Issuu on Google+

portadoura dla onoranza claus gatterer 2012

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,80 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 08/2013 - 22 de fauré 2013 online sun

Sozial

8

Depresciun

Manni, medaia mondiala Mondiai de Schladming: bron per l marou tl slalom lerch, al é sia terza medaia mondiala dla cariera, do l arjent (2007 a Aare) y l bron ( 2011 a Garmisch-Partenkirchen) tl slalom strent

N valgügn aspeć dla maratia, y consëis por familiars y compagns.

9

La Ila

Storia de n campiun L’ex pilot de Formula 1 Alex Zanardi, atochè da n gran inzidënt, à tignì n referat a La Ila. Intervista

Cultura

10

Calëndri Online Dötes les ediziuns dl Calënder Ladin, dal 1962 incà, é śëgn da ciafè online, debann.

Mareo

11

Bëngnü al campiun Gran festa él gnü fat a Al Plan por la medaia de brom de Manfred Mölgg a Schladming.

Fascia

16

Poza paìsc termal

Festa ai fredesc Mölgg a Al Plan de Mareo, do l bel suzes de Manfred tl slalom lerch de Schladming.

La sozietà Fassa Terme pel tachèr ite i lurieres per l nef zenter termal che desfrutarà l’èga da solper di Bagnes.

Gherdëina

22

Cian y patron La grupa Alpin Dogs de Gherdëina ie nstadì unida tëuta su pra l 118, l numer y la urganisazion per purté aiut

Mujiga

Atualité - “I à fat sunsom n fal, ma i son sté bon de recuperé, la forma fova bona y i fove lesier sciche puec iadi dant”, chest l coment de Manfred Mölgg do la secunda manche dl slalom lerch de en vendres a Schladming. Do la pruma manche fova Manfred Mölgg ciamò cuart. Con chest suzes tl slalom lerch à Manfred Mölgg rot si rècord fat de medaies mondiales y la Copa de spezialité (ann 2008) mé tl slalom strent.

Manfred Mölgg fova do la pruma manche cuart, a les sciables de Ted Ligety, Aksel Lund Svindal y Marcel Hirscher, con n destach de 1.44 da Ligety. Svindal é ju manco bon che Manfred Mölgg y à a la fin messù ti zede l post sun podium per mé 4 centeisms. Ence tl slalom strent di Mondiai a Schladming, doi dis do l slalom lerch - en domenia, fova Manfred Mölgg al cuart post do la pruma manche, ma en chest iade n’àl nia podù se mesuré tl temp con

Hirscher & co., ajache al à do pueces portes infurcé y messù spo dé su la garejeda. L’autra atleta maroura ai Mondiai de Schladming é steda la sor de Manfred, Manuela Mölgg. Tl slalom lerch àla arjont l 11eism plazament y tl slalom strent dla sabeda l 25eism. La sajon de Copa dl Mond FIS per i doi campions d’Al Plan va bele inant chisc dis y se sonarà fora empermò con la finala a Lenzerheide, l apuntament é dai 11 ai 17 de merz 2013.

25

Bedaia mundiela per Michela Ponza

Vienna Horns Gran suzes per l cunzert dl ensemble ”Vienna Horns” tl gran salamënt dla Cësa de Cultura a Urtijëi. 12 corni à sunà mujiga da film. Danterite iel unì cuntà curiusiteies de Hollywood, dla storia dl film y de atëures cunesciui.

Religion

deplù sun les plates 11 y 32

25

Na storia de vita La jëuna Sabatina James ie unida bele da pitla dal Pachistan tl’Europa, se cunvertian pona dal islam al cristianejim.

Tla stafeta di campiunac dl mond de biathlon a Nove Mesto tla Republica Ceca à Michela Ponza deberieda cun si cumpanies de scuadra arjont l beliscimo terzo plazamënt Biathlon - Gran sensazion dla atletes dl biathon talian pra chisc campiunac dl mond. Nia mé per Michela Ponza ne n’iel la prima bedaia mundiela, ma la ie bën la prima tla storia dl biathlon dl’ëiles dla Talia. Per la ”routinier” dl biathlon, Michela Ponza de S. Cristina, possa chësc bront unì cunscidrà la curonazion de si cariera sportiva. Deplù a plata 36

Comentar de pruma

Lites de Iaco Rigo

Lité é n dert che nia ciamò dutes les persones sun chest mond ne n’à. Podei jì a lité vuel dì podei tó pert ativamenter y personalmenter al destin y a l’evoluzion de na istituzion, de chela che i fajon pert di per di. Tla Talia po eles y ei jì a lité empormò da la fin dla Seconda Vera encà (“suffragio universale”). Al é jent che dij sen che al n’é per nia de jì a lité, ajache ala ne va enscì da mudé nia, ma chest comportament é na rassegnazion che ti joa mé a chi che vuel jì inant a chesta moda. Sce an n’é bele nia contenc de co che les cosses va sen a livel dla Talia, spo déssen nuzé l dert de jì y lité persones che é dantaldut credibles y n’à nia mé sciuré chestes edemes - slogans dois via y ca. Sce la Talia ess en chest iade da perde les pueces persones protagonistes de na garanzia de n sistem de aministrazion economica y politca serious y rigorous, y de tomé endò derevers ai temps dles falsificazions y manipolazions, viaronse endò na fiction (n film) y nia nosta realté! O che la Talia, de chela che nos duc fajon pert y chela che i podon rovene con lité, veid finalmenter ite i valours che ala à y i nuza iustamenter y coletivamenter, o che i ti lascion endò n iade l davegnì tles mans a chi che sa da maladoré l podei per so utl.

Cô lité? La Talia liteia en domenia ai 24 de forà dales 8:00 ales 22:00 y en lönesc ai 25 de forà 2013 dales 7:00 ales 15:00 n Parlamënt nü. Le litadù dai 18 ai 24 agn de eté piarà do na zetola litala rosa por la lita dla Ćiamena di Deputać, i litadus cun i 25 agn complis döes zetoles, na rosa y na ghela, la rosa por la Ćiamena di Deputać y la ghela por le Senat. Sön trames les zetoles ne podaral nia gnì scrit sö inoms o numeri de candidać, al vëgn lité ma le sëgn de lista cun na crusc o arissé le sëgn de lista.

La Ćiamena di Deputać

La stafeta taliana cun Nicole Gontier, Michela Ponza, Karin Oberhofer y Dorothea Wierer. (foto sportnews.bz)

Le teritore nazional vëgn partì sö te 26 zircoscriziuns, aldefora dla Val d’Aosta che fej na zircoscriziun a pert y liteia ma n su deputat a maioranza dles usc. Dlungia ai va inant a plata 2


Letres y Atualité

nr. 08 / 22 de fauré 2013

Da les zentrales de partis politics

1,6 milions de euro

1,653 Mio. de Euro adorés per fins privac Chest é cie che la Court di Conc ti contesteia a Luis Durnwalder. Anter l auter dess l president dla Provinzia Durnwalder avei adoré chisc scioldi per compré chertes dl

fligher privates, paié l’ICI, paié marenes y ceines, compré da mangé per les reunions dla Jonta provinziala, yii.. Sce chestes contestazions vegn confermedes, spo se tràtel de der n

gran scandal che met te na scleta lum la provinzia de Bulsan. I media nazionai à bele ence baié dl cajo. Albert Pizzinini, Ladins Dolomites

La mozion de Florian Mussner I sforc de Ladins Dolomites, che se à batù te chisc ultims agn con forza per les ghiranzes ladines, met man da porté si fruc. L Assessour Florian Mussner, do che al à lité contra dutes les mozions portedes ite da Ladins Dolomites tres forzes de oposizion prejentes te Consei Provinzial, é sté sforzé de porté

na mozion che é n vare inant per cie che reverda la sconanza di ladins. Dal auter vers raprejenteia chest ence l’amiscion da pert dl Assessour che i ladins ne é nia sconés sciche al toca; sconanza che é - aldò dla SVP - bele plena. Ladins Dolomites laorarà inant per che chesta iniziativa sibe ma n prum vare per na sconanza plena

di ladins. Proscim obietif chel dla criazion de na union de val anter Badia y Gherdeina sun l model dl Comun General de Fascia, con trasferiment de competenzes y finanziamenc, sciche la realisazion de n certl lital ladin. Albert Pizzinini, Ladins Dolomites

N valgun pensieres n con’ dla mujighes Chëst ann (2012) sons jit a uni cunzert, sibe de nosta mujiga de Sëlva che dla mujighes oradecà. Muesse dì che al didancuei ie duta la mujighes bones. Dutes à si program, si solisć y si repertoire. Zeche che me à sapù bel ie stat l cunzert dla Mujiga de Urtijëi, n la segra de Urtijëi. N blòt cunzert cun de blòta meludies che n ne à bele giut nia plu audì. Cie che ne me à nia sapù bel fova canche son

jit a na supeltura de n cumpani dla mujiga a Pruca, iló à la Mujiga de Pruca sunà te curtina n “Trauermarsch“ cun n tempo che semiova n Walzer y nia n “Trauermarsch.“ Śën n con’ dla Mujiga de Sëlva! La Mujiga de Sëlva me sà che à dut n auter ritm. Cie che me à sapù scialdi da amiré: l pez “Leichte Kavallerie“ ai 15 de agost chël fova “classe“, na sëira pra n cunzert

“Rosen aus dem Süden“ tan bel “cantabile“ (coche n dij) y dal ultimo cunzert “Them Basses“ sunà ju cun n druch, cun na potenza che l semiova na mujiga da passa cënt musicontri. Chësc ëssi ulù purté dant pra la reunion generela, ma l ne se à nia purtà pro. Toni Demetz, “Obmann“ de unëur dla Mujiga de Sëlva

Veles provinzieles ai 27 de utober La veles di cunsëies provinziei de Bulsan y de Trënt unirà tenides chëst ann ai 27 de utober. Chësta data ie unida data pro dai doi presidënc de provinzia Luis Durnwalder y Alberto Pacher

La veles per i cunsëies provinziei de Bulsan y Trënt sarà chëst ann ai 27 de utober. (foto usp/Josef Pernter)

2

www.lauscdiladins.com

Politica - Do che l ne vën nia plu fat la veles dl cunsëi regiunel, ma di doi cunsëies provinziei, muessa i doi presidënc dla provinzies de Bulsan y Trënt ruvé a una per na data dla veles deberieda. Chësc ie unì fat per la veles provinzieles dl 2013: Durnwalder y Pacher à metù la veles per n dumënia ai 27 de utober. Chësta data ne n’ie nia mé belau sun l di cin ani do l’ultima veles (26 de utober 2008, nota d.red.), ma l ie na bona data ajache trueps à da chëla sajon plu dl’aurela de jì a dé ju si stima. Tl ciamp economich ne n’iel nia tëmp de feries, per l turism ie la

sajon auta bele passeda y i paures à bele finà de tlupé la versura. Leprò iel mé puec dis dan Unissant, ulache l n ie nce trueps che viv oradecà, che vën a cësa y che possa nsci jì a lité. (as/ufize stampa provinziel de Bulsan)

Priesc d’abonament anual: per la Talia: 64,00 euro. Foradecá: Raion 1 - Austria, Paejes Tudësc y Svizra: 64 euro per la zaita plu 86 euro per la posta, de ndut 150 euro. Raion 2 - Rest dl’Europa: 64 euro per la zaita plu 136 euro per la posta. De ndut 200 euro. Raion 3 - Dedora dl’Europa: 64 euro per la zaita plu 236 euro per la posta, de ndut 300 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Raiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

Chësta ie la zifra che Luis Durnwalder dëssa, aldò dla Chëurt di Conc, avëi adurvà ilegitimamënter. Duc sà che nosc politicri à for abù a despusizion na mont de scioldi per se tré l bënulëi dla jënt, cossa che ie da mé ora eticamënter bëndebò dubiëusa. Ma che Durnwalder ëssa adurvà scioldi a na maniera nia rëidla, coche l ti vën trat dant, ne sons mo nia bon de crëier. Che a na persona che ie stata de ejëmpl y che à giapà la

Cô lité? va inant da la pruma plata

dodesc scagns resservà ala zircoscriziun fora dla Talia, vëgn le numer di scagns che ti speta a vigni zircoscriziun aratà fora cun n cunt de divijiun: la popolaziun residënta ala ultima cumpëda dla popolaziun por 618 y partin sö i scagns en proporziun ala popolaziun de vigni zircoscriziun, söla basa de cuoziënć interns y di resć plü alć.

Le Senat dla Republica Al vëgn lité söla basa regionala. Degöna regiun n'à n numer de senaturs sot a set; le Molise n'à dui, la Val d’Aosta un. Dlungia ai sis scagns resservà ala lita fora dla Talia, vëgn i scagns partis sö aladô dles regiuns, en proporziun ala popolaziun, söla basa de cuziënć interns y di resć plü alć.

stima da plu de 100.000 persones ti vëniel trat dant velch da de tel, possa mé se lascé spieghé cun l fat, coche ël à dit te na ntervista, che n uel danejé la SVP dan la veles. Vel’ da de tel ëssen bën pudù tré ca do la veles, ajache l pudëssa pu vester che la chëurt di conc se à falà. L me sà na granda che i se à nfidà a unì ora dan la veles cun chësta cuestion, a pensé che Durnwalder ne ie nia a una. Walther Kasslatter, Runcadic

Ćiamena é la Lombardia cun 101. L Venet n’à indöt 51. Le Trentin-Südtirol à set scagns assegnà tl Senat, l Venet n’à vintecater.

Alisiraziuns de iade por i litadus I litadus che mëss se sposté te so comun de iscriziun litala por jì a lité po anuzé alisiraziuns de iade. Trenitalia SpA aplichëia smendrimënć söla cherta ćina al 70% por i litadus residënć sides tla Talia co foradecà. Inće compagnies de barches fej rabać. Por i iadi sön autostrada sarà le daz debann ma por i litadus residënć fora dla Talia. Chi che jora po anuzé les ofertes de Alitalia y Blue Panorama tres na rotüda de cosć de 40,00 euro. (ir)

Scagns de nostes regiuns Le Trentin-Südtirol à dala cumpedada dla popolaziun incà indöt 1 miliun y 29.475 residënć. Al ti speta tla Ćiamena di Deputać aladô dl cuoziënt intern 10 scagns y laprò ćiamò un de resć. La regiun cun le maiù numer de scagns tla

Le "spoglio" dles lites politiches sarà atira do les 15:00 dl lönesc.

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 08 / 22 de fauré 2013

Premiei i proiec per la capitela culturela 2019 Per la miëura ideies dl cuncors metù a jì dal cumité de candidatura per la capitela culturela 2019 iel ai 18 de fauré unì sëurandata i pesć. Per i diesc miëur proiec à i assessëures provinziei per la cultura sëurandat 4.500 euro prun

Mudazion al regulamënt per maestri de schi Se giaurì ai maestri de schi de duc i paejes dl’Europa

I premiei dl cuncors de ideies cun i assessëures Kasslatter Mur, Tommasini y l diretëur de repartizion Alexander Prinoth. (foto ufize stampa provinziel/Pertl).

Cultura - Nchin ai prims de dezëmber à la lies cultureles pudù prejenté ideies per sustenì la candidatura dl Südtirol deberieda cun l nordest dla Talia per daventé capitela europeica dla cultura 2019. ”L nes sta a cuer che la candidatura vënie purteda da na basa lergia y de tré ite nce la lies cultureles acioche i se feje pensieres n cont de proiec che pudëssa unì realisei sce la candidatura va a bon fin”, nsci i assessëures provinziei per la cultura Kasslatter Mur, Tommasini y Mussner. Per chësc cuncors scrit ora dala Provinzia iel unì mandà ite

38 proiec, de chëi che la giuria à pona cris ora i diesc miëures. La premiazion ie unida fata tl zënter culturel ”Trevi” a Bulsan deberieda cun i trëi assessëures provinziei per la cultura. La miëura valutazion à giapà l proiet ”Lichträume - Fiat lux” dl Südtiroler Künstlerbund, dan la lies ”Fabbrica del tempo” che à ambientà si proiet ti raions ndustriei storics, y l proiet ”Lungomare” (Territorio e cultura materiale). Danter i premiei iel nce l proiet ”Fanes-Poem musical” cun tesć de Roland Verra y la mujiga uriginela de Susy Rottonara. L

cuncors de ideies à nce fat pië via na fasa nueva dla candidatura. Sce tla prima pert se tratòvela dantaprima dla pert urganisativa, se tràtela śën de lauré ora n documënt de candidatura. ”Chël che unirà śën laurà ora ruverà tl documënt che muessa unì dant ju nchin ala fin dl ann”, spiega Mussner. La candidatura se stizerà sun la corelazion danter cultura y economia, ajache n ie dla cunvinzion che la cultura ne n’ie nia mé de mpurtanza per la cumenanza, ma la possa nce dé si cuntribut al bënsté economich. (as/ufize sta. provinziel)

Acordanza danter Provinzia y Ferates por staziuns nöies

Maestri de schi de n auter paesc europeich puderà nsenië tlo da nëus zënza limitazions.

Economia - La Jonta provinziela à cialà de defënder i maestri de schi da tlo te chëla che la ti à metù sëides a chëi da oradecà. Sun ntervënt dla Union Europea à la Jonta ai 18 de

fauré messù adaté l regulamënt a na maniera che i maestri de schi che vën da n paesc europeich possa nce tl Südtirol ti jì do a si mestier zënza limitazion. (as/u. st. prov.)

Al vëgn chirì 20 verdaparch

Inće le Spitol da Bornech ciafarà na staziun por loè fora y sentè ite te ferata. Le “Helm” dess gnì Inće iniann de messè, agost y setëmber gnaràl tut sö döt lié ala ligna dla ferata adöm 20 verdaparcs sajonai. S’anunzié pòn ćiamò ćina al 1. de merz Trasporć - La Provinzia de a Vierschach olache al gnarà inće gnü fat a Perha. Südtirol à menè fora n comunicat stampa cun chël che al vëgn anunzié na acordanza danter Provinzia y Ferates Talianes por deplü staziuns dla ferata nöies. I reportun perts dl comunicat: “Pro le spitol da Bornech, a Vierschach y a Balsan tl raiun Kaiserau/Casanova pôl gnì fat staziuns dla ferata nöies. La Junta provinziala à azeté ai 18 de forà 2013 l’acordanza cun la sozieté rëi dla ferata RFI. Pert de chësta acordanza é inće n mioramënt dla incrujada cun la strada de Sigmundskron.” De gran öga por la Val Badia é la staziun nöia dlungia le Spitol da Bornech, insciö po la jënt che anüza ćina San Laurënz y Bornech le bus sentè sön ferata y ruvé pormez al Spitol. La Provinzia scrî: “Don pro la proposta de contrat él gnü fat n vare important por pité n sorvisc de trasport publich ćiamò plü daimprò al zitadin. ’Te na colaborazion cun RFI y inće la Uniun Europeica gnaral realisé trëi staziuns dla ferata nöies: öna tl raiun Kaiserau/Casanova da Balsan, öna pro le spitol da Bornech y öna

fat n coliamënt cun le raiun da jì cun i schi Helm’, à dit le presidënt dla Provinzia Durnwalder.”

I intervënć y i cośc

Tla acordanza dada pro dai assessurs provinziai él inće n mioramënt dla burćia danter scines y strada a Firmian. ’Cun n adatamënt tecnich déssel gnì chilò abiné na soluziun a na manira che al ne sarà nia plü da aspetè tan dî sciche al ê ćina śëgn le cajo’, à splighé Durnwalder do la conferënza stampa dla Junta provinziala. Chisc laûrs gnarà a costè incër 900.000,00 euro.” (ir)

La Provinzia à inće baié bele de cosć. Ara scrî: “A Balsan él plü avisa odü dant na staziun cun sosta y n punt de feter 150 metri por n costimënt de 2,08 miliuns de euro. Pro le spitol da Bornech ôn fà na staziun sciöche chëra de Kaiserau, ma che chilò vàl inće debujëgn da spostè les scines. Le costimënt odü danfora é de 1,7 miliuns de euro. Na soma de 2,7 miliuns de euro él odü danfora por deplü laûrs a Vierschach. Al se trata da arjigné na staziun, che po te n dagnì pité n coliamënt strënt cun i raiuns de schi Inće le raiun “Sextner Dolomiten” dess gnì lié ala - n pü’ sciöche al é ferata a pé dl Helm a Vierschach.

Natöra - I verdaparch sajonai fej oramai pert dla oferta informativa di parcs naturai de Südtirol. Tratan i mëisc da d’isté pîtai informaziuns y acompagnamënt ales porsones che ô s’informè sön flora y fauna, sciöche inće carateristiches particolares de nüsc parcs naturai. So compit é inće chël da sensibilisé i vijitadus al respet dla contrada. Chël de verdaparch sajonal é n laûr dër desvalì, che va dala infor ma z iun ale s v ijite s acompagnades sön tematiches particolares, ai dëida pro l’organisaziun de iniziatives y proieć, y ćiara inće do che i trus da jì a pé sides sigüsc. Iniann de messè, agost y setëmber gnaràl tut sö te Südtirol indöt 20 verdaparch sajonai. La seleziun instëssa gnarà a s’l dè da d’aisciöda. S’anunzié po dötes les porsones che à complì i 18 agn, interessades ala natöra y cun conescënzes tl ćiamp dla sconanza dl ambiënt y dla contrada. Les

porsones dess abité dlungia le post de laûr, avëi ligrëza da se dè jö cun jënt y talënt pedagogich. Al vëgn damanè l’atestat de bilinguism C. I candidać arà da dè jö n ejam a usc, da chël che al gnarà cernü les 20 porsones che an arata plü adatades. Condiziun por gnì tuć sö é spo la partezipaziun ala formaziun de set dis, che gnarà tignida bonamënter ai 23 y 24 de mà, y dai 3 ai 7 de jügn. Les domandes mëss gnì menades ite por scrit anter le 1. de merz dales 12.00, tl Ofize Parcs Naturai, Rittner Straße 4, 39100 Balsan. Informaziuns plü menüdes y formulars por fà domanda ciafon sön la plata internet www.provinz. bz . i t / n atu r- r au m / th e m e n / saisonaler-naturparkdienst.asp, sciöche inće tl Ofize Parcs Naturai a Balsan - tel. 0471/417770; a Bornech, Rathausplatz 4 al nr. 0474/582330 (lönesc y mercui danmisdé); tla Ćiasa dl Parch a Al Plan al nr. 0474/506120, le lönesc y mercui danmisdé. (pablo) www.lauscdiladins.com

3


Atualité

nr. 08 / 22 de fauré 2013

Artistes y artisć dla “Trienala Ladina 2013” La comiscion dla Trienala Ladina 2013 se à abiné ai 11 de fauré 2013 per valuté y chirì fora les artistes y i artisć. Ence l laour che gnirà premié con l pest Richard Agreiter é vegnù chirì fora adum da curadours de mostres d’ert de livel internazional. I artisć é endut sies, un de plu che odù dant dal concurs, pervia dla cualité y per l fat che i artisć se integreia un con l auter bendebot ben - scriv l Museum Ladin, y inant: les generazions desferentes anter i candidac, ma ence i lingac artistics che va da la produzion video a la performance, da les istalazions a la street-art sciche ence les posizions artistiches che se dà ju con la avantgarde internazionala di agn 60 y 70, carateriseia l grup. Endut à tout pert a la Trienala Ladina 35 anter candidac y candidates, con set candidatures da la Svizera. Ence l pest artistich Richard Agreiter é vegnù dé via. L inom dl/a artist/ta vegnirà lascé al savei en gaujion dla daurida dla mostra Trienala Ladina 2013. A chest concurs à tout pert 32 artistes resp. artisć. L artist y caricaturist Manuel Riz de Fascia (sun la man derta) en gaujion dla trasmiscion televisiva direta dla Maratona dles Dolomites.

Ert - Les artistes y i artisć che ova mané ite sia candidatura per tó pert a la Trienala Ladina 2013 arà bele liet ju da la plata internet dl Museum Ladin Ćiastel de Tor l resultat dla juria, con legreza o desplajei. La Usc di Ladins publicheia sen i sies inoms che podarà mete fora tla mostra coletiva

4

www.lauscdiladins.com

meneda da n espert internazional a la Trienala Ladin l isté che vegn. Al se trata de Alesch Vital (Scuol tla Svizera), Dorakiki okidigatto = Julia Biasi (Lana/New York), Flurina Badel (Guarda tla Engiadina Bassa tla Svizera), Fabian Feichter (Al Plan de Mareo), Manuel Riz (Ćianacëi te Fascia) y Martina Stuflesser

(Urtijëi te Gherdëina). L Museum Ladin ajonta a la noela sun sia homepage chest: “N compliment a duc chi che à tout pert y iolan/de grà da pert dla comiscion y dl Museum Ladin Ćiastel de Tor”. Dal comunicat stampa relatif dl Museum Ladin pòssen lieje che la comiscion dla Trienala 2013 é steda metuda

Dolomites (Val Badia, Gherdëina, Fodom, Fascia y Anpezo), ti Grijons y tl Friûl. Tó pert à ence podù i artisć che se sint ladins y che à n liam particolar cun la cultura, la storia y les tradizions ladines. L termen per prejenté la candidatura y la documentazion é sté l 11 de fauré 2013 da les 9.00. La daurida dla Trienala Ladina 2013 é preveduda, deberieda con l conferiment dl Pest artistich de scoltöra Richard Agreiter 2013 ai 19 de messel 2013 da les 18.00 tl Museum Ladin a San Martin de Tor tla Val Badia. (ir)

L fin dla Trienala Ladina Con chesta scomenciadia déssel gnì valorisé y sostignì l’ativité artistica ti raions ladins, ti pitan l’oportunité de se fé conesce a esperc de critica dl’ert y al gran publich scriv l Museum Ladin tla escrizion dla Trienala Ladina 2013. Al concurs Trienala Ladina 2013 à podù tó pert duc i artisć aciasés tles cinch valedes ladines dles

N laour con plu materiai y tecnica mescededa dla artista grijona Flurina Badel.


Atualité

nr. 08 / 22 de fauré 2013

Aiut Alpin Dolomites L ntervënt che à fat plu mprescion chisc dis fova chël sun Plan de Corones, ulache doi mutons de nianca 12 ani fova furnei ite te n canal unian trac pea da na levina che i ova fat muever. Un n mut ie riesc unì sburdlà ora dala levia y ne se à nscila nia fat truep, ma si cumpani ie unì zarà pea per n 700 metri ju per na val. Cun l cian da levina àn scumencià a l crì y riesc l àn nce gaità. L dutor dl Aiut Alpin l à ntubà sun l post y do chël l àn julà tl spedel de Trënt, che ie n spedel spezialisà per traté persones cun temperatures dl corp scialdi basses. L pitl ova na temperatura de mé 28 degré y riesc àn capì che l se tratova de n cajo grief. Cun desplajëi àn pona audì l di do che l pitl ie mort. Si cumpani che à abù na gran fertuna ie unì menà cun l joler dla provinzia tl spedel de Burnech. Pra chësc ntervënt à nce judà pea i judacrëp de Al Plan, Burnech y Valdaura/Olang cun d’autri cians

da levina. Bëndebò mel se à fat una dai schi de 48 ani sun l purtoi dal jëuf de Frea ju a Colfosch. Tuman dassënn se àla rot n uf y chësc ti fajova n mel stramp. Nscila ti à l dutor riesc dat velch per ti tò l majer mel, dan la ciarië tl joler y la julé te spedel a Burnech. De prëscia fòvel nce da julé sun l purtoi dl jëuf de Sela nia dalonc dala utia dl CAI "Michl", ulache na jëuna de Sëlva fova tumeda cun i schi batan dassënn l cë. L colp fova tan sëch che la ne se lecurdova nia plu avisa cie che l fova suzedù y nscila la àn ciarieda deberieda cun si pere y juleda tl spedel de Bulsan. Nia plu da n fé ne fòvel per un dai schi de 66 ani de Bergamo che fova tumà ntëur ntan che l jiva cun i schi tl raion de Ciampac. N à purvà a uni maniera de l reanimé, ma l ne à dut juà nia y l ne fova auter da fé che l mené tla valeda ulache i destudafuech l à sëurantëut y menà tla capela di morc. Ntan la garejeda de schialpinism ”Tour de Sas” n dumënia ai 17 de fauré iel ënghe

de Armin Moroder suzedù che zachei se à fat scialdi mel. N’ëila de 36 ani, che fajova pea la garejeda pra chëla che n ne muessa nia mé jì suvier cun la peves ma nce juvier, fova tumeda batan dassënn l piet sun n ciuch. La se stentova dassënn a tré l fla pervia che l ti fova stlupà un n fuià blanch. A Bulsan ulache n la à meneda iela riesc ruveda tla reanimazion y prësc nce sot ai fieres di dutores. N cajo che ne suzed nia tan suvënz ie, coche n dij n ”trauma cranico commotivo”. Chësc ti ie suzedù a na schiadëura che fova frida adum a Colfosch. Tl prim semiòvel che l ne fossa nia suzedù gran truep, ma te chisc caji vën ora la cunseguënzes permò na mes’ëura do, canche la persona scumëncia a fantiné y unì dut stramba. Tlo muessa l dutor riesc ti dé vel’ spriza contra chësc y do che la se à calmà pòssen la ciarië tl joler y mené te spedel.

Dancà y da na pert Uedli y oredles daverc sun la sozieté ladina d’aldidancuei I ùn incuntè Stefan Comploi, ostì de na ütia da munt a Corvara

T’ês n impiegat, mo dan da n valgügn agn aste lascè chël laûr por daurì na ütia da munt. Ćiodì aste pa tut chësta dezijiun y ći él pa mudé te tüa vita? I à albü la poscibilité de daurì na ütia da munt y i n’à nia orü me la lascè sciampè. I â inće la dërta eté canche i à messü tό chësta dezijiun; i â 30 agn, i n’ê nia massa jonn y gnanca massa vedl. Al me plajô l’idea de fà val’ por me instës. Sce te jisses zoruch, tolesseste la medema dezijiun? Ê, chël fajessi, deache inće sce al à costè n gran impëgn me dà chësta ativité de gran sodesfaziuns. I sun contënt da odëi che i sun stè bun de fà sö val’ dal nia, al me sa bel canche la jënt röia adalerch y aprijëia chël che i à fat. Denant êste dependënt, śëgn este lëde. Mo denant podôste t'un jì dal ofize y lascè i pinsiers dailò, śëgn, sciöche patrun, mësseste ti tό impara. É pa chësc n pëis por te? Te chësc laûr n’él nia orars, tratan la sajun y en pert inće fora de sajun, deache i pinsiers ne pòn nia destodé. Avëi n’ativité se ghira dessigü tröp plü impëgn, mo sciöche i à bele dit é inće les sodesfaziuns maiûs. Co vir pa les üties, do tüa esperiënza, le tëmp de crisa? I pënsi che chilò da nos, tl’Alta Badia, ne pòn nia dër tό ca la parora crisa, inće por respet dles porsones che la vir veramënter y che se stënta da ruvé ala fin dl mëis. An po dì che al é n pü’ manco sciori, mo de crisa n’oressi nia baié. Co vir pa spo les üties le fat che al é manco sciori? Iö vëighi che al é stè n mudamënt general tl monn dl laûr, an mëss intres plü se porvè y portè ite idees nöies. I ùn la fortüna de vire te n bel post, la vëia da laurè ne ti manćia nia ala jënt. Le fat che al röies adalerch manco sciori pòn porchël da me infora odëi n pü’ sciöche na oportunité por se dè da fà ćiamò deplü. Concretamënter, ći dess pa fà n ostì por avalié fora chësc ‘manco’? I pité al scior n bun mangé y n bun sorvisc é essenzial. Implü pënsi che al vais de bujëgn de na bela manira. N salüt y n sorì él

düć che se mirita. Inće partì val’ parora cun i ghesć é dër important. T’es passè da n laûr olache te stês döt le dé sentè dan le computer a n laûr olache t’as döt le dé da fà cun porsones. Él pa stè rî tl mëteman? Laurè cun jënt ne n’é mai stè n pëis por me. La maiù desfarënzia danter le laûr che i fajô denant y chël che i feji śëgn é che, sciöche patrun, toma sön me döta la responsabilité. Sciöche patrun mësseste laurè y ester da orëi bun inće canche t’es nervus, canche t’as d’atri pinsiers por le će. Datrai él bëgn rî, mo an mëss se porvè. Dan da n valgügn dis él mort n jonn a Obereggen, menè sot da n iat dala nëi. Al é indô saltè fora polemiches y la proposta de stlü les üties canche les pistes sara, por tignì fora de te’ desgrazies. Ći nen pënseste pa? I ùn dan man l’ejëmpl dl’Austria olache les üties stlüj canche i lifć sara. Chilò da nos stà i sciori plü ion te ütia deache gonot él plü vita a 2.000m che jö te paîsc. I sun sambëgn a öna da tignì na ligna rigorosa, mo chësc é ma poscibl sce al ti vëgn pité ai ghesć devertimënt inće jö te paîsc. Śëgn lasciunse pa de baié de laûr… Ći fejeste pa te to tëmp lëde? I soni la posauna pro la Müjiga da La Ila, al me sa bel da śoghé al palê cun i compagns y da jì cun la roda. I à inće tiers: ćiavai, müsc y vaćes. Stè cun i tiers y dantadöt jì a ćiaval me dà na gran forza. Fejeste inće le bacan? Nou, i dëidi mi pere canche i à n pü’ dlaorela, mo al é ël che fej prësc döt. Te fejes tröp sport, t’as nominé le palê, la roda… Da jì cun la roda ài metü man da püch, mo i mëssi dì che al é n sport che me sa dër bel, che me ćiariëia sö. Da jì cun la roda se ciàron intoronn y al toma al edl cosses, details y particolars che an ne vëiga nia sce an va cun l’auto, an descür posć nüs y interessanć. Y le palê pa? Laôta śogâi tl’Alta Badia. Śëgn me incunti cun i compagns val’sëra a śoghé. Al é na bela ocajiun por stè adöm, por passè val’ ora deboriada. (kp)

www.lauscdiladins.com

5


Atualité

nr. 08 / 22 de fauré 2013

Ence l Friul te la “macroregion del Nord” Tel Friul i media de La cordanza é stata sotescrita enstadì da Maroni e dai presidenc de Veneto, Piemont e Friul... ma mendranza é en pericol zenza l sostegn di furlegn L’idea de la “macroregion” l’é doventà n projet politich. Enstadì a Sirmione sul Lech de Garda Roberto Maroni, secretèr politich de la Lega Nord e candidat a vidèr l goern de la Region Lombardia, à sotescrit la cordanza con l president del Piemont Roberto Cota, l president del Venet Luca Zaia e chel del Friul Venezia Giulia Renzo Tondo.

Ciapa neva gaissa donca l’idea che presciapech jai 20 egn aea fat remir l moviment ladin de Fascia, che aea palesà l mot: “la macroregion se magna l ladin te n soul bocon”. Na idea che anchecondì enveze fèsc remir i sostegnidores del furlan e de l’autonomìa de chela tera. L’adejion de Tondo, goernador de zenter dreta ma perauter l soul

no leghist anter i firmataries, à soscedà de gran reazions tel Friul, olache tropes se domana con che fondament che chela Region a statut spezièl la se met ite te na macroregion con autres a statut ordenèr, sotrissan ence l fat che l’autra regions del nord che à n statut de autonomìa, apontin l Trentin Sudtirol e la Val d’Aosta, é restèdes fora. (lg)

Na “federazion di lesc da mont” L’é la proponeta portèda dant da Dellai te la scontrèda a Moena con Tonini e la UAL Roma vegnarà tout dezijions emportantes per noscia autonomìa – à dit amò Tonini – e per chest ge vel jir jù forc e ensema, e n’outa ju ge vel esser bogn de strenjer cordanzes. Per chest ence la SVP l’à dezidù de renunzièr al “blockfrei”, ajache demò coscita se pel portèr a cèsa resultac emportanc per noscia region. I candidac del schierament de zentercencia autonomista Michele Anesi, Giorgio Tonini e Lorenzo Dellai, con Silvano Ploner, moderador de la scontrèda.

Politica - Contra “l’asse delle metropoli di pianura”, che leassa Torin, Milan, Verona, Padova e Venezia te la macroregion proponeta da la Lega, la Scelta Civica con Monti propon na federazion de “terre alte”. Chesta proponeta – à dit Dellai te la scontrèda de propaganda litèla endrezèda a Moena da l’Union Autonomista Ladina – nasc da l’esperienza fata te cisc egn, che me à permetù de me meter “te l’otica de la mendranzes”. Per chest é domanà che ence la UAL e so president Michele Anesi, che fèsc pèrt de mia medema lista, i me deide a portèr te l’Agenda Monti ence chisc contegnui. Aon vedù che te duta la Èlpes taliènes l’é gran dificoltà, e volon les reformèr aldò de n projet che no sie na esaltazion de egoismes de ogneun, ma na esaltazion di valores che é a fondament de la teres da mont, valorisèr la spezifizità che

l’é te ogneuna con la cultura, l lengaz, l’economìa del teritorie. A la scontrèda l’era prejent ence l candidat al Senat de la coalizion PATT-SVP, UPT, PD e UAL, Giorgio Tonini, che l’ex president provinzièl à prejentà desche n candidat che el sostegn “tant per rejons politiches che per rejons personèles”. La soula possibilità de aer n goern stàbol per la Tèlia per sarà chela de Bersani en cordanza con Monti – à dit Tonini – enceben che ades ogneun chiere de vadagnèr su l’auter per dapò aer maor forza contratuèla, descheche sozet semper te la litazions. Per chest Tonini l’à dit de aer azetà con piajer l’endesfida senestra de se prejentèr al Senat te nosc colege, olache l zenter cencia aea perdù, per portèr inant con convinzion l program de na coalizion che à goernà delvers te chisc egn noscia region e la podarà l fèr amò chest uton. Tel davegnr a

UPT, PATT, PD e UAL adum per autonomìa e mendranzes Tel chèder de la colaborazion e de l’esperienza de coalizion, i raprejentanc de la forzes de zentercencia autonomista de noscia provinzia, Flavia Fontana (UPT), Franco Panizza (PATT), Michele Nicoletti (PD) e Luigi Chiocchetti (UAL) à sotescrit chisc dis passé n document olache i se empegna a promuover la cognoscenza e l stravardament de l’autonomìa del Trentin Sudtirol a livel statal, e en particolèr la valorisazion, l respet e la promozion de la mendranzes linguistiches, travers l sostegn a Giorgio Tonini, candidat al Senat de la coalizion tel colege che tol ite duta la mendranzes linguistiches del Trentin. L’empegn perveit dapò de valorisèr ence tel davegnir l’UAL desche raprejentanta ladina de Fascia tel Consei provinzièl, la tor ite te duta la sceltes politiches e la valorisèr con encèries de responsabilità. (lg)

La Lega Nord per la mendranzes L conseier Civettini à sotescrit na proponeta de mozion per l Consei Provinzièl L conseier provinzièl de la Lega Nord Trentin Claudio Civettini à sotescrit na proponeta de mozion che domana che “chi che mai goerne da Roma, porte respet e stravarde, ence travers l’autonomìa finanzièra, la mendranzes linguistiches trentines zenza les conscidrèr localism o folclor!” L “retro pensiero” – scrif Civettini – nasc da la “letura e legitima interpretazion del pian strategich scrit te la “Agenda Monti” che podessa dèr lèrga e contegnù a na possibola e indicativa variazion interpretativa su la tutela, la continuità e l svilup culturèl de na lingia de valores teritorièi, che lea

6

www.lauscdiladins.com

valguna de noscia valèdes a n sie lengaz, a na cultura e na tradizion”. Civettini disc che l’Agenda met en dubie la “spezialità” de noscia Autonomìa, la tol demez ogne particolarism e no la perveit nesciun stravardament per la realtèdes che é a fondament de noscia Autonomìa ma che a livel nazionèl “podessa vegnir conscidrèdes demò n cost. Civettini domana che l Consei empegne la Jonta a portèr dant al Goern nazionèl na domana de empegn acioche la mendranzes linguistiches del Trentin seghite a esser metudes te la condizion de fèr percorsc de tutela culturèla,

continuità e svilup linguistich, col ge recognoscer l valor teritorièl e no meter discuscion ence i finanziamenc struturèi doverousc. Amò apede l domana “de controlèr, ence a livel legislatif, nazionèl e local, che vegne destinà na zifra teritorièla per la gestion autonoma di investimenc con l’obietif de ge lascèr ai teritories de mendranza linguistica l’autonomìa dezijionèla per la prioritèdes del svilup culturèl e ge dèr l met de tor ite i sogec de l’economìa locala per na sinergìa de intendiments te l’enteress del teritorie, evitan l risech de spopolament”.

