Page 1

portadoura dla onoranza claus gatterer 2012

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,80 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 03/2013 - 18 de jené 2013 online sun

Inrescida

5

Finanziamënć Paul Videsott y Vito Zingerle à podü pié do finanziamënć dala Provinzia por portè inant proieć tl ćiamp dl’inrescida scientifica.

La Copa dl Mond arsesc te Ampez En doman, sabeda, la Libra, en domenia l Super G. Les eles é en gara te Ampez, che se enjigna a na fin dl’edema de sport y de festa

10

San Ćiascian

Taialungia por le zënter Le Comun de Badia à lascè fà n bel conzet por l’abelimënt dl zënter da San Ćiascian. An ess orü mëte man cun la plaza, mo na strada d’azes cheriëia problems.

Porsones

12

Zënza televijiun Intervista cun Josef Erhard y Angelica Konrater da La Pli, na familia jona che à tut la dezijiun da banì la televijiun. Ai nes dij ćiodî.

Scola de Fascia

18 - 19

Comentar de pruma

Per for? de David Lardschneider

L sona iusta la zintl, coche n dij te Gherdëina, l’angonia per badiot, y l’angonìa te Fascia, Fedom, Col y Ampëz, truep inuemes per la medema cossa. Zachei de nosta cumenanza se n ie jit. Per for? A mi nstës me sàl rie da pensé, che l ne reste plu nët nia. Ncuei sónel la zintl per mi anda, Mariele da Pilat de Urtijëi. La se n ie jita per gauja dla malatia che fova si cumpania da truep ani incà, l crëibes o crebesc o cancher. Na cumpania ncompra, priculëusa. Che n sà, che la possa nce purté ala mort. Ma Mariele ne à mei perdù si otimism, si bona ueia. Y l ie chësc, dlongia la truepa autra cualiteies, che resta per for, de na persona. La persunalità, l carater, l carisma, l otimism, l crëidum, la forza, l bon cuer, truepa cualiteies che resta te nosc lecort, coche scincunda fata da chiche se n ie jit. De gra perchël, te restes danter nëus!

Studenc atives

Presidënt

Doi piates sun scomenzadives che à tout ite i studenc fascegn: la olimpiades de matematica e fisica, la statues de neif e l’empegn per la legalità

L fova dan ades vint ani che é cunesciù Maurizio Vezzali, cajù a Bulsan. L fajova l avocat. Ntant àl fat si cariera nce politica. Y da chëst’ena iel presidënt dl Cunsëi provinziel de Bulsan. Dije chësc dla cunescënza persunela ajache canche n rejona cun chiche n cunësc ràten che l ie plu saurì che n vënie nce scutà su. I autri presidënc dan ël ne à danz fat puech y nia n con’ di ladins tla istituzion Cunsëi provinziel de Bulsan. L se trata de mesures che messëssa valëi nce per i autri Cunsëies provinziei, chël de Trënt y, nce sce te n’autra situazion, chël de Belun. Mbën pona, Maurizio: cungratulazions per ti ncëria nueva y sce te urtes a avëi na mes’ëura dl’aurela te chisc valgun mënsc, datti una mossa y fé prëibel nce zeche per i ladins, te “ti” Cunsëi: gran ëura che l ladin vënie recunesciù ala per y posse nce unì rujenà te Cunsëi, cëla che la leges che à da n fé cun i ladins vënie nce publichedes per ladin, cëla che l vënie a s’l dé leges liteles che garantësce la prejënza sun mesura di ladins te Cunsëi y dantaldut che i ladins giape lerch, de rejon y te na majera mesura, tla cumiscions dl Cunsëi.

S. Cristina

23

Cor y Orchestra Bën 68 cumëmbri, veles dl cunsëi y cumëmbri nueves: l Cor y Orchestra de dlieja S. Cristina se à abinà nstadì per si senteda generela tla Ustaria Uridl. Uneranzes a plu cumëmbri. Hans Peter Runggaldier presidënt.

Runcadic

24

Pitl luech, gran lia Nstadì iel stat la senteda generela di Destudafuech de Runcadic. Hugo Fortarell y Manfred Kostner à pià do la uneranza y la bedaia de bront. Helmuth Piccolruaz ie unì numinà cumëmber d’unëur per si trënt’ani de servisc.

Letres

29

Minonghes Les letres y minonghes giateise a plata 29.

Daniela Merighetti é ruveda l ann passé sun l scialin plu aut dl podest. Tla Libra à la atleta taliana batù Lindsey Vonn y Maria Hoefl Riesch.

”Skandal”, i ”Taliban” y l ”parmigiano solidale” Les paroles y parolates dl ann 2012 tl Südtirol é litedes. L ann 2012 é sté l ann di scandai. Ma tl temp de crises y catastrofes con truepa ombria él ence truepa lum: per ejempl la azion de solidarité ”parmigiano solidale” o i agnoi custodi di studafuech Lingaz - Ala ti à toché a la SEL, a Alex Schwazer, ai Kastelruther Spatzen y a ciamò trueps d’autri: l ann 2012 é sté per i media l ann di scandai. Un deplù, un demanco, ma duc à fat rejoné cotant la popolazion de nosta provinzia, desche an à podù vedei da les propostes per la parola y la parolata dl ann. La juria todescia à perchel chirì fora ”Skandal” (scandal) sciche parola dl ann 2012. La parolata dl ann vegn dal mond da la finanza. Al é n numer che mesura ”la fioura dla economia” che ne ti à nia demé dé truep da pensé a la Talia, ma ence a d’autri stac europeics: l Spread. La parola ingleisa, che vegn capida avisa demé ti ambienc

finanziars, é n ejempl cler de coche an prova da ascone problems complesc do da paroles puech trasparentes y puech cleres.

L ”ciajuel sozial” Ma l tremoroz finanziar ne é nia sté l soul tremoroz che à scassé la Talia tratant l 2012, al é ence sté chel real tla Emilia Romagna, che à gaujé de gragn danns. Ma olache la stenta é grana, é ence la solidarité y la fantasia dla jent grana. Compré ciajuel y daidé chesta é l’idea de basa dla azion ”parmigiano solidale”. Chesta azion à abù n gran suzés y é ence ruveda ite tl vocabolar talian sciche sinonim per azions de aiut

per jent che l à debujegn. La juria taliana à perchel lité ”parmigiano solidale” sciche parola dl ann. La parolata dl ann é ence n neologism: al é i ”esodati”, cheles persones che é judes en pension y che fova spo do la reforma Fornero/Monti sibe zenza pension che zenza laour. La parola “esodati” ascon i problems esistenziai che à toché chestes persones.

Studafuech y Taliban Ence la parola dl ann 2012 ladina reverda les gran desgrazies che é suzedudes tratant l ann. Y ence tla Ladinia an vedù tant va inant a plata 2

David Lardschneider


Atualité

nr. 03 / 18 de jené 2013

”Skandal”, i ”Taliban” y l ”parmigiano solidale” Les paroles y parolates dl ann 2012 tl Südtirol é litedes. L ann 2012 é sté l ann di scandai. Ma tl temp de crises y catastrofes con truepa ombria él ence truepa lum: per ejempl la azion de solidarité ”parmigiano solidale” o i agnoi custodi di studafuech

Ruth Videsott, Monika Obrist y Claudia Provenzano é comembres dla juria per les paroles y parolates dl ann 2012 te Südtirol. va inant da la pruman plata

emportanta, per nia dì: de cie emportanza vitala che na bona protezion zivila é. L miour raprejentant de chest vers é nosc studafuech, perchel é ”studafuech” vegnù liteda parola dl ann. Ence dal pont de veduda linguistich él na parola positiva, daviache l neologism ladin é sté bon da se fé lerch te dutes les valedes empede les paroles forestes ”Feuerwehr/pompieri” adoredes denant. La parolata ladina é endere ”Taliban”. Ala é steda truep ti media en ocajion dla onoranza ”Claus Gatterer” a La Usc di Ladins. La juria l’arata ”parolata” per does rejons: n iade per la

desproporzion dl confront y spo, daviache al é sté n medium che l’à adoreda aposta - zenza che ala fossa efetivamenter vegnuda dita - per sciaudé su la descuscion. Les istituzions che organiseia la lita (l Post linguistich dl Istitut Cultural dl Südtirol, l Istitut per la Comunicazion spezifica y multilinguism dl’ EURAC, la Biblioteca provinziala Dr. Friedrich Teßmann y la Repartizion ladina dla Facolté de Scienzes dla Formazion dla Université Ledia de Bulsan) ti dij dilan a dutes y a duc che à mané ite propostes per la parola y la parolata dl ann 2012 y envieia bele sen da tò pert ence pro la edizion dl ann che vegn.

”Studafuech” é la parola ladina dl ann. Ei é sinonims de aiut y na bona protezion zivila.

La juria Andrea Abel, Institut für Fachkommunikation und Mehrsprachigkeit, EURAC Johannes Andresen, Landesbibliothek Dr. Friedrich Teßmann Martin Sagmeister, Abteilung für deutsche Kultur Eva Gratl, Oberschullehrerin und Publizistin Monika Obrist, Sprachstelle im Südtiroler Kulturinstitut Martina Irsara, Facolté de Scienzes dla Formazion dla Université Ledia de Bulsan Ruth Videsott Miribung, Repartizion ladina dla Facolté de Scienzes dla Formazion dla Université Ledia de Bulsan Gerda Videsott, Facolté de Scienzes dla Formazion dla Université Ledia de Bulsan Paul Videsott, Repartizion ladina dla Facolté de Scienzes dla Formazion dla Université Ledia de Bulsan Claudia Provenzano, Dipartimento Istruzione e Formazione italiana – Area Pedagogica Natascia Ralli, Istituto di Comunicazione Specialistica e Plurilinguismo, EURAC Isabella Stanizzi, Istituto di Comunicazione Specialistica e Plurilinguismo, EURAC

Gran suzes per Sabina Willeit N ne daussa nia l dì adaut, ajache “de gustibus”. Ma rujenan danter nëus ie Sabina Willeit stata la miëura pra l’opra „Hänsel y Gretel“ dan n valgun dis a Bulsan, arjunjan l’ezelënza Opra - Na usc bela mujela, segura, chëla de Sabina Willeit. I spetadëures ma nce i critics de mujiga à duc abù paroles de grandiscima lauda per l mezzosoprann Sabina Willeit de Sëlva, che à fat na bela paruda pra l’opra „Hänsel y Gretel“ de Engelbert Humperdinck ai 12 y 13 de jené tl Teater de Bulsan. L’opra ie la traspusizion te mujiga y teater dla cuntia cunesciuda lonc y lerch di fredesc Grimm. La bela mujiga, de

Sabina Willeit.

2

www.lauscdiladins.com

livel tecnich aut ma saurida da scuté su y la trama for faszinënta fej dainora n’opra che plej a pitli y granc. La mpurtanza de chësta prejentazion a Bulsan ie unida sotrisseda dala RAI che à dat tres sun la rë naziunela y live l’opra. Danter i solisć fòvel nce Sabina Willeit, mezzosopran cunesciù, che à bele ciantà de gran pertes te de gran teatri dl’Europa y plu dalonc; te chëst’opra àla abù la pert mpurtanta de Hänsel. Sabina Willeit à ciantà tan da mat bel, cun na boniscima pronunzia, a na maniera che duc fova boni de la ntënder saurì. De marueia coche la à sapù da mëter adum la performance de prejentazion cun l cianté: la ciantova fajan culëtes, pona punduda sun fonz, cun la giames mpontassù, fajan ginastica y mpo bona de cianté te uni posizion. Nce la nterpretazion fova a puntin, cun l elemënt ludich che univa ora drët bën, savan da fé do Hänsel te si maniera de vester pitl mut, per ejëmpl cun l dëit tla bocia ntan che l durmiva. La opra ie scialdi dalaibon, nia massa longia, cun de bela meludies melancoliches che spidlea la situazion de puvertà

de Hänsel y Gretel. Na gran pert tol ite la pert onirica, ulache Hänsel y Gretel, perdrët scialdi pueresc coche savon, se nsemieia che i giapa la plu bela scincundes, l ie plën de lëns da Nadel, lumes dut ntëur, angiuli che vën adalerch, na bela mëisa longia. Na pitla critica iel povester da ti fé al’orchestra, che à sunà de n śich massa adaut. Sabina Willeit al incontra à fat si gran paruda, la fova tan che tresora sun palch y ie for stata bona de sté ite tl ritm dla mujiga y dla trama. Willeit se n à tenì de bon dl gran publich prejënt, sambën nce dla truepa jënt di raions ladins che ie unida a scuté su, tulan nce pea i mutons. Summa summarum: da muië iel mé che l’opra ie mé stata doi iedesc da udëi y da scuté su. (David Lardschneider)

Priesc d’abonament anual: per la Talia: 64,00 euro. Foradecá: Raion 1 - Austria, Paejes Tudësc y Svizra: 64 euro per la zaita plu 86 euro per la posta, de ndut 150 euro. Raion 2 - Rest dl’Europa: 64 euro per la zaita plu 136 euro per la posta. De ndut 200 euro. Raion 3 - Dedora dl’Europa: 64 euro per la zaita plu 236 euro per la posta, de ndut 300 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Raiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 03 / 18 de jené 2013

Setima adunanza “Dolomia 2013” L’ena passeda iel stat te Gherdëina, japé y su per i biei crëps da nëif, la manifestazion de sucors alpin

Dolomia 2013: mumënc de arpizeda sun dlacia.

Lies - Pra la setima adunanza dla grupes de sucors tla Dolomites ai 12 y 13 de jené se àl ancuntà passa 90 alpinisć n reprejentanza dla grupes “Catores” de Gherdëina, “Ciamorces” de Fascia, “Croderes” dla Val Badia, “Scoiattoli” de Cortina, “Caprioli” de San Vito di Cadore,

“Aquile” de San Martino y “Ragni” de Pieve di Cadore. L’idea de se abiné danter alpinisć de duta la valedes dolomitiches per rujené dl svilup dl alpinism n generel, per renfurzé i stimuli etichalpinistics, per cialé de viers dl daunì y dla sustenibltà dl’atività su per i

crëps de nosc raions, ie bele nasciuda tl 2006. Ntlëuta ie la prima adunanza stata a San Martino di Castrozza.

Urganisazion di Catores L’edizion da chëst ann ie unida urganiseda dai Catores te Gherdëina,

cun a cë Adam Holzknecht. L prim di, la sada, iesen jic a se arpizé sun dlacia. I partezipanc ie jic su per la dlacia te cundizions scialdi bones, su per i pisciadoies dlacei de Saslonch, Val y Bulacia. Via per l di iel pona nce stat ancuntedes y descuscions n con’ dla nuviteies tl ciamp dla segurëza y de se muever sun dlacia. Da sëira iel stat la senteda ufiziela tla Cësa de Cultura ex Cungresc a Urtijëi, ulache l ie unì fat l rëndicont dl di y fat na valutazion plu lergia n con’ dl trend de svilup dl’arpizeda sun dlacia. Prejënc nce l ambolt de Urtijëi Ewald Moroder, l presidënt dla Lia da Mont de Gherdëina Tullio Mussner y Christina Demetz y Günther Pitscheider, presidënta y diretëur dl Cunsorz Turistich de Gherdëina.

Schialpinism Dolomia 2013: foto de una na grupa.

Adam Holzknecht.

L’atività de “Dolomia 2013” ie

jita inant n dumënia cun schialpinism. Nce sce l ne fova nia massa bel tëmp, ie i espunënc dla grupes d’elite de arpizeda plu cunesciudes tla Dolomites jic lonc, tla lueges plu ascundudes dl Parch naturel Puez-Odles. Argumënt de descuscion via per l di ie inò stat la segurëza sun la nëif dedora dai purtoies y la fazions liedes al fenomenn de massa de schialpinism, de jì cun la peves sun y dedora dai purtoies dai schi. La manifestazion ie fineda via cun na bona marënda duc deberieda te Val d’Ana, ulache i urganisadëures, cuntënc de coche la à butà, à mo n iede ulù sotrissé la mpurtanza de tenì adum, cossa che va a bën dl svilup positif dl alpinism. La proscima edizion de “Dolomia” sarà n auter ann a San Martino di Castrozza. David Lardschneider

Chëuta turistica te Südtirol

Pest de scoltöra y Trienala Ladina 2013

La pert dla chëuta turistica che l tlient dëssa paië per judé a finanzië la lies turistiches unirà te Südtirol scudida aldò dla categuria dl albierch

En chësc ann vëgnel indô invié artistes y artisć da tó pert al Pest artistich de scultöra Richard Agreiter, y ala Trienala Ladina

Turism - La Jonta cunferënza stampa do la provinziela à ai 14 de jené senteda dla Jonta. dat pro trëi cuotes danter Chël che unirà trat ite cun 0,70 y 1,30 euro per nuet. la chëuta turistica resterà tl Aldò dla situazion spezifica luech. 80% dla ntredes ie de uni luech à i chemuns l ududes dant per la Lia dl mesun de auzé chësta cuotes. Turism dl luech y l 20% per La chëuta turistica dëssa l Cunsorz Turistich. Per l unì scudida te doi pertes. L Cunsorz Turistich iel unì cuntribut marketing di metù la sëida minima de 1,8 patrons de cësa dëssa resté milions de nuetes fitedes via. na cossa ulentera sce la lies Te dut Südtirol iel mé trëi turistiches ne tira nia ite cunsorc turistics che ne demanco che ti ani passei. arjonj nia chësta sëida: chël La segonda pert ie la cuota dl Ahrntal, chël de Mont de che ti dëssa unì rateda ai Tl 2014 muesserà nce l tlient che vën te Südtirol Sëuc y dl Latemar-Ciadenac. tlienc. La ndicazions aldò ie judé a finanzië la lies turistiches. “Chisc messerà se taché ite unides dates pro dala Jonta a n auter cunsorz turistich,” provinziela sun la fundamënta de unì ratà leprò 1,30 euro. Tla prima à dit l presidënt dla Provinzia. n cheder de lege provinziela. categuria dëssel aldò dl presidënt I Chemuns arà sëuraprò al La chëuta turistica messerà unì dla Provinzia vester feter 7,5 duvier de tré ite la chëuta nce la paieda a scumencé dal prim de jené milions de nuetes fitedes via, tla cumpetënza de cuntrol aldò dla 2014. I assessëures provinziei fova segonda 10,7 milions y tla terza 5,8 ndicazions fates ora danter la Provinzia y l Assoziazion di a una che la cuota dl tlient dëssa milions. unì trata ite aldò dl priesc che vën I Chemuns, che giapa la Chemuns. Na ezezion ie ududa paià per l albierch. Nsci iel unì metù cumpetënza de tré ite chësta dant per grupes de sculeies, jëuni dant trëi cuotes. chëuta, possa aldò dla situazion nchin a 14 ani y per uties da mont Tlienc che dorm pra fitamajons spezifica auzé la cuotes nchin a ulache l ne muessa nia unì paià la o cuatieres privac, sun luesc da 2,00 euro a nuet. Chësc possa unì cuota dl tlient. paur o te n albierch da una o doi fat aldò de n bënsté dla lia turistica. La dezijion dla Jonta provinziela stëiles dëssa paië 0,70 euro per “L Chemun ne muessa nia auzé la ie unida valuteda da si presidënt nuet. Chiche dorm te n albierch cuota per uni categuria unfat, a na Durnwalder sciche n cumpromis da trëi stëiles messerà paië 1,00 maniera che l possa l adaté a si che tën cont de duta la categuries euro per nuet y per na nuet te n situazion tl luech,” à spiegà l nteressedes. (Ufize stampa hotel da cater o cin’ stëiles dëssel presidënt Luis Durnwalder tla provinziel de Südtirol)

Museums - Le Museum Ladin Ćiastel de Tor scrî fora dui concursc por sostignì y fà conësce i artisć ladins y les artistes ladines. Al Pest artistich de scultöra Richard Agreiter 2013 po tó pert düć i artisć y les artistes de scoltöra dl raiun dl Tirol storich (Nord-, Ost- y Südtirol, Trentin y les valades ladines de Badia, Gherdëna, Fascia, Fodom y Ampëz) y la Trienala Ladina é por düć i artisć y les artistes dles cin’ valades ladines dles Dolomites, di Grijuns y dl Friûl. Cun chësta scomenciadia déssel gnì valorisé y sostignì la produziun artistica ladina y al ti dess gnì pité a chi che tol pert la poscibilité da se baratè fora a livel cultural y se fà conësce a n publich plü ampl. Le Museum Ladin Ćiastel de Tor cun sënta a San Martin de Tor à metü da jì intrami i concursc tl medemo tëmp, mo ai s’adressëia a artistes y artisć desfarënć, y à tematiches desvalies.

Pest Richard Agreiter Al Pest artistich de scoltöra Richard Agreiter 2013 po tó pert artisć y artistes de scoltöra che laora y é aćiasà tl raiun dl Tirol storich (Nord-, Ost- y Südtirol, Trentin y les valades ladines de Badia,

Gherdëna, Fascia, Fodom y Ampëz) y che à n lian particolar cun la cultura, la storia y les tradiziuns de chisc raiuns. Chësc concurs vëgn organisé en colauraziun cun l’artist Richard Agreiter; le pest é de 10.000,00€.

Trienala Ladina Pro la Trienala Ladina 2013 po fà para i artisć y les artistes che à süa residënza tles cin’ valades ladines dles Dolomites (Val Badia, Gherdëna, Fodom, Fascia y Anpezo), ti Grijuns y tl Friûl. Al po inće tó pert artisć y artistes che se sënt ladins y che à n lian particolar cun la cultura, la storia y les tradiziuns ladines. Chi che tol pert po se presentè cun n’opera realisada te na sort d’ert a plajëi. Les cin’ porsones che davagna podarà mëte fora süa opera te na mostra coletiva tl Museum Ladin Ćiastel de Tor. La documentaziun damanada dala bandida dl concurs é da dè jö ćina ai 11 de forà dl 2013, dales 9.00. La daurida dla mostra coletiva ”Trienala Ladina 2013” y le conferimënt dl Pest artistich de scoltöra Richard Agreiter 2013 sarà ai 19 de messè dl 2013 dales 18.00, tl Museum Ladin Ćiastel de Tor. (osp) www.lauscdiladins.com

3


Atualité

nr. 03 / 18 de jené 2013

Aiut Alpin Dolomites Do l gran not che la scuadra de sucors à abù ntan la festes da Nadel se à sën dut mpue’ chietà via. Sambën che l ie for mo jënt che chier ora nosta bela montes per se devertì sun i purtoies njeniei ca a puntin. Per i ntervënc de chisc dis iel da auzé ora doi caji plutosc griefs. Un ie suzedù sun la furcela de Mesdì tla grupa dla Odles. N ël de Tesero che fova tl lëur de furné ju a nëif ntiera de viers de Funes, fova tumà dassënn se rumpian l fil dl spinel. Te n tel cajo iel debujën de truepa gheneda y n muessa mëter a verda dassënn a ciarië l pazient tl sach vacuum dan l julé te spedel. N auter cajo ulache l desfertunà se ova ënghe tichenà l fil dl spinel iel suzedù sun l purtoi de Klausberg. N ël dla Romania fova tumà dassënn ntan che l furnova cun i schi y ova batù l spinel sun na plata de nëif dura. Ël ne sentiva nia plu si giama ciancia y nce te chësc cajo fòvel da lauré, metan scialdi a verda dan l julé tl spedel de Bulsan. N ntervënt che n à pudù ressolver riesc per merit dl joler ie zënzauter stat canche l fova da purté aiut a n’ëila de 40 ani de Brescia che fova sbrisceda sun l troi che ruva sun la

Nemesalm te Le Sest/Sexten. La ova batù dassënn l cë ma la fova te na luegia ulache l ne fova nia saurì a ruvé permez. Per ruvé pra la desfertuneda a pe ëssen dessegur abù plu ëures, ma cun l joler fòven iló te puech menuc. N à lascià ju l sucoridëur y l dutor cun na binda y do la prima cures l’àn trata su tl joler y juleda te spedel de Sanciana/ Innichen. Bëndebo’ mel al cë se à nce fat n ël tudësch che fova tumà sun l purtoi Altin a La Ila. Nce chësc ël àn menà cun l joler a Bulsan te spedel ulache l ie na bona neurochirurgia. L suzed nce datrai che vel’ un toma burt sun n purtoi, ma sul mumënt ne seméiel nia che l se ebe fat gran truep. Nscila ti iela suzeduda a n’ëila che fova tumeda cun i schi, l ne semiova nia che la se ëssa fat mel, ajache la ie mo jita cun si cumpanies nchin te hotel. N valgun’ ëura do iela tumeda ntëur ne dajan plu degun batimënt. L dutor dl Aiut Alpin fova riesc unit adalerch y à cunstatà che la ova ferides dedite. Nscila l’àn ciarieda y meneda cun l joler tl spedel de Bulsan. Chësc fova nce n ntervënt particuler, ajache l fova bele scialdi tert y per puec menuc ti l’àn mo fata a la mené te spedel dan che l fossa unit la pruibizion de julé per

de Armin Moroder l scur, che vën cuntruleda dal’autoriteies. Tla zentrela dl Aiut Alpin a Puntives vëniel nce uni tant vel’ ambulanza cun n pazient che à riesc debujën de na vijita dl dutor o de unì menà de prëscia te spedel. Nscila iela stata per n pitl sculé de diesc ani che fova te si tlas a Runcadic y fova tumà ntëur. L dutor l à vijità y à tëut la dezijion de l mené cun l joler te spedel de Bulsan.

Chesta é la minonga de Albert Pizzinini de Ladins Dolomites, en cont dl’acordanza PD-SVPPATT enfinamai de n gran pericul, sciche an po lieje: ”La SVP é juda ite na aleanza con l PD de Bersani che à na aleanza con Sel de Nichi Vendola. La domanda che an mess se fé sen é tant inant che l program y la azion eventuala de Govern de Bersani posse jì ben per Südtirol. Duc i governs de man ciancia é caraterisés da na impostazion fiscala dret progressiva, da coutes patrimoniales, de suzescion y donazion. Chest raprejenteia dret n gran pericul per nosta jent che é steda bona con agn de fadia y sacrifizes de se mete da pert valch. Sce la SVP é bona de ruvé a tant per n scagn mèssen veramenter se mete les mans ti ciaveis”, scluj ju Albert Pizzinini. (pablo)

Albert Pizzinini de Ladins Dolomites.

Les domandes por n contribut provinzial por l’ativité culturala 2013 à da gnì dades jö anter le 31 de jenà. Chëres por investimënć, proieć culturai, ativitês artistiches y de formaziun pòn dè jö döt l’ann

4

www.lauscdiladins.com

a n colaboradù/na colaboradëssa dl Ofize Scora y Cultura ladina, y da damanè inće do informaziuns. Chësc sorvisc vëgn pité por les lies de Gherdëna, al 31.01.2013 dales 16.00 ales 18.00, te ćiasa de comun a Urtijëi tla pröma alzada tl salf dles sentades. Por les lies dla Val Badia pòn s’anuzè de chësc sorvisc ai 25.01.2013 dales 16.00 ales 18.00, te ćiasa de comun a Badia, y ai 30.01.2013 dales 16.00 ales 18.00, te ćiasa de comun a Al

Na ciacoleda con l verdaparch ampezan Angelo Bernardi Agnel

Cales é pa vostes manscions? Sciche verdaparch feje samben n laour de vardian, i me cruzie dl mantegniment dles stredes, di troi y dles tabeles. I é l compit de cialé dles cianeves di tiers. D’aisciuda y d’isté, can che al ruva adalerch scolés en jita messonse nos verdaparch ti la conté sun l Parch Natural dles Dolomites d’Ampez y sun nost laour. Ie ti la conte scialdi sun la fauna; i tiers é na mia pascion. L Parch Natural vegn manajé da les Regoles. Tant emportant él pa che al sie chesta istituzion a cialé soura dl Parch? Al é un di puec caji t’Italia olà che n Parch Natural vegn manajé da na istituzion sciche les Regoles. Chesta é na garanzia per l teritore y per sia storia. Al vegn ence cialé de tò su jent dl post, jent che conesc l raion y che à pascion.

Damanè contribuć "culturai" Cultura - Chi che à l’intenziun da damanè do n contribut provinzial por l’ativité culturala, dess se scrì sö le termo dl 31 de jenà 2013. La Repartiziun Cultura y Intendënza Ladina, adöm cun la Consulta provinziala por le grup linguistich ladin, lascia alsavëi che anter chësc dé saràl da dè jö les domandes. Inće chësc ann vara da dè jö les domandes por n contribut cultural diretamënter tles valades ladines,

Uedli y oredles daverc sun la sozieté ladina d’aldidancuei

La Usc: Can eise pa metù man de fé l verdaparch? Angelo Bernardi Agnel: Al é 22 agn che i feje chest laour, i é scomencé dl 1990. Danter i verdaparch de Cortina sonse l plu vedl, de servisc, ma ence d’eté.

”Na acordanza per l scagn” Politica - Sciche an sa, é la SVP juda ite per les lites parlamentares na acordanza con l Partì Democratich, l PD. La acordanza é vegnuda sotescrita en vendres dant otedì a Roma dal sourastant SVP Richard Theiner. Per l parlamentar dla SVP Karl Zeller se tratela de n gran vare enant, deache al deura les portes per l terz statut de autonomia de Südtirol. L’acordanza - enscì Zeller tl foliet ”Die Neue Südtiroler Tageszeitung” - vuel dì, per la nueva autonomia fiscala y per l trasferiment de competenzes emportantes - n gran saut de cualité per Südtirol. Ladins Dolomites n’à endere nia truepa ligreza con chesta acordanza, sciche Albert Pizzinini scriv te n comunicat stampa, olache al rejona

Dancà y da na pert

Plan. Les domandes po sambëgn inće gnì ortiades por posta ala Provinzia Autonoma de Balsan-Südtirol, Ofize cultura y scora ladina 18.1, Bindergasse 29, 39100 Balsan. I formulars dles domandes é da ciafè sön la plata internet www. provinzia.bz.it/ntendenza-ladina/ service/formuleres-cultura.asp o tl Ofize cultura y scora ladina, Bindergasse 29, Balsan, Tel. 0471417020/21.

I eis dit che i seis apascioné de tiers. Eise pa tiers? Sci, i é doi ciavai, n noricher y n murgese. I ove tout per prum l murgese, ma da soul me menòvel picé, al jiva for a mangé tla cianeva deberieda con rehli y cerfs. Mi fi me à baié su y i é tout na ciavala, de raza noricher, che i é adestré ie.

outa chei é abù la poscibelté. Podeise pa lié vosta pascion per i ciavai con vost laour? I é bele for abù l dejidere de mete adum mi laour con mia pascion per i ciavai. Perchel ae ence tout su n auter ciaval, i é na gucia y na liosa y i tole ence pert a truepes manifestazions te paisc, sciche per ejempl en ocajion de San Nicolò o San Martin, ma ence can che al é vegnù festejé i 500 agn da la vegnuda dl imperadour Maximilian I te Ampez me ae vestì su y son vegnù adalerch a ciaval. Al me plej da fé chestes cosses, da mete a desposizion chel che i sà y samben mi ciavai. À pa i ciavai ence na lerch te vost laour da verdaparch? Al é bele da trueps agn che i feje la proposta a les Regoles de mete tl parch doi vardians a ciaval. Per valgugn fòvel ence na bona idea, ma perempò ne s’àla mai concretisé… Dantaldut d’isté fòssal interessant podei jì a ciaval, ence per se mueve plu debota. Ie metesse gen a desposizion dles Regoles mi tiers, ma al é n impegn economich che chesta istituzion ne vuel per l moment nia se tò su. Olà eise pa i ciavai? I é i ciavai te na picia stala sun l teritore dles Regoles che i é tout en afit.

Da can eise pa la pascion per i ciavai? La pascion peri i ciavai ae da pice ensù. I é metù man de me dé ju con chest tier bele da joen. I laorove sun l luech da paur de Giorgio Meneguto, olà che i jive ence con la gucia a porté entourn sciori y olà che i é podù emparé truep.

Trueps à poura da chest gran tier… Samben, ajache al é gran y con n pice moviment che al fej possel te fé mel. An mess dagnora mete averda can che an ti va permez. La poura vegn ajache la jent ne conesc nia l ciaval. Ence can che al ruva adalerch i plu pici ti dije for de ne scraié nia, de ne fé nia movimenc fetri y fora de nia. L ciaval é n tier che à enstes na gran tema, perchel él da i jì permez con calma, da davant y nia da viadedò.

Can seise pa senté per la pruma outa sun n ciaval? I ove 12 agn can che i son jù per la pruma outa a ciaval. A Cianpo fòvel na pista da jì a ciaval. Dailò èi abù mi prum contat con chesta bestia. Spo sonse jù vigni

Capesc pa n ciaval sce na persona à poura? Sce, al sent l tof dla agitazion, perchel vàl dagnora de bujegn de calma y tranculité can che an se senta sun n tel tier. (Intervista de Katia Pizzinini)


Atualité

nr. 03 / 18 de jené 2013

Finanziada l’archirida ladina Paul Videsott y Vito Zingerle à podü pié do n finanziamënt dala Provinzia, por portè inant proieć tl ćiamp dla archirida scientifica Atualité - Ara é dl 2006 la lege provinziala che conzed de scrì fora concursc por finanzié proieć de archirida scientifica tl Südtirol. L’obietif é chël de promöie le svilup, la cualité y la internazionalisaziun dla inrescida te nosta regiun. I contrać de finanziamënt ai proieć scientifics che à davagné le secundo concurs metü a jì dala Provinzia, é gnüs surandà la jöbia ai 20 de dezëmber dl 2012 a Balsan. 132 é les propostes che é gnüdes valutades da na comisciun internazionala y spo dal Comitat Tecnich provinzial. Al nen n’é gnü chirì fora 25, che gnarà finanzià cun i za. 4,3 miliuns de Euro metüs a desposiziun. Danter i benefiziars él inće dui ladins: Vito Zingerle da San Martin, diretur dl Museum de Sciënzes Naturales da Balsan y Paul Videsott da Al Plan de Mareo, professur tla Université Lëdia da Balsan. Al concurs podô tό pert istituziuns provinziales y publiches, universitês, museums, mo inće privać y assoziaziuns de privać che laora tl ćiamp dla archirida scientifica. “Ara se trata de n concurs dër competitif, deache al tol ite dötes les disciplines scientifiches”, confessëia Paul Videsott che à podü odëi so proiet danter i 25 che la Comisciun internazionala y spo chëra tecnica da Balsan à aratè de mirit.

N vocabolar por arichì le ladin Le Vocabolar dl Ladin Leterar é le proiet che Paul Videsott, dozënt tla repartiziun ladina dla Université Lëdia da Balsan, se tol dant de realisé ti proscims trëi agn, en colaboraziun cun deplü esperć dl lingaz ladin y deboriada cun zëntri de archirida che porta inant proieć de vocabolars a livel regional (Grijuns, Friul) y internazional (Talia, Franzia,

Germania). “Realisé n vocabolar te n lingaz de mendranza ô dì mëte a desposiziun n strumënt de consultaziun, mo inće de conservaziun dl lingaz”, dij Videsott, che arata le Vocabolar Leterar na fontana de gran arichimënt y prestisc por le ladin. Le Vocabolar dl Ladin Leterar é n vocabolar che se basëia deplëgn sön tesć leterars, sön les parores y sön i significać desvalis che an ciafa laite. “Le proiet pëia ia da n corpus de 1.500 tesć leterars che va dal 1800 fina al dédaincö”, spliga le professur. “L’idea é chëra de ciafè fora düć i significać che i auturs ladins i à dè ales parores tl tëmp, de capì sciöche ares s’à trasformè o mudé ti agn y de descorì significać che é jüs a perde.” Le Vocabolar dl Ladin Leterar à dunca inće na valüta storica che pormët de capì sciöche les parores gnô adorades zacan. Le material coiü adöm gnarà metü te na banca de dać, che an podarà consultè sön internet (http://vll.ladintal.it). Le proiet gnarà spo stlüt jö cun la publicaziun de n vocabolar y cun le fin de ne lascè nia plü la determinaziun dl’adoranza dles parores a iudizi individuai y sogetifs, mo de daurì les portes a n “bel” ladin, a chës parores y a chi significać anuzà dai auturs da zacan insö, a n lingaz documentè y sostignì da süa adoranza tl tëmp.

Vito Zingerle, diretur dl Museum de Sciënzes Naturales da Balsan.

zënza messëi dagnora se imprestè les parores dal todësch o dal talian”, dij Videsott. “Dantaldöt tla leteratöra dl 1900 gnôl imprestè fora tröpes parores danter n idiom y l’ater, deache i auturs definî la cualité leterara do da d’atri criters che plü tert, canche tröc auturs à metü man da se limité a parores de so idiom o ćinamai de so paisc.” Le Vocabolar dl Ladin Leterar ô dunca i dè vita a n lingaz plü bel y plü rich, n ligaz plü davert che ô se fà capì da düć.

Düć i idioms adöm

Definì le DNA di paôi

Le Vocabolar Ladin Leterar ô ester n strumënt de consultaziun y conservaziun complet y tol porchël ite düć i idioms ladins. “Chësc é inće important por la comprensciun interladina, por che an mëtes indô man da ćiarè sura i confins dles valades fora. Te düć i idioms ladins él tröpes parores, che podess daidé da stopè loces terminologiches,

Benefizié dl contrat de finanziamënt po inće le proiet portè dant dal Museum de Sciënzes Naturales da Balsan, sot ala direziun de Vito Zingerle da San Martin de Tor. “Ara se trata de n proiet che à sciöche fin la determinaziun dl patrimone genetich di paôi tl raiun dles Alpes zentrales”, spliga Zingerle. “L’obietif é chël de determiné le

DNA di paôi tres metodes de analisa dër inovatives(DNA barcoding, ndr), che adora ma na picia cuantité de sostanza organica, inće ma dl ü o de na larva, por definì le codesc genetich de chisc tiers.” Le proiet gnarà portè inant dal Museum de

Sciënzes Naturales da Balsan en colaboraziun cun le Museum tirolesc Ferdinandeum y cun n istitut canadesc spezialisé tl DNA barcoding. “L’idea é nasciüda por mëte a confrunt la fauna di raiuns a nord cun chëra che vir tl süd dles Alpes, na fauna che pê analoga, mo che é pordërt dër desvalia”, dij l’espert. Gran valüta à chësc proiet por Südtirol. Al portarà ala realisaziun de n archif de dać (che an podarà consulté sön la plata intenet www.boldsystems.org), che gnarà metü a desposiziun de inrescidus de döt le monn. “L’importanza de chësc proiet sta te süa portada internazionala, tles metodes de analisa che é dër inovatives, mo impò é le lian cun le teritore dër strënt.” Grana é la sodesfaziun de Zingerle che po portè inant n proiet te n ćiamp, chël dla archirida scientifica, che è dër competitif, olache “te vas inant ma sce te arjunjes resultać”, mo inće deache a benefizié dl finanziamënt él dui ladins, che dà insciö n contribut important al svilup, ala cualité y al’internazionalisaziun dla inrescida tl Südtirol. (kp)

Le professur universitar Paul Videsott.

www.lauscdiladins.com

5


nr. 03 / 18 de jené 2013

Mario Detomas à cognosciù la mendranzes d’Europa L student universitèr fascian l’à abù l met de jir n fin de setemèna a Leeuwarden te la Frisia e tor pèrt a conferenzes e meisa torones su la mendranzes de l’Europa e sie raport coi social network Joegn e mendranzes - Scrit ite a l’Università San Raffaele a Milan te la Facoltà de Medejina, a la fin de november Mario Detomas l’à abù l met de jir a Leeuwarden te la Frisia en Olanda per tor pèrt a n convegn su la mendranzes e i social network endrezà da la sociazion Mercator en colaborazion con l’Academia de la Frisia e n auter ent che se cruzia de mendranzes linguistiches a livel european, l NPLD (Network to Promote Linguistic Diversity). Ogne doi egn vegn endrezà chest convegn e ogne outa te n post desferent e con n argoment desferent. Mario Detomas, ensema a Sabrina Rasom, responsabola de l’ofize linguistich del Comun general, i à tout pèrt al convegn de chest an. Anter duc i studenc fascegn, Mario l’é stat cernù percheche l’é l raprejentant di studenc universitères tel Comun general de Fascia e l’aea fat n grop su Facebook per i “Studenc universitères fascegn” che tol ite béleche 100 studenc universitères de la val. Amò apede Mario l sà n muie ben l’ingleis, ajache l’à fat l 4° an se scola auta ti USA e l’à ence l patentin de ladin.

L’esperienza te la Frisia “L’é stat fat dut coran – ne conta Mario – e te trei setemane é cognù dezider e jir. Aló é tout part a scontrade e meise torone e referac de projec de professores universitares de n muie de mendranze da duta Europa. Enstouta l’argoment l’era mendranze e social network, e l’é stat rejonà de coche se pel far a slariar l lengaz de mendranza tras i social network. L’é stat proprio bel e de gran stimol perché desvalives projec se podessa i far ence chiò da noi. Aon cognosciù l’esperienza de na tousa finlandeisa che per studie la stasc en Svezia e aló l’à endrezà n grop su Facebook per star en contat con duc i studenc finlandeisc. Dapò l’era n Bretone che l’à traslatà

Mario Detomas.

valch piata de Wikipedia per Breton e amò n’autra tousa che fasc part de la mendranza Meänkieli e che te so paìsc, la Svezia, la é cognosciuda da duc percheche l’à n blog so sun internet olache la scrif dut col lengaz de mendranza. N auter projet che me à sapù bel l’é stat chel de una da la Frisia che laora te n teater e la ne à contà che la endreza spetacoi de teater te so

lengaz e dapò i tol i film per ingleis e i li dopia te so lengaz de mendranza, i n farà presciapech trei a l’an”. Apede a la meisa torona, Mario e Sabrina i à tout pèrt ence a desvalives seminaries. N’autra bela esperienza per Mario: “i Basches ne à contà che ic i à trei televijion e che i é 1 milion te la Spagna e 300 mile te la Franzia e che l 97% i se à declarà de partegnir a chesta mendranza e i rejona basch a ciasa. N professor de l’Università de Cardiff tel Galles ne à amò contà de sia enrescida. El l’à domanà a Facebook e Twitter de poder monitorar i utenc de na zona prezisa e vardar chi che scrivea con so lengaz de mendranza. L’é vegnù fora che i joegn da ic, se i à l met, i scrif ence per galeis. Ence n muie bel l’é stat sentir na beza da la Svezia che su na stazion radio desche per te dir “Radio Studio Record” l’à n program dut so sui joegn e dut per so lengaz de mendranza.”

Chel che é restà! “L’é stat na bela esperienza che me à dat l met de cognoscer n muie de joegn e la realtà de le autre mendranze d’Europa e capir che

Doi bezes col guant tipich de la mendranza Sami te la Lapponia.

Una de la strèdes de la zità de Leeuwarden te la Frisia vejin a Amsterdam.

noi col ladin sion metui piutost ben, sion te la media. L’é ben mendranze desche i Basches che i é metui n muie miec, ma n’é ence che stasc piec, desche i Bretoni che ence se i é 4 miliogn i à problemes percheche l Stat franzous l’é n muie zentralist e no l ge recognosc nia, nience l lengaz. Chesta l’é stat una de le robe che me à maraveà de più, se tu peisse 4 miliogn i é

proprio n muie! Te noscia realtà, peisse che l limit più gran che aon l’é che sion de pec. A meter ensema valgugn de chisc projec ge volessa scì jent con competenze informatiche, che no fosse n gran problem, ma ge volessa jent che laore sul projet a dò e dò. N muie de chisc joegn che à rejonà al convegn porta dant si projec per nia. Desche la beza del blog e chel de wikipedia. Me saessa ence bel endrezar na scontrada co le autre mendranze d’Europa chiò da noi, per slariar fora chesta realtà. Sion dassen de n muie en duta Europa e più o manco i problemes l’é chi medemi. A la fin podassane ge ruar, ence magari ensema coi Ladins de le autre valade entornvìa l Sela, coi Furlegn e i Svizeres. L’é stat dalbon ne bela esperienza, son content de esser jit e de poder ve contar coche la é jita. Con valgugn de chi joegn che é cognosciù a Leeuwarden me sente amò e spere de poder i veder endò. Ades, descheche i ne à dit colavìa, l testamonech l passa a noi e duc te nosc pìcol cognon vardar de jir inant con nosc lengaz. Basta pìcoi segnes, ence scriver fascian sun Facebook. (vr)

L grop de chi che à tout pèrt al convegn su la mendranzes te la Frisia.

