Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 08/2011 - 25 de fauré 2011 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Tieres

11

aaaaa Degun dutor? Chiche à n cian o n giat te Gherdëina muessa jì oradecà dal dutor dai tieres. La dumanda ie de ciuldì che l ne n’ie degun ambulatueres per pitli tieres te Gherdëina.

Schi

Medaia mondiala meritada Manfred Mölgg davagna ai Mondiai de Garmisch la medaia de brom de slalom strënt, al é la secunda “mondiala” do chëra d’arjënt dl 2007

12

Record Guiness Viktor Prinoth y Dietmar Insam mët su doi recorc da Guinness ntan la ski-show dla Scola de Schi de Sëlva.

Libri

14

“Viva Zorba!” Nstadì iel unì publicà l liber “Evviva Zorba!”, n liber cun chedri a culëures. Tesć de Giuseppe Caliceti y ilustrazions de Sara Welponer de Urtijëi.

Sozial

18

Daidé i mituns Sara Bassot da Corvara à dè fora n liber sön le EFT por mituns, la "tecnica dla libertè emozionala".

Dlijia

19

Manćianza Al'eté de 90 agn s'à destodè tl Borneo siur Sepl Dapoz da La Val, le miscionar da Ćiablun.

Al Plan

20

Festa por Mölgg Brom mondial a Garmisch. Intervista cun Manfred y Manuela Mölgg y impresciuns dla festa tl zënter d'Al Plan.

Lies

22

Manfred Mölgg mostra la medaia ala festa en söa onù a Al Plan de Mareo.

Atualité - Manfred Mölgg é ruvé a ćiasa da Garmisch cun na medaia. Grana é söa sodesfaziun y grana la ligrëza por döt Mareo, les vals ladines, Südtirol y la Talia. Manfred Mölgg à desfiré na bela gara pro chësc slalom dla domënia ai 20 de forà, l’ultim apuntamënt y canche de medaia ladina di Mondiai a Garmisch. Do la pröma manche ćiamò secundo, àl lascè val’ centejims sön n percurs dernè, mo é stè bun da tignì bòt ala tenjiun y concorënza, y romagne sön podium, por na medaia bun meritada.

Manfred Mölgg, poêt De Manfred Mölgg él gnü cuntè y scrit bele tröp, nos de La Usc di Ladins orun alzè fora dui aspeć

carateriai de Manfred che le fej n gran campiun de vita y de sozieté. I ùn scovrì la vëta poetica de Manfred Mölgg, che desmostra söa sensibilité y so ponsier sot da moseré i fać da vigni dé y i alć y basc de söa cariera cun chedri universai, lià ala tera fontana de nosta vita y de döt: “i à podü cöie ći che i à somenè tl gran laur de mëisc y agn, gonot tl chît zënza gran tamtam, y gonot ma cun me instës; la medaia é de bröm, mo ara ascogn n gröm de corusc, n gröm de sacrifizi à podü florì.”

Manfred Mölgg, respet Tratan la festa che le Comun de Mareo, l’Assoziaziun Turistica d’Al Plan/Mareo cun laprò dötes les categories, uniuns y sozietês, à metü

en pé en mertesc sëra a Al Plan, n’à Manfred nia dè intervistes y autograms denanche i füs d’artifize ne foss stà desfloris y i corusc desfantá tl scür dla nöt. S’à mo Manfred ciafè fora tl cil i corusc che söa medaia ascogn? Ejëmpl à dè chësta söa disciplina da ne i oje nia le spinè ai füs che ê gnüs organisà por ël, y mëte man da se dediché al laur PR - scebëgn che na desëna de jornalisć ê dant y do y ess orü i damanè chësc y chël. Manfred à desmostrè te chësta ocajiun da avëi n gran respet, por i atri y l’organisaziun y ći che söa jënt à orü i arjigné desco scincunda. Te chëstes piceres cosses vëigon i gragn campiuns, i campiuns de vita. (iaco rigo) Deplü söles plates 20 y 21

Nüsc paurs jogn Intervista cun Walter Valentin da Fussè, surastant dla Jonëza da Paur de Puster.

Fascia

27

Lejer adimprest Na veièda ai dac statistiches de la biblioteches de Fascia con vèlch conscidrazion di responsàboi de Moena, Vich e Cianacei.

I ladins ne sà deguna rujeneda Gran fum y gran polemiches iel unit ora do che la zaita Alto Adige à publicà n articul, scrijan che l presidënt dla Provinzia de Bulsan Luis Durnwalder dëssa avëi dit che i ladins dla provinzia ne sà no talian y no tudësch, coche cunseguënza dla imerscion te scola Rujenedes - Ad acta ie te duta la descuscion bele dantaprima unì metù la rujeneda dl’oma. I ladins messëssa mparé ladin, te scola.

Ma l ie bonamënter per nia a jì ite te chësta descuscion, ajache la storia à mustrà su che i ladins nstësc à for abù tëma de dì te na

maniera tlera che i uel mparé si rujeneda dl’oma. Mo deplù: i ladins va inant a plata 5

Comentar de Pruma de Elsa Zardini, presidenta dla Union Generela di Ladins

L Stat talian Gran stuep à sciuré su les discuscions per desgorje o manco i monumenc fascisć de Südtirol y les declarazions dl president Durnwalder de ne tó nia pert a la festa per i 150 agn dla Talia. Sce an à lit y li - dutorela - i foliec locai y nazionai spo s’inténen tant puech che la jent sa dla storia südtiroleisa y ladina. L fat de ne conesce nia assé la storia y de auzé la ousc contra chest y chel sona da volenté de strumentalisazion (politica y ence economich-turistica), y chest fat desceida de gragn cruzies. Degugn ne met en discuscion l dert sacrosant dl popul talian de festejé a na moda “decorousa” l aniversar. Les mendranzes linguistiches y si raprejentanc che veid indere la cuestion a na moda manco enfatica y plu destanzieda messessa almanco gode de n mender respet y de comprenscion da pert de nosc conzitadins de lingaz talian. De marevueia é l fat che certes “esternazions”, ence plu critiches per ne dì nia sceleredes, en cont dla festa dl’unité de nost Paisc, fates da esponenc leghisć importanc va inant a plata 5

Sunse nos taliagn? N comentar de Katharina Tasser Düć unse lit y aldì deplü comentars sön la cuestiun dla festa di 150 agn dla unité dla Talia, sce Südtirol dess tó pert ai festejamënć o no. N valgügn ladins mina de scê, deache ai dij che Südtirol fej pert dla Talia, y porchël àn da tó pert ai festejamënć. Iö indere sun dla minunga che inće sce Südtirol fej pert dla Talia, ne n’unse nia da festejè, deache nos ladins ne fajun nia pert dla naziun taliana. Nos sun sambëgn zitadins taliagn cun n passaport talian, respetun la Costituziun y les leges talianes. Mo nos n’ùn nia sciöche lingaz dla uma le talian. Nos ne sun nia de cultura y tradiziun talianes, nosta storia ne n’é nia liada ala storia taliana almanco ćina al 1918, y 90 agn é massa püć por sintì de nosta buna la portignënza a n’atra naziun. Ladins sunse y ladins restunse.


Letres y Atualité

nr. 08 / 25 de fauré 2011

Südtirol y la Talia

L’Ulf “ressuscite” Na sëra fodoma L ’Union Ladins da Fodom, l’é stada metuda su del 1968 dal nlouta prescident e fondadou Bruno Trebo e da la segretaria Delazer Adele come sezion de l’Union Generela dei Ladins dla Dolomites. L’à n suo statut, agiorné plu oute , che se pò consulté ntel ufize de la senta. Fin n cuoi l’à bù 7 prescidenc: Bruno Trebo (1964-1978), Bruna Grones Ioscia (1978-1994), Elena Pellegrini (1994-1996), Raffaele Irsara (1996-2002), Nani Pellegrini (2002-2004), dal 2004 al 2005 ence prescident de al Generela, Cristina Lezuo (2005-2008) e Daniela Templari dal 2008 a ncuoi. Dijon en curt chèla che l’é la miscion de l’Ulf: se de da fè per porté nnavánt i nteresc e ressolve i problems dei

ladins stòrizi del Sela, mprumadedut che vegne respeté i deric fondamentai de chisc. Conservé e svilupé l patrimone storich, linguistich e cultural, valorisé le tradizion, la toponomastica e le spezifizité ladine en general e chёle fodome en particolar. Resolevé la coscienza ladina nte duc i ciámp, ence co l aiut dei mesi de comunicazion. Defende e promuove l descore e la cultura del ambient, stimolé la difujion e la consaputa de sti valour. Mantegnì e svilupé l laour dei artejagn, dei contadins , dei comerzánc, del turismo e de l’industria de val. Promuove la colaborazion ntra le Union Ladine storiche del Sela e ence co i Ladins del Friaul e dei

Grijons. N mucio de ròbe, dijon difizili, da porté nnavánt coi mijeri finanziamenc che rua adallèrch. Recordon la redazion de La Usc di Ladins, l organizazion de manifestazion come “Ciánta con Nos”, S. Maria Maiou, l Teriol Ladin, Baissenston e auter. Ma lascion a chi che liec cièrne fòra , se e cié che nte sta miscion perveduda dal statut l é sté concretisé davántvia e ci che l é vegnù fat. Valgugn se damana mpò ci segnai mplù che la podёssa de ncuoi. Per ejemple ressuscité “Na Sera Fodoma, tegnì viva nte la jent la cuestion del referendum e promuove la partezipazion de Fodom, Cortina e Còl a le trasmiscion ladine del Trail. (Nani)

Mauriz tl zënter dl luech de Urtijëi, n „ensemble“ da na gran valuta storica. N pont de referimënt sterch, ti bon y manco bon tëmp s , che à la generazions passedes de nosta jënt fat pea. Ti recunescion i meric n con’ dl svilup dl turism y dl’economia dl luech de Urtijëi ala familia da Mauriz, purempò se féjen ert a capì chësc var, canche n à turisticamënter y economicamënter bele

arjont tant. Nia da capì y nia da purdené al incontra ne ie che duta l’aministrazions cumeneles de chisc ani passei dl Chemun de Urtijëi ne n’ie nia states bones y à arjumà de tò pruvedimënc de scunanza, che ie udui danora dala leges provinzieles, per mantenì chësta cësa, chësc ensemble de valuta storica tl zënter de Urtijëi, te si forma uriginela.

Scunanza dl “ensemble” Te n valguna enes uniràl, do nosta nfurmazions, zarà ju la pert plu vedla y storica dl hotel da

L cunsëi dla Lia per Natura y Usanzes, Gherdëina

Durnwalder y i 150 ani dla Unità dla Talia On duc liet ultimamënter truepa polemiches per chël che à da n fé cun la festa di 150 ani dla unità dla Talia che vën festejeda ai 17 de merz a Roma. Savon che Durnwalder ie unì nvià y ne va nia ju. Nteressant iel dessegur a udëi coche i ambolc ladins, che ne n’ie nia unic damandei da Durnwalder, la pënsa n con’ de chësta cuestion. Chëi che à scutà su n lunesc domesdì ai 14 de fauré la nutizies dla RAI Ladina à pudù se audì ora la gran desferënzia danter i ambolc badioc y chëi de Gherdëina. Pona ons liet n merdi ai 15 de fauré sun l Corriere della Sera na ntervista al assessëur ladin Florian Mussner n con’ de chësc argumënt. Tl titul iel scrit che Mussner dij

che “l ne n’ie nia mesun se desmincë dla umiliazions abudes tres Mussolini”. Prësc do dij Florian Mussner che “sce pënse a chël che mi familia à messù tenì ora zacan per gauja dl’anescion ala Talia y dl fascism, ne posse nia desmincë l duel y la umiliazions abudes”. Mussner, ma no mé Mussner, ades duta la SVP, se desmëncia gën de dì cie che la families di “Dableiber” à messù tenì ora dal mumënt dla Opzion dl 1939 nchin ala fin dla viera. L vën for mé dit cie che i fascisć à fat de fauz, ma l vën bel scutà via cie che i nazi à fat su te chëi tëmps. L fossa gran ëura che l ti unissa dit ai jëuni cie che l ie suzedù te chëi ani, avisa dan che i ultimi “testemons dl tëmp” che viv mo, mor via bel plan.

Zënza ulëi śën iustifiché l regim fascista, che à dessegur fat na politica etnica y culturela dut fauza te Südtirol ti 21 ani che i à cumandà, o sce cialon de reviers a duta la tragedies che i nazi à gaujà ti 18 mënsc che i ie stac tlo da nëus, ulëssi ti damandé a Florian Mussner de publiché ce sort de umiliazions y torc che si familia à tan messù fé pea sot al fascism. La jënt ladina de Gherdëina y Badia ie unida trateda dal fascism do la rata nia tan mel permez ai tudësc, chësc ajache ëi dijova pu che nëus ladins son “allogeni”, che fossa autramënter che i tudësc. Che son autramënter che i tudësc rati bën che nce i ladins dla SVP muessa dé pro.

Ulësse gën respuender ala tëuta de posizion di Ladins Dolomites Urtijëi dla Usc nr. 7 di 18 de fauré de chëst ann: Che l ie plu minonghes n con’ dla dezijion de Durnwalder de ne ulëi nia jì a Roma a festejé l’unità dl Stat talian ie normal y drët, povester monce bon, ajache l nvieia la jënt a rujené de chësc. Ma la tëuta de posizion di Ladins Dolomites Urtijëi me savova bën scrita dassënn sciorfa y cun mpue’ de iniuranza storica. L semea che l’autonomia de Südtirol ti ie unida cunzeduda, belau scincheda ala jënt de nosta tiera. Chësc ne stimenea nianca no n puech, ajache l’autonomia ie unida garantida dala Cumenanza nternaziunela y ruveda permò do gran batalies politiches y segurdenó data ca gën dal Stat talian. Y co possa pa i Ladins Dolomites Urtijëi dì che DUC ie cuntënc cun l status

quo? Che i ladins ie la sëula mendranza etnica tl Südtirol ne ie ënghenó vëira, ajache sce n ti cëla mé ala provinzia de Bulsan pona ie chëi de rujeneda dl’oma taliana ënghe na mendranza. I taliani se sënt ufendui dala tëuta de posizion de Durnwalder, cun rejon aldò di Ladins Dolomites Urtijëi. Ma canche l presidënt dla Region dl Venet o vel’ auter gran espunënt dla Lega Nord (monce ministri dl Stat) dij che i ne fajerà nia pea pra la festes ne dij deguni nia. Chësc me sà scialdi nteressant, y no mé ajache tl Venet iel ënghe na mendranza ladina. À propos: ne cuntestea pa nia avisa l muvimënt politich Ladins che l Stat talian à despartì i Chemuns ladins dl Venet dal rest dla valedes ladines? Mpo nia tan cuntënc, ha? Manuel Kasslatter, Puntives

Hotel da set stëiles Gherdëina, na bela valeda, ma sëurameneda, strënta y pitla. Me mpënse che l ie mé n musciat d’auril, chël dl proiet de fé su n hotel da set stëiles sun Ciampinëi, y spere che l ne sibe nia vëira. Desdrù la montes cassù cun vel’ da de tel? Per fé unì Berlusconi o i plu rics dl mond? Chël ne ons nia debujën! A vester che a nëus nes scriji dant de sparanië energia y chëi che ne n à mëi assé va su tla 7 stëiles a la sparcanté. Vel’ da de tel, aldò che i dij, adrova nce na strambaria de personal, da oradecà. Y dopro se lamënten de

chisc fulestieres cherdei a lauré y che uel pona sté tlo. Te nosta Dolomites ne adurvons nia n tel gran baracon, che semea la “Tor de Babele”, cassù te chël bel raion. I la menerà tan inant che ne se ntenderon nia plu un cun l auter. L ie d’autri ejëmpli ulache fé massa ala ngranda ne à pa butà, monce tlo da nëus. Co iela pa jita a finé? Basta! Dan stlupé, mé per pudëi bravé! Rosa Perathoner, Urtijëi

Georg Moroder, Urtijëi

Miuré ferata y stazions L’ancunteda dl presidënt Durnwalder cun l diretëur generel dla ferata statela ie n lunesc ai 21 de fauré stata argumënt dla senteda dla Jonta provinziela de Bulsan Mubilità - L bujën de cumedé ca plu stazions y pusciblteies de sëurandé la cunzescion per la trata da Bulsan y Maran ie unì azetà da tramedoi pertes. L ruvé a una cun l diretëur la ferata statela Mauro Moretti uel dì pruspetives per ressolver truepa cuestions sciche l cunliamënt cun Dispruch, l finanziamënt da pert dl’autostreda y l cumedé ca de plu stazions dla ferata. Per la stazion de Burnech iel udù dant n custimënt de 19 milions de euro che dëssa unì finanzià mez y mez danter Provinzia y ferata statela. Sce la

2

www.lauscdiladins.com

pert dla ferata vën paieda cun scioldi o cun puscions iel mo da udëi. Chi che fajerà i lëures pra la stazion a Persenon ie ënghe mo da udëi. La Provinzia fossa a una de fé i lëures sce la giapa lessù la puscions da fé plazes dai auti che pudëssa, aldò de Durnwalder, nce unì nuzedes per n cunliamënt cun la Plose. Tl’ancunteda cun Moretti iel nce unì rujenà dla cunzescion dla scines danter Bulsan y Maran. La ferata statela fossa a una de dé inant chësta cunzescion ala Provinzia. Perchël uniràl metù

man tratatives cun l minister che dà ora la cunzescion. Da pert dl presidënt dla Provinzia iel nce unì purtà dant l bujën de fé di stazions nueves: una a Sinich y una a Kaiserau/Casanova de Bulsan. (ufize stampa provinziel de Südtirol) Priesc d’abonament anual: per la Talia: 58,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Letres y Atualité

nr. 08 / 25 de fauré 2011

Streda te Sëlva

Scioldi ala lies

Me damande:“Puderà pa passé almanco chëi da tlo“? L portausc di Freiheitlichen Jëuni de Gherdëina, che sta te Plan, ne la tën la sades d’inviern nia plu ora pervia dl trafich che va de viers dl’Alta Badia. Perchël, coche ël dij, ulëssel assolutamënter stlù i jëufs la sades d’inviern. Ti manifestan mi solidarietà a duc chëi de Plan, per chël che i muessa tenì ora, ulëssi nce ti lecurdé che te d’autri luesc ài ënghe da ciampì cun l trafich. Per ejëmpl nëus a Runcadic, che ora dl trafich che va de viers dl’Alta Badia ons mo sëuraprò chël

de duta la val y ora de sajon ons colones de furgons y de camions che passa daduman abenëura nchin da sëira tert. Nëus supurton chësc, savan che te d’autri luesc iel mo scialdi piec. Ora per Puster, ulache l reprejentant di Freiheitlichen ulëssa mandé chisc auti, ie sambën un de chëi. Ulësse lecurdé che per ejëmpl un che vën da Verona per jì a Colfosch, muessa fé 43 km deplù y à almanco vint menuc deplù sce l va per Puster. Per cajo sons nce ie passà n sada

domesdì te Sëlva y ne é nia udù chël gran problem. Mpue’ de pazienza éi messù avëi ta la Krone, pervia de chëi dai schi che passova via la streda. Ma coche n aud ie la aministrazion da śën finalmënter tl lëur de mëter a post chësc, che ie segurmënter l majer problem dl trafich te Sëlva. Finan via ulëssi prië bel che Max Mussner cële de fé a na moda che almanco chëi da tlo posse passé.

Te si prima senteda dl ann à la Consulta provinziela per la cultura ladina tëut tres plu dumandes che ti ani passei. Feter duta la 111 dumandes ie unides azetedes

Walther Kasslatter, Runcadic

Per Durnwalder y per l partit! Durnwalder ne uel nia fé pea i festejamënc dla unità dla Talia, ajache politicamënter ne pudëssel nia ti cunvenì. Ma la populazion taliana te nosta provinzia se sënt śën ufenduda, ajache mé ulëi la stimes y la chëutes da ëi y ne ulëi nia i reprejenté ie mpue’ puech. Niancanó duc i ambolc dla Ladinia ne sustën na tel dezijion che à inò sciaudà su de bur’ vedli sentimënc te vel’un. Sce n pënsa che al didancuei vënien ora drët bën danter la grupes etniches, pona ne n’ie chësc cumpurtamënt nia da capì. Sustëni à Durnwalder al

incontra giapà da nosc assessëur Florian Mussner. Per l defënder al monce trat ca l duel y l’umiliazions che si familia à messù tenì ora tl tëmp dl fascism, da liejer tl „Corriere dell’Alto Adige“ dl 15 de fauré. Nscila àl crià l suspet che ël vëija i taliani mo for sciche fascisć, se desmincian che la ditatura fascista ie fineda dan 68 ani. L popul talian ne se merita nia che pra na tel ucajion vëniel trat ca cërta cosses. Degun politicher ne se nsemiessa de ne ulëi nia avëi da n fé cun i tudësc pervia dl nazism. Tramedoi populi ie stac vitimes

de chëi tëmps, che ie per fertuna bëndebò dalonc, perchël ratessans che l fossa drët che Florian Mussner, sciche reprejentant ufiziel de nosta jënt, se scusëssa ora, acioche deguni ne ebe niancanó l suspet che la jënt ladina la pënsa nscila. La jënt ladina se vën drët bën cun duc, y chësc nia mé cun i tudësc y taliani. Perdrët iel bën n spavënt a pensé cie che l reprejentant de nosta jënt muessa fé dldut per Durnwalder y per l partit. Ladins Dolomites Urtijëi

Calënder, festa y sport te scola I calëndri de scola dëssa, da scola a scola, unì plu valives. N vënerdi ai 18 de merz, l di do la festa naziunela, ne dëssel nia unì juntà mo n di de feries. Chësc y n generel l program per l sport te scola ie stai argumënc tla senteda dla Jonta provinziela de Bulsan Scola - La senteda ie stata n lunesc ai 21 de fauré. Danter l prim de setëmber y l 30 de juni muessa uni scola prugramé si 210 dis de nseniamënt. Vel’ scola à lezions mé danmesdì, d’autres fej plu ëures via per l’ena, a na maniera da ne messëi nia giaurì de sada. La gran desferënzia di calëndri danter una na scola y l’autra cumporta deficulteies de urganisazion, sciche per ejëmpli pra l trasport de sculeies. I assessëures provinziei ie stai a una che n dëssa abiné plu cundizions valives, coche per ejëmpl n con’ de

orares y dis liedesc. L presidënt à cunedì te cunferënza stampa che ntan la proscima enes uniràl rujenà cun i respunsabli de scola acioche i calëndri sibe plu medemi y per na miëura cuordinazion.

Festa ai 17 de merz L vënerdi riesc do la festa naziunela per l’unità dla Talia, che ie ai 17 de merz, dëssa l nseniamënt de scola inò jì inant, ne fajan nia n puent de feries. La Jonta provinziela à tëut chësta dezijion per i 18 de merz, tenian cont che truepa scoles

lëura nce de sada.

Sport te scola Per i programs de sport te scola iel unì dat pro n finanziamënt de 340.000 euro. Chisc scioldi vën dantaprima adurvei dala ntendënzes dla trëi grupes de rujeneda per mëter a jì i campiunac de feter vint disciplines sportives a livel de raion y de provinzia, ma nce per fé pea la fineles naziuneles. De ndut iel uni ann danter 16.000 y 18.000 sculeies che fej pea chësta garejedes. (ufize stampa provinziel de Südtirol)

La Consulta culturela ladina cun, da man ciancia, Hubert Irsara, Alexander Piccolruaz, Florian Mussner, Lois Ellecosta, Hilda Sottara y Bruno Senoner.

Cultura - Cun l’azetazion de gran pert dla dumandes puderàl unì fat l decret da pert dl assessëur provinziel ladin per paië ora i cuntribuc. Te chësta prima pert de dumandes azetedes se tràtel de cuntribuc per na soma de 391.000 euro. La truepa dumandes per n cuntribut provinziel tl ciamp dla cultura ladina à mpenià tan che duta la prima senteda dla Consulta, n juebia ai 17 de fauré. Cun 111 dumandes n fòvel chëst ann 22% deplù permez ala prima senteda dal ann passà. Lies che fej atività tl ciamp dla cultura ladina y artisć dla valedes ladines à mandà ite 90 dumandes de sustëni. La dumandes de cuntribuc per nvestimënc possa mo unì fates ti proscimi mënsc y nsci n fòvel de chëstes ntant 21. I cumëmbri dla Consulta culturela ie stai a una de azeté de ndut 103 dumandes. Mé n valguna dumandes ie unides spëntes ala proscima senteda per les valuté miec. Per ativiteies dla lies y artisć iel unì udù dant cuntribuc per na soma de 309.000 euro. La prima pert de cuntribuc per nvestimënc azetei fej ora na soma de 82.000 euro. La priorità di cuntribuc a sustëni dla cultura ladina ie mo n iede unida renfurzeda per l’ativiteies dla lies. “A chësta maniera ons nce dat

resposta ala majera cumpëida de lies che à chëst ann fat dumanda. Tlo ons udù che l ie nce truep jëuni che se dà ca per fé atività culturela ladina y chësc ie drët n bon sëni”, sotrissea l assessëur Florian Mussner. La mo majera priurità per ativiteies dla lies ie nce n sëni de recunescënza da pert dla Consulta culturela per duc i ladins che se dà ca tl ulentariat. “Tl ann europeich dl ulentariat ulons nce a chësta maniera valorisé chël che la lies fej per mantenì y cialé de nosta mendranza ladina,” dij l assessëur provinziel ladin. Dlongia la dumandes per cuntribuc provinziei àn tla senteda dla Consulta nce scumencià a traté l Di dla Cultura Ladina che n ulëssa chëst ann mëter a jì per la fin de setëmber. La Consulta culturela ladina à 5 cumëmbri. Do lege ie l assessëur ladin, Florian Mussner, presidënt de chësta cumiscion. Sun pruposta dla lies cultureles fej pert Hubert Irsara da La Ila y Bruno Senoner de S. Cristina. Sciche esperc dl ciamp ie Lois Ellecosta da Al Plan y Hilda Sottara da S. Martin unic numinei te Cunsulta. Dl lëur da scrivan se à sëurantëut Alexander Piccolruaz de Corvara, che lëura tl Ufize provinziel per la Cultura ladina. (ufize stampa provinziel de Südtirol)

Livel de vita te Südtirol Ntan i ultimi cin ani ie la families tla provinzia de Bulsan unides mëndres. La mesaria de davani de familia ie resteda feter unfat Südtirol - Tla prejentazion nstadì a Bulsan à l presidënt dla Provinzia Durnwalder valutà i resultac dl stude sciche na resposta positiva ai pruvedimënc contra la crisa finanziela y sciche cheder dla situazion atuela dla families. La nrescida n con’ dl davani, avëi y la cundizions de vita dla families tla provinzia de Bulsan ie unida fata ti ani 2008-09. I resultac che n à śën finà de lauré ora possa unì paredlei ala nrescides dan cinch y dan diesc ani. Per l’aministrazion provinziela ie i ultimi resultac particularmënter nteressanc per udëi la cunseguënzes dla crisa. “L cheder dla situazion economica dla families mostra su che l livel mesan ie mo for drët bon,” à dit Luis Durnwalder. L’analisa dl

Istitut provinziel de statistica ASTAT mostra nce su sce la families ciafieia cun si situazion economica y co che ie la tendënzes per l daunì. La cumpëida dla families ie ti ultimi diesc ani aumenteda da 167.112 a 200.667 che fej ora +20%. La grandëza dla families se à smendrà a na mesaria de 2,5 persones permez a 2,7 che fova mo tl 1997. La majera mudazion reverda la cumpëida de persones che viv da sëules che ie auzeda dl 42%, ruvan tl 2008 a na cumpëida de 68.984. Sun duta la families iel 58,1% caji cun mé una o doi persones. Nia cis na terza pert de duta la families (32,1%) ie pere y oma cun mutons. La families ova a despusizion de ndut 6,7 milions de euro de davani.

186,8 fova scioldi de cuntribuc publics per families sozialmënter dëibles. 51.175 families à pià do chisc cuntribuc. De mesaria ova la families 33.433 euro a despusizion sce n cumpëida adum davani y cuntribuc publics. Chësc fossa 11% deplù permez a cin’ ani dant, ma tenian cont dla nflazion ie l davani mesan realmënter calà de un percënt. L davani mesan per persona fova tl 2008 de 15.381 euro. Danter zità y valedes iel feter deguna desferënzia. Tl ciamp soziel vëniel da pert dla Provinzia de Bulsan spendù ite de gran somes y chësc porta nce pro a arjonjer chisc bon valores n cont de davani mesan. “Per caji ulache n ne se la cava nia da sëui vëniel per

ejëmpl spendù ite 190 milions de euro y la Provinzia de Bulsan ie la sëula te duta la Talia che garantësc l minim de vita,” à sotrissà l assessëur Richard Theiner. Feter trëicherc dla families à respundù ala nrescida che si situazion finanziela ne n’ie tan che nia mudeda permez al ann dant. Manco che n chert à dit che la ti va piec. Tlo iel da tenì cont che la nrescida ie unida fata tl 2009, propi amesa la crisa economica y nsci ie chësc resultat unì valutà positivamënter. Ala dumanda sce la families ciafieia cun si davani à n chert dit de se la cavé zënza problems. Zitadins che vën da oradecà à dat sëura che i se fej scialdi ert. 62,7% dla families dla provinzia

de Bulsan à nstësses n cuatier. Chësc ie deplù che te d’autri raions. Paredlan la grupes de rujeneda che ne à degun cuatier sie iel 45,3% di taliani, 31,6% di tudësc y mé 28,45% di ladins. N’autra nrescida che ie unida analiseda per grupa de rujeneda reverda l davani. La 11.678 families ladines à n davani mesan de 35.969 euro permez a 33.501 euro dla tudësces y 28.812 dla talianes. Ala nrescida dl ASTAT à respendù 1.100 families. Per la grupa de rujeneda ladina iel unì damandà ora na majera cumpëida permez a si perzentuela, chësc a na maniera da giapé n resultat plu realistich. (ufize stampa provinziel de Südtirol) www.lauscdiladins.com

3


Atualité

nr. 08 / 25 de fauré 2011

SCENAR - Ert y cultura tla Ladinia La ediziun nöia va en ona en jöbia ai 3 de merz dales 20.30, sön la RAI TV Ladina

Dancà y da na pert Uedli y oredles daverc sun la sozieté ladina d’aldidancuei Cater ciacole con Roberto Giudici, gestor de la plazòla dei camper e del ciámp dal glac de Rèba

Laûrs sön vider de Pio Alverà.

I argomënć de Scenar de merz à da fà cun l’ert dl vider, cultura y musiga. La trasmisciun é metüda adöm da Karin Pizzinini, cun la produziun de Jan Piere Karbon. Pio Alverà d’Ampëz s’à chirì fora n laûr scialdi interessant y creatif: cun la lauraziun artistica dl vider àl portè ite nia ma te süa vita, mo inće te tröpes ćiases la belëza, la decoraziun creativa, la finëza dl aredamënt. Scialdi plajëi

Stefan Demetz à gran pasciun por la musiga.

ti féjel che inće sü mituns pësta te sü ciaps y porta inant chësta bela ert. Luis Schenk é dessigü un di pioniers dl turism te nostes munts. Te 40 agn de mënacrëp àl imparè da les conësce y da capì ći ressorses che ares à da nes dè. Insciö àl salpü da portè pro che les strotöres por le turism chilò da nos sides atuales y modernes. I orun nes lascè cuntè n pü’ de valch de süa ativité lungia.

L’amur por la musiga à por Stefan Demetz na origina che va zoruch tles generaziuns. La capazité de menè la bachëta âl bele da möt. Ala bela eté de 85 agn pòl śëgn ćiarè zoruch sön na vita plëna de musiga, tröpa de chësta scrita propi da ël instës. Chësta trasmisciun é sostignida dala Rai Ladina, en colaoraziun cun l’assessorat ala Cultura Ladina dla Provinzia de Balsan y dala Regiun Trentino-Südtirol.

Contrada ladina tres plü püra Les ćiases vedles da na zerta valüta storica sparësc daimproìa te nosta valada. Al desplej che an n’à lascè trà jö tantes cun na sauridanza, zënza ponsè sura ći valüta che ares ess por la storia dla contrada Frabiches - Che ara se trata de frabicać che tira por le turism, vëigon dal fat che les Assoziaziuns Turistiches mët de chëstes ćiases söi prospeć por fà retlam sciöche da dì: “Ćiaredemo, desche nos ćiarun dl patrimone vedl!” La verité é n’atra. Vigni ann lascion trà jö feter te vigni paîsc ćiases che aldiss da gnì mantignides por süa importanza che ares à; o che la costruziun é de valüta storica o che al é nasciü laite na porsona che à fat storia ladina. Al ô ester plü sensibilité por frabicać che documentëia na forma de frabiché centenâs vedla; ai dëida documentè la identité de na vila, i valurs vedli y n stil tradizional storich. Le frabicat sön le retrat dessura é la ćiasa nadalina dl prof. Tita Altón (1845-1900) da Calfosch che à scrit valgügn libri ladins sön les tradiziuns, la storia, le lingaz

y la geografia dles valades ladines. Chisc libri é incö de gran valüta por nosc lingaz y nosta cultura ladina. Tita Altón â studié a Desproch, é stè professur a Trënt, a Vìena y diretur dl ginase a Rorëi, olache al é gnü copè adöm cun süa neza Maria che i fajô la cöga. Vigni isté gnô siur Tita (an le titulâ insciö por le gran respet) a Calfosch a passè süa sojornanza de val’ edema y por abiné adöm stories, liëndes da laota che al à spo metü a papier te plü libri.

bones? Tan de cultura dla contrada messass düć avëi por odëi ite, che al é negatif trà jö frabiches che à na zerta importanza storica. An à odü a Sompunt (Badia), ći che se lascia fà sce na ćiasa é ademal. Döt él meso varentè, sce al é la orentè da pert dl patrun y dles aministraziuns. Sön chësc ćiamp aldiss les aministraziuns publiches da sensibilisé deplü i patruns por mëte apost la ćiasa vedla ćina che ara é valgamia sana.

Chësta ćiasa sö Calfosch é da püch gnüda trata jö. An dijarà indô: “Poh, ara ê tan demal, che al ne paiâ nia plü la mëia da la dortoré sö!” Sambëgn che al é la tentaziun de plü patruns de ćiases vedles da les lascè gnì tan ademal por podëi les trà jö! Mo ćiodì ne les mëton pa nia apost ćina che ares é valgamia

Aministraziuns mëss daidé deplü, deache mëte apost frabiches vedles, les comedè costa sigü nia püch; daìte pol gni mudè tröp, ma deforaìa dess la ćiasa vedla scialdi mantignì so aspet d’ambiënt. Rodunt ales frabiches vedles i ćiara i foresti, é pö les atres dötes anfat y püch interessantes, deache an ne vëiga dlunch. (Lois Trebo)

La ćiasa nadalina dl prof. Tita Altón a Calfosch é da püch gnüda trata jö. (foto: Fotoriva/alleghe)

4

www.lauscdiladins.com

Chësta bela ćiasa da paur po bëgn gnì dortorada por la mantignì inant.

Roberto, co vala la stagion? Discretamente ben. L temp l à ence daidé. Ma volëssa vèlch deplù. L’é na situazion de segur ence vincolada dal temp e da la criji. Se veiga però che i veicoi ricreazionai i crësc. Chëst no vòl di che se vadagna deplù. L é ste n bon passaparola e tropa jent l’é tournada. Ence i giornai del setor i à scomencé a descore de Rèba, chël che davánt no suzedëva. Ence se l é sot i ogli de duc, ma dita da ti che te ie laore, ci máncelo a sta strutura ( che l’é del Comun n.d.r.) e a sta śòna per garantì n bon servisc. Come nfrastuture a livel rizetiv per i camper máncia ben puoch. Chèlche monada, come trè dërt l piazal o auter che son ndrio a mparé e a fè ndriomán ence se con speise. A la fin basta garantì de podei se taché a la corente, n piazal curé, ncin de acolienza, de no speculé massa e de avei na regola. Chël che máncia l é nveze la pèrt dedicada a l’ativité sportiva del glac. La jent stenta a vignì. Co i no va coi schi che l nei, no se ciafieia a patiné perciéche máncia l tët e palé la nei costa. Crei che fossa de gran utilité ence per Fodom avei na strutura polivalent, curida, da podei mëte a jì vèlch senza poura del temp. Forsci ence perciéche sta śòna l’é stada arbandonada e lasciada a dëla nstëssa per agn. Nte trope localité turistiche i camperisć i ven tignus dalonc. Per Rèba elo n pont de forza nveze avei na strutura che i acòlie? Ma, l’é na sort diferente de turismo da chëla che la val l’é usada a avei, che l é chël del albergo, del cuartier o del bed and breakfast. Crei che siebe mpò n turismo, na outa regolamenté, tèl che chël del albergo. Chi che ven co l camper, a la fin, l skipass i mossa se l fè, l nolegio dei schi, i va a se compré vèlch nte boteiga, i va fòra a se mangé vèlch. No i à drio dut coche ven dit. Crei spò che chëst pòbe mëte n moto na pèrt de economia de dut chël che no n é albergo. No veighe spò perciéche no fossa dai acòlie. Co i temp che cor, dut fèsc brodo. Esto dalvièrt dut l ann?

Si dut l ann. L maiou laour l é d’invièrn. D’isté, d’isté…l é n problema da mossei n descore fòra auna a duc. Percié? Máncia trop, souradut le nfrastruture. E son ndrio. Ma ence le picole ròbe per fè se giaude, per ejemple, i tosac. Forsci perciéche ntei agn l é très ju polito l invièrn e nlouta l’isté l’é stada ciapada sot giama. Crei che Rèba abe dute le potenzialité per podei no ester damánco dei vejins. No l é demé na cuestion de sciòldi. Chilò s’à l lèrch per podei se nventé trope robe. Chèi elo i problemi de gestì na plazòla per i camper? Ma, souradut cialé de ciapé na soluzion ai pichi e gragn problemi che po’ nconté un co nen camper. A la fin l’é très na machina. Ence chël plu espèrt l pò se ciapé co la bateria desciarida, la ièga glaciada e coscita nnavánt. L gestor l à da ester bon del trancuilizé e i é fè capì che na soluzion se pò la ciapé. Chèl elo l client che pretende deplù ? L forest o l talián? L talián. Se veighelo la diferenza ntra chi che à l camper suo e chi che l tòl adimprëst? Si, se l veiga proprio ntel modo de ntëne la vacánza n camper. Se pòlo l conscideré n turismo plu puoro? Elo spò chersciù co la criji? No, chi che va camper i lo fèsc percièche l é n suo modo de ntëne la vacánza. Ence perciéche l à i suoi cosć, souradut ntel prum. Chèi elo i paisc che à plu sta cultura del camper ? Todësć n veighe troc, pò sloveni. Da sto ann ence troc spagnòli apascionèi de jì co la ròda. Pò belgi. I franceji i tira ncin su del nès, perciéche da lori costa demánco. I taliagn i ven souradut da Trevijo e da la Romagna. Damaneli den campegio, che nta Fodom l máncia da nvalgugn agn? Si, valgugn i lo damana.


Atualité

nr. 08 / 25 de fauré 2011

I ladins ne sà deguna rujeneda

Degun mulins dal vënt La Jonta provinziela ne uel nia lascé pro che l vënie fat mulins dal vënt sun la montes dl Südtirol Energia - L presidënt Durnwalder à n lunesc ai 21 de fauré cunedì la dezijion de mascima cun ezezion per l proiet sun i ëures sëura l Prëner. Tla descuscion n con’ di mulins dal vënt per fé strom vëniel valutà pertes positives n cont de na produzion de energia nëta, segura y che vën for do permez ala pertes negatives n cont dl cialé ora dla cuntreda y l bujën de fé stredes nueves da mont su. I assessëures à da si pert dat na resposta a chësc argumënt se detlaran contra i mulins dal vënt. Per la produzion de energia nëta

ie truepa jënt de prinzip a una, ma pona, tl cuncret, vëniel metù truepa cundizions. “On nce giapà truepa dumandes per fé mulins dal vënt te Puster, tla Val de Isarch y tla Venuesta, śën ons dat na resposta,” à detlarà l presidënt dla Provinzia te cunferënza stampa. L proiet di mulins sun l Sattelberg dl Prëner cumporta na ezezion da chësta posizion de mascima dla Jonta. “Chësc ie n proiet ulache i mplanc ie do la rata duc adum y mplu iel bele la vedla streda di saudeies,” à argumentà Durnwalder. Sce l proiet dl Prëner giapa duc i bënsteies dla

cumiscions, puderàl nce unì realisà. Tl cajo de Mals ne lascia la Jonta provinziela nia fé mulins sëuraprò. Chëi doi che ie bele sun la Malser Haide possa mo unì tenii cin’ ani per se paië ju l custimënt y pona muessi unì tëuc demez. Durnwalder à nce nunzià l proiet generel dl “Green Corridor” che vëija dant plu pruvedimënc a bën dl ambient tla valeda dl Isarch. La se trata tlo dantaldut de spusté l trasport dala streda ala ferata y sustenì formes de energia che respetea l ambient. (ufize stampa provinziel de Südtirol)

dutorela zenza derc fondamentai prevedus da la Costituzion.

dla dignité y di derc fondamentai de duc i popui y dantaldut dles mendranzes linguistiches. Canche na mendranza arà arjont duta la sconanza tl respet de sia dignité y volenté de souravivenza saral finalmenter dant man ence les gaujes y les condizions per festejé i aniversars storics dl Paisc de chel che eles fej pert.

La Jonta provinziela de Bulsan.

L Stat talian va inant da la prima plata

é romagnudes praticamenter zenza comenc ence da pert istituzionala. N aniversar tant important messessa conduje a na reflescion neutrala y ogetiva sun la storia. Te chesta ocajion messonse recordé che pert dl popul ladin é

L Stat talian à enchin sen ignoré l ejit dl referendum dl 2007 di trei comuns de Fodom, Col y Anpezo, l tort fascist dla tripartizion resta. L davegnì caraterisé da n spirit europeich che n’à nia nazionalisms y intoleranza se damana l respet

Nfurmazions contra la stredes mpifedes Nia tan pruvedimënc tl frabiché, ma dantaprima na bona nfurmazion ai osc’ y turisc’ per ti vester ala streda de Puster mpifeda Stredes - Chësc ie unit ora dala prima senteda dla grupa de lëur cun a cë l assessëur Florian Mussner che à bele ideies cuncretes per ti vester al problem. Sun la streda de Puster de viers dl’autostreda ne fòvel ai doi de jené nia mesun ruvé inant. “Per via dl gran barat de turisć fova la streda de Puster y l’autostreda n chël di tan sëuraciarieda che l muvimënt se ova mpifà y l fova da aspité giut per ruvé inant,” spiega Mussner, prejentan nce la zifres. Cun 81.000 mesuns fòvel ai doi de jené passa mo n tant de mesuns sun l’autostreda permez a d’autri dis. Mé pra la ntreda a Vahrn iel unì cumpedà 13.000 auti. “Se rendon bën conta che ntan l ann ne n’iel nia trueps de tei dis, ma per l bon inuem de nosc raion turistich ie de tel situazions de dann,” nsci l assessëur, che se à n lunesc ai 21 de fauré ancuntà cun reprejentanc di lëures publics, dla mubilità y dl turism deberieda cun

i respunsabli dl’autostreda per abiné soluzions ala stredes mpifedes. Gran pëis uelen ti dé ala nfurmazion di turisć, trajan ite i osć y patrons dla cëses. “L turista muessa bele l di dant y pona mo deplù l di dl viac savëi avisa cun tant de muvimënt sun streda che l ie da fé cont. Nsci muessel savëi ciun che ie l miëur orar y ciunes che ie la stredes alternatives,” dij Mussner che tën sun na cunlaurazion danter SMG, HGV, i cunsorc de turism y la RAS. Pusciblteies n iel de plu: turisć nteressei possa giapé la nfurmazions dla situazion sun streda sun l fonin. L ie tlo debujën che l patron de cësa damanda sce l ghest ie a una y pona che l manda inant l numer de telefonn. L medemo servisc pudëssen nce pité tres e-mail, scebën che chësta maniera se adatea deplù per l di dan l viac. Tla senteda dla grupa de lëur iel nce unì rujenà de mëter i dis de majer muvimënt

tofles de nfurmazion eletroniches sun la streda de Puster. La nfurmazions pudëssen nce mandé inant tres la ondes Bluetooth, se nuzan de antënes per arjonjer i fonins aldò ti auti. Ai 2 de jené àn udù che permò do la 9 danmesdì iel stat plu auti sun streda. “La va de mutivé l turista a muever plu abenëura o nia de sada,” spiega Mussner, fajan referimënt a hotiei che pudëssa pité si despunibltà aldò. La cuntlujion dl assessëur ie de senisiblisé i turisć a muever danter la 6 da duman y la 8 da sëira, a na maniera che l muvimënt se spartësce sun 14 ëura mpede mé sun set, danter la 10 y la 5 domesdì. Nfurmazion dl muvimënt sun streda y de cantieres sun stredes giàpen dala zentreles aldò (www. provinz.bz.it/vmz) y dal’autostreda dl Prëner (www.brennerautobahn. it). (ufize stampa provinziel de Südtirol)

Gran fum y gran polemiches iel unit ora do che la zaita Alto Adige à publicà n articul, scrijan che l presidënt dla Provinzia de Bulsan Luis Durnwalder dëssa avëi dit che i ladins dla provinzia ne sà no talian y no tudësch, coche cunsegënza dla imerscion te scola va inant da la prima plata

nstësc ne uel y ne possa nia se nmaginé na scola ladina, cun n nseniamënt de tan che duta la materies per ladin, o nce per ladin. L ie for unì fat n pensier de funziunalità, dla mpurtanza de savëi da rujené tudësch y talian y nce d’autra rujenedes, per avëi pona na chance tl mond dl lëur. Che mparé la rujeneda dl’oma uel dì ti judé a crëscer al mut y ala muta, ti judé a mparé a cunëscer l mond tres si realtà che vën ora dala rujeneda, ti dé persunalità, contures tleres ala persona, na identità persunela che ie pona, metan un dlongia l auter, na persunalità y na identità de cumenanza, che à si fundamënta tla rujeneda dl raion, coche dit, te nosc cajo, ulëi o no ulëi, la rujeneda ladina, chësc pensier ne vën danz nia purtà inant. La funziunalità à nce na si pert de fundamënta tla identificazion soziela dla mendranza, che va suvënz de viers dl majer, dl tudësch “damit wir salonfähig sind” y dl talian “che fa più chic”, per unì ora da nosta daudanza de vester y valëi demanco. L pensier dla scola coche istituzion per la persunalità ne va nia ite te duta la descuscion, chësc pensier ne n’ie mei jit ite tla drëta maniera ti ultimi ades setant’ani de storia dla scola tla valedes ladines. Massa naziunalista, massa strënta, coche l univa trat dant. Vëira iel che la politica ladina ie stata massa dëibla y povester nce massa iniuranta y sotmetuda per bater sun l bujën de savëi la rujeneda dl’oma y sun la ncëria fundamentela de nosta scola de chësc viers. L sauta pona ora l cumpromis, tla provinzia de Bulsan, de na scola paritetica, mesa taliana y mesa tudëscia . Ecuidistanza, ti dìjen a chësc, cun l ladin che mantën na si mëndra luegia danter la doi rujenedes y cultures. Cun de biei saluc dal’Opzion, chëla che nvieia via che l ie mé ladins tudësc y ladins taliani, ma mei ladins ladins. L binom resta inant, o che te ies talian DC o tudësch SVP. Y per ti unì ancontra ala doi pertes nàscel la scola dla valedes ladines. Na scola funziunela de viers dla rujenedes y cultures ujines. Sce n uel propi vester plu valënc pòssen povester dì che la politica ladina ie stata bona, storicamënter, de abiné na soluzion diplomatica y funziunela sun mesura, schivan che l unissa metù scoles mé tudësces o mé talianes, tulan y tres l’ecuidistanza, l balanz danter tudësch y talian, ti lascian almanco na mëndra lerch al ladin. Y per i plu mpermalëusc che se muev te y ntëur ala scola ti lascions valëi che l ie pa bën stat n svilup positif tl nseniamënt y tl mparé dl ladin te chisc ultimi ani, te scola. Ma manco piec ne n’ie mo for nia bon.

