Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 07/2011 - 18 de fauré 2011 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Pruca

9

aaaaa Lëures pra stazion La stazion de Pruca ie for plu y plu mpurtanta per l trasport publich. I lëures che unirà fai chëst ann per cumedé ca la stazion de Pruca ie unic prejentei dal assessëur Thomas Widmann ai ambolc y reprejentanc di Chemuns ujins.

Anter scioldi y turism

Comentar de Pruma

Luis Durnwalder ne fej nia pera pro les festes ofiziales per la “Unità” dla Talia. Les motivazions é de natura politica, soziala, storica y culturala, y povester ence personala. Ma la fazion podessa ence ester economica

La Talia complësc 150 agn

de Iaco Rigo

11

S. Cristina

Cunselieres cun i schi A Oberstaufen iel stat la 38ejima edizion dl Alpencup, garejedes de pudejé y de slalom lerch resserveda ai ambolc y cunselieres di chemuns dla Elpes.

Corvara

20

N cör por i tiers Ći fej pa pordërt les volontares che fistidiëia dla sconanza di tiers y ćiügn é pa i problems?

La Ila

22

“Sciënzes Umanes” Les scores altes da La Ila pîta da chësc altonn na formaziun implü.

La Pli

Ai 17 de merz dl 1861 él gnü protlamè le "Regno d’Italia", pro chël che al n’aldî indere nia ćiamò nostes vals ladines. Anpezo, Col, Fodom, Fascia, Gherdëna y la Val Badia é impormò passades sot le Rëgn Talian cun le Tratat de Saint Germain dl 1919. Durnwalder, le presidënt dla Junta de Südtirol y atualmënter inće presidënt dla Regiun, é ruvé tles polemiches do che al â dit che ël n’ess nia tut pert ales festivitês por i 150 agn dla Talia. "Na festa mësson sintì", àl dit. Durnwalder ne va nia a fà festa, mo nia - desche al pê ćiodîche Südtirol n’ê dan 150 agn gnanca pro la Talia. Chësc fat storich sa inće Napolitano, le presidënt dla Repubblica. Polemiches fej ti media talians y pro tröc talians de Südtirol y ghesć talians ma les emoziuns. Por capì na (vigni) emotivité désson i jì do y chirì les gaujes. Spo ruvunse indô ala storia, y la storia passada ne müda plü degügn, da Garibaldi incà, al iredentism y fascism. La Talia adorass dantadöt na leziun söla storia denanco festejé la "Unité", spo capisson inće la jënt.

23

Restaur dla dlijia

Prozes a Berlusconi

La “dlijia uma” dla valada vëgn restaurada. I sun jüs a odëi i laûrs davijin.

Da l’ANSA dl 16 de fauré 2011: <Prozes premier 6 oril, Bersani: “Berlusconi dess sen se tré indò”. Al gnirà giudiché da trei eles. Famiglia Cristiana: “Na nemesa”. Alfano: “Al é en pericul l’autonomia Parlament”. L 6 de oril gniral tegnù l prozes per Silvio Berlusconi per i reac de concuscion y prostituzion minorila tla cornisc dl caje Ruby. L rit de prescia é gnu comané dal gip de Milan, Cristina Di Censo. Per l gip é la proa clera. Les perts de dann: Karima y l Viminal. L premier gnirà giudiché da n coleghium de trei eles. Famiglia Cristiana: “Na nemesa”. Degun coment dal president dl Consei, tratant che un de si legai, Pietro Longo, comenteia: “I s’l’on speté.” “Sen jaronse en udienza”. Al é les soules paroles dl procuradour dla Repubblica de Milan, Edmondo Bruti Liberali. “Al é en pericul l’autonomia dl Parlament”, dij l Minister Alfano. L secreter dl PD Bersani atacheia: “Nos damanon sies dimiscions”. Tla nuet enconteda Lega-Berlusconi, va inant a plata 4

24

Val Badia

Polemiches I direturs dles assoziaziuns turistiches nes dij sce les afermaziuns de Durnwalder en cunt di 150 agn dla unité dla Talia à albü ripercusciuns sön le turism.

Fascia

25 - 26

La Copratives garata Dò aer vedù l Fassa Coop, vedon chest’outa co che l’é jit l’ùltim bilanz de la Copratives de Cianacei e Moena.

Peves

38

Da plan sun Sela Da Plan sun Jëuf de Sela te na mes’ëura. L Club Rodes Gherdëina à metù a jì la garejeda tradiziunela cun i schi dala peves.

Végnel sen manco ghesć talians te Südtirol y tles valedes ladines - sciche segn de protesta a les declarazions de Durnwalder? Val’ é segur: ti media (dantaldut ti forums de discuscion sun internet) jòlel n gran stuep. (foto: gallorosso.it)

Politica - Per ti tò n pue la dramatizité de dut cant podessen se divertì de vedei tant inant che al vegn tles valedes ladines tegnù inant pro l conzet de politica etnica sun la fondamenta de ideologies morales culturales storiches y religiouses che essa si rejon de ester me che é sovenz me de fassada, o sce chesta va a se lascé benedì - a dì dl talian, canche la va dl tacuin. Sce Durnwalder y i assessours todesc y ladins fej festa, sce al é dret o manco, chel possa ester element de discuscion politica, de oportunité politica o manco, de autonomia, de manira y diplomazia. Valch é segur: la cossa à ence na fazion sun l turism. L client talian podessa, con rejon o manco,

se n avei impermal y ti auzé l spinel a nost raion per sies feries. A livel cuantitatif ne tòmel ciamò nia l mond: al é n valgunes letres, e-mails y telefonedes de protesta tla Val Badia, y tant che degunes, almanco ciamò, te Gherdeina, ma ben na certa cumpeida a livel de Südtirol. L servisc de turism provinzial LTS à mané fora na zircolara per invié les Lies de Turism a monitoré la cossa - sciche an dij, a dé inant informazions en cont de reazions de protesta o ence de desdites da pert di clienc talians. Te Gherdeina él per ncuei vënerdi unì nvià a na senteda danter i espunënc dla Lies dl Turism y di Cunsorz per se dé ju cun la cuestion. Zeche se muev, unfat ne n’él nia cie che n president

dla Provinzia dij te sia inciaria ofiziala. Ence sce la fazion de dut cant n’à ciamò nia na resposta cuantitativa, statisticamënter relevanta, per intant, spo él impò de se fé n pensier sun la fazion tl dagnì: na touta de posizion che possa avei na fazion negativa de marketing turistich. Nia dalonc da la Val Badia y Gherdeina n’é les autres vals ladines, y ence chestes - tl contest dl “panorama” dolomitich, podessa sentì l eho negatif a la declarazion de Durnwalder de ne tó nia su l invit dl president dla Repubblica Giorgio Napolitano per la festa dl 17 de merz 2011 (deplu a plata 24). David Lardschneider


Letres y Atualité

nr. 07 / 18 de fauré 2011

Dales zentrales di partis politics

Resposta a Erich Demetz Stimé y ćer Erich Demetz, ći che Os dijëis tl’ultima “Usc” é important, relevant y vëi. Che s’infida da baié de todeschisaziun de cognoms sëise Os le pröm, por ći ch’i sa, te chësc sfëi. Val’ oressi mo impormëte da mostrè sö, n

lapsus ch’i Ëis fat, involontar. Tl todësch dìjon “sich platzieren” y por talian “piazzarsi”, insciö inće tla RAI Ladina va bun y é dërt “se plazè”. Porater, seniëur “Copa dl Monn”, me sàl tres bel da podëi lì Ostes minunghes. Val’ poi ćiamò

Ves dì, che é le rus, che i savëis y a chël ch’i Ves à n pü’ la gola y che descëda te me amiraziun. Ch’i romagnëise ćiamò sann intun, che i ladins à debojëgn de Osc savëi. Paul Zardini, Al Plan de Mareo

Dales zentrales di partis politics

Durnwalder ti fej dann al turism Ulons tò posizion n con’ dl sëurastant dla provinzia autonoma de Bulsan Luis Durnwalder che ne fej nia pea pra i festejamënc di 150 ani dl’unità dla Talia. Zënza jì ite tla rejons de chëles che uniun possa pensé coche l uel, sons dla minonga che sce n sëurastant de na Provinzia taliana vën nvià a na zeremonia ufiziela, tuchëssel da fé pea almanco per maniera. Südtirol fej pert dla Talia da belau cënt ani incà. L nes ie unì cunzedù n’autonomia sciche a deguni d’ autri, y duc ie cuntënc cun chësta situazion, ora che n valgun fanaticri che viv perauter mé de tizé tl stritoz etnich. Scumenciadives sceries per se destaché dala Talia ne n iel te chisc belau cënt ani ënghenó mo states degunes, a desmustrazion che son cuntënc coche union tratei dai taliani. Povester nce ajache savon che sot al’Austria ne unissans nia tratei miec. Bonamënter messëssa i politicri dla SVP, che fej tlo da nëus l bel y bur’ tëmp da passa

sessant’ani incà, sce i fossa pra l’Austria se adaté a na democrazia ulache l ne cumandëssa nia mé for ëi. Aldò de na nrescida fata nia da giut, à i austriacs monce detlarà de ne nes ulëi nia. Coche la ti jissa ala jënt ladina tléchel mé ti cialé coche la ti va ala mendranza slovena tla Ciarënzia. Durnwalder iustifichea chësc si cumpurtamënt dijan che per ti fé n plajëi ai taliani ne pòssel nia ufënder la doi grupes etniches tudëscia y ladina, che sce on capì drët, ie da ël ora tramedoves mendranzes austriaches. La jënt ladina ne n’ie segurdenó na mendranza austriaca, ajache nëus son n popul retoromanich che nchin dan za. 100 ani fova sot al’Austria y che ie śën sot ala Talia. Nëus son la sëula mendranza etnica te Südtirol. Se damandon che l ne vënie nia strumentalisà la grupa etnica ladina per iustifiché la raida a man drëta dla SVP, che proa inò a se abiné de reviers la stimes perdudes ai Freiheitlichen! Che la jënt ladina se sentissa ufenduda sce Durnwalder

fajëssa pea pra chisc festejamënc iel bën dassënn da dubité. Da nëus ora ie chësc stat stlet per i bon raporc cun i taliani che se sënt, cun rejon, ufendui. Sce Durnwalder uel bele tré ca i ladins, pona dëssel ma ël ti cunzeder almanco mpue’ de chëla autonomia che ti ie unida cunzeduda a si mendranza austriaca dala Talia y nia fé for dldut per pudëi manejé nosta jënt per si nteresc cun la viertla che l uel cialé de nëus. Ne n’ie pa chësc cumpurtamënt nia sëni de puecia crëta, de puech respet sce nia monce de desdëni de viers dl popul ladin? Da nëus ora iel nce sëni de desdëni permez ai taliani, de ne azeté nia l nvit ala festa di 150 ani dl’unità dla Talia. Da n sëurastant de na provinzia che viv nce dl turism talian se aspitëssen bën mpue’ plu de sensibltà. Per duta chësta gaujes tol l partit Ladins Dolomites la distanzes da chësta maniera de fé.

Me damande ciuldì? N sada ai 5 de fauré, coche perauter uni sada che son tlo, sons furnà ite te Plan (ulache sté) y inò oravier, truep iedesc. Coche uni sada d’inviern, ne fova l trafich nia da tenì ora. Cieche dajova plu tl uedl fova che te Plan udòven tlermënter la linges de auti che jiva su de viers dl jëuf y che univa ju dal jëuf. Uni iede me damandi: ciuldì messons’a nëus tenì ora l trafich che va de viers dl’Auta Badia? Ne ons’a nëus nia assé cun l trafich de nosc turisć? Zachei ova dit plu da giut che l turism cumporta tl medemo mumënt nce trafich. Ma vëira iel che l bënsté dla jënt de Gherdëina vën smendrà dal trafich de n turism che per na pert bëndebò granda ne n’ie nianca no nost. Zachei dijerà che l bastëssa che l guviern provinziel mëte n „valgun“ milions de euro per fé na zircumvalazion. Chël fossa povester na soluzion bëndebò cëra per la pert soziela, che fossa l bënsté dla jënt, ma nia per la soluzion ecologica. Na zircumvalazion trajëssa plu trafich y fajëssa dessegur dl mel ala natura sun i jëufs. Ie son dla cunvinzion che Gherdëina ne ëssa degun problem a supurté l trafich de si turism, coche l ie nce da udëi uni iede che l vën ju na levina sun l Jëuf de Frea. Perchël me damandi:

ie pa plu mpurtant l bënsté dla jënt de Gherdëina o che i patins ruve plu aslune tla Val Badia? Sce l se tratëssa de na cossa reziproca, chël fossa che te tramedoi la valedes iel la medema situazion, pona capissi nce mpue’ la solidarietà… Ma ciuldì che nëus messon tenì ora l trafich de na valeda ujina, chël ne capësci nia. Tlo iel debujën de na soluzion soziela, economica y ecologica. Per soziela, mieni na soluzion che feje sté miec la jënt dl luech (che la umans posse unitant nce avëi manco de mes’ëura per fé n valgun chilometri a jì a cumpré ite, per economica mieni na soluzion che ne vede nia massa tl tacuin y per ecologica mieni na soluzion che vede a stravardé nosta natura, nosc biei jëufs. L fossa na soluzion drët scëmpla: dsaré i jëufs uni fin dl’ena d’inviern. Nscila ne à chiche lëura ntan l’ena degun problem y la doi valedes ladines te Südtirol ne unissa nia despartides. Y per chël che à da n fé cun la pert turistica tuchëssa Gherdëina bën da lauré dl viers de deventé n luech de travert y no n luech da furné tres. L fossa tosc gran ëura che l se mudëssa zeche. Max Mussner, portausc di FJ Gherdëina

Ladins Dolomites Urtijëi

Sparagné, demez con personal? Fora de nia à duc i stac messù mete man de sparagné ajache ai à dé fora plu scioldi che cie che ai essa podù y la jent à vivù sourafora desmazan scioldi. Per sparagné végnel straiché posć de laour, lascé jì personal, sceben che al é bele n grum de jent che chier laour. An podessa sparagné sun les stredes y les gran frabiches publiches.

Agaié direzions ladines? Al per che an vuele agaié les direzions dles scoles autes ladines tla provinzia de Bulsan. Al é de speré che ensegnanc, direzions, Lia di Maestri y Assessour ladin se pare contra chesta malintenzion dla provinzia. A La Ila él bele vegnù fat na direzion soula per les does scoles autes! Te Gherdeina manàcen de fé l medem fal.

Per Gherdeina vuélel ester na direzion per l ITE “Raetia“ y na direzion per l Lizeum Artistich con la Scola Profescionala per i Artejans. Chestes does scoles é pu cotant autramenter de formazion: una economica y l’autra artistica. Les scoles perdessa sia identité sce ales vegnissa sforzedes de sté adum te un n plan formatif. L Lizeum Artistich de Urtijei é la scola auta plu vedla - ala à passa 100 agn - dles valedes ladines. Ala é na scola de enteres provinzial, àla pu demé ela la spezialisazion de “design“ che ne é zenza iniò tla provinzia. Demé chesta scola de Urtijei à tant de ores de pratica de laboratore depierpul che i autri lizeums de ert talians y todesc dla provinzia se limiteia scialdi demé a la teoria. Na bona soluzion fossa de fé na direzion soula per l Lizeum Artistich

y la Profescionala per l Artejanat; ales paissenassa adum; na direzion demanco fossa pu bele arjonta. Taié con n bot de manara does direzions fossa demassa tegnan cont che la scola ladina ne à feter degunes direzions. Les does scoles autes te Gherdeina é tl cresce en cont de scolés; n diretour per scola podessa se dé jù ciamò deplù per les porté inant con na promozion che les scoles se damana. An ne pò y ne dess nia jì enant con taié les strutures direzionales che al vuel ester per ti dé emportanza y svilup a les scoles. Taié direzions podessa porté i ladins n bel di a perde l sistem conzetual dldut. Chest fossa n ciamp da combate per defene enteresc ladins. La scola é la pera de cianton per la formazion de nosta jent! Lois Trebo

Ejam ladin per nsenianc Per ruvé tla graduatories di nsenianc tla scoles ladines muessen avëi fat n ejam de ladin aposta. L proscimo ejam per nsenianc sarà chëst ann ai 21 de merz, n possa se lascé nuté su nchin al plu tert duman sada ai 19 de fauré Scola - La dumandes per fé l ejam de ladin per nsenianc de scola y scolina muessa unì fates pra la Ntendënza ladina a Bulsan. L ejam vën damandà te na pert scrita y a usc. Tla pert scrita iel da fé na traduzion dal talian o dal tudësch, aldò dla ulentà di candidac. A chiche passa chësc ejam per pudëi fé pert dla graduatories ti vëniel nce

2

www.lauscdiladins.com

recunesciù l ejam de ladin, de livel A, per l trilinguism. N cunlaurazion cun l Istitut Ladin Micurà de Rü iel ntan chësc mëns unì pità cursc de preparazion tl idiom gherdëina y te chël dla Val Badia. Per l ejam pòssen nce se njenië ca autonomamënter. Tla direzions dla scolines, dla scoles y tla Ntendënza Ladina vëniel pità l

liber “Cultura ladina” per se njenië al ejam. (ufize stampa provinziel de Südtirol) Priesc d’abonament anual: per la Talia: 58,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 07 / 18 de fauré 2011

Mort sun streda

Fiera Futurum a Bulsan

Sun la vedla streda danter S. Cristina y Urtijëi, do l Betania, iel n lunesc domesdì ai 14 de fauré suzedù na desgrazia murtela. L mort ie l maitre dl Hotel da Mauriz Adler de Urtijëi, Salvatore Alessandro Pischedda de 38 ani dla Sardegna

La fiera Futurum ne n’ie chëst ann nia dedicheda a duta la furmazion, chëla dala scolina nchin al’università, ma defin ala reforma dla scola auta. Chësc ie dantaldut de utl per la families de sculeies che muessa nchin ala fin de merz avëi cris ora na scola auta

L auto do la desgrazia.

Cronica - La desgrazia ie stata ntëur la 17.30. Aldò de prima nfurmazions à l sciafer de n auto cun targa Bulsan perdù l cuntrol dl auto tla raida dl Hotel Hartmann y ie frit bel ndrët te n schibus che furnova itevier. Per chël che avisova l auto ne n’iel stat nia da n fé, l ie mort puech do la desgrazia. Salvatore Alessandro Pischedda laurova coche maitre tl Hotel da Mauriz a Urtijëi. Manuel Perez de Urtijëi che fova sentà dlongia ie mé unì ferì puech, l sciafer dla

curiera y duc chëi che fova tla curiera ne se à nia fat mel, ma l sciafer à giapà n gran shock. Duc i passajieres se à sperdù dassënn y à riesc cherdà aiut. Aldò de testemunianzes jiva l auto bëndebò debota y tla raida ne n’iel pona nia plu stat bon de dsaré ite, firan cun dut l sgors te curiera. Riesc iel unit adalerch i uemes dl Aiut Alpin Dolomites cun l dutor, i Destudafuech de Urtijëi y S. Cristina, doi auti dla Crëusc Cuecena y i Carabinieri, ma la vita

dl ël ne n’ie coche dit nia plu stata da salvé. La vedla streda ie plu giut unida dsareda al trafich. (dv)

La curiera.

Scola y Fiera - La terza edizion dla fiera Futurum a Bulsan ie davierta da inier nchin a n dumënia ai 20 de fauré. La gran mpurtanza dla fiera vën sotrisseda dai cater assessëures provinziei per la furmazion: Florian Mussner, Sabina Kasslatter Mur, Hans Berger y Christian Tommasini. I assessëures à metù a cuer la mpurtanza de na bona nfurmazion che ie la fundamënta per crì ora la scola auta adateda: “La cunsulënza per mestier y cariera ie bele ududa dant tla diretives europées de Lisboa, acioche l’Europa posse deventé n raion economich basà sun l savëi, plu dimanich,” à dit l’assessëura Kasslatter Mur. Te tëmps ulache l mestier ideél ne n’ie nia cis da abiné danter la pusciblteies dates dal marcià de lëur, ne vàla nia zënza na dezijion fata a puntin per scola y mestier. De chësc viers fej i assessëures provinziei n apel ala families de no crì ora la streda de furmazion ala lesiera, ma rujenan truep cun i jëuni y sun la fundamënta de na bona nfurmazion.

Na fiera per la scoles autes N servisc de nfurmazion ie nce la fiera dla furmazion, che ie chëst iede dedicheda defin ala scoles autes tl Südtirol. I jëuni possa tla fiera se fé n cheder drët tler dla vela de furmazion che vën piteda per pudëi crì ora plu saurì la scola auta. Ajache de setëmber jiràl n droa la reforma dla scola auta, iel debujën de stlarì la cundizions nueves a sculeies che fina la scola mesana y a chëi dla prima tlasses dla scoles autes. Futurum pieta la miëura puscibltà de rujené de persona cun esperc y giapé nsci

respostes de prima man sun duta la cuestions nia tleres.

Trëi seves de scola auta L cunzet dla fiera ie fat sun la trëi seves nueves dla scoles autes, i lizeums, i istituc y la scoles profesciuneles. Da pert dl Ufize provinziel per la furmazion uniràl pità na udleda generela ala scoles da crì ora. I nsenianc dla scoles singules prejënta ulache l vën pità la furmazions, i ciamps de cumpetënza dla scoles cun si ponc zentrei y la furmazion di mestieres. La fiera Futurum puderà unì vijiteda mo nchin a n dumënia ai 20 de fauré, uni di dala 9 danmesdì nchin la 6 da sëira tla fiera de Bulsan. Cun chisc orares ne àn nia mé pensà ala tlasses, ma nce ai genitores.

Campiunac provinziei di mestieres Per nuzé sinergies y per sparanië custimënt, vëniel chëst ann, deberieda cun la Futurum, nce metù a jì i campiunac provinziei di mestieres. Bën 170 lerneri y fanc de 19 mestieres se mesura danter ëi. I urganisadëures dla Lia provinziela per l artejanat LVH/ APA se aspieta 5.000 sculeies che vën a cialé pro. Per l prim iede ne n’iel nia mé artejans jëuni che fej l campiunat, ma nce i jëuni dla gastronomia, hotelaria y lëur da paur. I campiunac ne vën nia mé metui a jì per prejenté de prima persona i mestieres ai vijitadëures dla fiera, ma i vel nce sciche cualificazion per i campiunac dl mond di mestieres, che sarà pona de utober a Londra. (ufize stampa provinziel)

Hop hop ai atleć ladins Chisc dis saral da odëi ai Mondiai de schi alpinn a Garmisch Partenkirchen Manfred y Manuela Mölgg, y Cristian Deville Schi - Do le bel suzes personal de Innerhofer cun trëi medaies (or, arjënt y brom) y la medaia de brom por Peter Fill ai Mondiai de Garmisch él gnü le momënt dl start inće por nüsc atleć ladins, danfora Manfred Mölgg y Manuela Mölgg y Cristian Deville. I dui fredesc d’Al Plan Manfred y Manuela Mölgg é danter i protagonisć é da odëi tles gares y les protagonistes chisc dis ai Mondiai de de slalom lerch y Garmisch. slalom strënt , Cristian Deville tl slalom. Chëstes forà slalom strënt dles ëres, les gares: vëndres ai 18 de forà domënia ai 20 de forà slalom strënt slalom lerch di ëi, sabeda ai 19 de di ëi. www.lauscdiladins.com

3


Atualité

nr. 07 / 18 de fauré 2011

N miëur cunliamënt per fonins y internet

Cudejel reforma scola

La situazion atuela n cont de cunliamënc per i fonins y l internet ie ai 7 fauré stata un di argumënc zentrei dla senteda dla Jonta provinziela

Sculeies che ulëssa nfurmazion n con’ dla vela de scoles autes tl Südtirol giapa chisc dis n cudejel ulache i possa se fé n cheder dla situazion

Internet - A una de ulëi ruvé plu riesc a n miuramënt di cunliamënc tla valedes da na pert ora, se damanderàn n’ancunteda cun l aministradëur dla Telecom Franco Barnabé. Te truep de mëndri luesc, dantaldut te raions mpue’ desman, ne cuer la rë di fonins nia dut l raion. Per abiné la linia dl fonin muessen jì a se crì la drëta luegia y sce n ie sun l viac, toma l cunliamënt plu suvënz. “Chësta situazion ne cumporta nia plu cualità de vita,” à dit l presidënt Durnwalder tla cunferënza stampa do la senteda dla Jonta. Per ruvé plu riesc a n miuramënt à la Jonta dat pro de damandé n’ancunteda cun l aministradëur dla Telecom Franco Barnabé. “O che giapon i servijes

che adurvon, o che messon crì auternatives,” à dit l presidënt. L cunliamënt aslune de internet ie te nosc tëmps deventà no mé de mpurtanza primera per l’economia, ma l ie dantaldut per luesc plu desman n servisc per miuré la cualità de vita. Per la gran firmes de telecomunicazion ne n’ie i raions da mont cun manco populazion nia nteressanc assé per fé de majeri nvestimënc. La Provinzia de Bulsan che se à tëut sëura de chësta problematica à bele purtà inant dassënn l servisc. La Jonta provinziela ie stata a una de mené do i programs che à l travert de arjonjer nchin tl 2013 duc i chemuns. Proscimamënter uniràl metù roles nueves dal strom sot a tiera, y te

chësta ucajion ulëssen nce mëter ju la roles per i cabli de fibra otica. “A chësta maniera sparanions tëmp y custimënc,” à dit Durnwalder. Te plu caji à la Provinzia bele njenià la roles, ma la firmes privates ne à mo nia tacà ite l internet. Da Mals, nchin a Maran, Bulsan, Persenon y nchin ala sëida do Sanciana iel bele unì metù l cunliamënt de fibra otica. Da na pert ora à la prima valedes, sciche Sarntal o Turesc bele giapà l cunliamënt nuef. Danter Furtëza y l Prëner iesen tl lëur de fé i cunliamënc de internet aslune. Dut l raion provinziel ie curì cun la linia aslune, ma te plu valedes da na pert ora màncel mo l cunliamënt cun cabl. (ufize stampa provinzial de Südtirol)

Rujenedes y università Università - La Jonta provinziela fova a una che l’università se damande n livel plu aut dla rujenedes per scumencé n stude. “La forza dl’università de Bulsan ie la rujenedes, perchël sustenions i pruvedimënc per auzé l livel de chësc pont de forza,” à dit Durnwalder. Per se scrì ite al’Università de Bulsan muessen savëi tudësch, talian y nglëisc. Aldò dl urdenamënt de stude nuef, dat pro ai 7 de fauré dala Jonta

provinziela, muessen mustré su n livel plu aut per pudëi scumencé n stude. “Per l Bachelor, l stude de trëi ani, muessen demustré de savëi almanco doi rujenedes al livel B2, che ie feter sciche l bilinguism B,” à dit Durnwalder. Ntan l prim ann de stude iel pona da fé n ejam dla terza rujeneda. Per l Master, l stude de doi ani do la minilaurea, muessen mustré su l livel plu aut, l C1, per almanco una na rujeneda. Na segonda rujeneda

muessen savëi al livel B2. L urdenamënt nuef vëija nce dant che i studënc miureie la cunescënza dla rujenedes ntan l stude, dajan nce ju n ejam. Studënc dl Bachelor muessa nchin ala fin dl stude arjonjer l livel C1 te una rujeneda, l livel B2+ tla segonda rujeneda y l B2 tla terza rujeneda. Studënc dl Master muessa nchin ala fin de si stude avëi arjont l livel C1 per doi rujenedes y l B2 per la terza rujeneda. (ufize stampa provinzial de Südtirol)

Scola - L cudejel nuef ie na pert dla campania de comunicazion dla Provinzia de Bulsan n con’ dla reforma dla scola auta y vën partì ora tla scoles mesanes, scoles profesciuneles y scoles autes. Bele da plu enes incà pòssen sun la plata internet www.reformadlascola.bz.it nriescer cuntenuc y mudazions dla reforma dla scola auta, śën vëniel partì ora material stampà. L Ufize provinziel per la furmazion à dat ora n cudejel nuef pensà per duc i nteressei, dantaprima per sculeies cun si genitores che muessa crì ora na scola auta. Cuntenut dl cudejel ie na udleda tlera sun duta la scoles che vën pitedes per l autonn. L cudejel nuef ie unì fat tla rujenedes tudësch y talian, ma reverda nce la scoles tla valedes ladines. Chisc dis vën l mesun de nfurmazion partì ora tla scoles mesanes, scoles profesciuneles y scoles autes. Tla scoles mesanes uniràl partì ora a chëi che fina la scola, tla scoles profesciuneles y scoles autes a chëi dla prima tlasses. Sëuraprò al cudejel y ala plates

L cudejel nuef che pieta n cheder dla scoles autes tla provinzia de Bulsan.

internet uniràl nce metù a jì la fiera “Futurum 2011” che ie dai 17 ai 20 de fauré tla sënta dla fiera de Bulsan. Chësta ie la fiera dla furmazions dedichedes defin ala reforma dla scola auta. (ufize stampa provinzial de Südtirol)

Prozes a Berlusconi va inant da la pruma plata

Bossi archita l premier: “No te cruzié per les oujes che roda, i son con te y i jon inant con les reformes”. Intratant se profiléiel aldò de val’ cuotidians talians na inrescida nueva sun festes dl premier che foss stedes a Roma. La procura dla capitala indere dij che ala n’à nia contac con i colegs de Milan per chestes cuestions.

Scì al giudize asvelt L gip de Milan Cristina Di Censo à comané l giudize asvelt per Silvio Berlusconi per i reac de concuscion y prostituzion minorila tla cornisc dl caje Ruby. L gip à ciamò laprò fissé l’udienza che gnirà tegnuda dant a la cuarta sezion penala per l proscim 6 oril a les 9.30. Al é dant man la proa clera per renvié a giudize con rit asvelt Silvio Berlusconi. Ence sun chesta basa à l gip Cristina Di Censo desponù l prozes con rit asvelt per l premier. I licari Carmen D’Elia, Orsolina

Silvio Berlusconi, l premier dla Talia.

4

www.lauscdiladins.com

Ruby, la joena marochina che foss gnuda paieda - ciamò minorila - da Berlusconi per prestazions sessuales.

De Cristofaro e Giulia Turri, dla cuarta sezion dl tribunal de Milan, formarà l coleghium che giudicarà Berlusconi. Ruby y l ministerium di Interns é les perts dl dann tl prozes. Karima El Mahroug, in arte Ruby, é persona ofenuda tl prozediment en relazion al reat de prostituzion minorila contesté a Berlusconi ajache l premier essa cometù ac sessuai con la joena te n barat de scioldi o d’autres utolités dal fauré al mei dl ann passé, canche la joena ne ova nia ciamò 18 agn. L ministerium dl Intern, indere, é pert ofenuda en relazion al reat de concuscion ipotisé ti confronc de Berlusconi en relazion al telefonat che l premier fajova tla nuet dal 27 al 28 de mei passé a la cuestura a Milan per che Ruby jissa ledia, do che ala fova gnuda conduta ti ufizies dla polizia per na denunzia de avei robé.> (ir)


Atualité

nr. 07 / 18 de fauré 2011

Aiut Alpin Dolomites Chisc ie inò stac dis de gran note per la scuadra dl Aiut Alpin Dolomites. Nce sce l fova n’ena cun nia propi tan de turisć te nosc raions unìvel mpo ite truepa cherdedes de aiut. N aspieta ert mpue de nëif, ajache la nëif fata dan passa n mëns va bel plan a piz pervia dla temperatures autes via per l di. Da sëira cun la temperatures suvënz sot a nul vëniel pona ora la dlaces che ie scialdi periculëuses. N ruvova pra schiadëures che se ova fat suvënz scialdi mel cun bëndebò de botes do che i fova tumei sun i purtoies. Che n se fej tosc mel a tumé sun i purtoies dures, àn pudù cunstaté pervia che l n ie stat trueps che se à fat mel ala sciables. Nce sce n à sciche prutezion l casco, iel pona chësta pert dl corp che s’la paia. Nscila iel stat danter l auter a Corvara per n schiadëur de 48 ani, sun Mont de Sëuc per n ël che fova tumà cun i schi da pudejé y a Colfosch pra l mplant portamont Sodlijia. N’autra pert dl corp a chëla che n se fej gën mel ie la cuessa y canche n se romp l os dla cuessa iel for da mëter scialdi a verda a purté aiut, ajache tla cuessa passa nce de gran arteries che n pudëssa

saurì tichené. De tei caji ie suzedui danter l auter a Corvara dlongia l hotel Arlara, sun Plan de Gralba, Ciampinëi y sun la Schwemmalm.

L defibriladëur, n njin che po’ salvé na vita Suvënz suzédel nce che l joler vën cherdà per persones che à problems de sanità, dantaldut cun l cuer y te de tei caji ie uni menut de gran mpurtanza per salvé na vita. Al didancuei àn tl joler n njin per ntervënc a de tei che vën striscei o tuchei dal bòt y cun chël che n ie datrai inò boni de i reanimé. Chësc njin se tlama defibriladëur y à na gran funzion tl prim aiut. Nscila iel danter l auter suzedù sun Plan de Corones ulache n tudësch de 56 ani fova tumà ntëur ntan che l fova te na hutia, ajache si cuer se ova fermà. Per si fertuna fòvel iló doi dutores ala jonta, che se à riesc ntendù cie che l ti fova capità, scumencian cun la reanimazion. Ntant ie pona nce ruvei sun l post i sucoridëures che fej servisc sun i purtoies y prësc do l joler dl Aiut Alpin cun l dutor. Chësc à tacà ite l pazient tl defibriladëur y bel mpont à l cuer inò scumencià a bater. Canche l pazient fova n mumënt stabilisà, l àn ciarià tl joler y purtà riesc tl spedel

Nce l ambolt Peter Mussner à judà pra l ntervënt dl Aiut Alpin.

de Armin Moroder ulache l ie ruvà cun l cuer che batova mo. Tl spedel l ài pona riesc tacà ite tla drëta mascins y l ël se l’à nscila caveda. 56 ani fossa bën mpue massa abenëura per murì. Ma mé cun n tel sistem de sucors coche l on te nosta provinzia iesen boni de salvé de tel vites.

Nia ne fòvel plu da n fé per n ël tudësch de 67 ani, che fova jit cun la luesa tl raion de Stefansdorf dlongia Burnech. Mpede slusé ju per la streda dla lueses ulòvel fé na curta y ie slusà ju per n pra ërt y dlacià. Canche l se ova ntendù che l ne fova nia plu bon de śaré fòvel bele massa tert. L ie ruvà japé de pra y tumà sëura n mur de passa 3 metri ju dajan sëura sun l cë. Sot ai uedli sprigulei de si fëna fòvel mort sul colp. I Carabinieri à mé plu pudù damandé l bënsté dal magistrat per spusté l corp y l lascé mené te capela. Na desgrazia ie nce suzeduda te Gherdëina chisc dis y plu avisa sun la streda danter l Hotel Diamant y la cësa bruma. (Cëla articul a pert a plata 3). N auto cun doi jëuni laite furnova plutosc debota ora per streda canche l à sbandà y ie frit te na curiera che univa de contra y do chël nce te mur. Per l jëunn che avisova ne n’iel plu stat nia da n fé nce sce n à purvà dla dutes per l tenì n vita. L fova n jëunn dla Sardegna che laurova bele da truep ani te n hotel a Urtijëi y che trueps cunesciova nce. Si cumpani che sentova dlongia, n jëunn de Gherdëina, à abù na gran fertuna ne se fajan feter nia. Chësta desgrazia fej inò n iede pensé do tan puech che possa vester danter la vita y la mort.

Lies che fej atività tl ciamp dla cultura ladina à chëst ann dat ju plu dumandes per n cuntribut provinziel. Nchin ala fin de jené à l Ufize per la Cultura Ladina giapà 83 dumandes de sustëni per l’atività dla lies Bulsan,” spiega l assessëur Florian Mussner. Dala dumandes mandedes ite iel nce da udëi ora la tendënza che la lies ladines se stënta deplù cun finanziamënc privac y sponsores. La situazion economica atuela porta nce manco mesuns ala man publica y perchël muessa nce la Provinzia ciafië cun de mëndri capituli. “L’atività dla lies cultureles ie de gran valor per la cumenanza ladina, perchël ons per partì ora i cuntribuc bele l ann passà scurtà vel’ capitul spustan la priuriteies sun l’atività dl ulentariat,” dij l assessëur provinziel ladin. Da pert dla repartizion per la Cultura Ladina uelen mantenì l prinzip de partì ora a na gran cumpëida de ativiteies. “L sustëni finanziel per l’atività culturela ne dëssa nia mé judé de majeri proiec, ma propi nce la pitla ativiteies dla pitla lies ulache la populazion se da cà cun

Uedli y oredles daverc sun la sozieté ladina d’aldidancuei Egon Vieider da Penìa – autist de rolba

Slusé ju per l tarënt dlacià ti à custà la vita

Plu dumandes per la cultura

Cultura - Permez ala mesaria di ultimi set ani ie la cumpëida de 20% majera. L aumënt dla dumandes desmostra che tla valedes ladines iel ti ultimi ani for plu y plu lies che fej atività culturela. La 83 dumandes per n cuntribut provinziel à da n fé cun ativiteies ordinere s y nce proie c straordineres tl ciamp dla cultura ladina, che la lies se à tëut dant per chëst ann. Danter l 2004 y l 2010 ie la cumpëida de dumandes per ativiteies aumenteda man man, arjunjan na mesaria de 69 dumandes al ann. “Dala dumandes mandedes ite ons pudù udëi che ti ultimi ani iel ruvà leprò lies nueves che fej atività culturela ladina y che mët a jì manifestazions cultureles. Chësc ie n sëni tler per na cultura drët viva ti luesc ladins, n’atività che vën fata dala jënt y sustenida dala Provinzia de

Dancà y da na pert

gran idealism,” spiega Alexander Prinoth, diretëur de repartizion. L Ufize per la Cultura Ladina à nce chëst ann mandà si cunlauradëures diretamënter ti luesc ladins per pité l servisc de nfurmazion y pië do de prima man la dumandes de sustëni. Chësc servisc ie unì nuzà drët truep a Al Plan de Mareo, ulache l ie unì dat ju plu dumandes permez al’udienza tenida a Badia. Te Gherdëina, al incontra, ie la cumpëida de dumandes stata drët valiva danter i trëi luesc. “Dantaldut ai respunsabli nueves dla lies ons pudù ti spieghé de prima persona l sistem de fé dumanda y ce documënc che l va debujën per giapé n sustëni finanziel dala Provinzia,” nsci l’esperienza de Barbara Perathoner y Alex Piccolruaz dl Ufize per la Cultura Ladina. (ufize stampa provinziel)

Co éla che t’ès scomenzà a fèr chest mestier? Son ruà ite ajache chiò i chierìa valgugn, m’é fat inant e i me à tout. Son chiò al stadie dal ’97. Ge velel na patente spezièla a vidèr la rolba? Na, na. L’é desche jir con n auto demò che no l’à marces, no l’à feradoi, no l’à frizion. L’à demò azelerador e nia feradoes? Nia feradoi, chesta machina la é veia e no l’à feradoi, demò azelerador e bèsta. De che te cruzieste ence con tie mestier? De la giacia, de fitèr i feres, de la netijia del stadie, e che i motores che tegn la giacia i vae ben. Co se fèjel a fèr la giacia? Con l’èga! E a fer na giacia perfeta? La giacia perfeta la é auta 4 cm, al più aut 5 e la é fata demò con l’èga. Te passes con la machina e endèna che te taes va fora l’èga tedò e dapò l’é la serpentines tachèdes tel motor che les tegn la giacia semper medema. Che oraries èste? Soraldut al scomenz canche se fèsc la giacia, ge vel vegnir ence de net a veder se l giacia e che dut vae delvers. La ores che fae chiò les é semper n muie percheche aon doi sozietà de bal sui feres e anter una e l’autra se cogn passèr, dapò l’é l publich e se cogn passèr, dapò l’é 5 o 6 under de joegn de hockey e ogne doi se cogn passèr, dapò l dadoman l’é la serie A che l’à de besegn de na giacia perfeta e dapò l’é duta la partides. Cogne passèr la giacia 6 o 7 outes en dì. E d’istà l’é ence da fèr la neif per l “Night Event”. Co se fejel? Jà n meis dant mete jù l’èga che de net la se giacia e chela dì tae

demò, stae duta net a taer sù la neif. E tant ge meteste? Per 14 camion che se doura ge volarà 10-12 ores. Tenc de giri fèste a neteèr su duta la pista? No é mai calcolà ma te 6 menuc la pista la é vertia. Cogneste semper fèr l medemo giro o te pes mudèr? No t’èste mai stufà? Se va ben semper da la pèrt oraria ma ogne tant, canche sauta l pirlo, vae ence da l’autra. Ma no cambia nia. L’é en jech... canche ti es bon de l fèr. Te pièjel desche mestier? Ei, demò che l’é en muie de ores dut l dì, se cogn semper vegnir a controlèr percheche ence i motores i pel jir mèl o jir en bloch e te cognes vardèr d’i meter a post. L’é n muie de egn che fae chest mestier ma me à semper piajù soraldut canche l’é encontres emportanc desche canche l’é stat Italia-Giappone o i mondièi. Aló l’era proprio bel fèr la giacia per chesta partides più emportantes. Se èi amò lamentà de la giacia? Ei, segur. No semper la te vegn ben. Se te ves che la vegne n muie bela ge vel ence aer temp. Desche anter n temp e l’auter de na partida no semper l rua a sièr sobito. Ence l temp l conta, se l’é tumech ge vel più temp, no l’é sorì. Tedò l’é n muie de lurier. Colunes él stat tia più gran sodesfazions? Canche vegn su la giacia la squadres più emportantes e ence canche l’é i spetacoi de bal sui feres. Carolina Kostner canche la é stata chiò l’an passà l’à dit che na giacia desche chesta no l l’à troèda da nesciun’autra man. L’é de bela sodesfazions. (vr)

www.lauscdiladins.com

5


Atualité

nr. 07 / 18 de fauré 2011

Garejedes te Gherdëina

Durnwalder tën dala sia

Per finé via la sajon da d’inviern urganisea Gherdëina doi garejedes de livel naziunel. L GranPremio Giovanissimi y campiunat naziunel di maestri de schi, cun ades doi mile partezipanc dut adum

La posizion dl presidënt dla provinzia Durnwalder de ne ulëi nia fé pea la festes per i 150 ani dl’unità dla Talia à gaujà truepa polemiches y prutestes. Tla senteda dla Jonta provinziela ai 14 de fauré à l presidënt detlarà de ne avëi nia mudà minonga

Schi - „L ann passà ie l Gran Premio Giovanissimi stat a L i v i g n o ,“ c o n t a R o m a n Niederkofler dl cumitat de urganisazion dla garejedes, „y chëst ann ons nëus l unëur de urganisé chisc campiunac talians. Per chësta garejedes se aspitons ntëur a 1.400 mutons y mutans nasciui dal 2000 nchin al 2003. Chisc mutons muessa se cualifiché te si regions y mé i prims chindesc de uni region dla Talia possa fé pea tlo da nëus. Dai campiunac di maestri se aspitons ntëur ai 500 partezipanc, coche l ann passà a Livigno. L me sà bel che son stai boni de mëter adum n cumité danter la trëi scoles tradiziuneles de schi de Gherdëina, l vën nce cialà de partì su la manifestazions o garejedes te uni luech. Chësta garejedes di maestri ie unides urganisedes tl 1987 y 1993 dala Scola de Schi de Sëlva, tl 2002 y chëst ann da duta trëi la scoles tradiziuneles.“ L diretëur dla Scola de Schi de Sëlva Flavio Prinoth à nstadì, per limé mo pra i ultimi details, nvià ite a na senteda l cumité de urganisazion, de chël che Prinoth ie nce l presidënt. Vizepresidënc ie Claudio Runggaldier diretëur dla Scola de Schi de S. Cristina y Pauli Rabanser diretëur dla Scola de Schi de Urtijëi. Tla urganisazion laite iel nscila la trëi Scoles de Schi tradiziuneles de Gherdëina, ma

pona nce truepa istituzion che juda pea, coche la lies dl turism, la Crëusc Cuecena y Blancia per l sucors, cun dutores y l Aiut Alpin, i mplanc portamont, jurnalisć y fotografs. L Gran Premio Giovanissimi ie da n vënerdi ai 25 nchin a n dumënia ai 27 de merz. I maestri de schi à si garejedes per l campiunat talian danter l merdi ai 29 de merz y l vënerdi ai 1. de auril. La garejedes sarà ti raions de Secëda, Dantercëpies, Piz Sela, Mont de Sëura y Ciandevaves. Pra i Giovanissimi tol la televijion ‘Boing Tv’ su dut cant. N generel iel da dì che la manifestazions arà nce si fazion mediatica y de marketing, na ucajion per fé udëi nosta Dolomites a livel de duta la Talia. Oradechël uniràl adalerch cun i partezipanc nce trueps de familia, cunescënc y acumpaniadëures, cieche porta pro a mplenì la cëses y a fé n bel retlam pra duc chëi che vën adalerch. La giaurida ufiziela dl Gran Premio Giovanissimi ie n vënerdi ai 25 de merz dala 17 a Urtijëi cun na bela defileda de duc i partezipanc. Ntan i campiunac naziunei di maestri de schi iel uni sëira festa tl zënter dal tennis te Sëlva, cun mujiga dal vif, The Quarrymen, Golden Colt y n vënerdi sëura gran finela cun The Pëufla.

L diretëur dla Scola de Schi de Sëlva Flavio Prinoth, presidënt dl cumité de urganisazion dla garejedes te Gherdëina.

Danterite saràl mo na defileda cun i chentli, happy hours y mujiga cun DJ Ondy, y sambënzënza la premiazions. L presidënt Flavio Prinoth tol bele śën l’ucajion de rengrazië nce tres la USC duc chiche lëura pea, ma nce duta la jënt per si despunibltà y pona nce i sponsores, che vëija ite la mpurtanza de judé pea pra la manifestazion, jan nscila a sotrissé l bon raport cun i operadëures dl turism y la jënt n generel. (dl)

Cumpededa te Südtirol y i ladins La forma dl cumpededa dla jënt che vën fata chëst ann te Südtirol y che la Jonta provinziela de Bulsan à dat pro nstadì ie dezijiva per i dërc dla populazion ladina tl daunì, rata l assessëur ladin Florian Mussner Aministrazion - L assessëur Florian Mussner valutea la dezijion dla Jonta sciche arjonta mpurtanta de nosta mendranza etnica. La detlarazion de grupa de rujeneda a fin de statistica ie la fundamënta per seguré i dërc di ladins ti ani che vën. Pra la cumpededa dla jënt ai 9 de utober 2011 unirà la detlarazion de grupa de rujeneda fata te na maniera nueva. La detlarazion persunela che vën damandeda per giapé na stiera publica ne muessa nia plu uniun fé. Mé chiche l’adrova possa se detlaré diretamënter pra la suneria a Bulsan. La cumpëida de stieres publiches per uni grupa de rujeneda y de cunseguënza i dërc per grupa de rujeneda se stiza sun la detlarazion anonima a fin de statistica. Ai 31 jené à la Jonta provinziela delibrà che chësta detlarazion de rujeneda a fin de statistica puderà me fé i zitadins taliani che à n l di de referimënt per la cumpededa la residënza tla provinzia de Bulsan. L’alternativa fossa stata de ti dé chësc dërt a

6

www.lauscdiladins.com

duc i zitadins d’Europa o monce a duc chëi che à la residënza tla provinzia. “La dezijion che ie unida tëuta ie tlermënter a bën di ladins. Sce nce zitadins da oradecà pudëssa fé la detlarazion, fóssel realisticamënter da fé cont che i se detlarëssa taliani o tudësc. Y la grupa de rujeneda ladina perdëssa si grandëza n relazion ai autri,” nsci la vijion dl assessëur Mussner.

L assessëur Florian Mussner.

