Issuu on Google+

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,60 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 02/2012 - 13 de jené 2012

Zoom

3

Limitazions L diretour dla Cassa Rurala de Fascia Luciano Braito y l resposabel dl organisazion Stefano Chiocchetti desclaresc les nueves normes dl decret Monti.

Fascia

Evasours a chi?

Comentar de pruma

L “spot” anti evajion fiscala dles festes de Nanuef à toché sech vin Ampez, con na gran azion mediatica y reazions desferentes

"Crisi"

de Lucia Gross

19

N an del Comun general Intervista a la Procuradora Cristina Donei dò n an da la naa ofiziala del nef Comun general de Fascia.

Turism

23

Diretur Roberto Huber Da döes edemes incà é Roberto Huber diretur dl’AT Badia. Al baia de turism de bëgnester, dles pordüdes de Sant Ambroje y dles edemes che vëgn.

Al Plan

25

Döes diretes Dala dlijia d’Al Plan de Mareo él gnü trasmetü döes mësses en direta sön la RAI nazionala, cun perts de liturgia inće por ladin.

San Martin

26

Scioldi a Antermëia Intervista cun l’ombolt Heinz Videsott sön i investimënć tl bilanz de previjiun.

Saut cun i schi

34

Bront per Lisa Lisa Demetz vënc per la Talia la prima bedaia de Copa dl Mond de saut cun i schi dl’ëiles. La bedaia ti àla dedicà a Simona Senoner, cumpania de scuadra, unida a mancë avisa dan n ann.

Sot les festes de Nanuef l’Agenzia dles Entredes ài cernù l luech simbol dl turism plu rich da d’invern, Cortina, per na operazion de control che à abù na ressonanza mediatica da spavent.

La vera a la evajion fiscala fova dessegur un di ponc plu damané da duc per daidé a solevé la Talia da chesta crisa. Sot les festes de Nanuef l’Agenzia dles Entredes à volù dé n segnal cler, per mostré che ai fej dassen, che da ades inant duc i evasours y i ric messa sté acorc, ajache l control sarà sterch. Y per fé chest ài cernù l luech simbol dl turism plu rich da d’invern: Cortina. L’operazion de control à abù na ressonanza mediatica da spavent y l inom de Cortina él sté per duta la edema al prum post te vigni sfuei o program de informazion per televijion o radio. L blitz dla Finanza à porté l inom de Cortina plu adaut te duta la Talia, che no l film de Neri Parenti sun les vacanzes de Nadel tl zenter ampezan. Ma se la renomanza, pur ironica, de luech plu “da vip” dla

Talia ne ti desplej nia ai interessé (ti desplej de plu ai operadours trentins dl Bondone, traté tl film da luech da pueresc), la renomanza auter tant ironica de luech plu “da evasours” dla Talia à plajù segur de manco. A la reazion dla jent, che à desćiarié sun i “evasours de Cortina” la indignazion da “ciacia a les stries” carateristica di temps de crisa, à responù auter tant fort la reazion di zitadins de Cortina, de si imprenditours y de si aministradours, tegnan aut l livel mediatich dla debatuda. Sce a la fin dut chest à porté dan a la perla turistica de Ampez, o no plutost na bela reclam debant, al é dut da vedei. L “spot” contra l’evajion fiscala che la Agenzia dles Entredes à volù fé te chisc dis de festa te Ampez ne é nia aboncont la soula azion

envieda via da chest govern che pò avei conseguenzes dretes y concretes sun l’economia turistica de nosc raion. Sce an basta nia l smendrament dl podei de spene dla jent, a mete en pericul la sajon, él ruvé ence la complicazions en cont dla zircolazion dl contant, che obligheia l ghest che mess paié somes majeres de 1000 euro a l fé tres chertes de credit o tres banca. A chisc problems y a la minonghes desvalives sun chest, toutes su te nostes valedes, é dediché l “zoom” de chesta edema. Tratant i speron che do l “blitz” de Cortina la vera a l’evajion fiscala seghite a jì inant, te duta la Talia, a vigni livel, y i speron ence che do i intervenc che à dé jù souraldut sun la classes mesanes, al vegne damané valch pice sacrifize ence ai plu ric y dantaldut ai politics. (lg)

Stefano Gross 3° a Adelboden Prum podie mondièl per l joen atlet fascian de slalom strent, sobito festejà a Poza Stefano Gross, clas 1986 da Poza, à arjont en domenia a Adelboden l prum podie mondièl de sia cariera. L joen fascian à fat dassen na bela garejèda: peà via col numer 24, l’à fenì la pruma manche al 8° post e col secondo temp assolut de na beliscima seconda manche l’à arjont l 3° post

finèl, batù demò da Marcel Hirscher e Ivica Kostelic. Jà l dì dò Gross, con l’amich e compagn de squadra Cristian Deville, desfortunà te chesta garejèda, l’era te Fascia, olache sul portoi de Aloch ge é stat fat na bela festa.

Stefano Gross.

Duc rejona de “crisi”, duran chesta parola tel segnificat biot negatif, desche spaentaie e manacia de n davegnir rie. A se vardèr entorn e sentir rejonèr de “crisi”, vèlch outa vegn neto aric. Sion cercené da auti semper maores e aparac de ogne sort, ne vegn trat tel mus dò e dò rebasc e rateazions de paament, ajache l’imperatif categorich l’é semper l medemo: consumèr! Chel che se pel se permeter e chel che no se podessa, ence se no l’é de prum besegn. Se no l’é “CRISI”! Ma se vardon l’etimologìa, “crisi” l’é l moment che segna n mudament dezisif, che pel esser positif. L moment che se cogn cerner, tor dezijions emportantes, meter en discuscion chel che conscidron segur, pissèr e... magari mudèr patoch! “Te la crisi – dijea Einstein - nasc idees, descorides, strategìes.” Ades la crisi ne disc che l troi che à tout noscia sozietà, nosc marcià, noscia economìa e finanza, no va ben. L’é chièr. Ma se ostinon a portèr inant l’imperatif de la “crescita” e del “consum”.

Sce an mostra coraje Les mësses d’Al Plan menades en ona dan otedé sön la RAI nazionala é stades n ejëmpl che à desmostrè che an po s’infidé da propone inće le ladin sciöche lingaz liturgich - inće a livel nazional y inće sce al ne vëgn nia capì da düć. Chëra di ladins é na storia lungia, y nosc lingaz ti à tignì bot a cotan de burasches di tëmps. La majera pert ne n’à degügn problems da azetè le plurilinguism. Scemai sunse nos ch’i nes fajun problems che n’é nia, evitan plülere le ladin magari por tëma che un o l’ater ghest ne intënes nia y pois s’an avëi a mal. Chësc vëigon (por fortüna intres demanco) cis canche al röia te nüsc raiuns i gragn politics dla Provinzia. Al ô ester plü snait, al ô ester coraje y al ô ester suradöt le sentimënt da ester capazi cun nosc lingaz y cun chël ch’i sun. Pici éson suradöt sce an se fej pici. Sce an à instësc respet por ći che an é y por les desvalianzes che an à, spo ciafarà chëstes inće altró süa stima. (pablo)


Zoom

nr. 02 / 13 de jené 2012

Anpezo, ra steores, i sciore Ai 30 de dezenbre, otanta ispetore fora par el paes, a vardà drio i conte, i sode, ra machines. In Comun, e inze el paes, dute aduna “In Anpezo son dute parsuaśe, e dute aduna, che see da pagà ra steores e che see da śì a vede de ci che no res paga; chel che no me comoda, ‘l é cemodo che i à scrito, e dito, de el nosc paes, de ra nostra śente, de ra parsones che es rua ca par ra so vacanzes”. El capocomun de Anpezo Andrea Franceschi de Matia ‘l à dito e scrito pi otes chesta paroles, daparduto, i dis pasade, ciamà tropa otes par radio, par television, a parlà de chel che ‘l é suzedù ai 30 de dezenbre e i dis dapò. Alolo ignante de ra fin de ‘l an, ‘l é ruà in Anpezo otanta ispetore de ra Agenzia delle entrate, a vardà drio trentazinche hotiei e boteghes, inze ‘l nosc paes. Alolo dapò, ‘l é vegnù fora un comunicato de chesta Agenzia, agnó che someaa che ca i fose dute laśaroi, pronte a sconde i sode, par no pagà steores. Inze chel sfoi, se dijea anche de i foreste, ciatade co ra so machines, pi grandes de chel che i arae podù se parmete, co i sode che i aea dito de aé ciapà. “Ades nośoutre i domandon a ra Agenzia de aé dute i conte, de chel che i à ciatà, par vede duto el laoro fato – el śonta pede el capocomun Franceschi, parcé che a in dì noma che alcuante, de chiste numere, se và adora a śirà ra peta cemodo che se vó. Con

El capocomun de Anpezo Andrea Franceschi.

dute i numere, dute i conte, śon adora a bete da ‘na banda i pome marze e a bete da cher’outra i zitadis oneste, ci che laora polito e fesc el so dover”. Su ra comunità de Anpezo, el śonta pede: “El nosc ‘l é un paes san, ca i no fesc su ciaśes de scondon, ca dute

i paga r’Ici, el nosc comun ‘l à senpre fato duto chel che s’à podù, contra ra speculazios, i tendon anche a ci che disc de ese residente ca, e no n’é vero, par pagà de manco. Par in śontà un’outra, ón finamai dito che no saon d’acordo con ci che vegnia ca, a fei ‘na sorta de vacanzes che no me comodaa,

cemodo che el fajea Lele Mora, e ‘l ón scaturlà”. Par duto chesto, e outro pede, no n’é de iusto che da fora i segne i Anpezane co ‘l diedo, che i dighe che s’i dà un bon azeto a ci che no paga steores. Par in saé depì, el capocomun ‘l é moesc par el paes, da ‘na porta a cher’outra, par sentì ra śente, chi che i aea abù i ispetore par ciaśa, a ra fin de ‘l an. E ‘l à pensà sora anche a chi che i à fermà, co i automobiles pi grei. “I m’à dito de aé ciatà 42 machines, de parsones che disc de aé ciapà manco de 30 mile euro a ‘l an e 16 de chesta machines, de śente con manco de 50 mile euro. Par saé duto chesto, no n’ea biśoin de vegnì inze ‘l nosc paes, sote ra festes, e de fei duto chel caramus par piaza, su stradon: i podea dorà Serpico, chel programa da conputer che ‘l é ades, e incrojà chel che ‘l é scrito inze ‘l Pra, el Pubblico registro automobilistico, agnó che ‘l é inze ra machines de dute, e chel che ‘l é inze ra dichiarazios de i redite. I é de 33 mile, che i laora par ra Agenzia delle entrate; chesto ‘l é un laoro che podea fei, da ‘l so ufi zio, calchedun de lore, senza moe otanta ispetore e i molà fora par el nosc paes. Ma s’à vorù se fei vede, mostrà a duta r’Italia che se fesc algo par ciatà fora ci che no

paga. E i é moeste da Cortina, un gnon che dute conosce, par inpizà chesto bateboi”. Dapò Franceschi ‘l à recordà che no se pó i dà de ‘l laśaron a dute, a ra śente che ‘l ea in Anpezo par ra festes: “Intrà dute chi outre, ‘l ea el ministro de ra Giustizia Paola Severino, el presidente Luca de Montezemolo, finamai el diretor de chesta Agenzia Attilio Befera: dute ca da nośoutre, in vacanza, chel di. Voreo bete dute aduna, anche chiste? Nośoutre cardon de no”. Una ota tanto, finamai chi de i doi grupe Cortina Dolomiti e Cortina oltre il 2000, inze consilio de comun, i é stade aduna co ‘l capocomun Franceschi e i à dito varente, par chel che ‘l à fato, dito e scrito, par defende el so paes. “El Governo talian ‘l à vorù fei vede a dute che ‘l é bon de ciatà fora ci che no paga ra steores, coscita s’à scomenzà propio da ‘l nosc paes, parcé che el gnon de Cortina ‘l é conosciù daparduto, in Italia e fora. Ma a curà de ciaza ‘l é stà ra nostra śente e chi che vien ca da nośoutre par s’in stà in santa pasc. Coscita, duto chel che se reduje, ‘l é che tropa de chesta śente, ‘l an che vien, ra s’in śirà in Austria, o in Svizera, agnó che negun i trata da laśaroi”.

“Avëi crëta, düć adöm, por gnì fora dala crisa” Manovres, cutes y controi fiscai: intervista al ostì da Corvara Michil Costa Economia - “Crisa” é la parora plü adorada de chisc tëmps. La manovra finanziara nöia, metüda da jì dal Capo dl Govern Mario Monti, con sü tais y sües cutes à influenzè te na maniera sensibla la vita y dantadöt les casses di taliagn. La crisa à oramai aziché düć i seturs dla vita da vigni dé, nia manco di atri chël turistich. I nen n’un baié cun l’ostì da Corvara, Michil Costa: La Usc di Ladins: Ëise bele podü odëi val’ efet dla manovra finanziara tl setur turistich? Michil Costa: Sambëgn ànse podü odëi bele tl mëteman de chësta sajun da d’invern i pröms efeć dla manovra. Sce an se ćiara incërch pòn odëi che al ne n’é nia tan n gran movimënt sciöche chël che ê i agn passà, porchël jaràra debojëgn da mudé valch. De ći sort de mudamënć vàra pa debojëgn, da os infora? An messarà planifiché plü avisa y svilupé strategies de marketing por ester tres plü competitifs sön le marćé. Nüsc marćià de referimënt ne podarà nia ma plü ester chël talian y chël todësch, mo i messaràn se daurì ai ghesć da foradecà. Chësc svilup messarà spo gnì fat nia ma a livel de Alta Badia, mo de Trentin - Südtirol y dantadöt de Dolomites. Co se stàra pa pordërt cun les

2

www.lauscdiladins.com

reaziun di ghesć foresć? Cun i foresć ne unse nia albü de gragn problems, deache la maiù pert paiâ bele denant cun chertes de credit.

Michil Costa.

prenotaziuns? Ëise bele albü desdites te osc hotel? No, te nosc hotel ne n’unse nia albü desdites por chësta sajun da d’invern, mo al é da mëte averda, deache i efeć de chësta crisa podarà ester plü stersc por la sajun da d’isté. La reforma economica prevëiga inće le limit de 1.000,00 € por ći che reverda i paiamënć en contanć. Cares é pa stades les reaziuns di tliënć a chësta lege? I problems plü gragn unse albü cun i tliënć taliagn, mo al é, da me infora, ma na cossa a chëra che la jënt mëss s'ausè, sciöche al é inće stè por la lege che proibî le füm ti locai. Ćiüna é pa stada indere la

Os ëis fat, tres le cuotidian Alto Adige, detlaraziuns sura i controi da pert dla Verda de Finanza, en relaziun al blitz che é stè ala fin dl ann a Cortina. Ćiünes é pa stades les reaziuns dla jënt a chël che i ëis dit? Mies detlaraziuns à fat levè sö n gran stöp chilò te Südtirol. Tla intervista ài dit da ester a öna cun i controi da pert dla Verda de Finanza te nüsc raiuns turistics. “Controlun ma deplü”, ài dit. Nos ostis ne sun dessigü nia sanć, y iö le manco de düc. Por chëstes detlaraziuns ne me miriti nia n pest, mo les bastonades da pert de mi “colegs” fej inće mè. Indere, i sun iö che i me les chiri, porchël vàra bun insciö. Mo i controi ne n’é nia d’ater che na maniera por archité la evajiun fiscala. Ći nen ponsëise pa? Scê, iö resti dla convinziun che Priesc d’abonament anual: per la Talia: 59,00 euro, foradecá: 125,00 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Reiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

düć i zitadins taliagn mëss capì ćiügn che é sü dovëis. Al ne é pö nia n socrët che düć nos ùn laurè plü de un n iade te na maniera nia trasparënta, inće iö. Mo śëgn ne vàra nia plü, al é gnü le momënt da mudé valch y chësc mudamënt piarà ia da me; le mudamënt vel por düć, por me y por i ostis, por nüsc colaboradus, por nüsc ghesć, por nüsc consulënć finanziars, avocać y comerzialisć y por vigni zitadin de nosc Paisc. Ne ponsëise nia che la maniera cun chëra che i controi é gnüs fać sides n pü’ fora de mosöra? Operaziuns mediatiches sciöche chëra metüda da jì ala fin dl ann a Cortina y spo tla Liguria y inće te d’atri posć é mesi n pü’ stersc, mo ai é baldi un di strumënć plü efiziënć por archité la evajiun. Le messaje é stè tler y, belanfat ći che al vëgn dit, iö sun dla minunga che chësc é n bun mëteman y n signal che le Stat

ne é nia plü a öna da lascè fà i soliti furbi. Sce düć paiass fóssel düć che paiass de manco. I sun inće sigü che la Verda de Finanza ciafarà, dô le blitz de Cortina, la maniera da laurè cun deplü discrezionalité. Ti ëise crëta a chësc Govern nü y ales mosöres por salvè le Paisc dala crisa? Iö pënsi bëgn che chësc Govern sides bun da porté indô la barca sura ega ia y i speri che ai sides bugn da le fà zënza ti la fà paié de massa a ostis, comerzianć y zitadins. Avëi crëta tl Stat é te chësc momënt dër important: avëi crëta, düć adöm é la sora poscibilité por se trà fora de chësta crisa. D’atra pert messarà le Govern mëte n pü’ de ordin tla jungla dles leges, fajan forsc na distinziun anter evasurs y evasurs; an ne implësc dessigü nia les casses dl Stat portan i impresars, che ne ti é nia bugn da paié i dependënć, al suizid. (Intervista de katia pizzinini)

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Zoom

nr. 02 / 13 de jené 2012

Limitazions a la doura dl contant L diretour dla Cassa Rurala de Fascia Luciano Braito y l responsabel dl organisazion Stefano Chiocchetti desclaresc les nueves normes dl decret Monti L decret lege nr. 201/2011, publiché sun la Gazzetta Ufficiale di 6 de dezember dl 2011, à mené na lingia de novités tl ciamp fiscal per cie che reverda la tassazion direta y indireta y desposizions nueves sun la doura de scioldi en contant, titui y librec al portadour y assegns. Plu avisa é l limit de 2.500 euro vegnù arbassé a 1.000. Perchel dai 6 de dezember é l trasferiment de scioldi en contant valif o soura chest import vegnù descomané. Per n savei deplù ti on damané al diretour dla Cassa Rurala de Fascia y Agordin Luciano Braito y al responsabel dl organisazion Stefano Chiocchetti. L articul 12 dla “manovra Monti” rejona de smendrament dl limit per la traciabilité di paamenc a mile euro. Che vuelel dì traciabilité? Luciano Braito: “Vuel dì che les autorités veid da olache vegn l contant y olache al va, chi che tol y chi che ciapa i scioldi, sciche per auter él ence per d’autri produc che vegn controlés per savei apontin da olache ai vegn”. Che comportel chest articul dla manovra Monti? Stefano Chiocchetti: “L limit di paiamenc en contant zenza l intervent de n intermediar abilité é bele da trueps agn, dant fòvel de 12.500 euro, do de 5.000, de 2.500 y dai 6 de dezember de 1.000 euro, ajache zenza l intervent de n intermediar abilité (banca o ofize de posta) ne végnel nia registré y donca al ne lascia nia n segn. Sen pòn fé i paiamenc en contant demé tres les banches. En contanc fin a 999 euro, da 1000 en su él debujegn de adoré autri sistems, cherta de credit, bonifich bancarie, bancomat o assegns”. El mudé valch canche se met ite o se tò fora scioldi en contant da la banca? SC: “An pò jì inant a mete ite

grieves, pòles jì dal 1 al 40% dl import trasferì.” LB: “Sce n boteghier pensa de fé l furbo y emete 3 scontrins enveze che un demé al fala. Chest ne é nia l sistem per gabulé ajache la norma dij che al é infrazion ence con l frazionament. Te na fasa de control dla Guardia de Finanza o dla Agenzìa dles Entredes sce al vegn abiné chisc frazionamenc al é infrazion ence sce l davagn é vegnù declaré. Empò l problem ne é nia la declarazion ma la trasferibelté, ajache chi che spen contanc à scioldi che ne se sà nia da olache i vegn.”

L diretour Luciano Braito.

imporc soura i 1.000 euro ajache se podessa i avei giaté da deplù persones: per ejempl na boteiga fej deplù operazions sot i mile euro che pol seghité a vegnì paiedes en contanc y l versament te banca é ben segur plu gran. An pò ence jì inant a prelevé soura i mile euro sce al mess vegnì paié deplù persones. Na transazion soula ne mess nia passé via i 999 euro”. N hotelier o n boteghier donca ne messessa plu azeté paiamenc en contanc soura i 1000 euro? LB: “Degun messessa plu azeté contanc soura i mile euro. L consei per i hoteliers é che i clienc paie con cherta de credit o che i vae te banca a fé n bonifich a l hotel”. SC: L ghest messessa vegnì te banca con i contanc, chilò al mess vegnì anagrafé y do al pò fé l bonifich a scialdo dl cont te hotel”.

Chest comportel deplù cosć? SC: “Ei, per l turist ajache al mess paié l bonifich. Empò él demé velch euro ajache al ne vegn damané n servisc. L hotelier o chi che giata l bonifich ne paia nia sun la singula operazion”. Sce ie ne é nia l cont de banca y nience assegns y mess paié l tisler per n laour soura i 1000 euro che messi fé? “Tu mess jì te banca y paié l laour dl tisler con n bonifich bancarie. Demé enscì él la traciabilité. Chest vuel dì che chi che paia y chi che giata mess paié les tasses ajache al é n segn sun sie cont corent y donca chi scioldi mess vegnì declarés.” Azeté contanc soura i mile euro comportel risć? SC: “Sce l operazion vegn identificheda les sanzions é

Y co èla per i pensionés che giata deplù che 1000 euro de pension y ne à nia l cont corent? LB: “Chilò da nos la pert maioura di pensionés à l cont te banca o a la posta. Per chi che va a tò fora i scioldi l consei de aministrazion à deliberé n cont corent che ne dà degun cost deplù, olache al pò se fé acredité la pension y vegnì chilò a se tò fora i scioldi canche al à debujegn. Al é n cont “d’appoggio” a cost zero, al é demé l bol da paié con deplù che 5.000 euro de deposit. SC: Al é na gran confujion sun chisc aspec. La pert maioura di pensionés tla Talia à l cont de banca. Chi che va ciamò a se tò fora i scioldi ài na pension bassa che resta ite ti parametres indichés.” Valch mudel ence per i librec al portadour? SC: “Sce ài ite deplù che 1000 euro dant dai 31 de merz dl 2012 an mess i scluje o i fé nominatifs. I librec al portadour jirà a sparì ajache la normativa damana che vegne segnalé l passaje da na persona a l’autra, al é autramenter 3.000 euro de sanzion. Sen él da abadé ai trasferimenc di zertificac de deposit al portadour, ajache an pò i fé con zifres plu autes. Soura l an éi nominatifs, ma sot ai pol

ester al portadour: sen soura i mile euro an ne pò plu i trasferì.” Y per i assegns? “L problem di assegns é bele vegnù passé via dl 2008: sen él prestampé sun duc “non trasferibile”; autramenter con chest limit fossa rie.” S ar à l de utl che ste s desposizions per scombate l’evajion? LB: Les sarà segur de utl per smaioré la traciabilité, al é chier che ales smendrarà la zircolazion di contanc, l strument adoré per l’evajion fiscala.” Pensedes che chest sie n limit o n utl per l’economia de la val? LB: Pense che per la val sarà n peis da desclarì polito. L forest, che l paia deplù con i contanc, pol ben jì inant a paié con i contanc, ma al mess jì te banca. Chest é segur n scecament, ma al é la lege.” SC: Al é segur n aument de burocrazia y de adempimenc, speron de ne avei fat dut chest per nia.” Arede a desposizion mingul de temp per ves usé ite? SC: “L antireziclaje é tla ativité normala de nesc colegs, l sistem donca é bele rodé. Empò con l limit plu bas él deplù les operazions che ruva ite y al é debujegn de abadé a ne fé nia fai. I clienc ne conesc nia duc la lege nueva y chesta normativa complicheda, perchel messaron dediché temp a fé informazion. Aboncont sciche Cassa Rurala onse enjigné na informativa che an pò abiné te nesc portie y ence te internet, sun l sit www. cassaruralevaldifassaeagordino. it.” LB: Nos vardon de tegnì ajornés nesc clienc, i on raporc strenc y personai, chi che vuel pol vegnì y damané. Intervista de Monica Cigolla

Artejegn: passèr da 2.500 a 1.000 euro no muda trop L president di artejegn de Fascia Massimo Debertol: “nos movimenc en neigher l’é n pez che no n fajon più” Per sentir che mudamenc che à portà la neva desposizions del goern Monti ence te autra categorìes, aon domanà fora ence l president di artejegn de Fascia Massimo Debertol, che l ne à palesà sie pensier e ence la

posizion de l’ofize de la Presidenza de la categorìa di artejegn de dut l Trentin. Che problemes o che vantajes comporteles per i artejegn chesta desposizions metudes a jir con la “manovra Monti”? Massimo Debertol: “Chesta reforma no la porta vantajes per nesciugn, sarà semper più problemes a spener e d e a e r e n ce de sp onibilit à de scioldi, che de conseguenza la portarà problemes per duta la cedena de l’economìa daperdut e ence chiò te val.”

Siede cruzié chiò te Fascia, desche artejegn? “N pìcol smendrament segur l’é stat, ma per l moment no se ge à abadà trop percheche l’é stat na pìcola perzentuèla. Chel che fèsc la desferenza sul teritorie provinzièl l’é che, enscin ades, chiò se à sentù manco la crisa percheche sion n muie leé al turism. Donca se l turism va mèl ence i artejegn no laora più, ma se cognarà vardèr a la fin de la sajon. L problem l’é che ence la banches no les à più liquidità e no les pel più emprestèr scioldi, e chest pesarà segur sui lurieres che se cognarà fèr.” Chesta neva mesures che à smendrà l limit per la traciabilità di paamenc a mile Euro, sérveles dalbon a scombater l’evajion?

“No l’é che per nos artejegn mude n muie da 2.500 a 1.000 euro, ence percheche movimenc en neigher l’é da n pez che no se n fèsc più. Respet a jai 10 egn, oramai nos desche artejegn, contanc no n fajon tropes, no se pel l fèr e no se rua nience a l fèr. Ence l’ofize de la presidenza di artejegn de Trent é a una sui rebasc de la circolazion de scioldi en contant. Ampò ge volessa che chesta reforma la creasse ence n setor publich più lijier e responsabol per n setor privat più fort e en consaputa. Te chesta reforma no se veit n sforz assà gran per taèr i cosć, ma se veit piutost n gran sforz per smaorèr la entrèdes”. (Valentina Redolfi)

Massimo Debertol, president di artejegn de Fascia. www.lauscdiladins.com

3


Zoom

nr. 02 / 13 de jené 2012

“Can pa la razzia te Gherdëina?” Günther Pitscheider, diretëur dl Cunsorz Turistich de Gherdëina, n con’ dla regulamentazion nueva di mile euro per fatura Sce na pension o n garnì ne n’à nia la mascin per lascé paië cun bancomat o cherta de credit, y sce la banches à stlut de sada y dumënia, co possa pa fé l tlient che muessa paië passa mile euro, a jì a scioldi, dantaldut sce l ie fulestier y ne savova nia de chësta regulamentazion nueva? N generel iel n gran mpëni da pert di hotiei de fé a l savëi, de nfurmé. Tl cajo cuncret che ëis dit iel rie a dé na resposta, ma i hotelieres cëla de nfurmé la jënt, coche dit.

Günther Pitscheider, diretëur dl Cunsorz Turistich de Gherdëina.

USC: Can saràl pa la razzia te Gherdëina, da pert dla Verdia de Finanza? Chi muessa pa se temëi l plu? Günther Pitscheider: Sce y can che l sarà na razzia ne séi nia. Ma ne on deguna tëma, che l manejamënt ie rëidl, te Gherdëina. 999,99 euro n cuntanc, l numer magich o dl diaul? Ciunes ie pa states la reazions te Gherdëina? Chësta regulamentazion nueva cump orta zënz auter vel’ problematica, ajache somes che ie dessëura muessa unì paiedes tres bancomat o cherta de credit o tres banca. Danz che l ne n’ie nianca no duta la banches che pieta chësc servisc, y chëles che l pieta se damanda mo na cumiscion, cie che ie pona inò n custimënt sëuraprò per l tlient. Pra ciun hotiei o pra ciun eserzizies iel pa i majeri

problems? Dessegur pra la strutures majeres che no pra la pitla strutures, ulache n ne ruva suvënz nia a fatures da mile euro. Mpurtant ie per la manovra la fusties dl muvimënt di scioldi, la “tracciabilità”. Vel pa chësta nce pra i turisć nia taliani, o possa pa ëi paië nce passa mile euro n cuntanc? Paië muessa duc, nce l fulestier. La regula de ne paië nia n cuntanc da mile euro suvier vel per duc. Ma ciuna ie pa la ratio de ulëi savëi da ulache l vën i scioldi pra la jënt nia taliana, pra i fulestieres? L fisco talian ne à pu nia la cumpetënza per jì oradecà, o dit autramënter cie ti n vàl pa al Stat talian di zitadins oradecà? L ie rie da dì, ma la regula vel’ coche dì per duc, zënza desferenzië danter taliani y fulestieres.

Chest l’apel fat enstadì a Trent dai raprejentanc de la mendranzes linguistiches del Trentin, che à rejonà del referendum per tor jù la Comunanzes de Val e l Comun general de Fascia

Per i turisć da oradecà: ne n’iel pa nia l pricul che chësc manejamënt nuef ti sebe na struscia, o almanco che l ti vede sun i nierves y che i chiere ora per si vacanzes na luegia nzaul d’auter che no tla Talia? L ie dessegur n pëis per l turism, ma nce per chiche vën adalerch da oradecà, ajache i se sënt cuntrolei. Chësc possa avëi la fazion de fé jì i turisć oradecà. L aspet psicologich: duc rejona y rejona de crisa. Ne n’à pa nia nce ch’sc rujené tresora nce bele na fazion negativa sun l patin, che ne se nfida belau nianca no plu a giaurì l tacuin, nce sce l ëssa povester mo scioldi laite. Chësta crisa ie dessegur nce n gran pert mentela. Savon che l ie l decret Salva Italia, ma ne savon pra cërta cosses mo nia can y co. Cun la IMU à la jënt taliana scumencià, o scumencerà a sparanië, che la rata de messëi paië nchin a 2000 euro deplù al ann. Y la families sparania pona nce tla vacanzes. De reviers ai mile euro. Sce la soma da paië ie majera, pòssen pa fé plu fatures per na majon o per n cuatier, nce sce l se trata de una na familia, a na maniera de sté sot ai mile euro per uni fatura singula, y lascian pona paië nce n cuntanc? Sce n cëla avisa la regules ne possa la fatures perdrët nia unides partides su. Ma sce l ie uem y fëna, cun tramedoi che lëura y davania, y cun uniun che paia na pert, se làscel fé doi fatures, ma mé sce n à nce scrit ite sun doi zedules chanche i ie unic adalerch.

L turism de Gherdëina y la manovres Monti. Sun la foto S. Cristina. (foto de Alex Runggaldier)

“No renunzion a noscia autonomìa!”

David Lardschneider

I raprejentanc de la mendranzes linguistiches i se à binà per palesèr sia opinion sul referendum proponet da la Lega Nord.

Trent - La comunanzes de mendranza del Trentin: mochegn, zimbres e ladins, i à palesà sia opinion de contra ai doi quesic referendaries porté dant da la Lega Nord e relatives a l’abrogazion de la Comunanzes de Val e del Comun General de Fascia, apede che a la desposizions spezièles per la popolazions de lengaz mochen e zimber. La rejons de chesta contrarietà é states palesèdes te senta de la Region a Trent, en mercol ai 11 de jené, te na conferenza, dai raprejentanc de la comunanzes ladina, mochena e zimbra; Luigi Chiocchetti, Assessor regionèl per la Mendranzes linguistiches, Cristina Donei, Procuradora del Comun General de Fascia, Diego Moltrer, Assessor a la Mendranzes linguistiches de la “Comunanza Alta Valsugana Bersntol” e Michael Rech, President de la “Magnifica Comunità degli Altipiani Cimbri”. “Sotescriver i referendum – l’é stat dit endèna la conferenza – volessa dir renunzièr a na autonomìa istituzionèla e organisativa che la comunanzes de mendranza à arjont proprio con la naa de la Comunanzes de Val. Tras chisc Enc, defat, tras forma neves de autonomìa istituzionèla

e organisativa, vegn tutelà e valorisà l’identità de zimbres, mochegn e ladins, n patrimonie de chel che duta la comunanza trentina no pel fèr con de manco”. “La proponeta de abrogazion – à dit i raprejentanc de la mendranzes linguistiches trentines – destudassa n percors de atenzion e de promozion de la popolazions germanofones e ladines metù a jir te chisc egn da pèrt de duta la comunanzes trentines che te si teritories les veit ite ence chesta popolazions de mendranza. Volessa dir se palesèr de contra e neèr l’empegn da pèrt de chesta comunitèdes per tutelèr, valorisèr e sostegnir un di trac fondamentèi de chesta identità”. L’Assessor Chiocchetti tinùltima l’à ence recordà che: “l Statut de la Region Autonoma Trentin – Sudtirol l met, fin dal prum articol, anter i prinzipies de basa de l’autonomìa, l prinzip de tutela e promozion de la comunanzes linguistiches de mendranza che stèsc sul teritorie. Per chest ogne azion che va de contra a chest emportant prinzip de l’autonomìa regionèla, podessa roinèr chisc medemi fondamenc storics, linguistics e culturèi de la comunanza entrìa del Trentin. (fm)

Dumandes de cuntribuc culturei Nchin ala fin de jené possa la lies dla provinzia de Bulsan damandé n cuntribut provinziel per judé a finanzië ativiteies tl ciamp dla cultura ladina ntan l 2012 Lies - N mierculdi ai 25 de jené tla Val Badia y n lunesc ai 30 de jené te Gherdëina vëniel pità n servisc de nfurmazion y aiut per fé la dumandes, ulache n possa nce les dé ju, coche scrij l Ufize stampa dla Provinzia de Bulsan vëniel L Ufize provinziel per la Cultura ladina pieta nce chëst ann n aiut speziel per damandé cuntribuc culturei te chëla che i

4

www.lauscdiladins.com

cunlauradëures unirà nstësc ti luesc ladins per pië do la dumandes. Nchin ai 31 de jené 2012 pòssen mandé ite dumandes de sustëni finanziel per ativiteies urdineres. Ntan la udienzes tla valedes uniràl nce tëut ju dumandes che à da n fé cun nvestimënc, publicazions y proiec de artisć. L servisc vën tla Val Badia pità n mierculdi, 25 de jené danmesdì,

dala 10.00 ala 12.00 tl Chemun de Badia, y domesdì dala 16.00 ala 18.00 tla Cësa de Chemun a Al Plan. Respunsabli dla lies cultureles ladines de Gherdëina possa se nuzé dl servisc n lunesc domesdì ai 30 de jené dala 16.00 ala 18.00 tla Cësa de Chemun de Sëlva. “Chësc servisc ti luesc ie i ani passei dantaldut unì prijà da chëi che fej l prim iede na tel dumanda. Tlo

vëniel nce stlarì ciun documënc che l va debujën y coche va la pruzedures,” sotrissea l assessëur ladin Florian Mussner. La dumandes per cuntribuc provinziei possa nce unì mandedes ite tres posta, al Ufize cultura y scola ladina dla Provinzia de Bulsan, streda Binder 29, 39100 Bulsan. I formuleres per fé dumanda giaten tl web sun la plata

www.provinzia.bz.it/ntendenzaladina/service/formuleres-cultura. asp o tl Ufize cultura y scola ladina a Bulsan, numer de telefonn 0471417020/21. La dumandes de cuntribuc per nvestimënc, publicazions y proiec artistics tl ciamp dla cultura ladina, possa alincontra unì dates ju ntan dut l ann. (usc)


Atualité

nr. 02 / 13 de jené 2012

Festejëde cun nëus! I ufizies nueves de La Usc di Ladins a Urtijëi vën inaugurei ufizialmënter. N valguna ëura de porta davierta. Duc ie nviei de cuer!

L team dla redazion de Gherdëina Ve nvieia de cuer a unì a ti dé na udleda ai ufizies de La Usc di Ladins a Urtijëi.

USC - Duman sada ai 14 de jené dl 2012 dala 16.00 iela tan inant: i ufizies nueves de La Usc di Ladins tl frabicat dla Cassa dl Sparani a Urtijëi unirà inaugurei ufizialmënter. Sciche presidënt dla Union di Ladins de Gherdëina me fej chësc tan plu plajëi, davia che nosta sezion dla USC de valeda à giapà na nfrastrutura che ti garantësc ala redazion de pudëi lauré te n ambient adatà. Per

chësta ucajion ulëssi nvië duc i scric ite ala Union di Ladins de Gherdëina y nce duta l’autra jënt, a chëla che l ti sta a cuer nosta zaita ladina, a unì a chësta inaugurazion. Cun la prejënza dla mascima autoriteies politiches y cultureles, che arà nce l’unëur de taië la pinta, benedirà Sn. Digan Vijo Pitscheider, i ufizies y da dedò ti uniràl mustrà ala jënt coche l vën

metù adum na plata dla zaita ladina y pità a duc velch de bon da maië y da bever. L sarà chësta nce na ucajion per la populazion che ne n’ie nia abuneda a La Usc di Ladins de pudëi fé n abunamënt nuef (c. nce l program dla festa tlo dlongia). Stefan Kasslatter, Presidënt dla Union di Ladins de Gherdëina

La sënta de La Usc di Ladins a Urtijëi ududa da dedora, da Plaza de Sant Antone su. Duman sada ai 14 de jené iel la inaugurazion ufiziela, cun porta davierta dala cater domesdì inant.

La grafica de La Usc di Ladins vën fata a Urtijëi. N sada saràl mesun udëi co.

www.lauscdiladins.com

5


Atualité

nr. 02 / 13 de jené 2012

L’apel de Emergency: didane a no molèr!

La storia te la stories de la femenes

La organisazion domana l’aiut de duc ajache te chisc tempes de crisa l’à problemes a seghitèr a L Comun de Poza en colaborazion co la Scola de Fascia prejenta l spetacol de teater “Piazza Sorelle d’Italia” portèr inant sie “straordenèr esperiment uman de cura e de cultura” canche l’é stat avert l nef che à de besegn. Zenter pediatrich de Ma ades Emergency la é en gran Port Sudan, la capitala dificoltà: n ospedèl l’é na strutura del stat del Mèr Ros, che olache se cogn lurèr ogne dì, no se s p o rc a s s i s te n z a pel ge dir a malé e ferii: anché no sanitèra debant ai bec aon scioldi per jir ianant, seron sù, fin ai 14 egn. jivene a cèsa e vegnì te n meis. So lurier seghita a Emergency vel seghitèr a jir crescer, percheche inant con sia atività, ma per poder seghita a crescer la l fèr l’à de besegn de aiut, e la ge vitimes de la veres e de domana chest aiut a duc chi che la meseria. aprijia so lurier, a chi che cree te Ti ùltimes egn, la valivanza e te la degnità de duta L medico Gino Strada, fondator de Emergency. adertura, sia atività se la jent de chest mond. à slarià fora e dai paìjes Emergency l’é na sociazion dalonc la é ruèda de retorn ence Didon Emergency, ence talièna indipendenta e neutrala, te la Tèlia, ajache ence te nosc Stat te noscia valèdes nasciuda per ge sporjer cures l derit a la sanità no semper l vegn mediches debant ma de calità auta arsegurà. Migranc, foresć, purec, Ence te nosc raion l’é gropes che a la vitimes de la veres e de la de spes no i pel aer azess a la cures, se dèsc jù per sostegnir l’azion de meseria e per sostegnir la cultura percheche no i de la pèsc, de la solidarietà e del cognosc l lengaz, respet di deric umans. Metuda sù si deric, nosc del 1994 dal medico Gino Strada sistem sanitèr. Dal con sia femena Teresa Sarti, chesta 2006 a anché col organisazion se cruzia de fèr sù e “ P r o g r a m m a gestir ospedèi, zentres de Italia” i medizi de riabilitazion, zentres de prum Emergenc y à socors , ambulatories per rencurà passa 50 l’assistenza de basa e zentres mile persones, e pediatrics, estra che formèr l apede ai foresć, ti personèl local, meter a jir intervenc ùltimes egn l’é umanitères e realisèr projec de ence semper de più svilup olache l’é de besegn. i taliegn che à tacà Te 17 egn l’à curà, delvers, passa a se oujer ai L pulman fat fora desche ambulatorie per poder 4 milions de jent, zenza ge domanèr ambulatories de ruèr apede a chi che à de besegn ence te la Tèlia. e scioldi e con na speisa mesèna de P a l e r m o 47 euro per vigniun. L’à seghità a Marghera o a l’ambulatorie che é Emergency. L Grop Emergency de smaorèr sia atività: l’ùltim vèrech stat endrezà te n camion per poder Fiem e Fascia, con a cef Michele l’é stat ai 26 de dezember del 2011, se mever e ruèr apede a duc chi Zadra, l’é atif da l’an 2004. L’endreza scomenzadives de informazion e autofinanziament, soraldut d’istà en ocajion de “I Sons de la Dolomites” o de etres evenc de informazion vegn endrezà banchec per vener maietes e etres prodoc de Emergency e per didèr a fèr cognoscer l’atività de chesta organisazion.

L Zenter cardiochirurgich “Salam” tel Sudan, sostegnù dal Grop Emergency de Fiem e Fascia.

N intervent tel “Programma Italia”, che sporc assistenza sanitèra debant te nosc Paìsc.

6

www.lauscdiladins.com

L’empegn maor del Grop Emergency de Fiem e Fascia l’é chel de arsegurèr l cost de un let per dut l’an (con duc i intervenc sanitères che chest comporta) tel Zenter Cardiochirurgich “Salam” de Khartoum, tel Sudan. N’autra scomenzadiva che vegn metuda a jir jà da egn l’é la garejèda de slalom lèrch che à inom “Emergen...sci” e che chest an la vegnarà portèda inant con amò maor sbunf sui portoes de Pampeago ai 3 de mèrz. L’é dassen emportant ge dèr n didament a Emergency ajache, descheche disc Gino Strada, te chest moment la ressorses economiches les é schèrses e l’é besegn de n muie de scioldi per fèr front a dut l lurier envià via. L’é n muie de modalitèdes per poder didèr Emergency, per les cognoscer e per cognoscer miec l’atività de chesta organisazion se pel jir sul sit www.emergency.it e se pel ence tor contat con l Grop de Fiem e Fascia manan na mail a emergencyfiemmefassa@yahoo.it L’é ence na sort de didament che no costa nia: destinèr l 5 per mile de la declarazion di vadagnes a Emergency. L codesc fiscal de la sociazion l’é 971 471 101 55.

