Page 58

57 El viaxe qu’apocayá fiximos al Valle d’Aosta, nos Alpes italianos, sirvió-nos p’adientranos nun país nel que la mazana ye la so seña d’identidá, y onde nos caberos años tá faciéndose un pergrande esfuerzu pola recuperación de la sidre, que cuasi s’había escaecío na primera metada del sieglu XX, pos la sidre d’esta tierra quedare llendao a lo artesanal, nel ámbetu de lo doméstico, fasta que la producción comercial se recuperare hai solo siete años. La visita, que tuvo entamada pol enólogu y productor llocal de sidre Gianluca Telloli, y na que participó un bon grupu de presones venceyaes al sector de la sidre d’estremaos países, integráu pol inxenieru ya investigaor quebequés Claude Jolicoeur, el llagareru irlandés Daniel Emerson, l’espertu en sidre bretón y escritor Gleonec Mark, el productor agrariu y sidreru de la Emilia Romaña Filippo Valla y el collaboraor de La Sidre, y autor d’esti artículu, Donato Xuaquín Villoria Tablado, d’Asturies, llevómo a percorrer llugares que poques vegaes s’alcuentren al alcance del foriatu, dende organismos oficiales a instituciones relixoses, dende conferencies sectoriales a caseríes privaes, y dende pumaraes esperimentales a destileríes d’auguardiente de sidre, espardíos pel valle del ríu Marmore y la Valtournenche, na fastera del Monte Cervino, y pela rexón del Mont Blanc, que formen los valles d’Aosta, n’Italia, y de Chamonix, en Francia. Vamos empecipiar diciendo que’l nuesu viaxe a Aosta respondía al convite que nos habíen fecho a dalgunos de nós pa participar como ponentes invitaos na Conferencia Internacional de la Sidre d’Italia, qu’aquellos

Exemplares de la colleición de pumares del enólogu Gianluca Telloli.

Avientu 2016

LA SIDRA 156  

Espublización correspuendiente al mes d’avientu de 2016 con información del Mercáu Navidiegu de Xixón, la presentación de la nueva Poma Áure...

Read more
Read more
Similar to
Popular now
Just for you