Issuu on Google+

Portadoura dla Onoranza Claus Gatterer 2012

Poste Italiane Spa - Spedizione in Abbonamento Postale - D.L. 353/2003 (conv. in L 27/02/2004 n. 46) art. 1, comma 1, DCB Bolzano - Taxe Percue P Tassa pagata - Ordinaria Giornale locale Priesc singul: 1,80 Euro

PLATA DLA UNION GENERELA DI LADINS DLA DOLOMITES 39046 Urtijëi (BZ), Senta tla Cësa di Ladins, streda Rezia 83 Redazion: tel. 0471 797199, Aministrazion: tel. 0471 789294, fax 0471797384 info@lauscdiladins.com, www.lauscdiladins.com

Nr. 04/2013 - 25 de jené 2013 online sun

Zoom

2

”Nauz” La racoiüda de poesies de Roberta Dapunt vëgn racomanada dala ”Deutsche Akademie für Sprache und Dichtung”. Intervista al’auturia.

Sozial

40 egn de Marcialonga

Comentar de pruma

L’era l’an 1971 canche Ulrich Kostner metea sie inom sunsom l liber de òr de la maor garejèda de paslonch de la Tèlia

7

Marënes sön rodes Le Raiun Sozial Val Badia chir volontars por condü fora les marënes sön rodes. Paolo Frenner da La Val cunta de süa esperiënza.

La Pli

8

Sessiuns dl bosch A La Pli de Mareo él gnü tratè danter l’ater i planns di raiuns de prigo, y dè na vidlada ai laûrs.

Al Plan

10

Ert tla nëi Reportaja dala 23ejima ediziun dl festival dles scultöres tla nëi.

Turism

17

Scola

20-21

Juesc dla Junanza Nce chëst ann se à i sculeies y studënc dla scoles mesanes y autes de Gherdëina abinà per se museré tla disciplines dl schi alpin y snowboard, tl pudejé y cun la luesa.

Arpizeda

23

Legrima de Saslonch Straurdiner o ora dla set mesures boni! Chisc ie i agetifs per dé da ntënder cie che i doi Catores Adam Holzknecht y Hubert Moroder ie stai boni de fé, cun si arpizeda d’inviern “Sa l’ega” sun l parëi nord de Saslonch. La via nueva à inuem Legrima.

Letres

Osta usc Les minonghes di letours é da giaté ence te chesta edizion!

30

de David Lardschneider L parlamënt a Roma ne à nia lerch per i ladins, almanco ne ti dàl deguna garanzia de reprejentanza. I parlamënc tlo da nëus à mé puecia o deguna lerch per i ladins, sce nia tres normes de sotmiscion politica y etnica y de discreziunalità di granc. I ladins à na gran fazion economica tl raion, cun l turism che ie esprescion de cualità mundiela che ti fej n gran retlam a Südtirol, al Trentin y ala provinzia de Belun. I ladins paia truepa chëutes y ti dà da lëur a truepa jënt. I ladins à na si mpurtanza culturela bele tres si status de mendranza, che ie n valor da recunëscer y da valorisé. I ladins à na si mpurtanza tla normalisazion di raporc danter la grupes de rujeneda, viv la multiculturalità te na cuscienza soziela ativa che fej da puent danter la trëi grupes etniches. Ma canche la va de reprejentanza, iló ne n’iel nia de segurà. L ladin possa jì a lité, chël ie segur, ma sce l vën pona lità, chël ie dut melsegur. Gran ëura de bater sun mëisa de chisc gran scicà, a dì di badioc.

Danter amur y sënn

Da cartier a hotel L’endesfida de Ciarnadoi sa Vich: bater jù duc si cartieres de la RTA per fèr fora n hotel da 4 steiles.

Bater sun mëisa

Ulrich Kostner taa per prum l travert de la pruma edizion de la Marcialonga fora Ciavaleis del 1971 (foto dal sit

www.marcialonga.it).

Ataulità - La Marcialonga é ruèda a sia edizion numer 40. Per dret, da canche l’é stat metù a jir la pruma edizion, de egn n’é passà 42: te duc chisc egn doi edizions é sutèdes per mencianza de neif. L’era ai 7 de firé del 1971, canche pech più che 1000 fondisć da 8 nazions del mond, i à viventà l prum de na longia lingia de evenc

sportives destinà a doventèr una de le “gran fondo” più de nonzech de ogne temp. Sport e spetàcol se à metù adum, mescedé a folclor e spirit de fradaa, n ensema de fatores che tel temp ge à arsegurà a chesta manifestazion l dret suzess. Endèna la pruma edizion l’era stat l’inom de Franco Nones, trentin, a catalisèr l’atenzion del

publich, medaa de or trei egn dant te la 50 km. de la Olimpiades de Grenoble. Ampò la garejèda à resservà de bela sorpreses, dant la endesfida anter l gherdenèr Ulrich Kostner, 25 egn, che l se à jià la venta con l’auter gherdenèr, Livio Stuffer su per la erta de Ciavaleis, va inant a plata 3

Alberto Pacher, president de la Region Enstadì a Busan Alberto Pacher l’é stat lità ence president de la Region Trentin-Sudtirol. Sie obietif l’é jir inant a lurèr delvers ence te chisc ùltimes meisc de legislatura Politica - Te Consei regionèl a Busan, en mèrtesc ai 22 de jené, Alberto Pacher, che à tout sù la redenes de president de la Provinzia de Trent da Lorenzo Dellai, l’é stat lità ence a cef de la Region Trentin Sudtirol. N empegn che l’à tout sù con gaissa e empegn, descheche l’à dit sobito te sie prum descors: “Vedù che l moment che sion dò a viver

l’é n moment delicat – l’à dit - no podon se permeter n an de campagna litèla, e donca n an de pech lurier”. Su la programazion e la politica, l nef President de la Region l’à sotrissà ence sia volontà de jir inant coi programes jà metui tel bilanz de previjion de la Region aproà a la fin de dezember. Anter chisc l più emportant l’é chel de ge dèr sostegn a projec de investimen

per l svilup del teritorie e didèr n miorament de la crescimonia economica de duta la doi provinzies. Alberto Pacher à dapò rejonà del davegnir de la Region desche Ent, dijan che “te duc chisc egn l’é stat fat vèresc emportanc per realisèr na bona e ùtola colaborazion va inant a plata 3

Tl’India él mesamënter vigni vint menüć n’ëra che mëss tignì fora violënzes sessuales. Dl ‘71 él gnü registré 2.487 caji de violënza, dl 2011 é les violënzes jüdes sö a 24.000, mo le numer de reać cuntra les ëres en chël medemo ann é stè de 228.650. Por la maiù pert di caji conesciô la vitima l’agressur. Chisc é i numeri ofiziai. An mina che chi reai sides tröp plü alć. Gran stöp à fat lovè sö le caje dla jona de 23 agn violentada sön coriera da cin’ëi. Püć dis dedô éra morta. Le medemo destin i à toché inće a na jona de 29 agn. Ara à podü suravire y denunzié la violënza patida. Numeri y fać che fej tëma. Mo chësc ne sozed nia ma tl’India. Tla Talia é 14 miliuns les ëres che mëss tignì fora violënzes te süa vita. De fora, mo dantaldöt danter i mürs de ćiasa. Omi, fredesc, peri y berbesc: la familia, cöna d’amur, che lascia la lerch al sënn. Katia Pizzinini

Da na manifestaziun cuntra les violënzes sön la ëra tl’India.


Zoom

nr. 04 / 25 de jené 2013

„Nauz“ tla lista dles racomanaziuns liriches La racoiüda de poesies de Roberta Dapunt de Badia s’à davagné na lerch tla lista dles racomanaziuns liriches dla „Deutsche Akademie für Sprache und Dichtung“ Leteratöra - „Nauz“, la pröma racoiüda de poesies por ladin de Roberta Dapunt, dada fora dala ćiasa edituria „Folio“ cun la traduziun tl todësch dla publizista y traduturia Alma Vallazza, é gnüda metüda ite tla lista dles racomanaziuns liriches da pert dla „Deutsche Akademie für Sprache und Dichtung“ (Academia Todëscia por le lingaz y la poesia). Le liber de Roberta Dapunt é gnü chirì fora dala esperta de leteratöra Daniela Strigl cun chësta motivaziun: „Le sonn plëgn (y nia ma por ladin) dles poesies che roda incër la maza dl porcel imprescionëia tres la capazité de descrì te na maniera scëmpla, tres la renunzia a zitaziuns simboliches, a na nostalgia rurala y a na etica di tiers che é deventada routine tla leteratöra. Te na lerch limitada, él gnü aprofondì na tematica dër locala che fej ponsè ala mort, al copè – y al mangé. ‚Nauz‘ ô pö dì cianê.“ La lista de racomanaziuns liriches vëgn dada fora vigni ann de jenè dala fondaziun „Lyrik Kabinett“ y dala „Deutsche Akademie für Sprache und Dichtung“. Al vëgn dè na odlada ales publicaziuns nöies dl ann che é apëna passè, cun le fin de i dè usc ala poesia contemporana y de la condüje plü daimprò ala sozieté. Na juria competënta, metüda adöm da 11 poeć y poetësses, critics y critiches, à chirì fora danter les publicaziuns nöies dl 2012 chëres operes liriches todësces o metüdes jö tl todësch che mirita de gnì racomanades y aconsiades. Dla juria àl fat pert Michael Braun, Heinrich Detering, Maria Gazzetti, Harald Hartung, Ursula Haeusgen, Florian Kessler, Michael Krüger, Kristina MaidtZinke, Monika Rinck, Daniela Strigl und Jan Wagner. Döta la lista é gnüda publicada son la plata internet www. daslyrischequartett.de

Nia ma poesies Adöm ales poesies él da odëi, tl liber, retrać a blanch y fosch dedicà ala vita da paur, en particolar ala maza dl porcel. „Nauz“, la cianê dl porcel, raprejentëia por l’auturia badiota la vita da vigni dé sön le lüch da paur. I retrać dl porcel che vëgn copè, stersc y a pröma odlada crüs, é na testemonianza dl gran respet por l’at dl copè, che vëgn intesciü cun reflesciuns poetiches sotes, tesć sura la natöra, sura la vita sön le lüch da paur y te na localité de munt, sura le vire adöm cun i tiers. L‘auturia alza fora l’at dl copè, gonot tignì ascognü dala sozieté, sciöche n prozes che fej pert dla tradiziun, n prozes dër important por la suravivënza dla porsona sön chësc monn, da dagnora insö. „Al ti gareta de trasportè le microcosm dla vita da vigni dé tl macrocosm dla poesia y chësc fej de Dapunt öna dles auturies plü interessantes y autentiches dl raiun dles Alpes“, stàl scrit te na rezensiun dl liber. I ùn orü ti dè la parora al’auturia, a Roberta Dapunt, che cun so liber à podü arjunje n gran prestisc: La Usc: Tratan che i scriôse les poesies, esses ponsè che la racoiüda

2

www.lauscdiladins.com

perié ma n rît lié ala tradiziun da paur, ala vita da vigni dé y a vigni sajun? Ti pröms agn sön chësc lüch ài imparè che vigni laûr, sides sön prè che te stala y inće la surité à na oraziun che l’acompagnëia, che pro la spëisa é n sëgn dla crusc massa püch y che le rengraziamënt é tres plü important de na oraziun por damanè n aiüt. Insciö döta na simbologia, sciöche la rama d’orì sön üsc de stala, le sè por i tiers che vëgn benedì da Pasca o l’ega santa che ti vëgn trata a n videl pormò nasciü. Por me é la fede n tema dër rî, che vëgn dant vigni iade cun n punt de domanda. Tl monn da paur àra n aspet arcaich che me afascinëia plö che vigni atra dimensciun spirituala.

L’auturia de Badia Roberta Dapunt. (Foto de Daniel Töchterle) foss ruvada tla lista dles racomanaziuns liriches dla "Deutsche Akademie für Sprache und Dichtung", adöm cun libri de auturs sciöche p. ej. Derek Walcott, pest Nobel por la leteratöra o Ezra Pound? Roberta Dapunt: Zënz’ater nia, sciöche canche i scrii vigni ater vers ne me imaginëii nia da avëi dant n letur, mo dantadöt na porsona che ascuta ći che iö à da ti dì. Por me él dessigü n onur savëi che inanter i önesc libri chiris fora dala juria él inće le mi, implü, che di önesc libri chiris fora é sis scrić te n ater lingaz cun la traduziun todëscia. Derek Walcott à scrit so liber tl lingaz ingleje, le poem de Ezra Pound „The Cantos“ é gnü scrit por ingleje, al é gnü nominé n liber che cöi adöm la poesia ruscia dal 2000 jon zoruch al 1800. Savëi che inće „Nauz“, scrit por ladin, à ćiafè na te‘ reconescënza me gratifichëia dër. I à inće dër ligrëza por la traduturia Alma Vallazza y la ćiasa edituria Folio.

pa chirì fora chësc tema tan sterch y crü? Le tema n’ài nia chirì fora. Les poesies ài scrit prësc vigni iade canche i ùn tut ia le porcel a Ćiaminades. I les scriô por ladin, deache i à imparè, rovan te chësc lüch - iö ch’i ne vëgni nia da na familia da paur - n lingaz nü, chël che an adora canche an va te stala, por i tiers o da cerne n‘erba da n‘atra, tratan che an fej le fëgn. Por me él stè na scora nia ma de laûr da bacan mo de espresciun verbala adorada y anuzada oramai ma plü dai paurs. Copè le porcel ne n’é nia por chi che le fej val’ de crü. Inće n te‘ laur po gnì fat cun gran respet dan le tier y suraldöt dan la natöra y chilò me referësci al pice microcosmos sciöche chël de n lüch da munt. I chîć che iö à conesciü te mia vita, chi plü lunć, che lascia lerch a n gröm de pinsiers y domandes y che va tres ćiamò a funz te mia osservaziun, se lascia fora propi inće tratan che n tier vëgn copè da so patrun che denant l’à inće trat sö.

Ći ponsëise pa che ais condüt la juria, en particolar Daniela Strigl, a chirì fora danter düć i libri de poesia avisa “Nauz”? Daniela Strigl à valuté fondamentala - insciö scriera ëra te süa argomentaziun - la renunzia te chësc liber a zitaziuns simboliches, a na nostalgia rurala y a na etica di tiers che é deventada rutina inće tla leteratöra. Chësc me fej dër plajëi, deache propi insciö ài iö orü scrì vigni vers che cunta na realté picera y döra sciöche chëra da paur, che defora é efetivamënter odüda y perzepida idilica da na gran pert dla jënt. Daniela Strigl conësci iö sciöche biografa de Marlen Haushofer che à scrit do mia rata un di libri plü bi dla leteratöra todëscia „Die Wand“. La proposta de „Nauz“ da süa pert é por me n suraplü.

Ći significat à pa le titul “Nauz”? Nauz é le droch olache an i mët ite le mangé al porcel. Le porcel mangia döt, inće la porsona mangia döt. Nauz devënta te chësc liber n sostantif indeterminé che completëia la roda dla vita. De n tier, de na porsona.

Les poesies trata dla vita da vigni dé sön le lüch da paur. Le fi cöce che les liëia – rapresentè inće dales fotografies a blanch y fosch – é la maza dl porcel. Ćiodì ëise

Ći lerch ćiafa pa l’at dl mangé (le porcel mangia fora dl nauz – dedô mangiunse nos le porcel)? Le mangé é la condiziun fondamentala, la motivaziun essenziala y unica de n paur che copa n so tier y le laora sö. La maza dl porcel n’adora degüna iustificaziun,

Priesc d’abonament anual: per la Talia: 64,00 euro. Foradecá: Raion 1 - Austria, Paejes Tudësc y Svizra: 64 euro per la zaita plu 86 euro per la posta, de ndut 150 euro. Raion 2 - Rest dl’Europa: 64 euro per la zaita plu 136 euro per la posta. De ndut 200 euro. Raion 3 - Dedora dl’Europa: 64 euro per la zaita plu 236 euro per la posta, de ndut 300 euro. L abonament po gnì paié te vigni redazion de val o ence tres posta c/c nr. 14554398. Nosta banca é la Cassa Raiffeisen de Ciastel IBAN: IT 12R08056 23120000302003031 SWIFT: RZSBIT21211

Info abonament: Tel. 0471/789294

sce nia la orentè de portè inant na usanza vedliscima y primordiala, al dédaincö olache al basta lì sön na eticheta sce la ćern é de porcel o de videl, zënza messëi se dè jö cun ći che i metarun sön nosc taì. Le paur é le sostegnidù plü important dl’etica dla spëisa. Tres so laur dal l’ejëmpl concret de n sëgn de zivilté urgënt, che la sozieté messarà indô se davagné zoruch. Tres indô sàltel fora la surité dla porsona. É pa chësta tres la oraziun manco sora? O é pa la oraziun y le

Chësta é osta pröma racoiüda de poesies por ladin. I scriëis zënza tröp por talian y le vers de öna na poesia dij “Vers ladin, tan rî che al é da te scrì.” Chëstes poesies por ladin ves é dër garatades y ves à dè n gran prestisc. Ći ëise pa orü dì cun „t’es rî da scrì“? Scriëise mo inant poesies por ladin?

„Vers ladin, tan rî che al é da te scrì“ n’ô nia dì tan rî che al é da scrì tl lingaz ladin. Al é pö mi lingaz dla uma, vigni mi pinsier pëia ia cun la cadënza ladina. Chësta poesia é na confrontaziun inanter l’identité che la porsona ćiafa tratan che ëra crësc sö, tres l’educaziun culturala cun la merscia sterscia de n ambiënt y na orentè de intenüda globala che ne se damana nia i recuisić de n’apartenënza. Sön chësta fondamënta ói porvè de scrì inant poesia. (kp)

Registreda - LA USC DI LADINS - Plata dla Union Generela di Ladins dla Dolomites Registreda pro l Tribunal de Bulsan, nr.9/72, 8528 - Iscrita al Register Nazional dla Stampa nr.06342. Porteda ite al REA de Bulsan nr.161697. Part. IVA: 00518150214. Ala vegn fora 1 iade a l’edema. L foliet nuza i contribuc statai direc aldò dla lege 7 agost 1990 nr. 250. Presidenta: Elsa Zardini. Senta: str. Rezia 83, I-39046 Urtijëi (BZ). Redazion: Tel. 0471/797199 - Fax: 0471/797384, Aministrazion: Tel. 0471/789294. Diretour responsabel: Iaco Rigo. Aministradoura: Marion Kostner. Comité de redazion: Iaco Rigo, Lucia Gross, Pablo Palfrader, David Lardschneider, Marco Dibona Moro, Lorenzo Soratroi. Stamparia: Litotipografia Alcione, via G. Galilei 47, 38015 Lavis (TN). Impaginazion y Layout: Veronika Insam sun Apple Macintosh© con software InDesign©, Illustrator©, Photoshop© www.lauscdiladins.com - e-mail: info@lauscdiladins.com I articui sotscric ne mess nia corespone a la minonga dla redazion. Les letres ne dess nia ester plu longes de na plata scrita a mascin; la redazion se tol la rejon de scurté o mané derevers articui. Al vegn tignì ite les leges sun la privacy. Vigni contribut scrit, fotografich y grafich, mené ite a la redazion, po ence gnì publiché sun la plata internet. Ultim termen per prejenté articui (ence per posta eletronica) é l lunesc seira.

Per Vost reclam sun LA USC DI LADINS podeise cherde su la firma Pentagon nfurmazions sot a www.pentagon.it

Str. Mulin da Coi 31 - 39047 S. Cristina (BZ) Tel. 0471/790052 • Fax 0471/790689 e-mail: info@pentagon.it


Atualité

nr. 04 / 25 de jené 2013

Chëuta y finanziamënt per l refudam Ejam de ladin per nsenianc Doi iedesc ie l refudam ai 21 de fauré stat argumënt dla senteda dla Jonta provinziela de Bulsan. N cont dla chëuta nueva TARES uelen abiné n mesun per mantenì l prinzip che premieia chiche fej manco refudam Refudam - Acioche l custimënt dl furnel dal refudam de Bulsan ne tome nia sun la tarifes, uniràl adurvà scioldi che ruva da Roma per l’energia auternativa. La ntroduzion dla chëuta nueva per l refudam y servijes TARES ti va ala Jonta provinziela defin de traviers. Da ani an tl Südtirol fat na politica per la despartizion y la reduzion dl refudam. “Son dla minonga che chiche spartësc l refudam y n fej de manco, dëssa nce unì premià. Ma chësc ne ie nia udù dant tla TARES,” à dit l presidënt Luis Durnwalder. Da pert dl Stat iel udù dant che sciche basa per calculé la tarifa vëniel me tëut ca la spersa dl cuatier. La tarifes de 115 chemuns de 116 de dut Südtirol ie mpustedes defin al cuntrer y tën cont dla cuantità de refudam che vën dat ju. Per mantenì chësc prinzip nce pra la TARES, se meuv la Jonta provinziela tres mudazions giuridiches. “Ne on dessegur nia parola per schivé la ntroduzion dla chëuta nueva, ma pudon cialé de arjonjer n adatamënt sun la fundamënta dla calculazion,” à spiegà l presidënt dla Provinzia do

Per ruvé tla graduatories de nsenianc tla scoles ladines muessen avëi fat n ejam de ladin aposta. L proscimo ejam per nsenianc sarà chësta ann ai 20 de merz, n possa se lascé nuté su nchin al plu tert n mierculdi ai 30 de jené

Scola - La dumandes per fé l ejam de ladin per nsenianc de scola y scolina muessa uni fates pra la Ntendënza ladina a Bulsan. L formuler aposta ie da giapé tla direzions de scola y scolina o sun la plata web www.provinzia..bz.it/ ntendenza-ladina L ejam vën damandà te na pert scrita y a usc. Tla pert scrita iel da fé na traduzion dal talian o dal tudësch, aldò dla ulentà di candidac. N cunlaurazion cun l Istitut Ladin

Micurà de Rü vëniel pità cursc de preparazion tl idiom de Gherdëina y dla Val Badia. L curs de preparazion te Sëlva vën tenì da Marco Forni y chël a San Martin de Tor da Werner Pescosta. Tramedoi cursc scumëncia ai 4 de fauré y vën for tenii dala cater domesdì ala sies da sëira. La dates di cursc de preparazion te Sëlva y a S. Martin ie ai 04, 06, 13, 18, 20, 25 y 27 de fauré 2013. (Ufize stampa provinziel de Südtirol)

L mplant nuef dal refudam a Bulsan Sud.

la senteda dla Jonta. L prinzip de paië aldò dla cuantiteies de refudam ie unì metù per stravardé l ambient y ajache l ie plu iust. L segondo pont che reverda l refudam à da n fé cun la nutizia da Roma che la Provinzia à venciù n cuncors per la produzion de energia auternativa. Chësc pest à fat gran plajëi ajache la unerea l lëur di tecnics dla Provinzia y l porta nce scioldi. L presidënt Durnwalder à rujenà de n pest danter 60 y 80 milions de euro.

La Jonta provinziela uel se nuzé de chisc scioldi per finanzië l mplant nuef de Bulsan Sud che se noza dl ciaut che vën ora a brujé l refudam. “A chësta maniera sperons de mantenì la tarifes dal refudam,” à dit Durnwalder. L presidënt dla Provinzia à dit che zënza chisc scioldi dl pest messëssel bonamënter unì auzà la tarifes de trëi iedesc mo n tant per i raions che ie plu dalonc dal mplant de Bulsan. (Ufize stampa provinziel de Südtirol)

Jëuni possa fé pratica tla Provinzia Aministrazion y lëur - La dezijion de ciuna streda che i jëuni tol do la scoles o do l studi à na gran fazion sun si svilup persunel y sun si vita profesciunela. Acioche chësta dezijion posse unì tëuta sun na fundamënta segura, pieta la Provinzia de Bulsan 200 lueges de pratica ulache i jëuni possa mparé a cunëscer de prima persona coche la ie tla realtà pratica dl lëur da uni di. „Cun na bona dezijion possa i jëuni schivé melcuntentëzes y deficulteies a abiné da lëur,“ sotrissea l assessëur Florian Mussner, cumpetënt per i jëuni ladins. La esperienza de chëi che lëura bele ti ufizies dla Provinzia y si cunescënzes pratiches vën dates inant te chëla che i jëuni possa lauré pea. Nsci à la Jonta provinziela dat pro che l vënie nce paià ora velch. Sculeies dla scoles autes giapa 30 euro (brutto) al di y studënc de università o de tei che à bele finà l studi 40 euro (brutto) al di. A praticanc ti ufizies destachei a Roma y Bruxelles vëniel paià ora 50 euro (brutto) al di. La stieres de pratica te chisc ufizies destachei

vën sëurandates a studënc universiteres o neolaureei de dërt, politica, economia, scienzes sozieles o agraries. L vën tlo fat na graduatoria sëula per grupes de rujeneda, ma sun la basa dla cunescënzes de rujeneda. Per fé pratica ti ufizies provinziei a Roma vëniel damandà de bona cunescënzes dl talian y dl tudësch. Per ruvé a Bruxelles muessen sëuraprò nce savëi l nglëisc o l franzëus. „Jëuni ladins che à mparà plu rujenedes à dessegur de bona pusciblteies de giapé na luegia de pratica a Roma o Bruxelles,“ sotrissea l assessëur ladin Mussner. Ala rujenedes vëniel nce dat pëis tl sëurandé la lueges de pratica tla scoles o scolines. Tlo vëniel damandà che i jëuni sebe la rujeneda de nseniamënt . Autramënter che pra i ufizies destachei, possa nce sculeies dla cuarta y cuinta tlas dla scoles autes fé pratica tla scoles y scolines. Chësc vel nce per duc i autri ufizies dla Provinzia.

La dumandes per fé pratica tla Provinzia possa unì mandedes ite nchin ai 28 de fauré

al ufize de assunzion dl personal, streda Renon 13 a Bulsan. Sce la dumanda vën mandeda ite per posta iel da junté pro na copia dla cherta de identità. Chësc ne n’ie nia debujën sce la dumanda vën mandeda ite tres posta eletronica zertificheda. Nchin ala fin de merz uniràl pona fat la graduatories aldò di ciamps de scola auta y de studi. Sculeies dla tlasses plu autes y studënc che ie bele plu giut scric ite al’università unirà tëuc dant. Priorità giapa chëi che à bele finà l studi y muessa fé na pratica de ublianza.
L tëmp de pratica scumëncia cun doi enes de proa. Ntan l tëmp vën i jëuni pona cumpaniei da n cunlauradëur de esperienza che fej da tutor. N cajo che i se fajëssa mel, ie i jëuni nce curii dala assegurazion dl INAIL. Nfurmazions plu avisa pòssen damandé pra l pont de nfurmazion (tel. 0471-412244) y pra Tanja Nicolussi Rossi (tel. 0471-412116).
 (Ufize stampa provinziel de Südtirol)

Per nsenië tla scola ladina uelel vester n ejam de ladin.

40 egn de Marcialonga va inant da la pruma plata

e dò apontin anter l favorì Nones e Kostner, che l’é ruà a venjer te pech più che trei ores dedant ence a Franco Manfroi. Ulrich l’é l père de Florian, ence el te la squadra di Carabinieres, che l’an passà l’é ruà undejeisem. Dò aer jà vent la Marcialonga Light (de valuta ence per la Copa Tèlia) chest an Florian tolarà pèrt a la garejèda più emportanta ensema con sia femena del davegnir, Stephanie Santer, de la Pustra, nazionèla de la squadra de la longia distanzes, che à vent da pech la Pustertaler ski-marathon con la

tecnica del skating. L testamonech é stat passà, e ades Florian Kostner pel mirèr a se vadagnèr n post ti prumes 10, te chesta garejèda olache i atlec del nord fèsc la pèrt del leon. Ma fossa dassen bel te chest cedean poder veder ence Ulrich se sproèr endò coi schi da paslonch sul percors che l’aea vedù protagonist acà pass 40 egn, se no te la gara maora, amàncol te la Marcialonga Story, che vegn endrezèda doman con duc i testimonial coi guanc da paslonch da zacan, e olache ence Nones à jà confermà sia partezipazion.

Alberto Pacher, president de la Region va inant da la pruma plata

anter Trent e Busan. Ti egn a vegnir cognaron meter man al Statut de Autonomìa per ge dèr na definizion istituzionèla a chesta colaborazion, ma te chisc ùltimes egn l’é stat pojà la condizions per na cordanza che tegne cont de la desferenzes del

percors storich portà inant enscin ades e del complicà aparat autonomistich”. Su l’autonomìa, à dit amò Pacher, sia speranza l’é che l nef goern nazionèl posse entener la rejons

di teritories desche l TrentinSudtirol, che no l se à mai tirà endò te si doeres col Stat, tolan pèrt a na vida emportanta al ressanament de la finanza publica, palesan però semper sia spezifizità del sistem autonomistich.

Alberto Pacher nef president de la Region Trentin-Sudtirol. www.lauscdiladins.com

3


Atualité

nr. 04 / 25 de jené 2013

Aiut Alpin Dolomites acioche i ruve al plu prësc pra la cures. Nscila iel suzedù per n ël che fova tumà sun i purtoies de Col Raiser, se rumpian bëndebo’ burt n brac, y per n’ëila che fova te na ambulanza sun la streda de Mont de Sëuc y che messova ruvé de prëscia pra n dutor. Per i ntervënc sun i purtoies iel da nunzië n ntervënt sun l purtoi Fermeda sun Secëda, ulache na seniëura taliana de 49 ani se ova rot dassënn burt na giama, y sun Plan de Corones ulache n’ëila che fova ruveda sun piza dl purtoi se

Ai 14 de forà complësc le Südtirol-Pass n ann. I apresciapüch 120.000 anuzadus dl abonamënt ne n’à nia bria da se cruzié: so Südtirol-Pass vëgn prolungé automaticamënter de n ann, al basta ma l’adorè inant Junta provinziala por la mobilité publica.

Chi che adora tröp i mesi publics sa che cun le sistem tarifar nü costa i pröms 1000 chilometri 8 o 6 cent al chilometer al ann, canch’al vëgn arjunt le secundo livel tarifar (che va ćina 10.000 km) spo pàion 4 cent (cun la tarifa familia 3 cent), y pro le terzo livel tarifar (dai 10.000 km ai 20.000 km) vëgnel preodü n cost de 2 cent por vigni chilometer. Sc’an arjunj i 20.000 km spo pòn jì debann por le rest dl ann. 

Zënza burocrazia vëgnel inće a s’l dè le mudamënt por chi che à n SüdtirolPass cun la tarifa familia cun mituns che à arjunt tratan chësc ann passè la majera eté. Por chisc vëgnel adotè automaticamënter la tarifa normala cun le renovamënt dl abonamënt. 

Chi che à ativé pro so Südtirol-Pass la funziun de paiamënt automatica tla banca ciafa chisc dis tres internet o por posta dötes les informaziuns deboriada cun le cunt. (ufize stampa provinzial da Balsan)

Debora Agreiter vëgn sostignida dal Consorz dl’Alta Badia.

4

www.lauscdiladins.com

Inom: Jan-Andrè.

Profesciun: Studënt, cun la pasciun por la fotografia. Ći stüdieste pa? I stüdi fisica a Desproch. Ći oste pa fà ‘da gran’? Chësc é ćiamò rî da dì, deache les strades é tröpes, mo l’astronomia y l’astrofisica é dui ćiamps che me à dagnora interessè.

Le Südtirol-Pass vëgn renovè automaticamënter

Le Consorz Turistich Alta Badia sostëgn l’atleta da La Ila taliagn assoluć a Campo Carlo Magno, o inće la devënta pro l’Alpen Club de Toblach, ti 10 km Pursuit. Te chësta sajun pòn ćiamò injuntè le 13. post tl Skiathlon, arjunt pro la Copa dl Monn a Canmore, tl Canada. Chisc dis éra a Liberec tla Republica Ceca,

Studënt de fisica cun la pasciun por la fotografia. I s’l’ùn ciacolada cun Jan-Andrè Sorarù da La Ila

Cognom: Sorarù.

L’Alta cun Debora Agreiter Porsones - Debora Agreiter s’à fat n inom tl paslunch. Cun sü 21 agn àra bele arjunt de bi resultać. Nen recordun n valgügn dl ann passè: l’arjënt tl Skiathlon pro i campionać mondiai di iuniors a Erzurum tla Turchia, le pröm plazamënt ti 30 km pro i campionać

Uedli y oredles daverc sun la sozieté ladina d’aldidancuei

ova sentì mel. L medemo ti iel nce suzedù a n ël de 58 ani de Padua sun l purtoi Bambi de Piz La Ila, y te Sëlva per n’ëila olandeja de 30 ani che se n stajova da mat mel. Nia da n fé ne n’iel plu stat per n ël de 63 ani che fova unì stlet ntan che l furnova cun i schi sun l purtoi Saslonch sun Ciampinëi. L dutor che ie riesc ruvà adalerch à purvà a fé dldut per l reanimé, ma l ne n’ie plu nia stat bon.

Renovaziun automatica Trasporć - Manco burocrazia co insciö ne va nia. Inće do che al é tomè le pröm ann ne n’à degügn anuzadus dl Südtirol-Pass bria da se cruzié cô che an fej da le prolungé, deache chësc vëgn a s’l dè automaticamënter, sce al vëgn adorè inant. ”Ma chës chertes che n’é por dui agn alalungia nia güdes adorades gnarà dejativades d’ofize canch’al toma le secundo ann de validité”, spliga l’assessur Thomas Widmann. Al dëida inće recordè che do da n ann vëgnel inće azerè le cunt di chilometri. Porchël metarà dötes les porsones che s’anüza dl abonamënt indô man dal pröm livel dla tarifa, chël ô dì che an paiarà 8 cent al chilometer sc’an à la tarifa normala y 6 cent al chilometer cun la tarifa familia. ”Chi che â bele dl 2011 n abonamënt por le trasport publich ciafa inće en chësc ann indô, sciöche impormetü, n bonus de 500 chilometri, a na manira da rové spo plü aslöm pro la tarifa manco ćera”, dij Widmann, che é responsabl tla

Dancà y da na pert

de Armin Moroder

fotos: Jan-Andrè Sorarù

Chisc dis fòvel plutosc bur’ tëmp y l à nce fat na bela nëif, y perchël fòvel nce puecia jënt sun i purtoies dai schi. Chësc vëijen nce dal numer de ntervënc de chisc dis. L ie nce suzedù che l joler ne n’à nia pudù muever da Puntives demez per gauja dl nibl che ie dessegur l majer nemich per l pilot. Ma sce alauta iel da nibl y dala zentrela de Puntives pòssen julé ti spediei, suzédel nce che la ambulanzes porta i pazienc nchin tla zentrela per i lascé mené cun l joler te spedel,

olache ara desfira i campionać dl monn di iuniors. En aziun éra stada inier jöbia pro i 10 km de tecnica lëdia, y spo saràra da odëi ćiamò en doman sabeda ai 26 de jenà pro le Skiathlon. So talent tl sport, mo inće süa simpatia y scemplité, ti â portè dl 2011 inće le pest de atleta iunior dl ann tles valades ladines, n reconoscimënt che i â fat gran plajëi. Inće le Consorz Turistich Alta Badia à dan da za. n ann metü man la colaboraziun cun l’atleta da La Ila, na colaboraziun che é indô gnüda renovada inće iniann. Le paslunch é n sport che à ciafè tl’Alta na importanza tres maiù, por mirit inće dla campionëssa Maria Canins, che alenëia dötaorela pro i cursc de paslunch tl zënter Sarè a San Ćiascian. Le zënter pîta 23 km de pistes, cun percursc de dificoltês desvalies, danter chëstes inće cater pistes omologades dala FIS, respetivamënter de 2,5 km, 3,330 km, 3.750 km y 5 km. (pablo)

Co te sàl pa da studié a Desproch? Por me é Desproch la plü bela cité che é chilò incërch, porchël l’ài inće chirida fora por jì a studié. I à impröma chirì fora la cité, spo ài chirì fora ći che i orô studié: i ê indezis danter fisica y geologia. Desproch é valgamia daimprò da ćiasa y al é na cité olache an se stà saurì deache ara n’é nia massa picia y gnanca massa grana. Ne t’incrëscel mai do La Ila? No, inchersciü ne m’àl mai ćiamò, inće deache Desproch n’é nia tan dalunc y i po gnì a ćiasa canch’i ô. I à bëgn tres salpü che mi stüdi m’ess condüt a vire foradecà. Él val’ de to paîsc che te te tolesses ion impara? Scê, i me toless ion para les munts o meio, i me toli para fotografies dles munts, chëres pësa demanco (al s’la rî). Can é pa nasciuda tüa pasciun por la fotografia? Chëra por la fotografia é na pasciun che i à bele da plü dî. Dan da trëi agn m’ài cumprè n aparat da fà jö “reflex” y dailò ài metü man de dediché prësc döt mi tëmp lëde a chësc hobby, a imparè y a sperimenté les tecniches da fà jö. Ći é pa pordërt por te na fotografia? I pënsi che an mëss desfarenzié danter döes sorts de fotografies: i retrać, les fotos che an fej por recôrt, y les fotos artistiches. Les fotografies artistiches ciàron dagnora da fà plü beles che ara va, an mëss imparè da les fà, tres cursc, laboratori y tröpa sperimentaziun.

Te toleste dagnora impara l’aparat da fà jö? Sce i sa che i stà fora plü de trëi ores bëgn. Olà aste pa imparè da fotografè? Tröp ài sperimentè da su, mo spo ài ince fat n curs y i à tut pert a val’laboratore. Ći te sa pa le plü bel da fà jö? Metü man ài da fà jö la natöra, i crëps y i ciüfs. Dan da dui agn ài spo inće metü man da fà jö modei, ëi, mo dantadöt ëres. Les mius idees me vëgn plü gonot por les figöres feminines. Pëieste dagnora ia da na idea canche te fejes jö val’? Scê, i pëii dagnora ia da n tema. I chiri fora le post olache i ô fà les fotos y spo chiri fora na modela che paissenëia ite cun mia idea y cun le post. I ćiari dagnora de fà val’ de inovatif, val’ che ne n’é magari nia ćiamò gnü fat. Ći idea este pa śëgn tl laûr de svilupé? Śëgn che i sun stè a ćiasa tratan les vacanzes da Nadè ài albü n pü’ de tëmp por jì incërch a fotografè, i à fat jö scialdi elemënć naturai, la rô de Badia, i sun jü a fà fotos a n mi compagn che fej freeride y i à insciö podü porvè fora inće la fotografia en movimënt. Mo da plü dî incà laori bele a n proiet che à inom “Mi cör”. De ći proiet se tràtera pa? L’idea me é gnüda deache mia uma à a ćiasa de vigni sort de cörs, spo m’ài ponsè che propi le cör ess podü ester le tema de mies fotos. Fina śëgn ài fat jö 12 modeles, mo al nen n’é bele tröpes che m’à damanè de podëi fà para. Podess pa chël dl fotograf inće deventè n mestier? Por le momënt él ma n hobby, magari pòl deventè n secundo laûr. Jì a fà jö pro manifestaziuns ne me sa pordërt nia massa bel. I à fat l’aiüt fotograf pro la noza de mi jorman, i sun jü a fotografè pro n bal de maturité, por ti fà n plajëi a n compagn, mo al n’é nia chël che i ô fà. Katia Pizzinini


Atualité

nr. 04 / 25 de jené 2013

Politiches: te Fascia l’endesfida Divina - Tonini En lunesc ai 21 de jené se à serà sù la prejentazion de la candidatures per la litazions di 24 e 25 de firé Politica – I sarà 14 i sìmboi de partit che troaron su la zedola per la litazions a la Cambra ai 24 e 25 de firé. Chiò gran pèrt di inomes era oramai cognosciui, amàncol per chel che vèrda i partic maores, e l’é confermà che anter i candidac deputac en lista l’é demò 2 fascegn: i jà anunzié Michele Anesi, president de la UAL, e Elena Testor, presidenta de la Sociazion Fassa. Anesi sostegn la candidatura de Dellai te la “Scelta Civica con Monti”, Testor enveze la é te la Lega Nord con capolista Maurizio Fugatti. Duc doi i é stac metui en lista al 5° post e sia candidatura la é demò de testimonianza, zenza speranzes de jir a Roma. I é 148 en dut i inomes en lista, per 11 scagnes da deputat che ge pervegn a noscia region. Ti 16 sìmboi prejenté, apede ai jà dic Scelta Civica con Monti e Lega Nord, troon l PD, che à metù al prum post Gianclaudio Bressa, l PdL vidà da Michaela Biancofiore, la SVP con a cef Albrecht Plangger, l Movimento 5 Stelle con Riccardo Fraccaro, SEL con Nichi Vendola, Fare per Fermare il Declino (de Oscar Giannino) con Tiziano Franceschini, Rivoluzion Civile con Antonio Ingroia, l’UDC con Andrea Zambelli, La Destra con Storace, i Freihetlichen con Pius Leitner e amò Moderati in Rivoluzione con Giampiero Samorì, Casa Pound.

Colege de la Valsugana l’é stat donca conscidrà da Tonini e dal PD n vèrech de responsabilità, per desblochèr la situazion e desmostrèr che fèr politica no vel dir demò jir a se chierir la poltrona segura, ma se oujer con la medema atenzion a duc i teritories.

Giorgio Tonini e Sergio Divina l’é i 2 candidac de la coalizions de zenter-cencia e zenter-dreta che se darà batalia al Senat tel Colege che tol ite ence la Val de Fascia. Foto a man dreta: Luigi Casanova, fiemac ma moenat de adozion, l’é l candidat al Senat tel partit “Rivoluzione Civica” de Ingroia.

Al Senat cordanza e permèi a dreta e a cencia Al Senat enveze, la conferma de la ùltima dezijions su la candidatures per i trei coleges del Trentin é ruèda a l’ùltim moment, soraldut per chel che vèrda i partic e schieramenc maores, soscedan marevea e vèlch malcontent da duta does les pèrts. Tant a dreta che a cencia, a la fin, la cordanza é stata troèda per se prejentèr desche coalizion: tel zenter dreta PdL e Lega, tel zenter cencia UPT, PATT e PD, conferman la cordanzes de chesta legislatura a livel provinzièl, e i sìmboi che i trentins troarà su la zedola per l

Senat i sarà 5. Ampò se sà che canche ge vel cerner n inom per n colege uninominèl desche raprejentant de na coalizion con più partic, la robes no é mai sorides. E coscita a la fin l zenter-cencia à candidà Vittorio Fravezzi de l’UPT a Rorei, ranco Panizza del PATT a Trent e Val de Non. Te nosc colege, che tol ite Valsugana, Primier, Fiem e Fascia, e che da semper l’é conscidrà l più senester per l zenter-cencia, l raprejentant sarà Giorgio Tonini del PD. Na dezijion senestra da entener tant per i scric ite al PD trentin, che cognessa litèr Panizza, che per i litadores de noscia valèdes, che stenta a sostegnir la pèrt più a cencia de

la coalizion. Na dezijion nasciuda ampò dal risech che saute dut, ajache tant l’UPT che l PATT no à volù azetèr la candidatura “più senestra” en Valsugana, che donca é stata touta sù da Tonini, president de l’Assemblea provinzièla del PD e conscidrà “montiano”. Chesta candidatura é nasciuda tel chèder de la cordanza anter l PD nazionèl e la SVP e l PATT e de l’empegn sotscrit da Bersani a sostegn e stravardament de noscia autonomìa, e l’é chela che à portà ence a la candidatura de Francesco Palermo te la Bassa Atesina, olache l’é sostegnù da SVP, PD, Monti, Verdi e SEL. Azetèr l

I problemes no é mencé ampò nience tel zenter-dreta, anter PdL e Lega. A la fin te nosc colege l’é stat candidà Sergio Divina de la Lega, e no Cristano de Eccher, descheche parea da vèlch ora. L Senator de Eccher, dò na legislatura a Roma o l’à più abù l met de se candidèr, l’à cognù bele zeder a Michaela Biancofiore (capolista a la Cambra) che ge à sport l post a Giacomo Bezzi. L’ex autonomist Trentin, che à rodà ti egn passé te desvalives partic, sarà ades al Senat de contra a Panizza. L’auter candidat del PdL, l coordenador trentin Giorgio Leonardi, sarà enveze candidat del Colege de Rorei. Tel Colege che tol ite la Val de Fascia i candidac per l Senat l’é donca chisc: Giorgio Tonini per PATT, UPT e PD; Sergio Divina per Lega Nord e PdL; Luigi Casanova (che no l’é fascian ma l laora a Moena e l’é n muie cognosciù ence te noscia valèdes) per Rivoluzion Civile Ingroia; Stefano Valle per Fare per Fermare il Declino; Andreas Perugini per Movimento 5 Stelle. (lg)

Politica di Afares Foresć o politica militèra? La pèsc l’é un di temes “trasversai” che da più man vegn porté a l’atenzion de chi che se candida a ne goernèr tel davegnir Sozietà – Sion te tempes de crisa, e chest l saon duc. La Tèlia no à più scioldi e se cogn vardèr de taèr speises de ogne vers. Da pèrt de nesc goernanc l’é stat taà speises per la cultura, per la scola, per l sozièl e adertura uzà fora ence l dubie che “no podassane più se permeter” na sanità publica debant. Aldelà de ogne demagogìa e populism, somea ampò che te nosc stat per un setor, chel militèr e di armamenc, scioldi se n troe semper. Un di ùltimes ejempies l’é l’intervent franzous tel Mali, a chel che la Tèlia à sobito responet fajan so sostegn. L Mali l’é n Paìsc rich de òr, uranie, gas e petrelech, te la zona de l’Africa ozidentèla sot l’influenza de la Franzia. Duc cognosc e capesc chisc fatores de spenta, e tropes à rejonà de “neocolonialism”, ampò l minister di Afares Foresć Gulio Terzi e chel de la Difesa Giampaolo Di Paola i à dit che la Tèlia no la pel no tor pèrt a l’operazion tel Mali, ajache ge vel schivèr che chel Paìsc rue te na situazion de faliment desche la Somalia e l’Afghanistan.

F35: strumenc de mort n muie cères... e ence piens de defec Endèna crepa fora semper più

adaut polemiches e contradizions en cont di aerei militères F35. La costion aea soscedà polemiches fortes giusta acà n an, canche al scomenz de la “manovra Monti” contra la crisa l’era vegnù fora che l goern talian se aea empegnà con na speisa de 17 miliarc de euro per comprèr 131 de chisc “F35 Jont Strike Fighter”, caciabombardieres per miscions de atach da la Lockheed Martin de Dallas. De firé l Minister Di Paola aea anunzià che enveze che 131, la Tèlia aessa comprà “demò” 90 de chisc F35, ma ampò, con na speisa de passa cent milions de euro l’un, chest vel semper dir béleche 12 miliarc de euro. E chest, aldelà de la valutazions su la prioritèdes de n Stat olache l’é na situazion de crisa, per comprèr aparac che serf demò a fèr la vera e che amò apede i é dò a moscèr ence duc si limic tecnics. Chisc aparac no à passà ti ùltimes meisc n muie de test, e ence l Pentagono à recognosciù che i é pericolousc se l’é temporèi, no i tegn fora la cèries eletrostatiches che l’é te la nigoles, e se i vegnissa toché da na saeta i podessa esploder. La sperimentazions sun chest model vegn portèdes inant endèna che l vegn fat, e per chest l’é stat en seghit troà fora problemes e fat comedamenc a la projetazion en

cors de opera, che à comportà n gran smaorament del cost ma no à amò permetù de arsegurèr aparac fidàboi.