L’é la storia te la stories de la femenes, l’é na comedia te doi tempes che conta i fac di ùltimes 150 egn. L’é l spetacol che en sàbeda ai 14 de jené da les 20.30 te Sorastanza de l’Istitut Comprensif de Fascia, prejenta l Comun de Poza en colaborazion co la Scola Ladina de Fascia. I argomenc é sceri e riches de emozions, ma i vegn traté a na vida comica che slejieresc e fèsc goder l spetator. A contèr la storia travers la stories de la femenes vegn chiamà Anita Garibaldi, che é stata protagonista de na pèrt del Risorgiment talian, Gemma Guerrieri Gonzaga che à vivù i fac de la Gran Vera e di sudé austriacs de lengaz talian prejonieres te la Russia, e Tina Anselmi che à vivù en pruma persona la seconda Gran Vera e i evenc che à segnà l temp che l’é vegnù dò. A la stories veres de chesta femenes se jonta ite cheles de fantasìa de doi autra

femenes che vif en pruma persona i problemes de nosc temp. L resultat l’é na fujion de storia e de stories, de memoria condividuda e de atualità coletiva che chier de spieghèr l prejent travers la letura del passà, magari ence roban na grignèda. L’opera teatrèla à ciapà l patrozinie de la Provinzia de Trent e de la Fondazion Museo storich del Trentin per l’aut valor de si contegnui e la é stata metuda anter la scomenzadives de emportanza a livel nazionèl per l 150° cedean de l’Unità de la Tèlia. L’autora Luisa Pachera, stata ensegnanta, la é scritora, giornalista e la scrif tesć per teater, anter si libres l’é “Stava 19 luglio 1985” per recordèr la 268 persones restèdes sot la mauta. Na ocajion da no perder donca per chest apuntament de teater, doman, sàbeda ai 14 de jené, da les 20.30 te Sorastanza de la Scola de Fascia a Sèn Jan.

L cast del spetacol “Piazza Sorelle d’Italia”, en program sabeda sera a Poza.

Avisc da l’ofize Pat del Comun General Te chest meis de jené se pel portèr ite la domanèr per doventèr maestres de schi e de brea, giagres e fèr l’ejam de ladin per poder ensegnèr L portel de informazion e assistenza al publich de la Provinzia Autonoma de Trent che à senta periferica te Comun general de Fascia, fèsc a saer che se pel se scriver ite a desvaliva sorts de ejames:

Maestres de schi e brea L’é temp enscin ai 16 de jené per prejentèr la domanes per tor pèrt a la pre-selezions per aspiranc maestres de schi e de brea. Per duta doi la disciplines vegnarà fat na proa scrita a Trent, en vender ai 13 de firé e enveze la proa pratega vegnarà fata: per l schi dai 19 ai 22 de mèrz a Fondo Grande de Folgaria; per la brea dai 26 ai 29 de mèrz a Pampeago.

Giagres L’é temp enscin ai 31 de jené

del 2012 per prejentèr la domanes per fèr i ejames per l’abilitazion a doventèr giagres.

Ejam de ladin per ensegnanc L’é temp enscin ai 31 de jené per portèr ite, a l’ofize periferich de la Provinzia de Trent, la domanes de amiscion a l’ejam de cognoscenza del lengaz e de la cultura ladina per ensegnanc. Per maor informazions sun chisc ejames se cogn se oujer a Mariano Rasom o Loreta Florian, aló dal Comun General de Fascia a Poza, Strada di Pré de Gejia 2, te chisc oraries: lunesc e jebia 8.15 - 12.15 e 14.00 - 16.00, mèrtesc e mercol 8.15 - 12.15 e domesdì su apuntament. Tel. 0462/763505, fax 0462/763503.


Université

nr. 02 / 13 de jené 2012

Portal de chirida nuef

Sciche al nasc i ogec Dan Nadel él vegnù inauguré l Zenter Interdisciplinar de enrescida sun l Product Design, na lerch nueva tla Facolté de Design y Erts, nasciù da n projet de enrescida de Alex Titone y dl diretour Gerhard Glüher

Na cerna di ogec metùs en mostra.

“Les finalités de chesta lerch é cheles de ester de suport ai cursc y ai studenc dla facolté sciche teaching room”, spliga Titone. L Zenter Interdisciplinar de enrescida sun l Product Design studia les relazions y i raporc danter oget/material; oget/produzion; ogec/ogec. “Con chest laour espositif vuelen visualisé demé l’architetura, l schelet inizial

de organisazion dl laour, y al é n laour work in progress per chel che al va debujegn tresfora de n aprofondiment” - va inant l enrescidour. Dut l laour fej referiment a n database informatich che vegn manejé aldò dla medema logica, che se lieia te cerc ponc con i ogec tres sistems de letura otics. L projet de enrescida é pié Esposizion de ogec al intern dla Facolté via de auril 2010, depierpul de Design y Erts. che i laours por la realisazion dl areal d’esposiziun à metù man a vijité, sun domanda, da n valgugn la fin de otober 2011: “Al é sté na reprejentanc dl TIS y dla Facolté endesfida - conta l dot. Alex Titone de Enjigneria dla Université de - ciamò deplù ajache an à tout la Trent. L projet é emplù vegnù dezijion de ne volei nia adoré fonds prejenté en ocajion dla finanziars dla enrescida per compré manifestazion “Punto d’incontro: ogec da adoré tla esposizion. Al n’é ricerca” organiseda da la Provinzia perchel nia sté na operazion saurida, de Bulsan. La mostra é a desposizion ajache an damanova ales aziendes da atira per i studenc de Design, y de spene scioldi y temp y de fornì per l proscim davegnì pénsen bele debant un o deplù toc, dlongia les da la giaurì a utenc esterns. “En enformazions y d’autri elemenc.” curt: l’idea é feter sciche la gestion I ogec é vegnus abinés tl’aula de na materioteca, demé che a mia C01.03. Al moment él metù fora conescenza, n’él nia n post olache 161 ogec de Product design, dlongia an giata relazions con i produc reai na ligna de campions de materiai enscì sciche i òn nos prové da fé”, y granui. L’alestiment é bele vegnù sclju Titone. (cde)

Tres ajornés sun les iniziatives dl'Université Encontedes con i leader dl’industria organisedes da Economia, conferenzes sun l tema dla violenza organisedes da Scienzes dla Formazion y sun la cualité di produc alimentars dla Facolté de Scienzes y Tecnologies

y truep d’auter. La ULB é rica de evenc, trueps de chisc é daverc al publich. Co pòn pa fé da se i tegnì a ment? I evenc vegn tres publichés sun la homepage dla université, judapé dla plata. Ma da puech él n sistem plu saurì y diret per ester

entres ajornés: se aboné ala newsletter che vegnirà meneda a duc i iscric vigni does edemes. Al basta scrì fora l formular online sun la plata http://www.unibz.it/ it/public/press/newsletter/Default. html. (cde)

La biblioteca dla Université Ledia de Bulsan à daurì su la porta sun l mond dla informazion: l portal nuef “Primo” pieta resultac de chirida complessifs y ence l azes a contegnus y articui Do l’introduziun dl catalogh eletronich i prums agn nonanta, à les biblioteches laoré con n strument en pruma ligna pensé per l’aministrazion di media per les biblioteches y empermò daldò per i anuzadours tla chirida de contegnus. Ala ne jiva nience da chirì contegnus de libri o articui spezifics y an ne podova nia chirì tles ressurses eletroniches, La biblioteca dla ULB. che à giaté ti ultims agn na emportanza tres maioura. Con la su na lista soula con i resultac da tecnologia nueva de Primo ti végnel dutes les fontanes, partides su aldò pité ai anuzadours na plataforma dla relevanza. La plataforma é dret y n ciamp de inseriment scempla, s’orienteia al anuzadour diretamenter da la homepage, che y a si comportament de chirida. garantesc de bogn resultac de Con chest strument él vegnù curì chirida. Con chest strument nuef na locia tla jungla dles informazions. pòn chirì te dut l’inventar dla Tla Talia él dlongia l’Université biblioteca - dai libri y foliec a les de Bulsan demé chela de Verona ressurses eletroniches sciche che anuza Primo. La biblioteca banches de dac, foliec y libri universitara dla ULB é daverta per eletronics, o ence capitui de libri duc i anuzadours i dis da laour da y articui. Ai anuzadours ti vegnel les 8 a les 24. (vic)

Traslaté y mete adum La Provinzia de Bulsan à dac sun trueps temesc. Te n practicum tl Ofize Provinzial de informatica geografica y statistica ova i studenc dla ULB Stefan Unterweger y Sandro Santinato l dovei de vedei sciche an pò giaté na souravijion y sciche an pò mete adum i dac

Ence i mendri va al'Université Do la sourandeda di diploms ai laureés “regolars”, à ence i partezipanc joegn dla JuniorUni 2011 podù festejé con si genitours la conclujion de si “studes” sprigolés da la Université, ma i motivé da studié”, à dit Gabriella Kusstatscher, vizepresidenta dla Fondazion Université Ledia de Bulsan, che à contribuì al finanziament dla JuniorUni. Sciche pro les dertes festes de sourandeda di diploms, ti à l retour Walter Lorenz dé a vigni partezipant n atestat. Vigni mut à podù ti toché

la man al retour, se vistì l ciapel di diplomés classich, y a la fin l tré tl aier sot na pluevia de flash. “Al é n plajei da vedei tan de persones che s’à avejiné a la université tres chesta scomenciadiva”, à dit l retour, recordan che la biblioteca de université, l Studium Generale y evenc desvalifs é daverc a duta la popolazion. (cde)

L retour Walter Lorenz y la vizepresidenta dla Fondazion Université Ledia de Bulsan, Gabriella Kusstatscher, pro la surandeda di diploms ai jogn.

Dmc l prof. Werner Nutt, Stefan Unterweger, Alessandra Avvenuti, Sandro Santinato y Michele Orsingher.

“Sciche an lieia dac geografics y statistics é n tema ciaut dla enrescida informatica”, dij l prof. Werner Nutt, che à acompagné i doi studenc. N ejempl dla emportanza de chesta combinazion: Sce n raion vegn inondé, mess i socoridours savei atira tan de mutons y jent de temp che viv dailò. “Mete adum i dac geografics y statistcs é bele rie deache ai vegn abinés adum con nozions dret desvalives. I òn chilò propi n problem de traduzion”, dij l prof. Nutt. L student Stefan Unterweger à giaté n sistem per crié n pont. Te si program pòn p.ej. ciarié su y analisé dac sun les frabiches, y vedei cie danns che na regossia gaujassa te n areal spezifich. Tla repartizion provinziala de informatica é i studenc vegnus acompagnés da Michele Orsingher

y Alessandra Avvenuti. Tl practicum fòvel da afronté ence la analisa dl sistem che sostegn la rei dl trafich dla Provinzia, con plu de 10.000 km de stredes, lignes de bus, trois forestai y d’autri trois registrés. “Con l temp à tres deplù ofizes dé ite y cherdé su dac. Ensci ònse valch informazions doples y d’autres é vedles”, spliga Alessandra Avvenuti. “I volon documenté la situazion atuala con mesi moderns. Souraldut volonse ence tl davegnì mantegnì na souravijion.” Sandro Santinato à laoré fora n Wiki, olache al é vegnù porté ite metodes d’analisa per l sistem di trois. Al à enscì giaté fora ponc de debleza y à podù porté ite otimisazions - che i socoridours giate ence tosc l dret troi, sce ai muess jì sun l post a daidé. www.lauscdiladins.com

7

En colaborazion con la Université Ledia de Bulsan.

Danter otober y dezember à jonins danter 3 y 15 agn podù tò pert a chinesc lezions, tegnudes en gran pert tla Facolté de Scienzes dla Formazion a Persenon. I professours ti à mostré ai mutons la scola sciche ala fova al temp de si nenesc, ma ence sciche an pò conté stories con l aiut dl software y sciche an pò afronté les emozions. Ence i genitours à abù l’ocajiion de emparé valch: la Facolté à pité dlongia les lezions per i mutons ence encontedes per rejoné dla funzion dla mujiga tla formazion dl’identité de pici y joegn, sun les metodes per motivé joegn al stude y sun l’esprescion di “nascius digitai”, che definesc les ultimes generazions. Ala seconda edizion dla JuniorUni à tout pert ence la Facolté de Scienzes y Tecnologies Informatiches, olache i mutons à podù interagì con robot y tablets. Tla Facolté de Scienzes y Tecnologies ài emparé da conesce plu davejin l mond di insec y dla chimica. “Per nos él emportant da investì sun les generazions nueves. I volon che chisc joegn ne vegnes nia


Atualité

nr. 02 / 13 de jené 2012

Santa Maria, la defensoura di ampezans Dant da 600 agn ova Santa Maria defenù i ampezans tratant na batalia. Chest aveniment miracolous vegn festejé vigni ann ai 19 de jené, en la "festa del Voto", festa de “ra Madona de ra Difesa” assistenza publica y istruzion. Enscì vegnìvel ence sclut la scola dla Confraternité di “Battuti” y ence la gliejia enjonteda a chesta scola, la gliejia dla “Difesa”. Dl 1790, can che l imperadour moriva, ti é la festa endò vegnuda retuda ai ampezans che l’à porteda inant enfin aldidancuei.

Pater Leone Rosato.

Religion - An conta che Santa Maria fossa bele vegnuda en aiut di ampezans dl 572, can che i Longobarc invadova l Ciadoura. La Santa ova lascé vegnì ju na niora per ti fé confujion ai nemisc y daidé l popul che la priova tant truep. Embaluchés via tla niora, ne vedova i invasours plu nia y metova man da se copé anter d’ai enstesc. Chest aveniment vegn recordé sciche "Festa dei Goti". Dapò nuefcent agn, dl 1412, é la Santa intervegnuda ciamò na outa per defene l popul d’Ampez, i ciadorins y i furlans, militars dl Patriarch de Aquileia, tratant na batalia contra les trupes imperiales d’Austria. Miracolosamenter se à les trupes retiré. Ciuldì ne sàn nia avisa. Da en chel di inant vegn Santa Maria, “ra Madona de ra Difesa”, recordeda vigni ann ai 19 de jené con na festa clamada “Festa del Voto”. En chest ann toma l 600ejim aniversar dl miracul: iubileum important per Ampez y per sia jent. I festejamenc ne sarà nia mé limités al di dla festa, ma ence tratant i dis dant saràl dis de preghiera, velies, conzerc y conferenzes. I cors dles cueres dedichedes a la Santa defensoura vegnirà adalerch a Cortina en lunesc ai 16 de jené y l di dapò saràl n conversazion con l professour Paolo Giacomel, che à ence scrit n liber soura la storia dla “Madona” y de sia gliejia, che vegnirà fora te curt temp. “Dalla Madonna con la melagrana alla Madonna con la spada” é l titul dla conferenza a chela che al tolarà ence pert l professour Giorgio Bonomo y l pater Leone Rosato. Belavisa da patri é la gliejia “de ra Difesa” manajeda aldidancuei, patri che é ruvés adalerch dant da 71 agn. Nos on enconté pater Leone y ti on fat val’ domanda, aspetan la “Festa de Voto”. La Usc di Ladins: Cie é pa, plu avisa, la "Festa del Voto"? Pater Leone: La Festa del Voto toma vigni ann ai 19 de jené. Ala se trata de na tradizion che vegn porteda inant dal 15ejim secul encà. La popolazion ampezana é tres steda fedela a chest ‘voto’, mé nia tratant i agn sot a Ujep II, imperadour asburgich che ova sclut te Ampez dutes cheles strutures che se cruziova de fé benefizienza,

8

www.lauscdiladins.com

La gliejia ne é nia nasciuda sciche na gliejia francescana. I patri é vegnus cherdés empermò dl 1941. L 17 de dezember de chel ann él ruvé adalerch i patri francescans dla provinzia de Bulsan. Nos patri francescans dl Venet son ruvés chilò dl 1986. Tant de patri él pa perdret te chest pice convent? I son de doi y datrai de trei. Enlaouta fòvon de cinch, ma aldidancuei él na gran mancianza de personal.

Cie manifestazions religiouses végnel pa fat en ocajion dla "Festa del Voto"? An ruva en prozescion da la gliejia maioura, la gliejia de San Filip y San Iaco, enfin a la gliejia dla “Difesa” olà che al vegn zelebré la Santa Messa solena da pert dl vescul, che zelebreia spo ence i Vespri domesdi. Vegniràl organisé zeche de particolar en chest ann, 600ejim aniversar dl miracul dla “Madona”? Enlaouta vegnìvel fat n fuech tl post olà che al fova sozedù l miracul. Pro chest fuech ruvovel adalerch la jent dl post che dijova la corona y che ciantova cianties dedichedes a Santa Maria. En chest ann volonse tò ca endò chesta tradizion y fé ence nos n fuech, fuech che vegnirà fat en mercui ai 18, vueia dla festa. Olà é pa plu avisa chest post olà che al é sozedù l miracul? La lienda conta che i ampezans ova archité su i nemisc su Sorabances. Ma l luech dla batalia é a Lacedel, olà che al é ence vegnù ciapé resć dles ermes. Te chest post ove spo metù man da fé su na gliejia per “ra Madona”, ma ence chilò sàltel ite na lienda... Cie conta pa chesta lienda? Chesta lienda conta che can che ai fova tl laour da fé su la gliejia a Lacedel, fòvel les rondoles (rondini) che tolova toc de material y i

Chela che an veid sun alté dla gliejia ne é, tles origines, nia na “Madona de ra Difesa” ma na Santa Maria dles Grazies. La statua tegn la man daverta, man olà che al fova enlaouta na melagrana. Ma can che al é vegnù fat l “voto” a Santa Maria, él vegnù tout demez l frut da la man dla statua, che fova de proprieté dla Confraternité di “Battuti”. Al ti é vegnù lié na spada entourn a la man via, simbol dla “Difesa”. Emplù é la statua ence vegnuda vestida. Chela orginala (sun la man ciampa) fova de legn y depenta a man. L guant cujì fora con fis d’or y l sotfonz iluminé i da a “ra Madona” n aspet glorious y plen de grazia. (Fotos de Tipografia Ghedina)

portova olà che al é sen la gliejia y olà che al fova enlaouta la ciasa de palsa dla Confraternité di “Battuti”. Les liendes, ence sce ales ne conta nia duta la verité, ti da n ton plu intensamenter miracolous a la storia. Ales spliega, con l uedl dla fede, l fat che i ampezans é vegnus salvés per interzescion de Santa Maria. Zenza Si aiut ne fóssela bonamenter nia juda, ajache ai fova dret puec y ai ne ova nia les dretes ermes per combate. Cie importanza à pa “ra Madona de ra Difesa” per i

ampezans aldidancuei? Sce an auda rejonan nosta jent é la fede tla “Madona” dret sota y sentida. Dantadlut te temps passà ne fòvel nia na ciasa olà che al ne fova nia na imaja dla Santa. Aldidancuei ne preia la jent samben nia plu da vegnì defenuda da les ermes, ma da duc i prighi y i risć che é sun chesta tera. É la fede per la Santa tant sterscia che enlaouta, da vos enfora? La “Festa del Voto” ne é nia demé na festa religiousa, ma ence na festa zivila y duc i ofizi resta scluc, perchel él la maioura pert dla popolazion che pò tò pert a les zelebrazions. Ma i veid endere che la devozion a la “Madona” é na devozion plu intima y personala y manco publica. Per trueps se limiteia l cult dla “Madona”, almanco chel publich, al 19 de jené. Ie volesse che al dorassa ence fora per l ann. La gliejia dla “Madona” é sen manajeda dai patri francescans. Can ési pa ruvés adalerch?

De cie se ocupeis pa? I dijon les Santes Messes y i zelebron les liturgies, i fajon val’ servisc per la cuera sce al va de bujegn. Emplù fajonse ence servisc per la ciasa de palsa y per la jent atempeda che sta tl istitut Codivilla Putti. Te convent i donse spo alberch a duc chi che à de bujegn da renové la fede. Enlaouta ruvovel ence adalerch trueps pelegrins, aldidancuei nia plu tant. Da olà ruvova pa adalerch chisc pelegrins? I pelegrins che vegniva a prié “ra Madona de ra Difesa” ruvova adalerch dantaldut a pé. Na outa me recorde che al fova ruvé adalerch pelegrins da Col de Santa Lizia. Dant da puech temp onse ence nos fat n pelegrinaje tles autres gliejies dedichedes a “ra Difesa.” Ne vegn la Santa nia mé venereda a Cortina, donca? Ence i ciadorins ova combatù contra i austriacs y fova vegnus defenus da “ra Madona” y perchel vegn la Santa venereda ence te autri trei paisc dl Ciadoura: a San Vi, a Vigo y a Lorenzago. En ocajion dl 600ejm aniversar vegniràl adalerch, a Cortina, i cors de chisc paisc a cianté per Santa Maria. Fajeise la festa duc adum? No, chel no. Perchel ruva i cors a Cortina bele l lunesc ai 16 de jené. Ne se limiteia i festejamenc donca nia mé al 19 de jené? No, sciche bele dit fajonse l fuech en la vueia. Ma les zelebrazions met bele man ai 9 de jené con na “novena” de preparazion y spo saràl vigni di val’ apuntament particolar per se arjigné ca sciche al toca a chest bel iubileum. (Intervista de katia pizzinini)

Ra orazion vecia a ra Madona de ra Difesa Sote ra To protezion tieneme e te invocon, Beata Verjine de ra Difesa, Santa Mare de el Signor, invocon ra protezion toa par duto chel che on bisoin inze ‘l bel e inze ‘l burto de ra vita, Scota ra nostra orazions, libereme senpre da dute i pericole, o Verjin benedeta, avocata nostra. See sempre pede a nosoutre e, aduna co’ ‘l Signor e co i Sante, protejeme e benedisce tute cuante. Traduzion tl ampezan de Teśele Michielli Hirschstein “Ra jeja de ra Difesa”.


Atualité

nr. 02 / 13 de jené 2012

Soluziun por le monumënt dla vitoria Anter la fin dl ann déssel gnì arjigné sot le monumënt dla vitoria a Balsan n zënter de documentaziun storica

Dancà y da na pert Uedli y oredles daverc sun la sozieté ladina d’aldidancuei I s’l ùn ciacolada cun Antonio - alias Tone - pizzaiolo da Napoli che laora da oramai 10 agn a Al Plan

Pro la sotscriziun dl’acordanza sön le monumënt dla vitoria: Kasslatter Mur, Test y Spagnolli.

Politica - Do dejenns de polemiches, gnarà le monumënt dla vitoria a Balsan metü te n contest storich sciöche post dl recort olache düć po pormez. L’acordanza sotescrita ai 3 de jenà tl Palaz Ducal dal’assessuria provinziala Sabina Kasslatter Mur, en rapresentanza dl presidënt dal Provinzia Luis Durnwalder, y dl ombolt da Balsan Luigi Spagnolli, garantësc n’adoranza dles ressorses finanziares metüdes a desposiziun dai ënć publics che fej para al proiet, che dess splighé y contestualisé le monumënt fat sö danter le 1926 y le 1928: le Stat (Direziun regionala por i bëgns culturai y dla contrada dl Venet) à mëtü a desposiziun 834.788,75€, la Provinzia y le Comun da Balsan 100.000,00€ porom, indöt passa n miliun de euro che gnarà tuć ca por adatè les lercs che va debojëgn y arjigné ca la mostra. Ala zerimonia dla sotescriziun êl, en rapresentanza dl Minister por i bëgns y les ativitês culturales, le Diretur regional por i bëgns culturai y dla contrada dl Venet, l’architët Ugo Soragni, che é inće responsabl por l’atuaziun dl’acordanza. Le comissar dl Govern Fulvio Testi à cuntè ći che al è sozedü dal scomenciamënt, dai 30 d’otober dl 2010, ćina aldedaincö “tl respet de dötes les sensibilitês” y à portè al’acordanza definitiva “obietif storich” dl Prefet. L’aodanza é de

jì inant “cun le medemo spirit propositif y costrutif ” a na moda che la jënt pois pormez al monumënt y che al ne vëgnes nia strumentalisé dai grups linguistics. L’assessuria provinziala Kasslatter Mur à baié de “n bun scomenciamënt dl 2012” y à recordè le bojëgn de contestualisé n monumënt “che zelebrëia le fascism”, y olache - sce al manćia spligaziuns adatades “pod��sson miné che chë zelebraziun é intres ćiamò.” Kasslatter Mur à dit ćiamò n iade che le monumënt ne gnarà nia trat jö, “ajache al mëss romagne sciöche avertimënt, azessibl y delibré dala ćiaria simbolica y ideologica.” Aldedaincö unse debojëgn “dl dialogh y da dè inant le savëi sön la storia.” L’assessuria à rengrazié la Junta provinziala, le Stat y le Comun por so impëgn: “Cun la bona rajun dles porsones y de dötes les istituziuns laôron deboriada por tó y jì la conotaziun de divijiun che le monumënt rapresentëia tla sozieté zivila.” An s’aoda che i proscims vari por realisé la mostra, fejes a na moda che ara vais da daurì le zënter de documentaziun por la fin dl ann. Chësta mostra - proponüda da na Comisciun metüda adöm da Soragni (presidënt) y dai storics Andrea di Michele, Christine Roilo, Silvia Spada y Hannes Obermair - documentarà la storia dl monumënt dla vitoria y sü significać

ideologics, sciöche inće plü en general ći che é sozedü a livel local dal 1918 al 1945, lié ales ditatöres fascista y nazionalsozialista. Les lercs tematiches, te 13 locai, sön na spersa de feter 700 mq, mostra la storia y interpretaziuns dl monumënt, la Gran Vera, la mudaziun de sovranité, la nasciüda dl rejim y les faziuns dl mudamënt autoritar, la creaziun dla cité taliana, i palac dla politica y militars, la formaziun, l’ert y la cultura, la politica soziala y l’industrialisaziun, les semirurales, les opziuns y la secunda vera mondiala, la fin dl conflit y la nasciüda dl pröm Statut d’autonomia. Pro la sotescriziun dl’acordanza à l’ombolt Spagnolli sotrissé tan important che al é “da ti mëte a desposiziun ala jënt lercs nöies por imparè da conësce damì le tëmp storich sön chël che nosta convivënza se basëia, y da realisé tres le savëi n dagnì de pêsc.” L’architët Soragni à laldè le laûr fat ćina śëgn. La dorada dl’intenüda, cun laprò les colaudaziuns che va debojëgn é de n ann, y po gni arlungiada de sis mëisc, ater co tl caje de rajuns documentades de majera forza. Por controlè l’atuaziun dl’acordanza él gnü metü sö inće n collegium de verda metü adöm da trëi componënć nominà un dal Minister, un dal Comun y un dala Provinzia. (osp)

Aiut Alpin Dolomites Ntan l’ena passeda ne n’iel nia stat drë bel tëmp y nsci iel nce stat manco ntervënc che ti ani passei ntan la festes. Da auzé ora iel n ntervënt a Colfosch, ulache l joler ëssa messù ruvé de prëscia per purté aiut a n’ëila, ma pervia dl nibl ne fòvel nia mesun julé sëura l jëuf via. N à nscila dat sëura sun Plan de Gralba, ulache l aspitova na ambulanza che à menà la duturëssa sun l post. Ëila la à ntubeda y cun l’ambulanza la àn meneda nchin sun Plan de Gralba, da ulache l joler la à pona juleda te spedel de Bulsan. N auter ntervënt de prëscia fòvel da fé sun Dantercëpies, ulache

un dai schi ie tumà dassënn se fajan mel al fil dl spinel. Metan scialdi a verda l àn ciarià tl joler y menà te spedel per la cures dl cajo. Nia saurì ne fòvel a ruvé permez a n’ëila de Roma che se ova fat mel dlongia la utia Piz Pisciadù. Ëila se ova rot burt n jenodl y ova n drë mel. Cun pazienza iesen ruvei sun l post cun l joler y do che n ti à dat la prima cures la àn juleda te spedel de Burnech. N ntervënt iel nce unì fat a La Ila, ulache n seniëur fova tumà cun i schi se fajan mel sun l purtoi Altin. Ël se ova rot n brac y na sciabla y te chisc caji iel drët ruvé riesc sun l post per purté aiut y dantaldut ti tò l mel al desfertunà che unirà dessegur curà a puntin

La Usc: Da tan d’agn este pa bele chilò Al Plan y co este pa rovè da Napoli sö chilò? Antonio: Śëgn él döt adöm feter 10 agn ch’ sun chilò. Danter le 2007-2008 sunsi stè demez mo spo sunsi indô gnü. I m’à dagnora ciafè bun y i m’à inserì bun tla sozieté. Rovè alerch sunsi tres n rapresentant. I à metü man da laurè cun 17 agn tl belunej y d’isté fajôi les sajuns al mer. Le rapresentant m’â damanè sc’i ess orü fà na sajun da d’invern y al m’à condüt chilò y chilò sunsi romagnü. Ara büta dër ch’i po fà la sajun da d’isté y da d’invern. Tan dî este pa pizzaiolo? I à metü man cun 17 agn y śëgn n’ài 35. Döt adöm él 18 agn. Le tëmp da Nadè é n tëmp de gran laûr. Este pa contënt che al é passè ia? I sun contënt che la gran ona é rovada, deache al é dër n gran stress y an ne sciafia feter gnanca da fà na cossa fata bun. Aldédaincö él düć che à prescia y al pê che an mësses avëi döt bele arjigné. A me me plejera indere da fà les cosses beles, cun calma, che al röies sön mësa na cossa indertöra, deache le ghest mëss ester contënt. De un n vers él bel che al é tröp da fà, deache an ciafa le ritm y canche an à le ritm, spo ne pësa le laûr nia plü, inće sce al é vigni dé. Al é i salć de laûr che desturba n pü’. I ne sun nia contënt che ara é rovada, mo al foss plü bel sce al foss tres da fà y che an podess laurè zënza gran prescia y stress.

de Armin Moroder

te spedel. Tl Funpark te Ahrntal tl raion de Klausberg iel suzedù che n jëunn de 24 ani se ova fat dassënn mel al spinel. Nce te chësc cajo fova l dutor cun la scuadra de aiut de gran mpurtanza. Ora di ntervënc sun i purtoies, fòvel nce n ntervënt saniter de prëscia a Deutschnofen/Neva Tudëscia, ulache n ti à purtà aiut a n’ëila de 85 ani che se n stajova scialdi mel. Nce ëila ie ruveda te spedel per la cures adatedes do che l dutor dl Aiut Alpin la à stabiliseda per l transport.

Aste n iade cumpedè le rècord de pizzes te n dé? Le plü pizzes te n dé ài fat propi chilò Al Plan, olache i sun rové a 480. Tüa pizza preferida? La Margherita cun basile. Sciöche pizzaiolo, co este pa cun tü colegs. Critichëieste inće i atri, mangeste pa pizza foradecà? N iade al’edema me mangi na pizza, o na mia o öna de n ater. Sambëgn feji inće n confrunt. Iö azeti les critiches di atri, por me miorè intres indô. Fora de sajun

vai inće a fà cursc, por odëi les novitês, les farines nöies, les mascînns che po daidé alisiré le laûr. Le tip por na bona pizza? I tips é cotanć, mo le plü cunta la pasciun, sciöche te vigni mistier. Sce an à la pasciun y an mët ite l’anima, garetel na cossa fata bun. N’aste mai ponsè da mudè laûr? O sce te ne foss nia gnü n pizzaiolo, ći laûr esste pa fat? Hm... mi pere é barbier. Canche i â 15 agn ài metü man da fà la berba y da me infora, sce i ne gnô nia pizzaiolo, fajôi bonamënter inće iö le barbier. Ći te manćia pa de Napoli? De Napoli me mànćel chë atmosfera .... saste .... cun plü euforia. Canche al é la partida dl Napoli rovunse düć adöm a ćiasa a ćiarè la partida, o chi jun tl stadium. O canche al é na festa, éra plü sintida. La festa de patrozine di 29 de setëmber me manćia, y inće les festes de Nadè. Cun le mistier ch’i feji é les festes n pü’ sacrificades. Tratan les festes sunsi iö tres söl laûr, spo fora de sajun sunsi a ćiasa, mo dailò él i atri che laora. Ći te tira pa zoruch a Al Plan? A Al Plan m’ài oramai fat na compagnia, n’amizizia sterscia. Y spo inće les ëres (s’la ri). La maiù desfarënzia danter i napoletans y i ladins? Iö chilò Al Plan m’ài atira ciafè bun, deache la jënt é plü daverta respet a d’atri paîsc chilò intoronn. Sce te te comportes bun, vëgneste atira tut sö y ai t’azeta, mo sce la jënt vëiga che t’es n tipo n pü’ sospet, te mëti atira sön na pert, chësc ài defata odü. Chilò é la jënt magari n pü’ plü frëida sön certes cosses. Podesste t’imaginé da te maridé y vire chilò? Mah, n iade ài bëgn porvè, mo ara ne m’é nia jüda bun (s’la ri). Al n’é mai da dì mai. Al é cosses che vëgn da sores. Oramai sunsi ambientè chilò y al me savess bel da romagne, mo i ne po nia dì danfora le dagnì. I n’ô nia fà bëgn dî proieć. (pablo)

www.lauscdiladins.com

9


Atualité

nr. 02 / 13 de jené 2012

Politica ladina enciornida? Depierpul che i todesc se damana la autonomia plena (Vollautonomie - feter dutes les competenzes sun la politica te Südtirol), scemia che ai comana bele sourafora dut, làscen zapolé i ladins con n valgunes brosces, y cheles é plutost megres, deslissies y melsegures ladins òn na mont de chestions daver tes che re verda la raprejentanza ladina te dutes les comiscions y organisazions politiches a la per di autri grups. La reunificazion ladina, do che Souramont à mostré tl referendum dl 2007 tant cler la volonté de volei endò vegnì a fé pert de Südtirol per salvé plu saurì sia identité, ne é nia da lascé endormedì via, ma da porté inant fina che l fer é ciaut. Al volessa demé ester la volonté da pert dla politica y zachei che meina do y cramplassa fina che i la vadagnassan.

Na RAI ladina, ma tan autonóma pa?

Ajache al ne valova enlaouta nia ciamò l proporz, ova Vijo Pupp podù vegnì President dla Jonta Provinziala y president dl Consei Provinzial y Regional.

Politica - Demé n valgugn derc ti é vegnus conzedus ai ladins forza de bate y cramplé, depierpul che na plantagna d’autri derc de sconanza aspeta da vegnì trac ca y sciacarés fora con Roma. Ma ence Bulsan, che à giaté na gran autonomia, n grumon de competenzes da Roma y da Trent, audissa da en passé cotantes ai comuns y da ti garantì ai ladins cotant de rejons y derc per la sconanza de sie grup.

Verc defront ai problems? I problems ladins resta da agn sun troi y nia ne va inant. La colpa

é dantaldut di ladins enstesc, ciuldì che Bulsan dess ca feter dut sce i ladins (dla SVP) rejonassa con una na ousc sterscia empede bagatelisé la chestion ladina. I ladins à cotant de persones tles comiscions dla SVP, ma al per che la streda de Antersasc per l paur de Puster sie plu emportanta che porté a bon fin almanco valch ghiranza ladina. O che la SVP sburla massa puech do o che al ti mancia l enteres de porté inant i problems ladins o che i ladins enstesc arfera y se festidieia demé dla economia, dl frabiché, che tres deplù foresti posse se aciasé te nosc paisc ladins. Tant che nosc paisc vegn enforestis ti en él unfat a chi dla politica; l sclet ejempl de Cortina ne ti à fat deguna pora!

An à ben podù lieje tl foliet ladin che Durnwalder à sciacaré a Roma per abiné plu trasmiscions ladines y na redazion autonoma. Da la RAI s’aspeta i ladins che ai giate les ores de trasmiscion almanco radopledes y l medem per l personal. Na redazion autonoma ladina méssel ence sauté fora a na moda che i ladins posse enstesc comané de sies trasmiscions y de sie personal y che al ne se ascogni nia do na redazion autonóma autres intenzions de control sun la liedeza de informazion. Al è da se damandé: che cherdarà pa le personal, che metarà pa le diretour, tan autonóm saràl pa, che sarà pa so sourastant, che arà pa la gran parola, val gran parti? Chilò él da se damandé na garanzia por la autonomia completa dla RAI Ladina. I ladins à debujegn de truep temp de trasmiscion tl radio y tla TV per podei tegnì discuscions sun de vigni sort de problems y argomenc che reverda la vita politica, soziala, culturala y economica, desche per i todesc “Am runden Tisch” o “Pro und contra”. La RAI mess ti dé al personal ladin la poscibelté de avei l post de laour te sia valeda empede messei jì a Bulsan a vive, cie che é cotant cer. Demé sce i jornalisć y i programisć dla RAI pò vive amez sia jent ite ài ocajion da emp aré da cone s ce le s

N parlamentar ladin!

Dal assessour ladin se aspéten che al feje avalei ai ladins duc i derc che mancia.

10

www.lauscdiladins.com

Rodunt per sciacaré con Roma di derc che ti mancia ai ladins dles Dolomites jìssel gran bujegn de avei n parlamentar ladin che conescessa ben la situazion politica, soziala y culturala di ladins, de duc i ladins y no demé de chi dla provinzia da Bulsan. Ma fina che chest ne é nia dant man - Fascia à abù doi raprejentanc a Roma - podessa Bulsan enciarié un de siei parlamentars de se festidié y de tò tles mans la chestion ladina y porté dant i problems daverc a les istanzes competentes ti ministeres per i porté finalmenter a bon fin. Nos

Durni essa ben la bona volonté de daidé deplù i ladins, ma al é i ladins che arfera; chisc pensa demé a la economia y nia ai derc di ladins sun l ciamp giuridich, cultural. (Foto: www.svpartei.org)

Clariment Per scrì l articul, che é vegnù fora tla edizion de “La Usc di Ladins” ai 5 de jené, soura l lizeum artistich de Cortina d’Ampez, él vegnù tout deplù informazions fora dl liber de Roberto Pappacena, (1988) “L’istituto d’arte di Cortina d’Ampezzo. Cronistoria 18461988”, Edizioni Dolomiti, San Vito - Belluno. Ence la informazion che reverda les joenes ampezanes che studiova tesciù te chesta scola y a cheles problematiches, i avenimenc da vigni di y cie che ti bruj ai ladins sot i piesc ite. I ladins da Souramont mess ence giaté l dert de vedei les trasmiscions dla RAI da Bulsan y de fé pert dla RAI ladina con personal y trasmiscions.

Daurì l proporz ai ladins I ladins é scluc fora da cotant de stieres publiches plu autes per gauja dl proporz. Chesta é na ingiustizia che mess vegnì elimineda tantost; con na bona volonté politica jìssela da destò chest tort che an ti fej da agn ai ladins. An se damana de daurì les portes ai ladins ence per podei corì stieres plu autes, encuei saredes ai ladins. Degun ladin ne messessa ester sforzé da se declaré autramenter che ladin per ruvé plu saurì a tó ite n post plu alangrana. Ie creie che n recurs a les dertes istanzes politiches giuridiches europeiches contra chest regolament essa bona speranza de vegnì vadagné!

L dert a n assessour Dl 2001 se ova la SVP sciacaré fora con chi da Roma na norma che ti dà a Bulsan la poscibelté de tó ite n assessour ladin ence sce al ne é nia vegnù lité da la popolazion. Chest ova la SVP volù per nia messei tò ite a assessour ladin l raprejentant ladin da laouta, Carlo Willeit, che ne fova nia dla SVP. Enscì é Florian Mussner dl 2002 vegnù assessour ladin; al ne fajova nia pert dl consei provinzial. Chesta norma é anticostituzionala y per la popolazion ladina na umiliazion y descriminazion

che al ti vegniva dé la poscibelté da fé val’ laour per la industria de ciasarines de Viena, é vegnuda touta fora dal liber de Pappacena (plu avisa a plata 107). Chesta informazion ne nes n’é nia vegnuda deda da Marlene Kostner sciche al podessa forsc parei da lij. I se scuson per ne avei nia clarì chesta cossa plu avisa tl articul y per ne avei nia dé dant da olà che i on tout les informazions. (katia pizzinini) pesocia che audissa da vegnì sferiada via y rogoseda con na norma che ti garantissa ai ladins l dert de avei n assessour ladin zenza pesé sie colour politich.

Doi raprejentanc ladins Per che na popolazion, n grup etnich posse dì de ester raprejenté te n consei provinzial de 35 persones, àl debujegn de almanco doi raprejentanc politics, ence per ti sté do a duc i problems, ai argomenc, a les leges y ai decrec che vegn enjignés ca y spo dés fora. I rate che i ladins fossa touc en conscidrazion te cotant deplù leges y decrec sce la forza politica ladina fossa prejenta te consei provinzial con almanco doi raprejentanc. Chisc podessa ti sté do deplù a les propostes de lege y ai decrec per defene y renforzé dlonch la comunité ladina. Chest ti garantissa ai ladins plu stieres publiches, plu peis sciche grup etnich y renforzassa sia identité ladina. I ladins à tant deplù rejon de avei doi raprejentanc politics ajache l Statut rejona de n assessour ladin y de n vizepresident ladin dl consei provinzial da Bulsan. Chestes enciaries fova corides fina che al fova Carlo Willeit (vizepresident) te consei provinzial y Mussner assessour nia lité. Doi laoura y arjonj deplù che un soul souraciarié de laours publics. Pervia che l legisladour ti à garantì ai ladins doi scagns tl consei provinzial da Bulsan, é la provinzia obligheda de adaté la lege a la norma per garantì doi raprejentanc ladins. (Lois Trebo/ ev)

Archirida de fotografies di agn ’50-‘60 L grup de redazion gana chier per sia proscima edizion de “ganastories” dedicheda a la vita dles eles ti agn ’50-’60 fotografies de chi agn. Plu avisa végnel chirì fotografies de eles en moviment – a pe o con n veicul – eles entant che les laora, fej sport, a ciasa o defora, da soules o en compagnia. Les fotografies vegnirà – en cajo – publichedes tla revista gana y la plu bela podarà ence vegnì touta desche foto de souracuerta. Les pò vegnì

menedes ite tla forma digitala o uriginela y te chest cajo les vegnirà ben segur dedes zeruch. Per chest tegnì a ment de scrive su vosc inom y miscion sun la busta canche les manedes! Les fotografies pò vegnì dates ju tles redazions dla Usc di Ldins de vosta valeda o manedes ite a la miscion gana.ladina@gmail. com fin ai 31 de jené. Speton les fotografies y Ves rengrazion dantfora per la colaborazion.


nr. 02 / 13 de jené 2012

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Ntel Mujeo Ladin da Fodom i ricordi de Andres Crepaz En scultor de fama internazional che Fodom l é rué a cugnësce da puoch grazie a la donazion al mujeo de la neoda Dorothea

Pieve 10-09-2009- Sala del Consei: la Dr. Dorothea Crepaz firma il libro d’onore del Comune.

Andreas Crepaz (1877 – 1963) l eva n gran, cugnisciù e aprezé n Europa e ntel mondo. Ma, coche suzede, e l é sclët al pensé, nia cugnisciù a Fodom. Da puoch la neoda, la sciora Dorothea Crepaz, con gran cuor, l’a scinché al Mujeo de Fodom tánt de material che recorda suo nòno. Da ades nnavánt, duc i Fodomi i avarà modo de podei cugnësce plu da damprò sto gran artist e de l aprezé, dato che a dël l é ste lascé en luoch nte la Cèsa de la Cultura Fodoma.

