La composición d'ocho poemes Flores mirandesas, del filólogu José Leite de Vasconcelos, considérase la primer obra lliteraria en tierra de Miranda. Yá en 1882 el filólogu publicara O dialecto Mirandez, onde afirma que'l portugués nun ye la única llingua de Portugal. Principios del sieglu XX Sigue la producción lliteraria n'asturianu y bien especialmente la producción teatral, con Pachín de Melás y Marcos del Torniello como principales esponentes. En prosa y poesía ye ponderatible la obra de Xosé García Peláez (Pepín de Pría) y Fernán-Coronas. Tamién nesta dómina desenvuélvense numberosos estudios llingüísticos. 1919: Academia Asturiana d’Artes y Lletres Impulsada ente otros por Fabricio, redactor xefe d'El Comercio y fundador del periódicu El Regionalista Astur. Participen nella destacaos asturianistes pa impulsar estudios sobre la llingua y música asturianes. Periodu 1934 – Guerra Civil – Dictadura Les condiciones polítiques y sociales d'Asturies que deriven de la Revolución Asturiana del 34 y la Guerra Civil atayen toles posibilidaes de desenvolvimientu llingüísticu y lliterariu na nuesa tierra. Na posguerra la situación nun ameyora. Apenes s'escribe una poesía folclórica, sentimentaloide o festiva, anque dellos autores como Llorienzu Novo Mier, Xosefa Canellada, X. Manuel d'Andrés empiecen a trabayar a favor d'una recuperación cultural y llingüística d'Asturies. 1969: Amigos del Bable En 1969 créase esta asociación coles mires de fomentar la cultura asturiana. Los sos impulsores son Llorienzu Novo Mier y José León Ledestal y les sos actividaes céntrense na edición de discos y concursos lliterarios. 1974: Conceyu Bable La fundación d'esta agrupación ye un finxu na hestoria de la nuesa llingua. Los sos plantegamientos estrémense de los de les xeneraciones anteriores con un compromisu claru cola normalización social de la llingua asturiana. Per primer vegada los escritores asturianos son conscientes del so llabor al escribir, son sabedores de que tán faciendo cultura y non entretenimientu y ponen de manifiestu que n'asturianu pue escribise de too. 1976: Manifestación: Bable a la Escuela La entrada del asturianu nel sistema escolar foi siempres un pidimientu del movimientu reivindicativu de la llingua asturiana. En 1976 entámase una campaña masiva que llega al so puntu más altu cola manifestación celebrada en Xixón, a la qu'asisten más de 5.000 persones, na que tamién se pidía autonomía p'Asturies. 1984: Xunta pola Defensa de la Llingua Asturiana Esta asociación créase coles mires de lluchar por una presencia digna del asturianu na vida pública. Ye convocante de les manifestaciones pola oficialidá que concidiendo col Día de les Lletres Asturianes axunta a miles de persones. Tamién entama tolos años el Conciertu pola Oficialidá y
16