Page 1

KUNST OP ZIEN DRENTS Drents  Nederlands  Engels  Duits  Frans  Chinees

Drents Museum  Huus van de Taol  Uitgeverij van Gorcum

100X


WOORD VEUROF De schierste ontmoetingen overkomt je mangs aj der hielemaol niet op rekent. Die saaie bijienkomst brengt je op de stoel naost de vrouw met dat mooie klied en dat blek ok nog ies een bar leuk en inspirerend mèens te weden. Vol energie kuier ie anderhalf uur later het vergaderzaaltie oet. Um die regenachtige nommedag deur te kommen loop ie het kleine museum in dat West-Franse dörpie in met de gedachte dat het niks weden zal, maor daj in elk geval een toertie oet dat rötweer bint. En verknupt nog an toe, wat tref ie daor een prachtig stuk streekcultuur an, ok nog ies oetstukt deur een geweldige verteller. Aj zowat twee uur later weer boeten komt, schient de zun! Veur zo’n mooie ontmoeting hef het Drents Museum ok zörgd. ‘As wij nou ies een koppel hiel mooie kunstwarken oet oes museum in anraking brengt met de oldste spraak van oeze previncie en met aandere taolen. Zul dat niet wat schiers oplevern?’ dachten de lu van het Drents Museum. Aldus geschiedde en het risseltaot hej hier in handen. Honderd prachtige stukken oet de collectie van het Drents Museum bint koppeld an woorden oet die nuvere, oorspronkelijke taol van het gebied waor dit museum zien stee hef. Woorden oet die zachte taol, die het nunern van een kind nog kent, net as het longern van een vrumde (vrij naor Gerard Nijenhuis in het gedicht Gelieksoortigheid). Laot je metvoeren in dit juweeltie van een boek, waorin het taolige cultuurgoed van Drenthe de beeldende kunst ontmoet. Laot je verrassen, maor geniet veural van al het mooie dat dizze bundel te bieden hef. En lichtkans brengt dizze onverwachte ontmoeting je verrassing, genoegen, inspiratie of gewoon een goed gevuul. En as de kunstuting met zien mooie Drentse woord je niet genog dudelijkheid gef, is ok dan gien mens overboord. De vertaolingen voert je via het Nederlands, langs Engels, Frans en Duuts naor het Chinees. 100x Kunst op zien Drents is gien bundel um zo maor even gauw tot je te nimmen. Dit boekwarkie moej savoureren. Je moet er de tied veur nemen. De kunstwarken van het Drents Museum verdient dat. Maor lees ok niet te rappies over de woorden bij het schilderij


of het veurwarp hen. De begrippen bint met zörg keuzen en nusselt zuch zacht en soepel op de tong, brengt een ‘Oh ja?’ achter de ogen of zet je hiel bewust op het verkeerde bien. Misschien denk ie bij dook an een doek of verwacht ie dat een klied een kleed is. Nou, dat hej dan fout dacht. En dat schaop ok meervoud weden kan, wussen ie grootkans ok niet. Zuuk ies naor de zende, het diggelgoed, de iemenpiep en grel of eernsachtig. Gewoon umdat het zukke mooie woorden bint. En zie hoe mooi of biezunder die woorden verbeeld bint. Kiek ok oet veur valse vrienden in 100x Kunst op zien Drents en denk niet dat het Drentse snakken hetzölfde is as het Nederlandse ‘ergens sterk naar verlangen’. Zo is een schoft hier gien minne kirrel en moej zölf maor ies naogaon wat het verschil is tussen een Drentse strik en hetzölfde ding in oeze landstaol. Wij raakt der haost niet over oetproot. Eigenlijk kun wij je allén maor van harte feliciteren met het feit daj dizze prachtige, unieke bundel in handen nummen hebt. 100x Kunst op zien Drents, een bundel um in te kieken en weer vort te leggen en dan vanneis weer op te pakken en zo aal maor weer. Wat mooi dat Keuninklijke Van Gorcum, het Drents Museum en het Huus van de Taol mekaar ontmoet hebt. Het risseltaot mag zuch zien laoten. Vernuver je dermet, geniet ervan, enjoy, geniessen Sie, joui, 好好享受. Harry Tupan directeur Drents Museum Jan Germs directeur Huus van de Taol


AARM & RIEK arm & rijk  rich & poor  riche et pauvre Arm & Reich  贫穷与富裕


AARMBAAND armband  bracelet  bracelet  Armband  手镯


ALLÉNT

alleen  alone  seul  allein  孤独;单独


BAANKIE bankje  bench  banc  Bank  凳子


BARKEN berken  birches  bouleau  Birken  桦树


BESCHARMING bescherming  protection  protection  Schutz  保护


BEULEN

schreeuwen  scream  crier  schreien  叫喊


BIEBEL

bijbel  bible  bible  Bibel  圣经

Profile for Huus van de Taol

100x Kunst op zien Drents  

Kunst, taal, taol, Drents, Drenthe,

100x Kunst op zien Drents  

Kunst, taal, taol, Drents, Drenthe,