Page 24

федор Пукроков

«ошмес син»

секыт џукна



туж пичи аресам та сюбег сюрестћ вордћськем гурт сьќрам нырысьсэ мон потћ. вазь тулыс вал гуртын, сюресъёс – напыра… пилемъёс пыр шунды мќзмылэс чильпыра. мон адњи атайлэсь кизьыны мынэмзэ. уйиськи со сьќры: адњоно ужамзэ. со уг басьты монэ, кышкатэ: «кынмалод!» бертыны, пе, доре одћгнад йыромод… учкисько, атае дугдытэ ни валзэ. «Ќд ке кыльы, њезё!»– пертчылэ со езэ. тодћсько ук: уз жуг, яратэ со монэ. озьы ке но тыпак каллена мынонэ… вырњытэ ке валзэ, мон сачыр бызисько. дугдытэ ке воззэ, Шыпытак дугдћсько. бызёнъям кыџе ке силёе канжаськи. Шќдытэк кыльыса, Чир гинэ мон кеськи. кыллисько нќд пќлын, лушкемен бќрдыса… жаль потћ атайлы: Њыгыртћз лыктыса. ныпъяса ик нуиз, ын вылэ интыяз. возь вылын пуконэз мыным сокем яраз! – жиль-жиль тыр кидысъёс вырњыку жигыльто, серемез поттымон гызырто-бичато. мон жади но, ява, пукыса воз вылын:

атайлэн удысэз кыдёкын ик вылэм. луд вылэ со кожиз, дугдытћз ужпизэ. дыртытэк сезьыен тырмытћз кудызэ. югырак пиштыса, кидысэз пазьгиське, кожалод, пыд улэ тылгизьы валиське. паймыса мон малпай: сюй ќвќл пыд улам – кизили уллёос, ворекъясь сьќд инбам… атай бур киыныз вутскылэ кадь сюлмаз, отысь њеч малпанзэ пазьгылэ му вылаз… котьма ке но, каллен синэ ынмы вылысь зарни сезьы. мыным кезьыт… малы меда Ќй поны мон йырам изьы. улляськыса лыктћ бере, уг дћсьтћськы куриськыны. весь возьмасько: ачиз но со кутскоз тани дырекъяны. нош учкисько атай шоры, уг оскиськы ас синмылы: со поньтоксэ1 ини пертчем, Љокыт луэм, шуод, солы! атай йырзэ гольык кельтћз – вуж картуззэ мыным сётћз. тыриз отчы сезьы кидыс, мыным нимам висъяз удыс: «крестьян калык, зќк дћсен уг, Шуна њырдыт лэсьтэм ужен». нош мон уг тодћськы ни вал, мар карыны куалекъямен… картуз бќрсьы буша картуз, кизем удыс паськытоме. Ќй шќд, кызьы вунэтћськем эбыляса дырекъямме. тани потћм ни бертыны. мынам йыры сыџе вылын: атаелэн сямен, пыды йќн-йќн уллань ошиськемын.

милям бушам уробомы. лёг-гопъёстћ шалтыр ворттэ. лыктћсь муртъёс учко мышсэс: «пиосмуртъёс берто гуртэ…» бертон дырмес, лэся, шќдэм, анай ачиз усьтћз капка. возьмам ческыт курлой2 шыдэн, зыныз вќлмем быдэс корка. анай мыным огдышемъяз ас тусьтыям лэзе вал шыд. атай солы шуиз: «пимы асьмемын џош сиёз та љыт». бадњымъёслэн тусьтыязы сыџе ческыт вылэм шыдзы! Ќй тоды на соку – сиён ужам бере ческыт котьку… арня гинэ, оло, ортчиз, атай монэ сьќраз чортћз. Ќй тодма ни мон бусымес, бурдъяськытэ со сюлэмез! музъем улысь бычыр-бычыр пото лыз-вож-курень удъёс. выжыкылын выллем котыр! эркын шока котькуд будос… тюрагайёс чагыр инмын вис карытэк жильдо азвесь. куажы дандћ ошмес дурын мар ке џажыр кеся кадь весь… мќзмыт солэн куажгетэмез, Шќдэ кадь со мар ке љожзэ… Шќдэм, оло, атаелэсь та бусыен люкиськонзэ… мон со џукна туж вазь сайкай – гужем куазен тыл вань на ай… Љубис ворсам пурты ымысь пќсь бус выллань љутске. гур кемалась ни эстэмын: коркан ческыт пыжем сћль зын… гуре шормам няньёс тыро, вылзэ чечы вуэн зыро. мон шумпотћ: куно лыктоз, кырњанъёсын тырмоз ульча…

