Issuu on Google+


Väörwoord redactie, Bèste Zawpense, Zoa es geer op de väörpagina kent zeen is dit de 43 ste oetgave van ‟t vastelaovesblaad “De Zawpens”. Alles hoof neet waor te zeen in dit blaad. Want weer sljoete os aan onger „t motto van de Beegse vastelaovend: ”Ein good verhaol hoof neet waor te zeen”. Dit jaor is het ‟t de 37 ste Zawpenseprins dè euver het zawpenseriek geit regere namelik Pascal I mit zien prinses Debby. Veer wille ze felicitere en alle anger hoagweardigheidsbekleijers en wunjse uch eine sjóane en gezellige vastelaovend toe. Zònger de begunstigers en zakeluuj van Beeg en òmgaeving koos dit blaat neet bestaon, daròm names de jeugaafdeiling van Armada, van harte bedank väör uch steun. ‟t Blaad huërt bie de vastelaovend in Beeg en is neet mië weg te denke in ‟t Zawpenseriek. Väöl luuj verheuge zich d‟r weer eder jaor op. Väör de samenstèlling van dit blaat wilt ongergeteikende , Lei Corten, de jeugleiders, de vastelaoves vereiniging en Vincent Savelkoul bedanke. Väöl lol, spas en plezeer mit dees daag, Alaaaaaaf. Redactie “De Zawpens” Harrie Claessen.

1


2


Vastelaovend Beeg 2012 Zaot. 14-01-2012

Oetreuping Prinsen(paren) en Iërezawpens in Oos Hoes vanaf 19.11 oer, incl. Leedjeskonkoer en Zawmikssjow.

Zun.

15-01-2012

Kénjermiddig in Oos Hoes vanaf 14.11 oer

Zun.

22-01-2012

Mansluujzitting in cafe-zaal “De Mert”

Zaot. 04-02-2012

Wuilissebal in Oos Hoes 20.11 oer Duo “LGNG” Denise & Ritschi, oet Urmond Domm & Dööl oet Belsj

Zaot. 11-02-2012

Prinsenreceptie in Oos Hoes vanaf 18.33 oer

Zun. 12-02-2012

Seniorenmiddig vanaf 14.11 oer in Oos Hoes

Vrie. 17-02-2012

’s middigs kénjeroptocht (basissjóale Beeg) ’s aovonds Gabriëlbal

Zaot. 18-02-2012

“Waerelds Vastelaoves Bal” Hofkapel Daag & Nach

Zun. 19-02-2012

Hekserie van de Wuilisse

Maon. 20-02-2012

Óptoch start 14.11 oer Priesoetreikingsbal vanaf 17.11 oer in Oos hoes

Daen. 21-02-2012

Gawstrékke op ’t Burgermeister Kotenplein 15.11 oer Frenske verbrénne op ’t Burgermeister Kotenplein (mië informasie volgt op beeg.nl)

3


4


Väörwoord Zawpens 2012: “Ein good verhaal, hoof neet waor te zeen”, „t motto van 2012. Wat mós te hie mit? Nou van alles, alles kènt en alles maog, want „t hoof toch neet waor te zeen of waal soms. Prins Pascal I geit same mit zien Prinses Debby dit jaor väörop in de Beegter vastelaovend. Väörop zal hae gaon, eine lang gekoesterde druim is väör hun allebei wirkelikheid gewore wie v‟r eind augustus bie hun aan de däör stónge óm hun te vraoge óm Prins en Prinses te waere. Gein ènkele sekonde bedènktied waor nuedig, drek pries en wie, lèt mer „ns op. Dao bie waere ze óngersteund door Senioreprinsepaar Piet en Ans Scheepers, bekènd mit name vanoet de AH in Beeg. In Born kèn se gaon es se ein pan aaf höbs, in Obbeeg väör ein ieske, mer in Beeg, zóa zuus te mer weer, väör de res! Dan „t Jeugprinsepaar Niels Bijlmakers en Hieke Konings, allebei weer mit awwers die Prinsepaar zeen gewaes. In ein schitterend dekaor van Myron Stauder, woorte zie oetgelaot óm de jeugdige ónger ós väör te gaon. Väöle weite ‟t al: de jeugmiddig is ein middigske oet zónger zörg, wo kris te dat nog. De Iërezawpens Thieu Stauder is zeker väör ós es Zawpense de man dae deze titel waardig zal drage. Es miene väörganger es Vors haet hae de vereiniging gróat gemaakt en mènnig Limburger zunk ein van zien leedjes mit, zóa es bieväörbeeld ‟t Pumelke van Wiel Nakken en zóaväöl anger sjóan nómmers, die hae in de afgeloupe jaore gesjreve haet. Wieväöl nómmers zouwe dit waal neet gewaes zeen? Al 22 jaar maog ich dees Zawpense aanveure es Vors zeende, ein klup die se neet los läöts, doordat t‟r stök voor stök luuj inzitte die zich belangeloos en op hun eige meneer inzètte óm dit in standj te hawte. Eine vastelaovend wo van ste allein mer kèns houpe dat hae in lengte van jaore zal blieve doorgaon. Gezeen de inzat en de belaeving van de jeug in deze, hove weer ós dao weinig tot gein zörg äöver te make. Tot ein van dees vastelaovesdaag. Vors Frank. 5


6


Nel en Ger nao 12 oer

7


8


Proklamasie Prins Pascal I & Prinses Debby

Ich, Prins Pascal I, bèn door de wieze Raod van de Zawpense oetgekaoze óm es 37ste Prins äöver ’t Zawpenseriek te regere. Ich, Prins Pascal I, zal dees belangrieke taak mit väöl entoezjasme, muzikaliteit en plezeer väör mien raekening numme, same mit mien Prinses Debby. Ich, Prins Pascal I, gaon deze vastelaovend väörop, same mit de anger Hóaghede en de wieze Raod van 11, en óm d’r väör te zörge dat neme ein valsje nóat speelt of oet de tóan vilt, höb ich ein paar simpel regelkes opgestèld, wo geer uch aan mót hawte. Ich, Prins Pascal I, dekreteer daoróm ’t volgende: Ten iëste Es ich en mien gevolg eine fiëszaal of kaffee bènnekómme, verwach ich van jederein dae dao toe in staot is, dat t’r mit ós dans, sprunk en zunk. Ten twiëde Ich gaon d’r van oet dat alle oetbaters van de Beegter lokale drek miene schlager “De Prins van Beeg” opzètte es weer mit miene wieze raod en de hofkapel ós opwachting make. Op Asjgoonsdig mót jedere Zawpens ’t nummer van boete kènne.