Cun la dezijion de chiche puderà fé la detlarazion de grupa de rujeneda à i reprejentanc tudësc y taliani tla Jonta provinziela sambën fat a manco de si cunvenienza per sustenì i ladins. “Sce nosta populazion sustën cun la detlarazion anonima la grupa de rujeneda ladina, ons la gran ucajion de ne pierder nia de perzentuela y njenië la fundamënta per seguré nosc dërc de mendranza,” spiega Florian Mussner. Tenian mé cont de 7.500 tudësc y austriacs che viv tla Provinzia de Bulsan iel da se aspité che la grupa de rujeneda ladina pierd de perzentuela. Pra l’ultima cumpededa dla jënt dl 2001 se ova 4,37% detlarà ladins. “L ie l mumënt de pensé al daunì y coche nëus ladins pudon mantenì nosta posizion. Sce l vën for mo jënt da oradecà, ne sarà i ladins nia boni de mantenì si perzentuela. La detlarazion anononima, sce la vën nuzeda da nosta populazion, possa deventé na garanzia de dërc y stieres per i ladins,” nscì Mussner. (ufize stampa provinziel de Südtirol)

Politica - „Te chisc 150 ani iel nce stat tëmps ulache nosta populazion se n à fat pea d’uni sort, perchël ne éi deguna rejon de fé festa,” nsci Durnwalder. Pra la festes ufizieles dëssel fé pea i doi reprejentanc dla grupa de rujeneda taliana te Jonta p ro v i n z i el a , l p re s i d ë nt Durnwalder ne fajerà ai 17 de merz nia festa. Chësta ie la posizion che l presidënt dla Jonta à mo n iede purtà te cunferënza stampa riesc do la senteda cun i assessëures. Cieche l vën fat per festejé ufizialmënter l’unità dla Talia ne n’ie da pert de Roma mo nia tler. Nce sce la scoles resta n chël di stlutes o no muessa permò unì fat ora tl Cunsëi di Ministri a Roma. Durnwalder à sotrissà de ne vester nia contra la populazion de rujeneda taliana o contra l popul talian, de chël che l se sënt cumpani. Ma davia che la festes à propi da n fé cu l’unità dla Talia y nia cun l anuel dl’unificazion dl 1861, ne n’ie chësc di dal pont de ududa dl Südtirol tudësch y ladin nia da festejé, rata Durnwalder. “Ti 150 ani ons tlo da nëus patì dassënn pervia dla vieres, l fascism y l nazionalsozialism,” à dit Durnwalder fajan referimënt ai tëmps de talianisazion de nosta provinzia, ulache la populazion de rujeneda tudëscia y ladina à patì dassënn. “N muessa bën capì che nosta provinzia à abù d’autri tëmps y perchël ne me sàl nia de fé festa,” à dit l presidënt. De chësc viera à l presidënt dla Provinzia nce respundù al presidënt dla Talia Giorgio Napolitano. N cont dla polemiches ntëur l’autonomia à l presidënt dla Provinzia respundù che l se trata de na pert de acurdanzes nternaziuneles y che al didancuei vëniel fat na politica sun la f u n d a m ë nt a d e d ë rc y cumpetënzes, ma no cun la mira de se destaché o de ulëi spusté sëides. Durnwalder uel plu gën se

cunzentré per i bujëns dla trëi grupes de rujeneda y à nvià a lascé vester la polemiches ajache l ie argumënc plu mpurtanc da traté. Nscila tl comunicat ufiziel. Che l vën giaurì, per la manifestazions de festa, de viers de na partezipazion di doi reprejentanc taliani dla Jonta pra la festes ufizieles, ades coche reprejentanc ufiziei, ie zënzauter da udëi coche n pitl var de reviers da pert de Durnwalder, ajache nscila sarà l Südtirol ufiziel reprejentà, contra la prima dezijion de ne vester nia reprejentei coche Provinzia de Bulsan. Dal’autra pert tën Durnwalder pra la sia. Da „vedl“ stratega dla politica seméiel, do mi ntënder, che l uel mpue’ ti tenì bòt ala avances de man drëta da pert di Freiheitlichen y afins, a dì dl talian, dal’autra pert de dé mo, dan jì „n pension“, n senial tler n con’ de politica etnica, nce da pert de si persona, che ie suvënz unida criticheda per si bon raport cun i taliani. Coche dì, Durnwalder se njënia bele ca si image per do si atività politica, povester nce cun la malizia de reviné i bon raporc for mantenii cun i taliani, cun chëi che l à for sciacarà bën tl pensier de na autonomia dinamica, propi per ti la mëter via a chëi, de si partit y di autri partic tudësc, che à l à for criticà per si fé realpolitik cun i taliani. „Śën fajëde mé pona, dal aut de vosta canssla etnica y radichela, a udëi sce sëis boni de arjonjer chël che ie son stat bon de arjonjer!“ Chi sà che l se la pënsa nscila, s’la rijan sot ai snauzeri ora. Danz che l bel ciastel dl’autonomia se giapa na scasseda, manacian povester nce de tumé ite mpue’. Ma chël ne sarà nia plu si problem, canche l dijerà ciau ala politica ativa. La jënt l lecurderà per dut chël che l à arjont y nce per vester stat n patriota.

L presidënt dla Provinzia Luis Durnwalder.

David Lardschneider


Atualité

nr. 07 / 18 de fauré 2011

Internet, adoré les potenzialités ma capì i risć Chisc dis passés él vegnù metù a jì a Trent l Safer Internet Day 2011, sun la doura segura y responsabla dles tecnologies nueves, souraldut anter i joegn Internet - Sun indicazion dla Union Europeana él vegnù metù a jì ence chest ann l Safer Internet Day, la giorneda dedicheda a la segureza tla rei. L slogan de chest ann é: “Al é plu che n juech, al é tia vita” y al reverda l raport anter vita reala y vita virtuala, con referiment spezifich ai juesc on line. Encuei passa i joegn bona pert de sie temp lede anter i juesc on line y i social network, da chilò ruvel l debujegn de tò fora percursc per genitours, ensegnanc y bec, acioche chisc strumenc posse vegnì adorés a na maniera positiva y zenza conseguenzes pericolouses. Con la colaborazion dl dotour Michele Facci y l sostegn dla Polizia dles Comunicazions y dl Comitat Unicef de nosta Region à les Istituzions dla Scola raté oportun crié na rei concreta per ti fé front

ai pericui dla rei virtuala. Perchel à i Dirigenc scolastics colaboré ativamenter per la promozion dl event te nosta provinzia, metan a jì na giorneda de sensibilisazion sun chisc temesc per jent grana y studenc tres scomenciadives desvalives. A Trent a daurì i laours ilò dal Liceo Galilei l’assessoura provinziala Marta Dalmaso, che à rengrazié duc i promotours dla scomenciadiva per avei sport ence chest ann la oportunité de se fermé a pensé n mingul plu sot sun chest argoment, conscidré oramai da duc i esperc l cuer dla sozieté moderna: l contat con l mond virtual, che se confon y deventa de fat real. La scola à segur na pert fondamentala te chest cheder – à ciamò dit l’assessoura Dalmaso –

les giornedes dedichedes va debujegn per focalisé miec l problem ma do él tl laour da duc i dis che an pò mudé dassen les cosses ence te chest ciamp strategich. L dirigent dl Galilei Flavio Dalvit à ilustré a na maniera scempla y clera ejempli de potenzialités positives tla rei, depierpul che l espert Michele Facci, ence autour de n liber sun l argoment dal titul “Le reti nella rete”, à mostré video “forc”, sciche ence l ispetour dla Polizia dles Comunicazions Mauro Berti, con joegn protagonisć “dla y tla rei”, per fé mete a verda dai pericui y dai risć evidenc y sconus. Duc doi à sotrissé che Internet pò arvejiné persones dalonc y porté demez persones vejines. D’autres analises y d’autri stimui é vegnus da esperc sciche Elisa

L logo dla scomenciadiva

Gabbi, Fabio Pipinato, Aldo Gabbi. Michele Ruele, Serena Valorzi y

ciamò da studenc y studentes ”nascius tl temp digital”.

A la leta i stipendium per jir a la foresta

La Mendranzes rua su Facebook

La Region Trentin Sudtirol fèsc a saer che ence chest an l’é a la leta i stipendium per jir a studièr n an a la foresta. I studenc de scola auta enteressé à temp enscin ai 28 de firé per prejentèr la domana

Ence l Servije Mendranzes Linguistiches de la Provinzia autonoma de Trent à publicà sia piata sun l social network più de nonzech tel mond

Scola - Studièr e viver per n an alalongia a la foresta, te Austria, Germania, Gran Bretagna, Irlanda, o Franzia, na possibilità dassen de valuta e n muie aprijièda da tropes joegn, perveduda da la legislazion scolastica talièna e sostegnuda da la Region Trentin Sudtirol, che ence chest an met a la leta di studenc de scola auta 60 stipendium per l’an de scola 2011/2012. La scomenzadiva, che se met dant de sostegnir l’integrazion europeèna, se ouc ai studenc residenc te noscia region che fèsc la terza clas de scola auta tel Trentin Sudtirol o ti comuns vejins, desche

Pedemonte, Col Sènta Luzia, Ampez, Fodom, Magasa e Valvestino, che i vel perfezionèr sia cognoscenzes linguistiches e se confrontèr con la cultura e la tradizions de un di cinch Paìjes che dèsc alberch. L’an de scola passà a la foresta vegn dapò recognosciù te la Tèlia. L stipendium de la Region cour la speises de magnèr e de stèr soranet, de tasses scolastiches e libres e per la doura de duta la atrezatures de scola. No l’é ite la speises de viac e cheles de trasport di mesi publics sul post, la raides scolastiches e la speises personèles. L’é temp per portèr dant la

domana enscin ai 28 de firé ti Ofizies per l’Integrazion Europeèna e i Aiuc Umanitères aló da la Region Trentin Sudtirol a Trent, V. Gazzoletti 2 o a Busan, Piazza Università 3. Per maor informazions se pel telefonèr a Trent al numer 0461/201344 o a Busan al numer 0471/322122 o jir sul sit www. regione.taa.it/europa, olache se pel ence desćiarièr i formulères per prejentèr la domanes. N comitat de valutazion aldò valutarà la domanes ruèdes, verifican la cognoscenza di lengac di candidac e sia preparazion su la nozions de basa en materia europeèna.

La piata del Servije Mendranzes Linguistiches de la Provinzia de Trent te facebook.

Studièr e viver per n an a la foresta l’é na esperienza dassen de gran valuta.

Ejames de ladin La neva sescion pea via con la proa scrita ai 7 de oril. Ge vel se enscinuèr dant dai 14 de mèrz L’é fat fora l calandèr di ejames per l zertament de la cognoscenza del lengaz ladin. Per chel che vèrda l’ejam de secont livel per aspiranc a posć de la ex carieres diretives e de conzet, che perveit na proa scrita e na proa a ousc, la proa scrita vegnarà metuda a jir en jebia ai 7 de oril del 2011 a scomenzèr da les 14.30 aló da la senta del liceo a Poza, e la proes a ousc, demò per i candidac che te la proa scrita

8

www.lauscdiladins.com

arjonc amàncol 7/10, pearà via en jebia ai 28 de oril te la medema senta. Per chel che vèrda l’ejam de prum livel per aspiranc a posć de la ex carieres esecutives e ausilières, che perveit demò la proa a ousc, l pearà via en lunesc ai 2 de mé, semper te senta del liceo a Poza. Chi che vel tor pèrt a l’ejam e che no se à amò enscinuà i pel l fèr inant de lunesc ai 14 de mèrz

del 2011, prejentan a man la domana opura la manan per fax (0462/760001) opura amò per posta racomanèda con avis de rezeviment (te chest cajo arà valuta la data del stempel de la posta). I formulères pel vegnir domané ence très la mail docentisecondaria@scuoladifassa. it o desćiarié da www.scuoladifassa. it. Per informazions telefonèr al 0462 760340.

Internet - Duc chenc oramai cognosc Facebook, la piataforma sozièla che dèsc l met de se coleèr con chi che se vel, amisc e peconc coi medemi enteresc da spartir. Milions de contac, na rei che fèsc ite l mond entriech e che tel mond la é ence bona de orientèr tendenzes, idees, movimenc. Da pech ence l Servije Mendranzes Linguistiches de la Provinzia autonoma de Trent publica sia piata Facebook. Na oportunità en più de tor ite la realtèdes de la comunitèdes linguistiches de mendranza del Trentin e de l’Europa. Chesta piata vel se proponer desche veìcol per na cognoscenza dedichèda ai lengac manco slarié fora, outa al confront e al barat de imprescions, de idees, de notazions scempies

sun chel che sozet te la comunitèdes bilingues, no demò trentines. La piata defat é stata pissèda en relazion al projet “Rete Europea per i diritti linguistici dei cittadini di minoranza”, lurà fora da cater joegn del servije zivil, empegné dal meis de setember del 2010 te la creazion de n database de direzions e profii de jent desponibola al dialogh, a la crescimonia culturèla, a la desvarianza linguistica. Chesta neva piata, apede a duta l’autres jà on line te l’univers del web, vel sporjer na ocajion neva per sostegnir chest projet: proponeta de dialogh, veicolazion de paroles, lech de enconter anter la desvaliva mendranzes linguistiches, cultures e identitèdes.


nr. 07 / 18 de fauré 2011

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Lëures pra la stazion de Pruca

Gherdëina

Meldefuech y bur’ tëmp

La stazion de Pruca ie for plu y plu mpurtanta per l trasport publich. I lëures che unirà fai chëst Pra la reunion Generela di Destudafuech de S. Cristina iel unì purtà dant l’atività fata via per l ann, sibe per meldefuech, ann per cumedé ca la stazion de Pruca ie unic prejentei dal assessëur Thomas Widmann ai che per l bur’ tëmp coche nce per degrazies sun streda. ambolc y reprejentanc di Chemuns ujins Garejeda de schi. Cumëmbri jëuni

Pra l ntervënt de meldefuech di Destudafuech de S. Cristina ai 22 de utober.

Dla stazion dla ferata a Pruca y dl servisc de trasport publich à l assessëur Widmann rujenà cun i ambolc ujins.

Pruca - Te chësta ucajion iel nce unì analisà i cunliamënc dla curieres cun la valedes ntëurvia. La mira dl’ancunteda danter l assessëur Widmann y i ambolc ie stata de ti cialé deberieda ala situazion di lëures y dla mubilità y sce n cajo de pudëi mo fé miuramënc. Nsci iela nce stata n mierculdi ai 9 de fauré canche l se à abinà i reprejentanc di Chemuns de Pruca, Laion, di trëi Chemuns de Gherdëina y de Ciastel, Perbian y Villanders. “Ti ultimi ani àn cialà dassënn de slargë ora i cunliamënc cun ferata y curiera. Da Gherdëina iel da jené 2008 incà uni mes’ëura na curiera che va nchin a Pruca, acioche la jënt posse da iló jì inant

cun la ferata che va a Bulsan. A chësta maniera ie la stazion de Pruca deventeda n pont zentrel per l trasport publich. Śën vàla de limé ti cunliamënc y de miuré l servisc aldò di bujëns,” à dit Widmann. La stazion de Pruca ie una dla pueces che ne n’ie mo nia passedes defin ala Provinzia. I lëures per la cumedé su ie bele n pert unic fai. De dezëmber 2010 iel unì finà la plazes dai auti, l salejà y la stazion dala curieres. L ie nce unì njenià n sistem de urientamënt per vierces y parëies de lën per chëi che aspieta sun la ferata dlongia la scines. D’ansciuda uniràl laurà inant per pudëi finé l ressanamënt nchin d’instà dl 2011. L ie udù dant de fé

lueges da lascé la rodes a sosta, na ntreda cun sieves y parëies contra la fuera. Da nuef uniràl nce fat la sala da aspité, i porc sot ala scines y la ndicazions sun fonz. Pra l’ancunteda cun i ambolc iel nce unì rujenà dla puecia lerch per lascé i auti. L ne n’ie nia drë’ mesun ngrandì la plazes, perchël iel aldò de Widmann danter l auter unì analisà l servisc de trasport nchin ala stazion. Argumënt de descuscion ie nce stat la curiera Nightliner, che furnea da lugio 2010 incà de sada da Pruca y Tluses de viers de Burnech. Chësc servisc ie mo te na fasa de sperimentazion y da n’analisa finela se aspieten soluzions de miuramënt. (ufize stampa provinziel)

Furmazion te scolina Scolines de Gherdëina: la mëndres y i mëndri mpera danter l auter nce a avëi si prima autonomia Scolina - Nstadì iel stat tla valedes ladines la iscrizions per l ann de scolina 2011-2012. La scolina ie per truep pitli la prima istituzion ulache i ruva, ora de cësa, n cuntat

cun d’autra persones de referimënt y cun d’autri mutons y d’autra mutans. I pitli mpera a se deriejer da sëui, nëus maestres cialon de ti nsenië na cërta autonomia y de i

Mutans y mutons dla scolina cun l suiaman nuef.

njenië ca per la vita y per la scola. Un n ciamp scialdi mpurtant ie nce chël dla netijia. Suvënz vëniel urganisà proiec deberieda cun l raion saniter Asl, ulache na assistënta sanitera vën te scolina a ti nsenië ai mutons y ala mutans a se lavé sciche toca la mans y a ti spieghé la mpurtanza dla netijia. Nce chëst ann, sciche bele ti ultimi ani, ti à la Cassa Raiffeisen de Sëlva fat na bela scincunda ai pitli dla scolines de Gherdëina. L se trata de n pitl blòt suiaman persunalisà, ulache l ie lassù l inuem de uni mut/a. Tulan ca chësc suiamans uni di, ruva la mutans y i mutons a cuntat cun i pustoms, ëi recunësc si inuem y mpera monce a liejer vel’ auter inuem. Ulessan tò l’ucajion per rengrazië la Cassa Raiffeisen de Sëlva per chësta blòta scincunda y per avëi for na urëdla davierta per i bujëns dla scolina. Per la scolines de Gherdëina, Mussner Silvia

Lies - N dumënia ai 6 de fauré iel stat tl Sporthotel Monte Pana la reunion generela dla grupa di Destudafuech de S. Cristina. Per chёsta ucajion à l cumandant Christoph Senoner pudù saludé i uemes atifs y de unёur, l ambolt Eugen Hofer cun la Jonta de Chemun, Sn. Pluan Raimund Perathoner, l presidёnt dl raion de Bulsan Josef Mair, l ispetёur dl raion de Bulsan Luis Oberkofler, l ispetёur dl raion de Gherdёina Hans-Peter Perathoner y l LTE Vincenzo Casanova per i Carabinieri de Sёlva. Do avёi rengrazià duta la grupa per si bon lёur y mpёni mustrà ntan l ann iesen passei ala relazion dl’atività. Per fertuna pòssen dì che te chёsc ultimo ann ne n’iel nia stat de majera desgrazies. Tl ann 2010 ie la grupa di Desdudafuech de S. Cristina unida cherdeda de prёscia per 38 ntervёnc, che ie diesc deplù che tl ann 2009. Da auzé ora iel dantaldut i trëi ntervёnc ulache i Destudafuech de S. Cristina ie unic cherdei nce cun la sirenes: la desgrazia sun la streda de zircumvalazion de S. Cristina ai 19 de fauré, l gran burt tёmp ai 2 de lugio, ulache l ie unì fat bёn diesc ntervёnc te una na nuet, y l meldefuech che ie rot ora ai 22 de utober pra la Pension Tannenheim tl raion Plan dala Sia.

Proes y furmazion N cont dla proes iel da dì che l ie unì fat 26 proes ntan dut l ann. Danter chёles la gran proa metuda a jì dala Crёusc Blancia ai 15 de

mei tl tunel dla streda de zircumvalazion de S. Cristina, la proa a livel de valeda sun Resciesa y la proa fata deberieda cun i Judacrёp de duta la valedes ladines sun la furnadoia de Col Raiser. Coche ti ani passei iel nce chёst ann unì fat truep cursc tla scola provinziela a Vilpian per miuré si cunescënzes te chёsc gran ciamp.

Garejeda y mostra Pra la garejeda de schi di destudafuech dl raion de Bulsan à la grupa de S. Cristina arjont l prim plazamёnt. La grupa da garejeda à fat pea tl 2010 doi garejedes drёt mpurtantes a Nesselwängle tl Tirol y a Lana, ulache l ie unì arjont de bon resultac. N valgun uemes ie nce stac a vijité la mostra “Interschutz 2010” a Leipzig per vester a cunescënza dla tecniches y di njins che ie al didancuei sun l marcià.

Harald Senoner y Christian Rabanser Do che l cassier Hans-Peter Perathoner à liet dant l rëndicont finanzier dla grupa di Destudafuech de S. Cristina iesen passei al proscimo pont, chël de tò su ufizialmёnter i doi jёuni Harald Senoner y Christian Rabanser pra la grupa, do vester stac n ann a proa. A d’ёi ti iel unì mbincià dut l bon per l daunì. L ti ie nce unì dat la parola ai ghesć de unёur, che à sentì gra per dut l lёur che vёn fat dai Destudafuech. (lg)

Nce per lëures sun streda y tl bosch iel unì cherdà i Destudafuech. www.lauscdiladins.com

9


Gherdëina

nr. 07 / 18 de fauré 2011

I Curnacins y Giancarlo Zanardo La grupa de mudelisć dl jol ie jita a Nervesa della Battaglia dlongia Treviso a crì la grupa Johnatan. Recostruzion de julieres storics. La persona de Giancarlo Zanardo

I Curnacins deberieda cun si cumpanies de Nerveso della Battaglia.

Lies - Ntan l ann ie i Curnacins, la grupa de modelisć de Gherdëina, bëndebò ativa, la cëla de jì a julé canche l tëmp l lascia pro. Chiche à chësta pascion studieia y cëla sambën do, pra si costruzions, coche l pudëssa les miuré o les mëter a jì miec. La pascion per l jol ie for granda. N possa se devertì cun chisc julieres n miniatura, chëi drëc fossa massa cëres. Sambën che ntan che n jola àn la sensazion de julé pea, mascimamënter cun n bel ciel brum, cun de bela nibles blances, cun na beliscima natura che fej da paladina ntëurvia. Chëstes ie la sensazions che n possa se goder se dajan ju cun l aeromodelism. Danz che l n suzed d’uni sort, de beles, ma datrai nce manco de beles. Perchël iel da avëi sot a cuntrol la tecnica; tlo uelel vester na gran disziplina cun sé nstësc, ajache uni fal porta a cunseguënzes.

L viac a Nervesa Coche uni ann tóchel pra l’atività dla grupa che l vën fat n bel viac. L ann passà d’autonn sons jic a crì la grupa de aerotraino Johnatan: chësta ie a Nervesa della Battaglia dlongia Treviso. L se trata de n ciamp de jol cun pista da ierba de 1200 metri per modiei de julieres ma nce per de drë julieres. Dla grupa Johnatan fej nce pert la Johnatan Collection. Tlo se tràtel de amatëures, che se dà ju te si tëmp liede cun recostruzions de julieres storics. Chisc vën fac do a puntin y lascei julé. Nervesa ie dlongia l ruf Piave, che fova una dla sëides tla prima gran viera danter la Talia y l’Austria. Chësta plaza per julé ie defin privata, na cossa de marueia

Giancarlo Zanardo tira l Tiger Mounth.

per nëus modelisć. Nëus son pu usei a julé te luesc scialdi plu strënc. La sada ons scumencià a lascé julé drët dassënn, deberieda cun i cumpanies modelisć da lajù. An tëut pea nosta mascin da tré su alianc y nosc piloc à trat su i alianc de duc. Chëi che ova pea julieres a motor à ënghe mustrà si savëi. Sambën che te n luech nuef, che n ne cunësc mo nia, muessen permò se adaté ala cundizions dl luech.

Giancarlo Zanardo Propi bel iel stat cajù a Nervesa. Ma cieche ie do mi ntënder stat l plu nteressant de chësc viac, ie de avëi pudù cunëscer i julieres y la persona de Giancarlo Zanardo. Zanardo se dajova tl prim ju cun cuncé su y derturé su julieres vedli. Da dedò àl scumencià a n fé nstës. Tlo damprovia mpue’ de cronistoria n con’ de si persona: tl 1967 àl metù adum n „autogiro Bensen“, tl 1971

n joler Rotor Way, tl 1975 àl cuncià su n trener nglëisc de Havilland Tigher Moth, tl ann 1986 àl pona fat si prima costruzion da fonz ora do i vedli dessënies uriginei de n Fokker Dr I, julà ntan la prima gran viera dal cunesciù Manfred von Richthofen, boniscimo pilot dl’aviazion tudëscia; l fova stat cumandant dla scuadra Jasta 11, cun otanta vëtes tl cumbatimënt. Tl 1988 à Zanardo fat do n Bleriot, n julier cun chël che n fova tl 1909 julei sëura l Canal dla Mania da Dover a Calais. Tl 1991 féjel pona do l Wright Flayer di fredesc Wright, l prim julier a motor dla storia dl’aviazion, y tl 1993 n Mustang P 51, julier dla segonda viera mundiela te na grandëza de trëi cherc. Tl 2009 ti ie Zanardo pona sautà ite ala recostruzion dl Spad XIII, julà per la Talia dal cunesciù Francesco Baracca. Sambën che Giancarlo Zanardo nes à mustrà si hangar cun chësta criatures iusta cumpededes su. L nes à spiegà dut drët avisa, leprò nes àl mustrà n film de coche la ie unida a s’l dé do y do. Cun si doi cumpanies sun Tiger Moth y ël sun l Fokker nes iesi julei dant y nes à mustrà cieche chësta mascins ie bones de purté dant tl jol. N pudova se nmaginé bëndebò avisa coche l messova s’avëi purtà pro ntan la prima gran viera. Chësc viac ie stat scialdi nteressant, a udëi cieche na persona ie bona de mëter a jì cun na gran legrëza y gran pascion per l jol.

L Fokker danter doi Tiger Mounth. L Fokker à fat do Zanardo tla grandëza uriginela, i doi Tiger Mounth ie doi mascins derturedes su.

10

www.lauscdiladins.com

Per la grupa modelisć Curnacins, Guido Obletter

Sn. Vijo te Cësa de Paussa Sn. Digan Vijo Pitscheider à nstadi purtà dant n valgun pensieres n con’ dla cumenanza al didancuei che cëla suvënz de scunjaré la veciaia y la malatia Cësa de Paussa - Ai 8 de fauré ie l Sn. Digan de Gherdëina unì nvià a rujené al personal dla Cësa de Paussa. L referat ie unì tenì per talian, pervia dla naziunaliteies desferëntes de chëi che lëura tla cësa. Sn. Vijo à fat na ntroduzion curta n con’ dl messaje dla sozietà postmoderna, che ti dà mé mpurtanza ala persones che ie jëunes, beles, sanes y produtives y che vën urientedes al sté bën, al nuzé dl tëmp liede, al bel cialé ora, al perdujer y al cunsum. Chësta sozietà uel mé azeté la bela pertes dla vita y cëla daniëura de tenì dalonc y scunjaré la veciaia, la malatia, l patimënt y la mort. Chësc ie avisa l cuntrer de chël che l personal vëija y viv uni di tla Cësa de Paussa. Tres chësc lëur, che ne n’ie nia mé n lëur, ma na miscion, se fajerà trueps la dumanda n con’ dl drë’ valor dla vita; si minonga dla vita unirà bonamënter nfluenzeda da si esperienzes cun la jënt de tëmp, la jënt dëibla, amaleda, che à debujën de aiut y de assistënza. Uni persona à si valor y si denità, unfat tan vedla o tan amaleda che la ie. L ne n’ie segurdenò saurì a udëi uni di jënt che patësc, che se n sta mel y che se fej ert a viver. Datrai màncel la parola per cunselé, pona ie pitli sënies de bënulënza de mpurtanza, sciche tenì la man, l fé aicia o na udleda de cumprenscion. Nce respuender ala dumandes che à da n fé cun

la religion y cun la mort ie dut auter che saurì. Per l patimënt ne n’iel nia na spiegazion. La sëula cunselazion ie Gejù sun la crëusc. Die ie deventà na persona sciche nëus, perchël à la persona valor. Die à patì sciche nëus y pona iel ressuscità. Nsci uniràl, do l patimënt, nce per nëus la salvëza. Tla persones che patësc iel Die che patësc. Dan che Gejù ie mort àl fat na mpermetuda: ”Ie vede a ve njenië ca na luegia sun Paravis”. Ël mantën dessegur chël che l à mpermetù. Sn. Vijo à finà via si referat dijan che l lëur dl personal ie de gran valor y nce sce l gra ie suvënz pitl, iel de gran mpurtanza y se merita amirazion y truepa stima. Per la Cësa de Paussa Senoner Erica

Sn. Digan Vijo Pitscheider.

Canche n à veramënter gën Nia da giut se à destudà, do patimënt lonch per gauja de na malatia grieva fisich-mentela, na anda bënuluda che à vivù n valgun ani tla cësa de cura y assistënza, la Cësa de Paussa de Gherdëina Soziel - La persones che l’à cunesciuda, cureda y secudida cun pascion per truep tëmp, sënt sën dassënn si mancianza. Gran amirazion ti va al uem, che ti ie stat daujin ani alalongia, uni di cun mpëni y devuzion, cialan de ti alesiré l patimënt, desmustran nscila l amor mpermetù dan l autere l di de si noza, valor che semea al didancuei che toche pra l tëmp passà, ma esperienzes sotes y da

curaje sciche chëstes desmostra l cuntrer. Canche n à gën te na maniera senziera y de cuer ne à l amor deguna fin. Chisc ejëmpli de cunvivënza danter l pèr che se à gën y desmostra si amor dantaldut ti mumënc plu riei, dëssa vester nseniamënt per duc nëus, che se lascion suvënz tré da na pert ora, fajan dl mel a nëus nstësc y ai autri. Giancarlo Zanotti


Gherdëina

nr. 07 / 18 de fauré 2011

Suzes dl Chemun de S. Cristina Chëst iede ne jìvela nia de papieresc, proiec o burocrazia, ma de sport da d’inviern. A Oberstaufen, n blòt luech tl Oberallgäu, iel stat la 38ejima edizion dl Alpencup, garejedes de pudejé y de slalom lerch resserveda ai ambolc y cunselieres di Chemuns dla Elpes Garejedes - Do avëi venciù tl 2006 y tl 2010 ulova i cunselieres cun danora l ambolt de S. Cristina defënder l titul. Trëi scuadres, una de pudejé y doves de schi alpin, se à fat la fadia de fé trëi ëura y mesa de viac per se museré cun i atlec da duta la Elpes. N sada ai 22 de jené ti tucòvela ala scuadra de pudejé cun l ambolt Eugen Hofer, l vizeambolt Stefan Runggaldier y l cunselier de chemun Ludwig Hofer. Per duc se tratòvela de cialé de vester i plu asvelc sun i 3,8 km dl purtoi de Oberstaufen. I trëi atlec se à batù drët bën, se tlassifican al 9. post tla tlassifica a scuadres, batui mé dala superputënzes dl pudejé che vën dala planadures dl Bayern.

Da sëira iesen pona jic tla sala di cungresc de Oberstaufen per se maië na bona cëina y per sté deberieda cun i truep cunselieres unic adalerch per l’ucajion. La dumënia daduman ie pona duc levei per furné de viers di purtoies per la garejeda de slalom lerch. Te n panorama da d’inviern de marueia se cialova duc ju l slalom, che fova metù ju a na maniera che duc pudëssa nce ruvé japé. La scuadres de S. Cristina 1, metuda adum da Eugen Hofer, Stefan Runggaldier, Luis Stuffer y Marco De Nardin, y S. Cristina 2, ulache l fova scrit ite Klaus Kaserer, Ulrich Kasslatter, Markus Insam y Robert Ploner assessëur per l sport che à cuordinà la manifestazion per l

Chemun de S. Cristina, ulova udëi sce l boniscimo alenamënt ëssa fat fazion. Per l’ucajion ie nce unic pea Bruno Senoner y Rino Demetz, che à fat pea tla categuria di simpatisanc. Dassënn butà ti àla a S. Cristina 1, che ie stata bona de vëncer tla categuria nchin a 45 ani, nce sce mé per doi centejims, purtan nsci a cësa l pest Alpencup 2011. Tla categuria sëura i 45 ani ie la scuadra de S. Cristina 2 ënghe ruveda sun l podest, se plazan al segondo post! L proscimo ann sarà l Alpencup te Südtirol, plu avisa a Ratschings. L Chemun de S. Cristina arà pona l unëur de vester l urganisadëur per l ann 2013. Per ntant, cumplimënc a nosc atlec cunselieres. (mdn) Copes assé per i atlec aministradëures dl Chemun de S. Cristina.

Novant’ani Lia Mostra d’Ert Circolo De dezëmber iel stat la senteda generela y festa di 90 ani dla Lia Mostra d’Ert cun prejentazion dl film de Matthias Höglinger dla storia dla Lia Mostra d’Ert dal 1920 a ncueicundì Lies - Ai 17 de dezëmber iel per la Lia Mostra d’Ert stat na ucajion speziela per festejé i 90 ani de si atività. Tlo iel nce unì fat la senteda generela dla lia. L presidënt Tobia Moroder à pudù saludé na sala plëina de jënt, ulache l fova prejënc autoriteies, i presidënc da dant, cumëmbri y simpatisanc dl Circolo. N à scumencià la sëira fajan n rëndicont dla truepa manifestazions che ie states ntan l ann: mostres, cunferënzes d’ert, cabaret y prejentazion dla zaita dla lia „Puhin”, prejentazions de libri, cunzerc y nsci inant, y purtan dant n valguna manifestazions che n se à tëut dant de mëter a jì tl 2011.

Na lia che porta n vënt frësch L ie nce unì sotrissà la mpurtanza de na tel lia, dantaldut te na valeda cun na tradizion de valuta tl ciamp dl’ert, cun carater inuvatif, che à purtà y porta daniëura n vënt frësch cun nia puecia descuscions y critiches, ma che juda a giaurì nosta maniera de pensé de viers de minonghes plu liedies. Pra la prejentazion dl bilanz à

uniun te sala pudù se rënder cont dl aspet economich y di custimënc che ie da sustenì per pudëi pité passa vint manifestazions ntan l ann. L presidënt à nce auzà ora la mpurtanza di cuntribuc che vën dala man publica y che zënza chisc mesuns ne fóssel nia puscibl a jì inant cun n’atività tan rica. Do avëi lità l cunsëi nuef iesen pona passei al pont zentrel dla sëira, ala prejentazion dl film de Matthias Höglinger dla storia dla Lia Mostra d’Ert dal 1920 a ncueicundì. Dan mustré l film a Matthias Höglinger rengrazià la man publica, duc i prutagonisć y chëi che à judà pea.

Ma co ie pa perdrët unit a se l dé l film? Davia che l presidënt da dant Andreas Linder y Matthias Höglinger fova plu ani alalongia pra l cunsëi dla Lia Mostra d’Ert, cunescian scialdi bën la storia y l’atività dla lia, ovi giapà la drëta mutivazion per nvië via chësc proiet. Do n gran lëur de nrescida de trëi ani, abinan adum materiai d’archif y fajan ntervistes ai presidënc da dant y a n valgun artisć che ova abù

n rodul zentrel tla storia dla lia, fòvela śën tan inant da pudëi mustré l film de n’ëura y mesa al publich. L film scumëncia cun na pitla ntroduzion storica, che se dà ju cun la problematica di ani ntan la doi vieres mundieles. Ma co fova pa unida a se l dé tlo da nëus chësta strutura particulera, cun persones che ova l medemo nteres? Depëndel pa povester dal carater uriginel y dala pascion per l’ert, miec dit da na sort de vijion dl mond davierta, che univa nfluenzeda plu da giut dai viages de lëur y plu inant dal turism?

Fundazion do la prima viera Puech do la prima viera ova n valgun artejans de Urtijëi metù su na lia pra chëla che l fova mesun mëter ora y vënder si lëures - n gran pert sambën ert sacra. La senteda de fundazion dla lia, denumineda tl protocol „Ausstellungsverein”, fova unida a se l dé jal Beché - ustaria „Englwirt“ ai 25 d’auril 1920, dala trëi domesdì cun a cë l presidënt Jakob Crepaz. Chësc „cumité“, ulache l fova leprò dantaldut

La vedla sënta dla Lia Mostra d’Ert sun Plaza de Sant Antone a Urtijëi.

scultëures, scultëures d’urnamënc y n moler, ova l fin de mëter a jì mostres y de vënder lëures fac a man. Ala lia ti spitòvel n davani de 5% sun i lëures vendui.

La sënta a Urtijëi L univa dantaldut metù a jì mostres coletives ma nce cuncorsc; metù ora unìvel tla vedla sënta dla scola elementera y tla Villa Venezia. Cun l sustëni dl podestà fascista Arturo Tanesini ova la lia giapà si sënta definitiva tla „Casa dell’Artigiano“, che ie unida inaugureda ai 10 de setëmber 1939. Davia che cun l tëmp fova la cundizion struturela deventeda plutosc fetra àn ti ultimi ani zarà ju la vedla sënta, per inauguré pona tl 2007 la „Cësa per la junanza, ert y cultura“, che ie danter l auter nce la sënta dla Lia Mostra d’Ert. Da ntlëuta à la lia a despusizion na bela biblioteca d’ert cun za. 3.500 libri, sambën davierta al publich, y la bela sala dla mostres sun Plaza de Sant Antone, che vën adurveda per uni sort de manifestazions.

Ntan y do la segonda viera La Lia mostra d’Ert fej d’uni sort de ativiteies cultureles via per l ann. Sun la foto la mostra de Matthäus Kostner.

Ntan l segondo cunflit fòven stac

sfurzei a fermé l’atività dla lia, pervia dla mancianza de apustedes, material y cumëmbri, ma la ne fova nia unida tëuta ju ufizialmënter. I tëmps do la segonda viera mundiela vën documentei tl film diretamënter dai testemons i prutagonisć dl’atività dla lia, scumancian da Rudolf Moroder Rudolfine, presidënt da ntlëuta dla lia y ambolt de Urtijëi, nchin a Andreas Linder, prumotëur dl proiet, y Jessica Insam. L vën a lum ntraunides dla lia da plu da giut scialdi nteressantes y nia pueces nce da rì. Danter la risses de trueps iel da audì ora che l fova belau la sëula luegia tla valeda, sibe per chël che reverda l aspet politich che nce chël culturel, che dajova l mesun de dì si minonga y de vester ndependënc y liedesc. Na pert dl film se dà perchël nce ju cun la ntraunides di ani 1977, ulache l fova stat stritoc cun l Chemun pervia de na mostra cun aspec scialdi critics de viers dla cumpania di scizeri, manacian de messëi finé via cun l’atività dl Circolo. Coche la ie jita inant iel da udëi tl film documenter scialdi nteressant che ie a desposizion tla biblioteca dla Lia Mostra d’Ert. Per la Lia Mostra d’Ert, Ulrica Perathoner www.lauscdiladins.com

11


Gherdëina

nr. 07 / 18 de fauré 2011

Do cin’ ani de scola tl ITC a Urtijëi L ultimo ann de scola tl ITC va bel plan a piz. N valguna ntraunides de chisc cin’ani. Bal da Carnescià ne ulova nia duc unì pea.

Valencia, danz che la ne n’ie nia jita fata L ann passà ëssa i sculeies y la sculées dla sezion turistica abù la puscibltà de fé na sujurnanza linguistica de n’ena a Valencia. La maiuranza fova per l viac, ma la persones X, Y y Z fova de contra. La tlas à purvà a fé dldut per ti fé mudé minonga a zachei, mé che dut fova stat per nia. Purtruep ne ons nia pudù fé l viac. Mo ncuei pensons do suvënz ala ucajion che on arjumà, ajache assan monce giapà n bel cuntribut dala Provinzia. L ie scialdi da muië che la tlas ne à nia tenì adum, ajache n ëssa pudù mparé spanuel. Chësc fat ti sta mo for sun l magon a truep sculeies. Conte chësc per mustré su che la ne n’ie nia for jita fata coche s’la mpensan, che datrai vëniel a s’l dé, te scola coche dedora, situazions che n ne vëija nia ite. Ma nce da tlo se tulons pea la esperienza de vita, mparan a se deriejer cun situazions y persones. Coche dì, la scola veramënter nce coche scola de vita.

Bal de maduranza Sculeies dla cuinta tlasses dl ITC de Urtijëi.

ITC - L ie bele giut ca, avisa cin’ ani, che la majera pert de nëus dla cuinta tlasses dl ITC Raetia de Urtijëi se ova udù per l prim iede. N valguni se cunesciova bele bëndebò bën, d’autri se cunesciova mé de vista y mo d’autri gordenó. Ntan chisc ultimi cin’ ani se à dut mudà. N à mparà a cunëscer persones nueves che ie deventei cumpanies.

“Urmei savons belau dut de duc” L ie nteressant a ti cialé de reviers a chisc ani, che ie per n valguni passei aslune, per d’autri plu bel plan. L ie povester nce l mumënt de fé na pitla reflescion, n con’ de chël che se tulon pea da nosc ani de scola, ma nce n con’ de chël che sarà nosc daunì. On passà deberieda scialdi de biei

mumënc, ma datrai nce mumënc manco biei. Urmei savons belau dut de duc, cieche ti sà bel a un, cieche ti sà burt al auter, ce guant che l à, coche y canche i se dessëna o rij, ce totlaries che n fej y nsci inant. Acioche l sibe na bela atmosfera te tlas muessa duc cuntribuì cun zeche. A pensé do fova chësc plu tl prim l cajo, ti prim ani tenians adum deplù, ngali demanco.

l’ëura de biologia. La maestra se ova pa sperdù y ova riesc cherdà su l’oma de Marco. Dan n doi ani ova doi mutans dla turistica giapà na nota disziplinera dala maestra de talian, ajache les fova furnedes cun l lift. Nsciuma, ntraunides plu o manco da uni di, datrai povester nce mpue’ particuleres, ma per nëus zënzauter mumënc che nes resta coche “nosc” uni di te scola, tl ITC.

Ntraunides te tlas

Tëma tl Horrorhouse, ena a Lignano

Se lecurdon mo avisa coche fajan, cun Davide, l juech de chiche sta plu giut mpe. Per ne messëi nia se senté ju se lascians tumé ite d’uni sort de viertles coche per ejëmpl: “Muesse jì a me tò n liber” o “L me ie tumà ju zeche”. Tla segonda tlas fova Marco n iede unì da nescia y tumà ntëur ntan

Canche fan tla prima tlas ans fat na jita a Movieland. Se lecurdon mo avisa coche fan jic tl “Horrorhouse” y coche n valguni se temova deplù y d’autri demanco. I mutons plu gherc ie monce jic doi iedesc te chësta cësa. Drët na bela esperienza à dessegur abù i sculeies dla IGEA, che ova tla prima pudù fé pea n’ena sportiva a Lignano. Duta l’ena ovi fat d’uni sort de sport. N valguna mutans ova pudù jì tla segonda tlas a Riccione a fé l “Fuoriclasse Cup”. L se tratova de fé al palé y de prejenté na zaita che n ova scrit. Tlo pòssen zënzauter dì che la scola à nce for pità d’uni sot de ativiteies ora de scola, che juda pea a fé esperienzes spezifiches, ma che ie dessegur nce mpurtantes per nosta furmazion y per la cumpania.

A Malta duc deberieda Elisa y Silvia, doi sculées dl ITC Raetia.

12

www.lauscdiladins.com

Dessegur ne à pona deguni desmincià la sujurnanza linguistica

a Malta che on fat duc deberieda tla terza tlas. Dan che fan piei via ne savans nia avisa cieche se aspitova, ajache degun de nosta scola ne fova mo jit a Malta. Fan ruvei a Malta, plu avisa a St. Julien, ntëur la ot da sëira. De doi o de trëi jans a sté te na familia. L maië ne fova nia drë’ bon, mé chëi che ova abù fertuna cun la familia giapova zeche de bon da maië. Jan belau un n iede al di a maië dal McDonald’s. Son stai iló a mparé nglëisc per dodesc dis. Belau uni di jans danmesdì a scola; domesdì pudans fé jites. Fan jic n di a vijité la capitela La Valletta y n’autra zità, fata coche n labirint, Mdina. Un n di fans jic sun l’autra ijula, chëla de Gozo. Nëus an la families a St. Julian, l zënter de Malta cunesciù per l jì ora da sëira. Suvënz pudans jì ora da sëira a se devertì, y mpue’ bel ti savòvel monce ala maestres che fova pea. Una na sëira ne ans nia pudù jì “aus”, coche n dij tan bel per gherdëina danter nëus jëuni, ajache n chël di ne fova n mut nia jit a scola ajache l stajova mo mel dala sëira dant... Chësc viac ti à sapù drët bel a duc, nce sce tl prim

L Carnescià ne n’ie nia plu dalonc. Granc y pitli ne vëija nia l’ëura de se mascheré y de fé vic y ac. Pra l Carnescià tóchel nce n bal n mascra. Coche l ie bele tradizion mët la cuinta tlasses dl ITC Raetia de Urtijëi a jì l bal de maduranza. N sada de Carnescià vëniel metù a jì l bal n mascra dal titul “Welcome to the Jungle”. Duc ie nviei de cuer a unì al bal, sambënzënza mascrei, sce la va. Dala dodesc vëniel premià la plu bela mascra cun n bel pest. Sce ëis ueia de ve devertì y de balé mpue’, pona sëis drët bel nviei à unì a nosc bal ai 5 de merz tla Cësa de Cultura Luis Trenker a Urtijëi. L fossa danz bel sce unissais te na gran cumpëida, che nscila sons boni de tré ite zeche per nosc viac de maduranza, per finé via n belëza nosc cin’ ani de scola. Tulon l’ucajion de ve rengrazië, tres la USC, bele danora duc canc. Per apusté na mëisa pudëis cherdé su bele danora. Dj Ondy y “Die Bergzigeuner” ve lascerà audì de bela mujiga. Da maië y da bever ne manceràl. Unide de trueps! Giulia Senoner, per la cuinta tlasses dl ITC Raetia de Urtijëi


Gherdëina

nr. 07 / 18 de fauré 2011

Ades n secul y mez de atività Senteda generela dl Cor de Sëlva. Uneranza a Hubert Planker per i cincant’ani pra l Cor. Cumëmbri nueves de James Whitbourn. Pra chësta ultima ejecuzion ons nchinamei giapà l aplaus di credënc, cossa da stramp rera te dlieja. De ndut à l Cor ciantà 32 iedesc te dlieja.

Di dla ciantia ladina

Hubert Planker, a man drëta, ntan la unerenza che ti vën sëurandata dal presidënt dl Cor de Sëlva Leo Demetz (amez) y dal dirighënt Andreas Senoner. (Foto de Petra Prinoth Nocker)

Cor Sëlva - La generela ie for n mumënt drët vif y nteressant per l Cor. Chëst ann iela stata tal Hotel Armin. Scumencià àla cun l salut dl presidënt Leo Demetz dl Mezdì. Di cumëmbri de unëur dl Cor fova prejënc Trina Demetz dl Pinzigher, Albert Perathoner da Linacia y l dirighënt de unëur Stefan Demetz. Unic adalerch ie nce Seniëur Pluan Pire Clara per la Pluania, l ambolt Peter Mussner, l’assessëura Milva Mussner y l cunselier per la cultura Dietrich Mussner coche reprejentanc dla man publica. Andrea Mussner, Giorgio Callegari y Leonhard Runggaldier ie unic n reprejentanza

dla Mujiga de Sëlva.

Monce n aplaus te dlieja Renate Ramoser Senoner à pona liet dant l protocol dla generela dl ann passà, Guido Demetz à cumpedà su l’ativiteies dl Cor tl 2010, che ie inò states truepes y d’uni sort. L majer pëis à abù l cianté sacher, n pert nce cuntemporan, cun pec sciche l Haec est dies, metù adum tl 1963 da Colin Mawby, la “Missa pro patria” scrita tl 1941 da Johann Babtist Hilber y la mëssa Son of God per Cor, orgun y saxofonn soprann dl 2001

Dal’autra pert iel nce stat ativiteies profanes. Una de chëstes ie stata chëla de jì a cianté “L bel mei”, n’autra de dé ora da maië y da bever cun l acumpaniamënt de na mujiga sun plaza de chemun n ucajion dl marcià dala Poza, che dà for vivanda ala festa; na terza l cianté dala sëira de prejentazion dl liber “Nosta Sëlva”. Un di mumënc de mujiga plu auc te Sëlva tl 2010 ie ala fin zënzauter stat l “Di dla cianta ladina” metù a jì dala Lia di Cores dl Raion Ladin, ulache l Cor de Sëlva à sambën ënghe fat pea. Sce n cumpëida adum duc i iedesc che dut l Cor o na pert se à ancuntà tl 2010, rùven ala bela soma de 90 iedesc.

L Cor cumplësc 140 ani Gabi Comploi Mussner à pona purtà dant la situazion de cassa. Do ëila àl tëut la parola l presidënt Leo Demetz, auzan ora danter l auter la funzion educativa de n cor y cuntan velch plu avisa de cërta ativiteies dl ann passà. Ël à nce lecurdà la ciantarina y l ciantarin che ie zapei ora dala lia tl 2010, i rengrazian per dut l lëur che i à fat y dijan che la portes dl Cor ie for

daviertes sce i ulëssa n iede inò unì de reviers. Demetz à pona rengrazià la istituzions per i cuntribuc y l Cor per duta si atività, finan via cun l zitat de Josef Pircher ”Cianté ie na beliscima scincunda”. L dirighënt Andreas Senoner à pona danter l auter lecurdà che l ann passà iel unì mparà ite passa vint cianties nueves, una na nueva belau uni segonda proa, y che chëst ann iel perdrët 140 ani de atività documenteda dl Cor de Sëlva. L à nce fat a l savëi che dai 21 ai 23 de utober tenirà l Cor n gran cunzert cun pec dal 1.500 nchina a sën, n pert cun orgun y n pert cun urchestra.

Nfurmatica de Samuel, fotos de Petra. N pitl problem de n cor ie chël de se abiné saurì la partitures che ie unides adum cun l passé di ani, y de mëter adum programs cun pec che passenea adum te n curt tëmp. Coche soluzion à Samuel Senoner prejentà n si program nfurmatich de archiviazion scëmpl y efizient. Blòta ie nce stata la pruiezion de fotografies fates l ann passà da Petra Prinoth Nocker.

