Page 1

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83

Nr. 03/2011 - 21 de jené 2011 Redazion: tel. 0471/797199 Aministrazion: tel. 0471/789294 fax 0471/797384, e-mail: info@lauscdiladins.com www.lauscdiladins.com

Runcadic

11

aaaaa Generela Destudafuech Coche bele tradizion iel nce chëst ann stat la reunion generela dla grupa di Destudafuech de Runcadic.

Jëuni

La ritajon de Mama Betty

Comentar de Pruma

La miscionaria Betti Sommavilla da Ciampedel à metù te la mans di fascegn i 700 pìcioi de l'ospedèl de Kimbondo. Na delegazion da Fascia é jita chisc dis passé tel Congo a i troèr e ge portèr didament

Ruby

de David Lardschneider

14

Prutestes a Roma La crëta a Berlusconi tacova de dezëmber nce adum cun tan inant y co che l fossa jit inant la reforma Gelmini tl ciamp dla scola y dl’Università. Na reportage de doi studëntes de Gherdëina, Medea Moroder y Sabrina Bernardi, studëntes dl’Academia de Urbino, che ie jites pea pra la prutestes a Roma.

Val Badia

19

La popolaziun Zifres sön le movimënt demografich tla valada. Düć i comuns crësc de abitanć, Corvara y La Val deplü co Badia y Mareo.

Porsones

21

Adan a Badia Fostüs de storia sön le lüch y la familia d’Adan.

La Pli

23

Sessiuns forestales Bones les entrades dai fonguns, segnai positifs dai prisc dl lignan. Pro les sessiuns forestales él inće gnü baié de sconanza dla natöra y dl ann internazional dl bosch.

Viabilité

24

Le büsc tl parch I ves presentun le stüde de fatibilité sön le coliamënt danter Mareo y Cortina. Ći dij pa l’assessur Florian Mussner?

Fascia

26

Scola e bilinguism L’é stat prejentà l projet ai genitores di bec che farà la pruma clasc populèra. A Poza e a Soraga l’esperienza é n muie positiva.

Referendum

La delegazion fascèna coi bec de la pediatrìa de Kimbondo e l responsàbol Pare Hugo Rios.

I é jic de ot enscin tel Congo, su la pedies de Betty Sommavilla la miscionaria da Ciampedel morta te so ospedèl vejina a Kinshasa ai 16 de jugn del 2010. I à portà a compiment chela vijita che Mama Betty aea domanà al lonch, ma che demò ades se à realisà.L decan don Giuseppe, l conseier provinzial Luigi Chiocchetti con Lisa, Maria, Gabriele, Marco, Silvano e Ivano per sie dis i à vivù na esperienza fona e grieva, che la i à tocé tel più fon del cher, e i à vedù i medemi posć olache aea passà si ùltimes egn Betty, la pediatrìa de Kimbondo e la cèsa Patrick, olache ge vegn dat alberch ai pedimenté, i ùltimes di ùltimes.I à podù cognoscer persones straordenères desche Pare Hugo Rios, l preve e pediatra che vegn dal Cile, e Laura Perna, la dotora da Siena che de 91 egn amò la é aló che la vèrda

fora lastres, la studia e la se ajorna su la neves de la medejina. L’é ic doi che jai 20 egn i à fondà chest prezious ospedèl tel Congo, soula speranza de salveza per chisc pìcoi, soraldut per chi pedimenté, che te chi vilajes i vegn copé, maltraté, o canche la ge va ben arbandoné, ajache i é conscidré desche refudames, o strions che porta desgrazia.Te chest viac la delegazion fascèna à ence volù portèr tel Congo e meter su la fossa de Betty na làpida scrita per fascian. “Mama Betty Sommavilla: da Fascia en miscion a Kimbondo per amor del Segnoredie. Ere malà e me aede rencurà.” Chesta la paroles taèdes ite tel mèrmol, che l’é restà tel Congo desche prum segn del strent leam anter Fascia e Kimbondo che jirà inant tel temp. N leam nasciù da la ritajon che Betty ge à lascià a duta la

Nstadì iel stat na bela trasmiscion tla televijion n con’ de Umberto Eco, persona ora dla set mesures, carismatica, nteletuela, academica, ma tl medemo mumënt tan normala. Danter na dumanda ejistenziela y l’autra, coche “Sce Microsoft ie l fra prutestant, ie pa Apple si fra catolich?”, àl nce rujenà de politica. De politica y de politicheri y l raport cun i media y cun la jënt. Eco dij che l ie segur che sce n politicher, ma nce n gran mprenditëur, sà che l vën a dis ite nutizies negatives, pona mëtel dant na bomba nzaul. A chëla maniera sarà i media plëns dla nutizia dla bomba, ma deguna nutizia negativa per l politicher o mprenditëur. La bomba de Berlusconi, vedla bolp dla comunicazion, ie n iede chësta y pona chëla, śën iusta chëla de Ruby. Plates y platones plëines de Ruby, Ruby via y Ruby ca. Ma nët nia dla situazion dl’economia tla Talia, dl lëur, dla situazion dla Banca d’Italia. Monce la nutizia dl puere saudé mort tl Afghanistan, l alpino Luca Sanna, ie unida ora mé nzaul dovia, pitla, mpede dancà ulache la tuchëssa. Moral: sce ne union nia mazei da na bomba, pona se lascions for freghé dal’autra bombes, mediatiches. Moral dla moral: ma chi se n frega pa de Ruby? Mpurtant fóssel a cialé che la Talia ne vede nia da ruf ora!

comunanza de chesta val ladina. Maman Betty, descheche i la chiamèa si bec, à lascià recorc che no vegnarà desmentié. Tel spirit de ge dèr n davegnir ai bec ospité te la pediatrìa, l’aea pissà de far sù na cèsa per la touses, che les posse tachèr a se rangèr ti mestieres de cèsa, fenir la scola e tachèr a se troèr n lurier e doventèr autonomes. Chesta l’é la ritajon che à lascià Betty a la Val de Fascia. Apede ai 700 bec che ela se aea adotà, fat sies un per un, dal prum a l’ùltim, e che ades che la é sun Paradis l’à metù te la mans di fascegn. Te la piates 4 e 5 de chest sfoi troon n bel reportaje de chesta esperienza, con scric e retrac de Ivano Winterle, un di componenc de la delegazion. deplù a plata 4 y 5

Per ne l desmincé nia! La jënt de Ampëz, Col y Fedom à dit de ulëi unì pra Südtirol, pra la Region Trentin-Südtirol. Ntant iel bele passà n bel struf. I tëmps istituzionei ne n’ie nia unii tenii ite a Roma. Recursc di Chemuns ie unic batui de reviers dala Chëurt Costituzionela. I Chemuns ne à nia cumpetënza. Chi à pa pona la cumpetënza? L resta la lerch discreziunela, da coche l semea. Chël uel dì che n possa mé aspité y speré, pudëssen miné. Ma cun chël ne n’iel nia de fat. La politica statela muessa se dé na sburdla, na sburdla muessa dal’autra pert nce unì dala tlas politica dla Region TrentinSüdtirol y dla Provinzia de Bulsan. Passa 60 ani iesi unic desmincei, i trëi Chemuns ladins. Cialon de ne jì nia inant cun l medemo fal! David Lardschneider


Letres y Atualité

nr. 03 / 21 de jené 2011

Antersasc y i joliers - döes mosöres

“Gherdëina - Südtirol - Italia“

Lëtra daverta Al é bele passè n pü’ de tëmp, da canche nos patruns di terac ùn fat propostes desvalies de provedimënć por restabilì la pêsc ite en Antersasc. Cun morvëia mëssuns’ constatè che ćina sëgn n’él stè degönes de chës porsones y degügn de chi grups, che à protestè tan dadalt cuntra le tru da munt tla val de Antersasc, che s’à lascè adintëne o à fat val’. Olà ési pa romagnüs l’Assessur al ambiënt cun la Comisciun por la sconanza dla contrada y l’Ofize por i parcs naturai, le Dachverband für Natur- und Umweltschutz, Legambiente, C AI, AVS, Heimatpflegeverband, düć i atri vërć y ambientalisć, chi che scri te Facebook sön la plata “Salvun Antersasc”, y Michil Costa? Ési mo magari düć en vacanza, magari propi tl hotel a 5 stëres de Michil Costa tl’Alta Badia, por palsè dai strabac dles protestes? Sce ara foss insciö, spo ài tratan sü raić cun i schi o tratan sües

spazirades da d’invern dessigü osservè, che söl Ju de Frara y sön Pralongià a 2.000 m de altëza él dé por dé deplü joliers che ti pîta a sciori y a jënt dl post demeztrù heliskiing söla Marmolada o jori panoramics sura i crëps dl Sela ia (raiun sot a sconanza), devers Pöz y Gherdenacia tl parch natural PözOdles o devers Fanes tl parch natural Fanes-Senes-Braies. Döt chësc tl cör dles Dolomites, tl patrimone natural mondial Unesco - inće sce al é proibì! Por informaziuns plü avisa bastel dè na odlada te internet! Olà romagn pa les gran manifestaziuns, les protestes, les conferënzes stampa y i.i.? Magari fóssel indô - sciöche tl cajo de Antersasc - da fà na sopoltöra, o na plüra dan Signoria, o na sospensiun da pert dl TAR. Olà é pa la comunicaziun ala Comisciun dl’Unesco y al Ministêr por l’ambiënt a Roma? Olà romagn pa le scrai cuntra chësta “evoluziun pornoalpina” (l’espresciun é de

Michil Costa)? Ne fej mo chisc jori dl tëmp lëde y chisc raić a nëi intiera nia dann al bosch y ala salvarjina? Porater, valgügn di auturs de “Salvun Antersasc” é gnüs odüs da püch che ai fajô escursciuns cun i schi ite en Antersasc. Le ial da crotun, la iarina blanćia, la muntagnola y d’atri tiers salvari sot a sconanza sarà dessigü stà contënć de chësta vijita desturbënta da d’invern. Nes proibì a nos patruns di terac da laurè aladô dl tëmp, mo daurì ala sozieté dl tëmp lëde dötes les portes, chël ô dì conzede döt incuinamënt dl ambiënt laprò - é bëgn n pü’ massa! Pescoll Lucia, surastanta dla Vijinanza da Pescol, Pescol 35, 39036 Badia Johann Mair - Obermoar, patrun dla munt de Antersasc, Mantëna Todëscia 38, 39030 San Laurënz

Le nightliner, na bona investiziun por nüsc jogn? L’edema da denant él gnü presentè te na reuniun di maestri na mapa che trata la tematica de “Renforzè les competënzes de vita de nüsc mituns, sciöche prevenziun por les dependënzes y suizid”. I maestri é spo gnüs invià da laurè de chësc vers. Chësc ô dì che al é problems, inće le problem dl alcohol. Dal’atra pert àldon che al dess gnì istituì na coriera che condüjes i jogn la sabeda sëra da Calfosch ćina a Bornech/Raiscia y indô zoruch. Da öna na pert vëighi ite l’utilité de chësc sorvisc sot al punt d’odüda dla mobilité y dla segurëza. I crëii inće che sciöche genitur poi me stè plü saurì da savëi cun chê che mi mituns é söl iade y da ći ora che ai röia indô zoruch a ćiasa, zënza messëi inće jì a i do.

Dal’atra pert me damani: ne inzentivëia nia n te’ sorvisc pro i plü jogn le rodè incërch de nöt y döt ći che alda laprò? Ći ti vëgnel pa pité ai jogn te chisc posć olache ai vëgn menà, p.ej. a Raiscia? Da informaziuns che i à ciafè, comporta chësc sorvisc p.ej. da Türesc ite de gragn problems, ćiodì orésson pa impò le mëte da jì tla Val Badia? I crëii che dlungia i pubs, bars etc. messunse nos adulć ti pité a nüsc jogn alternatives da s’incuntè. Iö fajess n iade la proposta de adorè i locai di jogn, olache al dess gnì organisé manifestaziuns desvalies (batadù, conzert…) y la coriera podess insciö ester punt de coliamënt. Implü aratassi de gran

importanza da mëte da jì n proiet por plü agn olache scora, istituziuns, cöres, uniuns, geniturs, jogn, proprietars di bars y esperć portes inant na cultura sana dl devertimënt y dl stè adöm. Mëte sö na coriera y spo ti surandè nüsc jogn ai pubs, chësc é massa püch. I oressi stlü jö cun n pice pinsier ch’i à aldì da n jonn; al desmostra che i jogn é daverć ales alternatives, y inće le bojëgn che al é da daidé chirì alternatives sanes por le tëmp lëde: dui jogn röia tratan na schitour sön na piza de n crëp. Un ti dij al ater: “Ći bel che al é da ester chilò. D’atri mina che le plü bel sides da se fomé n canun”.

Pervia de mi lëtra n cont dl’adurvanza dl inuem „Gherdëina“ pra la garejedes de copa dl mond, se à Edmund Dellago lascià audì purtan dant si argumënc, da n cër’ pont de ududa nce iustifichei. Te si lëtra iel da udëi ora tan rie che l ie a ti fé drët a duc y da capì iel nce che sun n placat ne pòssen nia mëter su na mesa desëina de inuemes: Gherdëina, Val Gardena, Gröden, Südtirol, magari mo Alto Adige y sambën Italia, per ne rujené nia de duc i retlams mo leprò. Ma che n muessa propi dunfrì su l inuem „Gherdëina“ me sà bën scialdi da desplajëi y nce nia drët. Perchël me mpermëti de fé mo n’autra pruposta, che fossa: “Gherdëina - Südtirol - Italia“.

Tulan ca l ladin, l tudësch y l talian acuntentëssen duc. Bera Edmund Dellago ulëssi prië bel che ël se fajëssa n pensier sce l ne fossa nia mesun adurvé l inuem „Gherdëina“ a una o l’autra maniera. Ie capësce che l pudëssa purté problems a mudé chisc inuemes. Fauz a ne adurvé nia l inuem „Gherdëina“ àn fat dantaprima dan carant’ani canche n ie piei via. Segurmënter nia fauz ne fajëssen a mudé sën. La tëuta de posizion de Erich Demetz da Laion possi mé dì che la ie scialdi nteressanta. Ie spere che trueps l’ebe lieta, la se l merita. Per nia ne l ài pa fat zitadin de unëur. Walther Kasslatter, Runcadic

Uties CAI La Jonta provinziela à te si senteda dl’ena passeda nciarià si presidënt de se ancunté cun chëi che mëina la 24 uties dl CAI che ie śën avëi dla Provinzia, per stlarì cuestions de dërt Uties - Ajache l ne fova nia stat mesun abiné na forma adateda per mëter a jì da nuef la gestion dla uties dl CAI che ie cun l prim de jené 2011 passedes ala Provinzia, ti iel ai gestëures unì pità de jì inant un n ann cun la cundizions da dant. Davia che l ie unit su plu melsegurëzes pervia de cuestions de assegurazion y de dërt se

ancunterà l presidënt Luis Durnwalder te chësta enes cun i gestëures per stlarì la cuestions. Cun reprejentanc dla lies da mont AVS y CAI se ancunterà l presidënt dla Provinzia nce per traté l daunì dla uties de mont y modiei nueves de gestion. Nce chësta tratatives ie ududes dant per chësta enes. (usp)

Erich Frenademetz, Al Plan

Lege urbanistica La Jonta provinziela à te si segonda senteda dl ann nuef n lunesc de chëst’ena scumencià a traté la lege urbanistica Urbanistica - Danter la truepa cuestions che dëssa unì reguledes da nuef à l presidënt Durnwalder prejentà n valgun ponc de referimënt: scemplificazion, pruzedures che va plu debota ma zënza lascé pro spiculazion. La materia ie drët zitia, perchël fej la Jonta provinziela cont cun plu mënsc dan ruvé a na pruposta de lege definitiva per regulamenté da nuef l’urbanistica provinziela. L plann urbanistich dëssa aldò de Durnwalder pudëi unì adatà plu aslune. L prinzip dëssa vester chël de ruvé a una, de chësc viers dëssa la despuscions mé plu deventé n cajo de ezezion. Debujën iel nce de planns sëuracumenei, dantaprima per chël che à da n fé cun la strutures. Cuestions da stlarì à da n fé danter l auter nce cun la cubatura turistica che fova unida frabicheda per n ampliamënt cualitatif y che ne vën

2

www.lauscdiladins.com

nia plu adurveda per chëla rejon, ma che n ulëssa adurvé per cuatieres. De mëndra mudazions al plann urbanistich dëssel sce n cajo nce vester mesun fé mé cun na delibra dla Jonta cumenela. Te caji ulache l plann de atuazion ie laurà ora drët a puntin dëssel nce vester mesun frabiché zënza cunzescion dl Chemun, ma mé cun na comunicazion de canche n scumëncia y canche n fina i lëures: nsci la vijion dla Jonta provinziela. Danter la cuestions prejentedes te cunferënza stampa iel nce i raions de produzion per chëi che l vën for inò damandà de pudëi frabiché berstotes cun n cuatier leprò. “Nce tlo iel da cialé danora, ajache ne ulon nia che pona vëniel tl daunì su problems che per la jënt che viv tl raion de produzion, iel massa fuera y mpaziamënt dl’aria,” à dit Durnwalder.

N majer argumënt che muessa mo unì analisà miec ie la cunvenzions di cuatieres: al mumënt iela nscila che per l frabiché alesirà iel cunvenzions che dura 30 ani y per i autri cuatieres dura la cunvenzions per for. La Jonta provinziela se à tëut dant de smendré burocrazia tl ciamp urbanistich y de scurté i tëmps de pruzedures, perchël trateràla for inò chësc argumënt danter analises y ancuntedes cun grupes de nteres. Per l instà féjen cont de pudëi dé pro l dessëni de lege da ti dé inant al Cunsëi provinziel. (usp) Priesc d’abonament anual: per la Talia: 58,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Sëlva IBAN: IT 30X 08238 58680 000302000016 SWIFT: RZSBIT21055

Info abonament: Tel. 0471/789294

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Longo AG, str. Kravogl 7, Bulsan. Destribuzion: Gregori Filippo, Predazzo (TN), 0462 516115 Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per dé ju articui é l mertesc enchin la 18.00h. Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Letres y Atualité

nr. 03 / 21 de jené 2011

Da les zentrales de partic politics y listes

Lege de imigrazion Mudazions ala lege de imigrazion: dezijion spënta. Rejons ma nce duvieres per i imigrei, trëi cumiscions nueves y cundizions per l sustëni provinziel: chisc ie stai i ponc zentrei che la Jonta provinziela de Bulsan à udù dant tla pruposta de lege n con’ di imigrei

La Jonta provinziela de Bulsan.

Imigrazion - Te si senteda dl 10 de jené à i assessëures tratà de plu aspec che unirà sën adatei tla pruposta de lege per unì pona metù sun l ordenn dl di dl lunesc che vën. 40.000 fulestieres, de chisc 27.000 nia europées, viv te Südtirol. “La jënt che vën da ora dl’Europa a viver tla provinzia de Bulsan ne à nia mé dërc ma nce duvieres,” à dit l presidënt Durnwalder ntan la cunferënza stampa. Per la Jonta provinziela iel tler che l’economia de Südtirol se adrova cunlauradëures da oradecà, ma mé tanc che ie veramënter debujën. L muessa nce vester tler che i imigrei ne possa nia unì adalerch mé per l miëur sustëni soziel. N prinzip che i assessëures se à tëut dant a lauré ora la pruposta per na lege nueva ie l tratamënt cun denità, zënza dé rejon a na sozietà paralela o nchinamei a ghetos. La mira dla Jonta provinziela ie na cunlaurazion te chëla che da tramedoi pertes iel debujën de ulentà de mparé a cunëscer cultura y particulariteies.

„Mparé a cunëscer l auter“ “Mé sce n mpera a cunëscer l auter pòssen ti vester a tëmes y festidesc,” à dit l presidënt. Perchël iel nce debujën de nfurmazion n cont dla particulariteies cultureles. Trëi cumiscions dëssa lauré per arjonjer chisc ideai che n se à tëut dant. Na sënta de cuordinazion dëssa tò ite duc i ufizies provinziei che à da n fé cun zitadins nia europées. Sot al ciapel dl Ufize provinziel per l lëur dëssel nce unì njenià prugrams per plu ani. Na segonda cumiscion dëssa lauré contra la descriminazion. “Te nosta provinzia ne dëssa deguni unì desvantajei o nchinamei perseghitei per si rujeneda, culëur dla pel, religion o raza,” à dit Durnwalder, fajan apel al respet de un per l auter. Te na sënta per imigrei dëssa plu autoriteies, l ulentariat y aministrazions locales lauré ora

programs deberieda cun i imigrei. Te uni cumenanza raionela y nce ti chemuns dëssel unì nciarià na persona de referimënt che dà inant nfurmazion de persona. Aldò dl presidënt dla Provinzia dëssa nce lies sportives y cultureles se giaurì y tò ite pea zitadins che vën da oradecà.

Cin’ ani de residënza Sustëni soziel y suvenzions da pert dla Provinzia de Bulsan dëssa, aldò dla pruposta, mé giapé imigrei che sëuraprò a 5 ani de residënza ebe nce laurà almanco trëi ani tlo. “Messon se tenì ala fundamënta metuda dant per lege taliana y ne on nia la puscibltà de fé politica estera. Ma pudon mëter cundizions ai aiuc che dajon sëuraprò,” à detlarà Durnwalder. Minà iel tlo per ejëmpl suvenzions per l fit dl cuatier, per families o per giapé n cuatier. Tla materia de fé unì do chëi de familia ne à la Provinzia nia cumpetënza direta. Per giapé aiuc provinziei vëniel damandà de respeté i standard da tlo, per ejëmpl n cont de minimum de davani y massa jënt ti cuatieres . Cuncretamënter vëniel damandà l ejam de rujeneda ntan i prim doi ani (slungëi a trëi ani) y sëuraprò de avëi laurà almanco per un n ann. Per fé unì do i mutons dëssel unì tëut n cunscidrazion la residënza di genitores. Sce l vën do i genitores de chëi che damanda l sustëni, muessa chisc nstësc respeté i criteres metui dant per pudëi giapé prestazions sozieles (cësa de paussa, cuntribuc de cura).

Cunescënza dla rujeneda La cunescënza dla rujeneda vën nce damandeda per jì a scola y ala scolina. Chi che ne sà nia la rujeneda muessa dant fé cursc. Da pert dla Provinzia se mpenieràn de mëter a jì cursc de rujeneda no mé per i sculeies, ma per duta la familia. Cun paroles tleres à Durnwalder

cunedì che l ne unirà nia lascià pro desfrutamënc nia iustifichei dla suvenzions, sciche per ejëmpl sce mutans jëunes vën tëutes ora de scola per les mandé de reviers a se maridé y l vën for mo inant paià do suvenzions. Ntant dassòvel unì adatà la pruposta de lege per pudëi prejenté n test definitif tla proscima senteda dla Jonta provinziela.

Dezijion spënta N generel ie te si senteda de n lunesc ai 17 de jené la Jonta provinziela stata a una cun la pruposta de lege sun l’imigrazion che fova unida adateda do la senteda dl’ena passeda. Dlongia la rejons per zitadins nia europées, dëssel nce unì udù dant miec i duvieres, perchël ie la dezijion definitiva sun chësc dësseni de lege unida spënta mo n iede, ala proscima senteda. N cumité de assessëures dëssa lauré ora i ultimi particuleres dla lege sun l’imigrazion per la provinzia de Bulsan. Te truep caji iel la lege naziunela che dà dant cundizions per i zitadins che vën da ora dl’Europa. Da pert dla Provinzia de Bulsan uelen udëi dant cundizions di zitadins da oradecà canche la se trata de aiuc y suvenzions provinzieles. “Zitadins nia europées ne n’ie nia mé bënunii, ëi muessa nce lauré tlo da nëus y respeté nosta rujeneda, cultura y religion,” à dit l presidënt Durnwalder tla cunferënza stampa do la senteda dla Jonta. Cun la lege provinziela nueva ne uelen no mé regulamenté la rejons di imigrei, ma nce i duvieres. Nsci messerà, coche dit, i imigrei mustré su che i viv da almanco cin’ ani tla provinzia y che de chisc ài laurà almanco trëi ani, per giapé suvenzions provinzieles. Per jì tlo a scola muessa i zitadins da oradecà savëi la rujeneda, cossa che vën nce damandeda dai granc, a na maniera da arjonjer plu saurì la ntegrazion. (usp)

N desaster por i ladins Comentar de Albert Pizzinini de Ladins Dolomites en cunt dl plann de repartiziun dles scores te Südtirol Comentar - Le plann de repartiziun dles scores a livel de Südtirol à descedè de gran discusciuns, suradöt tl monn dla scora talian y todësch, deperpo che te Gherdëna y Badia él stè bindebò chît, sciöche sce al ne sozedess nia. Düć s’aoda o arata de ester te de bones mans cun l’Assessur ala Scola y Cultura ladina. A Balsan ćiarera fora deperpo bëgn atramënter tles sentades de Junta. Le PD se prô da mantignì les direziuns tles scores talianes, l’assessuria Kasslatter Mur se batô por chëres todësces. Y ći fajô pa nosc assessur. Dolarata nia! De cater direziun che al é, n’él gnü fat döes! Le 50% de manco. Na scora prestigiosa sciöche la Scora d’Ert Cademia a Urtijëi, conesciüda sura les valades ladines fora, perd sua direziun y vëgn metüda adöm ala scora profescionala y al ITC te öna na direziun. Chësc ti tol prestisc y importanza ales scores ladines y desmostra ćiamò n iade tan debli che i ladins é politicamënter. Sce l’assessur talian y chël todësch ess pordü le 50% dles direziuns, foss la popolaziun dessigü saltada sö y ai ess messü fà i cufri! Por ći che reverda spo l’ITC a Urtijëi, se tràtera de na scora che crësc cun sües trëi direziuns IGEA, Turism y IGEA SPORT. Por na scora che crësc ôl inće ester les ressorses aladô. Al ne basta nia garantì les ressorses dl ann passè, mo al ô ester na injunta de ressorses

por podëi pité na oferta formativa completa y adeguada cun 15 tlasses despartides. La vertora dla manćianza de ressorses ne pòn gnanca trà ca, ajache por d’atres istituziuns formatives él ressorses assà! Chisc é i fać che dess gnì mudà y chilò se damana la popolaziun ladina che nosc assessur se descëdes y bates n iade i pügns sön mësa por fà avarëi les rajuns ladines, adoran düć i stromënć politics, inće chi de ne sostegnì nia la maioranza SVP sce al ne ti vëgn nia dè ći che al ghira. Chilò ne nen vara nia plü de proes de forza o de confrunt politich, mo dla scora ladina. Dit chësc, vàl debojëgn da analisé les gaujes de tan de deblëza politica. Imprömadedöt é chëstes da chirì tl fat che le post de assessur ladin é ma garantì dal momënt che al vëgn lité dui ladins tl consëi provinzial. Insciö n’éra atualmënter nia y l’assessur ladin depënn dala maioranza todëscia y vëgn ma cherdè a fà pert dla junta sce al ne desturba nia demassa. Implü él da dì che tl cajo de Florian Mussner vëgn les usc por 2/3 dala popolaziun todëscia, popolaziun che al mëss rapresentè politicamënter y che al rapresentëia dolarata bun. Dales ultimes lîtes provinziales àl davagné usc danter la popolaziun todëscia. La chestiun scora é l’ejëmpl de olache al porta sce an se lascia rapresentè dai atri. N prisc massa alt che ne po nia gnì azetè. La scora ladina à da gnì defenüda y valorisada.

Iscrizions ala scoles Genitores possa ntan la proscima doi enes scrì ite si mutons y mutans per l ann de scola che vën. L ultimo di per la iscrizions ala scoles elementeres y mesanes tla valedes ladines ie ai 31 de jené Scoles - La iscrizions ala scoles de ublianza per l ann 2011/12 possa unì fates diretamënter tla scola elementera o scola mesana

plu daujin. La iscrizions ala scoles autes te Gherdëina y tla Val Badia possa unì fates nchin ai 31 de merz. (usp)

Criteres per cuatieres I criteres de sustëni provinziel per cuatieres soziei a zitadins nia europees ie unic adatei. La Jonta provinziela à te si senteda de n lunesc dat pro de adaté la formula dl cont a na maniera de adurvé i medemi criteres sciche per la jënt da tlo, ma mantenian despartides la doi graduatories Ciuatier - I assessëures provinziei ie stai a una de adaté la norma n con’ de cuatieres soziei IPES (Istitut per l’edilizia soziela) a zitadins nia comuniteres. Chësta mudazion ie stata debujën do na sentënza dla sunieria de lëur che ova detlarà la regulamentazion da dant descriminënta. La Jonta provinziela à śën stlarì la cuestion tenian cont de no ulëi fé paië lessù chëi da tlo, de no ulëi sustenì l auzé di priejes de fit y de no ulëi spënder deplù che ne n’ie mesun tres l bilanz provinziel. L unirà mantenì la doi graduatories

spartides, mudan la formula de cont che vën fat aldò dla perzentuela de zitadins y la cumpëida de dumandes. La zifres di zitadins nia comuniteres ie: 5,26% dla populazion dl Südtirol y 27,09% dla dumandes azetedes (cun almanco 25 ponc). Aldò dla formula nueva (coefizient 3 mpede 4 n cont dla perzentuela dla populazion) vëniel ora de mesaria n valor de 10,72% mpede 8,9%. A chësta maniera fej l’aministrazion provinziela cont de avëi adatà l regulamënt a na maniera che l possa nce jì bën per la sunieria. (usp) www.lauscdiladins.com

3


Atualité

nr. 03 / 21 de jené 2011

“Ere malà e me aede rencurà” Mama Betty Sommavilla: da Fascia en miscion a Kimbondo per amor del Segnoredie. Na targa scempia ma con sentimenc fogn, proprio sche che l’era ela - maman Betty, coche i la chiama aló - la é stata portada tel Congo su la fossa de la miscionara da Ciampedel Betty Sommavilla da la delegazion de Fascia A spetar la delegazion de Fascia, che tolea ite l decan don Giuseppe, l conseier provinzial Luigi Chiocchetti e dapò Lisa, Maria, Gabriele, Marco, Silvano e Ivano, l’era pare Hugo Rios, preve e medico pediatrich originèr dal Cile, e Laura Perna, jà primaria te n ospedal de Siena, fondadores de l’ospedal pediatrich de Kimbondo, che i é dò che i dedica sia vita a chest projet, proprio descheche à fat Betty. Ma soraldut a ne spetar l’era i 700 bec ospité te l’ospedal pediatrich. “Chiò no troade mama Betty, che ades ne varda ju dal ciel – ne à dit pare Hugo - ma troade si fies, che ades l’é ence vesc fies”. Più che n ospedal, la pediatrìa de Kimbondo, te la Republica Democratica del Congo, a pech più che 30 chilometres da Kinshasa, somea n picol paìsc, olache vegn rencurà duc i pìcoi che per n vers o l’auter à de besegn de cure: dal padilion de neonatologìa a chi de le malatìe enfetive, cardiologìa, radiologìa, tubercolosi a chel olache vivea mama Betty: la casa Patrick, olache ge vegn dat alberch ai pedimenté. Se pel dir che anter la meseria, i problemes de sanità e le desvalive gran dificoltà che ogni dì duc i bec de l’ospedal cogn ge far front, Betty aea volù proprio jir a star coi ùltimes te anter i ùltimes.

N ospedal che se cruzia di bec conscidré refudames de la sozietà L’ospedal l’é nasciù presciapech acà 20 egn, per ge sporjer n servije debant a chi che no pel paar, te n paìsc olache duc i ospedai i é a paament e donca zenza scioldi no se pel aer nesciuna prestazion. Ma apede a le familie purete, l’ospedal se cruzia ence di bec orfegn, e soraldut de chi che tel lengaz

4

www.lauscdiladins.com

lingala vegn chiamé “ndoki”, che volessa dir refudames: bec de strada, bec pedimenté o bec ardandoné demò perché conscidré strions, e donca da copar, brujar vives o amàncol da se n desfar. Chesta idea di bec strions che porta malatìe e meserie te ciasa l’é na superstizion che se à slarià fora tant che la maor part de la jent azeta che n pare o na mare posse ge far del mal o copar n fi giusta percheche l’é conscidrà strion, zenza che el posse dir ne far nia per se defener. L’ospedal pediatrich de Kimbondo, che azeta duc chi tel besegn, oramai l’é n muie cognosciù te la zona e l’é doventà n pont de referiment, tant che canche la polizia troa bec ardandoné i li porta aló, e valif fasc valch familiar o amich che vel salvar l picol da na mort béleche segura. Autre oute l’é i bec enstesc che, sciampé da le ire de la familia, malé e denutrii, i rua aló, valch outa ence dò setemane de strada a pe, per ruar te n post olache i sà che i pel vegnir curé e rencuré. Coscì pare Hugo, maman coco, che tel lengaz de aló vel dir giava (coscì vegn chiamà la dotora Laura), noscia maman Betty, duc i volontadives internazionai e l personal de l’ospedal doventa per chisc pìciui più che infermieres e dotores, ence mare e pares che se cruzia de ic e che pel ge dar na speranza per l davegnir. Proprio con chest spirit l’organisazion de l’ospedal à fat sù ence scole che inant mesdì l’é scoline e popolare e domesdì le doventa mesane, aute e laboratories olache se empara a cojir e a lurar l legn.

Maman Betty Śiran per i padilions de la pediatrìa basta na veiada, na parola per esser zircondé de bec che

domana de esser tegnui sun gremen n menut, jir per man, aer mìngol de atenzion. Ma canche se ge spiega che vegnon da la val de maman Betty a duc ge se enlumenea i eies. Duc recorda con gran stima chesta femena de gran fe che ge à dedicà i ùltimes egn de vita a chisc pìcui. Padre Hugo l’aea cognosciuda tal Camerun acà chinesc egn e da enlauta i à semper lurà ensema. De ela l disc te sie blog su internet: “la é stata mie pont de referiment e mie sostegn ti momenc più senestres de chisc egn africhegn, mia mare protetiva e mie agnol custode. (…) l’à vivù en “assoluta povertà”, aldò di prinzipies franceschegn. Te chesta sia scelta de na vita scempia, al servije di bec e di preves, stasc sia richeza”. Parlan co la jent che laora te la pediatrìa i se recorda delvers che Betty levaa da le cater da doman, la se cruziaa de lavar, conciar e sopresciar massarìe, de organisar i magasins di aiuc umanitaries, ma soraldut la vardaa via si pìcui pedimenté de ciasa Patrick e no la se fermaa mai fin canche vegnìa bon scur. Te n diarie che la ge aea consegnà a Don Giuseppe, parlan a la Madona la dijea ”gé no sé, Mère, cheche t’ès proà tu a strenjer te brac Tie pìcol, no sé cheche t’ès proà ai piesc de la crousc a strenjer te brac to fi, l’inozent, ma canche strenje a me chisc pìcui sente, Mère, che strenje l Fi de Die”.

La ciasa entitolada a maman Betty Tel spirit de ge dar n davegnir ai bec ospité te la pediatrìa, l’era stat pissà da Betty de far su na ciasa per le touse, che le posse tacar a se rangiar ti mestieres de ciasa, fenir la scola e tacar a se


Atualité

nr. 03 / 21 de jené 2011

Segnoredie sion bogn de ge far passar valch moment bel a chisc pìcui, aon jà fat n bon lurier”.

L davegnir de la pediatrìa e nosc davegnir

troar n lurier e deventar autonome. “I morc mer demò tel fisich, ma i é semper chiò apede noi” coscì disc pare Hugo canche mer un de “sie” pìcui, ma ence canche l parla de maman Betty, coscì ence se no la é più con nos, l creit n muie te so projet, l’à tacà a comprar l teren olà far su la ciasa e l se à confrontà con nosc decan don Giuseppe, che l’à sobito tout ite noscia comunanza de Fascia e con scomenzadive desferente l’à tirà su n muie de

oferte per poder far sù chesta ciasa che vegnarà intitolada a Betty Sommavilla. Coscì la delegazion, compagnada da dalonc da pensieres e orazion de noscia comunità de Fascia, ge à portà diretamenter a pare Hugo le oferte de la jent de la val e di gesć tirade sù fora per l’invern e prest pontarà via i lurieres. Canche se ge domana coche l farà a fenir i lurieres de chesta

ciasa o a paar dute le speise che à chest ospedal, che va inant demò co le oferte de la jent, pare Hugo respon che endana l’à abù familiares e n muie de jent che lo à didà, e che se chest projet l’é dalbon l voler del Segnoredie, no menciarà persone de bona volontà che lo didarà ence tel davegnir. E l disc amò: “no l’é emportant l temp che vif na persona, ma i momenc bie che chesta persona passa te sia vita. Coscì se co l’aiut del

Te pec dis l’é stat possibol aer demò na pìcola idea de dut l lurier che stasc tedò la pediatrìa de Kimbondo e de cheche vel dir aer passa cent lurieranc da gestir che à ritmes desvalives dai nesc e che vegn da na cultura che no azeta i malé, i desvalives, i strions. L’é stat senester per nos veder che chisc pìcui malé no demò no i à jeghes da se matear, massarìe da se mudar e la maor part no à nience genitores, ma enscinamai i dotores, infermieres e jent dal post paada per ge star apede e i didar i fasc fadìa a ge dar mìngol de amor. Chest più che a na critica ti confronc de chest popol ne porta a tor coscienza de tant che sion fortuné a aer na familia, a esser segn e nasciui te n post bel e che fenida la vera se à tirà sù dalvers con semper maora richeza. Ma ne porta ence dedant a n gran sens

de responsabilità dedant a Die e a dut chel che aon abù da la vita e n doman ne vegnarà domanà de render cont. Fossa massa sorì jir inant a viver te nosc benesser, far mena de no veder e no saer e lasciar che i autres se range, o ge dar demò chel che ne vanza, magari ence per se librar de mingol de batarìa che se à te ciasa per ge far post a valch da nef e più tecnologich. Descheche disc padre Hugo “massa richeza ma ence la meseria ne porta dalonc da Die, enveze la povertà l’é n don”. Povertà entenuda desché capazità de se encontentar de chel che se à, de esser ascorc ai autres e a chel che suzede più o manco davejin da nos e de se dedicar a chi tel besegn. No emporta tant che se fasc. Che sie n aiut, na orazion, n braciacol, l’emportant l’é che sie dalbon l miec che podon far e che chest l vegne fat col cher. Ence demò na scempia careza fata a n pìciol, se fat con amor, pel esser conscidrà unich e straordinarie, descheche ne à ensegnà nesc pìcui fies, rité da maman Betty. Ivano Winterle

Laura Perna e Pare Hugo Rios fondatores de l'ospedal. www.lauscdiladins.com

5


Atualité

nr. 03 / 21 de jené 2011

La frasa dl ann ladina vegn da La Usc Parola, parolata y frasa dl ann 2010 tl Südtirol: Wählbarkeit (“litabelté”), risparmio (“sparagn”) y Antersasc. Frasa ladina dl ann é “Plan plan toma la rei”, touta da n titul de La Usc di Ladins Lengaz - Per l sest iade ti àn damané ai Todesc, Talians y Ladins de lité la parola y la parolata dl ann tl Südtirol. Per l prum iade àn ence chirì la frasa dl ann. I resultac respidleia dret ben cie che à fat rejoné tl Südtirol tratant l’ann 2010.

Nos messon sparagné “Wir müssen sparen/Nos messon sparagné” - chesta frasa àn audì n grumon de iadi tratant l 2010, te n temp con trueps budgets publics y privac che é vegnus mendri. N valgugn che à adoré chesta frasa à dé l’imprescion de pensé plu ai autri che a se enstesc - magari é ence chesta na caratersitica de nosta provinzia. “Nos messon sparagné” é perchel vegnù lité frasa dl ann 2010 per l lingaz todesch. Nia de morveia n’é la parola dl ann todescia: “Wählbarkeit/litabelté”. Chesta parola é chilò da nos o definida te na maniera massa puech clera, o touta massa avisa, tant che ala ti à dé da fé de plu iadi ai tribunai y ti à costé l post a trei consiadours provinziai. Desche parolata à la juria chirì fora chela ortiada ite l plu iadi: “Erreichbarkeit/ azessibelté”. Con na “mioura azessibelté” végnel evoché valch che abelesc la realté y che pò avei ence si svantajes, sce ala vegn identificheda con stredes y autostredes ciamó plu leries, pistes d’areoport ciamó plu longes, plu tuniei, plu trafich, y te n temp

olache vignun é bele da arjonje di y nuet tres fonin y facebook, él trueps che veid te na “azessibelté” ciamó plu grana n problem, desche les truepes ousc per chesta parola à desmostré.

Antersasc y “Plan plan toma la rei” Con l’”azessibelté” à ence da fé les dezijions dla juria ladina. Parora dl ann é vegnuda liteda Antersasc. L a L articul de pruma de La Usc di Ladins nr. “urbanisazion” tres na 46/2010, che à ispiré la frasa dl ann 2010. streda d’azes dla mont d’Antersasc tl raion de sconanza november 2010: “Plan plan toma UNESCO à gaujé de gran la rei”, che descrivova i problems descuscions ence fora dla Ladinia. che an à ciamó con l internet te n Ma la juria à ence auzé fora n efet valgunes pertes dla Val Badia. L colateral positif : te duc i media él juech de paroles con la ciantia da vegnù adoré l inom ladin Nadé “Plan plan toma la nei” ti “Antersasc” y nia la traduzion dles lascia al letour la interpretazion, chertes g e o g r a f i c h e s che pò ester positiva (ence sce “Zwischenkofel”. La descuscion à plan, mo tert o adora rovarà l perchel a la fin ence contribuì a la internet endlonch tla Val Badia) o valorisazion de n toponim ladin. negativa (plan, ma dessegur tomarà La parolata dl ann ladina é “piz de la rei internet adum a gauja di pèsc”. La mont de Antersasc á problems descric tl articul). vegnuda definida ti mass-media desche “ultim piz de pèsc”, ma la Sparagné é parola y parolata descuscion à desmostré che an é ciamó dalonc da rové a na pesc anter i interesc desvalifs che roda Pro la juria taliana se rodova entourn chesta mont. Desche frasa dut entourn l sparagné. Perchel é dl ann él vegnù tout n titul dl foliet la parola “risparmio/sparagn” “La Usc di Ladins” di 27 de vegnuda liteda sibe parola che

parolata dl ann 2010. Y chesta parola à belavisa n segnificat positif y negatif. L segnificat è positif, sce al é referì a na sozieté che à vedù ite che la cualité é plu importanta che la cuantité. Desche l economist Serge Latouche à porté dant te n referat a Bulsan, é i temps dl consum “salvar” de ressorses magari veramenter passés, ma “regrescion” ne mess perchel nia volei dì “jì endò al temp dla pera”, ma se envieia da pensé soura con coscienza sun nost conzet de begnester y de cualité de vita: de chest vers pò “sparagn” ence ester sinonim de “contenteza”. La conotazion è endere dret negativa, sce l sparagn vegn apliché te temps de crisa economica demé te puec setours sensibli, desche cultura, sanité y formazion, coche ala é efetivamenter steda te trueps paisc d’Europa. Souraldut per les families plu da la meseria à chesta sort de sparagn comporté ciamó plu meseria y dejocupazion. Daviache al è demé vegnù ite pueces propostes, ne à la juria taliana lité deguna frasa dl ann 2010. Les istituzions che organiseia la lita (Istitut per la comunicazion spezifica y multilinguism dl’ EURAC, la biblioteca provinziala Dr. Friedrich Teßmann, l zenter linguistich y la repartizion ladina dla Facolté de Scienzes dla Formazion dla Université Ledia de Bulsan, l post linguistich dl Istitut Cultural dl Südtirol) y i 12 membri dla juria ti dij dilan a dutes

y a duc che à fat propostes per la parola, la parolata y la frasa dl ann 2010 y envieia bele sen a tó pert ence pro la edizion dl 2011.

Die Jury / La Giuria / La Juria Andrea Abel, Institut für Fa c h k o m mu n i k at i o n u n d Mehrsprachigkeit, EURAC; Armin Gatterer, Abteilung für deutsche Kultur; Eva Gratl, Oberschullehrerin und Publizistin; Juliane Messner, Landesbibliothek Dr. Friedrich Teßmann; Christoph Nickenig, Sprachenzentrum der Freien Universität Bozen; Monika Obrist, Sprachstelle im Südtiroler Kulturinstitut; Martina Irsara, Facolté de Scienzes dla Formazion dla Université Ledia de Bulsan; Gerda Videsott, Facolté de Scienzes dla Formazion dla Université Ledia de Bulsan; Paul Videsott, Repartizion ladina dla Facolté de Scienzes dla Formazion dla Université Ledia de Bulsan; Claudia Provenzano, Istituto Pedagogico Italiano; Natascia Ralli, Istituto di Comunicazione Specialistica e Plurilinguismo, EURAC; Piera Rampino, Istituto di Comunicazione Specialistica e Plurilinguismo, EURAC.

