Page 35

35

llidiar con más de mediu centenar persones. De nuechi, el platu fuerte del día, la nuechi fusión, onde’l telón llevantáronlu N’Ochebre y detrás el polifacéticu Rodrigo Cuevas, qu’enllenó la sala, nel que fue’l so últimu conciertu n’Asturies d’esta xira. Pa la tercer y postrer xornada quedó la segunda mayaona onde participó, comu’l sábadu, la xente que taba nel llagar montau n’exclusiva pa la fiesta. Llueu degustáronse otres cinco sidres premiaes nel SISGA 16 colos comentarios de Manuel G. Busto, collaboraor de la revista La Sidra y presidente del xuráu internacional d’esti concursu entre otres coses. La banda gaites de Noreña amenizó’l vermú y entemedies, los noreñeses Antonio Gónzalez y José Luis Oves interpretaron varies pieces de tonada. De tarde cellebróse’l II Concursu de Dulce de Mazana, un concursu que en namás dos ediciones yá ta consolidáu na programación festiva de la Villa Condal. Los campiones del concursu fueron: pol xuráu profesional, Pablo Corzo, de tan solo 4 meses, pero al que la so güela apuntó con una de sus recetas. El premiu del xuráu popular llevólu pola mínima Mª del Carmen Fernández, campiona del xuráu profesional na mayada del añu pasáu. A lo cabero entamáronse talleres infantiles de mayao y de preparación de casadielles de dulce de mazana, tou un ésitu con más de 80 neñes y neños qu’esfrutaron de l’actividá. Demientres los tres díes de la fiesta, les castañes amagostaes formaron parte de la dieta de los visitantes que pudieron degustales recién feches. Tamién pudieron vese espuestes les semeyes finalistes del concursu de fotografía de la revista LA SIDRA, que llamaron l’atención de les presones que pasaron pela fiesta de la Mayada y la Sidra Dulce. L’únicu actu que tuvo llugar fuera del llocal fueron les

2es Xornaes Gastronómiques de la Sidra y la Mazana, nes que nos ocho establecimientos collaboraores podíen esfrutar de distintes recetes ellaboraes a base de la mazana o cualisquiera de los sos derivaos. La valoración de la direutiva ye mui positiva con respeutu a la primer edición, y yá piensen na cellebración d’una nueva fiesta de la Mayada y la Sidra Dulce pal añu que vien. El cambiu de llocalización supunxo una meyora nos servicios y da un reblagu de calidá al eventu, y la incorporación d’actuaciones musicales nes nuechis del vienres y sábadu faen que la fiesta, que de manes taba camentada pa neños, amplíe más l’espectru d’edá na que mos movemos. El fechu de buscar un pregoneru ye daqué que quedare pendiente del añu anterior y esti añu llevóse a cabu resultando una prestosa esperiencia polo que too apunta a que vendrá repitiéndose n’años futuros. Payares 2016

LA SIDRA 155  

Espublización correspuendiente al mes de payares de 2016 con información del alcuerdu de la Xunta Xeneral en defensa la sidre, la sidre nes...

Read more
Read more
Similar to
Popular now
Just for you