Emergency: la vera no podarà mai esser n remedie percacent En cont de la vera tel Mali à palesà sia posizion ence Emergency, che l’à manà fora n comunicat. “L minister di Afares Foresć Terzi – disc Emergency - à declarà che la Tèlia ge sporjarà “sostegn logistich a l’operazion tel Mali”. La desponibilità é stata motivèda col besegn de “evitèr l renforzament de

L Caccia F35.

na prejenza teroristica che manacia l Paìsc”. Nos no aon mai vedù na vera che abie ferà l terorism, ma aon vedù l contrèr: l terorism e la violenza vejolé da l’intervent militèr e da l’ocupazion foresta. L’ejit del conflit afgan l’é l’ejempie sot i eies de duc. L Minister de la Cooperazion Riccardi à declarà che la Tèlia se enjigna a ge dèr sostegn a “na operazion de la Nazions Unides olache ampò vedon n besegn fort de stabilisazion, de aiut umanitarie per i enfughé, de sostegn al nasciment de na governance politica e zivila de la region.” Fèr vèlch dant - per la stabilisazion, l ’ a i u t umanitarie, l sostegn al nasciment de na governance politica e zivila, l control sul marcià de la èrmes che l’Europa e la Tèlia esporta de pien ence envers Stac che no respeta i deric de l’om, l’aessa

fosc podù prevegnir la vera che ades somea segura. L’à inom politica di Afares Foresć. L’Europa e la Tèlia somea oramai aer renunzià per semper a portèr inant na politica di Afares Foresć reèla, coi strumenc de la diplomazìa e de la pratega di deric, dalajà che l’é stat dezidù sistematicamenter de la mudèr fora co na cernuda militèra. La situazion umanitèra tel Mali la é n muie grieva, ma l soul intervent che l’Ozident é desponìbol a portèr inant l’é chel con la èrmes, che no l farà auter che smaorèr la mencianza de stabilità politica del raion e piorèr la condizions de vita de la jent. La Tèlia, con sia Costituzion, l’à cernù acà passa 60 egn de refudèr la vera percheche l’aea tocià con man la conseguenzes, destruzion e morc. L’era stat dit “Mai più”, ma amò n’outa chela dezijion é doventèda da poder negozièr: amò n’outa la vera menarà violenza olache l’é enveze besegn de defener i deric fondamentèi de l’om. Emergency refuda chesta vera, descheche la refuda duta la veres: l’é noscia etica, nosc lurier e noscia Costituzion a ne l domanèr. Emergency séghita a creer che l soul remedie percacent contra l terorism, la violenza e la vera sie la pratega di deric de l’om. Ogne dì, per duc.” (lg) www.lauscdiladins.com

5


nr. 04 / 25 de jené 2013

L’é ruà la petorcena La situazion é sot control, ma chest an la podessa esser più grieva persones se fèjel encalmèr ogne an te Fascia? Chest an les é de più o de manco? Te la campagna vazinala contra la petorcena fata d’uton del 2011 te Fascia se à fat vazinèr l 60% de persones sora i 65 egn, enveze la media de noscia provinzia é stata del 62,1%. L’obietif fossa de vazinèr amàncol l 75% de la jent sora i 65 egn. No aon amò i dac de chesta campagna tanche serèda sù.

N muie de bec e gregn se à jà ciapà ite chisc dis passé la petorcena. Se stima che la ponta rue entorn la fin del meis de jené, ma che cognone pa se spetèr chest an? Per n saer de più aon domanà fora la dotora Monica Costantini, medico de familia. Te l’America se à slarià fora al scomenz de l’an la pior petorcena dal 2009, coluna él enveze la situazion chiò da noi? Dotora Monica Costantini: Aon duc let i dac aricegoi de la burta petorcena che à tocià i Stac Unii, olache l’é stat ence desvalives morc anter i gregn e i bec. Se trata de n virus che l’é ence te l’Europa. Per fortuna l ciuch più slarià fora ti USA, l’A/H3N2, che pel creèr ence grieva complicazions desche la pontes, l’é “en mendranza” chiò da noi. Coluns él i virus che va stroz chest an? Ei mudé respet ai etres egn? La petorcena chest an te la Tèlia la podessa esser più grieva e tocèr na maor pèrt de la jent, percheche se troa 3 desferenta sorts de virus, 2 de chisc no se i troèa da vèlch an te l’Europa e donca i é “neves” per bona pèrt de la jent, soraldut per i bec che sarà donca chi più a risech. Apede al cognosciù virus N1H1, l’é do che se slèria fora l virus B, ades l più fort. Se troa ence l virus A/H3N2 ence se n muie de manco che ti Stac Unii. Duc trei i ciuches é stac touc ite tel vazin. No cognessa esser per chest

nesciuna sorpresa: i virus l’é chi che se se spetèa, e per chest, chi che se à fat encalmèr, i pel se conscidrèr al segur. Per can cognone se spetèr la ponta de la petorcena? Aldò di dac del raport Influnet nr 13 di 16 de jené del 2013 (l raport met dant i resultac nazionèi elaboré da l’Istitut Maor de la Sanità) l trat de temp epidemich de la petorcena l’é tacà ite te la Tèlia te la 51^ setemèna del 2012 (dò aer passà via l valor màscim de doi caji ogne mile assistii). Te la seconda setemèna del 2013 (dai 7 ai 13 de jené) l livel à seghità a jir su, soraldut anter i bec. Te

chesta setemèna se à abù presciapech 4,5 caji per mile assistii. Te la provinzia de Busan la ponta é stata de 3,36 caji per mile jent e te chela de Trent de 4,89 caji per mile. Fin ades l’ona epidemica é valiva a chela di etres egn. No se pel saer coche la se slariarà fora percheche depen ence dal tempram, ma somea che la ponta rue entorn la fin del meis. Él jà n muie de malé te Fascia? Da la percezion che aon ti ambulatories podon dir che la petorcena é jà ruèda, soraldut anter i bec. En perzentuèla cotanta

E a livel nazionèl? Aldò de na enrescida fata dal Zenter studies de la Federazion nazionèla di dotores de familia (Fimmg) che à tout ite passa 1.500 medizi (40% del Nord, 33% del Zenter e 27% del Sud) somea che sie stat n “flop” de la campagna de vazinazion contra la petorcena. Respet ai etres egn l’é stat registrà n smendrament del numer de vaziné del 25%, con pontes che à passà via l 60% al Sud. Chest per la tema de la jent dò che l’era stat tout de retorn, de otober, vèlch lot de vazin. Se pelel amò se vazinèr, fin can? Joel amò? L trat de temp giust te la Tèlia per se fèr encalmèr l’é chel d’uton, da la metà de otober fin a la fin de dezember. Se podessa amò l fèr ence se l vazin l tacassa a joèr dò 10 dis da la vazinazion. L vazin vegn conseà e fat debant a duta la categorìes a risech de complicazions desche la jent sora i 65 egn, chi che à malatìes croniches, la femenes autramenter e vèlch categorìa

profescionèla. Desche categorìa de medizi aede pissà a vèlch mesura particolèra contra la petorcena? Apede a la vazinazion, racomanèda a dut l personal sanitarie e ai medizi, vardon de respetèr chela normes igieniches conseèdes a duc per no se ciapèr la petorcena: se lavèr ben e de spes la mans con èga e saon, se corir l nès e la bocia con n fazolet canche se tos o se stranuda, durèr fazolec de papier, chest pel didèr a smendrèr la difujion de la petorcena. Che conseède de fèr canche se ciapa la petorcena? Te la maor pèrt di caji co la petorcena se ciapa fiora auta, tos, mèl al col, mèl ai muscoi e a la articolazions, mèl al cef e malesser generèl. Ti caji no compliché dut passa te na setemèna e bèsta tor jù la medejines contra la fiora. I antibiotics no i va ben per la petorcena, ma demò se l li consea l dotor. I caji grieves o complicazions se verifichea soraldut te la jent sora i 65 egn o te chela categorìa a risech che fossa miec che les fae semper l vazin. Aboncont canche la petorcena la dura al lonch l’é emportant jir dal medico de familia. N bel develpai a la dotora Monica Costantini per sia disponibilità, coi augures de bon lurier. Intervista de Monica Cigolla

Clownterapia per fèr stèr ben e grignèr ensema Col meis de jené te cèsa de paussa de Vich Nicola Merli à tacà n percors con la jent de età Projec - La é jita ben la pruma “esibizion” de “Nick l paiazo” a la RSA de Fascia, olache da chest an l’é pontà via n percors de clownterapia. L projet, che à sobito troà l’aprijiament del president Elio Liberatore e de la diretora Pierangela Zanella, l’é pontà via en domenia domarena ai 13 de jené canche, con sia valisc piena de jeghes e n aparat fotografich fat da n carton di eves e n bicer de plastica, “Nick l paiazo” l’é jit a troèr un a un i residenc de la Cèsa de paussa e l ge à fat fèr doi grignèdes lijieres per se passèr miec

“Nick l paiazo” te la RSA de Fascia.

6

www.lauscdiladins.com

l temp. L projet de la clownterapia l’é segur n projet delicat e, descheche à spiegà l diretor Liberatore “no l’é sorì, ge vel aer na gran sensibilità e esser delicac. Soraldut timpruma”. Nicola Merli, l’é cognosciù te noscia val e ence fora de ca per sia esperienzes de teater e ence per “Nick l paiazo”. Acà diesc egn l’aea tacà fajan n cors de teater de strèda olache l’aea tout sù ence i conzec de basa de la “giocoleria” e de la “clowneria”, dapò l’é jit inant con n cors de comicoterapia, de clownterapia o, descheche i ge disc

ence, de “paiazi de corsìa”. Dò da chest Nicola à abù esperienzes te l’ospedèl de Rimini e l’à fat formazion per la VIP (Viviamo In Positivo) de Torin e donca l ge ensegnèa ai etres a doventèr n “paiazo de corsìa”. Te Fascia l’obietif de Nicola Merli “l’é semper chel de meter l pazient al zenter e l fèr stèr ben, percheche l’é proprio l benstèr de la persona che vegn dant. Gé no é chela de me fèr sora ai dotores o a na terapìa, ma demò de fèr stèr ben col se fèr doi grignèdes ensema. É proà te la Cèsa de paussa de Fascia ence percheche con Elio Liberatore se cognoscion: l’é stat l prum te Fascia che me à fat fèr n spetacol, canche amò l’era vizeombolt de Mazin. Se aon rejonà dantfora e aon scomenzà via con na proa. No l’é per nia sorì e ge vel esser n muie sensiboi. L senester no l’é tant fèr paiazèdes, ma capir can se fermèr.” L’ejit l’é stat positif e da sodesfazion. L president Liberatore à dit che presciapech l 70% di pazienc che à abù l contat con l paiazo i é stac contenc e i à aprijià e che te n meis vegnarà fat n’autra

scontrèda. Da man sia, Nicola Merli l’à dit che “la é jita più che ben. Chel che l’era n program l’era de restèr demò te la sala a pe pian, e enveze dò Elio l’era tant content che l me à fat fèr ence n passaje tel repart de l’Alzheimer. Aló é ciapà ence dotrei paroles, ma i me à fat n cher coscita. Son vegnù fora che

me é sentù de aer fat zeche de ben per ic e ence per me desche persona”. Ades Nicola l’é jà dò che l peissa al davegnir: con sia sociazion I Paladins l portarà dant n percors de clownterapia e l’à chela de propor n cors sun chest ence al Pian di joegn “La Risola”. (vr)

Prevegnir la dependenzes di fies L Comun general de Fascia e l’A .p.D.p. Onlus (Sociazion provinzièla per la Dependenzes patologiches) i endreza na serèda publica de prejentazion de la colaborazion e de reflescion sul tem “Segnèi de dejèje e modalità de dialogh: co fèr tel raport genitores-fies? Na interpretazion de prevenzion de la dependenzes.” L’apuntament l’é per jebia ai 31 de jené da les 20.30 te sala del Consei del Comun general de Fascia. Rejonarà la procuradora del Comun general, Cristina Donei e l president de A.p.D.p. Onlus, Andrea Bortot e dò vegnarà portà dant la relazion de la psichiatra e coordenadora del Ser.T de Trent, Roberta Ferrucci. Apede a chesta scontrèda vegn fat a saer che n’outa al meis su apuntament, a Poza l’é a la leta n servije sul teritorie, a chel che se pel se oujer per problemes su la dependenzes. Vegn arsegurà l respet de la privacy.


nr. 04 / 25 de jené 2013

Fóssel inće valch por te?

L’aministradù de sostëgn

Al vëgn chirì volontars por condü fora les ”marënes sön rodes”

Na porsona che dëida porsones cun dificoltês desvalies da mantignì süa liberté

La gran domanda de pasć ćialć a ćiasa desmostra che tröpes porsones, dantadöt porsones atëmpades, n’é nia plü bones da se cujiné instësses n past sciöche al toca, y n’à de chësc vers nia l’assistënza di familiars o parënć. Les marënes vëgn arjignades ca tla ćiasadafüch dla Ćiasa de Palsa a San Martin de Tor, y vëgn spo condütes diretamënter fora por les ćiases. Chësc vêl por i pasć che vëgn menà fora tla bassa Val Badia. Por i paîsc dl’alta Val Badia vëgn i pasć arjignà ca te n hotel. An po se damanè la marëna por vigni dé o inće ma por certi dis.

Al ô ester mans che dëida Dal momënt che les destanzes tla Val Badia é granes, à le Raiun Sozial dla Val Badia dër debojëgn dla colaboraziun dla popolaziun instëssa. Por le 2013 orésson ćiarè da ciafè volontars che daidass pité chësc sorvisc. Les poscibilitês é döes: 1) adorè l’auto de sorvisc dl Raiun Sozial, o 2) jì cun l’auto privat. Te intrami i caji é i volontars curis da n’assiguraziun de responsabilité zivila. Sce al vëgn adorè l’auto privat vëgnel fat implü na assiguraziun plëna (Vollkasko) y les spëises di chilometri che vëgn fać dala Ćiasa de Palsa a San Martin

Aladô dla lege nr. 6 dl 1/2004 dess gnì daidades les porsones cun na dejabilité, cun na certa eté, cun na limitaziun fisica o psichica - che n’é nia plü bones da fistidié por sü debojëgns da vigni dé. Chësc é ponsè inće por porsones che à albü n infart, che é en coma, alcolisć, drogà, porsones che à debojëgn de assistënza y cura. L’aministradù de sostëgn dëida da aministré le patrimone, por vëne/cumprè

terac, tó dezijiuns etich-morales (p. ej. mëte na persona te Ćiasa de Palsa, tó sö na badanta), por gestì i sparagns. Plü dadî pordô chëstes porsones le dërt da se autogestì (entmündigt). Al dédaincö ôn tres l’aministradù de sostëgn ti garantì i dërć de vignun y i mëte tla condiziun che ai pois instësc se fà ia sü afars y les cosses da vignidé. La liberté de aziun dess gnì limitada le manco che ara va.

Na formaziun

Carlo Dejaco é volontar y mëna fora les ”marënes sön rodes”. Sön le retrat él cun mëda Monica Costabiei da La Val.

de Tor demez, vëgn retüdes cun la soma de 0,40€ al km.

Flessibilité Le sorvisc mët man incër les 11.00 y döra da 1,5 a 2 ores. Canche i volontars röia zoruch ciafi na marëna debann te Ćiasa de palsa. Le sorvisc po gnì fat ma val’ dis al’edema, döta l’edema, por döt l’ann o inće ma por val’ mëis. Al foss inće la poscibilité da jì n iade para cun le personal dl Raiun Sozial, por odëi sciöche le sorvisc funzionëia I volontars po portè ite

propostes, cosses che podess gnì mudades o miorades, aspetatives y bojëgns che ai à instësc, y dles persones che ai incunta tratan le sorvisc che ai fej. Porchël vëgnel chirì porsones che ais ligrëza da se impegnè tl ćiamp sozial y che se tol sö na responsabilité por n te’ compit, che le fajess por solidarieté, por daidé porsones che vir na situaziun nia saurida, por daidé fora porsones te süa surité, por daidé i familiars y les porsones che i stà dlungia a chi che à debojëgn. Informaziuns é da ciafè tl Raiun Sozial Val Badia pro Helga Trebo, al nr. de telefonn 0474/524513.

Dër na bela cossa Intervista a Paolo Frenner da La Val, che s’à metü a desposiziun da daidé condü fora les marënes ćialdes a porsones atempades. N sorvisc d’öga por mëdes y berbesc y inće na ligrëza personala La Usc: Ći laûr fajëise pa Os por le Raiun Sozial? Paul Frenner: Iö mëni fora i ”pasć ćialć a ćiasa” tles ćiases ala jënt atëmpada. I à metü man ai pröms de jügn y à lascè ai ultims de novëmber, deache i laori śëgn pro le lift. Él n laûr che se damana tröp tëmp? Iö menâ fora les marënes a La Val. I jô tl Raiun Sozial a Picolin jö dala Helga dl Sorvisc de assistënza a ćiasa a me do l’auto de sorvisc, y jô spo ia en Ćiasa de Palsa a San Martin de Tor a me do les marënes. I piâ ia incër les 11.00 y i â da laûr za. n’ora y mesa. Tan gonot fajôse pa chësc laûr? Iö le fajô n iade al’edema, le lönesc. Él n laûr compliché? No, al n’é nia rî. Iö n’à mai albü degügn problems. I menâ fora les marënes te cin’ posć, suradöt a La Val. Al é ma da mëte averda por chi che à le diabetes, che an ne ti dais nia la jopa falada. Mo Helga mët dagnora i zetli da corusc por i desfarenzié, a na moda che an se recordes plü saurì.

Paolo Frenner: ”An ne mëss nia dagnora ma fà val’ sce an vëgn paià!”

Ves àl salpü bel? Scê, al me sa dër bel. Ći ves à pa salpü plü bel? Iö va ion dales mëdes y dai berbesc ai ciafè. Ai aprijëia dër chësc sorvisc, al me sa bel da ciacolè n püch cun ëi y ëi à dër ion sce ai vëiga zacai. La jënt atempada é gonot da sora y porchël ài dër ion n pü’ de compagnia. Él bele stè val’ mëda che s’à damanè sce i ti cujinasses inće la marëna, no ma ti la portè? (S’la rì..) No, chël n’él mai ćiamò

sozedü. Ëi lalda dër la marëna, ai é düć dër contënć para. Os fajëis chësc laûr sciöche volontar, ći ô pa dì chësc por Os? An ne mëss nia dagnora ma fà val’ sce an vëgn paià, an mëss inće fà val’ zënza n davagn y spo... an n’à nia da perde. Implü ne sàn nia sce i adorun n dé instësc aiüt. Al é dër dessigü na bela cossa. Fajëise ćiamò val’ laûr de volontariat? No... I sun stè dui iadi tla Romania cun Cherubina dl Spangler da Pidrô sciöche ciafêr, a condü ia patüc. Al m’à salpü dër bel, al é stè na esperiënza dër sota. I à inće daidé ia dala Ćiasa de Palsa canche i berbesc é indô jüs zoruch, do i laûrs de ressanamënt. Ti aconsiasse a n Osc compagn inće da fà n te’ sorvisc? Iö sun en pensiun, sciöche tröc d‘atri. Al é sigü n impëgn, mo i sun impò contënt che i l’à fat. I ti al aconsiass a düć. Dilan Paolo dla intervista, y prëibel indô do Osc aiüt, canche la nëi se delega y i lifć stlüj. Les mëdes y i berbesc Ves aspeta!

I aministradus de sostëgn dëida fà ia laûrs deboriada con la porsona assistida.

Dal momënt che chëstes situaziuns é gonot dër zities, y che i familiars o parënć n’é nia dagnora les porsones plü ideales, v ë g n el d è l a poscibilité da fà n curs por porsones che podess surantò chisc compić. La formaziun preodüda foss de 6-7 ores, y dedô pòn se scrì ite tl re g ister di aministradus de sostëgn. Chisc cursc vëgn pità intres indô. Por informaziuns plü menüdes pòn telefonè tl Raiun Sozial Val Badia al nr. 0474/524552.

Incuntades y informaziuns sön trauma al će y ciorvel Le Raiun Sozial Val Badia organisëia, en colaboraziun cun le ”Netzwerk Schlaganfall Schädel-Hirntrauma Südtirol” na incuntada olache düć i interessà ciafa informaziuns d’öga sön la tematica dl trauma al će y al ciorvel. La proscima incuntada gnarà tignida en mertesc ai 19 de forà dales 15.00, tla sënta dl Raiun Sozial a Picolin. Al nes fajess plajëi da podëi saludé partezipanć nüs, por arichì nosc grup cun stories de vita y esperiënzes nöies. Chëstes incuntades vëgn organisades za. vigni dui mëisc. Informaziuns plü menüdes pòn ciafè pro Sieglinde Erlacher al nr. 0474/524519 (mertesc, mercui y jöbia danmisdé).

Ćiarè de jënt püra o atempada Les proscimes incuntades por porsones che ćiara de jënt atempada y/o amarada é preodüdes ai 5 de forà, ai 5 de merz, ai 2 d’aurì 2013. Les incuntades é dagnora dales 15.00, tla sënta dl Raiun Sozial a Picolin. Informaziuns ciafëise al numer 0474/524513. Düć é der bël inviá.

Zentrala di Consumadus a Picolin La Zentrala di Consumadus é da jenà 2013 inant ma plü 2 iadi al mëis a Picolin, tla Ćiasa dl Raiun Sozial, a desposiziun dla jënt. Plü avisa vigni secunda y vigni cuarta jöbia dl mëis. De forà sarà la avocatëssa Kathrin Baur da ciafè ai 14 y ai 28, dales 9.00 ales 12.00. Tel. 0474/524517. www.lauscdiladins.com

7


Val Badia

Coordinazion: Pablo Palfrader Redaziun: Ćiasa dl Istitut Ladin - 39030 San Martin de Tor Tel: 0474/524042 - Fax y ISDN: 0474/523005 - e-mail: la.usc@rolmail.net

nr. 04 / 25 de jené 2013

Dai planns de prigo ai controi Do i danns dal tëmp y la gran roa de Badia, êl plü co atual baié di planns di raiuns de prigo. Tematiches é inće stades i controi dl svilup rural y le laûr te bosch cun de gran mascînns Controi desvalis

Paurs/1 - Sciöche al é oramai tradiziun les prömes edemes dl ann, vëgnel tignì tla Val Badia les sessiuns forestales, olache i verdabosc informëia paurs y proprietars de bosch sön i prisc dl lignan, sciöche inće sön tematiches de majer interes (ćiara articui a pert).

I controi dl program de svilup rural é inće gnüs metüs sön mësa. Controlè vëgnel chilò danter l’ater le register de stala, sce les sperses y cultures dades dant corespogn ala realtè, y sce al vëgn tignì ite les desposiziuns sön la sconanza dles eghes. Cis pro chësc ultim punt à Moling alzè fora l’importanza da se tignì ales regoles, invian i paurs da ne lascé nia jö coltöra massa dlungia i rüs, y inće da tignì indertöra i tancs o les bots dla nafta. Le ćiarburant dess gnì tignì te contegnidus aposta, sconà dal tëmp. Nia ne büta de vedli chibli sot al tëmp, olache al é prigo che le ćiarburant rogores fora. Na problematica metüda sön mësa é chëra dla cherta ”Lafis”: chësta vëgn tuta ca por fà i controi, mo ne corespogn nia dagnora ala realtè.

La pröma dles sessiuns é stada chëra por le comun de Mareo, en mertesc ai 15 de jenà tla Ostaria Sotrù a La Pli. Dancà à le vizediretur dl Ispetorat Forestal da Bornech Gottlieb Moling informè sön les utilisaziuns dl lignan. Sc’i tolun en conscidraziun i reviers de Mareo, Rina, San Martin, Lungiarü y La Val, êl preodü utilisaziuns por 24.353 m3 de lignan. Efetivamënter n’él gnü utilisé 26.023 m3, olache al é da dì che bun 5 mile é gnüs desgorć por danns dal tëmp.

Contënć cun i prisc dl lignan Inant éra jüda cun i scioldi di fonguns, olache al vëgn te Mareo vigni ann ite cotan. Por le 2012 él gnü ite na soma de 15.768,00€ - de chisc gnarà le 25% tignis zoruch por les pratiches di permèsc, y na bela soma de 11.800,00€ i jarà zoruch ai paurs por le mantignimënt de trus de bosch. Ai vëgn partis sö aladô dles domandes che vëgn menades al Comitê di Paurs. Por ći che reverda i prisc dl lignan éson contënć. Ai s’à n pü’ trat sö respet ai ultimi agn: por taies de pećió vëgnel aratè danter 80 y 100,00€ al meter, por chëres de lersc danter

Le vizediretur dl Ispetorat Forestal da Bornech Gottlieb Moling (a man dërta) informëia i paurs y proprietars de bosch sön tematiches desvalies.

110 y 130,00€ y por chëres de cier danter 150 y 180,00€. La lëgna de cassëta vëgn paiada danter 50 y 60,00€ al meter. ”Sciode él che la gran pert de lignan vëgn venü forapert, suradöt tl’Austria”, à recordè Gottlieb Moling pro la sessiun.

I raiuns de prigo Danter i temesc plü generai àn iniann ćernü chël di planns di raiuns de prigo, argomënt plü co atual do la gran roa de Badia, mo inće do che le rî tëmp à lascè raité

jö da d’altonn cotan de trus. Gottlieb Moling é jü ite en particolar sön les tlassificaziuns di terac. Vigni comun arà da lascè arjigné n te’ plann anter le 2015. La contrada abitada gnarà insciö tlassificada aladô di prighi potenziai o manco che podess gnì a s’l dè por gauja de roes, rogossies, erojiun dl terac, lovines, permafrost y i.i. Moling é jü ite plü avisa tl iter de realisaziun de n te’ plann, spligan plü por menü i degrà de prigo. Le raiun gnarà partì sö te zones grijes, olache al n’é püch y degun prigo, spo zones gheles olache al é n prigo

mesan. Te intrami chisc raiuns podaràl inant gnì frabiché sides ćiases singoles co raiuns residenziai. Ti raiuns bröms é le prigo bele valgamia gran, y al podess garatè danns a frabicać. Chilò él ćiamò conzedü da frabiché ćiases singoles, mo nia raiuns residenziai. Tabu é i raiuns tlassificà a cöce, olache al é n prigo concret de danns a frabiches y inće porsones, sce al ess da gnì dër rî tëmp. Chilò él a vigni moda proibì da frabiché ćiases. Ezeziuns él ma por infrastrotöres dl sport o dl tëmp lëde.

Te bosch cun mascînns Inant à Moling inće anunzié la tematica dles gran mascînns da laurè te bosch. Sce les cioreles (Seilwinde) se lascia anuzè ćina a ertitês dl 30%, pòn cun i prozessors laurè ćina al 60%. Mo deache chëstes mascînns é gonot pesoćes y granes, pòl gnì danejé la cortesc, cis sce al vëgn laurè cun terac mol. Chësc po inće ester n problem por i trus de bosch, che vëgn danejà nia püch sce an laora do de maius plöies. Na domanda di paurs é stada che che paia le dann ai trus te n te’ cajo. ”Da me infora él tler che por le dann messass respogne chël che à dè ia i laûrs”, à dit Moling. (pablo)

Laûrs fać y preodüs I verdabosc à portè inant deplü laûrs ti comuns de Mareo, San Martin y La Val. Danter i proieć por le 2013 alda n tru sön Ju che dess d’invern deventè pista de paslunch, y le coliamënt dl tru de Plaies danter Longega y Picolin Paurs/2 - Cotanć é i laûrs che an à portè inant tratan le 2012, y val’ laûrs importanć é inće sön program por chësc ann. N gran laûr tl comun de Mareo é stè chël dla realisaziun dl tru d’azes al lüch ”Al Büsc” danter Longega y Rina. Sce chësc proiet ê impröma gnü sciurè zoruch, él - do n recurs di proprietars - gnü realisé. Le frabicat dl lüch é en malester y dî nia plü abité. Rové àn l’ann passè le Tru

”Col d’Aneres” defora da Frontü. Tl parch natural él en colaboraziun cun l’Ofize Parcs Naturai gnü fistidié da fà deplü sîs de proteziun por i tiers: öna sön Plan de Sarënes te Fanes, y d’atres sön Fojedöra. Dl 2013 él preodü da realisé le tru de bosch ”Pedistles” daite d’Al Plan, y te chësta ocajiun dortoraràn inće le punt che passa süra le rü ia. Al sarà inće da ressanè deplü danns dal tëmp, sciöche chi gnüs a s’l dè

Le lüch ”Al Büsc” à ciafè n tru de azes.

8

www.lauscdiladins.com

sön le tru ”La Cöna” y sön le tru ”La Crëpa”.

San Martin Tl comun da San Martin pòn recordè i laûrs metüs man pro le tru ”Tamà Vedl” a Antermëia, n tru de bosch de indöt 1,9 km, che gnarà rové chësc ann. A Antermëia àn inće laurè por n tru de coliamënt danter Pè de Börz y Börz, olache al é gnü realisé n tòch de tru nü, y slarié n tru bele esistënt. Da alzè fora é inće i bi laûrs fać por abelì le raiun ”Pinis” a San Martin, olache an à fat sö n mür a sëch y cherié val’ posć da parchè, al é gnü fat na sì, taié fora lëgns y arjigné n bel tru. Por le 2013 fóssel n pêr de proieć. Danter chisc le ”Tru Rovîsc”, mo Gottlieb Moling nes dij che an n’é nia sigüsc sce ara jarà bëgn da le finanzié, ajache al é d’atri proieć olache al vëgn menè do. Chilò él miné n tru che dess garatè sön Ju: n tru de bosch che sorviarà d’invern inće sciöche pista de paslunch. Do le proiet ia stà dancà l’AT da San Martin de Tor. Menè do vëgnel

inće por colié le tru danter Longega y San Martin, ite por le bosch de Plaies, che dess sorvì spo sciöche tru dla roda. An é al momënt tl laûr da cöie adöm les firmes che va debojëgn, y sce chësc gareta, gnarà i laûrs bele fać iniann.

tru ”Ciavaza”, cun chël che i bosć y i prà de Ciavaza ciafarà n tru adatè ai bojëgns, ajache ćina ćiamò rovân pormez ma sön n tru dër ërt, alüsc inće cun ertitês dl 30%. I laûrs jarà inant anter plü loć, un dl 2013 y n ultim dl 2014.

La Val

A Pidrô él spo gnü fat le pice tru ”Chi Pecëis”, che de sleria do le raiun artejanal da Pidrô ite y sö por bosch. (pablo)

Tl comun da La Val él tratan le 2012 gnü metü man i laûrs pro le

Metü man à i laûrs por le tru de bosch ”Ciavaza”.


Val Badia

nr. 04 / 25 de jené 2013

Tai Tamersc döt isté? Na pert de paurs oress che an podess lascè döt isté val’ tiers ite por la val a vardè. D’atri vëiga chilò le prigo che al röies massa püć tiers te munt. Pro y cuntra Paurs/3 - Por trëi edemes da d’aisciöda vëgnel menè ite por la Val de Mareo daimprò da 250 tiers, che röia spo döt isté sön les munts de Fanes, Fodara Vedla y Senes. Val’ edema stà i tiers inće da d’altonn tla val, denant co rovè zoruch tles stales di paurs. Ite por la val él ti ultims agn gnü taié fora incër 20 hectars de bosch, cherian insciö cotan de pastöra laprò. Pro les sessiuns forestales a La Pli à le surastant di paurs de Mareo Georg Frenner metü sön mësa la proposta da lascè vardè n tlap de tiers döt isté ite por la val. ”Ti ultims agn él gnü taié fora y miorè la pastöra, mo sce al n’é nia tiers assà, crësc i jeniers indô ite”, é öna dles motivaziuns che Frenner nominëia, mo inće le fat che sce al é ma tiers da d’aisciöda, crëscel sö l’artighëi, y chësc é ros y vere por canche i tiers vëgn indô de munt. ”Sce al gniss mangé ia d’isté, gnìssel do le pofl bel jonn”. Frenner spezifichëia indere che d’isté fossel bun sce ma n pice tlap de tiers stess tla val, por che la pastöra ne sides nia da d’altonn mangiada jö deplëgn. Ći paurs mëna pa indere chësc tlap de tiers?, é la domanda de n paur. Te Mareo val’ lüsc da paur che tëgn vaćes da videl (Mutterkuhhaltung); Georg Frenner é instës un, y al nes dij che ”da menè a munt chëstes vaćes él tröc paurs che se tëm che i vidì tëtes pro d’atres vaćes. Sce an ess la poscibilité da les tignì d’isté tai Tamersc, ésson arjunt na soluziun

Georg Frenner, surastant di paurs de Mareo.

a chësc problem.” Nia düć n’é indere a öna da lascè vardè döt isté. Un de chisc é l’assessur ai paurs y maurigo de Fodara Vedla y Tamersc Richard Erlacher: ”Sce an lascia vardè tiers döt isté ite por la val, él prigo che les munts se desćiaries. Sce al röia manco tiers sön munt, él les munts che crësc ite”, é süa minunga. N argomënt che Frenner lascia avarëi, y laprò s’injunta le fatur finanziar, sciöche al dij: ”La premia vëgn paiada fora por vigni tier. Sce al röia manco tiers te munt, àn inće manco scioldi da mantignì la munt y paié i famëis.” Sön Fanes n’é chësc problem nia tan sintì, deplü dal’atra pert sö, olache al é trëi munts Fodara Vedla, Senes y Munt de Senes - y insciö plü famëis da paié

y munt da mantignì. Cun ći che le paur paia por menè i tiers a munt, ne vëgnel nia ite scioldi assà. Plü tiers ne pòn al momënt nia tó sö ite por la val, an é feter al limit, y laprò é les munts de Mareo püch interessantes por paurs da foradecà, ajache an po jì a munt pormò i pröms de messè y mëss bele jö ala fin de setëmber. ”Chësc é por paurs da foradecà massa adora”, dij Erlacher y Frenner. Mo i rovun zoruch ala domanda prinzipala. Désson pa lascè vardè ite por la val n tlap de tiers inće d’isté? Pro la sessiun forestala à l’assessur Richard Erlacher respognü insciö: ”Sciöche la regola é śëgn, n’él nia conzedü da vardé inće d’isté. Personalmënter sunsi al momënt decuntra, mo cherdun ite na sentada cun düć i maurighi, spo nen baiunse!” (pablo)

Richard Erlacher, assessur de Comun ai paurs.

Ariane Alfreider romagn surastanta Te n contest y te na manira n pü’ atramënter, s’à i artejagn dl Comun da Corvara incuntè por la sentada anuala, olache al é inće gnü lité danü la junta, che sarà en ćiaria por i proscims 5 agn Corvara - La incuntada anuala di artejagn à metü man te dlijia da Corvara, olache an é rovà adöm por le rorate deboriada. ”I orôn organisé la sentada anuala n pü’ te n’atra moda”, insciö à la surastanta di artejagn da Corvara, Ariane Alfreider, saludé düć canć te n tlima dër informal y da stè saurì. Do le rorate é düć i artejagn gnüs invià a stè n pü’ deboriada y a se bëre n bun gote de vin cöt sön le marćé da Nadè, y do na buna cëna tla ostaria Fontana à spo metü man la sentada. Cun ligrëza ti él gnü surandè n atestat a dui mëmbri dl consëi - Harald Dapunt y Ramon Leonardi - che s’à dè jö por bëgn 10 agn alalungia cun dediziun y impëgn a bëgn de chësta uniun. ”L’Assoziaziun di Artejagn é brauia da avëi de te’ mëmbri y iscrić, che la sostëgn cun tan de lezitënza y interes”, à dit Josef Schwärzer - surastant dl’Assoziaziun di Artejagn dl raiun de Puster. L’ombolt da Corvara Robert Rottonara à recordè ći posiziun importanta che l’artejanat tol ite tl’economia dl comun. Plü inant àl portè dant les tematiches plü

Grup de partezipanć.

Jonins fej schialpinism La Lia da Munt Ladinia - Val Badia à metü man cun suzes sües escursciuns por l’ann 2013. Inće le Grup Jonil é pié ia, cun na bela escursciun de schialpinism Lies - La Lia da Munt Ladinia - Val Badia à indô metü man cun so program dles escursciuns y manifestaziuns por l’ann 2013. An à bele metü man de dezëmber cun na serada de informaziun sön les lovines a Al Plan y ai 15 de dezëmber él gnü organisé dal AVS La Val na bela proa da chirì cun le pîps (ARVA). Intratan él bele gnü fat n valgönes escursciuns de schialpinism, che é sön le Calënder 2013 dla Lia da Munt Ladinia - Val Badia, y tröc é stà ćina śëgn i apascionà che à tut pert. Ai 12 de jenà à inće le Grup Jonil metü man l’ann cun na escursciun de schialpinism. Al ê na escursciun organisada por i jogn dai 13 agn insö. Cun n pice grup de jogn apascionà y che ê coriusc da porvè fora inće chësta sort de ativité, sunse pià ia da Sarè (Armentarola) devers dles üties dl Valparola y spo sö cuntra le Ju de Valparola, plü avisa, sön i ”Prà da Ćiamna”. Man

man che i jên söpert ti gnôl mostrè ai mituns n valgünes tecniches y dè n valgügn consëis che an po adorè canche an fej schialpinism. Canche i sun rová sön ”piza”, s’unse boiü n bun tê ćialt y s’ùn godü le bel panorama. La nëi n’ê bëgn no massa bela, do che le vënt y la plöia dles ultimes edemes à roviné tröp, mo porchël sunse impò stà bogn da se ciafè fora n valgünes piceres pares cun na bela nëi sflaussia. Ala fin dla escursciun unse ćiamò fat na picera proa cun le pîps. Al i vëgn recordè a düć i mituns y mitans, jogn y jones dla Lia da Munt Ladinia - Val Badia, che la proscima incuntada sarà la sabeda ai 2 de forà, olache i jarun cun la liösa tla bela munt de Fanes. La escursciun vëgn organisada da Paul Erlacher d’Al Plan y an po se prenotè pro Paul al 347/4736300 o pro Verena al 338/3399409, prëibel dui dis danfora. (verena)

Pro la escursciun àn inće podü se gode pares cun de bela nëi.

Döes onoranzes pro la reuniun anuala di artejagn da Corvara: Harald Dapunt (2. dmc), Ramon Leonardi (3. dmc) y la surastanta Ariane Alfreider (4. dmc)

atuales y à inće respognü ales domandes che vignun podô portè dant. L’ann 2013 é por l’Assoziaziun di Artejagn n ann de lîtes, insciö él inće stè da lité danü la junta da Corvara. Ariane Alfreider romagn

inant a će dla junta sciöche surastanta di artejagn. Dla junta di artejagn fajarà pert por i proscims 5 agn inće le vizesurastant Wilhelm Pedevilla, Harald Dapunt, Stefan Mayr y Bernhard Pitscheider. (comunicat APA)

Abinà cun droga I Carabiniers à abiné a Corvara personal cun sostanzes proibides

Corvara - Ai 14 de jenà domisdé, tratan le sorvisc de control sön les pistes dl’Alta Baida, à i Carabiniers da Corvara dè dant aministrativamënter döes porsones por detenziun de sostanzes proibides. Les döes porsones, che laora y abitëia d’invern te na ütia da munt da Corvara, é gnüdes abinades cun 1 gram de marijuana, na pilora de ecstasy y mez gram de MDMA. Döt é gnü secuestrè. www.lauscdiladins.com

9


Val Badia

nr. 04 / 25 de jené 2013

Sugestiun te Pinćia dal Cone, abelida dales 10 scultöres tla nëi.

La scultöra dla scuadra canadeja che à davagné.

Ert figurativa tla nëi d’Al Plan La 23ejima ediziun dl festival dles scultöres tla nëi a Al Plan é jüda a piz. Davagné à la opera d’ert realisada dai canadeji. Ma na usc sora à despartì i pröms, i canadeji, dai secundi, la scuadra di aliefs dla Scora da Laas Al Plan - Canada, Südtirol y Cina: chëstes é les trëi scuadres che à salpü da se davagné la crëta dl publich pro la 23ejima ediziun dl Festival de Scultöres tla nëi, desfiré dai 14 ai 16 de jenà a Al Plan de Mareo. Le festival é gnü invié ia dal’Assoziaziun Turistica d’Al Plan, en colaboraziun cun chëra da Sanćiana, che â ospité les scuadres i dis denant. Por trëi dis alalungia à les 10 scuadres da piz a ćiantun dl monn ziplé, sié, sferié y comedè pro i gragn cadrì de nëi de 3x3x3 metri, arjignà sö tla Pinćia dal Cone. Acompagnà ési gnüs düć trëi i dis dala nëi, che lasciâ jö intres indô na cutra lisiera sön les scultöres. Chi che röia chisc dis a Al Plan, po amiré davijin les beles scultöres realisades dales scuadres de artisć. L’êrt figurativa comana zënz’ater chësta ediziun, él pö chës scultöres

che i ghesć aprijëia forsc le plü. Y inće chësc ann podô le publich ćerne süa scultöra preferida. Döt adöm él rové ite 320 zetoles cun preferënzes, y pro la premiaziun éra jüda iniann davëi scialdi strënta. Feter abonà a n pest ti pröms trëi é la scuadra dal Canada cun Donald C. Watt, Michael Lane y Terry Gunderson. Cun süa scultöra tlamada ”Só sorëdl y fre löna” ài arjunt bëgn 162 usc, y insciö le pröm plazamënt de chësc festival. Le secundo post é romagnü te ćiasa - sce an ô dì insciö. La scuadra dla scora de lauraziun dla pera da Laas - cun Manfred Hellweger, Sebastian Hanke y Hanna Brinkmann - à realisé la scultöra dal titul ”Ćiapolêre”. Cun 161 preferënzes i falâl ma na usc sora por arjunje i canadeji. Plü destacà é i artisć dla Cina - Wang Weiliang, Li Wei y Zou Cunliang - che à cun la scultöra ”Odour of Paddy” arjunt le terzo

plazamënt, rovan sön 139 usc. Inće danter i terzi y cuarti pêl che al manćiass ma na man de usc. La Cina tol pert da canche i organisadus de chësc festival à stlüt jö n jomelinasc cun i organisadus dl festival internazional de Harbin, y à inće intres arjunt n plazamënt ti pröms trëi. Dlungia les trëi scuadres premiades à tut pert na secunda scuadra de Südtirol, cun aliefs dla ”Cademia” da Urtijëi, spo na scuadra porom dla Republica Ceca, Messich, USA, Letonia, Inghiltera y Germania. La premiaziun - sides por Al Plan co por Sanćiana - é gnüda tignida pro na buna cëna tla ostaria dal Cone, olache al é inće por i sculturs stè l’ocajiun da imparè da se conësce damì danter ëi. La bela contrada de nëi i fej da cornisc ales scultöres, che an podarà amiré ćina canche le tëmp le pormetarà. (pablo)

Les scuadres premiades pro le 23. Snowfestival, cun rapresentanć dles AT d’Al Plan y Sanćiana, y dla Cassa dl Sparagn.

10

www.lauscdiladins.com

Le ”Ćiapolere" ziplé tla nëi dai studënć da Laas.

La scultöra dal titul "Odour of Paddy", che s’à tlassifiché al terzo post.


Val Badia

nr. 04 / 25 de jené 2013

Consëi nü por i seniors Pröma incuntada dl ann por le Seniorenclub Mareo. An à ćiarè zoruch a n ann de ativitês, y inće nominé n consëi nü

I scolars cun i ingrediënć por fà balotes.

L’inglesc tla scora elementara La scora elementara da La Val à tut pert a n proiet cun na scora dla Danimarca, olache le lingaz inglesc gnô adorè por comuniché cun l’atra scora y laurè tl team Scora - Al n’é nia na novité che le ciorvel se modifichëia dassënn tl imparè i lingac te chësta eté y che i mituns impara plü saurì che nos gragn. Tla scora elementara tòlon vigni ocajiun por ti fà vire ai mituns na esperiënza che i pôrtes inant te so tru por imparè le lingaz inglesc. Cun de pici vari éson bugn da arjunje n travert. Le ciorvel mëss gnì alenè, spo pòn miorè nostes capazitês de tó sö contignüs nüs. La memoria é buna y porchël se recorda i mituns dër saurì parores nöies y pinsiers te d’atri lingac. Tl ciorvel se liëiel döt adöm y te chësta eté é i mituns dër flessibli. Imparè parores inglejes é dër na buna ginastica por nosc ciorvel, mo al ne basta nia. Porchël prôon cun d’atres ativitês da motivé i mituns da imparè l’inglesc. I messun dì che i mituns impara ion chësc lingaz, deache al fej pert de so monn, al basta ponsè ala musiga pop y al web.

Le proiet é gnü desfiré deboriada cun la maestra d’inglesc Veronica Rubatscher (a man ciampa).

N’atra cultura y n’atra realté La 5. tlassa dla scora elementara

I mituns ćerćia spëisa dla Danimarca.

à tut pert a n proiet cun na scora dla Danimarca cun la maestra d’inglesc Veronica Rubatscher. Nia ma l’inglesc ne dess ester tl zënter de n te’ proiet, mo la cultura y la realté de n ater sistem scolastich dess i scolars imparè da conësce. Porchël él gnü porvè de ciafè na combinaziun danter imparè

l’inglesc y na ativité che i mituns é bugn da fà. Na buna ocajiun da se conësce y olache an mëss laurè adöm, é sigü le cujiné, olache ma n team po arjunje n fin, y olache an mëss adorè le lingaz. Le pröm fin che an messâ arjunje ê chël de ciafè cosses tipiches che an cujina tla Talia y che an oress che nüsc compagns podess cujiné y ćiarćé. Porchël él stè i mituns ladins che à arjigné n menü cun cosses dër tipiches che nos mangiun chilò da nos, y ti à spo menè n video che ai podess le fà do, y dedô él stè l’atra scora che à menè n menü dla Danimarca. La coriosité é stada grana da porvè ći che i compagns dl nord mangia ion. Na esperiënza nia da püch, olache düć s’à de n gran dafà, deache la coriosité ê grana da ćiarćé ći che an â cujiné. Les indicaziuns ê dötes tl lingaz inglesc, insciö ê i mituns sforzà da se dè jö cun chësc lingaz. Les döes scores à colaborè dër bun y le web é stè n gran aiüt y à alisiré le laûr. Rudi Moling, por la scora da La Val

Lies - Le Seniorenclub Mareo s’à indunè ai 9 de jenà dales 3 domisdé te salf dles manifestaziuns d’Al Plan, por süa pröma incuntada dl ann 2013. A chësta incuntada à tut pert za. 30 porsones. La surastanta Lidia Taibon Brugger à en cört portè dant ći che é gnü fat tratan l’ann 2012. Indöt é le Seniorenclub rové adöm 12 iadi. Te chisc iadi él inće gnü fat val’ jites cun le bus, desco a Desproch, spo iadi a pé sö dal Sant da Oies, na griliada y i.i. Dedô à spo la surastanta portè dant i cunć: scioldi che é gnüs ite de buna man, desco dal Comun, dala Provinzia, da n sponsor privat y suradöt dai partezipanć ales indunades. La cassa ne stà por le momënt nia mal, insciö podaràn inće por l’ann 2013 fà val’ iadi cun le bus, inće indô foradecà. Dedô él spo stè düć che à ciafè n bun taì de panicia, arjignada ca dala surastanta, y da Ida y Maria. La surastanta à spo portè dant

che al ê indô da lité le consëi nü. Al é impröma gnü baié sce un o l’ater ess ćiamò podü stè ite tl consëi, deache plü che i sun, plü saurì che al é da organisé de vigni sort. Ćina ilò ê chi dl consëi ma de cater. Val’ porsones é stades a öna da stè ite tl consëi, y düć é stà a öna da tó ite ćiamò val’ porsones tl consëi nü. Chësc é śëgn metü adöm dala surastanta Lidia Taibon Brugger, spo Maria Valentini Trebo, Ida Taibon, Walter Weiss, Richard Plazza, Epo Rindler, Clara Burchia Rindler y Hartmann Frontull desco scrivan. Le program por l’ann 2013 é gnü metü jö sön na plata che düć à podü se tó a ćiasa por ti ćiarè plü avisa. Al é romagnü che i s’indunun vigni secundo mercui dl mëis. De jenà y forà te salf dles manifestaziuns, da d’aisciöda y d’isté fora saràl val’ jita cun le bus, de novëmber y dezëmber indô te salf por val’ referat. (Hartmann Frontull)

Le consëi nü dl Seniorenclub Mareo: dmc Lidia Taibon Brugger, Epo Rindler, Clara Burchia Rindler, Maria Valentini Trebo, Walter Weiss, Richard Plazza y Ida Taibon. Al manćia Hartmann Frontull.

