Issuu on Google+


Words by HKG'S Kson 好想講一聲 , 對不起 . 不論對自己 , 還是對讀者。 香港人最近議論紛紛既題材 , 我都提不起興趣關注。 幾時都係做自己最好 , 但都總要有點火。 11 年還剩兩個月 , 和我一起燃燒最後的鬥志吧。

Lok 近來身體好到不得了 , 都係泰拳惹的禍 .。自兩個月前 , 接到一個電話 - 友 : 有冇興趣打泰拳 啊 ? 係男仔既角度 , 對於打拳呢樣野係有莫名既吸引力 , 我 : 緊係有喇 , 幾時去報名 ? 邊度 ? 經過一輪搜索之下 , 終於都報左名 , 就咁一打就打左兩個月。 係一個小時裡面 , 感覺熱血到不得了 , 相信男人除左見到索女會有呢種感覺之外 , 當男人見到 個沙包都係會忍唔住想大大力”觸摸佢” , 當你用盡有生以嚟既力量打去沙包個度 , 莫名而 來既叫喊聲會好自然咁發出嚟 , 熱血既感覺相信係由此而嚟。 就係呢種感覺我堅持左兩個月 , 而每一堂既對手都係好唔同 , 雖然係打沙包 , 但係每次沙包都 會好不其然地浮現一個人樣 , 而老板往往都會成為我既 Partner. 所以每當呢一個小時完結後 , 身體雖然會因疲勞而感覺重了很多 , 但係心情卻因此而輕鬆了很多。

Lum 第二期… 由三個無聊人寫嘅無聊事而家可以出到第二期,真係好多謝大家嘅支持,亦都好 抱歉由第一期出書,到我哋籌劃第二期足足有半年,因為我哋三個都喺我事業上各有各忙, 但係亦想每日抽少少時間去搞呢個 Project。可能大家已經忘記我哋呢三個無聊人嘅無聊事, 那怕得一個讀者 , 我哋都會盡心盡力去搞好呢本書。


Cover Story

3C 產品 .

You are the 3C of my eyes.


Olympus u [mju:] Zoom Wide 80 擁有日子 : 1998 年 簡介 : 其 實 當 時 對 攝 影 接 近 一 無 所 知, 拿 上 手,望到想記下的事物,按掣 . 而它也 是如此單純及簡單。但當時粗手粗腳嘅 我都唔太敢經常帶佢出街。

K

Cho

Fujifilm Finepix F402 擁有日子 : 2002 年 簡介 當時相機業開始將電子化普及 , 當時斥巨資購入人生第 一部數碼相機 , 粒 Super CCD 係當時都算係革命性產 品。所以當時對呢部機珍而重之 , 但因為全自動 , 防震 亦唔算太好 , 經常有柏金遜情況出現 , 但佢都幫我記下 好多讀書時期嘅美好時光。

Panasonic LX-3 擁有日子 : 2009 簡介 擁有佢唔係因為佢嘅出色功能甚至 Leica 鏡頭,純粹 有 DC 機皇之稱嘅佢。雖然係拍攝人像方面可以講得 色調方面的確係一絕。係佢令我開始有“帶相機出街


K

's

Nikon Nikkormat EL 擁有日子 : 不明 簡介 : 其實呢部相機係爸爸多出黎嘅“玩具”, 有幸擁有人生第一部單鏡反光鏡,一切 由最基本做起 , 無自動對焦 , 光圈快門 全部係果個小小嘅觀景窗入邊睇晒 , 對 我日後拍攝上邊有好好幫助。

oice

粹覺得佢外型討好,所以購入當時 得上係“古靈精怪”。但拍景物, 街”嘅習慣。

Olympus Pen EP1 擁有日子:2010 年尾 簡介: 始終菲林單鏡反光鏡較重亦唔可以即時 睇到成效,一直想搵一部質素唔錯但可 以易於攜帶嘅相機,所以一直對 M43 相 機趨之若鶩。最後係茫茫機海下,係中 古市場以超低價購入,身邊朋友對我買 入佢都有不少微言,但佢令我不少舊鏡 重生,出黎嘅樣品係令我非常喜歡同滿 意。