Per ne me lascé nia tré dant che son de contra che l vënie mparà rujenedes te scola, dantaldut tudësch y talian, ulëssi bën dì che rate che l ie drët a mparé plu rujenedes da pitli insù, truepa rujenedes, dantaldut talian y tudësch, ajache propi ti prim ani, chëi dla scolina y dla elementera, à i mutons y la mutans n potenzial ora dla set mesures tl mparé rujenedes. Ma n messëssa ti dé na majera lerch ala rujeneda dl’oma, nia per funziunalità ma per n pensier plu sot, chël dla persunalità. Chësc coche premissa metuda ad acta bele dal scumenciamënt incà, y l ie coche dit bonamënter per nia a jì ite te chësta descuscion. I ladins ne uel nia na scola mé ladina, una o doi ëura de ladin te scola va bën bën, y basta! Tlo la critica y n valgun pensieres de viers de nosta scola y dla rujenedes. Ma cun duta la critica muessi mpo dì che é gën nosta scola, che l ie na scola che porta zeche, che possa mustré su n cër’ livel, ie dijësse n bon livel. L ie na bona scola! A livel passif sons nëus ades al 100%. La cunescënza passiva uel dì che ntendon na rujeneda. Ntendon a puntin sibe talian che tudësch, y sce n cajo nce mo d’autra rujenedes. La cunescënza ativa ie dessegur mëndra che no pra i native speakers, chëi de rujeneda dl’oma taliana y tudëscia. Po’ bën sce fussan unfat boni nce de rujené tudësch y talian coche i taliani y i tudësc. Chësc coche livel generel. Nce sce l n ie mpo na bela cumpëida de ladins che sà scialdi bën la rujenedes, monce a livel atif, rujenà y scrit. Y cieche mé nëus on, mé i ladins, ie la cunescënza culturela, l mesun de vester boni de se muever tla realtà tudëscia y taliana, che ie deplù che no mé ntënder la rujeneda. Un possa savëi da rujené y da liejer, ma tl medemo mumënt nia vester bon de cunviver. Nëus son boni de sté sentei pra na mëisa de paures de Villanders y doi menuc do cun na mëisa de muradëures trentins, s’la ciaculan, s’la rijan, bruntlan, ma savan da se deriejer te si realtà. Chësta ie na cossa nia da puech. OK, pudon pa bën mpo se tò a cuer de rujené miec, sibe tudësch y talian. L se trata tlo de avëi nce la drëta fertuna, de abiné l drë’ nseniant, dal’autra pert nce de na ulentà y de n mpëni persunel, plu insù che jon. Un che à la matura te fuia o n dutorat messëssa bën avëi l livel critich de se dé na sburdla y cialé de mparé bën assé la doi rujenedes. Bel aposta, sce n cajo che zachei urtëssa a fé vel’ critica de viers de tant che savon da rujené. Ma la critica se fajons’a bën nëus, chëla ne n’ons nia drë’ de se lascé fé da chiche sà, bën, al plu una na rujeneda. Ciusto? David Lardschneider www.lauscdiladins.com

5


Atualité

nr. 08 / 25 de fauré 2011

Louf Albert rejona ladin Con sie amisc... e rivai, l’ironich louf brun chièr cognosciù dut entorn l’é ruà chiò da nos per ne fèr grignèr ence per ladin Televijion - Chi se aessel mai spetà che un di personajes animé più de nonzech te duta la Tèlia ma ence al de fora de ca, l rejonasse ence ladin? Emben l’é proprio coscita. Dut cant l’é nasciù del 1974 canche l dessegnador Guido Silvestri, per duc Silver, l se aea pissà de meter neigher su bianch la storia de la vita de duc i dis de Louf Albert. Dal lapisc tel cors di egn se é passé ence a la televijion, e coscita chel louf brun chièr dut da grignèr rua ades ence te la Ladinia. L’idea la é stata de Fulvio De Martin Pinter, profescionist tel ciamp del video, che l’à ence abù desvaliva esperienzes de bon ejit de duplicazion de cartons animé e che à ciapà l’autorisazion de manèr fora i cartons per ladin per televijion e tras DVD. Dò l lurier de traduzion e sincronisazion, i cartons per ladin vegnarà mané fora per n an da la Rai Ladina e dapò i podarà jir fora ence su l’autra televijions regionèles. L projet, che jirà inant per 4 egn a la longia, l’é stat tout sù dal Comun general de Fascia che l lo sostegn ensema ai Istituc culturèi ladins Majon di Fascegn, Micurà de Rü e Cèsa de Jan e ence ensema a l’Union Generela di Ladins dla Dolomites e la Region Trentin Südtirol. Vegn endrezà 26 puntates da 7 menuc l’una che darà l met a gregn e pìcoi de se fèr doi grignèdes con Louf Albert, Mosè, Rico la talpina, Marta e Cesira e duc i etres che rejonarà ogneun n idiom desferent: fascian, gherdener, badiot, fodom

´ dërc´ à pa n pêr nia maridé chilò Ci da nos tla Talia? La familia de fat L’art. 29 dla Costituziun taliana dà dant che l’ordinamënt talian reconësc la familia desco sozieté fondada sön le matrimone. La familia de fat indere é le “nojel” fat da döes porsones che vir adöm, cun o zënza mituns, mo n’é nia maridades. Ai pers de fat i vëgnel reconosciü dër püć dërć te nosc Stat. Les families de fat n’à ćina śëgn nia ćiamò ciafè na regolamentaziun te nosc ordinamënt, inće sce te nosta sozieté é chësc fenomenn conesciü tröp.

Sce le pêr nia maridé se despartësc o un di ´ dui vëgn a mancé La pruma doi puntates de Louf Albert per ladin vegnarà moscèdes su la Rai Ladina en jebia ai 3 de mèrz dò Scenar.

e ampezan. Chest carton se podarà l veder per la pruma outa, manà fora da la Rai Ladina en jebia ai 3 de mèrz dò da la trasmiscion Scenar, donca più o manco da les 20.45. La 26 puntates de chesta pruma serie vegnarà manèdes fora doi a l’outa; “Cher de or” e “Aria de

tampesta” l’é i titoi di prumes doi tòc en program en jebia che vegn. L devertiment l’é arsegurà! Sul sit internet www.raibz.rai.it se pel veder la programazion de la trasmiscions televisives e radiofoniches de la Redazion ladina de la Rai.

Cuncors de leteratura N cuncors nuef de leteratura ie unì scrit ora dala Repartizion ladina dla Provinzia de Bulsan Leteratura - Opres letereres ti dà na majera richëza a na rujeneda. Cun chësc pensier sustën la Provinzia de Bulsan chëst ann inò autëures ladins cun n cuncors de leteratura. Per stories adatedes per jëuni y jëunes iel da vëncer plu pesc’ per na soma de 6.000 euro. Autëures ladins possa nchin ala fin de mei 2011 mandé ite si scric tl Ufize provinziel per la Cultura Ladina.

L motif dl cuncors.

6

www.lauscdiladins.com

Les families de fat

L argumënt dla terza edizion dl cuncors de leteratura ie unì dedicà al curaje zevil, al daunì y ala lidëza cun referimënt ala junanza. “Te nosta rujeneda ladina iel puecia leteratura spezifica per jëuni y nsci ons ulù ti dediché l cuncors da chëst ann propi a pec per jëuni,” spiega l assessëur ladin Florian Mussner. Nchin ai 31 de mei 2011 pòssen mandé ite stories scrites per gherdëina o per badiot. La Repartizion provinziela per la Cultura y la Ntendënza ladina à udù dant doi categuries aldò dl’età: jëuni danter 16 y 19 ani y pona mo duc sëura i 20 ani. Per uni categuria ie l prim pest de 2.000 euro y l segondo de 1.000 euro. La bandida dl cuncors lascia mé pro un n lëur sëul per persona che mesura almanco cin’ plates DIN A4 cun almanco 4.000 paroles. La stories damandes ne possa nia vester na traduzion y ne possa nia vester bele publichedes. L vën damandà stories urigineles. I details dla bandida dl cuncors pòssen nce liejer do tl internet sot a www. provinzia.bz.it/leteratura.

La stories mandedes ite per l cuncors che vën valutedes aldò, unirà nce publichedes te n liber. Per l cuiertl dl liber uniràl pona te n segondo mumënt scrit ora n cuncors per la grafica. I lëures per l cuncors leterer „Autëures Ladins Scrij 2011” unirà valutei da na cumiscion de sies cumëmbri. Marco Forni ie unì numinà presidënt de cumiscion. Deberieda cun ël iel mo Roberta Dapunt, Isabella Ties, Claus Vittur y Margherita Senoner. Dl lëur da secretera se à sëurantëut Barbara Perathoner dl Ufize provinziel per la Cultura ladina. Ëila ie nce la persona de referimënt per nfurmazions plu avisa, telefonn 0471 417021. I lëures letereres possa unì dai ju nchin ai 31 de mei 2011 tl Ufize per la Cultura ladina, streda Bottai 29 a Bulsan. Tl 2003 fòvel per l prim iede unì scrit ora n cuncors de leteratura ladina. Ivan Senoner y Maria Pedevilla ova venciù chësta prima edizion. Dan cater ani à la Repartizion provinziela per la Cultura y la Ntendënza ladina scrit ora l cuncors per n segondo iede; chësc fova unì venciù da Ivan Senoner y Iaco Rigo. (Ufize stampa provinziel de Südtirol)

Al n’é degöna regolamentaziun por i bëgns comunns de na familia de fat. Porchël éra insciö, che sce döes porsones convivëntes, magari bele da tröc agn, se despartësc o un di dui vëgn a manćé, spo ne pòi plü ghiré nia un dal ater. Insciö pòl suzede che la pert economicamënter plü debla pò romagne cun nia, inće do avëi investì tröp tëmp y scioldi tla convivënza. Chësc é sambëgn n gran svantaje y pò portè inće a de gragn danns. Sce un di dui gniss a manćé, spo n’à l’ater nia le dërt ala eredité, ala ponsiun de reversibilité y gnanca al tratamënt de fin raport. Ma cun testamënt à i pêrs nia maridà la poscibilité da ti lascè val’ en eredité al compagn. Sce i dui convivënć se despartësc, spo n’à le compagn plü debl economicamënter nia le dërt da ciafè n assëgn de mantegnimënt. I bëgns cumprà tratan la convivënza é de chël che i à cumprà y ne i speta nia al ater. Chësc ô dì che sce le pêr à cumprè na ćiasa scrita ma a un di dui y intrami à inće vit laite por tröc agn, n‘à l’ater degun dërt a chësta ćiasa y mëssa spo la lascè. Mo sce la familia de fat vir te na abituaziun tuta adinfit, spo pò le compagn convivënt subentré tl contrat de afit, desche la Curt de Costituziun à dè dant (sentënza nr. 404/1988).

I contribuc´ ai pêrs de fat tla provinzia de Balsan Tla provinzia de Balsan à i pêrs che vir adöm le dërt da ciafè i contribuć por le frabiché, sce ai vir adöm y à la residënza anagrafica da almanco dui agn tla medema abitaziun, sce ai à

mituns y vir adöm cun inće la residënza anagrafica tla m e d e m a abitaziun o sce ai à mituns i detlarëia che ai jarà a vire adöm tla abitaziun alisirada olache ai sposta inće la residënza anagrafica.

Le contrat de convivënza Por i bëgns dla familia de fat n’é dl dè dant de göna regolamentaziun. Chësc svantaje pò indere gnì schivé, sce le pêr se fej bele fora danant ći che al sozeda cun i bëgns cumprà deboriada, en cajo sce ai ess da se despartì. Chësc pòn regolé cun n contrat, che vëgn tlamè “contrat de convivënza”. Cun chësc contrat pòn regolé l’aspet economich dl pêr che vir adöm zënza ester maridà. P.ej. pòl gnì regolé cô partì sö les cosses cumprades o la ćiasa fata sö deboriada. An pò stabilì n dovëi da paié n contribut al compagn y tröpes d’atres cosses. An ne po nia impormëte na arpejun, deache ma cun testamënt pòn ti lascè na pert di bëgns che an à al compagn y ma chë pert che ne i speta nia por lege ala parentela.

Le pêr de fat cun mituns I dovëis y i dërć en confrunt ai mituns é indere anfat por geniturs maridà o nia maridà. I mituns nasciüs da geniturs maridà o da geniturs nia maridà ciafa le medemo tratamënt te nosc ordinamënt. Intrami i geniturs che à reconosciü i mituns à le dovëi da i mantignì y da ćiarè de chisc, desche intrami à le dërt da odëi i mituns. Sce i geniturs se despartësc y n’é nia bugn da se gnì a öna por ći che reverda i mituns, spo pòi - inće sce ai n’é nia maridà - damanè a n magistrat dl Tribunal da regolé le mantegnimënt y l’afidamënt di mituns. Te chisc caji vëgnel dagnora chirì la soluziun che é miù por i mituns, porchël pò le genitur che à ciafè l’afidamënt di mituns inće stè te chë ćiasa olache ai vir, inće sce la ćiasa é dl compagn. Chësc pò gnì dè dant insciò dal magistrat, ćina che i mituns n’à nia complì la majera eté o ćina che ai n’é nia independënć economicamënter. dr.a av.a Manuela Obojes, Ofize da avocat Wörndle (Balsan - Tlüses - La Ila)


Atualité

nr. 08 / 25 de fauré 2011

Simbol de nosta identité

Aiut Alpin Dolomites de Armin Moroder

L joler dl Aiut Alpin.

Chëst’ena udòven inò suvënz julan l joler cueciun dl Aiut Alpin sëura nosta valedes y chël uel dì che uni iede fòvel na persona che ova dassënn debujën de cures de n dutor o che fova ferida, nzaul ulache l ne fova nia saurì a ruvé permez a pe o cun n auto. L ie pona stat n ntervënt drët particuler ulache n à adurvà doi joleri y na ambulanza per una na persona che ova debujën de ruvé de prëscia te spedel. Nscila iel suzedù che n ël che furnova cun i schi sun l purtoi Cier se ova sentì mel y se à sentà ju sun n lën sturcià dlongia purtoi. L univa for plu y plu stlet nchin che l ie tumà ntëur. 23 jëuni olandesc che fova fërmes puech dessëura a usservà chësc y à riesc cherdà aiut. Ntant à ëi nstësc scumencià cun l massaje al cuer. L fova n di ulache l fova scialdi da nibl y per l pilot fòvel scialdi rie a ruvé permez, ma cun la gran esperienza de truepa ëures de jol y dl cunëscer a puntin l raion, iesen stac boni de dé sëura dlongia l pazient. L dutor à nscila tacà ite l desfertunà tla mascins de reanimazion y de stabilisazion dl cuer y pona l àn ciarià tl joler. Bele dan muever udòven che l

tëmp univa for piec y dantaldut l nibl se nfitova for deplù. N messova ruvé cun l pazient de prëscia te spedel de Bulsan y nsci àn purvà dla dutes a passé sëura Puntives, ma la ne jiva nia. N segondo iede àn purvà a passé sëura l jëuf de Pinei, ma nce iló fova l mur de nibl massa sterch. Te puech tëmp àn nsci mpruvisà deberieda cun l 118 n ntervënt particuler y mo mei suzedù. L joler à dat sëura a Puntives. Ntant ruvova adalerch na ambulanza dla Crëusc Blancia che à ciarià l pazient. Ntant udòven la situazion meteo miureda tla Val dl Isarch, ma for mo da stramp stleta tl raion de Puntives, n cont dl nibl. Da Bulsan iel nscila muet l joler dla Provinzia che ie ruvà nchin puech sot ala ustaria Dirsching, y iló ruvova ntant l’ambulanza. N à nscila ciarià l pazient te chësc joler, che l à nscila riesc menà a Bulsan, ulache l ie mo ruvà n vita, y nscila àl pudù sëuraviver. N à udù che n à tëut la drëta dezijion; la cuordinazion de sucors de nosta Provinzia ie dessegur una che trueps nes nvidieia. N auter ntervënt particuler ie stat sun Plan de Corones. L joler dl Aiut Alpin fova tl lëur de mené

n’ëila de carant’ani che se ova rot n uf tl raion dl Boé. Ëila fova bele stabiliseda dal dutor y n messova mé plu ruvé te spedel. Ma ntan l jol unìvel ite na cherdeda per n ël che fova scialdi grief y che se ova trat na sciabla ora de luegia y fat mel al os dl col. N julova avisa sëura Plan de Corones per ruvé tl spedel de Persenon. Nscila àn tëut la dezijion de se fermé n mumënt iló y lascé ora l dutor che pudova nscila ti dé la prima cures. Ntant iesen julei inant cun la pazienta, che se ova fat mel sun l Boé, nchin te spedel de Persenon. Iló ulache l joler ova dat dat sëura aspitova bele n dutor dl spedel che à pona tëut tla mans la desfertuneda. Ntant ie pona l joler inò riesc julà sun Plan de Corones, ulache l dutor ova ntant njenià l pazient per l trasport. Nscila àn pona menà nce ël riesc te spedel. Doi pazienc te n colp àn ciarià chëst’ena nce sun Ciampinëi, ulache doi dai schi fova petei adum, se fajan dassënn mel. N iapaner che viv tla Svezia se ova tichenà dassënn la milza, na turista dla Lituania se ova fat mel a n uf y a na giama. Cun l aiut di sucoritëures che ie for njeniei sun i purtoies, ti àn dat la prima cures y do che l dutor à udù che l fova mesun i ciarië tl joler, i àn tramedoi menei te spedel, ulache i dutores à alsune fat si lëur. Ora de chisc ntervënc mpue’ particuleres n iel mo stat trueps d’autri, dantaldut sun i purtoies. Tla enes de carnescià saràl inò truepa jënt te nosta bela Dolomites, ma cun na tel bona urganisazion de sucors pòssen sté mpue’ plu saurì, ajache n sà che n cajo de bujën iesen tosc te de bona mans.

I messon valorisé la bandiera ladina: l brum dl ciel, l blanch dla neif y l vert di pres Ladinité - Per valorisé y ti dé plu emportanza ai ladins ti spétel a les aministrazions publiches da taché fora la bandiera ladina y da l’avei sun l papier de comun. Chesta bandiera é vegnuda crieda da nosc nenesc dl 1920 canche ala se tratova de defene i ladins che ai ne vegnissa nia metus sot la Talia y ne vegnissa nia scarzés un dal auter, despartis da Südtirol. Nosc nenesc à volù mostré con na sia bandiera che nos ladins volon ester ladins, no talians y no todesc! Ala mostra i colours plu biei dla natura: l brum dl ciel, l blanch dla neif y l vert di pres, colours che an veid gonot duc trei adum tla natura. La bandiera é l simbol dla nazion, dla popolazion, ala crieia identité y ala deida la popolazion tegnì deplù adum. Vigni stat tegn tant alaut sia bandiera che chi che la descrediteia vegn straufés.

democrazia. La bandiera ladina mostra che i ladins se sent ladins y vuel ester ladins con bona rejon; ai á salvé fin encuei l lingaz ladin che é plu vedl che Tirol. Olache al mancia la volonté de taché fora la bandiera ladina ilò mancel la identité ladina; cheles persones se sent puech ladines ajache ales se lascia strasciné via y ca y ciacolé su dai autri, da chi che ne la mina nia bona con i ladins. La bandiera ladina crieia identité, mostra su olà che al é l daciasa, ala é l simbol dla tera ladina carateriseda dal lingaz, da la cultura lieda a les usanzes y a les tradizions, a la fauna y la flora, ai Creps Slauris. Dut chest se damana sconanza, servisc y n svilup san modern zenza trascuré l tradizional. (Lois Trebo)

Durnwalder per la bandiera ladina Ence l sourastant dla provinzia de Bulsan Luis Durnwalder à dit tla intervista al foliet ladin dl 30 de otober 2010 che la bandiera ladina auda da vegnì tacheda fora tles valades ladines. Con la bandiera ladina desmostra i ladins sia identité ladina, che ai vuel ester na popolaziun de sia posta che se desferenzieia da siei vejins. Dlonch dess la bandiera ladina ester benveduda: sun les frabiches publiches (scola, comun, ciasa de cultura, di studafuech, dla mujiga, dl sport) y privates. Chi che ne la soporta nia mostra puecia toleranza defront a la popolaziun ladina y ignoreia sies raijes, sia storia, siei derc. De tel persones sbriscia saurí tl fanatism politich che é dagnora pericolous per la

La bandiera ladina tacheda fora pa la festa de refondazion di Scizeri d’Al Plan.

www.lauscdiladins.com

7


Atualité

nr. 08 / 25 de fauré 2011

Candidatura capitela europea

Stredes y fabriches

N juebia ai 24 de fauré iel a Bulsan unì sotscrit la fundazion dl cumité de candidatura cun vel nota ladina. Tl 2019 ulëssa la Provinzia de Bulsan deventé l zënter dl nteres culturel de Europa

Ntan chësc ann dëssel unì frabicà per feter 170 milions de euro. I programs prejentei dal assessëur Florian Mussner ala Jonta provinziela vëija dant nvestizions per scoles, spediei ma nce truepa stredes y zircumvalazions

Europa - Deberieda cun i raions dl Nordest dla Talia se njënien ala candidatura per deventé capitela europea dla cultura 2019. La zeremonia per mëter su ufizialmënter l cumité ie ai 24 de fauré stata tl Museion a Bulsan cun la prejënza de autoriteies politiches y dl ciamp culturel. Che la Provinzies de Bulsan, Trënt y Unieja ie a una cun la Regions de Venet, Friul Unieja Iulia òven bele ufizialisà de dezëmber cun n’acurdanza a Unieja. Te chësc proiet vëijen na bona ucajion de cunlaurazion tl ciamp culturel per

dut l Nordest dla Talia, ma nce per abiné sinergies che juda a se miuré a livel nternaziunel. Per la Provinzia de Bulsan iel na bona ucajion per mustré la particulariteies dla trëi grupes de rujeneda y la maniera de cunvivënza. La grupa de rujeneda ladina giaperà te chësta ucajion si lerch. Aldò dla rotazion danter i paejes dl’Europa ie l ann 2019 udù dant per n raion dla Talia. L Nordest ie un di candidac. La fundazion dl cumité de candidatura ie stata coche dit ai 24 de fauré.

La sotscrizion ie unida fata dal vizepresidënt dla Provinzia Christian Tommasini deberieda cun i reprejentanc de Unieja, la Provinzies y Regions che fej pea la candidatura. Danter la persunaliteies nviedes nce l musizist jazz de Maran Franco D’Andrea, l scultëur de Sëlva Aaron Demetz y l campion olimpich de marcia Alex Schwarzer. Reinhold Messner y Matteo Thun se à lascià udëi y audì tres n cunliamënt video. (ufize stampa provinziel de Südtirol)

Lëures publics a dites da tlo Bilanz positiva do la deficulteies a scrì ora lëures publics. 93% dla ncëries a dites da tlo de standard de cualità cumporta bën n majer lëur de preparazion, ma sce i lëures vën pona fai sciche l toca ie l resultat finel scialdi miëur,” à dit Mussner fajan referimënt ala firmes da tlo se fej suvënz plu saurì a garantì la cualità.

De bona previjions

L assessëur Mussner cun l presidënt Durnwalder y l diretëur Josef March à prejentà i bon resultac arjonc cun la forma nueva de scrì ora lëures.

Aministrazion - N iede iel la crisa economica, pona la normatives naziuneles nueves y leprò mo la cëria burocratica: l ciamp di lëures publics y l’economia dl frabiché se à ti ultimi ani stentà dassënn. Tl assessorat provinziel per i lëures publics iesen jic a crì formes nueves per scrì ora i lëures y n merdi ai 22 de fauré à l presidënt Durnwalder cun l assessëur Mussner pudù prejenté na bilanz positiva. La cumpëides desmostra che la va inò suvier cun l’economia dl frabiché. Danter l ann 2008 y l 2010 iel tl ciamp dl frabiché dl Südtirol jit perdù 3.000 stieres. Sibe la cumpëida dla firmes che nce l’ëures de lëur te chësc ciamp ie ti trëi ani passei smendredes danter 16,6 y 17,4%. La Provinzia de Bulsan fej tl 2011, tres l departimënt per lëures publics, nvestimënc per 337 milions de euro y ti juda a chësta maniera al’economia dl frabiché a unì ora dala crisa. Cun na lingia de pruvedimënc àn nce abinà soluzions per ti vester al codesc di cuntrac che à purtà de gran deficulteies a scrì ora lëures publics. L ie unì tëut demez la cauzions provisories per lëures sot a 200.000 euro y la cauzions definitives per lëures sot a 40.000 euro. Per lëures de n custimënt mënder de 500.000 euro an tëut demez la segurazion ad hoc. Per ti judé ala firmes iesen nce unic ancontra cun l fé cont, y l scrì ora di lëures vën per la majera pert mé plu fat tla forma digitela.

La va inò suvier Dal autonn 2010 incà vàla inò suvier cun l’economia dl frabiché

8

www.lauscdiladins.com

tla provinzia de Bulsan: 67% dla firmes à inò mustrà su davani. L mpëni da pert dla Provinzia ie dantaldut nce chël de ti judé ala mëndra firmes. Tl ann 2010 iel unì fat 3.788 cuntrac per lëures publics. Feter l 94% de chisc cuntrac ie unic fai per na soma sot a 40.000 euro. “A chësta maniera ons pudù ti dé da lëur ala pitla firmes de nosta valedes che ne à nia la zertificazion SOA, che ie drët cëra da lascé fé,” à spiegà l assessëur Mussner te cunferënza stampa. I lëures dai su ntan l ultimo ann fej ora na soma de 152,9 milions de euro. “Tres la regulamentazions nueves iel stat mesun sëurandé 92,3% de chësta soma a firmes dl Südtirol y chësc à nce purtà fruc per la firmes y la stieres,” à spiegà Mussner.

La cualità dla firmes da tlo L codesc di cuntrac nuef cun chël che la Talia se à de nuvëmber 2009 adatà ala diretives europées à purtà de gran problems al scrì ora di lëures publics y de cunseguënza festide ala firmes da tlo y nce per la stieres. L presidënt Durnwalder à laudà l assessëur Mussner y si cunlauradëures che i ti ie stai a chësta gran deficulteies tan cumplichedes. “La se tratova de abiné soluzions per scrì ora lëures, ma nce per smendré l pëis burocratich per la firmes. Ora dla deficulteies ons udù na puscibltà y la zifres de ncuei nes dà rejon,” à dit l assessëur per i lëures publics, che ti cunsieia ai Chemuns de unì sun la medema streda. “Dé su lëures no mé aldò dl bon priesc ma nce aldò

“La previjions per l daunì rejona de n crëscer danter 0,5 y 1,5%; fajon cont che nce tl daunì vàla inò suvier cun l ciamp dl frabiché,” à dit l presidënt Durnwalder. N con’ de scrì ora lëures publics à l presidënt cunedì de ulëi ti pité cunselënza ai Chemuns, a na maniera che l vënie unificà l sistem danter l’aministrazions publiches. Nce da Bruxelles iel bele unì segurà che i lëures possa unì scric ora te de mëndra somes, do mestieres. Per l daunì spèren che la sëida di 500.000 euro per n cuncors a livel europeich vënie auzeda a na milion de euro.

Nvestimënc per truep milions Per chëst ann iel prugramà lëures per 180,6 milions tla stredes, internet debota y pruvedimënc per l ambient. 120,9 milions de euro ie njeniei per frabiché y mantenì la strutures. “La strutures per scoles ie feter dutes unides metudes a post, i sculeies ie te de bona cëses y nsenianc à de bona cundizions de lëur te cëses adatedes ai bujëns de nosc tëmps,” à dit Mussner. Nce i ufizies provinziei ie ti ultimi ani ruvei te cëses de avëi provinziel y nsci se sparànien, permez a plu da giut, l fit per plu milions. Debujën de frabiché iel śën dantaldut pra i spediei: “Chisc ie bele boni, ma n muessa for inò i adaté a bujëns y aparac nueves,” à spiegà l assessëur per i lëures publics. Tl ann 2011 iel udù dant 44,5 milions de euro per i spediei.

Internet tla Val Badia Danter i lëures programei per chëst ann iel nce i cunliamënc per l internet aslune cun fibra otica tla Val Badia, da S. Laurënz nchin a La Ila. (ufize stampa provinziel de Südtirol)

Nfrastrutures - 62 milions (plu trëi per mubilia) à la Jonta provinziela de Bulsan dat pro per fé su frabiches ntan l 2011. Gran pert de chësta soma vën adurveda per strutures de nseniamënt y sanità. “44 milions de euro ie udui dant per frabiches che ie bele unides scumencedes ti ani passei, che vën purtedes inant o che vën finedes chëst ann,” à spiegà l presidënt Durnwalder riesc do la senteda dla Jonta. Per frabiches che unirà scumencedes chëst ann iel udù dant 21 milions de euro. Nce i 101 milion dai pro per la stredes ie gran pert prugramei per lëures bele scumencei. “86 milions unirà adurvei per purté inant o finé stredes,” à dit Durnwalder. I majeri capituli da chëst ann reverda tlo dantaprima la stredes de zircumvalazion. Danter l auter

uniràl f rabic à inant la zircumvalazion de Maran per 17 milions, la zircumvalazion de Persenon per passa 14 milions, l tunel de Ciastel Badia per 9,6 milions, la zircumvalazion de Vandoies per 8,7 milions, de Branzoll-Leifers per 8,7 milions y chëla de Auer per 8,7 milions. “Cunscidran i proiec che ie bele dai pro fóssel sëuraprò ai 100 milions dl 2011 mo debujën de 660 milions de euro,” à dit l presidënt fajan dal’autra pert referimënt a feter 70 lëures che unirà finei chëst ann y che n auter ann saràl pona inò scioldi per proiec nueves. Sëuraprò ai programs per la frabiches y la stredes, à la Jonta nce dat pro 11 milions de euro per lëures de manutenzion straurdinera sun la stredes ntan l 2011 (ufize stampa provinziel de Südtirol).

Spiegazion per i ossares Tla cuestion di vedli monumënc dl fascism iel unì fat n var inant, njenian la spiegazions che dëssa unì metudes sun la tofles pra i ossares ulache ie suplii truep saudeies Ossares - Do la lizënza da pert dl minister Bondi vala śën de se mëter a una cun l Cumisser dl Guviern per i details. Danter l 1937 y l 1939 fòvel dlongia la sëides de Stat unì fat su trëi ossares cun tant che fova restà di saudeies tumei da plu nazions. Chisc ie unii fai su a Sanciana/Innichen, Malls y Gossensaß. La lizënza de pudëi mëter su la tofles de nfurmazion y a chësta maniera stlù ju la cuestion de chësta sort de monumënc dl fascism ie unida tres l’acurdanza cun l minister ala cultura Sandro Bondi cun l presidënt dla provinzia Durnwalder. Cun la tofles uelen spieghé co y ciuldì che l fova unì fat su chisc ossares ntan l fascism. Tlo iel suplì saudeies de plu nazions y per respet a chësta persones ne uelen nia zaré ju i ossares ma dé na spiegazion. L test da liejer tlo dessot ie unì njenià dal Archif provinziel y ti ie bele unì prejentà al Cumisser dl Guviern y al minister Bondi. Ntan i ultimi dis se à l presidënt dla Provinzia ancuntà cun i ambolc di Chemuns tuchei per rujené ora na soluzion che possa unì azeteda da duc.

La descrizion L ann 1931 à l rejim fascista lascià vester truepa curtines di saudeies che fova n pert unides fates provisoriamënter pra i ciamps de batalia dla prima viera mundiela y che ne n’ie nia plu unides curedes. L cumissariat per uneré i tumei de viera ova giapà la ncëira de fé su plu cëses per i osc tlamedes nce ossares. L ie uni cris ora 17 lueges tla provinzies plu tuchedes dala viera: dala Provinzia de Sondrio a ovest,

la provinzies de Bulsan, Trënt, Unieja, Trieste nchin a Zara a urient. Ti ossares nueves iel unì purtà i osc de milesc saudeies tumei. L’architetura di ossares se stiza sun l’antichità romana cun si formes monumenteles y la rujeneda di simboi, sciche usanza tl rejim fascista. Cun chësc pruvedimënt à l rejim ulù fé sia la lecurdanza dla viera mundiela y la festes che toca leprò. N ulova mustré su na cuntinuità danter l’esperienza de viera y l fascism. Tl medemo tëmp eroisé i tumei tla viera per arjonjer n’educazion ala viera. Cun manipulazion y l drusé de ntraunides storiches à l rejim nce fat ora di tumei dla viera martires de ideai fascisć. Tla provinzies che fova do la viera ruvedes pra la Talia, dassova i ossares vester na verdia monumentela per la “sëides santes” dl Stat. Tl Südtirol, che ne n’ie niancanó unì tucà diretamënter dala batalies, iel unì fat su trëi ossares dlongia i cunfins plu mpurtanc aldò di proiec dl architet Giovanni Greppi (1884–1960) y dl artista Giannino Castiglioni (1884– 1971). A ovest dla Provinzia a Burgeis (1939), a nord a Gossensaß (1937) y a urient dlongia Sanciana/ Innichen (1939). I osc che ie unii purtei tlo ca ie unic tëuc n pert nce da curtines di saudeies da plu dalonc. Nce sce i monumënc ie dedichei al lecort di saudeies taliani, iel tlo nce unì suplì saudeies dla trupes austro-ungariches. Ncuei ie i ossares lueges de lecort, ma nce ejëmpl de amunizion de co che l rejim fascista à ulù se nuzé dla catastrofa dla viera mundiela per si fins politics y de prupaganda. (ufize stampa provinziel de Südtirol)


nr. 08 / 25 de fauré 2011

Atualité

www.lauscdiladins.com

9


Atualité

nr. 08 / 25 de fauré 2011

L sport, veìcol potent de promozion ence linguistica A Poza, te la giornèda internazionèla del lengaz de la mère, la mendranzes de nosc raion e de foradecà se à confrontà sun chest argoment tel convegn dal titol “Sportament”

L desch di reladores a la avertura del convegn “Sportament”.

Mendranzes - Percheche n lengaz posse soraviver e se svilupèr, ge vel che l vegne durà te duc i setores de la vita de la comunanza. Chest l’é n conzet che vegn sotrissà de spes ti ambienc che se cruzia de politica linguistica. Chest an ai 21 de firé, en ocajion de la giornèda internazionèla del lengaz de la mère, l Servije per la promozion de la mendranzes linguistiches de la Provinzia de Trent, ensema al Comun General de Fascia, se à pissà de jir a veder la situazion de lengaz e identità de mendranza te n setor che soscedea gran enteress e l’à de gran potenzialitèdes soraldut anter i joegn: chel del sport. Te sala grana de la Sorastanza de la Scola de Fascia la responsabola di servijes linguistics del Comprenjorie Ladin Sabrina Rasom à avert la giornèda de confront rejonan apontin del segnificat de “Sportament”: na parola che vel sintetisèr coche na persona se sent e se moscia, ence tel sport, per palesèr sia identità. Sul segnificat de la giornèda internazionèla del lengaz de la mère é jita ite al scomenz la Sorastanta de la Scola de Fascia Mirella Florian, recordan la remida per defener l lengaz Bangla tel Pakistan, e dapò la procuradora Cristina Donei, portan ence sia esperienza

desche ensegnanta, à rejonà de l’emportanza del lengaz: lengaz che enscin da pìcoi doventa pèrt de nos e l ne “forma”, desche l lat de la mère; lengaz che ne permet de se orir a n plurilinguism che aur ment e strèdes. Ence la vizepresidenta del Comitat Trentin CONI Monica Morandini à rejonà de l’emportanza del lengaz e de la valuta de se sentir pèrt de sia tera: demò pean via da sia cultura e vardan de no la desmentièr e de esser semper se enstesc, ence canche se rua a la foresta e ai traverc maores, - l’à dit - se pel venjer dalbon, ence tel sport. L salut da la Provinzia de Trent l’é stat portà per cont de l’assessora a l’istruzion Marta Dalmaso da Alberto Conci, che à recordà l’emportanza di lengac desche “vida de veder l mond e la robes” e del sport desche lech de enconter, de acolienza, de partezipazion che va sorafora i lengac desferenc. Te la pruma pèrt de la giornèda à rejonà amò la conseiera federèla FISI Anastasia Cigolla da Cianacei, che ge à sport al gran publich de joegn sportives prejent te sala vèlch stìmol e pont de reflescion pean via da sia esperienza de sportiva ladina, che à descorì ti egn l’emportanza de la disciplina agonistica che deida la

conzentrazion e la rua a esser ence poejìa.

Sport e mendranzes te l’Europa L sport l’é n gran laboratorie linguistich de neologismes – l’é stat dit – e chest se l’à podù entener bel delvers da l’intervent de doi reladores ruèdes ca dal Friul. Priscilla de Agostini e Federica Angeli ne à menà stroz per l’Europa prejentan ence travers video e spot che se troa sun internet l frut de na enrescida che moscia i messajes identitères che desvaliva mendranzes à portà dant travers l sport; na enrescida che é stata publichèda ence te n liber dal titol “Gol. La lenghe dal sport”, scrit da la medema doi autores e dat fora da l’ARLeF (Agenzìa regionèla per l lengaz furlan), olache se troa ence n picol glossèr de terminologìa del jech al balon. Tel continent european l’é trei gran manifestazions sportives che lea la mendranzes: l tornoi de balon “Europeada”, che del 2008 à vedù la partezipazion de 13 squadres per 20 mendranzes; la maratona de la mendranzes “YOU!MM” che vegn metuda a jir anter Germania e Danimarca e l’à vedù la partezipazion de passa 12.000 coridores da passa 20 raions

La furlènes Federica Angeli e Priscilla de Agostini e l president de l’Udinese Calcio Franco Soldati à prejentà esperienzes de promozion identitèra tel ciamp sportif.

10

www.lauscdiladins.com

desferenc, e dapò Euroscola, l festival per studenc finanzià da l’UE. Federica Angeli e Priscilla de Agostini à uzà fora amò n grum de evenc e manifestazions sportives endrezè des da desvaliva mendranzes d’Europa apontin con fins identitères, desche la Korrika basca e la Corrilengua galiziana, per fenir con la “Caminada Ozitana”, che à passà fora dut l raion provenzal dal Piemont fin a la Spagna per 1300 chilometres de viac a pe. Duta chesta manifestazions à na gran partezipazion e na forta comunicazion mediatica, ence te internet, che n fèsc veìcoi de promozion identitèra dassen emportanc, descheche l’é emportanta per la mendranzes la politica de sozietèdes sportives desche l Barcellona FC per i catalegn e l’Atletico Bilbao per i basches, squadres che pel adertura se permeter de no aer sponsor comerzièi e de portèr dant sun sia “camiseta” demò l’inom de sia tera.

Franco Soldati: l’ejempie de l’Udinese Calcio Gran forza de promozion identitèra ence chela portèda dant da na sozietà sportiva sul teritorie talian, l’Udinese Calcio. L’esperienza e l’atività uniches de chest vers de l’Udinese é states prejentèdes a Poza diretamenter dal president Franco Soldati, segur l relador più aprijià dai joegn sportives ladins. “Noscia sozietà – à dit Soldati – la é slarièda fora te dut l mond, sion na sozietà “globalisèda” e na squadra multietnica, aon ben 95 jiadores de proprietà (canche la media de l’autra squadres la é de 23) ma duron de spes l lengaz furlan. Nosc sit internet l’é dut ence per furlan, l’à n milion de azesc a l’an e de chisc 37.000 i va ite te la piates scrites per furlan. Nesc jiadores i à desmostrà de tor sù con enteress e curiosità noscia promozion del lengaz furlan, e ence Zico, l gran campion che à jià con nos ti egn ’80, l saludèa per furlan. Donca ence nos, desche l Barcellona, - à

fenì fora Soldati – se sention “més que un club”: na sozietà che doura l lengaz del post per la squadra del cher.”

Passa 1300 chilometres a pe per leèr ensema l teritorie ozitan Dò i intervenc porté dai furlegn, l’é stat la vizepresidenta FUEV Marta Stocker a rejonèr de la esperienzes portèdes dant te l’Europa per valorisèr sia mendranzes linguistiches travers l sport, e de la partezipazion di Cimbres a “Europeada” à rejonà l diretor de l’Istitut Cultural de Luserna Lorenzo Baratter, endèna che Leo Toller de l’Istitut Mocheno à portà dant la situazion del sport te sia valèda. Gran enteress e curiosità a soscedà en ùltima l’esperienza ozitana, portèda dant a Poza diretamenter da Ines Cavalcanti, “pascionaria” de la Chambre d’Oc e promotora de la Caminada Ozitana: n viac a pe de passa 1300 chilometres, da la Èlpes ai Pirenei, traversan dut l raion de lengaz e cultura ozitana per leèr ensema dut l teritorie, la jent e la variantes linguistiches e per domanèr l recognosciment de l’ozitan desche patrimonie mondièl de l’Unesco. A l’ùltima tapa de chest viac, peà via a la fin de aost e fenì ai prumes de november del 2008, aea tout pèrt ence na delegazion ladina per ge palesèr ai ozitegn dut so sostegn. L’esperienza é stata documentèda ence da n bel filmat, fat da la documentarista Elisa Nicoli, che se à podù veder ence a Poza, te chesta giornèda che à portà dant n muie de ejempies de bona prateghes metudes a jir tel sport. Endèna l’idea vegnuda fora da man de la sorastanta Mirella Florian l’é chela de endrezèr ence na caminèda a pe fora per duta la valèdes ladines: na proponeta che metessa ensema apede a la valuta linguistica, culturèla e identitèra ence la cognoscenza del teritorie, benstèr psicofisich di partezipanc e ence promozion de nosc raion a livel turistich. Lucia Gross

Ines Cavalcanti, che à portà la bela esperienza de la Caminada Ozitana, con Sabrina Rasom.


Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

nr. 08 / 25 de fauré 2011

Gherdëina

Degun dutor per i pitli tieres te Gherdëina? Chiche à n cian o n giat te Gherdëina muessa jì oradecà dal dutor dai tieres. La dumanda ie de ciuldì che l ne n’ie degun ambulatueres per pitli tieres te Gherdëina

L dutor dai tieres Adriano Sommavilla.

Tieres - Sce n cëla ncantëur, te Gherdëina, pona vëijen dredies de cians cun si patrons, te truepa cëses iel n giat o doi o trëi, un o l auter à si pësc te acuarium persunel, te vel’ stua scìblel vel’ucel, y vel’ popagai dij do paroles che l ne tuchëssa datrai nia da dì, manacian la pesc de familia. Y pona iel sambën nce duc i paures cun si bestiam, vaces, vadiei, ciavei, biesces, gialines, cëures da cater giames, y monce vel’ alpaca. Ma nteressant iel bën che te Gherdëina ne n’iel niancanó un n ambulatuere de n dutor dai pitli tieres. La jënt de Gherdëina ie sfurzeda, cun dut l respet per la cualità y profesciunalità di dutores da iló, a jì a Fie, a Tluses, a Bulsan o a Persenon. Nteressant nce ajache sce da una na pert iel debujën de n servisc istituzionel, sce n uel dì nscila, per i paures, pona pudëssen miné che la jënt de Gherdëina se lascëssa mpo custé zeche si capriz o bujën de tenì n tier te cësa.