N liber da lejer “No aane n motif per viver. No saane se l dar. L fajaane e basta” Titol: Il rumore dei tuoi passi Autora: Valentina d’Urbano Editor: Longanesi Genere: Roman Piate: 319 Bea e Alfredo no i à l medemo sanch. No i à nia a che spartir. Ela l’à la pel scura, eies e ciavei neigres, Alfredo l’é biondo e l’à i eies verc. Ma i é jomelins. O amàncol, duc i li chiama coscita a la “Fortezza”. N quartier de periferia fat de ciase purete e jent che vif “ai margini”, zenza possibilità de se rescatar da chela vita grama.

6

www.lauscdiladins.com

Bea e Alfredo i é sche jomelins. I é cresciui dessema, i à spartì momenc, sentimenc, legreze e desgrazie. La mare de Bea ge à fat da mare ence a Alfredo, che la soa l l’à perduda da picol, e l’é vegnù su te na ciasa con Massimiliano, l fra più gran, Andrea, chel più picol e n pare catif e alcolisà, che no l pert ocajion per ge le dar a si fies. Bea enveze la vif con soa mare, so pare e so fra Francesco, e la stasc duc i dis anter ciasa soa e l’Anfiteatro, olache se scontra duc i joegn, olache la veit semper Arianna, soa peconta da semper.

Bea e Alfredo i é leé da dut chel che i à passà dessema. I é leé dai recorc, i é amò più leé da canche Massimiliano, stuf de soportar le pache de so pare, l lo copa. Da chel moment la vita de Alfredo e Bea muda. La strada che i à semper fat dessema la se spartesc, ence se ic i seghita a se star apede. Perché Alfredo no l ge la fasc a soportar dut chest, e l se trasc te l’ero. Bea proa una, doi, cent oute a l didar. Bea la é segura de ge la far, Bea la pel l far cambiar... Ma no la jirà coscita. Alfredo se

n jirà de demò vinteun egn, lascian Bea demò col rumor de si pasc, con so odor sun piumac, co la lum de chela dì canche l l’à lasciada soula. Ma Alfredo no l lo sà, che dant de se n jir l’à lascià n recort de el più gran ence de l’amor che l’aea per Bea. Na picola vita cresc te chel joen gremen che à tant padì. Na storia “al limite”, fata de storie senestre e triste, ma rica de sentimenc e emozion. Nadia


En colaboraziun cun le

Grup Decanal nr. 03 / 18 de jené 2013

A do la ”Löm de Betlehem” N bel grup de mitans y mituns dla Val Badia é jüs dan Nadè sön le Prener a do le ”Löm de Betlehem”, che ai à spo portè te sües cöres, sciöche sëgn de pêsc y de solidarieté

Manifestaziuns passades I jogn y i ”Krampusse” En vëndres ai 7 de dezëmber 2012 à le Comitê di Jogn da San Ćiascian organisé na jita a Bornech. Preodü êl da vijité le marćé da Nadè y da ti ćiarè ala defilada di ”Krampusse” - di malans. Inće en chësc iade à i jogn desmostrè n gran interes por l’evënt, y à tut pert cotanć. Tut pert n’à nia ma i jogn da San Ćiascian, mo inće de d’atri paîsc. Dales 17.00 é i jogn pià ia da San Ćiascian demez, cun n bus organisé dal comitê di jogn. A Bornech él spo stè n pü’ de tëmp por ti ćiarè al marćé da Nadè y por se scialdè ite n püch, denant co jì a odëi la defilada di malans. I jogn é rovà zoruch a San Ćiascian dales 22:00. Grana é stada la motivaziun di jogn da jì a ćiarè chësta defilada, deache tröc de ëi â i dis denant bele podü fà i malans a San Ćiascian. Pro la defilada à i jogn odü n gröm de beles mascheres, y à inće podü se fà n pinsier sön la partezipaziun di jogn da San Ćiascian ala difilada di malans di proscimi agn. Le comitê di jogn rengrazia dër bel düć chi che à daidé para pro l’organisaziun dl evënt, y sambëgn inće chi che à tut pert. (Massimiliano Rudiferia, por le Comitê di Jogn da San Ćiascian)

Le gran grup de mitans y mituns dla Val Badia cun sü acompagnadus.

Al ê le 1986, canche l’ORF â metü da jì, tla cornisc dl’aziun de solidarieté ”Licht ins Dunkel”, na idea scialdi particolara. Sciöche sëgn de pêsc y solidarieté danter la jënt, â l’artista Ada Brandstetter albü la idea da impié na ćiandëra, y ti passè inant la löm a vigni lia che sostegnî l’aziun. Insciö él nascü la bela tradiziun dla ”Löm dla Pêsc de Betlehem”. Vigni ann él n möt che impëia na ćiandëra tla ćianê de Betlehem, olache an crëi che Gejù sides gnü al monn. Cun n flîgher vëgn la linterna condüta ćina a Vìena, y da dailò inant vëgn la Löm de Betlehem intres passada inant, por rové tles dlijies de passa 30 naziuns d’Europa. Dal 1989 incà él i ”Boyscout” (Pfadfinder) che surantol l’organisaziun de chësta iniziativa, y cun le passè dl tëmp él inće stè d’atres lies o uniuns che à tut la dezijiun da la sostegnì. Ann por ann vëgn la Löm inće condüta te

Südtirol, olache ara ciafa süa lerch te n gröm de dlijies de nosta diozeja. Dan val’ agn él stè la cöra da La Ila che à metü man da jì a do la Löm, sciöche an dij. Na atmosfera particolara él sön le Prener, olache al röia adöm te dlijia cënć de mituns cun sües linternes. Ći che é pié ia da La Ila, s’à bel plan baié incërch, tan che l’ann passè, ai 23 de dezëmber, él rové sön le Prener n bus intier de mitans y mituns de nosta valada: al ê la schira jonila da La Ila, mo inće n bel tlap de ministranć da San Martin, Lungiarü y Al Plan. La funziun sön le Prener à metü man dales 4 domisdé. Te dlijia él mitans y mituns de düć trëi i lingac de nosta provinzia, porchël ti â chi da La Ila bele ia por l’ann fat la proposta ai organisadus da portè dant inće supliches por ladin y talian. Resposta n’ân plü ciafè degüna, mo fora de nia êl en chël dé ćiamò te dlijia da fà les

traduziuns y da chirì adöm i leturs. Ći che toma spontann é val’ iade inće plü particolar. Tla zelebraziun dla parora él gnü él gnü portè dant pinsiers sön la löm y la pêsc. Dedô à düć podü tó süa linterna y ti jì pormez ala löm, por la impié y la condü spo te süa ploania. Al ê bel da odëi l’emoziun che i mituns sintî te dlijia, y inće cun ći fistide che ai â da vardè la linterna, por che ara ne se destodass sambëgn nia. Do la funziun à düć ćiamò ciafè n pü’ de tê y panetun; defata dedô éson pià zoruch cuntra la Val Badia. La Löm de Betlehem é rovada te dlijia en la Vëia de Nadè pro les Madoines, olache val’ cöres à inće tut l’ocajiun da cöie adöm spënores por n bun fin. Al é sigü na aziun dër particolara, che dëida suradöt i plü pici, mo inće chi che i acompagnëia, da rovè tl’atmosfera misteriosa dl Nadè, y da sintì ćiamò deplü la ligrëza dl Bambin, dla Löm gnüda tl monn. (pablo)

Liber dl mëis

N valgügn jogn cun n "Krampus".

Festa dla jënt atempada En domënia ai 30 de dezëmber à le grup di jogn SKJ d’La Pli metü da jì la oramai tradizionala ”Festa dla Jont Atompada”. Do la santa mëssa zelebrada da siur Heinrich Perathoner, é düć chi sura i 65 agn gnüs dër bel invià te salf dles uniuns por stè adöm y s’la ciacolè pa val’ de ćialt da bëre y da mangé. Inće val’ cartada é garatada. Plajëi àl fat che tröc à tut sö l’invit. Inće dla Ćiasa de Palsa fora n’él rové adalerch. Por l’aorela cörta à fistidié Ivan y Monica. Al é stè n bel domisdé. N bel dilan a düć chi che à tut sö l’invit, a siur Heinrich por la bela mëssa y a düć chi che s’à porvè por fà garatè le domisdé. (Consëi SKJ La Pli)

S’araité cun la liösa N grup de mitans dla Schira Jonila da San Ćiascian é inće chësc ann indô jü cun la liösa, sön la bela pista dla liösa dl paîsc. Cun bel tëmp y buna löna sunse jüdes a fà n pêr de raić, y spo dedô a se gode na buna marëna. Dedô sunse sambëgn ćiamò jüdes n pü’ cun la liösa; vignöna porvâ da jì le plü debota che ara jê, y insciö él mefo inće garatè val’ picia corëta tla nëi, cossa che ne ti à pa nia fat passè ales mitans la buna löna. Deboriada unse insciö passè n pêr de beles ores.

Tintenherz (pröm volum) de Cornelia Funke ”Tintenherz” é n liber de fantasia che é bele gnü premié deplü iadi. Al é le pröm volum dla trilogia ”Tintenwelt”. Les continuaziuns à inom ”Tintenblut” y ”Tintentod”. Fora de chësc volum él tl 2008 gnü fat n film dal medemo inom. En cört le contegnü: Dan da n gröm de tëmp ti à Mo lit dant a süa fomena la storia ”Tintenherz”, y te n iade éra sparida; impede ëra él aparì n’atra figöra fora dl liber: Staubfinger. Al â na śabla tla man y ti ćiarâ fit a Mo. Plü che al le fissâ y plü scür che so müs deventâ; al ê dessenè impara. Mo indere le conscidrâ tres ćiamò cun morvëia y l’à spo ala fin parè demez. Insciö é Mo restè dassù cun süa möta Meggie. Do da zacotan d’agn é Staubfinger gnü zoruch y orô che

Mo le liess indô derevers. Meggie y Mo s’an sciampa atira le dé dedô da mëda Elinor, y dailò se müda le monn de pere y möta. Al é n liber dër, dër emozionant y i l’aconsiëii inant. N tòch fora dl liber dij: ”Sot so plomac ite ê le liber, fora de chël che ara â lit. Al drucâ la liadöra cuntra süa orëdla, sciöche sce al oress indô la impizé danter sües plates stampades. ”Oh, chësc é dessigü dër da stè saurì, n te’ cosce da pic y dür sot le će.”, ti â dit so pere, le pröm iade che al â abiné n liber sot so plomac ite. “Dà pro, de nöt te cùntel süa storia tla orëdla.” ”Datrai!”, ti â respognü Meggie. ”Mo al funzionëia ma pro mituns.” Sofia Gruber, ladin de Valentina Barbolini

Le cuertl dl liber de Cornelia Funke.

Le bel grup dla Schira Jonila da San Ćiascian é jü cun la liösa.

www.lauscdiladins.com

7


En colaboraziun cun le

Grup Decanal nr. 03 / 18 de jené 2013

Manifestaziuns tl dagnì

Usc dal Alt

de Paul Felix Rigo Tan da parentè: al vëgn fat na gran festa, y śëgn pêl che ara se röies bele denant che ara ais metü man daldöt, deache al é jü fora le vin. Mo impò vëgn la festa salvada da n avenimënt che degügn ne s’ess aspetè. Tla storia dla noza de Cana vëgn Gejù rapresentè dal

evangelist desco chël che salva la situaziun, che salva la festa: al trasformëia sis bocà d’ega te vin. Chësc é le pröm sëgn de Gejù che i podun odëi tl vagnele de San Jan. L’e v a n g e l i s t b a i a c h i l ò intenzionalmënter de sëgn (gr ”semeion”) y nia de miracul (gr. ”thauma”); sëgn che al n’orô desche al pê - gnanca ćiamò dè: ”Ći oste pa da me, ëra? Mia ora n’é nia ćiamò gnüda.” (2,4) ti respógnel a Maria süa uma - plütosc da orëi crou - do che ara ti cunta ći che al é sozedü. An se damana ćiodì che al fej impò chësc sëgn, y inće ćiodì che Gejù, conesciü desco un che fej sëgns y mirachi, nes vëgn presentè dal evangelist cun chësc sëgn. En confrunt a sü mirachi che al fajarà spo plü inant, desco la varijun dl paralisé (5,1-8), le fà odëi le verc (9,1-12) o la varijun de Lazarus (11,1-57), ne pêl nia val’

tan de eroich o val’ che vëgn fora de n gran debojëgn, da salvè na festa privata, cun cherié na cuantité bunamënter esagerada de vin (za. 600 litri). Avisa chësc é indere la belëza de chësc test: l’evangelist ô nes dì che Gejù é śëgn chilò danter nos, te vigni momënt dla vita, y al nes dëida inće tles cosses plü piceres y da püćia importanza, sce i le lasciun tó pert a nosta vita. Y sce i metun inće averda, desche i sorvidusc dla noza, ala racomanaziun de Santa Maria: ”Ći che al ves dij, chel fajede” (2,5), spo lasciaràl sozede inće te nosta vita sëgns en abondanza. Y le sëgn d’abondanza plü gran nes dàl tl’Eucaristia, te chëra che al trasformëia desco en la Jöbia Santa - canche al ê gnü süa ora - le vin te so sanch, desco boanda por la vita eterna.

San Micurà é gnü

Oraziun de Taizé Le grup ”Taizé Val Badia” inviëia düć da tó pert vigni terzo vëndres dl mëis ala ora de Taizé, dales 20.00 te capela a Oies. La proscima incuntada sarà incö vëndres ai 18 de jenà 2013. Gnide tröc!

I terminns dl 2013 Chisc é i atri terminns dla oraziun por le 2013: 15 de forà, 15 de merz, 19 d’aurì, 17 de mà, 21 de jügn, 19 de messè, 16 d’agost, 20 de setëmber, 18 d’otober, 15 de novëmber y 20 de dezëmber. Düć é dër bel invià.

Mîl por i levrusc Inće en chësc ann gnaràl indô venü te n valgügn paîsc dla valada la mîl por i levrusc. L’AIFO l’assoziaziun che dëida i levrusc tl monn, po festejé en chësc ann so 60ejim compliann, y te chësta ocajiun inviëiera indô da sostegnì i proieć che vëgn fać. La mîl gnarà venüda dala A La Pli y a San Ćiascian gnaràl venü mil Schira Jonila da La Pli ai por daidé i levrusc. 17 de forà, do la gran mëssa, te Ćiasa dles Uniuns, y inće a San Ćiascian ai 3 de forà, do mëssa grana, te plaza de dlijia. Dilan a düć chi che sostëgn l’aziun.

I jogn da San Ćiascian à inće iniann invié ia la bela tradiziun

Avisc Scrì tla plata di jogn Stimà jogn, stimades jones, sce i ëis propostes, informaziuns, dessëgns o d’ater che i orésses publiché sön la plata di jogn, lascésse adintëne pro info@jogn.org.

Dilan

Chi da San Ćiascian é jüs a fà San Micurà.

”Toc toc.. Hohoo... Buna sëra, me conescëise? I sun San Micurà...” Inće chësc ann unse nos dl comitê di jogn da San Ćiascian organisé chësta bela festa, olache nosc San Micurà é jü fora por les ćiases a ciafè i mituns. A chi plü prosc ti àl sambëgn portè n bel sach plëgn de bun patüc. Por chi n pü’ manco prosc éssel aldì na picia röta, mo i savun che San Micurà é na buna porsona, y insciö ne n’â i agnui degüna röta te so cëst dales scincundes. Le mercui y la jöbia dales 17.30 é San Micurà pié ia, acompagné dai agnui, dal vedl y la vedla che ne podô nia manćé, y chi dai corgn é inće jüs para fora por val’ ćiasa, olache al ê mituns che ne stima nia massa. Sambëgn ne podô nia manćé nosc ciafêr, che i à menè intoronn cun gran paziënza. Ai é rodà a ciafè n gröm de mituns, che ascutâ sö San Micurà

8

www.lauscdiladins.com

cun gran interes; tröc ćiantâ val’ ćiantia o sonâ val’ stromënt. Chësc ti fajô bëgn dër ligrëza a San Micurà. Intratan che al rodâ fora por les ćiases, porvâ chi dai corgn da jì te paîsc, olache ai jê te val’ botëga, te bars o sön strada a tignì sö chi che passâ fora por le zënter. Ala fin dles döes sëres ti unse ćiamò arjigné ca val’ da cëna a düć, y spo sunse jüs deboriada a se bëre val’ y sun stà n pü’ en compagnia. Chëra de San Micurà é sigü öna dles plü beles tradiziuns che vëgn organisades, na festa olache pici y gragn s’la conforta. Al foss sciode sce chësta usanza jiss a perde. Al é dantadöt bel da odëi sciöche i ödli di pici mituns mët man da slominé canche ai vëiga gnon adalerch San Micurà. N giulan particolar ti va a düć chi che s’à tut dlaorela da daidé arjigné ca, y a chi che à fat para. Ara é garatada! (Cristina, por le Comitê di jogn San Ćiascian)

N bel dilan ai colaboradus dla Plata di Jogn. Le Grup Decanal Val Badia tol l’ocajiun da rengrazié Manuel Crazzolara da La Ila y Laura Crazzolara da San Ćiascian, che à colaborè dî alalungia por la plata di jogn, respetivamënter por la rubrica dl dessëgn dl mëis y liber dl mëis. Dilan dl tëmp che s’ëis tut por abelì nosta plata, che Dî s’l pàies. Al vëgn inće rengrazié Iris Agreiter da San Ćiascian (storia dl mëis), Pauli Rigo da La Pli (coordinadù dla rubrica ”Usc dal Alt”) y düć chi che se surantol da scrì la ”Usc dal Alt”, Valentina Barbolini da San Martin y Sofia Gruber (liber dl mëis), Verena y Valentin dl Sorvisc ai Jogn y düć chi che contribuësc a val’ manira. Dilan de cör y prëibel inant!

Rubrica nöia: Foto dl mëis

Sëise apascionà de fotografia? Menéde ite osc retrat por la rubrica ”Foto dl mëis”! Chi dai corgn é inće jüs para.

Al é gnü ponsè da mëte da jì na rubrica nöia tla plata di jogn, porchël vëgnel chirì jogn o jones apascionà de fotografia, por la rubrica: La Foto dl mëis. Interessà po scrì al SaJ (info@jogn. org) y menè ite sües imajes. I aspetun ostes fotografies! Al vëgn lascè alsavëi che le sorvisc ne gnarà nia paié.


En colaboraziun cun le

Grup Decanal nr. 03 / 18 de jené 2013

Les novitês dal Sorvisc ai Jogn Le grup SKJ d’Al Plan Chësc mëis ves presentunse n ater grup mëmber dl Sorvisc ai Jogn: le grup di jogn d’Al Plan Do cotan d’agn che le paîsc d’Al Plan n’â plü degun grup di jogn SKJ, él indô gnü metü sö l’ann 2009, sön iniziativa dla Ploania d’Al Plan. Da dailò incà él gnü fat plü cosses por i jogn d’Al Plan. Al é gnü fat plü gonot serades de chino, cënes, griliades y turniers de calceto o batadù te salf di jogn. Le salf é - do da n pêr d’agn - inće gnü puzenè desche al alda da na dita profescionistica, y al é gnü arjigné ite n beamer, box y n linzó por podëi ćiarè films o śoghé ala playstation/Wii. Le grup di jogn dëida vigni ann inće da chirì i portadus por les prozesciuns d’Les Antlês y dla festa dl Cör de Gejù. Implü vëgnel inće metü da jì la mëssa por i jogn o n rorate tl tëmp de Advënt. Al grup di jogn d’Al Plan i stàl a cör da podëi i dè na poscibilité ai jogn dl paîsc da stè adöm, se devertì y mantignì les usanzes y tradiziuns dl paîsc.

Le consëi Le consëi dl grup d’Al Plan vëgn lité vigni 3 agn dai mëmbri

che s’abina un n iade al ann ala sentada generala. Tl consëi lité dl 2011 él rové ite Paul Pisching (presidënt), Caterina Ploner (vizepresidënta), Florian Frontull (cassier), Jessica Kaneider (scrivana), Monica Mutschlechner (surastanta por le salf di jogn), y i trëi mëmbri Daniel Agreiter, Denis Kaneider y Gabriel Frenner.

N ann de ativitês Pro les manifestaziuns y ativitês inviades ia tl ann 2012 alda n curs da balè, che à doré 6 sabedes, dala fin de jenà ćina ala fin de forà. Al é gnü fat plü serades de chino, turniers de calceto y ativitês te salf di jogn. Da d’aisciöda él gnü organisé cun le grup SKJ d’La Pli n turnier de cartè y chidlé tles chidlares da Runcac. De jügn à le grup dè so contribut pro les prozesciuns d’Les Antlês y dl Cör de Gejù. En la festa dl Sacher Cör éson inće jüs sö La Para a fà na griliada y a impié n füch a forma de cör. De messè él gnü metü sö, do na idea de tröc jogn, na crusc sön Furćia dai Fers, che é gnüda benedida cun na mëssa da siur Tone Fiung. De setëmber él gnü organisé

Le consëi dl Grup di Jogn SKJ d’Al Plan. Dancà dmc Caterina Ploner, Monica Mutschlechner y Jessica Kaneider; iadedô dmc Florian Frontull, Paul Pisching, Gabriel Frenner, Daniel Agreiter y Dennis Kaneider.

adöm cun le Sorvisc ai Jogn y le Grup Decanal l’Edema di Jogn, y dailò éson jüs indô a chidlé y cartè ta Runcac. Ala fin de setëmber él gnü invié düć i jogn ala cëna di jogn,

che é gnüda fata iniann tla Ostaria Plazores. D’Advënt él gnü venü i calëndri d’Advënt y dl 2013, metüs adöm dala SKJ de Südtirol, olache le davagn é gnü dè en benefiziënza.

De dezëmber à spo i jogn ćiamò fistidié da organisé le San Micurà tles ćiases, y spo le rorate deboriada cun i jogn da Rina y da La Pli.

“Che sunsi pa iö por te?”

Storia dl mëis

Pro la mostra ”Vire la Bibia” podôn dè jö te na cassëta dla posta na resposta dër personala a chësta domanda. Pröma pert de indöt trëi

Döes isoles

La cassëta dla posta metüda fora.

N valgönes tofles dla mostra.

Tratan l’esposiziun ”Vire la Bibia”, che é stada da odëi de novëmber tl Istitut Ladin ”Micurà de Rü” a San Martin de Tor él gnü metü da jì na picia aziun. Pro l’entrada unse metü sö na cassëta dla posta fata de cartun, cun lassura na foto de Gejù y la domanda ”Che sunsi pa iö por te?”. Te chësta cassëta à spo vigni vijitadù/dëssa dla mostra podü scrì sö süa minunga o sü pinsiers. Le resultat de chësta aziun é dër interessant, y porchël orésson

publiché n valgügn pinsiers. Chisc sarà da odëi indöt por trëi iadi, intres sön la plata di jogn che vëgn publicada n iade al mëis t’La Usc di Ladins.

N valgönes respostes - ”Por me é Gejù n amich che ne me lascia mai sora”. - ”Gejù, tö es por me desco le sorëdl da vignidé, le pan, i tiers y

dötes les beliscimes cosses che t’as cherié”. - ”Gejù é por me chël compagn che é intres pa nos y se dëida canche i se stun mal o i se stentun. Gejù é chë löm che se impëia, canche nosta löm s’à destodé. Dilan, Gejù”. - Gejù é por me mia löm che me iluminëia mia vita”. - ”La löm che é intres te nos, inće canche i ne la ciafun nia”. - ”Por le momënt mia consolaziun”. - ”Gejù é por me l’amur”.

Al ê n iade döes isoles, che ê ma despartides da n pice brac d’ega tl gran ozeann. ”Iö sun trö’ plü bela”, dijô öna. ”Iö sun trö’ plü grana”, respognô l’atra. ”Iö à la spona plü lungia”, bravâ öna. ”Iö à les palmes plü altes”, dijô l’atra. ”Sön me crëscel brüsces cun de buniscimes bromores”, respognô öna. ”Iö à pa i vicì plü corusc che al é sön chësta tera”, dê zoruch l’atra. Por agn y agn jôra inant insciö danter les döes isoles: döt n stritamënt. Le tëmp passâ y les ones dl ozeann che ê tres en movimënt, dé y nöt, portâ intres saurun sön les döes isoles, che gnô da dé a dé plü leries. Le canal che les despartî

gnô tres plü pice, ćina che n dé él les döes spones che s’azica y devënta öna. Les döes isoles n’ê daldöt nia contëntes. ”Y śëgn, che é pa la miú de nos döes?”, se baudiâres. Le vënt, che s’â devertì ćina chël momënt da aricé les ones, respogn: “Denant êse döes isoles dala ria. Adöm sëise la plü bela isola dl monn”. Adöm éson na forza, spo él anfat sce ara se trata de porsones, tiers o dla natöra. Döt é creaziun de Chël Bel Dî y so dessëgn por vignun de nos féjel dal momënt che al nes dà la vita, ćina che i ùn fat ći che al â proietè por nos. Storia de Bruno Ferrero adataziun tl ladin de Iris Agreiter

Adöm formâ les döes isoles na morvëia dla creaziun. (foto: www. FreeLatestWallpapers.blogspot.com)

www.lauscdiladins.com

9


Val Badia

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

nr. 03 / 18 de jené 2013

Taialungia por le zënter da San Ćiascian Le Comun de Badia à lascè realisé n conzet general por l’abelimënt dl zënter da San Ćiascian. Preodü êl da mëte man cun la plaza dan dlijia, mo i laûrs stënta da pié ia, deache al é da desgropè le problem dla strada d’azes por les ćiases y localitês sura dlijia sö. Insciö metaràn man dala plaza de scora da tó demez trafich. Le problem é che ara é massa strënta, al passa ma n auto su y sce dui auti s’incunta, ne vara nia da se stè fora. Implü é i auti gonot metüs jö feter ćina sön ur de strada, porchël messunse ciafè l’azes de n ater vers.”

Le proiet dl azes

Insciö s’imaginëion che la plaza dan dlijia da San Ćiascian podess n dé ćiarè fora.

San Ćiascian - Al é bele agn che al vëgn baié da abelì le zënter da San Ćiascian, che n’à - sciöche ara é al momënt - nia na dërta plaza de paîsc. Le Comun de Badia ne ćiara indere nia ma ala plaza, mo à lascè realisé n conzet general por l’azes al paîsc, la viabilité te paîsc, y l’abelimënt. Indöt él stè trëi architëć che à menè ite sües propostes; le Comun à ćernü chëra dl arch. Erich Agreiter. Ćiamò dan Nadè él stè a San Ćiascian na incuntada cun la popolaziun, olache an à orü i presentè ala jënt i laûrs che an à intenziun da fà. Aladô dla documentaziun de Agreiter dess San Ćiascian ciafè na promenada, n raiun da jì a pé che pëia ia dal Hotel Rosalpina por rové ćina daite dal Hotel Vajolet, y por arjunje chësc él l’intenziun da fà plü laûrs de abelimënt, che va dala realisaziun de plazes, ala dërta iluminaziun, ćina a banć y chibli dal refodam, lëgns y trognores. I laûrs dess gnì partis sö te deplü loć. Öna na pert reverda le zënter de paîsc cun la realisaziun dla plaza: chilò él preodü da realisé dan dlijia na terassa che dess ti pité lerch ales musighes o grups che sona pro les festes, magari inće mëte sö na sort de paiun. Ara foss d’öga inće por festes de carater religius, canche la jënt se tëgn sö dan dlijia, ponsun p.ej. ales sopoltöres o les nozes. Sön la terassa dess ciafè lerch inće n frabicat da un n partimënt cun

toeletes publiches y n local por la coletivité. Na secunda pert prevëiga laûrs de abelimënt y ampliamënt dla plaza dla scora elementara y scolina; n terzo aspet nia manco important é chël dl azes al paîsc, preodü sön la pert süd (sön la strada de zirconvalaziun), olache la jënt dess gnì saludada da n punt de informaziun cun tofles, toeletes publiches y trus da jì a pé por arjunje te püć vari le zënter.

Aspetè por la plaza Tl pröm parôra che döt messass jì debota. Ala fin de mà - pröms de jügn dl 2011 êl gnü trat jö la vedla ćiasa de Fraziun. A so post dêl garatè la terassa de paîsc, y al ê bele gnü sotescrit na acordanza scrita danter Comun, Cöra y Fraziun. La realtè é indere che por le momënt él ćiamò döt chît. Le nojel dl problem é la strada d’azes che condüj ai frabicać sura dlijia sö y ales localitês de Sopplà, Larjëi, Tamores y Rü. Na strada passa dan dlijia sö (str. Sopplà), y chësta é storicamënter la ”dërta strada” por l’azes a chisc posć. Por i lascè lerch ala plaza de paîsc orésson stlü definitivamënter n tòch de chësta strada. N secundo azes pëia sö püć metri denant, y passa dan le Hotel Bosco Verde y la Pension Laurin sö, mo chësta strada é por na pert sön terac privat. L’assessur de comun Gustav Rudiferia dij: ”Ilò messunse ćiarè

Chësc azes ess le Comun ciafè al’entrada dl paîsc. Aladô dla proposta laurada fora dal inj. Michael Mischì, fóssel preodü che la strada piass ia dal rondel dlungia la Pension Alidor ite y sö por i prà da Pecëi, por se lié spo cun la strada Pecëi bele esistënta, che pormetess le coliamënt ala strada Sopplà. Le terac che gniss tut ite dala strada é de proprieté de Luca Crazzolara da P’cëi, che n’é nia cis a öna cun chësta proposta. Le ćiodì i unse damanè, y al nes à dit insciö: ”Da me infora é la strada planificada trö’ massa ërta”, nes dijel, mo le problem pê inće n ater - chël dla comunicaziun: ”Al foss magari dërt sce denant co planifiché na te’strada, gnìssel baié cun le patrun dl grunt. Iö ne sun nia decuntra che la strada vëgnes realisada, mo sce ara vëgn realisada, él inće le patrun che mëss podëi dì la süa, nia che n tecnich y n ombolt fej fora ći che vëgn fat sön le grunt de n privat.” Insciö à Crazzolara presentè n secundo proiet por na strada de azes, che piass ia val’ desënes de metri daite dal rondel, jiss ite y sö plü pormez ales ćiases, y plü insö inće danter les ćiases fora, por se lié spo ala strada Pecëi, n tòch plü injö. I damanun Luca Crazzolara ćiodì che chësta varianta i scusass deplü. ”Al gniss spenü manco grunt, ara ne foss nia tan ërta, y olache les strades röia adöm fóssel inće plü da plan”, respognel. Cun chësta proposta n’é indere le Comun nia cis a öna, y sciöche al pê - inće deplü tecnics. Ćiamò l’assessur Gustav Rudiferia: ”An messass passè sot ćiases ia, ći che é inće prigorus, al messass gnì fat sö n mür y na gran rampa. La strada gniss plü strënta y passass danter les ćiases fora. Nos orésson realisé na strada n pü’

Grafica dl arch. Agreiter che mostra sciöche an s’imaginass le infopoint sön la strada de zirconvalaziun.

Odüda dal alt sön l’areal dla scora, arjigné dal arch. Erich Agreiter.

dessura, olache an à inće plü lerch por fà la incrujada cun la Strada Pecëi. La strada gniss plü leria, y dui auti sciafia da passè y s’incuntè.”

Crazzolara: ”Sce la strada vëgn insciö, ghirarâi n tonel!” S’incuntè y poscibilmënter se gnì messarà inće Comun y proprietars. Luca Crazzolara mët danfora che al n’arata nia che chësta strada portes a na soluziun dl problem. Süa minunga é che cun les strades de paîsc bele esistëntes y regolamentaziuns tres sënsc unics se lasciass le problem condü a na soluziun. Impò vêghel na proposta: ”Sce al é la nezescité da fà la strada sciöche ara é proietada, pòl inće me jì bun. I sun a öna da mëte a desposiziun le grunt, mo ilò ghirarâi che ara vëgnes fata te n tonel por che an ne la vëighes nia. Insciö ésson

Döes propostes por la strada d’azes: a man ciampa chëra dl inj. Mischì, che le Comun oress realisé, a man dërta la proposta de Crazzolara.

10

www.lauscdiladins.com

inće la soluziun por le lize d’invern y l’ërt. De un n vers él ostis che ô avëi demez la strada te paîsc, mo spo ne po le Comun nia pretëne da m’la mëte a me dan hotel.” L’assessur Gustav Rudiferia n’arata nia che la strada rovass tan pormez a hotel, mo chësta afermaziun podess tachè adöm cun intenziuns de ampliamënt che la fam. Crazzolara oress portè inant tl dagnì. Defat êl bele gnü presentè na domanda por portè ite n raiun turistich, che n’é indere nia gnüda aproada dala comisciun comunala. En cunt dla proposta dij l’assessur Rudiferia: ”Realisé n tonel comporta sigü n problem de scioldi. N tonel ne po le Comun nia finanzié y por n te’ proiet ne ciafunse gnanca scioldi dala Provinzia. I messun de un n vers ćiarè ai cosć, y dl ater vers da fà na strada leria assà y sigüda. I se sentarun ćiamò adöm cun i proprietars incër la fin de jenà, spo


Val Badia

nr. 03 / 18 de jené 2013

ćiararunse da ciafè na acordanza.”

Zënter davert o nia?

Intant la plaza de scora

Cun l’abelimënt dl zënter taca inće adöm le raiun pedonal, olache les minunghes dla jënt va indalater. Valgügn le vëiga n bëgn, d’atri l’odess ion indô davert al trafich. Chësc é inće gnü fora pro la sentada cun la popolaziun. L’assessur Rudiferia confermëia y spliga la posiziun dl Comun: ”Al n’é sigü de chi che foss por daurì le zënter dl paîsc, mo sciöche aministraziun de Comun unse bele dit atira che i n’orun nia indô le daurì. Chësc oress dì jì n vare zoruch.” La orentè, dij inant l’assessur, é chëra da tignì le zënter stlüt, mo inće ti jì adincuntra a chi eserzizi che s’arata svantajà dal raiun pedonal. ”L’idea é da ti dè n valur implü al zënter, cun

Ćina che chësc problem n’é nia desgropè, ne podaràn te plaza nia fà gran tröp, porchël à le Comun tut la dezijiun da mëte n iade man cun i laûrs pro la plaza dla scora. Gustav Rudiferia: ”I s’abinarun ćiamò cun la scora, cun la direturia, por odëi sce ara é a öna, deache al é inće preodü mudamënć por la plaza da lascè i auti por les maestres - che gnarà tuta demez. Dan la scora déssel garatè na plaza n pü’ plü grana, magari cherian inće la poscibilité da trà le palê o śoghé a basket. I ùn le raiun sportif n pü’ fora de paîsc, y insciö ess i mituns inće la poscibilité da stè tl zënter.”

aredamënt urbann indertöra. Al foss davëi sciode da daurì indô le paîsc. Sc’i sun bogn da mioré, me pënsi che inće i eserzizi podess ester plü contënć de ći che ai é śëgn. Sce al é dan na botëga o n eserzize na bela terassa, na lerch olache i mituns y la jënt po s’armöie zënza messëi ćiarè sce al vëgn auti, pënsi che al sides n valur implü. Sce i sun bugn da avëi na bela plaza da parchè sot le paîsc, la segnalè aladô y pité n bel raiun stlüt, saràl plü laûr, co sce al é ma auti che va inant y zoruch.” Injuntè pòn inće che San Ćiascian é un di püć paîsc dla valada che à - tres la zirconvalaziun - la poscibilité da sarè jö le zënter. Y n zënter lëde dal trafich pîta tl medemo tëmp plü sigurtè y pêsc. (pablo)

Le Sciclub d’Al Plan śëgn inće tla rëi Dan püć dis é jü online le sît nü, che dess sorvì da fontana de informaziun por geniturs, atleć y fans dla lia

Trëdesc miliuns Chësta é la soma dl bilanz de previjiun de Badia. Val’ zifres Comun Badia - Le bilanz aproè dal Consëi de Comun tla sentada di 21 de dezëmber 2012, é de 13.026.692,00€, le 5% deplü co l’ann passè. Entrades de pëis é l’IMU cun 1.641.072,00€ y la cuta regionala sön les ativitês produtives IRAP cun 256.698,00€. Le contribut a će dla Provinzia (Pro-Kopf-Quote) röia sön 1.125.527,00€; l’ann passè êra ćiamò preodüda de 1,67 miliuns, mo ê spo gnüda scortada ia por l’ann de 448.809,00. Le contribut provinzial por les operes publiches (L.P. 27/75) é de 418 mile euro. Por i investimënć él gnü preodü la soma de 3.267.216,00€. La maiù sona de 1,2 miliuns de euro rovarà a Badia, por le ressanamënt dla scora elementara. An à spo metü a bilanz 486.988,00€ por despartì les condütes dles eghes blanćes dales eghes fosces a La Ila, y 235.000,00€ é gnüs destinà por l’abelimënt dl zënter da San Ćiascian (plaza). Chi 180 mile euro gnarà trasferis ala ARA Val de Puster por la sarenara da Sompunt, de 120.000,00€ é le contribut dl Comun por la Ćiasa de Fraziun nöia a San Ćiascian -

seziun dl museum Ursus Ladinicus (plü 10.000 te n ater capitul). La soma de 160.000,00€ vëgn tuta ca por la manutenziun de strades y plazes, 60 mile euro por l’iluminaziun publica y 13 mile por n stüde sön la situaziun dla iluminaziun publica y n plann de provedimënć. De 56.162,00€ é le contribut che le Comun de Badia paiarà chësc ann por la Ćiasa de Palsa nöia a San Martin, y 58.785,00€ fej fora les spëises tecniches por i laûrs de restrotoraziun dla ćiasa de comun. Tles investiziuns ciafon inće n capitul nü: 25.000,00€ da mëte jö i ros por les fires otiches. Pro les tarifes vëigon che le Comun mëss strënje: sön la desgorta dl refodam él preodü da spëne la soma de 651.166,00€, por chëra sön les eghes pazes 597.477,00€ y por chëra sön les eghes nëtes 176.764,00€. Chëstes tarifes mëss gnì curides almanco al 90% dai zitadins. Dl 2012 ê la perzentuala gnüda fissada sön le 92%, en chësc ann àn indô messü la portè al 100%, sciöche al ê por ater stè i agn dan le 2012. (pablo)

Le bilanz de previjiun 2013 dl Comun de Badia Entrades Titul I: Entrades da cutes:

2.100.600,00€

Titul II: Entrades da contribuć y trasferimënć

2.033.854,00€

Titul III: Entrades fora dles cutes

2.665.178,00€

Titul IV: Entrades por venüdes, trasferimënć de capital y 2.790.846,00€ rescosciun de credić Titul V: Entrades da imprësć

2.078.214,00€

Titul VI: Sorvisc por cunt de terzi

1.358.000,00€

Indöt:

13.026.692,00€

Spëises

Le grup dl Sciclub d’Al Plan.

Titul I: Spëises corëntes

Al Plan - Cun le diretif nü, che à tut sö la inćiaria da manajé le Sciclub d’Al Plan ćina dl 2016, à la uniun sportiva süa plata internet. N stromënt che prësc vignun mëss avëi al dedaincö, sce al ô gnì tut en conscidraziun. Le schiclub à tröc comëmbri, na dërta schira de atleć te de vigni sort de categories, sponsors y fans, che oress se tignì informà tres fora sön l’ativité soziala dla uniun, y porchël é la

plata internet w w w. sciclubsanvigilio.com le dër post, olache an po ciafè les informaziuns che an chir. Tla plata vëgnel metü a desposiziun tesć sura la storia dla uniun, resultać, la lista di atleć y di alenadus, noeles cörtes y lunges, na fotogallery. Le presidënt dl Sciclub d’Al Plan, Herbert Erlacher de Corcela, instës laôta atlet dl comitê provinzial de schi, é dla minunga, che chësta presënza

tla rëi mondiala pois portè pro, che le schiclub ti röies indô plü daimprò a tröpa jënt, dantadöt ai jogn, che é pö da ćiasa ti mass media eletronics. Cun chësta plata tla rëi mondiala, podaràl inće ti gnì pité n sorvisc de informaziun ai geniturs di pici atleć, canche ara se trata da ćiarè do a resultać dles gares o da ti ćiarè a fotografies di evënć desvalis. La plata dl Sciclub d’Al Plan é śëgn online. (dc)

Aiüt de prescia por l’Alta Badia Deliberaziun de prescia dla Fondaziun Cassa dl Sparagn de Südtirol por le raiun atochè dala roa Deache 40 porsones à por gauja dla roa de Badia messü lascè süa ćiasa y gnì evacuades, à le Consëi d’Aministraziun dla Fondaziun Cassa dl Sparagn de Südtirol, cun le consëns dl consëi de control, metü a desposiziun debota na pröma soma de 30.000,00€ por curì les

spëises gnüdes a s’l dè tres l’evacuaziun. Aladô dl presidënt dla Fondaziun Brandstätter vëgn i scioldi metüs a desposiziun tres le fonds de solidarieté por caji d’emergënza resp. catastrofes, che la Fondaziun Cassa dl Sparagn à istituì ti agn

6.092.897,00€

Titul II: Spëises por investimënć

3.267.216,00€

Titul III: Spëises por la retüda de imprësć

2.308.579,00€

Titul IV: Sorvisc por cunt de terzi

1.358.000,00€

Indöt:

13.026.692,00€

La Usc söl Mer Cöce Curiosité - Le foliet La Usc di Ladins röia te tröpes families de nostes valades, y inće canche an va en vacanza, n’él de chi che ne n’ô nia l’avëi manćia. Chësc pòn odëi dal retrat, fat jö a Mahmya, tl Egit, sön le mer cöce. La foto é gnüda fata ala fin de

novëmber dl ann passè, y deperpo che tla Val Badia êl bele scialdi frëit, se godê pice Emil y so tati l’ega dl mer buna ćialdina. I rengraziun Sarah Tavella da Corvara por nes avëi menè adalerch chësta impresciun, che nes fej sambëgn ligrëza y plajëi.

passà, y aumentè ann por ann. Chisc scioldi gnarà metüs a desposiziun dles families atocades, en acordanza cun le comitê de coordinamënt de Badia. La Fondaziun à ti agn passà intres indô conzedü aiüć de prescia, por alisiré y smendrì les situaziuns de bojëgn.