Ancunteda cun Paasch

Cuntrat mé cun bilinguism

N barat de esperienza y de ideies n cont dla furmazion: chësc ie stat l argumënt zentrel dl’ancunteda dl minister belga Oliver Paasch cun i assessëures provinziei Florian Mussner y Sabina Kasslatter Mur l’ena passeda a Bulsan

A personal de cura y educadëures de persones cun handicap che ne ova mo nia l ejam de bilinguism ti fòvel tl ann 2001 unì cunzedù n tëmp de 9 ani per fé chësc ejam

Furmazion - Oliver Paasch ie minister per la scola, furmazion y ocupazion dla cumenanza tudëscia, la „Deutsche Gemeinschaft“ tl Belgio. Si vijita de chisc dis tla provinzia de Bulsan à dat ucajion de rujené de paraleles ala situazion de mendranza di ladins. L’autonomia dla cumenanza tudëscia tl Belgio se lascia nce paredlé cun la grupa de rujeneda ladina, ajache tramedoi realiteies fej pert dl cunsëi dla regions tl Parlamënt d’Europa. Te n tëmp de globalisazion à chësc cunsëi n gran valor per la mendranzes ajache l tën cont y sotrissea la mpurtanza de fé viver la mendranzes etniches. Sëuraprò ala mpurtanza dla furmazion cun la funzion zentrela di nsenianc, à assessëures nce tratà aspec che à da n fé cun strutures adatedes per n nseniamënt inuvatif che tën cont dl daunì. Tl’ancunteda dl minister Paasch cun Mussner y Kasslatter Mur iel uni rujenà dl bujën de pusciblteies nueves per finanzië strutures de scola te tëmps de manco mesuns publics. Argumënt prinzipel tratà cun l’assessëura Sabina Kasslatter Mur ie stat la

Aministrazion - Gran pert à mustrà su de savëi la rujenedes provinzieles. A chëi che ne à fat degun ejam, ne ti vëniel nia plu slungià l cuntrat de lëur. Tl cheder dl cuntrol di ënc locai iel nce duvier dla Jonta provinziela de fé tenì ite l’acurdanza che fova tl 2001 unida azeteda da Provinzia y cumenanzes de raion canche l ti fova unì sëurandat la gestion de chisc cunlauradëures. De dut l personal de cura y educadëures de persones cun handicap che ne ova mo nia fat l

6

www.lauscdiladins.com

cunlaurazion tl ciamp dla furmazion. I cuntac cun la Cumenanza Tudëscia tl Belgio fova bele unic nviei via ti ani ’90. Te chësc mumënt vëniel laurà a na rë de cuntac „comenius“ che vën cuordinà dal minister dla Cumenanza Tudëscia cun l Istitut pedagogich sciche partner. Argumënt tratà che ti sta a cuer al assessëur ie nce l sustëni dl liejer y mparé rujenedes. „Nëus ti cialon ala Cumenanza Tudëscia ajache ëi à de gran cumpetënzes tla

furmazion, ëi cëla a nëus ajache on de miëura pusciblteies finanzieres,“ a dit Kasslatter Mur. L cuntat cun l minister Oliver Paasch ova Mussner bele abù de lugio dl ann passà, canche l fova stat a Eupen tl Belgio sun nvit dl Presidënt di ministri Karl-Heinz-Lambertz. „Teniron inant i cuntac cun la Cumenanza tudëscia tl Belgio y susteniron n bon barat de esperienzes,“ à dit Mussner do l’ancunteda. (usp)

ejam de bilinguism n iel mé plu restà 46. De chisc à 37 arjont l ejam de n livel plu bas y a chisc ti uniràl slungià l cuntrat de lëur aldò di criteries dl ejam che i à fat. A 9 persones che ne à fat degun ejam ne ti pòssel nia plu unì slungià l cuntrat. “Ti dé da lëur a chëi che ne respetea nia la cundizions metudes dant uel di ti fé de dann a d’autri che ëssa la cundizion y ne giapa nia da lëur,” à dit l presidënt Durnwalder per spieghé la rejon de chësta dezijion dla Jonta provinziela. (usp)

Pruvedimënc meldefuech Strutures turistiches muessa avëi pruvedimënc contra l meldefuech. La data per vester a post cun chisc pruvedimënc ie unida spënta de n ann, nfati nchin ala fin dl 2011

I assessëures Kasslatter Mur y Florian Mussner cun amez l minister belga Oliver Paasch.

Meldefuech - Davia che plu strutures ie tl lëur de fé ressanamënc fova la data per avëi i pruvedimënc contra l meldefuech bele unida spënta. L Guviern Talian à mo n

iede spënt l’ublianza de n ann y nsci à nce la Jonta provinziela adatà si normes per la strutures dl Südtirol sburdlan la data al 31.12.2011. (usp)


Atualité

nr. 03 / 21 de jené 2011

La “Rumantscheia” à ence n dizionar storich

Cubatura sotët

En vender, ai 10 de dezember 2010, él vegnù prejenté a Cuira en prejenza dla canzeliera federala Corina Casanova y dl president dla Regenza grijona Claudio Lardi l prum volum dl Lexicon Istoric Retic (LIR), che é l prum dizionar tematich dla Svizra rumancia, na sort de enziclopedia storica

La Jonta provinziela ti vën ancontra ai privac che ulëssa fé n cuatier ora dl sotët

Adolf Collenberg. (Foto: www.rtr.ch)

Grijons - Do laours de plu agn él vegnù fora en forma de liber l “Lexicon Istoric Retic”, na edizion parziala rumancia dl “Historisches Lexikon der Schweiz” (HLS). L liber à cheles 600 plates; al é ilustré da plu de 700 grafiches, chertes, tabeles, informazions sun l svilup storich y cultural che à caraterisé l raion retich y grijoneis. L LIR trata dut l raion grijon ma con la souraventa dl raion che é encuei ciamò rumanc, l lingaz rumanc y i autri lingac dl Grijon. Al vegn traté la situazion geografica dla Rezia da na sajon a l’autra, l raion dla popolazion retica, la provinzia romana Raetia, la Currezia medievala, les Trei Lies con la Tera sotmetuda y le Cianton federal. Al vegn prejenté les plieves, les viles plu importantes, i paisc, les zites y an va fin ai migranc rumanc. L LIR é na opera da consulté sun la storia y la cultura rumancia. L LIR vegn fora per rejons pratiches tl rumantsch grischun, l rumanc unifiché (zenza ne fòssel nia vegnù realisé). Chest se ova damané la Lia Rumancia en cont dla redazion linguistica, che fova tl prum tles mans de Martin Bundi y dal 1991 ensù de Adolf Collenberg. La redazion linguistica é steda na desfida. L manejadour dal 1998 ensù é sté Manfred Gross; an à messù crié truepes paroles y

nozions nueves per ciamps desvalifs. N gran aiut é vegnù da la Lia Rumancia y dai esperc dl “Dicziunari Rumantsch Grischun”; l lingaz à demé vadagné da chesta colaborazion. Truep é vegnù sourantout dal HLS y traslaté tl rumanc. I autri articui de persones, families y autres tematiches é vegnus scric aposta per l LIR o adatés dldut a les redazions dla “Rumantscheia” (na antologia de scritours rumanc) sun la basa de articui dl HLS. De chisc articui en fòvel bele da avei te internet sot a www.e-lir.ch. Chesta opera compeida plu de 700 ilustrazions, reproduzions y infografiches; truep material é

vegnù publiché la pruma outa; al reverda la rica iconografia y cultura materiala dla “Rumantscheia”. L LIR é na fontana rica d’informazions soura dut l raion grijon y retich. L Grijon é l soul cianton che à enscì giaté n dizionar enziclopedich ciantonal che abracia ence l raion retich; na bela scincunda per Nadel. L troi é sté lonch y crepous. Laouta dl 1936, canche la Svizra manaciova de jì sot - i todesc dla Svizra volova jì “heim ins Reich” y i talians essa volù vegnì touc ite da Roma (l rumanc vegniva metù fora sciche n dialet talian), ova l 92 % dla popolazion svizra reconesciù te n referendum ai 20 de fauré dl 1938 l rumanc desche cuart lingaz nazional svizer. L conseier federal Philip Etter, che tegnova dai rumanc, ova dit: “Na popolazion a la mont de apena 40.000 animes, che tegn tant dassen da sie lingaz arpé, che sà da defene sie lingaz con na tel pascion, chest mess ester n popul moralmenter, spiritualmenter y psicolo-gicamenter dret sterch”. De chest bel liber ne profiteia nia demé la “Rumantscheia”, ma dut l cianton Grijon giata n bel dizionar ciantonal amplié. L LIR é na pera milenara tla storiografia dl Grijon y cis dla “Rumantscheia”. (da LQ 13.12.2010, Lois Trebo/ev)

ajache l ie massa bas. Sce l vën fat n ressanamënt energetich y n arjonj l livel de ijulazion Cësa tlima “C”, puderà la cubatura dl sotët nia nuzà unì cumpededa pea pra l bonus di 200 metri cubich. “Dut adum vëniel a chësta maniera ora na bela cubatura per fé n cuatier,” à l presidënt Durnwalder mutivà la dezijion dla Jonta provinziela. (usp)

Casermes ala Provinzia La Jonta provinziela de Bulsan à te si senteda de n lunesc dat pro n barat cun l Stat per giapé frabicac y puscions Puscions - Sciche bele tl cajo dl militer, vëniel nce cun la forzes de polizai cumedà y fat su casermes - una nce a Badia - per giapé dal Stat frabicac y puscions te de bona lueges. L barat cun l Stat, che i assessëures provinziei à dat pro, vëija dant che la Provinzia de Bulsan cumëde su y feje n pert da nuef sies strutures. Aldò de ndicazions dl Minister dl Ntern se tràtela dantaprima de casermes di Carabinieri, che ie a Sterzing, Neumarkt, Jenesien, Badia, Persenon y Tluses. Da pert dl Stat iesen stentei a paië l fit. Aldò de tratatives cun nce l Cumissariat dl Guviern iesen unic a una che la Provinzia cumëde su o compre chësta stazions per les mëter a desposizion de Carabinieri y Polizia.

La caserma de Badia La caserma de Badia che ie śën avëi dl Chemun, ie danter chëles che dëssa unì cumpredes ju dala

Provinzia per ti la dé al Stat. Per l lëur y custimënt dla Provinzia dà l Stat diesc frabicac che ne vën nia plu adurvei per rejons de polizai, ma che ie te de bona posizions y che à n gran valor dal pont de ududa de raion. Aldò dl barat deventerà la Provinzia patrona dla vedla perjon a Persenon, dla cëses Vila Caldera, Vila Piave y Vila Italia a Maran, la vedla caserma dla Guardia di Finanza cun i cuatieres di ufezieres a Graun tla Val Venuesta, la vedla dogana sun l Prëner y na pert dla caserma Ruazzi a Elvas sëura Persenon. Sciche alternativa puderàl nce unì tëut n cunscidrazion l vedl raion per julieres a Palmschoß. Sibe i lëures che la Provinzia dëssa fé che nce l avëi dl Stat dëssa n iede unì sciazei per avëi na fundamënta da calculé n barat valif. “Sot ala rissa ne daussa la Provinzia te chësc barat nia paië lessù,” à detlarà l presidënt Durnwalder tla cunferënza stampa do la senteda dla Jonta. (usp)

Zënza lëur La Jonta provinziela ie stata a una de se mëter adum cun Trënt per fé pea pra n program europeich a sustëni de persones che à perdù l lëur Manfred Gross. (Foto: www.grosslingua.ch)

Sostëgn ala cultura Les domandes de contribuć por la cultura ladina por l’ann 2011 po gnì dades jö inće a Santa Cristina, Al Plan y Badia Balsan - L’Assessur ladin Florian Mussner adöm cun la Consulta culturala provinziala por le grup linguistich ladin recorda che les domandes por n contribut provinzial por l’ativité culturala 2011 y l’ativité de formaziun en general, mëss gnì dades jö anter le 31 de jenà 2011. Les domandes por contribuć por investimënć culturai po gnì fates tratan döt l’ann. Inće chësc ann él la poscibilité da dè jö les domandes por n

Fabriché - Sëuraprò al bonus de 200 metri cubich per ressanamënc de vedla cëses sce l vën arjont l livel Cësa tlima “C”, à i assessëures n lunesc ai 17 de jené dat pro che l possa unì fat cont cun la cubatura dl sotët per fé ora n cuatier. Te truepa de vedla cëses ne possa l sotët nia unì nuzà sciche cuatier

contribut cultural tles valades ladines, diretamënter a n colaboradù/dëssa dl Ofize Scola y Cultura Ladina, insciö da podëi inće domanè do informaziuns.

Terminns Les domandes po gnì dades jö ti terminns publicà dessot: Te Gherdëna al 31.01.2011, Comun de Santa Cristina, pitla sala de comun, dales 16.00 ales 18.00. Tla Val Badia: a Al Plan, Ćiasa de Comun, ai 28.01.2011, dales

10.00 ales 12.00; a Badia, Ćiasa de Comun, ai 28.01.2011, dales 16.00 ales 18.00. Les domandes po sambëgn inće gnì ortiades por posta ala Provinzia Autonoma de BalsanSüdtirol, Ofize cultura y scora ladina 18.1, Bindergasse 29, 39100 Balsan I formulars dles domandes é da ciafè sot al sît www.provinz. bz.it/cultura-ladina o tl Ofize Scola y Cultura Ladina, Bindergasse 29, Balsan, Tel. 0471417020/10.

Lëur - La Cumenanza Europea à udù dant suvenzions te cajo ulache tl medemo ciamp de lëur iel ntan i ultimi 9 mënsc jit perdù passa 500 stieres. N generel àn tlo da nëus sentì demanco la crisa economica permez a d’autra pertes d’Europa. L ciamp che l’à paieda deplù tlo da nëus ie stat l frabiché.

Ajache a livel provinziel ne àn nia la cumpëides minimes ie i assessëures provinziei stai a una de se mëter adum cun Trënt y damandé deberieda la suvenzions aldò dl program EGF, per tudësch „Europäischer Fond für die Anpassung an die Globalisierung." (usp)

Cuntribuc per zertificazion SOA Per pudëi fé pea cuncorsc de lëures publics de na soma sëura 150.000 euro muessa la firmes avëi la zertificazion SOA (Società Organismo di Attestazioni) Aministrazion - Per doi ani à la Provinzia de Bulsan sustenì dassënn la firmes che à ulù fé la zertificazion. Sën iel unì smendrà l cuntribut. Davia che la zertificazion SOA cumporta n gran custimënt per la firmes, à la Provinzia de Bulsan nchinamò sustenì chësc ejam cun l 70% dl custimënt. Tla senteda dl

17 de jené ie la Jonta provinziela stata a una de smendré chësc cuntribut al 35%. “Chëla firmes che giapa cuntribuc dala Provinzia muessa da moinla nce lauré tla provinzia,” à dit Durnwalder tla cunferënza stampa, ajache for inò iel suzedù che firmes che ova pià do cuntribuc ova la sëntes oradecà. (usp) www.lauscdiladins.com

7


Atualité

nr. 03 / 21 de jené 2011

Aiut Alpin Dolomites Te chisc dis de jené iel stat da julé de media trëi iedesc al di per purté aiut dantaldut sun i purtoies a de tei dai schi che se ova fat mel y ova de bujën de ruvé riesc te n spedel. Canche zachei se fej mel, se romp n brac o na giama, iel l ntervënt cun l joler dantaldut de utl per scurté l tëmp da canche l schiadëur se à fat mel al mumënt che n dutor ruva permez cun la drëta medejines, per l stabilisé y ti tò l mel. Nia da desmincë ne n’iel te chisc caji nce i sucoridëures che ie staziunei for sun i purtoies,

che ie nseniei ju a na maniera da pudëi purté l prim aiut. Canche la ie pona na piecia situazion, tòlen la dezijion deberieda cun l zentralinista dl 118 de cherdé l joler. Te doi caji ne à chisc dis dut juà a nia. A n seniëur di Paejes Tudësc ti òvel dat l bòt ntan che l furnova cun l lift. Nce sce n à riesc scumencià a pruvé a l reanimé ne à l cuer nia plu ulù bater y l medemo ti ie nce suzedù a n schiadëur de 80 ani, che fajova si raides cun i schi sun l purtoi Buffaure. Problems

de Armin Moroder saniteres cun l cuer n fòvel de plu chisc dis, ma per fertuna se l à i autri pazienc duc caveda. Nscila danter l auter a Latzfons per n’ëila dl luech che fova tumeda ntëur te si cësa, per n’ëila de 75 ani de Laion y per n ël de 71 ani a La Ila. L joler possa te nosc raion for mé julé canche l ie linëus y la lege ne lascia nia pro de julé de scur a purté aiut, nce sce n ëssa i njins aldò per julé. Nscila iel suzedù che n messova ruvé de prëscia a La Ila, ulache n ël de 74 ani se n stajova scialdi mel. L fova la 5 domesdì y l univa scur. Nsci àn pudù julé l dutor dl Aiut Alpin sun l post, ma pona nia plu inant. N à nscila ciarià l pazient te na ambulanza che à menà l ël te spedel a Burnech deberieda cun l dutor dl Aiut Alpin che à ntan l viac stabilisà l ël. Chisc dis iel nce stat n alarm de levina, jit ora per fertuna zënza cunseguënzes. A Kurzras fòvel unit ju na levina nchin sun l purtoi dai schi y sul mumënt ne savòven nia sce l fossa ruvà zachei sotite. Do che n à cris ju la levina cun l Reco y cun l cian àn pudù fermé la azion, ajache n fova segures che l ne fova deguni sotite. Te chësc ntervënt àl nce judà pea la scuadra di judacrëp de Schnals, che à cris ju duta la levina cun la sondes.

Iscrizions per l ann de scolina 2011/12 Se scrì ite tla scolines de Gherdëina y dla Val Badia per l ann 2011/12 puderàn ti dis dai 24 ai 26 de jené 2011. L possa unì scrit ite mutans y mutons che cumplësc i 3 ani nchin al 28 de fauré 2012 Scolina - L Ispetorat y la Direzion dla scolines ladines à fat ora l terminn per se scrì ite al ann de scolina 2011/12. Da n lunesc 24 nchin n mierculdi 26 de jené 2011 puderà i genitores dla mutans y di mutons nasciudes/nasciui danter l 01.09.2005 y l 28.02.2009 les/i scrì ite tla scolina dl chemun ulache i ie residënc. Per la scolina de Sureghes y per la scolines de Urtijëi (Salieta y Scurcià) unirà la iscrizions tëutes su tla Direzion dla scolines, streda Roma 4, III partimënt.

SCOLINA

DIS DE ISCRIZION

ORAR DE ISCRIZION

Sëlva

ME 25.01. MI 26.01.

8.30 - 14.30 13.30 - 16.30

S. Cristina

LU 24.01. MI 26.01.

8.30 - 14.30 8.30 - 11.30

Salieta Scurcià Sureghes

Da LU 24.01. a MI 26.01. 8.00 - 12.00 te Direzion dla scolines streda 14.30 - 17.30 Roma - III partimënt

Runcadic

LU 24.01. ME 25.01.

15.00-16.00 8.00 – 9.00

Corvara

LU 24.01. ME 25.01.

15.00 – 16.00

Pra la iscrizions iel da tò pea la cherta dl numer de codesc fischel dla muta o dl mut. Nchin ai 15 de fauré tulerà uni cunsëi de scolina la dezijion n cont dla mutans y di mutons da tò su, aldò di criteres dla Provinzia y di Chemuns. De ndut iel 17 scolines ladines y tl ann 2010/2011 iel unì tëut su avisa 749 mutans y mutons tla Direzion. L n ie passa 100 danter maestres, cunlauradëures pedagogiches y cunlauradëures per la ntegrazion che se tol sëura dla furmazion, dl’educazion y dl’assistënza dla mutans y di mutons tla valedes de Badia y de Gherdëina.

La Ila

LU 24.01. ME 25.01.

15.00 – 16.00

S. Ćiascian

LU 24.01. ME 25.01.

15.00 – 16.00

S. Linert

LU 24.01. ME 25.01.

15.00 – 16.00

La Val

LU 24.01. ME 25.01.

15.00 – 16.00

San Martin

LU 24.01. ME 25.01.

15.00 – 16.00

Lungiarü

LU 24.01. ME 25.01.

15.00 – 16.00

Antermeia

LU 24.01. ME 25.01.

15.00 – 16.00

Rina

ME 25.01. MI 26.01.

13.00 – 15.00 9.00 – 10.00

Al Plan

LU 24.01. ME 25.01.

8.00 – 9.00 y 15.00 – 16.00

Tlo dlongia publicons i orares de iscrizion de uni scolina:

La Pli

ME 25.01. MI 26.01.

9.00 –11.00 15.00 – 16.00

8

www.lauscdiladins.com

Dancà y da na pert Uedli y oredles daverc sun la sozieté ladina d’aldidancuei Paola Sieff, otich da Vich

Tant de temp él che tu fas chest lurier? Paola Sieff : L’é 27 egn che fae l’otich, dant é fat la scola per otics e chela de optometrìa a Bergamo e é fat vèlch lurier en temp de sajon. Coluns mudamenc aede podù veder te chest trat de temp belebon lonch? Dantdaldut l mudament l’é stat sui materiai: se à smaorà i cosć e se à smendrà la calità. Na outa l’era n muie senester rompir na montatura, le era più dure, ades i materiai é deldut desvalives, no sé, fosc l’é mudà la produzion. Per chel che varda le lenti enveze, tant da vista che a contat, l’é stat na evoluzion n muie grana, ades se rua a comedar i defec n muie ben, se pel aer lenti n muie sotile e lejiere ence per miopìe emportante. N auter mudament emportant l’é en cont de le atrezature: al scomenz se fajea i veiares duc a man, vegnìa ensegnà coscì proprio te le scole de otica, ades enveze se empara a far dut con le machine. Dapodò na outa l’era demò trei o cater firme grane che fajea veiares da ge propor al client e se troaa dut, ades n sarà treimile de marche, ogne firma fasc so model e coscì valch outa l’é ence dopions. Venede de più veières da vista o da soreie? L’é momenc olache se ven de più i veiares da vista e autres olache va più chi da soreie, te ogne cajo ades la jent domana n muie l fashion, enveze na outa fosc de più l tecnich, per far sport. Aboncont ades le firme sporc prodoc a la moda che tel me demo temp à b one

carateristiche tecniche, adaté donca per vigni ocajion. L’é da dir che da canche l’é ruà sul marcià le lenti a contat se n ven dassen n muie, en particolar chele da durar e trar demez, che tropes i compra ence demò can che i vegn en vacanza, per le enterzar coi veiares canche i va coi schi o i fasc atività sportiva. Aede più clienc dal post o ghesć? Gio laore ben ence coi ghesć, ma laore de più con la jent dal post, l’é chela che dasc continuità al lurier via per dut l’an e varde de ge star dò più che l’é meso a ic. La jent vegnela ite domanan na marca prezisa o se lascela conseiar? N’é ben ence de chi che vel proprio valch de prezis, ma dò tenc egn de lurier n muie de jent se lascia conseiar e se varda de troar ensema l compromis. Capita ence che a zachei ge piaje n model e dapò i domane de che marca che l’é, desche dir che se l’é na marca de nonzech va ben, se no va manco ben, percheche magari l’é na marca mìngol più a la bona. E per chel che revèrda i bec? Per i bec anchecondì l’é prodoc straordenares per fortuna, ajache na outa i era n muie penalisé da montature tecniche ma burte. Ades dute le firme cer de binar l’aspet tecnich con la parbuda, sporjan modìe che ge somea n muie a chi per i gregn. Aboncont ades la tendenza di dotores di eies l’é chela de far meter le lenti a contat jà dai 10 egn, amàncol per la pratega sportiva. (cri.m)


Atualité

nr. 03 / 21 de jené 2011

I toponims ladins: n documënt storich-cultural de gran valüta Te trëi ediziuns i ćiarunse plü avisa ala “storia de nüsc inoms”, inoms de posć, de viles, de ćiases, de cognoms, y de d’ater. Terza y ultima pert

Dessëgn incër le 1750. Ara va de n strit por rajuns de confin y de pastöra te I Ćialćiagn (Börz) danter la signoria de Tor y Godun (Gufidaun). An vëiga Pütia y les Odles de Eores, dessot se destënel fora pra da munt cun üties y tablà y dales perts rogôrel pormez de pici afluënć dl rü de Lijun. Tla descriziun dl confin vëgnel dant toponims sciöche Plan de Pranzarolles, Banch de Pranzarolles, Tayara, Coll della Guardia, Gunggän y d’a. che tröc n'é al dedaincö nia plü bugn da atribuì a n post determiné.

Nüsc inoms/3 - Gran pert di inoms di posć cun referimënt ala Val Badia (mo inće ales atres valades incër le Sela) é bele gnüs coiüs adöm y scrić sö dan da tröc agn (J.B. Alton „Beiträge zur Ethnologie von Ostladinien; 1880, Berta RichterSantifaller „Die Ortsnamen von Ladinien“ 1937; Carlo Battisti „I nomi locali di Badia e Marebbe“, 1940). Sambëgn che al é romagnü chilò y dailò loćes y te val’ caji n’é les formes relevades nia coretes y mëss porchël gnì controlades y comedades. I inoms di posć nes deura n archif dla storia de nosta contrada secolara. Dessigü, la comprenjiun y l’interpretaziun de chisc documënć é val’iade döt ater co saurida: chilò da nos nia inultima inće por chë gauja, deache i inoms é sovënz gnüs scrić sö y tramandà te na forma deformada, por ne dì nia storpiada (Canetscheidt, Saleseit, Mireit, Gunggän) dala man de scrivans y aministradus da foradecà che ne capî y ne baiâ nia le ladin. I scrivans se tignî ala tradiziun dl scrì de süa canzlaria y sce n scrivan gnô – cossa che suzedô cis chilò da nos – da n raiun linguistich nia ladin, copmportâ chësc n influs tla mainira da scrì toponims particolarmënter sterch. An mëss sambëgn inće dì che i scrivans di bragamins medievai, i aministradus y i impiegać dl 18ejimo secul, i geometri y i responsabli di libri fondiars dl 20ejimo secul ne n’ê degügn esploradus cun na formaziun linguistica. Ëi n’â degöna scritöra fonetica cun passa 300 sëgns sciöche nos ùn al dedaincö. Ëi ascutâ sö la forma de n inom tla varianta respetiva y porvâ spo da anotè sö ći che ai aldî cun les 24 lëtres dl

alfabet latin. Le produt de chëstes anotaziuns é porchël dër desvalì. Inće cun chësc aspet mëss l’onomastica (sciënza di inoms) tres indô se confruntè La tradiziun scrita di inoms pon osservè te fontanes storiches sciöche bragamins, libri dl diejo, lëtres de cumpra o contrać, chertes y d’a.). Al prozès dla tradiziun a usc él indere plü ri da ti jì do; al se lascia alplü individué tres reflesc dla tradiziun scrita. Canche al gnô scrit n bragamin o fat n contrat dê dant les porsones che trasferî dërć o che conzedô posciuns dagnora inće i inoms di posć interessà. Le medemo valô inće por i paurs che messâ ti comuniché al aministradù canche chësc metô jö les listes dles cutes i tòć de terac cun laprò i inoms. Le lingaz scrit é porchël dagnora stè en contat cun chël baié. Sce an stüdia plü avisa chisc documënć, röion inće defata lassura che a vigni bragami o documënt i val danfora n „preat“ o na „burta copia“, sce an ô insciö: al é de pices anotaziuns che le scrivan scriô sö p.ej. söla pert

iadedô dl bragamin y do chëres che al formulâ spo fora plü inant aladô dles regoles de canzlaria le documënt te süa verjiun definitiva. Ejaminan plü avisa chisc „preać“ röion lassura che inoms de posć se desfarenziëia chilò gonot nia de püch da chi che an ciafa spo tla verjiun definitiva dl documënt. Sovënz é i toponims di „preać“ plü dlungia ala forma (ales formes) dl lingaz baié, deperpo che i inoms scrić ti bragamins aparësc nia danré latinisà y/o todeschisà. Canche an à draié fora di documënć i toponims „plü saurisc y da capì“, nen réstel dagnora ćiamò zoruch n tanć a chi che an se stënta da ti rové pormez a so dër significat. Abiné fora le significat de toponims n’é porchël nia dagnora saurì: Che Pedevila (< lat. pede(m) de + villa) ô dì val’tan co „a pé dla vila“ y Trù da Peres (< vorröm. *trogiu + lat. petra) „tru plëgn de peres” röia defata un lassura. Che Prëdes, te Mareo Prades (< lat. pratum) ô dì „spersa de pre“ é indere bele plü ri da rové lassura – la parora é chilò

te so guant fonetich y de scritöra lisiermënter strassomiada. Öna dles gran gaujia por la strassomiada de val’ toponims é le svilup linguistich y l’etimologia popolara. Sot a „etimologia popolara“ capëscion le sforz da splighé inoms semanticamënter nia plü trasparënć. An prô da ti dè ala parora „nia plü da capì“ n significat che ti röia poscibilmënter dlungia. Insciö vëgnel fora de Fornacia (< lat. *fragina/fragium = rôa, smöia) n „furn“ (cf. tal. „fornace“) y fora de Picedac (< lat. piceus + -etum + -aceus = post da de stleć pecios) vëgnel n „pice daz“. Da chisc ejëmpli vëigon che la tradiziun a usc (mo inće chë scrita) po cun le passè dl tëmp oscuré completamënter le significat de n inom. Sciöche an vëiga n’é toponims nia dagnora saurisc da capì y da da splighé. Mo sce i ùn na buna documentaziun storica, él tla majera pert di caji meso da i reportè a na forma de basa plausibla y da capì. Chësc desmostra che dînenia düć i inoms de posć é „banai“, mo che süa dërta interpretaziun y pligaziun se damana nia danré tröp stüde y acribia scientifica. Dessigü, te val caje pol inće ester vëi che inoms de posć é „banai“ sce an conscidra che dër tröc é pià ia da na descriziun scëmpla de n post: na carateristica o na particolarité tla contrada, la geomorfologia, na forma de coltivaziun y d’a. N ejëmpl: invalgó dlungia n pre él n bel gran manëster. Al pre i vëgnel porchël dit „Pre dl manëster“. Tan dî che le manëste é impé é chësta na descriziun dl post y nia ćiamò n toponim. Impormò canche le manëster vëgn taié jö y al ti vëgn dit inant al pre „Pre dl manëster“ pon efetivamënter baié de n toponim. Le significat original, la origina de n inom n’à por la funziun che ël à tan co degöna importanza: le toponim denominëia ma na localité. Tan manco che le significat original de n inom é da capì, tan deplü él cun le passè dl tëmp sotmetü a mudaziuns: al toma demez silbes o elemënć nia azentà, al vëgn sö interpretaziuns etimologiches desvalies tl lingaz baié y an prô da ti al sborlé pormez a inoms y a parores trasparëntes dl lingaz scrit. Dandaia ne n’â les porsones degönes chertes cun chëres che ares

ess podü s’orienté, mo porchël àres na „cherta mentala“, na „cherta tl će“ – sce an ô dì insciö –, y chësta ê strotorada tres i inoms. Les porsones memorisâ la contrada cun süa rëi de toponims y svilupâ insciö n raport dër diret y confidenzial cun le raiun te chël che ares viô. Plü inoms che al gnô tut sö te chësta rëi topografica virtuala y plü avisa che un ê bun da s’orienté. Sciöche inće d’atres perts de nosc lingaz, ne vëgn gnanca i toponims sparagnà da mudaziuns. Chësc po rové tan inant che n ionom sparësc daldöt dal lessich onomastich de na comunité linguistica. Inće sce la sciënza dla toponomastica prô tres so laûr de racoiüda di toponims da fà a na manira che ai ne vëgnes nia desmentià, ne jarara mai da d’arjunje dötes chës porsones che à n savëi spezifich en cunt de de vedli inoms de posć. Danter les gaujes por la scomparida de inoms ciafunse inće le mudamënt dla situaziun economica de n post. Cun referimënt ala Val Badia él incö ma plü n relativamënter pice numer de porsones – porleplü i paurs – che se dà jö intensivamënter cun la contrada y porchël él do rata inće ma plü na picia comunité (sce i orun insciö) che tëgn en vita tröc inoms di posć.... la pordüda de na pert de chësc parimone é porchël programada danfora. I inoms geografics ê dandaia elemënć de na gran importanza suradöt tla termenaziun o confinaziun y ai ne podô (cis dan la repartiziun dl raiun te parzeles) assolutamënter nia manćé. Insciö ê tla gran pert di documënć i toponims le su meso por denominé n terac y por fissé sü confins. Deperpo che l’ativité da runćé fora le ćiampoprè à albü na faziun dër positiva por la toponomastica (sperses da coltivé ćiafâ n inom) podunse al dedaincö osservè rodunt n pü le contrar: les strotöres y le terac da paur va dassënn zoruch y l’ativité dl frabiché florësc sciöche ćiamò mai. Sperses che â dandaia n inom é gnüdes tutes ite dal frabiché y les denominaziuns originales ne vëgn te tröc caji nia plü dites o adorades. Tres chëstes mudaziuns radicales tl setur insediatif y dl’economia é certi inoms ma plü tla recordanza de porsones atempades. Giovanni Mischì

Deperpo che l’ativité da runćé fora le ćiampoprè à albü na faziun dër positiva por la toponomastica (les sperses ćiafâ daimproia n inom), podunse al dedaincö osservè rodunt le contrar: tres l’ejëmpl dl paîsc d’Antermëia odunse tan de spersa de paîsc che é gnüda tuta ite ti utlimi 100 agn. Inoms sciöche Gumina dl Mone, Chi Troi, Les Loćes, Stofan, Antersis, Tamà, Chi Morins é incö en pert bele desmentià. www.lauscdiladins.com

9


Atualité

nr. 03 / 21 de jené 2011

Magnum Photos: dai evenc de la storia a la promozion del Trentin Responsàboi e profescionisć de la più prestigiousa agenzìa mondièla de fotografìa é stac chisc dis passé te Fascia e i à prejentà a Moena secrec e esperienzes de sie lurier particolères, ironi- jù a na vida ledia chel che la natura ches, comiches o e l teritorie ge metea dant, e da ló comovenc che tol jù l’era nasciù la campagna de ciantons de paìsc o promozion dal titol “Trentino zità, jent grana o Esperienze Vere”, che à abù dassen picola, paesajes e n gran suzess. besties, momenc Ti dis passé te Fascia, apede a normai de la vita. chisc 5, l’é ruà na carantina de N pec de chisc fotografes de nonzech mondièl, retrac é stac moscé ajache Magnum Photos à cernù enstadì a Moena, tel Moena per l convegn anuèl de si cors de na scontrèda sozi: na sojornanza che à sport L cognosciù retrat del milizian spagnol fat da n muie enteressanta ence momenc de sport e relax ideèi Robert Capa, un di fondatores de Magnum Photo. dal titol “Magnum per fèr fotograf ìes maraveouses a Photos si racconta. E sogec spezièi desche la Dolomites. Magnum Photos l’é una de la racconta il Trentino. Un viaggio Te la scontrèda te la scoles de agenzìes de fotografes più nelle fotografie d’autore e di Moena, travers la domanes del emportantes a livel mondièl. La é reportage, attraverso i protagonisti giornalist Alberto Faustini e del stata metuda sù del 1935 da n grop della più prestigiosa agenzia publich, l president de l’agenzìa de fotografes, e anter chisc Robert internazionale d’immagine”. Jonas Bendiksen e si coleghes à Capa, autor del retrat cognosciù L’é stat l moment publich “clou” abù l met de contèr e spieghèr che te dut l mond olache l’à tout jù n de n apuntament che per vèlch dì che l’é Magnum Photos. I à spiegà milizian spagnol apontin te chela à fat doventèr Moena la capitala che i é de presciapech 50 fotografes, che l’era stat colpì a mort. mondièla de la fotograf ìa. che ogne an l’é centenees de L’ocajion é vegnuda dal fat che domanes per ruèr ite e l’é na Chest grop de fotografes se à pissà de se meter ensema per poder la Magnum Photos era stata selezion n muie ria, ma n muie dezider enstesc che fèr, co durèr envièda da Trentino Marketing a democratica: duc i componenc é sia profescionalità, per poder se documentèr, con si profescionisć chiamé n’outa a l’an a vardèr fora studièr fora ogneun enstes i projec de gran nonzech, sia campagna i lurieres di candidac che rua da che ge dèsc gust, stìmol e pascion, promozionèla. Cinch fotografes de dut l mond, e demò trei passajes e no cogner ge jir dò a l’orden del chesta agenzìa: Jonas Bendiksen, de selezion e amàncol cater egn de patron de n sfoi che pel te manèr Alex Majoli, Peter Marlow, Paolo projec, libres e mostres, pel ge dèr na dì te n lech de conflit e la dì dò Pellegrin e Gueorgui Pinkhassov, ai miores l derit de azess. a tor jù l gossip de doi personajes é jic stroz per la Val de Fascia, la Te Magnum Photos ogne del spetacol che se scontra de Dolomites e dut l Trentin per tor profescionist pel ge dèr esprescion nascousc. Ti archivies de la Magnum Photos l’é i retrac – tropes oramai vedui mile e mile outes – che documentea chisc 70 egn de storia internazionèla: la vera zivila spagnola, la bomba atomica, l Vietnam, la remides del 1968, e i maores personajes, governanc, papes, o retrac che à fat la roda del mond de jent desche Marilyn Monroe, Albert Einstein e Che Guevara. Ma ence retrac Vèlch retrat de la campagna “Trentino Esperienze Vere”.

Jonas Bendiksen a Moena con si coleghes, l giornalist Alberto Faustini e Laura Pancheri de Trentino Marketing.

a sia pascions, chi rencuran de più la tecnica e chi pontan maormenter su la capazità de “ciapèr l moment” per l clic storich. No duc, se sà ben, à la motivazions e la spenta per jir sui lesc de conflit, e ence n lurier “chiet e segur” desche chel de jir fora per nesc monc per campagnes desche chela de Trentino Marketing dèsc de gran emozions e sodesfazions. “L’emportant – à dit Bendiksen – l’é saer veder e aer vèlch da dir.” L’agenzìa Magnum Photos se à semper tout fora no demò per la capazità de cerner si artisć ma ence per aer portà inant batalies per l derit de autor e la trasparenza

d’informazion, luran con marchies e firmes de relevanza internazionèla. Chi che pratega la fotograf ìa a livel aut cognosc la forza de chesta agenzìa tel panoram internazionèl e l’emportanza de l’apuntament che per cater dis à fat de Moena la capitala de la fotograf ìa de autor. L’é stat na ocajion dassen unica per duc i pascioné de fotograf ìa de aer n contat dret con vèlch un de chisc protagonisć de gran nonzech, na oportunità per entener co che talenc recognosciui de l’èrt di retrac à interpretà con si obietives l bel, i contrasć e i aspec più particolères de paesaje, natura, cultura e popolazion de nosc teritorie. (lg)

Jungo a quota 500 tl Trentin La idea plajoula y efizienta per smendré i auti che va stroz à arjont l travert emportant de 500 scric ite demé tla provinzia de Trent y ala somieia destineda a cresce Mobilité - Jungo, la pratica de embarché persones “a vista”, se met dant ofizialmenter sciche l confin nuef dla mobilité saurida. Encuei é l Trentin l soul raion te dut l mond che sporj chesta forma nueva de liberté: chela de podei embarché “a vista” chi che damana n passaje, con n vantaje ence en cont de segureza. Ma co funzioneiel chest sistem? L auto resta adassosta y an sfruta l trafich te vigni direzion y orar: vigni di va mez milion de scagns stroz

vuec per l Trentin. L automobilist é content de embarché per cie che con Jungo él condizions de segureza reziproca y n pice vantaje economich. L temp de spetanza mesan é de 7,6 menuc, donca Jungo é plu asvelt che l taxi. Encuei ne veiden nia ciamò trueps jungonauc, che an pò reconesce per via dl brac auzé con te man la lizenza de embarch, la Jungo card, ajache al é ciamò valch pesima. Te chela che an se rend cont de cotant curt che l l temp de

“Jungonauc” con te man sia tessera de reconesciment.

10

www.lauscdiladins.com

spetanza é, empararà semper plu jent a se mueve con Jungo y al deventarà normal vedei i jungonauc do streda. A la fin de dezember él vegnù arjont n travert scialdi emportant: Jungo à registré 500 scric ite demé tla provinzia de Trent. “Quota 500” é l obietif programé enchin dal scomenciament per mete a jì n mecanism che pò se autoalimenté y al é n resultat simbolich de gran valour per la assoziazion: al fova chi che pensova che Jungo ne essa

nia passé via i 50 scric ite, enveze tla Talia é l numer ruvé a 766 unités. Da puech à ence la provinzia de Bergamo dezidù de sostegnì l sistem. L resultat é de marevueia sce an pensa che te dut l mond ne él deguna esperienza unfat: al é la pruma outa che al vegn metù a jì n sistem de embarch a vista zertifiché y che al vegn mesuré a na maniera scientifica i temps de spetanza. Al é chersciù truep ence la componenta de eles, passedes dal 2009 al 2010 dal 38 al 45% di scric ite, chest vuel dì che Jungo dà na sensazion de segureza semper maioura. L obietif futur é chel de deventé n sistem normal y general per se sposté vigni di, plu che la utenza cresc, deplù che i temps de spetanza se smendra. Empò à Jungo soscedé ence valch polemica: a Riva dl Garda à zachei pensé che l sistem pò mete en pericul i taxi. Cater conseiers de comun à auzé fora l’idea che Jungo posse reprejenté n servisc paralel a chel di taxi, la critica é vegnuda mueta ti confronc dles aministrazions de Riva, Torbole, Nago y Arco che à dezidù de

sostegnì Jungo. Al é vegnù dit che zachei lede da impegns de laour podessa sfruté la scomenciadiva y envié via na sort de servisc publich per via dla poscibelté de damané scioldi per i chilometri fac. N auter cruze é en cont dl’assegurazion en cajo de azident. La resposta dl’assoziazion é steda clera: n ticket chilometrich de 10 cent (5 do dai prums 20 km) ne dà nia la poscibelté de mete a jì na ativité profescionala. Per chel che reverda l secont aspet: Jungo ne é nia n trasport publich, al é n trasport privat de maniera, n conzet che ne pert dal pont de veduda giuridich nia valuta per l fat che al vegn damané n remburs per l viade; donca l’assegurazion respon ti limic normai de vigni poliza. Dut adum, al somieia propi che Jungo sie destiné al suzes ajache al é la resposta asvelta y saurida per jent efizienta che pensa positif, bona de giaté l moment che sciampa. L strapodei de encuei dl auto risćia de vegnì redimenjioné da chest sistem inovatif che à pensé propi a dut ne lascian net nia al cajo. (cri.m)


nr. 03 / 21 de jené 2011

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

Generela di Destudafuech de Runcadic Coche l ie bele tradizion iel nce chëst ann stat la reunion generela dla grupa di Destudafuech de Runcadic, n sada 15 de jené Runcadic metuda adum da 37 uemes atifs y 8 cumëmbri d’unëur. Ntan l ann ie doi cumëmbri zapei ora dal servisc atif. L se trata de Adolf Kostner, che ie unì numinà cumëmber de unëur, y Meinrad Rungger. Tëut su da nuef iel unì Diego Bagozza y David Saracino.

Uneranza a Walter Alfarei Ntan la reunion generela à Walter Alfarei, cumandant de cuordinamënt ejecutif di Destudafuech de Runcadic, „Zugkommandant“ per tudësch, pudù pië do la uneranza per chindesc ani de atività.

Urtijëi. Ntan l ann iel unì fat 27 proes, leprò vëniel mo la gran proa a livel de valeda metuda a jì dai Destudafuech de Urtijëi sun Resciesa, na proa cun la simulazion de na gran desgrazia tl tunel dla streda de zircumvalazion de S. Cristina y doi proes sun mplanc portamont, Mont de Sëuc y Col Raiser.

