Page 84

84

Pulgar les cebolles ye enforma más trabayoso de lo que puea paecer.

cebolles, munches. Con elles, pan y bonitu preparó-yos el platu que güei da llugar a la fiesta gastronómica llocal. Dempués, col tiempu, yá entrada les década de los setenta fueron les cocineres de La Conda, Aurora y Belarmina, quien comercializaron y popularizaron esta receta entreguina que llegó fasta los nuesos díis y qu’ensin dulda ye ún de los nuesos platos más internacionales. Nin en suaños imaxinara La Nina qu’un platu que fixo d’improvisu diba tener l’ésitu que tien. Nin tampoco nun pensaría en que’l platu que creó diba ser el platu estrella de tol pueblu. Pero coses de la vida, el bonitu y la cebolla formen una combinación perfecha. Lo que La Nina xunió que nun lo dixebre naide. Los díis del 25 al 30 de payares desendolcaráse’l programa fiestes, que se cellebren dende 1972. Les cebolles son el platu estrella pero tamién se tresnen callos, que completen el menú, amás de les casadielles que trunfen como postre. Lo tradicional ye que les cebolles tean rellenes de bonitu anque tamién hai quien escueye faceles con carne como les carrilleres o’l pitu de caleya. Tán tamién bonísimes pero nun son les orixinales. Ye tanta la llegada de xente que les sidreríes y restoranes, amás d’alvertir de la necesaria reserva, entamen los sos comedores en dos veces por que naide n’L’Entregu quede ensin prebar les cebolles. 155

Cómo se fain Pa consiguir unes cebolles rellenes d’escándalu, ye importante que la cebolla seya asturiana. Siempres ye meyor lo de la tierra y sobromanera si ye la nuesa. Primero púlguense y acovánense les cebolles que tienen de tener el tamañu lo más asemeyao posible pa que cuezan toes por igual. Dempués, colo que sacamos de la cebolla, ayu y pimientu, prepárase un sofritu que va sirvir como rellenu y tamién como mueyu. A esi sofritu, una vegada llistu, ye al que se-y amiesta’l bonitu y col que se rellenen les cebolles. Una vegada rellenes, pónense en cazu y añadese’l restu del sofritu, vinu blancu, lloréu, pimentón, sal y picante al gustu. Tien de dexase cocer too varies hores. Finalmente, suélen sirvise afataes con güevu cocíu, pimientu y perrexu picáu percima.

LA SIDRA 155  

Espublización correspuendiente al mes de payares de 2016 con información del alcuerdu de la Xunta Xeneral en defensa la sidre, la sidre nes...

Read more
Read more
Similar to
Popular now
Just for you