9


Ten driede Ich verplich de LVK-vrindinne van mien Prinses te zörge väör kaertjes van de LVK-finaleaovend in Mergraote, want väör de väörverkoup haet zie geinen tied. Op dae aovend zelf is mien Prinses d’r waal degelik bie. Ze krig dan van de Zawpense eine sjnipperdaag. Ten veerde Ich vraog miene baas óm begrip väör ’t feit dat d’r waal ‘ns get mis kènt gaon bie de plenning van de Kubota graafmechienkes; ich höb mit dees daag namelik allein mer ’t getal 11 in de kop. Ten viefde Ich houp dat ’t team van Kapsalon Kapsones klaor stuit es hofkapsters van mien Prinses. Zie höbbe in ’t verleje al dèkker beweze dat ze dees belangrieke taak aankènne, dus ich raeken op ze en gaon d’r van oet dat de Prinses d’r al die daag prachtig oetzuut. Ten zèsde Ich vraog miene zangkómpel Louis Savelkoul alert te blieve mit die daag, want ’t zouw zóa mer kènne dat ich zóa noe en dan urges ein podium op mót en dan zouw ich gaer mit häöm ein lekker stökske meziek ten gehuere brènge. Ten zevende Ich verplich de Sjnapsnaze d’r alles aan te doon d’r väör te zörge dat v’r weer ein prachtige Mansluujzitting kriege hie in Beeg. Ich zal in jeder geval effe kómme kieke mit miene wieze raod van 11. Nao de vastelaovend gaon ich same mit uch aan de sjlaag óm ’t iëste lustrum in 2013 väör te bereije. Ten achste Ich raeken d’r op dat mien Hofkapel Daag & Nach ouch zónger miene inbrèng de vastelaovend muzikaal good zal oploestere. Óm hun daobie te steune waere zie bie deze oetgenuedig óm op Vastelaovesmaonjig bie ’t Prinselik Palies spek en ei te kómme aete, zóadat ze väör dae daag eine goje baojem höbbe.

10


Ten näögende Jedere Zawpens mót zien hoes sjóan en bóntj versere, leefs in de Zawpensekluere róad en wit. Väöral van mien eige buurt verwach ich ein ekstra inspanning, want d’n optoch truk langs mien Prinselik Palies. Ten tiënde Meziek is mien lus en mien laeve, mer es Prins zal ich dit jaor ouch zónger träöt vol gaas gaeve. Aan miene inzat zal ’t dus neet ligke. Ich verwach van jederein dat t’r zich noe en in de toekoms blif inzètte väör de Beegter vastelaovend. Ten èllefde Es geer uch aan dees regelkes hawt, kènt de vastelaovend 2012 väör ós es Prinsepaar en alle anger hóaghede neet anges dan sjlage. Sommige regelkes mót g’r mit ein körrelke zawt numme, want ós motto is: ein good verhaol hoof neet waor te zeen. Zawpense Alaaf! Alaaf! Alaaf! Gedaon in Beeg, Papenhaove en Sjipperskirk 14 jannewarie 2012 Ziene doorluchtige Hóagheid

11


Sjlum jungske Mieka stuit mit ein treurig gezich bie zien fitske. De kètting is d’r vanaaf. Zien opa Math kump t’r bie en lègk de kètting weer dròp. Ès hae klaor is zaet opa Math: Eigelik mot zwòa eine gròate jòng ès dich dat toch ouch al zèllef kènne. Wo op Mieka antjwoort: Opa, dat kèn ich ouch al, maèr dao krigse altied zwoa ein sjmaèrige hanj van…….. Oet aète Drie Amerikaanse stèlletjes zitte in ein restaurant aan taofel. Vreug de eine man aan zien vrouw: Pass the sugar, sugar. Zaèt de twiëde: Pass the honey, honey. De driede kik nao zien liëlikke vrouw en zaèt: Pass the pork, pig……… Raègene D’r staon twjië zèk semènt op eine boew. Opèns begint ’t te raègene. Jakkes, zaèt de eine zak taège de angere, begint ’t ouch nòg te raègene. Geuf niks, zaèt de angere, dao wurs se hèl van!!!!! Contact-Advertensie Vriegezèl, eigenaèr van ’n gròate boerderie, wil gaèr trouwe mit ein vrouw, die eine traktòr bezit. Antjwoord ònger nummer 6016 èstebleef mit ein foto van de traktòr……. Provinciale State Veer jaor geleje stòng miene broor oppe lies van Provinciale State, zaèt Piet taège zien vrundj. En…. Waat duit diene broor noe? Niks, haè woor gekaòze…… SPREUK Waè gluif dat de buim tot aan de hemel greuje, woont waarsjienlik in ein lòchkastjiël.