Sënta nueva Ntan l ann 2010 àn nce pudù finé via i lëures per njenië ite la sënta nueva di Destudafuech, che

ie unida benedida cun na bela festa n dumënia ai 10 de auril 2010 (la USC à repurtà). N auter pont scialdi mpurtant che à da n fé cun l’atività ie uni ann la gran festa dla grupa “Die Ladiner”, n grandiscimo lëur per la grupa, ma de gran mpurtanza per tré ite i mesuns finanziei per purté inant l’atività. N gran gra ti va tlo sambën nce ala man publica, dantaldut al Chemun de Ciastel; ma l sustëni plu mpurtant ie for mo chël che vën ann per ann dala populazion. Tlo n gran gra da pert de duta la grupa di Destudafuech per chësc sustëni. (tr)

La sirena ne n’ie jita mei! Walter Alfarei, cumandant de cuordinamënt ejecutif di Destudafuech de Runcadic, à pudù pië do na uneranza. Da man ciancia l cumandant Walter Wanker, Walter Alfarei y l assessëur provinziel Florian Mussner.

Runcadic - Chëst ann àn pudù tenì chësta manifestazion per l prim iede tl local nuef dla Cësa dla lies de Runcadic. Da dedò fova duc i prejënc nviei a na bona cëina tl Hotel Digon. Coche for ie chësta sëira na ucajion per cialé de reviers ala atività dl ann passà, ma nce per sté deberieda n cumpania. Sciche ghesć d’unëur iel unit adalerch truepa autoriteies, coche l assessëur provinziel ladin Florian Mussner, l presidënt de raion Josef Mair, l ispetëur de valeda Hans Peter Perathoner, i espunënc dl Chemun de Ciastel cun l assessëur per la

frazions ladines Ambros Hofer, l assessëur per la prutezion zevila y destudafuech Martin Fill, l cunselier cumenel y cumëmber di destudafuech Patrick Bergmeister y na delegazion dla grupa Judacrëp Catores. Prejënc nce i cumëmbri d’unëur dla grupa di Destudafuech de Runcadic. I Destudafuech de Runcadic ie respunsabli per la frazions ladines dl Chemun de Ciastel: Bula, Runcadic y Sureghes.

La situazion dla grupa Ala fin dl 2010 ie la grupa de

L ann 2010 ie stat n ann cun plutosc puec nter vënc. I Destudafuech de Runcadic ie unii cherdei 24 iedesc, for mé tres i pipseri o tres telefonn. La sirena ne n’ie mei jita ntan dut l ann, velch che ne fova mo mei stat ti ultimi ani. De chisc 24 ntervënc fova vint de natura tecnica, y de chisc bën 16 desgrazies sun streda!, y cater ntervënc per meldefuech. L ie nce da fé plu servijes pra festes religëuses, teatri, pra la garejedes de Copa dl Mond, la Unika y nsci inant. La dumënies ntan i mënsc da d’instà iel for na grupa de uemes te magasin per garantì i ntervënc. Chësc servisc vën fat deberieda cun la grupa de

I Destudafuech de Runcadic pra un di 16 ntervënc per desgrazies sun streda.

Parché sun Pana

Gherdëina ie al prim post

Regules nueves per la plazes dai auti

Aldò tl portal internet drët cunesciù “Tripadvisor.it” ie Gherdëina la regina dla nëif tla Talia. Trip.Advisor.it ie un di portai de rezenscion de viages plu mpurtanc dl mond

Plazes da parché sun Ciandevaves.

S. Cristina - Coche bele repurtà plu iedesc à la Jonta de Chemun de S. Cristina fat ora de regulamenté da nuef l parchejé di auti sun Pana. La Jonta fova dla minonga che la regulamentazion nueva porta pro a manco trafich te chël raion. Dantaldut àn fat ora de cunzentré la lerch da lascé i auti mé sun una na gran plaza dai auti, plu avisa pra l Cason, cun 153 lueges da lascé l auto. Tl prim òven fat ora de tò demez nce la lueges dlongia l Hotel Cendevaves, regula che ie pona unida tëuta demez, do che l n fova n grumon che ne giatova deguna luegia da lascé l auto, fajan unì su prutestes da plu pertes. Nce tlo, coche sun la plaza dai auti “Cason”,

iel da paië la soma de cater euro dala set daduman ala un domesdì. Do la un domesdì iel debant. Cun chësc uel l’aministrazion de Chemun ti unì ancontra dantaldut ala families y ai zitadins da tlo che uel passé vel’ domesdì sun Pana. Chësc pruvedimënt ie unì scrit dant dantaldut per smendré l trafich te n raion che va a sëida cun l parch naturel Scilier-Ciadenac, coche l ie unì dit. Nstadì à l ambolt de S. Cristina Eugen Hofer nce abù paroles de critica per l trafich de curieres da y de viers de Mont de Sëuc. La regula nueva per la plazes da lascé i auti ne ti plej sambën nia drë’ ala jënt che ruva sun Pana.

Dantaldut iel i seniëures che se lamënta: ëi ie de chëla che canche i ruva tlo te Gherdëina lasci bele zënza truep scioldi y śën muessi nce mo paië la plaza dai auti, n custimënt mplu. L Chemun mutivea la dezijion nce dijan che n spënd truep scioldi per la manutenzion dla streda che ruva sun Ciandevaves. L ie uni ann da fé l asfalt da nuef, da rumé ora y cumedé su, perchël ne n’iel nia drët che duta la lueges da parché sibe debant, vëniel dit. Oradechël uelen purté pro a na miëura cualità de vita, cun manco busiamënt y mpaziamënt dl’aria. Chi che ne se tën nia ala regules y lascia l auto ju per streda o ulache n ne tuchëssa nia da l lascé, manacia de messëi paië 38 euro de straufonga. Ti ultimi ani fòvel for problems, aldò dl cumandant di polizais de S. Cristina Karl Demetz. I auti fova for nchin ju per streda, dajan mpaz a chëi che messova passé, nce cun n majer auto o n camion, o nce n’ambulanza o i destudafuech. Cun la regulamentazion nueva ie sambën la cumpëida dla lueges da parché drët limiteda. Chësc cumpromis acuntentea mé n pert chëi che lëura y viv sun Pana. Ntant iel bele sautà ora plu de una na critica. N uderà ala fin dla sajon coche la ie jita. (dv/usc)

Turism - Trip.Advisor.it à laurà ora la tlassifica di luesc da jì cun i schi tla Talia che ie plu prijei dai utënc, dal community, sun la fundamënta dl aumënt n perzentuela di vijitadëures dla plates dl portal dedichedes a uni singula destinazion tl tëmp danter utober 2009 y utober 2010. Al prim post iel tlo Gherdëina, cun Urtijëi. N zënter drët bel, coche la jënt rata, la stredes romantiches fej de Urtijëi un di luesc plu prijei dai turisć da dut l mond; ma duta Gherdëina ie n paravis per chëi che va cun i schi. La gran cumpëida de purtoies da jì cun i schi y da pudejé, i locai “Aprés ski” y la uties. Dantaldut l ntëurvia, la montes y i crëps che ncertlea ite Urtjëi, ie dessegur n “Eden” nce per duc chëi che va gën

a pe y da mont su y a crëp. Chëi che ie stai de albierch l ann passà a Urtijëi ntan Nadel y l Ann Nuef dij che l ie na pitla “cripl”: l’atmosfera ie faszinënta, la jënt resserveda y chieta, y busiamënt belau degun, nce sce l ie sajon auta. Per jì cun i schi ie la Mont de Sëuc ezelënta.

Nce Sëlva ie ti TOP 10 TripAdvisor nfurmea sun plu de 270.000 ativiteies y luesc da udëi te plu de 30.000 destinazions dl mond. L vën purtà dant esperienzes persuneles y comentares, link de viers de publicazions, portali de nfurmazion, mëinaseniëures y forum de viac. TripAdvisor ie unì metù su de fauré dl 2000. (dv)

Urtijëi. www.lauscdiladins.com

11


Gherdëina

nr. 03 / 21 de jené 2011

Dumënia dla jopes a Urtijëi Nce sce l ie mpo bele passà n struf, iel drët auzé ora nce tla USC che ntan l’enes dla families iel stat truepa de bela manifestazions, danter l auter la dumënia dla jopes

Na bona jopa a fin de bën.

Urtijëi - Tl cheder dla manifestazions per l’enes dla families te Gherdëina d’autonn dl 2010 fòvel danter l auter unì urganisà te Cësa de Cultura Luis Trenker a Urtijëi la dumënia dla jopes. Na scumenciadiva a fin de bën ulache l ie stat da ciarcë d’uni sort de jopes y tëurtes a n bon priesc. L davani ie jit a bën dla Lia de San Vinzënt de Urtijëi, lia che ti juda a families de Gherdëina che à debujën de aiut. Dut chësc fova unit a s’l dé de gra al gran mpëni y lëur dla grupa „Uemes y fenans dla pluania“ y cun l sustëni de duc i ulenteres che ova judà pea dassënn per mëter a jì la dumënia dla jopes. Sambën ne iel nia da desmincë i hotiei che à judà pea per l bon garaté dla jopes: l Hotel Cosmea, Hotel Rainell, Hotel Gardena, Hotel Maria, Hotel Grones, Hotel Post, Hotel Adler, Hotel Genziana, Hotel Sureghes, la Cassa Raiffeisen de Sëlva y Ciastel, l pech Frisch y l cuech Luca Kerschbaumer che ova cialà che duta la jopes fosse ciaudes a puntin y cun la drëta sëur. La vela dla jopes fova granda. N pudova crì ora danter na bona jopa da golasc, panicia, jopa da cërn cun bales da ciociul, jopa da cërn cun liania y fuiadines y jopa da patac. Per dessert fovel d’uni sort

de bona tëurtes, fates da plu ëiles, da crì ora. N ova propi nce cialà de crì ora n orar adatà, do mëssa, ulache la jënt ova dl’aurela de passé, de cialé y sambën nce de se senté ju y ciarcë una o l’autra jopa o tëurta. La jënt che fova unida per l’ucajion fova stat truepa, dai mutons ala jënt de tëmp de duta la valeda, per se maië n bon taier de jopa ciauda, savan che l fova per n bon fin. Y nce Egon, Otto y Jonas ova ulù de si cuntribut, ëi n con’ de mujiga. De si bona ovi cherdà su la grupa „Uemes y fenans dla pluania“ damandan sce i ëssa pudù

suné vel’pez de mujiga ntan l danmesdì. Na pruposta a chëla che n ne ova sambën nia dit de no y che ti à pona plajù a duc i prejënc: la mujiga di trëi sunadëures, doi cun la chitara y n mut drët da snait cun l’armonica, à dat bona ueia, druch y ueia de balé. La manifestazion ie stata n suzes, jënt n fòvel assé, duc se à gudù la bona jopes y la bela cumpania. N à abinà adum na bela soma de scioldi che ti ie jita coche bele dit ala Lia de San Vinzënt de Urtijëi, per la dé inant a families dla valeda che à de bujën. Da lecurdé che chësta manifestazion fova unida urganiseda tl 2009 te Sëlva y bele plu iedesc nce te Südtirol, for cun na gran partezipazion da pert de duta la jënt che se à for inò desmustrà nteresseda y de bon cuer canche la va de judé jënt che à de bujën. Nce sce l ie bele passà n struf ulëssa i respunsabli ti fé na lauda y ti dì n gra de cuer a duc chëi che à dat ca si tëmp liede per n bon fin, pensan nce mpue’ a chëla persones che ie n deficultà, che à la stënta, che adrova aiut y sustëni per ti vester a mumënc riei cun truep festidesc. Savon che cun l aiut de d’autra persones iesen boni de ti jì permez miec y plu aslune a situazions che possa tuché duc tla vita, suvënz nce canche n ne s’l aspieta nia. (dv)

www.lauscdiladins.com

Cronica - N ël de 49 ani dl Trentin dëssa n vënderdi passà avëi purvà a tò ora scioldi dal ciuch dala dunfiertes dla dliejes de Sëlva y Urtijëi. Nscila iel stat bon de rubé

ntëur a 250 euro. Credënc che à abadà al fat y à usservà avisa l ël, à cherdà i Carabinieri che à abinà l ël te curt tëmp. G.M. ie unì dat sëura. (dv)

N stritoz che va inant Danter FISI y i urganisadëures de Copa dl Mond ne n’iel nia pesc, n ne à mo nia abinà n cumpromis aldò che posse jì bën per tramedoi

De bela mujiga fej for plajëi.

Tla proscima senteda dl Cunsëi de Chemun de Sëlva uniràl tratà plu ponc che à da n fé cun nfrastrutures dal sport, coche l ciamp dala codla y la Rodaval

12

Cun n fust de mitel iel unì rubà scioldi ora dal ciuch dla dunfierta, sibe te dlieja de Sëlva che de Urtijëi. N ël dl Trentin ie unì dat sëura

La dlieja de Sëlva.

Plaza dala codla Sëlva Chemun - N merdi ai 25 de jené iel senteda de Chemun te Sëlva. L Cunsëi se anconta dala 20.00 per traté chësc ordenn dl di: 1. Comunicazions dl ambolt. 2. Mëter ju n pra artifiziel y renuvamënt dl azes ala plaza dala codla - apruvazion dl proiet ejecutif. 3. D’uni sort, cun prejentazion de studi y proiec: realisazion dl troi da jì cun la roda “Rodaval” per l tòch dl ciamp dala codla, pona prejentazion dl stude y proiet per la realisazion dl troi da jì cun la roda “Rodaval” per l tòch “Costa-Plan” y per la realisazion dl troi da jì cun la roda “Rodaval” per la trassa auternativa “Schlosser - Dorives”. (usc)

Rubà la dunfierta

N merdi iel senteda cunseliera te Sëlva.

Copa dl Mond - L stritoz danter l persidënt dla FISI Gianni Morzenti y i urganisadëures dla garejedes de Copa dl Mond de Gherdëina y dla Val Badia va inant. L vën pustejà per i dërc televijifs. Aldò de Morzenti ti spieta ala FISI l 50% di dërc televijifs. I urganisadëures dla garejedes de Copa dl Mond dla Ladinia à bele fat a l savëi – coche nce bele repurtà tla USC – che i possa mé dé l 35% ala FISI, plu n pachet de servijes leprò. La va mo de stlarì sce te chisc 50% iel bele laite o manco chisc servijes. I urganisadëures dij che tl daunì ne saràl nia plu mesun urganisé manifestazions de livel aut sce n messerà ti dé ala FISI plu dl 35%; te chësc cajo messeràn nce pensé de dé su l’urganisazion dla garejedes. Ntant vëniel sciacarà

inant speran de ruvé a na soluzion. I urganisadëures de Gherdëina y dla Val Badia à ntant nciarià l aucat Silvio Belardi de purté inant la tratatives cun la FISI. N uel nce fé na ancunteda de chësc viers n ucajion dla garejedes de Copa dl Mond a Cortina d’Ampëz ntan chësc fin dl’ena. N descuscion iel nce la pusizion dl presidënt Morzenti. Ai 19 de jené, mo dan la ancunteda (y do la stluta de redazion, ndr.), ova la Cumiscion de Iustizia da tò pusizion pervia che n jega che si vela a presidënt dla FISI ne sibe nia stata regulera. Nsciuma, dut ntëur situazions che ne porta nia pro a n bon tlima. Daniela Villotti


Gherdëina

nr. 03 / 21 de jené 2011

Ntreda autostreda Persenon

Statistica dla populazion Ala fin de uni ann vëniel fat na statistica che mostra su l muvimënt demografich te uni chemun, nsci nce ti chemuns de Gherdëina Populazion - Coche n vëija ie la cumpëida dla populazion chersciuda mé de puech tl ann 2010 a Urtijëi y te Sëlva, ntan che a S. Cristina iela resteda propi valiva. A Urtijëi pòssen usservé

che l muvimënt dla populazion ie autramënter che ti autri doi chemuns, dantaldut la gran cumpëida de chëi che ie unic caprò a sté permez a tanc che se n ie jic sauta tl uedl y nasciui n iel de

manco che morc, cossa chësta che ie ënghe autramënter permez ai autri luesc dla valeda. Repurton tlo dessot la statistiches de uni chemun:

Sëlva - Statistica dl muvimënt dla populazion tl ann 2010 Situazion ai 1.1.2010 a) Nasciui Morc Defrënzia danter nasciui y morc

Ëi 1301 16 1 15

Ëiles 1323 11 6 5

De ndut 2624 27 7 20

b) Unic a sté tl luech Jic demez dal luech Desferënzia danter unic y jic demez

11 23 -12

27 17 10

38 40 -2

Soma a) + b) Situazion ai 31.12.2010

3 1304

15 1338

18 2642

Maridei: 21 pèr, 9 pèr se à maridà te Chemun y 12 pèr te dlieja.

S. Cristina - Statistica dla populazion residënta ann 2010 Situazion ai 1.1.2010 a) Nasciui Morc Defrënzia danter nasciui y morc

Ëi 953 9 3 6

Ëiles 947 9 7 2

De ndut 1900 18 10 8

b) Unic a sté tl luech Jic demez dal luech Desferënzia danter unic y jic demez

24 27 -3

22 27 -5

46 54 -8

Soma a) + b) Situazion ai 31.12.2010

3 956

-3 944

0 1900

Tl Chemun de S. Cristina se àl maridà tl ann 2010 de ndut 4 pèr (2 te Chemun y 2 te dlieja).

Urtijëi - Statistica dla jënt dl ann 2010 Situazion ai 1.1.2010 a) Nasciui Morc Desferënzia danter nasciui y morc

Ëi 2264 23 26 -3

Ëiles 2342 21 21 0

De ndut 4606 44 47 -3

b) Unic a sté tl luech Jic demez dal luech Desferënzia danter unic y jic demez

56 36 20

63 50 13

119 86 33

Soma a) + b) Situazion ai 31.12.2010

17 2281

13 2355

30 4636

Maridei: 17 pèr, 5 pèr se à maridà te Chemun y 12 pèr te dlieja.

La Jonta provinziela à dat pro l adatamënt dla streda da unì ora dl’autostreda a Persenon sud. Mpede pudëi furné mé ora, puderàn tlo nce furné ite tl’autostreda Stredes - Cun l adatamënt dl ncrëusc Persenon Sud vëniel smëndrì l muvimënt nchin a Tluses y miurà l servisc per l raion ndustriel de Persenon. La Jonta provinziela à ala fin de dezëmber dat pro la pruzedura de ufize per mudé l plann

urbanistich de Feldthurns a na maniera de pudëi adaté l ncrëusc ulache n possa te chësc mumënt mé furné ora. Aldò de Durnwalder va chësta dezijion nce pea cun l cunzet dla streda de zircunvalazion dla zità de Persenon. (usp)

Na nuet te furnadoia Stlut ite te na cabina dla furnadoia de Mont de Sëuc zënza che deguni se ëssa ntendù. Chësc fat ie suzedù l’ena passeda. La cuestion dla gauja ne n’ie nia tlera Cronica - Coche bele repurtà ti media locai ie Ezio Ongaro de 57 ani, n ciulier dl Venet, restà stlut ite te una dla cabines dla furnadoia de Mont de Sëuc tla nuet danter lunesc 10 de jené y merdi 11 de jené. Per bën 14 ëura tl frëit y tl scur. Per fertuna zënza cunseguënzes per l ël. Ongaro lëura tl Hotel Sole sun Mont de Sëuc. N lunesc sëira iel sentà ite te cabina ntëur la sies da sëira, al ultimo mumënt canche la furnadoia fova per stlù. I lauranc che laurova iló ne se à nia ntendù che l ël fova jit ite te furnadoia, dan dsaré l mplant. Ongaro à abù na gran fertuna, ajache per la sajon fòvel n chël di temperatures do la rata nia frëides, ntëur 0 degré y chësc ti à salvà la vita n chëla nuet. Oradechël fova l ël nce mo zënza fonin y nscila ne pudòvel nia cherdé aiut. Permò l di do, canche la furnadoia ie inò jita n funzion, l àn udù y l à finalmënter pudù unì ora de cabina. N mierculdi à l ël dat sëura l fat ai Carabinieri che à depona fat nrescides y à dat sëura doi dependënc dla furnadoia dla Mont de Sëuc; n ël de 44 ani de Ciastel y n ël de 60 ani de Urtijëi. Werner Kostner presidënt dla sozietà dl mplant portamont dij che n muessa tenì cont nce de chësta ntraunides unitant. Ma sambën ne daussova vel’ da de tel nia suzeder. Che zachei va ite te cabina da chël’ëura ie perdrët n fat rer, davia che do la 17.30 ne funziunea nia plu l schipas. Ntlëuta iel mé plu jënt che furnea juvier y nia plu suvier. I lauranc che fova mo iló à dessegur cialà sce l ne va mianò mo su zachei, ma l ël ie mpo mo stat bon de jì ite te furnadoia, n ne sà nia co. Chësc ie pruibì, zënza personal prejënt. L ciulier semea ova na drëta prëscia de jì su a lauré y a chëla maniera

saràl sautà ite y deguni ne l à udù. L unirà mo cialà do cie che l ie unì tëut su dala camera pra la stazion lajù a Urtijëi. Chësc material ie unì dat inant a na firma spezialiseda per valuté i dac. L fat ëssa dessegur pudù finé piec sce l ne fossa nia stat na cabina stluta. Oradechël ne ova l ël degun fonin. L sarà da valuté la respunsablteies da una y dal’autra pert. Da dì iel che i mplanc portamont ie da stramp segures, plu segures che n julier, na curiera o ferata aldò dla desgrazies. Sce n pënsa tan de jënt che vën meneda uni di iel n mesun de trasport segur. L fat ne dassova nia suzeder, iel unì sotrissà plu iedesc. Śën uniràl fat na plura decontra da pert dla sozietà, davia che l ël à adurvà la furnadoia zënza la prejënza de personal cumpetënt. Coche la jirà inant ie mo dut da udëi. (dv)

La furnadoia dla Mont de Sëuc.

Col de Flam Chemun de Urtijëi: dumandes y mozions dl’oposizion, danter l auter di Freiheitlichen n con’ dl grunt privat sun Col de Flam Urtijëi Chemun - L Cunsëi de Chemun de Urtijëi à la proscima senteda ai 4 de fauré dala 16.00. Chësc ie l ordenn dl di: 1. Dé pro l protocol dla senteda dl Cunsëi de Chemun di 03.12.2010, dat ju tl ufize secretariat dl Chemun. 2. Dumanda dl cunselier de

Chemun Martin Kofler di Freiheitlichen n con’ dl grunt privat sun Col de Flam. 3. Mozion dl cunselier de Chemun Martin Kofler di Freiheitlichen n con’ dl junté dla homepage dl Chemun. 4. Mozion di cumëmbri dla grupa de cunsëi dla Lista zivica

Urtijëi n con’ dl lauré ora de n stude de fatibilità per la produzion de lectrisc cun la prescion dl egaduz cumenel sun Col de Flam. 5. Mozion di cumëmbri dla grupa de cunsëi dla Lista zivica Urtijëi n con’ dla publicazion de relazions dl’atività dla lies tla plata de nfurmazion dl Chemun.

6. Dumanda di cumëmbri dla grupa de cunsëi dla Lista zivica Urtijëi n con’ dla mozion data pro ai 03.12.2010 sun l patrimone mundiel UNESCO Dolomites (grupa dl Saslonch y dl Sela y Plans de Cunfin). 7. Mudazions dla bilanz de previjion 2011 cun njontes al

program generel di lëures publichs y al plann de finanziamënt revardënt. 8 Numiné l cumité per la valivanza dla pusciblteies. 9 Dé pro l regulamënt sun la registrazion audiovisiva dla sentedes dl cunsëi. 10 Comunicazions. www.lauscdiladins.com

13


nr. 03 / 21 de jené 2011

Sculeies y studënc prutestea a Roma La crëta a Berlusconi tacova de dezëmber nce adum cun tan inant y co che l fossa jit inant la reforma Gelmini tl ciamp dla scola y dl’Università. Na reportage de doi studëntes de Gherdëina che ie jites pea pra la prutestes a Roma de chësc viers, propi sun la fundamënta dl’autonomia. Chiche à i presuposć giapa te Südtirol inant i cuntribuc per studië.” Medea ëssa perchël pudù fé l Ponzio Pilato, se lavé la mans y se “goder” inant si stude, che l sustëni dala Provinzia de Bulsan ti resta pu nce tl daunì.

La solidarietà

La prutestes a Roma contra la reforma Gelmini.

Furmazion - Medea Moroder y Sabrina Bernardi, studëntes dl’Academia de Urbino. Na pitla università, te na pitla zità. L livel de furmazion ie aut, la vita va inant bel plan, la vita tipica de n luech mpue’ desman, dalonc dala gran metropoles. Ma nia dalonc dala politica zentrela dl Stat. La reforma dl’Universiteies y de dut l sistem furmatif dla Talia à na fazion cuncreta nce de viers di studënc de Urbino. Medea Moroder de Urtijëi conta dl svilup n con’ dl manejamënt dla universiteies a livel naziunel, tres l ejëmpl de Urbino: “Na pitla grupa dl’Università de Urbino à scumencià a dé nfurmazions n con’ dla nuviteies tl ciamp dla scola y dla furmazion, plu avisa n con’ dla reforma Gelmini, che ie danter l

auter la privatisazion dla scola publica cun la universiteies y che smendrësc la borses de stude dl 45%, dajan n generel manco scioldi per la furmazion de scola y de livel universiter. Chësta grupa ie nce unida tl’Academia ulache ie y Sabrina studion. Danter l auter à la reforma nce na cunseguënza per doi de nosc cumpanies: sce l vën taià i cuntribuc per la borses de stude pona muessa doi de nosc cumpanies de tlas lascé de studië.” Coche dì, la reforma ne fova nia zeche tan de dalonc, ma zeche che tucova diretamënter nce la realtà de truepa studëntes y de truep studënc dloncora tla Talia. Medea ne n’ie nia tucheda dal smendramënt dla borses de stude, de gra al urdenamënt particuler te Südtirol: “Te Südtirol iel na majera scunanza

Ma tlo sàutel zeche te ëila, la pëna che fej unì su l sentimënt de respunsabltà, de solidarietà, de curaje zevil: “L ne n’ie nia drët, coche l dëssa unì fat. Per solidarietà iel drët se fé valëi, lascian audì si minonga, nce publicamënter.” Y l ie nteressant, a ti cialé, a Medea, canche la conta, na lum che se mpëia te si uedli. Ëila, te Scola d’Ert de Urtijëi tan lezitënta, ma povester nce do la rata stluta ite, cun mpue’ de ntroverscion, te si mond da sculea, che cialova de fé si lëur, passan bela valënta da una na tlas tl’autra, nchin al ejam de maduranza stlut ju cun n boniscimo resultat. Ma coche la ie suvënz, la semea ngiana. Medea, bonamënter coche truep d’autri jëuni, coche truep d’autri studënc, à laite te sé n gran sentimënt per l drët y l fauz, per la iustizia, n gran spirt de solidarietà. Da una na pert pudëssen raté che l se trata de na sort de "corsi e ricorsi" storics, cun l 68 che ie inò madur. Dal’autra pert iel la resposta a chiche rata che i jëuni viv te na si apatia cunsumistica, danter televijion y fictions, handy y sms, computer y facebook, guanc grifei, ipod y l struplon for tla urëdla per scuté su mujiga che te revina urëdles y cervel. L ie la resposta ala doi

Sabrina Bernardi y Medea Moroder de Urtijëi.

generazions da dant, chëles bën cun si ideal dl bënsté materiel y dl rafé plu che dl fé.

Ocupazion dl magistero De reviers ala ntraunides a Urbino. La pitla grupa de studënc che nfurmea, tl prim. L vën fat reunions. Medea y Sabrina scota su, n iede plucheauter per l bunder, ma pona nce dantaldut per ulëi n savëi deplù, ajache te televijion ne te diji nia na drëta, coche n rata. Pona ti vëniel mustrà i julantins de nfurmazion n con’ dla reforma aldò dl dessëni de lege Gelmini. I uedli che se gëura, la iniustizia che sauta ora, la puecia sensibltà dla istituzions de viers dla furmazion y dla cultura n generel, l tai di cuntribuc a scola y università: “Ma cie feji pa, cajù a Roma?” Do y do crëscela, la grupa, la vën majera y majera, for plu y plu studënc se taca ite, per na prutesta contra la reforma Gelmini. Na bela tlapeda de studënc de Urbino ocupea l magistero dla sënta universitera. La porta vën dsareda, ite y ora possa mé studënc.

Urganisan la prutesta

La grupa de studënc de Urbino: “La urità ie che tl ordenn iel l se stufé y la frustrazion dla mposizion, ntan che tl dejordenn iel la fantajia dla vivanda dla partezipazion.”

14

www.lauscdiladins.com

Zënzauter iel tl prim n pert nce mé n mumënt de goliardia, na ucajion, n pert, nce mé per fé cajin y per sté n cumpania. Ma dut chësc ne fossa nia unit a s’l dé, ne ëssa niancanó durà plu che n tan giut, sce l ne se tratëssa nia de na cossa sceria, de na fazion pesocia, negativa, per l mond universiter. L ie coche dit manco scioldi per i studënc, n generel manco scioldi per l’universiteies, l dëssa nce vester catedres che toma, che vën tëutes y tres. Ntan l’ocupazion vëniel su descuscions, danter i studënc. L vën rujenà, damandà, respundù, stlarì. La ne ti daussa nia jì fata, ai gran berbesc y ala gran landes de Roma. La va de mëter a jì na

prutesta. N valguni se cruzia dla burocrazia, d’autri dl raport cun la forzes dl ordenn. Mo d’autri, danter chisc Medea y Sabrina, ex sculées dla Scola d’Ert, dla pert criativa.

Defiledes tres Urbino L vën metù a jì defiledes de prutesta tres Urbino. La polizai ie for dant y do, dancà y dovia, cun scudi. Dancà n iel n valguni che svëia ite te megafonn, i autri che respuend: “Contro i tagli e le privatizzazioni, dieci centomila occupazioni!” O: “Se ci bloccate il futuro blocchiamo la città!” Da sëira vëniel jit cun i chentli, tachelnan pra la portes, a na maniera da tré ite duta la cumenanza, academica y nia academica. Sun de gran linzuei iel dessënies y slogans. I studënc ne n’ie, a desferënzia dl 68, nia tan ite te ideologies de partic, l ne n’ie nia mé studënc de man ciancia. I studënc che prutestea ie de man ciancia y de man drëta. Nce sce l n ie de tei, mpue’ “figli di papà”, che ie contra la prutestes, dijan: “Ma cie fajëis’a? Stajëde pu a cësa a studië!”

Truep professëures se tëm L ie na prutesta di studënc, nce sce l tuchëssa sambën da vester na prutesta de dut l mond universiter, cun pea i dozënc y professëures. Medea: “I professëures ne à fat nia de contra, ma niancanó per la prutestes. Rate che l fova, da pert di dozënc, n cunsëns generel per l muvimënt di studënc, ma mpo na cërta tëma de se mustré, la tëma de pierder si lëur. N valguni judova, dajan scioldi per cumpré da maië.” Ntan l’ocupazion iel coche dit truepa descuscion, ma nce truepa cumpania, cun mujiga d’uni sort, cun na sort de festa coletiva. Ma chëla ie mé una na pert dla bedaia.


nr. 03 / 21 de jené 2011 pro sun ëur de streda, d’autra che svaiova dala cëses ju. La gran pert per sustenì la prutesta, ma n valguni nce che nes dijova de jì a cësa.

Danter ciofs y fuech

Medea à fat na caricatura aposta.

Do y do vën duta la cuestion plu sceria. Chiche univa mé a fé mpue’ de cajin y mpue’ de festa, se n sta de zes, man man che passa i dis. L resta chiche se tol a cuer la cossa, chiche uel jì inant tla sustanza, tla prutesta contra la reforma Gelmini. “Sce duc scota, pona ne se mùdel mei nia!” dij Medea, che dà si cuntribut, giaurian l ventil de si criatività, coche ti slogans, i simboi y la caricatures depëntes sun i jeans. Doi iedesc al di iel reunion, te magistero. Nce per fé ora coche la jissa inant. La grupa che ocupea l magistero vën for plu y plu scitra, ala fin iel mo 32 studënc.

La prutestes a Roma Ntant ova i sindacac y i muvimënc

di studënc mubilisà per jì a prutesté a Roma, nchin dan Montecitorio. L terminn fova ai 14 de dezëmber, di dla crëta al Guviern Berlusconi. L’assemblea de Urbino, cun leprò Medea y Sabrina, fej ora de jì pea. De nuet, dala trëi daduman, vëniel pià via cun la curiera de viers de Roma. Ruvei tla capitela iel na mprescion grandiëusa: milesc y milesc de studënc da duta la Talia, cun striscions, cun strumënc. Slogans, cianties, mujiga, duc deberieda contra la reforma. Uni università ova n si striscion, cun la prejentazion de si università. Medea: “Nëus àn dessenià y depënt na grupa de studënc che prutestea cun massaria da cësadafuech.” Ntëur la diesc vëniel pià via, destinazion Montecitorio. Uni grupa à un dal megafonn danora, i autri do. Truepa jënt iel che cëla

“Na pert di studënc ie ruveda dan Montecitorio, nëus nia,” conta Medea, “ajache bele dan ruvé ons udù da dalonc de tel gran nibles fosces, l fuech de auti che vardova. L fova ntant n gran busiamënt de polizai y ambulanzes y destudafuech. Truep studënc ova pea ciofs, coche simbol de pesc. Ajache pra d’autra prutestes fòvel unit ora che nëus studënc son salveresc, che fajon dann, che purton viulënza. L cuntrer fòvel, la prutesta fova pazifica, zevila. Danz che l se trata pona for de n valguni. L fova n valguna - nce sce puecia - franges viulëntes, studënc do la rata plu vedli, che se ova bele uganisà danora per fé dann y per strité, studënc o pseudo-studënc cun l casco y la maza da baseball. Y nscila iel danterite nce unì fat dann, l ie stat cumbatimënc, viulënza. Nëus fan belau mpue’ dl bunder, y purvan a jì inant, per ruvé nce nëus dan Montecitorio. Fan bele sun n puent nia dalonc. Ma pona iel stat na escalazion dla situazion. Cun cumbatimënc, auti che sautova tl aier, jënt che se ova fat mel y se n muciova, la polizai lasciova ora gas che bruja ti uedli. Tlo sons pona mucei,” conta for Medea, che dij che “ësse ulù ruvé plu daujin a Montecitorio, ma stajan cun la grupa fòvel rie a jì plu daujin, y l fossa nce stat massa priculëus, bonamënter.”

Politicanc y cuscienza La grupa de Urbino va de reviers pra curiera, per se n pië inò a Urbino. Per Medea y Sabrina de Urtijëi iel stat na esperienza che les se tol pea per la vita. La esperienza de se fé na minonga, de ne stlù nia i uedli y scuté bela valëntes, ma de dé n si cuntribut, pitl o grant che l sibe, per auzé la

Avisc

Cujiné spëisa dl’India

Duman sada ai 22 de jené mët la Nëus Jëuni Gherdëina a jì na sëira de cujiné spëisa dl’India. Duc ie nviei de cuer a unì a fé pea. Ntan chësta sëira uniràl cujinà deberieda n valgun cëifs che unirà njiniei ca y daldò puderà duc ciarcë y maië la spëisa cujineda deberieda. Per plu nfurmazions y per la iscrizions prions bele de cherdé su tl ufize dla Nëus Jëuni Gherdëina, 0471/799006 o de scrì a info@njg.it

Senteda generela dla Nëus Jëuni Gherdëina La Nëus Jëuni Gherdëina fej a l savëi che n sada ai 29 de jené saràl la senteda generela dla lia, cun veles dl cunsëi nuef. Duc i reprejentanc dla lies che fej pert dla Nëus Jëuni Gherdëina ie nviei a chësta generela, ma sambën nce duc i autri nteressei. L unirà cialà de reviers al ann de atività passà, l unirà dat pro l bilanz y l unirà fat la veles dl cunsëi nuef. Sambën saràl nce na lerch per la jënt per purté ite prupostes nueves, critiches, ideies o auter. N sada ai 29 de jené da mesa la set da sëira inant tla sala di jëuni “Saut“ a Urtijëi. Do la generela uniràl cujinà y pità na bona pasta a duc.

Jita cun la ciaspes I jëuni dla Lia da Mont Gherdëina mët a jì na jita cun la ciaspes da Martell sun la Kalfanwand (3.059 m), n dumënia ai 30 de jené. L sarà da jì plu o manco 5 ëura cun n deslivel de 1.000 m. Per nfurmazions pudëis cherdé su Arthur, 0471/786368. Iscrizions a Urtijёi da Ciofs Inge, a S. Cristina da Sport Service y te Sёlva da Sport Bruno Riffeser.

N auto che verd.

usc contra zeche che ne n’ie nia drët. La reforma Gelmini va ntant inant, la cunseguënzes sarà tosc da udëi, y for plu y plu. Iel pa śën stat dut per nia? Sce la Gelmini y i politicanc de Roma à mpo drucà tres la reforma, pona dëssi almanco l fé cun na stleta cuscienza, sce i à na cuscienza. David Lardschneider

La gran fumera de auti sautei tl aier.

La jeans de Medea y Sabrina. www.lauscdiladins.com

15


nr. 03 / 21 de jené 2011

La “strosetada” di joegn de la Musega da Poza Leé no demò da la pascion per la musega, ma ence da na bela amicizia, i joegn de la Musega da Poza se à passà na bela sabeda sera

Salvèr la vites con musega e sanch... ence “Bastard” I 3 joegn de X-Factor rua en sabeda ai 22 da sera a Pardac per n conzert endrezà da l’ADMO e avert da la Blood Rockers Band e dal grop da Soraga che cianta per fascian

The Bastard Sons of Dioniso.

Nadia, Cinci, Nadia, Gian, Marco, Ame e Michael: I joegn de la Musega da Poza.

En sabeda ai 15 de jené noi dotrei più joegn da la Musega da Poza se aon pissà de se n jir te Val de Sen Nicolò col stroset. A la dir duta aon tacà via col jir a se magnar na pizza, e anter na grignada e na pizza co la nutella l’é ruà le 9 passade che se enviaane via. Eraane de set: Ame, Cinci, Michael, Gian, Marco e le Nadie (chiamade ence le Nadia). Co sion stac vertesc se aon binà ta Vidor e coi strosec se aon envià a pé su per pista de Bufaure. A se enviar via la é ben stata dura, duta colpa de Gian che l’aea scì gola de cala pizza co la nutella!! Rué te chi pians da l’Ancona aon bele cognù far: TEA TIME!! Ensoma se aon beù ju na chichera de te e cognac, che le beze se aea pissà de enjignar. Dò dotrei foto, dotrei grignade (via pura che chele l’é é po ben state su e su) e vint menuc de meritato riposo dò la gran struscia, sion endò ponté demez. Le beze fajea ben le preziouse e le stajea semper dotrei metri dò (a

ve la contar giusta le lo fajea giusta par ge far creser ai “omegn” de esser più gagliardi... ma no ge l dijé!). Rué ta Saùch aon scontrà i prumes taliegn che vegnìa n ju (ic era po ben jic su en motoslitta!) e zeche che l’é la patente dal stroset no i la deve aer ciapada, perché i ne à béleche metù sot! Tal parcheggio aon bele cognù fermar a far endò TEA TIME!! Laìte aon fat marendel... Nadia l’à tirà ca te e rum e la Cinci l’à tirà ca biscoc... plasmon! L’à dit che ge saea che Gian aesse besegn de dotrei centimetri che no l ge sà aut assà (ndr: Gian l sarà aut 1 metro e 90!). Bon bon, l’ultima struscia e... zacan entorn le undesc ruon te Ciampié! Laìte l’era dotrei foe che ge tendea a nesc strosec, che no i n’aea assà a vegnir ju deretorn, ma noi, ascorc, se i aon po ben metui olache i vedaane fora, perché, scheche ve pissarede, aon bele cognù jir ite da Ciat a se beiver n te col rum... no se sà mai che ciapassane freit tal jir n fora! Ence laìte doi foto e doi grignade

(che dò n cert numer de te e rum le vegnìa belebon spontanee)... e dò ponton endò demez par vegnir n fora. Dò nience doicent metri la era tant erta che aon cognù desmontar e jir a pé... ma no l’é problemes... ma co éla, sion demò de sie?! Orpo se aon perdù Nadia... na na, vela che la rua, ma che àla te man? Oggetti smarriti!!! Éle vosce ste art? Orpo le é po proprio de Gian! Eh scì, son crodà e é l prossach rot che no se sera, l’é po ben sutà fora dut! Ma noi aon Ame l’artista che te doi menuc l crea na struttura perfetta per serar sù chest prossach! Tel jir n fora aon cognù desmontar e jir a pé beleche de più che a jir n ite... anter sta strada dreta e la neif solvia eraane più cec che auter! Zacan sion rué deretorn ta Vidor e tout l’auto aon fat l’ultima tappa ta Mongo... l’era la una passada! Piutost stencé ma bie contenc dò le doi via sion jic a ciasa... L’é stat dalbon na bela serada! Chi mac di joegn da la Musega da Poza

Federico, Jacopo e Michele, i trei bravi e beloc musizisć trentins del grop “The Bastard Sons of Dioniso”, che à arjont n gran nonzech de gra a la trasmiscion “X-Factor” i se dèsc jù per na bona cauja: la sensibilisazion su la donazions de sanch e de megola de l’os. E per chest obietif no i à metù a la leta demò sia musega, ma ence so corp. De gra a l’enteressament del vulcanich diretor del Zenter trasfujionèl e de ematologìa de la Provinzia de Trent, Massimo Ripamonti, che à reijes fascènes a Soraga, chisc dis passé i 3 joegn sonadores é jic a se fèr “tipisèr” per veder se i é compatìboi e se donca i pel doventèr ic enstesc donatores. Apede chest, per sensibilisèr i joegn, a fèr ence ic chest pìcol vèrech de desponibilità a la donazion, n pìcol empegn che pel salvèr na vita, i doura se sà ben sia ressorsa maora: la musega. La musega l’à na gran forza, e de chest l’é gran sostegnidor e testamonech en pruma persona l dotor Massimo Ripamonti, che con etres coleghes l’à metù sù la “Blood Rockers Band”, che porta dant apontin musega rock per sensibilisèr su la donazions de sanch: n grop che n muie de jent de Fascia à jà podù cognoscer e aprijièr chest istà passà te n bel conzert a Soraga, che ge dèr lèrga ence al lengaz ladin tolan ite n grop de ciantarines e ciantores fascegn. Ades l’ocajion é segur ezelenta de poder sentir endò “Blood Rockers Band” e Ciantarines

da Soraga “en trasferta” a averjer l conzert de n grop de nonzech, i “Bastard Sons of Dioniso”. Federico, Jacopo e Michele i conferma de no voler esser na “meteora televisiva” e con chel spirit sćiantif e leà a sia tera, a sia reijes e a si valores, i taca so tour 2011 chesta sabeda ai 22 de jené al Sporting Center de Pardac te na serèda dassen spezièla: n gran conzert endrezà da l’ADMO per sensibilisèr sun la donazions. Musega moderna e rock, sanità e volontariat, e ence mìngol de lengaz ladin se met adum donca te n apuntament da no perder, che pea via da les 20.30 con l climbers testimonial ADMO Pietro Dal Prà. L conzert serf a sostegnir l gran empegn de ADMO Trentin tant tel vers de la sensibilisazion che te chel di intervenc concrec, anter chisc n stipendium de 25.000 euro metù a la leta per n medico ematologh per l’Ospedèl Sènta Chiara de Trent. Te chesta serèda vegnarà ence portà dant la testimonianza de n joen che é dò che l speta de troèr n donator compatìbol per poder fèr n trapiant de megola de l’os, e dant dai “Bastard”, ensema con la “Blood Rockers Band”, se podarà scutèr ence l grop de Ciantarines de Soraga che à te so repertorie apede a toc originèi ence cover ladines de cianties cognosciudes, desche “Doucia ciasa Val de Fascia” (Sweet Home Alabama) e “Dedant a l’usc del Paradis” (Knocking on heaven’s door). Se pel se proveder i biliec ence dantfora a la Cassa Rurèles.

La “Blood Rockers Band” con la ciantarines da Soraga.