L servisc publich L dutor dai tieres Adriano Sommavilla de Urtijëi dij che per i paures ie l servisc dl dutor dai tieres urganisà a doi livei. Un ie che l ie na cunvenzion provinziela a livel de raion, te nosc cajo l raion de Gherdëina y Ciastel. Tlo iel n dutor che fej vijites y che se cruzia dut ntëur dla malaties o dla dlaveies di tieres. Dal’autra pert iel l servisc dl’ASL, l’azienda sanitera de raion cun sënta a Bulsan. L dutor ufiziel dla ASL se tol sëura dl cuntrol de duta la produzion dla roba da maië che vën dai tieres, coche dì cërn, lat, ueves y miel, y pona iel mo, for tl cheder dl’ASL, n dutor aposta per l bestiam vif. Chësc dutor se cruzia de duta la pert ufiziela dl servisc, coche malaties da taché, dl bënsté di tieres cun la prutezion y la maniera coche l tier vën tenì. Nscila ie l servisc dl’ASL a livel urganisatif, sun l papier. Datrai iel efetivamënter doi dutores, ma tl cajo de Adriano Sommavilla, dutor

tl raion Gherdëina, Ciastel, Fie y Tirsc, à ël tramedoi funzions ASL. La doi funzions va ite te n cheder urganisatif istituzionel, sce n possa dì nscila.

La lizënza per n ambulatuere privat Ala dumanda n con’ dla mancianza de n ambulatuere per i pitli tieres te Gherdëina, manejà p r i v at a m ë nte r, re s p u e n d Sommavilla che uni dutor dai tieres che ie abilità per la prufescion possa giaurì n tel ambulatuere, do avëi giapà na autorisazion da pert dl’Azienda sanitera. L ne n’ie deguna cuntingentazion te chësc cajo, coche per ejëmpl pra apoteches, ulache l n possa mé vester n tantes per raion, aldò dla jënt. De regula vën la lizënza per ambulatuere privat dai tieres data ora zënza problems y aslune, coche dit cun l dutor che muessa sambën avëi i presuposć aldò, che ie n stude de medejina veterinera, na facultà a pert, y l ejam de Stat. Al didancuei iel nce tl ciamp dla sanità di tieres plu rames de spezialisazion, coche per l bestiam da produzion de cërn o lat o ueves, o per i ciavei, y tlo inò chëi che fej sport, y sambën iel pona la spezialisazion per i pitli tieres.

reviers ala dumanda fata danora, pudëssen raté che te Gherdëina n fóssel assé nce dal muet che garantissa lëur assé, lecurdan nce che te Gherdëina ne n’iel nia puec turisć che vën adalerch d’inviern y d’instà cun si pitl cian o giat. Sommavilla respuend dijan che l bujën possa bën vester tlo, ma ajache dut toma ite tla scumenciadiva privata, muessel vester che la ne se paia nia. Dal’autra pert iel na reflescion mpue’ psicologica dl “nemo profeta in patria”, coche dì, dan jì da n dutor de Gherdëina vàn oradecà. Ala dumanda sce l ne rata pa nia de vester mpue’ mpermalëus y pessimista dij Sommavilla che l ne se trata nia de si persona, che ël ne pudëssa nscila y autramënter nia fé na tel atività, che l à pu bele si lëur istituzionel. Ma l gëura pona mpo mo mpue’, l fossa pa bën mpo da purvé, per de tei jëuni, nce ajache la c ump ëida de ambulatueresc oradecà scumëncia a vester do la rata granda, a desmustrazion che l ie na fëta de marcià, nce sce do la rata pitla. Y sce un se cuntentëssa y savëssa da la mëter a jì, se dajan ju sibe cun i pitli tieres che cun i ciavei, per ejëmpl, pona pudëssela zënzauter jì. Ajache sce tla Val dl Isarch, che ie bën majera che Gherdëina, iel ntant bele almanco cater dutores cun si ambulatuere, pona messëssel bën nce vester mesun de ti la vaghé te Gherdëina. Ma chësc ie for na dezijion persunela, bën valuteda tl cheder dla planificazion profesciunela.

I Chemuns y i dutores dai tieres Da pert dla man publica ne ti vëniel de regula nia judà ai privac, l ne vën mé per dì nia metù a despusizion locai. Chësc coche regula. Ratësse mpo, nsci ti diji al

Trueps à nce n giat a cësa. Nce cun chisc iel datrai da jì da n dutor.

dutor Sommavilla, che i Chemuns pudëssa bën cialé de ti unì ancontra a n dutor dai tieres, per garantì n servisc nce te Gherdëina, a bën dla cumenanza da tlo y turistica. Sambën, y nscila dij nce Sommavilla, messëssa pona i Chemuns, dui trëi de Gherdëina, scrì ora n cuncors ulache duc i dutores nteressei pudëssa fé pea, per giapé locai che fossa nzaul a despusizion te Gherdëina y ulache i Chemuns à da n dì. L me toma tlo ite n valgun raions produtifs, ulache l semea che l sibe locai assé che sta decà. Chësta ie mé na mi reflescion, te chëla che Sommavilla ne va nia ite, ajache la ne toca nia si lëur y si ncëria istituzionela. Ma tl Trentin, per ejëmpl, iel ASUCs, aministrazions despartides di usi zivics, che ie urganisazions che lëura te chësc ciamp di usi zivics, che à nce a despusizion si strutures y frabicac, y nia dinrer mëteles a

desposizion de dutores dai tieres locai aposta per ti jì do a si lëur nce privat, per i pitli tieres y i ciavei. Sambën che l ie na sort de se ficé tl privat. Ma sce n pënsa bele nscila, pona iel la medema situazion pra la cunvenzions provinzieles cun dutores, chël uel dì che l ie nce iló na sort de planificazion, sambën per garantì n servisc, tenian cont nce de raions che ie desman; ajache, coche Sommavilla dij, chi jissa pa scenó tla Venuesta su pra l ultimo luech da paur o Muthof, coche n dij, mé per fé n ejëmpl? Summa summarum: te Gherdëina ne n’iel mo for degun ambulatuere privat per pitli tieres. Povester fóssel mpo l cajo o almanco bel sce un ti la vaghëssa, cun o zënza aiut dla man publica. Y scenó jirons bën inant a Fie, Tluses o Persenon, cun nosc cians y giac. David Lardschneider

De gran custimënc Te Gherdëina pòssela vester nscila, aldò dl dutor Sommavilla, che l ne n’ie economicamënter nia nteressant assé a giaurì na tel atività da dutor per pitli tieres. Chësc ajache l custimënt dla strutures y di njins ie mpo bëndebot grant y i dutores ne se vëija bonamënter nia de bela per nosta valeda. Da dì iel che sce zachei ëssa i locai a despusizion, pona fóssel bele plu saurì, rata Sommavilla. Ma di puec de Gherdëina che à l titul da dutor veteriner ne n’iel al mumënt deguni che ëssa la despunibltà de locai. Savan ciun che ie l priesc sun l marcià imubilier te Gherdëina se àn riesc fat doi conc. Mpo, jan de

A Sina, cian de raza Labrador, ti iel do la rata unfat a jì oradecà dal dutor dai tieres. Mé al patron ti sàl plu ncomper a muever da Sëlva de viers de Fie, Tluses o Persenon. Saràl pa tosc n dutor dai tieres te Gherdëina? L semea de no. www.lauscdiladins.com

11


Gherdëina

nr. 08 / 25 de fauré 2011

Ski Show cun record da Guinness Viktor Prinoth y Dietmar Insam mët su doi recorc da Guinness ntan la ski-show dla Scola de Schi de Sëlva. L prim fajan 30 backflips te diesc menuc, l segondo furnan ju per n slalom de cënt metri nzescul te manco de 9 secunc. Gran cumpëida dejënt, nmaruieda dl spetacul sun la nëif Guiness - L speaker dla manifestazion Claudio De Biasio ne n’ie nia stat bon de tenì ite si cuntentëza ala fin dla manifestazion, y mo ntan che la gran fola unida adalerch per la manifestazion se n jiva bel plan y disziplineda de viers de cësa, àl cun rejon ulù rengrazië tl microfonn, tla rujeneda dl’oma, duc i maestri dla scola, dijan che l ie stat una dla ski-shows plu garatedes di ultimi ani. Coche uni inviern mët la Scola de Schi de Sëlva a jì ntan l inviern plu defiledes cun i chentli y skishows per i ghesć y turisć de Sëlva. L se trata de n servisc turistich mpurtant per duta la cumenanza, na manifestazion de schi, ma nce de devertimënt per duc i ghesć che ruva te Sëlva. Y uni iede iel leprò i ngredienc de spetacularità y bona ueia sun la nëif. N lunesc ai 21 de fauré à l gran publich unit adalerch sun l purtoi Frëina te Sëlva sciche for pudù amirè i maestri dla Scola de Schi de Sëlva cun duta si ejibizions da plajëi, ma sëurapro nce vester leprò ntan che l univa purvà a mëter su n record dl mond da liber Guinness di primac.

Record da Guinness de Viktor Prinoth: 30 backflips te diesc menuc I maestri de schi dla scola tradiziunela de Sëlva ne n’ie nia nueves a scumenciadives mpue’ autramënter, mpue’ particuleres, mpue’ strambes, ma for scialdi deletëules. L tleca pensé al record da Guinness di primac dl schi plu lonch dl mond, de bën 104,5 metri de lunghëza cun 101 maestri lessù che ie furnei 357 metri. O ala scumenciadives di “Crazy Canacks”, ala ntraunides spetaculeres ntan i ski-show ncantëur per Südtirol. Te chësta ucajion àn pensà a doi

Viktor ntan l saut.

d’autri recorc da bater. Viktor Prinoth, mut dl diretëur dla Scola Flavio, se à tëut dant de bater l primat dl austriach Christian Rijavec, che ova tl 2006 fat 29 backflips (culëtes da malan de reviers) te mé diesc menuc. Rijavec ne n’ie nia n schiadëur a cajo, ël ie n ex freestyler de copa dl mond dla scuadra austriaca. Donca, na ndesfideda nia da puech, che Viktor se à tëut a cuer y à afruntà cun gran scerietà. Per pudëi tenì ite l tëmp fòvel sambën debujën de n aiut, chël de muver inò riesc suvier de viers dl saut, scenó ne fóssel nia mesun a fé tan de sauc te n tëmp tan curt. Mbën, co va pa la cossa? Viktor Prinoth fej si saut, la culëta da malan de reviers, muessa dé sëura zënza tumé, ruvé japé de purtoi, ulache la luesa a motor l aspieta y l mëina inò suinsom, sëura l saut. Y nsci inant zënza paussa, da unì cëurni a ti cialé, po’ pa mo per chiche l fej. Per sluné dut fòvel a despusizion doi lueses a motor, avisedes da Peter Runggaldier y Horst Demetz. Y do 9 menuc y 30 secunc, bel mpont, fej Viktor Prinoth si 30ejim saut, che garata, dan a n publich ntujiast y zënza paroles, che à deberieda cun i cënt maestri cumpanies de Viktor sustenì l acrobat dal prim nchin al ultimo saut. Mpresciunënt

y da stimé defin, per la perfezion stilistica y la cuordinazion perfeta nchin al ultimo saut y per l’artenienza fisica y mentela desmustreda dal jëunn de Sëlva.

Record da Guinness de Dietmar Insam: slalom de cënt metri nzescul te 8,56 secunc L vizediretëur dla Scola de Schi de Sëlva, Dietmar Insam, ne n’ie nia nuef a ideies y scumenciadives strambes sun i schi. Y da cofundadëur di Crazy Canacks, dl Freeride Club Gherdëina y ex atleta dl Freeride, desmóstrel de avëi tl sanch o tl DNA chësta carateristiches. L record de Andy Bennett dla Nghiltiera, metù su ai 27 de auril dl 2009 a Milton Caine, ti ie sautà tl uedl y chësta performance fossa, do si ntënder, da bater, zënza gran preparazion spezifica. Mbën, de cie se tràtel pa? L schiadëur nglëisc fova unit ju per n slalom de 100 metri cun cater portes direziuneles te mé 9,48 secunc. Ulà se ascuend pa l merit o l’ert? Tl fat che dut chësc ie suzedù furnan switch, chël uel dì, nzescul. Cossa puscibla al didancuei, ulache i schi twin-tip cun doi pizes, una dancà y una dovia, ie na realtà segura dl marcià

di schi y for plu cunscidreda da schiadëures y ndustria. L se trata de schi de boniscimo livel y cun cualiteies tecnologiches ezelëntes, no mé per i parcs, i rails y i sauc, ma nce sun i purtoies “normai”. I spetadëures tla skiarena Frëina fova curiëusc, ma canche Insam ie pià ju cun gran dezijion y à afruntà la cater portes direziuneles da gran espert dla raides, scebën ti autan l spinel, fovel tler: ël possa ti la fé, la cossa ie puscibla. Y bel mpont, canche Dietmar passa via la rissa dl travert se fërma l’ëura digitela sun l tëmp de 8,56 secunc. Record! Inò, l segondo iede ntan chësta sëira. Cumplimënc y aplaus da pert dl gran publich per l vizediretëur dla Scola de Schi de Sëlva, Dietmar Insam.

Bela ejibizion, gran paruda y spetacul dla Scola de Schi de Sëlva Cuntënc de cieche i à udù, lasciova i seniëures y simpatisanc dl schi l parterre Frëina do 45 menuc de spetacul sun i schi, purtà dant dala Scola de Schi de Sëlva cun si 100 maestri. Udù ài truep, ora di doi recorc garatei de Viktor Prinoth y Dietmar Insam, truepa ejibizions y shows sciche n les cunësc da for. Raides telemark y

carving, slalom lerch da agonism, sauc y culëtes da malan, freeride ju per i ronesc da Frëina, snowboard y pona nce la figures desferëntes tla grupa, la rondula y l rombo, nvenzion propi de chësta scola. Finà via ie dut cun la defileda cun la bandieres, for bënududa dai seniëures, tradiziunela ma che ne daussa nia mancë a testemunianza, coche à auzà ora l speaker dla sëira, dla nternaziunalità dla Scola de Schi de Sëlva, che uel y muessa se giaurì a duc, slargian nce ora la cunescënza dla rujenedes. Ma dlongia la cumpëida grandiscima de bandieres da dut l mond, a scumencé da chëla dla scola nstëssa per jì inant cun chëla dl’Europa, dla Talia, dl Südtirol, di Paejes Tudësc per ruvé nchin a chëles belau esotiches di paejes plu dalonc, no mé raionalmënter, ma nce de cultura dl schi, sautòvel tl uedl che l manciova la bandiera ladina cun si culëures brum, blanch y vërt, simbul dla tiera y dla natura, dla cultura y dla jënt, ulache dut chësc spetacul ie unì purtà dant y unirà segurmënter for inò prejentà cun mascima profesciunalità y cumpetënza da pert dla Scola de Schi de Sëlva. Leo Senoner

Dietmar Insam y Viktor Prinoth.

“Son scialdi cuntënt” Trëi dumandes a Viktor Prinoth, recordman cun 30 backflips US C: Na grandiscima prestazion, ëis batù l record de Christian Rijavec. Ciunes ie pa la sensazions? Viktor Prinoth: Son scialdi cuntënt, ne fove nia segur de ti la fé. Domesdì ovi fat la proes y cialà de capì co y cie fé per abiné la drëta

12

www.lauscdiladins.com

linia. Mpurtant fòvel nce che l mené cun la luesa a motor jissa bën. N ne daussa nia pierder tëmp, ajache diesc menuc passa scialdi aslune. Do l saut numer 30 ëis lascià vëis nce sce l manciova mo mez menut.

Ie fove finà, ne ti la fajove nia plu. Mé la jënt che me svaiova ite, me dajova curaje y me aplaudiva, me à dat la forza de jì inant. Bele do l saut numer 16 me savòvel che l fossa passà n’eternità, ma la streda fova mo longia. Y canche é fat l 30ejim saut fovi ala fin. La giames fova a

post, ma ne ove plu degun fla y l me univa da peté su. Fais’a nervëus dan chësta proa? A di la urità sci, normalmënter ne l sons nia, ma dan chësta ndesfideda bën. Per bater n tel record muessa dut stimené a puntin,

ne te posses te permëter degun fal. Savove che messove fé trëi sauc al menut y perchël ie uni fal n gran problem. Ne daussove nia tumé ajache scenó ne vel l saut nia y te pierdes tëmp y forzes. Ntervista de Leo Senoner


Gherdëina

nr. 08 / 25 de fauré 2011

Devertimënt y sport ntan scola

Sculeies dla Mesana tl ITC

N merdi dl’ena passeda se à i sculeies dla Scola Elementera de Sëlva ancuntà sun i purtoies de Risacia per fé la bela garejeda de schi. Chëla de pudejé ie stata te Val. Na grupa ie jita a pe

I sculeies che finerà chëst ann la scoles mesanes de Gherdëina puderà n juebia y vënerdi fé pea n di de esperienza tl Istitut Tecnich Raetia a Urtijëi

Sëlva - L purtoi de Risacia fova njenià a puntin, per la garejeda de schi dla Scola elementera de Sëlva. I sculeies s’la rijova, per l di liede, per la garejeda che i pudova fé. Un o l’autra fova nce mpue’ che s’la pensova, n mumënt grames, ajache na garejeda ie for na garejeda, cun l puls che jiva n mumënt plu debota. La Scola de Schi de Sëlva à metù ju n beliscimo slalom lerch, l’atletes y i atlec à tlo desmustrà si talënt. Per l prim iede à duc fat l percurs lonch, nce i mëndri, ma duc s’la caveda drët bën, coche conta l maester Florian Lardschneider. Te Val fòvel ntant la garejeda de pudejé. Na gran fadia, ma duc

ie ruvei te travert, cuntënc per ne l’avëi nia data su. Na bona idea ie pona stata chëla de ti unì ancontra nce a chëi che ne uel nia fé cumpetizion: cun ëi iesen jic mpue’ a pe, da Val ite. Ma de reviers ala garejeda sun Risacia, ulache l ie for la majera pert che fej pea: prejënc pra la garejeda fòvel coche uni ann truep genitores, autoriteies y nteressei. Per la gola y la pitla gran fam iel unì dat ora n bon crafon y n bon té. I crafons coche nce la copes y duc i pesć ie unii metui a despusizion dala Cassa Raiffeisen de Sëlva. L té ie unì dat dal Hotel Alaska. L diretëur Anton Senoner tol l’ucajion de rengrazië la Scola

de Schi de Sëlva, la Cassa Raiffeisen de Sëlva y l Hotel Alaska, ma nce duc i nsenianc che à judà pea che l di garate. Na lauda sambën ai pitli gran campions. Domesdì pona, la premiazion te Cësa de Cultura de Sëlva. N busiamënt de sculeies, curiëusc de udëi avisa la tlassifiches. Ma dant à mo duc desmustrà de savëi da fé festa, ciantan, sunan y balan deberieda. Bravi! Nce truepa autoriteies ie unides adalerch. L ambolt Peter Mussner à abù paroles de lauda y de rengraziamënt. Duta la atletes y duc i atlec à pona mo giapà na bela scincunda. (dl)

L Istitut Tecnich Raetia pieta ai sculeies dla mesana n di da purvé.

Sculeies dla prima tlas sun Risacia, deberieda cun la maestra Marlies Mussner. Da man ciancia: Marc, Nils, Peter, Nicol, Julia, Ellis, Samira, Rafid, Maximilian. Dancà: Lukas y David.

Scola - Mpede n di tlassich de porta davierta vëniel a chësta maniera prejentà la scola auta paritetica te na forma spezifica y adateda per i sculeies dla valeda. Fé pea y purvé n di de scola tl istitut tecnich economich, mparan a cunëscer la pert aministrativa, la sezion dla rujenedes y l program spezifich per sculeies che fej sport: chësc ie l pensier zentrel di doi dis de workshop che vën pitei ai 24 y 25 de fauré ai sculeies dla scoles mesanes. I sculeies dla terza tlasses dla scoles mesanes de Gherdëina puderà te de pitla grupes da ot-diesc persones fé pea l nseniamënt tla tlasses. Bele danora ài pudù crì ora la lezions che ti nteressea deplù. “Cun chësta forma nueva ulons pité na ucajion a chëi dla mesana de se fé n cheder drët realistich de co che la ie a jì a scola tlo da nëus,” spiega l diretëur Bruno Senoner. La scoles autes a Urtijëi y a La Ila pieta la sëula ucajion de jì inant cun l nseniamënt paritetich do la mesana zënza lascé do de mparé l tudësch o l talian. Cun la reforma dla scola auta uniràl te chësta

scoles autes nce nsenià doi ëura de ladin al’ena. N juebia ai 24 de fauré jirà i sculeies dla scola mesana de Urtijëi a purvé n di tl Istitut Tecnich Raetia, l di do, ai 25, ti uniràl dat la medema puscibltà ai sculeies de S. Cristina y Sëlva. Cun l jì n droa dla reforma dla scola auta, de setëmber de chëst ann, muda l inuem, y la scola Raetia se tlamerà Istitut tecnich economich. Ma i cuntenuc de nseniamënt resterà feter i medemi. L vën pità doi sezions: una dedicheda al’aministrazion, finanza y marketing, l’autra al turism. Aldò dla pusciblteies dl’autonomia scolastica vëniel sciche bele ti ani passei nce pità n program speziel per i sculeies che fej sport. Sculeies che ulëssa de setëmber scumencé l Istitut Tecnich economich a Urtijëi possa se scrì ite nchin ala fin de merz tla direzion (tel. 0471 796296). Nfurmazion sëuraprò iel nce da abiné sun la plates www.schule. provinz.bz.it/hob-stulrich tl internet. (ufize stampa de südtirol)

Dumënia dla jopes Cun referimënt al articul unit ora ai 21 de jené de chëst ann n con’ dla dumënia dla jopes che ie stata n la Segra dl Rosar ai 3 de utober dl 2010 iel al infal jit ite n valguna nfurmazions nia drëtes. La grupa che à sunà ne fova tl 2010 nia Egon, Otto y Jonas, ma Engl Dellago cun cumpanies. I hotiei

che à judà pea ie Hotel Pontives, Hotel Sureghes, Hotel Genziana, Hotel Rainell, Hotel Grödnerhof, Hotel Post, Hotel Adler, Hotel Maria y Hotel Cosmea. Judà pea à nce l pech Frisch, la butëiga Conad y l Rent a Glass. Daniela Villotti

Na fotografia dla dumënia dla jopes che ie stata d’autonn a Urtijëi; per l’ucajion fòvel propi unit adalerch na gran cumpëida de jënt. www.lauscdiladins.com

13


Gherdëina

nr. 08 / 25 de fauré 2011

Armin Senoner presidënt nuef

“Viva Zorba!” Sara Welponer de Urtijëi à bele fat pea pra truepa mostres y cuncorsc, nce a livel nternaziunel. Nstadì iel unì publicà l liber “Evviva Zorba!”, n liber cun chedri a culëures. Tesć de Giuseppe Caliceti y ilustrazions de Sara Welponer

La ilustrazions de Sara Welponer ie drët particuleres. L se trata de fotografies de popes y ambientazions che ëila à fat aposta per chësta storia.

Publicazions - L liber de Sara Welponer ie da abiné da śën de fauré inant tla butëighes dai libri. L ie unì publicà dala “Arka Edizioni”, una dla majera cëses de edizion de libri ilustrei per mutons tla Talia. “Evviva Zorba!” ie l diare, drët da vivanda y da rì, de n mut che conta a puntin de n di, che semea te n prim mumënt a n di coche duc i autri, ma che manacia de vester revinà te n colp da n nervojism che vën for majer y majer te si familia. Dlongia l test scrit taca l mut pro, cun na drëta lezitënza, si reportaje fotografich. La storia testemunieia la forza dl stress y ti mët a cuer cie che possa jué de contra. L test ie per mëndri dai cater ani insù. Dala ilustrazions de Sara Welponer, drët particuleres, se tràtel de fotografies de popes y ambientazions che ëila à fat aposta per chësta storia. Chësta ambientazions, che ti semea mpue’ a n teater dla popes, mostra i selfs dla cësa te chëla che i sies de familia viv deberieda cun si cian Zorba,

eroe dla storia.La ilustrazions de Sara Welponer toma tl uedl per si linies tleres, per si plastizità, per si volum y per si fazion comunicativa, adateda per mutons, pitli ma nce granc. L liber ie nce unì ciancià tl catalan y castilian per l marcià spanuel y sudamerican dala cësa de edizion “Ediciones del Laberinto”.

Museum” de Celle ti Paejes Tudësc. Te si ativiteies de lëur àla nce laurà deberieda cun agenzies de grafica, danter chëles la Gruppe Gut Graphic, la Conzepta Graphics, la Mugele & Matt, dutes trëi de Bulsan, y cun la Ambrosi Graphics de Auer. Sara Welponer à ilustrà doi libri didatics, “Thema Ötzi” edizion Folio; “Bauer, Schmied und Lodenweber” edizion Folio. Oradechël àla publicà ilustrazions tla zaita culturela “L’Alpe-Cultura e testimonianze dell’Europa alpina”, che vën data ora dala “Priuli e Verlucca Editori“ de Ivrea. Da n valgun ani incà lëura Sara Welponer nce coche professëura tla sezion de grafica tla Scola d’Ert Cademia a Urtijëi.

Zità dl Messico. 2007: mostra coletiva de ilustradëures a Savannah, College of Art & Design, Georgia USA. 2007: mostra coletiva a

Recunescimënt Relais y Châteaux N ucajion dl cungres mundiel di Relais & Châteaux, che ie stat a Cape Town de nuvëmber dl 2010, ti iel unì recunesciù al Hotel dl Baga Grödnerhof de Urtijëi l titul nternaziunel de gran prestisc Spa Trophy 2011

L cian Zorba, eroe dla storia.

Hotel dl Baga Grödnerhof de Urtijëi.

Montecchio Maggiore, Vicenza, Galaria Civica. 2008: mostra coletiva pra la Fiera Nternaziunela dl Liber Litexpo de Vilnius, Lituania.

Hotiei - L se trata de n suzes che premieia l mpëni y la cualità dl lëur y dl servisc dl Hotel de Sureghes, iel unì auzà ora. Candidac fova duc i hotiei cun Spa che fej pert dl’assoziazion di Relais & Châteaux, cun 500 danter hotiei y restauranc de passa 60 Paejes, de chëla che l Hotel Grödnerhof ie cumëmber dal nuvëmber dl 2004 incà.

Sara Welponer. Cinzia y Hugo Bernardi.

14

www.lauscdiladins.com

Mayr y Robert Perathoner. Tla grupa de cuordinamënt „Zëntri atifs“ iel unì lità l presidënt nuef y cunselier de Chemun Armin Senoner y Patrick Demetz. (usc)

Armin Senoner.

Mostres de ilustrazions Tlo n valguna mostres pra chëles che Sara Sara Welponer à fat pea: 1996: mostra persunela tla Lia Mostra d’Ert a Urtijëi. 2001: mostra coletiva te Ciastel Marec a Bulsan, per l cuncors nternaziunel “Crëps ncantei-lijëndes y cunties“, ulache la à venciù l prim pest. 2003: mostra coletiva de ilustradëures jëuni dla Talia tl Sano Museum of Arts de Shizuoka y tl Daimaru Museum de Kyoto, Iapan. 2006: mostra coletiva tl museum zivich “San Francesco fuori le mura” a Chioggia. 2006: mostra coletiva tl Istitut talian de cultura de Addis Abeba, Etiopia. 2006: mostra coletiva tla galaria “Al Montirone” a Abano Terme, Padova. 2006: mostra coletiva pra la Fiera Nternaziunela dl Liber a

S. Cristina - Armin Senoner tol su la ncëria da Guido Perathoner. Dlongia l presidënt iel unì lità da nuef nce l cunsëi. Tlo iel laite Margherita Comploj, Markus Demetz, Roland

David Lardschneider

Sara Welponer Do la Scola d’Ert a Urtijëi à Sara Welponer fat la “Scuola del Fumetto” a Milan. Si atività de ilustradëura liedia à scumencià tl 1997, canche la à fat scenografies y ilustrazions per l Museum Archeologich de Südtirol, cun chël che ëila mantën inant n raport de cunlaurazion. Oradechël àla realisà recostruzions archeologiches y scenografies per l “Museo Civico Gustavo VI Adolfo di Svezia”, chël de Blera (Viterbo), per l “Museum Ladin” de Fascia y per l “Bomann-

Nstadì iel stat la vela dl cunsëi nuef dla Lia di Buteghieres de S. Cristina. Armin Senoner ie l presidënt nuef

L se trata de n auter travert mpurtant per Cinzia y Hugo Bernardi, che à dit de vester unerei y cuntënc de chësta recunescënza: „Ulon auzé ora la gran mpurtanza dla tradizion de familia de ades cënt ani; nëus ulon jì inant sun chësta streda de viers dl’ezelënza, per ti dé a nosc seniëures l miëur servisc che son boni per si bënsté y comfort.“ (dl)


Gherdëina

nr. 08 / 25 de fauré 2011

Gran legrëza cun i ciofs Na lecurdanza a Anna Kasslatter de “Plaz” Persones - Anna Kasslatter fova nasciuda sa Bula ai 8 de merz dl 1919. Ëila fova la setima fia, do sies mutons, de anda Marianna Delago da Rumanon y de bera Leopold Kasslatter de Plaz, che ova abù de ndut 20 mutons. Anna fova na muta drët da ulëi bon y ulentiva, la judova te familia, cialan de si mëndri fredesc y surans. Cun 18 ani iela jita a lauré sa “Monte Piz” pra si anda, iló fajòvela la ciulea y judova dut ntëur. La fova drët lezitënta y la dajova ju dut chël che la davaniova al pere, monce ch’i puec scioldi dla bona man. Ëila fova na bela jëuna y unitant unìvel adalerch de tei jëuni a mutans. L fova doi mutons di majeri osć de Urtijëi che univa su cun l ciaval y uniun se purvova a ruvé dant, per avëi la fertuna de rujené limpea. Anna fova na jëuna da n gran ardimënt y nce sportiva. Tl puech tëmp liede òvela mparà a jì cun i schi. Ëila fova ntlëuta una dla prima ëiles che se nfidova a pratiché chësc sport. Cun i seniëures fòvela jita sun la Marmolada a pe da Mont de Sëuc via. Pona fòvela jita a lauré te n gran hotel a Maran, ulache la fova drët bënuluda y aprijeda. Tl ann1947, do la viera, àla tëut a fit cun si sor Anies y si fredesc Luis y Śepl, l hotel Lamm a Ciastel. Ëi laurova drët bën deberieda, i menova l hotel a puntin, se spartian i lëures y ciafian dut ntëur. Anna fova for de bona, mé

datrai pensòvela a chël ël che la ova abù tan gën y che fova tumà tla viera. Tl 1956 à pona Anna tëut a fit, deberieda cun si sor Frida, l hotel San Marco a Malcesine. Cun si esperienza de lëur, si lezitënza y si vester da ulëi bon, à la doi surans trat su l hotel, che fova deventà na atrazion per duc i tlienc y dantaldut per la jënt de Gherdëina che jiva a Malcesine a se lascé curé. Anna ie resteda a Malcesine bën 18 ani, lauran dassënn, se purvan daniëura a cuntenté dut ntëur si ghesć. Tl 1972 àla frabicà te Sëlva la “Villa Anna” y do ntlëuta àla for fità via majons. La se cruziova dassënn de si seniëures, che univa for inò y se sentiva iló da cësa. Ëila ciaculova limpea y fova bona de fé sozialisé i ghesć, nsci che i deventova duc cumpanies. Sce n ël y n’ëila apustova na majon damandòvela for sce i ie maridei, scenó ti dajòvela majons despartides. Si fertuna ie stata chëla de vester for saninton, ëila ne n’ie mei stata amaleda y ne à mei abù debujën de n dutor. Ma cun 91 ani iela tumeda y pona àla messù sté trëi enes te spedel. Chël ti à bën sapù n spavënt, la ie jita dojù dassënn. La ova perdù si energia y la ueia de viver, la ne maiova nia plu y ova l col plën de catar. La fidanza te Chël Bel Die ie stata nchin ala fin granda, la ulova uni di dì la curona y giapé la cumenion.

Plann dai schi Senteda de Cunsëi de Chemun de Sëlva. L vën dantaldut rujenà de purtoies, ma nce de d’autra cuestions urbanistiches

Anna Kasslatter.

Si nepota Verena ti ie for stata daujin, la à cialà lessù cun gran pazienza y bënulënza. Anna se à destudà ai 30 de nuvëmber 2010, te si cësa te Sëlva. La ie stata na sor sciche na oma, for njenieda a judé y a ti dé ardimënt a duc si fredesc y surans. Ëila fova la miëura de fé bales y si gran pascion fova i ciofs, che scicova daniëura i balcons che l fova na marueia. Gran legrëza òvela cun la orchidées che fluriva for inò te si biei culëures. Do na vita plëina de lëur, de festidesc y de legrëzes pòssela śën paussé tla pesc de Die. Sun si santa da mort iel scrit: “L plu mpurtant tla vita ie la fusties de amor che lascion canche se n jon.” Erica Senoner

Sëlva Chemun - N lunesc ai 28 5. Mudazion al plann urbanistich de fauré dala 20.00 se anconta i y cumenel: nserimënt de n raion per la cunselieres dl Chemun de Sëlva mplanc per l tëmp liede y de na per traté chësc ordenn dl di: streda cumenela de sort „E“ tl raion 1. Comunicazions dl ambolt. Plan da Tieja, y nce na ntegrazion 2. Nterugazion dla grupa de dl art. 22.2 dla normes de atuazion. Cunsëi “Die Freiheitlichen” aldò 6. D’uni sort: prejentazion dl dl art. 12 dl regulamënt ntern: proiet “Hotel Sochers” da pert dl mudazion dl purtoi da jì cun i schi proietant. “Villa Sella – Plan da Tieja”. 3. Plann de setor di mplanc portamont y purtoies dai schi pruposta de mudazion (raion Anri) - tëuta de posizion. 4. Plann de setor di mplanc portamont y purtoies dai schi, segonda reelaurazion de uni trëi ani: adatamënt d’ufize dl plann urbanistich nvit ala cumedura de fai materiei. La cësa de Chemun de Sëlva.

www.lauscdiladins.com

15


Gherdëina

nr. 08 / 25 de fauré 2011

Biblioteca Tresl Gruber: chiche prugramea viv Do doi ani de lëur à la biblioteca “Tresl Gruber” d’ansciuda dl ann passà giapà si sënta nueva sun Plaza de dlieja de S. Cristina. Rëndicont positif di prim mënsc S. Cristina - Śën do tosc n ann de atività tla sënta nueva dla biblioteca pòssen bele fé n rëndicont plu che positif: mo plu che dant se nòzen dla istituzion sun Plaza de dlieja y l moto ie y ulëssa vester inant: chi che prugramea viv. Tres la istituzion nueva àn pudù dé truepa vita ala plaza y si ntëurvia. N zënter d’ancunteda che ie tlo per duc, granc y pitli. Da bele 30 ani incà arichësc la biblioteca la vita culturela de S. Cristina. La pieta savëi y devertimënt, la fej avëi legrëza per la letura y avanea la cumpetënza dl liejer, la porta daujin persones y mëina i letëures te monc mo nia cunesciui. Biblioteca uel dì furmazion persunela, sopië la fantajia, mparé, avëi vijions, se giaurì al mond y nia per ultimo nce luech d’ancunteda.

Wolkenstein“ coche nce cun la biblioteca „Tresl Gruber“. Nscila uniràl nce chëst ann a s’l dé, n cunlaurazion cun la scola mesana y la biblioteches publiches, na azion de liejer da d’instà. Velch plu avisa uniràl fat a l savëi ala fin de mei. Y pona vëniel mo pità pachetli de libri y for inò ancuntedes cun autores.

Ueia de liejer

Thea Demetz: „N lëur bel y nteressant“ Nchin ala fin de lugio dl 2010 ie la biblioteca Tresl Gruber unida meneda da ulenteres. Dala fin de lugio inant lëura Thea Demetz a mez tëmp. A d’ëila ti iel nce unì sëurandat de mené la biblioteca. “L lëur me sà scialdi bel y drët nteressant. Ntant me éi bele laurà ite. La ie nscila: plu che n se dà ju cun i libri y plu che n ulëssa se dé ju y sté leprò. Tl prim ne fòvel nia tan saurì, nce sce ie fove bele na cunlauradëura ulentera dla biblioteca, śën me éi usà ite al lëur nuef y l me sà dut ntëur da stramp bel, coche dit. Chël che fej legrëza ie che la jënt vën gën te biblioteca, sibe ëi che ëiles, mutons y mutans y la jënt de tëmp. Cialon de ti pité a duc velch de nteressant. Trëi o cater iedesc al ann metons a jì manifestazions d’uni sort per la jënt de tëmp,“ nscila Thea Demetz.

Retlam a usc Demetz: „ Te chësc lëur iel l bel che n à cuntat cun plu persones. Positif me sàl nce che un tira l auter y l se rejona ncantëur che te biblioteca iel for velch y che perchël se mpàiel a passé. Sambën che nce i mutons vën for gën te

Na manifestazion te scolina.

nosta istituzion. Nce l cuntat cun la scoles ie drët bon, chël ulëssi bën sotrissé y chësc nes fej plajëi, i sculeies y i jëuni n generel ie pu l daunì nce de na biblioteca. Un n iede al mëns iel te scola n di de materia d’ublianza da crì ora. I sculeies vën nsci a fé un n di de atività te biblioteca. Ajache son bel sun Plaza de dlieja a S. Cristina iel nce truep turisc’ che cëla ite te biblioteca, sambën plu d’instà che d’inviern, canche i à plu dl’aurela. Uniun che passa nes fej i cumplimënc, y chël uel dì che son sun la drëta streda“, nscila Thea Demetz.

Lëur mpurtant dla ulenteres Ajache la biblioteca ie al didancuei davierta do la rata suvënz y giut ie l aiut de duta la ulenteres fundamentel. Ëiles lëura n gran pert bele da passa diesc ani per la biblioteca; chësc ie dessegur n sëni per n bon tlima de lëur te biblioteca. La ulenteres ie al

didancuei passa vint. L se trata de Susanne Comploj, Margot Demetz, Simone Hofer, Anna Hofer, Oliva Insam, Gertrude Anna Maria Moroder, Johanna Pfattner, Simona Rifesser, Priska Runggaldier, Marlies Senoner, Gertraud Senoner, Helene Senoner, Irene Senoner, Rosmarie Senoner, Stefanie Senoner, Barbara Senoner, Maria Cristina Senoner, Silvia Senoner, Elfriede Verginer y Renate Vinatzer. Dessegur ie la ulenteres l majer putenzial dla biblioteca. Nscila possa la biblioteca Tresl Gruber nce per l ann 2011 se tò dant de sopië la cunlauradëures te si servisc. Nce chëst ann vëniel metù a despusizion scioldi per fé pea manifestazions de furmazion. Oradechël iel sun l program referac n con’ de libri nueves sibe dl marcià talian y tudësch, dantaldut romanns y beletristica.

Cunsëi de biblioteca Tl ann 2010 iel nce unì lità n cunsëi nuef per la biblioteca Tresl Gruber. L ie metù adum da Alexander Bauer, sëurastant y reprejentant dl Chemun, Thea Demetz derijënta dla biblioteca, Maria Cristina Senoner reprejentanta dl Chemun, Marlies Senoner reprejentanta dla Scola elementera, Ester Runggaldier reprejentanta dla Scolina. Oradechël mo Gertrud Moroder, Gerda Runggaldier, Stefanie Senoner y Renate Vinatzer.

Iubileum di trënt’ani La biblioteca ie unida metuda su tl 1981 y festejea perchël chëst ann l 30ejim iubileum. La fova unida metuda su coche biblioteca de Pluania, tl 1989 iela pona unida sëurantëuta dal Chemun. Chësc iubileum vel chëst ann dessegur coche ucajion per l Chemun de ti

16

www.lauscdiladins.com

dé ala biblioteca na mpurtanza prinzipela, coche for y povester mo deplù per chësc iubileum... Ai 8 de mei 2010 ie la biblioteca nueva sun Plaza de dlieja a S. Cristina unida inaugureda u f i z i el m ë nte r. „ L au d a y recunescënza ie tl drë’ luech“, ova sotrissà l ambolt dl luech amesa la valeda Eugen Hofer ntan la Festa da Nadel dla biblioteca. N gra particuler ti va a Bruno Senoner, che se à dat da fé ani alalongia a bën de chësta istituzion culturela; Senoner fova nce stat un di fundadëures da ntlëuta dla biblioteca. N Dietilpaie nce a Alexander Bauer, assessëur per la scola y cultura dl Chemun de S. Cristina y sëurastant dla biblioteca. Da S. Cristina ne n’ie la biblioteca nia plu da pensé demez, la vën azeteda y la ie bënuluda da pert de duta la cumenanza.

Bona cunlaurazion cun la scoles Da auzé ora ie la bona cunlaurazion cun la scoles, sibe cun la Scolina che cun la Scola elementera y la Scola mesana. Duta la scoles ie reprejentedes tl cunsëi de biblioteca. Oradechël iel danter i ulenteres maestres de Scolina, nsenianc dla Scola elementera y Mesana. Chisc ne n’ie nia mé atifs tl mpresté ora libri, ma cunsieia nce tl cumpré i libri. Ghesc’ bëndebò fediei ie i mutons dla scolina, che vën bele dai ani cun si maestres regularmënter te biblioteca. Plu lerch per lauré à śën i sculeies dla scola elementera y nscila ne se limitea la vijites di sculeies ntan la lezions nia mé al mpresté libri. Gran tradizion à sambën l Bibliofestival, che vën chëst ann d’instà fat per l 11ejim iede. La Scola Mesana de Sëlva lëura drët bën deberieda sibe cun la biblioteca „Oswald von

Coche mpuls a liejer vëniel tl ann 2011 purtà inant tla Plata de Chemun la rubrica „Ueia de liejer“. Te uni edizion dla plata de Chemun uniràl prejentà trëi libri nueves, che possa pona unì mprestei ora te biblioteca. Per l ann 2011 iel oradechël da lecurdé n valgun ponc sun l program: ai 10 de merz iel na ancunteda cun i senioren te biblioteca; tlo uniràl prejentà libri che à da n fé cun Südtirol, da dedò saràl per duc café y velch da pesslé, dai 26 de fauré ai 16 de auril saràl da udëi na mëisa de libri n con’ dla tematica: „Nachhaltigkeit“ n cunlaurazion cun Eco-Library. Ai 4 de merz iel la prejentazion dl liber cun referat dal titul: „Ciuldì se amala pa la jënt dal crëibes?“ cun l professëur universiter dutor de medejina Bernd Gänsbacher y dopro iel da udëi na mostra de libri n con’ de chësc argumënt. Da Pasca iel pona l „Peché da Pasca“ tradiziunel y n blòt sté deberieda do la Santa Mëssa. Dai 29 de auril ai 4 de juni iel na bela mëisa de libri n con’ dl argumënt drët atuel „Cultures fulestieres“. Ai 3 de mei iel na sëira cun autor, plu avisa cun Nasrin Siege n cunlaurazion cun la scola mesana. Ai 27 de mei iel n referat cun dias dal titul: „N viac tres l’Etiopia“ cun Sandra Perathoner. Pona saràl da garat romanns nueves y mo na mëisa de libri n con’ dl jì sa mont y a crëp tla Dolomites. Per l instà y autonn che vën saràl mo truep d’auter de bel y nteressant sun l program.

La statistiches La statistica n con’ de media mprestei ora cëla ora nscila: libri 12.859 (tl 2009 n iel unì mprestà ora 10.867); zaites 547 (tl 2009 mo 342) y videos/DVD/juesc: 4.000 (tl 2009 n iel stat 3.442). I media te biblioteca ie 8.140, de chisc iel 7.190 libri. La cumpëida di media ie unida njunteda dantaldut n ucajion de mëises de libri cun pachec de libri n con’ de tematiches spezifiches da d’autra biblioteches, per ejëmpl EcoLibrary, Ufize per biblioteches y liejer. Chël che fej legrëza ie che nce la cumpëida di letëures atifs ie inò jita suvier, y avisa da 556 tl ann 2009 a 928 tl ann 2010. Dlongia la atività urdinera iel unì metù a jì tl 2010 de ndut 24 manifestazions. Mbën na atività plu che rica, che dëssa jì inant de chësc viers. Daniela Villotti


nr. 08 / 25 de fauré 2011

Wolfgang Wanker presidënt Senteda dl cumité nuef dl servisc soziosaniter de Gherdëina. Funzion de cunsulënza y cuordinazion tl raion saniter y soziel y sustëni ala cunlaurazion cuordineda danter la istituzions y urganisazions publiches o privates si funzion da vizepresidënt dla Cumenanza de raion Salten-Scilier, à rengrazià l presidënt nuef y la vizepresidënta per avëi sëurantëut la ncëria, sotrissan la gran mpurtanza de chësc cumité.

I cumëmbri

Wolfgang Wanker a man ciancia, y a man drëta Anna Elisabeth Zani, presidënt y vizepresidënta dl cumité dl servisc soziosaniter de Gherdëina. Amez l ambolt de Urtijëi Ewald Moroder, che ie nce vizepresidënt dla Cumenanza dl raion Salten-Scilier.

Raion soziosaniter - La Jonta dla Cumenanza dl raion SaltenScilier à tl scumenciamënt de jené numinà i cumëmbri nueves dl cumité dl servisc soziosaniter de Gherdëina per i ani 2010-2015. Chësc cumité ie metù adum da sies cumëmbri che fova bele leprò y da cater de nueves. Tla prima senteda, ulache l presidënt dla Cumenanza raion de Salten-Scilier Albin Kofler à cherdà ite duc i cumëmbri efetifs y suplënc, ie Wolfgang Wanker, reprejentant dl Chemun de Urtijëi, unì numinà cun duc a una coche presidënt. Ël sëurantol nsci l lëur fat dant da Elisabeth Baur. Cun duta la ujes a una ie nce Anna Elisabeth Zani, reprejentanta dl Chemun de S. Cristina, unida liteda vizepresidënta dl cumité. L cumité dl servisc soziosaniter

à na funzion de cunsulënza y cuordinazion tl raion saniter y soziel y l sustën l lauré deberieda cuordinà danter la istituzions y urganisazions publiches o privates a Urtijëi, coche Chemuns, servijes soziei y saniteres, istituzions publiches de assistënza, scoles y lies, che lëura tl raion.

