambolt ne daussa nia avëi na si minonga y mo manco ti dé usc te na zaita: lezions de Democrazia à la Georg Moroder dl partit di „Ladins“! Ulësse mo ti fé tler a bera Georg che la populazion de Gherdëina vën mé numineda tl slang (o Umgangssprache o gergo) „gardeneres“. L tuchëssa, sce l scrij te na zaita, da ti dì „i Gherdëines“ o nce “chëi de Gherdëina“! L possa damandé do pra i maestri de ladin o al Istitut Culturel. Per l rest de si lëtra ala USC ne sënti degun bujën de jì ite plu avisa. Ma ulësse nuzé l’ucajion per rengrazië chëla persones,

dantaldut i badioc, che à respundù cun niveau a mi lëtra dla FF tres e-mail y tla zaites, n pert me dajan rejon, n pert me dajan tort, ma for cun na bona basa per fé pensé do n con’ dla cuestions tratedes. Sce son stat bon de muever na pitla descuscion sons scialdi cuntënt y spere perchël de audì mo d’autra minonghes. Mé n con’ de chël che te mi lëtra ala FF me stajova l plu a cuer, l ambient y la natura de nosta valedes, ne n’iel mo stat deguna reazions. N con’ dla cuestion de dsaré i jëufs (per n valgun’ëura al di y per n valgun euro de manco tla cassa) ne éi mo liet nia. Rata pa propi vel’ ladin che tres na Selaronda che funziunea a puntin y stredes slargëdes su per i jëufs se sënt i badioc y chëi de Gherdëina plu daujin? Gregor Moroder, Taisten

Soprann, alt, bas, tenor Gaudium ie n SATB (soprann, alt, bas, tenor) vocal ensemble jëunn, cun na furmazion davierta, flessibla, metù adum da ciantarins atifs y dinamics de Gherdëina y ntëurvia. Gaudium ie na parola latina y uel dì cuntentëza. Coche fej bele capì l inuem dl cor, ueli dé inant si cuntentëza per l cianté, per la mujiga y la dé inant a chëi che scota su, cialan de prejenté na gran

varietà de leteratura de mujiga.

Dantaldut a capella L repertoire de mujiga de Gaudium, che ie unì metù su tl 2005, tol ite dantaldut leteratura «A capella» de epoches desferëntes, scumencian dal baroch nchin al modern. N dumënia iel stat l prim iede che Gaudium se à prejentà,

acumpanià da na orchestra (archëc y continuum). Per chësta ucajion particulera iel unì nvià ite coche dit Franz Johum dl’Università de Graz per tò ite la pert da dirighënt ghest. I pec sunei jiva da W.A.Mozart, A. Vivaldi, H. Schutz, R . Dubra, F.Mendelssohn Bartholdy. Daniela Villotti

Reforma tla scoles ladines La cumiscion per lauré ora la lege provinziela nueva n con’ dla reforma dla Scoles Autes y dla furmazion profesciunela, se à ancuntà plu iedesc Scola - La cumiscion metuda adum da reprejentanc dla Ntendënza Ladina, Taliana y Tudëscia y dla furmazion profesciunela sun ncëria di assessëures ala Scola Mussner, Kasslatter Mur y Tommasini, ie a n bon pont per mëter dant per tëmp y ëura l documënt ai organns politics dla Provinzia. Da pert dla scoles ladines se tòlen dant de seguré y renfurzé la vela de pusciblteies furmatives tla Val Badia y te Gherdëina, renfurzan nce la cunlaurazion cun la furmazion profesciunela, dantaldut tl ciamp artistichartejanel. N ulëssa garantì la

2

www.lauscdiladins.com

formes inuvatives de istruzion per chël che reverda l Lizeo Linguistich y l Istitut Tecnich da La Ila, purtan inant nce la spezialisazion soziopedagogica. Dal’autra pert uelen ti dé n cheder segur ala Scola d’Ert Cademia tla forma de n Lizeo Artistich cun furmazions pratiches laite y sce l ie mesun nce cun na spezialisazion de mujiga sëuraprò. Per chël che reverda l ITC Raetia de Urtijëi iesen dla minonga che la spezialisazions ududes danora d a l a r e f o r m a n a z i u n el a curespuende defin ala pusciblteies furmatives da śën cun na spezialisazion economichaziendela y una turistichlinguistica. La esperienzes

sportives tl cheder dla autonomia dla scola dëssa ënghe pudëi jì inant per seguré l arjonjer dl titul de maduranza. Pernanche l dessëni de lege sarà laurà ora defin, uniràl nce metù a jì sentedes de nfurmazion cun i reprejentanc dl mond dla scola y dla sozietà tla valedes ladines. (usp) Priesc d’abonament anual: per la Talia: 54,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, David Lardschneider, Pablo Palfrader, Marco Dibona Moro, Lorenzo Soratroi. Stamparia: Longo AG, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 09 / 06 de merz 2010

Revoluzion aministrativa La diretiva europeica 2006/123/CE rajona dles prestazions de servisc tl marcé intern. Ala ciafa me aplicazion tl’assunzion o tl’esecuzion de na ativité de servisc. Sie ciamps d’azion n’é - anter l auter - nia diretamenter l ordinament urbanistich y les normes dl frabiché. Gran discuscion te Südtirol sun tò ju la conzescion da frabiché y la comiscion comunala dl frabiché va inant da la pruma plata

Chesta “revoluzion” fossa l’eliminazion dles conzescions da frabiché, con laprò la comiscion da frabiché. Ciamò en chest ann dessa - aldò de referenc provinziai SVP - la “revoluzion aministrativa” gnì realté tla Talia. Tl davegnì ne jìssel enscì nia plu debujegn de conzescions da frabiché y de comiscions da frabiché comunales. Al post di arac de comiscions per i ciamps desferenc (laprò l frabiché) déssel gnì les DIA (“dichiarazioni di inizio attività”) che vigni zitadin interessé a na ativité à da mete dant sciche declarazion personala che dutes les precondizions y duc i criters é dés per mete man l’ativité (ence da frabiché). Al foss na revoluzion per les aministrazions publiches. Scetizism végnel a lum da pert di esperc per l frabiché ciases nueves te raions nia sconés, tl vert agricul y ti posć olache al n’é nia metù ju normes de atuazion urbanistica. I on rajoné con l tecnich de comun Walter Rungger, geometer y espert de urbanistica ti ofizi tecnics de comun, sun les novités che les dezijions provinziales podessa porté tl prozes de sburocratisazion dles pratiches de comun. La Usc: Sce la conzescion da frabiché toma demez, spo n’arà nia plu l ombolt la responsabelté sun la pratica da frabiché. Geom. Walter Rungger: “La responsabelté ne sarà nia plu dl ombolt, ma dantaldut dal comitent y dl projetist, che messarà declaré che dut gnirà fat con respet di regolamenc y dles normes.” Y l ombolt ne podarà nience plu se basé sun n arat di esperc y dles raprejentanzes politiches che é dutorela al intern dla comiscion da frabiché. Cie vuolarà pa dì chest tla pratica? “Dal momont che al gnirà tout demez les comiscions jaril a perde per l ombolt la poscibelté de

consulté esperc dant man y al gnirà plu sfadious de cueie adum les informazions nezessares per tó les dertes dezijiuns. Pò ssen pa dì che l’aministrazion y la politica perd peis tles pratiches da frabiché. Enchin sen sozedòvel ence caji te certes aministrazions publiches che l ombolt dijova de scì a certes domandes y de no a d’autres? “L’aministraziun perdarà truepes poscibeltés de arvene i intervenc dl frabiché. Cie che podarà (o messarà) gnì fat sarà l verifiché che les pratiches corespogne a les normes.” Con firmé la DIA (declarazion dl meteman di laours) dijarà spo l interessé ai laours che al à respeté duc i presuposć per podei mete man i laours, dit en curt: che al é a post con les pratiches. Cie responsabelté arà pa sen chest interessé, y cie responsabelté ne aral pa nia? “Les responsabeltés sarà deplen tles mans de chel che vuel frabichè y de so projetist.” Cie risch y pericul va pa ite l comitent y l projetist? “Dantaldut saral la responsabelté penala che pesarà l plu, spo ben ence la responsabelté zivila per danns o d’auter en caje de declarazions fauzes o nia veritores o ence en caje de fai de projetazion.” Podessel suzede con la lege nueva che n furbicio po frabiché senza che degugn ne dije valch y che n auter onest ciafe n grum de problems ajache al é n vejin che l’á su empera? “Senz’auter podessel sozede, y perchel arà les aministrazions l dovei de cialé soura a les pratiches plu avisa co al dì da encuei, ... ence per ne i lascé nia dut l laour ai vejins...” Sciche al per déssel resté l dovei dl arat vincolant da pert di esperc per les pratiches da

de salvaverda individuan i ensembles, sciche al foss anter l auter bele prevedù da temp da la lege urbanistica. Al n’é nia da creie che enchin al dì da encuei ne n’él nience un di comuns dla Val Badia che à porté a fin chest program. Valgugn comuns à lascé fe studies de chest vers y sen fossel l dret moment per i porté a bon fin.” Tant inant ne messarà pa l comitent de n projet nia plu tegnì ite na estetica (formes incompres per nosta architetura locala o colours perversc), che L espert de urbanistica Walter Rungger: “Sce vegn dutorela consieda da la comiscion da chesta lege va tres spo ne aren plu deguna frabiché? poscibelté de evité che sostanza “Con la maioura pert architetonica vegla vae perduda per di regolamenc per l dagnora. Perchel fossel de maioura frabiché da sen él feter importanza che les aministrazions ciare de liberté plena per cie che sconé sie patrimone cultural-architetonich, reverda l’estetica di dantaldut metan de jì l program de frabicac. Ma tl davegnì salvaverda individuan i ensembles, sciche al podess chest se mudé foss anter l auter bele prevedù da temp da la sce i comuns laorarà fora lege urbanistica. Al n’é nia da creie che regolamonc plu restritifs enchin al dì da encuei ne n’él nience un di y con indicazions comuns dla Val Badia che à porté a fin chest menudes de sciche les program. Valgugn comuns à lascé fe studies formes y l’estetica de chest vers y sen fossel l dret moment per i dl’architetura dessa ester. porté a bon fin.” Valgugn comuns dla Val Badia s’à bele dé da fe de frabiché che reverda ciases chest vers y é tl laour de rielaboré storich-culturales y frabicac che si regolamenc da frabiché.” fej pert de ensembles. Jìssel pa Problems podessel gnì a lum sen debujegn de mete sot sconanza ciamò deplù frabicac, con i projec da frabiché tl vert per che al ne suzede nia che dutes agricul, o dit miour: te chi raions les ciases vegles vegne baratedes nia regolés da planns de atuazion. fora con de nueves? Cie problems veid pa i ofi zi “Assolutamenter ben! Sce chesta tecnics de chest vers? “A pert la problematica lieda a lege va tres spo ne aren plu deguna poscibelté de evité che sostanza l’estetica, de chela che i on bele architetonica vegla vae perduda baié endant, ne vedessi ie nia per dagnora. Perchel fossel de maiours problems co ti zentri maioura importanza che les frabichés, perciuldì che l frabiché aministrazions ciare de sconé sie tl vert agricul é regolé bendebot patrimone cultural-architetonich, avisa da la lege urbanistica dantaldut metan de jì l program provinziala; al sarà de mete plu

averda che ala vegne ben aplicheda y interpreteda dl dret vers.” Sceben che al toma demez la conzescion da frabiché messarà l comitent empò (prum interessé dl projet) avei duc i arac scric dant da la lege, p.ej. arac geologics? “Chest n’é nia ciamò cler, ma plu dessegur podessel ester enscì.” Gran pert dles viles tla Val Badia é sconedes da na lege provinziala, cie vuel pa dì chest sen, y cie vuelaral pa dì tl davegnì cun i temps olache al ne podessa nia plu ester la conzescion da frabiché y la comiscion da frabiché? “Nience chest n’é ciamò cler, al depen dut da cie valuta che la normativa nueva podessa ti dé ai raions de sconanza y al plann de sconanza dla contrada da sen.” Jìssel pa bele sen debujegn de na sconanza de duta la vila sciche ensemble o ence me de n regolament provinzial che scri dant per i projec dles viles n nulla-osta da pert de na comiscion de esperc? “Dal moment che an ne sa nia ciamò sce les viles sarà tl davegnì sconedes sciche sen, fossel de gran importanza, per les conservé, de les mete dutes sot sconanza ensemble.” Cie liberalisazion de servisc se scogn pa viadò chesta sburocratisazion dles pratiches da frabiché? “Do mia minunga ne portessa chesta liberalisazion deguna sburocratisazion dles pratiches da frabiché, deache bele sen vegn les pratiches lauredes su te temps dret curc. Ma per i comitenc y projetisć podessa porté chesta eliminazion dles conzescions da frabiché n maiour laour y na maioura bria de cueie adum duc i papiers y dutes les informazions nezessares per che la pratica da frabiché sie conforma a la normativa.” (iaco rigo)

www.lauscdiladins.com

3


Atualité

nr. 09 / 06 de merz 2010

Patachi

I ladins a Viena Cater enes de mostres, desmustrazions y manifestazions tla capitala austriaca

La sort de soni “Amflora”. Aladô di esperć n’é la coltivaziun dl sone degun prigo por la sanité dla porsona. Por che le sone, früt dl labor, ne scombussolëii nia le dagnì dles atres sorts de soni biologiches mëssel gnì coltivé dalunc dai atri ćiamps. va inant da la pruma plata

Ladins a Viena. Da man ciancia: Josef Colz, Giovanni Rindler, Monika Reif, Hugo Valentin, Ulrich Moroder.

Cultura - Śën iela tan inant. Do n valgun mënsc de lëures de urganisazion, à scumencià a Viena la manifestazion „Ladinien in Wien“, na lingia de manifestazions cultureles che dura cater enes, metuda a jì dal Istitut Ladin Micurà de Rü, deberieda cun la Scoles autes populeres „Volkshochschulen der Stadt Wien“ y l Minister per la cultura dl’Austria. Dantaldut iel da udëi la mostra ambulanta n con’ di ladins dl Istitut Ladin a Viena te n valguna sëntes dla „Volkshochschulen“, sun parëies da lubrì adum, ulache n possa udëi duta la realtà ladina, sibe dal pont de ududa dl raion cun si storia, la rujeneda y cultura, l’economia y l sport. Pra la mostra iel nce da udëi libri sun i ladins. Oradechël à la jënt la puscibltà de giapé nfurmazions d’uni sort da na persona. Y pona vëniel metù a jì n valguna sëires tematiches, cun de plu argumënc. N possa dì che chësta sarà na bela ucajion di ladins per se fé audì y udëi, bonamënter una dla

majeres che ie unida a se l dé nchinamò. Chësc ajache pra chësta Scoles autes populeres de Viena, se tràtel de 17 cëses de furmazion per la jënt do l tëmp dla scola, ulache l lëura medrë 700 persones tl ciamp dla furmazion, metan a jì manifestazions de furmazion y cursc d’uni sort. N rata che plu milesc de persones arà tres chësta gran manifestazion la puscibltà de unì a l savëi velch sun la valedes ladines y de se cunfrunté persunalmënter cun chësta.

Hans Rindler, Uli Moroder y Josef Colz La inaugurazion ie stata ai 1. de merz, cun la prejënza dl presidënt dl Istitut Hugo Valentin, dla diretëura dl Cunsorz dla Scoles populeres Elisabeth Brugger y dla diretëura dla cësa tl Alsergrund Monika Reif, che à sotrissà la mpurtanza dla manifestazion y la gran legrëza de avëi i ladins te cësa. Valentin à nce rengrazià l Minister per chësta ucajion y per

l aiut ti ani passei. Danter l gran publich unit adalerch fòvel nce l reprejentant dl Minister per la cultura dl’Austria Heinz Wolf y la respunsabla de duta la Scoles populeres Elisabeth Brugger, che ie de Südtirol. L fova nce da udëi opres d’ert di artisć ladins che viv a Viena: Hans Rindler, Uli Moroder y Josef Colz. Ai 3 de merz iel pona stat l „Café politich“, na descuscion publica sun l argumënt “Viver danter maiuranza y mendranza”. L à fat pea reprejentanc de mendranzes linguistiches tl’Austria, l ntendënt ladin Roland Verra, l presidënt dla Lia di Chemuns ladins Bruno Senoner, l artista ladin Hans Rindler y l diretëur dl Istitut Ladin Leander Moroder.

Rujeneda tl Literaturhaus Ai 18 de merz tl „Literaturhaus“ iel la manifestazion: “Ladinien: Rujeneda y leteratura.“ L professëur universiter Roland Bauer prejenterà l Atlant Linguistich Dolomitich (ALD), Ruth Bernardi, Iaco Rigo y Daria Valentin lijerà dant vel’ si pez scrit per ladin, nce cun na traduzion per tudësch.

Raion y jënt

Tl Foyer dla Volkshochschule Alsergrund.

4

www.lauscdiladins.com

Ai 25 de merz saràl pona tla VHS Wien West, Haus de Begegnung Mariahilf - Ladinia na sëira cun la tematica “Raion y jënt”, cun Leander Moroder che fajerà la ntroduzion ala tematica, Gerhard Vanzi dl Superski Dolomiti che rujenerà dl svilup turistich dla Ladinia, l artista ladin Peter Demetz che rujenerà dl artejanat artistich y Flavio Moroder dla Scola de alpinism Catores che cunterà dla Ladinia sciche raion da jì a crëp. I Acajo sunerà pec de mujiga.

por la produziun de papier, petun y adesifs. “Al n’é preodü degun anuzamënt alimentar”, à dit la BASF SE. Al é dal 1996 incà che la impreja cun sënta a Ludwigshafen damana dala Comisciun Europeica le nullaosta por le patat “Amflora”. I soni che i mangiun dé por dé contëgn tröc amids che nosc corp adora; l’amid (por todësch “Stärke”) é na lisöra che alda pro i carboidrać (“Kohlehydraten”). Mo i soni n’é cun sü amids nia ma interessanć por la ćiasadafüch, mo inće por l’industria, y de chësc vers ô la BASF SE laurè cun cherié na produziun de na “pröma materia” ütla por l’umanité.

Informaziun söla biotecnologia Söla plata internet dla BASF SE ciafunse na leziun por imparè plü avisa ći che la mudaziun “genetica” é: <Carateristiches, parüda y capazitês de plantes vëgn cheriades tres süa informaziun d’arpejiun (informaziun dada tres dai genns). L’imformaziun completa dl’arpejun de na planta é tl nojel dla zela sön molecüls lunć, tlamà DNA (Desoxyribonucleinacid). Sön chësta él da ciafè ćiamò toć che

porta na certa informaziun: i genns. Chisc é ala fin responsabli por prozedöres desvalies tla planta, insciö por ejëmpl por reaziuns de metabolism, forma dles fëies o resistënzes a maraties. Na planta à plü o manco 50.000 genns. La tecnica genetica vërda é na pert de setur dla tecnologia biologica y vëgn inće tlamada biotecnologia dles plantes. Ara vëgn anuzada tl zidlamënt dles plantes modern. Cun la tecnica genetica pòl gnì identifiché genns, studié do süa funziun y ai po gnì lià adöm danü. Insciö pòl gnì zidlè plantes cun carateristiches menüdes. Ti 30 agn passà à i biotecnologs svilupé tecniches y metodes desvalies, cun chëres che genns singui po gnì destacà, destanzià y istalà. Öna de chëstes metodes é la strategia “antisense”, che é inće gnüda anuzada tl svilup dl sone “Amflora”. Te chësta prozedöra vëgn le genn, che é responsabl por la formaziun dla amilosa, destodè o dejativé. I esperć é bugn da arjunje chësc fin cun copié le genn relatif y le istalè indô rodus (porchël la definiziun “antisense”) tla informaziun d’arpejiun (genetica). Dedô se taca le duplicat al genn original, al le bloca y l’archita tla produziun de amilosa. Le resultat: le sone prodüj ma plü l’amilopectina.>


Atualité

nr. 09 / 06 de merz 2010

Dala Jonta provinziela

Aiut Alpin Dolomites

Ai zitadins che vën da ora dl’Europa y che ie bele cin’ ani tla provinzia de Bulsan ti spietel 9,11% de scioldi a desposizion per cuatieres soziei, aiuc a cumpré l cuatier y cuntribuc per paië l fit Aministrazion - La Provinzia ie tl lëur de njenië cunzec de renuvamënt per plu Chemuns. Repurton i argumënc prinzipei che l Presidënt dla Provinzia Luis Durnwalder à prejentà do la senteda ai prims de merz dla Jonta provinziela.

Renuvé Chemuns La Jonta provinziela se à tëut dant de pité cunsulënza, furmazion y sustëni a Chemuns La Jonta provinziela de Bulsan. per cunzec de renuvamënt. “Do che n à bele sensiblisà almanco cin’ ani de residënza). la populazion y fat d’uni sort de Chësc fej ora 12,8 milions de euro. strutures, che va dal sport ala “Cun chësta regulamentazion scoles, tëmp liede y per l’economia, nueva dajons ora scialdi de manco iel śën debujën de de miëur cuntac per i zitadins da ora dl’Europa, y na miëur cunlaurazion,” à dit permez ai ani passei,” à dit Durnwalder. N scumencerà cun n Durnwalder. Tl ann 2008 iel jit 38 valgun Chemuns per pudëi da dedò cuatieres soziei (IPES) a zitadins slargë ora chisc cunzec de nia comuniteres. Dla dumandes renuvamënt a duc i Chemuns. per cumpré n cuatier iel unì azetà Proscimamënter jirà na delegazion 21 caji de zitadins nia dl’Europa. tl Niederösterreich per studië de Autramënter iel pra la dumandes tei caji. de aiuc a paië l fit ulache sun de ndut 11.296 dumandes fova 3.458 Cuatieres per nia de zitadins nia comuniteres. “La comuniteres cuestion ie chëla che i patrons di cuatieres desfruta i cuntribuc di I mesuns finanziei che vën metui fitadins. Smendré i cuntribuc fajerà a desposizion per zitadins da ora perchël nce jì ju i priejes dl fit. Per dl’Europa dëssa aldò dla Jonta chësta rejon ie nosc fin chël de ruvé provinziela vester n relazion danter n di a tò demez defin chisc la cumpëida dla persones (4,89%) cuntribuc,” à spiegà Durnwalder. y la dumandes mandedes ite. Sun Reduzion dl IRPEF chësta basa à la Jonta provinziela dat pro che di 140 milions de euro udui dant per cuatieres di zitadins, Tres l’acurdanza nueva de dëssa l 9,11% unì dat ora per finanziamënt dla Provinzia de zitadins nia comuniteres (cun Bulsan cun l Guviern de Roma,

pudëssa la pert regiunela dl IRPEF unì tëuta demez. Dan chësta acurdanza ova l Stat udù dant na pert per la regions dal 0,9 a 1,4% y tlo da nëus òven dat pro de calculé la mëndra perzentuela. Sce l unissa tëut demez defin la pert regiunela unìssel a ti mancë ala Provinzia da 62 a 65 milions de euro. Chësc smendramënt dla chëutes unissa spartì su danter feter 295.000 persones. “Per un che davania 1.500 euro netto al mëns, fej la pert regiunela dl Irpef ora feter 20 euro al mëns. Deplù iel sambën pra chëi che à n majer davani. De cunseguënza ie l tò demez chësta pert de chëuta dantaldut de utl per chëi che davania truep y chësc ne n’ie nia drët,” à spiegà Durnwalder. I milions che unissa a mancë tla cassa provinziela messëssa unì valivei ora lascian demez d’autri servijes. “Per chësta rejons iel per i zitadins plu de juà sce pudon mantenì i servijes,” à dit l presidënt dla Provinzia. La reduzion dla IRAP fova bele unida fata dan l’acurdanza nueva cun l Guviern. La se tratova iló de na soma de feter 40 milions de euro che se spartësc su danter scialdi manco firmes. Per l singul ie perchël nce la desferënza de chëuta majera.

Reforma dl servisc saniter

La urganisazion de sucors dl Aiut Alpin à abù nce chisc dis for truep da fé y suvënz ne se rënd la jënt niancanó cont de ce servisc che l vën pità tlo da nëus n con’ de aiut cun l joler tres i trëi joleri staziunei a Bulsan, Persenon y Puntives. L sistem de cherdeda tres n numer sëul che ie l 118 ie for plu y plu cunesciù, la jënt se à ntant usà a fé chësc numer tl cajo de bujën. L ie mé sciot che nia te duta l’Europa ne àn l medemo numer da fé per cherdé aiut. Chësta ie na cuestion che fossa a livel europeich dessegur da traté deplù. Sce la jënt dl post cunësc mé chësc numer per cherdé na ambulanza o n joler pona ne n’iela nia nscila te d’autri Stac y chësc possa purté datrai a vel’ da problems. Ma passon ai ntervënc dl’ultima ena de fauré. Sciche bele feter dut l inviern iel nce chëst’ena stat plu cherdedes per levines unides ju te luesc ulache n se mpensova che zachei pudëssa vester sotite. Suvënz ne n’iel per fertuna deguni suplì tla levina, ma sce l suzed propi pona iel de gran mpurtanza de vester cun i aiuc sun l post l plu prësc puscibl, ajache mé puec menuc spartësc na persona sot ala nëif dala vita ala mort. Gran fertuna à abù n jëunn de Bulsan che fova jit da sëul sun la Radlspitze te Sarntal y fova ruvà sot a na levina. Do diesc menuc dala cherdeda fova bele l joler cun i prim sucoridëures sun l post, ma a crì l jëunn cun l’arva che n ova pea ne sautòvel ora degun resultat. Nsci àn pona fat unì adalerch mo plu judacrëp y nce i cians da levina che à pona abinà l jëunn do n doi ëura. Na fertuna mata che l jëunn fova mo n vita y nsci l àn giavà ora dala nëif y menà riesc te spedel. Dal’autra pert iel da muië a udëi che chësc jëunn, che savova avisa te ce pericul che l se metova, ne ova pea niancanó n pipser; sambën che l ne fova pona nia saurì da abiné. Mpue’ plu pensé dan che n muev a fé de tel jites ne n’ie segurdenó massa de pertendù. Nia tan fertunei sciche l jëunn de Bulsan ne n’ie stai doi che se ova resià de jì a fé na jita cun la

de Armin Moroder ciaspes te n raion cun gran pricul de levina, plu avisa sun na mont te Sest. Ëi ie unii trac pea dala levina y canche n se ova ntendù da sëira che i ne ruvova nia a cësa fova bele dut massa tert. Mo belau de scur i àn ndividuei sot a plu metri de nëif y l di do abenëura iesen julei permez a i giavé ora y i mené te na capela di morc. Chisc dis iesen nce unic cherdei plu iedesc per jënt che ova problems al cuer; suvënz messòven ti taché ite l defibriladëur, che ie n njin che fej suvënz inò bater l cuer. Chësc aparat àn for pea pra i njins de prim aiut tl joler y chësc ie velch che possa nce suvënz salvé na vita. Ma nia ne àl juà per n ël de 41 ani che fova tumà ntëur dan si butëiga a Corvara. L joler vën suvënz nce cherdà canche vel’ un dai schi se romp n os y tlo iel datrai de mpurtanza de ruvé riesc permez, nia tan per ti salvé la vita ma dantaldut per vester riesc iló a pudëi ti dé velch contra l mel y l mené pona riesc te spedel zënza che l muessa unì ciarià te n akya, menà ju a val y pona menà inant cun na ambulanza. Nce sce chësc servisc ie scialdi bën urganisà y profesciunel, iel purmpò l ntervënt cun l joler che smendrësc de truep l tëmp de sucors. La scuadres dl Aiut Alpin possa sambën nce se nuzé di autri doi joleri dla Provinzia n cajo de bujën. Nscila iel danter l auter suzedù per la scuadra dl’Auta Badia che messova ti purté aiut a n jëunn che fova furnà sun si snowboard te na luegia ora de purtoi, ulache l ne pudova nia plu jì inant pervia che l fova ruvà sëura n gran crëp. A jì de reviers nchin sun cresta òvel tëma che l pudëssa se destaché na levina y nsci àl cherdà aiut. Chësc ie suzedù tl raion danter l lift dl Vallon y l jëuf de Ciaulonch. L joler dl Aiut Alpin fova bele mpenià te n auter ntervënt y nscila àn cherdà l Pelikan 2 che à purtà sun l post i judacrëp che à pona fat l ntervënt julan inò duc al segur.

Do che l servisc di spediei dla Provinzia de Bulsan fova unì metù adum a una na unità sanitera sëula, à l assessëur Theiner fat a l savëi che l fej cont de prejenté mo ntan chësc prim mez ann la segonda pert dla reforma. Na bele pert dl lëur de preparazion ie bele unida fata y tla proscima enes uelen mo lauré ora miec co la mëter a jì n cont di servijes de basa di singuli spediei y servijes spezialistics.

Program statistich La Jonta provinziela à dat pro n program cun passa 80 nrescides ntan chësc ann. Mpurtanza ti iel unì dat ala coordinazion dla nrescides che vën per la majera pert fates dal istitut provinziel ASTAT, ma nce dal WIFO dla Camera de Cumerz y dal AFI dl Istitut per la prumozion di lauranc.

L joler dl Aiut Alpin.

www.lauscdiladins.com

5


Atualité

nr. 09 / 06 de merz 2010

Museumcard a Mantua Stefan Planker y Igor Bianco ie jic a Mantua, n raprejentanza di Museums Provinziei de Südtirol, per spieghé la “Museumcard” Museums - L sistem de cherta per i museums dla provinzia de Bulsan ie unì purtà dant ai 26 de fauré te na ancunteda cun i respunsabli dl “Sistem di museums de Mantua”. Sun nvit dl Assessorat per la Cultura y Turism dla Provinzia de Mantua ie i doi reprejentanc di Museums provinziei de Südtirol unii nviei ala reunion dl “Sistem di museums de Mantua”, per purté dant l funziunamënt dla “museumcard”, na cherta de ntreda de chëla che n possa se nuzé per vijité i museums provinziei de nosta provinzia. L’ancunteda ie unida fata a Mantua, tla Cësa dl Mantegna cun la prejënza de passa 50 esperc dl setor y dl Assessorat per la Cultura y Turism.

La “museumcard” ie na cherta che vën spartida ora ti museums provinziei dal 2007 incà , che, n iede che n l’à giapeda do avëi vijità un n museum, garantësc che l vënie lascià do l 20% per n ann alalongia pra la vijita di autri museums, pra la mostres y la manifestazions che chisc mët a jì. Sun chësc mëudl iel unì metù a jì dai 1. de fauré 2010 nce na cherta per l “Sistem di museums de Mantua”, n sistem urganisà per cuordiné 44 realteies museales, de cunseguënza fòvel l bujën de cunëscer plu a puntin l ejëmpl dla gestion dla chertes de nosta provinzia che ie bele n droa da trëi ani incà. Nsci iel unì nvià ite l diretëur dl Museum Ladin Ciastel de Tor de San Martin Stefan Planker

Stefan Planker y Igor Bianco a Mantua.

6

www.lauscdiladins.com

y n respunsabl per la stampa coche reprejentant dla Repartizion per i museums, Igor Bianco, a rujené dl’esperienza fata ti museums de Südtirol n con’ de chësta cherta. Se stizan sun la esperienza fata te chisc ultimi trëi ani à Planker rujenà dl funziunamënt dla “museumcard”, analisan i aspec positifs che la cherta porta, ma auzan nce ora la deficulteies che la gestion de na tel cherta cumporta per l’aministrazion de n museum. Bianco ie alincontra jit ite n curt ti vantajes che la gestion ntegreda dl panorama museal ti porta ai setores de comunicazion y marketing, zënza tralascé i aspec plu problematics. Igor Bianco

Dancà y da na pert Uedli y oredles daverc sun la sozieté ladina d’aldidancuei Ornella Candioli da Rorei, da 30 egn te Fascia, patrona de na boteiga de fiores

Co te troeste te Fascia? Gio son ruada canche aee 17 egn e me é troà sobito ben, ence percheche me à semper piajù i monc. Me é fat ite sorì e é emparà sobito l fascian, ence se amò ades l rejone mìngol a modo mie. Peisseste che sie sorì per na fémena che vegn da fora se far ite chiò? Na femena che rua da fora la cogn mìngol se adatar e se dar da far, enlouta la vegn azetada, se enveze la se n stasc te so cianton la vegn lasciada ló. Tu co aste fat? Gio é tacà desché cameriera a Mazin e jà aló é cognosciù n muie de jent. Dapò me é maridà a Vich, son jita ence tel grop di Mille Centrini, e canche é abù i bec me é troà con le autre mare. Son capogrop de la Just, la firma de prodoc de benesser, e ence chest me à didà a cognoscer jent e me far ite. Le femene che vegn da fora fajele grop per so cont? Fosc mingol scì, ence se no l’é na roba esclusiva. Ades veide che soraldut le femene che vegn da l’est le fasc grop, ma fosc chesta l’é na costion de lengaz. El più sorì se far ite te Fascia se se empara a rejonar ladin? Pel esser, ma no crese che cambie n muie. Fosc la jent de età la é manco desfidenta con chi che rejona fascian. Can aste avert chesta boteiga e co éla che tu as pissà proprio ai fiores? Chest an l’é 10 egn. Dut l’é nasciù per cajo: la femena che aea la boteiga de fiores l’à serà per rejon personale e me é pissà de la tor gio e de proar coi fiores, perché a Vich no n’era autre. Son partida a l’aventura, zenza saer nia de fiores: é fat i corsc de basa e dò n meis e mez é avert. Co éla jita? Al scomenz me menciaa l’esperienza, ence se coi corsc é emparà mìngol a mantegnir le piante e a far composizion e mac o enjignar fiores per na noza. I prumes tempes l’era adertura i clienc che me dajea consees. Ades me é fat ite e la va ben. Co cerneste i fiores che tu tole? Son piutost tradizionala, no cere robe massa particolare che no vegnissa nience domanade. E

vae soraldut aldò de la sajon. I fiores se roina prest. Co faste? Cogne dir che l bidon del tumech l’empienesce n muie. Cere de far la previjion de chel che pel jir, ma no semper la va, e preferesce trar demez valch che aer demò trei robe da poder cerner. Dapò laore n muie con composizion de fiores sec o artifiziai che fae gio enstessa, e chest deida. I clienc él più jent da chiò o foresć? Jent da chiò. I foresć i vegn a coriosar e i tol trop le composizion de fiores sec. L’é ben ence clienc afezioné che à la ciasa o i vegn ogne an. Ma se no fossa la jent da chiò no podassane rejer. Colugn él i momenc de maor lurier e che sort de articoi vegnel domanà de più? Se va aldò de la sajon. De jugn, messal e aost l’é l maor lurier per i fiores che va de fora: se taca d’aisciuda coi fiores per fornir le fosse te cortina e dapò ciase e barcogn de fora; l rest de l’an se laora con mac, composizion, regai, piante da ciasa. Te domanei consei? Ei, i domana co che l’é miec far, coche se pel meter ensema i colores... Ence che fiores che i cogn tor per manar messajes particolares col “lengaz di fiores”? Valch outa, ma de chest no son n muie esperta. Fin canche l’é da dir che a la moroja i pel ge tor na resa rossa e se i é gelousc chela śala, ge rue, ma no n muie de più. É ence n libret da poder vardar fora. Chi él i ghesć che rua per la festa de la femena? Soraldut omegn, de ogne sort e ogne età: dal bez, ai joegn, ai gregn. Demò la jent de età no la sent tant. E tant da chiò che da fora. I taliegn i va demò su la mimosa, enveze i foresć i tol più fazile autres fiores, rese o mac, tant se i vegn da l’est che dal nord Europa. Él ence femene che regala o se regala le mimose? Proprio pece. Gio peisse che chiò te Fascia le femene le é fortunade, perché o da l’om o sul lurier, te ogne ciasa rua na mimosa. Sarà ence na festa comerziala, ma a noi la ne va ben... e se l vegn dal cher, l fior l’é semper n bel pensier.


Atualité

nr. 09 / 06 de merz 2010

Sclaves di ei La violenza sun les eles. Pensiers per l 8 de merz, di internazional dla ela, do avei lit i doi libri de Jean P. Sasson “Dietro il Velo” y “Schiave” Internazional - “I son prinzessa te na tera olache al governeia ciamò i re. I messeis perchel me conesce me sciche Sultana. I ne po nia dì mi dret inom, per ne mete nia al pericul me instessa y mia familia con cie che i son tl laour de ves conté. I son na prinzessa saudita, i feje pert dla familia reala di Saud, che governeia atualmenter l’Arabia Saudita. Aldò de mia posizion de ela che viv te n paisc governé da ei, ne posse nia rejoné diretamenter con vos, perchel i ài damané a na compagna scritoura, Jean Sasson, de me scuté su y de conté spo mia storia. I fove nasciuda ledia y sen sonse te ciadeines. Ence sce an ne po nia les vedei, me incercléieles ma i ne l‘à nia entenudes enchin che i n’à nia arjont l’eté dla rajon, canche ales s’à fat plu strentes enchin a smendrì mia vita a n troi angost de teror. I ne me recorde de nia di prums cater agn de mia vita. I rate de podei dì che i à rit y jughé sciche duc i mutons, nia coscientousa per fortuna - che mie valour, ajache al me mancia l organ maschil, ne ova degun sens tla tera olache i fove nasciuda. Per entene mia vita messeise conesce chi che é gnus dant da me. La sclata di Saud ruva derevers tla storia de sies generazions, ai temps di prums emirs dl Nadj, i teritori di bediuns che fej sen pert dl’Arabia Saudita... Mie prum recort é plen de violenza. A cater agn m’ài ciafé n sclaf da mia oma che fova senza dagnora dret da manieres. L motif? I ove asmaté mie pere te sies orazions. Ma impede prié dl vers de La Meca, l ovi fat outa contra mie fre de sies agn, Ali. I pensove che el foss n die. Co esse pa messù entene che al ne l fova nia? Sen, do trentadoi agn, recorde ciamò l brujament de chel sclaf y ence la domanda che s’à mostré per l prum iade te mia ment: sce mie fre ne fova nia n die, percie gnìvel pa spo traté sciche tal? Te na familia olache al fova nasciù diesc mutans y me un n mut regnovel l teror: teror che la mort crudia gnissa a se tò l soul fi mascul en vita; teror che al ne gnissa nia plu do ciamò n fi mascul; teror che Die essa maledì nosta ciasa fajan nasce tan de fies. Mia uma fova teroriseda vigni iade che ala ne fova nia soula, ala priova per avei n fi, pensova con oror a na fia nueva. Ala metova al mond na fia indolautra enchin che i ne fòven nia diesc. La tema maioura de mia uma gniva realté canche mi pere s’à tout na femena plu joena per podei avei ciamò d’autri fis mascui tant preziousc. Ma la ela nueva à metù al mond trei fis nascius morc y a la fin à mie pere divorzié da ela. Con na cuarta femena, indere, à mi pere abù la racoiuda tant dejidereda de fis. Mie fre indere fova l prum fi y, sciche tal, òvel la supremazia soura duc i autri. Sciche mies sorans, savaiove de l adoré tratant che - de fat - i ovi l

encuei ala donca 54 agn y la situazion da canche ala i à conzedù a Sasson de publiché l prum liber (dl 1991) a sen n’é nia mudeda de truep tla pratica. Sun l papier réstel de gran novités: per ejempl che l’Arabia Saudita à firmé dant a les Nazions Unides la Convenzion sun l’eliminazion de dutes l e s fo r m e s d e discriminazion contra les eles (CEDAW) - dl 2000, y che l’Arabia Saudita à sotscrit la Convenzion dles Nazions Unides contra la tortua y d’autres penes o tratamenc crudei, inumans o degradanc - dl 1997. La publicazion dla biografia de Sultana fora per cotanc de lingac dl mond é sté n tremoroz, per i La ela tl’Arabia Saudita véiden fora de ciasa me vestida con l abaaya y l zandl letours y ence per la familia reala instessa (fazolet, vel che cur l cef). Foto: AnsaNews/www.ilcannocchiale.it - chest descrì Sultana senn sciche me i sotmetus sa de fe. desprisc publich. L el é segur che tl meteman dl secunt liber (chel Mia uma se ova maridé a dodesc les eles n’é nia a l’auteza de controlé intitolé per talian “Schiave”). Sia agn, mie pere ne ova vint. Al fova si dejiders sessuai, perchel méssel familia é gnuda lassoura cala che l 1946, da n ann òvel metù man vardé assolutamenter sun la é la prinzessa che à volù scrì sia danuef la produzion de petruere sessualité dles eles. Chest control storia, ma ala é steda bona de deda su tratan la Seconda vera dl assolut n’à nia da nen fe con l amor scogne via tl’Arabia Saudita l mond. Chesta gran forza vitala y provegn me da la tema de ajié sie anonimat volù da l’autoura dl liber dl’Arabia Saudita dl dì da encuei onour personal. (pseudonims/inoms fauc) y la ne ova nia ciamò porté gran richeza L’autorité dl mascul saudit é provenienza dla biografia, enscì a la familia de mie pere, i Saud, ma senza sief: sia femena y si mutons n’é Sultana nia gnuda straufeda o condaneda. sie impat metova man de gnì sentì. souraviv me sce el l vuel... I capi dles gran nazions ova metù La storia de nostes eles é sepelida man de i fe les beles a nost re... viadò l zandl (vel - fazolet) fosch Sepelì mutans vives, les “taié” te sia intimité De segur, al nasc frabicac dla socreteza. La nasciuda y la mort moderns, i on a desposizion les dles eles n’é nia ufizialisedes da ac cures mediches plu avanzedes, ma publics. La nasciuda de na fia La situazion dla ela che Sultana la consciderazion per les eles y per desceda me reazions de dolour y nes conta sona sciche na storia la cualité de sia vita enconta me de daudanza. Sceben che les inventeda. Sovenz ne créien nia indesferenzia. nasciudes che avegn te ospedal che cie che vegn descrit sie realté Al é falé indere de incolpé la vegne intres deplù registredes, ne y nia finzion. Al é la testemonianza fede musulmana per la posizion suzed chest nia per i ambienc rurai. de chela che l mond à debujegn y umila dla ela te nosta sozieté. Tl’Arabia Saudita ne féjen nia ence l’Arabia Saudita instessa. Sceben che l Coran dije de fat che censimenc nazionai. L’Arabia Saudita é un di statesc plu Sovenz m’ài damané: sce nosta ric dl mond, la familia reala po se les eles é sotmetudes ai ei (enscì sciche la Bibla i conzed ai ei de nasciuda y nosta mort ne vegn nia permete duc i conforts. Sultana y governé les eles), à nost profet registredes vuélel dì che nos eles sia familia à palac a Riyad, a Gidda Mohamed perdiché me de se ne son nia al mond? Sce degun ne (sun l Mer Cuece), al Cairo... ai po comporté con manieres y con sa de mia esistenza vuélel spo dì se nuzé dlongia a les autres families giustizia dlvers dles persones de che ie ne son nia al mond?... dl re de jets privac, de piloc privac, mie ses. I ei do l Profet à cernù de Mia pascion per la verité é de chaffeurs privac, de n grum de i jì do a les usanzes y a les tradizions scempla, percie che ie son una de fanceles y fanc, de dotors privac, di temps plu scurs impede de i jì ches eles metudes sun na pert da de locai de pert ti ospedai... Al é n do a les paroles y al ejempl de sie pere, desprijeda dai fredesc y mond de richeza nia da creie. Tla Mohamed.Nost Profet desprijova maltrateda dai oms. Nia la soula. cornisc de chesta richeza sta la vita la pratica dl enfantizid, usanza Truepes é les eles te mia situazion de Sultana y dles autres eles sciche comuna per jì con les fies nia che ne po nia conté sia storia. na scurité, fora de chela che la ousc Al é rer che la verité ti la feje de de Sultana dà fora sciche na stiza dejideredes. Vigni sia parola porta l ressonn dl festide de violenzes filtré da n palaz saudit, ajache al é p er manife sté duta sia poscibles e de indesferenzia ti na socreteza dret auta te nosta malcontenteza per les ingiustizies confronc dl ses feminil: “Chi che sozieté, ma chel che i à conté y che y discriminazions che les eles messa à na fia y ne la sepelesc nia viva, l’autoura à scrit ju é me la verité.” vive. L mond musulman y la cultura ne la maltrata nia, ne tira dant l fi araba che Sultana nes descrì é tla mascul a ela, che Die posse l Stizes fora dal scur per n maioura pert contra vigni mond intier conduje a Paravis”... comandament divin y de etica de I ei de mie paisc rata de ester vita. L letour s’implesc ence de cie che al fova sie dovei de gnì. Les informazions che Sultana senn canche al veid che Sultana Tl’Arabia Saudita mesóren l onour nes dà tres la jornalista y autoura volessa jì en aiut dles ingiustizies, de n el dal mode con chel che al Sasson é reales y ales é bones de ma ala ne po nia ajache ala se met trata les eles. L el messa donca ester cueie l letour. I savon che Sultana al pericul instessa y duta sia familia. bon de se implì de autorité sun la é nasciuda l ann 1956 y che ala Sultana é rica y si om potent, ma sessualité de sies eles o afronté l auda pro la familia reala. Al dì da ala ne bona de derzé fora nia per i

dé plu dignité al “ester ela” te chesta nazion saudita tant maschilista. Sultana é na rebela da pitla ensù, cie che al i gareta é che ala po rajoné dant l maridé con l el che i vegn dé da pert de si pere, ala po l vedei... y ala s’inamoreia davei de el. Cie che ala po se permete te chest sistem tant sclut y crude y controlé da maschilism y da autorité patrialcala é de s’an taié demez da l’Arabia Saudita canche si om i dij da volei maridé ciamò n’autra ela dlongia ela. Ala sparesc con si mutons fora per l’Europa, da n post al auter per sferié ju i festus che essa podù gnì abinés dai detetifs clamés da la familia reala. Sultana arjonj con chest comportament che sie om ne se marida nia ćiamò n’autra ela. Sultana descrì ence che al é usanza te sia Arabia Saudita che n el se marida cater eles y à dlongia a chestes ciamò doseines de concubines (eles de ocajion), con cheles che al à ence mutons - ma chisc ne vegn te chisc caji nia reconoscius. Sultana conta spo di matrimoni sforzés de joenes de 13-14-15 agn con ei soura i 50-60 agn, de violenzes fisiches y psichiches nia da creie a dann dles eles. Tl Egit rùvela a abiné si “pitl” fre y n compagn de chest tratant che ai violenteia na muta egiziana che n‘à nia plu co ot agn. La muta fova gnuda venuda da sia oma a chisc doi joegn. N auter caje - ence tl Egit - n’é nience da creie: na joena vegn enjigneda ca a la festa per sia zircozijion. Sultana ruva te sia biografia a spieghé tant atuala che la zircozijion é. Sies sorans plu vegles é ence gnudes taiedes, ma ela à podù gnì stravardeda. Canche sie el la damana dant l maridé sce ala é gnuda taieda y ela dij de no pòssen sentì n moment lesier: l om n’essa nia volù na ela che à messù passé chest ritual tant crude y ne essa enscì nia plu podù sentì plajei sessualmenter. Sultana conta spo ence te chest liber sciche mutans vegn sepelides vives per che ales desćiarie les “straufunghes” che ales s’à “merité” ne respetan nia usanzes y t r a d i z i o n s , d re t s o v e n z giustifichedes da pert dl sistem maschilist con l’interpretazion fauza dl Coran y dl Profet. Sultana conta spo ence dla gran speranza che al à sentì canche i americans y aleés s’à stazioné tl’Arabia Saudita en gaujion dla Vera dl Golf per defene l Kuwait. Truepes eles à tout l’ocajion de protesté contra sia discriminazion en prejenza dl interes di “ghesć nia arabs” sun sie teritore, enscì per ejempl con jì eles da soules, senza el, con l auto. Chest é proibì tla Arabia Saudita, na ela ne po nia jì cun l auto. La familia reala, che é chela che ne vuel nia dé ju l podei y tin sot dut chel nuef che podessa porté n pericul, castieia vigni ela che va contra les regoles. La ela tl’Arabia Saudita messa resté sotmetuda al el. Senza identité registreda. Y n dì végnela - per la maioura pert di caji - sopelida tl desert senza lascé indò n segn, senza inom, senza pera, sciche ala ne foss mai morta y mai steda nasciuda. (iaco rigo) www.lauscdiladins.com

7


Atualité

nr. 09 / 06 de merz 2010

Na lege contra la violenza sun les femenes

L peis di derc Siae

En ocajion dla festa dles femenes él deventé lege i dessegns prejentés dal conseier Luigi Chiocchetti y da la conseiera Margherita Cogo

Te na interogazion à l conseier Luigi Chiocchetti auzé fora l problem di paiamenc di derc Siae da man dles assoziazions de volontariat

La situazion dramatica dles femenes che patesc violenza desmostra l debujegn de na normativa spezifica.