Da la region de nesc jormegn vegn cà de burta neves Dal Friul rua ampò ence de autra neves che fèsc cruzièr per chel che vèrda la mendranzes linguistiches, e più avisa i media ladins, tant sfoes che radio, che ence i operatores di media ladins à abù l met de cognoscer ti egn passé en ocajion di seminaries di giornalisć de mendranza. La pruma revèrda doi emitentes radiofoniches che l’é anter i sogec più atives te la promozion del furlan, Radio Onde Furlane e Radio Spazio 103, che per fèr cognoscer la grieva situazion di taes a la ressorses per l lengaz furlan te la radiofonia ai 28 de jené i à tegnù ence na conferenza stampa a Udin con l president de la Cooperativa Informazione Friulana Paolo Cantarutti e raprejentanc di enc per la promozion linguistica. La finanziaria regionèla 2013 perveit defat taes che met a risech la possibilità de la doi emitentes de jir inant con sia atività, endèna che per etres setores culturai taes no n’é stat. L a seconda ne va vegn diretamenter da l’Assostampa del

Friul Venezia Giulia, che denunzia la grieva situazion de crisa de la stampa tel lengaz sloven, e più avisa del sfoi da vignidì Primorski dnevnik de Trieste e del Novi Matajur de Cividale che vegn fora n’outa a la setemèna. Duc doi i risia de cogner serèr: l Primorski à jà domanà l stat de crisa, l’à smendrà sia piates e si 17 giornalisć à abù contrac de solidarietà. L presidente de la coprativa, che dombra passa 2 mile sozi che l’é i patrons del sfoi – l’à dit che i à amò ressorses demò per n meis, e dapò no se sà che che sozedarà. L Novi Matajur, dal 1950 ousc di slovens de la Provinzia de Udin, l’é adertura vegnù fora con piates biences co scrit che l risia de destudèr sia ousc. No l’à scioldi per paèr i giornalisć, la tipografia e la speises de posta. “Chi se tolarèl la responsabilità politica (ence a livel internazionèl) e morala – disc l’Assostampa Fvg, de ge fèr fèr chesta fin a doi sfoes, ousc de na mendranza linguistica stravardèda da la lege? (lg)

Contribuc ai imigré La Sociazion Fassa replica a l’articol vegnù fora sul numer passà de La Usc di Ladins Aldò de l’articol en cont di “gazebi razisć”, la Sociazion Fassa, per ousc de so secretèr politich Luca Guglielmi, ne à manà sia resposta sui contribuc ai imigré. L’articol – disc Guglielmi sostegn che la Sociazion Fassa la é dò che la tol sù sotescrizions contra na lege che ge dèsc contribuc demò ai foresć (comunitaries e no) ma che enveze é destinèda a duta la jent trentina. Nia de più vera, ma aessa bastà se arvejinèr ai gazebi per veder che chest l ge é stat dit a chi che vegnìa a firmèr. En realtà l “placat razist” no fèsc referiment a na soula lege, a n soul contribut, ma a la soma totala de redit de garanzìa, assegn regionèl ai fies e contribut per la locazion. La soma de chesta trei oujes pel portèr a encassèr fin a 2000 Euro al meis. L’Assessor Rossi disc che l redit de garanzìa “pel esser ciapà per no più che 16 meisc te trei egn...” ampò l’é pervedù vèlch deroga e la delibera, semper per cont de Guglielmi, la é senestra da entener e “vaga” te vèlch passaje, lascian donca lèrga a la discrezionalità. L’é vera – va inant l comunicat - descheche disc l’assessor Rossi e descheche vegn dit te l’articol, che i didamenc vèl ence per i trentins, ma aldò de la declarazion Icef, donca pel esser che chi che à na pìcola proprietà o n pìcol sparagn te banca se troe con n coefizient Icef aut che lo fae restèr fora dal contribut, e a aer chesta

condizions patrimonièles l’é de spes i trentins. Donca, enceben che sie na lege che vèl per duc, per nos l calcol Icef discriminea i trentins e l va a benefizie de chi che no l’é trentin. Amò apede la enrescida se poja ence su la declarazions, anonimes per via de la lege su la privacy, abudes da chi che laora te vèlch patronat, o banca, o ofize che se cruzia de assistenza. E duc é d’acort a ne dir che aon rejon e che noscia denunzia se poja sun costions reèles. Aon ence metù a la leta de la jent n estrat cont de banca de na familia foresta che moscia che nesc dac é reèi. Zenza dapò dombrèr i desvalives contribuc una tantum che vegn dac fora dai ofizies publics, desche chel sul “poder de compra”, l “contribut a la families numerouses” o ence i bons per la marenes, i ticket o i contribuc sui libres e sui trasporc. Duc contribut che no l’é sorì cantifichèr. Te chesta setemènes aon vedù che la jent ne disc che aon rejon e che vèlch tel dèr fora i sussidies no carenea. La noscia no l’é na batalia contra l forest – fenesc fora Guglielmi demò percheche l’é forest; chi che laora te la legalità, chi che produsc e contribuesc a la gran machina imprenditorièla e sozièla de Fascia no l’é mai stat e no l sarà mai discriminà per sia provenienza.


nr. 01 / 04 de jené 2013

N nef pont de referiment per la dependenzes Te Comun general de Fascia l’é stat prejentà l nef portel de didament per i problemes leé a de ogne sort de dependenza Sozièl - Abus de droghes e alcol, desturbes del magnèr, dependenza da medejines, dal jech, da la compres e ence da internet. L’é problemes sconec te duta la sozietà e ben segur prejenc ence te noscia val, olache tropes de chesta dependenzes vegn jà tratèdes col didament de gropes teritorièi, desche l grop di Alcolisć, te Fascia dal 1985, la sociazions AMA (Auto Mutuo Aiuto) e “Occhio al gioco” de Marino Pederiva, semper en colaborazion coi Servijes sozièi del Comun general. Chel che é stat prejentà enstadì te Comun general de Fascia l’é enveze n nef servije che ge vegnarà sport a la jent de Fascia sun sie tegnir. L nasc da la colaborazion anter la sociazion ApDp (Sociazion provinzièla per la dependenzes patologiches) e l Comun general per ativèr n pont de referiment vejin per chi che à debesegn de informazions o de n aiut concret, e dèr l met de esser mìngol più vejins a Trent. La procuradora Cristina Donei à prejentà chest nef servije a la leta de duc chi che à problemes

leé a de ogne sort dependenza. Vegnarà avert n portel informatif per n’outa al meis con senta te oratorie de Poza e che se pel prenotèr chiaman l numer 380.2668817 o domanèr ai servijes sozièi del Comun general de Fascia. A prejentèr l’ApDp l’é stat sie medemo president, Andrea Bortot, che l’à dit che l’obietif l’é ruèr sul teritorie e fèr da pont coi servijes che l’é a Trent, compagnèr la jent e no ge dèr demò la direzion di servijes maores. Ti cinch egn da sia naa, l’ApDp à sapù realisèr na rei coi servijes del teritorie e ence con chi da fora, desche per ej. l Ser.T (Servije Tossicodipendenzes). A rejonèr del Ser.T chela sera te Comun general l’era la psichiatra Roberta Ferrucci, coordenadora de chest servije, olache l’à concostà béleche 20 egn de esperienza. Ferrrucci l’à parlà de la droghes e del raport anter fies e genitores portan dant resultac de enrescides e de esperienzes personèles che é pèrt de la vita de ogne dì. La dotora à dit che duc i joegn passa fora na fasa de dejèje, leà apontin a l’età,

La procuradora Cristina Donei a la prejentazion del projet, col president de l’ApDp Andrea Bortot e la psichiatra Roberta Ferrucci.

e ogne tant sozede che n joen rue a contat con la droga. Sun chest pel pesèr l’ambient entornvìa, la cultura che conscidra la droga più o manco n mèl sozièl, la familia, i amisc, la scola, la fegures de referiment e ence del carater de ogneun. I é desvalives i fatores che porta n joen a se arvejinèr a la droghes e ence a passèr col temp

da na doura “ocajionèla” a una “problematica”. Ge volesse lurèr te la pruma fasa olache l’é demò l contat e ativèr na serie de politiches de prevenzion, ma no l’é sorì. I genitores medemi no veit sobito i segnèi de pericol, desche n comportament agressif o n rendiment scolastich bas e adertura n arbandon scolastich.

Su la basa de sia esperienza la dotora Ferrucci à portà dant ence n dat che fèsc pissèr: ti ùltimes egn al Ser.T rua semper più joegn sot i 18 egn che doura eroina, ajache de spes ades la vegn fumèda e donca somea che la sie manco pericolousa. L consei de la dotora Ferrucci l’é che i genitores cognessa esser più ùmoi tel raport coi fies e no aer poura de desmostrèr sia debolezes. N ejempie emportant uzà fora te sala l’é stat chel de Marino Pederiva, fondador de la sociazion “Occhio al gioco”, che te sia vita l’é stat bon de azetèr e venjer sia debolezes, tor la strèda giusta e proèr a didèr ence i etres. I joegn à debesegn de persona fortes e al medemo temp de persones che no vel ge desmostrèr nia ai fies e che se i disc de no jir stroz no i lo fesc percheche “se no me cruzie”, ma percheche per ic dassen no l’é giust. Segur no l’é sorì, ma per chesta sort de problemes ades te Comun general de Fascia l’é chest nef servije per i sentadins. (vr)

Bambi deida l’Azienda Sanitèra a didèr nesc pìcioi La sociazion che da 10 egn se cruzia di bec malé te Fiem e Fascia ge à sport 22.600 euro a l’Azienda Sanitèra per meter a la leta de nesc pìcioi 3 spezialisć de psicologìa, logopedìa e fisioterapìa di bec Sanità - “Chel che conta l’é stèr duc adum per didèr che chi à besegn”, chest l’é l “mot” de la sociazion Bambi, tout da la ciantia “Goccia dopo goccia”. N obietif portà inant te Fascia e Fiem oramai da 10 egn da chesta sociazion, nasciuda l’istà del 2003 per didèr i bec malé e sia families. I resultac de chisc 10 egn de empegn, e soraldut l’ùltim bel vèrech fat sun chest troi da la sociazion, é stac prejenté enstadì te Comun de Poza da la presidenta Daniela Zanon e da so vize Valentino Ventura, te na serèda endrezèda da l’assessora a la cultura e sozièl del Comun de Poza Renata Mattevi Bertacco. “Canche é sentù che te nosce val na sociazion privata ge sporc passa 20.000 euro a la sanità publica per didar fora nesc bec – à dit l’assessora Mattevi - me à sapù dalbon na gran roba, che meritaa de esser cognosciuda e sostegnuda.” “Aon semper abù n bon aiut da la aministrazions – à responet la presidenta Zanon – soraldut dai comuns de Poza e de Ciastel, che ne met a la leta la senta, ma l’é la pruma outa che vegnon envié diretamenter da la aministrazions per prejentèr nesc projec e noscia atività, e chest ne fèsc dassen n gran piajer.” Te chisc egn – à spiegà la presidenta - Bambi à portà inant si obietives con empegn e pascion te n muie de setores e de vides desferentes: fajan donazions a

te n projet spezifich, jan dò apontin ai besegnes del teritorie.

N “stipendium” per trei spezialisć

L logo de la sociazion Bambi.

families che se troa de colp tel gran dejèje de ge stèr dò a n bez malà, e magari per chest les cogn ence renunzièr a lurèr; enjignan carieghes da rodes o etres aparac che l’é de besegn; tolan a fit cartieres a Trent o a Verona olache i genitores posse stèr più vejins a si pìcioi te ospedèl e amò con n muie de etres intervenc. De gra al lurier di volontadives, al cher datol de n muie de jent, te 10 egn l’é stat binà sù e dat fora presciapech 600.000 euro de aiuc sot formes desferentes, ence con conc averc te boteighes de magnadiva. I besegnes del teritorie i é n muie – à dit amò Daniela Zanon - ne rua ence domanes de aiut da jent che à problemes demò economiches, che no i à bec malé ma i stenta a ge arsegurèr na bona alimentazion. Nos no saon che fèr: ne pianc l cher, ma nosc statut no perveit chesta sort de intervenc. Chest’outa aon dezidù de se dèr jù

ores en setemèna, i fajan vegnir più de spes ence te Fascia. La gran neva de chesta scomenzadiva – à sotrissà Andrenacci – l’é stat che Bambi, tel veder i limic cantitatives del servije sport da l’Azienda Sanitèra, no l’à volù se meter “de contra”, ma se meter “apede”, con chest beliscim ejempie de cordanza anter publich e privat, per poder ensema ge dèr la resposta miora a la families, arseguran coscita la calità de la strutures e la continuità de la cura, ajache duc i dac resta a la leta te l’Azienda ence se muda la persones de referiment. Te curt temp l’AS podarà meter a jir l Bando de concors per fèr la selezion e dò l’assunzion di spezialisć.

Dò l’an de servije corì da Bambi, se spera che dut posse jir inant col contribut de la aministrazions de Fascia e Fiem. Sun chest a Poza l’é ruà de bona arsegurazions, soraldut da pèrt de la procuradora Cristina Donei, che à rengrazià la sociazion Bambi e confermà l sostegn del Comun general per chest bel projet. Paroles de compliment e rengraziament per l lonch empegn de la sociazion é ruèdes ence da pèrt de l’ombolt de Poza Tullio Dellagiacoma, che l’é ence ombolt de procura tel setor sozio sanitèr del Comun general, e da Claudio Bernard en raprejentanza del Consorzie di Autoriparatores de Fascia e Fiem, da semper prumes sostegnidores de la sociazion. (lg)

Chest projet e sie percors é stac spieghé dal medico Donato Vinante e dal dr Arrigo Andrenacci, diretor del Distret Est de l’Azienda Sanitèra del Trentin. Jà da egn l’é vegnù al luster l problem, per families con bec che à problemes, de cogner spetèr e se spostèr fin fora Ciavaleis per la sentèdes de psicologìa, logopedìa e fisioterapìa per si pìcioi. L servije sport da l’Azienda Sanitèra era fat delvers, ma no l’era assà. Coscita dò aer proà e valutà, l’é vegnù fora l’idea de Bambi de ge dèr a l’AS i scioldi per poder tor sù per n an trei spezialisć te chisc trei setores. La formula del “stipendium” l’é stat conscidrà la miora a livel burocratich, per arsegurèr n servije no destacà da chel publich, ma che l posse l potenzièr e integrèr. Coscita Bambi ge à sport 22.600 euro a l’Azienda Sanitèra, che con chisc scioldi la podarà smaorèr per n an l servije spezialistich de fisioterapìa per 10 ores en setemèna e de logopedìa La presidenta de Bambi Daniela Zanon con i etres entervegnui te la serèda de e psicologìa di bec per 15 prejentazion del nef projet a Poza. www.lauscdiladins.com

7


nr. 01 / 04 de jené 2013

Depresciun, na maratia che se lascia varì La depresciun é na maratia che se sleria fora intres deplü. An baia bele che ara podess deventè te püć agn la maratia popolara numera 1. N valgügn aspeć y val’ consëis por familiars y compagns Les zifres dla depresciun tl monn dà da ponsè. Na statistica dla Organisaziun Mondiala dla Sanité baia de 121 miliuns de porsones atocades (ann 2010); les ëres é chilò en gran maioranza cun 73 miliuns. Tla Talia atoca la depresciun feter 8 miliuns de porsones. La université de Paderborn scrî te n documënt che la depresciun podess ester dl 2020 la maratia popolara nr. 1. Baldi é chësc malester psichich intres ćiamò sot l’ambria de cotan de tabus. Baié lediamënter de depresciun n’é poester nia saurì por les porsones atocades. Doìa él dodanza, la tëma dales reaziuns dla jënt, le pinsier - falè - che an sides susc cun chësc problem. Important él da savëi che la depresciun pòn curè scialdi bun. I ùn coiü fora n valgönes informaziuns d’öga, tutes da deplü brosciüres sanitares de Südtirol y dl raiun todësch. Nos düć conesciun momënć ch’i se sintiun jö de moral o che al nes manćia le slöm tla vita. Magari dijunse ”I à la ria löna”. Nia vigni ria löna é na depresciun. Chëstes é les corëtes normales dl umor, y sce la ria löna s’an va, spo él scëmplamënter stè na stleta fasa, che fej pert dla vita, y che po magari se trà plü tl lunch sce an perd na porsona cara, sce an perd le laûr, sce n raport d’amur va indalater. Le problem nasc sce chisc sentimënć ne dà nia do. Sce la stleta fasa ne se röia nia, pòl se tratè de na depresciun, na maratia che mëss gnì curada. La depresciun po ester na maratia prigorosa, olache la porsona atocada n’é magari nia buna da nen gnì fora dassora. An ne dess nia aspetè che ara passes, deache sce ara ne vëgn nia curada, pòra jì inant por mëisc o agn, y mëte ćinamai en prigo de vita. La depresciun po atochè vignun: jogn y manco jogn, ëi y ëres, püri y rić, dal manager ala ćiasarina, dai gragn sportifs al pere de familia. Val’ iade vëgnera fora de nia, o nasc zënza na rajun tlera.

Ćiügn é pa i sintoms? De depresciun baia la sciënza canche n valgügn di sintoms ch’i cuntarà sö dessot döra por almanco 14 dis indôlater. La maratia instëssa n’à nia n identikit tler. Al n’é nia ma dagnora la ria löna che fej fora la depresciun. Sintoms po ester canche an n’à plü vëia da fà nia, gnanca les cosses che an fajô zënza cun plajëi. An perd l’interes y la ligrëza por döt, inće i hobbies vëgn n pëis. Anfat ći che al sozed, nia ne sa plü da rì o bel. N ater sintom po ester canche i pinsiers se roda ma plü incër fistidi y dificoltês, che an ne valutëia nia plü realisticamënter. Dit en cört: an se sint öć daìte. Döt vëgn demassa. Pro i sintoms alda inće la manćianza de conzentraziun, n sonn desturbè, püćia stima de se

8

www.lauscdiladins.com

Ales porsones che à na depresciun ti vëgnel bele ert sura da lovè da doman, spo pa da fà val’ ativitês. Al é porchël important che familiars i compagns fejes val’ impara, magari na spazierada, o val’ atra ativité. Ći che i familars dess inće savëi: la depresciun é na maratia. Sce la porsona ne reagësc nia a osc afet, no la tolede sö sciöche n desprisc personal. Cis sce an ne sa nia che na porsona patësc de depresciun, pòl nasce iritaziuns, ći che po portè che la porsona amarada se tira ćiamò plü zoruch. Laprò él important da ne fistidié nia massa dla porsona atocada. An dess i lascè süa iniziativa personala, y nia ti tó jö le laûr. La porsona ne dess gnanca gnì stlüta fora dales cuestiuns de familia. Plü de dann co de bun é le critiché o ti trà dant ala porsona so comportamënt depressif. Al ne joa nia da ti mëte a cör la buna orentè. La porsona n’é nia buna ma insciö bel da scassè jö süa maratia. La depresciun é na maratia che se sleria intres plü fora. (Foto: http://lifeinsurancebyjeff.com)

instësc, sentimënć de colpa o la sensaziun da ne valëi nia, na vijiun negativa dl dagnì, ćina a pinsiers de suizid. Suradöt chësc ultim aspet dess gnì tut sö cun seriosité. La depresciun é gonot acompa-gnada dai pinsiers da se tó la vita. Chi che à de te’ pinsiers, dess a vigni moda chirì aiüt pro n dotur spezialisé. Sce na porsona baia da se tó la vita, dess familiars y compagns la tó sö cun seriosité.

Co nasc pa na depresciun? Na porsona che s’amarëia de depresciun se damana sambëgn le ćiodì che propi ëra vëgn atocada. Na depresciun n’à mai na gauja sora. La sciënza é dla minunga che al é dagnora plü faturs deboriada, faturs dl corp o faturs psichics. Un di faturs dl corp po ester zënza jì massa tl spezifich - sce la balanza danter serotonina y noradrenalina é desturbada. Canche chëstes sostanzes vëgn dant massa püch, ciafa la porsona sentimënć depressifs. Val’ iade é la depresciun inće liada a d’atres maraties, o a medejines che an mëss tó ite. Da dì él spo inće che val’ porsones é geneticamënter plü ”intlinades” a na depresciun, ći che n’ô nia dì che na depresciun vëgn ”arpada” diretamënter. Pro les rajuns psichiches alda esperiënzes de vita dër sotes. Na depresciun po nasce sce al mör na porsona cara o sce n raport d’amur va indalater. Depresciuns vëgn gonot inće dant do situaziuns pordërt positives, en particolar canche na porsona mëss s’adatè a situaziuns daldöt nöies, p.ej. do n ejam passè, do na noza, sce ara va en ponsiun, sce ara va a d’abité te n ater post, pro les ëres do avëi ciafè n möt y i.i. Inće porsones che se ćiaria sö massa laûr y é gonot

sot a stress é plü al prigo da depresciuns.

Co pòn pa curè na depresciun? La depresciun é na maratia che po gnì curada cun suzes. Al é suradöt döes poscibilitês de cura: cun medejines y tres la psicoterapia. Les medejines - tlamades antidepressifs - calma jö la porsona y tira inće sö le umor, cherian insciö gonot la condiziun por fà na psicoterapia. Al é da tignì cunt che les medejines ne fej gonot nia atira faziun. En general dörera döes o trëi edemes ćina che an conësc n mioramënt tler dla situaziun; sce zacai mët man da tó medejines, vëgnel porchël desconsié da les lascè ester bele do püć dis, y medejines dess gnì tutes en acordanza cun le dotur. La psicoterapia é na cura che prevëiga suradöt le baié cun le psicoterapeut. Te chëstes incuntades nen vara suradöt da ciafè fora ćiünes che podess ester les rajuns che à portè ala depresciun, y ćiarè deboriada da les superè. Inće tla psicoterapia él spo tecniches desvalies, ch’i n’orun chilò nia aprofondì plü avisa.

Degügn ne mëss s’ascogne Al n’é de chi che mina che al ois ma ester n pü’ de buna orentè, spo vara da se delibré dala depresciun. N ”amarè psichich” n’é por tröc nia veramënter amarè. La depresciun vëgn insciö aratada na deblëza, y gonot garetel inće comentars desplazà, sciöche ”al l’à ai nerf”, ”al é n pü’ mat” y i.i. Al é porchël da capì che les porsones atocades se tëgnes zoruch, do le motto ”Al é damì sce i scuti”. Magari él doìa

inće la tëma da gnì aratà ”nia cis apost”. An ne le dij mai gonot assà: Al n’é nia n scandal da s’amarè de depresciun. Degügn ne mëss se dodè. Al n’é nia n malsuzes personal y degügn n’à instës la colpa. Depresciun é na maratia, che se lascia curè dër bun. La depresciun é bele por so cunt pesoćia, porchël ne dess la porsona nia perde energies da l’ascogne ia. Che che nen baia lediamënter se fajarà demorvëia tan de porsones che ti cunta de ”sües pices depresciuns”. Tröpes porsones à bele instësses tut antidepressifs, cotantes é inće stades da n psicologh o psicoterapeut. Sce an é instësc daverć cun la maratia, ti dàn inće coraje ai atri da nen baié.

Ći che i familiars dess savëi I familiars de porsones atocades da na depresciun é te na situaziun nia saurida. Sce i viëis cun na porsona amarada, él important da la sostegnì te süa terapia - ćiarè che ara toles les medejines, che ara tëgnes ite i terminns dal dotur.

Al é da capì che inće por i familiars pòl ester na situaziun pesoćia. Porchël él important da se chirì inće instësc aiüt, da avëi zacai che an po baié de ći che an sënt, inće se lascè fora les tëmes o frustraziuns.

Zëntri por ciafè aiüt Por damanè aiüt o consëis sön la depresciun, pòn s’oje al raiun sanitar. Le plü dlungia ala Val Badia é chël da Bornech. Contać: Zënter por sanité psicica - tel. 0474/586340 o 586342, dal lönesc al vëndres dales 8 ales 17. Le sorvisc de psicologia - tel. 0474/586220, dal lönesc ala jöbia dales 8 ales 12 y dales 14 ales 16, le vëndres dales 8 ales 12. D’atres informaziuns sön i sorvisc ciafon sön le sît internet www.sabes.it. (pablo) Fontanes: "Depression: Was ist das?" - Repartiziun provinziala ala Sanité de Südtirol; "Depression: eine Informazionsbroschüre" - Landeszentrale für Gesundheitsförderung in Rheinland - Pfalz e.V.

Cuatiers te Ćiasa de Palsa Cu n l ’u l t i m a g r a n restrotoraziun dla Ćiasa de Palsa Ojöp Freinademetz a San Martin de Tor él inće gnü arjigné ite n valgügn cuatiers da destiné a porsones sura i 65 agn ćiamò autonomes, y che chiriss na poscibilité da jì a d’abité por so cunt. Pro chisc

cuatiers vëgnel inće pité le ”sorvisc da d’abité acompagné”. I interessà ciafa informaziuns plü menüdes ti Ofizi dla Ćiasa de Palsa a San Martin tratan l’orar de laûr (dales 8.00 ales 12.00 y dales 14.00 ales 17.00) o al numer de telefonn 0474/524786.


nr. 08 / 22 de fauré 2013

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Alex Zanardi, la storia de n campiun Campiun tl sport, mo inće tla vita: Alex Zanardi à cherdè adalerch n salf tóch y plëgn de jënt en jöbia ai 14 de forà, tla Ćiasa dla Cultura a La Ila de avëi pordü les iames na cossa relativa te chël momënt. Dedô ài sambëgn messü inće me confrontè cun chël problem, dantadöt da n punt de odüda tecnich plü co emozional. Por mia fortüna âi bele imparè da conësce deplü porsones che n’â nia plü les iames y che â arjunt valgamia de bunes condiziuns de vita. I savô che iö ess podü fà le medemo y deache i sun na porsona otimista savôi che i ess inće podü fà deplü.

Le campiun olimpich Alex Zanardi é ruvé a La Ila por cuntè de süa vita, de süa esperiënza dan y do le bur’inzidënt che ti à costè intrames les iames.

Alta Badia - N salf tóch y plëgn de porsones, de jënt dl post y de ghesć, é ruvé adalerch en jöbia sëra tla Ćiasa dla Cultura da La Ila por la incuntada cun le campiun Alex Zanardi. Zanardi, campiun nia ma tl sport mo inće tla vita, é ruvé tl’Alta Badia por incuntè sü fans, por baié de süa esperiënza y por cuntè de süa vita dan y do i 15 de setëmber dl 2001, canche tl Lausitzring, ti Paîsc Todësc, ti à n bur’ inzidënt costè intrames les iames. Al é propi cun les imajes sciocantes dl inzidënt che l’ex pilot à orü mëte man la incuntada. Imajes che fej na gran impresciun, mo nia a d’ël, che ti ćiara intres indô, deache ares fej pert de süa vita, de bur’ recorć che al se tol impara, adöm ales esperiënzes y i momënć plü bi. Zanardi partësc les imajes dl inzidënt cun le publich, al ti ćiara sciöche spetadù de süa vita. La forza de orentè y le coraje caraterisëia chësc ël, che à tut tles mans les cordes de na vita nöia y à salpü da la trasformè te na oportunité: “Sce i n’ess nia albü l’inzidënt n’essi nia davagné les medaies d’or a London”, dìjel cun gran otimism y trasmët insciö n messaje de speranza, curiosité y coraje por afrontè val’ de nü. Acompagné dal moderadù, le jornalist Stefano Vegliani, à Zanardi cuntè de süa cariera da pilot dan l’inzidënt, dla desgrazia y de chël che é sozedü dedô, do che so cör s’â archité por bëgn set iadi, do les operaziuns y le coma. La vita da denant, les vëntes de n pilot. Dedô éra jüda inant cun le titul de Superturismo dl 2005 y spo cun les

döes medaies d’or y öna d’arjënt tl handbike a London 2012. La ligrëza por chësc sport portarà Zanardi inće ales Paralimpiades che gnarà tignides a Rio de Janeiro dl 2016 y che rapresentëia por ël na motivaziun implü por podëi fà chel che al fej ion por i proscims cater agn. Do l’incuntada s’à Zanardi archité cun i fans, a fà fotografies y a firmé autograms. A nos, d’La Usc, nes àl conzedü na intervista. La Usc: Le bur’ inzidënt é sozedü oramai dan da passa 11 agn. I ëis orü partì cun nos, tl mëteman, les imajes de chël dé. Ći sintîse pa canche i les odëis indô danü? Alex Zanardi: Les esperiënzes che i fajun tla vita passa; naôta che ares é stades, ne vëgneres nia plü y nos podun nes salvè ma i recorć. Chësc vel por les cosses beles y inće por chëres plü burtes. Dl inzidënt me réstel le recort, mo iö sun na porsona otimista y porchël me sënti brau de chël che i sun stè bun de arjunje, a despet de chël che le destin s’â ponsè fora por me. Al n’é nia stè saurì, mo savëi che i sun stè bun de pié ia danü y odëi che i sun stè bun de mëte indô a post les cosses me dà na gran ligrëza. Cal é pa stè osc pröm pinsier tl momënt che i s’ëis descedè dal coma? De canche i s’ëis intenü che i n’âse nia plü les iames… mo che i êse impò ćiamò en vita? Le ester en vita tira dant te chël momënt, chël é sigü. I savô che i â risćé da perde la cossa plü importanta, la vita, porchël ê le fat

Zanardi s’à spo archité cun i fans, por fà fotos y firmé autograms. (fotos: Freddy Planinschek)

Che o ći ves à pa dè le coraje da ne la dè nia sö y la forza por jì inant? La forza y le coraje n’ài nia albü bria da ciafè. Por me, sciöche por tröpes d’atres porsones che à albü mi problems, él gnü le momënt olache i à messü azetè chël ch’ê sozedü. Te chël momënt, sce t’es bun de ester corius assà, capësceste che la vita à ćiamò tröp da pité, te t’intënes che sce t’es bun da mëte man da vire danü, se mët les cosses bel plan indô a post. Gnanca sce na porsona davagna 10 miliuns de euro ala lotaria ne saràl contënt por döta la vita, al messarà s’ausé ite a n stil de vita nü y inće por ël saràl dis plü bi y dis manco bi. Le medemo vel inće canche al sozed desgrazies. Sambëgn, tl mëteman él döt che sa burt, mo spo plan plan se avaliëiera fora y les sodesfaziuns müda. To travert ne sarà nia plü chël de saltè plü debota de Bolt, mo chël de ester bun de saltè plü dassënn co inier. Cun le travert de arjunje vigni dé val’ implü, vàra da mëte man da vire danü. Cal é pa osc raport cun Dî? Ći lerch ćiafa pa la fede te osta vita? I pënsi che sce na porsona à debojëgn de n at de fede él bun y dërt, mo iö ne sun nia insciö. Iö n’à nia damanè l’aiüt de Dî por svilupé mies proteses, por ejëmpl, deache i savô che i foss stè bun da su. Mo sce le bun Dî me conzedess de pronunzié n dejidêr spo ti damanassi de fà contënt mi möt. Por ći che reverda me instës, pënsi che Ël m’ais bele fat la grandiscima scincunda da me lascè en vita.

beles che i po fà śëgn é liades a mia condiziun. Osta forza y sprit da combatimënt (grinta) n’à mai na fin: i ëis detlarè de orëi tó pert ales Paralimpiades de Rio de Janeiro dl 2016… Iö ne ti diji nia spirit da combatimënt, i pënsi indere de ester na porsona che pënsa te na maniera plü razionala respet a d’atri. I à capì che sce te fejes les cosses che te plej, ne te pëseres nia. Chël che te fejes cun pasciun n’é mai n sacrifize. I n’adori nia spirit da combatimënt, deache i va ion cun la roda y dì che i jarà a Rio ô dì che i ô me devertì ćiamò por i proscims cater agn. I sun pa bëgn inće dër fortuné, deache i po me dediché deplëgn a chësta mia pasciun, zënza avëi bria da fà n laûr tradizional por mantignì mia familia. Incö vëgnel festejé San Valentin, le patronn di inamorà. Tan important él pa stè por os avëi dlungia l’amur de osta fomena Daniela? Daniela é stada dër importanta, mo i pënsi che ara n’ess nia fat döt chël che ara à fat sce al ne foss nia stè avisa tan important por ëra da me avëi dlungia. Al é tler che ara à passè momënć de gran tëma y preocupaziun, mo ara é n’ëra sterscia, ezezionala y dër inteligënta. Te chi momënć olache düć pitâ, àra comanè n auto cun i comandi sön la roda da rovëne, deache ara savô avisa che i n’ess albü debujëgn canche i foss ruvé indô zoruch a

ćiasa. Daniela é stada importanta, deache ara à fat tröpes ćernes sciöche chësta, che podess ćiarè fora banales, mo che é stades por me de gran valüta. I sun complementars, iö sun chël plü mat, ëra é chëra che mët indô döt a post. Os sëis n gran campiun, n ejëmpl por düć nos, por la gran forza y le coraje che i desmostrëis. Él mo val’ che i oresses i dì a chës porsones che vir te osta medema condiziun, o te vigni atra condiziun de abilité fisica desvalia y che se stënta da afrontè les soferënzes y les dificoltês che chësta condiziun gauja? I crëii che an mëss pié ia de val’vers. I atri po nes dè na sbürla, mo ala fin sunse dagnora nos che i messun tό la dezijiun. Canche i ùn fat le pröm vare y i ùn arjunt n resultat, inće ma pice, chësc nes dà la crëta por jì inant, por porvè danü, por mioré. Orëi ćiafè na soluziun a düć i problems atira é falè, deache al portass ma a delujiuns. I messun ester obietifs cun nos instësc, capì ćiügn che é nüsc limić. Dessigü él tröpes cosses che i ne po nia fà te mia condiziun, mo d’atres bëgn: i po baié, odëi, ascutè sö y i à i brac. Dl 2012 sunsi stè le plü asvelt dl monn cun la forza de mi brac y de chësc sunsi brau. Vignun de nos mëss avëi crëta te ël instës, deache vignun à n talënt, indipendentemënter da sües condiziuns fisiches; an mëss ma avëi la curiosité por le descorì. (Intervista de Katia Pizzinini)

Denant i motors (inće do l’inzidënt!) y śëgn la handbike. I n’ëis mai renunzié al sport y al agonism. Ći raprejentëii pa por os? Chël dl sport y dl agonism é le monn che i conësci y al foss stè rî por me da me destachè. I ê sigü che i ess podü vire inant te chësc monn, porchël ài orü porvè, zënza avëi sambëgn l’ambiziun de deventè campiun dl monn de auti, deache i savô che al ne foss nia plü stè poscibl. Por ći che reverda la handbike, chëra é stada n’aventöra che i ne m’aspetâ nia. I n’ess mai cherdü che i foss gnü n campiun dla roda, deache i sun pö n pilot. Mo al é sozedü, y chësc desmostra che sce t’as na vijiun daverta y coriosa ti confrunć dla vita él inće les cosses plü burtes che po deventè na oportunité. Iö sun stè bun de trasformè l’inzidënt te na oportunité, deache dötes les cosses www.lauscdiladins.com

9


Val Badia

nr. 08 / 22 de fauré 2013

Les ediziuns dl “Calënder Ladin” sön www.ladinart.org L’EPL-Ert por i Ladins à pensè da realisé la verjiun pdf de düć i 52 Calëndri Ladins (dal 1962 incà) y da i les mëte a desposiziun, a düć, debann la coordinaziun dl pröm presidënt dl’EPL siur Angel Morlang. Da ilò incà â siur Angel fistidié da mëte adöm y publiché le “Calënder Ladin” ćina la verjiun por l’ann 1995. En chël altonn â siur Angel inće dè jö la presidënza dl’EPL. Che al jô debujëgn da ponsè a na verjiun digitiala de düć i “calëndri ladins” àn odü chisc agn intrês deplü: tröc studënć, mo nia ma studënć, damanâ do pro l’EPL “calëndri ladins” che n’ê nia plü da ciafè tl archif. Ma val’ numer n’ê nia jü venü fora daldöt i é ćiamò dessurora.

plata gnüda derzada, puzenada (en pert) y impaginada cun le program Indesign te “calëndri” digitai. Chisc é spo gnüs un a un esportà tl format “pdf”, n format (les iniziales sta por “portable document format” donca “format de documënt da podëi portè y adorè”) che po gnì adorè independentemënter dal program (hardware y software) che l’à cherié. Insciö po le “calënder ladin” digital gnì adorè por gnì lit, gnì stampè fora y inće gnì passè inant zënza de gragn spostamënć de tëmp y distanzes.

Le format digital ala man

Le manco di “calëndri ladins 1962-2006”

Insciö se mostra i “calëndri ladins” sön computers y fonins.

Publicaziuns - Al é stè n laûr dantadöt de paziënza, chël da arjigné chëstes verjiuns digitales, deache aldefora dles ultimes cinch ediziuns à dötes messü gnì trates ite tl computer cun le scanner, plata por plata, y spo derzada öna a öna y impaginada cun n program che à inće spo salpü da fà cun vigni

“Calënder Ladin” n pdf. Chisc pdfs po gnì desćiarià śëgn dala plata internet dl’EPL www.ladinart.org

Dal 1962 incà Le pröm numer dl “Calënder Ladin” é gnü fora l’ann 1961 por l’ann nü 1962, sön iniziativa y cun

Al é jënt che dij da ne ester nia ausada da platernè fora y lì libri sön n monitor de n computer o söl iPad, iPhone o d’atri computers o fonins che à inće funziuns internet o de vijiun de formać desco pdf. Forsc él davëi ma n ausé da lì jö da n display impede da na cherta o na plata, y do le pröm contat y la pröma conoscënza che an s’à fat ne pêl nia plü tan val’ de forest, mo dantadöt val’ ala man (de pratich). Dantadöt i studënć che mëss platernè fora libri intiers por chirì noeles, articui y parores, se fajarà plü saurì cun n format pdf co cun plates de papier. Implü sparagna chësc modo śëgn n gröm de tëmp, an ciafa i “calëndri ladins” sura döt le monn (tres internet), an po i desćiarié te püć menüć sön i aparać desfarënć (pc y fonins) y i platernè fora.

N laûr de paziënza

Fora dl archif dla storia di “calëndri ladins”, ann 2007: le presidënt dl’EPL Iaco Rigo y le colaboradù dl Calënder Ladin Giuvani Pescollerungg presentëia le “Calënder Ladin 2008”.

Incër 12.000 plates él gnü trat ite cun la mascinn (scanner), plata por plata, tl computer. Bele chësc laûr s’à damanè tröpa paziënza. Te n secundo momënt é spo vigni

I pdfs di “calëndri ladins” gnüs trać ite cun le scanner à n manco respet ai “calëndri ladins” dal 2006 incà y inant: al ne po nia gnì chirì te so pdf do parores o perts de parores. Chësc é n problem tecnich che ne po al momënt nia gnì desgropé, deache la mascinn da trà ite les plates tira ite la plata desco n file grafich su (desco p.e. na fotografia). Cun le Calënder Ladin 2007 é chësc problem delôt, deache l’ann 2006 - canche al ê gnü metü adöm le Calënder Ladin 2007 - êl bele gnü svilupé la verjiun Indesign che preodô la poscibilité da esportè n documënt intier y n liber intier tl format pdf.

mêr na cuntia de Angel Morlang scrita chi agn sessanta y setanta, y lit d’atres cunties cörtes y piniers de nosta jënt. La letöra vëgn a s’l dé desco cun n e-book, n liber eletronich, y forsc ôl ma ester n pröm ausé por ne gnì nia inchersciors y ti bradlé do ai tëmps che an liô cunties y romanns y libri intiers stampà sön papier.

Can vëgn pa metü le Calënder Ladin nü sön internet? Deache le Calënder Ladin é dötaurela le liber plü venü y lit tla Val Badia, gnaral stampè inće tl dagnì sön papier y venü de novëmber, dezëmber y jenà fora por la valada y foradecà. Sön internet gnarà le pdf de vigni “calënder ladin” nü impormò metü d’altonn, canche al gnarà fora chël por l’ann do. (ir)

Al mer y sön munt cun düć i Calëndri Ladins Śëgn che la jënt po se desćiarié i pdfs dl Calënder Ladin dal 1962 incà, à la jënt inće la poscibilité da ćiarè fora i calëndri y lì do cunties, stories y storia desco inće ćiarè retrać vedli, digitalmënter indlunch - zënza messëi se tó do poć de libri. Insciö pôl gnì lit te n bel pre y al

Por na Maratona plü sostenibla Na desfida nöia por le Comité de Organisaziun dla Maratona dles Dolomites: arbassè les emisciuns y ćiafè la zertificaziun de sostenibilité Rodes - La Maratona dles Dolomites é öna dles gares de roda plü importantes y conesciüdes a livel internazional, cun plü de 31.000 domandes de iscriziun. La gran popolarité dla manifestaziun sportiva y so suzes mëss gnì renforzà ann por ann y porchël s’à le Comité de Organisaziun ponsè fora na desfida nöia. Trëi agn de laûr portarà ala realisaziun de n proiet che à sciöche travert le reconoscimënt dla zertificaziun de sostenibilité, obietif che ne n’é por le momënt gnü arjunt ćiamò da degügn tla Talia. Al gnarà determiné le ”carbon foot print”, na ligna de valurs che tëgn cunt dles emisciuns danoses, cun l’obietif de ciafè le zertificat de sostenibilité definì dala lege internazionala ISO 20121. Chësta norma, che dà dant i recuisić por na gestiun sostenibla de manifestaziuns de vigni sort, nia ma sportives, é gnüda aplicada por le pröm iade en ocajiun dles Olimpiades de London 2012. Le

10

www.lauscdiladins.com

prozes por arjunje le travert vëgn sostignì cun forza dal Comité de Organisaziun dla Maratona y da so presidënt, che à dagnora desmostrè gran sensibilité por proieć lià al’ecologia y ala sostenibilité dl raiun dolomitich.

Atenziun a emisciuns diretes y indiretes Por ciafè la zertificaziun de sostenibilité mëssel gnì respetè certes condiziuns te dötes les fases: tla organisaziun, tl svilup y tla contlujiun dla manifestaziun sportiva. Al podarà gnì detlarè sostenibl le sistem de gestiun che vëgn apliché dal Comitê de organisaziun dla Maratona sides por la gara instëssa che por le cheder de manifestaziuns che la acompagnëia. Al gnarà tut en conscidraziun düć i aspeć ambientai, les emisciuns tl’atmosfera, les resserves d’ega, le ciomënt, la forza eletrica, le

teritore y les produziuns locales. Le reconoscimënt depënn dala determinaziun dl ”carbon footprint” dla manifestaziun y dala compensaziun parziala dles emisciuns de gas a efet sera. Por la pröma pert dl proiet é les emisciuns de gas sera gnüdes compensades al 82,69%, za. 57 tonelades de CO 2eq messarà gnì ćiamò paridlades danter l’ann. Al gnarà tut en conscidraziun les emisciuns diretes, che vëgn dala produziun de energia termica sön le post, o dal consum de ćiarburant di mesi dl’organisaziun y les emisciuns indiretes, che vëgn dala adoranza de forza eletrica nia cheriada sön le post y da pert di mesi di partezipanć y de assistënza adorà tratan la manifestaziun.

Le Comitê dla Maratona dles Dolomites ô compensè dötes les emisciuns che nasc dal evënt. (foto: Freddy Planinschek)

Ales emisciuns di gasc a efet sera che vëgn dales ativitês diretes y indiretes i vëgnel dè na atenziun particolara da pert dl Comitê de Organisaziun, atenziun che ciafa le sostëgn de tröc sponsors che ô

se lié ala manifestaziun, deache ai vëiga che süa filosofia vëgn respidlada. Al é le cajo, por ejëmpl, de na dita che fej seles por rodes fora de n material natural, reziclabl y biodegradabl al 100%, o de n’atra

firma che à portè ite l’ann passè bozes dla roda biodegradables. Al é insciö gnü contribuì da mëte en pé programs ecosostenibli, che é en ligna cun la vocaziun dla Maratona dles Dolomites. (kp)


Val Badia

nr. 08 / 22 de fauré 2013

Mareo salüda so campiun Gran festa él gnü fat a Al Plan por la medaia de brom de Manfred Mölgg tl gigant di campionać dl monn de Schladming

Les aodanzes y i complimënć ai Mölgg da pert dl ombolt de Mareo Albert Palfrader.

Manfred Mölgg salüda döta la jënt che é gnüda a i fà festa.

N gran dafà dô la pert ofiziala, da sotescrì autograms y partì fora chertes.

Al Plan - Chi che röia chisc dis da Longega sö Al Plan, ciafa dan le paîsc n gran placat, da chël che Manfred Mölgg s’la rî. Lassura n gran ”Iolan” te cater lingac. N iolan al atlet marô por la medaia de brom davagnada tl slalom gigant di campionać mondiai a Schladming, tl’Austria. Al ê le vëndres domisdé che Manfred gnô jö por na pista dlaciada y sfadiosa, y püć menüć dedô êl finalmënter tler: Manfred â davagné le brom, süa terza medaia pro i campionać dl monn, mo la pröma mondiala tl slalom gigant.

fora le gran onur che Manfred i fej a döt le comun cun i bi resultać arjunć te chësta sajun, nia inultima cun la medaia mondiala. ”Chësta medaia é l’ultima che t’as davagné, mo sigü nia l’ultima che te davagnaras te tüa cariera”, à l’ombolt orü alzè fora. L’assessur provinzial Florian Mussner s’à gratonè cun le campiun marô, y à orü tó ite tla gran festa inće i resultać dla só Manuela. ”Ara n’à nia arjunt ’ma’ l’önejim plazamënt - sciöche al é gnü scrit te n foliet”, à dit l’assessur, ”inće chësc plazamënt é n gran resultat te na gara olache i mius dl monn se mosöra.” L’aplaus y l’aproaziun dl publich é gnüs tóch dedô.

mënt, al é feter n miraco”.

