Page 37

история реЖиссёръёсын кусыПъёс режиссёръёс но пќртэмесь луо, кусыпъёс но. котькудћзлэн аслаз амалэз, адњонэз. мон режиссёрез нырысь валаны тыршисько, бќрысь солы оскиськыны кутскисько. соку гинэ маке но вордћське. нош пумитъяськиськод ке, пушкад вормытъяськонэд ке вань, одћг кыл соин уд ке шедьтћськы, соку роль бордын кема курадњоно луэ яке со уг ик пќрмы. тани басьтом «ревизор» спектаклез. гогольлэсь пьесазэ пуктыны театре ќтемын вал коми-пермяцкой автономной округысь режиссёр станислав мещангин. ми соин азьло ик одћг кылэ ќм

Мар Утчаз таМЕрлаН тУйМы шУрлЭН ярДУръёсаз? яке мар сярысь вераськиз со аръёслэн пересь вќсясьёсы нызы но туно-пелёосынызы?

вуэ. «солэн» Хлестаковез мыным валантэм потћз, сюлэмы та ролез шудыны нокызьы ќз усьтћськы. мон ќй оскы режиссёрлэн шќдонэзлы. выжи мукет роле – добчинскиез шудћ. бератаз режиссёр валаз ик монэ, жаль, пе, тонэн ик ролез пумозяз ќм вуттэ шуыса. куддыр угось улонын огшоры чидан но кулэ, уг яра пќсекъяны, ог-огдэ ултћяны. пушкам та учыр весяклы кылиз кадь. соин џош ик Хлестаковез шудыны мылкыды эшшо но юнмаз. озьы ик тунсыко ужаны али кутскись режиссёрен но. асьме артист ик спектакль борды басьтћське ке, со адями шоры выль сямен учкиськод ни. режиссёр артистъёсыз сьќраз валтыны быгатэ ке, сыџе муртэн тунсыко ужаны. Жадён ке лЮкаське… куддыръя со шуак люкаське. артистлэн ужез капчи ќвќл угось. Џукна султћсько но котьку сямен малпаськисько, нош малы ай мон та ужез бырйи. маиз мыным отын кельше? соку ик валасько, мыным кельше выль роль бордын ужаны, солэн ќраз пырыны, лулпушказ бугыръяськыны. собере йырын пќрам героез сцена вылэ поттыны тыршиськод ни. нош отысен шќдћськод, учкись тонэ кылзэ-а, адње-а, малпанъёсыд сьќры мынэ-а шуыса. асме озьы нуналлы быдэ сћсъясько. ведь ужын огшоры гинэ уг луы: мынам созэ потэ яке тазэ. кытысь куЖыМ ПОтэ? артистлэн ужаз соиз но кельше, пќртэм рольёсты шудыса, психолог выллем луоно, со ужын но, улонын но юрттэ. угось роле пырыку, геройлэсь котькуд выроссэ, вамышсэ чаклано луэ. Џемысь янгышлэсь но алэ соиз яке таиз роль. образ бордын пќсятозь ужано луэ, но учкисьёс берен берыкто со кужымез, шумпотыса пумитаменызы, шуныт но валась синъёсынызы ужаны мылкыдэз эшшо но лќпкыто. Будыны Мар лЮкетэ? Шонерзэ вераса, ужаммылэн пайдалыкез берло дыре ќжыт, спектакльёс но трос пуктћськом кадь, но улонын со туж ик уг шќдћськы. тросэз удмуртъёс вордскем кылзылэсь палэнско, нылпиосынызы но удмурт кылын уг верасько, школаосын но уг дышето. удмурт артистлэн данэз усиз кадь. азьло радио, телевидение бадњым уж нуизы, калык яратћз, тодћз артистъёссэ. али дыре луонлыкъёс сюбегало. Ма сО – туЖгес нО БадњыМ ШуМПОтОн? семьяе. мон понна со ваньмыз – яратон но, эшъяськон но, шутэтскон но. кык пиосы будо, бадњымезлы 7 арес, пичиезлы – арес но ќвќл на. тыршисько соосты шудо вордыны. квартирамы вань, асьмеос басьтыны пќрмытћм. кузпалы артист ќвќл ке но, озьы ик творчествоен выре. дышетскемезъя – суредась, удмурт кун университетысь худграфез йылпумъямын, со сяна, ландшафтъя дизайнер луэ, туж но туж сяськаосыз яратэ. сад-бакчаямы соос олокыџеез но будэ. светлана любимова.