Ciantarina y cumëmbri nueves L ie na fertuna che datrai vëniel nce leprò ciantarins y ciantarines nueves. Chëst ann iel unì tëut su Margareth Mussner dl Aghel cun na blòta rima de bënunì scrita da Renate. Na inuvazion dl Cor da

puec ani incà ie che tulon nce su sunadëures per mëter bel plan mpe n’urchestra. Nscila iel unì tëut su i musicontri Giorgio De Biasio, Ivo Demetz y Christian Perathoner.

Uneranza a Hubert Planker Un di mumënc plu auc dla sëira ie zënzauter stat chël dla uneranzes, y plu avisa canche Hubert Planker à giapà l diplom di 50 ani pra l Cor deberieda cun la plachëta de santa Zezilia y na bela scincunda coche recunescënza da pert dl’aministrazion cumenela. Leo y Ingrid Mussner Runggaldier ti à liet dant n pitl ferssl y Leo, Albert, Ingrid, Ingrid Senoner Denaro y Paola Glück Schenk ti à mo ciantà l pez “O mi blòta cara cësa” cun n test mudà per l’ucajion. A Beatrix Lardschneider y Roman Pitscheider ti iel pona unì sëurandat l diplom di 25 ani pra l Cor, a Michaela Senoner Mussner l diplom di 15 ani da ugristra dl Cor (datà tl 2006), y a Silvia Perathoner l diplom di 15 ani pra l Cor. Ala fin à mo i nviei tëut la parola, rengrazian generalmënter l Cor per si atività, lecurdan l valor de chësta lia per l luech, y ti mbincian de jì inant de chësc viers per l bën dla populazion. Do i ntervënc di nviei iel unì stlut ju la pert ufiziela dla generela, y la sëira ie mo jita inant cun na bona cëina y dantaldut cun bona ueia. Guido Demetz, scrivan dl Cor de Sëlva

L octopus de Maurice Canche a fé la scultura de nëif iel n seniëur. Via per l di vàl cun i schi, da sëira vëniel ziplà: dal’Olanda te Gherdëina. Maurice zipla n bel octopus ntan si feries te Gherdëina Curiusiteies - Jita iela nscila: dan trëi ani, canche saludan seniëures che cunescian bele da n pez incà, ntan che i fova tl lëur de se n pië de reviers a cësa, me ova un de ëi, Maurice, n olandesc, dit bel achiet via che sce ti njeniesse ca n mudl de nëif per l proscimo

iede che i vën, pona me zìplel zeche ora dla nëif. Nscila fòvela pona stata.

L bel octopus ziplà tla nëif da Maurice.

La prima scultura dan doi ani D’autonn, l fova chël autonn

ulache l ova fat truepa nëif abenëura y che l jiva ju duta chëla pitla levines, ti ovi njenià ca l mudl de nëif. Sambën che ne savove nia coche n fej n tel mudl. Ove mefun purvà a l fé l miec che la jiva, y nscila fòvel garatà n bel mudl de ntëur a cater per cater y puech manco de trëi metri de autëza. Canche ti ove mandà su l’e-mail cun la mesures tl’Olanda, se ova Maurice sperdù dassënn, y me ova scrit zeruch che ël ne sà pa nia sce l ie bon de fé zeche tan de grant te n tëmp tan curt, che i sta pu for mé n’ena tlo da nëus . Ala mesures dl mudl ne ovi nianca no drë’ pensà, avan duc i pensieres a co fé n mudl cumpat assé c un ma ssar ia scëmpla. Canche Maurice fova ruvà adalerch deberieda cun si cumpanies,

àl mo scumencià a ziplé ora dla nëif n chël di, sun la fundamënta de n pitl model che l ova njenià ca. Ël ne n’ie perdrët nia n scultëur per lëur, scebën che si lëur à da n fé cun l’ert. L’ena fova pona passeda nsci, che via per l di jiva duc cun i schi y da sëira unìvel laurà: Maurice ziplova ora la forma, si cumpanies ziplova demez i tòc de nëif che n ne adurvova nia, y ie palove demez la nëif che dajova mpaz. Y, cie che fova plu mpurtant, man man che l lëur jiva inant, udans che a ziplé tla nëif jìvel plu aslune de chël che n se ova mpensà, y la speranza che l’opra unissa fineda per tëmp y ëura univa for majera y majera. La juebia da sëira fòven bele inant cun l lëur, y duc fans jic a cëina, tan bel nes savova dut cant. L vënerdi domesdì ova Maurice bën messù lascé vester de jì cun i schi per finé l’opra, n’ëila senteda che fej ginastica y te na posizion eleganta. Canche dut fova finà fans sambën duc scialdi cuntënc, ie ënghe, che ne ove mpo no fat n mudl massa grant!

L bis l ann passà D’autonn ti éi pona mandà la fotos y ti é damandà sce ël ie

nteressà a fé mo n iede na tel scultura. Ël à bel mpont dit de sci y nscila iel l ann passà garatà n lion de mer ziplà adamënz. Me fajove for marueia tan na gran forza fisica che ël ova mo a ziplé da sëira do vester jit dut l di cun i schi y se ferman ala fin mo n puech te na utia. L muessa vester che l ti savova tan bel a ziplé che l ti passova duta la stanchëza.

Dal sas ala nëif L ann passà me a Maurice cuntà che te si tëmp liede àl pensà de vester criatif ziplan dantaldut tl sas. Ël se abina pona for d’instà cun na grupa de scultëures tla Nghiltiera, ulache ëi à tëut a fit n tòch de grunt y ulache i fej scultures tl sas plu o manco grandes che resta pona iló per for. Y nce chëst ann ne n’iela nia jita scialdi autramënter, ora che ël à fat dut l lëur de ziplé da sëul: l ie garatà n bel octopus. Speron mé che l ne se dlëighe nia massa aslune y che n auter ann jiràla inò inant nsci! Guido Demetz www.lauscdiladins.com

13


Gherdëina

nr. 07 / 18 de fauré 2011

L nchersciadum de Ottavia Dan otodì iel stat la giaurida dla mostra de Ottavia Demetz tla sënta dla Lia Mostra d’Ert /Circolo a Urtijëi. Egon Moroder Rusina à fat la ntroduzion Ert - Ti cunsentì de cuer. Chël fova mpue’ chël che univa ora, n ucajion dla giaurida dla mostra de Ottavia Demetz tla sënta dla Lia Mostra d’Ert a Urtijëi. La legrëza per la mostra de Ottavia univa ora dala paroles dl’assessëura per la cultura dl Chemun de Urtijëi Lara Moroder, dal cumplimënt de Egon Rusina y dal gran aplaus dla truepa jënt unida adalerch per l’ucajion, saludeda dal presidënt dla Lia Mostra d’Ert/Circolo Tobia Moroder. Duc ti cunsentiva de cuer y fova cuntënc cun l’artista Demetz.

Danter ert y familia Egon Moroder Rusina à te si paroles de ntroduzion auzà ora coche l à mparà a cunëscer Ottavia Demetz, ntan i cursc de depënjer. A Ottavia, nscila Rusina, ti savòvel bele da pitla insù scialdi bel a dessenië y a depënjer. Si sor Carla l’à pona nvieda via a jì a depënjer tla natura, sa mont. Da tlo vëniel ora l raport strënt cun i crëps, che Demetz à. Rusina à dit che l se à for fat marueia coche Ottavia ie bona de mëter adum la familia y l’ert, se damanda pu l’ert per definitionem na tendënza a vester ndependënc, y l ie zënzauter rie a mëter adum ert y familia, l vën ora n cunflit danter l liam da una y la lidëza dal’autra pert. “Ottavia ie stata bona de abiné la combine,” nscila Rusina, che à cuntà coche Ottavia, ntan che la depënj, leva su ora de nia y dij: “Muesse jì a fé nioch!” Tlo vëijen, à dit l reladëur, che Ottavia viv si ert tl savëi de si ncëria te familia. “Ie ne fosse nia bon de depënjer cun i nioc tl cë,” àl juntà pro.

“La batalia tl chiet, ma nia da sëula” Jan pona ite plu a puntin tl’opra de Ottavia Demetz, à Rusina auzà ora la gran plastizità dla pitures, che lecorda la pascion mei realiseda de Ottavia dl ziplé ma nce l crëp, a desmustrazion dla simbiosa cun la natura. Dal’opra seméiel luné ora na cërta melanconia, “Sehnsucht”,

na sort de nchersciadum per la lidëza, la redenzion, l tò y tres la cordes che te lieia. L corp, l act dessenià da Ottavia sta, ie pundù, te na realtà zënza sëides, che dà ite na lum sterscia, ntan che l act resta te dumbria, aspitan zeche, la redenzion, la lidëza dal corp. “L act à chësc nchersciadum, Ottavia à ënghe chësc nchersciadum!” à dit Rusina. L nchersciadum minà per gherdëina nia coche sentimënt de avëi mancia l ncësa, ma propi l cuntrer, de rumpì ora, de jì de viers dl nuef, dla lum, bonamënter dl chiet y dla gheneda dl’ana. Rusina à pona fat n excursus filosoficus, zitan danter l auter Goya, Novalis y Hegel. Per finé via à Rusina dit che Ottavia à n nchersciadum do sé nstëssa, la cumbat, di y nuet, coche duc chëi che fej ert, cun n gran sacrifize, ma restan da sëui tl cumbatimënt. “Ma Ottavia,” nscila Rusina cun referimënt ala gran cumpëida de jënt unida adalerch per la giaurida, “ne n’ie nia sëula te si batalia, che la porta inant tl chiet. N gran cumplimënt perchël, de cuer!” Paroles che à, coche dit, fat unì su n gran aplaus spontann da pert de duc.

Demez dala ciadëines che taca ju L titul dla mostra ie “Sehnsucht”, nchersciadum per gherdëina, nce sce te n pensier plu strënt y spezifich. Coche dij Ottavia Demetz ie chësc per ëila l sentimënt de na cërta libertà de lauré, de viver, de lerch tla natura y tl vester, tl tëmp y tla luegia. Demez dala ciadëines che te taca ju uni di, la ciadëines che uel dì che l ie for zeche da fé, for da vester iló, da vester nscila. L lëur cun l’ert ie per Ottavia l mesun per ti jì do a chësc nchersciadum, la se n mucia ite per na pitla porta te n tel gran mond dut sie, ulache la possa se nventé da nuef dut l ABC. Tla mostra iel da udëi chedri fai te tecnica mescededa, temperes, china, culëures a ega sun papier gros o carton, coche n dij

N ucajion dla giaurida dla mostra. Da man ciancia l’assessëura Lara Moroder, Egon Moroder Rusina, Ottavia Demetz y Tobia Moroder, presidënt dla Lia Mostra d’Ert. A man drëta Adam, mut de Ottavia y si cumpani David, che à sunà, bën, pra la giaurida.

tecnicamënter. L sujet ie la persona. Ottavia lëura dan n model, dessenian act, ma l metan ite te n ntëurvia che dà lerch a na atmosfera particulera dl vester dl model y dl’artista y dla ondes danter i doi.

Ert coche reflescion y analisa A ti cialé ai chedri metui ora tla sënta dla Lia Mostra d’Ert tómel tl uedl l prim var che Ottavia fej, demez dal dessëni iconich, dal dessenië mé zeche de bel, te n raport un a un cun la realtà. L ie la reflescion che toma tl uedl, la ulentà de jì sëura la forma ora, o miec de tò ca la forma coche mesun de esprescion y povester nce de analisa, de autoanalisa. Scumencian dala fundamënta, dala funtana, che mostra su coche Ottavia Demetz taca mo pra la realtà de si devenì, de si vita. Nsciuma, la streda ie mo longia, ma l prim va àla bele fat, cossa che ne ti garata nia a duc, mé nscila. Rujenan coche n maia iel mefun l pensier de na realtà, de na persona

tacheda ite tla families da Pilat y da Brida, coche pars pro toto de duta la gran families de Gherdëina, che cun duta si bones à nce la manco bona de te dsaré ite l svilup persunel, de ti lascé povester puecia lerch a chël vester, a chëla criatura tan sensibla, tan dëibla ma tan sterscia

y tan identificanta, che ie l’ana dla persona. La mostra sarà davierta mo nchin a n dumënia ai 27 de fauré, uni di dala diesc ala dodesc y dala cater domesdì ala sies da sëira. Ottavia Demetz sarà for prejënta. Duc ie nviei de cuer.

Nchersciadum de Ottavia Demetz.

Scola profesciunela a Urtijëi I mestieres dl artejanat artistich à purtà bënsté y cualità de vita te Gherdëina. Chisc mestieres pieta mo for na bona fundamënta de furmazion per jëuni che à na bona man artistica Scola profesciunela - N vënderdi ai 25 de fauré possa duc i nteressei vijité la scola profesciunela a Urtijëi y se fé n

La Scola profesciunela de Urtijëi.

14

www.lauscdiladins.com

cheder dl nseniamënt che vën pità n auter ann tl cuntest dla reforma dla scola auta. L di dla porta davierta tla scola

profesciunela a Urtijëi scumëncia dala 9 daduman y jirà inant nchin la cinch domesdì cun na pausa da marënda (12.00 nchin la 14.00). L sarà i nsenianc cun i sculeies nstësc a prejenté i cuntenuc de nseniamënt y i lëures pratics che vën fai tl cuntest dl artejanat artistich. L lëur artistich tl lën vën nsenià te plu berstotes dedichedes al ziplé, modelé, dessëni, depënjer y turné. Dut chësc vën pità tla strutura nueva, che ie permò unida giaurida dan trëi ani. Ntan l di dla porta davierta puderà duc i vijitadëures nstësc deventé criatifs y depënjer pea n majer cheder. La Scola profesciunela de

Urtijëi ie fata su sun doi pertes. I prim trëi ani ie dedichei a na furmazion artistica de basa, ulache l vën nsenià materies de cultura generela deberieda cun la teoria spezifica dl’ert. Feter na terza pert dla 38 ëura de nseniamënt al’ena vën fates te berstot ulache l vën modelà y ulache n possa crì ora danter ziplé y depënjer. Do avëi fat chisc prim trëi ani possa i sculeies fé l ejam da fant. Mo plu nseniamënt de pratica vëniel pità ti doi ani de spezialisazion de ziplé. Nfati, nce tl cuarto y cuinto ann de scola vëniel pità 38 ëura de nseniamënt al’ena, ma tlo cun passa 70% dl’ëures dedichedes ala

pratica te berstot. Cun i doi ani de spezialisazion de ziplé possa i sculeies pona nce fé l ejam da moster de ziplé. La iscrizions ala Scola profesciunela per l artejanat artistich a Urtijëi vën tëutes su nchin ai 31 merz tla direzion de scola. Per nfurmazion plu avisa pòssen tò su cuntat cun la scola tres internet, sun la plata www. groeden.berufsschule.it, cherdan su l numer de telefonn 0471 796733 o passan de persona tla Scola profesciunela tla streda Rezia 295 a Urtijëi. (ufize stampa provinziel de Südtirol)


nr. 07 / 18 de fauré 2011

La Ferata de la Memoria 2011 Val de Fascia – Cracovia: chest l viac che à vedù protagonisć ence 20 joegn fascegn. N viac lonch ma soraldut fon de emozions

L grop di joegn de Fascia ensema a chi de la Val Rendena sul col de Wawel.

L ciancel de entrèda del ciamp de conzentrament de Auschwitz, simbol de duta la deportazions.

La carieghes monument tel ghetto de Cracovia.

27 de jené, l gran dì… Dò aer fat cinch o sie scontrade per se enjignar a chest event, noi joegn de la Val de Fascia partiane per jir a veder chi posć de la seconda vera mondiala che à lascià l segn te noscia storia: Birkenau e Auschwitz. Chela setemana demez n’aessa portà duc a cognoscer chi lesc olache n muie de jent ebrea e de autra reijes à cognù padir le pene da l’infern. Rué a Trent te stazion de la ferata, sion monté direti te vagon e se aon spartì i posć. L viac à durà n muie, ma, ajache te treno aon podù cognoscer jent neva da vigni raion de la Talia, l’é passà ence en prescia. L temp l’é sgolà sobito anter la musega de la chitara, dotrei cianzon e autre atività. De not da zeche ora l’à tacà a far freit te vagon, ma no l’era l freit che fasc le batude de nosc compagn Thomas, l’era l sciudament che no jìa!… Da le set da bonora, mec indromenzé, aon cognù cambiar post, e coscita sion rué te pruma clas e ló se stajea dalbon sorì su chi lec… Dò se aer pussà amò n mìngol, aon disnà; dapò aon vardà de esser vertiesc percheche eraane beleche rué e cognaane amò enjignar dut per desmontar. Canche sion stac te stazion i era duc maraveé de veder na zità, ajache l’era da n bel pez che no se vedea ciase fora dai finestrins de la ferata. Timpruma aon tirà ensema

le vegnia spartide, i bec porté dalonc da soa mare e da so pare, momenc tant burc e dolorousc che demò al pensier i te fasc vegnir i sgrijoi jù per la schena. La dì dò da bonora sion ponté via per jir a veder i lager de Auschwitz e Birkenau. Eraane engaissé e curiousc de poder veder con nesc eies chel che i ne aea contà fin enlouta sun chisc doi posć. Rué e desmonté da la coriera, sion jic direti tel lagher de Auschwitz, che cogne dir no l ne à fat gran imprescion sobito, fosc percheche se spetaane auter. Ma dapò la guida la ne à fat fermar tedant a la scrita “ARBEIT MACHT FREI”, na cognosciuda frasa che se lec sun n muie de tesć che rejona de la seconda vera. Te chel moment aon fat duc acort e aon entenù amò

Desgrazia, cativeria, bestialità, tema, dute cheste parole le ne à ciapà la ment, na roba che no se pel contar percheche no se é bogn. Ence chiò sion stac te chele ìtene che à serà via tanta jent che no la n podea nia, che la domanaa demò pasc, libertà e valivanza. Chela sera se aon sentù vejins a chele persone che le é morte per nia, per la cauja che n mat (e purampò n’é ence aldidanché) e jent che ge jìa dò volea portar inant, zenza tegnir cont de la degnità che vigni om cogn aer. Dut lascia n segn e ence chesta esperienza. No se cogn desmentiar che che l’é stat fat, no tant per l recort, ma per viver miec i valores de l’om ades e tel davegnir.

noscia meja e co le valisc sion rué te alberch…se coscita sel pel l chiamar. Eraane te cambra de seidesc…podede ve pissar…Dò aer metù via te armer dute le massarìe, enjignà i lec per dormir, noi del grop de Fascia sion stac de fora duta sera. Aon cognosciù doi guide polache che saea l talian, Kasia e Paolina. Cheste le se à fat sobito ite anter na bira e l’autra... Aon emparà adiment n muie de parole polache e someaa beleche che n saassane de più che ele... La dì dò l beicher sonaa...Dò aer dormì sun madroc dures sche peton, se aon descedà col mal de schena, zachei era jà en pe da n bel pez, autres, più poltrogn, i era amò dò che i roncedaa... Sobito dò sion partii per jir a veder l ghetto de Cracovia. No l’era nia en dut, l’era restà demò doi mures, ma su chi cadrìe se capìa e ne someaa de veder la pascion de chela pera jent che era stata obliada a jir ite. Dò n’ora bona sion rué te n piaz... l’era stat metù a jir na raprejentazion teatrala: se rejonaa de la vita tel ghetto, coche vivea la jent che cognea star ló. Endana che i atores contaa, aon cerì de se pissar a che vida che la popolazion ebrea vivea. Entener coche se stajea ló n’outa, l’era dalbon senester. La jent aea tema che i nazisć podesse ge tor demez ogni ben, ma chel che fajea più cutia l’era canche le familie

I joegn aló da la scultura “Eros bendato” de Igor Mitoraj.

zeche de fon e emportant de chel tòch de storia. No l’é fenì dut coscita emprescia, ajache sion jic inant te le barache: chel che ne à ciapà de più l’é stat ge vardar a chi sćialins deformé a forza del passar de la jent che i menaa tel pian de sora. Demò mures, cilores e fogn nuc, l freit e l dejodech te passaa fora la pel. N’autra roba che ne à fat n muie aric l’é stat canche aon vedù chel mont de ciavei entorcolé, te na cambra de vierech. L’era tant cert che ne someaa de veder jent che pianc e che se despera e domana pietà. Perché dut chest, a che fin? Ma l moment più fort l’é stat canche sion rué tedant a l’entrada de Birkenau: n gran teritorie serà ite da n fil eletrich spinà, aut più che doi metri e a ciel no se vedea la fin.

Marco Barbolini

Chiara, Kasia, Matteo, Damiano, Sabrina, Alessandra, Federico, Thomas, Gianluca, Marco e Matteo te n bar de Cracovia.

La mondures di perjonieres di ciampes de conzentrament. N moment de la comemorazion a la fin de la vijita ti ciampes. www.lauscdiladins.com

15


nr. 07 / 18 de fauré 2011

Christian Pescoll fej inant presidënt Nstadì iel stat la senteda generela y la vela dl cunsëi nuef per la Nëus Jëuni Gherdëina Lies - N sada ai 29 de jené iel inò stat la senteda generela dla Nëus Jëuni Gherdëina, che vën fata un n iede al ann, ma mé uni doi ani ie la veles dl cunsëi nuef, coche l fova chëst ann. La senteda à scumencià da mesa la set da sëira tla sala di jëuni Saut a Urtijëi. L se à abinà truep jëuni y jëunes che reprejënta la 25 lies che fej pert dla lia tët dla Nëus Jëuni Gherdëina. Ma nce truep d’autri nteressei se à lascià udëi per scuté su cieche l unissa rujenà ntan chësta sëira scialdi mpurtanta. Cun legrëza ons nce pudù saludé i assessëures per la junanza di Chemuns de Gherdëina, Heidi Rabanser per Urtijëi, Marika Schrott per S. Cristina y Doris Mussner y Günther Perathoner per Sëlva. Nce Wilma Boggio Runggaldier dl Ufize per la junanza dla Provinzia de Bulsan se à tëut dl’aurela de unì a nosta senteda generela, coche nce i cumëmbri de unëur Helmuth Lardschneider y Patrick Stuflesser.

Feelmusic, Jawa y Sakl Scumencià à la senteda cun n valguna paroles de salut da pert dl presidënt Christian Pescoll, che à da dedò nce liet tres l bilanz positif dl ann de atività 2010 y l plann de finanziamënt udù dant per l ann 2011, che ie unì dat pro da duc i prejënc. Da dedò à n valgun cumëmbri dl cunsëi n curt spiegà n valgun proiec y manifestazions che ie unic metui a jì ntan l ann 2010, coche l cuncors de mujiga Feelmusic, che ie unì metù a jì per l cuarto iede, y che à al didancuei bele na gran tradizion te nosta valeda y dantaldut n gran suzes. Pona iel l proiet Jawa, che pieta ai mutons de nosta valeda dai 13 ai 19 ani de jì a judé ora te truepa istituzions, se davanian nscila bonns per butëighes, pizzeries y ntredes tl chino, nudadoia y d’autri luesc. N auter proiet metù a jì via per l ann passà ie l Sakl, n program per i mutons y la mutans dla scoles mesanes de Gherdëina, per passé deberieda cin’ enes ntan la feries da d’instà n cumpania, jan a fé jites sa mont, cun la roda, tla nudadoia, te ziteies y luesc culturei y soziei

y vijites te truep de biei luesc drët nteressanc, ulache l vën mparà d’uni sort de roba nueva, ma dut te na forma de devertimënt. Per l’ucajion iel nce unì mustrà n valguna de bela fotografies de chisc proiec.

I servijes dla Nëus Jëuni Nce dut l material che la Nëus Jëuni Gherdëina mprësta ora a duc ie unì mustrà sun la tëila tres fotografies, ti lecurdan nscila mo n iede a duc i servijes che chësta lia possa ti pité ala junanza de nosta valeda, coche l mesun de pudëi fé fotocopies da culëur, mandé ora SMS de manifestazions y nsci inant.

Brosciura nueva Do chësta ntroduzion iel unì prejentà zeche de nuef: la Nëus Jëuni Gherdëina à ulù publiché n ucajion di 25 ani de atività na brosciura nueva, ulache l ie laite duta la spiegazions y prejentazions da pert dla Nëus Jëuni Gherdëina nstëssa, ma dantaldut de duta la 25 lies che fej pert dla lia tët. Tlo se à uni lia prejentà cun n scrit y fotografies, mustran su si atività. Chisc pitli cudejiei ie unic piei do dai prejënc cun gran ntujiasm, on pudù n dé ora trueps bele ntan chësta sëira. Sambën iel mo l mesun de n giapé, passan tl ufize dla Nëus Jëuni Gherdëina, tla sala di jëuni de Sëlva Fun&more te Sëlva o te duta la biblioteches de Gherdëina. Rengrazion de cuer Diego Moroder de nosc cunsëi, che se à tëut su chësc gran lëur de mëter adum chësc blòt cudejel y che se à cruzià de dut l material fotografich, grafica y dut l rest dla urganisazion per fé chësc cudejel.

L cunsëi dla Nëus Jëuni Gherdëina cun i cunlauradëures.

cuer nce tres la USC chisc jëuni per dut l mpëni y l tëmp dat ca per chësta lia ti ultimi ani, ulache l ie unì arjont truep traverc per duc i jëuni de nosta valeda. Na gran lauda y n gran Dievelpaie ti va perchël a chisc jëuni: Margareth Mussner de Sëlva, che à per truep ani fat la revisëura de cassa y à for cialà che i conc jissa bën, Rita

www.lauscdiladins.com

cunsëi ti ultimi doi ani.

Vela dl cunsëi nuef Dut l rest dl cunsëi à dit che i fajëssa mo gën inant per i proscimi doi ani; chësc nes à fat gran plajëi. L ie nce stat drët bel a udëi che doi

N gra ai cunselieres Finalmënter fòvel ëura de fé la veles dl cunsëi nuef. Ajache la veles ie mé uni doi ani, n fòvel chëst ann danz n valguni che ne se à nia plu lascià mëter sun lista per i doi ani che vën te cunsëi. Perchël ulessans mo tò l’ucajion per rengrazië de

L Sakl (Sommer aktiv kreativ live), un di majeri proiec che la Nëus Jëuni Gherdëina pieta ai mutons y la mutans de Gherdëina.

Ntan la generela à i cumëmbri dl cunsëi spiegà duta l’ativita, i proiec y la manifestazions fates via per l ann.

16

Stuflesser de Urtijëi/Runcadic, che ie stata per truep ani vizepresidënta y che se à per duc chisc ani nce for cruzià dla sala di jëuni de Runcadic, Matthias Kostner de Urtijëi, cunselier dal 2005 incà, Marion Noflaner y Gabriel Malsiner de Urtijëi, tramedoi cunselieres dal 2007 y Andreas Kostner y Simon Obletter de Urtijëi, che ie stac te

Ntan la spaghettata tla sala di jëuni do la senteda generela.


nr. 07 / 18 de fauré 2011 Mussner de Sëlva, Jakob Lardschneider de Urtijëi. I ultimi doi ie unic leprò nueves tl cunsëi, y perchël ulessans mo ti dé l bënunì y ti mbincé dut l bon.

Christian presidënt, Martina vizepresidënta N valgun dis do iel pona stat la prima senteda cun l cunsëi nuef, ulache l ie unì fat ora i lëures y la ncëries che uniun se sëurantol per i proscimi doi ani. La cuarta edition dl cuncors de mujiga Feelmusic, che à uni iede n grandiscimo suzes danter la grupes de mujiga de nosta valeda.

nueves se à lascià mëter sun lista. Davia che nosc statut vëija dant che tl cunsëi pòssel vester danter set y trëdesc cunselieres, y che duc i prejënc fova a una de tò su i doi nueves, ne iel te chësc cajo nia stat debujën de fé la veles. Perchël pudons cun plajëi fé a l savëi che l cunsëi dla Nëus Jëuni Gherdëina ie śën metù adum da diesc jëuni y

jëunes de Gherdëina, y plu avisa da: Christian Pescoll de Urtijëi, Diego Moroder de Urtijëi, Heidi Rabanser de Urtijëi, Alessandra Insam de S. Cristina, Samuel Senoner de Sëlva, Martina Rier de Urtijëi, Carmen Insam de Urtijëi, Monika Rier de Urtijëi, Melanie

Cun plajëi à nosc presidënt da dant, Christian Pescoll, dit che l fajëssa gën inant. Duc i cunselieres fova de chësc sambën drët cuntënc y a una, avisa coche Martina Rier, che ie stata vizepresidënta ti ultimi doi ani. Nce ëila se à metù a desposizion per sëurantò chësta ncëria inant per i proscimi doi ani. Ala fin fòvel mo da fé ora chiche sëurantol la ncëria da revisëura de cassa, y tlo iel unì fat ora che Alessandra Insam se cruzierà de chësc lëur nchin ala

Inant sport tl ITC

inant chësc urientamënt de scola. Nce sce la sezion sportiva ne n’ie nia unida cunzeduda dala Ntendënza y dal’aministrazion provinziela, vën la sezion sportiva/ aministrazion, finanza, marketing, dessegur tenida inant nce tl proscimo ann de scola. L sarà da fé vel’ mëndra mudazion, ajache la ne n’ie nia unida cunzeduda ufizialmënter, ma per duc i sportifs che uel jì inant cun l sport a livel agonistich y mpo ruvé a n ejam de Stat ti vëniel nce tl daunì pità

proscima veles.

Pasta y bona ueia Do la veles iel mo stat na „spaghettata“ per duc i prejënc ala senteda, y on lascià finé via la sëira cun mpue’ de bona ueia. De gra a duc i reprejentanc y cunsëies dla lies per l gran mpëni mustrà ntan

Avisc

L urientamënt dl sport tl ITC Raetia de Urtijëi va inant nce ti proscimi ani. Do la reforma dla scoles ti iel unì cunzedù al ITC de Urtijëi ufizialmënter doi direzions: chëla de aministrazion, finanza y marketing y chëla turistica ITC Urtijëi - L’autonomia scolastica dà la puscibltà aldò di bujëns dl luech, di sculeies, dl ambient y de nteresc soziei de junté vel’ urientamënt spezifich ala direzions ufizieles. Ajache la sezion sport dl ITC ie ti ultimi ani for chersciuda y à n drë’ suzes pra duc i atlec dl sport da d’inviern, minà iel schi alpin, pudejé, saut y cumbinazion nordica, biathlon y snowboard, se à la direzion y l cunsëi de istitut n cunlaurazion cun i nsenianc mpenià de tenì

N mut ntan che l fej n valgun stroc per l pruiet Jawa.

chësc model de scola cun l orar scolastich laurà ora aldò di bujëns di alenamënc. A duc i sculeies dla scoles mesanes de Gherdëina ti vëniel pità tl ITC n juebia ai 24 y vënerdi ai 25 de fauré tlasses daviertes ulache i possa tufé ite te duta la direzions dla scola, y ai pitli atlec ti uniràl nce purtà dant y spiegà l urientamënt sportif. Lidia Bernardi

chisc ultimi ani y dla bona cunlaurazion, che mé tres vo sta la lia tët Nëus Jëuni Gherdëina mpe. Speron che sonse inant boni de ti unì ancontra deberieda al miec ai bujëns de nosc jëuni de Gherdëina. Per la Nëus Jëuni Gherdëina Rabanser Fabian

Cuncors de tasces per jëuni

L cuncors “My fair trend bag“ per duc i jëuni dai 16 nchin ai 20 ani vën metù a jì dala Butëighes dl Mond deberieda cun de autra lies provinzieles che sustën l cumerz rëidl. I criteres per fé pea l cuncors ie de vester n jëunn criatif danter 16 y 20 ani y de svilupé n prudot reél y uriginel che se lascia fé. L se trata de dessenië y pruieté na tascia cun draps dl “Fair Trade.” I partezipanc muessa mandé na fotografia de si lëur tres e-mail nchin mesdì dl 26 de auril 2011 a: www.fairtrend.org, ulache n giaperà plu nfurmazions. La premiazion dla 10 plu bela tasces unirà fata ai 7 de mei 2011 n ucajion dl’adunanza generela de Operation Daywork.

Batadù di Jëuni dla Lia da Mont cun sluseda a tëmp de luna Sun Resciesa da Simon ulons ai 26 de fauré jì, per carté, se maië na bona pasta y se devertì! Co ruvé su? Chiche uel possa sambën jì su a pe, ma sce n cajo pëia su l’ultima ferata dala 16.45 da japé. Ntëur mesa la 7 scumencerons pona a carté, y sambën nce de beliscimi pesć pudëis ve aspité. Do che on cartà, uniràl mo mpue ciantà y balà, na live band ons ënghe apustà. Coche ruverëis pona ju... chël ne se tulons nëus nia la respunsabltà! Per nfurmazions y iscrizions prions bele de cherdé su tl ufize dla Nёus Jёuni Gherdëina, 0471 799006 o de scrì a info@njg.it

Filmclub tla sala di jëuni Saut a Urtijëi Uni ultima sada dl mëns vëniel metù a jì tla sala di jëuni Saut a Urtijëi la sëira de film. Per l mëns de fauré, n sada ai 26.02. uniràl mustrà sun tëila l film “Die Päpstin”. Chësc ie n film tudësch tëut su tl ann 2009. Duc ie nviei a unì a ti cialé, da mesa la nuef da sëira inant tla sala di jëuni Saut a Urtijëi.

Cualificazion per l turnoi de calcetto Duman sada, ai 19 de fauré uniràl fat tla sala di jëuni Saut a Urtijëi la cualificazion per l turnoi de calcetto de dut l Südtirol. Duc i jëuni nchin a 20 ani ie nviei de cuer a fé pea. La prima cualificazion per chëi de Gherdëina sarà duman sada, ai 19 de fauré tla sala di jëuni Saut a Urtijëi. I miëures ruverà pona inant y puderà se museré cun i miëures dla Val dl Isarch. Chëi che passerà nce iló jirà pona a fé pea la finela, che sarà n dumënia, ai 27 de merz tl zënter di jëuni Fly a Leifers. Per plu nfurmazions y per la iscrizions pòssen cherdé su Astrid tla sala di jëuni Saut a Urtijëi, al numer 0471/799006 o scrì a astrid@njg.it

Heeelau La biblioteca San Durich meterà a jì tl mëns de merz doi sëires per fé l ciapel da Helau, ai 23 y ai 30 de merz dala 8 da sëira. Per plu nfurmazions y per se lascé nuté su passëde tla biblioteca o cherdëde su l numer 0471/797814. I atlec y la atletes dl ITC de Urtijëi cun l diretëur Bruno Senoner a man drëta, l vizediretëur Josef Mussner y la nsenianta cuordinadëura dl sport y presidënta dl Schi club Gherdëina Lidia Bernardi a man ciancia. www.lauscdiladins.com

17


nr. 07 / 18 de fauré 2011

Na scatora che à fat plajëi Cristina, na jona dla Moldavia, à scrit na cherta por rengrazié dles beles scincundes ciafades tla scatora dai ćialzà Inće la Schira Jonila da Lungiarü à tut pert al’aziun “Nadè tla scatora dai ćialzà”. L’aziun é gnüda tuta sö dër bun y i à scinché por Nadè tröpes ligrëzes a mitans y mituns che ne ciafass magari nia sot le lëgn. Insciö inće a Cristina dla Moldavia, na möta che à ciafè na te’ scatora dai ćialzà, y che à orü rengrazié de porsona por la bela scincunda, tres na cherta. Cristina scri insciö: “Cara Angelica, salüdi, mi inom é Cristina. I à 12 agn. Tüa scincunda é dër interessanta. Mia só à na gran ligrëza cun les popes. Ara n’à döes y ara dorm impara. Iö à un n fre che fej bindebò damat y bertes. Arianne Schanung é tüa so? Mi corù preferì é rosa, mi tiers preferis é le hamster, la bisca y la olp. De bi salüdi y scri tosc na cherta.”

Insnöt la proscima Oraziun de Taizé a Oies Le grup Taizé Val Badia inviëia düć da tó pert vigni terzo vëndres dl mëis ala ora de Taizé, dales 20.00 te capela a Oies. La proscima incuntada sarà insnöt ai 18 de forà. Gnide tröc!

Mitans dla Schira Jonila da Lungiarü.

L’incuntada

“Tl vagun dla ferata âi döt por me. Spo él gnü na jona”, cunta n jonn indian che ê verc. L’ël y la ëra che l’acompagnâ messâ ester sü geniturs, deache ai ti â fat n gröm de racomanaziuns. Iö ê verc, porchël ne podôi nia odëi sciöche la jona ćiarâ fora, mo le sonn de süa usc me plajô. “Jëise a Dehra Dun?”, ti damani tratan che la ferata piâ ia. I me damanâ sce i foss stè bun da ti ascogne che i ê verc. Sce i foss romagnü sentè te mi post n’éssel nia podü ester dër rî, ponsâi. “I va a Saharanpur”, dij la jona. “Dailò él mia mëda che vëgn a me do. Y os,

Manifestaziuns tl dagnì

ola jëise pa?” “A Dehra Dun, y spo a Mussoorie”, respogni. “Oh, ći bel! Jì a Mussoorie foss mi gran dejidêr. Les munts é tan beles, spezialmënter de forà”. “Scê, al é la miù sajun”, diji, deperpo che i me recordâ canche i podô ćiamò odëi. Ëra scutâ chita, mo spo ài fat n fal: “Co él pa defora?”, damani. Ëra me respogn atira: “Ćiodì ne ćiareste pa nia da finestra fora?” I proi da chirì la finestra cun la man, ara ê daverta, i m’oji da chë pert y savaii da ćiarè le panorama. Cun i edli dla fantasia odôi les stanges dla löm che passâ öna por öna dassënn dlungiaìa. “Ëise odü”, la vêghi da dì, “che i lëgns s’armöi tratan che nos stun chić?” I m’oji derevers dla jona, y por n momënt n’él degügn di dui che baia. “I ëis n müs interessant”, diji spo. Ëra rì, n rì bel da aldì. “Al é bel da aldì chësta cossa”, dìjera, “i sun tan stüfa da aldì che i à n bel pice müs!” “Poh spo àra veramënter n bel müs”, me pënsi, y dadalt diji: “Bëgn, n müs interessant po ester inće dër bel”. “Os sëis dër galant”, dìjera, “mo ćiodì sëise pa tan serius?”. “Al ne manćia nia tröp ch’i sëis rovada a destinaziun”, ti diji cun tonn n pü’ dür. “Ah, ći bel. I ne soporti nia i iadi lunć cun la ferata.” Iö indere foss stè dailò por dagnora, madër por l’aldì baian. Süa usc â le sonn de n rü de munt. Pornanche i foss lovè jö de ferata, s’éssera desmentié

La dlijia a Oies.

de nosta cörta incuntada; mo iö ess tignì sö so recort por döta la dorada dl iade y inće dedô. La ferata röia a destinaziun. Na usc chërda la jona che s’un va, lascian indô ma so parföm. N ël vëgn te mi vagun dijon val’ che i n’â nia capì. La ferata pëia indô ia. I chiri la finestra y me sënti dant ćiaran la löm dl dé che ê por me scür. Ćiamò n iade essi podü porvè da fà le jüch cun n ater compagn de iade. “Al me desplej che i ne sun nia n compagn de iade tan atraënt sciöche chëra che s’an é pormò jüda”, me dìjel, porvan da mëte man na conversaziun. “Al ê na jona interssanta”, diji iö, “podésses prëibel me dì … âra i ćiavëis lunć o cörć?” “I ne me recordi nia”, respognel, “al m’é romagnü sü edli, no i ćiavëis. Ara â de te’ bi edli! Sciode che ara ne podô nia i adorè … ara ê vercia. Ne s’an ëise nia intenü?” Sciöche dui verc che savaia da odëi, tantes de te’ incuntades fajunse pa nos vigni dé? Gonot por la tëma da nes fà conësce sciöche i sun veramënter, y insciö pordunse i apuntamënć importanć dla vita. Certes incuntades sozed pa ma un n iade.

Conzert cun “Les Armonies” En domënia ai 27 de forà vëgnel tignì dales 20.00, te dlijia da Calfosch, n conzert cun le grup “Les Armonies”. Al gnarà pité musiga gospel y spiritual.

Le grup “Les Armonies” ćianta te dlijia da Calfosch, ai 27 de forà.

Pasca a Taizé Chìreste n post de pêsc, olache te pos medité, ćiantè, perié, adöm a n gröm de jogn da indlunch adalerch? Sce inće tö as interes da conësce la Pasca n pü’ atramënter, spo é chësta la ocajiun por te. Sce t’es n jonn o na jona danter 16 y 29 agn, aste la poscibilité da jì cun la SKJ da Balsan a Taizé tla Francia. An pëia ia le mertesc ai 19 d’aurì y stà ćina en lönesc ai 25 d’aurì. Por informaziuns plü menüdes pòn telefonè al nr. 0471/970890 o scrì na mail a info@skj.bz.it. Les prenotaziuns vëgn tutes sö ćina al vëndres ai 18 de merz 2011 y le cost é de 150,00€ por studënć y 165,00€ por jogn che laora. Tl prisc él la coriera ćina Taizé y zoruch, gostè, marëna y cëna a Taizé. Fate n pinsier y vi cun nos...

Storia de Bruno Ferrero Adataziun tl ladin de Iris Agreiter

Usc dal Alt de siur Ulrich Fistill Él na cossa iüsta, chëra che nes vëgn damanada dal vagnele de chësta domënia? Él iüst da se lascè dè, zënza dè zoruch? Él iüst da ti scinché ćiamò valch a chi che t’à trapolè? Él iüst da dè do y magari fà ćiamò sciöche sce al te plajess, sce valgügn te sforza? Él iüst da ti orëi bun a chi che te fej dl mal?

18

www.lauscdiladins.com

La iustizia é por nos sambëgn val d’ater. Iustizia él canche vignun vëgn tratè anfat. Iustizia él canche vignun röia pro so dërt. Iustizia él canche al ti vëgn dè a vignun chël che ti speta. Chël che le vagnele ghira da nos é val’deplü co “ma” ester iüsć. Al é saurì da ti orëi bun a chi che nes ô bun. An ne mëss nia fà de gragn sforc por ti fà compagnia a chi che nes va a müs. Y i ne se fajun gnanca ert da ti dè valch a valgügn, sc’i savun ch’i le ciafun indô. Por vire sciöche düć vir, ne messunse nia ester cristiagn. Por ester de bones porsones, ne messunse nia ester batià.

Chël che nes desfarenziëia nos cristiagn da dötes les atres porsones sön chësta tera é nosc comportamënt, che dess ester coerënt ales parores y al ejëmpl de Gejù Crist. Chël che nosc Signur nes damana n’é nia saurì, deache al n’ô nia ch’i sunse iüsć, mo ch’i sunse sanć. “I desses ester sanć sciöche iö, le Signur, osc Dî, sun sant!” Insciö nes amonësc la pröma letöra (Lev 19,2). Ester “sanć”, ester “perfeć” - sciöche le vagnele dij - n’é nia saurì, mo al é meso: sce i ti ćiarun a Gejú Crist y al ejëmpl che al nes à dè.

La Pasca à Taizé é n’emoziun particolara.

En colaboraziun cun


nr. 07 / 18 de fauré 2011

Liber dl mëis

Manifestaziuns tl dagnì

“La rosa di Gerico” - La rösa de Ièriho, de Sergio Bambarén

Le cuertl dl liber.

“Inće canche le tru te pê n desert... ite te té poste ciafè n ciüf.” Tles stories desvalies de na jona cun l’invern tl cör, de n jonn single che slisorëia tl’alcolism, de n om che tradësc por le plajëi dl aventöra y che arà dedô manćia la fomena, y porsones, cherdëntes y sapiëntes sciöche Pablo, pòn cöie dala pert cuntra löm la reeducaziun döra dl’anima al essenzial, i valurs soc por chi che al paia la mëia da vire. Do avei

“atochè le funz” pòn indô mëte man da ćiarćé, dé por dé, l’esistënza y ciafè indô i valurs che cunta deplü tla vita por podëi arjunje ći che an se dejidrëia. N tòch fora dl liber dij: “Ma n rì po trasformè n dé dala ria fina a l’impié cun na löm y corusc. Ciafa ći che te fej ri de cör”. N liber dër plajor, cun de pices speranzes por la vita! (Laura C.)

Papa Jan Paul II: Beât al 1. de mà

Le Sorvisc ai Jogn Val Badia lascia alsavëi che l’ofize é davert vigni dé, dal lönesc al vëndres dales 8.00 ales 16.00.

Stimà jogn, stimades jones, sce i ëis propostes, informaziuns, dessëgns o d’ater che i orésses publiché sön la Plata di Jogn, lascésse adintëne pro alma79@ dnet.it.

La mîl por n bun fin Ai 23 y 30 de jenà él gnü venü a San Ćiascian y Badia la mîl por sostignì le dé mondial di amarà de lebra. La Schira Jonila rengrazia de cör chi che à sostignì Al é ćiamò val’ bosse de mîl por chësta aziun. Al vëgn lascè alsavëi sostegnì i amarà de lebra. che al é ćiamò avanzè val’ bosse de mîl. Chi che ess interes po telefonè al nr. 338/7304573 a Elisabeth Ploner (da misdé o da sëra), o inće scri na e-mail a elisabethploner@ yahoo.it. N dilan i va a düć chi che à lascè spënores de bona man.

Papa Jan Paul II gnarà beatifiché al 1. de mà.

Les animadësses dla Schira Jonila é jüdes cun la liösa a tëmp de löna püch plü de n’ora rovades a nosta destinaziun. An sintî la pêsc, acompagnada dala cornisc di bi crëps, na esplojiun de stëres y na te’ bela löna nia ćiamò dldöt colma y la sodesfaziun de ester rovades söinsöm. Na belëza... Do n bel rait ite y jö y tiran en dërt val’ota, él stè da pascentè nosta gran fan. Do na bona pizza y cun

Les animadësses dla Schira Jonila é jüdes cun la liösa. En colaboraziun cun

Orar nü

Scrì tla Plata di Jogn

Sliosada sot la löna Da pié ia parôl che an n’ess odü nia adinfora de ciarü y na nöt bela scöra. La bona orentè nes à motivé da pié ia, inće sc’i ên ma n pice grup de animadësses, por se fà n bel spazier dal Gran Ancëi a San Ćiascian ite y sö ćina ti bi prà de Störes. Cun n vare bindebò asvelt, danter na ciacolada y l’atra y le cil che se daurî tres deplü, sunse do

Te n tëmp, olache vera, mort, terorism, atentać y persecuziuns é al ordinn dl dé, gnunse inće nos damanà da perié por la pêsc. En vëndres ai 18 de merz dales 20.00, gnaràl tignì tla dlijia da Oies na oraziun interreligiosa por la pêsc, organisada da jogn dla Val Badia y foradecà . L a carateristica de chësta oraziun é che al tolarà pert inće jogn de d’atres religiuns. Düć, jogn y manco jogn, é dër bel invià Jënt de plü religiuns prëia por la pêsc, ai 18 de merz a Oies. da tó pert! (Siur Pire)

Avisc

Inće l’ofize di pelegrins da Balsan organisëia n iade a Roma por la beatificaziun Papa Jan Paul II... l’amich di jogn. Ël ti à orü bun y i à sostignis, ël che à tan combatü ćina te sü ultims dis de vita por la iustizia y por le bëgn dl monn y dla jënt, ël ê chël che s’à infidé da dì ći che sonâ stlet tles orëdles di potënć, ël che à bele fat sö pröm miracul püć agn do süa mort... Y śëgn éra finalmënter tan inant... al gnarà beatifiché a Roma, al 1. de mà 2011. L’ofize di pelegrins da Balsan mët da jì n iade a Roma dai 30 d’aurì al 1. de mà. Düć chi che à interes da jì para (jogn y manco jogn), po telefonè diretamënter a Balsan al nr. 0471/306222.

Oraziun interreligiosa por la pêsc

le magun bel plëgn, n’àra nia doré dî che al gnô jö la fiaca. Al é stè na bela sëra passada en bona compagnia, a aprijé nosta bela natöra. Ai atri animadus y animadësses ti dijunse n bel salüt y le proscim iade i aspetunse da gnì cun nos.

N vedl tablé sön Störes.