Ara n’à spo nia plü doré dî che al gnô defata por mail la comunicaziun, che al foss gnü fat gran festa por chësta medaia y por saludé i fredesc Mölgg te so paîsc nadè. Chësta é gnüda a s’l dè en lönesc de chëst’edema, sot al patrozine dl’Assoziaziun Turistica d’Al Plan, la Sozieté di Lifć, Al Plan Events y le Comun de Mareo. Fans, simpatisanć y coriusc s’abinâ sö defata do les 18 dan le Sport Center Mareo. Da dailò piâ ia la defilada, che ess spo portè ćina te zënter de paîsc. Ara n’à nia doré dî che inće i Mölgg se lasciâ vidlé, y insciö à metü man l’assalt de pici y gragn fans, che orô a vigni moda s’assigurè na fotografia cun le campiun. Ala gran defilada i é jüs danfora i mituns dl Schiclub d’Al Plan cun les bandires de naziuns desvalies. Tosc dedô inće chi dl Fanclub, i maestri de schi

cun i chentli y spo la Musiga d’Al Plan che sonâ a festa.

La "gücia motorisada" da zacan Le campiun instës â en chësc iade na gücia particolara, la bela Fiat 1100 da zacan de Franz Call de Iosc, che fajô zënz’ater süa parüda. Insciö é Manfred y süa só gnüs acompagnà tres la strada prinzipala, olache al ê sön ur’ cënć de porsones che scraiâ y batô les mans. Nia manćé n’à sambëgn les autoritês dl sport, sponsors y inće dl turism y dla politica locala y provinziala. Canche la gran bisca de jënt é rovada te plaza, é i campiuns de schi y les autoritês jüs sön paladina. Ćiamò n iade àn podü vire sön le gran linzó les döes manche de Manfred, che i à portè la medaia miritada. Pormò ilò pòl ester che tröc s’ais intenü tan dlaciada che la pista ê y tan de iadi che Manfred i à fat stè sö le fle, denant co taié finalmënter le travert: cis canche ara à mancè che al tomass fora. Jüda éra atramënter.

”Sigü nia l’ultima medaia!” Tla pert ofiziala te plaza àn aldì deplü discursc d’ocajiun. Al é stè l’ombolt de Mareo Albert Palfrader che à tut por pröm la parora, alzan

Momënć de gran emoziun La parora à sambëgn tut inće i atleć instësc. Manuela à arjunt a Schladming tl gigant le miù plazamënt dla sajun. Ara à dit da avëi albü de gran emoziuns da odëi so fre tratan les gares, y che ara s’à godü deplëgn i momënć che al â la medaia incër le col. Por Manfred é chësta medaia tla disciplina ria de slalom gigant na medaia de gran

importanza y che dà plënes sodesfaziuns. Al à orü rengrazié dassënn süa familia, düć chi che ti é stà y ti stà dötaorela incëria, i fans y en particolar so alenadù Klaus Kastlunger. Do la pert ofiziala ne s’à i fans nia plü lascè tignì sö da jì pormez ala paladina, olache Manuela y Manfred â n gran dafà da sotescrì autograms y partì fora chertes. D’atri podô se scialdè cun n gote de vin cöt. La festa é jüda a piz insciö, cun l’aodanza de tröc, che al ne sides nia stè l’ultima. (pablo)

Paîsc de campiuns Sambëgn à düć i ghesć pronunzié parores de congratulaziuns por i campiuns. Le presidënt dla FISI de Südtirol Hermann Ambach à dlungia i complimënć inće orü i fà les aodanzes a Manuela, che la sajun pois se mëte indô sön la dërta strada. ”I savun che te ti es”, sües parores. Sintides ê les parores dl presidënt dl Schiclub d’Al Plan Herbert Erlacher, che n’ascognô nia süa emoziun. Le chef de Al Plan Events Willy Kastlunger à recordè cun rajun che Mareo à albü l’onur da menè bëgn cater atleć ales Olimpiades. ”Chësc messunse n iade se tignì a

La uma di campiuns Rita Palfrader Mölgg, le surastant de Al Plan Events Willy Kastlunger, le vizepresidënt dla FISI de Südtirol Sigurth Wachtler, Manfred y le presidënt dla FISI Hermann Ambach.

Fans dan paladina i ćiara a so campiun.

I Mölgg cun i mituns dl Schiclub y d’atri fans. (Foto: Carlo de Pipa) www.lauscdiladins.com

11


Val Badia

nr. 08 / 22 de fauré 2013

La sëda dal mêr

Devertimënt söi löstri

Da n iade tl süd dla Sardegna

Ai 16 de forà é i ministranć de Badia jüs cun la liösa sön Piz Sorega

Chiara Vigo pormez a so torà.

Curiosité - Al ê ai pröms de novëmber dl ann passè, canche i rovân cun nosc pice auto imprestè al aeroport de Cagliari, söl’ijola de Sant Antioco (por sardu “Isula ’e Sàntu Antiògu, por tabarchin Uiza de Sant’Antióccu), da arjunje a südvest dla Sardegna tres n punt che à söes fondamëntes ti tëmps romanns. I se chirîn n alberch jon da porta a porta, te chësta sajun püch busiënta ne ofrî nia tröc n let. I ciafân do da n pez na ćiamena te na ćiasa privata y la patrona nes cuntâ de chësta ijola de Sant’Antioco y de n museum particolar che i ésson podü amiré amez la cité de Sant’Antioco. Y chilò à metü man na incuntada nöia cun na porsona de morvëia y na leziun de vita.

Chiara Vigo y le Bìs Le “Museo del Bisso” é na ćiasa

12

www.lauscdiladins.com

metüda a desposiziun dal comun ala sig.a Chiara Vigo por che ara tin en vita la vedla tradiziun da chirì le bìs tl sot dl mêr y le cöie, le firé y cujì fora impara. Chësta sëra de novëmber che nos jun da porta ite él bele scür, daite podunse saludé sentada na ëra che cuj fora sot na löm debla y s’archita y nes ciara sura i vidlà fora. Dlungia ëra él da odëi n torà de lëgn, y incërìa massaries y inće recorć familiars y scincundes che la sig.a Chiara Vigo ô avëi te so atelier. Ara nes dij che laurè le bìs n’é nia n mestier, mo na ert y vocaziun, y che al é ma ëra sora che à arpè da sü antenać chësta ert y dantadöt la formula rituala (fata da riflesciun, oraziun y parores) por firé le bìs, ëra é la sora “maestra dl bìs” al monn.

Ć’é pa le bìs? Al é na sort de sëda naturala tuta fora dal mêr, le drap vëgn dant inće bele tl Vedl Testamënt desco βύσσος (büssos) y ti atri scrić dles cultures dala Mesopotamia al Egit. Al ê bele laôta un di draps plü aprijà, la sëda dal mêr ê sëgn de richëza y de nobilté. Ester é le bìs na sëda che vëgn firada fora di filamënć che crësc fora de na gran còncora (n moluscul) a funz dl mêr, danter i

püć metri y i 40 metri sot livel dl mêr. Chiara Vigo dij da jì ćiamò instëssa sot ega ite y jö a funz a cöie i f îs de so bìs, les còncores tl mêr dlungia Sant’Antioco po ester granes ćina 1 meter de lunghëza, y sta en pé sciöche “nàcheres”. Na sort de còncora da bìs, por la tradiziun dl bìs che à suravit tla Sardegna, é la “pinna nobilis”, conesciüda desco “nàchera”, “pinna comune”, coza pëna o stura... al é la maiù “nàchera” (ćina a n meter lungia). Ara po vire passa 20 agn alalungia. Desco d’atres còncores (moluscui) marines prodüj la “pinna nobilis” de pici f îs cun chi che ara se taca al funz dal mêr. Chisc f îs vëgn coiüs dala sig.a Chiara Vigo por firé so bìs. Desco d’atres creatöres é inće les “pines” dal bìs en prigo de vita; ajiamënt dl’ega y la pëscia maladorada l’à sö cun les “pines”. Chiara Vigo é na porsona che po te cuntè tan tröp cun püćes parores y te strina cun so carisma por che te impares da söa maestria da laurè le bìs ći misters che la vita ascogn y ći forza che al é da ciafè te n f ì sitì dal corù or, intënt da mans maternes y firé por te dè inće proteziun. Desche vigni fi liëia val’ a val’, insciö nes liëia le bìs al mistêr y al socrët di tëmps. Dër tröp tin Chiara Vigo söla informaziun y söl spirit de feminilité che le bìs ascogn, ara cuj fora de bi moti por canche la nevicia é arjignada y canche al nasc na creatöra nöia por portè inant la vita. (ir)

Tëmp lëde - L’aventöra à metü man en chël dé domisdé, sön na bela pista dla liösa y cun le tëmp adaldërt. Do val’ raić cun tröp devertimënt à i ministranć fat na palsa tl restorant Piz Sorega pro Andrea y süa fomena. Renforzà da n bun bocun, éra jüda inant jö cuntra val. Do bun 4 ores de devertimënt y buna löna sön pista dla liösa, sunse incër les 17.00 indô pià zoruch cuntra ćiasa, stanć mo contënć. Por i ministranć - al n’ê indöt 50 y n valgügn geniturs laprò - él indô stè n bel domisdé de compagnia cun i acompagnadus y sü compagns.

I minis s’arjigna da s’araité.

I ministranć y l’acompagnadù Klaus oress rengrazié de cör Carlo Canins por le sostëgn, y le personal dl lift de Piz Sorega. N dilan inće ai ostis por la buna picia marëna. Ai ministranć y ai geniturs n dilan por la gran partezipaziun, y ai minis oress Klaus, Lisa y Alex ti aodè inant tröpa ligrëza pro le sorvisc sö da altè. Le proscim apuntamënt por i ministranć sarà bele ai 10 de merz, cun la gara tradizionala sön la pista da La Crusc. Klaus Untersteiner por i ministranć de Badia


Val Badia

nr. 08 / 22 de fauré 2013

Badia à cherdè, la jënt à respognü Cotan de spënores por les porsones y families atocades dala roa de Badia. Ćina ai 12 de forà êl rové ite sön i cunć corënć la bela soma de 283.429,18€ Badia/1 - La roa gnüda jö a Badia amez dezëmber dl ann passè à cherié gran spavënt. Cis le fat che 4 ćiases ê gnüdes desdrütes deplëgn y che feter 40 porsones â messü gnì evacuades y â messü chirì alberch te d’atri cuatiers. Tosc dedô êl inće gnü metü sö le ”Comitê Aiüt Rô Badia 2012”, che â daurì cater cunć corënć olache le jënt ess podü fà na spënora por les families atocades. Śëgn à le comitê dè fora les prömes informaziuns en cunt dles spënores. Ćina ai 12 de forà êl gnü ite la bela soma de 283.429,18€. Le comitê lascia alsavëi che al gnarà coiü adöm spënores ćina ala fin d’aurì 2013. Dedô saràl aladô di statuć dl comitê - na comisciun esterna y independënta de 10 porsones che laurarà fora i critêrs por partì sö les spënores. Chëstes i gnarà surandades ofizialmënter anter la fin de mà a

La roa de Badia püć dis do che ara ê gnüda jö.

dötes les porsones y families atocades dala desgrazia. Le comitê dij n gran dilan dla buna man che

la jënt à desmostrè, y rengrazia bele damperfora dötes y düć chi che fajarà ćiamò spënores. (pablo)

Aiüt dai scizeri Badia/2 - En gaujiun dles gran rogossies dl ann passè tl Wipptal, â la federaziun ”Scizeri de Tirol” - na lia che tol ite les lies di Scizeri de Nordtirol, Südtirol y Welschtirol - metü en pé l’aziun ”Tirol in Not - Unwetterhilfe” por ladin Tirol tl bojëgn - aiüt do le rî tëmp. Chësta aziun é jüda a piz cun la

fin de dezëmber 2012 y an à podü abiné la bela soma de 32.750,00€. Na pert de chisc scioldi i é inće jüs ales families atocades dala roa de Badia. Ai 25 de jenà à na delegaziun di scizeri ladins podü ti surandè al degan dla Val Badia siur Iaco Willeit n scech de 5.750,00€, pié do cun gran ligrëza.

Pro la surandada dl scech: dmc. le suratenënt di scizeri da Fodom Walter Testor, le comandant di scizeri d’Al Plan Max Brandlechner, siur degan Iaco Willeit, le vizecomandant di scizeri de Südtirol Heinrich Seyr y le comandant di scizeri d’La Pli Silvester Ellecosta.

Mile ores deplü

Le MMM Corones baia inće ladin

I Stüdafüch da La Val à ćiarè zoruch ales ativitês y ai intervënć dl ann passè

Le sît ofizial dl MMM Corones é online, y mostra atira sensibilité por düć i grups de lingaz, cun na pert deplëgn por ladin

Klaus y Christian à dè joramënt.

Lies - La sabeda ai 2 de forà à la Uniun di Stüdafüch da La Val tignì süa reuniun generala anuala, ćiaran zoruch al’ativité desfirada tratan l’ann passè. Le comandant Carlo Nagler à podü saludé deplü ghesć, danter i atri l’ombolt Franz Complojer y l’ispetur di stödafüch dla bassa Val Badia Franz Zingerle. Le grup di Stüdafüch da La Val cumpëdâ ala fin dl ann 44 mëmbri atifs, en gran pert jogn (l’eté mesana di mëmbri é de 32 agn). Implü él 13 mëmbri nia plü atifs, 1 n mëmber d’onur y 11 mëmbri dl grup di jogn. Tla relaziun dl’ativité portada dant dal comandant àn podü odëi che l’ann passè é stè n ann particolarmënter rich de intervënć. Prësc un n iade al’edema (51 iadi tratan l’ann) é le grup di Stüdafüch gnü cherdè por portè aiüt te situaziuns desvalies. I majeri

intervënć é dessigü stà tl mëis de dezëmber, canche an é gnüs cherdà da jì a daidé pro la catastrofa dla roa de Badia, y en San Silvester pro le gran medefüch dl Piz da Lêch a Corvara. Te paîsc él en gran pert gnü fat intervënć de carater tecnich. Chilò éson plü iadi gnüs cherdà pro inzidënć sön strada, a despifé condütes y en ocajiun de danns dal bur’ tëmp. Ma trëi é deperpo stà i intervënć por caji de medefüch te paîsc, y chilò s’àra por fortüna tres tratè de de pici intervënć. Söi intervënć él gnü fat prësc 900 ores de laûr da pert di mëmbri dla uniun. Dlungia i intervënć fej i stödafüch ia por l’ann de vigni sort de sorvisc, proes (indöt passa 40) y manifestaziuns. Döt adöm él en chësc ann gnü desfiré da pert di mëmbri dla uniun passa 6.600 ores de laûr volontar (mile deplü co l’ann passè!). Inće le vizecomandant Ludwig Sottara, i responsabli di sorvisc desvalis y i comandanć de grup à portè dant en cört sües relaziuns. Na gran importanza por le dagnì dla Uniun à le grup di jogn, deache al ti garantësc tres indô forzes jones che vëgn do ca. Le grup é gnü assistì

Les autoritês che à tut pert ala reuniun.

ti ultims agn cun gran lezitënza y tröpes bries da Diego Tschaffert y Stefan Colz, y à desfiré ia por l’ann de vigni sort de ativitês, tolon pert a gares, campionać, proes de savëi, arjunjon dër de bugn resultać. I dui assistënć à manifestè l’intenziun da dè jö chësta inćiaria che ai à surantut por tröc agn. Al ordinn dl dé dla sentada êl spo inće l’aproaziun dl rendicunt de cassa. Le comandant à alzè fora l’importanza por l’ativité dla uniun dles manifestaziuns che vëgn organisades ia por l’ann por trà ite scioldi. Chilò vëgnel fat tröpes ores de laûr volontar da pert di mëmbri, mo chëstes ativitês va debojëgn por podëi desfiré l’ativité dla Uniun. Na gran importanza à inće les spënores de buna man da pert dla popolaziun, sciöche dala aziun di calëndri che vëgn organisada vigni ann de dezëmber. N punt plajor al ordinn dl dé é stè chël da tó sö dui jogn nüs, ch’à impormetü dan da düć da surantó i dovëis da stödafüch. Ara se trata di fredesc jomelins Klaus y Christian Pescollderung de Taéla. La reuniun é jüda inant cun les parores dles autoritês y di ghesć y s’à stlüt jö en compagnia pro n bun bocun. I Stüdafüch da La Val rengrazia düć chi che à tratan l’ann sostegnì a val' manira la Uniun cun laûrs o spënores de buna man. (sc)

Le comandant Carlo Nagler.

Na vidlada sön le sît internet dl MMM Corones, che pîta na seziun deplëgn ladina.

Mareo - ”Bëngnüs tal Museum plü alt de Südtirol!” é les parores che salüda le vijitadù canche al cuca ite sön www.mmmcorones. com. Chësta é la misciun dl sît ofizial dl museum nü de Reinhold Messner. Che l’alpinist conesciü à cernü Plan de Corones por realisé chësta opera n’é nia plü n socrët. Sön le sît pòn lì ”La posiziun straordinara de Plan de Corones à motivé Reinhold Messner da daurì avisa chilò so sest y ultim museum - ponü ite danter le patrimone UNESCO - les Dolomites - y i crëps de Zillertal te na convergënza di trëi grups culturai: le todësch, le talian y le ladin”. Do les tratatives cun i proprietars di terac él gnü ciafè n raiun püch sura Col dai Corf, sön terac marô. Al é stè le Skirama Plan de Corones che à tut tles mans la coordinaziun de chësc proiet ambizius, y la strotöra instëssa gnarà realisada aladô di dessëgns dl’architëta famoja Zaha Hadid, conesciüda

sura döt le monn. L’aspet che i orun alzè fora te chësta ocajiun ne n’é nia le museum instës. Plan de Corones é bëgn suradöt la munt dai schi, mo al é inće la munt che liëia le Südtirol ladin cun le Südtirol todësch y talian, olache trëi lingac y trëi cultures s’incunta. Y sön le sît à i promoturs albü la buna idea y la sensibilité aladô da tó ite inće le lingaz ladin. Le sît é gnü realisé te cater lingac: todësch, talian, inglesc, y ladin. Chësc é n bel sëgn de respet por le mënder grup de lingaz de nosta provinzia; n ejëmpl che inće d'atres lies provinziales podess se tó. I laûrs por la realisaziun dl museum metarà man iniann d’isté, y la daurida é preodüda por messè dl ater ann. Al é da s’aodé che le ladin ciafes süa lerch inće tla strotöra instëssa, sön les tofles de spligaziun y de informaziun, a desmostraziun dla realté linguistica y culturala che fej pert de döt le raiun. (pablo) www.lauscdiladins.com

13


Val Badia

nr. 08 / 22 de fauré 2013

Na bela aventöra delà dal ozeann Lucia Ploner d’Al Plan à 20 agn. L’ann passè de merz éra piada ia por rové tla picia cité de Hingham dlungia Boston, olache ara fej la möta au-pair. Ara é rovada te na familia che l’à tuta sö dër bun, y inće Lucia à ligrëza da ćiarè di 4 pici mituns. Tres Skype ti unse fat na intervista, por la damanè co che ara i büta laìa Ési plü stressà co nos? I dijess bëgn che chilò ési plü stressà. I vëighi ma i mituns che iö ćiari sora chilò. Ai à n plann avisa canche ai à scora, canche ai fej sport, spo vai te n ater piz a fà val’ d’ater. Al me vëgn inmënt che ai é plü stressà, deache döt mëss jì snel. Mia familia chilò me sa pa impò che se tòles tëmp por i mituns y stais impara. Mo spo bàii cun d’atres porsones che cunta de families cun na prescia mata, che mëss saltè da n post al ater y ne se tol nia le tëmp da palsè. Chël é da familia a familia n pü’ atramënter.

La Usc: Lucia, can y cô aste pa tut la dezijiun da fà na te’ esperiënza foradecà? Lucia Ploner: I à tres albü l’idea da jì demez n pez. Do la matura dal ginase pedagogich, orôi sambëgn jì a studié inant, mo spo - deache i n’â degüna idea ći fà - m’ài ponsè da jì demez por n pêr de mëisc, mo nia tan dî. I orô dô la scora n pü’ destachè y jì demez. Cô este pa rovada sön la poscibilité da fà möta au-pair? Na compagna de mia só Caterina â fat le medemo, spo sunsi rovada a baié cun chëra y ara m’à n pü’ splighé de ći che ara se tratâ avisa. Naota m’ài n pü’ informè da sora, spo tla finada ti al ài bëgn inće dit a ćiasa, ala mama y al tata. Cô ài pa reagì? Daimpröma n’êi bëgn nia cis a öna. Iö à intratan metü man da me chirì n’agenzia, y al é stè bindebò rî. Tl pröm che i â metü man da m’informè âi bëgn ciafè n’agenzia, mo chëra ne me daidâ daldöt nia inant. Spo ài damané la compagna de Caterina, y ëra m’à dè le sît de süa agenzia, spo ài metü man döta la prozedöra. Cun le tëmp à inće mi geniturs azetè mia orentè da jì demez. Sambëgn che n ann é bëgn dër lunch. I ne m’ess instëssa mai ponsè da stè demez tan dî, y śëgn stài ćiamò plü dî? Co éra pa che t’es jüda atira tan dalunc? Tl pröm n’éssi mai ponsè che i l’ess davëi fat, deache l’America é tan dalunc. I m’â ponsè pordërt da jì ma sö London, deache i m’â bëgn tut dant da jì a miorè l’ingleje, mo sö London n’ài ciafè degüna agenzia, spo ài mefo tut chëra che la compagna m’â dit, y chësta fajô ma intermediaziuns por l’America. Spo àra metü man y i à messü mëte man da scrì fora düć i papiers. Ći ô pa dì pordërt au-pair? Au-pair ô dì che an mëss ćiarè di mituns. Plü co ater mëssi ma fistidié por i mituns: romenè sö les ćiamenes, lavè le guant. Cun i mituns ài tres albü tröp da fà. I ti à ćiarè do a ćiasa, i à fat de vigni sort cun mituns, porchël m’âi ponsè che al foss dessigü na bona ocajiun, deache cun i mituns impàrun atira n lingaz. Iö â bëgn imparè l’ingleje a scora, mo no che i l’ess pa salpü propi bun. Cun chisc mituns impareste pö tan snel. Canche te baies te féjai la coreziun, y te baies tres impara. Can este pa piada ia y tan dî staste pa ćiamò? I sun piada ca ai 12 de merz, śëgn él porchël feter n ann. I ess albü la poscibilité da arlungé por mez ann, 9 mëisc o ćiamò n ann. Ala fin ài tut la dezijiun da arlungé ćiamò por mez ann, deache i oress bëgn jì a studié, y sce i ess arlungè ćiamò por n ann, fossi rovada zoruch de merz y dailò essi insciö ćiamò messü me chirì n laûr, deache i stüdi mët man da d’altonn. De setëmber gnarài zoruch.

14

www.lauscdiladins.com

Lucia Ploner cun i cater mituns che ara ćiara sura: dmc Theodore, Owen, Athena y Bruce.

Co él pa stè tl pröm por te da t’ausé ite? I m’à śëgn veramënter ausé ite dër bun. La familia m’à atira tut sö desco öna de familia y i mëssi dì che cun la familia ài albü na gran fortüna. I me stà dër dër bun chilò. I à inće baié cun d’atres au-pair, olache ara n’é nia insciö. Ares laora, y canche ares é lëdies, stàres mefo te ćiamena. Iö sun gnüda tuta sö tla vita de familia. Te ći ambiënt este pa rovada ite? Co ćiara pa fora la contrada? I sun rovada a Hingham na picia cité a za. mes’ora da Boston, tl Massachusetts. Olache i viri él desco n gran paîsc mo dër deslarié fora. Al é bëgn n zënter, mo al n’é nia desco a Bornech. Al é atramënter. I à albü na gran fortüna ch’i sun rovada avisa söle mer. Al é n post olache al é döt families. Da jì a Boston n’él gnanca rî, an po jì cun le bus o la ferata. De tan de mituns mësste pa ćiarè? I mëssi ćiarè de cater mituns. Canche i sun rovada adalerch n’êl trëi, mo spo de mà él nasciü le cuarto. Le pice à inom Owen y à śëgn 9 mënsc, spo él ćiamò dui mituns - Bruce de 2 agn y mez, Theodore de 4 agn y mez - y la möta Athena de 6 agn. Co ćiara pa fora n to dé laìa? Mia ”host - mom” - la mama chilò, é al momënt a ćiasa, deache ara ne laora nia. Ales 7 da doman lêi, i mituns é bele denant muntri. Spo mëssi daidé fà da gostè por düć. I dui maius va a scora, mo i ne mëssi feter mai i menè. Val’ iade él da jì a i dô. I sun scialdi cun i dui pici. Dailò feji la blëita impara o che i va alaleria. D’isté él plü saurì che ilò junse tres sön spiagia. Śëgn él inće gnü la nëi, porchël podunse stè defora a fà mandli de nëi. La möta vëgn zoruch dômisdé, chël da 4 agn vëgn zoruch dales 12 o val’ iade dales 3 dômisdé. Mi plann se müda

scialdi da dé a dé, o da edema a edema. Scialdi feji dales 7 ales 12, spo ài na picia palsa ćina ales 3 y spo feji inant ćina ales 8 da sëra. Mo chësc se müda. Al depënn ći terminns che i geniturs à. Ći familia é pa chëra che t’es rovada? Scialdi dötes les families che à n au-pair se stà bun. Mia ”host-mom” decorëia ćiases daite, y mi ”host dad” laora tl ćiamp dla finanza. Desco dit, al é na familia che se stà bun. Vëgneste paiada y tan mësste pa laurè? La familia mëss paié ite por le program. Iö instëssa ne mëssi paié nia por stè chilò. I ciafi de paiamënt za. 200 dolar al’edema. Sce an confrontëia cun les baby-sitter, vëgneres paiades deplü. Laurè laori pa bëgn impò tröp. I laori 45 ores al’edema y mascimo 10 ores al dé. Certes families lascia laurè la au-pair ma 30 ores, al depënn da familia a familia. Sce t’as arlungé le program pòn s’impensè che te n’ais nia albü plü co intan de problems cun l’incherscimun. Él pa impò val’ iade che al t’an crësc? Tl pröm êl sambëgn rî, deache döt é nü, te mëss t’ambientè a döt y e.e. Cun le tëmp t’aüseste ite, te impares da conësce jënt chilò o d’atres au-pair. T’es inće tan tla routine da laurè, che te ne sciafies gnanca tan da ponsè a ćiasa. Cis tl pröm êl bëgn düć che me manćiâ, mo ara n’é mai stada tan inant che i ess messü gnì zoruch deache i ne la tignî nia plü fora. Da Nadè m’éssel bëgn salpü bel da ester a ćiasa, o inće da carlascè, canche i odô sön Facebook che düć metô sö fotos. Chël n’ànse nos nia chilò. Te chisc momënć te savéssel bëgn bel da ester indô a ćiasa pa töa jënt. I i à bëgn manćia, mo no tan dassënn che i messass dè sö döt cant chilò y m’an gnì zoruch a ćiasa.

T’as imparè da conësce n pü’ le stil de vita laìa. Cares é pa do tüa minunga les maius desfarënzies danter nos chilò y i americans olache t’abitëies? Desfarënzies n’él bel assà. Chilò ài odü che les porsones é dër davertes. I n’ô nia dì che ia da nos n’é les porsones nia davertes, mo chilò l’éres mefo ćiamò deplü. Da öna na pert él bel, deache canche te vas te na botëga él düć che te salüda y an mët man da baié. I americans che iö à conesciü te tol sö bun, baia cun te, y chël me plej dër. Vigni tant él inće demassa, deache ai te damana fora de vigni sort. Sambëgn él inće cosses manco beles, mo canche i sun rovada chilò, m’ài ambientè ite dër bun. I n’ô nia dì che i me sënti americana, mo i me stà scëmplamënter bun. Cun ći t’aste pa stentè? Sce an baia de mangé, spo se müderes bëgn les cosses. I sun contënta che mia familia chilò cujina valgamia bun, mo sce i messass mangé döt ći che la jënt mangia chilò, ne sài iö. Vigni tant me pënsi bëgn che na te’ balota foss indô bona. Iö sun ausada da gostè y mangé val’ de ćialt da marëna, y da sëra n pü’ demanco. Chilò ài n pü’ n ater stil. Al vëgn gostè, da marëna vëgnel ma mangé val’ de snel, val’ de frëit, y da sëra val’ de ćialt. Ći é pa carateristich laìa? Chilò ài düć l’idea che döt mëss jì snel. Sce te vas incërch, vëigheste döt ”drive through”, che te pos stè t’auto a te do patüc, p.ej. a do McDonald’s, a do cafê, ćinamai da jì te banca pòn stè t’auto. Chësta é n pü’ na carateristica. Al n’é bëgn de chi che fej sport, mo da dì ma bel, ési n pü’ frac. Jache ai tol l’auto inće ma da jì 5 metri, p.ej. da jì ala fermada dl bus cun i mituns. Nos jun impò val’ iade a pé a cumprè ite, mo chilò tòlai l’auto da jì indlunch.

Ti aste inće insigné val’ parores de ladin ai mituns laia? Tl pröm ch’i sun rovada chilò èl stè n pü’ de confujiun. Iö sun sambëgn portada ite desco taliana, y spo ti ài cuntè sö tan de lingac che i baii, dal ladin desco lingaz dla uma, al todësch, talian y ingleje. Impröma ài messü ti cuntè döta la storia ćiodì che ara é insciö. Parores ladines ne ti ài nia insigné. Mia ”host-mom”, che à instëssa studié por mez ann tla Talia (Firenze) ess albü ion ch’i ti insignass ai mituns val’ parora por talian, spo ài metü man da ti insigné val’ picia parora sciöche ”buon giorno” o ”buona notte”. Da ti insigné parores por ladin n’ài gnanca mai cis ponsè do. N ann y mez é n tëmp dër lunch. Te debiteste pa al momënt che te messaras pié ca zoruch? Chël bëgn. I me debiti dër a canche i messarà saludé düć canć. Por i mituns sunsi desco na gran só y ai m’à tut sö desco öna de familia, dal pröm dé inant. I m’à da atira sintì desco da ćiasa. I mituns chilò m’ô n bun mat, i à bele śëgn na möta che dij che ara n’ô nia che i m’an vais, y ara me dij bele śëgn che i dess pa io jì a i ciafè. N ann y mez é tröp y te impares da i conësce dër bun. I sun döt le dé chilò y al é döt val’ d’ater, deache t’abitëies impara. Canche i ê a ćiasa ài fat möta da mituns, mo al ê val’ d’ater. Chilò vëigheste i mituns da doman ćina da sëra, te vëighes desche ai vir, desche ai s’astila. Podesste pa t’imaginé da stè demez por dagnora? Canche i ê a ćiasa no. I mëssi bëgn dì che magari ài n pü’ n’atra personalité co chi de mia familia, mo i n’ess mai ponsè che i n’ess albü degun problem da stè demez tan dî. Śëgn ch’i sun chilò, impari inće da me conësce me instëssa, y i mëssi bëgn dì che i n’arati nia che i ess problems da m’an jì dalunc a d’abité. Magari nia por dagnora, deache a ćiasa se stàn mefo impò le plü saurì, inće sc’i mëssi dì che i m’à ambientè dër bun chilò. Ći fajaraste pa canche te vëgnes indô zoruch? Śëgn mëssi bëgn dì che i ne sa intant nia ći che i feji canche i röii a ćiasa. Śëgn lasci pa n iade rové chësta bela aventöra. Intervista: Pablo Palfrader


Val Badia

nr. 08 / 22 de fauré 2013

Desgrazia sön Plan de Corones Dui mituns de 11 agn é gnüs sopolis da na lovina che s’à destachè dala pert marora sura la vila da Frena sö. Un é stè bun da se delibré da su, mo le secundo, Johannes Holzer, é mort le dé do te ospedal Plan de Corones - Por i amanć di schi é chësta na sajun ala perfeziun, cun de beles pistes y nëi assà inće jö ales basses. Insciö n’él intres indô de chi che va defora dales pistes por se gode le ”kick” da jì a nëi intiera. Chësc s’à inće ponsè dui mituns de 11 agn da San Scimun, che â en mertesc dl’edema passada orü se gode n bel dé cui schi da Plan de Corones sö. Denant co jì jo zoruch a val, s’ài ponsè inće ëi da jì a nëi frësca fora de pista. Insciö ési pià da Plan de Corones jö por la tëmpla marora che ćiara sön les viles da Frena y Fordora. Sciöche al pê, cun l’intenziun da jì tosc dedô zoruch te pista y rové spo defata jö a val. Insciö ne n’éra indere nia plü stada. I dis denant âl novü y al ê jü cotan da vënt, y insciö s’âl inće formè de gran gunfi che s’erjô sura la tëmpla fora. Döt é jü scialdi debota. Un di jonins à taié amez ca la tëmpla, ći che à bastè por che le gran pëis dla nëi gunfedada drucass fora y jö, y lasciass pié ia na dërta lovina. Intrami i mituns é gnüs trać impara. Deperpo che un é stè bun a val’ moda da se trà fora instës, é l’ater möt - Johannes Holzer - gnü trat impara jö por Val de Pascas che an dij, por bëgn 800 metri, ćina che la lovina s’à archité püch sura Pascas. N deslivel de 450 metri.

La chirida à doré n’ora

Rî da chirì y inće prigorus Manuel cunta la situaziun: ”Por nos êl na situaziun ria. Normal arjignon jö insom na lovina n magazînn (n post olache an mët sö döt le material che an adora, adr), y an arjigna inće n post da arsì por le jolier. Te chësc cajo n’éra nia jüda, le jolier à messü arsì sön na pert dla lovina, deache al n’ê nia d’atres poscibilitês. Le post d’intervënt ê bindebò prigorus inće por i socoridus, deache an messâ chirì tla lovina amez n canalun, y inće sce la pert dessura dla lovina ê gnüda jö, éssel ćiamò podü gnì jö valch dales perts.” Sön na lovina de 800 metri n’êl gnanca saurì da ćerne ola chirì. Dl möt êl gnü ciafè inće n schi y na maza, mo la porsona instëssa ê ala fin 200 metri plü injö. Manuel cunta inant: ”Da chirì jö na te’ lovina adoron scemplamënter intan de tëmp, y conscidran che le möt n’â nia le pîpser, éra jüda impò valgamia snela da le ciafè. Le jolier dl Aiüt Alpin mësson dì che é dër atrezè por chisc caji. Te n pêr de menüć ê le socurs bele söle post. L’intervënt é pié ia veramënter bun, baldi n’àl impò nia bastè por ti salvè la vita al möt. Te speres y fejes dles dötes por salvè la porsona, en chësc iade n’éra nia jüda.” N ater socoridù injunta: ”Les statistiches baia tler. La pröma cherdora se salva le 90% di sopolis. Dedô vëgn les chances tres mëndres.”

Mort le dé do Por Johannes n’àra nia bastè. Le dé dla desgrazia él gnü portè de prescia tl ospedal da Trënt. La

Sön chësta cherta vëigon le raiun de Plan de Corones. La crusc marchëia le post olache le möt é gnü ciafè.

temperatöra de so corp ê ma plü de 29 grês. La situaziun parô bele da atira dër critica. Y le dé do ia por le dé, éra ćiamò gnüda piec, tan che le cör de Johannes à tla nöt danter mercui y jöbia lascè da bate.

Chilò vëigon le tòch olache la lovina s’à destachè. Meton la maza pòn odëi tan sota che la pert destacada ê. (fotos: Simon Kehrer)

l’ezeziun. Jogn sunse düć stà , y bonamënter unse düć n iade ćiarè sura les regoles fora. Le consëi che i socoridus dà é chësc: sce an va bele fora de pista, désson se tó para n pipser, por che i socoridus

pois daidé le plü snel che ara va, sce al à da sozeder na desgrazia. La gran maioranza di iadi vara bun - por fortüna - mo baldi sozedera intres indô che les stories n’à nia n bun fin, sciöche te chësc cajo chilò. (pablo)

Al n’é nia la pröma porsona che mör ilò sot na lovina. A La Pli sàn da cuntè che inće ala fin di agn 60 ê na porsona jüda en lovina dailò jö. Le fat ê sozedü ai pröms de merz, mo le corp zënza vita ê pormò gnü ciafè de jügn.

Æ

I socursc é sambëgn atira stà söl post. Danter socurs alpin, scuadres cun i ćians da lovina, socurs dla crusc blanćia, finanza, carabiniers y inće stödafüch, él rové söl post incër 40 porsones. Ala pert êl inće Manuel Comploi dl Aiüt Alpin d’Al Plan, che nes à dit insciö: ”Canche i sun rovà söl post ê le jolier dl Aiüt Alpin bele lassö. Cun le jolier él gnü fat na chirida tres l’ARWA, mo al n’ê gnü ciafè nia. Sce zacai à l’ARWA pro d’ël, vara snela da chirì, te püć menüć chìron jö döta la lovina.” Te chësc cajo n’â Johannes indere degun pipser pro d’ël, ći che sarà pro mituns bëgn dër gonot insciö. Porchël à i socoridus cun i ćians metü man da chirì le möt. ”La lovina s’à destachè atira sot la

caserm di alpins, y dailò jö él bindebò ërt y burt - cunta Manuel Comploi - ai à taié ia la lovina n pêr de metri dessot, insciö s’à destachè i gran gunfi che s’â abiné sö cun le vënt.” L’alarm à l’Aiüt d’Al Plan ciafè dales 11.53 danmisdé, gnanca 10 menüć dedô ê i pröms bele lassö. Le möt é gnü ciafè incër trëi cherć dla öna, dal surastant dl socurs alpin da Bornech Karl Niedermair, cun la ćiana Sara. Al ê sopolì sot chi 40 cm de nëi ite.

Nia jì fora de pista Che al é proibì da jì fora de pista vëgnel dit intres indô. Inće en chësc iade êl na tofla che avisâ le prigo. I corps de socurs fej laprò cotan de sensibilisaziun: ai va tles scores, ai va diretamënter sön les pistes a fà desmostraziuns, y ai proa insciö da tignì dalunc i mëndri da chësta sort de prighi, por che de te’ intervënć romagnes

La saìta mostra olache la lovina é raitada jö.

www.lauscdiladins.com

15


Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

nr. 08 / 22 de fauré 2013

Poza, l paìsc termal de Fascia La sozietà Fassa Terme pel tachèr ite i lurieres per l nef zenter termal di Bagnes. L nef projet che desfruta la èghes da solper ensema con la Terme Dolomia aur de neva prospetives per l paìsc

I rendering del nef zenter termal de Fassa Terme a Poza.

L’é da egn che se rejona de n zenter termal che desfrute la gran calitèdes de l’èga da solper di Bagnes, apede a la strutura de Terme Dolomia. Zacan, dò ot egn da la costituzion de la sozietà Fassa Terme, se é rué a una, l’obietif l’é vejin. Per de aost del 2014 a Poza sarà a la leta n nef zenter termal wellness. De chest emportant intervent, che va a califichèr amò de più l’oferta turistica de noscia val, ge aon domanà al president Claudio Merighi. Can aede tacà a rejonèr de n zenter termal a Poza? Claudio Merighi: “Del 1980 é rità da mia mare n pra jai Bagnes e jà enlouta é tacà a me enteressar e a domanar te comun se se aessa podù desfrutar de più chele aghe. Del 2004, dò che l Comun aea mudà destinazion ai pré che dant era ite desche agricoi, aon metù sù na sozietà, la Fassa Terme e del 2006 aon prejentà l prum projet de n zenter termal e someaa che la sozietà Terme Dolomia, che l’aea la conzescion de l’aga, la ne dae na man, noi domanaane demò l’aga che vanza. L’é da dir che la lege provinziala perveit che sie demò un conzescionarie de l’aga e donca no se podea esser de doi. Per chest no se é jic d’acort ma ades, dò egn de batalie giudiziarie, zacan aon troà na cordanza. Vegnarà fat na sozietà aposta, super partes, per la conzescion de l’aga olache jirà ite la Fassa Terme e la Dolomia al 50% per una. La Provinzia endana ge à sperlongià

la conzescion de l’aga a la Dolomia amò per n pec de meisc ma l’emportant l’é che aon sotescrit la cordanza che ne permetarà de desfrutar duc doi le aghe da solper.” Che dijela chesta cordanza? “Te chesta cordanza se aon spartì mìngol le atività per no se far concorenza sun usc. La Dolomia jirà inant co l’atività sanitaria e curativa leada al Servije sanitarie e noi se tolon sù la part del wellness.” Podede ne dir vèlch de la sozietà Fassa Terme? “Jà del 2000 aee tirà ensema duc i patrogn di terens fora jai Bagnes e del 2004 aon metù sù ofizialmenter la sozietà olache l 90% di sozi l’é jent del post. En dut l’é 11 sozi, dapò l’é ite ence l Comun che l’é patron de na picola strada de 298 metres che passa fora per mez, ma fazile tel consei de comun, chisc dis che vegn, i dezidarà de ne la vener. Apede me l’é Claudio Bernard vize president e conseieres l’é l’enjegner Nicolò Tonini e l dotor Roberto Arghenini che l’à n zenter sanitarie a Lodi.” Olà vegnarèl fat sù l nef zenter termal e che perveidel l projet? “L nef zenter termal vegnarà fat sù a cencia de l’Antico Bagno, envers l paìsc. L’é na superfizie de 4.500 metres cadrac e vegnarà fat sù n frabicat de 13.000 metres cubes, mec te tera e mec fora de tera. Vegnarà fat sù trei partimenc,

te tera sarà l’azess e dute le struture tecniche e servijes de massajes e percorsc co l’aga, sunsora vegn fat desvalive nodadoe, sarà ence na nodadoa giaponeisa co l’aga bassa a 40° olache se senta jù e se se desten; l’é pervedù de far nodadoe ence de fora olache vegnarà fat doi pìcole ciasete ti pré con ite la sauna. Sarà ence 200 metres de sala bar con restorant.” Co vegnarèla desfrutèda l’èga da solper? “La conzescion de l’aga termala perveit che noi assane 4 litri al secont e la Terme Dolomia 7 litri al secont. Noi sion contenc ajache per chel che duron va benon. Co l’aga termala vegnarà fat demò na nodadoa.” Colun sarèl l cost de la strutura? “L cost de l’opera sarà entorn 6 milions e mez de Euro che vegnarà paà jù col contribut de la Provinzia che pel ruar fin al 20%, col didament de le banche e co le quote de 1 milion e mez de Euro di sozi. N varech n muie emportant che aon fat, apede a la cordanza co la Dolomia, l’é stat chel de aer troà na sozietà da Milan, la Quadro Curzio, che se tolarà sù la gestion del zenter per 9 egn e autres 9 egn renovaboi a n cost de 600 mile Euro a l’an. Per aer n business plan che stae en pe verjon se sà ben la partezipazion ence a autres sozi, aon piajer che vegne ite la jent da chiò. Con chest nef zenter termal

I Bagnes e l’èga da solper A cencia de la Veisc, ju per sot l Masc de Aloch, l’é n post che n’outa ge vegnìa dit “Le aghe” e anchecondì i ge disc fora i Bagn. Chiò te tempes veiores l’era stat troà na fontèna de èga da solper e jà del 1497 l’era n stabiliment per bagnes de sanità che i ge dijea apontin “Bagn da tof”. Aldò de n document, l più veie troà fora da Pare Frumenzio Ghetta de Martin, de aost del 1493 l Prinz Vescof de Persenon l’era a Ciavaleis e fazile l stajea mèl percheche ogne dì, via per dut l meis, l’à manà a Poza n cèr co na gran bot a tor l’èga di Bagnes de

16

www.lauscdiladins.com

Fascia per ge fèr l bagn al Piscop. Semper aldò di documenc troé fora da Pare Frumenzio, enscin del 1583 l ge era stat dat a fit a Jan Batista Zulian e n inventèr fat i prumes egn del 1600 disc che l’era n ciasament ben endrezà, fosc un di più gregn de duta Fascia: l’aea 9 cambres con 16 lec e 3 locai per i bagnes con 22 brentes de legn. Ma dapò l’é stat roinà da l’èga de la Veisc. L’èga de chesta fontèna é stata studièda ence dal botanich dal Forn Francesco Facchini che l’aea spezificà i componenc de solper e carbonie.

