Page 1

kokurion walai mongingia’ id watas ponong sokid pokisoibahan do tosisikap 24th August, 2009

NABAWAN: Puru Lintuhun Koundangan Pogun (Adun) Nabawan i Datuk Bobbey Suan minokianu Komontirian Palajaran mooi do monoibau kobolingkahangan kokurian walai mongingia’ id watas diti do tosisikap montok manahak kosimbayanan di tongo’ mongingia’ i pakaraja’ id pipiro tinan sikul do hiti. Ka disio, haro pipiro sikul kaampai no sikul mananga’ id watas diti i nokotuang do kobolingkahangan kokurian mongingia’ nokopogowit haro mongingia’ i pakaraja’ id watas diti asansagan do miongoi piuli’ mantad Keningau kumaa id sikul kinarajaon diolo’. I Bobbey i po nogi’ Panakadai Montiri Pomutanaman om Pomorunan Takanon Sabah, minoboros do ilo’ nopo nga’ sabab no do watas Nabawan amu’ orungadan do walai siwaan. Koyuon dilo’, ka disio nokopogowit kobolingkahangan kumaa di tongo’ mongingia’ i songinkaraja’ doid pipiro tinan sikul id watas diti. “Suai mantad dilo’, haro mongingia’ id sikul poingusuk i mongingiyon doid walai di amu’ koposimbayan,” ka disio kumaa media soira’ rinubaan doid upis dau do hiti di kaawagu. Kohondot dilo’, ka disio kobolingkahangan i potoguang di tongo’ mongingia’ id watas ponong sokid kiguno soibahan montok manahak kosimbayanan kumaa diolo’. Kokomoi do kapanahakan intensif kumaa molohingon sikul om molohingon mongingia’ montok mongunsub diolo’ do popoindalan karaja’ lobi kosonong, ka di Bobbey osonong o laang dilo’ montok koundaran kopotundaan balajaran. Poingkuro po, ka disio i karamit dilo’ mositi’ no do popoindalan karaja’ miongoi di aramit diolo’. Minoboros i Bobbey do tongo’ mongingia’ i songingkaraja’ doid sikul songingusuk sominang no do noonuan insentif poinbida’. Ka disio, nunu-nunu kapanahakan insentif kumaa mongingia’ i mongia’ doid sikul songingusuk id watas ponong sokid unsikohon. Ilo’ nopo, ka disio nga’ sabab no do suai ko’ katama’ kumaraja’ id sikul poingusuk, kotoguang nogi’ yolo’ do mogisusuai kobolingkahangan sabab pamanahan di amu’ oturundus. Suai ko’ watas Nabawan, nokotoguang nogi’ do kobolingkahangan kokurian walai mongingia’, id watas Tenom.

kokurion walai mongingia’ id watas ponong sokid pokisoibahan do tosisikap  

kokurion walai mongingia’ id watas ponong sokid pokisoibahan do tosisikap

Read more
Read more
Similar to
Popular now
Just for you