La Usc vëgn lita inće söl Mer Cöce: pice Emil cun so tati.

www.lauscdiladins.com

11


Val Badia

nr. 03 / 18 de jené 2013

Zënza scatora dles morvëies Dandaìa podôl ester che an gniss coienà sce an n’â degöna televijiun a ćiasa. Al dédaincö él na dezijiun che tröc tol jö le ćiapel. Inće la familia Erhard da Biei Defora à tut la dezijiun da banì la televijiun. I ùn orü s’la ciacolè impara, por aldì les motivaziuns che stà doìa Porsones - Al é da doman, canche i röii tla vila da Biei Defora a La Pli. I m’incunti cun Josef Erhard y Angelica Konrater, na familia jona sciöche tröpes d’atres. Un n aspet à indesprè mia curiosité: ai n’à degöna televijiun te ćiasa. Al dédaincö é chësta na dezijiun che an tol por rajuns che po ester educatives, pedagogiches, bëgn nia economiches. Dala familia Erhard ne m’aspetâi nia na leziun d’educaziun, i orô scemplamënter savëi ćiodì che ai à tut chësta dezijiun, ći faziuns che ara à albü y co che ai vir chësta situaziun. Ëi instësc ne n’ô sigü nia ti dè leziuns a d’atri. Chësta é la dezijiun che va bun por ëi insciö. I vëgni acompagné daìte da üsc. La familia é ćiamò pro gostè: Angelica, Josef y sü dui mituns Samuel de 2 agn y mez y Maria de 4. La pröma impresciun che i ciafi é che chilò se tòlon dlaorela: intrami i geniturs é insegnanć, intrami à vacanza. La ćiasadafüch é placatada cun dessëgns da vigni corù. Te stüa él n tepih de lego destenü fora, y ći che dà a orëdla: tl sotfunz n’él nia le sciosciüre de chëra che an tlama inće la scatora dles morvëies. La Usc: Cô é pa nasciüda l’idea da stè zënza televijiun? Josef Erhard: Pordërt sunsi iö stè l’iniziadù. Da möt n’ài mai albü la televijiun. I l’à ma albüda por 5-6 agn, do la scora alta. I l’à dagnora albüda ion, mo i mëssi dì che i ne savô nia da l’adorè indertöra. I ćiarâ zënza mosöra. Da chësc problem él nasciü la orentè da la lascè ester. Laprò é mi pere gnü verc, la televijiun n’â nia plü cis significat por ël, y insciö m’ài inće iö damanè sce ara jô bëgn debojëgn. Les reflesciuns sön i contignüs de ći che vëgn mostrè, sce ai é bugn o manco, é gnüdes dedô. I l’à trata inant y i po bëgn dì che sce al n’é nia la televijiun, davagnon val’ libertês laprò. Ći faziun â pa la televijiun sön te personalmënter? Josef: Canche i ćiarâ la televijiun, spo êi te chël momënt demez. I stê gonot inće ćina les 12 o la öna de nöt a ćiarè, spo m’ài ponsè: chësc ne mëssi nia me fà a me instës. Angelica, aste pa tö dagnora albü la televijiun? Angelica Konrater: Da pici n’ânse nos gnanca la televijiun. Bindićé podônse jì ia dai vijins a ti ćiarè y ilò ti ânse bëgn dër la gola, iö dantadöt ai dessëgns animà. Canche i ê tla mesana, l’unse inće nos ciafada a ćiasa. Da picera me recordi che i me dodâ n pü’ deache i n’ân nia la televijiun, inće sc’i n’en nia i susc che ne l’â nia. Cô aste pa tut sö la proposta da stè zënza televijiun? Angelica: La dezijiun ne m’à daldöt nia pesè. Canche i s’àn maridé êl bëgn cosses che i ćiarâ ion, mo chë gran gola ne ti ài nia plü albü. Denant, canche i ê gnüda a vire da sora te apartamënt, n’âi na te’ picera,

12

www.lauscdiladins.com

trasmisciuns. Mia esperiënza é de chësc vers ma buna. Aldédaincö arati en general che al vëgnes odü bun, cis sce an spliga le porćiodi che an à tut chësta dezijiun.

mo i ti à ćiarè ma n iade su. Śëgn él bëgn val’ iade cosses che an ćiarass ion, p.ej. sce al vëgn mostrè val’ che é sozedü chilò incërch, mo jöbas él pö mi frè, y sce al é val’ ch’i orun ćiarè, podunse jì ilò. Ći minunga aste pa en general dla televijiun? Angelica: Ći che cunta é cô che an an l’adora. I arati che al vëgn mostrè n gröm de beles cosses, inće por i mituns. Al é sigü cosses che ai po imparè, i pënsi p.ej. al lingaz - sce al é na buna trasmisciun - o inće trasmisciuns de natöra y cultura. Al é sigü de bunes cosses. Dl ater vers vëgnel mostrè tröp de burt, che fej inće stè mal. Al me dà al edl tan de violënza che al é bele ma te ći che vëgn mostrè por i mituns, tan debota che döt va, y gonot inće ći bur’ mandli che al é. Ti mostrëise impò bindicé val’ ai mituns? Josef: Śëgn s’imprestunse fora bindicé Dvd’s por i mituns, che i ćiarun sön laptop, inće sce la cualité n’é nia la miù. La idea doìa é chëra che an chir fora deboriada ći che an ćiara. Chësc vëighi plü ideal. Sciöche Angelica à bele dit: le problem n’é nia la cossa, mo sciöche an l’adora. Ći vantaje odëise pa deplü anuzan Dvd’s? Josef: Sce an tol ca na Dvd, àn la poscibilité da druché stop y ćiarè inant plü tert. Sce n film va tla televijiun, él plü rî da destodé. Ilò él magari inće le möt che dij: śëgn ôi ćiarè ćina ala fin. Pro la Dvd àn plü poscibilitês da gestì la cossa ativamënter. Angelica: Sön les Dvd’s poste chirì fora ći che t’arates dërt, figöres y contegnüs che va bun por i mituns. Ilò ti ćiarai spo magari inće 5-6 iadi al medemo. I arati che ai impara inće plü saurì le lingaz, co sce al te passa dant milesc de imajes. Ći faziuns positives podëise pa odëi sön os instësc? Josef: Imprömadedöt le tëmp che an davagna laprò. N efet positif é che da canche i n’à nia plü la televijiun, me conzentrëii deplü sön media audio. Metü man ài cun libri da aldì, y i m’anadà tan afascinanć che chisc po ester. Da Nadè ti ài scinché a mia fomena n walkman, spo pòra inće ëra n iade s’ascutè val’, olache an po dedô magari nen baié lassura. Angelica: Ćina ch’i n’ân nia ćiamò mituns, fajônse gonot val’ deboriada, p.ej. cartè da sëra, fà na spazierada; an baia deplü, y plü cosciëntemënter. Olache al é la televijiun che va, vëigon gonot che les porsones é ma mesamënter pro la cossa. Ći faziun positiva podëise pa odëi sön i mituns? Angelica: Zënza televijiun me sàl bëgn che al é plü calma te ćiasa. I mituns fej plü la blëita. Canche ai ćiara Dvd sozédel gonot che ai destöda de süa buna. P.ej. sce Josef fej la blëita cun le mënder y Maria ćiara Dvd, destödera y ô fà impara la blëita. Magari deache ara vëiga

La familia Erhard s’la cava zënza televijiun. I geniturs Josef y Angelica cun i mituns Maria y Samuel.

che ći che an à zënza é plü interessant. Y dantadöt che l’alternativa é porsones. Porsones che ara ti ô bun che fej val’ cun ëra, che fej damat impara, ti cunta stories. Chël tira dagnora dant! Josef: Positif é che an baia cotan deplü inće cun i mituns, y chësc é da me infora na bela cossa y dër importanta. Important él che al sides l’alternativa. Ma proibì la televijiun y ne pité nia d’ater ne büta nia. Cô po pa i mituns imparè da adorè la televijiun, sce ai ne l’à instësc nia? Josef: Val’ iade me feji bëgn chësta domanda. O cô che an po te na te’ situaziun ti insigné da l’adorè indertöra. Por fortüna unse inće la familia doìa y la vijinanza, olache i mituns vëiga metodes d’educaziun desvalies, y inće dötes les poscibilitês. Angelica: Iö arati che ai svilupëies cun le tëmp inće da susc na mosöra. Chësc vëighi almanco dal comportamënt cun les Dvd’s. Spo ne sai nia cô che ara foss sce an ess na televijiun. Josef, poste dì val’ sön la faziun psicologica dla televijiun? Josef: I m’anadà tres indô tan che chëstes imajes me toca. Tla televijiun é les imajes dër sensazionalistiches. Atramënter éra tl foliet, olache i po bele do le titul tó la dezijiun sce li inant o manco. Dai soms ch’i feji de nöt pòi bëgn odëi tan che na cossa me toca, i m’anadà che i soms ne me pësa nia. Sc’i ćiari indere indô n iade n film pesoch, sinti che les imajes me vëgn do ćina tl plü sot de me. Ćiarè ćiaron gonot da sëra, y i arati bëgn che ara te vais damì sce te ne te toles nia para dötes chëstes imajes negatives. La nöt é plü lisiera. Arateste che la televijiun sides n fatur che porta al stress o ala prescia dla porsona? Josef: A me personalmënter me stressëiel sc’i va invalgò che la televijiun va tresfora. Mo i pënsi inće che la porsona che à tres chësc, ne sint nia plü tan le stress, deache

ara é tla condiziun da ignorè. Iö à p.ej. bele dificoltês sce i mangi che al é le radio che va. Al me destol deplëgn. Pro la televijiun é chësc ćiamò plü intensif. Pai mituns ài metü averda che sce ai röia invalgò olache al é na televijiun, ési totalmënter tacà. Chësc sinti iö plü negatif. Ne fóssel pa nia val’ iade comot da mëte i mituns dan televijiun, por se fà ia val’? Angelica: Val’ iade fóssel bëgn comot. Insciö vëgn i mituns gonot a damanè che ai ô ch’i dëidi fà la blëita, o che an ti lies dant fora de n liber. Desco geniturs mësson sambëgn se dè jö deplü cun i mituns, ći che é pö ala fin positif. Val’ iade él magari plü sfadius, mo ai mituns ti fejel sigü bun. Co passëise pa le tëmp da sëra, o inće i dis de bur’ tëmp? Josef: Val’ iade ćiarunse Dvd, tröp fajunse sambëgn la blëita, y i liun inće tröp. Angelica: I jun gonot te biblioteca a se do libri, val’ iade dessegnunse, spo depënje y n pü’ pastlenè… Gonot junse inće da mies sorus, olache ai po fà la blëita cun i jormagn, o ch’i jun a ciafè la lâ, le tot y la tota. Co reagësc pa la jënt canche i dijëis che i n’ëis nia na televijiun? Josef: Danter mi colegs él sambëgn döta la paleta de minunghes. Un se damana cô che i ô ti insigné ai mituns da adorè la televijiun, sce i ne l’ùn instësc nia. L’ater colegh n’à magari instës degüna televijiun y l’aprijëia, spo él mi compagns plü jogn che se damana co che i fajun zënza televijiun. An vëiga che vignun argomentëia aladô de süa situaziun personala. Mo minunghes daldöt contrares n’ài nia aldì. Angelica, tües compagnes pa? Angelica: Fina śëgn él pa dagnora gnü tut sö bun. Inće de mies compagnes ćiara da limité la televijiun, magari da chirì fora les

I mituns é ćiamò pici. N bel dé jarài a scolina, spo a scora. Ai gnarà confrontà inće cun Playstation, Nintendo y i.i. Ëise n iade ponsè co ch’i fajarëis te chëstes situaziuns? Angelica: Mia idea é bëgn chëra da ne i dè nia massa de chëstes cosses. Personalmënter arati che ares ne fejes nia bun. Śëgn él magari ćiamò saurì da baié, mo i speri bëgn che canche ara sarà tan inant, sarunse bugn da limité, o almanco da nia esagerè demassa. Josef: Iö ô bëgn ti pité a mi mituns alternatives, por che ai ne sintes nia tan le bojëgn da stè dan televijiun, i pënsi p.ej. a teater, chino, libri da lì y da aldì. Chësc foss mi dejidêr: co che ara ćiararà spo fora tla pratica, él da odëi. Angelica, tö es maestra de scora. Vëigon pa la desafarënzia danter mituns che ćiara tröp televijiun? Angelica: An s’anadà bëgn che chi mituns che consumëia massa televijiun o videojüć é manco conzentrà. Pa vigni möt ne pòn sambëgn nia dì. Mituns che ćiara dër tröp, se stënta deplü da stè pro la cossa. Chi che à tröpa televijiun a ćiasa, se stüfa magari plü saurì cun ći che vëgn fat. Mo an mëss inće dì che cun la televijiun impàrai gonot dër bun talian o todësch, aladô che ai ćiara les trasmisciuns. Chi che ćiara demanco é indere plü motivà ai contegnüs dla scora, y sigü plü originai y creatifs, dantadöt ti laûrs manuai y ti dessëgns. Te scora vara intres plü de chël vers che ai mëss se dè jö cun i media nüs, gonot mëssi inrescì te internet. Co odëise pa chësc? Josef: Iö sun personalmënter n fan dl neurologh todësch Manfred Spitzer. Ël dij che chësc é falè. Pro i pici dijel che les cosses pòn imparè tla natöra. I gragn dai libri. Dl ater vers é d’atri pedagogs dla minunga che la pedagogia di media é öna dles materies plü importantes. Iö arati che al sides bëgn important da imparè da adorè i media. Angelica: Al é important da desfarenzié tan gragn che i mituns é. I ne crëii nia che an mësses bele te scolina, te pröma o secunda elementara imparè da adorè le computer. Te na mesana o scora alta vàl sigü bun, mo mëte man tles prömes tlasses me sa personalmënter massa adora. Magari ne sai gnanca ćiamò da scrì a man, y impara bele da laurè cun le computer. Inrescì te internet va bun por i gragn, por i pici vëighi iö dër important imparè da ti ćiarè impröma a ći che ai po odëi realmënter cun sü edli: porsones incëria, tiers, morvëies dla natöra. Imparè da odëi, da aldì, da tofè, da ”ćiarćé” ći che fej pert de süa vita. Intervista: Pablo Palfrader


Val Badia

nr. 03 / 18 de jené 2013

N ann cun sodesfaziuns

Mol bëgn dassënn

Por la Müjiga da La Ila é jü a piz n ann de ativité. Le conzert de Santa Zezilia cun ”Le ćiastel dles stries” de Konrad Tavella é stè le highlight dl ann 2012

Val’ curiositês sön les corëtes dl tëmp tratan le 2012: un di agn plü moi dal 1924 incà. Y le mol é inće stè gauja de rogossies y smöies

Albert Daverda, vidladù dl tëmp a Lungiarü.

La Müjiga da La Ila pro le conzert de Santa Zezilia.

La Ila - ”La musiga é le lingaz dla pasciun”, insciö dijô le componist y scritur todësch Richard Wagner (1813-1883) tl ann 1850. La pasciun por la musiga y da fà musiga adöm é ći che liëia i 56 mëmbri dla Müjiga da La Ila, che à tignì süa reuniun generala en sabeda ai 12 de jenà. La reuniun à metü man cun le salüt da pert dl presidënt Max Nicosia, che à saludè düć i mëmbri y recordè en cört les ativitês plü importantes dla musiga fora por l’ann 2012. Le highlight dl ann é dessigü stè le tradizional conzert de Santa Zezilia, metü da jì ai 17 de novëmber tla Ćiasa dla Cultura da La Ila. Al é gnü portè dant tòć de musiga tradizionala, mo inće moderna, sciöche inće tòć trać fora de colones sonuries de ćiantauturs conesciüs sura döt le monn. Dlungia chisc tòć à la Müjiga da La Ila portè dant na premiera. Ara se trata dl tòch ”Le ciastel dles stries”, trat fora dla opereta de Jepele Frontull, l’autur dla pert musicala, y de Angelo Trebo che à scrit le test. Chësta ê stada la pröma opereta scrita por ladin, porchël àra inće na gran valüta a livel cultural. L’opereta é gnüda portada dant por le pröm

iade tla Val Badia ti agn 1884/85. Por la Müjiga da La Ila él stè Konrad Tavella, instës mëmber dla Müjiga da tröc agn, che à fat l’aranjamënt. Tratan le conzert ti él ince gnü surandè a dui musicontri l’onoranza por i 15 agn pro la musiga. Ara se trata de Iris Tavella che sona la oboa, y Robert Comploj, portabandira. Düć i sacrifizi y les bries ofris sö dai componënć por chësc conzert é gnüdes despaiades jö dal gran aplaus y dales parores de lalt da pert dl publich.

vëgnel sonè por le publich fora por l’isté, sön paiun de dlijia o te Ćiasa dla Cultura. Implü mët da jì la musiga adöm ai stödafüch dl paîsc, les festes alaleria cun la defilada, le dé de Santa Maria dal Ciüf y la Segra dl paîsc. Inće tratan l’ultim isté él gnü fat dui barać musicai, un cun la Musiga da San Martin y un cun chëra da Corvara. Ai 21 de otober à spo la Müjiga da La Ila tut pert ala defilada a Maran pro la ”Festa dla üa”, che à inće acompagné la jita dla uniun.

Musiga jona y motivada

Ativitês por i jogn

Le dirighënt Günther Fistill à spo orü portè dant val’ dać informatifs sön la Müjiga da La Ila, che cumpëda 34 musicontri, 21 musicontres y siur Christian sciöche mëmber de onur. L’eté mesana di componënć é de 30 agn y i musicontri jogn scrić ite tla Scora de Musiga é en chësc ann 16. Tratan l’ann él gnü fat apresciapüch 64 proes, 21 conzerć y rapresentaziuns dan le publich, y 7 iadi s’à sentè adöm le Consëi, de chël che al fej pert Max Nicosia, Philipp Agreiter, Günther Fistill, E l i s ab e t h Fi s t i l l , Lu k a s Frenademetz, Aileen Gasser, David Bernardi, Ivan Pizzinini, Judith Comploj y Nicole Dorigo.

Le cassier Ivan Pizzinini à spo presentè süa relaziun, denant co ti passè la parora ala verdajogn Aileen Gasser, che à recordé les tröpes ativitês metüdes da jì da pert dla Müjiga di jogn dl’Alta Badia, adöm inće ales atres valades ladines. Implü él gnü metü da jì le dé dla porta daverta ai 18 de merz, olache al à tut pert dër tröc mituns cun sü geniturs. Insciö ôn ćiarè da ti portè plü daimprò la musiga ai mituns, a na moda che ai ciafes ligrëza da imparè da sonè n stromënt por podëi spo plü tert inće sonè tla uniun. Dër plajü à sambëgn inće le curs da balè, che é gnü metü da jì fora por l’aisciöda. Chëstes é zënzater ativitês che renforza le stè adöm y l’armonia danter i mëmbri de na uniun.

N ann rich

Onoranzes: dmc le dirighënt Günther Fistill, i dui onorà Robert Comploj y Iris Tavella, le presidënt Max Nicosia.

Dedô ti él gnü passè la parora ala scrivana Elisabeth Fistill, che à porté dant la cronica sön l’ativité dla uniun fora por l’ann 2012. L’ativité ofiziala dla musiga à metü man de merz cun les prömes proes por jì inant cun les festes de dlijia - San Florian, la Pröma Santa Comuniun, Les Antlês y la Festa dl Cör de Gejù. Implü à la musiga podü en chësc ann indô acompag né la Prozesciun de Jeunn. Le plü gonot

Le mënamaza Lukas Frenademetz à orü recordè les tröpes proes da marcè che é gnüdes fates tartan l’aisciöda. Al é gnü imparè dër tröp y fat de gran progresc denant co se presentè al concurs da marcè a Sand te Türesc, la domënia ai 15 de messè, olache la Müjiga da La Ila à stlüt jö cun dër n bun resultat.

Tëmp - Le 2012 é bele da val’ edema jü a piz; i ćiarun zoruch a cô che al é stè dal punt d’odüda dl tëmp. Le maester en ponsiun Albert Daverda nes à metü a desposiziun na ligna de dać interessanć, tuć sö tl paîsc da Lungiarü, a 1.485 metri sura le livel dl mer. Danfora pòn dì che al é stè n ann scialdi mol, mo impò da tröp sorëdl, cun bëgn 199 dis de bel tëmp. Da nio él stè por 47 dis, deperpo che i dis de bur’ tëmp é stà indöt 120. Sce an ô la savëi ćiamò plü avisa, ciafon dales statistiches de Daverda che al é stè 22 dis da nëi, 19 da plöia y nëi y 79 da plöia. Temporai àl dè ca te 15 dis.

Un di cater agn plü moi L’ann pormò jü a piz é stè particolar suradöt sot a un n aspet, chël dles prezipitaziuns. Te döt l’ann él tomè bëgn 1.220,5 mm d’ega (o litri por meter cuadrat), na cuantité fora dla mosöra di ultims agn. ”Dal 1924 incà é chësc le cuarto ann cun plü prezipitaziuns”, nes dij Albert Daverda. A chësc ”rècord” à contribuì suradöt la secunda pert dl ann. Da jügn incà, sc’i tolun fora dezëmber, él tomè vigni mëis passa 100 mm d’ega. D’agost n’él ćinamai tomè 198,6 mm, y te chël mëis - sciöche i savun - él inće gnü jö rogossies pro le Rü de Plunsara daìte da Lungiarü, che à ingravè ite le lêch di pëiapësc. En chël dé - al ê i 22 d’agost - él tomè 34 mm d’ega, le dé denant n’êl tomè 10,1 mm y le dé do la rogossia

ćiamó n iade 31,4 mm. Döt adöm 75,5 mm te ma trëi dis. Da dì él inće che le dé dla rogossia n’âl nia ma plovü, mo inće granüjé. Le su iade che al à granüjé ia por l’ann. Da rècord é stè le mëis de novëmber, cun bëgn 224,4 mm d’ega tomada dal cil. De novëmber él inće stè le dé plü mol dl ann: ai 11 él tomè 61,7 mm d’ega. Les gran plöies de novëmber vëgn inće aratades de gauja por la gran smöia de Badia. La perioda cun plü dis de plöia unse albü de messè, olache al é stè 7 dis indôlater. Le plü dî bel tëmp él indere stè de merz: bëgn 13 dis indôlater. Ala fin na vidlada inće ala nëi: le mëis plü da nëi é stè otober cun 51 cm, de mà n’él inće ćiamò tomè 12 cm. Te döt le 2012 n’él tomè 276 cm, ći che n’é nia tröp, mo gnanca tan fora dla media. Sc’i tolun la sajun da d’invern 2011/12 (set. 2011 - aurì 2012), n’él tomè demanco, ma 225 cm.

”Chi gragn frëić n’él nia plü!” Co é pa stades les temperatöres? Le 2012 à albü na temperatöra mesana de +6,7 °C. Le mëis plü frëit é stè dezëmber, cun na media de -4,5°C, mo inće de forà é la media stada de -4,2 °C. Le plü ćialt é indere stè agost, cun na mesaria de +17,2 °C. De forà unse albü le maiù fredun. Dai 3 ai 6 é le termometer rovè jö ćina 20 y passa grà de frëit. Le dé plü frëit é stè ai 6 cun -21°C, mo la media plü frëida unse ai 4, olache la temperatöra minima é stada de -19 °C, y la mascima de ma -8°C, tanco na mesaria de -13,5°C. ”Al é stè dis frëić, mo chi gragn frëić sciöche laôta n’él nia plü”, dij Albert Daverda. Le dé plü ćialt dl ann é l’ann passè garatè d’agost. Ai 19 é le termometer rové ćina a +32°C. Le dé do él inće ćiamò rovè sön 31 °C, y plü iadi tratan l’isté él rové sön 30 grà: un n iade d’agost, dui de messè y un de jügn. I rengraziun Albert Daverda por nes avëi metü a desposiziun chisc dać, che é dagnora interessanć da conscidré, tignon cunt che le tëmp é bëgn öna dles tematiches plü baiades, canche an fej conferta. (pablo)

Tröc é stà i sacrifizi, mo ćiamò deplü é stades les sodesfaziuns che i musicontri, les musicontres y düć i mëmbri dla musiga à albü tartan l’ann. Porchël se confortunse indô da mëte man les proes y jì inant cun les ativitês dla musiga inće tl ann 2013, che odarà sciöche highlight le 10. Conzert de Santa Zezilia. Nicole Dorigo por la Müjiga da La Ila

La rogossia gnüda jö dal Rü de Plunsara, ai 22 d’agost. (Foto: Mario Clara) www.lauscdiladins.com

13


Val Badia

nr. 03 / 18 de jené 2013

Badia zënza orghe de dlijia Do Santaguania àn metü man da tó fora l’orghe de dlijia de Badia. Al nen gnarà arjigné ite n nü, che dess ester arjigné incër la fin de mà Badia - Badia é le paîsc nadalin dl gran componist y orghelist Jan Batista Runcher (1714 - 1791), stè a Trënt orghelist dl dom. Al à fat na ligna de composiziuns por cor, orchestra, orghi, mësses, oratori, motetes, antifones, psalmi y solisć. Al ê jü a scora fora Dala manajada dai iesuić; chësta scora â n bun cor, n grup de stromentalisć de livel alt y maestri famoji de musiga. Runcher é portè ite ti registri da Dala pro les ”Personae musicae”! Al ê bëgn da incrësce da odëi chi dis dai 8 ai 11 de jenà 2013 lauranć dla Fa.Decor che tolô en tòć l’orghe de dlijia y l’arjignâ ca por gnì menè demez a Verona. L’orghe é vedl y al ê ora da le lascè jì en punsiun, deache al ne jê bele n pez nia plü cis bun. Gonot êl gnü cuncè, mo al jovâ püch. L’espert de musiga P. Urban Stillhard à dit che al ê gran ora da le baratè fora, che la dlijia de Badia se mirita n ater orghe. N documënt de inventar de calonia de Badia dl 1831 nes cunta che le curat da laota siur Ujöp Antone Mersa (1809 - 1827) da Calfosch â cumprè dl 1812 a San Laurënz n orghe de dlijia cun i scioldi che al â petlè adöm da benefaturs de Badia. Na pert ti â dè scioldi, cotan de paurs ti â scinché ala dlijia taies da se vëne. I ne savun nia sce Badia à albü bele dan le 1812 val’ sort de orghe; i conesciun bëgn i trëi violinisć y i ëi ćiantarins (”Singer und Geiger”); chisc vëgn bele dant dl 1703; ai abelî les festes cun so ćiantè y sonè. Do da 100 agn êl bëgn gran ora da baratè orghe. Chësc â capì le

Ultima foto dl Cor de Dlijia de Badia cun l’orghe vedl.

caplan siur Pire Sorarui da Fodom che ê espert de musiga; al menâ do che Badia ciafass n miù orghe. Chësc é spo gnü fat dl 1906 dala Fa. Behmann da Vorarlberg. Colaudè l’â le caplan siur pire Sorarui, siur Alfonso Videsott y le maester Jepele Frontull. La benedisciun à l’orghe ciafè ai 16 d’agost dl 1906 da pert dl ploan siur Santo Palla (1896 1917), nasciü a Agai ta Fodom. Chësc orghe â dui manuai y 22 registri cun posaunes y trombëtes. Badia â dl 1924 ciafè n implant dla

löm jö Murin, mo pormò dl 1933 êl gnü arjigné n motor da trà sö l’orghe impede le calcant; te tröpes dlijies ân n ël aposta a trà sö l’orghe, gonot fajô chësc laûr n ćiantarin deperpo. Tratan â inće chësc orghe ciafè sü agn y ê da baratè fora. L’orghe nü àn lascè fà dala Fa. Johann Pirchner da Steinach am Brenner dl 1963. Chësc orghe â 26 registri y dui manuai. Al mëss ester che l’orghe vedl ne sides nia stè tan malester o che an à orü spragné,

scenò n’ésson nia tut les perts de lëgn dl vedl por fà le nü dl 1963. Chisc tòć àn odü canche al é dan val’ dis gnü trat jö. Cun gran savëi l’à l’orghelist Paul Dapunt da Ćianacëi tres sonè, mo inće l’orghe dl 1906 à Paul sonè intan d’agn, él pö bele dan le 1960 orghelist. Al i savô bëgn feter al orghelist da odëi le tó en toć, mo gran sciode ne n’él pa, falâra pö gonot. Paul se conforta da nen ciafè cotan plü n bel y bun, sciöche al vëgn dit. L’orghe nü vëgn fat dala

Fa. Ahrend da Leer te Ostfriesland (Teratodëscia), na firma dër conesciüda y bona. L’orghe sarà a öga da gnì sonè incër la fin de mà dl 2013. La ploania de Badia se vêga śëgn n orghe de dlijia bindebò potënt y cotan ćer. Mo an dij che i debić dles dlijies ne n’é nia da temëi .Canche ara ô ester, mostra la jënt les manies leries y spënn. L’orghe é por abelì les festes de dlijia che i cristiagn frecuentëia. Düć é cotan coriusc da odëi y aldì chësc stromënt de dlijia. (Lois Trebo)

Onoranzes por l’impëgn

De ćiampanes

La Uniun di Ostis HGV de Badia à onorè deplü ostires y ostis por 50 agn de ativité tla hotelaria

Te interessëieste de ćiampanes? Spo alda mefo!

Lies - Trëdesc: chësc é le numer de onoranzes che la Uniun di Ostis de Badia à podü surandè dan da püch, a ostires y ostis che po mostrè sö bëgn 50 agn de ativité tla hotelaria. La festa é gnüda a s’l dè tl Hotel Störes a San Ćiascian, olache al é gnü alzè fora l’impëgn y le coraje che i ostis onorà à desmostrè, da vaghè bele dan mez

Curiositês - An à ciafè fora te Corones, cun sü 18.100 chili, ne chi libri vedli de calinia da La Pli büra o ne zilorëia nia por funziuns de Mareo che le ploan y deban Matî de dlijia. (Signor Merch Graffonara) Declara (1868 - 1884) à lascè corè a Porsenùdal Grassmair na ćiampana cun 4.450 chili. Ne n’é pa chësta ćiampana la secunda plü grana de döt le Tirol y Südtirol? Sciöche ara é jüda a finì, bele dan le 1900, y nia massa bel, i lasciunse cuntè a chi che sa da cuntè de vigni sort de stories: da crëie o nia da crëie. Bëgn. Majera, cun plü n gran pëis, ê laôta chëra fora Sankt Pauls da Eppan con 4.096. Ara sona incö ćiamò. Ara é gnüda corada l’ann 1710. D’atres plü o manco granes - dal 1720 inant fina incö - aldiunse chëra da Lana cun 6.240 chili, chëra dl convënt a Gries da Balsan cun sü 5.026 chili, chëra da Sterzing cun 4.200, la ”Sext” dl dom da Porsenù cun 3.900 chili. La ”Gran Marora” da incö mostra sö 3.367 chili y é öna dles 13 ćiampanes de nosta diozeja o provinzia cun n pëis da 3.000 a 4.500 chili. Lauranć sön ćiampanì da La Pli da La ”Concordia” de Plan de d’altonn 2012.

secul le vare tl setur dl turism.

Les porsones onorades Te chësta ocajiun àn podü onorè Olga Adang Pizzinini dla Pensiun Olga, Maria Costabiei Irsara y Ferdinando Irsara dla Pensiun Runcac, Moritz Craffonara dl Moritzino, Serafino Frena y Pia

Rieder Frena dl Hotel Tofana, Giuseppe Pedratscher dl Hotel Vajolet, Ernestina Pizzinini Andriolo dla Ćiasa Antersies, Paula Ploner dl Hotel Conturines, Rosa Rinna Craffonara dl Hotel Ćiasa Lara, Augusta Rottonara Crazzolara dla Pensiun Rezia, Marcello Varallo dl Hotel Ladinia y Franz Wieser dl Hotel Armentarola. (pablo)

Onoranzes ai ostis: dmc Franz Wieser, le surastant HGV dl raiun de Puster Thomas Walch, Roberta Rinna Mellauner (ilò ćiamò surastanta dla uniun di ostis de Badia), Augusta Rottonara Crazzolara, Gustav Rudiferia, Moritz Craffonara, Giuseppe Pedratscher y Ferdinando Irsara.

14

www.lauscdiladins.com


Val Badia

nr. 03 / 18 de jené 2013

Na cherta da Managua

N ann de ativité é jü a piz

I ùn ciafè posta da P. Paul Pezzei, miscionar combonian tl Nicaragua, che nes cunta dles novitês sön ativitês y jënt laìa

Pro la reuniun generala di Stüdafüch da San Ćiascian àn ćiarè zoruch al’ativité. Trëi é stades les onoranzes che an à podü surandè, y trëi é inće i stödafüch nüs San Ćiascian - En sabeda ai pröms de dezëmber 2012 s’à düć i mëmbri y ghesć invià adalerch incuntè tla Ćiasa J. B. Rinna, en ocajun dla tradizionala reuniun generala di Stüdafüch da San Ćiascian. Do le salüt da pert dl comandant Christian Obojes, à le scrivan lit dant le protocol dla sentada generala dl ann denant. Sciöche terzo punt dla sentada à le cassier portè dant la situaziun de cassa, spligan plü avisa les entrades y i cosć sostegnis tratan l’ann. Le scrivan à spo portè dant la relaziun söles ativitês dla uniun tratan l’ann, acompagnada da deplü retrać proietà sön na tofla lominosa.

Portè a ćiasa lëgna.

La cujina de Yazari.

Misciuns - Le miscionar combonian P. Paul Pezzei da Mühlbach vir tl Nicaragua ia tl’America. Al é stè tröc agn tl Perù a Cerro de Pasco, spo tl Cile y dal 2011 inant tl Nicaragua. Süa pasciun é vire y daidé la püra jënt fora por le monn. Le pere de P. Paul ê da Lungiarü (Laguscel) y s’â lascè jö a Mühlbach. Sü jormagn foss P. Fidelis y le pruder Iaco Pezzei da Lungiarü. P. Giuvani Pezzei (1912 - 1990) y le pruder Nazio (1906 - 1982) ê sü berbesc (cf. Calender Ladin 2011). Aldiun ći che al ti à scrit al foliet ladin por de sü amisc y benefaturs, che i lasciun aldì por ladin. La cherta scrita da Managua, porta la data di 22 de dezëmber 2012. ” Ćers amîsc y benefaturs! ’Plan, plan tomel la nëi!’ Chësc po ester insciö ia da os, chilò unse vigni dé sorëdl. Ći él pa zënza da nü? Chilò da nos él sozedü de vigni sort: Nosta congregaziun à tut la dezijiun che i romagnuse impò tl Nicaragua; porchël désson avëi na nosta ćiasa. Ćina sëgn ênse en afit y i ùn paié vigni mëis 500 US$.

Insciö sunse gnü damanè dala Congregaziun da chirì na ćiasa che i podésson cumprè. I sun jü a ti ćiarè a 14 ćiases poscibles, les à fates jö, à sciacarè … y düć orô avëi 200.000,00 dolar y deplü … y n bel dé me dijô le scior Cerulli, che al se vënn süa ćiasa por 135.000,00 US$, chësc muntass sö a chi 102.000,00€. Al â arpè n gran toch de terac y dailò oréssel se fà sö la ćiasa nöia. La familia Cerulli é impresara y ara vënn ćiasesdafüch y aredamënć da bagn (ćinamai dla Fa. Grohe da Bornech) y peres - o func de ermo y parëis. Chësta süa ćiasa unse cumprè y ara é plü bela co tröpes d’atres che i m’à ćiarè jö. La Providënza de Dî m’à daidé! Por mi compliagn ai 10 de novëmber sunse jü te ćiasa nöia, i atri dui é gnüs do ala fin de novëmber. L’avocat dr. Claudio Picasso é dër na buna porsona: al me fej dötes les scrituranzes debann. Iadô nosc ćiasarëi mëtel man la pert dala meseria. I sun bele gnü amich de tröc jogn (scebëgn

che i à 68 agn). Le ploan de chësta ploania San Nazio da Loyola ne vëgn nia cis fora bun cun chësta popolaziun. Nos ne sun nia ploans, mo i daidun fora olache an s’adora: te scores, te ploanies y inće chilò. Chilò é la jënt dala meseria. Tla pert dla cité olache i viôn ćina śëgn, abitâ plütosc jënt che se stê bëgn, chilò sunse pro chi dala pecügna. Chësc é val’ iade bel, chilò é döt dër ala buna, an po se sentè dlungia ëi ia por funz y s’la ri. Chilò é la vita por tröc dër scëmpla, mo por tröc inće döra: jogn s’la baudia che i geniturs à tres ma problems y ne baia mai cun ëi y che ai se sënt lascià susc. I rić à d’atri problems: mituns tla droga, tl alcohol, te scetes ez…. y inće da chisc junse nos y porvun da daidé, gonot ma cun oraziuns. I sintiun sciöche Dî dëida olache nos sciöche porsones ne podun plü fà nia. Śëgn se aodi a os düć de beles festes da Nadè, cun sanité y benedisciun ia por l’ann nü! Le monn ne va nia sot. Siligrazié Dî! - P. Paul Pezzei, combonian”

84 iadi al apel Fora por l’ann é i stödafüch gnüs cherdà por indöt 84 iadi, de chisc 13 iadi por intervënć de vigni sort, 28 iadi por proes, 8 iadi en ocajiun de festes de dlijia cun prozesciuns o sopoltöres, 24 otes por sorvisc desvalis y 11 por sentades dl consëi o di comandanć. Da chësta statistica pòn odëi fora che tratan l’ann 2012 é nosta uniun gnüda cherdada feter vigni cuarto dé por öna o l’atra ativité. Chësc fat desmostra insciö la gran desponibilité, la gran importanza y le gran impëgn di stödafüch te na vita de n paîsc.

Deplü intervënć de pëis Por fortüna é le paîsc y süa popolaziun inće tl ultim ann gnüs stravardà da de gragn mesdefüch, desgrazies, calamitês o rogossies. Di intervënć él en particolar gnü recordè i sciori rovà te dificoltês söl Ju de Valparola a gauja dla tröpa nëi, le medefüch te n apartamënt dl Residence ”Piz da Lec” a Corvara y l’intervënt söl Ju de Valparola sot n gran temporal, por recuperè n grup de porsones al prigo dal tarlì.

Trëi omi nüs I Stüdafüch da San Ćiascian cumpëda ala fin dl ann 40 mëmbri

Nosta ćiasa nöia.

atifs. Trëi é i mëmbri nüs che é gnüs tuć sö tratan l’ann: Christian Agreiter, Giuseppe De Marc y Massimiliano Rudiferia. Fora dles ativitês tipiches dla uniun, él tratan l’ultim isté indô gnü metü da jì le ”Paîsc en Festa”, organisé dal’Assoziaziun Turistica de Badia cun la colaboraziun de deplü uniuns. Programè êl 5 serades che é jüdes da tignì dötes cantes, inće por mirit dl tëmp, che à chësc ann scialdi daidé para. Do la cronaca dl ann à le comandant Christian Obojes rengrazié düć i mëmbri y ghesć presënć. An é spo passà ales onoranzes di mëmbri che po mostrè sö plü agn de ativité pro i Stüdafüch da San Ćiascian. L’Ombolt dl Comun de Badia Iaco Frenademetz y l’Ispetur dl Raiun Alta Badia Renato Pizzinini à podü onorè por 15 agn de ativité Andy Vittur y por 25 agn de ativité Helmuth Pescollderungg y Christof Pezzedi. Tla finada à ćiamò i ghesć portè so salüt y dit val’ parora de rengraziamënt. Chilò anse podü saludé y aldí l’Ombolt de Badia, l’Ispetur dl Raiun Alta Badia y rapresentanć di Stüdafüch da La Ila, dla Crusc Blanćia Alta Badia, dla Polizia de Comun y dla Staziun Forestala. Denant co stlü jö la sentada, à le comandant ćiamò rengrazié düć i sostegnidus de nosta uniun y düć i volontars presënć por la desp onibilité y la buna colaboraziun. Do la sentada é düć rovà adöm tl Hotel Störes por na buna cëna, cun chëra che an à stlüt jö en belëza l’ann de ativité. Le volontariat rapresentëia na gran richëza te nüsc paîsc. Düć ti é porchël reconescënć ai stödafüch por düć i sorvisc che ai pîta y pitarà inant inće tl dagnì, y por la segurëza ch’ai ti garantësc ala popolaziun tratan döt l’ann. A düć i volontars che à tratan l’ann laurè tla uniun ativamënter o tl chît i vàl porchël dër n gran giulan por ći che ai à fat por le bëgn dla popolaziun y a onur de Dî. Le scrivan Alex Rudiferia

Pro les onoranzes por 25 agn de ativité: dmc él Renato Pizzinini, Hubert Costner, Christian Obojes, y dui onorà Helmuth Pescollderungg y Christof Pezzedi, Iaco Frenademetz. www.lauscdiladins.com

15


Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

nr. 03 / 18 de jené 2013

Palesà voscia identità ladina “zenza paroles”! L’é amò temp demò enscin ai 31 de jené per tor pèrt al concors metù a jir dai Volontadives del lengaz del Comun general de Fascia Concors - I Volontadives del lengaz del Comun general de Fascia porta dant l concors “Mia identità zenza paroles”, con l’obietif de spenjer duc i sentadins de Fascia a dir fora sia idea de identità travers na foto o n curt filmat. Al concors pel tor pèrt duta la jent de Fascia, dai bec ai gregn, che à gust de fèr cognoscer sia idea de identità, te chesta ocajion zenza durèr la paroles ma travers n tòch de sia val, momenc de vita, situazions personèles e de la sozietà, ambient e natura, aspec del lurier, del turism, de l’economìa o ence vèlch de astrat. Identità donca no entenuda

demò desche lengaz , tradizion o cultura, ma ence desche vida de viver de la jent da mont, desche l lurier, la familia, i gropes, desche la religion, la sozietà, l sport e amò n muie de auter. N pòpol de mendranza defat à daìte de se vèlch da desvalif respet a l’autra persones, vèlch da rich e originèl, na vida de pissèr, de viver e de esser che paa la speisa de esser spartì coi etres. I Volontadives del lengaz. I Volontadives del lengaz envìa duc chi che é enteressé a dai joegn con si fonins, opura prejentèr curc filmac, ence realisé retrac de momenc che moscia o i

é l sìmbol de l’identità ladina vedui ti etres o daìte de sé. Na vida moderna e gustégola de palesèr sie pensier apontin zenza paroles. Se recorda che i lurieres, retrac o filmac de no più che 2-3 menuc, originèi e personèi, cogn vegnir mané ite travers la posta eletronica o la posta ordenèra opura amò porté a man a l’Ofize per i Servijes linguistics e culturai del Comun general dant che vae fora les 12.00 di 31 de jené

del 2013. Sarà l grop di Volontadives del lengaz che valutarà i lurieres rué, che vegnarà spartii te più categorìes aldò de l’età di partezipanc e de la sort de lurieres consegné e i vegnarà premié te l’aisciuda del 2013. Per aer l bando o maor informazions se pel se oujer a l’Ofize per i Servijes linguistics e culturai del Comun general o vardèr sul sit www.comungeneraldefascia. tn.it. Per aer de autres schiarimenc se pel manèr na mail a cultura@ comungeneraldefascia.tn.it opura chiamèr l numer 0462.762158.

Transdolomites se ouc a la politica La radunanza anuèla de la sociazion à lità l nef diretif e confermà president Massimo Girardi, che l’à rejonà de projec per l davegnir

Massimo Girardi l’é stat endò lità president de Transdolomites.

Mobilità - En lunesc ai 14 de jené a Pardac l’é stat la Radunanza anuèla de Transdolomites. N bon suzess dat enscin dal scomenz con la prejenza de desvalives sozi e sostegnidores de la sociazion che dal 2009 soraldut te Fascia, Fiem e ence tel Trentin-Sudtirol se cruzia de mobilità e la porta dant l’idea de basa de realisèr na ferata da Trent enscin ta Penìa e ruèr ence a aer na rei ferata de la Dolomites. La radunanza la é tachèda con la relazion del president Massimo Girardi che l’à portà dant l’atività de Transdolomites svilupèda sun trei livìe: chel de ge dèr l’encèria a la Qnex per la realisazion del studie projetuèl per n coleament con la ferata te la valèdes de la Veisc; chel del finanziament de l’idea e de la

fases projetuèles del davegnir e n nef livel de atività de la sociazion che fossa chel de aer na encèria politica. Descheche vegn scrit te la relazion, l president Girardi ge tegn a sotrissèr che “la sociazion no sostegn nesciun partit, la é a-partitica, ma la envìa i partic a fèr sia l’endesfida per la ferata de la valèdes de la Veisc”. L’envit che fèsc Transdolomites l’é amò n’outa chel de jir sorafora la veia vida de fèr politica che vegn da l’aut e che é dalonc dai besegnes de la jent. L referiment l’é a la Provinzia de Trent e al projet Metroland: “ades che l’é stat metù sun sotcuert - se domana Girardi - che davegnir él pa per la valèdes de la Veisc?”. Te la relazion del president dapò

no vegn sparagnà nience i aministradores de Fascia che i à l doer, desche raprejentanc istituzionèi, de enrescir a 360° ogne soluzion a la leta, roba che fin ades no i à amò fat. La discuscion che se à avert dò la relazion la é stata longia, ma ùtola de gra ai desvalives intervenc a una col President e che ge à dat forza e sostegn a la neva encèria che la sociazion vel aer daìte del debàtit politich per la litazion nazionèles e provinzièles. Amò apede l’é stat ence renovà l diretif te chel che l’é stat lità: Giuliano Poier (per Cembra), Mario Forni (per Trent), Chiara Boninsegna (per Fiem), Andrea Zulian (per Fascia) e Massimo Girardi che l’é stat endò confermà

President. L’encèria de revisor di conc la é jita a Stefano Weiss. Dant de serèr sù l’é stat portà dant l program de l’ativitèdes de Transdolomites per l’an 2013, per la maor pèrt dintornvìa l cedean per i 50 egn da canche no l’é più la ferata Ora-Pardac. Tel program l’é ite dapò la realisazion de la Fondazion per l studie e la promozion de la ferata de la valèdes de la Veisc; n convegn sui projec europeegn leé a la mobilità; n event dedicà ai joegn che à tratà de la ferata de la Veisc te sia tesi de laurea; proèr a meter ensema n sistem de carsharing (spartir l’auto anter più persones) e vijitèr i ejempies positives de ferates te la valèdes da mont desche chela de la Finsca a chela da Brescia a Edolo. (vr)

Assertività, comunichèr con percacenza L psicologh Francesco Sbardellati à tegnù na serèda informativa sun chest tem. Da en lunesc che vegn te na lingia de encontres vegnarà rejonà de benstèr e de etres temes desvalives

Na bona autostima é a la basa de la comunicazion assertiva.