Del 1925, da chel che disc Pare Frumenzio, Lodovico Mongo à fat fèr sù n bait fora i Bagn per poder durèr la èghes, ma l fech crepà fora pec egn dò l’à brujà dut. L’èga di Bagnes l’à de gran proprietà curatives e la é stata fata analisèr belimpont da la familia Zulian che l la doura te sie zenter curatif Terme Dolomia. Chiò da egn n grum de jent, tant foresć che jent del post, se n prevèl per la cura de la malatìes de la pel, de l’aparat respiratorie e digerent, co la convenzion del Servije Sanitarie. (mci)

se meton dant l’obietif de miorar l’oferta turistica de noscia val, de slongiar le sajon, de ge dar più nonzech a la val e al paìsc. Se, descheche se rejonaa col Comun de Poza, se podessa ruar a mudar l’inom con “Pozza di Fassa Terme” fossa n varech dassen ùtol ence a livel mediatich. No volon segur ge far concorenza ai zentres wellness privac che l’é ti alberghes, chesta l’é na oferta en più che ge sporjon a noscia jent e ai ghesć ence percheche la restarà averta dut l’an.” Chi él la Quadro Curzio e perché pa aede pissà de ge dèr sù la gestion a na sozietà foresta? “La Quadro Curzio l’é na sozietà che à na graniscima esperienza en cont de gestion de zentres termai, l’à ence le terme a Bormio e a Pré Sant Didier te la Val d’Aosta che l’é lesc da mont e donca i sà che che vel dir far terme sa mont, dapò i gestesc zentres termai a Milan, Torin, Monza, Bologna e ades i n verc ence a New York. L’é stat emportant se meter te man de na sozietà de chesta esperienza,

ence percheche no l’é sorì troar jent che saesse gestir n zenter de chesta sort. Aboncont i à dit che i volessa tor sù jent del post a lurar e chest l’é zenz’auter positif.” Da chi él stat lurà fora l projet? “L projet é stat lurà fora da la Quadro Curzio ensema con l’enjegner Tonini proprio percheche sarà ic i gestores e donca i volea che l vegne fat ence aldò de soe esigenze. L’é n projet ben integrà te l’ambient, che no à nia impat e che se fasc ite delvers. Apede vegnarà fat ence na otantina de parcheges.” Coluns él i tempes ades? “Aon jà prejentà l piano guida te comun, che l ruarà chisc dis che vegn ence te Comun general e dapò prejentaron l pian atuatif, co na Scia se pel jà tacar a far sù. Te n meis cognassane aer jà duc i permesci da poder tacar ite apenamai che se pel, speron col prum de oril. Per de aost del 2014 volon verjer.” Intervista de Monica Cigolla


Fascia

nr. 08 / 22 de fauré 2013

L ladin doventa tecnologich Enstadì l’é stat prejentà doi projec per didèr a fèr la traduzions dal talian al ladin a na vida più spedienta, de gran ùtol soraldut per i ac aministratives e per chi che laora col ladin

Nadia Chiocchetti, Vittorio Dell’Aquila e Sandri Carrozzo à prejentà i neves strumenc che deida a traslatèr dal talian al ladin.

Politica linguistica - L bilinguism te l’aministrazions l’é pervedù oramai da n muie de egn, e da n pez l’é ence la prezedenza te l’assunzion ti posć publics de Fascia per chi che desmostra de saer durèr l ladin, ence te sia forma scrita, per i lurieres che l perveit. Ampò amò anché, ti comuns e ti ofizies publics de noscia val, la gran pèrt del personèl stenta a se meter a traslatèr per ladin la deliberes e i ac aministratives de sia competenza, mìngol per malsegureza , mìngol per mencianza de temp e magari mìngol percheche... l’é più sorì ge manèr su dut a l’ofize linguistich

del Comun general, ence se l’é stat fat na delibera béleche valiva pech temp dant! Per chierir de troèr na soluzion che posse smendrèr l lurier de duc, l Comun general de Fascia à enjignà n strument de condivijion di ac aministratives per talian, con apede la traduzion ladina, che ge é stat prejentà a aministradores e dependenc publics en lunesc passà a Sèn Jan. Chest strument, descheche à dit la procuradora Cristina Donei e la responsàbola de l’Ofize linguistich del Comun general Sabrina Rasom, met a la leta modìe jà  endrezé per la deliberes più

N moment de la prejentazion di neves strumenc per la condivijion di ac aministratives e per la traduzion automatica.

durèdes e l met en rei ac aministratives jà metui jù da vèlch comun, acioche ence i etres posse se n emprevaler. A prejentèr avisa percors e funzionament l’é stat Nadia Chiocchetti e Vittorio Dell’Aquila, che i à portà inant dut l lurier. Ajache bon de spes na pèrt del test de la deliberes che revèrda la medema costions l’é medemo, dant da dut l’é stat fat na enrescida tel corpus a la leta, donca te la deliberes traslatèdes ti ùltimes egn dal Comprenjorie Ladin e dal Comun general e dò na pruma selezion l’é stat enjignà na banca de dac con la desvaliva formules e tipologìes de conzec. Ades ai dependenc publics ge vegnarà dat na password per jir ite tel web olache i podarà troèr fora la delibera più adatèda e mudèr fora demò la data, l’inom del paìsc e la pecia robes che serf mudèr. Con la colaborazion de chi che se emprevèl de chest sistem – à chiarì i esperc - podarà vegnir comedà fora ence la pìcola robes per aer n servije più sorì che l’é meso. L’Ofize linguistich del Comun general – à dit Sabrina Rasom – restarà a la leta se l’é problemes, ma l’obietif l’é chel che duc, con l didament de chisc neves sistemes tecnologics, posse se usèr pian pian a traslatèr per fascian amàncol i tesć de basa, e se oujer a l’Ofize

linguistich demò per consulenzes e control.

TRADIT: traslatèr l’é semper mìngol tradir L conzet che traslatèr l’é semper mìngol tradir l’é cognosciù e slarià fora daperdut, no demò tel mond di tradutores. Canche dapò no se rejona de n tradutor “uman”, ma de n tradutor “automatich”, l risech é amò maor. Per chest, con mìngol de ironìa, l’Istitut Cultural Ladin ge à dat inom “TradIt” (che richiama “Traduzion dal talian” ma ence “tradiment”) al nef sistem de traduzion automatica (ma fossa miec dir “assistida”) dal talian al ladin che é stat prejentà en lunesc passà. N sistem jà en doura tel Friul (olache per l medemo conzet de traduzion-tradiment, ge é stat dat inom “Jude”, che jia anter la paroles furlènes “didèr” e ”Giuda”) ma che ampò l ge sporc n gran didament a chi che laora col ladin e l dèsc de gran possibilitèdes per l svilup del lengaz. Dò aer vedù l lurier fat tel Friul da Sandri Carrozzo de la coprativa Serling de Udin, che se cruzia de bilinguism, l’Istitut Cultural Ladin à pissà de l proponer ence per l fascian, conscidran che con dut l material (banches de dac, dizionères, gramatiches, tesć informatisé) concostà da l’Istitut te egn de lurier, chest tradutor

podea vegnir fat con tempes e speises no tant granes. L projet é stat tout sù e l’é ruà a compiment ence de gra al sostegn del Comun general e de la region Trentin Sudtirol, che à fat ruèr si complimenc per la scomenzadiva tras l’assessor Luigi Chiocchetti. Sandri Carrozzo à moscià coche se pel, dò esser jic tel web con la password, scriver ite na frasa o ence dut n test talian con “copia e encola” te la fenestra de sora, per dapò aer sobito la traduzion sot ite. Descheche dijaane al scomenz, se trata de na traduzion che à amò besegn de vegnir vardèda fora, ampò la é n muie miora de cheles che vegn fat, per ejempie, da Google, ajache chestes – à spiegà Carrozzo – les se basa sul sistem statistich, e donca sun n corpus n muie gran de scric te n lengaz, che ge fèsc “emparèr” la formes al tradutor. L sistem de TradIt, enveze l se poja sul sistem de la regoles, e l linguist espert de informatica cogn meter ite duta la formes e la strutures gramaticales del lengaz. Te chest cajo se trata de n “trasferiment superfizial”, per aer n resultat amò mior ge volessa l “trasferiment fon” che tol en conscidrazion ence la sintassa, ma chest domanassa n lurier n muie maor, con tempes e cosć massa gregn. L’é donca n sistem che l’é benfat che l vegne durà demò da chi che cognosc l ladin, ma che ampò – descheche à dit l diretor de l’ICL Fabio Chiocchetti – l permet de sparagnèr presciapech l 70% del lurier de routine fat per la traduzions. Con la speranza che l vegne durà e che l temp sparagnà posse servir per se conzentrèr tel lurier de enrescida terminologica, da portèr inant semper en colaborazion anter la desvaliva istituzions, ajache no conta nia perder temp duc a fèr la medema robes più outes, l’é miec se emprevaler duc del lurier jà fat da etres per chierir de arjonjer col mender sforz possìbol i maores resultac per l svilup di lengac mendres. (lg)

Cordanzes de colaborazion per Transdolomites La sociazion che da egn se dèsc jù per sostegnir l’idea de la ferata de la Veisc à tout contac col Curatorie di bens culturèi industrièi de Busan e con Confindustria Belun Mobilità alternativa L’empegn e l’atività de la sociazion Transdolomites envers l’idea de la ferata de la Veisc va inant ence del 2013. “L percors che dal 2009 en ca à compagnà l’idea de la ferata Trent - Valèdes de la Veisc à semper palesà na mencianza sistematica de confront che no deida a dèr responetes a dubies o resserves - l’à dit l president de la sociazion Massimo Girardi. Ti soralesc fac da Trent fin te Fascia nesciun à palesà dubies sul met de realisèr l’opera, noscia val

somea donca adatèda per la ferata. L’obietif l’é chel de pontèr via da la proponeta Qnex per miorèr la proponeta finèla e l’é chel che se é dò a fèr. L parer positif ruà dai Ombolc de Fascia va tout sù con favor. Ma, spetan chest, no sion pa stac cec - l’à enjontà Girardi. Via per de jené l’é stat fat fora, a una col Curatorie di bens culturèi industrièi de la Provinzia de Busan, na cord anz a de colaborazion sul tem de la ferata.” L Curatorie l’é na sociazion de aut livel profescionèl con tropes

contac te Tèlia, Austria, Svizra, Germania, che se cruzia de recuperèr i lesc industrièi de enteress artistich ma con na vijion più slarièda. Tel cajo de la ferata l’obietif condividù l’é chel de meter da nef en servije la ferates locales anché no più en atività. A la fin de jené Girardi à scontrà Marco Melchiori, diretor de Confindustria Belun, sociazion che da temp propon l coleament de ferata anter Unejia, Cortina e Zermatt semper per la cordanza de colaborazion su la costion de la ferata, per creèr na squadra con

intendimenc e obietives condividui e se prejentèr a livel nazionèl e internazionèl con na idea projetuèla più struturèda che l’é meso, chela de la Region de la Dolomites metuda en rei con la ferates da mont. L’augure l’é che ence Confindustria a Trent fae pèrt de chesta squadra. L prum vèrech a una de Transdolomites e Confindustria Belun sarà chel de se prejentèr ensema dedant i investitores foresć. Per chest Transdolomites à tout da nef contat col Secretariat Generèl de la Cambra de Comerz

Svizra a Milan per poder endrezèr na prejentazion publica di projec te sia strutura. “Pervedon de esser a Milan de mé del 2013 - l’à dit amò Girardi - anter mé e jugn 2013 Transdolomites se darà jù per endrezèr tel Trentin n emportant event de livel nazionèl se no adertura european sul tem de la ferates secondères, con obietives soraldut projetuèi. L’atenzion di esperc de ferata é dò a se conzentrèr te chisc tempes apontin su la potenzialitèdes de la ferates da mont per la mobilità di residenc e del turism.” www.lauscdiladins.com

17


Fascia

nr. 08 / 22 de fauré 2013

Sènt’Ugèna à endò chiamà i fascegn sun Ciaslir Ence se l’era na sabeda de piena sajon, n muie de jent e raprejentanc de sociazions é jic a onorèr la patrona de Fascia

I fascegn se n arloa sun Ciaslir de Vich per jir a renovèr sia devozion per la Sènta patrona de Fascia Sènt’Ugèna.

Vich - Chest an, aldò de chel che dijea nesc veies, fosc no vegnarà na bona aisciuda, ajache l dì de Sènt’Ugèna l’èga no vegnìa ju per la pontaa. Alincontra a jir sun Ciaslir la neif era bela biencia, batuda e tegnicia, ma chest no à ferà i sonadores de la Musega da Vich e i raprejentanc de Schützen, Union di Ladins, Gropes de folclor da la Val de Sora e da Soraga, che con sia mondures e bandieres no à mencià a l’apuntament di 16 de firé per jir en procescion con don Erminio, i servidores e n bon pecia de jent fin sun Ciaslir de Vich a

onorèr la Sènta patrona de Fascia. A ferèr na partezipazion amò maora l’é stat en cajo l temp de sajon, perché se sà che la sabeda da doman l’é gran da fèr te hotìe e cartieres. L decan don Giuseppe, ensema con don Erminio e don Luigi, l’à conzelebrà la messa, ciantèda dal cor de ciantores de dut l decanat. Te sia perdicia de chest scomenz de careisema don Giuseppe à uzà fora a duta la jent de Fascia n apel fort a ciapèr te noscia mans l Vangele che Sènt’Ugèna ne sporc, a se fermèr te chest lech de pèsc

per pissèr, dant de ciapèr endò ite per jir inant con gaissa. Pissèr a chel che dalbon conta te la vita, che no l’é demò l’aer, con l’ilujion che chest bèste per comedèr ite ogne dificoltà. Pissèr che no bèsta esser nasciui te Fascia, tera de reijes cristiènes, per esser cristiegn, ma ge vel aer l coraje de renovèr ogne dì la scelta de fe. Se lascèr tocèr l cher da Crist. Perché nosc viver da cristiegn – l’à dit – l domana serietà, descheche domana serietà l’esser sentadins de chesta tera fascèna e del mond. Massa cristiegn à

zedù l pas a na fe fata de zerimonies. L decan de Fascia no à mencià de recordèr l fat grief sozedù pec dis dant: la dezijion de Papa Benedet XVI de anunzièr sia demiscions. N at che é sozedù demò dotrei outes te duta la storia de la Gejia. Con chesta dezijion - à dit amò don Giuseppe - l Papa l’à dat na graniscima testimonianza de Crist, na testimonianza che l’à obligà dut l mond, amàncol per n moment, a fèr acort. Paroles che envìa ogneun de nos a se fèr vèlch pensier.

Endèna messa i mures veiores e grosc de la gejia, scrign veior de la devozion di fascegn, no à lascià ruèr ite l tebech del soreie de firé a sciudèr ite i devoc, ma dò messa de fora al soladif, dedant al capitel de la Madona del Rovisi, duc à podù se refizièr con i bogn grostoi e mìngol de té o vin ciaut enjigné da la fémenes da Vich, compagné da la notes de la Musega del paìsc. E dapò se n jir en ju, dò ge aer dat na ùltima veièda al beliscim santuarie de Fascia, e n ùltim salut a la Sènta patrona de noscia val. (lg)

Momenc de la messa zelebrèda te la bela gejia de Sènt’Ugèna dal piovan don Giuseppe Da Prà e dai preves don Erminio Vanzetta e don Luigi Trottner.

***** L cianton de l'Union***** L’Almanach ve speta! Endèna la radunanza de l’Union di Ladins de Fascia, en sàbeda ai 2 de mèrz a Moena, vegnarà portà dant l’ùltima publicazion de la sociazion, che i sozi ciaparà en don Ence per l’Union di Ladins de Fascia l’é ruà l moment de scontrèr si sozi te la radunanza anuèla, che vegn chiamèda ite en sàbeda ai 2 de mèrz da les 17.00 te la sala del Consei del Comun de Moena, en colaborazion col Grop Ladin da Moena.

La soracuerta de l’Almanach 2012 coi dessegnes de Manuel Riz.

18

www.lauscdiladins.com

Sarà l’ocajion per prejentèr l’atività che la sociazion à portà inant via per l’an 2012 e per rejonèr di programes da svilupèr chest an, ma chest an la radunanza sarà soraldut la dreta ocajion per prejentèr na neva bela e piajégola, l’ùltima publicazion de l’Union di Ladins.

Union di Ladins de Fascia Strèda de la Pieif 10, Sèn Jan, Vich Telefon e fax 0462 756545 e-mail: union@ladinsdefascia.it oraries al publich: dal lunesc al vender da les 8.30 a les 12.30 e da les 14.00 a les 18.00

Se trata de l’Almanach 2012, na regoeta di fac più emportanc e curiousc sozedui meis per meis via per l’an passà, compagné a na vida gustegola e ironica dai dessegnes de Manuel Riz.

Se chest codejel troarà aprijiament, la sociazion jirà inant con chest nef projet ence ti egn che vegn.

Apede l’é n pìcol promemoria di fac del 2012 e curiositèdes che pea via da noscia tradizion per viajèr fora per l mond e tel temp.

La publicazion ge vegnarà sporta debant a duc chi che fèsc o renova l’adejion a l’Union di Ladins, o ence a chi che à fat o farà l’abonament a La Usc di Ladins per l’an 2013.

Ma no l’é dut. N regal de più l’é na lingia de rezetes sportes, una ogne meis, da 12 chef de noscia val e per fenir l’é l Zodiach, con la descrizion e la carateristiches de ogne segn.

La radunanza se serarà sù en legreza con n pìcol marendel. L’Union di Ladins donca ve speta de n muie en sàbeda ai 2 de mèrz da les 17.00 te la sala del consei de comun de Moena.


Fascia

nr. 08 / 22 de fauré 2013

Mudamenc de statut per la Coprativa de Ciampedel Estra che l resultat de l’ejercizie 2012, la radunanza à tout dant vèlch mudament al Statut, che l'é stat aproà con vèlch discuscion Ciampedel - L’é stat na radunanza movimentèda chela de la Coprativa de Ciampedel stata en domenia passèda tel teater parochièl a la prejenza de 111 sozi più 12 deleghes. Aldò de l’orden del dì l’era pervedù doi pèrts, chela ordenèra per l’aproazion del bilanz e la litazion di aministradores che jìa fora, e chela straordenèra che à tout dant la revijion del statut, con la mudazion de vèlch artìcol, desche chel che revèrda l’oget sozièl.

L’oget sozièl à fat descorer L’idea de mudèr l’oget sozièl nasc dal fat che la Mèlga de Ciampedel vel vener sie frabicat storich, dò aer fat sù la mèlga neva tel zenter Fascia. L consei de la Coprativa à pissà de l tor sù ajache se trata de n patrimonie storich de Ciampedel, per evitèr che l vae te man de la speculazion e per poder mantegnir na lingia de ativitèdes leèdes a la mèlga desche l Bar Bianco e ence autra ativitèdes desche internet point, paninoteca, servije mensa e c.i., per stravardèr n patrimonie metù sù jai egn da la jent del post e de ùtol ence te na otica de intercooperazion. Per poder realisèr chesta idea l’era debesegn de mudèr l’artìcol relatif a l’oget sozièl, che no l pervedea ativitèdes desche l bar. Te la proponeta del consei, per se verjer più oportunitèdes possìboles l’era stat pissà de meter ite ence la lizenza per vener sfoes, che la perveit ence l jech del lotto, la

L conseier Renato Nazario Micheluzzi, l president Mauro Rizzi e l notèr Elena Corso ge à portà dant a la radunanza l bilanz de ejercizie e i mudamenc al statut da aproèr.

ricevitorìa e c.i. Vèlch intervent del publich à uzà fora che no l’é giust che na coprativa sporje chesta sort de jeghes. L president Mauro Rizzi à volù arsegurèr i sozi sul fat che l’idea no la era chela de voler meter sù le slot machines ma demò no se serèr strèdes per l davegnir. L’é stat coscì dezidù de formulèr da nef la domana de mudament zenza la proponeta de la lizenza de edicola, mudament che la radunanza à aproà a una.

temp. L’é stat mudà ence l’artìcol su la concorenza di sozi, che pervedea de no poder azetèr te anter i sozi jent che posse ge fèr concorenza a l’atività de la Coprativa. Tegnan cont che con l’ùltim mudament tel davegnir la Coprativa podessa ence gestir n bar, l’é stat fat fora che la concorenza cogn esser dreta e efetiva. Etres mudamenc à revardà adeguamenc a la neva leges statutaries de la sozietèdes.

Etres mudamenc

N ùtol de passa 160.000 euro

Auter mudament emportant l’é stat chel che à revardà la encèries sozièles. L veie statut pervedea che dò trei mandac n conseier no aessa più podù vegnir lità, ades l’é stat aproà duc a una de ge jir dò a chel che disc la lege, che anchecondì la permet de jir sorafora i 3 mandac, donca n conseier pel se meter a la leta de la radunanza zenza limic de

Ence se la crisa à pesà, la situazion economica de la Coprativa de Ciampedel é positiva. La véndites é smaorèdes de passa l 2% e l “margine lordo” é passà dal 28,98% del 2011 al 30,38% del 2012 - à dit l conseier Renato Nazario Micheluzzi, che à ilustrà i dac contàboi. A cauja de smaoramenc

contratuèi l peis del cost del personal é passà dal 18,08% al 18,74%, en linia con la media provinzièla. L resultat operatif net l’é de 114.719 euro contra i 111.263 euro del 2012. L’é stat fat investimenc per 16.774 euro per la compra de atrezatures e impianc, e l’é ruà ence n contribut da la PAT per zirca 14.000 euro metui a riduzion de valor complessif de le imobilisazion. L’ùtol de ejercizie, al net de la impostes l’é de 163.998 euro, che é jit per l 30% al fondo de resserva legala, l 3% al fondo che sostegn la cooperazion e l rest al fondo de resserva statutarie. Ence la situazion finanzièla é positiva, la liquidità registrèda ge permetessa a la sozietà de fèr front te ogne moment ai empegnes coi fornitores e l personal. Te l’ejercizie 2012, che à vedù ruèr ite 22 neves sozi e se n jir 2 per n total de 448, la Coprativa à dat fora 79.089 euro anter rebasc e

restorn su la compres, respet ai 76.330 de l’an dant. L’é stat fat compres per 950.020 euro, al lordo de Iva, respet ai 916.874 euro del 2011. Chest an i sozi à podù cerner anter n bon de speisa de 15 euro da spener te boteiga o l liber de Arturo Rossi e Doriano Brunel “Immagini per un sorriso”, che sostegn l grop Freinademetz per l’atività miscionèra a Kimbondo tachèda via da Mama Betty. No l’é mencià l didament de la Coprativa a sociazions e ativitèdes desvalives del teritorie, per n total de 1.866 euro. La radunanza l’é stat ence l’ocajion per renovèr la encèries sozièles. L president Mauro Rizzi e i conseieres Graziano Sensato e Wilma Depaoli era rué a fin mandat ma i se à metù endò a la leta e i fèsc da nef pèrt del consei ensema con Fiorenzo Soraruf, Giancarlo Mendini, Aldo Bernard e Renato Nazario Micheluzzi. (cri.m)

entener e veder l mond del Congo. Apede chest l’é stat ence tout sù bonamans con l marcià e i biliec da Nadèl, fac ence chisc dai pìcoi de la scolina de Ciampedel. Ence l’ombolt de Ciampedel Renzo Valentini à podù aprijièr tant la raprejentazion piajegola del Carnascèr che la sensibilità de la scomenzadiva particolèra e educativa envers i bec de mama Betty e l’à rengrazià duc chi che à lurà per chest, tant la maestres, che i picioi (ge dajan a ic n pìcol segn), i genitores, e en particolèr

Flaviano Riz e Giacomo Soraruf, che “tant fèsc e dèsc per chesta noscia preziousa scolina, element de crescimonia e educazion per l davegnir de noscia comunanza”.

Carnascèr per i bec de Kimbondo La scolina de Ciampedel à portà dant n spetacol ence per didèr i bec de Mama Betty tel Congo Sozietà - En mercol ai 6 de firé te teater de Ciampedel la scolina del paìsc à endrezà na bela festa de Carnascèr. I bec con sia maestres i à chiamà ite genitores, parenc e amisc che en chela dì i é rué de n muie e no i vedea l’ora che scomenzasse l spetacol. Pìcoi e maestres no se à fat spetèr e da canche se à avert la coltrines l’é stat sobito n’atmosfera particolèra e gustegola de carnascèr. Dai guanc a la cianzons ciantèdes a roda e amò con sia patofies gustegoles e chela gran

alegrìa che demò i bec pìcoi sà trasmeter, dut l’é stat bel e i batimans é stac forc e merité. L teater de Ciampedel à moscià sia funzion sozièla e l’é stat amò n’outa n lech per fèr stèr ensema la jent. Dò dai bec l’é stat l’outa di genitores, che i à portà dant la contìa “Biancaneve e i sette nani”. Con si guanc particolères e co la simpatìa e braùra de atores cognosciui, la scena é stata raprejentèda a na vida che se podesse trèr fora n segnificat ence te nosc viver de duc i dis. Coscita

l domesdì é passà te n sent e amen tel segn de la simpatìa. Ma apede a la legreza l’é da sotrissèr n auter aspet emportant: la bonamans toutes sù servirà a comprèr ite materièl didatich per i bec de mère Betty ló da l’ospedèl pediatrich de Kimbondo. I picioi de la scolina de Ciampedel, defat, i à metù en esser n raport particolèr con chisc bec manco fortuné. L’é stat fat n barat de dessegnes per ge fèr veder ai picioi tel Congo nosc mond e nosc paesaje e ence nesc pìcoi i à podù

Errata Corrige

Premià ence Valentino Desilvestro La setemèna passèda aon dat cont de la consegna di pesć ai studenc meritégoi da man de la Cassa Rurala de Fascia e Agordin, stata chest an a Cencenighe. Te anter i studenc fascegn premié l’era ence Valentino Desilvestro da Poza, che l se à laureà en Economìa con la valutazion de 100/100, ma adinfal l’era restà fora da la lingia di inomes publiché. Domanon perdonanza de chest fal a l’enteressà e a duc chi che lec La Usc di Ladins.

I bec de la scolina de Ciampedel e si genitores endèna l spetacol te teater de paìsc. www.lauscdiladins.com

19


nr. 08 / 22 de fauré 2013

La 2^ A de Moena venc l’endesfida su l’ambient Enstadì te Comun general de Fascia la seconda mesènes de Moena e Ciampedel se à batù tel “Green Game”, n quiz con domanes su l’ambient

I bec de la seconda mesènes de Ciampedel e de Moena se à dat batalia te n quiz su l’ambient te Comun general de Fascia.

Poza - Someèa de esser a la trasmiscion televisiva “Per un pugno di libri”, enveze se era te Comun general e l’era i “Green Game. N trofeo per no se jièr l Pianet”. Na scomenzadiva endrezèda da la Rei trentina de educazion de l’Agenzìa Provinzièla per la Protezion de l’Ambient

(APPA) e che é stata slarièda fora te 56 classes de dut l Trentin, più avisa a la prumes e a la secondes de la scola mesènes. Per se enjignèr per l Green Game (Jech Vert) ti meisc passé la classes che à aderì les à cognù se enjignèr e jir più a fon sui temes leé a l’ambient, desche la

sostegnibilità ambientèla, la gestion e la bona prateghes ambientèles en doura te la Comunitèdes de Val e i Comuns trentins registré EMAS. Da chest l’é donca stat pissà de endrezèr chest jech, che à abù la colaborazion de aministrazions e de enc desche la Scola per fèr ruèr

più sorì e a na vida gustegola chesta cognoscenzes su l’ambient ence a la neva generazions e ge fèr cognoscer l sistem en doura te sia val. Te Fascia l’atività é stata portèda inant da Guido Ciocca de l’APPA, Stojan Deville del Comun general de Fascia e la Scola ladina de Fascia

coi responsaboi de la scoles e i professores de la secondes. En vender ai 15 l’é stat l moment de l’endesfida: te Fascia a tor pèrt l’é stat la 2^ A e la 2^ B de Moena e ence la 2^ E e la 2^ F de Ciampedel. Anter domanes con respostes A, B o C e paroles encrojèdes la desvaliva classes se à dat batalia per dut l’inant mesdì te sala grana del Comun general e chi che era più asvelto e che responea delvers ciapèa ponc per venjer l’endesfida. La miora de dutes l’é stat la 2^A de Moena che con chesta venta se à vadagnà l’azess a n’autra fasa del Green Game che sarà a Trent, olache se scontrarà la miora classes del Trentin. La clas che venjarà ence a Trent la ciaparà n pest sot forma de scioldi che cognarà vegnir gestì te Scola, per na raida leèda a la tematiches ambientèles e na pèrt per portèr inant scomenzadives a sostegn de l’ambient. (vr)

“Noi sion fortuné percheche aon n muie de deric” I pensieres di scolees de la classes IV e V de Soraga che à tout pèrt al laboratorie proponet da la prof.a Barbara Bonu I scolees de la classes IV e V populèra de Soraga à tout pèrt dò Nadèl al laboratorie sui deric di bec proponet da la sociazion Accri de Trent e portà dant da la professora Barbara Bonu che l’é la referenta tel setor intercultura de la Scola de Fascia. Vijitan la mostra, endrezèda te sala grana de la scoles de Moena, e tolan pèrt al projet, i scolees à podù fèr na atività dassen enteressanta che li à mené a descorir e capir miec l segnificat di deric di bec e a veder che no daperdut tel mond ge vegn arsegurà ai bec desche ic i medemi deric. Dò aer tout pèrt al laboratorie, ensema a sia ensegnantes i à metù jù chisc pensieres che publicon chiò sotite.

Noi aon n muie de deric Noi bec de quarta e quinta de Soraga, ai 11 de jené sion jic a Moena a veder la mostra sui deric e aon fat n laboratorie. Gio é capì che noi sion n muie

I scolees a la mostra sui deric di bec.

fortuné percheche aon n muie de deric enveze no duc i bec i li à. No me sà giust che l’é bec che no à l derit a la vita e a aer l pare o la mare.

I bec purec no à l derit al nutriment A mi me à piajù n muie l laboratorie perché é ence capì cale che l’é le robe che fae che no va ben, desche canche troe valch te

piat che no me piasc, e me lamente, ma cogne pissar ai bec più purec che no i à l derit al nutriment.

Caramele demò ai bec de l’Italia e de l’America Gio é emparà che la jent di Paìjes più purec desche l Kenia e l’India à manco deric che i bec di Paìjes più riches desche l’Italia e l’America che i n’à n muie de più.

Chest tant la professora Barbara Bonu ne l’à fat capir col “jech de le caramele”: la ne à spartì te cater gropes e la ne à metù te paìjes desvalives: l Kenia, l’India, l’Italia e l’America. La ne trajea le caramele e la ne dijea: “Dai, dai, ciapàle!”, ma la ge le trajea demò a l’Italia e a l’America… Le caramele l’era desche i deric che i bec à te ogne Stat.

più purec, che te l’Africa i bec i à pec deric e ic i cogn lurar e no i à jeghes. Noi aon entenù che sion n muie fortuné percheche aon duc i deric e no se n ascorjon. La professora Barbara ne à fat jiar a n bel jech e aon entenù che i Stac più purec era Kenia e India e chi fortuné Italia e USA. Dapò l’é stat n muie bel canche Barbara la ne à contà na contìa sui deric.

L’é bec che no à fortuna

I deric di bec

A mi me à piajù l laboratorie perché é emparà che l’é bec che no à “fortuna”. Me à tocià che i bec purec no i à da magnar o l derit a la vita, a la ciasa, a la familia, a la zitadinanza, a jiar e a jir a scola.

Chesta mostra la é stata costrutiva. Aon emparà nesc deric. Aon fat n jech e dò chest jech sion jic a veder placac con su n muie de deric. Sui placac l’era spiegazion e foto sui deric che l’é:

La professora Barbara ne à contà na contìa sui deric Chesta mostra di deric la é stata n muie ùtola percheche aon entenù i deric di bec tel mond. Aon entenù cai che l’é i Paìjes

Derit al jech Derit a la ciasa Derit a la vita Derit a la giustizia Derit a se stufar Derit a la zitadinanza Derit a la familia Derit al nutriment Derit a l’istruzion e... Derit a aer deric! Ne à piajù l derit al jech!!!! Aon entenù che no te dut l mond i deric i é respeté. Ne à piajù n muie.

Bec zenza deric Ence chi bec che é morc tel ciamp de conzentrament no i à abù l derit a la vita e a aer l pare o la mare. Cheste l’é robe che fasc la jent cativa percheche la creit che autra jent la sie da demanco che ic e chest no me sà giust. I bec de la clas V tedant al placat sui deric.

20

www.lauscdiladins.com

I scolees de IV ensema a la professora Barbara Bonu.

I scolees de le clasc IV e V populara de Soraga


Fascia

nr. 08 / 22 de fauré 2013

A Schladming, con gaissa Joegn e manco joegn, duc ensema a sostegnir nesc atlec. L’aessa podù jir ence miec, ma se aon godù n muie

L grop de fascegn a Schladming coi atlec Chiara Costazza, Stefano Gross, Manfred Mölgg, Angelo Weiss e Patrick Thaler.

Mesa les 8 da doman di 16 de firé: duc enjigné per pontèr via envers Schladming. Béleche 20 persones, de ogne età e duc engaissé per jir a sostegnir nesc atlec che garejea ti Mondièi de schi. Dò aer ciarià duta la massarìes sion ponté via, e dò n pèr de sostes per meter zeche sot i dents e no fèr secèr la grasala, sion rué te la zità austriaca. N’outa metù via la roba te cartier, sion jic mìngol stroz e da sobito aon capì che l clima che se respirèa l’era de gran festa; jent daperdut, encolorida sù con ogne color, regolèda da mèscra, musega da fèr vegnir svergoi e duta cantes la persones aiegres. L program l’era de jir a vardèr l’estrazion di numeres di atlec, ma vedù la marea de jent e la fadìa tel se mever, aon dezidù de jir a se beiver zeche; e da ló l’é partì noscia festa che anter bai, bezes e biretes, la n’à dassen fat goder. La domenia se aon descedà mìngol destrametui, ma contenc e engaissé de jir a vardèr la gara. Da les 8 siane jà te tribuna a

spetèr che pee via i atlec. No vedane l’ora: anter krapfen e crofegn con liènies l’é ruà sobito les diesc. Bandieres austriaches en festa e n gran cajin per duc i atlec. La gara é passèda en prescia ma pecià… no la é jita coche speraane: 3 di 4 taliegn no à fenì la seconda manche, e l mior l’é stat nosc Stefano Gross, che dò n burt fal te la pruma proa, l’à arjont n undejeisem post. L’é ora de partir e vegnir de retorn, ma no dant esser passé a saludèr nesc atlec te si hotel: compliments, vèlch fotograf ìa e

partion. Straches ma amò co la voa de ciantèr e balèr, mìngol despiajui per i reultac de la gara ma contenc de la beliscima esperienza passèda. Anter vic e sgherc se aon dassen godù, donca no me resta che rengrazièr duc chi che é vegnui e la persones che à metù so temp e se à dat ju per endrezèr chesta trasferta jita dalbon delvers. Emben n salut a dut l Fan Club de Sabo e VAMOSSSS.... a n’autra più bela! Matteo Iori

Béleche vint edizion L Zircol de la jent de età de Poza à dat fora l nef numer del boletin, l numer 19 Sociazions - Ence chest invern l’é vegnù fora l nef boletin del Zircol de la jent de età de Poza. L’é l numer 19 e l’é l prum del 2013. Da béleche vint edizion Maria Teresa Fanton con so om Luciano Crepaz e si colaboradores no mencia de contèr de chel che vegn fat tel zircol e de p or tèr dant ref le scions , ensegnamenc, ma ence curiositèdes e ciantons da grignèr. Che à colaborà te chest numer

l’é stat la presidenta del Zircol, Mara Cincelli, Rita Grünwald che à scrit jù na “Contìa per duc” che à desche protagonisć doi frèdes che se fèsc ciapèr ite da la ires e da la descordia. Semper la medema Rita Grünwald à recordà la raida fata al Santuarie de la Madona de Lourdes al Nevegal. Te chest numer del boletin Maria Teresa Fanton conta de sia esperienza con la monies a Sèn Jan, de canche la era

joena e la passèa la jebia e la domenia domarena da eles, che ge à ensegnà i valores de la vita e che é semper states n ejempie per duta la comunanza. Laìte se troa dapò ence na orazion a la Madona de l’Aiut, patrona de la gejia de Poza, e l cianton “Malintesi” metù jù col didament de Luciano Vian, e a dèr so contribut l’é stat ence l colonel Umberto Ponzani per la fotografìes.

N bel boletin ence enstouta con desvaliva poejìes, rezetes per engolardir i celores de la bocia, tant coi douces che col salà e dapò amò mìngol de tradizion con i dic e ejercizies per fascian e ence patofies da grignèr e cianties per stèr ensema. No vedon l’ora che vegne fora l numer 20! (vr) La soracuerta del numer 19 del boletin de la Jent de età de Poza.

Chi él pa? Soluzion del retrat su La Usc nr 07 del 2013 Dant de ve dir del retrat publicà la setemèna passèda, fajon n vèrech endò e ve dijon vèlch en cont del retrat di comedianc de Ciampedel publicà la pruma outa su La Usc nr 6. Ne à chiamà Eleonora Riz da Ciampedel, e la ne à dit che chesta comedia, fata ti egn ’45, l’é stat la pruma olache à podù tor pèrt ence la eles: dant l’era i omegn che fajea ence la pèrt de

2 1

3

4

5

la femenes. Sul retrat l’era su: 1. Vittorio Riz Peta; 2. Agnol Riz de Janoto, fra de Eleonora; 3. Gigio Bernard Bais; 4. Simon Bernard de Mattel; 5. en dubie anter la neza de Rosina Iori e Erminia Pedala; 6. Johanna Franchetti; 7. Olinda Riz; 8. Giulia Battel Pascalina; 9. Ziperle Bernard de Manele; 10. Paul Sommavilla Tontin; 11. Bastian Soraruf Minela; 12. Anna Battel, sor de la numer 8; 13. Francesco

6

7 8

9

10

“Tate” Decrestina Pascalin; 14. Rosina Iori de Batestin; 15. Gino Cinzol da Poza; 16. Anna da Dèlba, femena de Tate; 17. Erica Mazzel de Batistol. L retrat publicà la setemèna passèda enveze ne era stat portà da Bruno Ghetta de Martin da Vich, che l ne à contà che l’era stat fat l dì de Sènt’Ugèna, ai 16 de firé de l’an 1953 e l’é sù i conscric del 1933. A ne dèr la resposta, apede al medemo Bruno, enstouta l’é stat ence Arturo Rasom de Gotart e Lino Soraperra Medico. Sul retrat l’é: 1. Giuseppe (Bepin) Gross de Ciaria; 2. Mario Vian de Poch; 3. Renato Zancanaro; 4. Fedele Vian de Poch; 5. don Andrea da la Polonia, capelan; 6. don Fortunato Rossi, monsegnor; 7. Arturo Rasom de Gotart; 8. Bruno Ghetta de Martin; 9. Romano Zulian da Soraga (per Lino podessa esser Vito Vian de Peghen); 10. Renato Calligari de Craut. Ge sporjon n bel develpai a chi che ne à didà ence chest’outa a meter ensema na mizàcola de noscia storia e ve meton dant n

retrat de familia che vegn da la val de Sora. Ve preon de ne dèr voscia resposta inant de en mèrtesc dal mesdì te redazion, ence per telefon o fax al 0462.764545 o per mail a la direzion lausc@ladinsdefascia.

it. Ve recordon che chi che ne dèsc la resposta giusta o troa fora amàncol la maor pèrt de la jent sul retrat i ciapa en don n liber o n CD de musega, sporc da l’Union di Ladins de Fascia.

6

5

7

8

1

2

3 4

www.lauscdiladins.com

21


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

Thomas Comploi sëurastant A S. Cristina à la Lia di Artejans lità l cunsëi nuef ntan la senteda generela. Thomas Comploi ie inò unì lità coche sëurastant dl luech Lies - “Dlongia l turism ie l artejanat una dla majera seves per l’economia de nosc luech”, dij Comploi, che à te chësta ucajion nce rengrazià l cunsëi per la bona cunlaurazion ntan i ultimi cin’ ani. Ajache la Lia di Artejans à lità a livel di raions provinziei duc i organns nueves iel nce unì lità a S. Cristina l cunsëi nuef. Thomas Comploi ie te chësta ucajion inò unì metù coche sëurastant. Te cunsëi iel unì lità per i proscimi cin’ ani Patrick Mutschlechner coche vize sëurastant, Markus Insam, Hugo Malsiner, Emanuel Nogler, Diego Deiana y Christian Burger che cialerà de sustenì i bujëns di artejans. Leprò ie nce Samuel Perathoner cun na ncëria da reprejentant te cërta ucajions. L sëurastant ulëssa ti dé n majer pëis ai jëuni che vën do. L artejanat artistich tol ite na gran pert dl artejanat de S. Cristina. “Te chësc mumënt à l artejanat artistich de gran deficulteies, davia che l ne vën nia dat assé da lëur”, dij Comploi. Markus Insam y Emanuel Nogler à giapà la odla de bront per vester stac diesc ani alalongia te cunsëi dla Lia. Gert Lanz, presidënt dla Lia di Artejans a livel provinziel, y Ivo Insam, sëurastant a livel de valeda, à rengrazià Markus y Emanuel per si mpëni coche nce

nr. 08 / 22 de fauré 2013

L cianton dla Union Union di Ladins de Gherdëina Cësa di Ladins, str. Rezia 83, Urtijëi - Tel: 0471 796870, e-mail: info@ulg.it

Reunion Generela dla Union di Ladins de Gherdëina La Union di Ladins de Gherdëina fej al savëi che la tën si Reunion Generela ncuei vënderdi ai 22 de fauré tla Cësa di Ladins a Urtijëi dala 8 da sëira te prima cuntlameda y da mesa la nuef da sëira te segonda cuntlameda. Sun l orden dl di iel la relazion dl’atività fata ntan l ann 2012 y dl’atività per l ann 2013 y l sarà da dé pro l rendicont de cassa 2012. Chëst ann saràl nce inò la veles dl cunsëi nuef.