Andreas Crepaz, de la faméia dei Polonác, l eva nasciù a Fodom l 10 de lugio del 1877 da Giuseppe Crepaz (03- 01- 1847) e da Maddalena Palla (15- 02- 1852). La vegla cesa de la faméia dei Polonác l’eva a Carpac, pico grum de cèse dinongia l Cordoul, nia trop dalonc dal pais de Renac. Ben tòst la jent l’à podù vedei che l joven l eva doté den talent che, col passé dei agn, l assa dé suoi fruti. L é suo nfati l bassorilief che l prejenta “L’Ultima Cena” soura l porton de la gliejia de San Jan e i quadri de la “Via Crucis” nte la medema gliejia.

Dato che suo père l fajëva l carpentier, Andreas l à bu l podei de manejé l len fin da tosat, del consideré e de vedei ogni toch come velch de vif che l spetëva demè de ester modelé. Chësta pascion la l a porté per ben 5 agn a Ortijei ulache l a bu modo de mparé a laoré sto material. Per se perfezioné l é po’ rué en Germania, a Stoccarda e a berlingen e n Austria a Linz. Sua ativité de scultor l l a scomenciada a Solbad Hall (ncuoi Hall in Tirol). Nte chësta bela picola zité l a laoré per ben 50 agn. En laour che l ia dé trope e grane sodisfazion. L s’à maridé del 1902 con Aloisia Niederbacher e da dëla l a bu ben set fioi. La Pruma Gran Viera l’à fermé la sua produzion artistica. Ma mosson savei che, da vegla data, en Tirol l’eva l’usánza de fe n pelegrinagio a Lourdes e de porté ilò na statua de la Madona che, davòche l’eva stada benedida, la vegniva regalada a na gliejia de chële plu puore. L é ste proprio l nost scultor Andreas che l a bu l’enciaria de la zuplé. Ma, a oute, dut no po’ jì coche se volëssa. Nfati l om l a mossù mëte da pèrt el scarpel per tò nte mán la baionëta.

La “Mater Dolorosa” metuda a Vienna nte i locai del canzelier Dollfuss – ann 1936.

El 4 de agost del 2010 Dorothea Crepaz la consegna al Museo de Fodom l’almierch scolpida da suo nono Andreas- sun la foto con Franco Deltedesco.

Chi evelo?

Tourné da la viera, l s’à metù con dut dël stëss al laour e da sue màn l é vegnù fora la “Mater Dolorosa”o “de la Guera” che l a metù fora a Hall nte sua berstot con chëla de la vëne. A la compré l’é stada na vëdua, Gabriele Maria von Rehm. Ma l autor l essa ste content se la ie fossa restada, tánt che dël stëss l à bu a dì: “Da chësta scultura me destache co na gran pascion. L elenco de le sue sculture e de le sue piture l é lonch. Recordon demè chelche velch: “El Cuor de Gesù” a Serajevo, “San Giorgio a ciaval” a New York- “San Giorgio e Hubertus” (en sass) a Oberneukirchen, “San Pietro e Paolo- Cristo in Croce- San Clemente Maria Hofbauer” a Linz nte la gliejia del Sacro Cuore (duc de len), rilievi nte la gliejia de Bad Hall e Sierning, deplù crisć nte l refetorio dei Gesuiti a Innsbruck, Gaissau, Kennelbach dinongia Bregenz, a Batchuns e tánc e tánc de laour ruei en lonch e n lèrch per el mondo. Sua fama deventa prëst internazional. Ma i laour che i a dé na fama internazional l é ste la “Mater Dolorosa” a Vienna e l “Crist” a

L scultor Andreas Crepaz co la “Crousc de Or” de la Republica Austriaca – ann 1936.

Budapest. La “Mater Dolorosa”, clamada ence Dolfuss Mater, l’eva stada metuda nte la ciauna damprò l cancelier austriaco Engelbert Dolfuss che l eva ste copé l 25 de lugio del 1934. Ence l gran diretor de mujica Hans Knappertsbusch l n’à volù una compagna da mëte sul monument de sua fia morta jovena. El secondo capolaour l é el “Tiroler Crocifisso” clamé ence Crousc de S. Emmerich che Andreas l à fenì de zuplé del 1930 en ocajion de la festa de S. Emmerich a Budapest. Sto crist l é aut 5 metri e l é ste porté n procescion da 18 schützen tiroleji acompagné da 600 persone per dut el Tirolo. Chëst po’ l é resté nte la capital de l’Ungheria, nte la gliejia dei Domenicani, ulàche l é ste veneré come miracolous. Al

scultor ié ste consegné la “Gran Onorificenza” al Metropolitan de Vienna e de Parigi e ncora, del 1936, la “Croce d’Oro” de la Repubblica Austriaca. Chësta gran persona l’eva ence socio onorar dei Speckbacher-Schützen che l é ste chi che, auna co la fëmena Aloisia e ai suoi 7 fioi, a Hall in Tirol, ié stei con dël fin nte cortina el 15 de mèi del 1963. Grazie Dorothea. I fodomi, cánche i vedarà, i sarà de segur contenc de chël che t’as fat. Zerto che a nos fodomi ne restarà mpuó de tristëza per no avei podù cugnësce de persona tuo nòno, magari demè per el ringrazié per “L’Ultima Cena” de San Jan dato che sarà proprio chëla che la ne descorarà den Fodom che, come tánc, l s’à fat onour e l a fat onour a la sua tiera. (Franco Deltedesco)

El material scinché da la neoda del scultor l é ste metù fòra nte la “Sala Tirol” nte la Cesa de la Cultura Fodoma. L sarà da podei vedei via per st’aisciuda che ven. www.lauscdiladins.com

11


Fodom

nr. 02 / 13 de jené 2012

Pezzei - Ruaz: polemiche su le zentrai L ex capocomun:”Coscita se da noste ieghe n mán a la speculazion.” Ruaz:”L’é stada sua aministrazion a nen aprovè doi” La deicjion del consei de comun (motivada dal parer del legal del fiducia del Comun Livio Viel) de to via la norma del Prg che mpermetëva demè al Comun e a le aziende private da chilò de fe nuove zentrai l’à mpié su na gran discuscion. “Coscita se ie de nte le mán de la speculazion dei foresti le ieghe de nuosc rus” a dit l ex capocomun Gianni Pezzei, che ntel 2005, con sua aministrazion, l ava aprovè chëla norma ntel Prg. N particolar se mpermetëva de fe nuove zentrai demè n cajo che siebe l Comun a la fe o a esteri te come capofila, o a aziende per sue ativité; per ejemple alberghi, o sozietè dai lifc. Chëst, l eva scrit, “ a garanzia del plen respet del stravardament e de la tutela del ambient e de na dërta doura de le risorse del luoch.” Basta se lieje duta chëla documentazion che prova na seria e onesta gestion del patrimone de la iega da Fodom, per se stravardé ntel davignì dai speculadous che i é oramei su la porta” disc Pezzei. “Che siebe l Comun a fe da capofila a la dejina de dománde de privac. Sedenò sto patrimone l tomarà, purmassa, nte mán foreste. No me se vegne a di che n parer den avocat l vel deplù de la decijion den consei de cokun che vol tutelé l patrimone publich. Le mont, i bosć, le pasture, i rus i é patrimone de chi che vif sul teritorio. “Chësta decijion che no se capisc” disc suo ex assessor e capgorp de mendránza Leandro Grones,” la giourirà le porte a la speculazion senza control de zentrai e portarà a fe se suiè su nuosc rus. Con chèl coragio l capocomun Ugo uaz cialaralo ntel

mus ai fodomi? Ntel davignì,” l siera ite,” cánche cialaron con desoperazion nuos rus senza iega, no ne restarà che scoutè la ciancion del Coro Fodom “L testament dei ladins” che la disc: “…la iega ciara ciara de roiel l’é l specio de la vita che fajon.”

Ruaz:”Chëla norma no l’eva davò la lege” Le zentrai? Nos on fat la batalia decontra. L é ste Pezzei che i a aprovade.” Sëcia rua la resposta del capocomun Ugo Ruaz. “Volësse recordé” l disc,” che la mia aministrazion dal 1999 al 2004 la s’à batù contra ai progec de nuove zentrai damanda da jent da foravia. Po, nte puoch plu de doi meisc davoche la s’ava sentè ite nte Comun, l’aministrazion Pezzei l’ava de l via libera a ben doi zentrai. Percié, se l’eva coscita contrario coche l disc, “no n alo aprové subito chëla norma per le frené. La mia aministrazion la no l’assa mei trata via se no fossa ste chël parer del legal coscita ciaro a di che l’é ilegitima. Defati no ejiste deguna lege che mpermëte de dé la prioritè al Comun o aziende private del luoch. L consei de comun l po bocé le dománde fin che l vol, ma de fat la lege mpermët a chichemei de damané na concescion. Tres, ben da capì, che se respete i vincopi, souradut ambientai che la perveiga.” L consiadou de mendránza Leandro Grones, ntánt l consei de comun, l à recordé che chëla norma nte sti cinch agn no l’è mei stada mpugnada o contestada. Come mei che ades l’aministrazion l’à dezedù de ie mëte mán e la to

deméz? “No l’é mei stada mpugnada” spiega Ruaz,” perciéche ste sti agn no l é ruè nte Comun degune dománde per nuove zentrai. Per chël che n se mi, n’eva doi che jiva nnavánt nte suoi iter. Una sul Ru d’Andrac che po la s’a bloché, no se percié. Defati nte Comun no l é rué ncora deguna dománda. La seconda sul Ru da Ciastel, che l’eva piada via ncora davánt nvalgugn agn, ma demè ades l’é stada prejentada nte Comun la dománda per la concescion dei tarens comunai. E l é ste proprio chi che vol fe chësta zentral, na outa che i ufizi i a dit che nte nost Comun l eva n vigor chësta norma, a ne la contesté come ilegitima. Per chëst on damané l parer den legal, per no se ciapé su le spale n auter ricors e mossei paié dagn. Se l avocat l n’assa dit che la norma no se podëva l mpugné o che, n cajo den ricors, onse bu de bone probabilité del vadagné, sonse de segur jus nnavánt co la batalia.” Pezzei l descorëva de almánco diesc progec de nuove zentrai nte dut l comun. “No se ulache l abe tout ca sto numer. L é deldut fauz. Ades come ades n’é demé doi.” L ex capocomun l damana ence a l’aministrazion de fe da capofila a chisc progec per no mpermëte che le concescion le tome nte le mán de foresti. “Son bele drio al fe” spiega ncora Ruaz. “On bele prejenté n proget nost n concorenza con de autri sul Ru de Ornela e son drio a nen studié n secondo. Ma no l é coscita saurì. L’esperienza e i tecnizi i m’à nsegné che le zentrai se le ferma ntel prum. Plu nnavánt deventa imposcibile. Chësta l’eva na batalia da fe davánt vint agn.” (ls)

Contribuc per studenc: nuove regole Comun - Come ogni ann l Comun da Fodom l da fora contribuc per daidé le fameie che a fioi che va a scola. Per chël destiné a le fameie che vif nte le frazion plu descomede del Comun, dalonc plu den chilometro da la fermada del scolabus che mossa spo sostignì de le speise mplù, a le oute deplen, per porté i tosac a la scolina de Rèba o a le scole a La Plié e Brenta, l’é na novité. Dal ann de

scola 2011 – 2012 no sarò plu l Comun al de fora n automatich, ma la fameia la mossarà prejenté na dománda che se ciapa ntei ufizi o se po descirié dal scito internet del Comun. Dal1 de jené l é daliviert ence l tiermen per prejenté le dománde contribut per chi che a fioi che fesc le scole aute o l’université fora dal Comun. Per dute doi l tiermen ultimo per prejenté le dománde l é l 30 de jugn 2012.

Inauguré l Arabba Superpark Reba l’à n nuof paradisc per i apascionei del freeride. Sabeda 7 de jené l é st inauguré a Plán Boé l Arabba Superpark, l prum snow park su le piste fodome. L park l é ste fat da la Sit Boé su la pista Bec de Roces, sot a la segiovia de Le

Pale. Per ades l é n funzion 5 tra rails e box e 4 kicker per ogni livel. Via per l’inviern vignarà metù a ji spetacoi e gare e se podarà aprofité de la promozion de l skipass per n di a 20 euro (demé per le segiovie Burz e Le Pale).

A Diego Ciale l ciel plen de stële, la plu bela t’es ti. Ciale el pre plen de ciof, l ciof plu profumé t’es ti. Ciale la iega ciara den ruiel e veighe l tuo sorijo. Ciale le mont ciariade de nei e te pense..la. Doi agn l é passé da cánche te te n’es ju, ma el ricordo l é tres vif. Renate

Le Donaze, na tradizion che vif nnavánt ja Col Ncuoi l é le associazion che se da da fè per la fe cugnësce ence ai sciori Zacan la maestra Luigia Lezuo scriveva n cont de le donaze: “A sta fora (i tosac) i à paora: le donaze li é dintor. Calche un l à bele alora, ladinà valgugn che cor. La vea de la Epifania nte ogni frazion del pais vigniva injigné n gran fuoch, l pan e vin, ulache granc e tosac i se binava co scomenzava a deventà bel scur. Chest di l é stat semper tignù de gran mportanza da la jent: valgun provedeva a signé le porte con scrite de bon augurio con i inom dei Re Magi, auter i jiva a se benedì i

ciantogn de cesa con l inzens ciot nte gejia l di de Nadal, auter ncora i dava doi bone ote de fen al bistiam nte stala ajache se pensava che nte chela not i animai i podesse descore e i descoresse proprio dei parogn. Co ben la not deventava scurenta vigniva impee l fuoch, i tosac se mateava co le scoe o picole mane de paia che ardeva e i centava “pan e vin , pan e boia prega Dio che la biava vegne bela” Bel adajio po l fuoch l se morentava ju e i tosac scomenzava a se tirà apede us de

Tropa jent s’à binè per vedei brujé la Donacia.

12

www.lauscdiladins.com

cesa ajache i scrai, le morone e le ciampane de le donaze scomenzava a se fà sentì. Volti de legn con zefe pi o manco burte, ciadene, ciampanele, zestogn, manech de legn, dute massarie che duorava le donaze per se prejentà davat a la jent e po de gran scrai che feva vignì la pel de pita, da no crede che i tosac i sen scampava bel de bot darè taula, sun banch e i steva po biei chiec, senza gnanca tirà l fie. Co le donaze ruva apede le domandava casunziei o faiade o autrament i tosac o le tosate, ma pare e mare ncontentava ben volentiera le donaze e i tosac coi janoge tremanc i podeva se mete l cuor n pas. Ncuoicondì sta tradizion ven ncora portada navant, incia se tant s’à pardù; vea de la Epifania ven injigné n gran pan e vin ntel pais ulache paesagn e turisti pol si tirà apede, volontari de le Assoziazion, Pro Loco, Cros Biencia e Pompieri i parecia panetogn, valch de ciaut da se beve, le fartaies e po rua incia le donaze a le combinà dute e a fà n frego de paora ai tosac e a valgugn trema ncora i janoge e i cor bel de bot a se sconde. L dut

po se finis via canche l fuoch bel adajio l se destuda e duc sen torna a cesa, ma le ciampane e le morone

I “volti” de len i fesc ncora poura.

de le donaze se le sent ncora a la longia via per la not a girà ntel pais. (mk)


nr. 02 / 13 de jené 2012

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

Anpezo

Ra belezes de ra Dolomites Da Anpezo fin su ‘l Pelmo, par ciatà outra zapores de dinosauro

Ra zima de el Pelmo: poco sote i à ciatà alcuante segne, che podarae ese zapores de dinosauro.

I é moeste par fei fotografies de scultures de len, i à ciatà segne, lasciade inze ra croda, che podarae ese zapores de dinosauro; ‘l é suzedù ca pede de nośoutre, su ‘l Pelmo. Alolo pede, su ‘l Pelmetto, śa anes in aea ciatà de outres. Duto ‘l é suzedù par cajo: d’outon ‘l é stà Lampo, cemodo che dute, inze ‘l nosc paes, i conosce Mauro Olivotto, scultor e artista, a voré fei alcuanta fotografies de ra so scultures, de i so laore, inze ‘na grota che ‘l é su chera croda, intrà Cadore, Zoldo e Val Fiorentina. Par aé calchedun che i diase ‘na man, ‘l à domandà a i alpinistes de el club La Venta. Canche i é stade

su a 3.025 metre, i à vedù chiste buje, jaade inze ra croda. I prime a s’incorśe ‘l é stà el jeologo Francesco Sauro e ra speleologa Roberta Tanduo, da Padova. In ea zinche, de chiste segne, che i someaa lasciade da ra zates de ‘na bestia granda, outa almanco tre, fosc cuatro metre. I à dorà ra machina fotografiches de Enzo Procopio, da res tuoi śo, e i portà i filmate e ra fotografies a Matteo elvedere, paleontologo de r’Università da Padova, che ‘s à vardades. Dinultima ‘l à dito che podarae ese propio zapores de un Coelophysis, un de i retiles de inalora. Par vede meo, par in saé

depì, i tornarà su co ra bona stajon, d’ousciuda o d’istade, par vardà polito ra croda, el sas, duto d’intorno, se in fose de outres, de chesta zapores, conpagnes de cheres che i à ciatà, śa anes, su ‘l Pelmetto, là pede. Che ra nostra bela Dolomites es see pienes de merees de ra natura, se ‘l saea, da i fosiles pi vece, a i osc de ‘l orso, ciatade in Badia. El nosc scienziato anpezan Rinaldo Zardini Foloin ‘l à studià tanto, de duto chesto, e ‘l à lascià un museo, a ra Regoles d’Anpezo, intrà i pi biei, pien de fosiles e de outra belezes. Ades rua anche chiste outre segne, a me fei pensà sora.

I scienziate i é stade su ra croda, a pi de 3.000 metre, par vede da pede chesta zapores. Ades ‘l é da res studià meo; se tornarà su d’istade.

Festa de voto par ra Madona Siezento ane de devozion e de tradizion

Ogni an in portiscion, da ra basilica de San Iaco a ra jeja de ra Madona.

S’à scomenzà lunes ai 9 de jenaro, a preà par ra noena, se śirà inaante fin a śoiba 19 de jenaro, el di de ra festa de voto. Chesto an sarà de duto e depì, par i siezento ane de devozion a ra Madona de Voto, in Anpezo. I fajarà finamai un pearguó, a ‘l scuro, co vien note, cemodo che se fajea ‘na ota, su ra ares de Cianpedeles, intrà Lazedel, Meleres e Crignes.

Se dijea de ra noena, a preà, inze ra jeja de ra Madona, dute i dis, dares 17.30. Vendres ai 13 de jenaro, da dasera, ‘l é ra confescion, inze jeja. Domegna 15 una śornada intiera, da se parecià, inze ra jeja basilica de San Iaco e inze ra jeja de ra Madona. Lunes 16, da dasera, dares 20.30, se podarà scotà ra canzos de i core, aduna con el Regina Defensionis, che el cianta da anes, inze ra jeja de ra Madona.

Martes 17 se parla de storia, inze ra sala Don Pietro Alverà, con paolo Giacomel, Giorgio Bonomo e frate Leone Rossato. Mercui 18 de jenaro, in vea de ra festa, de ‘l dapò disnà se dijarà vespin, dares 17.30, co ‘l vescovo Giuseppe Andrich, e alolo dapò se vedarà, inze ‘l scuro de ra note, un pearguó che s’inpiza, su pede Lazedel, agnó che ra lejenda ra vorarae che fose stà ra zufa, intrà i nemighe che vorea destruje Anpezo, co ‘l paes precurà da ra Madona. Senpre in vea, da dasera, dares 20.30, una vea e un conzerto, con musica sacra, coro, vojes, orghin; dirije Mariagrazia Marcon. Ruon a śoiba 19 de jenaro, el di de ra festa: dares 9.30 da bonora se moe in portiscion, da ra jeja basilica de San Iaco fin a ra jeja de ra Madona, co ‘l vescovo. Dares 10 mesa granda. De ‘l dapò disnà, dares 15, se dijarà vespin. I betarà una ruośa de filigrana, fata da artejane de Anpezo, inze ra mas de el Banbin Jesù, par recordà chiste siezento ane, par i dì gramarzé a ra Madona, de aé precurà el paes e ra so śente. Fora de ra jeja, su chel pra che ‘l é daante a ‘l convento de i frates, se podarà vede anche ‘na statua de jaza, fata da ‘l scultor anpezan

Ra jeja de ra Madona de ra Difesa, el nosc santuario: da siezento ane ‘l azeta ra devozion de ra śente de Anpezo e de chera de ches’outra vales, ca pede.

Andrea Gaspari de Min, su ‘l tema de ‘l Avento. Par dute chiste laore, i s’à betù aduna el Comun de Anpezo, ra parochia de i sante Felipo e Iaco, el santuario de i frates de San Franzesco. Intanto se speta el libro, co ra storia de ra Madona, de el santuario, de ra devozion de ‘l

paes, vorù da r’Union de i Ladis de Anpezo, scrito da Paolo Giacomel. Ma beśen dì che, ignante de duto, ‘l é el paes intiero che ‘l à da vive chesta festa, da inpizà danoo ra devozion par ra Madona, drio una tradizion coscita vecia, coscita bela. www.lauscdiladins.com

13


Anpezo

nr. 02 / 13 de jené 2012

Un paes che vien lascià morì in pès

Alpistan par i pize

Pensier de un “aborigeno” de Anpezo su ra manovres de noa steores 2011-12

I schie, el gnee, el sport: algo de bel, par dute, inze dute i ciantoi de el mondo

Digo alolo che io son de ‘na vecia familia de Anpezo, e donca de ’l ciapo ladin de ra Dolomites; propio de ci che à ciapà par leje, de ‘l 2007, inpò dapò de trope anes, el derito de fei varé e dezide da so posta, o par meo dì par “ autodeterminazion via referendum”, el derito de tornà a ra vecia aministrazion de i Ladis de ra Dolomites, agnó che saon aduna da secui , e tacade a ‘l Sűdtirol. Se disc de un paes agnó che ra autoritas de ‘l Stato talian e de ra Rejon de ‘l Veneto, fin al didancuoi, es no n’à dà ato e bon azeto a chel che ra śente à vorù, e coscita mantienì de fato el tornà indrio de Anpezo, da chel pare de len che ‘l é el Veneto, a ra sana aministrazion de Bolzan. E se sà che chesto el no podea che sciosciodà nosicuanto ruśin inze ra nostra śente; śente che śa par pi otes, ignante e dapò de ra Seconda guera, aea domandà par deban de ese danoo aduna con chi outre Ladis de ra Dolomites. Ades par desgrazia chi che vive inze sto paes i se ciata a parà un ben outro zavario. Se intende de chera che i à el corajo de ciamà “ Consolidamento de i conte de ’l Stato talian”, e de ra malagrazies che vien indrioman co ‘l bete su danoo ra steora dita Ici, o par meo dì de ra noa Imu, che ra somea ese pi che outro “un algo pede par Roma” ! Me pando alolo se digo che no see parecià asei par podé tratà de chesta cuestios e coscita ei domandà a ’l delegato par Anpezo de ra Confedilizia Umberto Walpoth, par saé algo depì de chesta coses. Se sà ben che ‘l m’à dà alolo chel che aee debiśoign e

soralduto el documento de can che chi de ra Confedilizia i é śude a Roma, el 7 de dezenbre de ‘l an pasà, a prejentà ra so rajos a ra Comiscios V e VI de ra Camera, e a ra V de ‘l Senato. Me soviegnia propio che ra stimes de ‘l Catasto par Anpezo, ‘ś ea stades tirades su in outo par doa ocajos ignante de ‘l 2000; e no beśen ese un strion par ruà a pensà, che can che i deziśo de portà ves outo de ‘l 60% ra entrades par ra stima de ra Imu, (e de chel che śirà par forza drio, da Comun e da ra Rejon), sarà gran peśoco par tropa śente ruà a pagà, ‘na ota depì, sta noa steora, che ra va a se śontà a duta che’s outres oramai masa outes. El nosc ‘l é un paes de turismo, e che no n’à gran facoltàs finanziaries; semai dute i nostre none e pares i à lourà fora e fora par vive inaante, e defende ra so roba da ra speculazios su ra ciaśes. E beśen dì, de sinzier, che pa’ ra pi parte chesto “me dà śo par sora” ‘l é stà ben dià da lejes zenza ston de ra Rejon. Se pó pura śontà pede che can che chi de Comun i à vorù fermà el fabricà de noa ciaśes, propio ra lejes, da Venezia o comandades da là śo, à parmetù a i foreste pies de sode de cronpà anche ra nostra vecia ciaśes da bacan, che pede res ea oramai da anes vizades da peśoche oblighe de conservazion. Su chesta cuestion no n’é da taje che propio ra lejes che ón nomà ignante, e chera trista de ra suzesios (se intende co s’aea da reghità) à dià nosicuanto a ra speculazios; e coscì i paroi anpezane de i hotiei de Anpezo i é ruade a perde ra sostanzes e ra so roba. A sta moda vien pura ra

paura che financo ra ciaśes da fità es pode ruà, par desdeta, a ese betudes co ra seconda ciaśes de proprietà; e coscita anche chel che rende e produje el và a ruà sote steora. E ra medema fin somea che pode ese anche par i cuartiere, fruto de tropa struscies para nostra families, che i ea stade dade ai fioi, parcéche i pode atà inze. Se se pensa che ‘pò duto chesto suzede inze un paes intrà ra crodes, agnoche finamai scioudà inze ‘l é un pes tropo, e pura masa, peśoco da portà par dute cuante, che see pares de famiglia o sozietas; canche inze outre paesc, come r’Austria e ra Svizera, i é zenza steores par chesto. No soméelo che se trate de ‘na cosa da sangueta! On ‘pò da śontà pede pura chera carnaalada de ra caza a chi che no paga ra steores, che i à fato ste dis par el paes, studiada aposta par el ciaso e spaco su ra gaśetes e su ra television. E che r’à fenì par fei gran dan, s’intende de faza ai taliane che lieśe o scota, a duto un paes, agnoche ón semai un record pro capite: chel de chi che paga, fora e fora, ra steores. Credo, e no son solo io a pensalo, che chesta situazion coscita peśorada, ra rue a fei pede un outro gran dan propio a chel che se fesc par contrastà e sticà ‘na situazion trista; e che ra intenzios che i disc de aé par salvà el baracon talian no see moestes de ‘l bon ver, e gnanche che se pode sperà inze algo de bon, almanco par intanto, o ca de ‘na fré. No me resta che preà: “Signor, dieme”! Iji Menardi Malto

Insegnà a ra śente de ‘l a strutà su sode, da i mandà via, Afghanistan, soralduto a i pize, a ma anche co i schie, i scarpoi, pi se montà co i schie, su ‘l gnee. che see par i pize. Se vanza algo, Chesto ‘l é chel che el vó śì adora de ra stajon ignante, inze ciaena, a fei Ferdinando Rollando; ‘l à inze calche cianton de ciaśa, se pó beleche scomenzà ‘l an pasà, de ‘l el mandà via, che là i à acaro de 2011, a Bamyan, su cheres che el dorà, chel che par nośoutre ‘l é el ciama “ra crodes pi bastaśades faraza da bicià. de ‘l mondo”. Par mostrà el so laoro, Par in saé depì, in Anpezo se pó ‘l é ruà anche in Anpezo, ai 6 de i domandà a Giorgio Marchesini, jenaro, con un film, par fei conosce de ra botega de sport Slalom, che ra so asociazion onlus Alpistan, r’é pede el ponte de Batocio, su ra betuda aduna par fei conosce dute Bigontina, e de el bar Open Space, i sport in croda, che se pó fei inze inze ‘l Comun Vecio. chera tèra. Se scomenza da i śoen, se sà, da i pize, parcé che con lore ‘l é pi fazile, i é pi daerte, i à pi voia de smatiśà, de ciapà inze, de inparà. Alolo drio vien i ome. Inveze se stenta co ra femenes, parcé che inze chi paesc ‘s é sote tamei, es no pó fei duto chel che res fesc ra nostres, manco che manco el sport. Ma chel che se vó darśonśe ‘l é algo de outro, algo d e p ì : d e e nt à amighe de chera śente, ra conosce e se fei conosce, fei vive meo chera parsones. Dute pó dià ‘na man, par tegnì su chesto Se montà co i schie, su ‘l gnee, i sà bel a dute i pize. projeto; se pó el fei A i nostre e a chi de ‘l Afghanistan.

El ciar par ‘l ultimo viaśo Ra storia de una vera opera d’arte, betuda inze un cianton e deboto desmenteada No se ciata aneó un ciar coscita bel, da menà i morte inze porteà, conpain de chel che ‘l é in Anpezo. Se pó dì, senza festide, che ‘l é un’opera d’arte. Ra storia de chesto ciar r’é longa e ra s’invia ves i zento ane. Beśen tornà fin de ‘l 1924, par lieśe inze i documente de ‘l archivio de el Comun de Anpezo, che s’i domandaa a Cesare Menardi Malto de ‘l fei. Un an dapò, de ‘l 1925, ‘l é Amadeo Girardi, ignante

capocomun e ‘pò comisario de ‘l paes, a i dà el medemo ordin. “Pó ben ese che el Comun el no n’ebe betù śo un projeto, par chesto ciar, ma che ‘l ebe lascià duto a ‘l estro, a ‘l mestier de Zesare Malto” – el disc Bruno Dimai Fileno, che ‘l é stà drio a chesto ciar, canche ‘l ea loudaduó in comun, vize capocomun prin loudaduó ladin de Anpezo. Senpre Bruno Fileno, el me conta

che el ciar ‘l é stà fenì de ‘l 1926, e ‘l é stà dà a ‘l comun ‘l an dapò, de maśo de ‘l 1927, e pagà 13 mile lires de inalora. Da là inaante, el ciar el vien dorà pi otes, par ‘l ultimo viaśo, par ra sepoltura, pi che see de parsonaje benemerite de ‘l paes. Par ultimo, ‘l é stà menà inze porteà monsignor Pietro Frenademez, el “pioan vecio”, ai 30 de otobre de ‘l 1951, che ‘l é stà seporì inze ra capela de i prees.

Dapò ‘l é stà deboto desmenteà, parcé che ‘l é ruà outra aziendes, da fora, a menà i morte inze porteà, co ra machines. El ciar ‘l é stà betù inze calche magaśen de comun: inze a Fiames, inze ‘l hangar, su da ra piscina de Guargné, śo da i Lesie. Calchedun, mangare propio ci che arae abù da i tende, ‘l à pensà polito de se portà via i anjolete che ‘l ea sora, ra bela scultures de len, e finamai ra rodes. Se ancuoi ‘l é

El ciar par i morte, ai 2 de noenbre de ‘l 2001, su ‘l sagrà de ra jeja de ra Madona; intrà duta ra śente, alcuanta parsones coscita benvorudes, inze ‘l nosc paes, che ancuoi es no n’é pi. Te la seconda: foto Via ra rodes, sote i liestreghe, da dorà d’inverno, su ‘l gnee e su ra jaza.

14

www.lauscdiladins.com

ancora chel ciar, beśen i dì gramarzé a Giorgio Degasper Meneguto: pi otes, el ‘l à domandà a ‘l Comun de fei algo, de i bete man. R’ultima ota, chera bona, ‘l à domandà de febraro de ‘l 2001. Coscita, infinalmente ‘l é stà scotà: el ciar ‘l é stà portà a Rasun, da ra dita de rodar de Richard Oberhauser, che el ‘l à comedà, ‘l à śontà i toche che manciaa, el ‘l à fato fora noo lujente. El ciar ‘l à ra rodes, par el dorà canche ‘l é taren, e ‘l à anche i liestreghe, da bete sote canche ‘l é gnee e jaza, d’inverno. Ai 2 de noenbre de ‘l 2001, el di de i morte, ‘l é stà mostrà a duto el paes, su ‘l sagrà de ra jeja de ra Madona, e ‘l é stà el pioan monsignor Renato de Vido, a ‘l benedì. Dapò ‘l é stà betù là inpó, sote i porteghe de ra vecia ciaśa, che ra varda ves ra Bigontina. S’aea dito de el dorà ancora, par i parsonaje pi conosciude de ‘l paes, par i benemerite, par ra śente che à dà onor a ‘l nosc paes, par i scorśe, par fei ‘l ultimo viaśo, chel che el me speta dute, ma chesto no n’é pi suzedù. Coscita ades se ris-cia de se ‘l desmenteà danoo. E sarae un pecà. (mdm)


nr. 02 / 13 de jené 2012

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Gherdëina

Wilhelm Senoner tla Biennale

Diego Perathoner vënc

Vittorio Sgarbi y si staff à cris ora na lingia de artisć per la manifestazion che fina via la Biennale de Unieja, chëst ann l prim iede a Torino

Pra l cuncors de scultures tla nëif te Sëlva iel unì premià l lëur de Diego Perathoner de Urtijëi

L lëur de Diego Perathoner de Caio de Urtijëi dal titul «Uedl de Nuet strita cun Spina de Mul y l morch da cunsëies a Uedl de Nuet». Wilhelm Senoner, a man drëta de si lëur, tla mostra dla Biennale. Dlongia: Vittorio Sgarbi dlongia l lëur de Wilhelm Senoner.

Ert - La manifestazion per finé via la 45ejima edizion dla Bienela de Unieja ie unida giaurida ai 17 de dezëmber y va inant nchin ai 30 de jené. Danter i 600 artisć de duta la Talia iel nce artisć de nosc raions, coche Gerald Moroder y Wilhelm Senoner. Wilhelm Senoner ie unì nvià da Sgarbi persunalmënter, do che l

critich d’ert talian ova udù na si mostra a Bari tl Circolo La Vela. Sun chëla àl pona tëut su cuntat cun l’artista de Urtijëi. Tla maniera tipica sia: l sona l telefonn, Wilhelm tol ju y la usc dij: “Son Sgarbi, vo sëis nvià ala mostra a Torino, assudëi!” Tl prim semiòvel belau na matada, ma ntant iela unida a s’l dé. Wilhelm Senoner ie nscila prejënt

tl padilion dla Talia tla sala scialdi cunesciuda Nervi a Torino, che Sgarbi à cris ora per fé zeche de nuef, jan demez da Unieja y purtan la manifestazion per l prim iede tla capitela dl Piemont. Pra la giaurida à Sgarbi rujenà propi dan la scultura de Senoner, che rafigurea l ël cun l julier, n’opra ora dla nstalazion “dl Vënt” de Senoner. (dl)

I atlec dl mëns Radio Gherdëina à metù a jì na ancunteda cun i atlec dl mëns crisc ora via per l ann 2011 da na cumiscion de esperc Cuncors - Nstadì se à ancuntà i atlec che ie stai via per l 2011 i atlec dl mëns te Radio Gherdëina. Uni mëns à na cumiscion cris

ora na o n atleta, da jené nchin a dezëmber. Coche conta l diretëur de Radio Gherdëina Armin Moroder ie Carolina Kostner unida numineda doi iedesc atleta

dl mëns y perchël iel de ndut undesc atlec y aletes dl mëns, che ie regularmënter unii prejentei ntan la trasmiscion de sport dl lunesc de Radio Gherdëina. (dl)

Danter Gabriel Kostner a man ciancia y Marco Kostner a man drëta cun tamez Armin Moroder de Radio Gherdëina i atlec dl mëns : da m.c. Michela Ponza, Alex Walpoth, Lukas Runggaldier, Martin Runggaldier, David Hofer, Elena Runggaldier, Stefanie Messner, Verena Hofer, Carolina Kostner, Engl Colcuc, Birgit Klammer.

Ziplé tla nëif - Drët garatà ie nce chëst ann l cuncors de scultures tla nëif, na manifestazion metuda a jì cun suzes uni ann dala Lia per l Turism de Sëlva. Nëif frëscia, ega y sambën l frëit dl inviern juda pro a frabiché l gran mudl de nëif che ie unì tëut ca per realisé la scultura. Drët scëmpl l material, ma per vester boni de ziplé zeche danora adròven mpo scialdi talënt y abltà. Chëst ann fova l regulamënt unì mudà y bele d’autonn fòvel unì cris ora dala iuria, metuda adum da reprejentanc dla Lia per l Turism, dl’Aministrazion de Chemun, dla Lia di Osć y dla Lia per l Artejanat Artistich de Sëlva, danter i modiei unic dac ju n con’ dla tematica «Lijëndes dla Dolomites».

Uedl de Nuet Chësta 16ejima edizion dl cuncors ie unida vënta da Diego Perathoner de Caio de Urtijëi cun l model dal titul «Uedl de Nuet

strita cun Spina de Mul y l morch dà cunsëies a Uedl de Nuet»,tëut ora dal liber dla Lijëndes de Fanes. Perathoner à pudù pië do n scech da 5.000 euro. Chësta scultura che reprejentea n zitat ora dla lijënda ie unida realiseda te n mudl de nëif de ot per ot per cater metri. L ie unì laurà danter i 20 de dezëmber y i 5 de jené de chëst ann.

Premiazion ufiziela La premiazion ie stata nstadì tl zënter de Sëlva cun la prejënza dl ambolt de Sëlva Peter Mussner y dl presidënt dla Lia per l Turism de Sëlva Josef Kelder. L lëur de Diego Perathoner puderà unì amirà ntan dut l inviern sun pra sot a Cësa de Chemun te Sëlva, nchin che i prim raies tiebies dl surëdl da d’ansciuda fajerà dleghé chësta opra de ert bela y dantaldut unica. Irene Delazzer

Diego Perathoner, amez, a pudù pië do n bel pest. A man ciancia l ambolt de Sëlva Peter Mussner, a man drëta l presidënt dla Lia per l Turism de Sëlva Josef Kelder. www.lauscdiladins.com

15


Gherdëina

nr. 02 / 13 de jené 2012

Manovres Monti N cëir vardova sun la luegia dl cunselier Dietrich Mussner, mort massa abenëura n San Stefun. Do l lecort al cunselier y a si meric ie l Cunsëi de Chemun passa al ordn dl di, rujenan danter l auter de bilanz de previjion y dla chëuta nueva sun la cësa IMU

L Cunsëi de Chemun de Sëlva n vënderdi ai 30 de dezëmber. Tla luegia dl cunselier Dietrich Mussner mort n valgun dis dant iel unì mpià n cëir.

L cunselier Oswald Kerschbaumer, a man ciancia, ie zapà ite te Cunsëi mpede Roland Demetz.

Chemun Sëlva - L’ultima senteda de Cunsëi de Chemun dl ann ie de regula resserveda per fé ora l bilanz de previjion cun la lista de lëures publics a chëi che n uel ti jì permez. Aldò dla ndicazions provinzieles sarà l bilanz de Chemun de 5% de manco y nscila à l ambolt Peter Mussner n ucajion dla senteda ai 30 de dezëmber rujenà che la va de fé n “bilanz de prudënza”, cialan de sparanië ulache la va. Mussner ti à danter l auter

cësa IMU à l ambolt Mussner dit che l ie unì fat simulazions per l Chemun de Sëlva. Na pert ti va al Stat, na pert resta te Chemun. Dut adum messëssa la jënt de Sëlva unì a paië passa cater milions de IMU. Mpue’ passa doi milions ti jirà al Stat, l rest va te cassa de Chemun. Coche dij Mussner fossa l Chemun de Sëlva cuntënt de avëi la medema soma che univa ti ultimi ani ite de ICI, ntëur a 1,6 milions de euro. L ambolt à dit che n cialerà perchël

dit ai cunselieres de se fé n pensier n con’ dla maniera de ti dé i cuntribuc ala lies, sce tla maniera de ti dé a duc n puech, o deplù aldò de defizit y de bujën, cossa chëst’ultima che n à bele scumencià l ann passà, coche à auzà ora l’assessëura Milva Mussner, che ie dal’autra pert a una che l vënie mantenì i cuntribuc ala lies, che fej n lëur mpurtant per la cumenanza. A una cun l assessëur Andrea Mussner iel nce la previjion de

sparanië pra la mascins y i lëures per la stredes. Ma chisc doi ntervënc ie mé doi ejëmpli y l ne n’ie nia dit che l unirà nce sparanià tlo plucheauter che nzaul d’auter. Peter Mussner: “Definitif ne n’ie mo nia, definitif sarà dut permò cun l bilanz de previjion che ie da dé pro nchin ala fin de jené dl 2012!”

Chëuta IMU N con’ dla chëuta nueva sun la

de ti unì ancontra l plu che la va ala populazion de Sëlva, che n valuterà sce y coche y te ce mesura che l ie mesun arbassé l’alicuota per la prima cëses de n valgun ponc milejimei: “Nëus ulon che ala families ne ti vëniel nia tëut pudëi de compra!” L Cunsëi de Chemun de Sëlva à nscila autorisà de jì inant cun na gestion provisoria nchin che l unirà dat pro l bilanz definitif. (dl)

Uneranza a Pacifica Glück N ucajion dl’ultima senteda de Chemun ti à l Chemun de Sëlva sëurandat la uneranza a Pacifica Glück per si meric tl ciamp culturel. „Scrì me à a mi for sapù bel, y sce nce i autri à legrëza pona sons cuntënta,“ à dit la unereda Uneranza - Bele n trëi enes dant fòvel stat na festa ufiziela via i badioc, ma l Chemun de Sëlva ne se à nia lascià tò de uneré mo n iede Pacifica Glück Lardschneider de Sëlva. La scritëura y cianciadëura, mparenteda cun bera Arcangiul Lardschneider de Ciampac, l berba de si oma, ie nasciuda ai 15 de nuvëmber dl 1930 te Sëlva. Pazifica, coche n à for dit y dij per gherdëina, scrijova y lijova bele da pitla gën.

Pazifica à fat pea plu iedesc pra l Cuncors de Storia ladina. Tl 1965 àla venciù l prim pest cun l pez “Mi vedl patron”, che ie pona unì publicà tl Calënder de Gherdëina dl 1974 cun l titul “L vedl Tina”. I scric de Pazifica ie daniëura rics de sentimënc, liei ala vita da ntlëuta y nce a si vita persunela. Pazifica Glück à ciancià danter 25 y 30 pec de teater da d’autra rujenedes tl gherdëina. La ne à nia mé scrit prosa

ma nce rimes (la scrijova rimes per uni ucajion: mësses neveles, nozes, benedescions de crisć sun pizes y nsci inant). Pazifica ti à dat n gran cuntribut no mé ala Lia dl Teater de Sëlva ma nce ala cultura ladina judan a mplenì trughes y curones de scric per gherdëina. Pazifica à for scrit per pascion. Nscila tla laudatio ufiziela.

ambolt de Sëlva Peter Mussner, che à abù paroles de lauda y de rengraziamënt. Pazifica Glück Lardschneider: „Fé traduzions y scrì teatri me à for sapù bel, é for abù legrëza cun chësta atività, y sce nce i autri à legrëza pona sons cuntënta!“

L diplom ti ie unì sëurandat dal

Coche bele repurtà tla USC fova ai 5 de dezëmber persones dla valedes ladines, che se à dat ca per fé viver la cultura, unides uneredes dal assessorat provinziel ladin. Te na pitla festa a La Ila à l assessëur Florian Mussner sëurandat uneranzes a n reprejentant di ulenteres per uni chemun. L ulentariat ie na seva mpurtanta dla sozietà: chësc fova ai 5 de dezëmber

L Cunsëi de Chemun de Sëlva à unerà Pacifica Glück per si lëur mpurtant tl ciamp dla cultura ladina.

