Page 4

Tawid News-Magasin

4

AWAN TI AGBILANG A DINTO AGPULLO

APRIL 18-24, 2011

DAGITI PARAMBAK ITI ILOCOS SUR

Sarita ni Jobert M. Pacnis (Umuna a paset) PAKPAKANEK dagiti baud ni Uliteg idi umanangsab ni Konsehal Itong a sumungad. Kunam no kamkamaten ti sangapulo nga agballa nga aso. Nganngani pay naitikleb idi layawenna ti ruangan. Ayna, umay man ngatan makikape! Kastana ket… “Ni Kap, Anton?” inyalalna. “’Da ‘ta uneg, Konsehal,” kinunak. Insardengko ti obraek. “Apay?” “’Ibagam man nga addaak,” intugawna iti agrungrungarong a ramut ti mangga iti sikigan ti poltri. “Importante kano kunam.” “Sumrekka lattan, Konsehal,” kinunak. Kasta met ti awidna no dadduma. Adu pay ti asikasuek. “Ayabam la bassiten ni Kap,” kinunana ketdi. Kapitan ni Uliteg Sabas ditoy Ammubuan. Maikadua a terminona itan. Gapu ta agbasbasa ni kasinsin Nathan a bugbugtong nga anakda ken Ikit Iyang idiay siudad ti Tuguegarao, innaladak a kadkaduada. Pagbasaendak kano agingga a makaturposak. Itoy a panagseserrek, first yearakton iti Ballesteros National High School. Pitokami nga agkakabsat. Marigatan la unay dagiti nagannak kadakami ta kasano ket awan met masnop a panggedanda. Makitaltalon ni tatang. Aglakolako met iti nateng idiay ili ni nanang no kasta a dapon. Isu a kasta la

unayen ti yamanda idi imbaga ni Uliteg Sabas a pagbasaennak. Nadanonko ni Uliteg nga adda dumdumoganna a papel iti lamisaan iti kosina kabayatan ti panagkapena. Imbagak ti kaadda ni Konsehal Itong. “Pinastrekmo koman, a,” kinunana. “Intugawna met lattan dita paraangan, Uliteg,” kinunak. “Sigsigud met nga agdiretso lattan. Siguro, a, ket adda immuna a nagkapeanna,” inkatawak. “Lokoka nga ubing,” inyisem ni Uliteg. Aglimapulon ni Uliteg. Ngem di madlaw ta ammona a taraknen ti salun-atna. Managwatwat ken naimis iti taraon. Managisem pay, banag a kaykayatan dagiti kalugaranmi ta dida maamak nga umasideg kenkuana. Nagkuyogkami ken Uliteg a rimmuar. “Sumrekka pay, a, Konsehal,” kinunana idi makitana ni Konsehal Itong. “Saanen, Kap,” kinuna daytoy. “Ditoy lattan.” Intuloyko metten ti araramidek itay. “Sinapsapam man,” kinuna ni Uliteg. “Wen, Kap, ta umayko ibaga ‘diay trigardtayo…” “Apay?” “Nagrurugitdan, Kap! Awanen ti langlangada uray kapimpintatayo idi napan a lawas. Dagiti met dadduma, natubtobda.” Nasiputak ti panaglawalawa

ti abut ti agong ni Uliteg. Ammok lattan a makapungtot. Dayta ti pagilasinan ni Ikit Iyang. Naaramid iti haloblaks dagiti trigard a naipanurnor iti agsumbangir nga abaga ti kangrunaan a kalsada. Namulaan daytoy iti kalamansi. Agsabongen dagiti dadduma. Permi nga ayamuomda. “Asino ti akin-aramid?” “Awan ti makaammo, Kap!” “Aniat’ kuna dagiti tanod?” “Awan kano met ti nasalamaanda idi rabii, Kap.” “Imbestigarenyo, Konsehal,” immandar ni Uliteg. “Rumbeng nga agbayadda!” “Sige, Kap!” “NAGALAS met dagitan a kalugaran!” impugtit ni Ikit Iyang idi maammuanna ti immayan ni Konsehal Itong a nasapa. Aggagao iti pammigatmi. “Wen ngarud,” inngilangil ni Uliteg. “Asinoda, ‘ya, ngata?” “Asino pay no di dagiti mammartek!” “Maammuakto laeng, agsaganada!” Ngem di pay nalnalpas ti imbestigasion da Uliteg, sabali manen a parikut ti immay inyangsab ni Konsehal Itong kadayta nga agsapa. Natagtagbat kano dagiti dadduma a pinuon ti kalamansi! Nagdiretsuanna ti nagkape. Uray la nakidkid ti sobrami a palaman idi pulagidanna met ti pandesal a pabulonna. Ania ketdin, aya, daytoy a konsehal a pannakaradio ni Uliteg! “’Nia metten!” immesmes ni Uliteg. “Marmaruamdan!”

