HERRI KIROLA
2000 Beti Gaztekoak Munduko 560 kiloko txapelketan irabazi ondotik, podiumera igotzeko esperoan. Bigarren Areso izan zen eta hirugarrena Ingalaterrako Kilroe. Sari gehiago ere jaso zituzten Holandan, baina horretarako ederki sufritu behar izan zuten. Ondoko orrialdeko argazkian, Makatzenekobordako Joxe Telletxea eta Alejo Sarobe ageri dira. beranduago, abenduaren 8an Burlatan jokatutako bigarren saioan lesakarrak gailendu ziren. Honenbertzez, abenduaren 11n Latasan jokatutako azken saiora puntutan berdinduak ailegatu ziren Beti Gazte eta Areso. Azken saioan, lesakarrak nagusitu ziren tiraldi guzietan, Nafarroako hirugarren txapela bururatuz. Azkenik, 560 kiloko txapelketa saio bakarrean jokatu zen, abenduaren 18an Arbizun. Lesakarrak, historian lehen aldiz Nafarroako txapel guziak janzteko intentzioarekin joan ziren eta faboritoak ziren, baina ez zen posible izan. Aresoren kontrako bi tiraldi gogorrak (bortz minutu terdikoa lehendabizikoa eta lau minu-
tutik goitikoa bigarrena) galdu zituzten. Halere, Nafarroako hiru txapel eta azpitxapelketa batekin ekin zion Beti Gaztek 2000. urteko Euskal Herriko txapelketari.
2000.eko Euskal Herriko txapelketan lautik hiru 2000. urteko Euskal Herriko txapelketaren kanporaketa saioetan sasoi bikaina erakutsi zuten Beti Gazteko tiralariek. Pisu guzietan lehiatu ziren lesakarrak eta 560, 600 eta 640 kiloko finaletarako txartelak aisa lortu zituzten. Tiraldi bakar bat galdu zuten 640tan Abadi単oren kontra. 680 kiloko kategorian, berriz, ligaxka moduan jokatu zuten hiru taldek. Azken saioaren faltan dagoeneko segurtatua zuen Beti Gaztek pisu handiko txapela. Betelun egindako azken saioan azkenak izan baziren ere, Euskal Herriko lehen txapela bertan jantzi zuten, otsailaren 13an. Carmelo Mitxelena, Joxe Angel Mitxelena, Jexux Mari Telletxea, Bixente Igartzabal, Be単ardo Iantzi, Eloi Ordoki (Bera), Alejo Sarobe eta Paxkual Tabernak osatu zuten pisu haundiko txapela jantzi zuen zortzikotea. 600 kiloko finalean, aldiz, azpitxapeldun izatearekin konformatu behar izan zuen Beti Gaztek. Aitzineko tiraldi
227