16

www.lauscdiladins.com

I unerei dla valedes ladines

unì recunesciù y sotrissà cun truepa scumenciadives dl di nternaziunel dl ulentariat. N cont dla Cultura Ladina recunësc l assessorat provinziel ladin l gran valor di ulenteres che da cà tëmp, mpëni y energies per la cumenanza. Nsci à Mussner unerà persunaliteies di 9 chemuns ladins de Gherdëina y dla Val Badia che se à fat merit per si atività de ulentariat culturel. La prupostes de chësta persunaliteies de ejëmpl ie unides dai chemuns. Dlongia Pacifica Glüch iel unì unerà Elisabeth Penazzi de Corvara, Lois Trebo de Badia, Emil Perathoner dl Tervela de S. Cristina, Iarone Chizzali de San Martin, Edgar Moroder de Urtijëi, Siur Iaco Ploner da La Val, Hermann Kostner da Bula y Lois Huber de Mareo. (dl)

Pacifica Glück cun l ambolt de Sëlva Peter Mussner.


Gherdëina

nr. 02 / 13 de jené 2012

N doi paroles de lecort a “Sir” Dietrich Mussner “In iudicando criminosa est celeritas”, giudiché massa debota ie periculëus. Chësc moto per latin me tumova for ite canche l tulova la parola bera Dietrich de Curzlon, ntan plu che una na senteda dla Lista Ladins Dolomites o dl Chemun de Sëlva, for cun na bela maniera y do avëi scutà su duta la rejons de chëi che ova rujenà dant. L scumenciova bel plan, ne auzan mei la usc y ne perdan mei si flema naturela, fajan na pitla ntroduzion acorta ala tematica n descuscion, y pona, do avëi purtà dant y cunscidrà a puntin

duc i ponc y argumënc che l fova da traté, ruvòvel pona ala fin y dijova la sia. For trat sëura da catif, cun na crabatl che passenova avisa pra l curpet de n drap drët fin, si cumparida fova for chëla de n galantom nglëisc dla vedla scola. Cun simpatia ti ans perchël dat l sëurainuem de Sir Dietrich o nosc Lord de Curzlon. Si cumparida dajova valor y na denità ala istituzions publiches che ël reprejentova coche uem de Chemun, cun gran lezitënza, cun gran idealism. Te n mond che va for plu y plu

aslune, che se muda tresora, che ti sauta do a uni moda nce sce mo n tan’ stroliga, che se cruzia suvënz mé dl davani aslune, restova Dietrich cun si flema naturela y si “aplomb“ carateristich n pont fërm, reprejentan chëi valores dla cultura y dla sozietà zevila che resta tl tëmp. Danz che te nes manceres, nosc cumpani Dietrich, y l sarà da bestia rie per nëus a aministré la gran arpejon de valores che te nes es lascià!

Dietrich Mussner y l’ert Ivan Lardschneider à mandà ite na foto y n valguna cunscidrazions per lecurdé Dietrich Mussner, persona de cultura che à for tenì dal’ert Persones - „É abinà chësta bela fotografia fata ai 27 de utober dl 2011 sun la ijula de San Servolo n ucajion dla jita dla Lia Artejans Artistics de Sëlva ala 54ejima Bienela de Unieja, ulache l fova nce unit pea cun nëus Dietrich Mussner. Ël ti à

for dat na gran mpurtanza al’ert y se à dat ju dassënn per nëus scultëures dl luech de Sëlva. De gra Dietrich per dut chël che te es fat per nëus scultëures dl luech,“ scrij Ivan Lardschneider, lecurdan Dietrich Mussner mort dan doi enes.

Lukas Plancker

Dietrich, adio assudëi! La politica uel al didancuei for plu y plu dì che n svëia, che n va a man ciancia o man drëta, che n lëura de cumedons, nia dinrer da fauzons, che n se auza ora sé nstësc, bravan y perdican. Dietrich Mussner ne n’ie mei stat nscila. Dietrich Mussner à tla politica for tenì i tonns basc, cialà dla cossa y mei de sé nstës, à for abù respet per i autri y la minonghes di autri. Mpurtant per Dietrich fòvel de abiné soluzions canche l fova problems, rujenan cun la jënt y cun la istituzions, cialan dl cunsens. Nsciuma, Dietrich se à for muet cun fundamënt, da persona da fundamënt, tenian da si partit, ma for tl dialogh

N ucajion dla jita dla Lia Artejans Artistics de Sëlva sun la ijula de San Servolo. Dietrich Mussner ie l segondo da man ciancia.

cun duta la forzes politiches, se meritan nscila l respet de duta la forzes politiches, che l à for sciazà per coche l à sapù da fé. Cun Dietrich Mussner se n iel jit na persona bënuluda, na persona de gran cultura y de gran sensibltà soziela. Cun Dietrich se n ie jit n bon cumpani. Ma chël che l à fat, chël che l à dat y chël che ël ie stat resterà te nosc cueres, tl lecort de duc nëus. Adio assudëi Dietrich, son segures che te ies śën nzaul cassù, te biblioteca y te vel’ zënter culturel che ti semea al Tublà da Nives, ajache i adrova pa bën nce cassù zachei che sà da la mëter a jì! David Lardschneider

Lecurdan Miran Schrott L ne n’ie belau nia da crëier che l ie bele passà vint ani da canche nosc cumpani de hockey Miran à mussù lascé chësc mond, true’ massa jëunn, pratican n sport che l fajova tan gën, cun gran suzes y che ti dajova tan de sudesfazions

Dietrich Mussner.

Westbound a Urtijëi Ciuldì che la grupa Westbound ie tan cunesciuda lonc y lerch àn pudù udëi y audì pra n cunzert che ie stat mo dan la fin dl ann a Urtijëi Mujiga - La spiegazion ie “emuzions”. Canche na grupa ie bona de te dé inant emuzions, pona uel chësc dì cualità de

mujiga. La grupa Westbound ie stata bona de dé inant emuzions, de dé inant legrëza ala truepa jënt unida adalerch a scuté su la band,

per n valgun mumënc de cumpania, de aurela curta, de devertimënt tl zënter de Urtijëi. (dl)

Persones - Na desgrazia scialdi granda, chëla che fova stata ai 14 de jené dl 1992, che ne pudon nia desmincë, che à lascià n gran uet te si familia y te dut l mond sportif de Gherdëina. Se on damandà y se damandon inant suvënz ciuldì che n jëunn tan da plajëi à messù se n jì. L nes sà mo sciche sce l fossa inier che fan duc deberieda sun dlacia via n Setil a fé alenamënt y a jughé a hockey, se devertian y s’la rijan for dassënn, cuntënc de avëi pudù vester cumpanies y che on pudù vester na pert di biei ani che te es abù sun chësc mond. Miran, te nosc cueres resteres for vif! (pl) Ti cumpanies de scuadra

Miran Schrott.

Statistica de S. Cristina Statistica dla populazion residënta a Santa Cristina tl ann 2011 Ëi

Ëiles

Ëi+Ëiles

Nasciui

12

11

23

Morc

2

5

7

Unic a ste

13

22

35

Jic demez

24

29

53

DE NDUT

-1

-1

-2

Ëi

Ëiles

Ëi+Ëiles

956

944

1900

-1

-1

-2

955

943

1898

Populazion ai 01.01.2011

Populazion ai 31.12.2011 La grupa Westbound à sunà y ciantà a Urtijëi.

Tl Chemun de S.Cristina se àl maridà tl ann 2011 cater pèr, trëi te Chemun y un te dlieja.

www.lauscdiladins.com

17


Gherdëina

nr. 02 / 13 de jené 2012

N gra de cuer ala lies Coche da tradizion ie i presidënc y reprejentanc dla lies de Urtijëi ma nce de Gherdëina unii nviei te Chemun per na pitla festa de rengraziamënt ufiziel per l gran lëur de ulentariat a bën dla cumenanza

Reprejentanc dla lies de Urtijëi y de Gherdëina cun la Jonta de Chemun de Urtijëi, che à nvià al’ancunteda tradiziunela dla fin dl ann.

Lies - “Chësta festa tradiziunela ala fin dl ann uel vester na ucajion per Ve dì de gra de cuer per Vosc lëur tla lies, ma nce n mesun de ancunteda danter la lies d’uni sort che ie a Urtijëi y a livel de valeda per se giamië esperienzes, rujené

de cuestions o problems che l ie unitant y n generel per mparé a se cunëscer miec,” nscila la paroles dl ambolt de Urtijëi Ewald Moroder pra la festa cun reprejentanc dla lies te Cësa de Chemun ai 30 de dezëmber, a chëla

che à nvià duta la Jonta de Chemun de Urtijëi. Na festa per rengrazië, ma nce per ti fé i auguresc per l Ann Nuef, che la jënt ebe inant legrëza cun l lëur tla lies, nce sce, coche à dit l ambolt, “l ie for plu y plu burocrazia, la respunsabltà vën for majera y majera, suvënz se tràtel per i presidënc, ma nce pra i autri cumëmbri, plu che de n’atività de tëmp liede y de hobby, de n lëur part-time.” Suvënz iel nce critiches che toca la persones che se dà ju tla lies, “ma,” nscila Moroder, “ulësse nvië duc a cialé for dl positif che l vën fat. De regula vëniel bruntlà dl negatif, se desmincian che l bën che vën fat fej ora la gran pert dl’atività y se merita lauda y recunescimënt.”

Mujiga cun Luca Dan y do l ntervënt dl ambolt à l jëunn de Sëlva Luca Langgartner - cun ravises a Urtijëi tres si pere Giorgio - sunà y ciantà de bela cianties. Una na ciantia da Nadel,

Luca Langgartner cun la chitara.

scrita da Luca nstës, à tucà dassënn l’ana y l cuer di prejënc, per la bela meludia, ma nce la paroles per gherdëina che jiva sot, se fajan danter l auter la dumanda sce “Sarons’a boni de ujiné o mé de strité?” y cun n pensier ala jënt nce manco furteneda: “Mi pensier ti va ala jënt sëula, a chiche ie ti spediei, ala jënt che patësc.” L aplaus ala fin à dit dut. Cumplimënc, Luca!

La parola ai presidënc Nce n valgun espunënc dla lies à tëut la parola n reprejentanza di autri prejënc. Leander Moroder à rengrazià dl sustëni morel y finanziel che l Chemun de Urtijëi dà ann per ann, damandan che sce l Chemun muessa nce sparanië te chisc tëmps de crisa, pona fóssel mpo bel sce l ne sparaniessa nia pra la lies y sustenissa inant la lies tla medema mesura. Vinzenz Mussner - Zenz dl Scizer à da si pert, coche espunënt povester l

plu inant ti ani de duc i prejënc, abù paroles de rengraziamënt, nscila coche la plu jëuna, Barbara Moroder.

Bona cunlaurazion a livel de valeda Ambros Hofer à tëut la parola te si funzion dopla: un n iede coche presidënt dla Lia dl Turism, rengrazian duta la lies per l gran cuntribut, per la gran atività che les fej via per l ann a bën dl turism, ma nce dla vita culturela y soziela dl luech. Dal’autra pert à Hofer coche assessëur dl Chemun de Ciastel auzà ora la bona cunlaurazion danter i cater Chemuns y si lies. Prejënta pra la festa nce l’assessëura Milva Mussner, n reprejentanza dl Chemun de Sëlva. L’ancunteda ie fineda via cun n bon bucon y na viva, ulache duc à mo pudù sté deberieda a s’la ciaculé y a rujené de si atività. (dl)

Sustenide l Medicus Comicus! Na atività de gran mpurtanza ie chëla dla Lia Medicus Comicus. Per pudëi garantì inant l’atività vàl debujën dl sustëni dla man publica, ma nce dla bona man dla jënt Lies - Nscila à i patrons dl Bar Nives de Sëlva metù a jì na sëira a fin de bën per la Lia Medicus Comicus, cun na degustazion de vins metui a despusizion debant. Chël che i vijitadëures à dat de dunfierta ti ie jit dut al’assoziazion Medicus Comicus de Südtirol, che tol l’ucajion de rengrazië nce tres la USC duc chëi che ie unic adalerch y nce duc chëi che uel dé n sustëni finanziel ala Lia, paian ite tres banca sun l cont dla Lia

18

www.lauscdiladins.com

nstëssa, o metan a jì vel’ manifestazion a fin de bën, coche tl cajo dla familia Linder. L’assoziazion Medicus Comicus de Südtirol ie unida metuda su dan passa diesc ani, tl prim cun mé doi clowns. Chisc ova scumencià a jì ora per la pediatries ti doi prim spediei. L ne fova nia saurì, ajache nia te duc i spediei ne unìvel udù ite la mpurtanza de chësta scumenciadiva. Ma do y do unìvel ite for plu y plu dumandes

da pert de duc i spediei dl Südtirol de pudëi giapé la vijites di clowns ai pitli mutons amalei. Oradechël ti vëniel nce fat na pitla legrëza ala jënt de tëmp tla cëses de paussa. La terapia di clowns di Medicus Comicus vën ududa de bon uedl dai dutores y dal personal dl spedel, ma dantaldut sambën dai mutons y dai genitores, che possa per n valgun menuc se desmincé de vester te spedel. (dl)

Ntan la sëira a fin de bën per l Medicus Comicus te Sëlva.


nr. 02 / 13 de jené 2012

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Fascia

N an de lurier per l Comun general de Fascia Aon rejonà con la Procuradora Cristina Donei per fèr mìngol de bilanz su l’atività de chesta istituzion peèda via col prum de jené del 2011 Istituzions - L Comun general de Fascia à compì n an de vita. Lità de mé del 2010, l’é jit amò inant per n trat con sia veia jonta e l’à tacà via ofizialmenter col prum de jené del 2011. L’é passà demò 12 meisc, e jà zachei vel l meter en discuscion. En realtà a esser metudes en discuscion, per scomenzadiva de la Lega Nord, l’é duta la Comunitèdes de Val del Trentin, ma ence l Comun general de Fascia é stat tout ite te la proponeta de referendum acioche l vegne tout jù. N’aon rejonà con la Procuradora Cristina Donei. “L’é ben cert – taca ite sobito con gaissa la Procuradora - che te passa 30 egn de Comprenjorie te Fascia nesciugn abie mai dit de l voler tor jù, e ades che con l Comun general tacon a aer maor competenze e autonomìa, ades che podon dalbon tacar a se gestir enstesc, zachei die che ge vel l tor demez.” Chi che à dit che ge volessa l tor jù sostegn che l’é n ent che costa e no l serf. Che aede fat te chest prum an? Cristina Donei: “Se cogn dir sobito che l’é natural che, canche na neva istituzion la taca via, l’à de besegn de so temp de rodaje. Te chest prum an aon cognù se empegnar dant da dut a meter jù i regolamenc per l Consei, la Radunanza generala, duc orghegn de chest nef ent. No l’é stat sorì, percheche i regolamenc cogn passar te duc i Consees di comuns de la val, donca l’é n iter lonch. Ma aboncont sion rué junsom. Dò da chest aon vardà a l’organisazion del personal, aon dat neve manscion, revedù la pianta organica, mudà l personal aldò de chel che ne saea mior per le abilità del personal enstes. Aon stabilisà l’ofize linguistich, olache dant l personal l’era paà mìngol da la provinzia e mìngol dal stat, e ades l’é ite te la part “corrente” con soa degnità e segureza sul lurier. Canche se verc n ent sul publich no se pol far miracoi te n an, percheche ogne roba cogn esser condividuda e ence dal pont de veduda de la lege ge vel che dut carenee delvers. Sun chest aon lurà e penson de lurar sul cambie de mentalità de la jent, per ge far capir che l Comun general raprejenta

duta la val, l’é l’ent de duta la val e che se oujer a chest ent pol esser n gran aiut per duc chenc.” E a livel più concret? “L sozial l’é la pruma competenza che ne é stat dat. Inant se laorava sun delega e la provinzia scuerjeva i cosć, ades la provinzia ne dasc n budget e con chel cognon vardar de se rangiar per jir encontra a duc i besegnes de la val. Te chest setor dut chel che aon domanà desche val tras l program sotescrit de messal, ne é stat dat e recognosciù, proprio percheche la forza l’é stat l domanar a livel de val. Aon abù l finanziament de passa 3 miliogn de euro per far fora la senta per l’Anffas, restruturan la caserma per meter int “l’alloggio protetto” e i ofizies del sozial che jirà colassù. Apede chest aon podù tor sù autre 2 Oss, le “operatrici sozio sanitarie” che laora sul teritorie per aidar le persone de età che à besegn che zachei le rencure. Con cheste 2, apede a le 8 che l’era da dant, podon scuerjer i besegnes de la jent ence sabeda e domenia. Aon ence domanà che vegne smaorà l numer de posć resservé ai fascegn te la APSP e ne é stat dat 3 posć en più, 2 normai e un “de sollievo”. Aon lurà n muie ence su la pianificazion, col pian sozial, percheche se cogn saer cai che l’é i besegnes efetives de noscia val. L’é stat binà dute le realtà che laora te val, le sociazion, le coprative, le aministrazion e aon fat n abstract che vegnarà portà te Consei ti prumes meisc de chest an. Gio sé che chesta l’é na val n muie pragmatica: se se veit i camion che va inant e endò i disc che se laora, se se rejona de pianificazion i peissa che sie demò ciacole, ma la pianificazion la é n muie emportanta, soraldut se la vegn fata duc ensema a livel de val.” E ades aede tacà a pissèr a livel de val e no più de singoi comuns? “Ben segur. Ades i comuns à tacà a se meter d’acort sun n muie de robe, ence su la pianificazion. Se assane tacà a se meter entorn a n desch duc adum jai 20 o 30 egn per rejonar de pianificazion urbanistica e de mobilità assane abù n svilup più pissà e ragionà,

Trei dependentes al lurier te l’Ofize servijes linguistiches.

ades podassane aer na val più vivibile, con manco seconde ciase, e fosc no assane 60.000 posć let da empienir. Coi ombolc aon rejonà adum sul davegnir de la val e sui singoi comuns. Aon troà na cordanza sul FUT (Fondo Unitario Territoriale) e sun chest passa 6 milions de euro é stac spartii fora ai comuns, che i à dezidù ensema le priorità. La Provinzia aea metù dant doi setores conscidré emportanc per n san svilup del teritorie, chel di bosserlaic e rei de le aghe e chel de le cortine, e dapò i ombolc à dezidù de ge dedicar na part a la caserma di studafech. Con chest sistem pel se miorar ence i comuns pìcoi, che da soi no podessa ge la far, te chest cajo Vich per la caserma, che i l’à daìte te comun te mez paìsc, e Ciampedel per la cortina che à besegn de spazie. Dapò te chesta cordanza l’é stat pervedù per ejempie de meter en segureza Ciasa Costazza e de far sù la palestra de rocia da Ciampedel. Aon fat rei coi comuns de la val, e far rei l’é stat una de le parole chiaf de noscia atività. Aon fat rei co la provinzia, co la cordanza sotescrita de messal, e aon fat rei ence con autre comunità. Aon fat la Rei dolomitica con Fiem e Primier, percheche aon problemes valives, duc dalonc da Trent, tel medemo distret sanitarie, e volon arjonjer ence te periferìa chi servijes dal pont de veduda sanitarie che stenta a esser porté. Con la forza de trei comunità, se à n auter pes. Aon lurà ence su le rei virtuale, sun dute le conescion informatiche, per omogenisar i programes e condivider sun duta la val i servijes. Sion dò che luron per endrezar n sit internet con n projet pilot anter dute le comunità del Trentin, olache se podarà aer le conescion coi paìjes de la val, per desćiariar documenc e per poder desfrutar duc l lurier che vegn fat. Ne é stat dat ence duc i aparac per la video conferenza, e la meton a la leta per chi che, enveze de cogner jir magari enscin a Trent, i pel se meter en conescion e donca sparagnar tempes e cosć de viac.” De coluns autres setores se cruziel l Comun General?

“Dal Comprenjorie aon rità la gestion di refudames, del sozial, del setor linguistich, e amò l Comun general se cruzia de contribuc e restruturazion per la pruma ciasa, derit al studie, regoeta di fonghes, pian di joegn de zona, e Azione 10, che ge dasc l met de lurar a le persone che se no stentassa a troar lurier, tolan sù i lurieres dai comuns per far sief, aree da pic-nic e robe coscita. Ades aon da laorar su l’urbanistica. Se à tacà col pian teritorial de la comunità, che l’é la pianificazion no demò urbanistica, ma ence sozio economica, de duta la val. L pont de forza l’é che ades chest l vegn fat chiò te val. Dant l’era l PUP che vegnìa lurà fora a Trent da tecnics, ades l vegn lurà fora con le componente economiche e soziale de la val. Per ades aon enjignà l piano preliminar, dò vegnarà metù ensema i desć de lurier, chel di artejegn, comerz, operatores turistics per poder far zacan na pianificazion de la val più pissada dò le esigenze de la val, pissada sul teritorie. La comiscion veia del paesaje la é doventada C PC (Comiscion Paesaje Comunità) con maore competenze, olache varianti, deroghe e piani vegn luré fora te la comiscion. Per ades se à rejonà soraldut de viabilità, aon tout sù le dezijion di comuns e con chisc documenc se jirà a Trent.” Autre atività pervedude per l 2012? L’an 2012 aon volù ge l dedicar al tem de la formazion. Volon laorar sui joegn con doi projec: “Ensema amò più bel” per le scole mesane, domesdì de studie e socialisazion percheche i bec stae de più anter i bec e i se fae i doveres, e dapò “Leames, en rei con tia val” per i universitares o laureé, per crear n leam anter i joegn e la val, ajache col smaorament del livel de studie se crea l problem a i far vegnir de oita, percheche aon n capital formà e identitarie che va fora e volon far l possibol per i meter en comunicazion col mond del lurier e i far lurar te val, se i vel. Volon far ence atività de formazion sul teritorie con chi che vif e laora sul teritorie, n bel projet ensema ai impianc portamont, volontariat, scola e istitut.

La procuradora Cristina Donei.

Volassane tociar ence su l’economìa. L’é n moment de crisa, duc lo sà, l sention. Volon lurar su la gestion en rei di servijes ti comuns. Aon gropes de lurier che se dasc jù per troar fora le tarife. Col prum de jené del 2013 vegnarà unificà sun duta la val l’IMU, ex ICI. Cognon razionalisar le speise e miorar l servije con na gestion unitara di servijes su l’informatica, apalc e compre, per aer maor percacenza e sparagnar sul personal. Dapò su la cordanza de program dal pont de veduda de l’economìa e sul turism aon amò robe da meter sun desch, robe che no ne sà de aer arjont e no sion contenc de chel che ne é stat dat. Noscia economìa é basada sul turism, volon far sintesi sun nosc teritorie, podon far sentir noscia ousc.” Che ge responassade donca a chi che disc che l Comun general costa massa e che chisc scioldi i ge vegn touc ai Comuns? “De segur l Comun general no l’é n “carrozzone”, la jent la laora. Dut l lurier fat chest an dal Comun general de Fascia che va a gestir competenze per 12 milions de euro, à costà per speise generale de indenità e enciarie demò de 48 mile euro de più. E de segur l Comun general no l se magna scioldi che jissa ai comuns, alincontra l va a gestir chele robe che ai comuns ge costassa n muie de più. Aon trei comuns sot i mile sentadins: co fajessei a se gestir dut cant coi scioldi che i é semper demanco, e ogne manovra va a taar su la part corente di comuns? Se va envers n aiut ai comuns per se gestir.” Intervista de Lucia Gross

La Jonta del Comun general con duc i ombolc de Fascia. www.lauscdiladins.com

19


Fascia

nr. 02 / 13 de jené 2012

"Fassalux" fèsc mìngol de luster Intervista a la sociazion fascèna de l’impresa, de l’economìa... de la politica!”

coscienza e cognoscenza da pèrt de duc nos.” Aede n gran enteress de far pèrt de duta la componentes de la sozietà (Comun general, Union, UAL). Perché pa? Te chesta ùltima litazions n muie de vesc comembres é stac lité te la UAL. Che obietives aede delaìte de chest partit? “L’é n muie de confujion sun chest, na roba l’é fèr pèrt de la sociazion e n’autra l’é l dejiderie de ogne un de tor pèrt ativamenter a la vita publica; l’é desche se n component de la banda fajesse pèrt del partit e ge vegnissa domanà che enteress che à la banda tel partit.”

Él n president, n diretif? “Ei, descheche se pel entener benon dal statut, l’é n president e n consei.” Cotenc siede? “Sion 11 anter fenc e touses.” Che sort de jent? “Impiegac, artejegn, ensegnanc, imprenditores, studenc, jent da duc i dis ensoma.” Can pa ve aede metù sù? “La sociazion la é nasciuda de jené del 2011.” L’inaudazion de la mostra “La creazion zipièda te la Dolomites - la Dolomites zipièdes te l’om” endrezèda da Fassalux a Poza e a Moena.

Se ve tolede del temp e jide a veder l sit internet www.fassalux. it podarede lejer e veder la desvaliva ativitèdes che la sociazion Fassalux porta dant e ence spartir vèlch sia curiositèdes. Ma se chieride l statut de la sociazion no l’é, e nience i inomes de chi che fèsc pèrt del consei. Se pel lejer enveze te n comunicat che i à manà fora acà pech temp: “Se conscidron fortuné de esser stac nominé coscì tanta de outes te chisc dis, n muie de chestes a na vida deldut no adatèda, deldut zenza fondament! Develpai de la zevila reclam! Ma chest no ne enteressa.” Da pez aane proà ence nos de la redazion de La Usc a ge fèr na intervista al president de Fassalux Emanuele Pederiva e ge aane ence manà la domanes per mail, ajache someèa che no la jisse a se troèr duc per l’intervista. Nos aon tegnù dur e seghità a domanèr ence percheche n muie de jent aea

palesà, ence chiò te redazion, la voa de n saer de più. Dò béleche doi meisc aon ciapà per mail la respostes che publicon chiò sotite. Che él Fassalux? “Sion n grop de Fascegn! Sion n grop de Ladins! No sion na sociazion politica e nience no l volon esser: ma ge recognoscion a la politica n ruol emportant e fondamentèl! No sion na firma industrièla e nience chest volon esser! Volon esser ladins empegné, perché noscia val posse sgalizèr desche ejempie e referiment per duc chi che vegn da nos percheche i sà che i pel troèr n bel post olà passèr sia vacanzes. Nos speron che la Val de Fascia posse esser cognosciuda e recognosciuda ence per la inovazions, per la tradizions, per la cultura, per la sozietà ladina fascèna, per nosc saer defener e propor, vivan, i gregn valores de la vita, de la familia, de la scola,

Olà aede la senta? “Noscia senta la é a Soraga.” Co se fèjel a fèr pèrt de la sociazion? “No l’é na vida particolèra per n fèr pèrt. Dut nasc da l’amicizia e da la condivijion e dal chierir de viver i medemi ideèi.” Coluns él vesc programes? De che ve cruziède? “Se cruzion prum de dut de ativitèdes culturèles, sozioricreatives, de volontariat (desche l prum but del Comun general de Fascia, “Gust de la Lum”, “Gust del Freit”, la mostra “La creazion zipièda te la Dolomites - la Dolomites zipièdes te l’om”, l stand a la “Festa ta Mont”, “La Via de la Misericordia”, l convegn su l’èga e c.i.) e sion averc a autra esperienzes che outa per outa pel se creèr.” Siede na sociazion apartitica? “No sion politicamenter schieré ma tolon ispirazion da la dotrina

Na joena de Fassalux con la maieta enjignèda da la sociaizon en ocajon de la “Festa ta mont”.

sozièla de la Gejia. Duc i comembres à la medema emportanza.” Aconfenscionèla? “Sion duc cristiegn catolics ma la sociazion no l’à n obietif demò religious e de cult.” Che fajede canche ve troède te gejia? “No capion l sens de chesta domana.” Anter vesc programes él ence la cultura ladina? E la politica? “Sion ladins e no podon no cognoscer noscia storia, chi che sion realmenter, noscia cultura ladina. La politica l’é n servije al ben comun. Ne sà che la sie coscì tant emportanta che no podon no se enformèr e no se dèr da fèr per cognoscer la robes e capir coche les va percheche dalbon sie maor

Te na intervista publichèda acà n mìngol de temp sul sfoi Adige Emanuele Pederiva l’à dit che “volede creèr na neva mentalità”, che velel pa dir? “Demò che recognoscion l fat che oramai no se fèsc più nia per nia. L’amor e l dejiderie de n miorament zenza condizions e zenza se spetèr zeche en cambie l’é l spirit che ne spenc a propor alternatives e a se meter en jech. La ativitèdes che porton dant l’é rejon de crescimonia prum de dut per nos e ence per chi che dezide de tor pèrt a chel che proponon. Sion fascegn, no ve l desmentià... ma volon aer n cher gran desche l’univers e fèr a na vida che l ben, l bel, l giust, l verech de noscia cara e amèda val posse doventèr legreza per n muie, per duc! A prest! La paroles lascia post a l’interpretazion, la vita anunzia i fac!” Intervista de Monica Cigolla

A lezion de vita I 70 scric ite a l’Università de la jent de età de Fascia à serà sù l 2011 con na bela festa ensema a la assessores al sozièl e a Suor Gisella del Malghèr Ence chest na per la fin de l’an no podea mencèr na bela festa per serèr l 2011 duc ensema e con legreza. Coscita defat l’é stat per la jent de età da Penìa fin ja Soraga che via per l’an tol pèrt a l’Università

de la jent de età e del temp a la leta de Poza, na scomenzadiva che deida a stèr ensema, ma ence a emparèr ogne outa zeche da nef e de ùtol per la vita de duc i dis. Per serèr su l’an, amò dant da Nadèl, béleche

duc i 70 scric ite a l’Università i se à binà per se fèr i augures e per l’ocajion l’é stat enjignà na pìcola bombona, n bon marendel e dant amò n moment piajegol con l cor di bec da Poza, vidà da la maestra

Maura Zanon che à ciantà de bela cianzons de gejia. L moment più bel de la festa, te sala de Consei del Comun de Poza, a la prejenza de la assessores al sozièl de Fascia, l’é stat la testimonianza

Te la belota festa da Nadèl de l’Università de la jent de età i “studenc” à scutà con gran atenzion e piajer la testimonianza de Suor Gisella e la cianties del Cor di Bec da Poza.

20

www.lauscdiladins.com

de Suor Gisella Dellagiacoma del Malghèr, che dò no sé tenc de egn, chest an l’à podù passèr endò n Nadèl chiò da nos te anter freit e neif, enveze che al ciaut de l’Ecuador. Suor Gisella, con so fèr pien de energìa, la ge à contà coche se vif te l’Ecuador, coche l’é la jent aló, che che la fèsc. La monia l’à fat na analisa del teritorie da canche la era jita via la pruma outa, del 1945, e l’à contà coche l’é dò che muda l mond ence colavìa, olache soraldut de gra al lurier di miscionères ades béleche duta la popolazion sà amàncol lejer e scriver. L’é stat proprio n ejempie de vita per i etres, che ensegna che te la vita se pel fèr con demanco de n muie de robes che aon, che les é sorides e n muie beles, ma dutes no fondamentèles. L’é chest un di ensegnamenc de Suor Gisella che à ence dit che “La Val de Fascia l’é la più bela del mond!”. Donca ence chest an, a na vida semper desferenta, l’é stat fat festa per duta la jent che tol pèrt a l’Università de la Jent de età. (vr)


nr. 02 / 13 de jené 2012

_ _ _La Usc de la scola

Louf Albert te la popùlères de Fascia L nef dvd olache l louf brun e si amisc rejona ladin ge é stat sport ai scolees de la populères da l’Union di Ladins de Fascia

La Sorastanta Mirella Florian e l president Silvano Ploner, endèna la consegna del dvd de Louf Albert ai bec de la populèra de Poza.

L pìcol Ismaele Soraperra à recordà dedant a si compagnes sia esperienza da dopiador.

Dotrei bec dò aer ciapà l dvd e libret de Louf Albert.

Per fenir fora l’an delvers,’Union di Ladins de Fascia se à pissà na bela scomenzadiva: enjignèr n dvd e n libret col personaje di cartons Louf Albert e i personajes de la fatorìa McKenzie dessegné da Silver, olache duc chisc personajes i rejone per ladin. L filmat de 60 menuc dal tìtol “Nadèl tel mèsc” é stat realisà da VideoAlp col didament

nef e da grignèr, e soraldut meter a la leta n prodot per i joegn e la families, portan dant l’empegn de la sociazion de slarièr fora l lengaz ladin. Apontin per chest, per ruèr amò più vejin a la jent e a la neva generazions, chest dvd ge é stat sport debant a duc i scolees de la populères de Fascia. L president

Speron che i bec i sie stac contenc e che i ge abie fat i complimenc soraldut a si compagn de scola Ismaele Soraperra, l più pìcol di dopiatores, che va a scola a Cianacei e che ensema a Giuditta e Chiara l’à desmostrà dassen che col ladin se pel ence se mateèr e che l pel doventèr na bela ocajion de crescimonia. (vr)

fondamentèl de Luciana Detomas, che se à cruzià de la traduzion per fascian, e de Vigilio Iori, che se à cruzià de coordenèr l lurier de dopiaje, olache l’é stat domanà l didament ence a trei bec de la Scola de Fascia: Chiara Detomas, Giuditta e Ismaele Soraperra. L’obietif de l’Union di Ladins l’era fèr endeletèr i fascegn con zeche da

Silvano Ploner, ensema a la Sorastanta Mirella Florian e ai conseieres de l’Union di Ladins, Lucia Gross e Vigilio Iori, i ge à portà presciapech 600 dvd ai bec e la bezes e ence ai maestres e la maestres de la populères de Cianacei, che tol ite i bec da Penìa enscin a Mazin; dapò te cheles de Poza, Vich, Soraga e Moena.

Chi érel Don Lodovico Gross? Mìngol de storia sul preve-sudà a chel che ge é stat dedicà la Scola populèra de Poza

Don Lodovico Gross.

Chest’outa te noscia piata de la scola volon vardèr mìngol endò e ge moscèr a nesc scolees na piata de noscia storia. I bec fascegn, o amàncol chi da Poza, i à segur amò sentù l’inom de Don Lodovico Gross. Noe? A el defat ge é stat dedicà la Scola populèra de Poza, e ence na strèda del paìsc: fosc ence vèlch un anter voetres scolees stèsc te la strèda che à so inom. Ma fazile ence i bec che stèsc te chela strèda de Meida, o che i é jic o i va a studièr te la scola che porta l’inom de Don Lodovico Gross, no i sà proprio delvers chi che l’era. Proon donca a saer vèlch de più sun so cont, ence percheche chest an 2012 l’é l centeisem cedean de so nasciment, che vel dir che l’é passà giusta 100 egn da canche l’era nasciù. Coscita i più gregn, bogn de se fèr fora i conc, i arà jà capì che Don Lodovico Gross era nasciù del 1912. Chi érel donca, e soraldut che èl pa fat chest om da Poza, anzi podon dir sobito chest preve (chel “don” ve arà jà fat entener che l’era n

religious) per se meritèr che ge vegne dedicà la strèda e la scola de so paìsc? La informazions che podede lejer sun chesta piata les aon toutes da n articol, taà fora dal sfoi “Vita Trentina” del november de l’an 1942, che ne é stat portà te redazion da Renzo Deluca de Canucia da Vich; n articol “storich”, che era stat scrit ti egn de la seconda vera mondièla, e che Renzo l’à tegnù sù enscin anchecondì. Te chel articol - se sà ben con l stil de scriver de chi egn e con la pascion percheche la vera no era amò fenida, e i avenimenc reporté l’era fac de cronaca, e no de storia - vegnìa dat la burta neva de la mort eroica del preve fascian, e scrit vèlch de sia biograf ìa.

“Don Lodovico Gross – scrivea l’Ordinarie Militèr te chela letra – l’era un di capelegn miores de duta l’Armèda, soraldut per sia bontà e lezitenza, amà e stimà da si ofiziai e sudé.” E n auter Monsegnor scrivea: “Si sudé ge volea ben, e per l’educazion che l dajea, per l gran cher, per so spirit de pietà, l’era tegnù desche n sènt.” Fosc no l’aea pervedù sia mort, ma de segur l l’à azetèda con cher datol, desche l sacro doer de n capelan militèr en temp de vera, se lec te chel articol, olache vegn publicà ence na letra scrita da Don Lodovico Gross l’an dant, ai 2 de oril del 1941. Na letra scrita a sia

N preve eroich Don Lodovico Gross l’era n Capelan Militèr, un de chi preves mané a portèr na lum de speranza e confort ai sudé en vera. L’avis de sia mort eroica era ruà con na letra che l’Ordinarie Militèr de Roma, che fossa sche l Piscop de duc i Capelans militères, ge aea manà a l’Arzipiscop de Trent. Don Lodovico Gross l’era en viac envers la Tèlia, canche l piroscaf, olache l’era embarcà ensema con etres sudé, l’é stat colpì da presciapech 200 metres dalonc da la canonèdes de n “sommergibile” nemich. Don Lodovico, ferì a la mans, l’é stat envià a arbandonèr l bastiment, ma no l’à volù se n jir, percheche no l volea lascèr soi i etres sudé. L’é restà apede ic a ge portèr confort ai ferii e benedir chi che era dò a morir, tegnan l Crist con la mans che sangonèa. Endèna che l compìa chesta azion de pietà cristièna, l’é stat ciapà dret tel piet da na patrona di nemisc e l’é sutà jù, mort de colp.

mère e sia sor Maria, da Fiume, l dì dant de pontèr via a pe con so regiment contra la Jugoslavia, olache l preve fascian se à troà per più dis te mez al fech de la batalia e l’à vedù morir n bon pec de si sudé. “Ge vel ben n preve con nesc cari sudé – l scrivea. E amò – fosc l doman podarà ne domanèr maores sacrifizies, fosc l Segnoredie te sia misericordia l podessa voler ence l mie. E ben bolintiera son desponìbol a chest, content de poder ge sporjer a Die la vita che El me à dat, la sporjer per mie cari fanti, per la Patria che padesc la vera, percheche posse endò vegnir la pèsc, tant dejidrèda. (...) E se na dì, cara mère, ve ruarà la neva che vosc fi l’é mort, no pianjé, pissà che l’é mort n preve tel fèr so dover, e che l prearà per Vo...”

Mingol de biografìa Nasciù a Poza ai 6 de november

del 1912, Don Lodovico Gross del 1934 l studièa da preve, canche l’à lascià ló chisc studies per viver per n trat la vita de caserma. Chel ambient l’é stat per el n lech de apostolat, olache l’à ence enjignà n bon pec de sudé a la Pruma Comunion e a la Creisema. Chiò l’à madurà amò de più sia vocazion, e l’à renforzà so carater. L’é stat cernù, soul anter caranta, per jir a fèr la scola militèra de Modena e doventèr ofizial de cariera, e dò doi egn l’é endò vegnù de retorn te sie Seminarie de Trent per fenir si studies teologiches, e l’é stat ordenà preve da Pèsca del 1938. Dò esser stat preve cooperator a Cembra e a Tassullo, del 1940 e del 1941 l’é stat rechiamà da l’eserzit e manà a Fiume, olache l’à ence ensegnà tel Seminarie. L’era Tenent Capelan del 25° Regiment de Fanterìa e l’é mort tel mèr Adriatich ai 5 de otober del 1942. Lucia Gross

Open Days a la Scola de Fascia Dant che vae fora la pre-iscrizions, te duta la scoles autes de Fascia vegn endrezà i “Open days” per didèr a cerner l davegnir formatif

Na pèrt de l’articol publicà sun Vita Trentina del 1942.