Nagsubli ti katunggali tapno awatennat’ setro ngem iti tarmac nagballigi ti bileg ti nangisit a kabalio. Nakitak daydiay ubing, bato inna impallangatok ngem iti tuktokna met laeng a nanaltuok, iti panagdarat’ lulonanna, saem ti nariknana nga umukuok. Timmaliaw Kinuna ti Timek: “Babai, adtoy ti ilim…!” Ket sinungbatan ti babai: “Adtoyakon…adtoy toy tinagtagibim!” Intag-ay ken inappupo dagiti nakaad-adu a gemgem ti babai ket rinebbana ti pader-bartolina. (Adda tuloyna)

AGTUTURAY, NARAGSAKAN... (Manipud panid 1) siudad. Nupay kasta, saan a naaktuaran dagiti gakat a mangkonbert a siudad dagiti sabali pay a 24 a munisipalidad. Idi maika-12 a Kongreso, napagbalin a linteg ti RA 9009. Inadaptar met ti 12th Congress ti Joint Resolution No. 29 a mang-exempt kadagiti 24 a munisipalidad a saan a naaprobaran ti gakatda a mapagbalinda a siudad iti P100 milion income requirement kas sagudayen ti RA 9009. Ngem saan a naaprobaran iti Senado ti nasao a resolusion. Kasta met a saan manen a naaprobaran iti Senado ti nasao a resolusion a pinabaro nga inadaptar ti Kamara. Ngem babaen ti ballakad ni Sen. Aquilino Pimentel, sangapulo ket innem a munisipalidad ti nangipila iti bukodda a gakat nga agbalinda a siudad. Idi naaprobaran dagiti gakat a mangkonbert dagiti 16 a munisipalidad iti kinasiudad, nangipila ti League of Cities of the Philippines iti petision a nagkunaanna a saan a konstitusional ti Cityhood Laws agsipud ta linabsingna ti Section 10, Article X ti Konstitusion ken ti Section 6 Article X a nangituding iti

equal protection clause agsipud ta bumassit ti bingay dagiti existing a siudad iti Internal Revenue Allotment Idi 2008, inkeddeng ti Korte Suprema a saan a konstitusional ti Cityhood Laws ken saan a nagun-od dagiti 16 a munisipalidad ti P100-milion income requirement para iti kinasiudad kas sinaguday ti RA 9009. Ngem idi Disiembre 21, 2009, binaliktad ti Korte Suprema ti immuna a desisionna ken inapirmaranna daytoy idi Hunio 2010. Ngem idi Agosto 24, 2010, binaliktad manen ti Korte Suprema ti bagina ket imbagana a saan a konstitusional dagiti 16 a cityhood laws. Idi Pebrero 15, 2011, indeklara ti Korte Suprema a konstitusional ti Cityhood Laws. Iti daytoy kaudian a desisionna, inapirmaranna ti konstitusionalidad ti Cityhood laws. Panggep ti League of Cities ti agapela latta iti Korte Suprema idinto nga imballaagna ti panangipilana iti impeachment complaint kadagiti justices a pimmabor iti konstitusionalidad ti Cityhood Laws.#

LONGGANISA FESTIVAL - Ang-angayen ti Vigan City iti tunggal Enero kas paset ti panangrambak ti Simbaan iti Konbersion ni San Pablo ken panagbalin ti Vigan a siudad.

TOBACCO FESTIVALl - Ang-angayen ti Candon City iti tunggal Marso kas paset ti panangrambakna iti Ikkis ti Candon ken ti panagbalinna a siudad.

Republic of the Philippines Local Civil Registrar Office Province of Ilocos Sur VIGAN CITY

SIETE PALABRAS... (Manipud iti panid 3) ti subbot iti layus a biddutna. Rigodon, appok ida, rigodon de honor, sala dagiti natiri a di mamati ken di mangitulok a tumakder katunggali. Imkis taga-daya, nangemkem taga-amianan, lalo ni kapungan, ni apo baknang naalsem ti isemna, nagpungtot taga-abagatan, nagpangta dagiti kakadua a nakariknat’ pannakalipat, ti asot’ kaarrubana tinungedanna ti amona tapno inda lumib-at, ti dakkel nga anniniwan sililimed a nagkaradap, ammona pangdutdutdotanna kangrunaan nga alas ti arapaap.