Sony Walkman 擁有日子 : 小學雞年代 簡介 : 九十年代初期,仍係小學生嘅我都係用緊當時 所謂嘅 cassette 機聽緊閃電傳真機啲兒歌 , 後期因受到電視廣告同埋同輩朋友影響, 亦都 開始接觸流行音樂。三年級時終於擁有第一部 款式比較新潮嘅「隨身聽」(walkman),因為 Discman 出現己經成為咗當時嘅一大潮物, 我 先可以用比較平嘅價錢買一部「隨身聽」。呢 個名真係改得非常貼切,冇嘢爽得過一路行一 路聽住磁性嘅學友同情深嘅黎明。當聽完 side A,就興高彩烈咁聽埋 side B,聽完 side B想 再一次重溫 side A 嘅時候先記得:係喎!要倒 帶喎!

LU

Cho

Sony Discman 擁有日子 : 初中 簡介 : 到我擁有一部 Discman 嘅時候,我最記得當 時隨身帶住仲有一本入 CD 嘅簿,裡面入住幾 隻 CD,鍾意就換下碟,雖然一部 Discman 再 加 CD 簿 好 重, 但 係 可 以 同 啲 朋 友 仔 交 換 下 CD 聽都幾開心。當時亦都係中國大陸出產翻 版 CD 嘅高峰期。當時最流行佢哋自制嘅什麼 什麼「最新流行歌精選」,二十隻歌嘅 CD 都 係買十蚊,單純的我以為咁平仲係精選真係執 到寶。但係 CD 嘅質數都係同價錢成正比,我 第一部 Discman 就係聽翻版聽到壞咗,買過 當時真真正正體會到咩叫「平嘢冇好」。


UM

oice

's

Sony MD 擁有日子 : 高中 簡介 : MD 機 歷 史 好 短, 因 為 興 咗 幾 年 好 快 就 比 MP3 取締咗,而我喺咁短時間都擁有過兩 部 MD 機。 第 一 部 被 偷, 第 二 部 就 借 咗 比 人一去不復返。印象非常深刻嘅就係,當時 擁有嘅係一部可以錄音嘅 MD 機,我就會 將新買嘅 CD 立即用 MD 機錄成 MD 等第二 日可以有得聽。記得當時有啲 CD 歌與歌之 間嘅停頓時間好長,MD 機可以識分開一隻 隻歌,但係有啲嘅停頓時間好短,如果唔用 手人 cut 歌佢會將成隻 CD 錄為一首歌。而 有完美主意嘅我係唔容許有咁嘅情況出現, 我就會聽住隻 CD 嚟錄 MD,一到啲歌與歌 之間嘅停頓位我就要同時喺 MD 機同 CD 機 “禁”個 stop 制,呢個行為對我嚟講仲緊 張過搶答問題。當有少少錄得唔滿意就會洗 晒隻 MD 重新再錄,就係咁,我可以玩足成 晚都唔瞓。而家睇到成櫃桶都係自己嗰時錄 嘅 MD,但係又唔可以聽返真係有少少感慨。

Apple iPod 擁有日子 : 大專 簡介 : 有「網上下載」嘅時候,冇耐就有 MP3 機出現。 一開始 MP3 機嘅容量好少,得 128MB 同 256MB 左 右, 可 以 入 到 2 0 - 4 0 首 歌。 而 我 擁 有 第 一 部 嘅 MP3 機, 就 係 一 部 Apple 嘅 藍 色 IPod Mini,無可否認 Apple 出產嘅產品真係幾襟,呢 部 IPod Mini 足足陪伴咗我3年讀AD嘅生涯,先 因為叉唔到電先比我淘汰。之後我再換嘅就係用 到而家仲好地地嘅 IPod Classic,我諗我唔到佢壞 嘅一日我都唔到選擇用其他 MP3 機(何況而家冇 咩 MP3 機我覺得好得過 IPod)。