Sozietà - La Biblioteca de Vich enstadì à endrezà na serèda informativa dal tìtol “Venjer zenza scombater”, olache l psicologh Francesco Sbardellati à rejonà de la strategìes de comunicazion assertiva per miorèr la relazions con i etres. Ma che él pa l’assertività? Chesta parola no la é deldut neva - à dit Sbardellati - sarà 50/60 egn che la é, ma chest conzet vegn durà demò

16

www.lauscdiladins.com

da pech. L’assertività, “assertiveness” per ingleis, l’é la capazità de stèr ben coi etres, l’é na vida de comunichèr che permet de afermèr sie pont de veduda zenza se fèr sora i etres, ma zenza nience se lascèr meter i piesc sul cef, l pont de equilibrie anter esser agressif e passif, l’é l’èrt de venjer zenza scombater, aldò de na strategìa cineisa veiora. En lunesc ai 28 de jené taca via n cors de cinch encontres apontin sun chest tem e Sbardellati endèna la serèda à chierì de spieghèr de che che se trata e de dèr na cercia de chel che vegnarà fat al cors.

Passività, assertività, agressività L’om l’é n animal sozièl che à debesegn de la relazions coi etres omegn, che ampò les pel esser motif de content o de cruzie, depen da sie comportament. Te la interazion coi etres se pel esser agressives opura passives, ma l’é sorì entener che nesciuna de la does raprejenta la vida ideèla per gestir delvers e con percacenza la

relazions. L soget passif se cruzia de più de encontentèr i etres che se enstes, l se lascia condizionèr e l sopesc la situazions zenza se remir, donca l vif per i etres e no l’à respet per sé. L soget agressif enveze no l respeta i limic di etres, l se conzentra demò sun si dejideries e per fèr chest l rua ence a doventèr violent. L’à la tendenza a dominèr i etres, donca no l’à respet e l vif demò per sé. L passif de spes vegn tout per valent, ma no l’é coscì, ajache so comportament no l’é spontan, ma l vegn cà da sia incapazità de se palesèr per coche l’é dassen, per la tema de no aer l’aproazion di etres. Te la medema maniera l’agressif no l’é catif, ajache de spes no l’à consaputa de coche l’é, e canche zachei ge fèsc notèr sie comportament l’enten sorì che l’é dò che l fala. L soget assertif stèsc te mez e l’é caraterisà da na bona autostima, da l saer dir de na, da n ategiament che evita de giudichèr, da la capazità de palesèr chièr si sentimenc e si pensieres, fin a ruèr a n fon sens de responsabilità de sia azions,

aferman si deric e azetan la conseguenzes.

La relazions ti sistemes sozièi L’om vif daìte de desvalives sistemes sozièi, l più scempie l’é la familia. Canche n soget dezide de jir fora da n sistem, l proa n sens de colpa, a chel che l pel reagir con trei modalitèdes desvalives: con passività, se adatan, ence se no l volessa, a l’endrez del sistem de origin, opura con agressività, se rebelan debel, ma a chesta vida nesciun di doi fèsc chel che dassen l vel. La terza modalità l’é chela de l’assertività: l soget te chest cajo descancela l sens de colpa travers la recognoscenza e, rengrazian per chel che l’à abù, l ponta via da chesta basa, bona o zompa che la sie, per jir inant e creèr n valor enjontà.

Cors e serèdes informatives L cors su l’assertività se basa sul sostegn de n grop de persones,

donca fossa benfat che sie amàncol 8 jent, ma no più che 15, acioche duc posse dir la sia e interagir te la dreta maniera tel percors envers l’assertività che se chier de fèr ensema: la consaputa , l recognosciment de la situazions da mudèr, la volontà de mudèr, la ejercitazions simulèdes e cheles “in vivo”, l renforz positif dat dal grop e l’assunzion de responsabilità. En lunesc ai 21 de jené a Moena te sala de consei, da mesa les 9 da sera, Sbardellati rejonarà del benstèr e l portarà dant l program de na lingia de scontrèdes olache se rejonarà de temes desvalives, la malatìa, con la 5 leges biologiches del dotor Hamer, i problemes de l’alimentazion, la poura, con la fobìes e i ataches de panico, l stress, i fai più comuns te l’educazion, l giudizie e la rufianarìes, la paranoies, la cobia con i problemes de relazion e amò de auter. N program rich e articolà che pel soscedèr l’enteress te la popolazion, che la pel tor pèrt a chesta lingia de serèdes zenza paèr nia. L cors su l’assertività enveze l’é a paament. (cri.m)


Fascia

nr. 03 / 18 de jené 2013

Alfredo Weiss, per 22 egn President de la Marcialonga Chest an, dò la 40^ edizion, Weiss zet l testamonech. Anter cruzies, colaborazion e sodesfazions l’é stat bon de fèr ruèr chesta garejèda tel nonzech mondièl de le “granfondo”.

Alfredo Weiss, president de la Marcialonga.

Alfredo Weiss ensema al diretif de la Marcialonga. (fotos: Newspower Canon)

Per 22 egn Alfredo Weiss à spetà i atlec al travert de la Marcialonga a Ciavaleis.

Paslonch - 1973 - 2013. La Marcialonga compiesc 40 egn e l’é 40 egn de traverc emportanc e de gran sodesfazions. Con si 7500 “marcialongisć” scric ite, la Marcialonga l’é una da la garejèdes de paslonch più cognosciudes a livel mondièl e da ben 22 egn la é vidèda da n fascian, Alfredo Weiss da Vich, che dò chesta edizion di 27 de jené l lasciarà la presidenza. Te duc chisc egn l president Weiss l’à vidà con profescionalità e pascion na gran squadra che tol ite 14 persones tel diretif, 60 responsaboi di desvalives setores e na rei de 1200 volontadives che dèsc na gran man, soraldut ti dis entornvìa l’event, ma ence via per l’an con la Marcialonga Cycling e la Running. Na garejèda, la Marcialonga, che porta vadagnes a dut l teritorie. Descheche conta Alfredo Weiss, “chest an aon fat n studie, ensema a l’Università de Trent, olache vegn fora n vadagn economich, demò da le enscinuazion, de presciapech 400 mile euro, e de presciapech 5 miliogn de euro su le valade de Fascia e Fiem. A chest l’é da jontar ence 530 mile euro de la Cycling Craft e 330 mile euro de la Running. L’é stat studià fora che i marcialongisć foresć i resta te val en media cater dis e per ogne coridor rua en media n compagnador, desche la femena, l fi, n amich”. L suzess de la Marcialonga se l veit ence dai numeres leé a la televijion. La Rai la mana fora la direta da les 9 enscin les 12, ma chest an l’é ence la televijion TV2 (na televijion che à vent i deric per la Norvegia per tor jù la Olimpiades de Sochi) che mana fora la garejèda per cater ores de direta: da les 7.55 a les 11.55. E dapò l’é 11 televijions da dut l mond (America del Nord, Svezia, Danimarca, Finlandia, Grecia, Ungheria, Croazia, Canada, Kazakistan e Repubblica Ceca) che à ence eles domanà l segnal per la direta. Ma tacon dal scomenz.

sobito populara e ti egn ’88 e ’90 ence aldò de trei evenc suté per mencianza de neif, se é jic endò. Sobito no aon capì che per chisc gregn evenc no se podea aer suzess demò con l stil “pattinato”, che tiraa demò te la Talia e pech ti paìjes foresć. Ti paìjes del nord del mond, dalonc un da l’auter 10, 15, 30 chilometres, l paslonch a tecnica classica l’é l sport de la domenia e canche aon dezidù de far demò stil classich se aon avert ence a chest auter marcià de pascioné de paslonch. A chisc del Nord dapò ge piasc la Marcialonga respet a le autre granfondo, olache l’é béle demò albres e giacia, percheche i é ti paìjes, l’é n gran tifo e l calor de la jent fora e fora. Adertura l’é chi che peissa che le ciampane de le gejie le sone perché passa ic. L dijea angern Bepino (Davarda, l senator fascian) che l se sentir chiamar per inom te empienesc de sodesfazion e orgolie. Donca dijon che Marcialonga col retorn al classich l’é doventà n event no demò de competizion, ma ence na dì de festa che te deida ence a aer n stil de vita più dinamich. Da canche l’é stat tout chesta dezijion l’é scomenzà ence chesta crescimonia costanta ti numeres: 7500 scric ite. Ence chiò l’é da dir che no podon n’aer de più. Ruar a 10 mile volessa dir partir massa tart e ge far troar na pista roinada soraldut te dotrei posć del percors. Vegnissa fora demò n cor de lamentele.”

per valorisar l paìsc”.

Can aede tacà, president Weiss? “Del 1981, jai 33 egn, e del 1991 son doventà president. Posse dir che la Marcialonga la é nasciuda desche n event popular destinà a esser na dì de festa, de gran sport e de n stil de vita dinamich che fasc star alené dut l’an. La é doventada

Che él la Marcialonga aldidanché? "Gio parte semper da l’idea che la Marcialonga se pel la far percheche l’é i atlec e l’é chela sort de pista che per la far aon na maraveousa colaborazion da part de dute le aministrazion de le doi val. Se no l’assane, Marcialonga no se n fajessa. I dasc na man tant desche mesi che ence per scurjer na part emportanta di cosć. Poder sentir tedò la schena che l’ent publich te dasc na man l’é na roba che te dasc piajer. L’autra roba l’é che Marcialonga l’é 1200 volontadives. E chiò, gio die semper, vegn fora la cultura de l’om da mont. Enscin jai 50 egn per lurar e viver te nesc posć la jent o la se metea ensema o no se aea le condizion per lurar e viver. L’ejempie de la Marcialonga ne fasc veder che

fosc chesta cultura de la solidarietà la é amò, per fortuna. L’é amò na semenza che ge fasc capir a la jent che l’é emportant star ensema per realisar valch de emportant. No demò Marcialonga, ma veide ence l Ski Team Fascia, i Studafech, la Crousc Checena. Se no assane chest spirit, no assane certe robe. N auter conzet l’é che a duc ne piasc aer motivazion ideale, sportive e dinamiche, ma ne piasc lurar ence per i resultac. No ne endespiasc proprio nia se da n event coscì vegn fora 5 miliogn de euro per le comunanze e l’economìa de Fiem e Fascia, e dal pont de veduda turistich segur poder veder per televijion n post olache se stasc o se é stac, a duc ge fasc piajer. Gio crese che i turisć che vegn chiò entorn e i veit per televijion la Marcialonga e le valade de Fascia e Fiem, i renforza l leam coi lesc de soe vacanze”. Colun él enveze l problem maor che à la Marcialonga? “L soul gran cruzie che te chest moment aon l’é l temp. Enceben che la neif la sie ruada, enscin jai dotrei dis l’era toc entriesc de pista che se aea roinà. Nosc cruzie l’é per l davegnir: far la pista per la Marcialonga vel dir spener presciapech 200 mile euro. Se la neif vegn dal ciel tu n sparagne na bona part, ma l problem di ùltimes egn l’é l ciaut. Co se fajel se de jené no vegn freit e l’é giornade teche desche chele passade? Proprio per speises per far la pista, l’an passà aon serà sù l bilanz con segn negatif. Chel che cruzia l’é che l problem de la neif no l’é demò per la Marcialonga, ma l’é slarià fora a dut l turism del schi alpin. Duc cognon se domanar: che farone tel davegnir?” Él neves per chesta 40^ edizion? “A Cianacei chest an no se utarà più a Cercenà, ma se ruarà più en ite, enscin sot a l’Hotel Crousc Biencia, se passarà via l’Antermont (con n pent provisorie) enscin tedant al Dòlaondes e dapò se utarà aló per vegnir endò en fora. A Poza l Comun à confermà l passaje te tendon e per la pruma outa ruaron ence tel zenter de Pardac. Veide che mìngol a la uta duc enten che l’é n nonzech aer l passaje te paìsc. Per i vadagnes che porta la jent a la strutures e perché l’é ence na vida

Ma dal pont de veduda vosc personèl, co éla che aede dezidù de lascèr? “Peisse che sie ruà l moment de n mudament. Dò 22 egn de presidenza l’é ora grana de cambiar, é vedù che da canche tel diretif l’é ruà ite persone neve l’é sobito ruà de gran novità. Crese che chisc neves componenc i laore tel diretif con desponibilità e competenza, ma ence con gran pascion, volontà e gaissa. Chiama pech tu dut chest! Giò dapò, se valgugn me domana, na man a far zeche ge la daré... e se no i me domana, jiré a far l tifo! (grignon!)” Coluna él stat voscia più gran sodesfazion te duc chisc egn? “Dant de dut l’é stat meter ensema n event anter doi Val che valch outa le é en concorenza. Dapò che me é troà a gestir n diretif adum, olache se rejona ence su speise minime e che n’outa che vegn tout la dezijion, se va inant con chela. E per chest cogne aprijiar l lurier de la direzion, de Gloria Trettel. Voi femene, n’outa che vegn tout na dezijion, siede più coerente respet a noi omegn. Noi sion più slegres e più porté al compromis. Dapò na bela roba che me à portà la Marcialonga l’é stat l’aer amicizie e recognoscimenc, ence a livel uman, stroz per l mond. Dut chest fasc piajer.” Colun él stat enveze l moment più senester? “L’é stat esser bogn de empostar na strategìa neva tel moment che se aon ascort che seghitane a jir endò. No l’é stat sorì, percheche l’é senester dir “me renove col jir endò”, jir de retorn al “veie”. Per solit se fasc semper zeche da nef. Chest l’é stat l moment più delicat, ma la é jita ben. N’autra roba che amò no l’é stat metù a post l’é la pista. Forin Fiem l’é stat più sorì lurar con le aministrazion per realisar la strada per le rode. Te Fascia, zeche che l’é sozedù, l’é stat più senester e noi sperassane che se rue dant che l’é meso te Ciamp Trujan. No percheche la Marcialonga la rue enscin te Ciamp Trujan, ma percheche se posse ruar enscin a Cianacei con na strutura publica zenza chele dotrei tenjion che ogne tant vegn fora coi privac. L’é cheste le dificoltà più grane che me sà de

aer abù. No l’é stat segur meter a la leta mie temp. Canche tu as pascion e tu ge tegne, tu l fas e basta.” Ve menciarèla mìngol la Marcialonga? “Ah me troe ben zeche de auter, no te cruziar (grignon!). Chisc dis che vegn faron na scontrada anter nos componenc de la Cordanza del Ciadenac per vardar che far. L’é n an che no se troon più e che sion cec per la burocrazìa, sperassane de n vegnir fora. E dapò ence de troes (recordon che Alfredo Weiss l’é anter i promotores del “Troi di ladins”, ndr) me enteressaré semper. Me troe semper zeche da far, no reste zenza far nia. Se no é poura che mia femena la me scare da ciasa! (grignon!)" Detelpai compliments!

Alfredo

e

Intervista de Valentina Redolfi

La Marcialonga 2013 La 40^ edizion de la Marcialonga la tacarà en jebia ai 24 de jené al teater parochièl de Juan, olache da les 20.30 vegnarà manà fora l film dal tìtol “Non solo bisonti. Storie di una gara e di due valli” dedicà a la Marcialonga e realisà da la Fondazion Museo Storich del Trentin. En vender ai 25 dapò, te teater comunèl de Tieser da les 21.00, l’é n program n gran conzert coi componenc da duta la Museghes de la doi valèdes. Endèna l conzert vegnarà consegnà recognoscimenc ai senatores de la Marcialonga e a duc chi che à lurà “la minella” na unità de mesura de n’outa. La zerimonia de inaudazion la sarà en sabeda ai 26 te Piaz Battisti de Tieser: vegnarà ciantà l’in de la Marcialonga e vegnarà fat na defilèda con i guanc da paslonch storics da n’outa. Maor informazions se pel les troèr ence sul sit www. marcialonga.it e ben segur fora per i ofizes de l’Apt de noscia valèda.

www.lauscdiladins.com

17




La Usc de la scola _ _ _

nr. 03 / 18 de jené 2013

L’é miec stèr adum e scombater, che fèr acort! L bec de la Scola de Fascia, stac en vijita a Napoli a cognoscer la sociazion Libera, enstadì i à portà dant sia esperienza a duc si compagnes

I bec de la Scola de Fascia endèna che i contèa de l’esperienza.

“I ne à ensegnà che no l’é giust fèr acort, ma che enveze l’é miec se meter ensema e fèr zeche, descheche à fat la sociazion Libera”. Chesta l’é demò una de la frases che se à sentù

te sala grana de la Sorastanza a Poza enstadì. Defat, dò l viac fat a Napoli en vijita a la sociazion Libera, endrezà tel projet “Waiting for Life” con la Risola da la sociazion

Alessio e Simona de Libera Napoli.

L publich de studenc endèna la radunanza.

FassaLux, i bec de la Scola de Fascia che à tout pèrt a chesta esperienza i à volù ge portèr dant a si compagnes l segnificat de chest viac. Con la vertola che Alessio e Simona de la sociazion Libera da Napoli i é vegnui te Fascia, l’é stat endrezà doi radunanzes per la classes terzes, quartes e quintes una per chi del Lizeo Scientifich e una per chi de la Scola d’èrt. L’é stat contà e moscià tras n video che che l’é Libera e che che la fèsc. Con senta a Napoli, a Potenza, a Reggio Calabria, a Palermo, ma ence a Latina, a Modena, a Torin e a Milan, la sociazion nasciuda del 1995 la scombat contra la mafies e la se cruzia de formazion, de memoria e de bens touc ai clan. Chi che laora o fèsc i volontadives per Libera i vel slarièr fora l’idea

che no se cogn fèr acort, ma ge vel se meter ensema e proèr a scombater contra chest burt sistem de chesta organisazions criminèles. Se cogn se fermèr a pissèr e realisèr zeche de desvalif. Scombater contra l lurier en neigher, contra i morc “inozenc” e dut l sistem comanà dai clan. L’é stat dit da Simona: “no l’é vera che i bec copé da la mafies per n fal, magari percheche i ge someèa a zachei de etres, i era tel post falà al moment falà. Ic i era tel post giust al moment giust, i era proprio olache i cognea esser. I era dò che i fajea sia vita”. Dò la reflescion e i ejempies di educatores de Libera, la parola é passèda ai bec de la Scola de Fascia che, aldò del viac e de la scontrèdes dantfora, i se à portà a cèsa na valisc de emozions e sentimenc che é

restèdes te ic e te sie cher. I à contà: “Aon vedù che ai bec e ai joegn ge vegn portà dant na vita con valores deldut desferenc da chi che sion usé a aer nos e che per nos i é normai. Ge vegn ensegnà che l’é più emportant vadagnèr e esser riches per poder se comprèr la plus firmèda, piutost che jir a scola e aer na istruzion. Aon vedù la perjons olache l’é ite n muie de joegn e aon cognosciù ejempie de joegn morc per n fal”. Ma apede a dut chest no podea esser demò roba burtes, percheche chel che più ge é restà a chisc joegn fascegn a Napoli l’é stat proprio “l’aer vedù che duta chesta jent se à metù ensema e la é dò che la laora e la se dèsc jù per n problem che no l’é da pech”. N ensegnament segur de ùtol ence per duc nos e te ogne setor de la vita. (vr)

Waiting for Life, no tu n’aras assà de na cercia demò! Esponenc da Trent e Napoli de la sociazions antimafia scontra studenc e joegn fascegn per n confront su la realtà locala e sui temes de la vera a la criminalità organisèda L’é stat na giornèda fona, de enconter e de partezipazion chela de en vender passà ai 11 de jené per duc nos, i 50 bec de “Waiting for Life”, l projet portà dant da la sociazion Fassalux e sostegnù dal pian joegn de zona La Risola, che l’uton passà ne à dat l met de cognoscer e jir a fon te aspec che revèrda la legalità, la responsabilità e l’empegn zivil a livel local e nazionèl. Dò cater scontrèdes de preparazion te val e n viac de trei dis a Napoli, olache aon abù l met de cognoscer e strenjer na fradaa con la sociazion Libera, capofila te la Tèlia te la vera a la mafies, l percors educatif l’é jit inant canche te Fascia l’é ruà Simona e Alessio, esponenc de Libera Napoli, per amò n aprofondiment de la ativitèdes de empegn e na programazion de projec da realisèr sul teritorie te curt temp e te n temp più lonch. Da doman l’é stat la scontrèdes con i etres studenc e amisc del lizeo e de l’Istitut d’èrt de la Scola de Fascia, olache de gra ai intervenc de Simona e Alessio l’é stat portà dant la realtà de Libera, con apede la testimonianzes di compagnes

18

www.lauscdiladins.com

de clas scric ite a Waiting for Life e stac a Napoli, e domesdì aon abù l met de cognoscer Libera Trento, sezion locala de la sociazion nazionèla, che laora sun dut l teritorie talian e ence fora dai confins. Vincenzo Stilo, comember de Libera Trento, l’à uzà fora con competenza e pascion la desvaliva ativitèdes portèdes inant te la provinzia per scombater la criminalità organisèda, con particolèr referiment ai projec per i joegn, ai ciampes da d’istà, ti bens socastré a la mafies, a la scontrèdes educatives che semper de più ponta a slarièr fora anter la neva generazions la cultura del respet de la normes, de la persones e de l’ambient. L’é stat fat sacotanta reflescions a propòjit de la richeza di valores prejenta sul teritorie provinzièl: l lurier, la cooperazion, l sacrifizie, l volontariat i à metù reisc te la comunitèdes da mont e i raprejenta modìe da valorisèr e esportèr ence fora dal Trentin, per consentir na crescimonia sozièla e economica de realtèdes e pòpoi più en dificoltà. Tinùltima, dò cena, à serà sù la serèda Teresa Lorenz che, pontan

via da la cercia de n vin trentin, l’à deschiarì coche la cognoscenza ne muda la vijion de la robes: a cognoscer se aprijia, se muda, se miora, se vel ben. La vita l’é n don e ge vel l viver, no spetèr zachei o zeche.

Con noscia tapes, con nesc tempes cognon esser protagonisć de noscia vita, se domanan semper se l’é benfat chel che sion dò che fajon. L’é stat momenc piens e riches chi vivui endèna dut l projet, l’é

ciutà sù idees lumenouses, reflescions fones, critiches concretes, l’é nasciù n muie de domanes, ma ence na segureza: enveze che “spetèr la vita”, l’é miec la viver! Luca Riz, 5^ Lizeo

L Grop de joegn che à tout pèrt al projet “Waiting for Life” endrezà da FassalLux col Pian di joegn de Fascia, La Risola.


nr. 03 / 18 de jené 2013

_ _ _ La Usc de la scola

Campions de Matematica e Fisica Francesco Riz, Cristof Riz e Christian Castlunger à vent la Olimpiades de Matematica e de Fisica de la Scola Ladina de Fascia

Francesco Riz.

Cristof Riz.

Christian Castlunger.

L’é Francesco Riz, Cristof Riz e Christian Castlunger i campions de mate e fisica de la Scola de Fascia, olache dant de Nadèl l’é stat endrezà la “Olimpiades” de la Matematica e de la Fisica.

L’é stat doi proes desferentes, fates desche te duta la Tèlia aldò de la proa nazionèles. A ge stèr dò l’é stat i professores Thomas Zulian de Matematica e Maurizio Brugnara de Fisica. Dant

una materia e dapò l’autra l’é stat fat chesta proes che à ence fat vegnir fora chisc pìcoi “geni” de la Scola de Fascia. La Olimpiades é states fates anter bec del Lizeo Scientifich e

de la Scola d’èrt per i trei egn da la terza a la quinta e dapò anter i bec de la pruma e de la seconda di doi istituc. Chest per la Matematica, percheche per la Fisica les é states fates demò per chi da la terza a la quinta di doi istituc. De la matematica, l mior di più gregn l’é stat Francesco Riz da Ciampedel, scrit ite al terzo an del Lizeo Scientifich, enveze anter chi “più pìcoi” l mior de la proes l’é stat Cristof Riz da Ciampestrin che l’é al secondo an del Lizeo del Design. Pec dis dò Nadèl sion jic a ge domanèr a Francesco Riz coche ge à sapù e l ne à dit che “no cherdee de ruèr prum. Son content, content. La proa la é stat mìngol senestra, ma l’era na proa n muie più de logica, ence se la era da ressolver con ejercizies de matematica”. Te cheles de la Fisica enveze a

se meritèr l tìtol de mior de la Scola de Fascia l’é stat n auter el, Christian Castlunger, scrit ite a la VB del Lizeo Scientifich. Na classifica béleche duta de ic, pecià mìngol per la categorìa de la eles, ma segur n sarà amò de Olimpiades l’an che vegn, olache vèlch autra studenta podarà se fèr inant e ruèr più en su. I miores de la Scola de Fascia i tolarà pèrt dapò a la proes a livel Provinzièl e se i venc ence aló i podarà jir adertura a tor pèrt a cheles nazionèles. Chisc pìcoi “Einstein” fascegn (desche duc i miores de la Scola) i se merita proprio i compliments percheche, apede che a la sodesfazion personèla, i à portà en aut ence l’inom e l nonzech de la Scola de Fascia. (vr)

Na statua de neif per l Tour de Ski I studenc de l’Istitut d’Èrt de Poza à lurà fora na statua de neif tel chèder de la manifestazions metudes a jir a Lago de Tieser en ocajion de la garejèda-event dant dai Mondièi 2013

L’opera di studenc de l’Istitut d’Èrt fèsc bela parbuda a Lago de Tieser.

Ujes averc per studenc e genitores a la Scola de Fascia La professora Maria Pia Desilvestro te anter i studenc Alexander Dellantonio, Alice Scalet, Andrea Trentini e Davide Vanzo, dedant a la statua.

Lago de Tieser - Spetan i 20 de firé, canche te la val de Fiem pontarà via l gran event di mondièi de paslonch, che jirà inant enscin ai 3 de mèrz, l fin de setemèna passà l clima à tacà a se sciudèr con la setima edizion del Tour de Ski, che à valuta desche garejèda de Copa del Mond. Tel chèder de la sacotanta manifestazions de cornisc metudes a jir te chesta ocajion, endrezèdes per entrategnir l publich da ogne pont de veduda, l’é da uzèr fora la statues de neif che à fat bela parbuda sun or de portoi a Lago de Tieser.

Ence i studenc de l’Istitut d’Èrt Bepin Soraperra de Poza à tout pèrt a la scomenzadiva, luran fora na statua de neif che raprejenta la fadìes per ruèr sun podie, aldò de n projet nasciù da la colaborazion anter Sandro Pertile, de l’organisazion de l’event, e la Scola Ladina de Fascia, en particolèr con la professora e artista Maria Pia Desilvestro. L publich del Tour à abù l met de aprijièr la statua, che mesura m. 3,00 x 2,20 x 3,70 de auteza, de dì ma soraldut de net, de gra a la ombrìes che con la lum del far à

smaorà debel l’efet scenich. I bec de la clas 5A, Alexander Dellantonio, Alice Scalet, Andrea Trentini e Davide Vanzo à lurà con sia professora Maria Pia Desilvestro da les 8 da doman enscin a les 5 domesdì dant da Nadèl e i se à troà ence ai 3 de jené, endèna la vacanzes, per poder sturtèr sù la statua. La professora Desilvestro à palesà gran sodesfazion per chest, aprijian trop l’empegn de si studenc che i se à dat jù zenza se sparagnèr, desmostran profescionalità e pascion.

En sabeda ai 19 de jené la scoles autes endreza l “Open Day” per didèr a cerner l davegnir formatif Poza - Ence chest an ge vegn dat l met a duc i studenc de la mesènes e a si genitores de vijitèr la scola autes de la Scola Ladina de Fascia: l Liceum de la Èrts, l Lizeo Scientifich e l Lizeo Ladin di Lengac. I bec e sia families pel cognoscer l’oferta formativa e tor pèrt al workshop di studenc che vegn fat doman, sàbeda ai 19 de jené, da les 8.00 a les 12.00 e da les 14.00 a les 17.30.

Genitores e studenc podarà jir a vijitèr la scola e rejonèr coi professores, per n saer de più di desvalives corsc de studie e ence del Projet Ski College. Per aer maor informazions l’é a la leta i referenc, l prof. Claus Soraperra (Liceum de la Èrts) al numer de telefon 0462 763575 e l prof. Domenico Bravi (Lizeo Scientifich e di Lengac) al numer de telefon al 0462.763702.

www.lauscdiladins.com

19


Fascia

nr. 03 / 18 de jené 2013

Gianpietro Ganz endò president de la Jent de età

Neves per i scizeres

L Zircol de Ciampedel se à binà per la radunanza anuèla. L’é stat lità l nef diretif e slarià fora la neva che l zircol l’é doventà sociazion de promozion sozièla recognosciuda da la Provinzia

Franco Rizzi da Cianacei l’é l nef Hauptmann de la Schützenkompanie Ladins de Fasha

Sozièl - Na bela e emportanta radunanza l’é stat chela fata en domenia ai 13 de jené te senta del Zircol de la Jent de età de Ciampedel, te cèsa de Comun vejin ai ambulatories del dotor. N an de gran lurier e de mudamenc l 2012 te chel che l’é stat portà dant atività desvalives. Descheche à let jù te la relazion anuèla l president Gianpietro Ganz, i volontadives del Zircol de la Jent de età de Ciampedel (nasciù del 2006 e che tol ite 91 sozi) del 2012 l’à tout pèrt ai cater dis del “riuso” te tendon jun Ischia e dapò l’é stat ence fat servije de custodia a la mostra de Nino Ovan, stata dai 19 de messèl ai 12 de aost te Comun de Ciampedel. Via per l’an l’é stat fat ence doi raides, una a Unejia ai 16 de mé e una a Riva e Arco ai 27 de setember, e dapò amò l’é stat endrezà 11 marenes via per la domenies, 1 “castagnata”, 2 “spaghettate”, 2 supes de orc, 9 tómboles e 8 scontrèdes te pizerìa. Na neva emportanta e che ge fèsc onor a dut l paìsc l’é che proprio del 2012 l zircol l’é stat scrit ite al register provinzièl de la sociazions de promozion sozièla con l’inom ofizial de “Circolo Anziani “Jent de età” di Campitello di Fassa”. Apede al nonzech, chest recognosciment à comportà n lurier de spartijon di conc aldò di bilanzes de chesta sociazion. A se tor sù l lurier l’é stat Alessandra Ganz, che à spiegà delvers che che l’é stat fat e l’à let jù la relazion del bilanz del 2012 olache vegn fora che l’an passà l zircol l’à n patrimonie de cassa de presciapech 2.800 euro e presciapech 1.600 de fornimenta. Con chesta desponibilità de scioldi, endèna la radunanza l’é stat proponet de endrezèr vèlch serèda de formazion con notères e dotores e ence de domanèr se se podessa

L grop del Zircol de la Jent de età de Ciampedel a la fin de la radunanza.

endrezèr n cors de ginastica te palestra de la scola de Ciampedel e amò ence de proèr a endrezèr n servije de trasport per jir a tor i sozi de Cianacei, Dèlba e Penìa. Chesta propostes, apede che esser states aprijièdes da duc, les à troà ence l sostegn de l’aministrazion de Comun raprejentèda en chela dì da l’ombolt de Ciampedel, Renzo Valentini, che l’à dit che el l’é segur content de meter a la leta la palestra. Valentini l ge à fat i compliments a duc chenc e l ge à augurà de jir semper inant con sia atività, “emportanta, che fèsc grana na comunanza e che tegn sù duta l’aministrazion”. Sui problemes de partezipazion sotrissé dal president Ganz, l’ombolt ge à dat mìngol de gaissa ge dijan “descheche te me ès semper dit tu, Gianpietro, tegnon dur e jon inant. Se aede de besegn vegnì che chel che podon faron”. A la fin l’ombolt ge à sport l liber “Immagini per un sorriso” de Doriano Brunel e Arturo Rossi, publicà per ge dèr na man a la pediatrìa de Kimbondo te la Republica Democratica del Congo,

olache Betty Sommavilla da Ciampedel à lurà per n muie de egn. I compliments a la Jent de età de Ciampedel i é rué te sala ence dal president del Zircol de la jent de età de Moena, Ilario Bez, che proprio a Ciampedel del 1945 l’aea fat la pruma populèra e l’é restà leà a chest paìsc, olache l se recorda ence che l’era jit stroz con la batoles. A Ilario ge à sapù enteressanta l’idea de la scontrèdes coi esperc, e ence el, descheche aea dit pech dant l president Ganz, l’à conseà de tor ite i bec e i joegn te l’ativitèdes che se fèsc, “vardan coscita de mantegnir la colaborazion e esser semper più na ressorsa te la sozietà, e no n peis”. A la fin l’é stat lità l diretif. Desche dant l’é restà ite: Maria Rosa Dantone, Gianpietro Ganz, Mario Riz, Carmen Rizzi, Lidia Rizzi, e Fiorenzo Soraruf e de neves (percheche doi se à tirà fora) l’é stat lità Elisa Lastei e Giorgio Lazzer. Duc ensema en lunesc ai 14 i se à binà per litèr l president che per l 6° mandat de seghit l’é Gianpietro Ganz. (vr)

diretif ence ti ùltimes egn. Michele Decrestina da Soraga e Manuel Adami da Moena (26 e 24 egn) i à portà mìngol de aria frescia e se spera ence mìngol de idees neves. Te la pruma scontrèda del nef diretif (fata te l’an nef ) l’é stat rejonà de scomenzadives e projec che se volessa meter a jir ti trei egn che vegnarà. Prum de dut sarà da inaudèr la neva senta di scizeres (jal Forn) e te chela ocajion se volarà A dreta l nef Hauptmann de la ence benedir la bandiera, Schützenkompanie Ladins de Fasha Franco reproduzion de chela veia Rizzi; a cencia Valentino Dellantonio, che à del comun de Vich, doventèda la bandiera vidà la sociazion ti egn passé. portèda a la veres de Sociazions - Ai 19 de dezember liberazion de Andres Hofer dai veies i scizeres de Fascia se à scontrà per scizeres de Fascia. Se cognarà litèr l nef diretif de la compagnìa. dapodò vardèr de comedèr man a Nef Hauptmann l’é stat lità Franco man i desvalives capitìe e tabeles a Rizzi da Cianacei, prum Hauptmann recordanza di sudé morc en vera da l’auta val. Apede a el, Valentino che se troa fora per duta la val. L’é Dellantonio Tajin (Hauptmann ti stat ence uzà fora l’idea de endrezèr ùltimes sie egn) e Massimiliano projec “per e con la jent de Fascia”. Sommariva da Moena. Doi musc L’envit del nef diretif a la jent de neves se à jontà a chi de Franco, Fascia che abie piajer l’é de se fèr Valentino e Massimiliano che, con inant per doventèr “amich di encèries desvalives, fajea pèrt del scizeres”. (mr)

N grop de scizeres de Fascia con la bandiera che reprodusc chela storica de la veres de liberazion.

Chi él pa? Soluzion del retrat su La Usc nr 2 del 2013 L retrat publicà su La Usc di Ladins numer 2 de chest an l ne era stat portà da Monika Rizzi che ne à cdit che l retrat l’é stat fat a Ciampedel presciapech del

1964 e l tol jù la familia Rizzi en ocajion de la Pruma Comunion del père de Monika, Franco Rizzi de Mainrado, coi genitores, giaves e nogn..

1 10

4

5

2

11 6

9

3 7

20

www.lauscdiladins.com

8

A ne dèr la resposta, apede a la medema Monika, l’é stat ence Anna Bernard, Walter Riz e Mauro Rizzi Faure da Ciampedel, che l ne à scrit: “Develpai a duc de me aer fat recordèr n moment de legreza con duta mia familia, che é abù per coscita pech temp duta entrìa”. E chest ne fèsc dassen piajer ence a nos. Sul retrat l’é: 1. Celso Rizzi, non de Franco e père de Mauro, mort l’an dò; 2. Jole Tatto da Falcade, femena de Celso; 3. Mauro Rizzi, fi de Celso e Jole; 4. Giuseppe Bepo Rizzi Sartor, père de Mainrado (nr 10); 5. Olga Vlachovic da la Slovenia, fémena de Mainrado e mère de Franco (nr 6); 6. Franco Rizzi de Mainrado del 1956; 7. Diego Rizzi, fi de Celso e Jole (nr 1 e 2); 8. Tiziana Rizzi, sor de Mauro e Diego (nr 3 e 7); 9. Raffaella Rizzi, sor de Franco (nr 6); 10. Mainrado Rizzi, père de Franco e Raffaella; 11. Orsela Rizzi del Faure, fémena de Bepo (nr 4) e

mère de Mainrado (nr 10). Ge sporjon n bel develpai a chi che ne à didà ence chest’outa a meter ensema na mizàcola de noscia storia. Chesta setemèna ve meton dant n retrat che vegn da la Val de Sot e ve preon de ne dèr voscia resposta inant de en mèrtesc dal mesdì te redazion, ence per

telefon o fax al 0462.764545 o per mail a la direzion lausc@ ladinsdefascia.it. Ve recordon che chi che ne dèsc la resposta giusta o troa fora amàncol la maor pèrt de la jent sul retrat i ciapa en don n liber o n CD de musega, sporc da l’Union di Ladins de Fascia. 8 9

1

4 2 3

5

6

7

11 10


nr. 03 / 18 de jené 2013

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

Cun la peves via y ite tl Schi Club Gherdëina Dala sajon 2012-2013 iel na sezion nueva tl Schi Club Gheredëina, la Sezion dla Peves. On rujenà cun l caposezion Enrico Perlini y si vize Manuela Perathoner Peves - Unida a s’l dé iela sun pruposta de na grupa de atlec y atletes che fej chësc sport dla peves y nce garejedes, cun cumëmbri sibe dla Lia Rodes Gherdëina y di Gherdëina Runners. Chisc à fat ora de fé na grupa sëula, cun l inuem Peves Gherdëina, cun n cunsëi uperatif sie. L’atività fova tl prim plu che auter de fé alenamënc y garejedes deberieda, ma tulan nce ite l elemënt soziel, de cumpania.

Na sezion istituzionaliseda Da chësc prim ann de atività deberieda iel unit ora la ulentà de fé n var sëuraprò, chël de istituzionalisé la lia, jan ite tl Schi Club Gherdëina. L ie nscila stat de prim cuntac cun la presidënta dl Schichlub Gherdëina Lidia Bernardi y dut l cunsëi, y da iló iela unida for plu y plu cuncreta. D’ansciuda dl 2012, pra la senteda generela dl Schi Club, ulache l fova nce la veles dl cunsëi nuef, à Bernardi purtà dant la ulentà dla Lia Peves Gherdëina de jì ite tl Schi Club coche sezion. Te chëla ucajion iel pona nce unì fat ora de tò su n reprejentant de Peves Gherdëina coche un di cumëmbri te cunsëi dl Schi Club Gherdëina. Enrico Perlini ie unì lità coche respunsabl dla sezion peves. Perlini: “Dessegur iel mpurtant a avëi l sustëni dl Schi Club, cun si bon inuem y si gran tradizion. L Schi Club nes dà aiut logistich tla burocrazia y tla urganisazion n generel coche nce pra cosses cuncretes coche i

pulmins per jì a fé la garejedes.”

Bën otanta cumëmbri Peves Gherdëina à bën otanta cumëmbri, dala mëndra ala majera età, da 20 a 65 ani. L ie sambën na gran desferënzia, pra chësta sezion, permez al’autres. L ne vën, almanco mo, nia fat atività de furmazion di mutons, ma l ie dut persones grandes che va cun la peves mascimamënter da sëui o te de pitla grupes, ma nia aldò de n plann de alenamënt spezifich, definì ti orares y tla metodica. L ie pona mo da desferenzië, tla grupa nstëssa, danter chiche fej plu che auter atività sportiva de tëmp liede, y chiche fej garejedes. La grupa cumpetitiva ie de zirca l mez coche numer, caranta, cun bën diesc ëiles che fej pea pra la garejedes. Te na sajon fej duc pea danter diesc y vint garejedes. N possa dì che l alenamënt ie la garejeda nstëssa, vëniel pu fat da doi a trëi garejedes al’ena. Coche dì, n ne n’à belau nianca no dl’aurela de fé alenamënc dedora dala garejedes. Y pona iel, per l training a puntin, mo la cuestion di purtoies. Ma de chësc dessot.

L proiet de tré ite nce i mëndri L var inant ie chël de tré ite deplù i jëuni. Ntant à bele n valgun atlec dl’autra sezions dl Schi Club fat i prim vares deberieda cun si cumpanies dla sezion peves. L travert do y do ie sambën chël de mëter su na sezion che lëura nce

L caposezion de chëi dala peves dl Schi Club Enrico Perlini y si vize Manuela Perathoner.

bele cun mutans y mutons. Ma mo iel dalonc, chësc travert, màncel pu mo dut ntëur i mesuns nce logistics y finanziei per garantì trainadëures aldò cun tëmps y manieres de alenamënt aldò. Nchin che l ne sarà nia chësta atività ne uel la sezion dla peves nianca no fé pesé si atività sun l bilanz dl Schi Club. Tantosc che l sarà n’atività de furmazion di pitli y di jëuni jiràn ite tl manejamënt “normal” sibe de atività che de corelazion cuntabla y de finanziamënc. Perlini: “Nchinamò se autofinanzions, cun i sponsores, che tulon l’ucajion de rengrazië mo n iede nce tres la USC!”

N sport massa sfadiëus? N problem a la mëter a jì cun i mëndri ie che pra truep genitores iel mo la minonga che l se trata de n sport massa sfadiëus per i pitli y nscila nia adatà coche atività sportiva da fé bele do i diesc ani via.

Manuela Perathoner: “Sambën che permez ai granc ulons mëter a jì n’atività sun mesura per i mutons, cun raides plu curtes, tëmps nia massa lonc, a na maniera che l ti sebe bel y che i ebe legrëza y ueia de fé inant.”

Jì cun la peves ie bel Perathoner y Perlini conta dla faszinazion dl sport dala peves, che uel dì vester tla natura, udëi luesc y lueges nueves, per la gran pert dalonc dai purtoies, la sudesfazion nce persunela de vester boni de ruvé sun na piza. L se trata de n sport che tol ite truep elemënc, l muvimënt y nce la fadia, cossa che vën valiveda ora dala gran legrëza de unì ju cun i schi tla plu bela nëif y tla plu bela cuntreda.