Politica - L Consei dla Provinzia autonoma de Trent à aprové sciche test unifiché i dessegns de lege sun i intervenc en materia de sconanza dles femenes vitimes de violenza, prejentés adum dal conseier Luigi Chiocchetti y da la conseiera Margherita Cogo. L problem dla violenza sun les femenes é vegnù auzé fora a na vida dramatica dal raport Transcrime y da chel sun les violenzes y i maltratamenc te familia dé fora dl 2007, desmostran l debujegn de pensé a na normativa spezifica sun chest tem. Tla convinzion che la Provinzia autonoma de Trent essa messù avei na normativa de chest vers, à

l conseier Luigi Chiocchetti prejenté n dessegn de lege via per de merz dl 2009, sotrissan la dramatizité dl fenomen y la urgenza de intervegnì. Al é vegnù truep debatù sun l inseriment o manco de chesta disciplina tl contest normatif dla L.P. 13/2007 sun les politiches soziales: da na man fova Chiocchetti segur de ne volei nia endeblì les mesures delaite da les politiches soziales per via dla urgenza dl problem, che damanova na lege spezifica; da l’autra fòvel debujegn de n colegament con i strumenc bele en ester, per asseguré na sinergia anter publich y privat. L test

unifiché é donca vegnù studié a na vida da adaté y adoré i strumenc prevedus da la L.P. 13, i fajan ite tla spezifizité dl problem. Te chest strument normatif à Chiocchetti volù sotlinié valch aspet essenzial: per chel che reverda i sogec che ti sporj aiut a les vitimes dla violenza vuel l dessegn adoré dutes les ressurses y valorisé percursc y competenzes che pò daidé afronté l problem; tré ite l Ent Publich sciche garanzia de efizienza tl contrasté la violenza contra les femenes; istituì n fond de solidarité a sostegn dles azions legales portedes inant; ti sporje a la femena vitima servisc debant contra la violenza; ti sporje strutures de azet aldò di debujegns personai; mete a jì azions de recupereda ti confronc di responsabli de maltratamenc, sciche forma de sconanza per la femena; mete a jì intervenc de prevenzion y sensibilisazion y intervenc de formazion y ajornament; crié y sostegnì na rei de relazions anter duc i sogec che se cruzia dl problem. Samben ne pò chesta lege da soula nia ressolve l problem dla violenza sun les femenes – scluj Chiocchetti – ma ajache al é debujegn de informazion, sensibilisazion, educazion y formazion - sciche l Consei dla Europa recomana - él chest che chesta lege vuel daidé fé.

La mendranzes en televijion L’é peà via la neva programazion sul canal TML, Tele Mendranzes Linguistiches, metù a la leta da TCA L passaje al digitèl terester chest uton passà à portà a la moltiplicazion di canai a la leta. Chest à raprejentà na gran oportunità tant per la emitentes che per i telespetatores, ma tel medemo temp ence n desorientament per chi che vèrda, che no i se à amò usà ite a se mever anter duc chisc canai. Vardan la robes dal pont de veduda de noscia comunanza, chest passaje, de gra a l’investiment fat da la Provinzia de Trent, à permetù de meter na gran lèrga a la leta de la mendranzes, ajache col sostegn de la PAT l’emitenta privata comerziala TCA ge à dedicà n canal entriech (TML) a la comunanzes de mendranza linguistica de la Region. Tel medemo temp la Provinzia de Trent à ence sotescrit na convenzion con la RAI acioche ence te dut l Trentin se posse veder Sender Bozen, olache vegn manà fora ence Trail (ogne sera da les 19.55) e duc i programes de la Redazion ladina de la Rai de Busan. Ampò da n muie de segnalazions ruèdes ence a la redazion de la Usc, chesta pruma fasa à portà più dan che ùtol a la programazion per la mendranzes che TCA aea jà envià via sun sie canal. Anter TCA normal e TML la jent no é più bona de se n capir fora di oraries de trasmiscion de Ercaboan e del TG ladin, ence percheche i oraries de

8

www.lauscdiladins.com

TCA i é mìngol massa “indicatives”. E sun TML na programazion de meisc alalongia de “Viaggio in Trentino” ti paìjes de Fascia, Val di Mochegn e Luserna, repetù fora per fora, aea destrametù ence i più enteressé. Con chesta setemèna passèda l’é tacà via la neva programazion, che veit apede ai programes che jà TCA ge dedichèa a la mendranzes con i tg per ladin, mochen, cimber e todesch e con Ercaboan, n muie de etres programes metui adum de gra al sforz fat te Fascia per empienir de contegnui l spazie metù a la leta dal canal. L’obietif era defat enscin dal scomenz chel de tor ite diretamenter la comunanzes linguistiches te la gestion del canal, aldò de criteries che mete ensema i besegnes e la regoles de la programazion televisiva de na televijion comerziala, con chi de na politica linguistica percacenta e ascorta a fèr cognoscer la mendranzes e i lengac foravìa, ma soraldut a fèr crescer la doura e l prestije del ladin. Se sà che meter ensema l materièl per empienir n canal televisif no l’é na roba sorida, soraldut se se vel manèr fora na programazion per gran pèrt tel lengaz de mendranza, e donca no l’é nience possìbol jir a se tor vèlch de jà fat da etres, descheche vegn fat trop per la

programazion per talian. Per chest na pèrt de la programazion vegn corida ence da programes radiofonics, per ge permeter a sons, paroles e museghes de la comunanzes de mendranza de ruèr ence fora da si confins. Per fèr garatèr chesta gran endesfida te Fascia se à dat jù l’Istitut Ladin, la redazion de Ercaboan, l’Union di Ladins e Radio Studio Record, con la colaborazion de enc e istituzions ence da l’autra valèdes ladines e col coordenament del Comprenjorie Ladin de Fascia. La programazion perveit de peèr via da les 7.15 da doman con na contìa animèda per bec e dapò ge lascèr lèrga a rubriches de atualità e entrategniment enscin les 9. Da les 9 enscin les 12 ge vegnarà lascià lèrga ai programes radio e a la musega ladina, per dapò tachèr danef da les 12 con informazion e rubriches. Da les 14.30 enscin les 17.45 sarà amò na fascia dedichèda ai programes radio. Te chesta setemèna che vegn se podarà veder anter l’auter, apede ai tg e a Ercaboan, i filmac su la Ferata de la memoria e su la mostra “Sie artisć per trei valèdes”, l program “Dal scur a la lum”, l’intervista ai ombolc da Moena, Mazin, Vich e Cianacei, i video-conzerc de musega de AaGar e Encresciadum, e la comedies “Te stua de Piere e Maria”. (lg)

Politica - L conseier Luigi Chiocchetti ti à prejenté al president dl Consei Provinzial Giovanni Kessler na interogazion en cont di derc di autours da ti paié a la Siae. Assoziazions de volontariat, comitac de endrez de festes de paisc, Pro Loco, zentri per la jent de eté, grups musicai, mujighes y cors – scrìvel - mess ti paié a la Siae zifres ence granes canche al vegn endrezé via festes, conzerc y manifestazions che à béleche semper carater volontaristich y sozial, donca zenza deguna finalité de davagn. Sovenz passa via chisc paiamenc mez l cost dles manifestazions enstesses, metan enscì en dificolté chestes realtés, scialdi atives sun nost teritore. Do avei desclarì la situazion ti à l conseier Chiocchetti damané a la Jonta cie scomenciadives che ala à sourantout o che ala vuel sourantò per ressolve chest problem. Al é sté l assessour Franco Panizza che ti à responù a la interogazion de Chiocchetti. L problem é conesciù da temp – àl dit – y al é vegnù tout su contac con la senta Siae dl Triveneto y con

l responsabel dla filiala de Trent. L pont prinzipal dla debatuda é l calcul dl imponibel: l responsabel de Trent seghita a conscidré ence i finanziamenc publics per les manifestazions spezifiches sciche basa imponibla. I controi é vegnus enchinamai maiours, con festide per les assoziazions: al ne à nia joé auzé fora che chesta situazion pò danejé l davegnì dles assoziazions y che a la fin métela en dificolté ence i autours, che ne giata, sce les manifestazions ne vegn nia endrezedes, nience la zifra che les sozietés declara encuei. Donca al é vegnù fat fora de se ouje a la direzion generala nazionala per ti fé conesce chesta situazion. Sce chesta scomenciadiva ne joa nience – dij ciamò Panizza – vardaron de intervegnì a na vida plu ressoluta y per via politica, ence sce la normativa é nazionala. L conseier Chiocchetti à ciamò auzé fora la poscibelté de abiné formes de alesirazion tres la finanza locala acioche chisc ademplimenc posse vegnì sostegnus dal publich, a na vida che les assoziazions posse porté inant sia ativité en pesc.

Ejames de ladin La neva sescion pea via con la proa scrita ai 19 de oril. Ge vel se enscinuèr dant dai 20 de mèrz L’é fat fora l calandèr di ejames per l zertament de la cognoscenza del lengaz ladin. Per chel che vèrda l’ejam de secont livel per aspiranc a posć de la ex carieres diretives e de conzet, che perveit na proa scrita e na proa a ousc, la proa scrita vegnarà metuda a jir en lunesc ai 19 de oril del 2010 a scomenzèr da les 14.30 aló da la senta del liceo a Poza, e la proes a ousc, demò per i candidac che te la proa scrita arjonc amàncol 7/10, pearà via en lunesc ai 10 de mé te la medema senta. Per chel che vèrda l’ejam de prum livel per aspiranc a posć de la ex carieres esecutives e ausilières, che perveit demò la

proa a ousc, l pearà via en lunesc ai 17 de mé, semper te senta del liceo a Poza. Chi che vel tor pèrt a l’ejam e che no se à amò enscinuà i pel l fèr dant da les 12 de en sabeda ai 20 de mèrz del 2010, prejentan a man la domana opura la manan per fax (0462/760001) opura amò per posta racomanèda con avis de rezeviment (te chest cajo arà valuta la data del stempel de la posta). A la domana cogn vegnir enjontà l paament de euro 5,40 per l’ejam de prum livel e de euro 10,90 per chel de secont livel, fat sul ccp 19262377 a inom de la Scola de Fascia - Servije de Tesoreria.

La scola se aur a la comunanza Open-day per i studenc e corsc averc a duc En sabeda ai 13 de mèrz la Scola d’Èrt e l Liceo de Poza aur endodanef si ujes da les 9.00 a les 12.00 e da les 14.00 a les 17.00. Duc chi che à enteress e voa de veder la Scola autes de Fascia e coche se laora laìte i pel jir a veder. Te chesta ocajion se podarà ence aer informazions sui neves corsc de studies aldò de la Reforma tanche aproèda, che per Fascia perveit l Liceo Scientifich, l Liceo Ladin di Lengac e l Liceo Artistich coi doi corsc de èrt de fegura e design, apede ai percorsc de studie del Ski College per i joegn che vel meter ensema a la vida miora

studie e empegn sportif agonistich. La Scola endreza ence corsc da sera de informatica e de lengac, averc a duc: word de basa e avanzà, internet e posta eletronica, excel, ingleis, todesch e spagnol. I corsc de informatica vegnarà endrezé ti meisc de mèrz e mé e chi de lengac ti meisc de oril e mé. Vegnarà fat gropes de 10/15 persones e l cost del cors é de 70 Euro. Per aer maor informazions o per se enscinuèr ge vel chiamèr inant dai 14 de mèrz al numer de telefon 0462.760340 (seg.a Tarter).


nr. 09 / 06 de merz 2010

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

Disco o no te Sëlva?

Plu frëit de fauré

“Cun la lege naziunela che pruibësc de dé ora buandes da alcol do la doi de nuet iel for plu y plu rie a mené na discoteca.” Na ciaculeda cun Filippo “Pippo” Passaro dl Dalì de Sëlva

Tëmp y temperatures ntan l mëns de fauré te Sëlva a 1.595 metri

la un via. Sce l ne n’ie degun local iló ntëur da pudëi jì, pona suzédela mefun nscila che l vën fat fuera y cajin, dala un ne va la jënt nia a durmì,” dij Passaro.

I lauranc te Sëlva

Filippo “Pippo” Passaro dl Dalì de Sëlva cun Michael Schumacher y Serena.

Discoteches - Te Gherdëina n iel restà pueces, de discoteches che à daviert regularmënter nce do la un. L Mauriz a Urtijëi y l Dalì te Sëlva. Cun Filippo Passaro dl Dalì de Sëlva s’l’ons n mumënt ciaculeda n con’ dla deficulteies che ie a mené n tel local da bal.

Truepa jënt te discoteca “La discoteca va bën, lëur n iel assé, nce ajache son pu mé plu puec, te Gherdëina” dij Passaro: ”Chël uel dì che la dumanda ie tlo, truepa jënt vën a se devertì, a balé, a sozialisé coche n dij, nce do na cërta ëura.” Cieche ti dà da cë a Passaro ie che l ie duta na lingia de cuestions che taca pra i orares de giaurida y pra la regulamentazion tl setor dl devertimënt de nuet.

Security y sëura 18 ani Che l muessa vester regules y l

drë’ ordn, chël ie tler, rata nce Passaro: “Nëus da nosta pert cialon che dut sibe a puntin, che l sibe n cër’ ordn. On i uemes dla security, doi o trëi, aldò che l va debujën, ne lascion nia ite jëuni sot ai 18 ani, che ie monce deplù che chël che la lege scrij dant, cun l lim de 16 ani. Fajon chësc propi per na cuestion de segurëza. L ne suzed mei, o tan che mei, che l vën strità: te chindesc ani che mëine l Dalì éi mé messù cherdé cater iedesc la forzes dl ordn.”

I orares ne buta nia “Cun i orares nueves iel rie,” dij inant Passaro, “ajache aldò dla lege naziunela ne pòssen do na cërta ëura, do la doi nia plu dé ora buandes alcoliches.” N con’ d’oportunità de na tel lege pòssen zënzauter se fé si pensier, rata Passaro: “Te discoteca va de regula chëi che vën ora dala ustaries do

Pona nce la cuestion di lauranc: “L ie nce jënt che lëura nchin la dodesc y che uel mo jì a se devertì n mumënt, cun mpue’ de aurela curta n cumpania, se buan si pier o doi. Truep lauranc me à bele dat da ntënder che sce te duta Sëlva ne ëssel tl daunì nia da vester na discoteca che tën daviert plu giut pona ne à ëi deguna ueia de unì a lauré te Sëlva. Vel’ da de tel iel bele suzedù tla valedes ujines. Ma nce i turisć muessa bën avëi l mesun de jì mo te n local do na cërta ëura a se bever zeche, l ie pu dut jënt che à bele si ani y che sà pu cieche la fej, te si libertà persunela nce tl tëmp liede.” Nsciuma, la regulamentazion strënta ne juda nia propi pea a jì inant cun l’atività: “L ie sëuraprò n fator economich; l vën tan rujenà de crisa, y tlo manàcen, cun chësta regulamentazions strëntes che n muessa dsaré y lascé jì cunlauradëures, che fossa bën set tl cajo dl Dalì,” dij Filippo Passaro.

Doi de blòta mutans.

L mëns à scumencià sun l bel nchin amesa l mëns, l ie tlo stat scialdi frëit. Da dedò àl dat ite belau mé bur’ tëmp nchin ala fin y l ie unit plu ciaut. Nevët àl plu che mesanmënter te trëdesc iedesc, cun 69 cm de nëif tumeda (86 cm de nëif òvel fat tl 2009. Tl 2008 ovi muserà 34 cm de nëif, for ntan l mëns de fauré). N possa dì che l fauré da chëst ann ie stat n mëns nia massa bel, sarëinn iel mé stat sies dis, diesc iel stat de mez y mez y dodesc de bur’ tëmp. Dodesc dis iel stat da vënt. Ai 28 de fauré da sëira éi muserà 58 cm de nëif (tl 2009 ovi muserà 76 cm) de autëza te na luegia a dumbria. Josef Mussner

Lege naziunela y cuntroi Cieche ne ti sà nia drët a Passaro ie che do si ntënder ne vel la lege naziunela nia ju per la Talia. O dit miec, la vel, ma l ie n’acurdanza achiet via, na sort de ”tacito accordo” danter forzes dl ordn y i patrons de discoteca. Nchin che l ne suzed nia zeche deplù, stritoc, fuera o auter, possa i locai lauré nchin tert de nuet o daduman abenëura. Sce l ie pona locai ulache l ie tresora stritoc y na gran fuera, iló féjen valëi la lege naziunela, cun multes o te caji estrems fajan dsaré l local. Passaro: “Da nëus vëniel fat respeté deplù la lege. Chësc ie dessegur drët, ma la fazion ie chëla che la ie, y ie, coche i autri che à discoteches te nosc raions, à ogetivamënter de gran deficulteies a jì inant cun si atività.”

Dsaré la discoteca? Devertimënt n cumpania.

Sëlva - L mëns de fauré 2010 ie stat puech plu frëit che chël dl ann passà, cun -3,72 degré de mesana, chël uel dì 0,07 C° dessot ala temperatura dl mëns de fauré dl ann passà, che ova abù na mesana de -3,65C°. L di plu frëit éi muserà ai 1. dl mëns cun na mesana de -11,67 C° y na minima de -16,5 C°. L di plu ciaut éi muserà ai 18 dl mëns cun 1,33 C° de mesana y na mascima for ai 18 dl mëns de 6,50 C°. L fauré 2010 ie stat mesanmënter frëit, sce n ti cëla ai mënsc de fauré di ultimi trënt’ani. La temperatura mesana ie stata de 0,40 C° sëura la mesana di faureies di ultimi trënt’ani. L fauré plu ciaut fova stat tl 2006 cun mé -0,86 C degré de mesana.

Rujenan cun Passaro vëijen che l ti sà da muië, ajache l ie rie a jì inant nscila, y l se fej bele sën l pensier sce tenì daviert l inviern che vën. “Per mé,” dìjel, “ne n’iel degun problem, ie posse bën inò jì a fé pizzes te pizzeria. Ma per n luech coche Sëlva ne fóssel nia propi n davani sce monce l’ultima discoteca dsarëssa.” “Coche for pra cuestions de regulamentazion, fóssel bel che l fossa fundamënt,” dij Passaro, “pona pòssen jì inant. Scenó dsèren mefun.” Coche dì, Sëlva, zënter turistich de livel mundiel, zënza nianca no una na discoteca, te dut l paesc! Na bela figura ne fajëssen. David Lardschneider

Sëlva.

Cujiné tla Cësa de Paussa Ntan l’ëures de animazion tla Cësa de Paussa vëniel fat d’uni sort de lëures y ativiteies. L vën sià, taià, cujì, dessenià, depënt, fat ginastica, balà da sentei, l vën cujinà y monce fat tëurtes y sondles Cujiné - N iede al’ena vëniel cujinà spëisa da zacan ora dl liber „Spëisa da zacan“ de Anneliese Paratoni y nce ora dl liber „So kocht Südtirol“. La andes, che à cujinà duta na vita, à na gran legrëza a pudëi fé unitant chël che les fova usedes plu da giut. Chëles che ie mo bones taia su, mescëida, taia ora la pasta y picenea pro, l’autres possa cialé pro. Uniuna fej la forma che la fova useda a fé da jëuna. Canche dut ie njenià,vëniel cuet te cësadafuech y pona sambën maià, cun apetit.

Drët bon ti sà ala jënt crafuncins, amlec, nioch da patat y bales da zbespes. L ie de gran mpurtanza ti dé da fé zeche ala jënt de tëmp, che a chësta maniera se sëntela mo viva y de utl y l tëmp passa zënza che n ne se ntënd. Christine, Carolin y Ruth, la trëi cumpetëntes dl tëmp liede, se nvënta for inò zeche de nuef, per rënder plu sarëina y plajëula la vita tla Cësa de Paussa. Per la Cësa de Paussa Erica Senoner

Uniuna juda pea a cujiné. www.lauscdiladins.com

9


Gherdëina

nr. 09 / 06 de merz 2010

Na ancunteda danter campions

Curaje zevil

Per festejé sciche l toca la vënta de Erich Prinoth y Vincenzo Sauto, campions dl mond a Valencia

Furmazion - Dis de furmazion politica: chëst ann sot al moto solidarietà y curaje zevil. Doi tematiches atueles che pieta truep mpulsc da lauré ora plu ala menuda. Ntan chësc ann ulëssen lauré ora n proiet a livel de valeda. Nce ntan chëst ann vëniel a s’l dé i dis de furmazion politica tl tëmp danter l di mundiel dl liber ai 23 de auril y l di dl’ Europa ai 9 de mei. Chëst ann d’autonn ulëssen nce mëter a jì vel’ proiet a livel de valeda, che ëssa coche pert zentrela ch’sta doi tematiches, solidarità y curaje zevil. Per l instà ulëssen bën avëi zeche de cuncret sun mëisa, per purté plu daujin ala jënt nce chisc aspec.

Erich Prinoth y Vincenzo Sauto, campions dl mond a Valencia.

Ancuntedes - Nstadì iel stat na ancunteda danter campions dl mond de d’uni sort de disciplines dl sport, dl passà y de nosc dis. L’ucajion prinzipela de se ancunté duc deberieda ie stata la bela vënta cun la Ferrari F430 tl mëns de nuvëmber passà da pert de Erich Prinoth d’Urtijëi y Enzo Sauto de Maran, piloc d’auti cunesciui a livel nternaziunel. Tramedoi à praticà l sport de garejé cun i auti per plu ani alalongia y tramedoi ie liei da na gran pascion a chësc sport, che ti à dat gran sudesfazions.

Valencia ti à purtà fertuna Tl Ferrari Challenge “Shell Cup” ie l duo Erich Prinoth y Vincenzo Sauto stat bon de vëncer la garejeda a Valencia. Chël uel dì campions dl mond, n titul dessegur merità. Leprò tl team nce l capomecanicher Massimo Pepe y Günther Nocker, tramedoi de Sëlva. La cuntentëza per chësta vënta fova granda o povester dit nsci iel massa puech, l ne fova nia paroles, nia la drëtes, per descrì chisc mumënc unics. Per i doi piloc Erich Prinoth y Vincenzo Sauto y dut l team, che ie stac boni de arjonjer chësc titul tla garejeda a pèr, fòvel propi zeche de speziel. Na tatica perfeta y n auto njenià a puntin dal team ntëur al mecanicher Massimo Pepe, che cun si pascion y esperienza à purtà pro al bel resultat. Na esperienza che ie l frut de 120 ani de cunlaurazion danter

Prinoth y Sauto, i doi “Gentlemen driver”. Bele tl 2004 ovi fat pea, ma zënza suzes. Tl 2005 iesi pona boni de ruvé terzi. Y tl 2009 bùtela dut ntëur y devënta nscila campions. Ntan la garejeda furnova duc cun l medemo auto, na Ferrari F430 da 490 ciavei, cossa nia da puech.

Prejënc plu campions de Gherdëina N ch’la sëira, pra la festa, fòvel prejënc plu campions de Gherdëina, coche Peter Runggaldier, Elena Runggaldier, Lisa Demetz, Simon Demetz, Carletto Senoner y Karl Prinoth, per n nunzië mé n valguni, ma nce trueps da oradecà. Duc sà che l sport ie y fova na pert

fundamentela dla sozietà y à daniëura abù si mpurtanza nchin te nosc tëmps. Perchël ie l sport for na festa y viertla o rejon per se ancunté per fé festa. Pra na bona cëina y truepa bona ueia ne fòvel sambën nia da stufé. Uniun savova da cunté zeche de si esperienzes sportives y de vita y de coche la fova n iede y coche la se à mudà. Ma la pert zentrela y mpurtanta dla sëira fova fé viver mo n iede la gran vënta di doi piloc d’auti y l spirt de ntujiasm y ueia de vëncer, che fova tl aier ntan chëi mumënc tan curc, te chëi che n messova dé dut y mpue’ deplù per ruvé dancà. La pascion per chësc sport semea che ne more nia ora tan saurì y da cunté iel for truep. Y pona, per arjonjer n tel resultat, muessen sambënzënza vester alenei aldò y cialé che dut bute. N ne daussa nia fé vel’ fal, scenó ie dut per nia, uni centejim conta te chisc caji. Chësc ài sapù da nterpreté al miec, i doi campions, Prinoth y Sauto, na rejon mplu acioche si resultat fossa ala fin l miëur. Chi sà pa sce dant o do pòssen inò festejé n tel bel resultat te Gherdëina? La pascion ie tlo, na gran pascion per chësc bel sport, suvënz ala zibla dla risia, che ie pu chël che n adrova per vëncer; y pona sàn pu che la speranza ie for l’ultima a murì.

Solidarietà y curaje zevil La tematica da chëst ann ie particulera y sota: la solidarità y l curaje zevil. N à ulù crì ora chisc doi cunzec, ajache i ie l sas de fundamënta dl vester atif da pert di zitadins. Solidareità, la respunsabltà un per l auter, l curaje zevil, vester tlo, zënza avëi tëma de pierder zeche o de avëi desvantajes y se dé da fé per valores cuncrec da uni di, de chëi che ëi y ëiles ie a una y vëija ite la mpurtanza. Tramedoi cunzec ascuend material per stories y ntraunides, per descuscions y pustejedes per se fé na minonga y per esperienzes per mparé dala stories desferëntes y te situazions d’uni sort.

Co ie pa nasciù l curaje zevil?

Daniela Villotti Chësc cunzet de curaje zevil ie unì tuà do per l prim iede tl ann 1835 tla Franzia. Curaje de uniun per n iudize sie y n „courage civique“: n snait populer de stat. L cunzet tudësch de curaje zevil, che tol ite tramedoi cunzec, vën bele numinà tl 1864 da Otto von Bismarck. N descrij la szena, te chëla che Bismarck ti tira dant a n parënt de ne l avëi nia defendù te na descuscion dl Cunsëi de Preussen. L dij che: curaje sun l ciamp de batalia ie tlo da nëus cossa de uniun, ma vo uderëis che l mancia de curaje zevil dantaldut danter jënt da stimé. Ncueicundì capëscen sot a curaje zevil se mëter contra la minonga publica, ulache uniun, zënza tenì cont de sé nstësc, dà inant valores

La Ferrari F430.

soziei o valores dla cumenanza, de chëi che ël nstes ie segur che i sibe drëc.

La lies ie nviedes a se fé vel’pensier Sambën ie nce duta la lies dla valeda de Gherdëina nviedes a pensé do y a se lascé tumé ite vel’ idea che pudëssa passené ite tl proiet che unirà a s’l dé d’autonn a livel de valeda. Te na senteda de fauré, cun i Cunsëies de Furmazion de Gherdëina, iel unì fat ora de mëter a jì n proiet cun plu manifestazions che à i doi cunzec, solidarietà y curaje zevil, coche argumënc fundamentei. Dessegur ne messëssel tlo nia mancë material y ideies. Per ntant à i Cunsëies de Furmazion de Sëlva, S. Cristina y Urtijëi fat ora de fé pea pra l proiet cun chësta manifestazions: n referat n con’ dl lëur tla miscions dl miscioner Sn. Engl, mort l ann passà, che à laurà per truep ani tl’Africa, fajan dl bën, cun gran meric tl ciamp dla solidarietà; n quiz n con’ de persones cunesciudes, che à lascià na fustia a livel naziunel y nternaziunel per l bën dla jënt; manifestazions de benefizënza per sustenì proiec a fin de bën; na mostra de libri che mostra su l tëmp dla opzion, che ova pertendù gran curaje zevil per tò dezijions aldò; na descuscion davierta cun i ambolc nueves, litei d’ansciuda; n teater cun la tematica dl curaje zevil da pert dla Lia dl Teater de Sëlva; na festa nterculturela cun mujiga, tradizions, cultura per se cunëscer miec danter jënt dl post y da oradecà; descuscion n con’ dla tematica di imigranc y jënt da tlo, co iel pa mesun cunviver bën deberieda? Chëstes ie mé n valguna ideies, che possa sambën unì njuntedes da d’autres. Chësta manifestazions, coche dit, ie ntant prupostes da cuncretisé d’autonn che vën, danter mez utober y mez nuvëmber, davia che coche n à udù dala esperienzes bele fates ti ani passei, iel la miëura sajon per chësc proiet, ulache la jënta à nce plu dl’aurela. Per nfurmazions plu avisa pòssen tò su cuntat cun i presidënc di Cunsëieses de Furmazion de uni luech o pra l Servisc Furmazion Gherdëina te Sëlva. Daniela Villotti

Plann dal’ega

Urbanistica te Sëlva Senteda de Chemun te Sëlva. Sun l odenn dl di truepa cuestions urbanistiches

La normes dl’Europa per l’ega vëija dant che uni raion njenië n plann de gestion dl’ega. L plann per l’Elpes urienteles ie unì dat pro ai 24 fauré a Roma

Sëlva - L Cunsëi de Chemun de Sëlva se anconta n merdi che vën ai 9 de merz dala 15.00 per traté chësc ordenn dl di: 1. Comunicazions dl ambolt. 2. Apruazion dl plann de atuazion dl raion per nfrastrutures ti ambienc da jì cun i schi IS “Dantercëpies Monte”. 3. Apruazion dl plann de atuazion dl raion da sté de espanscion C2 “Anri”. 4. Apruazion dl plann de atuazion dl raion da sté de espanscion C1 “Anri”.

Ega - “Per nëus se tratòvela de ntegré nosc plann de gestion provinziel,” à dit l assessëur Florian Mussner, che à ncuei reprejentà la Provinzia de Bulsan a Roma. L plann de gestion per l raion dl’eghes dl’Elpes urienteles ie unì laurà ora dal’autoriteies per l raion dl Adesc y dl’Adria dl nord deberieda cun la regions y provinzies tuchedes. “L plann tol ite la cualità dla majera eghes, na valutazion generela dla cundizions y nce i pruvedimënc che l ie debujën per mantenì la cualità dl’ega,” spiega Mussner.

10

www.lauscdiladins.com

5. Apruazion dl plann de atuazion dl raion de espanscion per nsediamënc produtifs E “Anri”. 6. Apruazion dl plann de atuazion dl raion da sté de espanscion C1 “Col da Lech ovest”. 7. Mudazion sustanziela dl plann de atuazion dl raion da sté de espanscion C2 “B2” - lot B5. 8. Mudazion sustanziela dl plann de atuazion dl raion da sté A „ La Villa“, lot 3.03. 9. Pranives srl: slungë la cunvenzion per la gestion dl parëi artifiziel de arpizeda.

10. Renuvamënt dla cunvenzion cun l Istitut Culturel Ladin „Micurà de Rü“ per l manejamënt dla biblioteca cumenela „Oswald von Wolkenstein“. 11. Mudazion al plann urbanistich cumenel: nserimënt di raions per la defendura di ensemble - tëuta de posizion n con’ dla usservazions dates ju. 12. Barat dla p.gr. 482/4 Ch.c. Sëlva cun i luesc sotmetui a scunanza de ensembles La Sia y Corpomio deliberazion de mascima. 13. Desferëntes.

Da pont de ududa politich iel stat mpurtant de dé pro l plan generel a cundizion che vënie recunesciù nosc plann provinziel. “L Statut de Autonomia nes dà cumpetënza te chësc ciamp y vëija dant na pruzedura drët cumplicheda per dé pro l plann de gestion dl’eghes provinzieles. Ulan perchël vester segures che l plann generel tënie nce conta de nosta situazion” à dit l assessëur. Tl plann de gestion per l raion dl’eghes dl’Elpes urienteles iel nce unì ntegrà la particulariteies dla provinzies de Trënt y Bulsan.


Gherdëina

nr. 09 / 06 de merz 2010

„Nia da crëier“ Garejeda de schi propi garateda dla scola elementera de Urtijëi y Runcadic

Pra la premiazion.

Scola - Per udëi de drë’ atlec y campions da dut l mond ne àn nia drë’ de jì a Vancouver pra la Olimpiades. N messova mé jì n merdi danmesdi, ai 23 de fauré via Palmer y Furdenan a ti cialé pro ai passa 300 partezipanc dla scoles elementeres de Urtijëi y Runcadic. “Nia da crëier”, audìven for inò l comentator Luis Mahlknecht plën de ntujiasm y cun na usc bela sterscia. L ne fova pa propi nia da crëier, cun ce tempo, ce sgors y n bel „stile“ che duc furnova danter i pei ora. L semiova de udëi Lindsey Vonn o Bode Miller. Dassënn purtà pro ai boniscimi resultac à nce la gran cumpëida de tifosi (umans, peresc, cumpanies de tlas, maestres y n. i) che à fat jì i atlec mo ntan debota. Ma l ne bastova sambën nia mé l svaiamënt pasciunà. N udova

L diretëur premieia.

danz che duc fova n forma y dassënn njeniei ca y che vel’ un/a fova unì i ultimi dis a se studië ju uni pitla raida a puntin. Y do chësta prestazions de marueia y chësta fadia se à duc merità n crafon per la gola y per la fam y n bon té ciaut per la sëit. Nce sce duc ova fat n boniscimo tëmp, ne udova duc i sculeies/la sculées nia l’ëura de pudëi jì ala premiazion che fova tl’Aula Magna dla scola elementera, da mesa la trëi domesdì. Duc fova da stramp curiëusc de udëi chiche fova stai i plu asvelc o sce i fova propi ëi a giapé la bedaia d’or. Tl scumenciamënt à l diretëur Helmuth Senoner saludà y rengrazià duc canc drët bel, dantaldut la autoriteies: l ambolt Ewald Moroder, l assessëur Pauli

Rabanser, l diretëur dla filiela dla cassa Raiffeisen de Sëlva Helmuth Demetz, Ivana Peristi y Bruna Pitscheider. Bel ti savova danz ala mutans y ai mutons che i à duc pudù jì sun palch y oradechël che i à giapà duc n pitl blòt pest. Chëi de 1. y 2. tlas à giapà n bonn da jì a tré sauc sul trampolin via Palmer y chëi de 3., 4. y 5. tlas na ntreda debant tla plaza dala dlacia, via n Setil. N grandiscimo de gra ti va mo dantaldut ai sustenidëures de chësta manifestazion defin garateda: -La scola de schì per avëi metù a jì duta la garejeda y per avëi tëut ju i tëmps. -La Cassa Raiffeisen de Sëlva (filiela de Urtijëi) per la copes y l stont dai crafons y dal té.

-La Cassa dl Sparani per i numeri mprestei. Per fertuna à dut butà y deguni ne se à fat mel, perchël iel pu nce

stat tan bel. Y sce la va cun nosc atlec tan bën inant nsci, sperons de udëi un o l auter pra la Olimpiada tl daunì. (mh)

Ce bon l prezl!

L guant dala gherdëina La Lia cultura y usanzes de Sëlva à finà via l’ atività di ultimi doi ani cun la senteda generela y vela dl cunsëi nuef mujighes.

Senteda generela

La gherlanda spiza.

Sëlva - N juebia ai 11 de merz fej la Lia cultura y usanzes de Sëlva pea pra la prima defileda de chëst ann, metuda a jì dala Lia dl Turism. L sarà na defileda cun de biei guanc dala gherdëina y n valguna

Pra la senteda generela ti à la presidënta Giovanna Kelder cuntà ai cumëmbri dl’ativiteies dla Lia. La Lia à fat pea pra festes de dlieja, sciche Santa Mësses y pruzescions, ma nce pra na gran cumpëida de defiledes te valeda y vel’una oradecà. Oradechël se ova l Cunsëi tëut dant de nrescì zeche plu avisa n con’ dl guant dala gherdëina. Nsci se àn ancuntà plu iedesc cun jënt de tëmp dl luech per se lascé cunté chël che ëi se lecurdova mo n con’ dla prima trohtes. Nteressant per la Lia iel a savëi can che y co che l guant dala gherdëina univa trat sëura. Chësc per dé inant la tradizion te na drëta maniera. Dantaldut per la gherlanda spiza iel for inò da udëi y da audì

minonghes desferëntes n con’ de co la tré sëura. La presidënta à nce dit che i mutons che fej pert dla Lia ie stai scialdi lezitënc fajan pea pra la manifestazions cun legrëza. Nsci àn ulù mëter a jì na pitla jita ala fin dl instà y n ie jic tl verzon cun cordes y puenc al’auta a Urtijëi. Ai mutons ti àl sapù scialdi bel, duc à desmustrà de vester propi da snait. L cassier Urban Mussner à pona purtà dant la situazion dla cassa.

L cunsëi dla Lia Do n salut da pert dl ambolt Roland Demetz, che à sotrissà la mpurtanza dla Lia rengrazian i cumëmbri y d’autra autoriteies, iesen pona passei ala vela dl cunsëi nuef che ie restà l medemo nce per i proscimi doi ani. Presidënta dla Lia ie Giovanna Kelder, vizepresidënt y cassier ie Urban Mussner, scrivana ie Patrizia Prinoth, respunsabla di guanc dla Lia ie Rosa Senoner. I

Cunsëi vedl y l nuef dla Lia Cultura y Usanzes ntan na jita al Bodensee.

autri cunselieres ie Alma Perathoner, Giuani Dejaco, Elmar Pitscheider, Mirka Demetz, Kurt Villgrattner y Cornelia Perathoner. L cunsëi nvieia duc i cumëmbri a fé pea pra la defileda n juebia ai 11 de merz. N muev dala nuef da sëira ta Col da Mulin per jì ora nchin sun plaza de Chemun. Ulessan te chësta ucajion nce

rengrazië la umans che se tol for dl’aurela de furnì i mutons cun l guant dala gherdëina, ti dajan la puscibltà de fé pea pra la manifestazions. Nvion nce chëst ann inò de cuer duc a fé pea pra chësta Lia y a unì a se mpresté ora l guant dala gherdëina. L cunsëi fajerà mo a l savëi can avisa che i guanc unirà dac ora. (cp) www.lauscdiladins.com

11


Gherdëina

nr. 09 / 06 de merz 2010

Generela dl Cor y l’Orchestra de dlieja de S. Cristina Do n ann de atività iel tradizion che l Cor y l’Orchestra de dlieja de S. Cristina fej si reunion generela

Uneranza a Simonetta Delago Kerschbaumer.

Uneranza per trënt’ani de atività.

Lies - Nviei vën sambënzënza duc i cumëmbri, Sn. Pluan, l ambolt, l assessëur per la cultura y i presidënc dl’autra lies cultureles dl luech. Pont de gran mpurtanza ie uni ann nce la uneranzes. Uni ann vëniel cherdà ite al scumenciamënt dl ann duc i cumëmbri dl Cor y Orchestra de S. Cristina per si reunion generela.