Sce vel’un o vel’una ëss ueia y nteres de fé pea pra l cunsëi de nosta lia iel/a bënunì/ida. Prion bel de nes l fé al savëi te nosc ufize o a n cunselier o nce n l di dla reunion generela. Vosta prejënza ie n gran sustëni per lauré inant per l bën dla Union di Ladins de Gherdëina. Sention gra a duc i scric ite dla Union di Ladins de Gherdëina per si sustëni y i nvion de cuer a si Reunion Generela.

L cunsëi dla Lia di Artejans de S. Cristina. Dancà da man ciancia: l sëurastant Thomas Comploi, Hugo Malsiner, Emanuel Nogler, Markus Insam. Dovia: l vize sëurastant Patrick Mutschlechner, Christian Burger, Diego Deiana y Samuel Perathoner.

dut l cunsëi y l sëurastant che dà ca truep de si tëmp liede per l bën dl artejanat. Nce l ambolt Eugen Hofer auza ora la bona cunlaurazion danter Chemun y artejans. L sëurastant Comploi rengrazia da si pert y sotrissea che l Chemun ie for a despusizion per i bujëns di artejans. L fin dl Chemun coche nce

di artejans ie chël de cialé che l luech de S. Cristina devënte plu nteressant y atratif, do che l ie unì fat la streda de zircumvalazion. I artejans à bele pensà de abelì la “Raida dl luech“ cun sies figures de bront che dëssa rënder chësta raida plu nteressanta per families, seniores y nce per turisć.

Ntan la sëira leterera d’instà tl verzon dla Cësa di Ladins.

Cian y patron: l var pra l 118 La grupa Alpin Dogs de Gherdëina ie nstadì unida tëuta su pra l 118, l numer y la urganisazion per purté aiut

La grupa di Alpin Dogs de Gherdëina.

Lies - Giut àla durà. La grupa Alpin Dogs cun si cians da jì a crì jënt ie bele unida metuda su dan ades cin’ ani. Ntant iel unì fat truepa furmazion, truepa proes y truepa atività deberieda. Nchinamò ne fova la grupa nia mo recunesciuda a livel istituzionel, chël uel dì che la ne jiva nia ite formalmënter te na urganisazion de prutezion zevila. Tan deplù ie la grupa śën cuntënta che la ie unida tëuta su tl 118. Dlongia la pert istituzionela ie chësc n recunescimënt dla cualità dla grupa, dla prufesciunalità y nce dl bujën che la cumenanza à de n sustëni sun mesura te caji de desgrazia o canche zachei se pierd. I presuposć per ruvé pra l 118 ie danter l auter na lingia de ejams de livel nce naziunel che duc muessa fé, tlo iel danter l auter la maniera

22

www.lauscdiladins.com

Ntan na proa cun i Catores.

de jì a crì, l prim aiut, l curs de funch, dl tëmp, dla geografia, dla chertografia y nsci inant. La grupa vën śën cherdeda tres l numer de prim aiut dl 118. La cherdeda ti va al respunsabl dla grupa Alpin Dogs, che se cruzia de cherdé adum nce i autri. La cuordinazion di ntervënc vën pona fata aldò de ulache l ntervënt ie da fé, iló pòssel vester o i Destudafuech o n’autra lia o istituzion de prim aiut che cuordinea.

metuda su tl 2008 da Rino Demetz cun si cian King, Margot Demetz cun i doi cians Ali y Ronnie y Andrea Perathoner cun Tibó. Ntant iela chersciuda, unit leprò iel Elmar Kasslatter cun Laurin, Didi Bauer cun Lilly, Erika Faltner cun Dana,

Julian Mussner cun Collin y Oliver Prossliner cun Ally. I cians ie de d’uni sort de razes. Mpurtant pra l cian ie la furmazion aldò, che uel dì ani de proes deberieda cun l patron. Coche dì, l’atività possa mé unì fata sce patron y cian ie dut un,

n team, chersciù adum, belau te na sort de simbiosa de n bon raport danter persona y cian. La furmazion vën for fata tla grupa. Ntant à Andrea Perathoner y Margot Demetz fat l ejam da istrutëures. (David Lardschneider)

La grupa Alpin Dogs de Gherdëina Pra la Grupa Alpin Dogs de Gherdëina se tràtel de na grupa de ot cumëmbri cun nuef cians che va a crì jënt pra desgrazies o canche zachei se à perdù. La grupa ie unida

Ally chier sun na levina.

Tibó chier danter la cëses tumedes nsëuralauter.


Gherdëina

nr. 08 / 22 de fauré 2013

Scoles de schi n mascra N merdi de carnescià iel stat a S. Cristina la gran defileda cun la trëi scoles de schi tradiziuneles

Desmustrazions sun i schi, mascres y devertimënt d'uni sort tres l raion da jì a pe de S.Cristina.

Scoles de schi - Na gran cumpëida de jënt ie unida adalerch n merdi de carnescià a S. Cristina per se goder l spetacul sun i schi ju per l raion da jì a pe. Do la show tradiziunela cun i schi - chësta zënza mascres, ulache l ie unì mustrà plu tecniches de jì cun i schi

alpin y cun l snowboard ma nce de pudejé, iel nce stat la ejibizion dl freestyle, cun sauc d’uni sort. Da dedò pra la defileda iel stat da udëi truep maestri de schi dla scoles tradiziuneles de schi de Gherdëina che se ova mascrà su cun gran fantajia.

La urganisazion dla sëira ie unida fata deberieda cun la Lia per l Turism de S. Cristina y l Chemun de S. Cristina. La nëif ie unida meneda adalerch da Rottensteiner, la Scola de Schi de S. Cristina se à cruzià dla defileda nstëssa, la Lia per l Turism deberieda cun l

Chemun de dut chël che va debujën a livel logistich ntëurite. Per la defileda ie l zënter de S. Cristina sambën unì dsarà ju. “L ie stat na bela ucajion de se nuzé dl raion da jì a pe nce d’inviern,” auza ora la presidënta dla Lia per l Turism de S. Cristina Renate Senoner, che

à abù ”n gran plajëi a udëi i propi truep vijitadëures da tlo.” Pra i stonc iel unì dat ora de bon té y vin cuet, y sambën à la ustaries dl zënter tenì daviert. Daviertes nce la butëighes, che ti à nscila dat l mesun ai vijitadëures da tlo y ai turisć de fé mpue’ de shopping. (dl)

(fotografies de Jaime Venturini)

www.lauscdiladins.com

23


Gherdëina

nr. 08 / 22 de fauré 2013

Seniëur Luis cumplësc 95 ani

Curëisema

Ala fin dl mëns, plu avisa ai 28 de fauré possa nosc Sn. Luis Senoner de Ciablon festejé la bela età de 95 ani

Ntan la Curëisema cëlen de giajuné y de se purifiché. Ma co cëlel pa ora tl’autra religions y co fòvel pa plu da giut?

Persones - Coche de plu de nëus sà, viv Sn. Luis dal 2002 incà tl cunvënt dla munighes de S. Michael-Eppan, ulache l vën dut ntëur secudì bën. Scebën che l ie scialdi de tëmp, pòssen dì che l se n sta do la rata bëndebo’ bën, sambën cun vel’ da mei plu o manco senestri che vën a s’l dé canche n va inant ti ani. Ma Sn. Luis ie for mo bon y à mo for la gran ulentà de udëi positivamënter si bela età, azetan te na maniera bieda cie che l di ti pieta. Povester ie propi chësta si maniera de viver, si gran fede y fianza tl timor sant de Die che ti dona mo bona vivanda y forzes. Sn. Luis à for legrëza a liejer la ”Usc di Ladins”, dantaldut la nuveles da Gherdëina. Nce sce l se stënta a udëi àl for gran pazienza a liejer tres dut, se juan sambën dl udlon. Povester se stëntel deplù a audì sce n l chërda su al telefonn. L majer plajëi ti féjen dessegur sce

Curëisema - Tradizions de Curëisema iel te duta la religions dl mond da truep centeneies incà. Bele i egizians ova tradizions n con’ dl giajuné. Ëi cialova de schivé de maië pësc ntan che i pësc fajova ueves. Tl Medieve fova la regules dla Curëisema scialdi sciorfes. N fajova plu tëmps de giajun che durova de ndut 130 dis al ann. Per sëuraviver tan de dis zënza maië cërn, dëssa vel’ pater ti cunvënc avëi tlassificà l castor y la luntra coche pësc, ajache chëi pudòven maië. Nce ti crafuncins trapulòven datrai ite mpue’ de cërn.

n se tol dl’aurela de jì a l crì. Y l ie propi unitant zachei de Gherdëina che tachelnea pra si usc. Na pitla ciaculeda àl daniëura gën, nce sce l se stancia datrai. Ma avëi cuntat cun si jënt, cun si valeda, cun si rujeneda a chëla che l ti à for dat gran valor, che l à prijà dassënn, ie per Sn. Luis n gran pitl juel, la richëza de si identità ladina. Pona salùdel pa tosc, dajan da ntënder che povester fòvel mpo mo sfadiëus a scuté su, davia che l pëis di ani l à fat deventé mpue’ dur de urëdla. Si miëur cumpani via per l di ie l prië. Urazion y meditazion tol ite gran pert de si tëmp. Nsci ie la vita: l passé di ani storj bel plan l corp, ma la spiritulità dla persona y si vester resta inant tl tëmp. Per l cumplì di 95 ani ti mbincions che la sanità ti sibe n bon fust sterch sun chël che l possa mo se stizé giut alalongia, che la pitla legrëzes da uni di ti sibe de

La Curëisema a cunfront Sn. Luis Senoner de Ciablon.

balsam per si vester, che l’ansciuda che vën docà ti sibe coche jërf rich de linfa per corp y ana. Dut l bon, Sn. Luis! Marta Senoner

Floc de nëif sot al udlon Da ulà vën pa i floc de nëif y ciuldì ie pa uniun autramënter? N valguna nfurmazions n con’ dl’ega y di cristai de nëif i floc ie tan lesieres y fins. Permez a ega, che à for na temperatura ciauda, ie dlacia manco tocia, manco spëssa. Perchël sta nce la dlacia sëura l’ega via. Che cristai ie nce fac d’aria pòssen udëi canche n dlëiga n liter de nëif. Ala fin àn mé plu 0,25 litri de ega, chël uel dì che belau trëi cherc dl floch ie aria.

Uni floch de nëif cëla ora autramënter

Tla religion cristiana scumëncia la Curëisema cun l di de Capion. Ntan i caranta dis de Curëisema se lecòrden dl giajun de Gejù tl desert y n se njënia ca psichicamënter y te na maniera spirituela ala festa de Pasca. Zacan ne buova i granc degun lat y ne maiova no cërn y no ueves ntan la Curëisema. Al didancuei vëniel per la gran pert mé plu giajunà n Capion y n Vënderdi Sant. Tla dlieja ortodossa àn plu tëmps de Curëisema ntan l ann. Iló scumëncela bele set enes dan Pasca. N cëla de schivé prudoc de tieres, alcol y gras. Nce i judieres à n valgun dis ulache n giajunea. N l di dl perdonn Jom Kippur, che ie una dla majera festes dl calënder ebraich,

Curëisema.

féjen 25 ëura de giajun, ntan chëles che n ne dëssa no maië y no bever. Tl islam ie l giajun una dla cin’ seves dla religion. Tl mëns de giajun Ramadan ne maia y bev i musulmans daduman nchin da sëira nia. L Ramadan ie l tëmp dla cuscienza y l dëssa renfurzé la fede y la desciplina cun sé nstësc. Na gran mpurtanza à l giajun nce tl budism.

Al didancuei ne giajunea nia mé plu i credënc L giajun ie deventà na moda per tò ju de pëis o per se desgorjer da alcol o zigaretes. D’autri cëla de schivé la televijion, facebook, lifc o monce l auto. L ie unfat cie che n cëla nce de schivé, mpurtant iel che n ne l lascia nia tan te n colp, ajache l corp ie usà a avëi chëla cossa. Canche la Curëisema ie fineda se damanda l corp suvënz mo n tant de chël che n à lascià vester per chësc struf. Sofia Stuflesser

Ronc Arena a Urtijëi Dlongia na lingia de mudazion dl program di lëures publics vëniel te Cunsëi de Chemun de Urtijëi rujenà dla Ronc Arena, dla streda de zircumvalazion y dla plaza dai auti via n Setil

La forma fisica dl’ega: dlacia, ega, tanf.

Nëif - Duc cunësc la storia de Frau Holle che lascia tumé ju de bela pluma dal ciel. Ma perdrët se fej la nëif tla nibles, canche la temperatura va ju sot a 0° degré. Ora dl tanf che ie tla nibles, se fej de pitli cristai de dlacia. Uni cristal ie fat da sies molecules de ega. Na molecula ie n valgun atoms che taca adum. La molecula ega (H2O) ie fata da doi atoms de idrogenn “H2“ (vërc sun l dessëni) y un de ossigenn “O”, (brums sun l dessëni). L idrogenn ie ciarià positif y l ossigenn negatif. Ajache plus y minus se tira un cun l auter coche pra n maniet, se tira l idrogenn de

una na molecula adum cun l ossigenn dl’autra molecula. Canche l vën l vënt, sóflel adum i cristai de nëif, a na maniera che i tòc se taca adum, dlacian pro un cun l auter. Truep cristai de nëif adum fej nsci n floch de nëif.

Plu ciaut che l ie y plu che la molecules se muev Plu frëit che l ie y plu stares che la molecules sta una dalonc dal’autra, coche l suzed pra l floch de nëif. Danter la molecules che fej n cristal de nëif iel perchël for mpue’ d’aria y chëla fej a na maniera che

Uni floch à na si storia persunela. Molecules d’ega devënta floc de nëif desferënc aldò dla temperatura, dl tume y dl’energia che ie ntëur ëi. Truep studies à desmustrà che mujiga, ciamps manietics o nce mé pensieres possa nfluenzé la forma dl floch. Ega ie perchël bele da truep ani incà unida sciazeda per si forza de varì. Sce penson che l 70% de nosc corp ie fat d’ega, pudons se nmaginé tant che nosc pensieres nes nfluenzea. Che floc de nëif ie n’opra d’ert d’ega y d’aria, nes mostra chisc biei pultrec dl macrofotograf rus Andrew Osokin.

Uni floch de nëif ie autramënter. Pultrec dl macrofotograf rus Andrew Osokin. 

24

www.lauscdiladins.com

Sofia Stuflesser

L Cunsëi de Chemun de Urtijëi.

Urtijëi Chemun - L Cunsëi de Chemun de Urtijëi se anconta per na senteda ai 1. de merz dala cater domesdì. Chësc ie l ordenn dl di: 1. Dé pro l protocol dla senteda dl Cunsëi de Chemun di 19.12.2012, dat ju tl ufize secretariat dl Chemun. 2. Dé pro mo n iede la deliberazion nr. 45 di 28.01.2013 dla Jonta de Chemun n con’ de mudazions de prëscia al bilanz de previjion 2013. 3. Mudazions al bilanz de previjion 2013 y al program generel di lëures publics cun l plann de finanziamënt revardënt. 4. Mudazion al plann urbanistich cumenel – mëter ite la Ronc Arena, la streda de zircumvalazion de

Urtijëi y la ntreda ala cësa da lascé i auti/stadio dala dlacia Setil – contlujions n con’ dla usservazions y prupostes fates. 5. Mudé ora l cumëmber suplënt di Destudafuech tla cumiscion cumenela per l frabiché. 6. Mudé ora l reprejentant di Destudafuech tla cumiscion per l egaduz de chemun. 7. Dé pro l regulamënt per la gestion dla roba che n à giatà da tlupé su. 7bis. Numiné n cunselier per l cunsëi de aministrazion dl ”Zënter per la defendura dl ambient Gherdëina / Ciastel S.p.A.”. 8. Comunicazions.


Gherdëina

nr. 08 / 22 de fauré 2013

Vienna Horns, n ensemble de 12 corni Gran suzes à abù l cunzert di Jëuni de Mujiga de Gherdëina cun l ensemble ”Vienna Horns”. L ie unit adalerch da stramp truepa jënt nce da oradecà, dantaldut cumëmbri de mujighes che se dà ju nstësc cun strumënc de banda o propi cun l corn Mujiga - Tan de corni ne àn mo mei udù tl gran salamënt dla Cësa de Cultura a Urtijëi coche n mierculdi ai 6 de fauré. Bën dodesc corni cuncei su un dlongia l auter fova unic adalerch da Viena per nes lascé audì n program lià al gran tema dl chino y de si storia, che ova scumencià dantaldut da Hollywood. Cun i dodesc corni (dut ëi) fòvel nce unit pea la jëuna Chris Pichler, che à cuntà mpue’ duta la storia y l svilup dla gran fabrich dai films che ie Hollywood. Doi percuscionisć, che sunova la pauches, l pitl y l gran tamburdl, l xilofonn, la ciampanes y mo d’autri strumënc a percuscion, ti à dat ai pec l drë’ ritm. L dirighënt de chësc ensemble drët particuler ie Carsten Paap.

Mujighes de films Pra la pert mujighela dl program se tratòvela dantaldut de mujighes y meludies tëutes ora da films cunesciui sciche ”Pirates of the Caribbean”, ”Robin Hood Prince of the Thieves”, ”Harry Potter and the Goblet of Fire” o ”Romeo e Giulietta” cun la mujiga de Nino Rota, per n cumpedé su mé n valguni.

L corn y si sonn particuler L sonn de tan de corni ie zeche de particuler. L corn ie n strumënt

cun chël che n possa ti dé al sonn truep culëures, scumencé da n tonn scialdi bas y ruvé su ti tonns plu auc. A chësta maniera iel mesun de purté dant na mujiga sinfonica cumpleta, zënza messëi avëi plu ”mesures” de corni, coche l suzed pra i flauc o pra i tlarinec cun strumënc che va dal soprann al bas.

Gran tecnica y cunescënza dl strumënt Tl scumenciamënt, sibe dla prima che dla segonda pert, à l ensemble sunà na fanfara drët ritmica cun l sustënti dla pauches y dl tamburdl. La segonda fanfara do la pausa à dessegur trueps cunesciù, ajache l se tratova dla fanfara olimpica di juesc de Atlanta dl ann 1996. I autri pec dajova sambën la sensazion de vester te un o tl auter film y judova a se nmaginé l’atmosfera datrai romantica y datrai ncherscëula de chisc films. I corni ie boni de mudelé l sonn dal plu chiet pianissimo a n fortissimo che te pëia propi ite fisicamënter. I ie perchël scialdi adatei a fé do mujighes de uni sort che vën scenó sunedes cun n’orchestra ntiera. Sambën che per arjonjer chësc muessa i sunadëures avëi n livel drët aut de tecnica y cunëscer a fonz si strumënt. L livel de chisc dodesc corni fova drët bon, nce sce ti tonns plu auc iel suzedù vel’

Vienna Horns tla Cësa de Cultura a Urtijëi.

pitla sbrisceda, ma chël muessen ti perduné ai corni...

La zità de Hollywood Cosses nteressantes de Hollywood y dl mond dl film àn audì dala jëuna Chris Pichler. Ëila à cuntà cun na drë’ bela maniera de rujené y cun na bela prosodia coche la zità de Hollywood ie nasciuda, coche i prim films ie nasciui, ce streda che i prim stars dl film à messù fé per ruvé tan inant. Ëila à purtà dant truepa curiusiteies, che

puec ëssa sapù. Chi ëssa pa per ejëmpl sapù che Albert Einstein fova rabiëus de mparé a cunëscer Charly Chaplin o che Greta Garbo ne jiva da sëira mei a se devertì. Chi ëssa pa sapù che l moto de vita de Marlene Dietrich fova: „Sce pudësse viver mi vita mo n iede, fajëssi avisa i medemi fai, ma mé mpue’ plu abenëura per pudëi me i goder miec.” Nsci àn pudù se fé n cheder de Hollywood tres la paroles y tres la mujiga. Per capì mo miec i pec de mujiga ëssa la jëuna Chris Pichler pudù junté leprò pra si blòta stories

de Hollywood y i films nce zeche de cuncret di pec purtei dant; a chëla maniera ëssa la truepa jënt unida a scuté su capì mo miec i pec singuli purtei dant. Rengrazian i Jëuni de Mujiga de Gherdëina per chësc bel cunzert aspitons bele cun legrëza sun l proscimo cunzert che sarà n sada ai 2 de merz tla dlieja de Sëlva, ulache l cianterà y sunerà l Ensemble Gherdëina y l Marini Consort de Dispruch la Mëssa n e-moll de Bruckner. T. Rifesser

La storia de vita de Sabatina James Na storia de na jëuna che ie unida bele da pitla dal Pachistan tl’Europa, se cunvertian dal islam al cristianejim Persones - ”Uni cin’ menuc mòrel sun chësc mond n cristian per si cristianejim“, cun chësta paroles à Sabatina James scumencià la cunferënza per i jurnalisć n con’ dla persecuzion di cristians, ulache la à pona cuntà de si vita y de si cunverscion al cristianejim. Sabatina James, na muta de diesc ani, fova ruveda tl 1992 cun si genitores dal Pachistan tl’Austria. Iló dlongia Linz àla scumencià a fé l gymnasium y se ova usà ala vita de si cumpanies.

Da cësa ora musulmana, òvela mparà a cunëscer nce l cristianejim. Ma si genitores ne ulova nia n savëi di cristians. I à scumencià a la sfurzé y a ti n mené, acioche la ne ebe nia da n fé cun i cristians. A chësta moda àla abù truep da patì. Acioche la ne se lascëssa io no nfluenzé da cristians, l’à si pere fata jì te na scola dl Coran tl Pachistan. Iló ti nseniovi a desbuté coche i cristians vivova y ëila fova unida drameda y malterjeda. Pona ulovi che ëila maridëssa, contra si ulentà, n jurman. Sun na tela

iela pieda via y ie jita de reviers tl’Europa y se à cunvertì al cristianejim.

Sabatina James.

Sabatina James cëla de ti judé a ëiles che ie te na situazion coche la sia.

Da canche i genitores ie unic a l savëi, tl 2001, ne ueli nia plu avëi da n fé cun si fia. I l’à smacheda ora dla familia y mo piec, si pere y n preve musulman l’à cundaneda a mort! Da ntlëuta incà muessela mucé y ne se lascé nia plu udëi. Da diesc ani incà ne n’iel plu degun cuntat cun la familia. La ie mpue’ ti Paejes Tudësc, mpue’ tl’Austria. La cëla de ti judé a ëiles che ie te

na situazion coche ëila. La à scrit y dat ora n liber ”Mé la urità nes fej liedesc - Mi vita danter islam y cristianejim”. Ëila scrij: “L cristianejim me à fat sterscia. Gejù me à metù ite cunvinzion. Ël ti perdona ai nemics, se dà ju cun duc, nce cun i piciadëures, y ie mort sun la crëusc. Chësta ie na religion dl amor.” Uni cin’ menuc mòrel sun chësc mond n cristian per si fede. L 70 nchin a 75 percënt dla jënt che vën perseghiteda per si crëidum

ie cristians. Sabatina – chësc ie n inuem che ëila se à dat per se ascuender – nvieia la jënt de si religion a ti dé lidëza ai cristians. Ëila dij: ”Sce l verd nzaul n Coran (la Bibia di musulmans), pona vëniel prutestà, sce n ti dà fuech ai cristians, chi se muev pa iló?” Chël che Sabatina se mbincëssa? ”De udëi inò mi familia. Ma iló messëssa se mudé l tlima te nosta region. Ne sé sce aré la fertuna de udëi chësta mudazion?” Sn. Artur dl Sartëur

Sabatina James pra n cunvëni. www.lauscdiladins.com

25


Gherdëina

nr. 08 / 22 de fauré 2013

La “scuderia Ferrari” te Gherdëina Fernando Alonso y Felipe Massa, deberieda cun l team tecnich de formula 1 dla Ferrari, fova ala fin dl’ena passeda te Gherdëina

Felipe Massa cun l bob.

Persones - L team de formula 1 dla Ferrari à nce chëst ann cris ora Gherdëina per fé si “team building” y per se paussé ora do la proves sfadiëuses dla ultima enes. Tlo ài pudù se abiné duc adum, n tan’ de zes da jurnalisć y fans, y se devertì y sambën se anjenië ca per l proscim Campiunat dl Mond de formula 1, che scumencerà bele ai 17 de merz de chëst ann cun la prima garejeda tl’Australia. Ntan l fin dl’ena dai 15 ai 17 de fauré, à i piloc de formula 1 dla Ferrari, Fernando Alonso, Felipe Massa y l “test driver” Pedro De La Rosa deberieda cun i respunsabli tecnics y diretëures, danter chisc Stefano Domenicali, Massimo Rivola, Luca Marmorini, Angelo Castelli y d’autri, pudù se abiné te Gherdëina per se rujené ora, jì cun i schi, maië bon, se devertì y se goder la pesc y l panurama de marueia che la bela Dolomites pieta. Sciche bele plu iedesc ie i uemes dla “rossa di Maranello” nce chëst

La scuadra cun Alonso à venciù a fé broomball.

ann stac d’albierch te Sëlva. Christian y Philip Putzer, deberieda cun la Scola de Schi 2000 à metù a jì chësc ”ritiro” dla Ferrari y ti à metù ju n prugram cun truepa atività sportiva: danterite fòvel na jita cun la peves, la Sellaronda cun i schi, na garejeda de slalom paralel y na partida de broomball. L team dla Ferrari a pudù se goder la bela cuntreda y sambën fova nce l aspet gastronomich drët mpurtant. Do vester jic cun i schi dut ntëur al Sela – per duc na gran atrazion – fova l team Ferrari cherdà per n “pit stop” te na ustaria sun Jëuf dl Sela y n vënderdi sëira a cëina sun Piz Sela sot al Saslonch. N sada, do na blòta partida de “broomball” tl zënter Iman a S. Cristina àn tenì la premiazion cun cëina tl Chalet Gèrard sun Plan de Gralba. Drët cuntënt de chësta vijita se à nce mustrà l diretëur de Val Gardena Gröden Marketing, dut. Günther Pitscheider. “Pra la scuderia Ferrari, che ie unida

metuda su da Enzo Ferrari tl ann 1929, iesi daniëura stac de gran pasciunei dl sport dai schi y l nes fej drët plajëi che i à inò cris ora

Cumëmbri dl team Ferrari.

Gherdëina. N gran cumplimënt ti va ai fredesc Putzer che tën for l cuntat cun la Ferrari y a duc chëi che à judà pea per mëter a jì y fé

garaté chësta blòta ancunteda”, nsci Pitscheider. Per Val Gardena Gröden Marketing, Irene Delazzer

Te cater scuadres se ài spartì su per n turnoi de broomball.

Bënunì a Alexander y Christian! N vënderdi ai 1. de fauré à i Destudafuech de S. Cristina tenì si reunion generela tl Restaurant Uridl. Atività fata l ann passà. Cumëmbri nueves Alexander Comploi y Christian Runggaldier, che à te chёsta ucajion giapà la tle dl magasin. A d’ёi ti àn mbincià dut l bon y legrёza per l daunì. Danz che l ie nce stat doi uemes che à lascià pra la grupa di Destudafuech de S. Cristina. Plu avisa se tràtel de Stefan Comploi y Patrick Runggaldier che ie stac truep ani leprò. Per i Destudafuech de S. Cristina ie l ann 2012 stat n ann plu o manco tla mesana.

Trënta ntervënc l ann passà I Destudafuech de S. Cristina à de nuvëmber fat plu ntervënc pervia dla gran plueies.

Lies - L cumandant Christoph Senoner à pudù saludé i uemes atifs y d’unёur dla grupa, y danter l’autoriteies dl luech Sn. Pluan Raimund Perathoner, l ambolt Eugen Hofer cun si Jonta de Chemun, l presidёnt dl raion de Bulsan Josef Mair, l ispetёur dl raion de Gherdёina Hans-Peter Perathoner, l assessёur provinziel Florian Mussner, l presidënt di

26

www.lauscdiladins.com

Judacrёp Adam Holzknecht y l caposezion dla Crёusc Blancia Oliver Kostner. Do l salut dl cumandant iel unì liet dant la relazion dl’atività fata tl ann 2012.

Doi jëuni vën tëuc su Cun legrёza àn pudù tò su ufizialmёnter pra la grupa i doi jёuni

De ndut iesen unic cherdei per trënta ntervёnc. Da auzé ora ie dantaldut trëi de chisc. Ai 8 de merz iel stat da jì a cri n jёunn di Paejes Tudёsc che se ova bonamёnter perdù de nuet a jì de reviers te si garnì. Do avёi cris feter dlonch te dut l luech iel purtruep unì abinà zënza vita tl raion dl pisciadoi da Pilon. Ai 13 de merz ntёur la sies daduman iel unit na cherdeda per na desgrazia sun streda. Tl tunel dla streda de zircumvalazion fòvel frit adum doi auti cun plu persones

laite. Pra chёsc ntervёnt àn messù lauré cun la tanaia idraulica per deliberé una dla persones tuchedes. Da fé ntervёnc te plu lueges iel stat ai 11 de nuvёmber pervia dla gran plueies ntan chёi dis. Ma l ie nce stat na bela ntraunida: la grupa da cumpetizion à tl ann 2012 fat pea pra plu manifestazions, danter l auter nce tla Croazia, ulache n à arjont n drë’ bon resultat. Oradechёl à i uemes sambёn nce fat truepa proes y cursc via per l ann, per vester

njeniei a judé te uni cajo de bujën. Tl ann 2012 à i uemes di Destudafuech laurà danter ntervёnc, proes y d’autri servijes de ndut 3.544 ёura, che ie l 5% deplù che mo l ann dant. Truepa laudes àn nce audì ntan la reunion dala autoriteies, che à ënghe tëut la parola, rengrazian uni cumëmber dla grupa per l bon servisc che ie unì fat per duta la jënt dl luech. Lukas Goller, Destudafuech S. Cristina


nr. 08 / 22 de fauré 2013

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Lunesc 25 l referendum l rua nte consei regional

Rèba ndavò senza ièga n plena stagion

Se se speta l si ence se i maiou partic i ensomeia puoch d’acordo

Nrabiei i albergadous:”Le bolete i é très plu aute e i servisc très plu schèrsc”

Referendum - Davò plù de cinch agn l iter del referendum nsomeia che l fèje n vare nnavánt. Lunesc 25 de fauré l consei regional del Veneto l é clamé a descore e de suo parer sul referendum del 2007, cánche i trei comuns de Fodom, Còl e Ampëz i ava voté a lergia magioránza de si per tourné co la Region Trentin Südtirol. N pasagio damané da la lege chël che le doi Region, chëla da ulache i comuns i vol se n ji e chëla ulache i vol ji, le diebe suo parer. N parer che, recordon, l è obligatorio ma no vincolánt per l Parlament, che l é chël po’ dezidarà a la fin. Zerto, chël che conta l é avei n si da la Region ulache se vòl jì, per i trei comuns spò dal Trentin – Südtirol. Ma de segur daidëssa trop ence avei chël del Veneto. E a despet de chël che i contrari al referendum nlouta i dijëva, nsomiëssa proprio che Venezia siebe d’acordo de dé suo via libera. Na pojizion, se capisc,

che l’é plu na ripica del goviern regional visé dal Governator Zaia contra l Goviern de Roma che na convinzion de porté nnavánt e sostignì le rejon storico – culturai de chisc trei comuns. Ma tánt l é. Ai trei comuns i é basta l si o almánco che l iter l avade nnavánt. Coche speiga ence Daniela Templari, che col Comitat per la riunificazion dei Ladins del Sela, la sta davò a la cuestion. L’é la cuarta outa che l ordine del di l ven porté n cosei regional. Le autre trei oute a la fin no l é ste plù traté. Sto viade l é l sol pont al ordine del di. A volei dassën sto consei straordinar sun chësta cuestion l’é stada la Lega Nord. Ma sul argoment l é ste prejenté mozion e ordini del di da pèrt ence de autri partic, come per ejemple la “Federazion de le ciámpe”. Nos – spiega la templari, damanon demè che vade nnavánt l iter. No se speton che i ne dighe de si, ma che i mane

nnavánt nost referendum perciéche on dërc con rejon storiche e culturai a le spale. Se i a dit bele de si a Sappada e Cinto Caomaggiore, no veighe perciéche i assa da fè dificolté a ne l di ence a nos.” Auna a chël dei trei comuns ladins, l consei regional l assa da de suo parer ence sul referendum de Lamon e Sovramonte. Ma i partic eli ben d’acordo ? “Me per de capì che chi plu gragn no i é proprio n chëla de di de si – disc ncora la Templari. N teoria onse da avei l via libera, ma valgugn a chelche perplessité. E disc dut l fat che i abe convoché sto consei proprio l secondo dì de le elezion, da le 2.30 davòmesdì, cánche le urne i é prëst sarade. Percié no ncin davánt ? Vedarón chi che a l coragio de dì de no o no se prejenté per fè mancé l numer legal. I eletori de Fodom, Còl e Ampëz i abade a chëst e ie pense su.” (ls)

L Canëster per 7 tosac Picola festa nte comun per i nascius ntel 2012

Rèba - Mèrtesc passé Rèba l’é restada ndavà co le spine da la ièga sute. Ntourn le 5 davòmesdì la ièga l’à scomencé a mancé nte cuaji dut l paisc con duc i problemi che se po’ se pensé per i alberghi. L’é chëla l’ora defati che i sciori i tourna davò ester stei dutoldì coi schi e coscita no i à podù gnánca se fe na docia. Problemi ence per chi che à i wellness. L eva bele suzedù da Nadèl. Ndessenèi i albergadous i la pëta ju per Bim Gsp. “L é da agn che co rua la mascia dei sciori sa na Rèba ven a mancé la ièga – spiega co nen diaol per ciavel la prescidenta de l’Aft Michela Lezuo. “Pense che podonse cuaji l calcolé cánche l suzede. Ma al Bim gsp i ne respon très che se trata de vèlch che no se po’ pervedei. Da Nadèl, cánche l eva ste segnalé l problema, i’onve damané de monitoré la situazion. Defati n chël viade no s’ava rot degun tubo. L eva demé cuestion de travajé iega da na vasca a chël’autra. E chël che l é suzedù ndavò me per proprio che siebe l medemo.” Mèrtesc defati la iega la no manciáva deldut. Nsomiëva plutost che mánce prescion. Nte chelche albergo la ruáva demè fin

ai piani plu basc. E chëst fin da sëra. “Se, coche i disc al Gsp, Rèba l’à problemi de iega respét a chël che la consuma, nlouta i a da fè velch per comedé. Ence perciéche le bolete i é tres plu cère e l servisc l deventa tres plu schèrs. Oramei paión la iega come l gasolio. Saurì jì a tassé l setor del turismo perciéche tánto l scior l ven mpò. Se i mët su le coute nlouta i a da dé ence n servisc. Se chëst l é l modus operandi de sta Provinzia con nos, nlouta no l va auna con nosta ativité. E come categoria de fajaron sentì dassën. Come fajareio mi, sabeda che ven, a damané la couta de souranot a chi sciori che no n à podù gnánca se fè la docia ? “ Su la cuestion nterven ence l capogrop de mendránza Leandro Groenes. “Cánche la gestion l’eva del Comun, l fontanier l cialáva soura a le vasche ogni setemana e l cost de la iega l eva puoch plu che simbolich. Ade la costa come l vin e chisc l é i resultac. L Capocomun a la fin del ann l ava mpermetù de se fè sentì dassën con Bim Gsp. Ma o l no l a fat o i no l a scouté. Daron su a nen legal ogni valutazion su ci che l é da fé.” (ls)

N mascra sui schi Na bela manifestazion per gragn e pichi

L Comun l a renové la tradizion del l Canëster ai genitori dei tosac nascius ntel ann apëna passé. I tosac che a tout pèrt a la gara.

Tradizions - Per l cuarto ann l’aministrazion de Comun l’a clamé ite nte Cèsa de Comun i genitori dei tosac nascius via per l ann per ié scinché l Canëster. Na apuntament volù e metù su dal assessor Daniela Templari proprio per tignì su la bela tradizion del Canëster. Da le 10:30 de miercoi 13 de fauré, i genitori i s’à prejenté

con suoi pòpi nte Cèsa de Comun, ulache i é stei acolti dal assessor Templari e l vizecapocomun Claudio Sorarui. “Sto ann i eva de set, un n mánco de l ann passé – conta Daniela. Zerto no n é i agn cánche ncora n nascëva diesc o dodesc. Ma sto ann nsomeia che la jiarà meio, perciéche bele ades de fauré n’é nasciù trei o cater.” Ai

genitori i raprejentánc de l’aministrazion i a scinché n pico cuadro de arjent co la raprejentazion la nativité. I a fat i auguri de dut l ben e che i pobe resté nta Fodom. Chisc i inom dei tosac nascius n l ann passé: Francesca Crepaz, Maicol Crepaz, Samantha Garlant, Amélie Grones, Nicolas Petri, Lara Rossi, Iris Sorarui. (ls)

Badioc e fodomi se nconta su le ciaspe

Errata corrige

La Lia da Mont da Fodom e la Lia da Munt Val Badia mët a ji per miercoi 27 de fauré, na caminada “Co le ciaspe e co le pel a ciaro de luna” fin ai Bec de Roces. Se se bina da le 5 e mesa da sëra sa na Rèba, damprò gliejia. Chi da le pel i po’ pié via da Rèba. Con nen valgugn auti se va con chi da le ciaspe e chi mànco bogn da le pel nfin sun Ciaulonch. Dal Hotel Boè se peia

Ntel articol ntitolé “Per recordé Gilberto n ann davò” vignù fora su La Usc n. 6 del 8 de fauré, per n fal l é ste scrit che Gilberto l ava zuplé l nuof crist che l é su la strada ntra Vèrda e Rèba, metù nte luoga de chël vegle che l eva ste robé. Nveze Gilberto l ava zuplé l cuadro de len che l é su la crousc. Se scuson con chi che lic. (La redazion)

ite per bòsch, Plan Fistì fin a rué ai Bec de Ròces. No n é nia de difi zile e de pericolous, nlouta duc po’ tò pert. L’é l’ciaro de luna, ma mpò na lum fosa meio se la tò davò. Mangé e beibe al Rifugio Bec de Ròces/ Kaiserhütte 12 euro. Informazion e prenotazion: Iris 380 5315533 (ciaspe). Igor 3805208513 (pel)

Rèba - En domënia 10 de fauré l é sté na bela gara de schi en mascra per tosac e gragn , organisada da la Scòla de schi & Snowboard Dolomites - Rèba. Na sessántina chi scric ite, per la maiou pèrt tosac, duc vestis su da carlescé con guánc mprovijèi e de fantajia. L’eva na gara a cronometro con siech porte e

nvalgugn ostacoi e na gran galeria de glac da passé fòra davànt al traguardo. Na giuria pratega de guànc l’ava da cherì fòra le mascre plù originai: Foppa Stefy, Clara Pezzei e Michele Savorgnani. Na manifestazion che a plajù a pichi e gragn e a le fameie che ven a passé chèlche dì su nòste bele piste da schi .

I maestri che l’à organizada. www.lauscdiladins.com

27


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

nr. 08 / 22 de fauré 2013

Inze r’anima de ra Dolomites

Ra Fregores

Ra fotografies co ‘l infraros de un artista anpezan, che el mostra algo, che el nosc ocio el no podarà mai vede. Ma el cuore sci

Alcuanta noes in curto, da ‘l paes e da fora

Una de ra stanpes de Emilio Iacarede Zacar: alcuante brascioi, su par Staulin, toleste śo co ‘l infraros, cemodo che el nosc ocio el no podarà mai i vede.

Chera fotografies de ra nostra Dolomites ‘s é algo de bel. Par res fei, el fotografo anpezan Emilio Zangiacomi Pompanin Iacarede Zacar ‘l à dorà ‘na tecnica noa, co ‘l infraros, par dapò res stanpà su ‘na carta aposta, fata co ra bata, con via par sora ioni de bario, par ra fei lujì. “Ei scomenzà a i lourà drio de ‘l 2005 – el me disc Emilio – e da inalora son śù inaante, senpre con algo de noo. Ei abù da bete man a ra machines, da mudà algo, de inze, e anche da lourà su i obietive. Dinultima ei acaro, parcé che ades redujo algo de bon, algo de bel”. Par vede i so laore se pó pasà, in Anpezo, là da El Bronśin, in via

Roma, da Stefano Menardi Nando: ‘l é stà so femena Francesca Gaspari de Min a i domandà a Emilio de portà alcuanta so fotografies, e res bete fora. Se vede crodes e outre site intor ra Val d’Anpezo, de el Cadore, de Badia, de ra Val Pusteria. El gnon de ra mostra ‘l é propio ‘Inze r’anima de ra Dolomites’. “Ei fato supośò mile chilometre, a pe, su par ra nostra crodes – el conta Emilio – e 40 mile co ra machina. Beśen se moe de ‘l dapò disnà, par ruà su i poste ves sera, canche el soroio ‘l é drio a fiorì e ‘l é pi ros, Coscita ra frecuenzes de ‘l infraros es depenśe ra natura. Ra piantes es vien fora bianches, el ziel

negro. Duto ‘l é pi bel, ‘l é pi neto, parcé che ‘l infraros el no lieśe ‘l umedo, che ‘l é par aria. Coscita canche ‘l é r’ultima fiantija de soroio, tolo śo ra fotografia. Dapò me tocia m’in tornà a ciaśa co ‘l scuro, di note, śo da ra crodes. M’é suzedù, par in recordà una, da ra Croda del Beco, che son ruà śo da ra machina co ‘l scuro bioto”. Emilio el vive e el laora intrà Anpezo, el so paes, e Trieste, ra zità che i à dà un bon azeto. De spes el se moe, par el so laoro. I sà bel śì a Venezia, dapò che i ‘l à tolesc inze co ‘l Circolo fotografico La Gondola, agnó che calche ota ‘l insegna a chi outre, cemodo fei fotografies, e ‘l à fato alcuanta mostres. Ades ‘l à betù fora chesta stanpes, in Anpezo, fin da Pasca. “Me sà bel toi śo ra nostra crodes, ra Dolomites : no n’é conpain de lourà śo par el pian. Pi che see, res fejo su ‘l sol fiorì, parcé che el me dia. Ma no se pó gnanche se pensà, de cuanto tenpo che se bete, de ce laoro che ‘l é da fei, par reduje ‘sto tanto”. Emilio el bete fora ra so fotografies senza el gnon, el no scrie sote ce croda che ‘l é: “El fejo aposta: voi che ra śente ra se moe, ra vade a caminà, ra inpare a vive intrà ra so crodes, a res vede. A dute i digo: moeve fora!” Cemodo se fejelo a no i dà rajon? Ce elo de pi bel de caminà, da sole o con calchedun śo par pede, inze ‘l nosc paes, intrà ra nostra crodes, par i nostre bosche, e i vive. (mdm)

Nozes in Tofana I é ruade da indalonśe, par se maridà in Anpezo. Ma ignante de ‘l amor ‘l é ra cartes, i documente, ra burocrazia. Algo che dia el turismo in Anpezo I s’à maridà in son de el Col Druscié, dapò i é ruade su da Ra Vales, par el disnà. I à menade su co ra teleferica, chi doi śoen che i à vorù vegnì, da indalonśe, inze ra nostra val, par se maridà, con chera de restà pede, duta ra so vita. E ‘pò i juenitore, i parentes, i amighe. Someaa de ese inze una storia, a vardà i oce de Kenneth Dres Petersen, ruà da ra Danimarca, e de ra so bela Simone Mary Ghelfi, che ra vien inveze da r’Irlanda. Par ra so nozes i à curà fora ra val de Anpezo, pi che see ra pistes da schie e i inpiante in Tofana, parcé che là ‘l é scomenzà duto, là i é moeste co ra so storia de amor, co ‘na bela vacanza su ra Dolomites. I s’à maridà ai 13 de febraro: da ‘l indoman i s’à strucà su, i s’à buscià, par San Valentin. Par el Comun de Anpezo, a fei ra zerimonia, ‘l ea Enrico Pompanin Marco, el vize capocomun. “Chesto ‘l é un de i laore che ón fato co ra aministrazion de ignante, e ón acaro, parcé che ‘l é trope spose che i cura fora ra nostra val, par vegnì a se maridà, parcé che i pó el fei inze ‘l paes, ma anche su par ra crodes” – el me disc Herbert Huber, che el tien el rifujo, in Col Druscié, e che ‘l é stà loudaduó a ‘l turismo, da ‘l 2007 fin de ‘l 2012.