I purtoies Ntan la garejedes ne n’iel tan

che degun pricul, o almaco iela nscila che i urganisadëures mët a jì la cumpetizions do avëi cialà a puntin de duc i presuposć de segurëza. Na cuestion davierta ie coche dit chëla di purtoies, davierc o manco per pudëi su. Perlini y Perathoner: “Savon che via per l di ne n’iel nia segur a jì cun la peves su per i purtoies, cun la truepa jënt che vën ju cun i schi. Nscila cialons de jì daduman abenëura, dan che i mplanc gëura. Do la cinch da sëira ne pòssen nia jì su, per gaujes de segurëza, coche l vën dit. N ie tl lëur, duc deberieda, sambën trajan ite chëi dai lifc, che ie da si pert i prims che ulëssa giapé na soluzion, de abiné n cunsens per fé a na maniera che l posse unì giaurì un o l auter purtoi ntan cërta ëures te cër’ raions.” Nsciuma, da coche dij i respunsabli dla sezion peves dl Schi Club, iesen tl lëur de jì inant deberieda, per na urganisazion che posse jì bën a livel raionel, mo dan che na lege provinziela vede a strënjer ite massa dut cant. Tl daunì uelen cialé de programs coche sun la Plose nstadì, ulache l ie unì giaurì, da sëira, l purtoi Tramec y l n ie su cun la peves bën 250. O coche l ie stat, for nstadì, su a Meransen sun l Gitschberg. Ntant iel stat la urganisazion de na pascion a livel de lia, deberieda cun y tl Schi Club, cun i mesuns urganisatifs che juda pea, per ti jì do inant ala pascion dla peves. David Lardschneider

Damprovia: Cumëmbri dla sezion peves dl Schi Club Gherdëina. Da man ciancia, Enrico Perlini, Manuela Perathoner, Elmar Perathoner y Herbert Stuffer. Tla segonda foto, Esther Demetz.Tla terza foto: Giulia Tagliapietra y Manuela Perathoner. Tla cuarta fotografia: Daniel Ploner.

Bozes, dloncora bozes Scultures de dlacia iel da udëi tl raion da jì a pe de Urtijëi. Les vën chëst ann fates do modiei de bozes Ert - Tl raion da jì a pe de Urtijëi àn ai 14 de jené metù man de fé scultures de dlacia. Sculeies dl Lizeum d’Ert y dla Scola profesciunela de Urtijëi à laurà deberieda cun si maestri nchin a n ncuei vënderdi per n cuncors metù a jì n cunlaurazion cun la Lia dl Turism. Ziplé tla dlacia y chël mo ntan che l publich cëla pro ie na esperienza particulera che l Lizeum d’Ert y la Scola profesciunela de Urtijëi ti pieta nce chëst ann a si sculeies. Trëdesc jëuni y jëunes à chëst’ena pudù fé lezion pratica alalergia y nstësc lauré

pea y trasfurmé tapli de dlacia te scultures. I sculeies ie unii mpartii ite te cin’ grupes che à fat scultures de bozes. Nfati iel chëst ann unì fat do l model de bozes dal vin, ega de vita o nce dal profem. I sculeies dla scola prufesciunela ie unic cumpaniei dai nsenianc Andreas Tomasini y Norbert Insam. Franziska Rainalter y Loic De Lesmadec à fat na scultura de na boza de Chianti. Felix Vougny y Marija Markovic se à tëut dant de fé na boza de Vecchia Romagna de dlacia, ntan che David Harding y Francesco Sacchi à cris ora na ola

dal’ega. A na boza dal profem à pensà Sophie Eymond y Matthias Sanoll che à fat na scultura de na boza de Chanel. La grupa dl Lizeum d’Ert à cris ora l model de na boza de snops. I sculeies Valentin Alber, Mattia Demetz, Thomas Delazer, Luca Visciani y Elisabeth Prünster ie unic sustenii dal maester Markus Delago. La cin’ scultures de dlacia messova unì finedes nchin ncuei vënderdi 18 de jené, ajache per la cinch domesdì iel udù dant la premiazion dl cuncors sun la pitla plaza S. Antone. (usp)

Ntan l lëur. www.lauscdiladins.com

21


Gherdëina

nr. 03 / 18 de jené 2013

Furies uel dì HC Gherdëina

Perathoner va y Perathoner vën

Nstadì iel unit ora l catalogh nuef dl HC Gherdëina. Laite iel nce la prejentazion dl bel logo nuef, fat da Vanessa y Julia Runggaldier. Figurines di jugadëures dla prima scuadra

Mo dan Nadel iel stat la senteda generela dla Mujiga de Santa Cristina. Cater cumëmbri nueves, cater resta te cunsëi. L dirighënt Thomas Piazza fej inant te si ncëria

Vanessa Runggaldier y Julia Runggaldier cun l logo nuef che ëiles à fat.

Lies - Coche da tradizion vëniel uni ann dat ora l catalogh dl HC Gherdëina, che ie na ucajion per la lia de jì ite tla cëses, sibe pra chëi da tlo che sambën nce pra i turisć. L vën trat ite la cumenanza ntiera, che se identifichea nscila mo deplù cun la lia dal hockey tan mpurtanta y da tan na gran tradizion tlo da nëus. Da coche n vëija tl catalogh juda l’economia dla valeda pea dassënn, paian l catalogh, ma dantaldut sponsorisan la gran atività dla lia. L catalogh da chëst ann ie unit ora dan doi enes. Laite iel la prejentazion dla scuadres, dai majeri ai mëndri, che ie sambën la prima scuadra de A2, ma pona nce chëles di jëuni. L HC Gherdëina ti dà na gran mpurtanza al’atività sportiva y ala furmazion di jëuni. De ndut iel ot scuadres: la Under 8, Under 10, Under 12, Under 14, Under 16, Under 18, Under 20 y i granc coche dit, cun zirca 150 atlec de ndut, ulache l ie nce laite i mëndri che ne fej mo nia campiunac o turnoies ma che mpera ntant à jadiné y a fé i prim vares cun la pela da hockey. Da coche n vëija dal catalogh iel ora di atifs sun dlacia mo na gran cumpëida de jënt che lëura pea. N gran pëis tl’atività à sambën i trainadëures: Felix Perathoner, Andreas Wanker, Franz Kasslatter, Vito Delucca, Erwin Kostner, Pepi Linder y Gary Prior. Pona iel l cunsëi dla lia cun i set cumëmbri cun sëuraprò y a cë l presidënt Hugo Perathoner. Na lauda ti va ala gran lingia de ulenteres che juda pea tla urganisazion sibe sportiva che nce logistica, dessegur 50 dut adum.

La figurines L catalogh prejënta duc i jugadëures cun fotos dla scuadres, per la prima scuadra nce uni jugadëur singul, cun l mesun de

pudëi taché ite la figurines di jugadëures, for una cun la malia n cësa y una cun chëla per la partides ora de cësa, cun i culëures blanch y cueciun dl HC Gherdëina. La figurines giàpen canche n va a cumpré ite tla butëighes de Gherdëina coche dates dant tl catalogh nstës, catalogh che ie da giapé tla ustaries y te fabricac publics y sambën tl stadio Pranives de Sëlva. Y sce zachei l ulëssa, pòssel se l damandé pra i respunsabli y cunlauredëures dla Hockey.

La furies sun l logo nuef Tl catalogh iel nce la prejentazion dl logo nuef dl HC Gherdëina, fat dala doi sculeies dl Lizeum d’Ert de Urtijëi Vanessa y Julia Runggaldier de S. Cristina. Les à l medemo cuinuem, ma les ne n’ie nia surans, ma de boniscima cumpanies chël bën. Julia fej chëst ann la cuinta tlas, Vanessa à fat la matura l ann passà y ie śën studënta de fotografia a

Padua. La doi espertes de grafica à tëut su la storia de „Le Furie Rossoblù“, cun l G de Gherdëina, scipa y pela coche simbol dl hockey y l ciaval coche simbol dla „furia“, metan ite criatività y sentimënt artistich tla cumposizion y tla cromatica, ti culëures. N logo propi garatà. Bravies! Dancà tl catalogh tol i espunënc istituzionei la parola, per laudé y rengrazië la lia per si atività. Da liejer iel oradechël plu ntervistes fates a jugadëures de Gherdëina che fej a hockey oradecà, tl’America o te Paejes d’Europa. Dla grafica dl catalogh se à cruzià Silvia Perathoner, respunsabl dl cuntenut y di tesć dla brosciura ie Fabian Kostner. Matthäus Kostner à fat truepa fotografies. Per finé via vëniel sambën renuvà l nvit de jì a ti cialé ala partides, de fé l tifo y sustenì nosc jugadëures. Alé Gherdëina!!!

Craza y vënc L cunsëi dl HC Gherdëina ie drët atif y criatif. Nscila vëniel vendù, da pert di respunsabli y di cunlauradëures dla lia, bonns „gratta e vinci“, da crazé y da vëncer. L prim iede iel unì trat ala busca ai 11 de jené. Venciù de biei pesć à chisc numeri:

www.lauscdiladins.com

S. Cristina - Cater cumëmbri dla Mujiga de Santa Cristina ne se à nia plu metù a desposizion per la ncëria da cunselieres, do truep ani de atività per l bën dla Mujiga. L se trata dl presidënt Samuel Perathoner, dl cassier Georg Perathoner, dl vizedirighënt y scrivan Christian Hofer y dl respunsabl di jëuni Peter Senoner. Samuel Perathoner ie stat sies ani presidënt y dant chindesc ani te cunsëi coche respunsabl dla notes; de ndut passa vint ani te cunsëi. I cumpanies dla Mujiga tol l’ucajion per i rengrazië mo n iede nce tres la USC per si atività, per si gran mpëni, de gran mpurtanza per la lia y n generel per la vita soziela dl luech de S. Cristina. Tl cunsëi nuef iel unì lita Markus Insam, Margot Insam, Alex Perathoner y Nadia Tomasini; ëi ie i cater cumëmbri nueves te cunsëi. I autri cater cunselieres litei fova nce bele dant laite: l se trata de Hannes Runggaldier, Stefan Tomasini, Marina Insam y

Andreas Perathoner. L dirighënt Thomas Piazza à giapà inant la crëta dla Mujiga. L cunsëi à pona lità, te n segondo mumënt, Andreas Perathoner coche presidënt; ël fova bele stat presidënt nchin al ann 2006, per bën 9 ani alalongia. L presidënt nuef tol l’ucajion de rengrazië si cumpanies per la crëta, ma nce l Chemun de S. Cristina, la Provinzia de Bulsan y i sponsores privac per si sustëni, y sambën la jënt dl luech, che dà for na bona man te uni bujën, dantaldut nce canche la Mujiga va a suné l Bel Mei. Ala dumanda de cie che l se tol dant te si ncëria da presidënt, dij Andreas Perathoner: “De fé inant che la lia reste for tan ativa, de cialé che i jëuni ebe inant legrëza a suné y che nce la jënt de nosc luech ebe inant legrëza cun nosta lia y cun la mujiga che fajon.” David Lardschneider

L Apple I-Pad 2 Tablet ie unì venciù dal numer 00442. L Apple I-Phone 5 ie unì venciù dal numer 00775. L Samsung Galaxy S III ie unì venciù dal numer 03903. Cungratulazions de cuer a duc chëi che à venciù. Sce i fertunei ne n’ie mo nia jic a se tò l pest, possi cherdé su Albert Perathoner, numer de telefonn 338 3025250, e-mail: albert@antines.com. Ma chiche ne à nia venciù ne dëssa nia bradlé. Do la estrazions danterite n saràl mo una na granda ala fin dla sajon, ai 7 de auril. Perchël: io no tré demez i bonns, ma i mëter via, y nce n cumpré mo d’autri!

Doi mumënc de azion sun dlacia di jugadëures dl HC Gherdëina. (fotos Matthäus Kostner)

22

David Lardschneider

La Mujiga de Santa Cristina te na foto de archif.

David Lardschneider

Andreas Perathoner ie l presidënt nuef dla Mujiga de S. Cristina.

Samuel Perathoner ie stat passa vint ani te cunsëi dla Mujiga de S. Cristina, 9 de chisc da presidënt.


Gherdëina

nr. 03 / 18 de jené 2013

Cor y Orchestra de dlieja S. Cristina: gran atività Bën 68 cumëmbri, veles dl cunsëi y cumëmbri nueves: l Cor y Orchestra de dlieja S. Cristina se à abina nstadì per si senteda generela tla Ustaria Uridl. Uneranzes a plu cumëmbri, uneranza particulera al dirighënt Claudio Kerschbaumer. Hans Peter Runggaldier presidënt

L’Orchestra de S. Cristina ntan la S. Mëssa da Nadel 2012 sot ala bachëta de Claudio Kerschbaumer.

S. Cristina - L sëurastant Hans Peter Runggaldier à giaurì la sëira n dumënia ai 6 de jené cun n salut al dirighënt Claudio Kerschbaumer, a duc i cumëmbri, ai cumëmbri d’unëur, a Sn. Pluan Raimund Perathoner y ai raprejentanc dla lies cultureles de S. Cristina.

Atività 2012 Hans Peter Runggaldier à purtà dant l’atività dl 2012: N se à abinà de ndut bën 111 iedesc ntra proes dl cor, proes dl’orchestra, proes dl cor cun orchestra, proes cun l Ensemble “Canticum Novum” de Moena, festes de dlieja, curones de mei, rorate, mësses de supeltura, na funzion d’Avënt y trëi cunzerc - doi deberieda cun l Canticum Novum y un mé cun l’orchestra. L cunsëi se à abinà cin’ iedesc tl 2012. Ntan l 2012 àn ciantà y sunà na lingia de mësses de artisc’ plu o manco cunesciui, danter l auter la “Mariazellermesse” de J. Haydn n la segra de S. Cristina, la “Orgelsolomesse” de W.A. Mozart, la “Pastoralmesse in F” de A. Diabelli, la “Missa in G” de W. A. Mozart, la “Missa in C” de A. Bruckner, la “Missa in G” de F. Schubert, la “Missa pro patria” de J.B. Hilber, la “Missa Scti. Jacobi” de S. Trenner, la “Missa brevis in

B” de J. Haydn. Da Pasca iel unì metù a jì n bel cunzert dal’Orchestra de S. Cristina, cun la Sinfonia N. 102 de Joseph Haydn, la Ouvertüre C-Dur “im italienischen Stil” de Franz Schubert, la Cantata “Qual dubbio omai” y l Salve Regina de Franz Schubert cun la sopranista Priska Malsiner, l “Lyrisches Andante” de Max Reger, na pert ora dl “Klarinettenkonzert A-Dur” cun l solista Christian Hofer y la “Kirchensonate C-Dur KV 329” de W. A. Mozart. Ala fin de mei, plu avisa ai 26 y ai 28, àn fat doi de biei cunzerc tla dliejes de Moena y S. Cristina, deberieda cun l Ensemble “Canticum Novum” de Moena. Tlo àn purtà dant danter l auter la “Missa in G” de Franz Schubert, l Cantate Domino de Claudio Monteverdi, l Abendlied de Joseph Rheinberger y l “Vieni Santo Spirito” de Cecilia Vettorazzi. De lugio, pra la gran mëssa n la Segra de S. Cristina, àn purtà dant cun cor y orchestra la “Mariazellermesse” de Joseph Haydn y l “Weihegesang-Einen anderen Grund kann niemand legen” de Anton Becker per cor y orgun. N la Gran Santa Maria, ai 15 de agost do la S. Mëssa cun cor y orchestra (W.A. Mozart: Missa

brevis in C), àn urganisà na bona marënda per duc i cumëmbri cun la families tla Sala Raiffeisen te cësa de chemun. Sambën ne dassova nce chëst ann nia mancë na jita: ala fin de utober iesen piei via bel abenëura per furné de viers de Jenesien, ulache son pona cherdei sul Tschögglberg tla ustaria Langfenn per na bona marënda. Da dedò sons jic de viers de Mölten per ruvé pona a Vilpian da sëira. Ai 9 de dezëmber àn fat pea pra na funzion d’avënt deberieda cun na grupa dl Cor “Sasslong” y l Ensemble Concertante. Ntan la festes da Nadel iel unì purtà dant cun cor y orchestra la “Pastoralmesse in F” de A. Diabelli y la “Missa in G” de W.A. Mozart – oradechël àn nce abù l’ucajion de audì cin’ ugristri che à sunà sun l orgun: Claudio Kerschbaumer, Raimund Runggaldier, Samuel Runggaldier, Eva Vinatzer y Dominik Insam.

Bën 68 cumëmbri danter cor y orchestra N à nce fat n cheder n generel de chësta lia, che ie la plu vedla de Gherdëina, davia che la dlieja de S. Cristina fova la plu mpurtanta dal ann 1443. N ne sà nia avisa canche chësta lia ie unida metuda su; la plu vedla notes dl archif ie n Tantum Ergo de D. Müller cumpredes tl ann 1842 y n Auferstehungschor de Joseph Metz dl ann 1847. Dal ann 1988 incà ie Claudio Kerschbaumer che mëina cun gran savëi y mpëni l Cor y l’Orchestra. L repertoire ie metù adum da pec per cor “a capella” y pec per orchestra, mësses per orgun y orchestra. De ndut ie l repertoire metù adum da za. 90 mësses dal ann 1500 nchin a cumponisc’ cuntemporans. Ai 1. de jené de chëst ann ie chësta lia metuda adum da bën 68 cumëmbri (43 cor y 25 orchestra). N possa auzé ora chësta situazion de ezezion pensan al livel tan aut y la gran pascion te chësc ciamp te n luech sciche S. Cristina cun mé 1.900 abitanc.

Cor y Orchestra de dlieja de S. Cristina.

tò su cumëmbri nueves: David Insam che sona l'oboe, Carmen Demetz, Laura Plancker y Flavia Runggaldier che sona la vidula y Gregor Plancker che cianta bas.

Vela dl cunsëi nuef Davia che do l statut iel da lité uni doi ani l cunsëi fova chëst ann inò la veles sul prugram. Dat ju si ncëria tl cunsëi à Uliva Runggaldier y Else Demetz do 12 y 8 ani de gran mpëni. Nsci àn lità l cunsëi nuef, che ie per i proscimi doi ani metù adum da Hans Peter Runggaldier presidënt, Claudio Kerschbaumer dirighënt, Egon Runggaldier vizepresidënt y vardian dla notes, Alexia Plancker scrivana, Nadia

Perathoner y Dominik Insam per l’orchestra y Marika Demetz.

Program 2013 Per l 2013 àn metù su n bel program: da Pasca meteràn a jì n bel cunzert cun cor y orchestra ulache n puderà audì l “Magnificat” de Johann Kuhnau per soli, cor y orchestra, l “Konzert für 3 Trompeten, 2 Oboen, Pauken, Streicher und Basso Continuo” de Philipp Telemann, y la “Missa in F” de Franz Schubert. Dala gran mëssa purteràn dant la “Missa in C” de Franz Schubert per soli, cor y orchestra. L cunsëi dl Cor y Orchestra de Santa Cristina

Albert Kasslatter, Hans Peter Runggaldier presidënt, Claudia Hofer, Sn. Pluan Raimund Perathoner, Claudio Kerschbaumer, Samuel Perathoner, Irmgard Perathoner, Armin Senoner.

Uneranzes Per si atività tl Cor y Orchestra de dlieja iel unì unerà: Albert Kasslatter (bas) per i vint ani, Irmgard Perathoner (alt), Claudia Hofer (alt), Armin Senoner (cello) y Samuel Perathoner (tumbrëta) per i 25 ani, Paula Walpoth (soprann) y Edith Demetz (alt) per i carant’ani y Willy Runggaldier (tenor) per i cincant’ani de atività. Al dirighënt Claudio Kerschbaumer, per i 25 ani da dirighënt dl Cor y Orchestra de S. Cristina, ti iel unì sëurandat na uneranza particulera depënta dal’artista y ciantarina Lotte Moroder. Hans Peter Runggaldier presidënt, Edith Demetz, Sn. Pluan Raimund Perathoner, Paula Walpoth, Claudio Kerschbaumer dirighënt, Willy Runggaldier.

Cumëmbri nueves N à nce abù la fertuna de pudëi

Cor y Orchestra ntan che i porta dant la “Pastoralmesse in F” de A. Diabelli. www.lauscdiladins.com

23


Gherdëina

nr. 03 / 18 de jené 2013

Media nueves per la biblioteca I media eletronics nueves ne se fërma nia dan la biblioteches y ie śën nce ruvei tla bibliotech de val San Durich Biblioteches - Granda ie l’atività dla Biblioteca San Durich. Via per l ann passà iel unì metù a jì plu manifestazions. Danter l auter l Bibliofestival, la mostra de ert de Helmar Demetz da Uridl, la sëira cun Francesca Melandri, l referat n con’ dl Ann nternaziunel

dla flutres, l cuncors “Chiche liej, vënc”, la jita dla cunlauradëures, l’azion de liejer Fredesc Grimm 200 ani, l Di dla Biblioteches 2012, la Mattiné cun Resi y la mostra dl’ëiles. Oradechël ie sambën l’atività prinzipela chëla de mpresté ora

libri, ma nce videos, cds y d’autri media.

Aparac eletronics nueves Chisc dis à i respunsabli dla Biblioteca pudù pië do n valgun aparac eletronics plu nueves che l ie al mumënt, IPads y aparac per liejer libri eletronics, e-book-reader coche n ti dij. Per ntant se tripa la bibliotecheres limpea, per pudëi pona, canche la biblioteca trapina tla sënta nueva tla vedla scola elementera, ti mustré plu avisa ala jënt nteresseda coche n possa i manejé. David Lardschneider

Runcadic: pitl luech, gran lia Nstadì iel stat la senteda generela di Destudafuech de Runcadic. Hugo Fortarell y Manfred Kostner à pià do la uneranza y la bedaia de bront. Helmuth Piccolruaz ie unì numinà cumëmber d’unëur per si trënt’ani de servisc

De gra de cuer!

L presidënt dla Biblioteca San Durich Edmund Dellago, la referënta per la cultura Lara Moroder y la derijënta Klaudia Taschler.

L presidënt dla Biblioteca San Durich Edmund Dellago, la referënta per la cultura dl Chemun de Urtijëi Lara Moroder y la derijënta de biblioteca Klaudia Taschler rengrazia la SELGAS per i aparac eletronics plu nueves che l ie al mumënt, IPads y aparac per liejer libri eletronics, e-book-reader coche n ti dij. L ie na bela scincunda da Nadel.

L’emuzion dl scur I sculeies dl Lizeum d’Ert Cademia de Urtijëi à mparà ite n bel teater, mpue’ vel’ d’extra, n teater tl scur, che ie pona unì mustrà n ucajion dl di dla porta davierta

Da man ciancia, l vizecumandant Thomas Rabanser,l ambolt Andreas Colli, l unerà Hugo Fortarell y l cumandant Walter Wanker.

Runcadic - Coche l ie bele tradizion iel nce chëst ann stat la reunion generela dla grupa di Destudafuech de Runcadic, n sada ai 12 de jené tl local dla Cësa dla lies de Runcadic. Da dedò fova duc i prejënc nviei a na bona cëina tl Hotel Plaz sa Bula. Coche for ie chësta sëira na ucajion per cialé de reviers al’atività dl ann passà, ma nce per sté deberieda n cumpania. Sciche ghesć d’unëur fova prejënc per l Chemun de Ciastel l ambolt Andreas Colli, l assessëur per la frazions ladines Ambros Hofer y l cunselier cumenel y cumëmber di destudafuech Patrick Bergmeister, l ispetëur de valeda Hans Peter Perathoner y l presidënt dl raion di Destudafuech de Bulsan Josef Mair. Prejënc nce i cumëmbri d’unëur dla grupa di Destudafuech de Runcadic. I destudafuech de Runcadic ie respunsabli per la frazions ladines dl chemun de Ciastel - Bula, Runcadic y Sureghes.

L bal cun i scapins da culëur y l fust blanch y mo n'autra reprejentazion. (Fotos de Luca Visciani)

La situazion dla grupa Teater - Per l di dla porta davierta dla scola n merdi ai 27 de nuvëmber, à la terza tlasses purtà dant n teater particuler. Pra chësc teater ie la fazion chëla, che l spetadëur vëija mé chël che ie blanch o de n culëur svaient. Perchël messans duc nëus sculeies vester furnii a fosch, monce cun l mus depënt a fosch, y ne daussan gordenó mustré i dënz. Nscila ie dut l palch bel fosch y n vëija mé i materiai che se muev tl scur. Per l spetadëur iel nscila na prejentazion tlera y saurida da ntënder, nce sce dovia iel n gran muvimënt de jënt che muessa mené ncantëur i materiai. L proiet ova bele scumencià n’ena dant, canche ntan la ëures dla juebia y dl vënderdi domesdì se ans ancuntà cun la maestra de ginastica Gabriella Senoner y cun

24

www.lauscdiladins.com

l nseniant de Bulsan de teater tl scur Christian Mader. Ël nes à menà tres l proiet, metan a despusizion l material, coche per ejëmpl la lumes ultravioletes che lasciova luné mé i culëures blanc y svaienc. Tl prim ons messù mparé a se muever tl scur, per se usé ite y giapé na cërta crëta un al’autra. Da dedò ons metù adum na lingia de pitla prejentazions cun d’uni sort de materiai. Tl prim ons prejentà n sketch cun strumënc, do chësc na coreografia cun manëces blances, n bal cun n ciof y n ierm, cun scapins da culëur y fusć blanc, y mo un cun fazulëc. On finà via cun n bal ulache uniun de nëus balova cun n tòch de pustom de carton da culëur, che, i metan adum, coche se à pona mustrà ala fin dl bal, dajova la

parola “Ende”. L ie stat na bela esperienza, ajache cun de pitli muvimënc, fac bel plan y avisa, cun na cërta finëza, iesen boni de arjonjer de gran emuzions. Povester àla nce tan butà ajache tan truep sculeies à judà pea cun gran mpëni y pascion. N possa propi udëi che da n tel proiet crësc duta la tlas plu adum y n mpera a lauré coche tlas, ajache mé nscila à l proiet pudù garaté. L ie propi stat velch de nuef, che à fat na gran mprescion. Ie rate che on pudù devertì ch’i truep sculeies dla scola mesana y dla scoles autes y i genitores che ie unic a nes cialé pro. Valeria Stuflesser, per la terza tlasses dl Lizeum d’Ert Cademia de Urtijëi

Ala fin dl 2012 ie la grupa de Runcadic metuda adum da 34 uemes atifs y 9 cumëmbri d’unëur. Ntan l ann ie doi cumëmbri zapei ora dal servisc atif: Helmut Piccolruaz y David Saracino. Helmuth Piccolruaz ie unì numinà cumëmber d’unëur per si trënt’ani de servisc y mpëni per l bën de duta la cumenanza. Ntan la reunion generela pudova Hugo Fortarell y Manfred Kostner pië do la uneranza y la bedaia de bront per i chindesc ani de atività pra la grupa.

Atività di Destudafuech de Runcadic Tl ann 2012 ie i Destudafuech de Runcadic unii cherdei 21 iedesc, doi iedesc tres la sirena y i autri

iedesc tres i pipseri o tres telefonn. Di 21 ntervënc fòvel mé un n iede da muever per n meldefuech, duc i autri nterënc fova de natura tecnica cun 9 desgrazies sun streda, cin’ iedesc fòvel da pumpé ora ega da ciuleies, un n iede fòvel da jì a crì zachei y cater iedesc se tratòvel de d’autra emergënzes tecniches. Un n iede iel stat n fauz alarm. L fova nce da fé plu servijes pra festes religëuses, pra la garejedes de Copa dl Mond, pra l’Unika y nsci inant. La dumënies ntan i mënsc d’instà iel for na grupa de uemes te magasin per garantì i ntervënc. Chësc servisc vën fat deberieda cun la grupa de Urtijëi.

Cunlaurazion danter la grupes Ntan l ann iel unì fates 26 proes, de chëles iel da auzé ora la gran proa a livel de valeda metuda a jì dai Destudafuech de S. Cristina y plu proes deberieda cun la grupes de Urtijëi y S. Piere/Laion. Chësc ie scialdi mpurtant per miuré la cunlaurazion danter la grupes sce n cajo che l fossa de majeri ntervënc ulache l vën cherdà plu grupes.

La gran festa de mujiga N auter pont scialdi mpurtant che à da n fé cun l’atività ie uni ann la gran festa dla grupa “Die Ladiner” che ie for ai prims d’utober. Chësc ie dessegur inò stat n grandiscimo lëur per la grupa, ma la ie de gran mpurtanza per tré ite i mesuns finanziei per purté inant la atività. N gran de gra ti vàl tlo sambën nce ala man publica, dantaldut al Chemun de Ciastel, ma l sustëni plu mpurtant ie for mo chël che vën ann per ann dala populazion. N gran Dievelpaie da pert de duta la grupa per chësc sustëni! (tr)


Souramont

nr. 03 / 18 de jené 2013

La Copa dl Mond arsesc te Ampez En doman, sabeda, la Libra, en domenia l Super G. Les eles é en gara te Ampez, che se enjigna a na fin dl’edema de sport y de festa sabeda, da les 10.30 y la domenia da les 11.45. Ma co se stàla perdret con l’organisazion? Te cie condizions é pa la pista? En lunesc da doman onse rejoné con l president dl comitat de organisazion Enrico Valle che nes à conté cie che é viadò na tel manifestazion sportiva y nes à dit val’ deplù sun la candidatura de Cortina per i Mondiai dl 2019.

Enrico Valle (a man dreta) con l responsabel dl travert Luigi Alverà.

Ampez - L apuntament con les gares de Copa dl Mond dles eles é per en sabeda y en domenia te Ampez. Dapò Gherdëina y l’Alta Badia él la outa de Cortina che met da jì does gares, na Libra y n Super G dles eles, deventedes oramai na tradizion che va inant zenza interuzion dal 1993 encà, sciche l president dl comité de organisazion dla Copa dl Mond Enrico Valle à volù recordé. A gouja dla truepa neif che é arsida chisc dis é la proa dla juebia vegnuda sferie da ju dai organisadours, per enjigné sciche al toca la pista per la fin dl’edema, can che al é prevedù n miorament

dl temp. “Con puecia o truepa neif é i organisadours dagnora stés bogn de garantì la gara y chesc é n valour emplù ence per porté inant la candidatura per i Mondiai de schi dl 2019”, à spo dit l capocomun ampezan Andrea Franceschi, che é a cef dl comité de “Cortina 2019”. Ma nia demé sport ne saràl en chesta fin dl’edema te Ampez. Tl segn dl devertiment vegniràl organisé deplù manifestazions. Anter chestes él l “FIS World Snow Day”, la festa alalergia da d’invern di Sestieri y la enconteda con les atletes te Plaza Angelo Dibona la sabeda domesdi. Les gares sarà la

La Usc: Tant inant é pa i laours per la preparazion dla pista? Seise a n bon pont? Enrico Valle: I fòven dret a n bon pont. Les reis fova metudes su, la pista fova enjigneda, ma spo él vegnù la neif. Encuei da doman nen n’él bele 30 zentimetri y al nen vegn ciamò. Duta la neif mess vegnì touta demez da la pista, al sarà donca ciamò n gran laour da fé. La neif é n problem sce ala vegn a puec dis da la gara. Ma nen fòvel pa nia de bujegn dapò i trueps dis de ciaut? L ciaut ne n’à nia goujé de gran dificoltés, al é sté emportant per fé la neif plu tumia. Al fova n pue’ pucia neif al travert, ma te does nuets de freit fòven stés bogn de nen fé assé. Da tant die végnel pa organisé la gara de Copa dl Mond te Ampez? L comitat de organisazion é vegnù metù su dl ‘89 per organisé doi recuperi dl ‘90, does gares di ei olà che Kristian Ghedina a

venciù sia pruma gara de Copa dl Mond. Dl ‘91 y ‘92 n’él sté degunes gares y spo, dal 1993 encà, él sté vigni ann deplù garejedes. Dl 1994 onse metù da jì per ejempl 6 gares despartides su te does fins dl’edema; anter chestes gares fòvel finamai n slalom spezial. Él pa davignora sté mé gares dles eles? Plu da die fòvel ence i ei che garejova a Cortina, ma spo n’él sté per trueps agn nia y, fata ezezion per i recuperi dl 1990, dal 1993 encà végnel organisé te Ampez demé gares dles eles, dldut nia manco emportantes! Chi agn fòvel ciamò Deborah Compagnoni y Isolde Kostner che garejova. La Kostner à davagné chilò cin’ gares. É les gares dagnora stedes de jené? É pa chesta na data convenienta? Sci, dagnora de jené. Al é na data convenienta, ajache i hotiei y les ciamenes se emplenesc ciamò na outa dapò Nadel y Nanuef. Per l reclam fòssal samben da miec da fé la gara dant Nadel, ajache la jent veid la neif y vegn adalerch. Ma nos on la fortuna de ester i vejins dl’Alta Badia y de Gherdëina y la jent sà che sce al é neif dailò éla ence a Cortina. An sà che tla Talia ne n’à l schi perempò nia plu tant de fans. Co se stàla pa con l publich y co fajeise pa per tré adalerch jent? L handicap de Cortina é che l travert dla gara é dalonc dal zenter.

Ma impò él prevedù na lingia de manifestazions y de festes. I bars tl zenter met da jì festes a tema, la FIS organiseia l“World Snow Day”, l di dla neif che condujarà adalerch plu de 250 tosac che podarà se arvejiné al mond dl schi, a les atletes y a ex atlec che ruvarà a d a l e rc h , p . e j . D eb o r a h Compagnoni, Daniela Ceccarelli y Barbara Merlin. Cortina ne n’é nia demé impegneda tla organisazion dla gara de Copa dl Mond, ma ence tla candidatura per i Mondiai dl 2019, ruvan, nia zenz a polemiches, al cuarto tentatif… I son ruvés a la cuarta candidatura ajache al é jent che crei te chesta poscibelté. Ie son l prum a creie te chest projet. Al é sté polemiches ajache te paisc él ence jent che ne n’é nia auna, ma na manifestazion sciche i mondiai, la plu emportanta dapò les Olimpiades, i dà visibilité a na localité y de chesta visibilité à Cortina sen de bujegn. Cie porta pa i mondiai plu de na gara de Copa dl Mond? Tratant i mondiai é les lums orientades per 15 dis alalongia sun la localité che i ospiteia. Emplù él na bona ocajion per realisé y mioré infrastrutures, lifc y pistes, con la poscibelté de fé afidament sun finanziamenc che ne ruva zenza nia adalerch. I Mondiai fossa scialdi emportanc per Ampez, ai fossa na ona de aria fresca per l paisc. (Intervista de katia pizzinini)

“L'Olimpia, la mia preferida” Concors metù da jì da La Usc di Ladins. Manéde vostes fotografies a la miscion e-mail katia.usc@rolmail.net o per posta a la misciun: Redazion “La Usc di Ladins”, Self dei Ladins c/o ex Hotel Dolomiti, 32020 Fodom/Livinallongo (BL). Les fotos vegnirà ence publichedes sun la plata de Facebook “L sonn fodom tla Usc” olà che duc podarà dé ju si aprijament. Chisc vegnirà touc en consciderazion da la giuria per la valutazion finala.

Sun la pista ampezana à Isolde Kotner davagné cin’ outes. I ti on fat n valgunes domandes La Usc: Sun la pista Olimpia dles Tofanes aste davagné cin’ outes. Cie reprejenteia pa chesta pista per ti? Isolde Kostner: Garejé sun la Olimpia fova per mì sciche garejé te ciasa. Dantaldut les atletes dla nazionala taliana y ie, atleta ladina, son tres vegnudes toutes su dret bon y al fova dagnora na beliscima atmosfera. É pa donca la Olimpia tia pista preferida? La gara te Ampez é dagnora steda la mia preferida, nia demé per la pista, ma ence – sciche bele dit – per la bela atmosfera che se cheriova y per l panorama fantastich y les beles monts che é entourn via.

fé chesta vita, i é fat de beliscimes esperienzes y i é de biei recorc, ma i é garejé fina a 31 agn y i son ence contenta de avei ruvé, ajache sen posse vive l invern con plu serenité y con manco tenscion y prescions. Tu che t’as davagné truep te tia cariera, cie consei poste pa ti dé a les atletes che vegn do ca? A les atletes che vegn do ca posse ti consié de mete pascion tl sport che ales fej. Sce al é la pascion él plu saurì da afrontè y superè ence i momenc plu riei ti alenamenc y tles gares. L sport agonistich n’é nia n sacrifize sce an l fej gen, dailò él pu mé bel. (Intervista de Katia Pizzinini)

Vaste pa via a cialé la gara en chest ann? Sci, i vade via sabeda y domenia, per laour.

"Na marmota che sciola da mont su". Foto de Emanuela Dorigo da La Pliè da Fodom.

Te mancia pa la vita da atleta? No, ala ne me mancia nia. I son contenta che i é podù Isolde Kostner sun la Olimpia, de jené dl 2002. www.lauscdiladins.com

25


Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

nr. 03 / 18 de jené 2013

Ogniun par ra so strada

Ra Fregores

I s’à ciatà, par se conosce, par se parlà, ma i no camina aduna, el movimento Bard, par ‘na provinzia autonoma da Belun, e i Ladis de Anpezo. Nośoutre, i é stà dito, el nosc referendum ‘l on beleche fato, de ‘l 2007

Alcuanta noes in curto, da ‘l paes e da fora

Chi de el Bard i é vegnude in Anpezo, par se ciatà co ‘l comitato par el referendum de el 2007. Dapò i à pensà de bete fora un placato, con su scrites ra so rajos.

“Nośoutre no son aduna co ‘l movimento Bard, donca no fajon nuia, con lore”. Siro Bigontina Titoto, che el tien aduna el comitato par el referendum de i tre comune ladis de Col de Santa Luzia, Anpezo e Fodom, el responde coscita a chel che i scrie chi de ‘sto movimento Belluno autonoma regione Dolomiti, dapò che i s’à ciatà, in Anpezo, par se parlà. El Bard ‘l à scrito che i é drio a “fei i prime pasc, ves un manifesto unico”, con inze scrito algo, par fei nasce ‘na noa provinzia autonoma da Belun. “Aì, s’ón ciatà, parcé che ‘l é de iusto se conosce, se parlà, ‘l é algo

che dia senpre, ma duto se ferma ca. Anche parcé che, nośoutre, el nosc referendum ‘l ón beleche fato, de ‘l 2007” – ra śonta pede Elsa Zardini Soriza, presidente de i Ladis de Anpezo e de ra Dolomites. “On fato polito, a se ciatà con lore, par se conosce, par saé cemodo che i ra pensa lore e par i fei saé cemodo che ra penson nośoutre – el me disc ancora Bigontina – ma propio con chera ocajion, i ón dito, fora da i dentes, che el nosc referendum el no n’à nuia da spartì co ‘l so, con chel che i vó fei. Se i parla de un manifesto unico, ‘l é algo de so, intrà de lore; a nośoutre el no me interesa.

Son stade propio nośoutre a i dì de el scrie, de el stanpà, de el bete fora, chesto placato”. Dapò che i s’à ciatà in Anpezo, Moreno Broccon, presidente de el Bard, ‘l à dito de i motive storiche, economiche e politiche che i à fato vegnì chera de scomenzà con chesto movimento, par proà de ciapà r’autonomia, par ra provinzia de Belun. Broccon ‘l à śontà che dute i referendum, che ‘l è stà fato, par mudà rejon, i nasce par el mal stà de i comune pi indalonśe, agnó che mancia laoro, agnó che no n’é ra lejes fates aposta, par el teritorio su par ra crodes, co ra śente che ra s’in và, con senpre manco parsones che resta a vive. Andrea Bona, de el comitato par el referendum de Feltre, ‘l à recordà che duta ra provinzia de Belun r’é intrà ra crodes, cemodo che r’à dito anche ra Union Europea. El so comun el varda ves el Trentin, parcé che ‘l é un esenpio de cemodo che ‘l é da fei, par goernà polito e precurà el laoro, inze chesta tèra. Marinella Piazza, che ra laora par el Bard inze i paes de ra val de ra Boite, r’à dito de chel che padisce chesta śente: par chesto ra domanda de se moe, ves ‘na rejon che ra i tende, che ra precura ci che stà peśo. Francesca Larese Filon, presidente de ra Federazion de i Ladis de el Veneto, r’à menzonà cemodo che vive malamente, i paes agnó che ‘l é minoranzes linguistiches, inze ra provinzia de Belun. (Mdm)

Par ra Madona de Voto Chesto an ra toma de ‘l sabeda, ra festa de i Anpezane, par ra Madona de Voto. Ai 19 de jenaro se vive ra devozion, ra tradizion de ra nostra śente: ‘l an pasà, de ‘l 2012, ‘l ea stà fato algo depì, pi in gran, par i siezento ane, che ‘l ea pasà da che 1412, canche ‘l ea scomenzà duto. Se se speta anche el vescovo monsignor Giuseppe Andrich, par ra zerimonies de chel di. Se scomenza dares 9.30, da bonora de sabeda, inze ra basilica de San Felipo e Iaco, par dapò moe co ra portiscion, ves ra jeja de ra Madona, cemodo che se sore, con duta ra comunità, ra asociazios, ra autoritas.

Ra tesera de r’Ulda, ra noes par ‘l ospedal de San Candel Mercui 23, śoiba 24 e vendres 25 de jenaro se pó se fei ra tesera, se notà inze co ra Union de i Ladis de Anpezo. Cemodo che suzede ogni an, chi de r’Ulda i sarà alolo inze de porta maestra, de ra Coperatia, canche r’é daerta ra botega. Se pó anche se fei ‘l abonamento a chesto sfoi, a La Usc di Ladins, par aé ra noes de ‘l paes, scrites par anpezan, e de ches’outra vales ladines de ra Dolomites. A ci che se nota, i dajarà fora libre e publicazios de r’Ulda, par deban. Con chesta, se dajarà fora anche un sfoi, con su ra ultima noes, su ‘l doman de ‘l ospedal de San Candel.

Un śoen de 90 ane Ci che conosce el profesor Roberto Pappacena no pó crede

Pi rispeto par ra nostra crodes No mancia ra lejes, par dorà ra motoslites: mancia calchedun che i tende. E no n’é da i petà ra colpa a chi de fora: de spes son nośoutre, i prime a res dorà malamente Ra setemana pasada se scriea, su chesto sfoi, de ra motoslites, de ra lajes par res dorà, dapò de chel che ‘l é suzedù in Val de Fieme, par ra festes, che i s’à copà, rebaltade śo par un grebano. A lieśe, e a me responde, ‘l é Bruno Zannantonio Sagrestan, da ‘l Comelego, che el vive, da anes, a Mestre, e che el laora par el Club alpin talian de el Veneto. “Voi ve dì che ra leje, par dorà ra motoslites, inze ra Rejon Veneto, ra sarae. Ra disc che, par ra strades da bosco, no se pó pasà. Se pó domandà, par chera machines che se dora par lourà ra canpagna, par

i laore da boschier, par chi co ra mondura, che i à da i tende, o par ci che à da lourà canche ‘l é biśoin, par studà un fó, par śì a dià calchedun che s’à fato mal. Pó pasà i paroi de i fonde, se i à da ruà su ‘l so, ma par ra strada pi curta, e no pi inaante”. Fin ca ra leje, par ra strades de bosco. Ma dapò ra scrie algo anche par chesta motoslites: “Se lieśe che, fora da ra strades de bosco, es pó viaśà solo agnó che disc ra comunità montana de chel posto, de chera val. Beśen bete fora tabeles, che ra śente ra pode saé. Chi che res dora, i à da respetà ‘l anbiente. Su chesta moto, chi che res dora i à da bete fora el pefel, che i dà el comun. E beśen sentì ra Regoles, agnó che chestes ‘s é parones de i bosche, de ra montes”. Chesto ‘l é chel che ‘l é scrito, su ra leje de ra Rejon. Ma alora parcé se vedelo de spes duto un Ra forzes de polizia ‘es dora ra motoslita, su ra rejistro, dute i fesc pistes da schie, par dià ci che à biśoin, ci che s’à chel che i vó, senza negun che i tende? fato mal. Se vorarae che i poliziote i podese i “Sarae biśoin – el tende, a ci che res dora par smatiśà.

