Issuu on Google+

CRISTINA HERNÁNDEZ

17

“Agora qu’entama la collecha de la mazana 2016 pedimos la collaboración pa mercar les mazanes que necesitamos pa facer esa pipa de unos 11.500 l. La idea ye que s’apadrinen sacos de mazanes, pumares o pumaraes y se participe en tol procesu d´ellaboración de la sidra hasta que na primavera de 2017 parte de ella retorne a los sos padrinos, que van poder prebar asina la sidra fecha coles mazanes apadrinaes” asina lo despliquen na páxina ueb de L’Allume, llagar que punxo en marcha la iniciativa.

más fonderes a tola xente que ya tien afiaos y afiaes en L’Allume y animar al restu a que sofite la campaña colo que puea” amiesten. Amás esta ye una bona manera de sofitar al campu asturianu. “Llevamos yá dos años qu’amás de nes Cuenques Mineres del Nalón y del Caudal garramos mazana tamién na marina –Villaviciosa, Xixón– y en Proaza” detallen en L’Allume.

Pa esta espublización, los productores señalaron que la idea “xurde de les dificultaes p´algamar la financiación pa mercar mazana nesta temporada, nun añu nel que queríemos dar un reblagu na nuesa producción. Coles ventes espolletando y la calidá de la sidre ca vuelta meyor, queríemos mayar más que nos caberos años. Al no atopar les perres polos canales, digamos, oficiales, ocurriósenos que igual yera’l momentu de facer daqué asína”. Puen apadrinase sacos de mazanes y pumares; y los precios van dende los 5 fasta los 2.000 euros. Tola información pa facelo tá equí: https://as.goteo.org/project/apadrinal-to-pumarapadrina-tu-manzano

La motivación de L’Allume ye da-y puxu a la capacidá de produición del llagar nesti añu. “Paezmos qu’agora mesmo tamos a puntu dar un reblagu curiosu nel trabayu que facemos. Pero vamos necesitar un emburrión económicu pa nun tener llimitada en forma la capacidá de producción. Recoyendo varies iniciatives de xente que interésose fonderamente poles posibilidaes d’echar un gabitu con otres formes amás de allumase nos chigres, paeciómos que yera’l momentu de pedir esi emburrión que necesitábemos. El proyeutu va dirixíu, de mano, a tolos llumeros que mos sofiten tolos díis. Pero a tola xente que-y preste la nuesa sidre, les formes empresariales basaes nos principios del cooperativismu y la economía social o la normalización de la llingua asturiana; seguro que va interesá-y apadrinar el so pumar.”

De manera que, na primavera de 2017, los que participen nel proyeutu podrán recibir sendos beneficios. “Hai delles formes de consiguir les recompenses dempués d’apadrinar los pumares. Dalgunes son en sidre, bien en caxes de 12 botelles o nos estuches de botelles y un vasu. Pero tamién puen algamase otru tipo de coses como espiches, camisetes o visites al llagar” indiquen los ellaboraores y siñalen que fasta agora l’apadrinamientu va furrulando meyor de lo qu’esperaben. “Pero entá necesitamos un emburrión más. Queremos aprovechar equí pa dar les gracies

“A una plazu más curtiu, l’oxetivu ye financiar parte de la campaña de producción qu’entama agora y va condicionar les esistencies del añu qu´entra enteru. A mediu plazu, trátase tamién de abrir les puertes a tola xente que siéntese identificada col trabayu y les formes de facer de la cooperativa y que nun atopa como collaborar namás que como clientes mercando la sidra nel chigre o nel llagar. Ye una oportunidá pa fidelizar a los clientes de L’Allume pero tamién de da-y un puxu al nuesu trabayu, y algamar a xente qu’entá nun conoz de nós”. Avientu 2016


LA SIDRA 156