Wanker: “Me mëte gën a despusizion” Wolfgang Wanker à do la vela detlarà che l se mët gën a despusizion y che l vëija chësta funzion nueva sciche gran mpëni. Ewald Moroder, ambolt dl Chemun de Urtijëi, prejënt pra la senteda te

De chësc cumité fej mo pert Adelheid Perathoner dl raion de scola de Sëlva, Giuliano Piccoliori y Annegret Runggaldier coche reprejentanc dl raion saniter, Martina Comploi, derijënta dl raion soziel, y Ulrica Carolina Perathoner Comploj dl KVW raion Bulsan. Nueves tl cumité ie Wolfgang Wanker, Milva Mussner coche reprejentanta dl Chemun de Sëlva, Constantine Demez per i genitores de mutons cun handicap, y Ewald Demetz dla Cësa de Paussa Urtijëi.

Finanziamënt ala lies La prima senteda dl cumité dl servisc soziosaniter de Gherdëina sarà bele de merz. Nchin ai 30 de auril possa lies y istituzions sozieles dé ju dumandes per n finanziamënt de scumenciadives sozieles, pedagogiches y soziosaniteres al presidënt dl cumité dl servisc soziosaniter de Gherdëina. Nfurmazions plu avisa vën dates dala derijënta dl raion soziel Martina Comploi, telefonn 0471 798015. (Anita Senoner)

Ntegrazion tl lëur Cun plu pruvedimënc uel la Jonta provinziela sustenì la ntegrazion de persones cun handicap tl mond l lëur. L sustëni dëssa dantaprima jì a bën de 900 persones cun handicap che ne giata nia da lëur Lëur - Tla provinzia de Bulsan iel feter 8.000 persones zënza lëur. I assessëures provinziei ie te si senteda di 14 de fauré stai a una de sustenì deplù la persones cun handicap, acioche les giape na stiera cun segurazion y cuntribuc per la pension. Chësc per ti dé plu denità y acioche les ne muessa nia plu viver di aiuc soziei. Te chësc mumënt iel bele 677 persones cun handicap che à na stiera publica. “L mancia mo for 705 stieres tla Provinzia, Chemuns, Cumenanzes de raion o Uniteies saniteres,” à dit Durnwalder. Tl’economia privata iel bele 1.112 persones cun handicap che à giapà na stiera, ma nce tlo iel mo debujën de 1.098 stieres per ruvé ala cumpëida ududa dant per lege. “La mira dla Jonta ie de ntegré mo feter 2.000 persones cun handicap tl mond dl lëur. Leprò iela nce nsci che

uniun che giapa da lëur uel dì un demanco da oradecà,” à dit l presidënt dla Provinzia. Aldò dla Jonta provinziela dëssel unì miurà la rë de cuntac danter scoles y chëi che dà da lëur. Per la persones cun handicap che à giapà na stiera dëssel pona unì pità n servisc de cumpaniamënt che lëura ora programs cun chëi che dà da lëur y che debe aiut. “Sce na persona cun handicap ëssa da rënder demanco, uel la Provinzia sëurantò la desferënzia,” à dit Durnwalder, a na maniera che chëi che dà da lëur ne ebe nia da pierder economicamënter. Te chësc cuntest iel nce unì lecurdà che cunsorc soziei muessa per lege avëi 30% dla stieres per persones cun handicap. Nce chëstes dëssa unì sustenides deplù. (ufize stampa provinziel de Südtirol)

Nfurmazions sozieles Alimentazion sana N ucajion dla ancunteda dla Grupa de Auto Aiut de chëi che à zachei te familia da secudì n lunesc ai 7 de merz, uniràl tenì n referat sun la drëta alimentazion dla persona da secudì. L referat unirà tenì dala duturëssa Ivonne Daurù. La ancunteda unirà te chësta ucajion tenida tla sala dla reunions dl Servisc Soziel de Urtijëi tla vedla cësa de paussa y nia coche zënza for tla sala dla reunions tl 5. partimënt dla cësa de paussa San Durich. Chësc referat ie per duta la persones che à nteres y nia mé per chëi che à na persona da secudì te cësa. Nuzëve de chësta bona ucajion! Sun Vo se ncunforta la persona de referimënt dla Grupa de Auto Aiut, Carmen Kostner.

Festa per i presidënc N merdi dl’ena passeda à l Chemun de Urtijëi prejentà l presidënt y l cunsëi nuef dla Cësa de Paussa Cësa de Paussa - Per l’ucajion à l ambolt Ewald Moroder nvià i ambolc y reprejentanc de duc i Chemuns de Gherdëina, y nce duc

i media dl raion. L ambolt á rengrazià Hugo Perathoner per si 9 ani da presidënt

dla Cësa de Paussa San Durich, ti dajan tl medemo mumënt l bënunì a Walter Kasslatter coche presidënt nuef y nce al cunsëi nuef.

Deberieda: Festa da Carnescià N juebia ai 3 de merz se ancunterons dala 14.00 tla streda Stazion daujin ala Cësa de Paussa per furné a Bulsan a festejé l Carnescià deberieda cun “Il Nostro Spazio.“ ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Per nfurmazions plu avisa pudëis cherdé su Ulrike Rabanser, tel. 0471/798015.

Deberieda: Jon sun Mont de Sëuc Chëst ann meterons nce a jì cater ancuntedes de sada. La prima ancunteda sarà duman sada ai 26 de fauré. Se urton dala 13.30 tla streda Stazion daujin ala Cësa de Paussa per jì deberieda sun Mont de Sëuc a pe o cun la luesa, a se maië na bona pitla marënda pra la utia Sanon. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Per nfurmazions plu avisa pudëis cherdé su Ulrike Rabanser, tel. 0471/798015. Nstadì iel stan la prejentazion dl cunsëi y dl presidënt nuef te Cësa de Paussa. www.lauscdiladins.com

17


nr. 08 / 25 de fauré 2011

EFTì for kids - EFT por mituns Tl liber dla dra. Sara Bassot vëgnel tratè na tematica por daidé i mituns da cherié y mantignì l'ecuiliber ti pinsiers y tles reaziuns porsona. Chësta metoda é gnüda cheriada da Gary Craig, spezialisé tl insegamënt dl bëgnester personal. Ara é gnüda definida sciöche “agopuntöra zënza aodles”, y ara tëgn cunt dles leges fisiches che azionëia chësc mesum mëntcorp-anima y sües potezialitês. Craig é pié ia da conoscënzes dla La dra. Sara Bassot, auturia dl liber. Le cuertl dl liber EFTì for Kids. medejina cineja y dl “Döt ći che i aldiun, ći che i da mëte adöm chësc liber por flus energetich, che vëgn liades a odun, mo val’ iade inće ci che i mituns dai 4 ai 9 agn, sü geniturs tecniches psicologiches y d’atres porsones de referimënt. d’aldedaincö. Al à insciö daurì tirun ite cun l’aria, cheriëia vijiuns nöies a soluziuns di emoziuns. Vigni emoziun é n La pröma pert dl liber é ponsada messaje che va ite te nosta mënt y y adatada ai mituns. Ara é dër problems fisics y emotifs, che é te nosc corp, sides deache al é interessanta y saurida da capì, inće gnüdes reconesciüdes da tröc intensif o deache al vëgn tres indô. por les beles figöres de Barbara profescionisć dla medejina ofiziala, Al se lascia jö te nos sciöche na Natter. La secunda pert é por i sciöche inće alternativa. scrita. Chëstes scrites fej pert de gragn. Inće chësta é scrita te na nosta cufer de esperiënzes, de manira scëmpla; chilò oressi conoscënzes y de nüsc punć de recordè tan important che al é por referimënt. Al é nostes convinziuns. geniturs da avëi stromënć sciöche Chëstes segnarà nosta moda da chësc liber, por ti dè inant a sü vire, da ponsè por le dagnì. mituns conzeć y tecniches fondamentales por so bëgnester Por i mituns é l’EFT l’ert magica incö y tl dagnì, y insciö por le dl toc-toc, deache an tol ca les Zënza s’intëne ponsunse, bëgnester de düć. mans por stimolè punć particolars baiunse, cherdunse aladô de ći che sön le corp, plü avisa sön punć di é gnü “scrit” te nosta mënt, dal canai energetics, a chi che an ti dij momënt che i ùn tut sö vigni meridianns. Cun de pices massajes “scrita” y i ùn vit vigni emoziun y presciuns sön chisc punć, pòn che é coliada a chësta. Sce al m’é trasormè n malester fisich y dagnora gnü dit che i ne veli nia o psichich, avisa sciöche sce an strinass. Insciö vëgnel deslié che i ne sun bun da fà nia, me blocades che s’à formè cun comportarài inće aladô. Inće sce i porvarà da nen gnì fora, sc’i esperiënzes y emoziuns negatives, al vëgn metü en funziun l’energia studiarà y ciafarà n bun laûr, me che porta a n mioramënt fisich y tirarài dagnora adalerch situaziuns psichich. olache i arà le sentimënt da ne valëi nia. Al é n liber por düć i mituns, EFT n’à degün limit. La tecnica dantadöt tla eté scolara y tla po gnì anuzada por problems fisics, preadolescënza, che podarà imparè sciöche dolurs, intoleranzes, mioramënt dles prestaziuns da se conësce y da se daidé susc o l’un cun l’ater, y ti jì do a süa strada fisiches, me de će, asma, reaziuns cun serenité. Implü él n liber dla pel, raforzamënt dl sistem essenzial por düć i geniturs, nenesc imunitar, sciöche inće por problems o educadusc che ô ti dè ai mituns mentai y conflić emotifs che dla generaziun nöia n svilup y na limitëia pinsiers y aziuns, sciöche chersciüda psico-fisica y emotiva la tëma da situaziuns, reaziuns ecuilibrada, en sintonia cun les agressives, fobies, gelosies o É pa chësc n destin che ne se dificoltês dla vita moderna. Al é dificoltè de conzentraziun. lascia nia plü mudè? Por fortüna inće da ti al aconsié ai maestri, che EFT ne sostituësc te degöna n’éra nia insciö. Aldédaincö él tröc po arichì le program de scora y manira le dotur, mo al po integrè y sostegnì la cura. stromënć, tröpes metodes y laurè cun i mituns, suradöt por Chësta tecnica po gni aplicada tecniches che nes dëida mantignì “alfabetisé” ales emoziuns y fà te na manira scëmpla y asvelta, te o cherié indô n ecuiliber te nüsc crësce insciö na buna basa de döt ći che an po s’imaginé. Na ert pinsiers y te nostes reaziuns bëgnester psicofisich, de atenziun da ester “lëdi”, che po recuperè o emotives. Un de chisc é le EFT y conzentraziun, y podëi avëi n (emotional freedom tecnique - por miù azes por insigné les materies che po mantignì nosc bëgnester preodüdes dai programs. ladin “tecnica dla libertè fisich y emotif, y chël de nüsc emozionala”). mituns. Sce i ti dun chësc stromënt “Por i mituns pêl che l’EFT sides tles mans ai mituns, y lasciun che ai superëies autonomamënter de na cossa daldöt normala, che ti vëgn feter spontana. Ai la impara gragn y de mëndri problems da atira, te na manira naturala y ai ti EFT é na metoda de autoaiüt, vigni dé, cheriunse la basa por le la spliga ai atri zënza tëmes y che fej pert dla psicologia svilup de na personalité adulta sana problems. Chësta cossa é dër bela energetica nöia. Ara porta novitês y ecuilibrada, inće tl raport cun i y por mirit di mituns podarà chësc a l i v el s p e r i m e nt a l tl atri, por mirit dles stimolaziuns stromënt gnì portè inant y slarié acompagnamënt ales porsones; la positives che dëida svilupè fora te na manira esponenziala por porsona ne vëgn nia ma plü odüda l’autostima, l’autonomia y che dëida miorè la situaziun di mituns de sciöche n corp y na mënt, mo ciafè la colocaziun personala tl döt le monn”. Chësc scrii te mi liber suradöt inće n corp energetich. monn. “EFTì for Kids” y chësta é inće la Cun chësta tecnica vëgnel laurè Scrit dla D.ria Sara Bassot rajun y la motivaziun che m’à sburlè sön les ressorses energetiches dla

´ vëgnel pa fat Ci concretamënter?

Por che é pa ponsè chësc liber y che po pa nen trà benefizi d’infora?

Sce i geniturs bër... él i mituns che patësc La maladoranza de alcohol y de d’atres sostanzes n’é nia ma n problem dl singul, mo de döta süa familia y dles porsones che ti stà dlungia Gonot vëgn i mituns, che à geniturs che bër, suraodüs. I gragn mina che i mituns ne capësces nia ći che sozed te familia y ćiara da ti al ascogne. La sozieté sotvalutëia le pëis che le bëre à tla vita de chisc mituns y ći conseguënzes che al po avëi. Mituns che à geniturs che bër vir te na familia olache al manćia stabilité, olache al é tröpes tenjiuns. Chisc mituns se surantol responsabilitês che n’é nia sües y mëss gonot ester compagns, liberadus y partner. Gonot vir chisc mituns i conflić danter i geniturs y ne sa nia cun che nen baié. Chësc comporta por ëi n gran problem, ai mina da n’avëi degügn che i capësc te chësta situaziun, ai se doda y se tegn döt daìte. Aiüt ciafi gonot impormò canche la situaziun

mët man da gnì gravënta o prigorosa y canche inće süa vita se roda ma plü incër le bëre di adulć che é te ćiasa. Cun le laûr de prevenziun él la poscibilité da daidé chisc mituns da se defëne y da vire miù te chëstes situaziuns pesoćes. Le Forum Prevenziun é na assoziaziun che se dà jö cun chësta problematica y prô da capì ći poscibilitês concretes de aiüt che mituns y jogn te chëstes situaziuns po ciafè atualmënter te nosta provinzia. Te chësta uniun laora esperć tl ćiamp pedagogich, che fej tres indô referać sön chësta tematica. Por de vigni sort de informaziuns pòn inće telefonè al raiun sozial dla Val Badia sot al numer 0474/524505 o 0474/524506.

Avisc Telefonn por geniturs: 800 862 829 Vigni genitur o porsona che à da fà cun le tema dl’educaziun, röia tert o adora te dificoltês, se damana sce ći che al fej sides bëgn dërt o röia te situaziuns, olache al ne sa nia plü co fora. Gonot fàlel na porsona cdaimprò ala familia, cun chëra che an po baié. Mo gonot fàlel inće la poscibilité da baié cun porsones competëntes, che po dè consëis d’öga. Les colaboradësses y i colaboradus dl „telefonn por geniturs“ pîta informaziuns, ascuta sö y dà consëis por döt ći che reverda l’educaziun y les desfides da vigni dé di geniturs. La telefonada é debann y anonima y an po baié por todësch o por talian. I orars é dal lönesc al vëndres dales 9.30 ales 12.00 y dales 17.30 ales 20.00 y la sabeda dales 9.30 ales 12.00. Al é inće la poscibilité da scrì ala mail beratung@elterntelefon. it o jì a chirì informaziuns sön le sît www.elterntelefon.it.

Cherié y mantignì l’ecuiliber te nüsc pinsiers y nostes reaziuns

Conzec´ tle dl EFT

18

www.lauscdiladins.com

Le telefonn por geniturs: n aiüt te chestiuns sön l’educaziun.

Incuntada por porsones che socodësc y/o vir cun familars amarà y/o vedli Passëise tröp tëmp cun üsc familiars amarà y/o vedli? Ves fajëise tröc pinsiers sön co fà da socodì chëstes porsones? Ëise le bojëgn da baié de Osta situaziun personala cun porsones che vir le medemo y ves capësc? Gnide en mertesc, al 1. de merz ala proscima incuntada dl grup de autoaiüt por porsones che socodësc familiars amarà y/o vedli a ćiasa. L’incuntada mët man dales 15.00 a Picolin, tla sënta dl raiun soziosanitar. Tratan l’incuntada gnaràl baié dles esperiënzes fates tla cura di familiars. Düć po gnì pormez te vigni momënt. Informaziuns plü menüdes ciafon ia por le dé al numer 0474/524513.


nr. 08 / 25 de fauré 2011

Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

I recordun le miscionar da Ćiablun

“Al ô ester marćià nüs” Norbert Cristofolini é indô presidënt dl’AT d’Al Plan. I ti ùn damanè ćiünes che é les prioritês por la proscima legislatöra. Laprò l’ ùnse damanè co che la sajun é jüda ćina śëgn, ći che al dij por le dagnì y ći che al arata dla cuta de sojornanza. L’AT foss por cherié n raiun pedonal tl zënter d’Al Plan y stlü la strada cuntra Pederü, almanco te cer’ orars stëres insö. La cualité ciafon inće te n garni, te n agriturism y i.i. Mo sambëgn, sce i baiun de rentabilité, spo lascia le scior che va te n 4 stëres sigü plü scioldi te paîsc co n scior de n garni. Por nos él important da ester bogn da implì i leć por la chestiun dla rentabilité. Aumentè le numer de leć n’é sigü nia te nosc interes, mo bëgn chël da ti dè la poscibilité ai eserzizi da s’ingrandì y suradöt da fà aumënć cualitatifs. Tröc hotì mëss fà nodadoies, raiuns de bëgnester y chësc se damana intan de leć por podëi finanzié i investimënć.

Norbert Cristofolini, presidënt dl’AT d’Al Plan.

La Usc: Norbert Cristofolini, i metëis man Osta terza legislatöra da presidënt. Cares é pa les desfides de chësta inćiaria? Norbert Cristofolini: Suradöt chëra da ćiarè che le turism te Mareo vais bun. Le pröm travert é che le scior sides contënt, spo vëgnel sambëgn le sostëgn a nüsc mëmbri. Ći traverć Vës Ëise pa tut dant da arjunje ti proscims 4 agn? Ći prioritês Ëise pa metü? Un di traverć é sambëgn chël da aumentè le turism da d'isté. Chilò messunse cherié n'atraziun plü competënta. De strotöres unse en previjiun da amplié ćina fora dal ćiamp dal sport le raiun de rela ssamënt t a Ćiamaor (spiaggetta), che é dër aprijé sides dai sciori co dala jënt dl post. An pënsa spo inće da laurè fora na proposta por Piz de Plaies. Al é chilò suradöt l'AT y le Comun da San Martin che fistidiëia, deache i grunć é da San Martin. Mo l'AT d'A l Plan y la Sozieté di Lifć sostëgn chësta iniziativa, che podess ester interessanta. Le lift de Piz de Plaies podess avëi plü passaji y insciö daurì denant y tignì plü dî davert. Bele chësc ann dauriarà i lifć denant. Nos metun l’azënt sön les families. Al Plan à dötes les prerogatives por cherié n turism scialdi por les families. Al n'é nia transiamënt dai auti, al é na gran ospitalité. L'ater punt é les manifestaziuns, ch'i messun inće ćiarè da fà damì. Laprò orunse pité l'animaziun por i mituns, ti dè la poscibilité ai geniturs da lascè jö i mituns te na sort de scolina da d'isté, sciöche i ùn fat bele l'ann passè. N travert important é inće chël da revalutè le Parch Natural. L'invern va bun, mo an s'anadà che an mëss chirì marćià nüs, deache i marćià che i ùn ne bastarà

nia plü ti agn che vëgn por implì nüsc leć. Ti ultims agn é le turism te Mareo scialdi dagnora chersciü. Co ćiarera pa fora al momënt te chësta sajun da d’invern? I sciori é carà de dezëmber, mo i ùn recuperè de jenà. An po porchël dì che ara ćiara fora plü o manco sciöche l’ann passè, ći che i arati bun te chësc momënt. De forà él da odëi. Dal’ultima sabeda inant unse sigü cater edemes dër bones. Al Plan à d’isté incër le 75% de pernotamënć taliagn. Ći propostes Ëise pa por cherdè adalerch n turi sm plü internazional tla sajun ćialda? Sc’i orun chirì marćià nüs, spo adorunse i scioldi y chi nes fala al momënt. Al vëgn śëgn baié te Südtirol da mëte sö na cuta de sojornanza aladô di pernotamënć. La Uniun di Ostis de Südtirol (HGV) é decuntra, deache insciö fóssel indô ma chi dai leć che paia. Foss pa chësta cuta na soluziun al problem dl finanziamënt dl’AT o ôl pa ester ćiamò d’atres fontanes? Iö diji che düć messarà contribuì al turism. Sce ma chi dai leć paia, él massa püch. Zënza turism ne jìssera nia te Südtirol. Le bëgnester vëgn dal turism, porchël él dërt che inće les atres categories p��ies, sciöche boteghiers y artejagn. Chësc se damana inće l’Uniun di Ostis. Ester decuntra n’é nia de fat, an mëss chirì na soluziun. An baia tröp de turism de cualité, mo ala fin dla sajun ćiara düć ala cuantité. Po pa Al Plan s’impormëte ćiamò plü leć? Ola é pa le termo, inće por la popolaziun dl paîsc? Nos metun l’azënt sön la cualité y al é da dì che la cualité ne mëss nia dagnora ma ester ti hotì da 4

Val Badia

A Santa Cristina él l’idea da realisé n hotel a 7 stëres. Adorass pa do Osta minunga inće Al Plan hotì dles categories plü altes? Da me infora nia hotì nüs, mo che i hotì atuai pois rovè a 4 o 5 stëres. An mëss inće dì che ultimamënter él aumentè tröp la cualité ti hotì a Al Plan. Iö arati che i gragn hotì fejes inće tröpa publizité por che i sciori vëgnes adalerch y chësc va indiretamënter a bëgn de döt le paîsc. Iö sun dla convinziun che le turism de cualité stà tröp en pè cun i bogn hotì. Tröp él gnü baié ti ultims agn de trafich. Stlü la strada ite por la val de Mareo o nia, stlü la plaza o nia. Ćiüna é pa la minunga dl'Assoziaziun Turistica? Nosta minunga é chëra da stlü la strada ite por la val y garantì n sorvisc publich efiziënt. An dess podëi ite da doman adora y da sëra y zënza dess la strada ester stlüta. Nia atocà dala limitaziun ne dess ester i taxis y i sciori che prenotëia tles üties da munt, che po sambëgn jì ite y fora. Inće chi che va ite adora da doman cun so auto, mëss podëi fora canche ai ô. La limitaziun ne dess nia ester por chi che vëgn forapert, mo chi che va itepert. Chësta é nosta ligna che vëgn scialdi inće sostignida dal Parch Natural. Iö speri che chësc vëgnes a s'l dè bele chësc isté. Por ći che reverda le zënter de paîsc, sunse nos dla minunga che al dess gnì cherié n raiun da jì a pè, che podess pié ia dal Hotel Sole y rovè ćina sö da ćiasa de comun. I arati inće che le Comun sostëgnes chësta minunga, mo por la realisaziun él sigü le problem por chi che vir tl raiun y spo chël dl finanziamënt por la varianta, deache la jënt mëss podëi pormez al raiun de Valiares.

Dan püć dis s’à destodè ia al’eté de 90 agn siur Sepl Dapoz da La Val, le miscionar da Ćiablun. Al ê oramai 60 agn che al ê miscionar tl Borneo dl nord

Le miscionar da Ćiablun dan val’agn tl Borneo, cun so vësco.

Manćianza - Siur Sepl ê nasciü ai 9 de novëmber dl 1920 a La Val. Te süa familia êl nasciü bëgn dejeset mituns. Sü geniturs ê Felize Dapoz y Apolonia Frenes, che messâ fà dles dötes por ti dè da mangé a tan de boćes. Da pice ê Sepl n möt scialdi da bertes y deslié, les mitans da scora ti dijô porchël “le pice malan”. Chësc “pice malan” sintî indere agn dedô la cherdada de Chël Bel Dî y ê jü a studié da prou. Cun 11 agn él jü tl Vinzentinum y do la matura él jü tl Seminar. Mëssa noela àl dit dl 1944 a La Val, mo daìte sintîl sciöche sce na usc le cherdass da jì tles misciuns. A chësta usc ti àl tosc dè do y é jü dl 1947 a Mill Hill pro i miscionars de Sant Ojöp a imparè inglesc. Insciö le menâ sü surastanć a laurè tl Borneo dl nord, dit Sabah. Dailò él rovè ala fin de mà dl 1948. La 2. Vera â desdrüt cotan: dlijies, scores. Al ê tröp da fà sö danü. Siur Sepl metô insciö man cun d’atri miscionars da trà sö cöres y bel plan staziuns foradecà. Tröp le daidâ inće i laics, insegnanć, monies, d’atri patri y catechisć. Bindebò da stomè ti à dè l’imparè le lingaz kadazan dla jënt dl post. Tl pröm à siur Sepl bëgn stentè da s’ausè al mangé laìa, al tlima töme ćialdin, ala jënt, L’incherscimun do süa tera, süa ćiasa, che al â lascè por jì tl frostì, é stè gran, mo la dezijiun ê stada süa y al l’à tignida fora, ćina ala fin de sü dis. Dl 2002 êl gnü publiché tla Malaysia n liber sön siur Sepl, dal titul “Dapoz. Portrait of the Last

Dinosaur”. Liber che é gnü impröma traslatè tl todësch y spo inće tl ladin da Lois Trebo. La Uniun di Ladins dla Val Badia à fistidié da dè fora la publicaziun ladina. A ćiasa n’é siur Sepl nia rovè gonot. I ultims agn â siur Sepl problems da jì y ê sön scagn da rodes. Al dijô che Idî â so numer de telefonn y che al ess podü le cherdè canche al orô. Śëgn à Idî cherdè y siur Sepl à podü jì a ćiasa. Le defunt gnarà recordè inće a La Val, tla mëssa dla domënia ai 27 de forà. Che al pàlses tla pêsc de Dî. (pablo, informaziuns da n articul de Lois Trebo)

Le cuertl dl liber sön siur Sepl Dapoz, dè fora por ladin dala Uniun di Ladins dla Val Badia.

N tema che é plü gonot gnü trat ca é les secundes ćiases che vëgn afitades inant. Deboriada cun les forzes dl ordinn à l’AT fat controi. Cal é pa stè le resultat? I ùn pormò metü man, porchël ne poi nia dì avisa, mo ara n’é nia tan gravënta sciöche ara parô. A vigni moda fajarunse ćiamò controi. Intervista: Pablo Palfrader www.lauscdiladins.com

19


Val Badia

nr. 08 / 25 de fauré 2011

I tröc corusc é tla medaia Manfred Mölgg cunta de söa gran bela gara de slalom ai Mondiai de Garmisch Partenkirchen, che l’à premié cun la medaia de brom. Al é la secunda medaia “mondiala” por Manfred Mölgg, do chëra d’arjënt l’ann 2007 a Åre, y do la Copa dl Monn de slalom tla sajun 2007/08 y spo indô nia dlaciada. Mo de chëstes condiziuns mësson tignì cunt, intres indô, y i arati che i sunsi śëgn bun da jì sön vigni nëi.” Chësta medaia é na sodesfaziun dantadöt inće por to fre Michael, to skiman che t’arjigna i schii? “I sun dër contënt che ël fej pert de chësta medaia. Al é na porsona che ne mëss nia ma arjigné i schii, al mëss ester intres dant y do, al mëss dlotì de vigni sort, mi consëis, mi nervosim, ez.. Ël é é un de chi corusc - dit indô - che é da ciafè al intern de chësta medaia.”

Manfred Mölgg tl parterre a Garmisch. Söa ligrëza por la medaia mondiala é grana. (foto: www.fischersports.com)

Schi alpinn/1 - Manfred Mölgg d’Al Plan de Mareo à podü festejé le dé dla gara, ćiamò en domënia sëra, a Garmisch Partenkirchen süa medaia de brom de slalom. Ël nes dijarà dui dis dedô che “al ê tan bel ilò, te na stöa, cun tröc fans de Mareo y Puster, al ê desche i fósson a Al Plan, cun nosta musiga, düć che ćiantâ, desche nos maroi sàn da fà”. La Usc di Ladins à podü s’la cuntè cun Mölgg mondial dui dis do la bela prestaziun de Garmisch. La Usc: Manfred, la medaia à le corù de brom, mo ascogn daite n gröm de corusc che te conësces ma tö? Manfred Mölgg: “La medaia mo dà dër dër tröp. Ara é gnüda do cater agn, da canche i â davagné l’ultima - laota n’êra nia tan aspetada. I corusc sot le brom ite é dessigü tröc. Al sta doìa tröp laur, mëisc y agn. Al é bel che i sun stè bun da cöie val’ do che an à somenè dër tröp y laurè bun.” Śëgn este indô n iade al zënter

Manfred Mölgg tla gara dla medaia a Garmisch. (foto: www.fischersports.com)

dl’atenziun, tan soć y öć é pa pordërt i momënć danter i suzesc ite, y le laur che te laores ma cun te, inće tl chît y tl su. “Le sport é fat insciö, n iade vara bun, spo indô n pü’ manco. Sambëgn él danterìte dis olache i sun su, olache i me dà jö ma cun me su, olache i mëssi instës me dè la forza por jì inant, por mioré.” Manfred, i ùn ćiarè do tla cronica: dal 2003 incà - canche t’es pié ia te Copa dl Monn - aste albü 150 partënzes de Copa dl Monn, 14 podiums de Copa dl Monn, ći che fej fora nia daldöt le 10%, por le 10% avisa fàlel ma un n podium? Aste podiums assà y este contënt? “Al é atleć che davagna deplü co iu, mo iö sun dër contënt de cô che mia cariera é jüda ćina śëgn. Al é intres cosses che an ess podü fà miù, do pormez, mo i arati che à arjunt cotan. N ater iade che te damanaras sarà les gares - poèster - 300, mo śëgn messarai naota fà ćiamò n podium por che i röii -

aladô de to cunt - avisa al 10% de podesć.” T’as dit do la manche dezisiva a Garmisch dan ales televijiuns che te n’ês daldöt nia nervus dan la gara... “Poa, al ê n dé, olache i â dormì dër bun, i ê dër chît. I â na gran conzentraziun n chël dé. Y i à podü pié ia cun le numer 1, i ê secundo do la pröma manche - ći che daidâ döt por arjunje ala fin la medaia.” Pòn pa dì che l’esperiënza y rutina te Copa dl Monn archita i nerfs? “Chël po ester, poa. Cun le tëmp se destàcon da emoziuns, an ne pënsa nia plü denanco pié jö tan bel che al po ester do la gara sce an davagna, ći ligrëza che düć ess, an fej la gara, y bon!” La pista n’ê nia öna de chëres che tö preferësces? I mini: les condiziuns dla pista? “La pista é öna de chëres che i à le plü ion, mo la nëi ê n iade dlaciada

Ći pàssel pa fora por to će te na manche desco la secunda de slalom a Garmisch? “I feji atira bele n te’ pice fal, mo spo pënsi che al é ma da jì inant, i diji: va pa, dài pa... i sun conzentré, va ia bun, intres inant, porta sön porta, intres plü pormez spo al travert. Passè vëighi che al ne vëgn nia sö la zifra “1”, mo spo él le “2” y i sa che i à dessigü na medaia, i sun contënt.” Dan cater agn êste tö la star nia ma tla Val Badia, mo inće te Südtirol, śëgn à Südtirol n Innerhofer campiun cun trëi medaies mondiales? “Ël à arjunt de bugn resultać, trëi de beles medaies, i ti feji mi mius complimënć. Al é bel che Innerhofer à chësc suzes. So suzes ne me tol a mi suzes nia. Pro les gares él vignun che dà döt, ćiara da fà bun y ne i tol nia ai atri sce ai é mius.” Ći t’à pa dit Alberto Tomba do la gara a Garmisch? “Ël à dit che i à fat na bona gara, sön na pista daldöt nia saurida, y al m’à fat i complimënć.” Ći t’à pa dit töa só Manuela do la gara? “Nia ma do chësta gara a Garmisch, mo bele da so slalom lerch inant, sunse stà intres dër

adöm. Al me sa sciode che ëra n’à nia arjunt na medaia, mo i sun dër contënt por sü dui bugn plazamënć. Do mia medaia s’unse abracé, i s’ùn tignì n pez. Chësc é stè dër n bel momënt. I sun tan adöm. Ara me dà na gran forza, y i speri inće iö a d’ëra.” T’àra bele fat la torta dles congratulaziuns, la mama? “I geniturs é stà n pêr de dis fora Garmisch a ćiarè les gares. N gröm de jënt é stada lafora. En domënia sëra unse spo podü s’incuntnè te na stüa, düć deboriada, cun nosta musiga, nosta aurela cörta. Nosc alenadù ćiarâ ma ca, al n’à mai odü val’ de te’, i dijô bëgn: insciö sunse nos ausà da fà festa te Mareo... Al é stè bel y da rì, nia da crëie!” Poste i sporje trëi parores a düć i fans che é gnüs a Garmisch y a düć chi che fej festa dötaurela chilò Al Plan? “I i diji n iade n gran dilan! Che ai é intres chilò. Inće ti momënć olache ara ne va nia tan bun. I sun contënt che i pò i avëi, inće śëgn olache ai pò fà festa, por y cun me.” Poste śëgn fà n pêr de dis de palsa o él bele indô da pié ia? “Do la festa che Al Plan m’à fat sunsi bele indô le dé do da doman demez. Chësta findlèdema sunsi a Bansko tla Bulgaria por la Copa dl Monn y spo dedô jarunse a Kranjska Gora por n slalom lerch y n slalom strënt.” To ultim podium de Copa dl Monn va zoruch de passa n ann a Zagreb, ilò êste gnü secundo... Kranjska Gora é davëi ma 200 km dainciarà da Zagreb. “La pista de Zagreb y chëra de Kranjska Gora ài dër ion. Śëgn n iade sunsi dër contënt dla medaia che i à, i m’la godi dër, i sun tan ligher de chësc suzes. Spo odarunse inant, i sun ćiamò jonn y les gares é tröpes.” (iaco rigo)

Inće sce ai Mondiai cunta ma les medaies... Intervista a Manuela Mölgg, atleta só de Manfred, che à arjunt a Garmisch dui 6^ posć Schi alpinn/2 - I ùn inće abinè do i Mondiai da Garmisch l’atleta Manuela Mölgg, por i fà n pêr de domandes sön chisc Mondiai de Garmisch. La Usc: Degöna medaia a Garmisch, mo döes de beles gares cun dui de bugn plazamënć, dui sesć posć? Este contënta? Manuela Mölgg: “Al é vëi, al é dui de bi plazamënć, n sëgn che i sun costanta, ći che n’é nia sozedü tan tlermënter ćina śëgn tla sajun de Copa dl Monn. Sambëgn indere cunta ai Mondiai ma les medaies, n sest post ne pê püch y nia. De ći che i sun contënta é che i sun tles prömes 15 de Copa te trames les disciplines.”

20

www.lauscdiladins.com

Él n pü’ de desfortüna che te röies ma aziché les medaies? “Desfortüna, chël n’oressi nia dì. Tl slalom lerch é la pista gnüda morjela por canche i gnô jö. De slalom ài porvè da fà le miù, mo inće chilò ê la pista rovinada. Te sas bëgn, al é mefo condiziuns che garejëia cun te y ne te lascia nia jì sciöche te oress.” To comënt por l’andamënt dla sajun ćina śëgn, cun dui terzi posć, un de slalom y un de slalom lerch? “La sajun é stada ćina śëgn dër positiva, y ara n’é nia ćiamò rovada. I pò ćiamò fà tröp.” Poste nes descrì töa emoziun dan töa secunda manche de slalom y l’emoziun che te sintîs

canche al gnô jö Manfred te söa secunda manche por la medaia? “La sensaziun che i à albü dan mia secunda manche: te sas che ara ne po nia ester negativa, te sas che la pista é burta, y te vas. Canche i à spo ćiarè pro a Manfred êi sambëgn plü grama. I sun plü grama da ćiarè pro, deache instëssa ne pòi fà nia. Pornanche al ê jö ài spo ciafè n gran ćialt al će.” Ći aste pa scraié tan dadalt? Al à aldì val’ tla televijiun? “I ê tan contënta, i savô che al â na medaia. I à scraié, boh, i ne sa nia, brau Manfred! Federica Brignone ê dlungia me y i l’à abraciada.” Ti aste inće fat i complimënć

a to fre Michael, le skiman de Manfred? “Chël io, y cô, al n’à nia albü saurì chisc pröms mëisc, al é le pröm ann, y spo àl portè pro a arjunje la medaia. Complimënć!” Aste bele mord tla medaia de Manfred, ći saù àra pa, ne ti aste nia la gola a cösta saù? “Sambëgn oressi inće iö la medaia, mo ara n’ô nia ester, nia ćiamò! I ne la dà nia sö.” Poste śëgn palsè n pü’? “I jarà ćiamò chëst’ edema a alenamënt te Fascia, de slalom strënt y slalom lerch. Les proscimes gares de Copa dl Monn arai spo ai 11 y ai 12 de merz a Spindleruv Mlyn (CZE).” (iaco rigo)

Manuela Mölgg: “Ara n’ô n iade nia ester! Mo la sajun é bona!” foto: rossignol.com


Val Badia

Pentaphoto, dötes 4

nr. 08 / 25 de fauré 2011

Manfred Mölgg al travert tl slalom lerch.

À pa le numer 13 portè chë desfortüna por na medaia. Manuela Mölgg a Garmisch.

A Garmisch él ruvé cun i dui Mölgg atleć inće Festa, musiga y n bel bal por la medaia! sü familiars, amisc y fans por i motivé.

D. Karbon y Manuela Mölgg fej festa cun la colega Federica Brignone por so arjënt.

Le podium dl slalom strënt cun - al pröm post - Grange, al 2^ Byggmark y al 3^ Mölgg.

Le skiman de Manfred, so fre Michael.

Manuela tlocenëia por le bel suzes de so fre Manfred, sön paladina a A Plan.

Impresciuns da Garmisch y Al Plan Momënć de gara y de do-gara de Manuela y Manfred Mölgg, l’ingajamënt dl Fanclub Mölgg, la festa por la medaia de Manfred tla "stöa" a Garmisch, la ligrëza di fans a Garmisch y a Al Plan, la festa ofiziala dla jënt por la bela medaia de Manfred y i dui sesć posć de Manuela a chisc Mondiai de Garmisch. La Talia à davagné indöt bëgn sis medaies, de chëstes romagn cinch te Südtirol. Le gran protagonist di azzurri a Garmisch é stè Christof Innerhofer da Gais (Puster) che à arjunt or tl super-g, arjënt tla super-combinaziun y brom tla discesa. Inće Peter Fill da Ćiastel à söa medaia, chëra de brom tla super-combi

Le tröp publich gnü a festa a Al Plan.

La paladina cun i festejà y les autoritês.

A Al Plan él gnü fat gran festa en domënia.

Les fotos di fans dla domënia a Al Plan é de Hartmann Frontull

Runcac a Al Plan é la coa dl Fanclub Mölgg y le "meeting point" de dötes y düć chi che ćiara les gares di fredesc Mölgg y va spo a s’un bëre n goto sön sü bugn resultać. Inće en chësc iade - la domënia domisdé y da sëra - s’à incuntè jogn y manco jogn por festejé la medaia de Manfred.

De bi momënć, buna löna y ligrëza àn passè a Al Plan y te Mareo chisc dis. Zënza atleć degöna festa, porchël dilan ćiamò a Manuela y Manfred Mölgg. (ir) www.lauscdiladins.com

21


Val Badia

nr. 08 / 25 de fauré 2011

“Ester paur é modern!” Walter Valentin da Fussè de Badia é gnü reconfermè surastant dla Jonëza da Paur dl raiun de Puster. Al respogn a nostes domandes sön les prioritês dla jonëza da paur, sön l’importanza dles tradiziuns, sön la domanda zitia da surantó le lüch particolar é le paur jonn che à ciafè chësc ann le “Jungbergbauernpreis”. Chël â a ćiasa 6 hectars de prè y 7-8 vaćes da muje, fajô laprò n secundo laûr. Dan cin’ agn àl baratè, śëgn àl incër 60-70 ćioures che al muj, y fej laprò ćiajó söl lüch, vion śëgn ma de chël. Surantó le lüch é na domanda zitia te na familia da paur, olache na jona o n jonn pënsa sigü sura. Co éra pa tla Val Badia? Surantol pa i jogn i lüsc? Impröma diji che surantó le lüch é la majera investiziun che an fej tla vita. Al n’é danterìte n pêr che n’ô nia surantó le lüch. Mo iö po ma dì sciöche ara é te mi paîsc; i vëighi che la maiù pert di jogn à ligrëza y tëgn bele cunt da surantó n dé le lüch.

Le comitê dla Jonëza da Paur dl raiun de Puster: dancà dmc Brigitte Tschurtschenthaler dl Sest (surastanta de raiun), Ursula Aichner da Falzes, Christine Tschurtschenthaler dal Sest y Agnes Steinmair da San Laurënz. Iadedô dmc él Wilhelm Haller da San Laurënz, Stefan Oberleiter da Mühlwald, Martin Floss da Col de Tlames a San Martin (cassier), Alfred Sinner da Braies y Walter Valentin da Fussè de Badia (surastant de raiun).

Paurs - La Jonëza da Paur é te Südtirol na gran organisaziun. Sura döta la provinzia él bëgn 147 jonëzes da paur de paîsc, che vëgn manajades da n comitê, n surastant y na surastanta. I grups é partis sö te 6 raiuns: le majer é chël da Balsan cun 32 grups, dan chël de Puster cun 28. A će dl raiun de Puster él n ladin, Walter Valentin da Fussè de Badia, 27 agn, che é gnü reconfermè te süa inćiaria, en gaujiun dla sentada generala dla Jonëza da Paur de Puster stada ai 29 de jenà. La surastanta de Puster é indere Brigitte Tschurtschenthaler dal Sest. Tla Val Badia él incö cin’ jonëzes da Paur: Badia, che à festejé l’ann passè le iubileo de 30 agn, La Val, San Martin de Tor y Rina. La Jonëza da Paur d’La Pli po chësc ann festejé i 40 agn d’ativité. I savun che surantó n lüch é por i jogn na domanda sce nia zitia, spo almanco che vëgn ponsada sura nia ma n iade. Cun Walter Valentin, che à metü man da püch süa terza legislatöra sciöche surastant de Puster, unse orü s’la ciacolè sön le laûr y les prioritês dles jonëzes da paur aldédaincö, sön la tematica da surantó le lüch y sce les ëres influësc sön la dezijiun. Walter Valentin, da püch este gnü reconfermè surastant dla Jonëza da Paur de Puster. Ćiünes é pa tües funziuns? L’organn plü alt dla Jonëza da Paur de Südtirol é l’assemblea generala, che lîta impröma i consëis de raiun, y le diretif provinzial. Mia funziun prinzipala é chëra da rapresentè le les jonëzes da paur de Puster tl diretif provinzial y da coordiné le laûr te nosc raiun. Ćiünes é pa les tematiches

22

www.lauscdiladins.com

che ciafa śëgn plü importanza? Ći che i tratarun deplü tl proscim dagnì é sigü i inzidënć söl lüch da paur y te bosch. L’ann passè é veramënter stè n ann fosch de chësc vers y inće chësc ann é pié ia mal, cun dui morć bele de jenà. La Jonëza da Paur realisarà n film de prevenziun. Chisc ultims dui agn unse inće bele porvè fora sistems nüs da injuntè ai tractors por jì plü tl burt. I n’oress spo nia desmentié che le gran laûr dla Jonëza da Paur é chël da motivé la jënt da avëi ligrëza cun le lüch da paur. I organisun porchël inće tröpes iniziatives d’aorela cörta, sciöche bai, festes y incuntades, por che la jënt impàres da conësce plü davijin le monn da paur. Nosta uniun n’é pö nia ma daverta a mituns de paurs, mo a düć chi che à ligrëza cun le monn da paur, che v ë i g a nü s c p ro b l e m s y s’identifichëia cun nos. T’as baié di inzidënć. Ćiünes é pa do tüa minunga les gaujes? Pòl pa inće ester deache tröc paurs à n secundo laûr y mëss porchël laurè cun prëscia? Chësc é avisa le punt. Laôta podô i paurs laurè plü cun pêsc. Aldedaincö mëss feter vigni bacan fà n secundo laûr por avëi le möt da vire. Chël ô dì che al mëss lovè adora da doman y laurè söl lüch, spo àl da jì a laurè y da sëra él indô söl lüch. Chësc ô dì che la porsona é stanćia y mëss gonot laurè cun prescia. Por ći che reverda le laûr te bosch, pòl inće ester che al manćes val’ iade l’esperiënza aladô. T’as inće dit che i sensibilisëis la jënt al monn da paur. Tan modern él pa incö da ester paur? Ester paur é incö dër modern. Iö diji che n paur é n pü’ sciöche n imprenditur. Al mëss savëi da

fà le laûr söl lüch, mo inće da fà ia la burocrazia che vëgn tres maiù. Sce an à n agriturism, mëssun inće savëi da fà la promoziun aladô y da ti an jì ala jënt. Tla Val Badia él cin’ jonëzes da paur, te to paîsc Badia bele da 30 agn incà. Co s’à pa mudè le laûr dla SBJ da laôta a incö? Tan tröp ne s’ara nia mudè. Mo l’ativité é gnüda maiù. I ùn tla Val Badia trëi jonëzes da paur cun passa 100 mëmbri. Al s’à inće mudè che laôta êl ma i bacans che s’identificâ cun la jonëza da paur, śëgn tolunse ite n pü’ düć.