26

www.lauscdiladins.com

me responde Bruno Zannantonio – che ra comunitàs montanes ‘es ciatase fora e ‘es segnase polito ra strades, agnó che se pó śì co ra motoslita. Chera de el Comelego e Sapada r’à beleche fato, e anche el Comun de Auronzo. Dapò sarae biśoin che i capecomun i fajese ra so ordinanzes. Dinultima tocia a i poliziote de comun, a ra Forestale, a ches’outra forzes de polizia, de fei respetà ra leje, de i tende, de cazà ra multes, se ocore. Ma me somea che chesto see el laoro pi greo. Da anes me cruzio, parcé che chi che porta ra mondura, de duta ra sortes, i tende depì, i staghe sora a chi che viaśa su par ra nostra crodes scentade, su un motor, d’istade e d’inverno. Inveze i tende e i multa chi poche che, par un so gusto, no par fei afare, i tol su calche radicio da monte. Dinultima digo che no son de ‘l duto d’acordo con el scritor Mauro Corona, canche el disc che son drio a mudà ra nostra crodes inze un Gardaland, un luna park. No n’é solo colpa de chi de ‘l pian, de ra zitàs, che i vien su de ca a fei duto un rejistro; de spes i se bete i nostre, co i so quad, co ra so motoslites, a viaśà inaante e indrio, agnochemai, pi che see par smatiśà e no par laoro, par biśoin”. (Mdm)

che ‘l ebe 90 ane ; i à fate ai 15 de jenaro, ca in Anpezo, ra so seconda ciaśa, el che el rua da ‘l Abruzzo. Ca ‘l é stà profesor da scora, a ra medies e a ‘l liceo scientifico, ‘l é stà preside. El scrie, da jornalista, par alcuanta gaśetes, e ‘l à scrito trope libre, pi che see su ra storia, r’arte, ra tradizios, el saé de Anpezo. Inze una parola, podon dì che ‘l é un de nośoutre. Par el se pó dorà noma una parola: gramarzé. Con dute i augure, de cuor, de ‘l aé con nośoutre ancora par dute i anes che el Signor el vorarà i donà.

Mudà ra pascion in laoro De laoro, par ra Guides in croda, in é, anche co ‘sta crisi. Par chesto, ra Rejon Veneto, aduna co ‘l Collegio de ra Guides, i à daerto el bando 2013-2014: ci che à chera de deentà Guida, po se fei inaante, mandà via

ra cartes, fin a i 25 de jenaro. Inze ra nostra rejon, ra Guides ‘s é de 116, ma ‘l é ancora posto, par ci che vo sì su ra zapores de ‘na tradizion longa, che ra moe de ‘l Otozento, par fei turismo su par ra crodes e par ese segure. Par ese toleste, a fei i corse, ‘l é da aé amor par ra croda, ra conosce, saé se moe daparduto, su ‘l sas e su ra jaza. Par se scrie inze, ‘l é da portà ra vies che s’à fato, in croda. Posto che i corse par deentà Guida i costa, parcé che i no n’ebe da spende duto chiste soen, ra Rejon Veneto ra dia ‘na man. Par in saé depì, de duto chesto, ‘l é da i domandà a ra Guides 335-1705672 o sedenò a ra Rejon Veneto 0412792636.

Ra Dobbiaco – Cortina Fin a i 15 de jenaro se spendea calche sodo de manco, par se notà inze, par ra granfondo Dobbiaco Cortina, de sabeda 2 e domegna 3 de febraro. Da ades inaante se pó ancora se notà, ma costa algo depì. Ci che vó, se pó scrie fin da bonora, de el di de ra gara. Sabeda 2 se moe da Fiames, par ruà a Toblach, 30 chilometre skating; da ‘l indoman, domegna 3 de febraro, se vien in fora, da el pian de Toblach fin in Anpezo, sote el cianpanin de San Iaco, inze piaza Angelo Dibona. El gnee de ‘ste dis el dia a parecià polito, a viaśà intrà i brascioi, dute biei bianche. Par ci che vó s’in stà pi chieto, dinultima, da ‘sto an ‘l é anche ra “For fun”, senza tenpe, senza clasifiches, ma i ciata isteso da magnà, da bee, co i dotore, se ‘l é biśoin. Se sà che, par ra gares, sarà un grun de parsones che vien da ‘l nord de r’Europa. «On acaro, pi che see, vede che ‘l é un grun de foreste, che i vien da fora de r’Italia” – el me disc Marco Ghedina Tomasc, loudaduó de el Comun de Anpezo par el sport e par el turismo e presidente de el comitato de ra Dobbiaco – Cortina. “Intrà chiste foreste, i é beleche de zincuanta, chi che rua da ra Norvegia, un de i Paes agnó che nasce i schie strente, da fondo. I vien par ra doa gares, ma i restarà ca da nośoutre par ‘na setemana intiera, intrà ra nostra crodes. Chesto vó dì che sport e turismo i é leade, intrà de lore, par el nosc ben». Se pó lieśe depì su www. dobbiacocortina.org


Anpezo

nr. 03 / 18 de jené 2013

Ra bona sanità in Anpezo

A ra caza de supernovae

Ogni an depì, i vien da ra Pusteria a ‘l Codivilla, par alcuante esames. Ca se laora polito e in prescia, senza perde tenpo. Ra noes da ‘sto an: ome noe, machina noes, el laoro co ‘l Cup da Belun

El ziel sora ra val de Anpezo ‘l é senpre pi gran. Da duta Italia par se ciatà con chi de ra Astronomica Cortina

Par anes anorum ra nostra śente r’é śuda su ‘l ospedal de San Candel, o mangare de Bruneck, par vegnì de meo, par fei esames. Da Anpezo, da Auronzo, da i paes de ‘l Comelego, trope śia par el pas, par Sorabances, par Misurina, par Monte Croce. Ades, da calche tenpo, i vien fora da ra Val Pusteria, par vegnì al Codivilla, pi che see par ra risonanza magnetica. De ‘l 2011 ‘l é stà fato 1.320 esames e 155 de chiste su parsones ruades da fora rejon; inveze de ‘l 2012, su 1.237 esames, in é stà fato 224 su parsones fora da ‘l Veneto. “In rua trope da ra Val Pusteria, pichesee da Dobbiaco, San Candido, Sesto, ma anche da Brunico – el me disc Massimo Pellizzola, primario de ra radiolojia de el Codivilla – parcé che da nośoutre se speta de manco, ra listes ‘s é pi curtes, de cheres de i so ospedai”. Scomenza a se rebaltà, donca, chel che ‘l ea suzedù par trope ane, canche ‘l ea i anpezane a moe ves ra Pusteria. “Da nośoutre se speta de manco, supośò chinesc dis, par ra risonanza magnetica, ancora demanco, supośò diesc dis, par una ecografia e ‘na mammografia”. Par ra salute, el tenpo no n’é duto: beśen anche fei polito, lourà con ston. E in Anpezo se ‘l fesc. Da alcuante dis i à betù a śì una machina noa, un mammografo digitale diretto: “Con chesta machina śon adora a vede meo de ignante, se laora polito – el me disc el radiologo – e ades speron de śì adora a lourà aduna con chi outre ospedai de ra provinzia, con Belun, Piee de Cadore e Agordo, par podé vardà ra mammografies un co ‘l outro, da se cordà. Fin ancuoi ‘l ea da stanpà ra lastres, res mandà a Belun, pasaa calche

I é ruade supośò de trenta, da tropa provinzies d’Italia, ciamade da chi de ra asociazion Astronomica Cortina, a parlà de supernovae. Se sà che, da anes, i nostre astrofile i varda el ziel, par ciatà fora chera stela noes, inze dute i ciantoi pi indalonśe de ‘l universo. Fin ancuoi, co r’ultima, in vea de Nadà, in à ciatà fora 37, vedudes co i telescopie de el Col Druscié, comandade da ciaśa, co ‘l conputer. Da calche an, chi de Anpezo i é inze co ‘l Italian supernovae search project. Dute chi che i é ruade in Anpezo, i à dito de chel che i é drio a fei, par studià el ziel, par fei saé a ra śente, par insegnà. Dinultima ‘l é soutà fora che in Italia ra và propio polito, ‘l é un grun de śente che laora, e polito, cemodo che r’à dito anche ra astronoma padovana Lina

Tomasella, che r’à portà in Anpezo ra noes, su i strumente de ‘l oservatorio de Asiago su ‘l laoro che i é drio a fei a ‘l zentro de astrofisica de Padova, par ra spettroscopia de ra supernovae. A se parlà, i s’à cordà par lourà senpre depì, e senpre meo, con chesto Issp, par vede de conosce senpre algo de noo, de el nosc universo e par podé fei senpre depì, aduna, intrà de astrofile e astronome de ra Università de Padova. Dapò doi dis de laoro, i é śude su in Col Druscié, par vardà fora da chel oservatorio, e dapò dute a zena, inze ‘l rifujo śo par pede. Chel che ‘l é stà dito, in Anpezo, s’el ciatarà, betù fora su ‘l sito web de ’l Italian supernovae search project www.italiansupernovae.org

Ra storia de el nosc Codivilla ra scomenza de ‘l 1924, canche i à daerto chesto ospedal noo; r’é śuda inaante da inalora fin ancuoi, cresciuda di par di.

di; ades, leade in rete, un co ‘l outro, se pó el fei alolo. Ra tre radiolojies de el San Martino de Belun, de Piee e de Agordo, ‘l é beleche alcuante ane, che es laora aduna. Ades, con chesta machina noa, podon scomenzà anche nośoutre”. De noes in é anche un’outra: “Da calche di ón firmà co ‘l Cup de ra Ulss de Belun, el Centro unico di prenotazione provinciale, agnó che se ciama, par se notà inze, da fei i esames. Par ra risonanza magnetica, ra ecografia e ra mammografia, ades ra parsones de duta ra provinzia ‘es pó vegnì ca da nośoutre. Se sà, ‘l é nafré de viaśo da fei, ma se speta de manco, se i à prescia”. El dotor Massimo Pellizzola el torna in Anpezo, dapò de alcuante

ane; ‘l ea ruà ca, ra prima ota, de ‘l 1989; ‘l é restà a ‘l Codivilla da ‘l 1989 fin de ‘l 1995. Da ‘l 1992 ‘l é stà anche diretor sanitario de el nosc ospedal. Dapò ‘l é śù a Piee de Cadore e, da ‘l 1995 fin de ‘l 1998, ‘l é stà anche primario a Belun. El conosce polito, donca, ra sanità anpezana, cadorina e de ra provinzia; ‘l é stà propio el, de dezenbre de ‘l 1998, a scomenzà co ‘l screening de ‘l sen, par ra nostra femenes, che dapò i à fato anche inze outre ospedai. In pension da i 30 de noenbre 2012, da ‘l 1 de dezenbre ‘l à scomenzà a lourà co ra sozietà Codivilla spa, che ra porta inaante el nosc ospedal, da ‘l 1 de luio de ‘l 2003, e che ra speta ancora che ra Rejon Veneto ra dighe, una ota par dutes, ce che ra vó fei. (Mdm)

I astrofile ruade da duta Italia, daante a ‘l planetario de ra Astronomica Cortina, che ‘l é śo par pede el stadio Olinpico de ra jaza.

A scora e su ‘l laoro I nostre studentes i se parecia par el doman: so e de ‘l paes Par saé lourà, no basta ra scora, beśen anche saé bete ra mas in pasta. Tanto pi se ‘l é da lourà inze cujina. Coscita a ra fin de ‘l mes de jenaro, i studentes de ra scora alberghiera de Anpezo, una de ra scora outes de el Polo Valboite, i lasciarà ra so clase, par moe, alcuanta setemanes, inze i hotiei, i ristorantes, su par i rifuje, ma anche inze outre poste, par inparà meo e par cresce. Ades d’inverno moe i studentes de seconda e de terza, in śiro par Anpezo e par el Cadore; pi inaante, de śugno, tociarà a chi de cuarta, che i śirà su ‘l lago de Garda, a ‘l mar, su ra costa de ‘l Adriatico, e finamai in Inghiltera.

I studentes de ra scora alberghiera de Anpezo, pronte par lourà, un doman, par lore e par el so paes.

“Coscita vedon de i parecià meo, de i bete pede a ‘l mondo de ‘l laoro, che i ciatarà, canche i à fenì de studià – i me disc i profesore che i tende a ‘ste tośate – e par chesto, pede a i locai, par

i turistes, in é alcuante che laora inze outre poste”. Coscita s’i vedarà, a lourà, a servì sun toura, a parecià da disnà, inze ra cujina de ra nostra ciaśa de comun par i vece Dotor Angelo Majoni, e da ra scoreta de ra parochia, par ra famea, Don Pietro Frenademez. “Da anes ‘l é tropa aziendes che me dia ‘na man, par fei chesto laoro – i śonta pede i profesore – ma ‘sto an in é ruà de outres, de noes, e speron de podé śì inaante polito, anche par i anes che vien. Par parecià chiste tośate, ome e femenes de doman, no n’é asei ra scora e i libre, ma ocore vardà anche a outro: a stà sojete, su ‘l posto de laoro, a se ciatà polito con chi outre, da lourà aduna. Par chesto i dijon gramarzé a duta ra aziendes, che es me lascia lourà inze ra so cujines, su ‘l so posto de laoro, ma che es bete anche ra parsones, che ‘s à da insegnà el mestier a chiste śoen”. www.lauscdiladins.com

27


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

nr. 03 / 18 de jené 2013

Troi critico co i coleghi dei comuns che a fat ricors contra l Fondo Brancher “I a de gran responsabilité. Se risćia de pierde chi scioldi” Col - L program trienal dei laour publizi del Comun da Col l é taché al destin del Fondo Brancher. L Capocomun Troi critico con chi comun che, con soui ricorsc, i ten blochei scioldi e progec. La jonta de comun l’a aprové i dis passèi l schema dei laour pervedus fin al 2015. Na lista longia e rica, con laite preventifs a siech zeri. Ma per la maiou pert se trata, coche dit, de previjion. L Comun no l a scioldi suoi da podei nvestì e spò l’aministrazion la mossa fè le culëte fasciane per podei se fè finanzié al cënt per cënt, o cuaji, duc i

progec plu cèr. Coche l é ste per la ristruturazion de le miniere del Fursil. Na bocia de aria l’é ruada grazie a nen contribut regional per l’adeguament strutural del mur de la cortina dintourn gliejia. N intervent da 115 mile euro demè per la pruma pert dei laour che i scomenciarà d’aisciuda via. Po fossa debujen de laoré fòra l fabricat de la Cèsa de Comun e de le vegle scole, ulache se perveiga de spëne 1 milion e 550 mile euro. Autri 550 mile euro sei dourëssa per fenì via i laour nte la Cèsa de Jan. Per ades dut resta demè su la

cherta. Co l é vignù fora l’oportunité del Fondo Brancher, l liam storico cultural coi comuns ladins damprò de Fodom e Cortina l a fat nvié via nvalgugn progec de gran valuta turistica, come la rivitalizazion de la Strada de la Vëna e l colegament co l Ciastel d’Andrac. Co nen auter proget, presenté auna a nen valgugn comuns del Agordin, se miráva ence a la realizazion de percors da jì a pe ntra le frazion de Vilagranda e Pian. Duc chisc progec i é ai prums pòsć nte le graduatorie del Odi e spò i tomëssa ite ntra chi che podëssa ester bele

finanziei ence senza i 40 milioni che Durwalder no n a ncora paié ite perciéche l volëssa che i scioldi i vade demè ai comuns de confin. Nveze, coche se sa, dut l e fermogauja i ricorsc prejentei da nvalgugn comuns restei fora dai finanziamenc pe ri bandi del 2010 e 2011. “Se se ciaparà n acordo a Còl ruarà zirca 4 milioni de euro” recorda Troi ence se l no scon suo pessimism. “I dis passèi i capicomuns i s’à ndavò nconté, ma me per che no siebe ste fat degun vare nnavánt. L é plutost grave l comportament dei coleghi

de chi comuns che a fat ricors. Nte sti temp de criji tignì se ten fermi 200 milioni de euro che i podëssa de laour a le ditte e a troc laoránc. L é scandalous, con scioldi bele assegnei e progec bele njignei. Chi capicomuns i a de gran responsabilité. L é del bon l risćio che l Stato l se tegne chi scioldi. Nos per l 2012 no n on progec perciéche i comuns che confineia con Bolśán i a prejenté progec suoi. E per l davignì se vedarà perciéche, coche nsomeia, vignarà cambiei i criters de assegnazion.” (ls)

L Coro Fodom a perdù un de suoi fondadous

Coro Fodom: bilánz del 40°

Remo Grones l eva ste per agn ence secreter

L’ativité del ann nzentrada a njigné l nuof cd

Davò na burta ma curta malora, Remo Grones, de 73 agn, l à lascé sua fameia e l Coro Fodom, ulache l ciantáva fin da la fondazion. L a tout pert ncora a la registrazion del ultimo cd e a la festa per i 40 agn de fondazion, po l mèl l i’a tout la souramëssa. Coscita i l’à recordé i corisć a la sepoltura. “Tosac, mosse ji a Bornech.” Coscita te ne saludëve davò prove. Ma no mpruma de ester ste ncora ncin n compagnia a te beibe n gòt per bagné ju la garsala suta davò avei cianté per doi ore. Ti t’eve coscita. Te savëve da de l dërt peis a dut: a la fameia, al laour, al divertiment. No te te nfejëve zerto a ste n compagnuia fin davò ora, fin cánche i zagri fajëva plu oute la rebalta. E ilò, ci comedie: cánche te smatëve “Piere Din” o cánche te contëve chële del “Sepl da Lagundo”. Très de voia de n cianté ncora una, magari n “sordina” coche te dijëve. Ma ntel medemo temp te pertedëve l ordine e la puntualité co l eva ora.

Con chëst spirito t’as fat per agn l secreter del coro. T’eve meticolous, ogni virgola ava da ester a suo posto. E po la pascion che t’as metù nte sti utlimi agn a tignì l album del coro. Cotánte de oute che t’ave da ne core davò a damané foto de chëst o chël conzert. Nos de sto viers no son coscita preciji. Tánt che nviade on mossù te conté che le foto i é vignude dute tremade, fora che chële scure. Co l eva i prums de jenè te vignive co l Reimichlkalender de la bánca, che nos se metonve nte tacuin fin a l ann davò, cánche spetonve chël nuof. Èco Remo, chëst e trop deplù t’eve ti per nos ntel coro. E come no recordé tue sciòne con tuo fradel Aldo? Ben, ades son segur che t’es bele colassù con dël, e co l Pepi nte chël canton de paradisc, plu aut de le stële che l Signour l à lascé per i ciántarins. De segur te t’avaras tout davò la cravata che, te dijëve très, la tempa l ciaut ma ence l freit. E ci ciantade

che ve fajarei. Ti te ntonaras l LaDo, coche te dijëve e ne acompagnarei, decannavò cánche nos cajù, co ne grop ntel cuor, ciantaron chëla ciancion che per 40 agn t’as fat da tenor secondo: “O bela val, o bel Fodom, de ti mei se desmetiaron.”

Come dute le associazion, ence i corisć del Coro Fodom i se senta ju na outa al ann per fè l bilánz de l’ativité. Per l’associazion l 2012 l eva l ann del 40° de fondazion, che l é ste recordé ai 27 de otobre co nen conzert del Coro Valsella. Ma l’ativité che à mpegné deplù i corisć l é ste njigné l nuof cd, l secondo de la storia del coro, che va a se njonté a le doi vëte “Edelweiss e ciof de sita” e “Tra Ciuita e Boè”. Le registrazion i é stade fate a la fin de otobre e la prejentazion. La prejentazion ufizial la vignarà fata nveze via per l’aisciuda. Sebénche l laour per mparé e “limé”polito ogni ciántia l siebe ste gran, l coro l à mpò ciapé l temp per se ejibì nte troc conzerc nta Fodom e foravia. A scomencé da la trasferta n Valsassina. E po le ejibizion a

Remo Grones l eva ste ntra i fondadous del Coro Fodom.

Grones:”L Comun no l a 120 euro per l Mujeo Ladin?”

“125 agn studafuoch – pompieri da Fodom” La storia de l’associazion nten liber apëna vignù fora Publicazions - L é vignù fora auna chëla che s’assa clamé “Società chisc dis, frësch de stámpa, l liber volontaria dei pompieri” la fossa che i studafuoch da Fodom à volù vignuda dal nlouta capitán del mëte auna n ocajion dei 125 agn da Distret d’Ampëz Karl von Maurizio la fondazion che i tomëva ntel 2012. Ederl. Nte la publicazion l é ste “125 agn studafuoch – pompieri da reporté ence l statut original, che Fodom”; coscita se clama la publicazion, curada dal storich Ivan Lezuo e da Igor Masarei e Andrea Palla, che l’é stada metuda ju per fodom co na curta traduzion per talián e todësch. Fin al 1887, cánche l’associazion l’é stada metuda mpé, nta Fodom l eva demé na pompa a mán e puoch material per se paré contra l fuoch. Nte cuaji dute le localité dintournvia de Tirol, “Una de le foto storiche publicade ntel liber.” l eva bele ste da agn metude su scuadre de volontari che Lezuo l a ciapé fora nten archif fora ava da coré ntel cajo che saut fòra per Innsbruck. Nteresciánte ence fuoch. Na desgrazia che suzedëva la statistica de dute le oute che l eva da spëss, perciéche le cèse i eva n sauté fòra fuoch nte chi agn, touta gran pert de len. La sburla a mëte fora da diari e cronache del temp,

28

www.lauscdiladins.com

che testimonieia cotánt saurì che l eva che n paisc pòbe èrde ju deldut, magari demè per na matada de tosac. I giubilei da la fondazion i eva tres recordei con gran feste, coche se po’ vedei da le trope foto vegle publicade. Coscita come le prove nte plaza a La Plié o sa na Rèba, che le deventëva ocajion per se sentì orgoliousc, siebelo da pert dei volontari che dei fodomi. Na outa che l é rué l bensté, le cèsa i é stade fate su dute de mur, ence per i studafuoch da Fodom l’ativité la s’à slargé fòra a autri ntervenc: levine, boe, inzidenc su le strade. Demè na roba l’é restada compagna: l gaist de se sacrifiché per salvé chi autri e onoré coscita l dit: “Un per duc, duc per un.” Na lauda la va fata ai studafuoch per avei volù mëte ju per Fodom chësta publicazion, che l’é testimoniánza de nen toch de gran mportánza de la storia da Fodom. (ls)

Motta di Livenza (TV), n Val Badia, jun Alie. Come ogni ann l à metù a jì l tendon per la Siegra de S. Iaco a La Plié e l a acompagné mësse a Rèba per Pasca Tofania e a La Plié a la Festa del Rengraziament. Per Nadel, n colaborazion co l “Grop Insieme si Può Fodom” l à nvié “L’orchestra della speranza” per n conzert ulache i scioldi trac su i é jus a Suor Agnese Grones n Pakistan. Nte sua relazion, l prescident Lorenzo Pellegrini l é auzé la gran partecipazion a le prove, chersciuda de ann n ann, che desmostra la voia de fè e tignì auna de corisć. L ann l à porté na locia ntra i tenori secondi. L é mancé l Remo Grones “Scnaider”. Ma i corisć i vòl cialé nnavánt e i e trope le ativité bele n cantier per l 2013. (ls)

Lëtra del consiadou al capocomun:”No podon pierde la colaborazion del fondadou Franco Deltedesco Comun - Co nen articol su Le Nuove del Paisc, de agost via l maestro Franco Deltedesco l fajëva a savei de volei molé la conduzion del Mujeo Ladin. “Dut per via che l Comun no n à conzedù 120 euro per i placac co i orari” spiega l consiadou de mendránza Leandro Grones, che l damana a l’aministrazion de comedé al plu prëst sta situazion. “Davò 19 agn de rizerche fate con competenza e pascion, co nen laour minuzious per comedé fòra, cataloghé e mëte fòra dut l prezious material metù a dispojizion dai fodomi, l maestro Franco l passa la mán” scrif Grones. “Nte la lëtra plëna de amarëza, l a ncora la forza per propone soluzion e idee per milioré e arichì chël mujeo, ulache l a metù ite trop temp, con profescionalité e pascion. Dejine i libri scric, i dvd fac, le prejentazion che conta ntel particolar i laour, la vita e le tradizion denosta jent, che i é n sciatul de savei. Chël che l maestro Franco l a fat per la comunité, per la cultura e per la

scòla l a n gran valour. Trope i é stade le dománde e le proposte prejentade nte sti agn a l’aministrazion. Ma degugn a responù. Ma chël che a fat jì la gota persora, coche m’à conté l maestro Frnaco” disc Grones, “l é ste cánche, st’isté, i é ste nié n contribut de 120 euro per stampé placac e bilieti co i orari del mujeo da mëte fòra per bar e alberghi. Coscita ades l mujeo l é senza suo fondadou. Per 120 euro. No se capisc, “continua Grones, “perciéche per l Ciastel d’Andrac se ciape na mascia de scioldi e per l mujeo gnánca 120 euro. Se le dificolté del Comun i é ruade a tánt, nlouta se tole la delega a chelche assessor e i scioldi sparagnei se i mëte nte la cultura, o meio, al Mujeo Ladin da La Plié. Ma son de l’idea,”siera ite Grones, “ che la pascion del maestro Franco per la cultura la siebe plu podëola de ogni ostacol. Damane al capocomun de comedé. No podon de mpermëte de pierde la disponibilité del maestro Franco.” (ls)


Sport

nr. 03 / 18 de jené 2013

Da les zentrales de partis politics

Arjënt per Anna Runggaldier

Gana ve saluda! Scialdi desplajëi nes àl fat a messëi audì che la Usc dla Ladines „Gana“ muessa ti la dé su, per gauja che la ne vën nia plu finanzieda. L nes sà na granda che nosc politicri ne uel nia n savëi de finanzië na zaita culturela fata tan bën. Mo plu mel nes àl fat a messëi liejer che l’ëiles dla redazion de „Gana“ ti l’à data su ajache les ne teniva nia plu ora de ne savëi nia sce i finanziamënc bastova per la proscima edizion y de cunseguënza de messëi for jì a prië bel. Savon che l sistem de messëi jì a prië bel ie la norma tlo te Südtirol. „Gana“ ie n ejëmpl che monce canche l vën fat zeche de gran valuta, mpede l sustenì cun ntujiasm, n aprofiéien per

fé jì sun i jenodli y ti tulan duta la legrëza a ëiles che à desmustrà de savëi da fé zeche. Śën réstel mé mo da se damandé percie che „Gana“ ne vën nia plu finanzieda. Saràl pa ajache la ie fata massa bën? Saràla pa massa puech politica? Saràla pa massa ladina? Ne raton nia che zachei sibe contra l’ëiles. I scioldi ne pòssel nia vester a cialé cieche l vën scenó mo dut finanzià. Cieche l ie o no, fat iel che per ntant ne unirà la Usc dla Ladines „Gana“ nia plu publicheda. Ladins Dolomites se mbincia che chësta situazion se mude al plu prësc. Ladins Dolomites

Scandul SEL! L ambolt de S. Cristina Eugen Hofer se lamënta nchinamei tla „Dolomiten“ che scebën che ëi cëla de sparanië strom smendran l cunsum dl 20%, ie la conta mpo de belau 30% plu auta. Ël dij de vester dessenà y scandalisà y che a na lëtra de prutesta da pert di Chemuns ala SEL ti iel unì respundù te na forma burocratica y nia da capì per chichemei. Sce Eugen Hofer fossa unit a scuté su pra la sëires de nfurmazion metudes a jì da

Ladins Dolomites, Lista Urtijëi y Vërc n con’ dl Scandul SEL, pona ntendëssel povester plu saurì ciuldì che te Südtirol costa l strom plu che te d’autri luesc scebën che la produzion ie de mo ntant de chël che l vën adurvà. Sambën, per chëi che ti à dat la crëta a chësc guviern provinziel ie la cuestion dl Scandul SEL scialdi ria da capì. Walther Kasslatter Ladins Dolomites

Slusé sun Resciesa Ce bel che l fova a slusé da Resciesa ju! Per nëus de Urtijëi ie Resciesa la mont de cësa. Sibe d’instà che d’inviern, sibe a pe, cun la roda, cun la luesa, cun la peves o cun i schi, l nes à for sapù bel a jì su. L ie na mont ulache la natura à mo la seuravënta, ulache l ntervënt dla persona ie mo limità. Puec ani iel ca che ie l ie unì fat la ferata nueva, vel’ zitadin fova cuntënt, vel’ auter nia. Da

ntlëuta ons: priejes plu auc, dan Nadel ferata nia n funzion (canche la jënt da tlo pudëssa slusé), d’inviern l prim tòch de streda scialdi priculëus, l segondo tòch nia daviert y nia plu mesun jì a pé su per streda. Chëstes ie dut cosses che tën dalonc la jënt da tlo, i zitadins de Gherdëina y Südtirol che cun la chëutes à judà pea a finanzië la ferata nueva. Lista Urtijëi

Paroles “Taliban”- ce bela parola ladina... Edmund Dellago, Urtijëi

Per no abolir la moneida Volee ve fèr a saer de na scomenzadiva de gran emportanza. L’é dò che vegn tout sù la firmes virtuèles (sun internet) che vegnarà prejentèdes desche scomenzadiva populèra contra l projet de la banches (duta la banches) de abolir la moneida e i scioldi de chèrta, chi che aon ti tacuins, per slarièr fora tel mond demò la chèrtes de credit e sistemes de paament de chesta sort. Se pel ben entener che apede a dotrei vantajes, l risech l’é noscia

Resultat ezelënt per Anna y nce per l’autra atletes dl Eisclub Gherdëina te na garejeda a livel naziunel. La plu jëunes se à, a Sterzing, merità de vëncer dantaldut sciche grupa Jadiné - Ntan la fin dl’ena dai 11 ai 13 de jené fòvel sun l program la garejeda ”Open” de jadiné artistich a Feltre, resserveda per la categuries ”novice” y ”juvenile”, ulache l fova nce n valguna atletes de Gherdëina che à fat pea arjunjan drët de bon resultac. Bele n vënderdi ai 11 de jené ie Pia Demetz y Anna Runggaldier furnedes tres la Valsugana, acumpaniedes dal trainadëur Damjan Ostojic. Tramedoi atletes che garejea tla categuria ”novice” ova de se museré cun passa 90 atletes de duta la Talia. Per chësta garejeda fòvel mé udù dant l program lonch. Pia Demetz ie jita sun dlacia cun la segonda grupa y ie ruveda 12ejima cun de ndut 35,10 ponc. Anna Runggaldier fova tla terza grupa y ie stata bona de mustré n program nët che ie unì valutà cun 43,42 ponc y che la à purteda nsci sun l segondo scialier plu aut. N dumënia ti tucòvela ala doi majera atletes dl Eisclub Gherdëina de jì sun dlacia per garejé tla categuria ”juvenile”. Tlo fòvel de ndut 27 atletes che fajova pea. Nora Rossetto à mustrà n program drët garatà ruvan al bon setim post cun 48,55 ponc, Daniela Delago ie

ruveda 20ejima cun 35,53 ponc.

Venciù l trofeo dla miëura scuadra pra la garejeda ntersoziela N dumënia fòvel nce na garejeda ntersoziela a Sterzing, ulache l pudova fé pea la mëndres alenedes da Martina Schenk y tlo à l Eisclub Gherdëina venciù l trofeo sciche miëura scuadra. Stella Senoner se à tlassificà al prim post, Leonie Kostner ie ruveda terza, Ilaria Demetz cuarta y Ludovica Costa cuinta tla categuria nasciudes tl 2003. Carolina Moroder ie ruveda segonda, Carmen Moroder y Laura Dejaco cuintes pra la mutans dl 2002 y Patrizia Gasser à venciù pra la mutans dl 2000. Cun chisc biei resultac se à la plu jëunes dl Eisclub merità de vëncer sciche grupa. (cd) Anna Runggaldier che bala sun dlacia.

Prim suzes nternaziunel per Verena La jëuna tennista Verena Hofer de Urtijëi vënc l turnoi nternaziunel ETA Under 16 a Milovice, che valova nce sciche campiunat de tennis Under 16 dla Republica Ceca, dajan ju un n sëul set te cin' partides Tennis - L se trata de si prima vënta de n titul nternaziunel y l pudëssa vester l scumenciamënt de na cariera che la atleta de Gherdëina à cris ora de ulëi fé fajan de gran sacrifizies y renunzian nce a truepa cosses. La federazion taliana ova nvià Verena deberieda cun d’autra atletes talianes a jì pea n’ena tla Republica Ceca y pona mo a n auter turnoi tl’Austria daujin a Salzburg. Cumpanieda dala trainadëura y respunsabla dla scuadra naziunela taliana Antonella Serra-Zanetti, à Verena pudù fé pea pra l turnoi a Milovice dai 7 nchin ai 13 de jené ulache l possa fé pea atlec y atletes nchin a 16 ani. Verena à te si prim juech batù la ceca Lucie Kankova

per 6 a 2, 4 a 6 y 6 a 2, pona n’autra atleta dla Republica Ceca Anna Slovakova cun n 6 a 1 dopl, ti cherc de finela pona la favorita numer un dla Ucraina, Anastasia Zarytska, ënghe cun n resultat tler de 6 a 3 y 6 a 0. Te semifinela fòvel inò na ceca, Denisa Cichova, che messova ti lascé la vënta a Verena te doi set per 6 a 0 y 6 a 4. Mutiveda y cun la drëta mentalità ie la jëuna atleta, che vën aleneda dal maester Stefano Bassetto, jita te ciamp per la partida de finela contra Marketa Vondrousova for dla Republica Ceca. Y la bona forma dl mumënt y dantaldut si cundizion mentela ti à judà a Verena a purté a cësa l titul vencian per 6 a 3 y 6 a 2 si prima finela te na tel sort de turnoi.

Cungratulazions a d’ëila che sà che la streda sarà mo longia per ruvé ulache la se mbincia, la ueia de lauré y la mutivazion ne mancia segurdenó. Dut l bon!

Tituli nce pra i mëndri Da lecurdé ie nce l bon scumenciamënt dl ann per i tennisć jëuni de Gherdëina cun la vënta di tituli de Laura Mair tla categuria Under 10 y de Jonas Ciechi te chëla di Under 16 pra l turnoi FIT dl’Ussa a Bulsan tl scumenciamënt dl ann y dla vënta de Ellen Mair pra la mutans sot a 12 ani pra l turnoi ”Rodeo” de Maran stat ai 12 y 13 de jené. Alex Runggaldier

libertà de se mever, percheche dapò ogne moviment vegnissa registrà. No jonte auter, demò che fossa ence n arichiment de la banches. Se volede n saer de più l’é n sit internet da vijitèr e olà che poder firmèr la petizion. L sit l’é www.contantelibero. it. Ogne sotescrizion la é emportanta. No l’é na scomenzadiva con zil litèl o ideologich, ma che à a cher noscia libertà. Detelpai de me aer let. Francesco Pitscheider

Ellen Mair se l’à fata valëi pra l ”Rodeo” a Maran.

Verena Hofer à arjont na bela vënta. www.lauscdiladins.com

29


Sport

nr. 03 / 18 de jené 2013

Tobias pröm pro le Grand Prix

La prima dla Raida Ladina

L’atlet dl SC Al Plan à arjunt la devënta pro le slalom de raiun ite Steinhaus

Te Fascia àn scumencià cun la prima garejeda dla Raida Ladina y Peves Gherdëina/Schi Club Gherdëina se lascia udëi cun for plu partezipanc

Schi alpin/jogn - Les gares di atleć jogn de schi à metü man, y i ladins po indô mostrè sö de bi resultać. Insciö Tobias Kastlunger dl ASC Al Plan, che s’à plazè al pröm post tl slalom de Steinhaus, tla categoria di scolars (1999-2000), lascian a sües sciables Jonas Seiwald dl ASC Valdaura y Andreas Mairvon-graspeinten dl SSV Falzes. Ti pröms diesc ciafunse inće Aaron Planatscher dl ASC Ladinia, che à stlüt jö süa gara al 9. post. Bun s’à inće comportè les atletes tla medema categoria dles scolares, olache Emmi Frenademez dl ASC Ladinia à arjunt la medaia d’arjënt, batüda ma de 14 centejims da Hannah Gruber dl ASV SK Ahrntal. Terza é gnüda Laura Steinmair dl ASC Valdaura. Bun inće le resultat de Melanie Ploner dl ASC Al Plan, da ciafè al 7. post tla tlassifica. N secundo post ladin él inće garatè tla categoria di mituns 1997/98, olache Matteo Canins dl ASC Ladinia s’à assigurè l’arjënt, atira do Damian Hell dl ASV SK Ahrntal y dan Hugo

Peves - Per prim ulëssi me scusé che tl articul n cont dla garejeda “Getrum-Alm-Lauf ”, publicà chëst’ena passeda, me ovi desmincià de mëter l inuem dla segonda tlassificheda dl’ëiles che fossa plu avisa Giulia Tagliapietra, che à nce chëst’ena inò arjont n bel resultat.

Tobias Kastlunger dl ASC Al Plan, davagnadù dl slalom de raiun a Steinhaus.

Mittermair dl ASC Valdaura. N cuinto y n sesto post à arjunt respetivamënter dui d’atri atleć dl ASC Ladinia: Samuel Moling y Andrea Pedevilla. Raffael Erlacher dl ASC Al Plan à stlüt jö süa gara tla 8. posiziun. Degun podium n’él garatè tla medema categoria dles

mitans, mo porchël impò de bi resultać: Marie Unterthurner y Nora Planatscher dl ASC Ladinia é rovades respetivamënter al 4. y 5. plazamënt, Greta Tamers dl ASC Al Plan é gnüda sesta y Anna Costamoling dl ASC Ladinia é gnüda otava. (pablo)

Campiunac taliani de tizi sun Gralba N dumënia ai 6 de jené iel stat sun l purtoi dala lueses ”Profanter” sun Plan de Gralba i campiunac taliani de tizi. L fova l prim iede dai ani ’60 incà che i campiunac taliani ie inò ruvei te Gherdëina y chësc ie stat na bela arjonta per l sport dala lueses y per l club Lueses Gherdëina, che à giapà dala FISI la ncëria de i mëter a jì

Patrick Pigneter à chëst iede metù su l record nuef dl purtoi sun Plan de Gralba. (fotos de Jaime Venturini)

Luesa - Davia che la Talia ie, n cont de jì cun la tizi, la nazion plu sterscia, pòssen dì che l n ie ruvà sun Gralba trueps danter i miëur

atlec y atletes dl mond. Ti cialé pro coche i univa ju per l chilometer de pista ie propi stat n plajëi. Do che Patrik Pigneter ova chisc

L podest dl dopl cun Patrick Pigneter y Florian Clara sun l scialier plu aut, a man ciancia l ambolt de Sëlva Peter Mussner y a m.d. l presidënt de Lueses Gherdëina Leander Moroder

30

www.lauscdiladins.com

ani for abù problems sun chësc purtoi, àl chëst iede fat l miëur tëmp. Segondo ie ruvà Alex Gruber de Villanders (campion dl mond jëuni) y terzo Rudi Resch de Fie. Te una dla doi manche à Pigneter nce metù su l record dl purtoi cun n tëmp de 1’01”64, miuran de zirca n secunt l record che à tenì nchin śën, chël de Hannes Clara da Longiarù. Pra l’ëiles àl venciù la jëuna atleta de Passeier Evelyn Lanthaler, dan Melanie Schwarz de Latsch y Tamara Schwarz de Ulten. Tla categuria dla juniores ie ruveda prima Greta Pinggera de Laas, dan Sarah Gruber de Latzfons y Sara Bachmann de Latsch. Pra i juniores ie prim Martin Kerschbaumer de Feldthurns, segondo Simon Rungger de Latzfons y terzo Dominik Profanter de Funes. Nteressant dal pont de ududa sportif per Gherdëina iel che i atlec jëuni de Lueses Gherdëina ie ruvei terzi tla tlassifica a scuadres, do l Fie y l Passeier. La Val Badia sarà ënghe cuntënta che Florian Clara da Longiarù à venciù deberieda cun Patrik Pigneter a jì cun la tizi de doi. Do che la à scialdi butà pra la garejeda, sibe dal pont de ududa sportif che da chël dla urganisazion, iesen dla idea che n puderà nce pensé de mëter a jì ti ani che vën vel’ garejeda a livel nternaziunel, sciche garejedes de Copa dl Mond. La pista ie śën omologheda nce nternaziunalmënter (ora de na cësa dl start sciche l toca y mpue de luminazion per se alené y lauré sun purtoi nce do vëies) iela njenieda per udëi garejan lessù atlec de duta l’Europa y dl mond. (ep)

36.50, 22. Daniel Ploner 37.06, 24. Günther Nocker de Plan 37.19, 27. Günther Nocker de La Poza 37.42, 30. Thomas Piazza 38.01, 37. Markus Prinoth 38.43, 41. Enrico Perlini 38.55, 43. Mario Hofer 39.00, 50. Gregor Demetz 39.39, 54. Andreas Comploj 40.15, 68. Luciano Soppelsa 41.33, 91. Ivo Delago 43.02, 94. Elmar Perathoner 43.07, 104. Andrea Borgogno 44.11, 119. Walter Mussner 45.40, 126. Lukas Mussner 46.04, 134. Peter Perathoner 46.45, 149. Giovanni Maccaluso 47.50, 151. Günther Perathoner 47.57. Coche n possa udëi n iel for deplù de Peves Gherdëina, chëst iede fans de 27 atlec. La segonda garejeda dla Raida Ladina sarà ai 8 de fauré a Reba. La nëif che l à fat ju tl scumenciamënt dl’ena à fat a na maniera che n à mpo mo pudù mëter a jì la garejeda cun la peves da Urtijëi nchin sun Mont de Sëuc ”Pilat Val Gardena Moonlight Skitour”, n mierculdi ai 16 de jené da sëira. De chësta repurterons plu avisa chëst’ena che vën. (mp)

N mierculdi ai 9 de jené àn metù man cun la prima dla garejedes dla ”Raida Ladina” che ie ruveda chëst ann a si sesta edizion. Tlo iel de ndut cater garejedes te uniuna dla valedes ladines ntëur al Sela. Scumencià àn cun l 15. Trofeo Mario Iori, ulache n muvova da Delba sa la furnadoia Ciampac per ruvé do 3,8 km y n deslivel de 684 metri sa la hutia Tobià del Giagher. Fat pea àl bën 177 ëi y 31 ëiles. Venciù à pra l’ëiles Federica Osler che à abù 43 menuc y 9 secunc, 2. Elisabeth Benedetti 43.22, 3. Carla Iellici 43.35 y al 4. post nosta atleta Giulia Tagliapietra cun 43.44. Pona udons mo l’autra ëiles de Peves Gherdëina/Schi Club Gherdëina. 6. Tatiana Kutlikova 45.07, 10. Birgit Klammer 46.55, 11. Manuela Perathoner 47.27, 12. Catherine Senoner 47.47, 19. Julia Senoner 54.04 y 22. Ellis Kasslatter 1.05.36. Pra i ëi àl venciù Ivo Zulian cun 32.13, 2. Thomas Trettl 32.19 y 3. Philipp Götsch 32.27. Di ëi de Peves Gherdëina ie stat l plu asvelt Andreas Senoner che à nce venciù tla categuria di Over50 cun n tëmp de 35.56 y se plazan al 16. post tla tlassifica generela di ëi. Pona I doi plu asvelc de Peves Gherdëina, iel mo 20. Herbert Stuffer Giulia Tagliapietra y Andreas Senoner.

L Ponte nelle Alpi domineia al Lattebusche e Aviva Sesto e cuarto post de scuadra per l Sc.Arabba Schi alpin - Ndomënia passada su la pista “Civetta” de Alie, l é ste corëst la seconda prova del “Gran Prix Lattebusche” per la circoscrizion “Belluno Bassa”, organizada dal “Sci Club Alleghe”. N ciaroscur i atlec del Sci Club Arabba. Polito le tosate, da rivedei i tosac. Da segnalé la bona prova de Aurora Zavattarelli, seconda ntra le “Baby” e de la sorela Martina (terza ntra chële del 2004. Polito ence Valentina Savorgnani, 4° ntra le “cucciole” e Vitto Cappellini, 8° nte la clascifica general, pruma ntra chële del 2002. Sesto post de scuadra per l Sci Club Arabba. No l é mel, ma se pò fe de meio i scrif nte suo scito internet. Chisc i podi per categoria. “Cuccioli”: 1. Giuseppe Tonello (Ponte nelle Alpi); 2. Filippo De Min (Ponte nelle Alpi); 3. Federico Vaccaro (Trichiana). “Cucciole”: 1. Alessandra Socol (Val Fiorentina); 2. Matilde Olivieri (Trichiana); 3. Giorgia Esposito (Ponte nelle Alpi).