Set miliuns de dann Tla sentada dla Junta Provinziala de Südtirol él gnü portè dant les zifres sciazades por i danns materiai Badia - Śëgn àn zifres concretes por ći che reverda i danns materiai gaujà dala Roa de Badia: incër 7 miliuns de euro. ”Sce la roa ne s’armöi nia plü inant y la situaziun resta sciöche incö”, à dit Durnwalder. Le maiù dann vëgn dales ćiases desdrütes, olache al vëgn aratè feter 4 miliuns de euro.

Por i laûrs fać por i rüsc da munt vëgnel aratè dui miliuns de euro, y ćiamò danter 400.000,00€ y 600.000,00€ porom tl’agricoltöra y al bosch. Ćiamò Durnwalder: ”Śëgn messunse odëi sce les leges varëntes cür i aiüć te chisc caji, o sce i messun intervenì cun mudaziuns de lege”.

Odüda sön la vila da Sotrù, lominada le dé dla roa. www.lauscdiladins.com

11


Val Badia

nr. 04 / 25 de jené 2013

L’ann iubilar dla Musiga d’La Val é garatè La Musiga da La Val à stlüt jö cun la sentada generala l’ann iubilar de 85 agn de vita Lies - Propi por i 85 agn dla Musiga da La Val él gnü organisé fora por l’ann deplü manifestziuns desvalies. L’ativité dla uniun à bele metü man adora, por podëi arjigné ca le conzert d’aisciöda. Ai 11 de forà él gnü tignì la pröma proa da sonè. Fora por l’isté él gnü sonè dales tradizionales festes de dlijia, implü dala sopoltöra de n genitur de n musicont, dala noza de Ruth y Manuel a San Martin. Foradecà sunse stà a La Ila a sonè dala festa de Feragost, olache i tolun pert oramai da plü agn; spo sunse inće jüs do tröc agn indô a Ćianacëi te Fascia por tó pert ala defilada dla gran Festa da d’Istà. A Corvara sunse stà dui iadi chësc isté: por la festa de 100 agn di stüdafüch y ćiamò pro la gara de orienteering tignida da d’altonn. Fora por l’isté él gnü tignì cater conzerć da sëra sön paiun por i sciori. Proes él gnü fat indöt 53: plü avisa 37 por düć, 10 proes da marcè y 6 proes despartides. Sce an cumpëda ćiamò i 22 iadi che la musiga s’à incuntè por sonè adöm, spo röion sön 75 iadi che la musiga s’à abiné, che ô dì na media de vigni 5 dis. L’ativité dla musiga n’é nia ma fata de sonè, y porchël vëgnel organisé deplü manifestaziuns por che an pois se stè plü saurì inće cun la sitiuaziun de cassa. Al vëgn fat la festa alaleria a Pidrô, la Segra da Paur sö Ćians, y de novëmber vëgnel ciamò tignì le gran batadù te salf dles manifestaziuns. Do n ann de bries da pert de düć, ne po sambëgn nia manćé na picia jita por podëi n iade stè adöm en compagnia y s’la gode. Ala fin de otober sunse jüs a Kurtatsch, olache i ùn fat le ”Weinlehrpfad”. Chësc é n tru che porta fora por les campagnes dal vin de plü paîsc. Sambëgn s’à acompagné do chësc tru dui paurs dal vin, che s’à spo cuntè dant sciöche al vëgn laurè cun l’üa, y fat le vin. Val’gote de bun vin ne podô nia manćé por l’ocajiun. Da sëra sunse stà a Feldthurns a ”törggelen” y insciö unse passè na bela sëra en compagnia.

Movimënt tla uniun Pro nosta musiga él ti ultims agn scialdi stè n gran movimënt di mëmbri. Insciö inće l’ann passè. Gnüs pormez é Valentina Dapoz al fabló, Simon Campei pro chi dai tambürli y bateria, Anna Deiaco y Verena Moling sciöche margatënteres. A chëstes jones y jogn ti aodunse döt le bun y tröpa ligrëza da fà musiga, mo inće che ai se stais saurì pro la Musiga da La Val. Jüdes demez é Sara Campei al fabló, y les margatënteres Karin Comploi y Elena Valentin. A ëres n gran dilan por les ores ofrides sö por le bëgn dla uniun.

Conzert y gran festa Ai 19 de mà él gnü tignì le tradizional conzert d’aisciöda. En chësc ann dl iubileum de 85 agn s’unse ponsè de fà na bela festa propi adöm al conzert. Por l’ocajiun él gnü invié adalerch nüsc compagns da Wengen tl Allgäu. Le conzert dla sabeda sëra ti à plajü a jogn y manco jogn. Al ê le pröm conzert sot la bachëta jona de Stephan Ploner da San Martin. Ël é stè bun cun süa pasciun por la musiga, mo dantadöt so talënt, da ti fà passè a düć na sëra che ne gnarà nia desmentiada tan atira. Amesa le conzert él gnü surandè deplü onoranzes por tröc agn de ativité. A Giuvani Pezzei y a Sepl Moling ti él gnü surandè l’onoranza d’or por bëgn 40 agn de ativité. A Paul Pezzei la medaia de brom por i 15 agn de ativité. A chisc musiconć i vàl les mius aodanzes da pert dl comitê y de döta la musiga, n gran dilan por döt le tëmp ofrì sö por bëgn dla Musiga da La Val; prëibel insciö inant. Do conzert él gnü fat festa adöm a nüsc compagns da Wengen. Inće sce les ores de sonn é stades püćes, unse la domënia - do na bela mëssa sonada - fat na bela festa te palestra de paîsc. Cun les melodies plajores dla musiga da Wengen y val’liagnes blanćes, unse passè na matinée d’aorela cörta. Do la estraziun dla lotaria él spo stè le grup ”Romantik Express” che à stlüt jö la festa.

Conzert dla Musiga da La Val.

Musighes de Puster

Mëssa de rengraziamënt

Ai 15 de messè sunse jüs ite a Türesc a tó pert ala festa dles musighes dl raiun de Puster. Da doman sunse pià ia cun la coriera. I sun rovà ta Türesc, olache i sun spo jüs te salf dla musiga por se sonè ite. La Musiga dal La Val à tignì le pröm conzert sön paiun, olache al ê daimproìa dötes les musighes che se lasciâ aldì. Le gran avenimënt por la musiga ê indere la competiziun da marcè. Do che la Musiga da La Val â bele fat bela parüda te deplü de chëstes competiziuns, s’à le mënamaza Helmut tut dant da fà indô n vare inant. En chësc iade êl n gran vare: la musiga à tut pert ala competiziun tl livel plü alt. Do 10 proes intensives él gnü portè dant le program studié ite en pert bele l’ann denant. Le resultat po se lascè odëi, bele ma deache degüna atra musiga n’à tut pert ala competiziun a chësc livel. I punć arjunć é stà 88,90 sön 100. N buniscimo resultat, che é mirit de dötes les musicontes y düć i musiconć, che s’à tut le tëmp da imparè ite te ma diesc proes chësc bel program. Mo le maiù mirit y sambëgn gran dilan i va a nosc mënamaza Helmut. Helmut s’à studié jö le program y s’à dè jö tröp inće fora dles proes, por che la show garatass sigü. I podun ester braui de nosc mënamaza.

La domënia ai 23 de setëmber unse sonè la santa mëssa por stlü jö l’ann de iubileum. La musiga metüda sö sö dan altè, n’é nia na cossa da vignidé. Ma püć musiconć se recorda l’ultimo iade che al é gnü sonè la mëssa sö da altè; chësc propi en la festa de 50 agn dla musiga. Sessanta musiconć fej na bela parüda arcuncià sö incër altè, y la jënt che é gnüda a mëssa à inće scialdi laldè la iniziativa, che é gran mirit de nosc dirighënt Stephan. Le bun sonè te dlijia i à plajü a jogn y manco jogn. Do la santa mëssa él ćiamò gnü portè dant por le pröm iade sön plaza de dlijia döta la show imparada ite por le concurs ite a Türesc. Tröpa jënt à aplaudì dassënn le bun garatè, sides dla mëssa sonada che inće dla show. Pro na buna marëna tl Hotel Plan Murin, cun val’ parores de lalt da pert dl presidënt dles musighes dl raiun de Puster, unse ćiamò passè n bel domisdé en compagnia. Ala fin de n ann tan rich de beles atvitês ne po sambëgn nia manćé i rengraziamënć. Rengrazié orésson dantadöt dötes les musicontes, düć i musiconć, les margatënteres adöm ai portabandira. So é le mirit sce

la musiga po mostrè sö na ativité tan rica. N dilan a chi che s’à daidé sonè para por val’ ocajiun particolara, dilan inće a dötes y düć chi che s’à dè na man pro les festes de paîsc, olache ara ne jiss zënza chëstes porsones nia tan saurì. A nosta tota che à tres la porta daverta sce an adora val’consëi, y por les bunes scincundes che vigni mëmber po pié do vigni ann da Nadè. Dilan inće a düć chi che à dè ca n pest por le batadù, o na spënora de buna man. Dilan al Comun, ala Provinzia Autonóma de Balsan y al sponsor privat por i contribuć che ai mët tres a desposiziun. Döta la musiga oress ćiamò tó l’ocajiun da rengrazié le dirighënt Stephan. Tan bel che al é da odëi ći che ël é stè bun da arjunje bele le pröm ann che al à la Musiga da La Val sot a d’ël. Dilan Stephan dles idees nöies che te as portè ite y de döt le tëmp che te ofrësces sö döt l’ann por le bëgn de nosta musiga. La Musiga da La Val metarà defata indô man süa ativité, por arjigné ca le conzert d’aisciöda, söl program la sabeda ai 11 de mà. Paul Pezzei por la Musiga da La Val

Lotaria a Calfosch Calfosch - Ai 30 de dezëmber él gnü tignì a Calfosch na festa dla fin dl ann, cun ola dla fortüna organisada dai Stüdafüch da Calfosch, olache an podô davagné de bi pesć. Nia düć n’à ćiamò ciafè so patrun, porchël publicunse chilò i numeri dles zetoles fortunades. Chi che à davagné n pest, po le damanè do ćiamò ćina al 31 de jenà 2013, telefonan al nr. 339/6430395 o 340/5495632. I numeri trać fora é: 955, 5837, 1006, 3182, 4097, 7156, 7583, 6094, 467, 4689, 2177, 4212, 3287, 7095, 274, 702, 5115, 3225, 985, 2544, 2613, 4357, 6059, 2705, 6786, 5048, 7723, 6196.

Cun la show da marcè sön plaza à la musiga fat bela parüda.

12

www.lauscdiladins.com


nr. 04 / 25 de jenĂŠ 2013

Val Badia

www.lauscdiladins.com

13


Val Badia

nr. 04 / 25 de jené 2013

Comitê nü pro i paurs jogn Deplü novitês à caraterisé le mëis de dezëmber dla Jonëza da Paur de Badia. Pro la sentada generala ai 14 de dezëmber él gnü lité danü le comitê, y döes edemes dedô à chësc diretif nominé surastantes, surastanć y funzionars nüs é inće gnü organisé n gröm d’atres manifestaziuns de vigni sort sciöche: jì cun la liösa a tëmp de löna cun les atres jonëzes da paur dla valada, la festa dl Cör de Gejù adöm cun le grup di jogn de Badia, le pich-nich de benefiziënza ”In vetta con gusto”, y i.i. I jogn da paur à inće tut pert a n valgönes gares di tractors y gares da sié a falc organisades fora por döt Südtirol, arjunjan de bogn resultać. Organisé él inće gnü n valgünes manifestaziuns de formaziun por i mëmbri y por i paurs: n curs de cëna ladina por les ëres y n curs de manutenziun dla siëia a motor por i ëi.

Ot mëmbri vëgn do ca Tratan la sentada él inće gnü saludé y tut ite dl grup 8 mëmbri nüs, 4 jogn y 4 jones; al é dessigü dër val’ de bel che jogn, mituns de paurs mo inće de nia paurs se lascia scrì ite fajon crësce sterscia la Jonëza da Paur de Badia.

Le comitê dla Jonëza da Paur de Badia, che romagnarà en ćiaria dl 2013 y 2014.

Lies - Incër 30 mëmbri dla Jonëza da Paur de Badia é rovà adalerch tla Ćiasa Jan Batista Runcher por tignì süa sentada generala. Presëntes ê ince delegaziuns dles atres jonëzes da paur dla Val Badia: La Val, San Martin, La Pli y Rina. En chësc ann n’à nia tut pert ala sentada i ghesć d’onur, che ê zënz’ater iustificà, por colpa dla gran desgrazia sozedüda

a Badia te chi dis. I surastanć Karin y Christian, la vizesurastanta Helene y le cassier Matteo à condüt fora por la sëra portan dant la gran ativité dl grup, che se dà da fà dër tröp dantadöt te Badia, mo che colaborëia inće cun i atri grups dla valada y de döt Südtirol. La uniun cumpëda atualmënter bëgn 130 iscrić y an

vëiga che dër tröc jogn vëgn do ca cun ligrëza y tröpes idees nöies. Inće en chësc ann à indô les uniuns da Paur metü a jì la segra de Badia, na festa che vëgn da ann a ann tres plü aprijada dala jënt dl paîsc. Da sotrissé él inće le gran bal che é rové a süa otava ediziun, y che arjunj tres n maiù suzes, la colaboraziun pro le Rait de San Linert y la bela jita a Budapest. Al

L’assemblea generala à spo inće desfiré les inćiaries aministratives, aproan i cunć y le laûr dl cassier Matteo. Pro i revisurs di cunć él gnü fat n pice cambiamënt. Gottfried Nagler s’à trat zoruch y so post é gnü tut ite da Moritz Irsara, ćina en chël dé vizesurastant dla uniun. Linda Pitscheider y Stefan Vittur restarà inant. Do che al é gnü mostrè de beles foto dl’ativité de chësc ann, ê düć - sciöche al é oramai usanza - invià a se mangé na buna pizza y stè n pü’ en compagnia.

Comitê y inćiaries Al zënter dla sentada generala êl sambëgn la lîta dl consei nü. Le comité é gnü en pert confermè y en pert renovè, mantignin n cer’ ecuiliber danter esperiënza y idees nöies. Le diretif nü é metü adöm da Karin Alfarei, Helene Irsara, Eveline Irsara, Verena Tasser, Christian Irsara, Matteo Piccolruaz, Samuel Valentin, Martin Tasser, Emanuel Delmonego, Manuel Alfarëi y Elmar Valentin. Chëstes porsones s’à incuntè döes edemes dedô por lité danter ëi i funzionars. Moritz Irsara à condüt chësta sentada sciöche mëmber neutral zënza dërt de lîta. Le diretif à spo lité por scrit; confermà é gnüs i surastanć da denant Karin Alfarei da Andrac y Christian Irsara de Jusciara, vizesurastanć é gnüs lità Helene Irsara de Jusciara y Martin Tasser de Sotgherdëna. Scrivana é gnüda litada Eveline Irsara de Pescol y cassier Matteo Piccolruaz d’Alfarëi. N gran complimënt y les mius aodanzes ti va a döt le comitê nü, dantadöt ai trëi nüs che é rovà ite; che ai ais motivaziun y ligrëza da laurè ti proscims dui agn a bëgn dla uniun. N gran dilan ti va ai mëmbri che n’é nia plü stà ite: Patrizia Pezzei, Sara Pesollderungg, Marlene Tasser y Moritz Irsara, che é stè por 10 agn tl comitê dla Jonëza da Paur y à laurè tröp por chësta uniun. Dër bel dilan y Dî s’l pàies! (Jonëza da Paur Badia)

Aiüt por ativitês Osc sostëgn por les porsones che à pordü en San Salvester süa ativité economica a gauja dl mèdefüch pro le fabricat “Residence Piz da Lech” Corvara - A gauja dl gran mèdefüch rot fora pro le fabricat ”Residence Piz da Lech” al 31 de dezëmber 2012, y olache deplü porsones à pordü süa ativité economica, él gnü metü sö en lönesc ai 14.01.2013 a Corvara n

comitê por dè sostëgn ales porsones atocades. Le Comitê à süa sënta a Corvara y se tol dant da organisé y coordiné les spënores y ofertes a sostëgn dles porsones che à pordü süa ativité economica.

Cunć por daidé Por chësc fin él gnü daurì deplü cunć tles banches desvalies. Intestaziun: ”Aiüt mèdefüch fabricat Residence Piz da Lech 31.12.2012”

Raiffeisen: IT 02 R 08010 58340 000300022314 Cassa dl Sparagn: IT 52 D 06045 58340 000005000900 Banca Popolara: IT 56 C 05856

58180 019571251531 Banca de Trënt y Balsan: IT 97 N 03240 58180 100000000197 Postes Talianes: IT 26 F 07 6011 1600001010568135

La ćiasa à inom ”Vijo Vittur” Le Consëi de Comun à tut la dezijiun da nominé la ćiasa dl raiun sanitar do le mede de Pescol Badia - Tla sentada dl Consëi de Comun de Badia, stada ćiamò dan Nadè, êl inće al ordinn dl dé la denominaziun dl frabicat dl zënter sanitar a Badia. L’assessuria al sozial Edith Dapoz Valentini â fat la proposta da la batié cun l’inom dl dr. Vijo Vittur, che gnô inće tlamè le ”mede de Pescol”. Le consëi à aratè buna la proposta, y l’à aproada al’unanimité. N articul menü sön la vita de Vijo Vittur unse publiché t’La Usc di 3 d’agost dl ann passè. I recordun che al é nasciü ai 7 d’agost dl 1882 sö Pescol. Studié àl tl Vinzentinum

14

www.lauscdiladins.com

y do la matura él jü tl seminar, olache al é stè ma püć dis, deache süa intenziun ê chëra da jì a Desproch a studié medejina. I stüdi àl rové dl 1908 a Vìena. Dedô él gnü mede a Piculin, y te süa funziun da dotur àl messü medié n gröm de soldas feris do i combatimënć sön Col de Lana. Al é stè inće tl sanatorium a Porsenù, spo por agn mede a Mühlbach, y ala fin fora mede de comun a Vahrn, olache al é mort ai 6 de jügn dl 1942. A Vahrn ciafunse incö inće na strada denominada ”Alois Vittur”. (pablo)

La ćiasa dl raiun sanitar de Badia é gnüda batiada cun l’inom ”Ćiasa Vijo Vittur”.


nr. 04 / 25 de jené 2013

Fascia

Coordinazion: Lucia Gross Redazion: Ciasa dla Moniaría Sen Jan, 38039 Vich de Fascia Tel. e Fax 0462/764545 - e-mail: lausc@ladinsdefascia.it

Manco compres e più cosć, la Coprativa de Moena padesc Se à serà sù con segn negatif l bilanz de l’ejercizie 2012, ampò l’é otimism per l davegnir, i prumes dac moscia segnèi positives Moena - En sabeda passèda l’é stat chiamà ite la radunanza anuèla de la Familia Coprativa de Moena, a chela che à tout pèrt 220 sozi con 22 deleghes per aproèr l bilanz de l’ejercizie che se à serà sù ai 30 de setember del 2012 e litèr i conseieres a chi che ge jìa fora l mandat.

La jent vèrda de sparagnèr L’é stat n an senester chel tanche passà, che à vedù dut entorn, ence foradecà, n smendrament de la compres, soraldut de chel che no se doura per forza, desche i articoi del setor extra alimentèr. L bilanz defat prejenta n passif de 98.011 euro e enceben che l setor de la magnadiva abie tegnù, la boteiga de feramenta à registrà n smendrament del faturat de passa 20 mile euro e i reparc de vestimenta, jeghes e ciasalins à venù l 20% demanco de marcianzìa respet al 2011. Chest ence a cauja del rebas resservà ai sozi che l’é passà dal 4 al 10% e de la restruturazion e l mudament de senta di reparc vestimenta e ciasalins, che ades i é te piaz de Sotegrava e che é resté seré per presciapech doi meisc.

I cosć cresc semper de più Auter aspet che peisa debel sul

A la radunanza de la Coprativa de Moena à tout pèrt passa 200 sozi.

bilanz l’é l cost del personal che, per efet del renovament del contrat, l’é cresciù de 70 mile euro. Per tegnir ite chesta ousc la Coprativa à dezidù de no tor sù 5 persones endèna l temp de sajon, sparagnan coscì 30 mile euro. L consei de aministrazion - l’à dit l president Luca Pitolini - da temp se cruzia de razionalisèr la ressorses de personal, vardan de n tor sù manco che l’é meso a temp indeterminà. Ma l cost del personal no l’é stat l soul a crescer: la speises de eletrich, sciudament e Imu se à smaorà de passa 27 mile euro respet a l’ejercizie dant e sul resultat negatif de bilanz peisa ence 24 mile euro de Irap. Ti ùltimes egn l’é stat metù vèrda soraldut a la marcianzìa ceta te

magasin: compran prodoc con mesura e metan a jir desvaliva svendites l’é stat possìbol smendrèr la giacenzes, che les é passèdes dai 818 mile euro del 2009 ai 598 mile euro a la fin de l’ejercizie 2012. Chisc provedimenc à evità che l capital vegne valutà de più che chel che l’é te la realtà.

l’à garatà. Ai 30 de setember del 2012 l’era 27 i dependenc de la coprativa, de chisc 21 femenes a temp indeterminà e 6 omegn, de chisc un mez temp. ”Ne prem sotlineèr la valuta sozièla de chest dat - l’à dit l president Pitolini - ajache anchecondì aer n lurier stàbol no à priesc, ampò aon consaputa del gran peis del cost del personal, a confront coi faturac e la strutures de noscia boteighes”. I sozi scric ite a la fin de l’ejercizie i é 916, cresciui de 42 unitèdes via per l’an, con n capital sozièl sotescrit de 10.595,28 euro. La perzentuèla de la véndites ai sozi é passèda dal 33,82% al 34,83%, segn de fideltà envers la coprativa, che ampò la podessa esser amò più de peis, ajache ge volessa che i sozi se sente più pèrt ativa, conzet che l’é stat uzà fora ence dal publich.

Somea che dal pont de veduda finanzièl sie jà n pìcol miorament, per chel che vèrda i setores economich e di consumes se peissa che se podessa tachèr a recuperèr via per chest an - l’à dit Pitolini - i prumes dac é positives, l’é otimism per l davegnir.

Lità l nef c.d.a. La radunanza à lità ence l renovament de la encèria sozièles, ajache trei conseieres, Donatella Compagnoni, Adolfo Felicetti e l president Luca Pitolini, i era rué a la fin de sie mandat. Demò l president à dat la desponibilità a fèr pèrt amò del consei, che ades tol ite ence ence Stefano Benatti e Daniela Chiocchetti Tin e che te curt temp se binarà per nominèr l president. (cri.m)

Mìngol de dac Ampò ge vel dir che l faturat en dut de la sozietà coprativa à tocià béleche i 5 milions e 900 mile euro, con n smaorament respet a dant del 1,16%. L supermarcià ja la Direta à registrà n smaorament de la véndites de 326 mile euro, segn che la dezijion de tegnir avert a dò a dò, da les 8.30 enscin les 19.00,

L supermarcià ja la Direta tegn avert duc i dis a dò a dò.

7702 firmes per aer la ferata de la Veisc Dons dai Alpins Enstadì a Trent la sociazion Transdolomites à portà dant l resultat de la regoeta de sotescrizions per aer la ferata de la valèdes de la Veisc

Ence chest an l grop Alpins “Auta Fascia” ge à portà i dons ai bec de la scolina de Ciampedel

Mobilità – Mìngol bogn de vardèr al davegnir e se confrontèr coi etres e manco te Fascia (9%) e segur de più forin Fiem con la jent. “Aon perdù na (30%) e forin Cembra gran ocajion per fèr crescer (18%), ma ence n muie a i trasporc del Trentin – à Trent, stroz per l Trentin, dit Girardi. Troe giust amò la Tèlia e fora de ca. La n’outa ge recognoscer a regoeta de firmes de chi Fiem e a Cembra de aer che vel la ferata de la abù la coerenza de n voler valèdes de la Veisc l’à abù saer de più su la ferata ge n ejit dassen positif. Anter dajan sostegn al studie de l’aisciuda del 2010 e l’uton fatibilità. Fascia enveze – é 2012 l’é stat tirà sù 7.702 jit inant l president - l’à sotescrizion. N resultat che perdù l’ocajion de fèr fèsc piajer e che é stat portà doventèr l Comun general dant te na conferenza na istituzion ativa te chest stampa stata a Trent, aló setor e fèr crescer na da l’Hotel America, en comunanza ence tras n lunesc ai 21 de jené olache confront sul davegnir de l’é stat moscià ence i dac la val. Enveze che chiamèr de Fascia. I dac moscia che ite la val e jir inant su n troi te noscia Val, te pecia L logo de la regoeta de sotescrizions per la ferata de partezipazion, se à outes, l’é stat tirà sù 718 de la Veisc. preferì semenèr na totala firmes, de chestes 155 les disinformazion. E l’é é states tirèdes sù a Moena, 31 a davegnir de la sociazion che, forta proprio per chest che peisse che Soraga, 94 a Vich, 223 a Poza, 29 del sostegn de la popolazion, ades chestes passa 700 firmes tirèdes sù a Mazin, 19 a Ciampedel e 165 a la vel ge domanèr ai candidac te Fascia les sie n segnèl dassen tempes, sostegn e empegn per l positif ”. Cianacei. svilup de la ferata tel Trentin e Per l davegnir Girardi e i L president de Transdolomites, soraldut per chela de la Veisc. componenc de Transdolomites i Massimo Girardi, dò aer rengrazià Endèna la conferenza da pèrt jirà inant a endrezèr e portèr dant duc chi che à dat na man a sostegn de Girardi, ma ence te n document a la popolazion e ai aministradores de chesta regoeta, desche l Comitat de l’ombolt de Jian Fabio Vanzetta, scontrèdes publiches olache “Per non perdere il Treno” de la no l’é mencià l referiment ai vegnarà domanà dò e dò a duc de Val de Cembra, l’à sobito portà aministradores e i raprejentanc dèr n giudize e portèr dubies e dant sia conscidrazions ence per l politics che “enscin ades no i é stac proponetes. (vr)

L’é proprio na tradizion e ence chest an la é stata respetèda. Desche ogne Nadèl l grop di Alpins de la Val de Sora i é jic a troèr i pìcoi bec de la scolines de Cianacei e Ciampedel, olache per l’ocajion l’é stat endrezà na bela festa con grignèdes e cianties. Proprio coscita, dò desvalives meisc de proes i pìcoi amisc de la scolina de Ciampedel à portà dant n conzert olache pìcoi, mesegn, gregn e alpins ensema i à ciantà

“Sul cappello che noi portiam”. I alpins dassen contenc i é stac amò mìngol te scolina a fèr da mat e responer a la domanes di più curiousc. Tinùltima, no podea che esser coscita, i alpins ge à consegnà a duc chenc n pìcol don da Nadèl. Dant se se saludèr però per i alpins l’é ruà amò na sopresa: n bon mez mesdì endrezà da la mestres de la scolina de Ciampedel. I bec e i alpins no i veit l’ora che vegne n auter an.

I Alpins de l’Auta Fascia coi bec de la scolina de Ciampedel. www.lauscdiladins.com

15


Fascia

nr. 04 / 25 de jené 2013

Nef pergol te gejia de Dèlba En ocajion de la sègra de Sènt Antone, don Stefen Maffei à benedì l’opera projetèda e realisèda da Virgilio e Claus Soraperra Dèlba – Mìngol a l’outa la gejia de Dèlba la vegn fornida endò da nef con sia viesta originèla. Dò la benediscion, del 2009, del tabernàcol, en jebia ai 17 de jené, dì de la sègra de Sènt Antone, don Stefen Maffei à enaudà l nef “lech de la parola”. Projetà e realisà da Virgilio e Claus Soraperra, l nef pergol l’à n stil de na èrt pureta, scempia e coi colores vives de noscia tradizion, che ge va dò al stil del tabernàcol, semper realisà dai doi artisć da Grìes, ai doi utères da les pèrts, chel de la Madona e de Sen Giosef e ence al veie pergol che l’era n’outa proprio sora usc de sacrestìa. Ades mencia demò l’utèr, dapò ogne cianton de la gejia arà

endò na bela parbuda duta aldò de la tradizion. L pergol (giust per talian l’é “ambone”) l’é n lech dassen emportant te la gejia, da olache vegn portà dant la Parola del Segnoredie tras la Letures e l Vangele. I artisć Soraperra à volù raprejentèr te sia opera apontin chest segnificat, descheche à spiegà l preve endèna la benediscion: “te la pèrt tedant l’é stat zipià fora trei chèdres, sun chel a cencia l’é sù la l’Arcangel Gabriele endèna l’Anunziazion a Maria, che la é tel chèder a dreta. L chèder te mez – à dit amò don Stefen - chel che somea l più vet, l’é enveze l più pien e l più emportant, percheche l’é sù

la colomba simbol del Spirit Sènt che ge porta l’Anunzie a Maria. N anunzie raprejentà con na bergamina, simbol apontin de la “Parola” del Segnoredie, che proprio dal pergol vegn anunzièda ai fidei, a chi che ge vegn domanà de scutèr, de se la fèr sia e de la slarièr fora ai etres.” L’ocajion de la sègra de Sènt Antone ge à dat ence l’ocajion a don Stefen de ge sporjer n gran develpai a Virgilio e Claus Soraperra per l pergol, e a duc chi che à volù chesta opera e chi che, a ogne livel, i dèsc na man te gejia, che – à dit don Stefen “l’é n onor, ma ence n empegn, e dapò sion content de duc i servidores, del cor, de chi che neteea e de chi che vegn a lejer”. No l’é dapò lech più adatà che La Usc di Ladins per ge fèr i compliments a don Stefen ence per aer dit vèlch pèrt de la messa ence per fascian, da la orazions di fidei al Vangele. Dassen bel!

musega dal vif del Duo Cuch de Gigio e Giordano. Ma la dì de la sègra de Dèlba l’é stat fat festa ence per i 25 egn de la birerìa e pizerìa “L Binocol”. Enrico Planchensteiner con sia sor Katia e duta sia familia i à volù recordèr i bie momenc passé ensema ai fascegn te chest post mìngol spezièl che da 25 egn l’é “L Binocol”, ma che amò dant l’era l

“Veruska” olache jent da duta la val se binèa per balèr. Per l’ocajion l’é stat ence fat fèr n crìghel de la bira con stampà sù l recort di 25 egn e Enrico e Katia i à rengrazià ence sie père, che proprio l’an passà l’é vegnù a mencèr. A inom de Fiorenzo, jù da scèla, dant de jir daìte, i doi fies i à scrit amò n’outa a duc n bel “Develpae”. (vr)

La festa

Don Stefen, i servidores, la Marchetenderes de l’Auta Fascia e l Grop Folk a la fin de la messa.

La dì de festa é jita inant te teater de l’oratorie con grostoi fac da la femenes de paìsc e vin e té ciauc endrezé dai Alpins, e te Piaz l’é stat per dut l dì la loterìa per tor sù i scioldi per l restaure del nef confalon de la gejia de Dèlba. Da sera, semper de Piaz, l’é tacà carnascèr con bufon e laché e la

Don Stefen Maffei e Virgilio Soraperra tedant al nef pergol te gejia de Dèlba.

Penìa: confalon e mèscres Da Sèn Bastian l’é tacà l carnascèr e l’é stat benedì l nef confalon de la Frazion Penìa - Pec dis dò la sègra de Dèlba l’é stat ence sègra ta Penìa. En domenia ai 20, dì de Sèn Bastian l’é stat fat endò na bela festa ite per la val. Desche ogne an dut l’é scomenzà con la messa da mesa les unesc da doman. Jent da Penìa, da Dèlba, da Cianacei e da duc i paìjes de la val i se à binà te chela picola gejia de Penìa olache don Stefen Maffei à benedì l nef

confalon de la Frazion de Penìa, vidèda da Francesco Verra. L confalon l’era jà stat durà endèna la defilèda de la Gran Festa da d’Istà, ma se à spetà proprio la dì de la sègra de paìsc per ge dèr la benediscion. Dò la funzion (ence chiò dita sù per fascian) l’é stat endrezà la loterìa e te Piaz duc se à binà amò n’outa per se ciacolèr en compagnìa

e con de bon vin ciaut, n grostol o n crofen con la liènia. Via per da sera l Grop de la mèscres de Dèlba e Penìa, vidà da Ezio Verra, à avert i ujes al Carnascèr fascian 2013 e te la veia scoles de Penìa con n muie de mèscres e n gran publich da duta la val l’é stat portà dant la pruma mascherèda de l’an: “L troi de la bolp” de Stefen Monech. I atores

Na foto recort te gejia de Sèn Bastian a Penìa. A cencia l nef confalon de la Frazion.

16

www.lauscdiladins.com

e l’autor ne à fat passèr na bela sera piena de grignèdes e marevees a veder coche la ge é jita a chel Franz “furbo tanche la bolp” che l se à troà a cogner se n vegnir fora da duta na lingia de pìcola robes che ge é sozedù fora de n bel nia e che à metù en pericol sie “equilibrie”. Anter l fi enamorà de la fia de sie più gran nemich l spion dal bosch, e chel tomèra de Josef, sie

N moment de la mascherèda.

amich, compagn de cacia e con la lenga massa longia, sarèl pa bon Franz de vegnir fora sorì da “l troi de la bolp”? Cognarede jir a veder ve... chesta mascherèda vegnarà portèda dant ence en jebia de carnascèr, ai 7 de firé, enveze en sabeda ai 26 de jené e en mèrtesc gras, ai 12 de firé, vegnarà portà dant “Na sera da carnascèr” de Simon de Giulio. (vr)


Fascia

nr. 04 / 25 de jené 2013

“Tu t’es mat”: l’endesfida de Ciarnadoi Cresc te noscia val i ejempies de ejercizies con gestion familièra ma de calità, per n turism fascian che vèrda a l’ezelenza Turism – Te Fascia l’é massa lec, chest duc l disc da n pez. Ampò la “tendenza” a fèr e lascèr fèr restruturazions che smaore cubatures e numer de cartieres e lec no se à fermà, ence se duc veit che la crisa se fèsc sentir soraldut sui cartieres, e jir inant dò chesta strèda vel dir aer priesc semper più basc, jent che spen semper de manco e che no à leam o amor per l teritorie, donca a la pruma alternativa più bon marcià i se n va utró. Ampò scomenza a se fèr strèda esperienzes desferentes: vèlch joen hotelier tol te man l’hotel de cèsa e l lo porta inant con anteveder e profescionalità, neves agriturismes che aur, camping che sporc ogne sort de confort per na sort de turism che, a tort, vegn amò conscidrà da zachei “de serie b”. Sun chest troi cresc te noscia val i ejempies de ejercizies con gestion familièra ma de calità, per n turism fascian che vèrda a l’ezelenza. Un de chisc l’é stat avert da pech, ai 28 de dezember, sa Vich. L’é chel de Oto Lorenz de Bora. “Tu t’es mat” i ge disc duc a Oto. Te Fascia de solit l’é l problem che la jent desfèsc i hotìe per fèr fora RTA (Residenze Turistico Alberghiere) o cartieres. El e sia familia, enveze, i à trat jù duc si cartieres de la RTA Ciarnadoi e i à fat fora l’Hotel Ciarnadoi: 4 steiles e 37 gran cambres tel segn del maor confort. Co éla stata? Oto Lorenz: “Assane cognù meter a post i cartieres, percheche dò 30 egn, per ben che tu i tegne, ge vel ge meter man, ma dapò i era pìcoi e no aane de autres servijes. Chiò entorn l’é privac che à fat sù i cartieres per i fies e endana i li fita. I é bie e neves, ma ampò coi cartieres no se pel jir sù più che tant coi priesc, se no la jent se n va te n hotel. Coscita aon fat “consei

de familia”, e aon conscidrà che l’empegn coi cartieres l’é istesc, ge vel semper che zachei sie chiò, e che con la crisa se smendra soraldut chi che va ti cartieres o ti hotìe che costa pech, chi che à scioldi da spener i é amò. Se aon pissà che l’é semper na fadìa troar chi che deida a netar cartieres perché a i far lurar demò de sabeda e domenia se cogn i strapaar. E dapò che i clienc che ruaa ti cartieres i era de spes, mascima se se trata de jent da l’est, mìngol desfacé. Donca aon dezidù de proar a far valch che ne dae più sodesfazion.” Che aede fat e can aede tacà? “Jà d’uton del 2011 aon tacà a far i lurieres tedò, te tera, olache l’é duc i magasins, i servijes, la caldaia, e vegnarà ence na sala congresc, na sala jeghes e na stube che no aon amò fenì. D’aisciuda del 2012 aon trat jù dut, l’é restà demò i pilastres, e aon fat sù dut da nef. Aon smaorà de presciapech 3500 metres cubi sora tera e autres cubi la maor part tedò via ciasa te tera, e aon fat fora de gregn spazies de acolienza, 36 cambre, béleche dute de 40 o 50 metres cadrac, e

da la man te dò 7 singole più pìcole. Dant de scomenzar son jit te Comun a domanar e i me à dit che no l’era problemes, ma via per d’istà l’é vegnù fora che i projetisć se aea falà e a pian teren i à metù 2 metres e 65 de auteza enveze che 3 metres. Chisc 35 cm. de desferenza s’i aon porté su e su enscin a la colm e per chest l Consei de Comun no ne à lascià meter sù l cuert a la fin de jugn, descheche aane pervedù. Aon cognù spetar fin a la metà de november e chest ne à danejà trop, per l’aga che l’é vegnù jù e percheche coscita aon fenì tart e no aon podù se programar polito la sajon. No se pel far promozion fin canche no se é a post. A la fin aon fat descheche l’era pervedù e la ciasa no la é nia più auta de coche l’era chela veia, demò che l toch nef l’é vegnù cà con chel veie. Dedant aon ciavà jù per i garasc e per chest a vardar da sot en su la somea n muie auta.” E l cost? “Aon fat n investiment de 6 miliogn de euro.” Perché aede pissà de fèr n hotel a 4 steiles? Che ge sporjede al

Oto Lorenz de Bora con l fi Mattia te hall de l’hotel.

L nef Hotel Ciarnadoi a Vich.

ghest? “Aon pissà de se oujer a chel target de clienc mìngol sora la media che vegn te Fascia, perché ence se l’é crisa, zachei che pel spener e che vel se goder l’é amò. Ma a chi ge vel ge dar n muie e vardar de aer dut chel che i pel domanar. Te Fascia l’é 400 hotìe, ma de chi bogn de secodir l ghest dal scomenz a la fin, tant ti spazies che ti servijes, te le cambre, tel zenter wellness e tel restorant, no n’é n muie. Aer n zenter wellness massa pìcol o no razional, per ejempie, l’é desché no l’aer, l’é trar demez scioldi, perché i ghesć no pel se n emprevaler. Ge vel che sie dut n percors e dut dimenscionà aldò: noi aon fat 3 sale relax con en dut 27 lec, na sauna che i pel ite de 14, n’autra a le erbe per 7 persone, e dapò bagno turco, idro... duc i ghesć de la ciasa i pel jir zenza se dar d’empaz. Daperdut aon volù ge dar post, perché l spazie l’é l prum segn de calità. Sora desch, te le cambre e daperdut, ence la part resservada al buffet, olache pel star 40 persone, mesa la capienza de l’hotel, a se tor la roba. No aon volù far n aredament tant pesoch e ciaredous, ma più “lijier”: quarzite jubas e rover olià e sborscià per la mobilia da l’é l fil condutor da japede fin sunsom, muda i colores, perché dut l’é più lumenous

te l’entrada e de manco tel wellness... te ogne cambra l’é n picol festil per poder se tor aga zenza cogner jir te bagn, e l rest vegn dat dai fornimenc, aldò de la sajon. Dapò l’é l personal: aon 17 jent, e dapò sion noi de ciasa. Son jit stroz n muie a veder, e é cerì de aer ence personal de aut livel, te ciasa da fech l’é i chef Michele, Dino e Elisa sia femena che la é braviscima te la conditorìa e a Michele Zanon. Chiò l’é ence mie fi Pietro, che l se à diplomà a la Scola alberghiera a Maran. Gio é vedù che sot le feste l’era ghesć che no jia n muie coi schi, i jìa mìngol stroz e dapò i stajea a se lasciar petolar te restorant e tel wellness... descheche sozet trop tel Sudtirol, ence fora de sajon. E no l’é pa todesc, ma taliegn. Chesta l’é noscia idea: crear n “pachet” per ogne temp de l’an, che tole ite dut, dai fornimenc de la majon, a la cojina, a le oferte per jir stroz: Nadal e Carnascial, Sèn Valantin e Pasca, l temp del fegn e chel de le castagne, e coscì inant. La jent vegn ence fora de sajon a se far dotrei dis ben petolé... me é fat na debita che n’aré duta la vita da me paar fora, ma son content, ence se duc i me disc che son mat!” Intervista de Lucia Gross

Chi él pa? Soluzion del retrat su La Usc nr 3 del 2013 Dant de ve dèr la soluzion de l’ùltim retrat publicà, ve fajon a saer che Ester Piaz la ne à chiamà per ne dir che te la soluzion del retrat di maestres de schi su La Usc numer 2 de chest an dotrei inomes i é falé. Per ela l numer

3 no l’é Loris Gabrielli de Carmela ma so fra Renato, e l numer 5 no fossa Gigio Grasser ma Ermanno Rasom de Onz. Vedaron se de etres letores podarà confermèr o enveze la smentir. L retrat publicà su l’ùltim numer 8 9

1

2

4 3

5

6

7

11 10

de La Usc di Ladins l ne era stat portà da Lino Soraperra Medico che l ne à contà che l’é stat fat entorn l 1944 sa Meida, vejin a calonia veia (visavì la Ciasa de Noscia Jent). A ne dèr la soluzion apede a Lino Soraperra Medico l’é stat demò Lino Soraperra Medico. Sul retrat l’é: 1. Don Mario Slompo da Levico che l’era curat via Poza dal ’41 al ’47; 2. Gino Cloch de Cò del 1934 (père de l’ombolt da Cianacei); 3. Fiorenzo Soraperra del 1934 (fra de Lino); 4. Vito “Ric” Trottner; 5. Carletto Cinzol da l’Ef; 6. Renato Soraruf da la Checa; 7. Marco Zulian Cuz; 10. Aldo Gross Fanet; 11. Guido Deluca Cruf. Ge sporjon n bel develpai a chi che ne à didà ence chest’outa a meter ensema na mizàcola de noscia storia. Chesta setemèna ve meton dant n retrat de omegn

mìngol da duta la val. Ve preon de ne dèr voscia resposta inant de en mèrtesc dal mesdì te redazion, ence per telefon o fax al 0462.764545 o per mail a la direzion lausc@ ladinsdefascia.it

29 28 1

2

3

Ve recordon che chi che ne dèsc la resposta giusta o troa fora amàncol la maor pèrt de la jent sul retrat i ciapa en don n liber o n CD de musega, sporc da l’Union di Ladins de Fascia.

23 27 30 22 24 25 21 2018 17 26 4

5

6

8 7

19

16 9

15

10

14

11

www.lauscdiladins.com

13

12

17


nr. 04 / 25 de jené 2013

L bilinguism scomenza da la scolina Programes e organisazion didatica de la Scola ladina de Fascia te la scolines de Soraga, Pera e Cianacei

La maestra Veronica ge moscia ai bec de la scolina de Pera i placac con “Bertol” e con “fata Mirtilla”, che i ge recorda a duc canche te scolina se rejona ladin e canche enveze se rejona talian.