12


Seniore paar Piet en Ans Scheepers

IĂŤrezawpens Thieu Stauder

Jeugprins Niels bijlmakers & Jeugprinses Hieke Konings

Vors Frank 2x 11 joar

13


Aafsjiedswoord Prins Roel 1 en Prinses Jessi, Leef Zawpense, leef luuj van Beeg, Hie staon v’r dan. De lèste paar minute es Prinsepaar van Beeg. Veer willen niet aaftreeje mer ja 't mót.. Net zóa es bie alle väörgangers is 't moment dan toch aangebraoke óm plaats te make väör ein nuuj Prinsepaar. Toen v’r woorte gevraog óm te gaon regere äöver 't Zawpenseriek, sjloge v’r stiel achteräöver. Zóa get haw v’r gaar neet verwach. Zóa’n jóng Prinsepaar, wae haw dat noe gedach. Veer zeen dan ouch erg gruetsj op ózze hóagwaardighede; Seniorenpaar Rene & Elly, Jeugprins Thimo, Jeugprinses Guusje en ózze iërezawpens Peter. Same höbbe v’r ein geweldig vastelaovessezoen gehad. Óm te beginne mit de oetreuping, daonao de kenjermiddig, resepsie, de róndjgang, en zóa wujer. Jeders kiër waor 't weer ein geweldig fiës! Veer höbbe genaote van jeder fiës! Opgehaold waere door ós adjudante, äöveral väörrang kriege, op hanj gedrage waere door de Raod van 11. V’r wille jederein bedanke die same mit ós eine super vastelaovend höbbe gehad, mer in 't biezunjer ein paar luuj:  

Ós awwers en ós femilie die achter ós höbbe gestange en ouch mit ós gefiëst höbbe, EN os verrasj höbbe mit d’n optoch! Ózze vrunjegroep die wat väör ós ein spesjalee vastelaovend d'r van höbbe gemaak, door mit ós mit te trèkke door Beeg en in de optoch mit höbbe geloupe. 't DB die 't vertroewe in ós hawwe óm d'r ein sjóan fiës van te make, samen mit de Raod van 11.

Noe sjei v’r mer oet mit kalle, want ós opvolgers staon al te popele om teväörsjien te kómme. 't waor ein ónvergeatelik jaor! V’r wille aafsjloete mit 't thema van ós Zawpensejaor: Fiës, fiës en nog ‘ns fiës.

Zawpense Alaaf, Zawpense Alaaf, Zawpense Alaaf!!

Prins Roel 1 en Prinses Jessie

14


15


Dit is òze Prins 2012

Prins Pascal I is gebaore op 31 mei 1982 in ’t ziekenhoes bie de Marotte in Zitterd, dit óngerwiel de pènkesterprocessie in Beeg róndjtrók. Hae woont noe al 29 jaor in de Lènjestraot. Hae stuit in ‘t bevolkingsregister bekènd es Pascal Godfried de Vries, mit ‘t sterrebeeld Twiëling. De awwers van de Prins zeen Theo de Vries († 1986) en Liesel de Vries Hansen, de Senioreprinses van 2006. De Prins is ouch nog opgevoed door stiefvader Lambert Renneberg († 2004). De Prins haet 2 breurs, Guido en Roger, dae g’r mesjien kènt es de hèlf van duo Vol Drin. Daonaeve haet de Prins nog ein zöster, genaamp Ilona. Pascal ging via de kresj nao de Pestóar Francksjóal en vervolges nao de Mavo in Bor óm zien studies väörluipig aaf te rónje op ’t Arcus College te Haelder. Dao haet hae alle pepiere gehaold óm ein eige zaak in de Horeca te beginne (nivo 4). Hae haet ’t zelfs gesjöp tot bèste beertapper van ’t ganse landj in 2001. Nao óngerhawf jaor heel de Prins ’t väör gezeen in de Horeca en leet hae zich ómsjoale aan de MEAO in Mestreech, aafdeiling Kommersjele Marketing en Kommunikasie. De Prins haet toen hae liërde regelmaotig in diverze kaffees gewirk. In 2004 is hae via ziene sjóanvader begoos es oetzendkrach op de Car Terminal bie Broekman Logistics Limburg B.V. (väörheen Born Car Center). Naodat Broekman väör Kubota ein nuuj Europees Distributiecentrum haw opgezat, is de Prins mit äövergestap, iës es administratieve krach en vanaf 2009 es planner op de aafdeiling ekspedisie. De Prins zorg d’r väor dat de graafmechienkes in en oet gaon (door gans Europa). Prins Pascal is straotmuzikant bie käöninklikke Hermenie Aurora, lid van zien eige Hofkapel Daag & Nach (trompettis) en medeoprichter van de Sjnapsnaze, die ouch dit jaor weer een mansluujzitting organizere (22 jannewarie). De gróatste hobbie van de Prins is echter zènge en waal vanaaf 1999 same mit Louis Savelkoul in de Beegter Herzbuben. Zie höbbe al 5 CD’s oetgebrach. Es d’r nog get tied äöver blif geit de Prins zich gaer mit vrunj eine pitsje in ein van de Beegter kaffees. En es d’r dan ech nog get tied äöver is, wilt de Prins op zónjigmörge waal ’ns sportief doon door op eine mountainbike te stappe.