16

www.lauscdiladins.com


nr. 03 / 21 de jené 2011

N ann se röia, un mët man Le Grup Decanal stlüj jö n ann rich de ativitês. L’Edema di Jogn y la publicaziun dles plates di jogn é ma döes iniziatives de gran relevanza. L’ativité va inant inće cun na presidënta nöia, Vanessa Crazzolara da San Ćiascian

Cun l’ann 2010 s’à inće por le Grup Decanal rovè n bel ann de ativité cun bëgn tröc de bi recorć. L’ativité dl’ann 2010, che à metü man cun n consëi nü, à dlungia de plü sentades albü süa pröma gran staziun pro la Velia da Pasca. Sciöche al é bele prësc tradiziun, organisëia i jogn y les jones dl Grup Decanal por la Jöbia Santa na Velia a Oies. Nia dër tröc ne s’à lascè sprigorè dala nëi y dal bur’ tëmp y s’à insciö incuntè tla dlijia da Oies por n momënt de oraziun y de meditaziun. Fajon ma un n grup àn orü ti dè l’azënt al perié deboriada. Laprò àn ćiamò

ćiarè che al gniss portè dant ma püć tesć por che al romàgnes le tëmp da i jì plü sot. Ai 20 de jügn él gnü metü da jì na mëssa di jogn a San Martin, en colaboraziun cun i jogn da La Val y chi da San Martin. La mëssa é gnüda acompagnada dai Kyrios. Por misdé ê düć i mëmbri di consëis di jogn dla valada invià ite dai pëiapësc a Preroman por na griliada. Inće sce le tëmp n’é nia stè dër bel, à impò cotanć tut sö l’invit Dai 6 ai 12 de setëmber él stè l’Edema di Jogn, sot al titul “Prezius

éste tö dan mi edli”. Tles manifestaziuns desvalies àn orü jì ite te chëstes beles parores dl profet Iesàia che nes fej capì che vignun de nos, anfat da ći derivaziun, corù dla pel o lingaz, vignun é orü da Chël Bel Dî insciö sciöche al é. Dlungia chëstes maius manifestaziuns él inće stè de mëndres cosses desvalies ia por l’ann, sciöche por ejëmpl l’incuntada cun la SKJ da Balsan, la venüda de calëndri y i.i.. Sambëgn él - sciöche i ëis podü odëi - gnü acompagnè y organisé la publicaziun dles 12 plates di jogn t’La Usc di Ladins. Do che Paul Felix Rigo à dan da n ann tut sö l’inćiaria da presidënt dl Grup Decanal, por n ann alalungia, ti àl dè inant i fis a Vanessa Crazzolara da San Ćiascian, che sarà a će dl Grup Decanal por le proscim tëmp. Dlungia les atres manifestaziuns sön le program, gnaràl tl 2011 dantadöt porvè da tlarì y definì la posiziun, i compić y le dagnì de chësta uniun. Te chësta ocajiun i vàl ćiamò n gran dilan a dötes les porsones che à daidé pro val’ manifestaziun o à tut sö val’ inćiaria por chësc grup. N gran dilan dantadöt inće a siur Pire che nes stà intres dlungia. Paul Felix Rigo por le GD

Avisc y Manifestaziuns Orar nü dl Sorvisc ai Jogn Le Sorvisc ai Jogn Val Badia lascia alsavëi che l’ofize é davert vigni dé dal lönesc al vëndres dales 08:00 ales 16:00.

Scri por la plata di jogn Stimà jogn y jones, sce i ëis propostes, informaziuns, dessëgns o d’ater ch’i orésses publiché sön la plata di jogn, lascésse adintëne pro alma79@ dnet.it.

Oraziun de Taizé Le grup Taizé Val Badia inviëia düć da tó pert vigni terzo vëndres dl mëis al’ora de Taizé, dales 20.00 te capela sö Oies. La proscima incuntada sarà insnöt ai 21 de jenà 2011. Gnide tröc!

Dé mondial di püri de lebra Ai 30 de jenà gnaràl indô tignì le dé mondial di püri de lebra. Te döta la Talia podaràn cumprè söles plazes dles citês la mil de dlasenes, acacia o milleciüfs. Chilò da nos ciafaràn la mil a Badia (ai 30.01) y San Ćiascian (23.01) do mëssa. La schira jonila Cun n sms al 45592 dai 22.01 ai 10.02 rengrazia bel danfora chi che pòn ofrì 1 euro a bëgn de proieć cuntra la lebra t’Africa. sostignarà chësta aziun.

Liber dl mëis “Per voce sola” de Susanna Tamaro “Per voce sola” é na racoiüda de cin’ stories che à sciöche tematica prinzipala la violënza cuntra jënt. Tla storia “Di nuovo lunedì” nes vëgnel cuntè de na möta che vëgn adotada da na familia che pê deforaìa sciöche dötes les atres. Te “Love” é la protagonista na ëra desturbada, che mess tignì fora de vigni sort de violënzes. “Un’ infanzia” é na storia de na porsona che chir amur mo ne le ciafa ignó y rovarà porchël a comëte delić spaventusc. Te trëi lëtres ti confessëia la protagonista de “Sotto la neve” a so möt, che ara n’à mai conesciü, so drama: le dolur da messëi dè en adoziun süa creatöra por evité scandai. “Per voce sola” é n monologh de na mëda ebrea, sora, che cunta de süa vita plëna de persecuziuns y tëma.

dé da doman ti impormëti iö che canche i sarun gragn, sciamparunse adöm.” Al é stories dala ria che fej ponsè sura y dessenè. An se dessëna cun chi che fej dl mal, mo inće cun chi che subësc tl chît, zënza se defëne. L’auturia scri te na manira dër saurida da lì, tan che les emoziuns y sensaziuns che an à da lì chësc liber pê reales y intimes. Te val’ tóch é le roman dër cröde, impò él n liber che i ti aconsiëii a tröc. Valentina B.

N tòch fora dl liber dij:

Momënć fora dl'ativité dl Grup Decanal. En colaboraziun cun

“Ai dij che i orchi n’esist nia plü, mo i orchi esist ćiamò. Mi tati é de dè n avocat y de nöt n orco. Canche i dormi y i me tëmi che la porta se deures, me tëgni toch Teddy. Teddy é mi perele, i sun bele da tres compagns. Vigni sëra me impormëtel che al me defenarà sce al vëgn l’orco. Vigni

Le cuertl dl liber. www.lauscdiladins.com

17


nr. 03 / 21 de jené 2011

Usc dal alt....

de Lucia Verginer Ćer letur, o ćer teofilus, sciöche San Paul dijess, ne t‘él mai sozedü da incuntè na porsona y da sintì che da chël dé inant sarà tò destin lié al sò? N‘odlada, na parora, y te savôs che nia ne foss plü stè sciöche denant? Tl contest de na relaziun d‘amur ti vëgnel dit a val‘ de te’ “colpo di fulmine”. I arati che al vëgnes tut ca chësta metafora bindebò cruënta propi deache te chisc momënć ne laora la rajun nia plü cis- avisa sciöche sce al ti ess dè jö le tonn; mo chësc tonn atoca inće diretamënter le cör y fej n “dann” ireversibl. Ti àl mo inće dè jö le tonn ai cater apostui, Scimun Pire, Andrè, Iaco y Jan? I ùn dötes les rajuns por rovè a chësta contlujiun. I cater ê pesciadus y inće en chël dé êi söl lêch de Galilea a pié pësc, Pire cun so

fre Andrè, Iaco cun le fre Jan y so pere. N scenar de laûr da vigni dé, sciöche vignun de nos va a scora o a laurè. Fora de n bel sarëgn pàssel Gejù y ti dij madër: “Gnide do a mé! I fajarà fora de os pesciadus de jënt”. Y insciö él sozedü che al ti à dè jö le tonn. I cater pesciadus à lascè tomè ći che ai â tles mans, rëis, barca, le pere, por ti jì do a Gejù. Mo ći se ài mo mai ponsè? Sciöche i ùn bele dit, ne laora la rajun nia plü cis; na rajun sana (ein gesunder Menschenverstand) dijess: „Poh jì olà pa? Poh jì a fà ći pa? I ne te conësci pö nia, ćiodì messàssi pa gnì cun te?”. Ai n’â degönes informaziuns sura Ći? Olà? Ćiodì? Co pa? Tan dî pa? - ai à madër lascè döt y é jüs cun Gejù. Nou, ai ne ti é nia jüs do a Gejù do avëi metü sön stadira pro y cuntra; nou, ai ti é jüs do deache al ti à dè jö le tonn tl cör. Ai à lascè döt, deache ai à incuntè na porsona che i à invià da jì cun ëra y da fà ći che ëra fej: ester pesciadù de jënt, incuntè les porsones y ti fà conësce Dî, i cherdè da ti jì do a Gejù. Sciöche Gejù a cherdè i apostui, nes chërdel inće nos, y sciöche al ti à dè jö le tonn ai apostui, nes dàl inće jö le tonn a nos. Gejù se mostra y se chërda sön trus desvalis y al le fej te na manira dër individuala tla vita de vignun de nos. Datrai se intënon impormò plü tert, sciöche i discepui de Emaus, che Gejù fajô verde n füch te nosc cör. Spo sintiunse che al é valch, che al é valch che se armöi daìte; mo nos instësc messun dì

de scê o de nou, ti jì do a chësc sentimënt inće sce le tru é strënt y sfadius, inće canche al pê che chël füch se destödes. Ti jì do a Gejù ne ô nia dì tó sö na dotrina te na manira inteletuala o tignì ite prescriziuns; al ô dì ti jì do a na porsona che à vit a na certa maniera. Chësc ti jì do zënza savëi ći o co, nes fej tëma; mo i ne arati nia, che Gejù nes chërdes por nes ingianè, al nes chërda por nes portè la dërta ligrëza. Por le conësce messunse ti jì do y por ti jì do messunse le conësce. Nou, sce te ti vas do a Gejù, spo ne araste pa nia sigurtês; impormò lascian tües sigurtês te davagnaraste la liberté. Datrai te daràl imënt che te ne capësces nia, te damanaras: “Emo, che este pa tö pordërt? Ći oste pa tö da mé?”. Mo te ti jaras impò do, deache al é la pasciun te té che ne te lascia degöna pêsc y che ne lascia nia pro che te dais sö chësta vita cun Ël. Gejù ne te dà nia chës informaziuns che te orésses avëi por te sintì sigü de te instës, propi deache al ô che te ti ais crëta. Al ne ô nia stlü jö n contrat da mile tlausoles cun té, mo al ô to amur y tüa pasciun. Daniele Comboni ti à lascè sciöche regola de vita a sü miscionars: “Tignide i edli fić te Gejù Crist”... i me pënsi propi deache madër Ël te dà la forza da jì inant y da ne dè nia do. Porchël “spera tl Signur, sideste sterch, to cör se implësces de coraje y spera tl Signur” (fora dl salm 26).

Al vëgn laurè por le musical Ai 7 d’aurì él söl program la “pröma” dl musical “Cuntra löm”, proiet portè inant dal Sorvisc ai Jogn Val Badia. Doìa vëgnel laurè dassënn por s’arjigné ca al apuntamënt I sun bele a mez jenà, les festes da Nadè é passades ia debota, i jogn y les jones à indô metü man da laurè y da jì a studié. Do avëi fat n valgügn dis de palsa, va inće le grup de organisaziun dl musical “Cuntra löm”, proiet organisé dal Sorvisc ai Jogn Val Badia, dassënn inant cun le laûr. Sce an pënsa, spo él te nia daldöt

trëi mëisc la “pröma” dl musical y chësc mët sambëgn inće n pü’ sot a “druch” le grup de organisaziun. Insciö él sovënz n fonin che sona fora por la Val Badia, por organisé les sëres olache i jogn y les jones s’incunta por fà les proes. Le grup di performers é chi che s’incunta le plü gonot, ài pö ëi la maiù pert da mëte da jì, mo inće i atri grups

Le grup d’organisaziun pro na incuntada cun jones y jogn che s’à anunzié por le musical.

18

www.lauscdiladins.com

se dà n gran dafà. Insciö él la band adöm al aranjadù dla pert musicala Ludwig Rindler che s’incunta tl local di jogn da San Martin por porvè ite les beles melodies dl musical, olache vigni musizist po portè ite so savëi y süa pasciun por la musiga. Inće le grup “backstage”, chël grup che metarà en pè le paiun y organisarà dötes chës cosses do paiun ia a na moda che le proiet garetes, s’incunta bele adöm a sü tutors por odëi co jì inant. Le maiù grup, che é le cor de plü o manco 25 jones, s’à inće bele incuntè la jöbia por “ćiarćé” le pröm iade les melodies dles ćianties che gnarà dant tl musical. Dötes chëstes jones y chisc jogn, n bel tlap de za. 60 porsones, vàl debojëgn da coordiné, y chësc é n bel laûr, mo le grup de organisaziun ne se lascia sambëgn nia sprigorè y laora inant düć adöm cun le travert da odëi ai 7 d’aurì tl gran salf da San Martin la pröma rapresentaziun dl musical “Cuntra löm”. (valentin erlacher)

Dessëgn dl mëis L’ann vedl y l’ann nü

L’ann 2010 é gnü vedl y à ciafè la goba, deperpo che l’ann nü é ćiamò jonn y plëgn de forzes. Dessëgn de Manuel Crazzolara da La Ila.

Storia dl mëis Le paraîsc a punć Na bona cristiana se presentëia dan porta de paraîsc. Ara â na gran tëma. San Pire l’â tuta ite cun fà valënt. Al prô da la calmè, mo al ti dij: “Por jì te paraîsc ôl ester 100 punć”. La prossa ëra mët man da cuntè sö: “I sun stada tres pro mi om, por döta la vita, i ti à dè na educaziun cristiana a mi mituns, forsc n’é chësc nia garatè, mo i à porvè da fà le miù. I sun stada maestra de religiun por 22 agn. I à fat volontariat tles misciuns y i à daidé pro la Caritas. I à tres porvè da soportè les porsones che ê incër me ia, suradöt le prou y mi vijins…”. Canche ara fej na palsa por trà le fle, ti dij San Pire: “Dui punć y mez”. Por la ëra êl sciöche se ciafè n pügn tl magun. Ara prô da cuntè sö danü: “Ah, … poh spo, i me desmentiâ! I ti à fat le guern a mi geniturs, i à pordenè mia só che me fajô problems por l’arpejun… y … i n’à mai lascè fora na mëssa la

domënia, adinfora de canche i à messü stè de pert. I à fat seminars tratan la Carsëma, i à tres perié, vigni dé… y de mà ai dit vigni dé na corona…”. San Pire dij: “I sun a trëi punć”. La ëra ne sa nia plü ći fà. Co podôra pa rovè ai 100 punć che ara adorâ? Ara â cumpedè sö le plü important, y al ne i tomâ nia plü ite val’. Cun i edli plëgns de leghermes y la usc che trëmora dìjera: “Sce ara é insciö, spo ne me romàgnel nia d’ater che sperè tla Misericordia de Chël Bel Dî!...”. “Cënt punć!” dij sön chëra San Pire. Chël Bel Dî à n dessëgn por vignun de nos, nia ne sozed zënza süa orentè, ma ël su sa sciöche döt mëss jì. Sce i confidun te süa misericordia, spo saràl plü saurì da azetè ći che nes sozed dé por dé. Storia de Bruno Ferrero Adataziun tl Ladin de Iris Agreiter

Se lascè sön la misericordia de Dî... 100 punć. En colaboraziun cun


Coordinazion: Pablo Palfrader Redaziun: Ciasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

nr. 03 / 21 de jené 2011

Val Badia

Val Badia: 74 abitanć implü Statistiches y curiositês dl movimënt demografich tla Val Badia. Te düć i comuns é le numer de abitanć jü söpert, mo nia te vigni paîsc. Le plü viadus él nasciü a La Val, le plü porsones él mort a San Martin. Le paîsc che crësc deplü é chël da Corvara Movimënt demografich - Jënt che nasc, jënt che mör, jënt che va y jënt che vëgn. La Val Badia podô cumpedè al 31 de dezëmber dl ann 2010 indöt 10.644 abitanć, che é 83 porsones deplü co l’ann denant. Al viô ti cin’ comuns 5.329 ëi y 5.285 ëres. Ti comuns de Badia y Corvara él plü ëres co ëi. A Corvara à l’ultim ann les ëres superè i ëi de öna na unité. Positif él che te düć i comuns é la popolaziun jüda söpert. Sce an ti ćiara ai paîsc, spo é a Calfosch, La Ila y Lungiarü la popolaziun romagnüda anfat respet al ann denant. A San Martin, La Pli y Rina é la popolaziun gnüda mëndra de val’ unitês. Le majer paîsc dla valada é Al Plan, che à superè les 1.600 porsones, le mënder é Antermëia cun 335 abitanć. Tla Val Badia él nasciü dl 2010 bëgn 135 viadus, che é vintun deplü co l’ann denant. Nasciü él 75 mituns y 60 mitans. Le plü viadus él nasciü a La Val (22), le manco n’él nasciü a Antermëia (2). Mort él indöt 67 porsones (set demanco co dl 2009), 41 ëi y 26 ëres. Le plü porsones él mort a San Martin (12), le manco a Antermëia (1). Do dui agn che La Ila ê le paîsc che chersciô le plü por numer de abitanć, ti va le primat chësc iade a Corvara, che é chersciü de bëgn 28 unitês. Le primat negatif ti va al paîsc da Rina, che é jü zoruch de sis unitês. Mo ti ćiarun plü avisa

al movimënt demografich comun por comun.

Corvara crësc cotan, Calfosch romagn anfat Metun man söinsom la valada, cun le comun da Corvara, olache al ê ala fin dl 2010 1.335 zitadins: 667 ëi y 668 ëres. La maiù fraziun é Corvara cun 806 zitadins, de chisc 498 a Pescosta. Düć i 28 zitadins implü é rovà a Corvara, che cumpëda śëgn 806 porsones, respet a Calfosch che n’à 529, avisa tantes co ala fin dl 2009. Nasciü él tl comun da Corvara 20 viadus (12 mituns y 8 mitans): 13 viadus él nasciü a Corvara (6 a Pescosta) y 7 a Calfosch. Mort él dl 2010 indöt 10 porsones, cin’ ëi y cin’ ëres, de chisc 3 a Corvara (2 Pescosta) y 7 a Calfosch. Le bilanz positif vëgn inće dal raport danter imigrà y emigrà. Tl comun da Corvara él gnü pormez 33 abitanć, deperpo che 15 é jüs a stè altrò.

La Val: bëgn 22 viadus N bel aumënt de 21 porsones él stè tl comun da La Val, olache al ê ala fin dl 2010 indöt 1.302 aćiasà, 679 ëi y 623 ëres. Nasciü él indöt 22 viadus, 10 mituns y 12 mitans. Nü porsones é passades a miù vita, 6 ëi y 3 ëres. Vintot porsones à tut la dezijiun da s’aćiasè a La Val, deperpo che 20 é jüdes altrò a d’abité.

Badia: plü emigranć co imigranć

San Martin y Lungiarü: plü morć co nasciüs

Le maiù comun dla valada é chël de Badia, che cumpedâ ala fin dl 2010 indöt 3.369 abitanć (1.654 ëi y 1.715 ëres). Chësc é n aumënt de önesc zitadins respet ala fin dl ann denant. La maiù fraziun é chëra de Badia cun 1.346 abitanć (9 deplü), spo vëgnel La Ila cun

N bilanz lisiermënter positif él tl comun da San Martin de Tor, olache al ê ala fin dl 2010 chi 1.726 abitanć, ma un deplü co ala fin dl ann denant. Insciö abitëia incö tles trëi fraziuns 870 ëi y 856 ëres. A San Martin viôl ala fin dl 2010 indöt 814 porsones (öna demanco

Ëi y ëres tla valada al 31-12-2009

Ëi y ëres tla valada al 31-12-2010

ëi

ëres

indöt

659

648

1.307

Corvara

Badia

1.637

1.721

3.358

La Val

673

608

San Martin

876

Mareo Indöt

Corvara

1.164 (avisa tanć co l’ann denant) y ala fin San Ćiascian cun 859 abitanć, dui deplü co l’ann denant. Nasciü él tl comun de Badia indöt 43 viadus (26 mituns y 17 mitans): a Badia n’él nasciü 17, a La Ila 15 y a San Ćiascian 11. Chinesc porsones é passades a miù vita (10 ëi y 5 ëres): de chëstes 8 a Badia, 4 a La Ila y 3 a San Ćiascian. Negatif é le bilanz danter gnüs a stè y jüs demez: dl 2010 s’à aćiasè tl comun de Badia 44 porsones, deperpo che 61 é jüdes demez.

ëi

ëres

indöt

667

668

1.335

Badia

1.654

1.715

3.369

1.281

La Val

679

623

1.302

849

1.725

San Martin

870

856

1.726

1.483

1.416

2.899

Mareo

1.489

1.423

2.912

5.328

5.242

10.570

Indöt

5.359

5.285

10.644

Statistica dles nozes tla Val Badia tratan l’ann 2009 Nozes

co l’ann denant), a Lungiarü 577 (che é romagnü anfat) y a Antermëia 335, döes deplü co ala fin dl 2009. Te döt le comun él nasciü 15 viadus, 7 mituns y 8 mitans. Diesc n’él nasciü a San Martin, 3 a Lungiarü y 2 a Antermëia. Mort él indöt 18 porsones: 12 a San Martin, 5 a Lungiarü y öna a Antermëia. Lisiermënter positif é inće le bilanz danter imigrà y emigrà: 29 porsones é gnüdes a s’aćiasè tl comun da San Martin, deperpo che 25 s’à lascè jö te n ater comun.

Mareo: les mëndres fraziuns à manco abitanć Te Mareo é la popolaziun döt adöm chersciüda, mo les döes mëndres fraziuns à manco abitanć co l’ann denant. Ala fin dl 2010 abitâl te Mareo indöt 2.912 porsones (1.489 ëi y 1.423 ëres), trëdesc deplü co l’ann denant. Al Plan é chersciü de 22 abitanć rovan a 1.619, a La Pli él 831 abitanć (trëi

demanco) y a Rina 462 (sis demanco). Nasciü él te Mareo 35 viadus: 20 mituns y 15 mitans. A Al Plan él nasciü 21 mituns, a La Pli 9 y a Rina 5. Mort él indere 15 porsones: 6 a Al Plan, 7 a La Pli y 2 a Rina. Dl 2010 él stè 45 porsones che é gnüdes a s’aćiasè te Mareo, deperpo che 52 é jüdes altrò a se lascè jö.

Vint nozes deplü Tl 2010 él gnü dè adöm tla Val Badia 74 pêrs te dlijia o te comun, che é bëgn 20 deplü co l’ann denant y un demanco co tl 2008. Le plü nozes él gnü zelebrè tl comun de Badia, indöt 35, deperpo che le manco n’él stè a La Val y San Martin, 7 porom. Tl comun da Corvara n’él gnü zelebrè 13, te Mareo 12. Pro 23 nozes n’ê degügn di nüc residënć tl comun olache la noza é gnüda zelebrada. I tolun l’ocajiun da rengrazié dër bel i ofizi anagrafics di comuns dla valada, che nes à metü a desposiziun chisc dać. (pablo)

Desfarënzia abitanć 2010 (do comuns)

Corvara

Badia

Mareo

Indöt

Cun trami i partners residënć tl comun

3

5

1

2

1

12

Cun l’ël residënt tl comun

2

9

1

1

1

14

Cun la ëra residënta tl comun

3

9

4

3

6

25

Cun degügn residënć tl comun

5

12

1

1

4

23

Ëi residënć che s’à maridé foradecà

7

6

4

4

5

26

Ëres residëntes che s’à maridé foradecà

0

4

1

2

3

10

13

35

7

7

12

74

Nozes stades indöt (tl comun)

Sciöche l’ann passè, é l’ultima nasciüda dl ann indô da ciafè a Al Plan. Ara se trata de picia Laura Agreiter, nasciüda ai 27 de dezëmber, por gran ligrëza di geniturs Christian Agreiter y Silke Irsara.

La Val S.Martin

Corvara

Badia

La Val

S. Martin

Mareo

Nasciüs

20

43

22

15

35

Morć

10

15

9

18

15

Gnüs a stè

33

44

28

29

45

Jüs demez

15

61

20

25

52

+28

+11

+21

+1

+13

Desfarënzia

Statistica dla popolaziun dla Val Badia tratan l’ann 2009 (do paîsc) Calfosch

Corvara

La Ila

S. Ćiascian

Badia

La Val

S. Martin

Lungiarü

Antermëia

Rina

Al Plan

La Pli

Nasciüs

7

13

15

11

17

22

10

3

2

5

21

9

Morć

7

3

4

3

8

9

12

5

1

2

6

7

Gnüs a stè

8

25

14

7

23

28

21

6

2

2

39

4

Jüs demez

9

6

25

13

23

20

20

4

1

11

32

9

529

806

1.164

859

1.346

1.302

814

577

335

462

1.619

831

www.lauscdiladins.com

19

Popolaziun indöt


Val Badia

nr. 03 / 21 de jené 2011

Le bilanz crësc, la cuta dl refodam inće En mercui ai 22 de dezëmber s’à le consëi de comun da La Val abiné te süa ultima sentada dl ann 2010. Danter i argomënć de maiù importanza êl l’aproaziun dl bilanz de previjiun por l’ann nü cun le program di laûrs publics. Laprò él inće gnü aproè les tarifes y cutes comunales por l’ann 2011 Comun La Val - Le consëi à aproè le bilanz de previjiun por l’ann 2011 y le bilanz plurienal 2012-2013. Le bilanz s’avaliëia fora tla soma de 3.099.620,00€ che corespogn a n aumënt dl 5% en confrunt al bilanz aproè l’ann passè. I reportun les posiziuns plü importantes dl bilanz.

Entrades Tl titul I “Entrades da cutes” él la cuta comunala sön i imoìbli (ICI) cun 154.000,00€ ch’à le maiù pëis. Les maius somes dl titul II “Entrades da contribuć corënć ” é rapresentades da chisc contribuć provinziai: por l’avaliamënt dl bilanz (605.000,00€), por l’amortamënt de imprësć (120.270,00€), por la manutenziun dles strades (23.000,00€) y por l’aplicaziun dl lingaz ladin (20.200,00€). Le titul III “Entrades extratributares” contëgn danter l’ater les tarifes por i sorvisc comunai: tarifa söles eghes pazes (72.000,00€), tarifa söl refodam (77.000,00€) y la tarifa söl’ega da bëre (31.000,00€). D’atres entrades te chësc titul reverda entrades por l’afit de bëgns imobiliars (35.100,00€) y entrades por les tarifes dla scolina y refeziun dla scora elementara y mesana (döt adöm 47.600,00€). Tl titul IV “Entrades por trasferimënć de capital” toma le maiù pëis söl contribut dla Provinzia por operes publiches (178.000,00€). Chësc contribut é inće chësc ann indô gnü scurtè da pert dla Provinzia en conseguënza dles mosöres de sparagn. Na gran soma fej fora i contribuć d’urbanisaziun ti raiiuns d’espansiun y artejanai (280.000,00€), la medema soma vëgn inće stanziada sot ales spëises d’investimënt. Te chësc titul tómel inće ite i contribuć söles conzesciuns da frabiché (urbanisaziun y cost de costruziun, döt adöm 210.000,00€) y le contribut dal Consorz B.I.M. por opres publiches (75.000,00€). Le titul V “Entrades da imprësć” prevëiga ma l’introiziun de n’antizipaziun de cassa de 310.000,00€. Le titul VI “Sorvisc por cunt de terć” (493.000,00€) s’avaliëia por la medema soma cun

Odüda sön le paîsc da La Val.

le titul IV dla pert dles spëises.

Spëises Le titul I “Spëises ordinares” prevëiga chisc stanziamënć de spëisa plü importanć, tlassificà aladô di sorvisc (somes en euro): organns istituzionai (103.550,00), gestiun finanziara (44.620,00), patrimone (11.500,00), ofize tecnich (63.010,00), ofizi demografics (60.410,00), aministraziun generala (266.890,00), scolina (56.000,00), scora elementara y palestra (77.920,00), scora mesana (13.200,00), refeziun tla scora elementara y mesana (41.850,00), cultura (25.150,00), sport (8.950,00), turism (24.010,00), viabilité y strades (149.030,00), iluminaziun publica (14.800,00), urbanistica (2.000,00), proteziun zivila (3.650,00), sorvisc dl’ega da bëre y eghes pazes (129.300,00), asport dl refodam (92.350,00) y sorvisc soziai (32.200,00). Tlassifican les medemes spëises ordinares aladô

di intervënć resultëiel chisc stanziamënć: spëises por personal (386.110,00), cumpra de bëgns de consum (134.940,00), spëises por sorvisc (300.310,00), utilisaziun de bëgns de terć (8.020,00), trasferimënć y contribuć ordinars (275.470,00), fić passifs sön imprësć (52.500,00), cutes y tasses (35.550,00) y spëises straordinares (21.800,00). Le titul II “Spëises por investimënć” prevëiga chisc intervënć de majera importanza (euro): operes d’urbanisaziun di raiuns d’espanjiun y artejanai (427.000,00), trasferimënt de capital por la ćiasa de palsa (127.140,00), cumpra de mascînns por la manutenziun dles strades (42.000,00), cumpra de aredamënt por la ćiasa de comun (30.000,00), investimënć söles strades (25.000,00) y por la sistemaziun de plazes tl zënter (20.000,00), trasferimënt de capital por cumprè mascînns di stödafüch (20.000,00), contribuć por investimënć a interessënzes (25.000,00) y

Bilanz de previjiun dl Comun da La Val por le 2011 Entrades Titul I - Entrades da cutes 221.900,00 € Titul II - Entrades da contribuć statai, regionai, provinziai y da d’atri ënć 803.920,00€ Titul III - Entrades extratributares 362.000,00€ Titul IV - Entrades por alienaziun y trasferimënt de capitai 846.000,00€ Titul V - Entrades por domandes de imprësć 310.000,00€ Titul VI - Partides de roda 493.000,00€ Total: 3.099.620,00€ Spëises Titul I - Spëises corëntes 1.223.010,00€ Titul II - Spëises de investimënt 905.690,00€ Titul III - Spëises por la retüda de imprësć 477.920,00€ Titul IV - Partides de roda 493.000,00€ Total: 3.099.620,00€

20

www.lauscdiladins.com

al’assoziaziun turistica (15.000,00) y spëises por la realisaziun de fermades dla coriera (20.000,00). Tl titul III “Spëises por la retüda de imprësć” vëgnel stanzié 310.000,00€ por la retüda dl’antizipaziun de cassa y 167.920,00€ por paié zoruch imprësć. En referimënt ala retüda de imprësć él da dì che les spëises anuales a ćiaria dl comun por despaié jö imprësc amunta a zirca 100.000,00€ (capital plü fić), tuć demez i contribuć dla Provinzia por l’amortamënt. Le titul IV reverda i sorvisc por cunt de terc y s’avaliëia cun le titul VI dles entrades.

Provedimënć por la cuta ICI Por la cuta ICI él gnü confermè

i valurs dl ann passè, plü avisa l’alicuota ordinara dl 5 promile, chëra por la pröma ćiasa dl 4 promile y la detraziun por la pröma ćiasa de 300,00€. Al é da dì che aladô dla lege statala é les prömes ćiases alisirades daldöt dala cuta ICI. Le prisc de referimënt por le grunt da frabiché é de 220,00€ al metercuadrat; por le grunt ti raiuns artejanai é le prisc de 180,00€.

Tarifes En referimënt ales tarifes por i sorvisc dl Comun él gnü aumentè la tarifa söl refodam, en conseguënza dles maius spëises por le Comun. La tarifa passa da 0,0809 a 0,0861 euro al liter (aumënt dl 6,4%). Les tarifes söl’ega paza y söl’ega da bëre é deperpo restades anfat sciöche l’ann passè. (sc)

Program di laûrs publics Por l’ann 2011 él gnü metü la priorité sön operes publiches desvalies: - Mëte man les operes d’urbanisaziun dl raiun d’espanjiun “Curëia”; - Mëte man les operes d’urbanisaziun dl raiun d’espanjiun “Pidrô/ Lè”; - Completamënt dles operes d’urbanisaziun dl raiun d’espanjiun “Plaiac 3”; - Ultimaziun dles operes d’urbanisaziun dl raiun d’espanjiun “Plaiac 1”; - Trasferimënt de capital por le ressanamënt y l’aredamënt dla Ćiasa de Palsa; - Cumpra de n tractor por desparè i marciapîsc; - Cumpra de aredamënt por la ćiasa de comun (archif ); - Investimënć por les strades (asfalt); - Trasferimënt de capital ai stödafüch por investimënć (ultima rata); - Trasferimënt de capital por investimënć al’assoziaziun turistica; - Trasferimënć a interessënzes por investimënć; - Investimënć söles plazes tl zënter dl paîsc; - Alestimënt fermades por le trasport publich; - Investimënć pro le frabicat “La Spona”; - Investimënć por le tru da ji a pè “Pidrô - Chi Plans”.


Val Badia

nr. 03 / 21 de jené 2011

Lüch y familia d’Adan a Badia Le cognom dla familia Adang vëgn dal inom dl lüch, sentè ite söla pert dërta dla Granega. Fostüs de storia dla ćiasa y dla familia dl möt Carlo, un di mituns de Giuvani y Maria d’Adan Giuvani d’Adan ê n pice paur che podô avëi cin’ armënć, na desëna de bisces y n ćiaval. Le bosch d’Adan é Granplans y Col di Pici Runć da Piz La Ila sö. Le prè da munt à inom Parota y é da San Ćiascian ite y sö cuntra Störes. Giuvani jê tröp a crëp y fajô inće l’idraulich; al laurâ cun massaries primitives che al se portâ do te n rucsoch; al comedâ inće morins, la ćianoa sorvî da fujina.

Carlo a scora y a imparè montêr

La noza de Carlo y Teresa.

Porsones - Adan é n lüch da paur a Badia söla pert dërta dla Granega defrunt a Sompunt. Inanter Adan y Sompunt êl naota La Müda - set ćiases, sis majuns, na ostaria y cater fujines - gnüda dl 1821 ingravada ite dala rô de Gianëis che é sbrocada jö defora dal Pasciantadù da Castalta. Daite da Adan él le lüch Peslàlz, defora Martara y dandaìa inće le lüch Cësta. Sura Adan êl naota n morin, dlungiajö rogorel le rü da Larcenëi che nudrësc le berch dla löm d’Adan cun ega. Valgügn lüsc de Badia messâ laota dè jö n dieje extra al ćiastel Andrac ta Fodom, che ê sot al vësco da Porsenù; te chësc ćiastel passâ le vësco gonot na sojornanza plü lungia; insciö inće le cardinal da Porsenù Nikolaus Cusanus. Le dieje ê fissé por la ćiasadafüch dl ćiastel d’Andrac; porchël â chisc lüsc inom: “Kuchlmaierhof”. Chisc lüsc de Badia ê: Gröpa (incö àl inom Adan), Ćianins, Peslàlz y Craciurara. Inće döt l’ater dieje che 82 mêsc dl comun Badia messâ ti dè jö al vësco gnô trat ite a Badia y condüt ite Andrac. Implü paiâ 53 mêsc dla cüra de Badia le dieje ales monies de Ćiastelbadia. A aratè döt adöm muntâ sö le dieje che i paurs messâ ti dè jö ai gragn patruns n gromun de star de blâ,

de faus, armënć, agnì, asos, ćern sfomiada, üs, mores de ćiajó, cornićio (lat toch) ,scioldi, massaries da laurè y inće lignan.

Lüch y familia Adang Le lüch Adan ti à dè le cognom ala familia sciöche la gran pert di lüsc da paur. Adan é dolarata püch soredlè y porchël chersciôl ma orde, faus y soni. Le paur ê insciö sforzè da podëi jì tröp a d’ôres fora por les viles, a laurè te bosch. Sepl d’Adan (1868-1944) ê n pice paur, n bun arpizadù; al â arjunt sciöche pröm cotan de pizes dles Munts Slaurides; al â menè sö por nüsc crëps n gröm de porsones alangrana. Sepl y süa fomena Maria Scopoli (1869-1940) de Fascia à trat sö 10 mituns: Sepl (1901-1974), Vijo (1902-1969), Giuvani (19031989), Franz (1904-1974), Iaco (1906-1985), Maria (1907-2003), Gottfried (1908-1912) é tomè t’ega, Milio (1910-1990), Gottfried (1912-1945) é tomè te vera, Matilde (1914-1915). Franzl s’â dl 1938 stlopetè ia na man da ćiarié canuns en Les Antlês a Badia. Le medemo ann en lönesc dl’Edema Santa él vardü jö la ćiasa Adan che Giuvani à indô lascè fà sö danü da Sepl da Verda y da sü moradus. Giuvani â maridé dl 1940 Maria Frenademez (1914-1987) da Oies.

La familia de Giuvani y Maria d’Adan.

Carlo, un di mituns de Giuvani y Maria d’Adan, é nasciü dl 1950; so tot da bato ê Giuvani d’Arslada y da confermè Siegfried da Sotrù. Da Pasca ciafâl dai toć 4 üs, da Gnissant le ćiaval de preza. Carlo é jü a scora dai insegnanć Hilda Pizzinini de Runch, Maria Pescolderung de Scebio, Cati Castlunger de Fridolin, Michele Pezzei da Ornela y Stahio Costa de Ziprian. Religiun insignâ siur degan Pire Rubatscher dl Maier d’Antermëia, siur Giuvani Comploj da Picedac a La Val y siur Fortunato Daporta da Mazchel a Longiarü, don Hurton y i dui capolagn Sottara Franz y Richard da San Martin. Bele cun sis agn à Carlo messü jì dui agn a Sotrù a vardè, spo ite Verda y n ann sön Pordù da Milio Lezuo. Apëna fora dla scora à Carlo d’Adan metü man da laurè da montêr pro so pere y à fat la scora profescionala a Bornech. Al é spo jü a laurè pro les firmes de Giuvani Costa de Mëne a Calfosch, spo pro Igi Canins a Pedraces. Carlo à maridé la maestra dla scolina Teresa Moling da La Val (de Cestun); ai à na familia da trëi mituns: Jones y Janpaul laora pro so pere y Lucas à rovè i stüdi de economia y finanza ala université de Roma. Carlo â gran ligrëza cun so mistier y al s’odô de bela da manajé da su na firma; chësta àl metü sö dl 1975, do avëi passè n ann te ospedal por maratia. Al stê a laurè tla ćianoa d’Adan.

Na fujina por la firma Al ne sozed nia gonot che na

La ćiasa Adang.

firma ladina complësces i 35 agn de ativité sot al medemo patrun. Dl 1981/82 s’à Carlo fat a San Linert na ćiasa por la familia y na fujina por la firma che chersciô. Cul tëmp é la firma gnüda cotan maiù y an adorâ inće plü lauranć. An adorâ valch de maiú da sté a laurè plö sauri pur i tröc laurs che an â da fa. Deache Carlo d’Adan stentâ da ciafè na lerch da frabiché a Badia, él arsí a La Ila. Da chi dala Valeria àl cumprè le terac dlungia la strada da jì sö dal Lech da Sompunt y dl 2004/2005 àl fat sö na bela gran fujina. Ćina sëgn à la firma tres ciafè laurs assà tla Val Badia. Sce un se prô, sta ite cun i prîsc y garantësc n bun laûr, n’él nia prigo da perde tliënć no laûrs, mo vigni firma mëss tres tignì i edli daverć y s’informè bun sön le svilup tecnich dl ćiamp che le interessëia, spo va la firma bun inant y se ingrifa plü fôrta. Tröp s’à mudè te chisc 35 agn, sides le material, la tecnica, les condiziuns de laur; döt é gnü plü compliché, plü zîte da fà, da mëte n gröm de rôs a man dërta y a man ciampa; la tecnica à fat de gragn vari inant y dëida cun aparać nüs sparagné cotan de energies por scialdè. Le laûr é incö cotan plü lisier y plü saurì, mo al se damana da ester tres cun le će pro le laûr. Les mascînns é inće mudades, mo

al vëgn tres inće adorè chëres da denant. Incö se damana tröc comoditês por sü ghesć!

Pasciun por la ćiacia Vigni porsona mëss inće do so laûr podëi ti jì do a na süa pasciun dl tëmp lëde. La ligrëza por la ćiacia à Carlo d’Adan albü da pice insö; dl 1970 àl tut la cherta y al vëiga la ćiacia n devertimënt, n relax do ores de laûr. Jì fora tla natöra bela chîta do dis de laûr te frabiches plënes de mascînns che büra, binzla y drumbla, dëida calmè i nerfs incö gonot strabacià dal tröp laûr y dai fistidi che n patrun de na firma à. L’atra ligrëza de Carlo d’Adan é portè i confaruns dales prozesciuns y dales sopoltöres; dl 1968 àl metü man da portè le confarun di jogn, spo àl baratè cun chël dles fomenes y da valgügn agn incà se guernel saurì chël di omi. Inće sce Carlo d’Adan à complì i 60 agn, ne se sëntel daldöt nia stanch, mo laora döt le dé amez sü lauranć ite y fora por chës frabiches, gonot da na dërta aria che tira y le vënt che sofla inanterfora. Da sü mituns ciafel tröp aiüt y da süa fomena Teresa che laora da püch te ofize dla firma. Cun na bona sanité, coraje, ligrëza y motivaziun va la vita dla firma inant. (Lois Trebo)

Carlo cun sü mituns amez i lauranć ite. www.lauscdiladins.com

21


Val Badia

nr. 03 / 21 de jené 2011

Heinrich Huber a će dla SVP da Rina

a paiamënt

Dilan dl sostëgn

I mëmbri SVP da Rina mët le pëis sön la continuité. Chësc àn odü pro les lîtes dl comitê nü. Heinrich Huber sarà inće por i proscims trëi agn a će dl consëi SVP. Vize é Katharina Tasser. Danter i traverć alda chël da tó ite deplü i jogn, n dialogh plü sterch cun i mëmbri SVP y la formaziun politica

Heinrich Huber, surastant vedl y nü dl comitê SVP da Rina.

Rina - Pro la sentada costituënta dl comitê SVP nü da Rina é Heinrich Huber gnü reconfermè te süa inćiaria da surastant. Le comitê é a öna che Heinrich Huber po mostrè sö competënza y esperiënza politica, y à inće rapresentè bun i interesc dla SVP a Rina. Heinrich Huber à rengrazié por la crëta y à definì i traverć por i proscims agn. “I orun dantadöt tó ite deplü i jogn tla politica y te ći che sozeda te paîsc”, à dit Huber. “La colaboraziun danter jogn y vedli va incö plü debojëgn co mai. Ma deboriada pòn ti ester manëcia ales esigënzes da vignidé." Le comitê orarà spo laurè sön le raforzamënt dl grup de paîsc, sön le dialogh cun i mëmbri SVP

y sön na politica por Rina orientada al dagnì. “I ti darun n pëis particolar ala formaziun politica söl post”, spliga Huber. Le surastant gnarà sostegnì te so laûr da süa vize Katharina Tasser, sciöche inće dai mëmbri dl consëi Eduard Agreiter, Alex Craffonara, Her mann G a ss er, G e org Craffonara, Florian Rungger, Ingrid Elliscasis, Christoph Castlunger, Harald Huber y Michaela Willeit. La SVP Ladina ti fej al comitê nü les mius aodanzes. “I ti aodun al surastant y al comitê n bun suzes te so laûr, a bëgn dla fraziun y dla jënt da Rina”, à dit le surastant SVP dla Val Badia Klaus Winkler y la vizepresidënta dla SVP Paola Bioc Gasser. (SVP Ladina)

L’Aiüt Alpin da La Val, che cumpëda al momënt 18 mëmbri volontars, à podü pié dô dala dita de implanć eletrics “Miribung Innocente”, na bela felpa windstopper, che i ogarà da jì söi intervënć, da fà eserzitaziuns y da tó pert a cursc de formaziun. I ti dijun dër bel dilan!

