Page 34

34

II Fiesta de la Mayada y la Sidre en Noreña

La segunda fin de selmana de payares foi escoyía pola Asociación Cultural InfoNoreña pa cellebrar la 2ª edición de la fiesta la Mayada y la Sidra Dulce en Noreña. Fiesta qu’empondera la sidra’l duernu y revindica la importancia social de la cultura la sidra dende’l momentu en que se paña la mazana y se maya fasta’l momentu nel que tiramos el posu’l culete meses más tarde. Anque la fiesta la mayada entamó de tarde, los escolinos de dellos centros del conceyu tuvieron l’oportunidá de desplazase a la Sala Polivalente, llugar nel qu’esti añu s’asitiaben los actos, pa ser los primeros en garrar los mayos al rodiu’l duernu y mayar les primeres mazanes. De tarde, amagüestu popular p’acompangar la mayada y dempués, como novedá, el pregón a cargu de David M. Rivas, un importante personaxe venceyáu a delles estayes sidreres. Pa piesllar esti actu, la banda gaites de Noreña interpretó l’himnu d’Asturies pa llueu dar pasu a otra banda gaites, LaKadarma, que presentó’l so primer EP homónimu. De nuechi conciertu de Tuenda con abonda presencia de xente qu’esfrutó enforma del curtíu trío. De sábadu, los actos entamaron con una gran mayada popular onde grandes y pequeños nun perdieron la oportunidá de facer la so propia sidra dulce pa llueu probala. Al meudía disputóse’l concursu d’echaores, 155

que por primer vegada cellebrábase en Noreña. Jonathan Trabanco de la sidrería Manolo Jalín – El Madreñeru llevó’l campionatu de Noreña con 116,60 puntos. Na categoría llocal, Héctor Brito, d’El Trampas, quedó campión, mentes que Rodolfo Gómez de, La Tenería, foi segundu. Na categoría xuvenil la vencedora foi la xoven Alexandra Castellanos. De tarde los neños siguieron siendo los protagonistes nel taller entamáu pola xef Estefanía Ferreras de decoración de galletes sidreres (feches con mazana y con forma de la nomada fruta y tamién de botella sidra). De siguío, y cola inestimable collaboración del Conceyu Bimenes y la so asociación de pensionistes, los guajes punxéronse a esfoyar. Novedá esta n’esti añu col fin de siguir dando a conocer les vieyes tradiciones. Dempués llegó’l tiempu de los mayores na tastia sidra, onde pudieron degustase cinco de les sidres premiaes nel SISGA 2016, cola inmeyorable conducción de Manuel G. Busto. Esti espertu tuvo que

LA SIDRA 155  

Espublización correspuendiente al mes de payares de 2016 con información del alcuerdu de la Xunta Xeneral en defensa la sidre, la sidre nes...

Read more
Read more
Similar to
Popular now
Just for you