16


Prinses Debby is gebaore op 24 juni 1983 aan de Boumgaardstraot nómmer 2 in ’t Louverriek. Ze stuit bekènd in ‘t bevolkingsregister es Debby Elisabeth Johanna Gijsen, mit ‘t sterrebeeld Kreef. De awwers van de Prinses zeen Theo en Jeanny Gijsen, gein ónbekènde in Buchte, want in 1995 Prinsepaar van de Louvermen en in 2006 Käöningspaar van Sjötterie Sint Joseph. De Prinses is ènnigs kèndj. De Prinses ging in Buchte nao de bazissjáol Sint Catharina, ouch nao de Mavo in Bor en vervolges deeg zie de kappersopleiding bie Gilde in Zitterd. De iëste baan van de Prinses waor bie La Place Restaurant van V&D in Zitterd, wo ze nog samewirkde mit Wendy, de Prinses van 2009. Nao ’t aafrunje van häör opleiding is Debby bie Kapsalon Kapsones begoos, wo ze ouch al stage haw geloupe. Ze wirk d’r nog ummer mit väol plezeer. De hobbies van de Prinses zeen lekkere taarte, vlaaie en cakes bakke en nao konserte van de Beegter Herzbuben gaon. Daonaeve is zie jeder jaor weer van de pertie bie ’t LVK en is regelmaotig prominent aanwezig gewaes bie de oetzendinge van L1. De Prinses geit gaer op vekansie, mer haet daobie de pech dat de Prins dao neet zóa aan truk. De Prins en Prinses kooste zich al vanaaf de Mavo, höbbe dao same eindeksame gedaon, mer toen zaoge ze zich nog neet ech staon. In 2003 is oeteindelik de vónk äövergesjlage en kaome ze d’r achter dat ’t toch waal gezellig same waor. Prinses Debby waor dan ouch mië in Beeg te vènje. Op 1 mei 2009 höbbe ze de kraom biejein gegóajd en woont ’t Prinsepaar vanaaf dat moment in ’t awwershoes van de Prins. Nao 13 maond flink verboewe is ’t Prinselik Palies eindelik klaor. Wilt g’r ‘t Prinselik paar ‘ns bezeuke of belle ??? ’t palies van ‘t Prinsepaar is gelaege aan de:

17

Lènjestraot (Lindenstraat) 6 6127 CX Beeg Tillefoon: 046 850 3935 E-mail: p.devries@home.nl of debbygijsen@home.nl


18


Oze Prins “Pascale” zong in de rüs van de wedstried in Milaan (väör 80.000 man)

19


Kleurplaat väör de kleine Zawpenskes

20


21


Wennaere Zamikssjow 2012

Beegter Maedjes Orrizjineel: die Höhner Beegter teks: Ron Mangham Oetveuring: De Roepoepers

Refrein Beegter maedjes laote zich neet kènne hil se mit dees daag dan ouch neet bènne Beegter maedjes rope noe alaaf Beegter maedjes sjete de vogel aaf Koeplèt ich zeen ze altied gaer, ken ze neet misse (ohoh) ze höbbe nao mien meining alles mit en mit de vastelaovend kèn se raoje (ohoh) welk maedje achter elk maske zit en ich loup gaer mit ze in de polonaise (ohoh) of dans ein welske mit Marie of Til väör mich gein Belzje en ouch gein Fransaeze (naenae) ein Beegter maedje is al wat ich wil Refrein Koeplèt Beegter maedjes kènne baeter zènge (ohoh) ze weite ’t altied baeter te brènge aan maedjes die in Beeg zeen gebaore (gebaore) haet mènnig Beegter jóng zien hart verlaore Refrein Brök Beegter maedjes höbbe alles, mer dan baeter zeen ze neet d’r biej, löp ’t väör geine maeter Refrein 2x (1e keer Wals tempo) Beegter maedjes sjete hie de vogel aaf

22


23


24


SPREUKE äöver vrouwluuj!!!!! D’r zeen twië redene woròm eine man nao de kafé geit. Of hae haet gein vrouw of……… hae haet waal ein….. Vrouwluuj höbbe lever ein good figuur dan väöl verstandj…. Òmdat de meise mansluuj baèter kènne zeen dan dènke…. Vrouwluuj zeen ès wolke.. Èsse weg zeen sjient de zòn….. Lach èns gèt dèkker op dien wèrrik… Thoes krigs se dao mesjien de kans neet väör… Mansluuj zouwe minder lege……. Ès vrouwe minder vraoge zouwe stèlle……. Eine suksèsvolle man is eine man dae mjië verdeend dan zien vrouw kènt oetgaève… Ein suksèsvolle vrouw is ein vrouw daè zwoa eine man gevònje haèt…… Op eine gooje daag vunjse de vrouw van dien laève… Mèr bès toe natuurlik al getrouwd… Leefhöbbe is oetsjeije mit vergelieke.. Vrouwluuj zeen ès typex. Iës is ‘t dien tiep en dan is ’t dien ex…..

25


’t Brendariskomitee: es ich in de vlamme kiek (Jo van der Sluijs, 1981)

es de zomer is gegange en langs de Maas gein kèndj mië rent kump in ós ein raar verlange ’t is ein vuur dat in ós brent van Sint Merte tot esjgoonsdig geit dat vuurke op en aaf es veer vastelaovend viere mit ós Zawpense Alaaf! ’t is gedaon, ich laot ein traon es ich in de vlamme kiek wo noe Frenske mit zien penske al get op esjgoonsdig liek erm in erm, wie eine zwerm trók ich tösje maskes in mer väörluipig, noe geluif mich haet ’t laeve geine zin tot Sint Merte geine zin Zawpensjóng en Zawpensmaedje ’t is zóa sjóan mit uch d’rbie ich gaef uch noe al op ein blaedje volgend jaor bèn ich weer hiej mit Sint Merte väölbelaovend kump väör ós ‘ne nuuje tied dan begint de vastelaovend en bèn ich mien leid weer kwiet ’t is gedaon, ich laot ein traon es ich in de vlamme kiek wo noe Frenske mit zien penske al get op esjgoonsdig liek erm in erm, wie eine zwerm trók ich tösje maskes in mer väörluipig, noe geluif mich haet ’t laeve geine zin tot Sint Merte geine zin

