Page 38

крезьГУр дУнне

ЮЛИЯ НИКИтИНА со ик кырњась но, азьветлћсь но

Юлия никитина – удмурт егитъёс понна тодмо ним. Вордћськемын но будэмын Шаркан ёросысь сосновка гуртын, али дышетске кун университетлэн истори факультетаз. чебер но усто кырња, кылем арлэн пумаз «Шунды» огазеяськонлэн тќроез луиз. – Юлия, мар бордысен кырњанэн эшъяськонэд кутскиз? «Шундыкар» лагере трос ветлћд шуыса тодћсько. – зэмен но, мон отчы тямыс пол ветлћ. нош нырысьсэ сюри надежда уткина косэмъя. ми соин тодматским песятаймылэн юбилеяз. мон соку калык азьын кырњай но, надежда эдуардовналы туж кельшем. отысен ик вераз, та пичи нылэз, пе, кутћсько «Шундыкар» лагере. озьы со мыным кырњан дуннее сюрес усьтћз. – Отысен собере эстрадае потћда? – лагерьын нырысь кык арзэ мон фольклор отрядэ ветлћ, собере уткина адњиз, будћсько шуыса, но поттћз эстрадае. отћяз ачим выжи ни азьветлћсьёслэн отрядазы. маке но выльзэ лэсьтэм, эскерем потћз. нош кылем арын «Шундыкарын» вожатой луыса ужай ни. пќртэмлыкез вань вылэм: пинал синмын учкыса, «Шундыкар» выжыкыл кадь потэ вал, нош будыса валано, со выжыкылэз улонэ пыџатон понна трос ужано шуыса. иже дышетскыны лыктыса, марина галичанина кутћз монэ «малпан» группае света ручкинаен, эльвира панченкоен но снежана эскандероваен џош. нош университетэ дышетскыны пырыса, концертъёсын ветлыны џемысь ќз пќрмы ни. бырйи дышетсконэз, дыр ортчемъя шќдћ, улонам маке но уг тырмы кадь. интернет пыр шедьтћ

0

дима загребинэз, валэктћ, кырњаме потэ шуыса. озьы ми кќня ке кырњанъёс гожтћм. яратон сярысь дуэтэн клип дасям, озьы ик огнамлы «тон понна» кырњан тупатћм. таин валче трос гинэ концертъёсы, дискотекаосы пыриськылћ. но берло вакытэ кырњаны нош ик дыры уг тырмы. озьы ке но кырњан котьку улоз мынам сюлэмам, со мыным туж но туж юрттэ. Шуом, шуг-секытъёсты вормыны, огнам ке кылисько, одно маке но нёжъясько. мон пќртэм музыкаез яратћсько. быгатћсько секыт рокез кылзыны, «рамштайн» нергезэ. классикаез но, лирикаез но яратћсько, но стилезъя тужгес но матын марайя кери. удмуртсэ ке верано – сюлэмам каръяськиз «марлы тћяй» калык кырњан. – нош малы дышетскыны истори факультетэз бырйид? – бадњым классъёсын йырам малпан пыриз, историез дышетоно шуыса. та удысэн туж тунсыкъяськыны кутски. валай, история усьтэ ќсъёсты улонысь мар ке но выльзэ шедьтон понна. – тон удмурт егитъёслэн «Шунды» огазеяськоназы но чырмыт ужаськод. – озьы. кемалась ќвќл эшъёсы тќро каризы. уж трос, но, малпасько, ми ваньзэ вормом. валэктћсьёс, юрттћсьёс но вань. туж бадњым юрттэт сётэ татьяна ишматова, озьы ик людмила Чернова. кивалтћсе быръемзы витьымтэ шорысь ке но луиз, мон солы дась ни вал. эшъёсы оскизы мыным. – «Шунды» пыр мае лэсьтэмед потэ, ваньа кыџе ке нимысьтыз малпанэд? – али дыре трос гинэ малпанъёс йырам бергало. но выль программа радъямын ќвќл на. «Шунды» – со сыџе инты, кудћз пыр пото зэмос удмурт азьветлћсьёс. соин ик ми тыршом кельтыны ваньзэ њечсэ, мар вал азьло, но утчаны выль ужан амалъёс. азьланяз но утьыны выроно «Шундыкар», «вамыш», «Шудо семья» выллем проектъёсты. малпано вылэм сыџе ужрадъёс, кудъёсыз удмурт егитъёсыз дорамы кыскысалзы но огазеясалзы. тани анай кыллэн нуналаз ми малпаськом, Шор площаде потыса, акция лэсьтыны. ортчись адямиослы удмурт-њуч вераськонэн бичет (разговорник) кузьманы. – нош профессиедъя тон кин луыны малпаськод? – специализациме ке верано, мон шаер тодосчи луисько. мыным кельше топонимикаен

вырыны, вань малпанэ азьланяз но быръем удысъя тодон-валанме будэтыны но наукае выжыны. – «инвожо» журнал пыр мар верасал удмурт егитъёслы? – удмурт луэмзылэсь медам возьдаське. малы ке шуоно вань пќртэм калыкъёс, котькудћз дуннеын ас ужпумзэ азинтэ. аспќртэмлыко лулчеберетэныз висъяське, кудзэ азьланяз милемлы, егитъёслы, утёно. петрозаводске конференцие ветлыкум, мон туж пайми таџе учырлы. дорам венгриысь, Финляндиысь, эстониысь егитъёс лыкто но удмурт сямен вераськыны кутско. соос юри вылысь кылмес дышето, тунсыкъясько удмурт этносэн, нош асьмеос вордскем кылмылэсь палэнскыны выриськом. светлана любимова.

01-02 - 2010, толшор-тулыспал



INVOZHO-01-02-2010-WEB  

Валерий Савин. Мой мир. Сальвадор Дали. Космический слон. Сальвадор Дали. Ласточка. Сальвадор Дали. Архангел. 01-02 - 2010, толшор-тулыспал...

Read more
Read more
Similar to
Popular now
Just for you