Big Brother 擁有日子 : 不詳 簡介 : 相信呢個名字 , 無人不曉 , 第一代手提電話 , 一 出既時候有邊個唔會係為左呢部電話瘋狂過 , 係十幾年前 , 因為擁有呢部電話既都係江湖中 既大佬 , 所以呢個名亦都因此而嚟 , 而大哥大 既用途亦都好廣泛 , 除左可以打電話之外亦都 可以打架 , 自衛 , 所以江湖大佬亦都極其喜愛 呢部電話 , 簡單 d 嚟講十幾年前有部大哥大傍 身 , 真係吹雞都易好多啦。

LO

Choi

Ericsson T28s 擁有日子 : 中學 簡介 : “回頭便知 , 我心只有你”, 除左你會諗起劉華之外 , 相信 大家都會好記得個一個電視廣告 , 索到爆既關之琳回頭一 望 , 就見到劉華拎住部愛立信手機除左型還是型 而呢個系列既電話除左又係可以打出打入之外 , send 下 message 咁最緊要就係佢所推出既手機係可以有和弦鈴 聲 , 試問係個個年代係條街到聽到有人用緊流行曲做鈴聲 , 個種型棍既感覺係好似你係條街到見到法拉利一樣。


OK

's

Motorla Ten Den Connect 擁有日子 : 不詳 簡介 : 講完劉華既電訊廣告 , 相信大家好快會記得另一個天王 所拍既廣告 -Leon, 係 Leon 未走火入魔之前 , 我一直都 好相信佢呢句說話 – 要贏人 , 先要 ... 係冇錯你以經識 得下一句係咩 , 從當年既阿 May( 經典對白 : 你係邊個? 我係阿MAY!」) 到 Leon 既笨豬跳都係賣緊同一個 系列 - 和記天地線 , 呢部電話係因為當時 D 人買唔起 在當時大哥大還是有錢人的玩意,大部份人都停留係 Call 機既年代所以和記傳訊推出全新既無線電話-- 「天地線」。講真呢部機真係冇咩大功能 , 只得打出打 入 , 但係有左佢就好似 Leon 所講 - 我有佢以經贏哂。

ice

Nokia 8250 擁有日子 : 中學 簡介 : 到左最經典既一部電話 , 據聞當年係可以抄至一萬蚊既流行電 話 -Nokia 8250 手機 . 此機一出真係足以媲美而家既 iPhone, 當 時真係賣到通街都係 , 正正係咁所以唔小人都為左佢出左好多 唔同款既底殼 , 情況就好似而家既 iPhone 一樣 , 而電話本身亦 都因為輕巧既外型 , 令到唔小女士都愛不惜手 , 雖然係個時只得 黑白 Mon, 但係以經好足夠 , 再配埋多和弦鈴聲 , 真係型到冇朋 友 , 我仲記得如果想入歌既 , 係先達你會有一張 List 俾你慢慢搵 添 . 而最正既一樣 , 佢既貪食蛇遊戲到而家玩番都會覺得係一個 經典 , 而我其實真係好想知道究竟呢個世界上面係咪真係可以 有人打爆機呢 ?


FUN PAGE BY: K

香港地少人多 , 生活咁忙 , 捱生捱死都係為層縮水樓 , 轉個身都唔多夠位 提起豪宅 , 唔好話住 , 睇都覺得自己 唔夠身份 . 所以今期 HKG's 首次與 Sevenforum 幾位 幹事做個聯合企劃 . 發掘香港第一個平民豪宅 -- IKEA. 以下係 5 個人住過萬呎屋企嘅體驗 .


故事嘅開端, 由呢四個男人開始.