La Scola Ladina de Fascia é stata metuda sù co la lege provinzièla nr 5 di 7 de aost del 2006, che la recognosc la spezifizità linguistica e culturala de Fascia e la perveit mesures e intervenc per tutelèr e sostegnir chesta spezifizità. La tol ite duta la scoles de ogne orden e grado, e apontin con chesta lege, apede a la scoles populèra, mesèna e auta, l’é stat tout ite ence la scolines provinzièles de Fascia, cheles de Cianacei, Pera e Soraga, che enscin del 2006 les fajea pèrt del Zircol de coordenament n.1 con senta fora Ciavaleis. Ma che èl raprejentà avisa l passaje de chesta trei scolines te la Scola ladina de Fascia? “Per la scolines – ne à dit la Sorastanta Mirella Florian - fèr pèrt de la medema istituzion che tol ite ence la populères à arsegurà n dialogh e n baratament più sorì anter scolina e populèra. L’é stat n empegn concret a livel istituzionèl per didèr la “continuità” anter i doi ordegn de scola, con projec educatives desche per ejempie l percors de sostegn a la programazion portà inant da na logopedista, endrezà per la ensegnantes de la trei scolines, che se lea a chel endrezà te la populères sul tem di DSA (Disturbi specifici di apprendimento). Se à podù ence meter a confront la esperienzes metudes a jir te la populères per l’educazion bilingue talian/ladin te la trei scoles che porta inant l projet sperimentèl “Na comunanza che empèra.” Per tor sù delvers l’endrez ence de chest setor e portèr inant a na vida percacenta sia spezifizità educativa, la Scola de Fascia se à enjignà metan sù na sezion aministrativa spezifica dedichèda a la scolines e l’à tout sù desche coordenadora pedagogica la d.ra Tatiana Soraperra. Con la dr.a Soraperra aon rejonà più avisa de l’endrez de na scolina bilingue. “Te la scolines de Cianacei, Pera e Soraga – ne à dit la d.ra Tatiana Soraperra - se pel rejonèr de

18

www.lauscdiladins.com

educazion bilingue ajache mez l temp de scola vegn fat duran l talian e mez duran l ladin. A chest livel no se pel stabilir, descheche enveze vegn fat te la populères, coluna materies fèr te l’un e te l’auter lengaz, se pel demò defenir n model organisatif linguistich che regolee l’alternanza di doi lengac. Aon vedù de fata che l’é de besegn de ge dèr na certa “sistematicità” al model organisatif, e ensema con la ensegnantes sion ruèdes a la definizion del model “n temp – n lengaz.” Che velel dir en concret? TS: “Vel dir che vegn durà per 15 dis l talian e per 15 dis l ladin, alternan. Ti 15 dis che, descheche oramai disc i bec, “se rejona ladin”, duta la ativitèdes de la scola vegn fates per ladin, tant cheles de “routine” (la prejenzes da doman, l moment del bagn, la marena) che cheles educatives e didatiches programèdes da la ensegnantes per gropes de sezion o intersezion. Medemo vegn fat ti 15 dis dò per talian.” Perché pa él benfat se dèr n model organisatif linguistich? TS: “Percheche demò travers na “sistematicità” e continuità fissèdes dantfora se pel ge dèr a n lengaz la medema degnità. E demò alternan dò e dò a chesta vida i doi lengac i bec pel aer l dret

joament de l’educazion bilingue, descheche ne disc chiaramenter duc i studies de setor. No se pel rejonèr dalbon de educazion bilingue te scola se l lengaz de mendranza vegn durà demò ogne tant a na vida ocajionèla. La forza del model linguistich sperimentà te la trei scolines provinzièles la é apontin tel fat de alternèr i doi lengac per dut l’an, apontin ogne 15 dis. Chest desmostra che l ladin pel vegnir durà per tor dant ogne argoment e aspet de la vita e de la scola, e dapò coscì l’ensegnant che rejona col bez tant talian che ladin l ge sporc n model de persona che sà rejonèr ti doi lengac.” I bec co se troei te chest model organisatif? TS: “La ensegnantes met na gran atenzion a la programazion con tecniches educatives che deide i bec a se troèr fora. De solit les doura doi personajes desvalives e les ge disc ai bec che un rejona talian e l’auter ladin, e che chesta l’é la setemèna de un o de l’auter. Te la scolina de Pera, per ejempie, i bec à cognosciù “fata Mirtilla” e “Bertol“ e oramai i sà che canche a scola l’é fora l placat con la pruma “si parla italiano”, canche enveze l’é fora l secondo, se rejona ladin. E i moscia de esser bogn de passèr sorì da n lengaz a l’auter. Se sà che trop depen ence da la situazion linguistica de cèsa del bez, de segur

La coordenadora pedagogica de la scolines de la Scola de Fascia, Tatiana Soraperra y la Sorastanta Mirella Florian.

a Pera e Soraga l’é più bec che rejona ladin respet a Cianacei. Ma chest no l’é n problem per la scolina. L model organisatif no ge impon al bez de rejonèr ladin o talian te chi dis, ma l vel ge dèr l’ocajion de na sort de imerscion linguistica ti doi lengac: condizion che ti bec pìcoi l’é la più percacenta per poder svilupèr competenzes linguistiches te più lengac. I jeghes de grop e la cianties che vegn fat te la scolina i é particolarmenter adaté per l’imerscion linguistica, e sozede ence che sie i bec a ge recordèr a la maestra che “chesta setemèna se rejona per ladin!”. Da pech gé enstessa son ruèda te na scolina e n bez me à dit sobito: “Tu enteneste l ladin? Perché chesta setemèna se rejona ladin!” Colunes él la ressorses che sostegn chesta sperimentazion? “Noscia scolines – ne disc endò la Sorastanta Mirella Florian – pel se emprevaler de la preziousa colaborazion de l’OLFED, l’Ofize Ladin Formazion Enrescida Didatica, per la predisposizion de materièl educatif e didatich per ladin, che vegn lurà fora e documentà. Da chest an l’OLFED bina ensema contìes, cianties, contes e naines lurèdes fora da la maestres, che vegn metudes sul sit de la Scola de Fascia acioche chesta richeza didatica non vae perduda ti egn, ma la vegne metuda a la leta de dut l personal che laora te la scolina. La Provinzia Autonoma di Trent garantesc dapò ogne an n percors formatif spezifich per la scolines provinzièles de Fascia sul tem de l’educazion bilingue, con momenc de aprofondiment teorich (chest an sarà la d.ra Favaro de l’Università di Unejia, esperta di glotodidatica) e etres de sostegn a la programazion bilingue con la d.ra Soraperra e l personal de l’OLFED. De segur, aboncont, la ressorsa maora vegn da noscia ensegnantes, a cheles che ge va recognosciù gran profescionalità. Gestir l’atività educativa te doi lengac non l’é sorì: ge vel chierir e enjignèr materièl

per ladin, apede che durèr n model linguistich giust e enteressant. Per chest é volù che ge vegne recognosciù, desche a cheles de la populèra, na endenità economica, n segn concret del develpai de la Scola de Fascia per so empegn e sia profescionalità te l’educazion bilingue, e da chest an tel FOREG l’é na sezion aposta che stabelesc che a la ensegnantes de la trei scolines provinzièles de Fascia ge vegne dat n incentif de 500 euro a l’an.” Coluns él vesc programes per l davegnir? MF: “Jon inant te la sperimentazion de chest model organisatif linguistich e tel smaorèr con neves materièi la sezion spezifica del sit de la Scola de Fascia, per creèr tel temp n “scrign” de materièl didatich enjignà, che posse vegnir durà da la ensegnantes e ge sparagnèr mìngol de fadìa. Volassane dapò ge domanèr a la Provinzia de Trent de monitorèr la sperimentazion per veder se chest pel esser n bon sistem de educazion bilingue. Sion dò che vardon de se confrontèr con l’autra realtèdes linguistiches de mendranza e volassane smaorèr la colaborazion soraldut con la scolines de Gherdena e de la val Badia, per se baratèr esperienzes e smaorèr la profescionalità: aon jà de bogn raporc con Edith Ploner, ispetora de la scolines ladines de la provinzia de Busan. Dapò aon domanà l finanziament da la Region per endrezèr te la trei scolines n projet de educazion te trei lengac (talian, ladin e todesch), ajache na scola averta al bilinguism no la pel che esser averta ence al plurilinguism! Cogne dir che son contenta de co che va inant chest projet e spere che se posse creèr formes de condivijion ence con l’autra scolines che l’é te Fascia, cheles equiparèdes de Moena, Sèn Jan e Ciampedel, con la speranza de poder les veder zacan dutes adum te la Scola Ladina de Fascia!” (lg)


nr. 04 / 25 de jené 2013

Bec, jì a veder passèr i atlec de la Marcialonga! La scolina de Sèn Jan à tout pèrt a n belot projet per engaissèr i bec a ciapèr gust per chest event de sport che chest an compiesc 40 egn Chest an la Marcialonga de Fiem e Fascia compiesc 40 egn, n travert che va festejà coche carenea. Anter la desvaliva ativitèdes per chest cedean, l’é ence chela di bec de la scolina de Sèn Jan, che ensema con sia maestres i à lurà fora n belot projet, chiamà apontin “Marcialonga”, nasciù da l’idea de na hoteliera de Juan, Stefania Zorzi, neza de chel Nele Zorzi che del 1971 l’é stat un di cater promotores de la garejèda che à arjont nonzech te dut l mond. L projet era stat portà inant l’an passà te vèlch scola de la val de Fiem e te la scolina de Pera, e chest an l’é stat proponet ence te la scolina de Sèn Jan, olache la maestres à azetà con gaissa e bona voa. Chiò i bec à realisà de bie dessegnes che i volontadives metarà tel sach de gara che vigni atlet ciapa da l’organisazion, con su n augure per la garejèda scrit te desvalives lengac, talian, todesch, ingleis, norvegeis e se sà ben ence ladin, e olache tedò l’é notà sù la direzion de la scola, con la speranza de poder ciapèr posta de retorn da vèlch concorent forest o talian. L’an passà te la scoles de Fiem l’é ruà vèlch responeta che ge à fat n muie piajer ai bec e a la ensegnantes. Tel chèder de chest projet l’é stat envià a vegnir a la scolina de

A Sèn Jan la Marcialonga é ruèda enscin te scolina!

Sèn Jan ence l president de la Marcialonga, Alfredo Weiss, che l’à azetà bolintiera, ensema con n papà da Pera, Norbert Bernard, che à tout pèrt a la Marcialonga. Duc doi à rejonà coi pìcoi e responet a sia domanes. Ge é stat domanà ence a vèlch auter genitor, che fèsc o che à fat chesta garejèda, de vegnir a ge contèr ai bec sia esperienza e Francesco Santoro, papà de Cristian, l’à tout sù l’envit con gaissa e l se à prejentà a la scolina dut regolà da concorent, con tant

de schi da paslonch, bachec e petoral! L’à dit che l’à fat ben 15 garejèdes e l’à spiegà delvers coche ge vel se regolèr, che magèr dant de peèr via, coche se met la sciolina aldò de la condizions de la neif e de la temperatura, a na vida gustégola e ben adatèda ai bec, che i l’à scutà con atenzion e, col didament de la maestres, i ge à fat sacotanta domanes. Se sà che dò la teorìa l’é semper benfat moscèr con la pràtega chel che l’é stat spiegà: embendapò, la maestres e i bec per l’ocajion i ge aea endrezà

adertura la pista, con la erta de Ciavaleis e enscinamai l travert! Francesco se à tirà ite schi e bachec e l’é pontà demez, te anter l tifo da stadie di bec e de la maestres, l se à beù n bon té ciaut tel pont per se refizièr che l’era stat endrezà, l’à tout dant la erta e zacan l’à passà via l travert. Pissave che l’era ence la Soreghina, vertia a ge meter sul cef la corona de foes de orèr, proprio desche chela che ge vegn metuda sul cef al venjidor canche l taa l travert! A la fin no l’é mencià la foto de grop, con Francesco te

anter duc i bec sot l travert, a recort de chesta bela giornèda! Te Fascia la Marcialonga no got del medemo aprijiament che te Fiem. La scolina de Sèn Jan à tout pèrt a chest projet con l’obietif de fèr arvejinèr i bec de Fascia e sia families a chest bel event de sport, te la speranza che ensema i posse jir a veder i atlec passèr enlongia la pista e ge fèr l tifo, descheche i à fat chela dì con chel papà che à portà la Marcialonga te scolina! (cri.m)

L fioch de neif Na storia per chi più pìcoi, scrita da Veronica Zanoner del Tinoto Gabana e adatèda al fascian standard La stories pech o trop les ge pièsc a duc, mascima canche les é contèdes polito che les encanta ence i gregn che i stèsc bolintiera a les scutèr. Per nos ladins l’é più na vertola per se sproèr a descorer de dut con noscia antica marelenga. Endèna che scrive me fegure de aer tedant, enveze de la machina da scriver, n belot schiap de tosec, de bec, de mutons e de pìcoi che me scouta contèr. Se trata de la storia de n pìcol fioch de neif... L’era de november e tel ream de l’invern dut l’era enjignà per l gran freit. Cò l’é stat ora, Marenef l’à ciapà l’orden de Re Invern en persona de se molèr jù su la Tera ensema a duc chenc si fies. I fioches, che no n podea più de spetèr, ciapé da la gaissa i se à molà fora e un dò l’auter i à scomenzà a se lascèr jù, a fèr ciampilotes de pien e a fèr la gara a chi che fosse ruà per prum a tochèr l teren. Demò n fioch de neif, un maor di etres, l se n stajea da na man e no l moscèa de aer duta la prescia de si frèdes. L volea veder mìngol de mondo dant de doventèr na pìcola pèrt de n maraut de neif e l vardèa de se tegnir endò dai etres. Dò pech l se à troà soul tel ciel sora na zità. Ge saea n bel del

mondo osservèr l gran moviment de la fola te la strèdes, e veder la cèses, i pilons e la lumes. Endèna che l bondernèa coscita soravìa la Tera, l se pissèa che ge aessa piajù ge esser de ùtol a valgugn amàncol, dant de fenir sia curta vita. L’era endèna ruà vejin a na cèsa, ben più na tieja che na cèsa, olache se aessa dit che no podea star nesciugn, epura n fil de fum l vegnìa da ciamin fora. L fioch l se arvejina, l cuca ite per l vierech sfenet e sfumià de la pìcola fenestra e l veit n veie gobà jù che l se sproèa de tegnir empeà n pere fech che l manacèa de se studèr sot l mol di fioches de neif che crodèa jù da ciamin ite. “Chiò gé posse fèr na bona azion”, peissa l fioch de neif, e l se arvejina a si frèdes e con na sofièda de pien massela l li fèsc se slontanèr.

L fech l’à ciapà sobito vigor e la bolifes le à envià via a sutèr e schiopetèr dutintorn. Una de chestes la ge disc al fioch de neif: “Tu te n’ès salvà, per te recambièr te podarès da chiò inant jir stroz e bondernèr zenza mai te deleghèr, ence te la regions più ciaudes. Te chela che l fioch de neif l scutèa, n’autra bolifa la ge é sutèda ados e con n gran scorlon l se à sentù slongèr fora da ciamin. Endò da nef l’à scomenzà a rodolèr feruscol e lijier soravìa a paìjes e campagnes. Da zeche ora l se n ascorc che su n ram de n èlber l’era n ucel engrumà dal freit; l fioch l se à pissà che se l se aesse pojà sora via l’ucel, el l l’aesse segur sciudà. Ma l’ucel, che l’era n flinch, l’à dat n sgrijolon per se l scorlèr jù de dos. “Veideste fioch de neif – l ge disc l’ucel – tu te volesses fosc me sciudèr, ma tu t’es fat de giacia e l’é proprio per cauja voscia che gé ades padesce l freit. Te pree vatene e no te n aer per mèl se te schère demez.” Nia neto empermalà l pìcol fioch de neif l’à ciapà sù l sgol e l’é peà via. Amò l’à passà via zità, paìjes, pians, ruves e leghes, sorpassà files e files de spic di monc più auc. Na bela dì ampò l rua te chi

posć olache invern no n’é mai. Enlouta ge é vegnù en ment chel che ge aea dit la bolifa: che no l se aessa mai desgiacià, nience olache l soreie dèsc de pien. Ades sot de el se destenea fora can de gran spianèda verdes, can l mèr brun, dapò mìngol a l’outa, descheche l ruèa più en jù, l paesaje l’à scomenzà a mudèr. No l vedea auter, ades, che toc de tera èrsa, brujèda dal soreie zenza nience na pianta, na spianèda che no la fenìa a l’eie: l’era l desert. L fioch, te chel gran calor l’à abù n scorlon e n sgrijolon de poura e ence de encresciujum per cèsa e per si frèdes. L se dijea: “N’é assà de chest jir stroz, fosc fossa stat ampò miec se fosse restà con mie frèdes e ensema a ic aesse scuert la semenzes de forment sconetes te anter la zopes di ciampes”. E, petà na cucarela te l’aria, l’à dat de outa per se n vegnir en su

envers l Nord, canche l sent jemer e l veit n om via per jabas che con na ousc fiegola l domana: “Èga, more da la seit!”. L fioch l vèrda, l ge peissa sù mìngol . “Èga!”.. endò da nef domana l’om. Enlouta, zenza più bazilèr, l fioch de neif l’é jit ite per bocia a rianimèr chela pera gola èrsa. Bele coscita l’à abù termen la curta vita de “nosc” fioch de neif, con na bona azion descheche l volea. Me vegn ades en ment che bel che ne saea se n stèr te cèsa, te stua ciauda, da pìcoi, canche l fiochèa dutintorn, a vardèr fora per fenestra e en sù contra chela nigola de fioches bienc che seghitèa a vegnir jù e dut corìa desche na cuerta lijiera. Nos etres tosec proaane enscinamai a dombrèr i fioches e a se n fèr marevea de chi che magari vegnìa jù lèrc desche foadines o ciajoncìe. Endèna no vedaane l’ora de jir fora a sfodeghèr te la neif frescia che smorzèa ence noscia oujes e noscia grignèdes e no saane nience enlouta che sot la neif l’é pan, de bon pan. Veronica Zanoner del Tinoto Gabana www.lauscdiladins.com

19


Gherdëina

Coordinazion: Dr. David Lardschneider Redaziun: Cësa di Ladins, str. Rezia 83, 39046 Urtijëi Tel: 0471/797199 - Fax 0471/797384 - e-mail: info@lauscdiladins.com

Sculeies, nsenianc, respunsabli y autoriteies pra la premiazion di Juesc dla Junanza dla scoles mesanes te Sëlva.

nr. 04 / 25 de jené 2013

Ntan la garejeda de slalom lerch sun Risacia.

Sun la nëif ntan scola Juesc dla Junanza 2013: Coche l ie bele dai ani tradizion se à nce chëst ann i sculeies y studënc dla scoles mesanes y autes de Gherdëina abinà per se museré tla disciplines dl schi alpin y snowboard, tl pudejé y cun la luesa Juesc Junanza - N mierculdi ai 9 de jené à metù man la prima garejeda de schi alpin y snowboard. Do la 8 daduman se à bele abinà i prim sculeies sun purtoi de Risacia. L percurs per la garejeda ie unì njenià ca a puntin dala Scola de Schi de Sëlva.

Schi alpin sun Risacia Fat pea à belau 200 sculeies dla scoles mesanes y cënt studënc dla scoles autes. L livel ie for scialdi aut y duc i partezipanc se à purvà dassënn, l se tratova de arjonjer n

bon plazamënt per pudëi se tlassifiché per la garejedes a livel provinziel. Do la garejeda à duc i partezipanc pudù pië do n bon crafon y n té bon ciaut sponsorisà da privac.

Pudejé sun Ciandevaves y luesa sun Resciesa N juebia ai 10 de jené iela jita inant cun la garejeda de pudejé sun Pana (c. nce articul de Josef Mussner). N lunesc ai 14 de jené ti tucòvela a chëi dala luesa da Resciesa ju. Savon bele dai ani passei che pra

chësta garejeda cun la luesa féjel pea la majera cumpëida de sculeies. Danmesdì ti àla tucà ai sculeies dla mesanes y domesdì a chëi dla scoles autes. Bën 350 partezipanc ie n chël di slusei ju per l purtoi dla lueses njenià ca drët bën. Cun la cumpetizion ne àl nia mancià l devertimënt.

Bedaies, copes y de biei pesć pra la premiazion La premiazion di Juesc dla Junanza ie stata n juebia domesdì ai 17 de jené te gran sala dla Cësa

de Cultura de Sëlva per la scoles mesanes, y per i granc danmesdì tl’aula magna dl ITE Raetia do la pausa. Pra la premiazion dla scoles mesanes fova prejëntes plu autoriteies, danter l auter l ambolt de Sëlva Peter Mussner, i assessëures per l sport di trëi Chemuns Milva Mussner, Robert Ploner y Wolfgang Wanker, l diretëur de repartizion Alexander Prinoth y i diretëures dla scoles mesanes Maria Kostner y Anton Senoner. Ai prims trëi de uni categuria ti iel unì sëurandat copes y bedaies y ai prims dla cumbinazion y a un n partezipant trat ora ala

busca n bel pest. L ie nce unì mustrà n film di Juesc dla Junanza dl schi alpin, fat da Ingrid Demetz. Ala fin ulons mo rengrazië nce tres la USC i Chemuns de Gherdëina, la Ntendënza Ladina, Brigitte Pedevilla y Eveline Vinatzer dl Servisc dl Sport per la Scoles, i Catores per avëi fat l servisc de prim aiut ntan la garejeda sun Resciesa, la Cassa Raiffeisen per i crafons, i maestri de ginastiga y plu privac per l aiut dl bon garaté dla manifestazion. La maestres de ginastiga Gabriella Senoner y Mara Nogler

Passa 200 a pudejé sun Ciandevaves! De regula n iel for trueps che fej pea pra la garejedes de schi y luesa di Juesc dla Junanza. Chëst ann n iel nce stat trueps che à fat pea la garejeda de pudejé Pudejé - Desëines y desëines de atletes y atlec. De ndut bën doicënt! Duc njeniei per la garejeda de pudejé sun Ciandevaves ai 10 de jené da mesa la trëi domesdì. Coche l ie bele urmei tradizion iel inò unì metù a jì i Juesc dla Junanza de schi alpin y pudejé y lueses per la scoles mesanes y autes de Gherdëina. Chësta garejedes resservedes ai sculeies y studënc dla scoles de Gherdëina vën bele metudes a jì dal 1978 incà per l schi alpin y per l pudejé dal 1980 incà. Chësta de chëst ann fova nscila la 33ejima edizion per l pudejé. La edizions de pudejé dl 1989 y 1990 ie tumedes ora per mancianza de nëif. La garejeda de pudejé vën metuda a jì dal Servisc dl sport scolastich, dala doi maestres de ginastiga Gaby y Mara y dal Chemun de Santa Cristina cun a cë l assessëur per l Sport Robert Ploner n cunlaurazion cun l Schi Club Gherdëina per l pudejé. I maestri y l personal nia nseniant dla scoles juda sambën ënghe pea. Ajache l se trata de sport scolastich ti sta nce do la Ntendëza scolastica ladina de Bulsan y plu avisa l Servisc dl sport te scola.

N livel scialdi bon L livel di sculeies y dla sculées va uni ann suvier y chësc nce dantaldut per chëi nia dl Schi Club. L purtoi da pudejé de 2,5 chilometri ie unì njenià ca drët a puntin sun Ciandevaves dal maester de pudejé G e r a l d Mo ro d e r y d a i

20

www.lauscdiladins.com

cunlauradëures dl Schi Club Gherdëina. La temperatura dla nëif fova de -2 C° y chëla dl’aria de +0 C° dan pië via, la cundizions dl tëmp mesanmënter bones. Giaurì l purtoi da pudejé à atlec dl Schi Club Gherdëina y Nadia Ploner. Chëst ann unìvel pià via te grupes de ntëur 20-40 atlec, per fé la garejeda plu nteressanta y spetaculera. Danter i atlec che fajova pea n fòvel nce n valguni che fej pert dl Schi Club Gherdëina y sambën dla sezion sport dl ITE “Raetia”. Sun l ordn de pië via fòvel coche dit passa 200 scric ite, pià via n iel ntëur a 190, che se à nce tlassificà taian l travert metù su tl plan dal sport dal verzon di lëns sun Ciandevaves. Ti ani 1983-1987 fòvel uni ann plu che 140 sculeies y studënc che fajova pea. L n ie perdrët n generel for de manco che à ueia de fé fadia, ma la iscrizions resta mpo da ann a ann medemes (do che n à l zënter da pudejé sun Pana), y chësc ie n bon śëni per chësc bel sport, sce n ie boni de tenì l medemo numer. Sibe y mutons che la mutans dl Schi Club y dla sezion sport pudejé ie unii metui te na categuria a pert. Da mesa la trëi domesdì iel pià via la prima grupa, chindesc menuc do la segonda y nsci inant, nchin ala cuinta y ultima grupa dla scoles autes dl Schi Club y sezion sport. Do la cater via ova duc taià l travert. Riesc do iesen passei a fé la tlassifica dla categuries deferëntes, scumencian dala mutans dla scola

mesana. Pra la garejeda à fat pea l diretëur dla scoles mesana Anton Senoner sciche „tifoso“ y n bel tlap de genitores. Ulësse mo rengrazië duc i maestri y nsenianc de ginastiga dla scoles de Gherdëina, i bideli y l assessëur Robert Ploner per l té, i assessëures per l sport dla valeda, i mutons y la mutans, che ie unides a fé pea y i genitores per l gran tifo per la garejeda de schi nordich. N gra particuler ti val ala cuordinatëures per l sport dla scoles de Gherdëina Mara y Gaby. Josef Mussner

La garejeda de pudejé.

N ucajion dla premiazion dla scoles autes tl ITE Raetia.


Gherdëina

nr. 04 / 25 de jené 2013

La tlassifiches Juesc dla Junanza dla scoles di chemuns de Gherdëina - Ann de scola 2012/13 Schi alpin mutans - scoles autes

Pudejé mutans – scoles autes

Luesa mutans - Scoles autes

Cuinuem y inuem Nasciù Scola Tëmp

Cuinuem y inuem Nasciù Scola Tëmp

Cuinuem y inuem Nasciù Scola Tëmp

1. Mussner Elena 17.12.94 ITE Urtijëi 28,25 2. Plancker Laura 10.05.97 ITE Urtijëi 28,59 3. Soppelsa Carol 06.06.98 ITE Urtijëi 28,86 4. Goller Anna 05.09.98 ITE Urtijëi 30,09 5. Mussner Sofia 14.05.97 ITE Urtijëi 30,44 6. Lardschneider Irene 1998 ITE Urtijëi 32,38 7. Crepaz Julia 17.09.97 ITE Urtijëi 32,46 8. Wiedenhofer Nathalie 1997 ITE Urtijëi 33,06 9. Giacomuzzi Linda 1997 Lizeum d’Ert 34,32 10. Runggaldier Barbara 04.01.98 Liz. d’Ert 34,52 11. Kostner Valentina 09.04.95 ITE Urtijëi 34,90 12. Bergmeister Mara 27.10.98 Lizeum d’Ert 35,04 13. Perathoner Milena 17.11.95 ITE Urtijëi 36,07 14. Hofer Maria 1998 Lizeum d’Ert 40,06 15. Wörgartner Giulia 1998 Lizeum d’Ert 40,65

1. Pitscheider Miriam 04.11.95 ITE Urtijëi 08.17.4 2. Stuflesser Valeria 12.03.96 Lizeum d’Ert 08.26.3 3. Crepaz Julia 17.09.97 ITE Urtijëi 09.08.1 4. Insam Vivien 1997 ITE Urtijëi 09.13.8 5. Stuffer Magdalena 1998 ITE Urtijëi 09.18.8 6. Perathoner Milena 17.11.95 ITE Urtijëi 09.56.0 7. Griesser Veronika 08.03.95 ITE Urtijëi 10.26.3 8. Senoner Sara 25.01.97 ITE Urtijëi 11.24.2 9. Runggaldier Sarah 06.05.96 ITE Urtijëi 11.27.1 10. Demetz Silvia 10.01.97 Lizeum d’Ert 12.07.7 11. Delago Nadia 1997 ITE Urtijëi 12.14.8 12. Demetz Giulia 1998 ITE Urtijëi 12.15.7 13. Haas Magdalena 1997 ITE Urtijëi 12.55.4 14. Senoner Marion 06.11.97 ITE Urtijëi 12.57.6 15. Bazzanella Doris 27.09.98 Lizeum d’Ert 14.08.1

1. Demetz Silvia 10.01.97 Lizeum d’Ert 1.25.93 2. Stuflesser Valeria 12.03.96 Lizeum d’Ert 1.30.05 3. Bonata Clelia 17.03.98 ITE Urtijëi 1.32.98 4. Goller Anna 05.09.98 ITE Urtijëi 1.38.62 5. Frötscher Nadia 05.07.93 Lizeum d’Ert 1.39.53 6. Überegger Mara 27.10.97 Lizeum d’Ert 1.39.57 7. Klammer Lisa 07.12.95 Lizeum d’Ert 1.40.08 8. Lardschneider Irene 1998 ITE Urtijëi 1.40.14 9. Roncat Ida 03.09.97 Lizeum d’Ert 1.40.16 10. Stuffer Magdalena 1998 ITE Urtijëi 1.40.31 11. Giacomuzzi Linda 15.12.97 Lizeum d’Ert 1.40.61 12. Baier Lena 02.10.95 Lizeum d’Ert 1.42.26 13. Clara Alessia 19.01.99 Lizeum d’Ert 1.42.61 14. Schifferegger Lena 23.10.94 Lizeum d’Ert 1.44.46 15. Soppelsa Gloria 12.10.98 Lizeum d’Ert 1.44.69

Schi alpin mutons - scoles autes Cuinuem y inuem Nasciù Scola Tëmp 1. Giorgi Nicola 11.07.94 ITE Urtijëi 26,14 2. Plancker Gregor 22.06.94 ITE Urtijëi 27,35 3. Insam Manuel 07.05.96 ITE Urtijëi 27,89 4. Stuffer Filip 07.03.98 Lizeum d’Ert 28,50 5. Delazer Thomas 13.05.96 Lizeum d’Ert 29,11 6. Christian Insam 1994 ITE Urtijëi 29,65 7. Rabanser Simon 25.08.98 ITE Urtijëi 29,72 8. Fontanini Michele 17.12.96 ITE Urtijëi 30,27 9. Kostner David 09.02.95 ITE Urtijëi 30,37 10. Prinoth Patrick 1996 ITE Urtijëi 30,42 11. Mussner Seppl 19.10.93 Lizeum d’Ert 30,55 12. Senoner Patrick 09.09.97 Lizeum d’Ert 30,56 13 Prugger Janpierre 02.11.95 ITE Urtijëi 30,97 14. Runggaldier Ivan 26.06.94 ITE Urtijëi 31,13 15. Bernardi Rafael 13.11.96 ITE Urtijëi 31,34

Schi alpin mutans - scoles mesanes Cuinuem y inuem Nasciù Scola Tëmp 1. Mahlknecht Lina SM Ürtjiëi 29,15 2. Senoner Elisa 22.12.1999 SM Sëlva 29,40 3. Insam Sophia 14.02.1999 SM Sëlva 29,71 4. Sacco Giorgia SM Ürtjiëi 29,86 5. Kerschbaumer Sara 12.06.2001 SM Sëlva 29,93 6. Kostner Timea SM Ürtjiëi 30,16 7. Moroder Marion SM Ürtjiëi 30,29 8. Paratoni Sarah 13.03.2000 SM Sëlva 30,36 9. Frontull Stefanie 11.09.2000 SM Sëlva 30,79 10. Höller Miriam 15.12.2001 SM Sëlva 31,22 11. Nocker Marie 16.09.2000 SM Sëlva 31,48 12. Schenk Maddalena 25.06.1999 SM Sëlva 31,71 13. Nocker Sara 18.12.1999 SM Ürtijëi 32,11 14. Sacco Alessandra 27.05.2001 SM Ürtijëi 32,27 15. Rabanser Sarah SM Ürtjiëi 32,57

Schi alpin mutons - scoles mesanes Cuinuem y inuem Nasciù ScolaTëmp 1. Werdaner Andrea 28.05.1999 SM Ürtijëi 28,09 2. Lardschneider Laurin Jan Matie19.06.01 SM Sëlva 28,98 3. Pitscheider Aaron SM Ürtjiëi 29,44 4. Hofer Jan SM Ürtjiëi 29,67 5. Senoner Martin 25.07.99 SM Sëlva 29,71 6. Ploner Flavio SM Ürtjiëi 29,78 7. Runggaldier Matteo 20.02.00 SM Sëlva 29,91 8. Costa Diego SM Ürtjiëi 30,25 9. Senoner Mirko 01.03.01 SM Sëlva 30,34 10. Schenk Filip 01.02.00 SM Sëlva 30,40 11. Kasslatter Hannes 18.03.99 SM Sëlva 30,79 12. Comploi Matthias 18.01.01 SM Sëlva 30,86 13. Pitzinger Marvin 26.04.2001 SM Ürtijëi 30,90 14. Glück Diego 29.08.99 SM Sëlva 30,90 15. Goller Philipp 12.11.1999 SM Ürtijëi 30,92

Pudejé mutans – scoles autes Cuinuem y inuem Nasciù Scola Tëmp 1. Prugger Janpiere 02.11.95 ITE Urtijëi 06.35.6 2. Insam David 06.03.96 ITE Urtijëi 06.35.9 3. Runggaldier Ivan 26.06.94 ITE Urtijëi 06.49.2 4. Kerschbaumer Marco 12.06.94 ITE Urtijëi 06.52.3 5. Piccolruaz Simon 27.01.97 Lizeum d’Ert 08.06.2 6. Kostner David 09.02.95 ITE Urtijëi 08.33.0 7. Delazer Thomas 13.05.96 Lizeum d’Ert 08.57.9 8. Karbon Moritz 1996 ITE Urtijëi 09.00.3 9. Pfeifer Manuel 1998 ITE Urtijëi 09.09.2 10. Goller Daniel 1997 ITE Urtijëi 09.51.3 11. Prossliner Tobias 1995 ITE Urtijëi 09.52.7 12. Mitterrutzner Max 1997 ITE Urtijëi 10.34.1 13. Scapolan Alex 1994 ITE Urtijëi 10.48.1 14. Steinmaier Matthias 1997 ITE Urtijëi 10.56.7 15. Höller Elias 12.01.98 Lizeum d’Ert 10.59.5

Pudejé mutans – scoles mesanes Cuinuem y inuem Nasciù Scola Tëmp 1. Malsiner Lara SM Ürtjiëi 09.38.2 2. Kerschbaumer Sara 12.06.01 SM Sëlva 10.55.1 3. Insam Sophia 14.02.99 SM Sëlva 11.24.2 4. Nogler Kostner Nicole 11.04.01 SM Sëlva 11.24.6 5. Mussner Carmen 29.01.01 SM Sëlva 11.25.9 6. Prinoth Lara 07.01.2000 SM Ürtijëi 11.42.5 7. Vinatzer Laura 29.08.2000 SM Ürtijëi 11.42.8 8. Delago Elena 18.01.01 SM Sëlva 12.15.8 9. Passaro Samanta 18.10.00 SM Sëlva 12.29.6 10. Pellizzari Jamie-Lee 04.05.01 SM Sëlva 12.48.9 11. Moroder Eleonora 01.05.2000 SM Ürtijëi 13.23.4 12. Senoner Anna 09.05.1999 SM Ürtijëi 13.23.9 13. Dander Elisabeth 25.10.99 SM Sëlva 14.30.6 14. Comploi Tania SM Ürtjiëi 14.43.5 15. Comploi Caroline 27.05.1999 SM Ürtijëi 14.53.0

Luesa mutons - Scoles autes Cuinuem y inuem Nasciù Scola Tëmp 1. Delazer Thomas 13.05.96 Lizeum d’Ert 1.24.94 2. Piccolruaz Simon 27.01.97 Lizeum d’Ert 1.25.92 3. Bernardi Rafael 13.11.96 ITE Urtijëi 1.27.05 4. Prugger Janpierre 02.11.95 ITE Urtijëi 1.27.44 5. Moroder Aaron 02.11.98 Lizeum d’Ert 1.33.73 6. Insam Manuel 07.05.96 ITE Urtijëi 1.34.32 7. Höller Elias 12.01.98 Lizeum d’Ert 1.34.91 8. Gafriller Paul 1997 ITE Urtijëi 1.36.41 9. Stuffer Filip 07.03.98 Lizeum d’Ert 1.40.23 10.Costa Romeo 1993 Lizeum d’Ert 1.40.84 11. Debon Samuel 18.11.98 Lizeum d’Ert 1.40.93 12. Wörndle Florian 28.05.97 Lizeum d’Ert 1.41.78 13. Furlato Moritz 21.07.93 Lizeum d’Ert 1.43.81 14. Bernardi Fabio 14.09.98 Lizeum d’Ert 1.44.64 15. Bagozza Luca 01.06.98 Lizeum d’Ert 1.44.79

Luesa mutans - Scoles mesanes Cuinuem y inuem Nasciù Scola Tëmp 1. Moroder Eleonora 01.05.2000 SM Ürtijëi 1.28.45 2. Insam Sophia 14.02.99 SM Sëlva 1.30.61 3. Senoner Lisa SM Ürtjiëi 1.31.15 4. Senoner Anna 09.05.1999 SM Ürtijëi 1.31.40 5. Moroder Marion SM Ürtjiëi 1.32.66 6. Kerschbaumer Sofia 24.01.00 SM Sëlva 1.32.71 7. Fill Jessika 08.08.2000 SM Ürtijëi 1.33.06 8. Welponer Anna 10.04.1999 SM Ürtijëi 1.34.34 9. Bernardi Angelika 03.05.1999 SM Ürtijëi 1.35.58 10. Nogler Kostner Nicole 11.04.01 SM Sëlva

1.35.63 11. Perathoner Eva 19.02.2000 SM Ürtijëi 1.35.76 12. Mahlknecht Lina SM Ürtjiëi 1.36.06 13. Pellizzari Jamie-Lee 04.05.01 SM Sëlva 1.36.71 14. Rabanser Anna SM Ürtjiëi 1.36.84 15. Broll Corinne SM Ürtjiëi 1.37.76

Luesa mutons - Scoles mesanes Cuinuem y inuem Nasciù Scola Tëmp 1. Moroder Johannes SM Ürtjiëi 1.26.38 2. Hofer Philipp 08.05.99 SM Sëlva 1.28.12 3. Galiani Alex 24.06.99 SM Sëlva 1.28.50 4. Perathoner Daniel 02.03.00 SM Sëlva 1.28.58 5. Tomasini Jonas 17.02.99 SM Sëlva 1.29.61 6. Werdaner Andrea 28.05.1999 SM Ürtijëi 1.29.78 7. Runggaldier Rafael 20.07.00 SM Sëlva 1.29.82 8. Schenk Manuel 27.07.00 SM Sëlva 1.29.95 9. Perathoner Armin 10.10.99 SM Sëlva 1.29.95 10. Kompatscher Simon 17.03.99 SM Sëlva 1.30.63 11. Martiner Moriz 18.03.1999 SM Ürtijëi 1.30.78 12. Vinatzer Andreas SM Ürtjiëi 1.31.83 13. Barani Filippo 02.11.99 SM Sëlva 1.32.14 14. Kasslatter Gabriel SM Ürtjiëi 1.32.22 15. Demetz Lukas SM Ürtjiëi 1.32.32

Cumbinazion mutans – Scoles autes 1. Lardschneider Irene 2. Stuffer Magdalena 3. Runggaldier Barbara

Cumbinazion mutons – Scoles autes 1. Delazer Thomas 2. Prugger Janpiere 3. Piccolruaz Simon

Cumbinazion mutans – Scoles mesanes 1.Insam Sophia 2.Nogler Kostner Nicole 3. Moroder Eleonora

Cumbinazion mutons – Scoles mesanes 1. Galiani Alex 2. Werdaner Andrea 3. Runggaldier Matteo

Pudejé mutons – scoles autes Cuinuem y inuem Nasciù Scola Tëmp 1. Pitscheider Pablo 08.11.99 SM Sëlva 08.32.1 2. Galiani Alex 24.06.99 SM Sëlva 08.52.3 3. Perathoner Pauli 01.04.99 SM Sëlva 09.03.1 4. Senoner Luca 28.04.00 SM Sëlva 09.13.8 5. Demez Jan 22.02.01 SM Sëlva 09.18.4 6. Goller Martin 05.11.1999 SM Ürtijëi 09.26.9 7. Senoner Manuel 18.04.00 SM Sëlva 09.48.8 8. Senoner Aaron 12.02.01 SM Sëlva 09.51.4 9. Rifesser Matthias 06.02.2001 SM Ürtijëi 10.17.8 10. Werdaner Andrea 28.05.1999 SM Ürtijëi 10.22.7 11. Pitscheider Elias 05.12.99 SM Sëlva 10.26.4 12. Pitscheider Aaron SM Ürtjiëi 10.27.9 13. Runggatscher Matthias SM Ürtjiëi 10.34.8 14. Insam Moritz 18.06.1999 SM Ürtijëi 10.39.2 15. Moroder Pauli SM Ürtjiëi 10.42.4

La maestra Mara Nogler cun sculeies pra la garejeda de luesa sun Resciesa. www.lauscdiladins.com

21


Gherdëina

nr. 04 / 25 de jené 2013

I dërc dla jënt Dan n struf iel stat la senteda generela dl KVW de Urtijëi. L ie nce unì lità l Cunsëi nuef. Presidënc: Konrad Senoner lascia do diesc ani, presidënt nuef ie Johann Kostner Lies - La grupa dl KVW de Urtijëi ie cun 530 scric ite una dla majera lies dl luech. L KVW ie dala pert di lauranc y uel ti judé ai plu dëibli, nvian via scumenciadives che porta a chësc fin. Dantaldut vëniel metù a jì d’uni sort de referac, cursc y seminares; ma nce pra funzions y mësses vëniel dat n cuntribut per dé inant l spirt religëus dl KVW (Katholischer Verband der Werktätigen). Sëuraprò vëniel metù a jì cursc de ginastica y balé, jites de un o plu dis y sëires de bona ueia. L lëur de majera mpurtanza ie zënzauter chël de cialé che tl ciamp soziel ebe duta la jënt la nfurmazions per pudëi ruvé pra si rejons.

Pensions y cuntribuc ala families Uni juebia da mesa la diesc a mesa la dodesc (la prima juebia dl mëns nce domesdì dala doi ala cater) ie la duturëssa Elisabeth Scherlin dl patronat ACLI/KVW a despusizion tl Chemun de Urtijëi per dé nfurmazions n con’ de pensions, cuntribuc ala families, per chëi zënza lëur y sambën vëniel dat duta la spiegazions che n adrova sce la va de fé vel’ dumanda tl ciamp soziel.

La majon dal guant

sun lista ne n’ie Georg Kostner, Vinzenz Delago, Lidia Hofer Rabanser y Karin Runggaldier. A d’ëi ti vàl n rengraziamënt per dut l lëur che i à fat; n rengraziamënt particuler ti va a Georg Kostner, che ie stat tl cunsëi per 35 ani, 9 ani alalongia coche sëurastant dla lia, y nce a Lidia Hofer Rabanser che ie stata per zirca carant’ani tl cunsëi dl KVW.

Konrad Senoner, che à dat ju la ncëria da sëurastant ma resta inant tl cunsëi dl KVW, à rengrazià Georg Kostner, Karin Runggaldier, Lidia Hofer Rabanser y Vinzenz Dellago per si mpëni ntan i truep ani che i ie stac tl cunsëi dla lia.

N servisc de gran mpurtanza ie nce la majon dal guant, che vën meneda dal KVW deberieda cun la grupa Caritas y Miscion, tla vedla cësa S. Durich. La ie davierta uni merdi da mesa la nuef daduman nchin mesa la undesc danmesdì y uni juebia domesdì dala doi ala cater. Sce penson do tan de bon guant che vën trat demez y dal‘autra pert savons che l ie families che pudëssa adurvé chësc guant, pona

iel mé da speré che trueps se noze inant de chësc mesun che vën pità a duc i zitadins.

“Gran valor dl lëur che vën fat dal KVW” Ai 8 de dezëmber 2012 iel stat tla Cësa de Cultura la reunion generela dl KVW cun veles per l cunsëi nuef, che menerà chësta lia per i cater ani che vën. Nia plu jic

Ntan la reunion generela à tëut la parola l digan Sn. Vijo Pitscheider y l ambolt de Urtijëi Ewald Moroder. Tramedoi à sotrissà l gran valor dl lëur che vën fat dal KVW tl ciamp soziel, dla sanità y per l tëmp liede, dajan nsci n cuntribut a miuré la cualità dla vita de truepa jënt. Paul Walpoth a mustrà de bela fotografies che l à fat ntan n viac cun na mongolfiera, da Toblach a Unieja. Danterite à Engele da La Sëlva y i jëuni Jessica Mauroner da Ronch y Johannes Holzknecht da Martin sunà y ciantà, y chësc ti à a duc plajù dassënn. Bravi! Fineda via ie la reunion cun n rengraziamënt a duc chëi che sustën finanzialmënter l KVW: la Provinzia, l Chemun y la trëi banches.

Vela dl cunsëi y dl presidënt nuef La vela dl cunsëi nuef ie jita ora nscila: Konrad Senoner, Pius

Colcuc, Lisl Tappeiner Delago, Johann Kostner, Ulrika Comploi, Giacinta Kostner Rier, Paul Walpoth, Andreas Tardivo, Rosmarie Prugger Mahlknecht, Annemarie Piccolruaz Pasquazzo, Adriana Kostner Gasser, Eugen Beikircher Perathoner, Brigitte Runggaldier Pallua y Walter Goller. N gra mo a duc chëi che à fat pea pra la veles. A chëi che sarà ti proscimi ani tl cunsëi dl KVW ulons ti mbincé che i ebe legrëza a dé n cuntribut per la finaliteies dl KVW. Ai prims de jené iel unì lità l sëurastant nuef dl KVW. L se trata de Johann Kostner, si vize ie Pius Colcuc, scrivana ie Lisl Tappeiner Dellago, dla cassa se cruzia Brigitte Runggaldier Pallua.

N gra de cuer a Konrad Senoner N gra de cuer ti va al sëurastant da dant Konrad Senoner, che à do diesc ani dat ju chësta ncëria. Dut l bon ti mbincions al sëurastant nuef dl KVW de Urtijëi, Johann Kostner. Se lascé scrì ite tl KVW pòssen tla Butëiga dl Mond tla streda Sneton o pra i cumëmbri dl cunsëi. Tla medema butëiga possa nce duc i cumëmbri paië ite l cuntribut per l ann 2013. (rp) L KVW de Urtijëi

Vecchia Romagna te na boza nueva Tl zënter de Urtijëi à sculeies dl Lizeum d’Ert y dla Scola profesciunela „Cademia“ ntan duta l’ena passeda laurà per n cuncors de scultures de dlacia. La cin’ bozes ie unides zipledes te na mesura diesc iedesc mo n tan granda Ziplé - Venciù à la scultura “Vecchia Romagna”. N vënderdi ai 18 de jené iel stat la premiazion dl cuncors metù a jì te na cunlaurazion cun la Lia dl Turism de Urtijëi y l Chemun de Urtijëi. La scumenciadiva ti à pità lezions de scola particuleres ai sculeies y ie na bela atrazion turistica per l luech.

spetadëures.
Dedite tla bozes de dlacia iel unì metù na lum da culëur che ti dà, canche l ie scur, n cialé ora particuler ala scultures de dlacia y n’atmosfera artistica al raion da jì a pe de Urtijëi.
 L suzes dla scultures de dlacia tl zënter de Urtijëi à dat rejon a na cunlaurazion danter scola, turism y chemun. „Chësc cuncors demostra che sce son boni de mëter a jì siniergies danter la istituzions

Marija Markovic y Felix Vougny vënc Ala fin de n’ena de lëur alalergia à Marija Markovic y Felix Vougny pudù se tò pea na esperienza mpurtanta per si atività artistica. Sëuraprò ài cun si scultura de na boza de Vecchia Romagna mo pudù pië do l prim pest de 500 euro. Coche segonda plu bela scultura de dlacia ie unida valuteda la boza de ega de vita fata da Valentin Alber, Mattia Demetz, Thomas Delazer y Luca Visciani. Chësta scultura ie unida fata sun la pitla plaza de S. Antone, dlongia chëla dla boza de Chanel. La boza dal profem de Sophie Eymond y Andreas Oberberger à giapà l terzo pest. Ntan la premiazion iel de ndut unì sëurandat pesć per 1000 euro.

Bozes de trëi metri Cun l aiut di nsenianc Andreas

22

www.lauscdiladins.com

iel mesun crië ucajions particuleres che possa valorisé nosta scoles per l’ert y la tradizion dla scultura de Gherdëina,“ sotrissea l assessëur ala scoles ladines Florian Mussner. Paroles de lauda y de rengraziamënt iel nce stat da pert dl presidënt dla Lia dl Turism Ambros Hofer y dl ambolt de Urijëi Ewald Moroder. Scialdi bel à per l’ucajion dla premiazin sunà l Urtijëi Brass. (Ufize stampa provinziel de Südtirol)

Sculeies dl Lizeum d’Ert y dla Scola profesciunela Cademia che à ziplà tla dlacia, deberieda cun autoriteies: la diretëura Elisabeth Baur y l ambolt de Urtijëi Ewald Moroder a man ciancia, cuarta da man ciancia la diretëura dla Lia dl Turism de Urtijëi Beatrix Insam y l nseniant Andreas Tomasini, segondo da man drëta (foto de Andreas Senoner).

Tomasini y Markus Delago y l sustëni de Andreas Holzknecht, iel de ndut unì fat cin’ scultures de dlacia che mesura nchin a trëi metri de autëza. Franziska Rainalter y Loic De Lesmadec à fat na boza de Chianti, ntan che David Harding y Francesco Sacchi à cris ora de fé n buchel

dal’ega. „Per i sculeies iel de gran mpurtanza a pudëi mparé a ziplé nce te d’autri materiai coche la nëif y la dlacia,“ spiega la diretëura dl Lizeum y dla Scola prufescionela Elisabeth Baur. L cuncors à sëuraprò nce pità ucajion de fé scultures de mesures sëuranatureles y chësc te na luegia publica dan ai uedli de truep

La boza de Vecchia Romagna à venciù l cuncors de scultures de dlacia a Urtijëi (foto USP/Stuffer).


Gherdëina

nr. 04 / 25 de jené 2013

La Legrima che regor dal Saslonch Straurdiner o ora dla set mesures boni! Chisc ie i agetifs per dé da ntënder cie che i doi Catores Adam Holzknecht y Hubert Moroder ie stai boni de fé, cun si arpizeda d’inviern “Sa l’ega” sun l parëi nord de Saslonch. La via nueva à inuem Legrima Arpizeda - La Nord de Saslonch cun si 1.000 metri de autëza ie un di parëies plu auc dla Dolomites y travert de truep alpinisć che chier mo for la gran aventura su per i crëps. Dlongia la via tlassica, la Pichl, iel mo d’autra vies plu ries. Chiche ie bele su per la via Pichl sun l parëi nord dl Saslonch à dessegur udù che do prësciapuech 250 metri, ulache l ie la prima gran traviersa, va la via ite te n pitl pisciadoi, o miec n pitl ruscel che regor datrai deplù, datrai demanco. Te Gherdëina ti dìjen“Sal’ega”. Ti ultimi ani, da canche n à scumencià a se arpizé for plu y plu su per i pisciadoies y dantaldut da canche l ie unit su l dry tooling, ti à plu arpizedëures cunesciui cialà a chësta luegia “Sa l’ega”, ma nchinamò òvel for mé pluët massa puech d’autonn acioche l unissa ora n pisciadoi dlacià grant assé d’inviern. Chëst ann iela d’autonn unida, la plueia, dis y dis de plueia. Bel plan unìvel d’inviern a s’l dé n fil de dlacia, majer che zënza, nce sce l ne jiva mo nia da suinsom nchin japé, propi ajache l parëi ie tan ërt, ndrë’ drë su, vertichel.