L cassier Gerhard Demetz à da dedò liet dant coche la sta cun la cassa. Duc se à fat marueia tant che l Cor muessa uni ann dé ora y dal’autra pert coche n ie boni nce de curì la spëises. Cun n bel aplaus iel unì rengrazià Gerhard per si gran lëur che l à y dantaldut per coche l ie for bon de tenì la cassa ativa. Tlo ti va nce n rengraziamënt al assessorat per la cultura ladina, ala Chemun y a Sn. Pluan, che uni ann ti dà inant doi de bela dunfiertes al Cor.

fé mpue’ l pont dla situazion y de dì coche ël la vëija. Claudio lauda daniëura si ciantarins y duc i cumëmbri dl’Orchestra. De bela paroles de cunfort y de amirazion ti dij uni ann Sn. Pluan Raimund Perathoner a duc i ciantarins y sunadëures y mascimamënter a Claudio Kerschbaumer, che ne n’ie nia mé l dirighënt, ma nce l ugrister de dlieja y che à da vester perchël uni sada sëira y uni dumënia te dlieja. Paroles de lauda ie unides pona nce dal ambolt a inuem persunel y de duta l’aministrazion cumenela: “L ie na gran legrëza per na cumenanza a avëi lies tan atives che ie tlo n unëur de Chël Bel Die y per la legrëza de duc i zitadins,” à dit l ambolt Bruno Senoner.

Lauda a Cor y Orchestra

Uneranzes ai cumëmbri

Uneranza ai jumblins Malsiner

Y sciche sce l ne fossa mo no assé iel ala fin unì unerà mo n ciantarin: per si 60(!) ani pra l Cor: al tenor Emil Perathoner ti iel unì sëurandat n bel diplom de uneranza y merit. Emil à giut ciantà nce sciche solista y ie mo for na usc de gran mpurtanza sun l cor, na usc sun chëla che si cumpanies possa for se lascé! Grant y lonch ie stat l aplaus per duc i unerei y la plu bela resposta ie stata che duc à dit che i à mo for na gran ueia de fé inant.

Do l cassier ti àla tucà al dirighënt Claudio Kerschbauer de

La pert zentrela de chësta reunion ie chëst ann zënzauter

Per si 55 ani leprò iel unì unerà i jumblins Hansi y Greti Malsiner.

Cun na bona cëina ie pona fineda via la reunion da chëst ann.

Atività fata via per l ann Coche l ie tradizion scumëncia l presidënt Hans Peter Runggaldier cun la relazion de chël che ie suzedù ntan l ann passà. N se à inò abinà cincanta iedesc per proes, sibe detail che dantaldut cun duc. Bën 38 iedesc iel stat da cianté te dlieja o pra vel’ autra ucajion. Tl ann 2009 à l Cor ciantà 13 mësses cun Orchestra. Auzà ora iel unì l bel cunzert da Pasca. Do si relazion, che l presidënt porta dant for te na maniera scialdi

dalaibon y cun gran humor, à la scrivana Alexia Senoner Plancker liet dant l protocol dla reunion dl ann passà, fat cun gran lezitënza.

La cassa ie for ativa

Per si 55 ani leprò iel unì unerà i jumblins Hansi y Greti Malsiner.

L tenor Emil Perathoner.

12

www.lauscdiladins.com

stata l sëurandé la uneranzes ai ciantarins che ie bele giut leprò. Per si 20 ani leprò à giapà l diplom Simonetta Delago Kerschbaumer, fëna de Claudio. Trënt’ani leprò ie Susanne Comploj Perathoner, Christine Lobis Goller, Eveline Senoner Pitscheider, Gertrud Senoner Perathoner y l ugrister y dirighënt Claudio Kerschbaumer. Per si 35 ani leprò - y de chisc 15 sciche presidënt - à Hans Peter Runggaldier pudù pië do da Sn. Pluan l diplom de uneranza. Bele carant’ani leprò ie Uliva Hofer Runggaldier, Marlene Senoner Senoner, Robert Insam, Pasquale Ploner y Günther Runggaldier, uem de Uliva.

Chësc ie dessegur zeche de particuler che doi jumblins ie tan giut pra una na lia y sona l medemo strumënt, la vidula. Hansi ie stat nce giut dirighënt dl cor y canche la muessa vester jùdel mo for ora.

Sessant’ani pra l Cor!

I unerei per i carant’ani de atività.

Uneranza al presidënt Hans Peter Runggaldier.

Diplom de uneranza y merit per Emil Perathoner, 60 ani pra l Cor.


Gherdëina

nr. 09 / 06 de merz 2010

L ambolt candidea da ambolt Ewald Moroder ie unì numinà ufizialmënter candidat per la ncëria da ambolt da pert dla SVP de Urtijëi. Na ntervista al prim candidat ufiziel da ambolt de Gherdëina Dut chësc ne n’ie segurdenó saurì da purté inant, y l ntervënt ie nce do la rata grant. Ma sce i lëures ne fossa nia unic metui adum pona ëssa dut durà plu ani. Nscila saràl te puech tëmp inò gheneda sun Resciesa, coche se mbincion duc canc. Co udëis’a vo i autri partic y l mesun de cunlaurazion, sibe dan che do la veles? Dantaldut me senti fertunà de vester pra la SVP, ajache se fajon saurì a jì a rujené cun l presidënt y i assessëures dla Provinzia, cossa che ie dessegur de aiut. Per i autri partic diji che l ie drët che l sibe oposizion, ma l ie nce drët a resté for ogetivamënter pra la cuestions, ne tuman nia ju te n livel bas de ataché la persona, ajache ntlëuta fina via la democrazia y n va sot al livel de na cërta cultura.

Ewald Moroder.

USC: Danora mo: co l’ëis’a, do l calvario dla ultima enes? Ewald Moroder: Sté bën, de gra. N juebia y n vënerdi dan otodì éi abù i ultimi cuntroi, che ie jic bën. Iel pa segur, sëis’a Vo l candidat dla SVP de Urtijëi per la veles de Chemun de mei? Sci, l cunsëi dla SVP de Urtijëi me à lità cun duc a una. Chësc ie stat per mé na gran legrëza y nce n gran unëur. Cie pudëis’a nes dì di ultimi cin’ ani da ambolt, cie ëis’a fat, cie à pa butà? A cumpedé su dut ëssi ëures da lëur. Ma n curt possi dì che son stai boni de fé truep per l soziel, la cultura y la scola, ma nce per l’economia dl luech, per l turism, l sport y i jëuni y per uni ciamp dla vita publica. Danter l auter possi auzé ora coche arjontes mpurtantes la Cësa

dla Lia Mostra d’Ert Circolo, cun na bela lerch per i jëuni y la Nëus Jëuni, per la Mujiga, per l Fotoclub. Pona iel unì fat la Cësa de Cultura nueva, la Cësa dla Locia ie unida dertureda su. Ulësse nce auzé ora duta la stredes che ie unides fates, la canalisazion, i tretuares, l rundel Purger, l cunliamënt dla streda Berna-Stufan, la cëses dl IPES y dl fabriché alesirà, l raion da jì a pe scialdi garatà. Auzé ora ulëssi nce l plann urbanistich che ie unì laurà ora da nuef, ulache i raions nueves da sté che ie unii metui ite ie cunvenziunei al 100%, chël uel dì che l possa mé fabriché de tei da tlo. L ie nce cosses che vën critichedes, coche la coalizion cun la Lista Ladins, ulache la semiova fata ora, dan cin’ ani, ma pona iel stat la mudazion, cun la SVP che ie jita te Jonta cun la Lista Urtijëi.

Ntlëuta iela stata nscila che per mé fòvel mpurtant a avëi na gran maiuranza te Chemun. Y on udù che sce la ie, la gran maiuranza, pona iel nce la forza per purté inant cër’ lëures y i resultac ie nce tlo. Pona iel stat la cuestion Alfred Mulser y Marina Demetz. Muesse dì che tla cuestions che à da n fé cun l Cunsëi de Chemun iesi for stai leai permez a mi y me à for sustenì. Da Sëlva ora diji che da canche sëis cun i Vërc ne se lascia chisc nia plu audì per cuestions che à da n fé cun l ambient y la cuntreda, cun referimënt cuncret ai lëures sun Resciesa. Posse dì che la cunlaurazion de coalizion ie stata bona. N con’ de d’autra listes ne me tulëssi mei a dì cieche i toca dé fé, cieche l toca de vester y cieche ie drët per chëstes. Uniun à si respunsabltà per si lëures y per si ideies. Da mi cont possi dì cun bona cuscienza y nce sudesfazion che de chël che la SVP à purtà ite te program ie passa l 80% unì fat. Y pona iel mo unì nvià via n valguna cuestions nia scëmples da purté inant, ma a chëles che ti stajon do: danter l auter i cuatieres per la jënt de tëmp o la cherta per la families da tlo per jì a n miëur priesc cun la furnadoies, ulache l ie bele n pert na soluzion ma ulache ne son mo nia cuntënt defin.

Pona dijëis che mé chëi dla SVP possa rujené cun l presidënt y i assessëures dla Provinzia cun resultac positifs? Ie é dit che me feje plu saurì, ajache per ntant éi nce na cunescënza persunela y n bon cuntat. Ma ie sé tlermënter che uniun possa jì a rujené cun i reprejentanc dl Cunsëi provinziel y dla Jonta. L vën dit che te truep Chemuns pudëssa la SVP pierder. Co udëis’a Vo la situazion dla SVP pra la lites de Chemun a Urtijëi, realisticamënter? Ie son dla cunvinzion che la SVP a Urtijëi ne pierd nia, ajache la jënt ti cëla dantaldut ala persones y a chël che l ie unì fat. Y do mi ntënder iel unì fat n bon lëur, de uni viers. L ie nce tler che lauran truep vëniel nce fat vel’ fal, che n dëssa nce udëi ite coche aministradëur. Y co udëis’a Vo la situazion dla SVP n generel, te duc i Chemuns, cun Freiheitlichen y d’autri partic, plu reazioneres da coche l ti vën trat dant, che semea che davania? I partic che fova bele prejënc te n Chemun pòssen iudiché per chël che l ie unì fat y per chël che i à fat de drët. I autri partic muessen udëi cieche i à sun l program, ajache l ie da mëter a verda che vel’ partit che ne à mo nia candidà possa tré sablon ti uedli o vënder fum.

Ma ie rate che l conta dantaldut la persones sun na lista cumenela. La DIA, la „dichiarazione inizio attività“, muderà mpue’ de zeche tl daunì? No, nosc assessëur Laimer à pu bele dit stop, chël uel dì che per Südtirol ne vëniela nia a se l dé tl ciamp dl’urbanistica. Ne pudon nia mëter su PUC’s, regulamënc de fabriché, UNESCO y scunanza, Natura 2000 y uniun possa pona fé cieche l uel. Ie son dla cunvinzion che l ie drët che l sibe na cumiscion per l fabriché che valutea danora y no da dedò. Cieche ti dà, dal’autra pert, lerch a na certa discreziunalità, cun l pricul nce che un o l auter vënie tratà miec, a livel tlienteler datrai? Ie muesse dì che ne son nia de chësta minonga, ajache cun na cumiscion cun reprejentanza de truep cumëmbri de uni realtà dl luech, coche nce i Destudafuech y l dutor de basa, y cun l nciarià dala Provinzia che cëla che la leges vënie tenides ite, ne n’ie chësc nia l cajo. Ve ëis’a bele cris ora vosc cumpanies de lita, o dit autramënter, sce la jissa fata, chi tulessais’a ite te Jonta, di Vosc dla SVP? Muesse dì che son scialdi a n bon pont cun i candidac che on. Sun lista iel bele reprejentanc de uni setor. Muesse dì che l ie candidac scialdi nteressanc. Chël uel dì che l n sarà dut de nueves y i vedli ne sarà nia plu da udëi, i vedli che ie minei chëi che ie śën te Jonta? De assessëures y Jonta ne rejoni sambën mo nia, ajache n iede muessi ie unì lità coche duc i autri che muessa ënghe unì litei, pona vëniel rujenà de programs, de coalizion y de assessëures. Ma iel pa un o l auter che ne ulessais nia, y zachei che ulessais coche cumpani de Jonta, sce la ve jissa fata? Ulësse che te Jonta fóssel inò jënt che se dà ca per l bën dla cumenanza cun legrëza, mpëni y artenienza. Ntervista David Lardschneider

De reviers ala Resciesa y ala critiches. Cie dijëis’a Vo? Ie son dla gran cunvinzion che chësta fova la sëula y miëura soluzion, de coche l ie unì nvià via i lëures. Ulësse lecurdé che l ne vën nia mé fat la ferata, ma tl medemo mumënt nce la canalisazion dal eghes pazies da suinsom nchin japé. Pona vën la Utia de Resciesa fata su da nuef. www.lauscdiladins.com

13


Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

nr. 09 / 06 de merz 2010

Pole position por Felix Ploner y Richard Erlacher Prelites: 208 porsones é jüdes a dè jö ćina cater preferënzes La Pli - Sce an tol ca les porsones sura i 18 agn che ê jüdes a lité a La Pli de Mareo ales lites provinziales dan da zirca n ann y mez spo fej fora la partezipaziun de 208 le 38,5%. D’otober dl 2008 à 540 dè jö la zetola litala. A La Pli de Mareo él gnü tignì les prelites a chësta manira: al é gnü lascè al savëi ala jënt tres radio y folieć y la Plata dla Ploania che al foss stè la poscibilité da jì a tó pert a prelites i dis 27 y 28 de forà tla Ćiasa dla scora. Tles ćiases y tles families n’él ruvé degun avis o invit de partezipaziun. Di 208 litadus él stè 79 (zirca le 38%) che ti à dè na preferënza (öna de cater che an podô dè) a Felix Ploner (aconsiadù atual de comun y candidat ofizius a ombolt) y 79 a Richard Erlacher (assessur atual de comun). Al terz post söla

gradatöra di resultać vëgnel spo Davide Brandlechner (atualmënter aconsiadù de comun), al cuarto post vëgnel spo Lois Taibon, che n’à nia ćiamò esperiënza da aconsiadù comunal o da mandatar politich te d’atri organns istituzionai. Impormò al 10^ post ciafunse l’aconsiadù atual de comun Jep Ellecosta d’La Costa cun 17 usc y al 11^ post l’aconsiadù de comun atual Giovanni Complojer alias Johnson.

I resultać Felix Ploner 79 usc, Richard Erlacher 79 usc, Davide Brandlechner 48 usc, Lois Taibon 37 usc, Alfred Ellecosta 30 usc, Patrick Complojer 29 usc, Lois Peslalz 20 usc, Ludwig Rindler 18 usc, Teresa Palfrader Willeit 18

usc, Jep Ellecosta/La Costa 17 usc, Giovanni Complojer 13 usc, Jep Agreiter 13 usc, Monica Willeit 12 usc, Jan Agreiter 11 usc, Martin Obermaier 9 usc, Hansi Compoj 9 usc, Carlo Palfrader/Pre 8 usc, Patrick Costabiei 8 usc, Beatrix Terrabona 7 usc, Hanspeter Obojes 6 usc, Tone Erlacher 6 usc, Franz Rigo 6 usc, Paul Pedevilla 6 usc, Thomas Ploner 6 usc, Franz Fiung 5 usc, Patrizia Pedevilla 5 usc, Valentin Erlacher 5 usc, Franz Trebo/Zelé 5 usc, Peter Hochwieser 5 usc, Silvester Ellecosta 5 usc, Hubert Ploner 5 usc, Helmuth Elliscases 5 usc, Stachio Erlacher/ Al Plan 4 usc, Tone Rindler 4 usc, Albert Palfrader 4 usc, Monica Winkler Pedevilla 4 usc, Alfons Facchini 4 usc, Erich Erardi 4 usc, Ivan Ellecosta 4 usc, Otto Ellecosta 4 usc. (ir)

Felix Ploner à ciafè deboriada cun Richard Erlacher 79 usc de preferënza ales prelites d’La Pli de Mareo.

Reuniun cun reconoscimënt La seziun da Antermëia dl Aiüt Alpin Dolomites à tignì süa reuniun generala. L’ann passè à i 12 mëmbri metü passa 800 ores al sorvisc dl zitadin. Scincunda por Kassian Prousch da pert dl Comun Lies - En domënia ai 28 de forà él gnü tignì a San Martin la sentada generala dl Aiüt Alpin, seziun Antermëia. Al é gnü ćiarè zoruch al ann de sorvisc passè y fat n bilanz di intervënć, cursc y sorvisc d’ordinn. Tl 2009 él gnü fat indöt 816 ores (68 ores a će). L’Aiüt Alpin Antermëia à fat sis intervënć, tut pert a deplü cursc y fat n valgönes proes, adöm ai stodafüch y ala Crusc Blanćia. Al é important da ester arjignà y savëi co se comportè tl cajo de bojëgn. Indöt cumpëda l’Aiüt Alpin Antermëia 12 mëmbri, de chisc 8 da Lungiarü, 2 da Antermëia y 2 da San Martin. L’ann passè à dui mëmbri - Marco y Hermann - fat sorvisc a l’Aquila, tl Abruzzo, olache al é stè le gran

I mëmbri dla uniun cun l’ombolt.

tremoroz. Ai à passè lajö sis dis, olache ai à fat n gran laûr, arjignan ca tëndes y sorvisc igienics por les porsones romagnüdes zënza ćiasa. En ocajiun dla sentada generala ti à l’ombolt dl Comun da San Martin Pepi Dejaco surandè na scincunda al presidënt da denant, Kassian Prousch. N gran dilan a düć i mëmbri por le sorvisc che ai fej y le tëmp che ai ofrësc sö por l’uniun. Al é n gran sorvisc che va a bëgn de düć. Aiüt Alpin Antermëia, S. L’ombolt Pepi Deiaco ti à surandè na Martin y Lungiarü scincunda a Kassian Prousch.

Tëmp de forà Forà é jü a piz. Por nos le tëmp da ćiarè zoruch ales corëtes che le tëmp à fat, por odëi che le secundo mëis dl 2010 à zënz’ater n valgönes curiositês, dantadöt sce an ćiara al medemo mëis di agn denant Tëmp - I ti ùn ćiarè ales statistiches dl tëmp y dles temperatöres, che nes é gnüdes metüdes a desposiziun dal maester en ponsiun Albert Daverda, che fistidiëia bele da agn da scrì sö y fà cunć sön le tëmp a Lungiarü. Forà é bele da tradiziun le mëis dl ann cun manco prezipitaziuns, mo tl confrunt cun le medemo mëis di

14

www.lauscdiladins.com

ultimi 20 agn él stè scialdi da nëi y ega. Tomè él indöt 58 cm de nëi, 48 mm d’ega, che é deplü co de forà dl ann passè. Ti ultims 20 agn él ma tomè plü nëi dl 2004 (81 cm) y dl 1995 (61 cm). Döt adöm él stè chësc ann 15 dis de bel tëmp, 6 dis da nio y 7 dis de burt, cun prezipitaziuns. Stè él inće n mëis scialdi frëit, inće sce la media de 3,55 degrà de frëit

é gnüda arjunta plü gonot tl medemo mëis di ultimi agn. Feter döt le mëis é les temperatöres minimes stades sot nul, ma ai 26 de forà êl da doman n degrè de ćialt. Por chinesc dis é le termometer rovè sot i 10 degrà de frëit. Le dé plü frëit é stè le 1. de forà, olache le termometer é rovè a -19°C. Sce an fej n confrunt cun i mëisc de forà dal 1991 incà, spo pon odëi che la temperatöra minima é jüda sö. Da ti ćiarè ales mesanes sön 10 agn él inće na picia curiosité. Danter le 1991 y le 2000 él tomè ti mëisc de forà döt adöm 262 cm de nëi, 181,2 mm d’ega. Danter le 2001 y le 2010 él tomè 406 cm de nëi y 293,0 mm d’ega. Chësc ô dì che ti mëisc de forà de chësc ultim dejenar él tomè le 55% de nëi implü y le 61,7% de ega implü co tl dejenar da denant. (pablo)


Val Badia

nr. 09 / 06 de merz 2010

Svilup turistich tl comun de Badia L’ombolt dl Comun de Badia Iaco Frenademetz en cunt dl conzet de svilup turistich che n’é nia ćiamò passè te consëi, criters che podess gnì tuć ca tl dagnì, la Ćiasa di Pici, la caserm di carabiniers y le regolamënt por i ćians Usc: Iaco Frenademetz, le Comun à lascè realisé n conzet de svilup turistich, che le consëi n’à indere nia ćiamò aproè. Ćiügn é pa i fins prinzipai de chësc conzet? Iaco Frenademetz: I ùn orü odëi sce i orun y sce i podun ćiamò fà plü leć o nia. Al n’é de chi che à debojëgn da aumentè i leć, p.ej. de pici eserzizi che â denant la familia che laurâ y mëss śëgn tó sö colaboradus, ći che ne se paia nia. Chisc pici eserzizi n’à incö - zënza le stüde - nia la poscibilité da fà maiù. Danter l’ater él preodü tl stüde da realisé 1.100 leć implü ti proscimi diesc agn. A che dess pa ti jì chisc leć? Le stüde é gnü fat dal ajentöra Kohl & Partner dl dr. Alois Kronbichler, che se conzentrëia prinzipalmënter söl turism. Dal stüde él gnü fora che le comun de Badia soporta ćiamò 1.100 leć ti proscimi 10 agn. Pro le stüde à laurè n grup de laûr metü adöm da aministradus de comun, rapresentanć dl comerz, di ostis, dl’assoziaziun turistica. Dailò êl gnü fora la proposta da ti lascè fà chisc leć ma ai eserzizi che é bele, nia a eserzizi nüs. Chësc à descedè critiches, no pa? Chësc à alzè sö n pü’ de stöp. Al é da dì che sce al é de pici eserzizi, afitaćiamenes che oress fà pensiun, n’ài incö degöna poscibilité da le fà, sce ai ne toma nia ite te chësc plann

de svilup turistich. Na pert dl grup de laûr ne n’ê nia cis dla convinziun che ara jiss da stlü fora eserzizi nüs y te consëi êl la maioranza che dijô che i ne podun nia stlü fora i nüs. Mëss chi che vëgn docà realisé eserzizi de na cërta grandëza? Aladô dla lege provinziala mëssel gnì fat almanco 60 leć. Al n’é tres indô de chi che vëgn te comun, che à magari n pice residence o afitaćiamenes y oress fà sö na pensiun. Iö ne vëighi nia ite ćiodì che an ne dess nia ti dè la poscibilité, a un che à magari le grunt, che à vëia da laurè y da investì. Él pa massa protezionism da pert de ostis che à bele la lizënza? Protezionism é bëgn na parora n pü’ vagada. En pert poi bëgn inće avëi rajun. Al é n cer’ prigo che al podess inće gnì investidus da foradecà. Mo sce an metess n criter che al mëss ester almanco 60 leć, mo ne po nia nen ester deplü, spo arati che al ne gniss degun forest o degöna morona internazionala a fà sö n hotel. Chisc é criters ćiamò da definì, no pa? Por eserzizi nüs messunse ćiamò fissé criters. Sce al vëgn deliberè, podéssel ester danter chisc la oblianza da messëi presentè n conzet bele pro la domanda: chësc ô dì che le damanadù mëss dì danfora ći sort de eserzize che al gnarà, sce al é doìa la capazité finanziara y la situaziun economica stà en pè. Laprò tlarì danfora sce le

damanadù à cin’ agn la residënza chilò, sce al à esperiënza tl turism y i.i. Na poscibilité foss inće da fissé te ći paîsc che al po gnì fat sö eserzizi nüs, y ola nia. Nos ùn inće dui hotì che dà sö l’ativité deplëgn olache al jarà a manćé incër 200 leć. N critêr podess inće ester chël da destiné almanco i leć che va pordüs a eserzizi nüs. Mo chësc é ćiamò döt da definì, porchël ài inće fat la proposta da sburlè le punt. N te’ conzet é inće gnü aproè a Valdaura. Dailò ài p.ej. fissé le 60% di leć por eserzizi che é bele y le rest por de nüs. Valdaura é inće n comun turisticamënter dër svilupè, porchël ài odü che cis dlungiaìa ne jônse nos nia. Co jaràra pa inant? Can sarà pa le stüde definitif dan man? I oress ćiamò ti presentè le stüde ala popolaziun, deache canche al é gnü metü sö le punt al ordinn dl dé, n’él stè n valgügn che m’é gnüs pormez cun propostes. Le grup de laûr à dit la süa. Śëgn oressi aldì la minunga dl assessur Berger y inće di ombolć di comuns olache al é bele gnü fat n te’ stüde. Pro le consëi de comun de mà podéssel ester dan man. Foss pa chësc stüde vincolant? Chësc mëss gnì vincolant, a desfarënzia dl stüde dles üties che i ùn fat, che le consëi à orü a maioranza sciöche stromënt consultif. Ombolt, da püch él gnü fora che al podess tomè demez la

conzesciun da frabiché. Ves dà pa chësc provedimënt da ponsè? Nou, dldöt nia. Al vëgn fat sö bindebò de stöp, mo al sarà dër püćes situaziuns olache chësc vëgn apliché. La conzesciun da frabiché tomarà demez ma ti posć olache al é planns d’atuaziun dër avisa. La gran desfarënzia é che incö mëss l’ombolt dè fora la conzesciun da frabiché y mëss ćiarè che al vëgnes frabiché aladô dl plann de atuaziun. Sce la conzesciun n’é nia plü, messarà l’architët che firma se surantó döta la responsabilité. Controlè déssel gnì doprò. N’él pa nia dailò massa tert? Le Comun messarà controlè doprò, mo i le diji ćiamò n iade, l’architët che firma arà döta la responsabilité che al vëgnes frabiché do regola. Tla sentada él inće gnü fora novitês por la Ćiasa di Pici, che dess ciafè lerch te scolina vedla. Ala Ćiasa di Pici ne ti él nia gnü renovè le contrat d’afit olache ai é al momënt, mo i sun sigü che por le 1. de setëmber sunse bogn da laurè fora la scolina vedla, olache la Ćiasa di Pici podarà spo ite. La Caserma mëss inće gnì rovada. Al ô ester incër 800.000,00€. Co jaràra pa inant? Nos rovarun i laûrs. I aspeti vigni dé la comunicaziun dl comissar dl govern por savëi sce la caserma vëgn tuta adinfit o sce ara vëgn cumprada jö. L’orientamënt dl Comun é chël

Iaco Frenademetz: “Le conzet sön le svilup turistich mëss gnì vincolant!”

da l’afité ia. Danter l’ater él gnü aproè n regolamënt por tignì i ćians. É i ćians n problem sintì tl Comun de Badia? Al é n problem sintì dal momënt che sciori à ćians, por chi da chilò arati che al ne sides sigü nia n problem sintì. Danter l’ater él scrit tl regolamënt che ćians mëss gnì condüć te na corda y cun smusè ti areai de azes publich, ti zëntri abità, fora di zëntri abità. Ola po pa ćiamò jì i ćians lëdi? Ćians po jì lëdi sce i proprietars à grunt privat, zënza mëssi gnì condüć te na corda. L’ombolt po destiné raiuns olache ćians po jì lëdi. N’él pa de chisc raiuns tl Comun de Badia? Nou, i n’ùn nia aratè le bojëgn da destiné raiuns aposta. (pablo)

Laûrs pro caserma y scolina vedla

Na sozieté por l’energia

La scolina vedla de Badia sarà da setëmber inant la sënta nöia dla Ćiasa di Pici. Inće pro la caserma di carabiniers a La Ila déssel gnì stlüt jö i laûrs

Trëi domandes al diretur tecnich aministratif dla ACEAT y assessur de comun Elmar Irsara

Comun Badia/2 - En lönesc dan otedé él gnü cherdè adöm le consëi de comun a Badia, por tratè n ordin dl dé de 22 punć. Danter chisc êl l’aproaziun de n conzet de svilup turistich, che é gnüda sburlada deache al ê deplü punć zîti ćiamò da aprofondì. Laprò él spo gnü aproè statut y at costitutif de na sozieté energetica (ćiara articui dlungia) y aproè n regolamënt por tignì i ćians. Novitês él inće por la Ćiasa di Pici a Badia.

Comun Badia/3 - La diziun ACEAT stà por Agenzia Comunala Energia Ambiënt y Teritore. Insciö se tlama la so-zieté por sorvisc energetics por frabicać de comun, de chëra che le consëi à aproè l’at cos-titutif y le statut. La sozieté Elmar Irsara. gnarà gestida deplëgn dal Comun de Badia y sarà sot al control dla junta. La sozieté pëia ia cun n capital sozial de 100.000,00€. So rapresentant legal é l’ombolt Iaco Frenademetz y le diretur tecnich aministratif é l’assessur Elmar Irsara, a chël che i ùn orü ti damanè deplü.

Regoles por i ćians Le consëi à aproè n regolamënt por tignì i ćians. La basa dl regolamënt é la proposta metüda dant dal consorz di comuns de Südtirol. Danter l’ater prevëiga le regolamënt che i ćians vëgnes condüć te na corda y ais n smusè: sön spersa publica, posć daverć al publich, ti zëntri abità y fora dai zëntri abità. Ti medemi raiuns mëss i proprietars inće avëi l’atrezadöra aladô da romenè sö i escremënć di tiers.Tl regolamënt vëgnel inće cuntè sö i posć olache an ne po nia jì cun i ćians. Danter chisc él les

cortines, les plazes dai jüć y zones sportives, i urć dles scolines y scores de vigni livel, i terac agricui (prà, ćiamps, sperses coltivades) tratan le tëmp de coltivaziun.

Ćiasa di Pici y caserma di carabiniers Inant éra jüda cun la Ćiasa di Pici, a chëra che al ne ti é nia plü gnü renovè le contrat de afit. Deache i mituns dla scolina podarà jì de setëmber tl frabicat nü, él gnü lascè fà n proiet de dortoraziun dla scolina vedla, por podëi lascè ite dailò la Ćiasa di Pici. L’investimënt preodü é de 276mile euro. Novitês él inće por la caserma di carabiniers nöia a La Ila, che ciafarà so post tl raiun Boscdaplan, olache al é inće gnü sentè ite la sënta nöia dla Crusc Blanćia y di Verdabosc. Dla caserma él por le momënt le frabicat grou. Por i laûrs che romagn da fà (scialdamënt, implant eletrich, finestres etc.) él dan man n preventif de apresciapüch 793.500,00€. Le Comun de Badia messass tó sö n imprëst de 800mile euro, da paié zoruch te 30 agn. Preodü él da paié zoruch les rates

cun l’afit por le frabicat, che dess ester danter i 60-62mile euro al ann, mo le Comun aspeta dötaorela na resposta dal comissariat dl govern, sce le frabicat gnarà tut adinfit o sce al gnarà cumprè jö.

Mudaziuns al plann Deplü é inće stades les mudaziuns al plann urbanistich dl comun. Danter l’ater él gnü dè pro da portè ite tl plann n raiun por infrastrotöres ti raiuns dai schi tla localité Sarè. I aconsiadus à inće dit de scê da portè ite tla localité Sompunt, dlungia la sarenara, n raiun por infrastrotöres publiches, aministraziun y sorvisc publics. Sön la spersa de 7.248 m2 (indesc de cubatöra 2,5 m3/m2) dessel gnì cherié la poscibilité da lascè jö mascînns y atrezadöres dl Comun y material. Le consëi à indere sburlè la domanda da portè ite tl plann urbanistich n raiun dla medema sort tla localité “Planat” a San Ćiascian. Le proprietar se damanâ da podëi fà sö sön na spersa de 500 m2 n frabicat cun sorvisc de imprëstarodes y cunciarodes, cun poscibilité de restoraziun. (pablo)

Usc: Ćiun é pa le fin prinzipal de chësta aziënda? Elmar Irsara: Le fin é chël da laurè sön le sparagn energetich, mo inće sön la produziun de energia. Ćiügn é pa i pröms proieć concreć che dess gnì portà inant

da chësta sozieté? Dal mëteman él preodü da realisé n pice implant de telescialdamënt a metann por i frabicać de comun a San Linert: la scora, scolina, ćiasa dles uniuns, ćiasa di pici, exbiblioteca. Al é preodü n implant de cogeneraziun, tres chël che al vëgn fat strom, y cun le ćialt vëgnel scialdè i frabicać. Él pa preodü inće proieć tles atres fraziuns dl comun? Chël a Badia é n iade le pröm proiet concret. En proiet él inće l’istalaziun de implanć fotovoltaics sön i frabicać de comun, olache ara va bun. La sozieté é sambëgn daverta por proieć sura döt le comun. La sozieté à n mëmber su, le Comun de Badia. Romagnaràra pa insciö o él preodü tl dagnì da lascè tó pert ala sozieté inće privać? La poscibilité da lascè tó pert inće privać y d’atri ënć pubics é dada, mo por le momënt romagnaràra tles mans dl Comun. Intervista: Pablo Palfrader www.lauscdiladins.com

15


Val Badia

nr. 09 / 06 de merz 2010

Convenziuns y cuta de sojornanza

Comitê confermè

En jöbia ai 25 de forà él rovè adöm le consëi de comun da Corvara, por na sentada cun indöt cin’ punć al ordin dl dé, olache al é gnü baié de cartografies digitales, convenziuns cun la Provinzia y la Cassa Raiffeisen Val Badia y dl aumënt dla cuta de sojornanza, che podess portè tl 2011 feter 50.000,00€ implü co tl 2009

En ocajiun dla reuniun generala di Stüdafüch da La Val, tignida ai 13 de forà, él gnü lité danü le comandant y le comité dla uniun. Al é gnü ćiarè zoruch al’ativité desfirada tl ann passè

Comun Corvara - Le Comun de Corvara lasciarà fà na cartografia digitala y numerica por l’esecuziun de sü compić istituzionai. Tla sentada dl consëi él gnü aproè na convenziun cun la Provinzia de Balsan. La convenziun vëiga danfora che le Comun i metarà a desposiziun debann i dać dla cartografia digitala ala Provinzia de Balsan. La Provinzia tolarà pert cun n contribut ala realisaziun dla cartografia, fissé sön la soma de 70.169,55€. Le consëi é stè a öna al’unanimité.

Cuta de sojornanza dopla Le consëi à spo albü da tratè l’aumënt dla cuta de sojornanza (cuta sön les secundes ćiases). Tres la lege provinziala nr. 11 di 22 de dezëmber 2009 à i comuns la poscibilité da aumentè la cuta de sojornanza dl 100%. Chësc gnarà inće fat, a pié ia dal 1. de jenà dl

ann che vëgn. La cuta de basa é fissada aladô de deplü categories. Tl comun de Corvara toma düć i frabicać tla pröma categoria, cun la cuta de basa plü alta. Dal 2011 inant paiarà i proprietars na cuta fissa de 216,91€, plü na cuta d’injunta che va aladô dla grandëza dl frabicat, dla ćiasa o dl apartamënt. Le Comun â inće damanè n arat al’Assoziaziun Turistica Corvara/ Calfosch y al’uniun di ostis dl comun: intrames les assoziaziuns é stades a öna. Che nen aprofitëia de chësc provedimënt él dantadöt l’Assoziaziun Turistica, che ciafarà le 95% dles entrades totales. Tl Comun de Corvara él 487 abitaziuns (situaziun 2008) che toma ite tl regolamënt. Por l’ann 2009 gnaràl ite apresciapüch 78.800,00€. Cun l’aumënt dl 50% preodü por lege gnaràl ite tl 2010 incër 94.000,00€, che podess spo rovè a apresciapüch 126.000,00€ tl 2011, canche al jarà en forza l’aumënt dl 100%. Chësc ô dì che

por l’Assoziaziun Turistica fóssel a desposiziun incër 119.700,00€, tanco feter 45mile euro implü co tl 2009.

Convenziun cun la Cassa Inant éra jüda cun na convenziun urbanistica danter le Comun de Corvara y la Cassa Raiffeisen Val Badia. L’istitut bancar prevëiga da amplié resp. alzè le frabicat dla sënta prinzipala a Corvara. La Cassa podarà realisé na cubatöra implü de 750 m3, destinada porì al setur terziar. Porchël ti paiaràra al Comun la soma de 446.000,00€. Chisc scioldi gnarà tuć ca por finanzié en pert i laûrs por la sistemaziun dla plaza de dlijia a Corvara. Sot tera ite ciafarà lerch na garage da parchè, che gnarà realisada sön iniziativa dla sozieté Parking Dlijia Srl. Suraìa fistidiarà le Comun da dortorè la plaza de dlijia. Le cost preodü por i laûrs dla plaza é de 480.000,00€. (pablo)

Da 20 agn na tradiziun atraziun Ai 23 de forà s’à stlüt jö la 21ejima ediziun dles gares di ćiavai y skikjöring 2010 Alta Badia - I apuntamënć cun le monn di ćiavai y plü avisa cun les gares di ćiavai y skikjöring tratan l’invern é oramai gnüs de gran tradiziun tl’Alta Badia, olache al é na bona colaboraziun danter turism y agricoltöra. Inće al dédaincö él ćiamò tröć paurs che à ćiavai, dantadöt dla raza haflingher y dla raza noricher. Les gares tradizionales di ćiavai, organisades dal’Assoziaziun Turistica de Badia adöm ales Uniuns di ćiavai Haflingher y Noricher dla Val Badia é en chësc ann rovades ala 21ejima ediziun y à indô albü n gran suzes cun tröp publich.

Tlassamënt 2010 Simon tratan süa gara y desmostraziun.

La categoria di ćiavai Noricher é gnüda davagnada en chësc ann da Thomas Nagler, che à batü Paul Pescollderungg, Martin Irsara, Simon Declara, Carlo Crazzolara y Martin Tasser. Le pröm post dla categoria di Haflingher ti é jü a Klaus Castlunger, che à batü Erich Fistill, Stefan Comploi y Simon Dapoz, Reinhold Fistill y Iaco Rottonara. Les gares de skikjöring

Gares combatüdes.

16

www.lauscdiladins.com

é gnüdes davagnades da Heini Rudiferia cun la Scora dai Schi da Corvara, dan da Hildegard Da Sacco cun la Scora di Schi da Colfosch, Thomas Nagler cun la Scora di Schi da La Ila y Alex Clement cun la Scora di Schi da Badia. Na categoria che ti plej dagnora dër a düć i spetadus é chëra di

mituns cun sü ponis. Tut pert ales gares à Klaus, Christian, Luca y Claudio Pescollderungg. Les gares di ćiavai a La Ila é inće en chësc ann gnüdes metüdes da jì en colaboraziun cun istituziuns y imprejes privates, y i concorënć cun sü ćiavai é gnüs sponsorisà da istituziuns, aziëndes y dites privates.

Le comité di Stüdafüch cun le comandant Carlo Nagler (ca dant amez) y le vize Ludwig Sottara (a man dërta).

Lies - L’ann passè é stè por i Stüdafüch da La Val n ann caraterisé plü co mai da avenimënć bi, y dal’atra pert da momënć de dolur. Un di momënć plü bi é zënz’ater stada la festa de iubilê por i 50 agn dala fondaziun dla uniun, che é gnüda tignida de mà. Dal’atra pert à la uniun messü tó comié da bëgn cin’ mëmbri o exmëmbri che nes à lascè: Andrè Campei, Giuvani Agreiter, Paul Miribung, Franz Ploner y Konrad Dapoz. I defunć é gnüs recordà denanco mëte man la reuniun generala. Impröma à le comandant Carlo Nagler ćiarè zoruch ai intervënć desfirà ia por l’ann. Por fortüna é le grup di stodafüch indô gnü sconè da de gran desgrazies, mo impò él gnü fat bëgn 30 intervënć, por le plü de carater tecnich (bëgn 24). La maiú pert de chisc é stà söles strades. Pro i intervënć vëgnel ćiamò les eserzitaziuns che vëgn fates ia por l’ann düć deboriada o inće ma ti singui grups, datrai inće adöm ai stodafüch di paîsc vijins. Indöt él gnü fat 35 proes ia por l’ann. Danter intervënć, sorvisc, eserzitaziuns, cursc, reuniuns y laûrs pro les manifestaziuns organisades dala uniun à i mëmbri di stodafüch fat passa 5.800 ores de laûr volontar. N ater punt al ordinn dl dé é stè chël da tó sö trëi jogn nüs, che à impormetü dan da düć da surantò i dovëis da stodafüch: Simon Costabiei, Hannes Costabiei y Manuel Pezzei. Na gran importanza por le dagnì

dla Uniun à le grup di jogn, deache al ti garantësc tres indô forzes nöies che vëgn docà. Le grup é gnü assistì da Diego Tschaffert y Stefan Colz y à desfiré ia por l’ann de vigni sort de ativitês, tolon pert a gares, campionać, proes de savëi y daidan inće pro les festes che i stodafüch organisëia. Tartan l’ann ài fat daimprò da 1400 ores de laûr. Le punt plü important dl ann é stada la partezipaziun ales gares di stodafüch de döt le Tirol (GesamtTiroler Feuerwehrjugendbewerb), tignides ala fin de jügn a Sterzing. Chilò s’à le grup da La Val tut de beles sodesfaziuns: ai à arjunt le secundo post söla gara por la medaia d’arjënt y le 4. post tla gara por la medaia de brom. Le punt plü important é spo gnü ala fin dla reuniun, olache al ê al ordinn dl dé les litês che vëgn tignides vigni cin’ agn. Al ê da s’aspetè che al ne foss nia stè de gragn cambiamënć y insciö éra inće stada. Sciöche comandant él gnü confermè Carlo Nagler y vizecomandant restarà inant Ludwig Sottara. Inće pro la lîta dl comité él gnü confermè i mëmbri da denant: Daniel Vallazza, Franz Miribung y Albrecht Frenes. Dl comitê fajarà inće pert inant Alfred Valentin sciöche magazinier, Michael Nagler s c iö che “Zugsführer”, l’assistënt dl grup di jogn Stefan Colz, le cassier André Complojer y le scrivan Sepl Comploi. La Uniun di Stüdafüch da La Val rengrazia düć chi ch’à sostegnì tratan l’ann passè a val manira la uniun cun laûrs o spënores. (sc)


Val Badia

nr. 09 / 06 de merz 2010

L’Africa martorjeda dal colonialism Per secui é l’Africa vegnuda sfruteda y sotmetuda, enier dai paisc europeics, encuei dai gragn dl’Asia. L mond industrialisé seghita a sotmete i plu debli y a i sfruté fina che ai é a tera

La sclavité n’à tl’Africa mai abù na fin.

Internazional - L colonialism europeich à duré n valgugn secui. Do 60 agn de veres internes y esternes vegn l’Africa tres ciamò sfruteda da potenzes forestes piec che al temp dl colonialism europeich. L’Africa ven despoieda de sies ressurses naturales, sotpaiedes; deplù ladrons se concia la pelicia! Cie che suzed da n valgugn agn encá é cotant piec.

L colonialism modern Al vegn venù la mioura tera a na colonisazion agrara che à arjont na dimenjion spaventousa. Milions de ha de terac é jus venus tla Etiopia, tl Ghana, tl Madagascar da pert de rejims ditatoriai per se compré ermes, se fé su palac y arichí sie clientelism che tofa da coruzion. Con na firma scempla sot n contrat ti él vegnù sourandé chesta tera per 20, 30, 90 agn o per tres ai colonialisć moderns. De compré su terac ova metù man i ricons dl petruele desche i Emirac Arabs y l’Arabia Saudita. Dapò él vegnù docá i gragn dl’Asia: la Cina, l’India y la Corea á te chisc ultims agn metù man de compré ite a la engrossa te n valgugn stac africans. Ma enće paisc dl Est che sustova na outa sot l rejim sovietich à tofé l polver y se compra raions entiers ju per l’Africa. Dal 1980 montova su l comerz dla Cina con l’Africa a 12 milions de dolars, encuei sonse ruvés a 60 miliarc de dolars, n aument dl 500.000 percent. An sà che al ruvará chesta outa n milion de cineisc tl’Africa a laoré i 14 raions agrars enorms che Beijing à compré su tla Zambia, Uganda, Tanzania y tl Zimbawe. La maniera coche chisc foresć é ruvés pro raions de tera corespon

a na dreta dominazion. Les gran dimenjions di luec agrars (un soul é plu gran che dut Sudtirol) vegn manejedes da esperc da foradecá, chi dl post é demé de bogn stracions sotpaiés y ensegnés ju a stimé y a scuté. Sce chisc patrons da foradecá ne ti à nia creta ai laoranc dl post – enscì fej i cineisc – condùjei da ciasa adalerch ence i laoranc y les mascines y finamai la mangiaria. Con la svenuda de raions che vegn stramudés te aziendes agrares de gran dimenjion végnel ence venù la persona sciche al temp dla sclavitù! Piec él che l’Africa se ven sia anima, la speranza dl’Africa smaresc, ala vegn sfruteda, ala perd sia autonomia, si biei guanc da cent colours, siei ideai. La blava zidleda sun l post vegn maneda demez dai gragn colonialisć de aldidancuei per pascenté la jent de siei stac y nia per ti paré la fam ai africans che en essa tant debujegn. Chisc toma via sciche mosces per mancianza de ega y cei; apena zachei i cuei su. I patrons foresć paia con enjigné ca de gran infrastrutures: stredes, ferates, ponc, zentri industriai, ma dut chest ti uega dantaldut a ei enstesc, ai gran patrons colonialisć da encuei, per sies ativités comerziales.

