Issuu on Google+

 

KOMUNIKADO  24 novèmber 2011   

 

 

 

Tarifa pa kas di famia suministrá koriente bèk:   40 sèn pa kiloWatt hour   

Willemstad  –  Den  futuro  kada  kas  di  famia  mes  por  produsí  su  koriente  i  loke  e  no  usa,  e  por  suministrá  bèk  na  e  ret.  Esaki  ta  konta  tambe  pa  kompanianan  chikitu.    Tur  luna  ta  deskontá  riba  resibu,  i  na  fin  di  aña  ta  deskontá finalmente i a base di e resultado final por risibí pago a base di e  tarifa  di  40  sèn  pa  kWh.  Pa  empresanan  grandi  e  tarifa  ta  42  sèn  pa  kWh.  Konseho  di  Minister  riba  23  di  novèmber  2011  a  stipulá  e  tarifanan  pa  suministro bèk di koriente produsí den forma duradero i riba eskala chikitu  dor  di  riba  40  sèn  pa  kWh.  E  tarifanan  aki  ta  drenta  na  vigor  riba  1  di  yanüari 2012. E siguiente fecha pa hasi kambio ta 1 di aprel 2013, segun e  prosedura.     E “Nota di Maneho Suministro di Koriente Duradero riba Eskala Chikí Kòrsou” a  keda stipulá riba 16 di novèmber 2011 i awor a stipulá tambe tarifa pa suministro  bèk di koriente. Den e Nota di Maneho tin pará e kondishonnan i preskripshonnan  pa produkshon di koriente riba eskala chikí dor di kasnan di famia i usuarionan  komersial. E Nota di Maneho aki ta un elaborashon mas aleu di e “Nota di Maneho  Regulashon di Suministro di Koriente Kòrsou 2011‐2015” ku Konseho di Minister  a  stipulá  riba  16  di  febrüari  2011.  E  Nota  di  Maneho  aki  ta  deskribí  e  vishon  i  intenshonnan di maneho di gobièrnu riba tereno di suministro di koriente.     Energia duradero  E  maneho  di  koriente  di  gobièrnu  ta  dirigí  entre  otro  riba  stimulashon  di  produkshon  i  uso  di  energia  duradero  a  base  di  fuentenan  limpi  ku  pais  mes  ta  disponé  di  dje,  manera  solo  i  bientu.  Pa  fasilitá  e  produkshon  i  uso  tabata  nesesario  pa  regulá  dos  aspekto:  produkshon  duradero  riba  eskala  chikí  i  konekshon di e instalashonnan pa produkshon duradero riba eskala chikí, riba e  ret públiko di koriente. Awor Aqualectra tin e obligashon pa konektá kada ekipo  pa    produkshon  duradero  riba  eskala  chikí  di  koriente  pa  propio  uso  òf  pa  un  grupo chikitu di persona òf organisashon, riba su ret di transporte i distribushon.  E  ekipo  mester  kumpli  ku  kondishonnan  di  konekshon  i  otro  preskripshonnan  tékniko. E konekshon ta trese kuné e posibilidat di suministrá koriente bèk.      

Pagina 1 van 3 


Suministro bèk  Ora e usuario di energia di solo òf bientu ta konektá riba e ret di Aqualectra, e por  suministrá  koriente  di  mas  ku  e  no  ta  usa  na  e  ret;  esaki  ta  loke  ta  yama  ‘suministro  bèk’.  Esaki  ta  posibel  a  base  di  kondishonnan  i  preskripshonnan  estrikto.   Netmetering  Es  ku  a  hasi  produkshon  duradero  riba  eskala  chikí  i  ku  ta  suministrá  bèk  na  Aqualectra,  ta  keda  kompensá  a  base  di  deskontá (verreken)  entre  e  suministro  bèk i e kompra for di e nèt públiko. Esaki ta e loke yama “netmetering” òf “traha a  base di saldo”.  Pa kasnan di famia i empresanan chikí ta deskontá te 10kW riba un base mensual.  E  kWh  ku  suministrá  bèk  ta  keda  deskontá  1:1  ku  e  kWh  ku  Aqualectra  suministrá. Den e kaso di deskontá aki ta usa pues e tarifanan di suministro, pues  e tarifanan di Aqualectra. Si un kas di famia a suministrá bèk na e ret mas ku el a  usa,  esaki  ta  resultá  den  un  saldo  positivo  di  kWh  pa  e  kas  di  famia,  ku  ta  pasa  over pa e siguiente luna. Na final di un aña kalendario, si a sobra un saldo positivo  o  krédito  akumulá,  Aqualectra  ta paga  a  base  di  e  tarifa  di  suministrá  bèk,  pues   40  sèn  pa  kada  kWh,  na  e  usuario.  Despues  ta  kuminsá  un  siklo  nobo  di  suministro i suministro bèk.  Pa e usuario  komersial ku tin kapasidat di produkshon di mas ku 10kW te ku 1  MW  ta  konta  ku  no  ta  deskontá.  Aki  Aqualectra  ta  paga  tur  luna  pa  kada  kWh  suministrá bèk dirèkt e 42 sèn pa kWh. Pues no ta deskontá i traha a base di saldo.   Rekuperá   E meta di e tarifanan pa suministro bèk ta pa duna esnan ku ta produsí koriente  duradero  riba  eskala  chikí  un  kompensashon  adekuá  pa  e  energia  duradero  ku  nan ta produsí i entregá na e ret. Di e forma aki nan por rekuperá nan invershon  den instalashonnan manera pènel di solo den un tempu rasonabel.     Balansa  Mester  tin  un  balansa  si:  suministro  bèk  i  e  tarifanan  pa  esaki  no  mester  trese  kostonan irasonabel kuné pa Aqualectra, mirá for di un punto di bista di negoshi.   Esaki ta lógiko, ya ku Aqualectra tin i ta mantené e responsabilidat pa ku e ret di  públiko  di  koriente,  i  komo  back‐up  pa  tur  kas  di  famia  i  organisashonnan  na  Kòrsou. Pues no por hinka Aqualectra den un situashon di riesgo. P’esei a pone un  límite  na  ekiponan  di  produkshon.  Pa  kasnan  di  famia  i  empresanan  chikí  a  stipulá e límite na 10kW, i pa usuarionan komersial a pone komo límite 1MW. Pa 

 

Pagina 2 van 3 


e dos tiponan aki di produkshon riba eskala chikitu no tin mester di konseshon;  pa produkshon riba eskala mas grandi ku esaki, si tin mester di konseshon.     [FIN DI KOMUNIKADO]   Teksto pa foto:     E  maneho  di  koriente  di  gobièrnu  ta  dirigí  entre  otro  riba  stimulashon  di  produkshon  i  uso  di  energia  duradero  a  base  di  fuentenan  limpi  ku  pais  mes  ta  disponé di dje, manera solo i bientu.    Nota pa redakshon– no pa publikashon    

Pa mas informashon:  

Jacques Heide  Bosero kampaña publisitario di Maneho Nobo di Koriente  Tel. 513­3717   

 

Pagina 3 van 3 


Komunikado