Adam Holzknecht y Hubert Moroder ti la vega I doi arpizadëures de Gherdëina à ulù ti la vaghé. Adam Holzknecht y Hubert Moroder ie bele cunesciui per avëi arpizà d’inviern i parëies plu riei dla Dolomites y oradecà: trueps se lecurderà de coche i à arpizà l Fitz Roy y l Cerro Torre te mé cater dis. L fova n lunesc ai 7 de jené. Daduman abenëura iesi muec de viers de Saslonch. Bele chësc ie stat na pitla struscia, ajache i cherpova tresora ite tla nëif ntiera, che l n ie for assé te chësta luegia nord dl Saslonch. I prims 250 metri jivi su per la via Pichl, che ie cun si cuarto grado perdrët do la rata saurida d’instà, ma che ie dut zeche d’auter canche l parëi ie plën de nëif. Ntëur la undesc danmesdì, do trëi ëura y

mesa de fadia, ruvovi su pra l pisciadoi dlacià.

La gran aventura sun dlacia Śën scumenciova la drëta aventura. Ai doi Catores se prejentova bën 350 metri de dlacia, duta vertichela y nce de velch’ melsegura te si cunsistënza y da coche la tacova pra parëi! Mé ajache Adam sà coche n se astiela a de teles, cun si savëi tecnich staurdiner y cun si stil de arpizeda che mé puec o deguni ne à, iesi stai boni de ti vester a n valguna lueges ulache l semiova, te n prim mumënt, che l ne fossa nia mesun a jì inant. Da auzé ora iel sambën che Adam y Hubert, tenian pra si etica de arpizeda, ova mé tëut pea diesc ciodi da crëp y diesc sraufli da dlacia y na serie de "friends".

La nuet te parëi Ntëur la cinch domesdì ova i doi alpinisć fat ades mez l pisciadoi. La jiva śën de abiné na luegia che lascëssa pro de sté de nuet. I doi à giavà ora n pitl cuz. I se à tacà y se à njenià ca per passé la nuet. Sëura ëi mé l parëi ndrë’ drë’ su y na udera da te tò l fla ju tla valeda de Gherdëina. Zachei che ova udù lumes su per parëi da ch’l’ëura ova

bele cherdà su l 118 per dé l alarm, ma i Catores lajù savova pu che l se tratova “mé” de ch’i doi “mac” de si presidënt y si vize. L fova frëit de nuet. Ma chël fossa nce stat da tenì ora. Scialdi plu ncomper fova l gran vënt, dala 9 da sëira inant y danz duta la nuet. Per sparanië pëis ova i doi mé tëut pea un n sach da bivach, ma ajache i ne ova nia giatà lerch per sté un dlongia l auter, à Adam messù passé la nuet mé te si sach da durmì, che lasciova danz ite nëif ndlonch, per gauja dl gran vënt. L ie saurì da se nmaginé tan rie che l fova l di do daduman a se njenië ca, mez dlacei, a pië inò su, per n’arpizeda dut ntëur melsegura da coche la ëssa pudù jì.

Nce de di n gran vënt La prima trëi trates de corda fova extra ries da fé. La dlacia fova scialdi sutila, i sraufli jiva perchël mé ite l mez. Nscila fova dut ntëur mefun mo plu rie. Y l vënt ne ova mo for nia lascià do, ventan adalerch nëif da sëurajù, bel ados ai doi Catores. Per fertuna che l’ëura da sablon fova sun ëur dla dlacia y deberieda cun i "friends" ova Adam y Hubert zeche che ti dajova na majera segurëza. Adam, che per moral y tlas ne n’ie tan che nia da bater da d’autri, à batù ite mé trëi ciodi amez ite y d’autri trëi per la pauses.

Sun piza! Finalmënter, ntëur la un domesdì, fova i doi arpizadëures boni de unì ora dala pert plu ërta dl pisciadoi, y l restova “mé” plu l tòch de parëi plën de nëif de 400 metri. L vënt ova nce abù na bona, fajan unì la nëif plu cumpata. Adam y Hubert jiva nscila inant cun manco fadia, ma l rie fova a se seguré un cun l auter. Ntëur la cater domesdì ruvovi sun piza de Saslonch, finei, cun n gran mel ai braces do vester stai tachei doi dis alalongia pra l pich da dlacia. N panorama de marueia sot a d’ëi. Ma la jiva mo de ruvé pra bivach per pudëi paussé: i se l ova merità. Degun hotel da cin’ stëiles ie plu bel, plu da luxus, che l bivach de Saslonch, per chiche ie stat na nuet tacà te parëi.

urganisazion doi tan de gran alpinisć coche Adam Holzknecht y Hubert Moroder, che à cun si aripizeda nueva scrit n bel capitul sëuraprò dla storia dl alpinism tla Dolomites.” David Lardschneider

Ju per la via normal L di do daduman ie Adam y Hubert ju per la normal. Chiche ie tlo su d’inviern sà tan rie che l ie. Ma i doi Catores ie bën usei a d’auter y do doi ëura fovi bele japé. A pe iesi jic inant nchin ju n Plan de Cunfin, ulache l passova iusta la curiera che i à tëui pea nchin sun Ciandevaves. La Lia di Catores à dit che l ie per ëi “n gran unëur à avëi te nosta

Legrima: la via nueva fata d’inviern su per l pisciadoi “Sa l’ega” sun Saslonch dai doi Catores Adam Holzknecht y Hubert Moroder.

Doi mumënc dl’arpizeda.

Generazion nueva pra l GAG Senteda generela dla Grupa Alpinisć Gherdëina cun lita dl cunsëi nuef. Recunescënzes ai cumëmbri Lies - L GAG ie na lia cun na gran tradizion. Truep de bon alpinisć de Gherdëina y mëinacrëp fajova o fej mo pert de chësta lia. I jëuni à for purtà inant la lia cun si gran pascion per i crëps. Ai 4 de jené iel stat la senteda generela dl GAG. L cunsëi à purtà dant l’atività dl 2012, mustran de beliscima fotografies dla jites metudes a jì. Da dedò ti iel unì sëurandat l “ciodo” dl GAG a Karin De Sisti, Ivan Mussner, Matteo Vinatzer y Titus Prinoth. Chësta recunescënza possa pië do duc chëi che à fat diesc

vies alpin o diesc jites cun la peves. Dantaldut Titus Prinoth, jëunn de 14 ani, se à bele arpizà su per vies da stramp ries. Nsci al fat, danter truepa d’autres, nce la via “Soldà” sun Saslonch, na via longia y ria, dessegur l plu jëunn che ie mei ruvà su. L ie nce unì rengrazià duta l’autoriteies che ie unides ala senteda, l rengraziamënt ti va danter l auter ai chemuns y ai judacrëp per i cuntribuc. Ala fin dla senteda iesen ruvei al pont plu mpurtant: la veles dl cunsëi nuef. Cinch de set cunselieres à do truep

ani che i se à dat ju per la lia tëut la dezijion de lascé la luegia a plu de jëuni. Tlo n iel stat n valguni che à pià do, jëuni cun na gran pascion per l jì a crëp. I cunselieres nueves litei ie Manuel Moroder, Matteo Vinatzer, Titus Prinoth, Martin Dejori y Alex Walpoth, duc sot ai 19 ani. Restei inant ie Aaron Moroder y David Prinoth. David se à riesc tëut la respunsabltà de fé da presidënt nuef dla lia. Do la senteda s’l’àn mo mpue’ ciaculeda, sambën dl jì a crëp y cun la peves. Tres chësc cunsëi nuef tan jëunn

Na valgun cumëmbri dla Grupa Alpinisć Gherdëina ntan na jita.

pòssen dessegur se aspité vel’ nuvità dala lia. Chiche ie nteressei a se scrì ite o damandé nfurmazions, possa cuntaté la lia sot a chësta adres: gagalpin@hotmail.it y

sambën nce sun FB: https://www. facebook.com/GagGrupaAlpinis cGherdeina?fref=tf Bruno Walpoth www.lauscdiladins.com

23


Gherdëina

nr. 04 / 25 de jené 2013

Chi sà pa ulache chisc mulins fova?

“VW Bully The Wave” de Lorenz Demetz y Thomas Mussner.

Cun l VW a balé a Ischgl Pra l cuncors nternaziunel che ie bele da vint ani incà a Ischgl iel ann per ann nce chëi de Gherdëina che se fej valëi. Doves la grupes de nosta valeda chëst ann. Una metuda adum da Ivo Piazza y Reiner Kasslatter, l’autra da Lorenz Demetz y Thomas Mussner

On tlo doi fotografies storiches, che fova unides fates te Gherdëina. L se trata tlo de testemunianzes de nosc passà, de nosc ncësa, che fova nianco no tan da giut mo scialdi autramënter che l ne n’ie al didancuei. Y bel mpont seméiel che n ne sà bele nia plu ulache chësta doi frabighes fova. L fova mulins, una o l’autra pudëssa nce vester stata na turnadëcia o povester nce na sia, ma segur iel che chësta frabighes fova te Gherdëina. La fotografia fata d’inviern, ulache l ie nce da udëi n berba dedora dan la ciasota, ie dl 1903. Da cunscidré iel nce che la fotografies pudëssa nce vester dandò, sciche ududes te spiedl, ue dì che chël che ie à man ciancia toca perdrët a man drëta. Sce zachei recunescëssa un o l

auter mulin y savëssa da dì ulache l fova, iesi priei bel de nes l fé a l savëi tla redazion dla Usc di Ladins

de Gherdëina, mandan na e-mail a info@lauscdiladins.com o cherdan su l numer de telefonn 0471 797199.

Ziplé tla nëif - Ivo Piazza de Urtijëi ie bele dal scumenciamënt incà leprò. O miec, ël ie un de chëi che ti ova judà a chëi de Ischgl a la mëter a jì, purtan ora know how, dan vint ani. Y da ntlëuta iel for stat leprò, Ivo. Chëst ann inò cun Reiner Kasslatter de S. Cristina. L’autra grupa de Gherdëina prejënta fova chëla de Lorenz Demetz da Pincan y Thomas Mussner Zorz, tramedoi da Urtijëi. Y pona fòvel mo na grupa de Südtirol y l’autres dla Nghiltiera, dla Svizra, di Paejes Tudësc, dl Belgio y sambën dl’Austria. La tematica de chëst ann fova chëla dl VW. Piazza y Kasslatter à bele fat n valgun dis dan l cuncors, ora de

cuncurënza, l gran lëur “Ischgl anconta VW.” N valgun dis do scumenciova pona l cuncors. Tlo à Piazza y Kasslatter fat la scultura dal titul “L golf nuef bala a Ischgl”. L lëur de Lorenz Demetz y Thomas Mussner ie “VW Bully The Wave”. N generel à i artisć de Gherdëina purtà ora l savëi y la criatività sia ma nce la tradizion dl ziplé de duta la valeda de Gherdëina. Y da coche n à audì iesi nce for bënului dala jënt de Ischgl nstëssa, per si bona ueia che i se tol pea. N possa belau dì che i dis che i ie a Ischgl ie i nosc de Gherdëina i superstars. Drët butà ti àla a Ivo Piazza y Reiner Kasslatter, che à venciù l terzo pest. David Lardschneider

Ivan Lardschneider te Europa Drët butà à ultimamënter l’atività criatif-artistica de Ivan Lardschneider de Sëlva. Mostres mpue’ dloncora tla Talia y nce tl’Europa Ert - Te si curriculum possa Ivan Lardschneider de Sëlva, scultëur de 37 ani, b ele mu stré su l a partezipazion pra truepa mostres de prestisc: Bienela de Unieja, la mostra ti ufizies dl’Euregio tla Rue de Pascale a Bruxelles, a Rhode Island (USA), San Gimignano, Roma, Berlin, Paris y SaintPaul de Vence. Do l suzes d’autonn pra la Art Week de Berlin iel stat da udëi doi de si pec, „I am Crying “ und „Thumb Lollipop, pra la Fiera d’Ert de nuvëmber a Budapest. L artista de Sëlva Ivan Lardschneider. Proscimamënter saràl da udëi pra la Art innsbruck dai 21 ai sciche nce misteriëusa. Tl cuntest 24 de fauré. śën nstradà, giata lerch fazions de Coche n possa liejer do tla destravaiamënt che fej medrë cialé prejentazion dl artista, iel “tla opres ca l spetadëur. Iusta nscila arjónjen artistiches de Ivan Lardschneider n cuntat cun ciamps criatifs te chëi da udëi l regorer sutil de n spirt da che la mudazion fina dla realtà ulëi bon che fej damat. La cosses giapa na sëur ncanteda y arleveda. reéles vën lauredes ora te na Sëuraprò dà tl uedl l aspet formel, nmaginazion scëmpla y atraënta, laurà de viers de na sperimentazion

24

www.lauscdiladins.com

per arjonjer i lims dla astrazion y dl dessëni da mutons. L tò su da nuef formes de regres y de strategies de cumposizion nravisedes tla criatività de pitli mutons sciche les giaton te chëles primitives, fej ora na spana de nre s c id a scialdi mpurtanta y tipica t l ’e r t d ’a l didancuei che uel ti dé zeruch ala persona chersciuda y tecnologiseda forzes d’emuzion desmincëdes o jites perdudes. L lëur tecnich de realisazion che va de bujën per fé chësta opres de lën, mostra su n troi che uel mantenì elemënc dla tradizion te n cuntest nuef lià al’atualità.” David Lardschneider

L gran lëur “Ischgl anconta VW”, fat da Ivo Piazza y Reiner Kasslatter.

“L golf nuef bala a Ischgl” de Ivo Piazza y Reiner Kasslatter. (fotos de Ivo Piazza)


Gherdëina

nr. 04 / 25 de jené 2013

A tale from the Decameron, 1916, John William Waterhouse, Lady Lever Art Gallery, Port Sunlight, United Kingdom.

Ophelia, 1889, Private Collection John William Waterhouse.

L artista nglëisc John William Waterhouse Fajan n pitl viac tres l mond dla pitura nglëija dl 19ejim secul, ne pòssen nia destò l uedl dala pitures dl artista nglëisc John William Waterhouse Ert - L’inuzënza y la grazia di personajes, che ie dantaldut ëiles, ie l prim che te vën n mënt. Sun vel’ pitura se semea nce i personajes reprejentei, ma ti cialan plu avisa à uniun d’ëi n’autra esprescion.

Chi fova pa perdrët John William Waterhouse? L artista John William Waterhouse (nasciù ai 6 d’auril 1849 a Roma y mort ai 10 de fauré dl 1917 a Londra) fova de pruvenienza de na familia de moleri y chësc ambient artistich ie stat de mpurtanza fundamentela per si daunì tla streda dl’ert. Canche l ova cin’ ani se ova si familia trasferì a Londra, y mparan la tecniches dla pitura da si pere òvel metù man tl 1870 cun l stude tla Royal Academy. Si prima opres d’ert fova riesc unides metudes ora ti salamënc dla Royal Academy of Arts, tla Royal Society of British Artists, tl Royal Institute of Painters in Water Colours y tla Dudley Gallery. Tl 1895 fòvel unit tëut su coche mëmber dl Royal Institute of Painters in Water Colours. L fova nce stat professëur tla Royal Academy y tla St. John’s Wood Art School. Si opres d’ert dla junëza cun szenes ora dl mond grech y roman, fova nfluenzedes da Lawrence Alma Tadema y da Frederick Leighton, ma cun na majera esprescività y

richëza de culëures.

Si prim cheder “The lady of Shalott”, Cun 25 ani òvel prejentà ala Royal Academy si prim cheder “The lady of Shalott”, realisà te trëi verscions (la prima verscion ie dl 1888), davia che l fova un di motifs che Waterhouse ova l plu gën, nspirà ala poejia dal medemo titul dl poeta nglëisc cunesciù dl’epoca vitoriana Alfred Lord Tennyson. Tres chësta pitura s’ova l artista fat n inuem tl mond dl’ert y la ie stata per desëines la plu prijeda dal publich. L argumënt zentrel ie l’ëila che patësc per amor, te chësc cajo Elaine of Astolat. Tra i sujets che Waterhouse ova l plu gën ie nce l’ëila che tlopa ciofs dan se cunlië cun la mort. Tla pitura iel n liam danter la feminilità y l’ega, che deberieda cun chël dl simbol dl ciof ie tipich dla pitura simbolista y n pert nce dl muvimënt dl „Pre Rafaelism“.

trëicënt y dl catercënt, dal stil di “Nazarens” tudësc, ma nce da artisć dla Renaissance taliana coche Botticelli y Raffael, scebën che i „Pre Rafaelisć“ i refudova bele.

Realism Academich Waterhouse ie n reprejentant dl "Akademischer Realismus", l Realism Academich, ma nce dla grupa di „Pre Rafaelisć“. Do che l se ova maridà cun Esther Kenworthy, ova l artista giapà for plu y plu la

mpulseda de se dé ju cun argumënc de carater leterer, cun n stil persunel de viers dl fantastich y cun na nota romantica. Waterhouse fova scialdi cunesciù canche l fova mo n vita, ma do si mort iel unì desmincià y permò revalutà ala fin dl XX secul, canche l’ert vitoriana à giapà n prestige de gran valuta.

La minonga di esperc Ma cie dij pa perdrët i esperc d’ert n con’ dl’arpejon artistica dl artista nglëisc? Aldò dl articul de Julia Voss tla “Frankfurter Allgemeinen Zeitung” di 23 de lugio dl 2009 iel minonghes scialdi

desferëntes, che va dala laudes ora dla set mesures a iudizies negatifs. Vel’ un desbuta che i personajes di chedri de Waterhouse ne fej nia pert dl mond onirich (di sëmies), ma nce no de n mond reél. D’autri fova faszinei dal’idea che l artista viv te n si mond. Ma te un n pont iesi dla medema minonga, che l artista ie stat bon de crië n mond che ne n’ie nia frut de si fantajia, ma che ne n’ie nce no reél. Si penel ti ova suflà ite la vita a stries y personajes dla fabules. Si bravura fova propi chëla de ti dé n aspet reél ala figures ireéles. Ulrica Perathoner

Pre Rafaelism L ie da lecurdé che i „Pre Rafaelisć“ fova na grupa de moleri che ie unida su tla mesaria dl 19ejim secul tla Nghiltiera. Tlo ova pona metù man l stil cunesciù a chël che i ti ova pona dat l inuem “Pre Rafaelism” y che ova nflusc dantaldut dai moleri dla Talia dl

Lamia, 1905, John William Waterhouse, Private Collection.

Saint Cecilia’s death, John William Waterhouse, 1895, The Montreal Museum of Fine Arts.

The lady of Shallott, 1888, Tate Gallery London.

Hylas and the Nymphs, John William Waterhouse, 1896. www.lauscdiladins.com

25


Souramont

Redadoura Katia Pizzinini lunesc y mertesc a Badia, tel. 0471 839800, mercui a Cortina d’Anpezo, tel. 0436 868615 juebia a Col de Santa Lùzia, tel. 0437 720609 - katia.usc@rolmail.net

nr. 04 / 25 de jené 2013

Da Ampez sostegn per l ospedal de Sanciana En prigo les repartizions de ginecologia, aiut al sté de pert y pediatria. L grup “Pro ospedal” informeia y sensibiliseia y da Ampez rùvel l sostegn dl’ULdA Ampez – “I son dassen liés a nost ospedal!” Enscì met man la letera daverta che l grup “Pro ospedal de Sanciana” à mané, bele de november dl 2012, a la Jonta Provinziala da Bulsan y a la Azienda Sanitara dl Südtirol. La batalia per che i servisc sanitars pités dal ospedal de Sanciana vegnes garantis inant se desfira oramai da doi agn encà. Al fova l 2010 can che la Jonta provinziala südtiroleisa metova da jì la reforma clinica con l fin de “garantì la cualité dl servisc, la gestion aldò di standards internazionai y l conteniment di cosć, zenza penalisé degun di set ospedai dl Südtirol.” Chestes fova les impermetudes. Ma la poura che la reforma ais sciche conseguenza la scluta di ospedai de periferia é. La politica locala, i zitadins y i dependenc dl ospedal de Sanciana i va perchel do con gran atenzion a cie che sozed con si ospedal. A risćé é dantaldut les repartizions de ginecologia, aiut al sté de pert y pediatria. Bele dl 2010 ova l grup “Pro ospedal de Sanciana” metù man de cueie adum firmes tres na iniziativa ampla, al de fora de posizions politiches, y nen n’ova abiné ben 15.468. Laprò fòvel ence vegnù organisé na manifestazion a chela che al ova tout pert passa 3.000 persones y chest desmostra la gran valuta che l ospedal à per i abitanc dl’Auta Val de Puster y nia mé. Firmes fòvel ence vengnù cueiù adum – sun iniziativa privata - via en Ampez. Chilò nen fòvel ruvé adum za. 1.000. Ence i ladins,

“I ampezans mess vegnì informés sun na chestion che i reverda da damprò”, enscì la presidenta dl’ULdA Elsa Zardini.

y en particolar la Union Generela di Ladins dla Dolomites, ova en chela outa declaré l sostegn al ospedal de Sanciana, a garanzia di servisc sanitars. La Generela sostigniva la volonté popolara, conscideran l ospedal da Sanciana n pont de referiment nezesciar nia demé per i ampezans, ma ence per i ladins dla Val Badia.

La batalia va inant La batalia per mantegnì chel ospedal tant manacé dai tais de Govern y de Provinzia va inant. La situazion cruzia duta la popolazion, dantaldut les families. Zertificazions emportantes à l ospedal de Sanciana podù pié do ti ultims agn. Dl 2010 él vegnù nominé strutura che “met averda a la sanité dles eles” y dl 2011 àl ciapé la

zertificazion da la organisazion mondiala per la sanité/UNICEF sciche “Ospedal compagn di tosac”. Zertificazions che reprejenteia garanzies per n servisc de cualité, a chela che la jent ne vuel nia renunzié. Ai 10 de jené à perchel la Katholische Frauenbewegung (moviment dles eles catoliches) y la Bäuerinnenorganisation (organisaziun dles bacanes) da Sanciana invié via n referat dal titul “Nos eles rejonon soura nost ospedal. Al nes reverda duc canc!”. A la enconteda à ence tout pert l primar de medejina, dot. Gottfried Kühbacher y l responsabel atual dla repartizion de ginecologia, dot. Cristiano Mazzi, che à conté dla situazion de precariat che l ospedal viv te chest moment.

Na letera daverta per sensibilisé L grup de iniziativa “Pro Ospedal Sanciana” ova mané fora na letera daverta a la Jonta Provinziala da Bulsan y a la Azienda Sanitara dl Südtirol bele de november. Chesta letera é sen ence vegnuda maneda fora a la popolazion, tres na azion che vuel informé y sensibilisé i zitadins dl’Auta Val De Puster, ma ence i abitanc di comuns vejins. Informé y sensibilisé é ence l fin dla azion con placac y slogans che l grup “Pro ospedal” à fat pié via de dezember dl ann passé y che se desfira fora per jené. „Ospedal da Sanciana tl prigo? SEN manàcel la scluta! Volonse cialé pro zenza fé nia?” o “Tan véla pa nosta

Concors metù da jì da La Usc di Ladins. Manéde vostes fotografies a la miscion e-mail katia.usc@rolmail.net o per posta a la misciun: Redazion “La Usc di Ladins”, Self dei Ladins c/o ex Hotel Dolomiti, 32020 Fodom/Livinallongo (BL). Les fotos vegnirà ence publichedes sun la plata de Facebook “L sonn fodom tla Usc” olà che duc podarà dé ju si aprijament. Chisc vegnirà touc en consciderazion da la giuria per la valutazion finala.

"Luna sun l Boè." Retrat fat da La Pliè da Fodom da Claudia Gandolfi.

26

www.lauscdiladins.com

L ospedal de Sanciana manacia la scluta.

Autonomia? Da Roma: 14 leć sun 53 mess demez! Co nes deida pa la politica regionala?” é ma n valgugn di slogans che vegn dés fora dal grup per la salvaverda dl ospedal.

L’ULdA vuel informé A la azion de sensibilisazion tol pert ence l’ULdA, la Union di Ladis de Anpezo, che à partì fora ai zitadins da Cortina la letera daverta en ocajion dla campagna de tesserament per l ann nuef. “L’ULdA é na assoziazion culturala y ne tol nia posizion sun chesta chestion, ma i on volù dé fora chisc jolantins per informé y sensibilisé

i ampezans sun na problematica che i reverda damprò”, nes dij la presidenta dl’ULdA y dla Union Generela di Ladins, Elsa Zardini. Truepes é les persones de Cortina, ma ence dl Comelico y dl Ciadoura, che benefizieia dles prestazions sanitares dl ospedal, che é nasciudes y che vuel fé nasce si tosac a Sanciana. “Da semper va i ampezans per vigne sort de prestazion sanitara plu gen a Sanciana che a La Pliè de Ciadoura. Al é donca fondamental per Ampez che i servisc dl ospedal vegnes garantis inant, y al é perchel nezesciar che i zitadins sais cie che al sozed y che ai vegnes informés”, dij Zardini. (kp)

Na Messa per Sant Ujöp Da trei agn encà, l 29 de jené, végnel festejé ence t’Ampez Sant Ujöp Freinademetz, prum sant ladin, sant de duc i ladins Ampez – L 29 de jené tòmel la festa de Sant Ujöp Freinademetz, l miscionar de Badia che fova jù tla Cina per porté fora per l mond la fede cristiana. Bele dl 1808, can che al fova ruvé tla valeda la burta notizia de sia mort, vegnìvel dit che al fova mort n sant. Tratant les does veres y dedò él trueps che à metù man dl prié, de damané si aiut y sia protezion. Dl 1936 metova man tla Cina l prozes per sia beatificazion, l ann dapò ence a Steyl (Olanda), senta de sia Ciasa Miscionara y a Persenon. Dl 2003 él vegnù declaré sant dal Papa Jan Paul II. Pater Freinademetz é enscì l prum sant ladin, na figura straordinara che é jù dantfora con l bon ejempl y che é per duc i ladins n motif emplù de unité y de sens de apartenenza. L sant vegn festejé l 29 de jené. La cuera d’Ampez recorda Sant Ujöp bele da trei agn encà con na Santa Messa, che sarà en chest ann da les 18.30 tla gliejia de San Filip y San Iaco. Na messa dret sentida dala comunité ampezana, a chela che al tol pert ence dutes les autorités dl paisc. (kp)

La statua de Sant Ujöp tla gliejia de San Filip y San Iaco, realiseda tres la donazion lasceda da Don Luigi Faoro, enlaouta capelan de Ampez, gran devot dl Sant da Oies.


nr. 04 / 25 de jené 2013

Coordinazion: Lorenzo Soratroi Redazion: Sèlf dei Ladins c/o ex Hotel Dolomiti, 32020 Livinallongo (BL) Tel. e Fax 0436/7451 - e-mail: soratroi.lorenzo@alice.it

Fodom

Fondo Brancher. Forsci l’e la outa bona Ma l acordo coi comuns che a ricors l é ste firmé demè per la poura che l Stato se tegnei scioldi. Ambigua la pojizion de Cortina. “La vòl ste co nen pé da na pèrt e un da chël’autra” disc Ruaz Fondo Brancher - Forsci che l é la outa bona che se sbloca i scioldi del “Fondo Brancher.” Ntánt che scrivon, i capicomuns dei comuns de confin i é binei a Verona ulache i assa da firmé l acordo definitif con chi set comuns che ava prejenté ricors e con chëst bloché su dut. N acordo che no plèsc a duc, “ma a la trè nnavánt l eva l risćio che l Stato se tegne duc i scioldi” disc l Capocomun Ugo Ruaz. E nte sta cuestion fèsc pensé la pojizion ambigua de Cortina. I dis passèi i comuns de confin i a aprové na delibera co na bozza del acordo che l’é struturada sun doi ponc. Da na pert se ridefinisc l peis del puntegio discrezional che podëva mëte l Odi ( l organism che a da valuté i progec prejentei dai comuns ). Se trata de diesc ponc, che dal secondo bándo i vignissa assegnei autramente: trei i restëssa

a discrezion e i autri set i vignissa dourei per daidé, co nen sistema perecuatif, chi comuns che no n a ciapé nia ntei autri bándi. Da l’autra pert se azeta, co na sort de acordo ntra galantoms, che i comuns che a bele ciapé finanziamenc de plu de 3 milioni de euro, l ann davò i no prejenté progec per i finanziamenc de pruma fascia, chi plu ric, ma demè per progec fin a 800 mile euro. A chësta moda, drio i conc, ntei prums cater agn, duc i comuns de confin i assa da ciapé velch. Chëst assa da convinze i set comuns che prejenté i ricorsc a i retrè e forsci, Bolsán a mëte i 40 milioni che máncia. Come duc i acordi , se trata de na mediazion che scontenta ncin duc. E l’imprescon, a lieje la delibera, l’é ence che i set comuns che a fat ricors, i abe podù ricaté chi autri tánt che ntei agn che ven

i se segurarà na bona fëta dei finanziamenc. E chëst senza che abe gran peis l “valour” del proget e la corispondeza ai criters del Fondo. Che l eva chi de cree svilup e sinergie ntra i comuns decà e delà, chi de le provinzie autonome e chi de le provinzie a statut normal. Come di che un podarà se fè finanzié cichemei. Na soluzion deldut a la taliana. “On mossù azeté a mèlincuor chëst acordo – spiega Ruaz – ma l eva grana la poura che, se no se sblochëva l dut, l Stato l se tegne chi scioldi. L acordo l é per l terzo bándo, chël del 2013. I prums doi, chi del 2011 e 2012 che i é bele stei finanziei, no se i toca plu. Chëst l onve metù ciaro bele davántfora che no se podëva plu mëte n dubio progec bele aprovei e finanziei.” No s’asselo podù se mponté, bate i pugn sun taula, lascé che vade nnavánt i ricorsc e vedei ci che suzede ? “I ne l a sconsié

siebelo Brancher che l Odi – spiega ncora Ruaz. “Fin che l tribunal no se pronunziáva l Odi no l assa podù de fòra i scioldi dei progec bele finanziei e come dit l eva l risćio che l Stato se tegne i scioldi. Ma l acordo l valarà per l 2013. Po dal 2014 l é dut da vedei, ence perciéche d’aisciuda l é le elezion n Provinzia de Trënt e Bolsán e vedaron se i mët ncora i scioldi.” A la vedei coscita l’é ben na barzeleta. I scioldi i ava da ester per i comuns de confin. Po nten colp l é ste trat ite chi damprò. Ades nvalgugn comuns i po’ bloché su dut. Ma nlouta ci siervelo mëte su tánt de comiscion ( l Odi ) se po’ chichemèi po mëte dut n discuscion ? “Defati. Vèlch da de tel no l ava da suzede. No à da ester che n ent pòbe fermé dut. L è na comiscion che valuteia e se un no merita no merita. Sedenò ci bándo elo ? L é come se nos no ciaponse

n finanziament da la Region e podonse fè n ricors. Ence perciéche se sa che l é ste prejenté progec che no valëva nia. Valgugn a finamèi prejenté demè na dománda. E pensé che l eva ste dit che chi che ava n proget esecutif i ava plu poscibilité.” Durnwalder s’à tres batù perciéche i scioldi de Bolsán i vade demè ai “suoi” comuns confinánc. No fosselo ste dal sostignì deplù? Nveze l capocomun de Cortina no l a fat auter che critiché Durnwalder per chësta sua pojizion e l s’à fat n cater perciéche i scioldi i rue ncin a duc. Na pojizion plutost ambigua. “Si – disc ncora Ruaz. “A suo temp onve mané na lëtra duc auna per sostignì chësta pojizion. Ma Franceschi l é ste l sol che no l’a firmada. Me per che Cortina la voie ste co nen pe da na pert e un da chël’autra. E coscita l’é ence per l referendum.” (ls)

Stagion dai schi: sodisfazion ence se l senn l é n mánco

Siech per cënt i pasagi mánco de la stagion 2010 – 2011. Ma l Nadel l é ju meio

Na veduda del Arabba Superpark.

Sit Boè n bona salute ence se l é la criji Bilánz n atif ntel 2012. E sto ann via libera al nuof rifugio Burz Turismo - Sebénche la criji la morde daperdut, la Sit Boé, la sozieté parona dei lifc su per Burz e Bec de Roces l’é n bona salute. Chëst chël che l é vignù fora da la sentada general dei sozi che l’é stada fata l 2 de dizembre. Nte la riunion l é confronté l bilánz del 2012 con chi dei ultimi agn e da chëst s’à vedù che no l é tropa diferenza. L cont l resta tres n atif ence se n general s’à registré n 11% n mánco de pasagi. Demè la segiovia de Le Pale l’a vedù crësce l numer de chi che l’à dourada, chëst grazie de segur al nuof Arabba Superpark che l é ste giourì e inauguré per l prum ann n l ann passé. Na scomenciadiva

piada via souradut dai jovegn sozi, con a cé Diego De Battista, fiol del prescident Ugo. I sozi i podarà ester contenc spò sto ann, cánche i se spartirà fòra i dividendi sul 15% del vadagn de la sozieté. Très aprezé ence l intervent del sozio Carlo Nicolodi da Bolsán, che l ten na menuda e analiji dei pasagi e dei incremenc. Nicolodi l é ence consiadou per i laour che la sozieté l’a n program de fè per i agn che ven. Ntra chisc l nuof rifugio “Burz”. I laour i é n faje de programazion e se perveiga de podei scomencé d’aisciuda de sto ann, l a seguré l prescident Ugo De Battista. La sozieté l’é drio a valuté la meio

ofierta da pert de le ditte. Se descor defati den investiment de 2 milioni de euro. Très l prescident De Battista, che l à dintourn consiadous competenc, l à bu parole de ncoragiament e de lauda per i dipendenc e chi che i é sta damprò. Grana la sua sodisfazion per ester rué a curì l 100% de le piste gestide da la sozieté co l innevament artifizial. Scontada spò l’aprovazion da pert dei sozi del bilánz e del program per mëte a jì i laour pervedus ntei agn che ven. Ence da la relazion del colegio sindacal l évignù fora che la sozieté la va polito e la po cialé con serenité al davignì. (goffredodander@hotmail.it)

Turismo - Nadèl de òr, ma fin ades l numer dei pasagi l resta co l senn mánco dedavánt. Temp de fè chelche bilánz de la stagion da d’inviern per i lifc de Rèba. “Le feste da Nadèl i é jude meio de davánt doi agn, che l’é la stagion de riferiment percièche chëla da l ann passé l’eva juda mèl deldut – i lascia a savei dal ufize skipass. “Ma da cánche l’é scomenciada la stagion, son sot del 6%. Che no n é mèl.” Rèba se sa la vif dei pasagi de la jent da le val del Sela e spò puoch nfluisc i skipass venus n val. Ma ence chisc confermeia sta situazion: 12% mplù chi venus respét a la stagion 2010 – 2011, 4% n mánco respet al ann davánt.” Trop a volù di la nei che l’é vignuda davánt S. Ambrogio. “L’é chëla che nfluenzeia duta la stagion – i disc ncora dal ufize de Rèba. “Sto ann s’à podù giourì bele l prum de dizembre sun Ciaulonch, E da S. Ambrogio l eva dut dalviert. No l é setemane ulache se laora trop, ma i é n’assicurazion per duta la stagion. Se te gioure vèlch te vegne nominé sui media e la jent la sa che se po’ jì coi schi. Te pòs fè duta la reclam che

te vòs, ma nia joa deplù che a la televijion i dighe: gran nevásta su le Dolomiti. Per parados, per l scior l é n inzentif plu gran a dezide de vignì coi sentì di che nte chësta o chëla localité l é le strade sarade per nei. Chëst l lo liec come la conferma che l é nei.” Da Nadèl nte dute le localité de le Dolomiti s’à vedù n gran bordel, tropa jent coche no suzedëva da chelche ann. La criji la nsomiëva dalonc, come se la fossa nten auter paisc. Ma se sai conc se i fèsc a la fin de la stagion. Che a de na mán l é ste de segur l bel temp. I sciori i a podù ji coi schi ogni di e se giaude giornade bele e per nia freide. L ideal. “Ste ultime doi setemane de burt temp nveze se po’ valuté che i abe volù di per n 1% de chël siech che on perdù fin ades.” Ence l freit l a de na bona mán. I canons i a podù sbaré di e not per nvalgune setemane. Ence iega n’eva assè. Cotánt elo ste spenù de chëst viers ? “Nte la media de le autre stagion. N l ann passé nveze on sbaré deplù e spò spenù deplù, ence per le protezion e decontra ncassé demánco.” (ls)

Ruaz: ”Très njignei a daidé l mujeo” “Ma Deltedesco l à da prejenté progec concrec" “Ma figuronse se l Comun l a problemi a mëte n contribut de 120 euro per l mujeo.” N Capocomun ncin sceché l respon al consiadou Leandro Grones, che nte na lëtra manada n Comun e su La Usc l cusáva l’aministrazion de no avei conzedù chëst pico aiut al mujeo per stampé placac co i orari de giourida. N fat chëst che assa porté a le dimiscion del curadou e fondadou de la strutura

Franco Deltedesco. “Duc capisc che no n é poscibile che l Comun no l abe sti doi scioldi per stampé n per de placac” disc Ruaz. “E se i no fossa i metësse de mia fonda. Ma Deltedesco l mossa mparé a prejenté al Comun progec concrec. Plu oute l m’a dit a ousc fossa da fè chëst, fossa da fè chël. Ma nos on debujen de avei nte la mán na dománda formal, co na lista dei laour che l é da fè. No basta demè a

ousc. Chël che on ciafié l on tres fat. cánche l é ste debujen de monté l parei ntel self bas ite per departì l self de la bánda da ulache l é ite la ciauna del artist Andreas Crepaz.” D’isté via Deltedesco l ava anunzié sue dimiscion co na lëtra su Le Nuove del Paisc. L scrivëva che l eva stuf e che l eva ora che ciape ite n auter. Nte la lëtra de Grones nsomeia nveze che l se l’abe touta su per l contribut che

no i é ste conzedù. Ma co stala la situazion? Alo mané le dimiscion ufiziai ? O, coche mpèr da chël che l i’a confidé a Grones, evelo na moda per avei atenzion? “No, la lëtra l’é ruada nte Comun e nte chësta l disc che l é stuf e che fossa ora che ciape ite valgugn de autri. Dël l se lamentáva che l’Aft no i é publicizeia l mujeo e l se l’à touta

su per i laour che on fat ntel Ciastel st’isté. Ma se l vigniva con vèlch de concret i scioldi i metonve ence per l mujeo. Ades l é d’inviern e coche se sa l mujeo no se po’ l giourì perciéche l é massa freit. Ma prëst l clamarè per descore a cater ogli e capì, mprumadedut ci intenzion che l à. Se l é stuf, coche l disc, ciaparon valgugn de autri. O sedenò ci che laour che fossa da fè. (ls) www.lauscdiladins.com

27


Anpezo

Coordinazion: Marco Dibona Moro Redazion: Ciasa de Ra Regoles, 32043 Cortina d’Anpezo (BL) Tel. e Fax 0436/868615 - e-mail: ra.ulda@tin.it

nr. 04 / 25 de jené 2013

Una mare che ra me dia Ra festa par ra Madona de ra Difesa. Da 601 ane, ra śente de Anpezo r’é pi segura. El vescovo Andrich: ra me dà corajo, ra me tien aduna. I frates noe, de i Franzescane. I Scizar co ‘l despiajé inze ‘l cuore Ra comunità de Anpezo r’à vorù, anche par ‘sto an, se ciatà, se strenśe pede a ra Madona, par ra Festa de Voto, ai 19 de jenaro. Chesto an tomaa de un sabeda e se pensaa che fose pi śente, che podea śì a ra portiscion e a ra mesa; inveze in ea de manco, de i anes pasade, fosc parcé che ‘l é ra gares de ra Copa del mondo de schie, su in Tofana, agnó che laora un grun de parsones, de ‘l nosc paes. E ‘pò ‘l é da se recordà che ‘l an pasà, de ‘l 2012, ‘l ea stà tropa pi śente, anche parcé che se contaa siezento ane, da chel 1412, canche ‘l é nasciù ra devozion par ra Madona de ra Difesa. Ma ra festa r’é stada bela isteso. Dares 9.30 inze ra jeja basilica de san Felipo e Iaco; dapò śo par piaza, in portiscion, fin inze ra jeja de ra Madona. Intrà ra autoritàs, el Comun, ra Regoles, outra asociazios, ‘l ea el vescovo da Belun – Feltre monsignor Giuseppe Andrich, che ‘l à dito mesa, aduna con chi outre prees de ra parochia. “Io preo che dute chi de ra vostra comunità i pode ciatà in Maria, e par chesto se fidà de era, una mare, che ra me tien su, che ra me dà corajo, che ra me tien dute aduna” – ‘l à dito el vescovo, ignante de scomenzà ra mesa, a saludà el pioan de Anpezo don Paolo Arnoldo, chi outre prees don Fabiano Del Favero e don Albert Ndayizeye, el priore de i frates Franzescane padre Leone

Ra portiscion de ra śente de Anpezo, par ra piazes e ra strades de ‘l paes, da ra jeja basilica de san Felipo e Iaco fin a ra jeja de ra Madona. Una devozion che và inaante da siezento ane.

Su ‘l altà, inze ra jeja de ra Madona, el vescovo da Belun – Feltre aduna co i prees de Anpezo e el so pioan don Paolo Arnoldo.

Rossato e chi outre frates. “Chesta r’é ra prima ota che saludo el vosc pioan noo, inze ra jeja de ra Madona de ra Difesa – ‘l à śontà el vescovo – e ca saludo anche i frates Franzescane, che i é de alcuante depì, parcé che s’in à śontà pede de outre, i ultime tenpe, con doi relijose noe ruade in Anpezo: un outro frate Leone e frate Fiorenzo, a se śontà a ‘l priore

Union de i Ladis de Anpezo. Ra comunità intiera de Anpezo r’à vorù dì che ra crede ancora a ra Madona de ra Difesa, cemodo che à fato i nostre vece, par siezento ane. Intrà duta cher’outra śente, ra Conpagnia de i Scizar de Anpezo, co ‘l despiajé inze ‘l cuore, parcé che manciaa, intrà de lore, Egidio Menardi Diornista, co ra so mondura. Dapò de ra mesa, dute

e a frate Gabriele. Che ra vita consacrada ra pode portà aria noa, inze ‘l segn de San Franzesco”. Chesto an no n’é stà fato ra robes in gran, cemodo che ‘l ea stà de ‘l 2012, par i siezento ane da chel 1412, canche duto ‘l é scomenzà. Par un an intiero ‘l é stà fato portiscios, mostres, festes, conzerte, conferenzes, ‘l é stà stanpà chel gran bel libro, da ra

s’à ciatà de fora, su ‘l sagrà de ra jeja, par se bee un goto, se magnà ‘na sona de brazolà dolze, fei cuatro ciacoles, stà aduna. “L é un gran valor, par ra comunità de chesto paes, sentì senpre depì ra festa de ra Madona, e se fidà de Maria, par defende, par precurà el paes e ra nostra śente” – el me disc dinultima padre Leone (Mdm)

Ra Fregores Alcuanta noes in curto, da ‘l paes e da fora Par san Freinademetz Ra parochia de Anpezo ra recorda san Ujop Freinademetz. Martes ai 29 de jenaro, dares 18.30 da dasera, inze ra basilica de i sante Felipo e Iaco, el pioan don Paolo Arnoldo el dijarà mesa par el. Fora de jeja, alolo dapò mesa, se podarà se bee algo de cioudo, se ciatà dute aduna, daante a ‘l bacuchè de len, inze piaza. Ai 5 de otobre de ‘l 2003, a Roma, vegnia fato el prin santo ladin Giuseppe Freinademetz e trope Ladis, anche anpezane, i aea vorù ese, inze piaza san Piero, daante a ra basilica de ‘l Vaticano, canche el papa Joani Poulo II el ‘l à fato santo. Nasciù ai 15 de aprile 1852 a Ojes, in Val Badia, Ujop Freinademetz ‘l à studià dinprin inze ‘l seminario de Parsenon e ‘pò in Olanda, par deentà miscionario, parcè che ‘l aea sentù de ese ciamà, par chesto. D’ousciuda de ‘l 1879 ‘l é moesc par ra Cina, da agnó che el no n’é pi tornà, agnó che ‘l é morto, 28 de jenaro de ‘l 1908, marà de tifo. Canche ‘l é ruà ra noa, inze ra so tèra, calchedun el dijea beleche santo. Trope ladis, in tenpo de guera, i preaa el so gnon, par ese

28

www.lauscdiladins.com

diade. El prozeso, par el fei deentà santo, ‘l é scomenzà in Cina, de ‘l 1936, e ‘l an dapò a Parsenon e a Steyl, agnó che ‘l aea studià, in Olanda. Ancuoi, ra festa par el santo, inze ra zinche vales ladines che es se ciata aduna, in memoria de r’Austria, ra toma ai 29 de jenaro de ogni an. Inze ra jeja de Anpezo, ‘l é doa statues de len, par el recordà.

In vijita a ra Madona De ra festa che Anpezo ‘l à fato, anche par ‘sto an, par ra festa de voto, de ra Madona de ra Difesa, podé lieśe e vede algo depì, ca pede. Con chesta poca righes se vó inveze recordà che sabeda che vien, ai 2 de febraro, ‘l é danoo una vijita, de chera ogades da ‘l profesor Paolo Giacomel, inze chera jeja, voruda da ra devozion de ra nostra śente, sa siezento ane. Par in saé algo depì, par scotà de r’arte, de ra storia, de ra fede de i nostre vece, se se ciata da dasera, dares 20.45, inze jeja.

Ce bel, ce bee Un burto vede, chel di de ra gara de Copa de ‘l mondo de schie de ra femenes, de ‘l sabeda, su a Rumerlo: inveze de fei festa, par el

sport, de vardà ra atletes, de tegnì par una, o par cher’outra, alcuante śoen i é śude su con chera de bee, de se inciocà. Alcuante i s’à portà ra bozes da ciaśa, inze ‘l rucsoc, e i à tacà a beuzà, a parà śo, ancora da bonora, ignante meśodì, coscita i à fato presto, a se tirà zinberle, con duto chel che vien drio. Fesc pensà sora, a vede chiste śoen che i no sà stà aduna, i no sà se ra pasà, intrà de lore, se i no bee, da se reduje zibioche. E fesc pensà sora, a vede, a lieśe, a scotà, che ci che parecia chesta festes i mostra a i śoen, pi che see, el bee. Somea che no sone boi de i sporśe nuia de outro, a ‘ste tośate.

Tendei a ra laines Cisà ce che ‘l é da fei, da scrie, da dì, parcé che ra parsones es capisce che el gnee el te copa, se no t’as rispeto. In ciou de poche dis, ‘l é stà doi morte, pede de nośoutre: de ‘l martes, intrà Cadore e Carnia, su par Casera Razzo, de ‘l martes in Fodom, su par Porta Vescovo. El prin ‘l ea un òn de el cadore, co i schie co ra peles, con alcuante amighe; chel outro ‘l ea un śoen foresto, un todesco, co ra brea. Dute ‘ste dis, chi de Araba, de el Centro par ra laines de ra

Rejon Veneto, i no fesc outro che scrie fora, de i tende, de no sì, de stà agnó che el gnee ‘l é petà, su ra pistes. Nuia da fei: ‘l é senpre calchedun che pensa de ese pi brao, pi svelto, pi furbo: “A mi no me pó suzede!” E inveze pó suzede a dute.

no n’ea ra machines de ancuoi. Algo de bel, ma ‘l é da aé janbes e fiado, parcé che se fesc tropa pi fadia. Ma vosto bete!