“Baby M.”: 1.Riccardo Poser (Slalom Ski); 2. Francesco Laganà (Alleghe); 3. Alessandro Bertagnolli (Nevegal). “Baby F.”: 1. Lucrezia Conte (Ponte nelle Alpi); 2. Aurora Zavattarelli (Arabba); 3. Gaia Gasperin (Slalom Ski). Ntel medemo di su la nei de Pescul l’é stada corësta la seconda prova del Trofeo Aviva, slalom strent per le categorie “allievi” e “ragazzi”. Bon resultat per l Sci Club Arabba che la s’à clascifiché cuarta a nen pont sol dal podio. Chisc i podi per categorie: ”Ragazzi F.” 1. Emma Benini (Ponte nelle Alpi); 2. Rebecca Bristot (Nevegal); 3. Zoe Fattorel (Ponte nelle Alpi). “Ragazzi M.” 1.Giacomo Dalmasso (Ski College); 2. Nicolò Bez (Ponte nelle Alpi); 3. Federico Fontanelle (Ponte nelle Alpi). Allievi F. 1. Sara Del Zenero (Alleghe); 2. Lucia Dalmasso (Ski College); 3. Nicole Petri (Ski College). Allievi M. 1. Riccardo Bosio (Ponte nelle Alpi); 2. Davide Dalto (Valzoldana); 3. Pietro Canzio (Ski College).


Sport

nr. 03 / 18 de jené 2013

Döt apost por Pigneter y Clara

Manfred cuarto, Manfred terzo

Inće a Moos te Passeier à Patrick Pigneter y Florian Clara metü a saul la devënta, tla secunda gara de copa dl monn de liösa sön pista naturala. Mo Pigneter mëss en chësc iade dè jö le sceter tl singul

L’atlet marô Manfred Mölgg desmostra n iade implü che al moscëda les chertes inće dancà tles tlassifiches, y che süa cualificaziun pro i campionać dl monn é plü co iustificada

Concorënza tl singul

Le vizepresidënt dla FIL - la federaziun internazionala dl sport dla liösa - Alfred Jud premiëia i pröms trëi teams pro la gara dl dopl. (Foto: FIL/Sobe)

Liösa - Cun la secunda devënta sön döes gares, à Patrick Pigneter y Florian Clara arjunt so 22ejim suzes tles gares de copa dl monn de liösa sön pista naturala. Scenar dles gares dla fin dl’edema passada ê la pista da Moos te Passeier. La tlassifica finala é tl dopl romagnüda la medema co pro la pröma gara. Pigneter y Clara s’à assigurè la secunda devënta de chësta sajun, cun n vantaje de passa mez secunt sön i austriacs Christian y Andreas Schopf, y püch plü co n secunt sön

i rusci Pavel Porshnev y Ivan Lazarev. Setimo plazamënt por Hannes Clara y Stefan Gruber. Chësc le comentar de Pigneter: ”Al momënt vara saurida tl dopl y i ne messun gnanca atachè, mo i podun se impormëte da garejé sön na ligna nëta. En previjiun di campionać dl monn podarà i rusci indere dessigü recuperè”. Inće i austriacs Schopf y Schopf laora dassënn por abiné i dui südtiroleji: ”I sun stersc tl će”, dij Christian Schopf.

Mudè s’à en pert la tlassifica tles gares dl singul, olache Patrick Pigneter à messü ti lascè en chësc iade le pröm post al austriach Thomas Kammerlander. Chësc à metü sö le miù tëmp te intrames les manche, deperpo che Pigneter ê tla pröma pert dla gara ma cuarto, mo à spo impò ćiamò podü recuperè döes posiziuns. Sciöche Pigneter à dit, àl ćina ćiamò n valgönes dificoltês cun l’asset dl material, mo chësc ne i tol nia la convinziun: ”I sa che i po ester cotan plü asvelt. Ćiamò ne sai nia avisa olache ara fala, an mëss ma fà la dërta mudaziun.” Le terzo post s’à partì l’atlet da Lungiarü Hannes Clara y l’austriach Michael Scheikl. Clara à insciö arjunt so secundo brom dla sajun. Pro le singul dles ëres n’é la russa Ekatharina Lavrentjeva nia stada da bate, inće sce le vantaje dala secunda - la südtiroleja Evelin Lanthaler - n’ê nia tan gran, ma 14 centejims. Terza é gnüda l’atra südtiroleja Melanie Schwarz, che à salvè le brom de ma 3 centejims sön süa compagna de scuadra Greta Pinggera. (pablo)

Pinocchio - les cualificaziuns Atleć ladins jogn à arjunt de bi resultać pro les gares de cualificaziun al trofê Pinocchio Schi alpin - La gara de slalom lerch é gnüda tignida sön la pista ”Rinneralm 1” a Racins, y ara varô sciöche cualificaziun al trofê nazional ”Pinocchio”. Al start êl atleć de döta la provinzia, y i jonins ladins s’à comportè plü co bun. Tla categoria di scolars à davagné Filippo Collini dl SC Gherdëina, dan Tobias Kastlunger dl ASC Al Plan. Terzo s’à tlassifiché Francesco Gatto dl RG Wipptal ASV. Ti pröms diesc ciafunse ćiamò Mattia Davare

dl ASC Ladinia al 7. post y Mattia Cason dl SC Gherdëina al 9. Tla categoria dles scolares n’él garatè degun plazamënt da podium, mo tles prömes diesc ciafunse al otavo y nono plazamënt Sofia Kerschbaumer y Lucia Bellapianta, intrames dl SC Gherdëina, sciöche inće Melanie Ploner dl ASC Al Plan al diejim post. N podium él indere garatè tla categoria di Zöglinge, olache Samuel Moling dl ASC Ladinia à arjunt le 3. post, batü ma da Tobias Prossliner

dl ASC Ćiastel y Hugo Mittermair dl ASC Valdaura. Dui compagns dl ASC Ladinia s’à plazè ai pîsc dl podium: Andrea Pedevilla al 4. post y Matteo Canins al cuinto. Ala fin ćiamò na vidlada ala medema categoria dles mitans, olache les gherdënes à fat polito so laûr, dancà cun la devënta de Giulia Demetz dl SC Gherdëina. Tles prömes diesc s’à inće plazè les döes compagnes de scuadra Carmen Hofer (4.) y Marie Mahlknecht (9.)

Cuarto post a Alleghe Tla terza gara Triveneta Free de jadiné, à Lucia Pizzinini da La Ila arjunt n bel resultat Jadiné - Öna o l’atra atleta dl Ice Club Alta Badia garejëia plü o manco vigni fin dl’edema, te gares desvalies. Dai 4 ai 6 de jenà é n valgönes mitans jüdes a Alleghe por tó pert ala terza gara Triveneta Free. A chëstes gares tol pert atletes de döt le Trivenet. Ai 4 de jenà à portè dant so balet la jona Jasmine Zoos, tla categoria ”Propaganda”, na categoria nia competitiva y nia agonistica. En domënia ai 6 à spo l’Ice Club Alta Badia podü presentè d’atres atletes söla dlacia. Tla categoria ”Esordiëntes A” s’à Lucia Pizzinini da La Ila desmostrè dër bona. Ara à arjunt n bel cuarto post, por la gran sodesfaziun de döt le Club. Tla medema categoria à inće garejé Viktoria Frenademez, sedescejima, y atira do Giulia Longhi. Tla categoria ”Prinzipiantes A”, olache les atletes é bele plü

granes y à inće plü esperiënza, él stè Greta Lerchner che à arjunt la sedescejima posiziun. Dötes les atletes, anfat te ći categoria che ares garejëia, é tres sostignides y

daidades dales döes alenadësses dl Ice Club Alta Badia, Linda Mariotti y Valentina Lacedelli, che i stà do ales mitans da chësc isté incà. (valentina obojes)

Les alenadësses Linda Mariotti y Valentina Lacedelli cun Giulia Longhi, Lucia Pizzinini y Viktoria Frenademez.

Le podium dl slalom a Adelboden: dmc Mario Matt (2.), Marcel Hirscher (1.) y Manfred Mölgg (3.). (Foto: Pentaphoto.it)

Schi alpin - Ted Ligety y Marcel Hirscher: chisc é i dui davagnadus dles gares de Adelboden, respetivamënter tl gigant y tl slalom strënt. Mo inće la scuadra azzurra à fat süa pert, suradöt l’atlet marô Manfred Mölgg, che à podü se condü a ćiasa dui resultać de prestisc, le cuarto post tl gigant y le terzo tl slalom, tignon cunt che pro les portes strëntes él por öna na manche stè le plü asvelt de düć. Les gares de Adelboden à metü man la sabeda danter les portes leries. Trëi ê i azzurri tlassificà por la secunda manche. Manfred Mölgg ê do mesa la gara da ciafè al 12. post, tardì de 1.95 secunć sön l’austriach Marcel Hirscher. Cun le 19. post de Massimiliano Blardone y le 28. de Florian Eisath, podô ćiamò dui atleć dla nazionala taliana s’la śoghé fora tla secunda pert dla gara, y düć é stà bugn da miorè süa posiziun. Metun man cun Eisath, che à stlüt jö la gara al 18. post final, recuperan bëgn 10 posiziuns. Inće Simoncelli é stè bun da fà n salt de 9 plazamënć y s’à ala fin tlassifiché diejimo. N gran salt à fat inće Mölgg, che s’à proietè de 8 posiziuns ćina al 4. plazamënt, ai pîsc dl podium. Hirscher à indere pozerè la secunda manche y é tomè zoruch al 16. post. Davagnada se l’à l’american Ted Ligety, che s’à insciö metü a saul la cuarta devënta te cin’ gares de gigant. Le secundo y terzo post i é jü en chësc iade respetivamënter ai dui todësc Fritz Dopfer y Felix Neureuther.

le scalin plü alt dl podium, la devënta. Mario Matt à inće fat so laûr, y é stè bun da salvè la secunda posiziun, tardì de 30 centejims sön so compagn de scuadra. Manfred Mölgg é pié ia cun döta l’intenziun da davagné. Do le pröm intertëmp ê so vantaje sön Hirscher ćiamò de 49 centejims. Sciöche Manfred à comentè do la gara, él stè val’ dificoltè tla secunda pert dl percurs che ti à ala fin costè cotan de tëmp, insciö che le marô à stlüt jö al terzo post final, n resultat che dà impò gran sodesfaziun y lascia süa merscia de motivaziun por les gares che à da gnì. Cun le setimo plazamënt do la pröma manche podô inće le fascian Cristian Deville ćiamò sperè te na posiziun da podium, mo n fal tla secunda manche ti à costè la gara. L’ater fascian Stefano Gross n’é en chësc iade por gauja de deplü fai nia stè bun da se cualifiché por la secunda manche.

N edl a Schladming I pinsiers di atleć pòl ester assà che s’archites intres plü gonot sön i campionać dl monn de Schladming, söl program de forà. Manfred Mölgg à la cualificaziun bele te gofa, y sarà porchël da odëi sides tl gigant che danter les portes strëntes. Che la dezijiun é la dërta àl desmostrè inće a Adelboden. Al apel saràl inće i fasciagn Gross y Deville, che darà man sterscia por condü a ćiasa medaies tl slalom. (pablo)

Brom ladin Pro le slalom dla domënia à Mölgg podü ćiarćé la saù dla devënta, almanco por na manche. Do la pröma pert dla gara êl a će dla tlassifica, cun 5 centejims de vantaje sön l’austriach Mario Matt y 46 centejims sön le todësch Felix Neureuther. Le gran concorënt Marcel Hirscher ê otavo, tardì de 87 centejims. L’austriach à indere tla secunda manche trat fora de gofa döta süa gran tlassa, y desmostrè da ester fisicamënter y mentalmënter al cënt. Le jonn dl 1989 à metü sö le miù tëmp de manche y é stè le su che à stlüt jö la secunda pert sot i 56 secunć. Chësc à orü dì n gran salt ćina sön

Esultanza por Manfred, indô n bel gran resultat. (Foto: Pentaphoto.it) www.lauscdiladins.com

31


Sport

nr. 03 / 18 de jené 2013

N’ena da desmincë

Bate la pruma per scluje ju bon

Chësc vel per belau duta la scuadres di jëuni, mé la Under 20 à venciù. Śën vàla de cialé inant y de vëncer la proscima partides

L Cortina scluj ju la sajon regulara con na venta importanta y s’enjigna al Relegation Round

Hockey/Jëuni - L turnoi dla Under 8 tl stadio tla Sill a Bulsan ie unì spustà, davia che do l dann fat dala gran smueia, ie l stadio permò inò unì giaurì n lunesc. N dumënia ai 20 de jené arà i mutons dla Under 8 si turnoi n cësa tl stadio Pranives te Sëlva dala 10 danmesdì. Unide duc a cialé y a fé tifo per chisc pitli jugadëures! U12 Sterzing W - Gherdëina 4:0 (0:0, 1:0, 3:0) I mutons dl Gherdëina à jugà n sada ai 12 de jené a Sterzing y a pensé che l n manciova cater di majeri jugadëures ne ài nia jugà tan mel y à nce tenì pea n pez, ma ala fin ai mpo mo messù ti la zeder contra la bona scuadra dl Sterzing per 0:4. U16 Sterzing - Gherdëina 6:0 (1:0, 4:0, 1:0) U16 Gherdëina - Puster 1:6

(0:1, 0:5, 1:0) Doi partides pierses chëst’ena per la Under 16. N mierculdi ai 9 de jené ova la scuadra dla Under 16 na partida contra l Sterzing, jugan n bon prim tëmp, ma à pona fat massa fai tl segondo tëmp, ulache i se à giapà bën 4 goi. Nsci ài purtruep perdù per 0:6. N mierculdi n cësa contra la scuadra dl Puster ne fòvel po’ ënghe nia da nfé, n bur’ juech, sciblà propi melamënter dai arbitradëures y la scuadra dl Gherdëina se l’à durmida via defin tl segondo tëmp. Per l Gherdëina à Damian Bergmeister fat l gol. U18 Neumarkt - Gherdëina 7:0 (3:0, 2:0, 2:0) Do na lingia de de bela partides venciudes dal Gherdëina à i mutons dla Under 18 purtruep perdù sëch n la ultima dumënia contra la bona scuadra de

Neumarkt. Trueps di mutons fova nce stanc pervia dla partides dl di dant, ulache tan che duc à fat pea o pra la U20 o pra la U16. Inant jiràla per la Under 18 n dumënia ai 20 de jené, ulache la jugherà dala 17.30 tl stadio Pranives contra la scuadra dl Puster. U20 Milano - Gherdëina 1:6 (0:1, 1:2, 0:3) La sëula scuadra che à venciù chëst’ena ie la Under 20, che à fat n sada na bela partida contra l Milan. Partida dumineda dal prim mumënt dal Gherdëina contra na scuadra plutosc dëibla. Per l Gherdëina à fat i goi: Gabriel Vinatzer (2), Gabriel Senoner (2), Cesare Sottsass y Fulvio Romano de Fascia. La Under 20 fajerà inò duman sada, dala 18.00 n cësa contra la scuadra dl Cortina. (im)

La scuadra Under 20 dl HC Gherdëina ulache l fej pea nce jugadëures dl Fascia: (dancà da m.c.) Samuel Bergmeister, Oliver Schenk, Patrick Kelder, Giancarlo Kostner, l trainadëur Erwin Kostner, Martin Bergmeister, Fabian Costa, Simon Vinatzer, Aron Pitschieler, (segonda rissa da m.c.) l acumpaniadëur Roberto Paolinetti, Fulvio Romano, Sebastian Canins, Christian Mussner, Gabriel Senoner, Ivan Werdaner, Rudi Holzknecht, Patrick Major, l acumpaniadëur Roland Senoner, (dovia da m.c.) Daniel Liberatore, Loris Vanzetta, Matteo Dantone, Mark Trottner. (L mancia sun la fotografia Davide Holzknecht, Jan Marc Moling, Christian Thaler, Gianni Scola, Damiano Casagrande, Gabriele Vieider y Gabriel Vinatzer). (foto de Matthäus Kostner)

La Val de Puster scluj ju la sajon regolara al prum post, ma é vegnuda batuda dal Cortina tla ultima gara. Al secundo post se à plazé l Bulsan y al terzo él l Ritten. L Alleghe é ruvé cuarto dapò avei perdù a Cianacei. L Asiago à batù l Pontebba. Chisc é stés i resultac dles ultimes partides dla sajon regulara de hockey, na sajon scluta ju dret bon dal Cortina che à batù la pruma dla classifica per 5 a 2. Truepes fova les assenzes sun la glacia en juebia seira via en Ampez. Tl Cortina à debuté David Bowman, ma Beddoes à messù lascé a ciasa Derek Edwardson, Christian Menardi y Matt Siddal. La partida é steda puech interessanta tl scomenciament, con pueces oportunités da trames does les pertes. Ma l Cortina s’à bele atira desmostré plu agressif y propositif. L vantaje ampezan é ruvé tres la steca de Luca Felicetti tla frazion mesana, al menut 26. Asvelta é steda la reazion di loufs che à arjont la parité con Lukas Crepaz y spo l vantaje con Joe Jensen. Ma tl terzo drittel él l Cortina che à metù man de druché. La parité ampezana é ruveda tres la steca de Gron. I ampezans à spo sfruté l’inerzia di aversars con De

Bettin che à porté l resultat sun l 3 a 2. La Val de Puster à messù i zede al Cortina ence l 4 a 2 de Francesco Adami. La partida se à spo sclut ju con na trata a porta vueta, de Ryan Dingle. Con trei ponc à l Cortina pudù scluje ju l campionat con l cef aut.

L calender dla seconda fasa: Master y Relegation Round Ala s’à sclut ju en juebia seira la pruma fasa dl Campionat Talian numer 79 de hockey de seria A. Al é vegnù jughé 36 jornedes de gara. Inier, juebia ai 17 de fauré é metuda man la seconda fasa, con la classifica despartida su te doi grups. Les prumes cinch scuadres se jugarà fora l Master Round, les ultimes cinch l Relegation Round. L Cortina che à sclut ju l campionat al terzultim post mess sen se jughé fora l Relegation Round. Chilò é la scuadra ampezana al terzo post, viadò Asiago y Milan y dan Fascia y Pontebba. L Cortina à jughé la pruma partida enseira contra la Val de Fascia sun la glacia de ciasa y jugarà en doman, sabeda, contra l Asiago. (Comunicac stampa dla LIHG/kp)

L capitan dl Cortina Giorgio De Bettin. (Foto: Max Pattis)

Michele Marchetti à segnà per n Fascia venjidor Te l’ùltima partida del campionat, l Val de Fascia Ferrarini à vent contra l’Alleghe de la regular season del campionat maor de hockey talian, jièda en jebia ai 10 de jené al Gianmario Scola de Dèlba. La partida contra l’Alleghe la se met ben per l Val de Fascia Ferrarini jà dal scomenz, con n prum temp dut di patrons de cèsa che segna dò diesc seconc dal scomenz con Ryan O’Marra, al 8° menut con Michele Marchetti e al 13° menut con Jacub Sindel. L’é n Fascia fort e n Alleghe mìngol schiet, soraldut per l fat che te gabia no l’à La grinta de Michele Marchetti dò aer Adam Dennis, a cèsa per segnà. (foto Doriano Brunel) se pussèr per la Copa Tèlia. Hockey serie A - L Fascia venc Coscita i fascegn sera sù l prum e l pìcol (demò su la chèrta) di drittel sul 3 a 0. Marchetti, l segna amò doi rei. Drezé bel delvers da l’alenador Chest l’é l bilanz de l’ùltima partida Tom Pokel, chi de l’Alleghe ciapa

32

www.lauscdiladins.com

endò gaissa tel secondo temp e, dò l tentatif falà dal fascian Castlunger, che no l rua a segnèr, l’Alie se fèsc inant e te vint menuc l segna 2 goi portan la partida sul 3 a 2. Ma l terzo temp veit endò n Fascia catif e fort, e dò n’autra rei di aversaries l respon endò con trei gregn goi segné da Sindel, O’Marra e Marchetti. Na bela venta chesta per l Val de Fascia Ferrarini che, dò la paussa per la Copa Tèlia, l’à endò tacà con gaissa. Proprio ansera, en jebia ai 17, l’é stat jià la pruma partida de la neva fasa del campionat, tant per la squadres del Master Round (Busan, Valpellice, Renon, Alleghe e Valpusteria) che per cheles del Relegation Round (Asiago, Milan, Cortina, Fascia e Pontebba). L Val de Fascia Ferrarini se à scontrà contra l Cortina vin Ampez e te

cèsa l jiarà enveze doman, sabeda ai 19, contra l Milan. (vr) Fascia vs. Alleghe 6 – 3 Classifica dò la 36^ giornèda: Valpusteria 78 ponts Bolzano 76 ponts Renon 71 ponts Alleghe 67 ponts Valpellice 62 ponts Asiago 57 ponts Milano 46 ponts Cortina 43 ponts Fascia 27 ponts Pontebba 13 ponts

Resultac squadres mendres L’Under 18 à jià en domenia ai 13 de jené contra la HC Perjen e l’à perdù per 7 a 0. L’Under 14 à jià en domenia ai

13 a Pinzolo contra l’HC Val Rendena e l’à vent per 8 a 2. I goi é stac segné da Leonardo Felicetti, Nicola Defrancesco (2 goi), Andrea Ploner, Stephan Deluca (2 goi), Davide Rasom e Nikolas Zanoner. L’Under 12 à jià ta Dèlba contra l’HC Cornacci en sabeda ai 12 de jené. L resultat l’é stat de 9 a 1 per i fascegn e a segnèr l’é stat: Gioele Rosa (5 goi), Alfeo Deluca, Riccardo Stoffie, Patrick Parmesani e Francesco Giuliani. L’Under 8, en domenia ai 13 te stadie de la giacia de Tieser l’à tout pèrt al 2° Tornoi a 5 squadres Under 8 anter la formazions de l’HC Cornacci, HC Fiem, HC Piné, HC Perjen e SHC Fascia. Ajache l’é na atività promozionèla no vegn tegnù cont del resultat e chest ence perché i pìcoi atlec i vegn mescedé con si compagnes a na vida che vegne fora squadra mistes.


Sport

nr. 03 / 18 de jené 2013

Confermes y revelaziuns tl schialpinism Lois Craffonara desmostra inće chësc ann de ester en gran forma, sciöche inće i atleć jogn de Badiasport

Podest dopl por Lois Craffonara de Badiasport (a man dërta). Sön le retrat cun Alessandro Follador.

Schialpinism - L’edema da denant é stada rica de emoziuns y sodesfaziuns por i atleć de Badiasport, pro bëgn trëi apuntamënć de schialpinism nia da perde: pro la pröma gara dla Raida Ladina a Delba de Ćianacëi en mercui ai 9 de jenà, y pro les döes gares de copa dl monn a Weißenbach te Ahrntal ai 12 y ai 13 de jenà, pro chëres ch’al röia adalerch i mius atleć de schialpinism dl monn.

”Vertical“ a Weißenbach Le pröm apuntamënt de copa dl monn a Weißenbach é na gara verticala cun n percurs de 4,9 km da jì sö pert cun 640 m de deslivel. Do 1,2 km de plan mëss i atleć afrontè n ërt de 3 km che condüj da 1440 a 1960 m de altëza, denant co rové al travert do n ultim plan a 2020 m. Danter i 145 atleć, cun

laprò i mius dl monn de schialpinism sciöche Kilian Jornet Burgada (ESP), William Bon Mardion (FRA), Manfred Reichegger (ITA), Laetitia Roux (FRA), Maude Mathys (SUI) y Gloriana Pellissier (ITA), êl inće i dui atleć de Badia Lois Craffonara y David Frena. Intrami s’à concuisté te sües categories le podest: por un n secunt é David rové al secundo post tla categoria junior y Lois s’à concuisté le terzo post cun le tëmp de 34:41 do da Follador 34:25 y Zulian 34:40. Danter i profescionisć é Kilian Jornet Burgada (31:45) y Laetitia Roux (38:49) stà i plü asvelć.

Secundo apuntamënt a Weißenbach La gara prinzipala a Weißenbach é spo stada le dé do, la domënia ai 13 de jenà, pro chëra che 8 atleć de Badiasport à tut pert. Ai s’à mosoré tla categoria amaturs paralelamënter

cun i mius atleć de schialpinism dl monn. Le percurs é chësc iade stè plü lunch, de indöt 14 km, cun 1635 m de deslivel söpert y 1635 m de deslivel jöpert. Do da 1:42:50 é le franzesc Bon Mardion rové sciöche pröm al travert. Tl tëmp de 2:00:31 à spo Lois Craffonara arjunt le travert desmostran na gran forma atletica: cun chësc tëmp él stè le terzo miù de düć i südtirolesc (Südtirol Cup) y le cuinto miù de süa categoria, do da Beccari 1:53:52, Follador 1:54:00, De Simone 1:58:53 y Innerhofer 1:59:50. Irsara Andreas s’à concuisté le nono post pro le Südtirol Cup cun le tëmp de 2:13:30 y tosc dedo é spo rovà Jan Paul Adang (2:24:44), Mike Trebo (2:30:44), René Irsara (2:32:57), Michael Irsara (2:39:09) y Markus Willeit. Por la categoria junior êl n percurs plü cört, cun 850 m de deslivel, che Melanie Ploner , atleta jona y revelaziun de chësc ann, adöm a Valentina Clara, à dominé cun de bugn resultać: Melanie à stlüt jö la gara cun le tëmp de 1:48:04 y Valentina cun 2:15:25.

David Frena tratan le Vertical a Weißenbach.

adöm cun Valentina Clara (1:11:55), concuisté le podium bëgn dui iadi tla medema edema. Le miù tëmp di ëi de Badiasport à Martin Kostner (38:53) portè a ćiasa y chël dles ëres Flurina Comploj (46:02). I proscimi a rové al travert é spo stà René Irsara (39:53), Günther Frena

(41:44), Jakob Valentin (42:13), Michael Irsara (42:20), Nikolas Irsara (42:33), Michael Tavella (43:19), Michal Matejka (47:52), Giuseppe Piccolruaz (50:30), Veronika Pedevilla (50:33) y Christian Valentini (57:21). (Badiasport)

Pröma gara dla Raida Ladina En mercui sëra dales 20:00 é pià ia al start dla 15ejima ediziun dl Trofeo Mario Iori indöt 293 amaturs de schialpinism. La pröma dles cater gares dla Raida Ladina à desmostrè na gran partezipaziun inće da pert de Badiasport, cun bëgn 14 atleć. Sön le percurs da jì sö de 3,8 km cun 684 m de deslivel é Zulian stè le plü asvelt di ëi cun n tëmp de 32:13 y Osler la plü asvelta dles ëres cun 43:09. Melanie Ploner é stada la plü asvelta dles junior (53:01) y à insciö inće ëra,

Valentina Clara y Melanie Ploner.

I pici atleć mët man alaingrana Tla ultima fin dl’edema à i pici atleć de schi garejé n slalom strënt y n slalom lerch cun deplü resultać da podium por i atleć dla Val Badia la domënia denant. N podium él garatè tla categoria di mituns (2001/02), olache Manuel Ploner dl ASC Ladinia s’à plazè al 2. post, batü ma da Moritz Happacher dl ASC Drei Zinnen. Tla medema categoria alzunse inće fora le setimo plazamënt dl compagn de scuadra Gabriel Seppi. N arjënt mirité él inće garatè tla categoria baby dles mitans (2003-2004), olache Valentina Tolpeit Valentina Tolpeit s’à assigurè dui secundi dl ASC Al Plan s’à posć a Tasten y ta Furćia. (Foto: sciclubsanvigilio.com) assigurè le bel resultat, ales sciables de Johanna Schi jogn - I mëndri dl schi Taschler dl SSV Pichl Gsies. Da alpinn à albü tla fin dl’edema recordè ti pröms diesc él inće le passada da garejé te döes gares cuarto plazamënt de Desiree varëntes por la Copa di Mituns Dapoz dl ASC Ladinia. Tla VSS. Le bilanz döt adöm é de trëi categoria baby di mituns n’él garatè secundi posć por atleć dl ASC degun podium. Davagné à chilò Ladinia y dui secundi posć por le Hannes Schranzhofer dl SSV Pichl Gsies ASV. N resultat ti top ten à ASC Al Plan. condüt a ćiasa Dylan Irsara dl ASC La sabeda ai 12 de jenà, él gnü Ladinia cun n sesto plazamënt. recuperè a Tasten na gara de Pro la categoria dles mitans slalom strënt, che ê gnüda sburlada (2001/02) él da alzè fora cater

plazamënć tles prömes diesc por les atletes dl ASC Ladinia: Alexandra Pezzei 4. post, Vicky Bernardi 8., Marie Bernardi 9. y Chiara Videsott 10. Le dé do garejâ mitans y mituns te na gara de slalom lerch sön la pista ”Pré da Peres” te Mareo. Inće sce le tëmp n’ê nia le miù, s’à i pici schiadus indô porvè dassënn da arjunje de bi resultać, y sciöche an po odëi, ti é chësc inće garatè. Tla categoria baby di mituns (2003/04) à Dylan Irsara dl ASC Ladinia arjunt le secundo scalin dl podium, tardì de 15 centejims sön Raffael Hopfgartner dl ASV Tasten. N secundo arjënt él garatè - sciöche le dé denant - cun Valentina Tolpeit dl ASC Al Plan, tla medema categoria dles mitans. Davagnadëssa é indô stada Johanna Taschler dl SSV Pichl Gsies ASV. Tla medema categoria alzunse inće fora le 7. post arjunt da Desiree Dapoz dl ASC Ladinia. Tla categoria di maius mituns (2001/02) à Manuel Ploner dl ASC Ladinia mostrè costanza, arjunjan inće danter les portes leries n bel 2. plazamënt. Sön le scalin plü alt

Manuel Ploner y Dylan Irsara dl ASC Ladinia é gnüs secundi. Manuel te intrames les gares, Dylan tla gara sön Pré da Peres.

é rové sciöche le dé denant Moritz Happacher dl ASC Drei Zinnen. Degun podium ne ciafunse pro les mitans di agn 2001 - 2002, olache Annalena Hell dl ASV SK Ahrntal à lascè zoruch dötes sües concorëntes. Por l’ASC Ladinia él garatè n 4. post cun Chiara Videsott (ala per cun Michaela Schnarf dl ASC Valdaura), n 8.

post cun Ellen Pedevilla y n 10. post cun Vicky Bernardi. Por le ASC Ladinia pòn inće alzè fora che te intrames les gares àl arjunt le secundo plazamënt de scuadra . Cun n te’ bun scomenciamënt dles gares él da sperè che la sajun pois jì inant insciö, y che i pici atleć pois ćiamò se la fà avarëi inant. (pablo) www.lauscdiladins.com

33


Sport

nr. 03 / 18 de jené 2013

Ivo Zulian venc l 15° Trofeo Mario Iori I Bogn da Nia taca a festejèr Su la pista del bosch che da Dèlba rua fin sun Ciampac l’é tacà ence la garejèdes de la Raida Ladina con la pruma proa endrezèda da Bela Ladinia

La familia Deluca-Iori, Armando, Paola e Mario.

Schi alpinism - Per l sesto an de seghit, ence te chest 2013 l’é tacà via la Raida Ladina, l campionat ladin de schi da mont che perveit cater garejèdes ogneuna te na valèda ladina. A pontèr via l’é stat Fascia col 15° Trofeo Mario Iori, na garejèda de net endrezèda da Bela Ladinia, dal Refuge Tobià del Giagher e che ponta via da Dèlba per ruèr enscin sun Ciampac, ló da Mario Cruf. Trei chilometres e 800 metres de gara per presciapech 700 metres de dislivel A se dèr batalia sun chi erc en mercol ai 9 de jené i era proprio de en muie: 248 en dut, che i à ence passà via toc de strèda del bosch dassen bon giacé, tant da stèr ascorc percheche l’era pericol de sluzièr. Aboncont duc i concorenc ponté via i é rué sun Ciampac e n’outa pussé i à ciapà da magnèr e dò la premiazions valgugn de ic se à portà a cèsa ence de bie pesć sporc da la firma de guant Brunel e da la familia Deluca-Iori titolèra de la utia Tobià del Giagher. L trofeo Mario Iori l’é tel zircuit Dolomiti Sottolestelle e ence tel Prowinter Skitouring 2013, na

I miores assoluc de la desvaliva categorìes

34

www.lauscdiladins.com

I più e i “manco” joegn del Trofeo.

lingia de garejèdes leèdes a la Prowinter, la fiera de Busan. A l t r av e r t , ap e d e a i cronometrisć, l’era l prejentador John John che à compagnà con gaissa duc i coridores, dal prum a l’ùltim, e a la fin Sara e Tiziano de Bela Ladinia à fat fèr mìngol de grignèdes ence endèna la premiazions. Dant de tachèr via coi inomes l’é stat rengrazià duc i sponsor, la Crousc Biencia e l’Aiut Alpin de la Val de Sora, la sozietà de impianc portamont de Ciampac, i cronometrisć de la Federazion, Giovanni Ghirardini per la classifiches e amò n gran batiman l’é stat fat per la familia Deluca–Iori con Mario, Paola e Armando, che chest an i à festejà chi 15 egn ensema ai pascioné de schi alpinism. En cont de resultac, l mior en assolut a ruèr sun Ciampac l’é stat l fascian Ivo Zulian da Soraga, di Bogn da Nia, che ge à metù demò 32 menuc e 13 seconc. Pec seconc dò l’é ruà Thomas Trettel de la Cauriol (32’19”) e Philip Götsch di Bogn da Nia (32’27”) Anter la eles a venjer l’é stat Federica Osler de l’Arcobaleno col temp de 43’.09”. Al secondo post

L podie de eles e de ic.

I atlec Ivo Zulian e Urban Zemmer se à metù al luster te la Mountain Attack de Saalbach, venjan respetivamenter la Tour e la Vertical

l’é ruà Elisabeth Benedetti de la Cauriol (43’22”) e dapò la ladina da Moena Carla Iellici di Bogn da Nia (43’35”). Te la classifica junior a ruèr prumes l’é stat l fascian Giovanni Lastei di Bogn da Nia e Melanie Ploner de Badia Sport. Anter i “over” enveze l suzess l’é stat de la fascèna Silvana Iori de Bela Ladinia e Andreas Senoner de Peves Gherdëina. Desche ogne an, Bela Ladina e la familia Deluca-Iori i à premià ence i “più” e i “manco” joegn del trofeo. I più joegn l’era Enrico Loss del 1997 de la sozietà I Piazaroi e Melanie Ploner e Valentina Clara, duta does del 1998, de Badia Sport. Anter i “manco” joegn enveze l pest l’é jit a doi fascegn Fernanda Micheluzzi del 1950 e Tullio Deluca del 1942, duc doi de Bela Ladina. Dant de serèr sù con la loterìa, l president de Bela Ladinia Mauro Sommavilla l’à rengrazià duc chi che à tout pèrt a la garejèda e duc chi che à dat na man e l’à recordà che per la Raida ladina l’apuntament che vegn l sarà vin Rèba ai 8 de firé. (vr)

Schi alpinism - Doi atlec di Bogn da Nia de Fascia, Ivo Zulian e Urban Zemmer, l’é i venjidores de la edizion 2013 de la Mountain Attack de Saalbach, forin Austria. Te la competizion de schi alpinism de gran nonzech, che chest an à festejà si 15° cedean, Ivo se à vadagnà l prum post te la Tour e Urban te la Vertical, enveze la Marathon é stata venta da l’austriach Christian Hoffmann. La competizion, nasciuda ai 11 de jené del 1998 l’é doventà una de la garejèdes più de valuta de chesta disciplina, a chela che à tout pèrt 800 concorenc da 12 nazions desvalives. La Mountain Attack sporc trei percorsc, Marathon, 40 km. e passa 3.000 de dislivel, Tour, 25 km. e 2035 de dislivel e Schattberg Race, dita ence Vertical, olache se va demò en su, con n dislivel de passa 1.000 m. L record de la garejèda più longia l’é de Guido Giacomelli che del 2006 l’à fat fermèr l cronometer a 2.27.36, enveze l venjidor de la ùltimes doi edizions l’é stat Kilian Jornet Burgada. L’é tropes inomes taliegn te la classifiches de chesta garejèda, da Omar Oprandi, che à vent la pruma edizion a Fabio Meraldi, Luciano Fontana e Mirco Mezzanotte. L’an passà la Marathon de eles é stata venta da l’austriaca Michaela Essl, enveze la Tour à vedù ruèr sul podie Mireia Mirò Varela e Ivo Zulian. L’ùltim venjidor de la Schattberg Race l’é stat Urban Zemmer. Festa grana donca per i doi atlec di Bogn da Nia che se à confermà da nef, venjan ence la edizion de chest an ti doi percorsc desvalives. L’é da uzèr fora la valuta de Ivo che sul Tour, l percors con passa 2000 m. de dislivel, se à fat valer per la seconda outa de séghit e la potenza de Urban, bon de fèr scriver per trei outes de séghit sie inom te l’albo de òr de na Vertical che duc recognosc desche una de la più zaches, empegnatives e de nonzech de dut l mond. Semper di Bogn da Nia vegn recordà ence l’inom de Pinamonti, ruà al terzo post de la Vertical. Ma la forza de Zulian no se ferma chiò e en sabeda ai 12, pecia ores dò aer fenì e vent la Mountain Attack, l’era ja vertech per tor pèrt

a la “Ski Alp Race Ahrntal Vertical Race 2013” proprio te Val Aurina olache l’é ruà secondo te la classifica FISI, dant da Alessandro Follador e dant dal badiot Lois Craffonara. De bie complimenc donca a chisc atlec de valuta, con l’augure che i posse seghitèr a chesta vida. (cri.m)

Classifiches Marathon de ic 1. Christian Hoffmann 2h 35’18”, 2. Tadei Pivk 2h 39’37”, 3. Konrad Lex 2h 40’04”. Marathon de eles 1. Rosmarie Pötzelsberge 3h 53’40”, 2. Magdalena Gehwolf 3h 57’56”, 3. Christina Pracher 4h 01’28”. Tour de ic 1. Ivo Zulian 1h 51’32”, 2. Silviu Manean 1h 52’32” , 3. Bernhard Bauer 1h 53’43”. Tour de eles 1. Marita Kröhn 2h 25’52”, 2. Carina Lütt 2h 29’14”, 3. Angelika Allmann 2h 31’33”. Schattberg Race (Vertical) de ic 1. Urban Zemmer 41’23”, 2. Matjaz Miklosa 44’39”, 3. Guido Pinamonti 44’59” Schattberg Race (Vertical) de eles 1. Ina Forchthamm 58’00”, 2. Bernadette Deisenberge 1h 03’22”, 3. Karin Heimhofer 1h 10’ 32”

Ivo Zulian e Urban Zemmer (foto de sora) à vent Tour e Vertical a la Mountain Attack.


Sport

nr. 03 / 18 de jené 2013

Elisa Kasslatter for scialdi dancà Tla doi garejeda naziuneles di jëuni states dan otodì à i cater atlec dl Schi Club Gherdëina fat drët bën

Inò scialdi daujin a na bedaia Per Evelyn Insam, la atleta dl saut cun i schi de S. Cristina, fova nce a Hinterzarten na bedaia tan che ala jonta. N setimo y l di do n cuinto post ie inò doi de beliscimi resultac che la porta nce scialdi dancà tla tlassifica de copa dl mond

Elisa Kasslatter.

Pudejé - Ntan chësc ultim fin dl’ena iel stat doi garejedes sun l jëuf de Cereda tla provinzia de Belun. N sada ai 12 de jené se àl muserà i atlec dla categuries jëuni y junior tla sprint a tecnica liedia. Tla categuria dla jëunes à Valentina Kostner, te si prima garejeda a livel naziunel, arjont n bon 21. plazamënt. La miëura dl Schi Club Gherdëina fova do la cualifiches Elisa Kasslatter; la ti ie jita fata tla finela de arjonjer n bon 5. post assolut. Tla medema categuria à nce Eleonora Insam arjont l bel 16.

Valentina Kostner.

plazamënt. Pra i mutons de chësta categuria se à Alex Oberbacher tlassificà al 19. post. N dumënia ne fòvel pervia dla nëif frëscia nia saurì urté l drë schi. Purempò à l trainadëur Romed Moroder abù l drë nés y ti à anjenià ca a si atlec n drë bon schi. Ntan che Valentina à mpue paià si puecia esperienza te chësta garejedes de livel aut, se tlassifican do 5 km al 50. post, à Alex fat na boniscima garejeda. Ël se à tla 10 km tlassificà al 9. post assolut; sce n tën cont che l muessa garejé cun atlec de n ann plu vedli ie chësc n

resultat de marueia. Nce pra la majeres – ëiles fajova na raida da 5 km – à Elisa inò desmustrà che la possa tenì pea cun la miëures, arjunjan l 6. plazamënt. Elisa ie tl’ultima garejedes for stata drët costanta ti resultac, purempò ne n’iela purtruep nia unida numineda per jì a fé pea pra i Campiunac dl Mond Junior tla Republica Ceca. Da nunzië iel mo l resultat de Eleonora Insam, che à purtruep arjumà truep alenamënc pervia dl tisl. Ëila à desmustrà de vester inò sun la drëta streda arjunjan n bon 16. post. (ck)

Christian Insam ie l ”ironman” Te na garejeda cun la peves, che durova 24 ëura, ie l’atleta de sport estrem de Gherdëina stat bon de se fé sie l prim titul dla Ski Alp de S. Vito tl Ciadura Peves - N vënderdi ai 11 de jené àn metù a jì la ”24 ore Skialp S. Vito di Cadore”, na garejeda estrema cun la peves che uel purté al limit la resistënza fisica di partezipanc. La garejeda nasciuda da n valgun apasciunei de San Vito di Cadore, vën metuda a jì tl raion di mplanc Scotter. Pra chësta garejeda pudòven garejé da sëui te na formula ”ironman”, chël uel dì fé tan de raides che n ie boni tl tëmp de 24 ëura, o nce te na stafeta metuda adum da cater cuncurënc. La garejeda ie

stata, coche bele dit a San Vito di Cardore. Sa la furnadoia Scotter iesen piei via n vënderdi ai 11 de jené dala 5 da sëira per finé pona la garejeda 24 ëura do ai 12 de jené dala 5 da sëira y chël o chëi che à fat ala fin plu chilometri o raides à venciù. Venciù chësta garejeda da artenienza y sfadiëusa à n atleta di Gherdëina Runners y plu avisa Christian Insam de Sëlva. Ël ie n atleta che ie spezialisà sun la destanzes longes, chël ons bele udù d’instà pra la ”Sellaronda Trail Run” y pra la ”Lavaredo Ultra Trail”,

tramedoves garejedes de sauté extremes. Tla garejeda a San Vito di Cadore à Christian fat de ndut 152,896 km de percurs y 32 raides, cun chësc iel stat bon nscila de vëncer chësta prima edizion, la prima garejeda de schi alpinism da 24 ëura tla Talia. Segondo se à tlassificà Günther Fischnaller, che à fat doi raides de manco y terzo Fabrizio Puntel cun 29 raides. Na grandiscima prestazion da pert de Christian che ti à nce fat scialdi legrëza ai ”Gherdëina Runners” de chëi che l fej pert. (mp)

Christian Insam (a man drëta) tlo cun un di respunsabli dla urganisazion y l terzo tlassificà Fabrizio Puntel (a m.c.).

