Page 3

APRIL 18-24, 2011 SUNDAY APRIL 24, 2011 Easter Sunday Ps 118:1-2, 16-17, 22-23 This is the day the Lord has made, let us rejoice and be glad. 1st Reading: Acts 10:34, 37-43 Peter spoke to the people, “Truly, I realize that God does not show partiality. No doubt you have heard of the event that occurred throughout the whole country of the Jews, beginning from Galilee, after the baptism John preached. You know how God anointed Jesus the Nazarean with the Holy Spirit and power. He went about doing good and healing all who were under the devil’s power, because God was with him; we are witnesses of all that he did throughout the country of the Jews and in Jerusalem itself. Yet they put him to death by hanging him on the wooden cross. “But God raised him to life on the third day and let him manifest himself, not to all the people, but to the witnesses that were chosen beforehand by God--to us who ate and drank with him after his resurrection from death. And he commanded us to preach to the people and to bear witness that he is the one appointed by God to judge the living and the dead. All the prophets say of him, that everyone who believes in him has forgiveness of sins through his Name.” 2nd Reading: Col 3:1-4 (or Col %: 6b-8) Sisters and brothers, if you are risen with Christ, seek the things that are above, where Christ is seated at the right hand of God. Set your minds on the things that are above, not on earthly things. For you have died and your life is now hidden with Christ in God. When Christ, who is your life, reveals himself, you also will be revealed with him in Glory. Gospel: Jn 20:1-9 On the first day after the sabbath, Mary of Magdala came to the tomb early in the morning, while it was still dark and she saw that the stone blocking the tomb had been moved away. She ran to Peter and the other disciple whom Jesus loved. And she said to them, “They have taken the Lord out of the tomb and we don’t know where they have laid him.” Peter then set out with the other disciple to go to the tomb. They ran together but the other disciple outran Peter and reached the tomb first. He bent down and saw the linen cloths lying flat, but he did not enter. Then Simon Peter came following him and entered the tomb; he, too, saw the linen cloths lying flat. The napkin, which had been around Jesus’ head was not lying flat like the other linen cloths but lay rolled up in its place. Then the other disciple who had reached the tomb first also went in; he saw and believed. Scripture clearly said that he must rise from the dead, but they had not yet understood that. Lectio • Scripture clearly said that he must rise from the dead, but they had not yet understood that. Meditatio • The Lord is always with us but we have to see to believe, to experience in order to understand. We have to learn to accept what He tells us. Oratio • Let us continue to re-discover life with the eyes of faith, finding meaning and joy even in the most mundane. Actio • Try to find significance in our daily routine. Even in our boredom, God can be found. Celebrate life with joy this Easter. (Daily Gospel 2011, Claretian Publications

TI PUDNO... (Manipud iti panid 2) panangriribuk ken pammapatay, ket inyawatna ni Jesus kadakuada tapno aramidenda ti kaykayatda. Bulsek a simumulagat ni Pilato! Nakitana la ngaruden ti pudno ngem dina pay la sinurot. Nakitana la ngaruden nga awan ti basol ni Jesus, ngem iti diktar dagiti umili, nagimbubulsek iti pudno a pasamak. Isu a bulsek a simumulagat. Idi panawen a pannakaisaklang ni Jesus, ken iti agdama a panawen, adu dagiti bulsek a simumulagat. Adu dagiti makaammo iti pudno ngem saanda nga ammo a suroten dayta a pudno. “Siak ti dalan, ken ti pudno, ken ti biag; awan ti makapan iti Ama no di magna kaniak…” (Juan 14:6) No saantayo nga ammo a

suroten dayta a pudno, saantayo a makapan iti sanguanan ti Dios Mannakabalin amin. Ni Jesus mismon ti nangibaga nga isu ti pudno. No saantayo nga ammo a suroten ni Jesus, kasano a makapantayo iti sanguanan ti Dios Mannakabalin amin? Adu ti makaammo ken Jesus. Kasta met nga adu dagiti bulsek a simumulagat; a nakitadan ti pudno ngem naginbubulsekda pay laeng. Iti daytoy a Semana Santa, usigentayo koma a nalaing daytoy a pagsarmingan iti biag. Am-ammotayo kadi ni Jesus? Sursurotentayo kadi ni Jesus? Sursurotentayo kadi ti pudno wenno adda mangidikdiktar a saan, kas iti napasamak iti biang ni Pilato?#