Dessëgn dl mëis San Valentin

Les animadësses

Chësc dessëgn de Manuel Crazzolara da La Ila passenëia ite bun por la festa de San Valentin, che i ùn recordè en lönesc ai 14 de forà. www.lauscdiladins.com

19


Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

nr. 07 / 18 de fauré 2011

La popolaziun di mins L’assoziaziun de sconanza di tiers dl raiun da Bornech-Val Badia pîta aiüt canche ara nen va de problematiches cun tiers salvari, tiers püri, tiers arbandonà. Suradöt chël di mins é n problem bindebò atual. I s’l ùn ciacolada cun les döes volontares Hermine Neumair y Petra Alfreider da Corvara, che fej inće n apel ala jënt Corvara - Al é bel da avëi n tier te ćiasa, che al sides n ćian o n iat o ći mai ćiamò. N tier é de compagnia y suradöt canche ai é pici, ési bi da tignì toch y da pudlè. Geniturs arjigna magari n pice min o n pice ćian sciöche “jüch” o compagnia por i mituns, paurs s’arjigna mins a pié sorüces söl lüch. Mo s’arjigné n tier comporta suradöt inće responsabilité. N tier n’é nia n jüch che an po mëte te n piz canche al “n’é nia plü interessant”, al é na creatöra che vir y che à porchël inće da gnì respetada. Tla Val Badia é le problem di iać salvari na chestiun atuala. Al nen roda olachessî fora por les strades, chës majuns vedles o frabiches nia abitades. Can él jënt che ti dà da mangé, can mëss i tiers la trà inant instësc. Suradöt i iać - sce ai n’é nia sterilisà - se reprodüj scialdi debota, insciö che al po dontè defata bindebò de “popolaziuns” de iać salvari, ći che porta inće alüsc a fać püch plajors. Tiers vëgn copà, ai vëgn intossià y d’ater. Te Puster él l’assoziaziun por la sconanza di tiers da Bornech (Tierschutzverein Bruneck) che se dà da fà por mantignì te termi le problem. L’assoziaziun à inće n ram tla Val Badia, cun süa presidënta Leotraude Bauer d’Al Plan, che se dà da fà bele da agn por la sconanza di tiers, por daidé olache al va debojëgn, mo inće por segnalè canche al vëgn fat burt cun tiers. Volontares che dëida cun man sterscia é inće Veronika Erlacher d’Al Plan, Maria Campei da La Val, Petra Alfreider y Hermine Neumair da Corvara. Hermine y Petra unse invié te nosta redaziun por s’la ciacolè de süa ativité, de ći che ares fej, olache ares dëida, ći caji che ares à albü y de ći che les armöi da se dè jö cun i tiers. Hermine Neumair é - sce an ô romagne tl setur di tiers - na “vedla olp”. Ara se dà jö da oramai dui dejenns cun la proteziun y la sconanza di tiers. Tres ëra él inće gnü pormez Petra Alfreider, che é śëgn laprò da 2-3 agn.

I iać é le majer problem Da s’la ciacolè capëscion atira

Les döes volontares dl’Assoziaziun por la sconanza di tiers a Corvara: Agnes Neumair y Petra Alfreider.

che le majer problem é la gran “popolaziun” de iać. Nia plü cis atual - sciöche al ê magari n iade - n’é le problem dl arbandonè ćians. Da canche al é gnü istituì la regolamentaziun dl chip pòn saurì gnì lassura che che le proprietar dl tier é, y chësc mëss spo tignì cunt da se ciafè na straufunga. Atramënter éra cun i iać, olache al n’é degun chip. Les iates fej i pici inće plü iadi al ann, porchël él da capì, che an röies tosc sön desënes de mins che s’la roda. Al n’é nia n socrët che na pert di mins vëgnes copà bele da pici, o sciurà te rü o ći mai ćiamò. D’atri röia sön strada y devënta salvari. N ejëmpl de chësc vers nes lasciunse cuntè da Hermine y Petra: “Da d’altonn nes él gnü segnalè n cajo a San Ćiascian. Te na vedla majun s’â lascè jö cotan de iać salvari. La majun é gnüda trata jö, deache al gnô frabiché danü, y insciö é chisc iać rovà sön strada. I sun jüdes ite y i ùn ciafè 14 iać, de chisc sunse stades bones da nen pié önesc.” I mins vëgn pià cun gabies aposta. Por la maiù pert vai ite susc, deache ai à fan. Les colaboradësses dl’assoziaziun por i tiers laora sön basa volontara y ares vëgn cherdades gonot tres l’assoziaziun instëssa,

tres le mëde di tiers o inće sön segnalaziun de porsones privates.

Ći sozédel pa cun i mins pià? A San Ćiascian - dij les döes volontares - é le problem particolarmënter sintì. Bele ma da otober a dezëmber dl ann passè él gnü pié 46 iać salvari. Le laûr prinzipal dles volontares é chël da condü i tiers dal mëde por i lascè sterilisé. Chësc é suradöt n sistem de prevenziun, deache sce le tier é sterilisé, spo ne pol nia plü se reprodüje. L’assoziaziun fistidiëia inće da curì i cosć por l’intervënt, deache vigni sterilisaziun costa chi 80-90,00€ pro les iates, n pü’ demanco por i mandli. N laûr dles volontares é inće chël da “zidlé” i tiers. Petra y Hermine nes cunta che i mins apià é gonot salvari y ne se lascia nia pié ite. Porchël i tëgneres inće 4-6 edemes te süa ćiasa por i fà zerti, deache dailò él plü saurì che ai ciafes n daćiasa pro n ater patrun. Na gran pert di mins vëgn condüs spo tla ćiasa di tiers a Vandoies (Tierheim Obervintl), olache jënt po eventualmënter jì a s’an do. Cun

plajëi cunta Hermine y Petra che la jënt tol sö bun so sorvisc. “An à sentimënć moscedà canche an röia pro jënt che an ne conësc nia, deache an ne sa mai sciöche ai reagësc, mo i mëssun dì che i sun dagnora gnüdes tutes sö bun y che la jënt aprijëia nosc laûr”.

dai mituns. Al é la poscibilité, cùnteres inant, da tó sö contat cun l’assoziaziun, y sce n tier é vedl y püre, pòn le condü dal mede di tiers a lascè indormedì, impede co ti dè n bot söl će, sciöche n patrun de n ćian chilò te Südtirol à fat dan püch tëmp.

L’apel dles volontares

L’assoziaziun

I proprietars de tiers instësc podess bele fà cotan por smendrì la problematica. Les volontares da Corvara nes dij che la sterilisaziun dl tier é n vare important che le proprietar dess fà, por evité che i iać se reprodüjes y che an mësses “desgorje” o copè na pert di pici. N ater vantaje dla sterilisaziun di mins é che ai ne fej nia plü tan de tof, deache ai ne martlëia nia plü “so revier”. N secundo apel é inće chël da n’odëi nia le tier sciöche n jüch o n intratenimënt por i mituns. Le tier é na creatöra che vir y denant co s’l arjigné, él suradöt da tignì cunt che al vëgn surantut na gran responsabilité. Iać y ćians po vire inće ćina 20 agn y deplü. Petra nes cunta inće cun parënt de n cajo olache le iat é gnü sarè defora da üsc por plü edemes, tratan che la familia ê en vacanza. “An ne po nia surandè por edemes alalungia le tier a se instës”, dij les volontares. Ćiamò piec él canche patruns copa i tiers nasciüs, magari ćiamò dan

Le Tierschutzverein à süa sënta a Bornech, mo sciöche dit, él inće na seziun tla Val Badia. Chi che ess debojëgn de aiüt o oress segnalè problematiches, po s’oje ala presidënta dla Val Badia Leotraude Bauer, da ciafè al nr. de fonin 338/4212101. L’assoziaziun vir suradöt de spënores: spënores lëdies sciöche inće contribuć di mëmbri. Deventè mëmbri costa 15,00€ al ann. Laprò vëgnel organisé n iade al ann n marćé di pöresc, cun chël che an tira inće ite val’ monëda. Cun chisc scioldi vëgnel paié les sterilisaziuns, mo al vëgn inće fistidié da condü vigni tant mangiaria söl post, por i tiers “salvari”. Chi che oress tó sö n pice tier, po sambëgn s’adressè ala ćiasa di tiers a Vandoies (Tierheim Vintl), olache al n’é de vigni sort. I tiers é sterilisà y foss sigü ligri da ciafè n patrun che ti pîta n bun daćiasa y suradöt amur. Informaziuns pòn ciafè diretamënter söl sît internet www.tierheim-obervintl.it. (pablo)

N valgügn mins che à ciafè n daćiasa tla ćiasa di tiers a Vandoies.

Gara dles liöses

Numeri de telefonn nüs

I assistis d’La Spona à arjunt de bi resultać a Terenten

I ambulatori y sorvisc sozio-sanitars a Pedraces à śëgn por cuestiuns organisatives y internes le prefis “0474”. Le numer dl Ambulatore Infermieres a Pedraces é 0474 58 6155

Sozial - Ai 8 de forà 2011 à la Comunité Comprensoriala dla Val de Puster organisé na gara dles liöses por porsones cun handicap. Inće le grup d’La Spona da Pidrô à tut pert a chësta gara y por s’arjigné ca bun ési jüs bele les edemes da denant da La Val sö a porvè fora les liöses. La gara é gnüda tignida a Terenten y ara ê partida ite te cater categories: ëres cun acompagnadù, ëi cun acompagnadù, ëres da sores y ëi da susc. An po bëgn dì che i

20

www.lauscdiladins.com

assistis â na gran vëia da lascè jì la liösa por podëi se davagné na copa. Bëgn trëi à podü pié do na copa: Martin Crazzolara da La Ila, Elisa Crepaz da San Ćiascian y Ivo Irsara de Badia. Al n’à nia manćé ala fin dla gara val’ de bun da mangé y de bela musiga da Da man ciampa a man dërta: Elisa Crepaz, Martin Crazzolara y Ivo Irsara. balè.

Sorvisc - Da śëgn inant él numeri de telefonn nüs por i sorvisc soziosanitars publics tla Val Badia. Da mëte dër averda él che inće i sorvisc tl raiun de Badia (Padraces) à le prefis “0474” sciöche i numeri dl raiun da San Martin de Tor y da Bornech. I numeri é gnüs “zentralisà” inće por l’organisaziun interna, i colaboradus di sorvisc po se telefonè fajon i ultimi cate rnumeri. I reportun i numeri: Ambulatore

Infermieres Pedraces tel. 0474 58 6155, Ambulatore Infermieres Picolin tel. 0474 58 6128, Sorvisc por uma y möt a Pedraces tel. 0474 58 6157, Sorvisc por uma y möt a Picolin tel. 0474 586126, Sorvisc aministratif Picolin tel. 0474 58 6120, Ambulatore ginecologich a Picolin tel. 0474 58 6140, Dotur di dënz a Picolin tel. 0474 58 6130, Dietologa a Picolin tel. 0474 586144, Mede di tiers a Picolin tel. 0474 58 6143.


Val Badia

nr. 07 / 18 de fauré 2011

Le Pater benedetin da Grones Al é passè püch plü co 100 agn dala mort de Pater Vizenz Gasser da Grones, na porsona rica de ideai, che n’é nia ma stada porsona de dlijia, mo inće n anel important tla ćiadëna dla leteratöra ladina da Longega fora messâ i auti fà la strada panoramica; chësta jô da Longega sö Pliscia y fora Sares - San Laurënz; ara gnô altaìte da Mantëna a Onies y ite Grones - Longega. La generaziun plü vedla da Grones é dagnora jüda a Rina a scora y a mëssa, mo chi nasciüs dala vera incà é jüs fora Onies, deache Onies ê ma mes’ora dainciarà da Grones, mo Rina n’ora. Do che la panoramica é gnüda stlüta él defora da Grones döes stanges cun saradöra che ne lascia passè gnanca n ćian, ći che n’é nia n bel comport da vijins.

Grones jô venü Le convënt benedetin Muri-Gries.

Porsones - La vita sön chësta tera mët man cun la nasciüda dl chestian y se röia cun süa mort. Nasciüda y mort é dui termi frëms tla vita de vigni porsona. Le nünasciü à le dërt ala vita y le dërt ala mort. Le tëmp danterite é por vigni chestian atramënter, desvalì; por val’ chestian é la vita cörta, por d’atri indô cotan lungia. Important él che vignun fejes le miù d’infora. Nia pormò canche al é passè 100 agn che na porsona importanta é passada a miù vita, él dërt che ara vëgnes trata fora dala desmentianza y indô recordada. I orun ti recordè ala jënt da incö le pater dr. Vizenz Gasser che s’à fat de gragn mirić söl ćiamp dla leteratöra storica (ćiara Calënder Ladin 2001 pl. 98).

I lüsc da Grones Lüsc che à inom Grones él te plü posć dla valada: a Badia, a Lungiarü y a Rina; dlunch se tràtera de n lüch su che é spo gnü despartì. Grones é inće gnü cognom no ma ta Fodom. Grones da Rina pòn arjunje sce an passa ia le punt da Rina a Longega y oj a man dërta fora por la strada nöia; scenò pòn inće gnì da Mantëna Todëscia sö ćina Onies y amez le paîsc ôjon jö por la strada che mëna ca Grones. Le rü Valacia defora da Grones fej da beterno incà termo danter le raiun ladin y chël todësch de Puster. A Grones él dui lüsc da

paur: Grones Daete (Gran Grones) dla familia Gasser y Grones Defora (Pice Grones) dla familia Castlunger; Doro Castlunger â maridé Hilda Frenademez da Sotrù a Badia; ai à cater mituns. Doro é mort l’ann passè te na desgrazia te bosch; al â 69 agn; al é stè n gröm d’agn te consëi de comun de Mareo y val’ püch inće ombolt; cotan d’agn àl rapresentè i paurs. L’ater paur ê Zenz Gasser che é mort dl 2007 cun feter 89 agn. Al â maridé Tilia Ellecosta de Lüchesc/Ćiaseles a La Pli; ai à albü cater mituns. Śëgn é so möt Othmar patrun. Zenz é inće stè om de comun y so pere Iaco (1880 - 1940) é stè l’ultim ombolt dl comun da Rina, che i fascisć à dl 1927 metü pro le comun de Mareo. A Grones gnôl metü siara, formënt, orde y avëna, poia, lin y ćianapia. I dui paurs â cotan de armënć, ćioures y bisces; chëstes metôi d’aisciöda te parincinch a se scialdè ite; n ćiaval n’â nia intrami i paurs, mo an se daidâ fora tröp. A Grones passâl cotan de jënt da Tintal, Rina y Onies che jô jö Peraforada a sentè sön la SAD da jì dlafora a marćé. Le patüc gnô portè alerch sön le spiné, spo àn i agn 50 trat na corda de fer da Peraforada sö Grones por condü sö le material. Chësta à pordü laûr apëna che al é gnü fat la strada da Rina y chëra da Longega fora Grones dl 1977. Chi agn che an fajô i tonì

Iaco Gasser (1796-1874) da Pecëi ê fant a Tintal pro na süa mëda söl lüch da Plaza. Chësta ti â dè a so nu y fant Iaco alberch tl ćiantorin dala blâ che al podess se maridé; Nane Craffonara (1809-1896) de Ćiasanea é gnüda süa fomena y ai à albü set mituns; le pröm möt Ojep ê nasciü tl ćiantorin da Plaza ai 20 de messè dl 1840 (P. Vizenz). Le paur Lechner de Grones Daete ê rovè te problems finanziars, deache al ti ê jü a s’abissé n ćiaval che al s’â imprestè dal paur da Crosta (defora da La Munt). Le pice fant Iaco Gasser s’â sparagnè valch y â tres zerchè da se cumprè n pice avëi por la familia. Chësta ocajiun à Iaco anuzè y à dl 1841 cumprè le lüch Grones Daete. I atri sis mituns de Iaco é nasciüs a Grones. Pice Ojep â mostrè gran talent da jì a scora a Rina y le curat siur Domëne Kortleitner (1780-1857) l’â menè a Porsenù a fà les ot scores cun la speranza che al gniss n prou, sciöche al gnô ponsè laôta. Sce un ne gnô nia prou, êl nia n pice scandal no ma por la familia, mo por döt le paîsc.

Le pater da Grones Cun 21 agn é le jonn Ojep da Grones jü tl convënt di benedetins a Muri-Gries (Balsan) a fà teologia; l’ann do àl fat l’u (voto-Gelübde). Ai 9 d’otober dl 1864 él gnü consacrè prou y à surantut l’inom de convënt Vizenz. Le primiziant da Grones

Le lüch Grones Daete.

à studié al’université da Desproch lingac y storia y à inće insigné a Porsenù; dal 1864 al 1883 él stè professur de latin, franzeje, talian y storia a Sarnen (Ćiantun Obwalden) tla Svizra, olache benedetins â na scora. Al ê n gran apascionè di libri, vigni tëmp lëde anuzâl por imparè y studié inant; ćinamai da jì a spazier se portâl valgügn libri sot le brac. Lì y studié i dê la maiù sodesfaziun al pater da Grones; süa cultura s’arichî tres deplü; porchël ne gnôl nia ma dër stimé y aprijé da sü compagns patri. Da Sarnen demez é Pater Gasser gnü menè tl convënt Muri-Gries y dailò él stè dal 1883 al 1888 lector. Chësc convënt tl ćiantun Aargau tla Svizra é na fondaziun dla ćiasa Habsburg; dl 1032 êl rovè dailò da Nossadunnaun (Einsiedeln) i pröms patri. I agn 30 dl secul 19 êl rot fora de gran beghes, stritaries y rejiaries danter stato y dlijia; chësc â portè dl 1841 a tó jö le convënt a Muri y so avëi ê gnü lizité y desmazè. En chël ann ti â l’imparadù Ferdinand I. (+1848) scinché ai patri da Muri le convënt di augustins a Gries che ê bele dl 1807 gnü destut dai bavareji. Ćina dl 1895 é P. Gasser stè capolan a Marling, dal 1895 al 1903 él stè ploan a Unsere Frau im Walde sön Nonsberg; dailò àl lascè desparüdé la pinćia de calonia cun fà ruià y agâs; al à lascè abelì la dlijia y scrit la storia dla cöra. Deache l’archivar da Muri-Gries ê mort dl 1903, àn cherdè P. Vizenz Gasser, gran espert di documënć che conesciô na munt de libri, a surantó chësc post de gran portada por la storia dl convënt y dla sciënza; al ê inće subprior dl convënt. Da Muri-Gries demez s’an é Pater Gasser jü iadelà ai 29 d’aurì dl 1910. Na süa só é gnüda la uma de signor Davide Ferdig (1879-1958) de Mesì (Rina), che à dl 1905 dit mëssa noela y P. Vizenz â tignì la pordica; signor Davide é stè ploan da La Pli dal 1930 al 1949. Da Grones é inće la uma de signor Merch Graffonara, ploan da La Pli en ponsiun.

Le studié P. Gasser

Noza dl 1914 a Rina, de Iaco Gasser cun Maria da Somaela.

P. Vizenz Gasser é stè n gran studié de storia. Al à metü jö dal latin tl ladin la vita de San Benedët, implü àl scrit la storia de Ćiastelbadia; al à splié i inoms ladins di lüsc dla Val Badia (a man dërta) che paiâ dl 1296 a Ćiaselbadia le dieje, sciöche an po li dal urbar de chël ann. Pater Gasser à scrit la

Le subprior P. Vizenz Gasser.

La Santa da mort.

storia de Nonsberg, chëra de Marling, dl convënt Muri-Gries, dla scora de Nonsberg y de sü maestri; implü àl dè fora trëi volums da consultaziun sön i poêć de Tirol y trëi sön i artisć de Tirol. Plü libri sön i artisć de Tirol é gnüs fora dla pëna de P. Gasser. Cotan de sü manoscrić foss tres da chirì tl archif dl convënt Muri-Gries a Balsan. P. Gasser é stè n gran studié, na porsona plëna de sciënza cun gran vëia da laurè na vita intiera, na porsona arichida da ideai, plëna de devoziun. Pater Vizenz Gasser fej fora nia n pice anel tla ćiadëna dla leteratöra di ladins. Al ê na na personalité dër istruida. (Lois Trebo) www.lauscdiladins.com

21


Val Badia

nr. 07 / 18 de fauré 2011

Lîta pro i scizeri

Novité Sciënzes Umanes

Rica é stada l’ativité di scizeri d’Al Plan tratan le 2010, suradöt por la festa de refondaziun stada d’aurì. Pro la sentada generala àn trat n bilanz y inće lité le comitê nü

Les scores altes da La Ila ampliëia süa oferta: da d’altonn de chësc ann gnaràl pité dlungia l’ITC y le Lizeum Linguistich inće le Lizeum de Sciënzes Umanes. Deplü é les novitês che é gnüdes presentades en gaujiun de na sëra de informaziun a La Ila. Plü informatica tl ITC, plü franzesc tl Lizeum Linguistich, y nia ala fin la secunda ora de ladin

Dlungia les ativitês de dovëi unse inće podü festejé cun nosta margatentëra Katherina Pisching da Sarjëi en gaujiun de süa noza ai 12 de jügn sön Fanes y ala fin d’agost le compliann de nosc mëmber plü de tëmp, Pepi Pisching da Sarjëi, che à arjunt la bela eté de 80 agn. Deplü mëmbri é jüs a stlopetè tl Sest y à arjunt de bogn resultać: Daniel Ploner or y Roland Obojes brom.

Mëmbri nüs y lîta dl comitê

Le comitê nü di Scizeri d’Al Plan. Dancà cufà jö él Judith Valentin (scrivana) y Gregor Frenner (Fahnenleutnant), iadedô en pè dmc él Roland Obojes (Oberleutnant), Max Brandlechner (comandant), Tobias Obwegs (portabandira) y Daniel Ploner (Oberjäger).

Pla sontada anuala unse inće albü l’onur da saludè l’ombolt Albert Palfrader, le maior dl raiun de Puster Heinrich Seyr, scialdi düć i mëmbri sostegnidus y danter chisc ince de nüs. I sostegnidus dëida vigni ann nosta uniun cun de beles spënores, dilan. Al é gnü tut sö na margatëntera nöia: Marlies Valentin dal Postmeister. Pro la sontada él gnü lité danü le comitê, olache al fej śëgn pert Max Brandlechner, Roland Obojes, Gregor Frenner, Tobias Obwegs, Daniel Ploner y Judith Valentin. Le pröm terminn de oblianza por i scizeri é en domënia ai 20 de fora, domënia de Andreas Hofer; te chësta ocajiun vëgnel invié da abelì les ćiases cun la bandira de Tirol.

Scora - En jöbia dan otedé à la direziun dles scores altes da La Ila invié suradöt studënć dla terza mesana y geniturs da gnì a s’informè sön les poscibilitês de stüde nöies che gnarà pitades da d’altonn inant tles scors altes a La Ila. Sce al ê chisc agn la poscibilité da se scrì ite al ITC y al Lizeum linguistich, él śëgn - por chi che ô jì tla direziun dl ćiamp sozial - inće la poscibilité da se scrì ite al Lizeum de Sciënzes Umanes. Les iscriziuns vëgn tutes sö ćina al 31. de merz.

Na formaziun implü

La terza mesana n’é nia ma la tlassa di ejams, mo inće la tlassa olache studëntes y studënć à da se confrontè cun la dezijiun sön le Lies - Sciöche vigni uniun, à tl raiun de Puster ales incuntades tru formatif che an ô tó. A La Ila inće i scizeri “Katharina Lanz” d’Al plü importantes. Ala fin de mà à vëgnel pité da chësc altonn trëi Plan tignì süa sentada anuala, na picia formaziun tut pert al direziuns. olache an à podü ćiarè zoruch al “Alpenregionstreffen” a Fulpmes Le lizeum de Sciënzes Umanes ann passè 2010, che à albü n foran Stubai. é la majera novité. “Ti lizeums é Plü gonot àra inće tochè da tó program rich, dantadöt por la festa gran pert dles materies les de refondaziun stada da d’aisciöda. pert a sopoltöres de mëmbri atifs medemes, porchël studiarà i I scizeri tol pert a festes de dlijia de compagnies tl raiun de Puster, studënć gran pert dles materies desco la domënia de Andreas na delegaziun cun bandira é inće deboriada, cun la desfarënzia che Hofer, les prozesciuns d’Les Antlês, jüda a Balsan ala sopoltöra de chi che chiriarà le linguistich, la festa dl Sacher Cör de Gejù, la Silvius Magnago; te paîsc él gnü studiarà franzesc, chi che ćernarà “Domëgna dai Tomês”; ai va spo sopolì Hans Mutschlechner dal les sciënzes umanes fajarà impede Scizeri d’ Al Plan franzesc la pedagogia, psicologia, inće foradecà te Südtirol, dantadöt Pech (Frontkämpfer). antropologia”, nes dij le diretur dles scores altes Albert Videsott. Denant êl gnü fat n proiet pilot olache an pitâ tl lizeum linguistich la poscibilité da fà pedagogia y psicologia y tröc â interes por L’artist Markus Moling da La Val mostra chedri nüs, en chësc iade te na galaria d’ert a chëstes materies. Cun la direziun dles sciënzes umanes ciafa Neumarkt tl Unterland studëntes y studënć śëgn le “dër” pitöra y de material arjunj Markus diplom tles mans, por podëi jì inant Moling n efet di corusc sublim y sön le tru formatif tl ćiamp dl na trasparënza misteriosa. A chësta sozial. moda ti garêtel da i surandè a sü Tl lizeum linguistich vëgnel chedri n carater sterch. insigné dlungia ladin, talian, Dezentemënter y lesiermënter todësch y inglesc, inće n lingaz a astrać é i sogeć che l’artist inserësc lîta danter franzesc, spagnol o rus. tl cheder tres na composiziun tlera A La Ila àn ćernü le franzesc y le y lignara. Laprò él la tenjiun danter fin é chël da arjunje le livel de atraziun y figuraziun che i lascia competënza linguistica B1 y B2. N al osservadù lerch assà por na livel dër alt, sciöche le diretur nes interpretaziun. I laurs ne pê mai spliga, che ti impormët ai studënć banai o plać, ai é soć imensamënter; da s’armöie cun sigurtè sides tl baié na sort de öt y chît implësc i laurs co tl scrit. cun na pêsc poetica, o na “poesia inchersciora”. Plü informatica tl ITC Tratan la daurida dla mostra. Tla Galaria dla BZG a Neumarkt Ert - Deache sü chedri é intënć operes te na tecnica moscedada él metü fora ćina ai 26 de forà 20 L’ITC é la proposta por chi de n öt y n chît arcaics vëgn l’artist de corusc a öre, massa acrilica, chedri dl artist da La Val. I orars é studënć che se dejidrëia na gonot tlamè “artist dl chît”. Markus raisplais y larié artifizial; cun chësc da ciafè sot ales “Manfiestaziuns” formaziun che vais plü dl vers Moling ti ô bun ala natöra y ala suraposizionamënt di func de te chësc foliet. (ir) dl’aministraziun, dles finanzes y dl contrada, y é bun da la pié tl mistêr marketing. La novité por l’ITC - nes y tla pêsc, tan che la pitöra devënta dij le diretur Albert Videsott - é lirica. che al é gnü amplié les ores de Desco resultat dl’archirida informatica respet al ann denant: “Bele chisc ultims agn unse pité n vëgnel a löm contrades elementares, pü’ plü informatica y i ùn odü che Moling les liëia en pert inće cun d’atri ogeć desco “natöres mortes” i studënć é dër interessà. Inće a o “interns de ćiasa”. Chisc livel statal él gnü alzé n pü’ les ores aranjamënć, elaurà tres na tecnica de informatica. Al vëgn pité döes da depënje aciomada, cheriëia n ores al’edema por cin’ agn, y nos jüch poetich dl “chilò y ilò”, dl metarun magari ćiamò valch laprò. “intern y estern” y dl “conesciü y Al ne vëgn nia ma insigné l’informatica sciöche sciënza, mo nia conesciü”. Funz sön funz laora al vëgn inće tratè l’internet y döt fora l’artist dl 1973 d’La Val söes Odüda sön pert di chedri metüs fora.

Poesia por l’ödl

22

www.lauscdiladins.com

Le diretur dles scores altes da La Ila Albert Videsott.

ći che à da fà cun i media nüs”, dij Albert Videsott.

La secunda ora de ladin N’atra novité é sigü la secunda ora de ladin (indöt 285 ores te cin’ agn). Le diretur nes spliga che al ne ti é gnü tut nia a degügn. I studënć ladins fajarà n pü’ plü ores co i studënć dles scores altes talianes o todësces. I studënć ladins jarà insciö 36 ores al’edema a scora.

Na buna atmosfera te scora Les scores altes da La Ila é na picia realtè, che cumpëda incö incër 140 studënć. “Al é na buna atmosfera tla scora y al n’é por fortüna nia problems de mobing o violënza”, dij Albert Videsott. Contënt é le diretur inće cun i svilups: ti ultims agn él chersciü l’interes, suradöt tl ITC y inće le lizeum s’à trat sö bun. Danter i vantaji de na scora alta ladina vëiga le diretur impröma le sistem paritetich: “Tröpes scores oress se daurì deplü al ater lingaz, mo la politica dij de no por rajuns en pert etniches, de statut y inće politiches.” N ater vantaje é che i mituns po stè a ćiasa y n’à nia bria da jì te n istitut, inće sce le diretur vëiga chësta chestiun plü individuala: “I geniturs mëss valutè la personalité y le carater dl möt. A valgügn pòl i fà bun da jì demez a scora, por arjunje plü autonomia, mo al po inće ester cer’ prighi.” Inant dij Videsott che les scores altes da La Ila é sigü scores dër dlungia la realtè dla Val Badia: “I porvun tres proieć da jì a odëi ćiügn che é i problems tla valada. I laurun adöm cun les aziëndes, cun i istituć. Chësc é n gran vantaje, savon che tröc ô do i stüdi gnì tla Val Badia a laurè.” Nia ala fin n’él le vantaje da podëi studié nosc lingaz dla oma, che é te nostes valades n valur implü y tres deplü inće n bojëgn. (pablo)


Val Badia

nr. 07 / 18 de fauré 2011

“Löm y stëra de confôrt” Cun l’altè popolar nü de Franz Kehrer y les ćiampanes che à indô metü man da sonè (le ćiastel ê gnü fat danü), laora śëgn i restauradus por puzenè la dlijia daìte

Tratan i laurs: al vëgn tut jö les statues por les puzenè jö y por che an pois indlunch pormez.

La Pli - Sön üsc de dlijia pica na tofla dl cantier di laurs, la jënt che n’alda nia pro les dites che laora al intern ne podess gnanca plü jì te dlijia, mo zacai à tachè pro la tofla na zetola che “ma chi d’La Pli” po pa bëgn ćiarè ite. N iade daite, se spêrdon bëgn n pü’, söles perts dles proches s’erj sö i punć di laurs. Ma le presbitere é - naota incö - lëde da puntes y cavaloć, mo n pü’ sotissura tamez cun les proches di mituns arcunćiades sö te n cogol. Inće tles döes “navates” laterales él armè sö por che i lauranć pois pormez ai altà (i dui sot i ôć y i dui danter presbitere y ôć). Incö danmisdé laora te Dlijia cater restauradus, düć dla Val Badia. Le restauradù Georg Erlacher dal Ćiapolere d’Al Plan mostra sperses olache ai à bele puzenè jö y laurè, y inće perts olache ai à fat proes. Al é da odëi fora avisa, dantadöt söl mür blanch, desche i tëmps à laurè: dantadöt le fröm dles ćiandëres y le stöp é tacà sö. Söla domanda

tan dî che al é ca che la dlijia é gnüda puzenada jö, respogn le restauradù d‘La Val Giuvani Moling: “Dan cincant’ agn él gnü fat por l’ultim iade laurs de restaur y de renovamënt.” Ël mostra inće ći che le restauradù da laota, Johann Peskoller, à “ma” puzenè y ći che al à depënt danü. Davëi ciàfon tla cronica dla dlijia deplü informaziuns sön i laurs fać laota. Laota êl stè le ploan d’La Pli Signor Albino Pezzei che â inćiarié le maester de pitöra Johann Peskoller da restaurè döt l’intern dla dlijia; Peskoller y sü colaboradus â puzenè y renovè les pitöres de J. Arnold, y “döta la dlijia à ciafè n aspet plü bel y lominus” - insciö à scrit le dr. Lejio Baldissera tl sfëi “Rezia dl ann 1966, dè fora dal’EPL “La Dlijia d’La Pli de Mareo”.

Les pitöres de Arnold I restauradus puzenëia jö chisc dis i mürs, i altà, les tofles, les staziuns, les scultöres y inće les pitöres. Dër beles y particolares é les pitöres a frësch de Santa

I dui restauradus Georg Erlacher (a man ciampa) y Giuvani Moling (a man dërta) conscidra cun siur Karl Gruber i afrësć de Arnold.

Maria y i momënć plü importanć fora de süa vita, realisades l’ann 1848 dal artist Josef Arnold. Arnold ê nasciü dl 1788 a Stans (Tirol), ê jü a abité plü tert a Vìena, olache al s’â inće maridé y â albü dui mituns, Josef y Alois, inće chisc dui depenjadus. La cronica baia che Arnold é gnü daidé tl laur por la dlijia d’La Pli da so möt Alois. Dlungia ai momënć biblics cun Santa Maria à Arnold inće fat i pröms cater “peresc” (por talian “dottori della Chiesa") dla Dlijia.

Azican i laurs Tratan che i sun te Dlijia y conscidri i laurs che vëgn fać, capitëiel adalerch Siur Karl Gruber, dirigënt dl ofi ze por i monumënć storich-artistics dla Diozeja de Balsan - Porsenù. Le restauradù Giuvani Moling l’aspetâ bele. Gruber à pro ël l’aparat da fà jö, por documentè les operes sacrales de döta la Diozeja. Conesciüs é sü libri y sües conferënzes cun diapositives dles operes sacrales de Südtirol. Cun Gruber rovunse inće sön dessura y sö por i punć ćina a podëi aziché les pitöres de Arnold. Chilò impormò vëigon tan avisa che i depënjadus à laurè. Le restauradù Georg Erlacher mostra cô che an po odëi fora toch por toch depënt dai artisć söla malta mola. Te n post pòn odëi risses roduntes por regolé na corona depënta. Karl Gruber é afascinè dales pitöres y dal corù. Le corù bröm marinn dl mantel de Santa Maria é na sort de laitmotif dles pitöres de Arnold chilò te chisc ôć. Beles é les ćiaradöres de Sant’ Ujöp y dles figöres feminiles incër Santa Maria ia. Gruber lalda inće i intervënć di restauradus, ai à laurè fin söles pitöres, zënza i tó pigmënć de corù.

donaziun dl Graf Volkhold de gran pert dla Val Badia al convënt de “Suanapurk” (Sonnenburg). Te chësc documënt vëgnel baié de na “ecclesia”. I storics é sigüsc che ara ê a La Pli. Ćina dan da püch i cherdôn a n documënt dl 1018 che baiâ de na donaziun y de na dlijia te Mareo, mo chël s’à desmostrè na falsificaziun. La Dlijia d’La Pli é la dlijia uma dla valada. La forma y grandëza atuales dla dlijia va derevers al ann 1720, la dlijia é 7,5 m leria (zënza les “navates” laterales), 28 metri lungia; cun les döes “navates” laterales é la dlijia 15,5 metri leria. L’altëza sot la gran cupola é de 10,7 metri. La dlijia é consacrada a “Santa Maria dal Bun Consëi” y é un di santuars marians plü vedl dles Alpes.

I laurs

Döt le daite vëgn puzenè jö, ejëmpl dl laur de restaur sön na figöra de Arnold.

Les ćiampanes sona indô da Nadè incà, mo i laurs de ćiampanì mëss impormò gnì slüć jö: al gnarà inće depënt le ćiampanì deforajö y metü a post la ora. Chisc laurs sta ćiamò ite tl cost peventivè de 270.000 euro cun IVA). I laurs de restaur intern à metü man dan trëi edemes y se ruvarà dan Pasca. Les funziuns vëgn tignides te Ćiasa dles Uniuns. I cosć preodüs por le restaur é de 74.800, 00 (cun IVA). La jënt d’La Pli dëida cun ofertes por paié na pert di gragn

cosć por mëte a post le ćiampanì y restauré söa dlijia (ćina śëgn él bele gnü ciafè 63.000,00 €). Inće la sacrestia se damana laurs (le scialdè, mëte l’ega, le funz y le restaur dl plafonn). Le ćiampanì pêl do la minunga di spezialisć che sides fat bun y che al ne vais nia debujëgn da fà d’atri intervënć, sce les ćiampanes ne tira nia plü laite. En la Segra dl Rosare gnaral fat na festa, olache al i gnarà mostrè n pü’ düć i laurs y i resultać ala jënt, te calonia y te dlijia. (reportaja: iaco rigo)

La Dlijia Uma An vëiga avisa tan blanch che le mür é sot la “patina dl tëmp” ite (fröm, stöp, scich). La dlijia gnarà indô plü blanćia y lominosa.

Te Mareo êl bele dl 1039 na dlijia. Chësc dij le documënt de www.lauscdiladins.com

23


Val Badia

nr. 07 / 18 de fauré 2011

Alfreider va, Alfreider vëgn L’aconsiadù Raimund Alfreider à dè les dimisciuns dal consëi de comun. So post vëgn tut ite da Harald Alfreider da Calfosch. Te consëi él inće gnü baié dla plata de comun y dl contribut da paié por i posć da parchè nia realisà podü gnì lité. La gauja ê che danter Alfreider y le Comun êl stè na stritaria dan signoria. Inće sce la sentënza ê bele gnüda pronunziada ai 13 d’otober 2 0 1 0 , p à s s e r a “i n giudicato” impormò sis mëisc dedô. Y gnanca te chël tëmp n’ess Alfreider podü gnì lité. Tla pröma sentada s’â l’aconsiadù resservè da s’informè. Śëgn é süa dezijiun tomada y Alfreider lascia. Do ël gnaràl le pröm candidat nia lité dla lista “UNIUN - Calfosch, Pescosta, Corvara - SVP”: chësc é Harald Alfreider da Calfosch, che é bele stè te consëi tla legislatöra passada. La pröma plata de na ediziun dla “Plata de Comun”.

Comun Corvara - La sentada dl consëi de comun da Corvara di 7 de forà é stada caraterisada da na mudaziun tl consëi. L’aconsiadù Raimund Alfreider à presentè les dimisciuns. Bele tla pröma sentada de chësta legislatöra êl gnü manifesté dübi che l’aconsiadù da Corvara ess

Plata de comun zënza responsabl

Al ordinn dl dé êl inće la nominaziun dl comitê de redaziun por la “Plata de Comun”, la plata d’informaziun dl Comun de Corvara. Le foliet che vëgn fora danter 2 y 3 iadi al ann é na publicaziun rica de informaziuns y curiositês nia ma strentamënter

de comun. Le consëi à messü sburlè le punt, deache al n’é al momënt degöna porsona che surantol la inćiaria da diretur responsabl. Chësta mëss avëi le titul da publizist o da jornalist.

Plazes da parchè Inant éra jüda cun la determinaziun dl contribut da ti paié al Comun sce al ne vëgn nia realisé pro costruziuns nöies les plazes da parchè aladô. L’ art. 123 dla lege urbanistica dla Provinzia dij danter l’ater che por vigni 200 m3 de cubatöra fata sö mëssel gnì fat n post da parchè. Le coma dui dl medemo articul dij inće che olache ara ne va nia da realisé posć da parchè, mëss le proprietar ti paié n contribut al Comun, che corespogn al valur de 20 m2 de terac da frabiché. Chisc contribuć mëss le Comun tó ca por realisé plazes da parchè publiches. Te consëi a Corvara n’éra nia jüda da determiné le contribut, che foss stè de 15.000,00€ por vigni post da parchè nia realisé. Düć 14 i presënć n’é nia stà a öna da dì de scê, porchël n’él tl Comun da Corvara preodü degüna zifra da paié te chisc caji. (pablo)

Mo ći morvëia! Inće cun les mius chertes vara da perde a batadù Curiositês - Gnanca da crëie, n valgügn minarà che al sides na matada da carlascè. Mo al é vëi, la cossa é veramënter sozedüda! Sis cartadus s’abina por se fà na cartada, trëi de chisc n’à nia cis de bones chertes, mo i atri trëi bëgn, chi n’à dër de bones: 4 scroes plü le boniscimo. Chisc trëi che â chisc cartuns à indere pordü cuntra chi che n’â nia tles mans de bones chertes. Al é val’ demorvëia, co po pa sozede val’ de te’? Gnanca da crëie. Cun chësc pòn se tó n ejëmpl che gonot cunta deplü ćiche an à söinsom. Iudichéde os.

Inće cun 4 scroes y le boniscimo vara da perde.

"Na polemica che an podô se sparagné" Durnwalder n’ô nia tó pert ala festa de 150 agn dla unité dla Talia y le popul talian se lascia sö. An é rovà al punt che jënt inviëia da boicotè i produć de Südtirol y Südtirol sciöche destinaziun turistica. Reaziuns da pert de sciori él inće stè tla Val Badia, sciöche i direturs dles AT da Corvara/Calfosch, Badia y Al Plan nes confermëia Turism - La festa di 150 agn dla unité dla Talia é deventè n cajo nazional, che risćia da avëi ripercusciuns inće sön l’economia. Ala raîsc dla chestiun stà l’afermaziun dl presidënt de Südtirol Durnwalder, de n’orëi nia tó pert ala festa, ne fajô pö Südtirol dan 150 agn nia pert dla Talia, y por ći che é stè dedô, suradöt cun le fascism, n’àn te Südtirol nia da festejé. Chësta la minunga dër sintetisada dl presidënt dla Provinzia. Na minunga che à descedè tröpes reaziuns. Dlungia i articui ti media nazionai é la discusciun inće stlopada sön i forums online. An é rovà tan inant che jënt inviëia da boicotè i produć de Südtirol y da boicotè Südtirol sciöche destinaziun turistica. À pa chësta polemica bele lascè süa merscia tl turism dla Val Badia, savon che la popolaziun taliana é dër zitia te chëstes tematiches? I ti l’un damanè ai direturs dles assoziaziuns turistiches da Corvara/ Calfosch, Badia y Al Plan.

Dapunt: “Na polemica che an podô se sparagnè” Damiano Dapunt dl’AT Corvara Calfosch ne po nia confermè che al foss bele gnü adalerch desdites, mo al nes dij che al é rovè ite incër 20

24

www.lauscdiladins.com

mails de protesta. La resposta ne manćiarà nia, dij Dapunt: “I ti respognarun che al nes desplej che tliënć fedei ne vëgnes nia plü chilò da nos, por gauja dl’afermaziun de nosc Landeshauptmann. Sambëgn messarunse ćiarè da nia ofëne la jënt. I ti scriarun inće che nosta valada é conesciüda por sües belëzes naturales, mo inće por la profescionalité y l’ospitalité de nosta jënt. I scriarun poèster inće che nosta jënt é capazia de sües raîsc ladines, mo é taliana y che i sun contënć da vire te chësta provinzia dla Talia.” En cunt dla polemica instëssa dij Dapunt che l’assoziaziun turistica fej turism y nia politica. “Al ê na polemica che an podô se sparagnè, savon che les valades de Badia y Gherdëna laora al 60% za. cun tlientela taliana, mo i crëii che la tlientela taliana ne sides nia ma importanta por nostes valades, mo bëgn por döt Südtirol."

Canins: “I messun ćiarè inant, nia zoruch” Inće Manfred Canins, diretur dl’AT Badia, nes confermëia les reaziuns de n valgügn sciori, rovades

ite a livel de consorz turistich Alta Badia, che vëgn tratades da Corvara, tla maniera che Damiano Dapunt à splighé dessura. Inće sce incër 20 mails n’é nia tröp tl confrunt dl gran numer de sciori taliagn che röia tl’Alta, é Canins impò dla minunga che düć i sciori ne se tòles gnanca nia la bria da scrì y se dessëna impò stà magari demez zënza dì nia. “Al é a vigni moda na cossa negativa”, dij Canins, “i respeti la minunga de Durnwalder en cunt dla festa, mo magari éssel podü avëi plü sensibilité, rapresentëiel pö ala fin döt Südtirol. Iö m’imaginëii che al ne s’aspetâ nia reaziuns te chësta mosöra. Iö sun dla minunga che incö messunse ćiarè inant, nia zoruch. I sun tla Talia. Al me sa plü lere ridicul che i baiun dassënn d’Europa, y spo stunse a polemisé te de te’ chestiuns.” Canins spliga che la chestiun po gnì paragonada cun la polemica canche la Provinzia â deliberè da adorè le martl Südtirol, zënza la verjiun taliana Alto Adige, ći che â descedè critiches da pert di taliagn. Canins injunta ćiamò che l’Alta Badia y Gherdëna â bele da atira deliberè da adorè inće la verjiun taliana, “por respet dlvers di taliagn

y deache i sun tla Talia”, stlüj jö le diretur.

Resch: "Nos orun che düć i sciori se stais saurì" La medema aria tìrel inće tl’Assoziaziun Turistica d’Al Plan. Le diretur Martin Resch nes confermëia che l’aziënda y inće ostis à ciafè mails de protesta da pert de sciori. “I ti respognarun sciöche aziënda y i menarun inant chëstes mails inće al LTS (organisaziun dles assoziaziuns turistiches)”, dij Martin Resch che injunta: “Valgünes protestes ê dër concretes. Al é sciori che é bele stà chilò da nos, che stima la belëza di raiuns, la cordialité dla jënt, mo ô śëgn s’la ponsè sura denant co mëte indô pè te nüsc raiuns, ćina che la chestiun n’é nia stlüta jö.” Resch dij inant insciö: “Nos ch’i laurun tl turism ne fajun nia na desfarënzia danter

proveniënza o lingaz dl scior. Nos laurun cun dötes les porsones che vëgn y nosc obietif é che ares se stais saurì, che ares sides con-tëntes y che ares vëgnes indô.” Resch ne capësc nia döta chësta polemica da pert dla politica y arata - sciöche sü colegs dl’Alta - che Durnwalder ess messü desmostrè plü sensibilité: “Sce al ess salpü che al ê na te’ reaziun, n’éssel magari nia tut chësta dezijiun. Al messas jì jö y rapresentè Südtirol. Insciö fajéssel plü na bela figöra.” Resch stlüj jö dijon che nos fajun incö pert dl’Europa y che i messun tignì adöm: “Ći che à portè le bëgnester te Südtirol é sigü le fat che i ùn podü laurè chilò da nos cun pêsc y pasciun. I arati che i ùnse d’atri problems.” (pablo)


nr. 07 / 18 de fauré 2011

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Val de Fascia

L’engros e l magasin i é de la Coprativa de Cianacei N ùtol de ejercizie positif e n investiment dassen emportant che à serà sù n trat de 35 egn senestres per duta la coprativa Cianacei - L bilanz de la Coprativa de Cianacei per l’an 2009/2010 l’é stat positif, en linea con chel di etres egn, con n ùtol de ejercizie de 117.694 euro. A dita del diretor Gianluca Daberto, no l’é stat segur sorì arjonjer chest resultat ajache te l’ùltim an se à jà vedù mìngol de segnèi de crisa e donca se à fat più fadìa a tegnir l faturà. L setor olache la coprativa l’à padì de più l’é stat l’engros, e no l’é stat palesà problemes particolères anter la sajons da d’invern e da d’istà che les é jites duta does a la medema vida. Dal 1948, an de fondazion de la coprativa, la sodesfazions les é states segur n muie, ma per arjonjer la segureza mencèa amò n pìcol vèrech. Dal pont de veduda di investimenc na gran speisa é stata fata chest an. Defat l’é stat na gran sodesfazion da man de la direzion e de dut l consei poder uzèr fora a duc i sozi che zacan se é stac bogn de se comprèr ite l toch de fabricat olache se troa l’engros e dut l magasin. Con chesta gran speisa de 1.115.712 € se à serà su deldut n moment senester per la Coprativa de Cianacei che dal 1975 la era a fit. Con chest investiment emportant

l’é stat ence lascià da na man, per l moment, l projet de fèr sù n’autra coprativa ta Cianacei e de la fèr ence a cost de se meter ensema te na coprativa privata, na Spa. Per l moment l’obietif prum l’é stat chel de se comprèr jù l toch de cèsa olache i é ja laìte e per l davegnir se vedarà. Chest l’é stat dassen n vèrech emportant per la coprativa, che da 35 egn l’aea l’obietif de se meter a post deldut con chesta costion. Per chel che vèrda l personal vegn sotrissà che, fora che doi persones, l’é dut jent dal post e ence chest se cogn dir l’é positif. L cost del personal, anter l’auter, del 2010 l se à smaorà ajache l’é stat l dopie renovament del contrat, de chel provinzièl e de chel statèl che de solit i vegnìa renové un ogne doi egn e enveze chest’outa se à cognù i renovèr duc doi ensema. Via per dut l’an la coprativa l’à tout ite 3 neves sozi; ai sozi chest an ge é jit de retorn 90 mile euro desche rebas dret a la cassa e 23 mile euro i vegnarà dac fora via per d’aisciuda. Chest an apontin vegn fat a saer che l rebas via per d’aisciuda no l vegnarà più dat fora de mé, ma spostà al meis de oril.

Da man cencia i conseieres Antonia Micheluzzi, Pierluigi Pollam, Remigio Iori, l diretor Gianluca Daberto, l president Giorgio Debertol, l rag. Giuseppe Fedrizzi, l vizepresident Fernando Riz e i conseiers Paolo Fosco e Silvana Iori.

