__MAIN_TEXT__

Page 142

142

Artesanía d’ispiración sidrera

Arriba: La feria asitióse nel Campu Valdés / Abaxo mandrecha: Taller Ledo Vera y portavasos. / Abaxo manzorga: Taller de Vincen Sanz.

El Campu Valdés fo’l llugar onde s’afayó la XXII Feria Nacional d’Artesanía Creativo y n’onde los artesanos espunxeron obres ispiraes na sidre y la mazana. Del 4 al 15 d’agostu tuvo llugar en Xixón la XXII Feria Nacional d’Artesanía Creativo. Un total de 22 artesanos espunxeron los sos productos nos stands asitiaos nel Campu Valdés. Y ehí tamién tuvo presente la sidre y la mazana. Varios de los llocales amosaben estremaes creaciones que teníen como motivos estos dos ellementos. Pequinos, cerámica, anillos, colgantes y fasta portavasos de sidre fechos de cueru llamaron –y muncho- l’atención de residentes y turistes que s’averaron fasta dichu mercáu pa facese con estes obres d’artesanía y pa llevar consigo un recuerdu del branu asturianu. Eva Echevarría, del taller xixonés Ledo Vera, fabrica artículos de cueru fechos a man. Ye nel so escaparate onde s’atopaben los tan guetaos portavasos de sidre. “Sí que-yos gusten muncho, la xente entruga pore ellos. Yo escomenzara a faelos hai tiempu por amigos míos que son mui sidreros y pidiéronme daqué asina. Faigolos con troqueles y con mateaores, y a la fin van pintaos a man” detalló l’artesana. “Ye una feria prestosa que ta asitiada nun magníficu 164

llugar. Nós tamos en Cabañas de Polendos, en Segovia, y ye’l cuartu añu que venimos y eso y porque mos presta” dixo Ana, de Jotapunto. Nel so stand espunxo conxuntos de xoyería esmaltao al fueu que representaben mazanes d’estremaos collores.”Tovieren un ésitu total, n’especial la mazana que ta en collorao, ye’l sitiu onde más gustaren” afirmó. En cuantes a cerámica, el taller Laborna llegó a esta feria con estremaes obres, tamién alusives al frutu asturianu y a la so bébora emblemática. Florentino Iglesias, l’artesanu, desplicó que n’elles quinxo espresar que la sidre “ye una riqueza que tenemos n’Asturies” d’ende que, por exemplu, nuna de les sos pieces pa escolingar véase a la mazana como un pozu petroliu. Amás tamién fabricó unos pequinos nos que s’aprecia una botellina con un vasu sidre asemeyando l’echáu. Nesti taller asitiáu en Llugones y conocíu mesmamente como El Rayu, tamién trabaya Elvira López. Ellí fain cerámica tradicional asturiana, la primera que como lloza desendolcóse nesti país.

Profile for La Sidra. as

LA SIDRA 164  

Espublizaciónn correspuendiente al mes d’agostu de 2017 con entrevista principal a Xune Elipe, Cantante del grupu Rock Dixebra, información...

LA SIDRA 164  

Espublizaciónn correspuendiente al mes d’agostu de 2017 con entrevista principal a Xune Elipe, Cantante del grupu Rock Dixebra, información...

Advertisement