Page 130

ASTURIES GASTRONÓMICA

129

beru cuarenta y dos, nel que participen atletes de toles categoríes, dende los más piqueños fasta los más veteranos. Hai concursos de dibuxu, pasacais de gaita y tambor, misa solemne n’honor a San Martín de Tours y la esperada feria del miel, que congrega siempres a decenes de presones na Plaza l’Ayuntamientu. El mesmu llugar onde se cellebrará’l concursu gastronómicu. La puya’l ramu, el conciertu de la banda música y l’actuación d’orquestes entrada la nuechi completen el variáu porgrama de les fiestes que s’avecinen.

En L’Entregu, “Les cebolles Rellenes” La siguiente llocalidá a la que-y tocará’l turnu sedrá L’Entregu, que cellebrará una vuelta más la so famosa fiesta de les cebolles rellenes, una receta orixinaria del pueblu que dio en ser tou un símbolu de la nuesa gastronomía nacional. Un platu cenciellu basáu, como’l so nome indica, nun alimentu tan humilde como la cebolla, pero que cocía y acompangada d’un bon bonitu y de salsia, conviértese nuna de les meyores opciones que puedan presentase nuna mesa. La ellaboracón de les cebolles podría decise que ye cenciella, el desaveniente ye que se trata d’una receta mui llaboriosa. Hai que pulgar la cebolla una a una, afuracales, rellenales col bonitu y dexales que cocian posao demientres tiempu abondo. Hai quien llega a coceles incluso más de seyes hores. Dellos establecimientos trésnenles tamién rellenes de carne, y anque nun ye lo tradicional, tamién tien los sos adeptos. A finales del mes de payares, L’Entregu enllenaráse de xente dimpuesto a pasalo bien, a xintar meyor, a baillar y a esfrutar en familia o ente collacios. La fiesta tamién ta reconocía, lo mesmo que l’anterior, como una fiesta d’interés turísticu nacional, anque la receta de xuru que yá salió de les nueses llendes y tien gran ésitu. A lo llargo los díis que duren les xornaes gastronómiques, los hosteleros lleguen a vender un total de

más de 10.000 raciones. Una cifra qu’impresiona, sobro too teniendo en cuenta la población de la fastera. Charres, un festival folclóricu o actuaciones musicales, ente otres coses, completen el programa d’actos que tendrá llugar pa la fecha.

Los pimientos rellenos, el platu de Blimea La última llocalidá en cellebrar les sos fiestes, tamién d’interés turísticu asturianu, ye Blimea. Nel mes d’avientu llega-y el turnu a los pimientos rellenos. A la escontra que les cebolles estos suelen rellenase mayoritariamente de carne, anque tamién hailos que prefieren el bonitu. Ca 8 d’avientu, dende va más de cuarenta años, los blimeinos rinden tributu a esti deliciosu platu. Asaos o al fornu, los pimientos acompánguense de callos y fayuelos, que redondeen el menú que se sirve en tolos llocales. Ochobre 2017

Profile for La Sidra. as

La sidra 166  

Espublización correspuendiente al mes d'ochobre de 2017 con ampliu reportaxe sobro'l VII Salón Internacional de les Sidres de Gala, de Xixó...

La sidra 166  

Espublización correspuendiente al mes d'ochobre de 2017 con ampliu reportaxe sobro'l VII Salón Internacional de les Sidres de Gala, de Xixó...

Advertisement