56
Sidro & Cider ye un perimportante portal de sidre internacional n’Italia.
Portaldasidra ye’l portal de referencia de la sidre en Portugal.
Cola cris qu’aportare col andanciu de la Covid-19, con un pieslle perimetral del país nel que tien el so abellugu l’autor d’esti artículu, lloñe d’Asturies y de les fasteres sidreres, col pieslle de tola cadarma territorial interna ente sigo mesma, ensin más posibilidaes de movese fuera’l pueblu que pa dir a trabayar o al mélicu, y col pieslle tamién de tola hostelería y del comerciu non esencial ensin esceición, descubrimos que podemos vivir ensin torgues colo necesario, masque si lo que quixéramos mercar foren productos non esenciales, pa eso tenemos otros conductos comerciales, los del comerciu d’entrega en casa que, por custión de seguridá, mos dexa los
productos mercaos delantre la porte; un comerciu qu’anguaño ta enforma favorecíu pola teunoloxía, una cenciella llamada de teléfonu o la conexón a les páxines comerciales d’Internet.
202
Y ye ehí onde se desenrolló una nuea oportunidá pa los empresarios y, de la mesma mena, una mayor ufierta pa los veceros, porque si ye verdá que nel mundiu la sidre yá conocíemos y usábemos Internet pa mercar daqué, fuere la cris sanitaria la que fixere posible un mayor desendolcu d’esta rede comercial na qu’atopamos una bayura de servicios de vienta de los propios ellaboraores, distribuidores,