Gran speranza te Obama L’Africa patesc na gran meseria, trueps muer da fam, da malaties, les beghes anter les tribus ne se chieta nia via, i stac fej vera un con l auter, revoltes se barata ju. L’Africa ne audissa nia da vene sies materies prumes, sia industria ne ti tegn nia bot a chela moderna che ti è de gran concorenza, les beghes anter i africans enstesc é

A Papa Jan Paul II. i stova l’Africa dret a cuer.

de gran dann. L’Africa essa enstessa debujegn de raions de ciamps de blava per nudrì sia jent, cresc pu la popolazion vigni ann cotant. Ma l comportament dl mond modern ne s´ à nia mudé: l’Africa vegn sfruteda peso che en la outa. L’Africa à gran speranza tl president nuef dl’America, Barack Obama, portadour dl Pest Nobel dla Pesc 2009. Les gran speranzes che al à descedé fora méssel pa empermó realisé; fina sen ne àl nia abù l temp. An spera che al sie bon da crié la pesc tl Afganistan, tl Pakistan, tl Orient Mesan, de se vegnì con l Iran y la Corea dl Nord che manacia l mond con bombes atomiches. Obama à dit che l’Africa dess se tré fora da sia passivité y sotmiscion, ti dé plu peis a sia cultura. L mond internazional mess mostré gran solidarité devers l’Africa con aiuc concrec y daidé cresce l’economia africana empede la daidé sfruté. Ma l mond zivilisé ciala pro y fej si afars sfrutan i debli, y i potentac africans deida empera (da Jesus 09.09). L gran miliardar Bill Gates, patron de Microsoft, à metù su dant n vangugn agn na fondazion che ti é de gran aiut ai paisc sotsvilupés dl’Africa y dl Sudamerica; chesta fondazion sostegn na agricoltura plu moderna che ti dae laour y mangiaries assé a les popolazions da la meseria. Al é da speré che chi stac dl’Asia che sfruta encuei tant l’Africa veide ite che tegní ju y sfruté d’autri stac che viv tla meseria é n scandal che mess vegnì condané deplen da dut l mond.

Africans chilò da nos De segur nen él de chi che dij: scutede pa pu con chisc africans, i nen on bele demassa chilò da nos! Al é veira che al en vegn tres deplù. Sce an conscidra les zifres di scolés extracomunitars che va a scola encuei tla Talia, pérel che al en sie trueps y plu avisa 640.000 (7 % di scolés) y de chisc é 16 % rumens, 13 % marochins, 15 % albaneisc. Ben 200.000 de chisc scolés é nascius tla Talia. Aldidancuei i adoronse tant, cis al Sud, per cueie pomodori y d’autri fruc de ciamp; an ti dá 1 cent per cueie n kg de pomodori, an i met a dormì te stales plenes de sorices, amez malaties y n gran ledam, ai laoura amez fruc sprinzés con tosseri. Al

N gran aiut per l’Africa é chel de jì ju a istruì la jent.

se trata en gran pert de laour fosch. Chisc laoranc vegn dal Ghana, dal Niger, dal Mali. Ai à de gran problems sce ai vuel pratiché sia religion da moslems. Ma chi se damana pa ciuldì che ai vegn tl’Europa? Chilò da nos ti vàla a duc bon, duc à laour, vadagna valgamia bon. Al é veira che al ne mancia nia malaties y ence chilò da nos él jent da la meseria (70.000 te Sudtirol, l 13 % dles families, dij la statistica). Ma empò stonse nos milesc outes miec che la gran maioranza ju tl’Africa: sciche i on audì màncel ilò laour, ega y mangiaria, malaties desfrata vigni ann milions de persones, la gran pert di stac é comanés da ditatours che se arichesc y lascia morì da fam n grumon de jent; nosc governanc fej de bogn afars empera con ti vene ermes, con sfruté sies materies prumes a priesc fora de marcé (petruele, gas, legnam, minerai, verdura). Chi che se met contra chisc ditatours ruva te perjon, vegn maltratés y a la fin copés. Trueps cristians vegn perseghités, an ti taca fuech a les gliejies, desdruj les scoles, copa prevesc y monies. Duc chisc fatours negatifs porta pro che trueps africans vuel s´ en vegnì su tl’Europa che é per ei na sort de paradis.

Porta i cristians la colpa? La Talia fova na outa na tera de emigrazion per gauja dla meseria, al manciova laour; la gran pert s’en jiva tl’America o al Nord. Dal 1961 encá s’en él ju 24 milions; dal 1876 al 1900 s’en él ju demez contra Nord ben l 47% da 3 regions: Veneto, Friul – Aunejia/Iulia y Piemont. I autri agn s’en él trat demez dal Sud al Nord plu de 10.000 da la Calabria, Campania

y Sicilia, 9 milions da duta la Talia. Aldidancuei vìvel 3,6 milions de talians foradecà; doi milions tl’Europa, un n milion tl Sudamerica y 360.000 tl’ America zentrala y dl Nord, 200.000 ju per l’Africa, tla Ozeania, tla Antartide. Dal 1997 al 2008 à 700.000 lascé l Sud dla Talia, dl 2008 é 122.000 jus dal Sud al Nord dla Talia. Chest spostament va inant, trueps é sprigolés da les mafies de vigni colour che se à ence entané tl Parlament talian. Y cie fajonse pa chilò da nos? An ortia i extracomunitars endò demez i sourdandan a n destin melsegur tles mans de ditatours: trueps vegnirà sarés via y copés! Ie creie che i paisc europeics audissa da fé dut n´autra politica: ne ései nia obliés de refé l gran dann fat a l’Africa en la outa? An à sfruté per secui l continent a l’engrana empede ti ensegné a la popolazian a lieje y a scrive, a laoré la campagna, n dret artejanat, a na moda che ai fossa bogn da soui de la tré enant zenza messei se lascé sfruté. Les veres y combatudes ju tl’Africa à la raisc tl colonialism europeich che à trat confins con la schedra amez popolazions fora che audissa adum. Plu sortes de popolazions che al é te n stat y plu rie che al é da se vegnì; degugn ne vuel tré a la curta, ma vuel avei siei derc reconescius. Ma chest ne vegn nia fat e chesta é na gran gauja dles revoluzions y dles veres anter tribus. L debl paia tres lassoura y vegn tegnù ju a ries, cie che desceda endò su oposizion. Daidé i africans con i istruí a laoré sia tera, formé i jeugn te si mestier fossa l miour contribut per che ai posse resté y vive te siei paisc. Lois Trebo/ ev

I mutons di imigrés ne po nia cresce su te n vilin. www.lauscdiladins.com

17


Val de Fascia

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

nr. 09 / 06 de merz 2010

Na comunanza che empèra

Muda la Scola de Fascia

L projet de bilinguism pontarà via chest uton te la pruma classes de la scola populèra de Soraga e Poza

Liceo Scientifich, di Lengac e Artistich, chesta la neva proponetes formatives per ge stèr dò ai tempes che muda

Scola - “Na comunanza che empèra” l’é l tìtol del projet de bilinguism che co l’an de scola 2010/2011 vegnarà portà dant te la pruma classes de la populères de Poza e Soraga. N projet sperimentèl n muie ambizious che via per chisc meisc passé à soscedà discuscions e debatit. La Scola à chiamà ite i genitores di bec che chest uton jirà te la pruma clas, chi che cognea cerner se aderir o manco, e l’à endrezà ence scontrèdes con esperc, anter chisc l professor Martin Dodman (de chel che podede lejer tel box sotite). Co la fin de firé se à serà sù la iscrizions e chisc l’é i dac: 7 i scolees che à cernù l projet a Soraga e enveze a Poza i se à spartì anter 16 che à aderì e 16 no. Ma che perveidel più avisa chest projet? De chest aon rejonà con Roberta Dellantonio da Moena, l’ensegnanta che ge stèsc dò al projet de bilinguism e che à l’encèria de endrezèr l materièl didatich. Cotanta ores de ladin vegnarèl fat? L’é senester rejonar de ore, percheche se trata de intervenc che inant de la paussa i dura 50 menuc e do i é de 55 menuc, e per far n cont prezis se cognessa aer dedant n orarie jà defenì che amò no aon. Aboncont l projet de istitut perveit che per ladin vegne fat scienze, da 2 a 3 intervenc (per solit n vegn fat 2 en pruma clas), 1 intervent de storia e 1 de geograf ìa, 1 intervent de educazion a la fegura, 1 de educazion al moviment (che te la quinta n vegn fat 2), 1 de mùsega, 1 de informatica e dapò 1 intervent de ladin. Donca en dut 9. A chisc intervenc se podessa ge jontar i laboratories, ma chest stasc a l’atività che vegnarà endrezà te chela clas. Se pel dir che per ladin vegnarà fat n terz de l’orarie total. Amò apede l ladin vegnarà dorà te duc i momenc informai, tel cambie de l’ora, te la paussa, canche se va fora de scola, che no somea ma i é n muie emportanc percheche a chesta vida se ge l passa proprio desche lengaz de ciasa. Èste jà enjignà dut l materièl? I me à destacà da l’ensegnament

per mez orarie per ge star dò a chest projet e soraldut per enjegnar l material per la pruma clas: i libres de storia e geograf ìa i é jà fac, ades son dò che laore sun chel de scienze. L’é libres bie pesoches, de na setantina de piate, che i tolarà l post de n codejel percheche l’é ite n muie de ejercizies e donca i scolees no arà più brea de lurar con schede. L’é libres riches de stìmoi, più che n normal liber de prima clas. Giö son na maestra e no na linguista e donca é vardà de enjegnar material che passe conzec e contegnui, percheche cognon ensegnar na materia col ladin e no n lengaz. Te colun idiom éi stac enjigné i libres? L material l vegn fat per fascian standard percheche a chesta vida tel davegnir l podarà vegnir durà te dute le scole che vel tol part a chest projet, descheche, per auter, per standard l’é stat fat ence duc i Iecoli. Sun chesta scelta aboncont se podarà amò en rejonar, ma giö pense che no sie na valutazion che cogn far ne l’Olfed ne la scola, ma n desch de politica linguistica. Noi aon tot chesta soluzion percheche ne saea la più sorida e giusta, per aer n lengaz valif per duc. Sarà l’ensegnant che cognarà se troar i sistemes per ge far entener le desferenze di idiomes ai scolees. Vegnarèl metù sù n grop de lurier per ge stèr dò al projet? Ei, vegnarà chiamà ite n grop de persone che vel lurar dò a chest projet. No saon amò cotanta jent che farà part de chest grop ma volassane che sie ite dute le componente, dai esperc, ai ensegnanc, ai genitores, ai aministradores, duc chi che ge enteressa dar na man i é ben azeté. L ponta via defat desche n projet ma sarà prum de dut na sperimentazion. Ogne outa che sarà n problem se cognarà se fermar e ge n rejonar sora. Podessel vegnir slarià fora a autra scoles? Se pel valutar dute le possibilità, ma prum de dut cognon vardar de l far jir inant coi egn percheche pense che no duc i ensegnanc i sarà motivé a ge star dò a chest

projet. La roba più forta e più emportanta l’é proprio la motivazion. Se l’ensegnant no l’é motivà, miec lasciar esser. Ence i genitores no é duc d’acort... Giö son n muie spervaja che l ladin mal no l fasc, i me l’à confermà 30 egn de ensegnament. Pense che durar l ladin e l talian sie na costion de elasticità mentala, descheche à dit ence l professor Dodman, che podon desfrutar te chesta ocajion, na possibilità che ne dasc la lege. Giö é abù tosac che rejonaa demò ladin te ciasa ma che era braviscimes col talian, e tosac che rejonaa demò talian te ciasa e che era enveze zompes tel talian a scola. L ladin no ge tol nia al talian. Ben segur ence la familia cogn dar na gran man. Sion duc spervaji che chesta roba la portarà a valch de positif, magari l vedaron più inant ti egn. Donca cognon tegnir dur, proar e ge la far. Sarà na endesfida per duta la comunanza... Descheche disc ence l’inom del projet “Na comunanza che empèra” son spervaja che i genitores i empararà ensema ai tosac. Sarà n stìmol per ic a se confrontar ence col ladin, dut serf a verjer l ciaf. N bel detelpai a Roberta Dellantonio per sia desponibilità coi augures de bon lurier. Intervista de Monica Cigolla

La ensegnanta Roberta Dellantonio.

Envers l plurilinguism ence col ladin Per deschiarir miec la potenzialitèdes de na didatica portèda inant te più lengac l’é stat chiamà l professor Martin Dodman, de la Ledia Università de Busan, espert belapontin te chest setor. Te so referat l’à uzà fora desvalives aspec, scomenzan dal conze t me demo de plurilinguism, che vel dir durèr franch più lengac – l’à deschiarì - ence se con desvalives livìe de competenza, ma conscidran i lengac desche patrimonie personal e no vèlch che ge partegn ai etres. I studies sul lengaz porté inant ti

18

www.lauscdiladins.com

ùltimes 20-30 egn à uzà fora che maora é la esposizion a lengac desvalives dant dal svilup, maor l’é l potenziament del cef e l’é più sorì tel davegnir emparèr etres lengac percheche vegn smaorà la abilitèdes cognitives. Ma no l’é dut: n bez plurilingue é più avert, é bon de veder la realtà da più prospetives e de se fegurèr più soluzions per n problem soul percheche l plurilinguism miora la creatività e chest vèl ence per n lengaz de mendranza. Per chel che revèrda la sperimentazion del bilinguism te la scola populèra

donca Dodman à sotlineà che l’é deldut benfat se emprevaler de la ressorsa che aon te nosc raion ajache i prozesc de aprendiment no vegn neto nia danejé da la doura de n lengaz de mendranza. L lengaz serf a creèr cognoscenza che l’é n besegn primarie de l’om, donca veicolèr la cognoscenza travers l talian e l ladin e studièr ti egn dò l’ingleis e l todesch, vel dir se arvejinèr più che l’é meso a n model de plurilinguism de valuta, de gran ùtol per formèr i sentadins europeans del davegnir. (cri.m)

I laboratories de la Scola d’Ert seghitarà a formèr profescionisć con na bona manualità.

Scola - Chisc dis passé la jonta neva de valuta l’é l’introduzion de provinzièla à aproà la reforma de 3 ores de ensegnament de n secont la scola trentina, che perveit de lengaz forest, l todesch. gregn mudamenc ence per la Scola Tel chèder de chisc mudamenc de Fascia. Defat l nef endrez va inant aboncont per duta la scolastich spartesc la proponeta direzions l’endrez del “ski-college”, formativa demò anter licei, istituc en esser da 8 egn, che ge dèsc l met tecnics e formazion profescionèla ai studenc atlec de scola auta de e no sarà più i istituc profescionèi studièr e tel medemo temp seghitèr de Stat, amò apede i licei podarà a fèr garejèdes a livel agonistich. aer demò 6 direzions prezises: per En sàbeda passèda l’é stat l prum Fascia chest vel dir che l liceo di doi apuntamenc de “Ujes Averc” scientifico a vocazion linguistica, de la Scola de Fascia, na en esser da 5 egn, vegnarà sostituì scomenzadiva n muie ùtola per ge da n liceo scientifich più tradizionèl, dèr l met ai bec de l’ùltim an de la con ampò la prejenza del derit e mesènes de se fèr na idea sun con n ensegnament veicolèr te n coluna scola auta cerner. Te chesta lengaz forest. Amò apede vegnarà ocajion i referenc de la scoles, proponet la gran neva del liceo di Cristina Donei per i licei scientifich lengac, n percors formatif de gran e di lengac e Claus Soraperra per i n o v a z i o n c h e s p o r j a r à l liceo artistich, i ge à deschiarì a l’ensegnament de 3 lengac: ingleis la families ruèdes la neves che e todesch, un de chisc ence veicolèr, aboncont les é amò da svilupèr, e rus o spagnol da poder cerner. soraldut per chel che vèrda i pians Te la convinzion che i lengac de de studies. l’èrt, teater, musega, letradura, L fon mudament pervedù per ensema con la scienzes motories, la scola d’èrt à cruzià più che na pel esser strumenc de gran ùtol familia ma la Sorastanta Mirella per lurèr sul svilup del sentiment Florian à arsegurà che duta de partegnuda, ence anter studenc l’arpejon che vegn cà da noscia no de mèrelenga, l nef liceo portarà tradizions artejanèles no la jirà dant n laboratorie de teater ti destrabonida, conscidrà ence che prumes doi egn, che dò doventarà se é dò che se va te la direzion de educazion a l’èrt. Ence l lengaz la scola de la competenzes, che vel informatich troarà post te la neva dir saer fèr estra che saer. L proponeta formativa, con la professor Soraperra à sotlineà che possibilità de poder arjonjer a la la neva proponeta formativa de fin del percors de studies la patente l’artistich dajarà l met de smaorèr europea informatica. Amò apede l’identità del student, de gra a la sarà da poder tor pèrt a stages te maor spezifizità di percorsc a la la aziendes culturèles e turistiches leta. de nosc raion te la consaputa de Ai 13 de mèrz l’é pervedù l noscia spezifizità, n teritorie con secont apuntament de “Open Day”: na vocazion turistica fona. la Scola de Poza orirà danef si ujes N auter gran mudament aldò a la comunanza da les 9.00 a les de la reforma sarà chel che revèrda 12.00 e da les 14.00 a les 17.00. l’Istitut d’Èrt, che doventarà Liceo (cri.m) Artistich, con l met de cerner te anter doi direzions, èrt de fegura e design. La ores de scola vegnarà smendrèdes da 42 a 36 e vegnarà potenzià l’aspet teorich-culturèl, ence se se vardarà de mantegnir più che l’é meso l’atività ti laboratories, soraldut ti prumes 2 egn de scola, ence de gra a la autonomìa perveduda del 20-30% sul total de La scola auta de Fascia orirà endò si ujes a la la ores de dut l’an. Na jent ai 13 de mèrz che vegn.


Val de Fascia

nr. 09 / 06 de merz 2010

L Cor de la SAT ge fèsc onor ai peconc de Fascia Per festejèr si 40 egn l Cor Valfassa à envià i ciantores trentins a tegnir n bel conzert a Poza

L Cor de la SAT à tegnù n bel conzert te la palestra de la mesènes de Poza su envit del Cor Valfassa. (foto Claudio Gabrielli Pavarin)

Sociazions - N muion de jent se à binà en sabeda sera te la palestra de la scola mesènes de Poza, desmostran che la pascion per la cianties da mont é semper viva e forta, soraldut canche se à l’ocajion de scutèr n cor de nonzech che rua ben da chièr te Fascia. La festa per i 40 egn del Cor Valfassa é tachèda via donca con n gran batiman, e no podea esser autramenter a aer desche ghest l Cor de la SAT. L’é stat n gran onor

per i ciantores de Fascia poder tachèr via i festejamenc per i 40 egn col conzert de un di cores da mont più emportanc, cognosciù e envià stroz per duta la Tèlia e tel mond. Da canche tel 1926 i frèdes Enrico, Mario, Silvio e Aldo Pedrotti à metù en pe chest Cor, duc si componenc i à portà inant chest empegn con pascion e gust per la cianties de mont tant da ruèr a portèr l nonzech de l Cor de la Sat

enscin tel Canada, te l’America e tel Messico, e enstadì l Cor de la SAT é ruà te Fascia per moscèr la stima e l respet envers sie peconc coleghes del Cor Valfassa. Anter chisc doi cores defat l’é n raport strent, na amicizia nasciuda amò ti egn ’60, canche i ciantores da Trent vegnìa sù per Poza a se fèr na raida e i se troèa aló da la Penscion Rosanna de Mario Gross Sabin, sunsom Meida, a ciantèr dessema con chi fascegn. L’é stat apontin da chisc momenc che chi dotrei pascioné de cianties da mont se à pissà de endrezèr n cor ence te Fascia. Coscita del 1965 l’é nasciù l Cor Vajolet, che tolea ite omegn da Poza e da Pera, e dapò del ’70 l se à slarià tolan ite ence i ciantores del Cor Soracrep da Moena te n nef Cor che à ciapà l’inom de Valfassa. De chi tempes tel Cor de anchecondì l’é restà amò Mario Gross e Giuseppe Cassan, ma l’empegn e la pascion no mencia, e anchecondì l Cor Valfassa dombra entorn 50 ciantores. La pascion per l ciantèr tegn ensema chesta sociazion, che à vedù passèr ite e fora da usc n muie de presidenc e de diretores. Dal

1970 la direzion del Cor é stata de Pierino Scarpari che tel 1980 la lascià l post a Luigi Maccagni. Dal 1982 al 1998 l diretor é stat Ugo Boschetto e anchecondì a vidèr i ciantores l’é Stefano Vaia che à l’onor e l merit de ciantèr tel Cor de la SAT, de chel che l’é ence vize diretor. Anter i presidenc enveze l’é stat Ernesto March dal 1970 al 1978, Remo Vian enfin l 1981, amò Claudio Florian dal ’81 al ’98 e Vittorio Trottner enscin al 2007. L president de Cor ades l’é Massimo Florian che enstadì é stat apontin sun paladina per ge sporjer n gran devalpai a duc i prejenc ma soraldut al Cor de la SAT, e che da la mans del diretor Mauro Pedrotti l’à ciapà ence n recognosciment. Sun paladina no podea mencèr nience l salut e l rengraziament da pèrt di raprejentanc de la istituzions. Duc à dit de bela paroles de lauda e aprijiament per l’empegn de duc i cores da mont, portadores de la tradizion più fona de la jent de la Èlpes. “La Dosolina”, “La Montanara”, “Il testamento del capitano” e amò “Soreghina”, ciantèda per fascian:

vigni ciantia à na sia storia, che recorda momenc de vita anter la crepes, endèna la Gran Vera, o anter i più bie colores de noscia tera che ne fèsc sentir amò n’outa stolc de esser n popol da mont fat de jent scempia e che amò l’à gust de ciantèr sia tradizions. Te chesta bela serèda l Cor Valfassa à ence volù dèr n bel segn de vejinanza envers chi che se troa a viver te na condizion manco fortunèda che etres: dò la burta neva vergognousa de chi che te internet à tout de mira i bec Down, l Cor Valfassa à pissà de ge manèr n envit spezièl a la joena Teresa Debertol da Cianacei, che no demò l’é na gran fideila del Cor, ma ence ciantarina tel cor de gejia de Cianacei. Sia prejenza al conzert te la pruma files l’é stata n onor per l Cor de la SAT e per i ciantores del Cor Valfassa, che i conscidra Teresa desche sia mascotte, ajache no la mencia mai canche l’é n conzert. Chest de en sabeda passèda l’é stat l prum de na lingia de apuntamenc che Cor Valfassa à en program via per chest an 2010 per festejèr descheche carenea si 40 egn de vita. (vr)

40 egn de cianties, con pascion e legreza Intervista a Giuseppe Cassan, per i amisc “Celentano”, da 40 egn tel Cor Valfassa

Giuseppe Cassan te mez, apede al diretor del cor de la SAT Mauro Pedrotti, ensema a Mario Gross Sabin, un di fondatores del Cor Valfassa e al president da ades Massimo Florian. (foto Claudio Gabrielli Pavarin)

Contene ti prumes recorc col Cor Valfassa: can aste scomenzà e co? “Gio é tacà col cor del ’70. I aea tacà a far valch conzert, na domenia son ruà ja Poza e i é sentui ciantar. L’era Mario Sabin, Claudio Ciout, Pino, Milio Zacchia, Carleto Gac e autres. Sobito me é pissà che me aessa sapù n gran bel ciantar con ic, son jit a domanar e i me à dit che cognee ge domanar al maester, Pierino Scarpari. Me recorde che son jit da el, che l luraa ja le poste a Poza, e l me à dit che l cogn parlar co la direzion. Gio no capìe tant coche le jìa chele robe, e jie ju 2 oute en dì a ge domanar, fin canche dò

presciapech 15 dis l me à dit che podee jir. Siane de presciapech 25 e jiane a proa ja Moena o ja Soraga, che enlauta n’era ence da Moena.” Che repertorie fajaade? “Col maester Pierino Scarpari se fajea mingol de dut, no desché ades che se cogn far demò chele che fasc la SAT... Fajaane ence cianzon per fascian e ence valch per furlan, ogne conzert l tacaane via con la Cianzon de la Val de Fascia. Siane duc fascegn e Pierino ence se l’era da Martignan l’aea maridà na fasciana. Scarpari l’era dalbon na gran persona, l’era bon de tegnir ensema duc, amich con duc. Dapò canche l’é se n jit ju

de retorn a Trent l vegnìa su co la coriera na outa en setemana per le proe, e dò zachei lo menèa ju de retorn. Coscita sion jic inant per valch en enscin ai egn ’80. Dapò l’à ciapà te man Maccagni, che l’era da Milan e l’aea maridà una da Cianacei. El per ejempie l’era pascionà de Bepi de Marzi e l volea far demò l repertorie de chest autor. L jìa ogne setemana vejin a Milan a scola da De Marzi e l’era pa ence bravo, ma da zeche ora ge aon dit che volaane emparar “La montanara”, che i la domanaa a ogne conzert, e piutost che ne ensegnar “la montanara” l’é se n jit. Enlouta l Cor é stat ciapà te man da Ugo Boschetto, e sion jic inant con el dal 1982 enscin al ’98. Dapò l seghitaa a dir che cognaane se troar zachei, che l’era stuf. El l’à ence n fi che studiaa musega, ma orghen, no cor, e no sé se l se n’à abù per mal che no aon chiamà so fi, aboncont canche aon troà l maester Stefano Vaia, Boschetto no l’é più vegnù con noi, nience per le feste. Ades l’é passa 10 egn che l’é l maester Stefano Vaia.” Él stat mudamenc col nef maester? “Ades per cont mie sion rué a n livel belebon aut, e chest maester l vel semper amò seghitar a miorar, el no l’é mai content. Peisse che l cogne ence far coscita, perché se l mola fajon sobito a jir endò. Con Ugo podaane far mìngol più chel che volaane, ence contar valch barseleta endana le proe, con Vaia enveze canche se taca proa no se pel più dir “baf”. E a zachei chest ge à scecà.” Per chi che cianta te n cor él

più emportant aer gust e pascion o capazità tecnica? “Gio peisse che te n grop coscita prum de dut ge volessa esser amisc, jir d’acort e esser contenc. Gio canche posse jir a ciantar stae miec. Noi cianton prum de dut per noi, per l gust de ciantar e per l gust de se troar. Dapò se sà ben ne sà bel far conzerc, tant chiò per noscia jent che fora, e sion jic n muie entorn, e assane podù jir amò n muie de più, ma l’é massa jent tel cor che laora e l’à empegnes che no la pel tant jir stroz... cognassane esser duc penscioné desché gio per poder jir mìngol de più. De segur ne piasc far bela fegura, e crese che ades desché coro fossane dalbon bravi. Per chest l prum rengraziament ge va segur a Scarpari, che l’é stat n gran maester e n gran amich, ence se dei tempes de Scarpari sion resté demò gio e Mario Sabin.” Él stat ciantores che é se n jic? “Ei, ma peisse che sie ence normal. N muie i se n va percheche i é stufes, e dapò ogne outa che cambia l maester n’é n pec che i se n va percheche no i se troa. Canche sion passé da Scarpari a Maccagni n’é se n jit n pec che no i podea l’aer, dapò valif l’é stat coi autres, e ence con Stefano Vaia l’é stat n’autra selezion, che a zachei no ge saea. Dapò n vegn semper ite de neves, gio n’aré vedù amancol 200 passar te duc chisc egn.” De tenc siede ades? “Ades sion de passa 50 e podon ence se permeter de far mìngol de selezion, ence per equilibrar le ousc. N’é ite ence da Fiem e ence che rua da Busan, e i à lascià si cores per

vegnir tel Valfassa. Ma la maoranza sion pa semper fascegn, e chest seghitarà a esser l Cor de Fascia... amancol fin canche son gio.” Ma de ciantie per fascian no n fajede beleche mai... “Con Stefano l Cor à tacà a se spieiar dut tel Cor de la SAT, perché a chest maester ge sà bel demò chel. Aon ben ite tel repertorie Conturina a amò dotrei per ladin, ma l’é vera, no le fajon béleche mai, Ciampedìe per ejempie la era beliscima, i la trasmet per radio duc i dis se pel dir, ma ades no la fajon più, perché l maester à dit che ge volessa troar zachei che le armonisee a 4 ousc, perché a 3 ousc no le va ben. Sul repertorie ades cognon ben cerir ence de far zeche de nosc, perché se chiamon Valfassa e volon far ence le ciantie te nosc lengaz. Cognaron mìngol ciapar la bacheta te man ence noi, perché mìngol l’é ben giust ge lasciar, ma proprio dut no se pel!” Ence la mondura che aede ades la é medema a chela del cor trentin... “Ei, ence la mondura ge va dò a chela de la SAT, ma me sà che a la maoranza di ciantores la ge piasc.” Ma a voler ge far dò en dut e per dut a n auter Cor, pur n muie bravo desche chel de la Sat, no él l pericol de restar semper na “burta copia”? “A chest a dir la verità no ge é mai pissà, podessa ence esser... ma no sion pa proprio tant più burta, desche copia”. Intervista de Lucia Gross

www.lauscdiladins.com

19


Val de Fascia

nr. 09 / 06 de merz 2010

Pensieres e recorc de na vita Enrica Zanon da Moena à publicà te n bel liber i scric de sia mère Antonia Vanzetta “Etta”

La Etta coi fies canche l’à compì 80 egn e junsot la soracuerta del liber.

Publicazions - “Scritti e Memorie di Antonia Vanzetta” l’é l titol de na bela publicazion vegnuda fora l’uton passà e rencurèda con gran amor da Enrica Zanon da Moena, che sera ite i recorc de n tòch de vita de sia mère Antonia, cognosciuda co l’inom de Etta, che te l’invern del 1938-39 con sia amica Margherita (Tina) Chiocchetti, l’à lurà sun Ponta Rocia a 3269 m. de auteza te la Capanna Marmolèda de Mario e Gino Iori, fies de Francesco, cognosciù desche Checo da Dèlba. Chest liber l’é na sort de diarie de chi meisc, canche Etta tolea cà duc i dis lapisc e papier e la scrivea... e la scrivea amò. La notèa sù dut chel che sozedea colassù e da chisc pensieres vegn fora la struscies, i sacrifizies, la fadìa de la vita de n’outa. Etta mai la se à lamentà, la lurèa da n scur a l’auter sun chela mont che vèlch outa ge fajea ence gran poura col gonfet, la gran fiochèdes, l gran freit, ampò l’à semper tegnù fora dut con forza e ardiment e na gran fe che la didèa a jir inant. Ma de chela mont che ge fajea scì gran tema l’é restà ence de bie recorc. Desche chel gramofon che ge fajea gran compagnìa ence a sia amica Tina: les ciantèa, les balèa ence coi ghesć che se fermèa soranet, les sutèa da n cianton a l’auter te chel picol bait, fosc ence per se sciudèr i piesc, che tant colassù i à padì l freit. Pech ge era conzedù, ma chel

20

www.lauscdiladins.com

pech ge fajea l cher dassen content… Etta ge à fat a saer de chisc scric a la fia Enrica demò n gran pez dò, fosc timpruma la volea i tegnir seré te sia crigna del cher, ampò coche i é vegnui al luster Enrica l’à volù i regoer te n libret, ge fajan n bel don ence a si frèdes Nicolina , Tobia , Lodovico, Enrico e a duc chi de cèsa. N liber che vel esser n segn de recognoscenza, de devalpai, de amor a sia mère Etta che l’à lascià n gran vet jai 10 egn, canche la é sen jita per semper sun Paradis. Enrica l’à let più che n’outa chisc pensieres, scric te n bel talian e metui jù con orden da sia mère, a testamonech de n stèr fosc ben daìte tel cher, enceben che l’era tempes grieves e de gran padiment. La i à lec te moments desvalives, per ela l’era desche aer tedant n bel chèder, più te l vèrdes più la emozions doventa fones, enscin canche les se poja tel cher lascian n gran chiet. E la emozion la é amò grana canche Enrica conta de sia mère, femena de gran cher e ejempie per duc i fies. Restèda vedova da joena, te sia vita no l’à fat auter che pissèr al ben de la familia, a tirèr sù si picioi con gran amor e… che fadìa a jir inant con chela pecia lires te gofa! Etta la era nasciuda a Juan del 1911, de vint egn la é jita a servir da la familia Zenti de Moena e d’istà te l’Hotel Moena e l’é stat aló che l’à cognosciù l Giacom, che l fajea l lustrin te la frabica de mobilia di Zenti. Del ’41 la se à maridà e la é jita a stèr te Turchia. L’era na femena de gran forza e ardiment – disc Enrica – e no podea esser autramenter a pissèr che te na freida dì da d’invern, da Sèn Stefen del 1938, la é pontèda via da cèsa con

demò vèlch stracia te prossach e la se à enarloà co la pouses sun Marmolèda. Te la piates de chest liber troon ence de bie pensieres de Carla Galbusera Zenti che recorda Etta, che per egn coche aon dit l’à lurà per sia familia. No mencia vèlch mizacola de storia de la Capanna Marmolèda, fata su del 1934 da la Sat, e de Francesco Iori, che aea en gestion chesta picola utia da mont sun Ponta Rocia e che l’à semper volù che sie femenes a la fèr jir, dalajà che - l dijea - a cojinèr e a ge dèr l benvegnù ai ghesć les é dassen miores che i omegn. Per meter ensema chesta publicazion, fornida da bie retrac da zacan, Enrica l’à abù ence l didament de Maria Piccolin da Moena. A la prejentazion del liber Maria à portà dant na enrescida storica su la vita de la femenes de n’outa, da semper pilèstres de la familia e del lurier, che con gran anteveder e ardiment les se à empenentà tel ciamp del turism luran e cainan da n scur a l’auter.

Maria Piccolin à rejonà ence di mestieres de la femenes de n’outa, che apede a tegnir cèsa les lurèa te ciamp e te pra e cò l’é ruà i prumes ghesć les à tacà a lurèr ence ti hotìe. Auter mestier l’era chel de la mamana e più inant cheles che aea l met les à fat ence la maestres. Entorn la fin del 1800, soraldut cheles più joenetes, les se à dat jù con etres mistieres desche sartores e sun n veie document se à troà ence la “modista”. En cont al lurier da chega, descheche fajea Etta Vanzetta, demò ti gregn alberghes i aea n chech, alincontra te la picola penscions l’era la patrona che cojinèa, più che auter percheche se cognea sparagnèr. N liber donca chest de Enrica Zanon “Scritti e memorie di Antonia Vanzetta” a recort de sia mère che ve envion dassen a lejer fora, dalajà che l’é piajegol, gustegol e l ve fèsc fermèr n moment a pissèr a la vita de la femenes de n’outa, che mai se podarà desmentièr. Biancarosa Florian Radio Studio Record

Ufofabrik tol pèrt al projet Intersections Resultat de valuta per la galarìa d’èrt averta da pech a Moena, olache enscin ai 8 de mèrz se pel veder l’esposizion “Dialogo Materico” de Luigina Turri Èrt - La Galarìa d’èrt Ufofabrik de Moena é stata selezionèda anter i 16 finalisć cernui anter passa 70 galarìes taliènes e e u ro p e a n e s a l “Progetto Intersections”, project room de la fiera de l’Èrt Kunstart de Busan, dai 5 ai 7 de mèrz del 2010. N resultat de gran valuta per chesta galar ìa tanche Na pèrt de la esposizion de Luigina Turri te la nasciuda, n motif galarìa Ufofabrik a Moena. de orgolie per l diretor Mauro Defrancesco e per La artista chier de meter a jir na duc i pascioné de èrt da anchecondì sort de costruzion melodica de noscia region. Defat Kunstart travers fii de materièi desvalives fèsc pèrt de n ambit conscidrà na sotrissan, col mudèr de sia ressorsa emportanta e n criterie desposizion, la desvarianza de de confront fondamentèl per sia possìboi “conzerc” armonics. Te crescimonia. sia produzion l’é l moviment, l La neva prinzipala che tol ite ritm che ciapa forma, ence te chela Busan e so teritorie l’é apontin na operes anter scultura e pitura, projet-room, olache 16 galarìes fates de saolon, color e teiles, che cogn ge dèr luster, apede a n so dèsc vita a fegures mesurèdes ma artist, a 16 joegn artisć locai sot i ence deribolentes, te sia variantes 35 egn, selezioné ensema ai musees astrates zenza fin, a cheles che la prejenc sul teritorie e béleche duc artista ge dèsc segnificac atives foradecà. L projet é stat pissà misteriousc, te na trama de recorc per soscedèr n dialogh reèl anter e memories de prejenzes veiores la istituzions e i colezionisć del e de realtèdes ensomeèdes. teritorie con la galarìes che fèsc enrescida. Da n trat en ca la Turri se emprevèl de na neva forma de Te la Galarìa Ufofabrik, te lengaz per renovèr l “dialogh strada del Marchiò a Moena enscin materich”, realisan òperes fates ai 8 de mèrz, con orarie 10-12.30 con teila da lastech sun cèneva e 16-19, se pel veder amò la grovia, “smoèda” te l’acrilich: esposizion de òperes de Luigina cojidures a man recorda e zelebrea Turri dal tìtol “Dialogo materico”. la manualità de la femenes, Se trata de lurieres olache i modelea la teila la fajan doventèr materièi, legn, spech, teila e color, unica te na raprejentazion béleche ciapa definizion te na dimenjion grafica, olache i segnes de la geometrica, con formes a zelinder esperienza da comunichèr palesa da la strutura estetica de gran na energìa sconuda e na enrescida fascinazion, ciarièdes da la del dialogh che la é apontin ressonanzes musicales del legn. carateristica de la eles.

Na raida anter femenes Cèspes, cena e devertiment co la cabaretista Loredana Cont Moena - Gran suzess per la seconda edizion de la “Ciaspolada al chièr de luna” endrezèda da l’assessora a la Oportunitèdes pervalives del comun de Moena Cristina Donei. Chest event l’é stat metù a jir de gra al didament del Cai Sat de Moena e de la sociazion “La Ousc de la Femenes” che te chest trat de temp, vejin a l’8 de mèrz, giornèda dedichèda a la femenes, à endrezà desvaliva manifestazions che recorda i problemes leé a la oportunitèdes pervalives. Béleche 60 eles de Fascia, Fiem e Falcade à tout pèrt a chesta raida co la cèspes che é pontèda via da les set da sera dal Jouf de Sèn Pelegrin. Col didament de Claudio

Canal del Cai Sat l bel grop de femenes é ruà fin al Refuge Paradis olache l’é stat dat fora na cena spezièla che à vedù la partezipazion de la ghesta de onor Loredana Cont, la cognosciuda cabaretista de Megabait che à tegnù auta la compagnìa fin dò mesanet, canche dutes é jites deretorn al chièr de n beliscim colm de luna. Chesta serèda é stata endrezèda per svilupèr momenc de sozialisazion, de condivijion e de vera amicizia anter femenes, didèdes ence da la ironìa pizochenta de Loredana. N auter apuntament per viventèr chest spirit sarà a la fin de mèrz con cena te refuge e letura de n mini thriller. I enteressé pel dèr jù sie inom al Comun de Moena.


Val de Fascia

nr. 09 / 06 de merz 2010

Cognon emparèr a jir sa mont con ferstont! Na gran partezipazion a Cianacei al cors de prevenzion contra la levines endrezà da l’Aiut Alpin e i Bogn da Nia

Ejercitazions de socors de l’Aiut Alpin Val de Sora: l’é emportant aer na bona cognoscenza di sistemes e di strumenc canche se va sa mont.

Cianacei - L’era tel cef di responsaboi del socors e de la sociazion “Bogn da nia” da n pez ma anter na roba e l’autra se é rué a la fin de firé. De segur argomenc desche chi de la prevenzion e de la doura di sistemes de protezion per chi che va con la pouses no i à n termin e i é de ùtol semper. Fosc l’é apontin per chest che la sala grana de la caserma di volontadives ta Dèlba era piena de jent. Sportives e pascioné de schi e de raides sa mont era aló a scutèr ascorc Gino Comelli e Luigi Denardin, i doi reladores che à rejonà endèna la pruma doi ores del cors de prum socors. L’obietif de chesta scomenzadiva

l’é chel de ge dèr na bona preparazion a duc i sportives che se n arloa su per i monc, ajache sessaben l’é semper più emportant aer na bona cognoscenza di sistemes e de vida neves per poder jir coi schi d’alpinism, con la brea, coi rampins su la giacia e ence co la cèspes. L’é stat rejonà de prevenzion ordenèra, desche l meter vèrda al boletin del temp e de la levines e stèr ascorc sui oraries di impianc portamont. Aldò de chela ordenèra ence chela straordenèra desche stèr a l’avertida a passèr sorafora i canalons, no fèr sauc a vegnir en ju per la pistes e tegnir l russoch ciolà delvers. Chesta l’é apontin la pruma regoles da se meter tel cef dant de

pontèr via coi schi. En cont de la doura di sistemes de segureza, Luigi Denardin à dat tropa lèrga a la regoles da durèr per fèr jir delvers i desvalives modìe de ARVA, i aparac per la enrescida sot la levines. L’é stat ensegnà co se i meter tel dos, co i durèr e coluns che l’é i miores. Amò l’é stat fat veder desvalives modìe de sondes, de pèles da neif e adertura n russoch dut nef con l’airbag. La enrescida tecnologica vigni an la porta a compiment studies emportanc con chela de ruèr a la produzion de neves strumenc o ence miorèr la calità di aparac. L consei che vegn dai reladores l’é chel de no se fidèr

semper del nef e del mior dal pont de veduda de la tecnologìa, ma stèr a l’avertida en cont de chel che se compra ite. L’é emportant emparèr a durèr delvers l strument che se à e no joa a nia n tor un più tecnologich zenza dapò esser bogn de l durèr. L’é stat dit fora ence che, en cajo de na desgrazia, desche vegnir ciapé ite da na levina, l’autosocors, l socor fat ti prumes 15 menuc, l’é una de la robes più emportantes e più se é ascorc e endrezé maora l’é la probabilità de vegnir fora vives da la levina. Donca chela de saer i risesc e emparèr a ge fèr front l’é fondamentèl, enceben se n cont l’é la teorìa e n auter la pratega.