N paur jonn dijô n iade: “Canche les ëres vëiga la zopa, spo s’an sciàmperes”. Tan influësc le fat da ciafè da maridé sön la domanda da surantó le lüch? Iö ćiari n pü’ a düć y al n’é pa nia ma i bacani che stënta (s’la ri). Le monn da paur à dagnora tignì sön les tradiziuns y sön la religiun. Tan vêl pa chësc incö pro i paurs jogn? Sciöche ejëmpl toli ca le bal de Badia. Canche an â metü man podôn cumpedè sön na man chi che â la troht o le diendl. Incö pòn cumpedè sön na man chi che ne l’à nia. Mantignì les tradiziuns, inće chëres religioses, é n gran travert dla jonëza da paur. Nos sun lià ala tera. La tradiziun y la religiun alda laprò. Te ći se tëgn pa i paurs jogn al laûr dla generaziun plü vedla?

Ola tòli pa n’atra strada? I vedli ê plü tradizionai y convenzionai. Incö tëgnon magari plü manses, cun vidì. I pici paurs mëna d’isté feter düć i tiers a munt por avëi n pü’ plü tëmp lëde y ester manco tacà. Y spo sigü la tecnologia. N bacan jonn zënza internet n’esist nia plü. Nos ćiarun inće da jì cun i tëmps. Sö da me ài p. ej. bele le computer te stala. Ćiünes é pa tües prospetives por le laûr da paur tl dagnì? Na cossa che me preocupëia n pü’ é canche les cuotes dl lat toma. Dailò él da odëi sciöche le marćé dl lat va. Al jarà plü sö y jö. Chilò da nos saràn dailò sigü svantajà. Ćina che i ciafun i contribuć dala Provinzia y dal’Europa y che i prisc dl lat é interessanć, arati che ara vais insciö inant. Al po ester tl dagnì che chi che dà jö lat mësses aumentè la produziun. Mo i arati che an dess inće ester n pü’ otimisć. L’assessur Berger le dij pro vigni incuntada. Turism y paurs à da laurè deplü deboriada. Ćiünes foss pa do tüa minunga poscibilitês concretes de colaboraziun danter paurs y turism? Cun la Jonëza da Paur de Badia unse tut pert al’iniziativa “In vetta con gusto”. Chësc é stè n mëteman por sensibilisé da tó i produć locai. An vëiga che al é bele dër tröc che tol produć da paur. Le problem é che döt ne sunse nia bogn da pité. Cun la ćern p.ej. nes stentunse. Mo iö vëighi che la colaboraziun vëgn tres damì. Por iniziatives nöies arati che paurs y le turism mësses se baié, por ciafè ćiamò d’atres formes de colaboraziun. Intervista: Pablo Palfrader

Ćiünes é pa les problematiches di paurs jogn aldédaincö? Magari che an mëss fà tröc sacrifizi. Chi che surantol le lüch mëss gonot se chirì n secundo laûr. N problem é porchël le stress. N ater problem é che la valüta di produć da paur vëgn mëndra. Mi pere cuntâ che al â cumprè so pröm tractor cun 60 mile litri de lat, śëgn n’adoreste passa 200 mile. Le valur di produć da paur vëgn mënder en proporziun a ći che an adora. De positif mëssi indere dì che le laûr da paur vëgn odü tres plü de bun edl. Al vëgn odü ite che an adora i paurs, por le mantignimënt dla contrada, mo p.ej. inće d’invern sciöche lauranć pro i lifć. Tö es n paur jonn che à bele surantut le lüch y fejes le paur a tëmp plëgn. Tan de tiers ôl pa ester incö - sciazè - por che an pois vire dl lüch? Sce an à ma vaćes, spo aratassi incër 30 vaćes. Chilò unse la fortüna che al é posć de turism y che an po inće se davagné val’ laprò cun l’agriturism o cun apartamënć. Al basta gonot inće le spirit d’iniziativa. N ejëmpl

Walter Valentin da Fussè é gnü reconfermè surastant dla Jonëza da Paur de Puster. Al é süa terza legislatöra. Söl retrat le vëigon en gaujiun dla gara di tractors organisada a Badia.


Val Badia

nr. 08 / 25 de fauré 2011

N dé me ponsâi.... Ći fóssel pa, sce döt chësc ne foss nia plü? Zacan n dé sunsi jü domisdé a spazier, fora por les viles danter Al Plan y La Pli. Al parô da ester te n ater monn. An n’ess mai orü dì che a püćes desënes de metri êl cënć de sciori che busiâ jö por pista. Y al me savô bel da podëi odëi ćiamò döta la scemplité dl monn da paur, che vëgn püch pro n püch sburlada sön na pert, desfantada ia dala modernité. Spo ponsâi a chë ëra che m’â dit che nos sun jënt tan stlüta. Ëra n’é nia da chilò, mo laora y

abitëia bele da val’ agn te nüsc raiuns. Al n’é nia le pröm iade che i aldi che i sun stlüć. Y magari él inće vëi, y magari n’é chësc gnanca tan damat insciö, sot a ćer aspeć. Spo me ponsâi sce nüsc paîsc foss bëgn ćiamò tan bi, sce i ne fósson nia tan stlüć, sciöche la ëra minâ. Magari él propi deache i sun stlüć, che i tignun al nost, che al s’à mantignì chilò da nos chësc patrimone, che chërda alerch ann por ann milesc y milesc de sciori. S’la spaziré danter chës viles fora

me dê n sentimënt de incherscimun. I speri che le monn da paur se mantëgnes inant tl tëmp, che i jogn ne làsces nia sö chësc gran valur. Mo sot sot la vëighi n pü’ foscia. La modernité fej inant vari da gigant. Fà le paur o inće dì renunzié a tröpes comoditês dla vita, fà le paur ô inće dì lité na vita scëmpla y dì de nou ala cariera, mo fà le paur ô pa inće dì lité na vita sana. Y suradöt ôl dì bonamënter pasciun. Pasciun che nüsc vedli â y che i speri che i jogn mantëgnes. I n’ô nia iudiché, instës

Idil d’altonn tla vila de Val dla Tor, sura Al Plan.

ne n’ài nia esperiënza de ći che al ô dì vire dé por dé söl lüch. Mo al romagn la tëma, che chi bi lüsc ne

sides n dé nia plü. Tan che i speri da mo falè. Pablo Palfrader

Le Sant Ladin tla dlijia da Schabs

Mez secul de fedeltè

Ala fin de jenà él gnü inaudè a Schabs n büst de Sant Ujöp Freinademetz da Oies. L’opera é gnüda realisada dal’artista Carolina Heine

Deplü ghesć da Corvara é gnüs premià cun la “zitadinanza onorara” dl’Alta Badia, olache ai passa sües vacanzes da 50 agn y deplü

Religiun - Tles dlijies dla Val Badia y inće te d’atres dlijies dla provinzia vëigon n cheder, na

statua o na opera che rafigurëia Sant Ujöp da Oies. Śëgn à inće la dlijia da Schabs n post de

Pro la inaudaziun dl büst de Sant Ujöp da Oies, en presënza dl prelat da Neustift Georg Untergaßmair.

veneraziun por nosc Sant Ladin. Te na mëssa solëna zelebrada la domënia ai 30 de jenà él gnü inaudè ofizialmënter n büst dl Sant da Oies, realisé dal’artista Carolina Heine. L’opera é gnüda benedida dan la comunité dal prelat Georg Untergaßmair, dal ploan dl post Thomas Huber y dal Chorherr Friedrich Gasser. Tla pordica él gnü alzè fora la cherdada de Ujöp Freinademetz, che à respognü jon demez da süa patria por deventè n cineje danter i cineji. De Sant Ujöp Freinademetz sciöche n ejëmpl por düć à baié la presidënta de cöra Maria March. L’artista Carolina Heine à splighé che ara s’à sintì scassada sö dala vita dl Sant da Oies, y che ara à porvè da trasmëte chësta “scassada” tla opera che abelësc śëgn la dlijia ploanala da Schabs. Le cost dla opera é stè de 16.000,00€, che é gnüs surantuć da families dl post, plü avisa dales families de Georg y Martin Zingerle. (pablo)

D’aurì vëgn indô “Le Saltà” Do da feter n ann zënza plata de comun, rovaràl tosc indô tles ćiases de Mareo “Le Saltà”, cun deplü novitês Mareo - Avisa ai 8 de mà 2010, püch dan les lîtes de comun, êl gnü fora te Mareo l’ultima ediziun de

“Le Saltà”. Insciö à inom la plata d’informaziun che le Comun ti menâ fora ai zitadins vigni dui mëisc, en ajunta a La Usc di Ladins. Canche al gnô “Le S a l t à”, ciafâ automaticamënter vigni familia de Mareo inće La Usc di Ladins te ćiasa. La junta de Mareo à dan val’ edemes indô deliberè che la plata de comun dess gnì fora. Tröpa jënt se damanâ che Le Saltà rovass indô tles ćiases, rapresentëiel pö informaziuns de Öna dles ultimes ediziuns de “Le Saltà”, canche al pröma man da pert dl’aministraziun gnô fora en ajunta a La Usc di Ladins.

comunala. Deplü é les novitês dl Saltà nü - sce an ô le tlamè insciö. La majera é che al ne gnarà nia plü fora en ajunta a La Usc di Ladins. Sön ejëmpl de d’atri comuns de nosta provinzia, insciö p.ej. inće Badia o Corvara, rovaràl tles ćiases sot forma de pice foliet tl format DIN A4, döt a corusc. La orentè dl ombolt de Mareo ê inće chëra da cherié n foliet plü popolar. Porchël ne contignarà Le Saltà nü nia ma informaziuns strentamënter de Comun, mo gnarà arichì cun de vigni sort de informaziuns fora dala vita di trëi paîsc de Mareo. Diretur responsabl dla plata de Comun sarà Iaco Rigo d’La Pli y por la redaziun fistidiarà Pablo Palfrader d’Al Plan. Le Saltà rovarà tles ćiases i pröms dis d’aurì y dess spo gnì fora indöt cater iadi al ann, n iade vigni trëi mëisc.

Eduard Pescolderung, Damiano Dapunt, Ugo Ravioli, Oscar Alfreider y Robert Rottonara.

Turism - Vign’ ann premiëia l’Alta Badia deplü ghesć che à desmostrè y desmostra na fedeltè particolara, gnon ann por ann a passè sües vacanzes te chësc raiun. Dan chinescdé àn podü onorè döes porsones, che à podü pié do le reconoscimënt simbolich dla “zitadinanza onorara” dl’Alta Badia, por avëi passè por bëgn 50 agn sües vacanzes tl’Alta. Ara se trata de Ugo Ravioli, ghest a Corvara, tl Hotel Plaza de Eduard Pescolderung, y de Berend Winkler, che sojornëia

tl Hotel Boè dla familia Canins, sön Ćiaulunch. Tres tl Hotel Boè sojornëia inće Carlo Stützkowski, che passa sües vacanzes tl’Alta ćinamai da 55 agn. Inće ël à tut pert ala festa. I ghesć fedei é gnüs premià tl hotel olache ai sojornâ, en presënta dl presidënt dl’Assoziaziun Turistica Corvara/Calfosch Oscar Alfreider, dal diretur dl Consorz Turistich dl’Alta Badia Damiano Dapunt y dal ombolt da Corvara Robert Rottonara. (ofize stampa alta badia/pablo)

Les sorus Martina y Angelika Canins, Berend Winkler y Carlo Stützkowski. www.lauscdiladins.com

23


Val Badia

nr. 08 / 25 de fauré 2011

Dolpo: n trekking dales mile morvëies Dai 15 de otober ai 10 de novëmber dl ann passè à Petra Alfreider da Corvara y Tiziana Canins de Badia albü l’ocajiun da fà n trekking de 20 dis tla regiun dl Dolpo, tl Nepal. N iade de 330 km a pè, te n raiun demorvëia

Petra Alfreider cun mituns nepaleji.

Iadi - Nosc iade à metü man a Kathmandu, la capitala dl Nepal, olache i sun arsis do 10 ores de jore. Al é na cité dales mile morvëies. La stanchëza se lasciâ sintì, porchël êl da jì a se dormì fora por afrontè i jori dl dé do, che nes condüjô a destinaziun, o atramënter, al punt de partënza. Le travert ê Jupal tla regiun dl Dolpo, olache an rovâ ma tres dui jori interns, sön de mëndri fligri. Le travert che i nes ân metü dant n’ê nia pice. Te n grup de 12 porsones êl da fà n trekking 330 km a pè, da Jupal demez, tres Dunai, Dho, Yangjer, Saldang, Ringmo, Dunai y zeruch a Jupal. Danterìte 11.500 metri de deslivel y trëi jus a passa 5.000 metri d’altëza, cun pizes de temperatöres che jô dai 25 degrà de ćialt ai 19 degrà de frëit. Le grup gnô acompagnè da trëi guides: Pasang, Dava y Wolfgang. Sön tru cun nos êl inće 15 müsc y trëi ćiavai. La regiun dl Dolpo n’é nia de chëres plü atocades dal turism. Impormò dal 1989 incà é la regiun daverta al turism. La jënt che vir

Aćiampamënt a 4.400 metri.

24

www.lauscdiladins.com

Petra y Tiziana dan le Lech Ringmo a 3.900 metri.

dailò é dassënn ala vedla. Le trekking deplëgn é gnü fat da 170 ‘turisć dl trekking’, ai pîsc dl Everest röiel indere milesc de porsones al ann, ma por fà n confrunt. La regiun dl Dolpo é a nord-vest dl Ghaulagiri y toca bele pro la cultura tibetana-lamaistica, y recorda por süa contrada al Tibet.

Jënt scëmpla y contënta A Jupal söi 2.500 m d’altöra, nes arjignunse al dé do, olache i piarun ia por le trekking. Te paîsc vëigon ćiamò n pü’ de vërt, bosch, jënt. La jënt n’à veramënter nia tröp, a pert val’ tier - scialdi ćioures - spo formënt y le plü important: l’ega. Inće sce ai à püch, ési contënć. Canche ai nes vëiga nes salüdi cun ligrëza. Inće i mituns nes vëgn adincuntra y nes salüda. La maiù pert damana na pëna da scrì y canche i ti dun chëra, ési contënć. Sura i 2.500 metri sö crëscel i riji, deache al é n post dër töme, cun tröp vërt y lëgns. Plü alalt ti

somëia la contrada a chëra chilò da nos. Al n’é nia plü pastöres, mo peres, rogns y rüsc - de vigni mosöra. Canche i sun rovà a 4.200 metri, nes unse conzedü n dé de “relax” por nes atlimatisé. Te chësta ocajiun unse inće vijité na gompa - na dlijia di induisć - y na ćiasa por ciafè na idea de sciöche la jënt vir. Sö a 5.000 metri él la nëi y les munts dl Himalaya s’erj sö da 6 a 8.000 metri d’altöra. L’aria ê dër fina.

Zënza la tecnica d’aldedaincö Le tëmp ch’i ên laìa ê le tëmp dl monsun, tëmp de plöia. Sce trus gnô desfać dales smöies, nen gnôl improvisé de nüs, sambëgn zënza de gran massaries. Te chësc trekking n’êl degöna ega da se fà na duscia o da se lavè le će. Degöna forza eletrica, porchël n’êl nia da nen fà cun fonins, radio, televijiun o computer. Mo döt jô impò, y co... Suranöt stôn te tëndes da döes

Kathmandu, capitala dl Nepal.

porsones, scialdi a na altëza danter 4.200 y 5.000 metri. I sun inće lovades da doman cun la nëi, y temperatöres de 7 grà de frëit.

De bona spëisa Pro nos ânse inće na tënda por la ćiasadafüch y la spëisa mëssun dì che é stada dër bona. Pasta y soni, soni y pasta, tres cun val’ laprò: sugo, tono, capüc y fajöis. Inće fëies da soni unse ciafè. Pro la spëisa tocâl inće tröp ai y suradöt messânse bëre tröp, inće sce i n’ân nia sëi, por evité dejidrataziuns. Na sorpresa unse ciafè a Dunai, olache i ùn podü se mangé n bel galüc. I gragn rucsoć êl i yak o i müsc che portâ, insciö inće les tëndes. Sön tru êl tröc gompa da vijité. Inće la jënt nes inviâ da storje pro te sües ćiases. La vita sö alalt n’é nia saurida, mo sce an ne conësc nia d’ater, spo vara - ara mëss jì. Vigni tant odônse inće scores, Öna de chëstes ê gnüda stlüta cin’ mëisc denant, deache i maestri ê düć sciampà a Kathmandu, olache les

Monumënć religiusc.

poscibilitês é maius.

Na recordanza por la vita Le trekking nes lascia zoruch n gröm de impresciuns. Canche i rovun zoruch a Jupal, da olache i sun pià ia, se lascia sintì la stanchëza, le pëis de döt le iade, mo suradöt la contentëza por la gran esperiënza che i ùn podü fà. Contentëza inće por döt le bun y les comoditês che an à a ćiasa, y contentëza da odëi tan contënć che i mituns laìa é: chi mituns che s’acontentëia sce an ti scinca na pëna da scrì. Tres nosta guida todëscia unse inće sotscrit na adoziun a destanza, por dè nosc contribut a sostëgn de chisc mituns. Chi che oress informaziuns sön chësta poscibilité, po tó sö contat ala e-mail ciasaroch@ rolmail.net. Infos sön co che an podess daidé chësta jënt ciafon inće sön le sît www.mountainspiritdeutschland.de. Petra Alfreider Adatamënt: pablo


nr. 08 / 25 de fauré 2011

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Val de Fascia

Bolifes te Consei general Dò l biteboi del Consei i aministradores fascegn jirà a Trent per troèr na cordanza con la Provinzia astegnui, se é rué a la fin de na serèda caraterisèda da discuscions e beghes, con tons vèlch outa massa auc, scomenzé jà dantfora canche gran biteboi l’é stat soscedà da la istanzes del conseier Migio Talmon.

N empaz sobito concià ite

N moment de la fersa sentèda del Consei general.

Fascia - L Comun General é tanche pontà via, ma si Consees taca jà a esser fersc e tampestousc. La sentèda chiamèda ite enstadì defat l’aessa cognù aproèr la cordanza de program “Fascia tel davegnir” con la Provinzia de Trent, con chela de defenir i projec e i intervenc de maor calificazion per nosc raion da realisèr con priorità en atuazion di strumenc de la programazion provinzièla e de la linies programatiches per i cinch egn che va dal 2011 al 2015.

Ma no l’é stat coscì ajache l’ombolt de Moena Riccardo Franceschetti dant, l’ombolt da Vich Franco Lorenz Meca dò e a man a man duc i etres ombolc, a chi che ge é jic dò ence duc i conseieres, i à sostegnù che no fossa stat benfat firmèr chel document massa generich, olache no vegnìa tout empegnes economics prezisc da man de la Provinzia. L’é stat dit che Fascia merita maor conscidrazion ajache la ge arsegura a Trent n diejem del Pil.

La Procuradora Cristina Donei à cognù azetèr la dezijion del Consei no con pecia dificoltà, ajache l’à recordà che chel document l’é nasciù da la linies programatiches aproèdes apontin dal medemo Consei de november del 2010. L’é da dir che l test definitif e vertech per l’aproazion l’era ruà da Trent sù demò te chela sera, e donca l Consei no l’à abù l temp materièl de l vardèr fora. A chest resultat, che à palesà na forta unanimità con demò doi

Nience vintecater ores dò, ampò, la Procuradora Cristina Donei, ensema al President del Consei Cesare Bernard, à chiamà ite na conferenza stampa per fèr lum sul vot negatif palesà dal Consei la sera dant. La Procuradora la se à dit endespiajuda soraldut per i tons de la serèda, ma segur chel che l’é vegnù fora en chela sera – l’à dit - no l’à roinà i raporc anter de nesciugn. L Comun general de Fascia l’é ence la pruma Comunità de Val a pontèr via e donca che averc la strèda ence ai etres teritories e che fèsc mìngol da “apri pista”. Dal moment de sia istituzion enscin ades l Comun general l’à semper passà fora delvers i momenc più emportanc desche chel per ejempie de l’ap ro a z i o n d e l a l i n i a programatiches. Ades per l’aproazion de la cordanza con la Provinzia segur l’é stat fat n fal, ampò ma se é jà dò a comedèr ite. Dut l biteboi che l’é stat te sala grana del Comun general, per la discuscions di ponc dant da chel de l’aproazion del program per l davegnir de noscia val, l’à

destrametù mìngol duc chenc e la Procuradora no l’à pissà sobito de lascèr sù l pont e sburlèr l’aproazion de chest program. Coscita se é rué a la votazion che dassen à soscedà la marevea de duc. L pericol de roinèr i raporc con la provinzia, aboncont, l’é stat arlontanà sobito: dò se aer sentù al telefon col president Dellai e con l’assessor Gilmozzi, la Procuradora Donei la se à cordà per tor n apuntament. “Se Maomet no va al mont…cognarà bele la mont jir da Maomet”, à dit l president Cesare Bernard, che ensema a la Procuradora e ai ombolc de Fascia i jirà a Trent per fèr fora mìngol più delvers la costion. Endèna jà anché (vender 25) la Procuradora la é jita a Trent per scontrèr l president Dellai. “La noscia no l’é na logica de “vassallaggio” ma de projetualità, che vel tor dant na idea concreta per l davegnir. No l’é la nota per jir a proveder ma n projet complet che à desche ponc de referiment l’ambient leà a nosc emportant patrimonie culturèl. Dant de sotscriver n projet tant emportant per duc nos se à volù jir mìngol più a fon e analisèr delvers chel che la Provinzia tel concret la ge darà a Fascia. Con chela che se posse troèr prest na cordanza con la Provinzia, la Procuradora sera sù con l’emprometuda che te n meis segur se podarà veder aproà chest program per nosc davegnir. (vr/ cri.m)

Confermes per l’Asuc de Poza

L’identità ladina te vedrina

La litazions de la Frazion de Poza à confermà duc i comembres del Comitat de aministrazion da dant, con la soula ecezion de Paolo Rasom che no se à più metù a la leta dò cincant’egn de prejenza ge lascia l post a so fi

N viac fora per nesc paìjes per veder co che nesc boteghieres, comerzianc e artejegn moscia de se sentir ladins

La sia l’é una de la maor ativitèdes de la Frazion de Poza.

Poza - En domenia ai 13 de firé l’é stat la litazions per renovèr l comitat de gestion de l’Asuc de Poza per i cinch egn che vegn. Passa l 60% di 544 capo familia de la Frazion se à prejentà per litèr, dajan na stima forta al comitat che jìa fora, vidà da Giorgio Locatin de Patron. Adertura la conferma aessa podù esser amò maora se, descheche l’era stat dit chiaramenter te la convocazion, duc i litadores fossa stac ascorc a meter apede a l’inom e l cognom

ence l sorainom del candidac cernù, tel cajo che fossa stat caji de omonimìa anter i sentadins de Poza. L’é apontin l cajo del president che aea fenì l mandat, Giorgio Locatin “Patron”: ajache no l’é l soul sentadin con chest inom e cognom, no l’é stat possìbol ge recognoscer la stimes olache no vegnìa spezificà l sorainom e donca segur el l’é stat l più penalisà da la passa 50 stimes che à cognù vegnir anulèdes per omonimìa.

Chisc aboncont i resultac, che conferma la creta data da la jent al Comitat che à aministrà i bens de la Frazion ti 5 egn passé: Bernardino Zulian 181 preferenzes; Giorgio Locatin “Patron” 177, Luigi Detomas “Anzol” 147, Massimiliano Rasom 146 e Giuseppe Piazzi 78. Na bela sodesfazion per i componenc che aea fenì l mandat, duc confermé con la soula neva de Massimiliano Rasom, che rua ite “al post” de so père Paolo, che chest’outa no à più dat sia desponibilità dò aer concostà ben 50 egn de prejenza. Prum di no lité l’é stat Fernando Cincelli de Jina, che l’à ciapà l medemo numer de stimes de Giuseppe Piazzi, ma l’à cognù ge lascèr l post al comember più de età. L verbal de la litazions cogn restèr fora a l’albo per 15 dis e donca i resultac podarà vegnir ratifiché demò la setemèna che vegn. Enlouta se podarà stabelir can chiamèr ite l nef Comitat de la Frazion che anter i cinch componenc l nominarà l president. Se perveit bonamenter na conferma per Giorgio Locatin de Patron.

Chest an la “Aisciuda ladina”, la manifestazion en program dai 5 ai 7 de mé dedichèda al lengaz e a l’identità, che met ensema desvaliva realtèdes de Fascia, se orirà soraldut al comerz e a l’artejanat, per veder coche noscia identità vegn declinèda te chisc setores, coche la vegn “metuda te vedrina”, tant tel segnificat più lèrch e simbolich de l’esprescion, che te chel più concret, donca coche boteighes e berstot se moscia e se ouc a la jent per ladin. Ence nos volon proèr a jir fora per i paìjes de Fascia e se vardèr entorn per veder se e cotant che te noscia val la “ladinità” troa lèrga te chisc setores, tel lengaz durà te l’inom, la scrites e la tabeles, o te etres segnes o sìmboi sui mesi o te la vedrines. Chest’outa aon vardà più che auter Poza e Vich e aon vedù desvaliva boteighes che

à cernù n inom per ladin: “L Malghèr”, “Te crigna”, “L’ort de Chica e Mice”, “Zeche da bon”, ampò apede a l’inom ladin de la boteiga, dut l rest de la comunicazion (prodotti tipici, gastronomia, formaggi, frutta e verdura e c.i.) la é per talian. Chesta setemèna aon cernù de meter su La Usc na scrita metuda fora dal Bar Bianco de Vich: l’inom del local l’é talian, ma te na gran tabela te cater lengac se pel lejer chel che l sporc e al prum post, sui trei colores de la bandiera ladina, se lec bel gran: “Cafè e douces, giacins, crofegn e bire”. Ti meisc che vegn publicaron amò sun nosc sfoi i retrac de tabeles e scrites per ladin che troon fora, e envion duc nesc letores a ne segnalèr ence ic che che ge sà enteressant de chest vers.

La tabela metuda fora dal Bar Bianco de Vich met al prum post la comunicazion per ladin.

www.lauscdiladins.com

25


Val de Fascia

nr. 08 / 25 de fauré 2011

Gran luster a Sènt’Ugèna La comunanza de Fascia à onorà la sènta te na gejia renovèda. N develpai fort l’é stat uzà fora per duc chi che à lurà e se à dat jù con pascion e dedizion

Preves, servidores, gropes de folclor e jent se à enarloà su per la pontèa per jir sun Ciaslir de Vich a onorèr la Sènta patrona de Fascia.

Vich - L’é stat festa grana en mércol ai 16 de firé, en Sènt’Ugèna neva, festa de duc i fascegn che recorda sia sènta patrona jan en procescion fin tel Santuarie sun Ciaslir de Vich olache vegn dit messa grana. Na sègra amò maora chest an, ajache duc i fidei à podù mirèr endodanef l bel utèr maor co la cornisc, l tulin e la statues, enceben che sie demò copies e che les sie fora per endèna demò con conzescion temporèna. Na marevea per duc i fascegn che é resté encanté dal luster, da la viveza, da la richeza de chesta bela gejia che ades pel endò se moscèr te duta sia degnità, descheche nesc veies l’à semper tegnuda e rencurèda, con sie valores più gregn e più auc. N muie de jent à lurà, dant col cher e dapò co la mans, percheche la gejia de Sènt’Ugèna aesse endodanef chela bela aura sènta da n’outa. L rengraziament a chesta jent, da man de Renata Weiss te la orazions di fidei e ence da man de don Erminio Vanzetta e don Giuseppe Da Prà, l’é stat uzà fora fort con n bel batiman da duc i fidei te gejia. N recognosciment amò maor ge é jit a Arturo Rasom e Carleto Weiss che con pascion, amor e dedizion se à dat jù e se dèsc amò tant da fèr per noscia cara gejia de Sènt’Ugèna. Na longia procescion é pontèda

via da mesa les nef da doman da la Capela de Vich con dantfora la Musega da Vich, raprejentanzes de gropes de folclor e sociazions, l’ombolt de Vich Franco Lorenz, la procuradora Cristina Donei, l president del Consei Cesare Bernard, n bel schiap de servidores coi preves don Erminio, don Luciano e don Claudio. N muie i fidei che à tout pèrt, da duta la val, ruan su en procescion o dantfora, compagnan su ence jent mìngol più de età o bec, che per onorèr la sènta à sutà la scola per na dì. L son de la ciampènes, desleà dal grop che se cruzia de chest servije, à rendenì dut entorn, chiaman te gejia i fidei. La comunanza de Fascia se à metù te la mans de la Sènta, ejempie de fe, devozion, moralità e pureza. Descheche à recordà ence don Luciano te sia perdicia, i sènc l’é i mediatores col Segnoredie, a ic cognon se oujer per domanèr didament e grazies. Sènt’Ugèna l’é n ejempie de cristianità vera, e no se cogn desmentièr che nesc veies à semper abù per chesta sènta na forta devozion. “Preon Sènt’Ugèna percheche la vèrde via duta la families – à dit l decan don Giuseppe – fojina de cristianità e de valores che aldidanché i é semper più en perìcol. Per la families fascènes apontin vegnarà endrezà

via per chest’aisciuda scomenzadives de reflescion e scontrèdes te duta la val.” La cianties del cor de gejia à viventà la bela funzion e sobito dò, sot na sotila neif che vegnìa jù lijiera

dal ciel, la Musega à librà fora sia notes più beles compagnèdes da de bogn grostoi, vin e té ciaut, che é stac sporc dal grop de volontadives de Vich. Na ùltima orazion a Sènt’Ugèna

percheche la vèrde via, da sunsom chel col, duc i fascegn e dapò jù, ascorc per no slizièr su la giacia. La sègra é jita inant ence da sera te piaz de Vich con musega e acrobazìes su la neif. (mci)

Don Erminio, don Giuseppe e don Luciano à zelebrà la messa dedant al bel utèr del santuarie che zacan se à podù endò veder te duta sia pèrts.

N nef grop per Vich Brae de pel, ciameija biencia, corpet e na paic te man: i paicenadores

Gabo, Delli, Dius, Cillo, Mockrey e Moriz del nef grop de paicenadores da Vich.

26

www.lauscdiladins.com

L dì de Sènt’Uiana apede a le bele note de la Musega da Vich, chest an dò messa se à podù sentir ence valch paicenada. Te chel pra sora gejia se à podù veder sie omegn, regolé duc medemi, co le brae de pel, la ciameija biencia, l corpet... e na paic te man. Chisc l’era: Gabriele Weiss (Gabo), Giuseppe Pescosta (Dius), Marco Weiss (Mockrey), Maurizio Deflorian (Moriz), Silvano Iori (Cillo) e Stefano Deluca (Delli) che i fasc part del nef grop de paìsc “I paicenadores da Vich”. Te chela dì i à fat soa pruma esibizion al publich… mìngol agité

ma ence trop engaissé. Agité perché no l’era la dì miora, ajache co la neif e la pievia la paic no sona tant ben... ma ence percheche la pruma outa no i volea far burta fegura! L grop l’é nasciù béleche per sgherz. Na sera via per chest istà passà, Marco e Maurizio i se à troà via per Vich e i se à pissà che fossa stat bel meter su n grop de paicenadores ence sa Vich. Mìngol i à domanà stroz, mìngol à scomenzà a śirar la ousc e soraldut se à scomenzà a sentir da sera dò vea valch colp che no se saea da olache l ruaa… e coscì i é stac

sobito de n bel grop. No l’é stat sorì, i é jic ite da chi da Cianacei a emparar e per no se far mal a proar le prume oute, zachei se metea l casco e l paraschena de la moto… percheche sessaben, na paic via per le ame o l mus la fasc mal... ma pian pian duc à emparà. Endana che speton de i veder e sentir amò stroz per paìsc, ge auguron de portar inant chest bel grop co la medema gaissa e l’amor che i à ades… e per chi che i li volesse te so paìsc, basta demò i chiamar, che i va ben bolintiera. (lr)


Val de Fascia

nr. 08 / 25 de fauré 2011

Lejer adimprest, n bilanz de la biblioteches de Fascia Anter i utenc maores de la biblioteches l’é semper la femenes e i scolees. Per la pruma outa se sent rejonèr de na gestion unitèra a livel de val

Maria Piccolin responsàbola de la biblioteca de Moena.

Barbara Pederiva, responsàbola de la majon di libres da Vich.

Biblioteches - La biblioteca no l’é più demò n lech de regoeta de informazion, ma pel ence vegnir vivù desche lech de enconter, de jech o de relax per pìcoi e gregn, en particolèr te nosc raion turistich, endèna i meisc da d’istà, canche magari l temp meteorologich no dèsc l met de jir a fèr raides sa mont. Anter l’auter te nosc raion d’istà la é forta la prejenza ence de jent de età che no va trop a pe, donca l’é segur aprijià n post olà poder jir a se passèr doi ores tel chiet, con n bon liber te man. Desche vigni an ge dajon na veièda ai dac statistics de la biblioteches de Fascia, con apede la conscidrazions di responsàboi.

bec fin ai 14 egn. L’é stat registrà 13.971 prejenzes, con na media de 54 persones en dì, i utenc joegn l’é l 26% del total. I scric ite ai empresć i é stac de 1.499, con 259 enscinué neves. De chisc passa l 60% é residenc a Vich, Poza o aboncont te Fascia, l rest l’é utenc da fora provinzia, per la maor pèrt turisć e lurieranc che é chiò a lurèr te sajon. L’é più femenes (l 65%) che omegn (l 35%) e chest dat l’é restà stàbol tel temp. La fascia de età che somea lejer de più l’é chela di gregn anter i 25 e i 64 egn. I empresć i é stac 13.631: se registra n smaorament de letores ocajionèi, l numer de chi che lec per sòlit l’é stàbol ma se smendra chel di letores desćiadené, bogn de se lejer passa 29 libres te n an (dai 90 del 2009 ai 77 del 2010). La classifica di libres più lec veit al prum post “Il settimo inferno” de James Patterson e “L’ultima canzone” de Nicholas Sparks; al secont “Il bambino rubato” de Abbie Taylor e “La baracca dei tristi piaceri” de Helga Schneider; al terzo “Il simbolo perduto” de Dan Brown e “Le perfezioni provvisorie” de Gianrico Carofiglio; al quart “Il biglietto vincente” de Mary Higgins Clark, “La vita senza me” de Maria Venturi, “Una volta ancora” de Danielle Steel; al quinto “Fattore di rischio” de Robin Cook, “Il manoscritto dell’imperatore” de Valeria Montaldi, “L’isola dei pirati” de Michael Crichton, “La migliore amica” de Cinzia Tani. I libres de Geronimo Stilton l’é chi anter i più lec dai più joegn, apede Cenerentola e l Guinnes di primac. Desvaliva la ativitèdes culturèles portèdes inant via per l’an 2010: estra i corsc de recam, de cojir e de lengac, l spetàcol “Biblioplay” per i bec de la populères, la letures dramatisèdes per i studenc de la

Moena Moena l’à a la leta presciapech 18.000 libres, “aon problemes de post e donca no podon passar via chest numer – disc la responsàbola Maria Piccolin – per ge troar larga a n liber nöf cognon n tor via un velge”. Del 2010 l’é stat registrà 13.448 prejenzes, de chestes 3.742 l’é bec fin ai 14 egn. I scric ite ai empresć i é stac 831, l 58% da Moena. Sul total di scric ite l’é stat 53 letores desćiadené. Su 7.207 empresć registré, l 27% l’é a bec e l 12% a ghesć. “Fasc piutost marevea – disc amò la responsàbola en cont de chest – che tel total di empresć a tosac scaji la metà sie per tosac pìcoi: ma l se trata de libres che tol adimprest i genitores, per dapò ge i lgejer ic medemi ai tosac; l’é semper libres con storie curte e n mulge de dessegnes, pertant i dajon via a gropes ence de 10 al colp, roba che auza i dac, sessaben.” Desche tipologìa de libres dac adimprest l’é al prum post chi de letradura (48% en dut, ma de chisc demò l 12% i é de letradura talièna), dò vegn i libres de storia col 7%, la

soziologìa passa l 3%: te chesta categorìa aboncont l’é ite mìngol dededut, dai libres su la costion feminina a la stories de delic e amò de auter. Anter i libres più lec al prum post l’é l Guinnes di primac per i bec. I bestsellers, te la doi tipologìes “thriller” e “rosa”, i vegn semper lec bolintiera. L’é l’ùltim liber de Antonio Gallo, “Così in terra come in cielo”, un di libres più lec, “fosc percheche l’é n mulge curt” – disc la responsàbola, apede a chel de Brosio su Medjugorije e chel de Gad Lerner “Scintille”. Va semper ence Mauro Corona, che – conscidra Maria – “l’é stat bon de engaissar a lgejer libres ence jent che inant no gejea, soraldut omegn.” Per chel che vèrda la ativitèdes culturèles del 2010 l’é da recordèr la scontrèdes con autores de nonzech, endrezèdes da l’assessorat a la cultura del Comun, la scontrèda con l’autora Diletta Nicastro, en colaborazion con la scola e l’autra doi biblioteches de Fascia e i corsc de talian per foresć en colaborazion col Comun General. L’azion de agiornament la é jita te doi direzions: da na man l stravardament del veie, con corsc sui archivies storics e no, e da l’autra la neva tecnologìes, con atenzion particolèra a e-books e internet. Dal pont de veduda statistich i dac é superjù valives da 5 o 6 egn en ca – fenesc fora Maria Piccolin – ma crese che no se posse far de più per via de la senta massa descomeda, con dute chele sćiale da far.”

Vich A la fin del 2010 la biblioteca de Vich dombra n patrimonie de 19.615 unitèdes anter libres, revistes, video, Dvd, Cd-Rom e de musega, de chestes l 22% l’é per

scola auta e la scontrèda con la scritora per bec Diletta Nicastro. L’é stat agiornà i setores che aea debesegn, desche chel de la guides turistiches, l’é stat rencurà l magasin e l’é stat catalogà i Dvd e i Cd de musega. B a r b a r a Pe d e r i v a , l a responsàbola de la biblioteca de Vich, l’à osservà che “a pontèr via dal 2008 la prejenzes é calèdes a na vida sensìbola, cauja fosc mìngol la crisa che à portà manco turisć te val: defat l smendrament maor l’é stat endèna i meisc da d’istà. Podessa esser desvalives i fatores responsàboi de chest fenomen: l temp meteorologich, i dis che resta serà la biblioteca, Internet desche strument de enrescida scolastica, l servije Internet, che era atif fin del 2005, neva tipologìes de materièi desche i Dvd”.

Cianacei L patrimonie de la biblioteca de Cianacei – ne à dit l responsàbol Domenico Volcan - dombra presciapech 20.000 unitèdes anter

libres, Dvd, Cd e coscita inant. I scric ite i é de 1.100, con n bon 65% de eles, ence chiò i omegn lec manco che la femenes e l’é stat dat materièl adimprest per 6.000 unitèdes, l 50% presciapech a ghesć, a desmostrazion del fat che se laora te n paìsc turistich, con ite ence duc i libres dac adimprest a la scoles e che no vegn registré diretamenter dal computer, a front de presciapech 8.000 prejenzes, de chestes l 20% l’é stat utenc sot i 14 egn. Ensema coi dac statistics Domenico Volcan à portà dant vèlch conscidrazion. Apede a l’endrez tradizionèl de la biblioteca – l’à dit - gran peis à anchecondì la ativitèdes endrezèdes tel ciamp culturèl, desche la scontrèdes con autores de nonzech. A Cianacei via per l’an 2010 l’é ruà scritores de gran valuta desche Antonia Arslan, Gian Antonio Stella, Franco Stelzer, l prum autor trentin che à publicà con Einaudi e l’é stat endrezà la scontrèda per la scola sul nazism con Giampiero Girardi. E per l’an 2011 l’é en program de etres encontres con autores. Per l responsàbol de Cianacei l’é de gran emportanza la ativitèdes te l’otica de na colaborazion con la istituzions de val e l mond de la scola: “a chest propòjit – l ne à dit - tel meis de mèrz, per endrez de la biblioteca de Cianacei e col coordenament del professor Domenico Bravi, pontarà via na lingia de scontrèdes per i studenc de scola auta con l fisich Mirco Elena, che rejonarà de la conseguenzes del nucleèr”. Auter aspet emportant l’é la neves libraries a la leta, “n pont de forza per noscia biblioteca a dita di utenc, che da n trat en ca i rua dal zenter Fascia sù, alincontra de chel che l’é sozedù tel passà, canche da Cianacei tropes jìa ja Vich”. L’ùltima conscidrazion de Volcan revèrda l’idea de na gestion unitèra de la biblioteches de Fascia: “cree che sibie ora, ence col nasciment del Comun General de Fascia, de meter a jir na politica unitèra per la trei sentes, con n responsàbol de val che se cruzie del coordenament di libres e de la ativitèdes culturèles”. Cristina Marchetti

Domenico Volcan, responsàbol de la biblioteca de Cianacei. www.lauscdiladins.com

27


Val de Fascia

nr. 08 / 25 de fauré 2011

“Mia contìa. Tia contìa. Noscia contìa” La semenzes de cognoscenza e respet metudes te noscia tera ladina e te chela de la selva ecuadoriana da l’adozion linguistica anter ladins e achuar à dat i prumes fruc, prejenté enstadì

Sabrina Rasom, Marco Viola, Mirella Florian e Cristina Donei a la prejentazion del projet de adozion linguistica.

Cultures - La semenza de piantes de la foresta amazonica jerva te anter nesc bosć e la semenza di èlbres de la Èlpes jerva te la selva, te l’Oriente de l’Ecuador. L’é segur n frut de la globalisazion, ma no ve cruzià, no l’é nesciun perìcol de rebaltèr sù l’ecosistem de chisc doi ambienc naturèi desferenc: se trata de semenzes che dèsc frut sui codejìe e tel cher e tel cef de nesc scolees. Semenzes che fèsc la reijes fortes del respet per sia cultura e per chela di etres e che dèsc de bie fiores che à i colores de la cognoscenza e de la solidarietà. L projet de adozion linguistica “L jech più bel rejona ladin e achuar” à fat n auter vèrech inant e si prumes fruc é stac prejenté enstadì te sala grana de la sorastanza de la Scola de Fascia, a la prejenza di scolees de la quinta classes da Cianacei enscin ja Moena. Scolees che era amò en terza canche i à tacà via l’aventura de n viac virtuèl che li à porté da l’autra pèrt de l’ozean. A la dir duta l projet era peà via amò del 2007, su idea del dirigent del Servije per la promozion de la Mendranzes linguistiches de la PAT Marco Viola, e la era stata touta sù

sobito con gaissa te Fascia. L’é stat apontin Viola en jebia passèda a ge spieghèr con de bela e scempia paroles ai bec (e se sà ben ence ai aministradores e ghesć entervegnui a la prejentazion) l segnificat de chesta scomenzadiva che à inom “adozion linguistica”: meter mìngol de chela ressorses che la aministrazions de nosc teritorie doura per l stravardament del ladin, a la leta de etres teritories olache i à tanche la ressorses per magnèr, se regolèr e se medejinèr se l’é de besegn, e no ge n vanza da poder durèr per l stravardament de so lengaz. Defener n picol lengaz podessa someèr n capriz, vèlch de vagà, per chi che à giusta chel tant per viver, ampò se sà che ogne dì vèlch pìcol lengaz su la tera mor, e con el va perdù per semper ence la cultura de n popol, che demò chel lengaz era bon de esprimer delvers e fin junsom. Te sia adozion linguistica i ladins de Fascia i à cernù n pìcol popol logà te la selva amazonica te l’Ecuador, no dalonc da olache l’era 2 miscionaries da chiò entorn: P. Alberto Dellagiacoma da Poza e P. Silvio Broseghini da

Piné (mort del 2006). L’é stat apontin i volontadives de la sociazion P. Silvio Broseghini, a compagnèr del 2007 l prum grop de fascegn enscin te mez a la foresta a sud est de l’Ecuador per veder coche chest projet aessa podù se concretisèr al miec. Dapò sot la vida de la responsàbola de l’ofize linguistich del Comun General de Fascia Sabrina Rasom e da l’autra man chela de la professora Edith Molina Velez, l’é stat fat n percors che à tout ite apontin i scolees: chi de Fascia à enrescì, studià e pissà a si ambient sot desvalives aspec, duran so lengaz ladin, endèna che i scolees achuar fajea l medemo con sia realtà, per dapò poder se la baratèr un co l’auter e se fèr cognoscer a chesta vida dai amisc dalonc. I bec à descorì coscita che, enceben che i sie tant dalonc, l’é n muie de robes che li lea: i vif duc e doi te n ambient naturèl n muie bel, rich de bosć e de èga, e duc doi i à na cultura rica de tradizions, contìes e mic e n lengaz “picol”, che rejona de dut chest, ma che risia de se perder per ge lascèr dut l post demò a n auter lengaz maor e più durà (chiò l talian, aló l spagnol). Endèna che i ensegnanc de noscia e de sia scoles à studià fora adum metodologìes didatiches per l’ensegnament di lengac mendres, i bec travers scric, dessegnes e fotografìes, se à baratà informazions sun la piantes e la besties desferentes che vif chiò e aló, sun i mic e la contìes de noscia e sia tradizions. L materièl vegnù fora l’é stat metù dut te n liber per ladin e achuar, che doura l spagnol desche lengaz pont, dal titol “Mia contìa. Tia contìa. Noscia contìa” (per achuar: “Winia aujmattsamur. Ami aujmattsamuram. Ii aujmattsamuri”). Chiò nesc bec à

La soracuerta del liber che regoi scric, dessegnes e retrac di bec achuar e ladins.

contà anter l’auter co che i jia su la neif, na roba che i pìcioi del vilaje de Wasakentsa no i à nience mai vedù, e chisc alincontra i à contà coche i se trèsc per jièr te la èghes di ruves amazonics, stajan ascorc che laìte no sie anacondes o autra besties pericolouses. Travers la informazions ruèdes da vèlch maestra fascèna che del 2009 é jita enscin te la selva a veder dal vif chela realtà, travers la prejentazions e informazions sportes dai volontadives de la sociazion Padre Silvio Broseghini e travers doi bie video che ge à permetù respetivamenter ai scolees ladins e achuar de veder na “giornèda tipo” de n bez de l’auter popol, i bec se à arvejinà a na cultura dalonc, ma tel medemo temp i se à arvejinà ence a si lengaz e cultura, e se spera che dut chest ge reste tel cher per semper. Lucia Gross

Ence ogec de la cultura achuar é stac porté te Fascia acioche i bec ladins posse i veder dal vif.

