Page 19

Plattes Land

n Geschichte p Platt … vertellt o

Hannes wöör in Australjen (un Fidi versteiht de Welt nich mehr) Australjen? Australjen, ja. Wiet weg, wat – ? Junge, an’t anner Enn van de Welt! An’t Enn? Tja, wat heet Enn – de Welt hett je gor keen Enn. An’t anner Enn is gor keen Enn – ? Mann, Fidi! De Welt is doch ’n Ball. De Welt is ’n Ball, kloor. Un de Oosterhaas leggt Eier. Fidi, Mann! Noch nix höört van’e Eerkugel? Eerkugel –? Hannes fuchelt mit siene Hannen in’e Luft. Kiek, Fidi: Dat is de Eer, de is rund … Rund! ... un hier baben, dor sitt wi. Baben? Ja, al teemlich dicht ran na’n Noordpool. Dor wo de Pinguins sünd? Keerl, büst mall? An’n Noordpool, dor sünd de Iesboren. Segg ik doch. Nee, du seggst Pinguins, un de sünd an’n Süüdpool. In’t Ies. Ja, man nich hier baben, de sünd hier ünnen ..! Un dor büst du ween… Nee, in Australjen, dat liggt ok dor ünnen. Wo dat Ies is ... Nee, Mann, wieter baben, wo dat heet is! Verdreihte Welt ... Segg ik ja. Wat –? Wat wat? Australjen –? Ja, Australjen.

Worüm denn dat? Ja, ünnen – an’e Kugel. O Mann! Ik segg blots – Einstein! Ok goot, wenn de Steen faast sitten deit ... Keerl – Einstein!! Ik glööv dat nich! Fidi, dat is de Gravitatsjoon, is dat. Grawi … ? Gavitatsjoon ! Noch nix van höört, wat ? Fidi schüttkoppt. Kiek, Fidi, ik will di dat maal reis verklaarn: Du lettst ’n Appel fallen, wo faalt de hen? Daal, up de Eer. Süh, de faalt up de Eer. Allens faalt up de Eer: Appel, Steen, Neihnadel – sogoor ’ne Fedder, Fidi, langsaam – man de faalt up’e Eer. Oder in’t Water. Oder in’t Water, is je dat sülvig, is je allens de Eer. Hannes – Water! In’t Prinzip, Fidi, in’t Prinzip is dat allens dat sülvig bi de Gravitatsjoon – Water, Eer, Hamborg, Australjen .... In Prinzip? So is dat, in’t Prinzip. Goot, dat ik dor nich leven mutt ... Hein Benjes – www.holunderschule.de

Kiek, Fidi: Wenn dütt de Kugel is, dennso liggt hier Australjen, hier ünnen. Un dor büst du ween. Ja. Un hest di dor faastholen. Faastholen? Woso dat? An’n Boom, villicht. Faastholen an’n Boom? 19

Land & Leben OHZ 3/12  

Land & Leben. Lokalmagazine für ROW und OHZ

Advertisement