Poza - Dant che vae fora l termin per se scriver ite a la scola autes, ge vegn dat l met a duc i studenc de la mesènes e a si genitores de vijitèr la scola autes de la Scola Ladina de Fascia: Liceo Artistich del Design e de Èrts figuratives, Liceo Scientifich e Liceo Ladin di Lengac. I bec e sia families pel cognoscer l’oferta formativa, e tor pèrt a n laboratorie fat dai

studenc che vegn fat anché, vender ai 13 de jené, h 14.30 - h 17.30 te duta la scola autes. Doman, sabeda ai 14, h 8.30 12.00 e h 14.00 - h 17.00 genitores e studenc podarà jir a vijitèr la scola e rejonèr coi professores, ence chi del Projet Ski College. Per aer maor informazion l’é a la leta i referenc, prof. Claus Soraperra e prof. Domenico Bravi, telefon al 0462.763702.

www.lauscdiladins.com

21


Fascia

nr. 02 / 13 de jené 2012

N 2012 rich de novitèdes e fortuna Tras la chèrtes Frida Dantone Braca da Dèlba l’à let l davegnir per la pruma outa per i letores de La Usc di Ladins... con mìngol de ironìa Previjions - No l’é segur l cajo de ge n grignèr sora, chest l saon, percheche dassen l’an che se à giusta serà sù no l’é stat, dal pont de veduda economich e finanzièr, n an positif. Per tachèr via con n spirit algegher l’an 2012 aon volù, da gran femena curiouses, jir a se fèr dir l davegnir da la chèrtes. Ajache son la più joena, mia coleghes me à manà me, e son jita proprio bolintiera ite da Frida Braca, de cognom de naa Dantone e maridèda Dioli. Ela la é del 1933 e l’à l’energìa de na joena del ’93, percheche la va dò e dò a pe e te sia vita la é ruèda su l’Olimpo, su l’Etna e de noscia val no l’é vièl che no la cognosce. Tel temp che l’à a la leta, vèlch outa Frida la se met a lejer la chèrtes. L’é na pascion che l’à da canche la era joena, ma no l’é che la l fae de mestier o che zachei vae da ela a se fèr dèr consees sul davegnir, l’é demò na roba che la fèsc te cèsa sia, con la jent che la cognosc. Donca l’auter dì son jita ta Dèlba, che dapò l’é ence mie paìsc, da Frida Braca che dant de dut la me à let mie davegnir e dò l’à dit fora na previjion che podessa jir ben

Frida Dantone Braca endèna che la fèsc la chèrtes.

per duc nos fascegn. Ruèda te sia cèsa da fech aon mìngol ciacolà e dapò l’à trat cà chela veia chèrtes todesces con cheres, roles, foes e sonai. L’é chèrtes “salisburgheises” o “sudtiroleres” percheche da l’Austria les é ruèdes ence te la provinzia de Busan e dapò chiò da nos. L maz che à Frida l’é dut neigher e l’é chel che durèa amò sia mère canche la jièa a la chèrtes

con Maria Brunner de Cristina. Dant de tachèr, donca, Frida la me à contà de coche la se à arvejinà a la chèrtes: “canche siere joena, jìe a me fèr lejer la chèrtes per veder se chisc moroji me volea o no. N’aee n muie ma no l’era mia desche ades. N’outa l’era desvalif, l’era demò n bos e se se troèa mascimo fin les 10 da sera. Canche jìe stroz se troaane mìngol ite al Miramonti, o a outes se jìa canche i fajea

comedia. Timpruma jìe da na femena da Dèlba che aea inom Ugèna, che stajea aló da Gigio de la Menina (La Bolp) i ge dijea duc “la Zeli”, l’era la mère de Luigi Piccoliori (l’om de Veronica Zanoner del Tinoto Gabana che de ela l’à scrit ence te so liber “I segnai”). Canche chesta femena la é morta, jìe sa “Nozela”, Orsola Depietro che la stajea sot Col de Dèlba. Chesta femenes les aea chesta chèrta todesces e proprio chesta Nozela la jièa a chèrtes ence con mia mère e la vegnìa ence a cèsa noscia. La Zeli la era più brava che Nozela e me recorde che la me dijea semper: “Piciola vèrda che chest tous no te vel!”, canche ge domanèe se n tous da Poza che me piajea, l me volea. Dapò canche é cognosciù Samuele (sie om) se veit che l’era vegnù fora la chèrta giusta. Chesta femenes no les fajea per scioldi, no jia n muie de jent da eles e les lejea la chèrtes per se parèr via mìngol l temp”. Dò da chesta introduzion l’à tacà a lejer e trèr fora la chèrtes su la previjion del davegnir per duta Fascia e la ne à dit che: “L 2012 sarà n an rich d’amor e revegnaron

da la meseria che aon te la Tèlia, sarà n an positif e n an rich de novitèdes e apede chesta chèrtes vegn fora ence la chèrta de la fortuna che la sarà grana.” Dapò ge domanon ence se vegnarà neif te chest 2012, e dò aer vardà amò fora mìngol la chèrtes Frida la ne disc: “La vegn, la vegn la neif!” Canche ge domanon enveze de fèr la chèrtes per l Comun general, ne disc Frida, che “chiò l’é vegnù fora na chèrta mìngol burta, ma nia de spezièl, no l’é na roba proprio burta, ma demò che vel dir che sarà n pìcol despiajer, ma dapò l’é contenteza. Chiò l’é na chèrta che moscia n muie de scioldi ma no se i ciapa sobito e donca ge vel sparagnèr, e chiò l’é la chèrta de na persona emportanta e donca podessa voler dir che l’é chi che comana che cognessa sparagnèr.” Dò da chesta informazion no la pel ne dir nia de più ajache, la disc con fèr da grignèr: “zenza paament no posse dir trop de più!”. Rengrazion donca Frida e speron che l bon (e demò chel...) che l’à vedù te la chèrtes l se realisee. Valentina Redolfi

Chi él pa? Soluzion del retrat su La Usc nr 01 L retrat che aon publicà su La Usc di Ladins numer 1 del 2012 l n’era stat portà da Carla Pederiva maridèda Giuliani da Soraga, clasc 1937, che la ne à dit che l retrat l’é stat fat en ocajion de n cors per emparèr a cojir che l vegnìa fat da la monies a Sèn Jan. Carla ne aea dit che l retrat l’era stat fat ti egn ’60 ma Giuseppina Rossetti, ence ela sul retrat, la ne à dit che segur l’é stat fat dant percheche ela la se aea maridà del 1963 e canche l’aea fat l cors la se recorda che l’era n muie de egn dant. A responer al retrat, apede a Carla e a Giuseppina Rossetti, l’é stat Lino Medico e Antonietta Pederiva. Sul retrat l’é: 1. Franca Bonora, maridèda doi oute, una

a Imer, vin Primier; 2. Rita Vian de Peghen da Tamion, maridèda a Pera con Casari de Ciurc; 3. Giuseppina Rossetti; 4. per Carla l’é Dora de l’orologiaio e per Giuseppina enveze l’é Annamaria Cloch de Cò; 5. Per Antonietta e Giuseppina l’é Pia Depaul de Taic; 7. Anna Lorenz de Meca da Vich, del 1937; 8. Rita Rasom de Gotart; 9. per Giuseppina, Antonietta e Lino l’é Giuliana Gross de Ciaria, femena de Lino pech da Vich, enveze per per Carla l’é Giuliana de Jige maridèda con n spion dal bosch; 10. Clara Mazzel de Frecol da Valongia, maridèda Pollam; 11. Fortunata Pederiva de Fronz, maridèda col Leto e sor de Carlo; 12. Clara Anzelini; 13. per Carla e Antonietta podesa esser Maria de Anz femena de Gigi Trottner

“Parigi”, per Giuseppina l’é enveze Teresa Winterle da Pera, na monia laica; 14. Per Lino l’é Luisa Detomas del Pio da Poza per Antonietta podessa esser Fiorenza Kustatcher; 15. La diretora Suor Emma; 16. Giuliana Lorenz de Cin del ’37 maridèda ta Cianacei; 17. Livia da Vich; 19. per Antonietta podessa esser una de Badia da Poza; 20. Giulia Trottner de Focol da Vich, che per n trat l’à rencurà la gejia de Sent’Ugèna; 21. Maria Vian de Pociola; 23. Antonietta Pederiva maridèda Winterle; 24. Cecilia Zili Weiss sor de la 27; 25. Maria Rossi del Lote; 26. Giovanna da Valongia, maridèda con Arturo Rasom; 27. Clara Weiss da Tamion, femena de Oto; 28. Carla Zulian de Caio, maridèda Fontana; 29. Carla Pederiva maridèda Giuliani; 30.

Francesca Cincelli de Fola; 31. Mariota Pederiva de Fronz; 32. Aneta Detomas dal Monech; 33. Marina Vian, femena de Vito de Rosa del Crescenza; 34. Luigia Bernard de Cechinol da Pera. Ge sporjon n bel develpai a duc chi che ne deida ogne setemèna a meter ensema noscia rubrica e chest’outa ve meton dant n retrat che vegn da Cianacei. Ve envion a ne dèr voscia resposta dant da mèrtesc sera te redazion, ence per telefon o fax al 0462.764545 o per mail a la direzion lausc@

ladinsdefascia.it. Chi che troa fora amàncol la metà de la jent che l’é sul retrat ciapa en don n liber o n CD de musega da l’Union di Ladins de Fascia. Desche semper ve envion ence a chierir fora i retrac veies che aede te vèlch crigna e ne i portèr te redazion a Sèn Jan, olache podon i tor sù col scanner e ve i dèr de retorn sobito. A chesta vida ne didède a viventèr chesta rubrica e a meter ensema vèlch mizacola de storia de noscia jent. Develpai!

9 8

4 29

34

33

32

30

31

28

24 27

26 25

20

3 1

23 22 21 19 18 17

2 1

22

3

4

www.lauscdiladins.com

5

6

7

8

9

10

11

12

13

14

5

15

2 16

6

7


nr. 02 / 13 de jené 2012

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

Val Badia

Por l’isté podunse ćiamò fà cotan Da döes edemes incà é Roberto Huber definitivamënter diretur nü dl’Assoziaziun Turistica Badia. Te na intervista se desmóstrel en sintonia cun so predezessur Manfred Canins. Al nes dij sce ara ti parënta da avëi mudè mistier, sce al arata poscibil da arlungé la sajun da d'isté y sce les pordüdes de Sant Ambroje à fat mè mal. Ćina mez setëmber unse laurè scialdi bun. I crëii che an mësses s’inventè val’, mo al é sigü n ćiamp olache al é dër rî. L’isté à dër n gran potenzial, mo al é ćiamò da capì avisa te ći direziun che al é da jì.

La Usc: Roberto Huber, da döes edemes este śëgn definitivamënter diretur nü dl’Assoziaziun Turistica Badia. Aste metü man bun to laur? Roberto Huber: Chi dui mëisc danfora, ài albü la poscibilité da me laurè ite cun Manfred, porchël él stè n passaje lisier, na conseguënza dër positiva y i n’à nia dër sintì le cambiamënt. I oress tó chësta ocajiun por rengrazié Manfred en particolar, mo inće düć i colaboradus, por ester gnü tut sö tan bun. Manfred Canins t’à acompagnè śëgn dui mëisc alalungia por te laurè ite, co éra pa da sentè ite te sües pedies, àl pö lascè na gran merscia tl turism dl’Alta Badia? Le percurs che al m’à fat fà por rovè ite é stè ezezional. Chilò él dër n bun team, vignun sa ći che al à da fà. De chël vers mësson veramënter ti fà n aplaus a Manfred. Al à lascè n post che funzionëia al 100%. Da mia pert mëssi dì che Manfred é zënz’ater na figöra nia da arjunje. Al ê chilò da 25 agn. Al é stè na porsona d’inovaziun, al à portè l’inom dl’Alta Badia a n livel dër alt. An sintiarà sigü süa manćianza, sides a livel profescional co uman. Iö jarà inant sön süa strada, mo sambëgn él vignun che à so stil. Intratan junse inant sön chësta direziun, che é veramënter dër bona, y ći che an fajarà tl dagnì é ćiamò da odëi. Te na intervista che La Usc t'â fat de setëmber, aste dit che te te stôs bun a Balsan, olache te laurâs denant. Śëgn che al é passè intan de mëisc, poste dì da avëi fat le dër vare? Da me infora bëgn. Bele la dezijiun da mudè âi tut cun gran convinziun. Al ê n cambiamënt de vita sigü radical, mo do ch’i à śëgn odü sciöche al vëgn laurè, ch’i à

Roberto Huber, diretur nü dl’AT Badia.

albü da fà cun mi colaboradus nüs, sunsi veramënter dla convinziun da avëi fat le dër vare.I sun gnü zoruch a ćiasa y chël é dagnora positif. Miù co sciöche ara é jüda ćina śëgn ne podôra nia jì. T’as śëgn podü ves fà na idea dl sistem de laûr, podesste nes ilustrè tües vijiuns en cunt dl turism badiot? Sciöche dit é le percurs fat ćina śëgn stè le dërt, al à portè de gragn resultać. I jarun inant te chësta direziun, meton l’azënt sön i conzeć tuć ćina śëgn, imprömadedöt le conzet de cualité, deache l’Alta Badia é n post olache le scior chir la cualité te vigni setur. Chësta é stada nosta fortüna y chësc nes porta inće inant te chësc momënt n pü’ rî por le marćé. Ćina śëgn podunse mostrè sö resultać positifs y chësc arati propi por la chestiun de cualité. Por le dagnì pa? Al é da dì che l’invern é bele na sajun n pü’ pasciüda, olache al é rî crësce, deache i laurun bun dal mëteman dla sajun ćina ala fin. Tröp pòn fà d’isté. Dailò unse la desfortüna da avëi na concorënza

dër grana che é le mer. Le scior se fej süa edema al mer, mo nos podun ti pité na oferta basada sön la sanité, le bëgnester, intres do le conzet de cualité, por che le scior se fejes dlungia le mer magari inće n pêr de dis o n’edema te munt. Al me savess bel da portè inant proieć y iniziatives liades al conzet de bëgnester y vita sana. Te cité é le scior ausè a na vita liada al laûr, al stress. Al dess gnì chilò y podëi jì zoruch a ćiasa che al se stà damì cun se instës. L’ater punt ch’i podésson laurè fora dër tröp é la cultura. I laurun massa püch te chësta direziun. Le scior é interessè a nosc lingaz, a nosta cultura. Canche n scior telefonëia te nüsc ofizi, vëgnel saludè por ladin y chësc é n punt che an po dër portè inant y che po inće portè de bogn resultać. Gonot vëgnel damanè da portè iniziatives por arlungé la sajun da d’isté. Él pa n marćé fora de sajun? Arlungé la sajun é na gran desfida por le momënt. I ùn porvè da arlungé de jügn, olache i ùn la Maratona dles Dolomites y i laurun tl setur dles rodes. Por le final dla sajun n’éra i ultims agn nia jüda

Denant che Manfred s’un jiss pro l’AT Badia, àl baié de n problem strutural. Al se damanâ che an ciafass na porsona che podess ma fistidié dl marketing. Te vëgnes da esperiënzes tl ćiamp de marketing. Sostëgneste pa chësta ghiranza? Zënz’ater. Nos ùn sciöche travert la cualité, che mëss ester te vigni setur. Nos nes damanun cualité tles infrastrotöres, eserzizi, implanć, y porchël messunse inće nos la pité sciöche consorz turistich. Sciöche Manfred dijô, é i direturs dles assoziaziuns dër impegnà, a livel de problems inće dër pici, che va dal chirì fora ciüfs y d’atri problems dër particolars. Al fala insciö le tëmp da podëi struturé na strategia de marketing sciöche al toca. Na figöra che daidass i direturs tl ćiamp dl marketing arati iö fondamentala. Él pa bele gnü fat val’ de chësc vers? I sun tl laûr da laurè te chësta direziun. I crëii che bele en chësc ann saràl bindebò de novitês a livel de consorz. Na pröma impresciun sön chësta sajun da d’invern, tan à pa pesè Sant Ambroje, co é pa jüdes les edemes da Nadè y co ćiarera pa fora tles proscimes edemes? Avëi pordü Sant Amboje é stada na pordüda importanta, mo cuntra la natöra ne pòn fà nia. Dilan al consorz di implanć portamunt y ai ostis che à porvè a vigni manira da fà funzionè la sajun, mo na pordüda unse albü. Dan da n per de dis ti ài ćiarè n pü’ ales statistiches. I ùn pordü 3-4 dis dër importanć, mo

i sun tl laur da se trà sö bun. Le tëmp da Nadè é stè scialdi plëgn. Do Nanü él spo tomè chi 30 cm de nëi nöia y chi à alimentè scialdi l’entusiasm di sciori. Por le dagnì ài aldì che de jenà é i hotì scialdi plëgns. Ćiamò él rî da dì, mo al pê che al sides impò na bona sajun. Sìnton pa dassënn la crisa tl’Assoziaziun Turistica Badia y de ći vers pa? An sint la crisa, i media pumpa dassënn te chësta direziun y chësta é na cossa negativa a livel mondial. Sambëgn la sintiunse, tla forma che le scior sparagna sön i optionals che al ne mëss nia avëi a vigni cost. Chisc é inće i seturs che la sint deplü. Impò arati che nos sunse plü privilegià, ch’i sintiun la crisa demanco co ti atri posć, a livel talian co internazional. Nos ch’i pitun le sorvisc turistich sun i pröms che mëss porvè da “desmentié” la crisa, ti fà capì al scior chilò che por chë edema n’aldel nia baian de crisa. I messun ester positifs y tignì adöm propi ti momënć de crisa, y fà magari investimënć n pü’ risćiusc, che mëss avisa gnì fać te chi momënć dailò, olache ai po spo portè früć. Chestiun finanziamënt dles assoziaziuns turistiches. Co definîse pa la situaziun finanziara dl’AT Badia y ći poscibilitês dauriss pa na cuta de sojornanza por l’AT Badia? Por le finanziamënt mëssi dì che Manfred à lascè na buniscima situaziun economica. I n’ùn nia debić y cun nüsc sozi y i sponsors ch’i ùn trat sö sunse bogn da nes gestì bun. Por la cuta de sojornanza n’ôi por le momënt nia me sbalanzè, deache al é ćiamò n argomënt massa püch tler. Canche al sarà definì a livel nazional y provinzial, odarunse inant. (pablo)

Le marketing tl’Alta Inće chësc ann d’invern à le consorz turistich Alta Badia conzentrè gran pert de sües aziuns promozionales sön le mëteman dla sajun, cun iadi stampa, promoziuns y trasmisciuns tla televijiun

Al vëgn tut sö la trasmisciun “Easy Driver”.

Tla strategia de marketing dl Consorz Turistich Alta Badia él preodü da conzentrè gran pert dles forzes de marketing y de promoziun turistica al mëteman dla sajun da

d’invern. Insciö éra inće stada de dezëmber, olache al é gnü organisé iadi stampa, registraziuns por la televijiun, evënć a livel internazional y iniziatives desvalies liades ala

gastronomia. Do le suzes dles prömes ediziuns dla iniziativa “Jì cui schi cun saù”, vàn inant cun les propostes che à sciöche travert la promoziun dl liam danter schi y gastronomia. Önesc chefs “da stëres” dala Talia, Germania, Austria, Gran Bretagna y Spagna, acompagnà dai trëi chefs de ćiasa “Dolomitici”, à cherié na derzada gourmet che vëgn pitada tratan döta la sajun te na ligna de üties da munt dl’Alta. Tl ćiamp de schi y gastronomia vàn spo inant cun la Chef ’s Cup Südtirol, che é oramai rovada ala setima ediziun, zënza desmentié le Skitour Santa Croce y i cursc da cujiné spëisa ladina sö Sotćiastel de Badia. An pîta spo inant cursc da cujiné lià a cursc de paslunch cun Maria Canins. Do le bun suzes dl ann passè pitaràn spo indô le Sci Safari

sot al sëgn dl vin, olache al gnarà pité na degustaziun de vins, cioce y ciajos de Südtirol. Ara sarà tan inant ai 18 de merz. Partner é la EOS/Ćiamena de Comerz de Südtirol. Na novité de chësc invern é la pista a cronometer cun telecamera, arjignada sön la pista Col Alt. Intres deplü laora l’Alta deboriada cun de gran marches renomades a livel internazional, che dëida pité iniziatives particolares.

L’Alta tla televijiun De dezëmber él inće gnü tut sö deplü trasmisciuns, che jarà en ona śëgn de jenà. Por la RAI él indô gnü tut sö na trasmisciun de Easy Driver, che jarà en ona sön RAIUNO en domënia ai 22 de jenà dales 9.30. Bele odü àn la

trasmisciun Telearena sön Sky. L’Alta Badia ospitarà śëgn de jenà na troupe de Marcopolo TV (Sky), por tó sö na puntada dla trasmisciun “Sentieri”. Por la Germania él gnü tut sö na puntada de NTV motor y spo él gnü fat registraziuns por la trasmisciun “Winterwunderland rund um den Sella”, jü en ona al 1. de jenà dales 19.15 sön le ZDF, y che à albü n gran suzes de publich. Tratan l’invern organisëia le consorz badiot iadi stampa individuai y educational por jornalisć taliagn y da foradecà. Na gran ressonanza à spo i evënć sportifs, sciöche les gares de Copa dl Monn de schi. Intres plü importantes vëgn la gara de schialpinism Tour de Sas di 5 de forà y la Sellaronda Skimarathon, che sarà ai 10 de forà y piarà ia iniann da Corvara. (pablo) www.lauscdiladins.com

23


Val Badia

nr. 02 / 13 de jené 2012

Ot jonins vëgn docà

Aslöm sön Plan de Corones

La Musiga da La Val stlüj jö le 2011 cun la sentada generala y po ćiarè zoruch a n ann rich de ativitês. L’ann passè à la musiga podü tó sö bëgn set musicontri nüs y na margatëntera, y nü é inće le dirighënt. Chësc ann s’arjignon da festejé le iubileum de 85 agn

Pröm punt zentral de fires otiches de Südtirol

Lies - L’ann passè à l’ativité dla Musiga da La Val bele metü man adora, ai 18 de forà, cun la pröma proa. Tratan l’ann à la musiga sonè indöt 19 iadi. Les ocajiuns é stades desvalies. Le conzert tradizional d’aisciöda en la festa dla uma unse fat ai 7 de mà. Por l’ocajiun ti él gnü surandè l’onoranza por 15 agn de ativité a Matthias Moling. Tratan l’isté él gnü tignì 5 conzerć da sëra y abelì les festes de dlijia y de paîsc.

Isté particolar L’isté é sté por la musiga n pü’ particolar. Nosc ploan signur Iaco nes à saludè do 14 agn che al é stè chilò La Val. A d’ël ti unse sambëgn inće fat festa en San Senese, adom ai iubilars. Signur Iaco nes à scrit les beles parores dl marsc che la musiga s’à lascè scrì por la festa de 75 agn. A chësta moda se recordunse n pü’ cun incherscimun de nosc ploan, mo i sun inće braui che i ùn na ćiantia ma nosta, scrita da nosc ploan. De setëmber unse spo tut ite Signur Franz cun na bela festa. Fora de paîsc unse sonè a Sarnthein dala segra de paîsc y a San Martin en gaujiun dla Festa dles Musighes. Propi chësta festa é stada l’ocajiun por portè dant n pice spetacul da marcè, che é gnü imparè ite ia por l’ann. Al é stè n gran impëgn da fà les 10 proes, mo düć s’à dër porvè, dantadöt nosc mënamaza Helmut, a chël che al ti va n gran dilan da pert de düć i musicontri. A ël i vàl gran pert dl mirit, che al é stè bun da nes insigné ite döt cun gran savëi, y an po dì che le resultat podô se lascè odëi. Dilan “Kosir”. La “show” gnarà inće portada dant chësc isté ite Türesc, en gaujiun dla Festa dles Musighes dl raiun de Puster.

Jita cun na impreodüda Ala fin d’agost s’unse vaghè dui dis da jì n pü’ sö por munt. La sabeda ai 20 d’agost sunse pià ia cun le plü bel tëmp por jì a Calfosch. Denant unse ćiamò desćiarié i stromënć sö dala teleferica che porta sön Gardenacia.

Chisc é i musicontri che é gnüs l'ann passè pro la Musiga da La Val: Tobia Lezuo, David Complojer, Maximilian Tolpeit, Matthias Tolpeit, Sara Campei, Nadine Rubatscher y Melanie Comploi.

Spo sunse pià da Calfosch demez por jì cuntra Pöz, olache i ùn marnè. Do marëna sunse spo pià ia cuntra la ütia de Gardenacia, olache i sun spo stà suranöt. Na te’ picia impreodüda alda sambëgn inće pro na jita. Inultima é döt jü bun inće deache n mëmber à albü la dërta reaziun da cherdè aiüt. Sön Gardenacia unse passè dui de bi dis adöm fajon musiga, mo sambëgn inće val’ matada. Valgünes festes olache la musiga ne sona nia, mo düć dëida para te n’atra manira, vëgn inće bele organisades da plü agn. La festa alaleria a Pidrô, la Segra da Paur sö Ćians y le Gran Batadù.

Cotan de musicontri é gnüs docà Sce an ti ćiara al movimënt dla uniun, spo pòn dì che i n’ùn nia bria da se cruzié por le dagnì. En chësc ann él gnü pormez bëgn 8 jones y jogn pro nosta uniun. Ara se trata de Melanie Comploi y Nadine Rubatscher che sona le tlarinet, Sara Campei sona fabló, Maximilian Tolpeit, David Complojer y Tobia Lezuo sona le corn, Matthias Tolpeit le flicorn y Mara Miribung é margatëntera. A chisc musiconti ti aodunse döt le bun pro la musiga, tröpa ligrëza da sonè mo inće da stè en compagnia. Dui musicontri à lascè pro la uniun: Roman Costabiei y Bernardetta Pescollderung. A ëi

ti dijunse dilan de döt le tëmp che ai à ofrì sö por la musiga. N gran dilan ti va a nosc dirighënt Andrea Pisching d’Al Plan. Cun ël unse passè trëi agn adöm. Al à sigü portè te nosta uniun n gröm de cosses nöies che nes à fat bun. Andrea orunse saludè y a inom de döta la musiga ti dì ćiamò n gran dilan. Da chësc ann inant sarà la musiga sot la bachëta jona de Stephan Ploner da San Martin. A ël ti augurunse döt le bun pro la Musiga da La Val.

Proes y d’atres ativitês Ia por l’ann él gnü tignì indöt 52 proes, plü avisa 38 proes por düć, 4 proes ma por cer’ stromënć y 10 proes da marcè. Le comité é rovè adöm indöt 10 iadi. Mo che l’ativité dla musiga n’é nia ma fata de sonè, n’él magari nia düć che sa. Pro nosta musiga él inće d’atres ativitês dër riches. Porchël ti va le maiù dilan a düć i musicontri che à dè ca ia por l’ann tan d’ores de so tëmp lëde, por che la musiga podess rovè ala fin dl ann cun n bel grup de musicontres y musicontri che tëgn adöm por fà musiga, mo inće por passè deboriada de bi y manco de bi momënć, mo inće por avëi na buna situaziun de cassa, che an adora por jì inant n pü’ plü saurì. Dilan inće a düć chi che à dè ca na spënora ia por l’ann y pesć por le batadù, y a dötes y düć chi che nes à daidé pro les festes che vëgn organisades fora por l’isté. Giulan al Comun da La Val por le contribut anual y al contribut dal sponsor.

L’ativité mët defata indô man

Momënt fora dla show portada dant a San Martin.

24

www.lauscdiladins.com

La Musiga da La Val metarà defata indô man süa ativité, por podëi arjigné ca le conzert d’aisciöda, che gnarà tignì la sabeda ai 19 de mà. Al gnarà fat na picia festa de dui dis, adöm a nüsc compagns dla musiga da Wengen tl Allgäu. Nosta musiga po festejé chësc ann i 85 agn de ativité. (Le scrivan Paul Pezzei)

Internet - Le Presidënt dla Provinzia Luis Durnwalder à metü en funziun ai 5 de jenà adöm al assessur Florian Mussner y l’assessur Hans Berger le pröm punt zentral de fires otiches de Südtirol, sön Plan de Corones. Tres chisc punć zentrai de fira otica po l’internet aslöm gnì portè tla periferia, tres i manajadus dla banda leria - y dla telefonia mobila. A chësta moda miorëia sides la cualité che la segurëza dl coliamënt. Por la fin dl ann che vëgn ô la Junta provinziala colié düć i comuns de Südtirol ala rëi de fira otica. “La Junta provinziala mët a desposiziun 50 miliuns de euro por la rëi de banda leria. Cun chësta orunse ti mëte a desposiziun a döta la jënt de Südtirol l’azes al trasferimënt de dać aslöm. Scines de telecomunicaziun aslömes y sigüdes é al dedaincö la premissa por le svilup y le bëgnester”, à dit le Presidënt dla provinzia Durnwalder. La rëi de comunicaziun se basëia sön lignes de fires otiches. I cabli de fires otiches à na gran larghëza de banda y garantësc le trasferimënt aslöm de tröc dać. La RAS é gnüda inćiariada dala Junta provinziala da mëte sö i punć zentrai de fires otiches (PoP; Point of Presence). Le pröm punt zentral é jü en funziun ai 5 de jenà en presënza di rapresentanć dla Junta provinziala (Durnwalder, Berger y Mussner), dla RAS (le presidënt Rudi Gamper, le diretur Georg Plattner) y dl’autorité de control statala AGCOM (le diretur Vincenzo Lobianco) sön Plan de Corones. Le

punt zentral é le “punt de comane”, olache i manajadus dl internet a banda leria y telefonia mobila po se tachè ite. Le punt prinzipal sön Plan de Corones pro la staziun de trasmitënza dla RAS a 2.258 metri sura le livel dl mer é gnü realisé cun n coliamënt de fira otica nü da 7,5 km, dala staziun dla ferata nöia de Perca demez. Sciöche le presidënt dla RAS Rudi Gamper à dit, à la infrastrotöra nöia costè 750.000,00€. Por l’assessur provinzial Mussner se tràtera de n bun investimënt: “Chilò sön Plan de Corones vëgn les tecnologies nöies coliades y al é tler tan d’öga che ares é. L’ativaziun dl punt zentral é n ater vare devers nosc travert, chël de portè l’internet aslöm sön le lüch plü alalt.” L’assessur provinzial Berger à injuntè, che al n’é nia ma la popolaziun che po anuzè le coliamënt debota: “Inće por les aziëndes o por l’economia, sciöche por ej. por le turism é le coliamënt ala banda leria dër important, y al garantësc la competivité.” La tecnologia de fires otiches nöia à tröc vantaji: a chësta moda po les informaziuns gnì ortiades inant te n aiet. Cun na sóra fira otica vara da dè inant ćina 10 tera-bit al secunt. Chël foss 10 miliuns de mb al secunt. Cun chël vara por ejëmpl da dè inant döt le contignü de 400 computeri da Bornech ćina sön Plan de Corones te un n secunt. Implü ne n’é i cabli de fires otiches nia lià a raiaziuns prigoroses. Ai ne po nia gnì interzetà y n’é nia sensibli a ćiamps de desturbs eletromagnetics. (osp)

Luis Durnwalder y Florian Mussner ativëia le punt zentral de fires otiches sön Plan de Corones.


Val Badia

nr. 02 / 13 de jené 2012

Messaje de ladinité pro les mësses en “ona nazionala” La Ploania d’Al Plan à albü l’onur da menè en direta döes mësses sön la RAI nazionala, chëra de Santaguania y chëra dl Bato de Gejù. Te chësta ocajiun él inće rové alerch le Vësco Ivo Muser. Te intrames les funziuns àn inće ćiantè y lit dant por ladin, don n ejëmpl dla realtè linguistica y n messaje de buna convivënza

Le Vësco dij mëssa te dlijia d’Al Plan.

Le Vësco Ivo Muser cun le consëi de ploania, l’ombolt Albert Palfrader, le ploan siur Heinrich Perathoner, rapresentanć dl cor, dles ëres y di jogn. Laprò inće so secretêr siur Markus Moling y siur Tone Fiung. (Dötes les fotos: Igloo Foto Alfons Facchini)

Dlijia - Bele da passa n ann êl tla discusciun da trasmëte na mëssa dala Ploania d’Al Plan, en direta sön RaiUno y sön les emitëntes desvalies che la fej odëi n pü’ sura döt le monn. Tres Willy Kastlunger dal Medo êra garatada da cherié i contać cun i responsabli y an â impröma la orentè da trasmëte na mëssa alaleria, d’isté, tl cör dl parch natural. Do che chësta n’ê nia garatada, ésera gnüda döt atramënter. Dan apresciapüch n mëis y mez êl gnü la proposta da

trasmëte döes mësses, che foss stades ai 6 y ai 8 de jenà. La dezijiun à le Consëi de Ploania messü tó debota. Inće sce an savô che i termînns tomâ tl bel mez dla sajun alta, àn impò orü tó chëstes ocajiuns y la organisaziun à metü man. Śëgn che döt é passè ia romagnel zoruch gran sodesfaziun por le bun garatè dles funziuns y dla bona ressonanza che ares à albü, vëgn pö les mësses odüdes da n publich de mesanamënter 3 miliuns de

porsones. Chisc dui dis â la Ploania d’Al Plan inće döes particolaritês da podëi pité. Ai 6 êl sö da altè n bel grup de mitans y mituns vistis da Trëi Rêsc, y por la domënia ai 8 â le Vësco Ivo Muser dè pro da gnì a dì mëssa. Sciöche i responsabli dla RAI se damanâ, dêl gnì pité mësses autentiches, sciöche sce la televijiun ne foss nia, y chësc àn inće porvè da fà. An ne s’à nia lascè destó bëgn tröp dal program y dala tradiziun che foss inće zënza gnüs tignis te dlijia.

Le ladin à ringhinì te dlijia y tles ćiases

Le Vësco s’à inće tut tëmp por se dè jö cun la jënt, pro n taì de panicia y na bona tultra.

Ći che an à bele da atira orü ti mëte a cör ai regisć y programisć, é la realtè linguistica de nosta provinzia, che é chëra de trëi lingac. Chësc n’ê por la regia degun problem y insciö àn portè ite suradöt inće tesć ladins. Y chësc é stè - doprò - n gran messaje de ladinité. Por ladin à ćiantè le Cor de Dlijia - che à abelì intrames les mësses, por ladin à inće ćiantè dant i Trëi Rêsc en Santaguania (Santabogna), che ti à dè cun sü bi guanć da corusc n tonn ćiamò plü solënn ala festivité. Por ladin él inće gnü portè la secunda letöra, na suplica y i salms dles mësses - ćiantà dant dala ex dirighënta dl cor Irene Clara y dal dirighënt dl Cor d’La Pli Christian Ellecosta. An à insciö indiretamënter dè n sëgn de identité ladina - n ejëmpl che an n’à nia dificoltè cun le plurilinguism, n ejëmpl che nos viun te na tera cun n lingaz particolar, le plü vedl de nosta provinzia, che sona bun y vëgn adorè dala jënt tl baié y inće te dlijia por la liturgia.

Le Degan da denant y le Vësco da śëgn Al vëgn fat proes te dlijia cun i Rêsc.

La mëssa di 6 de jenà é gnüda zelebrada dal ex degan dla Val Badia

siur Sepl Granruaz, che à messü saltè ite - sce an ô dì insciö - n pü’ al ultim momënt - deache siur Heinrich Perathoner ne podô nia ester presënt. La domënia gnôl alerch le Vësco Ivo Muser a dì mëssa, acompagnè da so secretêr siur Markus Moling. Conzelebrant é stè siur Tone Fiung. La mëssa abelida cun le ćiantè dl cor é inće gnüda acompagnada da n grup de stromënć a fle dla Musiga d’Al Plan. La funziun â na strotöra bele definida danfora y ne lasciâ nia pro de gran variaziuns al program. Insciö àn por saludè le Vësco infornì cun barantli y ciüfs l’entrada de dlijia, olache al ê inće gnü metü sö na tofla cun la scrita “Bëngnü a nosc Vësco Ivo”.

“Caro Vësco, gnide indô a nes ciafè” I salüć ofiziai al Vësco da pert dl presidënt de ploania Pablo Palfrader é gnüs fać do mëssa, fora dla direta. Al Vësco ti él gnü surandè sciöche scincunda n bel cheder cun na opera dl artist da La Pli de Mareo Davide Brandlechner, cun lassura rafigurada la “Ćiasa dal Ferber”, na vedla ćiasa da paur d’Al Plan, fata sö - do l’iscriziun - l’ann 1767. Deache an é te sajun alta, à le presidënt tut l’ocajiun da invié le Vësco da gnì ćiamò n iade a ciafè la comunité d’Al Plan, n iade canche le paîsc é fora dal gran laûr de sajun. Do mëssa é la jënt y döt le team dla RAI gnüs invià te salf de calonia, olache an à ciafè na buna panicia y tutres,

sciöche inće de vigni sort d’ater da sgolosè, che la popolaziun â portè adalerch da ćiasa.

Imajes dal paîsc Dlungia les funziuns en direta, àn inće podü dan les mësses mostrè imajes dl paîsc. Ai 6 de jenà él stè da odëi la tradiziun di Trëi Rêsc che é jüs a portè la Bona Noela tla bela stüa dl lüch da Torpëi. Ćiamò denant êl inće gnü mostrè i Rêsc de Badia. Ai 8 de jenà à le telecronist Fabio Zavattaro intervisté en direta sön plaza le maester en ponsiun Giuvani Pescollderungg y l’alpinist Simon Kehrer, che à cuntè respetivamënter sön le lingaz ladin y sön la fascinaziun y morvëia de nostes munts.

N gran dilan Por la realisaziun dles mësses àl orü ester tröpes porsones che daidass, y chëstes n’à nia manćé. Da les cuntè sö dötes por inom fóssel prigo da desmentié zacai. A vigni moda i vàl a dötes y düć chi che à dè na man de n vers o dl ater, n sinzier dilan da pert dla Ploania d’Al Plan. Düć canć à dè so contribut cun buna orentè, y n’à nia sconè bries por fà ia scüfs, saltè a proes y se dè jö cun impëgn y lezitënza por le bun garatè de chëstes funziuns particolares, che romagnarà sigü na bela recordanza por chi che à daidé, por döta la comunité de dlijia. Che Dî s’l pàies. (pablo)

Cun i rapresentanć dla RAI: la dirighënta dl Cor Sybille Prader, le vaticanist y telecronist Fabio Zavattaro, l’aiüt regia Gianni Epifani, le presidënt de Ploania Pablo Palfrader, l’assistënta ala regia Giulia Giannuli, le cronist Remo Bertinelli y le regist y responsabl Antonio Ammirati. www.lauscdiladins.com

25


Val Badia

nr. 02 / 13 de jené 2012

L’ann de chi d’Antermëia

La formaziun à gran valüta

Le consëi de comun da San Martin à aproè le bilanz de previjiun 2012. N miliun y mez de euro vëgn destinà ales investiziuns, na bona pert röia a Antermëia

Sentada generala dl Consëi de Formaziun y dl Consëi Cultural tl Comun de Badia cun lîtes. N ann rich de formaziun. Passa 130 é stades les manifestaziuns tl 2011. An à inće baié dla plataforma de promoziun www.manif.it

apost la ćiasadafüch, che é spo inće dla scora y mëte n pü’ apost l’entrada y les toiletes. Dan dui agn à val’ mituns d’Antermëia messü jì a Rina a scolina. Ëise pa ponsè inće da amplié la scolina, o dijëise che an po inće menè mituns fora Rina, Deplü laûrs vëgnel fat pro la palestra, che é relativamënter scora, scolina y magazinn di stödafüch da daimprò? Antermëia. Ti pici paîsc él tipich che ara va sö y jö cun le San Martin - Inće a San Martin numer di nasciüs. A Lungiarü unse à le consëi de comun aproè le albü dan valgügn agn 22 mituns y bilanz de previjiun 2012, che śëgn unse da fà da tignì en pè la s’avaliëia sön la soma de scolina. Magari ôl inće ester te 4.892.958,00€. Por les investiziuns chisc caji n pü’ de paziënza danter n’àn destiné 1,49 miliuns. Na bona i geniturs y da pert dl’aministraziun pert de chisc röia a Antermëia: n ćiarè danfora. Inlaôta gnôl baié 586mile euro por l’ampliamënt dla a Lungiarü da fà na scolina nöia, scora, 352mile por l’ampliamënt deache al ê tan de mituns, y śëgn dl magazînn di stödafüch y 90mile sunse tla situaziun che an ne sa por la scolina. Deplü ti unse gnanca sce ara é ćiamò l’ater ann. damanè al ombolt Heinz Videsott. Vëgnel pa propi baié da stlü La Usc: Ombolt, pòn pa dì che la scolina a Lungiarü? chësc é l’ann de chi d’Antermëia? Chësc ne sàn nia ćiamò. I n’ô Heinz Videsott: L’ann passè él nia fà alarmism - mo sce al é ma stè l’ann de chi da San Martin, trëi o cater mituns, vëgnel ponsè olache al é gnü dortorè la scora inće a chël. Sambëgn él te chësc mesana y elementara. Al ê bele n cajo inće da fà na proieziun por i proiet dla vedla aministraziun chël agn do. da amplié la palestra d’Antermëia. Deache al vëgn amplié la palestra Ći investimënć él pa ćiamò vëgnel inće amplié le magazînn di preodü por chësc ann? I gragn laûrs é stlüć jö. Śëgn él stodafüch. I sun tl proscim vare por mëte apost les palestres, che ćiamò da fà marciapîsc a Lungiarü, é inće dagnora salfs dles al é da mëte apost les plazes a manifestaziuns. I ùn inće bele metü Picolin. Bel plan - mo chilò baiunse man da fà val’ a Lungiarü, spo foss dl dagnì plü dalunc - él inće da i salamënć o palestres apost. odëi co che an po mëte apost la plaza da parchè sön Börz. Cun les Podésses nes cuntè deplü sön investiziuns jaràra sigü bel plan i laûrs pro scora y scolina zoruch, inće por ne fà nia massa debit al Comun. d’Antermëia? A Antermëia nen vara da ingrandì la palestra, preodëi n post Por i proprietars de frabiches por la refeziun y mëte ite n gnaràra da paié la cuta IMU - ex ascensur. Tla scolina vëgnel metü ICI. Ëise pa fat na proieziun de

ći che al gniss ite, y tan che al ti romagness al Comun? I n’ùn ćiamò fat degöna proieziun. Śëgn él na lege statala y al gnarà sigü na lege provinziala y na proposta dal Consorz di Comuns sciöche an podess la mëte da jì. Nos aspetun n iade a chësc, deache l’ater é döt ćiamò speculaziun. Tan fajô pa fora l’ICI tl Comun da San Martin. Por le Comun da San Martin êl na soma de 193.000,00€ Tla ultima sentada fóssel stè al ordinn dl dé la sostituziun dl mëmber por la ćiasa de palsa, do che Hans Pescoller à dit che al dê les dimisciuns. Mo i n’ëis tut degöna dezijiun! Sce an ess orü ciafè zacai, fóssera pa bëgn jüda. Do i mirić y le bun laûr che Hans Pescoller s’à fat, ài iö fat la proposta - y chël arati che al se miritais - da ti dè ćiamò la poscibilité da ponsè sura süa dezijiun. An odarà ći che al respogn, sce al é ćiamò a desposiziun. Sce nia, gnarà le punt tratè tla proscima sentada. Ola drüca pa al momënt le ćialzà tl Comun da San Martin? N problem é sigü tres ćiamò i raiuns d’espanjiun a San Martin. Él pa en previjiun da scrì fora chësc ann n raiun d’espanjiun y él pa la domanda? Al é le raiun d’espanjiun Restalt che é bele chit da tröc agn. Dailò laurunse intres ćiamò por portè a soluziun le problem, al foss inće gran ora. Dailò ciafass lerch da 8 a 10 ćiases. Al momënt n’él nia tröpes domandes, deache tröc aspeta che al se déures chësc raiun, che é sigü un di plü bi posć. Intervista: Pablo Palfrader

S’araité tl zënter Gran aprijamënt à ciafè cogol y pista te Pincia dal Cone. Cun püch àn fat dër tröp Al Plan - Na iniziativa da laldè à tut chësc ann l’Assoziaziun Turistica d’Al Plan. Te Pincia dal Cone, le bel prè tl zënter de paîsc, él gnü fat n cogol de nëi de canun. Cun le iat àn fistidié da bate na picia pista y insciö él gragn y pici che po s’araité cun la liösa, bob o taì, o inće ma slisorè jö söla tuta, dalunc dala strada y dai prighi, y suradöt debann. Cis tratan le tëmp da Nadè àn odü tan che chësta iniziativa plej. Döt le dé y gonot inće ćiamò da scür ê le zënter animé da mitans y mituns che s’araitâ. Cotan de sciori mo suradöt inće cotan de jënt dl post. Cis por les umes cun de pici mituns che ne po nia ćiamò söi schi é chësc pice areal dër d’öga, deache i mëndri po insciö passè ia de bi momënć d’aorela cörta, fajon ativité sana. Chi che

26

www.lauscdiladins.com

Cultura - Tl ultim tëmp s’à le Consëi de Formaziun y le Consëi Cultural tl Comun de Badia incuntè cun i surastanć dles uniuns dl comun por invié ia la sentada generala. Tröc surastanć é rovà adalerch te biblioteca a La Ila, olache ai é gnüs saludà dai dui presidënć di consëis Elmar Castlunger y Salvester Vittur. Al é gnü fat n resocunt sura la ativité dl 2011. Bëgn passa 130 manifestaziuns de vigni sort pòn mostrè sö. Al é gnü tignì referać, cursc, seminars, sëres de discusciuns, conzerć, manifestaziuns culturales y tröpes d’atres iniziatives por vigni eté. Al é gnü dè fora n calënder dles manifestaziuns sides da d’aisciöda che da d’altonn. Bele da plü agn vëgn chisc programs publicà cun la colaboraziun dl Consëi de Formaziun da Corvara y le Consëi de Formaziun da La Val.