Na lerch por nosc Sant Ladin

20 - C+M+B - 11

Benedisciun dl cheder de sant Ujöp da Oies te dlijia da Corvara. L’opera realisada dal artist Viktor Senoner gnarà benedida ai 29 de jenà

“Christus Manionem Benedicat” - “Crist benedësces chësta ćiasa”: insciö à i Trëi Resc scrit sura les portes di paîsc al scomenciamënt dl’ann

Cor vara - Sant Ujöp Freinademetz ê na porsona dër scëmpla, che odô dagnora ma sü fai y sües deblëzes. Ćinamai söl let da mort canche n confrè le assigurâ dijon: “I orun laurè y jì inant sön ostes pedies!” ti respognôl: “Ći? Iö ne à dînenia fat döt dërt!” Bele canche nos ên de te’ mituns gnôl venerè pater Freinademetz tles families y al gnô cherdè en aiüt, canche valgügn â de gragn problems o de gragn fistidi. Do la canonisaziun, ai 5 d’otober 2003 da pert de papa Jan Paul II, él te vigni dlijia dla valada y te tröpes dlijies dla diozeja, na statua o n cheder de chësc sant. Te nosta picia dlijia de Santa Tarina a Corvara unse n relief de Sant Ujöp Freinademetz y tla dlijia dl Sacher Cör de Gejù unse n cheder, nia tl post plü adatè. An chirî na soluziun: n post che ti ess dè chë importanza che ti speta a nosc Sant. L’ann 2008 él rovè a Corvara na copia de architëć, che mostrâ gran

22

www.lauscdiladins.com

interes por la vita y l’opera de Sant Ujöp. Chisc à fat la proposta de lascè fà na statua y da la mëte dal’atra pert dl Gran Crist jödapè de dlijia. An à atira tut en conscidraziun chësta proposta y à spo baié cun le dot. Karl Gruber, storich d’ert y responsabl por i bëgns culturai dla dlijia, che nes à aconsié de lascè fà n cheder dal artist da Urtijëi Viktor S e n o n e r. S i u r Andreas y le consëi Le cheder de Viktor Senoner, tla dlijia da Corvara. d’aministraziun à atira tut sö contat cun l’artist, che ite la rapresentaziun te n’ancona y à presentè deplü schizes. Por Nadè valorisëia la pitöra dër garatada. dl ann passè ê le cheder te so post Tröc se damanarà: “Ćiodì pa tan söl parëi a man dërta jö a pè de jonn? I sun ausà a l’odëi atramënter: dlijia. La cornisc depënta incër le vistì da cineje y plü vedl!” cheder ia dê l’impresciun de stlü Mo cun chësc cheder orunse desmostrè che nosc Sant é n ladin, le protetur de nosta ploania. Porchël vëigon iadedô nüsc crëps ladins, do chi che al à dagnora albü incherscimun, nostes dlijies y nostes ćiases. Nos orun recordè sant Ujöp da Oies te süa jonëza, canche al ê capolan a San Martin i agn 1876-1878, olache al à lascè zoruch les pedies de so laûr, de süa buntè y de süa santité. Ai 29 de jenà, dé de süa festa, él a Corvara dales 18.30 na santa mëssa ćiantada en onur dl pater Freinademetz y te chësta ocajiun él siur Pire Irsara, che benedësc le cheder, che nes chërda sigü a perié y a confidé te so aiüt y te süa proteziun. (Lydia Zingerle) Ai 28 y 29 de jenà gnaràl recordè por l’otavo iade sant Ujöp Freinademetz, cun santes mësses a Oies. Le program plü menü ciafon sot ales manifestaziuns.

La Ila - Ti agn 50 é i pröms grups dles Schires Joniles de Südtirol pià ia, por cöie adöm ofertes da ti menè a jënt che viô tla stënta. Al dédaincö él za. 6000 mituns y mitans che fej chësc sorvisc y tira ite vigni ann plü de un n miliun de euro. Cun chisc scioldi vëgnel finanzié proieć tl’America Latina, tl’Asia y tl’Africa, mo inće ti paîsc püri dl’Europa. I scioldi coiüs adöm cun l’aziun de chësc ann jarà tla cité Governador Valadares tl Brasil, olache al vir y laora tröc de pici paurs. Por les dificoltês da mëte sü produć sön le marcé y por le püch davagn, mëssi se trasferí te cité oláche ai vëgn sfrutà y mëss vir te na gran povertè. Implü vëgnel daidé i “ribeirinhos”, la jënt dl rü, comunitês sostegnides inće dal miscionar siur Robert Sottara. L’aziun di Trëi Resc ô garantì a chëstes porsones l’azess a l’ega da bëre. Inće i grups di Trëi Resc tl paîsc da La Ila s’à metü sön trù dai 4 ai 6 de jenà por incundè la Bona Noela dla nasciüda de Gejù. Chisc mituns y mitans à metü a desposiziun so

I bi Rêsc da La Ila.

tëmp lëde por na bona gauja: daidé porsones en dificoltè. Ai crëi te n monn plü iüst, te chël che an dess vire tl respet y tla solidarieté al proscim. Chësc ann s’à i Trëi Resc confortè ćiamò plü co i atri agn da podëi jì fora por les ćiases, deache ai à podü se vistì guanć nüs. Porchël ti va n gran rengraziamënt a siur Ulrich Fistill che à portè i guanć diretamënter dala Tera Santa, a Lilly Nicosia y Erna Tirel por avëi cujì mantì y d’atri details, y a Carlo Castlunger por les corones prezioses. N dilan particular ti va chësc ann porchël a düć i benefaturs che à sostegnì chëstes spëises. Dilan a René Pescoll por avëi depënt i Trëi Rescm a düć i acompagnadusc, che é jüs para cun l’auto y a pè fora por les ćiases. La cöga Alma fej implü n gran sorvisc te calonia: ëra dëida arjigné ca, romëna sö le “cajin” lascè y ti aspeta ai mituns da sëra cun tê bun ćialt y de bogn biscoti. Ai Trëi Resc y a düć chi che è dè so contribut te val’ maniera, à insciö dè n gran contribut al’aziun de solidarieté. (ef )


Val Badia

nr. 03 / 21 de jené 2011

Plü sconanza por tiers y plantes Sessiuns forestales a La Pli: le prisc dl lignan é stabil, les entrades dai fonguns é altes. L’azënt dles sessiuns forestales te Mareo àn metü sön la lege nöia sön la sconanza dla natöra y sön le 2011 sciöche ann internazional dl bosch pert dla sessiun inće ala sensibilisaziun dla sigurtè tl laûr te bosch, do les tröpes desgrazies sozedüdes inće te nüsc raiuns. Pëis ti àl dè suradöt ala formaziun, mo inće al dër guant, ales destanzes tratan le laûr y al laurè zënza prescia y büsia. Anunzié à Moling n iade implü inće les problematiches dles liöses a motor y di motors sön munt, che é argomënt da plü agn inće chilò da nos, sides tla bassa co tl’alta Val Badia.

Sconè tiers y plantes

Pro les sessiuns forestales a La Pli: dmc l’assessur de comun Richard Erlacher, le verdabosc Heinz Tschaffert, le vizediretur dl ispetorat forestal da Bornech Gottlieb Moling y le diretur Silvester Regele.

La Pli/1 - Na bela cumpëda de paurs y proprietars de bosch é rovà adöm en jöbia ai 13 de jenà por la sessiun forestala de Mareo, che vëgn tignida bele da tröc agn incà tla ostaria Sotrù a La Pli. Sciöche da tradiziun, él impröma gnü informè i presënć sön le lignan taié, le svilup di prisc y les entrades dai fonguns. Dai prisc dl lignan vëgnel segnai positifs, cun i prisc che n’é nia jüs zoruch respet al ann passè, mo dà segnai de aumënt. Por taies de pećió él gnü arjunt prisc mesans de 90,00€, por lersc 125,00€ y por cier 180,00€, cun pizes inće sura i 200,00€, à

informè le diretur dl ispetorat forestal da Bornech Silvester Regele. Por lignan de cassëta él gnü arjunt prisc mesans de 60,00€. En cunt dl lignan él gnü taié o “desgort” dal tëmp indöt 6.997 m3 te Mareo (Al Plan y La Pli) y 2.889 m3 tl raiun da Rina. Bones é inće les entrades dai fonguns, che à portè ite passa 13 mile euro. Sce an tol demez les spëises nen romagnel chi 9.800,00 da partì sö tl comun de Mareo por le mioramënt dl bosch. Mec por La Pli y n chert porom por Al Plan y Rina. Le surastant dla uniun di paurs marora Georg Frenner à informè

che por canalisé damì chisc scioldi, é i patruns che fej n mioramënt a trus de bosch perià da fà na picia domanda al’Uniun di Paurs de Mareo.

Iniann gareta la plaza dai auti ta Pederü Silvester Regele é spo jü inant cun les informaziuns sön i laûrs fać dl 2010 y chi en previjiun por chësc ann. L’ann passè él gnü rovè le tru Martüces sura la vila da Frena y le tru La Cöna a Rina. Al é spo gnü laurè fora a La Pli i trus “Ćiamplac” y “Costacia”. Inant éra jüda cun i laûrs de mioramënt dla pastöra, olache al é gnü taié barantli sön Munt de Senes y Fodara Vedla. De te’ laûrs é inće gnüs fać sön Munt da Rina, olache an jarà inant l’ann che vëgn. Nia ala fin él spo gnü laurè fora le tru ite por la Val dai Tamersc, plü avisa dai Gran Trêi ćina ta Pederü. Ta Pederü gnaràl fat de majeri laûrs inće chësc ann, olache al é en previjiun da abelì y dortorè la plaza dai auti. A Rina gnaràl spo laurè fora n tru che dess i rovè pormez al lüch “Al Büsc” y un por arjunje damì la localité Val dles Scofes.

Plü por menü é Moling jü ite tla lege sön la sconanza dla natöra (Lege Provinziala nr. 6/2010), che à le fin da sconè les sorts, i habitać, minerai i corëć. En cunt dla sconanza dles sorts él tla lege nöia gnü atualisé la lista di tiers sconà. La lege prevëiga la sconanza de düć i tiers che vir ti raiuns sconà, parcs naturai, biotops etc. Al é proibì da i pié, copè, trasportè o vëne. Ezeziun fej les normes sön la ćiacia, che romagn anfat, y inće les talpines, che po gnì copades sön sperses agricoles. Atualisé él inće gnü la lista dles plantes sconades, partides sö te plantes da sconè daldöt o en pert. Ti raiuns sot a sconanza él proibì da cöie, taié, ćiavè o desdrüje dötes les plantes y inće i fonguns.

Proteziun por i ambiënć de vita Sot a sconanza de habitać él miné i ambiënć de vita de tiers y plantes:

lêć, parüsc, posć dër assöć, trogneres, bosc d’aunic y i.i. Tla lege provinziala él gnü surantut les normatives EU por sperses Natura 2000. Te chisc posć él proibì da sciurè coltöra da ega (boacia etc.). Proibì él spo inće da chirì minerai y corëć ti raiuns sot a sconanza. Ezeziun fej sce al é gnü conzedü na autorisaziun dai ofizi de competënza.

2011: l’ann dl bosch Tl’ultima pert dla sessiun àn baié dl bosch. Le 2011 é gnü detlarè dales Naziuns Unides l’ann internazional dl bosch, porchël à les autoritês forestales orü informè sön les funziuns dl bosch, che rapresentëia le 45% dla spersa de Südtirol. Al é gnü recordè sües funziuns prinzipales: chëra de proteziun dal vënt, da roes y lovines, chëra de habitat por n gröm de tiers y plantes, chëra de resservar, de purificadù dl’aria y dl’ega y de mioramënt dl tlima. Na funziun importanta é inće chëra de produziun, dl bosch sciöche fontana de materia pröma p.ej. por la costruziun tres plü atuala de frabicać, mo inće sciöche fontana de produziun de energia y de laûr por tröpes porsones, sciöche paurs, tistleri, zompradus, sigać etc. Nia inultima à le bosch inće na funziun de recreaziun por la porsona. Sce le bosch vëgn indere odü ma plü sciöche fontana de recreaziun, à splighé Moling, spo ne vëgnel nia plü odü ite le bojëgn inće da l’anuzè por fins de produziun. (pablo)

Sigurtè söl laûr te bosch Al é gnü laurè por dortorè la sëmena danter i Gran Trêi y Pederü, ite por la Val dai Tamersc.

Le vizediretur dl ispetorat forestal Gottlieb Moling à orü ti dediché na

Le Tru Costacia a La Pli.

Nosc bosch N valgönes informaziuns interessantes sön le bosch te Südtirol y nia ma, portades dant da Gottlieb Moling pro les sessiuns forestales a La Pli La Pli/2 - La spersa de Südtirol fej fora indöt 740.000 ha de terac. Ma le 16% é sot i 1000 metri sura le livel dl mer, le 22% é danter i 1500 y i 2000 metri, le 40% sura i 2000 metri. I raiuns residenziai y de laûr fej fora le 6% dla spersa, olache al vir l’85% dla popolaziun, al vëgn cherié le 90% dl davagn agricul, l’85% dla gastronomia y le 95% dl artejanat. Le 93% dl raiun é vincolè sot l’aspet idrogeologich-forestal (p.ej.

raiuns de prigo), le 40% é sot a sconanza naturala y dla contrada. Cun sü 337.000 ha de spersa rapresentëia le bosch le 45% dla spersa totala. Le 60% di lëgns te Südtirol é pećios, le 19% lersc, le 10% pinć, le 6% ciers, le 3% aidins y le 2% lëgns da fëia. Le bosch d’aidin é plülere al prigo, suradöt inće ćiodi che i lëgns danejà ne se regenerëia nia susc. Sce an se damana tan natural che nosc

bosch é ćiamò, spo é ma le 5% daldöt natural, tanco nia mudè dala porsona, le 30% dl bosch é scialdi natural, le 41% é gnü mudè te na maniera moderada, le 22% é gnü mudè dassënn y le 2% é bosch artifizial, tanco cherié o sentè dala porsona. Bëgn le 53% dl bosch é de proprieté privata, le 28% é tles mans de ënć publics, le 9% tles mans de comproprietês, le 7% de interessënzes y le 2% é dla dlijia. (pablo)

L’ann 2011 é gnü detlarè dales Naziuns Unides ann internazional dl bosch.

www.lauscdiladins.com

23


Val Badia

nr. 03 / 21 de jené 2011

Le büsc tl parch natural

Mussner respogn

Le stüde de fatibilité che l’aministraziun de Mareo y Cortina â lascè fà por studié n coliamënt danter Al Plan y Cortina é dan man. Tl stüde ne vëgnel nia plü baié de ferates, mo de corieres a forza ibrida. Nia plü scines, mo na strada. Ći dij pa l’ombolt de Mareo? “I ne stun nia a scialdè sö la jënt por na cossa che ne gnarà bonamënter nia!”

Intervista al assessur provinzial Florian Mussner sön l’idea da colié Al Plan y Cortina. Ći che al nen pënsa y sce al arata le proiet realistich

Fotomontaja de sciöche i proietanć dl stüde de fatibilité odess l’entrada dl tonel ta Pederü: “Orunse nos val’ de te’?”

Al Plan - Al n’é nia na novité che i comuns de Mareo y Cortina d’Ampëz â dè l’inćiaria da lascè fà n stüde de fatibilité por n coliamënt tres ferata danter Al Plan y Cortina. I dui comuns â metü a desposiziun 10 mile euro a će por le stüde, la Sozieté di Lifć d’Al Plan â inće contribuì cun na mëndra pert. Le stüde dal titul “Trans Ladinia” realisé dal inj. Flavio Mussner y l’architët Mario Salvalaio cun colaboradus é śëgn dan man. Le cost dla opera é de passa 115 miliuns de euro. La chestiun é indô gnüda trata ca pro l’ultima sentada dl consëi de comun ai 23 de dezëmber dl ann passè, olache al ê gnü tratè na interogaziun en chësc cunt, presentada dal aconsiadù da La Pli Lois Taibon. Le pröm che dà al edl dal stüde de fatibilité é le fat che al ne prevëiga nia plü na ferata por colié les döes localitês, deache l’impat ambiental foss stè massa gran y le cost foss stè ćiamò maiù, dij le stüde. Insciö à i proietanć ipotisé l’anuzamënt de 6 corieres - sort de tram - cun la portada de 140 porsones l’öna. Chëstes funzionass a forza ibrida y ti tonì (eventualmënter inće sön terac dl parch natural) a forza eletrica. Le cost di mesi: 1,3 miliuns de euro l’un. Tl stüde vëgnel inant ipotisé partënzes vigni 20 menüć sides da Al Plan co da Cortina, insciö che an arjunjess la condüta de 420 porsones al’ora te intrames

les direziuns o 840 porsones al’ora te na direziun sora. Por evité che tiers o porsones rovass te tonel, gniss les entrades curides da intrames les perts cun de gran ponterines, che i autisć podess daurì automaticamënter canche ai passa.

26 chilometri: 6 fermades Le start dla trassa, sce i la odun dal punt d’odüda marô, foss al’entrada dl paîsc d’Al Plan, dan le Hotel Monte Sella (Staziun Ćianëi). Sön la trassa de indöt 26 km él preodü fermades a Runcac dan la Ćiasa dl Parch, tai Tamersc (facoltativa) y ta Pederü, denant co rovè te tonel. Delà dal confin él preodü fermades dan l’Ofize dl Parch Natural dles Dolomites d’Ampëz tla localité Fiames y l’ultima sot l’ex staziun dla ferata de Cortina. Le iade da Al Plan ćina Cortina vëgn aratè de incër 40 menüć, cun fermades laprò.

Co ćiara pa fora la strada Da Al Plan demez ćina ta Pederü jiss les corieres sön i 12 km de strada che é bele. Aladô dl stüde messass chësta strada gnì slariada alüsc de n meter por garantì che i dui mesi pois s’incuntè zënza problems. Atira dan Pederü va la strada por 220 metri a man ciampa ite, por jì tl crëp. Tl tonel - dij le stüde - vëgnel baié de na strada de almanco sis

Ejëmpl dles corieres che an podess anuzè: 1,3 miliuns de euro l’öna.

24

www.lauscdiladins.com

metri leria, pro chëra che al oress ester proteziuns da podruns y roes tl cajo de bur’ tëmp. De 8,1 km é spo le tonel che dess ester scialdi adërtafora por garantì n transiamënt valgamia asvelt. Fora dl tonel a Fiames romagnel spo ćiamò 5,87 km ćina ala vedla staziun dla ferata de Cortina, olache al jiss debojëgn da fà danü le punt sön le Rio Boite.

I cosć y le tëmp de laûr A ći che an aspetâ le plü êrt ê i cosć dl’infrastrotöra. Sce an cumpëda dötes les posiziuns elencades, röion sön la soma (sciazada) de 115.390.264,00€, che dui comuns ne sciafiarà nia da se finanzié zënza l’aiüt dles Provinzies. Le maiù capitul di cosć é le tonel, sciazè sön 63,3 miliuns de euro. Chi 7,8 miliuns costass les sis corieres y 9 miliuns les cabines por la fornidöra de energia eletrica cun strotöra de eletrificaziun. I prisc suradić é zënza l’IVA dl 20%. Le tëmp de realisaziun de döta l’infrastrotöra vëgn sciazè sön 790 dis.

Realtè o fantasia? I spezificun ćiamò n iade che ara se trata de n stüde de fatibilité y nia de n proiet. Stüdi vëgnel lascè fà cotanć, tröc romagn te na cassëta. Impò unse orü aldì la minunga dl ombolt de Mareo Albert Palfrader. “Le prisc é tan alt che al n’à nia significat da mëte da jì na discusciun”, nes dìjel, “Sce ara ess da rovè tan inant, messassel sigü gnì damanè la popolaziun. La domanda che an mëss se fà é inće ‘orunse pa nos val’ de te’, sbujé ite la Val dai Tamersc?’ Iö arati che al ne sides nia val’ de atual, gnanca por i proscims agn. Al n’à gnanca significat da mëte man na discusciun, olache al vëgn scialdè sö la jënt por val’ che ne gnarà bonamënter nia.” I ésson orü inće damanè l’ombolt da Cortina do süa minunga, mo ara n’é nia jüda da l’abiné. (pablo)

La Usc: Le Comun de Mareo y chël de Cortina à lascè fà n stüde de fatibilité por n tonel de coliamënt danter Al Plan y Fiames. Ći dijëise pa sciöche assessur ai laûrs publics de chësc proiet? Florian Mussner: I â aldì de chësc proiet tres la vedla aministraziun de Mareo. I arati che les aministraziuns publiches mësses avëi idees por le dagnì. Chësta é öna de chëres. Al é sovënz sozedü che al gnô presentè idees y che ares ne gnô nia aratades poscibles o realistiches, mo cun le passè di agn odôn che al ê stè important che zacai â albü vijiuns y â portè inant chës idees. I arati che al sides stè dërt da fà la proposta, inće sce an mëss dì che al passarà ćiamò n gröm de tëmp ćina che val’ de te’ podess gnì realisé, sce an arata che al vais debojëgn. Mo al é dërt che an nen bàies. Co odëise pa le proiet dal punt d’odüda naturalistich? Dal punt d’odüda naturalistich saràl le dagnì che messarà nes dè respostes, co che an s’armöi danter i paîsc da munt, les valades y söi jus. Iö arati che i arun sigü mudaziuns, y la tecnica nes darà inće n aiüt. Chilò oressi magari anunzié la bela iniziativa metüda en pè a Corvara, olache an à bele metü da jì injins che à n impat manco gran sön la natöra. Al orarà ester na conzeziun nöia dla mobilité, de chëra che al fej pert strotöres da fà, mo inće injins che nes dëida. An messarà tignì cunt de intrames les perts tl dagnì. Les Provinzies de Balsan y Trënt à metü a desposiziun 80 miliuns de euro por les provinzies de confin. Durnwalder s’à damanè che chisc scioldi vëgnes tuć ca por proieć de colaboraziun danter les provinzies decà y delà dal confin. Podess pa de te’ scioldi jì a bëgn de chësc proiet? Iö â bele laôta dit te na intervista a n foliet dl Venet che al sarà sigü na poscibilité da jì eventualmënter la strada de chisc finanziamënć ales provinzies de confin. Iö pënsi che chësc proiet podess inće rapresentè na colaboraziun danter Südtirol y i trëi comuns storics ladins de Belun. Sce ara ess da jì inant, ćiararunse sigü inće che le Comun de Mareo ciafes zoruch chi scioldi che é gnüs spenüs ćina śëgn por portè inant chësta idea. Sce la idea ê impröma chëra

Florian Mussner.

da colié les döes localitês cun na ferata, spo vëgnel śëgn tl stüde baié de bus a forza ibrida. Tanco - sce al ess da gnì realisé le proiet - messàssel gnì fat aladô dl stüde na strada de 6 metri leria. Vëgnel pa insciö fat n vare dl vers de na strada por düć i auti o n vare cuntra na Alemagna? Iö arati che an messarà studié sce chësc é en relaziun ala problematica dl’Alemagna. Chësc aldi por le pröm iade. Al stimenëia che na strada mëss ester almanco de 6 metri leria, la tendënza é chëra da fà aldédaincö dui ros, ajache al é plü sigü. Iö foss tres ćiamò dla minunga che la idea de na ferata foss sigü val’ da odëi positivamënter y val’ che al vëgn bele n pü’ baié tles valades ladines. La ferata é sigü val’ che nes dà la poscibilité da avëi na mobilité veramënter en ecuiliber danter natöra, economia y bojëgns dla porsona. Iö sun dla minunga che al sides bel da jì cun la ferata, nia ma sciöche meso de trasport dles porsones che va a laurè, mo inće sciöche trasport por les porsones che vëgn a ti ćiarè a nosta bela natöra. Porchël podésson te chësc cajo pensè a na ferata. Él pa d’atri aspeć olache i odëis le proiet interessant? N’él pa de chi olache i ne l’odëis nia interessant? Interessant le vëighi por le fat che al porta la jënt plü davijin. Le tonel nes dà la poscibilité da s’arjunje plü saurì, la poscibilité da colié les porsones. Sambëgn é le tonel na infrastrotöra inće prigorosa. Jënt ne va nia ion ti tonì, inće sce al vëgn fat de döt por la sigurtè. Sigü messaràn odëi avisa sce an é dla convinziun che n te’ tonel sides dërt, mo de chësc él da baié y da se fà pinsiers. Intervista: Pablo Palfrader


nr. 03 / 21 de jené 2011

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Val de Fascia

Fulvio Chiocchetti da nef a cef de la Consulta de la Families La litazion del nef consei diretif à confermà l prum coordenador de l’organism che, béleche dut renovà, ponta via ades con gaissa e determinazion Sozietà - L’é jà passà 3 egn da canche, del 2007, l’é stat metù sù ofizialmenter la pruma Consulta de la Families te Fascia, anter l’auter la pruma de dut l Trentin, dò da sia ideazion stata del 2004. A la fin de dezember del 2010 l’é jit fora l prum consei diretif e l’é stat lità chel nef che jirà inant ti trei egn che vegn. Fulvio Chiocchetti da Moena, prum coordenador de la neva consulta, l’é stat confermà da nef a cef de l’organism, col didament de Maria Cristina Rizzardi da Mazin, che sarà amò sia vize e n nef consei con ite, estra che i assessores a la politiches sozièles de la aministrazions locales, Chiara Chiocchetti e Maurizio Deville da Moena, Cristina Zulian da Soraga, Enrico Battisti da Vich, Giuliana Pattis e Serena Zacchia

da Poza, Giorgio Riz da Ciampedel, Elisa Salvi da Cianacei e Sergio Valle de l’Acat (Alcolisć en tratament). Apede a chest grop sarà ence etres undesc componenc desche consulenc esterni nominé da comuns e sociazions. La Consulta de la Families ades ponta via con neva gaissa, con l’intenzion de jir inant con l’atività dassen percacenta che à caraterisà i prumes egn, a scomenzèr dal recognosciment politich local de la pèrt fondamentèla che à la familia te la sozietà fascèna. Les é de n muie la azions che l’organism se met dant, prum de dut l’analisa de la composizion de la families, fondamentèla per fèr projetazion de vigni sort, dal contribut per i ecodrapedìe a la promozion de mesures fiscales e per la pruma cèsa. Te la pruma scontrèda l nef

diretif à jà stabelì doi prioritèdes: meter a jir l laboratorie ”Formazion e prevenzion” dedicà a genitores e cobia joenes e la colaborazion ativa con i comuns de Fascia acioche i posse se emprevaler del marchie ”Family”, l recognosciment conzedù da la Provinzia de Trent te chela che i comuns respon a determiné requisic e i met en esser politiches tarifaries che tegne cont di peisc de la familia e autra agevolazions e servijes per responer a besegnes emportanc. “Ge völ ge dar atenzion a dute le familie – l’à dit Fulvio Chiocchetti – no demò a chele con problemes, ge völ tegnir cont di peisc desvalives che pol gravar su na familia, per ejempie la prejenza de n component de età, penson che del 2030 l numer de la jent con più che 80 egn sarà trei

oute respet a ades. Sion contenc de come che la é jita te chisc primes trei egn, con jent motivada e enjegnada che se à dat le man dintorn con gran empegn, portan inavant n mulge de proponete concrete e articolade, proponete de valuta che le é ence state tote a ejempie da autre realtà del Trentin o de la Talia, ma a part i assessores al sozial, che i à fat re e i à laorà benon, valch oita le aministrazion é state mìngol più freide, ge volesse che ence i autres assessores i sie più part ativa percheche canche se se cruzia de familia se rua int te duc i ambic, no demò tel sozial. N obietif che volassane arjonjer l’é che duc i tosac podesse aer le medeme oportunità: aldò de l’ofize statistiche de la Provinzia de Trent l 25% di fiöi de la val i vif te familie

con 3 o più fiöi, no ge völ che chest sie n dejavantac.” Bon lurier donca al dinamich raprejentant de la sociazion “Famiglie Insieme” e a dut l diretif. (cri.m)

Fulvio Chiocchetti.

Te Fascia 1300 Studafech en gara

Giulio Verra vida endò i alpins

Dò 25 egn rua endò sui portoes de noscia val la 27^ edizion di Campionac taliegn, che apede a schi alpin e paslonch met dant per la pruma outa ence la proes co la brea e la pouses

La sezion di alpins de la val de sora l’à renovà dut sie diretif

Sociazions - Gran mobilitazion chisc dis te Fascia per l’endrez del 27m campionat talian di studafech. La manifestazion, peèda via con l’inaudazion ofiziala en jebia ai 17 de jené, veit la prejenza te noscia val de 1300 atlec studafech rué da duta la Tèlia, a chi che se jonta ite se sà ben ence familières e compagnadores. Per ge arsegurèr l mior endrez a chesta manifestazion, che rua endò te Fascia dò 25 egn, l’é stat fat n gran lurier organisatif da pèrt di Studafech fascegn vidé da l’ispetor Rinaldo Debertol, che se à ativà jà da n pez per meter ensema, apede al program de la garejèdes, ence na setemèna rica de scomenzadives pissèdes no demò per i atlec ma ence per sia families. L fort lurier de gran pèrt di 150 studafech del distret de Fascia, con

la colaborazion per l’endrez de la garejèdes del Ski Team Fascia e de la Guardia de Finanza, l’é peà via jà en lunesc, canche l’é stat avert l’ofize gares che ge stèsc dò a duta la organisazion e al rich program per ge sporjer ai ghesć de bie momenc de fradaa e devertiment. Corsc de schi debant per i bec, raides coi maestres de schi, escurscions con cèspes o nordic walking, jeghes su la neif ence per chi che no va coi schi, à fat da bela cornisc a la garejèdes: no demò chela classica de slalom lèrch sul calandèr en vender ai 21 sui portoes de Aloch e Bufaure, e chela de paslonch en program en sabeda ai 22 sun pèrt del percors de la Marcialonga, ma ence, per la pruma outa te chisc campionac, la garejèda de brea endrezèda en jebia a Poza dant da

l’inaudazion ofiziala di jeghes, e chela de schi alpinism en program insnet vender da les 18.30 sun Ciampac, con dapò premiazion con conzert de la Musega Auta Fascia tel chino de Cianacei. De autra informazions su la manifestazion e l program complet é a la leta sul sit www.vvfvaldifassa.com.

L logo de la manifestazion dessegnà da Letizia Soldà.

Cater ciacoles te stua N nef program radio de l’Union di Ladins de Fascia rencurà da Fernando Brunel La radio l’é n meso n muie percacent per slarièr fora la doura del lengaz de mendranza, per chest apede a l’empegn per slarièr fora la informazions scrites te nosc lengaz travers “La Usc di Ladins”, da n trat en cà l’Union di Ladins de Fascia se dèsc jù ence per colaborèr con Radio Studio Record de Cianacei, per la realisazion de programes per ladin che vegn sostegnui dal Comun General de Fascia. L’é béleche 6 egn che ogne dì da mesa les ot da doman vegn manà fora, festa e vea, l “Bel bondì ladin”, rencurà da Monica Cigolla: na sort de almanach che porta dant informazions sul sènt del dì, la tradizions fascènes, vèlch curiosità internazionèla, na cercia de musega de l’autra mendranzes tel mond, l proverbie e de domenia ence l Vangele. Dapò de lunesc, da les 9.45 con na replica da les 17.45 vegn manà fora l program “Che metone pa anché sora fech?” che

porta dant rezetes da n’outa e daldidanché col didament de pascioné de cojina o ence de chef de restoranc fascegn. Amò, da doi egn en ca, ogne jebia, semper da les 9.45 co na replica da les 17.45, se pel scutèr “Arianeves” n program dedicà a la musega metù ensema da Lucia Gross e Fabio Chiocchetti che se met dant de ge fèr cognoscer al publich la produzions musicales de stii desferenc dal folk leèdes a nosc raion, en particolèr cheles tel lengaz ladin e furlan. Ades l’empegn de l’Union di Ladins tel setor de la comunicazion radio se smaora. Da chesta setemèna, ogne sàbeda da les 2 domesdì con replica la domenia da les 20.30, se pel scutèr l nef program “Cater ciacoles te stua” metù ensema da Fernando Brunel. Se trata de testimonianzes de jent che conta de coche l’era la vita n’outa, sobito dò la seconda gran vera, del mudament

de nesc paìjes e del lurier, del passaje da na vita da bacan a chela leèda al turism. Cater ciacoles te stua de la jent, co la jent. N program enteressant e gustégol che met al luster curiositèdes e avenimenc leé a noscia tera, ogne outa te stua de valgugn de autres. Segur da no perder! Chesta sabeda se pea via con Elmar Lorenz Cin da Poza, per 24 egn gestor de la utia sun Antermoa. Recordon che la programazion ladina de Radio Studio Record tol ite ence i sacotenc programes metui ensema da la redazion ladina de la Radio per endrez de Annelise Vian e Biancarosa Florian, programes che va da la cronaca, a la tradizions, ai aprofondimenc e la letradura. Chest de gra a l’atenzion e l sostegn che i patrons de la Radio, Francesco Mazzel e Giusy Vian, ge resserva da semper a la programazion per ladin. (mci)

Sociazions - I Alpins da Mazin l’é Giulio “Rosso” che a dita di sie enscin ta Penìa enstadì i à renovà “enceben che l brontola semper, l diretif. Na votazion con duc i a la fin l’é el che tira l cèr e duc votanc a una ge à confermà nos ge jon dò a spenjer”. l’encèria de president a Giulio Ensema a Giulio l’é stat nominà Verra, per duc, “Rosso”. Renato Dantone “killer” desche Na fegura chela de l’alpin de vize, e dapò desche conseieres gran emportanza te noscia pìcola Massimo Babbini, Adriano Merli, comunanzes e che la é semper Giampiero Ganz, Erwin Rossi, prejenta te ogne ocajion de Walter Fosco “Diaol” e Paolo devertiment e de besegn. Canche Casagranda. L’ocajion del renovo l’é ora de dèr na man la “piuma del diretif l’à dat l met de nominèr neigres” no mencia mai. No se ence Franco Castiglioni desche trata demò de n aiut concret, ma “onorarie”, che amò ades che ai 26 ence de n ejempie de union e de de jené l compirà 90 egn no l se volontariat che lea chisc omegn tirà endò tel lurier. per duta la vita. N leam fort che fèsc a na vida che l lurier portà Ge auguron al grop che l vae inant sie piutost n piajer che na inant semper coscita, che noscia fadìa e desche te ogne setor ence comunanza la arà semper te anter i alpins no mencia nience debesegn, e al president, da man la femenes o i fies che tropa outes de duc, ma soraldut da man si i é aló apede jù con l gramièl vert compagnes, ge vegn fat i miores verties ence eles a dèr na man. complimenc con chela che “l Del 2010, desche ogne an, i seghite a esser l president per n alpins via per l’invern i à enjignà bon trat amò, amàncol per i 10 tropa outes vin ciaut endèna la egn che à da vegnir”. (vr) manifestazion de schi dapò amò i se à metù a la leta per la “dì ecologica”, la festa de la families, Te anter i Tobié, la Gran Festa da d’Istà e amò via per d’istà i se endreza da n trat de egn con sia festa aló da la sia ta Penìa. I alpins ampò anter duta chesta festes no i se desmentia nience di più pìcoi e desche scomenzadiva più emportanta da n muion de egn, dant de Nadèl, duc ensema i alpins i enjigna e i va a ge portèr n pìcol don a duc i bec de la scolines de Cianacei e Ciampedel. Ti ùltimes trent’egn, dò da Ermanno Dantone e da Erwin Rossi da en trat de egn Giulio Verra “Rosso” é stat confermà a cef di a cef de la sociazion Alpins de la Val de Sora. www.lauscdiladins.com

25


Val de Fascia

nr. 03 / 21 de jené 2011

Crescer tel bilinguism col ladin, zenza ge tor nia al talian A Poza e a Soraga l projet va inant delvers. I bec passa da n lengaz a l’auter zenza nesciuna fadìa Scola - I studies sul lengaz porté inant ti ùltimes 20-30 egn à uzà fora che maora l’é l’esposizion a lengac desvalives dant dal svilup, maor l’é l potenziament del cef e l’é più sorì tel davegnir emparèr etres lengac percheche vegn smaorà la abilitèdes cognitives. Ma no l’é dut: n bez plurilingue l’é più avert, l’é bon de veder la realtà da più prospetives e de se fegurèr più soluzions per n problem soul, percheche l plurilinguism miora la creatività e chest vèl ence per n lengaz de mendranza. L’é con chesta segurezes che con chest an de scola 2010/2011 te la pruma clasc populèra de Soraga e de Poza l’é stat envià via l projet “Na comunanza che empèra”, n projet n muie ambizious che ge dèsc l met ai bec de se emprevaler de la gran ressorsa del ladin, ajache descheche à dit ence l professor Martin Dodman de l’Università de Busan - i prozesc de aprendiment no vegn neto nia danejé da la doura de n lengaz de mendranza. Enstadì la Sorastanta Mirella Florian, i responsàboi de l’Olfed e del projet Vigilio Iori e Roberta Dellantonio, co la partezipazion de l’esperta Barbara Gramegna, à chiamà ite i genitores di bec de Poza e Soraga che jirà a scola chest an che vegn, apontin per ge prejentèr l projet. La iscrizions se serarà sù ai 15 de firé e donca i genitores à amò mìngol de temp per ge pissèr sora. Ajache en ocajion de chela scontrèda l’é stat palesà dubies e ence vèlch contrarietà, aon volù veder coche l va inant l projet te la pruma clasc de chest an.

problemes particolares, al scomenz canche ge rejonaane ladin i ne responea per talian, dapodò pian pian, zenza sforzar, i à tacà a vegnir fora col ladin.” Ma co éla la situazion, anter i bec de la doi sezions él problemes, vai d’acort? La maestres ge tegn a sotlineèr che no l’é mai stat problemes, endèna i laboratories vegn fat clasc avertes e coscita i bec se mesceida, ma ence endèna la paussa i se cer e i se rejona de spes ladin. Ma perché pa da man de vèlch genitor él tanta desfidenza sun chest projet? La maestra Elisabetta é de chela che fàzile i genitores reversa sul projet duta la tema che i à ti confronc de la scola. “Se ge tegnon coscita tant al talian vardon de l potenziar ence fora da la scola con autres stimoi, che va sorafora l projet. Dò mia esperienza de maestra de talian l’é la familia che cogn se ativar, gio peisse che sie n muie emportant ge lejer n muie ai bec e vardar che i leje, l’é coscita che i empara l talian. Dal pont de veduda didatich no l’é desferenze anter i bec de marelenga taliana o ladina. Se pel troar ezelenze tel talian tant te la sezion “normala” che te la sezion “bilingue”.

A Poza l’é doi sezions con laboratories averc

Per voi maestre, ensegnèr storia, scienze e geograf ìa per ladin, él più senester? “Na, vegnon didade n muie da l’Olfed che ne à enjignà dut l material, dapò l’é la maestra de ladin e l grop de esperc che ne fasc la supervijion, se confronton n muie ence con le ensegnante de Soraga ajache l’é n lurier de equipe, n projet monitorà a dò a dò.”

A Poza l projet de bilinguism l’é tacà ite te la pruma B. Te chest paìsc i genitores à abù l met de poder cerner se scriver ite si fies te la pruma clasc enteressèda al projet opura l refudèr e cerner l’autra sezion. La situazion é stata balanzèda: 16 bec te ogne clasc. La maestres che ge stèsc dò al projet l’é Elisabetta Gottardi, Dolores Rasom, Serena Zacchia e Francesca Dorich. La maestra Serena à dit che i bec respon n muie ben a chest projet, “ic no se pesima neto nia, i passa da n lengaz a l’auter a na vida n muie scempia. Ence i bec de marelenga taliana no à abù

L’é n muie emportant che i genitores sie a una sul projet La maestra Elisabetta ge tegn a dir che l’é n muie emportant che i genitores sie a una sul projet. “Desche ensegnanta son n muie spervaja de la valuta e desche genitor, mie fi farà la pruma n auter an a Soraga, peisse che sie na oportunità da no se lasciar perder, perché se i esperc me disc che ge dasc più elasticità mentala ai bec, gio son contenta per mie fi, sorafora l’emportanza de l’identità. No ge fajesse mai far a mie fi zeche che ge empedesc de emparar l talian, gio vegne da fora (da Trent ndr.), sé benon

Ence i genitores se à metù a la leta per ge sporjer ai scolees sia competenzes.

l’emportanza de saer ben l talian e son convinta che chest projet ge dae na oportunità de più.”

A Soraga l’é na pìcola clasc che laora n muie ben A Soraga l’é na pruma clasc de sie bec. La maestres che ge stèsc dò al projet de bilinguism l’é Daniela Bernard e Anna Barbolini. Duta does à palesà n muie de sodesfazion, te clasc se à creà n bel clima, se laora ben e duc i bec

ge va dò sorì. Ma co responei i bec a chest projet, chi che rejonèa demò talian èi fat fadìa? “I bec i se adata n muie sorì – à dit la maestres - chi che no rejonaa fascian te l’afare de doi meisc i l’à emparà, i se conzentra, i se cer fora parole neve, i rejona mìngol più pian che i autres proprio percheche i vel rejonar delvers e durar le parole giuste. E chest l’é n muie positif. La maestra Anna à palesà con

sincerità che “al scomenz ence gio aee mie dubies, percheche l’era na roba neva, ma ades son n muie contenta, l’é na bela clasc, se laora polito, i fasc sorì da mac a passar dal talian al ladin, e cogne dir che ence dal pont de veduda didatich sion dalbon inant.” I libres che aede a la leta i é scric per standard, stentei i bec? “I bec canche i lec i se traslatea l standard diretamenter te soa varianta, i sà che per ejempie la parola “nès” per ic l’é “nas” e no i fasc nesciuna dificoltà. I empara benon dute le variante.” No aede troà te voscia esperienza bec de marelenga ladina che stenta col talian? “Na, alincontra, i fasc più sorì. Te chesta clasc per ejempie i rejona n muie ben talian, se veit proprio pece interferenze e dapò, con dut chest biteboi sul talian, l’é ence da dir che sion una de le clasc più inant te chesta materia. Se un l fasc sorì ti lengac, l fasc sorì col talian, col ladin, col todesch. Se un l stenta, l stenta te duc i lengac, l’é predisposizion personala. La cauja no l’é l ladin. Ti egn passé aon abù bec che rejonaa semper ladin te ciasa, a scola i era braviscimes tel talian, i fajea de bie temes riches.”

I bec é contenc de cognoscer roba neves ence de gra a si genitores.

Monica Cigolla

Na comunanza che empèra Tel chèder del projet “Na comunanza che empèra” l’é ence la scomenzadiva che i genitores di bec porte dant na lezion te clasc sun so lurier, si hobbies o sun zeche che ge sà bel fèr. La maestres les é n muie contentes de la responeta di genitores. A Poza sun 16, de 14 i à dit de scì e a Soraga i à responet duc positivamenter, ence i genitores

26

www.lauscdiladins.com

de marelenga talièna. E ence i bec i é n dassen contenc. A Poza enscin ades l’é jit te clasc le mame Donata e Fernarda che les à fat ensema ai bec pìcoi lurieres col legn, chèrta e carton, che dapò é stac duré per fornir sù l’èlber de Nadèl. E la setemèna passèda Lucia, che fèsc l’infermiera, ge à rejonà ai bec sul corp e sun co stèr senté jù polito sun cariega a scola. Via per chisc

meisc che vegn etres genitores ge portarà dant vèlch su la musega, su l’èrt, sul reziclaje, co fèr a concèr n jech canche l se romp, dapò n papà farà na atività sportiva e na mama i biscoc. A Soraga chisc meisc passé l’é jit Elena che ge à ensegnà a far pìcoi lurieres col papier e chesta setemèna che vegn jirà te clasc e

Marco e Margherita che ge farà cognoscer les èrt da tisler de n’outa les metan a confront con cheles de aldidanché, e i bec podarà ence fèr vèlch pìcol lurier col legn. Amò te la pruma de Soraga i genitores farà lezion de bal, i farà ensema biscoc, i farà vèlch pìcol lurier coi mantins, e i ge farà cognoscer i mesi de informazion per ladin. Duc i genitores à dit che l’é stat

na beliscima esperienza e che l’é segur na bela scomenzadiva chela de vegnir touc ite te l’atività didatica de la scola, n besegn che vegn palesà semper più de spes. L’é positif percheche i bec veit che maestres e genitores laora ensema e per i bec l’é emportant portèr vèlch de sé te clasc, l’é na maniera per se fèr cognoscer miec coi compagnes. (mci)


Val de Fascia

nr. 03 / 21 de jené 2011

L chino indian rua te Fascia travers Bollywood

L’é tacà l carnascèr ta Penìa

Chisc dis passé la Media India Production à tout jù te val la scenes del film “Prema Kavali”

L grop de la Mèscres de Dèlba e Penìa chest an porta dant sia mascherèdes cinch outes

I atores Chota K Naidu e Isha Chawla su la scena te anter nesc monc.