Del 2011 no sarà de gran neves per i sozi ajache restarà la zedola de rebas del 10%, l rebas dret a la cassa ti setores desferenc da chel de la magnadiva e duta l’autra ofertes. Del 2012 enveze, ence se no l’é nia de segur, se volessa fèr na zedola n’outa al meis de rebas desche chela che l’é ades per la magnadiva ence ti etres reparc de la coprativa. N resultat amò positif che l’é dant dal dut segn de fiduzia ti confronc de la coprativa de Cianacei l’é stat

l smaorament de 100 mile euro en più che l’an passà di librec de sparagn ai sozi che con n tas del 2,62% net l doventa dassen concorenzièl per i sparagnadores. A l’assemblea anuèla di sozi, stata ai 6 de firé e che à vedù la prejenza ence del ragionier Giuseppe Fedrizzi de la Federazion de la copratives del Trentin, l’é stat ence renovà la encèries de trei conseieres: de Giorgio Debertol che l’é ence president, de Fernando Riz,

vizepresident e de Silvana Iori. Tel prum consei che vegnarà chiamà ite dò l’assemblea chisc trei sozi ensema ai etres 4 (Paolo Fosco, Remigio Iori, Antonia Micheluzzi e Pierluigi Pollam) i nominarà l nef president e sie vize. Donca l 2010 l’é stat n an dut somà positif. Enceben la crisa che à scomenzà a se fèr inant ence tel setor alimentèr, l diretor, l personal e l consei i é stac bogn de comedèr ite i fai fac ti egn passé. (vr)

“Na contìa per Nadèl”: l’é i venjidores

Carnascèr fascian

En domenia ai 27 de firé da les 16.00 te Sala Grana del Comun general de Fascia vegnarà metù a jir la premiazion

La neva publicazion de l’Istitut Ladin “Carnascèr Fascian. Un rito tradizionale nella modernità” vegnarà prejentèda en domenia ai 27 de firé a Cianacei con i gropes de la Mèscres de la Val de Sora

L dessegn fat da Marta Sasso per sia contìa.

Letradura - Dò n lonch lurier de letura e valutazion, i Volontadives del lengaz pel ades ne portèr dant i resultac del concors “Na contìa per Nadèl”. La scomenzadiva à abù dalbon n gran bon éjit e l’à é stata touta sù da jent de vigni età con gran gaissa. Passa 120 scric anter rimes, contìes, recorc de vita e de tradizions passèdes, ma ence contegnui de fantasìa, olache l lengaz ladin l’é stat la ousc de pensieres, sentimenc e reflescions, vèlch outa n muie fons, vèlch outa pizochenc, vèlch outa da grignèr. I Volontadives à let jù con gran piajer duc i scric, vigniun bel e originèl, e no l’é stat nia sorì dezider colun che podea esser l mior; per chesta rejon, te vèlch cajo, l’é stat cernù de meter ti prumes posć più che n scrit con valif merit. L Comun general de Fascia se

met dant de publichèr n picol liber che tol ite duta la contìes e la rimes e che l ge vegnarà dat fora a duta la families de Fascia enjontà al boletin per la festes de Nadèl che vegn. La premiazion del concors enveze la sarà fata en domenia ai 27 de firé da les 16.00 te Sala Grana del Comun general de Fascia. Duc chi che à tout pèrt al concors e duta la comunanza i é envié. Amò n gran develpai a duc chi che à tout pèrt dai Volontadives del lengaz Chisc i inomes di venjidores, spartii per categorìa: JENT GRANA Rimes: 1. Alberta Rossi “Set cavalieres”; 2. 2Emme78 “N fior bianch anter fiores checegn” Contìes:

1. Nicola Parzian “L fior ladin”; 1. Stefen Dellantonio Monech “I Agnoi musiconc”; 2. Rina Croce de Fantonel “Catarinola“; 3. Marta Sasso “Vea de Nadèl”; 3. Renata Iori “Contìa de Nadal”; 3. Manuela Rossi “Na belota familia”; 3. Giusy Zanoner “Al giaf Toni”. SCOLA AUTA Rimes: 1. Francesco Riz, Michele Lazzer, Benedick Bernard, Sebastian Prinoth, Davide Davarda cl I LS B: “Per recordèr chi cater agnoi del socors” Contìes: 1. Cristian Frigo cl I LS A “N don per Tone”; 2. Marco Barbolini cl IV LSA “L’era n’outa... e ence aldidanché” SCOLA MESÈNA Rimes: 1. Sara Zulian cl II C “I doi fioches” SCOLA POPOLÈRA Rimes: 1. cl IV Soraga “N regal spezial”; 2. cl III Soraga “Nadal l’é...”; 3. Andrea Pollam cl IV Vich “L Nadal” Contìes: 1. Francesca Del Frè, Alberto Basteri, Vittoria Rasom, Esther Riz, Gabriel Vian cl III B Cianacei “L’ensomech de Gretele” 1.Thomas Favè, Massimo Riz, Gabriele Riz cl V B “Lucky: l ren fortunà” 2. Nicolas Boso, Aleksandr Bianchi, Leonardo Dezulian cl V A Cianacei “Na contìa per Nadèl” 2. Elisa Lazzer, Mattia Lazzer cl III B Cianacei “L Bambin co la fiora” 3. Giuliano Talmon, Davide Fosco, Federico Merli cl V A Cianacei “Na contìa per Nadèl”

Publicazions - L’Istitut Cultural Ladin “majon di fascegn” viventea l rich panoram editorièl dedicà a la tradizions populères con n nef liber che documentea la beleza e la magìa del Carnascèr de Fascia. N Carnascèr semper vif e ferùscol, che moscia amò l’energìa de chest rituèl veior fat de colores, ac, vic e madalenzes, che segna l trapas anter l’invern e l’aisciuda. N “viac per retrac”, chel de Giulio Malfer, travers i colores sgalizenc del Carnascèr de Fascia vedù te sia esprescions da anchecondì, compagnà – desche introduzion – da n “viac te la memoria” olache l’antropologh Cesare Poppi ne conta la ventures de n revival che a peèr via dai egn ’80 à vedù renascer na tradizion che someèa destinèda a jir dò ju zenza remiscion: na usanza che de n vers à reijes fones te la storia de la comunanza, e che da l’auter à daìte na vitalità nia da creer e semper orida al mudament. Retrac dinamics, “moec”, desche la recordanzes che ge va dò a chi mudaments tel temp e tel spazie. Da Penìa a Cianacei, da Ciampedel a Soraga, enfin ja Moena, se pel recognoscer la forza de n rituèl veior che anchecondì doventa adertura sìmbol de na neva identità: no bele scempia rievocazion del temp passà, metuda en mostra per deletèr i ghesć, ma moment de agregazion sozièla, esprescion de n besegn fon, identità chierida, rencurèda, vivuda en comunanza te n prozess de renovament semper gaèrt che mena noscia jent ti tempes deribolenc da anchecondì.

N auter liber frut del lurier de documentazion, de studie, de enrescida che l’Istitut Cultural Ladin ge sporc a sia jent per capir miec la reijes e la formes de nosc patrimonie tradizionèl tel chèder de la cultura de la veia Europa; ma ence lurier de valorisazion, out a ge dèr luster a tenc elemenc de la cultura populèra, da spes trac endò e ence desprijié vèlch outa, dai paladins de l’omologazion. A la prejentazion, en domenia ai 27 de firé da les 18.00 te Teater Marmolèda de Cianacei, tolarà pèrt ence l Grop de la Mèscres de Dèlba e Penia, l Grop de la Mèscres de Cianacei e l Grop de la Mèscres de Ciampedel. N event rich de color, storia e tradizion endrezà col didament de l’Azienda de Promozion Turistica de la Val de Fascia e del Comun de Cianacei da no perder per cognoscer più davejin la val e sia tradizions. (ar)

La soracuerta del nef liber sul carnascèr dat for a da l’Istitut Cultural Ladin. www.lauscdiladins.com

25


Val de Fascia

nr. 07 / 18 de fauré 2011

Soraga Ladin Rock prejenta sie prum Cd “Canche se fajea la caeria” L vegnarà prejentà da la sociazion, ensema al nef logo, con n conzert a l’Hotel Arnika en vender ai 25 de firé

La Blood Rockers Band e la Ciantarines da Soraga en conzert al Sporting de Pardac ai 22 de jené de chest an.

Musega - La sociazion culturèla “Soraga Ladin Rock” l’é l frut de n enconter no casual anter la “Blood Rockers Band”, che tol ite dotoresmusizisć che laora a l’Ospedèl Sènta Chiara de Trent e n grop de ciantarins del Grop de Folclor da Soraga. Da chesta union, envièda via de gra a l’amicizia anter l leader de la Band Massimo Ripamonti (de reisc da Soraga da man de sia mère) e l fort alpinist fascian Toni Valeruz, leé da na gran pascion per i monc che va endò tel temp, l’é nasciù l projet de conjobièr l’energìa del rock progressif coi sons del lengaz ladin e del vocalism coral. L repertorie tradizionèl de la band l’é donca doventà più rich no demò de verscions (integrales o en pèrt) tel lengaz ladin de cognosciudes hits del rock classich (Bob Dylan, Lynyrd Skynyrd, Bruce Springsteen) ma ence de vèlch tòch originèl metù en musega su la paroles ladines de Toni Valeruz che conta de sie particolèr raport coi monc. Dò n prum conzert live canche chesta formula é stata prejentèda

sperimentalmenter al publich te l’istà del 2010 a Soraga, l’é nasciù l’idea de svilupèr l projet travers la costituzion de na sociazion culturèla, metuda sù formalmenter ai 17 de otober del 2010 con chela de sostegnir l’interpretazion, la valorisazion e la difujion de la musega populèra moderna, strumentèla e corèla, con particolèr enteress per l folk-rock tel lengaz ladin. L grop che cianta che compagna la Blood Rockers Band à tout sù l’inom de “La Ciantarines da Soraga” ajache la femenes é de più che i omegn. Anter i obietives de la sociazion l’é ence l sostegn a l’ativitèdes de la sociazions de volontariat, soraldut tel ciamp sanitèr. Na atenzion particolèra é outa a la sensibilisazion de la jent su l’emportanza de la donazion del sanch e de la megola de os. Anter la ejibizions del grop recordon la partezipazion al conzert a sostegn de l’ADMO, ensema al cognosciù grop trentin “The Bastard Sons of Dioniso”, stat a Pardac ai 22

de jené passé. L grop l’é dò che l’enjigna l prum EP-demo dal tìtol “L’om che va a crepes” con i tòc più segnificatives del repertorie de la “Blood Rockers Band” ensema a “La Ciantarines da Soraga”. L Cd vegnarà prejentà e dat fora per nia ai mesi de informazion endèna la conferenza stampa che sarà en vender ai 25 de firé da les 18.00 te la senta de la sociazion aló dal Pluriuso de Soraga. Tolarà pèrt a la scontrèda Toni Valeruz vize president de la sociazion, Fabio Chiocchetti, maester del Cor “La Ciantarines da Soraga” e comember del consei diretif e Massimo Ripamonti, leader de la Blood Rockers Band e president de la sociazion. Te chesta ocajion vegnarà ence prejentà la tessera de adejion a la sociazion e l nef logo dessegnà da l’artist da Soraga Renato Decrestina. Amò apede vegnarà portà dant la scomenzadives culturèles e musicales per l’an 2011 e la serèda se serarà sù col conzert da les 20.30 aló da l’Hotel Arnika de Soraga.

Virgilio Sorapera de la Zoch tras sia faceres de besties l’é stat bon de descorir n tòch de storia dassen piajegola del carnascèr fascian Mèscres - Canche i disc che nos joegn dassen no sà nia de la tradizions da n’outa l’é proprio vera. Te duta Fascia la é segur cognosciuda la tradizion de jir a mèscra con la faceres de legn, ma pec segur sà che n’outa se fajea ence faceres de legn che aea l mus de la besties. Su n parei te atelier de Virgilio Soraperra da la Zoch se pel amò veder mìngol de chela tradizions che trop se fajea ite per Dèlba e Penìa, e che el ne à contà. N’outa apontin l’ùltim de carnascèr, l mèrtesc gras, dut l paìsc l’era en festa e se fajea la caerìa. Se pontèa ite ta Penìa e se vegnìa fin fora Dèlba. L’era la caerìa tedant a duc e la era spenta da doi persones regolèdes da vacia, da toro o da vedel. Se pontèa via con la caerìa fora per stradon che enlouta no l’era de asfalt e l’era dut na neif. Tedò la caerìa l’era duta l’autra jent regolèda da bachegn ma n’era ence de chi che era regolé con la facera de legn da crot e chi che se tirèa ite l guant de bèrba de pecel. ”Nos scolees siane jic duc sun Col de Roìsc, a veder chesta jent che festejèa carnascèr e me recorde apontin chesta doi faceres da vacia che tirèa la caerìa. Peissete che gé dò no n’é più vedù - ne à contà Virgilio.”Da chest recort

Virgilio de la Zoch con te man la facera da bufon veie.

l’à scomenzà a zipièr fora faceres da vacia e da toro e dapò l se à pissà de fèr ence de autra besties desche l leon, la sciumia, l gorila, l dui, l bech e la bolp. Su per chel parei l n’à ence una da diaol, una da mort e da bufon veie en recort de Simon de Giulio che l’aea fat l bufon joen e l bufon veie. No l’é stat sobito fat a fèr chela faceres ajache a fèr chela granes da vacia “l’é coscita da ciavèr laìte e dapò vindedò te cognes la fèr dopia percheche se la facera la é grana la te bala, la va dò e dò via e cà e ge é fat n dopie daìte, ge é fat n’autra facera de na mesura de cheles classiches, per dir.”L’é stat n pìcol tassel de storia chel che ne à fat reviver Virgilio Soraperra da la Zoch, che aldidanché l’é possibol apontin de gra a persones tanche el, che à gust e sentiment envers noscia cultura e noscia tradizions. La faceres da bestia metudes fora te l’atelier Speron che dut chest no vae perdù. (vr) de Virgilio Soraperra.

Duta Fascia rengrazia Père Frumenzio de Martin Na pìcola delegazion de raprejentanc de noscia val é jita a ge sporjer al “Chimpl da Tamion” i augures per si 91 egn e l develpai de duta la comunanza

La delegazion de raprejentanc fascegn con Père Frumenzio de Martin.

Personajes - Père Frumenzio Ghetta de Martin l’é fosc l personaje più stimà e benvolù da duta la comunanza ladina de Fascia. N om e n religious che te sia longia vita

26

www.lauscdiladins.com

l’à sapù conjobièr la gran opera de studious de documenc ti archivies con l’ejempie de ùmol frate franzescan che ge à dedicà gran pèrt de so temp ai malé.

L’é de gra a si studies che la Val de Fascia à podù descorir sia storia e ciapèr consaputa de sia reijes: per merit de Père Frumenzio l’é stat troà fora i documenc sui confins de la Marmolèda e sui prumes ensediamenc sul Dos di Pigui. Ence duta la documentazion su la storia de la Comunità de Fascia é stata frut del lurier de enrescida de nosc frate da Tamion, che à troà fora testimonianzes preziouses ence per dut l Trentin, desche la descorida de la storia de l’ègua de Sèn Venceslao, e apontin per chest l’à ence ciapà chest prezious recognosciment da pèrt de la Provinzia. E no se pel desmentièr sie gran contribut ence desche poet, che con l’inom de “Chimpl de Tamion” à scrit duta la rimes regoetes tel liber “Mizacole de Steile”, dat fora da l’Union di Ladins de Fascia. Ai 11 de firé P. Frumenzio Ghetta

à compì i 91 egn e na pìcola delegazion de raprejentanc de Fascia à volù jir a l troèr te chesta ocajion te l’infermerìa del convent de Trent per ge palesèr, ensema con i augures per l cedean, l fon rengraziament de duta la comunanza de Fascia La procuradora Donei, l president del Consei General Cesare Bernard, l conseier provinzièl Luigi Chiocchetti e l president de l’Union di Ladins Silvano Ploner, a inom de duta noscia jent, ge à sport i augures e l develpai de cher a chest om de gran cef e cultura che à metù sia vita al servije di etres, di studenc e la jent che jìa a ge domanèr consei o aiut per sia enrescides, ma soraldut di malé che aea besegn de na parola de confort. Devalpai Pare Frumenzio, a amò n grumon de augures da duc i fascegn! (lg)

L “Chimpl da Tamion” à compì ai 11 de firé la bela età de 91 egn.


Val de Fascia

nr. 07 / 18 de fauré 2011

Segn positif per la Coprativa de Moena L’ejercizie 2010 se à serà sù con n ùtol de passa 41.000 euro dò desvalives egn de cruzies e dificoltèdes. L’é stat fondamentèl dezider de tegnir avert a dò a dò ja la Direta Moena - N ùtol de 41.764,00. L’é chest l resultat de ejercizie, serà sù ai 30 de setember del 2010, che l president Luca Pitolini e l Consei de Aministrazion ge à portà dant con gran sodesfazion ai passa 200 sozi de la Familia Coprativa de Moena prejenc a la radunanza anuèla te l’Oratorie de Moena.N resultat positif, respet al passif de 19.891,00 euro de l’an dant, che rua dò egn de cruzies e dificoltèdes soraldut de gra a la dezijion de tegnir avert a dò a dò i Supermarcé Trentins ja la Direta. La scomenzadiva à abù dassen n gran suzess e l’à smaorà debel la véndites: demò ti doi meisc da d’istà defat les é cresciudes de passa 110.000 euro, del 18% de messèl e de l’11% de aost respet al medemo trat de temp del 2009. Da l’adozion del nef orarie la véndites à seghità a aer n increment stàbol del 10% vigni meis ence fora sajon, segn de l’aprijiament di sozi, tant che l Consei à pissà de l meter a jir ence te la boteiga de la magnadiva e vestimenta te paìsc endèna l’invern, speran de otegnir i medemi resultac. Via per l’an passà la Familia Coprativa à tout sù la linies-vida del Sait che se met dant de tegnir ite l priesc di prodoc a marchie e valorisèr i prodoc tipics trentins – l’à dit l president Pitolini

L supermarcià ju per la Direta é stat tegnù avert a dò a dò con bon ejit.

te sia relazion su l’atività del 2010. Atenzion particolèra per l setor de la becarìa, olache l’é stat smaorà la cernuda e privilegià la cèrn di Arlevadores Trentins. Da sotlineèr l’empegn ti confronc del consumador acioche l posse dèr sie contribut a l’ambient e a la sanità ence canche l va a proveder, de chest vers l’é stat metù a jir scomenzadives desvalives desche

l smendrament di embalajes, la doura de bolghes fates de materièi naturèi, la campagna Coop “Beé èga de spina”, l’introduzion del diviet de véndita de beandes alcoliches a chi che à manco che 18 egn. Amò apede l’é a la leta na selezion de prodoc per la netijia garantii dal marchie Ecolabel, piac e biceres da durèr demò na outa che vegn ca da la cola de mais,

prodoc de papier reziclà, lumes a sparagn energetich e amò de auter. La crisa economica pontèda via dal setor finanzièr l’à mudà i comportamenc te la cernudes di consumes, del lurier e de la gestion di sparagnes – l’à dit amò Pitolini te sia relazion – dac statistics moscia che ti egn 2007 - 2009 i consumes per om de magnadiva se à smendrà en media del 7%

respet ai egn dant. Tel davegnir la firmes cognarà tegnir cont de la particolaritèdes e de la tendenzes al consum di clienc, sarà emportant l’introduzion sul marcià de prodoc con n bon raport calità - priesc ma bogn ence de ge passèr al consumador n valor etich reèl. Na bela e aprijièda neva de chest vers l’é stat la prejentazion sul marcià de la linia “Vivi Verde Coop”, dedichèda ai prodoc biologics e ecologics.Desche semper la Familia Coprativa à sostegnù la desvaliva sociazions sul teritorie, te la logica de n spìrit solidal e de partezipazion a la vita sozièla de la comunanza. Chest aspet vegn uzà fora ence tel sostegn al Comerz Equo e Solidal, che sporc prodoc che rua da paìjes del terzo mond, dajan l met de creèr posć de lurier te realtèdes con pecia possibilitèdes de svilup. La radunanza à aproà l bilanz e confermà i doi conseieres che jìa fora, Ilaria Vadagnini e Fabio Ganz. Amò vèlch dat: i dependenc era de 29, de chisc 25 a temp indeterminà e 4 touc sù a temp determinà. Ai sozi, 843 a fin ejercizie, ge é stat dat fora passa 167.000 euro de rebasc travers ofertes e coupon, con n smaorament del 12,43% respet al 2009; en media l rebas l’é stat de l’8,28%. (cri.m)

La Cassa Rurèla premia l studie Ence chest an i studenc meritegoi de Fascia e de Agordin i à abù l’onor de ciapèr n emportant recognosciment da l’istitut de credit prejent te Fascia dal 1899

I diplomé premié da la Cassa Rurèla de Fascia e Agordin.

Sozietà - Ogne an la sales che ge dèsc alberch ai premié de la Cassa Rurèla Val de Fascia Agordin per i bie resultac arjonc tel ciamp scolastich, les é semper più pienes. Chest an l’é stat l’outa de la sala grana de la scola mesènes de Moena che con sia bela veduda sun dut l paìsc à tegnù ite ben 65 studenc. Su la basa de la stima de diplom (dal 90 en su) e de laurea (dal 100 en su) duc i studenc de Fascia e de l’Agordin i à ciapà n assegn e ence l derit de doventèr sozi de l’Istitut de credit. Duc compagné da si genitores o da si amisc, un dò l’auter, chiamé sù dal responsabol marketing de l’Istitut de credit Stefano Benatti, i

é jic sun paladina olache a i spetèr l’era l president Carlo Vadagnini che con gran onor l ge à consegna a un a un l premie. N batiman dò l’auter per duc chisc joegn che i se à dat jù dassen n muie per arjonjer l zil de n diplom o de la laurea di 3 o di 5 egn. Prejenc per l’ocajion, no demò l’era duc i raprejentanc de la Cassa Rurèla desche l president Carlo Vadagnini e l diretor Luciano Braito, ma ence la maor autoritèdes de val desche la Procuradora Cristina Donei, ence desche professora, l vizepresident del Consei regionèl Luigi Chiocchetti e n muie de autoritèdes de comun sibie fascènes

L grop di laureé ti trei e cinch egn.

che agordines. No podea mencèr ence la Sorastanta de la Scola de Fascia Mirella Florian. Da duc chenc l’é stat uzà fora l’empegn de chisc bec che te duc chisc egn segur i se à godù ma i à ence cognù se la fèr fora te momenc senestres. Leà a chest l rengraziament l ge é jit ence a la families, prum sostegn per i joegn. L’augure, più che n’outa uzà fora, l’é stat chel che ades duc chisc joegn no i se lasce fèr jù dai problemes de la enrescida de n mestier, ma i se mete en jech e i vèrde de restèr chiò te Val. L vizepresident de la Cassa Rurèla, Osvaldo Debertol l’à sotrissà “…Tanta de outes chiò te Val se se

ouc a consulenc o profescionisć da fora. Gé son segur che duc chisc neo dotores o chisc neo diplomé i aessa l met de fèr ic medemi chi mestieres che fin ades se à cognù jir a chierir fora da Fascia”. Speron dassen che la vae coscita e per endèna ge fajon a duc chenc de bie complimenc. Chesta bela zerimonia de consegna di premies la é ogne an più emportanta, a duta la Cassa Rurèla i complimenc per l sostegn che i ge dèsc ai joegn, l davegnir de noscia Val. Diplomé (stima più auta 100): Sebastian Cincelli 100; Monica Deluca 100; Giulia Pastore 100; Emanuele Riz 96; Maria Sottsass

94. Laureé ti trei egn (stima più auta 110): Thomas Dantone 100; Riccardo Defrancesco 110; Simonetta Iori 104; Daniela Pederiva 110; Danilo Pederiva 110; Maddalena Piccolin 101; Alessia Riz 110 e L; Serena Secchi 108; Rossella Valentini 110; Martina Volcan 105; Anna Zacchia 104. Laureé ti cinch egn (stima più auta 110): Roberto Daprà 110; Michela Defrancesco 106; Jenny Deluca 110 e L; Erica Fabbro 104; Caterina Nigo 110 e L; Monika Rizzi 110; Stefania Tivelli 109; Silvia Weiss 110 e L; Marco Zanol 106; Thomas Zanoner 110 e L; Leonardo Zulian 104. (vr) www.lauscdiladins.com

27


Val de Fascia

nr. 07 / 18 de fauré 2011

“Jir en pelegrinaje a Lourdes te muda la vita” I fascegn l’é semper stat jent n muie devota a la Madona. Per ic far l barelier o la dama l’é n onor Tradizions - I fascegn l’é semper stat jent n muie devota, e soraldut fideila a la Madona. La tradizion di pelegrinajes l’é na usanza che va n muie endò tel temp. Simon te Giulio recorda tel liber Usanzes e lurgeres da zacan: “la domegna dant la Madona da la Grazies, l curat l lejea ju del pergol che ai doi de messèl (dì de la Madona da la Grazies), da les cater da doman, partirà la porciscion per jir a Baisseston. In chel dì, inant de sin arloèr via, l curat dajea amò la benediscion, perché n’era un muge che jìa te gejia per veder partir la porciscion, jà che dapò ic no podea jir.” Jir a gejia a Baissiston l’é na tradizion n muie sentuda dai fascegn, enceben che ti egn la se aesse mìngol enciapedì. Del 2003 Ermanno Winterle da Pera l’à endò tacà a jir vin Baissiston a pe fajan l pelegrinaje descheche fajea nesc veies. Chisc ùltimes egn chesta tradizion l’à ciapà maor sbunf de gra al Decanat e a l’Union di Ladins de Fascia. N auter pelegrinaje che noscia jent à semper fat, una o doi outes a l’an, l’é chel de Lourdes. Ermanno Winterle l’é stat l referent per l’endrez de chisc pelegrinaje per 30 egn. Descheche se pel veder ence dal retrat che aon publicà tel cianton chiò junsot, che ne é stat portà proprio da Ermanno, se se n fèsc marevea del gran numer de barelieres e dame che jìa a Lourdes per compagnar i pedimenté. A Ermanno ge aon domanà mìngol de informazions.

Le sores Guerina, Angelina e Aneta Zulian da Poza, dal ’68 inant, le se à tout sù l’endrez de la cojina del treno. Se troaane dotrei dis inant a l’albergo Meida con n grop de volontadives fascegn per enjignar la marena e l disnar per presciapech 800 persone. Cognaane empachetar duta la roba, la portar a Trent e la ciarear sul treno e dapò l’era da cojinar ence endana l viac. Italo Gabrielli l’era l cogo, el l’é stat l servidor più ùmol, l cojinaa per dut l viac. I fajea l minestron te chele gran fane e dapò se cognea l dar fora. I barelieres e le dame de la Val de Fascia i é semper stac n muie aprijié e benvolui a Lourdes, percheche l’era semper i prumes a didar fora ence i autres gropes. Chi egn se à creà na organisazion tant bela e emportanta che ogne an pontaa demez da Fascia n bel grop de jent per jir en pelegrinaje no demò desche pelegrin ma per se meter a la leta de chi che aea più de besegn, didament che i sporjea bolentiera ence fora per dut l’an. Le persone che à semper didà n muie l’é stat Clara Croce da Poza, Rita Grünwald da Cianacei, Maria Grazia Anzelini da Vich. Poder jir a far l barelier o la dama l’era dassen n onor. Dapò canche i à scomenzà a jir co l’aereo l’é calà l’enteress.”

Ermanno Winterle moscia n gran retrat del pelegrinaje a Lourdes del 1969.

l’é più desche Antonio Camerano, Carlo Chirca, Alberto de Pierac, Genio de Gotart, Pierino Casari, Arturo Bernard, Lino Botega, Renzo de Cuz, Gigi da le Dolomiti, l notar Giovanni Rizzi, Giovanin Costa da Cianacei, Italo Gabrielli.” Ve recordade valch de chisc pelegrinajes? “I prumes doi egn, del ’66 e del ’67, sion jic con Unitalsi dapò l’é stat metù sù Ospitalità Tridentina. Se pontaa demez con doi coriere, jiane via con presciapech 100/120 persone, doi oute a l’an, d’aisciuda l’era semper più jent. Me recorde che ogne viac l’era 60/70 anter barelieres e dame che didaa la jent pedimentada. Del ’69 sion jic via coi maestres de schi, i era duc bie neigres tel mus, someaa i neigres te anter duta chela jent. Del ’70 me recorde franch che l’era ence Carlo Pellegrin da Vich barelier coi ceroc sul ciaf percheche l’aea tanche fat n azident co l’auto, ma no l’à renunzià a vegnir a Lourdes.”

Can él stat l prum pelegrinaje di fascegn a Lourdes? “L prum pelegrinaje l’é stat fat del 1966 con don Erminio, che l’era capelan sa Vich e l’é stat chel che ne à dat la spenta, e con Padre Bepino Rasom da Vich, che no l’era amò preve e che segur con chest viac l’à ciapà la vocazion. Volesse recordar chele persone che ades no

Aade sostegn da man de le

Co ve endrezaade per i pelegrinajes? “Chi egn l’era n grop de persone n muie engaissade e de cher dàtol.

parochie? “Fora che don Erminio i preves no i é mai vegnui con noi a Lourdes ma me recorde che l secondo pelegrinaje che aon fat, canche sion rué deretorn l’era n grumon de jent che ne spetaa sun piaza tedant Pieif de Sèn Jan e don Fortunato l’à dit messa. Dò 24 ore de viac la jent e i pelegrins é jic amò te gejia per la messa. E dapò sentiane n gran sostegn e na gran vejinanza da la jent. Canche pontaane demez i vegnìa a ne saludar, n muie ne domanaa de i recordar te le orazion, a se racomanar de ge portar l’aga de Lourdes, na sènta o na Madona. Chesta enciaria la sentiane forta tel cher.” Co éla che l pelegrinaje a Lourdes l’era coscita sentù? “L’era n besegn che se sentìa. Con noi l’é vegnù a Lourdes jent che no se se aessa mai spetà. A valgugn l pelegrinaje ge à mudà la vita e defat per n muie de egn certe persone le à seghità a jir. L’era desche n privilege, n chiam fort de la Madona che ne domanaa de far chest viac ensema ai pedimenté. L’é esperienze che te tocia tel fon del cher, che no se desmentia più.” Che aede fat amò con Ospitalità Tridentina? “Del 1980 aon endrezà la pruma

sojornanza per i malé, aló da l’albergo Trento a Poza. Vegnìa i pedimenté da dut l Trentin per passar 4/5 dis con noi, i era de na cincantina. Le sores Zulian le metea a la leta dut l’albergo per nia e noi coi volontadives, che i vegnìa ite ence da la val de Fiem, endrezaane dut chel che l’era de besegn per i far star ben. I compagnaane stroz, a far de bele raide sa mont, ge endrezaane feste e animazion. L’ùltima sojornanza la é stata del 1994 co na gran partezipazion de jent, volontadives, la Musega e na gran festa.” Siede jit en pelegrinaje ence a Loreto? “Ei, del 1982 canche ere president del Lions Club é endrezà n pelegrinaje ence a Loreto con gran suzess. I sozi de Fascia e Fiem se à dat da far per binar sù i finanziamenc per far jir 67 pedimenté a Loreto, zenza paar nia, e amò apede na bona part di sozi li à compagné fajan le dame e i barelieres. I fascegn i é n muie taché a Loreto e ogne an i va de tropes, mascima da Soraga. I pelegrinajes che é fat gio l’é stat viajes che me à segnà, i me à lascià n muie de bie recorc, l contat coi pedimenté, sia gran umanità, no me desmentiaré mai più.” Intervista de Monica Cigolla

N bel retrat co la Musega en ocajion de na sojornanza di pedimenté a Poza.

Chi él pa? Soluzion del retrat su La Usc nr 06 Dant de ve dir zeche en cont del retrat publicà la setemèna passèda volon ve fèr a saer che sul retrat metù fora su la Usc numer 5 se aon falà a scriver, ajache l pìcol bez apede Frida no l’é so fra Lino, ma so fra Renzo ajache Lino l’é più veie che ela. L retrat che aon publicà la setemèna passèda, enveze, l ne é stat portà da Ermanno Winterle e l’era stat fat del ’92 en ocajion de n pelegrinaje a la Madona de Lourdes.

A ne dèr la resposta chesta setemèna l’é stat l medemo Ermanno ma ence n muie de autra jent: Franca Trottner de Uc, Irma Pezzei de Uc, Bruna Trottner, Giuseppina Rossetti e Remo de Cechinol. Anter duc ampò no sion stac bogn de troèr fora duta la jent.Sul retrat donca l’é: 1. Elena Sopperra de Zopan; 2. Gianfranco Bellante; 3. Elsa Decrestina; 4. Carmen Lorenz; 5. Gina Valentini; 7. Nena Valentini (sor de la 5); 8. Maria Lorenz de Cice; 9. Maria Gross Punza; 10.

Claudio Croce Bocol; 11. Rita Grünwald; 12. Maria Lorenz Bernard de Vico; 13. Annamaria Zulian Furci; 14. Giovanna Zulian; 15. Emanuele Furci; 16. e 17. l’é doi sores da Ciampedel ma nesciugn à sapù dir coche les à inom; 18. Giuseppe Furci; 21. Livio Mazzel, per Remo enveze l’é Lorenzo Mazzel; 22. Paolo Defrancesco; 24. Annamaria Debertol Mazzel; 25. Barbara Casari da Vich; 27. Gaia Mortola Bernard. 29. Giulia Battel; 30. Renato Conti (Bolognano); 31.

Cristian Bernard; 32. Carlo Lorenz de Cice; 33. Manuela Bernard; 34. Walter Rizzi; 35. Marcello Brunel; 36. Claudia Pederiva Brunel; 38. Michele Demarchi; 39. Celestino Riz; 40. Giorgio Favè; 41. Daniela Riz; 42. Giancarlo Dorich; 43. Annamaria Piazzi; 44. Pietro Croce; 45. Antonio Camerano; 46. Luisa Pollam; 47. Luciano Simonazzi; 48. Lidia Deville Damolin; 49. Danilo Damolin; 50. Don Enrico Nicolini; 51. Paolo Trottner.Chesta setemèna ve meton dant n retrat fat canche

d’invern se jìa a menèr l fegn da mont con la lesa. Speton voscia respostes per telefon o fax al 0462.764545, o per mail a la direzion lausc@ladinsdefascia. it. Ge sporjon n bel develpai a chi che se sproa a troèr fora la jent e a chi che ne porta i retrac, e i ne deida coscita a viventèr chesta rubrica e a meter ensema vèlch mizacola de storia de noscia jent: ve envion a ve fèr inant per ciapèr en don na publicazion de l’Union di Ladins.

47 37

51 49 48 50 2

10

4

8

6

1 3

46

5

7

9

45 44 11 12 13

43

42 41

14 16 17 15

19 18

40 39

23 22

28

www.lauscdiladins.com

24

21

20

38

36

35

34

27 31

28 29

25 26

30

3

1

33 32

4 2

5


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

nr. 07 / 18 de fauré 2011

Fodom

Regoiësta del refudam: rua l “porta a porta”

“N esperiment garaté”

Ogni fameia ciaparà n bidon per l sëch e l umido. Tourna le plazòle ecologiche per la diferenziada

L ecozenter unich l à porté plu netijia fòra per l paisc e n aument del plu del 5% de la diferenziada

Coi prums de auril nte dut l Agordin piarà via l sistema “porta a porta” per la regoiësta del refudam, coche bele suzede da agn, per ejemple, ntel Ciadoure, n Ampëz o a Belum. Na gran rivoluzion nte chëst ciámp coscita zite per l ambient e l’economia ( basta vedei ci che suzede a Napoli ), che, na outa n funzion, l’assa da fè crësce la diferenziada e riduje coscita chël che ven trat deméz, co nen sparagn per l ambient ma ence per l zitadin. Per paricé la jent, nte chëste setemane che ven, vignarà fat deplù riunion de informazion ( ciala l calendar publiché chilò dilongia ). N sceguito la Comunité Montana Agordina, che gestìsc l apalt de la regoiësta, la darà fòra i bidons. Fin che nte duc i comuns piarà via l nuof sistema.

Ci vòlelo di “porta a porta” ? Vòl di che l refudam l ven tout su cèsa per cèsa. A ogni fameia vignarà consigné doi pichi bidons, un per l sëch ( chël che no po’ ester diferenzié ) e un per l umido. Ci che va metù nte un e ci che va metù ntel auter, l vignarà spieghé polito nte le sëre de informazion. Perciéche l sistema siebe efizent, sarà de gran mportánza che ogniun diferenzieie dut polito, a na moda da podei smazé deméz l mánco che la va e se pòbe nveze recuperé dut chël refudam che pò vignì ndavò douré su.

E la diferenziada? Per la diferenziada tournarà nveze le plazòle ecologiche, coi bidons per chèrta, viere e bossoi. N dut l Comun l n’à bele pervedù vòt. Le sarà sconude, dalonc da le strade e da le plaze. Ma mpò còmede per l utent. Una la sarà nt’Andrac per le frazion de Ciastel, Cërnadou, Larcionei e Colac, una a Salejei per Retic, Socrëpa e Vijiné de La, una a La Plié per Sourarù, Pala e Daghé, una per Brenta e Liviné, una a La Court per Federa, Lasta e Contrin, una nta S. Jan per Ornela, Pecei e Carpac e doi sa na

Rèba ence per Vèrda. Renac, Chièrz e L Fèver i continuarà a la porté ntel ecozenter de Renac. “Per l nòst Comun, che va scomencé a porté dut nten ecozenter sol, sarà n tourné ndrio”, spiega l assessor al ambient Lorenzo Pellegrini ( ciala articol publiché chilò sot ). “Ma autramente no se podëva fè percièche l apalt l é gestì da la Cma. Ci fosselo suzedù defati, a jì nnavánt con nòst sistema ? Che i alberghi e le ativité comerziai i assa l porta a porta ence per la diferenziada e nveze l zitadin privat de le frazion plu descòmede l mossëssa ncora porté dut ntel ecozenter. E chëst no fossa dërt.”

E l ecozenter? Al ecozenter se continuarà a porté l carton, i eletrodomestizi, le baterie vegle, l òio e coscita nnavánt. Come dit per Renac, Chièrz e L Fèver l fajarà da plazòla ecologica. Chëst vòl di che ence un de n’autra frazion, se l vòl, l podarà continué a porté ilò bossoi, bòze chèrta e coscita nnavánt.

Alberghi e boteighe Per i alberghi e le boteighe la regoiësta del refudam la vignarà fata duta, spò ence per la pèrt diferenziada, col sistema porta a porta. Al ecozenter le ativité comerziai le mossarà demé porté l carton e dut l rest ntel refudam pericolous.

Cò e ncan vignaralo trat su Siebelo per l sëch e l’umido che per la diferenziada, vignarà fat ju e mané fòra a dute le fameie, n calendar coi dis che l camion l passarà a tò su dut. Chëst vòl di che i bidons per l sëch e l umido i avarà da vignì metùs fòra da porta demé n chël di pervedù per tò su chëla sòrt de refudam. A chësta moda se tignarà ence plu nëc i paisc, senza plu vedei montons de paciuch dinongia i bidons, coche l eva davántvia. Per le frazion plu descòmede o con puoc abitánc,

L logo che promuof l nuof sistema “porta a porta”

ulàche non paia la speisa rué a très su l refudam coscita da spëss, vignarà metù a jì n sistema “a clamada”. Vòl di che l zitadin l podarà clamé n numer vèrt deban, e nten di o doi rua l camion a tò su l refudam.

L’informazion Per de dute le nformazion che l é debujen e njigné coscita la popolazion a chëst nuof sistema, nte le setemane che ven vignarà metù a jì nvalgune ncontade publiche, ulàche i tecnizi de le Comunité Montana i darà dute le spiegazion. Nte Comun, na outa a la setemana, vignarà dalvièrt ence l “ecosportel”, ulàche l zitadin podarà avei assistenza per informazion, cambié l bidon, se tò i sac e coscita nnavánt.

I cosć Per almánco n ann sul refudam se continuarà a paié na couta ( la Tarsu ) come ades. Ma l obietif del sistema “porta a porta”, l é chël de rué a la tarifa, che vòl di paié per la efetiva cuantité de refudam che ogniun produsc. “Nte chëst ann se mossarà valuté i cosć de gestion e dut chël che va davò” spiega ncora Pellegrini. “Ma pense che chëst sistema l portarà de segur a fe fè n gran saut a la percentual de diferenziada coiësta su. Chëst se tramudarà nten sparagn per duc e spò ence per l zitadin. (ls)

Co l jì n vigor del nuof sistema “porta a porta”, per l Comun da Fodom sarà ncin come toruné ndrio respét a come che s’eva oramèi usèi da nen ann ncà. La diferenziada defati la tournarà a vignì fata nte le plazòle ecologiche che i eva stade nveze toute via dal Comun per concentré dut ntel scozenter de Renac. Zerto chëste nuove, drio chël che segureia l Comun, le sarà plu sconude e i assa da se tignì ence plu nëte perciéche la regoiësta la vignarà fata demé a dis pervedus da nen calender. Ma mpò chël del ecozenter unich l é ste n esperiment che à garaté, coche disc ence i numer che mostra l assessor al ambient Lorenzo Pellegrini. “Sebénche la scomenciadiva l’eva piada via ntra trope perplessité e ence chèlche polemica” l disc,”mosse di che son content de coche l’é juda. I numer i descor ciaro. Nte gnánca n ann, a fè coscita, la diferenziada l’é chersciuda de zirca l 5,5%. Chëst l é senn che la jent à rezepì l mesagio. Ma souradut, davòche l eva ste trat via le plazòle ecologiche, l teritòrio no l ava plu nia da despartì con chël che suzedëva davántvia, con plazòle ecologiche mèl gestide, ulàche se vedëva muci de paciuch perciéche forsci vigniva trat su l dut massa puoch da spëss. Crei che l teritorio n’abe vadagné deplù de chël che l é ste l sacrifi zio per ogniun, souradut per chi de le frazion plu descòmede, de porté duta la dferenziada nta Renac.” A cialé ju i numer, se veiga che l plu gran aument de la percentual de

diferenziada ntra la 2009 e l 2010, se l à bu ntel meis de jugn, cánche l’é passada dal 28,2 % al 52,8%. Boom ence de novembre co nen saut del 14% dal 42,4 al 56,3% e de setembre, cánche l’é passada dal 35,81% al 53,5 %. Ence la poura che valgugn, per stico o mèleducazion, i vade a smazé paciuch dintourn, l’é stada smentida. “S’onve ben pensé” disc ncora Pellegrini,” che valgugn de puoch displinèi pòbe ester. Per chëst onve controlé nvalgugn luosc plu “sensibili”, per ejemple ulàche nviade se jiva a smazé demez l refudam. Ma on podù vedei con sodisfazion che, a pèrt chèlche pico cajo nte le prume setemane da cánche l eva ste giourì l ecozenter, no s’à vedù degugn caji de jent che jiva a smazé via roba fòra per i bosć. Almánco nia deplù de chël che suzedëva davántvia. La śòna ulàche l é ste stimé demánco l’é stada chëla de Precumon, ulàche l’é la maiou pèrt de curtiers seconde cèse de foresti. Ilò ntei bidons s’à ciapé ite dedut, finamèi schi. Dut chël che nveze assa bu da ester porté nta Renac. Ma mpò s’on ruéi a otignì chi resultac de diferenziada che on dit.” I fodomi spò, respét ai taliagn, i à desmostré ncora nviade de ester jent che respeta le legi e souradut à tout ite sensibilité e coscienza de respét per l ambient. L esperiment del ecozenter unich l’é stada de segur na bona scòla per se usé al nuof sistema “porta a porta”, ulàche de segur, ncora nviade, i fodomi i sarà bogn “de ie la spieghé” coche disc valgugn, a troc de autri. (ls)

Dopla zitadinánza taliana - austriaca Le s’à biné a le 500 da Ampëz e 60 da Còl per damané al Nationalrat de Vienna ( l Parlament austriach ) che l conzede la zitadinánza austriaca ai abitánc dei teritòri che fajëva pèrt de Tirol Dopla zitadinánza - I é stade zirca 200, nte puoch plu de doi setemane, le firme trate su nta Fodom da Scizeri e Union dei Ladins, per damané che l Parlament de l’Austria, l Nationalrat, l conzede ence la zitadinánza austriaca, come seconda zitadinánza a chëla taliana, ai abitánc de Südtirol e spò ence dei trei comuns ladins n Provinzia de Belum, che fin davánt la Pruma Vièra i fajëva pèrt del Impero Austro – Ungarich. Chëste firme le s’à njonté a le 500 de Anpëz, toute ence chilò da Scizeri e Union de Ladins e le zirca 60 ruade da Còl ca. L pòch l é ste consigné spò al Schützenbund de Bolsán, ulàche

le vignarà metude auna a chële de dut Südtirol e manade spò a Vienna. La scomenciadiva l’eva piada via proprio dai Scizeri de Südtirol, sostignuda a Vienna dal raprejentánt dei Freiheitlichen ntel Nationalrat, Neubauer, che l’à prejenté na proposta de lege che perveiga per i zitadins de Trentin e Sudtirol la poscibilitè de avei la dopla zitadinánza taliana e austrica, n consciderazion del fat che fin a la Prum Vièra i fajëva pèrt de Tirol. L’Austria l’à conzedù ntei agn ’90, perméz den referendum, la dopla zitadinánza ai abitánc de la comunitè de Dreizehnlinden ntel Brasil, ulàche vif emigránc austriazi

e sudtiroleji dei agn ’30. N precedent chëst che śoghëssa del dërt vièrs per Fodom, Còl e Ampëz. Chëst referendum l à confermé e l é ste poscibile per sue reisc da discendenc austriazi. L medemo prizipio l assa da valei per i sudtiroleji, e spò ence per i ladins da Souramont, perciéche suoi antenac i eva ence zitadins austriazi. La dopla zitadinánza no l’é plu n vèlch de ecezional. Dal 2006 defati, duc i zitadins taliagn che vif fòravia i po’ avei l dople passapòrt ( come ntel cajo de chi che vif ntei ex teritòri taliagn de l’Istria ). La lege nconsent a chi che tòl su na seconda zitadinánza de no pièrde chëla taliana. (sl)

L ecozenter de Renac l restarà dalvièrt ence co jiarà n vigor l sistema “porta a porta”.

Le sëre de informazion L a Comunité Montana Agordina l’à pervedù nvalgune ncontade de informazion per paricé la popolazion al nuof sistema porta a porta. Per Fodom l Comun l metarà a jì doi sëre mplù dedicade a gestori de ativité comerziai. Chëst l calender: mièrcoi 1° de mèrz, da le vòt e mesa da sëra ( le 20:30 ) ntel sèlf del Taulac per rifugi e ristori, mièrcoi 2 de mèrz, da le trei davòmesdi ( le 15 ), ntel sèlf dei

congresc, per alberghi, bar e autre ativité comerziai ( metude a jì dal Comun ). Per duc i utenc privac: mièrcoi 2 de mèrz da le vòt e mesa da sëra ( le 20:30 ) ntel sèlf dei congresc e vender 11 de mèrz, da le vòt e mesa da sëra, ntel sèlf del Taulac, metude a jì da la Cma. Per l Comun da Còl Le ncontade i é pervedude vender 4 de mèrz e juoba 10 de mèrz, da le vòt da sëra ( le 20 ) ntel sèlf de le ex scòle elementari. www.lauscdiladins.com

29


Fodom

nr. 07 / 18 de fauré 2011

Resta dalonc le pojizion ntra “Pordoi” e “Sofma” Santin: “La soluzion l é n sotpas a Pont de Vauz.” L Tar ntánt no l à conzedù la “sospensiva”. L Comun l à ncora puoce setemane per dezide Comun - Prume respòste dal Tar n cont del recors de la Pordoi S.p.A. contra la delibera del Comun da Fodom che conzedëva i tarens a la Sofma per la nuova segiovia “Carpazza”. Nte la sentada del 3 de faurè l Tribunal Aministratif Regional l à dezedù de no conzede de tignì su ( la “sospensiva”, n tièrmen burocratich ) i efec de la delibera, coche nveze damanáva la “Pordoi”. Chëst de sciòlito l ven conzedù per tutelé l ent publich dai dagn che podëssa i é vignì damanèi dai ricorenc ntel cajo che i vadagne l recors. “La sospension”, spiega l diretor de la Pordoi Diego Cazzaniga,”no l’é stada dada demé n cosciderazion del fat che i laour i é oramèi nnavánt e máncia puoce setemane a la fin dei 120 dis de temp che l Comun s’ava tout per tò na decijion Ence per chëst no l é ste condané degugn a paié le speise..” Temp chëst che l Tar à valuté dërt è spò che no po’ porté dann a degugn.”Per l rest” l disc,” l recors l resta mpé, con dute sue dománde de anulament dei ac e de risarciment dei dagn.”