Gran varieté de tematiches Do le resocunt dl’ativité y l’aproaziun dla situaziun de cassa ti él gnü passè la parora a Stephan Ploner, responsabl dl Sorvisc Formaziun Val Badia y coordinadù di Consëis de Formaziun dla Val Badia. Ël à dè na vijiun globala de döta la valada por ći che reverda la formaziun. Tla Val Badia él ste dl 2011 passa 300 manifestaziuns, che é gnüdes inviades ia. Les tematiches tratades va dala sanité, al tëmp lëde, dala familia ala personalité. Al vëgn pité manifestaziuns por vigni eté y argomënt y chësta varieté é zënzater n gran arichimënt por la popolaziun de nosta valada. Ploner à inće splighé te süa relaziun che gonot él dër rî da coordiné dötes chëstes manifestaziuns. Por la maiù pert vëgn les manifestaziuns tignides fora de sajun y porchël ne sozédel nia dainré che al sides deplü manifestaziuns la medema sëra. I organisadus dess porchël dagnora ćiarè da organisé inziatives bele danfora y nia ma

val’edema denant.

Manif.it: na plataforma de promoziun Al à inće spo en cört splighé la importanza dl sistem internet w w w.manif.it , olache les manifestaziuns vëgn dades ite da chi che les organisëia. Cun chësc sistem pòn garantì na buna coordinaziun dles manifestaziuns y alisiré insciö le laûr de retlam, che va scialdi automaticamënter. Cun la plata www.manif.it à les valades ladines n sistem de coordinaziun y de retlam dles manifestaziuns unich te nosta provinzia che tröc invidiëia. Le coordinadù dl Sorvisc Formaziun Val Badia à spo inće orü dè impulsc por proieć y manifestaziuns tl dagnì. Al é gnü metü sön mësa l’importanza de proieć y de tematiches, inće datrai ries y tabù, de chëres che al n’é nia saurì da baié. Le consëi de Formaziun dess avëi le coraje y l’ardimënt da afrontè tematiches ries y problematiches, portan insciö n gran contribut ala vita soziala y culturala de nüsc paîsc.

Vittur é gnü confermè Denant che passè ales lîtes dl Consëi de Formaziun nü, à Ploner rengrazié le Consëi de Formaziun y le Consëi Cultural de Badia por so gran impëgn tl ćiamp dla formaziun y dla cultura. Dedo éson passà ala lîta dl Consëi nü. Salvester Vittur é gnü confermè presidënt dl consëi. Adöm a so team de porsones motivades y interessades ala formaziun, condujaràl le Consëi de Formaziun fora por i proscimi trëi agn, organisan manifestaziuns de formaziun, proieć interessanć, discusciuns y tröp d’ater por le bëgn dla popolaziun dl Comun de Badia. La sentada generala s’à stlüt jö cun n pice renfrësch. Stephan Ploner Sorvisc Formaziun Val Badia

Tresfora él mituns che s’araitëia sön l’areal te Pincia dal Cone. (foto: cdp)

à fistide che i cogoi sparësces canche al vëgn fat les scultöres de nëi, pòn trancuilisé. Le diretur dl’AT Martin Resch nes confermëia che i cogoi

romagnarà. An spera che l’AT vais inant inće ti agn che vëgn cun chësta bela iniziativa a bëgn dles families - chëres dl post y chëres en vacanza. (pablo)

Le Consëi de Formaziun y le Consëi cultural dl Comun de Badia por i proscims 3 agn.


Val Badia

nr. 02 / 13 de jené 2012

Novitês tla Ćiasa dl Parch

Mituns va a dì le “Bun dé”

Ala fin de dezëmber à la ćiasa dl parch natural a Al Plan indô daurì sües portes. Hannes Clara é le colaboradù nü. Tratan le 2011 él stè chi 9.500 vijitadus

Mituns y mitans da Lungiarü s’à en Nanü metü sön tru por portè les aodanzes de bun ann

l’invern, olache an ciafa de vigni sort d’informaziun sön chësc tier maestus che abitëia te nüsc bosc. Tla ćiasa ti él spo gnü dediché n ćiantun al patrimone natural UNESCO cun n info point nü. Por i amanć dla tecnologia él intres ćiamò a desposiziun le “Vivialp”, n injin olache an po fà n jore virtual sura les Alpes fora y vijité cun na ressoluziun dles imajes demorvëia düć i raiuns da munt.

Lungiarü - A Lungiarü - sciöche te d’atri paîsc dla valada - vëgnel inće ćiamò tignì la bela usanza da jì a dè le “Bun dé”. I mituns va fora por la vijinanza a ti aodé ala jënt n bun ann nü. I nes aodun de cör che chësta usanza ne vais nia a perde. (I mituns dla Vijinanza da Ties)

Le “Bun dé” a Lungiarü I mituns che roda fora por la vijinanza porta chëstes aodanzes: "Bun dé Bun ann alegri y sagns i prëii ch’i viëise tröc agn cun ligrëza y sanité, furtüna y benedisciun. L bun dé a os, y la bambuna a nos."

I vijitadus tratan l’ann Le ćiantun UNESCO.

Al Plan - Defata do les festes da Nadè se röia la palsa da d’altonn tla Ćiasa dl Parch Natural Fanes Senes - Braies a Al Plan. I tröc sciori che vëgn chilò da nos cui schi, mostra inće interes por la contrada y les morvëies de nosta natöra, inće sce l’aflus ala strotöra é cotan manco alt co d’isté. Cun la sajun nöia él inće rovè pormez n colaboradù nü. Hannes Clara da Lungiarü, jonn de 20 agn, fistidiëia śëgn da informè i sciori che vijitëia la strotöra y inće da menè tlasses de scolars che vëgn adalerch a s’informè. Hannes Clara à stlüt jö l’Istitut Tecnich Agrar a Auer y se dedichëia te so tëmp lëde danter l’ater inće ala ćiaćia y passa cotan d’ores tla natöra, zënza desmentié che al é inće n bun atlet dl sport dla liösa.

La sajun nöia se deura tla ćiasa dl parch cun na mostra sön le cerf, che romagnarà da odëi tratan döt

Intratan àn inće stlüt jö les statistiches dl ann pormò jü a piz. Tratan le 2011 (dezëmber 2010 ćina novëmber 2011) él stè 9.439 porsones che à vijité la strotöra, de chisc n’él bele ma 7.327 d’isté. I mëisc cun plü aflus é sambëgn messè y agost, olache al é gnü registré respetivamënter 2.596 y 3.092 vijitadus. La maiù pert di vijitadus é sciori: 6850 taliagn, 1093 todësc y 399 da d’atres naziuns. I vijitadus dl post é stà indöt 1.097, scolars él rovè adöm 696 y 166 é i vijitadus te grups. Mitans y mituns va a dì le “Bun dé” tla Vijinanza da Ties a Lungiarü.

Hannes Clara da Lungiarü laora da mez dezëmber incà tla Ćiasa dl Parch a Al Plan.

L’entrada ala ćiasa dl parch é debann. La sajun da d’invern va inant ćina al 31 de merz, cun orars de daurida dal mertesc ala sabeda dales 9.30 ales 12.30 y dales 16.00 ales 19.00. Sön domanda vëgnel inće pité vijites acompagnades. Da s’anunzié él al 0474/506120. (pablo)

Scioldi, bonns y scincundes La Uniun dl Sport diletantistich da San Martin à invié ia na lotaria dla fin dl ann. Chilò i numeri dles zetoles fortunades Lotaries - En vëndres ai 30 de jenà él a San Martin de Tor gnü trat fora les zetoles fortunades pro la ola dla fortüna dla Uniun dl Sport diletantistich da San Martin. Les zetoles liades a n pest porta chisc numeri: 3332, 1016, 323, 2097, 2625,

Geniturs joblenëia por i mituns Na festa da Nadè atramënter, mo dër particolara tla scolina da La Ila

972, 314, 1208, 267, 1205, 2332, 376, 718, 2854, 1420, 2706, 3496, 3380, 1227, 3453, 233, 636, 2770, 2629, 3056, 3117, 2168, 177, 1022, 2865. I pesć pòn damanè do ćina al 31 de jenà tl ofize dl’Assoziaziun Turistica da San Martin.

I Rêsc te Redaziun Ai porta la Bona Noela y benedisciun

Le grup che à joblenè y sonè pro la festa da Nadè dla scolina da La Ila.

Scolina - En chësc ann à la scolina da La Ila invié geniturs interessà da abelì la festa da Nadè. Do che n valgügn geniturs s’à tut le tëmp y s’à metü a desposiziun por fà chësc, s’unse incuntè por fà fora avisa ći fà.

Le dé dla festa, ai 23 de dezëmber dl ann passè, à i mituns y les mitans finalmënter podü passè n bel momënt: mames y tati nes à portè dant n teater tut da na bela storia da Nadè bele conesciüda, y laurada fora dai mituns y dales mitans. Por

fà döt chësc ćiamò plü bel, unse albü la gran fortüna da avëi cun nos dui musicontri che ti à cun sü tòć musicai dè vita ala storia. Tl teater n’à sambëgn nia manćé les beles usc di mituns y dles mitans, che à alzè fora momënć particolars. Dai edli y dal gran entusiasm di mituns y dles mitans unse odü tan na gran ligrëza, che ne va cun parores nia da descrì. I ùn veramënter odü che ma adöm vara da fà garatè tan val’ de bel.

San Martin - Chëra di Trëi Rêsc é na bela usanza. Mitans y mituns porta la Bona Noela de Nadè fora por les ćiases, ai porta la benedisciun de Dî y ti fej na gran ligrëza ala jënt. Laprò vëgnel coiü adöm spënores che jarà a bëgn dles porsones che à demanco. Inće a San Martin él mitans y mituns che se mët sön tru i dis dan Santaguania. Al fej plajëi che ai ne

se desmëntia nia da storje pro te Redaziun d’La Usc di Ladins. Te döta la valada él mitans y mituns che mët tröp impëgn da rodè fora por les ćiases, olache ai é gonot ores sön tru. Al é inće da stanćé, mo suradöt dàl sodesfaziun da podëi portè ligrëza ala jënt, zënza desmentié che valch röiel inće te so cëst: val’ monëda o sgolosaries. (pablo)

Ai geniturs y al pice bambin, che é gnüs te scolina, orésson ti dì de cör dilan por le gran impëgn, por le tëmp y so gran amur che ai nes à scinché y por la gran ligrëza che ai à portè te scolina. Al vëgn fat teater.

Le team dla scolina da La Ila

I Rêsc cun so acompagnadù Dennis Schanung. www.lauscdiladins.com

27


Letres y Auter

nr. 02 / 13 de jené 2012

Da les zentrales di partis politics

Fondo Brancher, duc deberieda con Durnwalder "O che les cosses vegn metudes atira a post, o che i porte la chestion dant a n tribunal. I me aspete che Brancher se fejes inant con n projet y con soluzions nueves." Chestes é stedes les paroles dl governatour sudtiroleis Luis Durnwalder soura la chestion dl Fondo Brancher y chesta é ence la minonga di trei ombolc di comuns ladins de Souramont y ence la mia, sciche presidenta dla Consulta Ladina. L "Accordo di Milano - Fondo Brancher" é vegnù fora dl 2009, y prevedova che la provinzia de Bulsan dessa fora 40 milions de Euro al ann per i sies comuns confinanc; anter chisc él ence i comuns ladins de Souramont. D'autra pert messassa la provinzia da Trent despartì su

autri 40 milions al ann con si za. 30 comuns confinanc. Dant da n valgugn dis él vegnù fora sun l "Corriere del Veneto" la notizia che Brancher volessa moscedé adum i finanziamenc dles does provinzies autonomes; enscì jissa i scioldi destinés a nos a finanzié realtés plu danlonc, sciche cheles de Brescia, Verona y Vicenza, per ejempl. Nos ladins, on tout cont de chisc finanziamenc per fé projec dantaldut liés a l mantegniment y a la sconenza de nost lingaz, de nostes tradizions y de nosta cultura. Pert di scioldi fossa per ejempl destinés a mete su n antena per permete a la jent da Souramont da vedei endò Trail, trasmiscion che i ne vedon nia plu da dezember 2010 encà, ma ence

per finanzié d'autri projec culturai y per fé souravive nosta mendranza ite tla region dl Venet. Duta nosta solidarieté ti va al Landeshauptmann, che nes deida combate y che é da nosta pert. Ence ajache i projec che i meton da ji ne va nia demé a nost vantaje, ma ence a chel di comuns de Südtirol y ai permet da mantegnì n liam con chesta realté a nos confinanta. I spere che al vegnes tost tout na dezijion soura chesta chestion, ajache i scioldi é bele chiec da massa truep temp, temp prezious te chel che nosc projec essa bele podù avei scomenz. Por la Consulta Ladina, Elsa Zardini.

La Marmolata possa inò tré l fla Na bela nutizia... n pudëssa la paredlé cun l’ega burvanda, do che l à tan giut for mé pluët. L ie sciche a tlupé n talisman de gran valor ora dla maroca... a chël ne criessa bën mpo deguni. Purempò iel unit a s’l dé, che i joleri ne purterà nia plu i patins sun la Marmolata. Coche on nce pudù liejer tla ultima Usc di Ladins. Na lauda ai ambientalisć che ie ruvei a chësta acurdanza, do 24 ani de tratatives.

Nsci ie tumeda chësta daudanza che nes à daniëura turmentà y desturbà sciche paia ti uedli. Cialan ora per l urizont iel danz mé sciche a tlupé una na spia sëula te n ciamp de blava... lascian jì dut l rest a de mel. Perchël udons che l fossa bën mo truep da fé. Cuntentonse mpo de chësta bela pert de paravis, che a chësta maniera fej nce pert dl patrimone dl’Unesco, dajan de ëuta la belëza y l respet a nosta regina. Cuntentonse coche n

escurscionist che à traversà l desert... ël se ralegrea ora de uni mesura de mpue de ega che ti ie resteda y che ëssa iust mo lerch te n dedel. Drët bën passenea ite chësta paroles, tëutes ora dal Salm 72:3 ”Che i crëps posse purté pesc al popul y nce i coi tres la giustizia ....” y nce chëles dal Salm 95:4. ”Ël, che te si man ie l plu sot dl dedite dla Tiera y sies ie la pizes di crëps”. Tone Ruben da Cudan

Vàl pa de bujën de na terza palestra a Urtijëi? On liet ultimamënter tla Usc y tla Dolomiten che l ie unì rujenà te cunsëi de chemun dl proiet per ngrandì la scola mesana de Urtijëi. La se tratova de na minonga de mascima sce fé na palestra da pudëi adurvé nce coche aula magna o sce fé na garage dai auti per i maestri y l personal che lëura te chësta scola. Tl ann 2008 fòvel unì prejentà te cunsëi de chemun la idea de fé majera la scola mesana. La se tratova, sce ne me fale nia defin, de n custimënt de zirca 1.400.000 €. Sambën fova duc i vint cunselieres a una; co fajëssen pa nce a se mëter contra la direzion y i maestri y ne dé nia pro l ngrandimënt, canche chisc dij che l va de bujën! Degun ne à ntlëuta rujenà de fé na palestra/aula magna sotite. Fé te chësc mumënt mo na segonda palestra/aula magna – che dëssa custé mo almanco 5 milions de euro sëuraprò, canche l n ie una tla scoles autes che ie iló a 50 metri, ie da mé ora n luxus che deguni ne possa plu se permëter ncueicundì. Ulësse sun na tela fé na pitla cunscidrazion: L vën dit che la scola ie massa

28

www.lauscdiladins.com

pitla y ne curespuend dut ntëur nia plu ala normes ududes dant, chël sarà pa bën vëira. Ma i maestri ie, coche n aud, ora de un, duc a una de no fé na palestra ma na garage sot a tiera ite; truep maestri vën pu da demez caprò cun l auto y adrova si lerch per lascé si auto. Sambën ie la Jonta de Chemun (organn ejecutif ) che cumanda, ma sce la ie mpue democratich, pona dëssela scuté su i maestri y no tò dezijions contra chisc! Sce la va śën coche la SVP da sëula à fat ora te Cunsëi de Chemun, pona uniràl deditepert mo frabicà permez n tòch per tlasses y d’autri bujëns, sot ite uderàn pona cie che l unirà fat. Ala fin resteràl mé plu tan de verzon che ch’i 280 sculeies dla mesana ne n’arà nianca no plu lerch da se raidé ntëur te ch’l pitl tòch de pra che resta mo. Coche savon scrij l Stato (da nëus la Provinzia) avisa dant tan grandes che la tlasses muessa vester y tan de sculeies che l possa vester te chëstes. L medemo vel nce per l verzon o la plaza da fé damat coche ulon ti dì, tlo vëniel ënghe scrit dant mesures y n.i.. Ulons’a propi śaré ite 280 sculeies per 4/5 ëura tla tlasses zënza i lascé jì al’aria? Ulà uelen pa fé n “Pausenhof ” sce l ne n’ie nia plu

la lerch? Te ch’l pitl tòch de verzon che ie mo, iel ncuei dessegur passa 50 rodes di sculeies (ne cëla nia ora drë bel ncueicundì), ulà lascerà pa pona ch’i sculeies la rodes sce l ti vën a mancë monce chël pitl tòch de pra che ie mo śën? Ie ratësse che l ie gran ëura y de bujën de fé na gran descuscion a livel de valeda n cont dl svilup de Gherdëina ti proscimi 50 ani, ma no mé de tan de stradons, z i r c u nv a l a z i o n s , f e r at e s , furnadoies y hotiei che adurvon (Masterplan), ma nce de ce sort de scoles che messeron njenië per nosc nepoc y pronepoc zënza desmincë duc i fulestieres cun si families che aron te Gherdëina tl ann 2050 – ulà jirons’a a fé chësta scoles nueves? (La statistiches reporta che tl ann 2060 saràl 16 milions de fulestieres tla Talia, de ndut sarons pona te 50 ani de 76 milions). Fulestieres che vën adurvei dantaldut te luesc de gran svilup ndustriel y turistich sciche te Gherdëina, ulache la jënt da tlo ne n’ie nia bona de curì i bujëns che l’economia suvënz massa espansiva y agressiva se dumanda. Georg Moroder, ex cunselier de Ladins Dolomites

Urtijëi y la produzion nëta de strom L ie śën n ann ca che la Lista Urtijëi ova purtà te Cunsëi de Chemun na mozion cun la pruposta de realisé n mplant per fé strom sun Col de Flam se nuzan dla prescion dl’ega che vën da Cunfin ju. Tres l stude de fatibltà dl njenier Hannes Stuffer iel unit ora che cun n nvestimënt de 285.000 € iel mesun ruvé a na produzion de energia nëta de 36.000,00 € al ann. Tl bilanz de previjion dl 2012 iel udù dant i scioldi per realisé chësc proiet, cossa che nes dà gran sudesfazion. A

chësta maniera puderà l Chemun se nuzé dl potenzial energetich dl’ega che vën dai Plans de Cunfin ju y che al mumënt va perdù. N var mpurtant per Urtijëi, Chemun che ie tla ”Lianza per l Tlima”, che mët l prim sas per la produzion de energia nëta. Lista Urtijëi Claudia Schrott, Alberto Costanzi, Martina Goller, Claudia Insam, Gerlinde Goller, Claudia Urthaler, Raimond Irsara

Resciesa Pra l’ultima senteda dl Cunsëi de Chemun à la Lista Urtijëi purtà ite na mozion per ngrandì l parch naturel Puez Odles tl tòch danter la stazion amez dla ferata de Resciesa y Marёufer nchin a livel dl Troi Paian, zënza tò ite la ferata o monce l purtoi dai schi. Sce n Chemun desmostra la ulentà de ngrandì n parch naturel muessel dant unì fat na delibra te Cunsëi de Chemun y pona vën l pont tratà tla cumiscion dl Parch Naturel, ulache l ie ntëur 20 reprejentanc de Chemuns, Forestela, lies y n.i. danter l auter nce la Lia per Natura y Usanzes y la Lia da Mont. Chësta cumiscion à l duvier de valuté sce l ie i presuposć per dé pro o no na dumanda de n Chemun. Te deguna regulamentazion ne n’iel unì abinà che l ne n’ie nia mesun junté al parch naturel n tòch destacà zënza l lië al tòch che ie bele. Davia che l parch naturel Puez Odles ne n’ie nia dut un n tòch cunlià (i ëures de Bredles ne n’ie nia parch naturel y

spartёsc l parch te doi tòc) ons purtà dant la pruposta de fé dumanda per mёter ite l chёune de bòsch danter l purtoi dai schi y ferata tl parch naturel. Per nёus iel mpurtant stravardé chël post da mplanc portamont nueves y udon n vantaje per l Chemun sce la manutenzion y i cuntroi vёn fai da pert dl Parch Naturel. La Lista Urtijëi à nsci purtà chësta pruposta, bele dai ani penseda da si reprejentanc, ma mei purteda te cunsëi de chemun, ajache contra la ulentà dl ambolt. Da desplajëi iel stat che l partit de maiuranza ne n’à nia dat pro chësta mozion, cun l argumënt che l ne daussa nia vester mplanc portamont o purtoies dai schi tl parch naturel, cossa da nëus nia uluda y nia damandeda. Lista Urtijëi Martina Goller Claudia Urthaler Raimond Irsara Gerlinde Goller Alberto Costanzi Claudia Insam

L volone o no l Comun general de Fascia? La é vegnuda fora da pec dis la neva che, te Provinzia, la Comiscion enciarièda de controlèr i quesic referendaries per l’abrogazion de la Comunitèdes de Val e del Comun General de Fascia, vedù che no l’é stat troà nia che no jia ben sun chisc temes, l’à dat l consens. Per l Comun General de Fascia, e en generèl per duta la mendranzes linguistiches trentines, vegn domanà 1500 firmes acioche l re fe re n d u m p o s s e e s s e r formalmenter recognosciù e metù a jir. N numer de firmes piutost aut se conscidron che per l referendum a livel provinzièl n vegn domanà demò 8000! Somea che chesta lege sui referendum aesse volù empedir ai Fascegn, e a duta la mendranzes, de dir la sia sui argomenc che tocia sia comunanza! Per chest la Sociazion Fassa che cree, e à semper cherdù, a l’emportanza democratica del referendum, strument fondamentèl de esprescion

populèra; envìa duc i Fascegn a tor en conscidrazion la possibilità de aer ousc en capitol sun chest argoment coscì emportant per Noscia Val! Èl sens tegnir sù n Ent desche l Comun General, con pecia competenzes e n muie de speises? Èl sens dezentrèr l poder, semper gestì al miec, dai comuns a chest mega comun che l’é l Comun General? E amò, che èl fat te n an e mez da sia istituzion chest nef ent? A nos Fascegn anché ne vegn dat na gran e emportanta possibilità, poder zacan dezider se chest Comun General de Fascia: l volone o no? Ma per chest, descheche aon dit dant, serf 1500 sotescrizions, l’é donca de gran emportanza che duc dae so contribut se prejentan ogneun te so comun e firmèr a favor de chesta scomenzadiva democratica!! Francesco Pitscheider e Cornelio Lazzer, conseieres de la Sociazion Fassa


Letres y Auter

nr. 02 / 13 de jené 2012

Da les zentrales di partis politics

Pitla plaza Vigil da Coi Nëus de Gherdëina, feter de duta Gherdëina, ma dantaldut de Urtijëi che son tan ”acorc y dl viers” y da tan na gran sensibltà y cultura storica, y datrai nce bel y blot ”iniuranc”, che se stenton tan da mat a dé inant nosta rujeneda storica ala generazions nueves y per afarism, per oportunism y suvënz iniuranza trajons su nosc mëndri zënza ti nsenië l ”gherdëina”, ma bën dassënn la rujenedes de nosc ujins, naziunalisć y culonisadëures, se fajons la gran pert nce scialdi ert a scrì su per ladin sun nosta cëses, sun duta nosta imubilies de uni sort, forma y funzion! No pa? Purempò iel stat scialdi da plajëi che te chisc ultimi ani iel mpo stat mesun de udëi y de pudëi se ralegré pervia de scrites cumerzieles sciche: Butëiga dal pan, La Piedia, Roba da se tripé, Tinderla La Flaura, L Gulëus, Antlaries, Scudela, Sartëur, Cassa dl Sparani, Raiffeisen de Sëla Vosta Banca, Banca Populèra, Butëiga da Four, Butëiga Berna spezialiteies da maië de nosc raions ... y dessegur mo n valgunes che nes toma śën nia ite y de chël se scusons sambën.

Scialdi da plajëi iel nce che al bel tunel, che mëina al didancuei sa la furnadoia de Secëda y che ie na gran sauridanza y scialdi na bona arjonta urbanistica per nosc luech, ti iel unì dat l bel inuem ladin de ”La Curta”. Y a resté tl medem raion nes unìssel dant che l fossa nce scialdi bel sce nosta sceles mobiles, che mëina su de chël viers, da iteinsom la Plaza de Sant Antone, ti unìssel ufizialmënter dat l inuem de ”Scela Santa”, ajache nsci ti dijòven nce ala vedla sceles de lën che ova fat l fat ti tëmps lonc da dant. Danter chësta doi strutures urbanes, La Curta y la Scela Santa iel al didancuei unit a s’l dé na tel cërta mëndra plaza scialdi da plajëi, da ulache l ie bel nce a cialé ju sun Urtijëi. Ma la carateristica scialdi uriginela y nce senificativa de chësta luegia cun banc, che ie nce localiseda sun la promeneda tlameda Luis Trenker, ie che tlo se abìnel tan’ che uni dì, dut l ann y feter da uni tëmp, tl’ëures danmesdì, nia puec ”de tei cërc” o persones stimedes che à urmei na cërta età y che ie la gran pert n pension. A chisc ti sàl bel a sté iló sentei, savan nce da se devertì

y nce da se cunté vel’ matada y ntraunida, nsci da se passé l tëmp te na sozialisazion positiva y n bona cumpania. Tla primiscima posizion de chësta ”mëisa turonda” plajëla, coche n pudëssa dì, ie bele dai aniscimi bera Vigil Runggaldier da Coi, ex-campion sciafèr (avisadëur de camion) per passa 25 ani de cariera, cun de tel cërta avisedes nia da puech(!) dla firma de trasport de bera Tone Insam da Mulin y de Baiby Schmalzl dl Fever. Y pona ie bera Vigil da Coi nce stat, si vita, scialdi n bon y scialdi scerio y respunsabl iagher te nosc bòsc de Gherdëina y nce sëurora. Per la situazion ”soziela” scialdi senificativa de duta chësta situazion, n iede mpue’ dalonc da cosses politiches o capitalistiches, nes savëssel a nëus che passon scialdi suvënz te chëla luegia, se fajan cër pensieres, che chël pitl tòch de Urtijëi giapëssa l bel inuem de ”Pitla plaza bera Vigil da Coi”!! De gra, giulan, dilan Oscar Prinoth de Josef da Brida, Urtijëi

À pa l ambolt de S. Cristina perdrët mpue puecia sensibltà per la natura? Tla trasmiscion te Radio Gherdëina ai 4 de jené 2012 à l ambolt de S. Cristina Eugen Hofer, sun la dumanda de Egon Vinatzer sce l cunliamënt cun la Mont de Sëuc unirà fat, respundù che de chël se ncruzieràl canche l unirà fat n cunliamënt nuef da S. Cristina sun Mont de Pana. Ne crëie nia che la possa vester nscila, davia che l ie tler che un n mplant taca adum cun l auter y che l prim muessa unì fat aldò de sce l segondo vën a se l dé o no. N muessa cunstaté cun desplajëi che l prim zitadin de S. Cristina à bele mo desmustrà de avëi puecia sensibltà per nosta natura. Sciche sëul ambolt de Gherdëina se àl

ntujiasmà per n hotel a 7 stëiles cun na gran nudadoia saleda sun tët. Y no mé chël. L se à nchinamei damandà 800 liec deplù per S. Cristina, liec che nchin che l fova l ambolt da dant ne semiòvel nia che i fossa de bujën. Per fertuna ti savòvel a chëi de cumpetënza ënghe de massa, che ti n à mé cunzedù for mo 400. Drët fóssel che dan nvië via i lëures per culeghé l raion da Ciastel cun la Sella Ronda, unìssel purtà dant ala jënt n cunzet globel, chël che me savëssa na granda, che ël sciche ambolt ne cunescëssa mo nia. N muessa nce tenì cont che chësc fossa n ntervënt che mudëssa segurmënter l’economia de

Gherdëina, bonamënter plu tl stlet che tl bon. L fossa gran ëura che l prim zitadin de S. Cristina se feje n pensier, co o sce fé n culiamënt cun Mont de Sëuc y no dì che a chël penseràl pa bën canche l ie l mumënt, ajache la jënt se dà ju cun chësc bele da plu de 30 ani. Ie spere che n ne uel nia ascuender zeche y che l’aurità unirà ora canche l sarà massa tert. Ie ti dijësse a chëi che ti sta a cuer nosta bela val de se muever, sce i ne uel nia che la pesc tl raion de Pana y de Cunfin vënie sacrificheda per jì ancontra a chëi dai lifc. Walther Kasslatter, Ladins Dolomites

Diplom y onoranza por ladin An alda gonot y an po inće le lì che la jënt se sënt incö plü ladina che dan da agn, deache al é gnü porvè da pert de lies, privać y dla man publica da sensibilisé la popolaziun che ara i ois intres plü bun a so lingaz ladin Lingaz - Söl ćiamp cultural él gnü arjunt cotan cun ti arjigné ales lies mesi finanziars y infrastrotöres; chëstes les à motivades da laurè cun plü ligrëza y da gnì fora cun publicaziuns de gran ütl por raforzè y promöie la cultura ladina. Da fà romagnel pa bëgn ćiamò cotan, sce an pënsa che na pert de istituziuns ne se sënt gnanca tan ladines da tachè fora la bandira ladina che é la cherta de identité de na popolaziun. Chësta bandira à nüsc vedli cherié dl 1920 por ti dì al monn: Nos ladins sun inće chilò, i sun la popolaziun plü vedla de Tirol; i se desfarenziun de lingaz y de cultura dai taliagn y dai todësc y porchël unse rajun da gni respetà y da gni sconà cun normes aposta sciöche i atri grups! Na forma scëmpla da se mostrè

ladins é inće chëra da damanè che le diplom che un/öna ciafa da val’ lia o istituziun dess ester scrit por ladin. Chi che li n te’ diplom o na onoranza ćiariada ite te n bel cheder y tacada sön parëi te stüa sa spo atira: Chësta porsona onorada tëgn sön le ladin, sön so lingaz; ara ô che so lingaz vëgnes respetè dales autoritês cun l’adorè inće La onoranza de “Lüch de familia” dada por scrì diploms y fora dala Provinzia de Balsan é n bel onoranzes y documënć ejëmpl de respet por le lingaz ladin. importanć. Al foss bun che dötes les lies ladines (culturales, alalt so lingaz dla uma! Na pert de soziales, sportives, politiches, lies y inće comuns é jüs danfora religioses ez.) respetass la identité cun le bun ejëmpl y an spera che ladina di premià cun i dè diploms les atres i fejes do por mostrè so scrić por ladin! Vigni ladin à plü gran respet dl lingaz ladin! ligrëza cun n pest scrit por ladin, Lois Trebo deache al vëiga che süa uniun tëgn

La situaziun dl trafich tles valades ladines Ti dis da Nadè àn indô n iade podü odëi düć i problems de trafich tles valades ladines. Da certes ores parôl de ester te na gran cité. Da agn vëgnel bele baié de chësc problem, mo soluziuns n’él nia ćiamò gnü ciafè. Da un n vers ajache an n’ô nia dì la verité y dal ater vers ajache politicamënter n’éson nia bogn da rovëne les ressorses tles valades ladines. Le svilup turistich tles valades ladines à arjunt n livel olache baié de incremënt cuantitatif n’ô dì nia d’ater che jì tla direziun de na diminuziun dla cualité dl’oferta. Le svilup mëss jì tla direziun de n turism de cualité cun manco ghesć, che à na maiù capazité de spëisa. Por trà chisc sciori ôl ester inće na manira da ponsè desfarënta. Laurè cun la cuantité é plü saurì, mo porta a n suramenè dl teritore y dles strotöres y inultima - sciöche dit - a na diminuziun dla cualité. Canche l’operadù turistich mëss mëte man da ćiarè avisa tan che al po aratè por avëi tlientela, éson bele rovà sön le tru dl turism de massa, inće cun la conseguënza de na maiù esposiziun ti confrunć dl andamënt economich general. Por ći che reverda les infrastrotöres, mëssun inće dì che da n punt de odüda politich, é nüsc aministradus dër debli.

Al basta ponsè ales gran infrastrotöres impormetüdes y nezessares sciöche p.ej. la zirconvalaziun da La Ila, por ti dè a La Ila n zënter che n paîsc che ospitëia gares de Copa dl Monn de schi se mirita. La resposta che vëgn dada da Balsan é ma stüdi de fatibilité. Chësc ô dì che al ne gnarà plü fat nia; medema storia por la zirconvalaziun a Longega. N ater ejëmpl é l’entrada por la Val Badia a San Laurënz. Sciöche ara é fata él n spavënt, scioldi desmazà; prigorosa y püch funzionala. An po ma sperè che la via de azes ne restes nia ma sol papier. Döes parores inće sura l’ombolt da Corvara Robert Rottonara, che é stè chël che à plü de düć fat impormetüdes tl ćiamp dla viabilité, se lascian ćinamai fà jö cun i Assessurs da Balsan dan les lîtes a Corvara. Da ti ćiarè śëgn a chës fotografies vëgnel ma da s’la ri. Inultima ćiamò n apel. An ne po nia ponsè che le svilup dles valades ladines pàsses ma estlusivamënter tres le turism. Le turism é na pert fondamentala, mo ne mëss nia ester l’unica. Atramënter messarà tres plü jogn ladins jì foradecà a se chirì n laûr. Ladins Dolomites

La politica demenziala de la Lega Nord trentina É let con gran sodesfazion e piajer la touta de posizion forta de la procuradora Cristina Donei, del Comun general de Fascia, del president del Consei general Cesare Bernard e de duc i ombolc de val adum en cont de la assurda scomenzadiva de la Lega Nord del Trentin, che à portà a la regoeta de sotescrizions per ruèr d’aisciuda al referendum per tor jù la Comunitèdes de val e l Comun General de Fascia. La Lega Nord disc – a tort - che l Comun General de Fascia l’é n “carrozzone inutile e costoso”, n ent dejutol a mez anter provinzia e comuns che va contra la tendenzes a livel nazionèl, che l’é de dan per i comuns ajache l doura ressorses che fossa destinèdes a chisc, che no l’é stat volù da la jent, e l porta desche proa de chest la pecia jent che à tout pèrt a la litazions de la comunitèdes de val, desmentian che per la litazions del Comun General de Fascia ai 16 de mé del 2010 aea lità l’80% di sentadins. La Lega de contra proponessa agregazions de comuns volontères e spontanees, no “calate dall’alto”. Somea dalbon che la Lega se abie desmentià che la Comunità de la val de Fascia à inom, no a cajo, COMUN GENERAL DE FASCIA; che sia jonta é componuda da la Procuradora e da duc i ombolc de val; che i comuns à duc l medemo peis te la radunanza, aldelà del numer di sentadins; che so statut é stat aproà da beleche duc i Consees de Comun de val; che per sia litazion l’é stat na perzentuèla

de litanc del 79,93%, con pontes enscin al 84,70%; che l’é stat ofizialmenter metù sù con la LP 10/2/2010 nr. 1 con l’aprovazion integrala del statut descheche l’era stat aproà dai Consees di Comun de Fascia. Na scomenzadiva desche chela endrezèda via da la Lega Nord del Trentin, che vel descancelèr te n colpo egn de lurier, de debatic e consultazions che se à concretisà te la gran partezipazion a la litazions di 16 de mé del 2010, l’é na roba antistorica, antipopolèra e antidemocratica, zenza nesciun ferstont. Fugatti e co. i disc de esser i paladins di Comuns e i va de contra a la volontà palesèda adum da duc i ombolc de Fascia e si Consees de Comun. I propon desche alternativa agregazions de comuns, generiches, volontères, ma tel medemo temp con sia azion i vel descancelèr chesta comunità che se à costituì con l’80% del consens popolèr. Se chesta no l’é “demenza politica”, no saesse proprio co la chiamèr. Spere e son segur che la popolazion de Fascia e de l’autra mendoranzes no jirà a sotescriver chest quesit referendarie e che, se per desgrazia se aessa da ruèr al referendum, no la vae a litèr per no ge arsegurèr l quorum a chesta scomenzadiva mata de la Lega Nord, dajan proa de maturità e ferstont politich tel defener l Comun General de Fascia. Floriano Bernard del diretif de la UAL, Pera www.lauscdiladins.com

29


Sport

nr. 02 / 13 de jené 2012

La sajun dles gares di pici à metü man

2012, n scomenz rie per l Hafro Cortina

De bogn resultać “ladins” él garatè pro i campionać di mituns a Taisten

Trei desfates contra Bulsan, Pontebba y Puster: la crisa dla scuadra ampezana che ne vuel nia se desfanté via

de slalom lerch te cater raiuns de Südtirol. Da chёsc ann inant él na cotegoria nöia laprò, la “Superbaby” por i mituns dër pici. Ales sis gares tol pert insciö mitans y mituns di agn 2001 ćina 2006. Tla “zona 4”, chёra de Puster, él stè la gara a Taisten sön la pista “Guggenberg”, olache 193 concorёnc á tut pert al campionat. Premià é gnüs i pröms 15 concorёnć de vigni categoria. En domëia ai 15 de jenà garejёia i atleć te na gara de slalom strёnt organisada dal ASV Rein (Türesc). (mdg) Atleć dl ASC Ladinia. Chël plü alalt é Manuel Ploner, che à arjunt n bel secundo post te süa categoria.

Schi alpin - Pro la pröma gara di “campionać di mituns VSS Raiffeisen” tl raiun de Puster à inće atleć badioć arjunt de bugn plazamёnć: n secundo post por Manuel Ploner (2001) che garejёia por le Schiclub Ladinia, terza é rovada Valentina Tolpeit (2003) dl Schiclub d’Al Plan de Mareo, cuarta Desiree Dapoz (2003) dl SC Ladinia y le sesto post por Philipp Graefe (2002) atlet dl SC Al Plan. En domёnia dan otedé ai 8 de jenà él gnü tignì les prömes gares

Tlassifiches

Superbaby 2005/2006 (indöt 11 pici atleć): 1) Maximilian Gutweniger, ASC Drei Zinnen, 1:04,62; 2. Sophia Schuster ASC Olang 1:06.49; 3) Nora Schwingshackl ASV Taisten, 1:09.61; 4) Martina Sanin SSV Pfalzen ASV, 1:10.69; 5) Armin Sinner ASV Taisten, 1:10.69. Mitans 2003/2004 (indöt 22 atletes): 1) Johanna Taschler, SSV Pichl Gsies ASV, 53.08; 2) Margareta Gutwenger, ASC Drei Zinnen, 57.45; 3) Valentina Tolpeit, ASC Al Plan, 57.74; 4) Desiree Dapoz, ASC Ladinia, 59.36; 5) Isabel Walder,

AWSV Innichen, 59.39. Mituns 2003/2004 (indöt 35 atleć): 1) Raffael Hopfgartner, ASV Taisten, 52.42; 2) Hannes Schranzhofer, SSV Pichl Gsies ASV, 53.52; 3) Simon Durnwalder SSV Pichl Gsies ASV, 53.74; 4) Christian Gietl ASC Gsiesertal, 55.87; 5) Ivan Hofer ASC Olang, 56.41; … 8) Dylan Irsara ASC Ladinia, 58.66;… 10) Matteo Di Genova (ann 2004) ASC Ladinia, 59.80;… 12) Gabriel Willeit ASC Al Plan, 59.97;… 15) Matio Erlacher (ann 2004) ASC Al Plan, 1:00.85 Mitans 2001/2002 (indöt 37 atletes): 1) Corinna Mutschlechner (ann 2002) ASC Olang, 51.95; 2) Noemi Zimmerhofer ASV SK Ahrntal, 52.33; 3) Viktoria Hofer ASV SK Ahrntal, 53.20; 4) Maria Kahn, ASC Gsiesertal, 53.33; 5) Sabine Feichter, AWSV Innichen, 53.35;… 8) Chiara Videsott ASC Ladinia 54.22;… 12) Alexandra Pezzei ASC Ladinia, 55.22. Mituns 2001/2002 (indöt 88 atleć): 1) Moritz Happacher ASC Drei Zinnen, 47.86; 2) Manuel Ploner ASC Ladinia, 48.56; 3) Lukas Klettenhammer ASC Drei Zinnen, 50.06; 4) Tobias Neumair ASV St. Lorenzen, 50.95; 5) Loris Marsicano AWSV Innichen, 51.05; 6) Philipp Graefe (ann 2002) ASC Al Plan, 51.53;… 10) Jacopo Pezzedi ASC Ladinia, 52.36.

Hockey - La crisa dl Hafro Cortina parova ruveda a na fin con les trei partides ventes a la fin dl ann passé. Ma l ann nuef ne é nia metù man tant bon per la scuadra ampezana che, ence sce plu competitiva, à perdù les partides contra les scuadres de Bulsan, Pontebba y Puster. Contra l Bulsan é i ampezans jus sun l ciamp ai 3 de jené. L prum drittel é ruvé 1 a 0 per la scuadra sudtiroleisa. Cinch outes à spo ciamò i sogadours dl Bulsan sbroché ite la porta de Lavasseur tl secondo temp y l alenadour dla scuadra ampezana, Stefan Mair, à perchel tout fora l portier y l à remplazé con l esordient de chesta sajon Baur. L Cortina, plu agressiv, à prové da daurì endò la partida, stlujan ju la seconda frazion con l resultat de 6 a 3. Ma tl terzo temp é la scuadra ampezana steda desfortuneda: la trata de Hennigar

é ruveda sun la colona dla porta aversara che à enscì podù se salvé. La ultima frazion de juech é vegnuda scluta ju da n gol de Meyers che à ence sclut ju la partida con l resultat de 7 a 3.

Does desfates te ciasa

L Pontebba à davagné al Olimpico, portan demez al Cortina trei ponc emportanc y ence la poscibelté da se arvejiné ai posć plu auc dla classifica. Do da cater menuc à la scuadra de ciasa realisé l prum gol y enfin al 42ejim menut ési stés bogn da mantegnì l resultat. Ma con i goi de Iannone y de Matejicek é la scuadra friulana juda en vantaje y à spo sclut definitivamenter l juech con i goi de DeVergilio y de Goebel. Ence contra la scuadra de Puster à l Cortina podù soghé te ciasa. I prums doi drittel é tramidoi jus a ben di ampezans, che à sclut ju l secondo temp con l resultat de 4 a 1. Ma tla terza frazion ne é la scuadra sudtiroleisa nia plu steda da archité, y con i goi de Cullen y de Oberrauch y la dopleta de Ling é la situazion vegnuda completamenter rebalteda. (Fontana: Curtis Fraser dant la porta dl portier dl comunicat stampa dla Pontebba Alexander Petizian. (foto: Tiellephoto) LIHG)

Doi ventes sun trei L Val de Fascia Ferrarini taca delvers l’an, venjan contra doi squadra fortes desche Alleghe e Asiago, ma dapò l se ferma con l Sterzing

Stefano Margoni l’é semper un di miores jiadores del Val de Fascia Ferrarini.

