124
CLÚ SIERENSE D’AMIGOS DE LA MAZANA
1er Cursu d’Ellaboración de Sidre Casero
Socios del Clú Sierense Amigos de la Manzana, ponentes y presones iscrites al cursu.
Foi entamáu pola asociación sierense y llevóse a cabu los díis 16 de febreru, 4 y 11 de marzu nus Escueles de Feleches. Ye una de les organizaciones con más actividá sobro la mazana que tenemos nel nuesu país. El Clú Sierense Amigos de la Mazana fundóse fai más 20 años –en 1996– coles mires de protexer, caltener y dar puxu al cultivu d’esti productu tan representativu d’Asturies. Anguañu cunta con alredior de 140 socios que participen de cutio nes iniciatives que se lleven a cabu y que son entamaes pola mesma asociación en collaboración con distintes entidaes. D’ente la gran cantidá de proyeutos qu’esti Clú lleva a cabu, atópense los cursos que ca añu rialicen nos colexos, les charres rellacionaes con malures del pumar y los sos curiaos, enxertos, plantíos, fradaura o tratamientos ecolóxicos y fitosanitarios. Igualmente la organización fai concursos, conferencies, cursos, convivencies, tasties y degustaciones de sidre. “El nuesu oxetivu ye que los pumares nun esapaezan, recuperar variedaes autóctones y que’l so cultivu 159
vaya pa enriba, que nun se desdexen” desplicó pa esti mediu de comunicación David Menéndez, secretariu del Clú. Los díis 16 de febreru, y 4 y 11 de marzu, tuvo llugar el Ier Cursu d’Ellaboración de Sidre Casero nes Escueles de Feleches, en Siero. Un taller que tuvo una gran aceptación yá que les places enllenáronse dende los primeros díis del so anunciu. Bon síntoma de que sedríe tou un ésitu y asina foi. El módulu entituláu “La mazana de sidre asturiano” foi’l primeru y corrió al cargu de Jorge García, inxenieru agrónomu y téunicu de Campoastur. Unos minutos enantes d’entamar, los asistentes recibieron les sos acreitaciones y material de trabayu. García abordó temes como pumaraes, patrones de pumares, enxertos, fradaura d’iviernu y branu, vecería, tratamientos, abonos, races de mazana de sidre o