Page 1

www.harpa.is

Hátíð í Hörpu Veislur og veitingar við öll tækifæri


Næsti áfangastaður: Harpa Viltu bóka veislu í Hörpu? Njóta góðra veitinga í einstöku umhverfi — með ógleymanlegu útsýni, framúrskarandi þjónustu og aðstöðu? Harpa er tónlistar- og ráðstefnuhús á heimsmælikvarða, staðsett í hjarta Reykjavíkur. Húsið er glæsileg umgjörð fyrir stóra sem smáa viðburði og býður upp á veisluþjónustu af bestu mögulegu gæðum. Starfsfólk Hörpu leggur metnað sinn í að gera hvern viðburð sem best úr garði og leiðbeina og aðstoða skipuleggjendur á öllum stigum undirbúnings og framkvæmdar. Þú getur verið viss um að viðburðurinn er í góðum höndum í Hörpu.


Fimm salir — ótal möguleikar. Eldborg, Silfurberg, Norðurljós, Björtuloft og Kaldalón.

Silfurberg Silfurberg er stærsti ráðstefnu- og veislusalur Hörpu. Salurinn er útbúinn fyrsta flokks tæknibúnaði og nýtist vel undir stórar veislur. Fyrir utan salinn er rúmgott forrými, Eyri, sem upplagt er fyrir standandi móttökur, eða sem hliðarrými fyrir veislur. Hægt er að skipta salnum í tvennt með hljóð­einangruðum fellivegg fyrir smærri viðburði. Einnig er hægt að vera með stórt svið við enda salarins.

• F  jöldi: 540 manns á hringborðum en 240 ef salnum er skipt í tvennt. 1.100 manns standandi. • Stærð: 735 m2. • Lofthæð: 8,5 m. • Tækni: Sýningartjald 9,9 m × 5,6 m, varpi, fullkomið ljósa- og hljóðkerfi, færanlegt svið og barir.


Norðurljós Norðurljós eru hin fullkomna umgjörð um hverskyns viðburði; morguneða hádegisverðarfundi, kvöldverði, árshátíðir, brúðkaup, móttökur, kynningar eða sýningar. Boðið er upp á fjölbreytta möguleika og uppsetningu eftir þörfum. Ljós er hægt að stilla í ýmsum litbrigðum og skapa þannig viðeigandi stemningu. Tveir inngangar tengja Norðurljós við Silfurberg. Því er mögulegt að samnýta salina fyrir stærri viðburði.

• F  jöldi: Allt að 310 manns í sæti, 650 standandi. • Stærð: 540 m2. • Lofthæð: 12 m. • Tækni: Sýningartjald 6 m × 4.5 m, varpi, færanlegt svið, stillanleg LED-lýsing, fullkomið ljós og hljóðkerfi.


Veisla — á tveimur hæðum. Óvenjuleg og glæsileg umgjörð fyrir veislur, móttökur og fundi.

Björtuloft Björtuloft eru glæsileg umgjörð fyrir veislur, einkasamkvæmi, móttökur og fundi, á tveimur hæðum. Á neðri hæð er bar og útgengi á stórar svalir með einstöku útsýni yfir höfnina og borgina. Á sjöundu hæð er fullkomin sýningaaðstaða. Útsýnið fylgir með. • F  jöldi: 128 manns í sæti, 350 manns standandi á báðum hæðum. • Stærð: 400 m2 (+300 m2 svalir). • Lofthæð: 3,5 m. • Tækni: Sýningartjald, skjávarpi, hljóðkerfi, færanlegt svið, fastur bar.


Opin rými — einstakt útsýni. Njóttu umhverfisins og virtu fyrir þér glerhjúp Hörpu.

Norðurbryggja Norðurbryggja er eitt fegursta rými Hörpu, rólegt og afmarkað, með útsýni yfir skútuhöfnina, Akrafjallið og Esjuna. Hún tekur við af Flóa og eru þessi rými oft notuð saman. Komast þá 800 manns fyrir á hringborðum, sem er upplagt fyrir stærri árshátíðir. Einnig má samnýta Munnhörpuna og rúmar svæðið þá um 1.000 manns. • Fjöldi: 200 í sæti, 450 standandi. • Stærð: 300 m2.


Flói Flói er í aðalrými fyrstu hæðar og hentar vel fyrir móttökur og veisluhöld eða sem sýningarsvæði. Þar er útsýni yfir höfnina, miðborgina og yfir til Esju. Flói tengist Norðurbryggju og því er hægt að samnýta rýmin, auk þess sem möguleiki er á að nýta Munnhörpuna. • Fjöldi: 530 í sæti, 1.200 standandi. • Stærð: 1.000 m2.