Hockey Fascia - L’é tacà con doi bela ventes chest nef an per l Val de Fascia Ferrarini. La pruma la é stata contra l’Alleghe tel “derby de la Marmolèda”, jià en mèrtesc ai 3 de jené ta Dèlba, olache i patrons de cèsa à vent per 6 a 2, e l’autra la é stata contra l’Asiago e la é fenida col resultat de 4 a 1. La partida contra l’Alleghe la taca sobito con n gol da man di ghesć che se fèsc inant con Vince Rocco, ma l Fascia Ferrarini, enceben zenza Doyle, Oberdörfer, Piva e Locatin, l’é bon de encassèr

30

www.lauscdiladins.com

chest prum gol e de se fèr forza jian inant na bela partida, che porta l Fascia a n resultat tant rich descheche no se vedea da temp, coi goi segné da Brad Snetsinger, dal capitan Diego Iori, da Trevor Kell, da Stefano Margoni e amò da Brad Snetsinger e Diego Iori a pec menuc da la fin de la partida. A segnèr enveze per l’Alleghe l’é stat Jani Forsstrom. L’é stat proprio na bela sodesfazion tachèr l’an con chest resultat, che ge à dat ence la giusta gaissa ai ladins per la partida dò, jièda a l’Odegar de Asiago en

jebia ai 5, fenida col resultat de 4 a 1 per l Val de Fascia Ferrarini. Contra i campions de la Tèlia, l Fascia l cogn amò fèr con de manco de Doyle e Locatin e la batalia su la giacia no la taca col pe dret, ajache al 2 e 46 l’é Michael Henrich de l’Asiago a segnèr. Chest prum gol de la partida l restarà ence l soul gol per la squadra veneta. Da man sia l Fascia l porta dant n bon jech che tegn enscin a la fin. L prum a se mever, dò nience n menut dal gol aversarie, l’é l capitan Diego Iori, che al 3’ e 13” l dèsc l via a la venta del Val de Fascia Ferrarini, ruèda mìngol a l’outa ence coi etres goi de Luca Planchensteiner, Thomas Chrenko, e chel de Brad Snetsinger che l fora ite la gabia ti ùltimes menuc, canche l coach de l’Asiago l tol ite l portier. Chela che enveze podea segur jir miec l’é stat la partida conta l Vipiteno. Dò doi bela ventes, l Fascia no l’à tegnù fora i sudtiroleres che i à adertura vent per 5 a 1. A dita de più oujes chesta l’é stat proprio na burta partida, che no à sapù ciapèr l’outa giusta. Dò la pruma rei de Gelech i patrons de cèsa i arjonc l’1 a 1 con Thomas Chrenko al 12° menut del prum temp, ma n auter tentatif da man de Chrenko e n auter da man de Chelodi no bèsta, e l Val de Fascia Ferrarini no l’à più l met de segnèr enscin a la fin de la partida, che

fenesc con trei goi da man de Gelech e un de Weiser a porta veta. Pecià che l Val de Fascia no l sie stat bon de reagir a na vida più zaca a l’atach de la squadra da Sterzing, che la é ence più endò che l Fascia te la classifica generèla. Ampò ades i jiadores de la serie A i se pussarà enscin a la 33^ partida, che vedarà l Fascia Ferrarini empegnà su la giaces de Valpellice en jebia ai 19 de jené. A la fin de chesta 32^ giornèda l Fascia l’é stat bon de jir en su te la classifica , passan da l’8° al 7° post con 42 ponc, dant da Renon, Vipiteno e Valpellice. (vr) 30^: Val de Fascia Ferrarini Alleghe 6a2 31^: Asiago - Val de Fascia Ferrarini 1a4 32^: Val de Fascia Ferrarini – Vipiteno 1a5 Classifica Serie A dò la 29^ giornèda Val Pusteria 66 ponc Busan 61 ponc Pontebba 56 ponc Cortina 49 ponc Alleghe 49 ponc Asiago 47 ponc Val de Fascia 42 ponc Renon 41 ponc Vipiteno 37 ponc Valpellice 32 ponc Resultac de la squadres

mendres del Fascia: L’Under 12 à jià l’anticipo de la 8^ giornèda a Cortina en lunesc ai 2 de jené e l’à vent per 4 a 1 con goi de: Stephan Deluca, Leonardo Felicetti, Nicholas Zanoner e Alfeo Deluca e dapò chesta Under l’à jià ence en sabeda ai 7 de jené a Dèlba contra l’HC Pieve e l’à vent per 8 a 1. Chisc i goi: Nicholas Zanoner (2), Nicola Defrancesco (2), Adriano Pedergnana (1), Stephan Deluca (1), Davide Rasom (1) e Andrea Ploner (1). L’Under 14 à jià en domenia ai 8 contra l’HC Asiago e l’à vent 2 a 1 con un gol de André Vigl su assist de Sebastiano Soracreppa e l’auter gol de Sebastiano Soracreppa con assist de André Vigl. L’Under 16 enveze l’à jià doi partides. Te la 14^ giornèda l’à jià en mercol ai 4 a Vipiteno e l’à perdù per 10 a 0 e dapò l’à jià ence ta Dèlba en vender ai 6 la 15^ giornèda de campionat, e enstouta l’à vent per 4 a 3 con goi de Lorenzo Paolinetti, Nicholas Zulian, Lorenzo Barbolini e Matteo Dantone. L’Under 20 à jià en sabeda ai 7 tel stadie Gianmario Scola contra l’SG Pontebba e l’à vent per 8 a 1. Chisc l’é stat i goi: 4 de Michele Marchetti, 2 de Massimo Valeruz, 1 de Soel Costantin e de Cristian Castlunger.


Sport

nr. 02 / 13 de jené 2012

La Under 14 va a var plën

Laura vënc l prim Nike dl ann

Na vënta mpurtanta per chësta scuadra jëuna contra l Renon y la arjonta dla prima pusizion te tlassifica fej cialé inant cun de gran speranzes per chësta scuadra. Nce l’autra scuadres à fat plu partides ntan la prima ena dl ann nuef

La lia dal sport USSA de Bulsan à metù a jì, sciche uni ann, l prim turnoi de tennis Nike dai 1. nchin ai 8 de jené. N prim test do la gran paussa da d’autonn per i atlec che ie tl plën dla preparazion y nce truep atlec de Gherdëina à fat pea per cialé a ce pont che n ie. La jëuna Laura Mair de Sëlva vënc tla categuria sot a 10 ani

Hockey/Jëuni - La Under 10 ie n mierculdi ai 4 de jené furneda sun Renon per fé si partida de campiunat. I mutons ne à nia propi jugà drët bën, l plu se à purvà i plu jëuni, danter l auter nce de tei mé de 7 ani. L Gherdëina à perdù la partida per 1:4 cun i tëmps jic ora 0:1, 1:2, 0:1. N dumënia ai 7 de jené à i mutons dla U10 pona messù furné a Toblach per fé si proscima partida de campiunat. La scuadra dl Gherdëina à venciù saurì per 4:0. Doduman dumënia ai 15 de jené à la U10 na partida n cësa dala 10.00 danmesdì contra l Neumarkt. La Under 14 à ai 3 de jené jugà sun l Renon contra la scuadra da iló. I mutons ulova vëncer a duc i cosć chësta partida drët sentida y bele dal scumenciamënt inant ài jugà cun cunvinzion y drët cunzentrei. Do l prim tëmp stajòvela mé 1:0 per i averseres y l Gherdëina à pona drucà mo deplù. Tenian ju i doi miëur jugadëures dl Renon iesi stai boni de jì danora do l segondo tëmp per 4:2. La scuadra dl Gherdëina se à nce tl’ultima frazion desmustrà plu sterscia y nce l verdiaporta a tenì dut chël che fova da tenì. I mutons dla U14 à venciù chësta partida per 7:3 cun i tëmps jic ora 0:1, 4:1, 3:1. La legrëza fova granda, nce ajache l ie bele truep ani ca che n à venciù sun Renon contra chësta scuadra. N muessa propi ti fé na gran lauda ai mutons y sambën nce al trainadëur Vito Delucca, che à sapù da ti dé la drëta tatica y mutivazion ai mutons. N l di de Santa Guania à pona chësta scuadra jugà n cësa contra l Auer. Nia scialdi da dì ne n’iel de

chësta partida venciuda drët saurì dala scuadra dl Gherdëina per 8:0 cun i tëmps jic ora 1:0, 3:0, 4:0. Bele doi dis do à pona la U14 jugà contra la scuadra de Puster te Sëlva. Do avëi duminà ti prim doi tëmps ie l Gherdëina do l prim gol di pustri unit mpue nervëus y la ie pona mo unida bëndebò ciauda. L Puster ie ruvà daujin nchin al 3:2, ma mez menut dan la fin ti àla per fertuna butà mo n iede al Gherdëina vencian nsci la partida per 4:2 cun i tëmps jic ora 1:0, 2:0, 1:2. Do chësta bela vënta y do cin’ partides dla raida de cualificazion per l campiunat talian, dutes cin’ venciudes, ie la Under 14 dl Gherdëina śën al prim post te tlassifica cun 10 ponc. Speron che la ti bute inant nscila. Sun la Under 16 aspitòvel na partida bëndebò ria ai 5 de jené tl stadio Pranives de Sëlva contra la miëura scuadra dl campiunat, l Sterzing. Da una na pert fòvel l Sterzing che à mutons nasciui tl 1996/97 mé da crì ora y dal’autra pert l Gherdëina che n à purtruep puec de granc y che muessa jughé cun ades diesc mutons dla U14. Nsci ne n’iel sambën nia saurì fé, ma ntant mpera chisc mutons for leprò nce sce i pierd sëch. L Gherdëina à perdù chësta partida per 1:10 cun i tëmps jic ora 0:5, 0:3, 1:2. Per la Under 18 à l ann scumencià bën plu per l resultat che per la cualità dl juech. Venciù à i mutons dl Gherdëina, ajache i ie stai boni de cumbater nchin ala fin te na partida ulache l ne garatova nia

scialdi. La U18 à venciù te Sëlva contra l Neumarkt per 3:1 cun i tëmps jic ora 1:0, 0:1, 2:0. N dumënia ai 8 de jené ie chësta scuadra furneda a Eppan a fé si partida de campiunat contra la scuadra da iló. I mutons ova na gran ulentà de vëncer y à cumbatù dassënn, ma pervia de massa menuc de straufonga y falan truepa ucajions da gol iela jita ora a pèr per 3:3 cun i tëmps jic ora 0:2, 2:1, 1:0. La scuadra dla U18 fej si proscima partida de campiunat n dumënia ai 15 de jené dala 18.30 te Sëlva contra la scuadra dl Renon. La Under 20 dl Sterzing/ Gherdëina à jugà n cësa a Sterzing ai 3 de jené contra l Cortina, scuadra che ti dà daniëura da cë ai nosc. Bele lavia a Cortina tl scumenciamënt dl campiunat ne se àn nia fat saurì, iló ài valivà ora mé per 1:1. Chëst iede n cësa ne n’àla ënghe no ulù vester. Tl prim tëmp ie l Sterzing/ Gherdëina stat bon de jì danora, ma riesc lessù à i averseres valivà ora y bel riesc tl scumenciamënt dl segondo tëmp iesi pona jic danora. Nce sce n à mo abù belau doi tëmps ntieres da purvé a tré decà la partida, ne n’iela nia jita y l Sterzing/ Gherdëina à nsci messù ti la zeder al Cortina per 1:2 cun i tëmps jic ora 1:1, 0:1, 0:0. N sada ovi da se museré cun l Eppan, che n cunscidrova n averser nia tan rie da bater. Che n ne dëssa mei s’la tò massa ala lesiera àn inò n iede udù te chësta partida. Permò tl terzo tëmp ie i jëuni dl Sterzing/ Gherdëina stac boni de fé la defrënza vencian ala fin per 5:0 cun i tëmps jic ora 0:0, 1:0 y 4:0.

La scuadra Under 10 dl HC Gherdëina.

Tennis - La se tratova dl prim apuntamënt de tennis per i ”under” y davia che i sculeies ova te chëla ena mo feries iel nce unit adalerch truep atlec da oradecà, che à ulù se museré cun i atlec dl tennis de Südtirol y dl Trentin. Nce sce tla categuria di mëndri sot a 10 ani n fòvel da mat puec pra la mutans, àn mpo ulù ti dé la puscibltà ala scrites ite de jughé y propi da chësta categuria iel unit l miëur resultat, l titul per Laura Mair che ie stata bona de bater n iede Sara Tomasi te doi set per 6 a 2 y 6 a 0 y pona te finela Martina Beltrami for te doi set per 6 a 2 y 6 a 1. Nchin te semifinela ie ruveda Alessia Piccoliori batan Elena Tomasi te doi set per 6 a 1 y 6 a 0. Na prima sperienza pra chësta sort de turnoies à nce pudù fé i doi plu jëuni dl TC S. Cristina/Sëlva Nicolas Darin, che ie passà n turno batan Stefano Pinzan per 7 a 6 y 6 a 3. Ntant ie si cumpani Elia Demetz unì fermà te si prim juech da Simone Bertolini te doi set per 7 a 6 y 6 a 0. Bën iela nce jita pra la mutans sot a 12 ani ulache Ellen Mair se à n iede cualificà per l tabelon finel batan Pietra Pavesi cun l resultat de 5 a 7, 7 a 5 y 7 a 5 y à pona mo venciù doi juesc, n iede contra Anna Demarco te doi set a un y dantaldut contra na si rivala Marion Viertler per 6 a 4 y 6 a 2. Ti cherc de finela à Ellen pona perdù contra Maria Dalla Rovere fajan un n pont sëul tl segondo set. Pra i mutons sot a 12 ani n fòvel cater dla lia dl tennis de S. Cristina/ Sëlva che se ova scrit ite. Diego Runggaldier à jugà contra l polach Sebastian Brzezinski perdan 6 a 1 y 6 a 2, Maximilian Senoner à n iede batù Filippo Grilli te doi set per 6 a 1 y 6 a 2 y à pona perdù cun l medemi ponc contra Ivan Matinelli. Na bela partida se à Hannes Senoner segurà vencian contra Elia Barozzi te doi set per 6 a 4 y 6 a 3, daldò àl perdù l juech contra Federico Cavagnari per 6 a 0 y 6 a 4. Bele tl tabelon finel fòvel Alex Kostner che messova se museré cun l cualificant Andrea Gola drët n forma. Defati à Alex perdù l juech te doi set per 6 a 2 y 6 a 1. Pra la mutans sot a 14 ani iel da auzé ora la partides venciudes da Sophia Senoner contra Corinna Ebner per 6 a 0 y 6 a 2, contra Karin

Laura Mair cun la copa per l titul U10.

Viertler per 7 a 5 y 6 a 0 y pona mo contra si cumpania de Urtijëi Beatrix Kasslatter per 7 a 6 y 6 a 4. Tl prim juech dl tabelon finel à Sophia pona perdù contra Bettina Paoli te doi set per 6 a 4 y 6 a 1. Bele tl prim juech de cualificazion à Lisa Prinoth perdù mpue a sorpreja contra Giulia Cereghetti te doi set cumbatui per 7 a 6 y 6 a 4. Nia pudù fé pea ne n’à Carolina Riffeser che se ova amalà. Daniela Demetz ie passeda n turno vencian contra Carlotta Torresani te doi set per 7 a 6 y 6 a 2, daldò àla messù ti la zeder contra Valentina Eccel Trappolin te doi set per 6 a 1 y 6 a 2. Y for la Eccel Trappolin à pona nce scirmà ora dla cumpetizion Jasmin Senoner ti lascian fé doi ponc tl prim y trëi ponc tl segondo set ala tennista ladina. Trëi fova pona mo i atlec che se alenea cun i maestri Stefano Bassetto y Patrick Prader che à fat pea pra i Under 16. Michael Kerschbaumer de Persenon ie ruvà nchin ti cherc de finela vencian contra Benjamin Rossi per 6 a 4 y 7 a 5, pona contra Daniele Gramola per 6 a 4, 6 a 7 y 6 a 4 dan pierder ala fin contra Nicola Rispoli fajan mé trëi ponc tl segondo set. Jonas Ciechi ie passà tl juech contra Mattia Menapace vencian per 6 a 3 y 6 a 1, nia da n fé ne n’iel pona stat tla partida contra Mattia Agosti (6/1 - 6/2) che à nce venciù l turnoi. Ntant vàn inant cun i alenamënc y n ie cuntënc che te Gherdëina iel tan na bela cumpëida de atlec che pratighea chësc sport y che possa nce se alené deberieda. Alex Runggaldier

Georg Demetz vënc Vencian la garejeda de sauté da mont su d’inviern a Reinswald te Sarntal, se fej Georg Demetz de Urtijëi nce sie l prim post dla cumbinazion cun la garejeda da d’instà Sauté - N mierculdi ai 4 de jené àn metù a jì la terza edizion dl Getrum-Alm-Lauf. Tlo se tràtel de doi garejedes, una ie unida fata d’instà ai 17 de juni, ulache l fova da jì cun la roda o da sauté y pra

chëla che vën metuda a jì d’inviern pòssen se crì ora de jì cun la peves o de sauté. Da ti vester iel sibe pra la garejeda da d’insta che pra chëla da d’inviern a 6 km cun n deslivel

de 506 metri. Pià via vëniel dala stazion a val de Reinswald a 1588 metri per ruvé nchina sa la Getrum Alm a 2094 metri. Tla categuria de chëi che ie

sautei udons al prim post nosc atleta di Gherdëina Runners Cassa Raiffeisen de Ciastel Georg Demetz cun n tëmp de 38:42. Segondo ie ruvà Hubert Stofner cun 39:38 y al terzo post Roman

Hochkofler 40:32. Georg se à nscila nce tlassificà al prim post tla cumbinazion dla garejeda da d’insta y chëla da d’inviern cun n tëmp finel de 1:08.56. (mp) www.lauscdiladins.com

31


Sport

nr. 02 / 13 de jené 2012

Prum podie mondièl per Stefano Gross L fascian da Poza, sot la neif e la moza, é ruà terzo tel slalom strent a Adelboden de la Svizra. N resultat de nonzech festejà con duta sia jent te Fascia

Stefano Gross endèna la garejèda de slalom strent a Adelboden ai 8 de jené.

L campion fascian l’é ruà a la festa en so onor compagnà dal grop de arlieves del Ski Team Fascia, la sociazion olache l’é cresciù. (Fotografìes de Ralf Brunel)

Schi alpin - L’é passà n meis, e te Fascia l’é stat endò fat festa per l bel resultat arjont da n campion de schi fascian. Dò da Cristian Deville da Moena, enstouta l protagonist l’é Stefano Gross da Poza, che l se recordarà per duta sia vita la data di 8 de jené, percheche proprio en chela dì Stefano, “Sabo” per i amisc, l’à arjont sie prum podie de Copa del Mond de la cariera, te la garejèda de Adelboden te la Svizra. Enceb en che l temp meteorologich no sie stat di miores, Sabo, peà via con l numer 24, l’à fat na bela pruma manche, ruan a se vadagnèr l’8° piazament, ma l’é stat te la seconda manche che l joen fascian, clas 1986, l ge à sonà ite amò più debel fajan na gara béleche perfeta. Secondo mior temp de manche per Gross, che didà da mìngol de bona sort, ajache endèna che l vegnìa jù la moza aea mìngol

zedù, l’à batù de n bon tòch i compagnes jà vegnui jù. L’é stat doi menuc de gara, più avisa 1:59:65 da no trèr l fià, segur per el ma ence per nos del publich da cèsa che canche aon vedù vegnir fora “Stefano Gross 1°” sion suté sun canapé da la contenteza, e maraveé ence canche l se à tout te man l schi e, fajan mena che sie stat n schiop, l’à sbarà miran dret al zil, proprio descheche l fèsc canche l va a ciacia. A Adelboden la é jita proprio ben per Stefano, che tinùltima l’à serà su con l 3° post, dò da Marcel Hirscher al 1° e Ivica Kostelic al 2°. La garejèda ampò no la é jita tant ben per i etres ladins. Cristian Deville defat, dò aer arjont l 1° post a la fin de la pruma manche, l se à troà a vegnir jù per la seconda proa te un di momenc piores, e per colpa de la fiochèda e de la moza l’é sutà a pec pèi dal travert. L badiot Manfred Mölgg enveze, dò na bela

pruma manche, l’à fenì al 18° post. I doi fascegn donca, duc doi ensema, i é dò che i fèsc na bela sajon che ge dèsc l met de aer ence de bogn posć te la classifica generèla de la garejèdes de Copa del Mond, olache Cristian Deville l’é 15° e Stefano Gross 23°, ma soraldut te la classifica de sia spezialità, chela del slalom strent, olache Cristian l’à n boniscim 3° post e Stefano enveze l’é 6°. Ades no ne resta che spetèr i resultac de la garejèda de slalom strent de Wengen, che vegn fata chesta domenia ai 15 e moscièda en direta su RaiSport1 con scomenz da les 10:05 per la pruma manche e da les 13.15 per la seconda.

La festa a Poza Per festejèr l prum podie arjont da Stefano Gross e l rengrazièr percheche con so empegn l’à portà

L giagher da Poza e campion de slalom strent à endò fat mena de trèr na schiopetèda desche segn de venta.

32

www.lauscdiladins.com

fora de cà l’inom de Fascia, ge é stat dedicà na bela festa a Poza jà l dì dò. Japede l portoi de Aloch en lunesc sera se à binà n muie de jent: ghesć, paesegn, amisc, peconc e pascioné de schi, con duc i maestres de la Scola de schi Vajolet, che i à avert la serèda, prejentèda dal diretor Elio Pollam, che l’à prejentà l campion vegnù jù dal portoi con la bandiera talièna, tedant a na fila de bec con duta la bandieres del mond: i arlieves del Ski Team Fascia, la sociazion olache Sabo l’é cresciù tel sport. L campion fascian l’era dassen content e emozionà tel saludèr e rengrazièr “duc chi che é vegnui chiò per me”. A ge dèr l benvegnù l’era si compagnes de squadra Chiara Costazza e Cristian Deville, l’ombolt de Poza Tullio Dellagiacoma e so vize Lorenzo Pezzei, l president e l diretor de l’Apt de Fascia Enzo Iori e Andrea Weiss e l president del Ski Team Fascia Giorgio Deluca. L’ombolt l’é stat l prum a ge fèr i complimenc a l’atlet fascian, uzan fora l valor de so empegn che porta en aut l’inom de Poza, e di atlec desche el, Cristian Deville e Chiara Costazza, che l’é n ressorsa dassen emportanta per noscia sozietà. L’augurie de arjonjer emportanc traverc ge é stat fat a duc trei ence dal president de l’Apt de Fascia, Enzo Iori, che dapò ge à consegnà a Stefano Gross n bel pest, na facera da bufon, che passenea dassen con chest temp de carnascèr, e a na vida ironica, cin so nès, descheche a “devil” Deville ge jìa a pontin la

facera da diaol che ge era stata sporta per si bel resultat. I trei atlec à dapò podù se scambièr vèlch compliment e batuda ironica te n bel spirit sportif, se fajan complimenc e moscian de esser dassen amisc che se fèsc forza un co l’auter canche na garejèda no va coche se volessa. Desche la garejèda, la serèda la se à serà sù con la schiopetèda faussa de Stefano che l’à saludà e rengrazià amò n’outa dut l publich tedant a el e dò... duc a fèr festa Ta Mongo! (vr)

Stefano Gross con la fecera da Bufon e che ge é stata donèda en ocajion de la festa tedant a duc i fascegn sul portoi de Aloch.

I fascegn, compagnes de squadra, campions de slalom strent e amisc Chiara Costazza, Stefano Gross e Cristian Deville.


Sport

nr. 02 / 13 de jené 2012

Copa dl monn: indô Patrick y Florian Mius tëmps y miù scuadra Tla pröma gara de copa dl monn de liösa sön pista naturala a Latzfons à Patrick Pigneter y Florian Clara arjunt la devënta tl dopl, dan i rusci Porshnev y Lazarev. Pröm post de Hannes Clara tla copa dles naziuns Liösa - La vintejima sajun dla Copa dl Monn Würz Energy de liösa sön pista naturala à metü man avisa sciöche ara ê jüda a piz l’ann passè, cun na devënta tl dopl de Patrick Pigneter da Völs y Florian Clara da Lungiarü. Chësc é sozedü tla findledema passada a Latzfons. Por i dui atleć é chësta stada la 19ejima devënta tl dopl y insciö se porti inće a će dla lista storica di davagnadus. Impò n’arata Patrick Pigneter chësta devënta nia logica: “I n’ùn nia salpü a ći punt ch’i ên, deache dan le mëteman dla sajun unse püćes poscibilitês de confrunt. Al

é stè na devënta ch’i ùn messü se davagné, deache i rusc nes à metü dassënn sot a presciun.” Chësc vëgn inće confermè da Florian Clara: “Tratan la gara ài aldì le cronist che baiâ de 4 centejims. Mo i n’à nia capì sc’i ên dan o do i rusci. I podôn ma dè döt. Ma bun che al à bastè.” I rusci Pavel Porshnev y Ivan Lazarev, secundi do i südtirolesc, n’ê nia daldöt contënć cun süa prestaziun y à dè pro n valgügn de pici fai. Insciö inće i terzi Christian Schatz y Gerhard Mühlbacher dl’Austria, che à dit de n’ester nia stà bugn da dè le 100%.

Diego Tschaffert y Daniela Erlacher dl US La Val mët sö i mius tëmps dl dé pro la pröma gara de Südtirolcup tl 2012, y la scuadra dla US La Val é inće la miù

Devënta tl singul Patrick Pigneter n’é gnanca stè da bate tl singul. Cun 2:03,43 àl destachè de feter n secunt y mez le compagn de scuadra Alex Gruber (2:04,85). Terzo é inće gnü n azzurro: Rudi Resch cun 2:04,90. Florian Clara da Lungiarü à stlüt jö süa gara al 5 post cun 2:05.98. Pro les ëres à la ruscia Ekatharina Lavrentjeva arjunt süa 35ejima devënta te Copa dl monn. Cun 2:06,60 àra destachè de 45 centejims la südtiroleja Renate Gietl (2:04.85) y terza é gnüda la compagna de scuadra Melanie Schwarz (2:08,44).

Hannes inće pröm

Premiaziun dla copa dl monn a Latzfons. A man dërta i davagnadus Patrick Pigneter y Florian Clara. (Foto: Sobe)

Mosorè s’à i atleć inće tla Copa dles naziuns, na competiziun preodüda dal regolamënt nü, a chëra che al po tó pert düć chi che ne s’à nia cualifiché por la copa dl monn. Garejé vëgnel te na manche sora. Pro les ëres à davagné tler Evelin Lanthaler de Südtirol cun 1:04,10, dan les compagnes de scuadra Tamara Schwarz (1:04,85) y Greta Pinggera cun 1:05,25. Pro i ëi é Hannes Clara da Lungiarü stè le miù de düć. Al s’à plazè dancà cun le tëmp de 1:02,81, lascian iadedô le compagn de scuadra Florian Breitenberger cun 1:03,43 y l’austriach Dominik Holzknecht cun 1:03,58. (FIL/pablo)

Ladins stersc tla Copa Europa Patrick Pigneter y Florian Clara davagna la gara de Copa Europa tla Val d’Aosta. Secundi le duo Hannes Clara y Stefan Gruber, che arjunj le podium pro la pröma gara deboriada Liösa/1 - Ai 28 de dezëmber él gnü tignì la pröma gara dla liösa de Copa Europa de chësta sajun. La gara é gnüda tignida tla Val d’Aosta y deache al n’ê ćiamò degönes gares de copa dl monn, à tut pert a chësta competiziun inće atleć dla nazionala, inće n per de austriacs. Nüsc atleć à indô desmostrè da ester pro i mius. Tl dopl n’é Patrick Pigneter y Florian Clara nia stà da bate. Ai à destachè de 1,29 secunć i compagns de scuadra Hannes Clara y Stefan Gruber. Chisc dui atleć s’à chësc ann metü adöm por les gares dl dopl y al ê süa pröma gara deboriada. Le resultat impormët porchël dër bun. Terzi é gnüs i austriacs Brugger y Angerer. Pro les ëres à davagné Renate Gietl, dan Evelin Lanthaler y Melanie Schwarz. Ladines n’él pro les ëres plü degünes. Pro i ëi é Patrick Pigneter rové söl scalin plü alt, 0,33 secunć dan Hannes Clara da Lungiarü. Terzo é gnü Anton Blasbichler cun 0,71 secunć do Hannes. Sesto post por Florian Clara, destachè de 2,66 secunć. Ai 30 de dezëmber él stè a Latzfons la pröma cualificaziun nazionala, en chësc ann por le pröm iade inće por les liöses altes. Pro les liöses basses à indô

La categoria dles aspirantes: dmc Andrea Frei, Iris Erlacher y Elena Nagler.

davagné Pigneter y Clara dan Clara y Gruber. En chësc iade él stè plü saurì, deache al ê ma dui pêrs al start. Pro les ëres à davagné la Gietl dan Alexandra Obrist y Evelin Lanthaler, deperpo che Patrick Pigneter s’l à fata avarëi dan Florian Clara (+1,27 secunć) y Hannes Clara, rovè ma de un n centejim do Florian. Pro les lioses altes à i ladins inće arjunt de bugn resultać, sciöche inće le miù tëmp dl dé. Tla categoria dles jones à davagné la jona da

Lungiarü Luisa Nagler, pro la categoria dles aspirantes à davagné Iris Erlacher da Antermëia, terza é gnüda Elena Nagler da Lungiarü. Dui terzi posć à arjunt Ivan Nagler pro la categoria di aliefs y Meicol Sorà pro chëra di aspiranć - intrami da Lungiarü. N terzo post à fat inće Carlo Miribung da La Val, tla pröma categoria di amaturs. Te chëra di seniors à Diego Tschaffert da La Val metü sö le miù tëmp dl dé. Le secundo tlassifiché é inće n ladin: Armin Forer d’Antermëia.

Atleć dla US La Val: iadedô dmc Tone Alton, Carlo Miribung y Diego Taschaffert. Dancà Armin Forer y Daniela Erlacher.

Scuadres di mituns: dmc la US Lungiarü, ASV Villnöss y ASV Pfeffersberg.

Liöses - La sajun n’ess nia podü mëte man damì por Daniela Erlacher, atleta de liösa che garejëia por la US La Val, che à do n ann de palsa metü sö le miù tëmp dl dé por les ëres, pro la pröma gara de Südtirolcup sön la pista “Mosca” a St.Walburg tla Val de Ulten. Al secundo post s’à plazè l’atleta da Latzfons Reinhilde Gamper, che é l’ann passè stada la numer 1 pro les ëres, restan por döta la sajun nia batüda. Al terzo post s’à plazè l’atleta de ćiasa Simone Schwarz. Pro i ëi à Diego Tschaffert fat le miù tëmp, meton inće sö le rècord dles liöses altes sön la pista de Ulten. Inće Diego é atlet dla US La Val y bele dal ann passè incà röiel intres sön le scalin plü alt dl podium, y al n’à nia l’intenziun da le dè ia. Secundo post di ëi é gnü arjunt da Meinhard Pircher da Tiesen, terzo é gnü Arnold Waldboth da Latzfons. Cun chisc bi resultać s’à la US La Val inće assigurè la miù prestaziun de scuadra, dan le ASV Latzfons y le ASV Pfeffersberg.

s’à plazè al secundo post tla categoria di mituns (aliefs) do l’atlet Christian Meraner da Feldthurns. Pro la scuadra di mituns é la scuadra dla US Lungiarü rovada al secundo post, do la scuadra dl ASV Villnöss y dan le ASV Pfeffersberg! Tla categoria “Amaturs 1” é Carlo Miribung (La Val) rové al secundo post, pro i la categoria “Amaturs 2” é Tone Alton (La Val) gnü terzo, do i dui atleć de ćiasa Reinhard Malleier y Robert Berger. Robert Tavella (La Val) é rovè otavo. Tla categoria di seniors à Armin Forer arjunt le 4. post y Matteo Clara l’otavo. Intrami garejëia por la US Lungiarü. (Matteo Clara)

Resultać di atri atleć Pro la gran cumpëda de atleć che vëgn docà él inće de bugn resultać di atleć dla US Lungiarü! Pro les mitans (aspirantes) à Iris Erlacher dla davagné dan Elena Nagler y Andrea Frei. Pro i mituns (aspiranć) à Meicol Sorà arjunt le 7. post y Emil Daporta le 9. post! Ivan Nagler

Diego Tschaffert y Daniela Erlacher à metü sö i mius tëmps pro la pröma gara de Südtirolcup. www.lauscdiladins.com

33


Sport

nr. 02 / 13 de jené 2012

Tour de Sas cun punt de domanda

Dlacia y paltan a Balsan Susann Tavella arjunj le terzo post pro le campionat talian de ciclocross a Balsan, sön n percurs da mëte averda

Podium pro la categoria master dles ëres, cun Susann Tavella (bel a man dërta) al terzo post.

Igor Tavella curì de paltan pro la gara a Balsan.

Ciclocross - Tla findledema di 8 y 9 de jenà él gnü tignì a Balsan indô na dërta competiziun de ciclocross. Por le pröm iade tla storia de chësta spezialité él gnü tignì n campionat talian tla capitala de Südtirol. Le percurs é gnü arjigné amez le Safety Park, y do les plöies, le frëit y la dlacia di dis denant él garatè n percurs olache ara ne jô bele do n valgönes

la categoria “Elite” di ëi à Igor Tavella arjunt n 16. post. Al à messü pié ia tla 6. ligna, cun passa 40 atleć dan ël, mo impò él stè bun da recuperè cotan de posiziuns.

rodes nia plü da conësce i atleć, impaltanà sö. Inće dui atleć dl Rodes Val Badia à tut pert ala competiziun. I fredesc Susann y Igor Tavella de Badia. Sön chësc percurs tecnich y dlacè, olache al ê da jì bel fin cun la roda, à Susann Tavella albü la miù sön tröpes de sües aversares, taian le travert al terzo post dla categoria “Master Woman 1”. Pro

Do trëi agn zënza partezipaziun ai campionać taliagn de ciclocross, é chisc indô resultać de gran valüta por l’assoziaziun Rodes Val Badia Raiffeisen.

Bedaia de Copa dl Mond per Lisa Demetz Cun cundizions dl tëmp scialdi ries ie Lisa Demetz stata bona de ”sauté” sun l terzo scialier dl podest, vencian nsci per la Talia la prima bedaia de Copa dl Mond de saut cun i schi dl’ëiles. Chësta bedaia àla ulù dediché a Simona Senoner, morta avisa n ann dant

Lisa Demetz vënc la prima bedaia de Copa dl Mond.

Saut cun i schi - Pervia dla ciarestia de nëif àn spustà la garejeda sun l program per n sada a Schonach tl Schwarzwald sun l saut HS 108 dla Adlerschanze a Hinterzarten, ulache l fova da fé l di do la segonda garejeda de Copa dl Mond dl fin dl’ena di 7 y 8 de jené 2012. N gran vënt à caraterisà la garejeda de n sada y la atletes à messù avëi truepa pazienza y de bon nierves davia che for inò messova la garejeda unì fermeda, nchin che ntan tla segonda manche àn pona messù fermé defin la cumpetizion for pervia di ghëurdli de vënt che metova te pericul la atletes. Cun n bel saut de 97,5 metri – un de si miëur sauc de chësta sajon aldò dl trainadëur Julein Eybert

34

www.lauscdiladins.com

Guillon – à la atleta de Gherdëina Lisa Demetz arjont l terzo plazamënt te chësta garejeda de Copa dl Mond stata ai 7 de jené, che ie avisa n ann do che si cumpania de scuadra Simona Senoner à messù lascé ora de nia chësc mond. A d’ëila ti à Lisa perchël nce dedicà chësta bedaia de gran valuta. Bën à nce fat Evelyn Insam che cun na lunghëza de 94 metri ie ruveda sesta. Cun n saut de 87,5 metri à Elena Runggaldier arjont l 25. plazamënt. Gordenó butà ne ti àla a Roberta d’Agostina, che à propi urtà scialdi de stleta cundizions y ie ruveda 41ejima. Nia aspiteda ne fova la vënta de Sabrina Windmüller dla Svizra, che se à tlassificà mo dan la americana Lindsey Van. La favorites Iraschko, Sagen y Hendrickson à messù se cuntenté cun plazamënc mpue plu viadò che zënza. L di do n dumënia ne n’à la atletes dla scuadra naziunela taliana nia plu purtà chëi resultac sensaziunei dl di dant, purempò ie l trainadëur cuntënt cun la prestazions de si sculées. Lisa Demetz fova inò la miëura dla talianes. La à fat n bon prim saut, ma ne n’ie nia plu stata bona de fé drë tan bën l segondo, ruvan nsci ala fin 17ejima. Evelyn Insam se à ntant sce miurà tl segondo saut, jan a se tlassifiché riesc do si cumpania de scuadra al 18. post. ”Elena Runggaldier mostra sauc tecnicamënter scialdi boni, nce sce chësc ne n’ie mo nia tan da udëi ti resultac,” dij l trainadëur Guillon,

”l ti mancia mé mo mpue de ”feeling” y crëta” y cun l 22. post iela scialdi daujin a si cumpanies de scuadra. Cun gran fidanza y crëta te si atletes va l trainadëur nsci ancontra al fin dl’ena di 14 y 15 de jené, ulache l unirà garejà per la Copa dl Mond n cësa sun i sauc de Pardac. La garejeda de n dumënia a Hinterzarten ie unida vënta da Sara Hendrickson cun i doi sauc plu lonc dl di, dan ala iapaneja Sara Takanashi y l’americana Jessica Jerome.

An s’arjigna ala cuarta ediziun dla gara de schialpinism, mo les condiziuns schialpinistiches é por le momënt döt ater co bones. Le diretur de gara Daniele Irsara assigurëia che la gara gnarà tignida, mo sön le percurs n’él nia ćiamò la sigurtè Schialpinism - Daniele Irsara de Badia é surastant dl’assoziaziun Badiasport y é a će dl comitê de ot porsones che fistidiëia por l’organisaziun dl Tour de Sas, na gara de schialpinism tl cör dl parch natural Fanes - Senes - Braies, che rovarà en chësc ann ai 5 de forà a süa cuarta ediziun. Sce an le damana, ći rezëta che al ô ester por organisé na te’ gara, spo respógnel atira “La nëi”. Nëi él tomè impò cotanta tl ultim tëmp, mo por la gara de schialpinism ne ćiarera al momënt nia fora cis bun. Al manćia n funz dür por desfiré la gara, y laprò à sö alalt le vënt soflè le nëi demez dal percurs. Mo impò, al intern de Badiasport éson otimisć. “La gara gnarà dessigü fata”, nes dij Daniele Irsara, inće sce sön le percurs él ćiamò n punt de domanda. La ediziun de chësc ann pîta n valgönes novitês. Öna dles maius é chëra che al gnarà pité n percurs aposta por turisć. Daniele Irsara nes cunta: “I turisć ciafarà n numer, mo ai fajarà ma mez le percurs, deache i tignun cunt che i sciori n’é nia tan alenà. Ai piarà ia denant y podarà inće odëi le passaje di pröms concorënć de gara. I ùn fat cunt che i pröms dla gara ti passarà dant sön le ju de Sant Antone.” I turisć podarà se mëte sön tru ćina sö dala Üćia Lavarella, por s’araité spo cuntra Pederü, olache ai gnarà menà al raiun dl travert dla gara, por podëi tó pert ala pasta party y ala premiaziun. “Sce la gara foss en doman”, dij Daniele Irsara, “spo ne podésson nia la fà sön le percurs lunch”, mo al assigurëia che al é bele gnü ponsè a percursc alternatifs. An aspeta n iade da odëi sciöche les condiziuns dla nëi sarà i dis dan la gara. Le percurs regolamentar prevëiga le start a San Linert (sce les condiziuns le pormët), por jì cuntra Armentara y Spëscia, spo sö dal Ju de Sant

Daniele Irsara - diretur dla gara Tour de Sas.

Antone, y jö dala Üćia Lavarella. Da dailò inant vàra sö dala Piza dal Lé, jö por la Forcela Medesc y i Prà de Medesc, inant cuntra La Crusc por rovè spo al travert a San Linert. Le comité de 8 porsones dassù ne sciafiass nia da organisé la gara. Al ô ester cotan de volontars che dëida para. “Le dé dla gara y i dis denant él feter 150 porsones che dëida”, dij Daniele Irsara. I le damanun co che la gara é chersciüda te chisc agn y ći aspiraziuns che an à por le dagnì. Daniele Irsara nes cunta che la gara de chësc ann gnarà vijitada da n vicare internazional dla ISMF (La federaziun internazionala por le schialpinism). La omologaziun dla federaziun ô ester sce an oress n bel dé fà na gara de copa dl monn. Ô pa Badiasport arjunje chësc travert? Daniele Irsara respogn: “Intant nes tignunse les portes davertes, mo ćiodì pa nia?” Por la ediziun di 5 de forà él gnü da püch davert les iscriziuns, che an po fà sön le sît www.tourdesas. it. Le pröm assolut di ëi davagnarà la soma de 700,00€, la pröma dles ëres 500,00€. (pablo)

Copa dl Mond - Hinterzarten (GER) - Sada ai 7.1.2012 1. Sabrina Windmüller SUI 100,0 m/114,7 p. 2. Lindsey Van USA 94,0 m/113,9 3. Lisa Demetz ITA 97,5 m/110,7 6. Evelyn Insam ITA 94,0 m/107,5 25. Elena Runggaldier ITA 87,5 m/90,6 p. 41. Roberta D’Agostina ITA 77,0 m/70,6 p. Dumënia ai 8.1.2012 1. Sarah Hendrickson USA 107,5 m/104,5 m/273,2 p. 2. Sara Takanashi JPN 100,5 m/99,5 m/242,6 p. 3. Jessica Jerome USA 102,0 m/101,0 m/240,1 p. 17. Lisa Demetz ITA 95,5 m/89,5 m/207,4 p. 18. Evelyn Insam ITA 89,0 m/96,5 m/206,8 p. 22. Elena Runggaldier ITA 88,5 m/90,5 m/ 198,3 p. 32. Roberta D’Agostina ITA 86,5 m/89,3 p.

Pro la ediziun dl ann passè. Le percurs condüj fora por contrades spetacolares.


Congratulazions y Infos

nr. 02 / 13 de jené 2012

Belo da picio sö por munt jêste ienn Tlò êste bindebò jonn y snaidigh... mo al è rio da abiné na foto atuala d’en bun fotograf, co à bën d’atri obietifs da fà jö. Döt le bun por tü 40 agn

Te anter na struscia e l’autra l’era na matitèda, n bal, na grignèda e ence de bona paroles tel besegn. Dut chest per ve fèr a saer che la é ruèda a 90 e amò la se encanta a vardèr fora per fenestra e se fèr marevea de chel bel che aon d’intorn. Duc chi de cèsa ge fèsc na zopa de braciacoi e zumeres

che t’as podü festejé ai 9 de jené.