屋企咁大 , 可以 踢下波 .

又可以扮下才子 , 睇下書 .


訓下呢度又得 .

果度又得 .

點知俾個工人打 PK.


咁大個廚房 , 點可以浪費 .

飲番杯少不免 .


有時都要支持 下兄弟啲新菜 式.

但有時以為自 己真係見得人 時 ....

通常都會出事 .


雖然間屋有成萬 呎 , 但廁所得一 個 , 所以有時都會 出現呢啲狀況 .

做兄弟 , 無計啦 .


因為間屋太大 , 有時都會好隨便咁做啲私事 .

例如 ........


但好景不常 , 自從一個女 人出現 .. .

其中一位住客嘅生活習慣完全被影響 .


佢地係呢度 , 建立屬於佢地嘅時刻 .

直到一個重要時刻 ......


發生咗一件大家 認為係 " 悲劇 " 嘅事 .

但當事人嘅反應 ..........


後記 : 其實今次呢個體驗 , 都好想帶俾 所有為樓所煩嘅香港人 . 不論間 屋大定細 , 最緊要係活得快樂 . 特別鳴謝 : Clement + Max + Cliff@sevenforum, Ada


FUN PAGE BY: LUM

明將敢死隊 ! 「明將壽司」(下稱明將),一間令人又驚又喜嘅 迴轉壽司名店(?)。佢喺香港駐名飲食指南網站 OpenRice 嘅劣評到 2011 年 8 月 3 日止有 104 個,加 上有網上討論區對明將有唔少負面評價,我哋 HKG’s 為了解開明將係唔係傳說中咁難食之謎, 我哋抱 住「死就死啦」嘅心態喺 2011 年 7 年 27 日深入明 將虎穴,一探究竟。


去之前,我哋探討緊我哋 應該去邊間明將進行今次 試食團,經過一番商討, 我哋決定去最出名而且又 係 Gary 充滿初戀回憶嘅西 九龍中心明將 !

當日我哋 7 點多啲去到,見到有唔 少人等位,真係有少少 surprise,但 係諗深一層,相比起出面板 x 壽司 或一般日式放題,閒閒地都要 $120 或以上,以 $46.9 呢個價錢喺晚餐 時間任食壽司都真係幾吸引,而且 食客大部份都係學生,難怪有咁多 負面評價嘅明將咁多年都迄立不 倒。 等咗十幾分鐘,我哋終於有位入去 食,一入去發現原來地方都幾大, 張 迴 轉 枱 好 似 有 幾 個 S 咁。 地 方 同衛生都算企企理理,一入去到坐 低都冇唔「周身唔自在」嘅感覺, 同埋大家對今次「劣食探討」都甚 為緊張,因為山長水遠嚟得明將為 咗咩呀?緊係親身試下鼎鼎大名嘅 「紅豆軍艦」啦!


一坐低,我就發現我哋正正坐咗落「出菜位」,所有啱啱整 好嘅壽司會由我哋邊擺上迴轉枱,所以對於試食同「寫食評」 有一大好處,我哋可以搞住我哋想試嘅嘢第一時間搶到手。 (對於「搶到手」呢個形容詞真係冇用錯,喺我哋食嘢其間 係有唔少人專登走過嚟捕壽司,仲要有某樣佢哋會一次拎幾 碟。)對於要「打大佬」,我哋決定頭幾轉食咗啲「睇落」 穩穩陣陣嘅打一打底先! 這一碟我哋試嘅就 係-鰻魚壽司!睇 落去都正正常常, 食落都係正常口 味,喂!真係同板 x嗰啲差唔多咋 喎!