TARAON TI PANUNOT... (Manipud iti panid 2) kinaadda ti turay ni Cristo iti iglesia. Ni Cristo a mismo ti Mangisalakan iti iglesia a bagina. Iti kasta, masapul a paiturayan dagiti babbai kadagiti assawada iti amin a banag, a kas met iti iglesia a paiturayan ken Cristo.” Saan a makatagri ni Rina. Nakadumog. Inaminnan nga isu ti nagbiddut. “Daytoy pay, manipud iti Surat ni San Pablo kadagiti taga-Colosas 3:18: ‘Babbai, agtulnogkayo kadagiti assawayo, ta dayta ti rebbengyo nga aramiden a kas Cristiano.’ Dayta. Maawatam kadi?” “Ania ti kayatyo a sawen, Anti Isiang?” “Ti inaramidmo ken ni Mising nga asawam ket saan a maiparbeng. Saankayo a nagkatunosan agsipud ta adayo unay a nangatngatoka ngem isu. Saanmo a dinayaw

ken sinaluadan ti kinaasinona, a kas ama iti pamilia.” “Ania ngarud iti rumbeng nga aramidek itan, anti?” “Ay, ket, surotemon a ni Mising ket agpakawanka. Ibagam nga agbalbaliwkan, nga isu met ti pudno nga aramidem. Agbalbaliwkan a talaga!” Ket sinukon ngarud ni Rina ti asawana. Nagpakawan. Insangitna pay ti panagkarina nga agbalbaliwen. Nga isu ti napasamak iti panagbiagda, ket naaddaanda iti naannayas ken natakneng a biag. Nanayonan pay iti maysa a lalaki ti anakda, ket lalon a rimmagsak ti pagtaenganda, ta ngamin addan kadakuada nga agassawa ti panagtinnunos ken panagraem tunggal maysa– nga isu ti saguday ti naurnos a pamilia.#

Tawid News-Magasin

3

TALDIAP-NAPALABAS: DAGITI LEKSION A NASISIPKO ITI UNIBERSIDAD TI BIAG - 3 NI SALVADOR A. ESPEJO MUMALEMEN idi sumangpetkami iti Namitpit. Daytoy gayam ti kaunaan a matuparmo a barrio ti Quirino. Nasurok a pito pay a kilometro ti kaadayo ti Poblasion wenno Legleg a kunada. Iti dayta met laeng a malem, nakadakulapko ni Manong Baring (Rafael). Isu ti head teacher ti Namitpit Elementary School ken in-charge iti intero a Quirino. Ababa a lalaki, madlaw a tubo ti taga-bantay. Nupay kasta, naisem ken nabara ti panangpasangbayna kaniak. Naisem met ni Manang Deling nga asawana ken dagiti dadduma pay a maestra a pakairamanan ni Manang Carda (nga agbalinto a katugangak). Nariknak a nasayaatto ti panaglalangengmi. Siak ti mangisuro iti Grade VI. Naam-ammok met ni Marc. Kalugarak met laeng iti Vigan. Addada iti dumaya a paset ti ili. Iti balay da Tata Simplicio ti nagtarusanmi. Ditoy ti pagkaseraan ni Marc nga isu metten ti paggianak iti panagisurok iti Namitpit. Dua kadsaaran ti balay. Nagdiding iti tabla. Adda laeng iti igid ti kalsada. Iti met ballasiw ti kalsada ti pagisuruak. Sumagmamano kadagiti agbalin nga estudiantek ti immay nangawis kaniak a tumabuno iti paskenda. Diak ninamnama nga ikkandak dagiti estudiantek iti nabara a pannarabo. Iti dayta a rabii, naammuak a mangangay dagiti adalak iti maysa a pasala. Adda pagsasanguanmi a lubilubi ken roskaldo. Agbalin