Produzions - No l’é la pruma outa che Fascia vegn cernuda per tor jù scenes de film, podassane recordèr “Cliffhanger” e “Italian

job”, e per tor jù spot televisives, se recorda chel per la Porsche e l’an passà chel de Sky, olache aea tout pèrt Giulia Salvatori. La

La troupe indiana al lurier.

produtora da egn colaborea con l’industria cinematografica Telugu de Hyderabad, capitala de l’Andhra Pradesh e l’é stat apontin ela che ge à proponet ai cineasć indians Cianacei e duta la val per filmèr vèlch scena del film “Prema Kavali”. En particolèr scenes de na cianzon, ajache musega, cianties e bai fèsc pèrt tant de la cultura che del chino indian. La ripreses é states fates ta Penìa, Cianacei, sun Fedaa, sun Jouf de Pordoi, te Val de Sèn Nicolò, sun Gardecia e te Fuciada, donca nesc paìjes e noscia bela crepes à ciapà l’enteress de Bollywood, una de la più gran industries cinematografiches del mond. L’é da egn che l chino indian é orientà envers l’Europa e soraldut envers i paesajes da mont, per ejempie l’an passà l medemo produtor à śirà la scenes de n film te l’Austria, donca la tendenza ades te chest setor l’é meter dant al publich indian paesajes che per ic é “esotiches”. La troupe de la Media India Productions fata da 30 persones, anter chestes l regist Vijay Bhaskar e n grop de joegn atores, i più cognosciui l’é Isha Chawla e Aadi e soraldut l’ator Chota K Naidu, é rué a Penìa ai 13 de jené e i é stac ghesć del Santa Maria ad Nives fin ai 16. Te pec dis, de gra al bel temp e al didament de l’Apt de Fascia, l’é stat fat la ripreses del film Premia Kavali che jà te dotrei meisc sarà da poder veder te la sales chino en India. La val de Fascia vegnarà zenz’auter cognosciuda ence dal mond asiatich. (or)

Carnascèr - L grop de la Mèscres de Dèlba e Penìa l’é ence chest an l prum protagonist del carnascèr fascian, e desche da tradizion en jebia ai 20 de jené, dì de la sègra de Sèn Bastian, dut l’é stat vertech per la pruma mascherèda.La più fona tradizion del carnascèr fascian chest an la veit l grop empegnà con ben 5 mascherèdes. Dò che duta la popolazion de paìsc la se à vedù ruèr l’envit a cèsa de persona, mèscres e atores i se à binà ló da la Ninotes per tachèr via l “rit” per desleèr carnascèr. Jù te piaz, entornvìa festil con la giostra e dapò pìcoi e gregn bufons, marascons e lachees i é ponté envers la veia scoles, envers “l ciastel” olache la jent la i spetèa. Un più sconet che l’auter, duc i à proà a no se fèr veder, ma se sà ben che l bufon l rua olache l vel, e coscita l’é stat. Grignèdes e visc roenc da la vergogna, ma zenza se n’aer per mèl ajache se

sà che l bufon l podessa esser amò più pizochent... Ezio Verra, president del grop, ensema a Paolo, Diego, Luca, Ivano, Stefano, Simon, Massimo, Fiorenzo, Marco, Veronika, Ilaria e Antonella, chest an i sarà empegné te trei comedies. Semper ta Penìa da mesa les 9 da sera vegnarà metù dant “L’ùltim vender de Giochele” de Stefen Dell’Antonio Monech en sàbeda ai 5 de firé e dapò ence ai 3 de mèrz, jebia de carnascèr; en sàbeda ai 19 de firé vegnarà spilenà enveze “Tone Tomera e la sossìes” de Simon de Giulio e en mèrtesc ai 8 de mèrz, l’ùltim carnascèr, “L mèsc de la rocia”, comedia traslatèda da Vito Giuliani da Soraga. L’empegn de dut l grop chest an l’é amò più gran che i etres egn, e cognon dassen i rengrazièr per la gaissa e l’empegn che met per endeletèr duc i fascegn tel temp più piajegol e lijier de l’invern. (vr)

Chi él pa? Soluzion del retrat su La Usc nr 02 Dant de ve dèr la soluzion de l’ùltim retrat publicà cognon fèr a saer che al retrat publicà su la usc numer 1 del 2011 aea dat la responeta ence Renata Micheluzzi e Mariadina Soraperra duta does da Dèlba. L retrat che aon publicà la setemèna passèda ne era stat portà, descheche aane jà scrit, da Maddalena Croce de Bocol

da Poza, l’era stat fat presciapech entorn l’an 1957 e l’é sù i jiadores de la pruma squadra de hockey de Fascia, l “Catinaccio”, metù sù del 1955. A ne dèr la resposta l’é stat la medema Maddalena Croce, Franca Trottner che à telefonà su da Busan, Maria Teresa Fanton Crepaz, Giuseppina Rossetti, Ermanno Winterle, Remo Bernard Cechinol e Lino Soraperra.

Sul retrat l’é: 1. Renzo Zulian de Cuz; 2. Ezio Sopperra de Zopan; 3. Vittorio Rossetti; 4. Gianni Gabrielli de Carmela; 5. Ermanno Winterle; 6. Giulio Rasom de Onz; 7. Diego Cloch de Cò; 8. Rino Rizzi; 9. Luciano Crepaz dal Capo; 10. Marino Cinzol da l’Ef; 11. Franco Gabrielli René. Chesta setemèna, ajache te Fascia l’é stat desleà Carnascèr e

ta Penìa l’é jà stat portà dant la pruma mascherèda, aon chierì fora n retrat de comedianc che ne era stat portà da Carletto Rossi del Baila da Soraga e l’era stat fat presciapech ti egn ’30: speron che no l sie massa senester e che nesc letores i sie bogn de troèr fora amàncol zachei de chi che l’é su. Speton voscia respostes per telefon o fax al 0462.764545, o per mail a

la direzion lausc@ladinsdefascia. it. Ge sporjon n bel develpai a chi che se sproa a troèr fora la jent e a chi che ne porta i retrac, e i ne deida coscita a viventèr chesta rubrica e a meter ensema vèlch mizacola de storia de noscia jent: ve envion a ve fèr inant per ciapèr en don na publicazion de l’Union di Ladins.

3 2 6 1

11

5

3

1

9

11

5

7

8

6

9

12

4

13 14 15

7 2

4

8

10

10

www.lauscdiladins.com

27


Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

nr. 03 / 21 de jené 2011

L consei provinzial de Belum disc de si al referendum per passé co la Region Trentin - Südtirol “Per ciapé i medemi sciòldi de Trënt e Bolsán” i disc L consei provinzial de Belum, nte la sentada del 11 de jené, l à dezedù de damané n referendum, coscita come pervedù dal articol 132 de la Costituzion, per fè passé dut l teritòrio provinzial sot a la Region trentin – Südtirol. Vintiun i consiadous auna. Doi chi contrari, duc de la Lega Nord. Un cruzié del cost del referendum ( zirca 1 milion de euro ) per na Provinzia che se lamenta de ciap é puo c finanziamenc. L auter l disc “Trënt e Bolsán i no ne vòl.” Chëst l cuesit:”Voleiso che l teritòrio de la Provinzia de Belum siebe despartì da la Region Veneto per jì a fè pèrt de la Region Trentin – Aut Adesc ? La discuscion sul pont al ordine del di l’é durada zirca doi ore, con duc i raprejentánc dei partic ntel consei che à aprové, ence se con desvalive cossciderazion, le

motivazion de la consultazion. Ades, come per i referendum de Lamon, Sovramonte, Fodom Còl e Ampëz e Sappada, l iter l passarà a la Court Costituzionala che l’avarà da dezide su l’amisibilité del referendum.

I politizi Su la puocia coerenza dei politizi belumac ntourn a la cuestion dei referendum l é bele ste descorëst. Lascia très plu a bocia dalvièrta la pojizion del onorevol Maurizio Paniz ( Pdl ), che no l à sparagné de taié ju del referendum dei trei comuns ladins. Ma ades l à declaré che “no l eva auna su la separazion de singoi comuns, ma de ester dacòrdo se sen va dal Veneto duta la provinzia unida.” Da noté che l à très taié ju de l’autonomia de

Trënt e Bolsán, tánt che l volëssa ie la tò via. Ma ades l é auna che ence Belum l’abe sot la medema Region. Ma ence i autri, dal ex prescident de la Provinzia Sergio Reolon, al onorevol Maurizio Fistarol, i no n è zerto de biei ejempli de coerenza.

“referendaria”. E s’à vedù coche i l’à fata fòra. Ma ades, co i sondagi che l veiga scialdi ndrio nte le clascifiche dei prescidenc plu ben volus, l é deventè un dei referendars plu ciauc. Bela coerenza.

La dopla fazada del prescident Bottacin

I sciòldi, i sciòldi. Cotánte de oute i trei comuns ladins s’ali sentù trè ntel mus dai politizi belumac che i volëva passé “de la” demé per na cuestion de sciòldi ? Ades che i vòl fè passé duta la Provinzia i no scon del fè demè per i sciòldi. E per de sou a sue rejon i zita n studio de la Cgia de Mestre, che mostra i sciòldi che ciapa Trënt e Bolsán respét a Belum. Nten colp i sciòldi no i é plu na rejon senza moral. Bela coerenza. E po’. Eli ben segur che se n di dut l teritòrio provinzial

Ma la fegura plu sclëta l l’à fata de segur l prescident de la Provinzia Gianpaolo Bottacin, che l à dit finamèi de volei porté nnavánt nstëss l iter. L onso mèi sentù se de tánt le mán dintourn per l referendum dei trei comuns ladins? Ntánt i voti del oramèi ex assessor Templari i à fat comodo. Ma na outa che l l’à buda sentada nte jonta l eva mbarazé de avei damprò na

Nuof diretif e prescident riconfermé per l Coro de le Ële Col di Lana Milena Colleselli nuova vize. Na dośëna i conzèrc fac ntel 2010

“L coro davò n’ejibizion”

Associazions - Roberta Codalonga la resta a la prescidenza del Coro de le Ële Col di Lana ma co nen diretif deldut nuof. Chësta la novité vignuda fòra davò l’ultima sentada del grop nsigné via da Anna Devich, che l s’à biné nchëstadì per fè l bilánz del ann apëna passé e programé l’ativité per l 2011. Roberta l’avarà damprò a laoré per i doi agn che ven Milena Colleselli come vize e segretaria, Elisa Gabrielli casiera e Patrriza Massaro come consiadëssa che le ciapa la luoga de Ivana Crepaz, Denicolò Giacinta e Anna Vallzza. “A dële” disc la prescidenta, “ence a inom de la diretrize, “volësse di ncora nviade l mio Diovelpaie per l laour fat con gran dedizion e pascion.” Ntánt la sentada, nte sua relazion, ence la diretrize Anna Devich la s’à dit contenta de coche i é “chersciude” le coriste, del laour de vocalité per ogni sezion e per la programazion perveduda per l 2011. N dut i è stèi dodesc i conzèrc fac via per l ann. Le coriste i à scomencé de jené co l’ejibizion a Ciaurì auna al Coro S.Biagio de

28

www.lauscdiladins.com

Alie. L vender de carësuma l à po’ acompagné la funzion nte gliejia sa na Rèba. De auril l à ospité l Coro S.Vito a La Plié. Ma l apuntament plu sentù l é ste de segur l viade a Parma per contracambié la vijita del coro “Dolci Armonie”. Per l grop fodom, che l à cianté nte la gliejia monumental de la Certosa e nte la gliejia de “S.M. della Steccata” l’é stada ence la pruma trasferta de doi dis. Come per trope de nòste associazion, ence per l coro de le ële i meisc de lugio e agost i é stèi teis de ativité con cater ejibizion. A S. Vito de Ciadoure auna al Coro S. Vito, a La Plié auna al Coro Alpino Col di Lana de Vittorio Veneto nte na sëra dedicada proprio al Còl de Lana ( l coro treviján l di davò l à acompagné la S. Mëssa per i tomèi n vièra su la ponta metuda a jì dai alpini ), a Fusine de Zoldo co l Coro Fodom e Bepi De Marzi e nfin a Cianèl de Canal de Ègort, auna al Coro Val Biois, n onour de Papa Luciani. Doi le ejibizion che à mpegné le coriste de setembre: n ocajion de la premiazion del

concors “Mendránze n poejia” e ncora sa na Rèba nte na sëra dal titol “Cante e poesie” n colaborazion co l laboratòr de scritura de Pieve de Ciadoure. La stagion la s’à saré via co la partecipazion a la rassegna dei cori agordins e a la Mëssa n onour de S. Zezilia. Davò diesc agn de ativité, ence per le ële l è vignù l’ora de se njigné “na coa”, na senta duta sua ulà jì a prové e se mëte via i ricordi e le chèrte. Ma l sèlf conzedù dal Comun ntel Centro Dolomiti – Cèsa de la cultura fodoma l à debujen de ester laoré fòra e coscita via per l auton le coriste le s’à de da fè a mëte a jì na ciastagnada e a fè su de bogn douc e biscòti da vën per se trè su le coste a le casse del coro e se paié ju i laour. L 2011 l é bele scomencé co l conzèrt de Nadèl a La Plié auna al “Coretto Do Re Mi” de Auronzo e la Mëssa a La Plié. N previjion l è ence na trasferta, l 15 e 16 de mèi, a Negrar Verona, ulàche le jovene coriste fodome le sarà ospiti del Coro Coste Bianche. E po’ sesaben autri conzèrc chilò dintournvia. (ls)

I sciòldi

l passarà “de la” l deventarà la terza provinzia de la Region Trentin Südtirol. O forsci nveze no suzedarà che i comuns i vignarà metus chi con Trënt chi con Bolsán. Eli segur chi del Ciadoure o del Alpago de se sentì coscita de cèsa n di a jì ilò a damnaé vèlch? Dal referendum dei trei comuns ladins, i politizi belumac i s’ava spazé a di che l Stato no conzedaràmèi de passé. Ades che l damana duta na Provinzia i disc che sarà “difizile ma no imposcibile.” Forsci i se desmentia che nte 50 agn de Republica Taliana i é passèi de Region e a fadia ence chi, demé 5 comuns (chi de la Val Marecchia) e gnánca na Provinzia. Per fenì. Ci coerenza elo a fè n tèl referendum nte na Provinzia ulàche l é n comun, Sappada, che à bele voté per jì co l Friul e l à dit de no volei mèi jì con Bolsán ? (ls)

La Donacia e le donace nte Comun Cánche na tradizion la deventa ocajion per se vijiné ntra de coleghi de laour No dagnára la Donacia la ven da ciamin ju. Nte Cèsa de Comun e al Albergo Alpino da 30 agn nca la rua da Cianèl su. L’à scomencé a vignì cánche nos donace plu vegle no se sava ncora ci che l é n ciavel grisc, la gota al nès, i tacons sul cul e su le manie. Ntei agn l numer de le donace l é mán mán chersciù, ma listescio ntourn Pasca Tofania no n à mei mancé na bela gran garnèra o na rëfa, na luosa, n sach o n ceston ciarié de ciauze per cotánte che i é le fortunade donace scrite ntel liber de sta bona Donacia da le manie lèrge. Nte tán’ de agn da la ciauza l é sauté fòra regai de vigni slòch: scoëte scoatoi e paiete, juosc de len spacacé, taier, taiachèrte, pòpe de peza, donace de sach, librec fantastizi e de magia, lunaresc, fazolëc de gragn e de pichi, stële da mont, machine dal café, cavastoplons e autre massarie per troc bujens, speci, cësć, coutre e peluches e chi che plu n’à plu i ie n mëte, che fantajia nou n’à segur mancé. L dut compagné da doi pugn de nousc, barbagigi, caramele, carobole, ciarbon, orèr e firmé “by Hugo Segre”. A coronament de chësta “Belle Epoque” (1980-2010) on volù se recugnësce e festejé l nòst segretar comunal Ugo Della

Giacoma, che ncora nviade l é rué su vestì col guánt de drap e sua bela garnèra ciariada, n compagnia de sua fëmena Manuela, donacia ence dëla, e l donacin Leonardo, suo fiol mender. L Ulisse, l fiol maiou, oramèi donacion, l se n’é sgolé n Giapon. Le nòne le conta che nviade vegniva fat i cajunciei da res per Pasca Tofania e un plu gran l vegniva metù da pèrt per la Donacia. Davánt cëna i giráva per duta la cèsa con inzens e orazion n onour de Gejù Bambin e i trei Re Magi. Ades s’on duc modernisé, ma n Pasca Tofania da sëra ence nos on resselvé l piat de arjent al “Ugo Segre” e afidé dël e sua fameia a chëla bona stëla de Betlehem. Sua gran dedizion e atacamet a Fodom, carateriśei da grinta e competenza sul laour con stima, fiduzia e simpatia ntel rapòrt col personal, l’aministrazion e la jent del paisc, ne fèsc onour e ne dà segurëza e contentëza. Per dut chëst ie dijon de cuor n gran Diotelpaie al nòst “Ugo Segre” “volánte e original”, co la speránza e la racomandazion che l sceguiteie a vignì cassù “bei uns in Tirol”. Waidmannsheil, Waidmannsdank! (Le sue afezionade donace – caterine da Fodom)

“Jenè 2011. L segretar comunal Ugo Della Giacoma co le donace Mara, Fides, Stella, Daniela, Virginia e sua tosata, Tony, Anna, Michela, Debby.


nr. 03 / 21 de jené 2011

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo Tel e fax: 0436/868615- e-mail: ra.ulda@tin.it

Anpezo

Ra Madona de voto in Anpezo In portiscion, da ra jeja de San Felipo e Iaco fin śo da ra jeja de ra Madona de ra Difesa. Ra mesa co ‘l vescovo Andrich, da Belun – Feltre. El gramarzé a i frates, par el so laoro. Ra radijes che es fonda inze ra storia de agnere, par vardà a ‘l doman Ra comunità de Anpezo ra s’à ciatà, anche ‘sto an, ai 19 de jenaro, par una de ra festes che ra śente ra sente depì, inze ‘l so cuore. A dì mesa ‘l é stà monsignor Giuseppe Andrich, el vescovo da Belun – Feltre, aduna co ‘l pioan don Davide Fiocco, i doi prees don Alberto e don Albert, el priore de el convento padre Leone, chi outre frates che ‘l é in Anpezo e chi ruade da el santuario de Santa Maria de ra Grazies, da ‘l Agordin. “Vos saé cuanto che ‘l é sentù, chesto di de festa, inze chesto paes – i à dito el pioan don Davide a ‘l vescovo, ignante de scomenzà ra mesa – e tanto depì chesto an, parcé che scomenzon a se tirà pede a ra gran festa de i 19 de jenaro 2012, canche sarà siezento ane, da chel di che ra Madona r’à fato el miracol, de ‘l 1412, canche r’à tegnù ra so man potente, sora ra nostra śente, de Anpezo e de ‘l Cadore, a precurà i nostre paes, da ‘l mal de ra guera”. Par ra comunità de Anpezo, ra festa de voto, de ra Madona, de jenaro, r’é coscita sentuda che el Comun el r’à betuda inze ‘l so statuto. Trope ufizie i sara, i fesc festa, propio ai 19 de jenaro, a scomenzà da chi de Comun, e ‘pò anche ra scores, e tropa boteghes. Ra festa de i patrone r’é ai 3 de maśo, par san Felipo e Iaco, e ra sagra ra toma ra prima domegna de luio, ma ra festa de devozion pi sentuda, r’é de seguro chera de ra Madona. Dapò don Davide ‘l à dito algo depì, ‘l à śontà pede algo, su ra storia de ra comunità de Anpezo e su ra relijon, da senpre un gran valor par i anpezane: “Chesta śente r’à radijes bela

Ra portiscion ra rua śo da ra jeja de ra Madona de ra Difesa, co ‘l vescovo monsignor Giuseppe Andrich, de ra diocesi de Belun – Feltre, aduna co i prees e i frates de ra parochia de Anpezo.

fondes. Par in saé algo depì, se pó lieśe ‘l ultimo libro de el profesor Bepe Richebuono, su i 175 ane de storia, de Anpezo, co ra Diocesi de Parsenon, da ‘l 1789 fin a ‘l 1964. Chesto libro ‘l é un ato de amor, par chera diocesi, e ‘l é un grato recordo de chi anes pasade. Par śì inaante polito, e segure, ‘l é biśoin de vardà indrio, a chel che ‘l é stà. Par ‘na comunità, ‘l é bisoin de ese tacada a ra so radijes, a chel che ‘l é pasà. Dapò de 599 ane de grazia, par chesta festa de voto, de gramarzé a ra Madona, podon vardà inaante, a un doman ciarià de speranza”. Dinultima el pioan ‘l à dito algo par i dì gramarzé a i frates, a duto chel che i fesc par precurà chera jeja, da anes, e a chel che sarà biśoin de fei, de laore, pi che see su sote cuerto, par ra vecia cavariades. Ignante de dì’ mesa, el vescovo ‘l à vorù saludà dute, i dì gramarzé a ra autoritàs e a duta ra śente, a

folà ra jeja. “Un saludo pi gran el fejo a padre Leone e a i so frates – ‘l à dito monsignor Andrich – e a i frates de el santuario de Santa Maria de ra Grazies, che i é vegnude ca. Son drio a se pensà de i siiezento ane, da chel miracol, de el 1412. Ma penson anche a i 260 ane, da canche ‘l é stà consacrà chesta jeja, a i 70 ane da canche ‘l é ruà i frates franzescane, inalora da Parsenon, e dinultima a i 25 ane, da canche ‘l é ruà i frates da Venezia, cemodo che r’é ancora ancuoi. Aduna con dute lore, seguiton a preà, śon inaante co ra devozion par ra Regina Defensionis, parcé che ra me precure da ‘l mal, da ‘l pericol”. Inze jeja, e ignante in portiscion, par piaza, ‘l ea duta ra autoritàs, cheres de Comun, de ra Regoles, de tropa asociazios che vive ra vita de ‘l paes. Intrà dute chi outre, ‘l ea ra SchützenKompanie Anpezo

Inze ra jeja de ra Madona, su ‘l altà gran, a dì mesa, el vescovo, i prees, i frates, i chierichete: ra devozion de ‘na comunità intiera.

Hayden, co ra so bandiera, e ‘pò el confaron, e i tośatiei de el Sci club, co ra so mondura zeleste; ‘l é de bon, che se porte i pi śoen a chesta portiscion, che see famea e śoentù, parcé che sarà un so braghier, ca de alcuante ane, portà inaante chesta tradizion, canche no sarà pi i vece, ci che r’à portada inaante, fin ancuoi. Pecà che ben poche i à respondù a chel che ‘l ea stà domandà, de se vestì co i vece sarvije de ra tradizion ladina anpezana, par mostrà anche chesta radijes. Dinultima, par fenì ra festa, par se ciatà dute aduna, a fei doa paroles, par se strenśe ra mas, un co ‘l outro, dapò mesa, su ‘l sagrà, ‘l é stà nafré de beerela, pareciada da r’Union de i Ladis e da i Scizar, con alcuanta sones Ra SchützenKompanie Anpezo de brazorà, a fei ancora pi dolze Hayden, co ra so bandiera, daante a ra jeja de San Iaco. chera śornada.

******* L cianton de ra Union******* El nosc Santo ladin Ai 5 de otobre del 2003, a Roma, vegnia proclamà Santo Giuseppe Freinademetz, el prin Santo ladin R a fe s t a d el S a nto Freinademetz ra toma ai 29 de jenaro e ra diocesi de Belun ra ‘l à segnà inze el lunario liturjico, come una de chera festes da recordà, soralduto par via de i tre comune ladis de Anpezo, Fodom e Col. Ujöp Freinademetz ‘l é nasciù a Oies in Badia del 1852. El deenta pree del 1875 e del 1878 el se tramuda inze ra Ciaśa Misionaria a Steyl in Olanda. D’ousciuda del 1879 el moe miscionario in Cina, senza tornà mai pi a ciaśa. El more de tifo ai 28 de jenaro del 1908. No se sà polito cemodo che ra see nasciuda ra venerazion par Ujöp Freinademetz, ma i disc che apena morto ra śente ebe pensà alolo a el come a un santo e i ebe scomenzà a domandà che chel pree badioto, che se viestia da cinese, el diase ‘na man inze ogni momento de ra vita. Ra venerazion par el ra s’à slargà

fora da ra Cina e da Badia inze duto el mondo. Anche el grupo anpezan de “Insieme si può” ‘l à da senpre una gran venerazion par Sant Ujöp. Del 2008, in ocajion de i zento ane da ra so morte, el Decanato de Fascia, con el pioan don Giuseppe Da Pra, i à stà in pelegrinajo a Hong Kong e inze ra rejon del Shandong, agnó che Ujöp ‘l ea miscionario. Da chesto viaśo ‘l é vegnù fora un bel Dvd, che se ciata a r’Ulda, con ra storia del Santo, fotografies, intervistes e testimonianzes de fede, de tanta śente cinese, che i lo recorda con gran devozion, par duto chel che ‘l à fato e lascià in eredità a ra comunità cristiana.

Fiocco e r’Union de i Ladis de Anpezo invida a vegnì a mesa de

tante, mangare anche co i sarvije a r’anpezana, par recordà e par

preà chesto nosc unico Santo ladin. (df )

Sabeda ai 29 de jenaro, da res sié dadasera, inze ra jeja de San Iaco vien dito ‘na mesa in onor del Santo Freinademetz, agnó che vegnarà invidà ra autoritas conpain de par ra festa grandes. El pioan de Anpezo don Davide

www.lauscdiladins.com

29


Anpezo

nr. 03 / 21 de jené 2011

Par ra strades de ‘l mondo

Da vive e da morte

Un projeto de ra Rejon Trentin Südtirol, che el ciapa inze anche i nostre paes ladis. Ra bela esperienza de un śoen de Anpezo, par un an in Inghiltera

All’ombra dei cipressi e dentro l’urne / confortate di pianto è forse il sonno / della morte men duro?

Francesco Corte Colò e i so amighe de r’Inghiltera, daante a i menhir de Stonehenge.

‘L é ormai alcuante anes che ra Regjon Trentin Südtirol r’a betù a śì borses de studio, par studentes de ra scora media outes, che stà inze ra so Rejon, e che vorese fei ra cuarta fora de ‘l Paes, par inparà todesco, ingleje o franzeje, e dapò tornà in Italia a fenì ra cuinta e fei ra maturità. Da ‘l an de scora 2008/2009 i é stà dà chesta poscibilità anche a i studentes de i paes ex tirolejes de Anpezo, Fodom e Col e anche a chi de Pedemonte (VI), Magasa e Valvestino (BS). R’Union de i Ladis de Anpezo r’à senpre abù gran acaro de chesta iniziativa e r’à vardà de preme parceché dute i vegnise a saé e i ciapase pascion de inparà ‘na lingua foresta e de conosce usanzes e cultures diverses, tanto par se rende conto de cuanto gran che ‘l é el mondo e cuanto pize che son nos. Son vegnude a saé che del 2008 ‘l é moesc par un an in Inghiltera un śoen da Fodom e del 2009, senpre par r’Inghiltera, ‘l é moesc Francesco

Corte Colò, da Anpezo, e ades Beatrice Colcuc da Col r’é a Regensburg in Germania, par inparà todesco e r’é propio contenta. Francesco Corte Colò ‘l à azetà de bon saó de contà a ra Usc ra so esperienza, che podé lieśe ca de sote. Intanto, se vardà in Internet, sote www.regione.taa.it/europa ciatà duta ra istruzios e ra informazios che dorà e anche i module par se scrie inze ma me racomando, ignante el 28 de febraro 2011. Paso ra parola a Francesco Corte Colò: “Credo che trope śoen i ebe voia de pasà alcuante mesc fora da ‘l paes, par inparà ‘na lingua foresta, par conosce poste, śente e cultura noes e anche par s’in stà nafré fora de ciaśa. Chesto ‘l é chel che ‘l é suzedù anche a mi. Dinprin pensae de m’in śì in America ma, canche son vegnù a saé de ra borses de studio de ra Rejon TrentinoSüdtirol, m’ei deziso par r’Inghiltera,

che r’é pi pede, e ‘l é pi fazile tornà a ciaśa par calche di de vacanza. Coscì ei fato ra domanda e dapò de aé pasà un esame de inglese che ei ciatà pitosc fazile e un esame de conoscenza de r’Union Europea, che inveze ‘l é stà nafré pi difizile, ra Rejon Trentino-Südtirol ra s’à cruzià de ciatà ra scora e ra familia, agnó stà, e ai 11 de setenbre de ‘l 2009 son moesc par r’Inghiltera. El paes agnó che sèe ‘l à gnon Bournemouth, che ‘l é ‘na zità pitosc granda e piena de śente de duta ra razes, su ra costa sud de r’Inghiltera. Dinprin sèe ‘nafré spasemà e pensae che sarae stà duto pi duro, inveze i profesore e ra familia i é uśade co i foreste che no parla ingleje e i m’à dià de dute i veres, fin che son stà bon de inparà a parlà senpre meo e a me usà a ra so usanzes. Ei conosciù tante śoen inglejes e foreste e ei pasà propio biei monente e beśen che dighe che i mesc i é pasade in prescia, con calche raro momento de pascion de ciaśa. Dapò de ese tornà in Anpezo ‘sto istade m’ei rendù conto de ce gran esperienza che ei podù fei: ei inparà polito ingleje ma pi che see ei inparà a conosce un’outra cultura e outre mode de vive, che i m’à daerto ra mente e ades vedo ra robes con oce diverse. Ei pasà un gran bel an e ei conosciù śente de duta ra razes, che res restarà senpre parte de ra me vita. Ades che son tornà ei buda da recuperà ra robes pi inportantes de el programa de scora, par podé śì inaante in cuinta, ma no n’é stà difizile, parceche se se inpegna i prime tre anes, soutà un an no dà problemes”. I dijon gramarzé ben a Francesco e se auguron che a calche outro śoen da Anpezo i viene chiza de moe intorno, a conosce el mondo e inparà ‘na lingua foresta. (df)

Fregores Alcuanta noes in curto, da ‘l paes e da fora Firmes, abonamente e teseres Ra Union de i Ladis de Anpezo ra s’à ciatà co ra śente de ‘l paes, par alcuante dis, in Cooperatia. Par dute chi che i no n’é śude adora a fei ra tesera, par ‘l an 2011, o a se abonà a chesto sfoi de La Usc di Ladins, ‘l é tenpo fin a ra fin de jenaro. Conpain anche par chi che i vó firmà par domandà de aé ra doa zitadinanzes, chera taliana e chera de r’Austria. Se pó pasà da bonora, canche ‘l é daerto ‘l ufizio de r’Ulda, in Ciaśa de ra Regoles, ves piazeta San Franzesco.

Comunitàs montanes Beśen bete aduna ra tre comunitàs montanes de ‘l Cadore. A ‘l dì ‘l é Andrea Franceschi de Matia, capocomun de Anpezo, che el se disc aduna con chel che ‘l à dito Mario Manfreda, capocomun da Lozo, e con Matteo Toscani, vize

30

www.lauscdiladins.com

presidente de el consilio de ra Rejon Veneto. “Mancia sode, beśen sparagnà, par mantegnì i servizie da i dà a ra nostra śente – el śonta pede Franceschi – i nostre comune i é masa pize, par podé fei ogniun da so posta. Cemodo podone fei, co ra śente che ra s’in và? Cemodo podone parlà de sanità, senza pensà de lourà dute aduna, intrà i ospedai de ra vales pi outes de ra provinzia de Belun? Cemodo podone parlà de strades, se no con un projeto, dute aduna? E conpain par el turismo. Se no louron dute aduna, casù intrà ra nostra crodes, i me dijarà da ‘l outo, da Venezia, ce che ón da fei. Ma incraota no se podarà sgnoufà, se no saron stade boi de vardà nafré pi in là de el nosc orto. Par chesto, canche s’à parlà de ciapà algo, a comedà fora ‘l ospedal Codivilla, nośoutre ón dito de dorà chi sode anche par chi outre ospedai de el Cadore, de Piee e de Auronzo”. Chera de ra comunitàs montanes r’é una storia vecia, par Anpezo: d’istade de ‘l 2007, alolo deentà

capocomun, un de i prime ate, che ‘l à fato Andrea Franceschi, ‘l é stà propio chel de se ciamà fora da ra comunità de ra Val de ra Boite e de domandà de fei noma una comunità, par duto el Cadore.

Torna i ponpiere De setenbre, de ‘l an pasà, s’à vedù ruà ponpiere da duta Italia, par alcuante dis, in Anpezo, par el prin raduno nazionale. Pi che see, de ‘l domegna, ai 12 de setenbre, s’à vedù ra piaza piena de śente, con ‘na sfilada da no crede, de ome e de machines, de mondures, noes e veces, de musica, de colore. Chera festa r’à lascià un segn, par i ponpiere de duta Italia, che ades i à chera de tornà. Chesta ota sarà d’inverno, ‘l an che vien, ai 19, 20 e 21 de jenaro 2012, par śì coi schie, par el so canpionato talian. Mancia un an, ma i é beleche drio a se parecià, a pensà ce e cemodo fei. Chel che ‘l é seguro, ‘l é che sarà un’outra bela festa.

Coscita el scriea, śa dojento ane, el poeta Ugo Foscolo, inze el so carme “Dei sepolcri”, par i dì a ‘l amigo Ippolito Pindemonte cemodo che el ra pensaa, cara che r’ea ra so pugnon, su chel che me sudeze, dapò morte. Duto nascea da ‘l Edito de Saint Cloud, de el 1804, ruà in Italia ai 5 de setenbre 1806: i franzeses de Napoleone i portaa ra medema leje, par duta Europa, agnó che ruaa i so canoi. Daparduto, s’à scomenzà a fei su el porteà fora da ‘l paes, indalonśe da ra ciaśes, da ra jejes, agnó che ‘l ea stà fin inalora. El gnon talian de el nosc paes, Cortina, el vien propio da chesta corte, che ‘l ea intor ra jeja, agnó che se seporia i morte. Una usanza che r’é restada, inveze, inze i paes todesche, agnó che no n’é ruà Napoleone, o agnó che ‘l é restà ben poco, da no lascià el segn. Ancuoi se se domanda danoo ce che ‘l é da fei, e cemodo, dapò che r’ultima nostra ora r’à sonà, su ‘l arloio de ra vita. Senpre pi de spes, anche in Anpezo, ‘l é ci che domanda de no ese seporì, inze ra tèra, ma de ese brujà e dapò i bete via el zendre. Da calche tenpo, co ‘na leje noa, se pó finamai domandà de fei scarà fora chel zendre, cisà agnó. S’in à parlà, ‘l an pasà, canche s’à sapù che i vorea el fei co i reste de Dino Buzzati, el scritor da Belun, e i aea pensà de fei oujorà el so zendre, inze ‘l vento, su ra zimes de ra Dolomites, mangare da ra Croda da Lago, r’ultima zima agnó che ‘l

é śù su. “Ra posizion de ra Jeja r’é mudada, dapò de el Concilio Vaticano II – el me disc don Davide Fiocco, pioan de Anpezo – parcé che ignante propio no se vorea in saé de brujà i morte. Pi che see, ra Jeja ra dijea de no, gouja che ra cremazion r’ea, par tropa parsones, algo par dì de no a ra relijon catolica, par ra desprujià. Da slapare, i no vorea ese seporide inze porteà, co ra mesa, ra funzion de i cristiane. Co i anes, chesto ‘l é mudà, ra śente ra se fesc cremà par outra rajos, anche se r’à ra fede, e coscita anche ra Jeja r’à mudà ra so pugnon, ra conzede algo depì”. Inze el libro de ra Comiscion episcopale taliana, de i vescove, par ra liturjia, se lieśe: Ra Jeja ra se racomanda che se mantiene ra pia usanza de seporì el corpo de i defunte. “Chesto ‘l é un sinbol – el me disc el pioan don Fiocco – parcé che se se recorda de canche ‘l é stà seporì Jesù, su ‘l Calvario. Però ades se śonta pede che ra Jeja ra parmete ra cremazion, se chesto el no sconde ra fede de ra resurezion. Ma resta un pensier, par chesta noa usanza, de scarà fora el zendre, cisà agnó. Ra Jeja ra no n’à ancora dito ra soa”. Chel che vanza, co ‘l é dinultima, ‘l é el derito de dute de fei cemodo che pi i comoda, de stà drio ra tradizios, ra fede, o de ra pensà outramente, par ra so vita, par ra so morte. (mdm)

Par el doman de el socorso in croda Outra śente, pronta a sporśe algo, par dià ci che me dia Ra stazion de Anpezo de el i dora, una stazion noa, che i à fato socorso in croda r’à ciapà outre su pede el bosco, a ‘l Brite da Ciae, sode, par podé lourà senpre meo. alolo sora de ‘l ospedal Codivilla. Chesta ota ‘l é stà ra Asociazion par Là i à fato fora anche el piazal, agnó el doman de Cortina, che r’à par che ‘l elicotero el se poia e ‘l oujora. presidente Rosanna Donà dalle Chera stazion noa i r’à inaugurada, Rose, a sporśe biei sode, a chi che i con ‘na bela festa, ai 23 de maśo de é senpre pronte a moe, de di e di el 2009, ma i aea beleche scomenzà note, d’istade e d’inverno, par dià a ra dorà, ‘l inverno ignante. Par ra ci che à biśoin, su par ra crodes, o fei su, par i bete inze duto chel che ‘l ea biśoin, par ra mobilia, ‘l é stà che s’à fato mal. Intrà i sozie de chesta asociazion, un grun de entes, de asociazios, de che i é supośò de setanta, ‘l é dites, de parsones, de ‘l nosc paes alcuante de i gnomes pi conosciude, de Anpezo e da fora, che i à dià ‘na de chi che vien ca par ra so vacanzes, man, che i à sporto algo, par dià ci o che mangare i à ciaśa, inze ‘l paes. che ‘l é senpre pronto a moe, a Chesta ota i à vorù mostrà che i é responde de sci, canche s’i domanda pede, a ci che ‘l é senpre pronto a de dià ci che à pi biśoin. Un paes intiero, el s’à strento pede a ‘ste ome, dià chi outre. “Chesto donatio ‘l à un gran valor, e calchedun anche da fora, cemodo par nośoutre – el me disc Mauro che suzede ancora ancuoi. Dapoz, capo de ra stazion de el Cnsas de Anpezo – parcé che con chiste sode podon se cronpà algo de noo, outro material, da dorà par ese pi segure, canche śon fora, par i nostre socorse in croda”. Chi de el Cnsas de Anpezo i à, da un pei de ane, par se ciatà intrà de lore, par bete via polito i so atreze, ra Ra ciaseta de len, de ra stazion de el Socorso in cordes, i radio, ra croda de Anpezo, a Brite da Ciae, pede ‘l machines, duto chel che ospedal Codivilla.


Sport

nr. 03 / 21 de jené 2011

Alexia, Maicol y Samuel pra i mundiei junior

Juesc dla junanza 2011

Gran reprejentanza de Gherdëina pra i Campiunac dl Mond Junior de biathlon. Bën trëi atlec de nosta valeda se à davanià na cherta per fé pea pra i juesc tla Republica Ceca a Nove Mesto

Ntan chësta ultima doi enes à i sculeies y studënc de Gherdëina garejà per i Juesc dla Junanza tla desciplines de schi alpin, pudejé, luesa y short trak. Ai 26 y 27 de jené uniràl fat la premiazions

Alexia Runggaldier, Maicol Demetz y Samuel Mussner.

Biathlon - Do i resultac scialdi boni arjonc dai biatlec dl SC Gherdëina Cassa Raiffeisen de Sëlva tla prima pert dla sajon 2010/11, se à trëi atlec davanià la numinazion dala scuadra naziunela per pudëi reprejenté nosta nazion pra i Campiunac dl Mond di jëuni y junior che sarà chëst ann tla Republica Ceca a Nove Mesto, ntan la prima ena de

fauré. L se trata tlo de Alexia Runggaldier de S. Cristina che garejea tla categuria junior, de Maicol Demetz ënghe de S. Cristina che garejea tla categuria di jëuni y de Samuel Mussner de Sëlva che ie n junior. Al mumënt ie chisc atlec cun la scuadra naziunela a Forni Avoltri per fé l’ultima preparazion y limé mo mpué sibes tla forma che tla

massaria dl mestier y ruvé njeniei a puntin per chësta gran manifestazion. Oradechël se à Maicol Demetz mo cualificà per i Juesc Europei di jëuni che vën chëst ann metui a jì a Liberec ënghe tla Republica Ceca, dai 12 ai 19 de fauré. Ti mbincion a chisc atlec dut l bon per la garejedes y che l sibe na bela y gran esperienza de vita. (ts)

L 13^ Trofeo Mario Iori dèsc l via a la Raida Ladina Ladins da duta la valèdes entornvìa l Sela se à binà per la pruma garejèda del zircuit interladin de schi d’alpinism tacà via da Fascia prejenza de la eles che era 44 sun n total apontin de 165 concorenc. L’era 21 partezipanc da Gherdena, 9 da Badia, 2 da Fodom i etres da Fascia e ite per anter ence vèlch atlet o atleta da fora, duc chenc ensema i se à binà dò na dì de lurier tinsom Fascia per tor pèrt a la pruma endesfida La trei eles venjidores endèna la premiazion. interladina de l’an. L temp più asvelt de la Alpinism - Con na temperatura garejèda l’é stat arjont da Marco piajegola e con n ciel enlumenà da Facchinelli che ge à metù 33 menuc la luna, l’é peà via en jebia ai 13 de e 47 seconc, che l’é ruà tedant a jené la 4^ edizion de la Raida Dario Steinacher e la sorpresa de Ladina, la manifestazion che chest la garejèda che l’é stat Martin Cox an é tachèda da Fascia con l 13^ che à tout pèrt per la seconda outa Trofeo Mario Iori. Ponté via dal a na garejèda de schi d’alpinism e zenter de paìsc de Dèlba i 165 scric che l’à jà fat l terzo mior temp. Te ite a la garejèda e n’outa passà fora la categorìa di “over 50” à vent Livio paìsc i é rué sun Cernadoi e dapò Vanzetta con l temp de 37 menuc su per strèda del bosch fin sun e 33 seconc, che anter l’auter l’é l Pianat e ite per Soncoi per ruèr fin père del campion mondial juniores sun Pèles olache taca la pista neigra de schi alpinism Gianluca. La prumes trei de la eles l’é stat de schi e dapò fin da la Madona e tinùltima sun Ciampac enscin al Ketty Margoni con 41menuc e 42 Tobià del Giagher. La Raida Ladina second, Hilde Mittelstieler al secont doventa semper più n aveniment e Arianna Mazzel al terzo. No demò spetà da duc i atlec de alpinism de la braùra ma ence l’empegn l’é stat duta la Ladinia. N percors de 4 recognosciù premian ence i atlec chilometres con 680 metres de “maores” Tullio Deluca del 1942 e deslivel che à vedù ence na bona Fernanda Micheluzzi del 1950, e

I partezipanc più joegn e più veies de la garejèda col diretor de gara Roberto Lorenz, Mario Deluca Cruf del Tobià del Giagher e Marco Fosco de la Sozietà Ciampac Contrin.

chi “mendres” Stefano Cincelli del 1996 e la svizra Sarah Schranz del 1988. L’é stat dassen na bela garejèda olache duc chi che à tout pèrt à ciapà n bon benvegnù ajache l gestor del Refuge Mario Cruf l’à fat enjignèr per duc n bon piat de pasta e i più fortuné à podù ence venjer amò zeche a la ola de la fortuna. Chi de la Raida Ladina ve speta ai 9 de firé vin Selva con la 6^ Rodes Gherdëina per la seconda garejèda e olache se podarà ence se scriver ite a la trei garejèdes al cost de 60 euro e ciapan en regal n pe de pel. Vin Badia l’apuntament l’é ai 11 de mèrz con la 1a edizion de la Costa Oskar e vin Rèba l’é ai 23 de mèrz con la 8^ edizion de la “La lors da Reba“. Duc chi che vel se scriver ite i pel manèr na mail a la direzion raidaladina@alice.it.

Tl pudejé muòven te grupes de ntëur 50 atlec.

Scola/Sport - Coche l ie bele tradizion àn inò metù a jì y Juesc dla Junanza de schi alpin y pudejé per la scola elementera, la scola mesanes y la scoles autes de Gherdëina. Chësta cumpetizions resservedes ai sculeies y studënc dla scoles de Gherdëina, vën bele metudes a jì dal 1978 incà per l schi alpin. Chëla da chëst ann fova la 30ejima edizion per l pudejé. La edizions dl 1989 y 1990 fova tumedes ora per l pudejé, ajache l fova massa puecia nëif y chëst ann iel l prim iede che nce i sculeies dla scola elementera à fat pea nce te chësta desciplina. L ie pona plu tert unit leprò nce la garejeda cun la luesa y pona, per chëi che sà da jadiné, la cumpetizion a eliminazion de short trak. La garejedes di Juesc dla Junanza vën metudes a jì dal Servisc dl Sport dla Scola dla Ntendënza dla Scola ladina y i maestri de sport dla scoles de Gherdëina cun l aiut de plu istituzions. L percurs per l schi alpin ie unì metù ju coche bele i autri ani sun l purtoi de Risacia te Sëlva, ulache l ie unì garejà n merdi ai 11 de jené y ulache l ie daniëura

nce la majera cumpëida de atlec che fej pea. N juebia ai 13 de jené ti tucòvela a chëi dl pudejé, che se à nuzà dl bel zënter sun Ciandevaves per si cumpetizion. Chëi dala luesa, ulache l fajova mé pea la scoles mesanes y autes, ie slusei n lunesc danmesdì ai 17 de jené da Resciesa ju. La lingia dla cumpetizions di Juesc dla Junanza vën stluta ju ncuei vënderdi 21 de jené cun l short trak sun la plaza dala dlacia via n Setil/ Sureghes.