Vertigine Bianca

A chel projeto i à betù gnon Arcade: i studia drio machines, da podè dorà inze ‘l spazio, par fei oujorà aeree e satelites. I é de sete, i studentes de el Centro interdipartimentale studi e attività spaziali de ra Università de Padova, con un so profesor. Par lourà meo, i à abù da vegnì casù, co ‘l fiedo, chel medemo fiedo che se ciata fora da r’atmosfera de ra Tera, agnó che i à da ruà, co ra so machines. Coscita i s’à pensà de el Centro studi dell’ambiente alpino, che r’università r’à fora a San Vido, da trope anes. Intrà de lore ‘l é anche Lorenzo Olivieri, un śoen de Anpezo, che el studia a Padova, ‘l é drio a fei el dotorato de meśures mecaniches par r’inśegneria e el spazio. Un de chi tośate che à da lascià el so paes, par studià, par lourà, ma che i resta leade a chesta crodes e che i à acaro de tornà, ogni ota che i pó.

El gnon ‘l é un de i pi biei che se pode i bete, par ‘na pista da schie, e el recorda finamai el film, chel che ‘l é stà fato de ‘l 1956, par ra VII Olinpiades, in Anpezo. Dute i ra conosce, chi che và a se montà co i schie: r’é in Tofana, ra vien śo dreta, erta, sote el rifujo Duca d’Aosta, intrà duta ches’outra pistes: ra Stratofana, o Olimpia, a man zanca, i Labirinti, inze meso, e el Canalon, a man dreta, sote ra croda. Ra sozietà Ista, che ra fesc śì chi inpiante, ra s’à pensà de tornà a ‘l vecio, par fei algo de noo. Coscita chera pista Vertigine Bianca i ra lascia cemodo che ‘s ea dutes, una ota, senza petà el gnee co ra machines, el tirà duto gario, un tapeo, cemodo che se fesc ancuoi. Chera pista ra resta coscita, cemodo che vien, canche gneeghea, co ra so bela redolezes, co i soute, ra upes. Algo de bel, par ci che à inparà a se montà ‘na ota, canche

Co ‘l fiedo, par studià meo


Anpezo

nr. 04 / 25 de jené 2013

El recordo de Kristian Ce un gran susuro, i dis pasade, par Christof Innerhofer, che ‘l à vento ra discesa de Wengen. E calchedun s’à pensà de el nosc Broco, che el resta el pi svelto de dute S’i vede su par ra paré, tacade fora, i schie de Kristian Ghedina, inze ra pizeria de so babo Giorgio Broco; ‘l é chi che ‘l aea canche ‘l à vento a Wengen, ai 18 de jenaro de ‘l 1997, canche ‘l à corésc a Wengen, in Svizera. Su chera pista, sabeda ai 19 de jenaro, ‘l à vento Christof Innerhofer, un outro talian, sedesc ane dapò. “Io see là, su ‘l traguardo, da alenator de Ivica Kostelic, e ei vedù ra gara. No saee gnanche che ‘l ea pasà tante ane, da canche ‘l aea vento un talian; cardee che, i anes pasade, fose stà Fill o Hell a venze. Inveze no: see stà io, ‘l ultimo, de ‘l 1997”. Ghedo ‘l à vento doa otes, a Wengen: ra prima r’ea ai 20 de jenaro de ‘l 1995. Dapò, de ‘l 1997, ‘l à fato el meo tenpo, su chera pista, par chera gara, ra pi longa de duta ra Copa de el mondo: 2’24”23. Alolo pasà el traguardo, el s’aea voltà, par vardà el tenpo, e ‘l ea tomà, el s’aea fato mal a ‘l os de el col. E sabeda 19 ‘l ea danoo là. “Ei acaro che ‘l à vento un talian, danoo. Son śù da Innerhofer e i ei dito che ‘l é stà propio un varente, che el se r’à guadagnada, parcé che ‘l à fato polito, da su in son fin śo da ‘l pe. Se conoscion da anes: el el scomenzaa, canche io lasciae de core. M’ei fato de mereea, a ‘l vede venze a Wengen: no cardee che el podese ese el meo, che di. Ma

r’Italia r’é forte, r’à ‘na bona scuadra, de discesa, con almanco zinche tośate che pó fei polito, par i Mondiali che vien, a Schladming”. Par chi che varda ra gares, in Svizera, sosto restà el Ghedo? “Aì. A Wengen i se recorda polito de ra gares che ei vento, ogni ota

che ruo là; chel di de ra gara, el speaker ‘l à contà de chel me record, a ra śente. Ra parsones es me conosce, es me ciacolea, i me domanda ce segnal che ei ra gucia co ra bandiera de ra Croazia e, canche i respondo che laoro par Kostelic, i se fesc de mereea e i me

domanda parcé che i no me tol co ra Nazionale taliana. italiana. Ei acaro, de chesto, che i sovien de me, de chel che ei fato, de canche ei vento”. Chel tenpo el resta, negun và adora a śì pi svelto de te, da sedesc ane in ca.

“Chel 2’24”23 el restarà, par anes – el me disc Kristian Broco – parcé che ancuoi i à mudà duto. Ra pista i r’à nafré scurtada, el traguardo ‘l é sesanta metre pi in sù, e se podarae pensà de bete demanco. Inveze i fesc ra voltades pi seches, i fesc zancanades, par i schie noe, de ancuoi, e coscita i fesc pi strada: supośò dojento metre depì, e i vien śo manco drete. Coscita i bete depì”. Ancuoi dute parla de Innerhofer, par television, su par ra gaśetes, parcé che ‘l à vento tre gares de Copa. Ce saraelo da dì de te, che t’in as vento dodesc? Fosc propio duto chesto gran parlà, el fesc recordà chel che t’as fato tu. O elo che s’à biśoin de canpioi, de calchedun da craià el so gnon? “A i Mondiali de Garmisch 2011, śa doi ane, el ‘l é stà varente, ‘l à vento tre medaies: un oro, un arśento, un bronśo. Dapò el s’aea pardù, ‘l an pasà, anche parcé che ‘l aea mal de schena. In Italia ‘l ea voia de el vede danoo, se ‘l spetaa. Chesto an el podarà fei danoo polito, a Schladming, par i Mondiali, ca de alcuante dis, e mangare ciapà danoo medaies”. Par te, che te sas: a ce alo da i tende? “Canche te venzes, t’as dute su par sora, i jornalistes i scrie, su par ra gaśetes, ra śente ra lieśe, dute i se speta che te fejes cisacé. Duto chesto el fraca, via par sora, e coscita te ris-ces de fei malamente” (Mdm)

Una bela Copa par Anpezo Doi dis de gares, duto polito, anche co ‘l guergno. A venze ‘l é ra pi varentes, su ‘na pista difizile. El laoro de tropa parsones, par el ben de dute. I conte che no torna, e s’i domanda a ‘l Comun de bete algo pede In pista ‘s à vento r’americana Lindsey Vonn, par ra discesa, e ra todesca Viktoria Rebensburg, par el super G: se sà che su ra Olinpia de ra Tofanes, pi che see, venze cheres pi fortes. Ma podon dì che a venze, anche ‘sto an, ‘l é stà el paes intiero, el gnon de Cortina, che ‘l é ruà par duto el mondo. “Chesta edizion de ra Copa r’é śuda polito, in duto e par duto, anche se el guergno de seguro el no m’à dià” – el me disc, sote el gnee, che no zede, che no lascia de vegnì, da ‘l ziel grijato, Enrico Valle de Morìs, presidente de el comitato che parecia, da ‘l 1993, ra gares de schie de ra femenes; ‘l à acaro de cemodo che r’é śuda chesta edizion 2013, ra numero 21, da canche s’à tacà, de ‘l 1993, indrioman, fin ancuoi. Par dute ‘ste anes, no s’à mai pardù una gara, de cheres che i à dà da parecià, in Anpezo. Polito de ‘l sabeda, ai 19 de jenaro, par ra discesa, sote un bel soroio, su ‘na pista fata polito, netada fora da duto chel gnee che ‘l ea vegnù i dis ignante. Polito domegna 20, anche se ‘l ea cuzà, se vedea poco, el gneegaa. “Beśen i dì che i é stade varentes

Sote el gnee, a Rumerlo, un grun de parsones a vardà ra gares de Copa del Mondo de schie de ra femenes. In Anpezo se spera che, ca de sete ane, i pode ese trope depì, par vardà i Mondiali.

chi che parecia, da ‘l diretor de gara Adolfo Menardi e da ‘l diretor de pista Fernando Nucciotti. Dapò ‘l é da menzà dute chi che laora su ra pista, toco par toco. E ‘pò dute i ome, che no ocore deboto i dì

nuia, parcé che i sà beleche ce che ‘l é da fei, ignante che se parle. Anche par ‘sta ota, s’à lourà polito co ra machines, da bate, co i nostre ome e chi de ra sozietà de inpiante Ista”.

A dì ra soa ‘l é anche Flavio Roda, presidente de ra Federazion taliana de i sport d’inverno, che ‘l é stà in Anpezo, chi dis, e de el presidente de ra Federazion todesca Alfons Hoermann, aduna con duta ra scuadres, ra atletes, i so alenatore. Dute parsuaśe, de chel che ‘l é stà fato, in Anpezo. Se sà, però, che lourà costa. “Aì, ‘l é proprio coscì. Dinprin aon fato i nostre conte e aon pensà de sarà chesta edizion con 115 mile euro de manco, intrà chi che se scode e chi che se spende – el me disc Valle – inveze ‘l é stà da fei laore depì, pi che see co ra machines, da bate pista, e vedaron, co sarà dinultima, ce che s’à spendù. Sarà da i domandà, anche par ‘sto an, a ‘l Comun de Anpezo, de bete alcuante sode, cemodo che ‘l à fato ‘l an pasà”. Con chera che i ea dute in Anpezo, chi dis, s’à parlà anche de Cortina 2019, de el laoro par ciapà i Mondiali de schie, par chel an. Da ca inaante, fin de maśo de ‘l 2014, canche ra Fis ra se ciatarà a Barcelona, in Spagna, beśen lourà dasen.

“Io domando che in Anpezo se laore depì aduna, dute cuante – el me disc Flavio Roda – se s’à chera de ciapà chera gares, de ‘l 2019. Chesta ota, ra cuarta, co ‘l gnon de Cortina se pó pensà che ra vade meo de ches’outra tre otes. Ma beśen ruà a Barcellona con algo sun man, co i projete inviade, mancare con calche laoro beleche scomenzà. I ‘l ei beleche dito, a ‘l capocomun Andrea Franceschi, e i lo digo danoo ‘sta ota. Me somea che algo see drio a se moe. Ma, pi che see, domandarei danoo che dute i laore aduna, pi de chel che ‘l é stà fato ignante. El comitato el no pó restà da ra so banda, fora da ‘l resto de ‘l paes”. Intanto i é drio a lourà par i dis che vien: “Son drio a moe par ra Rusia, a Mosca, par se ciatà co ‘l presidente de ra Federazion de i schie de chel Paes, che ‘l é anche inze el consilio de ra Federazion internazionale; ‘l é un de chi che, de ousciuda de ‘l 2014, a Barcelona, el dijarà agnó che ‘l é da fei i Mondiali 2019. Nośoutre śon là, a ‘l ciatà, con chera de el fei parsuaśo de tegnì par Cortina”. (Mdm) www.lauscdiladins.com

29


Atualité y Letres

nr. 04 / 25 de jené 2013

Hotel Mezdì

Paiamënt tardì tl ćiamp dles relaziuns comerziales Normes nöies cuntra i paiamënć tardis. Novitês y caji spezifics Contrać cun l’aministraziun publica

de Manuela Obojes L’Uniun Europeica à dè dant cun la diretiva 2011/7/UE a düć i stać mëmbri da regolamentè danü les normes tl ćiamp dla combatüda cuntra l’intardiada di paiamënć tl trafich comerzial. Insciö él le govern talian, sön delega dl Parlamënt, che à publiché le decret legislatif 9 novëmber 2012, n. 192, che dà dant la regolamentaziun nöia da respetè por i contrać sotescrić dal 1. de jenà 2013 inant. La cuestiun di tëmps di paiamënć é dër importanta por la efiziënza economica di raporć comerziai y rapresentëia inće n fatur spezifich de competitivité teritoriala. Implü se tratera inće da dè dant regoles por garantì la coretëza ti raporć danter les dites, mo inće danter dites y l’aministraziun publica.

Les novitês Le decret legislatif 192/2012 dà dant mudaziuns al vedl decret n. 231/2002. La regola por paiamënć tardis é che al vëgn aratè n fit che vëgn calcolè dal pröm dé do la scadënza dl terminn por le paiamënt. La lege dà dant le terminn ordinar de paiamënt de 30 dis, da canche an à ciafè la fatura o la domanda de paiamënt, da canche an à ciafè les cosses che an à apostè o dl laûr che an à comanè. Les dites à la poscibilité da se fà fora n ater terminn da paié, che va sura i 30 dis fora. Sce al vëgn fat fora n terminn de paiamënt sura i 60 dis, spo mëss chësta acordanza gnì metüda jö por scrit y ne po nia ester n gran svantaje por le creditur.

30

www.lauscdiladins.com

Ti raporć comerziai olache le debitur é n’aministraziun publica, é le terminn ordinar de paiamënt inće de 30 dis. Les perts po inće fà fora por scrit n terminn plü lunch por le paiamënt, mo nia sura i 60 dis, y ma sce l’arlungiamënt é iustifiché dala natöra particolara o dl oget dl contrat. Por les aministraziuns publiches che à da respetè les normes de trasparënza y por l’ënt publich sanitar él dè dant n terminn de paiamënt ordinar de 60 dis.

Paiamënć a rates Le creditur y le debitur po sambëgn inće concordè la modalité de paiamënt a rates. Te chësc cajo, canche öna dles rates ne vëgn nia paiada le dé che é gnü fat fora, vëgnel aratè i fic y la refata dl dann sön l’import scadü y nia sön döt le debit.

Fić y refata dl dann Spëises por trà ite les ghiranzes
 Le debitur tardì cun le paiamënt dl debit, mëss inće paié le fit sön le capital. Ai paiamënć tardis ti raporć comerziai, tanco ti raporć danter aziëndes, vëgnel apliché le curs de referimënt fissé dal Minister dl Tesur inalzè de 8 punć percentuai, nia plü de 7 desco denant (insciö atualmënter 0,75% +8%). Implü él la lege che dà dant che le debitur mëss ti paié al creditur les spëises soportades por trà ite (incassè) le credit nia paié atira. La reforma nöia dà inće dant che le debitur mëss ti paié al creditur n import forfetar de 40,00€ de refata dl dann por n’avëi nia paié anter le termin stabilì. Sambëgn po le debitur ghiré inće la paiamënt de vigni ater cost che al à albü por gauja dl’intardiada dl debitur. Chësc ô dì che les spëises dl avocat por trà ite i credić mëss gnì rembursades dal debitur. av. dra. Manuela Obojes, Stüde Wörndle & Partner (Balsan - Tlüses - La Ila Eppan)

Dan ades n ann à la grupa “Pro Mont de Sëuc” y Christian Stuflesser venciù l recurs contra l frabicat nuef dl hotel Mezdì, tla mont de Piz sun Mont de Sëuc. I fredesc Sanoner, che ie i patrons dl Hotel, ne uel nia ti la zeder, y damanda riesc de se senté adum, per abiné cër’ cumpromisc, per pudëi mpo mo frabiché. Ëi mpermët de smendré dassënn la cubatura dl hotel y de se tenì sambën ala leges urbanistiches ududes danora (l proiet dat pro dala Provinzia tl 2009 y tumà tl’ega per gauja dl recurs fova de 27.000 metri cubich). L ie da dì che ntant iel unì dat pro ai Sanoner, che ie nce cumëmbri dla sozietà Piz Ag, de slargë l purtoi dl Mezdì, zaran ju l vedl hotel y avan nsci l mesun de l spusté. Te chël raion iel nce udù danora de fé n tunel de cincanta metri lerch, per ti dé l mesun a chëi dai schi de ne messëi nia passé via la streda che ie per la jënt, i auti, ciavei y n.i. Ma l ne n’ie nia l sëul cajo ulache l purtoi passa via la streda, y ala fin fóssel debujën de n fé almanco cater, de de tei tuniei. Union sën a l savëi dl ultimo proiet, bele dat pro dala cumiscion de frabiché dl Chemun de Ciastel, che ie al mumënt ti ufizies cumpetënc dla Provinzia. La mesures dl frabicat dl hotel, sëura tiera, ie sën de ades 10.700 metri

L proiet dl Hotel Mezdì, a man ciancia, y l hotel coche l ie sën, a man drëta.

cubich. Dodesc uties, n megafrabicat zentrel, na nudadoia alalergia, sciaudeda dut l ann y n.i. L proiet ie unì mudà nsci: La gran strutura unissa dancà, la uties dovia. Oradechël unìssel nce spustà la utia y l tublà de Mezdì, che ne n’ie nia di Sanoner y che ne fossa nia debujën, ajache iló ie l purtoi lerch assé. Ala fin resultea dut l proiet nuef, danter hotel y garages per auti, njins dala nëif (canons, giac y n.i. che ie dla Piz Ag) sëura y sot a tiera de ndut 24.000 metri cubich. Son dla minonga che la

mpermetudes dl “Pitl blòt Hotel da mont”, ie na bela tëuta per l c.., ajache l frabicoz sëura tiera à na cubatura majera che dant (la cubatura da sën y plus mo l 10% de bonus per frabicat tlima A). Speron che l amor per nosta natura, la sëula richëza che tira adalerch la jënt tlo da nëus, sibe per trueps n valor da defënder y che la cumiscions per la defendura dla natura ebe mpue’ de sensibltà y che les ne lasce nia pro n tel proiet.

presidënt, ajache ël ne se nfida nia a mëter l mus da coche rate), mi uem y ti dij sce l possa pa jì ora tl local dla Mujiga, per ti dì bel sun l mus che sën ài pa bën giapà n auter dirighënt, y sce l uel pòssel pa bën mpo mo se mëter sun lista, pona nscila n ài doi da crì ora. Tan democraticamënter vëniela metuda a jì tla Mujiga de Sëlva! Sën, Andrea ne à mei dit te na senteda de cunsëi dla Mujiga che l lascia. Y tla storia dla Mujiga de Sëlva ti ultimi cincant’ani (ie son ënghe stata leprò per chindesc ani), ne n’iel mo mei suzedù che n ne possa nia lascé canche n uel. L ie pu na lia liedia, de ulentariat. Co possa pa chisc trëi berbesc se mpermëter de rujené per

duta la Mujiga, canche nëus on tlo da avëi n Kapellmeister che i se nvidieia lonc y lerch? Cun ce legrëza possa pa chësc che vën da oradecà zënza ne savëi de dut cant nia, unì tlo da nëus a tò su na tel ncëria canche l vën a l savëi tan democraticamënter che l ie unì tëut su? Ce respet ti desmostri pa bele l prim di al dirighënt nuef de Sëlva? Se merita pa Andrea do dut chël che l à fat per chësta lia cincant’ani alalongia vel’ da de tel? Sën che la Mujiga de Sëlva sunova tan bel do ani de sacrifizies y ëures y ëures de proa de duc i musiconteri iela sën nscila, per gauja dla democrazia de trëi nvidiëusc, da coche rate. Lidia Mussner, Sëlva

Annemarie Mair, Urtijëi

Mujiga de Sëlva Per l prim iede ulëssi nce ie pudëi scrì te na zaita. L me sà sciot che ne posse nia scrì zeche de bel, ma che muesse scrì zeche de spaventëus che ie suzedù nstadì tla Mujiga de Sëlva. Mi uem ie stat 50 ani pra chësta lia y passa 30 ani coche Kapellmeister, coche nëus dijon. Nosc doi mutons ie ënghe bele plu ani leprò y pra i plu lezitënc. La muta à fat n valgun ani la marcatenterin te chësta lia. Chësc mé per dì che son na famila de mujiga coche pueces te Gherdëina. Una n’ena dan la senteda generela cun la veles, che ie pona stata n dumënia ai 20 de jené de chëst ann, chërda su Bruno presidënt de lita y Leonhard vizedirighënt, (ma nia l

Pruibì rachetes y petardi Ulessan ti fé na gran lauda ai reprejentanc dl Chemun de Urtijëi che à abù l ardimënt de mëter su n regulamënt per pruibì che l vënie lascià jì rachetes y petardi, ma nce l sprizé ncantëur de ciom chimich da carnescià. Chëstes ie cosses che ti fej n gran dann al ambient, mpazieia l’aria y sprigulea nce

dassënn i tieres. Nsci àn bele udù chëst ann che l fova scialdi manco n gran stlupetamënt che no d’autri ani, nce sce trueps ne savova mo nia dla pruibizion. N auter ann pudëssen fé abenëura assé na campania de nfurmazion, mandan ora scric a

duc chëi che fita via seniëures y tacan su placac aldò. Nsci saraà dessegur mesun de smendré mo dassënn chësc problem. L cunsëi dla Lia per Natura y Usanzes - Karl Vinatzer, Inge Perathoner, Engelbert Mauroner, Manuela Piazza, Simon Moroder, Doris Perathoner

Da les zentrales de partis politics

Mozion refodeda L Consei Provinzial à refodé la mozion prejenteda da la Bürgerunion y da Ladins Dolomites, che vedova dantfora l reconosciment dl indenité de trilinguism a duc chei che à l patentin de trilinguism, ence sce ai laora fora dles valades ladines.

L’Assessour de scola y cultura ladina Florian Mussner à lité contra l reconosciment, chest desmostra danuef n iade sia puecia sensibelté per l mond ladin y per chei che impara l ladin, mostran enscì gran enteres per nosta mendranza. Albert Pizzinini, Ladins Dolomites

Sosten a Michil Costa Ladins Dolomites sosten la candidatura de Michil Costa al Senat, tla zircoscrizion est. Michil Costa portarà idees nueves y fresches te Parlament y se darà ju con na dreta politica ladina.

Ladins Dolomites


Sport

nr. 04 / 25 de jené 2013

Partides jughedes bën Nia for ne vàla fata de vëncer, mpo iesen stac per la gran pert cuntënc cun la prestazions dla scuadres che se à danter l auter nce miurà dassënn dal scumenciamënt dl campiunat incà Hockey/Jëuni - I jugadëures plu jëuni dla hockey, chëi dla Under 8, ova n dumënia te Sëlva si turnoi n cësa. L à fat pea la scuadres dl Renon, Bulsan, EV Bulsan y sambën l Gherdëina.

chisc mutons contra la medema scuadra, ma chëst iede n cësa. Tlo se ài fat mo plu saurì a vëncer y ne ti à lascià fé nianca n gol ai averseres. La partida ie jita ora 9:0 per l Gherdëina. I goi per l HCG à fat: Samuel Moroder (3), Damian Bergmeister (2), Peter Mulser (2) y Andreas Vinatzer (2).

L trainadëur dla Under 8, Felix Perathoner, pudova se prejenté al turnoi cun la scuadra che ova l plu jugadëures, bën vintun. Uni scuadra à fat trëi partides da 18 menuc, ferman uni menut y mez l tëmp per mudé ora la linies. Tlo udòven d’uni sort de jugadëures, de tei che ie bele n valgun ani leprò y ie da stamp boni nce sun i jadins, a chëi che à permò scumencià, n valguni tan pitli y jëuni che la malia ti ruvova nchin jai jenodli, ma duc cun na drëta ueia de fé canche la ti tucova a d’ëi y che purvova de abiné ca ch’sta scipa tan prijeda y la tré a vel’ maniera ite te cassa di averseres. A cialé pro fòvel nce na bela tlapeda de genitores che fajova tifo. Do la gran fadia à duc i mutons y la mutans mo giapà n pitl scarnuz cun zeche da maië y da bever!

la partida fineda via cun 5:3 per i averseres. Mpo braviscimi mutons, fajëde inant nscila! Per l Gherdëina à fat i goi: Elena Perathoner, Andrej Kostner y Tommy Delucca.

gol. Per la Under 12 jiràla inant duman sada te Sëlva dala 17.00 contra la scuadra de Bulsan.

U10 Puster - Gherdëina 5:3 (0:0, 2:2, 3:1)

U12 Puster - Gherdëina 3:1 (1:0, 1:1, 1:0)

Drët cuntënt fova l trainadëur Andreas Wanker cun si scuadra dla Under 10 n dumënia ora n Puster, che à fat povester si miëura partida nchinamò. L Gherdëina che ie jit doi iedesc danora, n iede 2:1 y pona 3:2 à desmustrà de ti tenì permez ai pustri, ma la fertuna ne fova nia da si pert, cun n penalty contra l Gherdëina y doi iedesc che i à tucà l pel y la ie pona jita ite, ie

Cun na scuadra jëuna, l n manciova bën cinch di plu vedli, ie i mutons dla Under 12 furnei n sada te Puster a fé contra la scuadra da iló. La scuadra dl Gherdëina à fat na bona partida y la pusciblteies fova zënzauter tlo, purtruep ài falà trëi penalties sun cater y nsci ne ti iela nia jita fata al Gherdëina. La Under 12 à perdù per 1:3. Per l Gherdëina à Tobias Moroder fat l

Per la Under 14 àn spënt la partida contra l Puster, ajache i pustri ne n’ova degun verdiaporta. Dla partida dla Under 14 de n mierculdi ai 23 de jené te Sëlva contra l EV Bozen, scrijerons tla proscima Usc. N dumënia ai 27 de jené saràl pona mo te Sëlva, dala 9.30, n turnoi provinziel di cater raions Under 13, ulache l fajera pea nce sies jugadëures de Gherdëina.

U18 Gherdëina - Puster 2:4 (0:0, 1:0, 1:4)

I mutons dla Under 8 pra l turnoi te Sëlva.

Under 14

U16 Toblach - Gherdëina

3:7 (2:0, 2:2, 3:1) N mierculdi ai 16 de jené ie la scuadra dla Under 16 furneda ora a Toblach per jughé si partida de campiunat contra la scuadra da iló. Da de stleta cundizions, sun dlacia fòvel tan de nëif che n ne udova nia plu la scipa, se à l Gherdëina mpo fat drët saurì vencian per 7:3. Per l Gherdëina à fat i goi: Hannes Kasslatter (2), Samuel Moroder (2), Mike Windegger, Lukas Demetz y Andreas Vinatzer.

U16 Gherdëina - Toblach 9:0 (2:0, 5:0, 2:0) Bele trëi dis do iela jita inant per

Bona partida da pert di mutons dla Under 18 n dumënia ai 20 de jené te Sëlva contra la bona scuadra dl Puster. Si gran mpëni ne n’ie purtruep nia unì premià cun ponc per la tlassifica. Tla partida ora n Puster da d’autonn se ova l Gherdëina mo giapà na drëta salanseda, i ova perdù per 0:8, ma śën se à la Under 18 bëndebò miurà y ti à tenì permez ai pustri per doi tëmps, jan monce danora de n gol, nchin che la forzes à lascià do. Tl terzo tëmp ti àla pona butà ai averseres, che à fat cater goi. Per l Gherdëina à Patrick Kelder fat tramedoi goi.

U20 Gherdëina - Cortina 2:5 (0:1, 2:1, 0:3) Te na fasa nia drë bona ne n’ie al mumënt la scuadra dla Under 20 che à jugà sot a si livel y purtruep perdù contra la scuadra sterscia dl Cortina, ma che cun plu cunvinzion y mpëni fossa dessegur stata da bater. Sciot per chësta partida. Per l Gherdëina à fat i goi: Gabriel Senoner y Aaron Pitschieler. (im)

Atleć de schialpinism en aziun Lois Craffonara y David Frena a dui apuntamënć de Copa Italia Schialpinism - Por i atleć de schialpinism él ”sajun alta”, cun gares tla fin dl’edema y ia por l’edema, tla Talia dl nord y foradecà. L’edema ch’é stada à i atleć de Badiasport tut pert cun de bugn resultać a gares tla Valtellina, tl Comelich y a Urtjëi, y ne s’à nia lascè sprigorè dala nëi pro düć i trëi apuntamënć.

Craffonara pro i top dla ”Pitturina Ski Race” La ”Pitturina”, secunda proa de Copa Italia y pröma tapa dla Copa dles Dolomites, é na gara tla Val

dl Comelich, olache i amaturs de schialpinism se mosöra cun i profescionisć de chësta disciplina. Lois Craffonara s’à posizionè danter i pröms chinesc do i gragn inoms sciöche Eydallin y Reichegger, campiun talian dl ann passè. Al start a Sega Digon (BL) êl indöt 300 atleć che s’à mosoré sön n percurs de18 km y 1700 m de deslivel söpert. Do 4 toć da jì sö, 2 a pé y 4 da jì jö é Eydallin (1:42:44) rové pröm al travert, dan da Holzknecht y Reichegger. Craffonara é tosc dedô rové adalerch cun le 15ejim miù tëmp de 1:55:51. Gloriana Pellissier (2:07:48) é stada la plü asvelta dles ëres. Danter i proscims apuntamënć de Copa Italia él, chësc ann por le pröm iade, inće le Tour de Sas a Badia ai 17 de forà.

David Frena tla Valtellina David Frena tratan la ”Valtellina Orobie”.

Le medemo dé, dal’atra pert dla Talia, plü avisa a Albosaggia (SO) tla Valtellina, à David Frena tut pert ala ”Valtellina Orobie”, do

l’inom dles Alpes Orobies, a n’atra tapa de Copa Italia. Inće chilò à fat i atleć la gara sot ala nëi. David s’à mosoré cun i atleć jogn sön n percurs de 3 km y 750 m de deslivel. Sön 35 partezipanć de süa categoria él rové al nono post cun le tëmp de 47:48. Davide Magnini s’à concuisté le pröm post te 42:38.

Podest por Mike Trebo al ”Moonlight skitour“ En mercui sëra s’à batü i dui atleć de Badiasport Mike Trebo y Martin Kostner cun i atri che ne s’à nia lascè sprigoré dala nëi, pro la 5. ediziun dl ”Moonlight skitour” a Urtijëi. La gara cun n percurs de 4,5 km y 770 m de deslivel é gnüda davagnada dai fredesc Zemmer, cun le pröm che à arjunt le travert te 38:04. Tla medema categoria s’à Martin Kostner concuisté le 14ejim post te 45:50. Mike à fat le terzo miù tëmp de süa categoria, 49:55, do da Alex Oberbacher (44:36) y Janpiere Prugger (48:45). (Badiasport)

Lois Craffonara pro i Top 15 tla ”Pitturina Ski Race”.

Mike Trebo (3. dmc) é gnü terzo te süa categoria pro le ”Moonlight Skitour”. www.lauscdiladins.com

31


Sport

nr. 04 / 25 de jené 2013

L Fascia taca la Relegation No les va tant ben la pruma doi partides de chesta neva fasa del campionat. L Fascia Ferrarini pert contra l Cortina e contra l Milan Hockey – L Val de Fascia Ferrarini taca la Relegation Round con doi burc resultac. Pecià dassen ma l’é ence da dir che la ègues da Fascia en jebia ai 17 se à defenù e les à jià proprio ben contra la schieratoles de Cortina. Duta doi la squadres se à dat batalia fin a l’ùltim e l’é stat n bel spetacol. Tel prum temp l’é l Fascia a esser mior di aversaries e l proa desvalives ataches a la gabia de Levasseur. Con sia solita “fortuna” però l Fascia cogn bele se n jir te deregoladoi mìngol avelì ajache Stanislav Gron del Cortina a doi menuc da la fin de chesta pruma pèrt de partida segna na bela rei. Ma bon, bon, nia l’é amò dezidù e con neva gaissa tel secondo temp l Fascia l ge dèsc ite de bel e te pech temp l segna doi goi un dò l’auter. L prum de O’Marra e l’auter del fascian Michele Marchetti. La partida va inant ben e chel che no fèsc atacanc e defensores l vegn fat dal portier del Fascia, Frank Doyle, che en chela sera l’é stat un di miores sul ciamp. Ma l content ence chiò no l dura trop. Ogne tant no se pel fèr trop e desche tel prum temp, ence tel terzo, a roinèr dut l’é endò na rei de Gron. Rué donca col resultat de 2 a 2 se passa ai tempes suplementères e amò ence ai rigores olache Gron roina amò n’outa la festa al Fascia Ferrarini che l cogn bele se n vegnir da Ampez con n braus te bocia. Pec dis dò i bienc e bruns i é endò verties, enstouta su la giaces de cèsa e contra l Milan. Fin dal scomenz, enceben i tentatives de gol da pèrt de Chelodi, Turon e Margoni, se veit che per l Fascia no l’é sorì se la fèr ca. La partida va inant semper a forza de tentatives, percheche somea dassen che la gabia aversaria la sie strionèda. Trei tempes e trei goi, un per ogne temp e duc per l Milan. L’é chest l resultat che segur no ge fèsc piajer ai fascegn e che destuda semper de più la speranzes de ruèr ai playoff.

L fort portier del Fascia Frank Doyle endèna na parèda. (foto Doriano Brunel)

Aboncont fin a canche la batalia no sarà fenida nesciugn pel saer coche la sarà tinùltima. L Val de Fascia Ferrarini à jià ence ansera contra l Pontebba, en sabeda ai 26 l sarà a Asiago e dapò endò ta Dèlba en mèrtesc ai 29 contra l Cortina. (vr) Cortina vs. Fascia 3 – 2 Fascia vs. Milan 0–3 Classifica dò la 2^ giornèda Master Round Bolzano Renon Valpusteria Alleghe Valpellice

44 ponts 41 ponts 39 ponts 33 ponts 31 ponts

Relegation Round Asiago Milano Cortina Fascia Pontebba

31 ponts 29 ponts 23 ponts 14 ponts 6 ponts

Resultac squadres mendres L’Under 18 à jià en domenia ai 20 de jené contra l’HC Varese e l’à vent per 7 a 2. A segnèr l’é stat

Matteo Camerano, Luca Lauton (2), Marco Marzolini, Matteo Dantone (2) e Damiano Casagranda. L’Under 16 à jià en sabeda ai 19 de jené contra l’HC Perjen e l’à perdù per 2 a 4 con i doi goi de Davide Schiavone e Massimo Zanet. Con chest enconter de sabeda ai 19 se à serà sù la fasa regionèla del Campionat Under 16 olache l Fascia l’é ruà 3° en classifica. Dai 13 de firé tacarà la fasa nazionèla. L’Under 14 à jià en domenia ai 20 contra la SG Cortina e l’à vent per 7 a 3. A segnèr per l Fascia l’é stat Leonardo Felicetti (2), Marco Defrancesco (2), Stephan Deluca, Davide Rasom e Andrea Ploner. L’Under 12 à jià ta Dèlba contra l’HC Fiem en vender ai 18 de jené. L resultat l’é stat de 8 a 3 per i fascegn e a segnèr l’é stat: Gianluca Vukojevic (2), Riccardo Stoffie, Simone Deflorian, Alfeo Deluca, Elia Casagranda, Gioele Rosa (2). L’Under 10, en domenia ai 20 de jené te stadie de la giacia de Tieser l’à tout pèrt al 3° Tornoi a 5 squadres Under 10 anter la formazions de l’HC Cornacci, HC Fiem, HC Piné, HC Perjen e SHC Fascia.

Mauro Dorigatti anter i miores Ence chest an l climber fascian à tout pèrt a la Copa del Mond de dry-tooling. L fin de setemèna passà l’é ruà 20° a Saas-Fee Rampinèda su la giacia – Jà l’an passà aane scrit de el, e ence chest an l fascian Mauro Dorigatti l’à tout pèrt a vèlch tapa de la Copa del Mond de rampinèda su la giacia, amàncol cheles più vejines, olache so lurier ge permet de ruèr apede. L climber da Ciampestrin donca no l’à fat con de manco nience enstouta, e dò se aer alenà via per dut l’an, en vender ai 18 e en sabeda ai 19 de jené l’é stat a Saas-Fee te la Svizra a tor pèrt a la seconda tapa de chest zircuit mondièl de drytooling, la rampinèda su la giacia e sui parees de crepa o faussa crepa. Anter i miores rampinadores del mond e soul de la Tèlia, Mauro

32

www.lauscdiladins.com

Mauro Dorigatti.

Dorigatti l’à passà via la fasa de la calificazions olache l’era 76 atlec. Restà ti miores 27 del mond,

Dorigatti l’à tout pèrt a la semifinèla, olache l’à arjont n super 5° post. Pecià che con na pica l’à tocà la linea rossa che delimitea l spazie olà poder “bater” e coscita l’é stat squalificà e parà endò al 20° piazament. A la finèla, a chela che à tout pèrt demò i miores 8 atlec, à vent l rus Maxim Tomilov. L’é stat ampò na bela garejèda e na bela esperienza per Mauro Dorigatti, che chest fin de setemèna, dai 26 ai 27 de jené, l sarà a Rabenstein tel Südtirol per la soula tapa talièna de la Copa del Mond de Ice Climbing. Maor informazions se pel troèr sul sit www.theuiaa.org (vr)

Fascia sgola en aut su la giacia Bal sui feres - Bogn resultac per atletes e atlec fascegn te la ùltima garejèdes de bal sui feres. En sabeda e domenia ai 12 e 13 de jené l’é stat la gara intersozièla “Ice Cup Vipiteno”, olache ben trei atletes fascènes é ruèdes sul sciaier più aut del podie: Anastasia Costantino Fisichella de l’Ice Skating Club Marmolada é ruada 1^ te la categoria “Tulipani”, Melany Planchensteiner de l’Artistico Ghiaccio de Fascia l’à vent te la categorìa “Primule” e l medemo ezelent resultat l’é stat arjont ence da sia compagna de squadra Azzurra Iori te la categorìa “Propaganda”. Sul podie te chesta categorìa l’é ence Sofi Zulian de l’Ice Skating (2^) e autres atletes l’à falà per pech: Jasmine Soraruf, Martina Marchioni, Beate Iori e Martina Zanoner de l’AGFascia les se à vadagnà dutes l 4° post, respetivamenter te la categorìes Primule, Propaganda, Rose e Viole. Sobito dò, al 5° post, anter le “Viole” tro on Petra B a ster i de l’ISMarmolada e te la categorìa “Margherite” medemo piazament per la compagna de squadra Alessia Marchioni. Te la terza proa Triveneta Free a Alleghe, amò de bela sodesfazions per l’Ice Skating Marmolada, con Doris Bernard che à arjont l 3° post ti EsordientiA, Chiara Rasom ruèda 5^ anter i EsordientiB e Sol Zulian 13^ anter i PrincipiantiA. Per fenir ai 19 e 20 de jené doi l’é stat i apuntamenc agonistics: la terza proa Triveneta a Maran e la se conda intersoz ièla “1° Trofeo  Ghiaccio Smeraldo” a Fondo. A Maran Marco Zulian (13 egn) de l’AGFascia à arjont n beliscim 3° post te la categorìa Cadetti, e de etres piazamenc per la medema

sozietà é rué da Madeleine Vigl (8^ EsordientiA), Micol Testor (4^ EsordientiB), Noemi Testor (16^ Principianti) e Serena Planchensteiner (14^ Cadetti). Ence a Fondo l’AGFascia à concostà n beliscim prum post: l’é chel arjont da Martina Zanoner te la categorìa Viole. Etres podies é rué te Fascia col secondo post de Alessia Marchioni de l’ISMarmolada te la categorìa Margherite e col 3° post de Anastasia Costantino Fisichella, de la medema sozietà, anter i Tulipani. Terzo post ence per Jasmine Soraruf de l’AGFascia, che l’à passà via la compagna de squadra Melany Planchensteiner (4^) te la categorìa Primule, e amò 4° post per Beate Iori, de la medema sozietà, anter le Viole. La doi sozietèdes palesa sia sodesfazion e l develpai a la alenadores che se dèsc jù con pascion e ai sponsor che ge permet de portèr inant chest prezious lurier al ben de noscia joentù. (lg)

Martina Zanoner, pruma a la intersozièla de Fondo, con l’alenadora Caterina Nemela.

Indô Tobias söinsom Schi/jogn - Le cil ê curì, mo la pista compata. Chëstes les condiziuns che atletes y atleć jogn à albü por le slalom strënt invié ia sön le ”Trenkerlift” a Toblach, gara dl cërtl Raiffeisen Grand Prix, varënta por la cualificaziun ala Copa Provinziala GPX. Le plü bel resultat vëgn da Tobias Kastlunger dl ASC Al Plan, che po indô se ralegrè da ester stè le plü asvelt de süa categoria. N bel gran resultat à inće

Emmi Frenademez dl ASC Ladinia.

arjunt Emmi Frenademez dl ASC Ladinia, cun n secundo plazamënt de categoria. (pablo)

Tlassifiches (cun pröms 10 ladins) Scolars 1999-2000: 1) Tobias Kastlunger, ASC Al Plan, 1:45.62; 2) Alexander Burger, ASV TZ Hochpustertal, 1:48.92; 3) Jakob Eder, ASV SK Ahrntal, 1:49.64. Scolares 1999-2000: 1) Nadine Weitlaner, ASV TZ Hochpustertal, 1:50.00; 2) Emmi Frenademez, ASC Ladinia, 1:51.43; 3) Elisa Schranzhofer, ASC Valdaura, 1:52.10; 10) Marika Dorigo, ASC Ladinia, 1:02.13. Jogn 97-98: 1) Matthias Steinmair, 1:37.25; 2) Hugo Mittermair, 1:38.88 (intrami ASC Valdaura); 3) Samuel Moling, 1:39.62; 4) Matteo Canins, 1:40.22; 6) Andrea Pedevilla, 1:41.71 (düć trëi ASC Ladinia). Jones 97-98: 1) Vera Tschurtschenthaler, ASV TZ Hochpustertal, 1:39.99; 2) Julia Mutschlechner, ASC Bornech, 1:46.55; 3) Veronika Weisssteiner, ASV TZ Hochpustertal, 1:48.85; 4) Nora Planatscher, ASC Ladinia, 1:50.36.


Sport

nr. 04 / 25 de jené 2013

Ski Team Fascia sunsom la classifica Trëi podiums En domenia l’é stat endò batalia sui portoes del Trentin, sul Role per i più pìcoi e sul Cermis per arlieves e ragazzi

I pici atleć dla Val Badia s’à comportè bun tl slalom strënt sön la ”Goasleitn” da Steinhaus

Schi - Neif e moza per la garejèdes de domenia ai 20 de jené, ma semper de bela sodesfazions per i atlec de schi de Fascia che da soi o con sia sozietà i à portà a cèsa de bie resultac

Schi/mituns - I jonins che garejëia tl cërtl VSS s’à mosorè en domënia dan otedé te n slalom sön la pista ”Goasleitn” a Steinhaus. La pista ê bela, mo la nëi che tomâ dal cil ê na desfida implü. Impò à i pici atleć dla Val Badia arjunt de bi resultać. Dancà alzunse fora l’arjënt de Alexandra Pezzei dl ASC Ladinia tla categoria dles mitans, l’arjënt de Valentina Tolpeit dl ASC Al Plan tla categoria baby y le brom de Max Castlunger dl ASC Ladinia tla categoria di mituns. Deplü é inće i resultać tles prömes diesc posiziuns, sciöche an po odëi dai tlassamënć. (pablo)

Sul Role Sul Role l Ski Club San Martino sul portoi Fiamme Gialle l’à endrezà l’11° trofeo Fabrizio Cerchio, n slalom lèrch per la categorìes Baby e Cuccioli. Te la classifica de la sozietèdes l Ski Team Fascia à vent con 1098 ponc e 42 atlec al start de la gara. Chisc l’é stat i miores atlec ladins te la garejèda sul Role. BABY1eles: 2. Nicole Chenetti, Monti Pallidi (MP); 3. Ingrid Krause, Ski Team Fascia (STF); 5. Aurora Valeruz, STF; 10. Ambra Chiocchetti, MP.

B A B Y 1 i c : 3 . Fi l i p p o Franceschetti, MP; 4. Andrea Dellantonio, MP; 9. Kristian Rasom, STF. BABY2eles: 1. Chiara Picinini, STF; 2. Manuela Deville, MP; 3. Sofia Vadagnini, STF; 6. Yasmine Salah Chebel, STF. BABY2ic: 2. Thomas Lastei, STF; 10. Luca Obletter, STF. CUCCIOLI1eles: 9. Michelle Chiocchetti, MP; 11. Federica Crivellani, STF; Aurora Iellici, MP. CUCCIOLI1ic: 3. Daniele Rasom, STF; 5. Luca Vuerich, STF; 6. Fabian Cincelli, STF; 7. Fabio Dellantonio, MP; 8. Luca Pescol, STF. CUCCIOLI2eles: 1. Silvia Bonacci, Agonistica Marmolada (AM); 3. Silvia Lastei, STF; 4. Virginia Biella, STF; 7. Eleonora Pescol, STF; 9. Martina Ambrosi, MP; 10. Laura Rasom, STF.

N retrat de grop de valgugn di atlec del ST Fascia (dal sit www.skiteamfassa.it

CUCCIOLI2 ic: 2. Alberto Deville, MP; 3. Francesco Degiampietro, MP; 6. Alessio Gottardi, MP.

Sul Cermis I atlec de la categorìes arlieves e ragazzi i se à dat batalia su la neif del Cermis, semper ence ic en domenia ai 20 de jené. Su la pista Costabella la sozietà US Latemar à endrezà n slalom lèrch valevol ence per l Trofeo Cassa Rurale Centro Fiemme. Te la classifica de la sozietèdes, dò l’Agonista Campiglio, l’é ruà doi sozietà de Fascia: al secondo post l Ski Team Fascia e al terzo l’Agonistica Marmolada. L’é da recordèr che anter duc i atlec, fascegn e da fora, l’é ence desvalives atlec-studenc scric ite al Ski College de la Scola Ladina de Fascia. I miores resultac l’é stat chisc. ARLIEVES eles: 4. Claudia Bonacci, Agonistica Marmolada (AM); 10. Lavinia Marinozzi, Ski Team Fascia (STF); 11. Alessia Chenetti, Ski College (SC); 15. Eva Simioni, SC; 22. Giorgia Pellegrin, SC; 28. Rebecca Bettega, SC. ARLIEVES ic: 5. Alessio Fontanazzi, AM; 8. Luca Rasom, STF e SC; 10. Alessio Amadei, SC; 18. Patrick Bastiani, SC; 28. Edoardo Defrancesco, SC. RAGAZZI eles: 1. Francesca Fanti, STF; 5. Anastasja Rasom, STF; 6. Shanika Battista, STF; 7. Flavia Miravalle, STF. RAGAZZI ic: 1. Tommaso Nardi, AM; 6. Luca Picinini, STF; 10. Werner Krause, STF.

Tlassifiches (cun resultać ladins ti pröms diesc) Baby mituns (03-04): 1) Raffael Hopfgartner, ASV Tasten, 36.81; 2) Hannes Schranzhofer, SSV Pichl Gsies, 39.10; 3) Leon Innerbichler, ASV SK Ahrntal; 8) Dylan Irsara, ASC Ladinia, 42.51. Baby mitans (03-04): 1) Thea Holzer, ASC Drei Zinnen, 42.21; 2) Valentina Tolpeit, ASC Al Plan, 43.38; 3) Selena Pircher, ASC Drei Zinnen, 43.97; 7) Desiree Dapoz, ASC Ladinia, 46.21. Mituns (01-02): 1) Jannik Sinner, 35.28; 2) Moritz Happacher, 36.42 (intrami ASC Drei Z innen); 3) Ma x C a s t l u n g e r, A S C Ladinia, 36.58. Mitans (01-02): 1) Annalena Hell, ASV SK Ahrntal, 37.76; 2) Alexandra Pezzei, ASC Ladinia, 37.80; 3) Noemi Zimmerhofer, ASV SK Ahrntal, 39.35; 9) Marie Bernardi, ASC Ladinia, 41.67.

Ligrëza por Alexandra Pezzei, gnüda secunda ite Steinhaus.

Superbaby (cat. moscedada): 1) Samuel Bacher, SSV Pichl Gsies, 44.36; 2) Maximilian Gutweniger, ASC Drei Z innen, 50.94; 3) Martina Sanin, SSV Falzes, 47.72; 9) Kilian Dallapiaz z a , A S C Ladinia, 54.51.