мыным салам кузьмалозы, ымын сылмись вазь юача… анай љќк выл тыраз пуктоз Ческыт, чебер пќрамъёссэ. сюлмысь потћсь њеч кылъёсын со утялтоз кунооссэ. Џужмурт монэ басьтоз алаз, пизэ музэн, юн њыгыртоз. вераськемме кылзћськыса, «тады визьмо будэ…»– шуоз. «песятаед кадь лу, ява,– вазёз, синмам ик учкыса,– лэсьты ваньзэ калык понна, мае ќз ву со лэсьтыса». кельше ондћ џужмуртэлэн монэн сыџе вераськемез. олокыџе но малпанъёс бугыръяло вань сюлэмез. …иське, љоген лыктоз куно!.. огез гинэ чик валантэм: малы меда анай азьло номыр мыным поттылымтэ?.. малы нош со пуйыосы тыре сиён, пќртэм котыр. бригадирмы петыр агай мар ке вера укномы пыр. песяй юа: «мар со ветлэ?» анай вазе: валъёс, пе, дась. сћлез но поттоно ни вал, песяй шуэ, ќжыт ай вазь. нош верасько соос лушкем, синкылизэс возё мырдэм. мон валатски, шќдћ сюлмын: улонамы мар ке луэм. созэ берло ни мон валай – атыкайме басьто вылэм. валай ке но, ќй оскы, ќй… атаеным сыџе умой, сотэк кыџе улон луоз? такем дуно адямиен, кин люкыны монэ дћсьтоз? бускельёсмы корка тырос, ваньзы соос бќрдо гурен. апайёслэн но агайлэн синвуоссы бызё шурен. мон малпасько: «вот шузиос, юнме синкылизэс кисьто: уг лэзьы, уг атыкайме, Њыгыртыса сое кельто!» тани љќкез утялтћзы, анай отчы тыр нянь понћз. тыр нянь борды йќтћськыса,

атай љќк котыртћ потћз. мумыкоре буртчин чукен азвесь уксё шуккиз пыдло, монэ чупаз, юн њыгыртћз. палэнтыны медэ, оло?.. мон паймыса учки синмаз: «атай, тон куштћськод монэ?! иське, «яратћсько» кылын монэ тон алдаськод гинэ?..» атай синзэ уллань лэзиз, ымдуръёсыз дыректћзы. кык секытэсь синкылиос гадьме тылын кадь сутћзы. мон нырысьсэ валай соку: люкиськисько атаеным. яратонэз солэн кужмо – но вань солэсь бадњым кужым! сильтќл музэн со омырскиз, нуэ тани атыкайме… эх, мед луоз вылэм мынам аслам солэсь зол кужыме! возьыт луиз атай азьын: юнме гинэ мон пыкылћ… …песяй монэ китћм кутћз, Џошеннамы корка кылим. нош азбарын – огыр-бугыр, пелез кесё ни куараос. Њез3 гырлыос вазё жингыр, вќлмо љожесь лекрут гуръёс. мынам сюлмам мар ке чигиз, Ќвќл ни кадь бќрдон, кайгу. Чалмиз гадьын, сюлмы луиз бырем яратонлы йќгу… тани капка но усьтэмын, люкиськон гур мытћз арган. гадьын сюлэм шуак вырњиз, Љокыт луиз мыным коркан. нош урамын кќня валъёс, кќня калык кисьтћськемын! келяськисьёс гурт шорысен урам пумозь кыстћськемын. дыртћ тодмо сюрес кузя, ватски љужыт сезьы пќлы. вадьсам ке вуизы валъёс, киме мычо атаелы. монэ лќбак со ныпъялоз… уг чорты ни сое гуртэ, Шуо: «уг лу люкиськеме, котьку луо тонэн артэ!» арган бќрдэ… валъёс вортто. жингыр вазё њез гырлыос. сюлэм тэтча: тани-тани дорам матэктозы соос. бен мар луиз али таџе?

ялан уг матэкто валъёс. дорам матэ но лыктытэк, ортчиллямзы ини соос… Ќй тоды мон, ќй малпалля: сюресъёс кык пќртэм вылэм – тросэз лудэ гинэ нуэ, таиз вылэм пумтэм-йылтэм… туж кыдёкын ќвќл, лэся, сезьы пќлтћ ик со ортче… нош быземе мынам уг лу, пыды юос пќлы дэмње. мон кќня ке гинэ ортчи, Шуак уси тузон пќлы. лёгиськеме уг ни луы, мар ке луэм бур пыдылы. юн џушкаса висе, ява: пыд бакаллы4 луэ њузвир. тулыс кытчы мон канжаськи, выльысь пыдам мертчем, убир… нош арган гур иса кадь весь, весь сюлэмез пирсэкъятэ, ыше кадь со дунне пыдсы, вые кадь но выльысь лќптэ… эх, луысал ке киосам мынам но жин-жин арганэ! вань дуннелы мон кисьтысал – кыџе бадњым куректонэ!… тулыс, тазьы усем берам, атай монэ вќзаз пуктћз. ю кизьыны со дышетћз… пыды ини кыџе пыктћз… каллен гинэ мон вамыштћ, вуи дандћ ошмес доры. орсмем вирме чылкак гылтћ, келяй љожме дун ву сьќры. куректонме келяй ке но, сюлмам берен со берытскиз… мон ум йылтћм ини шќдћ, кызьы монэ анай љутћз…

1 поньток – пыш но ыжгон шортъёслэсь куэм дћсь. 2 курлой – сылалтыса тќлатэм сћль. 3 Њез – бронза яке латунь. 4 бакал – лодћга.

01-02 - 2010, толшор-тулыспал



Фото: александр солопов.

кылбурен роман-малпаськонысь оглюкетэз

INVOZHO-01-02-2010-WEB  

Валерий Савин. Мой мир. Сальвадор Дали. Космический слон. Сальвадор Дали. Ласточка. Сальвадор Дали. Архангел. 01-02 - 2010, толшор-тулыспал...

Read more
Read more
Similar to
Popular now
Just for you