26


27


28


Winnaar Leedjeskonkoer t GAWZELEED(LEID) Teks en meziek: Diana en John Maassen Oetveuring: Vrouwluuj van de Boefjes Refrein : dao hoof ós geine hie mië get te zègke weer zulle blieve …. trèkke ’t kan ós allemaole niks mië bómme mer dat trèkke wurd ós ech neet afgenómme dees tradisie stuit bie ós hóag in de vaan aan dat trèkke, nei dao kump ós geine aan en haw de Gaws ’t drie daag väör ’t zègke dan zag ze blief….. mer trèkke Koeplèt: M’n haet ós geraak, hiël deep in ’t hart die lummele blieve mer kliere zelfs de gaws, haet ’t noe gans gehad dao vilt noe neet väöl mië te viere aaaaaaaal ….sjriëf m’n maord en brandj in ’t ganse landj ’t trèkke hawt v’r gaer in eige handj ouch Jo van der Sluis dae maakde ein voes laot ós in Beeg mer gewaere ummer op paad, is t’r zelje nog thoes zóa hilt m’n de Gaws hie in iëre aaaaaaaal…..sjriëf m’n maord en brandj in ’t ganse landj ’t trèkke hawt v’r gaer in eige handj weer kaome hie staon en zónge vol pit en ederein mót ’t hie huere pak uch ‘ns vas en zèng mit ós mit nei stoppe geit ech neet gebäöre aaaaaaaal…...sjriëf m’n maord en brandj in ’t ganse landj ’t trèkke hawt v’r gaer in eige handj

29


Getrouwd? Op de aafdeiling iëste hulp wurt eine zwaorgewònde man bènne gebrach. Waat is ugge naam, vreug de verpleegster. Pierre oet Beeg, zaèt de man. De zuster: Zeet geer getrouwd? Nei, zaèt Pierre, ’n òngelök mit de auto gehad. Dezèlfde foute Doe höbs presies dezèlfde foute in dien proefwerk gemaak ès de jòng dae naève dich zit, zaèt de òngerwiezer taège Tuurke. Zaet Tuurke: Dat vènj ich neet zwoa vraèmp, weer höbbe dezèlfde òngerwiezer…… Chinees is ein mèkkelikke taal Eine Chinese Jehova Getuige: Ein Chinees dòm blòndje: Chinese minister van verkjiër: Eine Chinese vèsjer: Eine Chinese drugshanjelaèr Ein Chinees achterwerk: Eine Chinese Sjeet: Wang Eine Chinese luier: Wang Eine Chinese volle luier: Wang Chinees w.c. papier: Wang Ein Chinese schjwòaanmoder: Ein Chinese schjwòaanvader:

Ding Dong Dom Ding Om Lei Ding Pa Ling Do Ping Wang Snee Wang Snee Wang Pang Snee Wang Vang Snee Wang Pang Vang Snee Wang Behang Tang Bang Van Tang

De Programeur Eine advocaat, eine dòkter en eine Kòmpjuter-programeur zaòte biejein op ’t terras bie de Kèstaanjelboum en diskussieerde äöver de vraòg: Kènse baèter ein vrindin höbbe of bèsse ’t bèste aaf èsse getrouws bès? De advocaat: Ein vrindin is de bèste optie, èsse geis sjeije dan geuf dat väölste väöl probleme. De dokter: Ein echtgenote geuf dich ein geveul van zekerheid en verljiëgt de sjtress-speegel. De computer programeur: De höbse allebei näödig: Ès dien vrouw dènk datse bie dien vrindin zits en dien vrindin meint datse mit dien vrouw op stap bès, dan kènse tenminste op dien gemaak programere.

30


31


32


Nuuje naam Jan kump op ’t gemeintehoes bie eine amtenaar en zaèt: Hjiër, ich wil gaèr miene naam verangere! De amtenaar: Dat kènt, wie is ugge naam? Jan: Jan Poepjes. De amtenaar: Èn wat mòt ugge nuuje naam waère? Jan: Piet Poepjes! Òm äöver nao te dènke….. -

-

Maogs se eine Citroën-dealer aafpèrse? Haèt eine brandjwaèrman rech op eine roukvrieje wirkplèk? Ich zeuk mich eine nuuje begrafenisòngernummer, want daè van mich haèt ’t sjtèrvesdrök…. Ich höb mich ein blaor opgeloupe bie ’t loupend buffèt! Wèt geer dat miene buurman, daè brandjwaèrman is ein nuuj vlam haèt? Kump eine sjèrpsjötter toes van zien wèrrik en zaèt taège zien vrouw: Ich höb dich gemis…. Bie òs in de buurt haèt ein familie eine knien gekoch väör de kènjer. `T is ein sjwoaan deerke maèr ’t haèt ein aafwieking: ’t knienke haèt ein hazelup….. Wèthouwer, is dit beleid of is dao äöver naogedach?

Sjeije ?? Inèns en bienao fluusterend, òm de vèsje neet te laote sjrikke, zaèt Bob taège ziene vrundj: Ich dènk dat ich gaon sjeije van mien vrouw….. ze haèt namelik al drie waèke neet mjië taège mich gekalt. Hans blif röstig aan zien pilske nippe en zaèt nao gèt dènkwèrk: Ès ich dich waor zouw ich dao nòg maèr ‘ns ein nach äöver naodènke, zwòa ein vrouw krigse nwoaait mjiè………. Krank in bèd De kleine van Sjaak en Betje lik mit griep in bèd. Dokter Martinez òngerzeuk ’t junkske. Zaet ’t mènke: Èstebleef dokter, ich kan taège de waorheid, driëj d’r maèr neet òmhaèr: Wienieë mòt ich weer nao sjwoaal…..