La pojizion de la Sofma:” Chëla segiovia portëssa demé problemi” Su la cuestion l Capocomun Ugo Ruaz l ava dit che l Comun l se ciapa ntamez a na bèga ntra le

doi sozieté e che speta a chëste ciapé n acòrdo per podei porté nnaván i progec per chëla śòna, ulàche, tra l auter, l é pervedù che vegne fat n snow park e na segiovia. “Sedenò” l ava manacé, “l Comun l conzedarà i tarens a chi che paia deplù.” La lege la mpermetëssa a la Pordoi de vign’ nte na śòna ulàche da ben 40 agn la nòsta sozeitè la gestisc le piste da schi” disc l diretor de la Sfoma Leandro Santin. “Davòche ntei agn passèi i é scadus i vegli contrac defati, i comprejòri i no ejiste plu. Ma ntra jent da mont e tra l auter sozieté consorziade, s’onse speté chèlche contat per ester nformèi dei progec. Chèlche “avances” da pèrt de la Pordoi i eva ben stade, ma no pensonve che i volësse vignì a fè su segiovie nte nòsta śòna.” La sozieté che gestìsc i lifc del Pordou defati, per ciapé na soluzion al atraversament de Pont de Vauz, l’à percedù de fè na segiovia per porté i schiadous decontra Chël Vësco, da ulàche, per ji ja na Rèba i podëssa tò la pista Salere o tourné ndrio per l’Alpenrose. Na soluzion che portëssa nvalgugn problemi, coche spiega Santin. “Chëla segiovia la desciariëssa su la Salere la gran pèrt dei schiadous che fèsc la Sellaronda. No l’é na pista saurida per duc e chësta moda se jissa a creé ntel giro n’autra situazion difizile coche on bele ntel prum tòch a vignì ju da Chël

Schiadous su la pista Alpenrose.

(dal scito www.dolomitiportavescovo.it)

Vësco e che per chëst se ciapon na mail al di de lamentánze. Duc chi schiadous i ruëssa pò nte la pista che ven da Pordou ju. E ilò, ulàche se ncroja le doi piste, se vignissa a avei na situazion scialdi pericolosa che i se pëte auna. Mplù duta sta mascia de jent la ruinëssa na pista, la Salere coche bel dit, che nos come sozieté volon nveze valorizé e sfruté meio nte la pèrt auta proprio co la nuova segiovia “Carpazza”. Per Santin le soluzion i é doi. “La Sofma” l conta” l’à prejenté la proposta de na segiovia plu curta, co na nuova pista che porta i schiadous nte chëla che ven da Pordou ju. Come zitadin de Rèba nveze dijësse che la meio

Strada de Ornela: aprové l proget contra le levine I laour i costarà 1 milion e 200 mile euro e i assa da mpermëte de mëte n segurëzza la strada Strade - La jonta de la Provinzia de Belum l à aprové nchëstadì l proget preliminar per mëte n segurëzza la strada de Ornela con paralevine e galerie a sbalz (come chële sot Ègort) ntei tòc plu pericolousc. I intervent l avarà n cost de 1 milion e 200 mile euro e l vignarà fat n tòch al viade drio le priorité segnalade da l’Arpav. La strada da Ornela l’é de segur una de chële plu pericolose per le levine ( e no demè per chële ) de dut l Comun. Da spëss la resta sarada con gragn problemi per la jent che

ogni di mossa jì a laoré o porté i tosac a tò l scòlabus a Pont de Ruacei. Duc se recordarà de segur l invièrn 2008 – 2009, cánche, a gauja de le gran nevère, la strada l’eva restada sarada per trope setemane. La jent da Ornela, come d’autra pèrt duc cánc ence su la strada ntra La Plié e Rèba co la vigniva sarada, la passëva mpò a suo riscio per jì a laoré o a compré ite. Na situazion che no se pò plu se mpermëte che suzede ncora. Ence perciéche nte sti ultimi agn Ornela l’é stada una de le frazion

La frazion de Ornela l’avarà na strada plu segura contra le levine.

30

www.lauscdiladins.com

del Comun da Fodom che à vedù crësce sua popolazion. Souradut fameie jovene s’à fat fòra la cèsa. L’é na gran stala e duc i prèi ven tignùs biei nëc, tánt che na mucia de jent se ferma sun stradon sot Liviné a fè foto. Dute le condizion meio per fè resté vif n paisc. Ntei zirca cater chilometri de strada vignarà fat cinch o siech tòc n galeria a sbalz. Ntei agn passèi la Provinzia l’ava bele finanzié chèlche ntervent. Ma la situazion de chëla strada la se damana n intervent plu podëol. “Se trata de na śòna scialdi delicata dal pont de veduda ambiental” spiega l assessor provinzial Bruno Zanolla,”perciéche la strada se la veiga ence da la Sr 48 de le Dolomiti. Ence se i é per la segurëzza, le protezion le mossa ester fate co nen impat minimo sul ambient. Per chëst nveze de le sciòlite galerie, vignarà fat elemenc a sbalz, plu lesier. L é ste nveze sconsié de fè paralevine ( come chi ntra Rèba e Vèrda n.d.r. ) perciéche chële pale soura la strada i é massa ërte”. L proget l é ste laorè fòra dai ufizi tecnizi de Palaz Piloni. Ades, davò l’aprovazion de la jonta, se jiarà nnavánt col proget definitif e escutif, ulàche sarà definì meio ence coche vignarà fate le galerie, che le sarà ndut cinch o siech, dai 150 ai 250 metri l’una. I laour i vignarà portèi nnavánt ncin al viade su indicazion de l’Arpav, a scomencé dai tòc plu pericolousc. (ls)

soluzion l’é chëla de fè n sotpass a Pont de Vauz, ence se chëst l no porta l “bip” del skipass. A mio modo de vedei l assa da l fè l Comun e se acordé che siebe le doi sozieté al paié mez per una.

La respòsta de la Pordou:”I acordi i eva bele stèi touc nlouta” “L é dërt ciarì” disc Diego Cazzaniga, “che l recors l no contesta la nuova segiovia “Carpazza”, ma l studio nvié via che l vòl pariglé nòst proget per na segiovia che passa soura la strada fòra, che respeteia i regolamenc n vigor, con chi

prejentèi da la Sofma che, ades come ades, i no respeta le legi n vigor. La contradizion la ven fòra ncora deplù nte l’afermazion del diretor de la Sofma Santin, cánche l disc che la meio soluzion l’é chëla den sotpass. Percié nlouta la Sofma ala prejenté n proget de na segiovia n concorenza co la nòsta e no nveze chël per n sotpas? L é dërt ciarì ncora na outa, che co la segiovia che assa da passé soura la strada de Pordou fòra, la Pordoi la no rua nte la śòna de Chël Vësco, ma demé ulàche peia via la pista “Alpenrose” ( fata da la Pordoi nstëssa ntel 1981 ). E la dessa coscita ence la poscibilité de podei prò a la pista Salere. Da plu de 30 agn porton i schiadous de la Sellaronda su le piste de la Sofma senza fè dann, ma plutost benefizi e se dáida ence coscita l’economia de la val. I acordi ntra la vegla jent da mont, Luigi Gorga ( ex prescident Sofma, rechia ) e Albino Dauru ( atual prescident de la Pordoi ), i ava fin da nlouta ciarì chi che assa ciapé na soluzion al atraversament e i investimenc de la Podoi sul luoch, mèi contestèi da degugn, i é la prova. No fajonse de marevoia spò che se desmentie ence che proprio d’auton del 2009 la Pordoi l’ava lascé ntëne a la Sofma de avei intenzion de fè su chëla segiovia. Chël che Santin l à nié, deplen decontra a chël che l é suzedù.” (ls)

Lejende e storie puoch cugnisciude de le Dolomiti N nuof liber de Dino Dibona Publicazions - Davò avei, ence con suoi scric, bonderné, ( se fèsc per di, conscideré che l ven nciarié da enc nazionai e internazionai de fè studi de gran mportánza ) da l’Albania al Ecuador, Dino Dibona l tourna a scrive scrive storie de le mont che plu cugnësc e che plu l amireia e l vòl ben: le sue Dolomit. L lo fèsc con suo ultimo liber “Leggende e storie insolite delle Dolomiti.” Sottitol: “tra realtà e fantasia. Un viaggio indimenticabile nel magico scenario delle montagne più belle del mondo.” Se trata de dejenuof storie, ulàche i protagonisć l é ciastiei, bòsć, pasture, personagi chèri, ambientade ntra le mont plu bele, deventade da puoch patrimone del Unesco. Storie ulaché realtè e fantajia le se ncroja a formé na tëla, che demé n tescère de gran braura ntel conté, coche l é Dino, plena dei colour, del mistero e de la sugestion de le mont. L telé de ogni storia l é n fat suzedù del bon, che l letor plu atento po’ ence recugnësce saurì. Coscita come i personagi, ence se ntel liber i ciapa de autri inoms e ven demé n pèrt reporté l destin che i à bu. L medemo l é per i inoms dei luosc, n gran pèrt oramèi desmentièi e che demè forsci le persone plu de temp, chële de Dino damana fòra e no pièrt ocajion per nrescì vèlch, i se recòrda. Ma dintournvia, l autor

La cuartela del ultimo liber de Dino Dibona.

l i é viest n guánt de fantajia, fat de vizende vivëste da dël nstëss, ricordi e imaginazion che porta l letor nten viade virtual ntra val e mont coche nou n’é de autre sun sto mondo. La narazion de Dino la cor via plajëola ence cánche l se ferma con discrezion a conté chèlche particolar del ambient ulàche vif la storia, che mpermët a chi che liec de se sentì ilò ntamez, cuaji protagonisć senza podei ester vedus, auna a Dino. L’ambientazion, valgugn inoms de persone o luosc i podarà ester recugniscius saurì da valgugn. Chël che no i se spetarà e i fajarà resté de marevoia sarà la storia che l autor è ste bon de se pensé, ben autramente da chëla che savón, on sentù o ence demé son bogn de imaginé. Nte dut sto scenar fantastich, ence Fodom l à sua lèrch e luoga da co- protagonist con doi storie “Nane del Turco” e “La Lors” che Dino à sentù conté da Ornela via. Curiousc? (ls)


nr. 07 / 18 de fauré 2011

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

Anpezo

Fregores

Pelegris in Anpezo

Alcuanta noes in curto, da ‘l paes e da fora

In portiscion fin a Gnoche, par preà ra Madona de Lourdes

El libro par ra Madona I é ruade in portiscion, fin su da ra jeja de ra Madona de Lourdes, co ra crosc daante, co ‘l pree a preà e a ciantà. El bon azeto i ‘l à abù da indalonśe, co ‘l sonà de ra cianpanes, de chi doi cianpanis, pize, che ‘l é su ra fazada de ra jeja, fata su da ra devozion de i anpezane, śa zento ane. I pelegris de ra Val de ra Boite, pi che see de i doi paes de San Vido e de Borcia, co ‘l so pioan don Riccardo Parissenti, i é vegnude anche ‘sto an, a preà ra Madona, cemodo che i fesc da alcuante ane. Su ‘l sagrà de ra jeja i à ciatà Lorenzo Menardi Diornista, el gastaldo de ra confraternita, che i spetaa. Calchedun, pi inaante co i anes, el no n’é śù adora a ruà a pe, su par ra erta de Ria de Zeto, ma ‘l é ruà co ‘l automobile, fin daante a ra jeja. I anes pasade, ra portiscion i ra fajea ai 11 de febraro, el di de ra Madona de Lourdes; ‘sto an i à vorù ra fei de ‘l domegna, alolo dapò, ai 13 de febraro, con chera

I pelegris ruade da ‘l Cadore, daante a ra jeja de ra Madona, a Gnoche.

de aé pi śente, ma i é stade isteso de poche, i pelegris, supośò de vinte. Dinultima, fenì de preà, de

ciantà vèspin, ‘l é stà par dute un goto cioudo e algo de dolze, in bona armonia.

Rua Carnaal Ra tradizion de Anpezo, intrà sport e teatro, nafré dasen, nafré par smatiśà. Ignante su i schie da fondo, dapò su i ciares

I atletes de i Sestiere de Anpezo, par el Palio, co i schie da fondo.

I Sestiere de Anpezo i é drio a lourà, de di e di note, par se parecià polito, che el Carnaal ‘l é pede, alolo inpó el cianton. Chesto an ‘l é stà da spetà nafré depì, parcé che ra Pasca ra toma outa, deboto a ra fin de aprile, ai 24, e coscita anche el Carnaal el rua pi tardio. Par ra śente de Anpezo, par ra nostra tradizios, ‘l é da spetà domegna ai 6 de marzo. Chel di se podarà vede

i atletes su i schie da fondo, su ‘l gnee, par ra nostra Corsa de i Sestiere, ra gara che ra và inaante da ‘l mes de febraro de ‘l 1936, da setantazinche ane: co ra gucia de ogni color, i preme, i fraca, i sfiadazea, par ruà ignante de chi outre, par ese pi svelte. Ancuoi son ruade a aé tre gares: chera de i pizete, dapò chera de ra femenes, dinultima chera de i ome. Su ra

ares, cuertes de gnee, sote el Picheto, sarà chi da Alverà, a craià par i dà el còndar a i atletes co ra gucia verde, chi da Azon che i proarà a bete su i schie duta ra scuadres, che ocore, co ra gucia rosa. E ‘pò Ciadin co ‘l roś, Ciae co ‘l śal ocra, Cortina co ‘l zeleste e Śuel co ‘l śal. Se i atletes i sciouda ra janbes e i braze, ‘l é anche i atore, che i se parecia, co ra vosc, par portà su i ciares nafré de teatro. Alolo dapò de ra gares de schie, se sà, de ‘l dapò disnà de ‘l domegna, dute inze piaza, ignante par vede i atletes, co ra Banda, ruà sote el padeon, a ciapà el so premio. E ‘pò ‘l é i ciares, fate da i Sestiere, doi a doi, par smatiśà, Alverà e Azon, Ciadin e Ciae, Cortina e Śuel, con tre teatre, par ladin anpezan, nafré da ride, nafré da pensà sora. Par i tre ciares, ci che no và adora a i vede de ‘l domegna, el pó spetà un pei de dis e s’i gode de ‘l dapò disnà de Martes Gras, ai 8 de marzo. Dapò sarà el di de ‘l zendre, de ra Careśema, dapò de ‘l Carnaal.

De ‘l 2012 se fajarà gran festa, in Anpezo, par i siezento ane de ra devozion a ra Madona de ra Difesa, par recordà chel che sarae suzedù de jenaro de ‘l 1412, canche ‘l ea drio a ruà i melitare de Sigismondo. A parecià chesta festes, sarà i frates de el santuario. Par el paes sarà outre laore, par recordà chel fato. Intrà duto el resto, un libro, vorù da r’Union de i Ladis de Anpezo, su ra storia de chera jeja. A fei el laoro sarà el profesor Paolo Giacomel, par el scrito, e Stefano Zardini Foloin par ra fotografies. Par mostrà pi che se pó, de ra devozion che ‘l é par el paes, par ra Madona, s’i domanda a dute, de lascià fotografà statues, depente, medaies, duto chel che ‘l é, su ra Madona de ra Difesa. E se sà che, in Anpezo, chesta ‘l é ra devozion che ra śente ra sente depì. Se pó ciamà Stefin Foloin, al numero 0436 2930. Duto chel che se inpresta, el vien fotografà e rendù in śornada. Se inveze calchedun aese scrite, orazios, poesies o cisà ce, de cartes, su ra jeja e su ra Madona, el pó ciamà el profesor Giacomel o r’Union de i Ladis de Anpezo 0436 868615. Gramarzé ben, fin da ades, a ci che dajarà ‘na man.

Fiorello par r’agajon de el Veneto Da dasera, de śoiba 24 de febraro, dares 20.30, se podarà śì a vede Fiorello, a ciantà, balà, smatiśà, fei jeste, su ‘l palco de ‘l Alexander Girardi. El ‘l à azetà de vegnì in Anpezo, senza domandà nuia, par deban: duto chel che se podarà strutà su, donca, el sarà dorà par i dià ‘na man a chera por śente, che r’à pardù duto, par r’agajon, ‘l an pasà d’outon, inze tropa provinzies de el Veneto. Par chesto, el prezio ‘l é pitosc outo: 90 euro a peron. Con pi de siezento poste, da se scentà śo, sarae da strutà calche bon sodo. Da ‘l Comun de Anpezo, che ‘l à vorù fei chesto jesto, rua un gramarzé ben a Fiorello, par aé azetà, par s’aé mostrà una parsona de cuor, ignante de ese un òn de spetacolo. Se pó se cronpà i biliete inze ‘l Info Point, su ‘l cianton de el Comun Vecio, viśavì ‘l Hotel de la Poste, daerto da lunes a sabeda, dares 9 a res 13 e da res 14 a res 20; del domegna 10-13 e 14.30-20. Ci che no podese pasà, el pó ciamà el 0436/869086 e pagà con bonifico o vaglia on line.

Garmisch 2011 par Cortina 2017

I atore su i ciares, a fei teatro, par ladin anpezan, par smatiśà co ra nostra śente e co i foreste.

Alcuante dis a Garmisch, in Baviera, par chi de Cortina 2017, che i laora par vede de portà i Mondiali de schie in Anpezo, chel an. Ignante ‘l é stà fora par i todesche el capocomun Andrea Franceschi, che ‘l é presidente de el comitato Cortina 2017. Dapò ‘l é stà un grun de chi śoen, che i laora drio el projeto. Pi che see, i é śude a vede, a inparà da chi outre, cemodo fei. I à abù un bon azeto, i à podù śironà, vardà, inparà, soralduto martes ai

15 de febraro, el di che i no fajea gares e dute i ea nafré pi chiete. Par alcuanta robes, in Anpezo, ‘l é poco o nuia da inparà: basta pensà a ce polito che se parecia ra gares de Copa del mondo, ogni an. Par algo de outro, inveze, ‘l é ancora tropo da fei, inze ‘l paes, par sperà de ciapà i Mondiali. Par alcuanta seres, ‘l é stà dà fora algo de bon, da papuzà e da bee, de ra tradizion enograstronomica de ra Rejon Veneto, par i dà un bon azeto a ra śente, sote el gnon de Cortina 2017. Par in saé depì, par vede chel che i fesc, chiste de el comitato, se pó anche śì a vede ra so pajina, che i à daerto su Facebook.

Un outro premio par ra nostra schirates I Scoiattoli de Anpezo i à un outro premio, da bete fora in mostron: i ‘l à ciapà ra setemana pasada a Bergamo, da ‘l Orobie film festival. Da chel che r’à scrito ra juria, se lieśe che ‘l é stà dà “per la passione con cui, dal 1939, gli Scoiattoli hanno curato iniziative e pubblicazioni a favore della cultura dell’alpinismo, per la promozione della storia e del loro territorio, ovvero Cortina d’Ampezzo e le Dolomiti”. A Bergamo, par ciapà chesto premio Montagna Viva, ‘l ea śù via Carlo Gandini, Marco Ghedina Tomasc, Mario Lacedelli de Mente e Alessandro Menardi Grosfouro, a bete aduna nafré ra storia de chesto grupo, nasciù el 1 de luio de ‘l 1939. Par chesta ocajion, ‘l é stà mostrà el film “Rosso 70”, che ‘l é stà fato par i setanta ane de el grupo. I prime setanta.

A ra caza, da nonanta ane Domegna ai 20 de febraro, ra Riserva de caza de Anpezo ra fesc festa, par i so nonanta ane. Se se ciata, dares 11.20 da bonora, inze ra jeja de ra Madona, par ‘na mesa, in onor de St.Hubertus, patrono de i cazadore. Dapò sarà un bon disnà, dute aduna, in bona armonia, par ci che ‘l é invidà. A parecià chesta festa ‘l é i sozie de ra Riserva, che r’à par presidente Adriano Verocai Daloio.

Toni Tamai I ‘l à seporì a Udin, el, che ‘l ea furlan: Antonio “Toni” Tamai ‘l ea nasciù a Maniago de ‘l 1928, ‘l aea abù el Banco Tamai de Spilimbergo, dapò deentà Banco de Roma, dinultima Banco Popolare, ‘l aea ciaśa intrà Anpezo e el Friul. Inze ‘l nosc paes ‘l ea un de i sozie pi grei de ra sozietà Faloria. Da un grun de ane ‘l ea vize presidente; fin de ‘l 2003 ‘l aea abù chesto braghier aduna con Eugenio Monti. Enogastonomo, ‘l ea sozio de ra Accademia italiana della cucina e ‘l ea stà un de chi a voré fei nasce VinoVip. Amigo da anes e anorum de ra Frecce Tricolori, che ‘s à ‘l aeroporto pede ciaśa de Tamai, a Rivolto, ‘l aea senpre dà un bon azeto a i pilotes de ra patuglia taliana, in Faloria, par un bon disnà, ‘na ota a ‘l an. www.lauscdiladins.com

31


Anpezo

nr. 07 / 18 de fauré 2011

Un referendum contra chel outro Podon scotà ra doa cianpanes, su ra medema cuestion, nasciuda dapò che ‘l é stà domandà de fei pasà duta ra provinzia de Belun da ra Rejon Veneto, sote el Trentin – Sudtirol. El comitato de el referendum ladin de ‘l 2007 el domanda de scotà depì, ce che r’à domandà ra śente de Anpezo, Col e Fodom. Ra doa vojes, de doi anpezane

Ra festa par el referendum de Anpezo, Col e Fodom, de otobre de ‘l 2007; da inalora poco, e poche, s’à moesc.

Siro Bigontina par el referendum “El referendum betù a śì da ra Provinzia de Belun no n’é el nosc, e coscita s’in stajon ben indalonśe”. El no n’à dorà meśa paroles, ‘l anpezan Siro Bigontina Titoto, canche ‘l à parlà de chesto noo referendum, che ‘l arae da tramudà duta ra nostra provinzia sote ra Rejon Trentin Südtirol. Pi che see, Bigontina ‘l à vorù recordà ce che ‘l é stà el referendum de ‘l otobre de ‘l 2007, par i tre comune ladis de Anpezo, Col e Fodom. “El nosc referendum ‘l é algo de diverso, da chel de ra Provinzia de Belun, anche se su ra scheda se

podarà lieśe supośò ra medema paroles. Chel che m’à prento nośoutre a fei el referendum, el vien da ra storia, da ra fin de ra Prima guera inaante, e ‘l é là duta ra cartes, da podé studià. Chel che nośoutre voron, che domandon, ‘l é de tornà aduna con chi outre Ladis de el Sela, parcé che son stade spartide, alolo dapò de ra Prima guera, e betude sote Belun, contra chel che domandaon”. Dapò Bigontina el disc ra soa, su chesto outro referendum, che se sente da alcuante mesc: “Me somea un paciugo: se domanda de pasà sote el Trentin Südtirol, de se destacà da ‘l Veneto ma, inze ‘l medemo tenpo, mancia

ra motivazios, par duto chesto, e el zitadin, ciamà a votà, pó ben ese che el no sepe ce fei o che el se sente strascignà de dute i veres, da de outre”. Dinultima, el coordinator de el referendum de el 2007, el domanda algo par ra so śente: “Nośoutre i domandon a ‘l consilio de ra Provinzia de Belun che, cemodo che ‘l é drio a rispetà chel che i domanda chesta śente, de chesto noo referendum, de prozede in prescia, de se sentreà, el feje conpain par nośoutre, el see outrotanto svelto par i tre comune de Anpezo, Col e Fodom, agnó che, co ‘l referendum de i 28 e 29 de otobre 2007, i zitadis i à domandà, co ‘l 78.87% de vote a favor, de tornà inze ‘l Südtirol. Se ades ‘l é duta ra provinzia, a voré pasà co ra Rejon Trentino Alto Adige, a nośoutre me inporta gran poco, parcé che nośoutre voron tornà co ra Provinzia de Bolzan. Da ‘l nosc referendum ‘l é pasà tre ane, e duta ra istituzios ‘s é stades masa cetes: ades i domandon che, anche par nośoutre, par ra nostra śente, see ra risposta conpagnes, cemodo che i é stà dà a chi de el referendum da Sappada”.

Stefano Ghezze par ra Provinzia de Belun Poche dis dapò, ‘l é stà un outro anpezan, a dì ra soa, su chesta storia: ‘l é stà Stefano Ghezze Ghezo, presidente de el consilio de ra Provinzia de Belun, che i à respondù a Siro Titoto.

“Inze ‘l articol 132, comma II de ra Costituzion taliana, ‘l é scrito inze “si può, con l’approvazione della maggioranza delle popolazioni della Provincia o delle Province interessate e del Comune o dei Comuni interessati espressa mediante referendum e con legge della Repubblica, sentiti i Consigli regionali, consentire che Province e Comuni, che ne facciano richiesta, siano staccati da una Regione e aggregati ad un’altra”. Par chesto, s’i disc a i Comune e a ra Provinzies che i pó fei un referendum, par se destacà da ra rejon agnó che i é e par pasà a un ‘outra. De seguro, ‘s é fortes, ra motivazios che ‘s à prento el comitato de ‘l referendum par ra Ladinia unida a domandà a i tre comune de fei el referendum par pasà sote el Trentin Sudtirol, e se pó res leà a ra storia, a ra cultura, a ‘l teritorio. Ma beśen śontà pede che ra rajos de chi 17.500 zitadis che à betù ra so firma ades, par chesto outro referendum, ‘s é outrotanto fortes, parcé che es nasce da ‘l biśoin de ra śente sote Belun, che ra vorarae aé, par ra so tèra, i medeme derite che ‘s à ra rejos a statuto speciale. Chel che ‘l é inze ra delibera de el nosc consilio ‘l é dito polito, cemodo che ‘l é stà scrito polito chel che se vó i domandà a ra śente, su ra scheda, che ades r‘é ruada a ra Corte de Casazione, parcé che ra varde drio: “Volete che il territorio della Provincia di Belluno sia separato dalla Regione Veneto, per entrare a far parte integrante della Regione Trentino-Alto Adige?”

Negun paciugo, donca, e nuia confujion. S’à fato chel che ‘l é scrito inze ra Costituzion e inze ra lejes che i và drio. No n’é da se fei de mereea se ra Provinzia, che r’à da portà inaante el referendum, r’é drio a se dà da fei, par fei scotà chel che i domanda i zitadis de duta ra provinzia, drio ‘l articolo 132, comma II, de ra Costituzion taliana”. Canche s’i domanda a ‘l consilio de ra Provinzia de se dà da fei, par ra śente da Anpezo, Col e Fodom, parcé che viene fato chel che i à domandà, co ‘l referendum, śa tre ane, Stefano Ghezo el responde: “Ra leje ra disc che, su chel che ‘l é stà domandà co ‘l referendum, ‘l à da ese el Parlamento talian a dì ra soa, dapò de aé sentù i consilie de ra doa rejos interesades. Ra Provinzia ra no n’à donca nuia da fei”. Dinultima Stefano Ghezo el responde a Siro Titoto: “Dapò chel che vos aé dito, ‘l é de iusto che io responde, da òn e da presidente de el consilio, vorù da ra śente de ra provinzia de Belun: chesto consilio el no fesc paciughe, cemodo che vos aé dito, ma el laora polito, meo che el pó, par ‘l interese de duta ra popolazion de ra provinzia e drio chel che disc ra lejes. Son parsuaśo che par chesto consilio see da aé el medemo rispeto che el consilio ‘l à par duta ra nostra śente, agnó che ‘l é inze anche chi de el vosc referendum”. Marco Dibona Moro

El cuor de ra Dolomites Par San Valentin, par ci che se vó ben, par i noize, par ‘l amor de dute. E nafré anche par el turismo

El gran cuor de gnee, su ra pista Olinpia, in Tofana, daante a ra val e a ra crodes de Anpezo.

Un gran cuor, ros de sora, con alcuante cuscis, biei trende, fato su co ‘l gnee, alolo sote el refujo Duca d’Aosta, in Tofana. Un goto da bee, algo da pelucà, algo de dolze, una fotografia, inbrazorade, un pede ‘l outro, una busciada: ‘l é stà duto chesto, ai 14 de febraro,

32

www.lauscdiladins.com

su ‘l gnee de ra pista Olimpia, par San Valentin, el patrono de ‘l amor. “Chel che ón parecià, aduna co ra sozietà de inpiante Ista, ‘l é stà propio algo de bel, e duta ra śente r’à abù acaro de chel che r’à ciatà ” – el me disc Giovanni Alverà, el presidente de ra Scora de schie e

de brea Cortina, ra pi vecia, ra pi granda de ‘l paes. Nuia in duto, se podarae dì, de chesto laoro, ma coscita un bel: co ‘l gnee i à fato su un gran cuor, propio agnó che ‘l é chel piol, che se vede fora duta ra val, duta ra crodes de Anpezo; śo par pede ‘l ea un banco, anche chel fato de gnee, con alcuanta bozes, algo de bon da tuoi su, algo de dolze. Se scotaa nafré de musica, de chera da noize, dolze anche chera. A ra femenes, ignante che es s’in śise, i donaa un ciocolatin, anche chel ros, un cuor. Algo par ‘l amor, algo par i foreste che rua ca, algo par el turismo. “Con chesta idea s’à vorù fei festa, nafré outramente da ‘l solito, par ‘na śornada che par solito ra resta nafré inze un cianton, desmenteada, pi che see da ra istituzios – el śonta pede Luca Caproni, che ‘l é diretor de ra scora de schie e de brea – e coscita nośoutre ón pensà che ‘l ea bel se recordà de ‘l amor, anche su ra pistes da schie”. A i domandà algo a ra śente che se fermaa, se sentia che i ea dute parsuaśe: i noize pi śoen, ma anche

chi maridade, mangare da un grun de ane. Par i maestre de schie, par chi de i inpiante, ‘l é stà algo de noo, da i sporśe a ra śente, a i foreste. E ades se varda inaante, vesc el Carnaal, che ‘l é beleche inpó el

cianton. Par Pasca, inveze, no se và adora: ‘sto an r’é masa outa, ra rua ai 24 de aprile, deboto de maśo, canche ra śente ra no se pensa pi de i schie, de ‘l gnee, de ‘l fiedo, ma ra varda a ‘l cioudo, a ‘l lido, a ‘l mar.

I noize i s’à scentà śo, i s’à inbrazorà e buscià, i s’à tolesc algo de dolze, i s’à portà via un recordo de ra nostra crodes.


Sport

nr. 07 / 18 de fauré 2011

Njeniedes per i campiunac dl mond

L sarà rie defënder l titul

Bedaia de bront per Elena Runggaldier tl Continental Cup ai 13 de fauré a Zakopane. Danter la primes diesc nce Evely Insam

Tl setimo di dl campiunat provinziel a scuadres, ai 5 de fauré, à la prima scuadra de Gherdëina messù ti zeder la prima pusizion ala scuadra de Gries. La segonda scuadra dl Gherdëina à valivà ora y la terza scuadra à finà si campiunat se tlassifican otava

Saut schi/ëiles - I campiunac dl mond dla disciplines nordiches scumencerà chëst’ena che vën ai 24 de fauré y la atletes de Gherdëina desmostra che nce ëiles ie for plu n forma. Do l plazamënt sun podest de Lisa Demetz ie ntan chësc ultim fin dl’ena Elena Runggaldier stata bona de arjonjer doi de biei plazamënc sun l saut Srednia Krokiew (HS 94) de Zakopane, ruvan n iede otava y vencian l di do la bedaia de bront. ”La me buta for deplù y nsci crësc nce la segurëza te mé nstëssa”, miena Elena ”y chël fej danz bon śën che ruvon for plu daujin ai mundiei de Oslo”, che ie drët cuntënta de coche la ie jita tla cumpetizions tla Polonia. Nce Evelyn Insam ie stata bona de fé de bon sauc ruvan la sada 11ejima y se miuran l di do de trëi plazamënc ruvan 8. L saut de Zakopane semea fat per ëila, bele l ann passà òvela arjont tlo doi iedesc n plazamënt danter la primes diesc. Manco butà ti àla chëst iede a Lisa Demetz che fova n sada 11ejima do l prim saut, riesc do Evelyn y dan Elena, ma l segondo

saut ne ti ie nia garatà coche la ëssa ulù y ie ruveda ala fin 17ejim y l di do 18ejima. Coche l trainadëur Ebenhoch à auzà ora fóssel nce per Roberta D’Agostina deplù laite. Ëila à te chësta doi garejedes arjont n 23ejim y n 17ejim post. Na gran legrëza à nce abù la plu jëuna dla Elena Runggaldier (3.) y Evelyn Insam (8.) ie s c u adra , Veronic a states la miëures dla scuadra taliana a Gianmoena. La jëuna de Zakopane. 15 ani ie n dumënia per l prim iede stata bona de se cualifiché tla garejeda de n sada. L di do, n per la segonda manche, se davanian dumënia, ne n’òvela nia fat pea. nsci i prim ponc per l Cup. L di Venciù à tramedoi iedesc la dant fòvela ruveda 36ejima. campiunëssa dl mond junior Coline Barbara Stuffer ne ti l’à iust nia Mattel dan a Sara Takanashi dl fata a se cualifiché per la segonda Iapan. manche, ruvan 32ejima y Nadine Kostner 39. Tramedoves se à miurà La scuadra taliana de saut ie mo tla garejeda dl di do, purempò ne resteda n valgun dis a Zakopane n’àl nia bastà per se cualifiché per per i alenamënc. Barbara y Nadine la segonda manche. sarà leprò ntan chësc fin dl’ena pra Per l prim iede te chësta sajon l Continental Cup a Ramsau ntan ne n’ie la austriaca Iraschko nia che Elena, Evelyn, Lisa y Roberta ruveda sun podest. La fova tumeda julerà n lunesc ai 21 de fauré a Oslo tl training, ova lascià ora l saut de per fé pea pra i Campiunac dl proa y ie ala fin mpo mo ruveda 5 Mond.

Or, arjënt y bront Pra i Campiunac taliani de cumbinazion nordica, stac n mierculdi ai 9 de fauré a Pardac tla Val de Flëm se à i trëi atlec de Gherdëina Samuel Costa, Mattia Runggaldier y Manuel Maierhofer assegurà l post sun l podest tla categuria junior

Samuel Costa, or.

Mattia Runggaldier, arjënt.

Manuel Maierhofer, bront.

Cumbinazion nordica - Sun l saut HS 106 de Pardac y 10 km de pudejé pra l lech de Tieser (Tesero) se à i atlec taliani muserà per l campiunat naziunel assolut y dla categuria junior. Venciù à coche n se l aspitova Alessandro Pittin, che à cun na lunghëza de 96,5 metri fat l miëur saut y nce tl pudejé l miëur tëmp dl di. Drët bën à fat i atlec de Gherdëina che à venciù la trëi bedaies tla categuria junior y per la categuria assoluta ne n’àl iust nia bastà per l podest. Samuel Costa ie deventà campion talian junior: cun n saut de 91,5 metri (106 ponc) – miëur saut di juniores a pèr cun Daniele Varesco – y l segondo tëmp tl pudejé, se àl assegurà la bedaia d’or y la rejon de jì pea a Oslo per i Campiunac dl Mond. Segondo post y nsci bedaia d’arjënt per Mattia Runggaldier cun n saut de 85 metri (90 ponc), che fova l sesto plazamënt y pona l miëur tëmp de pudejé for di juniores.

Manuel Maierhofer se à cun n saut de 88,5 metri (98 ponc y 4. post do l saut) y l terzo tëmp tl pudejé merità la bedaia de bront. Chisc trëi atlec udons tla tlassifica assoluta respetivamënter al 4., 5. y 6. post. Pra i campiunac taliani àl nce fat pea i atlec plu jëuni de Gherdëina Bauer Christian che ie sautà 78 m y se à trat inant do l pudejé dal 10. al 6. post. Alex Tarquini fova cun n saut de 79,5 metri al 8. post y ie ala fin ruvà 9. Nia leprò ne fova chëst iede i doi atlec dla cumbinazion nordica Lukas Runggaldier y Armin Bauer. Tramedoi à problems de sanità, un a n jenodl y l auter se ova ntan n alenamënt fat mel a n brac. Perchël àn fat ora de i lascé paussé ntant acioche i sibe varii per l gran avenimënt de Oslo. Samuel Costa se à cun l bon plazamënt pra i campiunac taliani y i resultac pra la doi garejedes de Continental Cup a Eisenerz tl’Austria davanià l post che fova

mo da d’avëi per jì cun la naziunela taliana a Oslo. I atlec che fajerà pert dla scuadra taliana de cumbinazion nordica per i Campiunac dl Mond ie nsci: Bauer Armin, Costa Samuel, Michielli Giuseppe, Pittin Alessandro y Runggaldier Lukas. Mattia Runggaldier ne puderà purtruep nia jì pea, ma l vën tenì sciche resserva sce n cajo che un l auter ëssa da tumé ora. Per la tlassifica di campiunac taliani assoluc repurtons tlo i resultac di prims trëi y i plazamënc di atlec de Gherdëina: 1. Alessandro Pittin (Fiamme Gialle) 23’46”6; 2. Giuseppe Michielli (Fiamme Oro) 24’22”8; 3. Felix Peselj (US Aldo Moro) 26’07”0; 4. Samuel Costa (SCG) 26’21”7; 5. Mattia Runggaldier (Fiamme Gialle) 26’32”6; 6. Manuel Maierhofer (SCG) 27’14”3; 9. Christian Bauer (SCG) 29’47”7; 12. Alex Tarquini (SCG).

Schach - Serie A: Cun la furmazion da for se à la prima scuadra dla Lia Schach Gherdëina prejentà a Bulsan contra l Gries per defënder la prima pusizion tla tlassifica. L Gries, coche n savova, ie na furmazion sterscia dantaldut sun la ultima mëises. L tleca lecurdé che la sesta mëisa dl Gries, Massimo Zammarchi, ova bele jugà sun la prima mëisa! L Gherdëina, y chësc dijova la statistica, ova nchinamò jugà 15 iedesc cun l Gries, vencian bën 14 iedesc y valivan ora mé un n iede. Perchël se aspitova duc inò na vënta dl Gherdëina. Jita iela pona autramënter. Do che i patrons de cësa fova jic danora per un a nia, ova l Gherdëina mudà la situazion cun la vëntes de Stefan Moroder y Rainer Demetz, ma puech do ova l Gries metù su l 2 a 2. L restova mo la partides sun prima y sun cuinta mëisa y n pudova speré che l sautëssa mo ora n pont y mez o almanco un n pont. I jugadëures dl Gries, i fredesc Max de 15 ani y Andre Spornberger de 11 ani, à pona tenì permez y ala fin salvà na remis sun prima mëisa cun Ruben Bernardi y monce venciù la partida sun cuinta mëisa, ti seguran nscila per l prim iede tla storia la vënta al Gries sun l Gherdëina per 3,5 a 2,5. La delujion fova danz da palpé per i ladins, davia che l manciova propi puech per tré decà l’ancunteda da si pert. A chësta maniera àn perdù nce la prima pusizion te tlassifica, te chëla che l ie śën l Gries cun 12 ponc, dan l Richter/Lask cun 11 y l Gherdëina cun 10 ponc. La speranza de vester boni de defënder l titul se à nsci smendrà dassënn y n arà da cialé de mantenì almanco n plazamënt sun l podest. Serie B: La segonda scuadra dl Gherdëina à purtà a cësa inò n pareje, chëst iede arjont oradecà cun l Wipptal. Do la vënta de Richard Moroder à Herbert Grossrubatscher, Klaus Knottner y Bruno Goller fat remis, seguran

Nadia Kasslatter.

nscila n 2,5 a 2,5. L Gherdëina II resta al otavo post cun 6 ponc. Tla 4 ancuntedes che vën messeràn cialé de schivé de tumé ju tla serie C. Serie C: L setimo di fova nce l ultimo tl campiunat dla serie C. L senior dla Lia Schach Gherdëina, Rifat Kazazi, à inò venciù si partida y la capitana Christine Kasslatter à fat remis, cun l resultat finel de 3,5 a 1,5 per l Stanecia II. Scebën che ala fin ie l Gherdëina III ruvà otavo cun 3 ponc, a pèr cun l setimo l Deutschnofen II, à chindesc cumëmbri dla Lia pudù fé de bona esperienzes y dut lascia speré che l bon fonz posse purté si fruc tl daunì!

Campiunac provinziei di jëuni U12 y U10 n dumënia ai 13 de fauré a Deutschnofen Tla categuria sot a 12 ani àl fat pea dla Lia Schach Gherdëina Matthias Kasslatter y Gabriel Prinoth. Matthias ie ruvà nono cun 2,5 ponc y Gabriel dodescejim cun 2 ponc. Tla categuria sot a 10 ani se à Nadia Kasslatter fat sia la bedaia d’arjënt, ruvan segonda cun 3 ponc. L ann dant ova Nadia venciù tla categuria sot a 8 ani y à śën bele venciù doi bedaies pra campiunac di jëuni. De ndut fova chësta la bedaia numer 54 che i jugadëures jëuni dla Lia Schach Gherdëina à purtà a cësa.

7. di de campiunat ai 5 de fauré 2011 Gries Bulsan I 3½ : 2½ Gherdëina I 1 Spornberger Maximilian ½ : ½ Bernardi Ruben 2 Prosser Fritz 0:1 Demetz Rainer 3 Paulmichl Martin 0:1 Moroder Stephan 4 Niederstätter Harald 1:0 Moroder Thomas 5 Spornberger Andre 1:0 Grossi Christian 6 Zammarchi Massimo 1:0 Prinoth Franz Wipptal Schach 2½ : 2½ Gherdëina II 1 De Bettin Sergio ½ : ½ Grossrubatscher Herbert 2 Sparber Werner :0 Grossrubatscher Johann 3 Keim Werner ½ : ½ Knottner Klaus 4 Giorgione Roberto ½ : ½ Goller Bruno 5 Prota Eduard 0:1 Moroder Richard Stanecia II 3½ : 1½ Gherdëina III 1 Lantschner Carmen 0:1 Kazazi Rifat 2 Resch Aron ½ : ½ Perathoner Christine 3 Lantschner Alexander 1:0 Delago Markus 4 Schroffenegger Franz 1:0 Kasslatter Matthias 5 Rier Hartmann 1:0 Demetz Günther

www.lauscdiladins.com

33


Sport

nr. 07 / 18 de fauré 2011

Le derby ladin ti va al Mareo

Al terzo post Na vënta mpurtanta per l St. Georgen n merdi sëira ai 8 de fauré contra l Passeier Chidlé/Serie A - L juech contra l Passeier fova per tramedoi scuadres n juech de mpurtanza ajache l Passeier fova te tlassifica al terzo post cun mé un n pont dan al St. Georgen. Na piersa ëssa destacà l Passeier de trëi ponc, che ne fossa belau nia plu mesun jì a se tò. Cun na vënta ruvova l St. Georgen de un n pont dan l Passeier al terzo post. Nsci a chësc juech scumencià drët bën per i pustri, vencian cun i prim doi jugadëures Joe Sieder 605 a 577 y Erwin Laimer 597 a 571. L Passeier à sun na tela mustrà de ne vester nia mé per cajo al terzo post y tira l juech inò da si pert vencian contra Christian Mocanu,

che à trat ju bën 618 chiedli ma l ne fova nia assé per bater i 645 dl averser, y nce Lutz Messner à messù dé ju l pont cun 586 chiedli permez ai 595 dl jugadëur daujin. Śën ti tucòvela da pert dl St. Georgen a Robert Larcher contra l miëur jugadëur dl Passeier Oswald Kofler. Chisc doi a “mé” batù ju 550 chiedli un y 564 l auter. Chisc ie resultac che n vëija dinrer pra chisc doi, ma la mpurtanza dl juech à fat nsci che i fova massa nervëusc. Andreas Bodner ala fin ie mo stat bon de la tré ca, vencian 601 a 578 y à nsci cuntribuì ala vënta dl St. Georgen. L terzo post ie nsci arjont y n cialerà de fé dl dut per no l dé inò ca. (ec)

Chidlé Val Badia - Le Mareo I se tëgn le cuarto post tla tlassifica dla seria A2 cun na devënta por 5 a 3 te ćiasa cuntra Prichsna, i secundi tla tlassifica. La scuadra dles ëres dl Mareo s’à assigurè te ćiasa na devënta tlera por 6 a 0 cuntra Fugger II y combat inant por le titul da campionësses tla seria B feminila.

Seria A 2-ost

Erwin Laimer dl club de chidlé de St. Georgen.

La va su y ju Nia for ne bùtela n cësa: ntan che l Gherdëina 1 pierd si partida n cësa contra l Turesc, vënc l Gherdëina 2 n cësa contra l Burnech Chidlé - Do la bela vënta contra l Burnech à l Gherdëina 1 Rabanser Buandes messù inò ti la zeder al Turesc/Taufers II n cësa. La ne n’ëssa nia scumencià tan mel. I prim doi chidladëures ova valivà ora n cont di ponc y l Gherdëina ova batù ju 18 chiedli deplù. Nia massa butà ne ti àla pona ala segonda lingia, che à messù ti lascé i doi ponc batan ju 54 chiedli de manco. La terza lingia fova inò plu valiva, purempò ne n’àl nia bastà per valivé ora l resultat. Sambën che cun na mesaria de 516 chiedli n cësa ne pòssen nia pertënder deplù. L miëur dl di ie stat Georg Sommavilla cun 557 chiedli batui ju.

veramënter stat deguna gran ntraunides tl juech ora che tla prima lingia di colps, ulache i chidladëures ova valivà ora cun i ponc. Da dedò à i chidladëures de Gherdëina chidlà scialdi bën, ne ti lascian deguna chance ai averseres, vencian la partida per 7:1. Tlo n iel stat doi dl Gherdëina che à batù ju l plu chiedli, avisa 542 chiedli prun: Armin Moroder y Konrad Malsiner, ma ajache Armin n à batù ju deplù a rumé ju vëniel ël cunscidrà l miëur dl di.

Serie D-nord Armin Moroder fova l miëur dl di tla partida contra l Burnech III.

Serie B-est Gherdëina - Taufers II 2:6 Resultac persunei: Georg Sommavilla 557 Werner Runggaldier 519 Guido Stuffer 517 Siegfried Prinoth 511 Helmuth Schieder 496 Thomas Demetz 496 Plu valiva iela jita a Tluses. Tlo iela jita ora 3 a 3 per i chidladëures. Te duta la trëi linges di colps à i chidladëures valivà ora i ponc. L se

tratova pona mé mo per la cumpëida di chiedli. Do la segonda lingia fova l Tluses mé de 22 chiedli danora y n pudova mo la tré decà, ma la ne à nia ulù vester. L Tluses à ala fin batù ju plu chiedli y nsci ài mo giapà i doi ponc che ti à purtà la vënta. L’ena do n vënderdi ai 11 de fauré à l Gherdëina 2 Rabanser Buandes cun na bona mesaria de 522,2 chiedli pudù festejé na bela vënta contra l ASKC Burnech III. Bën 323 chiedli à l Gherdëina 2 batù ju deplù che l Burnech. Tlo ne n’iel

Tluses - Gherdëina II 5:3 Resultac persunei: Armin Moroder 522 Hansi Demetz 502 Viktor Werdaner 498 Konrad Malsiner 494 Ewald Insam 494 Pauli Wanker 417 Gherdëina II - Burnech III 7:1 Resultac persunei: Armin Moroder 542 Konrad Malsiner 542 Viktor Verdaner 527 Manfred Wanker 522 Rainer Bernardi 509 Ewald Insam 491

Sis goi cuntra Gherdëna I jogn dl hockey badiot à davagné por 6 a 1 le derby ladin y é śëgn pröms te tlassifica Hockey Alta Badia/U13 - En sabeda ai 12 de forà à śoghé i mituns dl’Alta Badia cuntra la scuadra de Gherdëna. Tl pröm tëmp é l’Alta Badia jüda en vantaje por 1 a 0. Tl secundo tëmp é i gherdënes stà bogn da parejé, y le resultat é romagnü dî alalungia le medemo. Feter ala fin dl tëmp é spo i badioć stà bogn da segnè dui iadi, portan le resultat söl 3 a 1. Tl terzo tëmp à l’Alta Badia ćiamò segnè 3 iadi. Le resultat final é stè de 6 a 1. Sciöche an à bele odü tles ultimes partides, à i badioć segnè

34

www.lauscdiladins.com

gran pert di goi incër la fin dles partides, n sëgn de na bona preparaziun fisica portada inant tratan l’altonn. I goi é gnüs segnà da Aaron Planatscher (2), Mattia Davare, Max Schrott, Gabriel Seppi y Matthias Castlunger (düć 1). La proscima partida sarà ai 20 de forà a Toblach. L’Alta Badia é pröma te tlassifica cun 19 punć y 11 partides; al secundo post él Porsenú cun 16 punć y 12 partides; dedô vëgnel Vinschgau, Gherdëna y Toblach. (am)

Pro le derby ladin danter La Ila y Mareo II se l’à en chësc iade i maroi fata avarëi, davagnan 6 a 2 te na partida bindebò combatüda

Mareo I - Prichsna I: 5 - 3 Cuntra Prichsna, che é al secundo post tla tlassifica, à le Mareo indô desmostrè da śoghé particolarmënter bun cuntra les mius scuadres. I pröms dui di maroi à intrami batü so aversar diret y à inće trat fora n vantaje de 64 chidli pro la soma totala. Pro la secunda seria da 120 bòć à inće un dl Mareo davagné le punt y le vantaje é jü sö a 102 chidli. I ultimi dui é stà bugn da salvè 61 chidli y inće sce i ultims dui punć di confrunć direć i é jüs ai ghesć da Porsenù, à i patruns de ćiasa podü festejé la devënta por 5 a 3, arjunjan la bona media de 539,8, Le mairont dla serada é stè Lois Ellecosta cun 566 chidli. Tla tlassifica romagn le Mareo al cuarto post. Resultać personai: Lois Ellecosta, 566 Tone Call, 565 Tone Tavella, 562 Pire Rungger, 540 Matteo Ties, 516 Christian Ties, 490

Seria B-ost feminila Mareo - Fugger II: 6 - 0 Do la pordüda dl’edema passada a Fones s’à les marores atira indô refat y à batü te ćiasa Fugger II sëch por 6 a 0. Dötes cater à batü süa aversara direta y pro la soma totala di chidli à les prömes döes trat fora n vantaje de 132 chidli, che les atres döes à aumentè a 175. Cun na soma totala de 2011 chidli à les patrones de ćiasa arjunt na media de 502,8, tratan che les aversares da Sterzing â na media de 459. La miù dla partida é stada Valeria Federa cun 518 chidli. Tla tlassfica é les marores al secundo post, cun na paritda demanco co les prömes.