Chi él pa? Soluzion del retrat su La Usc nr 07 En cont del retrat publicà su la Usc di Ladins numer 6, chel sul pelegrinaje a Loudes l’é ruà amò vèlch resposta da Anna Bernard e Germana Riz da Ciampedel e da Monica Debertol da Cianacei che les ne à fat a saer che l nr 7 l’é Anna e no Nena Valentini; l nr 8 l’é Rosanna Davarda; chela doi sores che nesciugn saea l’inom l’é 16. Maria Rasom e 17. Emilia Rasom; l nr 19. l’é Adriana Debertol Fratusco e l nr 21. l’é segur Livio Mazzel.L

retrat che aon publicà la setemèna passèda l’era stat portà da Franca Trottner de Uc maridèda a Busan e la ne à dit che, apontin descheche aon jà scrit, l’era stat fat via per l meis de firé canche se jìa a menèr l fegn fora da mont con la lesa e defat, sun pont vejin a la gejia de Sèn Nicolò de Poza se veit l ciaval e la leses con soravìa i lenzei de fegn. Te chesta ocajion chisc omegn da Poza i menèa fora l fegn da le Freine.A ne dèr la resposta chesta setemèna l’é stat Franca Trottner

de Uc, Giuseppina Rossetti, Irma Pezzei femena de Giancarlo de Uc, Bruna Trottner, Mario Trottner, Emilio Gross de Śoan e Lino Soraperra Medico che l ne à dit che l retrat l’é stat fat anter i egn ’56 e ’58 e l ne à dit ence l’an de naa de duc. Sul retrat donca l’é dut omegn da Poza e l’é: 1. Mario Calligari de Craut del ’32; 2. Mario 23

Trottner de Uc del ’41; 3. Luigi Trottner de Ric del ’37; 4. Giuseppe Gross, Bepo Sabin del ’15; 5. Danilo Trottner de Uc del ’38.Chesta setemèna ve meton dant n retrat de na familia ma no ve dijon da olache la é, senó fossa massa sorì endoinèr. Speton voscia respostes per telefon o fax al 0462.764545, o per mail a la direzion lausc@

ladinsdefascia.it. Ge sporjon n bel develpai a chi che se sproa a troèr fora la jent e a chi che ne porta i retrac, e i ne deida coscita a viventèr chesta rubrica e a meter ensema vèlch mizacola de storia de noscia jent: ve envion a ve fèr inant per ciapèr en don na publicazion de l’Union di Ladins. 13

22 21

19

15

17

20

16

18

1

14

3

12

2 4 3

1

28

www.lauscdiladins.com

8

6 7

4 2

5

5

10 9

11


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 08 / 25 de fauré 2011

Fodom

Busc de 75 milioni al Bim Gsp. N previjion bolete de la ièga plu cère L cajo slopé nte chisc dis. E a paié sarà ndavò i zitadins Chi che à très contesté, ence se coscita perveiga la lege, che la gestion del ciclo de la ièga l vegne tout ai comuns e l passé a nen gestor unich, per la Provinzia de Belum l Bim Gsp, ncuoi i dajarà: ”Vedeiso che onve rejon?” I dis passèi defati l prescident del Bim Gsp Franco Roccon l à prejenté cruzié i conc n Prefetura, da ulàche sauta fòra n busc ntel bilánz de 50 milioni de euro. N debìt che, nsomeia bele se capì, a la fin mossarà paié i zitadins con bolete de la ièga plu cère.

N saut ndrio La gestion de le iège, dai acuedoti a le fognadure, l’eva stada touta ai Comuns ntel 2004 ( ence se la normadiva l’eva bele n vigor da davánt ma mèi aplicada ) per efet de na lege nazional ( l coscita clamé decret Ronchi ), co l intent de otimizé l servisc. La lege la mpon de mëte mpé i Ato, n ent che tòl ite duc i comuns den compresòr valif. N Provinzia de Belum n fèsc pèrt 66 su 69 comuns del teritòrio provinzial. L Ato l à da de su n gestion l servisc, che l

po’ vignì fat ence da sozieté private. N Provinzia de Belum l é ste dezedù del de su a Gsp, n brac del Bim, ( Bacino Imbrifero Montano ). De fato a na sozieté controlada dai Comuns nstësc. L Ato stabilìsc le tarife, determineia i laour e Gsp gestìsc.

Ci elo suzedù? Come mèi spò s’elo ruèi a avei n tèl busc de bilánz? L on damané al Capocomun da Fodom, raprejentánt del Agordin ntel Ato. “L busc l é se 75 milioni” l precijeia.

L é suzedù che ntel 2004, cánche l Ato à fat l program dei investimenc e dei laour da fè su acuedoti e fognadure per 25 agn, l à pervedù de spëne 170 milioni de euro. Chisc programs i é stèi fac n previjion che vegne consumé e spò “venù” da Gsp zirca 22 milioni de metri cubi al ann de ièga. De fato n’é ste consumé zirca n tèrz al ann de mánco, per n controvalour de 7 milioni de euro al ann ruèi n mánco nte le casse. Ma ntánt l Bim l s’à esponù co le bánche per i investimenc. Toca capì chi che à sbalié i conc. A Gsp i disc che i se

n’à ndentenù demé ntel 2008 che cèze no tournáva, cánche nte duc i comuns s’é ruèi a fè paié. Ma a mi me pèrt cherò. L Ato à da fè i programs, ma l é l Bim che à da di se l é i sciòldi.” Chi paiaràlo sto debìt? Elo da se speté aumenc nte la boleta de la ièga ? “La jiarà a fenì coscita” disc ncora Ugo. “Ence se la lehe la mpermët aumenc la mascimo del 5%, che no bastarà. Chilò toca anulé dut e rivedei i investimenc. Da chisc conc ven fòra che i doi tèrc dei incasc da la ièga i sièrf a paié ju la strutura Bim Gsp. Nicn massa.” (ls)

Da Fauzare al Giau co le ciaspe

La Usc, ncora problemi co le Poste

Na bela sëra metuda a jì da l’Union dei Ladins

I sfòrc che le redazion de val à fat da le prume setemane de sto ann per fè rué l fòlgio nte le cèse del vender, ajàche la sabeda i postins no laora plu, i va ncora nviade a sbate, souradut per Fodom, Còl e Ampëz, co la burocratizazion de Poste Italiane. Da puoch nòst fòlgio l à podù ester metù ite nte la categoria de “giornal local”. Chëst obligheia Poste Italiane a l porté fòra coi temp den cuotidián. Sciode che chëst vegne garantì, per via de acòrdi plu auc, demè per la Provinzia de Bolsán. La Usc ven sarada e drucada fòra bele de mièrcoi a na moda che ence Fodom, Còl e Ampëz i pòbe la ciapé de vender. Chëst mpò grazie a nen “corriere”, che se tòl, come davántvia, i giornai a Bolsán e l li porta fin sun porta de ufize de le Poste nta Fodom. L dut, sesaben, a speise de La Usc. Ma se fin nchëstadì dut jiva lize, da nen di al auter, senza deguna spiegazion, Poste Italiane l à “dezedù” de no azeté che i giornai vegne portèi

Al ciaro de luna, prò nen crist ntaméz a la nei.

Na giornada sui schi per le mesane

Ciaspe - Ence se la luna l’é restada sconuda fin tèrt davò na sotila niolèra, i chindesc apascionèi de le ciaspe che s’à biné, nvièi ence st’ann da l’Union dei Ladins da Fodom, per na ciaspolada da mont su, i s’à giaudù na bela sëra n compagnia. Pièi su ncora co l ciaro da la Mièrla, visèi da la Adele “Scòca” i s’à ncaminé bel adajio ntaméz a l bòsch su per Mont d’Andrac. La nei che tigniva a tòlo la daidëva a sen ji bel ladin e chi puoc zentimentri de nei

frësca i deva l’imprescion mpò de mossei sfonzé ( souradut nte chèlche pico gonfe ) come se se fossa a nei ntiera. Lum sul cé, chèlche ciacola che s’à destudé via demé co l flé vigniva lonch su per chèlche picola riva ncin plu ërta, la picola procescion l’é ruada fin sa Zibil, da ulàche s’à podù se giaude n bel panorama de mont sluminade lesiere da la luna che ciutiáva, dispetosa, davò l niol. A caminé ntel scur l temp l no conta. Nsomeia che

l no passe, ma ntel medemo temp ence che l passe plu mprescia. N’ora, doi ore. “Ncora mes’ora e pò onse da ester ruèi” disc valgugn ntánt che se va su e ju per chi còi de nei duc compagn. Tira n’aria che no ndeleta zerto a se astalé. Ma toca ben ncin paussé e se cialé dintourn. Pò le lum del Rifugio Fedare, ulàche speta n bon piat de pasta e n gòt de vin. Valgugn à ncora giame per tourné ndrio a pé. No se sa se su le medeme pedie. (ls)

Grones a “Arte Laguna”

diretamente al ufize de la posta. Dut mossa passé mpuma per l “Cpo” de Belum, i à decreté i auc funzionars del aparat ex statal. Na decijion che no n à ne cé ne coda. La couta de spedizion per posta la ven defati mpò paiada per ntier, ence se se paia soura la speisa den corriere per fè rué davánt l fòlgio. La direzion de Poste Italiane l’à seguré che se se passa per Belum l fòlgio l ruarà l vender. Ma per garantì chëst se mossarà mpò tò n corriere che mëna i giornai da Bolsán ( ulàche i ven timbrèi per podei ester manèi fòra ) a Belum. Come editor, la Generela l’à dezedù de fè n esperiment da le setemane che ven e se organizé per vedei coche la va. Damanon spò ncora mpuó de pazienza e de comprenjion a nuosc abonèi e a chi che ne liec. L obietif resta chël de avei La Usc de vender ence chilò a Souramont. N obietif che nsomeia n miragio nte n’Italia che, n fat de organizazion e efizenza, la nsomeia restada a davánt 150 agn.

N’ocajion per mparé a se muove auna ntel respet de le regole Scòla - Per nviade la lezion de ginastica a scòla l é stada fata sui schi. Per na scomenciadiva voluda da nvalgugn insegnánc de le mesane de Brenta, lunesc passé l scòlabus l à porté i scolars sa na Reba per na giornada su le piste del comprensòr. N’ocajion per ste duc auna aldefòra dei mur de la scòla, mparé a se muove auna ntel respet de le regole e per valgugn de ruè per l prum viade su la ponta de la Marmolada.

Na giornada garatada ence per via de coche la scòla l’é stada acòlta dai impiántisć, dal Rifugio del Zucher sun Pescoi, dal Mauro e la Nini del Rifugio Fodom e nfin ence dal personal de la Forestal, mpegnada ntel servisc de prum aiut su le piste sui Bec de Roces. N gran Diovelpaie a duc e n particolar Consòr dei Lifc de Rèba che su nteresciament del Walter “Ciai” là daidé prò a la scomenciadiva. (sgp)

Suo depent selezioné per tò pèrt a la mostra e al premio che se ten a Venezia Èrt - Davò la bela sodisfazion per l secondo pòst vadagné al Premio Celeste, un dei concorsc d’èrt d’aldidancuoi plu mportánc d’Italia, presiedù da Julia Draganovic, èco rué n auter recugnisciment per l valour e l talent del joven artist fodom Gabriele Grones. L suo depent “Identità”, n oio su tëla, de cm 21x21, ulàche l à fat ju suo fradel Roberto, l é ste selezioné ntra i

finalisć del concors “Arte Laguna” de Venezia nte la categoria “pitura”. Arte Laguna l é n bel premio de èrt d’aldidancuoi internazional, che à sua senta nte la zité de la laguna. Curator de la manifestazion l è l critico d’èrt Igor Zanti, e de la giuria fèsc pèrtvpersonalité, critizi d’èrt e curatori de livel internazional. “L depent che è prejenté” spiega Gabriele, “l vòl ester n’ indagine sul conzet de

identité, ulache l a sp ét esterior  porta i segn de le sedimentazion del passé e de le esperienze. I laour selezionèi i sarà n mostra a le “Nappe dell’Arsenale” de Venezia dal 13 al 22 de mèrz 2011 ( dalvièrta da le 10 a le 20 ). L’ inaugurazion la sarà l 12 de mèrz da le 18  e nte chela ocajiòn sarà anunzié i artisć che avarà vadagné i premi. (ls)

I tosac de la mesana de Brenta su la ponta de la Marmolada coi schi. www.lauscdiladins.com

29


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

Anpezo

Intrà Anpezo e Garmisch Ra strada par Cortina 2017 ra pasa par Garmisch 2011. Par alcuante dis, el comitato che parecia ra candidatura par i Mondiali ‘l é stà in Jermania, a vede cemodo che se fesc. Inparà da chi outre, par fei ancora meo Ra sié medaies, ciapades da i atletes de ra Nazionale taliana, ‘s à śoà nafré anche a fei lustro a ‘l gnon de Cortina, i dis de i Mondiali 2011 de schie, a Garmisch. De el nosc paes s’à parlà, a ra zenes, a ra festes, anche cheres par ra medaies de Christoph Innerhofer e de Peter Fill, e dapò de Federica Brignone e Manfred Moelg. Pi che see, ‘l é stà da lourà e da inparà, par i śoen ruade da Anpezo. El comitato Garmisch 2011 ‘l aea parecià alcuanta śornades, ai 15 e ai 16 de febraro, par i mostrà el laoro a ra zitàs che ‘s à chera de se candidà, par i anes che vien, o a cheres che ‘s à beleche ciapà i

Mondiali, e ‘s à da i parecià. Coscita i à parlà de marketing, de alośo, de media, de sponsor e de tropa outra robes. Duto chesto ‘l à śoà, par capì cemodo che se laora, par vede polito ce che fesc chi outre, inze un posto agnó che ‘l é ‘na gran tradizion, par el sport, cemodo che ‘l é Garmisch. Dute sà che in Italia se magna e se bee polito, coscita ‘l ea senpre un grun de parsones, inze el ristorante Puoro, śo da ‘l pe de ra pistes da schie, agnó che i sporśea chel che r’à de bon ra rejon Veneto, co ra asociazion Prime Alpi, che r’ea beleche stada pede a Cortina ‘l an pasà, a Antalya, in Turchia,

nr. 08 / 25 de fauré 2011

Nonanta ane de ra Riserva de caza Chera de śì a ra caza r’é una tradizion vecia, anche in Anpezo. Una śornada de festa, con un grun de amighe, ruade da fora

canche ‘l ea stà el congreso de ra Fis, che ‘l aea dà i Mondiali a Vail, in America. Tornade a ciaśa, dapò chi doi dis de laoro in Jermania, i nostre śoen i s’à dito dute parsuaśe, de chel che i à vedù, de chel che i à fato, de chel che i à inparà. Ades beśen prozede, su chesta strada, che r’é ancora longa, ignante de ruà in Corea, intrà i mesc de maśo e de śugno de ‘l 2012, canche ra Fis ra dijarà agnó che sarà da fei i Mondiali 2017, se in Anpezo, se a St.Moritz, o se soutarà fora calche outra candidata, cemodo che somea seguro, mangare Lillehammer, agnó che ‘l é stà fato ra Olinpiades de ‘l 1994. Un grun de śente, inze ra jeja de ra Madona, co ra autoritàs, par ra festa de ra Riserva de caza de Anpezo.

I śoen de Anpezo, che i é stade a Garmisch, par vede, dal de inze, cemodo che se parecia gares coscita grandes.

El banco de chel pizeto El studio e el laoro de i tośate pi grei, par i dià ‘na man a un scolaro. Ce bel, canche dute prozede de ‘l medemo ver

El pizeto co ‘l so banco noo, el so conputer, ra so sacocia da scora. Con chi amighe coscita grei, coscita varentes.

Un pizeto che stenta a se moe, ra so familia che i domanda a ra scora de el dià, ra scores de Anpezo che es se ciata aduna, i tośate che laora: dinultima duto fenisce polito, con un gran bel jesto. Chesta storia ‘l é da ra contà, parcé che r’é propio bela. Da alcuante mesc, inze ra scora popolares Duca d’Aosta de Anpezo ‘l é ruà un pizeto che el fesc fadia a se moe, coscita ‘l à

30

www.lauscdiladins.com

senpre pede una maestra, duta par el, che i dia ‘na man. Ma, par inparà meo, ‘l à biśoin anche de un banco fato aposta, pi gran, agnó bete inze el conputer, da sarà via, agnó podé scarà fora i so cuaderne, i disegne. I banche da scora, chi solite, i é masa pize. Coscita i jenitore i domanda a ra scora de fei algo. Ra preside de ‘l Istituto comprensivo di Cortina d’Ampezzo ra se ciata

con ches’outra scores, de el Polo Valboite, e alolo ra ciata calchedun che à acaro de fei algo, par chesto pizeto. Se domanda a ra scora d’arte, se sà: el profesor de disegno profescional el bete sote i so tośate, che i projeta chesto banco. Dapò tocia lourà, inze botega, e chel outro profesor el taca ra machines, co i so studentes. Dinultima vien fora chesto gran bel laoro, da no crede, fato aposta par un pizeto de sié ane, un banco che el podarà cresce, an par an, aduna co ‘l tośatel, con alcuante spesore, da bete sote. I dis pasade, alcuante studentes de ra scora d’arte i é śude inze ra clase de ‘l pizeto, a i montà el banco noo, e el ‘l ea beato, ‘na Pasca, a vede duta chesta śente, par el: so pare, ra maestres, chi outre pize, chiste tośatoi, coscita grei e varentes. Ades el pó lourà polito, su ‘l so banco noo lujente, el pó studià, el pó cresce. “Ce bel vede dute aduna – el me disc so pare – dute pronte a me dià ‘na man, a fei algo par me fiol. Canche se laora dute aduna, canche se tira dute de ‘l medemo ver, se darśonśe in prescia, chel che se vó. Ce bel, se inze ‘l nosc paes ra fose senpre coscita, par duto, inveze de vede dute ‘ste cridore”.

Ra Riserva de caza r’à nonanta ane de storia, nasciuda de ‘l 1920, alolo dapò de ra prima guera, anche se de seguro i śia a ra caza anche ignante. Par chesta pajina de storia, ‘l é stà fato ‘na bela festa, in Anpezo, domegna ai 20 de febraro. Ignante ‘l é stà ra mesa, in onor de St.Hubertus, patrono de i cazadore, inze ra jeja de ra Madona de ra Difesa, e frate Leone ‘l à abù acaro de menzonà, inze ra so predica, che ra śente de Anpezo ra sente el biśoin, canche ‘l é una festa, de se ciatà inze jeja, de śì a mesa. Dapò frate Leone ‘l à parlà de chel che i fesc i cazadore, canche i sbara a ra bestia veces, marades, par mantegnì cheres pi beles, sanes, śoenes, e ‘l à dito che i à sapù bela ra orazion de i cazadore, lieta inze jeja da Angela Suani, una de ra cuatro femenes de ra Riserva. Ra medema paroles che, poco dapò, ‘l à dito el comelean Silver De Zolt, loudaduó a ra caza de ra Provinzia de Belun: “Se vardon a ra caza, inze ra nostra provinzia, se sà che ‘l é suzedù alcuanta robes, ‘l an pasà, poco beles, ma beśen ese boi de śì inaante. Nośoutre ón biśoin de aé i cazadore, che i stà de sguaita, che i và adora a capì i sentimente de ra nostra śente e el biśoin de el nosc teritorio. De seguro i cazadore i no n’é i sasìs, che

calchedun disc; i é boi, inveze, de precurà ra natura. Par chesto, io i digo gramarzé a i cazadore de Anpezo, ancuoi che i fesc festa, par nonanta ane de ra so Riserva, e a chi de duta ra provinzia de Belun”. Poca paroles, ma intiades, da Adriano Verocai Daloio, che ‘l é el presidente de ra Riserva de Anpezo: “Nonanta ane de caza, nonanta ane de tradizion, in Anpezo. Se vede che son leade a ‘l paes, a ra istituzios, canche se fesc chesta festes e se vede un grun de śente, de autoritàs. Pi che see, se vede che ra tradizios, in Anpezo, es no n’é algo da poco”. Inze ra jeja de ra Madona, par ra mesa, e alolo dapò, s’à sentù sonà i corne da caza, de i sete musicantes che ‘l é ruà da Teisten, da ra Gsiestal, Tesido in Val Casies, che dapò i à fato scotà ra so musica anche de fora, daante a ra jeja, su ‘l sagrà. Dinultima el disnà, dute aduna, in bona armonia, a ‘l hotel Victoria, con un bon azeto de Eric Brizio, co ra so mondura da Scizar. A ra festa ‘l ea stà invidà, e ‘l é ruà, un grun de cazadore, de ches’outra riserves, ruade da i paesc ca pede, da ‘l Cadore, pi che see, da Fodom, da ‘l Südtirol. Intrà dute chi outre, podon menzonà Oscar Troi, el capocomun da Col.

I sonadore de corno, ruade da Teisten, in onor de St.Hubertus e de dute i cazadore.


Anpezo

nr. 08 / 25 de fauré 2011

Ra Schola Cantorum in Anpezo

Wendy danoo in pista

Un valor de el nosc paes, de ra nostra comunità, de ra nostra Jeja. Una storia vecia, da ‘l 1882. Intrà dute i conzerte, algo de noo, vendres ai 4 de marzo

Su ra Olinpia de ra Tofana, agnó che ra cores in Copa del mondo, ades ra laora, co ra mondura de ra Polizia Ignante ra vegnia śo par chera pista a pi de 100 chilometre a r’ora, ades ra pasa pian, de sguaita, co ra mondura de ra Polizia de Stato, mangare scentada su ra motoslita, o ciapada, de laoro, par dià calchedun che à biśoin. R’anpezana Wendy Siorpaes, fia de Mansueto, de el refujo Noolou, e de so femena Jo Anne, r’à lascià de core co i schie, ma el gnee resta un gran amor, e coscita r’à abù acaro de śì inaante con un laoro noo, su ra pistes da schie. Dapò de aé fato un grun de gares, de Copa del mondo, de Copa Europa, agnó che in à vento alcuantes, dapò de ese stada finamai a ra Olinpiades de Torino 2006, ades Wendy Siorpaes r’é co ‘l Centro addestramento alpino che ra Polizia de Stato r’à a Moena, in Val de Fascia. Ra

setemana pasades r’é stada a Caserta, par fei alcuante corse, par inparà algo de outro, par el so laoro, e ades r’é tornada inze ‘l so paes, intrà ra so śente, ra so crodes, su ra so pista, chera agnó che r’é ruada sesta, de ‘l 2009, inze ‘na gara di discesa de Copa del mondo, e agnó che r’ón veduda el mes pasà, canche i à fato ra gares de ‘sto an. Ades el so laoro el no n’é pi chel de vegnì śo sbarada, ma de i tende che chi outre i vade polito, i no feje malagrazies. E r’é pronta a dià ci che aese da se fei mal, da se petà inze, da tomà. A Wendy i sà bel chesto laoro, de ra “Polizia intrà ra śente”, ancora depì se ra và adora a ‘l fei co ra mondura, su i schie, su ‘l gnee, su ra pistes de Socrepes e de Tofana, agnó che r’à coresc, fin da pizora.

Ra Schola Cantorum de Anpezo, inze ra jeja de Dosoledo, in Comelego, in memoria de don Claudio Sacco Sonador.

Canche se parla de Cortina, trope i é pareciade a sentì rajonà de ‘l luó che i “sciore” noma “Rejina dera Dolomites”: tanto par el bel de ‘l sito, come de i prade e de ra so bela crodes duto intor. E gran poche i sà che el paes ‘l à una Schola Cantorum; e no da ades, ma beleche da ’l 1882. Da chera ota fin a ‘l di d’ancuoi, pura via pa’ ra gueres, chi de chesto coro i à ciantà par dute i servizie dera Jeja; par loudà el Signor e par dà, dijon pura, chel algo depì de solenità a ra funzios. Canche se pensa a dute ste anes, s’inacorśe pura un poco pratego de storia, che no see stà, fora e fora, duto cuanto de lustro f ìn. Se vardon pi de ignante ‘l é stà fosc algo depì da sfadià par i cantore; parceche ‘l ea de doer de statuto ciantà: Rorates de Avento, duta ra Setemana santa, i espin solenes, ancuoi noma da ra festa grandes, e śì a duta ra capeles. Ancuoi resta ra mesa noeles, i jubilee de i prees, ra nozes e i 25 anes dara noza de i cantore, i 50 anes de noza de dute, e ra meses e sepoltura par i cantore e par i so parentes. A ’l di d’ancuoi i cantore i à el derito de ra zena de

Santa Zezilia e de un viaśo dute i anes (canche ‘l é asei sode); e dapò de 40 e 50 anes un diploma e madaia de oro; e ‘pò da i 30 anes diploma, da i 20 anes un stema ros, e sa a ‘l prin an el stema zeleste. Co ste luse beśen aé bon animo, e ese ben portade, cosa ‘na fré defizile intrà i śoen de ‘l di d’ancuoi. Cogne śontà algo depì su de nośoutre. On dito sora che ‘l é stà senpre ciantà ‘na mesa de ‘l domegna, a cuatro o pi ojes, tanto da Saiaco come da ra Madona e se fesc pede conzerte par ocajos ‘na fré particolares, o can che domanda el pioan. Pó vegnì inze ci che vorà azetà, diade da ‘na scora aposta, par dà ‘na bona man a i 35, 45 cantore de ‘l di d’ancuoi, intrà de sopranes, contraltes, tenore e basc. Ra direzion de ra Schola Cantorum r’é a Via del Mercato 12; el telefono 0436 5747; ra sala proes al numero 5. Ra proes vien fates de ’l mercui e de ’l vendres dares 20.30. El presidente ‘l é Sergio Dipol (se pó el ciamà a ‘l telefono 348 7036150, e el diretor de musica ‘l é Denis Catenazzi, dià a ‘l orghin

da Loris Serafini da Falcade.

El conzerto de arpes On dito che vien fato, calche ota, conzerte par ocajos ‘na fré speziales. E alolo in suzede un, che fosc se podarae nomà gran stranbo. Chesto ‘l é el conzerto de ra Ensamble de Arpes Floriana, da Padova, co ra Schola Cantorum in Anpezo, a i 4 de marzo dares 18.45, inze ra nostra jeja de San Iaco, ades deentada basilica minor. I strumente che sona sta ota, zenza ‘l orghin,‘l é noma ra arpes, che ‘es vien diretes da Maria Chiara Bassi, e ra Schola Cantorum, da ‘l nosc diretor Denis Catenazzi. Parceche no s’à mai vedù opura sentù ca da nośoutre de un conzerto fato a sta moda. No se sà ce che podarà ese el programa de res 14 o 15 arpes, de cheres clasiches, ma son de ‘l aviśo che sarà algo de bel. Ra Schola Cantorum podarae aé da ciantà, senpre cora arpes, “Ave Maria” de Bach-Gounod, “Ave verum” de Mozart, “Ave verum” de Elgar, “Jesus Bleibt” ciantada de Bach. Ve speton de nosicuante! Iji Menardi Malto

Manco lun, daparduto, par el paes El Comun de Anpezo, aduna con outre zento e zincuanta, par sparagnà lun, par dorà manco eletrico, par no sporcà ‘l anbiente Manco lun su ra jeja de San Felipo e Iaco, manco lun su ‘l cianpanin, a ‘l stadio Olinpico de ra jaza, a ‘l souto Italia de Śuel, fora par ra vecia farata, agnó che se camina che somea de ese de di. Duto chesto ‘l é suzedù vendres pasà, ai 18 de febraro, parcé che el Comun de Anpezo ‘l é stà aduna con dute chi outre comune e chera aministrazios che i và drio a “M’illumino di meno”, de ra trasmiscion Caterpillar, de ra radio Rai. Da res 18 fin dares 18.30, par meśa ora, chel scuro ‘l é un segnal, che se manda par duta Italia, con

chera de dorà manco enerjia, de no ra strazà. El Comun de Anpezo i à domandà a chi de ra boteghes, a i hotiei, finamai a i refuje, che se vede inze ‘l scuro, su ra zimes che ‘l é duto intor ra val de Anpezo, de fei outrotanto, de studà, o mangare de sbasà, ra so lumes. Da Anpezo fin a Torino: anche el nosc comun el s’à ciatà, aduna con outre zento e zincuanta, inze ‘l castel de Rivoli, agnó che ‘l é stà firmà ‘na carta, par vede de strazà manco lun e de dorà outra enerjies, che es costa de manco, pi che see

che es sporca de manco. I ea de zento e zincuanta, un par ogni an de ra storia de r’Italia. Par Anpezo, a Rivoli ‘l ea el loudaduó de comun Enrico Pompanin Marco: “Nośoutre ón senpre vorù i tende, de no strazà enerjia e de aé acaro par ‘l anbiente – el disc – e coscita ón vorù, anche par ‘sto an, śì drio a chel projeto de Caterpillar. On acaro che i m’ebe curà fora, i é vegnude a me zerne, con chi outre zento e zincuanta comune taliane, che i à ciamà a Rivoli. Anche par el doman, vardaron de tegnì outo el gnon de Cortina”.

Wendy Siorpaes co ra mondura, su ra pista Olinpia de Tofana, agnó che ignante ra corea co i schie.

Su ‘l altà de san Felipo e Iaco I laore par comedà fora chel depento, vecio de pi de trezento ane Ra jeja de i sante Felipo e Iaco r’é nafré pi voita, ‘sta setemanes. Mancia, propio su ‘l altà pi gran, el depento de i nostre doi sante patrone, e ‘l é un drapo, a sconde chel busc voito. Ra pala d’altà, che r’é stada fata de ‘l 1679 da Antonio Zanchi (1631-1722), ra me mostra ra “Madonna e i sante Felipo e Iaco”. Su chel depento ‘l à betù man anche el pitor anpezan Giuseppe Lacedelli (1754-1833), che ‘l à śontà inze el stema de Anpezo, par conpaniśà co ra soaśa noa. Ades el depento ‘l é stà mandà a ra Lareco sas, de Vittorio Veneto, par el comedà, el netà, par bete a posto i colore, par el fei tornà conpain de canche ‘l é stà fato, śa trezento ane, e pi. Che i tende a i laore, parcé che i see fate a regola d’arte, ‘l é ra Soprintendenza da Venezia. Par chesto restauro, ra parochia de Anpezo r’à ciatà calchedun che i à dià ‘na man, co ra speśes. “Nośoutre speron de aé danoo el depento de i doi sante patrone su ‘l nosc altà par Pasca – el me disc el pioan don Davide Fiocco – o almanco par i 3 de maśo che vien, el di de ra festa de i doi patrone. Tanto pi che, chel di, sarà

ra proclamazion de ra basilica”. Ra Santa Sede, se sà, r’à vorù fei deentà ra jeja de ra parochia de Anpezo ‘na basilica minore e propio ai 3 de maśo ruarà un cardinal, par ‘na mesa granda e par me dà el pefel, agnó che ‘l é stà scrito inze, chesta outra pajina de ra storia del Anpezo.

Su ‘l altà pi gran de ra jeja de Anpezo, mancia el depento de i sante patrone Felipo e Iaco; ca de doi mesc, ‘l arae da tornà a ‘l so posto, noo lujente. www.lauscdiladins.com

31


Sport

nr. 08 / 25 de fauré 2011

Trёi iadi podium por Al Plan

Maratona cun i schi y de sauté

Gran suzes en domёnia ai 20 de forà por i atleć dl Schiclub d’Al Plan: Philipp Graefe (2002) à por le cuarto iade davagné pro i campionać di mituns Raiffeisen tl raiun de Puster, Melanie Ploner (2000) à ćiamò n iade desmostrè sò talёnt cun n secundo post y por le pröm iade é Jessica Rabensteiner (2002) rovada terza

“Na bela fadia, ma nce la bela sudesfazion de vester ruvei tl travert”, chësc l comentar di Gherdëina Runners che à fat pea pra l 16ejim Sellaronda Skimarathon. A Verona bele la prima garejeda de sauté

Cun i resultać de Philipp Graefe, Melanie Ploner y Jessica Rabensteiner è le Schiclub d’Al Plan davagné la competiziun danter les 16 scuadres.

Schi alpin - I atleć dl Schiclub d’Al Plan de Mareo à desmostrè gran prestaziuns pro la cuinta de indöt sis gares zonales di campionać di mituns agn 2000 ćina 2003. Le slalom strёnt é gnü tignì sön la pista Goasleitn a Steinhaus la domёnia passada. Grana é stada la sodesfaziun di alenadus Marco Mutschlechner y Roland Erlacher che à arjunt cun trёi atleć de so schiclub le pröm post tla tlassifica dles scuadres. Ala competiziun à tut pert 16 scuadres dl raiun de Puster. Tla categoria “mitans 2002/2003” à dlungia Jessica Rabensteiner, ch’é rovada terza, inće Valentina Tolpeit (2003) da La Val arjunt dёr n bun resultat cun so cuarto post. Da alzè fora é dlungia le secundo post de Melanie Ploner inće le resultat de Martina

Kaneider rovada cuarta tla categoria “mitans 2000/2001”. Grana é stada la ligrёza por Philipp Graefe d’Antermёia, che à cun so pröm post arjunt bele śёgn le titul de campiun dl raiun de Puster dla categoria “mituns 2002/2003”. Söl percurs da gara bindebò rî y dlacè é bёgn 37 concorёnć de indöt 191 partizipanć tomà fora o é gnüs scualificà. Le proscim campionat di mituns, en chёsc iade na gara de slalom lerch, sarà ai 13 de mёrz a Toblach sön la pista Trenker. Informaziuns plü menüdes che reverda atleć, tlassifiches o scuadres é da ciafè söl sît: www.fisi.bz.it. (mdg)

Tlassifiches Mitans 2002/2003: 1. Karin

Philipp Graefe ala partenza cun so alenadù Marco Mutschlechner dl Schiclub Al Plan de Mareo.

32

www.lauscdiladins.com

Mairvongrasspeinten, SSV Pfalzen, cun n tёmp de 40,57; 2. Johanna Taschler (2003), ASC Pichl Gsies, 44,62; 3. Jessica Rabensteiner, SC Al Plan, 44,76; 4. Valentina Tolpeit (2003), SC Al Plan, 45,08; 5. Valentina Passler, ASV St. Lorenzen, 46,50; … 7. Vicky Bernardi, ASC Ladinia, 51,25.   Mituns 2002/2003: 1. Philipp Graefe, SC Al Plan, 42,30; 2. Rafael Hopfgartner (2003), ASV Taisten, 43,03; 3. Simon Rainer, ASC Innichen, 43,10; 4. Peter Seeber, SC Bruneck, 43,26; 5. Patrick Kircher, ASC Antholzertal, 43,69; … 12. Dylan Irsara, ASC Ladina, 45,77. Mitans 2000/2001: 1. Laura Steinmair, ASC Olang, 38,24; 2. Melanie Ploner, SC Al Plan, 38.37; 3. Nina Pineider, ASC Olang, 38,77; 4. Martina Kaneider, SC Al Plan, 39,08; 5. Elisa Schranzhofer, ASC Gsiesertal, 39,39; … 7. Emmi Frenademez, ASC Ladinia, 39,77; … 12. Alexandra Pezzei (2001), ASC Ladinia, 41,01; … 14. Veronika Filippi, SC Al Plan, 41,71.   Mituns 2000/2001: 1. Yannik Sinner (2001), SC Drei Zinnen y Noah Amrain (2001), ASC Pfalzen, ex aequo 37,05; 3. Alex Plankensteiner, ASC Pichl Gsies, 37,61; 4. Alexander Burger, ASC Gsiesertal, 37,64; 5. Philipp Weissensteiner, ASV Rein, 38,63. Scuadres: 1. S.C. Al Plan de Mareo cun 240 punć, 2. A.S.C. Falzes-Pfalzen 238 punć, 3. Sport Club 3 Cime – 3 Zinnen 173 punć, … 10. A.S.C. Ladinia-Alta Badia 94 punć.

Runners - N vënderdi dl’ena passeda ai 18 de fauré ti l’à nce n valgun atlec di Gherdëina Runners Cassa Raiffeisen de Ciastel resieda de muever pra chësta maratona cun i schi dala peves, 42 km longia, che jiva su per i cater jëufs ntëur al Sela y ju nchin ti luesc t’insom dla cater valedes. Chësta ie na garejeda cun la peves, ulache n muessa fé pea de doi y passé la lueges de cuntrol for deberieda, chël uel dì che n muessa daniëura jì a pèr. Pra l’ëiles àl fat pea chëst ann 27 pèr y venciù à la doi ëiles dla Valtellina, Pedranzini Roberta y Maritinelli Francesca, che fova nce la favorites. Ëiles à metù 3 ëura, 55 menuc y 12 secunc, batan nscila nce l record dla trassa dl’ëiles. Leprò fova nce doi pèr cun atletes di Gherdëina Runners y tlo udons al 9. post Hilde Mitterstieler cun Valentina Danese de Sterzing che à metù 4:43:35. Al 12. post udons Manuela Perathoner che à garejà d e b e r i e d a c u n Ve r e n a Kerschbaumer de Persenon, ëiles à finà si garejeda te 5:02:58. Pra i ëi àl venciù doi ëi dl schi club Azzurri del Cervino, Alan Seletto y Tony Sbalbi cun n tëmp de 3:23:50. Nce tlo udons n valgun atlec di Gherdëina Runners Cassa

Raiffeisen de Ciastel. Christian Insam y Günther Nocker se à tlassificà al bon 33. post cun n tëmp de 3:52:20. Pona ons mo Daniel Ploner, che à fat la garejeda deberieda cun Enrico Perlini y ëi se à tlassificà al 57. post cun n tëmp de 4:09:11.

L scumëncia bel plan inò la garejedes de sauté N dumënia ai 20 de fauré iel unì metù a jì la cuarta edizion dla mesa maratona de Verona, tlameda “Giulietta e Romeo half marathon”. Pra i ëi à venciù Lorenzo Villa cun n tëmp de 1:11:00. L segondo miëur ie stat Simone Wegher che à metù 1:11:08 y al terzo post udons Gianluigi Contessi cun 1:11:41. Nce un n atleta di Gherdëina Runners fova leprò, Michel Stuffer. Ël à finà si garejeda te 1:34:06 se plazan nscila al 719. post tla tlassifica generela y al 150. te chëla di M35. Pra l’ëiles à venciù Eufemia Magro cun 1:21:53, segonda Martina Dogana cun 1:22:47 y terza Vinci Donatella cun 1:22.55. Francesca Tibaldi di Gherdëna Runners se a tlassificà al boniscimo 7. post tla categuria generela y 2. tla categuria F35 cun n tëmp de 1:26:52. (mp)

Transalp y Transalpine Run La gara dles rodes Bike Transalp röia inće chësc isté a Al Plan, mo chësc ann stà fora la Transalpine Run, che podess indô rovè te Mareo dl 2012 Rodes y saltè - Canche i dis vëgn plü lunć y la nëi se delega, spo pënsa tröc bele ai sporć da d’isté, cun gares da saltè y gares dla roda. Le paîsc d’Al Plan é bele da plü agn tapa fissa dla gara dles rodes a teams Transalp. La gar Bike Transalp, söl program dai 16 ai 23 de messè 2011, rovarà inće chësc ann indô a Al Plan, plü avisa en gaujiun dla cuarta tapa, da Porsenù a Al Plan, che prevëiga na lunghëza de 72,33 km y n deslivel de 3.524 metri söpert. La cuinta tapa condüjarà spo da Al Plan ćina a Alleghe.

Degöna Transalpine Run Al Plan de Mareo ne sarà chësc ann nia tapa por la Transalpine Run, la gara da saltè tres les Alpes, che ê rovada l’ann passè por le pröm iade tl zënter marou. Chësc sce an stà ales informaziuns che an ciafa dal sît. Chësc ann à i organisadus preodü da pié ia da Oberstdorf tla Germania, por rovè otedé dedô a Latsch, chilò te Südtirol. Sön le sît ofizial dla gara ciafon inće les tapes programades por l’ediziun dl 2012 olache al é indô preodü da rovè a Al Plan. (pablo)

Ziclisć ladins che à tut pert l’ann passè ala Transalp.


Sport

nr. 08 / 25 de fauré 2011

Terzo Tour de Giacomelli y Calliari

Senester venjer contra l’Asiago

Guido Giacomelli dl’Alta Valtellina y Orietta Calliari dl Brenta Team é i davagnadus dla terza ediziun dl Tour de Sas. Le miù plazamënt de Badiasport é le 13. post de Roman Verginer

Dò doi la pruma doi partides l Fascia l’é stat bon de se portèr a cèsa na venta per 2 a 1 contra l’Asiago

L capitan Diego Iori l’à segnà doi bie goi ti playoff contra l’Asiago. Start dl 3. Tour de Sas a Badia.

Badia - Le Tour de Sas stè en domënia dan otedé ê la secunda tapa dla Coppa delle Dolomiti. La gara de schialpinism cun start y travert a Badia, organisada da Badiasport, à albü chësc iade manco partezipanć, deache al ê chi dis plü gares söl program. Pro i ëi à dominé Guido Giacomelli dla Valtellina, che à condüt la gara dal mëteman ćina ala fin. So tëmp é stè de 2:39.35, cun chël che al à lascè al secundo post le compagn de scuadra Daniele Pedrini (2:41.05) y al terzo Marco Bulanti dl GS Valtartano cun 2:41.43. Bun inće le cuinto plazamënt de Ivo Zulian di Bogn da Nia, le setimo de Filippo Beccari dl Ski Team Fassa y

Guido Giacomelli à “comanè” la terza ediziun dl Tour de Sas.

l’otavo de Riccardo Dezulian di Bogn da Nia. Devënta de Orietta Calliari pro les ëres. L’atleta dl Brenta Team à stlüt jö la gara cun 3:27.12, dan Elena Nicolini (Brenta Team) cun 3:37.41 y Andrea Innerhofer dl Taufers ASV cun 3:52.43.

Giacomelli nia da bate Guido Giacomelli s’à bele dal mëteman dla gara portè al comane dla gara. Tóch iadedô l’atlet südtirolesc Friedl Mair y a püć metri Daniele Pedrini y Marco Bulanti. Do la terza ascensiun à Mair messü alzè la bandira blanćia y la dè sö. Giacomelli é indere jü inant so tru a će dla gara. Le compagn de scuadra Daniele Pedrini, che â tles iames ćiamò la Sellaronda Skimarathon dl vëndres, n’é nia stè bun da recuperè la destanza dal pröm. La gara dles ëres podésson feter definì na fotocopia de chëra di ëi. Orietta Calliari à tignì n ritm massa alt, che ne ti à nia impormetü ales aversares da tignì le vare. Mo te na gara toca inće les cosses nia aspetades. Na tomada dla Calliari tla pröma discesa ti à pormetü a Elena Nicolini da passè a će dla gara. Le comane ne döra nia dî, deache la Calliari se romët, recuperëia terac y se porta indô a “so post”, por arjunje le travert cun 29 secunć de vantaje sön la Nicolini. Terza Andrea Innerhofer da Türesc che s’assigurëia insciö le titul de campionëssa provinziala de Südtirol.

Le podium dles ëres cun Orietta Calliari söl scalin plü alt.

I atleć de Badiasport Al start êl sambëgn inće plü atleć dl’assoziaziun organisadëssa Badiasport. Le miù resultat tla categoria di seniors ti é garatè a Roman Verginer, che à arjunt le 13. plazamënt cun 2:54.06. I atri resultać ti pröms 50 é de Lois Craffonara (15.), Michael Moling (18.), René Irsara (26.), Andreas Irsara (37.), Werner Pescosta (41.) y Michael Irsara (48.). (comunicat stampa Areaphoto Image & Communication/ pablo)

Tlassifiches Ëres: 1) Orietta Calliari, Brenta Team, 3:37’12.3; 2) Elena Nicolini, Brenta Team, 3:37’41.3; 3) Andrea Innerhofer, Taufers ASV, 3:52’43.2; 4) Cecilia De Filippo, Dolomiti Ski, 4:06’44.0; 5) Stefania Zanon, Dolomiti Ski, 4:13’44.5. Seniors: 1) Guido Giacomelli, Alta Valtellina, 2:39’35.8; 2) Daniele Pedrini, Alta Valtellina, 2:41’05.3; 3) Marco Bulanti, GS Valtartano, 2:41’43.6; 4) Alessandro Follador, Dolomiti Ski, 2:42’15.0; 5) Ivo Zulian, Bogn Da Nia, 2:45’34.4. Master: 1) Franco Nicolini, Ski Team Fassa, 2:57.36.8; 2) Omar Oprandi, L’Arcobaleno, 3:06’17.4; 3) Hubert Weger, Taufers ASV, 3:09’59; 4) Ferruccio Soppelsa, Valle Agordina, 3:10’35.3; 5) Eugen Innerkofler, Niederdorf ASV, 3:11’37.2

Michael Moling tratan la gara.