N muie de regoles e ence consees é stac dic fora al publich, soraldut de joegn, dassen enteressé e che segur arà piajer de tor pèrt ence a la scontrèdes che vegnarà e che darà l met ai sportives de tor pèrt a simulazions de socors con strumenc duré apontin ti intervenc de socors. Donca na scomenzadiva che ge fèsc onor ai volontadives de l’Aiut Alpin e di Bogn da Nia, ma che soraldut la met dant na tematica tras emportanta e de ùtol per duta la jent de noscia Val. Na dreta prevenzion l’é l prum vèrech envers n mudament de mentalità che porte la jent a fèr sport, ma te na condizion de segureza. (vr)

Chi él pa? Soluzion del retrat su La Usc nr 08 L retrat che aane publicà su La Usc nr 8 del 2010, ne era stat portà da Franca Trottner de Uc da Poza che stèsc jun Busan. L’é stat fat del 1937 al cors di ejercizies spirituèi a Sèn Jan aló dal veie Kinderheim, anchecondì Sorastanza de la Scola de Fascia. Chest tant l’é segur ajache se pel ence l lejer su la tabela dedant al retrat, mìngol più senester enveze l’é troèr fora duc chi che l’é sul retrat. A proèr a endoinèr, apede a la medema Franca de Uc, l’é stat ence Rita Rossi del Baila da Soraga, Lino Soraperra Medico e Irma de Giancarlo Trottner de Uc da Poza. Duc i é a una sul nr 6, l decan 29

30

de Fascia don Liberio Clammer, e Rita ne à dit che apede, col nr 7, l’é l curat de Soraga don Celestino Stefani. L nr 2 per cont de Franca podessa esser Gigia Degasper de la Fucana, ma Lino no l’é a una. L nr 15 l’é Margherita Weiss, Gretele da Tamion, sor de Nazele, tant per cont de Rita che de Lino. L nr 14 per cont de Franca podessa esser Aneta Weiss del Pech da Vich, ma ence te chest cajo Lino no é a una. Amò per Rita la nr 17 l’é Felicita (Gina) mère del scultor Tita Pederiva da Soraga, la 18 Genia Decrestina da Palua e la 19 Giulia Decrestina de Lucol nasciuda ta Gries; per Lino la nr 20 l’é Caterina

31

32

25

24

33

34

35

28 27

26

23

22

21

16

20 15

18

17

14

19 13

2

12

5 1

7 3

4

6

8

Deluca Teluza da Poza, mère de don Giovanni Florian e la 22 la fémena de Oto Cigolla de Fiech; tant per Lino che per Franca la nr 23 l’é Maria Deluca Rocia, mère de chi de Jan (o del Mecanico) e la 24 Marieta Bernard femena de Vito Trottner de Uc (mère de Franca). Amò tant Lino che Rita i é a una su la nr 29 Maria Cincelli in Florian femena de Tita Bertol, e su la 31 Melania Rasom de Gotart in Zulian da Vich. Lino e Franca é amò a una su la nr 33 Livia Locatin in Calligari de Craut e su la 35 Marieta Florian de Micelin femena de Carlo de Cechinol. Pareres desferenc enveze sun autra jent del retrat: la 25 per Lino l’é Bepina Sopperra de Batelo da Tamion, per Franca enveze fossa Bepina o Maria Ansola; la 30 per Lino na Grotola da Vich e per Franca Angelina Florian de Micelin; la 31 per Franca Catina 11 Detomas da l’Ansol, maridèda a Mazin e la 28 semper per Franca Angela Cloch de Cò. En cont del 10 9 retrat publicà su la Usc nr 7, ne à amò chiamà a ne dèr la soluzion ence Rita Brunel da Soraga,

canche oramai l sfoi era en stampa, e l’à confermà i inomes di boschieres che aon publicà. Chest’outa, ajache l’é temp de festa de la fémenes, ve meton dant n retrat con sù mère e fia, fat acà passa 70 egn, olache se pel veder co che i pìcioi vegnìa fascé ite strent. No ve dijon endèna chi che ne à portà l retrat, se no fossa massa sorì endoinèr, e speton voscia

respostes te redazion a Sèn Jan per telefon o fax al numer 0462.764545, o per mail a la direzion lausc@ladinsdefascia. it. Ve envion ence desche semper a chierir fora e ne portèr i retrac veies che aede te majon, per seghitèr a viventèr noscia rubrica e ne didèr a meter ensema vèlch mizacola de la storia de noscia jent.

2

1

www.lauscdiladins.com

21


Fodom

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 09 / 06 de merz 2010

Oscar Troi se prejenta a “Laurà per Còl” “Mendránze n poejia”, al via “Se fèsc très plu fadia a ciapé jent. L quorum ? N riscio da no sotvaluté” Elezion – Còl - Oscar Troi, caránta agn, titolar den garnì, l é l candidat a capocomun del Comun da Còl per la sola lista che s’à prejenté a le elezion del 28 e 29 de mèrz. “Laurà per Còl – Lavorare per Colle”, chëst l slogan de la formazion, che à come simbol n’azola. Troi l é a sua pruma esperienza da aministradou. Ncan ela madurada chësta decijion ? “Le forze ntel paisc i é puoce” l spiega,” perciéche la popolazion la cala. L eva debujen de de na continuité a chël che à fat fin adess ‘aministrazion, ma manciáva la jent che se tòl su chësta nciaria. La decijion l’é vignuda co è bu l’assicurazion de ester daidé ntel grop da pèrt de nvalgugn esponenc de l magioránza atuala (trei

Oscar Troi.

consiadou plu l medemo Capocomun Paolo Frena n.d.r.). L pensier l no pò no jì al 1999, cánche s’ava prejenté na lista sola, nlouta con al cé l ex capocomun Leopoldo Lezuo, che no n ava arjont l quorum e nte Comun l eva rué l Comisar Prefetiz per n ann. Penséto che pòbe ndavò suzede vèlch dadetèl ? “L é n pericol da no sotvaluté. Come dit se fèsc fadia a ciapé la jent. Chëste ence perciéche l é na gran disafezion ntei confronc de la politica, souradut da pèrt dei jovegn. Ma crei che la jent L logo de la sola lista che cor per le la siebe nteligente e la sape elezion del nuof consei de comun de Còl. valuté che, ntel cajo che chësta formazion la no ciape i voti n fat che suzede da spëss ntei pichi per podei governé, ruarà l Comisar, comuns” disc ncora Troi. “La jent che no l é zerto l meio per l Comun. la mossarà se usé che i é trè Nlouta valgugn i pensáva che demánco le persone che azeta de chësta fossa stada la meio soluzion, se mëte n juoch, ma a chisc toca i ma co l temp i s’à ndentenù che no é de fiduzia.” Chisc i inoms dei l’eva coscita. Mi me augure che la candidac: Moreno Kerer, 40 agn, jent la vegne mpò a voté per arjonje dipendent delIstitut Ladin Cèsa de l quorum. L grop che me sostén l Jan, Paolo Frena, 47 agn, nsegnánt, é fat da persone che raprejenta Giordano Crepaz, 58 agn, polito l paisc.” No se prejentarà penscionat, Sisto Agostini, 45 agn, nveze l grop de mendránza che impiegat n bánca, Ivan Troi, 32 agn davánt cinch agn ava sfidé la lista albergadou, Hermann Sala, 34 agn, de Paolo Frena, con al cè Leopoldo maringon Alberto Agostini, 27 agn, Lezuo. A puoc dis da la prejentazion contadin, Sisto Daberto, 39 agn de le liste, siebelo dël che l libero profescionist, Stefano Pezzei, Capogrop n consei de comun 22 agn, perito minerario, Simone Marco Crepaz i ava lascé a ntëne Sommavilla, 26 agn, Claudio che i no s’assa prejenté ne nstësc, Pallabazzer, 31 agn e Lorenzo ne valgugn del grop. “L fat che Chizzali, 36 anni, oure ntel turism. mánce na seconda lista oramèi l é (ls)

“Snow Show”, spetacol e divertiment su la nei Maestri de schi protagonisć a mostré su i desvalis stili da jì coi schi. E no l é manciada chèlche matada

Acrobazie su la nei.

Rèba - Ai 25 de fauré, da le 9 da sëra, su la pista dilongia la segiovia del Burz, l consòrz turistich Aft, auna ai maestri de la scòla de schi de Rèba, l à metù a jì ence chëst ann l beliscimo “Snow Show”, spetacol de dimostrazion sui schi. A chëst event à tout pèrt ence el “Freeride Club Gherdëna” formé da 6 jovegn che à fat vedei al publich dute le acrobazie de freestyle che i sà da fé. I maestri de schi à mostré i desvalis stili da jì coi schi , a scomencé dal “spazzaneve” fin a rué a le outade

22

www.lauscdiladins.com

“cristiania”. Mplù i à completé sua ejibizion con de bele coreografie de discese duc auna. Bela paruda à fat ence chi dai losins, che con doi outade i eva bele junsom a la pista. Dute le persone che cialáva prò se fajëva de marevoia coche n tàl pico siz taché a nen schi sol, l pòbe jì coscita mprescia. I “Leor da Fodom” i à dé dimostrazion de coche se va a fé schi da alpinism, sport che regoi dagnëra plù apascionèi. Delongo davò s’à podù amiré coche nzacan se jiva coi schi. Coi prums schi no

se ciafiáva a se outé senza mossei se fermé. Se mossëva jì da n our a l auter de pista e se outé ntourn vigni viade. L’evoluzion l’à porté a l Telemark, co la poscibilité de fé de bele outade, co la tipica elegánza de chësta sort de schi, fin a ruè al “carving”. Pèpi “de Felizon” e Siro “del Mòro” i é vignus jù per pista co na luosa da fen e na stroza. Meśi che aldidancuoi no se veiga plù da spëss. Per saré via l “Snow Show” con cèze da ride, doi fodomi njignëoi i à metù n pèr de schi sot a na vasca da bagn e a na sela e i é vignus jù per pista senza deguna poura. Le trope persone che s’à giaudù chësta bela sëra de spetacol su la nei, i à podù ence se beibe n bon gòt de vin brulé o de té ciaut, déi fòra dai volontars. La sëra l’é stada acompagnada da la mujica metuda su dal deejay. Duc chi che à fat sua “performance” su la nei i s à ciapé trope batude de mán dal gran publich prejent. N gran Diotelpaie a Denni Dorigo e Heidi Delmonego che à fat da “speaker” per fodom, talián e ingleje, a la Scòla de Schi da Rèba, a la sozieté dei lifc Sit Boè per avei metù a dispojizion meśi, lum e giac da la nei e a duc i volontars che à dé na mán. (Roberto Grones, sourastánt Aft dei evenc da d’inviern)

la 5° edizion La scomenciadiva, ideada da Teresa Pezzei, da sto ann l’é organizada n colaborazion col Istitut Cultural Ladin Cèsa de Jan Cultura - L’Istitut Cultural Ladin Cèsa de Jan e l Comun da Fodom, co l intent de porté nnavánt l proget ideé dal nlouta assessor a la cultura Teresa Pezzi, i mët a jì la 5° edizion del concorso nazional de poejia “Mendránze n poejia”. L’intent de chësta scomenciadiva,” disc l prescident del Istitut, Nani Pellegrini, “l é chël de fè cugnësce, slargé fòra e valorizé le culture de mendránza e promuove na maiou colaborazion ntra de mendránze, le scòle che l é sui teritròri nterescèi e duc i apascionèi de poejia che fèsc pèrt de le mendránze tutelade da la lege 482/99. L concors l é slargé fòra ence ai romanc del Canton dei Grijons de la Svizera. Vigni partezipánt l podarà tò pèrt con al plu trei poejie. Prò vigni opera mossarà ester ence la traduzion taliana. Chi che mana plu de trei poejie l vignarà lascé fora dal concors. Vigni poejia mossarà pervegnì n doi copie scrite a machina o fotocopiade e se poscibile ence n format eletronich per e-mail o su nen suport informatich (CD). De le doi, una mossarà ester firmada e scrit dapevia de ci lengaz de mendrànza che la fèsc pèrt, inom, cognom, ndiriz, numer de telefon (eventual e-mail) del autor e dichiaré che se trata de n’opera de sua nvenzion e che no l’é stada mèi publicada. Se a tò pèrt l é un aldesot dei 18 agn la dichiarazion mossarà ester firmada dan genitor o da chi che fèsc sua funzion. Co nen scrit a pèrt duc i autori i é nvièi a mëte prò chèlche riga biografica. Le scole de vigni ordine e grado che tol pèrt

al concors, le mossarà fè pervegnì ndiriz, numer de telefon e e-mail de la scola e ence ndiriz, numer de telefon e, se l é, ndiriz eletronich de na persona che ciafiarà d’isté via a mantegnì i contac coi scritori che la giuria dezidarà de premié. I scric mossarà rué per i 15 de jugn 2010 a: Istitut Cultural Ladin Cesa de Jan – Concorso per Lingue Minoritarie – “Mendránze n poejia” - Via Villagrande, 54 - 32020 Colle S. Lucia (BL) ndiriz e-mail: info@istitutoladino.org – segreteria@istitutoladino.org. Le poejie le vignarà giudicade da na giuria formada da cinch membri cherìs fora nánter poec e leterac che s’à fat cugnësce per suoi scric n talián o ntel lengaz de mendránza. Al prum classifiché jiarà l premio “Naghena da mont de òr”, (“Dianthus superbus” ) al secondo la “Naghena da mont de arjent” e al terzo La “Naghena da mont de brom. A la pruma scòla classificada jiarà nveze 500 euro, a la seconda 400 e a la terza 300. Per vigni opera meritëola vignarà assigné, al autor o ai autori se se trata de opera coletiva, n diplom de mèrit. La zerimonia de consegna dei premi la sarà a Rèba de Fodom nsabeda ai 4 de setember 2010. L Ent promotor del concors l se provarà che le poejie le vegne publicade ence n forma antologica o su publicazion leterarie. Informazion Per dute le informazion se po’ telefoné ai numer 0437 720609 o 0436 7193 o sui sciti www. istitutoladino.org e www.comune. livinallongo.bl.it (ls)

Su le ciaspe co l’Union Bela sëra n compagnia metuda jì da l’Ulf Associazions - Ence st’ann l’Union dei Ladins da Fodom l’à metù a jì na caminada da sëra co le ciaspe che tánt de suzéss ava bu n l ann passé. Ence sto viade i é stèi ben na trentina chi che à responù al invìt per se passé nvalgune ore autramente, dalonc a da la televijion e souradut n compagnia. Meta de la gita l Jou de Chièrz. Pièi via da Ciaulonch, la picola procesción la

s’à nvié su per la strada batuda dal giat per pò outé a mán dërta a nei frësca fòra per chi biei plëns. Nia de sfadious, ma na outa ruèi al Rifugio Cherz, duc s’à fruzé ju de gusto na bona pasta e l strudel. A tourné ndrio, ntánt che l eva levé la luna, s’é jus ju per l Jägerweg, nten scenar da favola, ntra èlbri plens de nei. Duc contenc i s’à de apuntament a n’autra plu bela. (ls)

Duc contenc davò na bela caminada su le ciaspe.


nr. 09 / 06 de merz 2010

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel: 0436/868615 Fax 0436/876689 - e-mail: ra.ulda@tin.it

Anpezo

Fora pista, co ra testa

Fregores

Ancuoi ‘l é senpre pi śente che à acaro de se moe su ra crodes, inze ‘l gnee, fora de ra pistes da schie. Beśen i insegnà cemodo el fei, no se pó bete outra lejes, par el proibì

Alcuanta noes in curto, da ‘l paes e da fora

I ome de ‘l socorso, senpre pronte a moe, canche ‘l é ‘na laina, ‘na desgrazia. Ma ‘l é meo i pensà sora ignante, e lascià che i pode s’in stà a ciaśa soa.

Outra laines, outra disgrazies, outre morte; anche ‘sto inverno, cemodo che suzede beleche da calche an, se sente indrioman de chel che suzede su par ra nostra crodes, in Italia e fora. Pi che see, ‘l é śente che và fora pista, a sfarìa, canche no sarae da śì, agnó che no sarae da śì. Canche ‘l é stà in Anpezo ra esercitazion de chi de ‘l Aiut Alpin Dolomites, ‘l à dito polito Gino Comelli, el so presidente: “Una ota, canche io see śoen, se moea co i schie co ra peles d’ousciuda, canche ‘l ea ra stajon bona, el gnee el s’aea folà, e ‘l ea seguro. Ancuoi i moe alolo, da noenbre inaante, e i moe senpre, anche canche no sarae da śì. Sarae da se recordà de i vece e de fei cemodo che i fajea lore: sarae da dorà ra testa e ‘l cuore, ignante de dorà ra janbes”. R’é propio coscita. Ancuoi i và dute daparduto, co i inpiante, co

‘l elicotero, co ra peles, ra ciaspes, i schie o ra brea. E trope i resta sote ra laines. De spes suzede che ris-cia ra so vita anche chi de ‘l socorso, che i moe par i dià. Dute ón inze ‘l cuore ra desgrazia de Fascia, da Nadà, canche ‘l é morto cuatro de i nostre ome pi varentes. Coscita, cemodo che suzede, dute in parla, se scrie su par ra gaśetes, se mostra par television, e a Roma, agnó che i sà poco o nuia de crodes, i dezide de fei outra lejes, fora de oula. Alolo dapò de ra desgrazies de ra setemana pasadaes, i aea pensà de bete gran multazes par ci che và fora pista e de bete in prejon ci che fesc moe ‘na laina. Dapò, par fortuna, calchedun i à fate rajonà e no s’in à pi fato nuia. “A chiste vien ra chiza de fei algo, de vegnì fora con outra lejes, de bastonà dute, dapò che i s’à ajità, par chel che i à sentù par

television, ma i no sà nuia, de chel che i parla, e coscita i ris-cia de fei pi dan che ben” – el me disc Franco Gaspari Moroto, presidente de ra Guides de Anpezo. “Ra śente, ‘l é da ra educà, no da ra bastonà – el śonta pede – e ‘l é ora de ra fenì de scrie, e de dì, che ra croda r’é ‘na sasina. No n’é coscita. Sarae conpain de dì che el mar ‘l é un sasìn e che no n’é pi da nodà. Ra robes se res fesc, ma polito, agnó che se pó, canche se pó, mangare con calchedun pede, che el te insegna, che el te dia, se t’as biśoin. Canche i te disc che ‘l é pericolo de laines, el no n’é daparduto: se te vas inze ‘l bosco, par ‘na strada, intrà i brascioi, o agnó che no n’é erto asei da moe el gnee, te vas polito”. Elo vero che ancuoi ‘l é senpre pi parsones che và par ra crodes, anche d’inverno? “Aì, ‘l é chel che domanda ra śente, i foreste, senpre depì. Ancuoi ‘l é el free ride, ‘l é i schie co ra peles, ra brea, ra ciaspes: ra śente r’é stufa de se ingrumà, dute aduna, su ra pistes, senpre pi folades de schiadore, e ra parsones es rua inze i nostre ufizie, a me domandà de fei algo de outro, fora, inze ‘l bosco, inze ‘l ceto e el neto. Nośoutre ón da i insegnà cemodo el fei, ón da i contà ce che i à da se toi drio, par ese pi segure, mangare da se dià, un co ‘l outro, se i aese da restà sote ‘na laina, ignante che rue i socorse. Ma, pi che see, beśen i insegnà cemodo fei par no restà sote. Bete fora ‘na tabela, d’outon, fin d’ousciuda, no śoa a nuia: ‘l é meo se bete là e i insegnà, di par di, ce che ‘l è da fei. Inze outre paes, me penso de ra Francia, i fesc coscita: canche i te ferma, i poliziote i te domanda se t’as drio duto chel che ocore, ‘l Arva, ra parota, ra sonda. Canche te vas co ra moto, i varda se t’as el casco cun testa: ‘pò t’as da ese tu, a saé cemodo śì, co ra testa”.

Popole senza stato Ra minoranzes in Europa, inze un libro che el scrie de i pi pize, par fei conosce e capì i zavarie pi grei Inze r’Europa de ‘l Doimile ‘l é un grun de popole senza stato. E propio chesto ‘l é el titolo de ‘l libro de Giovanni Armillotta che de trope, anche in Anpezo, son drio a lieśe, de ‘ste tenpe. Stanpà ‘l an pasà, de marzo de ‘l 2009, el libro “I popoli europei senza stato – viaggio attraverso le etnie dimenticate”, edizios Jouvence, el conta de ra struscies de ra śente, de ra popolazios che vive in Bretagna, Catalogna, Cornovaglia, isoles Faer Oer, Frisia, Gales, Laponia, isola de Man, Ocitania, Paes Basche, Sardegna, Scozia, fin a i Sorabi de ra Lusazia, che poche sà agnó che ‘l é, ‘na rejon de parlada serba, incognada intrà Jermania e Polonia. Senza śì a vede de chi outre popole, che se conosce poco, pize

e indalonśe da nośoutre, basta lieśe de i Ladis, par ciatà un grun de fate, de storia e ra noes de i ultime ane. Se scomenza da i studie de ‘l Otozento, par ruà fin a ‘l referendum de ‘l 2007, par mudà rejon, fato in Anpezo, Col e Fodom. Se conta de duto chel che ‘l é suzedù, dapò de ra prima guera, canche son pasade co r’Italia, intrà ra doa gueres, co ‘l Fascismo, e dapò de ra Seconda guera, canche ‘l ea i anpezane e i fasciane a lourà, pi che see, par tegnì aduna i Ladis, ma senza darśonśe chel che i vorea. Ancuoi anche i Ladis, cemodo che suzede par ches’outra minoranzes, i é rejos inze i state de r’Europa, strucades da outra parlades, outra cultures, outra

politiches pi grande e fortes, sarangonade ignante co ra forza, de i melitare, dapò con chera de i politiche e de ra aministrazios de ancuoi. Con chesto libro el profesor Armillotta el vó fei capì cuanto che padisce chesta cultures, coscita pizores, spasemades da cheres pi grandes e destinades a se studà śo. Ma ancuoi, senpre depì, e nafré daparduto, ‘l é śente che laora par defende chesto vecio patrimonio, che el fesc r’Europa nafré pi sciora e pi bela; se pugna par fei recordà ra storia, par fei conosce ra parlada, ra tradizios, ra uśanzes. Chesto libro ‘l à un vantaśo: el bete inze duta chesta minoranzes, una pede cher’outra, par duta Europa, coscita se pó vardà dute pi indalonśe, e mangare inparà algo, un da chel outro.

El Consorzio e i hotiei Cisà se i và adora a se bete d’acordo, intrà consorzio Cortina Turismo e asociazion de i hotiei de Anpezo. I se crida da doi ane, i no và adora a se ciatà, da canche ‘l é nasciù el consorzio noo, cemodo che ‘l é stà vorù da ‘l Comun. Da doi ane ‘l é radeghe, cridore, zavarie, con chi de i hotiei che i à dito de voré fei da so posta, se ranjà, a fei conosce el nosc paes in śiro par el mondo, parcé che no i comoda cemodo che i laora inze ‘l consorzio. Ades somea che i ebe ciatà un troi, se no ancora ‘na strada, agnó caminà aduna. El consorzio ‘l à azetà, dapò de doi ane, chel che i hotiei aea domandà alolo. Ma i no n’é dute d’acordo: da chel che s’à sentù, inze ‘l consilio, de dodesc, sete i à dito de sci e zinche de no, a chel che à domandà i hotiei. Coscita ‘l é festide che see outre cridore, su chera strada, inpó ra voltada.

Sode dal Comun El Comun de Anpezo ‘l à dà 12.500 euro a ‘l an, par tre ane, a ‘l Coro Cortina, par bete a śì ra manifestazion Cortina InCanta. Dapò ‘l à dà 30 mile euro a ra asociazion Cortina InCroda, e anche ca i é d’acordo par tre ane. Par ra scores ‘l é stà tirà fora outre 38 mile euro. Dinultima se conta 25 mile euro a ‘l an, par zinche ane, a ‘l festival Dino Ciani, par fei conzerte e outra manifestazios. In poche dis, el Comun ‘l à betù fora pi de 100 mile euro, par dute ‘ste projete, da ogà inze chesto an 2010.

Un lieto par i studentes I studentes che vien da fora, par studià inze ra scora superiores de Anpezo, i pó ciatà alośo inze ‘l cuartier che el Comun ‘l à parecià śo sote ra scora meśanes Rinaldo Zardini. I prime sié i drome inze chera bela cameteres da ‘l an pasà d’outon, de setenbre, canche ’l é scomenzà ‘l an de scora. Ades el Comun ‘l à chera de slargà fora chel alośo, par outre sié studentes, coscita i podarà bete i tośate de un ver, ra tośates da chel outro. Duto chesto śoa a ciamà inze ‘l nosc paes outre studentes e chesto dia, par defende ra nostra scores, par no res lascià sarà. El projeto ‘l ea moesc de ‘l 2008, canche ’l ea Paolo Fratte preside de ‘l Polo de ra scores de ra Valboite, aduna con Paola Valle, canche r’ea loudaduó de comun, par ra scores, ignante de lascià el so posto. “Nośoutre on abadà che trope studentes à acaro de vegnì inze ‘l nosc paes, a studià – el disc el capocomun Andrea Franceschi de Matia – parcé che ra nostra scores es laora polito, parcé che inze ‘l nosc paes se pó fei sport, parcé che ca se vive polito. Par chesto ón vorù bete outre sode, inze chesto projeto, segure che se ruarà pi studentes, podaron defende meo duta ra nostra scores”.

Poetes anpezane Elo ancora poetes, in Anpezo? Se in é, che i se feje inaante, che i

scrie, i bete śo i so pensiere, i so sentimente, ra so emozios, par i mandà in Fodom, a ra cuinta edizion de el concorso nazional de poesia “Mendranze n poejia”. El concorso ‘l é fato drio chel che disc ra leje 482 de ‘l 1999, par precurà ra minoranzes, e ‘l é slargà fora a i Grijoi, da ra Svizera. Dute pó mandà fin a tre poesies, scrites par ladin, e śo par pede ‘l é da res voltà par talian. Beśen res bete śo polito, scrites a machina o co ‘l conputer, e sarae da res mandà anche par posta eletronica, in e-mail, o su un discheto Cd. Sarae da bete pede anche alcuanta righes, su ci che à scrito ra poesies. S’à acaro se scrie anche ra scores, con un concorso duto par i studentes. Duto ‘l à da ruà, ignante de i 15 de śugno 2010, a ‘l Istitut cultural ladin Cesa de Jan, a Col de Santa Luzia, strada Villagrande 54. Par in saé depì, e par mandà el material par e-mail, beśen vardà drio info@ istitutoladino.org o sedenò segreteria@isti-tutoladino.org o ancora www.istitutoladino.org e www.comune.livinallongo.bl.it

Ra Via Crucis de i śoen Un arcobevando de speranza; ‘l é chel che i vó me mostrà i śoen de ra Pastorale de ra Parochia de Anpezo, vendres 19 de marzo, dares 19.30 da dasera, inze ra jeja de San Iaco. Par saé cemodo fei, i à lieto chel che ‘l à scrito el Papa Benedeto XVI, par ‘l an de i prees. I tośate de ra scora meśana e de ra superiores i à parecià sarvije, lumes, musiches e algo de outro, par me contà cemodo che lore i vede ra Via Crucis, inze meśo a ra nostra ciaśes, inze ‘l nosc paes. Dinultima, sarà un don, pizinin, par dute chi che i vorarà ese inze jeja, in chera sera.

Da Anpezo inze ‘l spazio Da ra scora popolares inaante, el śoen Lorenzo Olivieri, un tośato de Anpezo, ‘l à senpre abù chera de studià el spazio, fora da ra Tera. Ades ‘l é a Padova, che el studia da insegner aerospaziale, a r’Università. I dis pasade ‘l é stà a Kiruna, in Svezia, agnó che ‘l é ‘na base de ra Agenzia spaziale europea, parcé che ‘l é drio a projetà un attuatore, da dorà par fei viaśà i raze e i baloi, fora da ra nostra atmosfera. De maśo el sarà in Olanda, d’outon el tornarà danoo in Svezia, de otobre. Par in saé depì se pó śì a vede el sito scratexperiment.com agnó che se vede anche ra fotografies.

Hockey fora de i śoghe El Cortina el no n’é śù adora a restà intrà ra oto meo scuadres d’Italia. Sabeda 27 de febraro, a perde a Torre Pellice, ‘l é restà śo da ‘l pe de ra clasifica e el no podarà pi śuià inaante, par ciapà el scudeto 2010. Fenisce coscita una stajon burta, scomenzada malamente e śuda inaante peśo. Ma, cemodo che se sà, se pó inparà anche da ra roba burtes, da chel che và malamente, coscita vardon dute a i anes che vien, con bela speranzes. www.lauscdiladins.com

23


Anpezo

nr. 09 / 06 de merz 2010

I schie par dute

Una sportela d’arte

Ancuoi ‘l é senpre pi śente che pó dorà i schie, par se pasà alcuanta ores de fora, su ‘l gnee, intrà ra crodes, e finamai par fei sport. Un gramarzé a ci che dia ‘na man a ci che stenta depì

I studentes de ra nostra scora pi vecia, par fei conosce, par dià, par precurà ra Dolomites

Su i schie, inze ‘l gnee, intrà ra nostra bela Dolomites, par vive danoo, deboto cemodo che ‘l ea ‘na ota. Par alcuante dis ‘l é stà in Anpezo ‘na asociazion che ra laora par dià ra parsones che stenta, che no và pi adora a dorà ra so janbes, pi che see dapò incidentes, dapò che i s’à roto el firo de ra schena. A scotà ra stories de chesta parsones, ‘l é ci che à abù un incidente co ‘l automobile, ci che ‘l é tomà in moto, ‘l é un maestro de schie, che ‘l ea drio a fei el so laoro, su ‘na pista, ‘l é ruà śo un co ra brea e i à scaazà ra schena. Calchedun conoscea el gnee e i schie anche ignante de se fei mal, calchedun no n’aea mai proà, e ‘l à scomenzà a se montà dapò de ‘l incidente. Fato stà che ades i pó moe co ra so machina, co ra so carozeta, ruà pede ra pistes, montà su ‘sta sorta de cocio, de scenta da bete su un schio, e de śì a toi i inpiante, el gancio o ra sejovia, par s’in stà alcuanta ores de fora, inze ‘l gnee, a se ra gode, cemodo che fesc dute. Chesta setemana ‘l é stà in Anpezo chi de chesta asociazion Freeride, ra setemana che vien in ruarà de outre, de el Centro Informa, che ‘l é a Favaro, pede Venezia. Chiste ‘l é vinte ane che i vien in Anpezo, a fei ‘ste corse, e ancuoi ‘l é śente che torna, da so posta, dapò de aé inparà con lore. Canche i à scomenzà, śa vinte ane, no se saea deboto nuia, no se conoscea chesta scentes, da dorà su ra pistes e su i inpiante, se śia a i cronpà fora par r’Austria, o in Francia, e se fajea drio a chi outre.

Ra Scora d’arte de Anpezo, inze chesto an de scora, r’à vorù fei conosce depì, e meo, el nosc teritorio, con un projeto de studio su ra Dolomites, par recordà chel che ‘l é suzedù de ‘l 2009, ‘l an pasà, canche r’Unesco r’à vorù toi inze ra nostra crodes, inze ‘l patrimonio de r’umanità. De chesto projeto fesc parte anche el Fai, el Fondo ambiente italiano, che ‘l à domandà de lourà su r’arte, su ra storia, par recordà canche su de ca ruaa i prime touristes, i secole pasade, canche no n’ea coscita fazile viaśà e conosce i poste pi biei, co ra strades de inalora, in caroza, a caal, pi de spes a pe. Su duto chesto projeto, i s’à betù a lourà i tośate de ra clase terza, de ra nostra Scora d’arte, co ra so profesoresa Concetta Paladino; i studentes i à fato un grun de laore, dute su ra Dolomites e ra so belezes. Ce s’ai pensà, ‘ste śoen? I à vorù studià algo che no restase sarà de inze, ma che el podese śirà par strada, intrà ra śente, ruà inze ra ciaśes de dute. Coscita i s’à pensà de fei ‘na sportela,

Su ra pistes de Som de i Prade, dute aduna, in bona armonia, su ‘l gnee, co ‘l soroio de ra Dolomites.

Ancuoi anche in Italia ‘l é un grun de poscibilitàs, par chesta parsones e in Anpezo s’à fato tanto, par i dà alośo inze i hotiei che i ebe duto a posto, da i azetà, con maestre de schie boi de insegnà, con i inpiante par i fei montà su. Se ‘na ota ‘l ea ‘na stranbaria, vede chesta parsones, scentades śo, su ra pistes da schie, ades suzede senpre pi de spes. Calchedun và co ‘l schio par se ra gode, senza pratende nuia, e calchedun inveze el fesc sport, el core, par venze medaies e copes. Inze ‘l nosc paes ón finamai un canpion de chesto sport, che ‘l é Fabrizio Zardini Noce, pi otes a ra Paraolinpiades e a i canpionate de ‘l Mondo, d’Europa e taliane. Cemodo che v’ón beleche contà,

ra setemana pasades, de i Carabiniere, che i diaa ‘na man a i orbe, co i schie, su ra pistes de ra nostra Dolomites, ‘sta ota ve conton de ra Polizia de Stato, che r’à fato un bel laoro, con chiste su ra carozetes, par i dià a inparà a śì co i schie. ‘L é i poliziote de ra scora de Moena, in Fascia, agnó che i inpara duto chel che ocore par lourà su ra pistes, e anche a dià ci che à pi biśoin. Par tre dis, su ra pistes de Pocol, su in Som de i Prade, intrà Roncato e Socrepes, a Rumerlo, vesc Tofana, i é stade con lore, i à dià chi manco varentes, che i é drio a inparà, e i no n’é ancora boi de śì da so posta. E cisà che, co ‘l é dinultima, no see stà propio i maestre, a inparà algo.

Chel che à de bel e de bon, el di d’ancuoi, ra śoentù

Doa setemanes da r’outra parte de ‘l mondo, par conosce algo de noo, par ciatà outra śente, par inparà e par cresce

24

www.lauscdiladins.com

ra nostra scora alberghiera, a vive inze ra nostra families. I tośate che à podù moe par r’Australia i é varentes e chesto viaśo ‘l à vorù ese nafré un premio, par lore, e i profesore i à vorù zerne alcuante de i pi brae, de Anpezo e de chi outre paes, ca pede, in Cadore: Serena Alberti, Mattia Alverà, Lara Dapoz, Pietro De Bernardin, Arianna De Sandre, Yuri Fenzi, Tommaso Fregonese, Katia Hirschstein, Alessandro

Coscita ‘l é nasciù ‘sta sportela de carta, che dute podon dorà, e che ra śoa par mostrà chel che ón de pi bel, el valor pi gran: el nosc anbiente, che ‘l é da defende, da precurà, pi che see da fei conosce polito.

Studià, par aé un doman

A scora in Australia Undesc tośate de ra scora alberghiera de Anpezo i é moeste par r’Australia. Chiste studentes i restarà a Frankstone, pede Melbourne, fin a i 23 de marzo, par doa setemanes. Da bonora i śirà a scora, inze ‘l John Paul College, e de ‘l dapò disnà in śiro, par vede algo de r’Australia, pede a ra zità agnó che i é ruade. A i dià a conosce chel Paes, coscita indalonśe da nośoutre, sarà ra families de ‘l posto, agnó che i é stade azetade. El projeto ‘l é nasciù, ‘l é scomenzà d’outon de ‘l 2008 ; ‘l an pasà ‘l é śù via doi profesore, Cristian Bressan e Irene Pompanin, par vede i poste, par conosce ra scora. Ades ‘l é via in Australia, co i tośate, el profesor de cujina Agostino Frena e ra profesoresa de inglese Mary Gino. Propio era, i ultime tenpe, r’à fato un corso aposta, de inglese, par chiste tośate che aea da moe, par i insegnà ra parlada da dagnadì, chera da dorà co ra śente, par strada, a scora, in ciaśa. Dapò, ca de un an, d’ousciuda de ‘l 2011, sarà alcuante tośate australiane a ruà in Anpezo, a vede

de cheres da śì a proede, ma no de plastica, che es sporca, e ca de nafré i no res fajarà pi, es śirà fora leje; i à vorù ra fei de carta. Chesto pensier ‘l é stà tolesc su da ra Coperatia de Anpezo, anche ‘sta ota pede a ra nostra scora pi vecia, che ra moe de ‘l 1846.

Lorenzi, Michele Milan e Aljiosha Piaia. “Chel che conta – el me disc el profesor Cristian Bressan, che ‘l à tanto gran lourà par chesto projeto – ‘l é mantegnì via chesta nostra scores, su ‘l nosc teritorio, parcé che ‘s é un patrimonio par dute. No se pó vardà noma i numere, cemodo che se fesc in zità, in pianura, agnó che vive un grun de śente, ma beśen vardà el laoro che se fesc”.

I studentes, i so jenitore, i profesore, ra autoritàs, canche i s’à ciatà dute aduna, ignante de moe par r’Australia.

Cuanta comoditàs, cuanto bel che r’à ra śoentù de ‘l di d’ancuoi, podé inparà tanta roba noes e modernes, ma trope i no sà aprezà ce fortuna che i à a podé śì inaante co ra scora, inparà senpre depì, aè, canche ‘l é un di, un titolo de studio, un posto seguro, da dorà par ordin, chel che i à inparà. Da ra scora popolares a ra meśanes, a ra superiores, fin a ruà a r’università, da zerne fora ra facoltà da so posta: trope i no se rende conto ce che vó dì aé una laurea, dapò aé frecuentà par cuatro, zinche ane, che te porte a aé una bona cultura, un saé depì, podé ese in grado de se defende inze i zaarie che mangare te vas incontro. ‘L é senpre un ben, podé studià: inpara r’arte e betera da parte, se disc. No se sà mai asei. Trope jenitore, śa anes, i ea contrarie che una pizora ra śise inaante co ra scora, i pensaa che una femena no ocorea che ra saese tanto: basta che ra see bona de tegnì ‘na ciaśa, se dijea, de tirà su polito una bela familia, ese bona de fei da magnà. I no pensaa outro. Pi che see, lourà ra canpagna, una bona stala de besteame, outro no ocorea. El di d’ancuoi duto s’à mudà, ra śoentù, canche i tośate i rua de

disdoto ane, i dezide lore ce che i vó fei, e ‘l é un ben, se i fesc polito e che i no và a scora solo par scioudà i banche, e nuia de bon par ra testa; ‘l é un ben che i ebe responsabilità de cuanto che i à zernù fora, par se fei una strada, par ra vita che i speta. Śa anes r’ea outramente, ‘l ea i jenitore che dezidea el da fei e ra so parola r’ea sacrosanta e ‘l ea da obedì, parcé che no n’ea chel benesere che s’à ancuoi. ‘L é iusto che chi che à voia de studià i vade inaante e che i se feje onor, inze ‘l conportase e inze ‘l inparà; ‘l é tanta śoentù, ca in Anpezo, che s’à laureà, ades i à una strada segura inze ra vita e a chiste fejo tante conplimente, che i é stade in grado de darśonśe chel che i aea inze ra testa, con tante sacrifizie, a ese indalonśe da ciaśa. Canche ‘l é un di, i se ciamarà contente, parcé che ogni roba che te vos, inze ra vita, ra no rua tanto fazile e ‘l é da aé ra gran volontà de podé darśonśe chera profescion, chel mestier che t’as senpre abù inze ra mente e ruà d’aé una cultura e un bon saé, par śì inaante con onestà e podé dà un bon esenpio a chi che vien drio de te. Teśele Michielli Hirschstein


Sport

nr. 09 / 06 de merz 2010

Musicontri y musicontres se mosöra sön la liösa Werner Mair da Rina fej le miù tëmp dl dé, mo la miù musiga dla valada é chëra d’La Pli

La premiaziun dles scuadres.

Rina - En domënia ai 21 de forà à la Musiga da Rina organisé sön inćiaria dla UMVB - Uniun Musighes Val Badia la gara dla liösa por düć i mëmbri dles musighes dla valada. I 85 partezipanć s’à incuntè beles dales 10.30 sön le prè de Manestrëi, olache le tru dla liösa porta spo jö dal ćiamp dl sport. Bele dal mëteman dla gara êl n bel tlima de amizizia, é pö na te’ gara

Le presidënt dla UMVB Carlo Castlunger s’arjigna da s’araité.

suradöt inće na ocajiun da stè adöm y passè n bel dé en compagnia cun d’atri musicontri. Mo sambëgn ne manćiâl gnanca la rivalité sportiva. Chi che tol pert ô inće fà bela figöra y magari se portè a ćiasa val’copa o medaia. An à atira odü che n valgügn partezipanć s’â ćiarè jö valch dai gragn atleć de Vancouver, por d’atri êl indere suradöt important da tó pert. Finamai

La musiga “da foradecà” plü rapresentada é stada chëra de Badia, cun trëdesc partezipanć.

val’ghest d’onur l’à vagada da se moserè sön la liösa: danter chisc le presidënt dla UMVB Carlo Castlunger, l’assessur de comun Fonjo Winkler y i aconsiadus de comun Florian Craffonara y Florino Ferdigg. Dales 14.00 s’à spo düć abiné pro la ütia dl sport por tignì la premiaziun. I partezipanć y les partezipantes é gnüs partis sö te 10 categories y al é gnü premié dagnora i trëi mius. Le miù tëmp dl dé é gnü metü sö da Werner Mair dla Musiga da Rina, cun n tëmp de 2.06,04. La miù musiga dla valada (i trëi mius tëmps) é stada la Musiga d’La Plì cun Adalbert Burchia, Georg Rigo y Jan Agreiter. Al ti é inće gnü dè na recordanza al musiconter plü jonn Manuel Huber dla Musiga da Rina y al plü vedl Frick Gasser, le portabandîra dla medema musiga. Max Nicosia da La Ila à arjunt le pozer cun le tëmp de 3.45,53 (penultim post). La Musiga da Rina é stada la plü rapresentada pro chësta gara, cun indöt 25 partezipanć. La musiga da foradecà cun le majer numer de partezipanć, é stada la Musiga de Badia cun bëgn 13 partezipanć. Do la premiaziun él gnü trat fora pesć dala ola dla fortüna, olache inće chi che n’à nia fat tan n bun tëmp pro la gara, à podü gnì consolà cun val’ scincunda. Dedô él sambëgn ćiamò gnü ćiantè y balè ćina da sëra, tla bela ütia dl sport. La Musiga da Rina orëss tó l’ocajiun da rengrazié le sponsor por avëi dè ca copes y medaies. N gran dilan sambëgn inće a döta l’organisaziun, a chi che à fat val’ sorvisc, ai ghesć d’onur, ala UMVB, a chi che à dè ca pesć por la ola dla fortüna y sambëgn a düć chi che à tut pert ala gara. (Lorenz Rungger por la Musiga da Rina)

Ëres: 1) Susanne Winkler, Musiga d’La Pli, 2.22,16; 2) Maria Rubatscher, Musiga da La Val, 2.25,07; 3) Jessika Alton, Musiga da La Val, 2.27,01. Jogn: 1) Georg Plazza, Musiga da Rina, 2.41,30; 2) Manuel Huber, Musiga da Rina, 2.56,56; 3) Elvis Burchia, Musiga de Badia, 3.25,16. Ëi 1943 y plü vedli: 1) Frick Gasser, Musiga da Rina, 3.13,70. Ëi 1944-1953: 1) Lois Mair, Musiga da Rina, 2.36,91; 2) Lois Rindler, Musiga d’Al Plan, 2.41,51; 3) Carlo Castlunger, Musiga da San Martin, 2.53,90. Ëi 1954-1963: 1) Matteo Ties, Musiga d’Al Plan, 2.12,39; 2) Pire Rungger, Musiga da Rina, 2.25,34; 3) Adolf Ferdigg, Musiga da Rina, 2.51,71. Ëi 1964-1973: 1) Helmuth Dejaco, Musiga da La Val, 2.07,79; 2) Felix Pallestrong, Musiga da Rina, 2.12,34; 3) Florian Rungger, Musiga da Rina, 2.17,53. Ëi 1974-1988: 1) Werner Mair, Musiga da Rina, 2.06,04; 2) Adalbert Burchia, Musiga d’La Pli, 2.10,67; 3) Georg Rigo, Musiga

d’La Pli, 2.10,68. Jogn 1989-1993: 1) Philipp Ploner, Musiga d’La Pli, 2.20,47; 2) Alex Pitscheider, Musiga de Badia, 2.37,87; 3) Pasquale Pitscheider, Musiga de Badia, 2.38,18. Ghesć d’onur: 1) Othmar Gasser, 2.09,75; 2) Florian Craffonara, 2.23,90; 3) Hubert Pedevilla, 2.33,47; 4) Florino Ferdigg, 2.33,98.

