Page 31

30

Apiertar el llagar ye un llabor duru, que siempres se fai meyor con bona compaña.

El C.P Los Campos, de Corvera, llantó unos pumares del pebidal del C.P Elisburu de Xixón lla tienen pente dos y cinco años, pente ellos había ya dalgún espertu nel tema, non en baldre “Sidrocoles” lleva cuatro años pasando perende. Otros veteranos de la mayada son los escolinos del Colexu Públicu El Quirinal, n’Avilés. Ellí el “Sidrocole” ta enxertu nuna riestra percompleta de talleres y actividaes que, baxo la cellebración del tradicional magüestu, faen un prestosu percorríu pelos llabores que yeren propies del nuesu país nun va tantu tiempu. Arriendes de mayar, los rapacinos variaron la llana, ficieron una esfoyaza, vieron comu se fae l’encaxe de bolillos y sintieron la gaita, pente otres actividades que convirtieron la mañana nuna auténtica folixa asturiana. Sicasí, dexamos lo meyor pal final, porque nel Colexu Los Campos, en Corvera nun se conformaron con facer sidre, sinon que ficieron por asegurar la continuidá de les estremaes variedaes de mazana de sidre que tan dientro del Programa Pomolóxicu de Proteición de la Biodiversidá de la Mazana de Sidre, enfotáu en nun permitir que’l cultivu preferente de les races reconocíes pola DOP Sidre d’Asturies fine cola bayura natural que carauteriza los pumares asturianos, con 156

alrodiu d’ochocientes variedaes reconocíes, de les que namás venticuatro son les que se tan llantando na mayoría de nueves pumaraes. Pa ello tuvieron una doble sesión de trabayu, una mayando y otra faciendo un pebidal nel que cada neñu o neña coló pa casa con un futuru pumarín que curiarán con ciñu fasta que medre, dando llugar a lo que esperamos seya un llantáu masivu de pumares de les variedaes Perumingán, Cristalina y Corchu. Pa finar, el Colexu Los Campos naguró la so pumarada llantando nel so tarrén dos de los pumares vinientes del pebidal realizáu va dos años colos escolinos del Colexu Públicu Elisburu. Cola presencia de los más de cuatrocientos escolinos y cola gaita de José dando al actu la solemnidá que requería, los dos pumares foron recibios comu se merecen nun actu que de xuro toos ellos remembrarán al velos dir medrando añu ente añu. Con un pocu suerte, l’añu que vien mayaremos les sos primeres mazanes. Entá queden dalgunos “Sidrocoles” de mayada pendientes pa finar esti añu y “Sidrocoles” tien la intención d’entamar una pañada colleutiva de mazana nes selmanes vinientes, asina que quien quiera esfrutar, en familia, colos collacios o en comuña con cualisquier asociación, d ‘una xornada sidrera perespecial, nun tien más que buscar “Sidrocoles” en Facebook y entamar a mayar. Testu: Llucía Fernández

LA SIDRA 156  

Espublización correspuendiente al mes d’avientu de 2016 con información del Mercáu Navidiegu de Xixón, la presentación de la nueva Poma Áure...

Read more
Read more
Similar to
Popular now
Just for you