Hockey - Da en jebia ai 17 de firé l’é tacà ite i playoff. L Fascia, desche l’an passa l’à cognù se la veder con i campions de la Etèlia de Asiago. Te la pruma partida i fascegn à cognù jir a jièr sul sompian, n stadie olache no l’é sorì per nesciugn jir a venjer. Tel Fascia mencè a amò Giudice e Andergassen, duc e doi fora per azidenc. La partida é tachèda ite ben per i fascegn che, zenza cutia, i à proà a fèr sobito n gol, aboncont zenza esser bogn. Gol che enveze l’é stat bon de fèr ite l’Asiago a cinch menuc da la fin del prum temp, e de n fèr ite n auter sobito dò, jan a pussèr inant de doi goi. L secont temp taca via desche l prum, n bon Fascia che l les proa dutes per se portèr da nef en partida, e l grop da la steiles cogn demò proèr a se defener. Ma desche tel prum temp l’é l’Asiago che troa i bujes per fèr ite da nef doi goi. L terz temp taca donca sul cater a zero per l grop de cèsa. I fascegn proa a fèr ite amàncol n gol e l’Asiago peissa soraldut a se defener. L gol fascian (de Smyth a diesc menuc da la fin) rua massa tèrt per poder proèr a averjer da nef la partida. La seconda partida de la serie la vegn jièda ta Dèlba. Partida che taca benon per l Fascia che dò nience n menut l se troa tedant co n gran bel gol de capitan Iori, con l’Asiago che l jia con n om de manco. Ma l grop del sompian no stèsc a vardèr sora e te n amen l’é bon de fèr trei goi e donca de jir a beiver l té con n bon vantac. L grop de cèsa al scomenz del secont temp taca co na gran gaissa, e l gol fat ite da nef da Iori met i fascegn te na bona posizion per poder se portèr da nef en partida. Ma sobito dò l’é da nef l’Asiago che desfruta al miec na situazion de om de più per fèr ite n auter gol. A la fin del secont temp donca, l grop ghest l’é dedant de doi goi, 4 a 2. Tel terz temp i doi gropes taca a la meter de più sul fisich, e l bel jech vegn lascià da na pèrt, ge lascian lèrga enveze a la penalitèdes. Wilford e Intranuovo i cogn arbandonèr la partida dant de la fin, penalità partida per duc e doi. L gol de l’Asiago no muda l

vers de la partida. La terza partida di playoff l Fascia l se troa a la jièr tel Venet. Zenza Wilford e Andergassen chest’outa l Fascia l veit da nef su la giacia l’atacant Giudice. Ti prumes vint menuc de jech la squadra di fascegn ge dèsc ite belebon e dò doi tentatives de gol da man de Iori e Piffer zacan rua l 16° menut canche Caudron l’é bon de ge tor fora l puck a Henrich e con na azion svelta portèr inant l Fascia. Tel secont temp l’Asiago l taca ite sobito de più ma proprio tel moment mior per i aversaries rua Margoni che porta inant con n bel gol sia squadra. Da man de l’Asiago te chest temp n gol l vegn ben fat ma l’àrbiter tinùltima no l ge lo conzede. L’ùltima pèrt de partida la taca con 2 a 0 per l Fascia che ampò no l’é bon de ferèr l gol ruà sobito da man di patrons de cèsa. Aboncont l Fascia no l se lascia fèr jù e con n bon lurier de squadra anter atacanc, difenjores e portier l’é stat bon de se portèr a cèsa la venta. L Fascia, dò la pruma trei partides, l se troa donca con una venta sun 3 partides, ma l’à moscià n bel hockey, e aboncont la serie de playoff no la é amò fenida e sàbeda ai 26 se jiarà a Asiago per la Gara 5.(t2o)

Resultac squadres mendres Per l campionat provinzièl de l’Under 8 “Learn to play” se à jià ta Dèlba en domenia ai 20 de firé e a tout pèrt la S.H.C. Val de Fascia, l’H.C. Cornacci, l’H.C. Nuovo Fiemme e l’A.S. Pergine. L’Under 15 l’à jià ai 16 de firé contra l’A.S. Feltre e l’à vent per 4 a 1 con gol de Massimo Zanet (2), Andrè Vigl e Fulvio Romano. La medema Under 15 l’à jià ai 19 de firé contra l’H.C.Perjen e chest’outa l’à perdù per 2 a 9 con goi de Matteo Dantone e Fulvio Romano. L’Under 18 de la seconda divijion l’à jià ai 20 de firé contra l’H.C. Valpusteria e l’à vent per 5 a 0 coi goi de Massimo Valeruz (2), Matteo Dantone, Nicola Deluca e Loris Vanzetta. www.lauscdiladins.com

33


Sport

nr. 08 / 25 de fauré 2011

For ne vàla nia fata Sun la chidladoia de Sterzing ne ti àla mei drë butà al Gherdëina 1, ma perchël iesi n cësa contra l Mölten stac boni de se refé. Pur avan l miëur dl di ne à l Gherdëina 2 mpo no venciù contra l Funes Miec iela pona jita n vënderdi n cësa contra l SV Mölten I. Cun na mesaria de 539,2 chiedli contra i 527,3 di autri, à i chidladëures de Gherdëina batù l Mölten per 6 a 2. Do la prima doi linges di colps fòvela scialdi valiva. La stajova 2 a 2 per i chidladëures y l Gherdëina ova batù ju un n chiedl deplù. Nsci se tratòvela dla ultima lingia di colps. Tlo à nosc chidladëures desmustrà nierves y à fat tramedoi ponc, batan ju bën 72 chiedli deplù. L miëur dl di ie stat Georg Sommavilla cun 572 chiedli batui ju.

Georg Sommavilla, l miëur dl di dl Gherdëina I.

Chidlé - L Gherdëina 1 Rabanser Buandes à messù jì n lunesc a Sterzing a chidlé contra l Fugger. Per l Gherdëina ie chëla na chidladoia ulache si jugadëures ne se fej nia saurì, udan nce l’autra partides che ie unides fates iló. Y nsci iela jita nce chëst iede. Tla prima lingia di colps à l Gherdëina bel snel perdù de 101 chiedli, arjunjan purempò n 1 a 1 di chidladëures. Nchin ala fin iela pona stata bëndebò valiva. Cun n 3 a 3 per i chidladëures, ma cun 101 chiedli batui ju deplù dai averseres, ti àl Gherdëina messù lascé i doi ponc al Fugger Sterzing.

Fugger Sterzing III – Gherdëina I 5:3 Resultac persunei: Siegfried Prinoth 541 Flavio Prinoth 539 Guido Stuffer 518 Werner Runggaldier 513 Georg Sommavilla 479 Helmuth Schieder 468

Wanker che à batù ju 542 chiedli – fova la mesaria de 482,3 chiedli massa puech per vëncer. L ie stat na partida, coche n possa dì, zënza gran storia. L Funes à arjont bel riesc na defrënza de passa 100 chiedli, l fova danora do la prima lingia di colps y ne à nia plu lascià do finan via l juech cun 123 chiedli batui ju deplù. Funes - Gherdëina II 1,5 : 6,5 Resultac persunei: Manfred Wanker 542 Armin Moroder 519 Hansi Demetz 496 Viktor Werdaner 493 Rainer Bernardi 428 Konrad Malsiner baratà ora cun Michael Moroder 416

Gherdëina I - Mölten I 6:2 Resultac persunei: Georg Sommavilla 572 Siegfried Prinoth 551 Guido Stuffer 532 Helmuth Schieder 531 Flavio Prinoth 525 Werner Runggaldier 524 Tla serie D nord iel n sada ai 19 de fauré nce stat n stlet di per l Gherdëina II Rabanser Buandes, che à messù ti lascé i doi ponc al Funes II. Pur che un de si jugadëures ie stat l miëur dl di – Manfred

Manfred Wanker, l miëur dl di dl Gherdëina II.

Record de scuadra nuef a Ratschings L St. Georgen à metù su l record de scuadra nuef dla chidladoia dl Plunhof a Ratschings

Punć por le Mareo II y por la scuadra dles ëres Döes devëntes y döes pordüdes: chësc é le bilanz dl chidlé badiot tl'edema passada Chidlé Val Badia - La scuadra dles ëres à davagné 5 a 1 fora de ćiasa cuntra Taufers y se tëgn le secundo post tla tlassifica, dui punć do les prömes, mo cun na partida demanco. Resultat positif inće por le Mareo II che bat i secundi tla tlassifica por 5 a 3. Pordüdes à messü dlotì le Mareo I y La Ila fora de ćiasa, respetivamënter 2 a 6 cuntra Hauenstein y 3 a 5 cuntra Villnöss.

Seria A 2-ost Hauenstein I - Mareo I: 6 - 2 Tla chidlara dl raiun sportif “Telfen” a Ćiastel s’l’à i patruns de ćiasa fata avarëi te na manira tlera, arjunjan la bona media de 561,3, cuntra na media de 532 dl Mareo. Metü man àra bun por i maroi, che â 42 chidli de vantaje do la pröma seria da 120 bòć y pro i punć di confrunć direć se stôra 1 a 1. Mo spo à Hauenstein tut la partida tles mans, davagnan intrami i punć pro la secunda seria y rovan pro n vantaje de 49 chidli. Inultima à ćiamò un dl Mareo davagné le punt, mo tl ater confrunt diret ti à Claudio Rossi dl Hauenstein, che é stè le miù dla partida cun 621 chidli, dè le colp de grazia ai maroi, portan le vantaje pro la soma totala di chidli a 176. Le mairont dl Mareo é stè Tone Tavella cun 587 chidli. Tla tlassifica é le Mareo tomè zoruch de na posoziun y é śëgn al cuinto post. Resultać personai: Tone Tavella, 587 Lois Ellecosta, 548 Matteo Ties, 546 Pire Rungger, 515 Tone Call, 507 Lois Craffonara, 489

Seria B-ost feminila

Josef Sieder.

34

www.lauscdiladins.com

Chidlé/Serie A - La scuadra de St. Georgen a jugà n vënderdi ai 18 de fauré contra l Ratschings y ie stai boni de tré ju de ndut 3559 chiedli cun na mesaria de 593 prun, contra i 3345 chiedli y la mesaria de 567dl Ratschings. Chësc ti à purtà na vënta de 7 a 1. Scumencià à Joe Sieder cun l miëur resultat dl di 621 chiedli contra i 569 dl averser. Plu valif ie jit ora l juech danter Engl Colcuc 590 y Claudio Da Canal 586. Prësc do jugova Christian Mocanu 611 a 551 y Lutz Messner 577 contra i 474 de Armin Haller, che ne ova veramënter nia si miëur di, savon che ël ie miëur de chidlé, ma datrai ne vàla nia nsci coche n ulëssa. Ala fin jugova mo Robert Larcher 571 contra y 618 de Peter Volgger, miëur jugadëur dl Ratschings, y Andreas Bodner 589 a 547. Chësta vënta fova de gran mpurtanza per l St. Georgen che ie śën al segondo post te tlassifica cun unfat ponc coche l Passeier. Rengrazion l Kurtatsch per la vënta contra l Fugger Sterzino, che ie nsci tumà zeruch al cuarto post. (ec)

Taufers - Mareo: 1 - 5 Na prestaziun compata à lascè odëi la scuadra dles ëres ite Türesc: dötes cater é rovades sura i 500 chidli (danter 508 y 524), arjunjan na media de 515,8, tratan che les patrones de ćiasa à fat na media de 483,5. Bele les prömes döes à trat fora n vantaje de 125 chidli y intrames à batü süa aversara direta. La secunda seria da 120 bòć é stada plü avaliada fora: 1 a 1 pro i puć di confrunć direć y les marores à aumentè le vantaje pro la soma totala de 4 chidli, rovan a 129. La miù dla partida é stada Gerda Complojer cun 524 chidli. Tla tlassfica romagn les marores al secundo post. Resultać personai: Gerda Complojer, 524 Gabriella Ties, 516 Margareth Complojer, 515 Flora Weiss, 508

Seria C-nord Villnöss I - La Ila: 5 - 3 La scuadra da La Ila à messü

Christian Ties é stè le maiornt dla partida dl Mareo II cuntra Hölzerne 9.

dlotì na pordüda por 3 a 5 a Fones, te na partida combatüda. Dal mëteman à i patruns de ćiasa davagné trami i punć di confrunć direć y trat fora n vantaje de 41 chidli. Mo pro la secunda seria da 120 bòć à i badioć indô daurì la partida davagnan i dui punć, y le svantaje pro la soma totala di chidli ài smendrì a 11. Inultima à i chidladus da La Ila fat le terzo punt, mo Fones à aumentè le vantaje a 69 chidli, s’assiguran i dui punć che ti vëgn assegnà ala scuadra che à la soma totala di chidli plü alta. Le miù di badioć é stè Christian Pedratscher cun 541 chidli. Tla tlassifica romagn La Ila al önejim post. Resultać personai: Christian Pedratscher, 541 Gianfranco Thaler, 510 Carlo Valentini, 510 Stefan Fistill, 500 Albert Tavella, 493 Fritz Planinschek, 455 Mareo II - Hölzerne 9 II: 5 - 3 Te na partida avaliada fora y combatüda ćina ala fin s’l’à le Mareo II fata avarëi, te ćiasa cuntra la Hölzerne 9 da Tlüses, che ê al secundo post tla tlassifica, cun na media de 515,5. Dal mëteman à i ghesć surantut la pert dl favorit, davagnan i pröms dui punć y rovan pro n vantaje de 34 chidli pro la soma totala. Mo spo à i patruns de ćiasa mostrè i dënz y à smendrì le svantaje a 4 chidli y avalié fora a dui a dui pro i punć di confrunć direć. I ultimi dui dl Mareo à spo fat le terzo punt y recuperè tan de chidli da rovè pro n vantaje de 31 chidli pro la soma totala, suradöt por mirit de Christian Ties, che é stè le majer dla partida cun 558 chidli. Tla tlassifica é le Mareo II śëgn al nono post. Resultać personai: Christian Ties, 558 Lois Craffonara, 528 Lois Agreiter, 521 Norbert Trebo, 519 Simon Complojer, 484 Claudio Moling, 483


Sport

nr. 08 / 25 de fauré 2011

Gran Pest d’Europa de Liösa Alta N pröm y n terzo post ti él garatè ai atleć ladins pro la competiziun europeica a Oberperfuss

N bon resultat per la partida de campionat spetan l derby contra la Dolomitica

Liösa - Tla findledema di 12 y 13 de forà él gnü tignì sön la pista de Oberperfuss le 8. Gran Pest d Europa de liösa alta sön la pista de Oberperfuss. Ala gara à tut pert 142 atleć da cater naziuns: Talia, Austria, Germania y Liechtenstein. Danter i partezipanć êl inće 8 ladins. La findledema de gares à metü man la sabeda dales 9.30 cun la proa d’alenamënt! Sot a condiziuns otimales dl tëmp y dla dlacia à la pista tignì dër bun y insciö él gnü dè le start dales 13.00 por la pröma proa de gara di atleć dl singul, sön la pista asvelta y püch da otes tecniches! Iris Erlacher da Antermëia à atira desmostrè de ester la plü asvelta y favorida por defëne le titul davagné l’ann passè a Valdaora! Tla medema categoria s’à Elena Nagler da Lungiarü plazè al cuinto post: na bona prestaziun por süa pröma gara internazionala de liösa alta, cun gran poscibilité da miorè le plazamënt, deache ma püć centejims despartî les atletes! Tone Alton s’à plazè do la pröma proa de gara al 4. post tla categoria di plü vedli: inće por ël ê la medaia dër daimprò. Carlo Miribung é rovè 8. tla categoria “Seniores 2”. Tla categoria di “Seniores 1” s’à Armin Forer batü bun arjunjan le 5. post; le favorit pro i taliagn Diego Tschaffert é rovè 3. La secunda proa de gara söl program la domënia lasciâ sperè bun por düć i atleć. La gara é gnüda inaudada la sabeda sëra cun na mëssa di atleć y dedô düć adöm pro na gran festa

I ladins che à tut pert al Gran Pest d’Europa a Oberperfuss.

tl salf dl paîsc! Musiga, na buna cëna, aorela cörta y gran ligrëza por le sport liâ i atleć y i motivâ da portè inant chësc bel sport. La domënia é les gares jüdes inant cun la competiziun di dopli. Chilò à tut pert inće Matteo Clara y Emil Daporta, che à arjunt le 12ejim plazamënt. Pro la secunda sessiun di singui à Iris Erlacher defenü la posiziun dla sabeda y s’à insciö assigurè le pröm post tla secunda categoria di iuniors. Elena Nagler à inće mantignì le post, stlujon jö la gara al cuinto post. Do na bona pröma proa, n’é Tone Alton nia stè bun da defëne süa posiziun y é tomè zoruch al 8. post. Carlo Miribung à indere fat na buna secunda manche y à recuperè n plazamënt, stlujon jö al 7. post. Tignì la posiziun à spo

Armin Forer, che à stlüt jö al 5. post. Diego Tschaffert, l’atlet che à davagné dötes trëi les gares de Südtirolcup, n’é nia stè bun da mostrè döta süa capazité sön la pista de Oberperfuss, mo à impò condüt a ćiasa n bun terzo post. Pro la premiaziun él gnü surandè le titul de campiuns d’Europa, che ti é jü a Andreas Ehammer dl’Austria, Reinhilde Gamper dla Talia y tl dopl ai austriacs Johan Unterladstätter y Hannes Windisch. Dedô ti él gnü passè inant la bandira europeica ala Uniun dl Sport da Unterammergau tla Germania, che ospitarà l’ater ann chësc evënt europeich dla liösa. Chësta sajun jarà a piz ai 25 y 26 de forà cun i campionać provinziai a Nöia Todëscia. (Matteo Clara)

La ginastica ritmica rua te Fascia Enstadì te palestra de la scola de Moena la pìcola atletes se à confrontà te la pruma proa del campionat regionèl Ginastica ritmica - En sàbeda ai 5 de firé aló da la palestra de la scola de Moena l’é stat endrezà da la “Asd Moena sport ginastica ritmica” la pruma proa del campionat regionèl de serie C e campionat regionèl de spezialità de la Confsport. Dò ot egn ence tel Trentin Südtirol l’é stat organisà na garejèda de ginastica ritmica coche carenea, voluda apontin da la pascion de la alenadores, da la voa de la joena atletes de se meter en proa e da la volontà de la sozietèdes de soscedèr la partezipazion a chest sport.

L Fascia venc contra la ègues de Trent

A chesta garejèda à tout pèrt cinch sozietèdes del Trentin Südtirol con en dut 86 atletes: ensema a la Asd Moena sport ginastica ritmica, la Smile Asd de Trent, la Smile Asd de Borgo Valsugana, la GDM de Mezlombart e la Atesina de Busan. N muie bogn l’é stat i resultac arjonc da noscia atletes ladines, che é ruèdes ti prumes posć e les se à calificà per la fasa nazionèla. Duta la atletes les se troarà endò en domenia ai 13 de mèrz aló dal Palaz del Sport de Gardol per passèr endò da nef na bela dì piena de emozions e de sodesfazions.

Balon - Acà trei meisc la neif aea fat serèr sù l campionat de balon de pruma categorìa dant del temp con l Fascia al secondo post tedò a la Ravinense. Ades, alincontra, l bon temp à dat l met de scomenzèr inant e jà en domenia passèda ai 20 de firé, la squadra vidèda da mister Giuliani à jià na partida valevola per i trei ponc. A scontrèr i fascegn te chela che l’é stat l’ùltima partida del giron de jita, sul ciamp de Nave San Rocco, l’é stat i jiadores del Cembra, formazion chesta, ùltima en classifica ma che se à desmostrà dassen zaca. L cruzie maor per Deluca e compagnes l’era chel de no esser te la miora condizion atletica e de padir col jir di menuc la maor fadìa respet ai aversaries che, de segur, aea podù se alenèr de fora dant di joegn te Fascia. E coscì se cogn dir che la é jita, ajache l secondo temp l’é stat chel che à vedù i patrons de cèsa corer de più e i fascegn se serèr tedò e sfadièr a se trèr inant. Aboncont l’é stat ence n prum temp, olache dò i prumes diesc menuc de studie, l’é vegnù fora la miora calità di jiadores ladins che co la bala jabas ge à fat vegnir mèl de cef ai defensores de Cembra, segnan dant l’un a nia de gra a na bela azion su la dreta de Patrizio Cigolla che ge à dat a Mario Detomas na bala con scrit “peteme ite”, e pech dò l’é stat Daniele Deluca svelt a trèr te la rei l balon sutà fora de brac al portier de cèsa. L doi a nia ge à dat segureza al Fascia che se pel dir che l’à vardà de se defener più da la peèdes di aversaries che dal jech de chisc. Ti secondi carantacinch de jech, desche dit, a jià miec la squadra de Zanotelli, ma la defendura ladina no à bazilà, conservan l vantaje e la venta per n scomenz col pas giust.

En domenia ai 27 de firé l Fascia jia endò fora de cèsa, a Terlano, contra l’Alta Anaunia. Cristoforo Debertol Cembra – Fascia 0 a 2 (goi de Mario Detomas e Daniele Deluca) Formazion del Fascia: Nicolò Cincelli, Nicola Rizzato, Mathias Defrancesco, Maurizio Bonani, Manuel Bernard, Davide Porcu (20 s.t. Tiziano Eccher), Cristoforo Debertol, Davide Bosin, Daniele Deluca, Patrizio Cigolla (35 s.t. Stefano Rizzi), Mario Detomas. Classifica 1. categorìa jiron C: Ravinense 13 partides 33 p. Fascia 13 partides 31 p. Alta Anaunia 13 partides 24 p. Aquila Trento 13 partides 19 p. Paganella 13 partides 18 p. Valpejo 13 partides 17 p. Dolomitica 13 partides 16 p. Verla 13 partides 16 p. Mattarello 12 partides 13 p. Monte Ozolo 12 partides 13 p. Gardolo 13 partides 13 p. Cauriol 12 partides 12 p. Solandra 12 partides 11 p. Cembra 82 13 partides 8 p.

Prumes posć a Campiglio per i fascegn Tel “big air” a Madonna di Campiglio i snowboarders fascegn porta a cèsa de bie resultac Brea - En domenia ai 20 de firé su la neives de Madonna di Campiglio nesc atlec de brea i se à dat apuntament contra si aversaries tel campionat Trivenet te na garejèda de “big air”. L’empegn de n invern passà fora a se arcedèr se l veit semper de più te ogne garejèda. I fascegn sibie da man de ic che da man de eles i à arjont de bogn resultac.

Resultac di fascegn

La atletes fascènes de ginastica ritmica à arjont de bogn resultac tel campionat regionèl.

L joen Mario Detomas à segnà contra l Cembra.

Ragazzi de ic: 2° Christian Croce Masella (U.S. Monti Pallidi). Arlieves de eles: 1° Giorgia Locatin (Ski Team Fascia); 3° Gabriella Dallaglio (U.S. Monti Pallidi).

Arlieves de ic: 2° Nicola Ganz (U.S. Monti Pallidi); 4° Adriano Desilvestro (Ski Team Fascia); 5° Emil Zulian (Ski Team Fascia); 6° Gianmarco Sommariva (U.S. Monti Pallidi). Joegn de eles: 4° Rossella Monsorno (Ski Team Fascia). Senior de eles: 1° Jessica Felicetti (U.S. Monti Pallidi); 2° Carlotta Bagnoli (U.S. Monti Pallidi). Senior de ic: 1° Elia Detomas (Ski Team Fascia); 2° Erik Dantone (Ski Team Fascia). Master de ic: 1° Nico De Serio (Ski Team Fascia). La garejèda che vegn la sarà de slalom lèrch, en domenia ai 27 de firé, a Merano 2000. www.lauscdiladins.com

35


Sport

nr. 08 / 25 de fauré 2011

736 atlec dala peves per la maratona dai schi ntëur al Sela N gran suzes à abù la 16ejima edizion dl “Sellaronda Skimarathon”, la garejeda de schi alpinism ntëur al Sela, stata n vënderdi sëira ai 18 de fauré y ulache l fova da pië via y ruvé inò te Sëlva

Dan pie via.

Peves - A muever fòvel 736 atlec dai schi dala peves (368 pèr), n record storich per chësta garejeda. I prims a ruvé tl travert ie stac Alan Seletto cun Tony Sbalbi te n tëmp de 3 ëura 23 menuc y 50 secunc y dl’ëiles à venciù coche l fova bele da udëi danora la doi atletes de Bormio Francesca Martinelli y Roberta Pedrazini.

Mpue do la 9 da sëira ruvova bele i prims N ciel dut n stëila, l’aria frëscia ma nia frëida y dantaldut na luna colma de marueia, chëstes fova la cundizions che i 736 cuncurënc à abinà pra la 16ejima edizion dla garejeda cun la peves de nuet sun i cater jëufs ntëur al Sela “Sellaronda Skimarathon”. I fova muec dala 6 da sëira pra l skilift Nives te Sëlva, su per i prei da Larciunei de viers de Dantercëpies. La se tratova de ti vester a 42 km y 2700 metri de deslivel tl tëmp plu curt che l fova mesun, na garejeda da stramp sfadiëusa, segurdenó adateda per uniun. Do i prim chilometri fova jic danora Graziano Boscacci y Daniele Pedrini, ëi fova stac boni de resté a cë dla grupa de garejadëures nchin sun jëuf de Pordoi, pona ài messù ti la zeder y Alan Seletto y Tony Sbalbi ti ie

passei dant. Pra l’ëiles àn danz tosc udù ciunes che fova la miëures, degunes ne n’ie states bones de ti vester ala “bormine volanti”, Francesca Martinelli y Roberta Pedrazini che ova bele venciù l’edizion dl 2007. Mpue do la 9 da sëira passova bele i prim tres l travert sun Plaza Nives te Sëlva y chisc fova coche dit Alan Seletto y Tony Sbalbi dl S.C. Azzurri del Cervino, cun n tëmp de 3 ëura 23’50’’, sciche segondi ie ruvei Graziano Boscacci y Daniele Pedrini (3.24’44’’) y terzi Philip Götsch deberieda cun Ivo Zulian (3.26’44’’). La bedaia d’or pra l’ëiles ti ie jita a Francesca Martinelli y Roberta Pedrazini, che à fat pea la garejeda ntëur al Sela bele per l terzo iede (3.55’12’’) y al segondo post, mé de 15 menuc plu tardives, ie ruvedes te travert l’atleta dl’Austria Patrizia Wacker y la tudëscia Barbara Gruber, mo dan la atletes dla Lombardia Raffaella Rossi y Laura Besseghini.

Tres Cianacei per lecurdé Diego Perathoner che ova abù l’idea per na tel manifestazion L percus passova nce tres l zënter dl luech de Cianacei, chësc per ti fé unëur a Diego Perathoner, ideadëur

I atlec piei via sun l purtoi dl lift dai schi Nives. (fotografies de Diego Moroder)

36

www.lauscdiladins.com

dla garejeda y purtruep mort deberieda cun cumpanies te na levina tl 2009. Oswald Sanin che à sëurantëut per l prim iede l’urganisazion dla garejeda à dit nsci: “Son da stramp cuntënt de coche la manifestazion ie jita y dl gran mpëni che i cunlauradëures de duta la cater valedes ntëur al Sela a desmustrà. Mëter a jì na garejeda de schi alpinism ie dessegur nteressant, ma l percurs dëssa nce passé tres i luesc, nsci che duta la jënt possa udëi y fé n gran tifo ai truep partezipanc unic da dlonch caprò.” Sciche for, na bela garejeda te na cuntreda de marueia, sun la piedies dla raida dai schi “Sellaronda”, passan sun i jëufs de Frea, Ciaulonch, Pordoi y Sela. Tosc meteràn man de lauré bele per la 17ejima edizion dl “Sellaronda Skimarathon”, ududa dant per l fauré dl 2012, ma per ntant n gran Die Ve l paie a duc chëi che à judà pea y à dat si cuntribut per l bon garaté de chësta manifestazion, deventeda una dla majera garejedes de schi alpinism tl raion dla Elpes y ancunteda de duc i pasciunei de chësc bel sport de jì cun la peves.

Roberta Pedrazini y Francesca Martinelli de Bormio fova danora ntan duta la garejeda y à nsci venciù pra l’ëiles.

Irene Delazzer

L podest di ëi: Tony Sbalbi y Alan Seletto (1.), Graziano Boscacci y Daniele Pedrini (2.) y Ivo Zulian y Philip Götsch (3.).


Sport

nr. 08 / 25 de fauré 2011

L HC Gherdëina te semifinela I play off à scumencià bën per la prima scuadra dl HC Gherdëina. I granc de A2 ie de ejëmpl per i jugadëures dla scuadres plu jëunes, che se proa ënghe mo dassënn de stlù ju bën chësta prima pert dl campiunat dumënia ai 20 de fauré a chisc mutons jugà si ultima partida de campiunat finan via cun na bela vënta contra l Persenon per 3:1. Duc à jugà na bona partida, da auzé ora dantaldut la boniscima prestazion di doi verdiaporta. La U13B à finà via si campiunat al cuarto post. Under 13 a 3 linies: L Gherdëina U13A à jugà n mierculdi ai 23 de fauré a Kaltern. Daldò arà chësta scuadra mo trëi partides per l campiunat provinziel dan che l scumencerà la fineles per l campiunat talian. Al mumënt ie chësta scuadra terza te tlassifica. La prima scuadra dl Hockey Club Gherdëina.

Hockey - La prima scuadra dl HC Gherdëina ova finà la regular season al prim post y bele chësc ie scialdi n bel resultat. Dessegur miròven tl scumenciamënt dla sajon a n plazamënt dancà y che l ie pona nchinamei garatà l prim post ie dessegur na bela arjonta y na gran legrëza per duc, dai jugadëures y trainadëures ai derijënc dl club. Ma coche savon se tràtela permò sciche l toca ti play off de chi che sarà bon de se fé sie l titul da campion talian y de vëncer definitivamënter chësc campiunat de A2. La prima pert di play off ie ënghe

jita drët bën per l HC Gherdëina, che messova bater cater iedesc sun set la scuadra piemonteja de Torino. Sce chësta scuadra ti ova l ann passà dat dassënn da cë al Gherdëina, iela chëst ann jita plu saurì, ora che tla terza partida canche i piemontejes ti teniva permez dassënn dantaldut cun de bona prestazions dl verdiaporta y l Gherdëina à messù se cuntenté dl resultat megher de 2 a 1. Ma tla cuarta partida lajù a Torino ie l Gherdëina pona stat bon de ”stlù l sach” y fova la prima scuadra che se à tlassificà per la semifinela. Tla

prima partida de semifinela, che sarà n mierculdi ai 2 de merz te Sëlva, arà l Gherdëina da se bater contra l Milano o l Eppan. Jon pona inant cun i resultac dla partides che ie unides jughes dai jëuni ntan l’ena passeda. Under 13 a 2 linies: Gherdëina - Vinschgau 2:2. N vënderdi ai 18 de fauré à i mutons dla U13B jugà n cësa contra l Vinschgau. Ëi à jugà na bona partida y ova ala fin nce mo n valguna pusciblteies de la tré ca, ma ala fin ne ti iela mpo no jita fata y la partida ie jita ora a pèr. Gherdëina - Persenon 3:1. N

Under 15: Kaltern - Gherdëina 2:0. N sada de chëst’ena passeda ie chësta scuadra furneda a Kaltern a fé si partida de campiunat. I mutons se à purvà dassënn drucan dan la cassa di averseres, ma la scipa ne ulova nia jì ite. L Kaltern à trat de manco sun cassa, ma coche la ie suvënz pra l hockey, la ti à butà a fé ite doi goi ai nosc. Bravi mpo per la bona prestazion da pert de duc i jugadëures. Śën à la U15 mo trëi partides tl campiunat provinziel. Under 18: Gherdëina - Asiago 2:3. N dumënia ai 20 de fauré à chësta scuadra jugà n cësa contra

l Asiago. I mutons à jugà drët bën, nce sce tl prim fovi bëndebò nervëusc, ajache l se tratova de vëncer chësta partida per ne urté nia bel snel ti play off l Fascia, che à chëst ann venciù nchinamò uni partida. Puech dan la fin, canche la stajova 2:2 àn tëut ora l verdiaporta per purvé de vëncer la partida, ma la ne ti ie nia jita fata y i averseres à mo fat n gol a cassa ueta. Nsci iela jita ora 3:2 per l Asiago. Śën ài mo una na partida n dumënia a Chiavenna dan che l scumencerà i play off de chësc campiunat. Under 20: Gherdëina - Cortina 4:4. N sada dl’ena passeda ovi la partida n cësa contra i ampezans. L ie stat na partida scialdi cumbatuda y i jëuni de Gherdëina drucova bën dassënn dan cassa di cortineji, ma si verdiaporta fova for inò bon de paré ju y la ne ulova nia ti garaté de tré ite ch’sta scipa te cassa. For inò jiva una dla doi scuadres danora y for inò fova l’autra bona de valivé ora, nchin che ngali tl terzo tëmp venciova l Gherdëina de n gol, ma doi menuc dan la fin ie l Cortina mpo mo stat bon de valivé ora y l resultat ie restà a pèr nchin ala fin. I tëmps ie jic ora 1:1, 1:1 y 2:2

Campions de Europa de hockey sun luesa Danter l 12 y 20 de fauré se ova 10 scuadres de duta l’Europa ancuntà a Solleftea tla Svezia per i Campiunac de Europa de sledge hockey. La scuadra taliana fova mueta cun la speranza de vester bona de ruvé danter la primes cater, che n ëssa venciù ne se ëssa deguni nmaginà. Florian Planker top scorer di talians Hockey sun luesa - Favorita de chësc campiunat fova zënzauter la Norvegia che ova venciù l titul pra l’ultima edizion, ma pona fòvel leprò nce scuadres sciche la Republica Ceca, Svezia, Estonia, Ruscia, Polonia, i Paejes Tudësc, la Gran Bretania y l’Olanda. Tla scuadra taliana fova unic cherdei ite nce n valgun atlec dla ”Eguies” de Südtirol: i pecs Cavaliere Gianluca y Rosa Gianluigi, i tacajuech Winkler Werner de Kaltern y nosc Florian Planker de Sëlva, che à bele plu suvënz mustrà si cualiteies da goleador. Trainadëur dla scuadra ie perdrët Massimo Darin, ma pervia de si mpënies cun l Milan tl

campiunat de hockey, fova jit pea si assistënt Carlo Muhr.

Cin vëntes, mé un iede àn perdù Scumencià àn cun la 10 scuadres spartides su te doi grupes, ulache la Talia à jugà l prim di contra la scuadra plutosc nueva dla Ruscia, che ëi à batù do la rata saurì per 3:0. Tla proscima ovi da fé contra i patrons de cësa dla Svezia. Do trëi tëmps jic ora zënza gol no da una y no dal’autra pert àn messù jì al overtime y tlo à iust Florian Planker fat l gol dla vënta. L proscimo averser fova la

Polonia. Sce n batova chësta scuadra fòven ti prims cater. Ma chël ne fova nia stat tan saurì. Canche la se trata de massa vënien gën nervëusc, fala y n ne à nia la mënt sarëina. Nce sce la partida ova scumencià bën, fova i polacs stac boni de valivé ora tl segondo tëmp y l fova dut inò daviert. I taliani pudova per fertuna fé cont cun doi de bon verdiaporta y ie, do che Planker ie stat bon de muever l resultat, stac boni de vëncer ala fin per 5:2 y chësc ulova dì de vester bele dessegur danter i prims cater. Sce n fova śën boni de bater la Republica Ceca schivòven de ruvé te semifinela cun i campions n cëria dla Norvegia che venciova

La scuadra taliana de hockey sun luesa, campiunëssa d’Europa. A man drëta Florian Planker de Sëlva.

dessegur tl’autra grupa. Ma la ne à nia ulù vester. 3:0 àn perdù y bel mpont ti tucòvela pona de se museré contra la Norvegia. Tlo pudovi mé plu mustré cie che i sà da fé. Nce sce i scandinaves ie jic danora ne se à i talians nia lascià tò l ardimënt y ie jic a vëncer ala fin per 2:1. Chësta ie dessegur stata la partida plu ria de chisc campiunac. La finela fova pona contra i cecs. Na bedaia fova bele segura y nsci jugova la scuadra cun plu lidëza zënza sentì l pëis de messëi arjonjer velch. Y la à butà, batan la Cechia per 2:0 iesi deventei Campions de Europa. Na gran sudesfazion per chësta scuadra metuda su permò dan set ani. Florian Planker fova cun sies goi y cin assist chël che à fat l plu ponc per la scuadra taliana y tla lista di top scorer de chisc campiunac iel 12ejim. Tl 2007 ova Florian Planker scumencià a pratiché chësc sport y mo n chël ann òvel fat pea pra i campiunac d’Europa, ulache i fova ruvei sesti. Ti damandan de si mprescions pra chësc avenimënt de sport, dij Planker: L ie stat na bela esperienza sambën, per l’ucajion dla festa de giaurida ie unida adalerch la prinzëssa dla Svezia che à giaurì ufizialmënter chisc campiunac. Ma l ne fova nia mé da udëi hockey te chësc tëmp, l fova nce garejedes

paralimpiches de schi y de pudejé. Lassù fòvel scialdi frëit y da nëif, l fova temperatures de -17/-18 gradi. Ciuni fova pa i averseres plu periculëusc? Te nosc girone la Cechia y la Svezia y pona dessegur la Norvegia. L fova n bon livel, n vëija che nce a livel de Europa vën l livel for plu cumpetitif. Śën à nce la Ruscia scumencià y arà dessegur da n dì tl daunì. I à truep jugadëures y na bona scola dovia. L ie nteressant a udëi coche ëi juega. Ve aspitais’a de vëncer? De vëncer no iust, ma n post di prims trëi-cater fova bën laite per nëus. La prima vënta mpurtanta ons arjont contra la Svezia, pona te semifinela contra la Norvegia. I cecs sons te finela stac boni de cuntrolé ntan duta la partida, tl pover play ài fat n fal y nsci sons stac boni de vëncer. L fova na surpreja per duc y fan danz cuntënc. L ie stat na gran fadia, 6 partides te 8 dis tol danz a man, ajache jugan nce for mé cun n ot jugadëures, fajan n doi cambi per tëmp. Vëncer pona ie danz stat bel! Cumplimënc mo n iede ai jugadëures dl sledge hockey, che cun si bela arjonta ie dessegur boni de descedé l nteres mo pra d’autri che à vel’ dejabltà de se dediché a chësc bel sport de scuadra. www.lauscdiladins.com

37


Informazions y Manifestazions Chino Al chino de Cianacei Doman sàbeda ai 26 de firé e domenia ai 27 da les 21.15 vegn moscià “La versione di Barney” e en mèrtesc 1 e en mercol ai 2 de mèrz da les 21.15 se podarà veder “Manuale d’amore 3”. Al chino de Pardac

Anché vender ai 25, doman sàbeda ai 26 e en domenia ai 27 de firé, semper da les 21.15, se pel veder “127 ore”. Al chino de Tieser Insnet vender ai 25 de firé da les 21.00 per la sajon de prosa vegn portà dant “Il Bugiardo” de Carlo Goldoni. En sàbeda ai 26 e en domenia ai 27 da les 21.15 vegn moscià l film “127 ore”. En jebia ai 3 de mèrz da les 21.15 te la rassegna “Il piacere del cinema” se pel veder “Il ladro di cadaveri”. Al chino de Ciavaleis Anché vender ai 25, doman sàbeda ai 26 e domenia ai 27 de firé da les 21.15 vegn moscià “Manuale d’amore 3”. En domenia ai 27 da les 16.00 se pel veder l spetacol de teater “Moon Amour – L’ombra del cuore”.

Avisc Incuntades te grup por tó jö pëis Le sorvisc por dieta y nodrimënt dl’aziënda sanitara da Bornech en colaboraziun cun le sorvisc de fisioterapia, mët da jì tl distret sanitar da Picolin incuntades te grup por tó jö pëis, olache al vën baié dl’alimentaziun y fat movimënt. Al gnarà organisé 8 incuntades, de mertesc dales 14.30 ales 17.00. Les dates plü avisa y i cosć gnarà fać fora pro na incuntada de informaziun che gnarà tignida en mertesc al 1. de merz 2011 dales 15.00, tl distret sanitar da Piculin. S’anunzié pòn anter le 01.03 pro la dietista Silvia Pitscheider: tel. 0474/586144 mertesc, mercui y jöbia dales 9.00 ales 12.30 y dales 14.00 ales 15.00. Al ven tut sö al mascim 12 partezipanć/tes. Do scora tla Ćiasa di Pici a Badia

La Ćiasa di Pici a Badia lascia alsavëi che an po anuzè le sorvisc do scora (doposcuola), olache i mituns po fà i compić y passè le domisdé adöm a educadësses cualificades, por n cost de 2,00€ al’ora. Al é inće la poscibilité da ciafè la marëna por n cost de 4,00€ a past. Por informaziuns telefonéde al nr. 0471/839572. Detlarazion dla chëutes

L KVW de Urtijëi fej a l savëi che nchin duman sada ai 26 de fauré pòssen cherdé su Ulrika Comploj Perathoner 0471/796090 per fé a l savëi che n uel lascé fé la detlarazion dla chëutes. N possa dé ju i papieresc per la detlarazion n vënerdi ai 11 de merz, tl local di jëuni te calonia de Urtijëi dala 8.30 – 11.30 y dala 13.30 nchin ala 16.30. Calënder dla manifestazions Nfurmazion per duta la lies de Gherdëina: Per l calënder dla manifestazions te Gherdëina, te chël che l ie laite duta la manifestazions per i mënsc de auril, mei y juni che unirà publicà ala fin de merz, iel da dé ite tl manif, plata web www.manif.it duta la manifestazions ududes dant per i mënsc nunziei dessëura dan l 10 de merz. Duc i presidënc dla lies ie nviei de se nuzé de chësc servisc per fé a l savëi ala jënt si manifestazions. Rengrazion bele danora dla bona cunlaurazion. Nfurmazions plu avisa pra l Servisc Furmazion Gherdëina, dal merdi al vënerdi, dala 8.00 - 12.00, numer de telefonn 0471/773225, e-mail furmazion.gh@micura.it Premiazion de “Na contìa per Nadèl”

En domenia ai 27 de firé da les 16.00 te Sala Grana del Comun general de Fascia vegn metù a jir la premiazion del concors “Na contìa per Nadèl”. Anter i passa 120 scric rué ite i Volontadives del lengaz à cernù i venjidores, spartii te anter la categorìes de rimes e contìes fates dai scolees de populères, mesènes, scola auta e jent grana. Duc chi che à tout pèrt al concors e duta la comunanza i é envié. La Scola de Fascia scontra la Val d’Aran

En mércol ai 2 de mèrz 2011 te la Sala Grana de la Sorastanza a Poza vegn endrezà na scontrèda de prejentazion de la esperienza de la Scola araneisa con la dot.ra Lucia Mas Garcia. L program perveit da les 14.30 la scontrèda coi dozenc, da les 17.00 la scontrèda coi genitores e da les 20.30 dialogh musical araneis-ladin con Lucia Mas Garcia e Noemi Iori. Duc è envié a tor pèrt.

nr. 08 / 25 de fauré 2011

♦ S’informè sön la fotografia Incuntada cun esperć de fotografia dl Fotoclub Val Badia, en doman sabeda ai 26 de forà dales 16.00, te Ćiasa dl Parch a Al Plan Les munts y i crëps de nosta tera “dolomitica” é stà en chësc ann le tema dl concurs fotografich metü da jì dal Fotoclub Val Badia y che an po dötaorela odëi tla Ćiasa dl Parch Natural Fanes-SenesBraies a Al Plan. La Ćiasa dl Parch Natural adöm a esperć de fotografia dla natöra dl Fotoclub Val Badia organisëia en ocajiun de chësta mostra fototgrafica n workshop sön les tecniches de fotografia dla natöra. L’apuntamënt é por en sabeda ai 26 de forà dales 16.00 inant, tla Ćiasa dl Parch Natural a Al Plan. Esperć dl Fotoclub darà consëis y se mëtarà a Le logo dl Fotoclub Val Badia. Tla Ćiasa dl Parch pòn desposiziun por de vigni sort damanè i esperć do consëis sön le fà jö tla natöra. de domandes. I podëis se tó para inće osc aparat da fà jö personal y damanè consëis tecnics y aristics.

Iniziatives sportives Mountain Safety Project L Pian joegn de zona la Risola fèsc a saer che l’é temp enscin a anché vender ai 25 de firé per se scriver ite al projet Mountain Safety. Lorenzo Battisti de la scola de alpinism de Fascia l’endreza 4 dis d’invern e 4 dis d’istà de sport, sanità e benesser tras la rampinèda su la giacia, lezions de nivologia, freeride e amò ferates, rampinèda sportiva e canyoning. Se taca ite jà en domenia ai 27 de firé. Per se scriver ite se oujer al portel de la Risola te Comun general de Fascia avert ogne vender da les 16.00 a les 18.00 Gara de schi por le Trofê Börz Tla cornisc dl Trofê Börz vëgnel tignì en domënia ai 27 de forà le slalom lerch sön la pista d’Antermëia. La pröma manche é preodüda dales 9.30, la secunda dales 12.30. Les iscriziuns vëgn tutes sö ćina ai 26 de forà dales 17.00. An po telefonè o menè n fax al nr. 0474/520055 o de fonin (SMS) 347/9229951. Da dè dant él inom, cognom, ann de nasciüda y paîsc. I petorai vëgn partis fora le dé dla gara dales 8 inant, tl raiun dl travert. Al vëgn chirì śogadus “Altherren” Chi che es interes da fà para a na scuadra de “Altherren” (sura i 30 agn) de döta la Val Badia che tolarà spo pert al campionat provinzial dl palê 2011/2012 dess s’anunzié pro Artur Frenes al nr. 339/7802542 o pro Tomas Dejaco al nr. de fonin 347/2453669.

Sozial Jöbia Grassa t’La Spona

Assistënć y assistis dl salf protezionè da Pidrô inviëia bel da gnì a festejé la Jöbia Grassa ai 3 de merz dales 13.30 t’La Spona. Al gnarà balè, ćiantè y sonè cun Paul y Hilda Schuen. Le pice bar d’La Spona é inće davert y al gnarà dè fora cafê y val’ boandes por na oferta de bona man.