28

www.lauscdiladins.com

Ra nozes de Kenneth e Simone, su in Col Druscié; anche ra Tofana, chel di, ra s’à betù el velo bianco.

El projeto ‘Se maridà in Anpezo’ el nasce, in comun, ai 3 de noenbre de ‘l 2009. No n’é coscì fazile, cemodo che se podarae pensà, parcé che ‘l é un grun de lejes, da rispetà. Una de chestes ‘l é de el Ministero de ’l Interno “Celebrazione dei matrimoni in luogo diverso dalla casa comunale”, vegnuda fora de ‘l 2007. Par dute i poste, fora da ra ciaśa de comun, beśen fei domanda. In Anpezo i ‘l à fato, fin ades, alcuante hotiei, ristorantes, rifuje,

in śiro par ra val, su par ra crodes. Dapò i é śude a vede, se ogni posto ‘l aea valor, se ‘l ea bel; ogni ota, par ogni noza, inze ogni posto, beśen bete a śì un “ufficio di stato civile per la funzione di celebrazione di matrimoni civili”. Dapò ‘l é da bete śo ra cartes. Canche s’à contentà ra burocrazia, se pó pensà a ra nozes, a i spose, a ra majia de ‘na neola de fiore bianche. Bianche conpagne de chel gnee che, in Tofana, i à vedù Kenneth e Simone. (Mdm)

Tre poste de laoro El laoro ‘l à tanto pi valor, cuanto pi el mancia. De ‘ste tenpe, co ra fadia che se fesc a ciatà da lourà, rua ‘na bona noa, da ‘l Comun de Anpezo. Ma beśen se sentreà: ‘l é daerto da poche dis, fin a lunes ai 25 de febraro, el “cantiere della provvidenza”, betù a śì co i sode de ra Fondazione Cariverona. “Chesto ‘ é un projeto pensà par i dà laoro a ci che i mancia – ra me disc Giovanna Martinolli, loudaduó a i servizie soziai de el Comun de Anpezo – e no n’é da pensà che se feje ra carità. Chesto ‘l é un laoro dasen, par tre mesc, par ci che ‘l é senza e el stenta”. I ‘l à betù fora lunes pasà, ai 18 de febraro, e ci che à acaro el pó śì a i domandà algo depì, e meo, inze i ufizie de comun.

Chel eletrico da Maion Fosc ‘l é ra ota bona, par fenì chera storia, senza fin, de ra centrale de Maion, da fei ‘l eletrico, co r’aga da bee, che rua śo da ‘l Forame. Chera storia r’é scomenzada śa oto ane, de ‘l 2005, canche ‘l ea Bruno Dimai Fileno el loudaduó de comun par i laore. Dapò ‘l é vegnù Etienne majoni Bociastorta, Luca Alfonsi e dinultima Adriano Verocai Daloio, ma chel laoro ‘l é restà sote una fraina de cartes, ‘l é stà seporì da ra burocrazia. Ades i é śude adora a se bete d’acordo co ra sozietà Enel Produzione, par zede chel cao, che ‘l à da portà ‘l eletrico da ra centrale a i fire, da ‘l dà fora par ra ciaśes. El Comun de Anpezo el podarà scode da Enel 5.623 euro e bete ‘ ultimo sfoi de carta, via par sora chel cantier. Dapò se podarà vede ra machines che śira e ra lumes che s’inpiza. Fosc.

Me inpizo de manco S’à vedù el paes nafré in onbrìa, ra setemana pasada, vendres ai 15 de febraro, parcé che anche in Anpezo s’à vorù scotà chel che i disc, da alcuante ane, chi de ra trasmiscion Caterpillar de Radio Due, canche i domanda de fei manco lun, de se inpizà de manco. I à studà ra lumes par piaza, cheres de el Comun Vecio, de ra ciaśa de comun, de el stadio Olinpico de ra jaza, daante a ra jeja basilica de i sante Felipo e Iaco, co ‘l so bel cianpanin bianco, de el souto co i schie Italia, fora a Śuel. Con chesto s’à vorà mostrà che, anche in Anpezo, s’à acaro de fei algo par precurà ‘l anbiente, par strazà de manco enerjia, cemodo che ‘l à dito el vize capocomun Enrico Pompanin Marco. Algo par fei pensà sora, che no n’é da strazà. Somea ‘na stranbaria, ma a studà ra lumes, se vede meo ce che ‘l é da fei, par chesto. Algo i à fato anche de outre, par piaza, alcuanta boteghes. E algo anche ra Casa rurale de Anpezo e de ra Dolomites, che ra laora, da anes, par sparagnà e par tegnì el mondo pi neto.

El Quore Da sié ane i laora, inze ‘l ospedal Codivilla de Anpezo, par fei vegnì

de meo ci che à, o mangare à abù, mal de cuore. Par dute ‘ste ane, algo i à inparà anche lore, i dotore, i infermiere. Pi che see, s’à capì che no n’é par nuia vero, chel che se cardea ‘na ota, che fesc mal, a stà su de ca, a ci che ‘l à ciapà un colpo. Ra nostra val de Anpezo r’à aria bona e neta, no n’é masa cioudo d’istade, ‘l é poco reśiro e poco susuro: duto chesto dia, par vegnì de meo, par no se marà, cemodo che el me disc Fabio Bellotto, el dotor che el laora par chesto. Ades, par se fei conosce depì, e meo, i à pensà chera de bete duto su un sito, che i é drio a fenì de parecià, che se ciata a vardà drio HYPERLINK “http://www.ilQuore.it” www. ilQuore.it che ‘l é el medemo gnon de un libro, scrito da Bellotto śa calche an. Chel faloncio ‘l é vorù, el quore co ‘l q, par me recordà a dute che, canche parlon de chesta machina, che ra me fesc śì inaante, par duta ra vita, dijon de spes un grun de stranbaries, fajon calche bel faloncio, anche nośoutre. Tanto depì canche parlon de el cuore, par i so sentimente.

Intrà Anpezo e Sardegna El scritor sardo Marcello Fois ‘l é vegnù in Anpezo, a parlà de el so ultimo laoro ‘Nel tempo di mezzo’, par ‘Una montagna di libri’ de Francesco Chiamulera. Chera sera ‘l à parlà anche de Anpezo, de el paes che i à dà un bon azeto. “Canche i sarde, che io i voi un bel de r’anima, i se lascia ciapà da ra voia de fabricà, de fei sode, de scarà fora peton daparduto, io i digo: vardà ce che ‘l é stà fato in Anpzo, agnó che i é stade boi de se defende, de precurà ra so tèra. I anpezane i no n’à festide de el progreso, ma i é stade boi de zerne, de curà fora el meo, par lore. Chel che i à fato in Anpezo, el me mostra a dute che ra tradizion ra no n’é par forza una ciadena. In Anpezo se vive el di de ancuoi, ma là i é stade boi de zerne el progreso, da ‘l pestà su duto. Là i à precurà e defendù ra so val”. E dapò ‘l à śontà pede: “No n’é suzedù coscita daparduto. Pi che see, inze i paes, su par ra crodes, anche alcuante pede a Anpezo, i é śude de ‘l outro ver. E se vede, ce che i à redoto”.

Se buscià, di note “Io i voi ben a Cortina. Par chesto ei curà fora chesto paes, chesta val de Anpezo, par contà ra me ultima storia, ‘na storia de amor” – r’à dito Antonella Boralevi, canche r’à parlà de el so libro noo ‘I baci di una notte’. Chesta storia ra nasce su par ra nostra crodes, inze un rifujo, in Faloria, intrà i 29 e i 31 de dezenbre, in vea de ‘l ultimo de ‘l an, intrà Santina, una tośata da ra Sicilia, da Termini Imerese, fia de un òn che à pardù el so laoro, e Sigieri, da Roma, un sciorazo, un nobile, che ‘l é drio a moe par Londra, a studià ra finanza. El destin i fesc ciatà, chera note de majia, su in Faloria. Par ci che à acaro de lieśe chesta stories de amor, pienes de sentimente.


Anpezo

nr. 08 / 22 de fauré 2013

El mercà par ra Crosc Bianca Un outro don, de i mercantes, par el paes, agnó che i à un bon azeto, agnó che i pó lourà polito. Co ‘l Comun de Anpezo i se corda polito

I mercantes i s’à pensà, chesta ota, de ra Crosc Bianca, canche i à vorù dì gramarzé a ‘l paes, agnó che i à podù lourà anche da ra festes.

I mercantes de i banche i à donà 2.500 euro a ra Crosc Bianca de Anpezo. Chi che vien ca doa otes a ra setemana, co ‘l mercà, a vende frute, sarvije, scarpe o cisacé, i à vorù coscita i dì gramarzé a ‘l paes, parcé che i à podù lourà doi dis depì, intrà Nadà e el Prin de ‘l an, vendres ai 28 de dezenbre e vendres ai 4 de jenaro. El regolamento de el comun el dijarae che chi dis, intor ra festa pi grandes, d’inverno e d’istade, i no podarae. Lore i à domandà a ‘l comun de podé vegnì isteso e el comun i à dito de sci. “Da calche tenpo se ciaton polito, a parlà con chi de comun,

pi che see co ‘l loudaduó Marco Ghedina, che el me azeta senpre de bon saó, el me scota, calche ota el me dà chel che i domandon. No n’é dito che se vade adora a se cordà senpre, su duto, ma almanco el me scota, el me azeta” – ra me conta Carolina Marsoni, che r’é ra presidente de chiste mercantes. Lore i s’à ciatà, suposò de vinte, i à pensà de bete algo, calche sodo ogniun, par el paes, par ra comunità, agnó che i vien a lourà. I ‘l à fato outra doa otes, par i nostre Scoiattoli e par ra Banda de Anpezo. Anche ‘sta ota i s’à ciatà, da bonora, su da ‘l mercà, par fei doa paroles,

par se bee un goto in bona armonia, con nafré de festa. “Ei acaro de aé podù ve scotà e azetà chel che m’aé domandà – ‘l à dito el loudaduo Marco Tomasc – e ón vorù ve responde alolo, senza toi tanta voltades. Vośoutre m’aé solo domandà de podé lourà, doi dis depì. De ‘ste tenpe, ‘l é da se cordà, con ci che vó lourà depì. E vośoutre, pede a lourà, par el vosc guadagno, dajé algo a ‘l paes e, ra ultima otes, aé finamai sporto algo a ra nostra asociazios, che es laora par el ben de el paes. Chesta ota tocia a ra Crosc Bianca, e dute sà el valor che r’à, par nośoutre”. A azetà chiste sode, ‘l ea Lavinio Zandanel, el caposezion de ra Crosc Bianca de Anpezo, e el caposervizio Carlo Alberto Delmonego: “Par nośoutre ‘l é un don de gran valor – ‘l à dito Delmonego – parcé che canche se sara i conte, a ra fin de ‘l an, se s’incorśe senpre che mancia calche sodo, che fesc comodo in aé alcuante, da cuerśe calche spesa, de cheres che no se se spetaa. Ma beśen dì che ‘l é un outro valor, fosc pi gran ancora: ón acaro de vede che se se pensa de nośoutre, de chel che fajon, ogni di, par chesto paes”. “Chesto ‘l é un don par nośoutre – ‘l à śontà pede Zandanel – ma anche par duto el volontariato, ra śente de bona voia, che fesc algo par chi outre: chesta r’é una forza, no solo de Anpezo, ma de duta r’Italia”. (Mdm)

Ra storia de San Cucino Predicà co ‘l cuciaro. Magnà e bee tien insieme corpo e anima Aeo mai sentù parlà de San Cucino? Saeo che ‘l é el patrono dei coghe? Scotà ce che ei ciatà scrito inze ’l Dolomiten de śa calche di. San Cucino ‘l é nasciù de ‘l 1411 e de 17 ane ‘l é śù de pree inze ’l convento de i Francescane a Ponte de Piave. ‘L é deentà alolo gran brao de predicà ma anche gran brao a fei da magnà. I frates de ’l convento i dijéa “el el predica con el cuciaro”. Infinamai el Papa de alora el ‘l à vorù a Roma a paricià da magnà par el. Pi che see el Papa ‘l ea vanzà incantà da ra teologia de San Cucino “magnà e bee tien insieme corpo e anima”. Canche ‘l à podù tornà inze ’l so convento, à scomenzà a ruà śente da duto intorno e

anche da indalonśe par podé zercà ra so specialitas e scotà ra so prediches. ‘L é morto ai 26 de setenbre de ‘l 1495 dapò de s’aé beù un goto de vin Brunello e aé dito ra ultima paroles “vin bon, vita bona”. Apena un an dapò el Papa ‘l à fato santo. Son alolo śuda in internet a vede de ciatà algo depì. Ei ciatà solo un libro par todesco de Rudolf Seitz “San Cucino hat geholfen” Gerichte und Geschichten eines Küchenheiligen, e un scrito, senpre de Rudolf Seitz, che no disc nuia depì de chel che à scrito el Dolomiten. Son ancora che penso sora se i crede o no a sta storia. Che see ‘na carnaalada? (df )

Ra stela pi bela Un’outra scoperta de valor, fata co ‘l telescopio de el Col Druscié

Canche un conzerto el dona un soriśo El coro de jeja e r’arpes: musica da paradis, par dià i pizete Anche sto an ra Associazione nazionale dentisti italiani r’à vorù organiśà un conzerto co ra nostra Schola Cantorum e r’Ensemble d’arpe Floriana de Padova. Chesta r’é ra cuarta ota che el vien fato, tre in Anpezo e un a Parma, agnó che ancora ades in parla. Ve direi che l é propio bel ese aconpagnade da r’arpes: r’armonia che res fesc r’é coscì dolze che te somea de ese in Paradis! Dapò l é

da dì che chesto tipo de conzerto l é ‘na roba unica e storica, no solo par r’Italia ma par r’Europa. Pede a chesto l é anche un scopo sozial, parcéche se vó strutà su sode par ra Andi Onlus e donca i dià ‘na man par ra rizerca contra i tumore de ra bocia. In chesta ocajion r’arpistes res sonarà alcuante toche par conto so e con un floutista e nos ciantaron, co ra partecipazion de ra solista

Roberta Majoni Boto, el “Laudate Dominum” de W.A.Mozart e chel de G.F.Haendel, “Jesus bleibet meine Freude” de J.S.Bach, “Panis Angelicus” de C.Frank e a “cappella” l “Emitte Spiritum” de J.Schutcky. Ve speton de tante sabeda 2 de marzo da res 18.45 inze ra nostra basilica: el sarà de seguro un conzerto majico. Elena Salvagni in Gaspari

Ra nostra Schola Cantorum co ra arpes Ensemble Floriana, inze ra jeja basilica de San Iaco.

Su in Col Druscié, da cuaranta ane, el ziel ‘l é pi pede.

Ra Astronomica Cortina, co ‘l so telescopio che ‘l é su in son de el Col Druscié, ra laora, da ‘l 1999, par ciatà fora supernovae; fin ades in à ciatà supośò cuaranta. Ma chesta ota, a vardà inze ‘l scuro de ‘l ziel di note, ‘l é soutà fora algo de noo, de ancora pi bel. Alessandro Dimai Cascian ‘l é śù adora a vede canche ‘l é s-ciopà una ‘stella supermassiccia’; suzede de raro, chesto ‘Luminous blue variable’, cemodo che i disc i astronome. Inze duta ra storia de ra astronomia, i à vedù almanco siemile supernovae, ma de chiste Lbv in à ciatà noma alcuanta dejines. Chesta i r’à ciatada fora ai 8 de febraro, inze ra galasia a spirale NGC4294, inze ra costelazion de ra Verjine, a pi de 60 milioi de ane lun da ra Tera. “Par capì meo ce che ‘l é stà ciatà, e parcé che ‘l é coscita raro – el me

conta Alessandro Cascian – podon recordà che chesto pó suzede solo par ra steles pi grandes, che fesc pi lun. Inze ra nostra galasia, agnó che ‘l é pi de 200 milioi de steles, de chestes in é suposò dodesc. Par chesto, canche se ciata un Lbv, i astronome de duto el mondo i pó studià drio, par in saé depì, de chesta steles, coscita grandes. Chesto Lbv ciatà fora da i astrofile de el Col Druscié, ‘l é nasciù da una stela che r’é zento, zentozincuanta otes pi granda de el nosc Sol, co ‘na lun de zinche, sié milioi de otes ra nostra stela. I astronome de ‘l Osservatorio de Asiago i à studià drio chel che i à ciatà in Anpezo e i s’à dito parsuaśe de el valor de ra scoperta. Dute chi che à acaro de in saé e de vede algo depì, i pó śì a vede su i site www. cortinastelle.it e italiansupernovae. org www.lauscdiladins.com

29


Souramont

nr. 08 / 22 de fauré 2013

Pio Colcuc, na vita da calighé Al é mestiers che se desfanteia via, laours sburlés sun na pert da la modernité, dal progres y da modes nueves. Danter chisc él ence chel dl calighé. Pio Colcuc da Col de Santa Lùzia é ciamò un di puec. I l on enconté, al nes à conté sia storia Col de Santa Lùzia - Dal pice zenter de Col de Santa Lùzia, sun l troi che conduj contra la gliejia él sun la man ciampa la Cesa de Jan, senta dl Istitut Cultural Ladin. Ma fosc n’él nia duc che sà che tla auzeda a tera dla ciasa che i portegnova enlaouta a la familia Chizzali-Bonfadini, se nascòndel na pitla boteiga de ciauzés, la boteiga de n calighé, Pio Colcuc. L calighé é un di mestiers plu vedli, n laour che ne ciata endere nia plu massa lerch tla sozieté moderna. Al didancuei, can che i ciauzés é consumés végnei sciurés demez y nia portés dal calighé a cuncé. Chest é l frut dla modernité, dla inovazion tecnologica y dles mascines che n’à nia plu consciderazion per i mestiers da zacan, che mess enscì morì fora.

“I ciauzés ova na vita longia, ai durova ence diesc o chinesc agn” Nience Pio Colcuc ne pò plu vive dl mestier da calighé, chel mestier che al à arpé da si pere. Per se tré l vive àl metù man da vene ciauzés y enscì fej ence si fi, che à na boteiga te n paisc ilò dlongia. “Al didancuei n’él nia plu calighés, la jent ne lascia nia plu cuncé ciauzés, ajache al ne paia nia la speisa, al costa de massa”, dij Colcuc, che à porté inant l savei dl pere, maester calighé che ova emparé l laour via en Gherdëina y che fova spo vegnù a Col olà che al ova daurì na pitla boteiga. Danter les does veres, enfin ai agn

Cincanta y Sessanta fòvel n gran laour, al fova truep da fé per n calighé, nes conta Colcuc. “A Col fòvel enlaouta cinch o sies calighés, doi o trei laorova a temp plen, i autri l fajova te si temp lede y al fova da laour per duc.” Zacan, can che al fova na gran meseria, can che nia duc ne n’ova l muet da se comprè n per de ciauzés nuefs fòvel scialdi da fé per i calighés, che messova dantaldut agiusté su y baraté fora les soles. I ciauzés costova y vegniva perchel lasces arpé. “N per de ciauzés ova na vita longia enlaouta, ai durova ence diesc o chinesc agn, al vegniva mefun baratè fora la sola vignitant.” Plu de doi pers de ciauzés ne n’ova degugn: n per da laour y n per da festa. “Zacan fòvel na gran stenta, al fova enfinamai de chi che messova rodè entourn descouc o con dermenes (ciauzés de legn), d’autri jiva dal calighé con pel bele adoreda, per sparagné.”

N mestier arpé dal pere “Al é sté mi pere che s’à entenù de mia pascion per chesta ert, ajache dapò la scola fove semper te boteiga a cialé pro sciche al laorova.” Pio Colcuc à emparé da si pere co fé n ciauzé; al ti à ensigné na tecnica dret particolara, che é vegnuda adoreda mé enfina i agn ’50. La sola, embroceda con de te’ pitli ciodi de legn garantiva la dorada dl ciauzé y fova na garanzia ence contra la umidité y l suour dl pé. I ciodi de legn vegniva diretamenter da la Svezia y ai fova

resistenc y duc unfat, dla medema lungheza. La tecnica per realisé ciauzés tres i pitli ciodi de legn fova deventeda na tradizion tl Tirol anter les does veres. I saudés dl’ armada de Hitler ova duc ciauzés de pel de vacia con la sola embrocéda con ciodi de legn, nes conta Colcuc. I ciauzés ne fraidiva nia y ai ne se rompiva nia. Per cie che reverda l material, vegnìvel tout la pel de cualité; la pert plu bona fova i ufs y l spiné dl tier. I ciauzés messova spo samben ence vegnì mantegnis; al vegniva perchel metù su gras de porcel por sconé la pel da l’ega.

Les formes muda, aldò dla moda Deplù fova les sortes de ciauzés che l calighé fajova: ciauzés plu eleganc y moderns y ciauzés da laour. Les formes di ciauzés mudova spo aldò chel che la moda dova dant: can ovei la piza chedra, can la piza torona o spizeda y outa su. “I ciauzés con la piza spiza, eleganc, che i jiva do a la moda ingleisa i plajova scialdi ai joegn y vegniva comprés dai novic. Enlaouta duc chi che se maridova se lasciova fé n per de ciauzés nuefs.” L calighé fajova spo samben ence ciauzés da laour, con la sola dopla y con ciodi de fer per i bacans y per chi che jiva a laoré te bosch, per ester bogn de sté en pé sun terac erc y ence sun la glacia. “Zacan vegniva i ciauzés de curan ence touc da jì con i schi.

Concors metù da jì da La Usc di Ladins. Manéde vostes fotografies a la miscion e-mail katia.usc@rolmail.net o per posta a la misciun: Redazion “La Usc di Ladins”, Self dei Ladins c/o ex Hotel Dolomiti, 32020 Fodom/Livinallongo (BL). Les fotos vegnirà ence publichedes sun la plata de Facebook “L sonn fodom tla Usc” olà che duc podarà dé ju si aprijament. Chisc vegnirà touc en consciderazion da la giuria per la valutazion finala.

Pio Colcuc te si laboratore, tla Cesa de Jan, a Col.

Chest enfina che les fabriches n’à nia metù man de i fé de plastica y de porté ite materiai plu lesiers y manco ciaradousc ence per i ciauzés da vigni di.” La nasciuda dles fabriches y dles tecnologies modernes de produzion à mudé dut. “La jent ne vegn nience plu adalerch per se fé cuncé i ciauzés, spo pa per sen fé fé n per. Baraté la sola de curan costa de massa, al convegn i compré nuefs”, dij Colcuc n pue’ desplajù. Per fé n per de ciauzés adora l calighé n di de laour, nes còntel. Chel vuel dì che al didancuei vegnissa a costé n per ciauzés fat a man da n calighé sun i 250-300 €.

Trueps ciauzés per sciori da foradecà I bogn agn per i calighés da Col é stés chi dapò la seconda Gran Vera. Dailò fòvel trueps sciori da Roma che ruvova adalerch tl pice comun ladin. “Trueps ciauzés da jì su per mont àe messù i fé ai ghesć romans – conta l calighé.

Chi agn nen fajove n per al di. Chi che i ne fove nia bon de ruvé i menove per posta. Al fova de bogn agn, an davagnova bon da fé chest mestier.” Colcuc recorda chi agn olà che al fajova n per de ciauzés al di, al laorova “sciche na mascin” nes còntel. “I metove man da laoré da doman adora y i jive inant fina da seira tert, i dormive cater o cin’ ores a nuet y ales me bastova. Enfina che l ciauzé ne fova nia fat ne me architove nia.” Con la modernité él mudé truep. L mestier dl calighé, sciche trueps d’autri laours da zacan, é vegnù sburlé sun na pert. Ma tla pitla boteiga it a Col é ciamò viva la testemonianza de Pio Colcuc. Te si pice laboratore conserveiel ciamò sies massaries, si ciauzés fac a man y i recorc de na vita, che restarà tl temp ence tres l dvd che l Istitut Cultural s’à pensé de realisé per ne lascé nia tomé tla desmentianza chel mestier che auda pro la storia y pro la tradizion dl pice paisc ladin. (kp)

“Ci vosto fé? Bevonse velch!” Retrat mané ite da Sisto Menardi Diornista da Cortina d’Ampez.

Per realisé n tel per de ciauzés adora n calighé n di de laour.

30

www.lauscdiladins.com


Sport

nr. 08 / 22 de fauré 2013

L Fascia à tacà i playout

Medaa de òr per Martina Zanoner

Dò aer vent con Pontebba e Asiago, l Val de Fascia Ferrarini à tacà la endesfida per restèr en A1

La balarina sui feres del Val di Fassa Artistico Ghiaccio é ruèda pruma a Feltre

Hockey - En sabeda ai 16 de firé l’é stat l’ùltima partida de la fasa di Master e de la Relegation Round. Enceben che massa tèrt, te l’ùltima doi giornèdes de chesta pèrt del campionat l Val de Fascia Ferrarini à portà a cèsa de bogn resultac, venjan tant contra l Pontebba, en jebia ai 14, che contra l’Asiago en sabada ai 16. Contra l Pontebba la venta é stata sorida, col resultat de 9 a 3. I goi é stac de Martin Castlunger, Michele Marchetti, Cesare Sottsass, Stefano Margoni e Christian Castlunger e amò doi goi per om de Jakub Sindel e Mario Cartelli. Mìngol più senestra l’é stat la venta contra l’Asiago, ma ai tempes suplementères la é jita. A segnèr l’é stat endò Martin Castlunger e Sindel, e ence David Turon. Dò aer serà sù i Master e la Relegation Round, en mèrtesc ai 19 de firé l’é tacà i playoff e per l Fascia l’é scomenzà enveze i playout “best of seven”. Te chesta 7 partides, dutes contra l Pontebba ùltim en classifica generèla, l Fascia se batarà te la “scontrèdes salveza” per restèr te la serie A1. L calandèr perveit de jièr ai 19, ai 21, ai 23, ai 26 e ai 28 de firé e se servirà se jiarà ence ai 2 e ai 5 de mèrz. Chest, tant per i playout che per i playoff. Te sia pruma partida de mèrtesc passà l Fascia à batù l Pontebba per 7 a 1. Semper Fascia - Pontebba à jià ansera, e en sabeda ai 23 la partida sarà ta Dèlba. Al prum post de la classifica l’é semper l Valpusteria, a 2 ponc dal

L joen Cesare Sottsass é jit a segn contra l Pontebba.

Renon. Sarà na bela batalia per l post da campions de la Tèlia. (vr)

Resultac squadres mendres L’Under 18 à jià en domenia ai 17 contra l’HC Val Pusteria e l’à perdù per 8 a 0. La setemèna passèda l’é tacà la fasa nazionèla del Campionat Under 16. Te chest tornoi l’é ite 20 squadres: 4 dal Campionat de la Lombardia, 8 da chel de Sudtirol, 4 del Campionat Trentin-Venet e 4 dal Piemonte. La 20 squadres é states spartides te cater girons e chela da Fascia la fèsc pèrt del giron D ensema a Varese Hockey, Ritten Sport e SC Ora. La pruma doi squadres per ogne giron les tolarà pèrt a la fasa di chèrc de finèla. La medema Under 16 à jià ence en sabeda ai 16 de firé contra l Varese

Hockey e l’à vent per 6 a 4 coi goi de Ivan Lauton, Davide Schiavone, Massimo Zanet, Lorenzo Paolinetti (2) e Marco Defrancesco. En mercol ai 13 de firé l Fascia se à batù contra la SC Ora e l resultat l’é stat de 4 a 4. A segnèr l’é stat Lorenzo Paolinetti, Alessio Defrancesco, Lorenzo Paolinetti, Ivan Lauton. L’Under 14 à jià en domenia ai 17 contra l’HC Val di Sole e l’à vent per 7 a 2 con i goi de Stephan Deluca, Marco Defrancesco, Andrea Ploner (2), Alfeo Deluca e Nicola Defrancesco. La setemèna passèda se à serà sù l Campionat Trentin Under 12 olache la formazion de Fascia é ruèda pruma. Tel fin de setemèna di 16 de firé l’é scomenzà la fasa finèla Trentin-Venet olache la prumes 6 squadres del Trentin se batarà contra la prumes 6 del Campionat Venet. L calandèr perveit 3 giornèdes de jech e vegnarà tegnù cont di resultac per fèr la classifica, ma ajache l tornoi l’é ite desche ativitèdes promozionèles, no vegnarà proclamà l venjidor. L’Under 12 de la SHC Fascia l’à jià en sabeda ai 16 de firé contra l’HC Alleghe e l’à vent per 8 a 2. A segnèr l’é stat Simone Deflorian (2), Francesco Giuliani, Elia Casagranda, Sebastiano Rossi, Mattia Lastei, Alfeo Deluca e Riccardo Stoffie. En domenia ai 17 de firé 2013 a Ciavaleis l’é stat l 3° Tornoi a 5 squadres de l’Under 10 anter HC Fiem, HC Perjen, SHC Fascia, HC Cornacci e HC Piné.

jené la era ruèda sul sciaier più aut del podie te na garejèda a Fondo en Val de Non. Ence l’autra atletes fascènes à portà a cèsa de bogn resultac. Anter la 34 più pìcoles d e l a c ate g o r ì a Primule, Jasmine Soraruf é ruèda 4^ e Melany Planchensteiner 7^ e dapò amò sodesfazion te la categorìa Rose con l 12° post de Beate Iori de 12 egn. A compagnèr duta la atletes a la garejèda, desche ti alenamenc, l’é stat Caterina Nemela, alenadora federèla de prum livel, sot la supervijion tecnica de Isabella Chio do, te cnical specialist e alenadora Martina Zanoner é ruèda pruma a Feltre. federèla de secont livel. Bal sui feres - En sabeda ai 16 Noscia alenadores, ensema a la de firé la balarines sui feres del neva istrutores federèles Viviana Val di Fassa Artistico Ghiaccio é Felicetti, Monica Bernard e Adele jites en trasferta a Feltre, per tor Battisti, les é dò che les porta inant pèrt a na garejèda intersozièla. La n gran lurier con duc i atlec del più gran sodesfazion de la sozietà Val de Fascia Artistico Ghiaccio fascèna la é ruèda con la medaa e les merita n rengraziament de òr vadagnèda da Martina spezièl. Zanoner de 11 egn, che à batù Da no desmentièr l’é ence l gran duta sia compagnes de la categorìa contribut dat dai sponsor e da la Tulipani. Chest l’é l secondo prum istituzions de val e regionèles. post per Martina, che jà ai 20 de (mb)

Bën diesc partides te cin’ dis N gran not à la scuadres di jëuni abù ntan l’ena de carnescià, fajan de bela partides y arjunjan nce vel’ bon resultat Gherdëina ova truepiscima ucajions, ma l ne fova nia mesun ti fé ite n gol, ajache i averseres ova n boniscimo verdiaporta che piova dut. Tl segondo tëmp, canche l Kaltern à metù ite l auter verdiaporta ie pona tumei i trëi goi che à purtà ala vënta dl Gherdëina. Per l Gherdëina à fat i goi: Leo Holzknecht, Hannes Kasslatter, Diego Glück y Mike Windegger. Bele n dumënia ai 24 de fauré vàla inant per chësta scuadra te Sëlva dala 10.00 contra l Maran. Hockey/Jëuni - U10 Toblach - Gherdëina 2:7 (0:2, 2:3, 0:2) La Under 10 à l ultimo mierculdi jugà a Toblach, ulache i mutons à fat na bona partida vencian saurì y merità per 7:2. Per l Gherdëina à fat i goi: Leo Messner (4), Andrej Kostner (2) y Marc Kasslatter. U10 Gherdëina - Sterzing 3:3 Una dla miëura partides à la Under 10 pona fat n dumënia te Sëlva contra la bona scuadra dl Sterzing. L Gherdëina à abù truepa ucajions da gol, ma l ne fova nia saurì ti i fé ite al gran verdiaporta dl Sterzing. Permò n trëi menuc dan la fin dla partida ie i averseres stac boni de valivé ora l resultat. Bravi mutons! Per l Gherdëina à fat

i goi: Leo Messner (2) y Philipp Demetz. U12 Toblach - Gherdëina 2:2 (1:0, 0:1, 1:1) N sada ie i mutons dla Under 12 furnei a Toblach, ulache i à jugà na bela partida a pensé che l manciova trëi de bon jugadëures che fova dal tisl. Ala fin iela mo jita mpue da gial, canche l arbitradëur à anulà n gol di averseres y pona, do che l ie unì prutestà da pert dla scuadra dl Toblach, ti l àl mpo mo dat. Curiusità de chësta scuadra: chësc fova bele l setimo resultat a pèr! Per l Gherdëina à fat i goi: Anton Perathoner y Thomas Scherlin. U14 Vinschgau - Gherdëina 0:2

(0:1, 0:1, 0:0) La Under 14 ie n mierculdi dl’ena passeda furneda a Latsch per fé si partida de campiunat contra la scuadra dl Vinschgau. L trainadëur Franz Kasslatter à lascià jughé duc, nce trëi jugadëures dla Under 12, davia che 5 mutons dla Under 14 à tl medemo mumënt jugà na partida cun la Under 16. La scuadra dl Gherdëina à venciù chësta partida cun n bon prim tëmp per 2:0. Per l Gherdëina à fat i goi: Mike Windegger y Davide Demetz. U14 Kaltern - Gherdëina 1:4 (0:1, 1:3, 0:0) N dumënia iela pona riesc jita inant cun na partida contra la scuadra dl Kaltern, ulache l

U16 Gherdëina - Kaltern 2:2 (1:0, 0:2, 1:0) La prima partida dla segonda pert de campiunat à i mutons dla Under 16 jugà bëndebò bën. Partida cumbatuda, ulache duc se à purvà dassënn dal prim al ultim menut. Purtruep àla mpue sciacà a fé goi y nsci àn messù se cuntenté cun n resultat a pèr. Per l Gherdëina à fat i goi: Samuel Moroder y Diego Glück. U16 Valpellice - Gherdëina 0:9 (0:2, 0:2, 0:5) Na plueia de goi ie pona tumeda n sada a Valpellice. I mutons à venciù saurì per 9:0 contra na scuadra plutosc dëibla. Per l Gherdëina à fat i goi: Samuel Moroder (3), Alexander Scherlin,

Hannes Kassaltter, Damian Bergmeister, Peter Mulser, Jan Demetz y Andrea Demetz. U18 Gherdëina - Pergine 2:4 (1:0, 0:4, 1:0) Sciot per chësta partida che fossa stata da tré decà, ma tl segondo tëmp se l’à i mutons durmida via y ne fova nia cunzentrei. Per l Gherdëina à fat i goi: Patrick Kelder y Rudi Holzknecht. U20 Gherdëina - Kaltern 4:1 (2:0, 1:1, 1:0) Prima partida n cësa dla cualificazion per i play off vënta dal Gherdëina, cun i 5 mutons dl HC Fascia, cun n bon 4:1. Per l Gherdëina à fat i goi: Christian Castlunger, Fabian Costa, Aaron Pitschieler y Patrick Kelder. U20 Gherdëina - Asiago 4:3 (3:1, 1:1, 0:1) N dumënia à la Under 20 jugà n cësa contra l Asiago. Plu che na partida de hockey semiòvel na viera. Belau 100 menuc de straufonghes y doi scualifiches per doi jugadëures dl Asiago. Ala fin iela mpo mo jita ora bën per l Gherdëina. Cun chësta vënta meriteda se àn metù drët bën per i play off. Per l Gherdëina à fat i goi: Oliver Schenk (2), Gabriel Senoner y Davide Holzknecht. (im) www.lauscdiladins.com

31


Sport

nr. 08 / 22 de fauré 2013

Inće Manfred tl palmarès de Schladming Manfred Mölgg davagna söa terza medaia mondiala y söa pröma tl slalom lerch tla discesa) y le brom de Mölgg, incuntunse la Norvegia cun n or y n brom.

Chë secunda manche da acrobat

Manfred Mölgg cun la medaia de brom de Schladming. (foto: pentaphoto)

Schi alpin - Dantadöt dui atleć à alzè söa famosité pro chisc Mondiai de Schladming: Ted Ligety y Tina Maze. L’american Ligety à davagné bëgn trëi medaies d’or: tl super-g, tl slalom lerch y tla supercominaziun. La slovena Maze à arjunt n or (tl super-g) y dui arjënć: tl slalom lerch y tla supercominaziun. Dër bun ti ésera jüda ai USA, che comana inće la tlassifica dles

medaies: cun 4 ors y 1 brom, dan al’Austria che à stlüt jö cun 2 ors, dui arjënć y 4 broms, al terz post la naziun surpreja, la Francia, che à dui ors, n arjënt y 1 brom. La Slovenia é da ciafè por merit de Tina Maze al cuart post (trëi medaies), la Germania al cuint post cun 1 or, n arjënt y 2 broms. Ćiamò dan ala Talia, che é al setim post cun dui arjënć (Nadia Fanchini tla discesa, Dominik Paris

Cuarto do la pröma manche, se sintî Manfred Mölgg en vëndres ćiarié tla secunda. Al dijarà plü tert che al â dormì bun de nöt y che al n’ê nia nervus. Söa proa pëia ia bun, mo do incër chinesc secunć söla Planai i fêjel stè sö le fle ai spetadus: al mëss se spraizé cun dötes les forzes por stè tl percurs, al tira n salt desco n acrobat, mo é bun da jì inant desche al ne foss sozedü nia. Jö inant ćina al antertëmp y al travert él bun da desfiré na gara zënza fai che le portarà spo söl scalin plü bas dl podium. Tla analisa dles seziuns de gara él da odëi che Manfred Mölgg â tl pröm tòch de gara (secunda manche) le 26ejim tëmp, tl secundo tòch le 22ejim tëmp y tl terzo tòch le 16ejim tëmp, indöt tla secunda manche àl metü sö le 9^ tëmp de gara. Ligety à metü sö tla secunda manche le 6^ tëmp de gara, Marcel Hirscher (ruvé secundo) le miù tëmp de gara. Interessant él da odëi che Manfred Mölgg à albü tl total di tòć de gara danter la pröma y la secunda manche le 7^ tëmp sö

alt, le 7^ tëmp tl secundo antertëmp, le cuarto tëmp tl terzo antertëmp y le terz spo ala fin. Ligety é stè pröm tl total di dui tòć alć, secundi, terzi y inće finai. Hirscher terzo tl total di dui tòć alć y ti atri trëi tëmps parziai dagnora secundo.

La cariera de Manfred Mölgg Manfred Mölgg à bele śëgn na bela cariera da mostrè sö, nia ma lungia, mo inće bela. Trëi é les medaies de Mondiai incër le côl,

öna é la copa de cristal dla spezailité de slalom strënt. Döes é les devëntes de gares de Copa dl Monn (dl 2008 y 2009), sis é i secundi posć te gares de Copa dl Monn (danter le 2004 y le 2012 - 3 de slalom y 3 de slalom lerch) y ot é i terzi posć che al à arjunt te Copa dl Monn (danter le 2007 y le 2013 - set de slalom strënt y 1 de super-combinaziun). Do düć chisc bi resultać y la forma che Manfred Mölgg à rèstal ma plü da ajunté: la cariera va inant, ćiamò él gares de Copa dl Monn, y n ater ann saral les Olimpiades a Soci. (ir)

Le podium dl slalom lerch, cun Ligety, Hirscher y Mölgg.

Cin’ tituli naziunei per i biatlec de Gherdëina Drët valiva contra l Passaier I atlec dl Schi Club Gherdëina porta inò a cësa de boniscimi resultac dai campiunac talians a Valdidentro Demetz ie cun cin’ fai mo stat bon de se davanië la bedaia de bront. L segondo di pra la stafetes semiòvel propi la segra de Gherdëina. Bën cater atlec sun cinch ie stai boni de se davanië l titul naziunel cun si stafeta metuda adum cun atlec ora dl cumitat de Südtirol: Irene Lardschneider y Nathalie Wiedenhofer pra la mutans aspirantes, Hannes Zingerle pra i mutons aspiranc, Maikol Demetz pra i juniores y Carmen ie ruveda segonda cun si stafeta pra la juniores mutans. La premiazion dla stafetes dla mutans aspirantes cun Nathalie Wiedenhofer y Irene Lardschneider sun l scialier plu aut.

Biathlon - N sada y dumënia ai 9 y 10 de fauré iel unì garejà tla Valtellina a Valdidentro per i campiunac talians de biathlon dla categuries jëunes cun l stlop a pitl caliber. Nce cin’ atlec dl Schi Club Gherdëina à fat pea pra chësta garejedes se batan plu che bën te si categuries. L prim di fòvel na garejeda ndividuela, ulache per uni fal di 20 colps giapova i atlec un n menut de straufonga. L segondo di fòvel da se bater tla stafetes che fova metudes adum a livel de cumitat provinziel. Bel riesc l prim di, tla categuries plu jëunes di aspiranc, de bon resultac cun la bedaia de arjënt de Nathalie Wiedenhofer. Ëila ova bën fat l mieur tëmp sun i schi, ma ie purtruep unida straufeda per si

32

www.lauscdiladins.com

Cun chisc resultac de marueia, ie duc i atlec de Gherdëina ruvei de reviers da Valdidentro cun almanco na bedaia d’or di campiunac talians ntëur al col. Da fé la firma bel riesc sce la jissa medrë mpue tan bën nce pra la proscima garejedes che vel n titul talian. Ti mbincion sambën bele da śën dut l bon a nosc atlec y ti tenion i punies. (ts)

cater fai a stlupeté. L segondo miëur tëmp sun i schi ova inò na nosta biatleta: Irene Lardschneider, chëst ann l prim iede cun chësta sort de stlop. Cun sies fai se àla plazà al boniscimo 5. post, lascian do sé n grumon de atletes de un y doi ani plu vedles che ëila. Sesto nce Hannes Zingerle pra i mutons, atlet che viv a Ciastel, va a scola a Urtijëi y garejea per l SC Gherdëina. L prim titul naziunel per i atlec de Gherdëina se à Carmen Runggaldier davanià, che fova scialdi segura a stlupeté fajan mé un n fal. Nce Maikol Carmen Runggaldier che stlupetea.