metten a pammalubosda ken ni Marc, ti maestro a kasinnukatko. Nupay nabannogak, tinungedak ida. Diak kayat a paayen ida iti immuna nga awisda. Kaadduanna kadagiti adalak ti rumbeng koman nga adda iti sekundaria. Babbaro ken babbalasangdan. Adda payen agtawen iti sangapulo ket lima ken 17. Kabaketan kadakuada ni Delia, agtawen iti 23, inauna ngem siak iti tallo a tawen. Nagbalin a nakallalagip daydi a rabii. Ngem saan a gapu ta naragsak ti pannakasangailik kadagiti estudiantek. Kinapudnona, saan pay ketdin a natuloy ti ragragsak. Saankami a nakadar-ay ken ni Marc iti pasala. Ngamin, maysa nga insidente ti napasamak a dandani nakaisagmakan ti maysa a biag - ni Marc. Iti dayta a sardam, kalkalpasmi a nangrabii, ket agtutungtongkami kada Tata Simplicio ken Lelang Gamay, ti inana, ken ni Marc idi adda naggapo. Tallo a lallaki ken maysa a babai. Naammuak a Laarni ti naganna (saantayo a dakamaten ti pudno a naganna tapno saan a maukritan dagiti sugat). Gapu ta mariknak a personal a banag ti pagtutungtonganda, imbagak ken ni Anti a mapan aginanan. Simrekak metten iti kuarto a naituding a paggianak. Inyiladko iti katre. Adu dagiti saludsod a nagay-ayuyang iti panunotko. Maibturak ngata ti aggian iti daytoy a lugar a no ar-arigen ket matuktukno ti langit? Ngem mariknak a magustuakto daytoy a lugar. Ita pay laeng ket mariknakon ti nadalus a kalbit ti pul-oy nga

aggapu iti bantay. Nalagipko ti lugarmi a Cuta a nakataptapok ken agas-asimbuyok ti asuk dagiti dyip ken dadduma pay a lugan. Iti panangrugin ti sipnget a mangsallukob iti purok, immaponen dagiti manok iti kaimituan iti abagatan ti balay ken rugian metten dagiti kurarapnit ti agdakiwas. Nagbalawak ta pumigpigsa ti anabaab iti ruar. Makaungeten ti timek ti lakay a kadua ni Laarni. Addan mabukbukel a suspetsak iti gagarada ditoy kaserami ken ni Marc. Rimmuarak iti kuartok ngem nagpatinggaak laeng iti asideg ti ruangan. Nalawag a mangegko ti pagsasaritaanda ta medio napigsa ti panagsao ti bangir ti nababaian idinto a naalumamay ken ni Tata Simplicio. “No kasta, maestro, dimo kayat nga ibanag toy anakmi?” kellaat a sinaludsod ti ama ni Laarni. Saan a makasungbat ni Marc. Kellaat a timmakder ti ama ni Laarni. Ngem nagpatnga ni Tata Simplicio. “Agtalnaka kadi, ta pagpapatangantayo daytoy iti nasayaat,” inyatipana. Napagkalma ti ama ni Laarni. Napagsisilpok dagiti pasamak. Masikog gayam ni Laarni. Naam-muanda nga aggawiden ni Marc isu ti kaaddada iti balay ni Tata Simplicio. Kayatda nga agbanag dagiti dua sakbay nga aggawid ni Marc. Ngem panagawatko, saan a kayat ni Marc nga ibanag ni Laarni. Dayta ti pagpungtotan ti ama ni Laarni. Nagpatingga ti saritaan agingga iti pumarbangon nga awan ti nalawag a pannakarisut ti problema.

Sakbay a pimmanaw ti ama, kinunana: “Agyamanka, maestro, ta raemen ken dayawenmi ti bumalay a simmangbayam, no saan, addan dakes a napasamakmo!” Napawingiwingak. No siak ti agsaad iti biang ti ama ni Laarni, diak ammo no anian ti inaramidko. Immuneg ni Marc a mariribukan. Kinitanak. “Ania ti aramidek?” sinaludsodna. “No siak ti sika, iti daytoy met la a kanito, aglibasakon,” nakunak. Iti dayta met la a parbangon, naglibas ni Marc, kaduana ti maysa nga estudiantemi a kas giyana. Saanen a nagna iti kalsada nga agpaCervantes ta sigurado nga agpadpadaan dagiti kabagian ti babai, sinurotna ti kalsada a sumalpot iti Tirad Pass a bumaba iti Concepcion (Del Pilar itan), lumsot iti Banayoyo sa aglugan iti bus iti Santiago nga agpa-Vigan. Ngem nagbalin met ti ballakadko kenkuana a kasla batibat a nangsidsidir iti konsensiak iti nabayag a panawen. Agingga ita, no malagipko daydi a rabii, diak magawidan a di sumiplot iti panunotko ti maysa nga ubing a naiyanak nga awanan iti ama ket maysaak kadagiti nangtulong iti awan pusona a lalaki a nangtallikud iti karina iti babai a mangipatpateg unay kenkuana a di nagpangadua a nangipabus-oy iti bagina tapno laeng maipamatmatna ti kinadarisay ti panagayatna.#