Tlassifica dles musighes 1) La Pli cun Adalbert Burchia, Georg Rigo, Jan Agreiter, 6.32,29 2) Rina cun Werner Mair, Felix Pallestrong, Alex Craffonara, 6.34,62 3) La Val cun Helmuth Dejaco, Paul Pezzei, Matteo Pescollderungg, 6.49,02 4) Al Plan cun Matteo Ties, K l au s K a n e i d e r, R o m a n Mutschlechner, 7.22,28 5) San Martin cun Erwin Clara, Simon Tavella, Roman Castlunger, 7.53,24 6) Badia cun Alex Pitscheider, Pasquale Pitscheider, Armin Ploner, 7.55,80 7) La Ila cun Giulia Nicosia, Sara Frenademetz, Elisabeth Fistill, 10.07,06

Tlassifiches (pröms trëi de vigni categoria)

Le partezipant plü jonn Manuel Huber, le plü vedl Frick Gasser, Werner Mair che à metü sö le miù tëmp dl dé y le "pozer" Max Nicosia.

Jones: 1) Elena Ferdigg, Musiga da Rina, 2.39,67; 2) Lucia Mellauner, Musiga da Rina, 2.56,06; 3) Petra Plazza, Musiga da Rina, 2.58,33.

I pröms trëi dla categoria di ëi 1944-53: dmc él Lois Rindler (2.), Lois Mair (1.) y Carlo Castlunger (3.). www.lauscdiladins.com

25


Sport

nr. 09 / 06 de merz 2010

Pići atleć badioć: tres cun de bugn resultać Ultima gara di campionać di mituns di agn 2002 ćina 1999 a Toblach. Degun podium por i atleć badioć, mo bëgn d’atri bugn plazamënć. Da laldè dassënn é le numer de punć arjunć tles sis gares dl SSV tignides tratan chësta sajun: tla categoria 2001-02 de Puster röia Manuel Ploner dl Schiclub Ladinia al secundo post, Philipp Graefe dl Schiclub d’Al Plan al terzo (zona IV), Philipp Graefe (2002) al terzo post. (mdg)

Tlassifiches gara a Toblach ai 28.2. slalom lerch

Philipp Graefe a Toblach: al é le miù di nasciüs 2002 de döt Südtirol y terzo tla tlassifica dl raiun “Puster”, tla catogoria baby 2001/2002.

Schi jonil - La sesta y ultima competiziun di campionać di mituns dl raiun de Puster é stada na gara de slalom lerch sön la pista “Trenker” a Toblach, en domënia ai 28 de forà. Söl podium é rovè indô Manuel Ploner (2001) cun n secundo post y Ellen Pedevilla (2001) cun n terzo post, intrami atleć dl Schiclub Ladinia. De bogn resultać à arjunt tla categoria “baby” inće Philipp Graefe (2002) dl Schiclub d’Al Plan cun so sesto post y tla categoria “mituns” Mattia Davare (1999) dl Schiclub Ladinia cun n bun cuinto post y Tobias Kastlunger (1999) dl Schiclub d’Al Plan cun n nono post. Pro la

categoria dles mitans à fat na bona gara Emmi Frenademez (2000) y Milena Clara (2000), rovades al nono y diejimo post, intrames concorëntes dl Schiclub Ladinia. Na sajun de gran sodesfaziuns él stè ćina sëgn por le Schiclub d’Al Plan, inće cun so atlet Philipp Graefe. Tla tlassifica complessiva de dötes les sis gares organisades dal’Assoziaziun dles uniuns dl sport de Südtirol (VSS) resultëiel sciöche miù concorënt dl ann 2002 de döt Südtirol. Manuel Ploner (2001) dl Schiclub Ladinia, che fej pert dla categoria “baby” s’à plazè al secundo post tl raiun de Puster

Mitans 2002/2001: 1. Noemi Zimmerhofer “ASV Ahrntal” 47.81; 2. Corinna Mutschlechner (2002) “ASC Olang” 48.40; 3. Ellen Pedevilla “Schiclub Ladinia” 49.04; 4. Iris Villgratter “ASV Niederdorf” 49.71; 5. Aylin Rogger “ASC Drei Zinnen” 49.82; 6. Lara Hintner “ASC Gsiesertal” 49.96; 7. Anna Steiner “ASC Olang” 50.10; 8. Viktoria Hofer “ASV Ahrntal” 50.20; 9. Annalena Hell “ASV Ahrntal 50.64; 10. Sabine Feichter “AWSV Innichen” 50.94; 11. Chiara Videsott 51.29 y 14. Marie Bernardi “Schiclub Ladinia” 52.04. Mituns 2002/2001: 1. Jannik Sinner “ASC Drei Zinnen” 43.50; 2. Manuel Ploner „Schiclub Ladinia“ 44.10; 3. Simon Ferdik “ASV St. Lorenzen” 45.29; 4. Thomas Niederkofler “AWSV Innichen” 45.76; 5. Moritz Happacher “ASC Drei Zinnen” 46.02; 6. Philipp Graefe (2002) “Schiclub d’Al Plan” 46.45; 7. Rene Bachmann “ASV Prags” 46.60; 8. Stefan Totmoser “ASV Taisten” 47.06; 9. Isaak Lechner “ASC Bruneck” 47.28; 10. Jonas Bacher (2002) “SSV Pichl Gsies” 47.40. Mitans 2000/1999: 1. Hannah

Gruber “ASV Ahrntal” 43.77; 2. Laura Rainer “ASC Drei Zinnen” 44.32; 3. Deborah Innerhofer “ASV Ahrntal” 44.52; 4. Martina Gasparini “ASC Drei Zinnen” 44.70; 5. Nina Pineider “ASC Olang” 45.13; 6. Tamara Feichter “ASV Ahrntal” 45.18; 7. Nora Hilber “ASC Bruneck” 46.68; 8. Nadine Weitlaner “ASC Helm Vierschach” 46.96; 9. Emmi Frenadamez (2000) 47.05; 10. Milena Clara (2000) 47.18; 15. Marika Dorigo 47.78 (concorëntes dl Schiclub Ladinia).

390; 5. Ellen Pedevilla 267; 10. Chiara Videsott 139; 12. Marie Bernardi 123; 16. Vicky Bernardi (2002) 97; 24. Lisa Costamoling 46 (atletes dl Schiclub Ladinia).

Mituns 2000/1999: 1. Jonas Seiwald “ASC Olang” 42.99; 2. Alex Gietl “ASC Gsiesertal” 43.27; 3. Matthias Prenn “ASV Niederdorf” 43.38; 4. Gabriel Mölgg “ASV Ahrntal” 43.46; 5. Mattia Davare “Schiclub Ladinia” 43.85; 6. Michael Patzleiner “ASV Prags” 43.92; 7. Alexander Burger (2000) “ASC Gsiesertal” 44.02; 8. Joshua Crepaz “SSV Pfalzen” 44.07; 9. Tobias Kastlunger “Schiclub d’Al Plan” 44.09; 10. Dominik Kaneider “ASV Taufers” 44.15; 12. Aaron Planatscher “Schiclub Ladinia” 44.51; 13. Maximilian Tolpeit “Schiclub d’Al Plan” 44.77.

Mitans 2000/1999: 1. Hannah Gruber “ASV Ahrntal” 380; 2. Laura Steinmair (2000) “ASC Olang” 308; 3. Elisa Schranzhofer (2000) „ASC Gsiesertal“ 304; 9. Milena Clara (2000) 180; 15. Marika Dorigo 126; 16. Maria Sofia Frenademez 91 (atletes dl Schiclub Ladinia); 21. Melanie Ploner (2000) „Schiclub d’Al Plan“ 55; 24. Emmi Frenademez (2000) „Schiclub Ladinia“ 52; 28. Giulia Vollmann 40 y 30 Veronica Filippi (2000) 35 (concorëntes dl Schiclub d’Al Plan).

Punć arjunć indöt pro les sis gares dl SSV – zona IV Mitans 2002/2001: 1. Noemi Zimmerhofer “ASV Ahrntal” 440; 2. Annalena Hell “ASV Ahrntal” 419; 3. Lara Hintner “ASC Gsiertal”

Mituns 2002/2001: 1. Jannik Sinner “ASC Drei Zinnen” 510; 2. Manuel Ploner „ASC Ladinia“ 470; 3. Philipp Graefe (2002) „ASC Al Plan“ 331; 23. Max Castlunger 62; 24. Simone Dalle Grave 61; 27. Gabriele Cordioli 37; 30. Jacopo Pezzedi 26 (atleć dl Schiclub Ladinia).

Mituns 2000/1999: 1. Alex Gietl “ASC Gsiesertal” 444; 2. Jonas Seiwald “ASC Olang” 322; 3. Michael Patzleiner “ASV Prags” 272; 5. Matthias Tolpeit 205; 6. Tobias Kastlunger 200; 8. Maximilian Tolpeit 167 (atleć dl Schiclub d’Al Plan); 9. Mattia Davare 163 y 18. Aaron Planatscher 77 (atleć dl Schiclub Ladinia).

Diego Cappadozzi y Nicole Delago vënc ala ngranda! Tla garejeda naziunela dl 49ejim Trofeo Topolino sun i purtoies de Panarotta tla Val Sugana à i doi atlec dl Schi Club Gherdëina Cassa Raiffeisen de Sëlva, Diego Cappadozzi y Nicole Delago venciù l slalom tla categuria sot ai 15 ani cun de boniscimi tëmps

Diego Cappadozzi danter i pei strënc.

Schi - Nicole Delago, che ie monce n ann plu jëuna che l’autres, à venciù l slalom strënt cun 2,32 secunc dan la segonda Alice Galante de Verona y Veronica Olivieri dla provinzia de Sondrio. Melissa Perathoner ie ruveda

26

www.lauscdiladins.com

25ejima. Diego Cappadozzi, che fej la prima tlas dla sezion sportiva dl ITC de Urtijëi, fova tla prima manche segondo, ma cun na segonda manche de marueia iel stat bon de vëncer nce ël cun n secunt dan Mauro Ramirez (SAI

Nicole Delago ntan na garejeda.

Napoli) y l terzo Simon Mauerberger (SC Ahrntal). Cuarto ie ruvà Hannes Zingerle dl SC Ladinia y 19ejim Mirko Perathoner. Cun chisc resultac se à tramedoi, sibe Nicole che Diego, cualificà automaticamënter per l trofeo

Topolino nternazionel, udù sciche n pitl campiunat dl mond per mutons y mutans sot a 15 ani, ulache l ova bele venciù campions sciche Elisabeth Görgl, Sarka Zahrobska, Linsey Kindow, Denis Karbon, Benjamin Reich o Hans

Knauss. Ai 6 y 7 de merz saràla pona tan inant che i puderà se museré te n slalom strënt y n slalom lerch cun i miëur atlec jëuni dl mond. Ti mbincion bona fertuna! Lidia Bernardi


Sport

nr. 09 / 06 de merz 2010

Tour de Sas a Giacomelli y Wegher Chi che ê bele danfora i favorić, s’à inće davagné la secunda ediziun dl Tour de Sas: Guido Giacomelli pro i ëi y Maddalena Wegher pro les ëres. I titui provinziai ti é jüs a Manfred Dorfmann y Gabriella Genetin

Start de massa pro la secunda ediziun dl Tour de Sas.

Schialpinism - Al ê gran aspetanza por la secunda ediziun dl Tour de Sas a Badia, gara schialpinistica che fej inće pert dla Coppa delle Dolomiti. I organisadus à messü ascortè le percurs preodü, deache les condiziuns de sigurtè por i atleć n’ê nia dades deplëgn, insciö à i atleć garejé sön indöt 15 km. Danterìte êl indöt sis ascensiuns y sis disceses, por n deslivel total de 1.600 metri.

Giacomelli mai en discusciun Pro i ëi ê Guido Giacomelli le gran favorit y al à respognü deplëgn ales aspetatives. L’atlet de 29 agn de Valdisotto (SO) à dominé döta la gara y à arjunt la devënta cun le

tëmp de 1:47.52, cun passa 4 menüć de vantaje sön Alessandro Follador dla Dolomiti Ski Alp y feter 6 menüć sön le fascian Ivo Zulian (Bogn da Nia), che comana indere dötaorela la tlassifica generala. Bele mez chilometer do le start a San Linert se porta Giacomelli al pröm post, che al se tignarà ćina ala fin dla gara. Martin Riz, che â davagné l’ann passè la Copa dles Dolomites, é impröma ćiamò bun da tignì le ritm, mo pro la secunda ascensiun cuntra Col de Tramesc mëssel la dè sö y se tira zoruch dala gara. “Chestiuns de će, nia tecniches o fisiches”, dijaràl dedô. Giacomelli röia sigü al travert y ala devënta. “Al ê n percurs bel, mo impegnatif, che nes à metü dassënn ala proa”, à dit Giacomelli, “Por fortüna él

gnü ascortè por prigo da lovines, deache zënza fóssel stè massa dür. Al é le pröm iade che i toli pert al Tour de Sas y i mëssi i fà i complimënć al’organisaziun por la logistica dla gara.”

Wegher dominëia pro les ëres Degönes sorpreses gnanca pro les ëres, olache Maddalena Wegher da Sanzeno (TN) é stada dal mëteman ćina ala fin a će dla gara. Bele al pröm barat dles pels âra n vantaje de 55 secunć sön Sabrina Zanon (Asd Cauriol) dla Val de Flem y incër dui menüć sön les südtirolejes Gabriella Genetin dla US Bornech y Andrea Innerhofer dl team Mountain Ski Taufers. La

Lois Craffonara de Badiasport. Tla ultima pert él tomè y insciö s’à Manfred Dorfmann assigurè le titul provinzial. Lois é rovè secundo. Tla foto dlungia: Les tomades n’à nia manćé.

I davagnadus de chësta ediziun. Guido Giacomelli y Maddalena Wegher n’é nia stà da bate.

Titul provinzial por Manfred Dorfmann y Gabriella Genetin.

Wegher é rovada al travert scialdi stanćia, mo cun le petoral cöce da leader dla Copa dles Dolomites y passa trëi menüć de vantaje sön la secunda Sabrina Zanon. Le terzo post ti é jü a Gabriella Genetin. “Dër impegnatives é stades dantadöt les disceses che ne lasciâ nia trà le fle, mo i sun contënta da ester stada bona da mantignì le vantaje che i â abiné sö da jì söpert.”, à dit la davagnadëssa.

Na gara tla gara Pro le Tour de Sas ne nen jôra nia ma dla Copa dles Dolomites, mo inće dl titul provinzial. Pro i ëi éra jüda scialdi combatüda danter Manfred Dorfmann dl Mountain Ski Taufers y l’atlet de ćiasa Lois Craffonara de Badiasport, che é baldi tomè pro la ultima discesa, ći che ti à ala fin inće costè la devënta dl titul provinzial. Dorfmann davagna insciö dan Craffonara y Paul Innerhofer. Pro les ëres s’à Gabriella Genetin assigurè le titul provinzial, dan la davagnadëssa dl ann passè Andrea Innerhofer. Le terzo post ti é jü a Julia Kompatscher.

Sodesfaziun por i organisadus L’assoziaziun Badiasport, che à fistidié dl’organisaziun, po ćiarè zoruch cun sodesfaziun ala secunda ediziun dl Tour de Sas. N gran mirit - dij le presidënt dl comitê Daniele Irsara - é sigü inće de chi tröc volontars che à daidé y portè pro al garatè dla manifestaziun. En cunt dl percurs dij Irsara: “Al é stè dërt da ascortè le percurs, deache la sigurtè di atleć, di volontars y dl publich é la cossa plü importanta. I sun dër contënć de sciöche ara é jüda. Al é le secundo ann y nos ćiarun da nes miorè tres deplü. Al é stè dër n bel dé, do na edema sot la nëi. Porchël oressi rengrazié i passa 100 volontars che é stà dis alalungia a arjigné le percurs, y sambëgn inće les ot porsones de mi staff. Zënza ëi fóssel stè imposcibil da mëter en pè la manifetaziun.” (pablo)

Tlassifiches Categoria di ëi: 1) Guido Giacomelli, SC Alta Valtellina, 1:47.52; 2) Alessandro Follador, Dolomiti Ski Alp, 1:51.57; 3) Ivo Zulian, Sc Bogn da Nia, 1:53.11; 4) Alessandro Taufer, Ski Club San Martino, 1:54.23; 5) Riccardo Dezulian, SC Bogn da Nia, 1:54,90; 6) Davide Pierantoni, SC Cai Schio, 1:55.42; 7) Thomas Trettel, ASD Cauriol, 1:56.43; 8) Manfred Dorfmann, Mountain Ski Taufers, 1:57.51; 9) Marco Canteri, US Primiero, 1:57.58; 10) Lois Craffonara, Badiasport, 1:58.21. Categoria ëres: 1) Maddalena Wegher, SC Brenta Team, 2:23.56; 2) Sabrina Zanon, ASD Cauriol, 2:27.04; 3) Gabriella Genetin, US Brunico, 2:35.48; 4) Andrea Innerhofer, Mountain Ski Taufers, 2:35.48; 5) Cecilia De Filippo, Dolomiti Ski Alp, 2:36.08. www.lauscdiladins.com

27


Sport

nr. 09 / 06 de merz 2010

Uniuns cun la liösa

Trëi partides te 10 dis

Pro la gara dles uniuns a La Val s’à Iagri y Pëiapësc davagné le trofê. Le miù tëmp individual é gnü metü sö da Valeria Alton

Hockey - De forà à la scuadra U13 dl Hockey Alta Badia śoghé bëgn trëi partides. Döes cuntra i vijins dl HC Gherdëina y öna cuntra Toblach. Ai 7 de forà él gnü ospité a Corvara i gherdënes, che à messü se dè sot ai badioć por 8 a 0. Tla partida de retüda, śogada ai 15 de forà te Gherdëna, é le resultat stè

prestaziuns individuales: Valeria Alton pro les ëres y Urban Campei pro i ëi é stà i mius. Valeria à inće albü le miù tëmp complessif dl dé. Al é le pröm iade che na ëra ti l’à sticada a düć. Por iustifiché en pert la “burta figöra” di ëi, él da dì che pro chësta gara vëgn les ëres avantajades pro i punć assegnà pro i jüc, zënza orëi sambëgn ti tó valch ala buna gara fata da Valeria. La seziun liösa dl’Uniun Sport La Val rengrazia düć chi ch’à daidé para por organisé chësta gara, l’Aiüt Alpin da La Val, le sponsor por les copes y medaies y sambëgn inće dötes les partezipantes y i partezipanć ala gara. (sc) Iagri y Pëiapësc à davagné le trofê.

La Val - La seziun lüses dl’Uniun Sport La Val à metü da jì en domënia grassa la gara dla liösa dles uniuns, cun indöt 75 concorënć fora de 8 uniuns che à tut pert. Chësta manifestaziun é bele oramai na tradiziun por i apascionà dl sport dla liösa tl paîsc da La Val, éra pö bele rovada ala 13. ediziun. La gara dles uniuns n’é ponsada tan sciöche competiziun, mo ara dess plücoater ester na ocajiun por se devertì y stè adöm cun d’atra jënt dl paîsc, tla bela contrada da d’invern söla munt da Aôi. Le bel tëmp de chësta domënia à portè pro a fà ćiamò plü bel le devertimënt. Pro chësta gara ne se tràtera nia ma da jì le plü debota cun la liösa, mo an mëss inće desmostrè abilité y inće n pü’ de fortüna ti dui jüć ch’é metüs amez le percurs de gara. Le tru da Aôi fina jön Ramëi ê te de bunes condiziuns y s’à tres desmostrè ideal por de te’ manifestaziuns, deache al n’é nia prigorus.

Tlassifica dles Uniuns La concorënza danter les uniuns por se davagné le trofê é impò grana. Al é rî da dì danfora chi che à la maiù poscibilité da davagné, deache - sciöche bele dit - ne se tràtera nia ma da jì cun la liösa, mo na gran importanza à inće i jüć, y dailò él rî da fà previjiuns. Dezisiva é chësc ann stada öna dles ultimes otes dla pista, olache tröc concorënć à albü dificoltês da stè te tru. Na bona pert di partezipanć à arforè massa püch dan chësta ota y à fat na bela corëta fora tla nëi intiera, ći che à sambëgn albü sües conseguënzes sön le tëmp de gara. I Stüdafüć ess podü se portè a ćiasa definitivamënter le trofê, deache ai l’à bele davagné dui iadi. Mo propi deache deplü garejadus é saltà fora, ne ti é chësc nia garatè. Le trofê é ala fin rovè tles mans dles uniuns di Iagri y Pëiapësc, che s’à metü adöm por l’ocajiun (chësc fat n’é nia restè zënza val’ protesta). Al n’é nia ma gnü premié les uniuns, mo sambëgn inće les

1) Iagri/Pëiapësc; 2) Uniun dl Sport; 3) Stüdafüch; 4) Schira Jonila; 5) Jonëza da Paur; 6) Uniun dles Ëres; 7) Musiga.

Tlassifica individuala Mitans: 1) Lisa Alton, 3.15,15; 2) Anna Miribung, 3.26,91; 3) Anna Dejaco, 3.48,44; 4) Carolina Lezuo, 4.09,51; 5) Sara Ploner, 4.47,79. Mituns 2002 y plü jogn: 1) Marco Miribung, 4.03,28; 2) Daniel Nagler, 4.20,36; 3) Ivan Tavella, 4.42,07.

Liöses da fëgn: 1) Manfred Vallazza, 2.54,96; 2) Simon Costabiei, 3.16,01.

Canche na ota vëgn tuta massa debota. Mo la nëi intiera é n sotfunz bel lisier. www.lauscdiladins.com

Dui pröms posć Tla findledema passada él gnü tignì a Sterzing l’ultima proa de cualificaziun por la Copa Italia, cun dui pröms posć de Sara Costamoling y Anna Frenademez

Mituns 1995-98: 1) Martin Ploner, 2.09,38; 2) Felix Nagler, 2.33,14; 3) Samuel Ploner, 2.33,21; 4) Daniel Schuen, 2.47,80; 5) Jonas Costabiei, 2.47,96.

Ëi: 1) Urban Campei, 2.11,36; 2) Davide Frenes, 2.12,33; 3) Samuel Miribung, 2.20,33; 4) Stefan Rubatscher, 2.22,64; 5) Sepl Comploi, 2.26,33.

Al n’é inće de chi che l’à vagada da stiché.

Tratan na partida dl U13: trëi iadi te ćiamp te diesc dis.

Mituns 2001-1999: 1) Philipp Videsott, 2.37,64; 2) Rudi Tolpeit, 2.46,02; 3) Manuel Miribung, 2.56,64; 4) Jonas Nagler, 3.10,11; 5) Aaron Nagler, 3.13,11.

Ëres: 1) Valeria Alton, 2.05,43; 2) Milia Frenes, 2.44,65; 3) Jessica Alton, 2.53,62; 4) Christine Miribung, 2.58,56; 5) Angela Dejaco, 3.02,89.

28

plü valì, cun 7 goi por pert. Ai 18 é spo i badioć jüs a Toblach, olache ai à davagné la partida por 9 a 5. I marcadus dles trëi partides é stà: Mattia Davare cun 6 goi, Elias Dal Bosco y Mike Ploner cun 5, Aaron Planatscher cun 4, Max Schrott cun 2 goi, Andrea Pedevilla y Andrea D’Urso cun 1. (am)

Sara Costamoling.

Jadiné - Südtirol, Venet, Friûl, mo inće nü jones dl Ice Club Alta Badia à tut pert ales gares de cualificaziun por la Copa Italia a Sterzing. Tla categoria “propaganda” él garatè n podium porì ladin cun le pröm post de Sara Costamoling, le secundo de Ellen Pedevilla y le terzo de Diana Pizzinini, dlungia n bun cuinto post de Katia Bernardi. Da alzè fora é sambëgn inće la devënta de Anna Frenademetz tla categoria di esordiënć. De bogn resultać à inće arjunt Anna Costa (10.) y Chiara Pizzinini (13.). Tla categoria iuniors él garatè na medaia d’arjënt por Silvia Crepaz y te chëra di “cadëć” n bel cuinto post de Sofia Targhetta. Por mirit de chisc bi resultać podarà deplü atletes badiotes tó pert ala finala nazionala por l’assegnaziun di titui nazionai “free”, söl program ai 10 y 11 d’aurì a Como. Les mius aodanzes a dötes cantes. Anna Frenademez. (silvana)


Sport

nr. 09 / 06 de merz 2010

La nëif frëscia à fat deventé la garejeda plu ria

Curs de paslunch 2010-02-25 En vëndres ai 26 de forà él gnü stlüt jö le curs de paslunch 2010, por i mituns dles scores elementares y mesanes dl’Alta Badia

Garejedes VSS de slalom y slalom lerch per i plu jëuni te Ulten y a Al Plan Schi alpin - Per i plu pitli, categuria “cuccioli” iel stat n sada ai 20 de fauré te Ulten sun l purtoi Kircheler na garejeda “VSS Kindercup”, plu avisa n slalom lerch, ulache l fova drët bur’ tëmp y truepa nëif frëscia. L à fat pea de ndut 158 mutons y mutans. Cun cundizions de tëmp bëndebò ries, davia che l nevova pu, ulòven belau desdì la garejeda, ma do n valgun’ëura che n à aspità ca à i atlec mpo pudù pië via te chësc slalom lerch. Do la rata iela jita bën a pensé che l fova dut auter che saurì.

Le grup de Karin.

Chisc i resultac di atlec dl Schi Club Gherdëina:

Johannes Moroder.

Teresa Runggaldier.

Categuria “cuccioli” mutans: 4. Verena Kostner 43.78 - 9. Teresa Runggaldier 45.33 - 23. Gaby Hofer 47.02 - 24. Manuela Cipolla 47.06 - 28. Elisabeth Dander 47.45 - 29. Nadia Goller 48.03 - 33. Sara Bauer 48.54 - 36. Tiziana Pepe 49.23. Categuria “cuccioli” mutons: 11. Johannes Moroder 44.14. - 12. Alex Vinatzer 44.27 - 13. Mattia Cason 44.34 - 23. Filippo Colini 44.96 - 29. Andrea Werdaner 45.30 - 37. Fabian Cainelli 45.69 - 43. Moriz Martiner 46.07 - 44. Gabriel Avesani 46.21 - 49. Alex Galiani 46.37 - 56. Giancarlo Triulzi 47.03 - 66. Robin Moroder 47.50 - 67. Alex Großrubatscher 47.62 - 68. Thomas Perathoner 47.65. N dumënia ai 21 de fauré iel pona stat a Al Plan de Mareo la segonda garejeda dl “VSS Kindercup”, sun l purtoi Pre da Peres, chëst iede de slalom. Tlo à l tëmp lascià fé y a vel’ mut o muta de Gherdëina ti àla nce butà. Alex

Alex Vinatzer.

Vinatzer à arjont n drë bon terzo post. N generel fòven cuntënc cun i resultac arjonc, sambën ulëssen jì inant de chësc var.

Chisc i resultac Categuria “cuccioli” mutans: 8. Verena Kostner 39.04 - 13. Laura Stuflesser 40.34 - 22. Sara Bauer 41.97 - 25. Nadia Goller 42.37 - 30. Cipolla Manuela 42.93 - 33. Gaby Hofer 44.06 - 35. Elisabeth Dander 44.56; Categuria “cuccioli” mutons: 3. Alex Vinatzer 36.29 - 8. Mattia Cason 38.25 - 10. Johannes Moroder 38.29 - 18. Andrea Werdaner 38.99 - 28. Moriz Martiner 40.11 - 31. Alex Galiani 40.42 - 33. Giancarlo Triulzi 40.50 - 45. Alex Großrubatscher 41.17 - 59. Robin Moroder 42.77 - 62. Thomas Perathoner 43.04 - 71. Gabriel Avesani 49.54.

L Gherdëina II vënc nce ora de cësa

Paslunch - Bëgn 33 mituns à tut pert al curs, pro chël che i mituns é rovà adöm por 8 iadi. I partezipanć é gnüs partis sö te trëi grups: dui de tecnica tlassica por i gragn y chi plü pici, y n grup de tecnica lëdia (skating). Chësta ê la novité de chësc ann, che é gnüda tuta sö dër bun dai mituns, inće da chi che à porvè chësc sport bel y sann por le pröm iade. Por stlü jö le curs, él inće chësc ann gnü metü da jì na picia gara, olache i mituns à podü se mosorè danter ëi y à podü i mostrè ai geniturs ći che ai à imparè. Al nevô dassënn, mo impò ne s’à i mituns nia lascè sprigorè. Sambëgn él rovè adalerch inće tröc geniturs, sides por incorajé i mituns che inće por i dè na man ai maestri che â organisé la gara. Düć i mituns s’à porvè dassënn y s’à insciö mirité les medaies y i bi pesć. I organisadus y i partezipanc oress rengrazié de cör le sponsor por so sostëgn. N bel dilan inće ai maestri che s’à metü a desposiziun por tignì le curs, y ai geniturs che s’à tres tut dlaorela da condü adalerch i mituns. N gran dilan ti va inće al’Assoziaziun Turistica de Badia, en particolar a Robert Pizzinini, por avëi mantignì tres tan bun la pista, suradöt le dé dla gara, olache al é stè da l’arjigné ca dui iadi, por avëi la trassa tles mius condiziuns. La Scora de Paslunch Alta Badia ves salüda düć canć, cun la speranza de ves odëi inće indô n ater ann dër

tröc y cun gran ligrëza. (kp)

Resultać Grup Karin: 1) Paul Thurner, 2003, 3.49,22; 2) Sebastian Davare, 3.51,88; 3) Mattia Costabiei, 4.46,41; 4) Matteo Di Genova, 5.45,69; 5) Kian Crazzolara, 5.48,47; 6) Alex Pescollderungg, 5.55,94; 7) Lucas Pescollderungg, 2004, N.P. (düć dl 2004) Grup Giorgio: 1) Martina Ploner, 1999, 6.45,22; 2) Ester Thurner, 2000, 6.53,44; 3) Sara Ghezzi, 1999, 6.55,16; 4) Fabian Dalpiano, 1999, 7.02,01; 5) Jenny Dalpiano, 1999, 7.23,19; 6) Elena Ghezzi, 1999, 7.36,69; 7) Jaco Pescollderungg, 2002, 8.00,34; 8) Janpaul Pescollderungg, 2000, 8.12,31; 9) Julia Bernardi, 2001, 8.24,31; 10) Silvia Vanzi, 2003, 8.30,59; 11) Davide Canins, 2003, 9.31,19; 12) Julia Irsara, 1999, 10.22,94; 13) Isabel Irsara, 2002, 10.41,82; 14) Nicole Ghezzi, 2002, 10.55,79; 15) Gabriel Delmonego, 2003, N.P. Grup Maria: 1) Samuel Moling, 1998, 6.24,09; 2) Jakob Valentini, 1997, 6.47,84; 3) Alexander Tirel, 2000, 7.33,41; 4) Marco Vanzi, 1996, 7.35,56; 5) Alex Vanzi, 1999, 7.56,84; 6) Ivan Canins, 2000, 8.00,05; 7) Matteo Agreiter, 2000, 8.22,56; 8) Mattia Canins, 2001, 8.26,56; 9) Manuel Ploner, 2001, 8.33,06; 10) Dominik Agreiter, 2000, 8.39,26; 11) Timoty Davare, 2000, 9.18,06; 12) André Ferdigg, 1997, N.P.

L Gherdëina II vënc ora de cësa per 7 a 1 y l Gherdëina I pierd n cësa per 6 a 2 bel snel 50 chiedli y i doi ponc di chidladëures ti ie jic al Pfeffersberg. Nce i proscimi doi ne n’ie nia stai boni de chidlé miec. Mé tla ultima lingia ie Engl Colcuc stat bon de tré su mpue la mesaria dl Gherdëina sun 530,3 chiedli contra i 546 dl Pfeffersberg, che ie na mesaria bëndebò auta te Sëlva. Purempò à l Gherdëina I perdù per 6 a 2.

Serie B-est AKC Gherdëina I - ASV Pfeffersberg I: 2:6

Werner Runggaldier dl Gherdëina II ie stat l miëur dl di. Chidlé - Nia chidlà massa bën ne n’à l Gherdëina I te Sëlva. Cun la prima lingia de colps ne n’àla nia scumencià massa bën. N à perdù

Resultac persunei: Colcuc Engl 566 Klotz Josef 529 Sommavilla Georg 524 Stuffer Guido 522 Prinoth Flavio 521 Prinoth Sigfried 520

N bon resultat à fat l Gherdëina II a Ciastel contra l Hauenstein III

vencian per 7 a 1. Nce sce l Hauenstein ne n’ie nia stat al’autëza di chidladëures de Gherdëina à i chidladëures mantenì na bona cunzentrazion y ie stai boni de arjonjer na bela mesaria de 522,3 chiedli, batan ju 212 chidli deplù che i averseres. L Gherdëina II resta for mo a trëi ponc dala prima doves te tlassifica aspitan n var fauz di averseres. L miëur dl di ie stat Werner Runggaldier cun 558 chiedli batui ju.

Le grup de Giorgio.

Serie D-nord ASKC Hauenstein III - AKC Gherdëina II: 1:7 Resultac persunei: Runggaldier Werner 558 Demetz Thomas 541 Insam Ewald 523 Malsiner Konrad 510 Werdaner Viktor 506 Moroder Albert 496

Le grup de Maria. www.lauscdiladins.com

29


Sport

nr. 09 / 06 de merz 2010

La Under 19 ie te semifinela Drët de bon resultac possa mustré su chëst’ena i jëuni dl Hockey Club Gherdëina, che ruva for plu daujin ala fineles de si campiunat La Under 13 A à fat n vënderdi ai 26 de fauré si ultima partida dl campiunat provinziel contra l Kaltern, che i à batù per 6:2 cun i tëmps jic ora 1:0, 1:2 y 4:0. Davia che i ie sesti te tlassifica possi fé inant per deventé campions dla Talia. L ie ot scuadres de Südtirol, cater scuadres dl Venet/Trentino y cater dla Lombardia, che se baterà per chësc titul. Spartides su vën chësta scuadres te cater

gironi y bele duman dumënia saràl l prim turnoi de cualificazion. L Gherdëina furnerà a Pergine, ulache i arà da jughé contra l HC Bulsan, l Milano y l Pergine. I arà da se museré contra uni scuadra, te doi tëmps che valerà uniun sciche na partida. La prima doves puderà jì inant. La Under 15 à jugà n sada ai 27 de fauré ora de cësa contra l

Maran, ulache jugan drët bën, iesi stac boni de ti tenì permez al Maran arjunjan ala fin l resultat a pèr de 1:1 cun i tëmps jic ora 1:1, 0:0 y 0:0. N mierculdi ài mo jugà ora de cësa contra l Sterzing che ie prim te tlassifica y che ne n’à mo perdù deguna partida. Dantaldut tl prim tëmp ti à i nosc tenì permez drët bën valivan ora per 1:1, ma dopro ie i patrons de cësa stac boni de

s’la fe valëi vencian per 5:1. Ncuei sada, 6.3. ài mo si ultima partida y plu avisa contra l Vinschgau, dala 16.30 tl stadio Pranives de Sëlva y davia che te chësc campiunat possa mé jì inant la prima cater tlassifichedes – la Under 15 dl HC Gherdëina ie al mumënt otava – finerà nsci via per ëi l campiunat. Per la Under 17 dl Sterzing/

Gherdëina se tratòvela n juebia ai 25 de fauré tla terza partida contra l Renon de chiche ruvëssa te finela. Cun na vënta de 4:2 iesi stac boni de se davanië l post tla finela contra l Cortina. Nce la prima partida dla finela ie bele unida jugheda y plu avisa n dumënia ai 28 de fauré lavia a Cortina. Contra l Cortina ne n’òven chëst ann mo nia venciù y n savova che la fossa stata dura. I cortineji à scumencià cun n drë druch y ie tosc stac boni de ti fé ite trëi goi al Sterzing/Gherdëina y nce sce tl segondo y terzo tëmp ài drucà dassënn ne n’iel stat nia da n fé. La prima partida dla finela ài nsci perdù per 4:1 cun i tëmps jic ora 3:0, 1:0 y 0:1. N juebia ài abù la segonda partida de finela n cësa y tlo messovi danz vëncer per avëi mo la puscibltà de deventé campions. La Under 20 ova da fé n sada dl’ena passeda na partida scialdi mpurtanta, da chëla che l dependova sce n ruvova inant o no. Jugan drët bën iesi stac boni de bater l Maran per 6:4. Cun chësta vënta se ài davanià l post segur te semifinela y chësc ie per duta la scuadra dessegur bele n gran suzes. Ncuei sada ài da furné sun Renon per l’ultima partida de chësc girone. Te semifinela fajerà l prim de una na grupa contro l segondo dl’autra, nscì saràl da udëi chi che ie l proscimo averser dl Gherdëina.

La Under 13 B dl Hockey Club Gherdëina.

Mareo I parejëia cuntra i pröms Le Mareo II se porta indô a će dla tlassifica dla seria D cun na devënta cuntra Bornech y combat inant por la promoziun tla seria C. Devënta inće por La Ila y n pêr por la pröma scuadra de Mareo cuntra i pröms Chidlé Val Badia - La seria positiva dla scuadra da La Ila va inant, cun na devënta por 7 a 1 cuntra Plose. Le Mareo I à zibiché la Hölzerne 9 da Tlüses, la pröma tla tlassifica dla seria A2-ost, arjunjan n 4 a 4, cun 2 chidli de vantaje pro la soma totala. La scuadra dles ëres dl Mareo à indere pordü sećiamënter cuntra Los Birillos, prömes te tlassifica.

1 a 1 pro i confrunć direć y i patruns de ćiasa â n vantaje 6 chidli. Chësc é jü sö a 25 pro la secunda seria, olache chi da Tlüses à davagné intrami i punć. I ultimi dui maroi é spo stà bogn da recuperè, arjunjan ala fin dla partida n vantaje de 2 chidli y un à inće batü so aversar diret. I maroi à stlüt jö la partida cun na media de 534,2. Conscidran che un dl Mareo à pordü le punt cuntra so aversar por 2 chidli y un por 3 chidli, àl falè püch che al i foss garatè ai maroi la sensaziun da bate i pröms tla tlassifica. Le Mareo romagn inant al terzo post.

Seria A feminila Los Birillos - Mareo: 6 - 0 La scuadra dles ëres s’à ciafè na capotada sëćia a Tlüses cuntra Los Birillos, che é al pröm post tla tlassifica dla seria A feminila. Les patrones de ćiasa à mostrè süa superiotité, davagnan düć i punć ti confrunć direć y stlujon jö la partida cun n vantaje de bëgn 216 chidli y na media de 561,5. Le Mareo à indere arjunt na media de 507,5, cun Gerda Complojer che é stada la maironta de süa scuadra cun 520 chidli. Tratan che Los Birillos à desmostrè süa pert da favorides por le titul de campionësses, n’à les marores nia plü na chance da romagne tla seria A.

30

www.lauscdiladins.com

Matteo Ties dl Mareo I.

Resultać personai Gerda Compolojer, 520 Valeria Federa, 509 Gabriella Ties, 503 Flora Weiss, 498

Seria A 2-ost Hölzerne 9 I - Mareo I: 4 - 4 Te na partida avaliada fora y combatüda ćina al ultim bot ti à le Mareo tut n punt ala Hölzerne 9 pröms te tlassifica - tla chidlara da Klostersepp a Tlüses. Do la pröma seria da 120 boć ê le resultat sön le

Resultać personai Martin Ferdigg, 559 Tone Tavella, 543 Matteo Ties, 536 Lois Craffonara, 532 Lois Ellecosta, 527 Tone Call, 508

Seria C-nord La Ila - Plose: 7 - 1 Cun na bona partida y na devënta tlera por 7 a 1, a Al Plan cuntra Plose, va inant la seria de resultać positifs por la scuadra da La Ila, che se tëgn inant al nono post dla

tlassifica. Cun 521,8 de media à i badioć batü i chidladus da Sant André de 124 chidli, y ma un à pordü le punt cuntra so aversar diret. Bele i pröms dui à trat fora n vantaje de 82 chidli, che é aumentè a 150 do la secunda seria da 120 boć. Ala fin à i ghesć ćiamò recuperè valch, mo La Ila à mantignì n bel vantaje de 124 chidli. Le miù di badioć é stè Carlo Valentini cun 445 chidli. Resultać personai Carlo Valentini, 445 Fritz Planinschek, 539 Gianfranco Thaler, 527 Christian Pedratscher, 523 Albert Tavella, 519 Erwin Crazzolara, 478

Seria D-nord Mareo II - Bruneck 67 III: 5 - 3 Cun na devënta por 5 a 3 cuntra Bornech, s’à le Mareo II indô portè al pröm post tla tlassifica dla seria D-nord, y combat inant por la promoziun tla seria C. Cin’ partides dan la fin dl campionat é Ahrntal, cun 25 punć sciöche i maroi, y Gherdëna II cun 22 punć, i aversars che combatarà ćina al’ultima partida cuntra le Mareo por le pröm post.

Simon Complojer dl Mareo II.

Tla partida cuntra Bornech à i maroi arjunt n vantaje final de 152 chidli, cun na media de 500,5. Trëi à inće davagné le punt cuntra so aversar diret, cun Pire Rungger che é stè le miù dla partida cun 559 chidli. Resultać personai Pire Rungger, 559 Christian Ties, 510 Simon Complojer, 501 Tone Hochwieser, 496 Claudio Moling, 484 Norbert Trebo, 453


Sport

nr. 09 / 06 de merz 2010

Al via i play off Taca insnet la seconda fasa del campionat che veit i fascegn se la jièr contra l’Asiago. L Cortina é restà fora e per chest an l’à fenì so campionat

Alexia y Maicol campions taliani de biathlon L ultimo fin dl’ena à set atlec de biathlon dl Schi Club Gherdëina Raiffeisen fat pea pra i campiunac taliani di jëuni y la Coppa Italia, tla Val d’Aosta Biathlon - N sada fòvel la garejeda ndividuela ulache Alexia Runggaldier y Maicol Demetz à venciù l titul talian fajan tramedoi na beliscima garejeda dantaldut tl stlupeté. Na boniscima garejeda à nce Carmen Runggalier fat, che à venciù la bedaia de bront tla categuria di aspiranc, ulache la messova se bater cun la mutans de doi ani plu vedles che ëila. N bon resultat à pona mo Manuel Mair am Tinkhof arjont, che stlupetan scialdi bën, ie ruvà sesto.

L di do fòvel na garejeda sprint che valova per la Coppa Italia. Tlo ti àla inò drët butà a Alexia, che à venciù te si categuria ne falan nianca no n colp a stlupeté! Mpue manco butà ti àla, per una o l’autra rejon, ai autri atlec dl Schi Club Gherdëina Raiffeisen, che à purempò desmustrà si savëi y l mpëni che i mët te chësc bel sport. Chëst’ena vàla riesc inò inant cun d’autra garejedes a Isolaccia tla Valtellina, per la Coppa Italia y i Campiunac Taliani Assoluc. Ti mbincion inò dut l bon a nosc atlec.

Alexia Runggaldier à venciù tramedoi dis.

Maicol Demetz, campion talian de biathlon.

L’Under 17 del Fascia se fèsc gran onor tel campionat nazionèl.