Na bela vënta per l Gherdëina I do na partida scialdi cumbatuda. Manco bona ti iela jita al Gherdëina II che à messù ti lascé la vënta ai patrons de cësa de Burnech Chidlé - Nce sce l resultat de 6:2 per l Gherdëina semea bëndebò tler, fova la partida dl’ena passeda mpo mo stata scialdi valiva. Do la prima lingia di colps cun Werner y Leo stajòvela 2 a 0 per i chidladëures y I Gherdëina fova de 44 chiedli danora. Guido y Siegfried à pona valivà ora n cont di ponc y l Passeier ie passà dant de 3 chiedli. Georg y Flavio à mo cumbatù bëndebò bën fajan un n pont di chidladëures y raidan la defrënza de 3 chiedli a bën dl Gherdëina, arjunjan nsci na bela vënta sun l Passaier. Resultat: l Gherdëina I Buandes Rabanser à fat 6 ponc, batan ju 3126 chiedli, che ie na mesaria de 521 chiedli per jugadëur. L Passeier III à fat 2 ponc, batan ju 3123 chiedli cun na mesaria de 520,5 per chidladëur.

Serie B-est

defrënza de 186 chiedli fossa stat na surpreja tla segonda lingia y tla terza lingia fòvela plu valiva. Ala fin à l Burnech venciù de 167 chiedli. Resultat: l Burnech 67 III à fat 6 ponc, batan ju 3026 chiedli, che ie na mesaria de 504 per jugadëur. L Gherdëina II Buandes Rabanser à fat 2 ponc, batan ju 2859 chiedl, cun na mesaria de 477 per jugadëur.

Serie D-nord Burnech 67 III - Gherdëina II 6:2 Resultac persunei: Armin Moroder 519 Viktor Werdaner 507 Oskar Runggaldier 502 Ewald Insam 500 Stefan Gatterer 424 Rainer Bernardi 407

Gherdëina I - Passeier III 6:2 Resultac persunei: Flavio Prinoth 540 Leo Demetz 534 Werner Runggaldier 528 Georg Sommavilla 523 Guido Stuffer 514 Siegfried Prinoth 487 Nia massa butà ne ti àla al Gherdëina II a Burnech. Bele do la prima lingia di colps ova i averseres batù ju 186 chiedli deplù. La fova bele tan che perduda. Tré ite la

Armin Moroder à fat na bona partida.


Sport

nr. 08 / 22 de fauré 2013

Sabo e Chiara i miores taliegn tel slalom Ai mondièi de Schladming i fascegn Stefano Gross e Chiara Costazza à concostà respetivamenter 11° e 14° post e l’é stat i miores de la squadra talièna

Tris de campiuns d’Europa Sciöche i ùn reportè tla ultima Usc, él gnü tignì dan chinesc dé a Latzfons le pröm campionat europeich de liösa alta, che é jü dër bun suradöt por i atleć dla US La Val, cun trëi medaies d’or y öna de brom Pro les iuniores é l’atleta dla scuadra da La Val Iris Erlacher che é deventada campionëssa d’Europa, cun le miù tëmp te intrames les manche. Tla categoria dles seniores à inće n’atleta dla scuadra da La Val - Daniela erlacher - davagné la medaia d’or, condujon a ćiasa le titul europeich. Na gran prestaziun à inće fat Carlo Miribung da La Val, che à arjunt ala fin dles döes gares le bun terzo post, davagnan insciö la medaia de brom. Pro le titul inofizial dla miù naziun à davagné la Talia. Düć chisc bogn resultać é dessigü n bel früt de düć i sacrifizi y impëgns che i atleć mëss fà tratan l’ann, mo no ma i atleć, mo inće la Uniun dl Sport Amatoriala da La Val, che é intres doìa por döta l’organisaziun. La presidënt dla Uniun dl Sport Amatoriala da La Val, Alex Alton, se congratulëia cun düć i atleć y porsones che é incër la seziun dla lösa, por l’impëgn che ai á tres mostrè y inće por i campiuns europeics Diego, Daniela y Iris.

Diego Tschaffert, campiun assolut. Chiara Costazza contenta de sie resultat tel slalom strent.

Slalom strent - Se se spetèa zeche de più da pèrt di taliegn te chest mondièl de schi a Schladming e fosc ence mìngol de più dai ladins, soraldut da ic. A chisc mondièi a la Tèlia ge é mencià la medaa de òr: i sperèa che la rue tel slalom strent, ma no la é jita coscita, ne en sabeda ai 16 de firé con eles, e nience la dì dò, en domenia ai 17 con ic. Ence da pèrt di fascegn la spetadives era maores, ma a vardèr la classifiches vegn fora amàncol che i miores di taliegn l’é stat proprio i doi fascegn: Chiara Costazza e Stefano Gross, duc doi da Poza. En sabeda ai 16 de firé Chiara Costazza é partida con l numer 28 e a la fin de la pruma manche sie resultat l’é stat n 17° post, ensema a autra does atletes, a +2.01 da la pruma. Dò chesta proa Chiara Costazza à dit: “No é nia da perder, ge tiraré ite. Vegnaré jù con n numer mior che dant e no me sparagneré”. A la fin l’é stat la miora de sia squadra, l’à serà sù con n 14° post, che segur l’é n bon post per chesta sajon, enceben che duc sperassane semper che la vae amò miec. La medaa de òr en sabeda é jita a Mikaela Shiffrin, l’arjent a Michaela Kirchgasser e l bron a Frida Hansdotter. Ence Sabo l’é stat a la fin l mior di taliegn tel slalom de la domenia,

ma ampò sia proa à lascià l braus te bocia. Sun el defat l’era de gran spetadives per na medaa, ma a la fin no la é jita coche se se spetèa. Te la pruma manche “Sabo”, peà via con l numer 14, l’à fat n burt fal e l’à serà sù col 16° temp a +2.16 da Marcel Hirscher, prum en classifica. Bona te la pruma manche la gara de Manfred Mölgg, ruà 4°. Ampò te la seconda l badiot é jit fora, con gran delujion de duc i taliegn, enveze l fascian l’à recuperà vèlch, fenian fora sie mondièl con l’11° post finèl: n piazament che à descontentà prum de dut l medemo Gross, che l’an passà sun chest portoi l’era ruà sul podie. Beliscima gara per l’austriach Marcel Hirscher, che à fat “vegnir jù da la tribunes” l’engaissà publich de cèsa; l’arjent é jit al todesch Felix Neureuther e l bron a n auter atlet de cèsa, Mario Matt. N mondièl, chest de Schladming 2013, che podea jir miec: podea esser Cristian Deville e i doi fascegn podea jir miec, ma la é jita coscita e l’é semper n spetacol e na emozion veder vegnir jù desche miores del mond ence atlec fascegn. Te doi setemènes sarà endò da se emozionèr con la Copa del Mond: ai 10 de mèrz l slalom de eles sarà a Ofterschwang te la Germania e chel de ic a Kranjska Gora te la Slovenia.

Stefano Gross endèna l slalom strent a Schladming 2013.

A man dërta Iris Erlacher, campionëssa dles iuniores.

Liösa - Dal punt d’odüda dla federaziun taliana di sporć da d’invern FISI, é le pröm Campionat Europeich de liösa alta a Latzfons jü dër bun. Nia ma l’organisaziun, mo inće le program de cornisc ne podô nia ester damì. Inće les condiziuns tlimatiches é stades perfetes, cun n bel tëmp y na temperatöra de -14°C. Ales gares à tut pert bëgn 128 atleć. Diego Tschaffert à confermè inće tles intervistes ala televijiun, che chësta ê la gara olache al s’à conzentrè le plü tratan döta la sajun, porchël él inće jü sciöche favorit al campionat europeich. Inće deache la pista da Latzfons é öna dles pistes olache al se fej le plü saurì y olache al à inće ti agn passà arjunt de bugn resultać. Insciö él stè bun da defëne le titul de campiun europeich. Le concorënt prinzipal de Diego é stè Andreas Ehammer dl’Austria. Tl pröm tëmp intermesan ê Diego intres dant de püć centejims, tl secundo tòch dla pista ê spo indô l’atlet austriach dant. Mo le stödafüch profescional da La Val ê intres bun tl’ultima ota dan le travert da atochè la ligna plü asvelta co i atri. Insciö é Diego stè bun da portè a La Val por le secundo iade le titul de campiun europeich, che restarà por i proscims dui agn te sües mans. Pro les ëres à indô la campionëssa Reinhilde Gamper romenè demez döt, la maestra de musiga à indô mostrè insciö süa gran condiziun.

Por odëi deplü fotos, le video dla intervista de Diego sön le Rai Sender Bozen y les tlassifiches, pòn ćiarè ite sön la plata internet dla US La Val www.uslaval.it. (US La Val)

A man dërta Daniela Erlacher, campionëssa dles seniores.

Le podium cun Carlo Miribung (a man dërta), terzo post pro i seniors. www.lauscdiladins.com

33


Sport

nr. 08 / 22 de fauré 2013

5. ediziun dl ”Tour de Sas” Daimprò dala Piza de Lavarela cun atleć de livel mondial. Pröm post por cater atleć, la juria decretëia spo la devënta por Reichegger y Eydallin

I plü asvelć dl Tour de Sas.

Schialpinism - En domënia dan otedé, do mëisc de organisaziun, edemes de laûr y cun nëi assà, él gnü metü da jì n ”Tour de Sas” da recordè. La gara, conesciüda oramai a livel internazional, à albü en chësc ann n numer de partezipanć dër alt, daimprò da chël dla pröma ediziun. Plü de 200 atleć da vigni pert dla Talia y da foradecà s’à presentè adora da doman, dales 8.15, al start. Danter i partezipanć êl inće Manfred Reichegger y Matteo Eydallin, vize campiuns dl monn de schialpinism y favorić dla gara. Le ”Tour de Sas” varô en chësc ann sciöche cuinta proa de ”Coppa Italia“ y secunda proa dla „Coppa Dolomiti“.

Percurs por spezialisć Le percurs é stè na novitê y plü tecnich, valch por spezialisć che à podü se mosoré tla contrada unica dl Sas dla Crusc. Le punt plü alt da arjunje preodü ê la Piza de Lavarela (3055m), che n’à nia podü gnì arpizada deplëgn por gauja dl prigo

Daniele Irsara, diretur de gara, cun le podest feminil.

da lovines. Le risch àn ciarè de tignì fora passan 250 m sot la piza ia. La gara piâ ia a San Linert, dala staziun dl lift da La Crusc por rové sö Oies, Pasciantadù, Castalta, Pra de Medesc, Forcela de Medesc y jö dl vers de Rainé por rové al travert sura l’ostì. Le percurs de endöt 18,5 km cun 2060 m de deslivel à metü dassënn ala proa les capazitês tecniches di atleć. Sön le percurs se à mosoré en chësc ann i atleć dui a dui.

devënta por Reichegger y Eydallin. Trëi menüć dedô é spo rovà adalerch Follador y Kuhar che s’à davagné le terzo post te 2:08’07. Le podest dles ëres é gnü concuisté te 2:43’35 da ValmassoiMartinelli. Secundes é stades Besseghini-Rossi te 2:46’10 y terzes Osler-Stuffer te 2:57’01. Inće na copia de Badiasport à tut pert ala gara. Roland Pitscheider y Markus Willeit é rovà al 48ejim post te 3:07’32. La tlassifica plü

avisa pòn odëi sön le sit internet www.tourdesas.it. Sön le percurs él ćiamò gnü valuté y premié te dui d’atri posć le tëmp. La pröma copia che rovâ sö dala ütia ”Tamà” davagnâ le trofê ”Holimites” y i pröms da rové sön la Forcela de Medêsc davagnâ le trofê ”Haglöfs”. Baldi él inće sozedü n inzidënt tratan la gara. La südtiroleja Andrea Innerhofer da Gais é saltada te n lëgn tratan che la discesa cuntra le travert, y à patì n gran trauma al piet. Ara é gnüda condüta debota te ospedal da Balsan tla terapia intensiva. Dales ultimes noeles sàn che ara n’é por fortüna nia en prigo de vita.

”Tour de Sas” en livestreaming Le ”Tour de Sas” de chësc ann à ćiamò n mirit, nia ma chël de avëi trat adalerch tan tröc atleć. Por le pröm iade tla storia él gnü mostrè na gara de schialpinism en direta sön internet. Chi che n’â nia la poscibilité da jì a San Linert a ti ćiarè ala gara dal vì, à podü a chësta manira ti ćiarè a ćiasa dal computer o te vigni ater post dal smartphone.

”Tour de Sas” à insciö dè n contribut important da fà conësce deplü n sport a chël che al ne ti vëgn nia ćiamò dè la lerch che al se mirita.

Sodesfaziun por l’organisaziun Bele da d’altonn mët man i laûrs por la gara. Daniele Irsara, diretur dla gara, adöm a n grup de colaboradus, à albü tröp da ponsè y da organisé por la mëte da jì. Paolo Pitscheider, Lois Craffonara y Manuel Agreiter s’à cruzié dantadöt dla pert dl percurs; Claudia Canins, Roberto Tasser, Jan Paul Adang y Roman Pescosta à fistidié por le start, le travert, la premiaziun, la tecnica y le mangé. Daniele Irsara dij de ester dër contënt por sciöche chësta cuinta ediziun é jüda y recorda dantadöt i 150 volontars, danter Crusc Blanćia, Stödafüch, Aiüt Alpin y d’atri, che à daidé pité assistënza ai atleć sön döt le percurs y na gara sigüda le plü che ara jô. Al recorda inće la buna colaboraziun cun les istituziuns y i sponsor che à contribuì ala realisaziun de chësta manifestaziun. (Badiasport)

Pröm post de cater Do püch plü co döes ores dal start é i pröms atleć rovà indô jö te paîsc. Le travert é gnü taié tl medemo tëmp da döes copies: dai favorić Reichegger-Eydallin y da Lenzi-Holzknecht. I cater gragn dl schialpinism talian à passè ia adöm la ligna dl travert, deach’ai à inće fat le rest dla gara adöm, zënza che na copia foss stada buna da sorpassè l’atra. En cater s’ài insciö davagné la cuinta ediziun dl „Tour de Sas“ te 2:05’19. La juria à spo decretè la

I atleć sön Val de Medêsc.

Holzknecht y Lenzi davagna le trofê Haglöfs.

Na garejeda per i plu artenienc

Trei podi al Monte Avena

Atlec y atletes de Peves Gherdëina à nce fat pea pra la ”Tour de sas”, deberieda cun na cuncurënza nternaziunela drët sterscia. Bon resultat per Tatiana a Maran 2000

Matteo Costa prum nte la categoria “Ragazzi” al Aviva de Pescul

Peves - N sada ai 16 de fauré àn metù a jì la 10. ”Skitourrennen” sun Maran 2000, cun n deslivel de 880 metri y na lunghëza de 8,5 km, cun doi puntons da jì suvier y un iede nce juvier. Da pië via fòvel dala stazion a val de Falzeben per ruvé su pra la Kühleitenhütte a 2363 metri, ulache l fova l travert. Tla categuria dl’ëiles udons al prim post Annemarie Gross cun n tëmp de 1:18:14, segonda Tamara Lunger cun 1:19:24 y terza la atleta de Peves Gherdëina Tatiana Kutlikova cun 1:26:36.

Tour de sas N dumënia ai 17 de fauré à Badiasport metù a jì la cuinta edizion dla ”Tour de Sas”. L ie na garejeda Fisi y per la gran pert dedora dai purtoies dai schi, perchël nce scialdi mpeniativa per i cuncurënc. Tlo vëniel fat pea a pères y l ie stat na gran partezipazion de atlec mpue da dlonch caprò cun nce campions de schialpinism. Velch

34

www.lauscdiladins.com

Georg Piazza y Christian Insam se njënia ca per muever per la Tour de sas.

deplù n cont dla garejeda iel da liejer tl articul tlo dessëura, tlo repurtons mo i resultac di atlec de Peves Gherdëina / Schi Club Gherdëina Saslong: Pra l’ëiles udons al 5. post Esther Demetz y Manuela Perathoner cun

4:00’16. Pra i ëi iel al 20. post Andrea Comploj y Günther Nocker de La Poza cun n tëmp de 2:39:38 y al 26. post Georg Piazza y Christian Insam cun n tëmp de 2:43:53. N gra ti va tlo nce a Enrico, Herbert y Andreas per l sustëni ntan la garejeda. (mp)

Schi alpin - Domënia da mëte nte na soèja chëla passada per l Sci club Arabba. Le bone notizie i é ruade souradut dal Monet Avena, soura Feltre, ulache ntel Trofeo Lattebusche l team ladin l é ste bon de se porté a cèsa trei podi e l terzo post nte la clascifica de le scuadre. La picola Aurora Zavattarelli l’é ruada davánt a duc nte la categoria “Baby”. Ór slinché per Vitto Cappellini che l se piaza al 2° post ntra i “Cuccioli”. La medaia de brom che manciáva l’é ruada nveze da Erwin Daberto, terzo ntra i “Baby”. Bone le prestazion ence de autri atlec ( 10. Alessandro Crepaz ntra i Baby, 10. Luca Crepaz e 14. Elia Denicolò ntra i “Cuccioli” che a fat si che la scuadra la rua al terzo post trio le “corazade” Trichiana” e “Ponte nelle Alpi”. L Sci Club Arabba sul suo scito internet l lauda l joven alenadou Federico “Chico” Pellegrini, che al suo prum ann da alenadou l a bele otignù de bogn resultac e fat crësce n general duta la scuadra sot a dël. Très n domënia a Pescul l é stada corësta l’ultima prova de slalom del Gran Prix Aviva

per la categoria “Allievi” de la sezion Belum Bassa. Ence chilò bon nuove co l’otima prestazion de Matteo Costa che l a concuisté l prum pòst nte la categoria “Ragazzi”. I dis passèi su le nei zoldane l é ste corëst ence la selezion ntra Belum e Treviso per l “Pinocchio” de le categorie Baby e Cuccioli. Co l terzo post s’à cualifiché Valentina Savorgnani. (sl)

L podio dei “Baby” al Monte Avena.


Sport

nr. 08 / 22 de fauré 2013

Pudejé de livel aut sun Pana Campiunac provinziei y Copa Italia de pudejé sun Pana/Ciandevaves. Miëur tëmp dl di per l atlet de cësa David Hofer. Trëi tituli provinziei per i atlec dl Schi Club Gherdëina Pudejé - N bel tlap de atlec dl pudejé se à abinà chëst’ultima dumënia tl zënter de pudejé sun Mont de Pana, danter chisc nia mé pitli y jëuni, ma nce atlec dla grupes sportives de duta la Talia. La garejeda metuda a jì dal Schi Club Gherdëina n cunlaurazion cun l zënter sportif di Carabinieri de Val ie stata de n valor tecnich aut, n drë spetacul per l bel publich de pasciunei unit adalerch.

Garejeda provinziela L fova na bona ucajion nce per i atlec dl Schi Club Gherdëina per se museré cun i bon atlec unic adalerch. Danter l auter àl fat pea nce David Hofer, che ie al mumënt l numer un dla scuadra taliana.

Chëst ann fova la garejeda ndividuela tla tecnica tlassica cun pië via uni 20 secunc. I atlec dl Schi Club Gherdëina che fej si training belau for sun Mont de Pana à sapù da se nuzé de chësc vantaje y à arjont de bon plazamënc. Sun i purtoies anjeniei ca drët a puntin àl nce fat pea truep atlec dla sezion dl biathlon. Lecurdon danter i miëur plazamënc l terzo post de Gloria Sacristan pra la plu pitles, y i trëi tituli provinziei venciui da Alex Oberbacher (categuria junior), Eleonora Insam (categuria junior mutans) y Nadia Ploner (categuria ëiles).

Copa Italia Pra la garejeda che vel per la

Copa Italia à David Hofer tëut l’ucajion de se fé mo n bon alenamënt dan i Campiunac dl Mond y à nce vënt chësta garejeda fajan l miëur tëmp dl di. N possa dì che l ie stat n gran suzes per i atlec de Gherdëina, cun Florian Kostner (grupa di Carabinieri) al segondo y Janmatie Kostner (grupa dla Polizia) al terzo post. L Schi Club Gherdëina tol l’ucajon per rengrazië l zënter sportif di Carabinieri de Sëlva per la bona cunlaurazion, la umans che à purtà de bona deuciaries y duc chëi che à judà pea a fé garaté chësta manifestazion. Duc i resultac plu avisa ie da udëi sun la plata dl Schi Club Gherdëina www.sciclubgardena.it. (ck)

L podest cun Florian Kostner (2.), David Hofer (1.) y Janmatier Kostner (3.) pra la garejeda de Copa Italia sun Pana. (fotografia de Werner Dejori)

I pici dl paslunch se dà da fà

Trëi pordüdes

Tles döes gares de paslunch ta Gsies y sön Monte Pana à i pici atleć dl SC Ladinia - seziun paslunch, arjunt bëgn trëi plazamënć da podium

Ma la scuadra dles ëres à salvè l’onur cun na devënta Chidlé Val Badia - La scuadra feminila dl Mareo se tëgn inant al secundo post tla tlassifica cun na devënta tlera a Porsenù. Por les scuadres di ëi él stè na stleta edema: le Mareo I y le Mareo II à pordü fora de ćiasa, respetivamënter cuntra Hauenstein y Falzes. La Ila à messü se dè sot te ćiasa ala scuadra da Bornech, che é al pröm post tla tlassifica.

Seria A 2-ost

La scuadra dl SC Ladinia - paslunch à arjunt le terzo post ta Gsies.

Bruno Bonaldi, pröm sön Monte Pana tla categoria senior C.

Paslunch - Tla ultima fin dl’edema à le Schiclub Ladinia seziun paslunch tut pert a döes gares te posć y te tecniches desvalies. La sabeda ai 16 de forà domisdé é 9 atleć cun so alenadù jüs tla val de Gsies por tó pert ala Mini-Gsies. La gara de tecnica lëdia é gnüda tignida sön na pert dl percurs dl ”Gsiesertallauf ”, che é gnü portè fora le dé do, olache al tolô pert atleć de livel alt. La ”MiniGsies” é na beliscima manifestaziun,

le 13. de Felix Valentini, le 15. post de Christian Granruaz y le 21. post de Philipp Crepaz.

N grup de pici fondisć badioć.

organisada dër bun, che ti à porchël dër plajü ai pici partezipanć. Nüsc atleć à tut pert cun entusiasm, y à inće condüt a ćiasa de bi resultać, danter chisc inće le terzo post de scuadra. I atleć dl SC Ladinia paslunch à podü se ralegrè de dui bogn secundi posć de categoria por Sebastian Davare y Martina Ploner. I atri resultać badioć é le 5. post de Rubens Paruta, le 6. de Maria Wieser, le 7. de Ester Valentini, le 12. de Timothy Davare,

Podest sön Monte Pana La domënia ai 17 s’à spo i pici fondisć spostè da doman adora sön Monte Pana, por le campionat de tecnica tlassica, varënt por le Campionat VSS Banca Popolara. Söl medemo percurs gnôl inće portè fora na gara de Copa Talia cun i gragn atleć. Inće chësc dé ti à portè fortüna ai partezipanć ladins, cun de bugn plazamënć. Le miù é stè pice Sebastian Davare, che s’à plazè al bun terzo post. Dui cuarti plazamënć é gnüs arjunć da Martina Ploner y Franz Wieser. I ciafun spo Ester Valentini al 9. post, Rubens Paruta al 11., Philipp Crepaz al 12., Timothy Davare al 13., Felix Valentini al 16. y Christian Granruaz al 17. plazamënt. Da alzè fora é inće le 1. post tla categoria Master C, arjunt da Bruno Bonaldi. Les gares Banca Popolara se stlujarà jö cun les finales a Sulden, söl program ai 23 y 24 de merz. Inće chilò porvarà i pici atleć da dè le miù y mostrè ći che ai à imparè.

Hauenstein - Mareo I: 6 - 2 Tla chidlara da Ćiastel se l’à i patruns de ćiasa fata avarëi de 194 chidli, cun na media de 543, tratan che le Mareo à arjunt na media de 510,7. Codî à i maroi tignì bòt y la partida é stada avaliada fora. Les prömes döes series da 120 bòć é jüdes fora 1 a 1. Impormò l’ultima seria é i chidladus dl Hauenstein stà bugn da stlü le sach y aumentè le vantaje. Tla tlassifica é le Mareo I tomè zoruch al diejim post. Resultać personai: Tone Call 554 Christian Ties 537 Pire Rungger 536 Lois Ellecosta 535 Matteo Ties 473 Simon Complojer 429

Seria B-ost feminila Brixner Gitschn - Mareo: 1 - 5

Valeria Federa é stada la miù dles marores tla partida cuntra les ”Gitschn” da Porsenù.

Metü man à la partida tla chidlara dl’Acquarena a Porsenù avaliada fora, cun le Mareo che à arjunt 17 chidli de vantaje. Mo pro la secunda seria da 120 bòć à les chidladësses ladines tut la partida tles mans. Ares à davagné intrami i punć y pro la soma di chidli àres aumentè le vantaje a 133, fajon na media de 492,8. Tla tlassifica romagneres al secundo post. Resultać personai: Valeria Federa 529 Gerda Complojer 509 Flora Weiss 495 Marta Kaneider 438

Seria C-nord La Ila - Bornech 67: 1 - 7 Cuntra i pröms tla tlassifica n’é la scuadra badiota nia stada bona da se parè. Ma un ti é stè suraće a so aversar diret. Inće pro la soma totala di chidli à i ghesć daimproìa aumenté le vantaje. Cun na media de 499 â i badioć ala fin dla partida n svantaje de 82 chidli. Tla tlassifica ési tomà zoruch al nono post. Resultać personai: Carlo Valentini 513 Albert Tavella 505 Christian Pedratscher 497 Stefan Fistill 497 Gianfranco Thaler 497 Fritz Planinscheck 485 Falzes - Mareo II: 5 - 3 Por le Mareo II é a Falzes jüda a fin na bela seria de resultać positifs. Vigni seria da 120 bòć é jüda fora 1 a 1. Mo pro la soma totala di chidli ti l’à i patruns de ćiasa bëgn sticada de tröp. Ala fina dla partida âi, cun na media de 505,5, bëgn 107 chidli deplü co i maroi, che à arjunt na media de 487,6. Tla tlassifica romagnai al önejim post. Resultać personai: Lois Agreiter 533 Cludio Moling 525 Lois Craffonara 500 Norbert Trebo 495 Tone Hochwieser 461 Erwin Penazzi 412 www.lauscdiladins.com

35


Sport

nr. 08 / 22 de fauré 2013

I tennisć de Gherdëina à fat bela paruda Ntan l’ena de carnescià, dai 9 ai 16 de fauré, àn metù a jì sun i ciamps curii dl zënter dal tennis a Urtijëi la sesta edizion dl Turnoi Open + 4/NC. Chësc turnoi, cun na mont de pesć de 3.600 euro, fej pert dl zircuit naziunel dla FIT y dl zircuit Cassa Raiffeisen y ie daviert a duta la categuries Tennis - Chëst ann ie la lista dla iscrizions stata la plu longia de chisc ultimi ani, 162 partezipanc fòvel de ndut. Pra i ëi se àl scrit ite 108 jugadëures, danter chisc pudòven nen cumpedé bën de 22 dla segonda categoria. Pra l’ëiles se àl scrit ite 54 tennistes y tlo fòvel 11 jugadëures de segonda categuria. Chësta zifres desmostra l livel aut che nosc turnoi à inò arjont chëst ann. I partezipanc ie unic adalerch da duta la pertes dla Talia y danter duc chisc fòvel nce na bela cumpëida (50 de ndut) de atlec de Gherdëina che à fat pea.

Turnoi Open ëi L turnoi di ëi fova partì su te trëi sezions. Tla prima sezion cun 25 partezipanc unìvel jugà la partides dla cuarta categuria. I cin’ miëures se cualificova (danter chisc nce Stefano Bassetto dl TC S. Cristina/ Sëlva) per l tabelon a mez ite. Inant jìvela pona cun la segonda sezion cun i cin’ jugadëures cualifichei de cuarta categuria deberieda cun i 21 partizipanc de terza categuria. Da auzé ora iel tlo la bela prestazion de Erwin Tröbinger (3.3) y David Kostner (3.1) tramedoi dl TC S. Cristina/Sëlva, che se à batù drët bën tres l turnoi arjunjan la cualificazion per pudëi fé pea pra l tabelon finel de segonda categuria. Danter i 22 atlec te segonda categuria fòvel nce doi inuemes cunesciui te Gherdëina y plu avisa l maester de tennis de Urtijëi, Gianluca Gatto (2.5) y Patrick Prader (2.2), che ie da n valgun ani deberieda cun Stefano Bassetto respunsabl di agonisć dla scola de tennis de Gherdëina. Patrick, ”testa di serie” nr.1 dl turnoi, messova se bater ti cherc de finela propi cun Gianluca. Do na partida cumbatuda dassënn y vënta da Patrick per 4:6 6:4 6:2 y do mo n’autra vënta tla semifinela, pudova ël se ncunferté de jughé la gran finela cun la ”testa

Verena Hofer.

di serie” nr. 3 dl tabelon Marco Speronello (2.3). L ie stat na finela bela y cumbatuda nchin ala fin, che l jëunn Speronelllo de Bologna ie stat bon de vëncer per 7:6 (8) 6:3!

Turnoi Open ëiles Nce pra l’ëiles fova l Open partì su te trëi sezions. Tla prima sezion, ulache l fova scrit ite 10 jugadëures, se àl cualificà per l tabelon finel doi jëunes dl Tennisclub S. Cristina/ Sëlva, Jasmin Senoner (4.2) y Ellen Mair(4.2). Tla segonda sezion se ova chësta doi jëunes deberieda cun Verena Kostner (3.4 - TC S. Cristina/Sëlva) purvà dassënn, ma ala fin ne n’ieles nia states bones de se cualifiché per l tabelon finel.

Patrick Prader.

Te chësta ultima sezion fòvel 15 ëiles che ulova se purté a cësa l titul, danter chëstes nce doi jugadëures dl TC Urtijëi, Diana Moroder (2.8) y Verena Hofer (2.4) che fova nce la ”testa di serie” nr.1 y nscila nce la favorita dl turnoi, ma jon damprovia. Diana ie stata bona de vëncer si prima doi partides, ti cherc de finela àla pona perdù contra Federica Mordegan (2.6 - Vicenza) te doi set per 6:4 7:5. Tla semifinela à la Mordegan urtà la segonda jugadëura de Gherdëina sun si streda. Verena Hofer, do avëi venciù si prima partida contra Chiara Quattrone (2.5 - Sporting Club Milano) per 6:3 6:3, àla venciù saurì nce contra la Mordegan per 6:2 6:2! Tla finela fova Gabriela Porubin (2.4 -

nasciuda tla Moldova che juega per Vavassori Tennis Team Brescia) l’aversera de Verena. La jugadëura de Gherdëina savova bele dan jughé che contra la Porubin pudòvela vester scialdi dura y nscila iela stata. Purtruep à Verena messù ti la zeder do na partida scialdi emuziunënta y cumbatuda! 6:7(5) 6:3 6:2 fova l resultat finel.

Turnoi 4/NC Chësc turnoi fova pra i ëi partì su te doi sezions. Tla prima sezion cun bën 24 scric ite, ie Michael Moroder (4.3 - TC Urtijëi) y Alex Kostner (4.3 - TC S. Cristina/Sëlva) stac boni de se cualifiché cun cinch d’autri per l tabelon finel. Tl tabelon finel fòvel nscila cun

Stefano Bassetto (4.1), Holger Bamhackl (4.1), Werner Kostner (4.2), duc trëi dl TC S. Cristina/ Sëlva, y Alex Überbacher (4.2), Wolfgang Wanker (4.2) dl TC Urtijëi, deberieda cun i doi cualifichei bën set jugadëures de Gherdëina. Alex ie stat bon de arjonjer la semifinela, ulache l à perdù contra Giovanni Zamboni (4.1) per 7:5 6:4. Miec ti iela jita a Wolfgang, che do na bela vënta tla semifinela contra Edoardo Paglioli (4.2) per 6:2 6:2, pudova se bater per l titul contra Zamboni, che ala fin ie stat bon de vëncer contra Wolfgang per 6:4 6:4. Pra l’ëiles dl tabelon de cuarta fòvel mé una na sezion cun 14 scrites ite. Da auzé ora iel che duta la cater jugadëures ruvedes te semifinela fova atletes de Gherdëina. Lina Mahlknecht (4.2) à venciù si juech contra Martina Moser (4.1), tramedoves dl TC Urtijëi, per 7:5 7:6 (3), Ellen Mair (4.2 - TC S. Cristina/Sëlva) à venciù contra Alessia Ceppatelli (4.2 - TC Urtijëi) per 7:5 6:4. Per l titul se à la doi scialdi jëunes batù te na partida scialdi valiva che Ellen ie stata ala fin bona de vëncer per 7:5 6:4. L ie stat n’ena da stramp rica de emuzions per l livel aut de juech y per la partides spetaculeres. Na gran lauda ti va a nosc agonisć che se à batù scialdi bën. Chësc ie sambën l resultat dl bon lëur che vën fat da pert dla Scola de Tennis de Gherdëina cun i trainadëures Stefano Bassetto y Patrick Prader cun dut si team. Se cungratunon nce cun Raffaele Sibilio, l arbitradëur sëurastant, y cun dut l team dl Tennis Club Urtijëi per la bona urganisazion. De gra nce a duc chëi che à judà ntëurite. Per l Tennis Club Urtijëi, Wolfgang Wanker

100 e passa atlec per l slalom Cassa Rurèla sun Aloch En domenia ai 17 Ragazzi e Allievi se à batù a Poza. Miriam Rasom pruma a Pampeago e Federico Liberatore al Festival Olimpich Schi - La neves dal mond del schi les rua sobito da la Fisi Trentina che fèsc a saer che anter

i schiadores trentins chiamé al Festival Olimpich de la Gioventù Europa, dai 15 ai 23 de firé a Brasov

te la Romania, l’é adertura doi atlec da Fascia: per l schi alpin Federico Liberatore da Mazin e per la brea Gabriella Dallaglio da Moena. Apede a chest, semper tel setor del schi, i atlec fascegn à portà a cèsa de bogn resultac te la desvaliva garejèdes te cèsa o stroz per l Trentin.

A Poza

L’alenador Omar De Paoli rec la copa venta dal Ski Team Fascia. Apede el sul podie n raprejentant de l’Agonistica Campiglio e Allegra Finazzer de l’Agonistica Marmolada.

36

www.lauscdiladins.com

En domenia ai 17 de firé, passa 24 sozietà de schi se à binà a Poza sul portoi de Aloch per tor pèrt al slalom strent interc Cassa Rurala de Fascia e Agordin endrezà da la sozietà de cèsa, l Ski Team Fascia, che l’é ruà sunsom la classifica per sozietèdes dant da Agonistica C a mp i g l i o e A g o n i s t i c a Marmolada. I miores fascegn l’é stat chisc:

RAGAZZI eles: 1. Francesca Fanti, Ski Team Fascia (STF); 2. Monica Zanoner, STF; 6. Anastajia Rasom, STF; 7. Shanika Battista, STF; 14. Lucia Debertolis, STF; 16. Flavia Miralli, STF. Ic: 2. Tommaso Nardi, Agonistica Marmolada (AM); 5. Luca Picinini, STF; 7. Simone Pezzei, STF; 8. Gregory Fosco STF; 17. Werner Krause, STF. ALLIEVI eles: 2. Claudia Bonacci, AM; 5. Lavinia Marinozzi, STF; 19. Alessia Chenetti, Monti Pallidi (MP). Ic: 3. Alessio Fontanazzi, AM; 10. Gianluca Serim AM; 14. Cristof Riz, STF; 18. Luca Rasom, STF.

A Pampeago Te la categorìa Junior e Aspiranti, sul portoi Agnello de Pampeago l’é stat l slalom lèrch

per l Trofeo Vigilio Ventura endrezà da la Cornacci de Tieser. Te la categorìa de eles a venjer l’é stat la fascèna Miriam Rasom. Anter la miores e i miores atlec scric ite a la desvaliva sozietèdes fascènes e al Ski College, l’é stat: Alice Iori (4^); Denise Giuliani (10^); Valentina Longhi (12^); Eleonora Marinozzi (14^) e Valentina Dietre (20^); de ic Sebastiano Finazzer (5°) e Filippo Romano (6°).

A Folgaria Semper en domenia ai 17 l’é stat n slalom interc a Folgaria per la categorìes Baby e Cuccioli. I miores atlec de la sozietèdes de Fascia l’é stat Silvia Bonacci (3^ - AM), Daniele Rasom (4° - STF), Martina Ambrosi (7^ - MP) e Martina Defrancesco (15^ - STF).


Sport

nr. 08 / 22 de fauré 2013

Bedaia de bront mundiela per Michela Ponza Tla stafeta di campiunac dl mond de biathlon a Nove Mesto tla Republica Ceca à Michela Ponza deberieda cun si cumpanies de scuadra arjont l beliscimo terzo plazamënt Biathlon - Gran sensazion dla atletes dl biathon talian pra chisc campiunac dl mond. Per la ”routinier” dl biathlon, Michela Ponza de S. Cristina, possa chësc bront unì cunscidrà la curonazion de si cariera sportiva. Michela Ponza cunescions bele dai ani per si suzesc tl sport dl biathlon. La ie per nëus belau mpue l simbol de chësc sport y dantaldut per i jëuni n gran ejëmpl dut ntëur, de sportività, mpëni y artenienza. Chersciuda su te na familia ulache l biathon ie da cësa, cun si pere Luigi che à fat per truep ani nce l trainadëur y si sor Ivonne che se dajova ënghe ju a livel agonistich

te chësc sport, à Michela bën tosc lascià audì de sé. Na dredia de tituli a livel naziunel – Michela possa propi unì cunscidreda mpue l simbol dl biathlon talian – trëi bedaies pra i campiunac dl mond junior pra garejedes ndividueles y doves pra i campiunac d’Europa for di jëuni, dopro à pona Michela pudù zapé plu iedesc sun l podest te garejedes de copa dl mond, dantaldut ti ani danter l 2006 y l 2009 àla da mustré su n grum de biei suzesc. Pra campiunac dl mond y juesc olimpics, che semea conta mpue deplù, iela n valgun iedesc ruveda scialdi daujin ala bedaies, a Torino cun n cuinto post pra i juesc

La cater atletes dla stafeta taliana sun l podest. (foto fisi)

olimpics àl mé mancià puech y l ann do tl 2007 te Antholz cun n sesto y otavo plazamënt fossa na bedaia ënghe stata ala jonta. Ma Michela ne n’à mei lascià tumé la speranza y se à purvà y à cumbatù inant, y śën iela unida nce per ëila la bedaia mundiela. Michela à ntan chësta sajon abù da ciampì cun problems fisics, che la à nchinamei fata sté ora per n struf, acioche la posse se refé per jì pea ai campiunac dl mond de Nove Mesto. Deberieda cun si cumpanies de scuadra Dorothea Wierer, Nicole Gontier y Karin Oberhofer iela iló jita a se tò la prima bedaia mundiela de duta la storia dl biathlon talian

dl’ëiles. Mo mei dant ne fova l’ëiles de chësc sport ruvedes tan inant. Les à dutes stlupetà scialdi bën y canche les à udù che les pudova tenì pea cun chëles dancà àles dat dut cie che les fova bones, cumbatan no mé sun i schi ma nce cun l cuer, cherdan te sé nstësses y che chëst iede pudòvela jì fata. La legrëza fova danz granda per la atletes nstësses y per duc i trainadëures y tecnics che lëura ntëurite. Che l’ëiles dl biathlon ie stersces dantaldut sciche scuadra àles bele desmustrà plu iedesc ntan chësc inviern, ruvan a arziché l podest cun n sesto plazamënt a Oberhof, cun n cuinto plazamënt a

Ruhpolding y arjunjan mo l bon otavo post te Antholz. Pra chësta garejedes fova danter l auter nce for leprò l’autra atleta de Gherdëina, Alexia Runggaldier, nce ëila de S. Cristina, che pra i campiunac dl mond a Nove Mesto à abù la desfertuna de se amalé sun la fin via, messan nsci ti lascé la lerch a n’autra cumpania de scuadra. Ma Alexia ie mo jëuna y sce la zapa ite tla piedies de Michela, aràla dessegur mo na gran streda dan sé. Dessegur uleràn ti fé i auguresc nce te si ncësa a Michela Ponza per chësta bela arjonta y S. Cristina se njënia bele ca a fé festa. Perchël assudëi a tosc! (uk) 

La biatletes talianes cun trainadëures y tecnics. (foto fisi)

A chëi dala lueses ti bùtela Chësc inviern ti bùtela drët al club Lueses Gherdëina. Sibe sciche grupa che nce ndividualmënter iesen stac boni arjonjer de bon resultac

I trëi atlec Philipp Hofer, Rafael Runggaldier y Daniel Perathoner, che auza la copa per l terzo plazamënt sciche scuadra.

Luesa - Bele pra i campiunac taliani sun Plan de Gralba de jené fova la scuadra jëuna de Gherdëina ruveda 3. tla tlassifica a scuadres, mustran n bel miuramënt permez ai ani passei. Pra la garejedes per jëuni ”RaikaJugendrennen” iela pona jita inant unfat. A Fie, ai 12 de fauré, ie Philipp Hofer ruvà terzo pra i aliefs y deberieda cun si cumpanies Daniel Perathoner y Rafael Runggaldier iesi nce ruvei terzi tla tlassifica a scuadres.

N la dumënia passeda, ai 17 de fauré te Funes, ài fat l medem resultat. Philipp Hofer terzo y deberieda cun si cumpanies terzi pra la scuadres! Śën iel da udëi sce la buterà tla finela de chësta lingia de garejedes di jëuni, finela che sarà a Lungiarü ai 24 de fauré. Sce n cunfruntea chisc resultac cun chëi di ani passei vëijen che i cunsëies di trainadëures Oswald Gruber, Renate Kasslatter y Doris Perathoner porta fruc. I tëmps ie miurei da iede a iede, nosc

I atlec de Lueses Gherdëina cun trainadëures, genitores y l presidënt dl club Leander Moroder.

jëuni se à davanià l respet dl’autra scuadres y l mancia propi mé plu puech per pudëi speré de udëi inò n atlet de Gherdëina suinsom sun l scialier plu aut. Ai 2 de merz saràl pona te Passeier i campiunac provinziei y ala fin de merz la garejeda soziela, pra chëla che duc i nteressei puderà fé pea (sambën cun casco y ciauzei da broces). Leander Moroder, presidënt de Lueses Gherdëina

Resultac dla garejeda a Fie ai 12.02.2013

Resultac dla garejeda te Funes ai 17.02.2013

Categuria aliefs (1999-2000): 1. Gufler Lukas, Passeier 42.04, 2. Kompatscher Laurin, Fie 42.24, 3. Hofer Philipp, Gherdëina 43.00, 9. Perathoner Daniel, Gherdëina 44.66, 10. Runggaldier Rafael, Gherdëina 44.75.

Categuria aliefs (1999-2000): 1. Gufler Lukas, Passeier 47.75, 2. Prünster Moritz, Passeier 48.15, 3. Hofer Philipp, Gherdëina 48.61, 9. Runggaldier Rafael, Gherdëina 50.23, 12. Perathoner Daniel, Gherdëina 51.72.

Tlassifica a scuadres: 1. Fie 2’08.93, 2. Passeier 2’10.88, 3. Lueses Gherdëina 2’12.41.

