Page 1

KUIKUI

Egilea: Txatxilipurdi Elkartea

0. AZALA

Aldizkariko azala ikusita, hilabete honetan, zeren inguruan arituko garela uste duzue? Animaliak, txoriak, zuhaitzak… Egin apustu eta jarraitu aurrera!

PUBLIA

Hona hemen Pirritx, Porrotx eta Marimototsen Kuikui ipuin eta diskoa! Irakurri, entzun, memorizatu, kantatu… eta jolastu!!

1. AURKIBIDEA

Apustua egin duzue dagoeneko? Zeren inguruan jardungo gara? Txoriak, kantuak… Bai, horixe!! Irakurri Beñat Gaztelumendik sortutako bertso txikia eta ondoren aurkibidera jo. Nondik hasiko gara gaurkoan?

2. LAGUN

Hemen dator Lagun euskararen jatorriarekin. Ba al dakizue animaliek gizakiei hizketan irakatsi zigutela? Gehiago jakin nahi? Irakurri arretaz! Ondoren, bigarren orrian dauden marrazkiak eta hitzen esanahiak hartu, moztu eta beste paper batean itsatsi itzazue, marrazkiak eta esanahiak lotuz.

-1Gida 109_Kuikui


KUIKUI

3. PUPU ETA LORE

Pupu eta Lore txio-txioka dabiltza. Txoriek euskaraz bakarrik dakitela uste duzue? Frantziara joaten badira, nola egingo dutela uste duzue? Eta italian? Eta japonian? Irakurri lasai-lasai ondorengo komikia.

4. TIRITATXO

Zein hizkuntza ikasi duzu zuk lehenengo? Sartu zaitezte irudiko parke honetara eta, Tiritatxoren laguntzarekin, irakurri eta erantzun itzazue bertako galdera eta kontuak. Behin irakurrita, zuk zein hizkuntza erabiliko duzu?

5. MARTINBERTSO

Munduan hainbat hizkuntza daude. Guztiek dute doinu, erritmo eta goxotasun bat. Gure inguruan ere, asko dira dauden hizkuntzak. Horretarako, zuen etxetik irten eta parkera, liburutegira edota mendira joateko gonbita egiten dizuegu. Txoko horretara zoaztenean, begiak itxi eta entzun. Zenbat hizkuntza entzuten dituzu? Animalienak, gizakionak… Egin zerrenda bat.

-2Gida 109_Kuikui


KUIKUI

6. HAURRENTZAKO YOGA

Hilabete honetan “zubiaren jarrera” praktikatuko dugu. Jarrera hau eginik, zoriontasun zubiak eraikiko ditugu. Zuek ere zoriontasunaren zubia sortzea nahi duzu? Aurrera ba!

7. HAUR KANTAK

Pirritx, Porrotx eta Marimototsen “Kui kuikui” abestia ezagutzen al duzue? Entzutera eta guztiok elkarrekin abestera gonbidatzen zaituztegu. Jarri musika topera eta letra eskuetan duzuela goazen kantatu eta dantzatzera!

8. BARATZE NATURALA

Baratzeko bihurri pareak esperientzia berriak bizi nahi ditu. Aspaldian ikusi ez dituzten enara txoriekin munduan zehar bidaiatu nahi dute. Lortuko ote dutela uste duzue? Nora joango dira?

9. ESKULANA

Txitxilipurdiko lagunekin kalera irtengo gara lehendabizi. Udazkeneko garai honetan, zuhaitzetatik hostoak erortzen dira. Gure proposamena, kalera irten eta zuhaitzetatik erortzen diren hosto horiek batu eta horiekin sortzea izango da. Hortaz, segi belargunera, batu hostoak eta sormena lantzen hasi. Zer egin genezake hosto hauekin? Arkatza eta papera harturik … Sortu!

-3Gida 109_Kuikui


KUIKUI

IRRIA ALDIZKARIA

Irrien Lagunak-en aldizkariaren harpideduna egitea aukera paregabea izan daiteke ordenagailu edota tabletaren pantailatik urruntzeko. Baita, gaur egungo gizartea ulertzeko eta errealitatea ondo ikusteko baliagarria ere bada. Edonon, edonoiz eta edonorekin partekatu eta irakurri daitekeen aldizkari bat da. Gainera, irakurzaletasuna bultzatu eta familian zein lagun artean denbora pasatzeko paregabea da, gauza berriak ikasiz.

10. EUSKAL HERRIKO ANIMALIA

Lepazuria Euskal Herriko lur azpi eta harri arteko zuloetan bizi den animalia da. Karraskari, txori edota anfibioak ehizatzen ditu. Ba al dakizue nolakoak diren? Ba, itxaron! Ezer ikusi aurretik, eta orain bertan egindako aurkezpen txiki honekin, ausartuko zineten animalia hau marraztera? Nola irudikatzen duzue? Behin marrazkia eginda, animalia hau ondo ezagutzeko, irakurri eta begiratu arretaz.

11. PIRRITX, PORROTX ETA MARIMOTOTS

Pirritx, Porrotx eta Marimotots etxea garbitzen hasi dira. Nola bukatuko dutela uste duzue?

-4Gida 109_Kuikui


KUIKUI

12. TXOKO TXIKI KUTTUNA

Airez aire, ahotik ateratzen zaizkigun gauza guztiak… Kuttuna, euskaraz egiten ditugun hitzak… Eta, zer egiten duzu zuk?

13. MARIKALANBRE

Marikalanbrek ez daki zer egin. Fatimaren urtebetetzea da eta ez daki zer oparitu. Zer egingo ote dio? Irakurri arretaz istorioa. Behin irakurrita, zuek ere animatzen al zarete berak egindako eskulan hori egitera?

14. LARGABISTA

Lagunek maitasun txio bat jaso du, baina ez daki nork bidali dion. Largabistak lagunduko dio egilea aurkitzen. Zuen ustez, nork bidali dio? Asmatuko dutela pentsatzen duzue?

15. MARIMATRAKAK

Marimatrakak eskolaz aldatu behar izan dira, uholdeen ondorioz. Beste ikastetxera iristean, zurrumurruak entzun dituzten bertako kideen artean. Zergatik izango ote da?

-5Gida 109_Kuikui


KUIKUI

16. MUNDUAK GUZTIONTZAT BEHARKO LUKE

Patakon itsasgizona da eta, aspaldian lehorrean dabilen arren, Ane Piratarekin eta Marea Urdineko lagunekin batera, itsasontzian sartu eta itsasoratu egin dira. Zer egingo duten jakin nahi duzue? Marea Urdina elkartea ere ezagutu nahi al duzue? Aurrera ba!

-6Gida 109_Kuikui


Millions discover their favorite reads on issuu every month.

Give your content the digital home it deserves. Get it to any device in seconds.