♦ Mparé a se arpizé La scola de alpinism Catores mët a jì doi enes de arpizeda sportiva. La prima ena sarà dai 30 de auril nchin ai 7 de mei a Kalymnos tla Grecia y la segonda ena sarà dai 14 nchin ai 21 de mei a San Vito Lo Capo tla Sicilia L possa fé pea de tei che scumëncia a jì a crëp y nce chëi che sà bele mpue da se arpizé. Te tramedoi luesc iel da pudëi fé vies de uni sort de livel. Ajache tramedoi luesc ulache n va a se arpizé ie daujin al mer saràl da sëira nce la puscibltà de jì al mer. Durmì uniràl te na pension cun gusté. Tl priesc iel laite l jol, l durmì cun gusté, l mëinacrëp y la massaria che n adrova per se arpizé. Per chiche scumëncia permò a jì a crëp o per chiche ne n’à nia duta la massaria ti uniràl mprestà ora chësta.

Temp lede Batadù di Jëuni dla Lia da Mont cun sluseda a tëmp de luna

Sun Resciesa su da Simon ulons duman sada ai 26 de fauré jì, a carté, se maië na bona pasta y se devertì! Co ruvé su? Chiche uel possa sambën jì su a pe, ma sce n cajo peia su l’ultima ferata dala 16.45. Ntëur mesa la set scumencerons a carté y sambën nce de beliscimi pesc’ pudëis ve aspité. Do che on cartà uniràl mo mpue ciantà y balà, na live band ons ënghe apustà. Coche ruverëis pona ju ..., de chël ne se tulons nëus nia la respunsabltà! Per nfurmazions y iscrizions prions bele de cherdé su tl ufize dla Nёus Jёuni Gherdëina, 0471/799006. Filmclub tla sala di jëuni Saut a Urtijëi Uni ultima sada dl mëns vëniel metù a jì tla sala di jëuni Saut a Urtijëi la sëira de film. Per l mëns de fauré, duman sada ai 26 de fauré uniràl mustrà sun tëila l film “Die Päpstin”. Chësc ie n film tudësch tëut su tl ann 2009. Duc ie nviei a unì a ti cialé, da mesa la nuef da sëira inant. Se arpizé daujin al mer.

38

www.lauscdiladins.com

Per plu nfurmazions y per se lascé nuté su pudëis cherdé su la scola de alpinism Catores, 0471/798223 o scrì na email a Christoph: piccolruaz@katamail.com


nr. 08 / 25 de fauré 2011

Informazions y Manifestazions

♦ Bona ueia tëmp de Carnescià

♦ Bal dla Jonëza da Paur a Rina

La Lia dl Teater de Urtijëi mët a jì trëi sëires de bona ueia. La prima sarà duman sada ai 26 de fauré, la segonda n merdi ai 1. de merz y la terza Juebia Grassa ai 3 de merz tla cësa de cultura Luis Trenker a Urtijëi

L’apuntamënt é por en doman ai 26 de forà. Na serada cun musiga, devertimënt y sorpreses

Ntan chësta sëires aràn l’ucajion de s’la rì sciche l se toca. L unirà purtà dant de pitli teatri, danter l auter nce la “Dorfchronik” y de autri sketch da se devertì coche nce “Revue’s“. L bel de dut chësc: n arà l’ucajion de udëi sun paladina atëures dla lia che n ne à giut nia plu udù, sambën deberieda cun truep atëures jëuni. La ntreda sarà dala 19.00 ulache la lia Ve saluderà duc cun n bon aperitif tl foyer. La sëira de bona ueia, cun maië y bever scumencerà pona dala 20.30. Deberieda cun nosta presidënta Marlis Moroder, dut l cunsëi y duc i reghisseres y atëures sons bele n trëi mënsc che se urton, per vester boni de mëter a jì na sëira drët garateda. Unide duc a ve devertì ntan la trëi sëires de bona ueia. Chertes danora giapëis tla butëiga Rabanser Jëunn, tel. 0471/797934.

La Jonëza da Paur da Rina à le plajëi da invié al bal, che vëgn metü da jì en doman sabeda ai 26 de forà, tl gran salf. Les portes vëgn daurides dales 20.00 y le bal mët man dales 21.00. Por de bona musiga fistidiarà i “Vollbluat” y DJ Robby, y sön paladina odaràn inće i “Lissna Schuiplattla”. Por mesanöt él preodü l’estraziun, en presënza de Alfred Sinner. Diendl y braia de coran é bëgnodüs. Chi che oress resservè na mësa po le fà al nr. 340/6112086. Al vëgn recordè che al ne vëgn nia jutè sö alcohol a jogn sot i 16 agn.

Le motif ligherzin dl bal dla Jonëza da Paur da Rina, söl program en doman ai 26 de forà.

Mostres Ivan Gaio tla Galaria Teresa Tla Galaria Teresa al Hotel Teresa a Al Plan él da odëi ćina la fin dla sajun da d’invern na mostra personala de pitöres de Ivan Gaio. Ivan Gaio laora bele da agn tla Val Badia y depënj por hobby. Tla mostra a Al Plan mëtel fora pitöres de contrades y motifs dl post y inće stüdi de motifs conesciüs tla pitöra europeica dl nücënt. Chedri de Barbara Tavella

Tla Galaria Prisma a Balsan él gnü daurì la mostra personala de Barbara Tavella. La sarà da odëi ćina ai 5 de merz dal mertesc ala sabeda, dales 10.00-12.30 y dales 16.00-19.00. Operes de Markus Moling

Tla “Galerie der Bezirksgemeinschaft Überetsch-Unterland” a Neumarkt, él da odëi na mostra dl artist da La Val Markus Moling. La mostra é da odëi ćina ai 26 de forà. Mostra de fotografies ”Ega fërma” La mostra de fotografies de Mirko Insam, sarà da udëi nchin ai 12 de merz, dal lunesc ala sada dala 10.00 ala 19.00 tl Café Surëdl. Duc ie nviei de cuer a unì a ti cialé. Mostra de Ottavia Demetz

La mostra “Nchersciadum - Sehnsucht” dl’artista Ottavia Demetz ie tl self dla mostres dla Lia Mostra d’Ert a Urtijëi. La mostra resterà davierta uni di nchin a n dumënia 27 de fauré dala 10.00 ala 12.00 y dala 16.00 ala 18.00.

Musiga Cunzert dla grupa Helios

♦ Döes jites cun Max y Simon Dai 20 ai 26 de merz jaràn sön les Alpi Marittime, dai 10 ai 16 d’aurì sön le Gran Paradiso y Monte Rosa I mënacrëp Max & Simon mët da jì döes jites con schi y pels. Le pröm iade vëgn organisé dai 20 ai 26 de merz, y condüj i partezipanć pormez al mer, tles Alpi Marittime y Val Maira. Da s’anunzié él döes edemes danfora. Tla secunda jita, che vëgn organisada dai 10 ai 16 d’aurì, jaràn sön i 4000 metri dl Gran Paradiso y an fajarà na traversada dl Monte Rosa. Da s’anunzié él trëi edemes danfora. Por informaziuns plü menüdes y prenotaziuns pòn telefonè al nr. de fonin 335/6849422. Infos ciafon inće sön le sît www.max-willeit.it.

N dumënia ai 27 de fauré dala 21.00 tenirà la grupa Helios te cësa de cultura “Oswald von Wolkenstein“ n cunzert. Deberieda cun la Lia per l Turism de Sëlva à la grupa Helios l plajëi de Ve nvië a scuté su n program de cianties che va da pec ciantei te dlieja a cumposizions dla grupa nstëssa nchina a na variazion de cianties cunesciudes “pop“. Conzert de vidora y cello

La Scora de Musiga Val Badia inviëia düć chi che à ligrëza cun la musiga a n pice conzert de vidora y cello, en vëndres ai 4 de merz dales 17.30, te Istitut Ladin a S. Martin de Tor. “Soraga Ladin Rock” prejenta sie prum Cd Anché, vender ai 25 de firé a Soraga vegn prejentà con n conzert l prum CD dal tìtol “L’om che va a crepes” de la sociazion “Soraga Ladin Rock” ensema con la “Blood Rockers Band” vidèdes dal medico Massimo Ripamonti. L projet é nasciù per conjobièr l’energìa del rock coi sons del lengaz ladin e del vocalism coral e la sensibilisazion de la jent su l’emportanza de la donazion del sanch. L repertorie tol ite verscions ence per ladin de hits del rock (Bob Dylan, Lynyrd Skynyrd, Bruce Springsteen) e tòc originèi metui en musega su la paroles ladines de Toni Valeruz. La serèda se aur con la conferenza stampa de prejentazion da les 18.00 te Pluriuso e la jirà inant col conzert da les 20.30 aló da l’Hotel Arnika. Nef orghen con conzert a Cianacei

Insnet, vender ai 25 de firé da les 21.00 a Cianacei te la gejia del Sacro Cher de Gejù la parochia endreza na scontrèda per portèr dant la ùltima neves e mìngol de bilanz a la fin di lurieres de restruturazion de la gejia. Te chesta ocajion te n bel conzert de Paolo Bernard se podarà scutèr per la pruma outa l son de l’orghen renovà, che vegnarà benedì e enaudà en domenia ai 27 de firé endèna la messa grana de les 10.30. Conzert cun scolars de musiga dla Val Badia

La Scora de musiga dla Val Badia inviëia dër bel al pice conzert de tlavier y vìdora en mercui ai 2 de merz 2011 dales 18.00 tl Salf dles manifestaziuns a Al Plan. Al sona mitans y mituns dla Scora de musiga. De merz y aurì él preodü döes jites de plü dis cun i mënacrëp Max Willeit y Simon Kehrer. www.lauscdiladins.com

39


Informazions y Manifestazions ♦ Conzert cun “Les Armonies” En domënia le conzert tla dlijia da Calfosch En domënia ai 27 de forà pòn se confortè a na serada de musiga a Calfosch. Dales 20.00 él söl program tla dlijia da Calfosch n conzert cun le grup “Les Armonies”. Al gnarà pité musiga gospel y spiritual. Düć é bel invià da gnì a ascutè sö.

nr. 08 / 25 de fauré 2011

Dotors y Apoteches Dotor L dutor de servisc dala 8.00 da duman de n sada 26 de fauré nchin la 8.00 da duman de n lunesc 28 de fauré ie l dutor Giuliano Piccoljori de S. Cristina, tel. 0471/792282. Le dotur en sorvisc tla findledema di 26 y 27 de forà, ti comuns de Mareo y San Martin de Tor, é le dotur Ziad Barakat, Al Plan de Mareo, tel. 334/2484784. Ti comuns de Badia y Corvara saràl en sorvisc le dotur Jan Valentini, Badia, tel. 339/8235279. Apoteches

L’apoteca de servisc che à daviert ora dl orar ordiner da n vënerdi (dala 19.00) ai 25 de fauré nchin n vënerdi ai 04 de merz ie chëla de Sëlva, telefonn 0471/795142 o 333/1776615 (orar de giaurida 8.30-12.30/15.00-19.00). Les apoteches en sorvisc fora dl orar ordinar, dal vëndres ai 25 de forà al vëndres ai 4 de merz 2011, é chëres da Corvara, tel. 0471/836173 y Al Plan, tel. 0474/501240.

Cursc

Le grup “Les Armonies” ćianta te dlijia da Calfosch, ai 27 de forà.

Religion

Laurè sö fotografies Le Fotoclub Val Badia mët a jì n curs da laurè cun le program Lightroom dla Adobe – “Workflow” do avëi fat jö. En particolar vëgnel insigné da ordiné les fotografies do categoria, elaborè files jpg y raw, mëte adöm proieziuns de dias, stampè fotografies y da fà plates internet. Le curs é adatè por chi che sa bele da fà jö y vëgn tignì ai 28 de forà, ai 2 de merz y ai 4 de merz 2011 dales 20.00 ales 22.00 tl salf dla Cassa Raiffeisen a San Martin. Informaziuns y prenotaziuns: Helmut Elzenbaumer, fonin 338/7941256.

Barat de guant por la Pröma Santa Comuniun

Imparè da odëi zënza odlà - por adulć y inće por mituns

L’Uniun dles Families Catoliches da Raiscia (Kath. Familienverband), mët da jì indô na gran aziun por baratè ite le guant por la Pröma Santa Comuniun por mituns y mitans, en doman sabeda ai 26 de forà, tla Ćiasa dles Uniuns “Haus am Anger” a Raiscia. Le guant po gnì dè jö dales 10.00 ales 12.00, al po gnì cumprè dales 13.00 ales 16.00. Paié fora vëgnel dales 16.00 ales 17.00. Le guant dess ester nët y te de bones condiziuns. Al é inće la poscibilité da cumprè le crist dla familia. Infor plü menüdes al 347/5078171 (Ingrid) o al 0474/548186 (Anna).

Do la tradiziun di ultims agn vëgnel inće en chësc ann indô metü a jì n curs por imparè da odëi zënza odlà cun Leo Angart. Le curs gnarà tignì ai 21 y 22 de mà 2011 tl Wiedenhofer Hotel a Terenten. Al é inće n curs aposta por mituns. Chësc vëgn tignì le vëndres, 20 de mà y le lönesc, 23 de mà, dales 14.00 ales 16.30 ca. Informaziuns: Salon Ilda a Corvara 0471/836192 – 338/8540420 o scrì na mail a: ilda@saloneilda.191.it.

Curs de preparaziun al maridé

Inće chësc ann organisëia le Sorvisc ai Jogn Val Badia le curs de preparaziun al maridé, a Picolin tl salf dl SaJ. Le curs mët man le vëndres ai 8 d’aurì dales 20.00 y se röia la domënia ai 10 d’aurì do marëna. Le curs é limité a 15 copies y le cost é de 60,00€ a porsona (120,00€ por copia). Infos y prenotaziuns pro le Sorvisc ai Jogn al 0474/523070 (dales 8.00 ales 16.00) o tres mail a info@jogn.org.

Cursc de ladin per nia ladins

L curs vën metù a jì dal Servisc de Furmazion, te Sëlva, tl Istitut Ladin Micurà de Rü. Referënta ie Rosmarie Mussner. L curs ie dai 28 de merz nchin ai 6 de juni, for de lunesc dala 20.00 – 21.30 (10 lezions, de ndut 15 ëura). L curs costa 95,00 euro.

Iadi, Jites y Escurscions Iade dl KVW dla Val Badia tla Liguria

Invit al iade de pelegrinaje tla Liguria (San Remo - Monaco) cun le KVW dla Val Badia, dai 2 ai 5 de mà 2011. Le iade costa 450,00€ (por na ćiamena singola 540,00€), da paié ite pro la Raiffeisen sön le cunt 000304009122 “Iade tla Liguria”. Hilda Sottara tol sö les prenotaziuns al nr. 0474/523133 o 338/9231013. Programs plü avisa ciafëise dai surastanć dl KVW. Iade tla Croazia

Les Lies da Munt dla Val Badia mët a jì dai 05.05. ai 08.05.2011 n iade tla Croazia cun escursciuns, vijites culturales y bun mangé. Le iade costa 330,00€ a porsona te na ćiamena da 2 leć (te ćiamena da 1 n let + 25,00€). Por tó pert él da paié ite al plü tert ćina al 1. de merz 2011 la soma de 330€ (o 335,00€) pro la Cassa Raiffeisen Val Badia, IBAN: IT58Q0801059130000303002314. Les prenotaziuns vêl aladô dl paiamënt registré tla banca. Chi che ô tó pert mëss ester scrić ite (o se scri ite) a öna dles Lies da Munt dla Val Badia. Le iade vëgn fat sce al tol pert almanco 35 porsones. Jita de schi alpinism sun la Kleine Gaisl La Lia da Mont de Gherdëina mët a jì n dumënia ai 6 de merz na jita de schi alpinism sun la Kleine Gaisl te Prags, 2.859 metri. L sarà 5 ëura da jì cun n deslivel de 1.363 metri. Per nfurmazions plu avisa pudëis cherdé su Ugo 349/0089939. Jita de schi alpinism tl raion dl Gran Sasso d’Italia

La scola de alpinism Catores mët a jì cater dis de schi alpinism tl raion dl Gran Sasso d’Italia tl Abruzzo, dai 31 de merz nchin ai 3 de auril. L unirà jit sun l Corno Grande, l Monte Camicia y l Pizzo Cefalone. Per nfurmazions plu avisa pudëis cherdé su Vroni, 328/2340290 o passé te ufize dla scola de alpinism Catores a Urtijëi. Cun la liösa sön la Stegeralm y sön Monte Piana

Les Lies da Munt Val Badia inviëia a na jita cun la liösa sön la Stegeralm (Prettau-Türesc), en domënia ai 27 de forà. Le tëmp da jì é de 1,5 ores, por n deslivel de 500 metri. Informaziuns al nr. 328/4624159. En domënia ai 6 de merz inviëia les Lies da Munt a na jita cun la liösa sön Monte Piana (Misurina- Rif. A. Bosi). Le tëmp da jì é de 1,5 ores, por n deslivel de 400 metri. Informaziuns al nr. 340/6816332. Schitour da zacan

Les Lies da Munt Val Badia inviëia en domënia ai 6 de merz a na schitour da zacan sön Sas dla Para y Senes, vistis sö da zacan. La schitour é saurida, cun n deslivel de 1000 metri. I partezipanć cun i guanć plü originai gnarà premià. Infos al nr. 347/4736300. Lia da Munt Jonila cun la liösa La Lia da Munt Jonila mët da jì en domënia ai 27 de forà na jita cun la liösa che condüjarà a Weissenbach - Wurmtal (Türesc). An pëia da La Ila demez dales 8.00 da doman. La jita é saurida, cun n deslivel de 350 metri. Por informaziuns plü menüdes telefonè al nr. 338/3399409.

40

www.lauscdiladins.com

Referac Ciuldì se amalons’a de crëibes La biblioteca Tresl Gruber de S.Cristina mët a jì n vënerdi ai 4 de merz te biblioteca, dala 20.30 n referat cun l dutor Bernd Gänsbacher. Ël prejenterà l liber “Warum erkranken Menschen an Krebs?”

♦ Trofê Oskar Costa La gara de schialpinism a San Ćiascian vëgn inviada ia en vëndres ai 11 de merz. Ara fej pert dl campionat ladin de schialpinism “Raida Ladina 2011” La Lia da Munt Ladinia - Cai Val Badia, mët da jì en vënders ai 11 de merz la gara de schialpinism “Trofê Oskar Costa”, sön la pista dle Piz Sorega a San Ćiascian. La gara fej pert dla competiziun “Raida Ladina 2011”, le campionat ladin de schialpinism. Düć po tó pert. I partezipanć é partis sö te trëi categories por i ëi y öna na categoria por les ëres. Les iscriziuns po gni fates sön le sît http:// gare.fpizzinini.com o pro l’Assoziaziun Turistica da San Ćiascian, al nr. de tel. 0471/849422, fax 0471/849249. Le prisc por l’iscriziun é de 20,00€. An Le Trofê Oskar Costa ai 11 de merz fej pert dla Raida Ladina pëia ia düć adöm: le start 2011. vëgn dè dales 20.00 pro la staziun a val dl lift de Piz Sorega. Vigni concorënt ciafarà na picia scincunda y do la gara ti gnaràl pité a vignun na pasta cun val’ da bëre laprò. Le percurs à na lunghëza de 4.150 m y n deslivel da jì söpert de 477 m. Les tlassifiches dla gara gnarà publicades söl sît www.caivalbadia.org y http://gare.fpizzinini.com.


Manifestazions y Congratulazions

nr. 08 / 25 de fauré 2011

♦ Conzert y presentaziun por les ëres Ai 8 de merz dales 21.00 vëgnel metü da jì a Badia n conzert cun presentaziun dl liber “Donna Teresa Agnesi compositrice illustre”

Donna Teresa Agnesi, n ejëmpl por dötes les ëres de nosc tëmp.

L’assoziaziun Badiamusica y l’assessorat por la valianza di dërć dl Comun de Badia mët da jì en gajiun dla Festa dla Ëra ai 8 de merz a na sëra de musiga y leteratöra. An s’incunta dales 21.00 tla Ćiasa J.B. Runcher de Badia, olache al gnarà pité n conzert cun presentaziun dl liber “Donna Teresa Agnesi compositrice illustre”. Teresa Agnesi é öna dles musizistes plü importantes de so tëmp y süa musiga é gnüda aprijada da imparadus y nobli dl 17ejim secul. Te chësc tëmp ne n’êl por ëra nia saurì da s’afermè tl ćiamp musical y Agnesi dess ester n ejëmpl por dötes les ëres de nosc tëmp. Do la presentaziun dl liber y n pice renfrësch, aràn l’ocajiun da aldì n valgönes composiziuns scrites da Teresa Agnesi.

Carnescià Carnascial di joegn a Poza

Dò l suzess de l’an passà, ence chest an l Comitat de endrez de la Festa ta Mont de Poza se met a la leta, tras l Pian joegn de zona La Risola, per endrezèr duc adum na bela festa da Carnascial. Chest an l tem del carnascèr l’é “Il Giro d’Italia” e duc chi che vel pel se scriver ite tras la mail info@festatamont.it o i se prejente la jebia grassa a Poza con na roda o con zeche che sie leà al Giro de la Tèlia. La festa la tacarà via da les 14.30: duta la mèscres se binarà aló da la scola populères de Poza, da les 15.00 pearà via la defilèda per la strèda de Meida, da les 17.00 sarà gran festa te tendon e da les 21.00 bal en mèscra con i AlpenBoys. Mascherèdes ta Penìa

L Grop de la Mèscres de Dèlba e Penìa envìa duc a la mascherèdes endrezèdes chest an ta Penìa, aló da la veia scoles apede a la gejia de Sèn Bastian, da mesa les 9 da sera: en jebia ai 3, jebia de carnascèr se podarà veder “L’ùltim vender de Giochele” de Stefen Dell’Antonio Monech e ai 8 de mèrz, mèrtesc de carnascèr, l’ùltim apuntament sarà con “L mèsc de la rocia” traslatèda da Vito Giuliani da Soraga. Desche semper doi sauc no menciarà co la mùsega de Giordano e Gigio. Bal de maduranza da Carnescià

Publicazions Carnascèr fascian: retrac e memoria te n liber L’Istitut Cultural Ladin de Fascia prejenta la publicazion “Carnascèr Fascian. Un rito tradizionale nella modernità”. Se trata de n liber de gran format dedicà a la tradizions populères che documentea travers i retrac de Giulio Malfer la beleza, la magìa e i colores sgalizenc del Carnascèr de Fascia te sia esprescions da anchecondì, avert da n “viac te la memoria” olache l’antropologh Cesare Poppi conta la ventures de n revival che a peèr via dai egn ’80 à vedù renascer te duta Fascia na tradizion che someèa destinèda a jir dò ju. Ence duc i Gropes de la Mèscres de la Val de Sora tolarà pèrt a la prejentazion, en domenia ai 27 de firé da les 18.00 te Teater Marmolèda de Cianacei.

Carnescià Carnescià tl local di jëuni Saut

Per Juebia Grassa ulessans mëter a jì na blòta pitla festa cun mujiga dal vif tla sala di jëuni Saut a Urtijëi. Perchël nvions duc de cuer a unì n Juebia Grassa ai 03.03. da mesa la nuef da sëira inant tla sala di jëuni Saut a Urtijëi. Per chësta festa saràl da pudëi audì ntan la sëira mujiga dal vif di Secco. L fossa bel sce l fossa truepa mascres, perchël nvions duc a unì mascherei. La ntreda ie coche for debant per duc y l unirà nce pità zeche da pesselé y da bever. L cunsëi dla Nëus Jëuni Gherdëina se ncunforta sun Vo. A chi 3 de furà!

La Sara

cun süa bona löna, canche ala vëgn da fà festa éla tres a öna. Da fà cajin éla bona assà, y sciode te sàle canche a ćiasa él da s’en trà. Śëgn nia ma plö cun le motor incërch, mo cun n auto, spo unse inće nos lerch!

L’Nicola ne vëigun da sëra nia cis incërch,

mo a scola éle cun les notes dër sterch. Śëgn él inće por te la patent da fà ia, spo n’éle nia plö la mama che mëss lovè adora por jì a La Ila!

la Giulia

Incö éle spo inće che fej 18 agn, y porchël s’aspetunse danns bi gragn. Fora pur Puster est’ tosc da ćiasa deventada mo fà festa mësseste impò cun chi dla valada! La patent inće tö a fà mësste jì, por rové fora da Lungiarü plü saurì. A os 3 düt l’bun urunse se audé y no se desmentiede de festejé. Aileen, Alessandro, Aron, Greta, Hannes, Jasmin, Jasmine, Luki, Manuel, Marina, Max, Naomi, Norman, Sandra, Stefan & Vanessa

L Carnescià ne n’ie nia plu dalonc. Granc y pitli ne vëija nia l’ëura de se mascheré. Pra l Carnescià tóchel nce n bal n mascra. Coche l ie bele tradizion mët la cuinta tlasses dl ITC Raetia de Urtijëi a jì l bal de maduranza dal titul “Welcome to the Jungle”. Duc ie nviei de cuer a unì al bal n sada ai 5 de merz te cësa de cultura Luis Trenker a Urtijëi, dala 21.00 inant, sambënzënza mascherei. Dala dodesc uniràl premià la plu bela mascra. L fossa bel sce unissais te na gran cumpëida, che nscila sons boni de tré ite zeche per nosc viac de maduranza. Dj Ondy y “Die Bergzigeuner” ve tenirà cumpania cun de bela mujiga. Da maië y da bever ne manceràl nia. Unide de trueps!

Düt l’bun a

Giulia Moling da Lungiarü

che cumplësc incö ai 25 de forà i 18 agn. T’audun tröpa ligrëza y suzes por l’dagnì.

♦ N “iade tl tëmp” pro la Carnival Party Ai 5 de merz vëgnel indô metü da jì a San Martin de Tor le Bal da Carlascè, che röia chësc ann a süa 15ejima ediziun

Le placat dl Carnivalparty a San Martin.

L’Uniun dl Sport y l’Uniun di Jogn da San Martin mët da jì en sabeda ai 5 de merz dales 20.30 la Carnivalparty, le Bal da Carlascè, te salf dles manifestaziuns da San Martin. Le bal röia chësc ann a süa 15ejima ediziun y le tema ćernü é “Zeitreise”. Düć é invià da se mascherè sö aladô. Por les plü beles mascheres aladô dl tema él preodü n 1. pest de 200,00€, n secundo de 150,00€ y n terzo de 100,00€. Por de bona musiga fistidiëia Sokkuadro Vintage, DJ Tabba & DJ Giuliano. Entrada ma sura 16 agn. Al vëgn inće organisé döes corieres. Öna dal’Alta jö cun chisc orars: Calfosch/Raiffeisen: 20.30 y 21.45; Corvara/ Kostner: 20.40 y 21.50; La Ila/Ladinia: 20.50 y 22.00; Pedraces/fermada SAD: 20.55 y 22.05; Pidrô/Ostaria Posta: 21.05 y 22.15. Na secunda coriera pëia ia da La Pli/Zënter dales 20.30, Al Plan/Nodadoia dales 20.40 y Longega/ fermada SAD dales 20.50. Düć é bel invià.

Nos de familia

Encö èl gnü le dé che t’ as belo dio aspeté, 18 agn èl belo passé che la mëndra de Horst

Judith ai 25 de forà le pröm iade à zaporé. Nia ma por nos este entres da tó ca mo inće por les uniuns te daste belo dio da fà, śën por la patent saràl da emparé che i podunse deboriada s’la rodé. Düć döt le bun t’ aodunse y a na bela festa s’ enconfortunse. Le tate y la mama, con Marlies, le nene Jepele y düć chi co t’ o bun

www.lauscdiladins.com

41


Congratulazions y Inserac

nr. 08 / 25 de fauré 2011

Crì da laour A mi bon uem, nosc papi y opa

Hans Nogler "Ski Pionier" che cumplësc ai 28 de fauré la bela età de

92 ani. Ulon ti fé la cungratulazions de cuer y ti mbincion dut l bon, fertuna y legrëza y rengrazion che l on mo pra nëus chësc da ti fëna Frieda y da Sergio, da Susi, Filippo cun Serena y Samanta y da Simonett, Fabio y Vanessa.

Pur mëda Burgl Varallo Nosta cara Burgl à incö i 97 agn cumplis, caos, an ne oress propi mai dì. Snaid y forza àla ćiamò n grüm, nos n’éssen demanco, metüdes dütes adüm. De cör i familiars y i amisc dl Seniorenclub

Śëgn éra finida la “pacchia”, trëi ëres él da gornè, mo te dijes io tres “lascia ma fà tati”, spo aratunse che te ti sides inće ćiamò cun chisc 40. Düt le bun por to dagnì te aoda de cör töes ëres y chi de familia.

A nosc poêt ladin I 25 de furà é śëgn chilò y 18 agn aste sön le spiné, la patent bel plan aste da te mët tl će. Da fà festa tres le prüm este, mo ma sce te let ćina les 12 pos stè. Insnöt tröpa festa saràl da fà inće sce ala ne sarà mai de massa. Resta inant tan da urëi bun sciöch t’es śëgn, te augüra to cumpagns de festa y de vita. Merk, Freddy, David, Olex y Cricio

Düt l’bun ala uma y lâ

Tarejia che à cumplì ai 23 de forà i 80 agn. Te augurun de cör düt l’bun, tröpa sanité y ligrëza. Te rengraziun pur düt ći che te as fat y fajaras tres pur nos. Ćiara da restè inant tan snaidich y da urëi bun! Tü familiars

42

www.lauscdiladins.com

N ël chier da lëur sciche cuech o segondo cuech, per la sajon da d’instà che vën. Tel. 392/1513805 (cherdé su do la 17.00) ••• N’ëila cun esperienza chier da śën inant da lëur sciche segonda cuega, a judé te cësadafuech, o a fé de uni sort de stroc, sce la va te Sëlva. Tel. 328/9513949. (06/11) ••• N ël che rejona talian chier da lëur a cialé de na persona de tëmp. Tel. 345/3375092. ••• N ël cun esperienza chier da lëur da pizzaiolo. Tel. 338/2713726. (06/11) ••• N’ëila chier da lëur a rumé su te Gherdëina. Tel. 349/7388096. (06/11) ••• Na jëuna chier da lëur sciche chelnera, a judé te cësadafuech o nce a rumé su la majons, a puzené cuatieres o scenó nce a fé da fancela te na cësa privata, te Gherdëina. N ne à nia drë de ti dé d’albierch. Tel. 327/8850206. (06/11) ••• N ël chier da lëur per chësta sajon da d’inviern sciche aiut-cuech o capo partita. L à plu ani de esperienza y l diplom dla scola de hotelaria. Tel. 345/2562333. (06/11) ••• N’ëila che rejona talian chier da lëur a cialé de na persona de tëmp cun puscibltà de abité iló. Tel. 320/6564661. (07/11) ••• N ël chier da lëur a lavé ju te na cësadafuech. Tel. 327/0661987. (07/11) ••• N pizzaiolo cun esperiënza chier da lëur te Ghedëina, sce la va a Urtijëi. Tel. 338/2713726. (08/11) ••• N ël chier da lëur te Gherdëina a judé te cësadafuech, a judé te n hotel a fé d’uni sort de stroc. Tel. 345/8097702. (08/11) ••• N ël chier da lëur te na cësadafuech. Tel. 328/2062651. (08/11) ••• N pèr dla Talia che lëura a Urtijëi chier n cuatier da tò a fit per dut l ann da mei inant. Tel. 333/1879419. Anna. (08/11) ••• N ël cun esperienza y cunescënza di lingac talian, tudësch y nglëisc chier da lëur coche chef de rang o barista. Tel. 0781/1896133 o 329/6461350. (08/11) ••• Na jëuna chier n lëur sciche barista o a rumé su a Urtijëi da śën inant. Tel. 329/4123241. (08/11) ••• N jëunn cun esperienza de 6 ani chier da lëur da auril inant da pizzaiolo cun furnel a lënia o a lectrisc y da acrobat. Tel. 339/2206833. (08/11) ••• N jëunn chier da lëur a judé te cësadafuech a fé de uni sort de stroc y da zumpradëur. Tel. 327/8378389. (08/11) ••• N ël dl post cun la patent C-E cun cqc chier da lëur da camionista o velch da de tel. Tel. 345/6282455. (08/11) ••• N’ëila chier da lëur sciche vardian de cësa, o a fé d’uni sort de stroc. Sce l ie mesun te Gherdëina. Tel. 327/4497267. (08/11) ••• N ël dla Talia cun truep ani de esperienza de lëur y che sà la rujenedes talian, nglëisc y tudësch chier da lëur coche pizzaiolo o cuech. Tel. 327/3240545. (08/11) •••

inserac@ lauscdiladins.com

Da chirì Al vëgn chirì gherlandes vedles de banda, che gnô adorades dandaìa pro les sopoltöres. Tel. 377 2323891. (06/11) ••• Al vëgn chirì n apartamënt da tó en afit da merz inant por 2 porsones a Al Plan o a S. Laurënz. Tel. 328/7935384. (06/11) ••• N pèr che lëura a Urtijëi chier n cuatier per dut l ann da mei inant. Tel. 339/3378720. Nicola. (06/11) ••• L vën cris n pitl cuatier per trëi persones,

N’ëila de Urtijëi dà ëures de sustëni per mparé tudësch y nglëisc a sculeies o studënc o a duc chëi che à nteres a mparé zeche leprò. Prëibel cherdé su l 333/8298992.

a Urtijëi o ti luesc ntëurvia, per dut l ann. Tel. 327/4497267. (06/11) ••• L vën cris na mascin da cujì a lectrisc. Chi che n ëssa una da vënder possa cherdé su l 335/6970401. (06/11) ••• L vën cris n cuatier per na familia, per dut l ann, te Gherdëina. Tel. 329/6941500. (07/11) ••• N pèr dla Talia che lëura bele truep ani te Gherdëina chier n cuatier dai 1. de juni inant. Tel. 339/6004559. (07/11) ••• L vën cris n gran cuatier da tò a fit per dut l ann te Gherdëina o nce oradecà. Tel. 320/3871663. (07/11) ••• N’ëila dla Talia chier n cuatier da tò a fit. Tel. 339/7323932. (08/11) ••• N per dla Talia chier n cuatier da tò a fit te Gherdëina o a Ciastel dai 1. de juni inant. Tel. 339/6004559 o 349/7259058. (08/11) •••

Hotel Corona**** a Al Plan chir da jügn inant n/na prum cogo/coga n/na secundo cogo/coga n/na secreter/ia receptionist/a n/na chelner/a por salf. Osta domanda de laûr nes fej plajëi. Robert y Rosmary Frenner Tel. 335/303480 o 348/6041774 info@hotelcorona.net

A San Ćiascian vëgnel venü n toch de grunt de 800 m2. Prëibel telefonè al 334/7640166.

Tl zënter de Urtijëi sun plaza S.Antone vëniel fità via n local per butëiga o ufize de 30 m2 + 35 m2 de magasin bas ite. Per plu nfurmazions pudëis cherdé su l numer de fonin 335/222531 o scrì a info@bwilli.com.

Da fité via tla Sardegna a Porto Cervo te n residence dla sort A n cuatier da cater liec, 2 doces, gran terassa, cun n bel cialé ora, daujin dala spiagia y cun luegia per l auto. Tel. 0471/288572

A S.Linert/Badia vegnel afité ia n gran apartamënt de ca. 80 mq. Prëibel telefonè al 0471/839565.

L vën vendù la ultima garajes tl zënter de Urtijëi tla streda Roma 8. Per plu nfurmazions pudëis cherdé su l 0471/204634 o l 366/2777802.

La firma de Südtirol Dolomites Real Estate vënd per si tlienc scialdi de biei cuatieres a Desenzano sun l lech de Garda cun ududa sun l lech fac su a puntin de categoria cësa tlima “B”. Per plu nfurmazions pudëis cherdé su l 0471/204634 o l 366/2777802.

Da vende Al vëgn venü 4 montli Bridgestone Turanza ER 30, mosöres 255/50/19, 103W (al 60%) a n bun prisc. Tel. 0471/847534 o 347/8907846. (06/11) ••• Al vëgn venü n Fiat Grande Punto Sport 1,9 mjet 130 CC, dl ann 2007, 60.000 km, corù cöce, cun tröc optionals y 4 felghes cun montli da d’invern. Telefonè a Renè al 392/1876019. (06/11) ••• Al vëgn venü n VW Polo 1.4, dl 2006, cun 45.000 km. Prëibel telefonè al 338/3853063. (07/11) ••• Al vëgn venü na ćiasota de lëgn por n ćian de grandëza mesana. Prëibel telefonè al nr. 0471/847029. (08/11) ••• Da vëne n guant da nücia mosöra 44 blanch, ćialzà nr. 41 y n corpet y crabatl da nüc grisc mosöra 50 a n bun prisc. Tel. 339/1616695. (08/11) ••• Da vëne n barbecue a gas nü dla marca bst mosöres: L76 x P43 x H83 cm a n bun prisc. Tel. 339/1616695. (08/11)

Wintersteiger leader mondial tla fornidöra de mascinars, sistems de deposit y de gestiun de imprësta-schi y snowboard, chir por la filiala d’La Ila 1 porsona orentida, dinamica y iniziativa por le sorvisc tliënć intern cun contrat a tëmp indeterminé por 40 ores edemanales dal lönesc al vëndres 8:00-12:00 y 14:00-18:00. Precondiziuns: diplom de madoranza, dër buna conoscënza dl talian y dl todësch scrit y baié y buna conoscënza dl ingleje scrit y baié, buna conoscënza software ambiënt windows office. An prëia da contatè la Wintersteiger Italia Gmbh-Srl al numer de telefonn 0471-845837, fax. 0471-844179 y e-mail: stefan.thaler@wintersteiger.it


Inserac, Religion y Anunzies

nr. 08 / 25 de fauré 2011

La fujina da spangler Kostner te Sëlva chier 1 fant. Tel. 0471/794285 o 335/8246352. La dita Erich Palfrader d’Al Plan chir da atira moradus. Al vëgn garantì n bel tlima de laûr y n bun paiamënt. Prëibel cherdè sö le numer 335/5267900 o menè na e-mail a erich@palfrader.com

La dita Othmar Daporta Termosanitars da Lungiarü chir da atira 1 laurant imparè fora o 1 lerner. Telefonè prëibel al 335/6665505.

Boutique Monika a Corvara chir n/na colaboradù/ëssa cun responsabilité. Prëibel telefonè al 339/5609782 Monika.

Hotel Ladinia *** a La Ila chir por la sajun da d’isté chelneri/es por salf y bar. Prëibel telefonè al 0471/847044 fax 0471/847394 o menè le curriculum a info@hotel-ladinia.com Hotel La Majun a La Ila chir dai 20 de mà inant por la sajun da d’isté 1 barista cun esperiënza 1 chelner/a cun esperiënza intrames cun de bunes conescënzes dl todësch y dl talian. 1 estetista. Prëibel telefonè al 0471/847030.

Provinzia Autonoma de Bulsan L’aministrazion dla Provinzia à scrit ora n cuncors per chësc profil profesciunel: 1 ispetëur/a tecnich/a VIII qualifica funzionela per la repartizion 31 – agricultura. La stiera ie resserveda per la grupa de rujeneda tudëscia. Damandà vëniel l atestat de bilinguism A. Per i candidac ladins vëniel damanda l atestat de trilinguism. La dumandes muessa unì dates ju nchin la 12.00 di 15.03.2011. Per nfurmazions plu avisa iel mesun cuntaté la Repartizion dl Personal, Ufize per tò su personal, a Bulsan tla streda Renon 13, telefonn 0471/412106 o 0471/412244 . La bandides de cuncors y i formulares per fé dumanda ie tl internet sot ala plata web dla Repartizion Personal: http://www.provinz.bz.it/personal/themen/ aufnahme-wettbewerbe-wettbewerbe.asp

Hotel Antines a La Ila chir por la sajun da d’isté 1 barista 1 chelner/a por salf 1 estetista/massöra. Prëibel telefonè al 0471/844234.

Hotel Col Alt a Corvara chir por la sajun da d’isté y da d’invern n secundo cogo. Tel. 0471 836009 Fax 0471 836066 e-mail: info@colalto.it.

Anunziésse I chiriun n/na colaboradù/ëssa Osc profil: I ëis stlüt jö na scora alta, i sëis na porsona engajada y podëis mostrè n sëns de responsabilité, de bunes manires y na presënza sigüda. Osta domanda: Sce i sëis interessè/ada, prëibel menede Osta domanda (cun curriculum vitae, esperiënza de laûr, fotografia, copies di diploms/notes de scora y la data ch’i sciafiëis da mëte man) ala direziun dla Cassa Raiffeisen Val Badia, sënta de Corvara. Cassa Raiffeisen Val Badia Str. Col Alt 16 39033 Corvara franco.bertoldi@raiffeisen.it

La firma Insam Trasporti a Urtijëi chier n ël a mez tëmp cun la patent B y che à nce esperienza tl lëur de ufize, dai 15 de auril nchin ai 15 de utober o nce per dut l ann. Per plu nfurmazions pudëis cherdé su l numer de ufize 0471/796110 o l 335/5900971.

Hotel Antermoia chir por la sajun da d’isté na ćiamenëssa. Prëibel telefonè al 0474/520049.

Mparè Ingleje Professuria laureada americana che vir tla Val Badia insëgna ingleje a porsones singoles y/o a de pici grups, ingleje che an adora por laorè, studië o por iadi. Ara pita inće traduziuns dal talian al ingleje y coreziuns de tesć. Prëibel cherdé sö le 340/9569527. lalasplace@hotmail.com www.englishpertutti. com

N ëila de 30 ani che viv a Tluses cun esperienza te plu lëures y cunescënza dla rujenedes talian, tudësch, franzëus y nglëisc chier n lëur te Gherdëina o tl raion Tluses - Persenon. Tel: 331/4329113.

Le Comun de Badia chir n vardian/a por la Ćiasa dla Cultura a La Ila (laûr adatè por n pêr - al vëgn pité laprò n apartamënt). Informaziuns da ciafè te secretariat de comun al 0471/838224.

Hotel Luxor & Cairo **** Lido di Jesolo chier per la sajon da d’instà n chef capo partita chelneri/es per la sala na persona respunsabla per la sala na barista na persona che juda te reception. Prëibel mandé l curriculum a info@luxorcairohotel.it Telefonn 335/5446372. Na firma da moler de Gherdëina chier 1 laurant. Prëibel cherdé su l 333/2560115 o da sëira l 0471/797559.

Vangel dla Domenia Otava domënia ia por l’ann A, ai 27 de forà 2011 Dal vagnele do San Matî, 6, 24-34 Te chël tëmp à Gejù dit a sü discepui: “Degügn ne po sorvì dui patruns; o al ti arà le sënn a un y ti orarà bun al ater, o al tignarà da un y desprijarà l’ater. I ne podëis nia sorvì trami, Dî y le màmonn. Porchël ves diji: ne stede a se cruzié por osta vita y ch’i ëise bëgn da mangé y gnanca por osc corp y ch’i ëise bëgn da se vistì. Ne n’é nia forsc la vita plü importanta co le nudrimënt y le corp plü co le vistimënt? Ćiaredi pro ai vicì dl cil: ai ne somëna nia, ai ne racöi nia y n’abina ite nia tles majuns: osc Pere tl cil i nudrësc. Ne valëise os nia trö’ deplü co chi? Chê de os é pa bun cun düć sü fistidi da arlungé süa vita inće mâ de na spana? Y ćiodî se cruziëise pa por osc vistimënt? Imparede dai gili, che crësc sön ćiampoprè: ai ne laora nia y ne fira nia. Mo i ves diji: ćinamai Salomun n’ê te döta süa gloria nia vistì sciöche un de chi. Sce Idî vist bele cun tan de richëza l’erba, che é incö sön ćiampoprè y che vëgn indoman sciurada te füch, tan deplü pa spo os, jënt de pücia fede! Ne stede a se cruzié y a damanè: ći désson pa mangé? Ći désson pa bëre? Ćî désson pa se vistì? Deache de chësc vara pro i pagans. Osc Pere tl cil sa ch’i ëis debojëgn de döt cant chësc. Pro os déssera naôta jì dl rëgn de Dî y de süa iustizia; y döt l’ater ves vëgn dè laprò. No se cruziede por indoman; deache le dé da indoman fistidiarà por sè instës. Vigni dé à instës assà da se cruzié. Parora dl Signur. – Lalt a té, Gejù Crist!

Recordanza

Benedetta Brunel 25.02.2006 - 25.02.2011 Tel vidor de nosc cher l’é n fior che no empassolesc mai. Mama e papà con dut so amor i seghitarà a l coltivèr percheche l reste semper coscita.

Recordanza Cianacei 22.02.2008 – 22.02.2011

Fulvio Pacher Acà trei egn ti es sgolà tel ciel apede al soreie e la nìgoles olache regna acort e pèsc, ma ogne dì ti es te nesc pensieres e mai te tin jirès da nesc cheres. Da lassù deidene te nosc viac cajù, tol per man tia pìcola Aisha e deidela te la proes del davegnir mami, papi, Jimmy, Rebecca, Aisha e duc chi de cèsa

Recordanza

Gianfranco Dell’Andrea * 30 de otobre del 1938 + 8 de febraro del 2011 L Signor l à dit “Mi son la ressurezion e la vita, chi che crede nte mi i vivarà incia se i muor”. Ai 8 de febraro n’à lassé, fora de nia, nost pare, che à bù dagnora la serenità ntel vive e che à sapù se sacrificà per l amor de sua famea. N senzier gramarzé a duc chi che i é vignui a sepoltura e a rosare le sere davant, ai Studafuoch da Col che i l à portà, ai Sizeri, al coro de gejia, ai vijign s’à ciot la bria de portà l gonfalon, la cros e l feral. Encora n gramarzé a duc chi che se l à regordà e sel regordarà nte le oraziogn. La famea

www.lauscdiladins.com

43



La Usc di Ladins