再嚟呢碟,我見佢好 似奇奇怪怪,好多係 醃蘿蔔咁,但係食落 唔係蘿蔔口感,但係 又爽爽地口,不過味 道真係同個樣一樣咁 奇怪,比較酸。


疑似醃鯖魚壽司,又係酸酸地,好彩食落都知 係魚肉,但紫菜有啲「梅」。

有八爪魚丸!唯一我哋食過嘅熱嘢,呢樣係睇住 師父整嘢,比較食得放心,味道同旺角街邊嗰啲 冇乜分別。


呢碟多春魚壽司,第一次見到已經係4舊放埋一碟!我拎咗 佢落嚟影咗張相再神不知鬼不覺咁擺返上去迴轉台到。後尾 我哋都係決定試一試碟多春魚壽司,再拎嘅時候已經冇4舊 喇。味道非常普通,魚還魚,飯還飯咁,魚仲要係有啲凍同 硬硬地。

又一碟比較有特色嘅產物,雜果沙律軍艦!雜果沙律微溫, 唔知係因為啲飯嘅關係,咪就係沙律醬撈飯咁嘅味囉!


海哲軍艦,外表平平無奇,但係據稱海哲非常有彈 性,「o趙」極都唔斷,口感極似橡筋。

一睇就知係肉鬆軍艦啦,肉鬆太乾,食完仲有啲口乾


食咗一舊先記得要影相嘅八爪魚軍艦,食落口 發現啲八爪魚粒粒都好細粒,而且啲汁都幾 稀。冇耐我發現到原來有位師父仔係不斷將原 本一隻隻嘅八爪魚係咁剪到一粒粒,唔知呢啲 係唔係叫細心呢?


大佬出場~外表比較唔係好見得人嘅紅豆軍艦,味 道亦唔見得人,可以講係冇內涵!紅豆呈起沙狀態, 但係紅豆仍然偏硬,味道淡而無味,加埋嗰一大無 味白飯,就好似兩樣冇關係嘅嘢夾硬放埋一齊,呢 啲咪係「製造到話題,但係擦出唔到火花」囉!


班戟類食品,班戟皮再加雜果沙律餡,我稱之為 「未炸嘅海鮮卷」。

登登登!大家都以為紅豆軍艦係大佬嘅時候,兩位猛男 認為呢碟唔知咩魚嘅壽司先係王道!據知一食落口已經 湧咗一陣酸味出嚟,已經嚇咗一嚇,想用茶去沖一沖口 中嘅酸味時,居然嗰一陣酸味釋放得更強烈,真係食到 佢哋眼突突!佢哋一致認為呢碟係我哋今次試食嘅「劣 食之最」!


同場加映:「國王的壽司」。 食完紅豆軍艦,我哋今次試食之旅正式結束!因為太飽(食 飽加笑飽)枱上仲淨咗兩三舊壽司,叫埋單時個待應一過嚟 就見到我哋仲有嘢未食晒,佢用帶有威脅嘅語氣同我哋講: 「食埋嗰啲先啦!」大家當堂你眼望我眼,其實我哋一坐低 就睇到一個牌寫住:「請勿浪費食物,每件罰款5元。」但 係第一次食晒先可以埋單都係第一次, 埋單人人50蚊,算 啦! 後記: 今次試食之旅我學咗兩樣嘢,第一「勉強冇結果」,第二「可 一,不可再」,講真佢哋啲嘢又唔係真係好差,淨食啲正常 壽司根本都冇乜問題,見到有咁多人仲幫襯就知點解啦,但 係啲「FUSION 壽司」可以嘅就可免則免啦,跟本就係一個非 常勉強嘅組合。未試過嘅人真係可以一試,只要你帶住「冇 乜要求」嘅心態去食,話唔定有意想不到嘅驚喜呢!(但係 sorry,我對食係幾高要求嘅,所以我今次應該係最後一次去明 將)我哋 HKG’s 真係又上寶貴嘅一課。


(C) HKG's 2011, all rights reserved

Contact us http://www.facebook.com/#!/ groups/210004895697219/ or search "HKG's" hkgs.crew@gmail.com


HKG's Vol. 2