33


Verkuiper Ich besjouw mich ès de bèste verkuiper van twjiëdehans-wages, zaet Math taege eine klantj. Oké, zaèt de klantj, probeer dan maèr miene wage te verkoupe. Math kik ‘ns nao dae auto en zaet: Ja, ja, eigelik de op ein nao beste, want de bèste is dae verkuiper dae dich deze auto verkoch haet. Aangehawte…. Op de Houtstraot wurt eine auto aangehawte door eine peliesieman. Profisiat, zaet daè taège de sjauffeur, geer zeet de viefhònderddoezendste wage op de Houtstraot en g’r höb tiëndoezend euro verdeend. Wèt geer al wat g’r mit dit geldj gaòt doon? Daè man hoof neet lang te dènke en zaèt: Ès iëste gaòn ich ’t riebewies haòle. Zaet de vrouw die naève ‘m zit: Geluif ‘m maèr neet agent, hae is hartstikke zaat. Reup de douve opa vanòp de achterbank: Ich wis waal dat weer mit deze gestaòle wage neet wiet zouwe kòmme. Klink t’r opèns ein stöm vanoet de kofferbak: Zeen v’r al äöver de grens???????

34


Leefde op ’t ieëste gezich? Zaèt Tineke taege Marian: Wie ich Peter váór de ieëste kjiër zaòg, zoemde ’t in mien aòre, klòkke loejde en ’t leech flikkerde.. Dat waor zeker leefde op ’t iëste gezich? Vreug Marian. Nei, zaet Tineke, haè stòng achter de flipperkas…….. Oetaète Hein waòr mit Els in ’n sjiek restaurant. Zaet Hein taege Els: Miene tèjjer is gans naat. Bèn stil, zaèt Els, dat is al de sòp……. Eine Euro Mam. Kènse mich eine Euro gaève väör eine awwe miensj. Jaòzeker, jong, ich vènj ’t fein dat se eine awwe miensj wils hèlpe. Wo is dae miensj dan? De jong: Hae stuit boete en verkuip ieskes…. Opvoeding Trèffe Peter en Jan zich bie Aurora. Zaèt Peter: Ich höb miene jòng de beste opvoeding gegaève en waat duit t’r? Hae löp achter de maèdjes aan, rouk, drunk, gòk en veurt es eine dulle mit de wage. Woròm duisse d’r dan niks aan? Vreug Jan. Ich kiek waal oet, ich maòg edere kjiër mit…… Vriewillige brandjwaèr D’r zitte tjië man bie Geert in de kaffé. Opèns hwuèrde ze eine flinke knal en al sjnèl daonao väöl brandjwaersirenes. Ich mot sjnèl gaan, zaèt de eine. Vreug ziene vrundj: Ich wos neet datse bie de vriewillige brandjwaèr waòrs? Zaèt de angere man: Ich neet, maèr waal de miensj van mien vrindin……

35


Pakke waatse pakke kèns Martin kump op de maèrt Geert taege op eine greune fits. Zaet Martin: Geert, wie kumpse aan dae greune fits? Nou, ich leep gèsteraoòvend door Ech, kaòm d’r opèns ein maèdje aangereje op eine greune fits, ze gwuejt alle kleijer van häör lief, geit väör mich staòn en zaèt: pak watse pakke kèns… Zaèt Martin: Ach jao, wat hawse ouch mit die kleijer motte doon…… Beechte Erik geit nao de kirk en nump plaats in de beechstool. Menjiër Pastwoaar, zaèt haè, ich höb aafgeloupe waèk 33 kjiër gezònjigd. Zwoa, zaèt pastwoaar gesjròkke, dat is neet mis, mit waè dan waal? Mit mien vrouw, zaet Erik. Maèr, zaet pastwoaar, mit dien eige vrouw, dat is toch gaar gein zunj, dat is toch normaal in ’t huwelik. Jao, dat weit ich waal, lach Erik, maèr ich wòl ’t zwoa gaèr aan emes vertèlle…….

36


Leefde Nancy taege Hans: Doe huls allein maèr van voetbal en neet mjië van mich. Volgens mich wètse neet èns mjië wanneer weer getrouwd zeen? Hans: Waal waòr, Wie PSV van Ajax won mit 2-0… Eine hèlwirkende ambtenaar !!!! Pieter mòos op ’t gemeintehoes zeen en kik vòl bewònjering nao eine ambtenaar dae hieël hèl aan ’t wirke is. Nogal ònger de indrök vreug Pieter: wie lang bèsse al zwoa hel aan ’t wirke? Zaet de ambtenaar: Vanaaf ’t momènt dat ich uch zaòg bènnekòmme……. 37


38


KĂŠnjermiddig 2012

Jeugprins Niels Bijlmakers & Jeugprinses Hieke Konings

39


KĂŠnjermiddig 2012

40


Beegteroavend 2011

Joop van de Ende waardig

41


42


Gáwstrékke 2011

Deilnummers gáwstrékke

Gáwse keuning 2011 Peter v.d. Klundert

43


44


45


Kèrsinkoupe Wim woor besjöldig van deefstal en moos väör de rechter kòmme. Rechter: Wie kòmp geer aan al die nuuj kersspulle? Wim: Ich höb hjiël vreug kèrsinkoupe gedaòn. Rechter: Wie vreug dan? Wim: “n Paar oer väör de winkel aòpe ging…… Betrap Eine pelisieman zaèt taege ‟t paartje: Geer mot waèges aòpenbare sjènnis van de iërbaarheid ‟n boete betale. Meniër 5 euro en mevrouw 50 euro. Woròm mot mien verloofde zwoaväöl betale en ich zwoa min? Vreug de man. Òmdat ich uch verloofde noe al väör de vriefde kjiër hie op de Elleba betrap höb………. Spelenderwies weurtjes ljiëre De juf vreug in de klas of de ljiërlinge ‟n zin kènne make mit ‟t weurtdje “wirwar” Leentje krig ‟t iëste `t woord en zaèt: Gèstere höb ich mien mam wòl helpe sortere, ‟t waòr eine echte wirwar. Hjiël good, zaet de juf en goof Frènske ‟t woord; Ès miene pap „smörges is zien haòr eine echte wirwar. Ouch ein gooj zin, zaèt de juf. De driede jong daè aan ‟t woord kaòm waòr Aghmed en zien zin waòr: Mijn broer ging forich week een bank overfalle, maar zijn gewirwar kapot……… Verjaòrdaag Oma Oma woor 99 jaòr!!! Häör kènjer en kleinkènjer gove ein gròaat fjiës väör häör. Ze vroge häör: Mam, höb geer nog eine wunsj? Jao, ès ich dwoaad gaon wil ich gekremeerd waère en oetgestruit waère op de parkeerplaats bie Albert Heyn Scheepers op de Kèmpe….. Woròm bie Albert Heyn? vroge de kènjer. De oma: Nou, dan weit ich tenminste zeker dat geer ein of twjië klier per waèk bie mich langs kòmp………