Hockey Serie A - La regular season é fenida e la squadra fascèna, che à fat paussa apontin te la ùltima giornèda, en mèrtesc passà, l’à serà sù contra l Renon e l’Asiago con n ejit zomp, ajache l’à perdù tant contra i todesc che contra i venec. Te la partida a la foresta contra l Renon en jebia ai 26 de firé l Fascia no é stat bon de arjonjer nience n gol. Enveze en sabeda ai 27 l se à scontrà su la giacia de Dèlba zenza poder contèr su la prejenza del portier Dennis, che per na straouta a la cevila no l’à podù jièr. Michel Favre l’à metù dut l’empegn e de gra a Edwarson e Margoni la squadra de cèsa é stata bona arjonjer doi goi, ma tinùltima l’Asiago l’é stat bon de venjer. Donca l Fascia Levoni à serà sù chesta pèrt de campionat ruan al sesto post e insnet taca via i play off. La prumes 8 squadres en classifica (l’é restà fora l Cortina) se jiarà fora l’azess a la semifinèles te n auter giron olache la squadra che a la fin de la regular season é ruèda al prum post (Renon) se la jia contra la 8^ (Valpellice), la seconda (Valpusterìa) contra la setima (Alleghe), e coscì inant Asiago (3°) contra Fascia (6°) e Busan (4°) contra Pontebba (5°). L Fascia jirà a jièr donca la pruma partida a l’Odegar e dapò en mèrtesc sarà l’Asiago a vegnir ta Dèlba e en jebia i ladins jirà endò en trasferta. L confront vedarà anter l’auter se bater su la giacia i doi miores portieres del campionat: Dennis e Bellissimo, didé da n setor defensif conscidrà de bon livel tant per Fascia che per Asiago. Chel che fosc fèsc cruzièr i ladins l’é l’atach, ajache l Fascia no à n gran numer de goi fac a desferenza de l’Asiago, che da chest pont de veduda l’é mior e che chest an no l’à mai perdù n’outa canche l se à troà tedant l Fascia.

Squadres mendres En sabeda ai 27 de firé l’Under 11 del Fascia à jià a Cortina tel Campionat Venet e l’à vent per 7 a 3. Per l Fascia à segnà 4 goi Sebastiano Soracreppa, 2 Davide Schiavone e 1 Nicholas Toma, che l’à fat ence n assist. La seconda

formazion Under 11 à jià enveze semper en sàbeda passèda te la Val de Non per l Campionat Trentin, olache da regolament no vegn dat fora resultac. L’Under 15 à jià ta Dèlba contra l’Asiago e l’à perdù per 6 a 0, e l’Under 20 à jià a Appiano, olache l’HC Eppan à abù la venta per 4 a1, con gol fascian de Braian Grasser su assist de Bruno Parolo. En domenia ai 28 de firé l’Under 13 é jita tel Friul a jièr a Pontebba, da olache l’à portà a cèsa l bel resultat de 11 a 0 coi goi de Massimo Zanet, Daniel Dallabona, Lorenzo Barbolini (3), Nicola Barbolini (2), Stefano Herbst, Andrè Vigl, Francesco Lorenz e Marco Marzolini. L’Under 17 à jià ta Dèlba contra l’Asiago e la se à vadagnà na bela venta per 9 a 5 de gra ai goi fac da Martin Castlunger (2), Nicola Deluca (3), Michele Marchetti (2), Loris Vanzetta e Cesare Sottsass.

Picoi e joegn jiadores cresc e miora de gra a si responsaboi Se rejona trop de jiadores, ma pech de la jent che stèsc tedò al jech e che l’é dassen n pont de referiment emportant, soraldut te la squadres mendres, tant per i bec che per sia families. Te l’HC Fascia l’é n endrez particolèr, ajache i compagnadores de la squadres no l’é i genitores. Chi él donca che se encèria de duta la responsabilità, che se fèsc duta la trasfertes e che ge stèsc apede ai bec dant, endèna e dò l’alenament e la partides? De cater de chisc, che oramai da egn se met a la leta de chisc picoi jiadores sui feres tel stadie de Dèlba, vegn rejonà sul sit hockeyclubfassa.com. I à inom Emma, Silva, Roberto e Rosa, e con gran pascion i se met a la leta te chest empegn olache “te vegn domanà n muie, ma te ciapes de retorn amò de più!”. Emma la é nasciuda en Valfloriana e la se à maridà a Poza olache la stèsc da 22 egn. La se à arvejinà a l’hockey canche à tacà a jièr so fi Christopher, che ades l’é te l’under 20, e canche ence l secondo fi, Nicola, l se à enscinuà

te l’Hockey Fascia, Emma l’à tacà a lurèr apede a la squadres. Da 11 egn la ge va dò ai pìcoi de l’Under 8 e 9 e la ge stèsc dò tanche se fossa na mère. Bèsta n grignot da pèrt de chisc picoi che duta la fadìes vegn desmentièdes. N auter pilèster l’é Silva. Nasciuda te la Val de Sol la se à maridà con Saverio Felicetti jiador te la serie B. Ence sie fi Luca l’à tacà prest a jièr, e coscì ence Silva se à arvejinà al mond de l’hockey de gra ai fies. Peèda via coi picoi la é doventèda prest responsabola de l’Under 12 e no l’à mai volù ge stèr dò a la squadra del fi, perché la cree che la fegura del genitor responsabol sie più senestra da gestir tant per la mère che per l fi. Ades Silva, apede a sie om Saverio, la ge stèsc dò a l’Under 15 e 17, na età senestra, olache se cogn se meter en jech vigni dì, ma che dèsc la sodesfazion de veder i bec ruèr te la serie A. Nasciù fora per la Germania e vegnù a stèr a Ciampedel, olache l’à metù sù cèsa e l’à 4 fies, Roberto l’é semper stat apede ai più gregn, a chi joegn che se arvejina a la serie A. Dant con l’under 19, ades con l’under 20, ite e fora per Fiem e stroz per l Trentin, semper metan e dant l’emportanza de aer coi bec n bel raport de amicizia e respet. E dapò l’é Rosa, che à binà ensema chesta informazions e riflescions sui compagnadores de la squadres: ela la é vegnuda cà dal Vanoi, vejin al Primier, e l’à tacà a moscèr enteress ti confronc de l’hockey canche sie fi, che ades l’à 22 egn, la tacà a jir coi feres. Ence ela desche, Silva, no l’à mai volù lurèr tel deregoladoi olache l’era so fi e la disc che l’é ben vera che fèr chest lurier l’é fadìa, ma l’é soraldut la sodesfazions che conta e canche se proa chisc sentimenc la fadìa no se la sent più. Canche se arvejina la fin de campionat, no i veit l’ora che vegne d’aisciuda, ma canche la giacia se delega e se cogn meter via i feres, a Emma, Silva, Roberto e Rosa ge vegn n gran magon e no i veit l’ora de tachèr endò na neva sajon da d’invern su la giacia, anter chisc pìcioi e joegn che fosc i arà l met de doventèr de bogn jiadores de hockey.

Davide Crepaz prum a Roccaraso e Campitello Matese Resultac che crësc per atlet fodom che cor per la Forestal Schi Alpin - Stagion da mëte nte na soèja chëla fata fin ades da Davide Crepaz, che cor coi colour de la Forestal. Per dël resultac cherscius gara davò gara, fin al prum pòst de nchëstadì a Roccaraso n Coppa Italia. Na regolarité resultac a auc livei, e ncin nde dute le specialità, da chële svelte a chële

Davide Crepaz.

tecniche, che l’eva scomenciada de jené a Santa Caterina, ulàche l s’ava piazé 14° a dute doi le manches n Super G. N scialìn plu nsu, al 10° pòst, l’à fenì nveze l slalom lèrch Fis de Folgaria, che valëva per la Marangoni Cup, competizion che se ten nte doi gare, metuda a jì a Fondo Grande dal Sci Club Città di Rovereto. La pruma de le doi prove l’è stada vadagnada da Jonas Senoner nte 1.53.59, davánt al americán Adam Cole destaché de 32 centejimi. Cuinto, con 1.54.77 n auter belunesc, Michel Davare. 1.55.13 l bon temp fat segné da Crepaz. Resultat che l à repetù ence l di davò. L prum podio l é rué ntel slalom lèrch Fis de Campitello Matese, ulàche Crepaz l s’à mponù con 2.38.63, davánt al belunesc Federico Vanz. Da segnalé ence l 17° pòst den auter fodom, Alex Martini nte 2.43.73, che l à fat meio nte la seconda prova co nen cuinto pòst. (ls) www.lauscdiladins.com

31


Sport

nr. 09 / 06 de merz 2010

Ultima garejeda de saut a Toblach Per i atlec dl saut y cumbinazion nordica ie fineda via la sajon da d’inviern cun l’ultima garejeda a Tobloch. Tlo à Alex Insam venciù tl saut y à arjont l segondo post tla cumbinazion L ie stat n beliscimo di y cun l terzo post tla tlassifica dla sozieteies pòssen dì che chësta sajon da d’inviern ie fineda via scialdi bën. I atlec de Gherdëina sauterà śën dai sauc sun Mont de Pana nchin che l ie mo nëif y pona, do n valguna enes de paussa, scumencerà inò la sajon da d’instà cun d’autra garejedes. (rb)

Thomas Delago (a man ciancia) muev cun n drë sbunf.

Da man drëta: Adam Santifaller y Joy Senoner.

I atlec de Gherdëina cun si trainadëur.

Saut y cumbinazion nordica - N sada dl’ena passeda fòvel a Toblach l’ultima garejeda de saut y cumbinazion nordica dla sajon da d’inviern. Per i atlec plu jëuni dl Schi Club Gherdëina Cassa Raiffeisen de Sëlva ie nsci fineda via la sajon. De ndut àl fat pea diesc atlec de Gherdëina pra chësta garejeda y chël uel nce dì che l saut cun i schi devënta bel plan populer y for plu y plu jëuni uel purvé a fé chësta disciplina che ie dessegur scialdi nteressanta. A Toblach te Puster, ulache n sautova sun l HS 21 y HS 40, iel inò sautà ora de bon resultac per i jëuni de Gherdëina. Danmesdì tla garejeda de saut a Martina Perathoner venciù tla categuria

promoziunela dla mutans dan Sophia Mittich de Tobloch y Lara Malsiner de Gherdëina. Manuela Malsiner à venciù tla categuria alieves mutans y Alex Insam tla categuria aliefs mutons cun doi sauc de 36 y 37 metri. Do marënda iel pona unì fat la garejeda de pudejé tl zënter nuef, ulache n à nce fat na garejeda de Copa dl Mond. I plu pitli messova fé na raida de 1,5 km, chëi dla categuria ”ragazzi” messova fé 2,5 km y i majeri messova fé 5 km passan nce sun l tët dla cësa nueva dl zënter da pudejé. Alex Insam ie te chësta ucajion ruvà segondo do Luca Gianmoena dl US Lavazé che ie stat bon de ti passé dant y ruvé prim.

L saut de Luca Senoner.

Temp de careisema per l Fassa Calcio Or, arjënt y bront De bon resultac per i atlec dl Eisclub Gherdëina tla ultima garejedes

Demò doi ponts concosté te la ùltima doi partides contra Cauriol e Predaia Balon 1. Cat. C - A se vardèr d’intorn no se dijessa mia che sie jà ruà l moment de meter da na man i schi e pontèr via a ge corer dò a n balon, purampò jà dai 25 de jené, mìngol te palestra e mìngol fora per l paìsc, i jiadores fascegn à scomenzà a se alenèr per l giron de outa del campionat de balon de Pruma Categoria C. Enceben che l temp no à didà, l Fascia à jà jià doi partides, la pruma de contra a la Cauriol da Jian sul ciamp de Steinegg, ajache sa Vich l’era amò neif, la seconda ja Mezlombart de contra ai nonejes del Predaia. La doi partides à abù n svilup desvalif, ma l medemo resultat, che l ne à porta a na constatazion finèla: te chest temp de careisema i jiadores fascegn à fazilmenter pissà de se astegnir dal jièr delvers e jajunèr dal petèr te sach l balon. La pruma partida ai 21 de firé à vedù l Fascia jir sot de n gol entorn la metà di prumes 45 menuc de jech e pech dò, de gra a na bela trata de Mathias Defrancesco, arjonjer l’un a un. Tel secondo temp i ladins à abù a dò a dò la soramessa sui fiemaces, ma zenza esser bogn de meter ensema zeche mìngol da tant. Na setemèna dò, en domenia passèda, sun chel de Mezlombart, se à vedù endò da nef n burt Fascia, no bon de ruèr a una con l jech e padian fosc, soraldut tel prum temp,

32

www.lauscdiladins.com

da les trei, al Cotura de Vich, se jiarà Fascia contra Paganella. Cristoforo Debertol

Mathias Defrancesco à segnà contra la Cauriol.

la mior condizion atletica di aversaries. Enceben che i bec de mister Cigolla no i fosse stac bogn per duta la partida de sprigolèr l numer un nonesc, la someèa béleche fata canche a cinch menuc da la fin Simone Bolgiani l se à vadagnà na trata dai unesc metres e l’à petà te la ré l balon del vantaje fascian. Temp de careisema però no l’é demò se astegnir e jajunèr, l’é ence ge dèr a chi che à de manco... emben, chisc valenc joegn fascegn e l diretor de jech, i se à pissà de ge regalèr na trata dai unesc metres ence al Predaia. Trata, gol, un pont vigniun e duc a cèsa, co na soula rièla astinenza... chela da la contenteza. Doman, domenia ai 7 de mèrz

Fascia – Cauriol: 1 a 1 (gol fascian de Mathias Defrancesco) Predaia – Fascia: 1 a 1 (gol fascian de Simone Bolgiani) Formazion Fascia vs. Predaia: Simone Delladio, Davide Bosin, Matteo Cigolla (Alberto Boscolo), Davide Porcu, Maurizio Bonani, Nicola Rizzato, Manuel Bernard, Daniele Deluca, Simone Bolgiani, Cristoforo Debertol, Patrizio Cigolla (25 s.t. Fabrizio Caglierotti). Alenador: Luciano Cigolla. Classifica 1. categorìa jiron C: Bassa Anaunia 15 part. 33 p. Aquila Trento 15 partides 28 p. Lavis 15 partides 27 ponts Cauriol 15 partides 27 ponts Fascia 15 partides 26 ponts Dimaro Folgarida 15 part. 22 p. Paganella 15 partides 20 ponts Monte Ozolo 15 partides 18 p. Verla 15 partides 18 ponts Bassa Val di Sole 15 part. 18 p. Alta Anaunia 15 partides 17 p. Tnt Monte Peller 15 part. 14 p. Predaia 15 partides 12 ponts Cembra 82 15 partides 9 ponts

Jadiné artistich - L’ultima fin dl’ena iel stat doi garejedes de jadiné artistich. N sada ai 27 de fauré à la pitles, chëles dla categuria esordienc B, pudù jì a Sterzing a fé pea la cuarta garejeda free. Maddalena Rabanser à arjont la bedaia d’arjënt, Carmen Demetz ie ruveda terza, Jenny Kostner 11ejima y Serena Chieci 13ejim. Tla categuria esordienc mutons se à Manuel Piazza davanià l prim

post. Doi d’autra atletes jëunes à messù jì nchin a Aosta a fé si garejeda. Chësta garejeda à scumencià n sada ai 27 de fauré cun l program curt y l di do fòvel pona da jì sun dlacia a mustré la ”Kür”. Nce tlo se à la nostes astilà drët bën. Daniela Delago ie ruveda 20ejima y Nora Rosetto 21ejima. Inant jiràla cun garejedes federeles a Auronzo, Milano y na garjeda free a Como.

Da m.c.: Serena Ciechi, Maddalena Rabanser, Manuel Piazza, Carmen Demetz y Jenny Kostner.


Sport

nr. 09 / 06 de merz 2010

146 dala luesa sun Plan de Gralba Garejeda nternaziunela per jëuni, cun luesa auta y cun la tizi Fotos: Planinschek

de Gralba, che nes à judà de truep viers no mé per la garejeda, ma nce ntan duta la sajon. N generel pòssen dì che chësta prima garejeda urganiseda do duta la regules dla FISI ie garateda bën, y che l ie unit a se l dé n bel di de sport, sun n bel purtoi te n luech de marueia. Leander Moroder, presidënt de Lueses Gherdëina Repurton i resultac di atlec ladins: Ntan la premiazion sun Plan de Gralba, japé dl purtoi.

Lueses - L’ena de carnescià iel stat sun Plan de Gralba sun l purtoi nuef dala lueses na garejeda nternaziunela per jëuni, pra chëla che l à fat pea 146 atlec! L se tratova de na garejeda sibe per tizi che per luesa auta. Nce sce l ova nevët de nuet, iel stat mesun palé ora l purtoi mo dan l alenamënt. Ma nce ntan l alenamënt ne n’àl mei lascià de nevëi, nsci che i urganisadëures de Lueses Gherdëina ie feter ruvei al lim de si forzes. A uni maniera iel stat mesun scumencé la garejeda dala 12 da mesdì, avisa sciche fat ora. N possa dì che i tëmps de n valgun jëuni ne n’ie belau nia da crëier, dantaldut de de tei che à fat cun la luesa auta tëmps da paredlé a chëi dala tizi! N à nce udù che l lëur fat dai clubs che lëura dassënn cun i jëuni bele da truep ani incà, porta si fruc. I atlec de chësta scuadres ie pona sambën da abiné ti prim plazamënc dla tlassifiches.

Sciche Lueses Gherdëina pudons vester feter cuntënc nce cun i resultac sportifs, davia che n valguni de nosc jëuni ie ruvei o danter i prims trëi o dlongia. Y n generel àn udù che mesanmënter iesi ruvei amesa la tlassifiches, cie che ne n’ie nia mel per mutons y mutans che ie n gran pert l prim o segondo ann che garejea. Ulësse nce rengrazië i colegs dla lia, y n valgun genitores y/o simpatisanc che nes à scialdi judà, njenian da maië y da bever, palan ora l purtoi zënza schivé bries. Un o l auter nce sëurantulan cër custimënc. Velch che à fat legrëza ie nce stat per i jëuni atlec che i à giapà joches da vënt nueves, che ie for velch che juda pea a fé crëscer l spirt de grupa di jëuni. Chësta joches ons pudù njenië ajache on abinà n valgun sponsores, che ulësse tlo rengrazië a inuem de duc! Nia desmincë ne ulëssi de nunzië Igor Marzola dla sozietà de Plan

Alieves mutans (luesa): 1. Nagler Elena 1996 USA Longiarù 57.50 Cuccioli mutans (luesa): 2. Nagler Luisa 2000 USA Longiarù 1’06.03 Sculeies mutons (luesa): 2. Nagler Ivan 1998 USA Longiarù 58.94 Alieves mutans (tizi): 3. Goeller Verena 1997 Lueses Gherdëina 57.69 – 4. Ploner Alexandra 1997 Lueses Gherdëina 58.03 Sculées mutans (tizi): 8. Ploner Stefanie 1998 Lueses Gherdëina 1’02.37 Cuccioli mutons (tizi): 7. Runggaldier Rafael 2000 Lueses Gherdëina 1’00.28 Sculeies mutons (tizi): 13. Runggaldier Ujep 1998 Lueses Gherdëina 57.81 – 14. Holzknecht Rafael 1999 Lueses Gherdëina 58.89 – 15. Moroder Johannes 1999 Lueses Gherdëina 59.02 – 17. Hofer Philipp 1999 Lueses Gherdëina 1’01.95 Aliefs mutons (tizi): 3. Clara Andy 1996 USA Longiarù 53.34 – 7. Perathoner Christian 1996 Lueses Gherdëina 56.33 Aspiranc mutons (tizi): 4. Bernardi Alex 1995 Lueses Gherdëina 53.54

Ultima gara de copa dl monn Patrick Pigneter y Florian Clara davagna la copa dl monn de liösa cun 70 punć de vantaje sön i rusci Porshnev y Lazarev. Pigneter mët al sigü inće la copa tl singul Liöses - Tl’ultima gara de copa dl monn de liösa a Garmisch tla Germania, n’à i ladins nia arjunt de gragn resultać. Por gauja dla plöia dl vëndres y dl bel tëmp dla sabeda, n’ê la pista nia tles mius condiziuns. La plöia l’â scialdi rovinada y insciö à i organisadus messü ascortè le percurs y fà ma öna na manche. Cun na manche sora, ne podô i atleć nia s’impormëte da fà fai. A Patrick Pigneter y Florian Clara ne ti éra nia garatada da davagné. Sciöche pro deplü gares, n’é la pröma manche nia jüda ala perfeziun y insciö ài messü ti lascè la devënta ai dui austriacs Christian y Andreas Schopf, che é rovà al travert cun n vantaje de 11 centejims sön le duo da Völs y Lungiarü. Chësc secundo post à indere impò bastè por se davagné la copa dl monn tl dopl, che Patrick y Florian à arjunt cun n total de 485 punć. Secundi é gnüs i rusci Pavel Porshnev y Ivan Lazarev cun 415 punć, terzi i austriacs Schopf cun 375.

Tl singul à Patrick Pigneter davagné saurì: cun le tëmp de 47,79 él rovè söl scalin plü alt, cun 52 centejims de vantaje sön le todësch Marcus Grausam y 77 sön le talian Alex Gruber. Insciö s’à Pigneter portè a ćiasa inće la copa dl monn tl singul, cun 149 punć de vantaje sön Thomas Schopf. Hannes Clara da Lungiarü n’à nia tut pert a chësta ultima proa, deache al n’â plü degöna poscibilité da rovè danter

i pröms trëi tla tlassifica generala. Hannes à arjunt l’otavo post general cun 224 punć. Pro les ëres à davagné la ruscia Ekatharina Lavrentjeva cun n vantaje de ma 6 centejims sön Renate Gietl (ITA). Terza é rovada l’austriaca Melanie Batkowski. La Lavrentjeva s’à insciö assigurè la copa dl monn cun indöt 470 punć. La Gietl é rovada secunda cun 440 punć. (US Lungiarü/pablo)

Patrick Pigneter, Renate Gietl y Florian Clara. (Foto: SOBE)

L ie nce unì garejà tl dopl.

N valgun atlec dl club Lueses Gherdëina cun si joches nueves, che pëia su dlongia l purtoi da garejé.

Bront tl slalom per Daniela Holzknecht Campiunac taliani de schi di jëuni a Roccaraso Schi - La redazion dl sport dla Usc di Ladins à da for bele, te tëmps de manifestazions olimpiches, mundieles o europeiches y d’autres l bon mpëni y l plajëi de fé a l savëi y de se dé ju cun atlec y atletes de nosc raion dolomitich-ladin, che à te si cariera sapù da arjonjer y vester leprò pra de tel manifestazions. Ma nce de mëndri resultac sportives y manifestazions mo nia de chël livel assolut, ma perchël mpo scialdi senificatifs de atlec de nosta valedes nes sta a cuer, nce tla pruspetiva de na progrescion che possa mo unì a s’l dé tl daunì. Nsci pudons fé a l savëi che na jëuna de Urtijei, l se trata de Daniela Holzknecht de Stefan de Giuani dl Fotograf, ie stata bona, do na desdita dl ann dant, ulache la se ova fat mel dassënn, de varì y de se refé cun gran ulentà, artenienza y spirt de cumbatimënt, y ie pona ultimamënter, ai 23 de fauré, pra la garejedes naziuneles di jëuni a Roccaraso tl Apenin, stata bona de se plazé al bon terzo plazamënt – do

La jëuna Daniela Holzknecht de Urtijëi, bedaia de bront tl slalom.

Michela Azzola de Bergamo y la sudtiroleja Doris Peintner de Sterzing – y a chëla maniera àla venciù la bedaia de bront, cun na gran sudesfazion y cuntentëza persunela, de chëi de familia y de tanc che la cunësc. Bravia dassënn! Pra chësta garejeda àl mo fat pea d’autra atletes de Gherdëina, che ie purtruep tumedes ora ntan una o l’autra manche. A d’ëiles ti mbincions che n auter iede ti bùtela deplù. Oscar Prinoth de J. da Brida www.lauscdiladins.com

33


Informazions y Manifestazions Iadi, Jites y Escurscions

♦ Teater dal titul

Cun l’UML ala mostra sön i Inca

“Chi selva pa i eroes?“

L’UML - Uniun Maestri Ladins inviëia da jì a Brescia a ti ćiarè ala mostra “Incas: origine e misteri delle civiltà dell’oro”, en mercui ai 14 d’aurì. An pëia ia dales 6.30 a Corvara, 6.35 a La Ila, 6.40 a Pedraces, 6.50 a Pidrô, 6.55 a Picolin, 7.05 a Longega. An po se prenotè ćina ai 20 de merz pro Cristina Clara al nr. de tel. 0474/590188 (da sëra) o al nr. de fonin 328/866104. Cun les lies da munt tl’Umbria

Les Lies da Munt Val Badia mët da jì dai 21 ai 24 de mà n iade tl’Umbria cun escursciuns, vijites culturales y bun mangé. Tratan le iade rovaràn danter l’ater a Perugia, a S. Maria degli Angeli, Assisi, Gubbio. Le iade costa 320,00€ a porsona te ćiamena da dui leć (suraprisc de 45,00€ por ćiamena singula). Chi che à interes da tó pert po paié ite ćina ai 12.02 la soma dl iade söl cunt IBAN IT58Q 08010 59130 000303002314. Por tó pert mësson ester scrić ite a öna dles lies da munt dla Val Badia. Le iade vëgn fat sce al é almanco 35 porsones che tol pert (max. 50). Por informaziuns plü menüdes pon telefonè al nr. 340/6816332 o sön www.avslaval.it, www.avsmareo.com, www.caivalbadia.org. Jites cun la peves a Zermatt La Scola de Alpinism Catores mët a jì dai 19 ai 23 de auril cater jites cun la peves tl raion de Zermatt. L se trata de jites saurides. Per plu nfurmazions prëibel cherdé su Gregor Demetz, tel. 339/6001319 o 0471/790144. Trekking tla Sardenia

La Scola de Alpinism Catores mët a jì dai 16 ai 23 de mei n’ena de trekking tla Sardenia tl raion dl Supramonte, Golfo di Orosei y Cala Gonone. L unirà jit uni di a pe cialan de mudé for inò raion y da sëira uniràn inò de reviers te hotel. Plu nfurmazions pra Gregor Demetz, tel. 339/6001319 o 0471/790144. Viac dl KVW de S.Cristina

Viac tl Friul Venezia Giulia, a Grado, Aquileia, Trieste, Redipuglia y Udine. L unirà pià via de juebia daduman, ai 22 de auril per vester bele da mesdì tl raion de Valdobbiadene y per furné inant a Aquileia per jì a ti cialé a chësta zità drët nteressanta. Duc i scric ite al KVW, ma nce duc i nteressei a chësc viac ie nviei a unì pea. Lecurdon che la iscrizions vën tëutes su tla Cassa Raiffeisen de S.Cristina ulache l ie nce da giapé l program plu avisa. Val Badia: iade dla tlassa dl 1970 a Hintertux

Le iade é preodü por i dis 17 y 18 d’aurì 2010, an pëia ia la sabeda da doman por jì cun i schi, por la domënia àn inće n program alternatif por chëres y chi che n’ô nia jì cun i schi. Le cost a porsona por le trasferimënt cun le bus, la cëna y le dormì te hotel sarà de zirca 150,00 euro. Les atres spëises (schipas, marëna dla sabeda, entrada ai andri, ferata a tanf, marëna dla domënia) romagn davertes por vignun aladô de ći che un ô fà. Terminn por paié ite l’acunt de 100,00 euro: 21 de merz 2010, don dant inom y misciun söl cunt dla Cassa Raiffeisen Val Badia IT75E 08010 58180 000902261294. Le program plü avisa dla jita gnarà spo menè dan i 12 d’aurì 2010 por posta. Infos: 335 5772248 (Kurt), 338 8025790 (Annamaria).

Cursc Curs de ginastica Feldenkrais

La Mëisa Turonda dl’Ëiles mët a jì n curs de ginastica Feldenkrais, la ginastica che fej bon al spinel. Chësc curs ie tla scola elementera de Urtijëi dala 20.00 inant. Referënt ie Tutzer Reinhard. L curs ie 8 iedesc de ndut, ai 18, 25 y 31 de merz, ai 7, 15, 22 y 29 de auril y ai 6 de mei. Heeelau – Curs per fé l ciapel

Ëis’a n mut che cumplësc chëst ann 18 ani? Pona iel gran ëura de pensé al ciapel. La biblioteca San Durich mët a jì doi sëires per fé l ciapel da helau, n mierculdi ai 17 de merz y n mierculdi ai 24 de merz, for dala 8.00 da sëira. Passëde te biblioteca San Durich a ve nuté su o cherdëde su l numer de telefonn 0471/797814.

Avis Orars d’ofize tl SaJ Por manćianza de personal, é le Sorvisc ai Jogn Val Badia ma davert le mercui dales 14.00 ales 18.00, la jöbia y le vëndres dales 8.00 ales 12.00 y dales 14.00 ales 17.30. Sce zacai ess da avëi debojëgn de val’ cossa o de informaziuns, pon cherdè sö tl SaJ al numer 0474/523070, Alex al nr. 335/5400890 o al nr. 338/2073634.

Dotors y Apoteches Dotor

L dutor de servisc dala 10.00 da duman de n sada 6 de merz nchin la 8.00 da duman de n lunesc 8 de merz ie l dut Raphael Insam de Urtijëi, tel. 0471/797369 o l 0471/797076. Le dotur en sorvisc tla findledema di 6 y 7 de merz, ti comuns de Mareo y San Martin, é le dotur Ziad Barakat, Al Plan de Mareo, tel. 334/2484784. Ti comuns de Badia, Corvara y La Val saràl en sorvisc le dotur Guido Caretta, Calfosch/Corvara, tel. 0471/836870 o 337/616080. Apoteches

L’apoteca de servisc che à daviert ora dl orar ordiner da n vënerdi (dala 19.00) ai 5 de merz nchin n vënerdi ai 12 de merz ie chëla Sëlva, telefonn 0471/795142 o 333/1776615 (orar de giaurida 8.30-12.30/15.00-19.00). L’apoteca en sorvisc tla Val Badia, fora dl orar ordinar, dal vëndres ai 5 al vëndres ai 12 de merz, é chëra da La Ila, tel. 0471/847152.

34

nr. 09 / 06 de merz 2010

www.lauscdiladins.com

La Lia Mostra d’Ert – Circolo à l plajëi de Ve nvië al Forumtheater A.H. 10, “Chi selva pa i eroes - Wer rettet die Helden?“, tla sala dla mostres dla Lia sun plaza Sant Antone 102 a Urtijëi L teater ie n vënerdi ai 12 de merz dala 20.30. La regia ie de Henrique Köng, l autor ie Hans Karl Peterlini. L teater mostra scenes bele cunesciudes ora dla storia di eroes tirolesc, ma pruietedes ti tëmps de al didancuei y scrites te na forma realistica. Cie porta pa pro ala viulënza y al fanatism? Iel pa mesun abiné soluzions? Co pòssen pa ti judé al “eroe“?

Mostres Flavio Senoner tl Arsenale a Unieja

L scultëur Flavio Senoner mët ora pra la mostra di finalisc’ dl IV. pest per l’ert “Arte Laguna” tl Arsenale a Unieja. La mostra vën giaurida ncuei sada ai 6 de merz dala 18.30 y resterà davierta nchin ai 27 de merz, da lunesc nchin vënerdi 12.00 - 19.00, sada y dumënia 11.00 - 19.30, tle Tese di San Cristoforo dl Arsenale a Unieja. Mostra de Josef Kostner

La mostra ie tl Circolo - Lia Mostra d’Ert, tla sala dla mostres, a Urtijëi. Orares de giaurida: 10.00 - 12.00, 16.00 – 19.00, 20.00 - 22.00. La mostra ie mo davierta nchin duman dumënia ai 7 de merz. CERES4ART - Cuncors y mostra cun Ivan Lardschneider La firma dal pier Ceres dla Danimarca, à scrit ora n cuncors sun la sort de pier Ceres Strong Ale, ulache l à nce fat pea l jëunn de Sëlva Ivan Lardschneider. Si lëur ie unì cris ora deberieda cun vint de autri lëures y unirà metù ora nchin ai 10 de merz a Milan tla MyOwnGallery – Superstudio Più – streda Tortona 27. Danter chisc vint lëures uniràl premià l miëur lëur. Mostra de Egon Rusina La mostra ie tla Galaria Zivica de Persenon, tla Gran Lauben 5, y ie da udëi nchin ai 28 de merz. “L suenn assolut”, per tudësch “Der absolute Schlaf ” ie l titul dla mostra. L se trata de 90 chedri che taca adum, fajan ora un n cheder. La lingia de chedri à Rusina fat ti ani 2007-2008. L se trata dl scumenciamënt dla tematica dl suenn assolut, coche Rusina dij. Orares dla mostra: uni di dala 10.30 - 12.30 y dala 17.00 - 19.00. Mostra de Helmut Demetz Pitures de mumënc dla vita da uni di depënc cun culëures a ega te n stil naif y pultrec de persones, che lascia luné tres n gran sentimënt y trieva. I chedri ie metui ora da udëi tl Art Café Funtanela a Urtijëi, daviert uni di ora che de mierculdi.

♦ Gara dles liöses da fëgn L’apuntamënt é por en jöbia ai 11 de merz a Calfosch. Al vëgn premié i pröms trëi teams y trat fora n pest de 500,00€ danter düć chi che se scri ite En jöbia ai 11 de merz dales 21.00 vëgnel metü da jì sön la pista “Colfosco” da Calfosch na gara dles liöses da fëgn, organisada dala Scora de Schi Calfosch, en colaboraziun cun l’Assoziaziun Turistica Corvara/Calfosch. Cun chësta manifestaziun i vëgnel mostrè sides ai sciori co ala jënt dl post na pert dl laûr da paur da inlaôta. Ala gara dles liöses da fëgn é düć invià da tó pert. Les proes de gara vëgn fates dales 20.00 ales 20.45, denant co mëte spo man la gara dales 21.00. Al é preodü pesć por i pröms trëi grups tlassificà y n pest de 500,00€ che vëgn trat fora danter i scrić ite. Cun l’iscriziun, che é debann, ciafa i partezipanć n bonn por na pasta y na boanda, da ciafè do la gara tl Hotel Sport da Calfosch. Les iscriziuns vëgn tutes sö dala Scora de Schi Calfosch ćina en mertesc ai 9 de merz, al nr. de telefonn 0471/836218. Tó pert pòn cun grups da döes porsones. Vigni grup mëss se tó la liösa da fëgn y n linzò da fëgn (cun fëgn laìte). Al vëgn damanè vistimënt da zacan. La gara, cun desmostraziun dles vedles tecniches dai schi, é ai 11 de merz dales La gara dles liöses da fëgn. N devertimënt por chi 21.00. Düć é dër bel invià da tó pert ala gara o da gnì a ćiarè pro. che tol pert y chi che ćiara pro.


Informazions y Manifestazions

nr. 09 / 06 de merz 2010

♦ Mostra de Bruno Walpoth

Referac L artista de Urtijëi mët ora si opres tl Belgio, a Knokke tla Absolute Art Gallery, Kustlaan 285, dai 6 nchin ai 28 de merz L ie la prima mostra persunela che Bruno fej te chësta galaria. L se trata de na gran mostra cun passa 15 scultures y deplù dessënies. Bruno mët ora lëures che ël à fat ti ultimi doi ani. L ie for figures ntieres o busc.

Mostres Mostra de Viktor Senoner La mostra de Viktor Senoner “I culëures dl surëdl tl Café Surëdl“, ie da udëi nchin ai 20 de merz, tl Café Surëdl. L orar de giaurida ie da lunesc nchina sada dala 10.00 nchin ala 19.00. “Sëura la montes de viers dla libertà”, mostra sun l alpinism

L se trata de na mostra speziela dedicheda a Karl Unterkircher tl Museum Ladin Ciastel de Tor. N possa jì a ti cialé ala mostra nchin ai 4 de auril ntan l orar dl museum de merdi, juebia y vënerdi dala 14.00 – 18.00 o nce cherdan su dant l numer 0474/524020 per fé ora n terminn.

Coraje da educhè

En sabeda ai 13 de merz dales 20.00 vëgnel tignì tl zënter Trayah da Bornech n referat cun le pedagogh y maester de yoga Stephan Wunderlich. Le tema che al tratarà é “Mut zur Erziehung” - coraje da educhè. Co podunse pa i trasmëte a nüsc mituns n dër sentimënt de valur? Ći funziun unse pa nos sciöche educadus? Co podunse pa sostegnì les forzes creatives pro nos y nüsc mituns? Ola tolunse pa la forza da educhè? De chëstes y d’atres domandes gnaràl baié tl referat. Al vëgn damanè na spënora volontara. Arpè y dè en arpejun

Le Consëi de Formaziun da Rina mët da jì en lönesc ai 15 de merz dales 20.00, n referat cun la DDra. Verena Brunner, söl tema “Arpè y dè en arpejun”. Co pon pa regolè l’arpejun canche an é ćiamò en vita? Co vëgnel pa chirì fora i arpadus de na porsona defunta? Co vëgnel pa fat n dër testamënt? A ći mësson pa mëte particolarmënter averda? Co vëgn pa partida sö l’arpejun? Chëstes y d’atres domandes gnarà tratades pro le referat a Rina. Referat Caritas in veritate

Enzitlica soziela ”Caritas in Veritate” de Papa Benedët XVI. La grupa dl KVW de Urtijëi mët a jì na sëira sun chësc argumënt cun Sn. Josef Stricker, te sala de calonia a Urtijëi, ai 8 de merz, dala 20.30. Referat sun co ti jì permez ai sacramënc

La grupa Uemes y Fenans d’Urtijëi mët a jì n vënerdi ai 12 de merz dala 20.30 te calonia d’Urtijëi, n referat dal titul: Co ti jì permez ai sacramënc - Hinführung zu den Sakramenten. Referënt ie R. Sampt. Referat dal titul “Cumëmber dla sëurastanza“ I parënc y cumpanies de amalei psichics de Urtijëi mët a jì n lunesc ai 15 de merz dala 17.00 tl Servisc Soziel a Urtijëi n referat dal titul “ Cumëmber dla sëurastanza Vorstandsmitlglied”. Referënt ie na persona cumpetënta dl setor. Nfurmazions plu avisa n cont dl’ancunteda tl ufize a Bulsan. Persona de cuntat Lotte Rella. Referat sun co miuré l stil persunel La grupa dl KVW de Urtijëi mët a jì n domesdì ulache l unirà dat cunsëies sun l stil de na persona, i culëures y coche n possa auzé ora a na maniera positiva n stil persunel. “Stil und Farbberatung, wie unterstreiche ich in positiver Weise meinen Typ?“ Referënta ie Alexia Wojnar de Lana. L domesdì ie tla sala di jëuni “Saut“ tl Circolo – Lia Mostra de Ert a Urtijëi, ai 20 de merz dala 14.00 ala 17.00. L numer di partezipanc ie limità. (8 persones). Se nuté su pòssen tla sala di jëuni “Saut”.

Sozial

“Sie artisć per trei valèdes” a Ciavaleis

Grupa Deberieda: Jita da d’ inviern sun Mont de Sëuc

Ogne sabeda e domenia, da les 15.30 enscin les 19.30 al Zenter de Èrt Contemporana de Ciavaleis (vejin a la gejia di Frati) se pel veder la mostra de sie artisć de la valèdes de Fascia, Fiem e Cembra che raprejenta l percors artistich del raion anter tradizion e inovazion, anter identità, leam co la tera de naa e chiam a jir sorafora la seides. Met fora sia òperes Claus Soraperra e Alice Guelfi da Cianacei, Maria Pia Desilvestro, Marco Arman, Robert Bosisio e Anneliese Pichler.

La grupa Deberieda mët a jì n juebia ai 11 de merz na jita da d’ inviern sun Mont de Sëuc deberieda cun l’assoziazion Lichtung. N se anconta dala 14.00 pra la stazion japé dla furnadoia de Mont Sëuc a Urtijëi. Per nfurmazions plu avisa pudëis cherdé su la cunlauradëura dl Servisc Soziel de Gherdëina Ulrike Rabanser, tel. 0471/798015. La grupa ie davierta a duta la persones nteressedes. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres.

Operes de Luigina Turri a Moena

Secudì zachei de familia a cësa

En lunesc ai 8 de mèrz l’é l’ùltim dì che se pel veder la mostra de òperes de l’artista Luigina Turri “Dialogo materico”, che met fora sia operes te la galarìa de èrt contemporanea “Ufofabrik”, te strada del Marchiò 6 a Moena. La galarìa é averta duc i dis con orarie 10.00-12.30 e 16.00-19.00. Maor informazions sul sit: www.ufofabrik.co.uk

L Servisc Soziosaniter de Gherdëina nvieia duc i familieres nteressei al’ancuntedea dla grupa de autoaiut de chëi che à zachei te familia da secudì. N se anconta n lunesc ai 8 de merz dala 16.00 nchin la 18.00 tla sala dla sentedes tl 5. partimënt dla Cësa de Paussa S.Durich, tla streda Stazion 3 a Urtijëi. Per nfurmazions plu avisa pòssen cherdé su l numer de telefonn 0471/798015 o 0471/794290.

♦ Cunferënza dal titul “Furmazion y marcëi dl

♦ Fotografies de Georg Kantioler

artejanat artistich de Gherdëina“

Ai 11 de merz dales 20.30 inviëia le Fotoclub Val Badia a na proieziun de fotografies de Georg Kantioler, sot al titul: “Estetica tla natöra Ästhetik in der Natur”.

La Scola Profesciunela per l artejanat artistich nvieia de cuer duc canc n juebia ai 11 de merz dala 20.30 a na cunferënza dal titul “Furmazion y marcëi dl artejanat artistich de Gheradëina“ Chësta ancunteda sarà tl’ Aula Magna dla Scola Profesciunela d’Urtijëi. L diretëur Julius Senoner fajerà na ntroduzion sun la tematica, saluc nce da pert dl ambolt de Urtijëi Ewald Moroder. N jirà inant cun na descuscion cun l diretëur dla Scola Profesciunela Julius Senoner, Gert Lanz vizepresidënt dl LVH, Konrad Piazza aministradëur, Insam Norbert presidënt dla grupa profesciunela per l artejanat artistich tl LVH, Egon Bernardi presidënt dla Gardena Art, Aron Demetz artista de Gherdëina. Albert Moroder jirà ite plu avisa tla documentazion y tla storia dl artejanat artistich de Gherdëina. Daldò saràl mo zeche da bever y da pesslé. La Scola Profesciunela per l artejanat artistich nvieia de cuer a unì a scuté su! N vënerdi y sada 12 – 13 de merz iel tla Scola Profesciunela l di dla porta davierta, chësc dala 9.00 – 12.00 y dala 14.00 – 17.00.

Le Fotoclub Val Badia mët a jì na proieziun de fotografies dal titul “Estetica tla natöra Ästhetik in der Natur” cun Georg Kantioler, che vëgn aratè un di mius fotografs de natöra de Südtirol. Ći che ti plej le plü chël é les composiziuns de n cer’ stil, che é bunes de dè inant calma a chi che ti ćiara. Le plü ion fej Kantioler jö da doman adora o da sëra, danter les munts de Südtirol o inće les eghes di rüs y di lêc. Al s’interessëia dles pices cosses ia por tera, mo inće dles beles contrades dolomitiches. Cun sü retrać oréssel descedè chël che ćiara, por ch’al ciafes plü respet ti confrunć dla natöra. La sëra de proieziun gnarà tignida en jöbia ai 11 de merz dales 20.30 tl salf dl Istitut Ladin „Micurà de Rü“ a San Martin de Tor. Düć é dër bel invià!

Le fotograf Georg Kantioler se conzentrëia dantadöt sön les pices cosses, mo inće sön la contrada dles Dolomites, che se presënta tres indô cun n vistimënt nü.