Stefan Fistill, presidënt dl ASKC La Ila.

chidli) davagné le punt por le Mareo cuntra Albert Tavella (529 chidli) y Fritz Planinschek (532 chidli) por La Ila cuntra Norbert Trebo (530 chidli). Pro la soma totala â chilò i maroi n vantaje de 10 chidli, che ai à aumenté a 16 pro la secunda seria da 120 bòć, olache Christian Pedratscher (512 chidli) à batü Lois Agreiter (496 chidli) y Claudio Moling (508 chidli) à fat le punt por le Mareo cuntra Stefan Fistill (486 chidli). I ultims dui di maroi é stà bugn da aumentè le vantaje pro a 86 y intrami ti é stà suraće al aversar diret: Simon Complojer (535 chidli) à davagné cuntra Gianfranco Thaler (497 chidi) y Christian Ties, che é stè le mairont dla partida cun 545 chidli, à batü Carlo Valentini (513 chidli). Tla tlassifica à le Mareo II recuperè y é śëgn al nono post, tratan che La Ila é tomà zoruch al önejim post. Resultać personai di chidladus da La Ila: Fritz Planinschek, 532 Albert Tavella, 529 Carlo Valentini, 513 Christian Pedratscher, 512 Gianfranco Thaler, 497 Stefan Fistill, 486 Resultać personai dl Mareo II: Christian Ties, 545 Lois Craffonara, 541 Simon Complojer, 535 Norbert Trebo, 530 Claudio Moling, 508 Lois Agreiter, 496

Resultać personai: Valeria Federa, 518 Gerda Complojer, 512 Gabriella Ties, 505 Margareth Complojer, 476

Seria C-nord

Aaron Planatscher à segnè dui goi.

La Ila - Mareo II: 2 - 6 Le Mareo II é indô n iade stè bun da davagné le derby cuntra La Ila, do tröc iadi che al à messü se dè sot ai badioć. Te na partida combatüda y avaliada fora ćina püch dan la fin é i maroi inultima stà bugn da s’la fà avarëi cun na media de 525,8, cuntra na media de 511,5 di chidladus da La Ila. Impröma à Lois Craffonara (541

Franz Complojer, presidënt dl ASKC Mareo.


Sport

nr. 07 / 18 de fauré 2011

Alex y Elisa pröms Le SC Ladinia Alta Badia à organisé n slalom lerch varënt por le Finstral Cup, sön la pista Bamby 2 a La Ila. Pro i iuniors davagna Alex Zingerle, pro les iuniores Elisa Crazzolara. Deplü posć da podium por i ladins TZ Schlerngebiet, 1.47,78; 2) Simon Maurberger, ASV SK Ahrntal, 1.49,26; 3) Hannes Zingerle, SC Ladinia, 1.49,62; 4) Stefan Rungger, ASC Sarntal, 1.50,32; 5) Gabriel Demetz, SC Gherdëina, 1.50,66. Iuniores: 1) Elisa Crazzolara, SC Ladinia, 1.50,54; 2) Corinne Promberger, LZ Kronplatz, 3) Camilla Semenzato, ASV Prad, 1.53,69; 4) Teresa Mahlknecht, SC Gherdëina, 1.53,73, 5) Maria Nairz, ASV TZ Gitschberg-Jochtal,

1.53,73. Aspirantes: 1) Elke Wagmeister, ASV Prad, 1.53,33; 2) Julia Rainer, ASK Schnalstal, 1.54,86; 3) Martina Hofer, LZ Kronplatz, 1.56,38; 4) Stefanie Angerer, ASV Prad, 1.56,65; 5) Johanna Steck, ASC Reschen, 1.56,73.

Scuadres 1. SC Ladinia cun Hannes Zingerle, Elisa Crazzolara, Alex

Zingerle,, 260 punć 2. LZ Kronplatz cun Martina Hofer, Manfred Kammerer, Corinne Promberger, Michaelangelo Promberger, 205 p. 3. ASV TZ Schlerngebiet cun Alex Hofer, Lea Rabensteiner, Alex Martiner, 185 p. 4. ASV Prad cun Elke Wagmeister, Julius Karner, Camilla Semenzato, 182 p. 5. SC Gherdëina cun Karin Frener, Gabriel Demetz, Teresa Mahlknecht, Bernd Spiess, 157 p.

Alex Zingerle y Elisa Crazzolara dl SC Ladinia à intrami arjunt le pröm plazamënt tles categories di iuniors.

Schi alpin - Atleć jogn nia ma de Südtirol à tut pert en sabeda dan chinescdé al slalom lerch sön la pista Bamby 2 a La Ila, metü da jì dal SC Ladinia y varënt por la Finstral Cup. La gara é gnüda tignida sön na pista dala nëi compata, cun temperatöres de 3 degrà de frëit al start y inće al travert. Davagné te ćiasa é dagnora na emoziun, y chësc ti é garatè a Hannes Zingerle y Elisa Crazzolara dl SC Ladinia, che é gnüs pröms respetivamënter tles categories di iuniors y dles iuniores. Pro i iuniors él inće da alzè fora dui d’atri podiums ladins, cun le secundo post de Florin Sorarù dl SC Ladinia y le terzo de Michaelangelo Promberger dl LZ Kronplatz. Pro les iuniores à Corinne Promberger dl LZ Kronplatz inće arjunt n bel secundo plazamënt. Tles categories di aspiranć à le

SC Ladinia arjunt le cuarto podium dl dé, cun le terzo post de Hannes Zingerle. Por le LZ Kronplatz él garatè n terzo post pro les aspirantes, cun la bona prestaziun de Martina Hofer. La cherscia söla torte por le SC Ladinia é le pröm post tla tlassifica dles scuadres cun 260 punć. Secunda la scuadra dl LZ Kronplatz cun 205 punć. (pablo)

Tlassifiches (pröms 5, tëmp total) Iuniors: 1) Alex Zingerle, SC Ladinia, 1.45,29; 2) Florin Sorarù, SC L adinia , 1.45,93; 3) Michaelangelo Promberger, LZ Kronplatz, 1.47,49; 4) Andreas Sparber, SSV Pfalzen ASV, 1.47,67, 5) Alex Martiner, ASV TZ Schlerngebiet, 1.47,73. Aspiranć: 1) Alex Hofer, ASV

La premiaziun dles scuadres cun le SC Ladinia söl scalin plü alt y le LZ Kronplatz al secundo post.

Pröm post por Andrea Pedevilla De bi suzesc él garatè por i atleć dl Schiclub Ladinia en domënia dan otedé, pro le super G varënt por le Grand Prix Raiffeisen di Jogn. Dancà por Andrea Pedevilla, che à davagné te süa categoria. Le tëmp ê da nio, mo la pista compata categoria di scolars, vëiga al momënt Andrea Pedevilla al 2. post cun 240 punć, do Hugo Steinhauser dl ASC Olang cun 300, atlet che à davagné dötes les gares olache al à tut pert. N bun resultat ladin él ćiamò garatè tla categoria dles jones, olache Nora Planatscher dl SC Ladinia é rovada cuarta. (pablo)

Tlassifiches: (pröms 3 y plazamënć ladins ti pröms 15)

Marc Kemenater, ASC Olang, 1.03,98; 3) Damian Hell, ASV SK Ahrntal, 1.04,15 ... 12) Ivan Mutschlechner, SC Al Plan, 1.06,26; 14) Daniel Costamoling, SC Ladinia, 1.07,90. Jones: 1) Julia Mutschlechner, ASC Bruneck, 1.03,43; 2) Miriam Kirchler, ASV SK Ahrntal, 1.03,51; 3) Sabine Krautgasser, ASV TZ Hochpustertal, 1.04,77 ... 4) Nora Planatscher, SC Ladinia, 1.06,60.

Scolari: 1) Andrea Pedevilla, SC Ladinia, 1.04,17; 2) Hannes Happacher, ASV TZ Hochpustertal, 1.04,90; 3) Tobias Knollseisen, ASC Bruneck, 1.05,15 ... 4) Samuel Moling, SC Ladinia, 1.05,59; 5) Matteo Canins, ASC Ladinia, 1.05,85; 7) Tobias Kastlunger, SC Al Plan, 1.06,67.

Le podium dla categoria di scolars.

Schi alpin - Le majer resultat é gnü arjunt da Andrea Pedevilla dl SC Ladinia, pröm tla categoria di scolars. Le jonn à destachè de 73 centejims Hannes Happacher dl TZ

Hochpustertal y de 98 centejims Tobias Knollseisen dl ASC da Bornech. Tla medema categoria él inće da alzè fora le cuarto post de Samuel Moling y le cuinto de Matteo

Canins, intrami dl SC Ladinia. Setimo post por Tobias Kastlunger dl SC Al Plan. La tlassifica provisora dl Grand Prix Raiffeisen dl raiun IV, che tol ite inće la Val Badia, tla

Scolares: 1) Alina Seeber, ASV Rein, 1.05,34; 2) Christina Pörnbacher, ASC Olang, 1.06,14; 3) Pauline Eder, ASV Taufers, 1.07,74 ... 12) Greta Tamers, SC Al Plan, 1.10,39. Jogn: 1) Simon Watschinger, ASV TZ Hochpustertal, 1.02,11; 2)

Andrea Pedevilla dl SC Ladinia à davagné pro i scolars. www.lauscdiladins.com

35


Sport

nr. 07 / 18 de fauré 2011

Fé cunëscer l sport dl schi te zità

Badiasport ala “Transcavallo”

Manifestazion de prumozion a pèr cun i Mundiei de schi de Garmisch Partenkirchen. Slalom paralel per atlec jëuni y persunaliteies tla Siemens Snow City a Minca

Tla gara dl belunesc à Roman Verginer y Martin Elsler arjunt le miù plazamënt de Badiasport, cun le 12ejim post

messova furné ju plu iedesc cialan de bater l averser che univa ju dlongia. Danz che vel’ iede à nce l’emozion fat pierder o la fertuna fat vëncer vel’ pont.

Persunaliteies dl mond dl sport

I atlec jëuni dla scuadra de Südtirol che à venciù l terzo pest.

Schi - Cun gran legrëza à Giulia Demetz y Mirko Nogler Kostner dl Schi Club Gherdëina Cassa Raiffeisen de Sëlva tëut su l nvit dl ”comitato” de Südtirol de jì a Minca a fé pea n slalom paralel tla Siemens Snow City, na rampa cun nëif artifiziela metuda su propi a mez ala zità, che resta ntan dut l tëmp di Campiunac dl Mond de Garmisch Partenkirchen. Chësc per fé cunëscer plu da daujin l sport dl schi dantaldut ai pitli de zità. Uni scuadra fova metuda adum da trëi mutans y trëi mutons dl 1998 y les univa dal Vorarlberg, da Bayern, Minca y Südtirol. Tla scuadra cun Mirko fova mo Manuel Pfeifer de Welschnofen y Hofer Damian dl Wipptal y deberieda cun Giulia à Christina Pörnbacher de Valdaura/Olang y Alina Seeber

de Rain in Taufers reprejentà l Südtirol. L purtoi fova scialdi curt, i mutons metova mé 6-7 secunc a furné ju y tlo se tratòvel propi de vester asvelc a pië via. Uniun

Danter i granc che à fat pea fòvel nce jënt cunesciuda dl sport, sciche Rosi Mittermaier y Christian Neureuther, che deberieda cun 34 d’autri cuncurënc furnova pea per dé n aiut ala fundazion ”Tabaluga”. Ala fin à nosta scuadra, che teniva dassënn adum, arjont l terzo plazamënt purtan a cësa per l comitato de Südtirol la bela soma de 2.500,00 euro. L ie propi stat na bela esperienza, che la zità de Minca ulëssa tenì inant nce ti ani che vën y per n di pudova chisc atlec jëuni se sentì veramënter de tei pitli campions.

Impresciun dla “Transcavallo”.

Schialpinism - Ai 6 de forà él gnü organisé a Tambre (Belluno) la 28ejima ediziun dla competiziun de schialpinism tradizionala “Transcavallo”. Le dé denant él gnü organisé söl medemo percurs na gara de copa dl monn. Start y travert ê tla Val Salatis. I atleć messâ curì n deslivel de 1.783 m, partis sö te 5 ascensiuns cun 3 tòć da jì a pé. Al ê na competiziun de scuadra y vigni scuadra ê metüda adüm da dui atleć. Le suzess ti é jü a Manfred Reichegger/Matteo Eydallin cun 1:47.25 y Francesca Martinelli/Roberta Pedranzini cun 2:15.54. Inće n valgügn atleć

de Badiasport à tut pert cun suzes ala competiziun. Le miù resultat é gnü arjunt da Roman Verginer cun so compagn Martin Elsler, che à arjunt le bun 12ejim post cun le tëmp de 2:09.33. René Irsara y Ivan Vittur s’à plazè al 62. post cun 3:07.21. Gran desfortüna à albü Lois Craffonara, che à messü la dè sö por n defet di schi de so compagn Christof Niederwieser, canche ai ê al 8. post. La proscima competiziun importanta por i atleć de Badiasport é la competiziun de ćiasa Tour de Sas en domënia ai 20 de forà. (badiasport)

Tlo iel da udëi l slalom paralel che ie unì fat a mez ala zità de Minca.

L’Under 13 pruma tel campionat Venet Trentin

Cun la peves tan boni che a sauté

Doi garejedes ntan l’ultima doi enes per i Gherdëina Runners, Na gran bela sodesfazion per i joegn de l’Under 13 del Val de Fascia che ades i sarà empegné te che śën d’inviern se mesura sun i schi dala peves la finèles nazionèles Hockey - Endèna che la serie A la veit n moment de paussa inant di playoff, l’hockey no se ferma segur. Per chel che vèrda la partides de la nazionèla talièna se à vedù la prejenza ence de doi fascegn Luca Felicetti e Stefano Marchetti e amò Nicola Deluca e Martin Castlunger i é stac empegné te la nazionèla Under 18 tel Tornoi 4 Nazions, olache i è rué terzi. Ampò, la neva più emportanta chesta setemèna la vegn dai campionac di joegn, più avisa chel olache jia l’Under 13 che te sia ùltima partida de campionat, jièda ai 6 de firé contra l pericolous Perjen, l’à vent per 7 a 5. Dò chesta venta ma ence dò l seghit de partides de chest an, duta ventes fora che n pareje, l’Under 13 se à calificà al prum post tel Campionat Venet Trentin. A duta la squadra ge va dassen i miores complimenc soraldut per esser na vera “squadra” olache duc i laora ben, ensema e i va n muie d’acort. Alenadores, compagnadores e dirijenc é dassen contenc de chest resultat segn de na squadra che é stata bona de creèr n grop fort no demò su la giacia ma ence te deregoladoi e fora dal stadie. N develpai l ge va per chest ence a duta la persones che ge stèsc

36

www.lauscdiladins.com

L’Under 13 de l’Hockey Club Val de Fascia à vent l campionat Venet Trentin.

dò. Per i atlec de l’Under 13 ades tacarà la fasa de la Finèles Nazionèles en domenia ai 13 de mèrz co na partida al Gianmario Scola de Dèlba. La squadres che se scontrarà su la giacia, extra l Fascia, sarà doi squadres dal Südtirol e una da la Lombardia che a sia outa les se à calificà al prum post te si campionac. No mencià donca te stadie per ge dèr maor gaissa a nesc joegn atlec.

Resultac squadres mendres L’Under 11 l’à jià ai 12 de firé contra l’H.C. Trento e l’à vent per

13 a 0 coi goi de Davide Rasom (1), Federico Merli (2), Adriano Pedergnana (1), Dennis Kustatcher (1), Nicola Defrancesco (3), Andrea Ploner (2), Leonardo Felicetti (1), Nikolas Zanoner (2). L’Under 13 l’à jià ai 6 de firé contra l’A .S. Perjen e l’à vent per 7 a 5 coi goi de Nicola Barbolini (2), Nik Trottner (1), Sebastiano Soracreppa (1), Massimo Zanet (1), Loris Iori (1) e Francesco Lorenz (1). L’Under 15 l’à jià ai 12 de firé contra l’H.C. Val di Sole e l’à vent per 6 a 3 coi goi de Andrè Vigl (1), Matteo Dantone (2), Massimo Zanet (2), Lorenzo Paolinetti (1).

Runners - Nce i Gherdëina Runners Cassa Raiffeisen de Ciastel à fat pea pra la segonda tapa dla Raida Ladina, da Plan sun Jëuf de Sela n mierculdi sëira ai 9 de fauré. Ora di atlec che se à tlassificà danter i prims trëi (coche repurtà tl articul a pert) ulons mo nunzië i resultac di autri atlec che ie pra i ”Runners”. Ploner Romina se à tlassificà al 9. post cun n tëmp de 57:13 y al 18. post udons Perathoner Christine cun 1:05:09. Pra i ëi à Ploner Daniel finà si garejeda sciche 9. cun n tëmp de 42:08, Insam Christian se à tlassificà al 26. post tla tlassifica generela di ëi y al 23. te chëla sot a 50 ani cun n tëmp de 46:11, Delago Ivo ie cun n tëmp de 46:27 ruvà 28. tla categuria generela y 25. te chëla sot a 50 ani, Demetz Georg ie cun 47:36 ruvà 31. tla categuria sot a 50 ani y al 34. te chëla generela, Soppelsa Luciano à metù 48:17 se tlassifican nsci al 45. post tla categuria generela y al 42. te chëla sot a 50 ani. Perathoner Elmar à finà la garejeda te 50:03 che fova per ël l 4. post tla categuria “Over 50” y l 49. te chëla generela. Perathoner Peter à metù 51:13 se tlassifican nscila al 5. post tla categuria “Over 50” y al 60. te chëla generela. Hofer Lukas ie ruvà te travert do 1:07:00 ruvan nsci 107. tla categuria generela

y Stuffer Michael à metù 1:15:46 che ie l 120. post tla categuria generela. Tlo udons che bën 15 atlec di Gherdëina Runners Cassa Raiffeisen de Ciastel à fat pea pra chësta garejeda y l n ie stat mo vel’ auter che à garejà, ma ne n’ie nia da se udëi ora sun la tlassifica. De gra a duc per si mpëni y che l n ie for deplù che fej pea pra chësta garejedes.

”Lorenzensturm” La segonda garejeda cun peves, pra chëla che n valguni de nosc atlec à fat pea fova l ”Lorenzensturm”. Pra chësta garejeda, stata ai 5 de fauré, messòven nce se mëter adum de trëi cuncurënc te na grupa. Bën 72 atlec se ova lascià nuté su. N piova via dala 10.00 danmesdì a Latzfons per ruvé nchin sa la Lorenzenspitze y pona inò de reviers a Latzfons. Venciù a Franz Pfattner cun n tëmp de 46:12 dan Dario Steinacher cun 46:19 y al terzo post udons Michael Zemmer cun 47:54. Al cuarto post se à tlassificà nosc atlet Daniel Ploner cun n tëmp de 48:04, Luciano Soppelsa se à tlassificà 12. cun 54:24 y Delago Ivo al 14. post cun n tëmp de 55:08. Cumpedan adum nscila i tëmps iesi ruvei 4. tla tlassifica a scuadres. (mp)


Sport

nr. 07 / 18 de fauré 2011

Brea, che pascion! N sport semper più slarià fora te anter la neva generazions e che ence te Fascia l’à si stimadores. I alenadores Daniel Bernard e Erik Dantone ne conta sia esperienza Brea - Anter i sport da d’invern seguramenter l schi alpin l’é la disciplina più cognosciuda e prateghèda a duc i livìe te dut l raion alpin. Aboncont chiò te Fascia l’é na chindejina de bec che à la pascion de jir con la brea e che i ge vèrda con gran amirazion a la evoluzions del campion olimpich Shaun White. Daniel Bernard da Pera e Erik Dantone da Cianacei l’é doi joegn fascegn che fèsc i alenadores de brea, l prum per la Union Sportiva Monti Pallidi e l secont per l Ski Team Fascia, che apontin da vèlch an i se à tout sù l’encèria de arcedèr i bec e portèr inant sia pascion per la brea ma ence la voa de se meter a la proa. Ge aon domanà fora coche la é dò che la va la sajon, coche i é dò che i la vif i bec e che prospetives che l’é per l davegnir.

Daniel Bernard, arcedador de la Union Sportiva Monti Pallidi Da tenc de egn fèste l’arcedador? Chesta l’é la quinta sajon e me sà bel. Tenc de bec èste? I é de diesc, l più joen l’é del 2000 e l più veie del ’96. L’é doi beze e 8 bec. Che spezialità fajede? Fajon boarder cross, che l’é na pista piena de paraboliche e de sauc: i se mola jù de cater a la uta e la va a eliminazion fin canche no i resta demò de cater e i prumes trei i venc. Dapò fajon slalom larch e saut. Aló i à trei sauc a la leta, un più gran che l’auter e ogneun i dezide da cal sutar. Più gran l’é l saut più ponc i ciapa e venc chi che fasc le manovre più bele. E olà ve arcedède? Ti snowpark, de solit sun Sèn Pelegrin. E aede dut a la leta? Ma scì, ben o mal snowpark n’é ence sun Sèn Pelegrin, sun Lujia, a Obereggen, sun Belvedere ma chel l’é più pìcol. Él senester con i bec, ei desfacé? Ma na na, per chel i é ben belebon.

Ogne tant i me fasc desperar ma l’é borse e sion stac duc coscita.

Daniel Bernard alenador de la Monti Pallidi.

Coluns resultac aede arjont? N’é un che l’é dassen brao, l’à ciapà ence l sponsor. L’an passà l’é rua secondo ai campionac taliegn de boarder cross, l’à inom Nicola Ganz da Moena. Dapò chest an l’é n muie de “novelli” percheche chi de l’an passà i à tacà a jir a la scola auta e i é jic con Elia Detomas, che l’é arcedador del Ski College. E gio é chi più pìcoi e me é tirà sù jent dai corsc che endrezaane per la scoles. Ogne an sion bogn de n tirar ite dotrei ma l prum an no se perten che i spache l mond, sarà da veder chest an che vegn. Però l’é na bela squadra. La squadra più grana l la alenea Elia Detomas col Ski College, se i bec vel seghitar co la brea i va al Ski College e i va inant con el, i fasc semper gare ma de n auter livel, desche Copa Europa. Da la Monti él vegnù fora vèlch joen fort? Da la Monti Pallidi l’é vegnù fora, che ampò no é arcedà gio, Mirko Felicetti da Someda, che ades l’é te la nazionala taliana de brea e l’à tacà a far Copa Europa. L’istà passà l’é jit a far i mondiai te la Nuova Zelanda ma l se à fat mal. Ades, da la fin de dezember, l’à endò tacà a far gare e i à dit che la va ben. Tenc de arcedamenc fajede? Doi arcedamenc da doi ore l’un en setemana e en più la gara ogne

domenia. Sion stac a Campiglio e vin Seceda. Diste che te Fascia i podessa ge dèr più lèrga a la brea? Ma na, per chel se dasc ben da far dute le sozietà, la Sitc à adertura dit che chest an che vegn la volessa far sun Ciampac n snowpark scerio. Dapò se gio domane le piste i me le dasc, desche a chi del schi che i é de più. Aede arjont de bogn resultac? Sion rué terzi desche squadra en domenia a Campiglio però no aon fat podi. Tant méncel a la fin de la sajon? Da chiò inant sarà na gara vigni domenia fin a la fin de la sajon. Le ùltime gare le é ai prumes de oril, canche l’é ence i campionac taliegn te la Valmalenco apede Bormio, en provinzia de Sondrio, olache duc i miores de la Talia se scontra e vegn fora l campion talian. Ampò le autre gare fasc part del Zircuit Trivenet.

Erik Dantone, arcedador del Ski Team Fascia Da tant él che te fès l’alenador? L’é la quarta sajon che fae l’alenador, da canche son doventà maester. Tenc de bec èste e coluna él pa voscia spezialitèdes? Alenee n grop de 6 bec, béleche duc da Poza, a pèrt na beza da Cianacei, che i fèsc snowboard freestyle e boarder cross. Él senester i alenèr? No l’é nia senester i alenèr ajache l’é jà l quarto an che sion ensema e l grop l’é belebon formà. I bec à capì benon canche i pel jièr e fèr da mat e canche enveze l’é ora de se comportèr delvers, scutèr chel che ge die, proèr a fèr la robes e se conzentrèr. Aon dassen n bel raport. Che sort de garejèdes fajede? Coluns resultac aede arjont? Nos con nosc grop fajon garejèdes tel zircuit del Trivenet: fin ades aon fat demò na garejèda apontin chisc dis passé e la é jita belebon, la bezes é ruèdes duta does prumes. Per i bec l descors l’é mìngol più complicà. Nos se alenon dantdaldut de

freestyle, che ai bec ge sà trop più deletégol, de boarder no se alenon n muie, demò aldò de la garejèdes che l’é da fèr. L problem l’é che etres schi club, soraldut chi del Sudtirol, no i fèsc freestyle ma più palec e boarder cross, donca logicamenter i é mìngol più alené te chel setor. La bezes les à n livel bon ampò e anter l’auter les é demanco desche numer, i bec enveze i fèsc mìngol più fadìa percheche i é manco alené. Nos fajon più garejèdes acrobatiches. Dapò l’é l zircuit Trivenet, che l’é endrezà dai Comitac gestii da la FISI, che te la Tèlia ge stèsc dò a la disciplines olimpiches, donca gigante, boarder cross e halfpipe. Dapò l’é n’autra federazion che l’à inom FSI che la endreza n zircuit mondièl per i bec che l’à inom “World Rookie Tour” che l’é ence te la Tèlia e nos tolon pèrt più a chesta garejèdes de freestyle, donca jump, pipe o slopestyle e i bec va fort e ge sà proprio n muie più bel fèr freestyle. Emil Zulian l se à calificà per i mondièi.

Erik Dantone, alenador del Ski Team Fascia.

E n’èste de sponsorisé? Ei, Emil l’é trei egn che l’é sponsorisà da la Burton. Aboncont la desferenza anter chesta doi federazions l’é che la Fisi la ge va dò a garejèdes più sceries, più prezises, enveze chestes de la FSI les é più comerzièles, più de propaganda e a livel de freestyle les é più emportantes. Tenc de egn èi i bec?

N’é doi da 13 egn, un da 14, doi da 15 e un da 17. Olà jide a ve arcedèr? Ades che l grop l’é fort aon debesegn de strutures granes e coscita jon a se arcedèr sun Sèn Pelegrin e donca ge vel se calcolèr ence dut l viac. Co éla la prospetiva de la brea chiò te Val? Gé desche arcedador veide che bec pìcoi n’é pec. L’é chi che à l’età di mie ma de più pìcoi no n’é n muie. Dapò l’é mudà i tempes, gé me recorde che da borses jiane sù duc i domesdì, ades enveze veide che, per ejempie, l Ski Team l’à endrezà n cors per dut l’invern e l li porta mìngol stroz: aló l’é na gran responeta, senó t’i veides demò chela doi ores col maester ma, fora da chel, proprio pech. I bec che é gé, i ciapa e i va adertura col skibus sun Sèn Pelegrin. Dapò n descors l’é ge passèr la pascion per jir con la brea, n auter l’é la pascion per jir a fèr garejèdes, se meter a confront coi etres più forc. L’é ben desferent. I numeres i é mìngol basc, te duc chisc egn gé é semper mie grop e no n’é mai vegnù ite de neves a fèr agonism. L’é vèlch genitor che disc che l’é massa empegnatif ence se fajon 2 o 3 arcedamenc en setemèna più la garejèda e aon concordà con i bec i domarenes miores percheche dapò i à ence chitara, catechesi e autra robes... Coluns projec èste per l davegnir? Se l’é vera, n auter an, ajache duc i mie i jirà a la scola auta, con Elia arcedador aon tel cef de fèr doi gropes de Ski College, un de freestyle e n auter de alpin e boarder cross percheche chesta l’é na disciplina mìngol zentrèla coscita un podessa se spezialisèr sun chel che l vel. Fossa ence n incentif per la jent da fora ajache anter l’oferta scolastica e chela del sport, l Ski College de Fascia l doventassa amò più competitif, ence per chi da Falcade. Cater de mi bec i fossa jà scric ite al Ski College e n fossa jà 2 ence de chi da Moena. (vr/ cri.m)

Bedaia d’or per la mutans dla mesana de Sëlva Campiunac provinziei per i sculeies dla scoles mesanes y dla scoles autes de Südtirol. Garejedes de pudejé sun Pana/Ciandevaves y de schi alpin sun la Plose

Segondo post per i mutons dl schi cun Gabriel Demetz, Simon Pernthaler, Klaus Oberrauch.

Sport/scola - Tl zënter de pudejé sun Ciandevaves àn metù a jì chëst’ena passeda i campiunac

La scuadra cun Verena Prinoth, Irene Lardschneider y Lea Demetz ie ruveda prima tl pudejé.

provinziei de pudejé per duc i studënc dla scoles mesanes y autes de Südtirol. Plu de 200 sculeies à fat

pea ai 9 de fauré pra chësta garejeda, che valova nce sciche cualificazion per i campiunac taliani di studënc.

La Ntendënza dla Scola ladina n cunlaurazion cun l Schi club Gherdëina Cassa Raiffeisen de Sëlva à metù a jì per l prim iede chësta garejeda per sculeies. I jëuni fova spartii su te plu categuries: mutans y mutons dla scoles mesanes, dla scoles autes nchin ala 3. tlas y chëi dla 4. y 5. tlas. Per uni età fòvel da fé garejedes plu o manco longes, dai 4 km per la mëndra mutans ai 7,5 km per i majeri mutons. Pra la garejedes scolastiches vel dantaldut i resultac de scuadra y nia tan chëi ndividuei. Braviscimes ie states la mutans dla Scola mesana de Sëlva, che à cun Irene Lardschneider, Verena Prinoth y Lea Demetz venciù l titul de scuadra y se à cun chësc nce cualificà per i campiunac taliani

dla scoles. Tla categuria junior scoles autes à Elisa Kasslatter dla Scola d’Ert venciù dan a Eleonora Insam dl ITC y tla categuria jëuni ie Alex Oberrbacher dla Scola d’Ert cun l 3. plazamënt stat l miëur de Gherdëina. Per l schi alpin àn garejà sun la Plose per i campiunac provinziei di studënc. I studënc dl ITC Raetia /Sezion sport de Urtijëi ie ruvei cun tramedoi scuadres segondi: chëla di mutons cun Klaus Oberauch, segondo, Gabriel Demetz nono y Simon Pernthaler undescejim. L segondo plazamënt dla mutans ie unì arjont cun Nicol Delago, Verena Gasslitter y Natalie Gasser ruveder respetivamënter 4., 5. y 8.. Venciù la garejeda à Alex Hofer y Elke Wagmeister. (lb) www.lauscdiladins.com

37


Sport

nr. 07 / 18 de fauré 2011

Da Plan sun Jëuf de Sela te na mes’ëura N mierculdi ai 9 de fauré à l Club Rodes Gherdëina Cassa Raiffeisen de Sëlva metù a jì la garejeda tradiziunela cun i schi dala peves. Chësta fova danter l auter nce la segonda de cater garejedes dla Raida Ladina Dario (1974 Bogn da Nia) 39’54” - 3. Craffonara Lois (1980 Badia Sport) 40’54” - 4. Moling Michael (1988 Colfosco) 41’16” - 5. Piazza Georg (1979 Active Sport) 41’48” - 6. Corradini Federico (1978 US Cornacci) 41’59” - 7. Ploner Ivano (1970 Bela Ladinia) 42’2” - 8. Nocker Günther (1972 SC Gherdëina) 42’3” - 9. Ploner Daniel (1972 Active Sport) 42’8” - 10. Longo Paolo (1977 Bogn da Nia) 42’27” Chisc fova i plu asvelc: da m.c. Dario Steinacher (2.), Urban Zemmer (1.) y Lois Craffonara (3.)

Peves - Lecurdon che per chësc campiunat ladin iel de ndut cater garejedes, una te uniuna dla cater valedes ntëur al Sela. La prima fova a mez jené tla Val de Fascia, da Delba sal Tobià del Giagher. La segonda fova chëla dl’ena passeda te Sëlva, la terza sarà ai 11 de merz a S. Ciascian y la cuarta ai 23 de merz a Reba. Per la cumpetizion te Gherdëina fòvel da muever te Plan per ruvé sun Jëuf de Sela, sa la utia Salei. L fova da fé 5,5 km cun n deslivel de 600 metri. N muessa dì che chësc percurs ie adatà per duc, ajache l ne ie nia drë ërt y nia massa lonch, cun tòc danterite ulache n possa nce se refé mpue dala fadies. La cundizions dl tëmp fova ideéles, l ne fova nia frëit, drë a drët per fé pea chësta garejeda. De ndut se àl scrit ite bën 167 a fé pea y de chisc bën 31 ëiles. L ie bën da auzé ora che l sport dl schi alpinism ie per merit dla Lia da Mont, di Catores y de d’autra grupes sciche i Snec y la Furfejidles chersciù dassënn ti ultimi ani, nsci

L podest dl’ëiles: da m.c. Birgit Klammer (2.), Hilde Mitterstieler (1.) y Manuela Perathoner (3.)

che nce la cumpëida de chëi che fej pea pra de tel manifestazions crësc da ann a ann. Venciù à inò n iede i favoric te chësta disciplina sportiva. Pra i ëi udons danora Urban Zemmer, che à metù nia cis 39 menuc a ruvé suinsom. Avisa n menut do passova Dario Steinacher tres l travert y sciche terzo a doi menuc dal prim Lois Craffonara. Pra l’ëiles ie ruveda prima Hilde Mitterstieler che à metù n śich de manco de 50 menuc, dan Birgit Klammer (+ 49”) y zirca 3 menuc do finova Manuela Perathoner si garejeda sciche terza dl’ëiles. Na lauda ti va a duc chëi che à venciù, ma sambën nce a duc i atlec che à fat pea. Tl travert dla utia Salei ti unìvel pità a duc n té bon ciaut y da dedò se à duc mo sentà pra mëisa te utia a se maië na bona pasta. La utia Salei ie drët adateda per de tel manifestazions, pervia dla gran lerch che l ie da garat. Rengrazion l ost dla utia, Alex Monteleone, per si uspitalità. Ël nes à veramënter pità n bon

maië, duc pudova crì ora danter trëi sortes de pasta, dopro mo velch de dëuc y na buanda. Do che duc à maià fòvel la premiazion y mo na gran ola dla fertuna cun de biei pesć. Rodes Gherdëina Cassa Raiffeisen de Sëlva ulëssa rengrazië la Lia dl Turism de Sëlva, l Chemun de Sëlva, i respunsabli di purtoies, i patrons dla utia Salei, la Crëusc Cuecena, i cronometrisć y duc chëi che à judà a fé garaté tan bën chësta garejeda.

Ëiles: 1. Mitterstieler Hilde (1972 Active Sport) 49’56” - 2. Klammer Birgit (1971 Gherdëina Runners) 50’45” - 3. Perathoner Manuela (1964 Gherdëina Runners) 52’42” - 4. Podgorska Anna (1979 Bogn da Nia) 54’39” - 5. Ebner Verena (1978 Badia Sport) 54’55” - 6. Deville Riccarda

(1960 Bela Ladinia) 55’41” - 7. Senoner Catherine (1982 Furfejidles) 55’42” - 8. Jori Silvana (1961 Bogn da Nia) 55’57” - 9. Ploner Romina (1979 Gherdëina Runners) 57’13” - 10. Huber Laura (1988) 57’18” Over 50: 1. Zorzi Silvano (1958 US Cornacci) 43’11” - 2. Hofer Mario (1958 Gherdëina Runners) 45’29” - 3. Untersteiner Alois (1958 Mountain Ski SSV Taufers) 46’4” - 4. Perathoner Elmar (1960 Gherdëina Runners) 50’3” - 5. Verra Ivano (1957 Bela Ladinia) 50’25” - 6. Micheluzzi Olivo (1952 Bela Ladinia) 51’1” - 7. Perathoner Peter (1949 Gherdëina Runners) 51’13” - 8. Gummerer Walter (1953) 51’28” - 9. Piazza Stefan (1946) 52’22” - 10. Rasom Maurizio (1961 Bela Ladinia) 52’31”

Sun na tela nvions bele śën duc a fé pea nce pra la proscima garejeda dla Raida Ladina, che sarà plu avisa n vënderdi ai 11 de merz a S. Ciascian per jì nchin sun Piz Sorega. (fg) Repurton i prims diesc dla trëi categuries. A duc i resultac plu avisa pòssen ti cialé sun la plata internet de Rodes Gherdëina www. rodesgherdeina.it Ëi: 1. Zemmer Urban (1970 Bogn da Nia) 38’55” - 2. Steinacher

I ”over 50” che ie ënghe mo drët asvelc. Da m.c. Hofer Mario (2.), Silvano Zorzi (1.) y Alois Untersteiner (3.).

Na vënta che fej bon per l moral La Under 15 à fat una de si miëura partides y bat l Kaltern. Avisa sciche i granc dla A2 vënc nce la Under 20 n cësa contra l Torino Under 8: I mëndri dla hockey ie l’ultima dumënia furnei a Bulsan tl Palaonda a fé n turnoi cun 4 scuadres. I 17 mutons dl Gherdëina se à cumpurtà drët bën vencian la partides contra l EV Bozen y l Renon y perdan cun l Bulsan junior. Chësc fova l ultim turnoi metù a jì dala federazion. Povester uniràl mo a se l dé vel’ turnoi liede. Under 11: Leifers - Gherdëina 5:4. N mierculdi ai 9 de fauré à chisc mutons jugà na bona partida, dantaldut i plu pitli de chësta scuadra. L Gherdëina ie for ruvà daujin al Leifers, purtruep ne àla ala fin mpo no bastà. Ma bravi mpo! Under 13 a doi linies: Alta Badia - Gherdëina 6:1. Nce sce l resultat semea bëndebò sëch, à la U13B jugà na bona partida. I se à purvà dassënn, ala fin ài pona zedù, ajache i fova cumpedei y

38

www.lauscdiladins.com

bëndebò stanc. Under 13 a trëi linies: Gherdëina - Eppan 1:1. N dumënia ai 13 de fauré ova chësta scuadra na partida nia saurida. Prim de dut ajache i ova perdù cun l Eppan ora de cësa sëch per 0:6 y nce ajache l manciova bën cin jugadëures y n verdiaporta. Nsci à trëi mutons dl 2000, (che fej pea i campiunac U11 y U13B) pudù jughé pea chësta partida. La partida fova drët nteressanta y à trat pea nce l publich. Do che l Gherdëina à abù truepa pusciblteies, ma à for inò messù zeder per i boniscimi verdiaporta dl Eppan, ti àla finalmënter butà y ie jit danora de n gol. La legrëza ne à nia durà giut y tosc do à l Eppan valivà ora. Ala fin pòssen dì che i fova duc cuntënc che la partida ie jita ora a pèr per 1:1 cun i tëmps jic ora 0:0, 1:1, 0:0. Under 15: Gherdëina - Kaltern 4:0. I mutons de chësta scuadra à

jugà n mierculdi ai 9 de fauré una dla miëura partides, sce nia la miëura, de chësc campiunat. Contra na scuadra dl medemo livel à i verdiaporta fat na boniscima partida y nce dovia ài jugà zënza fai. Dancà ti àla drët butà a fé goi y nscila ài venciù la partida per 4:0 cun i tëmps jic ora 1:0, 2:0, 1:0. L fova scialdi mpurtant per l moral dla scuadra, per se davanië n valgun ponc y ne resté nia ultimi te tlassifica. Chël che n ne à nia udù de bon uedl fova ala fin canche i mutons de tramedoi scuadres se ie sautei ite a strité y chël ie for sciot do na tel bela partida. Under 18: Chësta scuadra ne à nia jugà chëst’ena, ma jugherà n dumënia ai 20 de fauré dala 17.45 contra l Asiago. Under 20: Gherdëina - Torino 5:1. N dumënia domesdì ova nce i jëuni da se museré contra l Torino avisa sciche la scuadra di granc

de A2 da sëira. Nce ëi ie stac boni de bater la scuadra piemonteja nce sce i fova do la rata cumpedei, ajache n valgun jugadëures che fej tla prima scuadra ne pudova nia jughé nce domesdì. Purempò ne se ài nia iust fat ert a vëncer. I tëmps ie jic ora 1:0, 4:0 y 0:1. Turnoi Raiffeisen di raions de Südtirol Per la scuadres Under 14 fòvel n sada ai 12 de fauré l segondo turnoi di raions de Südtirol sun l prugram. Chëst iede unìvel jugà a Neumarkt. L raion 4 – metù adum da jugadëures de Gherdëina, Sterzing, Pustertal y Toblach – à venciù chësc turnoi, batan n iede l raion 1 cun Maran y ntëurvia, Siebeneich y EV Bulsan per 16:0, y dopro l raion 3 cun Renon, Bulsan, Persenon y Leifers per 3:1. I jugadëures de Gherdëina che fova leprò ie: Lukas Stuffer, Samuel Moroder, Simon Piccolruaz, Bean

Werdaner, Simon Pitschieler y l badiot Elias dal Bosco. Naziunela U18 Turnoi dla cater nazions a Amstetten tl’Austria La scuadra naziunela taliana à fat pea ntan l ultim fin dl’ena pra chësc turnoi. L prim di ài arjont na bela vënta contra la scuadra drët sterscia dla Danimarca per 2:1 (1:1, 1:0, 0:0). Contra la Norvegia ài perdù bëndebò sëch per 0:11 (0:2, 0:6, 0:3) y la ultima partida contra l’Austria ài venciù per 3:2, vencian nsci doi partides sun trëi. La Norvegia à venciù l turnoi dan ala Danimarca, la Talia y l’Austria. La Norvegia à perdù contra la Danimarca y l’Austria à perdù duta la partides. Pra la scuadra naziunela U18 fòvel leprò i atlec ladins: i tacajuech Martin Castlunger y Nicola Deluca dl Fascia, l pech Federico Lacedelli dl Cortina, l tacajuech Oliver Schenk y l verdiaporta dl Gherdëina Giancarlo Kostner.


Sport

nr. 07 / 18 de fauré 2011

Informazions y Manifestazions

Garejedes de nudé per majeri y mëndri Truep tifosi se àl abinà n dumënia ai 6 de fauré a cialé ala garejeda di mutons dl VSS Raiffeisen tla nudadoia Meranarena a Maran. Ntan l fin dl’ena dant à nce garejà la majera atletes, chëles dla categuria FIN, che à pudù se museré cun atletes coche Laura Letrari. N sada ai 12 de fauré iel pona stat l ”Trofeo giovani promesse”

Iniziatives sportives Al vëgn chirì śogadus “Altherren” Chi che es interes da fà para a na scuadra de “Altherren” (sura i 30 agn) de döta la Val Badia che tolarà spo pert al campionat provinzial dl palê 2011/2012 dess s’anunzié pro Artur Frenes al nr. 339 7802542 o pro Tomas Dejaco al nr. de fonin 347 2453669. The Destroy Night Event

Per l secondo an de seghit sun Sèn Pelegrin, aló da la forenadoa Col Margherita vegnarà endò endrezà “The Destroy Night Event” che porta te Fascia i miores “riders” de duta Europa e ben segur duc i pascioné de freestyle. Se taca via da les 17.00 con la proes, da les 18.30 calificazion Rookies, da les 20.30 Jam Session Invitational, da les 22.30 Superfinals e da les 22.30 Premiazions e Rider’s Party. Duc i é envié en sàbeda ai 26 de firé. Per maor informazion vijitèr l sit www.skiersempire.com o al numer 335-8418204 (Fabrizio Deville). 16ª edizion dl Sellaronda Skimarathon

Ncuei vënerdi ai 18 de fauré saràl la 16a edizion dla garejeda de nuet cun la peves ntëur al Sela "Sellaronda Skimarathon". Chëst ann uniràl pià via te Sëlva, dala 18.00 pra l lift dai schi "Nives" y l travert sarà sun "Plaza Nives". I prims ruverà bele ntëur la 21.15. La premiazion unirà fata dala 23.00 pra la cësa de cultura "Oswald von Wolkenstein". L fajerà pea 720 atlec (360 pèr) de 7 nazions sun na trassa de 42 km y 2700 metri de deslivel. Plu nfurmazions sot a www.sellaronda.it.

La mutans dl Club Nudé Gherdëina cun si mascotte tla Meranarena.

Nudé - Genitores, fredesc y surans ie unic a sustenì la pitla mutans y i pitli mutons che cun gran ueia y mpëni ulova mustré cie che i à mparà ntan dut l ann de scola. Tlo fòvel nce 19 mutans y mutons dl Club Nudé Gherdëina, che à fat pea pra la garejedes purtan ncantëur si “Mascotte”, n aligator che ova sëura la malieta dl Club. Pra chësta garejedes pudòvel fé pea duta la mutans y duc i mutons che ne ie mo nia scric ite o che ne à mo mei fat pea tla categuria plu auta FIN (Federazione Italiana Nuoto). Chisc i resultac di atlec de Gherdëina: Mutans 2004 - 25 m stil liede cun brëia: 5. Tavella Tamara - 25 m. stil liede: 5. Tavella Tamara. Mutans 2003 - 25 m spinel: 4. Rifesser Ilenia - 25 m stil liede: 6. Rifesser Ilenia. Mutans 2002 - 25 m spinel: 12. Fabrini Tosca, 14. Falchetti Martina - 25 m crot: 3. Stuffer Vivien, 5. Stuffer Lea, 7. Falchetti Martina - 25 m stil liede: 10. Stuffer Lea, 14 Stuffer Vivien, 18. Fabrini Tosca. Mutans 2001 - 25 m spinel: 10. Bernardi Maren - 25 m crot: 7. Mayer Evamaria, 8. Mussner Laura, 9. Markart Sofia - 25 m stil liede: 15. Mayer Evamaria, 16. Mussner Laura, 18. Markart Sofia, 19. Bernardi Maren. Mutans 2000 - 25 m spinel: 3. Demetz Laila, 4. Rustier Maria - 25 m crot: 6. Aldosser Jana - 25 m stil liede: 6. Aldosser Jana, 7. Demetz Laila, 8. Rustier Maria Mutons 2001 - 25 m stil liede: 7. Demetz Domenik - 25 m spinel: 10. Demetz Domenik. Mutons 2002 - 25 m spinel: 11. Weissensteiner Andreas

- 25 m. crot: 7. Kasslatter Jan - 25 m. stil liede: 11. Weissensteiner Andreas, 12. Kasslatter Jan Mutons 2003 - 25 m stil liede cun brëia: 3. Obkircher Manuel, 4. Demetz Maximilian - 25 m spinel: 14. Obkircher Manuel, 15. Demetz Maximilian - 25 m crot: 2. Rustia Federik - 25 m stil liede: 13. Rustia Federik.

La categuria FIN à garejà a Bulsan L prim mpëni sportif per la mutans dl Club Nudé Gherdëina categuria FIN per chësta sajon ie stat la garejeda de nudé n sada ai 29 y dumënia ai 30 de jené 2011 a Bulsan tla nudadoia Pfarrhof. Na ucajion per se museré cun atletes de livel aut coche la surans Laura y Arianna Letrari. Laura ie deventeda plu iedesc campiunëssa taliana y à fat pea pra campiunac d’Europa y dl mond. Te chësta garejedes ne unìvel nia spartì danter categuries de età, nsci messova nosta mutans de 12-13 ani se museré tla medema garejedes cun mutans de 21-22 ani. Chisc i resultac de nosta atletes: 50 m spinel: Palla Valeria 00:43,27

100 m crot: Mussner Marina 1:42,95; Hofer Sara 1:46,23 50 m stil liede: Palla Valeria 00:35,16; Mussner Marina 00:35,45; Demetz Michaela 00:37,92; Hofer Sara 00:41,09

Da d en è ju e lön esc nchin ser a.