Hörpuhorn Hörpuhorn er við glerhjúpinn á annarri hæð og státar af góðri lofthæð, birtu og útsýni yfir miðborgina. Tilvalið fyrir standandi veislur tengdar viðburðum í Eldborg, eða móttökur. • Fjöldi: 500 standandi. • Stærð: 450 m2. Eyri Eyri er glæsilegt rými á annarri hæð Hörpu með stórfenglegt útsýni yfir borgina til vesturs og yfir höfnina. Eyri er ílöng, með mikla lofthæð og liggur samhliða Silfurbergi. • Fjöldi: 150 í sæti, 400 standandi. • Stærð: 300 m2.


Veisluþjónusta Hörpu Veitingarnar eru hjartað og sálin í hverri veislu. Við aðstoðum þig við að útbúa veitingar sem falla að þínum markmiðum og henta hverju sinni. Reynslumiklir matreiðslumenn, úrvals hráefni og sérfræðingar í viðburðastjórnun, tryggja vel heppnaðan viðburð. Í Hörpu starfar einn og sami aðili fyrir veitingastaði, veisluþjónustu og fundaveitingar. Sveigjanleikinn er því mikill og gæðin í sérflokki.


Yfirmatreiðslumeistari Hörpu

Bjarni Gunnar Kristinsson stýrir stóreldhúsi Hörpu. Hann var til margra ára yfirmatreiðslumeistari á Hótel Sögu. Bjarni hefur unnið til fjölda alþjóðlegra verðlauna og unnið sem gestakokkur á virtum veitingahúsum um allan heim. Þá hefur hann komið að gerð fjöl­margra sjónvarpsþátta um matreiðslu.

Bókaðu núna Sendu inn fyrirspurn á netfangið veislur@harpa.is eða hringdu í síma 528-5070.


Harpa er húsið þitt. Láttu eins og þú sért heima hjá þér.

Munnharpan Undir glerhjúp Hörpu liggur Munnharpan, veitingahús og kaffibar með útsýni yfir miðborgina og innsýn í arkitektúrperluna Hörpu. Munnharpan er lifandi veitingastaður, vinsæll fyrir sýningar, í hléi og eftir ýmsa viðburði. Munnhörpu má stundum bóka fyrir einkaviðburði. Þá má nýta Hörputorg, stórt og mikið útisvæði, þar sem hægt er að stilla upp veitingatjöldum.


Kolabrautin Kolabrautin er nútímalegur veitinga­ staður þar sem ítölsk matreiðsla er höfð að leiðarljósi. Kolabrautin státar af eintöku útsýni og tekur allt að 160 manns í sæti. Hún er tilvalin til að snæða fyrir tónleika í Hörpu, fyrir stóra sem smáa hópa. Kolabrautina er einnig hægt að leigja undir einkasamkvæmi.


Fundir í Hörpu Í Hörpu eru glæsileg og vel búin fundarrými af ýmsum stærðum. Ríma á fyrstu hæð er stærst. Það rúmar 120 manns í sæti og því má skipta í tvennt. Vísa og Stemma á fyrstu hæð rúma 20 manns. Þeim má breyta í fjögur minni fundarherbergi. Á fjórðu hæð eru fjögur minni herbergi; Nes, Vík, Vör og Sund sem rúma hvert 8 –12 manns í sæti.  Öll þessi rými eru búin öflugum búnaði, s.s. skjávarpa, fjarfundabúnaði og hljóðkerfi. Einnig eru í boði hinir ýmsu fundarpakkar, sem miðast við a.m.k. átta manns. Verð á fundapökkum eru á harpa.is. Hafið samband við ráðstefnudeild Hörpu í síma 528 5060 eða á netfangið radstefnur@harpa.is til að bóka fund. Innifalið í leigu á fundarrými: • Staðlaður búnaður; flatskjár og tölva eða sýningartjald og skjávarpi, flettiog tússtafla, hljóðkerfi og hljóðnemi • Aðstoð tæknimanns við uppsetningu • Þráðlaust net


Önnur hæð

Silfurberg B

Norðurljós

Silfurberg A Eldborg

Eyri Opið rými

ð

hæ Jarð

Fjórða hæð

ð

ja hæ

Þrið Hörpuhorn Opið rými

2. hæð Jarðhæð

Norðurbryggja Opið rými Starfsmannainngangur

Stemma Ríma A Kaldalón Vísa Ríma B

Flói Opið rými

12Tónar Epal

nur

Ön

ð

Miðasala

Munnharpan

Upplifun Aðalinngangur


www.harpa.is

Harpa tónlistar- og ráðstefnuhúsið í Reykjavík Austurbakki 2 — 101 Reykjavík veislur@harpa.is Sími: 528 5070 Hönnun: Brandenburg Prentun: Prentmet Ljósmyndir: Arnþór Birkisson, Halldór Kristjánsson, Hörður Sveinsson, Vigfús Birgisson, Ozzo www.harpa.is

Profile for Harpa

Hátíð í Hörpu  

Veislur og veitingar við öll tækifæri

Hátíð í Hörpu  

Veislur og veitingar við öll tækifæri

Advertisement