A Maria de Tone Brach da Dèlba

Da chi da ćiasa

ai 15 de jené del 2012

Congratulaziuns a

A nosc giaf da Larcioné de augures ge n fajon n sté per so cedean bel toron amò ence n gran ceston!

Alessia Sorà

por avëi stlüt jö ai 12.12.2011, cun 100 y lalt la laurea spezialistica de “Comunicazione per l’impresa, i media e le organizzazioni complesse” al’Université Cattolica de Milan. Aodanzes de podëi tosc adurè tües competënzes te n laûr che te dais sodesfaziuns

Caro nono Marino te auguron de star semper san, gaert e algegher per poder seghitar a jir tel bosch tanche n gever e no te desmentiar de ne tor dò che da gregn volon pa te far dò!

da to tati Albert, tüa mama Patrizia y to fre Giulio adöm cun la tota Claudia cun familia.

Ai 03.01.1994 este nasciüda y t’ püć dis êste bele dër cunesciüda. Te n’es nia restada dî ascugnüda, pur che t’pudesses tres indô fà na gran bela parüda. Bëgn tosc da jì a ciasa, ne punsast’ nia plö de massa. Al K1, Gigger, Zone, Posta y Murin, bel atira ast’ metü man da fà n bel cajin. Mo śëgn finalmënter ast’ cumplì i 18 agn

cara Fedde

ala va pa bëgn. Düt le bun t’augurun y na bela festa nos fat ùn. No mai te desmentié tan bun ch'i te urun. Tü cumpagns Noemi, Monty, Sabby, Steffy, Monica, Chiara, Silke y Evi

I più bie augures da ti nec Jan e Patrick con duc chi de ciasa. Vich, ai 11 de jené del 2012

Ai ai ai ai

Fabian

Ai 15 de jenà él da fà festa purchël vistet’ na bela iesta. N bel jonn est’ garatè y i 18 agn él da festejé. Mo, mo, mo... patent, studié, laûr, responsabilité de chësc ast’ śëgn da te fistidié. Pur chësc de cör düt düt l’bun ôi iö t’auguré. Tota Erica

Teater Teater de femenes a Poza En sabeda ai 14 de jené da les 20.30, te sala grana de la Sorastanza de la Scola, l Comun de Poza e a la Scola Ladina de Fascia porta dant l spetacol de teater de Luisa Pachera dal tìtol “Piazza sorelle d’Italia”. Se pel ite debant.

A nosta uma

Zilia che à cumplì ai 9 de jenà 70 agn augurun döt l’bun, furtüna y sanité.

♦ Curs de pudejé

Chi de familia

A te tati y nëine

Peterle döt l’bun por tü 70 agn de cör nos t’augurun. Tres insciö dala bona löna desste restè y laprò t’aodunse tröpa ligrëza, fortüna y sanité. Che te pois te gode ćiamò tröc agn la natöra da te tan amada, jì sö por munt y ester iagher töa pasciun è dagnora stada. Por döt cant ći che tö fejes por nos n gran gran dilan da nos düć canć, pici y gragn. Tati, nëine, t’orun düć tan bun! Döta töa familia cun tü 7 pici cocoli Lois, Peter, Maddalena, Anna, Tina, Alex y Andrea David.

L Schi Club Gherdëina mët a jì deberieda cun la Scoles de Schi de Gherdëina n curs de pudejé per l ann 2012. L curs scumëncia duman sada ai 14.01. dala 14.00 te Val L curs vën fat per duc i mutons y la mutans dla scoles elementeres y mesanes de Gherdëina. L vën mparà la tecnica de basa y la tecnica liedia, 9 sades alalongia, fajan juesc y vel’ pitla jita te Val y sun Pana. N possa se lascé scrì su duman sada ai 14.01.2012 te Val. Plu nfurmazions pra Arnold Runggaldier, 335/6600933, Armin Kasslatter, 328/3345517, Karin Moroder, 346/4121787 o pra l Schi Club Gherdëina Saslong, 0471/ 792156. Da paië ite saràl 90,00 euro y per se mpresté ora l material da pudejé 45,00 euro. Ntan l curs de pudejé te Val. www.lauscdiladins.com

35


Informazions y Manifestazions Trasmiscions TV y Radio Df – “Fémenes protagonistes” a Paladina RAI TV LADINA - Paladina jebia ai 19 de jené 2012 - La fémenes e sia poscibilità de fèr cariera l’é l tema del program che sarà da veder en jebia ai 19 de jené da mesa les nef sun Paladina. La Procuradora del Comun General de Fascia Cristina Donei contarà de sia cariera te la politica, scomenzèda desche assessora del Comun, fin a doentèr, del 2010, la pruma procuradora. N gran zil per duta la fémenes fascènes che, coche disc ela, les à semper lurà e struscià zenza esser mai dassen protagonistes. Autra esperienza chela de Mara Nemela da Dèlba, enjegnera tel Comun de Moena. Mara à n post emportant che, per solit, é corì da omegn, e enceben che l’aessa podù fèr cariera tel privat, l’à dezedù de stèr te l’ambient publich ajaché l’é più “protetif ” ti confronc de feménes e mères che laora. Doi esperienzes desvalives de doi ladines, n messaje per duta la fémenes che volessa se confrontèr su chesta tematica duta al féminin. Program metù adum da Lodovica Dioli. Per saer de più sui programes RAI radio e TV ladina: www.rai.raibz.it La juebia danmesdì cun Simon N juebia ai 19 de jené saràl te studio dala 11.00 danmesdì sun Radio Gherdëina, Markus Doggi Dorfmann (der Doggi sing) che sunerà dal vif te studio. Prisma: Proiec de restruturazion dl zënter de S. Cristina

Ai 18 de jené dala 11.00 danmesdì sun Radio Gherdëina uniràl rujenà di proiec de restruturazion dl zënter de S. Cristina. L unirà nce nunzià la ideies de renuvamënt dl Zënter Iman y di raions Ruacia y Pana. Te studio saràl Eugen Hofer, ambolt de S. Cristina, Robert Ploner assessëur y Renate Senoner, presidënta dla Lia dl turism . Curiositèdes sul carnascèr, tel “Cianton de l’ICL”

“L Cianton de l’Istitut” sun TML met dant chesta setemènes l program “Mascherèdes perdudes, faceres retroèdes”: Virgilio Soraperra de la Zoch e l’antropologh Cesare Poppi ne sporc vèlch aspet curious del Carnascèr. Oraries: vender h. 11.30; sabeda h. 17.30; domenia h. 21.00; lunesc h. 15.45; mèrtesc h. 18.15; mercol h. 21.45; jebia h. 20.15. “Ercaboan”, sun TML e sul web

Sul canal TML ogne sabeda va fora na neva butada de la trasmiscion “Ercaboan”, te chisc oraries: 18.45; 21.00; 23.00 e replica la domenia h. 12.00; 14.30; 18.00; 20.15 e dapò duta la setemèna. Ercaboan e duta la produzions televisives de Ercamedia é da veder ence sul sit: www.tvladina.com.

Chino Chino Eden Cortina

Al vegnirà proieté chisc films: “La talpa” (13/01, 15/01, 17/01), “Happy Feet2” (14/01), “Le Idi di marzo” (14/01, 16/01), “Il figlio di Babbo Natale” (18/01), “The artist” (18/01). Per infos y orars: 0436/881851. Al Chino de Cianacei En sabeda ai 14 e en domenia ai 15 de jené da les 21.15 se pel veder “Finalmente la felicità” de Leonardo Pieraccioni. Al Chino de Tieser

Insnet vender ai 13 de jené e dapò en sabeda ai 14 e en domenia ai 15 de jené da les 21.15 se pel veder “J. Edgar”.

Referac L Schach te Südtirol

La Lia Schach Gherdëina nvieia duc i nteressei ai 16 de jené dala 20.30 tla pitla sala dla cësa de cultura de Urtijëi, a na cunferënza cun l dut. Luca D’Ambrosio, storich de Schach che purterà dant si cunescënzes y nrescides sun l Schach te Südtirol, dal 13ejim secul inant nchin do la Segonda Gran Viera y nce sun i doi gran turnois nternaziunei de Maran dl 1924 y 1926. Se fé i conc te tëmps de crisa

L KVW de Urtijëi mët a jì ai 18 de jené a Urtijëi te calonia dala 20.30 na sëira de nfurmazions cun Walter Andreaus dla Zentrela di Cunsumadëures. L unirà mustrà su coche n possa sparanië te cësa, ma nce canche n va a cumpré ite, canche n fej sport y te tuepa d’autra ucajions.

Dotors y Apoteches

nr. 02 / 13 de jené 2012

Avisc Orars de daurida dl Museum Ladin a San Martin y San Ćiascian Dai 8 de jenà ćina Pasca pòn vijité le Museum Ladin a San Martin y le Museum Ladin Ursus ladinicus dal mercui ala sabeda, dales 15.00 ales 19.00. Iscrizions per la colonia

La Nëus Jëuni Gherdëina fej a l savëi che l ie inò mesun se scrì ite per la colonies “12 Stelle” de Cesenatico. Coche uni ann puderàn mé fé la iscrizions tres telefonn. La iscrizions scumëncia chëst ann bele ai 17.01.2012 (per i “bambini”) y ai 19.01.2012 (per i “adolescenti”). Abunamënt per l Val Gardena Night Bus 2012 Chësc abunamënt pòssen lascé fé tl ufize dla Nëus Jëuni Gherdëina a Urtijëi, tulan pea na fotografia (furmat 3 x 3 cm). Per l ann 2012 iel 3 pusciblteies: n abunamënt per dut l ann, n abunamënt per l prim mez ann, o n abunamënt per l segondo mez ann. Oradechël pòssen cumpré chertes singules per na sëira diretamënter sun la curiera. Per plu nfurmazions pudëis cherdé su tl ufize dla Nëus Jëuni, 0471/799006 o scrì a info@njg.it. Senteda generela dl GAG La grupa alpinisć Gherdëina GAG ve nvieia de cuer ala senteda generela ncuei vënderdi, ai 13 de jené dala 20.30 a Urtijëi tl local di jëuni Saut. Danter l auter uniral purtà dant velch dl' atività dla lia, l program per l 2012 y l unirà mustrà de blòta diapositives. Senteda generela di Jëuni de Sëlva

Duman sada ai 14 de jené saràl la senteda generela dla grupa di Jëuni de Sëlva, dala 19.30 tla sala di jëuni “Fun and more” te Sëlva. L unirà cialà de reviers al’ atività dl ann passà y l sarà nce la veles dl cunsëi nuef. Duc i jëuni y la jëunes che ie nteressei, ie nviei y a se lascé mëter sun lista per la veles. Local di jëuni L Puliné a S. Cristina daviert

La grupa di jëuni de S. Cristina fej a l savëi che l local nuef di jëuni “L Puliné”, tla vedla scola mesana de S. Cristina ie daviert uni merdi, vënderdi y sada domesdì, 15.00 - 19.00. Nvion de cuer duc i jëuni y duta la jëunes a passé n domesdì a se devertì, cun juesc sciche calcetto, darts, X-box y truep de autri juesc da mëisa.

Iadi Iade tla Cina cun P. Sepp Hollweck - söles pedies de Sant Ujöp Freinademetz

Dai 10 ai 19 de aurì. An vijitëia inće Pechin, Shanghai y Hongkong y la dlijia de Jinan, fata sö dal Sant da Oies, la ćiasa olache al é mort y süa fossa. Informaziuns y iscriziuns ćina al 31.01 pro Siur Pire Irsara da Oies al 0471/839635 o pro Reisebüro Schenker da Balsan, tel. 0471/549761, fax 0471/549781, office-bzo@schenkertravel.com Jita cun la ciaspes

La Lia da Mont de Gherdëina ve nvieia a na jita cun la ciaspes sun la piza Kor (2296 m) ai 22 de jené (deslivel 800 m y za. 5½ ëura da jì). L unirà furnà nchin a Percha. Per nfurmazions pudëis cherdé su Arthur, 0471/786368. Jita de schialpinism tl Caucaso

La scola di mëinacrëp Catores mët a jì na jita de doi enes ti crëps dl Caucaso tla Ruscia per jì sun l Elbrus, 5642 metri aut. Muet vëniel ai prims de mei 2012. Per plu nfurmazions pudëis cherdé su Lucas Pitscheider, 328/2025590 o nce cialé ite te internet sun la plata www.catores.com Jita cun la luesa sun la Ziroger Alm I Jëuni dla Lia da Mont de Gherdëina mët a jì chësta jita ai 15 de jené. N se anconta dala 8.30 sun plaza S. Antone. Da tò pea iel la luesa, de bon ciauzei y truepa bona ueia. Nfurmazions y iscrizions tl ufize dla Nëus Jëuni Gherdëina, 0471/799006. Cun la liösa a Spines

Les Lies da Munt Val Badia inviëia en domënia ai 15 de jenà a na jita cun la liösa, sö dala Anratterhütte (Spines). Le tru é saurì, cun n deslivel de 500 metri y n tëmp da jì de za. 2 ores. Informaziuns pro Giovanni Pescollderungg al 328/4624159. Schitour sön le Almerhorn

Les Lies da Munt Val Badia mët da jì en domënia ai 15 de jenà na schitour sön le Almerhorn (2.985 m - Stallersattel). La dificoltè é mesana, cun n deslivel de 900 metri y n tëmp da jì de 3,5 ores za. Informaziuns pro Franz Feichter al nr. 333/6869409. Sön la Tesselberger Alm cun la liösa Les Lies da Munt Val Badia mët da jì en sabeda ai 21 de jenà na jita cun la liösa sön la Tesselberger Alm (Gais). La dificoltè é mesana, cun n deslivel de 530 metri y n tëmp da jì de 1,5 ores. Informaziuns pro Heidi Dapunt al 334/3501192.

Dotors

Schitour sön le Wurzer Alpenspitz

L dutor de servisc dala 8.00 da duman de n sada 14 de jené nchin la 8.00 da duman de n lunesc 16 de jené ie l dutor Giuliano Piccoliori de S. Cristina, tel. 0471/792282. Le dotur en sorvisc tla findledema di 14 y 15 de jenà, ti comuns de Mareo y San Martin de Tor, é le dotur Aldo Marcocci, Al Plan de Mareo, tel. 0474/501039 o 338/7280518. Ti comuns de Badia, Corvara y La Val saràl en sorvisc le dotur Giuseppe Di Marino, Badia, tel. 0471/839691.

Les Lies da Munt Val Badia organisëia en domënia ai 22 de jenà na schitour sön le Wurzer Alpenspitz (2.220 m - Ridnaun). Ara é saurida, cun n deslivel de 980 metri y n tëmp da jì de 2,5 ores. Informaziuns pro Ivo Valentini al nr. 345/3273877.

Apoteches

L’apoteca de servisc che à daviert ora dl orar ordiner da n vënerdi (dala 19.00) ai 13 de jené nchin n vënerdi ai 20 de jené ie chëla de Urtijëi, telefonn 0471/796125 (orar de giaurida 8.00-12.00/15.00-19.00). L'apoteca en sorvisc tla Val Badia, fora dl orar ordinar, dal vëndres ai 13 de jenà al vëndres ai 20 de jenà, é chëra d’Al Plan, tel. 0474/501240 y chëra da Corvara, tel. 0471/836173.

36

www.lauscdiladins.com

Iniziatives sportives Garejedes schi Gherdëina

L Schi Club Gherdëina Saslong mët a jì n sada ai 14.01 na garejeda nternaziunela de slalom strënt FIS di jëuni cat. aspiranc y junior, purtoi Cir te Val. La doi manches: 9.30 y 12.00. Premiazion ntëur ala 14.30, utia Ciampac. N dumënia, 15.01. saràl sun Sochers n slalom strënt VSS Raiffeisen per i mëndri dla categuries baby y mutons. La scumëncia dala 10.00, premiazion dala 13.30 dan l Self Service dl Sochers.


Informazions y Manifestazions

nr. 02 / 13 de jené 2012

♦ Gara dla liösa a Rina Ai 22 de jenà saràl a Rina na gara a scuadres da 4. Söl program inće na ola dla fortüna cun de bi pesć. Les iscriziuns vëgn tutes sö da atira La Uniun dl Sport da Rina inviëia ala secunda ediziun dla gara dla liösa, che gnarà metüda da jì en domënia ai 22 de jenà dales 10.30 a Rina. Al sarà na gara a scuadres de cater porsones, olache al gnarà fat trëi categories: ëi, ëres y mituns ćina 15 agn. Por l’ocajiun él inće gnü organisé na ola dla fortüna. Les zetoles pòn Pro la gara dla liösa l’ann passè. ćiamò cumprè le dé dla gara y do la competiziun gnaràl trat fora i numeri fortunà. Les iscriziuns ala gara vëgn tutes sö al 338/1391709. Le cost é de 5,00€ por i mituns y de 8,00€ por i atri. Al vëgn inće lascè alsavëi che le dé dan la gara sarà la pista stlüta.

Sozial 1^ garejèda soziela Ski Team Fascia En mercol ai 18 de jené da les 13.30, sul portoi de Aloch a Poza, 1^ garejèda sozièla del Ski Team Fascia. La garejèda tacarà da les 14.30. Se cogn se scriver ite dant da lunesc ai 16 da mesdì te senta del Ski Team a Poza, tel 0462.764111, fax. 0462.763123, mail: skiteamfassa@tin.it. Assoziazion Chernobyl de Südtirol

Nce sce l ie bele passà 25 ani dala desgrazia tla zentrela nutleèra de Chernobyl, sënten for mo inant la cunseguenzes dla radioatività dantaldut tla Bieloruscia. Perchël mët l’assoziazion Chernobyl de Südtirol a jì feries terapeutiches de lugio o de agost 2012 per mutons, per ti dé la puscibltà de viver per n struf te n luech plu sann per ëi. Per nfurmazions pudëis cherdé su l 339/5005480 - d.ssa Sara Edrizzi o cialé sot a www.caasu.it

Mostres Mostra de Carlo Orsi a Ciavaleis Al Zenter d’èrt Contemporanea de Ciavaleis te P.ta Rizzoli, se pel veder la mostra “Immagini d’autore dal Trentino e dal Mondo” del fotograf Carlo Orsi. La mostra é averta de sabeda e domenia enscin ai 8 de oril con orarie 15.30-19.30. Info sul sit: www.artecavalese.it Mostra de Brigitte Gross

La mostra ie da udëi nchin ai 11 de fauré tl Café Surëdl a Urtijëi. L orar de giaurida dl Café Surëdl ie da lunesc nchin a sada 10.00 - 19.00.

Iniziatives sportives Campionac talians de schi di studafuech

Per la pruma outa sarà i campionac talians de schi alpin y nordich di studafuech a Cortina d’Ampez, dal 19 al 21 de jené. Per infos: vvfcortina2012.it 11ejima edizion dla Val Gardena Ciasp Garejeda de jì y sauté cun la ciaspes sun Mont de Pana, n dumënia ai 22 de jené 2012 cun pië via dala 10.30, metuda a jì dal H.C. Gherdëina. Chësta cumpetizion fej pert dla “Coppa Italia“, (8 garejedes te duta la Talia). Plu nfurmazions sot a www.valgardena.it - news & events - highlights. Se scrì ite pòssen tla Lia dl Turism de S.Cristina.

Cursc Curs de schialpinism Cun i mënacrëp Simon Kehrer, Max Willeit y Ingo Irsara, cun pëis sön jì a nëi intiera y adoranza dl pipser. I partezipanć dess avëi schi, pels, sonda, badì y pipser. Le pipser pòn inće s’imprestè dales lies da munt. Curs de cater dis, ai 14 y 15 y ai 21 y 22 de jenà. Infos y prenotaziuns pro Ivo Valentini al 0471/844115 do les 19.00. Curs de pilates L’Uniun dl sport diletantistich da San Martin organisëia n curs de pilates cun Susi Tavella, dagnora de mertesc, dai 17 de jenà por indöt 10 iadi, te palestra da San Martin, dales 19.00 por n’ora. Cost: 30,00€ plü la cherta dla uniun dl sport. I interessà po se presentè le pröm dé te palestra. Infos pro Martina al 348/5198620 o Maria al 339/6211647. Costruziuns de petun

Chësc le tema de n curs metü da jì dal Zënter de Formaziun Profescionala a Bornech, ponbsè por esperć dles costruziun, planificadus y fornidus de petun. Referënt é l’inj. Dietmar Thomaseth. Terminn: Vëndres ai 20 de jenà dales 8.30 ales 16.30. Infos al 0474/573435. Imparè da manajé la gru

Temp lede Skishow a Corvara En mercui ai 18 de jenà dales 21.15 mët da jì la Scora de Schi Corvara - Ladinia na skishow, sön la pista dlungia la scora de schi. Al sarà da odëi raić a val cun chentli, jori dl parapënn, na show acrobatica cun le grup Vitamin F. Dla musiga fistidiëia DJ Fabio. Festival de scultures de glacia

Dal 19 ai 22 de jené saràl te Corso Italia, a Cortina, i miours artisć che trasformarà la glacia te de beles scultures. Per infos: cortina.dolomiti.org. Batadù dla Lia da Mont 

La Lia da Mont de Gherdëina mët a jì duman sada ai 14 de jené si batadù tradiziunel tla ustaria Pramulin. L vën scumencià dala 17.00 y n possa se scrì su sun l post.

♦ Patrozine de Sant Antone a Antermëia En mertesc ai 17 de jenà vëgnel festejé Sant Antone Abat, patronn dla ćiaussa y dla dlijia d’Antermëia. Domisdé él söl program le Batadù de Sant Antone Sciöche al é usanza, organisëia la Ploania d’Antermëia inće chësc ann la festa tradizionala a onur de Sant Antone Abat, patronn dla ćiaussa y dla dlijia d’Antermëia, en mertesc ai 17 de jenà. Inće tröpa jënt da foradecà tol pert a chësta festa, cis paurs y famëis che vëgn a se perié jö l’aiüt dl Sant por podëi passè l’ann nü zënza messëi doré desfortünes a porsones, tiers y cosses. Dales 9.00 saràl te dlijia d’Antermëia la Corona y dales 9.30 spo la Santa Mëssa solëna a onur dl Sant. Dedô à les porsones che tol pert, l’ocajiun da s’la cuntè pro n bun gote de vin cöt o de tê arjigné dai mëmbri dla cöra dl paîsc. Dales 14.00 inant gnaràl spo tignì le tradizional Batadù de Sant Antone tl Hotel Pütia. Da davagné él danter l’ater 2x400,00€, 2 crisć y cotan deplü. Al ne gnarà nia ma cartè mo al sarà ince la poscibilité da davagné de bi pesć pro la ola dla fortüna y d’atri jüć. Por s’anunzié por le batadù, pòn cherdè sö le 0474/520114. Les entrades dla manifestaziun jarà a fin de bëgn por la dlijia dl paîsc d’Antermëia, La Ploania d’Antermëia inviëia ala che vëgn defata restaurada daìte. Düć é bel invià. festa de patrozine.

N curs da jì cun la gru vëgn metü da jì a Bornech dal Zënter de Formaziun Profescionala. Referënt é l’espert de sigurtè Heinz D’Angelo. Terminn, lönesc ai 23 de jenà y mertesc ai 24 de jenà dales 8.30 ales 17.30. Infos al 0474/573435. Davagné y lié tliënć nüs

Sot a chësc tema vëgnel metü da jì a Bornech n curs cun la dra. Luise Vieider, organisé dal Zënter de Formaziun Profescionala. Le curs é ponsè por colaboradus tla venüda y proprietars de ativitês. Terminn: mertesc al 31 de jenà dales 8.30 ales 16.30. Jì cun la pachera Le Zënter de Formaziun Profescionala da Bornech mët da jì n curs por imparè da jì cun la pachera, cun le referënt Heinz D’Angelo, espert de sigurtè. Le curs vëgn tignì ai 14 y 15 de forà dales 8.30 ales 17.30. Infos: 0474/573435 o robert.huber@schule.suedtirol.it. Curs de Feldenkrais

Se n sté bën y cunescënza dl corp tres l muvimënt. L curs scumëncia ai 30 de jené dala 20.00 tla palestra dla cësa de paussa a Urtijëi. L ie adatà per duc. Plu nfurmazions pra Johanna Delago, 346/7139533, hanna.delago@gmail.com Curs de jì cun la peves

La Lia da Mont de Gherdëina mët a jì deberieda cun i Mëinacrëp ai 21 y 22 de jené l curs tradiziunel de jì cun la peves. L vën spartì su te na sëira de teoria ai 20. 01. tl ufize di Catores y 2 dis de jites cun nseniamënt per chiche ulëssa scumencé o nce per chëi che cunësc bele chësc bel sport. Per nfurmazions pudëis cherdé su Valentin, 338/8362004. Ginastica per se n sté bën La grupa KVW de Urtijëi mët a jì n curs de ginastica a Urtijëi tla palestra dla scola elementera dala 17.00 cun Lisl Dellago. L curs scumëncia ai 18 de jené y va inant per 10 iedesc. N possa se scrì ite tla Butëiga dl Mond, 0471/786427. Yoga Flow

La lia Sanynton mët a jì chësc curs te Sëlva, te cësa de cultura Oswald von Wolkenstein dala 9.00 daduman y dala 8.00 da sëira cun Judith Demez. L curs scumëncia ai 16 de jené y va inant per 10 iedesc. Plu nfurmazions pra Judith, 339/7336788. Massajes per fantulins

La lia Sanynton mët a jì n curs per ti fé massajes a popsc y avëi cuntat cun si pitli cun amor, a Urtijëi, tla sala nueva dla Locia cun Karin Planker. N se anconta ai 18 de jené dala 10.00 danmesdì. Plu nfurmazions pra Karin, 338/6032603. Mudelé do n model

La Scola Profesciunela mët a jì chësc curs ai 20 y 27 de jené, dala 14.00 – 18.00 y ai 21 y 28 de jené dala 8.30 – 17.00, de ndut 20 ëura, tl segondo partimënt dla scola cun l scultëur Hermann Josef Runggaldier. Iscrizions pra l numer 0471/796733.

www.lauscdiladins.com

37


Informazions y Manifestazions ♦ Igudesman & Joo da audì a Urtijëi Pra l proscimo cunzert metù a jì dai Jëuni de Mujiga de Gherdëina saràl da audì y udëi zeche de nuef y de marueia. L se trata de n cunzert cun Aleksey Igudesman che sona la vidula y Hyung-ki Joo che sona l tlavier Chisc doi musizisc’ à cuncuistà l mond dla mujiga cun si show “A little nightmare music“ che puderëis audì ai 19 de jené dala 20.30 te cësa de cultura a Urtijëi. Ëi ie boni de mëter adum azions comiches cun mujiga tlassica de livel scialdi aut, fajan matades de uni sort. Si videos ie unii cialei da milions de persones y si cunzerc ie unii mustrei tla televijions y tl radio sëura dut l mond. Igudesman & Joo à sunà te sales da cunzert tradiziuneles y te stadi dan passa 18.000 persones. Si I doi artisć y musizisć Igudesman y Joo. vijion ie chëla de ti purté permez la mujiga tlassica ai jëuni y tl medem mumënt de tré pea l publich tradiziunel. Tramedoi à studià tla Yehudi Menuhin School tla Nghiltiera. Da ntlëuta iesi cumpanies y se davania la simpatia de n publich nternaziunel. Chertes saràl da giapé n chëla sëira pra la cassa. I Jëuni de Mujiga se ncunforta sun Vo y Ve garantësc che resterëis mpresciunei da chësc cunzert.

♦ Curs de balé La Mëisa Turonda dl’ Ëiles mët a jì n curs de balé. L curs ie per de tei che scumëncia y nce per chëi che sà bele mpue da balé L scumëncia ai 17 de jené y va inant 6 iedesc, a S. Cristina te sala de chemun. L unirà nsenià a balé Discofox, Boarischer Walzer y Polka per chëi che scumëncia y Bachata, Salsa y Cha-cha-cha per chëi che sà bele mpue da balé. Per chëi che scumëncia ie l curs dala 20.00 nchin ala 21.00. N possa fé pea da sëui o nce cun n partner. Per chëi che sà bele n fruz da balé ie l curs dala 21.00 nchin ala 22.00. Iscrizions tla filieles dla Cassa Raiffeisen de Sëlva sun l conto dla Mëisa Turonda dl’Ëiles scrijan “Tanzkurs1“ (per i prinzipianc) o “Tanzkurs2“ (per chëi che sà bele n fruz da balé).

38

www.lauscdiladins.com

L'Nagler a Pedraces afita ia 2 de pici apartamënć da d'aisciöda inant a jënt dl post. Prëibel cherdè sö le 335/8297363.

L vën cris n fitadin per l’ustaria Pedrutscherhof a S. Piere/Laion sun l troi "Poststeig". Nteressei possa cherdé su l numer 333/3070015.

La Qbus s.r.l. a Badia chir 1 secreter/ia por döt l’ann. Por informaziuns prëibel cherdè sö le 0471/1886636 o menè na mail a info@qbus.it

L vën crì te Gherdëina n’ëila o studënta che cialëssa de doi pitli mutons la sades danmesdì. Tel. 338/3379923.

La firma Demac de Sëlva chier da śën inant n respunsabl per la produzion cun cualificazions tecniches, 1 a dessenië sun Autocad per l ufize tecnich 1 per l ufize da cumpré ite. Prëibel cherdé su l 0471/794355 ntan l orar de ufize.

Na familia cun referënzes chir n apartamënt te de bunes cundiziuns da tó en afit por döt l’ann; bilocal cun na ćiamena matrimoniala, stüa, ćiasadafüch y bagn, poscibilmënter tl pröm partimënt cun urt assighé ite o terassa, scialdamënt autonom, a Corvara, Calfosch, La Ila, Pedraces o San Ćiascian. Tel. 040/273852 o 328/7065855. (01/12) ••• L vën crì na persona che ti judëssa a fé conc a n mut dla 3a mesana. Tel. 339/1088847. (01/12) ••• L vën crì n apartamënt per 6 persones a Urtijëi o Santa Cristina, da śën inant. 327/6662804. (02/12) ••• Al vëgn chirì n pêr de ciaspes. Sce zacai n’ess, pòi telefonè al 334/2786241. (02/12) ••• L vën crì n cuatier per 7 persones a Urtijëi o a S. Cristina da juni inant. Tel. 333/7475704. (02/12) ••• N pèr dla Talia chier n cuatier da merz inant per 2 ani. Tel. 339/3378720. (02/12) ••• Doi jëuni da tlo chier n cuatier te Sëlva o a S. Cristina per dut l ann, da sën inant o do la sajon da d’inviern. Tel. 348/7040039. (02/12)

Tistlaria Perathoner te Sëlva chier n fant cun esperienza. Prëibel cherdé su l 0471/773222 o l 339/4268143. La firma Petrolcalor a Puntives chier n sciafèr da tlo cun patent C y pusciblmënter ADR Tel. 0471/798197

A Piculin vëgnel venü n tòch de bosch. Por informaziuns cherdè sö le 335/6845996.

I chiriun n eletrizist cun esperiënza y ligrëza da laurè tl ćiamp dla termoregolaziun y dl’automaziun. La Val, Zona artejanala. Tel. 0471/843162.

Vangel dla Domenia 2. Domënia ia por l’ann B, ai 15 de jenà 2012

rumé su cuatieres. Tel. 389/9285066. ••• L vën crì da lëur te Gherdëina a rumé su, a paidelné, a judé te na cësadafuech domesdì. Tel. 320/6345231. (01/12) ••• N ël chier da lëur coche segondo cuech. Tel. 345/2562333. (01/12) ••• N’ëila de Sëlva chier n lëur dal 9 de jené inant mé danmesdì, 8.30 - 12.00 a puzené, rumé su, paidelné o jude ora te na butëiga. Tel. 331/1102162. (01/12) ••• N ël cun esperienza chier n lëur coche pizzaiolo,segondo cuech, o a fé de uni sort de lëures cun albierch te Gherdëina. Tel. 345/7741987. (01/12) ••• N’ëila da tlo chier da lëur te Gherdëina. Tel. 0471/793222. (01/12) ••• Na jëuna chier da lëur a rumé su majons o a puzené, sce l ie mesun te Gherdëina. Tel. 327/0475726. (01/12) ••• N jëunn chier da lëur a judé te na cësadafuech a lavé ju o a mparé da cuech. Tel. 329/5470776. (01/12)

••• Na jëuna chier da lëur da śën sciche chelnera, la sà da lauré cun Orderman y la à esperienza a fé chësc mestier. Tel. 377/4554677 (cherdé su danter la 15.00 - 18.00). (02/12) ••• N jëunn dla Romania chier da lëur (cun albierch). L ie unfat de cie lëur che l se trata. Ël rejona talian y spanuel. Tel. 388/9234989. (02/12) ••• N’ëila dla Talia chier da lëur te Gherdëina a rumé su danmesdì. Tel. 349/7388096. (02/12) ••• Na jëuna chier da lëur a rumé su danmesdì o nce da sëira a judé ora vel’ëura. Tel. 380/9079545. (02/12) ••• Na ëra dla Val Badia chir por 3 dis al’ edema n pêr de ores domisdé a daidé pro la blanćiaria. Tel. 340/5627574. (02/12) ••• N el da La Plie da Fodom chier da laour sciche lavataiers o fé dut per la sajon da d’invern o ence per dut l ann. Tel. 339/6449947. (02/12)

Da vende Da vene na cripele dla Thun cun 14 mandli a bun prisc. Tel. 333/8671652. (50/11) ••• Da vëne a bun prisc 1 Schipass da 25 agn insö por la pert d’ Al Plan, (Piculin fina sön Plan de Corones). Tel. 338/1277295. •••

Da chirì A San Linert de Badia vëgnel afité ia n apartamënt de za. 90 m2, a jënt da chilò. Telefonè prëibel al 349/6675851.

L vën cris n’ëila a rumé su cuatieres de sada a Urtijëi. Prëibel cherdé su l 392/9145192.

Chirì da laour N ël dla Ucraina chier da lëur a cialé de na persona de tëmp te Gherdëina. Tel. 329/4730896. (50/11) ••• N ël cun esperienza chier da lëur sciche pizzaiolo o a judé te na cësadafuech. Cun albierch. Tel. 345/7741897. (50/11) ••• N ël chier da lëur sciche pizzaiolo o a lauré te n utia da mont. Cun albierch. Tel. 339/4577543. (50/11) ••• N’ëila chier da lëur te Gherdëina, bele da śën inant, a rumé su la majons o a fé cun la besc. Cun albierch. Tel. 347/4147337 o 349/6394003. (50/11) ••• N chier da lëur sciche cuech ”capo partita” o cunditer. Tel. 388/1165768. (50/11) ••• N ël dla Val Badia chir laûr sciöche ćiafêr, fant de ćiasa o inće pro i lifć. Telefonè al 338/7780366. (50/11) ••• N ël chier da lëur a judé te cësadafuech o a lavé ju. Tel. 327/4796188. ••• Na jëuna chier da lëur te Gherdëina a

nr. 02 / 13 de jené 2012

Da vene n grup de fanes dla Imco (13 fanes con cuertli, scolapasta y doi cops). Tel. 339/6449947. (02/12) ••• Da vëne n VW Golf 5 GTI  3 portes dl 2005 fosch interns de pel, löms xeno, cërtli da 18". Tel. 349/2370960 do les 12.00. (02/12) •••

Al vëgn venü n pêr de schi da tour nüs dla marca Trab Race/Aero Carbon, de 164 cm, cun atać y pels a 400,00€. Fonin: 335/8037284. ••• Al vëgn venü n pêr de schi da tour nüs dla marca Trab Race/Aero Carbon, de 164 cm, cun atać y pels a 400,00 €. Fonin 335/8037284. (02/12)

Dal vagnele do San Jan, 1, 35-42 Te chël tëmp ê Jan söl Iórdann, olach’al batiâ, y cun ël dui de sü discepui. Canche Gejù ê passè dan ia, à Jan ôt süa odlada sön ël y à dit: “Ćiarede l’Agnel de Dî!” I dui discepui à aldì ći ch’al â dit, y ti é jüs do à Gejù. Mo Gejù s’à ôt, y canch’al â odü ch’ai ti jô do, i àl damanè: “Ćî orëise pa?” Ai ti à dit: “Rabbi - che ô dì: maester -, olâ abitëieste pa?” Al à respognü: “Gnide y odede!” Dailò ési jüs impara y à odü olach’al abitâ, y é romagnüs chël dé pro d’ël; al ê incër les cater domisdé. Andrè, le fre de Scimun Pire, ê un di dui, che â aldì la parora de Jan y che ti ê jüs do a Gejù. Chësc à incuntè impröma so fre Scimun y ti à dit: “I ùn ciafè le Messia.” Messia ô dì: Crist - le consacrè. Al l’à condüt da Gejù. Gejù ti à ćiarè y à dit: “Tö es Scimun, le fi de Jan, te désses avëi inom Chefas. Chefas significhëia: Pire (pera). Parora dl Signur. - Lalt a té, Gejù Crist!

Lecort Drët oml y ala bona es tu vivù y te cuntentoves de puech. Ti gran richëza fova l crëidum y la fede y dantaldut ti gran devozion per la Madona. Ai 10 de jené 2012 à l Seniëur cherdà nosc fra, berba y non

Lorenz Lardschneider de Ciampac (Sëlva) * 22.07.1943 + 10.01.2012 te si rëni. La supeltura sarà ncuei vënderdi ai 13 de jené 2012 dala trëi domesdì te dlieja de Sëlva. Rengrazion duc chëi che ie unic a vedlé y ala supeltura y se lecurderà de ël te si urazions. La surans cun families. Che l pausse tla pesc de Die!


Anunzies

nr. 02 / 13 de jené 2012

Lecurdanza

Recordanza

Canche na vita longia y plëina va a piz, y l duel ie nce grant, l duel che messon tenì ora, po dëssel mé mpo nes vester de cunselazion, l fat che on pudù avëi tan giut pra nëus, na persona cara, a chëla che ti on ulù tan bon.

“Pere, te tüa vita aste tres laurè cun amur y bona löna por tüa familia, por la comunité y dandadöt sciöche orghelist de dlijia. Śëgn te à Idî cherdè por te dè pêsc y ligrëza te So rëgn, adöm cun la mama.” I familiars dl defunto

Lois Pizzinini “dl Tiscere”

L Cunsëi dla Union di Ladins de Gherdëina lecorda y ti fej mo la cundulianzes plu sentides a si cunselier y cassier Raimund Grossrubatscher y a si familia per la mort de si oma

mort ai 10 de dezëmber al’eté de 83 agn ti dij de cör giulan ai proi Siur Degan Iaco Willeit, Siur Christian, Siur Franz, Siur Pire, Siur Andreas, Don Angelo por la bela mëssa y les beles parores, al mone, ai ministranć, a chi che à dit dant les corones y lit dant te dlijia. Dër bel giulan a chël che à purtè la crusc, a chi dai cunfaruns, al cor de dlijia, ai stüdafüch, al cunsëi dla curtina, ala Müjiga da Calfosch-Corvara, ai ćiantarins gnüs da Corvara, Calfosch y foradecà, ala polizia de comun y ala fam. Alfreider Raimund pur l’gran sorvisc. Giulan al dotur Caretta, ala Crusc Blanćia, al dutur de prüm aiüt y ai duturs dl uspedal da Burnech. Giulan ales vijines pur l’gran aiüt y a düć chi che à, de n vers o l’ater, daidé te chisc dis de dolur. Ringrazié oréssun inće di bi ciüf, dles ofertes a fin de bëgn, dles beles parores y lëtres de confort. Giulan chi che à paié mësses, a chi che é stè te ćiasa a perié por ël y a düć chi che é stà ales corones ala santa mëssa de sopoltüra.

Emma Moroder de Levigi. Lecort Cun duel ons tëut cumià da nosc care cumëmber dl cunsëi

Dietrich Mussner 12.9.1949 - 26.12.2011 Ulon ti sentì gra de cuer per si cunlaurazion de valor y l lecurdé cun stima per si idealism y dedizion a bën dla cultura de nosta valeda. Nosc cunduel senzier a duta la familia. L cunsëi dl Museum de Gherdëina

Giulan y che Dî s’l pàies.

Rengraziamënt

Recort Zeruch da Jeo sö insom munt d’Adagn ruvaste düt cuntënt. Insciö te recordunse tres inant.

David Valentin 23.12.1943 - 13.01.2010 I recordun nosc tati y om tla santa mëssa tla dlijia de Badia, la dumënia ai 15 de jenè dales 18:00.

La familia ti sënt gra a duc chëi che à tëut pert al duel per la mort de

Dieter. Rengrazion per dut l sustëni, i bon pensieres, la prieres, i ciofs, cëiresc y cundulianzes, per santa mësses y de autra esprescions de lecort y de recunescënza. De gra che nes sëis stac daujin. Brunhilde, Miriam, Rut, la sor y duc i fredesc cun si families.

La prutezion dla vita.

I familiars, amisc y cumpagns

Recort Recordanza

Michelino Dantone Brach

“N ann él passè, da canche tö nes as lascè, mo te vires intres inant te nüsc cörs y pinsiers.”

03.01.1999 – 03.01.2012 L’é 13 egn che te ne ès lascià te recordon con encresciment per la bontà che te aees la mama, ti frèdes e duc chi che te à volù ben

Alfred Zingerle *24.04.1948 +14.01.2011 I recordun mi om y nosc pere tla Santa Mëssa dl ann, en doman sabeda ai 14 de jenà dales 18.00, tla dlijia da San Martin. N dilan a düć canć chi che se recorda de ël tles oraziuns. La fomena cun i mituns

Rengraziamënt “Tati, tö n’es nia plü olache t’ês denant, mo t’es indlunch olache nos sun. A s’odëi.” Recordun te nostes oraziuns

Carlo Vittur “Carlo dla maestra” *13.10.1926 +27.12.2011

Cundulianzes y Rengraziamënt Viver ti cueres che lascion do da nëus ne n’ie nia murì. (T. Campbell) La Union di Ladins de Gherdëina y la Union Generela di Ladins dla Dolomites tol pert al duel dla fëna y dla familia de bera

Zenz Stuffer

I familiars dl defunt rengrazia de cör düć chi che à tut pert ala sopoltüra, chi che nes é stà dlungia te chisc momënć de dolur, chi che à fat en sorvisc y chi che se recorda de ël tles oraziuns. En gran giulan inće al dr. Di Marino cun sü colaboradus, ai doturs y ales infermieres dl repart de medejina B dl ospedal da Bornech.

y l lecorda cun recunescënza per dut si lëur coche vardian dla Cësa di Ladins, fat na vita alalongia cun dedizion y respunsabeltà.

Rengraziun Chël Bel Dî pur i tröc agn che i l’ùn albü.

Dievelpaie bera Zenz!

de Nis

www.lauscdiladins.com

39



La Usc di Ladins