Premiazion La premiazion ufiziela per la garejedes di Juesc dla Junanza unirà fata, per chëi de duta la scoles mesanes y elementeres de Gherdëina, n mierculdi ai 26 de jené dala 5 domesdì te sala de chemun de S. Cristina. La premiazion di studënc dla scoles autes unirà fata l di do, n juebia ai 27 de jené da mesa la undesc danmesdì tla aula magna dl ITC a Urtijëi. Repurteron mo velch deplù de uni garejeda y la tlassifiches tla edizion de chëst’ena che vën.

Classifica 13° Trofeo Mario Iori Ic: 1° Marco Facchinelli 33’47” (Bogn da Nia); 2° Dario Steinacher 34’32” (Bogn da Nia); 3° Martin Cox 35’35” (Schmalzl Sport); 4° Daniel Ploner 35’38” (Active Sport); 5° Pierangelo Giacomuzzi 35’59” (Bela Ladinia); 6° Georg Piazza 36’01” (Active Sport); 7° Paolo Longo 36’05” (Bogn da Nia); 8° Mirco Micheluzzi 36’12” (Bela Ladinia); 9° Gabriele Depaul 36’23” (Bogn da Nia); 10° Herbert Stuffer 37’13” (SC Gherdeina). Eles: 1°Ketty Margoni 41’42” (Tonaltitude); 2° Hilde Mittelstieler 43’29” (Active Sport); 3° Arianna Mazzel 46’35”(Arcobaleno); 4° Chaterine Senoner 48’33” (Club Furfejidles); 5° Jori Silvana 48’40” (Bogn da Nia); 6° Riccarda Deville 50’14” (Bela Ladinia); 7° Anna Podgorska 52’20” (Bogn da Nia); 8° Federica Rizzi 53’21” (Giai da Mont); 9° Veronica Bello 55’08” (AS Cauriol); 10° Julia Senoner 55’31” (Club Furfejidles).

Duc la lasciova jì cieche i fova boni.

Granda la partezipazion a pudejé. www.lauscdiladins.com

31


Sport

nr. 03 / 21 de jené 2011

La Under 13 vënc a Bulsan

Hilde Mitterstieler for dancà

Ntan che la Under 20 à paussà chëst’ena passeda ova la scuadres mëndres dutes jugà per si campiunat

I Gherdëina Runners leprò pra la prima garejeda dla Raida Ladina cun de biei resultac

Hockey/Jëuni - La Under 8 ie stata n dumënia ai 16 de jené sun Renon a fé pea n turnoi. La ti à inò drët butà, i mutons dl Gherdëina à venciù doi partides sun trëi. Under 13 doi linies, Gherdëina - Alta Badia 2 a 9: La U13B à jugà n mierculdi ai 12 de jené te Sëlva contra l’Alta Badia. N pez à i mutons tenì pea drët bën. Tl terzo tëmp ài pona mpue zedù y à perdù per 2 a 9 cun i tëmps jic ora 1:2, 0:2, 1:5. Persenon - Gherdëina 6 a 3: Doi dis do ie pona chisc mutons furnei a Persenon a fé si partida. I se à astilà drët bën contra la prima te tlassifica y à “mé” perdù per 6 a 3.

Peves - N juebia ai 13 de jené à scumencià la terza edizion dla “Raida Ladina” cun la prima garejeda tla Val de Fascia. Tlo se tràtel plu avisa de na lingia de cater garejedes tla valedes Ladines. L ie garejedes cun la peves, da sëira, ulache l ie mé da jì suvier. Scumencià àn a Delba tla Val de Fascia y l fova chësta nce la 13. edizion dl trofeo Mario Iori. Muec iesen dala 8 da sëira a Delba, da ulache n piova via y su per la streda forestela nchin sal Tobià del Giagher, ulache l fova l travert. La trassa ie bëndebò mpeniativa y ërta. La lunghëza fova de 3,8 km cun n deslivel de 684 metri. Nce ot atlec di Gherdëina Runners Cassa Raiffeisen de Ciastel à fat pea pra chësta prima garejeda. Pra l’ëiles à venciù Ketty Margoni cun n tëmp de 41 menuc y 42 secunc, dan nosta

Under 13 trëi linies, Bulsan Gherdëina 3 a 5: Chësta scuadra à jugà n dumënia ai 16 de jené a Bulsan tl Palaonda na partida che fova bëndebò mpurtanta. I mutons dl Gherdëina à jugà bën se purvan dassënn y à perchël nce venciù la partida per 3 a 5 cun i tëmps jic ora 1:2, 1:1, 1:2. Under 15, Sterzing - Gherdëina 6 a 0: l Gherdëina ova n vënderdi ai 14 de jené da se aspité na partida bëndebò ria contra l Sterzing. La partida ai pona nce perdù plutosc sëch per 0 a 6. Under 18, Gherdëina - Milano 10 a 2: I jëuni de chësta scuadra à jugà n dumënia ai 16 de jené te

Sëlva contra la scuadra de Milan. Davia che i ova perdù la partida ora de cësa a Milan cun n grum de menuc de straufonga, savovi che i messova se purvé dassënn zënza messëi sté ora de massa per cumpurtamënc nia massa sportifs. L trainadëur Walter Ploner à sapù da ti dé ite la drëta calma, i mutons à jugà bën y à venciù merità per 10 a 2 cun i tëmps jic ora 4:1, 3:0, 3:1. Se scuson mo per l fal dl’ena passeda, ulache l ie unì scrit tl sotitul che la U18 ne à nia venciù te Puster y ntant sce, coche n pudova udëi nce dal scrit dessot se ovi bën davanià i doi ponc mpurtanc per ruvé inant.

atleta Hilde Mitterstiler cun 43:29 y terza se à tlassificà Arianna Mazzel cun 46:35. Tlo à fat pea de ndut 21 ëiles. Pra i ëi à venciù Marco Facchinelli, che à finà si garejeda te 33 menuc y 47 secunc, dan Dario Steinacher 34:32 y Martin Cox 35:35. Cuarto se à tlassificà Daniel Ploner, ënghe n atlet di Gherdëina Runners, che à metù 35:38 a ruvé tl travert. Y tlo udons mo i autri atlec di Gherdëina Runners: 18. Christian Insam 39:16, 24. Mario Hofer 39:50 (segondo tla categuria Over 50), 42. Luciano Soppelsa 43:18, 43. Ivo Dellago 43:21, 61. Christian Peterlunger 46:09, 49. Peter Perathoner 44:01 (terzo tla categuria Over 50). La segonda tapa dla Raida Ladina sarà ai 9 de fauré te Gherdëina. N pierà via te Plan per ruvé sun Jëuf de Sela sa la utia Salei. (mp)

Chi da Rina davagna “so” turnier Por le secundo iade à i Jogn da Rina organisé le turnier de calceto te palestra. Y da Rina é inće les prömes trëi scuadres tlassificades I jugadëures dla Under 13 B che fej tl campiunat a doi linies, cun l trainadëur Vittorino Delucca y i acumpaniadëures Barbara y Harold Schmalzl. (Foto: Matthäus Kostner).

L Fascia bat Valpellice e Renon L’é tacà via ben l’ùltim grop de partides per l Fascia che à vent doi bela partides Hockey - La pruma partida de l’ùltim grop la é stata jièda dal Fascia a Valpellice. I fascegn i é te n bon moment de forma, enveze l grop del Piemonte no l’é dò che l va n muie ben te chesta pèrt de sajon, aboncont jièr te sie stadie no l’é stat segur sorì. La partida defat la é stata en muie tirèda. Seence che l Fascia l’à sobito fat ite n gol dò n menut con Bradley Smyth, l Valpellice l’é stat bon de parejèr la partida jà tel prum temp. N muion de azions, sia da man de una che de l’autra, les é states fates tant tel prum temp che tel secont, ma zenza che l resultat l mudasse. L temp che à dat la maora emozions l’é stat l terz, olache l grop del Piemonte l’é stat bon de se portèr inant de n gol a doudesc menuc da la fin de la partida. Ampò, sobito dò i fascegn, con n om de più su la giacia, i à fat ite n bel gol con Derek Edwardson. Chesta partida, desche n muie de chela passèdes, la é jita a fenir ai

tempes suplementères, e, desche de spes l’é sozedù, l Fascia l’é stat bon de venjer con n gol de Smyth. La seconda partida de la setemèna passèda, ta Dèlba, l Fascia ge à dat alberch al Renon, secont te la classifica generèla e che l se à prejentà dò aer vent ot partides de fila. Tel grop de cèsa l’é vegnù da nef a jièr Diego Iori che à padì na squalifica ciapèda acà doi partides. L “match” l’é stat jià n muie ben da duc e doi i gropes, ence se ti doi prumes tempes l resultat no l’é mudà. Tel terz temp l Fascia l’é stat bon de se portèr inant de n gol con Edwardson, ma l Renon sobito dò, co n gol n muie contestà dal grop fascian, l’é stat bon de portèr la partida ai tempes suplementères. Chiò, desche de spes sozet, i ladins i é stac bogn de se tor sù l pont extra co na jièda n muie bela de nosc capitan Diego Iori. (t2o) Resultac de la squadres mendres del HC Fascia:

L’Under 11 l’à jià ai 12 de jené contra l’H.C. Nuovo Fiemme e l’à vent per 4 a 8. L’à jià ence ai 15 de jené contra l’H.C. Feltre e l’à perdù per 4 a 2 con goi Alfeo Deluca . L’Under 13 l’à jià ai 16 de jené contra l’H.C. Pieve e l’à fenì con n resultat de 3 a 3 con goi de Sebastiano Soracreppa (1), Massimo Zanet (1) e Davide Schiavone (1). L’Under 15 l’à jià ai 15 de jené contra l’H.C. Feltre e l’à vent per 6 a 0 con goi de Marco Marzolini (1), Massimo Zanet (2), Matteo Dantone (2), Lorenzo Paolinetti (1). L’Under 18 de la seconda divijion à jià ai 16 de jené contra l’H.C. Appiano e l’à vent per 11 a 3 con goi de Loris Vanzetta (3), Cristian Castlunger (2), Nicola Deluca (1), Massimo Valeruz (1), Martin Castlunger (1), Matteo Dantone (1), Michele Marchetti (1), Cesare Sottsass (1).

L bel gol de Diego Iori ai tempes suplementères. (foto www.hockeyclubfassa.com)

32

www.lauscdiladins.com

Les prömes trëi scuadres tlassificades é dötes da Rina.

Rina - N bel domisdé dediché al jüch dl palê, el sté i jogn che à podü passè a Rina, en gaujiun dla secunda ediziun dl turnier de calceto te palestra, metü da jì dai Jogn da Rina. Tröc jogn da San Martin, Al Plan, Badia y Rina à albü l’ocajiun da desmostrè so savëi y süa abilité tl jüch dl palê. Al turnier à tut pert indöt 8 scuadres, döes da San Martin, öna de Badia, öna d’Al Plan y cater da Rina. Bele do les prömes partides, bindebò combatüdes, à i arbitri Bruno y Lois capì che vigni scuadra orô se davagné le pröm pest da 300,00€. Tla finala s’l à fata fora döes scuadres da Rina: i

Premiaziun dl “pozer”.

“Geschnetzeltes” cuntra i “Keine Ahnung”. Do 16 menüć de jüch a “Keine Ahnung” albü la miù, davagnan insciö le turnier por 6 a 2. Terzi é gnüs i FC Cuba, inće da Rina. Le pest dl pozer él stè i “Carpe Diem” da San Martin che à davagné. N gran dilan ti va dantadöt a düć i jogn che à tut pert al turnier, mo inće a düć i sostegnidus che é gnüs a sostegnì süa scuadra. (bf) Tlassifica: 1) Keine Ahnung, Rina; 2) Geschnetzeltes, Rina; 3) FC Cuba, Rina; 4) Slaperi, San Martin; 5) Carpe Diem, San Martin; 6) Al Plan; 7) FC Medrira, Badia San Martin; 8) Petuns, Rina.


Sport

nr. 03 / 21 de jené 2011

Gares söl Nevegal y a Weissenbach La Marcialonga é vertia I atleć de Badiasport à tut pert a döes competiziuns de schialpinism Schialpinism - La pröma edema de jenà é stada na edema intensiva por i atleć de Badiasport. Al ê söl calënder döes competiziuns importantes. En mercui ai 5 de jenà él gnü organisé söl Nevegal (BL) i campionać taliagn de vertical. Por gauja dla püćia nëi, é la competiziun gnüda spostada sön na pista dai schi. I atleć messâ curì n deslivel de 710 m, dui toć dl percurs ê da fà a pè. Tla categoria

Roman Verginer: na bona condiziun söl Nevegal y a Weissenbach.

di seniors-master êl oramai 100 atleć al start. Cun gran pert dla elite di atleć dla Talia, s’à mosorè inće Roman Verginer y Daniele Irsara. Roman Verginer à arjunt le 26. post cun n tëmp de 30:19; ma por gauja de na valutaziun falada dl percurs al injomè n miù plazamënt. Daniele Irsara à arjunt le 56. post (35:09). Le suzes ti é jü ai gragn favorić Dennis Brunod (25:40) y

N bun plazamënt por Lois Craffonara a Weissenbach.

Francesca Martinelli (32:47). Tratan la fin dl’edema él spo gnü organisé la secunda competiziun a Weissenbach te Ahrntal. La Alpine Skialp Race Ahrntal é rovada ala terza ediziun. Inće chësta gara é gnüda tignida sön n percurs plü cört por gauja dl bur’ tëmp. Indöt messâ i atleć curì n percurs de 10 km cun n deslivel de 1.350 m. Le suzes ti é jü a Friedl Mair (1:12:43) y Andrea Innerhofer (1:42:07). Al start êl inće n valgügn atleć de Badiasport. Dër n bun resultat po mostrè sö Lois Craffonara. Cun n tëmp de 1:20:21 àl arjunt le 9. post y à insciö podü pié do n pest de scioldi. Inće Roman Verginer à desmostrè süa bona condiziun cun le 17. post tl tëmp de 1:25:30. I atri resultać é de René Irsara (38. post, 1:36:21), Michael Irsara (47. post, 1:41:27), Werner Pescosta (55. post, 1:48:03), Igor Tavella (58. post, 1:49:17) y Johann Ellemunter (categoria master 25. post, 2:13:04). (badiasport)

L stadio Pranives adatà per sledge hockey N sada ai 8 de jené unìvel jugà dala 11 danmesdì tl stadio Pranives de Sëlva la otava partida dl campiunat talian danter i Südtirol Eagles y i Tori Seduti dl Piemont. Hockey sun luesa - Sun la dlacia nueva, ulache ntan l ultim instà iel unì fat n sistem de dlacia nuef y “Banden” nueves, ons nce nëus pudù purvé ora per l prim iede la plaza dala dlacia adateda aposta per chësc nosc juech, ulache i jugadëures possa jì ora sun i banc bel ndrët y se nuzé nscila de duta la plaza per l juech. Cun n sistem scëmpl y puech custimënt ti à l Chemun de Sëlva dat nscila la puscibltà nce al sport dl sledge hockey de pudëi jughé coche l ie scrit dant a livel paralympic. Chësc ie l terzo stadio, do chëi de Torino y Neumarkt, a pudëi unì adurvà a drët. Purempò iel da dì che l stadio coche strutura publica ne n’ie mo nia dl dut da pudëi ruvé permez, ajache sce n uel do partida se muever su tla tribunes, te bar o tla pizzeria a se maië velch duc deberieda pona ne n’iel danz nia mesun. Tlo rati che cun mo n pitl ntervënt da pert dl Chemun, coche p.ej. cun n puent che va aut via tla pizzeria y n pitl lift che mëina su dal livel dla dlacia ala tribunes y l bar, fossa nce chësc stadio dl dut adatà. A chësta maniera pudessans nce se nfidé pona a nvië ite plu scuadres tl daunì, nce da oradeca per vel’ blòt turnoi nternaziunel.

Sun la fotografia pòssen udëi coche, auzan l fonz su ulache l se sënta i jugadëures dl hockey normal, iel mesun per nëus de jughé sun duta la dlacia y baraté ora i jugadëures zënza problems.

Ma mo n curt sun la partida: venciù à la Eguies dl Südtirol per 4-0 cun doi goi de Gianluigi Rosa (Lavis) y doi de Florian Planker de Sëlva. A chësta maniera àn inò desmustrà tan sterscia che la scuadra dl Südtirol ie chëst ann, che nchin śën à venciù duta la partides. L campiunat se fërma śën per n valguna enes pervia che la

naziunela se njënia ca per i campiunac d’Europa che sarà dai 10 ai 20 de fauré 2011 a Solleftea, tla Svezia. Ai prims de merz saràl pona la partides fineles de nosc campiunat a Milan, ulache cialeron de fé mpue de prumozion per mëter a jì nce iló na scuadra nueva de sledge hockey. (pf)

La scuadra dla Eguies de Südtirol, che ne n’à mo perdù nianca na partida te si campiunat.

7.200 concorenc da dut l mond se darà batalia sui 70 chilometres de percors enjigné coche carenea, enceben l ciaut de chisc dis passé

La Marcialonga l’é n event sportif populèr de gran nonzech.

Paslonch - La Marcialonga sciauda i motores. La é semper più vejina la data dai 30 de jené e cresc ence l’entusiasm per l gran event sportif che enteressarà la valèdes de Fascia e Fiem. Per chesta 38^ edizion ruarà 7.200 concorenc che se darà batalia enlongia i 70 chilometres de percors, da Moena a Ciavaleis, co la varianta light de 45 chilometres che se serarà sù a Pardac. L’é l nef record assolut de prejenzes, passa la metà de foresć. Anter chisc n grumon de inomes de nonzech, jent da Copa del Mond. Na curiosità che vegn fora dai scric ite l’é che anter l più veie concorent, l furlan Ferruccio Buzzi de la clasc 1932 e 35 marcialonghe, e i concorenc più joegn, i jomelins Martin e Henrik Olsson, che compirà 18 egn chisc dis, l’é 70 egn de desferenza. 70 desche l numer de chilometres de la garejèda e desche l 1970 che va conscidrà desche l’an canche l’event se à prejentà ofizialmenter al mond. Curious noe? Per chesta 38^ edizion dut l’é vertech, ti minimes particolares. Chel che à fat cruzièr mìngol l staff de endrez, con a cef l president Alfredo Weiss e la general manager Gloria Trettel, l’é stat l ciaut de chisc dis passé che à fat smendrèr debel la neif. “Aon fat passa 100.000 metri cubi de neif – à dit Weiss – ajache per enjignar dut l percors se n dora na gran cantità. Vegn metù jù n mantel de 40 cm de neif, che canche la é schiciada la se smendra fin a 30 cm, la pista é laria presciapech 4,5 metri e per chest ogne metro de pista ne serf 2 metri cubi de neif.” N gran mont de neif donca, che vegn fata ti 18 zentres de produzion slarié fora sun dut l teritorie e descheche se pel veder ence ja Le Part de Moena, olache cogn vegnir endrezà dut l scito per la partenza. E dapò la pista no cogn durar demò per l’event ma ence dò, via per dut l’invern per i sacotenc pascioné de paslonch che rua te nosc raion per sia vacanzes. N empegn finanziarie dassen aut per endrezèr n event sportif populèr de gran valor competitif ma che porta ence

vadagn economich, che vegn da chel che spen i sportives e sia families, e na gran reclam promozionèla leèda a l’ospitalità de noscia jent e a l’ambient che aon dintornvìa. L lonch fin de setemèna de la Marciolonga 2011 tacarà ite en sàbeda ai 29 de jené al stadie de Lago de Tieser co la Marcialonga Stars, resservèda ai vip, co la colaborazion de la Lega per la batuda ai tumores. En chela dì sarà ence la Minimarcialonga con i bec dai 6 ai 12 egn. Da les 6 da sera l palaz storich de la Magnifica Comunità de Fiem a Ciavaleis ge darà alberch a la zerimonia ofiziala, te l’an di festejamenc di 900 egn de la fondazion de la Comunità de Fiem. Belapontin chest an l trofeo che premiarà l venjidor e la venjidora de la Marcialonga sarà sport da la Comunitas Vallis Flemmarum, creà sul dessegn del student Ermanno Zulian de la Scola d’Èrt de Poza. La garejèda pontarà via en domenia da les 8 da doman da Moena enveze da les 9 a Lago de Tieser sarà la pruma Marcialonga Young per la categorìes de joegn. Su la Marcialonga nr 38 pontarà sie cucalonch televijions nazionèles e internazionèles e, la neva de chest an, l’é che se podarà veder la garejèda live ence sul web, sul sit www.skiclassics.com, e donca la ruarà te ogne cianton del mond. (mci)

www.lauscdiladins.com

33


Sport

nr. 03 / 21 de jené 2011

Lukas danter i miëures dl mond I jëuni dla cumbinazion nordica, lascia audì de bona nutizies. Te Copa dl Mond ruva Lukas Runggaldier doi dis ndolauter ti prims diesc, n iede sesto y pona cuarto. Armin Bauer arjonj cun l 12. post, si miëur plazamënt te Copa dl Mond

Lukas Runggaldier.

Cumbinazion nordica/Copa dl Mond - N vënderdi, sada y dumënia dl’ena passeda se à la Copa dl Mond dla cumbinazion nordica fermà a Seefeld tl’Austria. L prim di fòvel sun l program la cumpetizion a scuadres cun la proa de saut y la stafeta de 4 x 5 km. La scuadra taliana metuda adum da Lukas Runggaldier, Armin Bauer, Alessandro Pittin y Giuseppe Michielli, fova do l saut al nono plazamënt y ie pona do la proa de pudejé stata bona de se davanië cater pusizions, ruvan al cuinto post do Norvegia, Austria, Franzia y Paejes Tudësc. Chësc fova danz n bel resultat per la scuadra taliana.

N sada fòvel la otava garejeda ndividuela de Copa dl Mond cun l saut dal saut olimpich y 10 km for tla tecnica Gundersen. Lukas Runggaldier se tlassifichea, cun n bel saut – belau tan bele sciche l di dant – tla 15ejima pusizion y cun na defrënza de 1 menut y 34 secunc muevel tla garejeda de pudejé y ie bon de se purté inant nchin al beliscimo 6. plazamënt. La legrëza per chësc bel resultat fova danz granda, per ël nstësc y per duc chëi ntëurite. Armin Bauer sauta tla 27ejima pusizion y cun l setimo miëur tëmp de pudejé se davàniel ala fin l 12. post, che ie zënzauter si miëur plazamënt dla sajon nchin śën. Per mëter al cumplet i biei resultac dla scuadra taliana iel mo l 16. post de Alessandro Pittin, che do n saut per si capaziteies nia tan garatà fej na boniscima garejeda de pudejé y se trapina dal 45ejim inant al 16. post. N dumënia ai 16 de jené fej Lukas l bis. L bon resultat dl di dant ne n’ie nia mé stat n cajo. A Lukas ti garàtel l plu bel saut de chisc trëi dis che ti porta 126 ponc y l 7. plazamënt, ma che si pont de forza ie mo for l pudejé chël sàn. Muvan cun na defrënza de 31 secunc iel tosc stat bon de arjonjer la grupa che jiva danora y nce de se tré inant de vel’ pusizion passan tres l travert sciche cuarto, ti la stican iust de

n śich al atlet tudësch Tino Edelmann. Manco butà ti àla n dumënia ai cumpanies de scuadra de Lukas, nce sce duc ie stac boni cun l pudejé de se tré plu inant de nia puecia pusizions: Alessandro Pittin dal 52ejim al 24. post, Giuseppe Michielli dal 47ejim al 34. post y Armin Bauer dal 53ejim al 43. post. A cë dla tlassifica ntan chisc doi dis de garejeda a Seefeld se àl baratà ju l franzëus Jason Lamy Chappuis– ël à tramedoi dis fat l miëur saut dl di cun 139,5 y 133,7 ponc – che à venciù n sada y ie ruvà segondo n dumënia y Magnus Moan dla Norvegia, che ie n sada ruvà segondo y l di do prim. (uk)

Cumplimënc per l bel resultat Lukas Runggaldier nes conta velch de chësta bela esperienza y de coche la jirà inant proscimamënter Usc: On abadà che man man che la sajon jiva inant univa nce i resultac miëures. Te aspitoves che l pudëssa śën tosc nce garaté n plazamënt ti prims diesc? Lukas Runggaldier: Plu che auter sperovi bën che l unissa tosc n bel resultat. De nuvëmber ne me aspitovi mo nia, ma ultimamënter éi fat n valguna de bela garejedes y i resultac univa for miëures y miëures, ma l manciova for mo ch’l zeche. Chëst iede sons mefun stat bon de fé drët y nsci iela garateda. Ciuna rates’a che sibe la rejon per chisc biei resultac y chël monce doi dis ndolauter? Una na rejon ie dessegur che son ruvà tl gruppo sportivo dla Fiamme Gialle, nsci éi pudù de cà dut l tëmp bele d’instà y d’autonn per fé alenamënc. N’autra rejon ie che da puech ons perdù na cumpania y chësc nes à fat tenì mo plu adum coche grupa, a dé mo deplù, per ëila, a zané y a tenì dur. Te rejons tlo de Simona chetù. L fova permò passà n doi dis, da canche vo atlec dla cumbinazion nordica l’ëis purteda sun si ultim viac. Fais bëndebò liei sciche scuadra y n ne savova nia drë ce cunseguënzes che chësta ntraunida ëssa abù sun vo atlec. Cie te n dijes’a tu? Rate che canche na tela sciche

Armin Bauer.

Simona se n va ti jùdela mo a chëi che resta, la ti dà forza y crëta tl jì inant. Che ëila nes à dat na man da lassù ju chël ie segur. Co vàla pa śën inant per vo? Chësc fin dl’ena iel mo garejedes de Copa dl Mond tla Franzia. Daldò arons n trëi enes de pausa. Ntan chësc tëmp fajerons alenamënc cun la scuadra per se njenië ca ai Campiunac dl Mond a Oslo che scumencerà ai 26 de fauré. Cie te aspietes’a per i Campiunac dl Mond? Śën me aspieti dessegur mpue deplù che no tl scumenciamënt dla sajon. Uni garejeda a si storia, perchël iel da udëi. Ne me aspiete nia drë de massa. Sce ruve ti prims diesc tla gares ndividueles sons bën cuntënt. Tla stafetes, de chëles che l n ie doves, sperons coche scuadra ënghe de fé bën y chël ulëssa dì de ruvé danter la primes cinch. Chi ie pa la majera cuncurënza al mumënt? La majera cuncurënza ie dessegur l franzëus Jason Lamy y i doi norvegesc Moan y Kokslien, ma nce i austriacs ie for boni. Pona te mbincions bën che la te bute a ti y a duta la scuadra y che pudëis mo avëi de bela sudesfazions te chësc sport. (uk)

Poker de òr per l Sci Club Arabba

Or per Mattia y Samuel

Prum pòst per Nicole Petri e Pietro Canzio (Ragazzi), Davide Pellegrini (Allievi) e Vittoria Cappellini (Baby)

Tl Alpencup, ulache l garejea i juniores, à i atlec dla cumbinazion nordica purtà de bon resultac ntan la garejedes de chësc ultim fin dl’ena. A Hinterzarten ti Paejes Tudësc se à i jëuni Mattia Runggaldier y Samuel Costa baratà ju sun l scialier plu aut y duminea nce tla tlassifica generela dl Alpencup

Schi Alpin - La no podëva pié via meio la stagion per l Sci Club Arabba che nte na giornada sola l s’à porté a cèsa cater medaie de òr e n prum pòst nte la clascifica per i sci club. Le plu fortunade le nei de Pescul, n Val Fiorentina, ulàche s’à piazé sul scialin plu aut del podio Nicole Petri e Pietro Canzio nte la categoria “Ragazzi,” e “Davide Pellegrini” ntei “Allievi”. Grazie a lori e a le bone prestazion de Lisa Soratroi e Kevin Crepaz, l sci club ladin l s’à vadagné nce l prum pòst nte la clascifica de categoria. La gara, n slalom lèrch, l’eva stada perveduda sul Nevegal. Ma n souraluoch de l’ultima ora, ava fat dezide ai giudizi che la situazion de la nei le no mpermetëva de fè na gara nte le meio condizion. Chisc i piazamenc: Ragazzi F. 1. Nicole

Cumbinaz ion nordica/ Alpencup - Ntan l ultim fin dl’ena unìvel nce garejà per l Alpencup di juniores a Hinterzarten ti Paejes Tudësc. Tlo àl fat pea nce i atlec de Gherdëina y tramedoi dis se ài fat sie l scialier plu aut dl podest. Tla garejeda de n sada à Mattia Runggaldier de S. Cristina, do n saut da 119,5 ponc che valova l 16. post, dat dut per fé miec ti 5 km

de pudejé. L ne n’ie belau nia da crëier che l ie stat bon de fé boni duc i plazamënc ruvan ala fin prim tl travert y vencian la garejeda de n sada. L di do fòvel 28ejim do l saut (106 ponc), inò àl fat l miëur tëmp de pudejé, sun 10 km y inò àl davanià truepa pusizions, ma l podest fova mpo massa dalonc. Per ël iel sautà ora n dumënia l bel 9. plazamënt.

L trainadëur Romed Moroder cun Samuel Costa y Mattia Runggaldier.

34

www.lauscdiladins.com

Samuel Costa ova n sada fat scialdi n bel saut, che ti à purtà 130 ponc y l 4. plazamënt. Tl pudejé ne n’iel purtruep nia stat bon de mantenì chësta pusizion, ruvan ala fin purempò sesto. L di do fova Samuel al 9. post do l saut cun 119 ponc y ie pona tl pudejé stat bon de se tré for plu inant, ruvan ala fin prim y vencian nsci chësta garejeda. Chisc doi atlec ie śën dancà tl Alpencup: Samuel Costa ie mo for prim y Mattia Runggaldier ie segondo. I autri atlec de Gherdëina che à mo fat pea ie Manuel Maierhofer, che à tramedoi dis fat drët de biei sauc, arjunjan n iede l 15. y pona l 19. post, ma tuman pona zeruch tl pudejé al 22. y 23. post. I doi plu jëuni Alex Tarquini y Christian Bauer à pudù se fé na bela esperienza se museran a livel nternaziunel cun chëi de na categuria plu auta. Alex ie ruvà 52. y l di do 53., ulache l ie mo da dì che la dumënia àl arjont cun n bon saut l 39. plazamënt. Christian à mé fat pea n sada y ie dal 63. post do l saut ruvà ala fin 57ejim. (uk)

Petri 42.88; 8. Lisa Soratroi 47.38; Ragazzi M.1. Pietro Canzio (Arabba) 41.70; 3. Kevin Crepaz (Arabba). Allievi F. 8. Bianca Meneghin 1.26.41. Allievi M. 1. Davide Pellegrini 1.16.80. Sozieté: 1. Arabba 467 ponc; 2. Ponte Alpi 393; 3. Val Biois 388; 4. Val Fiorentina 282. L medemo di su la pista “Cherz 2” sun Ciaulonch, l é ste corëst l “Trofeo Fodom” che valëva per le categorie “Baby” e “Cuccioli”, metù a jì dal Sci Club Arabba. Na pista che à très porté foruna ai atlec de cèsa e coscita l’é stada ence sto viade. Sul scialin plu aut s’à piazé Vittoria Cappellini ( Baby ). I piazamenc: Baby F. 1. Vittoria Cappellini (Arabba). Cuccioli F. 5. Valentina Savorgnani 46.21. Cuccioli M. 7. Matteo Costa 47.14. (ls)

I atlec de le categorie “Ragazzi” e “Aliievi” col alenadou Rinaldo Costa.


Sport

nr. 03 / 21 de jené 2011

Atleć dla Val Badia indô dancà

Podiums sön Col Alt

Melanie Ploner dl Schiclub d’Al Plan röia secunda pro i campionać di mituns Raiffeisen a Sanćiana. Terzo post por Manuel Ploner dl Schiclub Ladinia y por Philipp Graefe d’Antermёia che garejёia por le Schiclub d’Al Plan

Pro le Super G dl Grand Prix Raiffeisen a Corvara à bëgn trëi atleć dl SC Ladinia arjunt plazamënć da podium: Katharina Castlunger, Andrea Pedevilla y Marie Unterthurner

categoria di mituns 2002/03. La proscima gara de slalom lerch ai 30 de jená gnarà organisada dal Schiclub de Gsiesertal. (mdg/pablo)

Tlassifiches (premié él gnü i proms chinesc)

Melanie Ploner dl SC Al Plan é rovada secunda ex aequo cun Laura Steinmair dl ASC Olang.

Schi alpin - En domёnia dan otedé él gnü tignì la gara de slalom strёnt agn 2000 ćina 2003 tl raiun da jì cui schi de Sanćiana Haunold. La pista “Untertal” ê dassёnn dlaciada y bёgn 38 de indöt 189 atleć pià ia é tomà fora. Por valgügn partezipanć é stada indere la novité che reverda i numeri de partenza na dificoltè. Le regolamёnt nü vёiga danfora che düć i numeri vёgnes trać fora zёnza plü tignì cunt di partezipanć cun de bugn plazamёnć tles ultimes gares, sciöche al gnô

fat ti agn passà. Chёsta regola nöia ti dà na poscibilité implü a chi atleć n pü’ manco bugn. I atleć dla Val Badia é inće sö Sanćiana indô stà dancà. Le miù plazamënt ti é garatè a Melanie Ploner dl SC Al Plan, che é rovada secunda ex aequo cun Laura Steinmair dl ASC Olang. Tla categoria di mituns 2000/01 é Manuel Ploner dl SC Ladinia inće chësc iade rovè söl podium cun n bun terzo plazamënt. Brom inće por Philipp Graefe d’Antermëia (SC Al Plan), che s’à plazè terzo tla

Le podium dla categoria di mituns 2000/01, cun Manuel Ploner dl SC Ladinia (bel a man dërta) al terzo post.

Mitans 2002/2003: 1. Corinna Mutschlechner, ASC Olang, 38,93; 2. Michaela Schnarf, ASC Olang, 40,95; 3. Johanna Taschler (2003), SSV Pichl Gsies, 41,94; 4. Karin Mairvongrasspeinten, SSV Pfalzen, 43,62, 5. Valentina Passler, ASV St. Lorenzen, 45,70; 6. Vicky Bernardi, ASC Ladinia, 47,35; 7. Jessica Rabensteiner, SC Al Plan, 47,78; … 12. Valentina Tolpeit (2003), SC Al Plan, 49,81. Mituns 2002/2003: 1. Jonas Bacher, ASC Gsiersertal, 35,93; 2. Andre Peintner, ASV Niederdorf, 37,99, 3. Philipp Graefe, SC Al Plan, 38,16; 4. Rafael Hopfgartner (2003), ASV Taisten, 38,83; 5. Michael Burger, ASC Gsiersertal, 39,79 … 13. Alex Rubatscher, SC Al Plan, 43,88; 14. David Pizzinini, ASC Ladinia, 43,95. Mitans 2000/2001: 1. Nina Pineider, ASC Olang, 36,73; 2. Melanie Ploner “SC Al Plan” y Laura Steinmair, ASC Olang, tramesdöes 36,95; 4. Martina Kaneider, SC Al Plan, 37,58; 5. Elisa Schranzhofer, ASC Gsiesertal, 37,66 … 9. Emmi Frenademez, ASC Ladinia, 38,41. Mituns 2000/2001: 1. Moritz Happacher (2001), ASC Drei Zinnen, 34,93; 2. Alexander Burger, ASC Gsiesertal, 35,91; 3. Manuel Ploner (2001), ASC Ladinia, 36,11; 4. Jannik Sinner (2001), 36,23; 5. Luka s Klettenhammer (2001), 36,65 t r a m i d u i d l A S C D re i Zinnen. Scuadres: 1. ASC Olang cun 233 punć, 2. ASC Gsiesertal 225 punć, 3. ASV SC Al Plan de Mareo 176 punć, 4. ASC Drei Zinnen 174 punć, 5. ASC Ladinia 147 punć.

Bon ejit per Mölgg e Deville a Wengen Setim e otavo post te la Copa del Mond en Svizra per nesc atlec ladins Slalom strent - La garejèdes de la Copa del Mond de slalom strent veit endò i ladins anter i miores. A Wengen te la Svizra Manfred Mölgg e Cristian Deville l’é stat i prumes de la squadra talièna e i à arjont l setim e l’otavo post. Na gran sodesfazion chesta, con l campion

Manfred Mölgg.

maró che con chest 7° post arjonc sie mior resultat de na sajon che enscin ades ge à neà l podie, e l’atlet moenat che conferma sie bon moment de forma che l’à jà portà più outes vejin ai prumes e che speta la bona ocajion per n ejit amò mior. Dò la garejèda su la neives “ciaudes” de Adelboden ence chesta setemèna l sćalin più aut del podie l ge é jit al campion croat Ivica Kostelic che l se tira ensema coscita sia seconda venta tel slalom strent te chesta sajon 2010/2011 e na posizion più segura te la classifica generèla. La fadìa e l cruzie maor per duc chisc atlec de Copa del Mond ence chesta setemèna l’é stat la condizions del temp che à vedù adertura l termometer ruèr a +15 gradi te la seconda manche. A Wengen Giuliano Razzoli é ruà al 13° post e no la é jita ben per

Patrick Thaler, ruà dò i trenta e nience per Stefano Gross, che l’é sutà te la pruma manche, ampò l’atlet fascian aea fat n bon intertemp, desmostran la bona forma che l palesa ti alenamenc e che speta demò mìngol de fortuna. Ades l’apuntament é per en domenia ai 23 de jené a Kitzbühel, speran che l temp l deide. Classifica slalom strent Wengen: Ivica Kostelic CRO (1:45:28); 2. Marcel Hirscher AUT (1:46:21); 3. Jean Baptiste Grange FRA (1:46.27); 4. Michael Janyk CAN (1:46.40); 5. Mario Matt AUT (1:46.44); 5. Benjamin Raich AUT (1:46.44); 7. Manfred Mölgg ITA (1:46.70); 8. Cristian Deville ITA (1:46.74); 9. Felix Neureuther GER (1:46.75); 10. Matthias Hargin SWE (1:46.87)

Anna Costamoling y Marie Unterthurner é rovades resp. al cuarto y secundo post tla categoria dles alieves.

Schi alpin - La pista “Col Alt” a Corvara é stada en domënia dan otedé scenar de na gara de Super G de raiun (IV), organisada dal Schiclub Ladinia, varënta por le Grand Prix Raiffeisen. Tles cater categories de scolars y aliefs è indöt 84 atletes y atleć rovà al travert. La nëi é compata, le tëmp plülere da nio. Dai resultać pêl de bones condiziuns por i atleć dla Val Badia, che à arjunt bëgn trëi plazamënć da podium. Pro intrames les categories di scolars ti é la devënta jüda a atleć dl ASC Valdaora, cun Christina Pörnbacher y Hugo Steinhauser, mo inće i ladins é stà dancà, cun le secundo post de Katharina Castlunger pro les scolares y le terzo post por Andrea Pedevilla pro i scolars. Tles categories dles alieves y di aliefs à davagné respetivamënter Miriam Kirchler dl ASV SK Ahrntal y Simon Watschinger dl TZ Hochpustertal. Da alzè fora pro les alieves le secundo plazamënt de Marie Unterthurner dl ASC Ladinia. Por le ASC Ladinia él garatè chësc dé inće n secundo plazamënt pro les scuadres. (pablo)

Happacher, ASV TZ Hochpustertal, 1.12,48; 3) Andrea Pedevilla, ASC Ladinia, 1.12,64; 4) Tobias Knollseisen, ASC Bruneck, 1.13,69; 5) Matthias Oberhammer, ASV TZ Hochpustertal, 1.14,57 ... 7) Matteo Canins, ASC Ladinia, 1.15,28; 8) Samuel Moling, ASC Ladinia, 1.15,45; 11) Tobias Kastlunger, SC Al Plan, 1.17,36; 14) Aaron Planatscher, SC Ladinia, 1.17,73; 21) Mattia Davare, SC Ladinia, 1.20,96; 22) Marc Mayr, SC Ladinia, 1.21,10; 32) Jan Erlacher, SC Al Plan, 1.23,60. (33 al travert) Alieves: 1) Miriam Kirchler, ASV SK Ahrntal, 1.11,77; 2) Marie Unterthurner, ASC Ladinia, 1.12,61; 3) Julia Mutschlechner, ASC Bruneck, 1.12,77; 4) Anna Costamoling, ASC Ladinia, 1.13,71; 5) Vera Tschurtschenthaler, ASV TZ Hochpustertal, 1.13,84. (10 al travert) Aliefs: 1) Simon Watschinger, ASV TZ Hochpustertal, 1.10,20; 2) Simon Hitthaler, SSV Pfalzen ASV, 1.10,43; 3) Roman Eder, ASV Taufers, 1.11,23; 4) Theo Wiesthaler, ASV TZ Hochpustertal, 1.11,66; 5) Damian Hell, ASV SK Ahrntal, 1.12,44 ... 9) Ivan Mutschlechner, SC Al Plan, 1.13,37; 14) Daniel Costamoling, ASC Ladinia, 1.15,07; 17) Luca Bernardi, ASC Ladinia, 1.18,22. (19 al travert)

Tlassifiches (pröms cinch) S colares: 1) Christina Pörnbacher, ASC Olang, 1.16,63; 2) Katharina Castlunger, ASC Ladinia, 1.17,53; 3) Alina Seeber, ASV Rein, 1.19,19; 4) Valentina Clara, ASC Ladinia, 1.19,29; 5) Linda Kammerer ASV St. Lorenzen, 1.19,38 ... 7) Greta Tamers, SC Al Plan, 1.19,71; 11) Maria Sofia Frenademez, ASC Ladinia, 1.21,42; 22 al travert Scolars: 1) Hugo Steinhauser, ASC Olang, 1.10,22; 2) Hannes

Andrea Pedevilla, Katharina Castlunger y Marie Unterthurner é i trëi atleć dl SC Ladinia che à arjunt n podium pro le Super G a Corvara.

Premiaziun dles scuadres, cun le ASC Ladinia al 2. post. www.lauscdiladins.com

35


Informazions y Manifestazions ♦ Festa de Sant Ujöp Freinademetz a Oies Ai 28 y 29 de jenà vëgnel recordè le Sant da Oies cun döes santes mësses. Chëra di 29 de jenà gnarà trasmetüda en direta da Radio Maria

Icona de Pera Cortan, tl salf dl pelegrin a Oies.

Por l’otavo iade vëgnel recordè siur Ujöp da Oies, inalzè al onur di altà. En vëndres ai 28 de jenà, dé de süa mort (1908), gnaràl zelebrè por l’ocajiun na santa mëssa te dlijia da Oies, abelida dal Cor de Dlijia da Lungiarü. Zelebrant prinzipal sarà siur Sepl Granruaz. Ai 29 de jenà, dé de süa festa saràl (inće tla dlijia da Oies) dales 16.00 la santa mëssa solëna che gnarà trasmetüda en direta da Radio Maria da Porsenù. Zelebrant prinzipal é siur Sepl Granruaz. Al ćianta le Cor de Dlijia da La Val. Al vëgn indô perié da jì sö Oies cun i auti plëgns, por evité le gran toćiamënt.