De vigni sort de informazions tles plates dla Usc di Ladins!

info@lauscdiladins.com

♦ Gran acrobazies söi schi En mercui ai 23 de forà dales 21.00 vëgnel invié ia sön la pista “Ćianross” a Al Plan na schishow olache al sarà da odëi acrobazies dl grup Vitamin F, mo inće la storia dl schi da inlaôta ćina aldédaincö

La speranzes jëunes N sada ai 12 de fauré iel unì metù a jì la garejeda “Trofeo giovani promesse 2011” tla nudadoia de Bulsan, per la categuria FIN jëuni, mutans y mutons nasciui ti ani 1999-2002. Nce pra chësta garejedes se à nosta atletes y nosc atlec cumpurtà drët bën. Chisc i resultac: 100 m. crot - Mutans: Falchetti Sara 01:50,94; Wieser Linda 01:53,58; Insam Sara 01:56,48; Ciechi Jenny 02:00,34; Vinatzer Carol 02:00,81 - Mutons: Rungger Georg 01:53,08. 50 m. pavel - Mutans: Prinoth Verena 01:02,69 - Mutons: Rungger Georg 00:50,53. 100 m. spinel - Mutans: Wieser Linda 01:53,88. 200 m. stil liede - Mutans: Dejori Daniela 03:42,35. 100 m. stil liede - Mutans: Falchetti Sarah 01:30,85; Vinatzer Carol 01:51,83; Insam Sara 01:52,22 50 m. spinel - Mutans: Dejori Daniela 00:53,29; Prinoth Verena 00:54,84.

La trainadëura Dagmar Aldosser cun n valguna atletes dl club de nudé de Gherdëina.

I Vitamin F é conesciüs chilò da nos, por sü spetacui söla nëi.

A n bel spetacul pòn se confortè en mercui ai 23 de forà a Al Plan de Mareo. L’Assoziaziun Turistica d’Al Plan, deboriada cun les scores de schi y la sozieté di lifć, organisëia chësc dé dales 21.00 inant na schishow, sön la pista “Ćianross”, olache al sarà da odëi salć, corëtes, acrobazies y de vigni sort d’atres morvëies, sciöche inće desmostraziuns dl jì cui schi da inlaôta ćina a chël d’aldédaincö. La serada vëgn daurida da na defilada cun les bandires dles nazionalitês desvalies, por ti lascè lerch spo ala “schiada” dl ial de Plan de Corones. I maestri de schi pitarà spo na desmostraziun dl bel sport da jì cui schi. La paladina de nëi sarà inant tles mans dl grup Vitamin F, bele conesciü te nüsc raiuns. Chisc artisć de acrobazies ti pitarà al publich n spetacul da lascè stè sö le fle. Inant jaràra cun la storia dl schi. Jö por Ćianros odaràn insciö i iagri cun ćiaspes y schi, les liöses da fëgn, i telemarkeri y daimprossò schiadus cun atrezadöra dai agn 50 ćina aldédaincö. An odarà inće rodes jö por Ćianros, formaziuns de schi, i iać dala nëi y i parapënns da Plan de Corones jö, por stlü jö la serada cun na bela chentlada. Al ne manćiarà nia val’ de ćialt da bëre. Düć canć é dër bel invià da rovè alerch por chësta ocajiun, en mercui ai 23 de forà dales 21.00, sön la pista “Ćianross” a Al Plan, Acrobazies y morvëies söla nëi, da odëi sön la pista “Ćianross” a Al Plan. a püć vari dal zënter de paîsc. www.lauscdiladins.com

39


Informazions y Manifestazions Chino Al chino de Cianacei Doman, sàbeda ai 19 e en domenia ai 20 de firé da les 21.15 se pel veder l film comedia “Femmine contro Maschi”. Al chino de Pardac

Anché, vender ai 18 vegn moscià “The Green Hornet”. En sàbeda ai 19 e domenia ai 20 da les 17.00 se pel veder l film de animazion “Animals United” e da les 21.15 vegn dat “The Green Hornet”. Da vender ai 25 per dut l fin de setemèna vegnarà moscià “127 ore”. Al chino de Tieser

En sàbeda ai 19 e en domenia ai 20 da les 21.15 se pel veder “Skyline”. En domenia ai 20 da les 16.00 te l’ambit de la scomenzadiva “A teatro con mamma e papà” vegn portà dant “Hansel e Gretel”. En jebia ai 24 da les 21.15 te la rassegna “Il piacere del cinema” vegn moscià l film dramatich “Una sconfinata giovinezza” e en vender ai 25 da les 21.00 per la sajon de prosa vegn portà dant “Il Bugiardo” de Carlo Goldoni. Al chino de Ciavaleis

En vender ai 18, en sàbeda ai 19 e en domenia ai 20 da les 21.15 se podarà veder “Che bella giornata”. En vender ai 25, sàbeda ai 26 e domenia ai 27 d ales 21.15 vegn moscià “Manuale d’amore 3”.

Avisc Incuntades te grup por tó jö pëis

Le sorvisc por dieta y nodrimënt dl’aziënda sanitara da Bornech en colaboraziun cun le sorvisc de fisioterapia, mët da jì tl distret sanitar da Picolin incuntades te grup por tó jö peis, olache al vën baié dl’alimentaziun y fat movimënt. Al gnarà organisé 8 incuntades de 2,5 ores da mez merz a mez jügn, plü avisa de mertesc, dales 14.30 ales 17.00. Les dates plü avisa y i cosć gnarà fać fora pro na incuntada de informaziun che gnarà tignida en mertesc al 1. de merz 2011 dales 15.00, tl distret sanitar da Piculin. S’anunzié pòn anter le 01.03 pro le sorvisc por dieta y nodrimënt da Piculin pro la dietista Silvia Pitscheider: tel. 0474/586144 mertesc, mercui y jöbia dales 9.00 ales 12.30 y dales 14.00 ales 15.00. Al ven tut sö al mascim 12 partezipanć/tes. Consulënza legala por jënt atempada

Da dui agn incà mët da jì le grup seniors dla SVP n iade al mëis na consulënza legala che vëgn tignida debann dal avocat dot. Thomas Wörndle a Balsan. Chësta consulënza vëgn pitada dl 2011 inće por ladin, a La Ila dal avocat dot.a Manuela Obojes, colaboradëssa dl ofize d’avocat Wörndle. Terminns: 23 de forà, 30 de merz, 27 de aurì, 25 de mà, 29 de jügn, dales 15.00 ales 16.00, dagnora pro l’ofize da avocat Wörndle, tla str. Colz 49/b, dlungia la Raiffeisen. Por informaziuns y prenotaziuns prëibel cherdè sö Margit Riegler al numer 0471/304066. Detlarazion dla chëutes L KVW de Urtijëi fej a l savëi che nchin ai 26 de fauré pòssen cherdé su Ulrika Comploj Perathoner 0471/796090 per fé a l savëi che n uel lascé fé la detlarazion dla chëutes. N possa dé ju i papieresc per la detlarazion n vënerdi ai 11 de merz, tl local di jëuni te calonia de Urtijëi dala 8.30 – 11.30 y dala 13.30 nchin ala 16.30. Calënder dla manifestazions

Nfurmazion per duta la lies de Gherdëina: Per l calënder dla manifestazions te Gherdëina, te chël che l ie laite duta la manifestazions per i mënsc de auril, mei y juni che unirà publicà ala fin de merz, iel da dé ite tl manif, plata web www.manif.it duta la manifestazions ududes dant per i mënsc nunziei dessëura dan l 10 de merz. Duc i presidënc dla lies ie nviei de se nuzé de chësc servisc per fé a l savëi ala jënt si manifestazions. Rengrazion bele danora dla bona cunlaurazion. Nfurmazions plu avisa pra l Servisc Furmazion Gherdëina, dal merdi al vënerdi, dala 8.00 - 12.00, numer de telefonn 0471/773225, e-mail furmazion.gh@micura.it Avëi umor tl’educazion di mutons

N lunesc ai 21 de fauré saràl sun Radio Gherdëina dala 11.00 danmesdì na trasmiscion sun l’educazion di mutons. La trasmiscion cun Otto Delago y Iris Schwarzmeier vën metuda a jì dala grupa Uemes y Fenans.

nr. 07 / 18 de fauré 2011

♦ Mëisa turonda sun l’architetura La tradizion anconta l modern. Dan n valgun mënsc à i Freiheitlichen y la SVP de Urtijëi purtà dant na mozion sun chemun che vëija dant che n possa mé plu frabiché te n stil tradiziunel y che pruibësc i tëc plac A Urtijëi ie la mozion passeda, te Sëlva, ulache la ie ënghe unida purteda dant, nia. La minonghes va adalerch y la descuscions ne n’à nia mancià. La Lia Mostra d’Ert deberieda cun l KulturForumCultura mët śën a jì na mëisa turonda sun la cuestion dl’architetura, nvian ite esperc y uemes de chemun a rujené dl argumënt. L sarà prejënc L Tublà da Nives: la tradizion anconta l modern (schiza dl arch. Rudi Leo Andergassen, Perathoner) diretëur dla repartizion 13 - bëns culturei, Umberto Tecchiati, presidënt dla lia “Italia Nostra - Südtirol“ che se cruzia dla scunanza dla cuntreda, l architet Thomas Demetz, i cunselieres de chemun Martin Kofler (Die Freiheitlichen) y Raimund Irsara (Lista Urtijëi). Duc ie nviei de cuer n mierculdi ai 23.02.2011 dala 20.30 tl self dla mostres dla Lia Mostra d’Ert a Urtijëi.

♦ Noza da Paur Tl’Alta Badia la manifestaziuns por tignì vies les tradiziuns da n iade. Gran importanza ti vëgnel dè ćiamò aldédaincö ales tradiziuns da paur. Cun deplü manifestaziuns fora por döt l’ann ôn ti les portè dant ai plü jogn y ai sciori de nüsc paîsc Na bela manifestaziun liada ala vita da paur é la “Noza da Paur”. La manifestaziun gnarà metüda da jì en mertesc ai 22 de forà dales 21.15. La defilada piarà ia dal lift da La Crusc y passarà tres le zënter de Badia/San Linert, por rové dan le paiun dla Ćiasa J. B. Runcher, olache al sarà le gran past da noza cun les spezialitês ladines. La defilada gnarà daurida da mituns y dala Böhmische de Badia. Sciöche da tradiziun, ciafaràn la liösa cun la nücia, sü geniturs, le mënanücia y la ciamarita, la tota da bato. Sön n’atra liösa saràl le nüc, inće ël cun sü geniturs y le mënanüc. A pè o sön d’atres liöses saràl i atri familiars, i amisc y i vijins. Al ne manciarà nia val’grup musical, che abeliarà la noza cun i orghi da man, y les ëres cun la troht. Tröpes é les tradiziuns liades ala noza da paur: le dé dla noza, sön le iade da jì te dlijia, gnôl fat la parada, che vëgn inće ćiamò fata aldédaincö. Tratan le past ti gnôl portè na ćioura ai fredesc y ales sorus plü gragn di nüc ćiamò da maridé. Chësta ćioura messâi spo cumprè jö. La nücia, n’â le dé dla noza nia le guant blanch, mo n costüm tradizional y na corona de ciüfs blanć de cëra sön le će. Inće ai invià ala noza ti gnôl tachè sön le guant n ciüf de cëra. Ai maridà a man dërta y ai atri a man ciampa. I fredesc y i amisc di nüc se vistî de bi ćiapì fać sö cun plömes y ciüfs de metal. I jogn i arjignâ ca cun tröp savëi y impëgn. I jogn cun i ćiapì, parentè di nüc, ê i śonsì y les jones ê les śonseles. Le pröm śonsel y la pröma śonsela ê le fre y la só plü gragn di nüc y al ê chisc che daurî le bal do le past da noza. An podarà odëi dötes chëstes tradiziuns tratan la “Noza da Paur” ai 22 de forà a Badia. Por le garatè dla manifestaziun vëgnel rengrazié la Cassa Raiffeisen Val Badia y la Regiun Trentin-Südtirol por le sostëgn finanziar. Al vëgn rengrazié inće le Comun de Badia, i Stödafüch de Badia, la Crusc Blanćia Alta Badia, la Uniun di Ustis de Badia, la Uniun di Ćiavai Haflinger y la Uniun di Ćiavai Norics dla Val Badia, la sozieté di implanć La Crusc y düć chi che fej impara pro la defilada, che à metü a desposiziun i guanć o che se crüzia por le bun garatè dla manifestaziun, organisada dal’Assoziaziun Turistica de Badia.

Mascherèdes ta Penìa L Grop de la Mèscres de Dèlba e Penìa envìa duc a veder la mascherèdes endrezèdes chest an, aló da la veia scoles apede a la gejia de Sèn Bastian, da mesa les 9 da sera: en sàbeda ai 19 de firé “Tone Tomera e la sossìes” de Simon de Giulio; ai 3 de mèrz, jebia de carnascèr “L’ùltim vender de Giochele” de Stefen Dell’Antonio Monech e ai 8 de mèrz, mèrtesc de carnascèr, l’ùltim apuntament sarà con “L mèsc de la rocia” traslatèda da Vito Giuliani da Soraga. Desche semper doi sauc no menciarà co la mùsega de Giordano e Gigio.

Sozial Festa da Carnescià

La Grupa Uemes y Fenans mët a jì na pitla festa da Carnescià n mierculdi, ai 23 de fauré dala 14.30 te calonia a Urtijëi. Duc ie nviei de cuer. Deberieda: Pastelnon mascres da Carnescià N juebia ai 24 de fauré se ancunterons dala 14.00 tla sala dla sentedes dl Servisc Soziel a Urtijëi a pastelné de bela mascres. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Per nfurmazions plu avisa pudëis cherdé su Ulrike Rabanser, tel. 0471/798015. Ai 22 de forà vëgnel invié ia a Badia la Noza da Paur.

40

www.lauscdiladins.com


nr. 07 / 18 de fauré 2011

Informazions y Manifestazions

♦ Trofê Börz 2011

♦ Iade tla Croazia

En domënia ai 20 de forà él söl program la gara dla liösa, la domënia dedô chëra de slalom lerch

Les Lies da Munt dla Val Badia mët a jì dai 05.05. ai 08.05.2011 n iade tla Croazia cun escursciuns, vijites culturales y bun mangé

Le Sport Club Amatorial Antermëia à le plajëi da invié al Trofê Börz 2011, che prevëiga na gara dla liösa y öna de slalom lerch. La gara dla liösa é söl program bele chësta domënia ai 20 de forà dales 10.00, sön la pista Börz - Pè de Börz. Ala gara pòn tó pert ma cun les liöses altes. Les iscriziuns vëgn tutes sö ćina ai 19 de forà dales 17.00. I petorai vëgn partis fora en chël dé dales 8.30 inant. La gara de slalom lerch gnarà tignida la domënia ai 27 de forà sön la pista d’Antermëia. La pröma manche é preodüda Le placat che inviëia ala manifestaziun. dales 9.30, la secunda dales 12.30. Les iscriziuns vëgn tutes sö ćina ai 26 de forà dales 17.00, i petorai vëgn partis fora le dé dla gara dales 8 inant, tl raiun dl travert. Por informaziuns y iscriziuns a intrames les gares pon telefonè o menè n fax al nr. 0474/520055 o telefonè (SMS) al nr. de fonin 347/9229951. Da dè dant él la sort de competiziun che an tol pert, inom, cognom, ann de nasciüda y paîsc. Le SC Amatorial Antermëia se conforta a na gran partezipaziun.

Le iade dles lies da munt vëgn metü da jì dai 5 ai 8 de mà, cun chësc program: - jöbia, 05.05.2011: dala Val Badia Klagenfurt, Lubiana, ijola de Krk, Baska. A Lubiana vijita ala cité y marëna. Domisdé a Dobrinj vijita a na ćianô dal vin; - vëndres, 06.05.2011: escursciun por la munt Rebica (311m, za. 2 ores) al golf de Vela Luka y marëna te na ütia dlungia le mer. Indô zoruch por Rebica a pè o cun na barca a Baska; Odüda sön la cité de Rab, sön la isola dal - sabeda, 07.05.2011: da Baska cun na medemo inom. barca fina l’ijola de Rab. Vijita cun guida ala cité vedla de Rab. Marëna te n restorant tipich y indô zoruch a Baska cun la barca; - domënia, 08.05.2011: iade zoruch da Baska por Obatija, Istria, Portoroz. Vijita ala cité de Piran. Marëna te n bun restorant a Portoroz. Indô zoruch tla Val Badia por Trieste, Vittorio Veneto y Cortina. L’organisaziun se resservëia de fà cambiamënć de program. Le iade costa 330,00€ a porsona te na ćiamena da 2 leć (te ćiamena da 1 n let + 25,00€). Por tó pert él da paié ite al plü tert ćina al 1. de merz 2011 la soma de 330€ (o 335,00€) pro la Cassa Raiffeisen Val Badia, IBAN: IT58Q0801059130000303002314. Les prenotaziuns vêl aladô dl paiamënt registré tla banca. Chi che ô tó pert mëss ester scrić ite (o se scri ite) a öna dles Lies da Munt dla Val Badia. Le iade vëgn fat sce al tol pert almanco 35 porsones.

♦ Bona ueia tëmp de Carnescià La Lia dl Teater de Urtijëi mët a jì da carnescià trëi sëires de bona ueia, n sada ai 26 de fauré, n merdi ai 1. de merz y n Juebia Grassa ai 3 de merz tla cësa de cultura Luis Trenker a Urtijëi Ntan chesta sëires aràn l’ucajion de s’la rì, sciche l se toca. L unirà purtà dant de pitli teatri, danter l’auter nce la “Dorfchronik” y de autri skatch da se devertì coche nce “Revue’s“. L bel de dut chësc: n arà l’ucajion de udëi sun paladina atëures dla lia che n ne à giut nia plu udù, sambën deberieda cun truep atëures jëuni. La ntreda sarà dala 19.00 ulache la lia Ve saluderà duc cun n bon aperitif tl foyer. La sëira de bona ueia, cun maië y bever scumencerà pona dala 20.30. L ie mo da dì che deberieda cun nosta presidënta Marlis Moroder, dut l cunsëi y duc i reghisseres y atëures sons bele n trëi mënsc che se urton, per vester boni de mëter a jì na sëira drët garateda. Unide duc a ve devertì!

Mostres Ivan Gaio tla Galaria Teresa

Tla Galaria Teresa al Hotel Teresa a Al Plan él da odëi ćina la fin dla sajun da d’invern na mostra personala de pitöres de Ivan Gaio. Ivan Gaio laora bele da agn tla Val Badia y depënj por hobby. Tla mostra a Al Plan mëtel fora pitöres de contrades y motifs dl post y inće stüdi de motifs conesciüs tla pitöra europeica dl nücënt. Chedri de Barbara Tavella Tla Galaria Prisma a Balsan él gnü daurì la mostra personala de Barbara Tavella. La mostra sarà da odëi ćina ai 5 de merz dal mertesc ala sabeda, dales 10.00 ales 12.30 y dales 16.00 ales 19.00. Operes de Markus Moling

Tla “Galerie der Bezirksgemeinschaft Überetsch-Unterland” a Neumarkt (sot les laubes), él da odëi na mostra dl artist da La Val Markus Moling. La mostra é da odëi ćina ai 26 de forà dal mertesc ala sabeda dales 10.00 ales 12.00 y dales 16.30 ales 18.30. Mostra de fotografies ”Ega fërma”

La mostra de fotografies de Mirko Insam, dal titul ”Ega fërma”, sarà da udëi nchin ai 12 de merz, dal lunesc ala sada dala 10.00 ala 19.00 tl Café Surëdl. Duc ie nviei de cuer a unì a ti cialé. Mostra de Ottavia Demetz La mostra “Nchersciadum - Sehnsucht” dl’artista Ottavia Demetz ie tl self dla mostres dla Lia Mostra d’Ert a Urtijëi. La mostra resterà davierta uni di nchin a n dumënia 27 de fauré dala 10.00 ala 12.00 y dala 16.00 ala 18.00. Otto Dellago y Markus Prinoth.

♦ Cunzert di sculeies che fej pea pra l cuncors ♦ Show söi schi a Calfosch

“Prima la Musica” “Prima la musica” ie n cuncors de mujiga per jëuni de duta l’Austria y l Südtirol. Chëst ann iel inò plu sculeies dla Scola de Mujiga de Gherdëina che fajerà pea pra chësc cuncors Chëst ann saràl da jì a suné a Tluses, scumencian cun i 9 de merz. L ie unì cris ora 12 sculeies. Chisc ie Daniela Demetz, Dominik Demetz y Philipp Delazer che sona la percuscions, Elisabeth Lardschneider, Timea Kostner y Felix Oberhollenzer che sona l corn, Simon Delazer y Maximillian Oberhollenzer che sona la tumbrëta, Alessandra Kostner, Sophia Senoner, Cristina Fronteddu y Ujep Runggaldier che sona l tlavier. Duc chisc sculeies à truep talënt per la mujiga y se proa dassënn ntan l ann y sona a cësa cun lezitënza. I mutons ie bele da n valgun mënsc incà che mpera ite plu pec, a na moda che i ie boni de i suné bën, metan ite si sentimënc y Maximilian Oberhollenzer y Aaron emuzions tla mujiga. Penn. Per chësta ucajon uniràl metù a jì doi cunzerc per lascé audì bele danora ai genitores y parënc, ma sambën a duc i apasciunei coche ëi se à njenià ca. I doi cunzerc sarà n mierculdi, ai 23 de fauré tla aula magna dla Scola de Mujiga de Sëlva sun Plan da Tieja dala 18.00 y n juebia ai 24 de fauré dala 17.30 tla gran sala “Cassa dl Sparani” dla cësa de cultura de Urtijëi. Ve nvion a unì a scuté su.

Sön la pista “Colfosco” tl zënter dl paîsc da Calfosch, vëgnel metü da jì n gran spetacul söi schi, en lönesc ai 21 de forà La manifestaziun, metüda da jí dala Scora de Schi da Calfosch en colaboraziun cun l’Assoziaziun Turistica Corvara-Calfosch, é söl program ai 21 de forà dales 21.15. Sön pista gnaràl portè dant dai maestri de schi deplü sorts de demostraziuns söi schi y sön la brëia. Al ne gnarà nia ma presentè les ultimes novitês dl sport dai schi, dla tecnica dl carving y dl snowboard, mo al gnarà inće lascè odëi d’atres spezialitês de chësc sport da d’invern, sciöche p.ej. le telemark. I spetadus podarà ćiarè pro ala chentlada di maestri dla Scora de Schi da Calfosch, ai jori cun le parapënn y ala defilada da pert dla “Fanfara di Alpini”. Un di highlights dla serada é dessigü A Calfosch vëgnel metü da jì na schishow, en lönesc ai i salć y le spetacul acrobatic söi 21 de forà. schi, portè dant dal grup Vitamin F, n grup conesciü a livel internazional. La serada gnarà stlüta jö cun n bel spetacul de füć artifiziai. Düć é dër bel invià da tó pert ala manifestaziun. www.lauscdiladins.com

41


Informazions y Manifestazions

nr. 07 / 18 de fauré 2011

♦ Cunzert dl’Urchestra Haydn

♦ Tour de Sas

N juebia 24 de fauré dala 20.30 saràl te cësa de cultura de Urtijëi l setimo cunzert de chësta sajon di Jëuni de Mujiga de Gherdëina cun n cunzert dl’Urchestra Haydn de Trënt y Bulsan sot ala bachëta de Keiko Mitsuhashi

En domënia ai 20 de forà vëgnel invié ia la terza ediziun dla gara de schialpinism, cun i schi, mo zënza lift, incër Sas dla Crusc. N beliscim panorama söl Ju de Sant Antone y sön la Piza dales Nü, n bel rait a val tla Val de Medesc, 26 km y 2.100 m de deslivel

La dirighënta ie nasciuda tl 1980 a Tokyo y à bele scumencià cun cin’ani a suné tlavier y a se dé ju cun la cumposizion. Coche solista puderàn audì Karl Leister che sunerà l tlarinet. Ël ie nasciù a Wilhelmshaven tl 1937 y à mparà a suné l tlarinet da si pere. Coche solista àl sunà sot ala direzion de Karl Böhm, Aaron Copland y Rafael Frühbeck de Burgos. L prugram vëija dant de Sergej Prokofiev la sinfonia nr. 1 D-Dur, op. 25 “Klassische”, de Akira Nishimura Bardo i, per tlarinet y urchestra (chësc pez unirà purtà dant per l prim iede) y de Georges Bizet la sinfonia C-Dur. La chertes de ntreda ie da giapé sciche for pra la cassa al priesc de € 15,00 y € 8,00 (per chiche à manco de 26 ani o à l “Kulturpass”). Nfurmazions plu avisa sot a www.jmgconcert.it y www.haydn. La dirighënta Keiko Mitsuhashi. it

Referac Omeopatia y sè de Schüssler Le Consëi de Formaziun da San Martin mët da jì n referat cun la dot.a Barbara Kofler dal titul “Homöopatische Hausapotheke und Schüssler Salze”, en lönesc ai 21 de forà dales 20.00, tl salf di stodafüch a San Martin. “I cherdun, porchël baiunse”... cun sëgns y simboi

Chësc é le tema dl ann dè fora dala diozeja y le titul de n referat che vëgn metü da jì dal consëi de cöra da La Val en colaboraziun cun le consëi de formaziun. Referënt é siur Eugen Runggaldier. L’apuntamënt é por en mertesc ai 22 de forà dales 20.00, tl salf dles manifestaziuns da La Val.

Iadi, Jites y Escurscions Iade dl KVW dla Val Badia tla Liguria

Invit al iade de pelegrinaje tla Liguria (San Remo - Monaco) cun le KVW dla Val Badia, dai 2 ai 5 de mà 2011. Le iade costa 450,00€ (por na ćiamena singola 540,00€), da paié ite pro la Raiffeisen sön le cunt 000304009122 “Iade tla Liguria”. Hilda Sottara tol sö les prenotaziuns al nr. 0474/523133 o 338/9231013. Programs plü avisa ciafëise dai surastanć dl KVW.

La competiziun de schialpinism fej indô pert dla seria de prestisc Coppa delle Dolomiti y indô vëgnel premié i mius de Südtirol. Por düć i atleć, plü asvelć y manco asvelć, che ô se gode la natöra, saràl na esperiënza che an ne desmëntia nia. Por le pröm iade gnaràl inće metü da jì n concurs por i spetaus: le Tour de Sas tol pert ativamënter al concurs de foto dla Coppa delle Dolomiti, da chël che al gnarà fora la foto dla 20. ediziun. Sce na foto dl Tour de Sas davagna le concurs, spo aumentëia i organisadus le pest de 100,00€. Por s’arjigné ala competiziun vëgnel mostrè en sabeda sëra dales 20.30 tla Ćiasa J.B. Runcher a San Linert n film dl “Filmfestival della Montagna di Trento”. L’entrada é debann. Informaziuns sot a www.tourdesas.it. Sabeda ai 19 de forà - 19.00 - 21.00: destribuziun di numeri tla Ćiasa J.B. Runcher a San Linert; - 20.00: briefing por düć i partezipanć; - 20.30: presentaziun dl “Filmfestival della Montagna”. Domënia ai 20 de forà - 6.30 - 7.20: destribuziun di numeri te Ćiasa J.B. Runcher; - 8.00: daurida dl raiun dl start y control di materiai; Ai 20 de forà - 8.30: start a Badia (a munt dl pröm lift da La Crusc); vëgnel invié ia la - 11.30 za.: i pröms atleć röia al travert tl zënter de San Linert; terza ediziun dl - 13.30: pasta-party tla Ćiasa J.B. Runcher; - 16.00: premiaziun tla Ćiasa J.B. Runcher. Tour de Sas.

Dotors y Apoteches Dotor

L dutor de servisc dala 8.00 da duman de n sada 19 de fauré nchin la 8.00 da duman de n lunesc 21 de fauré ie l dutor Raphael Insam de Urtijëi, tel. 0471/797369 o l 0471/797076. Le dotur en sorvisc tla findledema di 19 y 20 de forà, ti comuns de Mareo y San Martin de Tor, é le dotur Edoardo Agreiter, San Martin de Tor, tel. 0474/501927. Ti comuns de Badia y Corvara saràl en sorvisc le dotur Guido Caretta, Calfosch/Corvara, tel. 0471/836870 o 337/616080. Apoteches

L’apoteca de servisc che à daviert ora dl orar ordiner da n vënerdi (dala 19.00) ai 18 de fauré nchin n vënerdi ai 25 de fauré ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00). L’apoteca en sorvisc fora dl orar ordinar, dal vëndres ai 18 de forà al vëndres ai 25 de forà 2011, é chëra da San Martin/Picolin, tel. 0474/523020.

Congratulazions

Schitour te Fascia

Les Lies da Munt Val Badia mët da jì en domënia ai 20 de forà na schitour sön la Cima Undici (2517 m - Fascia). Le tëmp da jì é de 4 ores y le deslivel é de 1.400 metri. Informaziuns ciafon al nr. 0471/844115. Cun la liösa sön la Luggeralm (Osttirol)

Les Lies da Munt Val Badia inviëia a na escursciun cun la liösa, en domënia ai 20 de forà. An jarà sön la Luggeralm foran Osttirol, fina a 1.630 o 1.910 metri. Le tëmp da jì é aladô dl travert che an ô arjunje, de 2 o 3 ores, por n deslivel de 310 o de 590 metri. Informaziuns al nr. 348/2615668.

Cursc Laurè sö fotografies

Le Fotoclub Val Badia mët a jì n curs da laurè cun le program Lightroom dla Adobe – “Workflow” do avëi fat jö. En particolar vëgnel insigné da ordiné les fotografies do categoria, da elaborè files jpg y raw, da mëte adöm proieziuns de dias, da stampè fotografies y da fà plates internet. Le curs é adatè por chi che sa bele da fà jö y vëgn tignì ai 28 de forà, ai 2 de merz y ai 4 de merz 2011 dales 20.00 ales 22.00 tl salf dla Cassa Raiffeisen a San Martin. Informaziuns y prenotaziuns: Helmut Elzenbaumer, fonin 338/7941256.

A nosta Madds da urëi bun düt le bun ti augurun. Ai 16 de forà él spo stè l’dé ulache t’as ince tö arjunt la majera eté. La patent ast’ bel tl će y purchël la sabeda n’él pa nia plü tan da festejé. Canche al é da se devertì est’ tres la prüma y sciöche te nen cunesciuns’ ma üna. Cun te uns’ tres pudü dassënn s’la rì y sperun da se dè na “hez” inće tl dagnì. De te ne vëgnera pa mai da se desmentié y döt le bun de chësc monn t’auguruns’ ma a te. Alle, Sabbi, Cisci, Marli, Evve, Carolin, Marli, Lanna, Lelena

Imparè da odëi zënza odlà

Do la tradiziun di ultims agn vëgnel inće en chësc ann indô metü a jì n curs por imparè da odëi zënza odlà cun Leo Angart. Le curs gnarà tignì ai 21 y 22 de mà 2011 tl Wiedenhofer Hotel a Terenten. Chi che oress de plü informaziuns é perià de cherdè sö tl salon Ilda a Corvara 0471/836192 – 338/8540420 o scrì na mail a: ilda@saloneilda.191.it.

Musiga “Proteus Quartet” a La Grenz Va inant l’empegn de la sociazion La Grenz per ge sporjer ai sozi de bela serèdes de musega dal vif. En sàbeda ai 19 de firé da les 21.30 se podarà scutèr l bel conzert de “Proteus Quartet”, con Federica Tomasini a la ousc, Gabriele Brigadoi al bas acustich, Ivo Brigadoi al violoncel e Paolo Gabrielli a la percuscions. Per chi che no é amò sozi, l’entrèda vèl desche ratealisazion de la quota de iscrizion anuala.

42

www.lauscdiladins.com

A

Ivan che ai 18 de firé del 2011 l compesc 40 egn Tenc de augures e n bel braciacol da mama, àmede, barbes e duc chi che te vel ben


Congratulazions y Inserac

nr. 07 / 18 de fauré 2011

L’ena passeda à

Aziënda sanitara de Südtirol Raiun Sanitar da Bornech

Mitzi y Siegfried festejà la noza d’or

Avis publich

Ulon ti mbincé dut l bon, sanità y mo truepa legrëzes

Al vëgn lascè al savëi che tl Raiun Sanitar da Bornech vëgnel scrit fora na störa por le tëmp de cinch agn:

da Wilma y Cosmas cun i doi nepoc Alan y Isabel y la sor Hanny

primar/ia (diretur/ia) por le repart de pediatria (ospedal da Bornech). La störa é resservada al grup linguistich todësch. Al vëgn damanè l’atestat de bilinguism A. A

Le terminn por menè ite les domandes: anter les 16.00 di 14.03.2011.

Else Prinoth per l cumplì de si 80 ani ai 21 de fauré 2011 ti mbincia dut l bon, fertuna y sanità duc si mutons, jëndri y nepoc y ti sënt gra de dut l bën che la fej per duc.

Ai 16 de furà à cumplì

la Steffi i 60 agn! Te augurun düt l’ bun. Giulan por düt ći che te fejes por nos. Vijo cun Teresa, Lucia y Sofia

Döt le bun a

Tone y Albina dal Nora

co festejëia encö vëndres ai 18 de forá sü 51 agn de vita deboriada. Ti aoda Gabriela, Verena y Werner con families

A nosc nene

Nato d’Engl che à cumplì ai 17 de furà la bela eté de 91 agn. I Ves augurun ćiamò tröc de bi dis, ligrëzes y sodesfaziuns. Düt l’bun inće

a Chiara y Christian, che cumplësc inće i agn chisc dis. Carlo, Lucia, Maicol, Fabian

Da chirì L vën cris n cuatier per 3 persones da tò a fit da śën inant, per dut l ann, a Urtijëi o Runcadic. Tel. 328/7303601 o 340/3677549. (05/11) ••• Al vëgn chirì na mësa da mudé i pici (“Wickeltisch”). Tel. 339/3115679. (05/11) ••• L vën cris te Gherdëina n cuatier per na pitla familia. Tel. 349/4964230. (05/11) ••• L vën cris te Gherdëina n cuatier per trëi persones, per dut l ann. Tel. 380/9079545. (05/11) •••

Al vëgn chirì gherlandes vedles de banda, che gnô adorades dandaìa pro les sopoltöres. Tel. 377 2323891. (06/11) ••• Al vëgn chirì n apartamënt da tó en afit da merz inant por 2 porsones a Al Plan o a S. Laurënz. Tel. 328/7935384. (06/11) ••• N pèr che lëura a Urtijëi chier n cuatier per dut l ann da mei inant. Tel. 339/3378720. Nicola. (06/11) ••• L vën cris n pitl cuatier per trëi persones, a Urtijëi o ti luesc ntëurvia, per dut l ann. Tel. 327/4497267. (06/11)

••• L vën cris na mascin da cujì a lectrisc. Chi che n ëssa una da vënder possa cherdé su l 335/6970401. (06/11) ••• L vën cris n cuatier per na familia, per dut l ann, te Gherdëina. Tel. 329/6941500. (07/11) ••• N pèr dla Talia che lëura bele truep ani te Gherdëina chier n cuatier dai 1. de juni inant. Tel. 339/6004559. (07/11) ••• L vën cris n gran cuatier da tò a fit per dut l ann te Gherdëina o nce oradecà. Tel. 320/3871663. (07/11) •••

Crì da laour N ël cun 5 ani de esperienza chier da lëur coche pizzaiolo cun furnel a lënia o a lectrisc. Tel. 339/2206833. (05/11) ••• N’ ëila chier n lëur da sën inant tla Val Badia o te Gherdëina a rumé su majons. Tel. 338/7732267. (05/11) ••• Na jona de 21 agn cun l diplom de maturitè (liceo linguistich) y l trilinguism (laurea de dotorat) chir dai prùms de aurì inant fina la fin de nuvëmber en post sciòche secretaria tl’ Alta Badia. Tel. 348/9684310. (05/11) ••• N ël che sà tudësch y talian chier da lëur da conditer, da chelner, coche vardian o a fé de uni sort de stroc. Tel. 329/1540624. ••• N ël chier da lëur a lavé ju, a fé d’uni sort de stroc o scenó nce a mené seniëures cun l pulmin, sce l ie mesun te Gherdëina. Tel. 328/9318568. (05/11) ••• Na ëra dla Val Badia chir por 2 o 3 dis al edema, 3 ores a superscé o a daidé pra la blanciaria. Tel. 340/5627574. (05/11) ••• N ël chier da lëur a lavé ju, a judé te cësadafuech o a fé de uni sort de lëures. Tel. 345/8097702. (05/11) ••• N jëunn chier n lëur a judé te cësadafuech o a fé de uni sort de stroc. Tel. 327/8378389. (05/11) ••• N jëunn cun 16 ani de esperienza chier da lëur da pizzaiolo cun furnel a lënia o a lectrisc o da acrobata. Tel. 348/3277406. (05/11) ••• N’ëila se pitëssa per fé i lëures de rumé su y puzené per la fin dla sajon. Tel. 380/9079545. (05/11) ••• N’ëila se pitëssa per fé i lëures de rumé su y puzené per la fin dla sajon. Tel. 320/9370274. (05/11) ••• N ël chier da lëur te Gherdëina a judé te cësadafuech, a judé te n hotel a fé d’uni sort de stroc. Tel. 345/8097702. (06/11) ••• N pizzaiolo cun esperiënza chier da lëur te Ghedëina. Tel. 338/2713726. (06/11) ••• N ël chier da lëur sciche cuech o segondo cuech, per la sajon da d’instà che vën. Tel. 392/1513805 (cherdé su do la 17.00) ••• N’ëila cun esperienza chier da śën inant da lëur sciche segonda cuega, a judé te cësadafuech, o a fé de uni sort de stroc, sce la va te Sëlva. Tel. 328/9513949. (06/11) ••• N ël che rejona talian chier da lëur a cialé de na persona de tëmp. Tel. 345/3375092. ••• N ël cun esperienza chier da lëur da pizzaiolo. Tel. 338/2713726. (06/11) ••• N’ëila chier da lëur a rumé su te Gherdëina. Tel. 349/7388096. (06/11) ••• Na jëuna chier da lëur sciche chelnera, a judé te cësadafuech o nce a rumé su la majons, a puzené cuatieres o scenó nce a fé da fancela te na cësa privata, te Gherdëina. N ne à nia drë de ti dé d’albierch. Tel. 327/8850206. (06/11) ••• N ël chier da lëur per chësta sajon da d’inviern sciche aiut-cuech o capo partita. L à plu ani de esperienza y l diplom dla scola de hotelaria. Tel. 345/2562333. (06/11) ••• N’ëila che rejona talian chier da lëur a cialé de na persona de tëmp cun puscibltà de abité iló. Tel. 320/6564661. (07/11) ••• N ël chier da lëur a lavé ju te na cësadafuech. Tel. 327/0661987. (07/11) •••

I formulars por la domanda y informaziuns plü monüdes pòn ciafè tl ofize por concursc y assunziuns Bornech, str. Spital 11, 39031 Bornech tel. 0474/586027-28-36 sciöche inće sön la plata internet www. amtfuereinstellungenundwettbewerbe@sb-bruneck.it.

Provinzia Autonoma de Bulsan L’aministrazion dla Provinzia à scrit ora n cuncors per chisc profii profesciunei: 2 ispetëurs/res de biblioteca per la biblioteca “Dr. Friedrich Tessmann“ La stiera ie resserveda per la grupa de rujeneda tudëscia y ladina. Damandà vëniel l atestat de bilinguism A. La dumandes muessa unì dates ju nchin la 12.00 di 01.03.2011 Per nfurmazions plu avisa iel mesun cuntaté la Repartizion dl Personal, Ufize per tò su personal, a Bulsan tla streda Renon 13, telefonn 0471/412116 o 0471/412244 . La bandides de cuncors y i formulares per fé dumanda ie tl internet sot ala plata web dla Repartizion Personal: http://www.provinz.bz.it/personal/themen/ aufnahme-wettbewerbe-wettbewerbe.asp La dita da zumpradù Irsara Mattia a La Ila chir n zumpradù. Prëibel telefonè al 335/1341070.

L vën vendù la ultima garajes tl zënter de Urtijëi tla streda Roma 8. Per plu nfurmazions pudëis cherdé su l 0471/204634 o l 366/2777802.

La firma de Südtirol Dolomites Real Estate vënd per si tlienc scialdi de biei cuatieres a Desenzano sun l lech de Garda cun ududa sun l lech fac su a puntin de categoria cësa tlima “B”. Per plu nfurmazions pudëis cherdé su l 0471/204634 o l 366/2777802.

Wintersteiger leader mondial tla fornidöra de mascinars, sistems de deposit y de gestiun de imprësta-schi y snowboard, chir por la filiala d’La Ila 1 porsona orentida, dinamica y iniziativa por le sorvisc tliënć intern cun contrat a tëmp indeterminé por 40 ores edemanales dal lönesc al vëndres 8:00-12:00 y 14:00-18:00. Precondiziuns: diplom de madoranza, dër buna conoscënza dl talian y dl todësch scrit y baié y buna conoscënza dl ingleje scrit y baié, buna conoscënza software ambiënt windows office. An prëia da contatè la Wintersteiger Italia Gmbh-Srl al numer de telefonn 0471-845837, fax. 0471-844179 y e-mail: stefan.thaler@wintersteiger.it

www.lauscdiladins.com

43


Inserac, Religion y Anunzies

nr. 07 / 18 de fauré 2011

Da vende

La fujina da spangler Kostner te Sëlva chier 1 fant. Tel. 0471/794285 o 335/8246352.

Boutique Monika a Corvara chir n/na colaboradù/ëssa cun responsabilité. Prëibel telefonè al 339/5609782 Monika.

Tl zënter de Urtijëi sun plaza S.Antone vëniel fità via n local per butëiga o ufize de 30 m2 + 35 m2 de magasin bas ite. Per plu nfurmazions pudëis cherdé su l numer de fonin 335/222531 o scrì a info@bwilli.com.

Da vëne n auto Subaru Legacy SW Sport, corù blanch perla, trazion ntegrela, 150 cv dl 04/2010, cun 15.000 km. Tel. 0471/836081. (05/11) ••• L vën vendù na mascin da puzené fonc, n carello da spëisa, mascins da cësadafuech y mëises cun stuei sciche nueves che va bën per restaurant/bar. Tel. 333/8567505. (05/11)

••• Al vëgn venü 4 montli Bridgestone Turanza ER 30, mosöres 255/50/19, 103W (al 60%) a n bun prisc. Tel. 0471/847534 o 347/8907846. (06/11) ••• Al vëgn venü n Fiat Grande Punto Sport 1,9 mjet 130 CC, dl ann 2007, 60.000 km, corù cöce, cun tröc optionals y 4 felghes cun montli da d’invern. Telefonè

a Renè al 392/1876019. (06/11) ••• Al vëgn venü n VW Golf 1.4, dl 2006, cun 45.000 km. Prëibel telefonè al 338/3853063. (07/11) ••• L vën vendù n Fiat Panda 4 x 4 te de bona cundizions. Tel. 335/6047979. (07/11) •••

Da dé ca L vën dat ca n aparat da mustré films Super 8. Tel. 0471/797539. (07/11)

Hotel Ladinia *** a La Ila chir por la sajun da d’isté chelneri/es por salf y bar. Prëibel telefonè al 0471/847044 fax 0471/847394 o menè l curriculum a info@hotel-ladinia.com

La dita Othmar Daporta Termosanitars da Lungiarü chir da atira 1 laurant imparè fora o 1 lerner. Telefonè prëibel al 335/6665505.

Hotel Corona **** a Al Plan chir dai pröms de jügn inant na secretaria/ rezezionista autonoma cun de bones conoscënzes dl program AsaJ, di lingac talian y todësch y eventualmënter inće dl ingleje. Prëibel telefonè al 348/6041774 o al 0474/501038. (Rosmary Frenner)

i chiriun na porsona por i laûrs de ofize (che sa da adorè le program CAD) por mez le dé o inće döt le dé y 1 lerner da tistler ev. por do la scora. Tel. 0471/842375.

Hotel & Spa Rosa Alpina a San Ćiascian chir da atira n vardian dl post na cosmetichera/ massöra por la sajun da d’isté. Prëibel telefonè al 0471/849500 fax 0471/849377 gabi@rosalpina.it

Vangel dla Domenia Setima domënia dl ann A, ai 20 de forà 2011 Dal vagnele do San Matî, 5, 38-48 Studio Comeda a La Ila chir n/a jonn/a cun diplom de maturité interessè/ada a n laûr interessant y por döt l’ann sciöche impiegat/a contabl/a. Por plü informaziuns cherdè sö le 0471/847360.

Te chël tëmp à Gejù dit a sü discepui: “I ëis aldì ch’al é gnü dit: edl por edl y dënt por dënt. Iö indere ves diji: no stede a se mëte cuntra chël che ves fej de mal, mo sce un te bat söla massëdla dërta, tëgni inće ia l’atra. Y sce un ô te condüje dan signoria, por te tó la ćiamëja, spo lasci inće le mantel. Y sce un ô te sforzè da jì mile vari impara, spo va dui mile impara. Dài a chël che te prëia, y no desgorje chël che ô s’imprestè val’ da tè. I ëis aldì ch’al é gnü dit: te desses ti orëi bun a to proscim y ti avëi le sënn a to nemich. Iö indere ves diji: oredi bun a üsc nemisc, y periede por chi che ves porseghitëia, por ch’i deventëise fis de osc Pere tl cil; deach’al lascia lovè sorëdl sura i ri y i bugn, y al lascia plovëi sura i iüsć y i iniüsć. Sc’i ti orëis mâ bun a chi che ves ô bun a os, ći paiamënt podëise pa s’aspetè porchël? Ne fej nia chël inće i publicans? Y sc’i saludëis mâ üsc fredesc, ći fajëise pa de particolar laprò? Ne fej nia chësc inće i pagans? Os desses ester perfeć, sciöche inće osc Pere tl cil é perfet.” Parora dl Signur. – Lalt a té, Gejù Crist!

Bocaria Craffonara a Longega chir n bocà y n lerner. Prëibel telefonè al 0474/501005 info@craffonara.com

Rengraziamënt N lunesc ai 14 de fauré nes à lascià te na desgrazia cun l auto

Salvatore. Rengrazion duc chëi che nes ie stac daujin te chësc mumënt, i cumpanies, i cumpanies de lëur, i parënc, la familia Sanoner dl Hotel Adler y la Scola de Schi de Urtijëi. Ulon nce rengrazië de cuer duc chëi che à judà pra la desgrazia.

Le Comun de Badia chir n vardian/a por la Ćiasa dla Cultura a La Ila (laûr adatè por n pêr - al vëgn pité laprò n apartamënt). Informaziuns da ciafè te secretariat de comun al 0471/838224.

Margit cun familia. Che l pausse tla pesc de Chël Bel Die.

Rengraziamënt

a San Ćiascian chir na porsona dl post a daidé te salf por n per de ores danmisdé. Por informaziuns prëibel telefonè al 0471/849503.

Nëus son na firma scialdi nteressanta che fej sceles y chieron n lerner y n fant / persona che njinia ca l lëur. Plu nfurmazions sot a www.thomaseth.it Se ncunferton sce nes cherdëis su. Tel. 0471/707 177 Fonin: 335/625 0882

Hotel Luxor & Cairo **** Lido di Jesolo chier per la sajon da d’instà n chef capo partita chelneri/es per la sala na persona respunsabla per la sala na barista na persona che juda te reception. Prëibel mandé l curriculum a info@luxorcairohotel.it Telefonn 335/5446372.

Sottara Eusebio “Scebio” *09.02.1954 +05.02.2011 I rengraziun de cör düć chi che à perié por ël y che se l’recordarà inant te sües oraziuns, chi che é gnüs ala sopoltüra, che nes é stà dlungia te chisc momënć y che à fat spënores a fin de bëgn. Che Chël Bel Dî s’l’pàies. I familiars

Anunzia

La Cassa dl Sparagn de Südtirol S.p.A. chir por le raiun dla Val Badia y de Gherdëna n colaboradù (ël o ëra) jonn y orentì. Sce i ëis le diplom de madoranza o sc'i ëis stlüt jö n stüde universitar, i ëis na bela presënza, i sëis discret, adatè da laurè te grup y da rotëgn, spo menéde Osta domanda a: Cassa dl Sparagn de Südtirol Ofize por le personal Str. Cassa dl Sparagn 12, 39100 Balsan e-mail: personal@sparkasse.it tel. 0471/231289 o fax 0471/231303

44

www.lauscdiladins.com

inserac@ lauscdiladins. com L vën cris da cumpré de vedla erces dala blava y farina, de vedla stues, fonc, brëies de lën y massaria dla prima viera. Prëibel cherdé su l 338/3200159.

Franz Erlacher “dal Stoffl” * 4.12.1949 +12.1.2011 Franz, con massa prescia t’an este jü. Chël nos n’èssun nia orü. Te töa vita tan de crüzi aste albü, tan de pazionza aste albü, y con pazionza tö as sofrì. Prëitambel, śën da lassö, sc’te ćiares jö, che nos mai ne te desmonćiarun. I ringraziun düć chi co è gnüs ales corones y ala sopoltöra! Töes sorus

La Usc di Ladins  

Edition 0711