4 Nĩ ndoya uthi waku Albert mũgani ng’ano cia magegania Nĩ ndamũkĩra uthi waku Albert mũcori mbica cia buraciĩ Nĩ ndaarũmia uthi waku Albert mwari wara na karamu Nĩ ndaigua rũrĩa wainĩra Reina Nĩ ndaigua ũrĩa wamũthuthĩra na korathi ya ciugo thuuranĩre Nginya ndaigua ithoga rĩanyungunya ngoro ndoya uthi Kĩigue macokio ma mũturi ũngĩ wa ciugo Haaro ya arebeti nĩ ya ciugo ti ya njũgũma Mĩmemano ya arebeti nĩ mĩmera ya ũrata Arebeti matiũĩ gũteyana mooĩ gũtĩyana Kĩnyũrũrũri kĩa arebeti kĩnyũrũrũkagia mawega Mbaratha ya arebeti ti mbaara nĩ marutia ma mbara nginyo Kwaranĩria kwerirwo nĩ kwendana Albert Wendt mũcori mbica na buraciĩ Albert Wendt mũcori mbica na ciugo Albert Wendt mwarimũ njorua na kĩrĩra Nĩ ndetĩkĩra ithoga rĩaku nĩ ndoya uthi O naaniĩ nĩ ngũrebeta cia mũgũnda ũngĩ Mũgũnda ũrĩa ũrĩmagwo nĩ Njeeri wakwa Mũgũnda ũcio wĩ Abaini Karĩbonia Mũhuro 5 Tuokire Karĩbonia rũgongo rwa macungwa mwaka wa 2002 Tumĩte itũũra rĩa macungwa Niujacĩ mwaka o ũcio Tũkiugĩra ũhoro mĩaka ikũmi ya rũgendo gatagatĩinĩ ka Niwaka na Manihatani Tũgathama nyũmba ya rumu inyanya bara ya Berkeley Orange Gũthamĩra nyũmba ya rumu inya njĩra ya Fuertes Irvine 12
Kaĩ nĩ kĩo kwerirwo Amerika nĩ thĩ igĩrĩ na ya gatatũ ya kagũrani ĩ!