Al vëgn inće recordè che al 1. y ai 2 de mà vëgnel metü a jì na jita al Garda (Caprino Veronese) por jì a fà jö tla natöra. Düć i interessà po se prenotè anter i 15 d’aurì 2010, cherdan sö le presidënt Helmut Elzenbaumer (fonin 338/7941256) o menan na e-mail a: fotoclubvalbadia@rolmail.net. www.lauscdiladins.com

35


Informazions y Manifestazions Sport y Temp lede Senneser Karspitze o Rodeneckeralm En doman domënia ai 7 de merz organisëia les Lies da Munt Val Badia na schitour y na jita cun la liösa. La schitour condüj i partezipanć sön la Senneser Karspitze (Lé de Braies, 2.659 m). La dificoltè é mesana, cun n deslivel de 1.160 m y n tëmp da jì de 3,5-4 ores. Informaziuns al 0471/844115. Le medemo dé vëgnel inće pité la poscibilité da jì cun la liösa sön la Rastnerhütte (Rodeneckeralm). Le deslivel é de 400 m, por n tëmp da jì de döes ores. Infos al 328/4624159.

nr. 09 / 06 de merz 2010

♦ Alta Badia - BMW xDrive Live La manifestaziun dla BMW, unica tla Talia, é gnüda inaudada al 1. de merz y sarà ćiamò ćina ai 14 de merz 2010 tl BMW xDome dlungia le ćiamp dal sport da La Ila. Por le pröm iade podaràn porvè fora le model nü X6 Active Hybrid, le pröm auto ibrid dla BMW

25. Trofê Antermëia Börz Le Sport Club Amatorial Antermëia inviëia al 25. Trofê Antermëia-Börz, en forma de slalom lerch. La partënza é preodüda en doman domënia ai 7 de merz, cun la pröma manche dales 9.30 y la secunda dales 12.00, sön la pista tl zënter d’Antermëia. Les iscriziuns vëgn tutes sö ćina incö sabeda ai 6.03 dales 17.00 pro Helmut Erlacher, tres telefonn o fax al nr. 0474/520055, fonin 349/9229951. Da dè dant él l’uniun sportiva o le paîsc y l’ann de nasciüda. I petorai vëgn dà fora al travert, dales 8.00 inant. La premiaziun sarà do la gara, tla Ütia de Börz. Curs de arpizada sportiva por mituns Le grup de arpizé dles Lies da Munt Val Badia mët da jì n curs de arpizada sportiva por mituns danter 8 y 13 agn, tla palestra da La Ila y Al Plan de Mareo. Le curs é partì sö te 8 sëres, dai 7/8 d’aurì ćina ai 26/27 de mà. A La Ila vëgn le curs tignì vigni mercui, a Al Plan vigni jöbia, dagnora dales 18.00 ćina ales 19.30. Le cost dl’iscriziun é de 70,00€ (curs + iscriziun al AVS). Les iscriziuns vëgn tutes sö ćina ai 25 de merz. Por infos y iscriziuns pon cherdè sö por La Ila Roman al 333/2779171 o Carlo al 333/3696959. Por Al Plan pon cherdè sö Paul al nr. 347/4736300. Le numer de partezipanć é limité. Jëuni dla Lia da Mont – Sluseda a Ratschings Ëis’a ueia de fé inò n iede na bela sluseda n cumpania? Pona unide pea! Se ancunton duman dumёnia ai 7 de merz dala 9 daduman sun plaza S. Antone a Urtijëi, per furné a Ratschings. Da iló pions su de viers dla Rinneralm. Da dedò se aspieta na sluseda de marueia de 5 km. Da tò pea iel la luesa, da maiё y da bever (l ie nce la puscibltà de maië te ustaria) y n flucion plёn de bona uёia. Per plu nfurmazions y per ve lascé scrì su prions bele de cherdé su tl ufize dla Nёus Jёuni Gherdëina 0471 799006 o scrì a info@njg.it Capoeira, bal da cumbatimënt N merdi ai 9 de merz ie duc nviei a na sëira particulera tla sala di jëuni Saut a Urtijëi. L unirà fat n workshop “Capoeira”, che ie na sort de bal da cumbatimënt che vën dal Brasil. Duc i nteressei nviei ie de cuer a passé n merdi, ai 9 de merz dala ot da sëira inant tla sala di jëuni Saut a Urtijëi. Da tò pea iel n guant adatà (tuta da ginastica). Per plu nfurmazions prions bel de cherdé su Eugen: 0471/799006 o scrì a eugen@njg.it. Sëira de juech al palé Ai 10 de merz uniràl mustrà l juech de “Championsleague” Milan contra l Manchester United sun la gran tëila tla sala di jëuni Saut a Urtijëi dala 20.30. Duc ie nviei a passé y se cialé n cumpania chësta partida drët mpurtanta. L’ena che vën y plu avisa n merdi ai 16 de merz uniràl nce mustrà l juech de Chelsea contra l Inter tla sala di jëuni Saut a Urtijëi. Trix tl Fun & More N sada ai 13 de merz uniràl metù a jì dala 20.00 tl local di jëuni Fun & More te Sëlva, na sëira de Trix. Ies’a n jëunn, “tifoso” de juesc da mëisa o nce mé dal bunder? Pona ies sambën nvià a chësta sëira de juesc da mëisa dala 20.00 nchin ala 24.00. Mëisa de libri sun Pasca y ansciuda Tla biblioteca “Oswald von Wolkenstein” de Sëlva iel da udëi na mëisa de libri sun la tematiga Pasca y ansciuda. I libri vën metui ora nchin ai 4 de auril. Ancuntedes dl mierculdi per jënt de tëmp La grupa Uemes y Fenans mët a jì n mierculdi ai 10 de merz dla 14.30 te calonia de Urtijëi l’ancunteda dl mierculdi. Duc ie nviei de cuer.

Le BMW xDome a La Ila. Davert ćina ai 14 de merz.

Dal 1. ai 14 de merz vëgnel ospité a La Ila la pröma ediziun dl BMW xDrive Live, na manifestaziun organisada dala BMW Italia en colaboraziun cun le Consorz Turistich Alta Badia. Düć i amanć di auti à la poscibilité da porvè fora sön n percurs arjigné aposta por l’ocajiun les cualitês dinamiches dla ligna BMW, cun le sistem a traziun integrala xDrive. I piloć istruturs dla BMW acompagnarà i ghesć inće sön les strades dl’Alta Badia, por i lascè porvè a düć le plajëi da arvëne na BMW. Por les proes gnaràl metü a desposiziun düć i auti dla BMW xDrive, vigni dé ćina ai 14 de merz, dales 9.30 ales 18.30, tl areal dl travert dla Gran Risa. Por tó pert bàstel da se prejentè pro le BMW xDome y avëi la patent B. Les novitês plü importantes dla ligna xDrive é raprejentades dal SAV compat X1 y dal BMW 750i xDrive, pröma seria 7 dla storia, cun traziun integrala. Por le pröm iade podaràn porvè fora le model nü X6 Active Hybrid, le pröm auto ibrid fora dla ćiasa BMW. L’iniziativa BMW xDrive Live pitarà inće la poscibilité da porvè fora les ultimes novitês tl setur di montli da d’invern, tres la colaboraziun cun Goodyear Dunlop. Canche i partezipanć lê fora d’auto, ti pîta Rent&Go la poscibilité da porvè fora i produć y i materiai plü nüs y moderns tl ćiamp di schi. Düć canć é dër bel invià da A La Ila pon porvè fora i modei plü nüs dla ligna BMW, sön n tó pert al’iniziativa. percurs aposta.

Teater ♦ Festa dla Musiga cun Alex Pezzei Le musizist jonn da San Martin presentëia süa scëiba nöia. Ala serada tol pert inće i “Grödner Alphornsänger”, la ćiantarina “Caro”, le grup “Sauguat” y i fredesc Messner, davagnadus dl Gran Prix di mituns En sabeda ai 13 de merz él gran festa a San Martin. Le musizist de ćiasa inviëia al “Musifest” cun prejentaziun de süa CD nöia. La scëiba contëgn indöt 12 ćianties, danter chëstes inće le tòch sonè pro le Grand Prix dla Musiga Popolara “Wenn i auf Bergeshöh’n steh” y “Stern der Berge”, deboriada cun i “Grödner Alphornbläser”. L’entrada ala festa é dales 19.30 y ara metarà man dales 20.30. I sonadus de corgn da munt de Gherdëna dauriarà la serada, denant co i passè “la musiga” al musizist de ćiasa Alex Pezzei por la presentaziun dla scëiba nöia. Inant jaràra cun i fredesc Messner da Vintl, che s’à davagné la ediziun dl Gran Prix di mituns. Por de bona musiga fistidiarà spo inće le grup “Sauguat”, por stlü jö cun la ćiantarina “Caro”. Indöt 12 ćianties, danter chëstes inće döes Festa y alegria é assigurades y al ne manćiarà sonades deboriada cun i Grödner nia spëisa y boanda assà. Düć canć é bel invià Alphornbläser. a chësta serada sot al sëgn dla musiga popolara. Deplü informaziuns y na ćerćia dla scëiba nöia ciafon inće sön la plata internet de Alex Pezzei www.alex-pezzei.com.

36

www.lauscdiladins.com

“Rettet die Helden?”

Le Forumtheater A.H.10 é pié ia cun la turnê de rapresentaziuns nöies sot le moto “Rettet die Helden”. Danter i jobleri él inće Simon Kostner da Corvara/La Ila y Hans Karl Peterlini. De Peterlini él inće le libreto de basa. La direziun musicala é de Simon Kostner y de Regula Maria Julen. Na rapresentaziun saral inće a Urtijëi al Circolo, en vëndres ai 12 de merz 2010, dales 20.30. Jon a teater

En lunesc ai 8 de mèrz, tel chèder de la sajon de prosa, al chino de Tieser da les 21.00 se pel veder la comedia “La bisbetica domata” de William Shakespeare, adatament de Piermario Vescovo, regìa de Paolo Valerio e Piermario Vescovo, coi atores Natalino Balasso e Stefania Felicioli.

Religion Mëssa di Jëuni

La grupa di Jëuni de Urtijëi mët a jì n sada ai 13 de merz dala 18.00, te dlieja S.Durich na mëssa di jëuni. Da dedò vëniel mo stat deberieda. Stazions Via Crucis

L Club di Seniores de Sëlva mët a jì n mierculdi ai 17 de merz dala 15.00 te dlieja dla Madona te Sëlva la stazions. Sëira de nfurmazion sun l cunfermé y la scincundes L Cunsëi de Pluania de S.Cristina mët a jì n mierculdi ai 10 de merz dala 20.30 tla sala de pluania tl zënter dal sport Iman na sëira de nfurmazion per genitores y nonesc di mutons che giapa chëst ann l sacramënt dl cunfermé. Referënt ie l Mag. Markus Felderer.


Informazions y Manifestazions

nr. 09 / 06 de merz 2010

Avisc Dé dla Ëra a Bornech Le Comun da Bornech mët da jì na ligna de manifestaziuns por le dé internazional dla ëra en lönesc ai 8 de merz 2010 tla Ćiasa Ragen a Bornech, laprò inće dales 19.00 inant (ćina al dé 20 de merz) na mostra personala de Margareth Forer, artista ladina nasciüda y chersciüda sö a Bornech, y dales 20.00 inant n conzert cun Brasentina, n trio cun laprò la ćiantarina y vidorista Maria Craffonara.

♦ Curs da balè por düć Le curs mët man ai 24 d’aurì por indöt 6 iadi, tla Ćiasa dles Uniuns a Calfosch. Les prenotaziuns é davertes

Udiënza dla defensuria popolara La defensuria popolara dr. Burgl Volgger o süa sostituta dr.a Verena Crazzolara, tignarà na udiënza en vёndres ai 12 de merz dales 14.30 ales 16.00, te ćiasa de Comun a San Martin. Chёsc sorvisc, che é debann, ti pîta informaziun y aiüt ala jёnt, por ći che reverda les aministraziuns publiches (Provinzia, comuns, assistënza sanitara...). Por informaziuns plü menüdes pon telefonè al nr. 0471/301155. Iscriziuns ala Scora de Musiga Val Badia La Scora de Musiga Val Badia lascia alsavëi che tratan döt le mëis de merz gnaràl tut sö les iscriziuns por l’ann musical 2010/11. I formulars por les iscriziuns é da ciafè te dötes les scores, sön internet y sambëgn inće tl ofize dla Scora de Musiga a La Ila. Por informaziuns plü menüdes pon cherdè sö le numer 0471/847748. Udiënzes dla Uniun di Ustis La Uniun di Ustis HGV tëgn udiënzes inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. Orars d’ofize dl APCAT L’Assoziaziun Provinziala di Clubs di Alcolisć en Tratamënt lascia alsavëi che l’ofize tl raiun sozio-sanitar a Picolin é davert le mertesc y le vëndres dales 7.30 ales 11.30. Nvit a scrì cianties per ladin n ucajion dl ”Di dla Ciantia Ladina” Per l “Di dla Ciantia Ladina” che unirà a s’ l dé ai 19 de setëmber vëniel nvià duc i apasciunei de mujiga a scrì cianties nueves che ie adatedes per cores. La cianties messëssa vester per ladin y mo mei ciantedes dan l publich. L terminn per dé ju la cianties ie ai 1 de juni 2010. Per nfurmazions plu avisa pòssen cherdé su l Istitut Ladin Micurà de Rü te Sëlva, 0471/794268. Prisma - La nuviteies tl ciamp dla fotografia Tla trasmiscion Prisma de n mierculdi ai 10 de merz dala 11.00 sun Radio Gherdëina uniràl rujenà dla fotografia. L’evoluzion, l mudamënt cun pro y contra, dal analogh al digital, la fotografia n mond dut particuler nce per fermé l tëmp, dala fotografia a blanch y fosch, a chëla a culëures. Te studio saràl Eva Langgartner, sëurastanta di fotografs de Südtirol. Azion dla primules n ucajon dl di dl’ëila La grupa dl’ëiles dla SVP de Gherdëina mët nce chëst ann a jì la azion dla primules per n bon fin. N lunesc ai 8 de merz unirà la primules dates ora per na bona man da mesa la nuef inant nchina mesdì, a Urtijëi dan la dlieja de S.Antone, a S.Cristina dan la butëiga Maciaconi y te Sëlva sun plaza Nives. Cun la bona man uniràl sustenì l’assoziazion che sustën la tuedes per l crëibes. KVW de Urtijëi – Detlarazion dla chëutes La grupa dl KVW de Urtijëi juda duc chëi che à da fé la detlarazion dla chëutes. N possa jì n sada ai 10 de auril dala 14.00 nchin ala 17.00 te calonia per se lascé judé. Prëibel cherdëde su Ulrika Perathoner tel.0471/796090 per Ve lascé nuté su. KVW de Sëlva - Aiut per scrì ora la detlarazion dla chëutes Chësc servisc sarà mé per i cumëmbri dl KVW, iscrizions nchin ai 5 de auril pra Liselotte Perathoner, tel. 0471/795486. I papieresc sarà da dé ju ai 10 de auril te Sëlva, calonia de Sëlva, dala 8.30. La detlarazions finedes vën partides ora ai 5 de juni dala 8.30-9.30 for te calonia. KVW de S.Cristina - Detlarazion dla chëutes Ai cumëmbri dl KVW ti vëniel pità aiut a scrì ora la detlarazion dla chëutes. N possa se lascé nuté su nchin ai 9 de auril da Waltraud Insam, tel.0471/792133. Ai 10 de auril dala 10.00 - 12.00 pòssen pona jì te calonia de S.Cristina cun i papieresc. Museum de Gherdëina orar da d’inviern Nchin ai 31 de merz sarà l Museum de Gherdëina daviert da merdi nchin vënderdi dala 10.00 ala 12.00 y 14.00 ala17.00. Vijites menedes ie puscibles nce ora d’orar, ma cherdan su danora. Per nfurmazions pòssen cherdé su l numer de telefonn 0471 797554 o mandé na e-mail a museum@gardena.net. www.museumgherdeina.it. Funzionar dla ICA a Badia Le funzionar Mario Bedin dla dita ICA da Vicenza, conzescionara por la cuta comunala sön la publizité tl comun de Badia, sarà a desposiziun en mertesc ai 23 de merz dales 9.30 ales 12.00, te ćiasa de comun a Badia, por pité informaziuns y tratè problematiches desvalies che reverda la cuta sön la publizité.

Festes Popolares Bal dla Jonëza da Paur a Rina Incö sabeda ai 6 de merz mët da jì la Jonëza da Paur da Rina so pröm Bal dla Jonëza da Paur, cun entrada dales 20.00 y mëteman dales 21.00. Le bal vëgn metü da jì tl salf dles manifestaziuns. Ghesć d’onur dla serada sarà i dui atleć de schi alpin Manuela y Manfred Mölgg, sciöche inće l’assessur provinzial Hans Berger y l’aconsiadëssa provinziala Maria Kuenzer. Tratan la serada podaràn aprijé i bai dl grup de platleri da Lijun y al gnarà inće trat fora pesć dala ola dla fortüna. Por de bona musiga fistidiëia le grup “Tiroler Wind” y DJ Robby. Sambëgn él inće la poscibilité da resservè na mësa por la cëna. Chësc pon fà pro Martin al nr. 338/1771740. Diendl y braia de coran é bëgnodüs.

Balè fej ligrëza. A Calfosch vëgnel metü da jì n curs.

La Uniun dles Ëres da Calfosch mët da jì n curs da balè por düć. Balè é la miù medejina por corp y anima. Tl curs podaràn imparè da balè discofox y walzer cun le maester de bal Günther Hellweger y süa compagna Barbara. Le curs mët man en sabeda ai 24 d’aurì dales 19.30, tla Ćiasa dles Uniuns a Calfosch. Indöt s’incuntaràn sis iadi, dagnora la sabeda dala medema ora, por n’ora y mesa. Le curs vëgn tignì sce al tol pert almanco diesc copies. Por informaziuns plü menüdes y prenotaziuns pon cherdè sö Regina al nr. 0471/836342 o Sandra al 0471/836335, anter i 19 d’aurì. Ëi y ëres, jogn y manco jogn, single y nia é bel invià da tó pert.

Cursc Curs de ginastica

L’Uniun dl sport diletantistich da San Martin de Tor organisëia n curs de ginastica cun Gertrud Oberbacher, dai 9 de merz ai 11 de mà, vigni mertesc por indöt 10 iadi. La pröma incuntada é ai 9 de merz dales 19.30, te palestra a San Martin. Le cost é de 30,00 € plü la cherta dla Uniun dl Sport. I interessà po se presentè le pröm dé te palestra. Por informaziuns cherdè sö Martina al 348/5198620 o Maria al 339/6211647. Curs da cujì trothes da ëra

La Jonëza da Paur d’La Pli de Mareo oress mëte da jì da d’altonn fora n curs da se cujì la troht da ëra, cun Elisabeth Colz da Rina. Al po tó pert al plü 10 porsones y la condiziun é savëi da cujì. Por informaziuns plü menüdes y prenotaziuns pon cherdè sö Marlies Valentin al nr. 349/7203377 (do les 14.00) ćina ai 15 de merz. Al gnarà inće fat na sëra de informaziun y le cost depënarà dal numer de partezipanć. Curs de ladin per chëi che sà bele mpue’

Per duc chëi che à ueia de mparé a rujené y a scrì mpue’ plu a puntin ladin, vëniel metù a jì n curs te Sëlva, tla sënta dl Istitut Ladin Micurà de Rü. Referënta ie la dut.a Rosmarie Mussner. L curs scumëncia ai 19 de merz y va inant nchin ai 28 de mei, for de vënerdi dala 20.00 - 21.30 per 10 iedesc. Ai 02.04 ne saràl nia lezion, davia che l ie Vënerdi Sant. Curs de fé massajes te cësa

L KVW mët a jì n mierculdi ai 6 de auril a Urtijëi, tl local dla “Locia” streda Roma, dala 20.00 n curs de massajes da pudëi fé a cësa. Referënta ie Monika Engel che fej massajes. L curs va inant per 3 sëires (6/13/20 de auril ) for dala 20.00 ala 22.00. N dëssa se nuté su mé a peres (doi y doi) y l numer di partezipanc ie limità, dai 15 de merz inant pra Brigitte Runggaldier tel. 339/4629400.

♦ Jita tla Pulia Iade de plü dis cun la La Lia da Munt Ladinia Cai Val Badia, dai 24 ai 28 d’aurì, cun vijites ales particolaritês de chësc raiun La Lia da Munt Ladinia C.A.I. Val Badia inviëia düć ala jita de plü dis da d’aisciöda, che é oramai deventada na tradiziun. Chësc ann junse 5 dis cun le bus tla Pulia, dai 24 ai 28 de aurì. Al sarà na jita olache an podarà odëi les belezes naturales dl Salento, cun vijites culturales y sambëgn de bona spëisa. La sabeda ai 24 d’aurì piunse ia da doman por rovè da sëra te hotel a Noci (Bari). Le secundo dé jarunse a vijité na masseria a Ostuni tla Murgia. Chilò podarunse odëi scöche ai fej da fà l’öre d’orì. I jun spo inant a Locorotondo y a Alberobello a odëi i trulli. Domisdé Tratan la jita tla Pulia podaràn inće fajarunse na vijita ai andri de Castellana. Le lönesc amiré davijin i bi trulli de ai 26 d’aurì él söl program Lecce y Otranto. Le dé Alberobello. do junse spo a vijité la cité de Matera, conesciüda ince sciöche “Città dei Sassi”. I jarun spo inant a Altamura cun na vijita a n’aziënda olache al vëgn fat le pan, conesciü lunc y lerch sciöche pan de Altamura. Le mercui ai 28 d’aurì piarunse indô zoruch cuntra ćiasa. Le iade costa 545,00€ a će te na ćiamena da dui leć (suraprisc de 80,00€ por ćiamena singula). Tl prisc él le iade cun le bus, 4 iadi mesa ponsiun te n hotel **** cun ¼l de vin y ½l de ega pro vigni past, la marëna te na masseria (past frëit), jites y entrades cun acompagnadù. Le iade vëgn ma fat sce al é almanco 40 porsones che tol pert. Chi che à interes da tó pert é perià de paié ite al plü tert ćina ai 12.03.2010 la soma de 545,00€ pro la Cassa Raiffeisen Val Badia, nr. dl cunt IBAN IT 73 U 08010 58180 000302013193. Sce i ne sun nia 40, ne vëgn le iade nia fat, y te chësc cajo vëgnel retü döta la soma paiada ite. Tlarimënć o informaziuns plü menüdes ciafon al nr. de telefon 339/8368922 (Maria). www.lauscdiladins.com

37


Informazions y Congratulazions Chino Al chino de Cianacei

Al chino de Cianacei enscin en domenia ai 7 de mèrz da les 21.30 se podarà veder “Shutter Island” de Martin Scorsese con Leonardo di Caprio e Ben Kingsley. En domenia ai 7 de mèrz da les 17.30 vegn moscià ence l film “Cuccioli – Il codice di Marco Polo” per duc i bec con sia families che pel ite al cost de 5 Euro. En mèrtesc ai 9 e en mércol ai 10 da les 21.30 se pel veder “Genitori & figli - Agitare bene prima dell’uso” de Giovanni Veronesi con Silvio Orlando, Elena Sofia Ricci e Luciana Littizzetto. Al chino de Pardac

Al chino de Pardac, sabeda e domenia 6 e 7 de mèrz da les 21.15 l’é en program “Shutter Island” de Martin Scorsese con Leonardo di Caprio e Ben Kingsley. En lunesc ai 8 de mèrz da les 21.15 vegn moscià “Soul Kitchen” e en mércol ai 10 de mèrz se pel veder l film “Il figlio più piccolo” de Pupi Avati con Christian De Sica. Al chino de Tieser

Al chino de Tieser per dut l fin de setemèna da les 21.15 se pel veder “Genitori & figli Agitare bene prima dell’uso” de Giovanni Veronesi con Silvio Orlando, Elena Sofia Ricci e Luciana Littizzetto. Anché sabeda ai 6 de mèrz da les 17.00 vegn moscià ence l film “Cuccioli – Il Codice di Marco Polo” per duc i bec con sia families che pel ite al cost de 5 Euro. En jebia ai 11 de mèrz da les 21.15 vegn manà l film “Il concerto” de Radu Mihaileanu. Da en vender ai 12 enscin a domenia ai 14 de mèrz da les 21.15 (en domenia ence da les 17.00) se pel veder “Alice in Wonderland” de Tim Burton con Johnny Deep e Mia Wasikowska. Al chino de Ciavaleis Al chino de Ciavaleis, per dut l fin de setemèna da les 21,15 se pel veder “Che fine hanno fatto i Morgan” de Marc Lawrence con Kim Shaw, Mario D’Leon, Peter Conboy.

Iniziatives sportives Garejeda de pudejé Duman dumënia ai 7 de merz iel sun Pana na garejeda de pudejé metuda a jì dal Schi Club Gherdëina deberieda cun l zënter di Carabinieri de Val. Chësta garejeda fej pert dla copa “Banca Populera” y “Copa Italia”. La garejeda ie a tecnica liedia. L vën pià via duc deberieda. L unirà pià via dala 10.00 pra l stadio de pudejé de Mont de Pana. La premiazion sarà dala 14.00 tl zënter Iman a S.Cristina. Scufonèda 2010

Chesta sera, sàbeda ai 6 de mèrz, vegn endrezà la V edizion de la Freeride Cup sun Col Margherita per joegn atlec de freeride sora i 18 egn. Doman, ai 7 de mèrz la Scufonèda se sera su con na garejèda FISI che à valuta per l titol talian per categorìes (Children, Junior, Senior e Master) e desche garejèda del zircuit de Copa del Mond.

38

www.lauscdiladins.com

nr. 09 / 06 de merz 2010

Congratulazions A nosta fëna, mami y lava

Waltraud - Bistró Susi che cumplësc n merdi ai 9 de merz la bela età de 50 ani ti mbincions de cuer dut l bon, fertuna y sanità, y che la reste inant tan da snait coche la ie śën. da Ti uem Hons y la trëi mutans Astrid cun Christian y i doi pitli nepoc Marc y Laila, Jessica y Karl, Stefanie y Mimo.

Ie ue mëter n pitl ciof te ti mans Ulrica Perathoner

Ie ue mëter n pitl ciof te ti mans, n tel pitl cun codles ghieles, ncuei che l ie ti di y nce l mie. Na mimosa per té, pitla muta che ne possa nia viver si suenn de fantulëza y cun ti dëic dlicac ies sfurzeda a cujì i draps plu reres per furnì la belëza a n priesc che ne n’ie nia dëni de té.

Ie ue mëter n pitl ciof sun ti fruent, a té che te ne n’és nia la drëta stima de té nstëssa y te dì: tu ies na prinzëssa. Y a ti che te es l majer ciof, chël dla lidëza y te ies bona d’la prijë y chël dla crëta te té nstëssa y ti autri, ie ue mëter n pitl ciof te ti mans, n tel pitl cun codles ghieles, ncuei che l ie ti di y nce l mie.

Iniziatives sportives Garejèda sozièla del Ski Team Fascia

En mércol ai 10 de mèrz sul portoi de Aloch a Poza l Ski Team Fascia endreza la terza garejèda sozièla de slalom lèrch averta a duc i sozi de la categorìes dai Pulcini ai Allievi. L prum concorent pea via da les 14.30 e n’ora dant vegn dat fora i numeres te la senta del Ski Team visavì l portoi. Chi che vel tor pèrt i cogn se scriver ite dant da en lunesc ai 8 de mèrz da les 12.00 te la senta del Ski Team, ence per telefon al numer 0462.764111, per fax al 0462.763123 o per mail a la direzion: skiteamfassa@tin.it


Congratulazions

nr. 09 / 06 de merz 2010

Sciöche odëis, à A mi uem

Karl Perathoner che cumplësc ai 10 de merz la bela età de 70 ani dut l bon y mo truep ani deberieda te mbincia de cuer Hermine.

Dut l ben

Emanuel (Gazza)

chisc dui bi “jogn” ma vigne 10 agn l’onur da roé te La Usc. Un 50 agn ai 28 de forà y l’ater 60 ai 10 de merz, un da püch en pensiun y l’ ater ćiamò entres n gran sgubun, mo entrami dër da orëi bun. De cör dilan por döt ći che ai à fat por nos ćina śëgn y döt l’bun, sanité, fortüna y ćiamò inant tröpes ligrëzes ti aoda a Hilbert: Verena con Michael y Kathrin, Hanspeter, Valentina y Stefan a Angelo: Teresa con Andrea, Caterina y Lucia y a intrami düt, düt l’bun inće da chi d’Al Plan Dessora y Dessot, chi da laìa, chi da laìte y chi da lassù.

per i 18 agn che t’as complì ai 5 de merz. Te augurón sanité, fortuna e trope sodisfazion nte tuo davignì.

Congratulazion a

Mère, père, Judith y Johannes

Katia Florian da Poza Ai 11 de merz cumplësc nosc tati y nene

Sepl d’Mano la bela eté de 70 agn. Urun ti auguré inant düt l’bun tröpa sanité, benedisciun, ligrëza y ćiamò tröc agn adüm a nos. N gran giulan pur düt ći che t’as fat y fejes pur nos. De cör düt l’bun Rita cun Roberto, Verena y Katia, y Laura

Nosta tota Gemma

che la se à laureà te Economìa e Gestion aziendala a l’Università de Trent. Ades te la spezialistica tu es jita a te ficiar par dotora dai conc doventar noi te auguron de ge la far, par n’autra uta duc ensema festejar!!! Da duc chi che te vel ben

Ai ai, ai 12 éla tan inant

Arthur

18 agn cumplësc. Da doman vëgnel dit lêva ch’al é da se spazè cul mutor, la roda y l’quad él da se spazè. A mo śëgn l’auto él da se cumprè che da jì al Murin él indô da se spazè. Düt l’bun y tröpa ligrëza cun to laûr sö pur chi tëć te aoda Fabian, Tati, Mama.

cumplësc ai 6 de merz i 50! Nos 3 fioc uressun ti fà les mius aodanzes, ti dì en gran dilan de ći che ara à fat y fej pur nos.

Gertur

Angela, Gabriel y Matthias adöm ai geniturs, y dala la y dal nëine

A Alfred

da pic’ ês bun da ćiantè y śëgn ma plö la sabeda sëra da “balè”. Te chisc 18 agn passà, ast’ fat dann cun motors assà, fora la varizia, deura l’tacuin, na bela festa fajuns’ ai 12 de merz. Manic, Miky, Valz, Gabbo, Trumbatta, Pinga, Rangi, Tony, Robertino, Sem

che ai 7 de merz cumplësc 70 agn ti aodunse de cör düt l’ bun, y pur l’ dagnì ćiamò tröpa sanité y ligrëza y: no perde mai tüa buna lüna. Maria Rosa cun Daniel y Alex

A nosta mama

Gemma che complësc incö 50 agn orunse ti augurè döt l’bun, sanité y inant ligrëza cul lüch da paur. Dilan de döt ći che ëis fat y fajëis vigni dé pur nos.

A nostes goloses

Bino, Hubert, Karin y Judith

ti augurunse düt l’ bun, che restëise inant tan da urëi bun y dala buna lüna! Vüsc cumpagns

www.lauscdiladins.com

39


Religion y Inserac

nr. 09 / 06 de merz 2010

Vangel dla Domenia

L’Assoziaziun Turistica Corvara/Calfosch chir da jügn inant na/n colauradëssa/colauradù por l’ofize d’informaziun da Corvara.

Terza domënia de Carsëma, Ann C, ai 7 de merz 2010 Dal vagnele do San Lüca, 13, 1-9 Te chël tëmp n’él gnü n valgügn da Gejù y ti à cuntè de chi galilês che Pilatus â lascè copè tratan l’oferta, tan che so sanch s’à moscedè cun chël di tiers che gnô ofris. Al ti à dit: “Minëise os, che mâ chi galilês sides stà pićiadus deach’ara ê sozedüda insciö impara, y düć i atri galilês no? Nou, al contrar: i moriarëis avisa insciö, sc’i ne se convertiarëis nia. O chi dejedot, che é gnüs copà dala roina dla tor de Scìloah – minëise che mâ chi s’ais ćiarié ados na colpa y düć i atri abitanć de Ierùsalem no? Nou, al contrar: os düć moriarëis avisa insciö, sc’i ne se convertiarëis nia.” Y al ti à cuntè chësta parabola: “N ël â n lëgn da fighi te süa vigna; y canch’al ê gnü a ćiarè do sc’al portâ früć, nen n’àl ciafè degügn. Dailò ti àl dit a so vignadù: śëgn vëgni bele trëi agn alalungia a ćiarè do sce chësc lëgn porta früć y i nen ciafi degügn lassura. Màzele ia! Ćiodî déssel pa ti tó inant la forza ala tera? Le vignadù ti à respognü: làscele ćiamò impé chësc ann; i ô sapè sö la tera incëria y l’incultè. Forsc pôrtel impò ćiamò früć; sce nia, làscele spo mazè ia.”

Ara se trata de n post anual y al vëgn damanè: - la conoscënza de talian, todësch y inglesc; - ligrëza da laurè cun sciori; - capazité da laurè te grup. Por informaziuns prëibel cherdè sö le numer de telefonn: 0471/836176 o menè na email a: corvara@altabadia.org.

Parora dl Signur. - Lalt a té, Gejù Crist! Crì da laour N’ëila, che à bele laurà te Gherdëina, chier da lëur coche badanta. Tel. 340 5298027. (07/10) ••• N’ëila dla Serbia che sà la rujenedes talian, tudësch y nglëisc chier da lëur a rumé su majons. Tel. 328/0460741 o 328/4538179. (07/10) ••• N’ëila chier da lëur da merz inant a rumé su majons. Tel. 328/3474246. (07/10) ••• N jonn dl post chir n laûr ćina a Pasca. Prëibel telefonè al nr. 0471/839512 (domisdé). (07/10) ••• N’ëila che à bele 7 ani de esperienza chier da lëur per la sajon da d’instà a rumé su majons te Gherdëina, tla Val Badia o nce te Fascia. Tel. 329/6666304 o 338/1564121. (08/10) ••• N ël chier da lëur coche autista, a lauré pra na cassa o a fé de uni sort de stroc do Pasca. Ël sà la rujenedes talian, nglëisc y tudësch. Tel. 339/5784064. (08/10) ••• N ël chier da lëur da idraulicher o muradëur, ma nce a fé de uni sort de stroc. Tel. 329/4730896. (08/10) ••• Na copia rumena chier da lëur a cialé

de jënt de tëmp, da vardians o nce a fé de uni sort de stroc. Tel. 327/8699273. (08/10) ••• N’ëila che à esperienza da nfermiera chier da lëur a cialé de na persona de tëmp o a rumé su majons. Tel. 329/1380496. (08/10) ••• N ël che à bele esperianza chier da lëur coche segondo cuech. Tel. 327/3324755. (08/10) ••• N’ëila chier da lëur a rumé su majons per la sajon da d’instà. Tel. 328/4721667. (08/10) ••• N’ëila dla Serbia chier da lëur coche barista o a rumé su majons. Tel. 389/9975736. (08/10) ••• N’ëila dla Talia chier da lëur a fé i lëures de cësa. Ëila cëla nce gën de pitli mutons y sà da cujiné. Tel. 339/7323932. (08/10) ••• N’ëila dla Talia chier n lëur a fé de uni sort de stroc a Urtijëi. Tel. 349/5270110. (08/10) ••• N’ëila chier da lëur a rumé su cuatieres. Tel. 393/8093706. (09/10) •••

L vën cris n lëur da barista te Gherdëina per la sajon da d’instà. Tel. 320/6665063. (09/10) ••• N ël chier da lëur da vardian o a fé de uni sort de stroc. Tel. 339/2150053 o 0472/833732. (09/10) ••• N ël chier da lëur coche autista, muradëur, idraulicher o nce n auter lëur te n hotel per la sajon da d’instà. Tel. 388/1111060. (09/10) ••• Na studënta cun esperienza chier da lëur coche secretera o receptionista te n hotel per la sajon da d’instà te Gherdëina o tla Val Badia. Email: martina.boscheri@ live.it. (09/10) ••• Na ëra chir n laûr da puzenè o superscè, dal lönesc al vëndres döes ores al dé, a Corvara o Calfosch. Prëibel telefonè al nr. 339/7952302. (09/10) ••• N’ëila chier da lëur a rumé su cuatieres sën ala fin dla sajon. tel. 346/6392130. (09/10) ••• N ël che à bele esperienza y de bona referënzes chier da lëur a fé de uni sort de stroc o nce te na cësadafuech a lavé ju. Tel. 389/7940618. (09/10)

La tistlaria M.A.M.P. a La Val chir 1 tistler cun conoscënzes o che oress imparè da laurè cun na mascînn CNC. Al vëgn pité n bun tratamënt economich. Por informaziuns telefonè a: 0471 843288 Manuel 335 7858850

Le Hotel La Perla a Corvara chir por la sajun da d’isté n jonn che acompagnëia i sciori sö por munt. Prëibel telefonè al 0471/831000. info@hotel-laperla.it

Da chirì Al vëgn chirì da cumprè n prè de apresciapüch 6 ha. Por informaziuns pon cherdè sö le nr. 338/9216099. (08/10)

••• N jëunn che lëura bele 12 ani te Gherdëina chier n cuatier da tò a fit per dut l ann. Tel. 328/7318247. (08/10)

Le Sorvisc ai Jogn Val Badia en colaboraziun cun le Raiun Sozial chir jogn y jones che à interes y bona vëia da laurè cun mituns por i proieć “Floppy 2010” y “Forever Fun 2010”, che gnarà fać chësc isté. Chi che à interes, po damanè do le formular tres mail a pescollrene@yahoo.it o esther.rungger@bzgpust.it. Les domandes po gnì dades jö anter i 20 de merz. Informaziuns plü menüdes al 338/2073634.

Cavallino Bianco Family Spa Grand Hotel a Urtijëi chier da d’ansciuda (auril/mei) inant, 1 rezeptionist o n secreter de hotel per dut l ann. Sce l ie de bujën vëniel nce dat albierch te nosta cësa di cunlauradëures y nce la spëisa, l vën pità n orar de lëur reguler cun feries, n bon paiamënt y n ambient de lëur nteressant y inuvatif. Plu nfurmazions sot a: www.top-hotel-jobs.com o cherdé su l numer de telefonn 0471 783333 (Jaro o Alexa), mandé la dumandes per unì tëuc su, sce n cajo cun foto, a jobs@cavallino-bianco.com.

40

www.lauscdiladins.com

••• Na familia da trëi chier n cuatier, nce monolocal, te Gherdëina, sce la va a S. Cristina o Urtijëi, per dut l ann. Tel. 329/1164673 o 327/7795076. (09/10) ••• L vën cris da cumpré de vedla Vespes o Lambrettes. Tel. 347/9607268. (09/10) ••• An chir da cumprè n pü’ de bel fëgn. Tel. 0471/847084. (09/10) •••

Da vende Da vëne n Peugeot 206 1.4 HGI dl 2006, corù fosch, cun 92.000 km. Prëibel telefonè al 345/4579275. (07/10) ••• Al vëgn venü na Fiat 500 dl ann 1971 corù avorio te de boniscimes condiziuns. Interessà dess prëibel cherdè sö le 335/5265289. (08/10) ••• Al vëgn venü tera a n bun prisc. Tel. 338/7285303. (08/10) ••• Al vëgn venü a mez prisc na mascînn che lava moquette, ciücia sö licuids y stöp, dla marca svizra Cleanfi x, (tan co nöia). Tel. 339/7004608. (08/10) ••• Al vëgn venü a n bun prisc n porta-poć y n porta-schi dl VW Golf 4. Tel. 338/5307872. (08/10) ••• L vën vendù na vedla slita artistica da 3 posc’ mantenida scialdi bën a 1.200 euro. Tel. 347/9607268. (09/10) ••• Da vëne n Crist de lëgn da mëte defora. Tel. 333/1442081. (da sëra) (09/10) ••• Al vëgn venü n Alfa Romeo 147 Jtd M-jet 140cv, corù fosch, 75000km dl 2004, verjiun “cup” cun Xeno, Bose, cërtli da 17” da d’invern y d’isté, rò dal föm sportif, asset sportif, a 7.500,00€ da tratè. Tel. 340/2960164. (09/10) ••• Al vëgn venü n radio da auto dla JVC cun dvd, display da 7”, a 200,00 €. Tel. 340/2960164. (09/10) ••• Al vëgn venü cërtli da 17" dla Toora cun montli da d’isté mec nüs por n Alfa Romeo 147. Tel. 340/2960164. (09/10)

La firma Goller de Sëuc chier tëi che và cun la pacher, cun l camion y muradëures da tlo cun esperienza. Prëibel cherdé su l numer 335/5625615 per fé ora n terminn. Estetica Micky a La Ila chir 1 estetista da mez mà o jügn inant. Prëibel telefonè al 339/5482931. N hotel da 3 stëres chir na chelnera de salf por la sajun da d’isté. Prëibel telefonè al 339/7802542. Hotel Luxor & Cairo **** Lido di Jesolo chier per la sajon da d’instà chef capo partita chelneri/es per la sala persona respunsabla per la sala barista persona che juda te reception. Prëibel mandé l curriculum a info@luxorcairohotel.it telefonn 335/5446372

La dita Isifer chir por renforzè la firma n dessegnadù tecnich. Porsones cun diplom de istitut tecnich industrial o esperiënza tl setur dal metal tira dant. Informaziuns plü menüdes al 349/2108290.

La botëga Boutique La Marmotta a Corvara chir 1 boteghiera dai 20 de jügn inant. Telefonè prëibel al 0471/836624.

Le Dolomiti Wellness Hotel Fanes ****S a San Ćiascian chir n/na secreter/ia por döt l’ann, cun conoscënza de lingac y de computer. I te aspetun! Prëibel telefonè al 0471/849470 info@hotelfanes.it

Por nosc ofize/sënta a Al Plan chiriunse colaboradus tl ćiamp dla contabilité, contrać, EDV (aministraziun de sistems). Chi che ess interes po se anunzié pro: rag. Pasquale Verginer str. Plan de Corones n. 20 39030 Mareo Telefonn 0474/501399 info@verginer.it

Restaurant La Tor a La Ila chir n secundo cogo na chelnera por la sajun da d’isté o inće por döt l’ann. Prëibel telefonè al 335/6797789.

La butëiga Comploj Albert a Urtijëi chier na lodnera y na lernera. Prëibel cherdé su l 0471/796624. I cumprun lignan vedl de vigni sort (tafladöres, brëies de func, lëgns scadrà...) Rustikalholz Promberger Tel. 340/8107918.

Bella Vista Hotel Emma a Al Plan de Mareo chir n/na secreter/ia dl post a temp plëgn, da jügn 2010 inant. Prëibel telefonè al 0474/501133 info@hotelemma.it

Sun Plaza Sant Antone a Urtijëi vëniel fità via na butëiga. Prëibel cherdè su l 338/8184493.

La Vijinanza d’Al Plan dà ca en afit le “Bar Stadio” cun plaza dla dlacia. Por informaziuns plü menüdes pon telefonè al 338/4731522.

A Urtijëi vëniel fità via n cuatier a jënt da tlo. Prëibel cherdé su l 0471 797496.

L vën cris da cumpré de vedli taflei, brëies, trughes, mëises, castli, de vedla figures y chedri. Prëibel cherdé su l 338/3200159. L vën fità via per dut l ann n cuatier a S.Cristina da 60 m2, cun 2 majons, solder y garage. Prëibel cherdé su l 347/9570578. L vën vendù duta la mubilia cun taflà de na sala de n restaurant per plu o manco 70 posc’. Prëibel cherdé su l 335/6383730.

A Urtijëi tla streda Purgher vëniel fità via per dut l ann n cuatier cun verzon per 4 persones. Prëibel cherdé su l 333/8553047.

La Usc di Ladins  

Nr. 09/2010 - 06 de merz 2010

Read more
Read more
Similar to
Popular now
Just for you