1395-тћ арын музъемъёсты киултћсь Тимур-Аксак (озьы ик тодмо Тамерлан нимын), Зарни Ордаысь Тохтамыш кивоштћсезлы йыркуръяськыса, ожгарчиосыныз Самаркандысь (Шор Азия) Поволжье пала вырње, отћяз – њуч музъемъёсы. Зарни Ордаысь уллямзы бере Тохтамыш Литвае пегње. Тимур вань улонзэ сьќсьяськыса сямен палэнысь музъемъёсты но калыкъёсты киултылћз. Озьы со мерскылћз Кавказ сьќры, Индие, Иранэ, Казахстанэ, Малой Азие, Хорезме. Куке Куликов бусыын Мамаез вормизы, Тимур Зарни Ордалэсь шоркарзэ басьтэ но Ордаен кивалтыны Синейысь Тохтамыш чингизидэз пуктэ. Нош табере со туж йыркуръяськиз кызьы ке Тохтамышлы, озьы ик быдэс лымшор Русьлы но. Тимур сак кылзћськиз астрологъёсыз, тодметъёслы туж оскиськиз. Москвае нуон сюрес вылысен со тодмотэм мугъёсъя войскооссэ шуак дугдытэ но (вань малпан, Тамерлан уйвќт адњем шуыса) Шундыљужанлэн лымшор палаз валтэ. Берытскыкуз, Алабужской но Ананьинской городищеосы пыраса, сюрессэ азинтэ. Озьы тћни дуннеез эриктэмась чутык Тамерлан (пичи дыръяз вынъёсыз солэсь сќнзэ вандћллям, мултэс шаян луэмез понна) асьме улосамы вуэ – Туймы шурлэн ярдуръёсаз, џапак туала Елабугалэн шор интыяз. Елабужской городищеысь Ак мечетьсы (Тќдьы мечеть) Волга но Кам шуръёс вискын улћсь вань ислам калыклы тодмо вал. Тимурлэн нимыз гинэ но калыкъёсыз кышкатъяз. Афганистанын улћсьёсыз кышкатон вылысь со косэ 2 сюрс улэп пленнойёслэсь горд сюен но пилем кирпичен суро башня љутыны. Индиын 100 сюрс пленэ сюремъёсты виыса куштэ. Шор Азиын 4 сюрс муртэ улэпен музъеме соге. Нош Исфаганын 70 сюрс вандэм йыръёслэсь башня-пирамида пуктыны косэ. Таиз учыр асьмелы тодмо В. Верещагин улосчимылэн «Апофеоз войны» суредэзъя но. Таяз учыре со лексэ мусульманъёс, Ак мечетьысь тодћсь муртъёссы вылэ лэзе. Нош крепосте пырон ќсэз Кам шур кузя келя. Тани кызьы со сярысь гожтэ летописец: «Татар хан Тимур-Аксак, Чертово городищеез пазьгыса, Магометлэсь дышетонзэ азинтћсьёслэн шайвылазы пыре». Мукет нуналаз Тимур-Аксак Ананьинской городищее вуэ (кызьы тодмо, татысен удмурт калыклэн историез кутске) но лумбыт аръёслэн вќсясьёсынызы вераське. Мар утчаз Тамерлан Туймы дурысь но кыџе визь-кенеш куриз пересьёслэсь, туннэ тодмо ќвќл, но историкъёслы со туж тунсыко. Оло ке, та сярысь араб летописьёсын гожтэмын, кудъёсыз али дыре пумозяз эскеремын ќвќл на. Евгений Эжбаев, Уваысь шерчи. 01-02 - 2010, толшор-тулыспал



INVOZHO-01-02-2010-WEB  

Валерий Савин. Мой мир. Сальвадор Дали. Космический слон. Сальвадор Дали. Ласточка. Сальвадор Дали. Архангел. 01-02 - 2010, толшор-тулыспал...

Read more
Read more
Similar to
Popular now
Just for you