Page 35

34

Asturian cider bottle shaped Inaciu Hevia Llavona

“En forma de botella de sidra asturiana”, esta sedría la versión autóctona del títulu n’inglés d’esti artículu, asonsañando la típica expresión anglosaxona de “Coke bottle shaped” o “Coke bottle styling” (en forma de botella de Coca Cola). Esi ye un gran llogru de la famosa compañía de refrescos d’Atlanta, l’esitosu diseñu de la botella que dende 1915 identifica ñidiamente el so conteníu.

tou’l mundu, tean rexistraes neses rexones, como lo ta equí la “Molde Fierru”, sinón, ¡a bona parte díbamos!. Hai qu’alcordase por exemplu de cómo “L´appellation d´origine contrôlée Champagne” nun pemite dende los años 80 nes etiquetes de sidra esplumoso, mención denguna referente a les pallabres: champagne, champán, champanera, achampanao, etc.

Vien esto a cuentu, como ya imaxinarán, del alderique qu’esta temporada vien dándose sobre la proteición que tien que tener la botella onde se corcha la sidra natural asturiano, la d’escanciar.

Respeutu al anchor de mires de los nuesos llagareros, ensin mirase muncho l’embiligru, podrá opinase, pero hai que reconoce-yos a munchos l’esfuerzu que tan faciendo pa modernizar los llagares, y pa diversificar la so producción como nunca se fizo, con productos anovaos, como sidra de xelu, vermut de sidra, sidres de botellín, brut, gasificaes, de pera, de cereza, etc, col envís de vender en tou’l mundu, consiguiendo metese en mercaos tan difíciles como el chinu o el de EEUU, y algamando premios n’abondos certámenes europeos. Nun me paez que se-yos pueda acusar de provincianismu o de inmovilismu.

Ye opinión espardía lo xustu d’esti esmolecimientu por curiar la imaxe de la sidra de nueso y de la propia botella conocía como “Botella de Xixón” o “Molde Fierru”, que, anque rexistrada nel añu 2000, dende la so invencíón pola vidriera xixonesa La Industria en 1880, identifica tamién ñidiamente el so conteníu, ye decir: sidra natural asturiano. Esto ye asina, poles especiales y úniques carauterístiques de consumu del País, o sea, l’escancíáu, que pa eso tien esa peculiar forma que namás se fabrica d’ente tou’l mundu pa los nuesos llagareros, y la capacidá, 700 cc. aproximadamente, que coincide cola de la tradicional midía de consumu n’Asturies de cuando se facía en xarres de barru o madera: la puchera o cuartiellu. Pero el casu ye que nun hai del too unanimidá. Charrando con dalgún amigu sobre el tema, ya inclusu dende esti mesmu mediu, hai quien opina que los llagareros deberíen tener más anchor de mires, calificando’l casu, casi como “provincianismu” demasiao protector, y dexar qu’otros puedan corchar sidra non asturiano nesta botella, preocupándose namás de la calidá de lo que nella s’envasa. Asina me tienen dicho inclusu qu’entós naide más que los bodegueros de Borgoña, Burdeos, Rhin, Chianti o Champagne podríen corchar los sos vinos nes botelles homónimes. En primer llugar, nun creo qu’eses botelles, dalgunes, curiosamente, d’orixe inglés, y usaes yá dende’l S. XVIII en permunchos llugares de 156

No que cinca a la calidá….., en toos llaos cuecen fabes y siempres puede haber dalgún xostrón que faiga un desastre, pero mínimu. En xeneral, nunca se fizo meyor sidra que agora mesmu, colos llagares modernizaos, con fondos controles de calidá, con bon cuidáu por escoyer la meyor mazana. La sidra ye un productu vivu, mui suxetu a los cambios climatolóxicos, y al bon o regular tratu que se-y dea, pero nun hai más que ver la sidra que ta ganando los concursos nos caberos años, inclusu de llagares modestos o pequeños: una sidra d’altísima calidá y que llama l’atención en tou el mundu. Esa calidá ye la que identifica la nuesa botella “Molde Fierru” dende 1880. Una calidá algamada pola tresmisión del bon saber y bon facer de los nuesos llagareros dende va munches xeneraciones. Hai que defender que lo que lleva dientro una botella de sidra asturiana sea tan ñidiamente identificable como lo que va dientro d’una botella Coca Cola. Hai que defender lo nueso, y la botella de Xixón, lleva siendo asturiana dende va más de 135 años.

LA SIDRA 156  

Espublización correspuendiente al mes d’avientu de 2016 con información del Mercáu Navidiegu de Xixón, la presentación de la nueva Poma Áure...

Read more
Read more
Similar to
Popular now
Just for you