46


Goochele bie de käönigin Wilders en Rutte zaote bie de käönigin aan ein diné. Zaèt Rutte taege Wilders: Mòtse ‘ns kieke, wat ein sjoaan gouwe bestèk ze hie höbbe. Dao wil ich wal eine laèpel van höbbe en hae pak eine laèpel en stuk ‘m in zien bènnetèsj. Wilders dach, daot wil ich d’r ouch wal eine van höbbe, hae pak eine laèpel, maèr tikt per òngelök taege zien tas koffie aan. Zaet de käönigin: Èn hjiër Wilders, wilt geer gèt zègke? Wilders: Nou, ich vènj ’t zwoa fein dat v’r hie mit z’n allen zeen en ich vènj ý ein good idee, dat geer òs höb oetgenäödig. Wilders geit weer zitte. Hae wil toch gaèr eine laèpel höbbe. Dus nao vief minute probeert hae ’t weer, maèr weer stuit t’r mit daè laèpel taège de tas aan. Wilders wil weer gèt zègke, zaèt de käönigin. Wilders: Nou, nou, eigelik wil ich uch ein goocheltruc laote zeen. Kiek, ich höb hie eine gouwe laèpel, dat duuj ich in mien bènnetèsj en haol ‘m bie de hjiër Rutte weer oet zien bènnetèsj. Verhaòl van eine aèzel Op eine daag verhoesde de kleine Pieter nao ’t plattelandj en köp bie eine boer eine aèzel väör 100 gölje. De boer mòt sangerdaags de aèzel naò Kees toe brènge Maèr de boer haèt sjlèch nuujs: Sorrie jòng, miene aèzel laòg vanmörge dwòaad in de stal, wie ich ‘m ging vore. Pieterke: Nou, dan geufse mich gewuën de 100 gölje trök. De boer: Dat kèn ich neet, ich höb dat allemaòl al opgemaak. Nou good, breng mich dan maèr de aèzel, zaet ’t junkske. Wat geisse dao dan mit doon? Ich gaòn eine pries verlaòte mit ein laòterie en de iëste pries is eine aèzel, eder laòt kòs 2 gölje.. De boer: Doe kèns toch geine dwòaaje aèzel verlaòte? Pieterke: Zeker weite van waal, ich zègk gewuën neet dat t’r dwòad is. Eine maòndj later kump de boer Pieterke taège. Èn, wie is ’t gegange mit daè dwòaje aèzel? ’T Junkske: Nou, ’t is good gegange, ich höb 500 laòte verkoch à 2 gölje per stok en oeteindelik ein wins gehaòld van 998 gölje. De boer: Is d’r dan nemes gewaès daè geprotesteerd haèt? Pieterke: Allein maèr de winnaar van de laòterie en daè höb ich 2 gölje trök gegaève……… Epiloog: Òngertosje zeen de jaòre verstreke. Pieter is gròaat gewore en haè is noe wethawwer van finansiën van de Gemeinte Sittard Geleen…………

47


48


Blief lache Wie is ’t mäögelik, mevrouw, g’r zeet drie kjiër getrouwt gewaès en g’r zee nòg altied maag…. Kènt geer dat v`rklaòre? Zaèt dokter Joep. De vrouw: Zeker dokter. Miene iëste man waor architek, daè deeg niks anges ès planne make. Miene twiëde man waòr musikant, daè speelde allein maèr ein bietje en miene driede man waòr ambtenaar. Daè zag ummer: Mörge beginne v’r d’r mit !!!! Ein vrouw vreug aan häöre miensj: Sjat, wo hilse ’t meiste van: Mien sjòaan gezich of mien sexy lichaam? Haè staart häör doordringend aan en zaèt: Dien geveul väör humor… Ès ich òm opsjlaag vraòg is mien wèrrik ònbelangriek, maèr ès ich òm verlòf vraòg bèn ich ònmisbaar, zaet Erik. De chef zaèt taège Pierke: Pierke, doe bes dees waèk al veer kjiër te laat gekòmme, waat konkludeerse dao oet? Pierke: Dat ’t dònderdig is, chef….. Hans, woròm bèsse noe pas op kantwòaar? Òmdat g’r gèstere gezach höb, dat ich de kerzèt maèr thoes moos laèze….. De eine òngernummer taège de angere: Woròm is dien personeel altied op tied? Hjiël eenvoudig: weer höbbe 30 wirknummers en maèr 25 parkeerplaatse!!!! Besjouw mich neet ès ugge chèf, maèr ès eine gooje vrundj daè altied geliek haèt……. Wat is ’t Bèlsje woord väör ein lenzen-dwäöske? Ein ougenblikske……..!!!!!!! Woròm gebroeke amtenare gein papiere zakdeukskes? Òmdat t’r TEMPO op stuit……. Eine man zuut wie zien sjwòaanmoder door zes man inein gesjlage wurt. Zien vrouw reup in paniek: Gank hèlpe, gank hèlpe! Wo-op haè zaèt: Wiezwòa, die rèdde ’t waal mit hun zèsse……..