Super G sun la brëia lergia Pra la garejeda Fis nternaziunela sun Secëda à i atlec dl Snowboard Gherdëina pudù se davanië ponc Fis mpurtanc. Per Daniele Bagozza y Caterina Crepaz or y bront Snowboard - Pervia dla bona esperienza fata l ann passà, canche l Snowboard Gherdëina ova metù a jì per l prim iede na garejeda FIS sun Secëda y duc i partezipanc ie stac scialdi cuntënc, la àn mplanteda cun na segonda edizion n sada y dumënia ai 19 y 20 de jené. Te chësta ucajion àn pudù udëi garejan sun la brëia atlec mpue da dlonch caprò, che fej danter l auter bele pea te cumpetizions de Copa Europa y Copa dl Mond o che cëla de se davanië ponc mpurtanc per ruvé tan inant. L purtoi de garejeda fova chël de Fermeda sun Secëda. Da muever fòvel riesc dedite dala sentadoia per ruvé ju mpue sëura la hutia Daniel. La trassa bela ërta y longia belau 1400 metri ti à bele l ann passà plajù dassënn ai atlec y nce i pei per l super G fova metui su te uni manche te na maniera drët mpeniativa, nsci che l fova uni iede na ndesfideda per uniun. N sada ai 19 de jené iel stat l prim super G, for cun doi manche. Da n drë bel tëmp y 7 gradi de frëit danmesdì via iel pià ju per l purtoi

njenià ca a puntin 18 ëiles Daniele Bagozza che se y 34 ëi. La gran pert fòvel à tlo davanià de biei atlec dla Talia, ma l n fova ponc fis. Nsci nce nce de tei dala Slovenia, Lorenzo Braidotti dl Snowbaord Gherdëina Svizra, Olanda, dai USA che ie ruvà 11ejimo y dal’Ucraina. Pra l’ëiles ie Corinna ntan che Christopher Boccacini, che fej pert Belsito sciche 39ejim dla scuadra naziunela fova dedora dai ponc. taliana, stata bona de se Inant jìvela bele l di bater tres vencian cun n do n dumënia inò cun n super G sun l medem tëmp de 2.01,96. La doi Daniele Bagozza atletes de Südtirol Andrea sun l scialier plu purtoi. Sëura nuet òvel Tribus y Nadya Ochner aut. nevët, l fova da nibl y ie tla segonda manche ju suinsom trajòvel n drë plu debota che la Bocaccini, vënt. La cundizions dl tëmp, purempò ne n’ie deguna dla doves dantaldut n cont dl udëi, ne fova states bones de bater la atleta dla nia chëles dal di dant, ma l purtoi naziunela, jan nsci a se tlassifiché ie i urganisadëures stac boni de al 2. y 3. post. Benedetta Belsito dl mëter a puntin nsci che la Snowboard Gherdëina ie ruveda cumpetizion pudova inò scumencé. 14ejima. Larissa Gasser dla Svizra à tla Pra i ëi à venciù Christoph Mick prima manche metù ju n tëmp dl Südtirol cun n tëmp de 1.50,35. stramp permez al’autres y à nsci Nce sce Oleksandr Belinskyy pudù jì tla segonda plu sul segur dl’Ucraina ie stat plu asvelt tla ruvan mpo prima. Do la segonda segonda manche ne n’àl mpo no tlassificheda Carlotta Piferi udons tlecà per bater Mick. Terzo mo n Caterina Crepaz dl Snowboard atlet dl Südtirol Jonas Kofler y bele Gherdëina che cun l miëur tëmp al 5. post udons l jëunn de Gherdëina tla segonda manche ie ruveda inant

nchin al terzo post. Riesc do ëila l’autra atleta dl Snowboard Gherdëina Romina Stuflesser cuarta. Pra i ëi iela jita scialdi per dsarà y Daniele Bagozza ie ruvà bel dancà, prim! Cun doi de bela prestazions se àl merità chësc plazamënt dan a David Mueller dla Svizra y a Jonas Kofler dl Südtirol. I atlec y la giuria à scialdi laudà la bona urganisazion y i biei purtoies. L Snowboard

Gherdëina da si pert rengrazia la sozietà dla furnadoia de Secëda per si lëur sun i purtoies y dla bona cunlaurazion. Drët butà àla nce che n à pudù fé la premiazion iló daujin pra la utia Daniel, che n rengrazia ënghe. Per mëter a jì na garejeda a chësc livel iel n gran lëur dovia, n adrova n grum de jënt che se dà ca y juda pea. N rengraziamënt de cuer ti vàl perchël a duc chisc y n spera de se udëi n auter ann inò. (usc)

La premiazion dl’ëiles. www.lauscdiladins.com

33


Sport

nr. 04 / 25 de jené 2013

Mölgg y Gross sofla sön le podium Le slalom de Wengen à indô portè de bunes confermes sön les condiziuns di atleć ladins dla nazionala de schi. Cuarto post por Manfred Mölgg, cuinto por le fascian Stefano Gross Schi alpin - Odëi n iade n podium porì ladin te copa dl monn de schi? Sce an ess dit dan val’ agn che chësta é na utopia, pòn incö inće s’infidé da fà la suposiziun. Y pro l’ultim slalom de Wengen àl manćé püch che al nen rovass sö dui. L’atlet marô Manfred Mölgg à indô dè na proa implü dla costanza che al desmostra te chësta sajun, cun le gran cuarto plazamënt ai pîsc dl podium, tardì de ma 18 centejims sön le terzo Ivica Kostelic (Croazia). De n resultat de plajëi po inće se ralegrè le fascian Stefano Gross, che à stlüt jö al cuinto plazamënt, a 23 centejims dal podium. Chësc é le bilanz ladin de döt respet arjunt tla Svizra. Y por la nazionala taliana s’injuntel ćiamò le bun 7 plazamënt de Giuliano Razzoli. I dui atleć ladins à intrami recuperè posiziuns tla secunda manche. Manfred ê do la pröma ćiamò diejimo a 64 centejims dal pröm, y à porchël recuperè bëgn 6 posiziuns. Gross ê inće sesto do

Manfred Mölgg y Stefano Gross tratan la gara. (Fotos: pentaphoto.it)

la pröma, tardì de 39 centejims, y é stè bun da fà bona öna na posiziun. La devënta dla gara n’é en chësc iade nia de Marcel Hirscher, che ê ćiamò pröm do la pröma manche.

L’austriach à ocupè le secundo scalin dl podium, deache le plü alalt de düć é rové le todësch Felix Neureuther; chësc à tla secunda pert dla gara metü sö le miù tëmp de manche.

Nia buté ne i àra al ater fascian Cristian Deville, che ê 17ejim do la pröma manche. Tla secunda àl pordü döes posiziuns laprò y à messü s’acontentè cun le 19ejim post.

Por la Ladinia en general él da se confortè ai campionać dl monn de Schladming, sce ara va inant insciö, y sperè che al garetes ilò na bela medaia da condü a ćiasa. (pablo)

”Tour de Sas 2013“ cun novitês Ai 17 de forà él söl program la cuinta ediziun. La gara ne sarà iniann nia plü individuala, mo a copies, cun n percurs de 18,5 km y passa 2.300 metri de deslivel söpert. Y por chi che ô ćiarè para vëgnel pité n link livestream sön le sît Schialpinism - Al manćia apresciapüch n mëis ala gara de schialpinism ”Tour de Sas”, bele conesciüda inće a livel internazional. La 5. ediziun dla gara che vëgn metüda da jì a Badia ai 17 de forà 2013 é öna dles 9 proes de ”Coppa Italia” de schialpinism y öna dles 6 proes dla ”Coppa Dolomiti”. I ultims agn à la gara entusiasmè i partezipanć dantadöt por la belëza dla contrada dolomitica y dl parch natural de Fanes-Senes-Braies, tres chël che le percurs dla gara passâ. Le percurs ti savô inće bel ala maiù pert, mo forsc êl n pü’ püch tecnich por i spezialisć. Porchël s’à le Comitê d’organisaziun dl Tour de Sas ponsè da portè ite deplü novitês: la gara ne sarà en chësc

ann nia plü individuala, mo a copies, y le percurs de 18,5 km y 2.358 m de deslivel söpert messass inće ester plü interessant por i atleć che arà l’ocajiun de mostrè no ma süa condiziun, mo inće sües capazitês a livel tecnich. Le percurs dla gara condüj en chësc ann tres n valgügn passaji valgamia rî sö cuntra la Piza de Lavarela (3.055 m s.l.m.) y danterìte saràl dui traverć parziai che dess ester na motivaziun implü por i atleć da se porvè ći ch’ai é bugn. I pesć che vëgn metüs a desposiziun fej fora la bela soma de 4.000,00€ da partì sö danter les prömes 10 scuadres di ëi y les prömes 3 dles ëres. Implü, en colaboraziun cun la Maratona dles

Dolomites - Enel, gnaràl trat fora ala niza sis iscriziuns ala maratona danter i partezipanć ëi y cater danter les ëres. N’atra novité interessanta é la trasmisciun en direta dla gara sön Live stream dales 8.15 ales 12.00. Por ti ćiarè ala gara en direta tres internet vëgnel arjigné n link aposta söl sit internet dl’organisaziun (www.tourdesas.it) y sön chël di sponsors plü importanć dla manifestaziun. Les iscriziuns resta davertes ćina la sabeda ai 16 de forà 2013 (sc’an ne röia nia bele denant al mascim de 150 copies scrites ite) y mëss gnì fates on-line o tres fax. Le regolamënt dla gara po gnì desćiarié jö dal sit internet dl Tour de Sas (www.tourdesas.it)

La todescia Rebensburg à davagné l superG.

Vonn y Rebensburg Lindsey Vonn davagna sun la Olimpia per la setima outa. L superG i va ala todescia Rebensburg. Delujion per les talianes

Copa dl Mond Ampez – Setima venta te Ampez per Lindsey Vonn, che é ruveda pro la libra, en sabeda ai 19 de jené, sun l scialin plu aut dl podest, dant la atleta slovena Tina Maze y la colega americana Leanne Smith. Nia da nen fé per la atleta taliana Daniela Merighetti, che ova davagné l ann passé la libra sun la Olimpia. La mioura dles talianes é steda Elena Fanchini che s’à plazé al setim post.

post. Gran delujion per les talianes. Daniela Merighetti, pruma taliana, é ruveda demé ventejima. (kp)

L superG é dla Rebensburg

Pro le start de na ediziun passada dl Tour de Sas.

34

www.lauscdiladins.com

Viktoria Rebensburg, campiona olimpica, à davagné l superG dles Tofanes sot la neif. Chilò ova la atleta todescia davagné si prum podest de Copa dl Mond. Dl 2010 òvela arjont n secondo post te n slalom lerch. Al secondo post s’à pl a zè l’au str i ac a Nicole Schmiedhofer; terza Tina Maze che à sorpassè la davagnadoura dla libra, Lindsey Vonn, ruveda al setim

L podest dla libra: (dmc) Tina Maze (2.), Lindsey Vonn (1.) y Leanne Smith (3.) fotos: www. cortinaclassic.com/Printhouse)


Sport

nr. 04 / 25 de jené 2013

Dancà le preparadù y alenadù Bruno Bonaldi, Esther Valentini, Philipp Crepaz, Sebastian Davare y Rubens Paruta. Iadedô Franz Wieser, che à tut pert al ”Revival”. Premiaziun dl singul maschil: iadedô vëigon le secundo tlassifiché - Hannes Clara da Lungiarü. (Foto: Sobe)

Arjënt por Hannes Tla terza gara de copa dl monn de liösa sön pista naturala s’assigurëia Hannes Clara le secundo scalin dl podest. Y i rusci ti é en chësc iade manëcia al duo Pigneter y Clara Liösa - Patrick Pigneter l’â dit: i rusci ess plan plan recuperè terac. Y insciö éra inće stada. Pro la terza gara de copa dl monn a Umhausen foran Tirol, n’à Pigneter y so compagn Florian Clara da Lungiarü nia arjunt la devënta. I rusci Pavel Porshnev y Ivan Lazarev ti é stà da s’assigurè le pröm plazamënt, inće sce cun n tëmp davëi strënt. Tla pröma manche â i rusci metü a saul n vantaje de 36 centejims. Tla secunda manche é indere i dui südtiroleji stà mius, mo ma de 31 centejims, insciö ài rusci davagné la gara cun 5 centejims sön süa pert. Terzi é gnüs i austriacs

Christian y Andreas Schopf, che à albü püch plü co n secunt de svantaje sön i secundi. Pigneter y Clara é śëgn - do trëi gares - al pröm post dl tlassamënt general cun 285 punć. I rusci é secundi cun 240, ala per cun le duo Schopf. Pro le singul ne s’à l’atlet da Völs nia lascè tó le pröm post. Cun na buniscima pröma manche àl tla secunda inće bastè le cuarto tëmp por rové sön le scalin plü alt. Secundo é en chësc iade Hannes Clara da Lungiarü, tardì de 42 centejims sön le campiun Pigneter. Do trëi gares sön sis é Hannes śëgn al terzo plazamënt general cun 225

punć, ma 5 demanco co l’austriach Thomas Kammerlander. Pigneter é pröm cun 285. Les ëres à n iade implü odü na devënta dla russa Ekatharina Lavrentjeva, che ti à dè rodunt n secunt ala südtiroleja Melanie Schwarz. Terza é gnüda la compagna de scuadra Evelin Lanthaler. La Lavrentjeva comana le tlassamënt a punć plëgns - 300, dan Lanthaler cun 225 y Greta Pinggera cun 205. Les gares va bele inant chëst’edema. Inier ai 24 de jenà à metü man a Nöia Todëscia i campionać dl monn, che jarà inant ćina en domënia. (pablo)

Meini ai campionać Campionać dl monn a Stoneham tl Canada. Döes é les chances por Meinhard Erlacher d’Al Plan. La pröma gara é bele incö Brëia - Düć i apascionà dla brëia ćiara chisc dis a Stoneham tl Canada. Ilò à metü man ai 17 de jenà i campionać dl monn dla brëia, che jarà inant ćina chësta domënia ai 27. Inće le campiun dla nazionala taliana Meinhard Erlacher sarà al start te döes competiziuns. La pröma é bele sön le program incö vëndres ai 25 de jenà: ara se trata dl slalom gigant paralel. Y ćiamò n paralel gnarà desfiré en domënia ai 27, en chësc iade danter les portes strëntes. Start dles gares é dales 19.00. Les aodanzes é sambëgn che al pois garatè por l’atlet dles GS Fiamme Oro n bel resultat, te na sajun che ne i à nia ćiamò portè de gran sodesfaziuns. Le miù plazamënt te copa dl monn é stè chësc ann le 16. plazamënt tl slalom paralel de Bad Gastein, mo i recordun che te copa dl monn él bele dui iadi rové sön podest, cun n terzo post tl slalom paralel de Sungwoo Resort dl 2005 y n terzo tl gigant paralel de Kreischberg dl

Cun slöm al ”Topolino” Inće i jonins dl paslunch vëgn docà y se proa te competiziuns desvalies. Cater pici atleć de paslunch dl ASC Ladinia à podü fà na bela esperiënza al 30. Trofê Topolino tla Val de Flëm Paslunch - Sce tröc jogn y jones se dedichëia al schi alpin, spo n’él intres indô inće de chi che lîta le sport dl paslunch. La seziun de paslunch dl ASC Ladinia organisëia bele da agn cursc por ti daurì les portes de chësc bel sport inće ala jonëza, che po avëi tla campiona Debora Agreiter da La Ila inće n bel ejëmpl che cun orentè y ortü pòn arjunje de bi traverć. Na emoziun particolara por i mituns é bëgn inće sce an po se mosorè cun d’atri pro gares ofiziales. Y na ocajiun de chësc vers él garatè tla findledema passada, olache cater atleć dl ASC Ladinia à tut pert ala 30ejima ediziun dl Trofê Topolino de paslunch, desfiré a Castello tla Val de Flëm. Tut pert à tla categoria di pici (agn 2001-02) Esther Valentini y Philipp Crepaz, y te chëra baby (agn 2003 - 04) Sebastian Davare y Rubens Paruta. I atleć jogn é gnüs acompagnà da Bruno

Bonaldi, che fistidiëia deboriada cun Maria Canins cun pasciun y ligrëza da arjigné ca mitans y mituns, y inće da ti trasmëte le dër spirit por chësc sport. Pro le trofê él rové adöm bëgn 1.300 mitans y mituns nasciüs danter le 1997 y le 2004, la maiù pert da regiuns dla Talia, mo inće incër 200 partezipanć da d’atres naziuns d’Europa, ći che à cherié na atmosfera particolara. I pici atleć ladins n’à nia arjunt posiziuns da podium, mo ëi instësc é contënć - y chël é ći che cunta. An podess feter dì sot al moto ”L’important é podëi tó pert”; ala fin él pö vigni gara, vigni plazamënt, che porta pro da abiné sö de beles esperiënzes, da imparè val’ dai atri, da ciafè motivaziun por ći che sarà tl dagnì, y an ne sa pa mai ći stories che le liber dla vita scrî. Dlungia i cater jonins é jü para inće Franz Wieser, ann 1975, che à tut pert tla categoria maschila ”Revival”, stlujon jö al 33ejim plazamënt. (pablo)

Melissa vënc l Super G Melissa Perathoner, Alexander Prast y Maximilian Messner i plu asvelc tl Super G

Meinhard Erlacher é chisc dis a Stoneham ai campionać dl monn dla brëia.

2009. Te copa dl monn dla brëia àl garejé indöt 108 iadi. L’ann passè àl podü se ralegrè dl 1. y 2. post

pro i campionać taliagn de Chiesa in Valmalenco, resp. tl gigant y tl slalom. (pablo)

Schi alpin/Fis - Nia mé i mëndri dl Schi Club Gherdëina ne n’à mustrà cie che i vel, ma nce i granc che fej bele garejedes FIS se l’à fata valëi. Chëst’ena passeda a Pfelders, pra doi garejedes de SuperG che vel per l FISI Cup, à Melissa Perathoner venciù tla categuria dla aspirantes la prima garejeda dan Nicol Delago, setima ie ruveda Anna Näckler. Tl segondo SuperG ie Karin Frener, for dl Schi Club Gherdëina, ruveda terza y Nicol Delago sesta. Nce i mutons de chësta età à arjont de beliscimi resultac: l badiot Hannes Zingerle à venciù la bedaia de bront, Armin Plancker ie ruvà cuinto, Alexander Prast sesto, Matteo Demetz setimo y Diego Cappadozzi nono. Venciù à Patrick Renner de Maran. Pra l segondo SuperG à

venciù Alexander Prast cun Mirko Perathoner al setimo post. Tla categuria juniores (nasciui ti ani 1992/94) à Maximilian Messner de Pruca, ma che va a scola tl ITE “Raetia” de Urtijëi venciù tramedoi garejedes ala ngranda. Gran merit de chisc boniscimi resultac ti va dessegur ai doi trainadëures dla sezion sport dl ITE Urtijëi, praticamënter di “granc” dl Schi Club Gherdëina Uli Perathoner y Karl Heinz Melissa Perathoner Goller. (lb) à venciù tl super G. www.lauscdiladins.com

35


Sport

nr. 04 / 25 de jené 2013

N valgun sauc y figures mustrei ntan la garejeda. (fotografies de Harald Wisthaler)

Freestyle de gran marueia sun nosc purtoies Dan otodì iel unì garejà sun Piz Sela tla prima tapa dl Slopestyletour 2013. La prima garejeda de na edizion cun truepa nuviteies Freestyle - L ie bele l’otava edizion dla Southtyrol Slopestyletour, la lingia de garejedes de freestyle-slopestyle cun i schi per i jëuni de nosc raion y nce da oradecà. La tour vën metuda a jì dai club de freestyle plu mpurtanc che se dà ju cun chësta desciplina: l Fr e e r i d e c l u b G h e r d ë i n a , Vitamina-F de Burnech, Alta Badia freestyle y Rodeo Riders dla Plose. Chëst ann iel l prim iede che la tour vel nce coche campiunat provinziel FISI, n recunescimënt che auza dessegur l livel y l valor de chësta cumpetizions, davia che chël che ruverà prim tla tlassifica generela deventerà campion provinziel. Sëuraprò iel nce unì metù su na grupa de freestyle a livel provinziel (Landeskader). Chiche puderà fé pea pra chësta grupa uniràl fat ora aldò dla tlassifica dla tour.

L freestyle ie deventà olimpich N à laurà dassënn ti ultimi ani per cialé de purté l sport dl freestyle te na posizion adateda a si mpurtanza. L travert ie chël de ti dé ai jëuni la puscibltà de scumencé, de mparé y se miuré te n sport che cun i ani se à davanià for plu mpurtanza a livel mundiel. La majera recunescënza per dut l muvimënt ie zënzauter la lerch che n ti à dat tl avenimënt mundiel plu mpurtant: i Juesc Olimpics. A Sochi tl 2014 uniràl metù a jì cin’ garejedes de freetyle: moguls, arials, halfpipe, skicross y slopestyle.

Na bela tlapeda de freestylers.

36

www.lauscdiladins.com

L se slergia ora a uedl udan Coche l ”speaker” Lukas Runcata à dit ntan la garejeda: “On scumencià a mëter a jì i prim contests cun puec che fajova pea y deguni ne savova cie che fajan, ma l freestyle ie sciche n virus, l se slergia ora a uedl udan”. Chësc àn nce pudù udëi dala gran cumpëida de chëi che à fat pea pra la prima garejeda dla Slopestyletour 2013. Plu de cincanta jëuni spartii su tla trëi categuries: girls (open), kids (nasciui danter l 2000 y 2003) y rookies (nasciui danter l 1995 y l 1999), ie unic mpue da dlonch caprò. Nia mé atlec dl Südtirol, ma nce dal Trentino y nchinamei dala Lombardia. Chësc desmostra ce inuem che la Tour se à fat ti ultimi 8 ani.

I atlec ne se à nia lascià tenì su dal tëmp Passon śën ala pert sportiva dla garejeda. L tëmp ne n’à nia dat na gran man al’urganisazion, che l surëdl ne se a ntan dut l di nia lascià spië. L vënt y la nëif tumeda ntan la nuet y via per l di, che vën zënza cunscidreda la ”manna” dal ciel per i freestyler, à chëst iede dat plutosc mpaz. Per chël à la giuria fat ora de tré tres la garejeda mé cun un n ”run” mpede doi y mé sun i pitli sauc mpede sun i granc. Purempò ne ti à chësc nia tëut la mutivazion ai atlec, che se à dat batalia nchin al’ultima rotazion, lascian udëi n livel tecnich scialdi aut y desmustran gran fantajia te si sauc

y ti ”rails”, ne se lascian nia sciautì ju dala cundizions dl tëmp. I atlec dl Freerideclub à sapù da se deriejer scialdi bën sun si purtoi de cësa, lascian udëi manovres de marueia a chëi che fova unic a ti cialé pro, danter chisc nce l vizepresidënt dla FISI Reinhard Schmalzl y la presidënta dl Schi Club Gherdëina y respunsabla dl freestyle tl Comitat de Südtirol Lidia Bernardi.

I resultac Tla categuria ”girls” àl venciù Sofia Insam, atleta dl Freerideclub Gherdëina y dla scuadra provinziela, dan la fasciana dl Ski College Giorgia Felicetti. Pra i ”kids” ie Fabian Oggiano di Vitamina-F stat l miëur, dan Nicolò Cominelli de Livigno y René Monteleone dl Freerideclub Gherdëina. I autri atlec ladins che à arjont n plazamënt danter i prims diesc te chësta categuria ie stac Angelo Blagojevic (5.), David Hofer y Simon Perathoner (7. a pèr) duc dl Freerideclub Gherdëina y Piero Diluca (6.) dl Alta Badia freestyle. Pra i ”rookies” fova Ralph Welponer dl Freerideclub Gherdëina (y dla scuadra provinziela) l miëur, dan Patrick Thaler di Rodeo Riders y Tobia Silvestri de Livigno. Da auzé ora iel mo la bona prestazions de Pascal Runggaldier (5., scuadra provinziela), Fabian Bernardi (6., scuadra provinziela) y Carlo Giorgi (9.) duc dl Freerideclub Gherdëina, y di autri ladins Giovanni Battista Zulian (6., dl Ski College de Fascia) y Max Schrott (8., dl Alta Badia freestyle). L a B a n k th e Fu tu re Slopestyletour 2013 jirà inant ai 3 de fauré sun la Plose, ai 24 dl medemo mëns sun l Speikboden, ai 17 de merz a San Ciascian y ruverà inò de reviers te Gherdëina cun la gran finela dl 7 de auril. N gran cumplimënt ti va sambën a duc i atlec che à fat pea y che à pità n gran spetacul y ala urganisazion dl Freerideclub per si mpëni. Rengrazion sambën i sponsores y chëi che se dà ju cun artenienza per purté inant l freestyle tl mont dl sport da d’inviern. Chi che ulëssa ti cialé ala fotografies, possa les abiné sot ala plata facebook dl Freerideclub Gherdëina www.facebook.com/ freerideclubvalgardena Matteo Murer

Tamez i pitli atlec dl Schi Club Gherdëina che à venciù nce sciche miëur club.

De beliscimi resultac nce per i plu pitli Che i plu jëuni dl Schi Club Gherdëina sà da se deriejer drët bën danter i pei strënc ài desmustrà tla ultima garejedes, arjunjan truep plazamënc scialdi dancà y vencian sciche miëur club Schi alpin - L Schi Club Gherdëina Saslong à metù a jì n dumënia ai 20 de jené sun Sochers n slalom strënt VSS danter i pitli pei, per i mëndri dl raion. Do che chisc mëndri à bele fat na garejeda de slalom lerch y n slalom cun pitli pei sun l purtoi Furdenan via n Sureghes, metù a jì dala Scola de Schi de Urtijëi, ie l slalom strënt sun Sochers stat l prim dl VSS raionel dla sajon. Nce sce l fova n drë nibl y l nevova feter tresora bel fin, fova l purtoi njenià ca a puntin y cun na drëta lezitënza da Norbert Delago y duc si cunlauradëures. L Schi Club rengrazion duc i genitores che à judà ntëurite! 214 mëndri danter i 6 y 12 ani, spartii su te cin’ categuries – superbaby (2005/06 mutans y mutons deberieda), baby mutans y mutons (2003/04) y cuccioli mutans y mutons (2001/02) – ne se à nia lascià sciautrì dal tëmp y ie piei ju drët da snait danter i 40 pei metui ju da Roby Bernardi. N merit ti va dessegur ai maestri dla scoles de schi de Gherdëina che nsënia ju i pitli nchin ai 10 ani y ai trainadëures dl Schi Club Gherdëina Wilfried Nogler Kostner y Roby Bernardi, che à sot a curatel i pitli dla categuria di ”cuccioli”. Bele pra i ”superbaby” iel sautà ora na vënta per Gherdëina cun Patrick Comploj dl 2005. Da auzé ora ie sambën l boniscimo tëmp de Ellis Pellizzari dla categoria ”baby”, che ti à dat plu de doi secunc ala segonda Nicol Ploner. Tla categuria ”baby mutons” ie Diego Nogler Kostner dla Scola de Schi de Urtijëi stat l plu asvelt, nce ël de 2 secunc y mez danora. La vënta tla tlassifica di schi club, ulache l vën cumpedà adum i doi miëures de uni categuria (zënza i superbaby), ti ie jita al Schi Club Gherdëina cun Ellis Pellizzari, Nicol Ploner, Diego Nogler Kostner, Max Perathoner, Melanie Perathoner, Nicol Nogler Kostner, Marvin Avesani y Aaron Senoner, che à arjont 565 ponc deplù che chëi de Gitschberg-Jochtal y l Schi Club Feldthurns. (lb)

Tlo dessot i resultac di prims trëi y de chëi de Gherdëina ruvei ti prims undesc. Sce ulëis ti cialé ai resultac plu avisa cun i tëmps de duc chëi che à fat pea, pudëis cialé ite tla homepage dl Schi Club Gherdëina www.sciclubgardena.it

Cat. superbaby mutons 1. Comploj Patrick 49.50, 2. Prosch Patrick 50.04, 3. Peintner Samuel 52.51, 5. Grossrubatscher Fabio, 6. Baumgartner Jonas, 9. Perathoner Leila, 10. Costa Virginia, 11. Weissensteiner Patrick.

Cat. baby mutans 1. Pellizzari Ellis 42.40, 2. Ploner Nicole 44.67, 3. Kostner Chayenne 45.22, 5. Zanotti Sophie, 6. Wanker Hanna, 7. Agostinelli Ludovica, 10. Senoner Laura, 11. Prinoth Lena.

Cat. baby mutons 1. Nogler Kostner Diego 41.46, 2. Villgratter Dennis Tz GitschbergJochtal 44.01, 3. Holzer David 2003 Tz Gitschberg-Jochtal 44.06, 6. Perathoner Max, 9. Runggaldier Julian, 10. Perathoner Nils.

Cat. cuccioli mutans 1. Auer Laura Tz GitschbergJochtal 40.31, 2. Zingerle Lena Tz Gitschberg-Jochtal 41.61, 3. Perathoner Melanie 41.70, 5. Nogler Kostner Nicole, 6. Pellizzari Jamie-Lee, 8. Delago Elena, 10. Piazza Elena.

Cat. cuccioli mutons: 1. Mitterrutzner Lukas Asv Feldthurns 40.50, 2. Avesani Marvin 41.32, 3 Senoner Aaron 41.78, 4. Comploj Matthias, 5. Bernardi Jacopo, 6. Demez Sebastian, 7. Triulzi Jordi, 9. Plancker David, 11. Senoner René.


Sport

nr. 04 / 25 de jené 2013

La se spiza pro

L Gherdëina I vënc inò

L Gherdëina I ie inò scialdi daujin al titul tl campiunat provinziel a scuadres. Tl turnoi ”blitz” n S. Stefun ne ti iela chëst ann nia jita fata de defënder l titul venciù l ann passà. Scialdi a n bon pont ie la scuadra de Gherdëina che juega tla serie B

La segonda pert dl campiunat de chidlé à scumencià bën per la prima scuadra dl Gherdëina che vënc n cësa

Schach – Danter turnoies per i jëuni, campiunat ”blitz” dla Lia Schach Gherdëina y i juesc per l campiunat provinziel à la scuadres defrëntes dla Lia abù n gran not tl ultim mëns, ma cialon damprovia.

Serie A Velch de nuef iel da cunté n cont dl cuinto di dl campiunat provinziel, davia che la scuadra che ëssa dassù unì a jughé a Urtijëi, l Passeier, ne n’ova nianca no scumencià l viac cun la viertla dla nevera che fova n chël di. Ma ajache l ne se tratova propi no de tan na gran nevera ie l resultat unì cunfermà tla prima istanza cun n 6 a 0 per l Gherdëina I. Nscila à l sestet metù adum da Rainer Demetz, Ruben Bernardi, Stefan Moroder, Thomas Moroder, Franz Prinoth y Christian Grossi venciù duta si partides. L recurs di jugadëures dl Passeier ne n’ie nia da giut unì refudà dal Cunsëi dla Lia Schach de Südtirol y l resultat ie nscila unì cunfermà definitivamënter. N l sesto di ova l Gherdëina I da n fé oradecà cun l Naturns I, avisa cun la scuadra a cë dla tlassifica dl campiunat. Ndeblì permez ala furmazion plu sterscia ëssa l Gherdëina mpo mo pudù vëncer, ma la stanchëza y vel’ mossa fauza de massa à judà pea che i patrons de cësa vënce per 4 a 2. Venciù à Stefan Moroder, remis à fat Rainer Demetz y Ruben Bernardi. N l setimo di al incontra ie dut jit a puntin. La scuadra dl Arci Bulsan ne à nia drë tenì permez y l Gherdëina à venciù te chësta sajon per l segondo iede cun l resultat de 6 a 0. Venciù à Rainer Demetz, Ruben Bernardi, Stefan Moroder, Thomas Moroder, Franz Prinoth y Klaus Knottner. L Gherdëina I ie nsci mo for da abiné al segondo post cun 12 ponc, do l Naturns I che resta prim cun 13 ponc. L sarà perchël inò n iede l Gherdëina che cialerà de fé na “volata finale” per purvé a defënder l titul. La speranza ie tlo, davia che l Naturns à mo da jughé cun gran pert dla bona scuadres.

Serie B Propi de bela nutizies iel da repurté dala serie B. N cësa à l Gherdëina II batù l Wipptal Schach per 3 a 2 cun la vënta de Johann Grossrubatscher y la remis de Rifat Kazazi, Klaus Knottner, Bruno Goller y Richard Moroder. Oradecà, contra i prims dla tlassifica, de Deutschnofen à la segonda scuadra dl Gherdëina arjont n bon resultat valivan ora per 2,5 a 2,5 cun la vënta de Bruno Goller y la remis de Klaus Knottner, Herbert Grossrubatscher y Johann Grossrubatscher. Inò n cësa à l Gherdëina abù da n fé cun l Ridnaun y chëst iede àla butà sciche l toca, cun na bela vënta per 3,5 a 1,5. Venciù à Bruno Goller y Arthur Runggaldier, remis à fat Johann Grossrubatscher, Manuel Taschler y Richard Moroder. Cun 9 ponc ie l Gherdëina II al cuarto post dla tlassifica y n possa dì che l travert – chël de resté tla serie B – ie bele śën unì arjont, cun mo cater ancuntedes da jughé!

Serie C-est Nce l Burnech II ne n’ie nia unit a Urtijëi pervia dla nevera y nsci à l Gherdëina III venciù per 5 a 0 cun chësta furmazion: Ernst Demetz, Sebastian Überbacher, David Dejori, Elisabeth Delago y Valentine Demetz. A Gries à pona l Gherdëina III perdù de mesura per 2 a 3. Venciù à Arthur Runggaldier y Siegfried Senoner. Cun l Tluses II à la terza scuadra dl Gherdëina arjont n bon 2,5 a 2,5. Venciù à Sebastian Überbacher y Siegfried Senoner, remis à fat Elisabeth Delago. Tla tlassifica dla serie C-est ie l Gherdëina III al cuinto post cun 8 ponc.

Campiunat dla Lia Schach Gherdëina de ”blitz” Ai 22 de dezëmber dl vedl ann ie Rainer Demetz deventà campion de ”blitz” dla Lia Schach Gherdëina

cun 17 ponc, dan Franz Prinoth cun 14,5, Bruno Goller cun 12,5 y David Dejori cun 11,5 ponc.

Campiunat provinziel a scuadres de ”blitz” Jugà per chësc campiunat àn n San Stefun, ai 26 de dezëmber. Do trëi campiunac a scuadres de ”blitz” venciui ëssa l Gherdëina chëst ann inò abù la ucajion de se fé sie l titul, monce tl ultim turnus, ulache l ëssa tlecà vëncer. La ne n’ie nia jita fata y nscila, mpede l prim post, àn messù se cuntenté cun n cuarto post. La scuadra dl Gherdëina 1 fova metuda adum nscila: Rainer Demetz (10), Stefan Moroder (13,5), Thomas Moroder (13,5) y Christian Grossi (11,5). L Gherdëina II, tla furmazion David Dejori, Andreas Runggaldier, Klaus Knottner y Siegfried Senoner, ie ruvà al cuarto post dla serie B.

Schach te scola Ai 3 de dezëmber 2012 a Persenon à na reprejentanza dla Scola Mesana de Urtijëi, meneda dal maester y cumëmber dla Lia Schach Gherdëina Walter Thaler, arjont n bon cuarto plazamënt sun de ndut 14 scoles mesanes pra l Di dl Schach te scola a Persenon. Di cumëmbri dla Lia àl fat pea David Dejori y Matthias Kasslatter.

Grand Prix di jëuni Ai 9 de dezëmber 2012 a Deutschnofen à i “soliti“ cin’ jëuni dla Lia Schach Gherdëina arjont chisc resultac: David Dejori ie ruvà cuarto di mutons sot a 14 ani cun 5 ponc, Matthias Kasslatter setimo ënghe cun 5 ponc y Gabriel Prinoth dodescejimo cun 4 ponc. Tla categuria dla mutans sot a 12 ani à Nadia Kasslatter fat l segondo post cun 5,5 ponc. Pra i mutons sot a 12 ani ie Elia Bergmeister ruvà 14ejimo cun 4 ponc. Pra l prim Grand Prix dl 2013, ai 20 de jené 2013 a Eppan, à Nadia Kasslatter inò fat l segondo post tla categuria dla mutans sot a 12 ani cun 5 ponc a pér cun la prima. David Dejori, cun 5,5 ponc, se à merità n bon terzo post tla categuria di mutons sot a 14 ani.

Prinoth Franz che ti nsënia ai jëuni dla lia. Franz à n la sada passeda jugà si 100ejima partida de serie A per l Gherdëina, y cun si 68,5 ponc àl purtà pro ai suzesc dla scuadra da tlo.

Tl a m e d e m a categuria ie Matthias Kasslatter ruvà cuinto cun 4 ponc y Giusseeppe Soto Alvarado 12ejimo cun 3,5 ponc. Elia Bergmeister, tla categuria di mutons sot a 12 ani, à arjont l 15ejimo plazamënt cun 4 ponc. (rd)

Chidlé – Drët nteressanta iela jita tl juech contra l Rodeneck. Ne chidlan nce nia massa bën pòssen jì a vëncer na partida. Do la prima lingia de colps cun Flavio y Siegfried stajòvela 1 a 1 per i chidladëures, ma n fova de bën 47 chiedli dovia. Tla segonda lingia iel pona stat l gran mudamënt cun Manfred y Werner. No ajache i à chidlà tan bën, ma pervia che i averseres à fat na mesaria de mé 430 chiedli, ài purtà l resultat a 3 a 2 per i chidladëures y jan de 87 chiedli danora per l Gherdëina. Tla terza lingia à Guido y Thomas perdù i ponc di chidladëures salvan mo al ultimo 18 chiedli che ti à purtà i doi ponc al Gherdëina. L miëur dl di ie stat Siegfried Prinoth cun 555

chiedli batui ju. Resultat: L Gherdëina I Rabanser Buandes à fat 5 ponc, batan ju de ndut 3049 chiedli, che ie na mesaria de 508,23 chiedli per jugadëur. L Rodeneck II à fat 3 ponc, batan ju 3031 chiedli cun na mesaria de 505,2 chiedli.

Serie B-est Gherdëina I - Rodeneck II 5:3 Resultac persunei: Siegfried Prinoth 555 Werner Runggaldier 529 Guido Stuffer 516 Thomas Demetz 487 Flavio Prinoth 484 Manfred Wanker 478

Bun scomenciamënt L’edema passada à metü man la secunda pert dl campionat da chidlé, cun resultać positifs por dötes les scuadres dla Val Badia Chidlé Val Badia - Cun trëi devëntes y n pêr é les scuadres dl chidlé dal Val Badia piades ia tla secunda pert dl campionat.

Seria A 2-ost Mareo - Kiens: 6 - 2 Cuntra la scuadra da Kiens, che é al’ultim post tla tlassifica, à i maroi messü se porvè por arjunje la devënta. La pröma seria da 120 bòć é jüda fora 1 a 1, mo i ghesć â 10 chidli de vantaje. En parité é inće jüda fora la secunda seria, pro chëra che i patruns de ćiasa é stà bugn da recuperè y se portè en vantaje de 27 chidli. I ultims dui dl Mareo à spo stlüt le sach, davagnan intrami le punt cuntra so aversar y arjunjan ala fin n vantaje de 131 chidli, cun na media de 509,8. Tla tlassifica s’à le Mareo I portè dal diejim post al otavo. Resultać personai: Tone Call 550 Pire Rungger 532 Matteo Ties 527 Lois Ellecosta 527 Christian Ties 462 Simon Complojer 461

Seria B-ost feminila Mareo - Solaneres: 5 - 1 Les marores à ospité les chidladësses da Solaneres, che ê al pröm post tla tlassifica. Do che les prömes döes â rové da chidlé ê le resultat avalié fora sön 1 a 1 y Solaneres â un n chidl de vantaje. Mo pro la secunda seria da 120 bòć é les patrones de ćiasa stades bunes da ôje la partida sön süa pert. Intrames à batü süa aversara y pro la soma totala di chidli éres inće stades bunes da recuperè. Cun na media de 474,8 âres ala fin dla partida n vantaje de 42 chidli. Tla tlassifica romagn les marores al terzo post. Resultać personai: Gabriella Ties 495

Valeria Federa 485 Flora Weiss 484 Gerda Complojer 435

Seria C-nord La Ila - Ratschings: 6 - 2 Cun na media de 494,3 à la scuadra badiota arjunt na devënta tlera cuntra Ratschings. Bele i pröms dui à trat fora n vantaje de 119 chidli. Pro la secunda seria da 120 bòć à i ghesć recuperè n valgügn chidli, smendran le svantaje a 72 chidli. Mo La Ila ne s’à ia plü lascè sciampè la devënta y i ultims dui à aumentè le vantaje a 106 chidli. Cater di badioć à davagné le punt tl confrunt diret cun l’aversar. Tla tlassifica à La Ila recuperè döes posiziuns y é śëgn al sesto post. Resultać personai: Gianfranco Thaler 553 Fritz Planinscheck 520 Albert Tavella 488 Christian Pedratscher 486 Franz Thaler 473 Stefan Fistill 446 Eores - Mareo: 4 - 4 Te na partida avaliada fora y combatüda ćina ala fin s’à les scuadres da Eores y dl Mareo II partì i punć tla chidlara da Sant Andrè. Les prömes döes series da 120 bòć é intrames jüdes fora 1 a 1. Pro la soma totala â i patruns de ćiasa n vantaje de 47 chidli. I ultims dui dl Mareo ti é intrami stà suraće a so aversar. Inće pro la soma totala di chidli ài recuprerè, mo i chidladus da Eores é stà bugn da salvè n vantaje de 10 chidli. Cun indöt 3066 chidli à le Mareo II, che romagn inant al ultim post tla tlassifica, arjunt na media de 511. Resultać personai: Lois Craffonara 537 Gottfried Dapunt 535 Cludio Moling 526 Lois Agreiter 517 Tone Hochwieser 498 Franz Ploner 453 www.lauscdiladins.com

37


Sport y Manifestazions

nr. 04 / 25 de jené 2013

I atlec dl’arpizeda vënc bën sies bedaies Ntan l ultim fin dl’ena, ai 19 y 20 de jené, fòvel tla bela palestra de St. Leonhard te Passeier na garejeda de arpizeda sportiva per la Copa Junior dla region Trentin-Aut Adesc Arpizeda sportiva - Chëst iede fòvel na garejeda de deficultà “Lead“ cun corda. Per la categuries U10, U12 y U14 fova chësta la segonda garejeda y per la categuries U20, U18 y U16 bele la terza. De ndut àl fat pea 20 mutans y mutons dl ASK Gherdëina. La categuries Under 10 y Under 12 ova da fé trëi vies cun la corda. La categuries Under 14 y Under 16 ova da fé doi vies da prim y mec i cuncurënc se cualificova per la finela che ie for drët bela y nteressanta da cialé. Pra chësta garejeda ti àla butà dassënn a nosc atlec, che à purtà a cësa de ndut bën 6 bedaies, doves d’or, trëi d’arjënt y una de bront. Drët bën se à cumpurtà la mëndres dla categuria Under 10, ulache Alice Moroder à venciù y Elena Frontull se à tlassificà al 3. post. Tla categuries Under 12 à Elisabeth Lardschneider y Edi Kostner arjont l 2. plazamënt.

Coche l fova da se aspité à Filip Schenk inò venciù te si categuria di Under 14 y David Piccolruaz ie ruvà riesc do, al bon 2. post. Da numiné iel mo chisc bon plazamënc ti prims diesc: Under 10 - mutans: 1. Alice Moroder, 3. Elena Frontull, 7. Miriam Lardschneider, 8. Stuffer Ruth - mutons: 5. Ruben Moroder, 6. Marcel Runggaldier, 9. Miran Dellago Under 12 - mutans: 2. Elisabeth Lardschneider – mutons: 2. Edi Kostner Under 14 - mutans: 9. Stefanie Frontull y Eleonora Moroder (a pèr) – mutons: 1. Filip Schenk, 2. David Piccolruaz La garejeda ie unida urganiseda drët bën y l fova scialdi na bela cumpetizion y drët n bel di per la mutans y i mutons dl ASK Gherdëina. Per l ASK Gherdëina, Martina Obletter

Podest dla mutans Under 10 cun Alice Moroder sun l scialier plu aut y Elena Frontull sun l terzo.

Stefanie Frontull.

Su per la Pilat te mpue plu de mes’ëura La garejeda urmei tlassica cun la peves da Urtijëi sun Mont de Sëuc àn mpo mo pudù fé y venciù à inò i favoric Peves - Cun la nëif che l à fat ju chëst’ena passeda iesen mpo mo stac boni de mëter a jì n mierculdi ai 16 de jené la 5. edizion dla Pilat Val Gardena Moonlight Ski Tour, garejeda cun la peves ulache n muev da Plaza S. Antone per ruvé nchin suinsom de Mont de Sëuc. La trassa ie de 4,7 km cun n deslivel de 770 metri. Piei via iesen dala 8 da sëira dan l Bar Corso, sautan cun i schi tla man nchin pra la stazion a val dla furnadoia, ulache n se trajova sëura i schi per pië via y su da Ronc su. Fat pea àl 10 ëiles y 64 ëi. Pervia de vel’ jëuf dsarà y la nëif che l à fat ju mo chël di ne n’ie purtruep n valgun atlec nia piei via, coche dit per gauja dla burta stredes. Coche l fova da se aspité à nce chëst ann inò venciù l campion dl mond dl vertichel, Urban Zemmer, che à abù 38:04 y ie ruvà dan si fra plu jëunn Michael Zemmer 39:31 y Dario Steinacher terzo cun 40:53. Andreas Senoner de Peves Gherdëina/Schi Club Gherdëina ie stat l plu asvelt sibe tla tlassifica generela de Peves

Gherdëina che di Over 50 cun n tëmp de 42:39. Tla tlassifica generela l udons al 5. post. Pona passons ai autri atlec de Peves Gherdëina: tla categuria sot a 50 ani iel al 7. post Daniel Ploner 43:28, al 8. Herbert Stuffer 43:36, al 9. Günther Nocker de Plan 43:45, al 11. Thomas Piazza 44:53, al 12. Günther Nocker de La Poza 45:24, al 18. Gregor Demez 46:41, al 21. Andreas Comploj 47:28, al 23. Andrea Borgogno 48:17, al 31. Ivo Delago 51:20, al 34. Georg Demetz di Gherdëina Runners 52:08, al 38. Fausto Merler 53:56, al 49. Oskar Obkircher 1:10:58. Tla categuria di Over50 ons bele dit che Andreas Senoner à venciù, 2. Hofer Mario 47:44, 5. Luciano Soppelsa 48:46, 6. Andreas Demetz 49:08, 7. Elmar Perathoner 50:00, 11. Peter Perathoner 54:21. Passon al’ëiles, tlo àl venciù la favorita Annemarie Gross cun 51:17, 2. nosta atleta Esther Demetz 52:39, 3. Romina Ploner di Gherdëina Runners 53:20. La

La premiazion di ëi cun Dario Steinacher (3.) y i doi fredesc Zemmer (1. y 2.) cun la presidënta dl schi club Lidia Bernardi y i respunsabli dla sezion peves Manuela Perathoner y Enrico Perlini.