Saut cun i schi - A Hinterzarten ti Paejes Tudësc se à ntan la fin dl’ultima ena fermà la carovana dla sautadëures de copa dl mond. Che Evelyn Insam ie scialdi n forma àla bele desmustrà tla ultima cumpetizions, ma for inò – nsci nce l trainadëur Julien Eybert Guillon – cialons ca tan sterscia de nierves che la ie tla garejedes y chël ie scialdi de mpurtanza per pudëi tenì pea cun la miëures. N l prim di, n sada ai 12 de jené, iela do n prim saut nia tan lonch stata bona de sauté tl segondo 98 metri lonc, che fova bën scialdi daujin ai sauc plu lonc dl di. Per ëila iel n chësc di sautà ora l setimo plazamënt. Mo miec ti iela jita l di do a Evelyn. Cun doi sauc valives de 100,5 metri, ulache la ie nce data sëura scialdi bën, se àla davanià l cuinto plazamënt. Tla tlassifica generela de copa dl mond iela al mumënt setima. A Elena Runggaldier ne ti iela ti sauc de garejeda nia jita tan bën sciche pra l alenamënt, ulache la teniva pea cun la lunghëzes dla primes diesc. Cun doi sauc drët valives ntëur ai 90 metri se àla tlassificà al 23. post. Nce Elena ie tla garejeda de n dumënia stata bona de se miuré n śich ruvan ala fin 21ejima. Dassënn miurà permez al ultim iede se à la terza atleta de Gherdëina, che fej pert dla scuadra naziunela de saut cuni schi, Manuela Malsiner. Te chësta si segonda esperienza te copa dl mond àla tramedoi dis mé arjumà de puech la cualificazion per la segonda manche. Cun sauc de 85 metri iela ruveda 33ejima y l di do 32ejima. Na burta nutizia iel mo ruvà per la scuadra dl’Austria, pra chëla che l tumerà ora una de si atletes plu stersces, Daniela Iraschko, ëila se à rot i liams dl jenodl y ne puderà chëst ann nia plu garejé.

Per chëst’ena che vën iel i Campiunac dl Mond Junior sun l program, che sarà a Liberec dla Cechia dai 23 nchin ai 26 de jené. L fajerà pea tl saut cun i schi nosta atletes Evelyn Insam, Manuela Malsiner y mo Veronica Gianmoena. Pra i mutons dl saut cun i schi iel nce unì cherdà ite a fé pea l fra de Evelyn, l jëunn Alex Insam nasciù tl 1997. Pra la scuadra taliana de cumbinazion nordica, che sarà ënghe prejënta a Liberec, ne saràl chëst ann degun atlet de Gherdëina leprò.

Hinterzarten 12.01.2013 1. Sarah Hendrickson (USA) 97,5m/98,5m/243,6 p. 2. Sara Takanashi ( JPN ) 99,0m/98,0m/242,4 p. 3. Coline Mattel (FR A) 97,5m/97,5m/240,4 p. 7 . Ev el y n I n s a m ( I TA ) 94,5m/98,0m/231,2 p. 23. Elena Runggaldier (ITA) 91,5m/90,5m/201,6 p. 33. Manuela Malsiner (ITA) 85,0m/ 90,4 p. 37. Roberta D’Agostina (ITA) 84,5m/ 85,7 p.

Hinterzarten 13.01.2013 1. Sara Takanashi ( JPN ) 98,0m/105,0m/247,5 p. 2. Sarah Hendrickson (USA) 103,0m/101,5m/245,9 p. 3. Jacqueline Seifriedsberger (AUT) 103,0m/102,5m/244,5 p. 4. Anette Sagen (N OR) 103,5m/99,0m/242,0 p. 5. Evelyn Insam (ITA) 100,5m/100,5m/231,2 p. 21. Elena Runggaldier (ITA) 91,0m/89,5m/190,8 p. 30. Roberta D`Agostina (ITA) 86,0m/76,5m/152,2 p. 32. Manuela Malsiner (ITA) 85,5m/ 90,4 p.

La jëunes dl saut cun i schi a Hinterzarten: Manuela Malsiner, Evelyn Insam, Elena Runggaldier y Roberta D’Agostina. www.lauscdiladins.com

35


Informazions y Manifestazions Dotors y Apoteches Dotor L dutor de servisc dala 8.00 da duman de n sada 19 de jené nchin la 8.00 da duman de n lunesc 21 de jené ie l dutor Raphael Insam de Urtijëi, tel. 0471/797369 o l 0471/797076. Le dotur en sorvisc tla findledema dai 19 ai 20 de jenà, ti comuns de Badia, La Val y Corvara, é le dotur Martin Spechtenhauser, La Ila, tel. 0471/844200. Ti comuns de Mareo y da San Martin saràl en sorvisc le dotur Edoardo Agreiter, San Martin de Tor, tel. 0474/501927. Apoteca L’apoteca de servisc che à daviert ora dl orar ordiner da n vënderdi (dala 19.00) ai 18 de jené nchin n vënerdi ai 25 de jené ie chëla de Sëlva, telefonn 0471/795142 o 333/1776615 (orar de giaurida 8.30-12.30/15.00-19.00). L’apoteca en sorvisc tla Val Badia, fora dl orar ordinar, dal vëndres ai 18 de jenà al vëndres ai 25 de jenà, é chëra da La Ila, tel. 0471/847152.

Chino Chino Eden Cortina Encuei vender ai 18/01, en domenia ai 20/01 y en mertesc ai 22/01 da les 17, 19.30 y 22 él “Jack Reacher – La prova decisiva”, en sabeda ai 19/01 y en lunesc ai 21/01da les 17, 19.30 y 22 él “La migliore offerta”. L mercui ai 23/01 él da les 17.30 “Sammy2 – La grande fuga” y da les 19.45 y 22 “La parte degli angeli”. Per infos 0436/881812. Al chino de Cianacei En sabeda ai 19 de jené e en domenia ai 20 de jené, da les 21.15, se pel veder “Twilight Saga. Breaking dawn 2” e en mèrtesc ai 22 e en mercol ai 23, da les 21.15 vegnarà moscià “Jack Reacher la prova decisiva”. Al chino de Pardac

Insnet, vender ai 18, en sabeda ai 19 e en domenia ai 20 de jené, da les 21.15 se pel veder “La regola del silenzio. The Company you keep”, en mercol ai 23 e en jebia 24, da les 21.15 vegn moscià “La bottega dei suicidi” e en vender ai 25, da les 21.15, sarà da veder “Lincoln”.

nr. 03 / 18 de jené 2013

♦ Snowboard Fis International Duman sada 19 y n dumënia ai 20 de jené saràl sun Secëda la garejedes FIS de slalom strënt cun doi manche sun l purtoi Fermeda. L se trata de garejedes a livel nternaziunel La prima manche dla garejeda n sada sarà dala 10.00 danmesdì y la segonda manche sarà ntëur la 13.00. N dumënia sarà la garejedes dala medema ëura. La premiazion dla garejedes sarà pra la utia Daniel, n’ëura do la fin dla garejedes n sada y n dumënia. L Snowboardclub Gherdëina mët a jì per l segondo iede chësta garejedes a livel nternaziunel. L fej pea atlec de copa dl mond, sibe ëi che nce ëiles, dl’Austria, di Paejes Tudësc, dla Slovenia, dla Ruscia, dl Canada, dl Iapan y nce dl Holand. Sambën fajeràl nce pea atlec de dut Südtirol y de Gherdëina. I atlec dl Snowboard Gherdëina che fajerà pea ie Romina Stuflesser, Caterina Crepaz, Lorenzo Braidotti, Daniele Bagozza y Manuel Pitschieler. N juebia y n vënderdi 17 y 18 de jené saràl bele la proes sun Curona. Unide duc a ti cialé a chësta garejedes de snowboard de livel L podest dal ann passà cun da man ciancia Denis nternaziunel y fajëde n gran tifo a Detkov (Ruscia), Alexander Belkin (Ruscia) y Christoph Mick (Talia). nosc atlec.

Al chino de Tieser

Insnet, vender ai 18 de jené, en sabeda ai 19 e en domenia ai 20, da les 21.15 se pel veder l film “Cloud Atlas. Tutto è connesso”. En jebia ai 24 da les 21.00 per la sajon de prosa se podarà veder “Io sono Caino” e en vender ai 25 da la medema ora sarà l Conzert de la Museghes de Fiem e Fascia per la Marcialonga. Al chino de Ciavaleis

Insnet vender ai 18 de jené e en domenia ai 20, da les 21.15 se pel veder “Quello che so sull’amore”, en sabeda ai 19 da les 20.30 vegn portà dant n spetacol per l Trofeo Topolino con entrèda debant. Ai 25, ai 26 e ai 27 de jené da les 21.15 l’é da poder veder “Lincoln”.

Mostres Mostra del pitor Gino Bellante a Ciavaleis Al Zenter d’èrt contemporanea de Ciavaleis (Piazzetta Rizzoli 1) se pel veder la mostra personèla del pitor Gino Bellante da Ciavaleis. La esposizion resta fora enscin da Pèsca, de sabeda e domenia con orarie 15.30-19.30. Dai 26 ai 30 de mèrz 2013 la sarà averta duc i dis con l medemo orarie. Scultures de Matthias Resch Tl Art Café Funtanela a Urtijëi iel da udëi na mostra de scultures de Matthias Resch de Urtijëi. Cun sortes desferëntes de lën àl crià pec de ert profana y sacrela. La mostra ie da udëi uni di dala 10.00 nchin la 20.00 ora che de mierculdi.

♦ In Between – Mostra de Vera Comploj L Museion de Bulsan nvieia duc ala giaurida dla mostra de fotografia “In Between“ dl’artista jëuna de Sëlva Vera Comploj che viv y lëura a New York. La giaurida dla mostra sarà n juebia ai 24 de jené dala 19.30 tla Museion Passage L sarà prejënta l’artista nstëssa y la curadëura Frida Carazzato. L unirà nce fat n “artist talk“ cun Ilaria Bonacossa. L’artista à fat fotografies de Drag Queens a New York, Washington y San Francisco ntan che les se njinia ca te si majons dan Vera Comploj, “In Between“ Museion Project Room jì sun palch. L se trata de fotografies danter la realtà y la fiction, l vën 2013. mustrà su l mumënt dla trasfurmazion da ël a ëila, la vita da uni di se trasfurmea te n palch. L sarà nce da udëi n video y fotografies fates ntan i ultimi trëi ani. La mostra sarà da udëi nchin ai 7 de auril, da merdi nchin dumënia 10.00 – 18.00, de juebia 10.00 – 22.00. De lunesc iel stlut. La ntreda ie debant.

36

www.lauscdiladins.com

Denis Detkov ntan la garejeda.

♦ Viac tla Bolivia La scola Catores fej a l savëi che l vën metù a jì n viac tla Bolivia dai 17 nchin ai 31 de mei 2013, ulache n arà l’ucajion de arpizé l crëp Huayna Potosi, 6.088 m y l beliscimo Illimani 6.462 m La doi enes tla Bolivia scumencerà a El Alto, l aeroport plu alauta dl mond. Da tlo uniràl furnà a La Paz che sarà l luech da ulache n pierà via per fé la jites. N puderà arpizé la pizes sëura 6.000 metri o fé de autra jites manco sfadiëuses ma for de marueia, che nes purterà al ciamp de basa. Per plu nfurmazions y per la iscrizion vëniel prià bel de cherdé su un di doi mëinacrëp Catores che ve acumpanierà ntan l L Illimani piza che unirà arpizeda. viac tla Bolivia: Hubert Moroder, 335/6380061 o Adam Holzknecht, 335/6253156. L viac sarà dai 17 nchin ai 31 de mei 2013 y la iscrizions unirà tëutes su nchin ai 15 de fauré. Per pudëi dé plu nfurmazions n con’ dl viac uniràl metù a jì n’ancunteda cun Hubert y Adam n vënderdi sëira, 1. fauré dala 20.30 tla sënta dla scola Catores a Urtijëi.


Informazions y Manifestazions

nr. 03 / 18 de jené 2013

Avisc Zentrala di Consumadus a Picolin La Zentrala di Consumadus é da jenà 2013 inant ma plü 2 iadi al mëis a Picolin, tla Ćiasa dl Raiun Sozial, a desposiziun dla jënt. Plü avisa vigni secunda y vigni cuarta jöbia dl mëis. De jenà sarà la avocatëssa Kathrin Baur ćiamò ai 24 chilò por i interessà, dales 9.00 ales 12.00. Telefonn: 0474/524517. Volontars por condü fora les ”marënes sön rodes”

Le Raiun Sozial Val Badia chir volontars che à n so auto por menè fora les ”marënes sön rodes” (Essen auf Räder). Al vëgn pité: na assiguraziun plëna (Vollkasco) cun na franchigia de 250,00€; al vëgn paié zoruch i chilometri (0,40€ al km); an ciafa na marëna debann do le iade. Interessà po cherdè sö le 0474/524504. Jì a ćiarè la crìpela

Al vëgn tignì en pé la bela usanza da jì a ćiarè la crìpela te ćiasa. Les crìpeles de Pasquale da Pliscia po gnì odüdes ćiamò ćina ai 2 de forà 2013, al vëgn aconsié da telefoné denant al numer 0474 501726 o 339 1035871. Udiënzes dla Uniun di Ostis

La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen. Sessiuns forestales

Les sessiuns forestales por le comun da San Martin é söl program en mercui ai 23 de jenà dales 9.30 tl salf di stödafüch a San Martin, chëres por i comuns de Badia y Corvara gnarà tignides en jöbia ai 24 de jenà dales 20.00, tla Ćiasa J.B. Runcher a San Linert. Servisc de cura psicologica te n cajo de desgrazia

L servisc de cura psicologica “Die Notfallseelsorge“ ie n servisc per persones che ie tumedes te na crisa tres la mort de zachei che i ova gën, tres na desgrazia o nce tres na catastrofa. Chëst ann d’ansciuda uniràl metù a jì n curs per duc i nteressei a chësc servisc. Per plu nfurmazions pòssen cherdé su Rudi Samt de Sëuc, tel. 335/1778673 nchin ai 26.01.2013.

♦ South Tyrol Slope Style Tour Chëst ann vëniel metù a jì per l otavo iede la South Tyrol Slope Style Tour. L sarà de ndut 5 tapes te dut Südtirol. La prima tapa sarà n dumënia ai 20 de jené tl Snowpark sun Piz Sela L unirà fat garejedes de saut y race. L training che ie de ublianza scumencerà dala 9.30 y jirà inant nchin la 10.30. Dala 11.00 saràl pona l contest. Duc i atlec muessa avëi n casco y protezions per l spinel. Per l’iscrizion saràl da paië 10,00 euro. I cumëmbri dl Freeride Club Gherdëina possa fé pea debant. La iscrizions vën tëutes su sun l post. Do la garejeda saràl la premiazion pra la utia Comici. Ai 7 de auril saràl pona la finela dla Slope Style Tour for tl Snowpark sun Piz Sela. L Vitamin F Freestyle Sauc y acrobazies pra la Slope Style Tour sun Piz Sela. Club, l Free Ride Club Gherdëina y l Freestyle Club Alta Badia se ncunforta sun vo. Unide duc a ti cialé a chisc jëuni y al’acrobazies che ëi fej sun la nëif.

♦ Turnier de broomball En doman sabeda ai 19 de jenà a Antermëia. Do le turnier party cun musiga y buna löna

Mascherèdes ta Penìa

En domenia ai 20 de jené, dì de Sèn Bastian, l Grop de la Mèscres de Dèlba e Penìa deslea carnascèr e l ve speta da les 20.30 te la veia scoles de Penìa per la pruma mascherèda de chest an: “L troi de la bolp” de Stefen Monech, En sabeda ai 26 sarà enveze “Na sera da carnascèr” de Simon de Giulio.

I Jogn y le Sport Club Amatorial Antermëia mët da jì en doman sabeda ai 19 de jenà la 11. ediziun dl turnier de broomball, sön la plaza da Antermëia. Le turnier mët man dales 19.00 y premié gnaràl les trëi mius scuadres. La premiaziun gnarà tignida do la finala, tl bar dl ćiamp dl sport. Inant vara spo cun musiga y buna löna, pro la party cun Dj Tino y le Icebar. Informaziuns y prenotaziuns pro Armin, al nr. 348/3977744.

Iadi, jites y escursions Jita cun i schi

La grupa “Nëus jon pa bel plan” dla Lia da Mont de Gherdëina mët a jì n mierculdi ai 30 de jené n di cun i schi a S.Martino di Castrozza. Te chësc raion vélel l Superschipas. N possa se lascé scrì su da n lunesc 21.01. nchin a n lunesc 28.01. tla trëi butëighes de zënza. Plu nfurmazions giapëis da Elfriede, 348/0469287. Cun la peves a Vals

L GAG nvieia duc a unì ai 22 de jené da sëira a Vals cun la peves. N se anconta dala 18.30 sun plaza S. Antone. Per plu nfurmazions y per l’iscrizions, pudëis cherdé su la Nëus Jëuni Gherdëina, 0471/799006. Jita cun la peves sun la Ponta Lastoi de Formin

I Jëuni dla Lia da Mont mët a jì ai 2 de fauré si prima jita cun la peves. L se trata de na jita saurida. L unirà pià via dala 7.00 daduman sun plaza S. Antone per se fermé damproite. Da tò pea iel n pipser, na pela y na sonda, da maië y da bever. N possa nce se mpresté ora l material. Per plu nfurmazions y per l’iscrizions, pudëis cherdé su la Nëus Jëuni Gherdëina, 0471/799006. Schitour sön Crëp dales Dodesc

La Lia da Munt Val Badia inviëia a na schitour sön Crëp dales Dodesc (2.400 m), en domënia ai 20 de jenà. Al é na schitour saurida, cun n tëmp da jì de za. 3 ores y n deslivel de 1.000 metri. Informaziuns pro Martin Vittur al 347/6455214. Schitour y incuntada En mercui ai 23 de jenà organisëia la Lia da Munt Ladinia - Val Badia na schitour sön Dantercëpies, cun les ciaspes. Al sarà te chësta ocajiun na incuntada y spaghetada cun chi de Gherdëna. Informaziuns pro Martina Valentini al 348/5706685. Cun la liösa sön la Stumpfalm

La Lia da Munt Ladinia - Val Badia inviëia en domënia ai 20 de jenà a na jita cun la liösa sön la Stumpfalm - Gsies. Le deslivel é de 500 metri, por n tëmp da jì de 2 ores. Informaziuns pro Hartmann Frontull al 347/2388302. Cun la liösa sön la Fane Alm

En domënia ai 27 de jenà mët da jì la Lia da Munt Ladinia - Val Badia na jita cun la liösa sön la Fane Alm (2.282 metri). La dificoltè é mesana, cun n tëmp da jì de za. 1,5 ores y n deslivel de 330 metri. Informaziuns pro Franz Moling al 340/6816332. Cun schi y pels tla Corsica Iade cun i mënacrëp Max y Simon. An pëia ia ai 10 de merz cun la barca y cun i schi, por rové tla Corsica, olache an fajarà de beliscimes tour. Zoruch vëgnon indô ai 17 de merz. Informaziuns plü menüdes sön le sît www.max-willeit.it, tres e-mail a max. willeit@rolmail.net o por telefonn al 335/6849422.

A Antermëia śogaràn indô a broomball.

♦ Festa de Sant

Ujöp Freinademetz a Oies A Oies gnaràl recordè le Sant ai 28 y 29 de jenà Ai 28 de jenà él passè 105 agn dala mort de Sant Ujöp Freinademetz, detlarè sant ai 5 d’otober dl 2003. Sciöche vigni ann gnarà le Sant recordè cun deplü funziuns a Oies. En lönesc ai 28 de jenà dales 20.00 saràl na liturgia en onur dl Sant, che gnarà abelida dal Cor de Dlijia da Lungiarü. Le mertesc ai 29 de jenà saràl dales 16.00 na mëssa solëna abelida dal ćiantè dl Cor Kèrygma. Dales 20.00 saràl spo na mëssa solëna por todësch y talian, abelida dal Cor de Dlijia da La Val. Pro intrames les SS. Mësses sarà P. Sepp Hollweck SVD le zelebrant prinzipal. Sambëgn é düć canć bëgnodüs ala festa, al vëgn indô perié da se mëte adöm cun i auti, deache la lerch La mort de Sant Ujöp Freinademetz vëgn recordada a Oies ai 28 y 29 de jenà. da parchè é püćia. www.lauscdiladins.com

37


Informazions y Manifestazions

nr. 03 / 18 de jené 2013

Trasmiscions TV y Radio Paladina - Ert tla Ladinia, ert tl mond Ai 24 de jené dala 20.30 tla televijion. Tla lingia de trasmiscions “Ert tla Ladinia, ert tl mond“ prejënta l autor Roland Verra cun Jan Piere Karbon, produzion y cameraman, l’ert ladina de nosc tëmps, jan ite ti muvimënc plu mpurtanc, dantaldut tla “Nueva Scola de Gherdëina“. L vën mustrà su la nfluenzes dl’ert mundiela purtedes caprò te nosta valedes da studënc ladins dla academies dla gran ziteies y pona nce coche se à mpò cunservà la tradizion dl ziplé de Gherdëina, nterpreteda te formes nueves dla globalisazion. Tres na lingia de ancuntedes y ntervistes cun artisć cunesciui coche Aron Demetz, Gehard Demetz, Walter Moroder y Gregor Prugger iel mesun se fé n cheder vif dla richëza dl’ert ladina de nosc tëmps. “Richard Löwy” tel Cianton de l’Istitut

Te “L Cianton de l’Istitut” sun TML enscin ai 27 de jené, Giornèda de la memoria, vegnarà manà fora l program “Richard Löwy e l doer de la memoria”. la trista storia de Richard Löwy e de sia familia documentèda dal liber e da la mostra de Giorgio Jellici del Garber. Oraries: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15, vender h. 11.30. “Ercaboan” sun TML e sul web

Sun TML ogne sabeda va fora n nef program de la rubrica “Ercaboan”. Chisc i oraries : sabeda h. 18.00 e 20.45; domenia h. 13.30 e 18.15 e dapò duta la setemèna: de lunesc h. 20.45; de mèrtesc h. 17.30; de mercol e jebia h. 18.15 e de vender h. 20.00. La programazion de TML é ence sul sit www.tmltv.it e i programes de Ercamedia sun www.tvladina.com.

Sport Copa Europa 2013 de liöses da manties Chësta findledema ai 19 y 20 de jenà, sön la pista ”Do Juvel” a Lungiarü. Sabeda ai 19 dales 14.00 le training por dötes les categories, cun destribuziun di petorai. Dales 18.00 buffet te salf dles manifestaziuns da Lungiarü. Domënia dales 9.30 la 1a manche, dales 11.30 la secunda. Dales 13.30 premiaziun tl raiun dl travert.

Cuncorsc Lejer en tandem te Fascia

La biblioteca de Vich endreza “Lejer en tandem” n concors per bec enscin ai 7 egn che ensema a n “gran” (genitores, frèdes, giaves, jormegn) se empegna a lejer amàncol 10 libres dai 21 de jené ai 15 de mèrz. Ai 21 de mèrz sarà la premiazion. Info te biblioteca de Vich da lunesc a vender h. 15-19, tel. 0462.763062.

Religion Preparaziun al Bato La Uniun dles Ëres Catoliches da San Martin inviëia i geniturs che aspeta n pice o à n pice da batié, sciöche inće totes y tòć, ala Preparaziun al Bato, en sabeda ai 26 de jenà, dales 15.00 ales 17.00, tl salf di stödafüch a San Martin de Tor. Referënt é le maester de religiun Erich Frenademetz. Prenotaziuns al nr. 0474/523276.

Cursc Corsc de ladin te Fascia

Ai 29 de jené taca l corsc de ladin te Scola Ladina de Fascia per chi che enten e rejona ladin e che vel fèr l’ejam B2 o C1. L cost l’é de 80 € e l sarà de mèrtesc e jebia enscin ai 9 de oril. Per se scriver ite jir te Sorastanza de la Scola Ladina de Fascia a Poza o telefonèr a Francesca Degasper al 0462.760340. Cors de Yoga, Pilates, Respirazion e Meditazion te Fascia La sociazion “Mens Sana in Corpore Sano” endreza corsc de Hata Yoga, Pilates, Ginastica Posturèla, Tecniches de respirazion e Meditazion te palestra de la scola populèra de Pera. Per info e iscrizions: mente.corpo.benessere@gmail.com o ai numeres: 338.3690654 e 345.3584410. Scora por geniturs: ”Le spavënt ducejin dla puberté” Organisada dal Zënter Families Mareo cun le Katholischer Familienverband. Tema sarà la puberté - i mituns dai 10 ai 14 agn. Indöt 5 incuntades, dai 19 de forà ai 19 de merz, tres le mertesc. I iscrić al ZFM paia 50,00€ a će o 70,00€ intrami i geniturs. I nia scrić ite 55,00€ resp. 75,00€. Iscriziuns ćina al 31 de jenà pro Verena Ties al nr. 334/5816850. Saut in Action

La Nëus Jëuni Gherdëina mët a jì n sada ai 19 de jené n curs de fé ciauza per jëunes danter 11 y 19 ani. Per plu nfurmazions y per l’iscrizions, pudëis cherdé su la Nëus Jëuni Gherdëina, 0471/799006. Curs de yoga

Referac Scontrèdes per i joegn con FassaLux

FassaLux tel chèder del projet “InnovaMente: oltre l’eccellenza” met dant 10 scontrèdes te Scola Ladina a Poza de mèrtesc h. 14.00-18.00 per responer ai besegnes de la persones pean via da la cognoscenza de la realtà. Ai 22 de jené: “L’emportanza della leadership” con Raffaele Zago. Serèdes de ben stèr a Vich e Moena

La Biblioteca de Vich e l Comun de Moena endreza serèdes col psicologh Francesco Sbardellati. L secondo apuntament é en lunesc ai 21 de jené te sala del Consei de Moena. Se rejonarà de la definizion de benstèr e la prejentazion de n program de scontrèdes.

Sozieles Deberieda: Fajon de bela mascres

N juebia ai 24 de jené se ancunterons dala 15.00 tl local dl Servisc Soziel ulache pastelneron de bela mascres. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Per nfurmazions plu avisa pudëis cherdé su Julia Prucker, tel. 0471/798015. Cuntënc y zënza tëma tres i ani dla terza età

La grupa Seniores de S. Cristina nvieia duc a unì n juebia ai 24 de jené a n domesdì de nfurmazion cun Toni Fiung dala 14.00 tla sala Raiffeisen tla cësa de Chemun.

38

www.lauscdiladins.com

La Lia da Munt Val Badia-Ladinia organisëia n curs de yoga a Al Plan de Mareo - dai 24 de jenà, vigne jöbia por 10 iadi. Curs por prinzipianć o düć chi che à interes. Referënta é Sabine Vieider da Bornech, che é instëssa stada tl’India. Infos y prenotaziuns pro la referënta al nr. 348/2242778. Curs de Feldenkrais

Bënsté y cunescënza dl corp tres l muvimënt. L curs scumëncia ai 24 de jené dala 20.00 tla palestra dla Cësa de Paussa a Urtijëi. L ie adatà per duc. Plu nfurmazions giapëis pra Johanna Delago, 346/7139533 - hanna.delago@gmail.com Curs de yoga y yoga por ëres che aspeta Al vëgn metü da jì dui cursc a San Martin de Tor. N curs introdutif cun Rakesh Nanda, che mët man en vëndres ai 25 de jenà, y döra 6 sëres, n iade al’edema. Spo n curs de yoga por ëres che aspeta, cun Karin Nanda, mët inće man ai 25 de jenà y döra 5 sëres, n iade al’edema. Infos y prenotaziuns al 0474/530547 o nandayoga@yahoo.de.


Congratulazions y Inserac

nr. 03 / 18 de jené 2013

Temp lede Festa dl Voto te Ampez

Ai 18 de jenà 2013 complësc

En doman, sabeda ai 19 de jené vegniràl festejé te Ampez la festa tradizionala de “Voto” a Santa Maria dla Difesa. Al sarà na prozescion da la gliejia de S.Iaco a la gliejia dla Difesa che piarà via da les 9.40. Da les 10 saràl la Santa Messa y dapò n pice renfresch pité dal’Ulda y dai Scizar d’Ampez.

Ida Mersa la bela eté de 90 agn. Düt le bun, sanité y tröc de bi momënć te aoda de cör

Bal y musiga plajora por ëres y ëi dla mesa eté insö

Diesc incuntades, dai 21 de jenà inant, le lönesc dales 14.30 ales 15.30, te salf dles uniuns a La Val. Zënza druch de prestaziun vëgnel alenè memoria, conzentraziun, reaziun y coordinaziun. Al n’ô nia ester conescënzes danfora. Infos y prenotaziuns pro Giovanna Moling Pezzei al 338/1249472. Organisaziun: Consëi de Formaziun La Val.

Andreina y Brigtte cun families.

Schishow a Corvara

La Scora de Schi da Corvara - Ladinia mët da jì ai 23 de jenà dales 21.15 n rait a val cun i chentli, na schischow y acrobazies cun le grup Vitamin F, sön la pista ”Abrusé”. Al ne manćiarà nia le jore cun le parapënn y na desfida danter roda, snowboard y schi sön pista. Dla musiga se crüzia DJ Fabio. ”Nöt da lus” sön la pista Doninz

Sciöche vigni mercui, é la pista “Doninz” a La Ila iluminada y daverta da sëra, dales 20.00 ales 22.00. Inće en mercui ai 23 de jenà. Dales 21.00 gnaràl metü da jì na gara de schi, a chëra che düć po se scrì ite pro la Scora de Schi da La Ila. Batadù dla Lia da Mont La Lia da Mont de Gherdëina mët a jì n batadù da 32, duman sada ai 19 de jené dala 17.00 tla ustaria Pramulin sun l purtoi Col Raiser. L sarà per duc zeche da vëncer. L’iscrizions vën tëutes su sun l post. Per plu nfurmazions pudëis cherdé su Tullio, 335/6583216. Ancunteda cun la lies da mont dla Val Badia

La Lia da Mont de Gherdëina mët a jì ai 23 de jené n’ancunteda cun la lies da mont badiotes. Se ancunton dala 8.00 da sëira tla ustaria sun Dantercëpies pra na bona cëina y per sté deberieda te na blòta cumpania. Per chiche uel se ancuntons dala 18.30 pra la stazion japé dla furnadoia de Dantercëpies per jì su deberieda. N ne n’à nia drë de se nuté su. Per plu nfurmazions pudëis cherdé su Ugo, 349/0089939.

Ai ai, insciö ne te cunesciunse nia, da dì tröp arati n’uns nia bria. En laûr aste tres en mat, de dé o de nöt, chël é ma anfat. Pro i stüdafüć él da saltè da sëra pro la musiga da sunè. Snel a ćiasa spo en pü’ a durmì, dales 5 indô te stala a ujurè i vidì. Campri, sciori, stala y majun tractor y gomada é tres in funziun.

Oskar

t’es propi en bestiun inće cun en dër balun! Mo incö mët le laûr da pert deach’ara gnara da fà tert. 40 ćiandëres poste tö destudè, sce chësc n’é pa da festejè! Düt l’bun te augüra tü 3 ”bilbi”, Marion y chi de familia!

Cuncors de scultures tla dlacia

La Lia dl Turism de Urtijëi, l Lizeum d’Ert “Cademia” y la Scola Profesciunela per l Artejanat Artistich ve nvieia de cuer a unì ncuei 18 de jené dala 17.00 tl raion da jì a pe ala premiazion dl “X Cuncors de scultures de dlacia“ cun l’autoriteies dl luech, la Lia di Buteghieres y dla Lia dl Turism de Urtijëi. Unide duc a ti cialé ala scultures de dlacia nueves. Domesdis de pastelné cun Martina

N vënderdi ai 25 de jené scumëncia inò i domesdis de pastelné cun Martina. Ai 25 de jené uniràl fat zeche de blòt per carnescià per mutons y mutans dla 4 y 5 elementera y ai 1. de fauré uniràl fat zeche de blòt per carnescià per mutons y mutans dla prima, segonda y terza elementera. Per l’iscrizions pudëis cherdé su la Nëus Jëuni Gherdëina, 0471/799006.

Al n’é nia da crëie, mo al é vëi ai 18 de jenà à

l’Livio i 60 agn cumplì. I te augurun tröpa sanité y fortüna y che te restes tres inant tan da urëi bun y dala bona lüna. Chësc te augüra tüa familia y tüa so Pierina

Teater Inserac

Sabeda a teater a Poza

En sabeda ai 19 de jené, h 20.30 te teater de l’oratorie de Poza, l Comun envìa duta la comunanza a veder la comedia per gregn e picoi dal tìtol “El gialo del’Asta! Deliti... quasi...perfeti” metuda dant da la Filarmonica “La nuova ribalta di Segonzano”. Entrèda per gregn 7 euro e per picui 2 euro.

A noscia cara

Gerry che en domenia ai 20 de jené la rua al bel zil di 50 egn. Augures de cher con n gran braciacol da Nives con Marco, Luca e Davide Te volon ben!

Chirì da laour N jëunn cun esperienza chier per la sajon da d’inviern n lëur da ciulier o barista. Tel. 320/8373984. (1/13) ••• Na jëuna cun esperienza chier da lëur per rumé su la majons y fé liec. Tel. 320/8387008. (1/13) ••• N ël chier da lëur a fé de uni sort de stroc a judé te cësadafuech o a cialé de na persona de tëmp. Ël sà mpue de talian. Tel. 334/7107616. (1/13) ••• N ël chier da lëur da pizzaiolo o a lauré te na utia da mont. Tel. 339/4577543. (1/13) ••• N jëunn chier da lëur sciche pizzaiolo, aiut cuech o sce n cajo nce a fé d’uni sort de lëures, da śën inant. L à truepa esperienza y garantësc scerietà. Tel. 388/8786968 (01/13) ••• N jëunn chier da lëur sciche pizzaiolo, aiut cuech o sce n cajo nce a fé d’uni sort de lëures, da śën inant. La à truepa esperienza y garantësc scerietà. Tel. 388/8786968 (1/13)

Ai 15 de jené del 2013

Carmen de Martin e Pieroto da la Filo i à festejà 60 egn de maridoz N gran develpai da Adriano, Beatrice, Flavio e Donatella con duc chi de ciasa

••• Na muta dl’Ungaria che sta a Urtijëi chier da lëur a rumé su o a cialé de pitli mutons. Ëila chier nce da paidelné o puzené pra n privat o te n hotel te Gherdëina per mez l di o nce per dut l di. Tel. 327/5563510. (1/13) ••• N ël chier da lëur a fé de uni sort de stroc te Gherdëina. Tel. 329/6278468. (2/13) ••• N ël chier da lëur sciche cuech, segondo cuech o pizzaiolo. Tel. 333/2408296. ••• N ël chier da lëur sciche segondo cuech, a lavé ju o a fé de uni sort de stroc. Tel. 338/9943759 o 346/5913410. (2/13) ••• N ël chier da lëur coche segondo cuech o a fé de uni sort de stroc. Tel. 339/1243907. (2/13) ••• N ël chier da lëur sciche segondo cuech o a judé te cësadafuech. Tel. 346/9433550 o mandé na e-mail a: surest-Kumar1919@ hotmail.de (2/13) ••• N cogo dl post cun 30 agn de esperiënza

chir da laûr te ćiasadafüch, por n valgünes ores da sëra. Tel. 338/3821293. (2/13) ••• Na jëuna cun esperienza chier da lëur a rumé su majons te Gherdëina. Tel. 331/7457821. (3/13) ••• N ël cun 5 ani de esperienza de lëur chier da lëur pra n lift. Tel. 340/8585436. (3/13) ••• Na ëra dla Romania de 60 agn che à laurè sciöche badanta tla Val Badia chir laûr da atira. Por informaziuns prëibel cherdè sö le numer olache ëra à laurè ćina śëgn 347/4410190. (3/13)

Jit perdù A San Linert él jü a perde na iata grija lominosa, tigrada. Ara é sterilisada y dër zertia. Chi che ess da la ciafè po prëibel cherdè sö le numer 0471/839671 o 348/5825055. (3/13)

Da dé ia Al vëgn scinché ia döes ćiasesdafüch ćiamò te de bones condiziuns. Tel. 347/0833850. (2/13)

Da vende Al vëgn venü n Quad CAN-AM Renegade 800 xxc dl 2011 cun 2600 km, te des bunes condiziuns, cun

marces ridotes, servosterzo y diferenzial da bloché automaticamënter. Tel. 0471/847534 o 347/8907846. (2/13)

Al vëgn venü n Seat Leon 2000 TDI FR dl 2006 corù fosch cun 120.000 km. Tel. 333/9162446. (2/13)

Da chirì Na familia jëuna de 3 persones che lëura bele 5 ani te Gherdëina y viv tlo da n ann incà chier n cuatier da tò a fit da auril/mei inant a Urtijëi o a S. Cristina. Tel. 339/3378720. (01/13) ••• Te n cuatier per 4 persones a S. Ciascian daujin ala dlieja stàl trëi mutans che chier na cuarta persona che unissa a sté te si cuatier a na maniera da pudëi

partì la spëises, bele da śën o da jené inant nchin ala fin de merz. Tel. 347 0164471 (50/12) ••• Al vëgn chirì n baghele por jomelins. Tel. 347/0833850. (2/13) ••• L vën crì da tò a fit n cuater per 3 persones o nce n mono-local a Urtijëi da śën inant. Tel. 340/3677549 o

340/5994704 do la 19.00. (3/13) ••• Na familia da tlo chier n cuatier per cater persones, per dut l ann, a Urtijëi. Tel. 333/2368085. (3/13) ••• Al vëgn chirì vidri da mëte sön na terassa, cuntra le vënt. Tel. 342/6979022. (3/13) •••

www.lauscdiladins.com

39


Inserac, Religion y Anunzies La dita Bioc Bau da San Martin de Tor chir 1 gheometer o n tecnich de cantier cun esperiënza. Prëibel menè le curriculum vitae anter i 25.01.2013 a info@bioc.it o cherdè sö le 335/6167989.

Tistlaria Nagà a La Val chir por döt l’ann n colaboradù cun patent C n colaboradù/tistler por laûrs de montaja. Prëibel cherdè sö le 0471/843320 info@naga.bz.it

Eiscafè Bistro ”La Piazza” a Gunzenhausen te Paiern chir da merz a setëmber 1 aiüt te ćiasadafüch y al banch, nazionalité taliana, cun esperiënza, che sa todësch. Tel. 0049/1703011392 o mail: barroeis@web.de

La dita Bioc Bau da San Martin de Tor chir 1 capo-cantier. Prëibel menè le curriculum vitae a info@bioc.it o cherdè sö le 0474/523127. A Pedraces vëgnel afité ia na ostaria cun ćiamenes por sciori, bar y restorant, da mà 2013 inant. Telefonè al 335/7120184.

Hotel Christiania a La Ila chir na secretêria dl post por döt l'ann, che sais le talian, todësch y inglesc, eventualmënter inće da insigné jö. Ara podess mëte man da laurè de aurì o inće por la sajun da d’isté. Prëibel cherdè sö le 0471/847016.

nr. 03 / 18 de jené 2013

Anuel L amor ie la streda de Die per ruvé pra la persona y la streda dla persona per ruvé pra Die. (J. v. Kastl) “L prim ann zënza té ie passà, ma nia un n di, zënza te avëi te nosc cuer y pensier.“

Emilia Paganin Mussner *27.05.1922     +23.01.2012

Estetica Micky a La Ila chir por atira 1 estetista. Por informaziuns prëibel cherdè sö le 0471/847640 o le 339/5482931.

Lecurdon nosta bona oma, l’ava y besava tla santa mëssa dl ann, n mierculdi ai 23 de jené 2013, dala 7.15 daduman tla dlieja dla Madona de Sëlva. La 12 families di mutons y dla mutans

Lecort

Paganin Emilia vëidua Mussner 27.05.1922 - 23.01.2012 Dan n ann te n ies jita. Te lecurdon cun amor.

L vën fità via n cuatier per 2 - 4 persones a Urtijëi. L cuatier à 2 majons, na pitla stua, na cësadafuech, n bani y n local da mëter la spëisa. Plu nfurmazions giapëis pra l numer 0471/797420.

Ie aspiete tlo tla cësa di tieres sce zachei unissa a me tò. Prëibel cherdé su la Cësa di Tieres Obervintl 0472/868172. www.tierheimobervintl.it

A S.Cristina vëniel fità via da mei inant n restaurant/bar. L local ie nce adatà per na majera butëiga. Prëibel cherdé su l 338/6370086.

A Urtijëi vëniel crì n’ëila che cialëssa de doi popes de 1 y 3 ani. L fossa da cialé lessù n 30 ëura al’ena y belau for domesdì. Prëibel cherdé su l numer 338/9117352.

Ti muta Wanda cun l uem Jos.

Lecort N mierculdi ai 23 de jené 2013 iel 21 ani ca che nosc bon pere y nëine

bera Luis Moroder “de Trina de Ianesc“ nes à lascià. Tati, paussa tla pesc de Die. Te rengrazion de dut chël che te es fat per nëus. Rengrazion duc chëi che se lecorda de ël. Faust y Adriana cun families.

Vangel dla Domenia 2. Domënia ia por l’ann C, ai 20 de jenà 2013 Dal vagnele do San Jan, 2, 1-11 Te chël tëmp êl na noza a Cana tla Galilea, y la uma de Gejù ê dailò. Inće Gejù y sü discepui ê invià a noza. Canche le vin ê jü fora, ti à la uma de Gejù dit a d’ël: ”Ai n’à plü degun vin.” Gejù ti à respognü: ”Ćî oste pa da mè, ëra? Mia ora n’é nia ćiamò gnüda.” Süa uma ti à dit ai sorvidus: ”Ći che ël ves dij, chël fajede!” Al ê dailò sis bocà de pera dal’ega por la purificaziun, sciöch’al ê usanza pro i Iüdes; te vignun n’âl lerch apresciapüch 100 litri. Gejù ti à dit ai sorvidûs: ”Implide i bocà d’ega!” Y ai i â implì ćina al ur. Al ti à dit: ”Śëgn ćiariéde fora y portédenen a chël che à da fistidié por le past.” Ai ti an à portè. Al à ćiarcé l’ega che ê deventada vin, y ne savô nia da olâ che le vin gnô adalerch; mo i sorvidus, che â ćiarié fora l’ega, le savô. Sön chëra àl cherdè adalerch le nüc y ti à dit: ”Vignun porta naôta sö le bun vin y spo pormò, canche i ghesć n’à boiü assà, le manco bun. Tö indere as tignì sö le bun vin ćina śëgn.” Insciö à Gejù fat so pröm sëgn a Cana tla Galilea y à manifestè süa gloria, y sü discepui cherdô te ël. Parora dl Signur. - Lalt a te, Gejù Crist

Rengraziamënt I familiars dla defunta

Anastasia Clara vëd. Schanung Stasia de Iachin *10.10.1927 +26.12.2012 rengrazia de cör döta la jënt che à tut pert ales corones y ala mëssa de supultöra. N gran dilan a siur Ploan y a sü conzelebranć, ai ministranć, al mone y al cor de dlijia pur la bela Santa Mëssa. Dilan a vignun che à fat val’ sorvisc, dilan pur i ciüfs, les gherlandes, les ćiandëres, pur vigni spënora, pur vigni bela parora y oraziun, y pur vigni aiüt ciafè te chësc tëmp. Bel dilan al dotur, ales infermieres, a düć chi che l’à daidada y a chi che é gnüs a la ciafè, y a chi che se recorda inant de ëra tla oraziun. Chël Bel Dî s’l pàies!

Rengraziamënt Cun gran desplajëi tulons cumià da nosta

Monica Kostner nasciuda Daporta “da Bula” * 29.12.1938 + 13.01.2013 a Longiarù

40

sa Bula

Rengraziamënt Cun gran dolur lasciunse al savëi che ai 15 de dezëmber s’à lascè

Marcella Mariotti vëd. Pallestrong *01.05.1935 +15.12.2012

Bel achiet te n ies jita a paussé tla pesc de Die. Te vives inant tl cuer de ti familia y tl lecort de duc chëi che te à cunesciù y abù gën. Rengrazion de cuer duc chëi che nes ie stac daujin, che nes à judà y dat cunfort.

I rengraziun düć chi che nes é stà dlungia cun sü pinsiers y sü plajëis. Che ala pois palsè tla pêsc de Dî.

Chëi de familia

La familia

www.lauscdiladins.com

La Usc di Ladins  

edition 0313