Tlassifica a scuadres: 1. Passeier 2’26.58, 2. Fie 2’27.16, 3. Lueses Gherdëina 2’30.56. www.lauscdiladins.com

37


Informazions y Manifestazions Dotors y Apoteches Dotors L dutor de servisc dala 8.00 da duman de n sada 23 de fauré nchin la 8.00 da duman de n lunesc 25 de fauré ie l dutor Raphael Insam de Urtijëi, tel. 0471/797369 o l 0471/797076. Le dotur en sorvisc tla findledema dai 23 ai 24 de forà, ti comuns de Badia, La Val y Corvara, é le dotur Guido Caretta, Calfosch/Corvara, tel. 0471/836870 o 337616080. Ti comuns de Mareo y da San Martin saràl en sorvisc le dotur Edoardo Agreiter, San Martin de Tor, tel. 0474/501927. Apoteches L’apoteca de servisc che à daviert ora dl orar ordiner da n vënderdi (dala 19.00) ai 22 de fauré nchin n vënerdi ai 1. de merz ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). Les apoteches en sorvisc tla Val Badia, fora dl orar ordinar, dal vëndres ai 22 de forà al vëndres al 1. de merz, é chëra da Al Plan, tel. 0474/501240, y Corvara, tel. 0471/836173.

nr. 08 / 22 de fauré 2013

♦ Mostra de fotografies n con’ dl Lech Sant La Lia per Natura y Usanzes nvieia duc de cuer n vënderdi ai 1. de merz dala 18.00 ala giaurida dla mostra de fotografies n con’ dl Lech Sant tla pitla sala dla mostres tla cësa de cultura a Urtijëi La fotografies ie unides fates da Caio Perathoner, Sepl Mussner, Bruno Perathoner, Guido Obletter y Vito Miribung. La mostra sarà da udëi nchin ai 10 de merz uni di, 10.00 – 12.00 y 17.00 – 19.00.

Avisc Udiënzes dla Uniun di Ostis La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. Orars dl Ergobando

Le Zënter Families ”Ergobando” a La Ila é davert le mercui dales 9.30 ales 11.30, y le vëndres dales 14.00 (impede dales 15.00) ćina ales 16.30. Marcià de barat per la Prima Cumenion

L VKE de Ghedëina mët a jì ai 25 de fauré n marcià de barat per la Prima Cumenion. Tla sala dla Cassa Raiffeisen de Urtijëi, tl prim partimënt pòssen vënder, cumpré, mpresté o baraté guanc, ciauzei y dut chël che à da n fé cun la Prima Cumenion. Dala 14.00 nchin la 15.00 pòssen dé ju i guanc, dala 15.00 nchin la 17.00 possa uniun unì a cialé sce l abina zeche y dala 17.00 nchin la 18.00 vëniel inò dat de reviers chël che ie restà. Reunion Generela dla Union di Ladins de Gherdëina

La reunion ie ncuei vënderdi 22 de fauré dala 20.30 tla Cësa di Ladins a Urtijëi. Sce vel’ un ëssa ueia a fé pea pra l cunsëi iel perià bel de l fé a l savëi te ufize dla ULG, a n cunselier o nce n l di dla reunion generela. Lejer con l’animazion te Fascia La biblioteca de Vich endreza letures animèdes col grop de teater Arjuna, en jebia ai 28 de firé da les 17.00. Vegnarà portà dant la pìcola animazion con le “Storie in valigia”. Info te biblioteca de Vich da lunesc a vender h. 15.00-19.00, tel. 0462.763062. Prejentazion Almanach Union di Ladins de Fascia

En sabeda ai 2 de mèrz l’Union di Ladins de Fascia endreza sia Radunanza generèla a Moena te sala del Consei de Comun da les 17.00. Vegnarà portà dant l'atività e prejentà l “Almanach 2012”, n codejel che regoi fac e curiositèdes de l’an giusta passà, con de bie dessegnes de Manuel Riz. L ge vegnarà sport ai sozi e ai aboné a La Usc de l’an 2013. Pudejé cun la luna colma

N lunesc, ai 25 de fauré saràl sun Pana pra l zënter da pudejé la sëira de pudejé cun la luna colma dala 20.00 inant. Daldò uniràl mo dat ora té y vin ciaut.

Religion Via Crucis

I seniores de Sëlva nvieia duc a unì n mierculdi ai 27 de fauré ala stazions te dlieja dla Madona dala 15.00. L unirà liet la stazions per ladin da seniëur Luis. Dé Mondial dla Oraziun 2013 Le Consëi decanal y les surastantes dla uniun dles ëres da Lungiarü inviëia al Dé Mondial dla Oraziun, en vëndres al 1. de merz dales 15.00 tla dlijia da Oies. Dales 14.00 pëia ia da Badia la prozesciun organisada dales ëres de Badia, dedô saràl mëssa. An ô se lié tla oraziun cun dötes les ëres dl monn. La mëssa gnarà zelebrada da siur Degan y siur Pire.

Teater ”Chi cerca trova - N cör y d’ater patüc” - Terminns sbulrà Teater por mituns dai 6 agn insö. Regia de Horst Herrmann, cun i jobleri Ricarda Amberg y Simon Kostner. Dötes les rapresentaziuns é gnüdes sburlades ai 12, 13 y 14 de merz dales 16.30, tl Stadttheater da Bornech. Chertes ciafon al 0474/412102 o tres e-mail a ticket@stadttheater.eu (www.stadttheater.eu).

Mujiga Conzert Pentagramma Winds a Vich En lunesc ai 25 de firé h. 21.00, te sala del Consei del Comun de Vich, i “Pentagramma Winds”, l grop de strumenc a fià de la scola de musega de Fascia e Fiem, porta dant n conzert avert a duc. La bonamans toutes sù jirà per scomenzadives de benefizenza. Conzert cun le grup ”Il Pinzimonio Vocale” Incö vëndres ai 22 de forà dales 21.15 saràl te salf dles manifestaziuns d’Al Plan”, cun n program nü metü adöm da dui madrigai de Claudio Monteverdi, set ”Volkslieder” de Johannes Brahms, ”11 scherzi nach Worten von N.C.Kaser” dl componist contemporann Peter Suitner, y ćianties ladines de F. Dapoz y R. Cantieni.

38

www.lauscdiladins.com

L Lech Sant. Fotografies de Sepl Mussner Zorz.

♦ “L’avaro” röia a San Martin y La Ila La Nuova Compagnia di teatro d’arte di Brunico à studié ite por chësta sajun la comedia forsc plü conesciüda de Molière, tl lingaz talian. Rapresentaziuns inće tla Val Badia: al 1. de merz a San Martin de Tor tl salf de comun, dales 20:30, y en vëndres ai 22 de merz dales 20:30 tla Ćiasa de cultura a La Ila La compagnia de teater da Bornech mostrarà la comedia dl avarun de Molière sot la regia de Antonio Loguercio, che se vist inće i guanć dl personaje protagonist Arpagone. Arpagone é n scior rich y daricrou por söa avarizia. Ćinamai sü mituns ne l’à nia ion. Tla trama vëgnel dant relaziuns d’amur che ne po nia florì ćina che ares vëgn moserades cun l’avëi y la richëza che un y öna à. Le teater va fora bun ala fin, cun i dui pers tichinà che po finalmënter se maridé. Molière à scrit chësta comedia aladô de “Aulularia” de Plautus. Diesc é i personaji da odëi te chësta rapresentaziun de Loguercio. “L’avaro” sarà da odëi a San Martin y La Ila.

♦ Curs per jëuni de freeride y jì cun la peves La scola de alpinism Catores, cun i Judacrëp, la Lia da Mont de Gherdëina y l GAG mët a jì dai 1. nchin ai 3 de merz n curs per jëuni danter 12 y 20 ani L se trata de n curs n con’ dla segurëza, i periculi, la drëta valutazions y l cumpurtamënt segur canche n furnea a nëif ntiera. N vënderdi sëira mparerons velch sun la massaria, coche n njinia ca na jita de schi alpinism o na jita ora de purtoi. Audiron nce zeche n con’ dla nivologia, ulache l unirà spiegà plu avisa la carateristiches dla nëif. N sada furnerons dala 8.30 cun la furnadoia sun Seceda per jì de viers de Pieralongia. Iló fajerons “profil tla nëif ”, ti cialeron ai cristai de nëif, fajeron proes cun i pipseri y njinieron ca n bel busc tla nëif ulache durmiron de nuet. Ntëur la 4 domesdì jirons tla utia Troier a maië zeche da cëina y a dé spiegazions n con’ de chël che on udù ntan l di. Ntëur la sies da sëira pierons inò via cun na bona lum de viers de nosta tana ulache stajeron de nuët. N dumënia daduman, do n bon gusté pierons via a fé na jita cun la peves. Sambën mparerons co fé na bela spur, co schivé purtoies periculëusc y ulà furné ju. Ntëur la cinch furnerons de reviers a Urtijëi. La scola mët a despusizion debant a chëi che ne n’à nia la massaria, i schi cun peves, l pipser, badil y sonda. L material da tò pea ie, schi cun peves, ciauzei da jì cun i schi o da fé jites, fusc’, flucion, furnimënt ciaut, n casco y nce na cazina, 2 pèr de manëces, na lum da meter sun l cë, n badil, na sonda, n pipser, na boza termica (che tën mpue ciaut), n sach da durmì, na “Isomatte“ da suflé su o nce mé una de “Schaumstoff.” L curs vën tenì dal mëinacrëp Hubert Moroder y per la iscrizions o plu nfrumazions prions bel de cherdé su l ufize di Catores, 0471/798223 o Hubert, 335/6380061. L priesc per l curs ie de 30,00 €. Per la cëina cun buanda y l gusté paia uni mut 15,00 €.


Informazions y Manifestazions

nr. 08 / 22 de fauré 2013

Cursc Cors de Yoga, Pilates, Respirazion e Meditazion te Fascia La sociazion “Mens Sana in Corpore Sano” endreza te palestra de la scoles de Pera corsc de Hata Yoga, Pilates, Ginastica Posturèla, Tecniches de respirazion e Meditazion. Info e iscrizions per mail a mente.corpo.benessere@gmail.com o ai numeres: 338.3690654 e 345.3584410. Seminar de omeopatia

L’Uniun Patrones Mareo organisëia n seminar de omeopatia cun Anneliese obermann, i mertesc ai 19 y ai 26 de merz, dales 13.30 ales 17.00, te salf dla Raiffeisen a Al Plan. Prenotaziuns y informaziuns pro Irma al nr. 388/7432249. S’anunzié pòn ćina ai 28 de forà.

♦ Hip Hop y Country Line Dance La Uniun Sport La Ila mët da jì n curs da balè che mët man ai 26 de forà Chi che ô imparè da balè Hip Hop o Country Line Dance, à śëgn la poscibilité da le fà, pro le curs che vëgn metü da jì dala US La Ila. Le curs mët man en mertesc ai 26 de forà, y jarà inant por indöt 10 iadi, ćina ai 29 de merz, tla palestra dla scora mesana da La Ila. Orars: dales 18.00 ales 19.15 Hip Hop (por mituns dala pröma mesana insö), dales 19.45 ales 21.00 Country Line Dance. Referënt dl curs é n insegnant y balarin profescionist dla RAI y Mediaset. Les iscriziuns vëgn tutes sö le pröm dé te palestra. Por informaziuns plü menüdes pòn cherdè sö le numer 338/3399409.

Curs por ćiajêrs - Zoruch ales raîsc

L’Ofize Parcs Naturai adöm ala Scora dl’agricoltöra, economia de ćiasa y alimentaziun da Dietenheim organisëia n curs introdutif por ćiajêrs (Senner/in). La formaziun gnarà tignida chësc ann anter plü dis, en pert a Dietenheim, en pert sön les munts dl parch natural Rieserferner - Ahrn. Ai 4 de merz dales 14.30 él tla scora da Dietenheim n domisdé de informaziun por i interessà. Curs de ziplé – dal model ala scultura fineda

L curs ie cun n nseniant dla Scola Profesciunela. L ie dai 5 de merz 2013 nchin ai 8 de merz dala 8.00 daduman nchin la 18.00, de ndut 32 ëura. Per nfurmazions plu avisa prëibel cherdé su la Scola Profesciunela, 0471/796733 o mandé n’ e-mail a lbs.st-ulrich@ schule.suedtirol.it Depënjer Icones

L curs ie cun Hubert Piccolruaz, artista de Schlanders. L ie dai 18 de merz 2013 nchin ai 22 de merz, dala 8.00 daduman nchin la 18.00, de ndut 40 ëura. Per nfurmazions plu avisa prëibel cherdé su la Scola Profesciunela, 0471/796733 o mandé n’ e-mail a lbs. st-ulrich@schule.suedtirol.it

A La Ila n curs de hip hop y country line dance.

Curs de rus L Servisc Furmazion Gherdëina mët a jì n curs de rus per de tei che scumëncia permò. L curs scumëncia ai 1. de merz y va inant 10 iedesc for de vënderdi y merdi 20.00 – 21.30 cun Nina Filimonova te Sëlva tl Istitut Ladin Micurà de Rü. Plu nfurmazions y iscrizions pra l Servisc Furmazion, 0471/773225.

Ai 24 de forà la gara dla liösa sön Börz, ai 3 de merz le slalom lerch sön la pista d’Antermëia. Les iscriziuns vëgn tutes sö da atira

Pastelné chertes de nvit per la Prima Santa Cumenion

L curs ie unì spustà davia che la referënta se à amalà. L ie mo lerch per n valguni. Passëde tla biblioteca San Durich a ve lascé nuté su o cherdëde su l 0471/797814.

Trasmiscions TV y Radio Èrt e musega se enterza tel Cianton de l’Istitut

Te “L Cianton de l’Istitut” sun TML se pel veder amò chest fin de setemèna l film de animazion “Fanes, la lejenda del ream perdù” coi dessegnes de Fabio Visintin e tesć de Bruna Maria Dallago Veneri. Da lunesc ai 25 de firé jirà fora “Sajons – Torre Aquila” olache èrt e musega se enterza con Emilio Galante e Claus Soraperra. Oraries indicatives: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15, vender h. 11.30. “Ercaboan” sun TML e sul web

Sun TML ogne sabeda va fora na neva butèda de “Ercaboan”, l program de Silvano Ploner. Chisc i oraries indicatives: sabeda h. 18.00 e 20.45; domenia h. 13.30 e 18.15 e fora per la setemèna: lunesc h. 20.45; mèrtesc h. 17.30; mercol e jebia h. 18.15 e vender h. 20.00. La programazion de TML é ence sul sit www.tmltv.it e i servijes de Ercamedia sun www.tvladina.com.

Sport Destroy Night Event sun Sèn Pelegrin Ence chest an, ló da la forenadoa Col Margherita sun Sèn Pelegrin, vegn endrezà l Destroy Night Event. Na garejèda de sauc e acrobazìes con i schi e con la brea. L’apuntament l’é per doman, sabeda ai 23 de firé. Se pel sù ence coi pulmins da Moena e da Falcade. Info sul sit skierempire. Emergen...sci! Sui portoes col cher Emergency Fiem e Fascia endreza en sabeda ai 2 de mèrz sul portoi Agnello de Pampeago na gara de slalom lèrch averta a duc. L’é 11 categorìes e de bie pesć. L priesc de iscrizion de 10 euro va dut al zenter cardiochirurgich “Salam” de Khartoum tel Sudan. Iscrizion per fax al 0462.814465 o a gare@latemar.it.

♦ Trofê Börz 2013

Ara é tosc tan inant. Le SCA Antermëia inviëia da tó pert al Trofê Börz 2013, che vëiga danfora döes gares, öna cun la liösa y öna söi schi. Le pröm apuntamënt é chësta domënia ai 24 de forà. Sön la pista Börz - Pé de Börz gnaràl desfiré la gara dla liösa (an po tó pert ma cun liöses altes). Le start é dales 10.00 y i numeri vëgn partis fora ala partënza dales 8.30 inant. Inant vara la domënia ai 3 de merz cun le slalom lerch sön la pista da Antermëia. La pröma manche é dales 9.30 y la secunda dales 12.30. I numeri gnarà partis fora al travert dales 8.00 inant. Informaziuns y iscriziuns a intrames les gares pòn fà pro Le Trofê Börz 2013 mët man cun la gara dla liösa ai 24 Helmut al nr. de tel. o fax. 0474/520055 o fonin/sms de forà, y ai 3 de merz él spo la gara de schi. 347/9229951, o inće por mail sot a sca.antermeia@yahoo.it. Al é da dè dant la sort de competiziun, inom y cognom, ann de nasciüda y paîsc. Termo por se scrì ite ala gara dla liösa é i 23 de forà dales 17.00, ala gara de schi pòn se scrì ite ćina ai 2 de merz dales 17.00.

♦ Terza Ediziun dl Trofê Oskar Costa La Lia da Munt Ladinia Val Badia mët da jì la gara de schialpinism “Trofê Oskar Costa”, en vëndres al 1. de merz 2013 An pëia ia dales 20.00 dala staziun a val dl implant portamunt de Piz Sorega a San Ćiascian y le travert é dlungia la ütia de Piz Sorega, olache al sarà inće la premiaziun. La lunghëza dl percurs é de 4.150 m, cun n deslivel de 477 m. La gara fej pert dl campionat ladin de schi da munt Raida Ladina. Por informaziuns plü menüdes y iscriziuns: www. raidaladina.it. An po se scrì ite ite sön le post le dé dla gara, ćina püch dan le start.

Le Trofê Oskar Costa fej pert dla Raida Ladina. www.lauscdiladins.com

39


Informazions y Manifestazions Temp lede

nr. 08 / 22 de fauré 2013

Iadi, jites y escursions

Vijita a la gliejia de San Jaco L’ULd’A , Union dei Ladis d’Anpezo, met da jì encuei, vender ai 22 de fauré da les 20.45 na vijita a la Basilica dla cuera d’Ampez, dal titul “San Jaco – la Bibbia aperta da guardare”. La vijita vegnirà acompagneda dal professour Paolo Giacomel, autour de na publicazion sun la gliejia de San Jaco.

Cures y palses a Abano Terme Al vëgn metü da jì dala Val Badia demez n iade de ot dis a Abano Terme, dai 21 ai 28 d’aurì. Le prisc a porsona é de 570,00€ (pensiun plëna te ćiamena dopla - pro na ćiamena da un n let é le prisc de 630,00€). Tl prisc él inće le iade cun bus. Informaziuns y prenotaziuns pro Monica Costa Clara al nr. 0474/590069, ćina ai 5 d’aurì.

Stories y jüć te biblioteca

45. Incuntada de vëdui, vëdues y porsones sores dla diozeja

La biblioteca ”Angelo Trebo” d’Al Plan inviëia mitans y mituns dla elementara da gnì incö vëndres ai 22 de forà dales 15.30 te biblioteca, por n domisdé cun stories y jüć.

Domënia ai 3 de merz dales 9.15, tl’Academia Cusanus a Porsenù. Da s’anunzié ćina ai 27 de forà pro osta rapresentanta dl KVW de paîsc, o pro Hilda Sottara al 0474/523133. Orars dl bus: 6.50 San Ćiascian, 7.00 Corvara, 7.10 La Ila, 7.20 Pedraces, 7.30 Pidrô, 7.40 Piculin, 7.45 Longega. Le iade é debann, la marëna costa 16,00€.

Conversaziun por inglesc

Le Zënter Families Mareo adöm ala biblioteca ”Angelo Trebo“ d’Al Plan organisëia na sëra de ”English conversation”, por mantignì y miorè l’inglesc, en vëndres al 1. de merz dales 18.00 ales 20.00, te biblioteca d’Al Plan. Informaziuns te biblioteca al 0474/506143. Jì cui schi de nöt Sciöche vigni mercui, é la pista Doninz a La Ila iluminada y daverta inće en mercui ai 27 de forà da sëra, dales 20.00 ales 22.00, por se fà n bel rai cui schi sot les stëres. En chësc iade vëgnel metü da jì dales 21.00 na gara de schi, a chëra che düć po se scrì ite, pro la Scora de Schi La Ila. Rait cun la liösa cun l’Uniun Maestri Ladins

L’UML inviëia insegnanć atifs y en ponsiun y döt le personal dla scora en sabeda ai 23 de forà a na serada cun la liösa a tëmp de löna, a Lungiarü-Ćiampecios. An s’incunta dales 18.00 a Lungiarü, dan le hotel Sanvì. S’anunzié pòn ćiamò incö ai 22 de forà pro Irma Frenes al nr. 328/3875162. Escursciun cun les ciaspes

En lönesc ai 25 de forà mët da jì l’Assoziaziun Turistica Corvara/Calfosch na escursciun cun les ciaspes a löna plëna. An pëia ia dales 21.00 da Calfosch/Hotel Luianta, por jì ćina ai saltadus dl Pisciadù y indô zoruch a Calfosch. Infos y prenotaziuns pro i ofizi turistics dl’Alta Badia. Chentlada a Badia

En mertesc ai 26 de forà mët da jì la Scora de Schi Badia na gran chentlada deboriada cun düć i maestri de schi dl’Alta Badia, sön la pista da La Crusc. Tó pert po düć. La chentlada mët man dales 21.00. Al travert gnaràl fat na foto de recordanza y vignun ciafarà n gote de vin cöt da se scialdè. Infos pro la Scora de Schi Badia. Desmostraziun söla nëi cun simulaziun de lovina La Scora de Schi da Corvara - Ladinia mët da jì en mercui ai 27 de forà dales 21.15 na schishow sön la pista ”Abrusé”. Al sarà da odëi na chentlada di maestri de schi, jori cun parapënn, sciöche inće na desmostraziun de sigurtè sön i schi. Laprò gnaràl mostrè la manutenziun de na pista y simulè na lovina. Musiga: DJ Fabio. Skijöring

N mierculdi ai 27 de fauré iel te Val dala 16.30 na garejeda de Skijöring. L fajerà pea 8 scuadres. I ciavei muessa fé na raida de 350 metri trajan do un dai schi. Harley & Snow

N dumënia ai 3 de merz saràl na garejeda drët spetaculera cun motores che va su per n purtoi dala nëif. Per fé pea y per plu nfurmazions cialëde sot a www.harley.bz.it Batadù sun Resciesa

La Nëus Jëuni deberieda cun i Jëuni dla Lia da Mont mët a jì n sada ai 9 de merz si batadù tradiziunel. N se anconta dala 16.30 dala utia de Resciesa. Unide duc y tulëde pea vosc cumpanies.

♦ Cunvëni n con’ dl patrimone culturel L Museum Ladin Ciastel de Tor nvieia ai 1. de merz dala 13.30 nchin ai 2 de merz dala 13.00 tl Palais Widmann a Bulsan, Plaza S. Magnago 1, al cunvëni “L patrimone culturel nia materiel danter la nrescida y la retuda, na ndesfideda per i museums? L cunvëni, metù a jì n ucajion dl proiet transnaziunel E.C.H.I. etnografies talianes-svizeres per l patrimone nia materiel, va a fonz y se paradlea sun la pratighes desferëntes de documentazion y trasmiscion dl patrimone culturel nia materiel. N particulèr ti vàl permez ala ndesfideda che i bëns nia materiei nes dà cun chëles che i museums ie cherdei a  se cunfrunté: a) tla nrescida y tla nventarisazion dl patrimone culturel nia materiel; b) tla relazion cun la retuda de nfurmazions ala cumenanza y ala nuzeda di cuntenuc da pert dl publich di museums. L cunvëni vën metù a jì dal Museum Ladin Ciastel de Tor (partner ufiziel dl proiet E.C.H.I.) n cunlaurazion cun l’ EVAA Assoziazion Antropologica Südtirol.

40

www.lauscdiladins.com

Pelegrinaje a Spines

Les Patrones dl Comun da San Martin de Tor inviëia dötes/düć interessà al pelegrinaje a Spines, al 1. de merz. An pëia ia da Lungiarü demez dales 7.45 e da San Martin dales 8:00. Informaziuns y prenotaziuns ćina ai 26 de forà pro Loise al 0474/590026 o pro Rita al 335/1019128. Iade a Loreto cun Ravenna - Gabicce Mareo, San Marino y Imola

Iade de pelegrinaje organisé dal KVW Val Badia, resservé ai iscrić dl KVW, dai 29 d’aurì ai 2 de mà. Cost: 450,00€ (60,00€ ćiamena singola) da paié ite pro la prenotaziun sön le cunt IT23S 0801058830 000304009622. Prenotaziuns: Hilda Sottara al 0474/523133 o 338/9231013 (nia prenotè dai 2 ai 9.03). Iade tla Croazia, sön l’ijola de Losinj Iade organisé dala Lia da Munt Ladinia - Val Badia, dai 18 ai 21 d’aurì 2013, che prevëiga deplü vijites te agriturism y ćianoes dal vin, sambëgn inće escursciuns. Le iade costa 380,00€ te ćiamena da 2 leć (+30,00€ te ćiamena singola). Informaziuns pro Franz Moling al 340/6816332 o www.liadamunt.info. Cun la liösa sön Senes La Lia da Munt Ladinia - Val Badia inviëia en doman sabeda ai 23 de forà da jì cun la liösa sön Senes, a tëmp de löna. Le tëmp da jì é de 2 ores, cun n deslivel de 700 metri. Informaziuns pro Hartmann Frontull al 347/2388302. Schitour sön Forcella del Nevaio

En domënia ai 24 de forà mët da jì la Lia da Munt Ladinia - Val Badia na schitour sön Forcella del Navaio - 2.695 metri - Misurina. La schitour é ria cun n tëmp da jì de za. 3 ores y n deslivel de 900 metri. Informaziuns pro Robert Pizzinini al 339/3777655. Cun i schi da tour o les ciaspes sön Bech de Roces

Schitour metüda da jì dala Lia da Munt Ladinia - Val Badia, en mercui ai 27 de forà. An s’incuntarà cun i fodomi por na spaghetada. Infos pro Martina Valentini al 348/5706685. Jita culturela a Dispruch

L Museum Gherdëina mët a jì ai 23 de merz na jita culturela de un n di a Dispruch cun vijita meneda ala mostra archeologica “Ermes per i Dieies. Cumbatënc Trofei Lueges de cult“ tl Tiroler Landesmuseum Ferdinandeum y ala mostra etnografica tl Tiroler Volkskunstmuseum. Plu nfurmazions sot a www.museumgherdeina.it Iscrizions tl Museum Gherdëina nchin ai 15 de merz, da merdi nchin a vënderdi, 9.00 – 12.00 y 14.00 -18.00. Tel. 0471/797554. Mparé a se arpizé

La scola de alpinism Catores mët a jì n’ena de arpizeda sportiva dai 20 nchin ai 27 de auril tla Sardegna y dai 30 de auril nchin ai 7 de mei sun l’ijula de Kalymnos tla Grecia. L possa fé pea de tei che scumëncia a jì a crëp y nce chëi che sà bele mpue da se arpizé. Per plu nfurmazions y per se lascé nuté su pudëis cherdé su Christoph 329/2007917. N possa se nuté su nchin ai 15 de merz 2013. Jita cun la peves

La Lia da Mont de Gherdëina mët a jì n dumënia ai 3 de merz na jita de schialpinism tla valeda de Matsch sun l Upiakopf (3.175 m). L sarà da jì 4 ëura y da fé n deslivel de 1.350 m. Per plu nfurmazions pudëis cherdé su Arnold, 333/4377171.

Chino Al chino de Cianacei En sabeda ai 23 e en domenia ai 24 de firé da les 21.15 se pel veder l film comedia “Gambit”. En mèrtesc ai 26 e en mercol ai 27, da les 21.15, se podarà veder “The impossible” e l fin de setemèna dai 2 ai 3 de mèrz vegnarà moscià l film de animazion “Pinocchio”. Al chino de Pardac

Da insnet, vender ai 22 de firé enscin en mèrtesc ai 26 ogne sera da les 21.15 se pel veder l film “Django.Unchained”. En sabeda ai 23 e en domenia ai 24 da les 17.00 vegn moscià enveze “Noi siamo infinito”. Al chino de Tieser

Insnet, vender ai 22 de firé e en sabeda ai 23 da les 21.15 e ence en lunesc ai 25 da les 20.45 se pel veder “Lincoln”. En domenia ai 24 da les 21.00 vegnarà portà dant l conzert del “Quartetto d’archi”. En jebia ai 28 de firé e en vender 1° de mèrz da les 21.15 se podarà veder “Flight”. Al chino de Ciavaleis Insnet, vender ai 22 de firé da les 21.00 vegnarà portà dant l spetacol de teater dal tìtol “Rumori fuori scena”. En sabeda ai 23 e en domenia 24 da les 21.15 vegnarà moscià “Django. Unchained”. En lunesc ai 25 da les 21.00 vegnarà portà dant l conzert de l’Orchestra Haydn con entrèda debant.


Manifestazions y Congratulazions

nr. 08 / 22 de fauré 2013

Referac

Ai 27 de forà complësc

Scontrèdes per i joegn con FassaLux

FassaLux col projet “InnovaMente: oltre l’eccellenza” va inant con la scontrèdes per cognoscer miec la realtà. En mèrtesc ai 26 de firé h. 14.00-18.00 te Scola Ladina a Poza l dotor Giuseppe Zorzi rejonarà de “L’atualità del pensier de Degasperi tel ciamp politich, economich e aministratif ”.

Mostres Mostra del pitor Gino Bellante a Ciavaleis

nosta Augusta 60 agn. Por töa festa döt le bun y por le dagní sanité y ligrëza nos düć t’ aodun. Por döt ći che te fejes por düć nos de cör iolan te dijun. Lois, Verena, Stefano, Giada, Ginevra, Giulio, Daniel y Ingrid

Tel Zenter d’èrt contemporanea de Ciavaleis (Piazzetta Rizzoli 1) se pel veder la mostra personèla del pitor Gino Bellante da Ciavaleis. La esposizion resta fora enscin da Pèsca, de sabeda e domenia con orarie 15.30-19.30. Dai 26 ai 30 de mèrz 2013 la sarà averta duc i dis, con l medemo orarie. Mostra de Michael Demetz La Lia Mostra d’Ert nvieia duc de cuer ala mostra “details” dl artista Michael Demetz. La giaurida sarà n vënderdi 1. de merz dala 20.30 tla sala dla Lia Mostra d’Ert a Urtijëi. Orar de giaurida: dai 02.03.2013 nchin ai 15.03.2013 lun - dum 10.00 – 12.00 y 16.30 – 19.00. De merdi y de vënderdi da sëira resta la mostra davierta dala 20.00 nchin la 22.00. Mostra de fotografies de Caio Perathoner

La mostra de fotografies “Sëurasas“ ie da udëi dai 25 de fauré nchin ai 28 de merz tl Café Surëdl tla cësa Locia a Urtijëi. L orar de giaurida dl Café Surëdl ie da lunesc nchin a sada, 10.00 - 19.00.

Düt l’bun a nosta

Elisa che cumplësc i 18 agn ai 26 de forà. Tati, Mama, Christian y Elena

Ai 19 de firé te cèsa Valeruz l’é nasciù l picol

Elvis,

Andreas

che l’é vegnù a ge portèr tanta legreza a sia mère Giada e a sie père Simon Ge fajon la congratulazions e ge auguron ogne ben per l davegnir.

finalmënter ajùnjeste inće tö, incö vëindres ai 22 de forà la majera eté, chësc dess ester por te n dé nia da desmentié. La bona löna y ligrëza por la müjiga dess tres pro te restè. Te aodun döt le bun, fortüna y suzès por to dagnì.

N braciacol da la ameda Sara, dai giaves Rita e Paolo, dai jormegn e da duc chi de cèsa

Con amor e legreza i giaves Luis e Antonia e duc chi de cèsa ge dèsc l benvegnù

a chel pìcol Ivan nasciù ai 11 de firé N gran braciacol ence a la mère Nives, al père Cristian e ai doi pìcoi Giulia e Igor

Ai 24 de fauré cumplësc

Luis Mussner de Valin la bela età de 75 ani. Te mbincion de cuer dut l bon, fertuna y sanità. Ulon te rengrazië per dut chël che te es fat y per chël che te fejes mo per nëus. Ti fëna Stina, i mutons Siegfrid, Toni y Thomas cun families.

Ai 26 de furà 2013 po festejé

mëda Purgl i 99 agn. I ti audun de cör düt l’bun, sanité, amur y contentëza. Benedisciun y ćiamò tröc agn de vita. I ti dijun dër bel giulan pur düt ći che ara à fat por nos.

Tati, Mama, Steffi y Marco

Zënza s’intëne él inće por nosc bel jonn de Badia gnü le momënt de tó i 18 tles mans y ćiarè inant. A nosc

Elvis ti nen tomâl bele da pice tres ite na nöia ch’al dà sura dainré a ćiasa ne se fajunse pa plü degüna morvöia śoghé al palê, scora y amesa ite na bela ćiantada o raprejentè i studënć a livel de valada. De laûrs él stè bun de se ćiarié sö pro mo sciöche bun compagn tl bojëgn ne se dijel pa mai de no, ćinamai le talënt musical àl ciafè cun mesa medaia d’or te gofa fora por paîsc se infidel da rodè. Modé ćianties é por nosc DJ na bela pasciun cun la patent magari deventaràl süa profesciun. A nosc Elvis conesciü lunć y lerch se restel ma da ti auguré düt le miù y na picera vocaziun da fà rimes sön so tru da düć chi che te ô tan bun tröpes sodisfaziuns por le dagnì confortet’la, l’plö bel à pa ćiamò da gnì. Chësc te augüra Jandi, Kevin, Luca, Pec, Doniel, Sara F, Ivana, Isabel, Judith, Evelin, Menny, Elisa M, Elena F, Lefty, Terry, Karin, Julian, Bea, Massi, Marco, Manuel, Sepl, Romina

Ai 25 de forà complësc

Maria Pedevilla la bela eté de 80 agn. De cör te audunse döt l’bun, sanité y contentëza. Tüa möta Pia y düć tü familiars

Marcello, Niky, Andy, Klaudia y Korina.

www.lauscdiladins.com

41


Religion, Anunzies y Inserac,

nr. 08 / 22 de fauré 2013

Vangel dla Domenia Secunda domënia de Carsëma, ann C, ai 24 de forà 2013 Dal vagnele do San Lüca, 9, 28b-36 Te chël tëmp à Gejù tut Pire, Jan y Iaco sön na pert y é jü impara sön na munt a perié. Y tratan ch’al periâ, s’à mudé l’aspet de so müs, y so guant é deventè blanch lominus. Te n iade baiâ dui ëi impara. Al ê Mosè y Elìa; ai ê aparîs te n lominus raiënt y baiâ de süa fin, che dô s’ademplì a Ierùsalem. Pire y sü compagns ê gnüs coiüs dala sonn, mo ai s’â descedè y odô Gejù te n lominus raiënt y i dui ëi che ê dlungia d’ël. Canche chisc dui orô s’un jì demez da d’ël, à Pire dit a Gejù: ”Maester, al é bun ch’i sun chilò. I orun fà sö trëi üties, öna por tè, öna por Mosè y öna por Elìa.” Mo al ne savô nia ći ch’al dijô. Ćiamò tratan ch’al baiâ, él gnü na nìora y i à curì cun süa ambria. Ai ê rovà ite tla nìora y se temô. Y dal nio scraiâ na usc: ”Chësc é mi Fi prelité, ascutédele!” Mo do che la usc â zedü, ê Gejù indô su. I discepui scutâ y ne ti cuntâ en chi dis a degügn ći ch’ai â odü. Parora dl Signur. - Lalt a té, Gejù Crist!

Recordanza

Fulvio Pacher Cianacei 22.02.2008 – 22.02.2013 Chi che l’é mort no l’é mai se n jit. I é te la ombrìa che fèsc scur I é te l’èlber che mef tel vent I é tel bosch che fèsc sentir sia ousc I é te l’èga che passa te ruf I é te l’èga che paussa chieta I é te cèsa, te anter la jent mami, papi, Rebecca, Aisha, Jimmy con Dette e Demi

Rengraziamënt

Sepl Ploner de Costa da La Val *11.10.1923 +9.02.2013 N giulan de cör a düć chi che à tut comié da nosc pere Sepl te ćiasa o da süa sopoltüra; ai proi Siur Franzl Sottara, Siur Degan Iaco Willeit, Siur Angel Complojer, Pater Pius Leitner, Frater Felix Ploner por la zelebraziun dla santa mëssa de sopoltüra, al cor de dlijia y al organist, a Iarone Chizzali, a chi che à fat val’ sorvisc dala sopoltüra y a chi che à fat ofertes, scinché ćiandëres y paié santes mësses.

Por amplié le proiét ”Laûr davert por la jonëza” chir le Sorvisc ai Jogn Val Badia adöm al Raiun Sozial 1 jonn/na da aurì ćina setëmber 2013. Le post de laûr é a tëmp determiné al 65% (26 ores al’edema). Ara se trata da jì fora por i paîsc a tigní daverć i locai di jogn n valgügn dis al’edema domisdé. Al vëgn damanè esperiënza y dantadöt ligrëza da laurè tl ćiamp dla jonëza. N stüde tla sozio-pedagogia é bëgnodü. Implü vëgnel damanè desponibilité da laurè da sëra y la fin dl’edema, cualitês da manajé y da condüje n laûr autonom, capazité por le laûr te grup, patent B y n auto. Al vëgn inće chirì 1 porsona por l’organisaziún y coordinaziun dl proiet ���JAWA” che gnarà fat tla Val Badia da mez jügn a mez setëmber. Chësc post, che é a proiet, é da atira. I dui posć de laûr po inće gnì metüs adöm. Les domandes po gnì dades jö ćina al lönesc ai 25 de forà 2013 te ofize dl Sorvisc ai Jogn a Piculin, o por mail a info@jogn.org. Por informaziuns pòn cherdè sö le numer 3355400890 (Valentin) dal lönesc al vëndres.

Le Sorvisc ai Jogn ValBadia chir por le proiet ”N isté deboriada 2013” jogn y jones che à ligrëza da laurè cun mituns y mitans sciöche animadus/dësses. (An mëss avëi arjunt la majera eté!) Por informaziuns prëibel cherdè sö le 0474/523070 (lön - jöb, dales 8-12 y 13-17) o menè na e-mail a info@jogn.org Termo por dè jö les domandes é i 28 de forà 2013. Da vende

N giulan particolar ti dijunse al dotur Eduard Agreiter che l’à assistì ti agn de süa maratia a ćiasa. N giulan a chi che s’é stà y se starà dlungia te chësc tëmp de plüra y a chi che se recordarà de nosc pere tla oraziun o cun n bun pinsier. La familia

L vën vendù mubilia da cësadafuech, na mëisa y n banch y liec a n bon priesc. Tel. 335/8410246. (7/13) ••• Le Comun da Corvara vënn na pala gomata mod. Venieri 9013 cun morones, na bëna dla nëi, bëna por material, vomero Bombelli y furcia; imatricolada tl’ann 1999. Por jì a odëi la mascin prëibel telefonè al 333/3232772. I interessà é perià da dè jö süa oferta anter i 8 de merz 2013 dales 12.00 te secretariat dl Comun da Corvara. (7/13) ••• Al vëgn venü döt l'aredamënt y dui frighi de na botëga de alimentars. Tel. 349/8423679. (8/13) •••

La dita Bioc Bau da San Martin de Tor chir 1 gheometer o n tecnich de cantier cun esperiënza. Prëibel menè le curriculum vitae a info@bioc.it o cherdè sö le 335/6167989.

Chirì da laour N jëunn de 22 ani dla Talia che à fat la scola tl ciamp dla hotelaria y à 3 ani de esperienza de lëur chier da lëur coche segondo cuech per la sajon da d’instà. L ne n’à nia de bujën de albierch. Tel. 347/4823530. (8/13) ••• N’ëila jëuna dla Talia de 20 ani che à fat la scola tl ciamp dla hotelaria, cun esperienza chier da lëur coche segonda cuega per la sajon da d’instà. La ne n’à nia de bujën de albierch. Tel. 345/1561951. ••• N jëunn dla Talia de 20 ani che à fat la scola tl ciamp dla hotelaria, cun esperienza chier da lëur da conditer o coche segondo cuech per la sajon da d’instà. L ne n’à nia de bujën de albierch. tel. 340/0786685. (8/13) ••• N’ëila da tlo chier da lëur te na butëiga da śën inant. Tel. 333/2507841. (8/13) ••• N’ëila dla Ucraina de 60 ani che ie nfermiera y esperta per l’assistënza a jënt de tëmp chier da lëur sciche “badanta“. Tel. 389/6905586. (8/13) ••• Na ëila jëuna cun esperienza y referënzes chier da lëur a rumé su majons o a cialé de na persona de tëmp. Tel. 366/8069511. (8/13) ••• N pizzaiolo cun esperienza chier da

42

www.lauscdiladins.com

lëur. Tel. 338/2713726. (8/13) ••• N jëunn talian chier da lëur sciche pizzaiolo, da śën inant, per la sajon o nce per dut l ann, sce l ie mesun te Gherdëina. L à 15 ani de sperienza y lëura cun duta la sortes de furniei. Tel.

345/0543473 (08/13) ••• N’ëila che lëura bele te Gherdëina da trëi ani incà chier da lëur dai 23 de merz inant, a rumé su y paidelné, a judé te cësadafuech o nce coche barista, nce part time. Tel. 320/6274797. (7/13)

L Chemun de Sëlva chier da tò su da sën inant cun cuntrat a tëmp determinà per un n ann, che possa unì slungià per n auter ann 1 funzioner/a aministratif/va, 7. cualifica funzionela, a tëmp plën per l ufize tecnich. L vën damandà, danter l’auter, na mini-laurea de 3 ani y l atestat de cunescënza dla rujenedes taliana, tudëscia y ladina de livel “B”. La dumandes ie da dé ju nchina n merdi, 12 de merz 2013. Per nfurmazions pudëis cherdé su l ufize personal dl chemun, 0471/772142.

chir zumpradus. Tel. 349/6032065 info@holzmar.it

a La Ila chir 1 lerner y 1 monter. Prëibel cherdè sö le 0471/839766 o le 335/1244413.

Hotel Christiania a La Ila chir por la sajun da d’isté 1 chelner/a por salf dl post. Prëibel cherdè sö le 0471/847016.

Ie aspiete tlo tla cësa di tieres sce zachei unissa a me tò. Prëibel cherdé su la Cësa di Tieres Obervintl 0472/868172. www.tierheimobervintl.it

A S.Cristina vëniel fità via l local dla Banca de Trënt y Bulsan. Nteressei possa cherdé su l numer 335/6483299.

Al vëgn venü diretamënter n apartamënt nü de 84 mq comerziai cun n ingrès, na stüa, döes ćiamenes, dui bagns, na ćiasadafüch, n garasc y na ćianoa, te n raiun residenzial y chît a San Martin de Tor. Por plü informaziuns periunse da cherdè sö le Studio Bassot Rag. Daniele La Valle tel. 0471/1885509.

L vën fità via n cuatier de 65 m2 a Urtijëi dai 1. de auril inant. Tel. 338/6714014.

L vën fità via n local de 145 m²  da pudëi adurvé coche berstot, magasin o nce coche local da mëter ora zeche, tl frabicat Typak a Runcadic. Per plu nfurmazions pudëis cherdé su l numer 335/6344300.

Hotel La Majun a La Ila chir n/na secretêr/ia cun esperiënza, de bunes conescënzes de talian, todësch y inglesc y cun le PC ASA o PHönix, da aurì inant, por döt l’ann. Prëibel menè n curriculum vitae a info@lamajun.it o menè n fax a 0471/847074. Tel. 0471/847030



La Usc di Ladins