38

www.lauscdiladins.com

atletes de Peves Gherdëina à mo arjont chisc plazamënc: 4. Tatiana Kutlikova 55:10, 5. Birgit Klammer 55:41, 6. Manuela Perathoner 56:18, 8. Christine Perathoner 1:06:47, 9. Doris Pycha 1:13:57. Repurton mo i plazamënc di autri de Gherdëina che à fat pea pra chësta garejeda n cësa: pra i Over50 iel al 13. post di Stefan Piazza 57:38, al 19. Martin Nocker 1:18:28 y al 20. Walter Runggaldier 1:23:33. L ie bel che nce de tei sportives fej pea. Pra chëi sot a 50 ani iel al 36. post Thomas Planker 52:32, al 40. Jonas Senoner 54:25, al 42. Ferdinand Pattori 58:23, al 45. Michele Segata 1:05:45, al 48. Elmar Delladio 1:10:33. Premià àn nce chëi sot a 20 ani che à fat pea ulache i prims trëi fova Alex Oberbacher 44:36, 2. Janpiere Prugger 48:45 y Mike Trebo de Badia Sport 49:55. N gra ti va a Ali Pitscheider dl restaurant Mont de Sëuc y a Werner Kostner dla furnadoia Mont de Sëuc per si sustëni, oradechël rengrazions la istituzions coche i Chemuns de Urtijëi y Ciastel, la Lia dl Turism de Urtijëi y Thomas Widmann da pert dla Provinzia per i cuntribuc. Oradechël rengrazions duc chëi che nes à dat pesć, che univa trac ora ala busca danter duc i partezipanc, y d’autri cuntribuc. De gra a Norbert Mahlknecht che à fat da ”speaker” y a Mario Falchi per la fotografies. L nes à fat scialdi plajëi che l vizepresidënt dla FISI Reinhard Schmalzl y la presidënta dl Schi Club Gherdëina Lidia Bernardi nes à unerà cun si prejënza pra chësta manifestazion. Manuela Perathoner de Peves Gherdëina Ala tlassifiches pòssen ti cialé plu avisa sun www.facebook.com Sci Club Gardena Saslong

L’ëiles ie unides premiedes dal vizepresidënt dla FISI Reinhard Schmalzl. Da m.c. Romina Ploner, Annemarie Gross y Esther Demetz.

Sport Vigoloppet stroz per l paìsc

Insnet vender ai 25 de jené, da les 21.00 te strada Rezia tel zenter de Vich vegnarà endrezà na cercia de Marcialonga. Duc é envié a proèr i schi da paslonch tel curt percors che vegnarà fat stroz per l zenter. Per duc sarà ence n bon bicer de vin ciaut e na bela festa en compagnìa. Marcialonga: 40^ edizion En vender ai 25 de jené te teater comunèl de Tieser h 21.00 conzert coi componenc da duta la Museghes de Fascia e Fiem, en sabeda ai 26 te Piaz Battisti de Tieser festa e defilèda coi guanc da paslonch da n’outa. En domenia ai 27 da les 8 dadoman pèrt la garejèda da Moena Maor info: www.marcialonga.it Cun la roda ju per la Dantercëpies N dumënia ai 27 de jené saràl dala 23.00 sun l purtoi Dantercëpies la garejeda cun la roda da mont “Moonlight Downhill Race.“ L fajerà pea 60 atlec. La premiazion sarà do la garejeda pra l travert dan l Hotel Krone te Sëlva cun mujiga y vin cuet. Plu nfurmazions pra Stefano Novelli info@ hotelcondor.it Pudejé da sëira sun Pana N lunesc ai 28 de jené saràl sun Pana pra l zënter de pudejé la sëira de pudejé cun la luna colma. Dala 20.00 inant ie l zënter daviert per duc. N possa pudejé debant y daldò uniràl mo dat ora tê y vin cuet. L Schiclub Gherdëina nvieia duc a unì sun Pana.


Informazions y Manifestazions

nr. 04 / 25 de jené 2013

Avisc Jì a ćiarè la crìpela

Al vëgn tignì en pé la bela usanza da jì a ćiarè la crìpela te ćiasa. Les crìpeles de Pasquale da Pliscia po gnì odüdes ćiamò ćina ai 2 de forà 2013, al vëgn aconsié da telefoné denant al numer 0474 501726 o 339 1035871. Udiënzes dla Uniun di Ostis

La Uniun di Ostis HGV tëgn udiënza inće a La Ila, vigni secundo y cuarto lönesc dl mëis, dales 15.00 ales 16.00, tl salf dla Cassa Raiffeisen.

♦♦Tles morvëies dla Corsica Dai 10 ai 17 de merz vëgnel organisé n iade cun cotan de escursciuns schialpinistiches, deboriada cun i mënacrëp Simon y Max Chi che oress fà de beles escursciuns cun schi y pels, à la poscibilité da tó pert a n iade demorvëia tla Corsica. Ai 10 de merz pëion ia, por rovè cun la barca sön l’ijola dla Corsica. Ilò gnaràl fat de beliscimes tours cun na contrada spetacolara.

Feries a Caorle

An rovarà sön les pizes da chëres che an vëiga jö le mer. I partezipanć al iade vëgn acompagnà dai mënacrëp Simon y Max. Zoruch vëgnon spo ai 17 de merz.

Nce chëst ann pieta la Caritas a mutons, families y jënt de tëmp de pudëi fé si feries a Caorle tla Villa Oasis y tla strutura “J. Ferrari.“ Per plu nfurmazions y per ve lascé scrì su pudëis cherdé su Klaus Metz, 347/5395761. Servisc de cura psicologica te n cajo de desgrazia L servisc de cura psicologica “Die Notfallseelsorge“ ie n servisc per persones che ie tumedes te na crisa tres la mort de zachei, tres na desgrazia o nce tres na catastrofa. Chëst ann d’ansciuda uniràl metù a jì n curs per duc i nteressei a chësc servisc. Per plu nfurmazions pòssen cherdé su Rudi Samt de Sëuc, tel. 335/1778673 nchin ai 26.01.2013.

Plü informaziuns ciàfon sön le sît www. max-willeit.it, tres e-mail a max.willeit@ rolmail.net o al numer de fonin 335/6849422.

Senteda generela dal Nëus Jëuni Gherdëina

Duta la lies che fej pert dla Nëus Jëuni Gherdëina y duc i nteressei, ie de cuer nviei a unì ala senteda generela ai 1. de fauré dala 19.00 tl local di jëuni Saut a Urtijëi tla cësa di Jëuni Ert y Cultura.

Iadi, jites y escursions Jita sun la Schönjöchlspitze

La Lia da Mont de Gherdeina mët a jì ai 3 de fauré na jita cun la peves sun la Schönjöchlspitze 2.337 m, te Sarntal. Sun piza arons na beliscima ududa ite per la pizes dla valeda de Durnholz. L se trata de na jita saurida y nia periculëusa per la levines. L deslivel ie de 887 m y l sarà da jì n 3 ëura. Per plu nfurmazions pudëis cherdé su Ugo, 349/0089939. Jita cun i schi

La grupa “Nëus jon pa bel plan” dla Lia da Mont de Gherdëina mët a jì n mierculdi ai 30 de jené n di cun i schi a S.Martino di Castrozza. Te chësc raion vélel l Superschipas. N possa se lascé scrì su nchin ai 28 de jené tla trëi butëighes de zënza. Plu nfurmazions giapëis da Elfriede, 348/0469287. Jita cun la peves sun la Ponta Lastoi de Formin

I Jëuni dla Lia da Mont mët a jì ai 2 de fauré si prima jita cun la peves. L se trata de na jita saurida. L unirà pia via dala 7.00 daduman sun plaza S. Antone per se fermé damproite. Da tò pea iel n pipser, na pela y na sonda, da maië y da bever. N possa nce se mpresté ora l material. Per plu nfurmazions y per l’iscrizions, pudëis cherdé su la Nëus Jëuni Gherdëina, 0471/799006. Cun la Uniun Maestri Ladins a Treviso

L’UML inviëia en mertesc ai 12 de forà da jì a Treviso ala mostra ”Tibet tesori dal tetto del mondo”. An pëia ia dales: 6.00 Al Plan (dan stödafüch), 6.05 Longega, 6.15 Picolin, 6.20 Pidrô, 6.30 Pedraces, 6.35 La Ila, 6.40 Corvara (botëga Kostner). S’anunzié anter le 31 de jenà pro Ubi Valentini al nr. 0471/839714 (da sëra). Duc a Kitzbühel con Sabo e Devil

I FanClub de Stefano Gross e de Cristian Deville se à endrezà a jir a Kitzbühel per la garejèda de Copa del Mond en domenia ai 27 de jené. L pulman pea via da Moena e Poza bonora e l rua de retorn da sera tèrt. Per info e per veder se l’é amò post ge vel se oujer a Moena a l’Hotel Cavalletto, a Poza a la Majon de Sabin (vejin a Bufaure) o da Sport Star
. Schitour sön pista da Vals sö

La schitour organisada dala Lia da Munt Ladinia - Val Badia vëgn desfirada en mertesc ai 29 de jenà da sëra. An va da Vals/Jochtal ite y sö por pista ćina a 2000 metri (Tanz der Vampire). Infos y prenotaziuns pro Paul al 347/4736300. Cun la liösa sön la Fane Alm

En domënia ai 27 de jenà mët da jì la Lia da Munt Ladinia - Val Badia na jita cun la liösa sön la Fane Alm (2.282 metri). La dificoltè é mesana, cun n tëmp da jì de za. 1,5 ores y n deslivel de 330 metri. Informaziuns pro Franz Moling al 340/6816332. Escursciun cun les ciaspes

En mercui ai 30 de jenà mët da jì l’Assoziaziun Turistica da Corvara-Calfosch na escursciun cun les ciaspes a tëmp de löna. An pëia ia dales 21.00 da Calfosch/Hotel Luianta demez, por jì ćina ai saltadus dl Pisciadù y gnì zoruch indô a Calfosch. Por informaziuns o prenotaziuns pòn contatè i ofizi turistics dl’Alta Badia. Te Fanes cun la Lia da Munt Jonila

I Jogn dla Lia da Munt Ladinia - Val Badia é bel invià a na jita cun la liösa tla munt de Fanes, en sabeda ai 2 de forà. Da jì él apresciapüch döes ores, le deslivel é de 500 metri. Prenotaziuns almanco dui dis danfora pro Paul al 347/4736300 o Verena al 338/3399409. Schitour sön la Bärentalerspitze

La schitour vëgn organisada dala Lia da Munt Ladinia - Val Badia, en domënia ai 3 de forà. Al é na schitour saurida cun n tëmp da jì de za. 3 ores y n deslivel de 1.020 metri. Informaziuns pro Heidi Dapunt al 334/3501192 o Edmund De Vettori.

De merz vëgnel organisé schitours tla Corsica.

Cursc Corsc de ladin te Fascia Ai 29 de jené taca i corsc de ladin te Scola Ladina de Fascia per chi che enten e rejona ladin e che vel fèr l’ejam B2 o C1. I corsc i jirà inant enscin ai 9 de oril e i sarà de mèrtesc e jebia. L cost l’é de 80 euro e se cogn se scriver ite jir a la Scola Ladina de Fascia a Poza, telefon 0462.760340. Cors de Yoga, Pilates, Respirazion e Meditazion te Fascia

La sociazion “Mens Sana in Corpore Sano” endreza corsc de Hata Yoga, Pilates, Ginastica Posturèla, Tecniches de respirazion e Meditazion te palestra de la scola populèra de Pera. Info e iscrizions: mente.corpo.benessere@gmail.com o ai numeres: 338.3690654 e 345.3584410. Dessenië act

L curs ie cun Arnold Holzknecht, artista de Urtijëi, dai 4 de fauré 2013 nchin ai 27 de mei, for de lunesc dala 20.00 nchin la 22.00, de ndut 28 ëura. Per plu nfurmazions y per ve scrì su pudëis cherdé su la Scola Profesciunela, 0471/796733 o mandé n’ e-mail a lbs.st-ulrich@ schule.suedtirol.it Scora por geniturs: ”Le spavënt ducejin dla puberté”

Organisada dal Zënter Families Mareo cun le Katholischer Familienverband. Tema sarà la puberté - i mituns dai 10 ai 14 agn. Indöt 5 incuntades, dai 19 de forà ai 19 de merz, tres le mertesc. I iscrić al ZFM paia 50,00€ a će o 70,00€ intrami i geniturs. I nia scrić ite 55,00€ resp. 75,00€. Iscriziuns ćina al 31 de jenà pro Verena Ties al nr. 334/5816850. Curs de Zumba Le Zënter Families Mareo inviëia düć i interessà a na proa de ginastica zumba, en mercui ai 30 de jenà, dales 17.00 ales 18.15,Hotel Sport a Al Plan de Mareo. chi che ô, metaràl spo man ncurs ai 6 de forà,dagnorade mercui dales 17.00 ales 18.00, por 8 iadi. Les iscriziuns gnarà tutes sö en chël dè. Na orentè yoga nöia Curs de yoga cun Anna Steeman, dal 21 de forà inant por indöt 6 iadi (90 menüć al iade), tl zënter Trayah a Bornech. Orars: 18.00 y 20.00. Informaziuns y prenotaziuns al 340/3644547, www.anna.steeman.it.

Encontedes y discuscions Scontrèdes per i joegn con FassaLux

FassaLux col projet “InnovaMente: oltre l’eccellenza” met dant scontrèdes per responer ai besegnes de la persones pean via da la cognoscenza de la realtà. En mèrtesc ai 29 de jené h. 14.00-18.00 te Scola Ladina a Poza: “Soi o ensema? Interazion con foravìa: cooperazion, competizion, concorenza e oportunitèdes” col dotor Giulio Misconel.

Libres y letura Lejer con l’animazion te Fascia

La biblioteca de Vich endreza letures animèdes col grop de teater Arjuna en jebia ai 31 de jené e en jebia ai 28 de firé da les 17.00. Vegnarà portà dant la pìcola animazion con le “Storie in valigia”. Info te biblioteca de Vich da lunesc a vender h. 15.00-19.00, tel. 0462.763062. www.lauscdiladins.com

39


Informazions y Manifestazions Dotors y Apoteches

nr. 04 / 25 de jené 2013

Chino

Dotors en servisc tla Val Badia y te Gherdëina Le dotur en sorvisc tla findledema dai 26 ai 27 de jenà, ti comuns de Badia, La Val y Corvara, é le dotur Guido Caretta, Calfosch/Corvara, tel. 0471/836870 o 337/616080. Ti comuns de Mareo y da San Martin saràl en sorvisc le dotur Ziad Barakat, Al Plan de Mareo, tel. 342/6651513. L dutor de servisc te Gherdëina dala 8.00 da duman de n sada 26 de jené nchin la 8.00 da duman de n lunesc 28 de jené ie l dutor Giuliano Piccoliori de S. Cristina, tel. 0471/792282. Apoteches en sorvisc tla Val Badia y te Gherdëina

L’apoteca en sorvisc tla Val Badia, fora dl orar ordinar, dal vëndres ai 25 de jenà al vëndres al 1. de forà, é chëra da San Martin/Picolin, tel. 0474/523020. L’apoteca de servisc te Gherdëina che à daviert ora dl orar ordiner da n vënderdi (dala 19.00) ai 25 de jené nchin n vënerdi ai 1. de fauré ie chëla de S. Cristina, telefonn 0471/792106 o 333/1776615 (orar de giaurida 8.00-12.00/15.00-19.00).vëndres ai 25 de jenà, é chëra da La Ila, tel. 0471/847152.

Al chino de Cianacei En sabeda ai 26 de jené da les 21.15 e en domenia ai 27 de jené, da les 17.00 e da les 21.15, se pel veder “Vita di Pi” e en mèrtesc ai 29 e en mercol ai 30, da les 21.15 vegnarà moscià “Flight”. Al chino de Pardac

Insnet, vender ai 25 e lunesc ai 28 de jené da les 21.15 se pel veder “Lincoln”. En sabeda ai 26 e en domenia ai 27 de jené, da les 17.00 se podarà veder “Le avventure di Fiocco di neve” e da les 21.15 sarà endò da veder “Lincoln”. En mercol ai 30 e en jebia ai 31 de jené da les 21.15 vegnarà moscià “Mai Stati Uniti”. Al chino de Tieser

En sabeda ai 26, en domenia ai 27 e en lunesc ai 28 de jené, da les 21.15 se pel veder “La migliore offerta”. L fin de setemèna che vegn dal 1° ai 3 de firé se podarà veder l film comedia “Pazze di me”. Al chino de Ciavaleis

Insnet vender ai 25 de jené, e ence en sabeda ai 26 e en domenia ai 27, da les 21.15 se pel veder l film del regist Steven Spielberg “Lincoln”.

Mostres, projec y concursc d’ert

“Duc tel medemo piat” Mostra di laûrs de Adalbert Tolpeit a Al Plan

La mostra é da odëi al Cafê Teresa tles ores che le bar à davert, ćina da Pasca. In Between – Mostra de Vera Comploj

L Museion de Bulsan nvieia duc a unì a ti cialé ala mostra de fotografia “In Between“ dl‘artista jëuna de Sëlva Vera Comploj che viv y lëura a New York. La mostra sarà da udëi nchin ai 7 de auril, da merdi nchin dumënia 10.00 – 18.00, de juebia 10.00 – 22.00. De lunesc iel stlut. La ntreda ie debant.

Tel chèder del projet “I luoghi della sobrietà”, l Comun de Pardac e etres enc e sociazions endreza la rassegna de film e degustazion “cibo e video desvalivanza”. Cater apuntamenc de vender dai 25 de jené ai 15 de firé, h. 20.30 te Istitut “La Rosa Bianca” via Degasperi 14. Se taca insnet con “Tambien la lluvia”. Entrèda debant, degustazion a oferta ledia.

Concursc

Mostra del pitor Gino Bellante a Ciavaleis

Concors “Identità zenza paroles”

Al Zenter d’èrt contemporanea de Ciavaleis (Piazzetta Rizzoli 1) se pel veder la mostra personèla del pitor Gino Bellante da Ciavaleis. La esposizion resta fora enscin da Pèsca de sabeda e domenia con orarie 15.30-19.30. Dai 26 ai 30 de mèrz 2013 la sarà averta duc i dis, con l medemo orarie.

I Volontadives del lengaz del Comun general de Fascia porta dant l concors “Mia identità zenza paroles”, con l’obietif de spenjer duc i sentadins de Fascia a dir fora sia idea de identità travers na foto o n curt filmat. L’é amò temp demò enscin ai 31 de jené. Info te Comun general al 0462.762158 o www.comungeneraldefascia.tn.it

www.smach.it

Concurs internazional de intervenziuns artistiches y laûrs d’ert sön teritore dl comun da San Martin de Tor, davert a dötes y a düć. Informaziuns y la bandida por tó pert sön internet www.smach.it

Trasmiscions TV y Radio Te “L Cianton de l’Istitut” sun TML amò chest fin de setemèna, enscin ai 27 de jené, Dì de la memoria, vegn manà fora l program “Richard Löwy e l doer de la memoria”. Con en lunesc ai 28 se podarà veder “Mascherèdes e faceres” con Virgili Soraperra de la Zoch e Cesare Poppi. Oraries: sabeda h. 17.30; domenia h. 21.00; lunesc h. 15.45; mèrtesc h. 18.00; mercol h. 21.45; jebia h. 20.15, vender h. 11.30. “Ercaboan” sun TML e sul web

Sun TML ogne sabeda va fora n nef program de la rubrica “Ercaboan”. Chisc i oraries indicatives: sabeda h. 18.00 e 20.45; domenia h. 13.30 e 18.15 e dapò duta la setemèna: lunesc h. 20.45; mèrtesc h. 17.30; mercol e jebia h. 18.15 e vender h. 20.00. La programazion de TML é ence sul sit www.tmltv.it e i programes de Ercamedia sun www.tvladina.com.

♦♦Festa da Carnescià tl Saut La Nëus Jëuni Gherdëina nvieia duc, jëuni, da stramp jëuni y manco jëuni ala party tradiziunela da Carnescià n Juebia Grassa, ai 7 de fauré. Chëst ann suneràl per nëus i “Pëufla” "I Pëufla" purterà bona ueia y devertimënt. Scumencion la festa dala 20.30 tl local di jëuni Saut. Unide duc mascarei y tulëde pea truepa bona ueia. Piton nce zeche da maië y sambën velch da bever.

40

www.lauscdiladins.com

Carnascèr ta Penìa

L Grop de la Mèscres de Dèlba e Penìa te chest temp de carnascèr ve speta ló da la veia scoles de paìsc per la mascherèdes. En sabeda ai 26 de jené da les 20.30 vegn portà dant “Na sera da carnascèr” de Simon de Giulio.

Mujiga

Dò Löwy, l Carnascèr tel Cianton de l’Istitut

N Juebia Grassa vëniel fat festa tl local di jëuni Saut.

Carnescé

Speron de udëi nce té!

Cunzert di Phos Chor La Lia dl Turism de Sëlva fej a l savëi che n merdi, ai 5 de fauré saràl dala 21.00 n cunzert dl chor gospel “Phos Chor“ te dlieja de Sëlva. La ntreda ie debant.

Temp lede Ski show a San Ćiascian La Scora de Schi da San Ćiascian mët da jì en mertesc ai 29 de jenà na acrobatic ski show sön la pista ”Piz Sorega A”, dales 21:00 inant, cun na desmostraziun dles tecniches di schi y salć. Jì cun i schi de nöt En mercui ai 30 de jenà podaran jì cun i schi inće de nöt. La pista ”Doninz” gnarà te chësta ocajiun iluminada dales 20:00 ales 22:00. XXIV Gara di ćiavai En jöbia al 31 de jenà dales 21.00 vëgnel metü da jì jödapé dla pista Gran Risa la gara di ćiavai y skikjöring dla XXIV ediziun. Tratan la manifestaziun gnarà jö i maestri dai schi dla Scora dai Schi da La Ila cun i chentli. La manifestaziun gnarà abelida da tröpa musiga y corusc jödapé dla Gran Risa. La Uniun di Pëiapësc fistidiëia dda dè fora vin cöt y tê. Al ”Bauernbundball” a Desproch cun la Jonëza da Paur Le bal é en vëndres ai 8 de forà a Desproch. Orars dla coriera: 18.00 a Pedraces, 18.15 a Pidrô, 18.25 a Piculin y 18.40 a Longega. An prëia da ester puntuai. A ćiasa rovaràn dales 4 da doman. Prisc: 36,00€ a će (iade y entrada). Prenotaziuns ćina ai 5 de forà pro Brigitte Tschurtschenthaler al 338/6412336 (do les 17.30) Domesdis de pastelné cun Martina Ncuei vënderdi ai 25 de jené scumëncia inò i domesdis de pastelné cun Martina. L unirà fat zeche de blòt per carnescià per mutons y mutans dla 4 y 5 elementera. Ai 1. de fauré uniràl fat zeche de blòt per carnescià per mutons y mutans dla prima, segonda y terza elementera. Per l’iscrizions pudëis cherdé su la Nëus Jëuni Gherdëina, 0471/799006. Florian y l pitl igl La biblioteca San Durich nvieia duc i mëndri ai 2 de fauré dala 10.00 danmesdì ala prejentazion de n liber ilustrà cun Irene Moroder y a n’ëura ulache l ti unirà liet dant a mëndri danter 3 y 6 ani. Danterite sunerà Georg Malfertheiner, daldò uniràl pastelnà n blòt igl. Jon tl Cineplexx N sada ai 2 de fauré jirons a Bulsan tl Cineplexx. I jëuni danter 11 y 16 ani ie de cuer nviei a unì pea. Per la iscrizions pudëis cherdé su la Nëus Jëuni Gherdëina, 0471/799006.


Religion y Anunzies

nr. 04 / 25 de jené 2013

N gran compagn dl Sant ladin L’ann 2013 él passè 110 agn che al é mort le pröm vësco SVD y compagn de Sant Ojöp da Oies Johannes Baptist Anzer. Deboriada é ëi pià ia l’ann 1879 da Steyl (Olanda) y é jüs tla Cina por mëte man l’ativité miscionara SVD Pröma pert de döes, va inant tla ediziun che vëgn

Rengraziamënt

Tarejia Nagler vëd. Comploi *23.02.1931 +15.01.2013

s’é indormedida sarëna tla pêsc de Dî, do na vita döta dedicada a süa familia y al laûr. I familiars dla defunta dij de cör giulan a Siur Degan, a Siur Franzl y a sü conzelebranć, ai ministranć, al mone y al cor de dlijia pur avëi abelì la Santa Mëssa. Dër bel giulan a düć chi che à tut pert ales corones, y ala mëssa de sopoltüra.

Religiun - L’ativité miscionara SVD à portè tla Cina de bogn früć y tröpes converjiuns de pagans cineji tl grëmo dla Dlijia Catolica. Porchël él bun y dërt che al vëgnes recordè la vita y les operes de Johannes B. Anzer. Cis chi che venerëia Sant Ojöp da Oies podess ester interessà da aldì val’ de chësta gran personalité che é stada dassënn liada al Sant ladin. Johannes B. Anzer é nasciü ai 16 de mà dl 1851, n ann dan Ojöp Freinademetz, a Weinrieth tla Oberpfalz, tl nord de Paiern; al à albü 7 sorus, de chëstes é döes deventades monies. L’ann 1863 s’à la familia trasferì a Pleystein, tres tl medemo raiun. Do che le möt de 12 agn â fat na cörta preparaziun, l’à so pere condüt tl convënt de San Michîl a Metten, tla diozeja de Regensburg. Ilò àl frecuentè le ginase-lizeum tl pice seminar vescovil, y fat matura l’ann 1872, sciöche Ojöp Freinademetz. Spo él jü tl seminar da Regensburg a studié filosofia y teologia. Mo al ne s’acontentâ nia dla vita normala da teologh, al s’interessâ de paîsc fora dl’Europa y s’informâ cun la letöra de folieć y notizies che rovâ adalerch da paîsc de misciuns. Tosc àl spo Johannes Baptist Anzer. tut la dezijiun da deventè nia prou diozejan, mo da se dediché al plü rî sorvisc da miscionar te n paîsc forest, poscibilmënter tla Cina. Deache inlaôta n’êl degun istitut dles misciuns ti Paîsc Todësc, àl damanè pro les misciuns MEP de Paris, mo al n’ê nia gnü tut sö, deache al ê forest. Ai pröms dl ann 1875 liô Anzer la notizia tl pice foliet dl Cör de Gejù (Herz-Jesu-Bote) che al dê gnì metü sö n istitut por les misciuns da Arnold Janssen.

N gran giulan a vignun che à fat val’ sorvisc por acompagné nosta uma, giulan pur i ciüfs, les gherlandes, les ćiandëres, pur vigni spënora, pur vigni parora de confort y oraziun, pur les condolianzes y pur vigni aiüt ciafè te chësc tëmp. N giulan particular ai vijins y ai parënć. I orun rengrazié l’dotur Agreiter, les infermieres, la Crusc Blanćia, l’spitol da Bornech y düć chi ch’é gnüs a la ciafè y chi che se recorda inant de nosta uma tla oraziun. N sintì giulan a berba Federico che ti é tres stè dlungia ti bì y ti bur’ momënć y a düć chi che ti à orü bun. Che Dî s’l pàies!

Condolianzes Le Diretur, i insegnanć, le personal nia insegnant dla Direziun Raionala de scora ladina Al Plan tol pert al dolur dl secretêr dla scora mesana Giovanni Comploi por la pordüda dla uma

Pro i fondadus SVD

Tarejia Comploi nasc. Nagler.

La notizia ê gnüda tuta sö cun gran ligrëza da J. Anzer. Zënza pisimé dî, s’àl tut dant da stè ite pro chël istitut, inće sce so vësco ê decuntra. Al s’à metü söl iade y é rovè ai 29 d’otober a Steyl, tut sö sambëgn cun gran ligrëza dal fondadù Arnold Janssen. Vigni man gnô adorada por mëte apost y dortorè sö la ćiasa dër en malester. Al tolô inće pert a laurè fora les regoles dl ordinn SVD, porchël vëgnel inće conscidré sciöche secundo fondadù SVD. Mo bele tl pröm n’ê A. Janssen y J. Anzer gonot nia dla medema minunga. Chësc messâ fà ćiamò n ann de stüdi de teologia, spo êra tan inant che al gnô consacrè prou tla catedrala de Utrecht. Al ê le pröm prou gnü fora dla ćiasa miscionara SVD. Trëi edemes dedô êl rové zoruch te süa patria a Pleystein, olache al ti é gnü fat na gran festa pro süa mëssa noela. Por dui agn êl spo restè a Steyl a daidé fora tl ginase, insignan latin y d’atres materies; implü tignôl inće leziuns de teologia por i studënć. Mo le tignì scora ne ti plajô a degüna moda; sü pinsiers rodâ tres incër i popui pagans, che ne conesciô nia ćiamò la religiun cristiana. Chësc ne ti lasciâ nia pêsc.

Recort Bele 10 agn él passè da canche t’as messè se lascè. Cun gran incherscimun punsunse dô al tëmp che t‘ês chilò pro nos. Dër tröp se manćia tüa presënza y to amur, mo sce i ćiarun sot te nüsc cörs sintiunse che tö es ćiamò chilò pro nos. Ilò aste ciafè n post che restarà dagnora to.

Freinademetz y Anzer s’incunta

I urun recordè

Ai ultims d’agost 1878 rovâ inće le caplan Ojöp Freinademetz a Steyl. Ilò incuntâl J. Anzer, le compagn y colegh cun chël che al s’à spo passè ia oramai döta la vita. Deboriada ài inće soportè de gragn sacrifizi y bries cun desposiziuns personales dër desvalies: Anzer cun la forza y energia, p. Freinademetz cun l’amur, la buntè y la calma. Intrami i proi jogn se sintî destinà da jì tles misciuns, porchël à la direziun SVD da Steyl tosc tut la dezijiun da menè i dui miscionars tla Cina, sciöche ai s’â dejidré. Al ti ê ma restè püch tëmp por se arjigné ca cun imparè val’ püch dl lingaz cinesc y de rové ite tla pratica da ti jì pormez y convertì i pagans.

Costante Valentini

Mëte pé tla Cina Intrami ési spo pià ia, ai é naota storć pro te so paîsc nadè por tó comié da so parentè y compagns, spo ési indô rovà adöm a Roma, olache ai à albü la fortüna da ciafè na udiënza dal Papa Leo XIII y da se perié la benedisciun papala por la impreja tan vagada. A Ancona ési spo sentà söl bastimënt che i à portè tl tëmp de 6 edemes fina Hong Kong, chë cité y chë tera tan sperada da intrami. Ilò ài ciafè alberch tla residënza dl vësco Raimondi. Deperpo che le miscionar Freinademetz gnô ortié sö na ijola a porvè da derzè fora valch pro i pëiapësc incundan la buna noela, ê J. Anzer gnü metü a daidé fora tl ginase sciöche prefet y insegnant de latin, mo al ne se cuntâ nia da fà chël sorvisc. Do da n ann àl indô podü lascè Hong Kong y jì sö tl nord por rové tla provinzia de Shandong. Ilò êl gnü tut sö tla cité de Jinan dal vësco Cosi, che ti â pité l’ocajiun da imparè le lingaz cinesc dl Shandong y de s’ausè ite tla manira da ti jì pormez ai cinesc de chël raiun, y da i convertì ala religiun cristiana. N mëis dedô ê rové tl medemo post inće le miscionar Ojöp Freinademetz. Pornanche ai s’â lascè jö, orô J. Anzer bele tosc jì inant, al pretenô che al ti gniss surandè n raiun olache i dui miscionars ess podü mëte man cun le laûr pastoral di verbić. I pröms dl ann 1882 podô J. Anzer indô se mëte söl iade por rové tl paîsc Puoi, olache al urtâ bele 158 cristians cinesc. Sambëgn che al ê dassënn rî da s’orientè te n ambiënt dldöt nü, cun püćia esperiënza da mëte man le laûr de converjiun di pagans cinesc. J. Anzer ne pordô nia le coraje, cun süa forza y so talënt de organisaziun êl tosc stè bun da fà sö na maiù dlijia, na calonia, na ćiasa por orfanns y i.i. A le daidé rovâ do le miscionar O. Freinademetz. Canche ai s’â arjigné ite danü, metôi man da rodè intoronn por urtè pagans de d’atri paîsc.

tla Santa Mëssa en jöbia al 31 de jenà dales 18.00, tla dlijia da La Ila. Giulan a chi che tolarà pert y se recorda de ël. I familiars

Rengraziamont Con encorsciomun y reconescionza ànse tut comié dla mama

Marta Obojes nasc. Trebo de Gorge *11 de jenà 1928 +16 de jenà 2013 Bel iolan a Edith da Peraforada co ti à fat le goêrn, a Ingrid l’infermiera y al dotur Marcocci. I dijun iolan a düć chi co à tut pert ala sopoltöra, ai prei, ai ministronć, ala mogna, al cor de dlijia y a düć chi co à fat en sorvisc. Iolan de dötes les espresciuns de condolianza y dles ofertes gnüdes fates. Bel iolan a düć chi co à perié por la mama y la recordarà ennant tl’oraziun. I familiars

Josef Moling www.lauscdiladins.com

41


Religion y Inserac

nr. 04 / 25 de jené 2013

Religion

Vangel dla Domenia 3. Domënia ia por l’ann C, ai 27 de jenà 2013

Santa mëssa cun benedisciun dla Scualtöra de Sant Ujöp da Oies

Chësta domënia ai 27 de jenà 2013 dales 9:00 saral tla Dlijia da San Ćiascian la santa mëssa en onur de Sant Ujöp da Oies cun la benedisciun dla scultöra nöia dl Sant, lasciada fà dala Vijinanza da San Ćiascian da pert dl artist Albert Crazzolara. Festa de Sant Ujöp Freinademetz a Oies

En lönesc ai 28 de jenà dales 20.00 saràl na liturgia en onur dl Sant, abelida dal Cor de Dlijia da Lungiarü. Mertesc ai 29 dales 16.00 mëssa solëna cun abelimënt dl Cor Kèrygma, dales 20.00 mëssa solëna por todësch y talian abelida dal Cor de Dlijia da La Val. Zelebrant pro intrames les mësses sarà p. Sepp Hollweck SVD. Al vëgn perié da se mëte adöm cun i auti por jì sö Oies. Preparaziun al Bato

La Uniun dles Ëres Catoliches da San Martin inviëia i geniturs che aspeta n pice o à n pice da batié, sciöche inće totes y tòć, ala Preparaziun al Bato, en sabeda ai 26 de jenà, dales 15.00 ales 17.00, tl salf di stödafüch a San Martin de Tor. Referënt é le maester de religiun Erich Frenademetz. Prenotaziuns al nr. 0474/523276. Mëssa a onur dl Sant da Oies a Bornech

Ai 29 de jenà dales 19.00 vëgnel dit tla dlijia de ploania da Bornech na mëssa ćiantada por ladin y por todësch en onur de Sant Ojöp da Oies.

♦♦Pelegrinasc a Roma N ucajion dl ann dla fede mët la Pluania de Urtijëi a jì n pelegrinasc a Roma, dai 25 de fauré nchin ai 1. de merz sun la fosses di apostuli, prim testemonesc dla fede Pra chësc viac pòssen nce davanië la ndulgenza plenaria staurdinera per chësc ann dla fede. L unirà pià vi n lunesc 25 de fauré dala 6.00 daduman sun plaza S. Antone. Ntan l viac jirons a ti cialé ala zità de Orvieto y ruveron a Roma per cëina. La cëina, l durmì y l gusté sarà tla cësa di pelegrins “Fraterna Domus“ Via Scrofanese, 25 mpue ora de Roma. N merdi 26 de fauré jirons do gusté a ti cialé ala catacombes de S. Callisto, iló saràl nce na santa mëssa y na vijita ala Basilica di S. Paolo Fuori Le Mura. La marënda sarà tla “Fraterna Domus“ Via Monte Brianzo tl zënter de Roma. Domesdì jirons a spaz tl zënter storich de Roma, Piazza Navona, Piazza Panteon, Fontana di Trevi y Piazza di Spagna. Da sëira cëina y durmì tla cësa “Fraterna Domus“ Via Scrofanese, 25 mpue ora de Roma. N mierculdi 27 de fauré jirons do gusté de viers dla Basilica di San Pietro tl Vatican. Dala 7.45 daduman se ancunterons pra l obelisch de Piazza S. Pietro cun mons. Giuseppe Bart, che vën bele truep ani a Urtijëi ntan la feries a judé ora. Dala 8.00 saràl na santa mëssa sun la fossa dl Beat Papa Giovanni Paolo II y do chël na udienza dal Papa Benedët XVI. Marënda tla “Fraterna Domus“ Via Monte Brianzo tl zënter de Roma. Do marënda tëmp liede o per chëi che uel jì a spaz, Campidolio, Santa Maria in Ara Coeli, Foro Romano, Colosseo, San Gregorio al Celio. Da sëira cëina y durmì tla cësa “Fraterna Domus“. N juebia 28 de fauré furnerons do gusté de viers dla Via Laurentina al’Abbazia delle Tre Fontane. Vijita y ancunteda cun l abate Jacques Briére dl ordenn di Monaci Trappisti. Marënda tla “Fraterna Domus“ Via Monte Brianzo tl zënter de Roma. Dala 15.00 santa mëssa cun ndulgënza dl Ann dla Fede tl Santuario della Divina Misericordia, daujin al Vatican, ulache sta mons. Giuseppe Bart. Daldò tëmp liede. Da sëira cëina y durmì tla cësa “Fraterna Domus“. N vënderdi 1. de merz jirons do gusté de viers de Assisi cun vijita ala zità y ala Basilica di S. Franceso. Marënda deberieda daujin ala dlieja S. Maria degli Angeli (Porziuncola). Pona va l viac inant y ruveron a cësa ntëur la 22.00. L priesc ie de € 400,00 che ie da paië al mumënt dla iscrizion. Per chëi che uel na majon da un n liet iel na spëisa sëuraprò de € 15,00 a nuët. Se nuté su pòssen dai 28 de jené dala 8.00 daduman inant te calonia de Urtijëi y uniun possa mé scrì ite 2 persones. Tl priesc iel laite la curiera, la teleferica, ntreda tl dom a Orvieto cun acumpaniadëur, 4 dis de pension cumpleta a Roma, ntreda y acumpaniadëur tla catacombes, marënda a Assisi.

Dal vagnele do San Lüca, 1, 1-4; 4, 14-21 Bele deplü s’un n’à tut sura de mëte jö na relaziun sura döt ći che é sozedü y che s’à ademplì danter nos. Laprò s’ài tignì ala tradiziun de chi che ê sta dal scomenciamënt inant testemoni oculars y sorvidus dla parora. śëgn m’ài inće iö tut dant de ti jì do a döt cant avisa da funz insö, por le scrì sö bel indolater por tè, stimé Teòfilus. Insciö poste ester sigü de podëi confidé tl insegnamënt te chël che t’es gnü istruì. Te chël tëmp é Gejù, implì dla forza dl Spirit Sant, indô jü tla Galilea. Y le baié porsura ël se slariâ fora sura döt le raiun. Al insignâ tles sinagoghes y gnô aprijé da düć. Insciö él inće rové a Nàzaret, olach’al ê chersciü sö, y é jü, sciöche zënza, le sàbat tla sinagoga. Canch’al é lovè sö, por lì fora dla Scritöra, ti àn sport le liber dl profet Isaìa. Al à daurì le liber y é rové pro le toch olach’al é scrit: ”Le Spirit dl Signur é sön mè; deache le Signur m’à unt. Al m’à menè, por ch’i ti portes ai püri na noela de ligrëza; por ch’i ti incündes ai sarà ia la deliberaziun y ai verc la löm di edli; ch’i mëtes i desgrazià tla liberté y protlamëies n ann de grazia dl Signur.” Spo àl stlüt le liber, ti al à dè al sorvidù dla sinagoga y s’à sentè jö. I edli de düć tla sinagoga ê ôć sön ël. Spo àl metü man da ti splighé: Incö s’à ademplì la parora dla Scritöra ch’i ëis dër aldì. Parora dl Signur. - Lalt a té, Gejù Crist! Chirì da laour N ël chier da lëur a fé de uni sort de stroc te Gherdëina. Tel. 329/6278468. (2/13) ••• N ël chier da lëur sciche cuech, segondo cuech o pizzaiolo. Tel. 333/2408296. ••• N ël chier da lëur sciche segondo cuech, a lavé ju o a fé de uni sort de stroc. Tel. 338/9943759 o 346/5913410. (2/13) ••• N ël chier da lëur coche segondo cuech o a fé de uni sort de stroc. Tel. 339/1243907. (2/13) ••• N ël chier da lëur sciche segondo cuech o a judé te cësadafuech. Tel. 346/9433550 o mandé na e-mail a surest-Kumar1919@ hotmail.de (2/13)

L VKE sezion Gherdëina chier acumpaniadëures y/o coordinadëures per l instà di mutons „L Pavël.“ N possa fé dumanda tl ufize dla Nëus Jëuni Gherdëina dai 01.02. - 29.03.2013 www.vke.it

L vën vendù na Ape Piaggio “Kipper” culëur blanch, dl ann 2005, 18.000 km, 20 PS, penzin. Nteressei possa cherdé su l numer de telefonn 0471/777600.

La dita Ve.Cos. Sas da S. Martin de Tor chir da atira 1 pröm laurant (Vorarbeiter) da zumpradù. Prëibel cherdè sö le 347/0833850.

Hotel Christiania a La Ila chir na secretêria dl post por döt l'ann, che sais le talian, todësch y inglesc, eventualmënter inće da insigné jö. Ara podess mëte man da laurè d’aurì o inće por la sajun da d’isté. Prëibel cherdè sö le 0471/847016. La fossa de Papa Giovanni Paolo II.

42

www.lauscdiladins.com

N cogo dl post cun 30 agn de esperiënza chir da laûr te ćiasadafüch, por n valgünes ores da sëra. Tel. 338/3821293. (2/13) ••• Na jëuna cun esperienza chier da lëur a rumé su majons te Gherdëina. Tel. 331/7457821. (3/13) ••• N ël cun 5 ani de esperienza de lëur chier da lëur pra n lift. Tel. 340/8585436. (3/13) ••• Na ëra dla Romania de 60 agn che à laurè sciöche badanta tla Val Badia chir laûr da atira. Por informaziuns prëibel cherdè sö le numer olache ëra à laurè ćina śëgn 347/4410190. (3/13) *** N ël chier da lëur a rumé su o a lauré

da pech n valgun ëura nce da sëira te Gherdëina. Tel. 393/1405886. (4/13) *** N’ëila de 44 ani cun na laurea de pedagogia tla Moldavia che rejona talian, rus y nglëisc cun esperienza chier da lëur a cialé de pitli mutons o de na persona de tëmp, o a rumé su majons. Tel. 389/2471396. (4/13) *** N jëunn de 24 ani chier n lëur te n hotel. Ël sà talian, rus y ngëisc. Tel. 327/9064572. (4/13) *** Na ëra cun set agn de esperiënza chir da laûr sciöche badanta. Tel. 349/3335226. (4/13) ***

H10 Apartments Vester a cësa tl zënter de Bulsan. L vën vendù te scialdi na bela luega cuatieres da doi, trëi o cater majons cun garaje diretamënter dal patron. Cësa tlima B Nfurmazions y venduda Tel. 335/1986142 peter.brunner@ immoholding.it www.immoholding.it

39012 Maran Rennstallweg 1-3 chier cunlauradëures cun esperienza per vënder i prudoc dla firma te Gherdëina, Fascia y Flëm. Tel. 0473/234990 info@hegematic.com

inserac@lauscdiladins.com

Ésseste ligrëza da laurè tl monn di auti? Por nosc ofize comerzial chiriunse 1 jonn/a che ais tröpa vëia de fà. Le post é por döt l’ann. Passéde da nos, cherdésse sö al 0471/839865 o menéde osc curriculum a info@autoaltabadia.it A S.Cristina vëniel fità via da mei inant n restaurant/bar. L local ie nce adatà per na majera butëiga. Prëibel cherdé su l 338/6370086.

Nëus aspiton tlo tla cësa di tieres sce zachei unissa a nes tò. Prëibel cherdé su la Cësa di Tieres Obervintl 0472/868172. www.tierheimobervintl.it


Congratulazions

nr. 04 / 25 de jené 2013

A Stefano Cincelli de Cibele

Cara Tota Barbara in mertesc ai 29 de jenà éla tan inant 30 ćiandëres él da mët’ sön la torte, iö vëgni a daidé suflè y laprò i orghi messaraste sunè. Gran festa urunse fà.

che ai 9 de jené l’à arjont  l spiz de l’Aconcagua en Argentina de bie complimenc   da duc chi de ciasa

Tüa fiocia Nicole

Nosta Cherubina

Oila Hubert

a 70 éla rovada, na prossa da düć aratada, mo chîta n’éra bëgn mai stada, porchël finamai sö por munt cun na gran prescia vala, mo ma por podëi se mangé n gran dlacin cun tröpa brama. Döt le bun y tröpa sanité! Tü fredesc y tües sorus

śëgn stà ma n pü’ sö finalmënter i 18 agn aste inće tö. Ala patent éle śëgn da punsè y le rest po aspetè. I laûrs de fadia éle to pice fre che fej ia. Inće

al Andrea pur sü 6 agn che al cumplësc incö.

L’Airforce Alta Badia ti fej les mius aodanzes a

Uressun se auguré düt l’bun y sanité

Alex „Tani“ Ploner

dal tati, la mama, Carlo, Filip y la lâ.

pur le titul de Vize Campiun Mondial arjunt ai campionać mondiai de deltaplann a Forbes tl’Australia.

A noscia cara

Nina che ai 26 de jené la compesc la bela età de 80 egn ge auguron de vif cher dut l bon sanità e legreza! N bos e n gran braciacol per te dir dut l ben che te volon!

Cungratulazions a

Sofi Lardschneider Senoner

Paolo con Roberta, Massimo e Giorgia, e Lui

de “Ciampac” de Sëlva per avëi ciantà 50 ani alalongia tl Cor de Dlieja y tl Cor dl’ Ëiles Exultate. Ulon te sentì gra y te mbincé dut l bon. Manuela Demetz Tröbinger y duta si ciantarines.

Ncuei vënderdi ai 25 de jené 2013 cumplësc mi fëna y nosta oma

Manuela Piazza marideda Pitscheider “da Cudan“

A nosta cara uma y lâ Lena

la bela età de 50 ani.

ti aodunse les mius aodanzes por avëi arjunt la bela eté de 80 agn. I te rengraziun por dütes les bries y i te aodun de ester inant tres dala bona löna.

De gra de dut chël che te es fat y fejes per nëus.

Tü mituns cun families

I tiei de familia.

Cungratulazions de cuer y per l daunì dut l bon, fertuna, sanità y truepa legrëzes.

Da vende Al vëgn venü n Quad CAN-AM Renegade 800 xxc dl 2011 cun 2600 km, te des bunes condiziuns, cun marces ridotes, servosterzo y diferenzial da bloché automaticamënter. Tel. 0471/847534 o

347/8907846. (2/13) ••• Al vëgn venü n Seat Leon 2000 TDI FR dl 2006 corù fosch cun 120.000 km. Tel. 333/9162446. (2/13)

Da vëne n Bob Cat A 300 cun 4 rodes che oj, morones, bëna dla nëi, na furćia y n gran scoac. Al à püćes ores de laûr y é tignì dër bun. Prisc: 32.000,00 €. Tel. 335/6088668, oscar@morin.it (4/13)

Jù a perde A San Linert él jü a perde na iata grija lominosa, tigrada. Ara é sterilisada y dër zertia. Chi che ess da la ciafè po prëibel cherdè sö le numer 0471/839671 o 348/5825055. (3/13)

Da chirì

L vën crì da tò a fit n cuater per 3 persones o nce n mono-local a Urtijëi da śën inant. Tel. 340/3677549 o 340/5994704 do la 19.00. (3/13) *** Na familia da tlo chier n cuatier per cater

persones, per dut l ann, a Urtijëi. Tel. 333/2368085. (3/13) ••• Al vëgn chirì vidri da mëte sön na terassa, cuntra le vënt. Tel. 342/6979022. (3/13)

••• L vën crì n pitl cuatier da tò a fit a Urtijëi o a S. Cristina per una na persona per dut l ann. Tel. 333/7150841. (4/13) ***

Düt l’bun ala

Jasmin pur avëi stlüt jö cun de bogn resultać le stüde de Pharmazie tla université Leopold Franzens da Desproch te aoda i tü de familia.

www.lauscdiladins.com

43



La Usc di Ladins Edition 0413