“Ania ngarud ti aramidentayo, Kap?” inkabukab ni Konsehal Itong. “Bagaam amin a tanod ken konsehal. Emergency meeting kunam,” imbilin ni Uliteg. Kalpasan ti maysa nga oras, addan dagiti napaayaban. Binaonnak met ni Uliteg a napan gimmatang iti meriendaendanto. “Pudno ‘ta sinaom, Konsehal,” kinuna ni Uliteg ken ni Konsehal Ulling a nasangpetak. “Adda la ketdi mangsubsubok iti lideratok.” “Dayta ti masapul a maammuantayo, Kap!” insarurong ni Angkel Ron a hepe dagiti tanod. “Kanayonkami met nga agronda ngem no apay a dimi masalamaan ida. Paramanak koma ida ket iti kalkalainganna. Kitaek man no dida agbulbullagaw ditoy bellang a batutak a sagut pay ‘di lilong!” “Iti met panangutobko, Kap,” insarurong ni Lilong Fabian, ti kalakayan kadakuada a konsehal, “kayatda nga ibabain ti lideratom iti kasta adda pamkuatanda a mangpadakes kenka kadaytoy masungad nga eleksion ti barangay.” Nasuroken a sisenta ni Lilong Fabian ngem naparagsit pay laeng a lakay. Sumurotsurot latta nga agronda iti rabii. “Dakkel ti posibilidadna dayta, ‘Tang,” kinuna ni Uliteg. “Saan la ngarud a siak ti puntiriada. Datayo amin…” (Adda tuloyna)

NOTICE FOR PUBLICATION In compliance with Section 5 of R. A. 9048, a notice is hereby served to the public that MEDONIA ARCELLANA RIDUCA has filed with this Office a petition for change of first name from EMMA MEDONIA to MEDONIA in the birth certificate of EMMA MEDONIA ARCE ARCELLANA who was born on 24 SEPTEMBER 1960 at Vigan, Ilocos Sur and whose parents are ERNESTO P. ARCELLANA and NATIVIDAD DE LA CRUZ ARCE. Any person adversely affected by said petition may file his/her written opposition with this Office not later than April , 2011. (SGD.) SUSAN P. ANCHETA City Civil Registrar

KANNAWIDAN YLOCOS FESTIVAL - Ang-angayen ti gobierno probinsial iti maudi a lawas ti Enero agingga iti umuna a lawas ti Pebrero kas panangrambakna iti pannakaisina ti Ilocos Sur a kas probinsia.

TNM: April 18, & 25, 2011 Republic of the Philippines Municipality of San Juan Province of Ilocos Sur Office of the Municipal Civil Registrar NOTICE FOR PUBLICATION In compliance with Section 5 of R. A. 9048, a notice is hereby served to the public that BENIGNO V. ASUNCION has filed with this Office a Petition for Change of First name from NESTOR to BENIGNO in the Birth Certificate/COLB of NESTOR ASUNCION who was born on October 10, 1947 at San Juan, Ilocos Sur and whose parents are Esteban Asuncion and Andrea Vivit. Any person adversely affected by said petition may file his/her written opposition with this Office not later than April 24, 2011. (SGD.) FLORDELIZA P. RABE Municipal Civil Registrar TNM: April 18, & 25, 2011

VIGAN CITY COP... (Manipud iti panid 1) panag-duty dagiti polis iti babaenna. “Uray no naka-leaveka, saanna a kayat a sawen nga awanen ti responsibilidadmo iti duty dagiti tattaom,” kinuna ni Dopale idinto nga innayonna a nga adda naglabsingan iti pannakaipakat ti police integrated patrol system iti siudad isu a napasamak ti pammaltog iti asideg iti kapitolio. “Idi mapasamak ti shooting incident, awan ti makitatayo a police personnel iti provincial capitol,” kinuna ni Dopale idinto nga innayonna nga standard operation procedure ti kaadda ti polis a mai-detail iti kapitolio kas paset ti police integrated patrol system. Kinuna ni Dopale a ni Police

Chief Inspector Ernesto Navarro, Jr. ti natudingan nga in-charge iti Vigan City police station agingga nga adda mangsukat ken ni Nartates. (Ni Provincial Public Safety Company Commander, Police Supt. Emmanuel Hombrebueno Reyes ti kabarbaro nga OIC ti Vigan City Police Station. - Ed) Dead on the spot ni Daclapan, Cabugao Barangay Captain Wilfredo Terrago y Padilla, 45, naasawaan, idinto a pimmusay iti Metro Vigan Cooperative Hospital a nakaitarayanna ni SPO1 Rommel Rebuldela, naasawaan, PNP member a nakaassigned iti Ilocos Sur provincial police office, Bulag,

PANID 6

BINATBATAN FESTIVAL - Maikadua a parambak nga angangayen ti Vigan City kas panangrambakna iti Festival of the Arts and Culture tunggal umuna a lawas ti Mayo.

HERITAGE CITIES SOLIDARITY CELEBRATION - Angangayen ti Vigan City iti umuna a lawas ti Septiembre kas pannakipagrambakna kadagiti siudad a tawid ti sangalubongan.

Tawid News Magasin - VOL. XI NO. 7 APRIL 18-24, 2011  

Your weekly source for the latest ilocos news, literature and information.

Tawid News Magasin - VOL. XI NO. 7 APRIL 18-24, 2011  

Your weekly source for the latest ilocos news, literature and information.

Advertisement