SIETE PALABRAS ITI UPPAT A DEKADA NI KAKANG IDDO (Umuna iti dua a paset) Dagiti maudi a pito a balikas ni Jesus sakbay ti ipapatayna: 1.“Ama, pakawanem ida ta dida ammo ti ar-aramidenda….” (Lucas 23:34) Naibaga daytoy ni Jesus kalpasan a nailansa dagiti soldado dagiti ima ken sakana iti krus. Saan a kinabuteng ni Jesus dagitoy a nangidadanes iti bagina no di ket kinaasianna ida babaen kadaytoy nga inkararagna iti Ama Mannakabalin. Dida ammo ti ar-aramidenda ta dida magaw-at dagiti lapayagda, ngamin kudkudkoden ti balisungsong ti alipusposda iti timidda. Inareb-ebdat’ digo, sinimotda dagiti lasag-lauya, insublida iti dungdong dagiti tulang a sinepsepanda sada manen diniguan ken induol kadagiti natali a bituka. Iggemdat’ ipus ti ari dagiti dingraw, ket no agdiskursoda, ti bukodda met laeng a bagi ti palpalakpakanda. Naglalaingda nga agdiskurso kadagiti kulot a balikas, asinoman a mangbarusngi kadkuada, maipalnaaw a dina oras. Ipasindayagdat’ kinalaingda nga agkanta iti osana ngem ag-agkandat’ balinsuek a krus a kuentasda. Nalaingda a mangpuyot apuy-lampara dagiti nagtagisilaw, amin a suli ket panagparti-panagipalnaaw. Kadagiti nagpartian, tinugawanda ti balikas-araraw ken saning-i, dida man la nariknat’ dengngep ultimo kalalailoan nga umbi. Imkis ti lubong kadagiti insaruagda a tabukol panagparti ngem

kenkuana. Ti kinalida nga abut dimman-aw iti kulturat’ kinasadut. Kulturat’ duol - a pagbibinggawan dagiti naipuruak a tinapa a binuot idinto ta ham ken bacon ti kuskusayan dagiti dobermanda a kulot. Nasipnget ti rupat’ dulpet nga ubing nga agkalkalkal iti basura sananto buyaen dagiti agayayam iti golf ken sennaayan ida. Sennaayan… 3. Kinuna ni Jesus ken Maria nga inana: “Babai, adtoy ti anakmo.” Ket kinuna met iti adalanna (a ni Juan): “Adtoy ti inam.”(Juan 19:26-27)

inkantada ti oda dagiti tirtiris, munieka ken bambanti. 2.“Eli, Eli, lama sabachtani?” (Mateo 27:46) Iti tengnga ti aldaw, nagsipnget ti intero a daga ket nagpaut iti tallo nga oras. Idi dandani alas tres ti malem, impukkaw ni Jesus iti napigsa a timek: “Eli, Eli, lama sabachtani?” a kayatna sawen, “Diosko, Diosko, apay a binaybay-annak?” Iti linak-

amna a rigat, ammon ni Jesus a daytoyen ti panawen a panangsangona a maymaysa ken ni Patay. Diosko, Diosko, apay a binaybay-am? Inlansada dagiti dakulapna tapno dina masangga dagiti arrabis ken tungpa. Inlansada dagiti sakana tapno di makakamang kadagiti kaarrubana. Ket naawagan a ‘mamasirib’ ken naidayawda kas idolo dagiti natali a bituka dagiti nagilansa

Daytoy daydi yaasideg ni Ina Maria ken Juan iti krus a sibabayog pay laeng ni Kristo. Kaduada ditoy da Maria Magdalena ken Maria nga asawa ni Cleofas. Naggaatiddog dagiti ima a kimpet iti nakadakdakkel nga ima. Isuda dagiti kumamkammet iti bagas iti burnay ken agsibbarut subo nakatanggaya nga ima a naruay. Nagpupuner dagiti ramramay a nangbekkel kadagiti imkis a kararua. Ti sallapingaw natarimbangon iti panagngudot’ panawen iti namin-adu a daras a dandani tinallikudan ti angin. Natamdaganna dagiti babak, nagkullayaw, nanguros; pinidutna dagiti tugotna sana sineksek ida nga inurnos; nagpili pangiyawatannat’ trono, ket nadutdotna ti katunggalina - naisipna ngata a daytoyen

PANID 4

Tawid News Magasin - VOL. XI NO. 7 APRIL 18-24, 2011  
Tawid News Magasin - VOL. XI NO. 7 APRIL 18-24, 2011  

Your weekly source for the latest ilocos news, literature and information.

Advertisement