49


50


51


Jaar 1976 1977 1978 1979 1980 1981 1982 1983 1984 1985 1986 1987 1988 1989 1990 1991 1992 1993 1994 1995 1996 1997 1998 1999 2000 2001 2002 2003 2004 2005 2006 2007 2008 2009 2010 2011

Prins – Prinses Pierre I en Fien Lumens Harrie I en Miek Faassen Bert I en Els Kreuze Gene I en Marianne Savelkoul Jo I en Emily van der Sluys Sjra I en Rina Savelkoul Frans I en Laura Laumen Fred I en Kitty van Didden Louis I en Nelly Savelkoul Jos I en Marleen Porteners Lambert I en Jose Evers Wil I en Til op den Kamp Fons I en Milla Kitzen Frank I en Anja Ruber Frans II Hoofwijk Nic I en Bep Tholen Frank II en Ingrid Kitzen Peter I -Jaqueline van Didden Mil I en Marly Strikers Ton I en Karin Kitzen Marco I en Edith Philippen Jean I en Marianne Coenen Eric I en Monique Mulleners Jos II en Marly Theunissen Gino I en Michella Gessa Ben I en Carolien Savelkoul Leôn I en Micheline Hermans Roger I (Hansen) en Daniëlle Piet I (Wijshoff) en Jolanda Ron I (Mangham) en Anita Arno I (Helgers) en Lizzy Victor I (Duysens) en Saskia Norbert I (Savelkoul) ,Jolanda Guido I (Vliex), Wendy Erik Konings, Nathalie Roel van Didden, Jessie Coenen

Seniorenprins – prinses

Max Mulder en Maria Vencken Sjeng en Lena Dukers Sjear Moors Janna Laumen Sjeng en Truus Schreurs Twan en Lieske Smeets Sjang en Maria Schreurs Tinus Alberts en Bertha Rijck Harie en Trees Reijnen Wiel en Liza Jennen Liza Kreuze Lei en Mia Kriens Gerard en Minie Hoornick Chris en Marie Melsen Charles en Mimi Joosten Corry Hoofwijk (Mina Kiers) Nelly Hoedemakers (Anie Brons) Sjiër en Netta Smeets Wil en Mia Valkenburg Piet en Ciska de Zwart Harrie en Toos Savelkoul Tiny Schoutrop (Mia Kriens) Tiny Smeets-Wesche Theo en Lies Pecher Jo en Fien Nieskens Frans en Yvonne Pernot Jeròme Kriens, Liesel de Vries Zef en Alda Daemen Wiel Savelkoul Jan en Jose Brouwers Wil en Fien Dukers Rene en Elly Krekels

Jeugdprins- prinses Roger van Eijk John Pijnen Ron Colaris Maurits van Gulick en Leonne Moonen Maurice Manders en Jacqueline Ruber Bart Meerstadt en Iris Wenmaekers Maurice Dukers en Peggy Krauth Jacco Kreuze en Rian Gelissen Wolbert Baars en Carla de Bruyn Paul van Kessel en Edith Nakken Roy Brouwers en Linda Tielemans Ron Janssen en Bianca Niessen Erwin Koken en Manon Derhaag Menno Udo en Petra Niessen Bart Heffels en Monique Brohet Thijs Huijbers en Juanita van de Geer Noel Tholen en Judith Mostert Bart Notermans en Yvonne Emans Eric Heffels en Janneke Verjans Paul Helgers en Lianne Renet Koen Savelkoul en Ramona Strijkers Thijs van Didden en Samantha van Hien Niels Kirkels en Stephany van de Geer Joep Muijres en Lieke Hermans Luc Kirkels en Janou Gelissen Martijn Vola en Suzanne Hamers Rene Kitzen en Germaine Claessen Sergio Demandt en Lisa Smeets Yoeri Heyen en Inge van Kleef Roy van Mulken en Maud Meekels Emiel Hoofwijk en Door Savelkoul Wout Houben en Arlet Heyen Bram Ruber en Paulien Voorter Sem Klee en Alita Heijen Marnix Guffens en Maaike Kitzen Thimo de Wit en Guusje Duysens

52

Iërezawpens Jo Janssen Harrie Muurmans Adri Oomens Jeanne Smeets-Spee Jan Korste Wil Nakken Jean Knoors Chel Savelkoul Math Tholen Hub Stans Riet Vos Ger Hoofwijk Arnold Maassen Harie Savelkoul Guus Wijshoff Harie op den Kamp Guus Kitzen Harie Hoofwijk August Thissen Wil Deuss Sjeng vd Bergh Pierre Lumens Lambert Evers Martin Salden Sjeng Reijnen Annie Smeets-Niessen Laura Laumen Ger Driessen Mia Jennen Pieter Meekels Sjra Savelkoul Math Voncken Jan Donners Lou Kirkels Els Donders John Maassen Peter Schoutrop

Gawzekoning Harie Faassen Theo Veeders Bemelmans Pit Smeets Cor Jennen Johan Snijders Harrie Faassen Cor Jennen Cor Jennen Paul Zenden Cor Jennen Peter Emans Peter Emans Norbert Savelkoul ---storm-------golfoorlog--Norbert Savelkoul Piet op den Kamp Piet op den Kamp Piet op den Kamp Cor Donders Leon Mulleners ---ongeval---Paul Zenden Cor Donders Bart Pepels Bart Pepels Paul Zenden Wim Smits Bart Pernot Hen Poulussen Chris Scheepers Chris Scheepers Bart Pernot Afgelast Peter v. d. Klundert


54


"De Zawpens 2012"