Musiga “La Grenz” aur si ujes de sabeda Va inant l’empegn de la sociazion La Grenz per ge sporjer ai sozi de bela serèdes de musega dal vif. Doman, sàbeda ai 22 de jené semper da les 21.30, se podarà se passèr na bela sera en compagnìa de “Dario Defrancesco Band” con Dario Defrancesco a la ousc, Matteo Rossetto a la chitara, Roberto Dellantonio al bas e Enrico Tommasini a la baterìa. Per chi che no é amò sozi, l’entrèda vèl desche ratealisazion de la quota de iscrizion anuala. 10 Incuntades cun bal y musiga plajora por ëres y ëi dla mesa eté insö

Les incuntades vëgn metüdes da jì dai 24 de jenà inant, le lönesc dales 14.30 ales 15.30, te salf dles uniuns da La Val. Te na atmosfera ligherzina pòn sintì l’influs positif de musiga, movimënt y comunité. Zënza druch de prestaziun vëgnel alenè memoria, conzentraziun, reaziun y coordinaziun. Le stè adöm miorëia la crëta te se instësc y la ligrëza da vire. Al ne vëgn nia ghiré conoscënzes danfora. Infos y prenotaziuns pro Giovanna Moling-Pezzei al nr. 338/1249472. Organisaziun: Consëi de Formaziun La Val.

nr. 03 / 21 de jené 2011

Iniziatives sportives Terza Moonlight Classic La garejeda cun la peves de nuet da Urtijëi nchin sun Mont de Sëuc sarà duman sada ai 22 de jené. I 150 partezipanc peia via sun plaza S. Antone a Urtijëi dala set da sëira. L unirà jit a pé tres l luech nchina pra la furnadoia de Mont Sëuc ulache duc trajerà sëura i schi per pië su per l purtoi “Pilat” per ruvé nchin pra la stazion suinsom dla furnadoia de Mont Sëuc. Decima edizion dla Val Gardena Ciasp

L’Atletica Gherdëina Cassa Raiffeisen mët a jì per l decimo iede na garejeda y na cumpetizion nia sportiva de jì y sauté cun la ciaspes sun Mont de Pana, n dumënia ai 23 de jené. Chësta cumpetizion fej pert dla Coppa Italia, 10 garejedes te duta la Talia, ulache sce n fej pea 6 garejedes te 6 provinzies defrëntes, puderan vëncer de biei pesc’. Danter la families che fej pea sibe la garejeda che la marcia uniràl trat ora n jol cun l joler te Gherdëina de 10 menuc. Plu nfurmazions sot a atleticagherdeina.it o Valgardena. it sot a highlights.

Religion Preparaziun al Bato

La Uniun dles Ëres Catoliches dla Val Badia mët da jì tratan l’ann deplü domisdà de preparaziun al Bato, por geniturs y tòć de viadus co s’arjigna da ciafè le Bato (ćiara articul sot Val Badia). Tla bassa Val Badia él preodü chisc terminns: ai 12 de forà dales 15.00 tl salf di stodafüch a San Martin (infos al 0474/523274), ai 11 de jügn dales 15.00 tl salf dles manifestaziuns a La Val (infos al 0471/843210) y al 1. d’otober dales 15.00 te salf de calonia a Al Plan (infos al 0474/501286). Tl’alta Val Badia él gnü fissé chisc terminns: ai 26 de merz dales 15.00 te salf de calonia a La Ila (infos al 0471/847058), ai 16 de messè dales 15.00 te salf de calonia a Corvara (infos al 0471/836134) y ai 20 de novëmber dales 15.00 te salf de calonia a San Ćiascian (infos al 0471/849474).

Iadi, Jites y Escurscions Schitour sön le Grubenkopf

Les Lies da Munt Val Badia mët da jì en domënia ai 23 de jenà na schitour sön le Grubenkopf (2307 m - tles Alpes de Stubai). La schitour vëgn tlassificada saurida, cun n tëmp da jì de 2 ores y 45 menüć za. y n deslivel de 868 metri. Infos al nr. 338/1387680. Schitour sön le Groér Gabler

Ai 30 de jenà mët da jì les Lies da Munt Val Badia na schitour sön les Großer Gabler (2574 m - Börz). La schitour vëgn aratada saurida, por n tëmp da jì de 2 ores y mesa y n deslivel de 700 metri. Infos al nr. 348/6448579. Cun la liösa sön Pralongià Les Lies da Munt Val Badia inviëia a na jita cun la liösa, en domënia ai 30 de jenà. An jarà sön Pralongià (San Ćiascian - Gran Ancëi - Pralongià). Le tëmp da jì é de incër döes ors, por n deslivel de 550 metri. Infos plü menüdes al 328/4624159. Jites cun i Catores tl raion dl Comelico

La scola d’alpinism Catores mët a jì trëi dis de schi alpinism tl raion dl Comelico, dai 18 nchin ai 20 de fauré. Durmì uniràl tl Hotel Kreuzbergpass, adatà per muever a fé la jites. Nfurmazions plu avisa giapëis sun la plata internet www.catores.com o cherdan su Hubert, 335/6380061 o Adam, 335/6253156 (do l 7 de fauré). Jita cun la ciaspes

♦ Gara dla liösa a Rina En domënia ai 23 de jenà dales 10.30. Les iscriziuns vëgn tutes sö da atira al 338/1391709 Do da tröc agn, él indô l’Uniun dl Sport da Rina che organisëia na gara dla liösa a Rina. La gara gnarà tignida ai 23 de jenà dales 10.30. Ara se trata de na gara a scuadres de 4 porsones, cun trëi categories: ëi, ëres y mituns ćina 15 agn. Te chësta ocajiun él inće gnü organisé na ola dla fortüna; ala fin dla gara gnaràl spo partì fora i pesć. Les iscriziuns vëgn tutes sö al nr. 338/1391709. Ai 22 de jenà, le dé dan la gara, romagn la pista stlüta. L’Uniun dl Sport da Rina inviëia a na gara dla liösa.

36

www.lauscdiladins.com

La Lia da Mont Gherdëina deberieda cun i jëuni dla Lia da Mont mët a jì na jita cun la ciaspes da Martell sun la Kalfanwand (3.059 m), n dumënia ai 30 de jené. L sarà da jì plu o manco 5 ëura cun n deslivel de 1.000 m. Per nfurmazions pudëis cherdé su Arthur, 0471/786368. Iscirzions a Urtijёi da Ciofs Inge, a S. Cristina da Sport Service y te Sёlva da Sport Bruno Riffeser.

Cursc Ći fà cun maraties cardiovascolares?

La Südtiroler Herzstiftung organisëia n curs de reabilitaziun y prevenziun por les maraties cardiovascolares. Le curs vëgn tignì dal dotur cardiologh Felix Pescoller y dal maester de ginastica spezialisé Markus Winkler, vigni lönesc dales 18.00 ales 19.00, tla palestra da San Martin de Tor, cun scomenciamënt ai 24 de jenà 2011. Düć i interessà po s’anunzié pro Renato Paratscha al nr. 348/7457309. Curs de pilates

L’Uniun dl Sport Diletantistich da San Martin cun le sostëgn dl Consëi de Formaziun da San Martin mët da jì n curs de pilates, che mët man en mertesc ai 25 de jenà. An s’incunta indöt 10 iadi, dales 19.30, te salf di Stödafüch da San Martin. Le cost é de 30,00€ plü la cherta d’iscriziun ala uniun dl sport da San Martin. Da se tó para él ćialzines grosses y n tapet. Les prenotaziuns vëgn tutes sö le pröm dé te palestra o al nr. de fonin 339/6211647 (Maria). Curs de schi alpinism La Lia da Mont de Gherdëina mët a jì duman sada 22 y n dumënia ai 23 de jené n curs de schi alpinism te Sarntal. L curs de 2 dis ie per chiche scumëncia a jì cun la peves. Per nfurmazions plu avisa pudëis cherdé su Ugo Insam, 349/0089939.


Informazions y Manifestazions

nr. 03 / 21 de jené 2011

Avisc Consulënza legala por i assozià APA L’Uniun di Artejagn LVH/APA , mët da jì por i artejagn dla Val Badia , asozià al’APA , na consulënza legala en colaboraziun cun le stüde da avocat Wörndle, che vëgn tignida debann pro le stüde da avocat Wörndle da La Ila, dal avocat dot.a Manuela Obojes, ai 24 de jenà y spo vigni secundo mercui dl mëis dales 15.00 ales 16.00. Terminns: 24 de jenà, 9 de forà, 9 de merz, 13 de aurì, 11 de mà, 8 de jügn, 13 de messè. Por informaziuns y prenotaziuns preibel cherdè sö l’ofize APA/LVH a Pedraces 0471/839548. Sessiun forestala a Badia La Staziun verdabosc da La Ila lascia alsavëi che la sessiun forestala por i comuns de Badia y Corvara vëgn tignida en mercui ai 26.01.2011 dales 20.00, tl salf dla Ćiasa Jan Batista Runcher a S. Linert. Düć chi che ô taié lignan é perià da le dè dant tl ofize dla Staziun di verdabosc da La Ila ćina ai 25.01.2011 (orar: lönesc dales 8.00 ales 12.30 y vëndres dales 8.00 ales 9.00). Düć é dër bel invià a tó pert ala sessiun forestala, olache al gnarà inće tratè argomënć dl setur forestal, agrar y dl ambiënt. Orar de giaurida dl Museum de Gherdëina L Museum de Gherdëina ie daviert dal merdi al vënerdi, dala 10.00 nchin ala 12.00 y dala 14.00 nchin ala 17.00, nchin ai 31 de merz 2011. Tl museum iel da udëi de plu criples y mandli dla cripl da Nadel de epoches desferëntes cun na cripl baroca ora dla dlieja da Sacun n pez unich da udëi. Senteda generela dla Lia per Natura y Usanzes

La Lia per Natura y Usanzes nvieia duc ala senteda generela duman sada ai 22 de jené dala 18.00 tl sotët dla Cësa de Cultura a Urtijëi. Danter l auter uniràl lità l cunsëi nuef y mustrà l film sun l parch naturel Puez- Odles. Sce zachei ëssa ueia de se mëter sun lista per fé pea te cunsëi iel l bënunì. Prion bel de l fé a l savëi a zachei dl cunsëi o pra la generela. Orares nueves per la trasmiscions de Radio Gherdëina

La trasmiscion “Cie iel pa da liejer tla Usc di Ladins“ sarà da śën inant da audì sun Radio Gherdëina uni juebia dala 10.30. Perchël uniràl spustà la trasmiscion “Val Gardena Gröden Marketing” che sarà da audì uni vënerdi dala 10.00 danmesdì, mpede la juebia dala 10.00. TCA notiziar per ladin

Chino y Films Al chino de Cianacei En vender ai 21 de jené da les 21.00 sarà l conzert de la Musega Auta Fascia. En sabeda ai 22 te Sala 2 da les 21.15 e en domenia ai 23 da les 21.15 vegnarà moscià “Immaturi”. Al chino de Pardac

En vender ai 21 de jené da les 21.15 vegn fat veder en 3D “L’orso Yoghi”. L medemo film “L’orso Yoghi” l vegn dat ence sàbeda ai 22 da les 18.00 e en domenia ai 23 da les 17.00. En domenia ai 23 da les 21.15 vegn moscià “Hereafter”. En vender ai 28, en sàbeda ai 29 e en domenia ai 30 da les 21.15 se pel veder “Vi presento i nostri”. Al chino de Tieser

En vender ai 21, en sàbeda ai 22 e en domenia ai 23 da les 21.15 vegn moscià l film comedia “Qualunquemente”, en sàbeda ai 22 e en domenia ai 23 da les 17.00 se pel veder l film de animazion “Animal United” . En mercol ai 26 de les 21.00 per la sajon de prosa vegn portà dant “Staré Mesto – Citta Vecchia” de Renzo Fracalossi. En vender ai 28, en sàbeda ai 29 e en domenia ai 30 da les 21.15 se podarà veder “Il discorso del Re”. Al chino de Ciavaleis

En vender ai 21 da les 21.00 per la sajon de prosa vegn portà dant l spetacol “Non c’è più il futuro di una volta” con Zuzzurro e Gaspare. En sàbeda ai 22 da les 20.30 vegn endrezà “Magic Show” en spetacol de magìa, bal e entrategniment. Entrèda dedant. En domenia ai 23 da les 21.15 vegn dat “We want sex – Cambieremo il mondo”. En vender ai 28, en sàbeda ai 29 e en domenia ai 30 da les 21.15 vegnarà moscià “La bellezza del somaro”.

Mostres Mostra “ota por ota”

Tla Ćiasa de Cultura a La Ila él da odëi ćina Pasca la mostra dal titul “Ota por Ota - laûrs pro la strada dla Val Badia - le tòch da La Ila ćina sön Valparola”. Ara é daverta dal lönesc al vëndres, tratan i orars de daurida dla biblioteca. Mostra dles Dolomites - UNESCO

TCA al servij dla populazion. Gherdëina, Badia y Fascia nce sun TCA, de gra al notiziar ladin. I orares ie uni sada TCA – Südtirol TV dala 19.35 y la dumënies dala 13.15 y dala 22.15. De autra repliches iel da udëi ntan duta l’ena sun TCA - TML dal lunesc nchin al vënerdi dala 18.00 y dala 23.30, dal lunesc nchin ala dumënia danter la 6.30 y la 7.15, danter la 13.30 y la 14.15 y danter la 19.30 y la 20.15. La sada dala 18.00 y dala 00.15, la dumënia dala 17.45 y dala 00.15h. L notiziar ladin uel dé mo plu puscibltà y alternativa de nfurmazion televijiva a duta la populazion de Gherdëina, Badia y Fascia.

L’esposiziun di fotografs dl Fotoclub Val Badia mostra fotografies di crëps stlauris y dles plü beles contrades dles Dolomites. La seleziun de fotos é da odëi ćina al 31 de merz 2011, dal mertesc ala sabeda dales 9.30 ales 12.30 y dales 16.00 ales 19.00 tla Ćiasa dl Parch Natural Fanes-Senes-Braies a Al Plan. Por informaziuns plü menüdes telefonè al nr. 0474/506120, o ala e-mail: info.fsp@provinz.bz.it. L’entrada é debann!

Fé l duvier de cësa

“Ecce Homo” de Lois Anvidalfarei

N lunesc ai 24 de jené saràl sun Radio Gherdëina dala 11.00 danmesdì na trasmiscion sun coche n possa y dëssa judé i mutons a fé l duvier de cësa. La trasmiscion cun Otto Delago y Iris Schwarzmeier unirà metuda a jì dala grupa Uemes y Fenans.

Ćina ai 22 de forà él da odëi tla galaria Goethe a Balsan la mostra “Ecce Homo” de Lois Anvidalfarei de Badia. I orars de daurida é dal lönesc al vëndres dales 10.00 ales 12.30 y dales 15.30 ales 19.30, y la sabeda dales 10.00 ales 12.30.

Ejam de ladin per ensegnanc

L’ofize periferich de semplificazion aministrativa de la Provinzia de Trent fèsc a saer che enscin ai 31 de jené del 2011 se pel portèr ite la domanes de amiscion a l’ejam de cognoscenza del lengaz e de la cultura ladina per ensegnanc. Per maora informazions e per se scriver ite se pel se oujer a Mariano Rasom o Loreta Florian, aló dal Comun General de Fascua a Poza, str. di Pré de Gejia 2, dal lunesc a la jebia da les 8.15 a les 12.15 (dò marena demò su apuntament), telefon 0462/763505, fax 0462/763503. Prejentazion domana per doventèr giagres

L’ofize periferich de semplificazion aministrativa de la Provinzia de Trent fèsc a saer che ai 31 de jené del 2011 l’é l’ùltim dì bon per prejentèr la domanes de amiscion ai ejames per l’abilitazion a l’ejercizie venatorie. Per maora informazions e per se scriver ite se pel se oujer a Mariano Rasom o Loreta Florian, aló dal Comun General de Fascia a Poza, str. di Pré de Gejia 2, dal lunesc a la jebia da les 8.15 a les 12.15 (dò marena demò su apuntament), telefon 0462/763505, fax 0462/763503. Mascherèdes ta Penìa

L Carnascèr l’é stat desleà e l Grop de la Mèscres de Dèlba e Penìa envìa duc a veder la mascherèdes endrezèdes chest an, aló da la veia scoles apede a la gejia de Sèn Bastian, da mesa les 9 da sera: en sàbeda ai 5 de firé vegnarà spilenà “L’ùltim vender de Giochele” de Stefen Dell’Antonio Monech, en sàbeda ai 19 de firé “Tone Tomera e la sossìes”. de Simon de Giulio, en jebia de carnascèr ai 3 de mèrz amò “L’ùltim vender de Giochele” e en mèrtesc ai 8 de mèrz l’ùltim apuntament sarà con “L mèsc de la rocia” traslatèda da Vito Giuliani da Soraga. No menciarà co la mùsega de Giordano e Gigio.

Temp lede Ski show a Calfosch

En lönesc ai 24 de jenà vëgnel metü da jì na show sön i schi da pert dla Scora de Schi da Colfosch. La manifestaziun, che vëgn metüda da jì sön la pista “Colfosco”, mët man dales 21.15. Da amiré saràl n rait a val sön i schi cun i chentli, jori cun le parapënn y na acrobatic ski show cun le grup Vitamin F. Dla musiga fistidiëia DJ Fabio. Batadù dla Lia da Mont de Gherdëina

L batadù dla Lia da Mont sarà n sada ai 29 de jené tla utia nueva de Resciesa dala 17.00. Heeelau

La biblioteca San Durich meterà a jì tl mëns de merz doi sëires per fé l ciapel da Helau, ai 23 y ai 30 de merz dala 8 da sëira. Per plu nfurmazions y per ve lascé nuté su passëde tla biblioteca o cherdëde su l numer 0471/797814.

Mostra de Edmund Moroder

La mostra de pitures cun forba a ega y uele de Edmund Moroder sarà da nchin ai 12 de fauré tl Café Surëdl. L orar de giaurida dl Café Surëdl ie da lunesc nchin a sada dala 10.00 nchin ala 19.00. Mostra de Lothar Dellago La giaurida dla mostra de scultures sarà duman sada ai 22 de jené, dala 11.00 danmesdì, ti locai dla firma de aredamënt Erlacher a Berbian, St. Gertraud, 8. Pra la giaurida rujeneràl la critica de ert Ilse Thuile, l’assessëura ala cultura Sabina Kasslatter Mur y l assessëur ala scola y cultura ladina Florian Mussner. L sunerà Helga Plankensteiner y Norbert Delsass. La mostra sarà da udëi nchin de mei, da lunesc a vënerdi, 9.00 – 12.00 y 14.00 – 18.00. Per fé ora n terminn pòssen cherdé su l numer 340/7347131.

Sozial Deberieda: Jon a s’la carté

N juebia ai 27 de jené se ancunterons dala 16.00 tla sala dla sentedes dl Servisc Soziel a Urtijëi a s’la carté y da dedò a fé na spaghettata. ”Deberieda” ie na grupa, na ucajion per se ancunté danter persones che à problems psichics o de sozialisazion cun ulenteres. Per nfurmazions plu avisa pudëis cherdé su Ulrike Rabanser, tel. 0471/798015.

Dotors y Apoteches Dotor

L dutor de servisc dala 8.00 da duman de n sada 22 de jené nchin la 8.00 da duman de n lunesc 24 de jené ie l dutor Giuliano Piccoljori de S. Cristina, tel. 0471/792282. Le dotur en sorvisc tla findledema di 22 y 23 de jenà 2011, ti comuns de Mareo y San Martin de Tor, é le dotur Ziad Barakat, Al Plan de Mareo, tel. 334/2484784. Ti comuns de Badia y Corvara saràl en sorvisc le dotur Guido Caretta, Calfosch/Corvara, tel. 0471/836870 o 337/616080. Apoteches L’apoteca de servisc che à daviert ora dl orar ordiner da n vënerdi (dala 19.00) ai 21 de jené nchin n vënerdi ai 28 de jené ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L’apoteca en sorvisc fora dl orar ordinar, dal vëndres ai 21 de jenà al vëndres ai 28 de jenà 2011, é chëra da La Ila, tel. 0471/847152.

www.lauscdiladins.com

37


Congratulazions

nr. 03 / 21 de jené 2011

Sozial Grup de teater da La Pli t’La Spona Tla cornisc dles ativitês dles ultimes jöbies dl mëis tla ćiasa “La Spona” a Pidrô, vëgnel bel invié da rovè adalerch en jöbia ai 27 de jenà dales 13.30, olache al gnarà pité aorela cörta y inće intratenimënt cun le grup de teater da La Pli. Le bar é te chësta ocajiun inće davert; al gnarà dè fora cafê y boandes por na oferta de bona man.

A Claudia che ie bele truep ani pra nëus de gra de dut Markus, Sigrid, Noah y Mara

Teater Proiet de teater de naraziun tla Val Badia

Aterteater en colaboraziun cun l’Uniun Teater La Val, mët a jì n proiet de teater de naraziun sön “stories da zacan”, cun Antonio Pizzicato – regist, compositur y performer dla usc, Marina Rippa – laûr de training fisich cun aturs y aturies, y Federico Bertozza – dramaturgh. Le proiet vëgn metü da jì da forà a messè te sis periodes de laûr. Por informaziuns plü menüdes sön le proiet y por prenotaziuns pòn s’anunzié ćina al 31 de jenà pro Erika Castlunger (339/6288847), Bernardetta Nagler (333/4616848) y Barbara Tavella (389/6836898).

Döt le bun a nosta

mama Angela co complësc i 70 agn, y a nosta

omama Marianna co à complì i 96 agn.

Dër bel iolan a tramedöes por döt ći che i ëis dagnora fat por nos.

A nosc tati, nene y "Schwiegerper"

Maurizio, Luca y Danny con families.

A Giuvani da Craciurara

che cumplësc in lünesc 75 agn ti augurunse düt l’bun.

che cumplësc incö ai 21 de jenà i 70 agn, de cör düt le bun, sanité y inant la bona lüna! Giulan de düt ći che t’as fat y fejes pur nos.

A nosc nene

Gottfried che à cumplì i 65 agn ai 20 de jenè. Ti augurun düt l’bun y tröpa sanité. Che al pois ćiamò pur tröc agn insigné, ai sciori y a nos da jì cun i schi. De pici y gragn àl tres ćiarè y purchël junse indô a l’daidé restlè. Tüa familia

Nosta bona oma, ava y besava

Zilia Runggaldier cumplësc ai 26.01.2011 la bela età de 90 ani. Dut l bon y n gra de cuer dala families de Maria, Otto, Markus y Josef.

Döt le Bun a

Paola Rindler de Costata co à complì ai 18 de jenà 96 agn. Ester èl bën na bele eté, canche an po 96 agn festejé, y porchël orunse inće Chël Bel Dio dër bel rengrazié. Con to laoré, aste proé entrês da daidé y tai paternostri, de nos düc t’aste dagnora recordé. Sanité, benedisciun y humor ennant orunse te aodé y val’ iade con ligrëza tal cör inće en püch te cané. Les mius aodanzes da Maria, Andrea con Miriam, Marika y Alessia, Stasi con Elvira, Ruth y Renate y Pire con Veneranda.

Tüa fomena y tü mituns cun families

Ala Sabbi!

18 agn él bele passè, da canche la Sabbi te cüna à metü man da zapurè. Sciöche müta dala bona lüna te uns’ cunesciü, y da se devertì cun te n’éle mai stè tëmp pordü. A scora ne te sal pa nia cis bel, adinfora dles ores cun “Strobel”. Le Murin é uramai deventè tüa secunda ćiasa, y cun n bun “Spritz” est’ arjignada da fà para vigni matada. Sciöch’an dij tres, él pa tosc la patent da jì a fà y spo vëgnera pa tres da menè düć ia y ca. Mo cun Sabbi nia tan atira n’éle da sentè, capîs bëgn, inće a nosta sanité él datrai da punsè. Dilan di bi mumënć cun te passà, de te y tües matades ne ciafaruns’ mai assà. Pur tü 18 agn düt l’miù te augurun y recordete... sun pa tres ćiamò nos che cumanun... y te urun pa inće mega mega bun! Tües cooocles Cisci, Madds, Alle, Lelena, Eve, Marli, Lanna, Carolin y Anna

Ai 17 de jené dl 1993 se fajô

chël pic’ Simon da misdé udëi; tröc agn él uramai passè da chël dé, a scola y al laûr aste sfadié, mo inće da fà matades n’aste mai manćé! 18 agn aste chëst ann cumplì, ći bel! Cul auto poste finalmënter jì! Te augurun ćiamò tröc agn de ligrëza, divertimënt y sanité y no mai perde la vöia de vir... y de śughé! Mama, Tati, Melanie, Emanuele y tota Pierina

38

www.lauscdiladins.com


Congratulazions y Inserac

nr. 03 / 21 de jené 2011

Da chirì Les mius aodanzes a

Pire Fëur

da Lungiarü che po festejé ai 27 de jenà la bela eté de 85 agn. Döt l’ bun da mituns y mitans cun families.

Da scinché Da scinché n banco bar. Tel. 339/8817965. (03/11)

N mënacrëp chir n cuatier da tó en afit por döt l’ann, tl raiun Corvara - San Ćiascian. Prëibel cherdede sö le numer 335/8133033. (01/11) ••• N pér dl Piemonte che lëura te Gherdëina chier n cuatier per 4 persones. Tel. 339/6004559. (01/11) ••• L vën cris n cuatier per dut l ann a Urtijëi da sën inant. Tel. 328/9108940. (02/10) ••• L vën cris n laptop per debant o per al plu 100,00 euro. Tel. 328/9318568. (02/11) ••• Al vëgn cherì en acuario dai 50 lt. en su a en bon priesc . Tel. 380/5315533. ••• N pêr jonn dla Val Badia chir n apartamënt da tó en afit por döt l’ann tl’Alta Badia da merz o aurì inant. Tel.

338/3854816. ••• L vën cris n pitl cuatier o n monolocal te Gherdëina. Tel. 327/8378389. (03/11) ••• N’ëila dla Talia cun n mut chier n pitl cuatier da tò a fit per dut l ann te Gherdëina. Tel. 339/7323932. (03/11) ••• L vën crì n pitl cuatier o monolocal a Urtijëi. Tel. 329/1839862. (03/11) ••• L vën cris n pitl cuatier per una na persona a Urtijëi. Tel. 339/4037447. (03/11) ••• N pèr dl Piemonte chier n cuatier a Urtijëi o nce a Laion. Tel. 339/6004559 o 349/7259058. (03/11) ••• L vën cris per na familia da tlo cun 3 mutans n cuatier a Urtijëi. Tel. 331/3646030. (03/11)

Al vëgn chirì n famëi por ca. 40 tiers che tëgn inće daverta la ütia sön Munt da Rina. Prenotaziuns anter i 13 de forà sot al numer 335 8159947.

Ecoart a San Martin chir lauranć spezialisà da ghipser y zumpradus. Prëibel telefonè al 0474/524114 o al 348/8720709. ecoart@rolmail.net

Da vende Al vëgn venü a n bun prisc y te de buniscimes condiziuns na mascînn dal cafê por bar dla marca Cimbali M 29 Selectron. Tel. 0471/836081. (01/11) ••• Al vëgn venü a dër n bun prisc n implant d’aspiraziun (Spritzkabine) cun düć i ros dl’aria zircolanta. Telefonè al nr. 333/2268656. (01/11) ••• L vën dat ca a n bon priesc na pita utia da pudëi mëter ite doi container dal refudam. Tel. 335/6018754. (01/11)

••• Da vëne öre d’orì (ories) extravergine nü da chisc dis, fracè a frëit, de coltivaziun y produziun biologica, dla Sicilia, inće te de maius cuantitês. Tel. 338/1247479. ••• Da vëne n fonin HTC HD mini cun task screen. Tel. 346/3543254. (01/11) ••• L vën vendù na vedla slita da ciaval, passa 100 ani vedla a 900,00 euro. Tel. 340/3607997. (02/11)

••• Da vëne televijions vegles, no plate de plu dimensions, che funzionea. Tel. 380/5315533. (02/11) ••• A La Pli vëgnel venü ćioures y asôs dër zerti, da n alevamënt biologich. Tel. 0474/501374 o 334/1663776. (02/11) ••• Al vëgn venü a n bun prisc na mascînn da majiné café por bar y na mascînn dala dlacia dla marca “Brema” feter nöia. Tel. 339/8817965. (03/11)

Crì da laour N’ël chier da lëur a lavé ju, a judé te cësadafuëch o a fé de uni sort de stroc. El à nce la patent y se pitëssa a furné cun l taxi. Tel. 377/1721764 (Altamar). ••• L vën crì da lëur a cujiné per ciche ëssa debujën de marëndes o cëines. Tel. 348/2947085. (01/11) ••• L vën cris da lëur a judé da pizzaiolo, te na cësadafuech o nce coche chelner. Tel. 389/1279250. (01/11) ••• L vën cris da lëur a judé te na cësadafuech a lavé ju o a fé de uni sort de stroc. Tel. 328/9318568. (01/11) ••• L vën cris da lëur a judé te na cësadafuech a lavé ju o a fé de uni sort de stroc. Tel. 380/3679212. (01/11) ••• Na jëuna cun esperienza chier da lëur a rumé su majons per mez n di, a cialé de pitli mutons o da cassiera, a Urtijëi o a S.Cristina. Tel. 331/5635788. (01/11) ••• N jëunn chier da lëur te n hotel o pension a fé d’uni sort de stroc o scenó nce sciche beché. Tel. 389/5337121. (01/11) ••• N jëunn chier da lëur sciche ciulier o scenó nce a fé d’uni sort de stroc te vel’ hotel o pension. L fossa nce nteressà a n lëur da idraulicher ajache l à mparà chësc mestier. Tel. 389/4587746. (01/11) ••• N’ëila de 50 ani dla Moldavia chier da lëur a fé d’uni sort de stroc, a cialé de jënt de tëmp o nce sciche ciuliera. Tel: 329/8769397. (02/11)

••• N ël chier da lëur sciche pizzaiolo. L à 15 ani de esperienza, sibe cun fëur a lënia che a lectrisc. L fej nce acrobazies. Tel. 328/7161094. (02/11) ••• N ël chier da lëur sciche aiut-cuech o a fé d’uni sort de stroc. Tel. 327/3469342. ••• N’ëila chier da lëur te Gherdëina a rumé su cuatieres o nce privat te na familia. Email: lucrezia.mazzilli@tin.it (02/11) ••• L vën cris da lëur te Gherdëina a lavé ju o a judé te na cësadafuech. Tel. 327/8378389. (02/11) ••• N ël cun esperienza de lëur de 5 ani chier da lëur sciche pizzaiolo. Tel. 339/2906833. (02/11) ••• Na ëra dla Val Badia chir laûr dal lönesc al vëndres a puzenè o a superscè. Tel. 329/3531622. (02/11) ••• N jonn dla Val Badia cun patent Cap B y (iscriziun al rodul) chir n laûr por NCC Taxi, ince part time. Damanè do Robert, tel. 338/6990046. (02/11) ••• Na jona chir n laûr por n valgügn dis al’edema domisdé. Damanè do Ana, tel. 393/6509591. (02/11) ••• N’ëila dla Talia chier da lëur te Gherdëina o tla Val Badia coche barista o a lauré do banco. Tel. 347/4459611 (do la 15.00). ••• L vën crì da lëur a cialé de na persona de tëmp te Gherdëina. Tel. 340/5298027.

(02/11) ••• N ël chir da laûr sciöche pizzaiolo, sce ara va tla Val Badia, scenò inće tles atres valades ladines. Tel: 327/3240545 o 333/5843074. (03/11) ••• N jëunn chier da lëur te Gherdëina a fé de uni sort de lëures o te na cësadafuech. Tel. 340/9126013. (03/11) ••• L vën cris n lëur sciche barista o a rumé su majons. Tel. 347/4459611. (03/11) ••• N jëunn cun cater ani de esperienza te Gherdëina chier da lëur coche aiutcuech te Gherdëina. Tel. 339/2206833. (03/11) ••• N’ëila dla Russia chier da lëur a rumé su, a cialé de na persona de tëmp, o a lavé ju te na cësadafuech. La sà nce da cujì. Tel. 329/1839862. (03/11) ••• N’ëila chier da lëur a rumé su majons. Tel. 349/3336850. (03/11) ••• N jëunn chier da lëur a fé de uni sort de stroc o da chelner te Gherdëina. Tel. 0471/704257. (03/11)

Na ütia a La Ila chir da atira na barista. Prëibel telefonè al 333/6770105.

La sozietè M2 Srl a La Val chir por döt l’ann porsones interessades da laurè tl setur dla ferata. (Spezialisaziun tecnica é damanada). Por informaziuns prëibel telefonè al 0471/842008.

Electro Clara a Al Plan chir 1 eletrizist. Prëibel telefonè al 331/1890726 o al 0474/590039.

L’Assoziaziun Turistica Corvara – Calfosch chir da forà inant na/n colauradëssa/colauradù por l’ofize d’informaziun da Corvara. Ara se trata de n post anual. Al vëgn damanè le diplom de maturité, la conoscënza de talian, todësch y inglesc, ligrëza da laurè cun sciori y capazité da laurè te grup. Por informaziuns prëibel cherdè sö le numer de telefonn 0471/836176 o menè na email a corvara@altabadia.org

Ostaria Posta a Longega chir na ëra a fà ćiamenes 2 – 3 ores al dé, inće les sabedes, por le mëis de forà. Prëibel cherdè sö le 0474/501009.

A La Val vëgnel chirì na ëra a fà i laûrs de ćiasa y a ćiarè do n pice möt dal lönesc al vëndres domisdé. Prëibel telefonè al 0471/842375.

N hotel tla Val Badia chir da d’isté inant por de plü sajuns n bun cogo dl post. Prëibel scrì a paulac58@libero.it

Hotel Luxor & Cairo **** Lido di Jesolo chier per la sajon da d’instà n chef capo partita chelneri/es per la sala na persona respunsabla per la sala na barista na persona che juda te reception. Prëibel mandé l curriculum a info@luxorcairohotel.it Telefonn 335/5446372.

A La Val vëgnel venü lëgna sëćia por moguns, fornì y fogorà. Prëibel cherdè sö Siëia Forchëta 0471/843128 o 333/2915360 Moling Cl.

La firma Demac te Sëlva chier n/na secreter/a a tëmp plën cun diplom de na scola auta cumerziela n electricher/ electrotecnicher. Prëibel cherdé su l 0471/794355 o mandé na email a d.mirco@demac.eu A La Ila vëgnel chirì na ëra a ćiarè sura y a fà laûrs de ćiasa n pêr de iadi al’edema, te na ćiasa privata. Tel. 338/4581281.

Rifugio Nagler a Badia chir na porsona a daidé da chelner a ores dales 11.00 – 15.00. Prëibel telefonè al 320/7609707.

Te Gherdëina vëniel vendù cuatieres nueves a persones che stà tla provinzia de Bulsan. Per plu nfurmazions pudëis cherdé su l numer 0471/053044 o l 348/2254810.

A Urtijëi vëniel vendù a de tei da tlo n cuatier nuef da 2 locai za. 60 mq, njenià ite, cun verzon privat y garage. Prëibel cherdé su l 334/8085086.

L vën vendù la ultima garajes tl zënter de Urtijëi tla streda Roma 8. Per plu nfurmazions pudëis cherdé su l 0471/204634 o l 366/27778022.

L vën vendù l ultimo cuatier cunvenzionà cun 3 locai y garasc tla streda Sneton 4, cësa Cuecenes, na cësa tlima “B”. Per plu nfurmazions pudëis cherdé su l 0471/204634 o l 366/2777802.

www.lauscdiladins.com

39


Religion y Anunzies

nr. 03 / 21 de jené 2011

Vangel dla Domenia

Rengraziamënt

3. Domënia ia por l’ann A, ai 23 de jenà 2011 Dal vagnele do San Matî, 4, 12-23 Do che Gejù â aldì, ch’an â sciuré Jan te porjun, s’àl retrat tla Galilea. Al à lascè Nàzaret, por jì a d’abité a Cafàrnaum, che é dlungia le lêch, tl raiun de Sébulonn y de Nàftali. Ćiodich’al dô s’ademplì, ći ch’al é gnü dit tres le profet Isaìa: “La tera de Sébulonn y la tera de Nàftali, la strada dl mer, la tera delà dal Iórdann, la Galilea pagana: le popul che viô tla scurité à odü na löm lominosa; a chi, che viô tl rëgn dl’ambria dla mort, ti él aparì na löm.” Da dailò inant à Gejù metü man da incundé: “Convertìsse! Deache le rëgn dl cil é daimprò.” Tratan che Gejù passâ dlungia le lêch de Galilea, àl odü dui fredesc, Scimun, nominé Pire, y so fre Andrè, ai ê dër tl sciuré fora la rëi te lêch, ćiodich’ai ê pesciadus. Y al ti à dit: “Gnide do a mé! I fajarà fora de os pesciadus de jënt.” Atira ài lascè dailò sües rëis y ti é jüs do. Da jì inant àl odü dui d’atri fredesc, Iaco, le fi de Zebedèus, y so fre Jan; ai ê cun so pere Zebedèus te barca y arjignâ ca sües rëis. Al i à cherdè, y atira ài lascè la barca y so pere y ti é jüs do a Gejù. Gejù rodâ por döta la Galilea, insignâ tles sinagoghes, incundâ le vagnele dl rëgn y varî tl popul dötes les maraties y les soferënzes.

“Os che i m’ëis tan amè, ne stede a ćiarè ala vita che i à ruvè, mo a chël che i mët’ man” (S. Agostin) I familiars de

Agnese Deiaco vëd. Rubatscher “Nese da Spëscia” *28.04.1943 +16.12.2010

Massa abenëura ons messù tò cumià da nosta

oress i dì n gran giulan a düć chi che s’é stà dlungia te chësc mumënt de incherscimun y a düć chi che à tut pert ales corones y ala Santa Mëssa de supultüra. Giulan de cör a Siur Iaco pur les beles parores de confort, a Siur Pire y a Siur Angel che à conzelebrè. I oressun ringrazié l’cor de dlijia pur so bel ćiantè, l’mone y i sorvidusc, chi che à dit dant les corones te ćiasa y te dlijia, i vijins y düć chi che s’à daidé cun val’ sorvisc. A düć chi che à scinché ciüf, ćiandëres y fat ofertes a fin de bëgn n gran giulan y Dî s’al pàies. N ringraziamënt particolar ti va a nosta duturia de ćiasa dra. Margareth Mahlknecht che à acompagnè la mama te süa maratia cun gran savëi, amur y paziënza. Giulan de cör ala Krebshilfe, ala Crusc Blanćia, ales infermieres y ai doturs di ospedai da Burnech y Balsan pur la gran disponibilité y umanité. Che ala pàlses tla pêsc de Dî.

Simona

Maria, Heinrich, Verena y Albin

Parora dl Signur. – Lalt a té, Gejù Crist!

Rengraziamënt

che àn tan gën y che à lascià n gran uet. La paroles, i scric y pensieres de tan de jënt nes ie de aiut y de cunfort per l daunì, y nes dà forza per jì inant. N Die ve l paie de cuer ai cumpanies, ai atlec, ai trainadëures a chëi che ie a cë dla lies sportives ai reprejentanc de chemun ai parënc y cunescënc che ie stac ntëur nëus ite te chësc rie mumënt. Rengrazion de cuer nce di ciofs, di biei cëiresc y dla dunfiertes a fin de bën. Brigitte, Oswald y Christian

Beatificaziun por Papa Janpaul II Al 1. de mà de chësc ann gnaràl beatifiché a Roma. Al ti é gnü atribuì n miracul sozedü püch do süa mort, olache na mognan franzeja ê varida da Parkinson. Karol Wojtyla é gnü papa cun 58 agn y so pontificat é stè un di plü lunć

Simona Senoner + 7.1.2011

Rengraziamënt I recordun te nostes oraziun

Alfonso Tasser “Fonjo de Surega” *09.04.1933 +11.01.2011 Uressun rengrazié l’dotur Di Marino, les infermieres, l’spitol da Burnech y l’Sorvisc Sozial da Piculin. Giulan a Siür Heinrich, al cor de dlijia y ala Müjiga da San Ćiascian che à abelì la Santa Mëssa de sopoltüra, ai stüdafüch, ai ministranć, a düć chi che à fat val’ sorvisc, a chi che à dit dant les corones, che à tut pert ala sopoltüra y a düć chi che s’à recordè y se recorda de berba Fonjo tles oraziuns. Che Chël Bel Dî s’l pàies. I familiars

Lecort N dumënia ai 23 de jené 2011 iel 19 ani ca che nosc bon pere y nëine

bera Luis Moroder ”de Trina de Ianesc” nes à lascià. Tati, paussa tla pesc de Die. Te rengrazion de dut chël che te es fat per nëus. Rengrazion duc chëi che se lecorda de ël. Faust y Adriana cun families

40

www.lauscdiladins.com

Dlijia - Al é passè pormò 5 agn da canche Papa Janpaul II é passè a miù vita. Śëgn vëgn dal Vatican la noela de süa beatificaziun, che gnarà tignida al 1. de mà a Roma. N tëmp scialdi cört, sce an vëiga tan dî che ara po doré pro d’atri. La beatificaziun vëgn a s’l dè do che Papa Benedët XVI à aproè n provedimënt che ti atribuësc a Karol Wojtila n miracul. Le miracul che ti vëgn atribuì al Papa da denant reverda la mognan franzeja Marie Simon-Pierre de 48 agn, amarada de Parkinson. La mognan à splighé che süa maratia s’é desfantada ia fora de nia, dui mëisc do la mort de Papa Janpaul II, tratan che ara periâ cun d’atres mognans por ël. I doturs n’à nia ciafè spligaziuns scientifiches por chësta varijun, inće sce l’ann passè êl gnü alzè sö dübi sön la validité dl miracul.

Karol Józef Wojtyla. Al é nasciü ai 18 de mà dl 1920 a Wadowice, tl süd dla Polonia. Al 1. de novëmber dl 1946 él gnü consacrè prou dal arzivësco de Cracovia Adam Stefan Sapieha. Dl 1958 él gnü nominé vësco ausiliar de Cracovia, por gnì spo nominé ai 30 de dezëmber dl 1963 arzivësco dla medema cité, por man de Papa Paul VI.

Le pröm papa nia talian do 455 agn

Papa Paul VI morî dl 1978, y d’agost de chël ann tolô pert Karol Wojtyla ala conclav, che se stlujô jö cun la litaziun de Albino Luciani, cardinal patriarch d’Aunejia, che ciafâ l’inom de Papa Janpaul I. Cun sü 65 agn gnôl aratè n papa scialdi jonn, respet a sü predezessurs. Baldi dorâ so pontificat ma 33 dis, insciö che ara gnô indô da ciafè n papa nü. Ai Da prou a arzivësco 16 d’otober gnô propi Karol Wojtyla nominé cun ma 58 de Cracovia agn papa nü y ciafâ l’inom Papa Jan Paul II à inom de Papa Janpaul II. Al ê le pröm papa nia talian do bëgn 455 agn. Tratan so pontificat àl fat passa 100 iadi sura döt le monn, cun la partezipaziun de foles de jënt maiodüdes pro evënć religiusc. Al ê n comunicadù y süa gran ativité de contat gnô Al 1. de mà gnarà Papa Janpaul II interpretada da tröc sciöche sëgn protlamè beât.

de na gran orentè da cherié n punt de relaziuns danter naziuns y religiuns desvalies. Tres Papa Janpaul II él inće gnü cherié i Dis Mondiai dla Jonëza, che vëgn tignis inće aldedaincö te perts desvalies dl monn. Papa Janpaul II à beatifiché y canonisé cotan plü jënt co sü predezessurs, ći che é inće stè fontana de tröpes critiches. Al à inće santifiché Ujöp Freinademetz da Oies, ai 5 d’otober dl 2003.

L’atentat dl 1981 Na plata scöra dla vita de Pap a Janp aul I I é rapresentada dal atentat che al à patì ai 13 de mà dl 1981, canche le türch Mehmet Ali Agca ti stlopetâ dui balins sön plaza San Pire. Le papa à suravit l’atentat y püch do Nadè dl 1983 él jü de porsona te porjun a ciafè y pordenè chël che â orü le copè.

Maratia y mort Dl 2001 gnôra fora che le Papa ê amarè de Parkinson, maratia che l’acompagnarà ćina ala mort. Tles recordanzes de tröc romagnarà la Pasca dl 2005, canche Papa Wojtyla â cun gran fadia dè la benedisciun Urbi et Orbi. Al ess orü pronunzié val’ parora, mo al n’ê nia plü bun. Papa Janpaul II é mort püć dis dedô, ai 2 d’aurì dl 2005, do feter 27 agn de pontificat. So suzessur é le papa da incö, Benedët XVI, che gnô bele denant conscidré la man dërta de Papa Janpaul II. (pablo)

La Usc di Ladins  

Nr. 03/2011 - 21 de jené 2011

Read more
Read more
Similar to
Popular now
Just for you